ഭഗവതി തവ തീരേ നീരമാത്രാശനോഽഹമ്
വിഗതവിഷയതൃഷ്ണഃ കൃഷ്ണമാരാധയാമി ।
സകല കലുഷഭങ്ഗേ സ്വര്ഗസോപാനസങ്ഗേ
തരലതരതരങ്ഗേ ദേവി ഗങ്ഗേ പ്രസീദ ॥ 1 ॥
ഭഗവതി ഭവലീലാ മൌലിമാലേ തവാമ്ഭഃ
കണമണുപരിമാണം പ്രാണിനോ യേ സ്പൃശന്തി ।
അമരനഗരനാരീ ചാമര ഗ്രാഹിണീനാം
വിഗത കലികലങ്കാതങ്കമങ്കേ ലുഠന്തി ॥ 2 ॥
ബ്രഹ്മാണ്ഡം ഖണ്ഡയന്തീ ഹരശിരസി ജടാവല്ലിമുല്ലാസയന്തീ
സ്വര്ലോകാദാപതന്തീ കനകഗിരിഗുഹാഗണ്ഡശൈലാത് സ്ഖലന്തീ ।
ക്ഷോണീപൃഷ്ഠേ ലുഠന്തീ ദുരിതചയചമൂര്നിര്ഭരം ഭര്ത്സയന്തീ
പാഥോധിം പൂരയന്തീ സുരനഗരസരിത്പാവനീ നഃ പുനാതു ॥ 3 ॥
മജ്ജന്മാതങ്ഗ കുമ്ഭച്യുത മദമദിരാമോദമത്താലിജാലം
സ്നാനൈഃ സിദ്ധാങ്ഗനാനാം കുചയുഗ വിലസത്കുങ്കുമാസങ്ഗപിങ്ഗമ് ।
സായം പ്രാതര്മുനീനാം കുശകുസുമചയൈശ്ഛിന്നതീരസ്ഥനീരം
പായാന്നോ ഗാങ്ഗമമ്ഭഃ കരികലഭ കരാക്രാന്ത രങ്ഗസ്തരങ്ഗമ് ॥ 4 ॥
ആദാവാദി പിതാമഹസ്യ നിയമ വ്യാപാര പാത്രേ ജലം
പശ്ചാത്പന്നഗശായിനോ ഭഗവതഃ പാദോദകം പാവനമ് ।
ഭൂയഃ ശമ്ഭുജടാവിഭൂഷണ മണിര്ജഹ്നോര്മഹര്ഷേരിയം
കന്യാ കല്മഷനാശിനീ ഭഗവതീ ഭാഗീരഥീ ദൃശ്യതേ ॥ 5 ॥
ശൈലേന്ദ്രാദവതാരിണീ നിജജലേ മജ്ജജ്ജനോത്താരിണീ
പാരാവാരവിഹാരിണീ ഭവഭയശ്രേണീ സമുത്സാരിണീ ।
ശേഷാങ്ഗൈരനുകാരിണീ ഹരശിരോവല്ലീദലാകാരിണീ
കാശീപ്രാന്തവിഹാരിണീ വിജയതേ ഗങ്ഗാ മനോഹാരിണീ ॥ 6 ॥
കുതോ വീചിര്വീചിസ്തവ യദി ഗതാ ലോചനപഥം
ത്വമാപീതാ പീതാമ്ബരപുരവാസം വിതരസി ।
ത്വദുത്സങ്ഗേ ഗങ്ഗേ പതതി യദി കായസ്തനുഭൃതാം
തദാ മാതഃ ശാന്തക്രതവപദലാഭോഽപ്യതിലഘുഃ ॥ 7 ॥
ഗങ്ഗേ ത്രൈലോക്യസാരേ സകലസുരവധൂധൌതവിസ്തീര്ണതോയേ
പൂര്ണബ്രഹ്മസ്വരൂപേ ഹരിചരണരജോഹാരിണി സ്വര്ഗമാര്ഗേ ।
പ്രായശ്ചിതം യദി സ്യാത്തവ ജലകണികാ ബ്രഹ്മഹത്യാദി പാപേ
കസ്ത്വാം സ്തോതും സമര്ഥഃ ത്രിജഗദഘഹരേ ദേവി ഗങ്ഗേ പ്രസീദ ॥ 8 ॥
മാതര്ജാഹ്നവീ ശമ്ഭുസങ്ഗമിലിതേ മൌലൌ നിധായാഞ്ജലിം
ത്വത്തീരേ വപുഷോഽവസാനസമയേ നാരായണാങ്ഘ്രിദ്വയമ് ।
സാനന്ദം സ്മരതോ ഭവിഷ്യതി മമ പ്രാണപ്രയാണോത്സവേ
ഭൂയാദ്ഭക്തിരവിച്യുതാ ഹരിഹരാദ്വൈതാത്മികാ ശാശ്വതീ ॥ 9 ॥
ഗങ്ഗാഷ്ടകമിദം പുണ്യം യഃ പഠേത്പ്രയതോ നരഃ ।
സര്വപാപവിനിര്മുക്തോ വിഷ്ണുലോകം സ ഗച്ഛതി ॥ 10 ॥
Roman (IAST) Transliteration
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
Sanskrit — Devanagari (original)
भगवति तव तीरे नीरमात्राशनोऽहम्
विगतविषयतृष्णः कृष्णमाराधयामि ।
सकल कलुषभङ्गे स्वर्गसोपानसङ्गे
तरलतरतरङ्गे देवि गङ्गे प्रसीद ॥ 1 ॥
भगवति भवलीला मौलिमाले तवाम्भः
कणमणुपरिमाणं प्राणिनो ये स्पृशन्ति ।
अमरनगरनारी चामर ग्राहिणीनां
विगत कलिकलङ्कातङ्कमङ्के लुठन्ति ॥ 2 ॥
ब्रह्माण्डं खण्डयन्ती हरशिरसि जटावल्लिमुल्लासयन्ती
स्वर्लोकादापतन्ती कनकगिरिगुहागण्डशैलात् स्खलन्ती ।
क्षोणीपृष्ठे लुठन्ती दुरितचयचमूर्निर्भरं भर्त्सयन्ती
पाथोधिं पूरयन्ती सुरनगरसरित्पावनी नः पुनातु ॥ 3 ॥
मज्जन्मातङ्ग कुम्भच्युत मदमदिरामोदमत्तालिजालं
स्नानैः सिद्धाङ्गनानां कुचयुग विलसत्कुङ्कुमासङ्गपिङ्गम् ।
सायं प्रातर्मुनीनां कुशकुसुमचयैश्छिन्नतीरस्थनीरं
पायान्नो गाङ्गमम्भः करिकलभ कराक्रान्त रङ्गस्तरङ्गम् ॥ 4 ॥
आदावादि पितामहस्य नियम व्यापार पात्रे जलं
पश्चात्पन्नगशायिनो भगवतः पादोदकं पावनम् ।
भूयः शम्भुजटाविभूषण मणिर्जह्नोर्महर्षेरियं
कन्या कल्मषनाशिनी भगवती भागीरथी दृश्यते ॥ 5 ॥
शैलेन्द्रादवतारिणी निजजले मज्जज्जनोत्तारिणी
पारावारविहारिणी भवभयश्रेणी समुत्सारिणी ।
शेषाङ्गैरनुकारिणी हरशिरोवल्लीदलाकारिणी
काशीप्रान्तविहारिणी विजयते गङ्गा मनोहारिणी ॥ 6 ॥
कुतो वीचिर्वीचिस्तव यदि गता लोचनपथं
त्वमापीता पीताम्बरपुरवासं वितरसि ।
त्वदुत्सङ्गे गङ्गे पतति यदि कायस्तनुभृतां
तदा मातः शान्तक्रतवपदलाभोऽप्यतिलघुः ॥ 7 ॥
गङ्गे त्रैलोक्यसारे सकलसुरवधूधौतविस्तीर्णतोये
पूर्णब्रह्मस्वरूपे हरिचरणरजोहारिणि स्वर्गमार्गे ।
प्रायश्चितं यदि स्यात्तव जलकणिका ब्रह्महत्यादि पापे
कस्त्वां स्तोतुं समर्थः त्रिजगदघहरे देवि गङ्गे प्रसीद ॥ 8 ॥
मातर्जाह्नवी शम्भुसङ्गमिलिते मौलौ निधायाञ्जलिं
त्वत्तीरे वपुषोऽवसानसमये नारायणाङ्घ्रिद्वयम् ।
सानन्दं स्मरतो भविष्यति मम प्राणप्रयाणोत्सवे
भूयाद्भक्तिरविच्युता हरिहराद्वैतात्मिका शाश्वती ॥ 9 ॥
गङ्गाष्टकमिदं पुण्यं यः पठेत्प्रयतो नरः ।
सर्वपापविनिर्मुक्तो विष्णुलोकं स गच्छति ॥ 10 ॥
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.