Kashi Panchakam — Oriya Script

Meaning —

ମନୋ ନିଵୃତ୍ତିଃ ପରମୋପଶାନ୍ତିଃ ସା ତୀର୍ଥଵର୍ଯା ମଣିକର୍ଣିକା ଚ
ଜ୍ଞାନପ୍ରଵାହା ଵିମଲାଦିଗଙ୍ଗା ସା କାଶିକାହଂ ନିଜବୋଧରୂପା ॥ 1 ॥

mano nivṛttiḥ paramopaśāntiḥ sā tīrthavaryā maṇikarṇikā ca
jñānapravāhā vimalādigaṅgā sā kāśikāhaṃ nijabodharūpā || 1 ||

Verse 2

ଯସ୍ଯାମିଦଂ କଲ୍ପିତମିନ୍ଦ୍ରଜାଲଂ ଚରାଚରଂ ଭାତି ମନୋଵିଲାସଂ
ସଚ୍ଚିତ୍ସୁଖୈକା ପରମାତ୍ମରୂପା ସା କାଶିକାହଂ ନିଜବୋଧରୂପା ॥ 2 ॥

yasyāmidaṃ kalpitamindrajālaṃ carācaraṃ bhāti manovilāsaṃ
saccitsukhaikā paramātmarūpā sā kāśikāhaṃ nijabodharūpā || 2 ||

Verse 3

କୋଶେଷୁ ପଞ୍ଚସ୍ଵଧିରାଜମାନା ବୁଦ୍ଧିର୍ଭଵାନୀ ପ୍ରତିଦେହଗେହଂ
ସାକ୍ଷୀ ଶିଵଃ ସର୍ଵଗତୋଽନ୍ତରାତ୍ମା ସା କାଶିକାହଂ ନିଜବୋଧରୂପା ॥ 3 ॥

kośeṣu pañcasvadhirājamānā buddhirbhavānī pratidehagehaṃ
sākṣī śivaḥ sarvagato'ntarātmā sā kāśikāhaṃ nijabodharūpā || 3 ||

Verse 4

କାଶ୍ଯା ହି କାଶତ କାଶୀ କାଶୀ ସର୍ଵପ୍ରକାଶିକା
ସା କାଶୀ ଵିଦିତା ଯେନ ତେନ ପ୍ରାପ୍ତା ହି କାଶିକା ॥ 4 ॥

kāśyā hi kāśata kāśī kāśī sarvaprakāśikā
sā kāśī viditā yena tena prāptā hi kāśikā || 4 ||

Verse 5

କାଶୀକ୍ଷେତ୍ରଂ ଶରୀରଂ ତ୍ରିଭୁଵନଜନନୀ ଵ୍ଯାପିନୀ ଜ୍ଞାନଗଙ୍ଗା
ଭକ୍ତି ଶ୍ରଦ୍ଧା ଗଯେଯଂ ନିଜଗୁରୁଚରଣଧ୍ଯାନଯୋଗଃ ପ୍ରଯାଗଃ
ଵିଶ୍ଵେଶୋଽଯଂ ତୁରୀଯଃ ସକଲଜନମନଃ ସାକ୍ଷିଭୂତୋଽନ୍ତରାତ୍ମା
ଦେହେ ସର୍ଵଂ ମଦୀଯେ ଯଦି ଵସତି ପୁନସ୍ତୀର୍ଥମନ୍ଯତ୍କିମସ୍ତି ॥ 5 ॥

kāśīkṣetraṃ śarīraṃ tribhuvanajananī vyāpinī jñānagaṅgā
bhakti śraddhā gayeyaṃ nijagurucaraṇadhyānayogaḥ prayāgaḥ
viśveśo'yaṃ turīyaḥ sakalajanamanaḥ sākṣibhūto'ntarātmā
dehe sarvaṃ madīye yadi vasati punastīrthamanyatkimasti || 5 ||

॥ ଇତି ଶ୍ରୀମଚ୍ଛଙ୍କରାଚାର୍ଯଵିରଚିତା କାଶୀ ପଞ୍ଚକଂ ପ୍ରଯାତାଷ୍ଟକମ୍ ॥

Sanskrit — Devanagari (original)

मनो निवृत्तिः परमोपशान्तिः सा तीर्थवर्या मणिकर्णिका च

ज्ञानप्रवाहा विमलादिगङ्गा सा काशिकाहं निजबोधरूपा ॥ 1 ॥

यस्यामिदं कल्पितमिन्द्रजालं चराचरं भाति मनोविलासं

सच्चित्सुखैका परमात्मरूपा सा काशिकाहं निजबोधरूपा ॥ 2 ॥

कोशेषु पञ्चस्वधिराजमाना बुद्धिर्भवानी प्रतिदेहगेहं

साक्षी शिवः सर्वगतोऽन्तरात्मा सा काशिकाहं निजबोधरूपा ॥ 3 ॥

काश्या हि काशत काशी काशी सर्वप्रकाशिका

सा काशी विदिता येन तेन प्राप्ता हि काशिका ॥ 4 ॥

काशीक्षेत्रं शरीरं त्रिभुवनजननी व्यापिनी ज्ञानगङ्गा

भक्ति श्रद्धा गयेयं निजगुरुचरणध्यानयोगः प्रयागः

विश्वेशोऽयं तुरीयः सकलजनमनः साक्षिभूतोऽन्तरात्मा

देहे सर्वं मदीये यदि वसति पुनस्तीर्थमन्यत्किमस्ति ॥ 5 ॥

॥ इति श्रीमच्छङ्कराचार्यविरचिता काशी पञ्चकं प्रयाताष्टकम् ॥

🕉️ This is the original Sanskrit rendered in Oriya script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.