വ്യാസം വസിഷ്ഠനപ്താരം ശക്തേഃ പൌത്രമകല്മഷമ് ।
1
പരാശരാത്മജം വന്ദേ ശുകതാതം തപോനിധിമ് ॥ 1
വ്യാസായ വിഷ്ണുരൂപായ വ്യാസരൂപായ വിഷ്ണവേ ।
2
നമോ വൈ ബ്രഹ്മനിധയേ വാസിഷ്ഠായ നമോ നമഃ ॥ 2
കൃഷ്ണദ്വൈപായനം വ്യാസം സര്വലോകഹിതേ രതമ് ।
3
വേദാബ്ജഭാസ്കരം വന്ദേ ശമാദിനിലയം മുനിമ് ॥ 3
വേദവ്യാസം സ്വാത്മരൂപം സത്യസന്ധം പരായണമ് ।
4
ശാന്തം ജിതേന്ദ്രിയക്രോധം സശിഷ്യം പ്രണമാമ്യഹമ് ॥ 4
അചതുര്വദനോ ബ്രഹ്മാ ദ്വിബാഹുരപരോ ഹരിഃ ।
5
അഫാലലോചനഃ ശമ്ഭുഃ ഭഗവാന് ബാദരായണഃ ॥ 5
ശങ്കരം ശങ്കരാചാര്യം കേശവം ബാദരായണമ് ।
6
സൂത്രഭാഷ്യകൃതൌ വന്ദേ ഭഗവന്തൌ പുനഃ പുനഃ ॥ 6
ബ്രഹ്മസൂത്രകൃതേ തസ്മൈ വേദവ്യാസായ വേധസേ ।
7
ജ്ഞാനശക്ത്യവതാരായ നമോ ഭഗവതോ ഹരേഃ ॥ 7
വ്യാസഃ സമസ്തധര്മാണാം വക്താ മുനിവരേഡിതഃ ।
8
ചിരഞ്ജീവീ ദീര്ഘമായുര്ദദാതു ജടിലോ മമ ॥ 8
പ്രജ്ഞാബലേന തപസാ ചതുര്വേദവിഭാജകഃ ।
9
കൃഷ്ണദ്വൈപായനോ യശ്ച തസ്മൈ ശ്രീഗുരവേ നമഃ ॥ 9
ജടാധരസ്തപോനിഷ്ഠഃ ശുദ്ധയോഗോ ജിതേന്ദ്രിയഃ ।
10
കൃഷ്ണാജിനധരഃ കൃഷ്ണസ്തസ്മൈ ശ്രീഗുരവേ നമഃ ॥ 10
ഭാരതസ്യ വിധാതാ ച ദ്വിതീയ ഇവ യോ ഹരിഃ ।
11
ഹരിഭക്തിപരോ യശ്ച തസ്മൈ ശ്രീഗുരവേ നമഃ ॥ 11
ജയതി പരാശരസൂനുഃ സത്യവതീ ഹൃദയനന്ദനോ വ്യാസഃ ।
12
യസ്യാസ്യ കമലഗലിതം ഭാരതമമൃതം ജഗത്പിബതി ॥ 12
വേദവിഭാഗവിധാത്രേ വിമലായ ബ്രഹ്മണേ നമോ വിശ്വദൃശേ ।
13
സകലധൃതിഹേതുസാധനസൂത്രസൃജേ സത്യവത്യഭിവ്യക്തി മതേ ॥ 13
വേദാന്തവാക്യകുസുമാനി സമാനി ചാരു
ജഗ്രന്ഥ സൂത്രനിചയേന മനോഹരേണ ।
മോക്ഷാര്ഥിലോകഹിതകാമനയാ മുനിര്യഃ
14
തം ബാദരായണമഹം പ്രണമാമി ഭക്ത്യാ ॥ 14
ഇതി ശ്രീ വേദവ്യാസ സ്തുതിഃ ।
Roman (IAST) Transliteration
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
Sanskrit — Devanagari (original)
व्यासं वसिष्ठनप्तारं शक्तेः पौत्रमकल्मषम् ।
पराशरात्मजं वन्दे शुकतातं तपोनिधिम् ॥ 1
व्यासाय विष्णुरूपाय व्यासरूपाय विष्णवे ।
नमो वै ब्रह्मनिधये वासिष्ठाय नमो नमः ॥ 2
कृष्णद्वैपायनं व्यासं सर्वलोकहिते रतम् ।
वेदाब्जभास्करं वन्दे शमादिनिलयं मुनिम् ॥ 3
वेदव्यासं स्वात्मरूपं सत्यसन्धं परायणम् ।
शान्तं जितेन्द्रियक्रोधं सशिष्यं प्रणमाम्यहम् ॥ 4
अचतुर्वदनो ब्रह्मा द्विबाहुरपरो हरिः ।
अफाललोचनः शम्भुः भगवान् बादरायणः ॥ 5
शङ्करं शङ्कराचार्यं केशवं बादरायणम् ।
सूत्रभाष्यकृतौ वन्दे भगवन्तौ पुनः पुनः ॥ 6
ब्रह्मसूत्रकृते तस्मै वेदव्यासाय वेधसे ।
ज्ञानशक्त्यवताराय नमो भगवतो हरेः ॥ 7
व्यासः समस्तधर्माणां वक्ता मुनिवरेडितः ।
चिरञ्जीवी दीर्घमायुर्ददातु जटिलो मम ॥ 8
प्रज्ञाबलेन तपसा चतुर्वेदविभाजकः ।
कृष्णद्वैपायनो यश्च तस्मै श्रीगुरवे नमः ॥ 9
जटाधरस्तपोनिष्ठः शुद्धयोगो जितेन्द्रियः ।
कृष्णाजिनधरः कृष्णस्तस्मै श्रीगुरवे नमः ॥ 10
भारतस्य विधाता च द्वितीय इव यो हरिः ।
हरिभक्तिपरो यश्च तस्मै श्रीगुरवे नमः ॥ 11
जयति पराशरसूनुः सत्यवती हृदयनन्दनो व्यासः ।
यस्यास्य कमलगलितं भारतममृतं जगत्पिबति ॥ 12
वेदविभागविधात्रे विमलाय ब्रह्मणे नमो विश्वदृशे ।
सकलधृतिहेतुसाधनसूत्रसृजे सत्यवत्यभिव्यक्ति मते ॥ 13
वेदान्तवाक्यकुसुमानि समानि चारु
जग्रन्थ सूत्रनिचयेन मनोहरेण ।
मोक्षार्थिलोकहितकामनया मुनिर्यः
तं बादरायणमहं प्रणमामि भक्त्या ॥ 14
इति श्री वेदव्यास स्तुतिः ।
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.