Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
த்யாநம்
dhyānaṃ
வாஸுதேவேந்த்ரயோகீந்த்ரம் நத்வா ஜ்ஞாநப்ரதம் குரும் ।
vāsudevendrayogīndraṃ natvā jñānapradaṃ gurum |
முமுக்ஷூணாம் ஹிதார்தாய தத்த்வபோதோபிதீயதே ॥
mumukṣūṇāṃ hitārthāya tattvabodhobhidhīyate ||
ஸாதநசதுஷ்டயஸம்பந்நாதிகாரிணாம் மோக்ஷஸாதநபூதம்
sādhanacatuṣṭayasampannādhikāriṇāṃ mokṣasādhanabhūtaṃ
தத்த்வவிவேகப்ரகாரம் வக்ஷ்யாமஃ ।
tattvavivekaprakāraṃ vakṣyāmaḥ |
ஸாதநசதுஷ்டயம்
sādhanacatuṣṭayam
ஸாதநசதுஷ்டயம் கிம் ?
sādhanacatuṣṭayaṃ kim ?
நித்யாநித்யவஸ்துவிவேகஃ ।
nityānityavastuvivekaḥ |
இஹாமுத்ரார்தபலபோகவிராகஃ ।
ihāmutrārthaphalabhogavirāgaḥ |
ஶமாதிஷட்கஸம்பத்திஃ ।
śamādiṣaṭkasampattiḥ |
முமுக்ஷுத்வம் சேதி ।
mumukṣutvaṃ ceti |
நித்யாநித்யவஸ்துவிவேகஃ
nityānityavastuvivekaḥ
நித்யாநித்யவஸ்துவிவேகஃ கஃ ?
nityānityavastuvivekaḥ kaḥ ?
நித்யவஸ்த்வேகம் ப்ரஹ்ம தத்வ்யதிரிக்தம் ஸர்வமநித்யம் ।
nityavastvekaṃ brahma tadvyatiriktaṃ sarvamanityam |
அயமேவ நித்யாநித்யவஸ்துவிவேகஃ ।
ayameva nityānityavastuvivekaḥ |
விராகஃ
virāgaḥ
விராகஃ கஃ ?
virāgaḥ kaḥ ?
இஹஸ்வர்கபோகேஷு இச்சாராஹித்யம் ।
ihasvargabhogeṣu icchārāhityam |
ஶமாதிஸாதநஸம்பத்திஃ
śamādisādhanasampattiḥ
ஶமாதிஸாதநஸம்பத்திஃ கா ?
śamādisādhanasampattiḥ kā ?
ஶமோ தம உபரமஸ்திதிக்ஷா ஶ்ரத்தா ஸமாதாநம் ச இதி ।ஶமஃ கஃ ?
śamo dama uparamastitikṣā śraddhā samādhānaṃ ca iti |śamaḥ kaḥ ?
மநோநிக்ரஹஃ ।
manonigrahaḥ |
தமஃ கஃ ?
damaḥ kaḥ ?
சக்ஷுராதிபாஹ்யேந்த்ரியநிக்ரஹஃ ।
cakṣurādibāhyendriyanigrahaḥ |
உபரமஃ கஃ ?
uparamaḥ kaḥ ?
ஸ்வதர்மாநுஷ்டாநமேவ ।
svadharmānuṣṭhānameva |
திதிக்ஷா கா ?
titikṣā kā ?
ஶீதோஷ்ணஸுகதுஃகாதிஸஹிஷ்ணுத்வம் ।
śītoṣṇasukhaduḥkhādisahiṣṇutvam |
ஶ்ரத்தா கீத்ரு'ஶீ ?
śraddhā kīdṛśī ?
குருவேதாந்தவாக்யாதிஷு விஶ்வாஸஃ ஶ்ரத்தா ।
guruvedāntavākyādiṣu viśvāsaḥ śraddhā |
ஸமாதாநம் கிம் ?
samādhānaṃ kim ?
சித்தைகாக்ரதா ।
cittaikāgratā |
முமுக்ஷுத்வம்
mumukṣutvaṃ
முமுக்ஷுத்வம் கிம் ?
mumukṣutvaṃ kim ?
மோக்ஷோ மே பூயாத் இதி இச்சா ।
mokṣo me bhūyād iti icchā |
ஏதத் ஸாதநசதுஷ்டயம் ।
etat sādhanacatuṣṭayam |
ததஸ்தத்த்வவிவேகஸ்யாதிகாரிணோ பவந்தி ।
tatastattvavivekasyādhikāriṇo bhavanti |
தத்த்வவிவேகஃ
tattvavivekaḥ
தத்த்வவிவேகஃ கஃ ?
tattvavivekaḥ kaḥ ?
ஆத்மா ஸத்யம் ததந்யத் ஸர்வம் மித்யேதி ।ஆத்மா கஃ ?
ātmā satyaṃ tadanyat sarvaṃ mithyeti |ātmā kaḥ ?
ஸ்தூலஸூக்ஷ்மகாரணஶரீராத்வ்யதிரிக்தஃ பஞ்சகோஶாதீதஃ ஸந்
sthūlasūkṣmakāraṇaśarīrādvyatiriktaḥ pañcakośātītaḥ san
அவஸ்தாத்ரயஸாக்ஷீ ஸச்சிதாநந்தஸ்வரூபஃ ஸந்
avasthātrayasākṣī saccidānandasvarūpaḥ san
யஸ்திஷ்டதி ஸ ஆத்மா ।
yastiṣṭhati sa ātmā |
ஶரீரத்ரயம் (ஸ்தூலஶரீரம்)
śarīratrayaṃ (sthūlaśarīram)
ஸ்தூலஶரீரம் கிம் ?
sthūlaśarīraṃ kim ?
பஞ்சீக்ரு'தபஞ்சமஹாபூதைஃ க்ரு'தம் ஸத்கர்மஜந்யம்
pañcīkṛtapañcamahābhūtaiḥ kṛtaṃ satkarmajanyaṃ
ஸுகதுஃகாதிபோகாயதநம் ஶரீரம்
sukhaduḥkhādibhogāyatanaṃ śarīram
அஸ்தி ஜாயதே வர்ததே விபரிணமதே அபக்ஷீயதே விநஶ்யதீதி
asti jāyate vardhate vipariṇamate apakṣīyate vinaśyatīti
ஷட்விகாரவதேதத்ஸ்தூலஶரீரம் ।
ṣaḍvikāravadetatsthūlaśarīram |
ஶரீரத்ரயம் (ஸூக்ஷ்மஶரீரம்)
śarīratrayaṃ (sūkṣmaśarīram)
ஸூக்ஷ்மஶரீரம் கிம் ?
sūkṣmaśarīraṃ kim ?
அபஞ்சீக்ரு'தபஞ்சமஹாபூதைஃ க்ரு'தம் ஸத்கர்மஜந்யம்
apañcīkṛtapañcamahābhūtaiḥ kṛtaṃ satkarmajanyaṃ
ஸுகதுஃகாதிபோகஸாதநம்
sukhaduḥkhādibhogasādhanaṃ
பஞ்சஜ்ஞாநேந்த்ரியாணி பஞ்சகர்மேந்த்ரியாணி பஞ்சப்ராணாதயஃ
pañcajñānendriyāṇi pañcakarmendriyāṇi pañcaprāṇādayaḥ
மநஶ்சைகம் புத்திஶ்சைகா
manaścaikaṃ buddhiścaikā
ஏவம் ஸப்ததஶாகலாபிஃ ஸஹ யத்திஷ்டதி தத்ஸூக்ஷ்மஶரீரம் ।
evaṃ saptadaśākalābhiḥ saha yattiṣṭhati tatsūkṣmaśarīram |
ஜ்ஞாநேந்த்ரியாணி
jñānendriyāṇi
ஶ்ரோத்ரம் த்வக் சக்ஷுஃ ரஸநா க்ராணம் இதி பஞ்ச ஜ்ஞாநேந்த்ரியாணி ।
śrotraṃ tvak cakṣuḥ rasanā ghrāṇaṃ iti pañca jñānendriyāṇi |
ஶ்ரோத்ரஸ்ய திக்தேவதா ।
śrotrasya digdevatā |
த்வசோ வாயுஃ ।
tvaco vāyuḥ |
சக்ஷுஷஃ ஸூர்யஃ ।
cakṣuṣaḥ sūryaḥ |
ரஸநாயா வருணஃ ।
rasanāyā varuṇaḥ |
க்ராணஸ்ய அஶ்விநௌ ।
ghrāṇasya aśvinau |
இதி ஜ்ஞாநேந்த்ரியதேவதாஃ ।
ஶ்ரோத்ரஸ்ய விஷயஃ ஶப்தக்ரஹணம் ।
śrotrasya viṣayaḥ śabdagrahaṇam |
த்வசோ விஷயஃ ஸ்பர்ஶக்ரஹணம் ।
tvaco viṣayaḥ sparśagrahaṇam |
சக்ஷுஷோ விஷயஃ ரூபக்ரஹணம் ।
cakṣuṣo viṣayaḥ rūpagrahaṇam |
ரஸநாயா விஷயஃ ரஸக்ரஹணம் ।
rasanāyā viṣayaḥ rasagrahaṇam |
க்ராணஸ்ய விஷயஃ கந்தக்ரஹணம் இதி ।
ghrāṇasya viṣayaḥ gandhagrahaṇaṃ iti |
பஞ்சகர்மேந்த்ரியாணி
pañcakarmendriyāṇi
வாக்பாணிபாதபாயூபஸ்தாநீதி பஞ்சகர்மேந்த்ரியாணி ।
vākpāṇipādapāyūpasthānīti pañcakarmendriyāṇi |
வாசோ தேவதா வஹ்நிஃ ।
vāco devatā vahniḥ |
ஹஸ்தயோரிந்த்ரஃ ।
hastayorindraḥ |
பாதயோர்விஷ்ணுஃ ।
pādayorviṣṇuḥ |
பாயோர்ம்ரு'த்யுஃ ।
pāyormṛtyuḥ |
உபஸ்தஸ்ய ப்ரஜாபதிஃ ।
upasthasya prajāpatiḥ |
இதி கர்மேந்த்ரியதேவதாஃ ।
வாசோ விஷயஃ பாஷணம் ।
vāco viṣayaḥ bhāṣaṇam |
பாண்யோர்விஷயஃ வஸ்துக்ரஹணம் ।
pāṇyorviṣayaḥ vastugrahaṇam |
பாதயோர்விஷயஃ கமநம் ।
pādayorviṣayaḥ gamanam |
பாயோர்விஷயஃ மலத்யாகஃ ।
pāyorviṣayaḥ malatyāgaḥ |
உபஸ்தஸ்ய விஷயஃ ஆநந்த இதி ।
upasthasya viṣayaḥ ānanda iti |
காரணஶரீரம்
kāraṇaśarīram
காரணஶரீரம் கிம் ?
kāraṇaśarīraṃ kim ?
அநிர்வாச்யாநாத்யவித்யாரூபம் ஶரீரத்வயஸ்ய காரணமாத்ரம்
anirvācyānādyavidyārūpaṃ śarīradvayasya kāraṇamātraṃ
ஸத்ஸ்வரூபாऽஜ்ஞாநம் நிர்விகல்பகரூபம் யதஸ்தி தத்காரணஶரீரம் ।
satsvarūpā'jñānaṃ nirvikalpakarūpaṃ yadasti tatkāraṇaśarīram |
அவஸ்தாத்ரயம்
avasthātrayam
அவஸ்தாத்ரயம் கிம் ?
avasthātrayaṃ kim ?
ஜாக்ரத்ஸ்வப்நஸுஷுப்த்யவஸ்தாஃ ।
jāgratsvapnasuṣuptyavasthāḥ |
ஜாக்ரதவஸ்தா
jāgradavasthā
ஜாக்ரதவஸ்தா கா ?
jāgradavasthā kā ?
ஶ்ரோத்ராதிஜ்ஞாநேந்த்ரியைஃ ஶப்தாதிவிஷயைஶ்ச ஜ்ஞாயதே இதி யத்
śrotrādijñānendriyaiḥ śabdādiviṣayaiśca jñāyate iti yat
ஸா ஜாக்ரதாவஸ்தா ।
sā jāgradāvasthā |
ஸ்தூல ஶரீராபிமாநீ ஆத்மா விஶ்வ இத்யுச்யதே ।
sthūla śarīrābhimānī ātmā viśva ityucyate |
ஸ்வப்நாவஸ்தா
svapnāvasthā
ஸ்வப்நாவஸ்தா கேதி சேத் ?
svapnāvasthā keti cet ?
ஜாக்ரதவஸ்தாயாம் யத்த்ரு'ஷ்டம் யத் ஶ்ருதம்
jāgradavasthāyāṃ yaddṛṣṭaṃ yad śrutam
தஜ்ஜநிதவாஸநயா நித்ராஸமயே யஃ ப்ரபஞ்சஃ ப்ரதீயதே ஸா
tajjanitavāsanayā nidrāsamaye yaḥ prapañcaḥ pratīyate sā
ஸ்வப்நாவஸ்தா ।
svapnāvasthā |
ஸூக்ஷ்மஶரீராபிமாநீ ஆத்மா தைஜஸ இத்யுச்யதே ।
sūkṣmaśarīrābhimānī ātmā taijasa ityucyate |
ஸுஷுப்த்யவஸ்தா
suṣuptyavasthā
அதஃ ஸுஷுப்த்யவஸ்தா கா ?
ataḥ suṣuptyavasthā kā ?
அஹம் கிமபி ந ஜாநாமி ஸுகேந மயா நித்ராऽநுபூயத இதி
ahaṃ kimapi na jānāmi sukhena mayā nidrā'nubhūyata iti
ஸுஷுப்த்யவஸ்தா ।
suṣuptyavasthā |
காரணஶரீராபிமாநீ ஆத்மா ப்ராஜ்ஞ இத்யுச்யதே ।
kāraṇaśarīrābhimānī ātmā prājña ityucyate |
பஞ்ச கோஶாஃ
pañca kośāḥ
பஞ்ச கோஶாஃ கே ?
pañca kośāḥ ke ?
அந்நமயஃ ப்ராணமயஃ மநோமயஃ விஜ்ஞாநமயஃ ஆநந்தமயஶ்சேதி ।
annamayaḥ prāṇamayaḥ manomayaḥ vijñānamayaḥ ānandamayaśceti |
அந்நமயகோஶஃ
annamayakośaḥ
அந்நமயஃ கஃ ?
annamayaḥ kaḥ ?
அந்நரஸேநைவ பூத்வா அந்நரஸேநைவ வ்ரு'த்திம் ப்ராப்ய அந்நரூபப்ரு'திவ்யாம்
annarasenaiva bhūtvā annarasenaiva vṛddhiṃ prāpya annarūpapṛthivyāṃ
யத்விலீயதே ததந்நமயஃ கோஶஃ ஸ்தூலஶரீரம் ।
yadvilīyate tadannamayaḥ kośaḥ sthūlaśarīram |
ப்ராணமயகோஶஃ
prāṇamayakośaḥ
ப்ராணமயஃ கஃ ?
prāṇamayaḥ kaḥ ?
ப்ராணாத்யாஃ பஞ்சவாயவஃ வாகாதீந்த்ரியபஞ்சகம் ப்ராணமயஃ கோஶஃ ।
prāṇādyāḥ pañcavāyavaḥ vāgādīndriyapañcakaṃ prāṇamayaḥ kośaḥ |
மநோமயகோஶஃ
manomayakośaḥ
மநோமயஃ கோஶஃ கஃ ?
manomayaḥ kośaḥ kaḥ ?
மநஶ்ச ஜ்ஞாநேந்த்ரியபஞ்சகம் மிலித்வா யோ பவதி ஸ மநோமயஃ கோஶஃ ।
manaśca jñānendriyapañcakaṃ militvā yo bhavati sa manomayaḥ kośaḥ |
விஜ்ஞாநமயகோஶஃ
vijñānamayakośaḥ
விஜ்ஞாநமயஃ கஃ ?
vijñānamayaḥ kaḥ ?
புத்திஜ்ஞாநேந்த்ரியபஞ்சகம் மிலித்வா யோ பவதி ஸ விஜ்ஞாநமயஃ கோஶஃ
buddhijñānendriyapañcakaṃ militvā yo bhavati sa vijñānamayaḥ kośaḥ
ஆநந்தமயகோஶஃ
ānandamayakośaḥ
ஆநந்தமயஃ கஃ ?
ānandamayaḥ kaḥ ?
ஏவமேவ காரணஶரீரபூதாவித்யாஸ்தமலிநஸத்த்வம்
evameva kāraṇaśarīrabhūtāvidyāsthamalinasattvaṃ
ப்ரியாதிவ்ரு'த்திஸஹிதம் ஸத் ஆநந்தமயஃ கோஶஃ ।
priyādivṛttisahitaṃ sat ānandamayaḥ kośaḥ |
ஏதத்கோஶபஞ்சகம் ।
etatkośapañcakam |
பஞ்சகோஶாதீத
pañcakośātīta
மதீயம் ஶரீரம் மதீயாஃ ப்ராணாஃ மதீயம் மநஶ்ச
madīyaṃ śarīraṃ madīyāḥ prāṇāḥ madīyaṃ manaśca
மதீயா புத்திர்மதீயம் அஜ்ஞாநமிதி ஸ்வேநைவ ஜ்ஞாயதே
madīyā buddhirmadīyaṃ ajñānamiti svenaiva jñāyate
தத்யதா மதீயத்வேந ஜ்ஞாதம் கடககுண்டல க்ரு'ஹாதிகம்
tadyathā madīyatvena jñātaṃ kaṭakakuṇḍala gṛhādikaṃ
ஸ்வஸ்மாத்பிந்நம் ததா பஞ்சகோஶாதிகம் ஸ்வஸ்மாத்பிந்நம்
svasmādbhinnaṃ tathā pañcakośādikaṃ svasmādbhinnam
மதீயத்வேந ஜ்ஞாதமாத்மா ந பவதி ॥
madīyatvena jñātamātmā na bhavati ||
ஆத்மந்
ātman
ஆத்மா தர்ஹி கஃ ?
ātmā tarhi kaḥ ?
ஸச்சிதாநந்தஸ்வரூபஃ ।
saccidānandasvarūpaḥ |
ஸத்கிம் ?
satkim ?
காலத்ரயேऽபி திஷ்டதீதி ஸத் ।
kālatraye'pi tiṣṭhatīti sat |
சித்கிம் ?
citkim ?
ஜ்ஞாநஸ்வரூபஃ ।
jñānasvarūpaḥ |
ஆநந்தஃ கஃ ?
ānandaḥ kaḥ ?
ஸுகஸ்வரூபஃ ।
sukhasvarūpaḥ |
ஏவம் ஸச்சிதாநந்தஸ்வரூபம் ஸ்வாத்மாநம் விஜாநீயாத் ।
evaṃ saccidānandasvarūpaṃ svātmānaṃ vijānīyāt |
ஜகத்
jagat
அத சதுர்விம்ஶதிதத்த்வோத்பத்திப்ரகாரம் வக்ஷ்யாமஃ ।
atha caturviṃśatitattvotpattiprakāraṃ vakṣyāmaḥ |
மாயா
māyā
ப்ரஹ்மாஶ்ரயா ஸத்த்வரஜஸ்தமோகுணாத்மிகா மாயா அஸ்தி ।
brahmāśrayā sattvarajastamoguṇātmikā māyā asti |
பஞ்சபூதாஃ
pañcabhūtāḥ
ததஃ ஆகாஶஃ ஸம்பூதஃ ।
tataḥ ākāśaḥ sambhūtaḥ |
ஆகாஶாத் வாயுஃ ।
ākāśād vāyuḥ |
வாயோஸ்தேஜஃ ।
vāyostejaḥ |
தேஜஸ ஆபஃ ।
tejasa āpaḥ |
அப்தயஃ ப்ரு'திவீ ।
abhdhayaḥ pṛthivī |
ஸத்த்வகுணஃ
sattvaguṇaḥ
ஏதேஷாம் பஞ்சதத்த்வாநாம் மத்யே
eteṣāṃ pañcatattvānāṃ madhye
ஆகாஶஸ்ய ஸாத்விகாம்ஶாத் ஶ்ரோத்ரேந்த்ரியம் ஸம்பூதம் ।
ākāśasya sātvikāṃśāt śrotrendriyaṃ sambhūtam |
வாயோஃ ஸாத்விகாம்ஶாத் த்வகிந்த்ரியம் ஸம்பூதம் ।
vāyoḥ sātvikāṃśāt tvagindriyaṃ sambhūtam |
அக்நேஃ ஸாத்விகாம்ஶாத் சக்ஷுரிந்த்ரியம் ஸம்பூதம் ।
agneḥ sātvikāṃśāt cakṣurindriyaṃ sambhūtam |
ஜலஸ்ய ஸாத்விகாம்ஶாத் ரஸநேந்த்ரியம் ஸம்பூதம் ।
jalasya sātvikāṃśāt rasanendriyaṃ sambhūtam |
ப்ரு'திவ்யாஃ ஸாத்விகாம்ஶாத் க்ராணேந்த்ரியம் ஸம்பூதம் ।
pṛthivyāḥ sātvikāṃśāt ghrāṇendriyaṃ sambhūtam |
அந்தஃகரண
antaḥkaraṇa
ஏதேஷாம் பஞ்சதத்த்வாநாம் ஸமஷ்டிஸாத்விகாம்ஶாத்
eteṣāṃ pañcatattvānāṃ samaṣṭisātvikāṃśāt
மநோபுத்த்யஹங்கார சித்தாந்தஃகரணாநி ஸம்பூதாநி ।
manobuddhyahaṅkāra cittāntaḥkaraṇāni sambhūtāni |
ஸங்கல்பவிகல்பாத்மகம் மநஃ ।
saṅkalpavikalpātmakaṃ manaḥ |
நிஶ்சயாத்மிகா புத்திஃ ।
niścayātmikā buddhiḥ |
அஹங்கர்தா அஹங்காரஃ ।
ahaṅkartā ahaṅkāraḥ |
சிந்தநகர்த்ரு' சித்தம் ।
cintanakartṛ cittam |
மநஸோ தேவதா சந்த்ரமாஃ ।
manaso devatā candramāḥ |
புத்தே ப்ரஹ்மா ।
buddhe brahmā |
அஹங்காரஸ்ய ருத்ரஃ ।
ahaṅkārasya rudraḥ |
சித்தஸ்ய வாஸுதேவஃ ।
cittasya vāsudevaḥ |
ரஜோகுணஃ
rajoguṇaḥ
ஏதேஷாம் பஞ்சதத்த்வாநாம் மத்யே
eteṣāṃ pañcatattvānāṃ madhye
ஆகாஶஸ்ய ராஜஸாம்ஶாத் வாகிந்த்ரியம் ஸம்பூதம் ।
ākāśasya rājasāṃśāt vāgindriyaṃ sambhūtam |
வாயோஃ ராஜஸாம்ஶாத் பாணீந்த்ரியம் ஸம்பூதம் ।
vāyoḥ rājasāṃśāt pāṇīndriyaṃ sambhūtam |
வந்ஹேஃ ராஜஸாம்ஶாத் பாதேந்த்ரியம் ஸம்பூதம் ।
vanheḥ rājasāṃśāt pādendriyaṃ sambhūtam |
ஜலஸ்ய ராஜஸாம்ஶாத் உபஸ்தேந்த்ரியம் ஸம்பூதம் ।
jalasya rājasāṃśāt upasthendriyaṃ sambhūtam |
ப்ரு'திவ்யா ராஜஸாம்ஶாத் குதேந்த்ரியம் ஸம்பூதம் ।
pṛthivyā rājasāṃśāt gudendriyaṃ sambhūtam |
ஏதேஷாம் ஸமஷ்டிராஜஸாம்ஶாத் பஞ்சப்ராணாஃ ஸம்பூதாஃ ।
eteṣāṃ samaṣṭirājasāṃśāt pañcaprāṇāḥ sambhūtāḥ |
தமோகுணஃ
tamoguṇaḥ
ஏதேஷாம் பஞ்சதத்த்வாநாம் தாமஸாம்ஶாத்
eteṣāṃ pañcatattvānāṃ tāmasāṃśāt
பஞ்சீக்ரு'தபஞ்சதத்த்வாநி பவந்தி ।
pañcīkṛtapañcatattvāni bhavanti |
பஞ்சீகரணம் கதம் இதி சேத் ।
pañcīkaraṇaṃ kathaṃ iti cet |
ஏதேஷாம் பஞ்சமஹாபூதாநாம் தாமஸாம்ஶஸ்வரூபம்
eteṣāṃ pañcamahābhūtānāṃ tāmasāṃśasvarūpam
ஏகமேகம் பூதம் த்விதா விபஜ்ய ஏகமேகமர்தம் ப்ரு'தக்
ekamekaṃ bhūtaṃ dvidhā vibhajya ekamekamardhaṃ pṛthak
தூஷ்ணீம் வ்யவஸ்தாப்ய அபரமபரமர்தம் சதுர்தாம் விபஜ்ய
tūṣṇīṃ vyavasthāpya aparamaparamardhaṃ caturdhāṃ vibhajya
ஸ்வார்தமந்யேஷு அர்தேஷு ஸ்வபாகசதுஷ்டயஸம்யோஜநம் கார்யம் ।
svārdhamanyeṣu ardheṣu svabhāgacatuṣṭayasaṃyojanaṃ kāryam |
ததா பஞ்சீகரணம் பவதி ।
tadā pañcīkaraṇaṃ bhavati |
ஏதேப்யஃ பஞ்சீக்ரு'தபஞ்சமஹாபூதேப்யஃ ஸ்தூலஶரீரம் பவதி ।
etebhyaḥ pañcīkṛtapañcamahābhūtebhyaḥ sthūlaśarīraṃ bhavati |
ஏவம் பிண்டப்ரஹ்மாண்டயோரைக்யம் ஸம்பூதம் ।
evaṃ piṇḍabrahmāṇḍayoraikyaṃ sambhūtam |
ஜீவஃ, ஈஶ்வரஃ ச
jīvaḥ, īśvaraḥ ca
ஸ்தூலஶரீராபிமாநி ஜீவநாமகம் ப்ரஹ்மப்ரதிபிம்பம் பவதி ।
sthūlaśarīrābhimāni jīvanāmakaṃ brahmapratibimbaṃ bhavati |
ஸ ஏவ ஜீவஃ ப்ரக்ரு'த்யா ஸ்வஸ்மாத் ஈஶ்வரம் பிந்நத்வேந ஜாநாதி ।
sa eva jīvaḥ prakṛtyā svasmāt īśvaraṃ bhinnatvena jānāti |
அவித்யோபாதிஃ ஸந் ஆத்மா ஜீவ இத்யுச்யதே ।
avidyopādhiḥ san ātmā jīva ityucyate |
மாயோபாதிஃ ஸந் ஈஶ்வர இத்யுச்யதே ।
māyopādhiḥ san īśvara ityucyate |
ஏவம் உபாதிபேதாத் ஜீவேஶ்வரபேதத்ரு'ஷ்டிஃ யாவத்பர்யந்தம் திஷ்டதி
evaṃ upādhibhedāt jīveśvarabhedadṛṣṭiḥ yāvatparyantaṃ tiṣṭhati
தாவத்பர்யந்தம் ஜந்மமரணாதிரூபஸம்ஸாரோ ந நிவர்ததே ।
tāvatparyantaṃ janmamaraṇādirūpasaṃsāro na nivartate |
தஸ்மாத்காரணாந்ந ஜீவேஶ்வரயோர்பேதபுத்திஃ ஸ்வீகார்யா ।
tasmātkāraṇānna jīveśvarayorbhedabuddhiḥ svīkāryā |
தத் த்வம் அஸி
tat tvaṃ asi
நநு ஸாஹங்காரஸ்ய கிஞ்சிஜ்ஜ்ஞஸ்ய ஜீவஸ்ய நிரஹங்காரஸ்ய ஸர்வஜ்ஞஸ்ய
nanu sāhaṅkārasya kiñcijjñasya jīvasya nirahaṅkārasya sarvajñasya
ஈஶ்வரஸ்ய தத்த்வமஸீதி மஹாவாக்யாத் கதமபேதபுத்திஃ ஸ்யாதுபயோஃ
īśvarasya tattvamasīti mahāvākyāt kathamabhedabuddhiḥ syādubhayoḥ
விருத்ததர்மாக்ராந்தத்வாத் ।
viruddhadharmākrāntatvāt |
இதி சேந்ந । ஸ்தூலஸூக்ஷ்மஶரீராபிமாநீ த்வம்பதவாச்யார்தஃ ।
உபாதிவிநிர்முக்தம் ஸமாதிதஶாஸம்பந்நம் ஶுத்தம் சைதந்யம்
upādhivinirmuktaṃ samādhidaśāsampannaṃ śuddhaṃ caitanyaṃ
த்வம்பதலக்ஷ்யார்தஃ ।
tvampadalakṣyārthaḥ |
ஏவம் ஸர்வஜ்ஞத்வாதிவிஶிஷ்ட ஈஶ்வரஃ தத்பதவாச்யார்தஃ ।
evaṃ sarvajñatvādiviśiṣṭa īśvaraḥ tatpadavācyārthaḥ |
உபாதிஶூந்யம் ஶுத்தசைதந்யம் தத்பதலக்ஷ்யார்தஃ ।
upādhiśūnyaṃ śuddhacaitanyaṃ tatpadalakṣyārthaḥ |
ஏவம் ச ஜீவேஶ்வரயோ சைதந்யரூபேணாऽபேதே பாதகாபாவஃ ।
evaṃ ca jīveśvarayo caitanyarūpeṇā'bhede bādhakābhāvaḥ |
ஜீவந்முக்தஃ
jīvanmuktaḥ
ஏவம் ச வேதாந்தவாக்யைஃ ஸத்குரூபதேஶேந ச ஸர்வேஷ்வபி
evaṃ ca vedāntavākyaiḥ sadgurūpadeśena ca sarveṣvapi
பூதேஷு யேஷாம்
bhūteṣu yeṣāṃ
ப்ரஹ்மபுத்திருத்பந்நா தே ஜீவந்முக்தாஃ இத்யர்தஃ ।நநு ஜீவந்முக்தஃ கஃ ?
brahmabuddhirutpannā te jīvanmuktāḥ ityarthaḥ |nanu jīvanmuktaḥ kaḥ ?
யதா தேஹோऽஹம் புருஷோऽஹம் ப்ராஹ்மணோऽஹம் ஶூத்ரோऽஹமஸ்மீதி
yathā deho'haṃ puruṣo'haṃ brāhmaṇo'haṃ śūdro'hamasmīti
த்ரு'டநிஶ்சயஸ்ததா நாஹம் ப்ராஹ்மணஃ ந ஶூத்ரஃ ந புருஷஃ
dṛḍhaniścayastathā nāhaṃ brāhmaṇaḥ na śūdraḥ na puruṣaḥ
கிந்து அஸங்கஃ ஸச்சிதாநந்த ஸ்வரூபஃ ப்ரகாஶரூபஃ ஸர்வாந்தர்யாமீ
kintu asaṅgaḥ saccidānanda svarūpaḥ prakāśarūpaḥ sarvāntaryāmī
சிதாகாஶரூபோऽஸ்மீதி த்ரு'டநிஶ்சய
cidākāśarūpo'smīti dṛḍhaniścaya
ரூபோऽபரோக்ஷஜ்ஞாநவாந் ஜீவந்முக்தஃ ॥ப்ரஹ்மைவாஹமஸ்மீத்யபரோக்ஷஜ்ஞாநேந நிகிலகர்மபந்தவிநிர்முக்தஃ
rūpo'parokṣajñānavān jīvanmuktaḥ ||brahmaivāhamasmītyaparokṣajñānena nikhilakarmabandhavinirmuktaḥ
ஸ்யாத் ।
syāt |
கர்மாணி
karmāṇi
கர்மாணி கதிவிதாநி ஸந்தீதி சேத்
karmāṇi katividhāni santīti cet
ஆகாமிஸஞ்சிதப்ராரப்தபேதேந த்ரிவிதாநி ஸந்தி ।
āgāmisañcitaprārabdhabhedena trividhāni santi |
ஆகாமி கர்ம
āgāmi karma
ஜ்ஞாநோத்பத்த்யநந்தரம் ஜ்ஞாநிதேஹக்ரு'தம் புண்யபாபரூபம் கர்ம
jñānotpattyanantaraṃ jñānidehakṛtaṃ puṇyapāparūpaṃ karma
யதஸ்தி ததாகாமீத்யபிதீயதே ।
yadasti tadāgāmītyabhidhīyate |
ஸஞ்சித கர்ம
sañcita karma
ஸஞ்சிதம் கர்ம கிம் ?
sañcitaṃ karma kim ?
அநந்தகோடிஜந்மநாம் பீஜபூதம் ஸத் யத்கர்மஜாதம் பூர்வார்ஜிதம்
anantakoṭijanmanāṃ bījabhūtaṃ sat yatkarmajātaṃ pūrvārjitaṃ
திஷ்டதி தத் ஸஞ்சிதம் ஜ்ஞேயம் ।
tiṣṭhati tat sañcitaṃ jñeyam |
ப்ராரப்த கர்ம
prārabdha karma
ப்ராரப்தம் கர்ம கிமிதி சேத் ।
prārabdhaṃ karma kimiti cet |
இதம் ஶரீரமுத்பாத்ய இஹ லோகே ஏவம் ஸுகதுஃகாதிப்ரதம் யத்கர்ம
idaṃ śarīramutpādya iha loke evaṃ sukhaduḥkhādipradaṃ yatkarma
தத்ப்ராரப்தம்
tatprārabdhaṃ
போகேந நஷ்டம் பவதி ப்ராரப்தகர்மணாம் போகாதேவ க்ஷய இதி ।
bhogena naṣṭaṃ bhavati prārabdhakarmaṇāṃ bhogādeva kṣaya iti |
கர்ம முக்தஃ
karma muktaḥ
ஸஞ்சிதம் கர்ம ப்ரஹ்மைவாஹமிதி நிஶ்சயாத்மகஜ்ஞாநேந நஶ்யதி ।ஆகாமி கர்ம அபி ஜ்ஞாநேந நஶ்யதி கிஞ்ச ஆகாமி கர்மணாம்
sañcitaṃ karma brahmaivāhamiti niścayātmakajñānena naśyati |āgāmi karma api jñānena naśyati kiñca āgāmi karmaṇāṃ
நலிநீதலகதஜலவத் ஜ்ஞாநிநாம் ஸம்பந்தோ நாஸ்தி ।
nalinīdalagatajalavat jñānināṃ sambandho nāsti |
ஜ்ஞாநிஃ
jñāniḥ
கிஞ்ச யே ஜ்ஞாநிநம் ஸ்துவந்தி பஜந்தி அர்சயந்தி தாந்ப்ரதி
kiñca ye jñāninaṃ stuvanti bhajanti arcayanti tānprati
ஜ்ஞாநிக்ரு'தம் ஆகாமி புண்யம் கச்சதி ।
jñānikṛtaṃ āgāmi puṇyaṃ gacchati |
யே ஜ்ஞாநிநம் நிந்தந்தி த்விஷந்தி துஃகப்ரதாநம் குர்வந்தி தாந்ப்ரதி
ye jñāninaṃ nindanti dviṣanti duḥkhapradānaṃ kurvanti tānprati
ஜ்ஞாநிக்ரு'தம் ஸர்வமாகாமி க்ரியமாணம் யதவாச்யம் கர்ம
jñānikṛtaṃ sarvamāgāmi kriyamāṇaṃ yadavācyaṃ karma
பாபாத்மகம் தத்கச்சதி ।
pāpātmakaṃ tadgacchati |
ஸுஹ்ரு'தஃ புண்யக்ரு'தம் துர்ஹ்ரு'தஃ பாபக்ரு'த்யம் க்ரு'ஹ்ணந்தி ।
suhṛdaḥ puṇyakṛtaṃ durhṛdaḥ pāpakṛtyaṃ gṛhṇanti |
ப்ரஹ்மாநந்தம்
brahmānandam
ததா சாத்மவித்ஸம்ஸாரம் தீர்த்வா ப்ரஹ்மாநந்தமிஹைவ ப்ராப்நோதி ।
tathā cātmavitsaṃsāraṃ tīrtvā brahmānandamihaiva prāpnoti |
தரதி ஶோகமாத்மவித் இதி ஶ்ருதேஃ ।
tarati śokamātmavit iti śruteḥ |
தநும் த்யஜது வா காஶ்யாம் ஶ்வபசஸ்ய க்ரு'ஹேऽத வா ।
tanuṃ tyajatu vā kāśyāṃ śvapacasya gṛhe'tha vā |
ஜ்ஞாநஸம்ப்ராப்திஸமயே முக்தாऽஸௌ விகதாஶயஃ । இதி ஸ்ம்ரு'தேஶ்ச ।இதி ஶ்ரீஶங்கரபகவத்பாதாசார்யப்ரணீதஃ தத்த்வபோதப்ரகரணம் ஸமாப்தம் ।
jñānasamprāptisamaye muktā'sau vigatāśayaḥ | iti smṛteśca |iti śrīśaṅkarabhagavatpādācāryapraṇītaḥ tattvabodhaprakaraṇaṃ samāptam |
Sanskrit — Devanagari (original)
ध्यानं
वासुदेवेन्द्रयोगीन्द्रं नत्वा ज्ञानप्रदं गुरुम् ।
मुमुक्षूणां हितार्थाय तत्त्वबोधोभिधीयते ॥
साधनचतुष्टयसम्पन्नाधिकारिणां मोक्षसाधनभूतं
तत्त्वविवेकप्रकारं वक्ष्यामः ।
साधनचतुष्टयम्
साधनचतुष्टयं किम् ?
नित्यानित्यवस्तुविवेकः ।
इहामुत्रार्थफलभोगविरागः ।
शमादिषट्कसम्पत्तिः ।
मुमुक्षुत्वं चेति ।
नित्यानित्यवस्तुविवेकः
नित्यानित्यवस्तुविवेकः कः ?
नित्यवस्त्वेकं ब्रह्म तद्व्यतिरिक्तं सर्वमनित्यम् ।
अयमेव नित्यानित्यवस्तुविवेकः ।
विरागः
विरागः कः ?
इहस्वर्गभोगेषु इच्छाराहित्यम् ।
शमादिसाधनसम्पत्तिः
शमादिसाधनसम्पत्तिः का ?
शमो दम उपरमस्तितिक्षा श्रद्धा समाधानं च इति ।शमः कः ?
मनोनिग्रहः ।
दमः कः ?
चक्षुरादिबाह्येन्द्रियनिग्रहः ।
उपरमः कः ?
स्वधर्मानुष्ठानमेव ।
तितिक्षा का ?
शीतोष्णसुखदुःखादिसहिष्णुत्वम् ।
श्रद्धा कीदृशी ?
गुरुवेदान्तवाक्यादिषु विश्वासः श्रद्धा ।
समाधानं किम् ?
चित्तैकाग्रता ।
मुमुक्षुत्वं
मुमुक्षुत्वं किम् ?
मोक्षो मे भूयाद् इति इच्छा ।
एतत् साधनचतुष्टयम् ।
ततस्तत्त्वविवेकस्याधिकारिणो भवन्ति ।
तत्त्वविवेकः
तत्त्वविवेकः कः ?
आत्मा सत्यं तदन्यत् सर्वं मिथ्येति ।आत्मा कः ?
स्थूलसूक्ष्मकारणशरीराद्व्यतिरिक्तः पञ्चकोशातीतः सन्
अवस्थात्रयसाक्षी सच्चिदानन्दस्वरूपः सन्
यस्तिष्ठति स आत्मा ।
शरीरत्रयं (स्थूलशरीरम्)
स्थूलशरीरं किम् ?
पञ्चीकृतपञ्चमहाभूतैः कृतं सत्कर्मजन्यं
सुखदुःखादिभोगायतनं शरीरम्
अस्ति जायते वर्धते विपरिणमते अपक्षीयते विनश्यतीति
षड्विकारवदेतत्स्थूलशरीरम् ।
शरीरत्रयं (सूक्ष्मशरीरम्)
सूक्ष्मशरीरं किम् ?
अपञ्चीकृतपञ्चमहाभूतैः कृतं सत्कर्मजन्यं
सुखदुःखादिभोगसाधनं
पञ्चज्ञानेन्द्रियाणि पञ्चकर्मेन्द्रियाणि पञ्चप्राणादयः
मनश्चैकं बुद्धिश्चैका
एवं सप्तदशाकलाभिः सह यत्तिष्ठति तत्सूक्ष्मशरीरम् ।
ज्ञानेन्द्रियाणि
श्रोत्रं त्वक् चक्षुः रसना घ्राणं इति पञ्च ज्ञानेन्द्रियाणि ।
श्रोत्रस्य दिग्देवता ।
त्वचो वायुः ।
चक्षुषः सूर्यः ।
रसनाया वरुणः ।
घ्राणस्य अश्विनौ ।
इति ज्ञानेन्द्रियदेवताः ।
श्रोत्रस्य विषयः शब्दग्रहणम् ।
त्वचो विषयः स्पर्शग्रहणम् ।
चक्षुषो विषयः रूपग्रहणम् ।
रसनाया विषयः रसग्रहणम् ।
घ्राणस्य विषयः गन्धग्रहणं इति ।
पञ्चकर्मेन्द्रियाणि
वाक्पाणिपादपायूपस्थानीति पञ्चकर्मेन्द्रियाणि ।
वाचो देवता वह्निः ।
हस्तयोरिन्द्रः ।
पादयोर्विष्णुः ।
पायोर्मृत्युः ।
उपस्थस्य प्रजापतिः ।
इति कर्मेन्द्रियदेवताः ।
वाचो विषयः भाषणम् ।
पाण्योर्विषयः वस्तुग्रहणम् ।
पादयोर्विषयः गमनम् ।
पायोर्विषयः मलत्यागः ।
उपस्थस्य विषयः आनन्द इति ।
कारणशरीरम्
कारणशरीरं किम् ?
अनिर्वाच्यानाद्यविद्यारूपं शरीरद्वयस्य कारणमात्रं
सत्स्वरूपाऽज्ञानं निर्विकल्पकरूपं यदस्ति तत्कारणशरीरम् ।
अवस्थात्रयम्
अवस्थात्रयं किम् ?
जाग्रत्स्वप्नसुषुप्त्यवस्थाः ।
जाग्रदवस्था
जाग्रदवस्था का ?
श्रोत्रादिज्ञानेन्द्रियैः शब्दादिविषयैश्च ज्ञायते इति यत्
सा जाग्रदावस्था ।
स्थूल शरीराभिमानी आत्मा विश्व इत्युच्यते ।
स्वप्नावस्था
स्वप्नावस्था केति चेत् ?
जाग्रदवस्थायां यद्दृष्टं यद् श्रुतम्
तज्जनितवासनया निद्रासमये यः प्रपञ्चः प्रतीयते सा
स्वप्नावस्था ।
सूक्ष्मशरीराभिमानी आत्मा तैजस इत्युच्यते ।
सुषुप्त्यवस्था
अतः सुषुप्त्यवस्था का ?
अहं किमपि न जानामि सुखेन मया निद्राऽनुभूयत इति
सुषुप्त्यवस्था ।
कारणशरीराभिमानी आत्मा प्राज्ञ इत्युच्यते ।
पञ्च कोशाः
पञ्च कोशाः के ?
अन्नमयः प्राणमयः मनोमयः विज्ञानमयः आनन्दमयश्चेति ।
अन्नमयकोशः
अन्नमयः कः ?
अन्नरसेनैव भूत्वा अन्नरसेनैव वृद्धिं प्राप्य अन्नरूपपृथिव्यां
यद्विलीयते तदन्नमयः कोशः स्थूलशरीरम् ।
प्राणमयकोशः
प्राणमयः कः ?
प्राणाद्याः पञ्चवायवः वागादीन्द्रियपञ्चकं प्राणमयः कोशः ।
मनोमयकोशः
मनोमयः कोशः कः ?
मनश्च ज्ञानेन्द्रियपञ्चकं मिलित्वा यो भवति स मनोमयः कोशः ।
विज्ञानमयकोशः
विज्ञानमयः कः ?
बुद्धिज्ञानेन्द्रियपञ्चकं मिलित्वा यो भवति स विज्ञानमयः कोशः
आनन्दमयकोशः
आनन्दमयः कः ?
एवमेव कारणशरीरभूताविद्यास्थमलिनसत्त्वं
प्रियादिवृत्तिसहितं सत् आनन्दमयः कोशः ।
एतत्कोशपञ्चकम् ।
पञ्चकोशातीत
मदीयं शरीरं मदीयाः प्राणाः मदीयं मनश्च
मदीया बुद्धिर्मदीयं अज्ञानमिति स्वेनैव ज्ञायते
तद्यथा मदीयत्वेन ज्ञातं कटककुण्डल गृहादिकं
स्वस्माद्भिन्नं तथा पञ्चकोशादिकं स्वस्माद्भिन्नम्
मदीयत्वेन ज्ञातमात्मा न भवति ॥
आत्मन्
आत्मा तर्हि कः ?
सच्चिदानन्दस्वरूपः ।
सत्किम् ?
कालत्रयेऽपि तिष्ठतीति सत् ।
चित्किम् ?
ज्ञानस्वरूपः ।
आनन्दः कः ?
सुखस्वरूपः ।
एवं सच्चिदानन्दस्वरूपं स्वात्मानं विजानीयात् ।
जगत्
अथ चतुर्विंशतितत्त्वोत्पत्तिप्रकारं वक्ष्यामः ।
माया
ब्रह्माश्रया सत्त्वरजस्तमोगुणात्मिका माया अस्ति ।
पञ्चभूताः
ततः आकाशः सम्भूतः ।
आकाशाद् वायुः ।
वायोस्तेजः ।
तेजस आपः ।
अभ्धयः पृथिवी ।
सत्त्वगुणः
एतेषां पञ्चतत्त्वानां मध्ये
आकाशस्य सात्विकांशात् श्रोत्रेन्द्रियं सम्भूतम् ।
वायोः सात्विकांशात् त्वगिन्द्रियं सम्भूतम् ।
अग्नेः सात्विकांशात् चक्षुरिन्द्रियं सम्भूतम् ।
जलस्य सात्विकांशात् रसनेन्द्रियं सम्भूतम् ।
पृथिव्याः सात्विकांशात् घ्राणेन्द्रियं सम्भूतम् ।
अन्तःकरण
एतेषां पञ्चतत्त्वानां समष्टिसात्विकांशात्
मनोबुद्ध्यहङ्कार चित्तान्तःकरणानि सम्भूतानि ।
सङ्कल्पविकल्पात्मकं मनः ।
निश्चयात्मिका बुद्धिः ।
अहङ्कर्ता अहङ्कारः ।
चिन्तनकर्तृ चित्तम् ।
मनसो देवता चन्द्रमाः ।
बुद्धे ब्रह्मा ।
अहङ्कारस्य रुद्रः ।
चित्तस्य वासुदेवः ।
रजोगुणः
एतेषां पञ्चतत्त्वानां मध्ये
आकाशस्य राजसांशात् वागिन्द्रियं सम्भूतम् ।
वायोः राजसांशात् पाणीन्द्रियं सम्भूतम् ।
वन्हेः राजसांशात् पादेन्द्रियं सम्भूतम् ।
जलस्य राजसांशात् उपस्थेन्द्रियं सम्भूतम् ।
पृथिव्या राजसांशात् गुदेन्द्रियं सम्भूतम् ।
एतेषां समष्टिराजसांशात् पञ्चप्राणाः सम्भूताः ।
तमोगुणः
एतेषां पञ्चतत्त्वानां तामसांशात्
पञ्चीकृतपञ्चतत्त्वानि भवन्ति ।
पञ्चीकरणं कथं इति चेत् ।
एतेषां पञ्चमहाभूतानां तामसांशस्वरूपम्
एकमेकं भूतं द्विधा विभज्य एकमेकमर्धं पृथक्
तूष्णीं व्यवस्थाप्य अपरमपरमर्धं चतुर्धां विभज्य
स्वार्धमन्येषु अर्धेषु स्वभागचतुष्टयसंयोजनं कार्यम् ।
तदा पञ्चीकरणं भवति ।
एतेभ्यः पञ्चीकृतपञ्चमहाभूतेभ्यः स्थूलशरीरं भवति ।
एवं पिण्डब्रह्माण्डयोरैक्यं सम्भूतम् ।
जीवः, ईश्वरः च
स्थूलशरीराभिमानि जीवनामकं ब्रह्मप्रतिबिम्बं भवति ।
स एव जीवः प्रकृत्या स्वस्मात् ईश्वरं भिन्नत्वेन जानाति ।
अविद्योपाधिः सन् आत्मा जीव इत्युच्यते ।
मायोपाधिः सन् ईश्वर इत्युच्यते ।
एवं उपाधिभेदात् जीवेश्वरभेददृष्टिः यावत्पर्यन्तं तिष्ठति
तावत्पर्यन्तं जन्ममरणादिरूपसंसारो न निवर्तते ।
तस्मात्कारणान्न जीवेश्वरयोर्भेदबुद्धिः स्वीकार्या ।
तत् त्वं असि
ननु साहङ्कारस्य किञ्चिज्ज्ञस्य जीवस्य निरहङ्कारस्य सर्वज्ञस्य
ईश्वरस्य तत्त्वमसीति महावाक्यात् कथमभेदबुद्धिः स्यादुभयोः
विरुद्धधर्माक्रान्तत्वात् ।
इति चेन्न । स्थूलसूक्ष्मशरीराभिमानी त्वम्पदवाच्यार्थः ।
उपाधिविनिर्मुक्तं समाधिदशासम्पन्नं शुद्धं चैतन्यं
त्वम्पदलक्ष्यार्थः ।
एवं सर्वज्ञत्वादिविशिष्ट ईश्वरः तत्पदवाच्यार्थः ।
उपाधिशून्यं शुद्धचैतन्यं तत्पदलक्ष्यार्थः ।
एवं च जीवेश्वरयो चैतन्यरूपेणाऽभेदे बाधकाभावः ।
जीवन्मुक्तः
एवं च वेदान्तवाक्यैः सद्गुरूपदेशेन च सर्वेष्वपि
भूतेषु येषां
ब्रह्मबुद्धिरुत्पन्ना ते जीवन्मुक्ताः इत्यर्थः ।ननु जीवन्मुक्तः कः ?
यथा देहोऽहं पुरुषोऽहं ब्राह्मणोऽहं शूद्रोऽहमस्मीति
दृढनिश्चयस्तथा नाहं ब्राह्मणः न शूद्रः न पुरुषः
किन्तु असङ्गः सच्चिदानन्द स्वरूपः प्रकाशरूपः सर्वान्तर्यामी
चिदाकाशरूपोऽस्मीति दृढनिश्चय
रूपोऽपरोक्षज्ञानवान् जीवन्मुक्तः ॥ब्रह्मैवाहमस्मीत्यपरोक्षज्ञानेन निखिलकर्मबन्धविनिर्मुक्तः
स्यात् ।
कर्माणि
कर्माणि कतिविधानि सन्तीति चेत्
आगामिसञ्चितप्रारब्धभेदेन त्रिविधानि सन्ति ।
आगामि कर्म
ज्ञानोत्पत्त्यनन्तरं ज्ञानिदेहकृतं पुण्यपापरूपं कर्म
यदस्ति तदागामीत्यभिधीयते ।
सञ्चित कर्म
सञ्चितं कर्म किम् ?
अनन्तकोटिजन्मनां बीजभूतं सत् यत्कर्मजातं पूर्वार्जितं
तिष्ठति तत् सञ्चितं ज्ञेयम् ।
प्रारब्ध कर्म
प्रारब्धं कर्म किमिति चेत् ।
इदं शरीरमुत्पाद्य इह लोके एवं सुखदुःखादिप्रदं यत्कर्म
तत्प्रारब्धं
भोगेन नष्टं भवति प्रारब्धकर्मणां भोगादेव क्षय इति ।
कर्म मुक्तः
सञ्चितं कर्म ब्रह्मैवाहमिति निश्चयात्मकज्ञानेन नश्यति ।आगामि कर्म अपि ज्ञानेन नश्यति किञ्च आगामि कर्मणां
नलिनीदलगतजलवत् ज्ञानिनां सम्बन्धो नास्ति ।
ज्ञानिः
किञ्च ये ज्ञानिनं स्तुवन्ति भजन्ति अर्चयन्ति तान्प्रति
ज्ञानिकृतं आगामि पुण्यं गच्छति ।
ये ज्ञानिनं निन्दन्ति द्विषन्ति दुःखप्रदानं कुर्वन्ति तान्प्रति
ज्ञानिकृतं सर्वमागामि क्रियमाणं यदवाच्यं कर्म
पापात्मकं तद्गच्छति ।
सुहृदः पुण्यकृतं दुर्हृदः पापकृत्यं गृह्णन्ति ।
ब्रह्मानन्दम्
तथा चात्मवित्संसारं तीर्त्वा ब्रह्मानन्दमिहैव प्राप्नोति ।
तरति शोकमात्मवित् इति श्रुतेः ।
तनुं त्यजतु वा काश्यां श्वपचस्य गृहेऽथ वा ।
ज्ञानसम्प्राप्तिसमये मुक्ताऽसौ विगताशयः । इति स्मृतेश्च ।इति श्रीशङ्करभगवत्पादाचार्यप्रणीतः तत्त्वबोधप्रकरणं समाप्तम् ।
🕉️ This is the original Sanskrit rendered in Tamil script. Pronunciation is identical to the Sanskrit Devanagari version.
It is a transliteration, not a translation — see “Meaning” for translations where available.