ଵ୍ଯାସଂ ଵସିଷ୍ଠନପ୍ତାରଂ ଶକ୍ତେଃ ପୌତ୍ରମକଲ୍ମଷମ୍ ।
1
ପରାଶରାତ୍ମଜଂ ଵନ୍ଦେ ଶୁକତାତଂ ତପୋନିଧିମ୍ ॥ 1
ଵ୍ଯାସାଯ ଵିଷ୍ଣୁରୂପାଯ ଵ୍ଯାସରୂପାଯ ଵିଷ୍ଣଵେ ।
2
ନମୋ ଵୈ ବ୍ରହ୍ମନିଧଯେ ଵାସିଷ୍ଠାଯ ନମୋ ନମଃ ॥ 2
କୃଷ୍ଣଦ୍ଵୈପାଯନଂ ଵ୍ଯାସଂ ସର୍ଵଲୋକହିତେ ରତମ୍ ।
3
ଵେଦାବ୍ଜଭାସ୍କରଂ ଵନ୍ଦେ ଶମାଦିନିଲଯଂ ମୁନିମ୍ ॥ 3
ଵେଦଵ୍ଯାସଂ ସ୍ଵାତ୍ମରୂପଂ ସତ୍ଯସନ୍ଧଂ ପରାଯଣମ୍ ।
4
ଶାନ୍ତଂ ଜିତେନ୍ଦ୍ରିଯକ୍ରୋଧଂ ସଶିଷ୍ଯଂ ପ୍ରଣମାମ୍ଯହମ୍ ॥ 4
ଅଚତୁର୍ଵଦନୋ ବ୍ରହ୍ମା ଦ୍ଵିବାହୁରପରୋ ହରିଃ ।
5
ଅଫାଲଲୋଚନଃ ଶମ୍ଭୁଃ ଭଗଵାନ୍ ବାଦରାଯଣଃ ॥ 5
ଶଙ୍କରଂ ଶଙ୍କରାଚାର୍ଯଂ କେଶଵଂ ବାଦରାଯଣମ୍ ।
6
ସୂତ୍ରଭାଷ୍ଯକୃତୌ ଵନ୍ଦେ ଭଗଵନ୍ତୌ ପୁନଃ ପୁନଃ ॥ 6
ବ୍ରହ୍ମସୂତ୍ରକୃତେ ତସ୍ମୈ ଵେଦଵ୍ଯାସାଯ ଵେଧସେ ।
7
ଜ୍ଞାନଶକ୍ତ୍ଯଵତାରାଯ ନମୋ ଭଗଵତୋ ହରେଃ ॥ 7
ଵ୍ଯାସଃ ସମସ୍ତଧର୍ମାଣାଂ ଵକ୍ତା ମୁନିଵରେଡିତଃ ।
8
ଚିରଞ୍ଜୀଵୀ ଦୀର୍ଘମାଯୁର୍ଦଦାତୁ ଜଟିଲୋ ମମ ॥ 8
ପ୍ରଜ୍ଞାବଲେନ ତପସା ଚତୁର୍ଵେଦଵିଭାଜକଃ ।
9
କୃଷ୍ଣଦ୍ଵୈପାଯନୋ ଯଶ୍ଚ ତସ୍ମୈ ଶ୍ରୀଗୁରଵେ ନମଃ ॥ 9
ଜଟାଧରସ୍ତପୋନିଷ୍ଠଃ ଶୁଦ୍ଧଯୋଗୋ ଜିତେନ୍ଦ୍ରିଯଃ ।
10
କୃଷ୍ଣାଜିନଧରଃ କୃଷ୍ଣସ୍ତସ୍ମୈ ଶ୍ରୀଗୁରଵେ ନମଃ ॥ 10
ଭାରତସ୍ଯ ଵିଧାତା ଚ ଦ୍ଵିତୀଯ ଇଵ ଯୋ ହରିଃ ।
11
ହରିଭକ୍ତିପରୋ ଯଶ୍ଚ ତସ୍ମୈ ଶ୍ରୀଗୁରଵେ ନମଃ ॥ 11
ଜଯତି ପରାଶରସୂନୁଃ ସତ୍ଯଵତୀ ହୃଦଯନନ୍ଦନୋ ଵ୍ଯାସଃ ।
12
ଯସ୍ଯାସ୍ଯ କମଲଗଲିତଂ ଭାରତମମୃତଂ ଜଗତ୍ପିବତି ॥ 12
ଵେଦଵିଭାଗଵିଧାତ୍ରେ ଵିମଲାଯ ବ୍ରହ୍ମଣେ ନମୋ ଵିଶ୍ଵଦୃଶେ ।
13
ସକଲଧୃତିହେତୁସାଧନସୂତ୍ରସୃଜେ ସତ୍ଯଵତ୍ଯଭିଵ୍ଯକ୍ତି ମତେ ॥ 13
ଵେଦାନ୍ତଵାକ୍ଯକୁସୁମାନି ସମାନି ଚାରୁ
ଜଗ୍ରନ୍ଥ ସୂତ୍ରନିଚଯେନ ମନୋହରେଣ ।
ମୋକ୍ଷାର୍ଥିଲୋକହିତକାମନଯା ମୁନିର୍ଯଃ
14
ତଂ ବାଦରାଯଣମହଂ ପ୍ରଣମାମି ଭକ୍ତ୍ଯା ॥ 14
ଇତି ଶ୍ରୀ ଵେଦଵ୍ଯାସ ସ୍ତୁତିଃ ।
Roman (IAST) Transliteration
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
Sanskrit — Devanagari (original)
व्यासं वसिष्ठनप्तारं शक्तेः पौत्रमकल्मषम् ।
पराशरात्मजं वन्दे शुकतातं तपोनिधिम् ॥ 1
व्यासाय विष्णुरूपाय व्यासरूपाय विष्णवे ।
नमो वै ब्रह्मनिधये वासिष्ठाय नमो नमः ॥ 2
कृष्णद्वैपायनं व्यासं सर्वलोकहिते रतम् ।
वेदाब्जभास्करं वन्दे शमादिनिलयं मुनिम् ॥ 3
वेदव्यासं स्वात्मरूपं सत्यसन्धं परायणम् ।
शान्तं जितेन्द्रियक्रोधं सशिष्यं प्रणमाम्यहम् ॥ 4
अचतुर्वदनो ब्रह्मा द्विबाहुरपरो हरिः ।
अफाललोचनः शम्भुः भगवान् बादरायणः ॥ 5
शङ्करं शङ्कराचार्यं केशवं बादरायणम् ।
सूत्रभाष्यकृतौ वन्दे भगवन्तौ पुनः पुनः ॥ 6
ब्रह्मसूत्रकृते तस्मै वेदव्यासाय वेधसे ।
ज्ञानशक्त्यवताराय नमो भगवतो हरेः ॥ 7
व्यासः समस्तधर्माणां वक्ता मुनिवरेडितः ।
चिरञ्जीवी दीर्घमायुर्ददातु जटिलो मम ॥ 8
प्रज्ञाबलेन तपसा चतुर्वेदविभाजकः ।
कृष्णद्वैपायनो यश्च तस्मै श्रीगुरवे नमः ॥ 9
जटाधरस्तपोनिष्ठः शुद्धयोगो जितेन्द्रियः ।
कृष्णाजिनधरः कृष्णस्तस्मै श्रीगुरवे नमः ॥ 10
भारतस्य विधाता च द्वितीय इव यो हरिः ।
हरिभक्तिपरो यश्च तस्मै श्रीगुरवे नमः ॥ 11
जयति पराशरसूनुः सत्यवती हृदयनन्दनो व्यासः ।
यस्यास्य कमलगलितं भारतममृतं जगत्पिबति ॥ 12
वेदविभागविधात्रे विमलाय ब्रह्मणे नमो विश्वदृशे ।
सकलधृतिहेतुसाधनसूत्रसृजे सत्यवत्यभिव्यक्ति मते ॥ 13
वेदान्तवाक्यकुसुमानि समानि चारु
जग्रन्थ सूत्रनिचयेन मनोहरेण ।
मोक्षार्थिलोकहितकामनया मुनिर्यः
तं बादरायणमहं प्रणमामि भक्त्या ॥ 14
इति श्री वेदव्यास स्तुतिः ।
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.