4.4 - Rashmirasi Kshayaya Tva - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨𑌃 - 𑌪𑌞𑍍𑌚𑌮𑌚𑌿𑌤𑌿𑌶𑍇𑌷𑌨𑌿𑌰𑍂𑌪𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌰॒𑌶𑍍𑌮𑌿𑌰॑𑌸𑌿॒ 𑌕𑍍𑌷𑌯𑌾॑𑌯 𑌤𑍍𑌵𑌾॒ 𑌕𑍍𑌷𑌯॑-𑌞𑍍𑌜𑌿𑌨𑍍𑌵॒ 𑌪𑍍𑌰𑍇𑌤𑌿॑𑌰𑌸𑌿॒ 𑌧𑌰𑍍𑌮𑌾॑𑌯 𑌤𑍍𑌵𑌾॒ 𑌧𑌰𑍍𑌮॑-𑌞𑍍𑌜𑌿॒𑌨𑍍𑌵𑌾𑌨𑍍𑌵𑌿॑𑌤𑌿𑌰𑌸𑌿 𑌦𑌿॒𑌵𑍇 𑌤𑍍𑌵𑌾॒ 𑌦𑌿𑌵॑-𑌞𑍍𑌜𑌿𑌨𑍍𑌵 𑌸॒𑌨𑍍𑌧𑌿𑌰॑𑌸𑍍𑌯॒𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷-𑌞𑍍𑌜𑌿𑌨𑍍𑌵 𑌪𑍍𑌰𑌤𑌿॒𑌧𑌿𑌰॑𑌸𑌿 𑌪𑍃𑌥𑌿॒𑌵𑍍𑌯𑍈 𑌤𑍍𑌵𑌾॑ 𑌪𑍃𑌥𑌿॒𑌵𑍀-𑌞𑍍𑌜𑌿॑𑌨𑍍𑌵 𑌵𑌿𑌷𑍍𑌟॒𑌭𑍋𑌂॑-𑌽𑌸𑌿॒ 𑌵𑍃𑌷𑍍𑌟𑍍𑌯𑍈᳚ 𑌤𑍍𑌵𑌾॒ 𑌵𑍃𑌷𑍍𑌟𑌿॑-𑌞𑍍𑌜𑌿𑌨𑍍𑌵 𑌪𑍍𑌰॒𑌵𑌾-𑌽𑌸𑍍𑌯𑌹𑍍𑌨𑍇॒ 𑌤𑍍𑌵𑌾-𑌽𑌹॑𑌰𑍍𑌜𑌿𑌨𑍍𑌵𑌾𑌨𑍁॒ 𑌵𑌾-𑌽𑌸𑌿॒ 𑌰𑌾𑌤𑍍𑌰𑌿॑𑌯𑍈 𑌤𑍍𑌵𑌾॒ 𑌰𑌾𑌤𑍍𑌰𑌿॑-𑌞𑍍𑌜𑌿𑌨𑍍𑌵𑍋॒ 𑌶𑌿𑌗॑𑌸𑌿॒ [𑌰𑌾𑌤𑍍𑌰𑌿॑-𑌞𑍍𑌜𑌿𑌨𑍍𑌵𑍋॒ 𑌶𑌿𑌗॑𑌸𑌿, 𑌵𑌸𑍁॑𑌭𑍍𑌯𑌸𑍍𑌤𑍍𑌵𑌾॒] 1

𑌵𑌸𑍁॑𑌭𑍍𑌯𑌸𑍍𑌤𑍍𑌵𑌾॒ 𑌵𑌸𑍂᳚𑌞𑍍𑌜𑌿𑌨𑍍𑌵 𑌪𑍍𑌰𑌕𑍇॒𑌤𑍋॑-𑌽𑌸𑌿 𑌰𑍁॒𑌦𑍍𑌰𑍇𑌭𑍍𑌯॑𑌸𑍍𑌤𑍍𑌵𑌾 𑌰𑍁॒𑌦𑍍𑌰𑌾𑌞𑍍𑌜𑌿॑𑌨𑍍𑌵 𑌸𑍁𑌦𑍀॒𑌤𑌿𑌰॑𑌸𑍍𑌯𑌾𑌦𑌿॒𑌤𑍍𑌯𑍇𑌭𑍍𑌯॑𑌸𑍍𑌤𑍍𑌵𑌾 𑌽𑌽𑌦𑌿॒𑌤𑍍𑌯𑌾𑌞𑍍𑌜𑌿॒𑌨𑍍𑌵𑍗𑌜𑍋॑-𑌽𑌸𑌿 𑌪𑌿॒𑌤𑍃𑌭𑍍𑌯॑𑌸𑍍𑌤𑍍𑌵𑌾 𑌪𑌿॒𑌤𑍄𑌞𑍍𑌜𑌿॑𑌨𑍍𑌵॒ 𑌤𑌨𑍍𑌤𑍁॑𑌰𑌸𑌿 𑌪𑍍𑌰॒𑌜𑌾𑌭𑍍𑌯॑𑌸𑍍𑌤𑍍𑌵𑌾 𑌪𑍍𑌰॒𑌜𑌾 𑌜𑌿॑𑌨𑍍𑌵 𑌪𑍃𑌤𑌨𑌾॒𑌷𑌾𑌡॑𑌸𑌿 𑌪॒𑌶𑍁𑌭𑍍𑌯॑𑌸𑍍𑌤𑍍𑌵𑌾 𑌪॒𑌶𑍂𑌞𑍍𑌜𑌿॑𑌨𑍍𑌵 𑌰𑍇॒𑌵𑌦॒𑌸𑍍𑌯𑍋𑌷॑𑌧𑍀𑌭𑍍𑌯॒-𑌸𑍍𑌤𑍍𑌵𑍗𑌷॑𑌧𑍀-𑌰𑍍𑌜𑌿𑌨𑍍𑌵𑌾𑌭𑌿॒𑌜𑌿𑌦॑𑌸𑌿 𑌯𑍁॒𑌕𑍍𑌤𑌗𑍍𑌰𑌾॒𑌵𑍇𑌨𑍍𑌦𑍍𑌰𑌾॑𑌯॒ 𑌤𑍍𑌵𑍇𑌨𑍍𑌦𑍍𑌰॑-𑌞𑍍𑌜𑌿॒𑌨𑍍𑌵𑌾𑌧𑌿॑𑌪𑌤𑌿𑌰𑌸𑌿 𑌪𑍍𑌰𑌾॒𑌣𑌾𑌯॑ [𑌪𑍍𑌰𑌾॒𑌣𑌾𑌯॑, 𑌤𑍍𑌵𑌾॒ 𑌪𑍍𑌰𑌾॒𑌣-𑌞𑍍𑌜𑌿॑𑌨𑍍𑌵] 2

𑌤𑍍𑌵𑌾 𑌪𑍍𑌰𑌾॒𑌣-𑌞𑍍𑌜𑌿॑𑌨𑍍𑌵 𑌯॒𑌨𑍍𑌤𑌾-𑌽𑌸𑍍𑌯॑𑌪𑌾॒𑌨𑌾𑌯॑ 𑌤𑍍𑌵𑌾-𑌽𑌪𑌾॒𑌨-𑌞𑍍𑌜𑌿॑𑌨𑍍𑌵 𑌸॒𑌗𑍍𑌂॒𑌸𑌰𑍍𑌪𑍋॑-𑌽𑌸𑌿॒ 𑌚𑌕𑍍𑌷𑍁॑𑌷𑍇 𑌤𑍍𑌵𑌾॒ 𑌚𑌕𑍍𑌷𑍁॑𑌰𑍍𑌜𑌿𑌨𑍍𑌵 𑌵𑌯𑍋॒𑌧𑌾 𑌅॑𑌸𑌿॒ 𑌶𑍍𑌰𑍋𑌤𑍍𑌰𑌾॑𑌯 𑌤𑍍𑌵𑌾॒ 𑌶𑍍𑌰𑍋𑌤𑍍𑌰॑-𑌞𑍍𑌜𑌿𑌨𑍍𑌵 𑌤𑍍𑌰𑌿॒𑌵𑍃𑌦॑𑌸𑌿 𑌪𑍍𑌰॒𑌵𑍃𑌦॑𑌸𑌿 𑌸𑌂॒𑌵𑍃𑌁𑌦॑𑌸𑌿 𑌵𑌿॒𑌵𑍃𑌦॑𑌸𑌿 𑌸𑌗𑍍𑌂𑌰𑍋॒𑌹𑍋॑-𑌽𑌸𑌿 𑌨𑍀𑌰𑍋॒𑌹𑍋॑-𑌽𑌸𑌿 𑌪𑍍𑌰𑌰𑍋॒𑌹𑍋᳚-𑌽𑌸𑍍𑌯𑌨𑍁𑌰𑍋॒𑌹𑍋॑-𑌽𑌸𑌿 𑌵𑌸𑍁॒𑌕𑍋॑-𑌽𑌸𑌿॒ 𑌵𑍇𑌷॑𑌶𑍍𑌰𑌿𑌰𑌸𑌿॒ 𑌵𑌸𑍍𑌯॑𑌷𑍍𑌟𑌿𑌰𑌸𑌿 ॥ 3 ॥

(𑌉॒𑌶𑌿𑌗॑𑌸𑌿 - 𑌪𑍍𑌰𑌾॒𑌣𑌾𑌯॒ - 𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 1)

𑌰𑌾𑌜𑍍𑌞𑍍𑌯॑𑌸𑌿॒ 𑌪𑍍𑌰𑌾𑌚𑍀॒ 𑌦𑌿𑌗𑍍𑌵𑌸॑𑌵𑌸𑍍𑌤𑍇 𑌦𑍇॒𑌵𑌾 𑌅𑌧𑌿॑𑌪𑌤𑌯𑍋॒-𑌽𑌗𑍍𑌨𑌿𑌰𑍍𑌹𑍇॑𑌤𑍀॒𑌨𑌾-𑌮𑍍𑌪𑍍𑌰॑𑌤𑌿𑌧॒𑌰𑍍𑌤𑌾॑ 𑌤𑍍𑌰𑌿॒𑌵𑍃-𑌤𑍍𑌤𑍍𑌵𑌾॒ 𑌸𑍍𑌤𑍋𑌮𑌃॑ 𑌪𑍃𑌥𑌿॒𑌵𑍍𑌯𑌾𑌗𑍍 𑌶𑍍𑌰॑𑌯॒𑌤𑍍𑌵𑌾𑌜𑍍𑌯॑-𑌮𑍁॒𑌕𑍍𑌥𑌮𑌵𑍍𑌯॑𑌥𑌯-𑌥𑍍𑌸𑍍𑌤𑌭𑍍𑌨𑌾𑌤𑍁 𑌰𑌥𑌨𑍍𑌤॒𑌰𑌗𑍍𑌂 𑌸𑌾𑌮॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌵𑌿॒𑌰𑌾𑌡॑𑌸𑌿 𑌦𑌕𑍍𑌷𑌿॒𑌣𑌾 𑌦𑌿𑌗𑍍𑌰𑍁॒𑌦𑍍𑌰𑌾𑌸𑍍𑌤𑍇॑ 𑌦𑍇॒𑌵𑌾 𑌅𑌧𑌿॑𑌪𑌤𑌯॒ 𑌇𑌨𑍍𑌦𑍍𑌰𑍋॑ 𑌹𑍇𑌤𑍀॒𑌨𑌾-𑌮𑍍𑌪𑍍𑌰॑𑌤𑌿𑌧॒𑌰𑍍𑌤𑌾 𑌪॑𑌞𑍍𑌚𑌦॒𑌶𑌸𑍍𑌤𑍍𑌵𑌾॒ 𑌸𑍍𑌤𑍋𑌮𑌃॑ 𑌪𑍃𑌥𑌿॒𑌵𑍍𑌯𑌾𑌗𑍍 𑌶𑍍𑌰॑𑌯𑌤𑍁॒ 𑌪𑍍𑌰-𑌉॑𑌗𑌮𑍁॒𑌕𑍍𑌥-𑌮𑌵𑍍𑌯॑𑌥𑌯-𑌥𑍍𑌸𑍍𑌤𑌭𑍍𑌨𑌾𑌤𑍁 𑌬𑍃॒𑌹-𑌥𑍍𑌸𑌾𑌮॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌸॒𑌮𑍍𑌰𑌾𑌡॑𑌸𑌿 𑌪𑍍𑌰॒𑌤𑍀𑌚𑍀॒ 𑌦𑌿- [𑌦𑌿𑌕𑍍, 𑌆॒𑌦𑌿॒𑌤𑍍𑌯𑌾𑌸𑍍𑌤𑍇॑] 4

-𑌗𑌾॑𑌦𑌿॒𑌤𑍍𑌯𑌾𑌸𑍍𑌤𑍇॑ 𑌦𑍇॒𑌵𑌾 𑌅𑌧𑌿॑𑌪𑌤𑌯॒-𑌸𑍍𑌸𑍋𑌮𑍋॑ 𑌹𑍇𑌤𑍀॒𑌨𑌾-𑌮𑍍𑌪𑍍𑌰॑𑌤𑌿𑌧॒𑌰𑍍𑌤𑌾 𑌸॑𑌪𑍍𑌤𑌦॒𑌶𑌸𑍍𑌤𑍍𑌵𑌾॒ 𑌸𑍍𑌤𑍋𑌮𑌃॑ 𑌪𑍃𑌥𑌿॒𑌵𑍍𑌯𑌾𑌗𑍍 𑌶𑍍𑌰॑𑌯𑌤𑍁 𑌮𑌰𑍁𑌤𑍍𑌵॒𑌤𑍀𑌯॑𑌮𑍁॒𑌕𑍍𑌥-𑌮𑌵𑍍𑌯॑𑌥𑌯-𑌥𑍍𑌸𑍍𑌤𑌭𑍍𑌨𑌾𑌤𑍁 𑌵𑍈𑌰𑍂॒𑌪𑌗𑍍𑌂 𑌸𑌾𑌮॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾𑌯𑍈 𑌸𑍍𑌵॒𑌰𑌾𑌡॒𑌸𑍍𑌯𑍁𑌦𑍀॑𑌚𑍀॒ 𑌦𑌿𑌗𑍍 𑌵𑌿𑌶𑍍𑌵𑍇॑ 𑌤𑍇 𑌦𑍇॒𑌵𑌾 𑌅𑌧𑌿॑𑌪𑌤𑌯𑍋॒ 𑌵𑌰𑍁॑𑌣𑍋 𑌹𑍇𑌤𑍀॒𑌨𑌾-𑌮𑍍𑌪𑍍𑌰॑𑌤𑌿𑌧॒𑌰𑍍𑌤𑍈𑌕॑𑌵𑌿॒𑌗𑍍𑌂॒𑌶 𑌸𑍍𑌤𑍍𑌵𑌾॒ 𑌸𑍍𑌤𑍋𑌮𑌃॑ 𑌪𑍃𑌥𑌿॒𑌵𑍍𑌯𑌾𑌗𑍍 𑌶𑍍𑌰॑𑌯𑌤𑍁॒ 𑌨𑌿𑌷𑍍𑌕𑍇॑𑌵𑌲𑍍𑌯-𑌮𑍁॒𑌕𑍍𑌥𑌮𑌵𑍍𑌯॑𑌥𑌯-𑌥𑍍𑌸𑍍𑌤𑌭𑍍𑌨𑌾𑌤𑍁 𑌵𑍈𑌰𑌾॒𑌜𑌗𑍍𑌂 𑌸𑌾𑌮॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌅𑌧𑌿॑𑌪𑌤𑍍𑌨𑍍𑌯𑌸𑌿 𑌬𑍃𑌹॒𑌤𑍀 𑌦𑌿𑌮𑍍𑌮॒𑌰𑍁𑌤॑𑌸𑍍𑌤𑍇 𑌦𑍇॒𑌵𑌾 𑌅𑌧𑌿॑𑌪𑌤𑌯𑍋॒ [𑌅𑌧𑌿॑𑌪𑌤𑌯𑌃, 𑌬𑍃𑌹॒𑌸𑍍𑌪𑌤𑌿॑𑌰𑍍𑌹𑍇𑌤𑍀॒-] 5

𑌬𑍃𑌹॒𑌸𑍍𑌪𑌤𑌿॑𑌰𑍍𑌹𑍇𑌤𑍀॒𑌨𑌾-𑌮𑍍𑌪𑍍𑌰॑𑌤𑌿𑌧॒𑌰𑍍𑌤𑌾 𑌤𑍍𑌰𑌿॑𑌣𑌵𑌤𑍍𑌰𑌯𑌸𑍍𑌤𑍍𑌰𑌿॒𑌗𑍍𑌂॒𑌶𑍗 𑌤𑍍𑌵𑌾॒ 𑌸𑍍𑌤𑍋𑌮𑍗॑ 𑌪𑍃𑌥𑌿॒𑌵𑍍𑌯𑌾𑌗𑍍 𑌶𑍍𑌰॑𑌯𑌤𑌾𑌂-𑌵𑍈𑌁𑌶𑍍𑌵𑌦𑍇𑌵𑌾𑌗𑍍𑌨𑌿𑌮𑌾𑌰𑍁॒𑌤𑍇 𑌉॒𑌕𑍍𑌥𑍇 𑌅𑌵𑍍𑌯॑𑌥𑌯𑌨𑍍𑌤𑍀 𑌸𑍍𑌤𑌭𑍍𑌨𑍀𑌤𑌾𑌗𑍍𑌂 𑌶𑌾𑌕𑍍𑌵𑌰𑌰𑍈𑌵॒𑌤𑍇 𑌸𑌾𑌮॑𑌨𑍀॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅॒𑌨𑍍𑌤𑌰𑌿॑𑌕𑍍𑌷𑌾॒𑌯𑌰𑍍𑌷॑𑌯𑌸𑍍𑌤𑍍𑌵𑌾 𑌪𑍍𑌰𑌥𑌮॒𑌜𑌾 𑌦𑍇॒𑌵𑍇𑌷𑍁॑ 𑌦𑌿॒𑌵𑍋 𑌮𑌾𑌤𑍍𑌰॑𑌯𑌾 𑌵𑌰𑌿॒𑌣𑌾 𑌪𑍍𑌰॑𑌥𑌨𑍍𑌤𑍁 𑌵𑌿𑌧॒𑌰𑍍𑌤𑌾 𑌚𑌾॒𑌯𑌮𑌧𑌿॑𑌪𑌤𑌿𑌶𑍍𑌚॒ 𑌤𑍇 𑌤𑍍𑌵𑌾॒ 𑌸𑌰𑍍𑌵𑍇॑ 𑌸𑌂𑌵𑌿𑌁𑌦𑌾॒𑌨𑌾 𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑍇 𑌸𑍁॑𑌵॒𑌰𑍍𑌗𑍇 𑌲𑍋॒𑌕𑍇 𑌯𑌜॑𑌮𑌾𑌨-𑌞𑍍𑌚 𑌸𑌾𑌦𑌯𑌨𑍍𑌤𑍁 ॥ 6 ॥

(𑌪𑍍𑌰॒𑌤𑍀𑌚𑍀॒ 𑌦𑌿𑌂 - 𑌮॒𑌰𑍁𑌤॑𑌸𑍍𑌤𑍇 𑌦𑍇॒𑌵𑌾 𑌅𑌧𑌿॑𑌪𑌤𑌯 - 𑌶𑍍𑌚𑌤𑍍𑌵𑌾𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 2)

𑌅॒𑌯-𑌮𑍍𑌪𑍁॒𑌰𑍋 𑌹𑌰𑌿॑𑌕𑍇𑌶॒-𑌸𑍍𑌸𑍂𑌰𑍍𑌯॑𑌰𑌶𑍍𑌮𑌿॒𑌸𑍍𑌤𑌸𑍍𑌯॑ 𑌰𑌥𑌗𑍃॒𑌥𑍍𑌸𑌶𑍍𑌚॒ 𑌰𑌥𑍗॑𑌜𑌾𑌶𑍍𑌚 𑌸𑍇𑌨𑌾𑌨𑌿 𑌗𑍍𑌰𑌾𑌮॒𑌣𑍍𑌯𑍗॑ 𑌪𑍁𑌞𑍍𑌜𑌿𑌕𑌸𑍍𑌥॒𑌲𑌾 𑌚॑ 𑌕𑍃𑌤𑌸𑍍𑌥॒𑌲𑌾 𑌚𑌾᳚𑌫𑍍𑌸॒𑌰𑌸𑍗॑ 𑌯𑌾𑌤𑍁॒𑌧𑌾𑌨𑌾॑ 𑌹𑍇॒𑌤𑍀 𑌰𑌕𑍍𑌷𑌾𑌗𑍍𑌂॑𑌸𑌿॒ 𑌪𑍍𑌰𑌹𑍇॑𑌤𑌿 𑌰॒𑌯-𑌨𑍍𑌦॑𑌕𑍍𑌷𑌿॒𑌣𑌾 𑌵𑌿॒𑌶𑍍𑌵 𑌕॑𑌰𑍍𑌮𑌾॒ 𑌤𑌸𑍍𑌯॑ 𑌰𑌥𑌸𑍍𑌵॒𑌨𑌶𑍍𑌚॒ 𑌰𑌥𑍇॑𑌚𑌿𑌤𑍍𑌰𑌶𑍍𑌚 𑌸𑍇𑌨𑌾𑌨𑌿 𑌗𑍍𑌰𑌾𑌮॒𑌣𑍍𑌯𑍗॑ 𑌮𑍇𑌨॒𑌕𑌾 𑌚॑ 𑌸𑌹𑌜॒𑌨𑍍𑌯𑌾 𑌚𑌾᳚𑌫𑍍𑌸॒𑌰𑌸𑍗॑ 𑌦𑌂॒𑌣𑌵𑌃॑ 𑌪॒𑌶𑌵𑍋॑ 𑌹𑍇॒𑌤𑌿𑌃 𑌪𑍗𑌰𑍁॑𑌷𑍇𑌯𑍋 𑌵॒𑌧𑌃 𑌪𑍍𑌰𑌹𑍇॑𑌤𑌿 𑌰॒𑌯-𑌮𑍍𑌪॒𑌶𑍍𑌚𑌾-𑌦𑍍𑌵𑌿॒𑌶𑍍𑌵𑌵𑍍𑌯॑𑌚𑌾॒ 𑌸𑍍𑌤𑌸𑍍𑌯॒ 𑌰𑌥॑ 𑌪𑍍𑌰𑍋𑌤॒𑌶𑍍𑌚𑌾-𑌸॑𑌮𑌰𑌥𑌶𑍍𑌚 𑌸𑍇𑌨𑌾𑌨𑌿 𑌗𑍍𑌰𑌾𑌮॒𑌣𑍍𑌯𑍗᳚ 𑌪𑍍𑌰॒𑌮𑍍𑌲𑍋𑌚॑𑌨𑍍𑌤𑍀 𑌚𑌾- [𑌪𑍍𑌰॒𑌮𑍍𑌲𑍋𑌚॑𑌨𑍍𑌤𑍀 𑌚, 𑌅॒𑌨𑍁॒𑌮𑍍𑌲𑍋𑌚॑𑌨𑍍𑌤𑍀-] 7

-𑌽𑌨𑍁॒𑌮𑍍𑌲𑍋𑌚॑𑌨𑍍𑌤𑍀-𑌚𑌾𑌫𑍍𑌸॒𑌰𑌸𑍗॑ 𑌸॒𑌰𑍍𑌪𑌾 𑌹𑍇॒𑌤𑌿 𑌰𑍍𑌵𑍍𑌯𑌾॒𑌘𑍍𑌰𑌾𑌃 𑌪𑍍𑌰𑌹𑍇॑𑌤𑌿 𑌰॒𑌯 𑌮𑍁॑𑌤𑍍𑌤॒𑌰𑌾-𑌥𑍍𑌸𑌂॒𑌯ఁ%𑌦𑍍- 𑌵॑𑌸𑍁॒𑌸𑍍𑌤𑌸𑍍𑌯॑ 𑌸𑍇𑌨॒𑌜𑌿𑌚𑍍𑌚॑ 𑌸𑍁॒𑌷𑍇𑌣॑𑌶𑍍𑌚 𑌸𑍇𑌨𑌾𑌨𑌿 𑌗𑍍𑌰𑌾𑌮॒𑌣𑍍𑌯𑍗॑ 𑌵𑌿॒𑌶𑍍𑌵𑌾𑌚𑍀॑ 𑌚 𑌘𑍃॒𑌤𑌾𑌚𑍀॑ 𑌚𑌾𑌫𑍍𑌸॒𑌰𑌸𑌾॒ 𑌵𑌾𑌪𑍋॑ 𑌹𑍇॒𑌤𑌿 𑌰𑍍𑌵𑌾𑌤𑌃॒ 𑌪𑍍𑌰𑌹𑍇॑𑌤𑌿 𑌰॒𑌯𑌮𑍁॒𑌪𑌰𑍍𑌯॒ 𑌰𑍍𑌵𑌾𑌗𑍍𑌵॑-𑌸𑍁॒𑌸𑍍𑌤𑌸𑍍𑌯॒ 𑌤𑌾𑌰𑍍𑌕𑍍𑌷𑍍𑌯॒-𑌶𑍍𑌚𑌾𑌰𑌿॑𑌷𑍍𑌟-𑌨𑍇𑌮𑌿𑌶𑍍𑌚 𑌸𑍇𑌨𑌾𑌨𑌿 𑌗𑍍𑌰𑌾𑌮॒𑌣𑍍𑌯𑌾॑ 𑌵𑍁॒𑌰𑍍𑌵𑌶𑍀॑ 𑌚 𑌪𑍂॒𑌰𑍍𑌵𑌚𑌿॑𑌤𑍍𑌤𑌿𑌶𑍍𑌚𑌾-𑌫𑍍𑌸॒𑌰𑌸𑍗॑ 𑌵𑌿॒𑌦𑍍𑌯𑍁𑌦𑍍𑌧𑍇॒𑌤𑌿𑌰॑-𑌵॒𑌸𑍍𑌫𑍂𑌰𑍍𑌜॒-𑌨𑍍𑌪𑍍𑌰𑌹𑍇॑𑌤𑌿॒ 𑌸𑍍𑌤𑍇𑌭𑍍𑌯𑍋॒ 𑌨𑌮॒𑌸𑍍𑌤𑍇 𑌨𑍋॑ 𑌮𑍃𑌡𑌯𑌨𑍍𑌤𑍁॒ 𑌤𑍇 𑌯- [𑌤𑍇 𑌯𑌮𑍍, 𑌦𑍍𑌵𑌿॒𑌷𑍍𑌮𑍋] 8

-𑌨𑍍𑌦𑍍𑌵𑌿॒𑌷𑍍𑌮𑍋 𑌯𑌶𑍍𑌚॑ 𑌨𑍋॒ 𑌦𑍍𑌵𑍇𑌷𑍍𑌟𑌿॒ 𑌤𑌂-𑌵𑍋𑌁॒ 𑌜𑌮𑍍𑌭𑍇॑ 𑌦𑌧𑌾𑌮𑍍𑌯𑌾॒𑌯𑍋𑌸𑍍𑌤𑍍𑌵𑌾॒ 𑌸𑌦॑𑌨𑍇 𑌸𑌾𑌦𑌯𑌾॒𑌮𑍍𑌯𑌵॑𑌤 𑌶𑍍𑌛𑌾॒𑌯𑌾𑌯𑌾॒-𑌨𑍍𑌨𑌮𑌃॑ 𑌸𑌮𑍁॒𑌦𑍍𑌰𑌾𑌯॒ 𑌨𑌮𑌃॑ 𑌸𑌮𑍁॒𑌦𑍍𑌰𑌸𑍍𑌯॒ 𑌚𑌕𑍍𑌷॑𑌸𑍇 𑌪𑌰𑌮𑍇॒𑌷𑍍𑌠𑍀 𑌤𑍍𑌵𑌾॑ 𑌸𑌾𑌦𑌯𑌤𑍁 𑌦𑌿॒𑌵𑌃 𑌪𑍃॒𑌷𑍍𑌠𑍇 𑌵𑍍𑌯𑌚॑𑌸𑍍𑌵𑌤𑍀॒-𑌮𑍍𑌪𑍍𑌰𑌥॑𑌸𑍍𑌵𑌤𑍀𑌂-𑌵𑌿𑌁॒𑌭𑍂𑌮॑𑌤𑍀-𑌮𑍍𑌪𑍍𑌰॒𑌭𑍂𑌮॑𑌤𑍀-𑌮𑍍𑌪𑌰𑌿॒𑌭𑍂𑌮॑𑌤𑍀॒-𑌨𑍍𑌦𑌿𑌵𑌂॑-𑌯𑌁𑌚𑍍𑌛॒ 𑌦𑌿𑌵॑-𑌨𑍍𑌦𑍃𑌗𑍍𑌂𑌹॒ 𑌦𑌿𑌵॒-𑌮𑍍𑌮𑌾 𑌹𑌿𑌗𑍍𑌂॑𑌸𑍀॒𑌰𑍍𑌵𑌿𑌶𑍍𑌵॑𑌸𑍍𑌮𑍈 𑌪𑍍𑌰𑌾॒𑌣𑌾𑌯𑌾॑𑌪𑌾॒𑌨𑌾𑌯॑ 𑌵𑍍𑌯𑌾॒𑌨𑌾𑌯𑍋॑𑌦𑌾॒𑌨𑌾𑌯॑ 𑌪𑍍𑌰𑌤𑌿॒𑌷𑍍𑌠𑌾𑌯𑍈॑ 𑌚॒𑌰𑌿𑌤𑍍𑌰𑌾॑𑌯॒ 𑌸𑍂𑌰𑍍𑌯॑𑌸𑍍𑌤𑍍𑌵𑌾॒-𑌽𑌭𑌿 𑌪𑌾॑𑌤𑍁 𑌮॒𑌹𑍍𑌯𑌾 𑌸𑍍𑌵॒𑌸𑍍𑌤𑍍𑌯𑌾 𑌛॒𑌰𑍍𑌦𑌿𑌷𑌾॒ 𑌶𑌨𑍍𑌤॑𑌮𑍇𑌨॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 𑌪𑍍𑌰𑍋𑌥॒𑌦𑌶𑍍𑌵𑍋॒ 𑌨 𑌯𑌵॑𑌸𑍇 𑌅𑌵𑌿॒𑌷𑍍𑌯𑌨𑍍. 𑌯॒𑌦𑌾 𑌮॒𑌹-𑌸𑍍𑌸॒𑌁𑌵𑌰॑𑌣𑌾॒-𑌦𑍍𑌵𑍍𑌯𑌸𑍍𑌥𑌾᳚𑌤𑍍 । 𑌆𑌦॑𑌸𑍍𑌯॒ 𑌵𑌾𑌤𑍋॒ 𑌅𑌨𑍁॑ 𑌵𑌾𑌤𑌿 𑌶𑍋॒𑌚𑌿𑌰𑌧॑ 𑌸𑍍𑌮 𑌤𑍇॒ 𑌵𑍍𑌰𑌜॑𑌨-𑌙𑍍𑌕𑍃॒𑌷𑍍𑌣𑌮॑𑌸𑍍𑌤𑌿 ॥ 9 ॥

(𑌪𑍍𑌰॒𑌮𑍍𑌲𑍋𑌚॑𑌨𑍍𑌤𑍀 𑌚॒ - 𑌯𑌗𑍍𑌗𑍍 - 𑌸𑍍𑌵॒𑌸𑍍𑌤𑍍𑌯𑌾 - 𑌽𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 3)

𑌅॒𑌗𑍍𑌨𑌿𑌰𑍍𑌮𑍂॒𑌰𑍍𑌧𑌾 𑌦𑌿॒𑌵𑌃 𑌕॒𑌕𑍁-𑌤𑍍𑌪𑌤𑌿𑌃॑ 𑌪𑍃𑌥𑌿॒𑌵𑍍𑌯𑌾 𑌅॒𑌯𑌮𑍍 । 𑌅॒𑌪𑌾𑌗𑍍𑌂 𑌰𑍇𑌤𑌾𑌗𑍍𑌂॑𑌸𑌿 𑌜𑌿𑌨𑍍𑌵𑌤𑌿 ॥ 𑌤𑍍𑌵𑌾𑌮॑𑌗𑍍𑌨𑍇॒ 𑌪𑍁𑌷𑍍𑌕॑𑌰𑌾॒𑌦𑌦𑍍𑌧𑍍𑌯𑌥॑𑌰𑍍𑌵𑌾॒ 𑌨𑌿𑌰॑𑌮𑌨𑍍𑌥𑌤 । 𑌮𑍂॒𑌰𑍍𑌧𑍍𑌨𑍋 𑌵𑌿𑌶𑍍𑌵॑𑌸𑍍𑌯 𑌵𑌾॒𑌘𑌤𑌃॑ ॥ 𑌅॒𑌯𑌮॒𑌗𑍍𑌨𑌿-𑌸𑍍𑌸॑𑌹॒𑌸𑍍𑌰𑌿𑌣𑍋॒ 𑌵𑌾𑌜॑𑌸𑍍𑌯 𑌶॒𑌤𑌿𑌨॒𑌸𑍍𑌪𑌤𑌿𑌃॑ । 𑌮𑍂॒𑌰𑍍𑌧𑌾 𑌕॒𑌵𑍀 𑌰॑𑌯𑍀॒𑌣𑌾𑌮𑍍 ॥ 𑌭𑍁𑌵𑍋॑ 𑌯॒𑌜𑍍𑌞𑌸𑍍𑌯॒ 𑌰𑌜॑𑌸𑌶𑍍𑌚 𑌨𑍇॒𑌤𑌾 𑌯𑌤𑍍𑌰𑌾॑ 𑌨𑌿॒𑌯𑍁𑌦𑍍𑌭𑌿॒-𑌸𑍍𑌸𑌚॑𑌸𑍇 𑌶𑌿॒𑌵𑌾𑌭𑌿𑌃॑ । 𑌦𑌿॒𑌵𑌿 𑌮𑍂॒𑌰𑍍𑌧𑌾𑌨॑-𑌨𑍍𑌦𑌧𑌿𑌷𑍇 𑌸𑍁𑌵॒𑌰𑍍॒𑌷𑌾-𑌞𑍍𑌜𑌿॒𑌹𑍍𑌵𑌾𑌮॑𑌗𑍍𑌨𑍇 𑌚𑌕𑍃𑌷𑍇 𑌹𑌵𑍍𑌯॒𑌵𑌾𑌹᳚𑌮𑍍 ॥ 𑌅𑌬𑍋᳚𑌦𑍍𑌧𑍍𑌯॒𑌗𑍍𑌨𑌿-𑌸𑍍𑌸॒𑌮𑌿𑌧𑌾॒ 𑌜𑌨𑌾॑𑌨𑌾॒- [𑌜𑌨𑌾॑𑌨𑌾𑌮𑍍, 𑌪𑍍𑌰𑌤𑌿॑] 10

-𑌮𑍍𑌪𑍍𑌰𑌤𑌿॑ 𑌧𑍇॒𑌨𑍁𑌮𑌿॑𑌵𑌾 𑌯॒𑌤𑍀𑌮𑍁॒𑌷𑌾𑌸᳚𑌮𑍍 । 𑌯॒𑌹𑍍𑌵𑌾 𑌇॑𑌵॒ 𑌪𑍍𑌰𑌵॒𑌯𑌾 𑌮𑍁॒𑌜𑍍𑌜𑌿𑌹𑌾॑𑌨𑌾𑌃॒ 𑌪𑍍𑌰 𑌭𑌾॒𑌨𑌵𑌃॑ 𑌸𑌿𑌸𑍍𑌰𑌤𑍇॒ 𑌨𑌾𑌕॒𑌮𑌚𑍍𑌛॑ ॥ 𑌅𑌵𑍋॑𑌚𑌾𑌮 𑌕॒𑌵𑌯𑍇॒ 𑌮𑍇𑌦𑍍𑌧𑍍𑌯𑌾॑𑌯॒ 𑌵𑌚𑍋॑ 𑌵॒𑌨𑍍𑌦𑌾𑌰𑍁॑ 𑌵𑍃𑌷॒𑌭𑌾𑌯॒ 𑌵𑍃𑌷𑍍𑌣𑍇᳚ । 𑌗𑌵𑌿॑𑌷𑍍𑌠𑌿𑌰𑍋॒ 𑌨𑌮॑𑌸𑌾॒ 𑌸𑍍𑌤𑍋𑌮॑𑌮॒𑌗𑍍𑌨𑍗 𑌦𑌿॒𑌵𑍀𑌵॑ 𑌰𑍁॒𑌕𑍍𑌮𑌮𑍁॒𑌰𑍍𑌵𑍍𑌯𑌞𑍍𑌚॑𑌮𑌶𑍍𑌰𑍇𑌤𑍍 ॥ 𑌜𑌨॑𑌸𑍍𑌯 𑌗𑍋॒𑌪𑌾 𑌅॑𑌜𑌨𑌿𑌷𑍍𑌟॒ 𑌜𑌾𑌗𑍃॑𑌵𑌿𑌰॒𑌗𑍍𑌨𑌿-𑌸𑍍𑌸𑍁॒𑌦𑌕𑍍𑌷𑌃॑ 𑌸𑍁𑌵𑌿॒𑌤𑌾𑌯॒ 𑌨𑌵𑍍𑌯॑𑌸𑍇 । 𑌘𑍃॒𑌤𑌪𑍍𑌰॑𑌤𑍀𑌕𑍋 𑌬𑍃𑌹॒𑌤𑌾 𑌦𑌿॑𑌵𑌿॒𑌸𑍍𑌪𑍃𑌶𑌾᳚ 𑌦𑍍𑌯𑍁॒𑌮𑌦𑍍𑌵𑌿 𑌭𑌾॑𑌤𑌿 𑌭𑌰॒𑌤𑍇𑌭𑍍𑌯॒-𑌶𑍍𑌶𑍁𑌚𑌿𑌃॑ ॥ 𑌤𑍍𑌵𑌾𑌮॑𑌗𑍍𑌨𑍇॒ 𑌅𑌙𑍍𑌗𑌿॑𑌰𑌸𑍋॒ [𑌅𑌙𑍍𑌗𑌿॑𑌰𑌸𑌃, 𑌗𑍁𑌹𑌾॑ 𑌹𑌿॒𑌤𑌮𑌨𑍍𑌵॑-] 11

𑌗𑍁𑌹𑌾॑ 𑌹𑌿॒𑌤𑌮𑌨𑍍𑌵॑-𑌵𑌿𑌨𑍍𑌦𑌞𑍍𑌛𑌿𑌶𑍍𑌰𑌿𑌯𑌾॒𑌣𑌂-𑌵𑌁𑌨𑍇॑𑌵𑌨𑍇 । 𑌸 𑌜𑌾॑𑌯𑌸𑍇 𑌮॒𑌥𑍍𑌯𑌮𑌾॑𑌨॒-𑌸𑍍𑌸𑌹𑍋॑ 𑌮॒𑌹-𑌤𑍍𑌤𑍍𑌵𑌾𑌮𑌾॑𑌹𑍁॒-𑌸𑍍𑌸𑌹॑𑌸𑌸𑍍𑌪𑍁॒𑌤𑍍𑌰𑌮॑𑌙𑍍𑌗𑌿𑌰𑌃 ॥ 𑌯॒𑌜𑍍𑌞𑌸𑍍𑌯॑ 𑌕𑍇॒𑌤𑍁-𑌮𑍍𑌪𑍍𑌰॑𑌥॒𑌮-𑌮𑍍𑌪𑍁॒𑌰𑍋𑌹𑌿॑𑌤𑌮॒𑌗𑍍𑌨𑌿-𑌨𑍍𑌨𑌰॑𑌸𑍍𑌤𑍍𑌰𑌿𑌷𑌧॒𑌸𑍍𑌥𑍇 𑌸𑌮𑌿॑𑌨𑍍𑌧𑌤𑍇 । 𑌇𑌨𑍍𑌦𑍍𑌰𑍇॑𑌣 𑌦𑍇॒𑌵𑍈-𑌸𑍍𑌸॒𑌰𑌥॒𑌗𑍍𑌂॒ 𑌸 𑌬॒𑌰𑍍॒𑌹𑌿𑌷𑌿॒ 𑌸𑍀𑌦॒𑌨𑍍𑌨𑌿 𑌹𑍋𑌤𑌾॑ 𑌯॒𑌜𑌥𑌾॑𑌯 𑌸𑍁॒𑌕𑍍𑌰𑌤𑍁𑌃॑ ॥ 𑌤𑍍𑌵𑌾-𑌞𑍍𑌚𑌿॑𑌤𑍍𑌰𑌶𑍍𑌰𑌵𑌸𑍍𑌤𑌮॒ 𑌹𑌵॑𑌨𑍍𑌤𑍇 𑌵𑌿॒𑌕𑍍𑌷𑍁 𑌜॒𑌨𑍍𑌤𑌵𑌃॑ । 𑌶𑍋॒𑌚𑌿𑌷𑍍𑌕𑍇॑𑌶-𑌮𑍍𑌪𑍁𑌰𑍁𑌪𑍍𑌰𑌿॒𑌯𑌾𑌗𑍍𑌨𑍇॑ 𑌹॒𑌵𑍍𑌯𑌾𑌯॒ 𑌵𑍋𑌢॑𑌵𑍇 ॥ 𑌸𑌖𑌾॑𑌯॒-𑌸𑍍𑌸𑌂𑌵𑌃॑ 𑌁𑌸॒𑌮𑍍𑌯𑌞𑍍𑌚॒-𑌮𑌿𑌷॒𑌗𑍍𑌗𑍍॒- [-𑌮𑌿𑌷᳚𑌮𑍍, 𑌸𑍍𑌤𑍋𑌮॑-𑌞𑍍𑌚𑌾॒𑌗𑍍𑌨𑌯𑍇᳚ ।] 12

-𑌸𑍍𑌤𑍋𑌮॑-𑌞𑍍𑌚𑌾॒𑌗𑍍𑌨𑌯𑍇᳚ । 𑌵𑌰𑍍𑌷𑌿॑𑌷𑍍𑌠𑌾𑌯 𑌕𑍍𑌷𑌿𑌤𑍀॒𑌨𑌾𑌮𑍂॒𑌰𑍍𑌜𑍋 𑌨𑌪𑍍𑌤𑍍𑌰𑍇॒ 𑌸𑌹॑𑌸𑍍𑌵𑌤𑍇 ॥ 𑌸𑌗𑍍𑌂𑌸॒𑌮𑌿𑌦𑍍𑌯𑍁॑𑌵𑌸𑍇 𑌵𑍃𑌷॒𑌨𑍍𑌨𑌗𑍍𑌨𑍇॒ 𑌵𑌿𑌶𑍍𑌵𑌾᳚𑌨𑍍𑌯॒𑌰𑍍𑌯 𑌆 । 𑌇॒𑌡𑌸𑍍𑌪॒𑌦𑍇 𑌸𑌮𑌿॑𑌦𑍍𑌧𑍍𑌯𑌸𑍇॒ 𑌸 𑌨𑍋॒ 𑌵𑌸𑍂॒𑌨𑍍𑌯𑌾 𑌭॑𑌰 ॥ 𑌏॒𑌨𑌾 𑌵𑍋॑ 𑌅॒𑌗𑍍𑌨𑌿-𑌨𑍍𑌨𑌮॑𑌸𑍋॒𑌰𑍍𑌜𑍋 𑌨𑌪𑌾॑𑌤॒𑌮𑌾 𑌹𑍁॑𑌵𑍇 । 𑌪𑍍𑌰𑌿॒𑌯-𑌞𑍍𑌚𑍇𑌤𑌿॑𑌷𑍍𑌠𑌮𑌰॒𑌤𑌿𑌗𑍍𑌗𑍍 𑌸𑍍𑌵॑𑌦𑍍𑌧𑍍𑌵॒𑌰𑌂-𑌵𑌿𑌁𑌶𑍍𑌵॑𑌸𑍍𑌯 𑌦𑍂॒𑌤𑌮॒𑌮𑍃𑌤᳚𑌮𑍍 ॥ 𑌸 𑌯𑍋॑𑌜𑌤𑍇 𑌅𑌰𑍁॒𑌷𑍋 𑌵𑌿॒𑌶𑍍𑌵𑌭𑍋॑𑌜𑌸𑌾॒ 𑌸 𑌦𑍁॑𑌦𑍍𑌰𑌵॒-𑌥𑍍𑌸𑍍𑌵𑌾॑𑌹𑍁𑌤𑌃 । 𑌸𑍁॒𑌬𑍍𑌰𑌹𑍍𑌮𑌾॑ 𑌯॒𑌜𑍍𑌞-𑌸𑍍𑌸𑍁॒𑌶𑌮𑍀॒ [𑌯॒𑌜𑍍𑌞-𑌸𑍍𑌸𑍁॒𑌶𑌮𑍀᳚, 𑌵𑌸𑍂॑𑌨𑌾-] 13

𑌵𑌸𑍂॑𑌨𑌾-𑌨𑍍𑌦𑍇॒𑌵𑌗𑍍𑌂 𑌰𑌾𑌧𑍋॒ 𑌜𑌨𑌾॑𑌨𑌾𑌮𑍍 ॥ 𑌉𑌦॑𑌸𑍍𑌯 𑌶𑍋॒𑌚𑌿𑌰॑𑌸𑍍𑌥𑌾𑌦𑌾॒-𑌜𑍁𑌹𑍍𑌵𑌾॑𑌨𑌸𑍍𑌯 𑌮𑍀॒𑌢𑍁𑌷𑌃॑ । 𑌉𑌦𑍍𑌧॒𑌮𑌾𑌸𑍋॑ 𑌅𑌰𑍁॒𑌷𑌾𑌸𑍋॑ 𑌦𑌿𑌵𑌿॒𑌸𑍍𑌪𑍃𑌶॒-𑌸𑍍𑌸𑌮॒𑌗𑍍𑌨𑌿𑌮𑌿॑𑌨𑍍𑌧𑌤𑍇॒ 𑌨𑌰𑌃॑ ॥ 𑌅𑌗𑍍𑌨𑍇॒ 𑌵𑌾𑌜॑𑌸𑍍𑌯॒ 𑌗𑍋𑌮॑𑌤॒ 𑌈𑌶𑌾॑𑌨-𑌸𑍍𑌸𑌹𑌸𑍋 𑌯𑌹𑍋 । 𑌅॒𑌸𑍍𑌮𑍇 𑌧𑍇॑𑌹𑌿 𑌜𑌾𑌤𑌵𑍇𑌦𑍋॒ 𑌮𑌹𑌿॒ 𑌶𑍍𑌰𑌵𑌃॑ ॥ 𑌸 𑌇॑𑌧𑌾॒𑌨𑍋 𑌵𑌸𑍁॑𑌷𑍍𑌕॒𑌵𑌿-𑌰॒𑌗𑍍𑌨𑌿𑌰𑍀॒𑌡𑍇𑌨𑍍𑌯𑍋॑ 𑌗𑌿॒𑌰𑌾 । 𑌰𑍇॒𑌵𑌦॒𑌸𑍍𑌮𑌭𑍍𑌯॑-𑌮𑍍𑌪𑍁𑌰𑍍𑌵𑌣𑍀𑌕 𑌦𑍀𑌦𑌿𑌹𑌿 ॥ 𑌕𑍍𑌷॒𑌪𑍋 𑌰𑌾॑𑌜𑌨𑍍𑌨𑍁॒𑌤 𑌤𑍍𑌮𑌨𑌾-𑌽𑌗𑍍𑌨𑍇॒ 𑌵𑌸𑍍𑌤𑍋॑𑌰𑍁॒𑌤𑍋𑌷𑌸𑌃॑ । 𑌸 𑌤𑌿॑𑌗𑍍𑌮𑌜𑌮𑍍𑌭 [ ] 14

𑌰॒𑌕𑍍𑌷𑌸𑍋॑ 𑌦𑌹॒ 𑌪𑍍𑌰𑌤𑌿॑ ॥ 𑌆 𑌤𑍇॑ 𑌅𑌗𑍍𑌨 𑌇𑌧𑍀𑌮𑌹𑌿 𑌦𑍍𑌯𑍁॒𑌮𑌨𑍍𑌤॑-𑌨𑍍𑌦𑍇𑌵𑌾॒𑌜𑌰᳚𑌮𑍍 । 𑌯𑌦𑍍𑌧॒ 𑌸𑍍𑌯𑌾 𑌤𑍇॒ 𑌪𑌨𑍀॑𑌯𑌸𑍀 𑌸॒𑌮𑌿-𑌦𑍍𑌦𑍀॒𑌦𑌯॑𑌤𑌿॒ 𑌦𑍍𑌯𑌵𑍀𑌷𑌗𑍍𑌗𑍍॑ 𑌸𑍍𑌤𑍋॒𑌤𑍃𑌭𑍍𑌯॒ 𑌆 𑌭॑𑌰 ॥ 𑌆 𑌤𑍇॑ 𑌅𑌗𑍍𑌨 𑌋॒𑌚𑌾 𑌹॒𑌵𑌿-𑌶𑍍𑌶𑍁॒𑌕𑍍𑌰𑌸𑍍𑌯॑ 𑌜𑍍𑌯𑍋𑌤𑌿𑌷𑌸𑍍𑌪𑌤𑍇 । 𑌸𑍁𑌶𑍍𑌚॑𑌨𑍍𑌦𑍍𑌰॒ 𑌦𑌸𑍍𑌮॒ 𑌵𑌿𑌶𑍍𑌪॑𑌤𑍇॒ 𑌹𑌵𑍍𑌯॑𑌵𑌾॒-𑌟𑍍𑌤𑍁𑌭𑍍𑌯𑌗𑍍𑌂॑ 𑌹𑍂𑌯𑌤॒ 𑌇𑌷𑌗𑍍𑌗𑍍॑ 𑌸𑍍𑌤𑍋॒𑌤𑍃𑌭𑍍𑌯॒ 𑌆 𑌭॑𑌰 ॥ 𑌉॒𑌭𑍇 𑌸𑍁॑𑌶𑍍𑌚𑌨𑍍𑌦𑍍𑌰 𑌸॒𑌰𑍍𑌪𑌿𑌷𑍋॒ 𑌦𑌰𑍍𑌵𑍀᳚ 𑌶𑍍𑌰𑍀𑌣𑍀𑌷 𑌆॒𑌸𑌨𑌿॑ । 𑌉॒𑌤𑍋 𑌨॒ 𑌉-𑌤𑍍𑌪𑍁॑𑌪𑍂𑌰𑍍𑌯𑌾 [𑌉-𑌤𑍍𑌪𑍁॑𑌪𑍂𑌰𑍍𑌯𑌾𑌃, 𑌉॒𑌕𑍍𑌥𑍇𑌷𑍁॑] 15

𑌉॒𑌕𑍍𑌥𑍇𑌷𑍁॑ 𑌶𑌵𑌸𑌸𑍍𑌪𑌤॒ 𑌇𑌷𑌗𑍍𑌗𑍍॑ 𑌸𑍍𑌤𑍋॒𑌤𑍃𑌭𑍍𑌯॒ 𑌆 𑌭॑𑌰 ॥ 𑌅𑌗𑍍𑌨𑍇॒ 𑌤𑌮॒𑌦𑍍𑌯𑌾𑌶𑍍𑌵॒-𑌨𑍍𑌨 𑌸𑍍𑌤𑍋𑌮𑍈𑌃॒ 𑌕𑍍𑌰𑌤𑍁॒-𑌨𑍍𑌨 𑌭॒𑌦𑍍𑌰𑌗𑍍𑌂 𑌹𑍃॑𑌦𑌿॒𑌸𑍍𑌪𑍃𑌶᳚𑌮𑍍 । 𑌋॒𑌦𑍍𑌧𑍍𑌯𑌾𑌮𑌾॑ 𑌤॒ 𑌓𑌹𑍈𑌃᳚ ॥ 𑌅𑌧𑌾॒ 𑌹𑍍𑌯॑𑌗𑍍𑌨𑍇॒ 𑌕𑍍𑌰𑌤𑍋᳚𑌰𑍍𑌭॒𑌦𑍍𑌰𑌸𑍍𑌯॒ 𑌦𑌕𑍍𑌷॑𑌸𑍍𑌯 𑌸𑌾॒𑌧𑍋𑌃 । 𑌰॒𑌥𑍀𑌰𑍍-𑌋॒𑌤𑌸𑍍𑌯॑ 𑌬𑍃𑌹॒𑌤𑍋 𑌬॒𑌭𑍂𑌥॑ ॥ 𑌆॒𑌭𑌿𑌷𑍍𑌟𑍇॑ 𑌅॒𑌦𑍍𑌯 𑌗𑍀॒𑌰𑍍𑌭𑌿𑌰𑍍𑌗𑍃॒𑌣𑌨𑍍𑌤𑍋-𑌽𑌗𑍍𑌨𑍇॒ 𑌦𑌾𑌶𑍇॑𑌮 । 𑌪𑍍𑌰 𑌤𑍇॑ 𑌦𑌿॒𑌵𑍋 𑌨 𑌸𑍍𑌤॑𑌨𑌯𑌨𑍍𑌤𑌿॒ 𑌶𑍁𑌷𑍍𑌮𑌾𑌃᳚ ॥ 𑌏॒𑌭𑌿𑌰𑍍𑌨𑍋॑ 𑌅॒𑌰𑍍𑌕𑍈𑌰𑍍𑌭𑌵𑌾॑ 𑌨𑍋 𑌅॒𑌰𑍍𑌵𑌾- [𑌅॒𑌰𑍍𑌵𑌾𑌙𑍍, 𑌸𑍁𑌵॒𑌰𑍍𑌨 𑌜𑍍𑌯𑍋𑌤𑌿𑌃॑ ।] 16

-𑌙𑍍𑌖𑍍𑌸𑍁𑌵॒𑌰𑍍𑌨 𑌜𑍍𑌯𑍋𑌤𑌿𑌃॑ । 𑌅𑌗𑍍𑌨𑍇॒ 𑌵𑌿𑌶𑍍𑌵𑍇॑𑌭𑌿-𑌸𑍍𑌸𑍁॒𑌮𑌨𑌾॒ 𑌅𑌨𑍀॑𑌕𑍈𑌃 ॥ 𑌅॒𑌗𑍍𑌨𑌿𑌗𑍍𑌂 𑌹𑍋𑌤𑌾॑𑌰-𑌮𑍍𑌮𑌨𑍍𑌯𑍇॒ 𑌦𑌾𑌸𑍍𑌵॑𑌨𑍍𑌤𑌂॒-𑌵𑌁𑌸𑍋᳚-𑌸𑍍𑌸𑍂॒𑌨𑍁𑌗𑍍𑌂 𑌸𑌹॑𑌸𑍋 𑌜𑌾॒𑌤𑌵𑍇॑𑌦𑌸𑌮𑍍 । 𑌵𑌿𑌪𑍍𑌰॒-𑌨𑍍𑌨 𑌜𑌾॒𑌤𑌵𑍇॑𑌦𑌸𑌮𑍍 । 𑌯 𑌊॒𑌰𑍍𑌧𑍍𑌵𑌯𑌾᳚ 𑌸𑍍𑌵𑌦𑍍𑌧𑍍𑌵॒𑌰𑍋 𑌦𑍇॒𑌵𑍋 𑌦𑍇॒𑌵𑌾𑌚𑍍𑌯𑌾॑ 𑌕𑍃॒𑌪𑌾 । 𑌘𑍃॒𑌤𑌸𑍍𑌯॒ 𑌵𑌿𑌭𑍍𑌰𑌾᳚𑌷𑍍𑌟𑌿॒𑌮𑌨𑍁॑ 𑌶𑍁॒𑌕𑍍𑌰𑌶𑍋॑𑌚𑌿𑌷 𑌆॒𑌜𑍁𑌹𑍍𑌵𑌾॑𑌨𑌸𑍍𑌯 𑌸॒𑌰𑍍𑌪𑌿𑌷𑌃॑ ॥ 𑌅𑌗𑍍𑌨𑍇॒ 𑌤𑍍𑌵-𑌨𑍍𑌨𑍋॒ 𑌅𑌨𑍍𑌤॑𑌮𑌃 । 𑌉॒𑌤 𑌤𑍍𑌰𑌾॒𑌤𑌾 𑌶𑌿॒𑌵𑍋 𑌭॑𑌵 𑌵𑌰𑍂॒𑌥𑍍𑌯𑌃॑ ॥ 𑌤-𑌨𑍍𑌤𑍍𑌵𑌾॑ 𑌶𑍋𑌚𑌿𑌷𑍍𑌠 𑌦𑍀𑌦𑌿𑌵𑌃 । 𑌸𑍁॒𑌮𑍍𑌨𑌾𑌯॑ 𑌨𑍂॒𑌨𑌮𑍀॑𑌮𑌹𑍇॒ 𑌸𑌖𑌿॑𑌭𑍍𑌯𑌃 ॥ 𑌵𑌸𑍁॑𑌰॒𑌗𑍍𑌨𑌿𑌰𑍍𑌵𑌸𑍁॑𑌶𑍍𑌰𑌵𑌾𑌃 । 𑌅𑌚𑍍𑌛𑌾॑ 𑌨𑌕𑍍𑌷𑌿 𑌦𑍍𑌯𑍁॒𑌮𑌤𑍍𑌤॑𑌮𑍋 𑌰॒𑌯𑌿-𑌨𑍍𑌦𑌾𑌃᳚ ॥ 17 ॥

(𑌜𑌨𑌾॑𑌨𑌾॒ - 𑌮𑌙𑍍𑌗𑌿॑𑌰𑌸॒ - 𑌇𑌷𑌗𑍍𑌂॑ - 𑌸𑍁॒𑌶𑌮𑍀॑ - 𑌤𑌿𑌗𑍍𑌮𑌜𑌮𑍍𑌭 - 𑌪𑍁𑌪𑍂𑌰𑍍𑌯𑌾 - 𑌅॒𑌰𑍍𑌵𑌾𑌂 - 𑌵𑌸𑍁॑𑌶𑍍𑌰𑌵𑌾𑌃॒ - 𑌪𑌞𑍍𑌚॑ 𑌚) (𑌅. 4)

𑌇॒𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾᳚-𑌨𑍍𑌤𑍍𑌵𑌾 𑌸॒𑌯𑍁𑌜𑌾॑ 𑌯𑍁॒𑌜𑌾 𑌯𑍁॑𑌨𑌜𑍍𑌮𑍍𑌯𑌾 𑌘𑌾॒𑌰𑌾𑌭𑍍𑌯𑌾॒-𑌨𑍍𑌤𑍇𑌜॑𑌸𑌾॒ 𑌵𑌰𑍍𑌚॑𑌸𑍋॒ 𑌕𑍍𑌥𑍇𑌭𑌿॒-𑌸𑍍𑌸𑍍𑌤𑍋𑌮𑍇॑𑌭𑌿॒ 𑌶𑍍𑌛𑌨𑍍𑌦𑍋॑𑌭𑍀 𑌰॒𑌯𑍍𑌯𑍈 𑌪𑍋𑌷𑌾॑𑌯 𑌸𑌜𑌾॒𑌤𑌾𑌨𑌾᳚-𑌮𑍍𑌮𑌦𑍍𑌧𑍍𑌯𑌮॒𑌸𑍍𑌥𑍇𑌯𑌾॑𑌯॒ 𑌮𑌯𑌾᳚ 𑌤𑍍𑌵𑌾 𑌸॒𑌯𑍁𑌜𑌾॑ 𑌯𑍁॒𑌜𑌾 𑌯𑍁॑𑌨𑌜𑍍𑌮𑍍𑌯॒𑌬𑌾-𑌨𑍍𑌦𑍁॒𑌲𑌾 𑌨𑌿॑𑌤॒𑌤𑍍𑌨𑌿 𑌰॒𑌭𑍍𑌰𑌯॑𑌨𑍍𑌤𑍀 𑌮𑍇॒𑌘𑌯॑𑌨𑍍𑌤𑍀 𑌵॒𑌰𑍍॒𑌷𑌯॑𑌨𑍍𑌤𑍀 𑌚𑍁𑌪𑍁॒𑌣𑍀𑌕𑌾॒ 𑌨𑌾𑌮𑌾॑𑌸𑌿 𑌪𑍍𑌰॒𑌜𑌾𑌪॑𑌤𑌿𑌨𑌾 𑌤𑍍𑌵𑌾॒ 𑌵𑌿𑌶𑍍𑌵𑌾॑𑌭𑌿𑌰𑍍𑌧𑍀॒𑌭𑌿𑌰𑍁𑌪॑ 𑌦𑌧𑌾𑌮𑌿 𑌪𑍃𑌥𑌿॒𑌵𑍍𑌯𑍁॑𑌦𑌪𑍁॒𑌰𑌮𑌨𑍍𑌨𑍇॑𑌨 𑌵𑌿॒𑌷𑍍𑌟𑌾 𑌮॑𑌨𑍁॒𑌷𑍍𑌯𑌾᳚𑌸𑍍𑌤𑍇 𑌗𑍋॒𑌪𑍍𑌤𑌾𑌰𑍋॒ 𑌽𑌗𑍍𑌨𑌿𑌰𑍍𑌵𑌿𑌯॑𑌤𑍍𑌤𑍋-𑌽𑌸𑍍𑌯𑌾॒-𑌨𑍍𑌤𑌾𑌮॒𑌹-𑌮𑍍𑌪𑍍𑌰॑ 𑌪𑌦𑍍𑌯𑍇॒ 𑌸𑌾 [ ] 18

𑌮𑍇॒ 𑌶𑌰𑍍𑌮॑ 𑌚॒ 𑌵𑌰𑍍𑌮॑ 𑌚𑌾॒𑌸𑍍𑌤𑍍𑌵𑌧𑌿॑ 𑌦𑍍𑌯𑍗𑌰॒𑌨𑍍𑌤𑌰𑌿॑𑌕𑍍𑌷॒-𑌮𑍍𑌬𑍍𑌰𑌹𑍍𑌮॑𑌣𑌾 𑌵𑌿॒𑌷𑍍𑌟𑌾 𑌮॒𑌰𑍁𑌤॑𑌸𑍍𑌤𑍇 𑌗𑍋॒𑌪𑍍𑌤𑌾𑌰𑍋॑ 𑌵𑌾॒𑌯𑍁𑌰𑍍𑌵𑌿𑌯॑𑌤𑍍𑌤𑍋-𑌽𑌸𑍍𑌯𑌾॒-𑌨𑍍𑌤𑌾𑌮॒𑌹-𑌮𑍍𑌪𑍍𑌰 𑌪॑𑌦𑍍𑌯𑍇॒ 𑌸𑌾 𑌮𑍇॒ 𑌶𑌰𑍍𑌮॑ 𑌚॒ 𑌵𑌰𑍍𑌮॑ 𑌚𑌾𑌸𑍍𑌤𑍁॒ 𑌦𑍍𑌯𑍗𑌰𑌪॑𑌰𑌾𑌜𑌿𑌤𑌾॒-𑌽𑌮𑍃𑌤𑍇॑𑌨 𑌵𑌿॒𑌷𑍍𑌟𑌾-𑌽𑌽𑌦𑌿॒𑌤𑍍𑌯𑌾𑌸𑍍𑌤𑍇॑ 𑌗𑍋॒𑌪𑍍𑌤𑌾𑌰॒-𑌸𑍍𑌸𑍂𑌰𑍍𑌯𑍋॒ 𑌵𑌿𑌯॑𑌤𑍍𑌤𑍋-𑌽𑌸𑍍𑌯𑌾॒-𑌨𑍍𑌤𑌾𑌮॒𑌹-𑌮𑍍𑌪𑍍𑌰 𑌪॑𑌦𑍍𑌯𑍇॒ 𑌸𑌾 𑌮𑍇॒ 𑌶𑌰𑍍𑌮॑ 𑌚॒ 𑌵𑌰𑍍𑌮॑ 𑌚𑌾𑌸𑍍𑌤𑍁 ॥ 19 ॥

(𑌸𑌾 - 𑌽𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 5)

𑌬𑍃𑌹॒𑌸𑍍𑌪𑌤𑌿॑𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 𑌪𑍃𑌥𑌿॒𑌵𑍍𑌯𑌾𑌃 𑌪𑍃॒𑌷𑍍𑌠𑍇 𑌜𑍍𑌯𑍋𑌤𑌿॑𑌷𑍍𑌮𑌤𑍀𑌂॒-𑌵𑌿𑌁𑌶𑍍𑌵॑𑌸𑍍𑌮𑍈 𑌪𑍍𑌰𑌾॒𑌣𑌾𑌯𑌾॑𑌪𑌾॒𑌨𑌾𑌯॒ 𑌵𑌿𑌶𑍍𑌵॒-𑌞𑍍𑌜𑍍𑌯𑍋𑌤𑌿॑𑌰𑍍𑌯𑌚𑍍𑌛𑌾॒- 𑌗𑍍𑌨𑌿𑌸𑍍𑌤𑍇-𑌽𑌧𑌿॑𑌪𑌤𑌿 𑌰𑍍𑌵𑌿॒𑌶𑍍𑌵𑌕॑𑌰𑍍𑌮𑌾 𑌤𑍍𑌵𑌾 𑌸𑌾𑌦𑌯𑌤𑍍𑌵॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌪𑍃॒𑌷𑍍𑌠𑍇 𑌜𑍍𑌯𑍋𑌤𑌿॑𑌷𑍍𑌮𑌤𑍀𑌂॒-𑌵𑌿𑌁𑌶𑍍𑌵॑𑌸𑍍𑌮𑍈 𑌪𑍍𑌰𑌾॒𑌣𑌾𑌯𑌾॑𑌪𑌾॒𑌨𑌾𑌯॒ 𑌵𑌿𑌶𑍍𑌵॒-𑌞𑍍𑌜𑍍𑌯𑍋𑌤𑌿॑𑌰𑍍𑌯𑌚𑍍𑌛 𑌵𑌾॒𑌯𑍁𑌸𑍍𑌤𑍇-𑌽𑌧𑌿॑𑌪𑌤𑌿𑌃 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 𑌦𑌿॒𑌵𑌃 𑌪𑍃॒𑌷𑍍𑌠𑍇 𑌜𑍍𑌯𑍋𑌤𑌿॑𑌷𑍍𑌮𑌤𑍀𑌂॒-𑌵𑌿𑌁𑌶𑍍𑌵॑𑌸𑍍𑌮𑍈 𑌪𑍍𑌰𑌾॒𑌣𑌾𑌯𑌾॑𑌪𑌾॒𑌨𑌾𑌯॒ 𑌵𑌿𑌶𑍍𑌵॒-𑌞𑍍𑌜𑍍𑌯𑍋𑌤𑌿॑𑌰𑍍𑌯𑌚𑍍𑌛 𑌪𑌰𑌮𑍇॒𑌷𑍍𑌠𑍀 𑌤𑍇-𑌽𑌧𑌿॑𑌪𑌤𑌿𑌃 𑌪𑍁𑌰𑍋𑌵𑌾𑌤॒𑌸𑌨𑌿॑𑌰𑌸𑍍𑌯 𑌭𑍍𑌰॒𑌸𑌨𑌿॑𑌰𑌸𑌿 𑌵𑌿𑌦𑍍𑌯𑍁॒𑌥𑍍𑌸𑌨𑌿॑- [𑌵𑌿𑌦𑍍𑌯𑍁॒𑌥𑍍𑌸𑌨𑌿𑌃॑, 𑌅॒𑌸𑌿॒ 𑌸𑍍𑌤॒𑌨॒𑌯𑌿॒𑌤𑍍𑌨𑍁॒𑌸𑌨𑌿॑𑌰𑌸𑌿] 20

-𑌰𑌸𑌿 𑌸𑍍𑌤𑌨𑌯𑌿𑌤𑍍𑌨𑍁॒𑌸𑌨𑌿॑𑌰𑌸𑌿 𑌵𑍃𑌷𑍍𑌟𑌿॒𑌸𑌨𑌿॑𑌰𑌸𑍍𑌯॒-𑌗𑍍𑌨𑍇𑌰𑍍𑌯𑌾𑌨𑍍𑌯॑𑌸𑌿 𑌦𑍇॒𑌵𑌾𑌨𑌾॑𑌮𑌗𑍍𑌨𑍇॒ 𑌯𑌾𑌨𑍍𑌯॑𑌸𑌿 𑌵𑌾॒𑌯𑍋𑌰𑍍𑌯𑌾𑌨𑍍𑌯॑𑌸𑌿 𑌦𑍇॒𑌵𑌾𑌨𑌾𑌂᳚-𑌵𑌾𑌁𑌯𑍋॒𑌯𑌾𑌨𑍍𑌯॑𑌸𑍍𑌯॒𑌨𑍍𑌤𑌰𑌿॑𑌕𑍍𑌷𑌸𑍍𑌯॒ 𑌯𑌾𑌨𑍍𑌯॑𑌸𑌿 𑌦𑍇॒𑌵𑌾𑌨𑌾॑- 𑌮𑌨𑍍𑌤𑌰𑌿𑌕𑍍𑌷॒𑌯𑌾𑌨𑍍𑌯॑𑌸𑍍𑌯॒-𑌨𑍍𑌤𑌰𑌿॑𑌕𑍍𑌷𑌮𑌸𑍍𑌯॒𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌸𑌲𑌿॒𑌲𑌾𑌯॑ 𑌤𑍍𑌵𑌾॒ 𑌸𑌰𑍍𑌣𑍀॑𑌕𑌾𑌯 𑌤𑍍𑌵𑌾॒ 𑌸𑌤𑍀॑𑌕𑌾𑌯 𑌤𑍍𑌵𑌾॒ 𑌕𑍇𑌤𑌾॑𑌯 𑌤𑍍𑌵𑌾॒ 𑌪𑍍𑌰𑌚𑍇॑𑌤𑌸𑍇 𑌤𑍍𑌵𑌾॒ 𑌵𑌿𑌵॑𑌸𑍍𑌵𑌤𑍇 𑌤𑍍𑌵𑌾 𑌦𑌿॒𑌵𑌸𑍍𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷 𑌆𑌦𑌿॒𑌤𑍍𑌯𑍇𑌭𑍍𑌯॑𑌸𑍍𑌤𑍍𑌵॒𑌰𑍍𑌚𑍇 𑌤𑍍𑌵𑌾॑ 𑌰𑍁॒𑌚𑍇 𑌤𑍍𑌵𑌾᳚ 𑌦𑍍𑌯𑍁॒𑌤𑍇 𑌤𑍍𑌵𑌾॑ 𑌭𑌾॒𑌸𑍇 𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑍇 𑌤𑍍𑌵𑌾 𑌯𑌶𑍋॒𑌦𑌾-𑌨𑍍𑌤𑍍𑌵𑌾॒ 𑌯𑌶॑𑌸𑌿 𑌤𑍇𑌜𑍋॒𑌦𑌾-𑌨𑍍𑌤𑍍𑌵𑌾॒ 𑌤𑍇𑌜॑𑌸𑌿 𑌪𑌯𑍋॒𑌦𑌾-𑌨𑍍𑌤𑍍𑌵𑌾॒ 𑌪𑌯॑𑌸𑌿 𑌵𑌰𑍍𑌚𑍋॒𑌦𑌾-𑌨𑍍𑌤𑍍𑌵𑌾॒ 𑌵𑌰𑍍𑌚॑𑌸𑌿 𑌦𑍍𑌰𑌵𑌿𑌣𑍋॒𑌦𑌾-𑌨𑍍𑌤𑍍𑌵𑌾॒ 𑌦𑍍𑌰𑌵𑌿॑𑌣𑍇 𑌸𑌾𑌦𑌯𑌾𑌮𑌿॒ 𑌤𑍇𑌨𑌰𑍍𑌷𑌿॑𑌣𑌾॒ 𑌤𑍇𑌨॒ 𑌬𑍍𑌰𑌹𑍍𑌮॑𑌣𑌾॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 21 ॥

(𑌵𑌿॒𑌦𑍍𑌯𑍁॒𑌥𑍍𑌸𑌨𑌿॑ - 𑌰𑍍𑌦𑍍𑌯𑍁॒𑌤𑍇 𑌤𑍍𑌵𑍈 - 𑌕𑌾॒𑌨𑍍𑌨 𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 6)

𑌭𑍂॒𑌯॒𑌸𑍍𑌕𑍃𑌦॑𑌸𑌿 𑌵𑌰𑌿𑌵॒𑌸𑍍𑌕𑍃𑌦॑𑌸𑌿॒ 𑌪𑍍𑌰𑌾𑌚𑍍𑌯॑𑌸𑍍𑌯𑍂॒𑌰𑍍𑌧𑍍𑌵𑌾-𑌽𑌸𑍍𑌯॑-𑌨𑍍𑌤𑌰𑌿𑌕𑍍𑌷॒𑌸𑌦॑𑌸𑍍𑌯॒-𑌨𑍍𑌤𑌰𑌿॑𑌕𑍍𑌷𑍇 𑌸𑍀𑌦𑌾-𑌫𑍍𑌸𑍁॒𑌷𑌦॑𑌸𑌿 𑌶𑍍𑌯𑍇𑌨॒𑌸𑌦॑𑌸𑌿 𑌗𑍃𑌦𑍍𑌧𑍍𑌰॒𑌸𑌦॑𑌸𑌿 𑌸𑍁𑌪𑌰𑍍𑌣॒𑌸𑌦॑𑌸𑌿 𑌨𑌾𑌕॒𑌸𑌦॑𑌸𑌿 𑌪𑍃𑌥𑌿॒𑌵𑍍𑌯𑌾𑌸𑍍𑌤𑍍𑌵𑌾॒ 𑌦𑍍𑌰𑌵𑌿॑𑌣𑍇 𑌸𑌾𑌦𑌯𑌾𑌮𑍍𑌯॒-𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌤𑍍𑌵𑌾॒ 𑌦𑍍𑌰𑌵𑌿॑𑌣𑍇 𑌸𑌾𑌦𑌯𑌾𑌮𑌿 𑌦𑌿॒𑌵𑌸𑍍𑌤𑍍𑌵𑌾॒ 𑌦𑍍𑌰𑌵𑌿॑𑌣𑍇 𑌸𑌾𑌦𑌯𑌾𑌮𑌿 𑌦𑌿॒𑌶𑌾-𑌨𑍍𑌤𑍍𑌵𑌾॒ 𑌦𑍍𑌰𑌵𑌿॑𑌣𑍇 𑌸𑌾𑌦𑌯𑌾𑌮𑌿 𑌦𑍍𑌰𑌵𑌿𑌣𑍋॒𑌦𑌾-𑌨𑍍𑌤𑍍𑌵𑌾॒ 𑌦𑍍𑌰𑌵𑌿॑𑌣𑍇 𑌸𑌾𑌦𑌯𑌾𑌮𑌿 𑌪𑍍𑌰𑌾॒𑌣-𑌮𑍍𑌮𑍇॑ 𑌪𑌾𑌹𑍍𑌯-𑌪𑌾॒𑌨-𑌮𑍍𑌮𑍇॑ 𑌪𑌾𑌹𑌿 𑌵𑍍𑌯𑌾॒𑌨-𑌮𑍍𑌮𑍇॑ [𑌵𑍍𑌯𑌾॒𑌨-𑌮𑍍𑌮𑍇᳚, 𑌪𑌾॒𑌹𑍍𑌯𑌾𑌯𑍁॑𑌰𑍍𑌮𑍇 𑌪𑌾𑌹𑌿] 22

𑌪𑌾॒𑌹𑍍𑌯𑌾𑌯𑍁॑𑌰𑍍𑌮𑍇 𑌪𑌾𑌹𑌿 𑌵𑌿॒𑌶𑍍𑌵𑌾𑌯𑍁॑𑌰𑍍𑌮𑍇 𑌪𑌾𑌹𑌿 𑌸॒𑌰𑍍𑌵𑌾𑌯𑍁॑𑌰𑍍𑌮𑍇 𑌪𑌾॒𑌹𑍍𑌯𑌗𑍍𑌨𑍇॒ 𑌯-𑌤𑍍𑌤𑍇॒ 𑌪𑌰॒𑌗𑍍𑌂॒ 𑌹𑍃𑌨𑍍𑌨𑌾𑌮॒ 𑌤𑌾𑌵𑍇𑌹𑌿॒ 𑌸𑌗𑍍𑌂 𑌰॑𑌭𑌾𑌵𑌹𑍈॒ 𑌪𑌾𑌞𑍍𑌚॑ 𑌜𑌨𑍍𑌯𑍇॒𑌷𑍍𑌵-𑌪𑍍𑌯𑍇᳚𑌦𑍍𑌧𑍍𑌯𑌗𑍍𑌨𑍇॒ 𑌯𑌾𑌵𑌾॒ 𑌅𑌯𑌾॑𑌵𑌾॒ 𑌏𑌵𑌾॒ 𑌊𑌮𑌾॒-𑌸𑍍𑌸𑌬𑍍𑌦॒-𑌸𑍍𑌸𑌗॑𑌰-𑌸𑍍𑌸𑍁॒𑌮𑍇𑌕𑌃॑ ॥ 23 ॥

(𑌵𑍍𑌯𑌾॒𑌨-𑌮𑍍𑌮𑍇॒-𑌦𑍍𑌵𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 7)

𑌅॒𑌗𑍍𑌨𑌿𑌨𑌾॑ 𑌵𑌿𑌶𑍍𑌵𑌾॒𑌷𑌾𑌟𑍍 𑌸𑍂𑌰𑍍𑌯𑍇॑𑌣 𑌸𑍍𑌵॒𑌰𑌾-𑌟𑍍𑌕𑍍𑌰𑌤𑍍𑌵𑌾॒ 𑌶𑌚𑍀॒𑌪𑌤𑌿॑𑌰𑍍-𑌋𑌷॒𑌭𑍇𑌣॒ 𑌤𑍍𑌵𑌷𑍍𑌟𑌾॑ 𑌯॒𑌜𑍍𑌞𑍇𑌨॑ 𑌮॒𑌘𑌵𑌾॒-𑌨𑍍𑌦𑌕𑍍𑌷𑌿॑𑌣𑌯𑌾 𑌸𑍁𑌵॒𑌰𑍍𑌗𑍋 𑌮॒𑌨𑍍𑌯𑍁𑌨𑌾॑ 𑌵𑍃𑌤𑍍𑌰॒𑌹𑌾 𑌸𑍗𑌹𑌾᳚𑌰𑍍𑌦𑍍𑌯𑍇𑌨 𑌤𑌨𑍂॒𑌧𑌾 𑌅𑌨𑍍𑌨𑍇॑𑌨॒ 𑌗𑌯𑌃॑ 𑌪𑍃𑌥𑌿॒𑌵𑍍𑌯𑌾-𑌽𑌸॑𑌨𑍋 𑌦𑍃॒𑌗𑍍𑌭𑌿𑌰॑𑌨𑍍𑌨𑌾॒𑌦𑍋 𑌵॑𑌷𑌟𑍍𑌕𑌾॒𑌰𑍇𑌣॒𑌰𑍍𑌧-𑌸𑍍𑌸𑌾𑌮𑍍𑌨𑌾॑ 𑌤𑌨𑍂॒𑌪𑌾 𑌵𑌿॒𑌰𑌾𑌜𑌾॒ 𑌜𑍍𑌯𑍋𑌤𑌿॑𑌷𑍍𑌮𑌾॒-𑌨𑍍𑌬𑍍𑌰𑌹𑍍𑌮॑𑌣𑌾 𑌸𑍋𑌮॒𑌪𑌾 𑌗𑍋𑌭𑌿॑𑌰𑍍𑌯॒𑌜𑍍𑌞-𑌨𑍍𑌦𑌾॑𑌧𑌾𑌰 𑌕𑍍𑌷॒𑌤𑍍𑌰𑍇𑌣॑ 𑌮𑌨𑍁॒𑌷𑍍𑌯𑌾॑-𑌨𑌶𑍍𑌵𑍇॑𑌨 𑌚॒ 𑌰𑌥𑍇॑𑌨 𑌚 𑌵॒𑌜𑍍𑌰𑍍𑌯𑍃॑𑌤𑍁𑌭𑌿𑌃॑ 𑌪𑍍𑌰॒𑌭𑍁-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣॑ 𑌪𑌰𑌿॒𑌭𑍂 𑌸𑍍𑌤𑌪॒𑌸𑌾-𑌽𑌨𑌾॑𑌧𑍃𑌷𑍍𑌟॒-𑌸𑍍𑌸𑍂𑌰𑍍𑌯॒-𑌸𑍍𑌸-𑌨𑍍𑌤॒𑌨𑍂𑌭𑌿𑌃॑ ॥ 24 ॥

(𑌅॒𑌗𑍍𑌨𑌿 - 𑌰𑍈𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌤𑍍) (𑌅. 8)

𑌪𑍍𑌰॒𑌜𑌾𑌪॑𑌤𑌿॒𑌰𑍍𑌮𑌨॒𑌸𑌾 𑌽𑌨𑍍𑌧𑍋-𑌽𑌚𑍍𑌛𑍇॑𑌤𑍋 𑌧𑌾॒𑌤𑌾 𑌦𑍀॒𑌕𑍍𑌷𑌾𑌯𑌾𑌗𑍍𑌂॑ 𑌸𑌵𑌿॒𑌤𑌾 𑌭𑍃॒𑌤𑍍𑌯𑌾-𑌮𑍍𑌪𑍂॒𑌷𑌾 𑌸𑍋॑𑌮॒𑌕𑍍𑌰𑌯॑𑌣𑍍𑌯𑌾𑌂॒-𑌵𑌁𑌰𑍁॑𑌣॒ 𑌉𑌪॑𑌨॒𑌦𑍍𑌧𑍋 𑌽𑌸𑍁॑𑌰𑌃 𑌕𑍍𑌰𑍀॒𑌯𑌮𑌾॑𑌣𑍋 𑌮𑌿॒𑌤𑍍𑌰𑌃 𑌕𑍍𑌰𑍀॒𑌤-𑌶𑍍𑌶𑌿॑𑌪𑌿𑌵𑌿॒𑌷𑍍𑌟 𑌆𑌸𑌾॑𑌦𑌿𑌤𑍋 𑌨॒𑌰𑌨𑍍𑌧𑌿॑𑌷𑌃 𑌪𑍍𑌰𑍋॒𑌹𑍍𑌯𑌮𑌾॒𑌣𑍋 𑌽𑌧𑌿॑𑌪𑌤𑌿॒𑌰𑌾𑌗॑𑌤𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌣𑍀॒𑌯𑌮𑌾॑𑌨𑍋॒ 𑌽𑌗𑍍𑌨𑌿𑌰𑌾𑌗𑍍𑌨𑍀᳚𑌦𑍍𑌧𑍍𑌰𑍇॒ 𑌬𑍃𑌹॒𑌸𑍍𑌪𑌤𑌿॒𑌰𑌾𑌗𑍍𑌨𑍀᳚𑌦𑍍𑌧𑍍𑌰𑌾-𑌤𑍍𑌪𑍍𑌰𑌣𑍀॒𑌯𑌮𑌾॑𑌨॒ 𑌇𑌨𑍍𑌦𑍍𑌰𑍋॑ 𑌹𑌵𑌿॒𑌰𑍍𑌧𑌾𑌨𑍇 𑌽𑌦𑌿॑𑌤𑌿॒𑌰𑌾𑌸𑌾॑𑌦𑌿𑌤𑍋॒ 𑌵𑌿𑌷𑍍𑌣𑍁॑𑌰𑍁𑌪𑌾𑌵𑌹𑍍𑌰𑌿॒𑌯𑌮𑌾॒𑌣𑍋 𑌽𑌥॒𑌰𑍍𑌵𑍋𑌪𑍋᳚𑌤𑍍𑌤𑍋 𑌯॒𑌮𑍋॑-𑌽𑌭𑌿𑌷𑍁॑𑌤𑍋 𑌽𑌪𑍂𑌤॒𑌪𑌾 𑌆॑𑌧𑍂॒𑌯𑌮𑌾॑𑌨𑍋 𑌵𑌾॒𑌯𑍁𑌃 𑌪𑍂॒𑌯𑌮𑌾॑𑌨𑍋 𑌮𑌿॒𑌤𑍍𑌰𑌃, 𑌕𑍍𑌷𑍀॑𑌰॒𑌶𑍍𑌰𑍀𑌰𑍍𑌮॒𑌨𑍍𑌥𑍀 𑌸॑𑌕𑍍𑌤𑍁॒𑌶𑍍𑌰𑍀𑌰𑍍𑌵𑍈᳚𑌶𑍍𑌵𑌦𑍇॒𑌵 𑌉𑌨𑍍𑌨𑍀॑𑌤𑍋 𑌰𑍁॒𑌦𑍍𑌰 𑌆𑌹𑍁॑𑌤𑍋 𑌵𑌾॒𑌯𑍁𑌰𑌾𑌵𑍃॑𑌤𑍍𑌤𑍋 𑌨𑍃॒𑌚𑌕𑍍𑌷𑌾𑌃॒ 𑌪𑍍𑌰𑌤𑌿॑𑌖𑍍𑌯𑌾𑌤𑍋 𑌭॒𑌕𑍍𑌷 𑌆𑌗॑𑌤𑌃 𑌪𑌿𑌤𑍃॒𑌣𑌾-𑌨𑍍𑌨𑌾॑𑌰𑌾𑌶॒𑌗𑍍𑌂॒𑌸𑍋 𑌽𑌸𑍁॒𑌰𑌾𑌤𑍍𑌤॒-𑌸𑍍𑌸𑌿𑌨𑍍𑌧𑍁॑𑌰-𑌵𑌭𑍃॒𑌥𑌮॑𑌵𑌪𑍍𑌰॒𑌯𑌨𑍍-𑌥𑍍𑌸॑𑌮𑍁॒𑌦𑍍𑌰𑍋 𑌽𑌵॑𑌗𑌤-𑌸𑍍𑌸𑌲𑌿॒𑌲𑌃 𑌪𑍍𑌰𑌪𑍍𑌲𑍁॑𑌤॒-𑌸𑍍𑌸𑍁𑌵॑𑌰𑍁॒𑌦𑍃𑌚॑-𑌙𑍍𑌗॒𑌤𑌃 ॥ 25 ॥

(𑌰𑍁॒𑌦𑍍𑌰 - 𑌏𑌕॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 9)

𑌕𑍃𑌤𑍍𑌤𑌿॑𑌕𑌾॒ 𑌨𑌕𑍍𑌷॑𑌤𑍍𑌰-𑌮॒𑌗𑍍𑌨𑌿𑌰𑍍𑌦𑍇॒𑌵𑌤𑌾॒-𑌽𑌗𑍍𑌨𑍇 𑌰𑍁𑌚𑌃॑ 𑌸𑍍𑌥 𑌪𑍍𑌰॒𑌜𑌾𑌪॑𑌤𑍇𑌰𑍍𑌧𑌾॒𑌤𑍁-𑌸𑍍𑌸𑍋𑌮॑𑌸𑍍𑌯॒𑌰𑍍𑌚𑍇 𑌤𑍍𑌵𑌾॑ 𑌰𑍁॒𑌚𑍇 𑌤𑍍𑌵𑌾᳚ 𑌦𑍍𑌯𑍁॒𑌤𑍇 𑌤𑍍𑌵𑌾॑ 𑌭𑌾॒𑌸𑍇 𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑍇 𑌤𑍍𑌵𑌾 𑌰𑍋𑌹𑌿॒𑌣𑍀 𑌨𑌕𑍍𑌷॑𑌤𑍍𑌰-𑌮𑍍𑌪𑍍𑌰॒𑌜𑌾𑌪॑𑌤𑌿𑌰𑍍𑌦𑍇॒𑌵𑌤𑌾॑ 𑌮𑍃𑌗𑌶𑍀॒𑌰𑍍॒𑌷॑-𑌨𑍍𑌨𑌕𑍍𑌷॑𑌤𑍍𑌰॒𑌗𑍍𑌂॒ 𑌸𑍋𑌮𑍋॑ 𑌦𑍇॒𑌵𑌤𑌾॒ 𑌽𑌽𑌰𑍍𑌦𑍍𑌰𑌾 𑌨𑌕𑍍𑌷॑𑌤𑍍𑌰𑌗𑍍𑌂 𑌰𑍁॒𑌦𑍍𑌰𑍋 𑌦𑍇॒𑌵𑌤𑌾॒ 𑌪𑍁𑌨॑𑌰𑍍𑌵𑌸𑍂॒ 𑌨𑌕𑍍𑌷॑𑌤𑍍𑌰॒𑌮𑌦𑌿॑𑌤𑌿𑌰𑍍𑌦𑍇॒𑌵𑌤𑌾॑- 𑌤𑌿॒𑌷𑍍𑌯𑍋॑ 𑌨𑌕𑍍𑌷॑𑌤𑍍𑌰॒-𑌮𑍍𑌬𑍃𑌹॒𑌸𑍍𑌪𑌤𑌿॑𑌰𑍍𑌦𑍇॒𑌵𑌤𑌾᳚ 𑌽𑌽𑌶𑍍𑌰𑍇॒𑌷𑌾 𑌨𑌕𑍍𑌷॑𑌤𑍍𑌰𑌗𑍍𑌂 𑌸॒𑌰𑍍𑌪𑌾 𑌦𑍇॒𑌵𑌤𑌾॑ 𑌮॒𑌘𑌾 𑌨𑌕𑍍𑌷॑𑌤𑍍𑌰-𑌮𑍍𑌪𑌿॒𑌤𑌰𑍋॑ 𑌦𑍇॒𑌵𑌤𑌾॒ 𑌫𑌲𑍍𑌗𑍁॑𑌨𑍀॒ 𑌨𑌕𑍍𑌷॑𑌤𑍍𑌰- [𑌨𑌕𑍍𑌷॑𑌤𑍍𑌰𑌮𑍍, 𑌅॒𑌰𑍍𑌯॒𑌮𑌾] 26

-𑌮𑌰𑍍𑌯॒𑌮𑌾 𑌦𑍇॒𑌵𑌤𑌾॒ 𑌫𑌲𑍍𑌗𑍁॑𑌨𑍀॒ 𑌨𑌕𑍍𑌷॑𑌤𑍍𑌰॒-𑌮𑍍𑌭𑌗𑍋॑ 𑌦𑍇॒𑌵𑌤𑌾॒ 𑌹𑌸𑍍𑌤𑍋॒ 𑌨𑌕𑍍𑌷॑𑌤𑍍𑌰𑌗𑍍𑌂 𑌸𑌵𑌿॒𑌤𑌾 𑌦𑍇॒𑌵𑌤𑌾॑ 𑌚𑌿॒𑌤𑍍𑌰𑌾 𑌨𑌕𑍍𑌷॑𑌤𑍍𑌰॒𑌮𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾᳚ 𑌸𑍍𑌵𑌾॒𑌤𑍀 𑌨𑌕𑍍𑌷॑𑌤𑍍𑌰𑌂-𑌵𑌾𑌁॒𑌯𑍁𑌰𑍍𑌦𑍇॒𑌵𑌤𑌾॒ 𑌵𑌿𑌶𑌾॑𑌖𑍇॒ 𑌨𑌕𑍍𑌷॑𑌤𑍍𑌰𑌮𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌦𑍇॒𑌵𑌤𑌾॑ 𑌽𑌨𑍂𑌰𑌾॒𑌧𑌾 𑌨𑌕𑍍𑌷॑𑌤𑍍𑌰-𑌮𑍍𑌮𑌿॒𑌤𑍍𑌰𑍋 𑌦𑍇॒𑌵𑌤𑌾॑ 𑌰𑍋𑌹𑌿॒𑌣𑍀 𑌨𑌕𑍍𑌷॑𑌤𑍍𑌰॒𑌮𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॑ 𑌵𑌿॒𑌚𑍃𑌤𑍗॒ 𑌨𑌕𑍍𑌷॑𑌤𑍍𑌰-𑌮𑍍𑌪𑌿॒𑌤𑌰𑍋॑ 𑌦𑍇॒𑌵𑌤𑌾॑ 𑌽𑌷𑌾॒𑌢𑌾 𑌨𑌕𑍍𑌷॑𑌤𑍍𑌰॒𑌮𑌾𑌪𑍋॑ 𑌦𑍇॒𑌵𑌤𑌾॑ 𑌽𑌷𑌾॒𑌢𑌾 𑌨𑌕𑍍𑌷॑𑌤𑍍𑌰𑌂॒-𑌵𑌿𑌁𑌶𑍍𑌵𑍇॑ 𑌦𑍇॒𑌵𑌾 𑌦𑍇॒𑌵𑌤𑌾᳚ 𑌶𑍍𑌰𑍋॒𑌣𑌾 𑌨𑌕𑍍𑌷॑𑌤𑍍𑌰𑌂॒-𑌵𑌿𑌁𑌷𑍍𑌣𑍁॑𑌰𑍍𑌦𑍇॒𑌵𑌤𑌾॒ 𑌶𑍍𑌰𑌵𑌿॑𑌷𑍍𑌠𑌾॒ 𑌨𑌕𑍍𑌷॑𑌤𑍍𑌰𑌂॒-𑌵𑌁𑌸॑𑌵𑍋 [𑌨𑌕𑍍𑌷॑𑌤𑍍𑌰𑌂॒-𑌵𑌁𑌸॑𑌵𑌃, 𑌦𑍇॒𑌵𑌤𑌾॑] 27

𑌦𑍇॒𑌵𑌤𑌾॑ 𑌶॒𑌤𑌭𑌿॑𑌷॒-𑌨𑍍𑌨𑌕𑍍𑌷॑𑌤𑍍𑌰॒𑌮𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾᳚ 𑌪𑍍𑌰𑍋𑌷𑍍𑌠𑌪॒𑌦𑌾 𑌨𑌕𑍍𑌷॑𑌤𑍍𑌰𑌮॒𑌜 𑌏𑌕॑𑌪𑌾-𑌦𑍍𑌦𑍇॒𑌵𑌤𑌾᳚ 𑌪𑍍𑌰𑍋𑌷𑍍𑌠𑌪॒𑌦𑌾 𑌨𑌕𑍍𑌷॑𑌤𑍍𑌰॒𑌮𑌹𑌿॑𑌰𑍍𑌬𑍁॒𑌦𑍍𑌧𑍍𑌨𑌿𑌯𑍋॑ 𑌦𑍇॒𑌵𑌤𑌾॑ 𑌰𑍇॒𑌵𑌤𑍀॒ 𑌨𑌕𑍍𑌷॑𑌤𑍍𑌰-𑌮𑍍𑌪𑍂॒𑌷𑌾 𑌦𑍇॒𑌵𑌤𑌾᳚ 𑌽𑌶𑍍𑌵॒𑌯𑍁𑌜𑍗॒ 𑌨𑌕𑍍𑌷॑𑌤𑍍𑌰𑌮॒𑌶𑍍𑌵𑌿𑌨𑍗॑ 𑌦𑍇॒𑌵𑌤𑌾॑ 𑌽𑌪॒𑌭𑌰॑𑌣𑍀॒𑌰𑍍𑌨𑌕𑍍𑌷॑𑌤𑍍𑌰𑌂-𑌯𑌁॒𑌮𑍋 𑌦𑍇॒𑌵𑌤𑌾॑, 𑌪𑍂॒𑌰𑍍𑌣𑌾 𑌪॒𑌶𑍍𑌚𑌾𑌦𑍍𑌯-𑌤𑍍𑌤𑍇॑ 𑌦𑍇॒𑌵𑌾 𑌅𑌦॑𑌧𑍁𑌃 ॥ 28 ॥

(𑌫𑌲𑍍𑌗𑍁॑𑌨𑍀॒ 𑌨𑌕𑍍𑌷॑𑌤𑍍𑌰𑌂॒ - 𑌁𑌵𑌸॑𑌵॒ - 𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 10)

𑌮𑌧𑍁॑𑌶𑍍𑌚॒ 𑌮𑌾𑌧॑𑌵𑌶𑍍𑌚॒ 𑌵𑌾𑌸॑𑌨𑍍𑌤𑌿𑌕𑌾𑌵𑍃॒𑌤𑍂 𑌶𑍁॒𑌕𑍍𑌰𑌶𑍍𑌚॒ 𑌶𑍁𑌚𑌿॑𑌶𑍍𑌚॒ 𑌗𑍍𑌰𑍈𑌷𑍍𑌮𑌾॑𑌵𑍃॒𑌤𑍂 𑌨𑌭॑𑌶𑍍𑌚 𑌨𑌭॒𑌸𑍍𑌯॑𑌶𑍍𑌚॒ 𑌵𑌾𑌰𑍍𑌷𑌿॑𑌕𑌾𑌵𑍃॒𑌤𑍂 𑌇॒𑌷𑌶𑍍𑌚𑍋॒𑌰𑍍𑌜𑌶𑍍𑌚॑ 𑌶𑌾𑌰॒𑌦𑌾𑌵𑍃॒𑌤𑍂 𑌸𑌹॑𑌶𑍍𑌚 𑌸𑌹॒𑌸𑍍𑌯॑𑌶𑍍𑌚॒ 𑌹𑍈𑌮॑𑌨𑍍𑌤𑌿𑌕𑌾𑌵𑍃॒𑌤𑍂 𑌤𑌪॑𑌶𑍍𑌚 𑌤𑌪॒𑌸𑍍𑌯॑𑌶𑍍𑌚 𑌶𑍈𑌶𑌿॒𑌰𑌾𑌵𑍃॒𑌤𑍂 𑌅॒𑌗𑍍𑌨𑍇𑌰॑𑌨𑍍𑌤-𑌶𑍍𑌶𑍍𑌲𑍇॒𑌷𑍋॑-𑌽𑌸𑌿॒ 𑌕𑌲𑍍𑌪𑍇॑𑌤𑌾॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌕𑌲𑍍𑌪॑𑌨𑍍𑌤𑌾॒𑌮𑌾𑌪॒ 𑌓𑌷॑𑌧𑍀𑌃॒ 𑌕𑌲𑍍𑌪॑𑌨𑍍𑌤𑌾𑌮॒𑌗𑍍𑌨𑌯𑌃॒ 𑌪𑍃𑌥॒𑌮𑍍𑌮𑌮॒ 𑌜𑍍𑌯𑍈𑌷𑍍𑌠𑍍𑌯॑𑌯॒ 𑌸𑌵𑍍𑌰॑𑌤𑌾॒ [𑌸𑌵𑍍𑌰॑𑌤𑌾𑌃, 𑌯𑍇᳚-𑌽𑌗𑍍𑌨𑌯॒-] 29

𑌯𑍇᳚-𑌽𑌗𑍍𑌨𑌯॒-𑌸𑍍𑌸𑌮॑𑌨𑌸𑍋-𑌽𑌨𑍍𑌤॒𑌰𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌶𑍈॑𑌶𑌿॒𑌰𑌾𑌵𑍃॒𑌤𑍂 𑌅॒𑌭𑌿 𑌕𑌲𑍍𑌪॑𑌮𑌾𑌨𑌾॒ 𑌇𑌨𑍍𑌦𑍍𑌰॑𑌮𑌿𑌵 𑌦𑍇॒𑌵𑌾 𑌅॒𑌭𑌿 𑌸𑌂𑌵𑌿𑌁॑𑌶𑌨𑍍𑌤𑍁 𑌸𑌂॒𑌯𑌁𑌚𑍍𑌚॒ 𑌪𑍍𑌰𑌚𑍇॑𑌤𑌾𑌶𑍍𑌚𑌾॒𑌗𑍍𑌨𑍇-𑌸𑍍𑌸𑍋𑌮॑𑌸𑍍𑌯॒ 𑌸𑍂𑌰𑍍𑌯॑𑌸𑍍𑌯𑍋॒-𑌗𑍍𑌰𑌾 𑌚॑ 𑌭𑍀॒𑌮𑌾 𑌚॑ 𑌪𑌿𑌤𑍃॒𑌣𑌾𑌂-𑌯𑌁॒𑌮𑌸𑍍𑌯𑍇𑌨𑍍𑌦𑍍𑌰॑𑌸𑍍𑌯 𑌧𑍍𑌰𑍁॒𑌵𑌾 𑌚॑ 𑌪𑍃𑌥𑌿॒𑌵𑍀 𑌚॑ 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌰𑍍𑌮॒𑌰𑍁𑌤𑌾𑌂॒-𑌵𑌁𑌰𑍁॑𑌣𑌸𑍍𑌯 𑌧॒𑌰𑍍𑌤𑍍𑌰𑍀 𑌚॒ 𑌧𑌰𑌿॑𑌤𑍍𑌰𑍀 𑌚 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋 𑌰𑍍𑌮𑌿॒𑌤𑍍𑌰𑌸𑍍𑌯॑ 𑌧𑌾॒𑌤𑍁𑌃 𑌪𑍍𑌰𑌾𑌚𑍀॑ 𑌚 𑌪𑍍𑌰॒𑌤𑍀𑌚𑍀॑ 𑌚॒ 𑌵𑌸𑍂॑𑌨𑌾𑌗𑍍𑌂 𑌰𑍁॒𑌦𑍍𑌰𑌾𑌣𑌾॑- [𑌰𑍁॒𑌦𑍍𑌰𑌾𑌣𑌾᳚𑌮𑍍, 𑌆॒𑌦𑌿॒𑌤𑍍𑌯𑌾𑌨𑌾॒-𑌨𑍍𑌤𑍇] 30

-𑌮𑌾𑌦𑌿॒𑌤𑍍𑌯𑌾𑌨𑌾॒-𑌨𑍍𑌤𑍇 𑌤𑍇-𑌽𑌧𑌿॑𑌪𑌤𑌯॒𑌸𑍍𑌤𑍇𑌭𑍍𑌯𑍋॒ 𑌨𑌮॒𑌸𑍍𑌤𑍇 𑌨𑍋॑ 𑌮𑍃𑌡𑌯𑌨𑍍𑌤𑍁॒ 𑌤𑍇 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌯𑌶𑍍𑌚॑ 𑌨𑍋॒ 𑌦𑍍𑌵𑍇𑌷𑍍𑌟𑌿॒ 𑌤𑌂-𑌵𑍋𑌁॒ 𑌜𑌮𑍍𑌭𑍇॑ 𑌦𑌧𑌾𑌮𑌿 𑌸॒𑌹𑌸𑍍𑌰॑𑌸𑍍𑌯 𑌪𑍍𑌰॒𑌮𑌾 𑌅॑𑌸𑌿 𑌸॒𑌹𑌸𑍍𑌰॑𑌸𑍍𑌯 𑌪𑍍𑌰𑌤𑌿॒𑌮𑌾 𑌅॑𑌸𑌿 𑌸॒𑌹𑌸𑍍𑌰॑𑌸𑍍𑌯 𑌵𑌿॒𑌮𑌾 𑌅॑𑌸𑌿 𑌸॒𑌹𑌸𑍍𑌰॑𑌸𑍍𑌯𑍋॒𑌨𑍍𑌮𑌾 𑌅॑𑌸𑌿 𑌸𑌾𑌹॒𑌸𑍍𑌰𑍋॑-𑌽𑌸𑌿 𑌸॒𑌹𑌸𑍍𑌰𑌾॑𑌯 𑌤𑍍𑌵𑍇॒𑌮𑌾 𑌮𑍇॑ 𑌅𑌗𑍍𑌨॒ 𑌇𑌷𑍍𑌟॑𑌕𑌾 𑌧𑍇॒𑌨𑌵𑌃॑ 𑌸॒𑌨𑍍𑌤𑍍𑌵𑍇𑌕𑌾॑ 𑌚 𑌶॒𑌤-𑌞𑍍𑌚॑ 𑌸॒𑌹𑌸𑍍𑌰॑-𑌞𑍍𑌚𑌾॒𑌯𑍁𑌤॑-𑌞𑍍𑌚 [ ] 31

𑌨𑌿॒𑌯𑍁𑌤॑-𑌞𑍍𑌚 𑌪𑍍𑌰॒𑌯𑍁𑌤॒-𑌞𑍍𑌚𑌾𑌰𑍍𑌬𑍁॑𑌦-𑌞𑍍𑌚॒ 𑌨𑍍𑌯॑𑌰𑍍𑌬𑍁𑌦-𑌞𑍍𑌚 𑌸𑌮𑍁॒𑌦𑍍𑌰𑌶𑍍𑌚॒ 𑌮𑌦𑍍𑌧𑍍𑌯॒-𑌞𑍍𑌚𑌾𑌨𑍍𑌤॑𑌶𑍍𑌚 𑌪𑌰𑌾॒𑌰𑍍𑌧𑌶𑍍𑌚𑍇॒𑌮𑌾 𑌮𑍇॑ 𑌅𑌗𑍍𑌨॒ 𑌇𑌷𑍍𑌟॑𑌕𑌾 𑌧𑍇॒𑌨𑌵𑌃॑ 𑌸𑌨𑍍𑌤𑍁 𑌷॒𑌷𑍍𑌠𑌿-𑌸𑍍𑌸॒𑌹𑌸𑍍𑌰॑𑌮॒𑌯𑍁𑌤॒-𑌮𑌕𑍍𑌷𑍀॑𑌯𑌮𑌾𑌣𑌾 𑌋𑌤॒𑌸𑍍𑌥𑌾 𑌸𑍍𑌥॑𑌰𑍍𑌤𑌾॒𑌵𑍃𑌧𑍋॑ 𑌘𑍃𑌤॒𑌶𑍍𑌚𑍁𑌤𑍋॑ 𑌮𑌧𑍁॒𑌶𑍍𑌚𑍁𑌤॒ 𑌊𑌰𑍍𑌜॑𑌸𑍍𑌵𑌤𑍀-𑌸𑍍𑌸𑍍𑌵𑌧𑌾॒𑌵𑌿𑌨𑍀॒𑌸𑍍𑌤𑌾 𑌮𑍇॑ 𑌅𑌗𑍍𑌨॒ 𑌇𑌷𑍍𑌟॑𑌕𑌾 𑌧𑍇॒𑌨𑌵𑌃॑ 𑌸𑌨𑍍𑌤𑍁 𑌵𑌿॒𑌰𑌾𑌜𑍋॒ 𑌨𑌾𑌮॑ 𑌕𑌾𑌮॒𑌦𑍁𑌘𑌾॑ 𑌅॒𑌮𑍁𑌤𑍍𑌰𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 ॥ 32 ॥

(𑌸𑌵𑍍𑌰॑𑌤𑌾 - 𑌰𑍁॒𑌦𑍍𑌰𑌾𑌣𑌾॑ - 𑌮॒𑌯𑍁𑌤॑𑌞𑍍𑌚॒ - 𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 11)

𑌸॒𑌮𑌿-𑌦𑍍𑌦𑌿॒𑌶𑌾𑌮𑌾॒𑌶𑌯𑌾॑ 𑌨-𑌸𑍍𑌸𑍁𑌵॒𑌰𑍍𑌵𑌿𑌨𑍍𑌮𑌧𑍋॒𑌰𑌤𑍋॒ 𑌮𑌾𑌧॑𑌵𑌃 𑌪𑌾𑌤𑍍𑌵॒𑌸𑍍𑌮𑌾𑌨𑍍 । 𑌅॒𑌗𑍍𑌨𑌿𑌰𑍍𑌦𑍇॒𑌵𑍋 𑌦𑍁॒𑌷𑍍𑌟𑌰𑍀॑𑌤𑍁॒𑌰𑌦𑌾᳚𑌭𑍍𑌯 𑌇॒𑌦-𑌙𑍍𑌕𑍍𑌷॒𑌤𑍍𑌰𑌗𑍍𑌂 𑌰॑𑌕𑍍𑌷𑌤𑍁॒ 𑌪𑌾𑌤𑍍𑌵॒𑌸𑍍𑌮𑌾𑌨𑍍 ॥ 𑌰॒𑌥॒𑌨𑍍𑌤॒𑌰𑌗𑍍𑌂 𑌸𑌾𑌮॑𑌭𑌿𑌃 𑌪𑌾𑌤𑍍𑌵॒𑌸𑍍𑌮𑌾-𑌨𑍍𑌗𑌾॑𑌯॒𑌤𑍍𑌰𑍀 𑌛𑌨𑍍𑌦॑𑌸𑌾𑌂-𑌵𑌿𑌁॒𑌶𑍍𑌵𑌰𑍂॑𑌪𑌾 । 𑌤𑍍𑌰𑌿॒𑌵𑍃𑌨𑍍𑌨𑍋॑ 𑌵𑌿॒𑌷𑍍𑌠𑌯𑌾॒ 𑌸𑍍𑌤𑍋𑌮𑍋॒ 𑌅𑌹𑍍𑌨𑌾𑌗𑍍𑌂॑ 𑌸𑌮𑍁॒𑌦𑍍𑌰𑍋 𑌵𑌾𑌤॑ 𑌇॒𑌦𑌮𑍋𑌜𑌃॑ 𑌪𑌿𑌪𑌰𑍍𑌤𑍁 ॥ 𑌉॒𑌗𑍍𑌰𑌾 𑌦𑌿॒𑌶𑌾𑌮॒𑌭𑌿-𑌭𑍂॑𑌤𑌿𑌰𑍍𑌵𑌯𑍋॒𑌧𑌾-𑌶𑍍𑌶𑍁𑌚𑌿𑌃॑ 𑌶𑍁॒𑌕𑍍𑌰𑍇 𑌅𑌹॑𑌨𑍍𑌯𑍋𑌜॒𑌸𑍀𑌨𑌾᳚ । 𑌇𑌨𑍍𑌦𑍍𑌰𑌾𑌧𑌿॑𑌪𑌤𑌿𑌃 𑌪𑌿𑌪𑍃𑌤𑌾॒𑌦𑌤𑍋॑ 𑌨𑍋॒ 𑌮𑌹𑌿॑ [ ] 33

𑌕𑍍𑌷॒𑌤𑍍𑌰𑌂-𑌵𑌿𑌁॒𑌶𑍍𑌵𑌤𑍋॑ 𑌧𑌾𑌰𑌯𑍇॒𑌦𑌮𑍍 ॥ 𑌬𑍃॒𑌹-𑌥𑍍𑌸𑌾𑌮॑ 𑌕𑍍𑌷𑌤𑍍𑌰॒𑌭𑍃-𑌦𑍍𑌵𑍃॒𑌦𑍍𑌧 𑌵𑍃॑𑌷𑍍𑌣𑌿𑌯-𑌨𑍍𑌤𑍍𑌰𑌿॒𑌷𑍍𑌟𑍁𑌭𑍗𑌜𑌃॑ 𑌶𑍁𑌭𑌿॒𑌤 𑌮𑍁॒𑌗𑍍𑌰𑌵𑍀॑𑌰𑌮𑍍 । 𑌇𑌨𑍍𑌦𑍍𑌰॒ 𑌸𑍍𑌤𑍋𑌮𑍇॑𑌨 𑌪𑌞𑍍𑌚𑌦॒𑌶𑍇𑌨॒ 𑌮𑌦𑍍𑌧𑍍𑌯॑𑌮𑌿॒𑌦𑌂-𑌵𑌾𑌁𑌤𑍇॑𑌨॒ 𑌸𑌗॑𑌰𑍇𑌣 𑌰𑌕𑍍𑌷 ॥ 𑌪𑍍𑌰𑌾𑌚𑍀॑ 𑌦𑌿॒𑌶𑌾𑌗𑍍𑌂 𑌸॒𑌹𑌯॑𑌶𑌾॒ 𑌯𑌶॑𑌸𑍍𑌵𑌤𑍀॒ 𑌵𑌿𑌶𑍍𑌵𑍇॑ 𑌦𑍇𑌵𑌾𑌃 𑌪𑍍𑌰𑌾॒𑌵𑍃𑌷𑌾 𑌽𑌹𑍍𑌨𑌾॒𑌗𑍍𑌂॒ 𑌸𑍁𑌵॑𑌰𑍍𑌵𑌤𑍀 । 𑌇॒𑌦-𑌙𑍍𑌕𑍍𑌷॒𑌤𑍍𑌰-𑌨𑍍𑌦𑍁॒𑌷𑍍𑌟𑌰॑𑌮॒𑌸𑍍𑌤𑍍𑌵𑍋𑌜𑍋 𑌽𑌨𑌾॑𑌧𑍃𑌷𑍍𑌟𑌗𑍍𑌂 𑌸𑌹॒𑌸𑍍𑌰𑌿𑌯॒𑌗𑍍𑌂॒ 𑌸𑌹॑𑌸𑍍𑌵𑌤𑍍 ॥ 𑌵𑍈॒𑌰𑍂॒𑌪𑍇 𑌸𑌾𑌮॑𑌨𑍍𑌨𑌿॒𑌹 𑌤𑌚𑍍𑌛॑𑌕𑍇𑌮॒ 𑌜𑌗॑𑌤𑍍𑌯𑍈𑌨𑌂-𑌵𑌿𑌁॒𑌕𑍍𑌷𑍍𑌵𑌾 𑌵𑍇॑𑌶𑌯𑌾𑌮𑌃 । 𑌵𑌿𑌶𑍍𑌵𑍇॑ 𑌦𑍇𑌵𑌾-𑌸𑍍𑌸𑌪𑍍𑌤𑌦॒𑌶𑍇𑌨॒ [𑌸𑌪𑍍𑌤𑌦॒𑌶𑍇𑌨॑, 𑌵𑌰𑍍𑌚॑ 𑌇॒𑌦-𑌙𑍍𑌕𑍍𑌷॒𑌤𑍍𑌰𑌗𑍍𑌂] 34

𑌵𑌰𑍍𑌚॑ 𑌇॒𑌦-𑌙𑍍𑌕𑍍𑌷॒𑌤𑍍𑌰𑌗𑍍𑌂 𑌸॑𑌲𑌿॒𑌲𑌵𑌾॑𑌤𑌮𑍁॒𑌗𑍍𑌰𑌮𑍍 ॥ 𑌧॒𑌰𑍍𑌤𑍍𑌰𑍀 𑌦𑌿॒𑌶𑌾-𑌙𑍍𑌕𑍍𑌷॒𑌤𑍍𑌰𑌮𑌿॒𑌦-𑌨𑍍𑌦𑌾॑𑌧𑌾𑌰𑍋𑌪॒𑌸𑍍𑌥𑌾-𑌽𑌽𑌶𑌾॑𑌨𑌾-𑌮𑍍𑌮𑌿॒𑌤𑍍𑌰𑌵॑𑌦॒𑌸𑍍𑌤𑍍𑌵𑍋𑌜𑌃॑ । 𑌮𑌿𑌤𑍍𑌰𑌾॑𑌵𑌰𑍁𑌣𑌾 𑌶॒𑌰𑌦𑌾-𑌽𑌹𑍍𑌨𑌾᳚-𑌞𑍍𑌚𑌿𑌕𑌿𑌤𑍍𑌨𑍂 𑌅॒𑌸𑍍𑌮𑍈 𑌰𑌾॒𑌷𑍍𑌟𑍍𑌰𑌾𑌯॒ 𑌮𑌹𑌿॒ 𑌶𑌰𑍍𑌮॑ 𑌯𑌚𑍍𑌛𑌤𑌮𑍍 ॥ 𑌵𑍈॒𑌰𑌾॒𑌜𑍇 𑌸𑌾𑌮॒𑌨𑍍𑌨𑌧𑌿॑ 𑌮𑍇 𑌮𑌨𑍀॒𑌷𑌾-𑌽𑌨𑍁॒𑌷𑍍𑌟𑍁𑌭𑌾॒ 𑌸𑌮𑍍𑌭𑍃॑𑌤𑌂-𑌵𑍀𑌁॒𑌰𑍍𑌯𑌗𑍍𑌂॑ 𑌸𑌹𑌃॑ । 𑌇॒𑌦-𑌙𑍍𑌕𑍍𑌷॒𑌤𑍍𑌰-𑌮𑍍𑌮𑌿॒𑌤𑍍𑌰𑌵॑𑌦𑌾॒𑌰𑍍𑌦𑍍𑌰𑌦𑌾॑𑌨𑍁॒ 𑌮𑌿𑌤𑍍𑌰𑌾॑𑌵𑌰𑍁𑌣𑌾॒ 𑌰𑌕𑍍𑌷॑𑌤॒-𑌮𑌾𑌧𑌿॑𑌪𑌤𑍍𑌯𑍈𑌃 ॥ 𑌸॒𑌮𑍍𑌰𑌾-𑌡𑍍𑌦𑌿॒𑌶𑌾𑌗𑍍𑌂 𑌸॒𑌹𑌸𑌾᳚𑌮𑍍𑌨𑍀॒ 𑌸𑌹॑𑌸𑍍𑌵𑌤𑍍𑌯𑍃॒𑌤𑍁𑌰𑍍𑌹𑍇॑𑌮॒𑌨𑍍𑌤𑍋 𑌵𑌿॒𑌷𑍍𑌠𑌯𑌾॑ 𑌨𑌃 𑌪𑌿𑌪𑌰𑍍𑌤𑍁 । 𑌅॒𑌵॒𑌸𑍍𑌯𑍁𑌵𑌾॑𑌤𑌾 [𑌅॒𑌵॒𑌸𑍍𑌯𑍁𑌵𑌾॑𑌤𑌾𑌃, 𑌬𑍃॒𑌹॒𑌤𑍀𑌰𑍍𑌨𑍁] 35

𑌬𑍃𑌹॒𑌤𑍀𑌰𑍍𑌨𑍁 𑌶𑌕𑍍𑌵॑𑌰𑍀𑌰𑌿॒𑌮𑌂-𑌯𑌁॒𑌜𑍍𑌞𑌮॑𑌵𑌨𑍍𑌤𑍁 𑌨𑍋 𑌘𑍃॒𑌤𑌾𑌚𑍀𑌃᳚ ॥ 𑌸𑍁𑌵॑𑌰𑍍𑌵𑌤𑍀 𑌸𑍁॒𑌦𑍁𑌘𑌾॑ 𑌨𑌃॒ 𑌪𑌯॑𑌸𑍍𑌵𑌤𑍀 𑌦𑌿॒𑌶𑌾-𑌨𑍍𑌦𑍇॒𑌵𑍍𑌯॑𑌵𑌤𑍁 𑌨𑍋 𑌘𑍃॒𑌤𑌾𑌚𑍀᳚ । 𑌤𑍍𑌵-𑌙𑍍𑌗𑍋॒𑌪𑌾𑌃 𑌪𑍁॑𑌰𑌏॒𑌤𑍋𑌤 𑌪॒𑌶𑍍𑌚𑌾-𑌦𑍍𑌬𑍃𑌹॑𑌸𑍍𑌪𑌤𑍇॒ 𑌯𑌾𑌮𑍍𑌯𑌾𑌂᳚-𑌯𑍁𑌁𑌙𑍍𑌗𑍍𑌧𑌿॒ 𑌵𑌾𑌚᳚𑌮𑍍 ॥ 𑌊॒𑌰𑍍𑌧𑍍𑌵𑌾 𑌦𑌿॒𑌶𑌾𑌗𑍍𑌂 𑌰𑌨𑍍𑌤𑌿॒𑌰𑌾𑌶𑍗𑌷॑𑌧𑍀𑌨𑌾𑌗𑍍𑌂 𑌸𑌂𑌵𑌁𑌥𑍍𑌸॒𑌰𑍇𑌣॑ 𑌸𑌵𑌿॒𑌤𑌾 𑌨𑍋॒ 𑌅𑌹𑍍𑌨𑌾᳚𑌮𑍍 । 𑌰𑍇॒𑌵-𑌥𑍍𑌸𑌾𑌮𑌾𑌤𑌿॑𑌚𑍍𑌛𑌨𑍍𑌦𑌾 𑌉॒ 𑌛𑌨𑍍𑌦𑍋-𑌽𑌜𑌾॑𑌤 𑌶𑌤𑍍𑌰𑍁-𑌸𑍍𑌸𑍍𑌯𑍋॒𑌨𑌾 𑌨𑍋॑ 𑌅𑌸𑍍𑌤𑍁 ॥ 𑌸𑍍𑌤𑍋𑌮॑𑌤𑍍𑌰𑌯𑌸𑍍𑌤𑍍𑌰𑌿𑌗𑍍𑌂𑌶𑍇॒ 𑌭𑍁𑌵॑𑌨𑌸𑍍𑌯 𑌪𑌤𑍍𑌨𑌿॒ 𑌵𑌿𑌵॑𑌸𑍍𑌵𑌦𑍍𑌵𑌾𑌤𑍇 𑌅॒𑌭𑌿 𑌨𑍋॑ [𑌅॒𑌭𑌿 𑌨𑌃॑, 𑌗𑍃॒𑌣𑌾॒𑌹𑌿॒ ।] 36

𑌗𑍃𑌣𑌾𑌹𑌿 । 𑌘𑍃॒𑌤𑌵॑𑌤𑍀 𑌸𑌵𑌿𑌤॒𑌰𑌾𑌧𑌿॑𑌪𑌤𑍍𑌯𑍈𑌃॒ 𑌪𑌯॑𑌸𑍍𑌵𑌤𑍀॒ 𑌰𑌨𑍍𑌤𑌿॒𑌰𑌾𑌶𑌾॑ 𑌨𑍋 𑌅𑌸𑍍𑌤𑍁 ॥ 𑌧𑍍𑌰𑍁॒𑌵𑌾 𑌦𑌿॒𑌶𑌾𑌂-𑌵𑌿𑌁𑌷𑍍𑌣𑍁॑𑌪॒𑌤𑍍𑌨𑍍𑌯𑌘𑍋॑𑌰𑌾॒-𑌽𑌸𑍍𑌯𑍇𑌶𑌾॑𑌨𑌾॒ 𑌸𑌹॑𑌸𑍋॒ 𑌯𑌾 𑌮॒𑌨𑍋𑌤𑌾᳚ । 𑌬𑍃𑌹॒𑌸𑍍𑌪𑌤𑌿॑ 𑌰𑍍𑌮𑌾𑌤॒𑌰𑌿𑌶𑍍𑌵𑍋॒𑌤 𑌵𑌾॒𑌯𑍁-𑌸𑍍𑌸॑𑌨𑍍𑌧𑍁𑌵𑌾॒𑌨𑌾 𑌵𑌾𑌤𑌾॑ 𑌅॒𑌭𑌿 𑌨𑍋॑ 𑌗𑍃𑌣𑌨𑍍𑌤𑍁 ॥ 𑌵𑌿॒𑌷𑍍𑌟॒𑌭𑍋-𑌨𑍍𑌦𑌿॒𑌵𑍋 𑌧॒𑌰𑍁𑌣𑌃॑ 𑌪𑍃𑌥𑌿॒𑌵𑍍𑌯𑌾 𑌅॒𑌸𑍍𑌯𑍇𑌶𑌾॑𑌨𑌾॒ 𑌜𑌗॑𑌤𑍋॒ 𑌵𑌿𑌷𑍍𑌣𑍁॑𑌪𑌤𑍍𑌨𑍀 । 𑌵𑌿॒𑌶𑍍𑌵𑌵𑍍𑌯॑𑌚𑌾 𑌇॒𑌷𑌯॑𑌨𑍍𑌤𑍀॒ 𑌸𑍁𑌭𑍂॑𑌤𑌿-𑌶𑍍𑌶𑌿॒𑌵𑌾 𑌨𑍋॑ 𑌅॒𑌸𑍍𑌤𑍍𑌵𑌦𑌿॑𑌤𑌿𑌰𑍁॒𑌪𑌸𑍍𑌥𑍇᳚ ॥ 𑌵𑍈॒𑌶𑍍𑌵𑌾॒𑌨॒𑌰𑍋 𑌨॑ 𑌊॒𑌤𑍍𑌯𑌾𑌪𑍃॒𑌷𑍍𑌟𑍋 𑌦𑌿॒𑌵𑍍𑌯𑌨𑍁॑ 𑌨𑍋॒ 𑌽𑌦𑍍𑌯𑌾𑌨𑍁॑𑌮𑌤𑌿॒𑌰𑌨𑍍𑌵𑌿𑌦॑𑌨𑍁𑌮𑌤𑍇॒ 𑌤𑍍𑌵-𑌙𑍍𑌕𑌯𑌾॑ 𑌨𑌶𑍍𑌚𑌿॒𑌤𑍍𑌰 𑌆𑌭𑍁॑𑌵॒𑌤𑍍𑌕𑍋 𑌅॒𑌦𑍍𑌯 𑌯𑍁॑𑌙𑍍𑌕𑍍𑌤𑍇 ॥ 37 ॥

(𑌮𑌹𑌿॑ - 𑌸𑌪𑍍𑌤𑌦॒𑌶𑍇𑌨𑌾॑ - 𑌽𑌵॒𑌸𑍍𑌯𑍁𑌵𑌾॑𑌤𑌾 - 𑌅॒𑌭𑌿 𑌨𑍋 - 𑌽𑌨𑍁॑ 𑌨॒ - 𑌶𑍍𑌚𑌤𑍁॑𑌰𑍍𑌦𑌶 𑌚) (𑌅. 12)

(𑌰॒𑌶𑍍𑌮𑌿𑌰॑𑌸𑌿॒ - 𑌰𑌾𑌜𑍍𑌞𑍍𑌯॑𑌸𑍍𑌯॒ - 𑌯-𑌮𑍍𑌪𑍁॒𑌰𑍋 𑌹𑌰𑌿॑𑌕𑍇𑌶𑍋॒ - 𑌽𑌗𑍍𑌨𑌿𑌰𑍍𑌮𑍂॒𑌰𑍍𑌧 - 𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾𑌂॒ - 𑌬𑍃𑌹॒𑌸𑍍𑌪𑌤𑌿॑ - 𑌰𑍍𑌭𑍂𑌯॒𑌸𑍍𑌕𑍃𑌦॑ - 𑌸𑍍𑌯॒𑌗𑍍𑌨𑌿𑌨𑌾॑ 𑌵𑌿𑌶𑍍𑌵𑌾॒𑌷𑌾𑌟𑍍 - 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌮𑌨॑𑌸𑌾॒ - 𑌕𑍃𑌤𑍍𑌤𑌿॑𑌕𑌾॒ - 𑌮𑌧𑍁॑𑌶𑍍𑌚 - 𑌸॒𑌮𑌿𑌦𑍍𑌦𑌿॒𑌶𑌾𑌂 - 𑌦𑍍𑌵𑌾𑌦॑𑌶 )

(𑌰॒𑌶𑍍𑌮𑌿𑌰॑𑌸𑌿॒ - 𑌪𑍍𑌰𑌤𑌿॑ 𑌧𑍇॒𑌨𑍁- 𑌮॑𑌸𑌿 𑌸𑍍𑌤𑌨𑌯𑌿𑌤𑍍𑌨𑍁॒𑌸𑌨𑌿॑𑌰 - 𑌸𑍍𑌯𑌾𑌦𑌿॒𑌤𑍍𑌯𑌾𑌨𑌾𑌗𑍍𑌂॑ - 𑌸॒𑌪𑍍𑌤𑌤𑍍𑌰𑌿𑌗𑍍𑌂॑𑌶𑌤𑍍 )

(𑌰॒𑌶𑍍𑌮𑌿𑌰॑𑌸𑌿॒, 𑌕𑍋 𑌅॒𑌦𑍍𑌯 𑌯𑍁॑𑌙𑍍𑌕𑍍𑌤𑍇)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥 𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-ñcaturthakāṇḍe caturthaḥ praśnaḥ - pañcamacitiśeṣanirūpaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

ra॒śmira̭si॒ kṣayā̭ya tvā॒ kṣaya̭-ñjinva॒ preti̭rasi॒ dharmā̭ya tvā॒ dharma̭-ñji॒nvānvi̭tirasi di॒ve tvā॒ diva̭-ñjinva sa॒ndhira̭sya॒ntari̭kṣāya tvā॒-'ntari̭kṣa-ñjinva prati॒dhira̭si pṛthi॒vyai tvā̭ pṛthi॒vī-ñji̭nva viṣṭa॒bhoṃ̭-'si॒ vṛṣṭyai᳚ tvā॒ vṛṣṭi̭-ñjinva pra॒vā-'syahne॒ tvā-'ha̭rjinvānu॒ vā-'si॒ rātri̭yai tvā॒ rātri̭-ñjinvo॒ śiga̭si॒ [rātri̭-ñjinvo॒ śiga̭si, vasṷbhyastvā॒] 1

vasṷbhyastvā॒ vasū᳚ñjinva prake॒to̭-'si ru॒drebhya̭stvā ru॒drāñji̭nva sudī॒tira̭syādi॒tyebhya̭stvā ''di॒tyāñji॒nvaujo̭-'si pi॒tṛbhya̭stvā pi॒tṝñji̭nva॒ tantṷrasi pra॒jābhya̭stvā pra॒jā ji̭nva pṛtanā॒ṣāḍa̭si pa॒śubhya̭stvā pa॒śūñji̭nva re॒vada॒syoṣa̭dhībhya॒-stvauṣa̭dhī-rjinvābhi॒jida̭si yu॒ktagrā॒vendrā̭ya॒ tvendra̭-ñji॒nvādhi̭patirasi prā॒ṇāya̭ [prā॒ṇāya̭, tvā॒ prā॒ṇa-ñji̭nva] 2

tvā prā॒ṇa-ñji̭nva ya॒ntā-'sya̭pā॒nāya̭ tvā-'pā॒na-ñji̭nva sa॒gṃ॒sarpo̭-'si॒ cakṣṷṣe tvā॒ cakṣṷrjinva vayo॒dhā a̭si॒ śrotrā̭ya tvā॒ śrotra̭-ñjinva tri॒vṛda̭si pra॒vṛda̭si saṃ॒vṛ~da̭si vi॒vṛda̭si sagṃro॒ho̭-'si nīro॒ho̭-'si praro॒ho᳚-'syanuro॒ho̭-'si vasu॒ko̭-'si॒ veṣa̭śrirasi॒ vasya̭ṣṭirasi || 3 ||

(u॒śiga̭si - prā॒ṇāya॒ - trica̭tvārigṃśacca) (a. 1)

rājñya̭si॒ prācī॒ digvasa̭vaste de॒vā adhi̭patayo॒-'gnirhḙtī॒nā-mpra̭tidha॒rtā̭ tri॒vṛ-ttvā॒ stomaḥ̭ pṛthi॒vyāg śra̭ya॒tvājya̭-mu॒kthamavya̭thaya-thstabhnātu rathanta॒ragṃ sāma॒ prati̭ṣṭhityai vi॒rāḍa̭si dakṣi॒ṇā digru॒drāstḙ de॒vā adhi̭pataya॒ indro̭ hetī॒nā-mpra̭tidha॒rtā pa̭ñcada॒śastvā॒ stomaḥ̭ pṛthi॒vyāg śra̭yatu॒ pra-ṷgamu॒ktha-mavya̭thaya-thstabhnātu bṛ॒ha-thsāma॒ prati̭ṣṭhityai sa॒mrāḍa̭si pra॒tīcī॒ di- [dik, ā॒di॒tyāstḙ] 4

-gā̭di॒tyāstḙ de॒vā adhi̭pataya॒-ssomo̭ hetī॒nā-mpra̭tidha॒rtā sa̭ptada॒śastvā॒ stomaḥ̭ pṛthi॒vyāg śra̭yatu marutva॒tīya̭mu॒ktha-mavya̭thaya-thstabhnātu vairū॒pagṃ sāma॒ prati̭ṣṭhityāyai sva॒rāḍa॒syudī̭cī॒ dig viśvḙ te de॒vā adhi̭patayo॒ varṷṇo hetī॒nā-mpra̭tidha॒rtaika̭vi॒gṃ॒śa stvā॒ stomaḥ̭ pṛthi॒vyāg śra̭yatu॒ niṣkḙvalya-mu॒kthamavya̭thaya-thstabhnātu vairā॒jagṃ sāma॒ prati̭ṣṭhityā॒ adhi̭patnyasi bṛha॒tī dimma॒ruta̭ste de॒vā adhi̭patayo॒ [adhi̭patayaḥ, bṛha॒spati̭rhetī॒-] 5

bṛha॒spati̭rhetī॒nā-mpra̭tidha॒rtā tri̭ṇavatrayastri॒gṃ॒śau tvā॒ stomaṷ pṛthi॒vyāg śra̭yatāṃ-vai~śvadevāgnimāru॒te u॒kthe avya̭thayantī stabhnītāgṃ śākvararaiva॒te sāma̭nī॒ prati̭ṣṭhityā a॒ntari̭kṣā॒yarṣa̭yastvā prathama॒jā de॒veṣṷ di॒vo mātra̭yā vari॒ṇā pra̭thantu vidha॒rtā cā॒yamadhi̭patiśca॒ te tvā॒ sarvḙ saṃvi~dā॒nā nāka̭sya pṛ॒ṣṭhe sṷva॒rge lo॒ke yaja̭māna-ñca sādayantu || 6 ||

(pra॒tīcī॒ diṃ - ma॒ruta̭ste de॒vā adhi̭pataya - ścatvāri॒gṃ॒śacca̭) (a. 2)

a॒ya-mpu॒ro hari̭keśa॒-ssūrya̭raśmi॒stasya̭ rathagṛ॒thsaśca॒ rathaṷjāśca senāni grāma॒ṇyaṷ puñjikastha॒lā ca̭ kṛtastha॒lā cā᳚phsa॒rasaṷ yātu॒dhānā̭ he॒tī rakṣāgṃ̭si॒ prahḙti ra॒ya-nda̭kṣi॒ṇā vi॒śva ka̭rmā॒ tasya̭ rathasva॒naśca॒ rathḙcitraśca senāni grāma॒ṇyaṷ mena॒kā ca̭ sahaja॒nyā cā᳚phsa॒rasaṷ daṃ॒ṇavaḥ̭ pa॒śavo̭ he॒tiḥ paurṷṣeyo va॒dhaḥ prahḙti ra॒ya-mpa॒ścā-dvi॒śvavya̭cā॒ stasya॒ ratha̭ prota॒ścā-sa̭marathaśca senāni grāma॒ṇyau᳚ pra॒mloca̭ntī cā- [pra॒mloca̭ntī ca, a॒nu॒mloca̭ntī-] 7

-'nu॒mloca̭ntī-cāphsa॒rasaṷ sa॒rpā he॒ti rvyā॒ghrāḥ prahḙti ra॒ya mṷtta॒rā-thsaṃ॒yaఁ%d- va̭su॒stasya̭ sena॒jicca̭ su॒ṣeṇa̭śca senāni grāma॒ṇyaṷ vi॒śvācī̭ ca ghṛ॒tācī̭ cāphsa॒rasā॒ vāpo̭ he॒ti rvātaḥ॒ prahḙti ra॒yamu॒parya॒ rvāgva̭-su॒stasya॒ tārkṣya॒-ścāri̭ṣṭa-nemiśca senāni grāma॒ṇyā̭ vu॒rvaśī̭ ca pū॒rvaci̭ttiścā-phsa॒rasaṷ vi॒dyuddhe॒tira̭-va॒sphūrja॒-nprahḙti॒ stebhyo॒ nama॒ste no̭ mṛḍayantu॒ te ya- [te yam, dvi॒ṣmo] 8

-ndvi॒ṣmo yaśca̭ no॒ dveṣṭi॒ taṃ-vo~॒ jambhḙ dadhāmyā॒yostvā॒ sada̭ne sādayā॒myava̭ta śchā॒yāyā॒-nnamaḥ̭ samu॒drāya॒ namaḥ̭ samu॒drasya॒ cakṣa̭se parame॒ṣṭhī tvā̭ sādayatu di॒vaḥ pṛ॒ṣṭhe vyaca̭svatī॒-mpratha̭svatīṃ-vi~॒bhūma̭tī-mpra॒bhūma̭tī-mpari॒bhūma̭tī॒-ndivaṃ̭-ya~ccha॒ diva̭-ndṛgṃha॒ diva॒-mmā higṃ̭sī॒rviśva̭smai prā॒ṇāyā̭pā॒nāya̭ vyā॒nāyo̭dā॒nāya̭ prati॒ṣṭhāyai̭ ca॒ritrā̭ya॒ sūrya̭stvā॒-'bhi pā̭tu ma॒hyā sva॒styā cha॒rdiṣā॒ śanta̭mena॒ tayā̭ de॒vata̭yā-'ṅgira॒sva-ddhru॒vā sī̭da || protha॒daśvo॒ na yava̭se avi॒ṣyan. ya॒dā ma॒ha-ssa॒~vara̭ṇā॒-dvyasthā᳚t | āda̭sya॒ vāto॒ anṷ vāti śo॒ciradha̭ sma te॒ vraja̭na-ṅkṛ॒ṣṇama̭sti || 9 ||

(pra॒mloca̭ntī ca॒ - yagg - sva॒styā - 'ṣṭāvigṃ̭śatiśca) (a. 3)

a॒gnirmū॒rdhā di॒vaḥ ka॒ku-tpatiḥ̭ pṛthi॒vyā a॒yam | a॒pāgṃ retāgṃ̭si jinvati || tvāma̭gne॒ puṣka̭rā॒daddhyatha̭rvā॒ nira̭manthata | mū॒rdhno viśva̭sya vā॒ghataḥ̭ || a॒yama॒gni-ssa̭ha॒sriṇo॒ vāja̭sya śa॒tina॒spatiḥ̭ | mū॒rdhā ka॒vī ra̭yī॒ṇām || bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāha᳚m || abo᳚ddhya॒gni-ssa॒midhā॒ janā̭nā॒- [janā̭nām, prati̭] 10

-mprati̭ dhe॒numi̭vā ya॒tīmu॒ṣāsa᳚m | ya॒hvā i̭va॒ prava॒yā mu॒jjihā̭nāḥ॒ pra bhā॒navaḥ̭ sisrate॒ nāka॒maccha̭ || avo̭cāma ka॒vaye॒ meddhyā̭ya॒ vaco̭ va॒ndārṷ vṛṣa॒bhāya॒ vṛṣṇe᳚ | gavi̭ṣṭhiro॒ nama̭sā॒ stoma̭ma॒gnau di॒vīva̭ ru॒kmamu॒rvyañca̭maśret || jana̭sya go॒pā a̭janiṣṭa॒ jāgṛ̭vira॒gni-ssu॒dakṣaḥ̭ suvi॒tāya॒ navya̭se | ghṛ॒tapra̭tīko bṛha॒tā di̭vi॒spṛśā᳚ dyu॒madvi bhā̭ti bhara॒tebhya॒-śśuciḥ̭ || tvāma̭gne॒ aṅgi̭raso॒ [aṅgi̭rasaḥ, guhā̭ hi॒tamanva̭-] 11

guhā̭ hi॒tamanva̭-vindañchiśriyā॒ṇaṃ-va~nḙvane | sa jā̭yase ma॒thyamā̭na॒-ssaho̭ ma॒ha-ttvāmā̭hu॒-ssaha̭saspu॒trama̭ṅgiraḥ || ya॒jñasya̭ ke॒tu-mpra̭tha॒ma-mpu॒rohi̭tama॒gni-nnara̭striṣadha॒sthe sami̭ndhate | indrḙṇa de॒vai-ssa॒ratha॒gṃ॒ sa ba॒r॒hiṣi॒ sīda॒nni hotā̭ ya॒jathā̭ya su॒kratuḥ̭ || tvā-ñci̭traśravastama॒ hava̭nte vi॒kṣu ja॒ntavaḥ̭ | śo॒ciṣkḙśa-mpurupri॒yāgnḙ ha॒vyāya॒ voḍha̭ve || sakhā̭ya॒-ssaṃvaḥ̭ ~sa॒myañca॒-miṣa॒gg॒- [-miṣa᳚m, stoma̭-ñcā॒gnaye᳚ |] 12

-stoma̭-ñcā॒gnaye᳚ | varṣi̭ṣṭhāya kṣitī॒nāmū॒rjo naptre॒ saha̭svate || sagṃsa॒midyṷvase vṛṣa॒nnagne॒ viśvā᳚nya॒rya ā | i॒ḍaspa॒de sami̭ddhyase॒ sa no॒ vasū॒nyā bha̭ra || e॒nā vo̭ a॒gni-nnama̭so॒rjo napā̭ta॒mā hṷve | pri॒ya-ñceti̭ṣṭhamara॒tigg sva̭ddhva॒raṃ-vi~śva̭sya dū॒tama॒mṛta᳚m || sa yo̭jate aru॒ṣo vi॒śvabho̭jasā॒ sa dṷdrava॒-thsvā̭hutaḥ | su॒brahmā̭ ya॒jña-ssu॒śamī॒ [ya॒jña-ssu॒śamī᳚, vasṷ̄nā-] 13

vasṷ̄nā-nde॒vagṃ rādho॒ janā̭nām || uda̭sya śo॒cira̭sthādā॒-juhvā̭nasya mī॒ḍhuṣaḥ̭ | uddha॒māso̭ aru॒ṣāso̭ divi॒spṛśa॒-ssama॒gnimi̭ndhate॒ naraḥ̭ || agne॒ vāja̭sya॒ goma̭ta॒ īśā̭na-ssahaso yaho | a॒sme dhḙhi jātavedo॒ mahi॒ śravaḥ̭ || sa i̭dhā॒no vasṷṣka॒vi-ra॒gnirī॒ḍenyo̭ gi॒rā | re॒vada॒smabhya̭-mpurvaṇīka dīdihi || kṣa॒po rā̭jannu॒ta tmanā-'gne॒ vasto̭ru॒toṣasaḥ̭ | sa ti̭gmajambha [ ] 14

ra॒kṣaso̭ daha॒ prati̭ || ā tḙ agna idhīmahi dyu॒manta̭-ndevā॒jara᳚m | yaddha॒ syā te॒ panī̭yasī sa॒mi-ddī॒daya̭ti॒ dyavīṣagg̭ sto॒tṛbhya॒ ā bha̭ra || ā tḙ agna ṛ॒cā ha॒vi-śśu॒krasya̭ jyotiṣaspate | suśca̭ndra॒ dasma॒ viśpa̭te॒ havya̭vā॒-ṭtubhyagṃ̭ hūyata॒ iṣagg̭ sto॒tṛbhya॒ ā bha̭ra || u॒bhe sṷścandra sa॒rpiṣo॒ darvī᳚ śrīṇīṣa ā॒sani̭ | u॒to na॒ u-tpṷpūryā [u-tpṷpūryāḥ, u॒ktheṣṷ] 15

u॒ktheṣṷ śavasaspata॒ iṣagg̭ sto॒tṛbhya॒ ā bha̭ra || agne॒ tama॒dyāśva॒-nna stomaiḥ॒ kratu॒-nna bha॒dragṃ hṛ̭di॒spṛśa᳚m | ṛ॒ddhyāmā̭ ta॒ ohaiḥ᳚ || adhā॒ hya̭gne॒ krato᳚rbha॒drasya॒ dakṣa̭sya sā॒dhoḥ | ra॒thīr-ṛ॒tasya̭ bṛha॒to ba॒bhūtha̭ || ā॒bhiṣṭḙ a॒dya gī॒rbhirgṛ॒ṇanto-'gne॒ dāśḙma | pra tḙ di॒vo na sta̭nayanti॒ śuṣmāḥ᳚ || e॒bhirno̭ a॒rkairbhavā̭ no a॒rvā- [a॒rvāṅ, suva॒rna jyotiḥ̭ |] 16

-ṅkhsuva॒rna jyotiḥ̭ | agne॒ viśvḙbhi-ssu॒manā॒ anī̭kaiḥ || a॒gnigṃ hotā̭ra-mmanye॒ dāsva̭ntaṃ॒-va~so᳚-ssū॒nugṃ saha̭so jā॒tavḙdasam | vipra॒-nna jā॒tavḙdasam | ya ū॒rdhvayā᳚ svaddhva॒ro de॒vo de॒vācyā̭ kṛ॒pā | ghṛ॒tasya॒ vibhrā᳚ṣṭi॒manṷ śu॒kraśo̭ciṣa ā॒juhvā̭nasya sa॒rpiṣaḥ̭ || agne॒ tva-nno॒ anta̭maḥ | u॒ta trā॒tā śi॒vo bha̭va varū॒thyaḥ̭ || ta-ntvā̭ śociṣṭha dīdivaḥ | su॒mnāya̭ nū॒namī̭mahe॒ sakhi̭bhyaḥ || vasṷra॒gnirvasṷśravāḥ | acchā̭ nakṣi dyu॒matta̭mo ra॒yi-ndāḥ᳚ || 17 ||

(janā̭nā॒ - maṅgi̭rasa॒ - iṣagṃ̭ - su॒śamī̭ - tigmajambha - pupūryā - a॒rvāṃ - vasṷśravāḥ॒ - pañca̭ ca) (a. 4)

i॒ndrā॒gnibhyā᳚-ntvā sa॒yujā̭ yu॒jā yṷnajmyā ghā॒rābhyā॒-nteja̭sā॒ varca̭so॒ kthebhi॒-sstomḙbhi॒ śchando̭bhī ra॒yyai poṣā̭ya sajā॒tānā᳚-mmaddhyama॒stheyā̭ya॒ mayā᳚ tvā sa॒yujā̭ yu॒jā yṷnajmya॒bā-ndu॒lā ni̭ta॒tni ra॒bhraya̭ntī me॒ghaya̭ntī va॒r॒ṣaya̭ntī cupu॒ṇīkā॒ nāmā̭si pra॒jāpa̭tinā tvā॒ viśvā̭bhirdhī॒bhirupa̭ dadhāmi pṛthi॒vyṷdapu॒ramannḙna vi॒ṣṭā ma̭nu॒ṣyā᳚ste go॒ptāro॒ 'gnirviya̭tto-'syā॒-ntāma॒ha-mpra̭ padye॒ sā [ ] 18

me॒ śarma̭ ca॒ varma̭ cā॒stvadhi̭ dyaura॒ntari̭kṣa॒-mbrahma̭ṇā vi॒ṣṭā ma॒ruta̭ste go॒ptāro̭ vā॒yurviya̭tto-'syā॒-ntāma॒ha-mpra pa̭dye॒ sā me॒ śarma̭ ca॒ varma̭ cāstu॒ dyaurapa̭rājitā॒-'mṛtḙna vi॒ṣṭā-''di॒tyāstḙ go॒ptāra॒-ssūryo॒ viya̭tto-'syā॒-ntāma॒ha-mpra pa̭dye॒ sā me॒ śarma̭ ca॒ varma̭ cāstu || 19 ||

(sā - 'ṣṭāca̭tvārigṃśacca) (a. 5)

bṛha॒spati̭stvā sādayatu pṛthi॒vyāḥ pṛ॒ṣṭhe jyoti̭ṣmatīṃ॒-vi~śva̭smai prā॒ṇāyā̭pā॒nāya॒ viśva॒-ñjyoti̭ryacchā॒- gniste-'dhi̭pati rvi॒śvaka̭rmā tvā sādayatva॒ntari̭kṣasya pṛ॒ṣṭhe jyoti̭ṣmatīṃ॒-vi~śva̭smai prā॒ṇāyā̭pā॒nāya॒ viśva॒-ñjyoti̭ryaccha vā॒yuste-'dhi̭patiḥ pra॒jāpa̭tistvā sādayatu di॒vaḥ pṛ॒ṣṭhe jyoti̭ṣmatīṃ॒-vi~śva̭smai prā॒ṇāyā̭pā॒nāya॒ viśva॒-ñjyoti̭ryaccha parame॒ṣṭhī te-'dhi̭patiḥ purovāta॒sani̭rasya bhra॒sani̭rasi vidyu॒thsani̭- [vidyu॒thsaniḥ̭, a॒si॒ sta॒na॒yi॒tnu॒sani̭rasi] 20

-rasi stanayitnu॒sani̭rasi vṛṣṭi॒sani̭rasya॒-gneryānya̭si de॒vānā̭magne॒ yānya̭si vā॒yoryānya̭si de॒vānāṃ᳚-vā~yo॒yānya̭sya॒ntari̭kṣasya॒ yānya̭si de॒vānā̭- mantarikṣa॒yānya̭sya॒-ntari̭kṣamasya॒ntari̭kṣāya tvā sali॒lāya̭ tvā॒ sarṇī̭kāya tvā॒ satī̭kāya tvā॒ ketā̭ya tvā॒ pracḙtase tvā॒ viva̭svate tvā di॒vastvā॒ jyoti̭ṣa ādi॒tyebhya̭stva॒rce tvā̭ ru॒ce tvā᳚ dyu॒te tvā̭ bhā॒se tvā॒ jyoti̭ṣe tvā yaśo॒dā-ntvā॒ yaśa̭si tejo॒dā-ntvā॒ teja̭si payo॒dā-ntvā॒ paya̭si varco॒dā-ntvā॒ varca̭si draviṇo॒dā-ntvā॒ dravi̭ṇe sādayāmi॒ tenarṣi̭ṇā॒ tena॒ brahma̭ṇā॒ tayā̭ de॒vata̭yā-'ṅgira॒sva-ddhru॒vā sī̭da || 21 ||

(vi॒dyu॒thsani̭ - rdyu॒te tvai - kā॒nna tri॒gṃ॒śacca̭) (a. 6)

bhū॒ya॒skṛda̭si variva॒skṛda̭si॒ prācya̭syū॒rdhvā-'sya̭-ntarikṣa॒sada̭sya॒-ntari̭kṣe sīdā-phsu॒ṣada̭si śyena॒sada̭si gṛddhra॒sada̭si suparṇa॒sada̭si nāka॒sada̭si pṛthi॒vyāstvā॒ dravi̭ṇe sādayāmya॒-ntari̭kṣasya tvā॒ dravi̭ṇe sādayāmi di॒vastvā॒ dravi̭ṇe sādayāmi di॒śā-ntvā॒ dravi̭ṇe sādayāmi draviṇo॒dā-ntvā॒ dravi̭ṇe sādayāmi prā॒ṇa-mmḙ pāhya-pā॒na-mmḙ pāhi vyā॒na-mmḙ [vyā॒na-mme᳚, pā॒hyāyṷrme pāhi] 22

pā॒hyāyṷrme pāhi vi॒śvāyṷrme pāhi sa॒rvāyṷrme pā॒hyagne॒ ya-tte॒ para॒gṃ॒ hṛnnāma॒ tāvehi॒ sagṃ ra̭bhāvahai॒ pāñca̭ janye॒ṣva-pye᳚ddhyagne॒ yāvā॒ ayā̭vā॒ evā॒ ūmā॒-ssabda॒-ssaga̭ra-ssu॒mekaḥ̭ || 23 ||

(vyā॒na-mme॒-dvātrigṃ̭śacca) (a. 7)

a॒gninā̭ viśvā॒ṣāṭ sūryḙṇa sva॒rā-ṭkratvā॒ śacī॒pati̭r-ṛṣa॒bheṇa॒ tvaṣṭā̭ ya॒jñena̭ ma॒ghavā॒-ndakṣi̭ṇayā suva॒rgo ma॒nyunā̭ vṛtra॒hā sauhā᳚rdyena tanū॒dhā annḙna॒ gayaḥ̭ pṛthi॒vyā-'sa̭no dṛ॒gbhira̭nnā॒do va̭ṣaṭkā॒reṇa॒rdha-ssāmnā̭ tanū॒pā vi॒rājā॒ jyoti̭ṣmā॒-nbrahma̭ṇā soma॒pā gobhi̭rya॒jña-ndā̭dhāra kṣa॒treṇa̭ manu॒ṣyā̭-naśvḙna ca॒ rathḙna ca va॒jryṛ̭tubhiḥ̭ pra॒bhu-ssaṃ̭va~thsa॒reṇa̭ pari॒bhū stapa॒sā-'nā̭dhṛṣṭa॒-ssūrya॒-ssa-nta॒nūbhiḥ̭ || 24 ||

(a॒gni - raikā॒nna pa̭ñcā॒śat) (a. 8)

pra॒jāpa̭ti॒rmana॒sā 'ndho-'cchḙto dhā॒tā dī॒kṣāyāgṃ̭ savi॒tā bhṛ॒tyā-mpū॒ṣā so̭ma॒kraya̭ṇyāṃ॒-va~rṷṇa॒ upa̭na॒ddho 'sṷraḥ krī॒yamā̭ṇo mi॒traḥ krī॒ta-śśi̭pivi॒ṣṭa āsā̭dito na॒randhi̭ṣaḥ pro॒hyamā॒ṇo 'dhi̭pati॒rāga̭taḥ pra॒jāpa̭tiḥ praṇī॒yamā̭no॒ 'gnirāgnī᳚ddhre॒ bṛha॒spati॒rāgnī᳚ddhrā-tpraṇī॒yamā̭na॒ indro̭ havi॒rdhāne 'di̭ti॒rāsā̭dito॒ viṣṇṷrupāvahri॒yamā॒ṇo 'tha॒rvopo᳚tto ya॒mo̭-'bhiṣṷto 'pūta॒pā ā̭dhū॒yamā̭no vā॒yuḥ pū॒yamā̭no mi॒traḥ, kṣī̭ra॒śrīrma॒nthī sa̭ktu॒śrīrvai᳚śvade॒va unnī̭to ru॒dra āhṷto vā॒yurāvṛ̭tto nṛ॒cakṣāḥ॒ prati̭khyāto bha॒kṣa āga̭taḥ pitṛ॒ṇā-nnā̭rāśa॒gṃ॒so 'su॒rātta॒-ssindhṷra-vabhṛ॒thama̭vapra॒yan-thsa̭mu॒dro 'va̭gata-ssali॒laḥ praplṷta॒-ssuva̭ru॒dṛca̭-ṅga॒taḥ || 25 ||

(ru॒dra - eka̭vigṃśatiśca) (a. 9)

kṛtti̭kā॒ nakṣa̭tra-ma॒gnirde॒vatā॒-'gne rucaḥ̭ stha pra॒jāpa̭terdhā॒tu-ssoma̭sya॒rce tvā̭ ru॒ce tvā᳚ dyu॒te tvā̭ bhā॒se tvā॒ jyoti̭ṣe tvā rohi॒ṇī nakṣa̭tra-mpra॒jāpa̭tirde॒vatā̭ mṛgaśī॒r॒ṣa̭-nnakṣa̭tra॒gṃ॒ somo̭ de॒vatā॒ ''rdrā nakṣa̭tragṃ ru॒dro de॒vatā॒ puna̭rvasū॒ nakṣa̭tra॒madi̭tirde॒vatā̭- ti॒ṣyo̭ nakṣa̭tra॒-mbṛha॒spati̭rde॒vatā᳚ ''śre॒ṣā nakṣa̭tragṃ sa॒rpā de॒vatā̭ ma॒ghā nakṣa̭tra-mpi॒taro̭ de॒vatā॒ phalgṷnī॒ nakṣa̭tra- [nakṣa̭tram, a॒rya॒mā] 26

-marya॒mā de॒vatā॒ phalgṷnī॒ nakṣa̭tra॒-mbhago̭ de॒vatā॒ hasto॒ nakṣa̭tragṃ savi॒tā de॒vatā̭ ci॒trā nakṣa̭tra॒mindro̭ de॒vatā᳚ svā॒tī nakṣa̭traṃ-vā~॒yurde॒vatā॒ viśā̭khe॒ nakṣa̭tramindrā॒gnī de॒vatā̭ 'nūrā॒dhā nakṣa̭tra-mmi॒tro de॒vatā̭ rohi॒ṇī nakṣa̭tra॒mindro̭ de॒vatā̭ vi॒cṛtau॒ nakṣa̭tra-mpi॒taro̭ de॒vatā̭ 'ṣā॒ḍhā nakṣa̭tra॒māpo̭ de॒vatā̭ 'ṣā॒ḍhā nakṣa̭traṃ॒-vi~śvḙ de॒vā de॒vatā᳚ śro॒ṇā nakṣa̭traṃ॒-vi~ṣṇṷrde॒vatā॒ śravi̭ṣṭhā॒ nakṣa̭traṃ॒-va~sa̭vo [nakṣa̭traṃ॒-va~sa̭vaḥ, de॒vatā̭] 27

de॒vatā̭ śa॒tabhi̭ṣa॒-nnakṣa̭tra॒mindro̭ de॒vatā᳚ proṣṭhapa॒dā nakṣa̭trama॒ja eka̭pā-dde॒vatā᳚ proṣṭhapa॒dā nakṣa̭tra॒mahi̭rbu॒ddhniyo̭ de॒vatā̭ re॒vatī॒ nakṣa̭tra-mpū॒ṣā de॒vatā᳚ 'śva॒yujau॒ nakṣa̭trama॒śvinaṷ de॒vatā̭ 'pa॒bhara̭ṇī॒rnakṣa̭traṃ-ya~॒mo de॒vatā̭, pū॒rṇā pa॒ścādya-ttḙ de॒vā ada̭dhuḥ || 28 ||

(phalgṷnī॒ nakṣa̭traṃ॒ - ~vasa̭va॒ - straya̭strigṃśacca) (a. 10)

madhṷśca॒ mādha̭vaśca॒ vāsa̭ntikāvṛ॒tū śu॒kraśca॒ śuci̭śca॒ graiṣmā̭vṛ॒tū nabha̭śca nabha॒sya̭śca॒ vārṣi̭kāvṛ॒tū i॒ṣaśco॒rjaśca̭ śāra॒dāvṛ॒tū saha̭śca saha॒sya̭śca॒ haima̭ntikāvṛ॒tū tapa̭śca tapa॒sya̭śca śaiśi॒rāvṛ॒tū a॒gnera̭nta-śśle॒ṣo̭-'si॒ kalpḙtā॒-ndyāvā̭pṛthi॒vī kalpa̭ntā॒māpa॒ oṣa̭dhīḥ॒ kalpa̭ntāma॒gnayaḥ॒ pṛtha॒mmama॒ jyaiṣṭhya̭ya॒ savra̭tā॒ [savra̭tāḥ, ye᳚-'gnaya॒-] 29

ye᳚-'gnaya॒-ssama̭naso-'nta॒rā dyāvā̭pṛthi॒vī śai̭śi॒rāvṛ॒tū a॒bhi kalpa̭mānā॒ indra̭miva de॒vā a॒bhi saṃvi~̭śantu saṃ॒ya~cca॒ pracḙtāścā॒gne-ssoma̭sya॒ sūrya̭syo॒-grā ca̭ bhī॒mā ca̭ pitṛ॒ṇāṃ-ya~॒masyendra̭sya dhru॒vā ca̭ pṛthi॒vī ca̭ de॒vasya̭ savi॒turma॒rutāṃ॒-va~rṷṇasya dha॒rtrī ca॒ dhari̭trī ca mi॒trāvarṷṇayo rmi॒trasya̭ dhā॒tuḥ prācī̭ ca pra॒tīcī̭ ca॒ vasṷ̄nāgṃ ru॒drāṇā̭- [ru॒drāṇā᳚m, ā॒di॒tyānā॒-nte] 30

-mādi॒tyānā॒-nte te-'dhi̭pataya॒stebhyo॒ nama॒ste no̭ mṛḍayantu॒ te ya-ndvi॒ṣmo yaśca̭ no॒ dveṣṭi॒ taṃ-vo~॒ jambhḙ dadhāmi sa॒hasra̭sya pra॒mā a̭si sa॒hasra̭sya prati॒mā a̭si sa॒hasra̭sya vi॒mā a̭si sa॒hasra̭syo॒nmā a̭si sāha॒sro̭-'si sa॒hasrā̭ya tve॒mā mḙ agna॒ iṣṭa̭kā dhe॒navaḥ̭ sa॒ntvekā̭ ca śa॒ta-ñca̭ sa॒hasra̭-ñcā॒yuta̭-ñca [ ] 31

ni॒yuta̭-ñca pra॒yuta॒-ñcārbṷda-ñca॒ nya̭rbuda-ñca samu॒draśca॒ maddhya॒-ñcānta̭śca parā॒rdhaśce॒mā mḙ agna॒ iṣṭa̭kā dhe॒navaḥ̭ santu ṣa॒ṣṭhi-ssa॒hasra̭ma॒yuta॒-makṣī̭yamāṇā ṛta॒sthā stha̭rtā॒vṛdho̭ ghṛta॒ścuto̭ madhu॒ścuta॒ ūrja̭svatī-ssvadhā॒vinī॒stā mḙ agna॒ iṣṭa̭kā dhe॒navaḥ̭ santu vi॒rājo॒ nāma̭ kāma॒dughā̭ a॒mutrā॒muṣmi̭n ~lo॒ke || 32 ||

(savra̭tā - ru॒drāṇā̭ - ma॒yuta̭ñca॒ - pañca̭catvārigṃśacca) (a. 11)

sa॒mi-ddi॒śāmā॒śayā̭ na-ssuva॒rvinmadho॒rato॒ mādha̭vaḥ pātva॒smān | a॒gnirde॒vo du॒ṣṭarī̭tu॒radā᳚bhya i॒da-ṅkṣa॒tragṃ ra̭kṣatu॒ pātva॒smān || ra॒tha॒nta॒ragṃ sāma̭bhiḥ pātva॒smā-ngā̭ya॒trī chanda̭sāṃ-vi~॒śvarṷ̄pā | tri॒vṛnno̭ vi॒ṣṭhayā॒ stomo॒ ahnāgṃ̭ samu॒dro vāta̭ i॒damojaḥ̭ pipartu || u॒grā di॒śāma॒bhi-bhṷ̄tirvayo॒dhā-śśuciḥ̭ śu॒kre aha̭nyoja॒sīnā᳚ | indrādhi̭patiḥ pipṛtā॒dato̭ no॒ mahi̭ [ ] 33

kṣa॒traṃ-vi~॒śvato̭ dhāraye॒dam || bṛ॒ha-thsāma̭ kṣatra॒bhṛ-dvṛ॒ddha vṛ̭ṣṇiya-ntri॒ṣṭubhaujaḥ̭ śubhi॒ta mu॒gravī̭ram | indra॒ stomḙna pañcada॒śena॒ maddhya̭mi॒daṃ-vā~tḙna॒ saga̭reṇa rakṣa || prācī̭ di॒śāgṃ sa॒haya̭śā॒ yaśa̭svatī॒ viśvḙ devāḥ prā॒vṛṣā 'hnā॒gṃ॒ suva̭rvatī | i॒da-ṅkṣa॒tra-ndu॒ṣṭara̭ma॒stvojo 'nā̭dhṛṣṭagṃ saha॒sriya॒gṃ॒ saha̭svat || vai॒rū॒pe sāma̭nni॒ha taccha̭kema॒ jaga̭tyainaṃ-vi~॒kṣvā vḙśayāmaḥ | viśvḙ devā-ssaptada॒śena॒ [saptada॒śena̭, varca̭ i॒da-ṅkṣa॒tragṃ] 34

varca̭ i॒da-ṅkṣa॒tragṃ sa̭li॒lavā̭tamu॒gram || dha॒rtrī di॒śā-ṅkṣa॒trami॒da-ndā̭dhāropa॒sthā-''śā̭nā-mmi॒trava̭da॒stvojaḥ̭ | mitrā̭varuṇā śa॒radā-'hnā᳚-ñcikitnū a॒smai rā॒ṣṭrāya॒ mahi॒ śarma̭ yacchatam || vai॒rā॒je sāma॒nnadhi̭ me manī॒ṣā-'nu॒ṣṭubhā॒ sambhṛ̭taṃ-vī~॒ryagṃ̭ sahaḥ̭ | i॒da-ṅkṣa॒tra-mmi॒trava̭dā॒rdradā̭nu॒ mitrā̭varuṇā॒ rakṣa̭ta॒-mādhi̭patyaiḥ || sa॒mrā-ḍdi॒śāgṃ sa॒hasā᳚mnī॒ saha̭svatyṛ॒turhḙma॒nto vi॒ṣṭhayā̭ naḥ pipartu | a॒va॒syuvā̭tā [a॒va॒syuvā̭tāḥ, bṛ॒ha॒tīrnu] 35

bṛha॒tīrnu śakva̭rīri॒maṃ-ya~॒jñama̭vantu no ghṛ॒tācīḥ᳚ || suva̭rvatī su॒dughā̭ naḥ॒ paya̭svatī di॒śā-nde॒vya̭vatu no ghṛ॒tācī᳚ | tva-ṅgo॒pāḥ pṷrae॒tota pa॒ścā-dbṛha̭spate॒ yāmyāṃ᳚-yu~ṅgdhi॒ vāca᳚m || ū॒rdhvā di॒śāgṃ ranti॒rāśauṣa̭dhīnāgṃ saṃva~thsa॒reṇa̭ savi॒tā no॒ ahnā᳚m | re॒va-thsāmāti̭cchandā u॒ chando-'jā̭ta śatru-ssyo॒nā no̭ astu || stoma̭trayastrigṃśe॒ bhuva̭nasya patni॒ viva̭svadvāte a॒bhi no̭ [a॒bhi naḥ̭, gṛ॒ṇā॒hi॒ |] 36

gṛṇāhi | ghṛ॒tava̭tī savita॒rādhi̭patyaiḥ॒ paya̭svatī॒ ranti॒rāśā̭ no astu || dhru॒vā di॒śāṃ-vi~ṣṇṷpa॒tnyagho̭rā॒-'syeśā̭nā॒ saha̭so॒ yā ma॒notā᳚ | bṛha॒spati̭ rmāta॒riśvo॒ta vā॒yu-ssa̭ndhuvā॒nā vātā̭ a॒bhi no̭ gṛṇantu || vi॒ṣṭa॒bho-ndi॒vo dha॒ruṇaḥ̭ pṛthi॒vyā a॒syeśā̭nā॒ jaga̭to॒ viṣṇṷpatnī | vi॒śvavya̭cā i॒ṣaya̭ntī॒ subhṷ̄ti-śśi॒vā no̭ a॒stvadi̭tiru॒pasthe᳚ || vai॒śvā॒na॒ro na̭ ū॒tyāpṛ॒ṣṭo di॒vyanṷ no॒ 'dyānṷmati॒ranvida̭numate॒ tva-ṅkayā̭ naści॒tra ābhṷva॒tko a॒dya yṷṅkte || 37 ||

(mahi̭ - saptada॒śenā̭ - 'va॒syuvā̭tā - a॒bhi no - 'nṷ na॒ - ścatṷrdaśa ca) (a. 12)

(ra॒śmira̭si॒ - rājñya̭sya॒ - ya-mpu॒ro hari̭keśo॒ - 'gnirmū॒rdha - ndrā॒gnibhyāṃ॒ - bṛha॒spati̭ - rbhūya॒skṛda̭ - sya॒gninā̭ viśvā॒ṣāṭ - pra॒jāpa̭ti॒rmana̭sā॒ - kṛtti̭kā॒ - madhṷśca - sa॒middi॒śāṃ - dvāda̭śa )

(ra॒śmira̭si॒ - prati̭ dhe॒nu- ma̭si stanayitnu॒sani̭ra - syādi॒tyānāgṃ̭ - sa॒ptatrigṃ̭śat )

(ra॒śmira̭si॒, ko a॒dya yṷṅkte)

|| hariḥ̭ om ||

|| kṛṣṇa yajurvedīya taittirīya saṃhitāyā-ñcaturtha kāṇḍe caturthaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-ञ्चतुर्थकाण्डे चतुर्थः प्रश्नः - पञ्चमचितिशेषनिरूपणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

र॒श्मिर॑सि॒ क्षया॑य त्वा॒ क्षय॑-ञ्जिन्व॒ प्रेति॑रसि॒ धर्मा॑य त्वा॒ धर्म॑-ञ्जि॒न्वान्वि॑तिरसि दि॒वे त्वा॒ दिव॑-ञ्जिन्व स॒न्धिर॑स्य॒न्तरि॑क्षाय त्वा॒-ऽन्तरि॑क्ष-ञ्जिन्व प्रति॒धिर॑सि पृथि॒व्यै त्वा॑ पृथि॒वी-ञ्जि॑न्व विष्ट॒भों॑-ऽसि॒ वृष्ट्यै᳚ त्वा॒ वृष्टि॑-ञ्जिन्व प्र॒वा-ऽस्यह्ने॒ त्वा-ऽह॑र्जिन्वानु॒ वा-ऽसि॒ रात्रि॑यै त्वा॒ रात्रि॑-ञ्जिन्वो॒ शिग॑सि॒ [रात्रि॑-ञ्जिन्वो॒ शिग॑सि, वसु॑भ्यस्त्वा॒] 1

वसु॑भ्यस्त्वा॒ वसू᳚ञ्जिन्व प्रके॒तो॑-ऽसि रु॒द्रेभ्य॑स्त्वा रु॒द्राञ्जि॑न्व सुदी॒तिर॑स्यादि॒त्येभ्य॑स्त्वा ऽऽदि॒त्याञ्जि॒न्वौजो॑-ऽसि पि॒तृभ्य॑स्त्वा पि॒तॄञ्जि॑न्व॒ तन्तु॑रसि प्र॒जाभ्य॑स्त्वा प्र॒जा जि॑न्व पृतना॒षाड॑सि प॒शुभ्य॑स्त्वा प॒शूञ्जि॑न्व रे॒वद॒स्योष॑धीभ्य॒-स्त्वौष॑धी-र्जिन्वाभि॒जिद॑सि यु॒क्तग्रा॒वेन्द्रा॑य॒ त्वेन्द्र॑-ञ्जि॒न्वाधि॑पतिरसि प्रा॒णाय॑ [प्रा॒णाय॑, त्वा॒ प्रा॒ण-ञ्जि॑न्व] 2

त्वा प्रा॒ण-ञ्जि॑न्व य॒न्ता-ऽस्य॑पा॒नाय॑ त्वा-ऽपा॒न-ञ्जि॑न्व स॒ग्ं॒सर्पो॑-ऽसि॒ चक्षु॑षे त्वा॒ चक्षु॑र्जिन्व वयो॒धा अ॑सि॒ श्रोत्रा॑य त्वा॒ श्रोत्र॑-ञ्जिन्व त्रि॒वृद॑सि प्र॒वृद॑सि सं॒वृँद॑सि वि॒वृद॑सि सग्ंरो॒हो॑-ऽसि नीरो॒हो॑-ऽसि प्ररो॒हो᳚-ऽस्यनुरो॒हो॑-ऽसि वसु॒को॑-ऽसि॒ वेष॑श्रिरसि॒ वस्य॑ष्टिरसि ॥ 3 ॥

(उ॒शिग॑सि - प्रा॒णाय॒ - त्रिच॑त्वारिग्ंशच्च) (अ. 1)

राज्ञ्य॑सि॒ प्राची॒ दिग्वस॑वस्ते दे॒वा अधि॑पतयो॒-ऽग्निर्हे॑ती॒ना-म्प्र॑तिध॒र्ता॑ त्रि॒वृ-त्त्वा॒ स्तोमः॑ पृथि॒व्याग् श्र॑य॒त्वाज्य॑-मु॒क्थमव्य॑थय-थ्स्तभ्नातु रथन्त॒रग्ं साम॒ प्रति॑ष्ठित्यै वि॒राड॑सि दक्षि॒णा दिग्रु॒द्रास्ते॑ दे॒वा अधि॑पतय॒ इन्द्रो॑ हेती॒ना-म्प्र॑तिध॒र्ता प॑ञ्चद॒शस्त्वा॒ स्तोमः॑ पृथि॒व्याग् श्र॑यतु॒ प्र-उ॑गमु॒क्थ-मव्य॑थय-थ्स्तभ्नातु बृ॒ह-थ्साम॒ प्रति॑ष्ठित्यै स॒म्राड॑सि प्र॒तीची॒ दि- [दिक्, आ॒दि॒त्यास्ते॑] 4

-गा॑दि॒त्यास्ते॑ दे॒वा अधि॑पतय॒-स्सोमो॑ हेती॒ना-म्प्र॑तिध॒र्ता स॑प्तद॒शस्त्वा॒ स्तोमः॑ पृथि॒व्याग् श्र॑यतु मरुत्व॒तीय॑मु॒क्थ-मव्य॑थय-थ्स्तभ्नातु वैरू॒पग्ं साम॒ प्रति॑ष्ठित्यायै स्व॒राड॒स्युदी॑ची॒ दिग् विश्वे॑ ते दे॒वा अधि॑पतयो॒ वरु॑णो हेती॒ना-म्प्र॑तिध॒र्तैक॑वि॒ग्ं॒श स्त्वा॒ स्तोमः॑ पृथि॒व्याग् श्र॑यतु॒ निष्के॑वल्य-मु॒क्थमव्य॑थय-थ्स्तभ्नातु वैरा॒जग्ं साम॒ प्रति॑ष्ठित्या॒ अधि॑पत्न्यसि बृह॒ती दिम्म॒रुत॑स्ते दे॒वा अधि॑पतयो॒ [अधि॑पतयः, बृह॒स्पति॑र्हेती॒-] 5

बृह॒स्पति॑र्हेती॒ना-म्प्र॑तिध॒र्ता त्रि॑णवत्रयस्त्रि॒ग्ं॒शौ त्वा॒ स्तोमौ॑ पृथि॒व्याग् श्र॑यतां-वैँश्वदेवाग्निमारु॒ते उ॒क्थे अव्य॑थयन्ती स्तभ्नीताग्ं शाक्वररैव॒ते साम॑नी॒ प्रति॑ष्ठित्या अ॒न्तरि॑क्षा॒यर्ष॑यस्त्वा प्रथम॒जा दे॒वेषु॑ दि॒वो मात्र॑या वरि॒णा प्र॑थन्तु विध॒र्ता चा॒यमधि॑पतिश्च॒ ते त्वा॒ सर्वे॑ संविँदा॒ना नाक॑स्य पृ॒ष्ठे सु॑व॒र्गे लो॒के यज॑मान-ञ्च सादयन्तु ॥ 6 ॥

(प्र॒तीची॒ दिं - म॒रुत॑स्ते दे॒वा अधि॑पतय - श्चत्वारि॒ग्ं॒शच्च॑) (अ. 2)

अ॒य-म्पु॒रो हरि॑केश॒-स्सूर्य॑रश्मि॒स्तस्य॑ रथगृ॒थ्सश्च॒ रथौ॑जाश्च सेनानि ग्राम॒ण्यौ॑ पुञ्जिकस्थ॒ला च॑ कृतस्थ॒ला चा᳚फ्स॒रसौ॑ यातु॒धाना॑ हे॒ती रक्षाग्ं॑सि॒ प्रहे॑ति र॒य-न्द॑क्षि॒णा वि॒श्व क॑र्मा॒ तस्य॑ रथस्व॒नश्च॒ रथे॑चित्रश्च सेनानि ग्राम॒ण्यौ॑ मेन॒का च॑ सहज॒न्या चा᳚फ्स॒रसौ॑ दं॒णवः॑ प॒शवो॑ हे॒तिः पौरु॑षेयो व॒धः प्रहे॑ति र॒य-म्प॒श्चा-द्वि॒श्वव्य॑चा॒ स्तस्य॒ रथ॑ प्रोत॒श्चा-स॑मरथश्च सेनानि ग्राम॒ण्यौ᳚ प्र॒म्लोच॑न्ती चा- [प्र॒म्लोच॑न्ती च, अ॒नु॒म्लोच॑न्ती-] 7

-ऽनु॒म्लोच॑न्ती-चाफ्स॒रसौ॑ स॒र्पा हे॒ति र्व्या॒घ्राः प्रहे॑ति र॒य मु॑त्त॒रा-थ्सं॒यఁ%द्- व॑सु॒स्तस्य॑ सेन॒जिच्च॑ सु॒षेण॑श्च सेनानि ग्राम॒ण्यौ॑ वि॒श्वाची॑ च घृ॒ताची॑ चाफ्स॒रसा॒ वापो॑ हे॒ति र्वातः॒ प्रहे॑ति र॒यमु॒पर्य॒ र्वाग्व॑-सु॒स्तस्य॒ तार्क्ष्य॒-श्चारि॑ष्ट-नेमिश्च सेनानि ग्राम॒ण्या॑ वु॒र्वशी॑ च पू॒र्वचि॑त्तिश्चा-फ्स॒रसौ॑ वि॒द्युद्धे॒तिर॑-व॒स्फूर्ज॒-न्प्रहे॑ति॒ स्तेभ्यो॒ नम॒स्ते नो॑ मृडयन्तु॒ ते य- [ते यम्, द्वि॒ष्मो] 8

-न्द्वि॒ष्मो यश्च॑ नो॒ द्वेष्टि॒ तं-वोँ॒ जम्भे॑ दधाम्या॒योस्त्वा॒ सद॑ने सादया॒म्यव॑त श्छा॒याया॒-न्नमः॑ समु॒द्राय॒ नमः॑ समु॒द्रस्य॒ चक्ष॑से परमे॒ष्ठी त्वा॑ सादयतु दि॒वः पृ॒ष्ठे व्यच॑स्वती॒-म्प्रथ॑स्वतीं-विँ॒भूम॑ती-म्प्र॒भूम॑ती-म्परि॒भूम॑ती॒-न्दिवं॑-यँच्छ॒ दिव॑-न्दृग्ंह॒ दिव॒-म्मा हिग्ं॑सी॒र्विश्व॑स्मै प्रा॒णाया॑पा॒नाय॑ व्या॒नायो॑दा॒नाय॑ प्रति॒ष्ठायै॑ च॒रित्रा॑य॒ सूर्य॑स्त्वा॒-ऽभि पा॑तु म॒ह्या स्व॒स्त्या छ॒र्दिषा॒ शन्त॑मेन॒ तया॑ दे॒वत॑या-ऽङ्गिर॒स्व-द्ध्रु॒वा सी॑द ॥ प्रोथ॒दश्वो॒ न यव॑से अवि॒ष्यन्. य॒दा म॒ह-स्स॒ँवर॑णा॒-द्व्यस्था᳚त् । आद॑स्य॒ वातो॒ अनु॑ वाति शो॒चिरध॑ स्म ते॒ व्रज॑न-ङ्कृ॒ष्णम॑स्ति ॥ 9 ॥

(प्र॒म्लोच॑न्ती च॒ - यग्ग् - स्व॒स्त्या - ऽष्टाविग्ं॑शतिश्च) (अ. 3)

अ॒ग्निर्मू॒र्धा दि॒वः क॒कु-त्पतिः॑ पृथि॒व्या अ॒यम् । अ॒पाग्ं रेताग्ं॑सि जिन्वति ॥ त्वाम॑ग्ने॒ पुष्क॑रा॒दद्ध्यथ॑र्वा॒ निर॑मन्थत । मू॒र्ध्नो विश्व॑स्य वा॒घतः॑ ॥ अ॒यम॒ग्नि-स्स॑ह॒स्रिणो॒ वाज॑स्य श॒तिन॒स्पतिः॑ । मू॒र्धा क॒वी र॑यी॒णाम् ॥ भुवो॑ य॒ज्ञस्य॒ रज॑सश्च ने॒ता यत्रा॑ नि॒युद्भि॒-स्सच॑से शि॒वाभिः॑ । दि॒वि मू॒र्धान॑-न्दधिषे सुव॒र्॒षा-ञ्जि॒ह्वाम॑ग्ने चकृषे हव्य॒वाह᳚म् ॥ अबो᳚द्ध्य॒ग्नि-स्स॒मिधा॒ जना॑ना॒- [जना॑नाम्, प्रति॑] 10

-म्प्रति॑ धे॒नुमि॑वा य॒तीमु॒षास᳚म् । य॒ह्वा इ॑व॒ प्रव॒या मु॒ज्जिहा॑नाः॒ प्र भा॒नवः॑ सिस्रते॒ नाक॒मच्छ॑ ॥ अवो॑चाम क॒वये॒ मेद्ध्या॑य॒ वचो॑ व॒न्दारु॑ वृष॒भाय॒ वृष्णे᳚ । गवि॑ष्ठिरो॒ नम॑सा॒ स्तोम॑म॒ग्नौ दि॒वीव॑ रु॒क्ममु॒र्व्यञ्च॑मश्रेत् ॥ जन॑स्य गो॒पा अ॑जनिष्ट॒ जागृ॑विर॒ग्नि-स्सु॒दक्षः॑ सुवि॒ताय॒ नव्य॑से । घृ॒तप्र॑तीको बृह॒ता दि॑वि॒स्पृशा᳚ द्यु॒मद्वि भा॑ति भर॒तेभ्य॒-श्शुचिः॑ ॥ त्वाम॑ग्ने॒ अङ्गि॑रसो॒ [अङ्गि॑रसः, गुहा॑ हि॒तमन्व॑-] 11

गुहा॑ हि॒तमन्व॑-विन्दञ्छिश्रिया॒णं-वँने॑वने । स जा॑यसे म॒थ्यमा॑न॒-स्सहो॑ म॒ह-त्त्वामा॑हु॒-स्सह॑सस्पु॒त्रम॑ङ्गिरः ॥ य॒ज्ञस्य॑ के॒तु-म्प्र॑थ॒म-म्पु॒रोहि॑तम॒ग्नि-न्नर॑स्त्रिषध॒स्थे समि॑न्धते । इन्द्रे॑ण दे॒वै-स्स॒रथ॒ग्ं॒ स ब॒र्॒हिषि॒ सीद॒न्नि होता॑ य॒जथा॑य सु॒क्रतुः॑ ॥ त्वा-ञ्चि॑त्रश्रवस्तम॒ हव॑न्ते वि॒क्षु ज॒न्तवः॑ । शो॒चिष्के॑श-म्पुरुप्रि॒याग्ने॑ ह॒व्याय॒ वोढ॑वे ॥ सखा॑य॒-स्संवः॑ ँस॒म्यञ्च॒-मिष॒ग्ग्॒- [-मिष᳚म्, स्तोम॑-ञ्चा॒ग्नये᳚ ।] 12

-स्तोम॑-ञ्चा॒ग्नये᳚ । वर्षि॑ष्ठाय क्षिती॒नामू॒र्जो नप्त्रे॒ सह॑स्वते ॥ सग्ंस॒मिद्यु॑वसे वृष॒न्नग्ने॒ विश्वा᳚न्य॒र्य आ । इ॒डस्प॒दे समि॑द्ध्यसे॒ स नो॒ वसू॒न्या भ॑र ॥ ए॒ना वो॑ अ॒ग्नि-न्नम॑सो॒र्जो नपा॑त॒मा हु॑वे । प्रि॒य-ञ्चेति॑ष्ठमर॒तिग्ग् स्व॑द्ध्व॒रं-विँश्व॑स्य दू॒तम॒मृत᳚म् ॥ स यो॑जते अरु॒षो वि॒श्वभो॑जसा॒ स दु॑द्रव॒-थ्स्वा॑हुतः । सु॒ब्रह्मा॑ य॒ज्ञ-स्सु॒शमी॒ [य॒ज्ञ-स्सु॒शमी᳚, वसू॑ना-] 13

वसू॑ना-न्दे॒वग्ं राधो॒ जना॑नाम् ॥ उद॑स्य शो॒चिर॑स्थादा॒-जुह्वा॑नस्य मी॒ढुषः॑ । उद्ध॒मासो॑ अरु॒षासो॑ दिवि॒स्पृश॒-स्सम॒ग्निमि॑न्धते॒ नरः॑ ॥ अग्ने॒ वाज॑स्य॒ गोम॑त॒ ईशा॑न-स्सहसो यहो । अ॒स्मे धे॑हि जातवेदो॒ महि॒ श्रवः॑ ॥ स इ॑धा॒नो वसु॑ष्क॒वि-र॒ग्निरी॒डेन्यो॑ गि॒रा । रे॒वद॒स्मभ्य॑-म्पुर्वणीक दीदिहि ॥ क्ष॒पो रा॑जन्नु॒त त्मना-ऽग्ने॒ वस्तो॑रु॒तोषसः॑ । स ति॑ग्मजम्भ [ ] 14

र॒क्षसो॑ दह॒ प्रति॑ ॥ आ ते॑ अग्न इधीमहि द्यु॒मन्त॑-न्देवा॒जर᳚म् । यद्ध॒ स्या ते॒ पनी॑यसी स॒मि-द्दी॒दय॑ति॒ द्यवीषग्ग्॑ स्तो॒तृभ्य॒ आ भ॑र ॥ आ ते॑ अग्न ऋ॒चा ह॒वि-श्शु॒क्रस्य॑ ज्योतिषस्पते । सुश्च॑न्द्र॒ दस्म॒ विश्प॑ते॒ हव्य॑वा॒-ट्तुभ्यग्ं॑ हूयत॒ इषग्ग्॑ स्तो॒तृभ्य॒ आ भ॑र ॥ उ॒भे सु॑श्चन्द्र स॒र्पिषो॒ दर्वी᳚ श्रीणीष आ॒सनि॑ । उ॒तो न॒ उ-त्पु॑पूर्या [उ-त्पु॑पूर्याः, उ॒क्थेषु॑] 15

उ॒क्थेषु॑ शवसस्पत॒ इषग्ग्॑ स्तो॒तृभ्य॒ आ भ॑र ॥ अग्ने॒ तम॒द्याश्व॒-न्न स्तोमैः॒ क्रतु॒-न्न भ॒द्रग्ं हृ॑दि॒स्पृश᳚म् । ऋ॒द्ध्यामा॑ त॒ ओहैः᳚ ॥ अधा॒ ह्य॑ग्ने॒ क्रतो᳚र्भ॒द्रस्य॒ दक्ष॑स्य सा॒धोः । र॒थीर्-ऋ॒तस्य॑ बृह॒तो ब॒भूथ॑ ॥ आ॒भिष्टे॑ अ॒द्य गी॒र्भिर्गृ॒णन्तो-ऽग्ने॒ दाशे॑म । प्र ते॑ दि॒वो न स्त॑नयन्ति॒ शुष्माः᳚ ॥ ए॒भिर्नो॑ अ॒र्कैर्भवा॑ नो अ॒र्वा- [अ॒र्वाङ्, सुव॒र्न ज्योतिः॑ ।] 16

-ङ्ख्सुव॒र्न ज्योतिः॑ । अग्ने॒ विश्वे॑भि-स्सु॒मना॒ अनी॑कैः ॥ अ॒ग्निग्ं होता॑र-म्मन्ये॒ दास्व॑न्तं॒-वँसो᳚-स्सू॒नुग्ं सह॑सो जा॒तवे॑दसम् । विप्र॒-न्न जा॒तवे॑दसम् । य ऊ॒र्ध्वया᳚ स्वद्ध्व॒रो दे॒वो दे॒वाच्या॑ कृ॒पा । घृ॒तस्य॒ विभ्रा᳚ष्टि॒मनु॑ शु॒क्रशो॑चिष आ॒जुह्वा॑नस्य स॒र्पिषः॑ ॥ अग्ने॒ त्व-न्नो॒ अन्त॑मः । उ॒त त्रा॒ता शि॒वो भ॑व वरू॒थ्यः॑ ॥ त-न्त्वा॑ शोचिष्ठ दीदिवः । सु॒म्नाय॑ नू॒नमी॑महे॒ सखि॑भ्यः ॥ वसु॑र॒ग्निर्वसु॑श्रवाः । अच्छा॑ नक्षि द्यु॒मत्त॑मो र॒यि-न्दाः᳚ ॥ 17 ॥

(जना॑ना॒ - मङ्गि॑रस॒ - इषग्ं॑ - सु॒शमी॑ - तिग्मजम्भ - पुपूर्या - अ॒र्वां - वसु॑श्रवाः॒ - पञ्च॑ च) (अ. 4)

इ॒न्द्रा॒ग्निभ्या᳚-न्त्वा स॒युजा॑ यु॒जा यु॑नज्म्या घा॒राभ्या॒-न्तेज॑सा॒ वर्च॑सो॒ क्थेभि॒-स्स्तोमे॑भि॒ श्छन्दो॑भी र॒य्यै पोषा॑य सजा॒ताना᳚-म्मद्ध्यम॒स्थेया॑य॒ मया᳚ त्वा स॒युजा॑ यु॒जा यु॑नज्म्य॒बा-न्दु॒ला नि॑त॒त्नि र॒भ्रय॑न्ती मे॒घय॑न्ती व॒र्॒षय॑न्ती चुपु॒णीका॒ नामा॑सि प्र॒जाप॑तिना त्वा॒ विश्वा॑भिर्धी॒भिरुप॑ दधामि पृथि॒व्यु॑दपु॒रमन्ने॑न वि॒ष्टा म॑नु॒ष्या᳚स्ते गो॒प्तारो॒ ऽग्निर्विय॑त्तो-ऽस्या॒-न्ताम॒ह-म्प्र॑ पद्ये॒ सा [ ] 18

मे॒ शर्म॑ च॒ वर्म॑ चा॒स्त्वधि॑ द्यौर॒न्तरि॑क्ष॒-म्ब्रह्म॑णा वि॒ष्टा म॒रुत॑स्ते गो॒प्तारो॑ वा॒युर्विय॑त्तो-ऽस्या॒-न्ताम॒ह-म्प्र प॑द्ये॒ सा मे॒ शर्म॑ च॒ वर्म॑ चास्तु॒ द्यौरप॑राजिता॒-ऽमृते॑न वि॒ष्टा-ऽऽदि॒त्यास्ते॑ गो॒प्तार॒-स्सूर्यो॒ विय॑त्तो-ऽस्या॒-न्ताम॒ह-म्प्र प॑द्ये॒ सा मे॒ शर्म॑ च॒ वर्म॑ चास्तु ॥ 19 ॥

(सा - ऽष्टाच॑त्वारिग्ंशच्च) (अ. 5)

बृह॒स्पति॑स्त्वा सादयतु पृथि॒व्याः पृ॒ष्ठे ज्योति॑ष्मतीं॒-विँश्व॑स्मै प्रा॒णाया॑पा॒नाय॒ विश्व॒-ञ्ज्योति॑र्यच्छा॒- ग्निस्ते-ऽधि॑पति र्वि॒श्वक॑र्मा त्वा सादयत्व॒न्तरि॑क्षस्य पृ॒ष्ठे ज्योति॑ष्मतीं॒-विँश्व॑स्मै प्रा॒णाया॑पा॒नाय॒ विश्व॒-ञ्ज्योति॑र्यच्छ वा॒युस्ते-ऽधि॑पतिः प्र॒जाप॑तिस्त्वा सादयतु दि॒वः पृ॒ष्ठे ज्योति॑ष्मतीं॒-विँश्व॑स्मै प्रा॒णाया॑पा॒नाय॒ विश्व॒-ञ्ज्योति॑र्यच्छ परमे॒ष्ठी ते-ऽधि॑पतिः पुरोवात॒सनि॑रस्य भ्र॒सनि॑रसि विद्यु॒थ्सनि॑- [विद्यु॒थ्सनिः॑, अ॒सि॒ स्त॒न॒यि॒त्नु॒सनि॑रसि] 20

-रसि स्तनयित्नु॒सनि॑रसि वृष्टि॒सनि॑रस्य॒-ग्नेर्यान्य॑सि दे॒वाना॑मग्ने॒ यान्य॑सि वा॒योर्यान्य॑सि दे॒वानां᳚-वाँयो॒यान्य॑स्य॒न्तरि॑क्षस्य॒ यान्य॑सि दे॒वाना॑- मन्तरिक्ष॒यान्य॑स्य॒-न्तरि॑क्षमस्य॒न्तरि॑क्षाय त्वा सलि॒लाय॑ त्वा॒ सर्णी॑काय त्वा॒ सती॑काय त्वा॒ केता॑य त्वा॒ प्रचे॑तसे त्वा॒ विव॑स्वते त्वा दि॒वस्त्वा॒ ज्योति॑ष आदि॒त्येभ्य॑स्त्व॒र्चे त्वा॑ रु॒चे त्वा᳚ द्यु॒ते त्वा॑ भा॒से त्वा॒ ज्योति॑षे त्वा यशो॒दा-न्त्वा॒ यश॑सि तेजो॒दा-न्त्वा॒ तेज॑सि पयो॒दा-न्त्वा॒ पय॑सि वर्चो॒दा-न्त्वा॒ वर्च॑सि द्रविणो॒दा-न्त्वा॒ द्रवि॑णे सादयामि॒ तेनर्षि॑णा॒ तेन॒ ब्रह्म॑णा॒ तया॑ दे॒वत॑या-ऽङ्गिर॒स्व-द्ध्रु॒वा सी॑द ॥ 21 ॥

(वि॒द्यु॒थ्सनि॑ - र्द्यु॒ते त्वै - का॒न्न त्रि॒ग्ं॒शच्च॑) (अ. 6)

भू॒य॒स्कृद॑सि वरिव॒स्कृद॑सि॒ प्राच्य॑स्यू॒र्ध्वा-ऽस्य॑-न्तरिक्ष॒सद॑स्य॒-न्तरि॑क्षे सीदा-फ्सु॒षद॑सि श्येन॒सद॑सि गृद्ध्र॒सद॑सि सुपर्ण॒सद॑सि नाक॒सद॑सि पृथि॒व्यास्त्वा॒ द्रवि॑णे सादयाम्य॒-न्तरि॑क्षस्य त्वा॒ द्रवि॑णे सादयामि दि॒वस्त्वा॒ द्रवि॑णे सादयामि दि॒शा-न्त्वा॒ द्रवि॑णे सादयामि द्रविणो॒दा-न्त्वा॒ द्रवि॑णे सादयामि प्रा॒ण-म्मे॑ पाह्य-पा॒न-म्मे॑ पाहि व्या॒न-म्मे॑ [व्या॒न-म्मे᳚, पा॒ह्यायु॑र्मे पाहि] 22

पा॒ह्यायु॑र्मे पाहि वि॒श्वायु॑र्मे पाहि स॒र्वायु॑र्मे पा॒ह्यग्ने॒ य-त्ते॒ पर॒ग्ं॒ हृन्नाम॒ तावेहि॒ सग्ं र॑भावहै॒ पाञ्च॑ जन्ये॒ष्व-प्ये᳚द्ध्यग्ने॒ यावा॒ अया॑वा॒ एवा॒ ऊमा॒-स्सब्द॒-स्सग॑र-स्सु॒मेकः॑ ॥ 23 ॥

(व्या॒न-म्मे॒-द्वात्रिग्ं॑शच्च) (अ. 7)

अ॒ग्निना॑ विश्वा॒षाट् सूर्ये॑ण स्व॒रा-ट्क्रत्वा॒ शची॒पति॑र्-ऋष॒भेण॒ त्वष्टा॑ य॒ज्ञेन॑ म॒घवा॒-न्दक्षि॑णया सुव॒र्गो म॒न्युना॑ वृत्र॒हा सौहा᳚र्द्येन तनू॒धा अन्ने॑न॒ गयः॑ पृथि॒व्या-ऽस॑नो दृ॒ग्भिर॑न्ना॒दो व॑षट्का॒रेण॒र्ध-स्साम्ना॑ तनू॒पा वि॒राजा॒ ज्योति॑ष्मा॒-न्ब्रह्म॑णा सोम॒पा गोभि॑र्य॒ज्ञ-न्दा॑धार क्ष॒त्रेण॑ मनु॒ष्या॑-नश्वे॑न च॒ रथे॑न च व॒ज्र्यृ॑तुभिः॑ प्र॒भु-स्सं॑वँथ्स॒रेण॑ परि॒भू स्तप॒सा-ऽना॑धृष्ट॒-स्सूर्य॒-स्स-न्त॒नूभिः॑ ॥ 24 ॥

(अ॒ग्नि - रैका॒न्न प॑ञ्चा॒शत्) (अ. 8)

प्र॒जाप॑ति॒र्मन॒सा ऽन्धो-ऽच्छे॑तो धा॒ता दी॒क्षायाग्ं॑ सवि॒ता भृ॒त्या-म्पू॒षा सो॑म॒क्रय॑ण्यां॒-वँरु॑ण॒ उप॑न॒द्धो ऽसु॑रः क्री॒यमा॑णो मि॒त्रः क्री॒त-श्शि॑पिवि॒ष्ट आसा॑दितो न॒रन्धि॑षः प्रो॒ह्यमा॒णो ऽधि॑पति॒राग॑तः प्र॒जाप॑तिः प्रणी॒यमा॑नो॒ ऽग्निराग्नी᳚द्ध्रे॒ बृह॒स्पति॒राग्नी᳚द्ध्रा-त्प्रणी॒यमा॑न॒ इन्द्रो॑ हवि॒र्धाने ऽदि॑ति॒रासा॑दितो॒ विष्णु॑रुपावह्रि॒यमा॒णो ऽथ॒र्वोपो᳚त्तो य॒मो॑-ऽभिषु॑तो ऽपूत॒पा आ॑धू॒यमा॑नो वा॒युः पू॒यमा॑नो मि॒त्रः, क्षी॑र॒श्रीर्म॒न्थी स॑क्तु॒श्रीर्वै᳚श्वदे॒व उन्नी॑तो रु॒द्र आहु॑तो वा॒युरावृ॑त्तो नृ॒चक्षाः॒ प्रति॑ख्यातो भ॒क्ष आग॑तः पितृ॒णा-न्ना॑राश॒ग्ं॒सो ऽसु॒रात्त॒-स्सिन्धु॑र-वभृ॒थम॑वप्र॒यन्-थ्स॑मु॒द्रो ऽव॑गत-स्सलि॒लः प्रप्लु॑त॒-स्सुव॑रु॒दृच॑-ङ्ग॒तः ॥ 25 ॥

(रु॒द्र - एक॑विग्ंशतिश्च) (अ. 9)

कृत्ति॑का॒ नक्ष॑त्र-म॒ग्निर्दे॒वता॒-ऽग्ने रुचः॑ स्थ प्र॒जाप॑तेर्धा॒तु-स्सोम॑स्य॒र्चे त्वा॑ रु॒चे त्वा᳚ द्यु॒ते त्वा॑ भा॒से त्वा॒ ज्योति॑षे त्वा रोहि॒णी नक्ष॑त्र-म्प्र॒जाप॑तिर्दे॒वता॑ मृगशी॒र्॒ष॑-न्नक्ष॑त्र॒ग्ं॒ सोमो॑ दे॒वता॒ ऽऽर्द्रा नक्ष॑त्रग्ं रु॒द्रो दे॒वता॒ पुन॑र्वसू॒ नक्ष॑त्र॒मदि॑तिर्दे॒वता॑- ति॒ष्यो॑ नक्ष॑त्र॒-म्बृह॒स्पति॑र्दे॒वता᳚ ऽऽश्रे॒षा नक्ष॑त्रग्ं स॒र्पा दे॒वता॑ म॒घा नक्ष॑त्र-म्पि॒तरो॑ दे॒वता॒ फल्गु॑नी॒ नक्ष॑त्र- [नक्ष॑त्रम्, अ॒र्य॒मा] 26

-मर्य॒मा दे॒वता॒ फल्गु॑नी॒ नक्ष॑त्र॒-म्भगो॑ दे॒वता॒ हस्तो॒ नक्ष॑त्रग्ं सवि॒ता दे॒वता॑ चि॒त्रा नक्ष॑त्र॒मिन्द्रो॑ दे॒वता᳚ स्वा॒ती नक्ष॑त्रं-वाँ॒युर्दे॒वता॒ विशा॑खे॒ नक्ष॑त्रमिन्द्रा॒ग्नी दे॒वता॑ ऽनूरा॒धा नक्ष॑त्र-म्मि॒त्रो दे॒वता॑ रोहि॒णी नक्ष॑त्र॒मिन्द्रो॑ दे॒वता॑ वि॒चृतौ॒ नक्ष॑त्र-म्पि॒तरो॑ दे॒वता॑ ऽषा॒ढा नक्ष॑त्र॒मापो॑ दे॒वता॑ ऽषा॒ढा नक्ष॑त्रं॒-विँश्वे॑ दे॒वा दे॒वता᳚ श्रो॒णा नक्ष॑त्रं॒-विँष्णु॑र्दे॒वता॒ श्रवि॑ष्ठा॒ नक्ष॑त्रं॒-वँस॑वो [नक्ष॑त्रं॒-वँस॑वः, दे॒वता॑] 27

दे॒वता॑ श॒तभि॑ष॒-न्नक्ष॑त्र॒मिन्द्रो॑ दे॒वता᳚ प्रोष्ठप॒दा नक्ष॑त्रम॒ज एक॑पा-द्दे॒वता᳚ प्रोष्ठप॒दा नक्ष॑त्र॒महि॑र्बु॒द्ध्नियो॑ दे॒वता॑ रे॒वती॒ नक्ष॑त्र-म्पू॒षा दे॒वता᳚ ऽश्व॒युजौ॒ नक्ष॑त्रम॒श्विनौ॑ दे॒वता॑ ऽप॒भर॑णी॒र्नक्ष॑त्रं-यँ॒मो दे॒वता॑, पू॒र्णा प॒श्चाद्य-त्ते॑ दे॒वा अद॑धुः ॥ 28 ॥

(फल्गु॑नी॒ नक्ष॑त्रं॒ - ँवस॑व॒ - स्त्रय॑स्त्रिग्ंशच्च) (अ. 10)

मधु॑श्च॒ माध॑वश्च॒ वास॑न्तिकावृ॒तू शु॒क्रश्च॒ शुचि॑श्च॒ ग्रैष्मा॑वृ॒तू नभ॑श्च नभ॒स्य॑श्च॒ वार्षि॑कावृ॒तू इ॒षश्चो॒र्जश्च॑ शार॒दावृ॒तू सह॑श्च सह॒स्य॑श्च॒ हैम॑न्तिकावृ॒तू तप॑श्च तप॒स्य॑श्च शैशि॒रावृ॒तू अ॒ग्नेर॑न्त-श्श्ले॒षो॑-ऽसि॒ कल्पे॑ता॒-न्द्यावा॑पृथि॒वी कल्प॑न्ता॒माप॒ ओष॑धीः॒ कल्प॑न्ताम॒ग्नयः॒ पृथ॒म्मम॒ ज्यैष्ठ्य॑य॒ सव्र॑ता॒ [सव्र॑ताः, ये᳚-ऽग्नय॒-] 29

ये᳚-ऽग्नय॒-स्सम॑नसो-ऽन्त॒रा द्यावा॑पृथि॒वी शै॑शि॒रावृ॒तू अ॒भि कल्प॑माना॒ इन्द्र॑मिव दे॒वा अ॒भि संविँ॑शन्तु सं॒यँच्च॒ प्रचे॑ताश्चा॒ग्ने-स्सोम॑स्य॒ सूर्य॑स्यो॒-ग्रा च॑ भी॒मा च॑ पितृ॒णां-यँ॒मस्येन्द्र॑स्य ध्रु॒वा च॑ पृथि॒वी च॑ दे॒वस्य॑ सवि॒तुर्म॒रुतां॒-वँरु॑णस्य ध॒र्त्री च॒ धरि॑त्री च मि॒त्रावरु॑णयो र्मि॒त्रस्य॑ धा॒तुः प्राची॑ च प्र॒तीची॑ च॒ वसू॑नाग्ं रु॒द्राणा॑- [रु॒द्राणा᳚म्, आ॒दि॒त्याना॒-न्ते] 30

-मादि॒त्याना॒-न्ते ते-ऽधि॑पतय॒स्तेभ्यो॒ नम॒स्ते नो॑ मृडयन्तु॒ ते य-न्द्वि॒ष्मो यश्च॑ नो॒ द्वेष्टि॒ तं-वोँ॒ जम्भे॑ दधामि स॒हस्र॑स्य प्र॒मा अ॑सि स॒हस्र॑स्य प्रति॒मा अ॑सि स॒हस्र॑स्य वि॒मा अ॑सि स॒हस्र॑स्यो॒न्मा अ॑सि साह॒स्रो॑-ऽसि स॒हस्रा॑य त्वे॒मा मे॑ अग्न॒ इष्ट॑का धे॒नवः॑ स॒न्त्वेका॑ च श॒त-ञ्च॑ स॒हस्र॑-ञ्चा॒युत॑-ञ्च [ ] 31

नि॒युत॑-ञ्च प्र॒युत॒-ञ्चार्बु॑द-ञ्च॒ न्य॑र्बुद-ञ्च समु॒द्रश्च॒ मद्ध्य॒-ञ्चान्त॑श्च परा॒र्धश्चे॒मा मे॑ अग्न॒ इष्ट॑का धे॒नवः॑ सन्तु ष॒ष्ठि-स्स॒हस्र॑म॒युत॒-मक्षी॑यमाणा ऋत॒स्था स्थ॑र्ता॒वृधो॑ घृत॒श्चुतो॑ मधु॒श्चुत॒ ऊर्ज॑स्वती-स्स्वधा॒विनी॒स्ता मे॑ अग्न॒ इष्ट॑का धे॒नवः॑ सन्तु वि॒राजो॒ नाम॑ काम॒दुघा॑ अ॒मुत्रा॒मुष्मि॑न् ँलो॒के ॥ 32 ॥

(सव्र॑ता - रु॒द्राणा॑ - म॒युत॑ञ्च॒ - पञ्च॑चत्वारिग्ंशच्च) (अ. 11)

स॒मि-द्दि॒शामा॒शया॑ न-स्सुव॒र्विन्मधो॒रतो॒ माध॑वः पात्व॒स्मान् । अ॒ग्निर्दे॒वो दु॒ष्टरी॑तु॒रदा᳚भ्य इ॒द-ङ्क्ष॒त्रग्ं र॑क्षतु॒ पात्व॒स्मान् ॥ र॒थ॒न्त॒रग्ं साम॑भिः पात्व॒स्मा-न्गा॑य॒त्री छन्द॑सां-विँ॒श्वरू॑पा । त्रि॒वृन्नो॑ वि॒ष्ठया॒ स्तोमो॒ अह्नाग्ं॑ समु॒द्रो वात॑ इ॒दमोजः॑ पिपर्तु ॥ उ॒ग्रा दि॒शाम॒भि-भू॑तिर्वयो॒धा-श्शुचिः॑ शु॒क्रे अह॑न्योज॒सीना᳚ । इन्द्राधि॑पतिः पिपृता॒दतो॑ नो॒ महि॑ [ ] 33

क्ष॒त्रं-विँ॒श्वतो॑ धारये॒दम् ॥ बृ॒ह-थ्साम॑ क्षत्र॒भृ-द्वृ॒द्ध वृ॑ष्णिय-न्त्रि॒ष्टुभौजः॑ शुभि॒त मु॒ग्रवी॑रम् । इन्द्र॒ स्तोमे॑न पञ्चद॒शेन॒ मद्ध्य॑मि॒दं-वाँते॑न॒ सग॑रेण रक्ष ॥ प्राची॑ दि॒शाग्ं स॒हय॑शा॒ यश॑स्वती॒ विश्वे॑ देवाः प्रा॒वृषा ऽह्ना॒ग्ं॒ सुव॑र्वती । इ॒द-ङ्क्ष॒त्र-न्दु॒ष्टर॑म॒स्त्वोजो ऽना॑धृष्टग्ं सह॒स्रिय॒ग्ं॒ सह॑स्वत् ॥ वै॒रू॒पे साम॑न्नि॒ह तच्छ॑केम॒ जग॑त्यैनं-विँ॒क्ष्वा वे॑शयामः । विश्वे॑ देवा-स्सप्तद॒शेन॒ [सप्तद॒शेन॑, वर्च॑ इ॒द-ङ्क्ष॒त्रग्ं] 34

वर्च॑ इ॒द-ङ्क्ष॒त्रग्ं स॑लि॒लवा॑तमु॒ग्रम् ॥ ध॒र्त्री दि॒शा-ङ्क्ष॒त्रमि॒द-न्दा॑धारोप॒स्था-ऽऽशा॑ना-म्मि॒त्रव॑द॒स्त्वोजः॑ । मित्रा॑वरुणा श॒रदा-ऽह्ना᳚-ञ्चिकित्नू अ॒स्मै रा॒ष्ट्राय॒ महि॒ शर्म॑ यच्छतम् ॥ वै॒रा॒जे साम॒न्नधि॑ मे मनी॒षा-ऽनु॒ष्टुभा॒ सम्भृ॑तं-वीँ॒र्यग्ं॑ सहः॑ । इ॒द-ङ्क्ष॒त्र-म्मि॒त्रव॑दा॒र्द्रदा॑नु॒ मित्रा॑वरुणा॒ रक्ष॑त॒-माधि॑पत्यैः ॥ स॒म्रा-ड्दि॒शाग्ं स॒हसा᳚म्नी॒ सह॑स्वत्यृ॒तुर्हे॑म॒न्तो वि॒ष्ठया॑ नः पिपर्तु । अ॒व॒स्युवा॑ता [अ॒व॒स्युवा॑ताः, बृ॒ह॒तीर्नु] 35

बृह॒तीर्नु शक्व॑रीरि॒मं-यँ॒ज्ञम॑वन्तु नो घृ॒ताचीः᳚ ॥ सुव॑र्वती सु॒दुघा॑ नः॒ पय॑स्वती दि॒शा-न्दे॒व्य॑वतु नो घृ॒ताची᳚ । त्व-ङ्गो॒पाः पु॑रए॒तोत प॒श्चा-द्बृह॑स्पते॒ याम्यां᳚-युँङ्ग्धि॒ वाच᳚म् ॥ ऊ॒र्ध्वा दि॒शाग्ं रन्ति॒राशौष॑धीनाग्ं संवँथ्स॒रेण॑ सवि॒ता नो॒ अह्ना᳚म् । रे॒व-थ्सामाति॑च्छन्दा उ॒ छन्दो-ऽजा॑त शत्रु-स्स्यो॒ना नो॑ अस्तु ॥ स्तोम॑त्रयस्त्रिग्ंशे॒ भुव॑नस्य पत्नि॒ विव॑स्वद्वाते अ॒भि नो॑ [अ॒भि नः॑, गृ॒णा॒हि॒ ।] 36

गृणाहि । घृ॒तव॑ती सवित॒राधि॑पत्यैः॒ पय॑स्वती॒ रन्ति॒राशा॑ नो अस्तु ॥ ध्रु॒वा दि॒शां-विँष्णु॑प॒त्न्यघो॑रा॒-ऽस्येशा॑ना॒ सह॑सो॒ या म॒नोता᳚ । बृह॒स्पति॑ र्मात॒रिश्वो॒त वा॒यु-स्स॑न्धुवा॒ना वाता॑ अ॒भि नो॑ गृणन्तु ॥ वि॒ष्ट॒भो-न्दि॒वो ध॒रुणः॑ पृथि॒व्या अ॒स्येशा॑ना॒ जग॑तो॒ विष्णु॑पत्नी । वि॒श्वव्य॑चा इ॒षय॑न्ती॒ सुभू॑ति-श्शि॒वा नो॑ अ॒स्त्वदि॑तिरु॒पस्थे᳚ ॥ वै॒श्वा॒न॒रो न॑ ऊ॒त्यापृ॒ष्टो दि॒व्यनु॑ नो॒ ऽद्यानु॑मति॒रन्विद॑नुमते॒ त्व-ङ्कया॑ नश्चि॒त्र आभु॑व॒त्को अ॒द्य यु॑ङ्क्ते ॥ 37 ॥

(महि॑ - सप्तद॒शेना॑ - ऽव॒स्युवा॑ता - अ॒भि नो - ऽनु॑ न॒ - श्चतु॑र्दश च) (अ. 12)

(र॒श्मिर॑सि॒ - राज्ञ्य॑स्य॒ - य-म्पु॒रो हरि॑केशो॒ - ऽग्निर्मू॒र्ध - न्द्रा॒ग्निभ्यां॒ - बृह॒स्पति॑ - र्भूय॒स्कृद॑ - स्य॒ग्निना॑ विश्वा॒षाट् - प्र॒जाप॑ति॒र्मन॑सा॒ - कृत्ति॑का॒ - मधु॑श्च - स॒मिद्दि॒शां - द्वाद॑श )

(र॒श्मिर॑सि॒ - प्रति॑ धे॒नु- म॑सि स्तनयित्नु॒सनि॑र - स्यादि॒त्यानाग्ं॑ - स॒प्तत्रिग्ं॑शत् )

(र॒श्मिर॑सि॒, को अ॒द्य यु॑ङ्क्ते)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-ञ्चतुर्थ काण्डे चतुर्थः प्रश्न-स्समाप्तः ॥