ਅਥ ਗੀਤਾਮਾਹਾਤ੍ਮ੍ਯਂ
ਧਰੋਵਾਚ
ਭਗਵਨ੍ ਪਰਮੇਸ਼ਾਨ ਭਕ੍ਤਿਰਵ੍ਯਭਿਚਾਰਿਣੀ ।
ਪ੍ਰਾਰਬ੍ਧਂ ਭੁਜ੍ਯਮਾਨਸ੍ਯ ਕਥਂ ਭਵਤਿ ਹੇ ਪ੍ਰਭੋ ॥ 1 ॥
ਸ਼੍ਰੀਵਿष੍ਣੁਰੁਵਾਚ
ਪ੍ਰਾਰਬ੍ਧਂ ਭੁਜ੍ਯਮਾਨੋ ਹਿ ਗੀਤਾਭ੍ਯਾਸਰਤਃ ਸਦਾ ।
ਸ ਮੁਕ੍ਤਃ ਸ ਸੁਖੀ ਲੋਕੇ ਕਰ੍ਮਣਾ ਨੋਪਲਿਪ੍ਯਤੇ ॥ 2 ॥
ਮਹਾਪਾਪਾਦਿਪਾਪਾਨਿ ਗੀਤਾਧ੍ਯਾਨਂ ਕਰੋਤਿ ਚੇਤ੍ ।
ਕ੍ਵਚਿਤ੍ਸ੍ਪਰ੍ਸ਼ਂ ਨ ਕੁਰ੍ਵਨ੍ਤਿ ਨਲਿਨੀਦਲਮਮ੍ਬੁਵਤ੍ ॥ 3 ॥
ਗੀਤਾਯਾਃ ਪੁਸ੍ਤਕਂ ਯਤ੍ਰ ਯਤ੍ਰ ਪਾਠਃ ਪ੍ਰਵਰ੍ਤਤੇ ।
ਤਤ੍ਰ ਸਰ੍ਵਾਣਿ ਤੀਰ੍ਥਾਨਿ ਪ੍ਰਯਾਗਾਦੀਨਿ ਤਤ੍ਰ ਵੈ ॥ 4 ॥
ਸਰ੍ਵੇ ਦੇਵਾਸ਼੍ਚ ऋषਯਃ ਯੋਗਿਨਃ ਪਨ੍ਨਗਾਸ਼੍ਚ ਯੇ ।
ਗੋਪਾਲਾ ਗੋਪਿਕਾ ਵਾऽਪਿ ਨਾਰਦੋਦ੍ਧਵਪਾਰ੍षਦੈਃ ॥ 5 ॥
ਸਹਾਯੋ ਜਾਯਤੇ ਸ਼ੀਘ੍ਰਂ ਯਤ੍ਰ ਗੀਤਾ ਪ੍ਰਵਰ੍ਤਤੇ ।
ਯਤ੍ਰ ਗੀਤਾਵਿਚਾਰਸ਼੍ਚ ਪਠਨਂ ਪਾਠਨਂ ਸ਼੍ਰੁਤਮ੍ ।
ਤਤ੍ਰਾਹਂ ਨਿਸ਼੍ਚਿਤਂ ਪृਥ੍ਵਿ ਨਿਵਸਾਮਿ ਸਦੈਵ ਹਿ ॥ 6 ॥
ਗੀਤਾਸ਼੍ਰਯੇऽਹਂ ਤਿष੍ਠਾਮਿ ਗੀਤਾ ਮੇ ਚੋਤ੍ਤਮਂ ਗृਹਮ੍ ।
ਗੀਤਾਜ੍ਞਾਨਮੁਪਾਸ਼੍ਰਿਤ੍ਯ ਤ੍ਰੀਁਲ੍ਲੋਕਾਨ੍-ਪਾਲਯਾਮ੍ਯਹਮ੍ ॥ 7 ॥
ਗੀਤਾ ਮੇ ਪਰਮਾ ਵਿਦ੍ਯਾ ਬ੍ਰਹ੍ਮਰੂਪਾ ਨ ਸਂਸ਼ਯਃ ।
ਅਰ੍ਧਮਾਤ੍ਰਾਕ੍षਰਾ ਨਿਤ੍ਯਾ ਸ੍ਵਾਨਿਰ੍ਵਾਚ੍ਯਪਦਾਤ੍ਮਿਕਾ ॥ 8 ॥
ਚਿਦਾਨਨ੍ਦੇਨ ਕृष੍ਣੇਨ ਪ੍ਰੋਕ੍ਤਾ ਸ੍ਵਮੁਖਤੋऽਰ੍ਜੁਨਮ੍ ।
ਵੇਦਤ੍ਰਯੀ ਪਰਾਨਨ੍ਦਾ ਤਤ੍ਤ੍ਵਾਰ੍ਥਜ੍ਞਾਨਸਂਯੁਤਾ ॥ 9 ॥
ਯੋऽष੍ਟਾਦਸ਼ਂ ਜਪੇਨ੍ਨਿਤ੍ਯਂ ਨਰੋ ਨਿਸ਼੍ਚਲਮਾਨਸਃ ।
ਜ੍ਞਾਨਸਿਦ੍ਧਿਂ ਸ ਲਭਤੇ ਤਤੋ ਯਾਤਿ ਪਰਂ ਪਦਮ੍ ॥ 10 ॥
ਪਾਠੇऽਸਮਰ੍ਥਃ ਸਮ੍ਪੂਰ੍ਣੇ ਤਤੋऽਰ੍ਧਂ ਪਾਠਮਾਚਰੇਤ੍ ।
ਤਦਾ ਗੋਦਾਨਜਂ ਪੁਣ੍ਯਂ ਲਭਤੇ ਨਾਤ੍ਰ ਸਂਸ਼ਯਃ ॥ 11 ॥
ਤ੍ਰਿਭਾਗਂ ਪਠਮਾਨਸ੍ਤੁ ਗਙ੍ਗਾਸ੍ਨਾਨਫਲਂ ਲਭੇਤ੍ ।
षਡਂਸ਼ਂ ਜਪਮਾਨਸ੍ਤੁ ਸੋਮਯਾਗਫਲਂ ਲਭੇਤ੍ ॥ 12 ॥
ऎਕਾਧ੍ਯਾਯਂ ਤੁਯੋ ਨਿਤ੍ਯਂ ਪਠਤੇ ਭਕ੍ਤਿਸਂਯੁਤਃ ।
ਰੁਦ੍ਰਲੋਕਮਵਾਪ੍ਨੋਤਿ ਗਣੋ ਭੂਤ੍ਵਾ ਵਸੇਚ੍ਚਿਰਮ੍ ॥ 13 ॥
ਅਧ੍ਯਾਯਂ ਸ਼੍ਲੋਕਪਾਦਂ ਵਾ ਨਿਤ੍ਯਂ ਯਃ ਪਠਤੇ ਨਰਃ ।
ਸ ਯਾਤਿ ਨਰਤਾਂ ਯਾਵਤ੍ ਮਨ੍ਵਨ੍ਤਰਂ ਵਸੁਨ੍ਧਰੇ ॥ 14 ॥
ਗੀਤਾਯਾਃ ਸ਼੍ਲੋਕਦਸ਼ਕਂ ਸਪ੍ਤ ਪਞ੍ਚ ਚਤੁष੍ਟਯਮ੍ ।
ਦ੍ਵੌਤ੍ਰੀਨੇਕਂ ਤਦਰ੍ਧਂ ਵਾ ਸ਼੍ਲੋਕਾਨਾਂ ਯਃ ਪਠੇਨ੍ਨਰਃ ॥ 15 ॥
ਚਨ੍ਦ੍ਰਲੋਕਮਵਾਪ੍ਨੋਤਿ ਵਰ੍षਾਣਾਮਯੁਤਂ ਧृਵਮ੍ ।
ਗੀਤਾਪਾਠਸਮਾਯੁਕ੍ਤਃ ਮृਤੋ ਮਾਨੁषਤਾਂ ਵ੍ਰਜੇਤ੍ ॥ 16 ॥
ਗੀਤਾਭ੍ਯਾਸਂ ਪੁਨਃ ਕृਤ੍ਵਾ ਲਭਤੇ ਮੁਕ੍ਤਿਮੁਤ੍ਤਮਮ੍ ।
ਗੀਤੇਤ੍ਯੁਚ੍ਚਾਰਸਂਯੁਕ੍ਤਃ ਮ੍ਰਿਯਮਾਣੋ ਗਤਿਂ ਲਭੇਤ੍ ॥ 17 ॥
ਗੀਤਾਰ੍ਥਸ਼੍ਰਵਣਾਸਕ੍ਤਃ ਮਹਾਪਾਪਯੁਤੋऽਪਿ ਵਾ ।
ਵੈਕੁਣ੍ਠਂ ਸਮਵਾਪ੍ਨੋਤਿ ਵਿष੍ਣੁਨਾ ਸਹਮੋਦਤੇ ॥ 18 ॥
ਗੀਤਾਰ੍ਥਂ ਧ੍ਯਾਯਤੇ ਨਿਤ੍ਯਂ ਕृਤ੍ਵਾ ਕਰ੍ਮਾਣਿ ਭੂਰਿਸ਼ਃ ।
ਜੀਵਨ੍ਮੁਕ੍ਤਃ ਸ ਵਿਜ੍ਞੇਯਃ ਦੇਹਾਨ੍ਤੇ ਪਰਮਂ ਪਦਮ੍ ॥ 19 ॥
ਮਲਨਿਰ੍ਮੋਚਨਂ ਪੁਂਸਾਂ ਜਲਸ੍ਨਾਨਂ ਦਿਨੇ ਦਿਨੇ ।
ਸਕृਦ੍ਗੀਤਾਮ੍ਭਸਿ ਸ੍ਨਾਨਂ ਸਂਸਾਰਮਲਨਾਸ਼ਨਮ੍ ॥ 20 ॥
ਗੀਤਾਮਾਸ਼੍ਰਿਤ੍ਯ ਬਹਵਃ ਭੂਭੁਜੋ ਜਨਕਾਦਯਃ ।
ਨਿਰ੍ਧੂਤਕਲ੍ਮषਾ ਲੋਕੇ ਗੀਤਾ ਯਾਤਾਃ ਪਰਂ ਪਦਮ੍ ॥ 21 ॥
ਤੇ ਸ਼ृਣ੍ਵਨ੍ਤਿ ਪਠਨ੍ਤ੍ਯੇਵ ਗੀਤਾਸ਼ਾਸ੍ਤ੍ਰਮਹਰ੍ਨਿਸ਼ਮ੍ ।
ਨ ਤੇ ਵੈ ਮਾਨੁषਾ ਜ੍ਞੇਯਾ ਦੇਵਾ ਏਵ ਨ ਸਂਸ਼ਯਃ ॥ 22 ॥
ਜ੍ਞਾਨਾਜ੍ਞਾਨਕृਤਂ ਨਿਤ੍ਯਂ ਇਨ੍ਦ੍ਰਿਯੈਰ੍ਜਨਿਤਂ ਚ ਯਤ੍ ।
ਤਤ੍ਸਰ੍ਵਂ ਨਾਸ਼ਮਾਯਾਤਿ ਗੀਤਾਪਾਠੇਨ ਤਕ੍षਣਮ੍ ॥ 23 ॥
ਧਿਕ੍ ਤਸ੍ਯ ਜ੍ਞਾਨਮਾਚਾਰਂ ਵ੍ਰਤਂ ਚੇष੍ਟਾਂ ਤਪੋ ਯਸ਼ਃ ।
ਗੀਤਾਰ੍ਥਪਠਨਂ ਨਾऽਸ੍ਤਿ ਨਾਧਮਸ੍ਤਤ੍ਪਰੋ ਜਨਃ ॥ 24 ॥
ਸਂਸਾਰਸਾਗਰਂ ਘੋਰਂ ਤਰ੍ਤੁਮਿਚ੍ਛਤਿ ਯੋ ਜਨਃ ।
ਗੀਤਾਨਾਵਂ ਸਮਾਰੁਹ੍ਯ ਪਾਰਂ ਯਾਤਿ ਸੁਖੇਨ ਸਃ ॥ 25 ॥
ਗੀਤਾਯਾਃ ਪਠਨਂ ਕृਤ੍ਵਾ ਮਾਹਾਤ੍ਮ੍ਯਂ ਨੈਵ ਯਃ ਪਠੇਤ੍ ।
ਵृਥਾ ਪਾਠੋ ਭਵੇਤ੍ਤਸ੍ਯ ਸ਼੍ਰਮ ਏਵ ਹ੍ਯੁਦਾਹृਤਃ ॥ 26 ॥
ਏਤਨ੍ਮਾਹਾਤ੍ਮ੍ਯਸਂਯੁਕ੍ਤਂ ਗੀਤਾਭ੍ਯਾਸਂ ਕਰੋਤਿ ਯਃ ।
ਸ ਤਤ੍ਫਲਮਵਾਪ੍ਨੋਤਿ ਦੁਰ੍ਲਭਾਂ ਗਤਿਮਾਪ੍ਨੁਯਾਤ੍ ॥ 27 ॥
ਸੂਤ ਉਵਾਚ
ਮਾਹਾਤ੍ਮ੍ਯਮੇਤਦ੍ਗੀਤਾਯਾਃ ਮਯਾ ਪ੍ਰੋਕ੍ਤਂ ਸਨਾਤਨਮ੍ ।
ਗੀਤਾਨ੍ਤੇ ਚ ਪਠੇਦ੍ਯਸ੍ਤੁ ਯਦੁਕ੍ਤਂ ਤਤ੍ਫਲਂ ਭਵੇਤ੍ ॥ 28 ॥
ਇਤਿ ਸ਼੍ਰੀ ਵਰਾਹਪੁਰਾਣੇ ਸ਼੍ਰੀ ਗੀਤਾਮਾਹਾਤ੍ਮ੍ਯਂ ਸਮ੍ਪੂਰ੍ਣਮ੍ ॥
ੴ ਸ਼ਾਨ੍ਤਿਃ ਸ਼ਾਨ੍ਤਿਃ ਸ਼ਾਨ੍ਤਿਃ ॥
Roman (IAST) Transliteration
atha gītāmāhātmyaṃ
dharovāca
bhagavan parameśāna bhaktiravyabhicāriṇī |
prārabdhaṃ bhujyamānasya kathaṃ bhavati he prabho || 1 ||
śrīviṣṇuruvāca
prārabdhaṃ bhujyamāno hi gītābhyāsarataḥ sadā |
sa muktaḥ sa sukhī loke karmaṇā nopalipyate || 2 ||
mahāpāpādipāpāni gītādhyānaṃ karoti cet |
kvacitsparśaṃ na kurvanti nalinīdalamambuvat || 3 ||
gītāyāḥ pustakaṃ yatra yatra pāṭhaḥ pravartate |
tatra sarvāṇi tīrthāni prayāgādīni tatra vai || 4 ||
sarve devāśca ṛṣayaḥ yoginaḥ pannagāśca ye |
gopālā gopikā vā'pi nāradoddhavapārṣadaiḥ || 5 ||
sahāyo jāyate śīghraṃ yatra gītā pravartate |
yatra gītāvicāraśca paṭhanaṃ pāṭhanaṃ śrutam |
tatrāhaṃ niścitaṃ pṛthvi nivasāmi sadaiva hi || 6 ||
gītāśraye'haṃ tiṣṭhāmi gītā me cottamaṃ gṛham |
gītājñānamupāśritya trī~llokān-pālayāmyaham || 7 ||
gītā me paramā vidyā brahmarūpā na saṃśayaḥ |
ardhamātrākṣarā nityā svānirvācyapadātmikā || 8 ||
cidānandena kṛṣṇena proktā svamukhato'rjunam |
vedatrayī parānandā tattvārthajñānasaṃyutā || 9 ||
yo'ṣṭādaśaṃ japennityaṃ naro niścalamānasaḥ |
jñānasiddhiṃ sa labhate tato yāti paraṃ padam || 10 ||
pāṭhe'samarthaḥ sampūrṇe tato'rdhaṃ pāṭhamācaret |
tadā godānajaṃ puṇyaṃ labhate nātra saṃśayaḥ || 11 ||
tribhāgaṃ paṭhamānastu gaṅgāsnānaphalaṃ labhet |
ṣaḍaṃśaṃ japamānastu somayāgaphalaṃ labhet || 12 ||
èkādhyāyaṃ tuyo nityaṃ paṭhate bhaktisaṃyutaḥ |
rudralokamavāpnoti gaṇo bhūtvā vasecciram || 13 ||
adhyāyaṃ ślokapādaṃ vā nityaṃ yaḥ paṭhate naraḥ |
sa yāti naratāṃ yāvat manvantaraṃ vasundhare || 14 ||
gītāyāḥ ślokadaśakaṃ sapta pañca catuṣṭayam |
dvautrīnekaṃ tadardhaṃ vā ślokānāṃ yaḥ paṭhennaraḥ || 15 ||
candralokamavāpnoti varṣāṇāmayutaṃ dhṛvam |
gītāpāṭhasamāyuktaḥ mṛto mānuṣatāṃ vrajet || 16 ||
gītābhyāsaṃ punaḥ kṛtvā labhate muktimuttamam |
gītetyuccārasaṃyuktaḥ mriyamāṇo gatiṃ labhet || 17 ||
gītārthaśravaṇāsaktaḥ mahāpāpayuto'pi vā |
vaikuṇṭhaṃ samavāpnoti viṣṇunā sahamodate || 18 ||
gītārthaṃ dhyāyate nityaṃ kṛtvā karmāṇi bhūriśaḥ |
jīvanmuktaḥ sa vijñeyaḥ dehānte paramaṃ padam || 19 ||
malanirmocanaṃ puṃsāṃ jalasnānaṃ dine dine |
sakṛdgītāmbhasi snānaṃ saṃsāramalanāśanam || 20 ||
gītāmāśritya bahavaḥ bhūbhujo janakādayaḥ |
nirdhūtakalmaṣā loke gītā yātāḥ paraṃ padam || 21 ||
te śṛṇvanti paṭhantyeva gītāśāstramaharniśam |
na te vai mānuṣā jñeyā devā eva na saṃśayaḥ || 22 ||
jñānājñānakṛtaṃ nityaṃ indriyairjanitaṃ ca yat |
tatsarvaṃ nāśamāyāti gītāpāṭhena takṣaṇam || 23 ||
dhik tasya jñānamācāraṃ vrataṃ ceṣṭāṃ tapo yaśaḥ |
gītārthapaṭhanaṃ nā'sti nādhamastatparo janaḥ || 24 ||
saṃsārasāgaraṃ ghoraṃ tartumicchati yo janaḥ |
gītānāvaṃ samāruhya pāraṃ yāti sukhena saḥ || 25 ||
gītāyāḥ paṭhanaṃ kṛtvā māhātmyaṃ naiva yaḥ paṭhet |
vṛthā pāṭho bhavettasya śrama eva hyudāhṛtaḥ || 26 ||
etanmāhātmyasaṃyuktaṃ gītābhyāsaṃ karoti yaḥ |
sa tatphalamavāpnoti durlabhāṃ gatimāpnuyāt || 27 ||
sūta uvāca
māhātmyametadgītāyāḥ mayā proktaṃ sanātanam |
gītānte ca paṭhedyastu yaduktaṃ tatphalaṃ bhavet || 28 ||
iti śrī varāhapurāṇe śrī gītāmāhātmyaṃ sampūrṇam ||
oṃ śāntiḥ śāntiḥ śāntiḥ ||
Sanskrit — Devanagari (original)
अथ गीतामाहात्म्यं
धरोवाच
भगवन् परमेशान भक्तिरव्यभिचारिणी ।
प्रारब्धं भुज्यमानस्य कथं भवति हे प्रभो ॥ 1 ॥
श्रीविष्णुरुवाच
प्रारब्धं भुज्यमानो हि गीताभ्यासरतः सदा ।
स मुक्तः स सुखी लोके कर्मणा नोपलिप्यते ॥ 2 ॥
महापापादिपापानि गीताध्यानं करोति चेत् ।
क्वचित्स्पर्शं न कुर्वन्ति नलिनीदलमम्बुवत् ॥ 3 ॥
गीतायाः पुस्तकं यत्र यत्र पाठः प्रवर्तते ।
तत्र सर्वाणि तीर्थानि प्रयागादीनि तत्र वै ॥ 4 ॥
सर्वे देवाश्च ऋषयः योगिनः पन्नगाश्च ये ।
गोपाला गोपिका वाऽपि नारदोद्धवपार्षदैः ॥ 5 ॥
सहायो जायते शीघ्रं यत्र गीता प्रवर्तते ।
यत्र गीताविचारश्च पठनं पाठनं श्रुतम् ।
तत्राहं निश्चितं पृथ्वि निवसामि सदैव हि ॥ 6 ॥
गीताश्रयेऽहं तिष्ठामि गीता मे चोत्तमं गृहम् ।
गीताज्ञानमुपाश्रित्य त्रीँल्लोकान्-पालयाम्यहम् ॥ 7 ॥
गीता मे परमा विद्या ब्रह्मरूपा न संशयः ।
अर्धमात्राक्षरा नित्या स्वानिर्वाच्यपदात्मिका ॥ 8 ॥
चिदानन्देन कृष्णेन प्रोक्ता स्वमुखतोऽर्जुनम् ।
वेदत्रयी परानन्दा तत्त्वार्थज्ञानसंयुता ॥ 9 ॥
योऽष्टादशं जपेन्नित्यं नरो निश्चलमानसः ।
ज्ञानसिद्धिं स लभते ततो याति परं पदम् ॥ 10 ॥
पाठेऽसमर्थः सम्पूर्णे ततोऽर्धं पाठमाचरेत् ।
तदा गोदानजं पुण्यं लभते नात्र संशयः ॥ 11 ॥
त्रिभागं पठमानस्तु गङ्गास्नानफलं लभेत् ।
षडंशं जपमानस्तु सोमयागफलं लभेत् ॥ 12 ॥
ऎकाध्यायं तुयो नित्यं पठते भक्तिसंयुतः ।
रुद्रलोकमवाप्नोति गणो भूत्वा वसेच्चिरम् ॥ 13 ॥
अध्यायं श्लोकपादं वा नित्यं यः पठते नरः ।
स याति नरतां यावत् मन्वन्तरं वसुन्धरे ॥ 14 ॥
गीतायाः श्लोकदशकं सप्त पञ्च चतुष्टयम् ।
द्वौत्रीनेकं तदर्धं वा श्लोकानां यः पठेन्नरः ॥ 15 ॥
चन्द्रलोकमवाप्नोति वर्षाणामयुतं धृवम् ।
गीतापाठसमायुक्तः मृतो मानुषतां व्रजेत् ॥ 16 ॥
गीताभ्यासं पुनः कृत्वा लभते मुक्तिमुत्तमम् ।
गीतेत्युच्चारसंयुक्तः म्रियमाणो गतिं लभेत् ॥ 17 ॥
गीतार्थश्रवणासक्तः महापापयुतोऽपि वा ।
वैकुण्ठं समवाप्नोति विष्णुना सहमोदते ॥ 18 ॥
गीतार्थं ध्यायते नित्यं कृत्वा कर्माणि भूरिशः ।
जीवन्मुक्तः स विज्ञेयः देहान्ते परमं पदम् ॥ 19 ॥
मलनिर्मोचनं पुंसां जलस्नानं दिने दिने ।
सकृद्गीताम्भसि स्नानं संसारमलनाशनम् ॥ 20 ॥
गीतामाश्रित्य बहवः भूभुजो जनकादयः ।
निर्धूतकल्मषा लोके गीता याताः परं पदम् ॥ 21 ॥
ते शृण्वन्ति पठन्त्येव गीताशास्त्रमहर्निशम् ।
न ते वै मानुषा ज्ञेया देवा एव न संशयः ॥ 22 ॥
ज्ञानाज्ञानकृतं नित्यं इन्द्रियैर्जनितं च यत् ।
तत्सर्वं नाशमायाति गीतापाठेन तक्षणम् ॥ 23 ॥
धिक् तस्य ज्ञानमाचारं व्रतं चेष्टां तपो यशः ।
गीतार्थपठनं नाऽस्ति नाधमस्तत्परो जनः ॥ 24 ॥
संसारसागरं घोरं तर्तुमिच्छति यो जनः ।
गीतानावं समारुह्य पारं याति सुखेन सः ॥ 25 ॥
गीतायाः पठनं कृत्वा माहात्म्यं नैव यः पठेत् ।
वृथा पाठो भवेत्तस्य श्रम एव ह्युदाहृतः ॥ 26 ॥
एतन्माहात्म्यसंयुक्तं गीताभ्यासं करोति यः ।
स तत्फलमवाप्नोति दुर्लभां गतिमाप्नुयात् ॥ 27 ॥
सूत उवाच
माहात्म्यमेतद्गीतायाः मया प्रोक्तं सनातनम् ।
गीतान्ते च पठेद्यस्तु यदुक्तं तत्फलं भवेत् ॥ 28 ॥
इति श्री वराहपुराणे श्री गीतामाहात्म्यं सम्पूर्णम् ॥
ॐ शान्तिः शान्तिः शान्तिः ॥
atha gītāmāhātmyaṃ
dharovāca
bhagavan parameśāna bhaktiravyabhicāriṇī |
prārabdhaṃ bhujyamānasya kathaṃ bhavati he prabho || 1 ||
śrīviṣṇuruvāca
prārabdhaṃ bhujyamāno hi gītābhyāsarataḥ sadā |
sa muktaḥ sa sukhī loke karmaṇā nopalipyate || 2 ||
mahāpāpādipāpāni gītādhyānaṃ karoti cet |
kvacitsparśaṃ na kurvanti nalinīdalamambuvat || 3 ||
gītāyāḥ pustakaṃ yatra yatra pāṭhaḥ pravartate |
tatra sarvāṇi tīrthāni prayāgādīni tatra vai || 4 ||
sarve devāśca ṛṣayaḥ yoginaḥ pannagāśca ye |
gopālā gopikā vā'pi nāradoddhavapārṣadaiḥ || 5 ||
sahāyo jāyate śīghraṃ yatra gītā pravartate |
yatra gītāvicāraśca paṭhanaṃ pāṭhanaṃ śrutam |
tatrāhaṃ niścitaṃ pṛthvi nivasāmi sadaiva hi || 6 ||
gītāśraye'haṃ tiṣṭhāmi gītā me cottamaṃ gṛham |
gītājñānamupāśritya trī~llokān-pālayāmyaham || 7 ||
gītā me paramā vidyā brahmarūpā na saṃśayaḥ |
ardhamātrākṣarā nityā svānirvācyapadātmikā || 8 ||
cidānandena kṛṣṇena proktā svamukhato'rjunam |
vedatrayī parānandā tattvārthajñānasaṃyutā || 9 ||
yo'ṣṭādaśaṃ japennityaṃ naro niścalamānasaḥ |
jñānasiddhiṃ sa labhate tato yāti paraṃ padam || 10 ||
pāṭhe'samarthaḥ sampūrṇe tato'rdhaṃ pāṭhamācaret |
tadā godānajaṃ puṇyaṃ labhate nātra saṃśayaḥ || 11 ||
tribhāgaṃ paṭhamānastu gaṅgāsnānaphalaṃ labhet |
ṣaḍaṃśaṃ japamānastu somayāgaphalaṃ labhet || 12 ||
èkādhyāyaṃ tuyo nityaṃ paṭhate bhaktisaṃyutaḥ |
rudralokamavāpnoti gaṇo bhūtvā vasecciram || 13 ||
adhyāyaṃ ślokapādaṃ vā nityaṃ yaḥ paṭhate naraḥ |
sa yāti naratāṃ yāvat manvantaraṃ vasundhare || 14 ||
gītāyāḥ ślokadaśakaṃ sapta pañca catuṣṭayam |
dvautrīnekaṃ tadardhaṃ vā ślokānāṃ yaḥ paṭhennaraḥ || 15 ||
candralokamavāpnoti varṣāṇāmayutaṃ dhṛvam |
gītāpāṭhasamāyuktaḥ mṛto mānuṣatāṃ vrajet || 16 ||
gītābhyāsaṃ punaḥ kṛtvā labhate muktimuttamam |
gītetyuccārasaṃyuktaḥ mriyamāṇo gatiṃ labhet || 17 ||
gītārthaśravaṇāsaktaḥ mahāpāpayuto'pi vā |
vaikuṇṭhaṃ samavāpnoti viṣṇunā sahamodate || 18 ||
gītārthaṃ dhyāyate nityaṃ kṛtvā karmāṇi bhūriśaḥ |
jīvanmuktaḥ sa vijñeyaḥ dehānte paramaṃ padam || 19 ||
malanirmocanaṃ puṃsāṃ jalasnānaṃ dine dine |
sakṛdgītāmbhasi snānaṃ saṃsāramalanāśanam || 20 ||
gītāmāśritya bahavaḥ bhūbhujo janakādayaḥ |
nirdhūtakalmaṣā loke gītā yātāḥ paraṃ padam || 21 ||
te śṛṇvanti paṭhantyeva gītāśāstramaharniśam |
na te vai mānuṣā jñeyā devā eva na saṃśayaḥ || 22 ||
jñānājñānakṛtaṃ nityaṃ indriyairjanitaṃ ca yat |
tatsarvaṃ nāśamāyāti gītāpāṭhena takṣaṇam || 23 ||
dhik tasya jñānamācāraṃ vrataṃ ceṣṭāṃ tapo yaśaḥ |
gītārthapaṭhanaṃ nā'sti nādhamastatparo janaḥ || 24 ||
saṃsārasāgaraṃ ghoraṃ tartumicchati yo janaḥ |
gītānāvaṃ samāruhya pāraṃ yāti sukhena saḥ || 25 ||
gītāyāḥ paṭhanaṃ kṛtvā māhātmyaṃ naiva yaḥ paṭhet |
vṛthā pāṭho bhavettasya śrama eva hyudāhṛtaḥ || 26 ||
etanmāhātmyasaṃyuktaṃ gītābhyāsaṃ karoti yaḥ |
sa tatphalamavāpnoti durlabhāṃ gatimāpnuyāt || 27 ||
sūta uvāca
māhātmyametadgītāyāḥ mayā proktaṃ sanātanam |
gītānte ca paṭhedyastu yaduktaṃ tatphalaṃ bhavet || 28 ||
iti śrī varāhapurāṇe śrī gītāmāhātmyaṃ sampūrṇam ||
oṃ śāntiḥ śāntiḥ śāntiḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.