Avanitalam Punaravatirna Syat — Sinhala Script

අවනිතලං පුනරවතීර්ණා ස්යාත්

සංස්කෘතගඞ්ගාධාරා .

ධීරභගීරථවංශෝ(අ)ස්මාකං

වයං තු කෘතනිර්ධාරාඃ ..

නිපතතු පණ්ඩිතහරශිරසි

ප්රවහතු නිත්යමිදං වචසි

ප්රවිශතු වෛයාකරණමුඛං

පුනරපි වහතාජ්ජනමනසි

පුත්රසහස්රං සමුද්ධෘතං ස්යාත්

යාන්තු ච ජන්මවිකාරාඃ .. 1 ..

ග්රාමං ග්රාමං ගච්ඡාම

සංස්කෘතශික්ෂාං යච්ඡාම

සර්වේෂාමපි තෘප්තිහිතාර්ථං

ස්වක්ලේශං න හි ගණයේම

කෘතේ ප්රයත්නේ කිං න ලභේත

ඒවං සන්ති විචාරාඃ .. 2 ..

යා මාතා සංස්කෘතිමූලා

යස්යා ව්යාප්තිස්සුවිශාලා

වාඞ්මයරූපා සා භවතු

ලසතු චිරං සා වාඞ්මාලා

සුරවාණීං ජනවාණීං කර්තුං

යතාමහේ කෘතිශූරාඃ .. 3 ..

රචන: ඩා. නාරායණභට්ටඃ

Roman (IAST) Transliteration

avanitalaṃ punaravatīrṇā syāt

saṃskṛtagaṅgādhārā |

dhīrabhagīrathavaṃśo'smākaṃ

vayaṃ tu kṛtanirdhārāḥ ||

nipatatu paṇḍitaharaśirasi

pravahatu nityamidaṃ vacasi

praviśatu vaiyākaraṇamukhaṃ

punarapi vahatājjanamanasi

putrasahasraṃ samuddhṛtaṃ syāt

yāntu ca janmavikārāḥ || 1 ||

grāmaṃ grāmaṃ gacchāma

saṃskṛtaśikṣāṃ yacchāma

sarveṣāmapi tṛptihitārthaṃ

svakleśaṃ na hi gaṇayema

kṛte prayatne kiṃ na labheta

evaṃ santi vicārāḥ || 2 ||

yā mātā saṃskṛtimūlā

yasyā vyāptissuviśālā

vāṅmayarūpā sā bhavatu

lasatu ciraṃ sā vāṅmālā

suravāṇīṃ janavāṇīṃ kartuṃ

yatāmahe kṛtiśūrāḥ || 3 ||

racana: ḍā. nārāyaṇabhaṭṭaḥ

Sanskrit — Devanagari (original)

अवनितलं पुनरवतीर्णा स्यात्

संस्कृतगङ्गाधारा ।

धीरभगीरथवंशोऽस्माकं

वयं तु कृतनिर्धाराः ॥

निपततु पण्डितहरशिरसि

प्रवहतु नित्यमिदं वचसि

प्रविशतु वैयाकरणमुखं

पुनरपि वहताज्जनमनसि

पुत्रसहस्रं समुद्धृतं स्यात्

यान्तु च जन्मविकाराः ॥ 1 ॥

ग्रामं ग्रामं गच्छाम

संस्कृतशिक्षां यच्छाम

सर्वेषामपि तृप्तिहितार्थं

स्वक्लेशं न हि गणयेम

कृते प्रयत्ने किं न लभेत

एवं सन्ति विचाराः ॥ 2 ॥

या माता संस्कृतिमूला

यस्या व्याप्तिस्सुविशाला

वाङ्मयरूपा सा भवतु

लसतु चिरं सा वाङ्माला

सुरवाणीं जनवाणीं कर्तुं

यतामहे कृतिशूराः ॥ 3 ॥

रचन: डा. नारायणभट्टः