𑌧𑍍𑌯𑌾𑌨𑌮𑍍
𑌉𑌮𑌾𑌕𑌾𑌨𑍍𑌤𑍇 𑌰𑌮𑌾𑌕𑌾𑌨𑍍𑌤𑍇 𑌏𑌷𑌾𑌮𑌾𑌸𑍀-𑌨𑍍𑌮𑌤𑌿𑌸𑍍𑌸𑌮𑌾 ।
𑌨𑌮𑌾𑌮𑌿 𑌦𑍀𑌕𑍍𑌷𑌿𑌤𑍇𑌨𑍍𑌦𑍍𑌰𑌾𑌂 𑌸𑍍𑌤𑌾𑌨𑍍 𑌨𑌯𑌷𑌟𑍍𑌕-𑌵𑌿𑌶𑌾𑌰𑌦𑌾𑌮𑍍 ॥
𑌵𑍇𑌧𑍋𑌹𑌰𑍀𑌶𑍍𑌵𑌰𑌸𑍍𑌤𑍁𑌤𑍍𑌯𑌾𑌂 𑌵𑌿𑌹𑌰𑍍𑌤𑍍𑌰𑍀𑌂 𑌵𑌿𑌨𑍍𑌧𑍍𑌯𑌭𑍂𑌧𑌰𑍇 ।
𑌹𑌰𑌪𑍍𑌰𑌾𑌣𑍇𑌶𑍍𑌵𑌰𑍀𑌂 𑌵𑌨𑍍𑌦𑍇 𑌹𑌨𑍍𑌤𑍍𑌰𑍀𑌂 𑌵𑌿𑌬𑍁𑌧𑌵𑌿𑌦𑍍𑌵𑌿𑌷𑌾𑌮𑍍 ॥ 1 ॥
𑌅𑌭𑍍𑌯𑌰𑍍𑌥𑌨𑍇𑌨 𑌸𑌰𑌸𑍀𑌰𑍁𑌹𑌸𑌮𑍍𑌭𑌵𑌸𑍍𑌯
𑌤𑍍𑌯𑌕𑍍𑌤𑍍𑌵𑍋𑌦𑌿𑌤𑌾 𑌭𑌗𑌵𑌦𑌕𑍍𑌷𑌿𑌪𑌿𑌧𑌾𑌨𑌲𑍀𑌲𑌾𑌮𑍍 ।
𑌵𑌿𑌶𑍍𑌵𑍇𑌶𑍍𑌵𑌰𑍀 𑌵𑌿𑌪𑌦𑌪𑌾𑌕𑌮𑌨𑍇 𑌪𑍁𑌰𑌸𑍍𑌤𑌾𑌤𑍍
𑌮𑌾𑌤𑌾 𑌮𑌮𑌾𑌸𑍍𑌤𑍁 𑌮𑌧𑍁𑌕𑍈𑌟𑌭𑌯𑍋𑌰𑍍𑌨𑌿𑌹𑌨𑍍𑌤𑍍𑌰𑍀 ॥ 2 ॥
𑌪𑍍𑌰𑌾𑌙𑍍𑌨𑌿𑌰𑍍𑌜𑌰𑍇𑌷𑍁 𑌨𑌿𑌹𑌤𑍈𑌰𑍍𑌨𑌿𑌜𑌶𑌕𑍍𑌤𑌿𑌲𑍇𑌶𑍈𑌃
𑌏𑌕𑍀𑌭𑌵𑌦𑍍𑌭𑌿𑌰𑍁𑌦𑌿𑌤𑌾𑌽𑌖𑌿𑌲𑌲𑍋𑌕𑌗𑍁𑌪𑍍𑌤𑍍𑌯𑍈 ।
𑌸𑌮𑍍𑌪𑌨𑍍𑌨𑌶𑌸𑍍𑌤𑍍𑌰𑌨𑌿𑌕𑌰𑌾 𑌚 𑌤𑌦𑌾𑌯𑍁𑌧𑌸𑍍𑌥𑍈𑌃
𑌮𑌾𑌤𑌾 𑌮𑌮𑌾𑌸𑍍𑌤𑍁 𑌮𑌹𑌿𑌷𑌾𑌨𑍍𑌤𑌕𑌰𑍀 𑌪𑍁𑌰𑌸𑍍𑌤𑌾𑌤𑍍 ॥ 3 ॥
𑌪𑍍𑌰𑌾𑌲𑍇𑌯𑌶𑍈𑌲𑌤𑌨𑌯𑌾 𑌤𑌨𑍁𑌕𑌾𑌨𑍍𑌤𑌿𑌸𑌮𑍍𑌪𑌤𑍍
𑌕𑍋𑌶𑍋𑌦𑌿𑌤𑌾 𑌕𑍁𑌵𑌲𑌯𑌚𑍍𑌛𑌵𑌿𑌚𑌾𑌰𑍁𑌦𑍇𑌹𑌾 ।
𑌨𑌾𑌰𑌾𑌯𑌣𑍀 𑌨𑌮𑌦𑌭𑍀𑌪𑍍𑌸𑌿𑌤𑌕𑌲𑍍𑌪𑌵𑌲𑍍𑌲𑍀
𑌸𑍁𑌪𑍍𑌰𑍀𑌤𑌿𑌮𑌾𑌵𑌹𑌤𑍁 𑌶𑍁𑌮𑍍𑌭𑌨𑌿𑌶𑍁𑌮𑍍𑌭𑌹𑌨𑍍𑌤𑍍𑌰𑍀 ॥ 4 ॥
𑌵𑌿𑌶𑍍𑌵𑍇𑌶𑍍𑌵𑌰𑍀𑌤𑌿 𑌮𑌹𑌿𑌷𑌾𑌨𑍍𑌤𑌕𑌰𑍀𑌤𑌿 𑌯𑌸𑍍𑌯𑌾𑌃
𑌨𑌾𑌰𑌾𑌯𑌣𑍀𑌤𑍍𑌯𑌪𑌿 𑌚 𑌨𑌾𑌮𑌭𑌿𑌰𑌙𑍍𑌕𑌿𑌤𑌾𑌨𑌿 ।
𑌸𑍂𑌕𑍍𑌤𑌾𑌨𑌿 𑌪𑌙𑍍𑌕𑌜𑌭𑍁𑌵𑌾 𑌚 𑌸𑍁𑌰𑌰𑍍𑌷𑌿𑌭𑌿𑌶𑍍𑌚
𑌦𑍃𑌷𑍍𑌟𑌾𑌨𑌿 𑌪𑌾𑌵𑌕𑌮𑍁𑌖𑍈𑌶𑍍𑌚 𑌶𑌿𑌵𑌾𑌂 𑌭𑌜𑍇 𑌤𑌾𑌮𑍍 ॥ 5 ॥
𑌉𑌤𑍍𑌪𑌤𑍍𑌤𑌿𑌦𑍈𑌤𑍍𑌯𑌹𑌨𑌨𑌸𑍍𑌤𑌵𑌨𑌾𑌤𑍍𑌮𑌕𑌾𑌨𑌿
𑌸𑌂𑌰𑌕𑍍𑌷𑌕𑌾𑌣𑍍𑌯𑌖𑌿𑌲𑌭𑍂𑌤𑌹𑌿𑌤𑌾𑌯 𑌯𑌸𑍍𑌯𑌾𑌃 ।
𑌸𑍂𑌕𑍍𑌤𑌾𑌨𑍍𑌯𑌶𑍇𑌷𑌨𑌿𑌗𑌮𑌾𑌨𑍍𑌤𑌵𑌿𑌦𑌃 𑌪𑌠𑌨𑍍𑌤𑌿
𑌤𑌾𑌂 𑌵𑌿𑌶𑍍𑌵𑌮𑌾𑌤𑌰𑌮𑌜𑌸𑍍𑌰𑌮𑌭𑌿𑌷𑍍𑌟𑌵𑍀𑌮𑌿 ॥ 6 ॥
𑌯𑍇 𑌵𑍈𑌪𑍍𑌰𑌚𑌿𑌤𑍍𑌤𑌪𑍁𑌨𑌰𑍁𑌤𑍍𑌥𑌿𑌤𑌶𑍁𑌮𑍍𑌭𑌮𑍁𑌖𑍍𑌯𑍈𑌃
𑌦𑍁𑌰𑍍𑌭𑌿𑌕𑍍𑌷𑌘𑍋𑌰𑌸𑌮𑌯𑍇𑌨 𑌚 𑌕𑌾𑌰𑌿𑌤𑌾𑌸𑍁 ।
𑌆𑌵𑌿𑌷𑍍𑌕𑍃𑌤𑌾𑌸𑍍𑌤𑍍𑌰𑌿𑌜𑌗𑌦𑌾𑌰𑍍𑌤𑌿𑌷𑍁 𑌰𑍂𑌪𑌭𑍇𑌦𑌾𑌃
𑌤𑍈𑌰𑌮𑍍𑌬𑌿𑌕𑌾 𑌸𑌮𑌭𑌿𑌰𑌕𑍍𑌷𑌤𑍁 𑌮𑌾𑌂 𑌵𑌿𑌪𑌦𑍍𑌭𑍍𑌯𑌃 ॥ 7 ॥
𑌸𑍂𑌕𑍍𑌤𑌂 𑌯𑌦𑍀𑌯𑌮𑌰𑌵𑌿𑌨𑍍𑌦𑌭𑌵𑌾𑌦𑌿 𑌦𑍃𑌷𑍍𑌟𑌂
𑌆𑌵𑌰𑍍𑌤𑍍𑌯 𑌦𑍇𑌵𑍍𑌯𑌨𑍁𑌪𑌦𑌂 𑌸𑍁𑌰𑌥𑌃 𑌸𑌮𑌾𑌧𑌿𑌃 ।
𑌦𑍍𑌵𑌾𑌵𑌪𑍍𑌯𑌵𑌾𑌪𑌤𑍁𑌰𑌭𑍀𑌷𑍍𑌟𑌮𑌨𑌨𑍍𑌯𑌲𑌭𑍍𑌯𑌂
𑌤𑌾𑌮𑌾𑌦𑌿𑌦𑍇𑌵𑌤𑌰𑍁𑌣𑍀𑌂 𑌪𑍍𑌰𑌣𑌮𑌾𑌮𑌿 𑌮𑍂𑌰𑍍𑌧𑍍𑌨𑌾 ॥ 8 ॥
𑌮𑌾𑌹𑌿𑌷𑍍𑌮𑌤𑍀𑌤𑌨𑍁𑌭𑌵𑌂 𑌚 𑌰𑍁𑌰𑍁𑌂 𑌚 𑌹𑌨𑍍𑌤𑍁𑌂
𑌆𑌵𑌿𑌷𑍍𑌕𑍃𑌤𑍈𑌰𑍍𑌨𑌿𑌜𑌰𑌸𑌾𑌦𑌵𑌤𑌾𑌰𑌭𑍇𑌦𑍈𑌃 ।
𑌅𑌷𑍍𑌟𑌾𑌦𑌶𑌾𑌹𑌤𑌨𑌵𑌾𑌹𑌤𑌕𑍋𑌟𑌿𑌸𑌙𑍍𑌖𑍍𑌯𑍈𑌃
𑌅𑌮𑍍𑌬𑌾 𑌸𑌦𑌾 𑌸𑌮𑌭𑌿𑌰𑌕𑍍𑌷𑌤𑍁 𑌮𑌾𑌂 𑌵𑌿𑌪𑌦𑍍𑌭𑍍𑌯𑌃 ॥ 9 ॥
𑌏𑌤𑌚𑍍𑌚𑌰𑌿𑌤𑍍𑌰𑌮𑌖𑌿𑌲𑌂 𑌲𑌿𑌖𑌿𑌤𑌂 𑌹𑌿 𑌯𑌸𑍍𑌯𑌾𑌃
𑌸𑌮𑍍𑌪𑍂𑌜𑌿𑌤𑌂 𑌸𑌦𑌨 𑌏𑌵 𑌨𑌿𑌵𑍇𑌶𑌿𑌤𑌂 𑌵𑌾 ।
𑌦𑍁𑌰𑍍𑌗𑌂 𑌚 𑌤𑌾𑌰𑌯𑌤𑌿 𑌦𑍁𑌸𑍍𑌤𑌰𑌮𑌪𑍍𑌯𑌶𑍇𑌷𑌂
𑌶𑍍𑌰𑍇𑌯𑌃 𑌪𑍍𑌰𑌯𑌚𑍍𑌛𑌤𑌿 𑌚 𑌸𑌰𑍍𑌵𑌮𑍁𑌮𑌾𑌂 𑌭𑌜𑍇 𑌤𑌾𑌮𑍍 ॥ 10 ॥
𑌯𑌤𑍍𑌪𑍂𑌜𑌨𑌸𑍍𑌤𑍁𑌤𑌿𑌨𑌮𑌸𑍍𑌕𑍃𑌤𑌿𑌭𑌿𑌰𑍍𑌭𑌵𑌨𑍍𑌤𑌿
𑌪𑍍𑌰𑍀𑌤𑌾𑌃 𑌪𑌿𑌤𑌾𑌮𑌹𑌰𑌮𑍇𑌶𑌹𑌰𑌾𑌸𑍍𑌤𑍍𑌰𑌯𑍋𑌽𑌪𑌿 ।
𑌤𑍇𑌷𑌾𑌮𑌪𑌿 𑌸𑍍𑌵𑌕𑌗𑍁𑌣𑍈𑌰𑍍𑌦𑌦𑌤𑍀 𑌵𑌪𑍂𑌂𑌷𑌿
𑌤𑌾𑌮𑍀𑌶𑍍𑌵𑌰𑌸𑍍𑌯 𑌤𑌰𑍁𑌣𑍀𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 11 ॥
𑌕𑌾𑌨𑍍𑌤𑌾𑌰𑌮𑌧𑍍𑌯𑌦𑍃𑌢𑌲𑌗𑍍𑌨𑌤𑌯𑌾𑌽𑌵𑌸𑌨𑍍𑌨𑌾𑌃
𑌮𑌗𑍍𑌨𑌾𑌶𑍍𑌚 𑌵𑌾𑌰𑌿𑌧𑌿𑌜𑌲𑍇 𑌰𑌿𑌪𑍁𑌭𑌿𑌶𑍍𑌚 𑌰𑍁𑌦𑍍𑌧𑌾𑌃 ।
𑌯𑌸𑍍𑌯𑌾𑌃 𑌪𑍍𑌰𑌪𑌦𑍍𑌯 𑌚𑌰𑌣𑍗 𑌵𑌿𑌪𑌦𑌸𑍍𑌤𑌰𑌨𑍍𑌤𑌿
𑌸𑌾 𑌮𑍇 𑌸𑌦𑌾𑌽𑌸𑍍𑌤𑍁 𑌹𑍃𑌦𑌿 𑌸𑌰𑍍𑌵𑌜𑌗𑌤𑍍𑌸𑌵𑌿𑌤𑍍𑌰𑍀 ॥ 12 ॥
𑌬𑌨𑍍𑌧𑍇 𑌵𑌧𑍇 𑌮𑌹𑌤𑌿 𑌮𑍃𑌤𑍍𑌯𑍁𑌭𑌯𑍇 𑌪𑍍𑌰𑌸𑌕𑍍𑌤𑍇
𑌵𑌿𑌤𑍍𑌤𑌕𑍍𑌷𑌯𑍇 𑌚 𑌵𑌿𑌵𑌿𑌧𑍇 𑌯 𑌮𑌹𑍋𑌪𑌤𑌾𑌪𑍇 ।
𑌯𑌤𑍍𑌪𑌾𑌦𑌪𑍂𑌜𑌨𑌮𑌿𑌹 𑌪𑍍𑌰𑌤𑌿𑌕𑌾𑌰𑌮𑌾𑌹𑍁𑌃
𑌸𑌾 𑌮𑍇 𑌸𑌮𑌸𑍍𑌤𑌜𑌨𑌨𑍀 𑌶𑌰𑌣𑌂 𑌭𑌵𑌾𑌨𑍀 ॥ 13 ॥
𑌬𑌾𑌣𑌾𑌸𑍁𑌰𑌪𑍍𑌰𑌹𑌿𑌤𑌪𑌨𑍍𑌨𑌗𑌬𑌨𑍍𑌧𑌮𑍋𑌕𑍍𑌷𑌃
𑌤𑌦𑍍𑌬𑌾𑌹𑍁𑌦𑌰𑍍𑌪𑌦𑌲𑌨𑌾𑌦𑍁𑌷𑌯𑌾 𑌚 𑌯𑍋𑌗𑌃 ।
𑌪𑍍𑌰𑌾𑌦𑍍𑌯𑍁𑌮𑍍𑌨𑌿𑌨𑌾 𑌦𑍍𑌰𑍁𑌤𑌮𑌲𑌭𑍍𑌯𑌤 𑌯𑌤𑍍𑌪𑍍𑌰𑌸𑌾𑌦𑌾𑌤𑍍
𑌸𑌾 𑌮𑍇 𑌶𑌿𑌵𑌾 𑌸𑌕𑌲𑌮𑌪𑍍𑌯𑌶𑍁𑌭𑌂 𑌕𑍍𑌷𑌿𑌣𑍋𑌤𑍁 ॥ 14 ॥
𑌪𑌾𑌪𑌃 𑌪𑍁𑌲𑌸𑍍𑌤𑍍𑌯𑌤𑌨𑌯𑌃 𑌪𑍁𑌨𑌰𑍁𑌤𑍍𑌥𑌿𑌤𑍋 𑌮𑌾𑌂
𑌅𑌦𑍍𑌯𑌾𑌪𑌿 𑌹𑌰𑍍𑌤𑍁𑌮𑌯𑌮𑌾𑌗𑌤 𑌇𑌤𑍍𑌯𑍁𑌦𑍀𑌤𑌮𑍍 ।
𑌯𑌤𑍍𑌸𑍇𑌵𑌨𑍇𑌨 𑌭𑌯𑌮𑌿𑌨𑍍𑌦𑌿𑌰𑌯𑌾𑌽𑌵𑌧𑍂𑌤𑌂
𑌤𑌾𑌮𑌾𑌦𑌿𑌦𑍇𑌵𑌤𑌰𑍁𑌣𑍀𑌂 𑌶𑌰𑌣𑌂 𑌗𑌤𑍋𑌽𑌸𑍍𑌮𑌿 ॥ 15 ॥
𑌯𑌦𑍍𑌧𑍍𑌯𑌾𑌨𑌜𑌂 𑌸𑍁𑌖𑌮𑌵𑌾𑌪𑍍𑌯𑌮𑌨𑌨𑍍𑌤𑌪𑍁𑌣𑍍𑌯𑍈𑌃
𑌸𑌾𑌕𑍍𑌷𑌾𑌤𑍍𑌤𑌮𑌚𑍍𑌯𑍁𑌤 𑌪𑌰𑌿𑌗𑍍𑌰𑌹𑌮𑌾𑌶𑍍𑌵𑌵𑌾𑌪𑍁𑌃 ।
𑌗𑍋𑌪𑌾𑌙𑍍𑌗𑌨𑌾𑌃 𑌕𑌿𑌲 𑌯𑌦𑌰𑍍𑌚𑌨𑌪𑍁𑌣𑍍𑌯𑌮𑌾𑌤𑍍𑌰𑌾𑌃
𑌸𑌾 𑌮𑍇 𑌸𑌦𑌾 𑌭𑌗𑌵𑌤𑍀 𑌭𑌵𑌤𑍁 𑌪𑍍𑌰𑌸𑌨𑍍𑌨𑌾 ॥ 16 ॥
𑌰𑌾𑌤𑍍𑌰𑌿𑌂 𑌪𑍍𑌰𑌪𑌦𑍍𑌯 𑌇𑌤𑌿 𑌮𑌨𑍍𑌤𑍍𑌰𑌵𑌿𑌦𑌃 𑌪𑍍𑌰𑌪𑌨𑍍𑌨𑌾𑌨𑍍
𑌉𑌦𑍍𑌬𑍋𑌧𑍍𑌯 𑌮𑍃𑌤𑍍𑌯𑍁𑌵𑌧𑌿𑌮𑌨𑍍𑌯𑌫𑌲𑍈𑌃 𑌪𑍍𑌰𑌲𑍋𑌭𑍍𑌯 ।
𑌬𑍁𑌦𑍍𑌧𑍍𑌵𑌾 𑌚 𑌤𑌦𑍍𑌵𑌿𑌮𑍁𑌖𑌤𑌾𑌂 𑌪𑍍𑌰𑌤𑌨𑌂 𑌨𑌯𑌨𑍍𑌤𑍀𑌂
𑌆𑌕𑌾𑌶𑌮𑌾𑌦𑌿𑌜𑌨𑌨𑍀𑌂 𑌜𑌗𑌤𑌾𑌂 𑌭𑌜𑍇 𑌤𑌾𑌮𑍍 ॥ 17 ॥
𑌦𑍇𑌶𑌕𑌾𑌲𑍇𑌷𑍁 𑌦𑍁𑌷𑍍𑌟𑍇𑌷𑍁 𑌦𑍁𑌰𑍍𑌗𑌾𑌚𑌨𑍍𑌦𑍍𑌰𑌕𑌲𑌾𑌸𑍍𑌤𑍁𑌤𑌿𑌃 ।
𑌸𑌨𑍍𑌧𑍍𑌯𑌯𑍋𑌰𑌨𑍁𑌸𑌨𑍍𑌧𑍇𑌯𑌾 𑌸𑌰𑍍𑌵𑌾𑌪𑌦𑍍𑌵𑌿𑌨𑌿𑌵𑍃𑌤𑍍𑌤𑌯𑍇 ॥ 18 ॥
𑌇𑌤𑌿 𑌶𑍍𑌰𑍀𑌮𑌦𑌪𑌯𑍍𑌯𑌦𑍀𑌕𑍍𑌷𑌿𑌤𑌵𑌿𑌰𑌚𑌿𑌤𑌾 𑌦𑍁𑌰𑍍𑌗𑌾𑌚𑌨𑍍𑌦𑍍𑌰𑌕𑌲𑌾𑌸𑍍𑌤𑍁𑌤𑌿𑌃 ॥
Roman (IAST) Transliteration
dhyānam
umākānte ramākānte eṣāmāsī-nmatissamā |
namāmi dīkṣitendrāṃ stān nayaṣaṭka-viśāradām ||
vedhoharīśvarastutyāṃ vihartrīṃ vindhyabhūdhare |
haraprāṇeśvarīṃ vande hantrīṃ vibudhavidviṣām || 1 ||
abhyarthanena sarasīruhasambhavasya
tyaktvoditā bhagavadakṣipidhānalīlām |
viśveśvarī vipadapākamane purastāt
mātā mamāstu madhukaiṭabhayornihantrī || 2 ||
prāṅnirjareṣu nihatairnijaśaktileśaiḥ
ekībhavadbhiruditā'khilalokaguptyai |
sampannaśastranikarā ca tadāyudhasthaiḥ
mātā mamāstu mahiṣāntakarī purastāt || 3 ||
prāleyaśailatanayā tanukāntisampat
kośoditā kuvalayacchavicārudehā |
nārāyaṇī namadabhīpsitakalpavallī
suprītimāvahatu śumbhaniśumbhahantrī || 4 ||
viśveśvarīti mahiṣāntakarīti yasyāḥ
nārāyaṇītyapi ca nāmabhiraṅkitāni |
sūktāni paṅkajabhuvā ca surarṣibhiśca
dṛṣṭāni pāvakamukhaiśca śivāṃ bhaje tām || 5 ||
utpattidaityahananastavanātmakāni
saṃrakṣakāṇyakhilabhūtahitāya yasyāḥ |
sūktānyaśeṣanigamāntavidaḥ paṭhanti
tāṃ viśvamātaramajasramabhiṣṭavīmi || 6 ||
ye vaipracittapunarutthitaśumbhamukhyaiḥ
durbhikṣaghorasamayena ca kāritāsu |
āviṣkṛtāstrijagadārtiṣu rūpabhedāḥ
tairambikā samabhirakṣatu māṃ vipadbhyaḥ || 7 ||
sūktaṃ yadīyamaravindabhavādi dṛṣṭaṃ
āvartya devyanupadaṃ surathaḥ samādhiḥ |
dvāvapyavāpaturabhīṣṭamananyalabhyaṃ
tāmādidevataruṇīṃ praṇamāmi mūrdhnā || 8 ||
māhiṣmatītanubhavaṃ ca ruruṃ ca hantuṃ
āviṣkṛtairnijarasādavatārabhedaiḥ |
aṣṭādaśāhatanavāhatakoṭisaṅkhyaiḥ
ambā sadā samabhirakṣatu māṃ vipadbhyaḥ || 9 ||
etaccaritramakhilaṃ likhitaṃ hi yasyāḥ
sampūjitaṃ sadana eva niveśitaṃ vā |
durgaṃ ca tārayati dustaramapyaśeṣaṃ
śreyaḥ prayacchati ca sarvamumāṃ bhaje tām || 10 ||
yatpūjanastutinamaskṛtibhirbhavanti
prītāḥ pitāmaharameśaharāstrayo'pi |
teṣāmapi svakaguṇairdadatī vapūṃṣi
tāmīśvarasya taruṇīṃ śaraṇaṃ prapadye || 11 ||
kāntāramadhyadṛḍhalagnatayā'vasannāḥ
magnāśca vāridhijale ripubhiśca ruddhāḥ |
yasyāḥ prapadya caraṇau vipadastaranti
sā me sadā'stu hṛdi sarvajagatsavitrī || 12 ||
bandhe vadhe mahati mṛtyubhaye prasakte
vittakṣaye ca vividhe ya mahopatāpe |
yatpādapūjanamiha pratikāramāhuḥ
sā me samastajananī śaraṇaṃ bhavānī || 13 ||
bāṇāsuraprahitapannagabandhamokṣaḥ
tadbāhudarpadalanāduṣayā ca yogaḥ |
prādyumninā drutamalabhyata yatprasādāt
sā me śivā sakalamapyaśubhaṃ kṣiṇotu || 14 ||
pāpaḥ pulastyatanayaḥ punarutthito māṃ
adyāpi hartumayamāgata ityudītam |
yatsevanena bhayamindirayā'vadhūtaṃ
tāmādidevataruṇīṃ śaraṇaṃ gato'smi || 15 ||
yaddhyānajaṃ sukhamavāpyamanantapuṇyaiḥ
sākṣāttamacyuta parigrahamāśvavāpuḥ |
gopāṅganāḥ kila yadarcanapuṇyamātrāḥ
sā me sadā bhagavatī bhavatu prasannā || 16 ||
rātriṃ prapadya iti mantravidaḥ prapannān
udbodhya mṛtyuvadhimanyaphalaiḥ pralobhya |
buddhvā ca tadvimukhatāṃ pratanaṃ nayantīṃ
ākāśamādijananīṃ jagatāṃ bhaje tām || 17 ||
deśakāleṣu duṣṭeṣu durgācandrakalāstutiḥ |
sandhyayoranusandheyā sarvāpadvinivṛttaye || 18 ||
iti śrīmadapayyadīkṣitaviracitā durgācandrakalāstutiḥ ||
Sanskrit — Devanagari (original)
ध्यानम्
उमाकान्ते रमाकान्ते एषामासी-न्मतिस्समा ।
नमामि दीक्षितेन्द्रां स्तान् नयषट्क-विशारदाम् ॥
वेधोहरीश्वरस्तुत्यां विहर्त्रीं विन्ध्यभूधरे ।
हरप्राणेश्वरीं वन्दे हन्त्रीं विबुधविद्विषाम् ॥ 1 ॥
अभ्यर्थनेन सरसीरुहसम्भवस्य
त्यक्त्वोदिता भगवदक्षिपिधानलीलाम् ।
विश्वेश्वरी विपदपाकमने पुरस्तात्
माता ममास्तु मधुकैटभयोर्निहन्त्री ॥ 2 ॥
प्राङ्निर्जरेषु निहतैर्निजशक्तिलेशैः
एकीभवद्भिरुदिताऽखिललोकगुप्त्यै ।
सम्पन्नशस्त्रनिकरा च तदायुधस्थैः
माता ममास्तु महिषान्तकरी पुरस्तात् ॥ 3 ॥
प्रालेयशैलतनया तनुकान्तिसम्पत्
कोशोदिता कुवलयच्छविचारुदेहा ।
नारायणी नमदभीप्सितकल्पवल्ली
सुप्रीतिमावहतु शुम्भनिशुम्भहन्त्री ॥ 4 ॥
विश्वेश्वरीति महिषान्तकरीति यस्याः
नारायणीत्यपि च नामभिरङ्कितानि ।
सूक्तानि पङ्कजभुवा च सुरर्षिभिश्च
दृष्टानि पावकमुखैश्च शिवां भजे ताम् ॥ 5 ॥
उत्पत्तिदैत्यहननस्तवनात्मकानि
संरक्षकाण्यखिलभूतहिताय यस्याः ।
सूक्तान्यशेषनिगमान्तविदः पठन्ति
तां विश्वमातरमजस्रमभिष्टवीमि ॥ 6 ॥
ये वैप्रचित्तपुनरुत्थितशुम्भमुख्यैः
दुर्भिक्षघोरसमयेन च कारितासु ।
आविष्कृतास्त्रिजगदार्तिषु रूपभेदाः
तैरम्बिका समभिरक्षतु मां विपद्भ्यः ॥ 7 ॥
सूक्तं यदीयमरविन्दभवादि दृष्टं
आवर्त्य देव्यनुपदं सुरथः समाधिः ।
द्वावप्यवापतुरभीष्टमनन्यलभ्यं
तामादिदेवतरुणीं प्रणमामि मूर्ध्ना ॥ 8 ॥
माहिष्मतीतनुभवं च रुरुं च हन्तुं
आविष्कृतैर्निजरसादवतारभेदैः ।
अष्टादशाहतनवाहतकोटिसङ्ख्यैः
अम्बा सदा समभिरक्षतु मां विपद्भ्यः ॥ 9 ॥
एतच्चरित्रमखिलं लिखितं हि यस्याः
सम्पूजितं सदन एव निवेशितं वा ।
दुर्गं च तारयति दुस्तरमप्यशेषं
श्रेयः प्रयच्छति च सर्वमुमां भजे ताम् ॥ 10 ॥
यत्पूजनस्तुतिनमस्कृतिभिर्भवन्ति
प्रीताः पितामहरमेशहरास्त्रयोऽपि ।
तेषामपि स्वकगुणैर्ददती वपूंषि
तामीश्वरस्य तरुणीं शरणं प्रपद्ये ॥ 11 ॥
कान्तारमध्यदृढलग्नतयाऽवसन्नाः
मग्नाश्च वारिधिजले रिपुभिश्च रुद्धाः ।
यस्याः प्रपद्य चरणौ विपदस्तरन्ति
सा मे सदाऽस्तु हृदि सर्वजगत्सवित्री ॥ 12 ॥
बन्धे वधे महति मृत्युभये प्रसक्ते
वित्तक्षये च विविधे य महोपतापे ।
यत्पादपूजनमिह प्रतिकारमाहुः
सा मे समस्तजननी शरणं भवानी ॥ 13 ॥
बाणासुरप्रहितपन्नगबन्धमोक्षः
तद्बाहुदर्पदलनादुषया च योगः ।
प्राद्युम्निना द्रुतमलभ्यत यत्प्रसादात्
सा मे शिवा सकलमप्यशुभं क्षिणोतु ॥ 14 ॥
पापः पुलस्त्यतनयः पुनरुत्थितो मां
अद्यापि हर्तुमयमागत इत्युदीतम् ।
यत्सेवनेन भयमिन्दिरयाऽवधूतं
तामादिदेवतरुणीं शरणं गतोऽस्मि ॥ 15 ॥
यद्ध्यानजं सुखमवाप्यमनन्तपुण्यैः
साक्षात्तमच्युत परिग्रहमाश्ववापुः ।
गोपाङ्गनाः किल यदर्चनपुण्यमात्राः
सा मे सदा भगवती भवतु प्रसन्ना ॥ 16 ॥
रात्रिं प्रपद्य इति मन्त्रविदः प्रपन्नान्
उद्बोध्य मृत्युवधिमन्यफलैः प्रलोभ्य ।
बुद्ध्वा च तद्विमुखतां प्रतनं नयन्तीं
आकाशमादिजननीं जगतां भजे ताम् ॥ 17 ॥
देशकालेषु दुष्टेषु दुर्गाचन्द्रकलास्तुतिः ।
सन्ध्ययोरनुसन्धेया सर्वापद्विनिवृत्तये ॥ 18 ॥
इति श्रीमदपय्यदीक्षितविरचिता दुर्गाचन्द्रकलास्तुतिः ॥
dhyānam
umākānte ramākānte eṣāmāsī-nmatissamā |
namāmi dīkṣitendrāṃ stān nayaṣaṭka-viśāradām ||
vedhoharīśvarastutyāṃ vihartrīṃ vindhyabhūdhare |
haraprāṇeśvarīṃ vande hantrīṃ vibudhavidviṣām || 1 ||
abhyarthanena sarasīruhasambhavasya
tyaktvoditā bhagavadakṣipidhānalīlām |
viśveśvarī vipadapākamane purastāt
mātā mamāstu madhukaiṭabhayornihantrī || 2 ||
prāṅnirjareṣu nihatairnijaśaktileśaiḥ
ekībhavadbhiruditā'khilalokaguptyai |
sampannaśastranikarā ca tadāyudhasthaiḥ
mātā mamāstu mahiṣāntakarī purastāt || 3 ||
prāleyaśailatanayā tanukāntisampat
kośoditā kuvalayacchavicārudehā |
nārāyaṇī namadabhīpsitakalpavallī
suprītimāvahatu śumbhaniśumbhahantrī || 4 ||
viśveśvarīti mahiṣāntakarīti yasyāḥ
nārāyaṇītyapi ca nāmabhiraṅkitāni |
sūktāni paṅkajabhuvā ca surarṣibhiśca
dṛṣṭāni pāvakamukhaiśca śivāṃ bhaje tām || 5 ||
utpattidaityahananastavanātmakāni
saṃrakṣakāṇyakhilabhūtahitāya yasyāḥ |
sūktānyaśeṣanigamāntavidaḥ paṭhanti
tāṃ viśvamātaramajasramabhiṣṭavīmi || 6 ||
ye vaipracittapunarutthitaśumbhamukhyaiḥ
durbhikṣaghorasamayena ca kāritāsu |
āviṣkṛtāstrijagadārtiṣu rūpabhedāḥ
tairambikā samabhirakṣatu māṃ vipadbhyaḥ || 7 ||
sūktaṃ yadīyamaravindabhavādi dṛṣṭaṃ
āvartya devyanupadaṃ surathaḥ samādhiḥ |
dvāvapyavāpaturabhīṣṭamananyalabhyaṃ
tāmādidevataruṇīṃ praṇamāmi mūrdhnā || 8 ||
māhiṣmatītanubhavaṃ ca ruruṃ ca hantuṃ
āviṣkṛtairnijarasādavatārabhedaiḥ |
aṣṭādaśāhatanavāhatakoṭisaṅkhyaiḥ
ambā sadā samabhirakṣatu māṃ vipadbhyaḥ || 9 ||
etaccaritramakhilaṃ likhitaṃ hi yasyāḥ
sampūjitaṃ sadana eva niveśitaṃ vā |
durgaṃ ca tārayati dustaramapyaśeṣaṃ
śreyaḥ prayacchati ca sarvamumāṃ bhaje tām || 10 ||
yatpūjanastutinamaskṛtibhirbhavanti
prītāḥ pitāmaharameśaharāstrayo'pi |
teṣāmapi svakaguṇairdadatī vapūṃṣi
tāmīśvarasya taruṇīṃ śaraṇaṃ prapadye || 11 ||
kāntāramadhyadṛḍhalagnatayā'vasannāḥ
magnāśca vāridhijale ripubhiśca ruddhāḥ |
yasyāḥ prapadya caraṇau vipadastaranti
sā me sadā'stu hṛdi sarvajagatsavitrī || 12 ||
bandhe vadhe mahati mṛtyubhaye prasakte
vittakṣaye ca vividhe ya mahopatāpe |
yatpādapūjanamiha pratikāramāhuḥ
sā me samastajananī śaraṇaṃ bhavānī || 13 ||
bāṇāsuraprahitapannagabandhamokṣaḥ
tadbāhudarpadalanāduṣayā ca yogaḥ |
prādyumninā drutamalabhyata yatprasādāt
sā me śivā sakalamapyaśubhaṃ kṣiṇotu || 14 ||
pāpaḥ pulastyatanayaḥ punarutthito māṃ
adyāpi hartumayamāgata ityudītam |
yatsevanena bhayamindirayā'vadhūtaṃ
tāmādidevataruṇīṃ śaraṇaṃ gato'smi || 15 ||
yaddhyānajaṃ sukhamavāpyamanantapuṇyaiḥ
sākṣāttamacyuta parigrahamāśvavāpuḥ |
gopāṅganāḥ kila yadarcanapuṇyamātrāḥ
sā me sadā bhagavatī bhavatu prasannā || 16 ||
rātriṃ prapadya iti mantravidaḥ prapannān
udbodhya mṛtyuvadhimanyaphalaiḥ pralobhya |
buddhvā ca tadvimukhatāṃ pratanaṃ nayantīṃ
ākāśamādijananīṃ jagatāṃ bhaje tām || 17 ||
deśakāleṣu duṣṭeṣu durgācandrakalāstutiḥ |
sandhyayoranusandheyā sarvāpadvinivṛttaye || 18 ||
iti śrīmadapayyadīkṣitaviracitā durgācandrakalāstutiḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.