ଭାସ୍ଵାନ୍ କାଶ୍ଯପଗୋତ୍ରଜୋଽରୁଣରୁଚିର୍ଯଃ ସିଂହପୋଽର୍କଃ ସମି-
-ତ୍ଷଟ୍ତ୍ରିସ୍ଥୋଽଦଶଶୋଭନୋ ଗୁରୁଶଶୀ ଭୌମାଃ ସୁମିତ୍ରାଃ ସଦା ।
ଶୁକ୍ରୋ ମନ୍ଦରିପୁଃ କଲିଙ୍ଗଜନପଶ୍ଚାଗ୍ନୀଶ୍ଵରୌ ଦେଵତେ
ମଧ୍ଯେଵର୍ତୁଲପୂର୍ଵଦିଗ୍ଦିନକରଃ କୁର୍ଯାତ୍ସଦା ମଙ୍ଗଲମ୍ ॥ 1 ॥
ଚନ୍ଦ୍ରଃ କର୍କଟକପ୍ରଭୁଃ ସିତନିଭଶ୍ଚାତ୍ରେଯଗୋତ୍ରୋଦ୍ଭଵ-
-ଶ୍ଚାତ୍ରେଯଶ୍ଚତୁରଶ୍ରଵାରୁଣମୁଖଶ୍ଚାପେ ଉମାଧୀଶ୍ଵରଃ ।
ଷଟ୍ସପ୍ତାଗ୍ନି ଦଶୈକଶୋଭନଫଲୋ ନୋରିର୍ବୁଧାର୍କୌପ୍ରିଯୌ
ସ୍ଵାମୀ ଯାମୁନଜଶ୍ଚ ପର୍ଣସମିଧଃ କୁର୍ଯାତ୍ସଦା ମଙ୍ଗଲମ୍ ॥ 2 ॥
ଭୌମୋ ଦକ୍ଷିଣଦିକ୍ତ୍ରିକୋଣଯମଦିଗ୍ଵିନ୍ଧ୍ଯେଶ୍ଵରଃ ଖାଦିରଃ
ସ୍ଵାମୀ ଵୃଶ୍ଚିକମେଷଯୋସ୍ତୁ ସୁଗୁରୁଶ୍ଚାର୍କଃ ଶଶୀ ସୌହୃଦଃ ।
ଜ୍ଞୋଽରିଃ ଷଟ୍ତ୍ରିଫଲପ୍ରଦଶ୍ଚ ଵସୁଧାସ୍କନ୍ଦୌ କ୍ରମାଦ୍ଦେଵତେ
ଭାରଦ୍ଵାଜକୁଲୋଦ୍ଵହୋଽରୁଣରୁଚିଃ କୁର୍ଯାତ୍ସଦା ମଙ୍ଗଲମ୍ ॥ 3 ॥
ସୌମ୍ଯଃ ପୀତ ଉଦଙ୍ମୁଖଃ ସମିଦପାମାର୍ଗୋଽତ୍ରିଗୋତ୍ରୋଦ୍ଭଵୋ
ବାଣେଶାନଦିଶଃ ସୁହୃଦ୍ରଵିସୁତଃ ଶାନ୍ତଃ ସୁତଃ ଶୀତଗୋଃ ।
କନ୍ଯାଯୁଗ୍ମପତିର୍ଦଶାଷ୍ଟଚତୁରଃ ଷଣ୍ଣେତ୍ରଗଃ ଶୋଭନୋ
ଵିଷ୍ଣୁର୍ଦେଵ୍ଯଧିଦେଵତେ ମଗଧପଃ କୁର୍ଯାତ୍ସଦା ମଙ୍ଗଲମ୍ ॥ 4 ॥
ଜୀଵଶ୍ଚାଙ୍ଗିରଗୋତ୍ରଜୋତ୍ତରମୁଖୋ ଦୀର୍ଘୋତ୍ତରାଶାସ୍ଥିତଃ
ପୀତୋଽଶ୍ଵତ୍ଥସମିଚ୍ଚ ସିନ୍ଧୁଜନିତଶ୍ଚାପୋଽଥ ମୀନାଧିପଃ ।
ସୂର୍ଯେନ୍ଦୁକ୍ଷିତିଜାଃ ପ୍ରିଯା ବୁଧସିତୌ ଶତ୍ରୂ ସମାଶ୍ଚାପରେ
ସପ୍ତଦ୍ଵେ ନଵପଞ୍ଚମେ ଶୁଭକରଃ କୁର୍ଯାତ୍ସଦା ମଙ୍ଗଲମ୍ ॥ 5 ॥
ଶୁକ୍ରୋ ଭାର୍ଗଵଗୋତ୍ରଜଃ ସିତରୁଚିଃ ପୂର୍ଵାମୁଖଃ ପୂର୍ଵଦିକ୍
ପାଞ୍ଚାଲସ୍ଥ ଵୃଷସ୍ତୁଲାଧିପମହାରାଷ୍ଟ୍ରାଧିପୌଦୁମ୍ବରଃ ।
ଇନ୍ଦ୍ରାଣୀମଘଵା ବୁଧଶ୍ଚ ରଵିଜୋ ମିତ୍ରୋର୍କ ଚନ୍ଦ୍ରାଵରୀ
ଷଷ୍ଠତ୍ରିର୍ଦଶଵର୍ଜିତେ ଭୃଗୁସୁତଃ କୁର୍ଯାତ୍ସଦା ମଙ୍ଗଲମ୍ ॥ 6 ॥
ମନ୍ଦଃ କୃଷ୍ଣନିଭଃ ସପଶ୍ଚିମମୁଖଃ ସୌରାଷ୍ଟ୍ରପଃ କାଶ୍ଯପଃ
ସ୍ଵାମୀ ନକ୍ରସୁକୁମ୍ଭଯୋର୍ବୁଧସିତୌ ମିତ୍ରୌ କୁଜେନ୍ଦୂ ଦ୍ଵିଷୌ ।
ସ୍ଥାନଂ ପଶ୍ଚିମଦିକ୍ ପ୍ରଜାପତିଯମୌ ଦେଵୌ ଧନୁର୍ଧାରକଃ
ଷଟ୍ତ୍ରିସ୍ଥଃ ଶୁଭକୃଚ୍ଛନୀ ରଵିସୁତଃ କୁର୍ଯାତ୍ସଦା ମଙ୍ଗଲମ୍ ॥ 7 ॥
ରାହୁଃ ସିଂହଲଦେଶପୋଽପି ସତମଃ କୃଷ୍ଣାଙ୍ଗଶୂର୍ପାସନୋ
ଯଃ ପୈଠୀନସଗୋତ୍ରସମ୍ଭଵସମିଦ୍ଦୂର୍ଵାମୁଖୋ ଦକ୍ଷିଣଃ ।
ଯଃ ସର୍ପଃ ପଶୁଦୈଵତୋଽଖିଲଗତଃ ସୂର୍ଯଗ୍ରହେ ଛାଦକଃ
ଷଟ୍ତ୍ରିସ୍ଥଃ ଶୁଭକୃଚ୍ଚ ସିଂହକସୁତଃ କୁର୍ଯାତ୍ସଦା ମଙ୍ଗଲମ୍ ॥ 8 ॥
କେତୁର୍ଜୈମିନିଗୋତ୍ରଜଃ କୁଶସମିଦ୍ଵାଯଵ୍ଯକୋଣେସ୍ଥିତ-
-ଶ୍ଚିତ୍ରାଙ୍କଧ୍ଵଜଲାଞ୍ଛନୋ ହି ଭଗଵାନ୍ ଯୋ ଦକ୍ଷିଣାଶାମୁଖଃ ।
ବ୍ରହ୍ମା ଚୈଵ ତୁ ଚିତ୍ରଗୁପ୍ତପତିମାନ୍ ପ୍ରୀତ୍ଯାଧିଦେଵଃ ସଦା
ଷଟ୍ତ୍ରିସ୍ଥଃ ଶୁଭକୃଚ୍ଚ ବର୍ବରପତିଃ କୁର୍ଯାତ୍ସଦା ମଙ୍ଗଲମ୍ ॥ 9 ॥
ଇତି ନଵଗ୍ରହ ମଙ୍ଗଲ ସ୍ତୋତ୍ରମ୍ ।
Roman (IAST) Transliteration
bhāsvān kāśyapagotrajo'ruṇaruciryaḥ siṃhapo'rkaḥ sami-
-tṣaṭtristho'daśaśobhano guruśaśī bhaumāḥ sumitrāḥ sadā |
śukro mandaripuḥ kaliṅgajanapaścāgnīśvarau devate
madhyevartulapūrvadigdinakaraḥ kuryātsadā maṅgalam || 1 ||
candraḥ karkaṭakaprabhuḥ sitanibhaścātreyagotrodbhava-
-ścātreyaścaturaśravāruṇamukhaścāpe umādhīśvaraḥ |
ṣaṭsaptāgni daśaikaśobhanaphalo norirbudhārkaupriyau
svāmī yāmunajaśca parṇasamidhaḥ kuryātsadā maṅgalam || 2 ||
bhaumo dakṣiṇadiktrikoṇayamadigvindhyeśvaraḥ khādiraḥ
svāmī vṛścikameṣayostu suguruścārkaḥ śaśī sauhṛdaḥ |
jño'riḥ ṣaṭtriphalapradaśca vasudhāskandau kramāddevate
bhāradvājakulodvaho'ruṇaruciḥ kuryātsadā maṅgalam || 3 ||
saumyaḥ pīta udaṅmukhaḥ samidapāmārgo'trigotrodbhavo
bāṇeśānadiśaḥ suhṛdravisutaḥ śāntaḥ sutaḥ śītagoḥ |
kanyāyugmapatirdaśāṣṭacaturaḥ ṣaṇṇetragaḥ śobhano
viṣṇurdevyadhidevate magadhapaḥ kuryātsadā maṅgalam || 4 ||
jīvaścāṅgiragotrajottaramukho dīrghottarāśāsthitaḥ
pīto'śvatthasamicca sindhujanitaścāpo'tha mīnādhipaḥ |
sūryendukṣitijāḥ priyā budhasitau śatrū samāścāpare
saptadve navapañcame śubhakaraḥ kuryātsadā maṅgalam || 5 ||
śukro bhārgavagotrajaḥ sitaruciḥ pūrvāmukhaḥ pūrvadik
pāñcālastha vṛṣastulādhipamahārāṣṭrādhipaudumbaraḥ |
indrāṇīmaghavā budhaśca ravijo mitrorka candrāvarī
ṣaṣṭhatrirdaśavarjite bhṛgusutaḥ kuryātsadā maṅgalam || 6 ||
mandaḥ kṛṣṇanibhaḥ sapaścimamukhaḥ saurāṣṭrapaḥ kāśyapaḥ
svāmī nakrasukumbhayorbudhasitau mitrau kujendū dviṣau |
sthānaṃ paścimadik prajāpatiyamau devau dhanurdhārakaḥ
ṣaṭtristhaḥ śubhakṛcchanī ravisutaḥ kuryātsadā maṅgalam || 7 ||
rāhuḥ siṃhaladeśapo'pi satamaḥ kṛṣṇāṅgaśūrpāsano
yaḥ paiṭhīnasagotrasambhavasamiddūrvāmukho dakṣiṇaḥ |
yaḥ sarpaḥ paśudaivato'khilagataḥ sūryagrahe chādakaḥ
ṣaṭtristhaḥ śubhakṛcca siṃhakasutaḥ kuryātsadā maṅgalam || 8 ||
keturjaiminigotrajaḥ kuśasamidvāyavyakoṇesthita-
-ścitrāṅkadhvajalāñchano hi bhagavān yo dakṣiṇāśāmukhaḥ |
brahmā caiva tu citraguptapatimān prītyādhidevaḥ sadā
ṣaṭtristhaḥ śubhakṛcca barbarapatiḥ kuryātsadā maṅgalam || 9 ||
iti navagraha maṅgala stotram |
Sanskrit — Devanagari (original)
भास्वान् काश्यपगोत्रजोऽरुणरुचिर्यः सिंहपोऽर्कः समि-
-त्षट्त्रिस्थोऽदशशोभनो गुरुशशी भौमाः सुमित्राः सदा ।
शुक्रो मन्दरिपुः कलिङ्गजनपश्चाग्नीश्वरौ देवते
मध्येवर्तुलपूर्वदिग्दिनकरः कुर्यात्सदा मङ्गलम् ॥ 1 ॥
चन्द्रः कर्कटकप्रभुः सितनिभश्चात्रेयगोत्रोद्भव-
-श्चात्रेयश्चतुरश्रवारुणमुखश्चापे उमाधीश्वरः ।
षट्सप्ताग्नि दशैकशोभनफलो नोरिर्बुधार्कौप्रियौ
स्वामी यामुनजश्च पर्णसमिधः कुर्यात्सदा मङ्गलम् ॥ 2 ॥
भौमो दक्षिणदिक्त्रिकोणयमदिग्विन्ध्येश्वरः खादिरः
स्वामी वृश्चिकमेषयोस्तु सुगुरुश्चार्कः शशी सौहृदः ।
ज्ञोऽरिः षट्त्रिफलप्रदश्च वसुधास्कन्दौ क्रमाद्देवते
भारद्वाजकुलोद्वहोऽरुणरुचिः कुर्यात्सदा मङ्गलम् ॥ 3 ॥
सौम्यः पीत उदङ्मुखः समिदपामार्गोऽत्रिगोत्रोद्भवो
बाणेशानदिशः सुहृद्रविसुतः शान्तः सुतः शीतगोः ।
कन्यायुग्मपतिर्दशाष्टचतुरः षण्णेत्रगः शोभनो
विष्णुर्देव्यधिदेवते मगधपः कुर्यात्सदा मङ्गलम् ॥ 4 ॥
जीवश्चाङ्गिरगोत्रजोत्तरमुखो दीर्घोत्तराशास्थितः
पीतोऽश्वत्थसमिच्च सिन्धुजनितश्चापोऽथ मीनाधिपः ।
सूर्येन्दुक्षितिजाः प्रिया बुधसितौ शत्रू समाश्चापरे
सप्तद्वे नवपञ्चमे शुभकरः कुर्यात्सदा मङ्गलम् ॥ 5 ॥
शुक्रो भार्गवगोत्रजः सितरुचिः पूर्वामुखः पूर्वदिक्
पाञ्चालस्थ वृषस्तुलाधिपमहाराष्ट्राधिपौदुम्बरः ।
इन्द्राणीमघवा बुधश्च रविजो मित्रोर्क चन्द्रावरी
षष्ठत्रिर्दशवर्जिते भृगुसुतः कुर्यात्सदा मङ्गलम् ॥ 6 ॥
मन्दः कृष्णनिभः सपश्चिममुखः सौराष्ट्रपः काश्यपः
स्वामी नक्रसुकुम्भयोर्बुधसितौ मित्रौ कुजेन्दू द्विषौ ।
स्थानं पश्चिमदिक् प्रजापतियमौ देवौ धनुर्धारकः
षट्त्रिस्थः शुभकृच्छनी रविसुतः कुर्यात्सदा मङ्गलम् ॥ 7 ॥
राहुः सिंहलदेशपोऽपि सतमः कृष्णाङ्गशूर्पासनो
यः पैठीनसगोत्रसम्भवसमिद्दूर्वामुखो दक्षिणः ।
यः सर्पः पशुदैवतोऽखिलगतः सूर्यग्रहे छादकः
षट्त्रिस्थः शुभकृच्च सिंहकसुतः कुर्यात्सदा मङ्गलम् ॥ 8 ॥
केतुर्जैमिनिगोत्रजः कुशसमिद्वायव्यकोणेस्थित-
-श्चित्राङ्कध्वजलाञ्छनो हि भगवान् यो दक्षिणाशामुखः ।
ब्रह्मा चैव तु चित्रगुप्तपतिमान् प्रीत्याधिदेवः सदा
षट्त्रिस्थः शुभकृच्च बर्बरपतिः कुर्यात्सदा मङ्गलम् ॥ 9 ॥
इति नवग्रह मङ्गल स्तोत्रम् ।
bhāsvān kāśyapagotrajo'ruṇaruciryaḥ siṃhapo'rkaḥ sami-
-tṣaṭtristho'daśaśobhano guruśaśī bhaumāḥ sumitrāḥ sadā |
śukro mandaripuḥ kaliṅgajanapaścāgnīśvarau devate
madhyevartulapūrvadigdinakaraḥ kuryātsadā maṅgalam || 1 ||
candraḥ karkaṭakaprabhuḥ sitanibhaścātreyagotrodbhava-
-ścātreyaścaturaśravāruṇamukhaścāpe umādhīśvaraḥ |
ṣaṭsaptāgni daśaikaśobhanaphalo norirbudhārkaupriyau
svāmī yāmunajaśca parṇasamidhaḥ kuryātsadā maṅgalam || 2 ||
bhaumo dakṣiṇadiktrikoṇayamadigvindhyeśvaraḥ khādiraḥ
svāmī vṛścikameṣayostu suguruścārkaḥ śaśī sauhṛdaḥ |
jño'riḥ ṣaṭtriphalapradaśca vasudhāskandau kramāddevate
bhāradvājakulodvaho'ruṇaruciḥ kuryātsadā maṅgalam || 3 ||
saumyaḥ pīta udaṅmukhaḥ samidapāmārgo'trigotrodbhavo
bāṇeśānadiśaḥ suhṛdravisutaḥ śāntaḥ sutaḥ śītagoḥ |
kanyāyugmapatirdaśāṣṭacaturaḥ ṣaṇṇetragaḥ śobhano
viṣṇurdevyadhidevate magadhapaḥ kuryātsadā maṅgalam || 4 ||
jīvaścāṅgiragotrajottaramukho dīrghottarāśāsthitaḥ
pīto'śvatthasamicca sindhujanitaścāpo'tha mīnādhipaḥ |
sūryendukṣitijāḥ priyā budhasitau śatrū samāścāpare
saptadve navapañcame śubhakaraḥ kuryātsadā maṅgalam || 5 ||
śukro bhārgavagotrajaḥ sitaruciḥ pūrvāmukhaḥ pūrvadik
pāñcālastha vṛṣastulādhipamahārāṣṭrādhipaudumbaraḥ |
indrāṇīmaghavā budhaśca ravijo mitrorka candrāvarī
ṣaṣṭhatrirdaśavarjite bhṛgusutaḥ kuryātsadā maṅgalam || 6 ||
mandaḥ kṛṣṇanibhaḥ sapaścimamukhaḥ saurāṣṭrapaḥ kāśyapaḥ
svāmī nakrasukumbhayorbudhasitau mitrau kujendū dviṣau |
sthānaṃ paścimadik prajāpatiyamau devau dhanurdhārakaḥ
ṣaṭtristhaḥ śubhakṛcchanī ravisutaḥ kuryātsadā maṅgalam || 7 ||
rāhuḥ siṃhaladeśapo'pi satamaḥ kṛṣṇāṅgaśūrpāsano
yaḥ paiṭhīnasagotrasambhavasamiddūrvāmukho dakṣiṇaḥ |
yaḥ sarpaḥ paśudaivato'khilagataḥ sūryagrahe chādakaḥ
ṣaṭtristhaḥ śubhakṛcca siṃhakasutaḥ kuryātsadā maṅgalam || 8 ||
keturjaiminigotrajaḥ kuśasamidvāyavyakoṇesthita-
-ścitrāṅkadhvajalāñchano hi bhagavān yo dakṣiṇāśāmukhaḥ |
brahmā caiva tu citraguptapatimān prītyādhidevaḥ sadā
ṣaṭtristhaḥ śubhakṛcca barbarapatiḥ kuryātsadā maṅgalam || 9 ||
iti navagraha maṅgala stotram |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.