ධ්යානම්
උමාකාන්තේ රමාකාන්තේ ඒෂාමාසී-න්මතිස්සමා .
නමාමි දීක්ෂිතේන්ද්රාං ස්තාන් නයෂට්ක-විශාරදාම් ..
වේධෝහරීශ්වරස්තුත්යාං විහර්ත්රීං වින්ධ්යභූධරේ .
හරප්රාණේශ්වරීං වන්දේ හන්ත්රීං විබුධවිද්විෂාම් .. 1 ..
අභ්යර්ථනේන සරසීරුහසම්භවස්ය
ත්යක්ත්වෝදිතා භගවදක්ෂිපිධානලීලාම් .
විශ්වේශ්වරී විපදපාකමනේ පුරස්තාත්
මාතා මමාස්තු මධුකෛටභයෝර්නිහන්ත්රී .. 2 ..
ප්රාඞ්නිර්ජරේෂු නිහතෛර්නිජශක්තිලේශෛඃ
ඒකීභවද්භිරුදිතා(අ)ඛිලලෝකගුප්ත්යෛ .
සම්පන්නශස්ත්රනිකරා ච තදායුධස්ථෛඃ
මාතා මමාස්තු මහිෂාන්තකරී පුරස්තාත් .. 3 ..
ප්රාලේයශෛලතනයා තනුකාන්තිසම්පත්
කෝශෝදිතා කුවලයච්ඡවිචාරුදේහා .
නාරායණී නමදභීප්සිතකල්පවල්ලී
සුප්රීතිමාවහතු ශුම්භනිශුම්භහන්ත්රී .. 4 ..
විශ්වේශ්වරීති මහිෂාන්තකරීති යස්යාඃ
නාරායණීත්යපි ච නාමභිරඞ්කිතානි .
සූක්තානි පඞ්කජභුවා ච සුරර්ෂිභිශ්ච
දෘෂ්ටානි පාවකමුඛෛශ්ච ශිවාං භජේ තාම් .. 5 ..
උත්පත්තිදෛත්යහනනස්තවනාත්මකානි
සංරක්ෂකාණ්යඛිලභූතහිතාය යස්යාඃ .
සූක්තාන්යශේෂනිගමාන්තවිදඃ පඨන්ති
තාං විශ්වමාතරමජස්රමභිෂ්ටවීමි .. 6 ..
යේ වෛප්රචිත්තපුනරුත්ථිතශුම්භමුඛ්යෛඃ
දුර්භික්ෂඝෝරසමයේන ච කාරිතාසු .
ආවිෂ්කෘතාස්ත්රිජගදාර්තිෂු රූපභේදාඃ
තෛරම්බිකා සමභිරක්ෂතු මාං විපද්භ්යඃ .. 7 ..
සූක්තං යදීයමරවින්දභවාදි දෘෂ්ටං
ආවර්ත්ය දේව්යනුපදං සුරථඃ සමාධිඃ .
ද්වාවප්යවාපතුරභීෂ්ටමනන්යලභ්යං
තාමාදිදේවතරුණීං ප්රණමාමි මූර්ධ්නා .. 8 ..
මාහිෂ්මතීතනුභවං ච රුරුං ච හන්තුං
ආවිෂ්කෘතෛර්නිජරසාදවතාරභේදෛඃ .
අෂ්ටාදශාහතනවාහතකෝටිසඞ්ඛ්යෛඃ
අම්බා සදා සමභිරක්ෂතු මාං විපද්භ්යඃ .. 9 ..
ඒතච්චරිත්රමඛිලං ලිඛිතං හි යස්යාඃ
සම්පූජිතං සදන ඒව නිවේශිතං වා .
දුර්ගං ච තාරයති දුස්තරමප්යශේෂං
ශ්රේයඃ ප්රයච්ඡති ච සර්වමුමාං භජේ තාම් .. 10 ..
යත්පූජනස්තුතිනමස්කෘතිභිර්භවන්ති
ප්රීතාඃ පිතාමහරමේශහරාස්ත්රයෝ(අ)පි .
තේෂාමපි ස්වකගුණෛර්දදතී වපූංෂි
තාමීශ්වරස්ය තරුණීං ශරණං ප්රපද්යේ .. 11 ..
කාන්තාරමධ්යදෘඪලග්නතයා(අ)වසන්නාඃ
මග්නාශ්ච වාරිධිජලේ රිපුභිශ්ච රුද්ධාඃ .
යස්යාඃ ප්රපද්ය චරණෞ විපදස්තරන්ති
සා මේ සදා(අ)ස්තු හෘදි සර්වජගත්සවිත්රී .. 12 ..
බන්ධේ වධේ මහති මෘත්යුභයේ ප්රසක්තේ
විත්තක්ෂයේ ච විවිධේ ය මහෝපතාපේ .
යත්පාදපූජනමිහ ප්රතිකාරමාහුඃ
සා මේ සමස්තජනනී ශරණං භවානී .. 13 ..
බාණාසුරප්රහිතපන්නගබන්ධමෝක්ෂඃ
තද්බාහුදර්පදලනාදුෂයා ච යෝගඃ .
ප්රාද්යුම්නිනා ද්රුතමලභ්යත යත්ප්රසාදාත්
සා මේ ශිවා සකලමප්යශුභං ක්ෂිණෝතු .. 14 ..
පාපඃ පුලස්ත්යතනයඃ පුනරුත්ථිතෝ මාං
අද්යාපි හර්තුමයමාගත ඉත්යුදීතම් .
යත්සේවනේන භයමින්දිරයා(අ)වධූතං
තාමාදිදේවතරුණීං ශරණං ගතෝ(අ)ස්මි .. 15 ..
යද්ධ්යානජං සුඛමවාප්යමනන්තපුණ්යෛඃ
සාක්ෂාත්තමච්යුත පරිග්රහමාශ්වවාපුඃ .
ගෝපාඞ්ගනාඃ කිල යදර්චනපුණ්යමාත්රාඃ
සා මේ සදා භගවතී භවතු ප්රසන්නා .. 16 ..
රාත්රිං ප්රපද්ය ඉති මන්ත්රවිදඃ ප්රපන්නාන්
උද්බෝධ්ය මෘත්යුවධිමන්යඵලෛඃ ප්රලෝභ්ය .
බුද්ධ්වා ච තද්විමුඛතාං ප්රතනං නයන්තීං
ආකාශමාදිජනනීං ජගතාං භජේ තාම් .. 17 ..
දේශකාලේෂු දුෂ්ටේෂු දුර්ගාචන්ද්රකලාස්තුතිඃ .
සන්ධ්යයෝරනුසන්ධේයා සර්වාපද්විනිවෘත්තයේ .. 18 ..
ඉති ශ්රීමදපය්යදීක්ෂිතවිරචිතා දුර්ගාචන්ද්රකලාස්තුතිඃ ..
Roman (IAST) Transliteration
dhyānam
umākānte ramākānte eṣāmāsī-nmatissamā |
namāmi dīkṣitendrāṃ stān nayaṣaṭka-viśāradām ||
vedhoharīśvarastutyāṃ vihartrīṃ vindhyabhūdhare |
haraprāṇeśvarīṃ vande hantrīṃ vibudhavidviṣām || 1 ||
abhyarthanena sarasīruhasambhavasya
tyaktvoditā bhagavadakṣipidhānalīlām |
viśveśvarī vipadapākamane purastāt
mātā mamāstu madhukaiṭabhayornihantrī || 2 ||
prāṅnirjareṣu nihatairnijaśaktileśaiḥ
ekībhavadbhiruditā'khilalokaguptyai |
sampannaśastranikarā ca tadāyudhasthaiḥ
mātā mamāstu mahiṣāntakarī purastāt || 3 ||
prāleyaśailatanayā tanukāntisampat
kośoditā kuvalayacchavicārudehā |
nārāyaṇī namadabhīpsitakalpavallī
suprītimāvahatu śumbhaniśumbhahantrī || 4 ||
viśveśvarīti mahiṣāntakarīti yasyāḥ
nārāyaṇītyapi ca nāmabhiraṅkitāni |
sūktāni paṅkajabhuvā ca surarṣibhiśca
dṛṣṭāni pāvakamukhaiśca śivāṃ bhaje tām || 5 ||
utpattidaityahananastavanātmakāni
saṃrakṣakāṇyakhilabhūtahitāya yasyāḥ |
sūktānyaśeṣanigamāntavidaḥ paṭhanti
tāṃ viśvamātaramajasramabhiṣṭavīmi || 6 ||
ye vaipracittapunarutthitaśumbhamukhyaiḥ
durbhikṣaghorasamayena ca kāritāsu |
āviṣkṛtāstrijagadārtiṣu rūpabhedāḥ
tairambikā samabhirakṣatu māṃ vipadbhyaḥ || 7 ||
sūktaṃ yadīyamaravindabhavādi dṛṣṭaṃ
āvartya devyanupadaṃ surathaḥ samādhiḥ |
dvāvapyavāpaturabhīṣṭamananyalabhyaṃ
tāmādidevataruṇīṃ praṇamāmi mūrdhnā || 8 ||
māhiṣmatītanubhavaṃ ca ruruṃ ca hantuṃ
āviṣkṛtairnijarasādavatārabhedaiḥ |
aṣṭādaśāhatanavāhatakoṭisaṅkhyaiḥ
ambā sadā samabhirakṣatu māṃ vipadbhyaḥ || 9 ||
etaccaritramakhilaṃ likhitaṃ hi yasyāḥ
sampūjitaṃ sadana eva niveśitaṃ vā |
durgaṃ ca tārayati dustaramapyaśeṣaṃ
śreyaḥ prayacchati ca sarvamumāṃ bhaje tām || 10 ||
yatpūjanastutinamaskṛtibhirbhavanti
prītāḥ pitāmaharameśaharāstrayo'pi |
teṣāmapi svakaguṇairdadatī vapūṃṣi
tāmīśvarasya taruṇīṃ śaraṇaṃ prapadye || 11 ||
kāntāramadhyadṛḍhalagnatayā'vasannāḥ
magnāśca vāridhijale ripubhiśca ruddhāḥ |
yasyāḥ prapadya caraṇau vipadastaranti
sā me sadā'stu hṛdi sarvajagatsavitrī || 12 ||
bandhe vadhe mahati mṛtyubhaye prasakte
vittakṣaye ca vividhe ya mahopatāpe |
yatpādapūjanamiha pratikāramāhuḥ
sā me samastajananī śaraṇaṃ bhavānī || 13 ||
bāṇāsuraprahitapannagabandhamokṣaḥ
tadbāhudarpadalanāduṣayā ca yogaḥ |
prādyumninā drutamalabhyata yatprasādāt
sā me śivā sakalamapyaśubhaṃ kṣiṇotu || 14 ||
pāpaḥ pulastyatanayaḥ punarutthito māṃ
adyāpi hartumayamāgata ityudītam |
yatsevanena bhayamindirayā'vadhūtaṃ
tāmādidevataruṇīṃ śaraṇaṃ gato'smi || 15 ||
yaddhyānajaṃ sukhamavāpyamanantapuṇyaiḥ
sākṣāttamacyuta parigrahamāśvavāpuḥ |
gopāṅganāḥ kila yadarcanapuṇyamātrāḥ
sā me sadā bhagavatī bhavatu prasannā || 16 ||
rātriṃ prapadya iti mantravidaḥ prapannān
udbodhya mṛtyuvadhimanyaphalaiḥ pralobhya |
buddhvā ca tadvimukhatāṃ pratanaṃ nayantīṃ
ākāśamādijananīṃ jagatāṃ bhaje tām || 17 ||
deśakāleṣu duṣṭeṣu durgācandrakalāstutiḥ |
sandhyayoranusandheyā sarvāpadvinivṛttaye || 18 ||
iti śrīmadapayyadīkṣitaviracitā durgācandrakalāstutiḥ ||
Sanskrit — Devanagari (original)
ध्यानम्
उमाकान्ते रमाकान्ते एषामासी-न्मतिस्समा ।
नमामि दीक्षितेन्द्रां स्तान् नयषट्क-विशारदाम् ॥
वेधोहरीश्वरस्तुत्यां विहर्त्रीं विन्ध्यभूधरे ।
हरप्राणेश्वरीं वन्दे हन्त्रीं विबुधविद्विषाम् ॥ 1 ॥
अभ्यर्थनेन सरसीरुहसम्भवस्य
त्यक्त्वोदिता भगवदक्षिपिधानलीलाम् ।
विश्वेश्वरी विपदपाकमने पुरस्तात्
माता ममास्तु मधुकैटभयोर्निहन्त्री ॥ 2 ॥
प्राङ्निर्जरेषु निहतैर्निजशक्तिलेशैः
एकीभवद्भिरुदिताऽखिललोकगुप्त्यै ।
सम्पन्नशस्त्रनिकरा च तदायुधस्थैः
माता ममास्तु महिषान्तकरी पुरस्तात् ॥ 3 ॥
प्रालेयशैलतनया तनुकान्तिसम्पत्
कोशोदिता कुवलयच्छविचारुदेहा ।
नारायणी नमदभीप्सितकल्पवल्ली
सुप्रीतिमावहतु शुम्भनिशुम्भहन्त्री ॥ 4 ॥
विश्वेश्वरीति महिषान्तकरीति यस्याः
नारायणीत्यपि च नामभिरङ्कितानि ।
सूक्तानि पङ्कजभुवा च सुरर्षिभिश्च
दृष्टानि पावकमुखैश्च शिवां भजे ताम् ॥ 5 ॥
उत्पत्तिदैत्यहननस्तवनात्मकानि
संरक्षकाण्यखिलभूतहिताय यस्याः ।
सूक्तान्यशेषनिगमान्तविदः पठन्ति
तां विश्वमातरमजस्रमभिष्टवीमि ॥ 6 ॥
ये वैप्रचित्तपुनरुत्थितशुम्भमुख्यैः
दुर्भिक्षघोरसमयेन च कारितासु ।
आविष्कृतास्त्रिजगदार्तिषु रूपभेदाः
तैरम्बिका समभिरक्षतु मां विपद्भ्यः ॥ 7 ॥
सूक्तं यदीयमरविन्दभवादि दृष्टं
आवर्त्य देव्यनुपदं सुरथः समाधिः ।
द्वावप्यवापतुरभीष्टमनन्यलभ्यं
तामादिदेवतरुणीं प्रणमामि मूर्ध्ना ॥ 8 ॥
माहिष्मतीतनुभवं च रुरुं च हन्तुं
आविष्कृतैर्निजरसादवतारभेदैः ।
अष्टादशाहतनवाहतकोटिसङ्ख्यैः
अम्बा सदा समभिरक्षतु मां विपद्भ्यः ॥ 9 ॥
एतच्चरित्रमखिलं लिखितं हि यस्याः
सम्पूजितं सदन एव निवेशितं वा ।
दुर्गं च तारयति दुस्तरमप्यशेषं
श्रेयः प्रयच्छति च सर्वमुमां भजे ताम् ॥ 10 ॥
यत्पूजनस्तुतिनमस्कृतिभिर्भवन्ति
प्रीताः पितामहरमेशहरास्त्रयोऽपि ।
तेषामपि स्वकगुणैर्ददती वपूंषि
तामीश्वरस्य तरुणीं शरणं प्रपद्ये ॥ 11 ॥
कान्तारमध्यदृढलग्नतयाऽवसन्नाः
मग्नाश्च वारिधिजले रिपुभिश्च रुद्धाः ।
यस्याः प्रपद्य चरणौ विपदस्तरन्ति
सा मे सदाऽस्तु हृदि सर्वजगत्सवित्री ॥ 12 ॥
बन्धे वधे महति मृत्युभये प्रसक्ते
वित्तक्षये च विविधे य महोपतापे ।
यत्पादपूजनमिह प्रतिकारमाहुः
सा मे समस्तजननी शरणं भवानी ॥ 13 ॥
बाणासुरप्रहितपन्नगबन्धमोक्षः
तद्बाहुदर्पदलनादुषया च योगः ।
प्राद्युम्निना द्रुतमलभ्यत यत्प्रसादात्
सा मे शिवा सकलमप्यशुभं क्षिणोतु ॥ 14 ॥
पापः पुलस्त्यतनयः पुनरुत्थितो मां
अद्यापि हर्तुमयमागत इत्युदीतम् ।
यत्सेवनेन भयमिन्दिरयाऽवधूतं
तामादिदेवतरुणीं शरणं गतोऽस्मि ॥ 15 ॥
यद्ध्यानजं सुखमवाप्यमनन्तपुण्यैः
साक्षात्तमच्युत परिग्रहमाश्ववापुः ।
गोपाङ्गनाः किल यदर्चनपुण्यमात्राः
सा मे सदा भगवती भवतु प्रसन्ना ॥ 16 ॥
रात्रिं प्रपद्य इति मन्त्रविदः प्रपन्नान्
उद्बोध्य मृत्युवधिमन्यफलैः प्रलोभ्य ।
बुद्ध्वा च तद्विमुखतां प्रतनं नयन्तीं
आकाशमादिजननीं जगतां भजे ताम् ॥ 17 ॥
देशकालेषु दुष्टेषु दुर्गाचन्द्रकलास्तुतिः ।
सन्ध्ययोरनुसन्धेया सर्वापद्विनिवृत्तये ॥ 18 ॥
इति श्रीमदपय्यदीक्षितविरचिता दुर्गाचन्द्रकलास्तुतिः ॥
dhyānam
umākānte ramākānte eṣāmāsī-nmatissamā |
namāmi dīkṣitendrāṃ stān nayaṣaṭka-viśāradām ||
vedhoharīśvarastutyāṃ vihartrīṃ vindhyabhūdhare |
haraprāṇeśvarīṃ vande hantrīṃ vibudhavidviṣām || 1 ||
abhyarthanena sarasīruhasambhavasya
tyaktvoditā bhagavadakṣipidhānalīlām |
viśveśvarī vipadapākamane purastāt
mātā mamāstu madhukaiṭabhayornihantrī || 2 ||
prāṅnirjareṣu nihatairnijaśaktileśaiḥ
ekībhavadbhiruditā'khilalokaguptyai |
sampannaśastranikarā ca tadāyudhasthaiḥ
mātā mamāstu mahiṣāntakarī purastāt || 3 ||
prāleyaśailatanayā tanukāntisampat
kośoditā kuvalayacchavicārudehā |
nārāyaṇī namadabhīpsitakalpavallī
suprītimāvahatu śumbhaniśumbhahantrī || 4 ||
viśveśvarīti mahiṣāntakarīti yasyāḥ
nārāyaṇītyapi ca nāmabhiraṅkitāni |
sūktāni paṅkajabhuvā ca surarṣibhiśca
dṛṣṭāni pāvakamukhaiśca śivāṃ bhaje tām || 5 ||
utpattidaityahananastavanātmakāni
saṃrakṣakāṇyakhilabhūtahitāya yasyāḥ |
sūktānyaśeṣanigamāntavidaḥ paṭhanti
tāṃ viśvamātaramajasramabhiṣṭavīmi || 6 ||
ye vaipracittapunarutthitaśumbhamukhyaiḥ
durbhikṣaghorasamayena ca kāritāsu |
āviṣkṛtāstrijagadārtiṣu rūpabhedāḥ
tairambikā samabhirakṣatu māṃ vipadbhyaḥ || 7 ||
sūktaṃ yadīyamaravindabhavādi dṛṣṭaṃ
āvartya devyanupadaṃ surathaḥ samādhiḥ |
dvāvapyavāpaturabhīṣṭamananyalabhyaṃ
tāmādidevataruṇīṃ praṇamāmi mūrdhnā || 8 ||
māhiṣmatītanubhavaṃ ca ruruṃ ca hantuṃ
āviṣkṛtairnijarasādavatārabhedaiḥ |
aṣṭādaśāhatanavāhatakoṭisaṅkhyaiḥ
ambā sadā samabhirakṣatu māṃ vipadbhyaḥ || 9 ||
etaccaritramakhilaṃ likhitaṃ hi yasyāḥ
sampūjitaṃ sadana eva niveśitaṃ vā |
durgaṃ ca tārayati dustaramapyaśeṣaṃ
śreyaḥ prayacchati ca sarvamumāṃ bhaje tām || 10 ||
yatpūjanastutinamaskṛtibhirbhavanti
prītāḥ pitāmaharameśaharāstrayo'pi |
teṣāmapi svakaguṇairdadatī vapūṃṣi
tāmīśvarasya taruṇīṃ śaraṇaṃ prapadye || 11 ||
kāntāramadhyadṛḍhalagnatayā'vasannāḥ
magnāśca vāridhijale ripubhiśca ruddhāḥ |
yasyāḥ prapadya caraṇau vipadastaranti
sā me sadā'stu hṛdi sarvajagatsavitrī || 12 ||
bandhe vadhe mahati mṛtyubhaye prasakte
vittakṣaye ca vividhe ya mahopatāpe |
yatpādapūjanamiha pratikāramāhuḥ
sā me samastajananī śaraṇaṃ bhavānī || 13 ||
bāṇāsuraprahitapannagabandhamokṣaḥ
tadbāhudarpadalanāduṣayā ca yogaḥ |
prādyumninā drutamalabhyata yatprasādāt
sā me śivā sakalamapyaśubhaṃ kṣiṇotu || 14 ||
pāpaḥ pulastyatanayaḥ punarutthito māṃ
adyāpi hartumayamāgata ityudītam |
yatsevanena bhayamindirayā'vadhūtaṃ
tāmādidevataruṇīṃ śaraṇaṃ gato'smi || 15 ||
yaddhyānajaṃ sukhamavāpyamanantapuṇyaiḥ
sākṣāttamacyuta parigrahamāśvavāpuḥ |
gopāṅganāḥ kila yadarcanapuṇyamātrāḥ
sā me sadā bhagavatī bhavatu prasannā || 16 ||
rātriṃ prapadya iti mantravidaḥ prapannān
udbodhya mṛtyuvadhimanyaphalaiḥ pralobhya |
buddhvā ca tadvimukhatāṃ pratanaṃ nayantīṃ
ākāśamādijananīṃ jagatāṃ bhaje tām || 17 ||
deśakāleṣu duṣṭeṣu durgācandrakalāstutiḥ |
sandhyayoranusandheyā sarvāpadvinivṛttaye || 18 ||
iti śrīmadapayyadīkṣitaviracitā durgācandrakalāstutiḥ ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.