Shri Annapurna Stotram — Sinhala Script

නිත්යානන්දකරී වරාභයකරී සෞන්දර්ය රත්නාකරී

නිර්ධූතාඛිල ඝෝර පාවනකරී ප්රත්යක්ෂ මාහේශ්වරී .

ප්රාලේයාචල වංශ පාවනකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 1 ..

නානා රත්න විචිත්ර භූෂණකරි හේමාම්බරාඩම්බරී

මුක්තාහාර විලම්බමාන විලසත්-වක්ෂෝජ කුම්භාන්තරී .

කාශ්මීරාගරු වාසිතා රුචිකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 2 ..

යෝගානන්දකරී රිපුක්ෂයකරී ධර්මෛක්ය නිෂ්ඨාකරී

චන්ද්රාර්කානල භාසමාන ලහරී ත්රෛලෝක්ය රක්ෂාකරී .

සර්වෛශ්වර්යකරී තපඃ ඵලකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 3 ..

කෛලාසාචල කන්දරාලයකරී ගෞරී-හ්යුමාශාඞ්කරී

කෞමාරී නිගමාර්ථ-ගෝචරකරී-හ්යෝඞ්කාර-බීජාක්ෂරී .

මෝක්ෂද්වාර-කවාටපාටනකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 4 ..

දෘශ්යාදෘශ්ය-විභූති-වාහනකරී බ්රහ්මාණ්ඩ-භාණ්ඩෝදරී

ලීලා-නාටක-සූත්ර-ඛේලනකරී විජ්ඤාන-දීපාඞ්කුරී .

ශ්රීවිශ්වේශමනඃ-ප්රසාදනකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 5 ..

උර්වීසර්වජයේශ්වරී භගවතී [ජයකරී] මාතා කෘපාසාගරී

වේණී-නීලසමාන-කුන්තලධරී නිත්යාන්න-දානේශ්වරී .

සාක්ෂාන්මෝක්ෂකරී සදා ශුභකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 6 ..

ආදික්ෂාන්ත-සමස්තවර්ණනකරී ශම්භෝස්ත්රිභාවාකරී

කාශ්මීරා ත්රිපුරේශ්වරී ත්රිනයනි විශ්වේශ්වරී ශර්වරී .

ස්වර්ගද්වාර-කපාට-පාටනකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 7 ..

දේවී සර්වවිචිත්ර-රත්නරුචිතා දාක්ෂායිණී සුන්දරී

වාමා-ස්වාදුපයෝධරා ප්රියකරී සෞභාග්යමාහේශ්වරී .

භක්තාභීෂ්ටකරී සදා ශුභකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 8 ..

චන්ද්රාර්කානල-කෝටිකෝටි-සදෘශී චන්ද්රාංශු-බිම්බාධරී

චන්ද්රාර්කාග්නි-සමාන-කුණ්ඩල-ධරී චන්ද්රාර්ක-වර්ණේශ්වරී

මාලා-පුස්තක-පාශසාඞ්කුශධරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 9 ..

ක්ෂත්රත්රාණකරී මහාභයකරී මාතා කෘපාසාගරී

සර්වානන්දකරී සදා ශිවකරී විශ්වේශ්වරී ශ්රීධරී .

දක්ෂාක්රන්දකරී නිරාමයකරී කාශීපුරාධීශ්වරී

භික්ෂාං දේහි කෘපාවලම්බනකරී මාතාන්නපූර්ණේශ්වරී .. 10 ..

අන්නපූර්ණේ සදාපූර්ණේ ශඞ්කර-ප්රාණවල්ලභේ .

ජ්ඤාන-වෛරාග්ය-සිද්ධ්යර්ථං භික්ෂාං දේහි ච පාර්වතී .. 11 ..

මාතා ච පාර්වතීදේවී පිතාදේවෝ මහේශ්වරඃ .

බාන්ධවා: ශිවභක්තාශ්ච ස්වදේශෝ භුවනත්රයම් .. 12 ..

සර්ව-මඞ්ගල-මාඞ්ගල්යේ ශිවේ සර්වාර්ථ-සාධිකේ .

ශරණ්යේ ත්ර්යම්බකේ ගෞරි නාරායණි නමෝ(අ)ස්තු තේ .. 13 ..

ඉති ශ්රීමත්පරමහංසපරිව්රාජකාචාර්යස්ය ශ්රීගෝවින්දභගවත්පූජ්යපාදශිෂ්යස්ය ශ්රීමච්ඡඞ්කරභගවතඃ කෘතෞ අන්නපූර්ණා ස්තෝත්රම් .

Roman (IAST) Transliteration

nityānandakarī varābhayakarī saundarya ratnākarī

nirdhūtākhila ghora pāvanakarī pratyakṣa māheśvarī |

prāleyācala vaṃśa pāvanakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 1 ||

nānā ratna vicitra bhūṣaṇakari hemāmbarāḍambarī

muktāhāra vilambamāna vilasat-vakṣoja kumbhāntarī |

kāśmīrāgaru vāsitā rucikarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 2 ||

yogānandakarī ripukṣayakarī dharmaikya niṣṭhākarī

candrārkānala bhāsamāna laharī trailokya rakṣākarī |

sarvaiśvaryakarī tapaḥ phalakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 3 ||

kailāsācala kandarālayakarī gaurī-hyumāśāṅkarī

kaumārī nigamārtha-gocarakarī-hyoṅkāra-bījākṣarī |

mokṣadvāra-kavāṭapāṭanakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 4 ||

dṛśyādṛśya-vibhūti-vāhanakarī brahmāṇḍa-bhāṇḍodarī

līlā-nāṭaka-sūtra-khelanakarī vijñāna-dīpāṅkurī |

śrīviśveśamanaḥ-prasādanakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 5 ||

urvīsarvajayeśvarī bhagavatī [jayakarī] mātā kṛpāsāgarī

veṇī-nīlasamāna-kuntaladharī nityānna-dāneśvarī |

sākṣānmokṣakarī sadā śubhakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 6 ||

ādikṣānta-samastavarṇanakarī śambhostribhāvākarī

kāśmīrā tripureśvarī trinayani viśveśvarī śarvarī |

svargadvāra-kapāṭa-pāṭanakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 7 ||

devī sarvavicitra-ratnarucitā dākṣāyiṇī sundarī

vāmā-svādupayodharā priyakarī saubhāgyamāheśvarī |

bhaktābhīṣṭakarī sadā śubhakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 8 ||

candrārkānala-koṭikoṭi-sadṛśī candrāṃśu-bimbādharī

candrārkāgni-samāna-kuṇḍala-dharī candrārka-varṇeśvarī

mālā-pustaka-pāśasāṅkuśadharī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 9 ||

kṣatratrāṇakarī mahābhayakarī mātā kṛpāsāgarī

sarvānandakarī sadā śivakarī viśveśvarī śrīdharī |

dakṣākrandakarī nirāmayakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 10 ||

annapūrṇe sadāpūrṇe śaṅkara-prāṇavallabhe |

jñāna-vairāgya-siddhyarthaṃ bhikṣāṃ dehi ca pārvatī || 11 ||

mātā ca pārvatīdevī pitādevo maheśvaraḥ |

bāndhavā: śivabhaktāśca svadeśo bhuvanatrayam || 12 ||

sarva-maṅgala-māṅgalye śive sarvārtha-sādhike |

śaraṇye tryambake gauri nārāyaṇi namo'stu te || 13 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau annapūrṇā stotram |

Sanskrit — Devanagari (original)

नित्यानन्दकरी वराभयकरी सौन्दर्य रत्नाकरी

निर्धूताखिल घोर पावनकरी प्रत्यक्ष माहेश्वरी ।

प्रालेयाचल वंश पावनकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 1 ॥

नाना रत्न विचित्र भूषणकरि हेमाम्बराडम्बरी

मुक्ताहार विलम्बमान विलसत्-वक्षोज कुम्भान्तरी ।

काश्मीरागरु वासिता रुचिकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 2 ॥

योगानन्दकरी रिपुक्षयकरी धर्मैक्य निष्ठाकरी

चन्द्रार्कानल भासमान लहरी त्रैलोक्य रक्षाकरी ।

सर्वैश्वर्यकरी तपः फलकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 3 ॥

कैलासाचल कन्दरालयकरी गौरी-ह्युमाशाङ्करी

कौमारी निगमार्थ-गोचरकरी-ह्योङ्कार-बीजाक्षरी ।

मोक्षद्वार-कवाटपाटनकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 4 ॥

दृश्यादृश्य-विभूति-वाहनकरी ब्रह्माण्ड-भाण्डोदरी

लीला-नाटक-सूत्र-खेलनकरी विज्ञान-दीपाङ्कुरी ।

श्रीविश्वेशमनः-प्रसादनकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 5 ॥

उर्वीसर्वजयेश्वरी भगवती [जयकरी] माता कृपासागरी

वेणी-नीलसमान-कुन्तलधरी नित्यान्न-दानेश्वरी ।

साक्षान्मोक्षकरी सदा शुभकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 6 ॥

आदिक्षान्त-समस्तवर्णनकरी शम्भोस्त्रिभावाकरी

काश्मीरा त्रिपुरेश्वरी त्रिनयनि विश्वेश्वरी शर्वरी ।

स्वर्गद्वार-कपाट-पाटनकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 7 ॥

देवी सर्वविचित्र-रत्नरुचिता दाक्षायिणी सुन्दरी

वामा-स्वादुपयोधरा प्रियकरी सौभाग्यमाहेश्वरी ।

भक्ताभीष्टकरी सदा शुभकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 8 ॥

चन्द्रार्कानल-कोटिकोटि-सदृशी चन्द्रांशु-बिम्बाधरी

चन्द्रार्काग्नि-समान-कुण्डल-धरी चन्द्रार्क-वर्णेश्वरी

माला-पुस्तक-पाशसाङ्कुशधरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 9 ॥

क्षत्रत्राणकरी महाभयकरी माता कृपासागरी

सर्वानन्दकरी सदा शिवकरी विश्वेश्वरी श्रीधरी ।

दक्षाक्रन्दकरी निरामयकरी काशीपुराधीश्वरी

भिक्षां देहि कृपावलम्बनकरी मातान्नपूर्णेश्वरी ॥ 10 ॥

अन्नपूर्णे सदापूर्णे शङ्कर-प्राणवल्लभे ।

ज्ञान-वैराग्य-सिद्ध्यर्थं भिक्षां देहि च पार्वती ॥ 11 ॥

माता च पार्वतीदेवी पितादेवो महेश्वरः ।

बान्धवा: शिवभक्ताश्च स्वदेशो भुवनत्रयम् ॥ 12 ॥

सर्व-मङ्गल-माङ्गल्ये शिवे सर्वार्थ-साधिके ।

शरण्ये त्र्यम्बके गौरि नारायणि नमोऽस्तु ते ॥ 13 ॥

इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ अन्नपूर्णा स्तोत्रम् ।