Navagraha Mangala Shlokah (navagraha Mangalashtakam) — Sinhala Script

භාස්වාන් කාශ්යපගෝත්රජෝ(අ)රුණරුචිර්යඃ සිංහපෝ(අ)ර්කඃ සමි-

-ත්ෂට්ත්රිස්ථෝ(අ)දශශෝභනෝ ගුරුශශී භෞමාඃ සුමිත්රාඃ සදා .

ශුක්රෝ මන්දරිපුඃ කලිඞ්ගජනපශ්චාග්නීශ්වරෞ දේවතේ

මධ්යේවර්තුලපූර්වදිග්දිනකරඃ කුර්යාත්සදා මඞ්ගලම් .. 1 ..

චන්ද්රඃ කර්කටකප්රභුඃ සිතනිභශ්චාත්රේයගෝත්රෝද්භව-

-ශ්චාත්රේයශ්චතුරශ්රවාරුණමුඛශ්චාපේ උමාධීශ්වරඃ .

ෂට්සප්තාග්නි දශෛකශෝභනඵලෝ නෝරිර්බුධාර්කෞප්රියෞ

ස්වාමී යාමුනජශ්ච පර්ණසමිධඃ කුර්යාත්සදා මඞ්ගලම් .. 2 ..

භෞමෝ දක්ෂිණදික්ත්රිකෝණයමදිග්වින්ධ්යේශ්වරඃ ඛාදිරඃ

ස්වාමී වෘශ්චිකමේෂයෝස්තු සුගුරුශ්චාර්කඃ ශශී සෞහෘදඃ .

ජ්ඤෝ(අ)රිඃ ෂට්ත්රිඵලප්රදශ්ච වසුධාස්කන්දෞ ක්රමාද්දේවතේ

භාරද්වාජකුලෝද්වහෝ(අ)රුණරුචිඃ කුර්යාත්සදා මඞ්ගලම් .. 3 ..

සෞම්යඃ පීත උදඞ්මුඛඃ සමිදපාමාර්ගෝ(අ)ත්රිගෝත්රෝද්භවෝ

බාණේශානදිශඃ සුහෘද්රවිසුතඃ ශාන්තඃ සුතඃ ශීතගෝඃ .

කන්යායුග්මපතිර්දශාෂ්ටචතුරඃ ෂණ්ණේත්රගඃ ශෝභනෝ

විෂ්ණුර්දේව්යධිදේවතේ මගධපඃ කුර්යාත්සදා මඞ්ගලම් .. 4 ..

ජීවශ්චාඞ්ගිරගෝත්රජෝත්තරමුඛෝ දීර්ඝෝත්තරාශාස්ථිතඃ

පීතෝ(අ)ශ්වත්ථසමිච්ච සින්ධුජනිතශ්චාපෝ(අ)ථ මීනාධිපඃ .

සූර්යේන්දුක්ෂිතිජාඃ ප්රියා බුධසිතෞ ශත්රූ සමාශ්චාපරේ

සප්තද්වේ නවපඤ්චමේ ශුභකරඃ කුර්යාත්සදා මඞ්ගලම් .. 5 ..

ශුක්රෝ භාර්ගවගෝත්රජඃ සිතරුචිඃ පූර්වාමුඛඃ පූර්වදික්

පාඤ්චාලස්ථ වෘෂස්තුලාධිපමහාරාෂ්ට්රාධිපෞදුම්බරඃ .

ඉන්ද්රාණීමඝවා බුධශ්ච රවිජෝ මිත්රෝර්ක චන්ද්රාවරී

ෂෂ්ඨත්රිර්දශවර්ජිතේ භෘගුසුතඃ කුර්යාත්සදා මඞ්ගලම් .. 6 ..

මන්දඃ කෘෂ්ණනිභඃ සපශ්චිමමුඛඃ සෞරාෂ්ට්රපඃ කාශ්යපඃ

ස්වාමී නක්රසුකුම්භයෝර්බුධසිතෞ මිත්රෞ කුජේන්දූ ද්විෂෞ .

ස්ථානං පශ්චිමදික් ප්රජාපතියමෞ දේවෞ ධනුර්ධාරකඃ

ෂට්ත්රිස්ථඃ ශුභකෘච්ඡනී රවිසුතඃ කුර්යාත්සදා මඞ්ගලම් .. 7 ..

රාහුඃ සිංහලදේශපෝ(අ)පි සතමඃ කෘෂ්ණාඞ්ගශූර්පාසනෝ

යඃ පෛඨීනසගෝත්රසම්භවසමිද්දූර්වාමුඛෝ දක්ෂිණඃ .

යඃ සර්පඃ පශුදෛවතෝ(අ)ඛිලගතඃ සූර්යග්රහේ ඡාදකඃ

ෂට්ත්රිස්ථඃ ශුභකෘච්ච සිංහකසුතඃ කුර්යාත්සදා මඞ්ගලම් .. 8 ..

කේතුර්ජෛමිනිගෝත්රජඃ කුශසමිද්වායව්යකෝණේස්ථිත-

-ශ්චිත්රාඞ්කධ්වජලාඤ්ඡනෝ හි භගවාන් යෝ දක්ෂිණාශාමුඛඃ .

බ්රහ්මා චෛව තු චිත්රගුප්තපතිමාන් ප්රීත්යාධිදේවඃ සදා

ෂට්ත්රිස්ථඃ ශුභකෘච්ච බර්බරපතිඃ කුර්යාත්සදා මඞ්ගලම් .. 9 ..

ඉති නවග්රහ මඞ්ගල ස්තෝත්රම් .

Roman (IAST) Transliteration

bhāsvān kāśyapagotrajo'ruṇaruciryaḥ siṃhapo'rkaḥ sami-

-tṣaṭtristho'daśaśobhano guruśaśī bhaumāḥ sumitrāḥ sadā |

śukro mandaripuḥ kaliṅgajanapaścāgnīśvarau devate

madhyevartulapūrvadigdinakaraḥ kuryātsadā maṅgalam || 1 ||

candraḥ karkaṭakaprabhuḥ sitanibhaścātreyagotrodbhava-

-ścātreyaścaturaśravāruṇamukhaścāpe umādhīśvaraḥ |

ṣaṭsaptāgni daśaikaśobhanaphalo norirbudhārkaupriyau

svāmī yāmunajaśca parṇasamidhaḥ kuryātsadā maṅgalam || 2 ||

bhaumo dakṣiṇadiktrikoṇayamadigvindhyeśvaraḥ khādiraḥ

svāmī vṛścikameṣayostu suguruścārkaḥ śaśī sauhṛdaḥ |

jño'riḥ ṣaṭtriphalapradaśca vasudhāskandau kramāddevate

bhāradvājakulodvaho'ruṇaruciḥ kuryātsadā maṅgalam || 3 ||

saumyaḥ pīta udaṅmukhaḥ samidapāmārgo'trigotrodbhavo

bāṇeśānadiśaḥ suhṛdravisutaḥ śāntaḥ sutaḥ śītagoḥ |

kanyāyugmapatirdaśāṣṭacaturaḥ ṣaṇṇetragaḥ śobhano

viṣṇurdevyadhidevate magadhapaḥ kuryātsadā maṅgalam || 4 ||

jīvaścāṅgiragotrajottaramukho dīrghottarāśāsthitaḥ

pīto'śvatthasamicca sindhujanitaścāpo'tha mīnādhipaḥ |

sūryendukṣitijāḥ priyā budhasitau śatrū samāścāpare

saptadve navapañcame śubhakaraḥ kuryātsadā maṅgalam || 5 ||

śukro bhārgavagotrajaḥ sitaruciḥ pūrvāmukhaḥ pūrvadik

pāñcālastha vṛṣastulādhipamahārāṣṭrādhipaudumbaraḥ |

indrāṇīmaghavā budhaśca ravijo mitrorka candrāvarī

ṣaṣṭhatrirdaśavarjite bhṛgusutaḥ kuryātsadā maṅgalam || 6 ||

mandaḥ kṛṣṇanibhaḥ sapaścimamukhaḥ saurāṣṭrapaḥ kāśyapaḥ

svāmī nakrasukumbhayorbudhasitau mitrau kujendū dviṣau |

sthānaṃ paścimadik prajāpatiyamau devau dhanurdhārakaḥ

ṣaṭtristhaḥ śubhakṛcchanī ravisutaḥ kuryātsadā maṅgalam || 7 ||

rāhuḥ siṃhaladeśapo'pi satamaḥ kṛṣṇāṅgaśūrpāsano

yaḥ paiṭhīnasagotrasambhavasamiddūrvāmukho dakṣiṇaḥ |

yaḥ sarpaḥ paśudaivato'khilagataḥ sūryagrahe chādakaḥ

ṣaṭtristhaḥ śubhakṛcca siṃhakasutaḥ kuryātsadā maṅgalam || 8 ||

keturjaiminigotrajaḥ kuśasamidvāyavyakoṇesthita-

-ścitrāṅkadhvajalāñchano hi bhagavān yo dakṣiṇāśāmukhaḥ |

brahmā caiva tu citraguptapatimān prītyādhidevaḥ sadā

ṣaṭtristhaḥ śubhakṛcca barbarapatiḥ kuryātsadā maṅgalam || 9 ||

iti navagraha maṅgala stotram |

Sanskrit — Devanagari (original)

भास्वान् काश्यपगोत्रजोऽरुणरुचिर्यः सिंहपोऽर्कः समि-

-त्षट्त्रिस्थोऽदशशोभनो गुरुशशी भौमाः सुमित्राः सदा ।

शुक्रो मन्दरिपुः कलिङ्गजनपश्चाग्नीश्वरौ देवते

मध्येवर्तुलपूर्वदिग्दिनकरः कुर्यात्सदा मङ्गलम् ॥ 1 ॥

चन्द्रः कर्कटकप्रभुः सितनिभश्चात्रेयगोत्रोद्भव-

-श्चात्रेयश्चतुरश्रवारुणमुखश्चापे उमाधीश्वरः ।

षट्सप्ताग्नि दशैकशोभनफलो नोरिर्बुधार्कौप्रियौ

स्वामी यामुनजश्च पर्णसमिधः कुर्यात्सदा मङ्गलम् ॥ 2 ॥

भौमो दक्षिणदिक्त्रिकोणयमदिग्विन्ध्येश्वरः खादिरः

स्वामी वृश्चिकमेषयोस्तु सुगुरुश्चार्कः शशी सौहृदः ।

ज्ञोऽरिः षट्त्रिफलप्रदश्च वसुधास्कन्दौ क्रमाद्देवते

भारद्वाजकुलोद्वहोऽरुणरुचिः कुर्यात्सदा मङ्गलम् ॥ 3 ॥

सौम्यः पीत उदङ्मुखः समिदपामार्गोऽत्रिगोत्रोद्भवो

बाणेशानदिशः सुहृद्रविसुतः शान्तः सुतः शीतगोः ।

कन्यायुग्मपतिर्दशाष्टचतुरः षण्णेत्रगः शोभनो

विष्णुर्देव्यधिदेवते मगधपः कुर्यात्सदा मङ्गलम् ॥ 4 ॥

जीवश्चाङ्गिरगोत्रजोत्तरमुखो दीर्घोत्तराशास्थितः

पीतोऽश्वत्थसमिच्च सिन्धुजनितश्चापोऽथ मीनाधिपः ।

सूर्येन्दुक्षितिजाः प्रिया बुधसितौ शत्रू समाश्चापरे

सप्तद्वे नवपञ्चमे शुभकरः कुर्यात्सदा मङ्गलम् ॥ 5 ॥

शुक्रो भार्गवगोत्रजः सितरुचिः पूर्वामुखः पूर्वदिक्

पाञ्चालस्थ वृषस्तुलाधिपमहाराष्ट्राधिपौदुम्बरः ।

इन्द्राणीमघवा बुधश्च रविजो मित्रोर्क चन्द्रावरी

षष्ठत्रिर्दशवर्जिते भृगुसुतः कुर्यात्सदा मङ्गलम् ॥ 6 ॥

मन्दः कृष्णनिभः सपश्चिममुखः सौराष्ट्रपः काश्यपः

स्वामी नक्रसुकुम्भयोर्बुधसितौ मित्रौ कुजेन्दू द्विषौ ।

स्थानं पश्चिमदिक् प्रजापतियमौ देवौ धनुर्धारकः

षट्त्रिस्थः शुभकृच्छनी रविसुतः कुर्यात्सदा मङ्गलम् ॥ 7 ॥

राहुः सिंहलदेशपोऽपि सतमः कृष्णाङ्गशूर्पासनो

यः पैठीनसगोत्रसम्भवसमिद्दूर्वामुखो दक्षिणः ।

यः सर्पः पशुदैवतोऽखिलगतः सूर्यग्रहे छादकः

षट्त्रिस्थः शुभकृच्च सिंहकसुतः कुर्यात्सदा मङ्गलम् ॥ 8 ॥

केतुर्जैमिनिगोत्रजः कुशसमिद्वायव्यकोणेस्थित-

-श्चित्राङ्कध्वजलाञ्छनो हि भगवान् यो दक्षिणाशामुखः ।

ब्रह्मा चैव तु चित्रगुप्तपतिमान् प्रीत्याधिदेवः सदा

षट्त्रिस्थः शुभकृच्च बर्बरपतिः कुर्यात्सदा मङ्गलम् ॥ 9 ॥

इति नवग्रह मङ्गल स्तोत्रम् ।