ଘୁଷ୍ଯତେ ଯସ୍ଯ ନଗରେ ରଙ୍ଗଯାତ୍ରା ଦିନେ ଦିନେ ।
ତମହଂ ଶିରସା ଵନ୍ଦେ ରାଜାନଂ କୁଲଶେଖରମ୍ ॥
ଶ୍ରୀଵଲ୍ଲଭେତି ଵରଦେତି ଦଯାପରେତି
ଭକ୍ତପ୍ରିଯେତି ଭଵଲୁଣ୍ଠନକୋଵିଦେତି ।
ନାଥେତି ନାଗଶଯନେତି ଜଗନ୍ନିଵାସେ-
-ତ୍ଯାଲାପନଂ ପ୍ରତିପଦଂ କୁରୁ ମେ ମୁକୁନ୍ଦ ॥ 1 ॥
ଜଯତୁ ଜଯତୁ ଦେଵୋ ଦେଵକୀନନ୍ଦନୋଽଯଂ
ଜଯତୁ ଜଯତୁ କୃଷ୍ଣୋ ଵୃଷ୍ଣିଵଂଶପ୍ରଦୀପଃ ।
ଜଯତୁ ଜଯତୁ ମେଘଶ୍ଯାମଲଃ କୋମଲାଙ୍ଗୋ
ଜଯତୁ ଜଯତୁ ପୃଥ୍ଵୀଭାରନାଶୋ ମୁକୁନ୍ଦଃ ॥ 2 ॥
ମୁକୁନ୍ଦ ମୂର୍ଧ୍ନା ପ୍ରଣିପତ୍ଯ ଯାଚେ
ଭଵନ୍ତମେକାନ୍ତମିଯନ୍ତମର୍ଥମ୍ ।
ଅଵିସ୍ମୃତିସ୍ତ୍ଵଚ୍ଚରଣାରଵିନ୍ଦେ
ଭଵେ ଭଵେ ମେଽସ୍ତୁ ଭଵତ୍ପ୍ରସାଦାତ୍ ॥ 3 ॥
ନାହଂ ଵନ୍ଦେ ତଵ ଚରଣଯୋର୍ଦ୍ଵନ୍ଦ୍ଵମଦ୍ଵନ୍ଦ୍ଵହେତୋଃ
କୁମ୍ଭୀପାକଂ ଗୁରୁମପି ହରେ ନାରକଂ ନାପନେତୁମ୍ ।
ରମ୍ଯାରାମାମୃଦୁତନୁଲତା ନନ୍ଦନେ ନାପି ରନ୍ତୁଂ
ଭାଵେ ଭାଵେ ହୃଦଯଭଵନେ ଭାଵଯେଯଂ ଭଵନ୍ତମ୍ ॥ 4 ॥
ନାସ୍ଥା ଧର୍ମେ ନ ଵସୁନିଚଯେ ନୈଵ କାମୋପଭୋଗେ
ଯଦ୍ଯଦ୍ଭଵ୍ଯଂ ଭଵତୁ ଭଗଵନ୍ ପୂର୍ଵକର୍ମାନୁରୂପମ୍ ।
ଏତତ୍ପ୍ରାର୍ଥ୍ଯଂ ମମ ବହୁମତଂ ଜନ୍ମଜନ୍ମାନ୍ତରେଽପି
ତ୍ଵତ୍ପାଦାମ୍ଭୋରୁହଯୁଗଗତା ନିଶ୍ଚଲା ଭକ୍ତିରସ୍ତୁ ॥ 5 ॥
ଦିଵି ଵା ଭୁଵି ଵା ମମାସ୍ତୁ ଵାସୋ
ନରକେ ଵା ନରକାନ୍ତକ ପ୍ରକାମମ୍ ।
ଅଵଧୀରିତ ଶାରଦାରଵିନ୍ଦୌ
ଚରଣୌ ତେ ମରଣେଽପି ଚିନ୍ତଯାମି ॥ 6 ॥
କୃଷ୍ଣ ତ୍ଵଦୀଯ ପଦପଙ୍କଜପଞ୍ଜରାନ୍ତ-
-ମଦ୍ଯୈଵ ମେ ଵିଶତୁ ମାନସରାଜହଂସଃ ।
ପ୍ରାଣପ୍ରଯାଣସମଯେ କଫଵାତପିତ୍ତୈଃ
କଣ୍ଠାଵରୋଧନଵିଧୌ ସ୍ମରଣଂ କୁତସ୍ତେ ॥ 7 ॥
ଚିନ୍ତଯାମି ହରିମେଵ ସନ୍ତତଂ
ମନ୍ଦମନ୍ଦ ହସିତାନନାମ୍ବୁଜଂ
ନନ୍ଦଗୋପତନଯଂ ପରାତ୍ପରଂ
ନାରଦାଦିମୁନିବୃନ୍ଦଵନ୍ଦିତମ୍ ॥ 8 ॥
କରଚରଣସରୋଜେ କାନ୍ତିମନ୍ନେତ୍ରମୀନେ
ଶ୍ରମମୁଷି ଭୁଜଵୀଚିଵ୍ଯାକୁଲେଽଗାଧମାର୍ଗେ ।
ହରିସରସି ଵିଗାହ୍ଯାପୀଯ ତେଜୋଜଲୌଘଂ
ଭଵମରୁପରିଖିନ୍ନଃ ଖେଦମଦ୍ଯ ତ୍ଯଜାମି ॥ 9 ॥
ସରସିଜନଯନେ ସଶଙ୍ଖଚକ୍ରେ
ମୁରଭିଦି ମା ଵିରମ ସ୍ଵଚିତ୍ତ ରନ୍ତୁମ୍ ।
ସୁଖତରମପରଂ ନ ଜାତୁ ଜାନେ
ହରିଚରଣସ୍ମରଣାମୃତେନ ତୁଲ୍ଯମ୍ ॥ 10 ॥
ମା ଭୀର୍ମନ୍ଦମନୋ ଵିଚିନ୍ତ୍ଯ ବହୁଧା ଯାମୀଶ୍ଚିରଂ ଯାତନାଃ
ନାମୀ ନଃ ପ୍ରଭଵନ୍ତି ପାପରିପଵଃ ସ୍ଵାମୀ ନନୁ ଶ୍ରୀଧରଃ ।
ଆଲସ୍ଯଂ ଵ୍ଯପନୀଯ ଭକ୍ତିସୁଲଭଂ ଧ୍ଯାଯସ୍ଵ ନାରାଯଣଂ
ଲୋକସ୍ଯ ଵ୍ଯସନାପନୋଦନକରୋ ଦାସସ୍ଯ କିଂ ନ କ୍ଷମଃ ॥ 11 ॥
ଭଵଜଲଧିଗତାନାଂ ଦ୍ଵନ୍ଦ୍ଵଵାତାହତାନାଂ
ସୁତଦୁହିତୃକଲତ୍ରତ୍ରାଣଭାରାର୍ଦିତାନାମ୍ ।
ଵିଷମଵିଷଯତୋଯେ ମଜ୍ଜତାମପ୍ଲଵାନାଂ
ଭଵତୁ ଶରଣମେକୋ ଵିଷ୍ଣୁପୋତୋ ନରାଣାମ୍ ॥ 12 ॥
ଭଵଜଲଧିମଗାଧଂ ଦୁସ୍ତରଂ ନିସ୍ତରେଯଂ
କଥମହମିତି ଚେତୋ ମା ସ୍ମ ଗାଃ କାତରତ୍ଵମ୍ ।
ସରସିଜଦୃଶି ଦେଵେ ତାଵକୀ ଭକ୍ତିରେକା
ନରକଭିଦି ନିଷଣ୍ଣା ତାରଯିଷ୍ଯତ୍ଯଵଶ୍ଯମ୍ ॥ 13 ॥
ତୃଷ୍ଣାତୋଯେ ମଦନପଵନୋଦ୍ଧୂତ ମୋହୋର୍ମିମାଲେ
ଦାରାଵର୍ତେ ତନଯସହଜଗ୍ରାହସଙ୍ଘାକୁଲେ ଚ ।
ସଂସାରାଖ୍ଯେ ମହତି ଜଲଧୌ ମଜ୍ଜତାଂ ନସ୍ତ୍ରିଧାମନ୍
ପାଦାମ୍ଭୋଜେ ଵରଦ ଭଵତୋ ଭକ୍ତିନାଵଂ ପ୍ରଯଚ୍ଛ ॥ 14 ॥
ମାଦ୍ରାକ୍ଷଂ କ୍ଷୀଣପୁଣ୍ଯାନ୍ କ୍ଷଣମପି ଭଵତୋ ଭକ୍ତିହୀନାନ୍ପଦାବ୍ଜେ
ମାଶ୍ରୌଷଂ ଶ୍ରାଵ୍ଯବନ୍ଧଂ ତଵ ଚରିତମପାସ୍ଯାନ୍ଯଦାଖ୍ଯାନଜାତମ୍ ।
ମାସ୍ମାର୍ଷଂ ମାଧଵ ତ୍ଵାମପି ଭୁଵନପତେ ଚେତସାପହ୍ନୁଵାନା-
-ନ୍ମାଭୂଵଂ ତ୍ଵତ୍ସପର୍ଯାଵ୍ଯତିକରରହିତୋ ଜନ୍ମଜନ୍ମାନ୍ତରେଽପି ॥ 15 ॥
ଜିହ୍ଵେ କୀର୍ତଯ କେଶଵଂ ମୁରରିପୁଂ ଚେତୋ ଭଜ ଶ୍ରୀଧରଂ
ପାଣିଦ୍ଵନ୍ଦ୍ଵ ସମର୍ଚଯାଚ୍ଯୁତକଥାଃ ଶ୍ରୋତ୍ରଦ୍ଵଯ ତ୍ଵଂ ଶୃଣୁ ।
କୃଷ୍ଣଂ ଲୋକଯ ଲୋଚନଦ୍ଵଯ ହରେର୍ଗଚ୍ଛାଙ୍ଘ୍ରିଯୁଗ୍ମାଲଯଂ
ଜିଘ୍ର ଘ୍ରାଣ ମୁକୁନ୍ଦପାଦତୁଲସୀଂ ମୂର୍ଧନ୍ନମାଧୋକ୍ଷଜମ୍ ॥ 16 ॥
ହେ ଲୋକାଃ ଶୃଣୁତ ପ୍ରସୂତିମରଣଵ୍ଯାଧେଶ୍ଚିକିତ୍ସାମିମାଂ
ଯୋଗଜ୍ଞାଃ ସମୁଦାହରନ୍ତି ମୁନଯୋ ଯାଂ ଯାଜ୍ଞଵଲ୍କ୍ଯାଦଯଃ ।
ଅନ୍ତର୍ଜ୍ଯୋତିରମେଯମେକମମୃତଂ କୃଷ୍ଣାଖ୍ଯମାପୀଯତାଂ
ତତ୍ପୀତଂ ପରମୌଷଧଂ ଵିତନୁତେ ନିର୍ଵାଣମାତ୍ଯନ୍ତିକମ୍ ॥ 17 ।
ହେ ମର୍ତ୍ଯାଃ ପରମଂ ହିତଂ ଶୃଣୁତ ଵୋ ଵକ୍ଷ୍ଯାମି ସଙ୍କ୍ଷେପତଃ
ସଂସାରାର୍ଣଵମାପଦୂର୍ମିବହୁଲଂ ସମ୍ଯକ୍ପ୍ରଵିଶ୍ଯ ସ୍ଥିତାଃ ।
ନାନାଜ୍ଞାନମପାସ୍ଯ ଚେତସି ନମୋ ନାରାଯଣାଯେତ୍ଯମୁଂ
ମନ୍ତ୍ରଂ ସପ୍ରଣଵଂ ପ୍ରଣାମସହିତଂ ପ୍ରାଵର୍ତଯଧ୍ଵଂ ମୁହୁଃ ॥ 18 ॥
ପୃଥ୍ଵୀରେଣୁରଣୁଃ ପଯାଂସି କଣିକାଃ ଫଲ୍ଗୁଃ ସ୍ଫୁଲିଙ୍ଗୋଽଲଘୁ-
-ସ୍ତେଜୋ ନିଃଶ୍ଵସନଂ ମରୁତ୍ତନୁତରଂ ରନ୍ଧ୍ରଂ ସୁସୂକ୍ଷ୍ମଂ ନଭଃ ।
କ୍ଷୁଦ୍ରା ରୁଦ୍ରପିତାମହପ୍ରଭୃତଯଃ କୀଟାଃ ସମସ୍ତାଃ ସୁରାଃ
ଦୃଷ୍ଟେ ଯତ୍ର ସ ତାଵକୋ ଵିଜଯତେ ଭୂମାଵଧୂତାଵଧିଃ ॥ 19 ॥
ବଦ୍ଧେନାଞ୍ଜଲିନା ନତେନ ଶିରସା ଗାତ୍ରୈଃ ସରୋମୋଦ୍ଗମୈଃ
କଣ୍ଠେନ ସ୍ଵରଗଦ୍ଗଦେନ ନଯନେନୋଦ୍ଗୀର୍ଣବାଷ୍ପାମ୍ବୁନା ।
ନିତ୍ଯଂ ତ୍ଵଚ୍ଚରଣାରଵିନ୍ଦଯୁଗଲ ଧ୍ଯାନାମୃତାସ୍ଵାଦିନା-
-ମସ୍ମାକଂ ସରସୀରୁହାକ୍ଷ ସତତଂ ସମ୍ପଦ୍ଯତାଂ ଜୀଵିତମ୍ ॥ 20 ॥
ହେ ଗୋପାଲକ ହେ କୃପାଜଲନିଧେ ହେ ସିନ୍ଧୁକନ୍ଯାପତେ
ହେ କଂସାନ୍ତକ ହେ ଗଜେନ୍ଦ୍ରକରୁଣାପାରୀଣ ହେ ମାଧଵ ।
ହେ ରାମାନୁଜ ହେ ଜଗତ୍ତ୍ରଯଗୁରୋ ହେ ପୁଣ୍ଡରୀକାକ୍ଷ ମାଂ
ହେ ଗୋପୀଜନନାଥ ପାଲଯ ପରଂ ଜାନାମି ନ ତ୍ଵାଂ ଵିନା ॥ 21 ॥
ଭକ୍ତାପାଯଭୁଜଙ୍ଗଗାରୁଡମଣିସ୍ତ୍ରୈଲୋକ୍ଯରକ୍ଷାମଣିଃ
ଗୋପୀଲୋଚନଚାତକାମ୍ବୁଦମଣିଃ ସୌନ୍ଦର୍ଯମୁଦ୍ରାମଣିଃ ।
ଯଃ କାନ୍ତାମଣି ରୁକ୍ମିଣୀ ଘନକୁଚଦ୍ଵନ୍ଦ୍ଵୈକଭୂଷାମଣିଃ
ଶ୍ରେଯୋ ଦେଵଶିଖାମଣିର୍ଦିଶତୁ ନୋ ଗୋପାଲଚୂଡାମଣିଃ ॥ 22 ॥
ଶତ୍ରୁଚ୍ଛେଦୈକମନ୍ତ୍ରଂ ସକଲମୁପନିଷଦ୍ଵାକ୍ଯସମ୍ପୂଜ୍ଯମନ୍ତ୍ରଂ
ସଂସାରୋତ୍ତାରମନ୍ତ୍ରଂ ସମୁପଚିତତମଃ ସଙ୍ଘନିର୍ଯାଣମନ୍ତ୍ରମ୍ ।
ସର୍ଵୈଶ୍ଵର୍ଯୈକମନ୍ତ୍ରଂ ଵ୍ଯସନଭୁଜଗସନ୍ଦଷ୍ଟସନ୍ତ୍ରାଣମନ୍ତ୍ରଂ
ଜିହ୍ଵେ ଶ୍ରୀକୃଷ୍ଣମନ୍ତ୍ରଂ ଜପ ଜପ ସତତଂ ଜନ୍ମସାଫଲ୍ଯମନ୍ତ୍ରମ୍ ॥ 23 ॥
ଵ୍ଯାମୋହ ପ୍ରଶମୌଷଧଂ ମୁନିମନୋଵୃତ୍ତି ପ୍ରଵୃତ୍ତ୍ଯୌଷଧଂ
ଦୈତ୍ଯେନ୍ଦ୍ରାର୍ତିକରୌଷଧଂ ତ୍ରିଭୁଵନୀ ସଞ୍ଜୀଵନୈକୌଷଧମ୍ ।
ଭକ୍ତାତ୍ଯନ୍ତହିତୌଷଧଂ ଭଵଭଯପ୍ରଧ୍ଵଂସନୈକୌଷଧଂ
ଶ୍ରେଯଃପ୍ରାପ୍ତିକରୌଷଧଂ ପିବ ମନଃ ଶ୍ରୀକୃଷ୍ଣଦିଵ୍ଯୌଷଧମ୍ ॥ 24 ॥
ଆମ୍ନାଯାଭ୍ଯସନାନ୍ଯରଣ୍ଯରୁଦିତଂ ଵେଦଵ୍ରତାନ୍ଯନ୍ଵହଂ
ମେଦଶ୍ଛେଦଫଲାନି ପୂର୍ତଵିଧଯଃ ସର୍ଵେ ହୁତଂ ଭସ୍ମନି ।
ତୀର୍ଥାନାମଵଗାହନାନି ଚ ଗଜସ୍ନାନଂ ଵିନା ଯତ୍ପଦ-
-ଦ୍ଵନ୍ଦ୍ଵାମ୍ଭୋରୁହସଂସ୍ମୃତିର୍ଵିଜଯତେ ଦେଵଃ ସ ନାରାଯଣଃ ॥ 25 ॥
ଶ୍ରୀମନ୍ନାମ ପ୍ରୋଚ୍ଯ ନାରାଯଣାଖ୍ଯଂ
କେ ନ ପ୍ରାପୁର୍ଵାଞ୍ଛିତଂ ପାପିନୋଽପି ।
ହା ନଃ ପୂର୍ଵଂ ଵାକ୍ପ୍ରଵୃତ୍ତା ନ ତସ୍ମିନ୍
ତେନ ପ୍ରାପ୍ତଂ ଗର୍ଭଵାସାଦିଦୁଃଖମ୍ ॥ 26 ॥
ମଜ୍ଜନ୍ମନଃ ଫଲମିଦଂ ମଧୁକୈଟଭାରେ
ମତ୍ପ୍ରାର୍ଥନୀଯ ମଦନୁଗ୍ରହ ଏଷ ଏଵ ।
ତ୍ଵଦ୍ଭୃତ୍ଯଭୃତ୍ଯ ପରିଚାରକ ଭୃତ୍ଯଭୃତ୍ଯ
ଭୃତ୍ଯସ୍ଯ ଭୃତ୍ଯ ଇତି ମାଂ ସ୍ମର ଲୋକନାଥ ॥ 27 ॥
ନାଥେ ନଃ ପୁରୁଷୋତ୍ତମେ ତ୍ରିଜଗତାମେକାଧିପେ ଚେତସା
ସେଵ୍ଯେ ସ୍ଵସ୍ଯ ପଦସ୍ଯ ଦାତରି ସୁରେ ନାରାଯଣେ ତିଷ୍ଠତି ।
ଯଂ କଞ୍ଚିତ୍ପୁରୁଷାଧମଂ କତିପଯଗ୍ରାମେଶମଲ୍ପାର୍ଥଦଂ
ସେଵାଯୈ ମୃଗଯାମହେ ନରମହୋ ମୂକା ଵରାକା ଵଯମ୍ ॥ 28 ॥
ମଦନ ପରିହର ସ୍ଥିତିଂ ମଦୀଯେ
ମନସି ମୁକୁନ୍ଦପଦାରଵିନ୍ଦଧାମ୍ନି ।
ହରନଯନକୃଶାନୁନା କୃଶୋଽସି
ସ୍ମରସି ନ ଚକ୍ରପରାକ୍ରମଂ ମୁରାରେଃ ॥ 29 ॥
ତତ୍ତ୍ଵଂ ବ୍ରୁଵାଣାନି ପରଂ ପରସ୍ମା-
-ନ୍ମଧୁ କ୍ଷରନ୍ତୀଵ ସତାଂ ଫଲାନି ।
ପ୍ରାଵର୍ତଯ ପ୍ରାଞ୍ଜଲିରସ୍ମି ଜିହ୍ଵେ
ନାମାନି ନାରାଯଣ ଗୋଚରାଣି ॥ 30 ॥
ଇଦଂ ଶରୀରଂ ପରିଣାମପେଶଲଂ
ପତତ୍ଯଵଶ୍ଯଂ ଶ୍ଲଥସନ୍ଧିଜର୍ଜରମ୍ ।
କିମୌଷଧୈଃ କ୍ଲିଶ୍ଯସି ମୂଢ ଦୁର୍ମତେ
ନିରାମଯଂ କୃଷ୍ଣରସାଯନଂ ପିବ ॥ 31 ॥
ଦାରା ଵାରାକରଵରସୁତା ତେ ତନୂଜୋ ଵିରିଞ୍ଚିଃ
ସ୍ତୋତା ଵେଦସ୍ତଵ ସୁରଗଣୋ ଭୃତ୍ଯଵର୍ଗଃ ପ୍ରସାଦଃ ।
ମୁକ୍ତିର୍ମାଯା ଜଗଦଵିକଲଂ ତାଵକୀ ଦେଵକୀ ତେ
ମାତା ମିତ୍ରଂ ବଲରିପୁସୁତସ୍ତ୍ଵଯ୍ଯତୋଽନ୍ଯନ୍ନ ଜାନେ ॥ 32 ॥
କୃଷ୍ଣୋ ରକ୍ଷତୁ ନୋ ଜଗତ୍ତ୍ରଯଗୁରୁଃ କୃଷ୍ଣଂ ନମସ୍ଯାମ୍ଯହଂ
କୃଷ୍ଣେନାମରଶତ୍ରଵୋ ଵିନିହତାଃ କୃଷ୍ଣାଯ ତସ୍ମୈ ନମଃ ।
କୃଷ୍ଣାଦେଵ ସମୁତ୍ଥିତଂ ଜଗଦିଦଂ କୃଷ୍ଣସ୍ଯ ଦାସୋଽସ୍ମ୍ଯହଂ
କୃଷ୍ଣେ ତିଷ୍ଠତି ସର୍ଵମେତଦଖିଲଂ ହେ କୃଷ୍ଣ ରକ୍ଷସ୍ଵ ମାମ୍ ॥ 33 ॥
ତତ୍ତ୍ଵଂ ପ୍ରସୀଦ ଭଗଵନ୍ କୁରୁ ମଯ୍ଯନାଥେ
ଵିଷ୍ଣୋ କୃପାଂ ପରମକାରୁଣିକଃ କିଲ ତ୍ଵମ୍ ।
ସଂସାରସାଗରନିମଗ୍ନମନନ୍ତଦୀନ-
-ମୁଦ୍ଧର୍ତୁମର୍ହସି ହରେ ପୁରୁଷୋତ୍ତମୋଽସି ॥ 34 ॥
ନମାମି ନାରାଯଣପାଦପଙ୍କଜଂ
କରୋମି ନାରାଯଣପୂଜନଂ ସଦା ।
ଵଦାମି ନାରାଯଣନାମ ନିର୍ମଲଂ
ସ୍ମରାମି ନାରାଯଣତତ୍ତ୍ଵମଵ୍ଯଯମ୍ ॥ 35 ॥
ଶ୍ରୀନାଥ ନାରାଯଣ ଵାସୁଦେଵ
ଶ୍ରୀକୃଷ୍ଣ ଭକ୍ତପ୍ରିଯ ଚକ୍ରପାଣେ ।
ଶ୍ରୀପଦ୍ମନାଭାଚ୍ଯୁତ କୈଟଭାରେ
ଶ୍ରୀରାମ ପଦ୍ମାକ୍ଷ ହରେ ମୁରାରେ ॥ 36 ॥
ଅନନ୍ତ ଵୈକୁଣ୍ଠ ମୁକୁନ୍ଦ କୃଷ୍ଣ
ଗୋଵିନ୍ଦ ଦାମୋଦର ମାଧଵେତି ।
ଵକ୍ତୁଂ ସମର୍ଥୋଽପି ନ ଵକ୍ତି କଶ୍ଚି-
-ଦହୋ ଜନାନାଂ ଵ୍ଯସନାଭିମୁଖ୍ଯମ୍ ॥ 37 ॥
ଧ୍ଯାଯନ୍ତି ଯେ ଵିଷ୍ଣୁମନନ୍ତମଵ୍ଯଯଂ
ହୃତ୍ପଦ୍ମମଧ୍ଯେ ସତତଂ ଵ୍ଯଵସ୍ଥିତମ୍ ।
ସମାହିତାନାଂ ସତତାଭଯପ୍ରଦଂ
ତେ ଯାନ୍ତି ସିଦ୍ଧିଂ ପରମାଂ ଚ ଵୈଷ୍ଣଵୀମ୍ ॥ 38 ॥
କ୍ଷୀରସାଗରତରଙ୍ଗଶୀକରା-
-ଽଽସାରତାରକିତଚାରୁମୂର୍ତଯେ ।
ଭୋଗିଭୋଗଶଯନୀଯଶାଯିନେ
ମାଧଵାଯ ମଧୁଵିଦ୍ଵିଷେ ନମଃ ॥ 39 ॥
ଯସ୍ଯ ପ୍ରିଯୌ ଶ୍ରୁତିଧରୌ କଵିଲୋକଵୀରୌ
ମିତ୍ରେ ଦ୍ଵିଜନ୍ମଵରପଦ୍ମଶରାଵଭୂତାମ୍ ।
ତେନାମ୍ବୁଜାକ୍ଷଚରଣାମ୍ବୁଜଷଟ୍ପଦେନ
ରାଜ୍ଞା କୃତା କୃତିରିଯଂ କୁଲଶେଖରେଣ ॥ 40 ॥
ଇତି କୁଲଶେଖର ପ୍ରଣୀତଂ ମୁକୁନ୍ଦମାଲା ।
Roman (IAST) Transliteration
ghuṣyate yasya nagare raṅgayātrā dine dine |
tamahaṃ śirasā vande rājānaṃ kulaśekharam ||
śrīvallabheti varadeti dayāpareti
bhaktapriyeti bhavaluṇṭhanakovideti |
nātheti nāgaśayaneti jagannivāse-
-tyālāpanaṃ pratipadaṃ kuru me mukunda || 1 ||
jayatu jayatu devo devakīnandano'yaṃ
jayatu jayatu kṛṣṇo vṛṣṇivaṃśapradīpaḥ |
jayatu jayatu meghaśyāmalaḥ komalāṅgo
jayatu jayatu pṛthvībhāranāśo mukundaḥ || 2 ||
mukunda mūrdhnā praṇipatya yāce
bhavantamekāntamiyantamartham |
avismṛtistvaccaraṇāravinde
bhave bhave me'stu bhavatprasādāt || 3 ||
nāhaṃ vande tava caraṇayordvandvamadvandvahetoḥ
kumbhīpākaṃ gurumapi hare nārakaṃ nāpanetum |
ramyārāmāmṛdutanulatā nandane nāpi rantuṃ
bhāve bhāve hṛdayabhavane bhāvayeyaṃ bhavantam || 4 ||
nāsthā dharme na vasunicaye naiva kāmopabhoge
yadyadbhavyaṃ bhavatu bhagavan pūrvakarmānurūpam |
etatprārthyaṃ mama bahumataṃ janmajanmāntare'pi
tvatpādāmbhoruhayugagatā niścalā bhaktirastu || 5 ||
divi vā bhuvi vā mamāstu vāso
narake vā narakāntaka prakāmam |
avadhīrita śāradāravindau
caraṇau te maraṇe'pi cintayāmi || 6 ||
kṛṣṇa tvadīya padapaṅkajapañjarānta-
-madyaiva me viśatu mānasarājahaṃsaḥ |
prāṇaprayāṇasamaye kaphavātapittaiḥ
kaṇṭhāvarodhanavidhau smaraṇaṃ kutaste || 7 ||
cintayāmi harimeva santataṃ
mandamanda hasitānanāmbujaṃ
nandagopatanayaṃ parātparaṃ
nāradādimunibṛndavanditam || 8 ||
karacaraṇasaroje kāntimannetramīne
śramamuṣi bhujavīcivyākule'gādhamārge |
harisarasi vigāhyāpīya tejojalaughaṃ
bhavamaruparikhinnaḥ khedamadya tyajāmi || 9 ||
sarasijanayane saśaṅkhacakre
murabhidi mā virama svacitta rantum |
sukhataramaparaṃ na jātu jāne
haricaraṇasmaraṇāmṛtena tulyam || 10 ||
mā bhīrmandamano vicintya bahudhā yāmīściraṃ yātanāḥ
nāmī naḥ prabhavanti pāparipavaḥ svāmī nanu śrīdharaḥ |
ālasyaṃ vyapanīya bhaktisulabhaṃ dhyāyasva nārāyaṇaṃ
lokasya vyasanāpanodanakaro dāsasya kiṃ na kṣamaḥ || 11 ||
bhavajaladhigatānāṃ dvandvavātāhatānāṃ
sutaduhitṛkalatratrāṇabhārārditānām |
viṣamaviṣayatoye majjatāmaplavānāṃ
bhavatu śaraṇameko viṣṇupoto narāṇām || 12 ||
bhavajaladhimagādhaṃ dustaraṃ nistareyaṃ
kathamahamiti ceto mā sma gāḥ kātaratvam |
sarasijadṛśi deve tāvakī bhaktirekā
narakabhidi niṣaṇṇā tārayiṣyatyavaśyam || 13 ||
tṛṣṇātoye madanapavanoddhūta mohormimāle
dārāvarte tanayasahajagrāhasaṅghākule ca |
saṃsārākhye mahati jaladhau majjatāṃ nastridhāman
pādāmbhoje varada bhavato bhaktināvaṃ prayaccha || 14 ||
mādrākṣaṃ kṣīṇapuṇyān kṣaṇamapi bhavato bhaktihīnānpadābje
māśrauṣaṃ śrāvyabandhaṃ tava caritamapāsyānyadākhyānajātam |
māsmārṣaṃ mādhava tvāmapi bhuvanapate cetasāpahnuvānā-
-nmābhūvaṃ tvatsaparyāvyatikararahito janmajanmāntare'pi || 15 ||
jihve kīrtaya keśavaṃ muraripuṃ ceto bhaja śrīdharaṃ
pāṇidvandva samarcayācyutakathāḥ śrotradvaya tvaṃ śṛṇu |
kṛṣṇaṃ lokaya locanadvaya harergacchāṅghriyugmālayaṃ
jighra ghrāṇa mukundapādatulasīṃ mūrdhannamādhokṣajam || 16 ||
he lokāḥ śṛṇuta prasūtimaraṇavyādheścikitsāmimāṃ
yogajñāḥ samudāharanti munayo yāṃ yājñavalkyādayaḥ |
antarjyotirameyamekamamṛtaṃ kṛṣṇākhyamāpīyatāṃ
tatpītaṃ paramauṣadhaṃ vitanute nirvāṇamātyantikam || 17 |
he martyāḥ paramaṃ hitaṃ śṛṇuta vo vakṣyāmi saṅkṣepataḥ
saṃsārārṇavamāpadūrmibahulaṃ samyakpraviśya sthitāḥ |
nānājñānamapāsya cetasi namo nārāyaṇāyetyamuṃ
mantraṃ sapraṇavaṃ praṇāmasahitaṃ prāvartayadhvaṃ muhuḥ || 18 ||
pṛthvīreṇuraṇuḥ payāṃsi kaṇikāḥ phalguḥ sphuliṅgo'laghu-
-stejo niḥśvasanaṃ maruttanutaraṃ randhraṃ susūkṣmaṃ nabhaḥ |
kṣudrā rudrapitāmahaprabhṛtayaḥ kīṭāḥ samastāḥ surāḥ
dṛṣṭe yatra sa tāvako vijayate bhūmāvadhūtāvadhiḥ || 19 ||
baddhenāñjalinā natena śirasā gātraiḥ saromodgamaiḥ
kaṇṭhena svaragadgadena nayanenodgīrṇabāṣpāmbunā |
nityaṃ tvaccaraṇāravindayugala dhyānāmṛtāsvādinā-
-masmākaṃ sarasīruhākṣa satataṃ sampadyatāṃ jīvitam || 20 ||
he gopālaka he kṛpājalanidhe he sindhukanyāpate
he kaṃsāntaka he gajendrakaruṇāpārīṇa he mādhava |
he rāmānuja he jagattrayaguro he puṇḍarīkākṣa māṃ
he gopījananātha pālaya paraṃ jānāmi na tvāṃ vinā || 21 ||
bhaktāpāyabhujaṅgagāruḍamaṇistrailokyarakṣāmaṇiḥ
gopīlocanacātakāmbudamaṇiḥ saundaryamudrāmaṇiḥ |
yaḥ kāntāmaṇi rukmiṇī ghanakucadvandvaikabhūṣāmaṇiḥ
śreyo devaśikhāmaṇirdiśatu no gopālacūḍāmaṇiḥ || 22 ||
śatrucchedaikamantraṃ sakalamupaniṣadvākyasampūjyamantraṃ
saṃsārottāramantraṃ samupacitatamaḥ saṅghaniryāṇamantram |
sarvaiśvaryaikamantraṃ vyasanabhujagasandaṣṭasantrāṇamantraṃ
jihve śrīkṛṣṇamantraṃ japa japa satataṃ janmasāphalyamantram || 23 ||
vyāmoha praśamauṣadhaṃ munimanovṛtti pravṛttyauṣadhaṃ
daityendrārtikarauṣadhaṃ tribhuvanī sañjīvanaikauṣadham |
bhaktātyantahitauṣadhaṃ bhavabhayapradhvaṃsanaikauṣadhaṃ
śreyaḥprāptikarauṣadhaṃ piba manaḥ śrīkṛṣṇadivyauṣadham || 24 ||
āmnāyābhyasanānyaraṇyaruditaṃ vedavratānyanvahaṃ
medaśchedaphalāni pūrtavidhayaḥ sarve hutaṃ bhasmani |
tīrthānāmavagāhanāni ca gajasnānaṃ vinā yatpada-
-dvandvāmbhoruhasaṃsmṛtirvijayate devaḥ sa nārāyaṇaḥ || 25 ||
śrīmannāma procya nārāyaṇākhyaṃ
ke na prāpurvāñchitaṃ pāpino'pi |
hā naḥ pūrvaṃ vākpravṛttā na tasmin
tena prāptaṃ garbhavāsādiduḥkham || 26 ||
majjanmanaḥ phalamidaṃ madhukaiṭabhāre
matprārthanīya madanugraha eṣa eva |
tvadbhṛtyabhṛtya paricāraka bhṛtyabhṛtya
bhṛtyasya bhṛtya iti māṃ smara lokanātha || 27 ||
nāthe naḥ puruṣottame trijagatāmekādhipe cetasā
sevye svasya padasya dātari sure nārāyaṇe tiṣṭhati |
yaṃ kañcitpuruṣādhamaṃ katipayagrāmeśamalpārthadaṃ
sevāyai mṛgayāmahe naramaho mūkā varākā vayam || 28 ||
madana parihara sthitiṃ madīye
manasi mukundapadāravindadhāmni |
haranayanakṛśānunā kṛśo'si
smarasi na cakraparākramaṃ murāreḥ || 29 ||
tattvaṃ bruvāṇāni paraṃ parasmā-
-nmadhu kṣarantīva satāṃ phalāni |
prāvartaya prāñjalirasmi jihve
nāmāni nārāyaṇa gocarāṇi || 30 ||
idaṃ śarīraṃ pariṇāmapeśalaṃ
patatyavaśyaṃ ślathasandhijarjaram |
kimauṣadhaiḥ kliśyasi mūḍha durmate
nirāmayaṃ kṛṣṇarasāyanaṃ piba || 31 ||
dārā vārākaravarasutā te tanūjo viriñciḥ
stotā vedastava suragaṇo bhṛtyavargaḥ prasādaḥ |
muktirmāyā jagadavikalaṃ tāvakī devakī te
mātā mitraṃ balaripusutastvayyato'nyanna jāne || 32 ||
kṛṣṇo rakṣatu no jagattrayaguruḥ kṛṣṇaṃ namasyāmyahaṃ
kṛṣṇenāmaraśatravo vinihatāḥ kṛṣṇāya tasmai namaḥ |
kṛṣṇādeva samutthitaṃ jagadidaṃ kṛṣṇasya dāso'smyahaṃ
kṛṣṇe tiṣṭhati sarvametadakhilaṃ he kṛṣṇa rakṣasva mām || 33 ||
tattvaṃ prasīda bhagavan kuru mayyanāthe
viṣṇo kṛpāṃ paramakāruṇikaḥ kila tvam |
saṃsārasāgaranimagnamanantadīna-
-muddhartumarhasi hare puruṣottamo'si || 34 ||
namāmi nārāyaṇapādapaṅkajaṃ
karomi nārāyaṇapūjanaṃ sadā |
vadāmi nārāyaṇanāma nirmalaṃ
smarāmi nārāyaṇatattvamavyayam || 35 ||
śrīnātha nārāyaṇa vāsudeva
śrīkṛṣṇa bhaktapriya cakrapāṇe |
śrīpadmanābhācyuta kaiṭabhāre
śrīrāma padmākṣa hare murāre || 36 ||
ananta vaikuṇṭha mukunda kṛṣṇa
govinda dāmodara mādhaveti |
vaktuṃ samartho'pi na vakti kaści-
-daho janānāṃ vyasanābhimukhyam || 37 ||
dhyāyanti ye viṣṇumanantamavyayaṃ
hṛtpadmamadhye satataṃ vyavasthitam |
samāhitānāṃ satatābhayapradaṃ
te yānti siddhiṃ paramāṃ ca vaiṣṇavīm || 38 ||
kṣīrasāgarataraṅgaśīkarā-
-''sāratārakitacārumūrtaye |
bhogibhogaśayanīyaśāyine
mādhavāya madhuvidviṣe namaḥ || 39 ||
yasya priyau śrutidharau kavilokavīrau
mitre dvijanmavarapadmaśarāvabhūtām |
tenāmbujākṣacaraṇāmbujaṣaṭpadena
rājñā kṛtā kṛtiriyaṃ kulaśekhareṇa || 40 ||
iti kulaśekhara praṇītaṃ mukundamālā |
Sanskrit — Devanagari (original)
घुष्यते यस्य नगरे रङ्गयात्रा दिने दिने ।
तमहं शिरसा वन्दे राजानं कुलशेखरम् ॥
श्रीवल्लभेति वरदेति दयापरेति
भक्तप्रियेति भवलुण्ठनकोविदेति ।
नाथेति नागशयनेति जगन्निवासे-
-त्यालापनं प्रतिपदं कुरु मे मुकुन्द ॥ 1 ॥
जयतु जयतु देवो देवकीनन्दनोऽयं
जयतु जयतु कृष्णो वृष्णिवंशप्रदीपः ।
जयतु जयतु मेघश्यामलः कोमलाङ्गो
जयतु जयतु पृथ्वीभारनाशो मुकुन्दः ॥ 2 ॥
मुकुन्द मूर्ध्ना प्रणिपत्य याचे
भवन्तमेकान्तमियन्तमर्थम् ।
अविस्मृतिस्त्वच्चरणारविन्दे
भवे भवे मेऽस्तु भवत्प्रसादात् ॥ 3 ॥
नाहं वन्दे तव चरणयोर्द्वन्द्वमद्वन्द्वहेतोः
कुम्भीपाकं गुरुमपि हरे नारकं नापनेतुम् ।
रम्यारामामृदुतनुलता नन्दने नापि रन्तुं
भावे भावे हृदयभवने भावयेयं भवन्तम् ॥ 4 ॥
नास्था धर्मे न वसुनिचये नैव कामोपभोगे
यद्यद्भव्यं भवतु भगवन् पूर्वकर्मानुरूपम् ।
एतत्प्रार्थ्यं मम बहुमतं जन्मजन्मान्तरेऽपि
त्वत्पादाम्भोरुहयुगगता निश्चला भक्तिरस्तु ॥ 5 ॥
दिवि वा भुवि वा ममास्तु वासो
नरके वा नरकान्तक प्रकामम् ।
अवधीरित शारदारविन्दौ
चरणौ ते मरणेऽपि चिन्तयामि ॥ 6 ॥
कृष्ण त्वदीय पदपङ्कजपञ्जरान्त-
-मद्यैव मे विशतु मानसराजहंसः ।
प्राणप्रयाणसमये कफवातपित्तैः
कण्ठावरोधनविधौ स्मरणं कुतस्ते ॥ 7 ॥
चिन्तयामि हरिमेव सन्ततं
मन्दमन्द हसिताननाम्बुजं
नन्दगोपतनयं परात्परं
नारदादिमुनिबृन्दवन्दितम् ॥ 8 ॥
करचरणसरोजे कान्तिमन्नेत्रमीने
श्रममुषि भुजवीचिव्याकुलेऽगाधमार्गे ।
हरिसरसि विगाह्यापीय तेजोजलौघं
भवमरुपरिखिन्नः खेदमद्य त्यजामि ॥ 9 ॥
सरसिजनयने सशङ्खचक्रे
मुरभिदि मा विरम स्वचित्त रन्तुम् ।
सुखतरमपरं न जातु जाने
हरिचरणस्मरणामृतेन तुल्यम् ॥ 10 ॥
मा भीर्मन्दमनो विचिन्त्य बहुधा यामीश्चिरं यातनाः
नामी नः प्रभवन्ति पापरिपवः स्वामी ननु श्रीधरः ।
आलस्यं व्यपनीय भक्तिसुलभं ध्यायस्व नारायणं
लोकस्य व्यसनापनोदनकरो दासस्य किं न क्षमः ॥ 11 ॥
भवजलधिगतानां द्वन्द्ववाताहतानां
सुतदुहितृकलत्रत्राणभारार्दितानाम् ।
विषमविषयतोये मज्जतामप्लवानां
भवतु शरणमेको विष्णुपोतो नराणाम् ॥ 12 ॥
भवजलधिमगाधं दुस्तरं निस्तरेयं
कथमहमिति चेतो मा स्म गाः कातरत्वम् ।
सरसिजदृशि देवे तावकी भक्तिरेका
नरकभिदि निषण्णा तारयिष्यत्यवश्यम् ॥ 13 ॥
तृष्णातोये मदनपवनोद्धूत मोहोर्मिमाले
दारावर्ते तनयसहजग्राहसङ्घाकुले च ।
संसाराख्ये महति जलधौ मज्जतां नस्त्रिधामन्
पादाम्भोजे वरद भवतो भक्तिनावं प्रयच्छ ॥ 14 ॥
माद्राक्षं क्षीणपुण्यान् क्षणमपि भवतो भक्तिहीनान्पदाब्जे
माश्रौषं श्राव्यबन्धं तव चरितमपास्यान्यदाख्यानजातम् ।
मास्मार्षं माधव त्वामपि भुवनपते चेतसापह्नुवाना-
-न्माभूवं त्वत्सपर्याव्यतिकररहितो जन्मजन्मान्तरेऽपि ॥ 15 ॥
जिह्वे कीर्तय केशवं मुररिपुं चेतो भज श्रीधरं
पाणिद्वन्द्व समर्चयाच्युतकथाः श्रोत्रद्वय त्वं शृणु ।
कृष्णं लोकय लोचनद्वय हरेर्गच्छाङ्घ्रियुग्मालयं
जिघ्र घ्राण मुकुन्दपादतुलसीं मूर्धन्नमाधोक्षजम् ॥ 16 ॥
हे लोकाः शृणुत प्रसूतिमरणव्याधेश्चिकित्सामिमां
योगज्ञाः समुदाहरन्ति मुनयो यां याज्ञवल्क्यादयः ।
अन्तर्ज्योतिरमेयमेकममृतं कृष्णाख्यमापीयतां
तत्पीतं परमौषधं वितनुते निर्वाणमात्यन्तिकम् ॥ 17 ।
हे मर्त्याः परमं हितं शृणुत वो वक्ष्यामि सङ्क्षेपतः
संसारार्णवमापदूर्मिबहुलं सम्यक्प्रविश्य स्थिताः ।
नानाज्ञानमपास्य चेतसि नमो नारायणायेत्यमुं
मन्त्रं सप्रणवं प्रणामसहितं प्रावर्तयध्वं मुहुः ॥ 18 ॥
पृथ्वीरेणुरणुः पयांसि कणिकाः फल्गुः स्फुलिङ्गोऽलघु-
-स्तेजो निःश्वसनं मरुत्तनुतरं रन्ध्रं सुसूक्ष्मं नभः ।
क्षुद्रा रुद्रपितामहप्रभृतयः कीटाः समस्ताः सुराः
दृष्टे यत्र स तावको विजयते भूमावधूतावधिः ॥ 19 ॥
बद्धेनाञ्जलिना नतेन शिरसा गात्रैः सरोमोद्गमैः
कण्ठेन स्वरगद्गदेन नयनेनोद्गीर्णबाष्पाम्बुना ।
नित्यं त्वच्चरणारविन्दयुगल ध्यानामृतास्वादिना-
-मस्माकं सरसीरुहाक्ष सततं सम्पद्यतां जीवितम् ॥ 20 ॥
हे गोपालक हे कृपाजलनिधे हे सिन्धुकन्यापते
हे कंसान्तक हे गजेन्द्रकरुणापारीण हे माधव ।
हे रामानुज हे जगत्त्रयगुरो हे पुण्डरीकाक्ष मां
हे गोपीजननाथ पालय परं जानामि न त्वां विना ॥ 21 ॥
भक्तापायभुजङ्गगारुडमणिस्त्रैलोक्यरक्षामणिः
गोपीलोचनचातकाम्बुदमणिः सौन्दर्यमुद्रामणिः ।
यः कान्तामणि रुक्मिणी घनकुचद्वन्द्वैकभूषामणिः
श्रेयो देवशिखामणिर्दिशतु नो गोपालचूडामणिः ॥ 22 ॥
शत्रुच्छेदैकमन्त्रं सकलमुपनिषद्वाक्यसम्पूज्यमन्त्रं
संसारोत्तारमन्त्रं समुपचिततमः सङ्घनिर्याणमन्त्रम् ।
सर्वैश्वर्यैकमन्त्रं व्यसनभुजगसन्दष्टसन्त्राणमन्त्रं
जिह्वे श्रीकृष्णमन्त्रं जप जप सततं जन्मसाफल्यमन्त्रम् ॥ 23 ॥
व्यामोह प्रशमौषधं मुनिमनोवृत्ति प्रवृत्त्यौषधं
दैत्येन्द्रार्तिकरौषधं त्रिभुवनी सञ्जीवनैकौषधम् ।
भक्तात्यन्तहितौषधं भवभयप्रध्वंसनैकौषधं
श्रेयःप्राप्तिकरौषधं पिब मनः श्रीकृष्णदिव्यौषधम् ॥ 24 ॥
आम्नायाभ्यसनान्यरण्यरुदितं वेदव्रतान्यन्वहं
मेदश्छेदफलानि पूर्तविधयः सर्वे हुतं भस्मनि ।
तीर्थानामवगाहनानि च गजस्नानं विना यत्पद-
-द्वन्द्वाम्भोरुहसंस्मृतिर्विजयते देवः स नारायणः ॥ 25 ॥
श्रीमन्नाम प्रोच्य नारायणाख्यं
के न प्रापुर्वाञ्छितं पापिनोऽपि ।
हा नः पूर्वं वाक्प्रवृत्ता न तस्मिन्
तेन प्राप्तं गर्भवासादिदुःखम् ॥ 26 ॥
मज्जन्मनः फलमिदं मधुकैटभारे
मत्प्रार्थनीय मदनुग्रह एष एव ।
त्वद्भृत्यभृत्य परिचारक भृत्यभृत्य
भृत्यस्य भृत्य इति मां स्मर लोकनाथ ॥ 27 ॥
नाथे नः पुरुषोत्तमे त्रिजगतामेकाधिपे चेतसा
सेव्ये स्वस्य पदस्य दातरि सुरे नारायणे तिष्ठति ।
यं कञ्चित्पुरुषाधमं कतिपयग्रामेशमल्पार्थदं
सेवायै मृगयामहे नरमहो मूका वराका वयम् ॥ 28 ॥
मदन परिहर स्थितिं मदीये
मनसि मुकुन्दपदारविन्दधाम्नि ।
हरनयनकृशानुना कृशोऽसि
स्मरसि न चक्रपराक्रमं मुरारेः ॥ 29 ॥
तत्त्वं ब्रुवाणानि परं परस्मा-
-न्मधु क्षरन्तीव सतां फलानि ।
प्रावर्तय प्राञ्जलिरस्मि जिह्वे
नामानि नारायण गोचराणि ॥ 30 ॥
इदं शरीरं परिणामपेशलं
पतत्यवश्यं श्लथसन्धिजर्जरम् ।
किमौषधैः क्लिश्यसि मूढ दुर्मते
निरामयं कृष्णरसायनं पिब ॥ 31 ॥
दारा वाराकरवरसुता ते तनूजो विरिञ्चिः
स्तोता वेदस्तव सुरगणो भृत्यवर्गः प्रसादः ।
मुक्तिर्माया जगदविकलं तावकी देवकी ते
माता मित्रं बलरिपुसुतस्त्वय्यतोऽन्यन्न जाने ॥ 32 ॥
कृष्णो रक्षतु नो जगत्त्रयगुरुः कृष्णं नमस्याम्यहं
कृष्णेनामरशत्रवो विनिहताः कृष्णाय तस्मै नमः ।
कृष्णादेव समुत्थितं जगदिदं कृष्णस्य दासोऽस्म्यहं
कृष्णे तिष्ठति सर्वमेतदखिलं हे कृष्ण रक्षस्व माम् ॥ 33 ॥
तत्त्वं प्रसीद भगवन् कुरु मय्यनाथे
विष्णो कृपां परमकारुणिकः किल त्वम् ।
संसारसागरनिमग्नमनन्तदीन-
-मुद्धर्तुमर्हसि हरे पुरुषोत्तमोऽसि ॥ 34 ॥
नमामि नारायणपादपङ्कजं
करोमि नारायणपूजनं सदा ।
वदामि नारायणनाम निर्मलं
स्मरामि नारायणतत्त्वमव्ययम् ॥ 35 ॥
श्रीनाथ नारायण वासुदेव
श्रीकृष्ण भक्तप्रिय चक्रपाणे ।
श्रीपद्मनाभाच्युत कैटभारे
श्रीराम पद्माक्ष हरे मुरारे ॥ 36 ॥
अनन्त वैकुण्ठ मुकुन्द कृष्ण
गोविन्द दामोदर माधवेति ।
वक्तुं समर्थोऽपि न वक्ति कश्चि-
-दहो जनानां व्यसनाभिमुख्यम् ॥ 37 ॥
ध्यायन्ति ये विष्णुमनन्तमव्ययं
हृत्पद्ममध्ये सततं व्यवस्थितम् ।
समाहितानां सतताभयप्रदं
ते यान्ति सिद्धिं परमां च वैष्णवीम् ॥ 38 ॥
क्षीरसागरतरङ्गशीकरा-
-ऽऽसारतारकितचारुमूर्तये ।
भोगिभोगशयनीयशायिने
माधवाय मधुविद्विषे नमः ॥ 39 ॥
यस्य प्रियौ श्रुतिधरौ कविलोकवीरौ
मित्रे द्विजन्मवरपद्मशरावभूताम् ।
तेनाम्बुजाक्षचरणाम्बुजषट्पदेन
राज्ञा कृता कृतिरियं कुलशेखरेण ॥ 40 ॥
इति कुलशेखर प्रणीतं मुकुन्दमाला ।
ghuṣyate yasya nagare raṅgayātrā dine dine |
tamahaṃ śirasā vande rājānaṃ kulaśekharam ||
śrīvallabheti varadeti dayāpareti
bhaktapriyeti bhavaluṇṭhanakovideti |
nātheti nāgaśayaneti jagannivāse-
-tyālāpanaṃ pratipadaṃ kuru me mukunda || 1 ||
jayatu jayatu devo devakīnandano'yaṃ
jayatu jayatu kṛṣṇo vṛṣṇivaṃśapradīpaḥ |
jayatu jayatu meghaśyāmalaḥ komalāṅgo
jayatu jayatu pṛthvībhāranāśo mukundaḥ || 2 ||
mukunda mūrdhnā praṇipatya yāce
bhavantamekāntamiyantamartham |
avismṛtistvaccaraṇāravinde
bhave bhave me'stu bhavatprasādāt || 3 ||
nāhaṃ vande tava caraṇayordvandvamadvandvahetoḥ
kumbhīpākaṃ gurumapi hare nārakaṃ nāpanetum |
ramyārāmāmṛdutanulatā nandane nāpi rantuṃ
bhāve bhāve hṛdayabhavane bhāvayeyaṃ bhavantam || 4 ||
nāsthā dharme na vasunicaye naiva kāmopabhoge
yadyadbhavyaṃ bhavatu bhagavan pūrvakarmānurūpam |
etatprārthyaṃ mama bahumataṃ janmajanmāntare'pi
tvatpādāmbhoruhayugagatā niścalā bhaktirastu || 5 ||
divi vā bhuvi vā mamāstu vāso
narake vā narakāntaka prakāmam |
avadhīrita śāradāravindau
caraṇau te maraṇe'pi cintayāmi || 6 ||
kṛṣṇa tvadīya padapaṅkajapañjarānta-
-madyaiva me viśatu mānasarājahaṃsaḥ |
prāṇaprayāṇasamaye kaphavātapittaiḥ
kaṇṭhāvarodhanavidhau smaraṇaṃ kutaste || 7 ||
cintayāmi harimeva santataṃ
mandamanda hasitānanāmbujaṃ
nandagopatanayaṃ parātparaṃ
nāradādimunibṛndavanditam || 8 ||
karacaraṇasaroje kāntimannetramīne
śramamuṣi bhujavīcivyākule'gādhamārge |
harisarasi vigāhyāpīya tejojalaughaṃ
bhavamaruparikhinnaḥ khedamadya tyajāmi || 9 ||
sarasijanayane saśaṅkhacakre
murabhidi mā virama svacitta rantum |
sukhataramaparaṃ na jātu jāne
haricaraṇasmaraṇāmṛtena tulyam || 10 ||
mā bhīrmandamano vicintya bahudhā yāmīściraṃ yātanāḥ
nāmī naḥ prabhavanti pāparipavaḥ svāmī nanu śrīdharaḥ |
ālasyaṃ vyapanīya bhaktisulabhaṃ dhyāyasva nārāyaṇaṃ
lokasya vyasanāpanodanakaro dāsasya kiṃ na kṣamaḥ || 11 ||
bhavajaladhigatānāṃ dvandvavātāhatānāṃ
sutaduhitṛkalatratrāṇabhārārditānām |
viṣamaviṣayatoye majjatāmaplavānāṃ
bhavatu śaraṇameko viṣṇupoto narāṇām || 12 ||
bhavajaladhimagādhaṃ dustaraṃ nistareyaṃ
kathamahamiti ceto mā sma gāḥ kātaratvam |
sarasijadṛśi deve tāvakī bhaktirekā
narakabhidi niṣaṇṇā tārayiṣyatyavaśyam || 13 ||
tṛṣṇātoye madanapavanoddhūta mohormimāle
dārāvarte tanayasahajagrāhasaṅghākule ca |
saṃsārākhye mahati jaladhau majjatāṃ nastridhāman
pādāmbhoje varada bhavato bhaktināvaṃ prayaccha || 14 ||
mādrākṣaṃ kṣīṇapuṇyān kṣaṇamapi bhavato bhaktihīnānpadābje
māśrauṣaṃ śrāvyabandhaṃ tava caritamapāsyānyadākhyānajātam |
māsmārṣaṃ mādhava tvāmapi bhuvanapate cetasāpahnuvānā-
-nmābhūvaṃ tvatsaparyāvyatikararahito janmajanmāntare'pi || 15 ||
jihve kīrtaya keśavaṃ muraripuṃ ceto bhaja śrīdharaṃ
pāṇidvandva samarcayācyutakathāḥ śrotradvaya tvaṃ śṛṇu |
kṛṣṇaṃ lokaya locanadvaya harergacchāṅghriyugmālayaṃ
jighra ghrāṇa mukundapādatulasīṃ mūrdhannamādhokṣajam || 16 ||
he lokāḥ śṛṇuta prasūtimaraṇavyādheścikitsāmimāṃ
yogajñāḥ samudāharanti munayo yāṃ yājñavalkyādayaḥ |
antarjyotirameyamekamamṛtaṃ kṛṣṇākhyamāpīyatāṃ
tatpītaṃ paramauṣadhaṃ vitanute nirvāṇamātyantikam || 17 |
he martyāḥ paramaṃ hitaṃ śṛṇuta vo vakṣyāmi saṅkṣepataḥ
saṃsārārṇavamāpadūrmibahulaṃ samyakpraviśya sthitāḥ |
nānājñānamapāsya cetasi namo nārāyaṇāyetyamuṃ
mantraṃ sapraṇavaṃ praṇāmasahitaṃ prāvartayadhvaṃ muhuḥ || 18 ||
pṛthvīreṇuraṇuḥ payāṃsi kaṇikāḥ phalguḥ sphuliṅgo'laghu-
-stejo niḥśvasanaṃ maruttanutaraṃ randhraṃ susūkṣmaṃ nabhaḥ |
kṣudrā rudrapitāmahaprabhṛtayaḥ kīṭāḥ samastāḥ surāḥ
dṛṣṭe yatra sa tāvako vijayate bhūmāvadhūtāvadhiḥ || 19 ||
baddhenāñjalinā natena śirasā gātraiḥ saromodgamaiḥ
kaṇṭhena svaragadgadena nayanenodgīrṇabāṣpāmbunā |
nityaṃ tvaccaraṇāravindayugala dhyānāmṛtāsvādinā-
-masmākaṃ sarasīruhākṣa satataṃ sampadyatāṃ jīvitam || 20 ||
he gopālaka he kṛpājalanidhe he sindhukanyāpate
he kaṃsāntaka he gajendrakaruṇāpārīṇa he mādhava |
he rāmānuja he jagattrayaguro he puṇḍarīkākṣa māṃ
he gopījananātha pālaya paraṃ jānāmi na tvāṃ vinā || 21 ||
bhaktāpāyabhujaṅgagāruḍamaṇistrailokyarakṣāmaṇiḥ
gopīlocanacātakāmbudamaṇiḥ saundaryamudrāmaṇiḥ |
yaḥ kāntāmaṇi rukmiṇī ghanakucadvandvaikabhūṣāmaṇiḥ
śreyo devaśikhāmaṇirdiśatu no gopālacūḍāmaṇiḥ || 22 ||
śatrucchedaikamantraṃ sakalamupaniṣadvākyasampūjyamantraṃ
saṃsārottāramantraṃ samupacitatamaḥ saṅghaniryāṇamantram |
sarvaiśvaryaikamantraṃ vyasanabhujagasandaṣṭasantrāṇamantraṃ
jihve śrīkṛṣṇamantraṃ japa japa satataṃ janmasāphalyamantram || 23 ||
vyāmoha praśamauṣadhaṃ munimanovṛtti pravṛttyauṣadhaṃ
daityendrārtikarauṣadhaṃ tribhuvanī sañjīvanaikauṣadham |
bhaktātyantahitauṣadhaṃ bhavabhayapradhvaṃsanaikauṣadhaṃ
śreyaḥprāptikarauṣadhaṃ piba manaḥ śrīkṛṣṇadivyauṣadham || 24 ||
āmnāyābhyasanānyaraṇyaruditaṃ vedavratānyanvahaṃ
medaśchedaphalāni pūrtavidhayaḥ sarve hutaṃ bhasmani |
tīrthānāmavagāhanāni ca gajasnānaṃ vinā yatpada-
-dvandvāmbhoruhasaṃsmṛtirvijayate devaḥ sa nārāyaṇaḥ || 25 ||
śrīmannāma procya nārāyaṇākhyaṃ
ke na prāpurvāñchitaṃ pāpino'pi |
hā naḥ pūrvaṃ vākpravṛttā na tasmin
tena prāptaṃ garbhavāsādiduḥkham || 26 ||
majjanmanaḥ phalamidaṃ madhukaiṭabhāre
matprārthanīya madanugraha eṣa eva |
tvadbhṛtyabhṛtya paricāraka bhṛtyabhṛtya
bhṛtyasya bhṛtya iti māṃ smara lokanātha || 27 ||
nāthe naḥ puruṣottame trijagatāmekādhipe cetasā
sevye svasya padasya dātari sure nārāyaṇe tiṣṭhati |
yaṃ kañcitpuruṣādhamaṃ katipayagrāmeśamalpārthadaṃ
sevāyai mṛgayāmahe naramaho mūkā varākā vayam || 28 ||
madana parihara sthitiṃ madīye
manasi mukundapadāravindadhāmni |
haranayanakṛśānunā kṛśo'si
smarasi na cakraparākramaṃ murāreḥ || 29 ||
tattvaṃ bruvāṇāni paraṃ parasmā-
-nmadhu kṣarantīva satāṃ phalāni |
prāvartaya prāñjalirasmi jihve
nāmāni nārāyaṇa gocarāṇi || 30 ||
idaṃ śarīraṃ pariṇāmapeśalaṃ
patatyavaśyaṃ ślathasandhijarjaram |
kimauṣadhaiḥ kliśyasi mūḍha durmate
nirāmayaṃ kṛṣṇarasāyanaṃ piba || 31 ||
dārā vārākaravarasutā te tanūjo viriñciḥ
stotā vedastava suragaṇo bhṛtyavargaḥ prasādaḥ |
muktirmāyā jagadavikalaṃ tāvakī devakī te
mātā mitraṃ balaripusutastvayyato'nyanna jāne || 32 ||
kṛṣṇo rakṣatu no jagattrayaguruḥ kṛṣṇaṃ namasyāmyahaṃ
kṛṣṇenāmaraśatravo vinihatāḥ kṛṣṇāya tasmai namaḥ |
kṛṣṇādeva samutthitaṃ jagadidaṃ kṛṣṇasya dāso'smyahaṃ
kṛṣṇe tiṣṭhati sarvametadakhilaṃ he kṛṣṇa rakṣasva mām || 33 ||
tattvaṃ prasīda bhagavan kuru mayyanāthe
viṣṇo kṛpāṃ paramakāruṇikaḥ kila tvam |
saṃsārasāgaranimagnamanantadīna-
-muddhartumarhasi hare puruṣottamo'si || 34 ||
namāmi nārāyaṇapādapaṅkajaṃ
karomi nārāyaṇapūjanaṃ sadā |
vadāmi nārāyaṇanāma nirmalaṃ
smarāmi nārāyaṇatattvamavyayam || 35 ||
śrīnātha nārāyaṇa vāsudeva
śrīkṛṣṇa bhaktapriya cakrapāṇe |
śrīpadmanābhācyuta kaiṭabhāre
śrīrāma padmākṣa hare murāre || 36 ||
ananta vaikuṇṭha mukunda kṛṣṇa
govinda dāmodara mādhaveti |
vaktuṃ samartho'pi na vakti kaści-
-daho janānāṃ vyasanābhimukhyam || 37 ||
dhyāyanti ye viṣṇumanantamavyayaṃ
hṛtpadmamadhye satataṃ vyavasthitam |
samāhitānāṃ satatābhayapradaṃ
te yānti siddhiṃ paramāṃ ca vaiṣṇavīm || 38 ||
kṣīrasāgarataraṅgaśīkarā-
-''sāratārakitacārumūrtaye |
bhogibhogaśayanīyaśāyine
mādhavāya madhuvidviṣe namaḥ || 39 ||
yasya priyau śrutidharau kavilokavīrau
mitre dvijanmavarapadmaśarāvabhūtām |
tenāmbujākṣacaraṇāmbujaṣaṭpadena
rājñā kṛtā kṛtiriyaṃ kulaśekhareṇa || 40 ||
iti kulaśekhara praṇītaṃ mukundamālā |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.