ভগবতি তব তীরে নীরমাত্রাশনোঽহম্
বিগতবিষযতৃষ্ণঃ কৃষ্ণমারাধযামি ।
সকল কলুষভঙ্গে স্বর্গসোপানসঙ্গে
তরলতরতরঙ্গে দেবি গঙ্গে প্রসীদ ॥ 1 ॥
ভগবতি ভবলীলা মৌলিমালে তবাম্ভঃ
কণমণুপরিমাণং প্রাণিনো যে স্পৃশন্তি ।
অমরনগরনারী চামর গ্রাহিণীনাং
বিগত কলিকলঙ্কাতঙ্কমঙ্কে লুঠন্তি ॥ 2 ॥
ব্রহ্মাণ্ডং খণ্ডযন্তী হরশিরসি জটাবল্লিমুল্লাসযন্তী
স্বর্লোকাদাপতন্তী কনকগিরিগুহাগণ্ডশৈলাত্ স্খলন্তী ।
ক্ষোণীপৃষ্ঠে লুঠন্তী দুরিতচযচমূর্নির্ভরং ভর্ত্সযন্তী
পাথোধিং পূরযন্তী সুরনগরসরিত্পাবনী নঃ পুনাতু ॥ 3 ॥
মজ্জন্মাতঙ্গ কুম্ভচ্যুত মদমদিরামোদমত্তালিজালং
স্নানৈঃ সিদ্ধাঙ্গনানাং কুচযুগ বিলসত্কুঙ্কুমাসঙ্গপিঙ্গম্ ।
সাযং প্রাতর্মুনীনাং কুশকুসুমচযৈশ্ছিন্নতীরস্থনীরং
পাযান্নো গাঙ্গমম্ভঃ করিকলভ করাক্রান্ত রঙ্গস্তরঙ্গম্ ॥ 4 ॥
আদাবাদি পিতামহস্য নিযম ব্যাপার পাত্রে জলং
পশ্চাত্পন্নগশাযিনো ভগবতঃ পাদোদকং পাবনম্ ।
ভূযঃ শম্ভুজটাবিভূষণ মণির্জহ্নোর্মহর্ষেরিযং
কন্যা কল্মষনাশিনী ভগবতী ভাগীরথী দৃশ্যতে ॥ 5 ॥
শৈলেন্দ্রাদবতারিণী নিজজলে মজ্জজ্জনোত্তারিণী
পারাবারবিহারিণী ভবভযশ্রেণী সমুত্সারিণী ।
শেষাঙ্গৈরনুকারিণী হরশিরোবল্লীদলাকারিণী
কাশীপ্রান্তবিহারিণী বিজযতে গঙ্গা মনোহারিণী ॥ 6 ॥
কুতো বীচির্বীচিস্তব যদি গতা লোচনপথং
ত্বমাপীতা পীতাম্বরপুরবাসং বিতরসি ।
ত্বদুত্সঙ্গে গঙ্গে পততি যদি কাযস্তনুভৃতাং
তদা মাতঃ শান্তক্রতবপদলাভোঽপ্যতিলঘুঃ ॥ 7 ॥
গঙ্গে ত্রৈলোক্যসারে সকলসুরবধূধৌতবিস্তীর্ণতোযে
পূর্ণব্রহ্মস্বরূপে হরিচরণরজোহারিণি স্বর্গমার্গে ।
প্রাযশ্চিতং যদি স্যাত্তব জলকণিকা ব্রহ্মহত্যাদি পাপে
কস্ত্বাং স্তোতুং সমর্থঃ ত্রিজগদঘহরে দেবি গঙ্গে প্রসীদ ॥ 8 ॥
মাতর্জাহ্নবী শম্ভুসঙ্গমিলিতে মৌলৌ নিধাযাঞ্জলিং
ত্বত্তীরে বপুষোঽবসানসমযে নারাযণাঙ্ঘ্রিদ্বযম্ ।
সানন্দং স্মরতো ভবিষ্যতি মম প্রাণপ্রযাণোত্সবে
ভূযাদ্ভক্তিরবিচ্যুতা হরিহরাদ্বৈতাত্মিকা শাশ্বতী ॥ 9 ॥
গঙ্গাষ্টকমিদং পুণ্যং যঃ পঠেত্প্রযতো নরঃ ।
সর্বপাপবিনির্মুক্তো বিষ্ণুলোকং স গচ্ছতি ॥ 10 ॥
Roman (IAST) Transliteration
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
Sanskrit — Devanagari (original)
भगवति तव तीरे नीरमात्राशनोऽहम्
विगतविषयतृष्णः कृष्णमाराधयामि ।
सकल कलुषभङ्गे स्वर्गसोपानसङ्गे
तरलतरतरङ्गे देवि गङ्गे प्रसीद ॥ 1 ॥
भगवति भवलीला मौलिमाले तवाम्भः
कणमणुपरिमाणं प्राणिनो ये स्पृशन्ति ।
अमरनगरनारी चामर ग्राहिणीनां
विगत कलिकलङ्कातङ्कमङ्के लुठन्ति ॥ 2 ॥
ब्रह्माण्डं खण्डयन्ती हरशिरसि जटावल्लिमुल्लासयन्ती
स्वर्लोकादापतन्ती कनकगिरिगुहागण्डशैलात् स्खलन्ती ।
क्षोणीपृष्ठे लुठन्ती दुरितचयचमूर्निर्भरं भर्त्सयन्ती
पाथोधिं पूरयन्ती सुरनगरसरित्पावनी नः पुनातु ॥ 3 ॥
मज्जन्मातङ्ग कुम्भच्युत मदमदिरामोदमत्तालिजालं
स्नानैः सिद्धाङ्गनानां कुचयुग विलसत्कुङ्कुमासङ्गपिङ्गम् ।
सायं प्रातर्मुनीनां कुशकुसुमचयैश्छिन्नतीरस्थनीरं
पायान्नो गाङ्गमम्भः करिकलभ कराक्रान्त रङ्गस्तरङ्गम् ॥ 4 ॥
आदावादि पितामहस्य नियम व्यापार पात्रे जलं
पश्चात्पन्नगशायिनो भगवतः पादोदकं पावनम् ।
भूयः शम्भुजटाविभूषण मणिर्जह्नोर्महर्षेरियं
कन्या कल्मषनाशिनी भगवती भागीरथी दृश्यते ॥ 5 ॥
शैलेन्द्रादवतारिणी निजजले मज्जज्जनोत्तारिणी
पारावारविहारिणी भवभयश्रेणी समुत्सारिणी ।
शेषाङ्गैरनुकारिणी हरशिरोवल्लीदलाकारिणी
काशीप्रान्तविहारिणी विजयते गङ्गा मनोहारिणी ॥ 6 ॥
कुतो वीचिर्वीचिस्तव यदि गता लोचनपथं
त्वमापीता पीताम्बरपुरवासं वितरसि ।
त्वदुत्सङ्गे गङ्गे पतति यदि कायस्तनुभृतां
तदा मातः शान्तक्रतवपदलाभोऽप्यतिलघुः ॥ 7 ॥
गङ्गे त्रैलोक्यसारे सकलसुरवधूधौतविस्तीर्णतोये
पूर्णब्रह्मस्वरूपे हरिचरणरजोहारिणि स्वर्गमार्गे ।
प्रायश्चितं यदि स्यात्तव जलकणिका ब्रह्महत्यादि पापे
कस्त्वां स्तोतुं समर्थः त्रिजगदघहरे देवि गङ्गे प्रसीद ॥ 8 ॥
मातर्जाह्नवी शम्भुसङ्गमिलिते मौलौ निधायाञ्जलिं
त्वत्तीरे वपुषोऽवसानसमये नारायणाङ्घ्रिद्वयम् ।
सानन्दं स्मरतो भविष्यति मम प्राणप्रयाणोत्सवे
भूयाद्भक्तिरविच्युता हरिहराद्वैतात्मिका शाश्वती ॥ 9 ॥
गङ्गाष्टकमिदं पुण्यं यः पठेत्प्रयतो नरः ।
सर्वपापविनिर्मुक्तो विष्णुलोकं स गच्छति ॥ 10 ॥
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.