ભગવતિ તવ તીરે નીરમાત્રાશનોઽહમ્
વિગતવિષયતૃષ્ણઃ કૃષ્ણમારાધયામિ ।
સકલ કલુષભઙ્ગે સ્વર્ગસોપાનસઙ્ગે
તરલતરતરઙ્ગે દેવિ ગઙ્ગે પ્રસીદ ॥ 1 ॥
ભગવતિ ભવલીલા મૌલિમાલે તવામ્ભઃ
કણમણુપરિમાણં પ્રાણિનો યે સ્પૃશન્તિ ।
અમરનગરનારી ચામર ગ્રાહિણીનાં
વિગત કલિકલઙ્કાતઙ્કમઙ્કે લુઠન્તિ ॥ 2 ॥
બ્રહ્માણ્ડં ખણ્ડયન્તી હરશિરસિ જટાવલ્લિમુલ્લાસયન્તી
સ્વર્લોકાદાપતન્તી કનકગિરિગુહાગણ્ડશૈલાત્ સ્ખલન્તી ।
ક્ષોણીપૃષ્ઠે લુઠન્તી દુરિતચયચમૂર્નિર્ભરં ભર્ત્સયન્તી
પાથોધિં પૂરયન્તી સુરનગરસરિત્પાવની નઃ પુનાતુ ॥ 3 ॥
મજ્જન્માતઙ્ગ કુમ્ભચ્યુત મદમદિરામોદમત્તાલિજાલં
સ્નાનૈઃ સિદ્ધાઙ્ગનાનાં કુચયુગ વિલસત્કુઙ્કુમાસઙ્ગપિઙ્ગમ્ ।
સાયં પ્રાતર્મુનીનાં કુશકુસુમચયૈશ્છિન્નતીરસ્થનીરં
પાયાન્નો ગાઙ્ગમમ્ભઃ કરિકલભ કરાક્રાન્ત રઙ્ગસ્તરઙ્ગમ્ ॥ 4 ॥
આદાવાદિ પિતામહસ્ય નિયમ વ્યાપાર પાત્રે જલં
પશ્ચાત્પન્નગશાયિનો ભગવતઃ પાદોદકં પાવનમ્ ।
ભૂયઃ શમ્ભુજટાવિભૂષણ મણિર્જહ્નોર્મહર્ષેરિયં
કન્યા કલ્મષનાશિની ભગવતી ભાગીરથી દૃશ્યતે ॥ 5 ॥
શૈલેન્દ્રાદવતારિણી નિજજલે મજ્જજ્જનોત્તારિણી
પારાવારવિહારિણી ભવભયશ્રેણી સમુત્સારિણી ।
શેષાઙ્ગૈરનુકારિણી હરશિરોવલ્લીદલાકારિણી
કાશીપ્રાન્તવિહારિણી વિજયતે ગઙ્ગા મનોહારિણી ॥ 6 ॥
કુતો વીચિર્વીચિસ્તવ યદિ ગતા લોચનપથં
ત્વમાપીતા પીતામ્બરપુરવાસં વિતરસિ ।
ત્વદુત્સઙ્ગે ગઙ્ગે પતતિ યદિ કાયસ્તનુભૃતાં
તદા માતઃ શાન્તક્રતવપદલાભોઽપ્યતિલઘુઃ ॥ 7 ॥
ગઙ્ગે ત્રૈલોક્યસારે સકલસુરવધૂધૌતવિસ્તીર્ણતોયે
પૂર્ણબ્રહ્મસ્વરૂપે હરિચરણરજોહારિણિ સ્વર્ગમાર્ગે ।
પ્રાયશ્ચિતં યદિ સ્યાત્તવ જલકણિકા બ્રહ્મહત્યાદિ પાપે
કસ્ત્વાં સ્તોતું સમર્થઃ ત્રિજગદઘહરે દેવિ ગઙ્ગે પ્રસીદ ॥ 8 ॥
માતર્જાહ્નવી શમ્ભુસઙ્ગમિલિતે મૌલૌ નિધાયાઞ્જલિં
ત્વત્તીરે વપુષોઽવસાનસમયે નારાયણાઙ્ઘ્રિદ્વયમ્ ।
સાનન્દં સ્મરતો ભવિષ્યતિ મમ પ્રાણપ્રયાણોત્સવે
ભૂયાદ્ભક્તિરવિચ્યુતા હરિહરાદ્વૈતાત્મિકા શાશ્વતી ॥ 9 ॥
ગઙ્ગાષ્ટકમિદં પુણ્યં યઃ પઠેત્પ્રયતો નરઃ ।
સર્વપાપવિનિર્મુક્તો વિષ્ણુલોકં સ ગચ્છતિ ॥ 10 ॥
Roman (IAST) Transliteration
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
Sanskrit — Devanagari (original)
भगवति तव तीरे नीरमात्राशनोऽहम्
विगतविषयतृष्णः कृष्णमाराधयामि ।
सकल कलुषभङ्गे स्वर्गसोपानसङ्गे
तरलतरतरङ्गे देवि गङ्गे प्रसीद ॥ 1 ॥
भगवति भवलीला मौलिमाले तवाम्भः
कणमणुपरिमाणं प्राणिनो ये स्पृशन्ति ।
अमरनगरनारी चामर ग्राहिणीनां
विगत कलिकलङ्कातङ्कमङ्के लुठन्ति ॥ 2 ॥
ब्रह्माण्डं खण्डयन्ती हरशिरसि जटावल्लिमुल्लासयन्ती
स्वर्लोकादापतन्ती कनकगिरिगुहागण्डशैलात् स्खलन्ती ।
क्षोणीपृष्ठे लुठन्ती दुरितचयचमूर्निर्भरं भर्त्सयन्ती
पाथोधिं पूरयन्ती सुरनगरसरित्पावनी नः पुनातु ॥ 3 ॥
मज्जन्मातङ्ग कुम्भच्युत मदमदिरामोदमत्तालिजालं
स्नानैः सिद्धाङ्गनानां कुचयुग विलसत्कुङ्कुमासङ्गपिङ्गम् ।
सायं प्रातर्मुनीनां कुशकुसुमचयैश्छिन्नतीरस्थनीरं
पायान्नो गाङ्गमम्भः करिकलभ कराक्रान्त रङ्गस्तरङ्गम् ॥ 4 ॥
आदावादि पितामहस्य नियम व्यापार पात्रे जलं
पश्चात्पन्नगशायिनो भगवतः पादोदकं पावनम् ।
भूयः शम्भुजटाविभूषण मणिर्जह्नोर्महर्षेरियं
कन्या कल्मषनाशिनी भगवती भागीरथी दृश्यते ॥ 5 ॥
शैलेन्द्रादवतारिणी निजजले मज्जज्जनोत्तारिणी
पारावारविहारिणी भवभयश्रेणी समुत्सारिणी ।
शेषाङ्गैरनुकारिणी हरशिरोवल्लीदलाकारिणी
काशीप्रान्तविहारिणी विजयते गङ्गा मनोहारिणी ॥ 6 ॥
कुतो वीचिर्वीचिस्तव यदि गता लोचनपथं
त्वमापीता पीताम्बरपुरवासं वितरसि ।
त्वदुत्सङ्गे गङ्गे पतति यदि कायस्तनुभृतां
तदा मातः शान्तक्रतवपदलाभोऽप्यतिलघुः ॥ 7 ॥
गङ्गे त्रैलोक्यसारे सकलसुरवधूधौतविस्तीर्णतोये
पूर्णब्रह्मस्वरूपे हरिचरणरजोहारिणि स्वर्गमार्गे ।
प्रायश्चितं यदि स्यात्तव जलकणिका ब्रह्महत्यादि पापे
कस्त्वां स्तोतुं समर्थः त्रिजगदघहरे देवि गङ्गे प्रसीद ॥ 8 ॥
मातर्जाह्नवी शम्भुसङ्गमिलिते मौलौ निधायाञ्जलिं
त्वत्तीरे वपुषोऽवसानसमये नारायणाङ्घ्रिद्वयम् ।
सानन्दं स्मरतो भविष्यति मम प्राणप्रयाणोत्सवे
भूयाद्भक्तिरविच्युता हरिहराद्वैतात्मिका शाश्वती ॥ 9 ॥
गङ्गाष्टकमिदं पुण्यं यः पठेत्प्रयतो नरः ।
सर्वपापविनिर्मुक्तो विष्णुलोकं स गच्छति ॥ 10 ॥
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
🕉️ This is the original Sanskrit rendered in Gujarati script.
Pronunciation is identical to the Sanskrit Devanagari version.