අථ ගීතාමාහාත්ම්යං
ධරෝවාච
භගවන් පරමේශාන භක්තිරව්යභිචාරිණී .
ප්රාරබ්ධං භුජ්යමානස්ය කථං භවති හේ ප්රභෝ .. 1 ..
ශ්රීවිෂ්ණුරුවාච
ප්රාරබ්ධං භුජ්යමානෝ හි ගීතාභ්යාසරතඃ සදා .
ස මුක්තඃ ස සුඛී ලෝකේ කර්මණා නෝපලිප්යතේ .. 2 ..
මහාපාපාදිපාපානි ගීතාධ්යානං කරෝති චේත් .
ක්වචිත්ස්පර්ශං න කුර්වන්ති නලිනීදලමම්බුවත් .. 3 ..
ගීතායාඃ පුස්තකං යත්ර යත්ර පාඨඃ ප්රවර්තතේ .
තත්ර සර්වාණි තීර්ථානි ප්රයාගාදීනි තත්ර වෛ .. 4 ..
සර්වේ දේවාශ්ච ඍෂයඃ යෝගිනඃ පන්නගාශ්ච යේ .
ගෝපාලා ගෝපිකා වා(අ)පි නාරදෝද්ධවපාර්ෂදෛඃ .. 5 ..
සහායෝ ජායතේ ශීඝ්රං යත්ර ගීතා ප්රවර්තතේ .
යත්ර ගීතාවිචාරශ්ච පඨනං පාඨනං ශ්රුතම් .
තත්රාහං නිශ්චිතං පෘථ්වි නිවසාමි සදෛව හි .. 6 ..
ගීතාශ්රයේ(අ)හං තිෂ්ඨාමි ගීතා මේ චෝත්තමං ගෘහම් .
ගීතාජ්ඤානමුපාශ්රිත්ය ත්රීँල්ලෝකාන්-පාලයාම්යහම් .. 7 ..
ගීතා මේ පරමා විද්යා බ්රහ්මරූපා න සංශයඃ .
අර්ධමාත්රාක්ෂරා නිත්යා ස්වානිර්වාච්යපදාත්මිකා .. 8 ..
චිදානන්දේන කෘෂ්ණේන ප්රෝක්තා ස්වමුඛතෝ(අ)ර්ජුනම් .
වේදත්රයී පරානන්දා තත්ත්වාර්ථජ්ඤානසංයුතා .. 9 ..
යෝ(අ)ෂ්ටාදශං ජපේන්නිත්යං නරෝ නිශ්චලමානසඃ .
ජ්ඤානසිද්ධිං ස ලභතේ තතෝ යාති පරං පදම් .. 10 ..
පාඨේ(අ)සමර්ථඃ සම්පූර්ණේ තතෝ(අ)ර්ධං පාඨමාචරේත් .
තදා ගෝදානජං පුණ්යං ලභතේ නාත්ර සංශයඃ .. 11 ..
ත්රිභාගං පඨමානස්තු ගඞ්ගාස්නානඵලං ලභේත් .
ෂඩංශං ජපමානස්තු සෝමයාගඵලං ලභේත් .. 12 ..
එකාධ්යායං තුයෝ නිත්යං පඨතේ භක්තිසංයුතඃ .
රුද්රලෝකමවාප්නෝති ගණෝ භූත්වා වසේච්චිරම් .. 13 ..
අධ්යායං ශ්ලෝකපාදං වා නිත්යං යඃ පඨතේ නරඃ .
ස යාති නරතාං යාවත් මන්වන්තරං වසුන්ධරේ .. 14 ..
ගීතායාඃ ශ්ලෝකදශකං සප්ත පඤ්ච චතුෂ්ටයම් .
ද්වෞත්රීනේකං තදර්ධං වා ශ්ලෝකානාං යඃ පඨේන්නරඃ .. 15 ..
චන්ද්රලෝකමවාප්නෝති වර්ෂාණාමයුතං ධෘවම් .
ගීතාපාඨසමායුක්තඃ මෘතෝ මානුෂතාං ව්රජේත් .. 16 ..
ගීතාභ්යාසං පුනඃ කෘත්වා ලභතේ මුක්තිමුත්තමම් .
ගීතේත්යුච්චාරසංයුක්තඃ ම්රියමාණෝ ගතිං ලභේත් .. 17 ..
ගීතාර්ථශ්රවණාසක්තඃ මහාපාපයුතෝ(අ)පි වා .
වෛකුණ්ඨං සමවාප්නෝති විෂ්ණුනා සහමෝදතේ .. 18 ..
ගීතාර්ථං ධ්යායතේ නිත්යං කෘත්වා කර්මාණි භූරිශඃ .
ජීවන්මුක්තඃ ස විජ්ඤේයඃ දේහාන්තේ පරමං පදම් .. 19 ..
මලනිර්මෝචනං පුංසාං ජලස්නානං දිනේ දිනේ .
සකෘද්ගීතාම්භසි ස්නානං සංසාරමලනාශනම් .. 20 ..
ගීතාමාශ්රිත්ය බහවඃ භූභුජෝ ජනකාදයඃ .
නිර්ධූතකල්මෂා ලෝකේ ගීතා යාතාඃ පරං පදම් .. 21 ..
තේ ශෘණ්වන්ති පඨන්ත්යේව ගීතාශාස්ත්රමහර්නිශම් .
න තේ වෛ මානුෂා ජ්ඤේයා දේවා ඒව න සංශයඃ .. 22 ..
ජ්ඤානාජ්ඤානකෘතං නිත්යං ඉන්ද්රියෛර්ජනිතං ච යත් .
තත්සර්වං නාශමායාති ගීතාපාඨේන තක්ෂණම් .. 23 ..
ධික් තස්ය ජ්ඤානමාචාරං ව්රතං චේෂ්ටාං තපෝ යශඃ .
ගීතාර්ථපඨනං නා(අ)ස්ති නාධමස්තත්පරෝ ජනඃ .. 24 ..
සංසාරසාගරං ඝෝරං තර්තුමිච්ඡති යෝ ජනඃ .
ගීතානාවං සමාරුහ්ය පාරං යාති සුඛේන සඃ .. 25 ..
ගීතායාඃ පඨනං කෘත්වා මාහාත්ම්යං නෛව යඃ පඨේත් .
වෘථා පාඨෝ භවේත්තස්ය ශ්රම ඒව හ්යුදාහෘතඃ .. 26 ..
ඒතන්මාහාත්ම්යසංයුක්තං ගීතාභ්යාසං කරෝති යඃ .
ස තත්ඵලමවාප්නෝති දුර්ලභාං ගතිමාප්නුයාත් .. 27 ..
සූත උවාච
මාහාත්ම්යමේතද්ගීතායාඃ මයා ප්රෝක්තං සනාතනම් .
ගීතාන්තේ ච පඨේද්යස්තු යදුක්තං තත්ඵලං භවේත් .. 28 ..
ඉති ශ්රී වරාහපුරාණේ ශ්රී ගීතාමාහාත්ම්යං සම්පූර්ණම් ..
ඕං ශාන්තිඃ ශාන්තිඃ ශාන්තිඃ ..
Roman (IAST) Transliteration
atha gītāmāhātmyaṃ
dharovāca
bhagavan parameśāna bhaktiravyabhicāriṇī |
prārabdhaṃ bhujyamānasya kathaṃ bhavati he prabho || 1 ||
śrīviṣṇuruvāca
prārabdhaṃ bhujyamāno hi gītābhyāsarataḥ sadā |
sa muktaḥ sa sukhī loke karmaṇā nopalipyate || 2 ||
mahāpāpādipāpāni gītādhyānaṃ karoti cet |
kvacitsparśaṃ na kurvanti nalinīdalamambuvat || 3 ||
gītāyāḥ pustakaṃ yatra yatra pāṭhaḥ pravartate |
tatra sarvāṇi tīrthāni prayāgādīni tatra vai || 4 ||
sarve devāśca ṛṣayaḥ yoginaḥ pannagāśca ye |
gopālā gopikā vā'pi nāradoddhavapārṣadaiḥ || 5 ||
sahāyo jāyate śīghraṃ yatra gītā pravartate |
yatra gītāvicāraśca paṭhanaṃ pāṭhanaṃ śrutam |
tatrāhaṃ niścitaṃ pṛthvi nivasāmi sadaiva hi || 6 ||
gītāśraye'haṃ tiṣṭhāmi gītā me cottamaṃ gṛham |
gītājñānamupāśritya trī~llokān-pālayāmyaham || 7 ||
gītā me paramā vidyā brahmarūpā na saṃśayaḥ |
ardhamātrākṣarā nityā svānirvācyapadātmikā || 8 ||
cidānandena kṛṣṇena proktā svamukhato'rjunam |
vedatrayī parānandā tattvārthajñānasaṃyutā || 9 ||
yo'ṣṭādaśaṃ japennityaṃ naro niścalamānasaḥ |
jñānasiddhiṃ sa labhate tato yāti paraṃ padam || 10 ||
pāṭhe'samarthaḥ sampūrṇe tato'rdhaṃ pāṭhamācaret |
tadā godānajaṃ puṇyaṃ labhate nātra saṃśayaḥ || 11 ||
tribhāgaṃ paṭhamānastu gaṅgāsnānaphalaṃ labhet |
ṣaḍaṃśaṃ japamānastu somayāgaphalaṃ labhet || 12 ||
èkādhyāyaṃ tuyo nityaṃ paṭhate bhaktisaṃyutaḥ |
rudralokamavāpnoti gaṇo bhūtvā vasecciram || 13 ||
adhyāyaṃ ślokapādaṃ vā nityaṃ yaḥ paṭhate naraḥ |
sa yāti naratāṃ yāvat manvantaraṃ vasundhare || 14 ||
gītāyāḥ ślokadaśakaṃ sapta pañca catuṣṭayam |
dvautrīnekaṃ tadardhaṃ vā ślokānāṃ yaḥ paṭhennaraḥ || 15 ||
candralokamavāpnoti varṣāṇāmayutaṃ dhṛvam |
gītāpāṭhasamāyuktaḥ mṛto mānuṣatāṃ vrajet || 16 ||
gītābhyāsaṃ punaḥ kṛtvā labhate muktimuttamam |
gītetyuccārasaṃyuktaḥ mriyamāṇo gatiṃ labhet || 17 ||
gītārthaśravaṇāsaktaḥ mahāpāpayuto'pi vā |
vaikuṇṭhaṃ samavāpnoti viṣṇunā sahamodate || 18 ||
gītārthaṃ dhyāyate nityaṃ kṛtvā karmāṇi bhūriśaḥ |
jīvanmuktaḥ sa vijñeyaḥ dehānte paramaṃ padam || 19 ||
malanirmocanaṃ puṃsāṃ jalasnānaṃ dine dine |
sakṛdgītāmbhasi snānaṃ saṃsāramalanāśanam || 20 ||
gītāmāśritya bahavaḥ bhūbhujo janakādayaḥ |
nirdhūtakalmaṣā loke gītā yātāḥ paraṃ padam || 21 ||
te śṛṇvanti paṭhantyeva gītāśāstramaharniśam |
na te vai mānuṣā jñeyā devā eva na saṃśayaḥ || 22 ||
jñānājñānakṛtaṃ nityaṃ indriyairjanitaṃ ca yat |
tatsarvaṃ nāśamāyāti gītāpāṭhena takṣaṇam || 23 ||
dhik tasya jñānamācāraṃ vrataṃ ceṣṭāṃ tapo yaśaḥ |
gītārthapaṭhanaṃ nā'sti nādhamastatparo janaḥ || 24 ||
saṃsārasāgaraṃ ghoraṃ tartumicchati yo janaḥ |
gītānāvaṃ samāruhya pāraṃ yāti sukhena saḥ || 25 ||
gītāyāḥ paṭhanaṃ kṛtvā māhātmyaṃ naiva yaḥ paṭhet |
vṛthā pāṭho bhavettasya śrama eva hyudāhṛtaḥ || 26 ||
etanmāhātmyasaṃyuktaṃ gītābhyāsaṃ karoti yaḥ |
sa tatphalamavāpnoti durlabhāṃ gatimāpnuyāt || 27 ||
sūta uvāca
māhātmyametadgītāyāḥ mayā proktaṃ sanātanam |
gītānte ca paṭhedyastu yaduktaṃ tatphalaṃ bhavet || 28 ||
iti śrī varāhapurāṇe śrī gītāmāhātmyaṃ sampūrṇam ||
oṃ śāntiḥ śāntiḥ śāntiḥ ||
Sanskrit — Devanagari (original)
अथ गीतामाहात्म्यं
धरोवाच
भगवन् परमेशान भक्तिरव्यभिचारिणी ।
प्रारब्धं भुज्यमानस्य कथं भवति हे प्रभो ॥ 1 ॥
श्रीविष्णुरुवाच
प्रारब्धं भुज्यमानो हि गीताभ्यासरतः सदा ।
स मुक्तः स सुखी लोके कर्मणा नोपलिप्यते ॥ 2 ॥
महापापादिपापानि गीताध्यानं करोति चेत् ।
क्वचित्स्पर्शं न कुर्वन्ति नलिनीदलमम्बुवत् ॥ 3 ॥
गीतायाः पुस्तकं यत्र यत्र पाठः प्रवर्तते ।
तत्र सर्वाणि तीर्थानि प्रयागादीनि तत्र वै ॥ 4 ॥
सर्वे देवाश्च ऋषयः योगिनः पन्नगाश्च ये ।
गोपाला गोपिका वाऽपि नारदोद्धवपार्षदैः ॥ 5 ॥
सहायो जायते शीघ्रं यत्र गीता प्रवर्तते ।
यत्र गीताविचारश्च पठनं पाठनं श्रुतम् ।
तत्राहं निश्चितं पृथ्वि निवसामि सदैव हि ॥ 6 ॥
गीताश्रयेऽहं तिष्ठामि गीता मे चोत्तमं गृहम् ।
गीताज्ञानमुपाश्रित्य त्रीँल्लोकान्-पालयाम्यहम् ॥ 7 ॥
गीता मे परमा विद्या ब्रह्मरूपा न संशयः ।
अर्धमात्राक्षरा नित्या स्वानिर्वाच्यपदात्मिका ॥ 8 ॥
चिदानन्देन कृष्णेन प्रोक्ता स्वमुखतोऽर्जुनम् ।
वेदत्रयी परानन्दा तत्त्वार्थज्ञानसंयुता ॥ 9 ॥
योऽष्टादशं जपेन्नित्यं नरो निश्चलमानसः ।
ज्ञानसिद्धिं स लभते ततो याति परं पदम् ॥ 10 ॥
पाठेऽसमर्थः सम्पूर्णे ततोऽर्धं पाठमाचरेत् ।
तदा गोदानजं पुण्यं लभते नात्र संशयः ॥ 11 ॥
त्रिभागं पठमानस्तु गङ्गास्नानफलं लभेत् ।
षडंशं जपमानस्तु सोमयागफलं लभेत् ॥ 12 ॥
ऎकाध्यायं तुयो नित्यं पठते भक्तिसंयुतः ।
रुद्रलोकमवाप्नोति गणो भूत्वा वसेच्चिरम् ॥ 13 ॥
अध्यायं श्लोकपादं वा नित्यं यः पठते नरः ।
स याति नरतां यावत् मन्वन्तरं वसुन्धरे ॥ 14 ॥
गीतायाः श्लोकदशकं सप्त पञ्च चतुष्टयम् ।
द्वौत्रीनेकं तदर्धं वा श्लोकानां यः पठेन्नरः ॥ 15 ॥
चन्द्रलोकमवाप्नोति वर्षाणामयुतं धृवम् ।
गीतापाठसमायुक्तः मृतो मानुषतां व्रजेत् ॥ 16 ॥
गीताभ्यासं पुनः कृत्वा लभते मुक्तिमुत्तमम् ।
गीतेत्युच्चारसंयुक्तः म्रियमाणो गतिं लभेत् ॥ 17 ॥
गीतार्थश्रवणासक्तः महापापयुतोऽपि वा ।
वैकुण्ठं समवाप्नोति विष्णुना सहमोदते ॥ 18 ॥
गीतार्थं ध्यायते नित्यं कृत्वा कर्माणि भूरिशः ।
जीवन्मुक्तः स विज्ञेयः देहान्ते परमं पदम् ॥ 19 ॥
मलनिर्मोचनं पुंसां जलस्नानं दिने दिने ।
सकृद्गीताम्भसि स्नानं संसारमलनाशनम् ॥ 20 ॥
गीतामाश्रित्य बहवः भूभुजो जनकादयः ।
निर्धूतकल्मषा लोके गीता याताः परं पदम् ॥ 21 ॥
ते शृण्वन्ति पठन्त्येव गीताशास्त्रमहर्निशम् ।
न ते वै मानुषा ज्ञेया देवा एव न संशयः ॥ 22 ॥
ज्ञानाज्ञानकृतं नित्यं इन्द्रियैर्जनितं च यत् ।
तत्सर्वं नाशमायाति गीतापाठेन तक्षणम् ॥ 23 ॥
धिक् तस्य ज्ञानमाचारं व्रतं चेष्टां तपो यशः ।
गीतार्थपठनं नाऽस्ति नाधमस्तत्परो जनः ॥ 24 ॥
संसारसागरं घोरं तर्तुमिच्छति यो जनः ।
गीतानावं समारुह्य पारं याति सुखेन सः ॥ 25 ॥
गीतायाः पठनं कृत्वा माहात्म्यं नैव यः पठेत् ।
वृथा पाठो भवेत्तस्य श्रम एव ह्युदाहृतः ॥ 26 ॥
एतन्माहात्म्यसंयुक्तं गीताभ्यासं करोति यः ।
स तत्फलमवाप्नोति दुर्लभां गतिमाप्नुयात् ॥ 27 ॥
सूत उवाच
माहात्म्यमेतद्गीतायाः मया प्रोक्तं सनातनम् ।
गीतान्ते च पठेद्यस्तु यदुक्तं तत्फलं भवेत् ॥ 28 ॥
इति श्री वराहपुराणे श्री गीतामाहात्म्यं सम्पूर्णम् ॥
ॐ शान्तिः शान्तिः शान्तिः ॥
atha gītāmāhātmyaṃ
dharovāca
bhagavan parameśāna bhaktiravyabhicāriṇī |
prārabdhaṃ bhujyamānasya kathaṃ bhavati he prabho || 1 ||
śrīviṣṇuruvāca
prārabdhaṃ bhujyamāno hi gītābhyāsarataḥ sadā |
sa muktaḥ sa sukhī loke karmaṇā nopalipyate || 2 ||
mahāpāpādipāpāni gītādhyānaṃ karoti cet |
kvacitsparśaṃ na kurvanti nalinīdalamambuvat || 3 ||
gītāyāḥ pustakaṃ yatra yatra pāṭhaḥ pravartate |
tatra sarvāṇi tīrthāni prayāgādīni tatra vai || 4 ||
sarve devāśca ṛṣayaḥ yoginaḥ pannagāśca ye |
gopālā gopikā vā'pi nāradoddhavapārṣadaiḥ || 5 ||
sahāyo jāyate śīghraṃ yatra gītā pravartate |
yatra gītāvicāraśca paṭhanaṃ pāṭhanaṃ śrutam |
tatrāhaṃ niścitaṃ pṛthvi nivasāmi sadaiva hi || 6 ||
gītāśraye'haṃ tiṣṭhāmi gītā me cottamaṃ gṛham |
gītājñānamupāśritya trī~llokān-pālayāmyaham || 7 ||
gītā me paramā vidyā brahmarūpā na saṃśayaḥ |
ardhamātrākṣarā nityā svānirvācyapadātmikā || 8 ||
cidānandena kṛṣṇena proktā svamukhato'rjunam |
vedatrayī parānandā tattvārthajñānasaṃyutā || 9 ||
yo'ṣṭādaśaṃ japennityaṃ naro niścalamānasaḥ |
jñānasiddhiṃ sa labhate tato yāti paraṃ padam || 10 ||
pāṭhe'samarthaḥ sampūrṇe tato'rdhaṃ pāṭhamācaret |
tadā godānajaṃ puṇyaṃ labhate nātra saṃśayaḥ || 11 ||
tribhāgaṃ paṭhamānastu gaṅgāsnānaphalaṃ labhet |
ṣaḍaṃśaṃ japamānastu somayāgaphalaṃ labhet || 12 ||
èkādhyāyaṃ tuyo nityaṃ paṭhate bhaktisaṃyutaḥ |
rudralokamavāpnoti gaṇo bhūtvā vasecciram || 13 ||
adhyāyaṃ ślokapādaṃ vā nityaṃ yaḥ paṭhate naraḥ |
sa yāti naratāṃ yāvat manvantaraṃ vasundhare || 14 ||
gītāyāḥ ślokadaśakaṃ sapta pañca catuṣṭayam |
dvautrīnekaṃ tadardhaṃ vā ślokānāṃ yaḥ paṭhennaraḥ || 15 ||
candralokamavāpnoti varṣāṇāmayutaṃ dhṛvam |
gītāpāṭhasamāyuktaḥ mṛto mānuṣatāṃ vrajet || 16 ||
gītābhyāsaṃ punaḥ kṛtvā labhate muktimuttamam |
gītetyuccārasaṃyuktaḥ mriyamāṇo gatiṃ labhet || 17 ||
gītārthaśravaṇāsaktaḥ mahāpāpayuto'pi vā |
vaikuṇṭhaṃ samavāpnoti viṣṇunā sahamodate || 18 ||
gītārthaṃ dhyāyate nityaṃ kṛtvā karmāṇi bhūriśaḥ |
jīvanmuktaḥ sa vijñeyaḥ dehānte paramaṃ padam || 19 ||
malanirmocanaṃ puṃsāṃ jalasnānaṃ dine dine |
sakṛdgītāmbhasi snānaṃ saṃsāramalanāśanam || 20 ||
gītāmāśritya bahavaḥ bhūbhujo janakādayaḥ |
nirdhūtakalmaṣā loke gītā yātāḥ paraṃ padam || 21 ||
te śṛṇvanti paṭhantyeva gītāśāstramaharniśam |
na te vai mānuṣā jñeyā devā eva na saṃśayaḥ || 22 ||
jñānājñānakṛtaṃ nityaṃ indriyairjanitaṃ ca yat |
tatsarvaṃ nāśamāyāti gītāpāṭhena takṣaṇam || 23 ||
dhik tasya jñānamācāraṃ vrataṃ ceṣṭāṃ tapo yaśaḥ |
gītārthapaṭhanaṃ nā'sti nādhamastatparo janaḥ || 24 ||
saṃsārasāgaraṃ ghoraṃ tartumicchati yo janaḥ |
gītānāvaṃ samāruhya pāraṃ yāti sukhena saḥ || 25 ||
gītāyāḥ paṭhanaṃ kṛtvā māhātmyaṃ naiva yaḥ paṭhet |
vṛthā pāṭho bhavettasya śrama eva hyudāhṛtaḥ || 26 ||
etanmāhātmyasaṃyuktaṃ gītābhyāsaṃ karoti yaḥ |
sa tatphalamavāpnoti durlabhāṃ gatimāpnuyāt || 27 ||
sūta uvāca
māhātmyametadgītāyāḥ mayā proktaṃ sanātanam |
gītānte ca paṭhedyastu yaduktaṃ tatphalaṃ bhavet || 28 ||
iti śrī varāhapurāṇe śrī gītāmāhātmyaṃ sampūrṇam ||
oṃ śāntiḥ śāntiḥ śāntiḥ ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.