𑌵𑍍𑌯𑌾𑌸𑌂 𑌵𑌸𑌿𑌷𑍍𑌠𑌨𑌪𑍍𑌤𑌾𑌰𑌂 𑌶𑌕𑍍𑌤𑍇𑌃 𑌪𑍗𑌤𑍍𑌰𑌮𑌕𑌲𑍍𑌮𑌷𑌮𑍍 ।
1
𑌪𑌰𑌾𑌶𑌰𑌾𑌤𑍍𑌮𑌜𑌂 𑌵𑌨𑍍𑌦𑍇 𑌶𑍁𑌕𑌤𑌾𑌤𑌂 𑌤𑌪𑍋𑌨𑌿𑌧𑌿𑌮𑍍 ॥ 1
𑌵𑍍𑌯𑌾𑌸𑌾𑌯 𑌵𑌿𑌷𑍍𑌣𑍁𑌰𑍂𑌪𑌾𑌯 𑌵𑍍𑌯𑌾𑌸𑌰𑍂𑌪𑌾𑌯 𑌵𑌿𑌷𑍍𑌣𑌵𑍇 ।
2
𑌨𑌮𑍋 𑌵𑍈 𑌬𑍍𑌰𑌹𑍍𑌮𑌨𑌿𑌧𑌯𑍇 𑌵𑌾𑌸𑌿𑌷𑍍𑌠𑌾𑌯 𑌨𑌮𑍋 𑌨𑌮𑌃 ॥ 2
𑌕𑍃𑌷𑍍𑌣𑌦𑍍𑌵𑍈𑌪𑌾𑌯𑌨𑌂 𑌵𑍍𑌯𑌾𑌸𑌂 𑌸𑌰𑍍𑌵𑌲𑍋𑌕𑌹𑌿𑌤𑍇 𑌰𑌤𑌮𑍍 ।
3
𑌵𑍇𑌦𑌾𑌬𑍍𑌜𑌭𑌾𑌸𑍍𑌕𑌰𑌂 𑌵𑌨𑍍𑌦𑍇 𑌶𑌮𑌾𑌦𑌿𑌨𑌿𑌲𑌯𑌂 𑌮𑍁𑌨𑌿𑌮𑍍 ॥ 3
𑌵𑍇𑌦𑌵𑍍𑌯𑌾𑌸𑌂 𑌸𑍍𑌵𑌾𑌤𑍍𑌮𑌰𑍂𑌪𑌂 𑌸𑌤𑍍𑌯𑌸𑌨𑍍𑌧𑌂 𑌪𑌰𑌾𑌯𑌣𑌮𑍍 ।
4
𑌶𑌾𑌨𑍍𑌤𑌂 𑌜𑌿𑌤𑍇𑌨𑍍𑌦𑍍𑌰𑌿𑌯𑌕𑍍𑌰𑍋𑌧𑌂 𑌸𑌶𑌿𑌷𑍍𑌯𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 4
𑌅𑌚𑌤𑍁𑌰𑍍𑌵𑌦𑌨𑍋 𑌬𑍍𑌰𑌹𑍍𑌮𑌾 𑌦𑍍𑌵𑌿𑌬𑌾𑌹𑍁𑌰𑌪𑌰𑍋 𑌹𑌰𑌿𑌃 ।
5
𑌅𑌫𑌾𑌲𑌲𑍋𑌚𑌨𑌃 𑌶𑌮𑍍𑌭𑍁𑌃 𑌭𑌗𑌵𑌾𑌨𑍍 𑌬𑌾𑌦𑌰𑌾𑌯𑌣𑌃 ॥ 5
𑌶𑌙𑍍𑌕𑌰𑌂 𑌶𑌙𑍍𑌕𑌰𑌾𑌚𑌾𑌰𑍍𑌯𑌂 𑌕𑍇𑌶𑌵𑌂 𑌬𑌾𑌦𑌰𑌾𑌯𑌣𑌮𑍍 ।
6
𑌸𑍂𑌤𑍍𑌰𑌭𑌾𑌷𑍍𑌯𑌕𑍃𑌤𑍗 𑌵𑌨𑍍𑌦𑍇 𑌭𑌗𑌵𑌨𑍍𑌤𑍗 𑌪𑍁𑌨𑌃 𑌪𑍁𑌨𑌃 ॥ 6
𑌬𑍍𑌰𑌹𑍍𑌮𑌸𑍂𑌤𑍍𑌰𑌕𑍃𑌤𑍇 𑌤𑌸𑍍𑌮𑍈 𑌵𑍇𑌦𑌵𑍍𑌯𑌾𑌸𑌾𑌯 𑌵𑍇𑌧𑌸𑍇 ।
7
𑌜𑍍𑌞𑌾𑌨𑌶𑌕𑍍𑌤𑍍𑌯𑌵𑌤𑌾𑌰𑌾𑌯 𑌨𑌮𑍋 𑌭𑌗𑌵𑌤𑍋 𑌹𑌰𑍇𑌃 ॥ 7
𑌵𑍍𑌯𑌾𑌸𑌃 𑌸𑌮𑌸𑍍𑌤𑌧𑌰𑍍𑌮𑌾𑌣𑌾𑌂 𑌵𑌕𑍍𑌤𑌾 𑌮𑍁𑌨𑌿𑌵𑌰𑍇𑌡𑌿𑌤𑌃 ।
8
𑌚𑌿𑌰𑌞𑍍𑌜𑍀𑌵𑍀 𑌦𑍀𑌰𑍍𑌘𑌮𑌾𑌯𑍁𑌰𑍍𑌦𑌦𑌾𑌤𑍁 𑌜𑌟𑌿𑌲𑍋 𑌮𑌮 ॥ 8
𑌪𑍍𑌰𑌜𑍍𑌞𑌾𑌬𑌲𑍇𑌨 𑌤𑌪𑌸𑌾 𑌚𑌤𑍁𑌰𑍍𑌵𑍇𑌦𑌵𑌿𑌭𑌾𑌜𑌕𑌃 ।
9
𑌕𑍃𑌷𑍍𑌣𑌦𑍍𑌵𑍈𑌪𑌾𑌯𑌨𑍋 𑌯𑌶𑍍𑌚 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 9
𑌜𑌟𑌾𑌧𑌰𑌸𑍍𑌤𑌪𑍋𑌨𑌿𑌷𑍍𑌠𑌃 𑌶𑍁𑌦𑍍𑌧𑌯𑍋𑌗𑍋 𑌜𑌿𑌤𑍇𑌨𑍍𑌦𑍍𑌰𑌿𑌯𑌃 ।
10
𑌕𑍃𑌷𑍍𑌣𑌾𑌜𑌿𑌨𑌧𑌰𑌃 𑌕𑍃𑌷𑍍𑌣𑌸𑍍𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 10
𑌭𑌾𑌰𑌤𑌸𑍍𑌯 𑌵𑌿𑌧𑌾𑌤𑌾 𑌚 𑌦𑍍𑌵𑌿𑌤𑍀𑌯 𑌇𑌵 𑌯𑍋 𑌹𑌰𑌿𑌃 ।
11
𑌹𑌰𑌿𑌭𑌕𑍍𑌤𑌿𑌪𑌰𑍋 𑌯𑌶𑍍𑌚 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 11
𑌜𑌯𑌤𑌿 𑌪𑌰𑌾𑌶𑌰𑌸𑍂𑌨𑍁𑌃 𑌸𑌤𑍍𑌯𑌵𑌤𑍀 𑌹𑍃𑌦𑌯𑌨𑌨𑍍𑌦𑌨𑍋 𑌵𑍍𑌯𑌾𑌸𑌃 ।
12
𑌯𑌸𑍍𑌯𑌾𑌸𑍍𑌯 𑌕𑌮𑌲𑌗𑌲𑌿𑌤𑌂 𑌭𑌾𑌰𑌤𑌮𑌮𑍃𑌤𑌂 𑌜𑌗𑌤𑍍𑌪𑌿𑌬𑌤𑌿 ॥ 12
𑌵𑍇𑌦𑌵𑌿𑌭𑌾𑌗𑌵𑌿𑌧𑌾𑌤𑍍𑌰𑍇 𑌵𑌿𑌮𑌲𑌾𑌯 𑌬𑍍𑌰𑌹𑍍𑌮𑌣𑍇 𑌨𑌮𑍋 𑌵𑌿𑌶𑍍𑌵𑌦𑍃𑌶𑍇 ।
13
𑌸𑌕𑌲𑌧𑍃𑌤𑌿𑌹𑍇𑌤𑍁𑌸𑌾𑌧𑌨𑌸𑍂𑌤𑍍𑌰𑌸𑍃𑌜𑍇 𑌸𑌤𑍍𑌯𑌵𑌤𑍍𑌯𑌭𑌿𑌵𑍍𑌯𑌕𑍍𑌤𑌿 𑌮𑌤𑍇 ॥ 13
𑌵𑍇𑌦𑌾𑌨𑍍𑌤𑌵𑌾𑌕𑍍𑌯𑌕𑍁𑌸𑍁𑌮𑌾𑌨𑌿 𑌸𑌮𑌾𑌨𑌿 𑌚𑌾𑌰𑍁
𑌜𑌗𑍍𑌰𑌨𑍍𑌥 𑌸𑍂𑌤𑍍𑌰𑌨𑌿𑌚𑌯𑍇𑌨 𑌮𑌨𑍋𑌹𑌰𑍇𑌣 ।
𑌮𑍋𑌕𑍍𑌷𑌾𑌰𑍍𑌥𑌿𑌲𑍋𑌕𑌹𑌿𑌤𑌕𑌾𑌮𑌨𑌯𑌾 𑌮𑍁𑌨𑌿𑌰𑍍𑌯𑌃
14
𑌤𑌂 𑌬𑌾𑌦𑌰𑌾𑌯𑌣𑌮𑌹𑌂 𑌪𑍍𑌰𑌣𑌮𑌾𑌮𑌿 𑌭𑌕𑍍𑌤𑍍𑌯𑌾 ॥ 14
𑌇𑌤𑌿 𑌶𑍍𑌰𑍀 𑌵𑍇𑌦𑌵𑍍𑌯𑌾𑌸 𑌸𑍍𑌤𑍁𑌤𑌿𑌃 ।
Roman (IAST) Transliteration
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
Sanskrit — Devanagari (original)
व्यासं वसिष्ठनप्तारं शक्तेः पौत्रमकल्मषम् ।
पराशरात्मजं वन्दे शुकतातं तपोनिधिम् ॥ 1
व्यासाय विष्णुरूपाय व्यासरूपाय विष्णवे ।
नमो वै ब्रह्मनिधये वासिष्ठाय नमो नमः ॥ 2
कृष्णद्वैपायनं व्यासं सर्वलोकहिते रतम् ।
वेदाब्जभास्करं वन्दे शमादिनिलयं मुनिम् ॥ 3
वेदव्यासं स्वात्मरूपं सत्यसन्धं परायणम् ।
शान्तं जितेन्द्रियक्रोधं सशिष्यं प्रणमाम्यहम् ॥ 4
अचतुर्वदनो ब्रह्मा द्विबाहुरपरो हरिः ।
अफाललोचनः शम्भुः भगवान् बादरायणः ॥ 5
शङ्करं शङ्कराचार्यं केशवं बादरायणम् ।
सूत्रभाष्यकृतौ वन्दे भगवन्तौ पुनः पुनः ॥ 6
ब्रह्मसूत्रकृते तस्मै वेदव्यासाय वेधसे ।
ज्ञानशक्त्यवताराय नमो भगवतो हरेः ॥ 7
व्यासः समस्तधर्माणां वक्ता मुनिवरेडितः ।
चिरञ्जीवी दीर्घमायुर्ददातु जटिलो मम ॥ 8
प्रज्ञाबलेन तपसा चतुर्वेदविभाजकः ।
कृष्णद्वैपायनो यश्च तस्मै श्रीगुरवे नमः ॥ 9
जटाधरस्तपोनिष्ठः शुद्धयोगो जितेन्द्रियः ।
कृष्णाजिनधरः कृष्णस्तस्मै श्रीगुरवे नमः ॥ 10
भारतस्य विधाता च द्वितीय इव यो हरिः ।
हरिभक्तिपरो यश्च तस्मै श्रीगुरवे नमः ॥ 11
जयति पराशरसूनुः सत्यवती हृदयनन्दनो व्यासः ।
यस्यास्य कमलगलितं भारतममृतं जगत्पिबति ॥ 12
वेदविभागविधात्रे विमलाय ब्रह्मणे नमो विश्वदृशे ।
सकलधृतिहेतुसाधनसूत्रसृजे सत्यवत्यभिव्यक्ति मते ॥ 13
वेदान्तवाक्यकुसुमानि समानि चारु
जग्रन्थ सूत्रनिचयेन मनोहरेण ।
मोक्षार्थिलोकहितकामनया मुनिर्यः
तं बादरायणमहं प्रणमामि भक्त्या ॥ 14
इति श्री वेदव्यास स्तुतिः ।
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.