අයෝධ්යාපුරනේතාරං මිථිලාපුරනායිකාම් .
රාඝවාණාමලඞ්කාරං වෛදේහානාමලඞ්ක්රියාම් .. 1 ..
රඝූණාං කුලදීපං ච නිමීනාං කුලදීපිකාම් .
සූර්යවංශසමුද්භූතං සෝමවංශසමුද්භවාම් .. 2 ..
පුත්රං දශරථස්යාද්යං පුත්රීං ජනකභූපතේඃ .
වශිෂ්ඨානුමතාචාරං ශතානන්දමතානුගාම් .. 3 ..
කෞසල්යාගර්භසම්භූතං වේදිගර්භෝදිතාං ස්වයම් .
පුණ්ඩරීකවිශාලාක්ෂං ස්ඵුරදින්දීවරේක්ෂණාම් .. 4 ..
චන්ද්රකාන්තානනාම්භෝජං චන්ද්රබිම්බෝපමානනාම් .
මත්තමාතඞ්ගගමනං මත්තහංසවධූගතාම් .. 5 ..
චන්දනාර්ද්රභුජාමධ්යං කුඞ්කුමාර්ද්රකුචස්ථලීම් .
චාපාලඞ්කෘතහස්තාබ්ජං පද්මාලඞ්කෘතපාණිකාම් .. 6 ..
ශරණාගතගෝප්තාරං ප්රණිපාදප්රසාදිකාම් .
කාලමේඝනිභං රාමං කාර්තස්වරසමප්රභාම් .. 7 ..
දිව්යසිංහාසනාසීනං දිව්යස්රග්වස්ත්රභූෂණාම් .
අනුක්ෂණං කටාක්ෂාභ්යාං අන්යෝන්යේක්ෂණකාඞ්ක්ෂිණෞ .. 8 ..
අන්යෝන්යසදෘශාකාරෞ ත්රෛලෝක්යගෘහදම්පතී.
ඉමෞ යුවාං ප්රණම්යාහං භජාම්යද්ය කෘතාර්ථතාම් .. 9 ..
අනේන ස්තෞති යඃ ස්තුත්යං රාමං සීතාං ච භක්තිතඃ .
තස්ය තෞ තනුතාං පුණ්යාඃ සම්පදඃ සකලාර්ථදාඃ .. 10 ..
ඒවං ශ්රීරාමචන්ද්රස්ය ජානක්යාශ්ච විශේෂතඃ .
කෘතං හනූමතා පුණ්යං ස්තෝත්රං සද්යෝ විමුක්තිදම් .
යඃ පඨේත්ප්රාතරුත්ථාය සර්වාන් කාමානවාප්නුයාත් .. 11 ..
ඉති හනූමත්කෘත-සීතාරාම ස්තෝත්රං සම්පූර්ණම් ..
Roman (IAST) Transliteration
ayodhyāpuranetāraṃ mithilāpuranāyikām |
rāghavāṇāmalaṅkāraṃ vaidehānāmalaṅkriyām || 1 ||
raghūṇāṃ kuladīpaṃ ca nimīnāṃ kuladīpikām |
sūryavaṃśasamudbhūtaṃ somavaṃśasamudbhavām || 2 ||
putraṃ daśarathasyādyaṃ putrīṃ janakabhūpateḥ |
vaśiṣṭhānumatācāraṃ śatānandamatānugām || 3 ||
kausalyāgarbhasambhūtaṃ vedigarbhoditāṃ svayam |
puṇḍarīkaviśālākṣaṃ sphuradindīvarekṣaṇām || 4 ||
candrakāntānanāmbhojaṃ candrabimbopamānanām |
mattamātaṅgagamanaṃ mattahaṃsavadhūgatām || 5 ||
candanārdrabhujāmadhyaṃ kuṅkumārdrakucasthalīm |
cāpālaṅkṛtahastābjaṃ padmālaṅkṛtapāṇikām || 6 ||
śaraṇāgatagoptāraṃ praṇipādaprasādikām |
kālameghanibhaṃ rāmaṃ kārtasvarasamaprabhām || 7 ||
divyasiṃhāsanāsīnaṃ divyasragvastrabhūṣaṇām |
anukṣaṇaṃ kaṭākṣābhyāṃ anyonyekṣaṇakāṅkṣiṇau || 8 ||
anyonyasadṛśākārau trailokyagṛhadampatī|
imau yuvāṃ praṇamyāhaṃ bhajāmyadya kṛtārthatām || 9 ||
anena stauti yaḥ stutyaṃ rāmaṃ sītāṃ ca bhaktitaḥ |
tasya tau tanutāṃ puṇyāḥ sampadaḥ sakalārthadāḥ || 10 ||
evaṃ śrīrāmacandrasya jānakyāśca viśeṣataḥ |
kṛtaṃ hanūmatā puṇyaṃ stotraṃ sadyo vimuktidam |
yaḥ paṭhetprātarutthāya sarvān kāmānavāpnuyāt || 11 ||
iti hanūmatkṛta-sītārāma stotraṃ sampūrṇam ||
Sanskrit — Devanagari (original)
अयोध्यापुरनेतारं मिथिलापुरनायिकाम् ।
राघवाणामलङ्कारं वैदेहानामलङ्क्रियाम् ॥ 1 ॥
रघूणां कुलदीपं च निमीनां कुलदीपिकाम् ।
सूर्यवंशसमुद्भूतं सोमवंशसमुद्भवाम् ॥ 2 ॥
पुत्रं दशरथस्याद्यं पुत्रीं जनकभूपतेः ।
वशिष्ठानुमताचारं शतानन्दमतानुगाम् ॥ 3 ॥
कौसल्यागर्भसम्भूतं वेदिगर्भोदितां स्वयम् ।
पुण्डरीकविशालाक्षं स्फुरदिन्दीवरेक्षणाम् ॥ 4 ॥
चन्द्रकान्ताननाम्भोजं चन्द्रबिम्बोपमाननाम् ।
मत्तमातङ्गगमनं मत्तहंसवधूगताम् ॥ 5 ॥
चन्दनार्द्रभुजामध्यं कुङ्कुमार्द्रकुचस्थलीम् ।
चापालङ्कृतहस्ताब्जं पद्मालङ्कृतपाणिकाम् ॥ 6 ॥
शरणागतगोप्तारं प्रणिपादप्रसादिकाम् ।
कालमेघनिभं रामं कार्तस्वरसमप्रभाम् ॥ 7 ॥
दिव्यसिंहासनासीनं दिव्यस्रग्वस्त्रभूषणाम् ।
अनुक्षणं कटाक्षाभ्यां अन्योन्येक्षणकाङ्क्षिणौ ॥ 8 ॥
अन्योन्यसदृशाकारौ त्रैलोक्यगृहदम्पती।
इमौ युवां प्रणम्याहं भजाम्यद्य कृतार्थताम् ॥ 9 ॥
अनेन स्तौति यः स्तुत्यं रामं सीतां च भक्तितः ।
तस्य तौ तनुतां पुण्याः सम्पदः सकलार्थदाः ॥ 10 ॥
एवं श्रीरामचन्द्रस्य जानक्याश्च विशेषतः ।
कृतं हनूमता पुण्यं स्तोत्रं सद्यो विमुक्तिदम् ।
यः पठेत्प्रातरुत्थाय सर्वान् कामानवाप्नुयात् ॥ 11 ॥
इति हनूमत्कृत-सीताराम स्तोत्रं सम्पूर्णम् ॥
ayodhyāpuranetāraṃ mithilāpuranāyikām |
rāghavāṇāmalaṅkāraṃ vaidehānāmalaṅkriyām || 1 ||
raghūṇāṃ kuladīpaṃ ca nimīnāṃ kuladīpikām |
sūryavaṃśasamudbhūtaṃ somavaṃśasamudbhavām || 2 ||
putraṃ daśarathasyādyaṃ putrīṃ janakabhūpateḥ |
vaśiṣṭhānumatācāraṃ śatānandamatānugām || 3 ||
kausalyāgarbhasambhūtaṃ vedigarbhoditāṃ svayam |
puṇḍarīkaviśālākṣaṃ sphuradindīvarekṣaṇām || 4 ||
candrakāntānanāmbhojaṃ candrabimbopamānanām |
mattamātaṅgagamanaṃ mattahaṃsavadhūgatām || 5 ||
candanārdrabhujāmadhyaṃ kuṅkumārdrakucasthalīm |
cāpālaṅkṛtahastābjaṃ padmālaṅkṛtapāṇikām || 6 ||
śaraṇāgatagoptāraṃ praṇipādaprasādikām |
kālameghanibhaṃ rāmaṃ kārtasvarasamaprabhām || 7 ||
divyasiṃhāsanāsīnaṃ divyasragvastrabhūṣaṇām |
anukṣaṇaṃ kaṭākṣābhyāṃ anyonyekṣaṇakāṅkṣiṇau || 8 ||
anyonyasadṛśākārau trailokyagṛhadampatī|
imau yuvāṃ praṇamyāhaṃ bhajāmyadya kṛtārthatām || 9 ||
anena stauti yaḥ stutyaṃ rāmaṃ sītāṃ ca bhaktitaḥ |
tasya tau tanutāṃ puṇyāḥ sampadaḥ sakalārthadāḥ || 10 ||
evaṃ śrīrāmacandrasya jānakyāśca viśeṣataḥ |
kṛtaṃ hanūmatā puṇyaṃ stotraṃ sadyo vimuktidam |
yaḥ paṭhetprātarutthāya sarvān kāmānavāpnuyāt || 11 ||
iti hanūmatkṛta-sītārāma stotraṃ sampūrṇam ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.