ധ്യാനമ്
ഉമാകാന്തേ രമാകാന്തേ ഏഷാമാസീ-ന്മതിസ്സമാ ।
നമാമി ദീക്ഷിതേന്ദ്രാം സ്താന് നയഷട്ക-വിശാരദാമ് ॥
വേധോഹരീശ്വരസ്തുത്യാം വിഹര്ത്രീം വിന്ധ്യഭൂധരേ ।
ഹരപ്രാണേശ്വരീം വന്ദേ ഹന്ത്രീം വിബുധവിദ്വിഷാമ് ॥ 1 ॥
അഭ്യര്ഥനേന സരസീരുഹസമ്ഭവസ്യ
ത്യക്ത്വോദിതാ ഭഗവദക്ഷിപിധാനലീലാമ് ।
വിശ്വേശ്വരീ വിപദപാകമനേ പുരസ്താത്
മാതാ മമാസ്തു മധുകൈടഭയോര്നിഹന്ത്രീ ॥ 2 ॥
പ്രാങ്നിര്ജരേഷു നിഹതൈര്നിജശക്തിലേശൈഃ
ഏകീഭവദ്ഭിരുദിതാഽഖിലലോകഗുപ്ത്യൈ ।
സമ്പന്നശസ്ത്രനികരാ ച തദായുധസ്ഥൈഃ
മാതാ മമാസ്തു മഹിഷാന്തകരീ പുരസ്താത് ॥ 3 ॥
പ്രാലേയശൈലതനയാ തനുകാന്തിസമ്പത്
കോശോദിതാ കുവലയച്ഛവിചാരുദേഹാ ।
നാരായണീ നമദഭീപ്സിതകല്പവല്ലീ
സുപ്രീതിമാവഹതു ശുമ്ഭനിശുമ്ഭഹന്ത്രീ ॥ 4 ॥
വിശ്വേശ്വരീതി മഹിഷാന്തകരീതി യസ്യാഃ
നാരായണീത്യപി ച നാമഭിരങ്കിതാനി ।
സൂക്താനി പങ്കജഭുവാ ച സുരര്ഷിഭിശ്ച
ദൃഷ്ടാനി പാവകമുഖൈശ്ച ശിവാം ഭജേ താമ് ॥ 5 ॥
ഉത്പത്തിദൈത്യഹനനസ്തവനാത്മകാനി
സംരക്ഷകാണ്യഖിലഭൂതഹിതായ യസ്യാഃ ।
സൂക്താന്യശേഷനിഗമാന്തവിദഃ പഠന്തി
താം വിശ്വമാതരമജസ്രമഭിഷ്ടവീമി ॥ 6 ॥
യേ വൈപ്രചിത്തപുനരുത്ഥിതശുമ്ഭമുഖ്യൈഃ
ദുര്ഭിക്ഷഘോരസമയേന ച കാരിതാസു ।
ആവിഷ്കൃതാസ്ത്രിജഗദാര്തിഷു രൂപഭേദാഃ
തൈരമ്ബികാ സമഭിരക്ഷതു മാം വിപദ്ഭ്യഃ ॥ 7 ॥
സൂക്തം യദീയമരവിന്ദഭവാദി ദൃഷ്ടം
ആവര്ത്യ ദേവ്യനുപദം സുരഥഃ സമാധിഃ ।
ദ്വാവപ്യവാപതുരഭീഷ്ടമനന്യലഭ്യം
താമാദിദേവതരുണീം പ്രണമാമി മൂര്ധ്നാ ॥ 8 ॥
മാഹിഷ്മതീതനുഭവം ച രുരും ച ഹന്തും
ആവിഷ്കൃതൈര്നിജരസാദവതാരഭേദൈഃ ।
അഷ്ടാദശാഹതനവാഹതകോടിസങ്ഖ്യൈഃ
അമ്ബാ സദാ സമഭിരക്ഷതു മാം വിപദ്ഭ്യഃ ॥ 9 ॥
ഏതച്ചരിത്രമഖിലം ലിഖിതം ഹി യസ്യാഃ
സമ്പൂജിതം സദന ഏവ നിവേശിതം വാ ।
ദുര്ഗം ച താരയതി ദുസ്തരമപ്യശേഷം
ശ്രേയഃ പ്രയച്ഛതി ച സര്വമുമാം ഭജേ താമ് ॥ 10 ॥
യത്പൂജനസ്തുതിനമസ്കൃതിഭിര്ഭവന്തി
പ്രീതാഃ പിതാമഹരമേശഹരാസ്ത്രയോഽപി ।
തേഷാമപി സ്വകഗുണൈര്ദദതീ വപൂംഷി
താമീശ്വരസ്യ തരുണീം ശരണം പ്രപദ്യേ ॥ 11 ॥
കാന്താരമധ്യദൃഢലഗ്നതയാഽവസന്നാഃ
മഗ്നാശ്ച വാരിധിജലേ രിപുഭിശ്ച രുദ്ധാഃ ।
യസ്യാഃ പ്രപദ്യ ചരണൌ വിപദസ്തരന്തി
സാ മേ സദാഽസ്തു ഹൃദി സര്വജഗത്സവിത്രീ ॥ 12 ॥
ബന്ധേ വധേ മഹതി മൃത്യുഭയേ പ്രസക്തേ
വിത്തക്ഷയേ ച വിവിധേ യ മഹോപതാപേ ।
യത്പാദപൂജനമിഹ പ്രതികാരമാഹുഃ
സാ മേ സമസ്തജനനീ ശരണം ഭവാനീ ॥ 13 ॥
ബാണാസുരപ്രഹിതപന്നഗബന്ധമോക്ഷഃ
തദ്ബാഹുദര്പദലനാദുഷയാ ച യോഗഃ ।
പ്രാദ്യുമ്നിനാ ദ്രുതമലഭ്യത യത്പ്രസാദാത്
സാ മേ ശിവാ സകലമപ്യശുഭം ക്ഷിണോതു ॥ 14 ॥
പാപഃ പുലസ്ത്യതനയഃ പുനരുത്ഥിതോ മാം
അദ്യാപി ഹര്തുമയമാഗത ഇത്യുദീതമ് ।
യത്സേവനേന ഭയമിന്ദിരയാഽവധൂതം
താമാദിദേവതരുണീം ശരണം ഗതോഽസ്മി ॥ 15 ॥
യദ്ധ്യാനജം സുഖമവാപ്യമനന്തപുണ്യൈഃ
സാക്ഷാത്തമച്യുത പരിഗ്രഹമാശ്വവാപുഃ ।
ഗോപാങ്ഗനാഃ കില യദര്ചനപുണ്യമാത്രാഃ
സാ മേ സദാ ഭഗവതീ ഭവതു പ്രസന്നാ ॥ 16 ॥
രാത്രിം പ്രപദ്യ ഇതി മന്ത്രവിദഃ പ്രപന്നാന്
ഉദ്ബോധ്യ മൃത്യുവധിമന്യഫലൈഃ പ്രലോഭ്യ ।
ബുദ്ധ്വാ ച തദ്വിമുഖതാം പ്രതനം നയന്തീം
ആകാശമാദിജനനീം ജഗതാം ഭജേ താമ് ॥ 17 ॥
ദേശകാലേഷു ദുഷ്ടേഷു ദുര്ഗാചന്ദ്രകലാസ്തുതിഃ ।
സന്ധ്യയോരനുസന്ധേയാ സര്വാപദ്വിനിവൃത്തയേ ॥ 18 ॥
ഇതി ശ്രീമദപയ്യദീക്ഷിതവിരചിതാ ദുര്ഗാചന്ദ്രകലാസ്തുതിഃ ॥
Roman (IAST) Transliteration
dhyānam
umākānte ramākānte eṣāmāsī-nmatissamā |
namāmi dīkṣitendrāṃ stān nayaṣaṭka-viśāradām ||
vedhoharīśvarastutyāṃ vihartrīṃ vindhyabhūdhare |
haraprāṇeśvarīṃ vande hantrīṃ vibudhavidviṣām || 1 ||
abhyarthanena sarasīruhasambhavasya
tyaktvoditā bhagavadakṣipidhānalīlām |
viśveśvarī vipadapākamane purastāt
mātā mamāstu madhukaiṭabhayornihantrī || 2 ||
prāṅnirjareṣu nihatairnijaśaktileśaiḥ
ekībhavadbhiruditā'khilalokaguptyai |
sampannaśastranikarā ca tadāyudhasthaiḥ
mātā mamāstu mahiṣāntakarī purastāt || 3 ||
prāleyaśailatanayā tanukāntisampat
kośoditā kuvalayacchavicārudehā |
nārāyaṇī namadabhīpsitakalpavallī
suprītimāvahatu śumbhaniśumbhahantrī || 4 ||
viśveśvarīti mahiṣāntakarīti yasyāḥ
nārāyaṇītyapi ca nāmabhiraṅkitāni |
sūktāni paṅkajabhuvā ca surarṣibhiśca
dṛṣṭāni pāvakamukhaiśca śivāṃ bhaje tām || 5 ||
utpattidaityahananastavanātmakāni
saṃrakṣakāṇyakhilabhūtahitāya yasyāḥ |
sūktānyaśeṣanigamāntavidaḥ paṭhanti
tāṃ viśvamātaramajasramabhiṣṭavīmi || 6 ||
ye vaipracittapunarutthitaśumbhamukhyaiḥ
durbhikṣaghorasamayena ca kāritāsu |
āviṣkṛtāstrijagadārtiṣu rūpabhedāḥ
tairambikā samabhirakṣatu māṃ vipadbhyaḥ || 7 ||
sūktaṃ yadīyamaravindabhavādi dṛṣṭaṃ
āvartya devyanupadaṃ surathaḥ samādhiḥ |
dvāvapyavāpaturabhīṣṭamananyalabhyaṃ
tāmādidevataruṇīṃ praṇamāmi mūrdhnā || 8 ||
māhiṣmatītanubhavaṃ ca ruruṃ ca hantuṃ
āviṣkṛtairnijarasādavatārabhedaiḥ |
aṣṭādaśāhatanavāhatakoṭisaṅkhyaiḥ
ambā sadā samabhirakṣatu māṃ vipadbhyaḥ || 9 ||
etaccaritramakhilaṃ likhitaṃ hi yasyāḥ
sampūjitaṃ sadana eva niveśitaṃ vā |
durgaṃ ca tārayati dustaramapyaśeṣaṃ
śreyaḥ prayacchati ca sarvamumāṃ bhaje tām || 10 ||
yatpūjanastutinamaskṛtibhirbhavanti
prītāḥ pitāmaharameśaharāstrayo'pi |
teṣāmapi svakaguṇairdadatī vapūṃṣi
tāmīśvarasya taruṇīṃ śaraṇaṃ prapadye || 11 ||
kāntāramadhyadṛḍhalagnatayā'vasannāḥ
magnāśca vāridhijale ripubhiśca ruddhāḥ |
yasyāḥ prapadya caraṇau vipadastaranti
sā me sadā'stu hṛdi sarvajagatsavitrī || 12 ||
bandhe vadhe mahati mṛtyubhaye prasakte
vittakṣaye ca vividhe ya mahopatāpe |
yatpādapūjanamiha pratikāramāhuḥ
sā me samastajananī śaraṇaṃ bhavānī || 13 ||
bāṇāsuraprahitapannagabandhamokṣaḥ
tadbāhudarpadalanāduṣayā ca yogaḥ |
prādyumninā drutamalabhyata yatprasādāt
sā me śivā sakalamapyaśubhaṃ kṣiṇotu || 14 ||
pāpaḥ pulastyatanayaḥ punarutthito māṃ
adyāpi hartumayamāgata ityudītam |
yatsevanena bhayamindirayā'vadhūtaṃ
tāmādidevataruṇīṃ śaraṇaṃ gato'smi || 15 ||
yaddhyānajaṃ sukhamavāpyamanantapuṇyaiḥ
sākṣāttamacyuta parigrahamāśvavāpuḥ |
gopāṅganāḥ kila yadarcanapuṇyamātrāḥ
sā me sadā bhagavatī bhavatu prasannā || 16 ||
rātriṃ prapadya iti mantravidaḥ prapannān
udbodhya mṛtyuvadhimanyaphalaiḥ pralobhya |
buddhvā ca tadvimukhatāṃ pratanaṃ nayantīṃ
ākāśamādijananīṃ jagatāṃ bhaje tām || 17 ||
deśakāleṣu duṣṭeṣu durgācandrakalāstutiḥ |
sandhyayoranusandheyā sarvāpadvinivṛttaye || 18 ||
iti śrīmadapayyadīkṣitaviracitā durgācandrakalāstutiḥ ||
Sanskrit — Devanagari (original)
ध्यानम्
उमाकान्ते रमाकान्ते एषामासी-न्मतिस्समा ।
नमामि दीक्षितेन्द्रां स्तान् नयषट्क-विशारदाम् ॥
वेधोहरीश्वरस्तुत्यां विहर्त्रीं विन्ध्यभूधरे ।
हरप्राणेश्वरीं वन्दे हन्त्रीं विबुधविद्विषाम् ॥ 1 ॥
अभ्यर्थनेन सरसीरुहसम्भवस्य
त्यक्त्वोदिता भगवदक्षिपिधानलीलाम् ।
विश्वेश्वरी विपदपाकमने पुरस्तात्
माता ममास्तु मधुकैटभयोर्निहन्त्री ॥ 2 ॥
प्राङ्निर्जरेषु निहतैर्निजशक्तिलेशैः
एकीभवद्भिरुदिताऽखिललोकगुप्त्यै ।
सम्पन्नशस्त्रनिकरा च तदायुधस्थैः
माता ममास्तु महिषान्तकरी पुरस्तात् ॥ 3 ॥
प्रालेयशैलतनया तनुकान्तिसम्पत्
कोशोदिता कुवलयच्छविचारुदेहा ।
नारायणी नमदभीप्सितकल्पवल्ली
सुप्रीतिमावहतु शुम्भनिशुम्भहन्त्री ॥ 4 ॥
विश्वेश्वरीति महिषान्तकरीति यस्याः
नारायणीत्यपि च नामभिरङ्कितानि ।
सूक्तानि पङ्कजभुवा च सुरर्षिभिश्च
दृष्टानि पावकमुखैश्च शिवां भजे ताम् ॥ 5 ॥
उत्पत्तिदैत्यहननस्तवनात्मकानि
संरक्षकाण्यखिलभूतहिताय यस्याः ।
सूक्तान्यशेषनिगमान्तविदः पठन्ति
तां विश्वमातरमजस्रमभिष्टवीमि ॥ 6 ॥
ये वैप्रचित्तपुनरुत्थितशुम्भमुख्यैः
दुर्भिक्षघोरसमयेन च कारितासु ।
आविष्कृतास्त्रिजगदार्तिषु रूपभेदाः
तैरम्बिका समभिरक्षतु मां विपद्भ्यः ॥ 7 ॥
सूक्तं यदीयमरविन्दभवादि दृष्टं
आवर्त्य देव्यनुपदं सुरथः समाधिः ।
द्वावप्यवापतुरभीष्टमनन्यलभ्यं
तामादिदेवतरुणीं प्रणमामि मूर्ध्ना ॥ 8 ॥
माहिष्मतीतनुभवं च रुरुं च हन्तुं
आविष्कृतैर्निजरसादवतारभेदैः ।
अष्टादशाहतनवाहतकोटिसङ्ख्यैः
अम्बा सदा समभिरक्षतु मां विपद्भ्यः ॥ 9 ॥
एतच्चरित्रमखिलं लिखितं हि यस्याः
सम्पूजितं सदन एव निवेशितं वा ।
दुर्गं च तारयति दुस्तरमप्यशेषं
श्रेयः प्रयच्छति च सर्वमुमां भजे ताम् ॥ 10 ॥
यत्पूजनस्तुतिनमस्कृतिभिर्भवन्ति
प्रीताः पितामहरमेशहरास्त्रयोऽपि ।
तेषामपि स्वकगुणैर्ददती वपूंषि
तामीश्वरस्य तरुणीं शरणं प्रपद्ये ॥ 11 ॥
कान्तारमध्यदृढलग्नतयाऽवसन्नाः
मग्नाश्च वारिधिजले रिपुभिश्च रुद्धाः ।
यस्याः प्रपद्य चरणौ विपदस्तरन्ति
सा मे सदाऽस्तु हृदि सर्वजगत्सवित्री ॥ 12 ॥
बन्धे वधे महति मृत्युभये प्रसक्ते
वित्तक्षये च विविधे य महोपतापे ।
यत्पादपूजनमिह प्रतिकारमाहुः
सा मे समस्तजननी शरणं भवानी ॥ 13 ॥
बाणासुरप्रहितपन्नगबन्धमोक्षः
तद्बाहुदर्पदलनादुषया च योगः ।
प्राद्युम्निना द्रुतमलभ्यत यत्प्रसादात्
सा मे शिवा सकलमप्यशुभं क्षिणोतु ॥ 14 ॥
पापः पुलस्त्यतनयः पुनरुत्थितो मां
अद्यापि हर्तुमयमागत इत्युदीतम् ।
यत्सेवनेन भयमिन्दिरयाऽवधूतं
तामादिदेवतरुणीं शरणं गतोऽस्मि ॥ 15 ॥
यद्ध्यानजं सुखमवाप्यमनन्तपुण्यैः
साक्षात्तमच्युत परिग्रहमाश्ववापुः ।
गोपाङ्गनाः किल यदर्चनपुण्यमात्राः
सा मे सदा भगवती भवतु प्रसन्ना ॥ 16 ॥
रात्रिं प्रपद्य इति मन्त्रविदः प्रपन्नान्
उद्बोध्य मृत्युवधिमन्यफलैः प्रलोभ्य ।
बुद्ध्वा च तद्विमुखतां प्रतनं नयन्तीं
आकाशमादिजननीं जगतां भजे ताम् ॥ 17 ॥
देशकालेषु दुष्टेषु दुर्गाचन्द्रकलास्तुतिः ।
सन्ध्ययोरनुसन्धेया सर्वापद्विनिवृत्तये ॥ 18 ॥
इति श्रीमदपय्यदीक्षितविरचिता दुर्गाचन्द्रकलास्तुतिः ॥
dhyānam
umākānte ramākānte eṣāmāsī-nmatissamā |
namāmi dīkṣitendrāṃ stān nayaṣaṭka-viśāradām ||
vedhoharīśvarastutyāṃ vihartrīṃ vindhyabhūdhare |
haraprāṇeśvarīṃ vande hantrīṃ vibudhavidviṣām || 1 ||
abhyarthanena sarasīruhasambhavasya
tyaktvoditā bhagavadakṣipidhānalīlām |
viśveśvarī vipadapākamane purastāt
mātā mamāstu madhukaiṭabhayornihantrī || 2 ||
prāṅnirjareṣu nihatairnijaśaktileśaiḥ
ekībhavadbhiruditā'khilalokaguptyai |
sampannaśastranikarā ca tadāyudhasthaiḥ
mātā mamāstu mahiṣāntakarī purastāt || 3 ||
prāleyaśailatanayā tanukāntisampat
kośoditā kuvalayacchavicārudehā |
nārāyaṇī namadabhīpsitakalpavallī
suprītimāvahatu śumbhaniśumbhahantrī || 4 ||
viśveśvarīti mahiṣāntakarīti yasyāḥ
nārāyaṇītyapi ca nāmabhiraṅkitāni |
sūktāni paṅkajabhuvā ca surarṣibhiśca
dṛṣṭāni pāvakamukhaiśca śivāṃ bhaje tām || 5 ||
utpattidaityahananastavanātmakāni
saṃrakṣakāṇyakhilabhūtahitāya yasyāḥ |
sūktānyaśeṣanigamāntavidaḥ paṭhanti
tāṃ viśvamātaramajasramabhiṣṭavīmi || 6 ||
ye vaipracittapunarutthitaśumbhamukhyaiḥ
durbhikṣaghorasamayena ca kāritāsu |
āviṣkṛtāstrijagadārtiṣu rūpabhedāḥ
tairambikā samabhirakṣatu māṃ vipadbhyaḥ || 7 ||
sūktaṃ yadīyamaravindabhavādi dṛṣṭaṃ
āvartya devyanupadaṃ surathaḥ samādhiḥ |
dvāvapyavāpaturabhīṣṭamananyalabhyaṃ
tāmādidevataruṇīṃ praṇamāmi mūrdhnā || 8 ||
māhiṣmatītanubhavaṃ ca ruruṃ ca hantuṃ
āviṣkṛtairnijarasādavatārabhedaiḥ |
aṣṭādaśāhatanavāhatakoṭisaṅkhyaiḥ
ambā sadā samabhirakṣatu māṃ vipadbhyaḥ || 9 ||
etaccaritramakhilaṃ likhitaṃ hi yasyāḥ
sampūjitaṃ sadana eva niveśitaṃ vā |
durgaṃ ca tārayati dustaramapyaśeṣaṃ
śreyaḥ prayacchati ca sarvamumāṃ bhaje tām || 10 ||
yatpūjanastutinamaskṛtibhirbhavanti
prītāḥ pitāmaharameśaharāstrayo'pi |
teṣāmapi svakaguṇairdadatī vapūṃṣi
tāmīśvarasya taruṇīṃ śaraṇaṃ prapadye || 11 ||
kāntāramadhyadṛḍhalagnatayā'vasannāḥ
magnāśca vāridhijale ripubhiśca ruddhāḥ |
yasyāḥ prapadya caraṇau vipadastaranti
sā me sadā'stu hṛdi sarvajagatsavitrī || 12 ||
bandhe vadhe mahati mṛtyubhaye prasakte
vittakṣaye ca vividhe ya mahopatāpe |
yatpādapūjanamiha pratikāramāhuḥ
sā me samastajananī śaraṇaṃ bhavānī || 13 ||
bāṇāsuraprahitapannagabandhamokṣaḥ
tadbāhudarpadalanāduṣayā ca yogaḥ |
prādyumninā drutamalabhyata yatprasādāt
sā me śivā sakalamapyaśubhaṃ kṣiṇotu || 14 ||
pāpaḥ pulastyatanayaḥ punarutthito māṃ
adyāpi hartumayamāgata ityudītam |
yatsevanena bhayamindirayā'vadhūtaṃ
tāmādidevataruṇīṃ śaraṇaṃ gato'smi || 15 ||
yaddhyānajaṃ sukhamavāpyamanantapuṇyaiḥ
sākṣāttamacyuta parigrahamāśvavāpuḥ |
gopāṅganāḥ kila yadarcanapuṇyamātrāḥ
sā me sadā bhagavatī bhavatu prasannā || 16 ||
rātriṃ prapadya iti mantravidaḥ prapannān
udbodhya mṛtyuvadhimanyaphalaiḥ pralobhya |
buddhvā ca tadvimukhatāṃ pratanaṃ nayantīṃ
ākāśamādijananīṃ jagatāṃ bhaje tām || 17 ||
deśakāleṣu duṣṭeṣu durgācandrakalāstutiḥ |
sandhyayoranusandheyā sarvāpadvinivṛttaye || 18 ||
iti śrīmadapayyadīkṣitaviracitā durgācandrakalāstutiḥ ||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.