பகவதி தவ தீரே நீரமாத்ராஶநோऽஹம்
விகதவிஷயத்ரு'ஷ்ணஃ க்ரு'ஷ்ணமாராதயாமி ।
ஸகல கலுஷபங்கே ஸ்வர்கஸோபாநஸங்கே
தரலதரதரங்கே தேவி கங்கே ப்ரஸீத ॥ 1 ॥
பகவதி பவலீலா மௌலிமாலே தவாம்பஃ
கணமணுபரிமாணம் ப்ராணிநோ யே ஸ்ப்ரு'ஶந்தி ।
அமரநகரநாரீ சாமர க்ராஹிணீநாம்
விகத கலிகலங்காதங்கமங்கே லுடந்தி ॥ 2 ॥
ப்ரஹ்மாண்டம் கண்டயந்தீ ஹரஶிரஸி ஜடாவல்லிமுல்லாஸயந்தீ
ஸ்வர்லோகாதாபதந்தீ கநககிரிகுஹாகண்டஶைலாத் ஸ்கலந்தீ ।
க்ஷோணீப்ரு'ஷ்டே லுடந்தீ துரிதசயசமூர்நிர்பரம் பர்த்ஸயந்தீ
பாதோதிம் பூரயந்தீ ஸுரநகரஸரித்பாவநீ நஃ புநாது ॥ 3 ॥
மஜ்ஜந்மாதங்க கும்பச்யுத மதமதிராமோதமத்தாலிஜாலம்
ஸ்நாநைஃ ஸித்தாங்கநாநாம் குசயுக விலஸத்குங்குமாஸங்கபிங்கம் ।
ஸாயம் ப்ராதர்முநீநாம் குஶகுஸுமசயைஶ்சிந்நதீரஸ்தநீரம்
பாயாந்நோ காங்கமம்பஃ கரிகலப கராக்ராந்த ரங்கஸ்தரங்கம் ॥ 4 ॥
ஆதாவாதி பிதாமஹஸ்ய நியம வ்யாபார பாத்ரே ஜலம்
பஶ்சாத்பந்நகஶாயிநோ பகவதஃ பாதோதகம் பாவநம் ।
பூயஃ ஶம்புஜடாவிபூஷண மணிர்ஜஹ்நோர்மஹர்ஷேரியம்
கந்யா கல்மஷநாஶிநீ பகவதீ பாகீரதீ த்ரு'ஶ்யதே ॥ 5 ॥
ஶைலேந்த்ராதவதாரிணீ நிஜஜலே மஜ்ஜஜ்ஜநோத்தாரிணீ
பாராவாரவிஹாரிணீ பவபயஶ்ரேணீ ஸமுத்ஸாரிணீ ।
ஶேஷாங்கைரநுகாரிணீ ஹரஶிரோவல்லீதலாகாரிணீ
காஶீப்ராந்தவிஹாரிணீ விஜயதே கங்கா மநோஹாரிணீ ॥ 6 ॥
குதோ வீசிர்வீசிஸ்தவ யதி கதா லோசநபதம்
த்வமாபீதா பீதாம்பரபுரவாஸம் விதரஸி ।
த்வதுத்ஸங்கே கங்கே பததி யதி காயஸ்தநுப்ரு'தாம்
ததா மாதஃ ஶாந்தக்ரதவபதலாபோऽப்யதிலகுஃ ॥ 7 ॥
கங்கே த்ரைலோக்யஸாரே ஸகலஸுரவதூதௌதவிஸ்தீர்ணதோயே
பூர்ணப்ரஹ்மஸ்வரூபே ஹரிசரணரஜோஹாரிணி ஸ்வர்கமார்கே ।
ப்ராயஶ்சிதம் யதி ஸ்யாத்தவ ஜலகணிகா ப்ரஹ்மஹத்யாதி பாபே
கஸ்த்வாம் ஸ்தோதும் ஸமர்தஃ த்ரிஜகதகஹரே தேவி கங்கே ப்ரஸீத ॥ 8 ॥
மாதர்ஜாஹ்நவீ ஶம்புஸங்கமிலிதே மௌலௌ நிதாயாஞ்ஜலிம்
த்வத்தீரே வபுஷோऽவஸாநஸமயே நாராயணாங்க்ரித்வயம் ।
ஸாநந்தம் ஸ்மரதோ பவிஷ்யதி மம ப்ராணப்ரயாணோத்ஸவே
பூயாத்பக்திரவிச்யுதா ஹரிஹராத்வைதாத்மிகா ஶாஶ்வதீ ॥ 9 ॥
கங்காஷ்டகமிதம் புண்யம் யஃ படேத்ப்ரயதோ நரஃ ।
ஸர்வபாபவிநிர்முக்தோ விஷ்ணுலோகம் ஸ கச்சதி ॥ 10 ॥
Roman (IAST) Transliteration
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
Sanskrit — Devanagari (original)
भगवति तव तीरे नीरमात्राशनोऽहम्
विगतविषयतृष्णः कृष्णमाराधयामि ।
सकल कलुषभङ्गे स्वर्गसोपानसङ्गे
तरलतरतरङ्गे देवि गङ्गे प्रसीद ॥ 1 ॥
भगवति भवलीला मौलिमाले तवाम्भः
कणमणुपरिमाणं प्राणिनो ये स्पृशन्ति ।
अमरनगरनारी चामर ग्राहिणीनां
विगत कलिकलङ्कातङ्कमङ्के लुठन्ति ॥ 2 ॥
ब्रह्माण्डं खण्डयन्ती हरशिरसि जटावल्लिमुल्लासयन्ती
स्वर्लोकादापतन्ती कनकगिरिगुहागण्डशैलात् स्खलन्ती ।
क्षोणीपृष्ठे लुठन्ती दुरितचयचमूर्निर्भरं भर्त्सयन्ती
पाथोधिं पूरयन्ती सुरनगरसरित्पावनी नः पुनातु ॥ 3 ॥
मज्जन्मातङ्ग कुम्भच्युत मदमदिरामोदमत्तालिजालं
स्नानैः सिद्धाङ्गनानां कुचयुग विलसत्कुङ्कुमासङ्गपिङ्गम् ।
सायं प्रातर्मुनीनां कुशकुसुमचयैश्छिन्नतीरस्थनीरं
पायान्नो गाङ्गमम्भः करिकलभ कराक्रान्त रङ्गस्तरङ्गम् ॥ 4 ॥
आदावादि पितामहस्य नियम व्यापार पात्रे जलं
पश्चात्पन्नगशायिनो भगवतः पादोदकं पावनम् ।
भूयः शम्भुजटाविभूषण मणिर्जह्नोर्महर्षेरियं
कन्या कल्मषनाशिनी भगवती भागीरथी दृश्यते ॥ 5 ॥
शैलेन्द्रादवतारिणी निजजले मज्जज्जनोत्तारिणी
पारावारविहारिणी भवभयश्रेणी समुत्सारिणी ।
शेषाङ्गैरनुकारिणी हरशिरोवल्लीदलाकारिणी
काशीप्रान्तविहारिणी विजयते गङ्गा मनोहारिणी ॥ 6 ॥
कुतो वीचिर्वीचिस्तव यदि गता लोचनपथं
त्वमापीता पीताम्बरपुरवासं वितरसि ।
त्वदुत्सङ्गे गङ्गे पतति यदि कायस्तनुभृतां
तदा मातः शान्तक्रतवपदलाभोऽप्यतिलघुः ॥ 7 ॥
गङ्गे त्रैलोक्यसारे सकलसुरवधूधौतविस्तीर्णतोये
पूर्णब्रह्मस्वरूपे हरिचरणरजोहारिणि स्वर्गमार्गे ।
प्रायश्चितं यदि स्यात्तव जलकणिका ब्रह्महत्यादि पापे
कस्त्वां स्तोतुं समर्थः त्रिजगदघहरे देवि गङ्गे प्रसीद ॥ 8 ॥
मातर्जाह्नवी शम्भुसङ्गमिलिते मौलौ निधायाञ्जलिं
त्वत्तीरे वपुषोऽवसानसमये नारायणाङ्घ्रिद्वयम् ।
सानन्दं स्मरतो भविष्यति मम प्राणप्रयाणोत्सवे
भूयाद्भक्तिरविच्युता हरिहराद्वैतात्मिका शाश्वती ॥ 9 ॥
गङ्गाष्टकमिदं पुण्यं यः पठेत्प्रयतो नरः ।
सर्वपापविनिर्मुक्तो विष्णुलोकं स गच्छति ॥ 10 ॥
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.