ව්යාසං වසිෂ්ඨනප්තාරං ශක්තේඃ පෞත්රමකල්මෂම් .
පරාශරාත්මජං වන්දේ ශුකතාතං තපෝනිධිම් .. 1
ව්යාසාය විෂ්ණුරූපාය ව්යාසරූපාය විෂ්ණවේ .
නමෝ වෛ බ්රහ්මනිධයේ වාසිෂ්ඨාය නමෝ නමඃ .. 2
කෘෂ්ණද්වෛපායනං ව්යාසං සර්වලෝකහිතේ රතම් .
වේදාබ්ජභාස්කරං වන්දේ ශමාදිනිලයං මුනිම් .. 3
වේදව්යාසං ස්වාත්මරූපං සත්යසන්ධං පරායණම් .
ශාන්තං ජිතේන්ද්රියක්රෝධං සශිෂ්යං ප්රණමාම්යහම් .. 4
අචතුර්වදනෝ බ්රහ්මා ද්විබාහුරපරෝ හරිඃ .
අඵාලලෝචනඃ ශම්භුඃ භගවාන් බාදරායණඃ .. 5
ශඞ්කරං ශඞ්කරාචාර්යං කේශවං බාදරායණම් .
සූත්රභාෂ්යකෘතෞ වන්දේ භගවන්තෞ පුනඃ පුනඃ .. 6
බ්රහ්මසූත්රකෘතේ තස්මෛ වේදව්යාසාය වේධසේ .
ජ්ඤානශක්ත්යවතාරාය නමෝ භගවතෝ හරේඃ .. 7
ව්යාසඃ සමස්තධර්මාණාං වක්තා මුනිවරේඩිතඃ .
චිරඤ්ජීවී දීර්ඝමායුර්දදාතු ජටිලෝ මම .. 8
ප්රජ්ඤාබලේන තපසා චතුර්වේදවිභාජකඃ .
කෘෂ්ණද්වෛපායනෝ යශ්ච තස්මෛ ශ්රීගුරවේ නමඃ .. 9
ජටාධරස්තපෝනිෂ්ඨඃ ශුද්ධයෝගෝ ජිතේන්ද්රියඃ .
කෘෂ්ණාජිනධරඃ කෘෂ්ණස්තස්මෛ ශ්රීගුරවේ නමඃ .. 10
භාරතස්ය විධාතා ච ද්විතීය ඉව යෝ හරිඃ .
හරිභක්තිපරෝ යශ්ච තස්මෛ ශ්රීගුරවේ නමඃ .. 11
ජයති පරාශරසූනුඃ සත්යවතී හෘදයනන්දනෝ ව්යාසඃ .
යස්යාස්ය කමලගලිතං භාරතමමෘතං ජගත්පිබති .. 12
වේදවිභාගවිධාත්රේ විමලාය බ්රහ්මණේ නමෝ විශ්වදෘශේ .
සකලධෘතිහේතුසාධනසූත්රසෘජේ සත්යවත්යභිව්යක්ති මතේ .. 13
වේදාන්තවාක්යකුසුමානි සමානි චාරු
ජග්රන්ථ සූත්රනිචයේන මනෝහරේණ .
මෝක්ෂාර්ථිලෝකහිතකාමනයා මුනිර්යඃ
තං බාදරායණමහං ප්රණමාමි භක්ත්යා .. 14
ඉති ශ්රී වේදව්යාස ස්තුතිඃ .
Roman (IAST) Transliteration
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
Sanskrit — Devanagari (original)
व्यासं वसिष्ठनप्तारं शक्तेः पौत्रमकल्मषम् ।
पराशरात्मजं वन्दे शुकतातं तपोनिधिम् ॥ 1
व्यासाय विष्णुरूपाय व्यासरूपाय विष्णवे ।
नमो वै ब्रह्मनिधये वासिष्ठाय नमो नमः ॥ 2
कृष्णद्वैपायनं व्यासं सर्वलोकहिते रतम् ।
वेदाब्जभास्करं वन्दे शमादिनिलयं मुनिम् ॥ 3
वेदव्यासं स्वात्मरूपं सत्यसन्धं परायणम् ।
शान्तं जितेन्द्रियक्रोधं सशिष्यं प्रणमाम्यहम् ॥ 4
अचतुर्वदनो ब्रह्मा द्विबाहुरपरो हरिः ।
अफाललोचनः शम्भुः भगवान् बादरायणः ॥ 5
शङ्करं शङ्कराचार्यं केशवं बादरायणम् ।
सूत्रभाष्यकृतौ वन्दे भगवन्तौ पुनः पुनः ॥ 6
ब्रह्मसूत्रकृते तस्मै वेदव्यासाय वेधसे ।
ज्ञानशक्त्यवताराय नमो भगवतो हरेः ॥ 7
व्यासः समस्तधर्माणां वक्ता मुनिवरेडितः ।
चिरञ्जीवी दीर्घमायुर्ददातु जटिलो मम ॥ 8
प्रज्ञाबलेन तपसा चतुर्वेदविभाजकः ।
कृष्णद्वैपायनो यश्च तस्मै श्रीगुरवे नमः ॥ 9
जटाधरस्तपोनिष्ठः शुद्धयोगो जितेन्द्रियः ।
कृष्णाजिनधरः कृष्णस्तस्मै श्रीगुरवे नमः ॥ 10
भारतस्य विधाता च द्वितीय इव यो हरिः ।
हरिभक्तिपरो यश्च तस्मै श्रीगुरवे नमः ॥ 11
जयति पराशरसूनुः सत्यवती हृदयनन्दनो व्यासः ।
यस्यास्य कमलगलितं भारतममृतं जगत्पिबति ॥ 12
वेदविभागविधात्रे विमलाय ब्रह्मणे नमो विश्वदृशे ।
सकलधृतिहेतुसाधनसूत्रसृजे सत्यवत्यभिव्यक्ति मते ॥ 13
वेदान्तवाक्यकुसुमानि समानि चारु
जग्रन्थ सूत्रनिचयेन मनोहरेण ।
मोक्षार्थिलोकहितकामनया मुनिर्यः
तं बादरायणमहं प्रणमामि भक्त्या ॥ 14
इति श्री वेदव्यास स्तुतिः ।
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.