Shri Durga Sahasra Nama Stotram — Kannada Script

॥ ಅಥ ಶ್ರೀ ದುರ್ಗಾ ಸಹಸ್ರನಾಮಸ್ತೋತ್ರಮ್ ॥

ನಾರದ ಉವಾಚ -

ಕುಮಾರ ಗುಣಗಮ್ಭೀರ ದೇವಸೇನಾಪತೇ ಪ್ರಭೋ ।

ಸರ್ವಾಭೀಷ್ಟಪ್ರದಂ ಪುಂಸಾಂ ಸರ್ವಪಾಪಪ್ರಣಾಶನಮ್ ॥ 1॥

ಗುಹ್ಯಾದ್ಗುಹ್ಯತರಂ ಸ್ತೋತ್ರಂ ಭಕ್ತಿವರ್ಧಕಮಞ್ಜಸಾ ।

ಮಙ್ಗಲಂ ಗ್ರಹಪೀಡಾದಿಶಾನ್ತಿದಂ ವಕ್ತುಮರ್ಹಸಿ ॥ 2॥

ಸ್ಕನ್ದ ಉವಾಚ -

ಶೃಣು ನಾರದ ದೇವರ್ಷೇ ಲೋಕಾನುಗ್ರಹಕಾಮ್ಯಯಾ ।

ಯತ್ಪೃಚ್ಛಸಿ ಪರಂ ಪುಣ್ಯಂ ತತ್ತೇ ವಕ್ಷ್ಯಾಮಿ ಕೌತುಕಾತ್ ॥ 3॥

ಮಾತಾ ಮೇ ಲೋಕಜನನೀ ಹಿಮವನ್ನಗಸತ್ತಮಾತ್ ।

ಮೇನಾಯಾಂ ಬ್ರಹ್ಮವಾದಿನ್ಯಾಂ ಪ್ರಾದುರ್ಭೂತಾ ಹರಪ್ರಿಯಾ ॥ 4॥

ಮಹತಾ ತಪಸಾಽಽರಾಧ್ಯ ಶಙ್ಕರಂ ಲೋಕಶಙ್ಕರಮ್ ।

ಸ್ವಮೇವ ವಲ್ಲಭಂ ಭೇಜೇ ಕಲೇವ ಹಿ ಕಲಾನಿಧಿಮ್ ॥ 5॥

ನಗಾನಾಮಧಿರಾಜಸ್ತು ಹಿಮವಾನ್ ವಿರಹಾತುರಃ ।

ಸ್ವಸುತಾಯಾಃ ಪರಿಕ್ಷೀಣೇ ವಸಿಷ್ಠೇನ ಪ್ರಬೋಧಿತಃ ॥ 6॥

ತ್ರಿಲೋಕಜನನೀ ಸೇಯಂ ಪ್ರಸನ್ನಾ ತ್ವಯಿ ಪುಣ್ಯತಃ ।

ಪ್ರಾದುರ್ಭೂತಾ ಸುತಾತ್ವೇನ ತದ್ವಿಯೋಗಂ ಶುಭಂ ತ್ಯಜ ॥ 7॥

ಬಹುರೂಪಾ ಚ ದುರ್ಗೇಯಂ ಬಹುನಾಮ್ನೀ ಸನಾತನೀ ।

ಸನಾತನಸ್ಯ ಜಾಯಾ ಸಾ ಪುತ್ರೀಮೋಹಂ ತ್ಯಜಾಧುನಾ ॥ 8॥

ಇತಿ ಪ್ರಬೋಧಿತಃ ಶೈಲಃ ತಾಂ ತುಷ್ಟಾವ ಪರಾಂ ಶಿವಾಮ್ ।

ತದಾ ಪ್ರಸನ್ನಾ ಸಾ ದುರ್ಗಾ ಪಿತರಂ ಪ್ರಾಹ ನನ್ದಿನೀ ॥ 9॥

ಮತ್ಪ್ರಸಾದಾತ್ಪರಂ ಸ್ತೋತ್ರಂ ಹೃದಯೇ ಪ್ರತಿಭಾಸತಾಮ್ ।

ತೇನ ನಾಮ್ನಾಂ ಸಹಸ್ರೇಣ ಪೂಜಯನ್ ಕಾಮಮಾಪ್ನುಹಿ ॥ 10॥

ಇತ್ಯುಕ್ತ್ವಾನ್ತರ್ಹಿತಾಯಾಂ ತು ಹೃದಯೇ ಸ್ಫುರಿತಂ ತದಾ ।

ನಾಮ್ನಾಂ ಸಹಸ್ರಂ ದುರ್ಗಾಯಾಃ ಪೃಚ್ಛತೇ ಮೇ ಯದುಕ್ತವಾನ್ ॥ 11॥

ಮಙ್ಗಲಾನಾಂ ಮಙ್ಗಲಂ ತದ್ ದುರ್ಗಾನಾಮ ಸಹಸ್ರಕಮ್ ।

ಸರ್ವಾಭೀಷ್ಟಪ್ರದಾಂ ಪುಂಸಾಂ ಬ್ರವೀಮ್ಯಖಿಲಕಾಮದಮ್ ॥ 12॥

ದುರ್ಗಾದೇವೀ ಸಮಾಖ್ಯಾತಾ ಹಿಮವಾನೃಷಿರುಚ್ಯತೇ ।

ಛನ್ದೋನುಷ್ಟುಪ್ ಜಪೋ ದೇವ್ಯಾಃ ಪ್ರೀತಯೇ ಕ್ರಿಯತೇ ಸದಾ ॥ 13॥

ಅಸ್ಯ ಶ್ರೀದುರ್ಗಾಸ್ತೋತ್ರಮಹಾಮನ್ತ್ರಸ್ಯ । ಹಿಮವಾನ್ ಋಷಿಃ । ಅನುಷ್ಟುಪ್ ಛನ್ದಃ ।

ದುರ್ಗಾಭಗವತೀ ದೇವತಾ । ಶ್ರೀದುರ್ಗಾಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ । ।

ಶ್ರೀಭಗವತ್ಯೈ ದುರ್ಗಾಯೈ ನಮಃ ।

ದೇವೀಧ್ಯಾನಮ್

ಓಂ ಹ್ರೀಂ ಕಾಲಾಭ್ರಾಭಾಂ ಕಟಾಕ್ಷೈರರಿಕುಲಭಯದಾಂ ಮೌಲಿಬದ್ಧೇನ್ದುರೇಖಾಂ

ಶಙ್ಖಂ ಚಕ್ರಂ ಕೃಪಾಣಂ ತ್ರಿಶಿಖಮಪಿ ಕರೈರುದ್ವಹನ್ತೀಂ ತ್ರಿನೇತ್ರಾಮ್ ।

ಸಿಂಹಸ್ಕನ್ಧಾಧಿರೂಢಾಂ ತ್ರಿಭುವನಮಖಿಲಂ ತೇಜಸಾ ಪೂರಯನ್ತೀಂ

ಧ್ಯಾಯೇದ್ ದುರ್ಗಾಂ ಜಯಾಖ್ಯಾಂ ತ್ರಿದಶಪರಿವೃತಾಂ ಸೇವಿತಾಂ ಸಿದ್ಧಿಕಾಮೈಃ ॥

ಶ್ರೀ ಜಯದುರ್ಗಾಯೈ ನಮಃ ।

ಓಂ ಶಿವಾಥೋಮಾ ರಮಾ ಶಕ್ತಿರನನ್ತಾ ನಿಷ್ಕಲಾಽಮಲಾ ।

ಶಾನ್ತಾ ಮಾಹೇಶ್ವರೀ ನಿತ್ಯಾ ಶಾಶ್ವತಾ ಪರಮಾ ಕ್ಷಮಾ ॥ 1॥

ಅಚಿನ್ತ್ಯಾ ಕೇವಲಾನನ್ತಾ ಶಿವಾತ್ಮಾ ಪರಮಾತ್ಮಿಕಾ ।

ಅನಾದಿರವ್ಯಯಾ ಶುದ್ಧಾ ಸರ್ವಜ್ಞಾ ಸರ್ವಗಾಽಚಲಾ ॥ 2॥

ಏಕಾನೇಕವಿಭಾಗಸ್ಥಾ ಮಾಯಾತೀತಾ ಸುನಿರ್ಮಲಾ ।

ಮಹಾಮಾಹೇಶ್ವರೀ ಸತ್ಯಾ ಮಹಾದೇವೀ ನಿರಞ್ಜನಾ ॥ 3॥

ಕಾಷ್ಠಾ ಸರ್ವಾನ್ತರಸ್ಥಾಽಪಿ ಚಿಚ್ಛಕ್ತಿಶ್ಚಾತ್ರಿಲಾಲಿತಾ ।

ಸರ್ವಾ ಸರ್ವಾತ್ಮಿಕಾ ವಿಶ್ವಾ ಜ್ಯೋತೀರೂಪಾಕ್ಷರಾಮೃತಾ ॥ 4॥

ಶಾನ್ತಾ ಪ್ರತಿಷ್ಠಾ ಸರ್ವೇಶಾ ನಿವೃತ್ತಿರಮೃತಪ್ರದಾ ।

ವ್ಯೋಮಮೂರ್ತಿರ್ವ್ಯೋಮಸಂಸ್ಥಾ ವ್ಯೋಮಧಾರಾಽಚ್ಯುತಾಽತುಲಾ ॥ 5॥

ಅನಾದಿನಿಧನಾಽಮೋಘಾ ಕಾರಣಾತ್ಮಕಲಾಕುಲಾ ।

ಋತುಪ್ರಥಮಜಾಽನಾಭಿರಮೃತಾತ್ಮಸಮಾಶ್ರಯಾ ॥ 6॥

ಪ್ರಾಣೇಶ್ವರಪ್ರಿಯಾ ನಮ್ಯಾ ಮಹಾಮಹಿಷಘಾತಿನೀ ।

ಪ್ರಾಣೇಶ್ವರೀ ಪ್ರಾಣರೂಪಾ ಪ್ರಧಾನಪುರುಷೇಶ್ವರೀ ॥ 7॥

ಸರ್ವಶಕ್ತಿಕಲಾಽಕಾಮಾ ಮಹಿಷೇಷ್ಟವಿನಾಶಿನೀ ।

ಸರ್ವಕಾರ್ಯನಿಯನ್ತ್ರೀ ಚ ಸರ್ವಭೂತೇಶ್ವರೇಶ್ವರೀ ॥ 8॥

ಅಙ್ಗದಾದಿಧರಾ ಚೈವ ತಥಾ ಮುಕುಟಧಾರಿಣೀ ।

ಸನಾತನೀ ಮಹಾನನ್ದಾಽಽಕಾಶಯೋನಿಸ್ತಥೇಚ್ಯತೇ ॥ 9॥

ಚಿತ್ಪ್ರಕಾಶಸ್ವರೂಪಾ ಚ ಮಹಾಯೋಗೇಶ್ವರೇಶ್ವರೀ ।

ಮಹಾಮಾಯಾ ಸದುಷ್ಪಾರಾ ಮೂಲಪ್ರಕೃತಿರೀಶಿಕಾ ॥ 10॥

ಸಂಸಾರಯೋನಿಃ ಸಕಲಾ ಸರ್ವಶಕ್ತಿಸಮುದ್ಭವಾ ।

ಸಂಸಾರಪಾರಾ ದುರ್ವಾರಾ ದುರ್ನಿರೀಕ್ಷಾ ದುರಾಸದಾ ॥ 11॥

ಪ್ರಾಣಶಕ್ತಿಶ್ಚ ಸೇವ್ಯಾ ಚ ಯೋಗಿನೀ ಪರಮಾಕಲಾ ।

ಮಹಾವಿಭೂತಿರ್ದುರ್ದರ್ಶಾ ಮೂಲಪ್ರಕೃತಿಸಮ್ಭವಾ ॥ 12॥

ಅನಾದ್ಯನನ್ತವಿಭವಾ ಪರಾರ್ಥಾ ಪುರುಷಾರಣಿಃ ।

ಸರ್ಗಸ್ಥಿತ್ಯನ್ತಕೃಚ್ಚೈವ ಸುದುರ್ವಾಚ್ಯಾ ದುರತ್ಯಯಾ ॥ 13॥

ಶಬ್ದಗಮ್ಯಾ ಶಬ್ದಮಾಯಾ ಶಬ್ದಾಖ್ಯಾನನ್ದವಿಗ್ರಹಾ ।

ಪ್ರಧಾನಪುರುಷಾತೀತಾ ಪ್ರಧಾನಪುರುಷಾತ್ಮಿಕಾ ॥ 14॥

ಪುರಾಣೀ ಚಿನ್ಮಯಾ ಪುಂಸಾಮಿಷ್ಟದಾ ಪುಷ್ಟಿರೂಪಿಣೀ ।

ಪೂತಾನ್ತರಸ್ಥಾ ಕೂಟಸ್ಥಾ ಮಹಾಪುರುಷಸಞ್ಜ್ಞಿತಾ ॥ 15॥

ಜನ್ಮಮೃತ್ಯುಜರಾತೀತಾ ಸರ್ವಶಕ್ತಿಸ್ವರೂಪಿಣೀ ।

ವಾಞ್ಛಾಪ್ರದಾಽನವಚ್ಛಿನ್ನಪ್ರಧಾನಾನುಪ್ರವೇಶಿನೀ ॥ 16॥

ಕ್ಷೇತ್ರಜ್ಞಾಽಚಿನ್ತ್ಯಶಕ್ತಿಸ್ತು ಪ್ರೋಚ್ಯತೇಽವ್ಯಕ್ತಲಕ್ಷಣಾ ।

ಮಲಾಪವರ್ಜಿತಾಽಽನಾದಿಮಾಯಾ ತ್ರಿತಯತತ್ತ್ವಿಕಾ ॥ 17॥

ಪ್ರೀತಿಶ್ಚ ಪ್ರಕೃತಿಶ್ಚೈವ ಗುಹಾವಾಸಾ ತಥೋಚ್ಯತೇ ।

ಮಹಾಮಾಯಾ ನಗೋತ್ಪನ್ನಾ ತಾಮಸೀ ಚ ಧ್ರುವಾ ತಥಾ ॥ 18॥

ವ್ಯಕ್ತಾಽವ್ಯಕ್ತಾತ್ಮಿಕಾ ಕೃಷ್ಣಾ ರಕ್ತಾ ಶುಕ್ಲಾ ಹ್ಯಕಾರಣಾ ।

ಪ್ರೋಚ್ಯತೇ ಕಾರ್ಯಜನನೀ ನಿತ್ಯಪ್ರಸವಧರ್ಮಿಣೀ ॥ 19॥

ಸರ್ಗಪ್ರಲಯಮುಕ್ತಾ ಚ ಸೃಷ್ಟಿಸ್ಥಿತ್ಯನ್ತಧರ್ಮಿಣೀ ।

ಬ್ರಹ್ಮಗರ್ಭಾ ಚತುರ್ವಿಂಶಸ್ವರೂಪಾ ಪದ್ಮವಾಸಿನೀ ॥ 20॥

ಅಚ್ಯುತಾಹ್ಲಾದಿಕಾ ವಿದ್ಯುದ್ಬ್ರಹ್ಮಯೋನಿರ್ಮಹಾಲಯಾ ।

ಮಹಾಲಕ್ಷ್ಮೀ ಸಮುದ್ಭಾವಭಾವಿತಾತ್ಮಾಮಹೇಶ್ವರೀ ॥ 21॥

ಮಹಾವಿಮಾನಮಧ್ಯಸ್ಥಾ ಮಹಾನಿದ್ರಾ ಸಕೌತುಕಾ ।

ಸರ್ವಾರ್ಥಧಾರಿಣೀ ಸೂಕ್ಷ್ಮಾ ಹ್ಯವಿದ್ಧಾ ಪರಮಾರ್ಥದಾ ॥ 22॥

ಅನನ್ತರೂಪಾಽನನ್ತಾರ್ಥಾ ತಥಾ ಪುರುಷಮೋಹಿನೀ ।

ಅನೇಕಾನೇಕಹಸ್ತಾ ಚ ಕಾಲತ್ರಯವಿವರ್ಜಿತಾ ॥ 23॥

ಬ್ರಹ್ಮಜನ್ಮಾ ಹರಪ್ರೀತಾ ಮತಿರ್ಬ್ರಹ್ಮಶಿವಾತ್ಮಿಕಾ ।

ಬ್ರಹ್ಮೇಶವಿಷ್ಣುಸಮ್ಪೂಜ್ಯಾ ಬ್ರಹ್ಮಾಖ್ಯಾ ಬ್ರಹ್ಮಸಞ್ಜ್ಞಿತಾ ॥ 24॥

ವ್ಯಕ್ತಾ ಪ್ರಥಮಜಾ ಬ್ರಾಹ್ಮೀ ಮಹಾರಾತ್ರೀಃ ಪ್ರಕೀರ್ತಿತಾ ।

ಜ್ಞಾನಸ್ವರೂಪಾ ವೈರಾಗ್ಯರೂಪಾ ಹ್ಯೈಶ್ವರ್ಯರೂಪಿಣೀ ॥ 25॥

ಧರ್ಮಾತ್ಮಿಕಾ ಬ್ರಹ್ಮಮೂರ್ತಿಃ ಪ್ರತಿಶ್ರುತಪುಮರ್ಥಿಕಾ ।

ಅಪಾಂಯೋನಿಃ ಸ್ವಯಮ್ಭೂತಾ ಮಾನಸೀ ತತ್ತ್ವಸಮ್ಭವಾ ॥ 26॥

ಈಶ್ವರಸ್ಯ ಪ್ರಿಯಾ ಪ್ರೋಕ್ತಾ ಶಙ್ಕರಾರ್ಧಶರೀರಿಣೀ ।

ಭವಾನೀ ಚೈವ ರುದ್ರಾಣೀ ಮಹಾಲಕ್ಷ್ಮೀಸ್ತಥಾಽಮ್ಬಿಕಾ ॥ 27॥

ಮಹೇಶ್ವರಸಮುತ್ಪನ್ನಾ ಭುಕ್ತಿಮುಕ್ತಿ ಪ್ರದಾಯಿನೀ ।

ಸರ್ವೇಶ್ವರೀ ಸರ್ವವನ್ದ್ಯಾ ನಿತ್ಯಮುಕ್ತಾ ಸುಮಾನಸಾ ॥ 28॥

ಮಹೇನ್ದ್ರೋಪೇನ್ದ್ರನಮಿತಾ ಶಾಙ್ಕರೀಶಾನುವರ್ತಿನೀ ।

ಈಶ್ವರಾರ್ಧಾಸನಗತಾ ಮಾಹೇಶ್ವರಪತಿವ್ರತಾ ॥ 29॥

ಸಂಸಾರಶೋಷಿಣೀ ಚೈವ ಪಾರ್ವತೀ ಹಿಮವತ್ಸುತಾ ।

ಪರಮಾನನ್ದದಾತ್ರೀ ಚ ಗುಣಾಗ್ರ್ಯಾ ಯೋಗದಾ ತಥಾ ॥ 30॥

ಜ್ಞಾನಮೂರ್ತಿಶ್ಚ ಸಾವಿತ್ರೀ ಲಕ್ಷ್ಮೀಃ ಶ್ರೀಃ ಕಮಲಾ ತಥಾ ।

ಅನನ್ತಗುಣಗಮ್ಭೀರಾ ಹ್ಯುರೋನೀಲಮಣಿಪ್ರಭಾ ॥ 31॥

ಸರೋಜನಿಲಯಾ ಗಙ್ಗಾ ಯೋಗಿಧ್ಯೇಯಾಽಸುರಾರ್ದಿನೀ ।

ಸರಸ್ವತೀ ಸರ್ವವಿದ್ಯಾ ಜಗಜ್ಜ್ಯೇಷ್ಠಾ ಸುಮಙ್ಗಲಾ ॥ 32॥

ವಾಗ್ದೇವೀ ವರದಾ ವರ್ಯಾ ಕೀರ್ತಿಃ ಸರ್ವಾರ್ಥಸಾಧಿಕಾ ।

ವಾಗೀಶ್ವರೀ ಬ್ರಹ್ಮವಿದ್ಯಾ ಮಹಾವಿದ್ಯಾ ಸುಶೋಭನಾ ॥ 33॥

ಗ್ರಾಹ್ಯವಿದ್ಯಾ ವೇದವಿದ್ಯಾ ಧರ್ಮವಿದ್ಯಾಽಽತ್ಮಭಾವಿತಾ ।

ಸ್ವಾಹಾ ವಿಶ್ವಮ್ಭರಾ ಸಿದ್ಧಿಃ ಸಾಧ್ಯಾ ಮೇಧಾ ಧೃತಿಃ ಕೃತಿಃ ॥ 34॥

ಸುನೀತಿಃ ಸಙ್ಕೃತಿಶ್ಚೈವ ಕೀರ್ತಿತಾ ನರವಾಹಿನೀ ।

ಪೂಜಾವಿಭಾವಿನೀ ಸೌಮ್ಯಾ ಭೋಗ್ಯಭಾಗ್ ಭೋಗದಾಯಿನೀ ॥ 35॥

ಶೋಭಾವತೀ ಶಾಙ್ಕರೀ ಚ ಲೋಲಾ ಮಾಲಾವಿಭೂಷಿತಾ ।

ಪರಮೇಷ್ಠಿಪ್ರಿಯಾ ಚೈವ ತ್ರಿಲೋಕೀಸುನ್ದರೀ ಮಾತಾ ॥ 36॥

ನನ್ದಾ ಸನ್ಧ್ಯಾ ಕಾಮಧಾತ್ರೀ ಮಹಾದೇವೀ ಸುಸಾತ್ತ್ವಿಕಾ ।

ಮಹಾಮಹಿಷದರ್ಪಘ್ನೀ ಪದ್ಮಮಾಲಾಽಘಹಾರಿಣೀ ॥ 37॥

ವಿಚಿತ್ರಮುಕುಟಾ ರಾಮಾ ಕಾಮದಾತಾ ಪ್ರಕೀರ್ತಿತಾ ।

ಪಿತಾಮ್ಬರಧರಾ ದಿವ್ಯವಿಭೂಷಣ ವಿಭೂಷಿತಾ ॥ 38॥

ದಿವ್ಯಾಖ್ಯಾ ಸೋಮವದನಾ ಜಗತ್ಸಂಸೃಷ್ಟಿವರ್ಜಿತಾ ।

ನಿರ್ಯನ್ತ್ರಾ ಯನ್ತ್ರವಾಹಸ್ಥಾ ನನ್ದಿನೀ ರುದ್ರಕಾಲಿಕಾ ॥ 39॥

ಆದಿತ್ಯವರ್ಣಾ ಕೌಮಾರೀ ಮಯೂರವರವಾಹಿನೀ ।

ಪದ್ಮಾಸನಗತಾ ಗೌರೀ ಮಹಾಕಾಲೀ ಸುರಾರ್ಚಿತಾ ॥ 40॥

ಅದಿತಿರ್ನಿಯತಾ ರೌದ್ರೀ ಪದ್ಮಗರ್ಭಾ ವಿವಾಹನಾ ।

ವಿರೂಪಾಕ್ಷಾ ಕೇಶಿವಾಹಾ ಗುಹಾಪುರನಿವಾಸಿನೀ ॥ 41॥

ಮಹಾಫಲಾಽನವದ್ಯಾಙ್ಗೀ ಕಾಮರೂಪಾ ಸರಿದ್ವರಾ ।

ಭಾಸ್ವದ್ರೂಪಾ ಮುಕ್ತಿದಾತ್ರೀ ಪ್ರಣತಕ್ಲೇಶಭಞ್ಜನಾ ॥ 42॥

ಕೌಶಿಕೀ ಗೋಮಿನೀ ರಾತ್ರಿಸ್ತ್ರಿದಶಾರಿವಿನಾಶಿನೀ ।

ಬಹುರೂಪಾ ಸುರೂಪಾ ಚ ವಿರೂಪಾ ರೂಪವರ್ಜಿತಾ ॥ 43॥

ಭಕ್ತಾರ್ತಿಶಮನಾ ಭವ್ಯಾ ಭವಭಾವವಿನಾಶಿನೀ ।

ಸರ್ವಜ್ಞಾನಪರೀತಾಙ್ಗೀ ಸರ್ವಾಸುರವಿಮರ್ದಿಕಾ ॥ 44॥

ಪಿಕಸ್ವನೀ ಸಾಮಗೀತಾ ಭವಾಙ್ಕನಿಲಯಾ ಪ್ರಿಯಾ ।

ದೀಕ್ಷಾ ವಿದ್ಯಾಧರೀ ದೀಪ್ತಾ ಮಹೇನ್ದ್ರಾಹಿತಪಾತಿನೀ ॥ 45॥

ಸರ್ವದೇವಮಯಾ ದಕ್ಷಾ ಸಮುದ್ರಾನ್ತರವಾಸಿನೀ ।

ಅಕಲಙ್ಕಾ ನಿರಾಧಾರಾ ನಿತ್ಯಸಿದ್ಧಾ ನಿರಾಮಯಾ ॥ 46॥

ಕಾಮಧೇನುಬೃಹದ್ಗರ್ಭಾ ಧೀಮತೀ ಮೌನನಾಶಿನೀ ।

ನಿಃಸಙ್ಕಲ್ಪಾ ನಿರಾತಙ್ಕಾ ವಿನಯಾ ವಿನಯಪ್ರದಾ ॥ 47॥

ಜ್ವಾಲಾಮಾಲಾ ಸಹಸ್ರಾಢ್ಯಾ ದೇವದೇವೀ ಮನೋಮಯಾ ।

ಸುಭಗಾ ಸುವಿಶುದ್ಧಾ ಚ ವಸುದೇವಸಮುದ್ಭವಾ ॥ 48॥

ಮಹೇನ್ದ್ರೋಪೇನ್ದ್ರಭಗಿನೀ ಭಕ್ತಿಗಮ್ಯಾ ಪರಾವರಾ ।

ಜ್ಞಾನಜ್ಞೇಯಾ ಪರಾತೀತಾ ವೇದಾನ್ತವಿಷಯಾ ಮತಿಃ ॥ 49॥

ದಕ್ಷಿಣಾ ದಾಹಿಕಾ ದಹ್ಯಾ ಸರ್ವಭೂತಹೃದಿಸ್ಥಿತಾ ।

ಯೋಗಮಾಯಾ ವಿಭಾಗಜ್ಞಾ ಮಹಾಮೋಹಾ ಗರೀಯಸೀ ॥ 50॥

ಸನ್ಧ್ಯಾ ಸರ್ವಸಮುದ್ಭೂತಾ ಬ್ರಹ್ಮವೃಕ್ಷಾಶ್ರಿಯಾದಿತಿಃ ।

ಬೀಜಾಙ್ಕುರಸಮುದ್ಭೂತಾ ಮಹಾಶಕ್ತಿರ್ಮಹಾಮತಿಃ ॥ 51॥

ಖ್ಯಾತಿಃ ಪ್ರಜ್ಞಾವತೀ ಸಞ್ಜ್ಞಾ ಮಹಾಭೋಗೀನ್ದ್ರಶಾಯಿನೀ ।

ಹೀಙ್ಕೃತಿಃ ಶಙ್ಕರೀ ಶಾನ್ತಿರ್ಗನ್ಧರ್ವಗಣಸೇವಿತಾ ॥ 52॥

ವೈಶ್ವಾನರೀ ಮಹಾಶೂಲಾ ದೇವಸೇನಾ ಭವಪ್ರಿಯಾ ।

ಮಹಾರಾತ್ರೀ ಪರಾನನ್ದಾ ಶಚೀ ದುಃಸ್ವಪ್ನನಾಶಿನೀ ॥ 53॥

ಈಡ್ಯಾ ಜಯಾ ಜಗದ್ಧಾತ್ರೀ ದುರ್ವಿಜ್ಞೇಯಾ ಸುರೂಪಿಣೀ ।

ಗುಹಾಮ್ಬಿಕಾ ಗಣೋತ್ಪನ್ನಾ ಮಹಾಪೀಠಾ ಮರುತ್ಸುತಾ ॥ 54॥

ಹವ್ಯವಾಹಾ ಭವಾನನ್ದಾ ಜಗದ್ಯೋನಿಃ ಪ್ರಕೀರ್ತಿತಾ ।

ಜಗನ್ಮಾತಾ ಜಗನ್ಮೃತ್ಯುರ್ಜರಾತೀತಾ ಚ ಬುದ್ಧಿದಾ ॥ 55॥

ಸಿದ್ಧಿದಾತ್ರೀ ರತ್ನಗರ್ಭಾ ರತ್ನಗರ್ಭಾಶ್ರಯಾ ಪರಾ ।

ದೈತ್ಯಹನ್ತ್ರೀ ಸ್ವೇಷ್ಟದಾತ್ರೀ ಮಙ್ಗಲೈಕಸುವಿಗ್ರಹಾ ॥ 56॥

ಪುರುಷಾನ್ತರ್ಗತಾ ಚೈವ ಸಮಾಧಿಸ್ಥಾ ತಪಸ್ವಿನೀ ।

ದಿವಿಸ್ಥಿತಾ ತ್ರಿಣೇತ್ರಾ ಚ ಸರ್ವೇನ್ದ್ರಿಯಮನಾಧೃತಿಃ ॥ 57॥

ಸರ್ವಭೂತಹೃದಿಸ್ಥಾ ಚ ತಥಾ ಸಂಸಾರತಾರಿಣೀ ।

ವೇದ್ಯಾ ಬ್ರಹ್ಮವಿವೇದ್ಯಾ ಚ ಮಹಾಲೀಲಾ ಪ್ರಕೀರ್ತಿತಾ ॥ 58॥

ಬ್ರಾಹ್ಮಣಿಬೃಹತೀ ಬ್ರಾಹ್ಮೀ ಬ್ರಹ್ಮಭೂತಾಽಘಹಾರಿಣೀ ।

ಹಿರಣ್ಮಯೀ ಮಹಾದಾತ್ರೀ ಸಂಸಾರಪರಿವರ್ತಿಕಾ ॥ 59॥

ಸುಮಾಲಿನೀ ಸುರೂಪಾ ಚ ಭಾಸ್ವಿನೀ ಧಾರಿಣೀ ತಥಾ ।

ಉನ್ಮೂಲಿನೀ ಸರ್ವಸಭಾ ಸರ್ವಪ್ರತ್ಯಯಸಾಕ್ಷಿಣೀ ॥ 60॥

ಸುಸೌಮ್ಯಾ ಚನ್ದ್ರವದನಾ ತಾಣ್ಡವಾಸಕ್ತಮಾನಸಾ ।

ಸತ್ತ್ವಶುದ್ಧಿಕರೀ ಶುದ್ಧಾ ಮಲತ್ರಯವಿನಾಶಿನೀ ॥ 61॥

ಜಗತ್ತ್ತ್ರಯೀ ಜಗನ್ಮೂರ್ತಿಸ್ತ್ರಿಮೂರ್ತಿರಮೃತಾಶ್ರಯಾ ।

ವಿಮಾನಸ್ಥಾ ವಿಶೋಕಾ ಚ ಶೋಕನಾಶಿನ್ಯನಾಹತಾ ॥ 62॥

ಹೇಮಕುಣ್ಡಲಿನೀ ಕಾಲೀ ಪದ್ಮವಾಸಾ ಸನಾತನೀ ।

ಸದಾಕೀರ್ತಿಃ ಸರ್ವಭೂತಶಯಾ ದೇವೀ ಸತಾಮ್ಪ್ರಿಯಾ ॥ 63॥

ಬ್ರಹ್ಮಮೂರ್ತಿಕಲಾ ಚೈವ ಕೃತ್ತಿಕಾ ಕಞ್ಜಮಾಲಿನೀ ।

ವ್ಯೋಮಕೇಶಾ ಕ್ರಿಯಾಶಕ್ತಿರಿಚ್ಛಾಶಕ್ತಿಃ ಪರಾಗತಿಃ ॥ 64॥

ಕ್ಷೋಭಿಕಾ ಖಣ್ಡಿಕಾಭೇದ್ಯಾ ಭೇದಾಭೇದವಿವರ್ಜಿತಾ ।

ಅಭಿನ್ನಾ ಭಿನ್ನಸಂಸ್ಥಾನಾ ವಶಿನೀ ವಂಶಧಾರಿಣೀ ॥ 65॥

ಗುಹ್ಯಶಕ್ತಿರ್ಗುಹ್ಯತತ್ತ್ವಾ ಸರ್ವದಾ ಸರ್ವತೋಮುಖೀ ।

ಭಗಿನೀ ಚ ನಿರಾಧಾರಾ ನಿರಾಹಾರಾ ಪ್ರಕೀರ್ತಿತಾ ॥ 66॥

ನಿರಙ್ಕುಶಪದೋದ್ಭೂತಾ ಚಕ್ರಹಸ್ತಾ ವಿಶೋಧಿಕಾ ।

ಸ್ರಗ್ವಿಣೀ ಪದ್ಮಸಮ್ಭೇದಕಾರಿಣೀ ಪರಿಕೀರ್ತಿತಾ ॥ 67॥

ಪರಾವರವಿಧಾನಜ್ಞಾ ಮಹಾಪುರುಷಪೂರ್ವಜಾ ।

ಪರಾವರಜ್ಞಾ ವಿದ್ಯಾ ಚ ವಿದ್ಯುಜ್ಜಿಹ್ವಾ ಜಿತಾಶ್ರಯಾ ॥ 68॥

ವಿದ್ಯಾಮಯೀ ಸಹಸ್ರಾಕ್ಷೀ ಸಹಸ್ರವದನಾತ್ಮಜಾ ।

ಸಹಸ್ರರಶ್ಮಿಃಸತ್ವಸ್ಥಾ ಮಹೇಶ್ವರಪದಾಶ್ರಯಾ ॥ 69॥

ಜ್ವಾಲಿನೀ ಸನ್ಮಯಾ ವ್ಯಾಪ್ತಾ ಚಿನ್ಮಯಾ ಪದ್ಮಭೇದಿಕಾ ।

ಮಹಾಶ್ರಯಾ ಮಹಾಮನ್ತ್ರಾ ಮಹಾದೇವಮನೋರಮಾ ॥ 70॥

ವ್ಯೋಮಲಕ್ಷ್ಮೀಃ ಸಿಂಹರಥಾ ಚೇಕಿತಾನಾಽಮಿತಪ್ರಭಾ ।

ವಿಶ್ವೇಶ್ವರೀ ಭಗವತೀ ಸಕಲಾ ಕಾಲಹಾರಿಣೀ ॥ 71॥

ಸರ್ವವೇದ್ಯಾ ಸರ್ವಭದ್ರಾ ಗುಹ್ಯಾ ದೂಢಾ ಗುಹಾರಣೀ ।

ಪ್ರಲಯಾ ಯೋಗಧಾತ್ರೀ ಚ ಗಙ್ಗಾ ವಿಶ್ವೇಶ್ವರೀ ತಥಾ ॥ 72॥

ಕಾಮದಾ ಕನಕಾ ಕಾನ್ತಾ ಕಞ್ಜಗರ್ಭಪ್ರಭಾ ತಥಾ ।

ಪುಣ್ಯದಾ ಕಾಲಕೇಶಾ ಚ ಭೋಕ್ತ್ತ್ರೀ ಪುಷ್ಕರಿಣೀ ತಥಾ ॥ 73॥

ಸುರೇಶ್ವರೀ ಭೂತಿದಾತ್ರೀ ಭೂತಿಭೂಷಾ ಪ್ರಕೀರ್ತಿತಾ ।

ಪಞ್ಚಬ್ರಹ್ಮಸಮುತ್ಪನ್ನಾ ಪರಮಾರ್ಥಾಽರ್ಥವಿಗ್ರಹಾ ॥ 74॥

ವರ್ಣೋದಯಾ ಭಾನುಮೂರ್ತಿರ್ವಾಗ್ವಿಜ್ಞೇಯಾ ಮನೋಜವಾ ।

ಮನೋಹರಾ ಮಹೋರಸ್ಕಾ ತಾಮಸೀ ವೇದರೂಪಿಣೀ ॥ 75॥

ವೇದಶಕ್ತಿರ್ವೇದಮಾತಾ ವೇದವಿದ್ಯಾಪ್ರಕಾಶಿನೀ ।

ಯೋಗೇಶ್ವರೇಶ್ವರೀ ಮಾಯಾ ಮಹಾಶಕ್ತಿರ್ಮಹಾಮಯೀ ॥ 76॥

ವಿಶ್ವಾನ್ತಃಸ್ಥಾ ವಿಯನ್ಮೂರ್ತಿರ್ಭಾರ್ಗವೀ ಸುರಸುನ್ದರೀ ।

ಸುರಭಿರ್ನನ್ದಿನೀ ವಿದ್ಯಾ ನನ್ದಗೋಪತನೂದ್ಭವಾ ॥ 77॥

ಭಾರತೀ ಪರಮಾನನ್ದಾ ಪರಾವರವಿಭೇದಿಕಾ ।

ಸರ್ವಪ್ರಹರಣೋಪೇತಾ ಕಾಮ್ಯಾ ಕಾಮೇಶ್ವರೇಶ್ವರೀ ॥ 78॥

ಅನನ್ತಾನನ್ದವಿಭವಾ ಹೃಲ್ಲೇಖಾ ಕನಕಪ್ರಭಾ ।

ಕೂಷ್ಮಾಣ್ಡಾ ಧನರತ್ನಾಢ್ಯಾ ಸುಗನ್ಧಾ ಗನ್ಧದಾಯಿನೀ ॥ 79॥

ತ್ರಿವಿಕ್ರಮಪದೋದ್ಭೂತಾ ಚತುರಾಸ್ಯಾ ಶಿವೋದಯಾ ।

ಸುದುರ್ಲಭಾ ಧನಾಧ್ಯಕ್ಷಾ ಧನ್ಯಾ ಪಿಙ್ಗಲಲೋಚನಾ ॥ 80॥

ಶಾನ್ತಾ ಪ್ರಭಾಸ್ವರೂಪಾ ಚ ಪಙ್ಕಜಾಯತಲೋಚನಾ ।

ಇನ್ದ್ರಾಕ್ಷೀ ಹೃದಯಾನ್ತಃಸ್ಥಾ ಶಿವಾ ಮಾತಾ ಚ ಸತ್ಕ್ರಿಯಾ ॥ 81॥

ಗಿರಿಜಾ ಚ ಸುಗೂಢಾ ಚ ನಿತ್ಯಪುಷ್ಟಾ ನಿರನ್ತರಾ ।

ದುರ್ಗಾ ಕಾತ್ಯಾಯನೀ ಚಣ್ಡೀ ಚನ್ದ್ರಿಕಾ ಕಾನ್ತವಿಗ್ರಹಾ ॥ 82॥

ಹಿರಣ್ಯವರ್ಣಾ ಜಗತೀ ಜಗದ್ಯನ್ತ್ರಪ್ರವರ್ತಿಕಾ ।

ಮನ್ದರಾದ್ರಿನಿವಾಸಾ ಚ ಶಾರದಾ ಸ್ವರ್ಣಮಾಲಿನೀ ॥ 83॥

ರತ್ನಮಾಲಾ ರತ್ನಗರ್ಭಾ ವ್ಯುಷ್ಟಿರ್ವಿಶ್ವಪ್ರಮಾಥಿನೀ ।

ಪದ್ಮಾನನ್ದಾ ಪದ್ಮನಿಭಾ ನಿತ್ಯಪುಷ್ಟಾ ಕೃತೋದ್ಭವಾ ॥ 84॥

ನಾರಾಯಣೀ ದುಷ್ಟಶಿಕ್ಷಾ ಸೂರ್ಯಮಾತಾ ವೃಷಪ್ರಿಯಾ ।

ಮಹೇನ್ದ್ರಭಗಿನೀ ಸತ್ಯಾ ಸತ್ಯಭಾಷಾ ಸುಕೋಮಲಾ ॥ 85॥

ವಾಮಾ ಚ ಪಞ್ಚತಪಸಾಂ ವರದಾತ್ರೀ ಪ್ರಕೀರ್ತಿತಾ ।

ವಾಚ್ಯವರ್ಣೇಶ್ವರೀ ವಿದ್ಯಾ ದುರ್ಜಯಾ ದುರತಿಕ್ರಮಾ ॥ 86॥

ಕಾಲರಾತ್ರಿರ್ಮಹಾವೇಗಾ ವೀರಭದ್ರಪ್ರಿಯಾ ಹಿತಾ ।

ಭದ್ರಕಾಲೀ ಜಗನ್ಮಾತಾ ಭಕ್ತಾನಾಂ ಭದ್ರದಾಯಿನೀ ॥ 87॥

ಕರಾಲಾ ಪಿಙ್ಗಲಾಕಾರಾ ಕಾಮಭೇತ್ತ್ರೀ ಮಹಾಮನಾಃ ।

ಯಶಸ್ವಿನೀ ಯಶೋದಾ ಚ ಷಡಧ್ವಪರಿವರ್ತಿಕಾ ॥ 88॥

ಶಙ್ಖಿನೀ ಪದ್ಮಿನೀ ಸಙ್ಖ್ಯಾ ಸಾಙ್ಖ್ಯಯೋಗಪ್ರವರ್ತಿಕಾ ।

ಚೈತ್ರಾದಿರ್ವತ್ಸರಾರೂಢಾ ಜಗತ್ಸಮ್ಪೂರಣೀನ್ದ್ರಜಾ ॥ 89॥

ಶುಮ್ಭಘ್ನೀ ಖೇಚರಾರಾಧ್ಯಾ ಕಮ್ಬುಗ್ರೀವಾ ಬಲೀಡಿತಾ ।

ಖಗಾರೂಢಾ ಮಹೈಶ್ವರ್ಯಾ ಸುಪದ್ಮನಿಲಯಾ ತಥಾ ॥ 90॥

ವಿರಕ್ತಾ ಗರುಡಸ್ಥಾ ಚ ಜಗತೀಹೃದ್ಗುಹಾಶ್ರಯಾ ।

ಶುಮ್ಭಾದಿಮಥನಾ ಭಕ್ತಹೃದ್ಗಹ್ವರನಿವಾಸಿನೀ ॥ 91॥

ಜಗತ್ತ್ತ್ರಯಾರಣೀ ಸಿದ್ಧಸಙ್ಕಲ್ಪಾ ಕಾಮದಾ ತಥಾ ।

ಸರ್ವವಿಜ್ಞಾನದಾತ್ರೀ ಚಾನಲ್ಪಕಲ್ಮಷಹಾರಿಣೀ ॥ 92॥

ಸಕಲೋಪನಿಷದ್ಗಮ್ಯಾ ದುಷ್ಟದುಷ್ಪ್ರೇಕ್ಷ್ಯಸತ್ತಮಾ ।

ಸದ್ವೃತಾ ಲೋಕಸಂವ್ಯಾಪ್ತಾ ತುಷ್ಟಿಃ ಪುಷ್ಟಿಃ ಕ್ರಿಯಾವತೀ ॥ 93॥

ವಿಶ್ವಾಮರೇಶ್ವರೀ ಚೈವ ಭುಕ್ತಿಮುಕ್ತಿಪ್ರದಾಯಿನೀ ।

ಶಿವಾಧೃತಾ ಲೋಹಿತಾಕ್ಷೀ ಸರ್ಪಮಾಲಾವಿಭೂಷಣಾ ॥ 94॥

ನಿರಾನನ್ದಾ ತ್ರಿಶೂಲಾಸಿಧನುರ್ಬಾಣಾದಿಧಾರಿಣೀ ।

ಅಶೇಷಧ್ಯೇಯಮೂರ್ತಿಶ್ಚ ದೇವತಾನಾಂ ಚ ದೇವತಾ ॥ 95॥

ವರಾಮ್ಬಿಕಾ ಗಿರೇಃ ಪುತ್ರೀ ನಿಶುಮ್ಭವಿನಿಪಾತಿನೀ ।

ಸುವರ್ಣಾ ಸ್ವರ್ಣಲಸಿತಾಽನನ್ತವರ್ಣಾ ಸದಾಧೃತಾ ॥ 96॥

ಶಾಙ್ಕರೀ ಶಾನ್ತಹೃದಯಾ ಅಹೋರಾತ್ರವಿಧಾಯಿಕಾ ।

ವಿಶ್ವಗೋಪ್ತ್ರೀ ಗೂಢರೂಪಾ ಗುಣಪೂರ್ಣಾ ಚ ಗಾರ್ಗ್ಯಜಾ ॥ 97॥

ಗೌರೀ ಶಾಕಮ್ಭರೀ ಸತ್ಯಸನ್ಧಾ ಸನ್ಧ್ಯಾತ್ರಯೀಧೃತಾ ।

ಸರ್ವಪಾಪವಿನಿರ್ಮುಕ್ತಾ ಸರ್ವಬನ್ಧವಿವರ್ಜಿತಾ ॥ 98॥

ಸಾಙ್ಖ್ಯಯೋಗಸಮಾಖ್ಯಾತಾ ಅಪ್ರಮೇಯಾ ಮುನೀಡಿತಾ ।

ವಿಶುದ್ಧಸುಕುಲೋದ್ಭೂತಾ ಬಿನ್ದುನಾದಸಮಾದೃತಾ ॥ 99॥

ಶಮ್ಭುವಾಮಾಙ್ಕಗಾ ಚೈವ ಶಶಿತುಲ್ಯನಿಭಾನನಾ ।

ವನಮಾಲಾವಿರಾಜನ್ತೀ ಅನನ್ತಶಯನಾದೃತಾ ॥ 100॥

ನರನಾರಾಯಣೋದ್ಭೂತಾ ನಾರಸಿಂಹೀ ಪ್ರಕೀರ್ತಿತಾ ।

ದೈತ್ಯಪ್ರಮಾಥಿನೀ ಶಙ್ಖಚಕ್ರಪದ್ಮಗದಾಧರಾ ॥ 101॥

ಸಙ್ಕರ್ಷಣಸಮುತ್ಪನ್ನಾ ಅಮ್ಬಿಕಾ ಸಜ್ಜನಾಶ್ರಯಾ ।

ಸುವೃತಾ ಸುನ್ದರೀ ಚೈವ ಧರ್ಮಕಾಮಾರ್ಥದಾಯಿನೀ ॥ 102॥

ಮೋಕ್ಷದಾ ಭಕ್ತಿನಿಲಯಾ ಪುರಾಣಪುರುಷಾದೃತಾ ।

ಮಹಾವಿಭೂತಿದಾಽಽರಾಧ್ಯಾ ಸರೋಜನಿಲಯಾಽಸಮಾ ॥ 103॥

ಅಷ್ಟಾದಶಭುಜಾಽನಾದಿರ್ನೀಲೋತ್ಪಲದಲಾಕ್ಷಿಣೀ ।

ಸರ್ವಶಕ್ತಿಸಮಾರೂಢಾ ಧರ್ಮಾಧರ್ಮವಿವರ್ಜಿತಾ ॥ 104॥

ವೈರಾಗ್ಯಜ್ಞಾನನಿರತಾ ನಿರಾಲೋಕಾ ನಿರಿನ್ದ್ರಿಯಾ ।

ವಿಚಿತ್ರಗಹನಾಧಾರಾ ಶಾಶ್ವತಸ್ಥಾನವಾಸಿನೀ ॥ 105॥

ಜ್ಞಾನೇಶ್ವರೀ ಪೀತಚೇಲಾ ವೇದವೇದಾಙ್ಗಪಾರಗಾ ।

ಮನಸ್ವಿನೀ ಮನ್ಯುಮಾತಾ ಮಹಾಮನ್ಯುಸಮುದ್ಭವಾ ॥ 106॥

ಅಮನ್ಯುರಮೃತಾಸ್ವಾದಾ ಪುರನ್ದರಪರಿಷ್ಟುತಾ ।

ಅಶೋಚ್ಯಾ ಭಿನ್ನವಿಷಯಾ ಹಿರಣ್ಯರಜತಪ್ರಿಯಾ ॥ 107॥

ಹಿರಣ್ಯಜನನೀ ಭೀಮಾ ಹೇಮಾಭರಣಭೂಷಿತಾ ।

ವಿಭ್ರಾಜಮಾನಾ ದುರ್ಜ್ಞೇಯಾ ಜ್ಯೋತಿಷ್ಟೋಮಫಲಪ್ರದಾ ॥ 108॥

ಮಹಾನಿದ್ರಾಸಮುತ್ಪತ್ತಿರನಿದ್ರಾ ಸತ್ಯದೇವತಾ ।

ದೀರ್ಘಾ ಕಕುದ್ಮಿನೀ ಪಿಙ್ಗಜಟಾಧಾರಾ ಮನೋಜ್ಞಧೀಃ ॥ 109॥

ಮಹಾಶ್ರಯಾ ರಮೋತ್ಪನ್ನಾ ತಮಃಪಾರೇ ಪ್ರತಿಷ್ಠಿತಾ ।

ತ್ರಿತತ್ತ್ವಮಾತಾ ತ್ರಿವಿಧಾ ಸುಸೂಕ್ಷ್ಮಾ ಪದ್ಮಸಂಶ್ರಯಾ ॥ 110॥

ಶಾನ್ತ್ಯತೀತಕಲಾಽತೀತವಿಕಾರಾ ಶ್ವೇತಚೇಲಿಕಾ ।

ಚಿತ್ರಮಾಯಾ ಶಿವಜ್ಞಾನಸ್ವರೂಪಾ ದೈತ್ಯಮಾಥಿನೀ ॥ 111॥

ಕಾಶ್ಯಪೀ ಕಾಲಸರ್ಪಾಭವೇಣಿಕಾ ಶಾಸ್ತ್ರಯೋನಿಕಾ ।

ತ್ರಯೀಮೂರ್ತಿಃ ಕ್ರಿಯಾಮೂರ್ತಿಶ್ಚತುರ್ವರ್ಗಾ ಚ ದರ್ಶಿನೀ ॥ 112॥

ನಾರಾಯಣೀ ನರೋತ್ಪನ್ನಾ ಕೌಮುದೀ ಕಾನ್ತಿಧಾರಿಣೀ ।

ಕೌಶಿಕೀ ಲಲಿತಾ ಲೀಲಾ ಪರಾವರವಿಭಾವಿನೀ ॥ 113॥

ವರೇಣ್ಯಾಽದ್ಭುತಮಹಾತ್ಮ್ಯಾ ವಡವಾ ವಾಮಲೋಚನಾ ।

ಸುಭದ್ರಾ ಚೇತನಾರಾಧ್ಯಾ ಶಾನ್ತಿದಾ ಶಾನ್ತಿವರ್ಧಿನೀ ॥ 114॥

ಜಯಾದಿಶಕ್ತಿಜನನೀ ಶಕ್ತಿಚಕ್ರಪ್ರವರ್ತಿಕಾ ।

ತ್ರಿಶಕ್ತಿಜನನೀ ಜನ್ಯಾ ಷಟ್ಸೂತ್ರಪರಿವರ್ಣಿತಾ ॥ 115॥

ಸುಧೌತಕರ್ಮಣಾಽಽರಾಧ್ಯಾ ಯುಗಾನ್ತದಹನಾತ್ಮಿಕಾ ।

ಸಙ್ಕರ್ಷಿಣೀ ಜಗದ್ಧಾತ್ರೀ ಕಾಮಯೋನಿಃ ಕಿರೀಟಿನೀ ॥ 116॥

ಐನ್ದ್ರೀ ತ್ರೈಲೋಕ್ಯನಮಿತಾ ವೈಷ್ಣವೀ ಪರಮೇಶ್ವರೀ ।

ಪ್ರದ್ಯುಮ್ನಜನನೀ ಬಿಮ್ಬಸಮೋಷ್ಠೀ ಪದ್ಮಲೋಚನಾ ॥ 117॥

ಮದೋತ್ಕಟಾ ಹಂಸಗತಿಃ ಪ್ರಚಣ್ಡಾ ಚಣ್ಡವಿಕ್ರಮಾ ।

ವೃಷಾಧೀಶಾ ಪರಾತ್ಮಾ ಚ ವಿನ್ಧ್ಯಾ ಪರ್ವತವಾಸಿನೀ ॥ 118॥

ಹಿಮವನ್ಮೇರುನಿಲಯಾ ಕೈಲಾಸಪುರವಾಸಿನೀ ।

ಚಾಣೂರಹನ್ತ್ರೀ ನೀತಿಜ್ಞಾ ಕಾಮರೂಪಾ ತ್ರಯೀತನುಃ ॥ 119॥

ವ್ರತಸ್ನಾತಾ ಧರ್ಮಶೀಲಾ ಸಿಂಹಾಸನನಿವಾಸಿನೀ ।

ವೀರಭದ್ರಾದೃತಾ ವೀರಾ ಮಹಾಕಾಲಸಮುದ್ಭವಾ ॥ 120॥

ವಿದ್ಯಾಧರಾರ್ಚಿತಾ ಸಿದ್ಧಸಾಧ್ಯಾರಾಧಿತಪಾದುಕಾ ।

ಶ್ರದ್ಧಾತ್ಮಿಕಾ ಪಾವನೀ ಚ ಮೋಹಿನೀ ಅಚಲಾತ್ಮಿಕಾ ॥ 121॥

ಮಹಾದ್ಭುತಾ ವಾರಿಜಾಕ್ಷೀ ಸಿಂಹವಾಹನಗಾಮಿನೀ ।

ಮನೀಷಿಣೀ ಸುಧಾವಾಣೀ ವೀಣಾವಾದನತತ್ಪರಾ ॥ 122॥

ಶ್ವೇತವಾಹನಿಷೇವ್ಯಾ ಚ ಲಸನ್ಮತಿರರುನ್ಧತೀ ।

ಹಿರಣ್ಯಾಕ್ಷೀ ತಥಾ ಚೈವ ಮಹಾನನ್ದಪ್ರದಾಯಿನೀ ॥ 123॥

ವಸುಪ್ರಭಾ ಸುಮಾಲ್ಯಾಪ್ತಕನ್ಧರಾ ಪಙ್ಕಜಾನನಾ ।

ಪರಾವರಾ ವರಾರೋಹಾ ಸಹಸ್ರನಯನಾರ್ಚಿತಾ ॥ 124॥

ಶ್ರೀರೂಪಾ ಶ್ರೀಮತೀ ಶ್ರೇಷ್ಠಾ ಶಿವನಾಮ್ನೀ ಶಿವಪ್ರಿಯಾ ।

ಶ್ರೀಪ್ರದಾ ಶ್ರಿತಕಲ್ಯಾಣಾ ಶ್ರೀಧರಾರ್ಧಶರೀರಿಣೀ ॥ 125॥

ಶ್ರೀಕಲಾಽನನ್ತದೃಷ್ಟಿಶ್ಚ ಹ್ಯಕ್ಷುದ್ರಾರಾತಿಸೂದನೀ ।

ರಕ್ತಬೀಜನಿಹನ್ತ್ರೀ ಚ ದೈತ್ಯಸಙ್ಗವಿಮರ್ದಿನೀ ॥ 126॥

ಸಿಂಹಾರೂಢಾ ಸಿಂಹಿಕಾಸ್ಯಾ ದೈತ್ಯಶೋಣಿತಪಾಯಿನೀ ।

ಸುಕೀರ್ತಿಸಹಿತಾಚ್ಛಿನ್ನಸಂಶಯಾ ರಸವೇದಿನೀ ॥ 127॥

ಗುಣಾಭಿರಾಮಾ ನಾಗಾರಿವಾಹನಾ ನಿರ್ಜರಾರ್ಚಿತಾ ।

ನಿತ್ಯೋದಿತಾ ಸ್ವಯಞ್ಜ್ಯೋತಿಃ ಸ್ವರ್ಣಕಾಯಾ ಪ್ರಕೀರ್ತಿತಾ ॥ 128॥

ವಜ್ರದಣ್ಡಾಙ್ಕಿತಾ ಚೈವ ತಥಾಮೃತಸಞ್ಜೀವಿನೀ ।

ವಜ್ರಚ್ಛನ್ನಾ ದೇವದೇವೀ ವರವಜ್ರಸ್ವವಿಗ್ರಹಾ ॥ 129॥

ಮಾಙ್ಗಲ್ಯಾ ಮಙ್ಗಲಾತ್ಮಾ ಚ ಮಾಲಿನೀ ಮಾಲ್ಯಧಾರಿಣೀ ।

ಗನ್ಧರ್ವೀ ತರುಣೀ ಚಾನ್ದ್ರೀ ಖಡ್ಗಾಯುಧಧರಾ ತಥಾ ॥ 130॥

ಸೌದಾಮಿನೀ ಪ್ರಜಾನನ್ದಾ ತಥಾ ಪ್ರೋಕ್ತಾ ಭೃಗೂದ್ಭವಾ ।

ಏಕಾನಙ್ಗಾ ಚ ಶಾಸ್ತ್ರಾರ್ಥಕುಶಲಾ ಧರ್ಮಚಾರಿಣೀ ॥ 131॥

ಧರ್ಮಸರ್ವಸ್ವವಾಹಾ ಚ ಧರ್ಮಾಧರ್ಮವಿನಿಶ್ಚಯಾ ।

ಧರ್ಮಶಕ್ತಿರ್ಧರ್ಮಮಯಾ ಧಾರ್ಮಿಕಾನಾಂ ಶಿವಪ್ರದಾ ॥ 132॥

ವಿಧರ್ಮಾ ವಿಶ್ವಧರ್ಮಜ್ಞಾ ಧರ್ಮಾರ್ಥಾನ್ತರವಿಗ್ರಹಾ ।

ಧರ್ಮವರ್ಷ್ಮಾ ಧರ್ಮಪೂರ್ವಾ ಧರ್ಮಪಾರಙ್ಗತಾನ್ತರಾ ॥ 133॥

ಧರ್ಮೋಪದೇಷ್ಟ್ರೀ ಧರ್ಮಾತ್ಮಾ ಧರ್ಮಗಮ್ಯಾ ಧರಾಧರಾ ।

ಕಪಾಲಿನೀ ಶಾಕಲಿನೀ ಕಲಾಕಲಿತವಿಗ್ರಹಾ ॥ 134॥

ಸರ್ವಶಕ್ತಿವಿಮುಕ್ತಾ ಚ ಕರ್ಣಿಕಾರಧರಾಽಕ್ಷರಾ।

ಕಂಸಪ್ರಾಣಹರಾ ಚೈವ ಯುಗಧರ್ಮಧರಾ ತಥಾ ॥ 135॥

ಯುಗಪ್ರವರ್ತಿಕಾ ಪ್ರೋಕ್ತಾ ತ್ರಿಸನ್ಧ್ಯಾ ಧ್ಯೇಯವಿಗ್ರಹಾ ।

ಸ್ವರ್ಗಾಪವರ್ಗದಾತ್ರೀ ಚ ತಥಾ ಪ್ರತ್ಯಕ್ಷದೇವತಾ ॥ 136॥

ಆದಿತ್ಯಾ ದಿವ್ಯಗನ್ಧಾ ಚ ದಿವಾಕರನಿಭಪ್ರಭಾ ।

ಪದ್ಮಾಸನಗತಾ ಪ್ರೋಕ್ತಾ ಖಡ್ಗಬಾಣಶರಾಸನಾ ॥ 137॥

ಶಿಷ್ಟಾ ವಿಶಿಷ್ಟಾ ಶಿಷ್ಟೇಷ್ಟಾ ಶಿಷ್ಟಶ್ರೇಷ್ಠಪ್ರಪೂಜಿತಾ ।

ಶತರೂಪಾ ಶತಾವರ್ತಾ ವಿತತಾ ರಾಸಮೋದಿನೀ ॥ 138॥

ಸೂರ್ಯೇನ್ದುನೇತ್ರಾ ಪ್ರದ್ಯುಮ್ನಜನನೀ ಸುಷ್ಠುಮಾಯಿನೀ ।

ಸೂರ್ಯಾನ್ತರಸ್ಥಿತಾ ಚೈವ ಸತ್ಪ್ರತಿಷ್ಠತವಿಗ್ರಹಾ ॥ 139॥

ನಿವೃತ್ತಾ ಪ್ರೋಚ್ಯತೇ ಜ್ಞಾನಪಾರಗಾ ಪರ್ವತಾತ್ಮಜಾ ।

ಕಾತ್ಯಾಯನೀ ಚಣ್ಡಿಕಾ ಚ ಚಣ್ಡೀ ಹೈಮವತೀ ತಥಾ ॥ 140॥

ದಾಕ್ಷಾಯಣೀ ಸತೀ ಚೈವ ಭವಾನೀ ಸರ್ವಮಙ್ಗಲಾ ।

ಧೂಮ್ರಲೋಚನಹನ್ತ್ರೀ ಚ ಚಣ್ಡಮುಣ್ಡವಿನಾಶಿನೀ ॥ 141॥

ಯೋಗನಿದ್ರಾ ಯೋಗಭದ್ರಾ ಸಮುದ್ರತನಯಾ ತಥಾ ।

ದೇವಪ್ರಿಯಙ್ಕರೀ ಶುದ್ಧಾ ಭಕ್ತಭಕ್ತಿಪ್ರವರ್ಧಿನೀ ॥ 142॥

ತ್ರಿಣೇತ್ರಾ ಚನ್ದ್ರಮುಕುಟಾ ಪ್ರಮಥಾರ್ಚಿತಪಾದುಕಾ ।

ಅರ್ಜುನಾಭೀಷ್ಟದಾತ್ರೀ ಚ ಪಾಣ್ಡವಪ್ರಿಯಕಾರಿಣೀ ॥ 143॥

ಕುಮಾರಲಾಲನಾಸಕ್ತಾ ಹರಬಾಹೂಪಧಾನಿಕಾ ।

ವಿಘ್ನೇಶಜನನೀ ಭಕ್ತವಿಘ್ನಸ್ತೋಮಪ್ರಹಾರಿಣೀ ॥ 144॥

ಸುಸ್ಮಿತೇನ್ದುಮುಖೀ ನಮ್ಯಾ ಜಯಾಪ್ರಿಯಸಖೀ ತಥಾ ।

ಅನಾದಿನಿಧನಾ ಪ್ರೇಷ್ಠಾ ಚಿತ್ರಮಾಲ್ಯಾನುಲೇಪನಾ ॥ 145॥

ಕೋಟಿಚನ್ದ್ರಪ್ರತೀಕಾಶಾ ಕೂಟಜಾಲಪ್ರಮಾಥಿನೀ ।

ಕೃತ್ಯಾಪ್ರಹಾರಿಣೀ ಚೈವ ಮಾರಣೋಚ್ಚಾಟನೀ ತಥಾ ॥ 146॥

ಸುರಾಸುರಪ್ರವನ್ದ್ಯಾಙ್ಘ್ರಿರ್ಮೋಹಘ್ನೀ ಜ್ಞಾನದಾಯಿನೀ ।

ಷಡ್ವೈರಿನಿಗ್ರಹಕರೀ ವೈರಿವಿದ್ರಾವಿಣೀ ತಥಾ ॥ 147॥

ಭೂತಸೇವ್ಯಾ ಭೂತದಾತ್ರೀ ಭೂತಪೀಡಾವಿಮರ್ದಿಕಾ ।

ನಾರದಸ್ತುತಚಾರಿತ್ರಾ ವರದೇಶಾ ವರಪ್ರದಾ ॥ 148॥

ವಾಮದೇವಸ್ತುತಾ ಚೈವ ಕಾಮದಾ ಸೋಮಶೇಖರಾ ।

ದಿಕ್ಪಾಲಸೇವಿತಾ ಭವ್ಯಾ ಭಾಮಿನೀ ಭಾವದಾಯಿನೀ ॥ 149॥

ಸ್ತ್ರೀಸೌಭಾಗ್ಯಪ್ರದಾತ್ರೀ ಚ ಭೋಗದಾ ರೋಗನಾಶಿನೀ ।

ವ್ಯೋಮಗಾ ಭೂಮಿಗಾ ಚೈವ ಮುನಿಪೂಜ್ಯಪದಾಮ್ಬುಜಾ ।

ವನದುರ್ಗಾ ಚ ದುರ್ಬೋಧಾ ಮಹಾದುರ್ಗಾ ಪ್ರಕೀರ್ತಿತಾ ॥ 150॥

ಫಲಶ್ರುತಿಃ

ಇತೀದಂ ಕೀರ್ತಿದಂ ಭದ್ರ ದುರ್ಗಾನಾಮಸಹಸ್ರಕಮ್ ।

ತ್ರಿಸನ್ಧ್ಯಂ ಯಃ ಪಠೇನ್ನಿತ್ಯಂ ತಸ್ಯ ಲಕ್ಷ್ಮೀಃ ಸ್ಥಿರಾ ಭವೇತ್ ॥ 1॥

ಗ್ರಹಭೂತಪಿಶಾಚಾದಿಪೀಡಾ ನಶ್ಯತ್ಯಸಂಶಯಮ್ ।

ಬಾಲಗ್ರಹಾದಿಪೀಡಾಯಾಃ ಶಾನ್ತಿರ್ಭವತಿ ಕೀರ್ತನಾತ್ ॥ 2॥

ಮಾರಿಕಾದಿಮಹಾರೋಗೇ ಪಠತಾಂ ಸೌಖ್ಯದಂ ನೃಣಾಮ್ ।

ವ್ಯವಹಾರೇ ಚ ಜಯದಂ ಶತ್ರುಬಾಧಾನಿವಾರಕಮ್ ॥ 3॥

ದಮ್ಪತ್ಯೋಃ ಕಲಹೇ ಪ್ರಾಪ್ತೇ ಮಿಥಃ ಪ್ರೇಮಾಭಿವರ್ಧಕಮ್ ।

ಆಯುರಾರೋಗ್ಯದಂ ಪುಂಸಾಂ ಸರ್ವಸಮ್ಪತ್ಪ್ರದಾಯಕಮ್ ॥ 4॥

ವಿದ್ಯಾಭಿವರ್ಧಕಂ ನಿತ್ಯಂ ಪಠತಾಮರ್ಥಸಾಧಕಮ್ ।

ಶುಭದಂ ಶುಭಕಾರ್ಯೇಷು ಪಠತಾಂ ಶೃಣುತಾಮಪಿ ॥ 5॥

ಯಃ ಪೂಜಯತಿ ದುರ್ಗಾಂ ತಾಂ ದುರ್ಗಾನಾಮಸಹಸ್ರಕೈಃ ।

ಪುಷ್ಪೈಃ ಕುಙ್ಕುಮಸಮ್ಮಿಶ್ರೈಃ ಸ ತು ಯತ್ಕಾಙ್ಕ್ಷತೇ ಹೃದಿ ॥ 6॥

ತತ್ಸರ್ವಂ ಸಮವಾಪ್ನೋತಿ ನಾಸ್ತಿ ನಾಸ್ತ್ಯತ್ರ ಸಂಶಯಃ ।

ಯನ್ಮುಖೇ ಧ್ರಿಯತೇ ನಿತ್ಯಂ ದುರ್ಗಾನಾಮಸಹಸ್ರಕಮ್ ॥ 7॥

ಕಿಂ ತಸ್ಯೇತರಮನ್ತ್ರೌಘೈಃ ಕಾರ್ಯಂ ಧನ್ಯತಮಸ್ಯ ಹಿ ।

ದುರ್ಗಾನಾಮಸಹಸ್ರಸ್ಯ ಪುಸ್ತಕಂ ಯದ್ಗೃಹೇ ಭವೇತ್ ॥ 8॥

ನ ತತ್ರ ಗ್ರಹಭೂತಾದಿಬಾಧಾ ಸ್ಯಾನ್ಮಙ್ಗಲಾಸ್ಪದೇ ।

ತದ್ಗೃಹಂ ಪುಣ್ಯದಂ ಕ್ಷೇತ್ರಂ ದೇವೀಸಾನ್ನಿಧ್ಯಕಾರಕಮ್ ॥ 9॥

ಏತಸ್ಯ ಸ್ತೋತ್ರಮುಖ್ಯಸ್ಯ ಪಾಠಕಃ ಶ್ರೇಷ್ಠಮನ್ತ್ರವಿತ್ ।

ದೇವತಾಯಾಃ ಪ್ರಸಾದೇನ ಸರ್ವಪೂಜ್ಯಃ ಸುಖೀ ಭವೇತ್ ॥ 10॥

ಇತ್ಯೇತನ್ನಗರಾಜೇನ ಕೀರ್ತಿತಂ ಮುನಿಸತ್ತಮ ।

ಗುಹ್ಯಾದ್ಗುಹ್ಯತರಂ ಸ್ತೋತ್ರಂ ತ್ವಯಿ ಸ್ನೇಹಾತ್ ಪ್ರಕೀರ್ತಿತಮ್ ॥ 11॥

ಭಕ್ತಾಯ ಶ್ರದ್ಧಧಾನಾಯ ಕೇವಲಂ ಕೀರ್ತ್ಯತಾಮಿದಮ್ ।

ಹೃದಿ ಧಾರಯ ನಿತ್ಯಂ ತ್ವಂ ದೇವ್ಯನುಗ್ರಹಸಾಧಕಮ್ ॥ 12॥ ॥

ಇತಿ ಶ್ರೀಸ್ಕಾನ್ದಪುರಾಣೇ ಸ್ಕನ್ದನಾರದಸಂವಾದೇ ದುರ್ಗಾಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥

Roman (IAST) Transliteration

|| atha śrī durgā sahasranāmastotram ||

nārada uvāca -

kumāra guṇagambhīra devasenāpate prabho |

sarvābhīṣṭapradaṃ puṃsāṃ sarvapāpapraṇāśanam || 1||

guhyādguhyataraṃ stotraṃ bhaktivardhakamañjasā |

maṅgalaṃ grahapīḍādiśāntidaṃ vaktumarhasi || 2||

skanda uvāca -

śṛṇu nārada devarṣe lokānugrahakāmyayā |

yatpṛcchasi paraṃ puṇyaṃ tatte vakṣyāmi kautukāt || 3||

mātā me lokajananī himavannagasattamāt |

menāyāṃ brahmavādinyāṃ prādurbhūtā harapriyā || 4||

mahatā tapasā''rādhya śaṅkaraṃ lokaśaṅkaram |

svameva vallabhaṃ bheje kaleva hi kalānidhim || 5||

nagānāmadhirājastu himavān virahāturaḥ |

svasutāyāḥ parikṣīṇe vasiṣṭhena prabodhitaḥ || 6||

trilokajananī seyaṃ prasannā tvayi puṇyataḥ |

prādurbhūtā sutātvena tadviyogaṃ śubhaṃ tyaja || 7||

bahurūpā ca durgeyaṃ bahunāmnī sanātanī |

sanātanasya jāyā sā putrīmohaṃ tyajādhunā || 8||

iti prabodhitaḥ śailaḥ tāṃ tuṣṭāva parāṃ śivām |

tadā prasannā sā durgā pitaraṃ prāha nandinī || 9||

matprasādātparaṃ stotraṃ hṛdaye pratibhāsatām |

tena nāmnāṃ sahasreṇa pūjayan kāmamāpnuhi || 10||

ityuktvāntarhitāyāṃ tu hṛdaye sphuritaṃ tadā |

nāmnāṃ sahasraṃ durgāyāḥ pṛcchate me yaduktavān || 11||

maṅgalānāṃ maṅgalaṃ tad durgānāma sahasrakam |

sarvābhīṣṭapradāṃ puṃsāṃ bravīmyakhilakāmadam || 12||

durgādevī samākhyātā himavānṛṣirucyate |

chandonuṣṭup japo devyāḥ prītaye kriyate sadā || 13||

asya śrīdurgāstotramahāmantrasya | himavān ṛṣiḥ | anuṣṭup chandaḥ |

durgābhagavatī devatā | śrīdurgāprasādasiddhyarthe jape viniyogaḥ | |

śrībhagavatyai durgāyai namaḥ |

devīdhyānam

oṃ hrīṃ kālābhrābhāṃ kaṭākṣairarikulabhayadāṃ maulibaddhendurekhāṃ

śaṅkhaṃ cakraṃ kṛpāṇaṃ triśikhamapi karairudvahantīṃ trinetrām |

siṃhaskandhādhirūḍhāṃ tribhuvanamakhilaṃ tejasā pūrayantīṃ

dhyāyed durgāṃ jayākhyāṃ tridaśaparivṛtāṃ sevitāṃ siddhikāmaiḥ ||

śrī jayadurgāyai namaḥ |

oṃ śivāthomā ramā śaktiranantā niṣkalā'malā |

śāntā māheśvarī nityā śāśvatā paramā kṣamā || 1||

acintyā kevalānantā śivātmā paramātmikā |

anādiravyayā śuddhā sarvajñā sarvagā'calā || 2||

ekānekavibhāgasthā māyātītā sunirmalā |

mahāmāheśvarī satyā mahādevī nirañjanā || 3||

kāṣṭhā sarvāntarasthā'pi cicchaktiścātrilālitā |

sarvā sarvātmikā viśvā jyotīrūpākṣarāmṛtā || 4||

śāntā pratiṣṭhā sarveśā nivṛttiramṛtapradā |

vyomamūrtirvyomasaṃsthā vyomadhārā'cyutā'tulā || 5||

anādinidhanā'moghā kāraṇātmakalākulā |

ṛtuprathamajā'nābhiramṛtātmasamāśrayā || 6||

prāṇeśvarapriyā namyā mahāmahiṣaghātinī |

prāṇeśvarī prāṇarūpā pradhānapuruṣeśvarī || 7||

sarvaśaktikalā'kāmā mahiṣeṣṭavināśinī |

sarvakāryaniyantrī ca sarvabhūteśvareśvarī || 8||

aṅgadādidharā caiva tathā mukuṭadhāriṇī |

sanātanī mahānandā''kāśayonistathecyate || 9||

citprakāśasvarūpā ca mahāyogeśvareśvarī |

mahāmāyā saduṣpārā mūlaprakṛtirīśikā || 10||

saṃsārayoniḥ sakalā sarvaśaktisamudbhavā |

saṃsārapārā durvārā durnirīkṣā durāsadā || 11||

prāṇaśaktiśca sevyā ca yoginī paramākalā |

mahāvibhūtirdurdarśā mūlaprakṛtisambhavā || 12||

anādyanantavibhavā parārthā puruṣāraṇiḥ |

sargasthityantakṛccaiva sudurvācyā duratyayā || 13||

śabdagamyā śabdamāyā śabdākhyānandavigrahā |

pradhānapuruṣātītā pradhānapuruṣātmikā || 14||

purāṇī cinmayā puṃsāmiṣṭadā puṣṭirūpiṇī |

pūtāntarasthā kūṭasthā mahāpuruṣasañjñitā || 15||

janmamṛtyujarātītā sarvaśaktisvarūpiṇī |

vāñchāpradā'navacchinnapradhānānupraveśinī || 16||

kṣetrajñā'cintyaśaktistu procyate'vyaktalakṣaṇā |

malāpavarjitā''nādimāyā tritayatattvikā || 17||

prītiśca prakṛtiścaiva guhāvāsā tathocyate |

mahāmāyā nagotpannā tāmasī ca dhruvā tathā || 18||

vyaktā'vyaktātmikā kṛṣṇā raktā śuklā hyakāraṇā |

procyate kāryajananī nityaprasavadharmiṇī || 19||

sargapralayamuktā ca sṛṣṭisthityantadharmiṇī |

brahmagarbhā caturviṃśasvarūpā padmavāsinī || 20||

acyutāhlādikā vidyudbrahmayonirmahālayā |

mahālakṣmī samudbhāvabhāvitātmāmaheśvarī || 21||

mahāvimānamadhyasthā mahānidrā sakautukā |

sarvārthadhāriṇī sūkṣmā hyaviddhā paramārthadā || 22||

anantarūpā'nantārthā tathā puruṣamohinī |

anekānekahastā ca kālatrayavivarjitā || 23||

brahmajanmā haraprītā matirbrahmaśivātmikā |

brahmeśaviṣṇusampūjyā brahmākhyā brahmasañjñitā || 24||

vyaktā prathamajā brāhmī mahārātrīḥ prakīrtitā |

jñānasvarūpā vairāgyarūpā hyaiśvaryarūpiṇī || 25||

dharmātmikā brahmamūrtiḥ pratiśrutapumarthikā |

apāṃyoniḥ svayambhūtā mānasī tattvasambhavā || 26||

īśvarasya priyā proktā śaṅkarārdhaśarīriṇī |

bhavānī caiva rudrāṇī mahālakṣmīstathā'mbikā || 27||

maheśvarasamutpannā bhuktimukti pradāyinī |

sarveśvarī sarvavandyā nityamuktā sumānasā || 28||

mahendropendranamitā śāṅkarīśānuvartinī |

īśvarārdhāsanagatā māheśvarapativratā || 29||

saṃsāraśoṣiṇī caiva pārvatī himavatsutā |

paramānandadātrī ca guṇāgryā yogadā tathā || 30||

jñānamūrtiśca sāvitrī lakṣmīḥ śrīḥ kamalā tathā |

anantaguṇagambhīrā hyuronīlamaṇiprabhā || 31||

sarojanilayā gaṅgā yogidhyeyā'surārdinī |

sarasvatī sarvavidyā jagajjyeṣṭhā sumaṅgalā || 32||

vāgdevī varadā varyā kīrtiḥ sarvārthasādhikā |

vāgīśvarī brahmavidyā mahāvidyā suśobhanā || 33||

grāhyavidyā vedavidyā dharmavidyā''tmabhāvitā |

svāhā viśvambharā siddhiḥ sādhyā medhā dhṛtiḥ kṛtiḥ || 34||

sunītiḥ saṅkṛtiścaiva kīrtitā naravāhinī |

pūjāvibhāvinī saumyā bhogyabhāg bhogadāyinī || 35||

śobhāvatī śāṅkarī ca lolā mālāvibhūṣitā |

parameṣṭhipriyā caiva trilokīsundarī mātā || 36||

nandā sandhyā kāmadhātrī mahādevī susāttvikā |

mahāmahiṣadarpaghnī padmamālā'ghahāriṇī || 37||

vicitramukuṭā rāmā kāmadātā prakīrtitā |

pitāmbaradharā divyavibhūṣaṇa vibhūṣitā || 38||

divyākhyā somavadanā jagatsaṃsṛṣṭivarjitā |

niryantrā yantravāhasthā nandinī rudrakālikā || 39||

ādityavarṇā kaumārī mayūravaravāhinī |

padmāsanagatā gaurī mahākālī surārcitā || 40||

aditirniyatā raudrī padmagarbhā vivāhanā |

virūpākṣā keśivāhā guhāpuranivāsinī || 41||

mahāphalā'navadyāṅgī kāmarūpā saridvarā |

bhāsvadrūpā muktidātrī praṇatakleśabhañjanā || 42||

kauśikī gominī rātristridaśārivināśinī |

bahurūpā surūpā ca virūpā rūpavarjitā || 43||

bhaktārtiśamanā bhavyā bhavabhāvavināśinī |

sarvajñānaparītāṅgī sarvāsuravimardikā || 44||

pikasvanī sāmagītā bhavāṅkanilayā priyā |

dīkṣā vidyādharī dīptā mahendrāhitapātinī || 45||

sarvadevamayā dakṣā samudrāntaravāsinī |

akalaṅkā nirādhārā nityasiddhā nirāmayā || 46||

kāmadhenubṛhadgarbhā dhīmatī maunanāśinī |

niḥsaṅkalpā nirātaṅkā vinayā vinayapradā || 47||

jvālāmālā sahasrāḍhyā devadevī manomayā |

subhagā suviśuddhā ca vasudevasamudbhavā || 48||

mahendropendrabhaginī bhaktigamyā parāvarā |

jñānajñeyā parātītā vedāntaviṣayā matiḥ || 49||

dakṣiṇā dāhikā dahyā sarvabhūtahṛdisthitā |

yogamāyā vibhāgajñā mahāmohā garīyasī || 50||

sandhyā sarvasamudbhūtā brahmavṛkṣāśriyāditiḥ |

bījāṅkurasamudbhūtā mahāśaktirmahāmatiḥ || 51||

khyātiḥ prajñāvatī sañjñā mahābhogīndraśāyinī |

hīṅkṛtiḥ śaṅkarī śāntirgandharvagaṇasevitā || 52||

vaiśvānarī mahāśūlā devasenā bhavapriyā |

mahārātrī parānandā śacī duḥsvapnanāśinī || 53||

īḍyā jayā jagaddhātrī durvijñeyā surūpiṇī |

guhāmbikā gaṇotpannā mahāpīṭhā marutsutā || 54||

havyavāhā bhavānandā jagadyoniḥ prakīrtitā |

jaganmātā jaganmṛtyurjarātītā ca buddhidā || 55||

siddhidātrī ratnagarbhā ratnagarbhāśrayā parā |

daityahantrī sveṣṭadātrī maṅgalaikasuvigrahā || 56||

puruṣāntargatā caiva samādhisthā tapasvinī |

divisthitā triṇetrā ca sarvendriyamanādhṛtiḥ || 57||

sarvabhūtahṛdisthā ca tathā saṃsāratāriṇī |

vedyā brahmavivedyā ca mahālīlā prakīrtitā || 58||

brāhmaṇibṛhatī brāhmī brahmabhūtā'ghahāriṇī |

hiraṇmayī mahādātrī saṃsāraparivartikā || 59||

sumālinī surūpā ca bhāsvinī dhāriṇī tathā |

unmūlinī sarvasabhā sarvapratyayasākṣiṇī || 60||

susaumyā candravadanā tāṇḍavāsaktamānasā |

sattvaśuddhikarī śuddhā malatrayavināśinī || 61||

jagatttrayī jaganmūrtistrimūrtiramṛtāśrayā |

vimānasthā viśokā ca śokanāśinyanāhatā || 62||

hemakuṇḍalinī kālī padmavāsā sanātanī |

sadākīrtiḥ sarvabhūtaśayā devī satāmpriyā || 63||

brahmamūrtikalā caiva kṛttikā kañjamālinī |

vyomakeśā kriyāśaktiricchāśaktiḥ parāgatiḥ || 64||

kṣobhikā khaṇḍikābhedyā bhedābhedavivarjitā |

abhinnā bhinnasaṃsthānā vaśinī vaṃśadhāriṇī || 65||

guhyaśaktirguhyatattvā sarvadā sarvatomukhī |

bhaginī ca nirādhārā nirāhārā prakīrtitā || 66||

niraṅkuśapadodbhūtā cakrahastā viśodhikā |

sragviṇī padmasambhedakāriṇī parikīrtitā || 67||

parāvaravidhānajñā mahāpuruṣapūrvajā |

parāvarajñā vidyā ca vidyujjihvā jitāśrayā || 68||

vidyāmayī sahasrākṣī sahasravadanātmajā |

sahasraraśmiḥsatvasthā maheśvarapadāśrayā || 69||

jvālinī sanmayā vyāptā cinmayā padmabhedikā |

mahāśrayā mahāmantrā mahādevamanoramā || 70||

vyomalakṣmīḥ siṃharathā cekitānā'mitaprabhā |

viśveśvarī bhagavatī sakalā kālahāriṇī || 71||

sarvavedyā sarvabhadrā guhyā dūḍhā guhāraṇī |

pralayā yogadhātrī ca gaṅgā viśveśvarī tathā || 72||

kāmadā kanakā kāntā kañjagarbhaprabhā tathā |

puṇyadā kālakeśā ca bhokttrī puṣkariṇī tathā || 73||

sureśvarī bhūtidātrī bhūtibhūṣā prakīrtitā |

pañcabrahmasamutpannā paramārthā'rthavigrahā || 74||

varṇodayā bhānumūrtirvāgvijñeyā manojavā |

manoharā mahoraskā tāmasī vedarūpiṇī || 75||

vedaśaktirvedamātā vedavidyāprakāśinī |

yogeśvareśvarī māyā mahāśaktirmahāmayī || 76||

viśvāntaḥsthā viyanmūrtirbhārgavī surasundarī |

surabhirnandinī vidyā nandagopatanūdbhavā || 77||

bhāratī paramānandā parāvaravibhedikā |

sarvapraharaṇopetā kāmyā kāmeśvareśvarī || 78||

anantānandavibhavā hṛllekhā kanakaprabhā |

kūṣmāṇḍā dhanaratnāḍhyā sugandhā gandhadāyinī || 79||

trivikramapadodbhūtā caturāsyā śivodayā |

sudurlabhā dhanādhyakṣā dhanyā piṅgalalocanā || 80||

śāntā prabhāsvarūpā ca paṅkajāyatalocanā |

indrākṣī hṛdayāntaḥsthā śivā mātā ca satkriyā || 81||

girijā ca sugūḍhā ca nityapuṣṭā nirantarā |

durgā kātyāyanī caṇḍī candrikā kāntavigrahā || 82||

hiraṇyavarṇā jagatī jagadyantrapravartikā |

mandarādrinivāsā ca śāradā svarṇamālinī || 83||

ratnamālā ratnagarbhā vyuṣṭirviśvapramāthinī |

padmānandā padmanibhā nityapuṣṭā kṛtodbhavā || 84||

nārāyaṇī duṣṭaśikṣā sūryamātā vṛṣapriyā |

mahendrabhaginī satyā satyabhāṣā sukomalā || 85||

vāmā ca pañcatapasāṃ varadātrī prakīrtitā |

vācyavarṇeśvarī vidyā durjayā duratikramā || 86||

kālarātrirmahāvegā vīrabhadrapriyā hitā |

bhadrakālī jaganmātā bhaktānāṃ bhadradāyinī || 87||

karālā piṅgalākārā kāmabhettrī mahāmanāḥ |

yaśasvinī yaśodā ca ṣaḍadhvaparivartikā || 88||

śaṅkhinī padminī saṅkhyā sāṅkhyayogapravartikā |

caitrādirvatsarārūḍhā jagatsampūraṇīndrajā || 89||

śumbhaghnī khecarārādhyā kambugrīvā balīḍitā |

khagārūḍhā mahaiśvaryā supadmanilayā tathā || 90||

viraktā garuḍasthā ca jagatīhṛdguhāśrayā |

śumbhādimathanā bhaktahṛdgahvaranivāsinī || 91||

jagatttrayāraṇī siddhasaṅkalpā kāmadā tathā |

sarvavijñānadātrī cānalpakalmaṣahāriṇī || 92||

sakalopaniṣadgamyā duṣṭaduṣprekṣyasattamā |

sadvṛtā lokasaṃvyāptā tuṣṭiḥ puṣṭiḥ kriyāvatī || 93||

viśvāmareśvarī caiva bhuktimuktipradāyinī |

śivādhṛtā lohitākṣī sarpamālāvibhūṣaṇā || 94||

nirānandā triśūlāsidhanurbāṇādidhāriṇī |

aśeṣadhyeyamūrtiśca devatānāṃ ca devatā || 95||

varāmbikā gireḥ putrī niśumbhavinipātinī |

suvarṇā svarṇalasitā'nantavarṇā sadādhṛtā || 96||

śāṅkarī śāntahṛdayā ahorātravidhāyikā |

viśvagoptrī gūḍharūpā guṇapūrṇā ca gārgyajā || 97||

gaurī śākambharī satyasandhā sandhyātrayīdhṛtā |

sarvapāpavinirmuktā sarvabandhavivarjitā || 98||

sāṅkhyayogasamākhyātā aprameyā munīḍitā |

viśuddhasukulodbhūtā bindunādasamādṛtā || 99||

śambhuvāmāṅkagā caiva śaśitulyanibhānanā |

vanamālāvirājantī anantaśayanādṛtā || 100||

naranārāyaṇodbhūtā nārasiṃhī prakīrtitā |

daityapramāthinī śaṅkhacakrapadmagadādharā || 101||

saṅkarṣaṇasamutpannā ambikā sajjanāśrayā |

suvṛtā sundarī caiva dharmakāmārthadāyinī || 102||

mokṣadā bhaktinilayā purāṇapuruṣādṛtā |

mahāvibhūtidā''rādhyā sarojanilayā'samā || 103||

aṣṭādaśabhujā'nādirnīlotpaladalākṣiṇī |

sarvaśaktisamārūḍhā dharmādharmavivarjitā || 104||

vairāgyajñānaniratā nirālokā nirindriyā |

vicitragahanādhārā śāśvatasthānavāsinī || 105||

jñāneśvarī pītacelā vedavedāṅgapāragā |

manasvinī manyumātā mahāmanyusamudbhavā || 106||

amanyuramṛtāsvādā purandarapariṣṭutā |

aśocyā bhinnaviṣayā hiraṇyarajatapriyā || 107||

hiraṇyajananī bhīmā hemābharaṇabhūṣitā |

vibhrājamānā durjñeyā jyotiṣṭomaphalapradā || 108||

mahānidrāsamutpattiranidrā satyadevatā |

dīrghā kakudminī piṅgajaṭādhārā manojñadhīḥ || 109||

mahāśrayā ramotpannā tamaḥpāre pratiṣṭhitā |

tritattvamātā trividhā susūkṣmā padmasaṃśrayā || 110||

śāntyatītakalā'tītavikārā śvetacelikā |

citramāyā śivajñānasvarūpā daityamāthinī || 111||

kāśyapī kālasarpābhaveṇikā śāstrayonikā |

trayīmūrtiḥ kriyāmūrtiścaturvargā ca darśinī || 112||

nārāyaṇī narotpannā kaumudī kāntidhāriṇī |

kauśikī lalitā līlā parāvaravibhāvinī || 113||

vareṇyā'dbhutamahātmyā vaḍavā vāmalocanā |

subhadrā cetanārādhyā śāntidā śāntivardhinī || 114||

jayādiśaktijananī śakticakrapravartikā |

triśaktijananī janyā ṣaṭsūtraparivarṇitā || 115||

sudhautakarmaṇā''rādhyā yugāntadahanātmikā |

saṅkarṣiṇī jagaddhātrī kāmayoniḥ kirīṭinī || 116||

aindrī trailokyanamitā vaiṣṇavī parameśvarī |

pradyumnajananī bimbasamoṣṭhī padmalocanā || 117||

madotkaṭā haṃsagatiḥ pracaṇḍā caṇḍavikramā |

vṛṣādhīśā parātmā ca vindhyā parvatavāsinī || 118||

himavanmerunilayā kailāsapuravāsinī |

cāṇūrahantrī nītijñā kāmarūpā trayītanuḥ || 119||

vratasnātā dharmaśīlā siṃhāsananivāsinī |

vīrabhadrādṛtā vīrā mahākālasamudbhavā || 120||

vidyādharārcitā siddhasādhyārādhitapādukā |

śraddhātmikā pāvanī ca mohinī acalātmikā || 121||

mahādbhutā vārijākṣī siṃhavāhanagāminī |

manīṣiṇī sudhāvāṇī vīṇāvādanatatparā || 122||

śvetavāhaniṣevyā ca lasanmatirarundhatī |

hiraṇyākṣī tathā caiva mahānandapradāyinī || 123||

vasuprabhā sumālyāptakandharā paṅkajānanā |

parāvarā varārohā sahasranayanārcitā || 124||

śrīrūpā śrīmatī śreṣṭhā śivanāmnī śivapriyā |

śrīpradā śritakalyāṇā śrīdharārdhaśarīriṇī || 125||

śrīkalā'nantadṛṣṭiśca hyakṣudrārātisūdanī |

raktabījanihantrī ca daityasaṅgavimardinī || 126||

siṃhārūḍhā siṃhikāsyā daityaśoṇitapāyinī |

sukīrtisahitācchinnasaṃśayā rasavedinī || 127||

guṇābhirāmā nāgārivāhanā nirjarārcitā |

nityoditā svayañjyotiḥ svarṇakāyā prakīrtitā || 128||

vajradaṇḍāṅkitā caiva tathāmṛtasañjīvinī |

vajracchannā devadevī varavajrasvavigrahā || 129||

māṅgalyā maṅgalātmā ca mālinī mālyadhāriṇī |

gandharvī taruṇī cāndrī khaḍgāyudhadharā tathā || 130||

saudāminī prajānandā tathā proktā bhṛgūdbhavā |

ekānaṅgā ca śāstrārthakuśalā dharmacāriṇī || 131||

dharmasarvasvavāhā ca dharmādharmaviniścayā |

dharmaśaktirdharmamayā dhārmikānāṃ śivapradā || 132||

vidharmā viśvadharmajñā dharmārthāntaravigrahā |

dharmavarṣmā dharmapūrvā dharmapāraṅgatāntarā || 133||

dharmopadeṣṭrī dharmātmā dharmagamyā dharādharā |

kapālinī śākalinī kalākalitavigrahā || 134||

sarvaśaktivimuktā ca karṇikāradharā'kṣarā|

kaṃsaprāṇaharā caiva yugadharmadharā tathā || 135||

yugapravartikā proktā trisandhyā dhyeyavigrahā |

svargāpavargadātrī ca tathā pratyakṣadevatā || 136||

ādityā divyagandhā ca divākaranibhaprabhā |

padmāsanagatā proktā khaḍgabāṇaśarāsanā || 137||

śiṣṭā viśiṣṭā śiṣṭeṣṭā śiṣṭaśreṣṭhaprapūjitā |

śatarūpā śatāvartā vitatā rāsamodinī || 138||

sūryendunetrā pradyumnajananī suṣṭhumāyinī |

sūryāntarasthitā caiva satpratiṣṭhatavigrahā || 139||

nivṛttā procyate jñānapāragā parvatātmajā |

kātyāyanī caṇḍikā ca caṇḍī haimavatī tathā || 140||

dākṣāyaṇī satī caiva bhavānī sarvamaṅgalā |

dhūmralocanahantrī ca caṇḍamuṇḍavināśinī || 141||

yoganidrā yogabhadrā samudratanayā tathā |

devapriyaṅkarī śuddhā bhaktabhaktipravardhinī || 142||

triṇetrā candramukuṭā pramathārcitapādukā |

arjunābhīṣṭadātrī ca pāṇḍavapriyakāriṇī || 143||

kumāralālanāsaktā harabāhūpadhānikā |

vighneśajananī bhaktavighnastomaprahāriṇī || 144||

susmitendumukhī namyā jayāpriyasakhī tathā |

anādinidhanā preṣṭhā citramālyānulepanā || 145||

koṭicandrapratīkāśā kūṭajālapramāthinī |

kṛtyāprahāriṇī caiva māraṇoccāṭanī tathā || 146||

surāsurapravandyāṅghrirmohaghnī jñānadāyinī |

ṣaḍvairinigrahakarī vairividrāviṇī tathā || 147||

bhūtasevyā bhūtadātrī bhūtapīḍāvimardikā |

nāradastutacāritrā varadeśā varapradā || 148||

vāmadevastutā caiva kāmadā somaśekharā |

dikpālasevitā bhavyā bhāminī bhāvadāyinī || 149||

strīsaubhāgyapradātrī ca bhogadā roganāśinī |

vyomagā bhūmigā caiva munipūjyapadāmbujā |

vanadurgā ca durbodhā mahādurgā prakīrtitā || 150||

phalaśrutiḥ

itīdaṃ kīrtidaṃ bhadra durgānāmasahasrakam |

trisandhyaṃ yaḥ paṭhennityaṃ tasya lakṣmīḥ sthirā bhavet || 1||

grahabhūtapiśācādipīḍā naśyatyasaṃśayam |

bālagrahādipīḍāyāḥ śāntirbhavati kīrtanāt || 2||

mārikādimahāroge paṭhatāṃ saukhyadaṃ nṛṇām |

vyavahāre ca jayadaṃ śatrubādhānivārakam || 3||

dampatyoḥ kalahe prāpte mithaḥ premābhivardhakam |

āyurārogyadaṃ puṃsāṃ sarvasampatpradāyakam || 4||

vidyābhivardhakaṃ nityaṃ paṭhatāmarthasādhakam |

śubhadaṃ śubhakāryeṣu paṭhatāṃ śṛṇutāmapi || 5||

yaḥ pūjayati durgāṃ tāṃ durgānāmasahasrakaiḥ |

puṣpaiḥ kuṅkumasammiśraiḥ sa tu yatkāṅkṣate hṛdi || 6||

tatsarvaṃ samavāpnoti nāsti nāstyatra saṃśayaḥ |

yanmukhe dhriyate nityaṃ durgānāmasahasrakam || 7||

kiṃ tasyetaramantraughaiḥ kāryaṃ dhanyatamasya hi |

durgānāmasahasrasya pustakaṃ yadgṛhe bhavet || 8||

na tatra grahabhūtādibādhā syānmaṅgalāspade |

tadgṛhaṃ puṇyadaṃ kṣetraṃ devīsānnidhyakārakam || 9||

etasya stotramukhyasya pāṭhakaḥ śreṣṭhamantravit |

devatāyāḥ prasādena sarvapūjyaḥ sukhī bhavet || 10||

ityetannagarājena kīrtitaṃ munisattama |

guhyādguhyataraṃ stotraṃ tvayi snehāt prakīrtitam || 11||

bhaktāya śraddhadhānāya kevalaṃ kīrtyatāmidam |

hṛdi dhāraya nityaṃ tvaṃ devyanugrahasādhakam || 12|| ||

iti śrīskāndapurāṇe skandanāradasaṃvāde durgāsahasranāmastotraṃ sampūrṇam ||

Sanskrit — Devanagari (original)

॥ अथ श्री दुर्गा सहस्रनामस्तोत्रम् ॥

नारद उवाच -

कुमार गुणगम्भीर देवसेनापते प्रभो ।

सर्वाभीष्टप्रदं पुंसां सर्वपापप्रणाशनम् ॥ 1॥

गुह्याद्गुह्यतरं स्तोत्रं भक्तिवर्धकमञ्जसा ।

मङ्गलं ग्रहपीडादिशान्तिदं वक्तुमर्हसि ॥ 2॥

स्कन्द उवाच -

शृणु नारद देवर्षे लोकानुग्रहकाम्यया ।

यत्पृच्छसि परं पुण्यं तत्ते वक्ष्यामि कौतुकात् ॥ 3॥

माता मे लोकजननी हिमवन्नगसत्तमात् ।

मेनायां ब्रह्मवादिन्यां प्रादुर्भूता हरप्रिया ॥ 4॥

महता तपसाऽऽराध्य शङ्करं लोकशङ्करम् ।

स्वमेव वल्लभं भेजे कलेव हि कलानिधिम् ॥ 5॥

नगानामधिराजस्तु हिमवान् विरहातुरः ।

स्वसुतायाः परिक्षीणे वसिष्ठेन प्रबोधितः ॥ 6॥

त्रिलोकजननी सेयं प्रसन्ना त्वयि पुण्यतः ।

प्रादुर्भूता सुतात्वेन तद्वियोगं शुभं त्यज ॥ 7॥

बहुरूपा च दुर्गेयं बहुनाम्नी सनातनी ।

सनातनस्य जाया सा पुत्रीमोहं त्यजाधुना ॥ 8॥

इति प्रबोधितः शैलः तां तुष्टाव परां शिवाम् ।

तदा प्रसन्ना सा दुर्गा पितरं प्राह नन्दिनी ॥ 9॥

मत्प्रसादात्परं स्तोत्रं हृदये प्रतिभासताम् ।

तेन नाम्नां सहस्रेण पूजयन् काममाप्नुहि ॥ 10॥

इत्युक्त्वान्तर्हितायां तु हृदये स्फुरितं तदा ।

नाम्नां सहस्रं दुर्गायाः पृच्छते मे यदुक्तवान् ॥ 11॥

मङ्गलानां मङ्गलं तद् दुर्गानाम सहस्रकम् ।

सर्वाभीष्टप्रदां पुंसां ब्रवीम्यखिलकामदम् ॥ 12॥

दुर्गादेवी समाख्याता हिमवानृषिरुच्यते ।

छन्दोनुष्टुप् जपो देव्याः प्रीतये क्रियते सदा ॥ 13॥

अस्य श्रीदुर्गास्तोत्रमहामन्त्रस्य । हिमवान् ऋषिः । अनुष्टुप् छन्दः ।

दुर्गाभगवती देवता । श्रीदुर्गाप्रसादसिद्ध्यर्थे जपे विनियोगः । ।

श्रीभगवत्यै दुर्गायै नमः ।

देवीध्यानम्

ॐ ह्रीं कालाभ्राभां कटाक्षैररिकुलभयदां मौलिबद्धेन्दुरेखां

शङ्खं चक्रं कृपाणं त्रिशिखमपि करैरुद्वहन्तीं त्रिनेत्राम् ।

सिंहस्कन्धाधिरूढां त्रिभुवनमखिलं तेजसा पूरयन्तीं

ध्यायेद् दुर्गां जयाख्यां त्रिदशपरिवृतां सेवितां सिद्धिकामैः ॥

श्री जयदुर्गायै नमः ।

ॐ शिवाथोमा रमा शक्तिरनन्ता निष्कलाऽमला ।

शान्ता माहेश्वरी नित्या शाश्वता परमा क्षमा ॥ 1॥

अचिन्त्या केवलानन्ता शिवात्मा परमात्मिका ।

अनादिरव्यया शुद्धा सर्वज्ञा सर्वगाऽचला ॥ 2॥

एकानेकविभागस्था मायातीता सुनिर्मला ।

महामाहेश्वरी सत्या महादेवी निरञ्जना ॥ 3॥

काष्ठा सर्वान्तरस्थाऽपि चिच्छक्तिश्चात्रिलालिता ।

सर्वा सर्वात्मिका विश्वा ज्योतीरूपाक्षरामृता ॥ 4॥

शान्ता प्रतिष्ठा सर्वेशा निवृत्तिरमृतप्रदा ।

व्योममूर्तिर्व्योमसंस्था व्योमधाराऽच्युताऽतुला ॥ 5॥

अनादिनिधनाऽमोघा कारणात्मकलाकुला ।

ऋतुप्रथमजाऽनाभिरमृतात्मसमाश्रया ॥ 6॥

प्राणेश्वरप्रिया नम्या महामहिषघातिनी ।

प्राणेश्वरी प्राणरूपा प्रधानपुरुषेश्वरी ॥ 7॥

सर्वशक्तिकलाऽकामा महिषेष्टविनाशिनी ।

सर्वकार्यनियन्त्री च सर्वभूतेश्वरेश्वरी ॥ 8॥

अङ्गदादिधरा चैव तथा मुकुटधारिणी ।

सनातनी महानन्दाऽऽकाशयोनिस्तथेच्यते ॥ 9॥

चित्प्रकाशस्वरूपा च महायोगेश्वरेश्वरी ।

महामाया सदुष्पारा मूलप्रकृतिरीशिका ॥ 10॥

संसारयोनिः सकला सर्वशक्तिसमुद्भवा ।

संसारपारा दुर्वारा दुर्निरीक्षा दुरासदा ॥ 11॥

प्राणशक्तिश्च सेव्या च योगिनी परमाकला ।

महाविभूतिर्दुर्दर्शा मूलप्रकृतिसम्भवा ॥ 12॥

अनाद्यनन्तविभवा परार्था पुरुषारणिः ।

सर्गस्थित्यन्तकृच्चैव सुदुर्वाच्या दुरत्यया ॥ 13॥

शब्दगम्या शब्दमाया शब्दाख्यानन्दविग्रहा ।

प्रधानपुरुषातीता प्रधानपुरुषात्मिका ॥ 14॥

पुराणी चिन्मया पुंसामिष्टदा पुष्टिरूपिणी ।

पूतान्तरस्था कूटस्था महापुरुषसञ्ज्ञिता ॥ 15॥

जन्ममृत्युजरातीता सर्वशक्तिस्वरूपिणी ।

वाञ्छाप्रदाऽनवच्छिन्नप्रधानानुप्रवेशिनी ॥ 16॥

क्षेत्रज्ञाऽचिन्त्यशक्तिस्तु प्रोच्यतेऽव्यक्तलक्षणा ।

मलापवर्जिताऽऽनादिमाया त्रितयतत्त्विका ॥ 17॥

प्रीतिश्च प्रकृतिश्चैव गुहावासा तथोच्यते ।

महामाया नगोत्पन्ना तामसी च ध्रुवा तथा ॥ 18॥

व्यक्ताऽव्यक्तात्मिका कृष्णा रक्ता शुक्ला ह्यकारणा ।

प्रोच्यते कार्यजननी नित्यप्रसवधर्मिणी ॥ 19॥

सर्गप्रलयमुक्ता च सृष्टिस्थित्यन्तधर्मिणी ।

ब्रह्मगर्भा चतुर्विंशस्वरूपा पद्मवासिनी ॥ 20॥

अच्युताह्लादिका विद्युद्ब्रह्मयोनिर्महालया ।

महालक्ष्मी समुद्भावभावितात्मामहेश्वरी ॥ 21॥

महाविमानमध्यस्था महानिद्रा सकौतुका ।

सर्वार्थधारिणी सूक्ष्मा ह्यविद्धा परमार्थदा ॥ 22॥

अनन्तरूपाऽनन्तार्था तथा पुरुषमोहिनी ।

अनेकानेकहस्ता च कालत्रयविवर्जिता ॥ 23॥

ब्रह्मजन्मा हरप्रीता मतिर्ब्रह्मशिवात्मिका ।

ब्रह्मेशविष्णुसम्पूज्या ब्रह्माख्या ब्रह्मसञ्ज्ञिता ॥ 24॥

व्यक्ता प्रथमजा ब्राह्मी महारात्रीः प्रकीर्तिता ।

ज्ञानस्वरूपा वैराग्यरूपा ह्यैश्वर्यरूपिणी ॥ 25॥

धर्मात्मिका ब्रह्ममूर्तिः प्रतिश्रुतपुमर्थिका ।

अपांयोनिः स्वयम्भूता मानसी तत्त्वसम्भवा ॥ 26॥

ईश्वरस्य प्रिया प्रोक्ता शङ्करार्धशरीरिणी ।

भवानी चैव रुद्राणी महालक्ष्मीस्तथाऽम्बिका ॥ 27॥

महेश्वरसमुत्पन्ना भुक्तिमुक्ति प्रदायिनी ।

सर्वेश्वरी सर्ववन्द्या नित्यमुक्ता सुमानसा ॥ 28॥

महेन्द्रोपेन्द्रनमिता शाङ्करीशानुवर्तिनी ।

ईश्वरार्धासनगता माहेश्वरपतिव्रता ॥ 29॥

संसारशोषिणी चैव पार्वती हिमवत्सुता ।

परमानन्ददात्री च गुणाग्र्या योगदा तथा ॥ 30॥

ज्ञानमूर्तिश्च सावित्री लक्ष्मीः श्रीः कमला तथा ।

अनन्तगुणगम्भीरा ह्युरोनीलमणिप्रभा ॥ 31॥

सरोजनिलया गङ्गा योगिध्येयाऽसुरार्दिनी ।

सरस्वती सर्वविद्या जगज्ज्येष्ठा सुमङ्गला ॥ 32॥

वाग्देवी वरदा वर्या कीर्तिः सर्वार्थसाधिका ।

वागीश्वरी ब्रह्मविद्या महाविद्या सुशोभना ॥ 33॥

ग्राह्यविद्या वेदविद्या धर्मविद्याऽऽत्मभाविता ।

स्वाहा विश्वम्भरा सिद्धिः साध्या मेधा धृतिः कृतिः ॥ 34॥

सुनीतिः सङ्कृतिश्चैव कीर्तिता नरवाहिनी ।

पूजाविभाविनी सौम्या भोग्यभाग् भोगदायिनी ॥ 35॥

शोभावती शाङ्करी च लोला मालाविभूषिता ।

परमेष्ठिप्रिया चैव त्रिलोकीसुन्दरी माता ॥ 36॥

नन्दा सन्ध्या कामधात्री महादेवी सुसात्त्विका ।

महामहिषदर्पघ्नी पद्ममालाऽघहारिणी ॥ 37॥

विचित्रमुकुटा रामा कामदाता प्रकीर्तिता ।

पिताम्बरधरा दिव्यविभूषण विभूषिता ॥ 38॥

दिव्याख्या सोमवदना जगत्संसृष्टिवर्जिता ।

निर्यन्त्रा यन्त्रवाहस्था नन्दिनी रुद्रकालिका ॥ 39॥

आदित्यवर्णा कौमारी मयूरवरवाहिनी ।

पद्मासनगता गौरी महाकाली सुरार्चिता ॥ 40॥

अदितिर्नियता रौद्री पद्मगर्भा विवाहना ।

विरूपाक्षा केशिवाहा गुहापुरनिवासिनी ॥ 41॥

महाफलाऽनवद्याङ्गी कामरूपा सरिद्वरा ।

भास्वद्रूपा मुक्तिदात्री प्रणतक्लेशभञ्जना ॥ 42॥

कौशिकी गोमिनी रात्रिस्त्रिदशारिविनाशिनी ।

बहुरूपा सुरूपा च विरूपा रूपवर्जिता ॥ 43॥

भक्तार्तिशमना भव्या भवभावविनाशिनी ।

सर्वज्ञानपरीताङ्गी सर्वासुरविमर्दिका ॥ 44॥

पिकस्वनी सामगीता भवाङ्कनिलया प्रिया ।

दीक्षा विद्याधरी दीप्ता महेन्द्राहितपातिनी ॥ 45॥

सर्वदेवमया दक्षा समुद्रान्तरवासिनी ।

अकलङ्का निराधारा नित्यसिद्धा निरामया ॥ 46॥

कामधेनुबृहद्गर्भा धीमती मौननाशिनी ।

निःसङ्कल्पा निरातङ्का विनया विनयप्रदा ॥ 47॥

ज्वालामाला सहस्राढ्या देवदेवी मनोमया ।

सुभगा सुविशुद्धा च वसुदेवसमुद्भवा ॥ 48॥

महेन्द्रोपेन्द्रभगिनी भक्तिगम्या परावरा ।

ज्ञानज्ञेया परातीता वेदान्तविषया मतिः ॥ 49॥

दक्षिणा दाहिका दह्या सर्वभूतहृदिस्थिता ।

योगमाया विभागज्ञा महामोहा गरीयसी ॥ 50॥

सन्ध्या सर्वसमुद्भूता ब्रह्मवृक्षाश्रियादितिः ।

बीजाङ्कुरसमुद्भूता महाशक्तिर्महामतिः ॥ 51॥

ख्यातिः प्रज्ञावती सञ्ज्ञा महाभोगीन्द्रशायिनी ।

हीङ्कृतिः शङ्करी शान्तिर्गन्धर्वगणसेविता ॥ 52॥

वैश्वानरी महाशूला देवसेना भवप्रिया ।

महारात्री परानन्दा शची दुःस्वप्ननाशिनी ॥ 53॥

ईड्या जया जगद्धात्री दुर्विज्ञेया सुरूपिणी ।

गुहाम्बिका गणोत्पन्ना महापीठा मरुत्सुता ॥ 54॥

हव्यवाहा भवानन्दा जगद्योनिः प्रकीर्तिता ।

जगन्माता जगन्मृत्युर्जरातीता च बुद्धिदा ॥ 55॥

सिद्धिदात्री रत्नगर्भा रत्नगर्भाश्रया परा ।

दैत्यहन्त्री स्वेष्टदात्री मङ्गलैकसुविग्रहा ॥ 56॥

पुरुषान्तर्गता चैव समाधिस्था तपस्विनी ।

दिविस्थिता त्रिणेत्रा च सर्वेन्द्रियमनाधृतिः ॥ 57॥

सर्वभूतहृदिस्था च तथा संसारतारिणी ।

वेद्या ब्रह्मविवेद्या च महालीला प्रकीर्तिता ॥ 58॥

ब्राह्मणिबृहती ब्राह्मी ब्रह्मभूताऽघहारिणी ।

हिरण्मयी महादात्री संसारपरिवर्तिका ॥ 59॥

सुमालिनी सुरूपा च भास्विनी धारिणी तथा ।

उन्मूलिनी सर्वसभा सर्वप्रत्ययसाक्षिणी ॥ 60॥

सुसौम्या चन्द्रवदना ताण्डवासक्तमानसा ।

सत्त्वशुद्धिकरी शुद्धा मलत्रयविनाशिनी ॥ 61॥

जगत्त्त्रयी जगन्मूर्तिस्त्रिमूर्तिरमृताश्रया ।

विमानस्था विशोका च शोकनाशिन्यनाहता ॥ 62॥

हेमकुण्डलिनी काली पद्मवासा सनातनी ।

सदाकीर्तिः सर्वभूतशया देवी सताम्प्रिया ॥ 63॥

ब्रह्ममूर्तिकला चैव कृत्तिका कञ्जमालिनी ।

व्योमकेशा क्रियाशक्तिरिच्छाशक्तिः परागतिः ॥ 64॥

क्षोभिका खण्डिकाभेद्या भेदाभेदविवर्जिता ।

अभिन्ना भिन्नसंस्थाना वशिनी वंशधारिणी ॥ 65॥

गुह्यशक्तिर्गुह्यतत्त्वा सर्वदा सर्वतोमुखी ।

भगिनी च निराधारा निराहारा प्रकीर्तिता ॥ 66॥

निरङ्कुशपदोद्भूता चक्रहस्ता विशोधिका ।

स्रग्विणी पद्मसम्भेदकारिणी परिकीर्तिता ॥ 67॥

परावरविधानज्ञा महापुरुषपूर्वजा ।

परावरज्ञा विद्या च विद्युज्जिह्वा जिताश्रया ॥ 68॥

विद्यामयी सहस्राक्षी सहस्रवदनात्मजा ।

सहस्ररश्मिःसत्वस्था महेश्वरपदाश्रया ॥ 69॥

ज्वालिनी सन्मया व्याप्ता चिन्मया पद्मभेदिका ।

महाश्रया महामन्त्रा महादेवमनोरमा ॥ 70॥

व्योमलक्ष्मीः सिंहरथा चेकितानाऽमितप्रभा ।

विश्वेश्वरी भगवती सकला कालहारिणी ॥ 71॥

सर्ववेद्या सर्वभद्रा गुह्या दूढा गुहारणी ।

प्रलया योगधात्री च गङ्गा विश्वेश्वरी तथा ॥ 72॥

कामदा कनका कान्ता कञ्जगर्भप्रभा तथा ।

पुण्यदा कालकेशा च भोक्त्त्री पुष्करिणी तथा ॥ 73॥

सुरेश्वरी भूतिदात्री भूतिभूषा प्रकीर्तिता ।

पञ्चब्रह्मसमुत्पन्ना परमार्थाऽर्थविग्रहा ॥ 74॥

वर्णोदया भानुमूर्तिर्वाग्विज्ञेया मनोजवा ।

मनोहरा महोरस्का तामसी वेदरूपिणी ॥ 75॥

वेदशक्तिर्वेदमाता वेदविद्याप्रकाशिनी ।

योगेश्वरेश्वरी माया महाशक्तिर्महामयी ॥ 76॥

विश्वान्तःस्था वियन्मूर्तिर्भार्गवी सुरसुन्दरी ।

सुरभिर्नन्दिनी विद्या नन्दगोपतनूद्भवा ॥ 77॥

भारती परमानन्दा परावरविभेदिका ।

सर्वप्रहरणोपेता काम्या कामेश्वरेश्वरी ॥ 78॥

अनन्तानन्दविभवा हृल्लेखा कनकप्रभा ।

कूष्माण्डा धनरत्नाढ्या सुगन्धा गन्धदायिनी ॥ 79॥

त्रिविक्रमपदोद्भूता चतुरास्या शिवोदया ।

सुदुर्लभा धनाध्यक्षा धन्या पिङ्गललोचना ॥ 80॥

शान्ता प्रभास्वरूपा च पङ्कजायतलोचना ।

इन्द्राक्षी हृदयान्तःस्था शिवा माता च सत्क्रिया ॥ 81॥

गिरिजा च सुगूढा च नित्यपुष्टा निरन्तरा ।

दुर्गा कात्यायनी चण्डी चन्द्रिका कान्तविग्रहा ॥ 82॥

हिरण्यवर्णा जगती जगद्यन्त्रप्रवर्तिका ।

मन्दराद्रिनिवासा च शारदा स्वर्णमालिनी ॥ 83॥

रत्नमाला रत्नगर्भा व्युष्टिर्विश्वप्रमाथिनी ।

पद्मानन्दा पद्मनिभा नित्यपुष्टा कृतोद्भवा ॥ 84॥

नारायणी दुष्टशिक्षा सूर्यमाता वृषप्रिया ।

महेन्द्रभगिनी सत्या सत्यभाषा सुकोमला ॥ 85॥

वामा च पञ्चतपसां वरदात्री प्रकीर्तिता ।

वाच्यवर्णेश्वरी विद्या दुर्जया दुरतिक्रमा ॥ 86॥

कालरात्रिर्महावेगा वीरभद्रप्रिया हिता ।

भद्रकाली जगन्माता भक्तानां भद्रदायिनी ॥ 87॥

कराला पिङ्गलाकारा कामभेत्त्री महामनाः ।

यशस्विनी यशोदा च षडध्वपरिवर्तिका ॥ 88॥

शङ्खिनी पद्मिनी सङ्ख्या साङ्ख्ययोगप्रवर्तिका ।

चैत्रादिर्वत्सरारूढा जगत्सम्पूरणीन्द्रजा ॥ 89॥

शुम्भघ्नी खेचराराध्या कम्बुग्रीवा बलीडिता ।

खगारूढा महैश्वर्या सुपद्मनिलया तथा ॥ 90॥

विरक्ता गरुडस्था च जगतीहृद्गुहाश्रया ।

शुम्भादिमथना भक्तहृद्गह्वरनिवासिनी ॥ 91॥

जगत्त्त्रयारणी सिद्धसङ्कल्पा कामदा तथा ।

सर्वविज्ञानदात्री चानल्पकल्मषहारिणी ॥ 92॥

सकलोपनिषद्गम्या दुष्टदुष्प्रेक्ष्यसत्तमा ।

सद्वृता लोकसंव्याप्ता तुष्टिः पुष्टिः क्रियावती ॥ 93॥

विश्वामरेश्वरी चैव भुक्तिमुक्तिप्रदायिनी ।

शिवाधृता लोहिताक्षी सर्पमालाविभूषणा ॥ 94॥

निरानन्दा त्रिशूलासिधनुर्बाणादिधारिणी ।

अशेषध्येयमूर्तिश्च देवतानां च देवता ॥ 95॥

वराम्बिका गिरेः पुत्री निशुम्भविनिपातिनी ।

सुवर्णा स्वर्णलसिताऽनन्तवर्णा सदाधृता ॥ 96॥

शाङ्करी शान्तहृदया अहोरात्रविधायिका ।

विश्वगोप्त्री गूढरूपा गुणपूर्णा च गार्ग्यजा ॥ 97॥

गौरी शाकम्भरी सत्यसन्धा सन्ध्यात्रयीधृता ।

सर्वपापविनिर्मुक्ता सर्वबन्धविवर्जिता ॥ 98॥

साङ्ख्ययोगसमाख्याता अप्रमेया मुनीडिता ।

विशुद्धसुकुलोद्भूता बिन्दुनादसमादृता ॥ 99॥

शम्भुवामाङ्कगा चैव शशितुल्यनिभानना ।

वनमालाविराजन्ती अनन्तशयनादृता ॥ 100॥

नरनारायणोद्भूता नारसिंही प्रकीर्तिता ।

दैत्यप्रमाथिनी शङ्खचक्रपद्मगदाधरा ॥ 101॥

सङ्कर्षणसमुत्पन्ना अम्बिका सज्जनाश्रया ।

सुवृता सुन्दरी चैव धर्मकामार्थदायिनी ॥ 102॥

मोक्षदा भक्तिनिलया पुराणपुरुषादृता ।

महाविभूतिदाऽऽराध्या सरोजनिलयाऽसमा ॥ 103॥

अष्टादशभुजाऽनादिर्नीलोत्पलदलाक्षिणी ।

सर्वशक्तिसमारूढा धर्माधर्मविवर्जिता ॥ 104॥

वैराग्यज्ञाननिरता निरालोका निरिन्द्रिया ।

विचित्रगहनाधारा शाश्वतस्थानवासिनी ॥ 105॥

ज्ञानेश्वरी पीतचेला वेदवेदाङ्गपारगा ।

मनस्विनी मन्युमाता महामन्युसमुद्भवा ॥ 106॥

अमन्युरमृतास्वादा पुरन्दरपरिष्टुता ।

अशोच्या भिन्नविषया हिरण्यरजतप्रिया ॥ 107॥

हिरण्यजननी भीमा हेमाभरणभूषिता ।

विभ्राजमाना दुर्ज्ञेया ज्योतिष्टोमफलप्रदा ॥ 108॥

महानिद्रासमुत्पत्तिरनिद्रा सत्यदेवता ।

दीर्घा ककुद्मिनी पिङ्गजटाधारा मनोज्ञधीः ॥ 109॥

महाश्रया रमोत्पन्ना तमःपारे प्रतिष्ठिता ।

त्रितत्त्वमाता त्रिविधा सुसूक्ष्मा पद्मसंश्रया ॥ 110॥

शान्त्यतीतकलाऽतीतविकारा श्वेतचेलिका ।

चित्रमाया शिवज्ञानस्वरूपा दैत्यमाथिनी ॥ 111॥

काश्यपी कालसर्पाभवेणिका शास्त्रयोनिका ।

त्रयीमूर्तिः क्रियामूर्तिश्चतुर्वर्गा च दर्शिनी ॥ 112॥

नारायणी नरोत्पन्ना कौमुदी कान्तिधारिणी ।

कौशिकी ललिता लीला परावरविभाविनी ॥ 113॥

वरेण्याऽद्भुतमहात्म्या वडवा वामलोचना ।

सुभद्रा चेतनाराध्या शान्तिदा शान्तिवर्धिनी ॥ 114॥

जयादिशक्तिजननी शक्तिचक्रप्रवर्तिका ।

त्रिशक्तिजननी जन्या षट्सूत्रपरिवर्णिता ॥ 115॥

सुधौतकर्मणाऽऽराध्या युगान्तदहनात्मिका ।

सङ्कर्षिणी जगद्धात्री कामयोनिः किरीटिनी ॥ 116॥

ऐन्द्री त्रैलोक्यनमिता वैष्णवी परमेश्वरी ।

प्रद्युम्नजननी बिम्बसमोष्ठी पद्मलोचना ॥ 117॥

मदोत्कटा हंसगतिः प्रचण्डा चण्डविक्रमा ।

वृषाधीशा परात्मा च विन्ध्या पर्वतवासिनी ॥ 118॥

हिमवन्मेरुनिलया कैलासपुरवासिनी ।

चाणूरहन्त्री नीतिज्ञा कामरूपा त्रयीतनुः ॥ 119॥

व्रतस्नाता धर्मशीला सिंहासननिवासिनी ।

वीरभद्रादृता वीरा महाकालसमुद्भवा ॥ 120॥

विद्याधरार्चिता सिद्धसाध्याराधितपादुका ।

श्रद्धात्मिका पावनी च मोहिनी अचलात्मिका ॥ 121॥

महाद्भुता वारिजाक्षी सिंहवाहनगामिनी ।

मनीषिणी सुधावाणी वीणावादनतत्परा ॥ 122॥

श्वेतवाहनिषेव्या च लसन्मतिररुन्धती ।

हिरण्याक्षी तथा चैव महानन्दप्रदायिनी ॥ 123॥

वसुप्रभा सुमाल्याप्तकन्धरा पङ्कजानना ।

परावरा वरारोहा सहस्रनयनार्चिता ॥ 124॥

श्रीरूपा श्रीमती श्रेष्ठा शिवनाम्नी शिवप्रिया ।

श्रीप्रदा श्रितकल्याणा श्रीधरार्धशरीरिणी ॥ 125॥

श्रीकलाऽनन्तदृष्टिश्च ह्यक्षुद्रारातिसूदनी ।

रक्तबीजनिहन्त्री च दैत्यसङ्गविमर्दिनी ॥ 126॥

सिंहारूढा सिंहिकास्या दैत्यशोणितपायिनी ।

सुकीर्तिसहिताच्छिन्नसंशया रसवेदिनी ॥ 127॥

गुणाभिरामा नागारिवाहना निर्जरार्चिता ।

नित्योदिता स्वयञ्ज्योतिः स्वर्णकाया प्रकीर्तिता ॥ 128॥

वज्रदण्डाङ्किता चैव तथामृतसञ्जीविनी ।

वज्रच्छन्ना देवदेवी वरवज्रस्वविग्रहा ॥ 129॥

माङ्गल्या मङ्गलात्मा च मालिनी माल्यधारिणी ।

गन्धर्वी तरुणी चान्द्री खड्गायुधधरा तथा ॥ 130॥

सौदामिनी प्रजानन्दा तथा प्रोक्ता भृगूद्भवा ।

एकानङ्गा च शास्त्रार्थकुशला धर्मचारिणी ॥ 131॥

धर्मसर्वस्ववाहा च धर्माधर्मविनिश्चया ।

धर्मशक्तिर्धर्ममया धार्मिकानां शिवप्रदा ॥ 132॥

विधर्मा विश्वधर्मज्ञा धर्मार्थान्तरविग्रहा ।

धर्मवर्ष्मा धर्मपूर्वा धर्मपारङ्गतान्तरा ॥ 133॥

धर्मोपदेष्ट्री धर्मात्मा धर्मगम्या धराधरा ।

कपालिनी शाकलिनी कलाकलितविग्रहा ॥ 134॥

सर्वशक्तिविमुक्ता च कर्णिकारधराऽक्षरा।

कंसप्राणहरा चैव युगधर्मधरा तथा ॥ 135॥

युगप्रवर्तिका प्रोक्ता त्रिसन्ध्या ध्येयविग्रहा ।

स्वर्गापवर्गदात्री च तथा प्रत्यक्षदेवता ॥ 136॥

आदित्या दिव्यगन्धा च दिवाकरनिभप्रभा ।

पद्मासनगता प्रोक्ता खड्गबाणशरासना ॥ 137॥

शिष्टा विशिष्टा शिष्टेष्टा शिष्टश्रेष्ठप्रपूजिता ।

शतरूपा शतावर्ता वितता रासमोदिनी ॥ 138॥

सूर्येन्दुनेत्रा प्रद्युम्नजननी सुष्ठुमायिनी ।

सूर्यान्तरस्थिता चैव सत्प्रतिष्ठतविग्रहा ॥ 139॥

निवृत्ता प्रोच्यते ज्ञानपारगा पर्वतात्मजा ।

कात्यायनी चण्डिका च चण्डी हैमवती तथा ॥ 140॥

दाक्षायणी सती चैव भवानी सर्वमङ्गला ।

धूम्रलोचनहन्त्री च चण्डमुण्डविनाशिनी ॥ 141॥

योगनिद्रा योगभद्रा समुद्रतनया तथा ।

देवप्रियङ्करी शुद्धा भक्तभक्तिप्रवर्धिनी ॥ 142॥

त्रिणेत्रा चन्द्रमुकुटा प्रमथार्चितपादुका ।

अर्जुनाभीष्टदात्री च पाण्डवप्रियकारिणी ॥ 143॥

कुमारलालनासक्ता हरबाहूपधानिका ।

विघ्नेशजननी भक्तविघ्नस्तोमप्रहारिणी ॥ 144॥

सुस्मितेन्दुमुखी नम्या जयाप्रियसखी तथा ।

अनादिनिधना प्रेष्ठा चित्रमाल्यानुलेपना ॥ 145॥

कोटिचन्द्रप्रतीकाशा कूटजालप्रमाथिनी ।

कृत्याप्रहारिणी चैव मारणोच्चाटनी तथा ॥ 146॥

सुरासुरप्रवन्द्याङ्घ्रिर्मोहघ्नी ज्ञानदायिनी ।

षड्वैरिनिग्रहकरी वैरिविद्राविणी तथा ॥ 147॥

भूतसेव्या भूतदात्री भूतपीडाविमर्दिका ।

नारदस्तुतचारित्रा वरदेशा वरप्रदा ॥ 148॥

वामदेवस्तुता चैव कामदा सोमशेखरा ।

दिक्पालसेविता भव्या भामिनी भावदायिनी ॥ 149॥

स्त्रीसौभाग्यप्रदात्री च भोगदा रोगनाशिनी ।

व्योमगा भूमिगा चैव मुनिपूज्यपदाम्बुजा ।

वनदुर्गा च दुर्बोधा महादुर्गा प्रकीर्तिता ॥ 150॥

फलश्रुतिः

इतीदं कीर्तिदं भद्र दुर्गानामसहस्रकम् ।

त्रिसन्ध्यं यः पठेन्नित्यं तस्य लक्ष्मीः स्थिरा भवेत् ॥ 1॥

ग्रहभूतपिशाचादिपीडा नश्यत्यसंशयम् ।

बालग्रहादिपीडायाः शान्तिर्भवति कीर्तनात् ॥ 2॥

मारिकादिमहारोगे पठतां सौख्यदं नृणाम् ।

व्यवहारे च जयदं शत्रुबाधानिवारकम् ॥ 3॥

दम्पत्योः कलहे प्राप्ते मिथः प्रेमाभिवर्धकम् ।

आयुरारोग्यदं पुंसां सर्वसम्पत्प्रदायकम् ॥ 4॥

विद्याभिवर्धकं नित्यं पठतामर्थसाधकम् ।

शुभदं शुभकार्येषु पठतां शृणुतामपि ॥ 5॥

यः पूजयति दुर्गां तां दुर्गानामसहस्रकैः ।

पुष्पैः कुङ्कुमसम्मिश्रैः स तु यत्काङ्क्षते हृदि ॥ 6॥

तत्सर्वं समवाप्नोति नास्ति नास्त्यत्र संशयः ।

यन्मुखे ध्रियते नित्यं दुर्गानामसहस्रकम् ॥ 7॥

किं तस्येतरमन्त्रौघैः कार्यं धन्यतमस्य हि ।

दुर्गानामसहस्रस्य पुस्तकं यद्गृहे भवेत् ॥ 8॥

न तत्र ग्रहभूतादिबाधा स्यान्मङ्गलास्पदे ।

तद्गृहं पुण्यदं क्षेत्रं देवीसान्निध्यकारकम् ॥ 9॥

एतस्य स्तोत्रमुख्यस्य पाठकः श्रेष्ठमन्त्रवित् ।

देवतायाः प्रसादेन सर्वपूज्यः सुखी भवेत् ॥ 10॥

इत्येतन्नगराजेन कीर्तितं मुनिसत्तम ।

गुह्याद्गुह्यतरं स्तोत्रं त्वयि स्नेहात् प्रकीर्तितम् ॥ 11॥

भक्ताय श्रद्धधानाय केवलं कीर्त्यतामिदम् ।

हृदि धारय नित्यं त्वं देव्यनुग्रहसाधकम् ॥ 12॥ ॥

इति श्रीस्कान्दपुराणे स्कन्दनारदसंवादे दुर्गासहस्रनामस्तोत्रं सम्पूर्णम् ॥