ଓଁ ଅସ୍ଯ ଶ୍ରୀକୃଷ୍ଣସହସ୍ରନାମସ୍ତୋତ୍ରମନ୍ତ୍ରସ୍ଯ ପରାଶର ଋଷିଃ, ଅନୁଷ୍ଟୁପ୍ ଛନ୍ଦଃ, ଶ୍ରୀକୃଷ୍ଣଃ ପରମାତ୍ମା ଦେଵତା, ଶ୍ରୀକୃଷ୍ଣେତି ବୀଜମ୍, ଶ୍ରୀଵଲ୍ଲଭେତି ଶକ୍ତିଃ, ଶାର୍ଙ୍ଗୀତି କୀଲକଂ, ଶ୍ରୀକୃଷ୍ଣପ୍ରୀତ୍ଯର୍ଥେ ଜପେ ଵିନିଯୋଗଃ ॥
ନ୍ଯାସଃ
ପରାଶରାଯ ଋଷଯେ ନମଃ ଇତି ଶିରସି,
ଅନୁଷ୍ଟୁପ୍ ଛନ୍ଦସେ ନମଃ ଇତି ମୁଖେ,
ଗୋପାଲକୃଷ୍ଣଦେଵତାଯୈ ନମଃ ଇତି ହୃଦଯେ,
ଶ୍ରୀକୃଷ୍ଣାଯ ବୀଜାଯ ନମଃ ଇତି ଗୁହ୍ଯେ,
ଶ୍ରୀଵଲ୍ଲଭାଯ ଶକ୍ତ୍ଯୈ ନମଃ ଇତି ପାଦଯୋଃ,
ଶାର୍ଙ୍ଗଧରାଯ କୀଲକାଯ ନମଃ ଇତି ସର୍ଵାଙ୍ଗେ ॥
କରନ୍ଯାସଃ
ଶ୍ରୀକୃଷ୍ଣ ଇତ୍ଯାରଭ୍ଯ ଶୂରଵଂଶୈକଧୀରିତ୍ଯନ୍ତାନି ଅଙ୍ଗୁଷ୍ଠାଭ୍ଯାଂ ନମଃ ।
ଶୌରିରିତ୍ଯାରଭ୍ଯ ସ୍ଵଭାସୋଦ୍ଭାସିତଵ୍ରଜ ଇତ୍ଯନ୍ତାନି ତର୍ଜନୀଭ୍ଯାଂ ନମଃ ।
କୃତାତ୍ମଵିଦ୍ଯାଵିନ୍ଯାସ ଇତ୍ଯାରଭ୍ଯ ପ୍ରସ୍ଥାନଶକଟାରୂଢ ଇତି ମଧ୍ଯମାଭ୍ଯାଂ ନମଃ,
ବୃନ୍ଦାଵନକୃତାଲଯ ଇତ୍ଯାରଭ୍ଯ ମଧୁରାଜନଵୀକ୍ଷିତ ଇତ୍ଯନାମିକାଭ୍ଯାଂ ନମଃ,
ରଜକପ୍ରତିଘାତକ ଇତ୍ଯାରଭ୍ଯ ଦ୍ଵାରକାପୁରକଲ୍ପନ ଇତି କନିଷ୍ଠିକାଭ୍ଯାଂ ନମଃ
ଦ୍ଵାରକାନିଲଯ ଇତ୍ଯାରଭ୍ଯ ପରାଶର ଇତି କରତଲକରପୃଷ୍ଠାଭ୍ଯାଂ ନମଃ,
ଏଵଂ ହୃଦଯାଦିନ୍ଯାସଃ ॥
ଧ୍ଯାନମ୍
କେଷାଞ୍ଚିତ୍ପ୍ରେମପୁଂସାଂ ଵିଗଲିତମନସାଂ ବାଲଲୀଲାଵିଲାସଂ
କେଷାଂ ଗୋପାଲଲୀଲାଙ୍କିତରସିକତନୁର୍ଵେଣୁଵାଦ୍ଯେନ ଦେଵମ୍ ।
କେଷାଂ ଵାମାସମାଜେ ଜନିତମନସିଜୋ ଦୈତ୍ଯଦର୍ପାପହୈଵଂ
ଜ୍ଞାତ୍ଵା ଭିନ୍ନାଭିଲାଷଂ ସ ଜଯତି ଜଗତାମୀଶ୍ଵରସ୍ତାଦୃଶୋଽଭୂତ୍ ॥ 1 ॥
କ୍ଷୀରାବ୍ଧୌ କୃତସଂସ୍ତଵସ୍ସୁରଗଣୈର୍ବ୍ରହ୍ମାଦିଭିଃ ପଣ୍ଡିତୈଃ
ପ୍ରୋଦ୍ଭୂତୋ ଵସୁଦେଵସଦ୍ମନି ମୁଦା ଚିକ୍ରୀଡ ଯୋ ଗୋକୁଲେ ।
କଂସଧ୍ଵଂସକୃତେ ଜଗାମ ମଧୁରାଂ ସାରାମସଦ୍ଵାରକାଂ
ଗୋପାଲୋଽଖିଲଗୋପିକାଜନସଖଃ ପାଯାଦପାଯାତ୍ ସ ନଃ ॥ 2 ॥
ଫୁଲ୍ଲେନ୍ଦୀଵରକାନ୍ତିମିନ୍ଦୁଵଦନଂ ବର୍ହାଵତଂସପ୍ରିଯଂ
ଶ୍ରୀଵତ୍ସାଙ୍କମୁଦାରକୌସ୍ତୁଭଧରଂ ପୀତାମ୍ବରଂ ସୁନ୍ଦରମ୍ ।
ଗୋପୀନାଂ ନଯନୋତ୍ପଲାର୍ଚିତତନୁଂ ଗୋଗୋପସଙ୍ଘାଵୃତଂ
ଗୋଵିନ୍ଦଂ କଲଵେଣୁଵାଦନରତଂ ଦିଵ୍ଯାଙ୍ଗଭୂଷଂ ଭଜେ ॥ 3 ॥
ଓମ୍ ।
କୃଷ୍ଣଃ ଶ୍ରୀଵଲ୍ଲଭଃ ଶାର୍ଙ୍ଗୀ ଵିଷ୍ଵକ୍ସେନଃ ସ୍ଵସିଦ୍ଧିଦଃ ।
କ୍ଷୀରୋଦଧାମା ଵ୍ଯୂହେଶଃ ଶେଷଶାଯୀ ଜଗନ୍ମଯଃ ॥ 1 ॥
ଭକ୍ତିଗମ୍ଯସ୍ତ୍ରଯୀମୂର୍ତିର୍ଭାରାର୍ତଵସୁଧାସ୍ତୁତଃ ।
ଦେଵଦେଵୋ ଦଯାସିନ୍ଧୁର୍ଦେଵଦେଵଶିଖାମଣିଃ ॥ 2 ॥
ସୁଖଭାଵସ୍ସୁଖାଧାରୋ ମୁକୁନ୍ଦୋ ମୁଦିତାଶଯଃ ।
ଅଵିକ୍ରିଯଃ କ୍ରିଯାମୂର୍ତିରଧ୍ଯାତ୍ମସ୍ଵସ୍ଵରୂପଵାନ୍ ॥ 3 ॥
ଶିଷ୍ଟାଭିଲକ୍ଷ୍ଯୋ ଭୂତାତ୍ମା ଧର୍ମତ୍ରାଣାର୍ଥଚେଷ୍ଟିତଃ ।
ଅନ୍ତର୍ଯାମୀ କଲାରୂପଃ କାଲାଵଯଵସାକ୍ଷିକଃ ॥ 4 ॥
ଵସୁଧାଯାସହରଣୋ ନାରଦପ୍ରେରଣୋନ୍ମୁଖଃ ।
ପ୍ରଭୂଷ୍ଣୁର୍ନାରଦୋଦ୍ଗୀତୋ ଲୋକରକ୍ଷାପରାଯଣଃ ॥ 5 ॥
ରୌହିଣେଯକୃତାନନ୍ଦୋ ଯୋଗଜ୍ଞାନନିଯୋଜକଃ ।
ମହାଗୁହାନ୍ତର୍ନିକ୍ଷିପ୍ତଃ ପୁରାଣଵପୁରାତ୍ମଵାନ୍ ॥ 6 ॥
ଶୂରଵଂଶୈକଧୀଶ୍ଶୌରିଃ କଂସଶଙ୍କାଵିଷାଦକୃତ୍ ।
ଵସୁଦେଵୋଲ୍ଲସଚ୍ଛକ୍ତିର୍ଦେଵକ୍ଯଷ୍ଟମଗର୍ଭଗଃ ॥ 7 ॥
ଵସୁଦେଵସୁତଃ ଶ୍ରୀମାନ୍ଦେଵକୀନନ୍ଦନୋ ହରିଃ ।
ଆଶ୍ଚର୍ଯବାଲଃ ଶ୍ରୀଵତ୍ସଲକ୍ଷ୍ମଵକ୍ଷାଶ୍ଚତୁର୍ଭୁଜଃ ॥ 8 ॥
ସ୍ଵଭାଵୋତ୍କୃଷ୍ଟସଦ୍ଭାଵଃ କୃଷ୍ଣାଷ୍ଟମ୍ଯନ୍ତସମ୍ଭଵଃ ।
ପ୍ରାଜାପତ୍ଯର୍କ୍ଷସମ୍ଭୂତୋ ନିଶୀଥସମଯୋଦିତଃ ॥ 9 ॥
ଶଙ୍ଖଚକ୍ରଗଦାପଦ୍ମପାଣିଃ ପଦ୍ମନିଭେକ୍ଷଣଃ ।
କିରୀଟୀ କୌସ୍ତୁଭୋରସ୍କଃ ସ୍ଫୁରନ୍ମକରକୁଣ୍ଡଲଃ ॥ 10 ॥
ପୀତଵାସା ଘନଶ୍ଯାମଃ କୁଞ୍ଚିତାଞ୍ଚିତକୁନ୍ତଲଃ ।
ସୁଵ୍ଯକ୍ତଵ୍ଯକ୍ତାଭରଣଃ ସୂତିକାଗୃହଭୂଷଣଃ ॥ 11 ॥
କାରାଗାରାନ୍ଧକାରଘ୍ନଃ ପିତୃପ୍ରାଗ୍ଜନ୍ମସୂଚକଃ ।
ଵସୁଦେଵସ୍ତୁତଃ ସ୍ତୋତ୍ରଂ ତାପତ୍ରଯନିଵାରଣଃ ॥ 12 ॥
ନିରଵଦ୍ଯଃ କ୍ରିଯାମୂର୍ତିର୍ନ୍ଯାଯଵାକ୍ଯନିଯୋଜକଃ ।
ଅଦୃଷ୍ଟଚେଷ୍ଟଃ କୂଟସ୍ଥୋ ଧୃତଲୌକିକଵିଗ୍ରହଃ ॥ 13 ॥
ମହର୍ଷିମାନସୋଲ୍ଲାସୋ ମହୀମଙ୍ଗଲଦାଯକଃ ।
ସନ୍ତୋଷିତସୁରଵ୍ରାତଃ ସାଧୁଚିତ୍ତପ୍ରସାଦକଃ ॥ 14 ॥
ଜନକୋପାଯନିର୍ଦେଷ୍ଟା ଦେଵକୀନଯନୋତ୍ସଵଃ ।
ପିତୃପାଣିପରିଷ୍କାରୋ ମୋହିତାଗାରରକ୍ଷକଃ ॥ 15 ॥
ସ୍ଵଶକ୍ତ୍ଯୁଦ୍ଧାଟିତାଶେଷକପାଟଃ ପିତୃଵାହକଃ ।
ଶେଷୋରଗଫଣାଚ୍ଛତ୍ରଶ୍ଶେଷୋକ୍ତାଖ୍ଯାସହସ୍ରକଃ ॥ 16 ॥
ଯମୁନାପୂରଵିଧ୍ଵଂସୀ ସ୍ଵଭାସୋଦ୍ଭାସିତଵ୍ରଜଃ ।
କୃତାତ୍ମଵିଦ୍ଯାଵିନ୍ଯାସୋ ଯୋଗମାଯାଗ୍ରସମ୍ଭଵଃ ॥ 17 ॥
ଦୁର୍ଗାନିଵେଦିତୋଦ୍ଭାଵୋ ଯଶୋଦାତଲ୍ପଶାଯକଃ ।
ନନ୍ଦଗୋପୋତ୍ସଵସ୍ଫୂର୍ତିର୍ଵ୍ରଜାନନ୍ଦକରୋଦଯଃ ॥ 18 ॥
ସୁଜାତଜାତକର୍ମ ଶ୍ରୀର୍ଗୋପୀଭଦ୍ରୋକ୍ତିନିର୍ଵୃତଃ ।
ଅଲୀକନିଦ୍ରୋପଗମଃ ପୂତନାସ୍ତନପୀଡନଃ ॥ 19 ॥
ସ୍ତନ୍ଯାତ୍ତପୂତନାପ୍ରାଣଃ ପୂତନାକ୍ରୋଶକାରକଃ ।
ଵିନ୍ଯସ୍ତରକ୍ଷାଗୋଧୂଲିର୍ଯଶୋଦାକରଲାଲିତଃ ॥ 20 ॥
ନନ୍ଦାଘ୍ରାତଶିରୋମଧ୍ଯଃ ପୂତନାସୁଗତିପ୍ରଦଃ ।
ବାଲଃ ପର୍ଯଙ୍କନିଦ୍ରାଲୁର୍ମୁଖାର୍ପିତପଦାଙ୍ଗୁଲିଃ ॥ 21 ॥
ଅଞ୍ଜନସ୍ନିଗ୍ଧନଯନଃ ପର୍ଯାଯାଙ୍କୁରିତସ୍ମିତଃ ।
ଲୀଲାକ୍ଷସ୍ତରଲାଲୋକଶ୍ଶକଟାସୁରଭଞ୍ଜନଃ ॥ 22 ॥
ଦ୍ଵିଜୋଦିତସ୍ଵସ୍ତ୍ଯଯନୋ ମନ୍ତ୍ରପୂତଜଲାପ୍ଲୁତଃ ।
ଯଶୋଦୋତ୍ସଙ୍ଗପର୍ଯଙ୍କୋ ଯଶୋଦାମୁଖଵୀକ୍ଷକଃ ॥ 23 ॥
ଯଶୋଦାସ୍ତନ୍ଯମୁଦିତସ୍ତୃଣାଵର୍ତାଦିଦୁସ୍ସହଃ ।
ତୃଣାଵର୍ତାସୁରଧ୍ଵଂସୀ ମାତୃଵିସ୍ମଯକାରକଃ ॥ 24 ॥
ପ୍ରଶସ୍ତନାମକରଣୋ ଜାନୁଚଙ୍କ୍ରମଣୋତ୍ସୁକଃ ।
ଵ୍ଯାଲମ୍ବିଚୂଲିକାରତ୍ନୋ ଘୋଷଗୋପପ୍ରହର୍ଷଣଃ ॥ 25 ॥
ସ୍ଵମୁଖପ୍ରତିବିମ୍ବାର୍ଥୀ ଗ୍ରୀଵାଵ୍ଯାଘ୍ରନଖୋଜ୍ଜ୍ଵଲଃ ।
ପଙ୍କାନୁଲେପରୁଚିରୋ ମାଂସଲୋରୁକଟୀତଟଃ ॥ 26 ॥
ଘୃଷ୍ଟଜାନୁକରଦ୍ଵନ୍ଦ୍ଵଃ ପ୍ରତିବିମ୍ବାନୁକାରକୃତ୍ ।
ଅଵ୍ଯକ୍ତଵର୍ଣଵାଗ୍ଵୃତ୍ତିଃ ସ୍ମିତଲକ୍ଷ୍ଯରଦୋଦ୍ଗମଃ ॥ 27 ॥
ଧାତ୍ରୀକରସମାଲମ୍ବୀ ପ୍ରସ୍ଖଲଚ୍ଚିତ୍ରଚଙ୍କ୍ରମଃ ।
ଅନୁରୂପଵଯସ୍ଯାଢ୍ଯଶ୍ଚାରୁକୌମାରଚାପଲଃ ॥ 28 ॥
ଵତ୍ସପୁଚ୍ଛସମାକୃଷ୍ଟୋ ଵତ୍ସପୁଚ୍ଛଵିକର୍ଷଣଃ ।
ଵିସ୍ମାରିତାନ୍ଯଵ୍ଯାପାରୋ ଗୋପଗୋପୀମୁଦାଵହଃ ॥ 29 ॥
ଅକାଲଵତ୍ସନିର୍ମୋକ୍ତା ଵ୍ରଜଵ୍ଯାକ୍ରୋଶସୁସ୍ମିତଃ ।
ନଵନୀତମହାଚୋରୋ ଦାରକାହାରଦାଯକଃ ॥ 30 ॥
ପୀଠୋଲୂଖଲସୋପାନଃ କ୍ଷୀରଭାଣ୍ଡଵିଭେଦନଃ ।
ଶିକ୍ଯଭାଣ୍ଡସମାକର୍ଷୀ ଧ୍ଵାନ୍ତାଗାରପ୍ରଵେଶକୃତ୍ ॥ 31 ॥
ଭୂଷାରତ୍ନପ୍ରକାଶାଢ୍ଯୋ ଗୋପ୍ଯୁପାଲମ୍ଭଭର୍ତ୍ସିତଃ ।
ପରାଗଧୂସରାକାରୋ ମୃଦ୍ଭକ୍ଷଣକୃତେକ୍ଷଣଃ ॥ 32 ॥
ବାଲୋକ୍ତମୃତ୍କଥାରମ୍ଭୋ ମିତ୍ରାନ୍ତର୍ଗୂଢଵିଗ୍ରହଃ ।
କୃତସନ୍ତ୍ରାସଲୋଲାକ୍ଷୋ ଜନନୀପ୍ରତ୍ଯଯାଵହଃ ॥ 33॥
ମାତୃଦୃଶ୍ଯାତ୍ତଵଦନୋ ଵକ୍ତ୍ରଲକ୍ଷ୍ଯଚରାଚରଃ ।
ଯଶୋଦାଲାଲିତସ୍ଵାତ୍ମା ସ୍ଵଯଂ ସ୍ଵାଚ୍ଛନ୍ଦ୍ଯମୋହନଃ ॥ 34 ॥
ସଵିତ୍ରୀସ୍ନେହସଂଶ୍ଲିଷ୍ଟଃ ସଵିତ୍ରୀସ୍ତନଲୋଲୁପଃ ।
ନଵନୀତାର୍ଥନାପ୍ରହ୍ଵୋ ନଵନୀତମହାଶନଃ ॥ 35 ॥
ମୃଷାକୋପପ୍ରକମ୍ପୋଷ୍ଠୋ ଗୋଷ୍ଠାଙ୍ଗଣଵିଲୋକନଃ ।
ଦଧିମନ୍ଥଘଟୀଭେତ୍ତା କିଙ୍କିଣୀକ୍ଵାଣସୂଚିତଃ ॥ 36 ॥
ହୈଯଙ୍ଗଵୀନରସିକୋ ମୃଷାଶ୍ରୁଶ୍ଚୌର୍ଯଶଙ୍କିତଃ ।
ଜନନୀଶ୍ରମଵିଜ୍ଞାତା ଦାମବନ୍ଧନିଯନ୍ତ୍ରିତଃ ॥ 37 ॥
ଦାମାକଲ୍ପଶ୍ଚଲାପାଙ୍ଗୋ ଗାଢୋଲୂଖଲବନ୍ଧନଃ ।
ଆକୃଷ୍ଟୋଲୂଖଲୋଽନନ୍ତଃ କୁବେରସୁତଶାପଵିତ୍ ॥ । 38 ॥
ନାରଦୋକ୍ତିପରାମର୍ଶୀ ଯମଲାର୍ଜୁନଭଞ୍ଜନଃ ।
ଧନଦାତ୍ମଜସଙ୍ଘୁଷ୍ଟୋ ନନ୍ଦମୋଚିତବନ୍ଧନଃ ॥ 39 ॥
ବାଲକୋଦ୍ଗୀତନିରତୋ ବାହୁକ୍ଷେପୋଦିତପ୍ରିଯଃ ।
ଆତ୍ମଜ୍ଞୋ ମିତ୍ରଵଶଗୋ ଗୋପୀଗୀତଗୁଣୋଦଯଃ ॥ 40 ॥
ପ୍ରସ୍ଥାନଶକଟାରୂଢୋ ବୃନ୍ଦାଵନକୃତାଲଯଃ ।
ଗୋଵତ୍ସପାଲନୈକାଗ୍ରୋ ନାନାକ୍ରୀଡାପରିଚ୍ଛଦଃ ॥ 41 ॥
କ୍ଷେପଣୀକ୍ଷେପଣପ୍ରୀତୋ ଵେଣୁଵାଦ୍ଯଵିଶାରଦଃ ।
ଵୃଷଵତ୍ସାନୁକରଣୋ ଵୃଷଧ୍ଵାନଵିଡମ୍ବନଃ ॥ 42 ॥
ନିଯୁଦ୍ଧଲୀଲାସଂହୃଷ୍ଟଃ କୂଜାନୁକୃତକୋକିଲଃ ।
ଉପାତ୍ତହଂସଗମନସ୍ସର୍ଵଜନ୍ତୁରୁତାନୁକୃତ୍ ॥ 43 ॥
ଭୃଙ୍ଗାନୁକାରୀ ଦଧ୍ଯନ୍ନଚୋରୋ ଵତ୍ସପୁରସ୍ସରଃ ।
ବଲୀ ବକାସୁରଗ୍ରାହୀ ବକତାଲୁପ୍ରଦାହକଃ ॥ 44 ॥
ଭୀତଗୋପାର୍ଭକାହୂତୋ ବକଚଞ୍ଚୁଵିଦାରଣଃ ।
ବକାସୁରାରିର୍ଗୋପାଲୋ ବାଲୋ ବାଲାଦ୍ଭୁତାଵହଃ ॥ 45 ॥
ବଲଭଦ୍ରସମାଶ୍ଲିଷ୍ଟଃ କୃତକ୍ରୀଡାନିଲାଯନଃ ।
କ୍ରୀଡାସେତୁନିଧାନଜ୍ଞଃ ପ୍ଲଵଙ୍ଗୋତ୍ପ୍ଲଵନୋଽଦ୍ଭୁତଃ ॥ 46 ॥
କନ୍ଦୁକକ୍ରୀଡନୋ ଲୁପ୍ତନନ୍ଦାଦିଭଵଵେଦନଃ ।
ସୁମନୋଽଲଙ୍କୃତଶିରାଃ ସ୍ଵାଦୁସ୍ନିଗ୍ଧାନ୍ନଶିକ୍ଯଭୃତ୍ ॥ 47 ॥
ଗୁଞ୍ଜାପ୍ରାଲମ୍ବନଚ୍ଛନ୍ନଃ ପିଞ୍ଛୈରଲକଵେଷକୃତ୍ ।
ଵନ୍ଯାଶନପ୍ରିଯଃ ଶୃଙ୍ଗରଵାକାରିତଵତ୍ସକଃ ॥ 48 ॥
ମନୋଜ୍ଞପଲ୍ଲଵୋତ୍ତଂସପୁଷ୍ପସ୍ଵେଚ୍ଛାତ୍ତଷଟ୍ପଦଃ ।
ମଞ୍ଜୁଶିଞ୍ଜିତମଞ୍ଜୀରଚରଣଃ କରକଙ୍କଣଃ ॥ 49 ॥
ଅନ୍ଯୋନ୍ଯଶାସନଃ କ୍ରୀଡାପଟୁଃ ପରମକୈତଵଃ ।
ପ୍ରତିଧ୍ଵାନପ୍ରମୁଦିତଃ ଶାଖାଚତୁରଚଙ୍କ୍ରମଃ ॥ 50 ॥
ଅଘଦାନଵସଂହର୍ତା ଵ୍ରଜଵିଘ୍ନଵିନାଶନଃ ।
ଵ୍ରଜସଞ୍ଜୀଵନଃ ଶ୍ରେଯୋନିଧିର୍ଦାନଵମୁକ୍ତିଦଃ ॥ 51 ॥
କାଲିନ୍ଦୀପୁଲିନାସୀନସ୍ସହଭୁକ୍ତଵ୍ରଜାର୍ଭକଃ ।
କକ୍ଷାଜଠରଵିନ୍ଯସ୍ତଵେଣୁର୍ଵଲ୍ଲଵଚେଷ୍ଟିତଃ ॥ 52 ॥
ଭୁଜସନ୍ଧ୍ଯନ୍ତରନ୍ଯସ୍ତଶୃଙ୍ଗଵେତ୍ରଃ ଶୁଚିସ୍ମିତଃ ।
ଵାମପାଣିସ୍ଥଦଧ୍ଯନ୍ନକବଲଃ କଲଭାଷଣଃ ॥ 53 ॥
ଅଙ୍ଗୁଲ୍ଯନ୍ତରଵିନ୍ଯସ୍ତଫଲଃ ପରମପାଵନଃ ।
ଅଦୃଶ୍ଯତର୍ଣକାନ୍ଵେଷୀ ଵଲ୍ଲଵାର୍ଭକଭୀତିହା ॥ 54 ॥
ଅଦୃଷ୍ଟଵତ୍ସପଵ୍ରାତୋ ବ୍ରହ୍ମଵିଜ୍ଞାତଵୈଭଵଃ ।
ଗୋଵତ୍ସଵତ୍ସପାନ୍ଵେଷୀ ଵିରାଟ୍-ପୁରୁଷଵିଗ୍ରହଃ ॥ 55 ॥
ସ୍ଵସଙ୍କଲ୍ପାନୁରୂପାର୍ଥୋ ଵତ୍ସଵତ୍ସପରୂପଧୃକ୍ ।
ଯଥାଵତ୍ସକ୍ରିଯାରୂପୋ ଯଥାସ୍ଥାନନିଵେଶନଃ ॥ 56 ॥
ଯଥାଵ୍ରଜାର୍ଭକାକାରୋ ଗୋଗୋପୀସ୍ତନ୍ଯପସ୍ସୁଖୀ ।
ଚିରାଦ୍ଵଲୋହିତୋ ଦାନ୍ତୋ ବ୍ରହ୍ମଵିଜ୍ଞାତଵୈଭଵଃ ॥ 57 ॥
ଵିଚିତ୍ରଶକ୍ତିର୍ଵ୍ଯାଲୀନସୃଷ୍ଟଗୋଵତ୍ସଵତ୍ସପଃ ।
ବ୍ରହ୍ମତ୍ରପାକରୋ ଧାତୃସ୍ତୁତସ୍ସର୍ଵାର୍ଥସାଧକଃ ॥ 58 ॥
ବ୍ରହ୍ମ ବ୍ରହ୍ମମଯୋଽଵ୍ଯକ୍ତସ୍ତେଜୋରୂପସ୍ସୁଖାତ୍ମକଃ ।
ନିରୁକ୍ତଂ ଵ୍ଯାକୃତିର୍ଵ୍ଯକ୍ତୋ ନିରାଲମ୍ବନଭାଵନଃ ॥ 59 ॥
ପ୍ରଭଵିଷ୍ଣୁରତନ୍ତ୍ରୀକୋ ଦେଵପକ୍ଷାର୍ଥରୂପଧୃକ୍ ।
ଅକାମସ୍ସର୍ଵଵେଦାଦିରଣୀଯସ୍ଥୂଲରୂପଵାନ୍ ॥ 60 ॥
ଵ୍ଯାପୀ ଵ୍ଯାପ୍ଯଃ କୃପାକର୍ତା ଵିଚିତ୍ରାଚାରସମ୍ମତଃ ।
ଛନ୍ଦୋମଯଃ ପ୍ରଧାନାତ୍ମା ମୂର୍ତାମୂର୍ତିଦ୍ଵଯାକୃତିଃ ॥ 61 ॥
ଅନେକମୂର୍ତିରକ୍ରୋଧଃ ପରଃ ପ୍ରକୃତିରକ୍ରମଃ ।
ସକଲାଵରଣୋପେତସ୍ସର୍ଵଦେଵୋ ମହେଶ୍ଵରଃ ॥ 62 ॥
ମହାପ୍ରଭାଵନଃ ପୂର୍ଵଵତ୍ସଵତ୍ସପଦର୍ଶକଃ ।
କୃଷ୍ଣଯାଦଵଗୋପାଲୋ ଗୋପାଲୋକନହର୍ଷିତଃ ॥ 63 ॥
ସ୍ମିତେକ୍ଷାହର୍ଷିତବ୍ରହ୍ମା ଭକ୍ତଵତ୍ସଲଵାକ୍ପ୍ରିଯଃ ।
ବ୍ରହ୍ମାନନ୍ଦାଶ୍ରୁଧୌତାଙ୍ଘ୍ରିର୍ଲୀଲାଵୈଚିତ୍ର୍ଯକୋଵିଦଃ ॥ 64 ॥
ବଲଭଦ୍ରୈକହୃଦଯୋ ନାମାକାରିତଗୋକୁଲଃ ।
ଗୋପାଲବାଲକୋ ଭଵ୍ଯୋ ରଜ୍ଜୁଯଜ୍ଞୋପଵୀତଵାନ୍ ॥ 65 ॥
ଵୃକ୍ଷଚ୍ଛାଯାହତାଶାନ୍ତିର୍ଗୋପୋତ୍ସଙ୍ଗୋପବର୍ହଣଃ ।
ଗୋପସଂଵାହିତପଦୋ ଗୋପଵ୍ଯଜନଵୀଜିତଃ ॥ 66।
ଗୋପଗାନସୁଖୋନ୍ନିଦ୍ରଃ ଶ୍ରୀଦାମାର୍ଜିତସୌହୃଦଃ ।
ସୁନନ୍ଦସୁହୃଦେକାତ୍ମା ସୁବଲପ୍ରାଣରଞ୍ଜନଃ ॥ 67 ॥
ତାଲୀଵନକୃତକ୍ରୀଡୋ ବଲପାତିତଧେନୁକଃ ।
ଗୋପୀସୌଭାଗ୍ଯସମ୍ଭାଵ୍ଯୋ ଗୋଧୂଲିଚ୍ଛୁରିତାଲକଃ ॥ 68 ॥
ଗୋପୀଵିରହସନ୍ତପ୍ତୋ ଗୋପିକାକୃତମଜ୍ଜନଃ ।
ପ୍ରଲମ୍ବବାହୁରୁତ୍ଫୁଲ୍ଲପୁଣ୍ଡରୀକାଵତଂସକଃ ॥ 69 ॥
ଵିଲାସଲଲିତସ୍ମେରଗର୍ଭଲୀଲାଵଲୋକନଃ ।
ସ୍ରଗ୍ଭୂଷଣାନୁଲେପାଢ୍ଯୋ ଜନନ୍ଯୁପହୃତାନ୍ନଭୁକ୍ ॥ 70 ॥
ଵରଶଯ୍ଯାଶଯୋ ରାଧାପ୍ରେମସଲ୍ଲାପନିର୍ଵୃତଃ ।
ଯମୁନାତଟସଞ୍ଚାରୀ ଵିଷାର୍ତଵ୍ରଜହର୍ଷଦଃ ॥ 71 ॥
କାଲିଯକ୍ରୋଧଜନକଃ ଵୃଦ୍ଧାହିକୁଲଵେଷ୍ଟିତଃ ।
କାଲିଯାହିଫଣାରଙ୍ଗନଟଃ କାଲିଯମର୍ଦନଃ ॥ 72 ॥
ନାଗପତ୍ନୀସ୍ତୁତିପ୍ରୀତୋ ନାନାଵେଷସମୃଦ୍ଧିକୃତ୍ ।
ଅଵିଷ୍ଵକ୍ତଦୃଗାତ୍ମେଶଃ ସ୍ଵଦୃଗାତ୍ମସ୍ତୁତିପ୍ରିଯଃ ॥ 73 ॥
ସର୍ଵେଶ୍ଵରସ୍ସର୍ଵଗୁଣଃ ପ୍ରସିଦ୍ଧସ୍ସର୍ଵସାତ୍ଵତଃ ।
ଅକୁଣ୍ଠଧାମା ଚନ୍ଦ୍ରାର୍କଦୃଷ୍ଟିରାକାଶନିର୍ମଲଃ ॥ 74 ॥
ଅନିର୍ଦେଶ୍ଯଗତିର୍ନାଗଵନିତାପତିଭୈକ୍ଷଦଃ ।
ସ୍ଵାଙ୍ଘ୍ରିମୁଦ୍ରାଙ୍କନାଗେନ୍ଦ୍ରମୂର୍ଧା କାଲିଯସଂସ୍ତୁତଃ ॥ 75 ॥
ଅଭଯୋ ଵିଶ୍ଵତଶ୍ଚକ୍ଷୁଃ ସ୍ତୁତୋତ୍ତମଗୁଣଃ ପ୍ରଭୁଃ ।
ଅହମାତ୍ମା ମରୁତ୍ପ୍ରାଣଃ ପରମାତ୍ମା ଦ୍ଯୁଶୀର୍ଷଵାନ୍ ॥ 76 ॥
ନାଗୋପାଯନହୃଷ୍ଟାତ୍ମା ହ୍ରଦୋତ୍ସାରିତକାଲିଯଃ ।
ବଲଭଦ୍ରସୁଖାଲାପୋ ଗୋପାଲିଙ୍ଗନନିର୍ଵୃତଃ ॥ 77 ॥
ଦାଵାଗ୍ନିଭୀତଗୋପାଲଗୋପ୍ତା ଦାଵାଗ୍ନିନାଶନଃ ।
ନଯନାଚ୍ଛାଦନକ୍ରୀଡାଲମ୍ପଟୋ ନୃପଚେଷ୍ଟିତଃ ॥ 78 ॥
କାକପକ୍ଷଧରସ୍ସୌମ୍ଯୋ ବଲଵାହକକେଲିମାନ୍ ।
ବଲଘାତିତଦୁର୍ଧର୍ଷପ୍ରଲମ୍ବୋ ବଲଵତ୍ସଲଃ ॥ 79 ॥
ମୁଞ୍ଜାଟଵ୍ଯଗ୍ନିଶମନଃ ପ୍ରାଵୃଟ୍କାଲଵିନୋଦଵାନ୍ ।
ଶିଲାନ୍ଯସ୍ତାନ୍ନଭୃଦ୍ଦୈତ୍ଯସଂହର୍ତା ଶାଦ୍ଵଲାସନଃ ॥ 80 ॥
ସଦାପ୍ତଗୋପିକୋଦ୍ଗୀତଃ କର୍ଣିକାରାଵତଂସକଃ ।
ନଟଵେଷଧରଃ ପଦ୍ମମାଲାଙ୍କୋ ଗୋପିକାଵୃତଃ ॥ 81 ॥
ଗୋପୀମନୋହରାପାଙ୍ଗୋ ଵେଣୁଵାଦନତତ୍ପରଃ ।
ଵିନ୍ଯସ୍ତଵଦନାମ୍ଭୋଜଶ୍ଚାରୁଶବ୍ଦକୃତାନନଃ ॥ 82 ॥
ବିମ୍ବାଧରାର୍ପିତୋଦାରଵେଣୁର୍ଵିଶ୍ଵଵିମୋହନଃ ।
ଵ୍ରଜସଂଵର୍ଣିତଶ୍ରାଵ୍ଯଵେଣୁନାଦଃ ଶ୍ରୁତିପ୍ରିଯଃ ॥ 83 ॥
ଗୋଗୋପଗୋପୀଜନ୍ମେପ୍ସୁର୍ବ୍ରହ୍ମେନ୍ଦ୍ରାଦ୍ଯଭିଵନ୍ଦିତଃ ।
ଗୀତସ୍ନୁତିସରିତ୍ପୂରୋ ନାଦନର୍ତିତବର୍ହିଣଃ ॥ 84 ॥
ରାଗପଲ୍ଲଵିତସ୍ଥାଣୁର୍ଗୀତାନମିତପାଦପଃ ।
ଵିସ୍ମାରିତତୃଣଗ୍ରାସମୃଗୋ ମୃଗଵିଲୋଭିତଃ ॥ 85 ॥
ଵ୍ଯାଘ୍ରାଦିହିଂସ୍ରସହଜଵୈରହର୍ତା ସୁଗାଯନଃ ।
ଗାଢୋଦୀରିତଗୋବୃନ୍ଦପ୍ରେମୋତ୍କର୍ଣିତତର୍ଣକଃ ॥ 86 ॥
ନିଷ୍ପନ୍ଦଯାନବ୍ରହ୍ମାଦିଵୀକ୍ଷିତୋ ଵିଶ୍ଵଵନ୍ଦିତଃ ।
ଶାଖୋତ୍କର୍ଣଶକୁନ୍ତୌଘଶ୍ଛତ୍ରାଯିତବଲାହକଃ ॥ 87 ॥
ପ୍ରସନ୍ନଃ ପରମାନନ୍ଦଶ୍ଚିତ୍ରାଯିତଚରାଚରଃ ।
ଗୋପିକାମଦନୋ ଗୋପୀକୁଚକୁଙ୍କୁମମୁଦ୍ରିତଃ ॥ 88 ॥
ଗୋପିକନ୍ଯାଜଲକ୍ରୀଡାହୃଷ୍ଟୋ ଗୋପ୍ଯଂଶୁକାପହୃତ୍ ।
ସ୍କନ୍ଧାରୋପିତଗୋପସ୍ତ୍ରୀଵାସାଃ କୁନ୍ଦନିଭସ୍ମିତଃ ॥ 89 ॥
ଗୋପୀନେତ୍ରୋତ୍ପଲଶଶୀ ଗୋପିକାଯାଚିତାଂଶୁକଃ ।
ଗୋପୀନମସ୍କ୍ରିଯାଦେଷ୍ଟା ଗୋପ୍ଯେକକରଵନ୍ଦିତଃ ॥ 90 ॥
ଗୋପ୍ଯଞ୍ଜଲିଵିଶେଷାର୍ଥୀ ଗୋପକ୍ରୀଡାଵିଲୋଭିତଃ ।
ଶାନ୍ତଵାସସ୍ଫୁରଦ୍ଗୋପୀକୃତାଞ୍ଜଲିରଘାପହଃ ॥ 91 ॥
ଗୋପୀକେଲିଵିଲାସାର୍ଥୀ ଗୋପୀସମ୍ପୂର୍ଣକାମଦଃ ।
ଗୋପସ୍ତ୍ରୀଵସ୍ତ୍ରଦୋ ଗୋପୀଚିତ୍ତଚୋରଃ କୁତୂହଲୀ ॥ 92 ॥
ବୃନ୍ଦାଵନପ୍ରିଯୋ ଗୋପବନ୍ଧୁର୍ଯଜ୍ଵାନ୍ନଯାଚିତା ।
ଯଜ୍ଞେଶୋ ଯଜ୍ଞଭାଵଜ୍ଞୋ ଯଜ୍ଞପତ୍ନ୍ଯଭିଵାଞ୍ଛିତଃ ॥ 93 ॥
ମୁନିପତ୍ନୀଵିତୀର୍ଣାନ୍ନତୃପ୍ତୋ ମୁନିଵଧୂପ୍ରିଯଃ ।
ଦ୍ଵିଜପତ୍ନ୍ଯଭିଭାଵଜ୍ଞୋ ଦ୍ଵିଜପତ୍ନୀଵରପ୍ରଦଃ ॥ 94 ॥
ପ୍ରତିରୁଦ୍ଧସତୀମୋକ୍ଷପ୍ରଦୋ ଦ୍ଵିଜଵିମୋହିତା ।
ମୁନିଜ୍ଞାନପ୍ରଦୋ ଯଜ୍ଵସ୍ତୁତୋ ଵାସଵଯାଗଵିତ୍ ॥ 95 ॥
ପିତୃପ୍ରୋକ୍ତକ୍ରିଯାରୂପଶକ୍ରଯାଗନିଵାରଣଃ ।
ଶକ୍ରାଽମର୍ଷକରଶ୍ଶକ୍ରଵୃଷ୍ଟିପ୍ରଶମନୋନ୍ମୁଖଃ ॥ 96 ॥
ଗୋଵର୍ଧନଧରୋ ଗୋପଗୋବୃନ୍ଦତ୍ରାଣତତ୍ପରଃ ।
ଗୋଵର୍ଧନଗିରିଚ୍ଛତ୍ରଚଣ୍ଡଦଣ୍ଡଭୁଜାର୍ଗଲଃ ॥ 97 ॥
ସପ୍ତାହଵିଧୃତାଦ୍ରୀନ୍ଦ୍ରୋ ମେଘଵାହନଗର୍ଵହା ।
ଭୁଜାଗ୍ରୋପରିଵିନ୍ଯସ୍ତକ୍ଷ୍ମାଧରକ୍ଷ୍ମାଭୃଦଚ୍ଯୁତଃ ॥ 98 ॥
ସ୍ଵସ୍ଥାନସ୍ଥାପିତଗିରିର୍ଗୋପୀଦଧ୍ଯକ୍ଷତାର୍ଚିତଃ ।
ସୁମନସ୍ସୁମନୋଵୃଷ୍ଟିହୃଷ୍ଟୋ ଵାସଵଵନ୍ଦିତଃ ॥ 99 ॥
କାମଧେନୁପଯଃପୂରାଭିଷିକ୍ତସ୍ସୁରଭିସ୍ତୁତଃ ।
ଧରାଙ୍ଘ୍ରିରୋଷଧୀରୋମା ଧର୍ମଗୋପ୍ତା ମନୋମଯଃ ॥ 100 ॥
ଜ୍ଞାନଯଜ୍ଞପ୍ରିଯଶ୍ଶାସ୍ତ୍ରନେତ୍ରସ୍ସର୍ଵାର୍ଥସାରଥିଃ ।
ଐରାଵତକରାନୀତଵିଯଦ୍ଗଙ୍ଗାପ୍ଲୁତୋ ଵିଭୁଃ ॥ 101 ॥
ବ୍ରହ୍ମାଭିଷିକ୍ତୋ ଗୋଗୋପ୍ତା ସର୍ଵଲୋକଶୁଭଙ୍କରଃ ।
ସର୍ଵଵେଦମଯୋ ମଗ୍ନନନ୍ଦାନ୍ଵେଷିପିତୃପ୍ରିଯଃ ॥ 102 ॥
ଵରୁଣୋଦୀରିତାତ୍ମେକ୍ଷାକୌତୁକୋ ଵରୁଣାର୍ଚିତଃ ।
ଵରୁଣାନୀତଜନକୋ ଗୋପଜ୍ଞାତାତ୍ମଵୈଭଵଃ ॥ 103 ॥
ସ୍ଵର୍ଲୋକାଲୋକସଂହୃଷ୍ଟଗୋପଵର୍ଗତ୍ରିଵର୍ଗଦଃ ।
ବ୍ରହ୍ମହୃଦ୍ଗୋପିତୋ ଗୋପଦ୍ରଷ୍ଟା ବ୍ରହ୍ମପଦପ୍ରଦଃ ॥ 104 ॥
ଶରଚ୍ଚନ୍ଦ୍ରଵିହାରୋତ୍କଃ ଶ୍ରୀପତିର୍ଵଶକୋ କ୍ଷମଃ ।
ଭଯାପହୋ ଭର୍ତୃରୁଦ୍ଧଗୋପିକାଧ୍ଯାନଗୋଚରଃ ॥ 105 ॥
ଗୋପିକାନଯନାସ୍ଵାଦ୍ଯୋ ଗୋପୀନର୍ମୋକ୍ତିନିର୍ଵୃତଃ ।
ଗୋପିକାମାନହରଣୋ ଗୋପିକାଶତଯୂଥପଃ ॥ 106 ॥
ଵୈଜଯନ୍ତୀସ୍ରଗାକଲ୍ପୋ ଗୋପିକାମାନଵର୍ଧନଃ ।
ଗୋପକାନ୍ତାସୁନିର୍ଦେଷ୍ଟା କାନ୍ତୋ ମନ୍ମଥମନ୍ମଥଃ ॥ 107 ॥
ସ୍ଵାତ୍ମାସ୍ଯଦତ୍ତତାମ୍ବୂଲଃ ଫଲିତୋତ୍କୃଷ୍ଟଯୌଵନଃ ।
ଵଲ୍ଲଵୀସ୍ତନସକ୍ତାକ୍ଷୋ ଵଲ୍ଲଵୀପ୍ରେମଚାଲିତଃ ॥ 108 ॥
ଗୋପୀଚେଲାଞ୍ଚଲାସୀନୋ ଗୋପୀନେତ୍ରାବ୍ଜଷଟ୍ପଦଃ ।
ରାସକ୍ରୀଡାସମାସକ୍ତୋ ଗୋପୀମଣ୍ଡଲମଣ୍ଡନଃ ॥ 109 ॥
ଗୋପୀହେମମଣିଶ୍ରେଣିମଧ୍ଯେନ୍ଦ୍ରମଣିରୁଜ୍ଜ୍ଵଲଃ ।
ଵିଦ୍ଯାଧରେନ୍ଦୁଶାପଘ୍ନଶ୍ଶଙ୍ଖଚୂଡଶିରୋହରଃ ॥ 110 ॥
ଶଙ୍ଖଚୂଡଶିରୋରତ୍ନସମ୍ପ୍ରୀଣିତବଲୋଽନଘଃ ।
ଅରିଷ୍ଟାରିଷ୍ଟକୃଦ୍ଦୁଷ୍ଟକେଶିଦୈତ୍ଯନିଷୂଦନଃ ॥ 111 ॥
ସରସସ୍ସସ୍ମିତମୁଖସ୍ସୁସ୍ଥିରୋ ଵିରହାକୁଲଃ ।
ସଙ୍କର୍ଷଣାର୍ପିତପ୍ରୀତିରକ୍ରୂରଧ୍ଯାନଗୋଚରଃ ॥ 112 ॥
ଅକ୍ରୂରସଂସ୍ତୁତୋ ଗୂଢୋ ଗୁଣଵୃତ୍ଯୁପଲକ୍ଷିତଃ ।
ପ୍ରମାଣଗମ୍ଯସ୍ତନ୍ମାତ୍ରାଽଵଯଵୀ ବୁଦ୍ଧିତତ୍ପରଃ ॥ 113 ॥
ସର୍ଵପ୍ରମାଣପ୍ରମଧୀସ୍ସର୍ଵପ୍ରତ୍ଯଯସାଧକଃ ।
ପୁରୁଷଶ୍ଚ ପ୍ରଧାନାତ୍ମା ଵିପର୍ଯାସଵିଲୋଚନଃ ॥ 114 ॥
ମଧୁରାଜନସଂଵୀକ୍ଷ୍ଯୋ ରଜକପ୍ରତିଘାତକଃ ।
ଵିଚିତ୍ରାମ୍ବରସଂଵୀତୋ ମାଲାକାରଵରପ୍ରଦଃ ॥ 115 ॥
କୁବ୍ଜାଵକ୍ରତ୍ଵନିର୍ମୋକ୍ତା କୁବ୍ଜାଯୌଵନଦାଯକଃ ।
କୁବ୍ଜାଙ୍ଗରାଗସୁରଭିଃ କଂସକୋଦଣ୍ଡଖଣ୍ଡନଃ ॥ 116 ॥
ଧୀରଃ କୁଵଲଯାପୀଡମର୍ଦନଃ କଂସଭୀତିକୃତ୍ ।
ଦନ୍ତିଦନ୍ତାଯୁଧୋ ରଙ୍ଗତ୍ରାସକୋ ମଲ୍ଲଯୁଦ୍ଧଵିତ୍ ॥ 117 ॥
ଚାଣୂରହନ୍ତା କଂସାରିର୍ଦେଵକୀହର୍ଷଦାଯକଃ ।
ଵସୁଦେଵପଦାନମ୍ରଃ ପିତୃବନ୍ଧଵିମୋଚନଃ ॥ 118 ॥
ଉର୍ଵୀଭଯାପହୋ ଭୂପ ଉଗ୍ରସେନାଧିପତ୍ଯଦଃ ।
ଆଜ୍ଞାସ୍ଥିତଶଚୀନାଥସ୍ସୁଧର୍ମାନଯନକ୍ଷମଃ ॥ 119 ॥
ଆଦ୍ଯୋ ଦ୍ଵିଜାତିସତ୍କର୍ତା ଶିଷ୍ଟାଚାରପ୍ରଦର୍ଶକଃ ।
ସାନ୍ଦୀପନିକୃତାଭ୍ଯସ୍ତଵିଦ୍ଯାଭ୍ଯାସୈକଧୀସ୍ସୁଧୀଃ ॥ 120 ॥
ଗୁର୍ଵଭୀଷ୍ଟକ୍ରିଯାଦକ୍ଷଃ ପଶ୍ଚିମୋଦଧିପୂଜିତଃ ।
ହତପଞ୍ଚଜନପ୍ରାପ୍ତପାଞ୍ଚଜନ୍ଯୋ ଯମାର୍ଚିତଃ ॥ 121 ॥
ଧର୍ମରାଜଜଯାନୀତଗୁରୁପୁତ୍ର ଉରୁକ୍ରମଃ ।
ଗୁରୁପୁତ୍ରପ୍ରଦଶ୍ଶାସ୍ତା ମଧୁରାଜସଭାସଦଃ ॥ 122 ॥
ଜାମଦଗ୍ନ୍ଯସମଭ୍ଯର୍ଚ୍ଯୋ ଗୋମନ୍ତଗିରିସଞ୍ଚରଃ ।
ଗୋମନ୍ତଦାଵଶମନୋ ଗରୁଡାନୀତଭୂଷଣଃ ॥ 123 ॥
ଚକ୍ରାଦ୍ଯାଯୁଧସଂଶୋଭୀ ଜରାସନ୍ଧମଦାପହଃ ।
ସୃଗାଲାଵନିପାଲଘ୍ନସ୍ସୃଗାଲାତ୍ମଜରାଜ୍ଯଦଃ ॥ 124 ॥
ଵିଧ୍ଵସ୍ତକାଲଯଵନୋ ମୁଚୁକୁନ୍ଦଵରପ୍ରଦଃ ।
ଆଜ୍ଞାପିତମହାମ୍ଭୋଧିର୍ଦ୍ଵାରକାପୁରକଲ୍ପନଃ ॥ 125 ॥
ଦ୍ଵାରକାନିଲଯୋ ରୁକ୍ମିମାନହନ୍ତା ଯଦୂଦ୍ଵହଃ ।
ରୁଚିରୋ ରୁକ୍ମିଣୀଜାନିଃ ପ୍ରଦ୍ଯୁମ୍ନଜନକଃ ପ୍ରଭୁଃ ॥ 126 ॥
ଅପାକୃତତ୍ରିଲୋକାର୍ତିରନିରୁଦ୍ଧପିତାମହଃ ।
ଅନିରୁଦ୍ଧପଦାନ୍ଵେଷୀ ଚକ୍ରୀ ଗରୁଡଵାହନଃ ॥ 127 ॥
ବାଣାସୁରପୁରୀରୋଦ୍ଧା ରକ୍ଷାଜ୍ଵଲନଯନ୍ତ୍ରଜିତ୍ ।
ଧୂତପ୍ରମଥସଂରମ୍ଭୋ ଜିତମାହେଶ୍ଵରଜ୍ଵରଃ ॥ 128 ॥
ଷଟ୍ଚକ୍ରଶକ୍ତିନିର୍ଜେତା ଭୂତଵେତାଲମୋହକୃତ୍ ।
ଶମ୍ଭୁତ୍ରିଶୂଲଜିଚ୍ଛମ୍ଭୁଜୃମ୍ଭଣଶ୍ଶମ୍ଭୁସଂସ୍ତୁତଃ ॥ 129 ॥
ଇନ୍ଦ୍ରିଯାତ୍ମେନ୍ଦୁହୃଦଯସ୍ସର୍ଵଯୋଗେଶ୍ଵରେଶ୍ଵରଃ ।
ହିରଣ୍ଯଗର୍ଭହୃଦଯୋ ମୋହାଵର୍ତନିଵର୍ତନଃ ॥ 130 ॥
ଆତ୍ମଜ୍ଞାନନିଧିର୍ମେଧା କୋଶସ୍ତନ୍ମାତ୍ରରୂପଵାନ୍ ।
ଇନ୍ଦ୍ରୋଽଗ୍ନିଵଦନଃ କାଲନାଭସ୍ସର୍ଵାଗମାଧ୍ଵଗଃ ॥ 131 ॥
ତୁରୀଯସର୍ଵଧୀସାକ୍ଷୀ ଦ୍ଵନ୍ଦ୍ଵାରାମାତ୍ମଦୂରଗଃ ।
ଅଜ୍ଞାତପାରୋ ଵଶ୍ଯଶ୍ରୀରଵ୍ଯାକୃତଵିହାରଵାନ୍ ॥ 132 ॥
ଆତ୍ମପ୍ରଦୀପୋ ଵିଜ୍ଞାନମାତ୍ରାତ୍ମା ଶ୍ରୀନିକେତନଃ ।
ବାଣବାହୁଵନଚ୍ଛେତ୍ତା ମହେନ୍ଦ୍ରପ୍ରୀତିଵର୍ଧନଃ ॥ 133 ॥
ଅନିରୁଦ୍ଧନିରୋଧଜ୍ଞୋ ଜଲେଶାହୃତଗୋକୁଲଃ ।
ଜଲେଶଵିଜଯୀ ଵୀରସ୍ସତ୍ରାଜିଦ୍ରତ୍ନଯାଚକଃ ॥ 134 ॥
ପ୍ରସେନାନ୍ଵେଷଣୋଦ୍ଯୁକ୍ତୋ ଜାମ୍ବଵଦ୍ଧୃତରତ୍ନଦଃ ।
ଜିତର୍କ୍ଷରାଜତନଯାହର୍ତା ଜାମ୍ବଵତୀପ୍ରିଯଃ ॥ 135 ॥
ସତ୍ଯଭାମାପ୍ରିଯଃ କାମଶ୍ଶତଧନ୍ଵଶିରୋହରଃ ।
କାଲିନ୍ଦୀପତିରକ୍ରୂରବନ୍ଧୁରକ୍ରୂରରତ୍ନଦଃ ॥ 136 ॥
କୈକେଯୀରମଣୋ ଭଦ୍ରାଭର୍ତା ନାଗ୍ନଜିତୀଧଵଃ ।
ମାଦ୍ରୀମନୋହରଶ୍ଶୈବ୍ଯାପ୍ରାଣବନ୍ଧୁରୁରୁକ୍ରମଃ ॥ 137 ॥
ସୁଶୀଲାଦଯିତୋ ମିତ୍ରଵିନ୍ଦାନେତ୍ରମହୋତ୍ସଵଃ ।
ଲକ୍ଷ୍ମଣାଵଲ୍ଲଭୋ ରୁଦ୍ଧପ୍ରାଗ୍ଜ୍ଯୋତିଷମହାପୁରଃ ॥ 138 ॥
ସୁରପାଶାଵୃତିଚ୍ଛେଦୀ ମୁରାରିଃ କ୍ରୂରଯୁଦ୍ଧଵିତ୍ ।
ହଯଗ୍ରୀଵଶିରୋହର୍ତା ସର୍ଵାତ୍ମା ସର୍ଵଦର୍ଶନଃ ॥ 139 ॥
ନରକାସୁରଵିଚ୍ଛେତ୍ତା ନରକାତ୍ମଜରାଜ୍ଯଦଃ।
ପୃଥ୍ଵୀସ୍ତୁତଃ ପ୍ରକାଶାତ୍ମା ହୃଦ୍ଯୋ ଯଜ୍ଞଫଲପ୍ରଦଃ ॥ 140 ॥
ଗୁଣଗ୍ରାହୀ ଗୁଣଦ୍ରଷ୍ଟା ଗୂଢସ୍ଵାତ୍ମା ଵିଭୂତିମାନ୍ ।
କଵିର୍ଜଗଦୁପଦ୍ରଷ୍ଟା ପରମାକ୍ଷରଵିଗ୍ରହଃ ॥ 141 ॥
ପ୍ରପନ୍ନପାଲନୋ ମାଲୀ ମହଦ୍ବ୍ରହ୍ମଵିଵର୍ଧନଃ ।
ଵାଚ୍ଯଵାଚକଶକ୍ତ୍ଯର୍ଥସ୍ସର୍ଵଵ୍ଯାକୃତସିଦ୍ଧିଦଃ ॥ 142 ॥
ସ୍ଵଯମ୍ପ୍ରଭୁରନିର୍ଵେଦ୍ଯସ୍ସ୍ଵପ୍ରକାଶଶ୍ଚିରନ୍ତନଃ ।
ନାଦାତ୍ମା ମନ୍ତ୍ରକୋଟୀଶୋ ନାନାଵାଦନିରୋଧକଃ ॥ 143 ॥
କନ୍ଦର୍ପକୋଟିଲାଵଣ୍ଯଃ ପରାର୍ଥୈକପ୍ରଯୋଜକଃ ।
ଅମରୀକୃତଦେଵୌଘଃ କନ୍ଯକାବନ୍ଧମୋଚନଃ ॥ 144 ॥
ଷୋଡଶସ୍ତ୍ରୀସହସ୍ରେଶଃ କାନ୍ତଃ କାନ୍ତାମନୋଭଵଃ ।
କ୍ରୀଡାରତ୍ନାଚଲାହର୍ତା ଵରୁଣଚ୍ଛତ୍ରଶୋଭିତଃ ॥ 145 ॥
ଶକ୍ରାଭିଵନ୍ଦିତଶ୍ଶକ୍ରଜନନୀକୁଣ୍ଡଲପ୍ରଦଃ ।
ଅଦିତିପ୍ରସ୍ତୁତସ୍ତୋତ୍ରୋ ବ୍ରାହ୍ମଣୋଦ୍ଘୁଷ୍ଟଚେଷ୍ଟନଃ ॥ 146 ॥
ପୁରାଣସ୍ସଂଯମୀ ଜନ୍ମାଲିପ୍ତଃ ଷଡ୍ଵିଂଶକୋଽର୍ଥଦଃ ।
ଯଶସ୍ଯନୀତିରାଦ୍ଯନ୍ତରହିତସ୍ସତ୍କଥାପ୍ରିଯଃ ॥ 147 ॥
ବ୍ରହ୍ମବୋଧଃ ପରାନନ୍ଦଃ ପାରିଜାତାପହାରକଃ ।
ପୌଣ୍ଡ୍ରକପ୍ରାଣହରଣଃ କାଶିରାଜନିଷୂଦନଃ ॥ 148 ॥
କୃତ୍ଯାଗର୍ଵପ୍ରଶମନୋ ଵିଚକ୍ରଵଧଦୀକ୍ଷିତଃ ।
କଂସଵିଧ୍ଵଂସନସ୍ସାମ୍ବଜନକୋ ଡିମ୍ଭକାର୍ଦନଃ ॥ 149 ॥
ମୁନିର୍ଗୋପ୍ତା ପିତୃଵରପ୍ରଦସ୍ସଵନଦୀକ୍ଷିତଃ ।
ରଥୀ ସାରଥ୍ଯନିର୍ଦେଷ୍ଟା ଫାଲ୍ଗୁନଃ ଫାଲ୍ଗୁନିପ୍ରିଯଃ ॥ 150 ॥
ସପ୍ତାବ୍ଧିସ୍ତମ୍ଭନୋଦ୍ଭାତୋ ହରିସ୍ସପ୍ତାବ୍ଧିଭେଦନଃ ।
ଆତ୍ମପ୍ରକାଶଃ ପୂର୍ଣଶ୍ରୀରାଦିନାରାଯଣେକ୍ଷିତଃ ॥ 151 ॥
ଵିପ୍ରପୁତ୍ରପ୍ରଦଶ୍ଚୈଵ ସର୍ଵମାତୃସୁତପ୍ରଦଃ ।
ପାର୍ଥଵିସ୍ମଯକୃତ୍ପାର୍ଥପ୍ରଣଵାର୍ଥପ୍ରବୋଧନଃ ॥ 152 ॥
କୈଲାସଯାତ୍ରାସୁମୁଖୋ ବଦର୍ଯାଶ୍ରମଭୂଷଣଃ ।
ଘଣ୍ଟାକର୍ଣକ୍ରିଯାମୌଢ୍ଯାତ୍ତୋଷିତୋ ଭକ୍ତଵତ୍ସଲଃ ॥ 153 ॥
ମୁନିବୃନ୍ଦାଦିଭିର୍ଧ୍ଯେଯୋ ଘଣ୍ଟାକର୍ଣଵରପ୍ରଦଃ ।
ତପଶ୍ଚର୍ଯାପରଶ୍ଚୀରଵାସାଃ ପିଙ୍ଗଜଟାଧରଃ ॥ 154 ॥
ପ୍ରତ୍ଯକ୍ଷୀକୃତଭୂତେଶଶ୍ଶିଵସ୍ତୋତା ଶିଵସ୍ତୁତଃ ।
କୃଷ୍ଣାସ୍ଵଯଂଵରାଲୋକକୌତୁକୀ ସର୍ଵସମ୍ମତଃ ॥ 155 ॥
ବଲସଂରମ୍ଭଶମନୋ ବଲଦର୍ଶିତପାଣ୍ଡଵଃ ।
ଯତିଵେଷାର୍ଜୁନାଭୀଷ୍ଟଦାଯୀ ସର୍ଵାତ୍ମଗୋଚରଃ ॥ 156 ॥
ସୁଭଦ୍ରାଫାଲ୍ଗୁନୋଦ୍ଵାହକର୍ତା ପ୍ରୀଣିତଫାଲ୍ଗୁନଃ ।
ଖାଣ୍ଡଵପ୍ରୀଣିତାର୍ଚିଷ୍ମାନ୍ମଯଦାନଵମୋଚନଃ ॥ 157 ॥
ସୁଲଭୋ ରାଜସୂଯାର୍ହଯୁଧିଷ୍ଠିରନିଯୋଜକଃ ।
ଭୀମାର୍ଦିତଜରାସନ୍ଧୋ ମାଗଧାତ୍ମଜରାଜ୍ଯଦଃ ॥ 158 ॥
ରାଜବନ୍ଧନନିର୍ମୋକ୍ତା ରାଜସୂଯାଗ୍ରପୂଜନଃ ।
ଚୈଦ୍ଯାଦ୍ଯସହନୋ ଭୀଷ୍ମସ୍ତୁତସ୍ସାତ୍ଵତପୂର୍ଵଜଃ ॥ 159 ॥
ସର୍ଵାତ୍ମାର୍ଥସମାହର୍ତା ମନ୍ଦରାଚଲଧାରକଃ ।
ଯଜ୍ଞାଵତାରଃ ପ୍ରହ୍ଲାଦପ୍ରତିଜ୍ଞାପ୍ରତିପାଲକଃ ॥ 160 ॥
ବଲିଯଜ୍ଞସଭାଧ୍ଵଂସୀ ଦୃପ୍ତକ୍ଷତ୍ରକୁଲାନ୍ତକଃ ।
ଦଶଗ୍ରୀଵାନ୍ତକୋ ଜେତା ରେଵତୀପ୍ରେମଵଲ୍ଲଭଃ ॥ 161 ॥
ସର୍ଵାଵତାରାଧିଷ୍ଠାତା ଵେଦବାହ୍ଯଵିମୋହନଃ ।
କଲିଦୋଷନିରାକର୍ତା ଦଶନାମା ଦୃଢଵ୍ରତଃ ॥ 162 ॥
ଅମେଯାତ୍ମା ଜଗତ୍ସ୍ଵାମୀ ଵାଗ୍ମୀ ଚୈଦ୍ଯଶିରୋହରଃ ।
ଦ୍ରୌପଦୀରଚିତସ୍ତୋତ୍ରଃ କେଶଵଃ ପୁରୁଷୋତ୍ତମଃ ॥ 163 ॥
ନାରାଯଣୋ ମଧୁପତିର୍ମାଧଵୋ ଦୋଷଵର୍ଜିତଃ ।
ଗୋଵିନ୍ଦଃ ପୁଣ୍ଡରୀକାକ୍ଷୋ ଵିଷ୍ଣୁଶ୍ଚ ମଧୁସୂଦନଃ ॥ 164 ॥
ତ୍ରିଵିକ୍ରମସ୍ତ୍ରିଲୋକେଶୋ ଵାମନଃ ଶ୍ରୀଧରଃ ପୁମାନ୍ ।
ହୃଷୀକେଶୋ ଵାସୁଦେଵଃ ପଦ୍ମନାଭୋ ମହାହ୍ରଦଃ ॥ 165 ॥
ଦାମୋଦରଶ୍ଚତୁର୍ଵ୍ଯୂହଃ ପାଞ୍ଚାଲୀମାନରକ୍ଷଣଃ ।
ସାଲ୍ଵଘ୍ନସ୍ସମରଶ୍ଲାଘୀ ଦନ୍ତଵକ୍ତ୍ରନିବର୍ହଣଃ ॥ 166 ॥
ଦାମୋଦରପ୍ରିଯସଖା ପୃଥୁକାସ୍ଵାଦନପ୍ରିଯଃ ॥
ଘୃଣୀ ଦାମୋଦରଃ ଶ୍ରୀଦୋ ଗୋପୀପୁନରଵେକ୍ଷକଃ ॥ 167 ॥
ଗୋପିକାମୁକ୍ତିଦୋ ଯୋଗୀ ଦୁର୍ଵାସସ୍ତୃପ୍ତିକାରକଃ ।
ଅଵିଜ୍ଞାତଵ୍ରଜାକୀର୍ଣପାଣ୍ଡଵାଲୋକନୋ ଜଯୀ ॥ 168 ॥
ପାର୍ଥସାରଥ୍ଯନିରତଃ ପ୍ରାଜ୍ଞଃ ପାଣ୍ଡଵଦୂତ୍ଯକୃତ୍ ।
ଵିଦୁରାତିଥ୍ଯସନ୍ତୁଷ୍ଟଃ କୁନ୍ତୀସନ୍ତୋଷଦାଯକଃ ॥ 169 ॥
ସୁଯୋଧନତିରସ୍କର୍ତା ଦୁର୍ଯୋଧନଵିକାରଵିତ୍ ।
ଵିଦୁରାଭିଷ୍ଠୁତୋ ନିତ୍ଯୋ ଵାର୍ଷ୍ଣେଯୋ ମଙ୍ଗଲାତ୍ମକଃ ॥ 170 ॥
ପଞ୍ଚଵିଂଶତିତତ୍ତ୍ଵେଶଶ୍ଚତୁର୍ଵିଂଶତିଦେହଭାକ୍ ।
ସର୍ଵାନୁଗ୍ରାହକସ୍ସର୍ଵଦାଶାର୍ହସତତାର୍ଚିତଃ ॥ 171 ॥
ଅଚିନ୍ତ୍ଯୋ ମଧୁରାଲାପସ୍ସାଧୁଦର୍ଶୀ ଦୁରାସଦଃ ।
ମନୁଷ୍ଯଧର୍ମାନୁଗତଃ କୌରଵେନ୍ଦ୍ରକ୍ଷଯେକ୍ଷିତା ॥ 172 ॥
ଉପେନ୍ଦ୍ରୋ ଦାନଵାରାତିରୁରୁଗୀତୋ ମହାଦ୍ଯୁତିଃ ।
ବ୍ରହ୍ମଣ୍ଯଦେଵଃ ଶ୍ରୁତିମାନ୍ ଗୋବ୍ରାହ୍ମଣହିତାଶଯଃ ॥ 173 ॥
ଵରଶୀଲଶ୍ଶିଵାରମ୍ଭସ୍ସୁଵିଜ୍ଞାନଵିମୂର୍ତିମାନ୍ ।
ସ୍ଵଭାଵଶୁଦ୍ଧସ୍ସନ୍ମିତ୍ରସ୍ସୁଶରଣ୍ଯସ୍ସୁଲକ୍ଷଣଃ ॥ 174 ॥
ଧୃତରାଷ୍ଟ୍ରଗତୌଦୃଷ୍ଟିପ୍ରଦଃ କର୍ଣଵିଭେଦନଃ ।
ପ୍ରତୋଦଧୃଗ୍ଵିଶ୍ଵରୂପଵିସ୍ମାରିତଧନଞ୍ଜଯଃ ॥ 175 ॥
ସାମଗାନପ୍ରିଯୋ ଧର୍ମଧେନୁର୍ଵର୍ଣୋତ୍ତମୋଽଵ୍ଯଯଃ ।
ଚତୁର୍ଯୁଗକ୍ରିଯାକର୍ତା ଵିଶ୍ଵରୂପପ୍ରଦର୍ଶକଃ ॥ 176 ॥
ବ୍ରହ୍ମବୋଧପରିତ୍ରାତପାର୍ଥୋ ଭୀଷ୍ମାର୍ଥଚକ୍ରଭୃତ୍ ।
ଅର୍ଜୁନାଯାସଵିଧ୍ଵଂସୀ କାଲଦଂଷ୍ଟ୍ରାଵିଭୂଷଣଃ ॥ 177 ॥
ସୁଜାତାନନ୍ତମହିମା ସ୍ଵପ୍ନଵ୍ଯାପାରିତାର୍ଜୁନଃ ।
ଅକାଲସନ୍ଧ୍ଯାଘଟନଶ୍ଚକ୍ରାନ୍ତରିତଭାସ୍କରଃ ॥ 178 ॥
ଦୁଷ୍ଟପ୍ରମଥନଃ ପାର୍ଥପ୍ରତିଜ୍ଞାପରିପାଲକଃ ।
ସିନ୍ଧୁରାଜଶିରଃପାତସ୍ଥାନଵକ୍ତା ଵିଵେକଦୃକ୍ ॥ 179 ॥
ସୁଭଦ୍ରାଶୋକହରଣୋ ଦ୍ରୋଣୋତ୍ସେକାଦିଵିସ୍ମିତଃ ।
ପାର୍ଥମନ୍ଯୁନିରାକର୍ତା ପାଣ୍ଡଵୋତ୍ସଵଦାଯକଃ ॥ 180 ॥
ଅଙ୍ଗୁଷ୍ଠାକ୍ରାନ୍ତକୌନ୍ତେଯରଥଶ୍ଶକ୍ତୋଽହିଶୀର୍ଷଜିତ୍ ।
କାଲକୋପପ୍ରଶମନୋ ଭୀମସେନଜଯପ୍ରଦଃ ॥ 181 ॥
ଅଶ୍ଵତ୍ଥାମଵଧାଯାସତ୍ରାତପାଣ୍ଡୁସୁତଃ କୃତୀ ।
ଇଷୀକାସ୍ତ୍ରପ୍ରଶମନୋ ଦ୍ରୌଣିରକ୍ଷାଵିଚକ୍ଷଣଃ ॥ 182 ॥
ପାର୍ଥାପହାରିତଦ୍ରୌଣିଚୂଡାମଣିରଭଙ୍ଗୁରଃ ।
ଧୃତରାଷ୍ଟ୍ରପରାମୃଷ୍ଟଭୀମପ୍ରତିକୃତିସ୍ମଯଃ ॥ 183 ॥
ଭୀଷ୍ମବୁଦ୍ଧିପ୍ରଦଶ୍ଶାନ୍ତଶ୍ଶରଚ୍ଚନ୍ଦ୍ରନିଭାନନଃ ।
ଗଦାଗ୍ରଜନ୍ମା ପାଞ୍ଚାଲୀପ୍ରତିଜ୍ଞାପରିପାଲକଃ ॥ 184 ॥
ଗାନ୍ଧାରୀକୋପଦୃଗ୍ଗୁପ୍ତଧର୍ମସୂନୁରନାମଯଃ ।
ପ୍ରପନ୍ନାର୍ତିଭଯଚ୍ଛେତ୍ତା ଭୀଷ୍ମଶଲ୍ଯଵ୍ଯଧାଵହଃ ॥ 185 ॥
ଶାନ୍ତଶ୍ଶାନ୍ତନଵୋଦୀର୍ଣସର୍ଵଧର୍ମସମାହିତଃ ।
ସ୍ମାରିତବ୍ରହ୍ମଵିଦ୍ଯାର୍ଥପ୍ରୀତପାର୍ଥୋ ମହାସ୍ତ୍ରଵିତ୍ ॥ 186 ॥
ପ୍ରସାଦପରମୋଦାରୋ ଗାଙ୍ଗେଯସୁଗତିପ୍ରଦଃ ।
ଵିପକ୍ଷପକ୍ଷକ୍ଷଯକୃତ୍ପରୀକ୍ଷିତ୍ପ୍ରାଣରକ୍ଷଣଃ ॥ 187 ॥
ଜଗଦ୍ଗୁରୁର୍ଧର୍ମସୂନୋର୍ଵାଜିମେଧପ୍ରଵର୍ତକଃ ।
ଵିହିତାର୍ଥାପ୍ତସତ୍କାରୋ ମାସକାତ୍ପରିଵର୍ତଦଃ ॥ 188 ॥
ଉତ୍ତଙ୍କହର୍ଷଦାତ୍ମୀଯଦିଵ୍ଯରୂପପ୍ରଦର୍ଶକଃ ।
ଜନକାଵଗତସ୍ଵୋକ୍ତଭାରତସ୍ସର୍ଵଭାଵନଃ ॥ 189 ॥
ଅସୋଢଯାଦଵୋଦ୍ରେକୋ ଵିହିତାପ୍ତାଦିପୂଜନଃ ॥
ସମୁଦ୍ରସ୍ଥାପିତାଶ୍ଚର୍ଯମୁସଲୋ ଵୃଷ୍ଣିଵାହକଃ ॥ 190 ॥
ମୁନିଶାପାଯୁଧଃ ପଦ୍ମାସନାଦିତ୍ରିଦଶାର୍ଥିତଃ ।
ଵୃଷ୍ଟିପ୍ରତ୍ଯଵହାରୋତ୍କସ୍ସ୍ଵଧାମଗମନୋତ୍ସୁକଃ ॥ 191 ॥
ପ୍ରଭାସାଲୋକନୋଦ୍ଯୁକ୍ତୋ ନାନାଵିଧନିମିତ୍ତକୃତ୍ ।
ସର୍ଵଯାଦଵସଂସେଵ୍ଯସ୍ସର୍ଵୋତ୍କୃଷ୍ଟପରିଚ୍ଛଦଃ ॥ 192 ॥
ଵେଲାକାନନସଞ୍ଚାରୀ ଵେଲାନିଲହୃତଶ୍ରମଃ ।
କାଲାତ୍ମା ଯାଦଵୋଽନନ୍ତସ୍ସ୍ତୁତିସନ୍ତୁଷ୍ଟମାନସଃ ॥ 193 ॥
ଦ୍ଵିଜାଲୋକନସନ୍ତୁଷ୍ଟଃ ପୁଣ୍ଯତୀର୍ଥମହୋତ୍ସଵଃ ।
ସତ୍କାରାହ୍ଲାଦିତାଶେଷଭୂସୁରସ୍ସୁରଵଲ୍ଲଭଃ ॥ 194 ॥
ପୁଣ୍ଯତୀର୍ଥାପ୍ଲୁତଃ ପୁଣ୍ଯଃ ପୁଣ୍ଯଦସ୍ତୀର୍ଥପାଵନଃ ।
ଵିପ୍ରସାତ୍କୃତଗୋକୋଟିଶ୍ଶତକୋଟିସୁଵର୍ଣଦଃ ॥ 195 ॥
ସ୍ଵମାଯାମୋହିତାଽଶେଷଵୃଷ୍ଣିଵୀରୋ ଵିଶେଷଵିତ୍ ।
ଜଲଜାଯୁଧନିର୍ଦେଷ୍ଟା ସ୍ଵାତ୍ମାଵେଶିତଯାଦଵଃ ॥ 196 ॥
ଦେଵତାଭୀଷ୍ଟଵରଦଃ କୃତକୃତ୍ଯଃ ପ୍ରସନ୍ନଧୀଃ ।
ସ୍ଥିରଶେଷାଯୁତବଲସ୍ସହସ୍ରଫଣିଵୀକ୍ଷଣଃ ॥ 197 ॥
ବ୍ରହ୍ମଵୃକ୍ଷଵରଚ୍ଛାଯାସୀନଃ ପଦ୍ମାସନସ୍ଥିତଃ ।
ପ୍ରତ୍ଯଗାତ୍ମା ସ୍ଵଭାଵାର୍ଥଃ ପ୍ରଣିଧାନପରାଯଣଃ ॥ 198 ॥
ଵ୍ଯାଧେଷୁଵିଦ୍ଧପୂଜ୍ଯାଙ୍ଘ୍ରିର୍ନିଷାଦଭଯମୋଚନଃ ।
ପୁଲିନ୍ଦସ୍ତୁତିସନ୍ତୁଷ୍ଟଃ ପୁଲିନ୍ଦସୁଗତିପ୍ରଦଃ ॥ 199 ॥
ଦାରୁକାର୍ପିତପାର୍ଥାଦିକରଣୀଯୋକ୍ତିରୀଶିତା ।
ଦିଵ୍ଯଦୁନ୍ଦୁଭିସଂଯୁକ୍ତଃ ପୁଷ୍ପଵୃଷ୍ଟିପ୍ରପୂଜିତଃ ॥ 200 ॥
ପୁରାଣଃ ପରମେଶାନଃ ପୂର୍ଣଭୂମା ପରିଷ୍ଟୁତଃ ।
ପତିରାଦ୍ଯଃ ପରଂ ବ୍ରହ୍ମ ପରମାତ୍ମା ପରାତ୍ପରଃ ॥ 201 ॥
ଶ୍ରୀପରମାତ୍ମା ପରାତ୍ପରଃ ଓଁ ନମଃ ଇତି ।
ଫଲଶ୍ରୁତିଃ –
ଇଦଂ ସହସ୍ରଂ କୃଷ୍ଣସ୍ଯ ନାମ୍ନାଂ ସର୍ଵାର୍ଥଦାଯକମ୍ ।
ଅନନ୍ତରୂପୀ ଭଗଵାନ୍ ଵ୍ଯାଖ୍ଯାତାଦୌ ସ୍ଵଯମ୍ଭୁଵେ ॥ 202 ॥
ତେନ ପ୍ରୋକ୍ତଂ ଵସିଷ୍ଠାଯ ତତୋ ଲବ୍ଧ୍ଵା ପରାଶରଃ ।
ଵ୍ଯାସାଯ ତେନ ସମ୍ପ୍ରୋକ୍ତଂ ଶୁକୋ ଵ୍ଯାସାଦଵାପ୍ତଵାନ୍ ॥ 203 ॥
ତଚ୍ଛିଷ୍ଯୈର୍ବହୁଭିର୍ଭୂମୌ ଖ୍ଯାପିତଂ ଦ୍ଵାପରେ ଯୁଗେ ।
କୃଷ୍ଣାଜ୍ଞଯା ହରିହରଃ କଲୌ ପ୍ରଖ୍ଯାପଯଦ୍ଵିଭୁଃ ॥ 204 ॥
ଇଦଂ ପଠତି ଭକ୍ତ୍ଯା ଯଃ ଶୃଣୋତି ଚ ସମାହିତଃ ।
ସ୍ଵସିଦ୍ଧ୍ଯୈ ପ୍ରାର୍ଥଯନ୍ତ୍ଯେନଂ ତୀର୍ଥକ୍ଷେତ୍ରାଦିଦେଵତାଃ ॥ 205 ॥
ପ୍ରାଯଶ୍ଚିତ୍ତାନ୍ଯଶେଷାଣି ନାଲଂ ଯାନି ଵ୍ଯପୋହିତୁମ୍ ।
ତାନି ପାପାନି ନଶ୍ଯନ୍ତି ସକୃଦସ୍ଯ ପ୍ରଶଂସନାତ୍ ॥ 206 ॥
ଋଣତ୍ରଯଵିମୁକ୍ତସ୍ଯ ଶ୍ରୌତସ୍ମାର୍ତାନୁଵର୍ତିନଃ ।
ଋଷେସ୍ତ୍ରିମୂର୍ତିରୂପସ୍ଯ ଫଲଂ ଵିନ୍ଦେଦିଦଂ ପଠନ୍ ॥ 207 ॥
ଇଦଂ ନାମସହସ୍ରଂ ଯଃ ପଠତ୍ଯେତଚ୍ଛୃଣୋତି ଚ ।
ଶିଵଲିଙ୍ଗସହସ୍ରସ୍ଯ ସ ପ୍ରତିଷ୍ଠାଫଲଂ ଲଭେତ୍ ॥ 208 ॥
ଇଦଂ କିରୀଟୀ ସଞ୍ଜପ୍ଯ ଜଯୀ ପାଶୁପତାସ୍ତ୍ରଭାକ୍ ।
କୃଷ୍ଣସ୍ଯ ପ୍ରାଣଭୂତସ୍ସନ୍ କୃଷ୍ଣଂ ସାରଥିମାପ୍ତଵାନ୍ ॥ 209 ॥
ଦ୍ରୌପଦ୍ଯା ଦମଯନ୍ତ୍ଯା ଚ ସାଵିତ୍ର୍ଯା ଚ ସୁଶୀଲଯା ।
ଦୁରିତାନି ଜିତାନ୍ଯେତଜ୍ଜପାଦାପ୍ତଂ ଚ ଵାଞ୍ଛିତମ୍ ॥ 210 ॥
କିମିଦଂ ବହୁନା ଶଂସନ୍ମାନଵୋ ମୋଦନିର୍ଭରଃ ।
ବ୍ରହ୍ମାନନ୍ଦମଵାପ୍ଯାନ୍ତେ କୃଷ୍ଣସାଯୂଜ୍ଯମାପ୍ନୁଯାତ୍ ॥ 211 ॥
Roman (IAST) Transliteration
oṃ asya śrīkṛṣṇasahasranāmastotramantrasya parāśara ṛṣiḥ, anuṣṭup chandaḥ, śrīkṛṣṇaḥ paramātmā devatā, śrīkṛṣṇeti bījam, śrīvallabheti śaktiḥ, śārṅgīti kīlakaṃ, śrīkṛṣṇaprītyarthe jape viniyogaḥ ||
nyāsaḥ
parāśarāya ṛṣaye namaḥ iti śirasi,
anuṣṭup chandase namaḥ iti mukhe,
gopālakṛṣṇadevatāyai namaḥ iti hṛdaye,
śrīkṛṣṇāya bījāya namaḥ iti guhye,
śrīvallabhāya śaktyai namaḥ iti pādayoḥ,
śārṅgadharāya kīlakāya namaḥ iti sarvāṅge ||
karanyāsaḥ
śrīkṛṣṇa ityārabhya śūravaṃśaikadhīrityantāni aṅguṣṭhābhyāṃ namaḥ |
śaurirityārabhya svabhāsodbhāsitavraja ityantāni tarjanībhyāṃ namaḥ |
kṛtātmavidyāvinyāsa ityārabhya prasthānaśakaṭārūḍha iti madhyamābhyāṃ namaḥ,
bṛndāvanakṛtālaya ityārabhya madhurājanavīkṣita ityanāmikābhyāṃ namaḥ,
rajakapratighātaka ityārabhya dvārakāpurakalpana iti kaniṣṭhikābhyāṃ namaḥ
dvārakānilaya ityārabhya parāśara iti karatalakarapṛṣṭhābhyāṃ namaḥ,
evaṃ hṛdayādinyāsaḥ ||
dhyānam
keṣāñcitpremapuṃsāṃ vigalitamanasāṃ bālalīlāvilāsaṃ
keṣāṃ gopālalīlāṅkitarasikatanurveṇuvādyena devam |
keṣāṃ vāmāsamāje janitamanasijo daityadarpāpahaivaṃ
jñātvā bhinnābhilāṣaṃ sa jayati jagatāmīśvarastādṛśo'bhūt || 1 ||
kṣīrābdhau kṛtasaṃstavassuragaṇairbrahmādibhiḥ paṇḍitaiḥ
prodbhūto vasudevasadmani mudā cikrīḍa yo gokule |
kaṃsadhvaṃsakṛte jagāma madhurāṃ sārāmasadvārakāṃ
gopālo'khilagopikājanasakhaḥ pāyādapāyāt sa naḥ || 2 ||
phullendīvarakāntiminduvadanaṃ barhāvataṃsapriyaṃ
śrīvatsāṅkamudārakaustubhadharaṃ pītāmbaraṃ sundaram |
gopīnāṃ nayanotpalārcitatanuṃ gogopasaṅghāvṛtaṃ
govindaṃ kalaveṇuvādanarataṃ divyāṅgabhūṣaṃ bhaje || 3 ||
om |
kṛṣṇaḥ śrīvallabhaḥ śārṅgī viṣvaksenaḥ svasiddhidaḥ |
kṣīrodadhāmā vyūheśaḥ śeṣaśāyī jaganmayaḥ || 1 ||
bhaktigamyastrayīmūrtirbhārārtavasudhāstutaḥ |
devadevo dayāsindhurdevadevaśikhāmaṇiḥ || 2 ||
sukhabhāvassukhādhāro mukundo muditāśayaḥ |
avikriyaḥ kriyāmūrtiradhyātmasvasvarūpavān || 3 ||
śiṣṭābhilakṣyo bhūtātmā dharmatrāṇārthaceṣṭitaḥ |
antaryāmī kalārūpaḥ kālāvayavasākṣikaḥ || 4 ||
vasudhāyāsaharaṇo nāradapreraṇonmukhaḥ |
prabhūṣṇurnāradodgīto lokarakṣāparāyaṇaḥ || 5 ||
rauhiṇeyakṛtānando yogajñānaniyojakaḥ |
mahāguhāntarnikṣiptaḥ purāṇavapurātmavān || 6 ||
śūravaṃśaikadhīśśauriḥ kaṃsaśaṅkāviṣādakṛt |
vasudevollasacchaktirdevakyaṣṭamagarbhagaḥ || 7 ||
vasudevasutaḥ śrīmāndevakīnandano hariḥ |
āścaryabālaḥ śrīvatsalakṣmavakṣāścaturbhujaḥ || 8 ||
svabhāvotkṛṣṭasadbhāvaḥ kṛṣṇāṣṭamyantasambhavaḥ |
prājāpatyarkṣasambhūto niśīthasamayoditaḥ || 9 ||
śaṅkhacakragadāpadmapāṇiḥ padmanibhekṣaṇaḥ |
kirīṭī kaustubhoraskaḥ sphuranmakarakuṇḍalaḥ || 10 ||
pītavāsā ghanaśyāmaḥ kuñcitāñcitakuntalaḥ |
suvyaktavyaktābharaṇaḥ sūtikāgṛhabhūṣaṇaḥ || 11 ||
kārāgārāndhakāraghnaḥ pitṛprāgjanmasūcakaḥ |
vasudevastutaḥ stotraṃ tāpatrayanivāraṇaḥ || 12 ||
niravadyaḥ kriyāmūrtirnyāyavākyaniyojakaḥ |
adṛṣṭaceṣṭaḥ kūṭastho dhṛtalaukikavigrahaḥ || 13 ||
maharṣimānasollāso mahīmaṅgaladāyakaḥ |
santoṣitasuravrātaḥ sādhucittaprasādakaḥ || 14 ||
janakopāyanirdeṣṭā devakīnayanotsavaḥ |
pitṛpāṇipariṣkāro mohitāgārarakṣakaḥ || 15 ||
svaśaktyuddhāṭitāśeṣakapāṭaḥ pitṛvāhakaḥ |
śeṣoragaphaṇācchatraśśeṣoktākhyāsahasrakaḥ || 16 ||
yamunāpūravidhvaṃsī svabhāsodbhāsitavrajaḥ |
kṛtātmavidyāvinyāso yogamāyāgrasambhavaḥ || 17 ||
durgāniveditodbhāvo yaśodātalpaśāyakaḥ |
nandagopotsavasphūrtirvrajānandakarodayaḥ || 18 ||
sujātajātakarma śrīrgopībhadroktinirvṛtaḥ |
alīkanidropagamaḥ pūtanāstanapīḍanaḥ || 19 ||
stanyāttapūtanāprāṇaḥ pūtanākrośakārakaḥ |
vinyastarakṣāgodhūliryaśodākaralālitaḥ || 20 ||
nandāghrātaśiromadhyaḥ pūtanāsugatipradaḥ |
bālaḥ paryaṅkanidrālurmukhārpitapadāṅguliḥ || 21 ||
añjanasnigdhanayanaḥ paryāyāṅkuritasmitaḥ |
līlākṣastaralālokaśśakaṭāsurabhañjanaḥ || 22 ||
dvijoditasvastyayano mantrapūtajalāplutaḥ |
yaśodotsaṅgaparyaṅko yaśodāmukhavīkṣakaḥ || 23 ||
yaśodāstanyamuditastṛṇāvartādidussahaḥ |
tṛṇāvartāsuradhvaṃsī mātṛvismayakārakaḥ || 24 ||
praśastanāmakaraṇo jānucaṅkramaṇotsukaḥ |
vyālambicūlikāratno ghoṣagopapraharṣaṇaḥ || 25 ||
svamukhapratibimbārthī grīvāvyāghranakhojjvalaḥ |
paṅkānuleparuciro māṃsalorukaṭītaṭaḥ || 26 ||
ghṛṣṭajānukaradvandvaḥ pratibimbānukārakṛt |
avyaktavarṇavāgvṛttiḥ smitalakṣyaradodgamaḥ || 27 ||
dhātrīkarasamālambī praskhalaccitracaṅkramaḥ |
anurūpavayasyāḍhyaścārukaumāracāpalaḥ || 28 ||
vatsapucchasamākṛṣṭo vatsapucchavikarṣaṇaḥ |
vismāritānyavyāpāro gopagopīmudāvahaḥ || 29 ||
akālavatsanirmoktā vrajavyākrośasusmitaḥ |
navanītamahācoro dārakāhāradāyakaḥ || 30 ||
pīṭholūkhalasopānaḥ kṣīrabhāṇḍavibhedanaḥ |
śikyabhāṇḍasamākarṣī dhvāntāgārapraveśakṛt || 31 ||
bhūṣāratnaprakāśāḍhyo gopyupālambhabhartsitaḥ |
parāgadhūsarākāro mṛdbhakṣaṇakṛtekṣaṇaḥ || 32 ||
bāloktamṛtkathārambho mitrāntargūḍhavigrahaḥ |
kṛtasantrāsalolākṣo jananīpratyayāvahaḥ || 33||
mātṛdṛśyāttavadano vaktralakṣyacarācaraḥ |
yaśodālālitasvātmā svayaṃ svācchandyamohanaḥ || 34 ||
savitrīsnehasaṃśliṣṭaḥ savitrīstanalolupaḥ |
navanītārthanāprahvo navanītamahāśanaḥ || 35 ||
mṛṣākopaprakampoṣṭho goṣṭhāṅgaṇavilokanaḥ |
dadhimanthaghaṭībhettā kiṅkiṇīkvāṇasūcitaḥ || 36 ||
haiyaṅgavīnarasiko mṛṣāśruścauryaśaṅkitaḥ |
jananīśramavijñātā dāmabandhaniyantritaḥ || 37 ||
dāmākalpaścalāpāṅgo gāḍholūkhalabandhanaḥ |
ākṛṣṭolūkhalo'nantaḥ kuberasutaśāpavit || | 38 ||
nāradoktiparāmarśī yamalārjunabhañjanaḥ |
dhanadātmajasaṅghuṣṭo nandamocitabandhanaḥ || 39 ||
bālakodgītanirato bāhukṣepoditapriyaḥ |
ātmajño mitravaśago gopīgītaguṇodayaḥ || 40 ||
prasthānaśakaṭārūḍho bṛndāvanakṛtālayaḥ |
govatsapālanaikāgro nānākrīḍāparicchadaḥ || 41 ||
kṣepaṇīkṣepaṇaprīto veṇuvādyaviśāradaḥ |
vṛṣavatsānukaraṇo vṛṣadhvānaviḍambanaḥ || 42 ||
niyuddhalīlāsaṃhṛṣṭaḥ kūjānukṛtakokilaḥ |
upāttahaṃsagamanassarvajanturutānukṛt || 43 ||
bhṛṅgānukārī dadhyannacoro vatsapurassaraḥ |
balī bakāsuragrāhī bakatālupradāhakaḥ || 44 ||
bhītagopārbhakāhūto bakacañcuvidāraṇaḥ |
bakāsurārirgopālo bālo bālādbhutāvahaḥ || 45 ||
balabhadrasamāśliṣṭaḥ kṛtakrīḍānilāyanaḥ |
krīḍāsetunidhānajñaḥ plavaṅgotplavano'dbhutaḥ || 46 ||
kandukakrīḍano luptanandādibhavavedanaḥ |
sumano'laṅkṛtaśirāḥ svādusnigdhānnaśikyabhṛt || 47 ||
guñjāprālambanacchannaḥ piñchairalakaveṣakṛt |
vanyāśanapriyaḥ śṛṅgaravākāritavatsakaḥ || 48 ||
manojñapallavottaṃsapuṣpasvecchāttaṣaṭpadaḥ |
mañjuśiñjitamañjīracaraṇaḥ karakaṅkaṇaḥ || 49 ||
anyonyaśāsanaḥ krīḍāpaṭuḥ paramakaitavaḥ |
pratidhvānapramuditaḥ śākhācaturacaṅkramaḥ || 50 ||
aghadānavasaṃhartā vrajavighnavināśanaḥ |
vrajasañjīvanaḥ śreyonidhirdānavamuktidaḥ || 51 ||
kālindīpulināsīnassahabhuktavrajārbhakaḥ |
kakṣājaṭharavinyastaveṇurvallavaceṣṭitaḥ || 52 ||
bhujasandhyantaranyastaśṛṅgavetraḥ śucismitaḥ |
vāmapāṇisthadadhyannakabalaḥ kalabhāṣaṇaḥ || 53 ||
aṅgulyantaravinyastaphalaḥ paramapāvanaḥ |
adṛśyatarṇakānveṣī vallavārbhakabhītihā || 54 ||
adṛṣṭavatsapavrāto brahmavijñātavaibhavaḥ |
govatsavatsapānveṣī virāṭ-puruṣavigrahaḥ || 55 ||
svasaṅkalpānurūpārtho vatsavatsaparūpadhṛk |
yathāvatsakriyārūpo yathāsthānaniveśanaḥ || 56 ||
yathāvrajārbhakākāro gogopīstanyapassukhī |
cirādvalohito dānto brahmavijñātavaibhavaḥ || 57 ||
vicitraśaktirvyālīnasṛṣṭagovatsavatsapaḥ |
brahmatrapākaro dhātṛstutassarvārthasādhakaḥ || 58 ||
brahma brahmamayo'vyaktastejorūpassukhātmakaḥ |
niruktaṃ vyākṛtirvyakto nirālambanabhāvanaḥ || 59 ||
prabhaviṣṇuratantrīko devapakṣārtharūpadhṛk |
akāmassarvavedādiraṇīyasthūlarūpavān || 60 ||
vyāpī vyāpyaḥ kṛpākartā vicitrācārasammataḥ |
chandomayaḥ pradhānātmā mūrtāmūrtidvayākṛtiḥ || 61 ||
anekamūrtirakrodhaḥ paraḥ prakṛtirakramaḥ |
sakalāvaraṇopetassarvadevo maheśvaraḥ || 62 ||
mahāprabhāvanaḥ pūrvavatsavatsapadarśakaḥ |
kṛṣṇayādavagopālo gopālokanaharṣitaḥ || 63 ||
smitekṣāharṣitabrahmā bhaktavatsalavākpriyaḥ |
brahmānandāśrudhautāṅghrirlīlāvaicitryakovidaḥ || 64 ||
balabhadraikahṛdayo nāmākāritagokulaḥ |
gopālabālako bhavyo rajjuyajñopavītavān || 65 ||
vṛkṣacchāyāhatāśāntirgopotsaṅgopabarhaṇaḥ |
gopasaṃvāhitapado gopavyajanavījitaḥ || 66|
gopagānasukhonnidraḥ śrīdāmārjitasauhṛdaḥ |
sunandasuhṛdekātmā subalaprāṇarañjanaḥ || 67 ||
tālīvanakṛtakrīḍo balapātitadhenukaḥ |
gopīsaubhāgyasambhāvyo godhūlicchuritālakaḥ || 68 ||
gopīvirahasantapto gopikākṛtamajjanaḥ |
pralambabāhurutphullapuṇḍarīkāvataṃsakaḥ || 69 ||
vilāsalalitasmeragarbhalīlāvalokanaḥ |
sragbhūṣaṇānulepāḍhyo jananyupahṛtānnabhuk || 70 ||
varaśayyāśayo rādhāpremasallāpanirvṛtaḥ |
yamunātaṭasañcārī viṣārtavrajaharṣadaḥ || 71 ||
kāliyakrodhajanakaḥ vṛddhāhikulaveṣṭitaḥ |
kāliyāhiphaṇāraṅganaṭaḥ kāliyamardanaḥ || 72 ||
nāgapatnīstutiprīto nānāveṣasamṛddhikṛt |
aviṣvaktadṛgātmeśaḥ svadṛgātmastutipriyaḥ || 73 ||
sarveśvarassarvaguṇaḥ prasiddhassarvasātvataḥ |
akuṇṭhadhāmā candrārkadṛṣṭirākāśanirmalaḥ || 74 ||
anirdeśyagatirnāgavanitāpatibhaikṣadaḥ |
svāṅghrimudrāṅkanāgendramūrdhā kāliyasaṃstutaḥ || 75 ||
abhayo viśvataścakṣuḥ stutottamaguṇaḥ prabhuḥ |
ahamātmā marutprāṇaḥ paramātmā dyuśīrṣavān || 76 ||
nāgopāyanahṛṣṭātmā hradotsāritakāliyaḥ |
balabhadrasukhālāpo gopāliṅgananirvṛtaḥ || 77 ||
dāvāgnibhītagopālagoptā dāvāgnināśanaḥ |
nayanācchādanakrīḍālampaṭo nṛpaceṣṭitaḥ || 78 ||
kākapakṣadharassaumyo balavāhakakelimān |
balaghātitadurdharṣapralambo balavatsalaḥ || 79 ||
muñjāṭavyagniśamanaḥ prāvṛṭkālavinodavān |
śilānyastānnabhṛddaityasaṃhartā śādvalāsanaḥ || 80 ||
sadāptagopikodgītaḥ karṇikārāvataṃsakaḥ |
naṭaveṣadharaḥ padmamālāṅko gopikāvṛtaḥ || 81 ||
gopīmanoharāpāṅgo veṇuvādanatatparaḥ |
vinyastavadanāmbhojaścāruśabdakṛtānanaḥ || 82 ||
bimbādharārpitodāraveṇurviśvavimohanaḥ |
vrajasaṃvarṇitaśrāvyaveṇunādaḥ śrutipriyaḥ || 83 ||
gogopagopījanmepsurbrahmendrādyabhivanditaḥ |
gītasnutisaritpūro nādanartitabarhiṇaḥ || 84 ||
rāgapallavitasthāṇurgītānamitapādapaḥ |
vismāritatṛṇagrāsamṛgo mṛgavilobhitaḥ || 85 ||
vyāghrādihiṃsrasahajavairahartā sugāyanaḥ |
gāḍhodīritagobṛndapremotkarṇitatarṇakaḥ || 86 ||
niṣpandayānabrahmādivīkṣito viśvavanditaḥ |
śākhotkarṇaśakuntaughaśchatrāyitabalāhakaḥ || 87 ||
prasannaḥ paramānandaścitrāyitacarācaraḥ |
gopikāmadano gopīkucakuṅkumamudritaḥ || 88 ||
gopikanyājalakrīḍāhṛṣṭo gopyaṃśukāpahṛt |
skandhāropitagopastrīvāsāḥ kundanibhasmitaḥ || 89 ||
gopīnetrotpalaśaśī gopikāyācitāṃśukaḥ |
gopīnamaskriyādeṣṭā gopyekakaravanditaḥ || 90 ||
gopyañjaliviśeṣārthī gopakrīḍāvilobhitaḥ |
śāntavāsasphuradgopīkṛtāñjaliraghāpahaḥ || 91 ||
gopīkelivilāsārthī gopīsampūrṇakāmadaḥ |
gopastrīvastrado gopīcittacoraḥ kutūhalī || 92 ||
bṛndāvanapriyo gopabandhuryajvānnayācitā |
yajñeśo yajñabhāvajño yajñapatnyabhivāñchitaḥ || 93 ||
munipatnīvitīrṇānnatṛpto munivadhūpriyaḥ |
dvijapatnyabhibhāvajño dvijapatnīvarapradaḥ || 94 ||
pratiruddhasatīmokṣaprado dvijavimohitā |
munijñānaprado yajvastuto vāsavayāgavit || 95 ||
pitṛproktakriyārūpaśakrayāganivāraṇaḥ |
śakrā'marṣakaraśśakravṛṣṭipraśamanonmukhaḥ || 96 ||
govardhanadharo gopagobṛndatrāṇatatparaḥ |
govardhanagiricchatracaṇḍadaṇḍabhujārgalaḥ || 97 ||
saptāhavidhṛtādrīndro meghavāhanagarvahā |
bhujāgroparivinyastakṣmādharakṣmābhṛdacyutaḥ || 98 ||
svasthānasthāpitagirirgopīdadhyakṣatārcitaḥ |
sumanassumanovṛṣṭihṛṣṭo vāsavavanditaḥ || 99 ||
kāmadhenupayaḥpūrābhiṣiktassurabhistutaḥ |
dharāṅghriroṣadhīromā dharmagoptā manomayaḥ || 100 ||
jñānayajñapriyaśśāstranetrassarvārthasārathiḥ |
airāvatakarānītaviyadgaṅgāpluto vibhuḥ || 101 ||
brahmābhiṣikto gogoptā sarvalokaśubhaṅkaraḥ |
sarvavedamayo magnanandānveṣipitṛpriyaḥ || 102 ||
varuṇodīritātmekṣākautuko varuṇārcitaḥ |
varuṇānītajanako gopajñātātmavaibhavaḥ || 103 ||
svarlokālokasaṃhṛṣṭagopavargatrivargadaḥ |
brahmahṛdgopito gopadraṣṭā brahmapadapradaḥ || 104 ||
śaraccandravihārotkaḥ śrīpatirvaśako kṣamaḥ |
bhayāpaho bhartṛruddhagopikādhyānagocaraḥ || 105 ||
gopikānayanāsvādyo gopīnarmoktinirvṛtaḥ |
gopikāmānaharaṇo gopikāśatayūthapaḥ || 106 ||
vaijayantīsragākalpo gopikāmānavardhanaḥ |
gopakāntāsunirdeṣṭā kānto manmathamanmathaḥ || 107 ||
svātmāsyadattatāmbūlaḥ phalitotkṛṣṭayauvanaḥ |
vallavīstanasaktākṣo vallavīpremacālitaḥ || 108 ||
gopīcelāñcalāsīno gopīnetrābjaṣaṭpadaḥ |
rāsakrīḍāsamāsakto gopīmaṇḍalamaṇḍanaḥ || 109 ||
gopīhemamaṇiśreṇimadhyendramaṇirujjvalaḥ |
vidyādharenduśāpaghnaśśaṅkhacūḍaśiroharaḥ || 110 ||
śaṅkhacūḍaśiroratnasamprīṇitabalo'naghaḥ |
ariṣṭāriṣṭakṛdduṣṭakeśidaityaniṣūdanaḥ || 111 ||
sarasassasmitamukhassusthiro virahākulaḥ |
saṅkarṣaṇārpitaprītirakrūradhyānagocaraḥ || 112 ||
akrūrasaṃstuto gūḍho guṇavṛtyupalakṣitaḥ |
pramāṇagamyastanmātrā'vayavī buddhitatparaḥ || 113 ||
sarvapramāṇapramadhīssarvapratyayasādhakaḥ |
puruṣaśca pradhānātmā viparyāsavilocanaḥ || 114 ||
madhurājanasaṃvīkṣyo rajakapratighātakaḥ |
vicitrāmbarasaṃvīto mālākāravarapradaḥ || 115 ||
kubjāvakratvanirmoktā kubjāyauvanadāyakaḥ |
kubjāṅgarāgasurabhiḥ kaṃsakodaṇḍakhaṇḍanaḥ || 116 ||
dhīraḥ kuvalayāpīḍamardanaḥ kaṃsabhītikṛt |
dantidantāyudho raṅgatrāsako mallayuddhavit || 117 ||
cāṇūrahantā kaṃsārirdevakīharṣadāyakaḥ |
vasudevapadānamraḥ pitṛbandhavimocanaḥ || 118 ||
urvībhayāpaho bhūpa ugrasenādhipatyadaḥ |
ājñāsthitaśacīnāthassudharmānayanakṣamaḥ || 119 ||
ādyo dvijātisatkartā śiṣṭācārapradarśakaḥ |
sāndīpanikṛtābhyastavidyābhyāsaikadhīssudhīḥ || 120 ||
gurvabhīṣṭakriyādakṣaḥ paścimodadhipūjitaḥ |
hatapañcajanaprāptapāñcajanyo yamārcitaḥ || 121 ||
dharmarājajayānītaguruputra urukramaḥ |
guruputrapradaśśāstā madhurājasabhāsadaḥ || 122 ||
jāmadagnyasamabhyarcyo gomantagirisañcaraḥ |
gomantadāvaśamano garuḍānītabhūṣaṇaḥ || 123 ||
cakrādyāyudhasaṃśobhī jarāsandhamadāpahaḥ |
sṛgālāvanipālaghnassṛgālātmajarājyadaḥ || 124 ||
vidhvastakālayavano mucukundavarapradaḥ |
ājñāpitamahāmbhodhirdvārakāpurakalpanaḥ || 125 ||
dvārakānilayo rukmimānahantā yadūdvahaḥ |
ruciro rukmiṇījāniḥ pradyumnajanakaḥ prabhuḥ || 126 ||
apākṛtatrilokārtiraniruddhapitāmahaḥ |
aniruddhapadānveṣī cakrī garuḍavāhanaḥ || 127 ||
bāṇāsurapurīroddhā rakṣājvalanayantrajit |
dhūtapramathasaṃrambho jitamāheśvarajvaraḥ || 128 ||
ṣaṭcakraśaktinirjetā bhūtavetālamohakṛt |
śambhutriśūlajicchambhujṛmbhaṇaśśambhusaṃstutaḥ || 129 ||
indriyātmenduhṛdayassarvayogeśvareśvaraḥ |
hiraṇyagarbhahṛdayo mohāvartanivartanaḥ || 130 ||
ātmajñānanidhirmedhā kośastanmātrarūpavān |
indro'gnivadanaḥ kālanābhassarvāgamādhvagaḥ || 131 ||
turīyasarvadhīsākṣī dvandvārāmātmadūragaḥ |
ajñātapāro vaśyaśrīravyākṛtavihāravān || 132 ||
ātmapradīpo vijñānamātrātmā śrīniketanaḥ |
bāṇabāhuvanacchettā mahendraprītivardhanaḥ || 133 ||
aniruddhanirodhajño jaleśāhṛtagokulaḥ |
jaleśavijayī vīrassatrājidratnayācakaḥ || 134 ||
prasenānveṣaṇodyukto jāmbavaddhṛtaratnadaḥ |
jitarkṣarājatanayāhartā jāmbavatīpriyaḥ || 135 ||
satyabhāmāpriyaḥ kāmaśśatadhanvaśiroharaḥ |
kālindīpatirakrūrabandhurakrūraratnadaḥ || 136 ||
kaikeyīramaṇo bhadrābhartā nāgnajitīdhavaḥ |
mādrīmanoharaśśaibyāprāṇabandhururukramaḥ || 137 ||
suśīlādayito mitravindānetramahotsavaḥ |
lakṣmaṇāvallabho ruddhaprāgjyotiṣamahāpuraḥ || 138 ||
surapāśāvṛticchedī murāriḥ krūrayuddhavit |
hayagrīvaśirohartā sarvātmā sarvadarśanaḥ || 139 ||
narakāsuravicchettā narakātmajarājyadaḥ|
pṛthvīstutaḥ prakāśātmā hṛdyo yajñaphalapradaḥ || 140 ||
guṇagrāhī guṇadraṣṭā gūḍhasvātmā vibhūtimān |
kavirjagadupadraṣṭā paramākṣaravigrahaḥ || 141 ||
prapannapālano mālī mahadbrahmavivardhanaḥ |
vācyavācakaśaktyarthassarvavyākṛtasiddhidaḥ || 142 ||
svayamprabhuranirvedyassvaprakāśaścirantanaḥ |
nādātmā mantrakoṭīśo nānāvādanirodhakaḥ || 143 ||
kandarpakoṭilāvaṇyaḥ parārthaikaprayojakaḥ |
amarīkṛtadevaughaḥ kanyakābandhamocanaḥ || 144 ||
ṣoḍaśastrīsahasreśaḥ kāntaḥ kāntāmanobhavaḥ |
krīḍāratnācalāhartā varuṇacchatraśobhitaḥ || 145 ||
śakrābhivanditaśśakrajananīkuṇḍalapradaḥ |
aditiprastutastotro brāhmaṇodghuṣṭaceṣṭanaḥ || 146 ||
purāṇassaṃyamī janmāliptaḥ ṣaḍviṃśako'rthadaḥ |
yaśasyanītirādyantarahitassatkathāpriyaḥ || 147 ||
brahmabodhaḥ parānandaḥ pārijātāpahārakaḥ |
pauṇḍrakaprāṇaharaṇaḥ kāśirājaniṣūdanaḥ || 148 ||
kṛtyāgarvapraśamano vicakravadhadīkṣitaḥ |
kaṃsavidhvaṃsanassāmbajanako ḍimbhakārdanaḥ || 149 ||
munirgoptā pitṛvarapradassavanadīkṣitaḥ |
rathī sārathyanirdeṣṭā phālgunaḥ phālgunipriyaḥ || 150 ||
saptābdhistambhanodbhāto harissaptābdhibhedanaḥ |
ātmaprakāśaḥ pūrṇaśrīrādinārāyaṇekṣitaḥ || 151 ||
vipraputrapradaścaiva sarvamātṛsutapradaḥ |
pārthavismayakṛtpārthapraṇavārthaprabodhanaḥ || 152 ||
kailāsayātrāsumukho badaryāśramabhūṣaṇaḥ |
ghaṇṭākarṇakriyāmauḍhyāttoṣito bhaktavatsalaḥ || 153 ||
munibṛndādibhirdhyeyo ghaṇṭākarṇavarapradaḥ |
tapaścaryāparaścīravāsāḥ piṅgajaṭādharaḥ || 154 ||
pratyakṣīkṛtabhūteśaśśivastotā śivastutaḥ |
kṛṣṇāsvayaṃvarālokakautukī sarvasammataḥ || 155 ||
balasaṃrambhaśamano baladarśitapāṇḍavaḥ |
yativeṣārjunābhīṣṭadāyī sarvātmagocaraḥ || 156 ||
subhadrāphālgunodvāhakartā prīṇitaphālgunaḥ |
khāṇḍavaprīṇitārciṣmānmayadānavamocanaḥ || 157 ||
sulabho rājasūyārhayudhiṣṭhiraniyojakaḥ |
bhīmārditajarāsandho māgadhātmajarājyadaḥ || 158 ||
rājabandhananirmoktā rājasūyāgrapūjanaḥ |
caidyādyasahano bhīṣmastutassātvatapūrvajaḥ || 159 ||
sarvātmārthasamāhartā mandarācaladhārakaḥ |
yajñāvatāraḥ prahlādapratijñāpratipālakaḥ || 160 ||
baliyajñasabhādhvaṃsī dṛptakṣatrakulāntakaḥ |
daśagrīvāntako jetā revatīpremavallabhaḥ || 161 ||
sarvāvatārādhiṣṭhātā vedabāhyavimohanaḥ |
kalidoṣanirākartā daśanāmā dṛḍhavrataḥ || 162 ||
ameyātmā jagatsvāmī vāgmī caidyaśiroharaḥ |
draupadīracitastotraḥ keśavaḥ puruṣottamaḥ || 163 ||
nārāyaṇo madhupatirmādhavo doṣavarjitaḥ |
govindaḥ puṇḍarīkākṣo viṣṇuśca madhusūdanaḥ || 164 ||
trivikramastrilokeśo vāmanaḥ śrīdharaḥ pumān |
hṛṣīkeśo vāsudevaḥ padmanābho mahāhradaḥ || 165 ||
dāmodaraścaturvyūhaḥ pāñcālīmānarakṣaṇaḥ |
sālvaghnassamaraślāghī dantavaktranibarhaṇaḥ || 166 ||
dāmodarapriyasakhā pṛthukāsvādanapriyaḥ ||
ghṛṇī dāmodaraḥ śrīdo gopīpunaravekṣakaḥ || 167 ||
gopikāmuktido yogī durvāsastṛptikārakaḥ |
avijñātavrajākīrṇapāṇḍavālokano jayī || 168 ||
pārthasārathyanirataḥ prājñaḥ pāṇḍavadūtyakṛt |
vidurātithyasantuṣṭaḥ kuntīsantoṣadāyakaḥ || 169 ||
suyodhanatiraskartā duryodhanavikāravit |
vidurābhiṣṭhuto nityo vārṣṇeyo maṅgalātmakaḥ || 170 ||
pañcaviṃśatitattveśaścaturviṃśatidehabhāk |
sarvānugrāhakassarvadāśārhasatatārcitaḥ || 171 ||
acintyo madhurālāpassādhudarśī durāsadaḥ |
manuṣyadharmānugataḥ kauravendrakṣayekṣitā || 172 ||
upendro dānavārātirurugīto mahādyutiḥ |
brahmaṇyadevaḥ śrutimān gobrāhmaṇahitāśayaḥ || 173 ||
varaśīlaśśivārambhassuvijñānavimūrtimān |
svabhāvaśuddhassanmitrassuśaraṇyassulakṣaṇaḥ || 174 ||
dhṛtarāṣṭragataudṛṣṭipradaḥ karṇavibhedanaḥ |
pratodadhṛgviśvarūpavismāritadhanañjayaḥ || 175 ||
sāmagānapriyo dharmadhenurvarṇottamo'vyayaḥ |
caturyugakriyākartā viśvarūpapradarśakaḥ || 176 ||
brahmabodhaparitrātapārtho bhīṣmārthacakrabhṛt |
arjunāyāsavidhvaṃsī kāladaṃṣṭrāvibhūṣaṇaḥ || 177 ||
sujātānantamahimā svapnavyāpāritārjunaḥ |
akālasandhyāghaṭanaścakrāntaritabhāskaraḥ || 178 ||
duṣṭapramathanaḥ pārthapratijñāparipālakaḥ |
sindhurājaśiraḥpātasthānavaktā vivekadṛk || 179 ||
subhadrāśokaharaṇo droṇotsekādivismitaḥ |
pārthamanyunirākartā pāṇḍavotsavadāyakaḥ || 180 ||
aṅguṣṭhākrāntakaunteyarathaśśakto'hiśīrṣajit |
kālakopapraśamano bhīmasenajayapradaḥ || 181 ||
aśvatthāmavadhāyāsatrātapāṇḍusutaḥ kṛtī |
iṣīkāstrapraśamano drauṇirakṣāvicakṣaṇaḥ || 182 ||
pārthāpahāritadrauṇicūḍāmaṇirabhaṅguraḥ |
dhṛtarāṣṭraparāmṛṣṭabhīmapratikṛtismayaḥ || 183 ||
bhīṣmabuddhipradaśśāntaśśaraccandranibhānanaḥ |
gadāgrajanmā pāñcālīpratijñāparipālakaḥ || 184 ||
gāndhārīkopadṛgguptadharmasūnuranāmayaḥ |
prapannārtibhayacchettā bhīṣmaśalyavyadhāvahaḥ || 185 ||
śāntaśśāntanavodīrṇasarvadharmasamāhitaḥ |
smāritabrahmavidyārthaprītapārtho mahāstravit || 186 ||
prasādaparamodāro gāṅgeyasugatipradaḥ |
vipakṣapakṣakṣayakṛtparīkṣitprāṇarakṣaṇaḥ || 187 ||
jagadgururdharmasūnorvājimedhapravartakaḥ |
vihitārthāptasatkāro māsakātparivartadaḥ || 188 ||
uttaṅkaharṣadātmīyadivyarūpapradarśakaḥ |
janakāvagatasvoktabhāratassarvabhāvanaḥ || 189 ||
asoḍhayādavodreko vihitāptādipūjanaḥ ||
samudrasthāpitāścaryamusalo vṛṣṇivāhakaḥ || 190 ||
muniśāpāyudhaḥ padmāsanāditridaśārthitaḥ |
vṛṣṭipratyavahārotkassvadhāmagamanotsukaḥ || 191 ||
prabhāsālokanodyukto nānāvidhanimittakṛt |
sarvayādavasaṃsevyassarvotkṛṣṭaparicchadaḥ || 192 ||
velākānanasañcārī velānilahṛtaśramaḥ |
kālātmā yādavo'nantasstutisantuṣṭamānasaḥ || 193 ||
dvijālokanasantuṣṭaḥ puṇyatīrthamahotsavaḥ |
satkārāhlāditāśeṣabhūsurassuravallabhaḥ || 194 ||
puṇyatīrthāplutaḥ puṇyaḥ puṇyadastīrthapāvanaḥ |
viprasātkṛtagokoṭiśśatakoṭisuvarṇadaḥ || 195 ||
svamāyāmohitā'śeṣavṛṣṇivīro viśeṣavit |
jalajāyudhanirdeṣṭā svātmāveśitayādavaḥ || 196 ||
devatābhīṣṭavaradaḥ kṛtakṛtyaḥ prasannadhīḥ |
sthiraśeṣāyutabalassahasraphaṇivīkṣaṇaḥ || 197 ||
brahmavṛkṣavaracchāyāsīnaḥ padmāsanasthitaḥ |
pratyagātmā svabhāvārthaḥ praṇidhānaparāyaṇaḥ || 198 ||
vyādheṣuviddhapūjyāṅghrirniṣādabhayamocanaḥ |
pulindastutisantuṣṭaḥ pulindasugatipradaḥ || 199 ||
dārukārpitapārthādikaraṇīyoktirīśitā |
divyadundubhisaṃyuktaḥ puṣpavṛṣṭiprapūjitaḥ || 200 ||
purāṇaḥ parameśānaḥ pūrṇabhūmā pariṣṭutaḥ |
patirādyaḥ paraṃ brahma paramātmā parātparaḥ || 201 ||
śrīparamātmā parātparaḥ oṃ namaḥ iti |
phalaśrutiḥ –
idaṃ sahasraṃ kṛṣṇasya nāmnāṃ sarvārthadāyakam |
anantarūpī bhagavān vyākhyātādau svayambhuve || 202 ||
tena proktaṃ vasiṣṭhāya tato labdhvā parāśaraḥ |
vyāsāya tena samproktaṃ śuko vyāsādavāptavān || 203 ||
tacchiṣyairbahubhirbhūmau khyāpitaṃ dvāpare yuge |
kṛṣṇājñayā hariharaḥ kalau prakhyāpayadvibhuḥ || 204 ||
idaṃ paṭhati bhaktyā yaḥ śṛṇoti ca samāhitaḥ |
svasiddhyai prārthayantyenaṃ tīrthakṣetrādidevatāḥ || 205 ||
prāyaścittānyaśeṣāṇi nālaṃ yāni vyapohitum |
tāni pāpāni naśyanti sakṛdasya praśaṃsanāt || 206 ||
ṛṇatrayavimuktasya śrautasmārtānuvartinaḥ |
ṛṣestrimūrtirūpasya phalaṃ vindedidaṃ paṭhan || 207 ||
idaṃ nāmasahasraṃ yaḥ paṭhatyetacchṛṇoti ca |
śivaliṅgasahasrasya sa pratiṣṭhāphalaṃ labhet || 208 ||
idaṃ kirīṭī sañjapya jayī pāśupatāstrabhāk |
kṛṣṇasya prāṇabhūtassan kṛṣṇaṃ sārathimāptavān || 209 ||
draupadyā damayantyā ca sāvitryā ca suśīlayā |
duritāni jitānyetajjapādāptaṃ ca vāñchitam || 210 ||
kimidaṃ bahunā śaṃsanmānavo modanirbharaḥ |
brahmānandamavāpyānte kṛṣṇasāyūjyamāpnuyāt || 211 ||
Sanskrit — Devanagari (original)
ॐ अस्य श्रीकृष्णसहस्रनामस्तोत्रमन्त्रस्य पराशर ऋषिः, अनुष्टुप् छन्दः, श्रीकृष्णः परमात्मा देवता, श्रीकृष्णेति बीजम्, श्रीवल्लभेति शक्तिः, शार्ङ्गीति कीलकं, श्रीकृष्णप्रीत्यर्थे जपे विनियोगः ॥
न्यासः
पराशराय ऋषये नमः इति शिरसि,
अनुष्टुप् छन्दसे नमः इति मुखे,
गोपालकृष्णदेवतायै नमः इति हृदये,
श्रीकृष्णाय बीजाय नमः इति गुह्ये,
श्रीवल्लभाय शक्त्यै नमः इति पादयोः,
शार्ङ्गधराय कीलकाय नमः इति सर्वाङ्गे ॥
करन्यासः
श्रीकृष्ण इत्यारभ्य शूरवंशैकधीरित्यन्तानि अङ्गुष्ठाभ्यां नमः ।
शौरिरित्यारभ्य स्वभासोद्भासितव्रज इत्यन्तानि तर्जनीभ्यां नमः ।
कृतात्मविद्याविन्यास इत्यारभ्य प्रस्थानशकटारूढ इति मध्यमाभ्यां नमः,
बृन्दावनकृतालय इत्यारभ्य मधुराजनवीक्षित इत्यनामिकाभ्यां नमः,
रजकप्रतिघातक इत्यारभ्य द्वारकापुरकल्पन इति कनिष्ठिकाभ्यां नमः
द्वारकानिलय इत्यारभ्य पराशर इति करतलकरपृष्ठाभ्यां नमः,
एवं हृदयादिन्यासः ॥
ध्यानम्
केषाञ्चित्प्रेमपुंसां विगलितमनसां बाललीलाविलासं
केषां गोपाललीलाङ्कितरसिकतनुर्वेणुवाद्येन देवम् ।
केषां वामासमाजे जनितमनसिजो दैत्यदर्पापहैवं
ज्ञात्वा भिन्नाभिलाषं स जयति जगतामीश्वरस्तादृशोऽभूत् ॥ 1 ॥
क्षीराब्धौ कृतसंस्तवस्सुरगणैर्ब्रह्मादिभिः पण्डितैः
प्रोद्भूतो वसुदेवसद्मनि मुदा चिक्रीड यो गोकुले ।
कंसध्वंसकृते जगाम मधुरां सारामसद्वारकां
गोपालोऽखिलगोपिकाजनसखः पायादपायात् स नः ॥ 2 ॥
फुल्लेन्दीवरकान्तिमिन्दुवदनं बर्हावतंसप्रियं
श्रीवत्साङ्कमुदारकौस्तुभधरं पीताम्बरं सुन्दरम् ।
गोपीनां नयनोत्पलार्चिततनुं गोगोपसङ्घावृतं
गोविन्दं कलवेणुवादनरतं दिव्याङ्गभूषं भजे ॥ 3 ॥
ओम् ।
कृष्णः श्रीवल्लभः शार्ङ्गी विष्वक्सेनः स्वसिद्धिदः ।
क्षीरोदधामा व्यूहेशः शेषशायी जगन्मयः ॥ 1 ॥
भक्तिगम्यस्त्रयीमूर्तिर्भारार्तवसुधास्तुतः ।
देवदेवो दयासिन्धुर्देवदेवशिखामणिः ॥ 2 ॥
सुखभावस्सुखाधारो मुकुन्दो मुदिताशयः ।
अविक्रियः क्रियामूर्तिरध्यात्मस्वस्वरूपवान् ॥ 3 ॥
शिष्टाभिलक्ष्यो भूतात्मा धर्मत्राणार्थचेष्टितः ।
अन्तर्यामी कलारूपः कालावयवसाक्षिकः ॥ 4 ॥
वसुधायासहरणो नारदप्रेरणोन्मुखः ।
प्रभूष्णुर्नारदोद्गीतो लोकरक्षापरायणः ॥ 5 ॥
रौहिणेयकृतानन्दो योगज्ञाननियोजकः ।
महागुहान्तर्निक्षिप्तः पुराणवपुरात्मवान् ॥ 6 ॥
शूरवंशैकधीश्शौरिः कंसशङ्काविषादकृत् ।
वसुदेवोल्लसच्छक्तिर्देवक्यष्टमगर्भगः ॥ 7 ॥
वसुदेवसुतः श्रीमान्देवकीनन्दनो हरिः ।
आश्चर्यबालः श्रीवत्सलक्ष्मवक्षाश्चतुर्भुजः ॥ 8 ॥
स्वभावोत्कृष्टसद्भावः कृष्णाष्टम्यन्तसम्भवः ।
प्राजापत्यर्क्षसम्भूतो निशीथसमयोदितः ॥ 9 ॥
शङ्खचक्रगदापद्मपाणिः पद्मनिभेक्षणः ।
किरीटी कौस्तुभोरस्कः स्फुरन्मकरकुण्डलः ॥ 10 ॥
पीतवासा घनश्यामः कुञ्चिताञ्चितकुन्तलः ।
सुव्यक्तव्यक्ताभरणः सूतिकागृहभूषणः ॥ 11 ॥
कारागारान्धकारघ्नः पितृप्राग्जन्मसूचकः ।
वसुदेवस्तुतः स्तोत्रं तापत्रयनिवारणः ॥ 12 ॥
निरवद्यः क्रियामूर्तिर्न्यायवाक्यनियोजकः ।
अदृष्टचेष्टः कूटस्थो धृतलौकिकविग्रहः ॥ 13 ॥
महर्षिमानसोल्लासो महीमङ्गलदायकः ।
सन्तोषितसुरव्रातः साधुचित्तप्रसादकः ॥ 14 ॥
जनकोपायनिर्देष्टा देवकीनयनोत्सवः ।
पितृपाणिपरिष्कारो मोहितागाररक्षकः ॥ 15 ॥
स्वशक्त्युद्धाटिताशेषकपाटः पितृवाहकः ।
शेषोरगफणाच्छत्रश्शेषोक्ताख्यासहस्रकः ॥ 16 ॥
यमुनापूरविध्वंसी स्वभासोद्भासितव्रजः ।
कृतात्मविद्याविन्यासो योगमायाग्रसम्भवः ॥ 17 ॥
दुर्गानिवेदितोद्भावो यशोदातल्पशायकः ।
नन्दगोपोत्सवस्फूर्तिर्व्रजानन्दकरोदयः ॥ 18 ॥
सुजातजातकर्म श्रीर्गोपीभद्रोक्तिनिर्वृतः ।
अलीकनिद्रोपगमः पूतनास्तनपीडनः ॥ 19 ॥
स्तन्यात्तपूतनाप्राणः पूतनाक्रोशकारकः ।
विन्यस्तरक्षागोधूलिर्यशोदाकरलालितः ॥ 20 ॥
नन्दाघ्रातशिरोमध्यः पूतनासुगतिप्रदः ।
बालः पर्यङ्कनिद्रालुर्मुखार्पितपदाङ्गुलिः ॥ 21 ॥
अञ्जनस्निग्धनयनः पर्यायाङ्कुरितस्मितः ।
लीलाक्षस्तरलालोकश्शकटासुरभञ्जनः ॥ 22 ॥
द्विजोदितस्वस्त्ययनो मन्त्रपूतजलाप्लुतः ।
यशोदोत्सङ्गपर्यङ्को यशोदामुखवीक्षकः ॥ 23 ॥
यशोदास्तन्यमुदितस्तृणावर्तादिदुस्सहः ।
तृणावर्तासुरध्वंसी मातृविस्मयकारकः ॥ 24 ॥
प्रशस्तनामकरणो जानुचङ्क्रमणोत्सुकः ।
व्यालम्बिचूलिकारत्नो घोषगोपप्रहर्षणः ॥ 25 ॥
स्वमुखप्रतिबिम्बार्थी ग्रीवाव्याघ्रनखोज्ज्वलः ।
पङ्कानुलेपरुचिरो मांसलोरुकटीतटः ॥ 26 ॥
घृष्टजानुकरद्वन्द्वः प्रतिबिम्बानुकारकृत् ।
अव्यक्तवर्णवाग्वृत्तिः स्मितलक्ष्यरदोद्गमः ॥ 27 ॥
धात्रीकरसमालम्बी प्रस्खलच्चित्रचङ्क्रमः ।
अनुरूपवयस्याढ्यश्चारुकौमारचापलः ॥ 28 ॥
वत्सपुच्छसमाकृष्टो वत्सपुच्छविकर्षणः ।
विस्मारितान्यव्यापारो गोपगोपीमुदावहः ॥ 29 ॥
अकालवत्सनिर्मोक्ता व्रजव्याक्रोशसुस्मितः ।
नवनीतमहाचोरो दारकाहारदायकः ॥ 30 ॥
पीठोलूखलसोपानः क्षीरभाण्डविभेदनः ।
शिक्यभाण्डसमाकर्षी ध्वान्तागारप्रवेशकृत् ॥ 31 ॥
भूषारत्नप्रकाशाढ्यो गोप्युपालम्भभर्त्सितः ।
परागधूसराकारो मृद्भक्षणकृतेक्षणः ॥ 32 ॥
बालोक्तमृत्कथारम्भो मित्रान्तर्गूढविग्रहः ।
कृतसन्त्रासलोलाक्षो जननीप्रत्ययावहः ॥ 33॥
मातृदृश्यात्तवदनो वक्त्रलक्ष्यचराचरः ।
यशोदालालितस्वात्मा स्वयं स्वाच्छन्द्यमोहनः ॥ 34 ॥
सवित्रीस्नेहसंश्लिष्टः सवित्रीस्तनलोलुपः ।
नवनीतार्थनाप्रह्वो नवनीतमहाशनः ॥ 35 ॥
मृषाकोपप्रकम्पोष्ठो गोष्ठाङ्गणविलोकनः ।
दधिमन्थघटीभेत्ता किङ्किणीक्वाणसूचितः ॥ 36 ॥
हैयङ्गवीनरसिको मृषाश्रुश्चौर्यशङ्कितः ।
जननीश्रमविज्ञाता दामबन्धनियन्त्रितः ॥ 37 ॥
दामाकल्पश्चलापाङ्गो गाढोलूखलबन्धनः ।
आकृष्टोलूखलोऽनन्तः कुबेरसुतशापवित् ॥ । 38 ॥
नारदोक्तिपरामर्शी यमलार्जुनभञ्जनः ।
धनदात्मजसङ्घुष्टो नन्दमोचितबन्धनः ॥ 39 ॥
बालकोद्गीतनिरतो बाहुक्षेपोदितप्रियः ।
आत्मज्ञो मित्रवशगो गोपीगीतगुणोदयः ॥ 40 ॥
प्रस्थानशकटारूढो बृन्दावनकृतालयः ।
गोवत्सपालनैकाग्रो नानाक्रीडापरिच्छदः ॥ 41 ॥
क्षेपणीक्षेपणप्रीतो वेणुवाद्यविशारदः ।
वृषवत्सानुकरणो वृषध्वानविडम्बनः ॥ 42 ॥
नियुद्धलीलासंहृष्टः कूजानुकृतकोकिलः ।
उपात्तहंसगमनस्सर्वजन्तुरुतानुकृत् ॥ 43 ॥
भृङ्गानुकारी दध्यन्नचोरो वत्सपुरस्सरः ।
बली बकासुरग्राही बकतालुप्रदाहकः ॥ 44 ॥
भीतगोपार्भकाहूतो बकचञ्चुविदारणः ।
बकासुरारिर्गोपालो बालो बालाद्भुतावहः ॥ 45 ॥
बलभद्रसमाश्लिष्टः कृतक्रीडानिलायनः ।
क्रीडासेतुनिधानज्ञः प्लवङ्गोत्प्लवनोऽद्भुतः ॥ 46 ॥
कन्दुकक्रीडनो लुप्तनन्दादिभववेदनः ।
सुमनोऽलङ्कृतशिराः स्वादुस्निग्धान्नशिक्यभृत् ॥ 47 ॥
गुञ्जाप्रालम्बनच्छन्नः पिञ्छैरलकवेषकृत् ।
वन्याशनप्रियः शृङ्गरवाकारितवत्सकः ॥ 48 ॥
मनोज्ञपल्लवोत्तंसपुष्पस्वेच्छात्तषट्पदः ।
मञ्जुशिञ्जितमञ्जीरचरणः करकङ्कणः ॥ 49 ॥
अन्योन्यशासनः क्रीडापटुः परमकैतवः ।
प्रतिध्वानप्रमुदितः शाखाचतुरचङ्क्रमः ॥ 50 ॥
अघदानवसंहर्ता व्रजविघ्नविनाशनः ।
व्रजसञ्जीवनः श्रेयोनिधिर्दानवमुक्तिदः ॥ 51 ॥
कालिन्दीपुलिनासीनस्सहभुक्तव्रजार्भकः ।
कक्षाजठरविन्यस्तवेणुर्वल्लवचेष्टितः ॥ 52 ॥
भुजसन्ध्यन्तरन्यस्तशृङ्गवेत्रः शुचिस्मितः ।
वामपाणिस्थदध्यन्नकबलः कलभाषणः ॥ 53 ॥
अङ्गुल्यन्तरविन्यस्तफलः परमपावनः ।
अदृश्यतर्णकान्वेषी वल्लवार्भकभीतिहा ॥ 54 ॥
अदृष्टवत्सपव्रातो ब्रह्मविज्ञातवैभवः ।
गोवत्सवत्सपान्वेषी विराट्-पुरुषविग्रहः ॥ 55 ॥
स्वसङ्कल्पानुरूपार्थो वत्सवत्सपरूपधृक् ।
यथावत्सक्रियारूपो यथास्थाननिवेशनः ॥ 56 ॥
यथाव्रजार्भकाकारो गोगोपीस्तन्यपस्सुखी ।
चिराद्वलोहितो दान्तो ब्रह्मविज्ञातवैभवः ॥ 57 ॥
विचित्रशक्तिर्व्यालीनसृष्टगोवत्सवत्सपः ।
ब्रह्मत्रपाकरो धातृस्तुतस्सर्वार्थसाधकः ॥ 58 ॥
ब्रह्म ब्रह्ममयोऽव्यक्तस्तेजोरूपस्सुखात्मकः ।
निरुक्तं व्याकृतिर्व्यक्तो निरालम्बनभावनः ॥ 59 ॥
प्रभविष्णुरतन्त्रीको देवपक्षार्थरूपधृक् ।
अकामस्सर्ववेदादिरणीयस्थूलरूपवान् ॥ 60 ॥
व्यापी व्याप्यः कृपाकर्ता विचित्राचारसम्मतः ।
छन्दोमयः प्रधानात्मा मूर्तामूर्तिद्वयाकृतिः ॥ 61 ॥
अनेकमूर्तिरक्रोधः परः प्रकृतिरक्रमः ।
सकलावरणोपेतस्सर्वदेवो महेश्वरः ॥ 62 ॥
महाप्रभावनः पूर्ववत्सवत्सपदर्शकः ।
कृष्णयादवगोपालो गोपालोकनहर्षितः ॥ 63 ॥
स्मितेक्षाहर्षितब्रह्मा भक्तवत्सलवाक्प्रियः ।
ब्रह्मानन्दाश्रुधौताङ्घ्रिर्लीलावैचित्र्यकोविदः ॥ 64 ॥
बलभद्रैकहृदयो नामाकारितगोकुलः ।
गोपालबालको भव्यो रज्जुयज्ञोपवीतवान् ॥ 65 ॥
वृक्षच्छायाहताशान्तिर्गोपोत्सङ्गोपबर्हणः ।
गोपसंवाहितपदो गोपव्यजनवीजितः ॥ 66।
गोपगानसुखोन्निद्रः श्रीदामार्जितसौहृदः ।
सुनन्दसुहृदेकात्मा सुबलप्राणरञ्जनः ॥ 67 ॥
तालीवनकृतक्रीडो बलपातितधेनुकः ।
गोपीसौभाग्यसम्भाव्यो गोधूलिच्छुरितालकः ॥ 68 ॥
गोपीविरहसन्तप्तो गोपिकाकृतमज्जनः ।
प्रलम्बबाहुरुत्फुल्लपुण्डरीकावतंसकः ॥ 69 ॥
विलासललितस्मेरगर्भलीलावलोकनः ।
स्रग्भूषणानुलेपाढ्यो जनन्युपहृतान्नभुक् ॥ 70 ॥
वरशय्याशयो राधाप्रेमसल्लापनिर्वृतः ।
यमुनातटसञ्चारी विषार्तव्रजहर्षदः ॥ 71 ॥
कालियक्रोधजनकः वृद्धाहिकुलवेष्टितः ।
कालियाहिफणारङ्गनटः कालियमर्दनः ॥ 72 ॥
नागपत्नीस्तुतिप्रीतो नानावेषसमृद्धिकृत् ।
अविष्वक्तदृगात्मेशः स्वदृगात्मस्तुतिप्रियः ॥ 73 ॥
सर्वेश्वरस्सर्वगुणः प्रसिद्धस्सर्वसात्वतः ।
अकुण्ठधामा चन्द्रार्कदृष्टिराकाशनिर्मलः ॥ 74 ॥
अनिर्देश्यगतिर्नागवनितापतिभैक्षदः ।
स्वाङ्घ्रिमुद्राङ्कनागेन्द्रमूर्धा कालियसंस्तुतः ॥ 75 ॥
अभयो विश्वतश्चक्षुः स्तुतोत्तमगुणः प्रभुः ।
अहमात्मा मरुत्प्राणः परमात्मा द्युशीर्षवान् ॥ 76 ॥
नागोपायनहृष्टात्मा ह्रदोत्सारितकालियः ।
बलभद्रसुखालापो गोपालिङ्गननिर्वृतः ॥ 77 ॥
दावाग्निभीतगोपालगोप्ता दावाग्निनाशनः ।
नयनाच्छादनक्रीडालम्पटो नृपचेष्टितः ॥ 78 ॥
काकपक्षधरस्सौम्यो बलवाहककेलिमान् ।
बलघातितदुर्धर्षप्रलम्बो बलवत्सलः ॥ 79 ॥
मुञ्जाटव्यग्निशमनः प्रावृट्कालविनोदवान् ।
शिलान्यस्तान्नभृद्दैत्यसंहर्ता शाद्वलासनः ॥ 80 ॥
सदाप्तगोपिकोद्गीतः कर्णिकारावतंसकः ।
नटवेषधरः पद्ममालाङ्को गोपिकावृतः ॥ 81 ॥
गोपीमनोहरापाङ्गो वेणुवादनतत्परः ।
विन्यस्तवदनाम्भोजश्चारुशब्दकृताननः ॥ 82 ॥
बिम्बाधरार्पितोदारवेणुर्विश्वविमोहनः ।
व्रजसंवर्णितश्राव्यवेणुनादः श्रुतिप्रियः ॥ 83 ॥
गोगोपगोपीजन्मेप्सुर्ब्रह्मेन्द्राद्यभिवन्दितः ।
गीतस्नुतिसरित्पूरो नादनर्तितबर्हिणः ॥ 84 ॥
रागपल्लवितस्थाणुर्गीतानमितपादपः ।
विस्मारिततृणग्रासमृगो मृगविलोभितः ॥ 85 ॥
व्याघ्रादिहिंस्रसहजवैरहर्ता सुगायनः ।
गाढोदीरितगोबृन्दप्रेमोत्कर्णिततर्णकः ॥ 86 ॥
निष्पन्दयानब्रह्मादिवीक्षितो विश्ववन्दितः ।
शाखोत्कर्णशकुन्तौघश्छत्रायितबलाहकः ॥ 87 ॥
प्रसन्नः परमानन्दश्चित्रायितचराचरः ।
गोपिकामदनो गोपीकुचकुङ्कुममुद्रितः ॥ 88 ॥
गोपिकन्याजलक्रीडाहृष्टो गोप्यंशुकापहृत् ।
स्कन्धारोपितगोपस्त्रीवासाः कुन्दनिभस्मितः ॥ 89 ॥
गोपीनेत्रोत्पलशशी गोपिकायाचितांशुकः ।
गोपीनमस्क्रियादेष्टा गोप्येककरवन्दितः ॥ 90 ॥
गोप्यञ्जलिविशेषार्थी गोपक्रीडाविलोभितः ।
शान्तवासस्फुरद्गोपीकृताञ्जलिरघापहः ॥ 91 ॥
गोपीकेलिविलासार्थी गोपीसम्पूर्णकामदः ।
गोपस्त्रीवस्त्रदो गोपीचित्तचोरः कुतूहली ॥ 92 ॥
बृन्दावनप्रियो गोपबन्धुर्यज्वान्नयाचिता ।
यज्ञेशो यज्ञभावज्ञो यज्ञपत्न्यभिवाञ्छितः ॥ 93 ॥
मुनिपत्नीवितीर्णान्नतृप्तो मुनिवधूप्रियः ।
द्विजपत्न्यभिभावज्ञो द्विजपत्नीवरप्रदः ॥ 94 ॥
प्रतिरुद्धसतीमोक्षप्रदो द्विजविमोहिता ।
मुनिज्ञानप्रदो यज्वस्तुतो वासवयागवित् ॥ 95 ॥
पितृप्रोक्तक्रियारूपशक्रयागनिवारणः ।
शक्राऽमर्षकरश्शक्रवृष्टिप्रशमनोन्मुखः ॥ 96 ॥
गोवर्धनधरो गोपगोबृन्दत्राणतत्परः ।
गोवर्धनगिरिच्छत्रचण्डदण्डभुजार्गलः ॥ 97 ॥
सप्ताहविधृताद्रीन्द्रो मेघवाहनगर्वहा ।
भुजाग्रोपरिविन्यस्तक्ष्माधरक्ष्माभृदच्युतः ॥ 98 ॥
स्वस्थानस्थापितगिरिर्गोपीदध्यक्षतार्चितः ।
सुमनस्सुमनोवृष्टिहृष्टो वासववन्दितः ॥ 99 ॥
कामधेनुपयःपूराभिषिक्तस्सुरभिस्तुतः ।
धराङ्घ्रिरोषधीरोमा धर्मगोप्ता मनोमयः ॥ 100 ॥
ज्ञानयज्ञप्रियश्शास्त्रनेत्रस्सर्वार्थसारथिः ।
ऐरावतकरानीतवियद्गङ्गाप्लुतो विभुः ॥ 101 ॥
ब्रह्माभिषिक्तो गोगोप्ता सर्वलोकशुभङ्करः ।
सर्ववेदमयो मग्ननन्दान्वेषिपितृप्रियः ॥ 102 ॥
वरुणोदीरितात्मेक्षाकौतुको वरुणार्चितः ।
वरुणानीतजनको गोपज्ञातात्मवैभवः ॥ 103 ॥
स्वर्लोकालोकसंहृष्टगोपवर्गत्रिवर्गदः ।
ब्रह्महृद्गोपितो गोपद्रष्टा ब्रह्मपदप्रदः ॥ 104 ॥
शरच्चन्द्रविहारोत्कः श्रीपतिर्वशको क्षमः ।
भयापहो भर्तृरुद्धगोपिकाध्यानगोचरः ॥ 105 ॥
गोपिकानयनास्वाद्यो गोपीनर्मोक्तिनिर्वृतः ।
गोपिकामानहरणो गोपिकाशतयूथपः ॥ 106 ॥
वैजयन्तीस्रगाकल्पो गोपिकामानवर्धनः ।
गोपकान्तासुनिर्देष्टा कान्तो मन्मथमन्मथः ॥ 107 ॥
स्वात्मास्यदत्तताम्बूलः फलितोत्कृष्टयौवनः ।
वल्लवीस्तनसक्ताक्षो वल्लवीप्रेमचालितः ॥ 108 ॥
गोपीचेलाञ्चलासीनो गोपीनेत्राब्जषट्पदः ।
रासक्रीडासमासक्तो गोपीमण्डलमण्डनः ॥ 109 ॥
गोपीहेममणिश्रेणिमध्येन्द्रमणिरुज्ज्वलः ।
विद्याधरेन्दुशापघ्नश्शङ्खचूडशिरोहरः ॥ 110 ॥
शङ्खचूडशिरोरत्नसम्प्रीणितबलोऽनघः ।
अरिष्टारिष्टकृद्दुष्टकेशिदैत्यनिषूदनः ॥ 111 ॥
सरसस्सस्मितमुखस्सुस्थिरो विरहाकुलः ।
सङ्कर्षणार्पितप्रीतिरक्रूरध्यानगोचरः ॥ 112 ॥
अक्रूरसंस्तुतो गूढो गुणवृत्युपलक्षितः ।
प्रमाणगम्यस्तन्मात्राऽवयवी बुद्धितत्परः ॥ 113 ॥
सर्वप्रमाणप्रमधीस्सर्वप्रत्ययसाधकः ।
पुरुषश्च प्रधानात्मा विपर्यासविलोचनः ॥ 114 ॥
मधुराजनसंवीक्ष्यो रजकप्रतिघातकः ।
विचित्राम्बरसंवीतो मालाकारवरप्रदः ॥ 115 ॥
कुब्जावक्रत्वनिर्मोक्ता कुब्जायौवनदायकः ।
कुब्जाङ्गरागसुरभिः कंसकोदण्डखण्डनः ॥ 116 ॥
धीरः कुवलयापीडमर्दनः कंसभीतिकृत् ।
दन्तिदन्तायुधो रङ्गत्रासको मल्लयुद्धवित् ॥ 117 ॥
चाणूरहन्ता कंसारिर्देवकीहर्षदायकः ।
वसुदेवपदानम्रः पितृबन्धविमोचनः ॥ 118 ॥
उर्वीभयापहो भूप उग्रसेनाधिपत्यदः ।
आज्ञास्थितशचीनाथस्सुधर्मानयनक्षमः ॥ 119 ॥
आद्यो द्विजातिसत्कर्ता शिष्टाचारप्रदर्शकः ।
सान्दीपनिकृताभ्यस्तविद्याभ्यासैकधीस्सुधीः ॥ 120 ॥
गुर्वभीष्टक्रियादक्षः पश्चिमोदधिपूजितः ।
हतपञ्चजनप्राप्तपाञ्चजन्यो यमार्चितः ॥ 121 ॥
धर्मराजजयानीतगुरुपुत्र उरुक्रमः ।
गुरुपुत्रप्रदश्शास्ता मधुराजसभासदः ॥ 122 ॥
जामदग्न्यसमभ्यर्च्यो गोमन्तगिरिसञ्चरः ।
गोमन्तदावशमनो गरुडानीतभूषणः ॥ 123 ॥
चक्राद्यायुधसंशोभी जरासन्धमदापहः ।
सृगालावनिपालघ्नस्सृगालात्मजराज्यदः ॥ 124 ॥
विध्वस्तकालयवनो मुचुकुन्दवरप्रदः ।
आज्ञापितमहाम्भोधिर्द्वारकापुरकल्पनः ॥ 125 ॥
द्वारकानिलयो रुक्मिमानहन्ता यदूद्वहः ।
रुचिरो रुक्मिणीजानिः प्रद्युम्नजनकः प्रभुः ॥ 126 ॥
अपाकृतत्रिलोकार्तिरनिरुद्धपितामहः ।
अनिरुद्धपदान्वेषी चक्री गरुडवाहनः ॥ 127 ॥
बाणासुरपुरीरोद्धा रक्षाज्वलनयन्त्रजित् ।
धूतप्रमथसंरम्भो जितमाहेश्वरज्वरः ॥ 128 ॥
षट्चक्रशक्तिनिर्जेता भूतवेतालमोहकृत् ।
शम्भुत्रिशूलजिच्छम्भुजृम्भणश्शम्भुसंस्तुतः ॥ 129 ॥
इन्द्रियात्मेन्दुहृदयस्सर्वयोगेश्वरेश्वरः ।
हिरण्यगर्भहृदयो मोहावर्तनिवर्तनः ॥ 130 ॥
आत्मज्ञाननिधिर्मेधा कोशस्तन्मात्ररूपवान् ।
इन्द्रोऽग्निवदनः कालनाभस्सर्वागमाध्वगः ॥ 131 ॥
तुरीयसर्वधीसाक्षी द्वन्द्वारामात्मदूरगः ।
अज्ञातपारो वश्यश्रीरव्याकृतविहारवान् ॥ 132 ॥
आत्मप्रदीपो विज्ञानमात्रात्मा श्रीनिकेतनः ।
बाणबाहुवनच्छेत्ता महेन्द्रप्रीतिवर्धनः ॥ 133 ॥
अनिरुद्धनिरोधज्ञो जलेशाहृतगोकुलः ।
जलेशविजयी वीरस्सत्राजिद्रत्नयाचकः ॥ 134 ॥
प्रसेनान्वेषणोद्युक्तो जाम्बवद्धृतरत्नदः ।
जितर्क्षराजतनयाहर्ता जाम्बवतीप्रियः ॥ 135 ॥
सत्यभामाप्रियः कामश्शतधन्वशिरोहरः ।
कालिन्दीपतिरक्रूरबन्धुरक्रूररत्नदः ॥ 136 ॥
कैकेयीरमणो भद्राभर्ता नाग्नजितीधवः ।
माद्रीमनोहरश्शैब्याप्राणबन्धुरुरुक्रमः ॥ 137 ॥
सुशीलादयितो मित्रविन्दानेत्रमहोत्सवः ।
लक्ष्मणावल्लभो रुद्धप्राग्ज्योतिषमहापुरः ॥ 138 ॥
सुरपाशावृतिच्छेदी मुरारिः क्रूरयुद्धवित् ।
हयग्रीवशिरोहर्ता सर्वात्मा सर्वदर्शनः ॥ 139 ॥
नरकासुरविच्छेत्ता नरकात्मजराज्यदः।
पृथ्वीस्तुतः प्रकाशात्मा हृद्यो यज्ञफलप्रदः ॥ 140 ॥
गुणग्राही गुणद्रष्टा गूढस्वात्मा विभूतिमान् ।
कविर्जगदुपद्रष्टा परमाक्षरविग्रहः ॥ 141 ॥
प्रपन्नपालनो माली महद्ब्रह्मविवर्धनः ।
वाच्यवाचकशक्त्यर्थस्सर्वव्याकृतसिद्धिदः ॥ 142 ॥
स्वयम्प्रभुरनिर्वेद्यस्स्वप्रकाशश्चिरन्तनः ।
नादात्मा मन्त्रकोटीशो नानावादनिरोधकः ॥ 143 ॥
कन्दर्पकोटिलावण्यः परार्थैकप्रयोजकः ।
अमरीकृतदेवौघः कन्यकाबन्धमोचनः ॥ 144 ॥
षोडशस्त्रीसहस्रेशः कान्तः कान्तामनोभवः ।
क्रीडारत्नाचलाहर्ता वरुणच्छत्रशोभितः ॥ 145 ॥
शक्राभिवन्दितश्शक्रजननीकुण्डलप्रदः ।
अदितिप्रस्तुतस्तोत्रो ब्राह्मणोद्घुष्टचेष्टनः ॥ 146 ॥
पुराणस्संयमी जन्मालिप्तः षड्विंशकोऽर्थदः ।
यशस्यनीतिराद्यन्तरहितस्सत्कथाप्रियः ॥ 147 ॥
ब्रह्मबोधः परानन्दः पारिजातापहारकः ।
पौण्ड्रकप्राणहरणः काशिराजनिषूदनः ॥ 148 ॥
कृत्यागर्वप्रशमनो विचक्रवधदीक्षितः ।
कंसविध्वंसनस्साम्बजनको डिम्भकार्दनः ॥ 149 ॥
मुनिर्गोप्ता पितृवरप्रदस्सवनदीक्षितः ।
रथी सारथ्यनिर्देष्टा फाल्गुनः फाल्गुनिप्रियः ॥ 150 ॥
सप्ताब्धिस्तम्भनोद्भातो हरिस्सप्ताब्धिभेदनः ।
आत्मप्रकाशः पूर्णश्रीरादिनारायणेक्षितः ॥ 151 ॥
विप्रपुत्रप्रदश्चैव सर्वमातृसुतप्रदः ।
पार्थविस्मयकृत्पार्थप्रणवार्थप्रबोधनः ॥ 152 ॥
कैलासयात्रासुमुखो बदर्याश्रमभूषणः ।
घण्टाकर्णक्रियामौढ्यात्तोषितो भक्तवत्सलः ॥ 153 ॥
मुनिबृन्दादिभिर्ध्येयो घण्टाकर्णवरप्रदः ।
तपश्चर्यापरश्चीरवासाः पिङ्गजटाधरः ॥ 154 ॥
प्रत्यक्षीकृतभूतेशश्शिवस्तोता शिवस्तुतः ।
कृष्णास्वयंवरालोककौतुकी सर्वसम्मतः ॥ 155 ॥
बलसंरम्भशमनो बलदर्शितपाण्डवः ।
यतिवेषार्जुनाभीष्टदायी सर्वात्मगोचरः ॥ 156 ॥
सुभद्राफाल्गुनोद्वाहकर्ता प्रीणितफाल्गुनः ।
खाण्डवप्रीणितार्चिष्मान्मयदानवमोचनः ॥ 157 ॥
सुलभो राजसूयार्हयुधिष्ठिरनियोजकः ।
भीमार्दितजरासन्धो मागधात्मजराज्यदः ॥ 158 ॥
राजबन्धननिर्मोक्ता राजसूयाग्रपूजनः ।
चैद्याद्यसहनो भीष्मस्तुतस्सात्वतपूर्वजः ॥ 159 ॥
सर्वात्मार्थसमाहर्ता मन्दराचलधारकः ।
यज्ञावतारः प्रह्लादप्रतिज्ञाप्रतिपालकः ॥ 160 ॥
बलियज्ञसभाध्वंसी दृप्तक्षत्रकुलान्तकः ।
दशग्रीवान्तको जेता रेवतीप्रेमवल्लभः ॥ 161 ॥
सर्वावताराधिष्ठाता वेदबाह्यविमोहनः ।
कलिदोषनिराकर्ता दशनामा दृढव्रतः ॥ 162 ॥
अमेयात्मा जगत्स्वामी वाग्मी चैद्यशिरोहरः ।
द्रौपदीरचितस्तोत्रः केशवः पुरुषोत्तमः ॥ 163 ॥
नारायणो मधुपतिर्माधवो दोषवर्जितः ।
गोविन्दः पुण्डरीकाक्षो विष्णुश्च मधुसूदनः ॥ 164 ॥
त्रिविक्रमस्त्रिलोकेशो वामनः श्रीधरः पुमान् ।
हृषीकेशो वासुदेवः पद्मनाभो महाह्रदः ॥ 165 ॥
दामोदरश्चतुर्व्यूहः पाञ्चालीमानरक्षणः ।
साल्वघ्नस्समरश्लाघी दन्तवक्त्रनिबर्हणः ॥ 166 ॥
दामोदरप्रियसखा पृथुकास्वादनप्रियः ॥
घृणी दामोदरः श्रीदो गोपीपुनरवेक्षकः ॥ 167 ॥
गोपिकामुक्तिदो योगी दुर्वासस्तृप्तिकारकः ।
अविज्ञातव्रजाकीर्णपाण्डवालोकनो जयी ॥ 168 ॥
पार्थसारथ्यनिरतः प्राज्ञः पाण्डवदूत्यकृत् ।
विदुरातिथ्यसन्तुष्टः कुन्तीसन्तोषदायकः ॥ 169 ॥
सुयोधनतिरस्कर्ता दुर्योधनविकारवित् ।
विदुराभिष्ठुतो नित्यो वार्ष्णेयो मङ्गलात्मकः ॥ 170 ॥
पञ्चविंशतितत्त्वेशश्चतुर्विंशतिदेहभाक् ।
सर्वानुग्राहकस्सर्वदाशार्हसततार्चितः ॥ 171 ॥
अचिन्त्यो मधुरालापस्साधुदर्शी दुरासदः ।
मनुष्यधर्मानुगतः कौरवेन्द्रक्षयेक्षिता ॥ 172 ॥
उपेन्द्रो दानवारातिरुरुगीतो महाद्युतिः ।
ब्रह्मण्यदेवः श्रुतिमान् गोब्राह्मणहिताशयः ॥ 173 ॥
वरशीलश्शिवारम्भस्सुविज्ञानविमूर्तिमान् ।
स्वभावशुद्धस्सन्मित्रस्सुशरण्यस्सुलक्षणः ॥ 174 ॥
धृतराष्ट्रगतौदृष्टिप्रदः कर्णविभेदनः ।
प्रतोदधृग्विश्वरूपविस्मारितधनञ्जयः ॥ 175 ॥
सामगानप्रियो धर्मधेनुर्वर्णोत्तमोऽव्ययः ।
चतुर्युगक्रियाकर्ता विश्वरूपप्रदर्शकः ॥ 176 ॥
ब्रह्मबोधपरित्रातपार्थो भीष्मार्थचक्रभृत् ।
अर्जुनायासविध्वंसी कालदंष्ट्राविभूषणः ॥ 177 ॥
सुजातानन्तमहिमा स्वप्नव्यापारितार्जुनः ।
अकालसन्ध्याघटनश्चक्रान्तरितभास्करः ॥ 178 ॥
दुष्टप्रमथनः पार्थप्रतिज्ञापरिपालकः ।
सिन्धुराजशिरःपातस्थानवक्ता विवेकदृक् ॥ 179 ॥
सुभद्राशोकहरणो द्रोणोत्सेकादिविस्मितः ।
पार्थमन्युनिराकर्ता पाण्डवोत्सवदायकः ॥ 180 ॥
अङ्गुष्ठाक्रान्तकौन्तेयरथश्शक्तोऽहिशीर्षजित् ।
कालकोपप्रशमनो भीमसेनजयप्रदः ॥ 181 ॥
अश्वत्थामवधायासत्रातपाण्डुसुतः कृती ।
इषीकास्त्रप्रशमनो द्रौणिरक्षाविचक्षणः ॥ 182 ॥
पार्थापहारितद्रौणिचूडामणिरभङ्गुरः ।
धृतराष्ट्रपरामृष्टभीमप्रतिकृतिस्मयः ॥ 183 ॥
भीष्मबुद्धिप्रदश्शान्तश्शरच्चन्द्रनिभाननः ।
गदाग्रजन्मा पाञ्चालीप्रतिज्ञापरिपालकः ॥ 184 ॥
गान्धारीकोपदृग्गुप्तधर्मसूनुरनामयः ।
प्रपन्नार्तिभयच्छेत्ता भीष्मशल्यव्यधावहः ॥ 185 ॥
शान्तश्शान्तनवोदीर्णसर्वधर्मसमाहितः ।
स्मारितब्रह्मविद्यार्थप्रीतपार्थो महास्त्रवित् ॥ 186 ॥
प्रसादपरमोदारो गाङ्गेयसुगतिप्रदः ।
विपक्षपक्षक्षयकृत्परीक्षित्प्राणरक्षणः ॥ 187 ॥
जगद्गुरुर्धर्मसूनोर्वाजिमेधप्रवर्तकः ।
विहितार्थाप्तसत्कारो मासकात्परिवर्तदः ॥ 188 ॥
उत्तङ्कहर्षदात्मीयदिव्यरूपप्रदर्शकः ।
जनकावगतस्वोक्तभारतस्सर्वभावनः ॥ 189 ॥
असोढयादवोद्रेको विहिताप्तादिपूजनः ॥
समुद्रस्थापिताश्चर्यमुसलो वृष्णिवाहकः ॥ 190 ॥
मुनिशापायुधः पद्मासनादित्रिदशार्थितः ।
वृष्टिप्रत्यवहारोत्कस्स्वधामगमनोत्सुकः ॥ 191 ॥
प्रभासालोकनोद्युक्तो नानाविधनिमित्तकृत् ।
सर्वयादवसंसेव्यस्सर्वोत्कृष्टपरिच्छदः ॥ 192 ॥
वेलाकाननसञ्चारी वेलानिलहृतश्रमः ।
कालात्मा यादवोऽनन्तस्स्तुतिसन्तुष्टमानसः ॥ 193 ॥
द्विजालोकनसन्तुष्टः पुण्यतीर्थमहोत्सवः ।
सत्काराह्लादिताशेषभूसुरस्सुरवल्लभः ॥ 194 ॥
पुण्यतीर्थाप्लुतः पुण्यः पुण्यदस्तीर्थपावनः ।
विप्रसात्कृतगोकोटिश्शतकोटिसुवर्णदः ॥ 195 ॥
स्वमायामोहिताऽशेषवृष्णिवीरो विशेषवित् ।
जलजायुधनिर्देष्टा स्वात्मावेशितयादवः ॥ 196 ॥
देवताभीष्टवरदः कृतकृत्यः प्रसन्नधीः ।
स्थिरशेषायुतबलस्सहस्रफणिवीक्षणः ॥ 197 ॥
ब्रह्मवृक्षवरच्छायासीनः पद्मासनस्थितः ।
प्रत्यगात्मा स्वभावार्थः प्रणिधानपरायणः ॥ 198 ॥
व्याधेषुविद्धपूज्याङ्घ्रिर्निषादभयमोचनः ।
पुलिन्दस्तुतिसन्तुष्टः पुलिन्दसुगतिप्रदः ॥ 199 ॥
दारुकार्पितपार्थादिकरणीयोक्तिरीशिता ।
दिव्यदुन्दुभिसंयुक्तः पुष्पवृष्टिप्रपूजितः ॥ 200 ॥
पुराणः परमेशानः पूर्णभूमा परिष्टुतः ।
पतिराद्यः परं ब्रह्म परमात्मा परात्परः ॥ 201 ॥
श्रीपरमात्मा परात्परः ॐ नमः इति ।
फलश्रुतिः –
इदं सहस्रं कृष्णस्य नाम्नां सर्वार्थदायकम् ।
अनन्तरूपी भगवान् व्याख्यातादौ स्वयम्भुवे ॥ 202 ॥
तेन प्रोक्तं वसिष्ठाय ततो लब्ध्वा पराशरः ।
व्यासाय तेन सम्प्रोक्तं शुको व्यासादवाप्तवान् ॥ 203 ॥
तच्छिष्यैर्बहुभिर्भूमौ ख्यापितं द्वापरे युगे ।
कृष्णाज्ञया हरिहरः कलौ प्रख्यापयद्विभुः ॥ 204 ॥
इदं पठति भक्त्या यः शृणोति च समाहितः ।
स्वसिद्ध्यै प्रार्थयन्त्येनं तीर्थक्षेत्रादिदेवताः ॥ 205 ॥
प्रायश्चित्तान्यशेषाणि नालं यानि व्यपोहितुम् ।
तानि पापानि नश्यन्ति सकृदस्य प्रशंसनात् ॥ 206 ॥
ऋणत्रयविमुक्तस्य श्रौतस्मार्तानुवर्तिनः ।
ऋषेस्त्रिमूर्तिरूपस्य फलं विन्देदिदं पठन् ॥ 207 ॥
इदं नामसहस्रं यः पठत्येतच्छृणोति च ।
शिवलिङ्गसहस्रस्य स प्रतिष्ठाफलं लभेत् ॥ 208 ॥
इदं किरीटी सञ्जप्य जयी पाशुपतास्त्रभाक् ।
कृष्णस्य प्राणभूतस्सन् कृष्णं सारथिमाप्तवान् ॥ 209 ॥
द्रौपद्या दमयन्त्या च सावित्र्या च सुशीलया ।
दुरितानि जितान्येतज्जपादाप्तं च वाञ्छितम् ॥ 210 ॥
किमिदं बहुना शंसन्मानवो मोदनिर्भरः ।
ब्रह्मानन्दमवाप्यान्ते कृष्णसायूज्यमाप्नुयात् ॥ 211 ॥
oṃ asya śrīkṛṣṇasahasranāmastotramantrasya parāśara ṛṣiḥ, anuṣṭup chandaḥ, śrīkṛṣṇaḥ paramātmā devatā, śrīkṛṣṇeti bījam, śrīvallabheti śaktiḥ, śārṅgīti kīlakaṃ, śrīkṛṣṇaprītyarthe jape viniyogaḥ ||
nyāsaḥ
parāśarāya ṛṣaye namaḥ iti śirasi,
anuṣṭup chandase namaḥ iti mukhe,
gopālakṛṣṇadevatāyai namaḥ iti hṛdaye,
śrīkṛṣṇāya bījāya namaḥ iti guhye,
śrīvallabhāya śaktyai namaḥ iti pādayoḥ,
śārṅgadharāya kīlakāya namaḥ iti sarvāṅge ||
karanyāsaḥ
śrīkṛṣṇa ityārabhya śūravaṃśaikadhīrityantāni aṅguṣṭhābhyāṃ namaḥ |
śaurirityārabhya svabhāsodbhāsitavraja ityantāni tarjanībhyāṃ namaḥ |
kṛtātmavidyāvinyāsa ityārabhya prasthānaśakaṭārūḍha iti madhyamābhyāṃ namaḥ,
bṛndāvanakṛtālaya ityārabhya madhurājanavīkṣita ityanāmikābhyāṃ namaḥ,
rajakapratighātaka ityārabhya dvārakāpurakalpana iti kaniṣṭhikābhyāṃ namaḥ
dvārakānilaya ityārabhya parāśara iti karatalakarapṛṣṭhābhyāṃ namaḥ,
evaṃ hṛdayādinyāsaḥ ||
dhyānam
keṣāñcitpremapuṃsāṃ vigalitamanasāṃ bālalīlāvilāsaṃ
keṣāṃ gopālalīlāṅkitarasikatanurveṇuvādyena devam |
keṣāṃ vāmāsamāje janitamanasijo daityadarpāpahaivaṃ
jñātvā bhinnābhilāṣaṃ sa jayati jagatāmīśvarastādṛśo'bhūt || 1 ||
kṣīrābdhau kṛtasaṃstavassuragaṇairbrahmādibhiḥ paṇḍitaiḥ
prodbhūto vasudevasadmani mudā cikrīḍa yo gokule |
kaṃsadhvaṃsakṛte jagāma madhurāṃ sārāmasadvārakāṃ
gopālo'khilagopikājanasakhaḥ pāyādapāyāt sa naḥ || 2 ||
phullendīvarakāntiminduvadanaṃ barhāvataṃsapriyaṃ
śrīvatsāṅkamudārakaustubhadharaṃ pītāmbaraṃ sundaram |
gopīnāṃ nayanotpalārcitatanuṃ gogopasaṅghāvṛtaṃ
govindaṃ kalaveṇuvādanarataṃ divyāṅgabhūṣaṃ bhaje || 3 ||
om |
kṛṣṇaḥ śrīvallabhaḥ śārṅgī viṣvaksenaḥ svasiddhidaḥ |
kṣīrodadhāmā vyūheśaḥ śeṣaśāyī jaganmayaḥ || 1 ||
bhaktigamyastrayīmūrtirbhārārtavasudhāstutaḥ |
devadevo dayāsindhurdevadevaśikhāmaṇiḥ || 2 ||
sukhabhāvassukhādhāro mukundo muditāśayaḥ |
avikriyaḥ kriyāmūrtiradhyātmasvasvarūpavān || 3 ||
śiṣṭābhilakṣyo bhūtātmā dharmatrāṇārthaceṣṭitaḥ |
antaryāmī kalārūpaḥ kālāvayavasākṣikaḥ || 4 ||
vasudhāyāsaharaṇo nāradapreraṇonmukhaḥ |
prabhūṣṇurnāradodgīto lokarakṣāparāyaṇaḥ || 5 ||
rauhiṇeyakṛtānando yogajñānaniyojakaḥ |
mahāguhāntarnikṣiptaḥ purāṇavapurātmavān || 6 ||
śūravaṃśaikadhīśśauriḥ kaṃsaśaṅkāviṣādakṛt |
vasudevollasacchaktirdevakyaṣṭamagarbhagaḥ || 7 ||
vasudevasutaḥ śrīmāndevakīnandano hariḥ |
āścaryabālaḥ śrīvatsalakṣmavakṣāścaturbhujaḥ || 8 ||
svabhāvotkṛṣṭasadbhāvaḥ kṛṣṇāṣṭamyantasambhavaḥ |
prājāpatyarkṣasambhūto niśīthasamayoditaḥ || 9 ||
śaṅkhacakragadāpadmapāṇiḥ padmanibhekṣaṇaḥ |
kirīṭī kaustubhoraskaḥ sphuranmakarakuṇḍalaḥ || 10 ||
pītavāsā ghanaśyāmaḥ kuñcitāñcitakuntalaḥ |
suvyaktavyaktābharaṇaḥ sūtikāgṛhabhūṣaṇaḥ || 11 ||
kārāgārāndhakāraghnaḥ pitṛprāgjanmasūcakaḥ |
vasudevastutaḥ stotraṃ tāpatrayanivāraṇaḥ || 12 ||
niravadyaḥ kriyāmūrtirnyāyavākyaniyojakaḥ |
adṛṣṭaceṣṭaḥ kūṭastho dhṛtalaukikavigrahaḥ || 13 ||
maharṣimānasollāso mahīmaṅgaladāyakaḥ |
santoṣitasuravrātaḥ sādhucittaprasādakaḥ || 14 ||
janakopāyanirdeṣṭā devakīnayanotsavaḥ |
pitṛpāṇipariṣkāro mohitāgārarakṣakaḥ || 15 ||
svaśaktyuddhāṭitāśeṣakapāṭaḥ pitṛvāhakaḥ |
śeṣoragaphaṇācchatraśśeṣoktākhyāsahasrakaḥ || 16 ||
yamunāpūravidhvaṃsī svabhāsodbhāsitavrajaḥ |
kṛtātmavidyāvinyāso yogamāyāgrasambhavaḥ || 17 ||
durgāniveditodbhāvo yaśodātalpaśāyakaḥ |
nandagopotsavasphūrtirvrajānandakarodayaḥ || 18 ||
sujātajātakarma śrīrgopībhadroktinirvṛtaḥ |
alīkanidropagamaḥ pūtanāstanapīḍanaḥ || 19 ||
stanyāttapūtanāprāṇaḥ pūtanākrośakārakaḥ |
vinyastarakṣāgodhūliryaśodākaralālitaḥ || 20 ||
nandāghrātaśiromadhyaḥ pūtanāsugatipradaḥ |
bālaḥ paryaṅkanidrālurmukhārpitapadāṅguliḥ || 21 ||
añjanasnigdhanayanaḥ paryāyāṅkuritasmitaḥ |
līlākṣastaralālokaśśakaṭāsurabhañjanaḥ || 22 ||
dvijoditasvastyayano mantrapūtajalāplutaḥ |
yaśodotsaṅgaparyaṅko yaśodāmukhavīkṣakaḥ || 23 ||
yaśodāstanyamuditastṛṇāvartādidussahaḥ |
tṛṇāvartāsuradhvaṃsī mātṛvismayakārakaḥ || 24 ||
praśastanāmakaraṇo jānucaṅkramaṇotsukaḥ |
vyālambicūlikāratno ghoṣagopapraharṣaṇaḥ || 25 ||
svamukhapratibimbārthī grīvāvyāghranakhojjvalaḥ |
paṅkānuleparuciro māṃsalorukaṭītaṭaḥ || 26 ||
ghṛṣṭajānukaradvandvaḥ pratibimbānukārakṛt |
avyaktavarṇavāgvṛttiḥ smitalakṣyaradodgamaḥ || 27 ||
dhātrīkarasamālambī praskhalaccitracaṅkramaḥ |
anurūpavayasyāḍhyaścārukaumāracāpalaḥ || 28 ||
vatsapucchasamākṛṣṭo vatsapucchavikarṣaṇaḥ |
vismāritānyavyāpāro gopagopīmudāvahaḥ || 29 ||
akālavatsanirmoktā vrajavyākrośasusmitaḥ |
navanītamahācoro dārakāhāradāyakaḥ || 30 ||
pīṭholūkhalasopānaḥ kṣīrabhāṇḍavibhedanaḥ |
śikyabhāṇḍasamākarṣī dhvāntāgārapraveśakṛt || 31 ||
bhūṣāratnaprakāśāḍhyo gopyupālambhabhartsitaḥ |
parāgadhūsarākāro mṛdbhakṣaṇakṛtekṣaṇaḥ || 32 ||
bāloktamṛtkathārambho mitrāntargūḍhavigrahaḥ |
kṛtasantrāsalolākṣo jananīpratyayāvahaḥ || 33||
mātṛdṛśyāttavadano vaktralakṣyacarācaraḥ |
yaśodālālitasvātmā svayaṃ svācchandyamohanaḥ || 34 ||
savitrīsnehasaṃśliṣṭaḥ savitrīstanalolupaḥ |
navanītārthanāprahvo navanītamahāśanaḥ || 35 ||
mṛṣākopaprakampoṣṭho goṣṭhāṅgaṇavilokanaḥ |
dadhimanthaghaṭībhettā kiṅkiṇīkvāṇasūcitaḥ || 36 ||
haiyaṅgavīnarasiko mṛṣāśruścauryaśaṅkitaḥ |
jananīśramavijñātā dāmabandhaniyantritaḥ || 37 ||
dāmākalpaścalāpāṅgo gāḍholūkhalabandhanaḥ |
ākṛṣṭolūkhalo'nantaḥ kuberasutaśāpavit || | 38 ||
nāradoktiparāmarśī yamalārjunabhañjanaḥ |
dhanadātmajasaṅghuṣṭo nandamocitabandhanaḥ || 39 ||
bālakodgītanirato bāhukṣepoditapriyaḥ |
ātmajño mitravaśago gopīgītaguṇodayaḥ || 40 ||
prasthānaśakaṭārūḍho bṛndāvanakṛtālayaḥ |
govatsapālanaikāgro nānākrīḍāparicchadaḥ || 41 ||
kṣepaṇīkṣepaṇaprīto veṇuvādyaviśāradaḥ |
vṛṣavatsānukaraṇo vṛṣadhvānaviḍambanaḥ || 42 ||
niyuddhalīlāsaṃhṛṣṭaḥ kūjānukṛtakokilaḥ |
upāttahaṃsagamanassarvajanturutānukṛt || 43 ||
bhṛṅgānukārī dadhyannacoro vatsapurassaraḥ |
balī bakāsuragrāhī bakatālupradāhakaḥ || 44 ||
bhītagopārbhakāhūto bakacañcuvidāraṇaḥ |
bakāsurārirgopālo bālo bālādbhutāvahaḥ || 45 ||
balabhadrasamāśliṣṭaḥ kṛtakrīḍānilāyanaḥ |
krīḍāsetunidhānajñaḥ plavaṅgotplavano'dbhutaḥ || 46 ||
kandukakrīḍano luptanandādibhavavedanaḥ |
sumano'laṅkṛtaśirāḥ svādusnigdhānnaśikyabhṛt || 47 ||
guñjāprālambanacchannaḥ piñchairalakaveṣakṛt |
vanyāśanapriyaḥ śṛṅgaravākāritavatsakaḥ || 48 ||
manojñapallavottaṃsapuṣpasvecchāttaṣaṭpadaḥ |
mañjuśiñjitamañjīracaraṇaḥ karakaṅkaṇaḥ || 49 ||
anyonyaśāsanaḥ krīḍāpaṭuḥ paramakaitavaḥ |
pratidhvānapramuditaḥ śākhācaturacaṅkramaḥ || 50 ||
aghadānavasaṃhartā vrajavighnavināśanaḥ |
vrajasañjīvanaḥ śreyonidhirdānavamuktidaḥ || 51 ||
kālindīpulināsīnassahabhuktavrajārbhakaḥ |
kakṣājaṭharavinyastaveṇurvallavaceṣṭitaḥ || 52 ||
bhujasandhyantaranyastaśṛṅgavetraḥ śucismitaḥ |
vāmapāṇisthadadhyannakabalaḥ kalabhāṣaṇaḥ || 53 ||
aṅgulyantaravinyastaphalaḥ paramapāvanaḥ |
adṛśyatarṇakānveṣī vallavārbhakabhītihā || 54 ||
adṛṣṭavatsapavrāto brahmavijñātavaibhavaḥ |
govatsavatsapānveṣī virāṭ-puruṣavigrahaḥ || 55 ||
svasaṅkalpānurūpārtho vatsavatsaparūpadhṛk |
yathāvatsakriyārūpo yathāsthānaniveśanaḥ || 56 ||
yathāvrajārbhakākāro gogopīstanyapassukhī |
cirādvalohito dānto brahmavijñātavaibhavaḥ || 57 ||
vicitraśaktirvyālīnasṛṣṭagovatsavatsapaḥ |
brahmatrapākaro dhātṛstutassarvārthasādhakaḥ || 58 ||
brahma brahmamayo'vyaktastejorūpassukhātmakaḥ |
niruktaṃ vyākṛtirvyakto nirālambanabhāvanaḥ || 59 ||
prabhaviṣṇuratantrīko devapakṣārtharūpadhṛk |
akāmassarvavedādiraṇīyasthūlarūpavān || 60 ||
vyāpī vyāpyaḥ kṛpākartā vicitrācārasammataḥ |
chandomayaḥ pradhānātmā mūrtāmūrtidvayākṛtiḥ || 61 ||
anekamūrtirakrodhaḥ paraḥ prakṛtirakramaḥ |
sakalāvaraṇopetassarvadevo maheśvaraḥ || 62 ||
mahāprabhāvanaḥ pūrvavatsavatsapadarśakaḥ |
kṛṣṇayādavagopālo gopālokanaharṣitaḥ || 63 ||
smitekṣāharṣitabrahmā bhaktavatsalavākpriyaḥ |
brahmānandāśrudhautāṅghrirlīlāvaicitryakovidaḥ || 64 ||
balabhadraikahṛdayo nāmākāritagokulaḥ |
gopālabālako bhavyo rajjuyajñopavītavān || 65 ||
vṛkṣacchāyāhatāśāntirgopotsaṅgopabarhaṇaḥ |
gopasaṃvāhitapado gopavyajanavījitaḥ || 66|
gopagānasukhonnidraḥ śrīdāmārjitasauhṛdaḥ |
sunandasuhṛdekātmā subalaprāṇarañjanaḥ || 67 ||
tālīvanakṛtakrīḍo balapātitadhenukaḥ |
gopīsaubhāgyasambhāvyo godhūlicchuritālakaḥ || 68 ||
gopīvirahasantapto gopikākṛtamajjanaḥ |
pralambabāhurutphullapuṇḍarīkāvataṃsakaḥ || 69 ||
vilāsalalitasmeragarbhalīlāvalokanaḥ |
sragbhūṣaṇānulepāḍhyo jananyupahṛtānnabhuk || 70 ||
varaśayyāśayo rādhāpremasallāpanirvṛtaḥ |
yamunātaṭasañcārī viṣārtavrajaharṣadaḥ || 71 ||
kāliyakrodhajanakaḥ vṛddhāhikulaveṣṭitaḥ |
kāliyāhiphaṇāraṅganaṭaḥ kāliyamardanaḥ || 72 ||
nāgapatnīstutiprīto nānāveṣasamṛddhikṛt |
aviṣvaktadṛgātmeśaḥ svadṛgātmastutipriyaḥ || 73 ||
sarveśvarassarvaguṇaḥ prasiddhassarvasātvataḥ |
akuṇṭhadhāmā candrārkadṛṣṭirākāśanirmalaḥ || 74 ||
anirdeśyagatirnāgavanitāpatibhaikṣadaḥ |
svāṅghrimudrāṅkanāgendramūrdhā kāliyasaṃstutaḥ || 75 ||
abhayo viśvataścakṣuḥ stutottamaguṇaḥ prabhuḥ |
ahamātmā marutprāṇaḥ paramātmā dyuśīrṣavān || 76 ||
nāgopāyanahṛṣṭātmā hradotsāritakāliyaḥ |
balabhadrasukhālāpo gopāliṅgananirvṛtaḥ || 77 ||
dāvāgnibhītagopālagoptā dāvāgnināśanaḥ |
nayanācchādanakrīḍālampaṭo nṛpaceṣṭitaḥ || 78 ||
kākapakṣadharassaumyo balavāhakakelimān |
balaghātitadurdharṣapralambo balavatsalaḥ || 79 ||
muñjāṭavyagniśamanaḥ prāvṛṭkālavinodavān |
śilānyastānnabhṛddaityasaṃhartā śādvalāsanaḥ || 80 ||
sadāptagopikodgītaḥ karṇikārāvataṃsakaḥ |
naṭaveṣadharaḥ padmamālāṅko gopikāvṛtaḥ || 81 ||
gopīmanoharāpāṅgo veṇuvādanatatparaḥ |
vinyastavadanāmbhojaścāruśabdakṛtānanaḥ || 82 ||
bimbādharārpitodāraveṇurviśvavimohanaḥ |
vrajasaṃvarṇitaśrāvyaveṇunādaḥ śrutipriyaḥ || 83 ||
gogopagopījanmepsurbrahmendrādyabhivanditaḥ |
gītasnutisaritpūro nādanartitabarhiṇaḥ || 84 ||
rāgapallavitasthāṇurgītānamitapādapaḥ |
vismāritatṛṇagrāsamṛgo mṛgavilobhitaḥ || 85 ||
vyāghrādihiṃsrasahajavairahartā sugāyanaḥ |
gāḍhodīritagobṛndapremotkarṇitatarṇakaḥ || 86 ||
niṣpandayānabrahmādivīkṣito viśvavanditaḥ |
śākhotkarṇaśakuntaughaśchatrāyitabalāhakaḥ || 87 ||
prasannaḥ paramānandaścitrāyitacarācaraḥ |
gopikāmadano gopīkucakuṅkumamudritaḥ || 88 ||
gopikanyājalakrīḍāhṛṣṭo gopyaṃśukāpahṛt |
skandhāropitagopastrīvāsāḥ kundanibhasmitaḥ || 89 ||
gopīnetrotpalaśaśī gopikāyācitāṃśukaḥ |
gopīnamaskriyādeṣṭā gopyekakaravanditaḥ || 90 ||
gopyañjaliviśeṣārthī gopakrīḍāvilobhitaḥ |
śāntavāsasphuradgopīkṛtāñjaliraghāpahaḥ || 91 ||
gopīkelivilāsārthī gopīsampūrṇakāmadaḥ |
gopastrīvastrado gopīcittacoraḥ kutūhalī || 92 ||
bṛndāvanapriyo gopabandhuryajvānnayācitā |
yajñeśo yajñabhāvajño yajñapatnyabhivāñchitaḥ || 93 ||
munipatnīvitīrṇānnatṛpto munivadhūpriyaḥ |
dvijapatnyabhibhāvajño dvijapatnīvarapradaḥ || 94 ||
pratiruddhasatīmokṣaprado dvijavimohitā |
munijñānaprado yajvastuto vāsavayāgavit || 95 ||
pitṛproktakriyārūpaśakrayāganivāraṇaḥ |
śakrā'marṣakaraśśakravṛṣṭipraśamanonmukhaḥ || 96 ||
govardhanadharo gopagobṛndatrāṇatatparaḥ |
govardhanagiricchatracaṇḍadaṇḍabhujārgalaḥ || 97 ||
saptāhavidhṛtādrīndro meghavāhanagarvahā |
bhujāgroparivinyastakṣmādharakṣmābhṛdacyutaḥ || 98 ||
svasthānasthāpitagirirgopīdadhyakṣatārcitaḥ |
sumanassumanovṛṣṭihṛṣṭo vāsavavanditaḥ || 99 ||
kāmadhenupayaḥpūrābhiṣiktassurabhistutaḥ |
dharāṅghriroṣadhīromā dharmagoptā manomayaḥ || 100 ||
jñānayajñapriyaśśāstranetrassarvārthasārathiḥ |
airāvatakarānītaviyadgaṅgāpluto vibhuḥ || 101 ||
brahmābhiṣikto gogoptā sarvalokaśubhaṅkaraḥ |
sarvavedamayo magnanandānveṣipitṛpriyaḥ || 102 ||
varuṇodīritātmekṣākautuko varuṇārcitaḥ |
varuṇānītajanako gopajñātātmavaibhavaḥ || 103 ||
svarlokālokasaṃhṛṣṭagopavargatrivargadaḥ |
brahmahṛdgopito gopadraṣṭā brahmapadapradaḥ || 104 ||
śaraccandravihārotkaḥ śrīpatirvaśako kṣamaḥ |
bhayāpaho bhartṛruddhagopikādhyānagocaraḥ || 105 ||
gopikānayanāsvādyo gopīnarmoktinirvṛtaḥ |
gopikāmānaharaṇo gopikāśatayūthapaḥ || 106 ||
vaijayantīsragākalpo gopikāmānavardhanaḥ |
gopakāntāsunirdeṣṭā kānto manmathamanmathaḥ || 107 ||
svātmāsyadattatāmbūlaḥ phalitotkṛṣṭayauvanaḥ |
vallavīstanasaktākṣo vallavīpremacālitaḥ || 108 ||
gopīcelāñcalāsīno gopīnetrābjaṣaṭpadaḥ |
rāsakrīḍāsamāsakto gopīmaṇḍalamaṇḍanaḥ || 109 ||
gopīhemamaṇiśreṇimadhyendramaṇirujjvalaḥ |
vidyādharenduśāpaghnaśśaṅkhacūḍaśiroharaḥ || 110 ||
śaṅkhacūḍaśiroratnasamprīṇitabalo'naghaḥ |
ariṣṭāriṣṭakṛdduṣṭakeśidaityaniṣūdanaḥ || 111 ||
sarasassasmitamukhassusthiro virahākulaḥ |
saṅkarṣaṇārpitaprītirakrūradhyānagocaraḥ || 112 ||
akrūrasaṃstuto gūḍho guṇavṛtyupalakṣitaḥ |
pramāṇagamyastanmātrā'vayavī buddhitatparaḥ || 113 ||
sarvapramāṇapramadhīssarvapratyayasādhakaḥ |
puruṣaśca pradhānātmā viparyāsavilocanaḥ || 114 ||
madhurājanasaṃvīkṣyo rajakapratighātakaḥ |
vicitrāmbarasaṃvīto mālākāravarapradaḥ || 115 ||
kubjāvakratvanirmoktā kubjāyauvanadāyakaḥ |
kubjāṅgarāgasurabhiḥ kaṃsakodaṇḍakhaṇḍanaḥ || 116 ||
dhīraḥ kuvalayāpīḍamardanaḥ kaṃsabhītikṛt |
dantidantāyudho raṅgatrāsako mallayuddhavit || 117 ||
cāṇūrahantā kaṃsārirdevakīharṣadāyakaḥ |
vasudevapadānamraḥ pitṛbandhavimocanaḥ || 118 ||
urvībhayāpaho bhūpa ugrasenādhipatyadaḥ |
ājñāsthitaśacīnāthassudharmānayanakṣamaḥ || 119 ||
ādyo dvijātisatkartā śiṣṭācārapradarśakaḥ |
sāndīpanikṛtābhyastavidyābhyāsaikadhīssudhīḥ || 120 ||
gurvabhīṣṭakriyādakṣaḥ paścimodadhipūjitaḥ |
hatapañcajanaprāptapāñcajanyo yamārcitaḥ || 121 ||
dharmarājajayānītaguruputra urukramaḥ |
guruputrapradaśśāstā madhurājasabhāsadaḥ || 122 ||
jāmadagnyasamabhyarcyo gomantagirisañcaraḥ |
gomantadāvaśamano garuḍānītabhūṣaṇaḥ || 123 ||
cakrādyāyudhasaṃśobhī jarāsandhamadāpahaḥ |
sṛgālāvanipālaghnassṛgālātmajarājyadaḥ || 124 ||
vidhvastakālayavano mucukundavarapradaḥ |
ājñāpitamahāmbhodhirdvārakāpurakalpanaḥ || 125 ||
dvārakānilayo rukmimānahantā yadūdvahaḥ |
ruciro rukmiṇījāniḥ pradyumnajanakaḥ prabhuḥ || 126 ||
apākṛtatrilokārtiraniruddhapitāmahaḥ |
aniruddhapadānveṣī cakrī garuḍavāhanaḥ || 127 ||
bāṇāsurapurīroddhā rakṣājvalanayantrajit |
dhūtapramathasaṃrambho jitamāheśvarajvaraḥ || 128 ||
ṣaṭcakraśaktinirjetā bhūtavetālamohakṛt |
śambhutriśūlajicchambhujṛmbhaṇaśśambhusaṃstutaḥ || 129 ||
indriyātmenduhṛdayassarvayogeśvareśvaraḥ |
hiraṇyagarbhahṛdayo mohāvartanivartanaḥ || 130 ||
ātmajñānanidhirmedhā kośastanmātrarūpavān |
indro'gnivadanaḥ kālanābhassarvāgamādhvagaḥ || 131 ||
turīyasarvadhīsākṣī dvandvārāmātmadūragaḥ |
ajñātapāro vaśyaśrīravyākṛtavihāravān || 132 ||
ātmapradīpo vijñānamātrātmā śrīniketanaḥ |
bāṇabāhuvanacchettā mahendraprītivardhanaḥ || 133 ||
aniruddhanirodhajño jaleśāhṛtagokulaḥ |
jaleśavijayī vīrassatrājidratnayācakaḥ || 134 ||
prasenānveṣaṇodyukto jāmbavaddhṛtaratnadaḥ |
jitarkṣarājatanayāhartā jāmbavatīpriyaḥ || 135 ||
satyabhāmāpriyaḥ kāmaśśatadhanvaśiroharaḥ |
kālindīpatirakrūrabandhurakrūraratnadaḥ || 136 ||
kaikeyīramaṇo bhadrābhartā nāgnajitīdhavaḥ |
mādrīmanoharaśśaibyāprāṇabandhururukramaḥ || 137 ||
suśīlādayito mitravindānetramahotsavaḥ |
lakṣmaṇāvallabho ruddhaprāgjyotiṣamahāpuraḥ || 138 ||
surapāśāvṛticchedī murāriḥ krūrayuddhavit |
hayagrīvaśirohartā sarvātmā sarvadarśanaḥ || 139 ||
narakāsuravicchettā narakātmajarājyadaḥ|
pṛthvīstutaḥ prakāśātmā hṛdyo yajñaphalapradaḥ || 140 ||
guṇagrāhī guṇadraṣṭā gūḍhasvātmā vibhūtimān |
kavirjagadupadraṣṭā paramākṣaravigrahaḥ || 141 ||
prapannapālano mālī mahadbrahmavivardhanaḥ |
vācyavācakaśaktyarthassarvavyākṛtasiddhidaḥ || 142 ||
svayamprabhuranirvedyassvaprakāśaścirantanaḥ |
nādātmā mantrakoṭīśo nānāvādanirodhakaḥ || 143 ||
kandarpakoṭilāvaṇyaḥ parārthaikaprayojakaḥ |
amarīkṛtadevaughaḥ kanyakābandhamocanaḥ || 144 ||
ṣoḍaśastrīsahasreśaḥ kāntaḥ kāntāmanobhavaḥ |
krīḍāratnācalāhartā varuṇacchatraśobhitaḥ || 145 ||
śakrābhivanditaśśakrajananīkuṇḍalapradaḥ |
aditiprastutastotro brāhmaṇodghuṣṭaceṣṭanaḥ || 146 ||
purāṇassaṃyamī janmāliptaḥ ṣaḍviṃśako'rthadaḥ |
yaśasyanītirādyantarahitassatkathāpriyaḥ || 147 ||
brahmabodhaḥ parānandaḥ pārijātāpahārakaḥ |
pauṇḍrakaprāṇaharaṇaḥ kāśirājaniṣūdanaḥ || 148 ||
kṛtyāgarvapraśamano vicakravadhadīkṣitaḥ |
kaṃsavidhvaṃsanassāmbajanako ḍimbhakārdanaḥ || 149 ||
munirgoptā pitṛvarapradassavanadīkṣitaḥ |
rathī sārathyanirdeṣṭā phālgunaḥ phālgunipriyaḥ || 150 ||
saptābdhistambhanodbhāto harissaptābdhibhedanaḥ |
ātmaprakāśaḥ pūrṇaśrīrādinārāyaṇekṣitaḥ || 151 ||
vipraputrapradaścaiva sarvamātṛsutapradaḥ |
pārthavismayakṛtpārthapraṇavārthaprabodhanaḥ || 152 ||
kailāsayātrāsumukho badaryāśramabhūṣaṇaḥ |
ghaṇṭākarṇakriyāmauḍhyāttoṣito bhaktavatsalaḥ || 153 ||
munibṛndādibhirdhyeyo ghaṇṭākarṇavarapradaḥ |
tapaścaryāparaścīravāsāḥ piṅgajaṭādharaḥ || 154 ||
pratyakṣīkṛtabhūteśaśśivastotā śivastutaḥ |
kṛṣṇāsvayaṃvarālokakautukī sarvasammataḥ || 155 ||
balasaṃrambhaśamano baladarśitapāṇḍavaḥ |
yativeṣārjunābhīṣṭadāyī sarvātmagocaraḥ || 156 ||
subhadrāphālgunodvāhakartā prīṇitaphālgunaḥ |
khāṇḍavaprīṇitārciṣmānmayadānavamocanaḥ || 157 ||
sulabho rājasūyārhayudhiṣṭhiraniyojakaḥ |
bhīmārditajarāsandho māgadhātmajarājyadaḥ || 158 ||
rājabandhananirmoktā rājasūyāgrapūjanaḥ |
caidyādyasahano bhīṣmastutassātvatapūrvajaḥ || 159 ||
sarvātmārthasamāhartā mandarācaladhārakaḥ |
yajñāvatāraḥ prahlādapratijñāpratipālakaḥ || 160 ||
baliyajñasabhādhvaṃsī dṛptakṣatrakulāntakaḥ |
daśagrīvāntako jetā revatīpremavallabhaḥ || 161 ||
sarvāvatārādhiṣṭhātā vedabāhyavimohanaḥ |
kalidoṣanirākartā daśanāmā dṛḍhavrataḥ || 162 ||
ameyātmā jagatsvāmī vāgmī caidyaśiroharaḥ |
draupadīracitastotraḥ keśavaḥ puruṣottamaḥ || 163 ||
nārāyaṇo madhupatirmādhavo doṣavarjitaḥ |
govindaḥ puṇḍarīkākṣo viṣṇuśca madhusūdanaḥ || 164 ||
trivikramastrilokeśo vāmanaḥ śrīdharaḥ pumān |
hṛṣīkeśo vāsudevaḥ padmanābho mahāhradaḥ || 165 ||
dāmodaraścaturvyūhaḥ pāñcālīmānarakṣaṇaḥ |
sālvaghnassamaraślāghī dantavaktranibarhaṇaḥ || 166 ||
dāmodarapriyasakhā pṛthukāsvādanapriyaḥ ||
ghṛṇī dāmodaraḥ śrīdo gopīpunaravekṣakaḥ || 167 ||
gopikāmuktido yogī durvāsastṛptikārakaḥ |
avijñātavrajākīrṇapāṇḍavālokano jayī || 168 ||
pārthasārathyanirataḥ prājñaḥ pāṇḍavadūtyakṛt |
vidurātithyasantuṣṭaḥ kuntīsantoṣadāyakaḥ || 169 ||
suyodhanatiraskartā duryodhanavikāravit |
vidurābhiṣṭhuto nityo vārṣṇeyo maṅgalātmakaḥ || 170 ||
pañcaviṃśatitattveśaścaturviṃśatidehabhāk |
sarvānugrāhakassarvadāśārhasatatārcitaḥ || 171 ||
acintyo madhurālāpassādhudarśī durāsadaḥ |
manuṣyadharmānugataḥ kauravendrakṣayekṣitā || 172 ||
upendro dānavārātirurugīto mahādyutiḥ |
brahmaṇyadevaḥ śrutimān gobrāhmaṇahitāśayaḥ || 173 ||
varaśīlaśśivārambhassuvijñānavimūrtimān |
svabhāvaśuddhassanmitrassuśaraṇyassulakṣaṇaḥ || 174 ||
dhṛtarāṣṭragataudṛṣṭipradaḥ karṇavibhedanaḥ |
pratodadhṛgviśvarūpavismāritadhanañjayaḥ || 175 ||
sāmagānapriyo dharmadhenurvarṇottamo'vyayaḥ |
caturyugakriyākartā viśvarūpapradarśakaḥ || 176 ||
brahmabodhaparitrātapārtho bhīṣmārthacakrabhṛt |
arjunāyāsavidhvaṃsī kāladaṃṣṭrāvibhūṣaṇaḥ || 177 ||
sujātānantamahimā svapnavyāpāritārjunaḥ |
akālasandhyāghaṭanaścakrāntaritabhāskaraḥ || 178 ||
duṣṭapramathanaḥ pārthapratijñāparipālakaḥ |
sindhurājaśiraḥpātasthānavaktā vivekadṛk || 179 ||
subhadrāśokaharaṇo droṇotsekādivismitaḥ |
pārthamanyunirākartā pāṇḍavotsavadāyakaḥ || 180 ||
aṅguṣṭhākrāntakaunteyarathaśśakto'hiśīrṣajit |
kālakopapraśamano bhīmasenajayapradaḥ || 181 ||
aśvatthāmavadhāyāsatrātapāṇḍusutaḥ kṛtī |
iṣīkāstrapraśamano drauṇirakṣāvicakṣaṇaḥ || 182 ||
pārthāpahāritadrauṇicūḍāmaṇirabhaṅguraḥ |
dhṛtarāṣṭraparāmṛṣṭabhīmapratikṛtismayaḥ || 183 ||
bhīṣmabuddhipradaśśāntaśśaraccandranibhānanaḥ |
gadāgrajanmā pāñcālīpratijñāparipālakaḥ || 184 ||
gāndhārīkopadṛgguptadharmasūnuranāmayaḥ |
prapannārtibhayacchettā bhīṣmaśalyavyadhāvahaḥ || 185 ||
śāntaśśāntanavodīrṇasarvadharmasamāhitaḥ |
smāritabrahmavidyārthaprītapārtho mahāstravit || 186 ||
prasādaparamodāro gāṅgeyasugatipradaḥ |
vipakṣapakṣakṣayakṛtparīkṣitprāṇarakṣaṇaḥ || 187 ||
jagadgururdharmasūnorvājimedhapravartakaḥ |
vihitārthāptasatkāro māsakātparivartadaḥ || 188 ||
uttaṅkaharṣadātmīyadivyarūpapradarśakaḥ |
janakāvagatasvoktabhāratassarvabhāvanaḥ || 189 ||
asoḍhayādavodreko vihitāptādipūjanaḥ ||
samudrasthāpitāścaryamusalo vṛṣṇivāhakaḥ || 190 ||
muniśāpāyudhaḥ padmāsanāditridaśārthitaḥ |
vṛṣṭipratyavahārotkassvadhāmagamanotsukaḥ || 191 ||
prabhāsālokanodyukto nānāvidhanimittakṛt |
sarvayādavasaṃsevyassarvotkṛṣṭaparicchadaḥ || 192 ||
velākānanasañcārī velānilahṛtaśramaḥ |
kālātmā yādavo'nantasstutisantuṣṭamānasaḥ || 193 ||
dvijālokanasantuṣṭaḥ puṇyatīrthamahotsavaḥ |
satkārāhlāditāśeṣabhūsurassuravallabhaḥ || 194 ||
puṇyatīrthāplutaḥ puṇyaḥ puṇyadastīrthapāvanaḥ |
viprasātkṛtagokoṭiśśatakoṭisuvarṇadaḥ || 195 ||
svamāyāmohitā'śeṣavṛṣṇivīro viśeṣavit |
jalajāyudhanirdeṣṭā svātmāveśitayādavaḥ || 196 ||
devatābhīṣṭavaradaḥ kṛtakṛtyaḥ prasannadhīḥ |
sthiraśeṣāyutabalassahasraphaṇivīkṣaṇaḥ || 197 ||
brahmavṛkṣavaracchāyāsīnaḥ padmāsanasthitaḥ |
pratyagātmā svabhāvārthaḥ praṇidhānaparāyaṇaḥ || 198 ||
vyādheṣuviddhapūjyāṅghrirniṣādabhayamocanaḥ |
pulindastutisantuṣṭaḥ pulindasugatipradaḥ || 199 ||
dārukārpitapārthādikaraṇīyoktirīśitā |
divyadundubhisaṃyuktaḥ puṣpavṛṣṭiprapūjitaḥ || 200 ||
purāṇaḥ parameśānaḥ pūrṇabhūmā pariṣṭutaḥ |
patirādyaḥ paraṃ brahma paramātmā parātparaḥ || 201 ||
śrīparamātmā parātparaḥ oṃ namaḥ iti |
phalaśrutiḥ –
idaṃ sahasraṃ kṛṣṇasya nāmnāṃ sarvārthadāyakam |
anantarūpī bhagavān vyākhyātādau svayambhuve || 202 ||
tena proktaṃ vasiṣṭhāya tato labdhvā parāśaraḥ |
vyāsāya tena samproktaṃ śuko vyāsādavāptavān || 203 ||
tacchiṣyairbahubhirbhūmau khyāpitaṃ dvāpare yuge |
kṛṣṇājñayā hariharaḥ kalau prakhyāpayadvibhuḥ || 204 ||
idaṃ paṭhati bhaktyā yaḥ śṛṇoti ca samāhitaḥ |
svasiddhyai prārthayantyenaṃ tīrthakṣetrādidevatāḥ || 205 ||
prāyaścittānyaśeṣāṇi nālaṃ yāni vyapohitum |
tāni pāpāni naśyanti sakṛdasya praśaṃsanāt || 206 ||
ṛṇatrayavimuktasya śrautasmārtānuvartinaḥ |
ṛṣestrimūrtirūpasya phalaṃ vindedidaṃ paṭhan || 207 ||
idaṃ nāmasahasraṃ yaḥ paṭhatyetacchṛṇoti ca |
śivaliṅgasahasrasya sa pratiṣṭhāphalaṃ labhet || 208 ||
idaṃ kirīṭī sañjapya jayī pāśupatāstrabhāk |
kṛṣṇasya prāṇabhūtassan kṛṣṇaṃ sārathimāptavān || 209 ||
draupadyā damayantyā ca sāvitryā ca suśīlayā |
duritāni jitānyetajjapādāptaṃ ca vāñchitam || 210 ||
kimidaṃ bahunā śaṃsanmānavo modanirbharaḥ |
brahmānandamavāpyānte kṛṣṇasāyūjyamāpnuyāt || 211 ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.