॥ অথ শ্রী দুর্গা সহস্রনামস্তোত্রম্ ॥
নারদ উবাচ -
কুমার গুণগম্ভীর দেবসেনাপতে প্রভো ।
সর্বাভীষ্টপ্রদং পুংসাং সর্বপাপপ্রণাশনম্ ॥ 1॥
গুহ্যাদ্গুহ্যতরং স্তোত্রং ভক্তিবর্ধকমঞ্জসা ।
মঙ্গলং গ্রহপীডাদিশান্তিদং বক্তুমর্হসি ॥ 2॥
স্কন্দ উবাচ -
শৃণু নারদ দেবর্ষে লোকানুগ্রহকাম্যযা ।
যত্পৃচ্ছসি পরং পুণ্যং তত্তে বক্ষ্যামি কৌতুকাত্ ॥ 3॥
মাতা মে লোকজননী হিমবন্নগসত্তমাত্ ।
মেনাযাং ব্রহ্মবাদিন্যাং প্রাদুর্ভূতা হরপ্রিযা ॥ 4॥
মহতা তপসাঽঽরাধ্য শঙ্করং লোকশঙ্করম্ ।
স্বমেব বল্লভং ভেজে কলেব হি কলানিধিম্ ॥ 5॥
নগানামধিরাজস্তু হিমবান্ বিরহাতুরঃ ।
স্বসুতাযাঃ পরিক্ষীণে বসিষ্ঠেন প্রবোধিতঃ ॥ 6॥
ত্রিলোকজননী সেযং প্রসন্না ত্বযি পুণ্যতঃ ।
প্রাদুর্ভূতা সুতাত্বেন তদ্বিযোগং শুভং ত্যজ ॥ 7॥
বহুরূপা চ দুর্গেযং বহুনাম্নী সনাতনী ।
সনাতনস্য জাযা সা পুত্রীমোহং ত্যজাধুনা ॥ 8॥
ইতি প্রবোধিতঃ শৈলঃ তাং তুষ্টাব পরাং শিবাম্ ।
তদা প্রসন্না সা দুর্গা পিতরং প্রাহ নন্দিনী ॥ 9॥
মত্প্রসাদাত্পরং স্তোত্রং হৃদযে প্রতিভাসতাম্ ।
তেন নাম্নাং সহস্রেণ পূজযন্ কামমাপ্নুহি ॥ 10॥
ইত্যুক্ত্বান্তর্হিতাযাং তু হৃদযে স্ফুরিতং তদা ।
নাম্নাং সহস্রং দুর্গাযাঃ পৃচ্ছতে মে যদুক্তবান্ ॥ 11॥
মঙ্গলানাং মঙ্গলং তদ্ দুর্গানাম সহস্রকম্ ।
সর্বাভীষ্টপ্রদাং পুংসাং ব্রবীম্যখিলকামদম্ ॥ 12॥
দুর্গাদেবী সমাখ্যাতা হিমবানৃষিরুচ্যতে ।
ছন্দোনুষ্টুপ্ জপো দেব্যাঃ প্রীতযে ক্রিযতে সদা ॥ 13॥
অস্য শ্রীদুর্গাস্তোত্রমহামন্ত্রস্য । হিমবান্ ঋষিঃ । অনুষ্টুপ্ ছন্দঃ ।
দুর্গাভগবতী দেবতা । শ্রীদুর্গাপ্রসাদসিদ্ধ্যর্থে জপে বিনিযোগঃ । ।
শ্রীভগবত্যৈ দুর্গাযৈ নমঃ ।
দেবীধ্যানম্
ওঁ হ্রীং কালাভ্রাভাং কটাক্ষৈররিকুলভযদাং মৌলিবদ্ধেন্দুরেখাং
শঙ্খং চক্রং কৃপাণং ত্রিশিখমপি করৈরুদ্বহন্তীং ত্রিনেত্রাম্ ।
সিংহস্কন্ধাধিরূঢাং ত্রিভুবনমখিলং তেজসা পূরযন্তীং
ধ্যাযেদ্ দুর্গাং জযাখ্যাং ত্রিদশপরিবৃতাং সেবিতাং সিদ্ধিকামৈঃ ॥
শ্রী জযদুর্গাযৈ নমঃ ।
ওঁ শিবাথোমা রমা শক্তিরনন্তা নিষ্কলাঽমলা ।
শান্তা মাহেশ্বরী নিত্যা শাশ্বতা পরমা ক্ষমা ॥ 1॥
অচিন্ত্যা কেবলানন্তা শিবাত্মা পরমাত্মিকা ।
অনাদিরব্যযা শুদ্ধা সর্বজ্ঞা সর্বগাঽচলা ॥ 2॥
একানেকবিভাগস্থা মাযাতীতা সুনির্মলা ।
মহামাহেশ্বরী সত্যা মহাদেবী নিরঞ্জনা ॥ 3॥
কাষ্ঠা সর্বান্তরস্থাঽপি চিচ্ছক্তিশ্চাত্রিলালিতা ।
সর্বা সর্বাত্মিকা বিশ্বা জ্যোতীরূপাক্ষরামৃতা ॥ 4॥
শান্তা প্রতিষ্ঠা সর্বেশা নিবৃত্তিরমৃতপ্রদা ।
ব্যোমমূর্তির্ব্যোমসংস্থা ব্যোমধারাঽচ্যুতাঽতুলা ॥ 5॥
অনাদিনিধনাঽমোঘা কারণাত্মকলাকুলা ।
ঋতুপ্রথমজাঽনাভিরমৃতাত্মসমাশ্রযা ॥ 6॥
প্রাণেশ্বরপ্রিযা নম্যা মহামহিষঘাতিনী ।
প্রাণেশ্বরী প্রাণরূপা প্রধানপুরুষেশ্বরী ॥ 7॥
সর্বশক্তিকলাঽকামা মহিষেষ্টবিনাশিনী ।
সর্বকার্যনিযন্ত্রী চ সর্বভূতেশ্বরেশ্বরী ॥ 8॥
অঙ্গদাদিধরা চৈব তথা মুকুটধারিণী ।
সনাতনী মহানন্দাঽঽকাশযোনিস্তথেচ্যতে ॥ 9॥
চিত্প্রকাশস্বরূপা চ মহাযোগেশ্বরেশ্বরী ।
মহামাযা সদুষ্পারা মূলপ্রকৃতিরীশিকা ॥ 10॥
সংসারযোনিঃ সকলা সর্বশক্তিসমুদ্ভবা ।
সংসারপারা দুর্বারা দুর্নিরীক্ষা দুরাসদা ॥ 11॥
প্রাণশক্তিশ্চ সেব্যা চ যোগিনী পরমাকলা ।
মহাবিভূতির্দুর্দর্শা মূলপ্রকৃতিসম্ভবা ॥ 12॥
অনাদ্যনন্তবিভবা পরার্থা পুরুষারণিঃ ।
সর্গস্থিত্যন্তকৃচ্চৈব সুদুর্বাচ্যা দুরত্যযা ॥ 13॥
শব্দগম্যা শব্দমাযা শব্দাখ্যানন্দবিগ্রহা ।
প্রধানপুরুষাতীতা প্রধানপুরুষাত্মিকা ॥ 14॥
পুরাণী চিন্মযা পুংসামিষ্টদা পুষ্টিরূপিণী ।
পূতান্তরস্থা কূটস্থা মহাপুরুষসঞ্জ্ঞিতা ॥ 15॥
জন্মমৃত্যুজরাতীতা সর্বশক্তিস্বরূপিণী ।
বাঞ্ছাপ্রদাঽনবচ্ছিন্নপ্রধানানুপ্রবেশিনী ॥ 16॥
ক্ষেত্রজ্ঞাঽচিন্ত্যশক্তিস্তু প্রোচ্যতেঽব্যক্তলক্ষণা ।
মলাপবর্জিতাঽঽনাদিমাযা ত্রিতযতত্ত্বিকা ॥ 17॥
প্রীতিশ্চ প্রকৃতিশ্চৈব গুহাবাসা তথোচ্যতে ।
মহামাযা নগোত্পন্না তামসী চ ধ্রুবা তথা ॥ 18॥
ব্যক্তাঽব্যক্তাত্মিকা কৃষ্ণা রক্তা শুক্লা হ্যকারণা ।
প্রোচ্যতে কার্যজননী নিত্যপ্রসবধর্মিণী ॥ 19॥
সর্গপ্রলযমুক্তা চ সৃষ্টিস্থিত্যন্তধর্মিণী ।
ব্রহ্মগর্ভা চতুর্বিংশস্বরূপা পদ্মবাসিনী ॥ 20॥
অচ্যুতাহ্লাদিকা বিদ্যুদ্ব্রহ্মযোনির্মহালযা ।
মহালক্ষ্মী সমুদ্ভাবভাবিতাত্মামহেশ্বরী ॥ 21॥
মহাবিমানমধ্যস্থা মহানিদ্রা সকৌতুকা ।
সর্বার্থধারিণী সূক্ষ্মা হ্যবিদ্ধা পরমার্থদা ॥ 22॥
অনন্তরূপাঽনন্তার্থা তথা পুরুষমোহিনী ।
অনেকানেকহস্তা চ কালত্রযবিবর্জিতা ॥ 23॥
ব্রহ্মজন্মা হরপ্রীতা মতির্ব্রহ্মশিবাত্মিকা ।
ব্রহ্মেশবিষ্ণুসম্পূজ্যা ব্রহ্মাখ্যা ব্রহ্মসঞ্জ্ঞিতা ॥ 24॥
ব্যক্তা প্রথমজা ব্রাহ্মী মহারাত্রীঃ প্রকীর্তিতা ।
জ্ঞানস্বরূপা বৈরাগ্যরূপা হ্যৈশ্বর্যরূপিণী ॥ 25॥
ধর্মাত্মিকা ব্রহ্মমূর্তিঃ প্রতিশ্রুতপুমর্থিকা ।
অপাংযোনিঃ স্বযম্ভূতা মানসী তত্ত্বসম্ভবা ॥ 26॥
ঈশ্বরস্য প্রিযা প্রোক্তা শঙ্করার্ধশরীরিণী ।
ভবানী চৈব রুদ্রাণী মহালক্ষ্মীস্তথাঽম্বিকা ॥ 27॥
মহেশ্বরসমুত্পন্না ভুক্তিমুক্তি প্রদাযিনী ।
সর্বেশ্বরী সর্ববন্দ্যা নিত্যমুক্তা সুমানসা ॥ 28॥
মহেন্দ্রোপেন্দ্রনমিতা শাঙ্করীশানুবর্তিনী ।
ঈশ্বরার্ধাসনগতা মাহেশ্বরপতিব্রতা ॥ 29॥
সংসারশোষিণী চৈব পার্বতী হিমবত্সুতা ।
পরমানন্দদাত্রী চ গুণাগ্র্যা যোগদা তথা ॥ 30॥
জ্ঞানমূর্তিশ্চ সাবিত্রী লক্ষ্মীঃ শ্রীঃ কমলা তথা ।
অনন্তগুণগম্ভীরা হ্যুরোনীলমণিপ্রভা ॥ 31॥
সরোজনিলযা গঙ্গা যোগিধ্যেযাঽসুরার্দিনী ।
সরস্বতী সর্ববিদ্যা জগজ্জ্যেষ্ঠা সুমঙ্গলা ॥ 32॥
বাগ্দেবী বরদা বর্যা কীর্তিঃ সর্বার্থসাধিকা ।
বাগীশ্বরী ব্রহ্মবিদ্যা মহাবিদ্যা সুশোভনা ॥ 33॥
গ্রাহ্যবিদ্যা বেদবিদ্যা ধর্মবিদ্যাঽঽত্মভাবিতা ।
স্বাহা বিশ্বম্ভরা সিদ্ধিঃ সাধ্যা মেধা ধৃতিঃ কৃতিঃ ॥ 34॥
সুনীতিঃ সঙ্কৃতিশ্চৈব কীর্তিতা নরবাহিনী ।
পূজাবিভাবিনী সৌম্যা ভোগ্যভাগ্ ভোগদাযিনী ॥ 35॥
শোভাবতী শাঙ্করী চ লোলা মালাবিভূষিতা ।
পরমেষ্ঠিপ্রিযা চৈব ত্রিলোকীসুন্দরী মাতা ॥ 36॥
নন্দা সন্ধ্যা কামধাত্রী মহাদেবী সুসাত্ত্বিকা ।
মহামহিষদর্পঘ্নী পদ্মমালাঽঘহারিণী ॥ 37॥
বিচিত্রমুকুটা রামা কামদাতা প্রকীর্তিতা ।
পিতাম্বরধরা দিব্যবিভূষণ বিভূষিতা ॥ 38॥
দিব্যাখ্যা সোমবদনা জগত্সংসৃষ্টিবর্জিতা ।
নির্যন্ত্রা যন্ত্রবাহস্থা নন্দিনী রুদ্রকালিকা ॥ 39॥
আদিত্যবর্ণা কৌমারী মযূরবরবাহিনী ।
পদ্মাসনগতা গৌরী মহাকালী সুরার্চিতা ॥ 40॥
অদিতির্নিযতা রৌদ্রী পদ্মগর্ভা বিবাহনা ।
বিরূপাক্ষা কেশিবাহা গুহাপুরনিবাসিনী ॥ 41॥
মহাফলাঽনবদ্যাঙ্গী কামরূপা সরিদ্বরা ।
ভাস্বদ্রূপা মুক্তিদাত্রী প্রণতক্লেশভঞ্জনা ॥ 42॥
কৌশিকী গোমিনী রাত্রিস্ত্রিদশারিবিনাশিনী ।
বহুরূপা সুরূপা চ বিরূপা রূপবর্জিতা ॥ 43॥
ভক্তার্তিশমনা ভব্যা ভবভাববিনাশিনী ।
সর্বজ্ঞানপরীতাঙ্গী সর্বাসুরবিমর্দিকা ॥ 44॥
পিকস্বনী সামগীতা ভবাঙ্কনিলযা প্রিযা ।
দীক্ষা বিদ্যাধরী দীপ্তা মহেন্দ্রাহিতপাতিনী ॥ 45॥
সর্বদেবমযা দক্ষা সমুদ্রান্তরবাসিনী ।
অকলঙ্কা নিরাধারা নিত্যসিদ্ধা নিরামযা ॥ 46॥
কামধেনুবৃহদ্গর্ভা ধীমতী মৌননাশিনী ।
নিঃসঙ্কল্পা নিরাতঙ্কা বিনযা বিনযপ্রদা ॥ 47॥
জ্বালামালা সহস্রাঢ্যা দেবদেবী মনোমযা ।
সুভগা সুবিশুদ্ধা চ বসুদেবসমুদ্ভবা ॥ 48॥
মহেন্দ্রোপেন্দ্রভগিনী ভক্তিগম্যা পরাবরা ।
জ্ঞানজ্ঞেযা পরাতীতা বেদান্তবিষযা মতিঃ ॥ 49॥
দক্ষিণা দাহিকা দহ্যা সর্বভূতহৃদিস্থিতা ।
যোগমাযা বিভাগজ্ঞা মহামোহা গরীযসী ॥ 50॥
সন্ধ্যা সর্বসমুদ্ভূতা ব্রহ্মবৃক্ষাশ্রিযাদিতিঃ ।
বীজাঙ্কুরসমুদ্ভূতা মহাশক্তির্মহামতিঃ ॥ 51॥
খ্যাতিঃ প্রজ্ঞাবতী সঞ্জ্ঞা মহাভোগীন্দ্রশাযিনী ।
হীঙ্কৃতিঃ শঙ্করী শান্তির্গন্ধর্বগণসেবিতা ॥ 52॥
বৈশ্বানরী মহাশূলা দেবসেনা ভবপ্রিযা ।
মহারাত্রী পরানন্দা শচী দুঃস্বপ্ননাশিনী ॥ 53॥
ঈড্যা জযা জগদ্ধাত্রী দুর্বিজ্ঞেযা সুরূপিণী ।
গুহাম্বিকা গণোত্পন্না মহাপীঠা মরুত্সুতা ॥ 54॥
হব্যবাহা ভবানন্দা জগদ্যোনিঃ প্রকীর্তিতা ।
জগন্মাতা জগন্মৃত্যুর্জরাতীতা চ বুদ্ধিদা ॥ 55॥
সিদ্ধিদাত্রী রত্নগর্ভা রত্নগর্ভাশ্রযা পরা ।
দৈত্যহন্ত্রী স্বেষ্টদাত্রী মঙ্গলৈকসুবিগ্রহা ॥ 56॥
পুরুষান্তর্গতা চৈব সমাধিস্থা তপস্বিনী ।
দিবিস্থিতা ত্রিণেত্রা চ সর্বেন্দ্রিযমনাধৃতিঃ ॥ 57॥
সর্বভূতহৃদিস্থা চ তথা সংসারতারিণী ।
বেদ্যা ব্রহ্মবিবেদ্যা চ মহালীলা প্রকীর্তিতা ॥ 58॥
ব্রাহ্মণিবৃহতী ব্রাহ্মী ব্রহ্মভূতাঽঘহারিণী ।
হিরণ্মযী মহাদাত্রী সংসারপরিবর্তিকা ॥ 59॥
সুমালিনী সুরূপা চ ভাস্বিনী ধারিণী তথা ।
উন্মূলিনী সর্বসভা সর্বপ্রত্যযসাক্ষিণী ॥ 60॥
সুসৌম্যা চন্দ্রবদনা তাণ্ডবাসক্তমানসা ।
সত্ত্বশুদ্ধিকরী শুদ্ধা মলত্রযবিনাশিনী ॥ 61॥
জগত্ত্ত্রযী জগন্মূর্তিস্ত্রিমূর্তিরমৃতাশ্রযা ।
বিমানস্থা বিশোকা চ শোকনাশিন্যনাহতা ॥ 62॥
হেমকুণ্ডলিনী কালী পদ্মবাসা সনাতনী ।
সদাকীর্তিঃ সর্বভূতশযা দেবী সতাম্প্রিযা ॥ 63॥
ব্রহ্মমূর্তিকলা চৈব কৃত্তিকা কঞ্জমালিনী ।
ব্যোমকেশা ক্রিযাশক্তিরিচ্ছাশক্তিঃ পরাগতিঃ ॥ 64॥
ক্ষোভিকা খণ্ডিকাভেদ্যা ভেদাভেদবিবর্জিতা ।
অভিন্না ভিন্নসংস্থানা বশিনী বংশধারিণী ॥ 65॥
গুহ্যশক্তির্গুহ্যতত্ত্বা সর্বদা সর্বতোমুখী ।
ভগিনী চ নিরাধারা নিরাহারা প্রকীর্তিতা ॥ 66॥
নিরঙ্কুশপদোদ্ভূতা চক্রহস্তা বিশোধিকা ।
স্রগ্বিণী পদ্মসম্ভেদকারিণী পরিকীর্তিতা ॥ 67॥
পরাবরবিধানজ্ঞা মহাপুরুষপূর্বজা ।
পরাবরজ্ঞা বিদ্যা চ বিদ্যুজ্জিহ্বা জিতাশ্রযা ॥ 68॥
বিদ্যামযী সহস্রাক্ষী সহস্রবদনাত্মজা ।
সহস্ররশ্মিঃসত্বস্থা মহেশ্বরপদাশ্রযা ॥ 69॥
জ্বালিনী সন্মযা ব্যাপ্তা চিন্মযা পদ্মভেদিকা ।
মহাশ্রযা মহামন্ত্রা মহাদেবমনোরমা ॥ 70॥
ব্যোমলক্ষ্মীঃ সিংহরথা চেকিতানাঽমিতপ্রভা ।
বিশ্বেশ্বরী ভগবতী সকলা কালহারিণী ॥ 71॥
সর্ববেদ্যা সর্বভদ্রা গুহ্যা দূঢা গুহারণী ।
প্রলযা যোগধাত্রী চ গঙ্গা বিশ্বেশ্বরী তথা ॥ 72॥
কামদা কনকা কান্তা কঞ্জগর্ভপ্রভা তথা ।
পুণ্যদা কালকেশা চ ভোক্ত্ত্রী পুষ্করিণী তথা ॥ 73॥
সুরেশ্বরী ভূতিদাত্রী ভূতিভূষা প্রকীর্তিতা ।
পঞ্চব্রহ্মসমুত্পন্না পরমার্থাঽর্থবিগ্রহা ॥ 74॥
বর্ণোদযা ভানুমূর্তির্বাগ্বিজ্ঞেযা মনোজবা ।
মনোহরা মহোরস্কা তামসী বেদরূপিণী ॥ 75॥
বেদশক্তির্বেদমাতা বেদবিদ্যাপ্রকাশিনী ।
যোগেশ্বরেশ্বরী মাযা মহাশক্তির্মহামযী ॥ 76॥
বিশ্বান্তঃস্থা বিযন্মূর্তির্ভার্গবী সুরসুন্দরী ।
সুরভির্নন্দিনী বিদ্যা নন্দগোপতনূদ্ভবা ॥ 77॥
ভারতী পরমানন্দা পরাবরবিভেদিকা ।
সর্বপ্রহরণোপেতা কাম্যা কামেশ্বরেশ্বরী ॥ 78॥
অনন্তানন্দবিভবা হৃল্লেখা কনকপ্রভা ।
কূষ্মাণ্ডা ধনরত্নাঢ্যা সুগন্ধা গন্ধদাযিনী ॥ 79॥
ত্রিবিক্রমপদোদ্ভূতা চতুরাস্যা শিবোদযা ।
সুদুর্লভা ধনাধ্যক্ষা ধন্যা পিঙ্গললোচনা ॥ 80॥
শান্তা প্রভাস্বরূপা চ পঙ্কজাযতলোচনা ।
ইন্দ্রাক্ষী হৃদযান্তঃস্থা শিবা মাতা চ সত্ক্রিযা ॥ 81॥
গিরিজা চ সুগূঢা চ নিত্যপুষ্টা নিরন্তরা ।
দুর্গা কাত্যাযনী চণ্ডী চন্দ্রিকা কান্তবিগ্রহা ॥ 82॥
হিরণ্যবর্ণা জগতী জগদ্যন্ত্রপ্রবর্তিকা ।
মন্দরাদ্রিনিবাসা চ শারদা স্বর্ণমালিনী ॥ 83॥
রত্নমালা রত্নগর্ভা ব্যুষ্টির্বিশ্বপ্রমাথিনী ।
পদ্মানন্দা পদ্মনিভা নিত্যপুষ্টা কৃতোদ্ভবা ॥ 84॥
নারাযণী দুষ্টশিক্ষা সূর্যমাতা বৃষপ্রিযা ।
মহেন্দ্রভগিনী সত্যা সত্যভাষা সুকোমলা ॥ 85॥
বামা চ পঞ্চতপসাং বরদাত্রী প্রকীর্তিতা ।
বাচ্যবর্ণেশ্বরী বিদ্যা দুর্জযা দুরতিক্রমা ॥ 86॥
কালরাত্রির্মহাবেগা বীরভদ্রপ্রিযা হিতা ।
ভদ্রকালী জগন্মাতা ভক্তানাং ভদ্রদাযিনী ॥ 87॥
করালা পিঙ্গলাকারা কামভেত্ত্রী মহামনাঃ ।
যশস্বিনী যশোদা চ ষডধ্বপরিবর্তিকা ॥ 88॥
শঙ্খিনী পদ্মিনী সঙ্খ্যা সাঙ্খ্যযোগপ্রবর্তিকা ।
চৈত্রাদির্বত্সরারূঢা জগত্সম্পূরণীন্দ্রজা ॥ 89॥
শুম্ভঘ্নী খেচরারাধ্যা কম্বুগ্রীবা বলীডিতা ।
খগারূঢা মহৈশ্বর্যা সুপদ্মনিলযা তথা ॥ 90॥
বিরক্তা গরুডস্থা চ জগতীহৃদ্গুহাশ্রযা ।
শুম্ভাদিমথনা ভক্তহৃদ্গহ্বরনিবাসিনী ॥ 91॥
জগত্ত্ত্রযারণী সিদ্ধসঙ্কল্পা কামদা তথা ।
সর্ববিজ্ঞানদাত্রী চানল্পকল্মষহারিণী ॥ 92॥
সকলোপনিষদ্গম্যা দুষ্টদুষ্প্রেক্ষ্যসত্তমা ।
সদ্বৃতা লোকসংব্যাপ্তা তুষ্টিঃ পুষ্টিঃ ক্রিযাবতী ॥ 93॥
বিশ্বামরেশ্বরী চৈব ভুক্তিমুক্তিপ্রদাযিনী ।
শিবাধৃতা লোহিতাক্ষী সর্পমালাবিভূষণা ॥ 94॥
নিরানন্দা ত্রিশূলাসিধনুর্বাণাদিধারিণী ।
অশেষধ্যেযমূর্তিশ্চ দেবতানাং চ দেবতা ॥ 95॥
বরাম্বিকা গিরেঃ পুত্রী নিশুম্ভবিনিপাতিনী ।
সুবর্ণা স্বর্ণলসিতাঽনন্তবর্ণা সদাধৃতা ॥ 96॥
শাঙ্করী শান্তহৃদযা অহোরাত্রবিধাযিকা ।
বিশ্বগোপ্ত্রী গূঢরূপা গুণপূর্ণা চ গার্গ্যজা ॥ 97॥
গৌরী শাকম্ভরী সত্যসন্ধা সন্ধ্যাত্রযীধৃতা ।
সর্বপাপবিনির্মুক্তা সর্ববন্ধবিবর্জিতা ॥ 98॥
সাঙ্খ্যযোগসমাখ্যাতা অপ্রমেযা মুনীডিতা ।
বিশুদ্ধসুকুলোদ্ভূতা বিন্দুনাদসমাদৃতা ॥ 99॥
শম্ভুবামাঙ্কগা চৈব শশিতুল্যনিভাননা ।
বনমালাবিরাজন্তী অনন্তশযনাদৃতা ॥ 100॥
নরনারাযণোদ্ভূতা নারসিংহী প্রকীর্তিতা ।
দৈত্যপ্রমাথিনী শঙ্খচক্রপদ্মগদাধরা ॥ 101॥
সঙ্কর্ষণসমুত্পন্না অম্বিকা সজ্জনাশ্রযা ।
সুবৃতা সুন্দরী চৈব ধর্মকামার্থদাযিনী ॥ 102॥
মোক্ষদা ভক্তিনিলযা পুরাণপুরুষাদৃতা ।
মহাবিভূতিদাঽঽরাধ্যা সরোজনিলযাঽসমা ॥ 103॥
অষ্টাদশভুজাঽনাদির্নীলোত্পলদলাক্ষিণী ।
সর্বশক্তিসমারূঢা ধর্মাধর্মবিবর্জিতা ॥ 104॥
বৈরাগ্যজ্ঞাননিরতা নিরালোকা নিরিন্দ্রিযা ।
বিচিত্রগহনাধারা শাশ্বতস্থানবাসিনী ॥ 105॥
জ্ঞানেশ্বরী পীতচেলা বেদবেদাঙ্গপারগা ।
মনস্বিনী মন্যুমাতা মহামন্যুসমুদ্ভবা ॥ 106॥
অমন্যুরমৃতাস্বাদা পুরন্দরপরিষ্টুতা ।
অশোচ্যা ভিন্নবিষযা হিরণ্যরজতপ্রিযা ॥ 107॥
হিরণ্যজননী ভীমা হেমাভরণভূষিতা ।
বিভ্রাজমানা দুর্জ্ঞেযা জ্যোতিষ্টোমফলপ্রদা ॥ 108॥
মহানিদ্রাসমুত্পত্তিরনিদ্রা সত্যদেবতা ।
দীর্ঘা ককুদ্মিনী পিঙ্গজটাধারা মনোজ্ঞধীঃ ॥ 109॥
মহাশ্রযা রমোত্পন্না তমঃপারে প্রতিষ্ঠিতা ।
ত্রিতত্ত্বমাতা ত্রিবিধা সুসূক্ষ্মা পদ্মসংশ্রযা ॥ 110॥
শান্ত্যতীতকলাঽতীতবিকারা শ্বেতচেলিকা ।
চিত্রমাযা শিবজ্ঞানস্বরূপা দৈত্যমাথিনী ॥ 111॥
কাশ্যপী কালসর্পাভবেণিকা শাস্ত্রযোনিকা ।
ত্রযীমূর্তিঃ ক্রিযামূর্তিশ্চতুর্বর্গা চ দর্শিনী ॥ 112॥
নারাযণী নরোত্পন্না কৌমুদী কান্তিধারিণী ।
কৌশিকী ললিতা লীলা পরাবরবিভাবিনী ॥ 113॥
বরেণ্যাঽদ্ভুতমহাত্ম্যা বডবা বামলোচনা ।
সুভদ্রা চেতনারাধ্যা শান্তিদা শান্তিবর্ধিনী ॥ 114॥
জযাদিশক্তিজননী শক্তিচক্রপ্রবর্তিকা ।
ত্রিশক্তিজননী জন্যা ষট্সূত্রপরিবর্ণিতা ॥ 115॥
সুধৌতকর্মণাঽঽরাধ্যা যুগান্তদহনাত্মিকা ।
সঙ্কর্ষিণী জগদ্ধাত্রী কামযোনিঃ কিরীটিনী ॥ 116॥
ঐন্দ্রী ত্রৈলোক্যনমিতা বৈষ্ণবী পরমেশ্বরী ।
প্রদ্যুম্নজননী বিম্বসমোষ্ঠী পদ্মলোচনা ॥ 117॥
মদোত্কটা হংসগতিঃ প্রচণ্ডা চণ্ডবিক্রমা ।
বৃষাধীশা পরাত্মা চ বিন্ধ্যা পর্বতবাসিনী ॥ 118॥
হিমবন্মেরুনিলযা কৈলাসপুরবাসিনী ।
চাণূরহন্ত্রী নীতিজ্ঞা কামরূপা ত্রযীতনুঃ ॥ 119॥
ব্রতস্নাতা ধর্মশীলা সিংহাসননিবাসিনী ।
বীরভদ্রাদৃতা বীরা মহাকালসমুদ্ভবা ॥ 120॥
বিদ্যাধরার্চিতা সিদ্ধসাধ্যারাধিতপাদুকা ।
শ্রদ্ধাত্মিকা পাবনী চ মোহিনী অচলাত্মিকা ॥ 121॥
মহাদ্ভুতা বারিজাক্ষী সিংহবাহনগামিনী ।
মনীষিণী সুধাবাণী বীণাবাদনতত্পরা ॥ 122॥
শ্বেতবাহনিষেব্যা চ লসন্মতিররুন্ধতী ।
হিরণ্যাক্ষী তথা চৈব মহানন্দপ্রদাযিনী ॥ 123॥
বসুপ্রভা সুমাল্যাপ্তকন্ধরা পঙ্কজাননা ।
পরাবরা বরারোহা সহস্রনযনার্চিতা ॥ 124॥
শ্রীরূপা শ্রীমতী শ্রেষ্ঠা শিবনাম্নী শিবপ্রিযা ।
শ্রীপ্রদা শ্রিতকল্যাণা শ্রীধরার্ধশরীরিণী ॥ 125॥
শ্রীকলাঽনন্তদৃষ্টিশ্চ হ্যক্ষুদ্রারাতিসূদনী ।
রক্তবীজনিহন্ত্রী চ দৈত্যসঙ্গবিমর্দিনী ॥ 126॥
সিংহারূঢা সিংহিকাস্যা দৈত্যশোণিতপাযিনী ।
সুকীর্তিসহিতাচ্ছিন্নসংশযা রসবেদিনী ॥ 127॥
গুণাভিরামা নাগারিবাহনা নির্জরার্চিতা ।
নিত্যোদিতা স্বযঞ্জ্যোতিঃ স্বর্ণকাযা প্রকীর্তিতা ॥ 128॥
বজ্রদণ্ডাঙ্কিতা চৈব তথামৃতসঞ্জীবিনী ।
বজ্রচ্ছন্না দেবদেবী বরবজ্রস্ববিগ্রহা ॥ 129॥
মাঙ্গল্যা মঙ্গলাত্মা চ মালিনী মাল্যধারিণী ।
গন্ধর্বী তরুণী চান্দ্রী খড্গাযুধধরা তথা ॥ 130॥
সৌদামিনী প্রজানন্দা তথা প্রোক্তা ভৃগূদ্ভবা ।
একানঙ্গা চ শাস্ত্রার্থকুশলা ধর্মচারিণী ॥ 131॥
ধর্মসর্বস্ববাহা চ ধর্মাধর্মবিনিশ্চযা ।
ধর্মশক্তির্ধর্মমযা ধার্মিকানাং শিবপ্রদা ॥ 132॥
বিধর্মা বিশ্বধর্মজ্ঞা ধর্মার্থান্তরবিগ্রহা ।
ধর্মবর্ষ্মা ধর্মপূর্বা ধর্মপারঙ্গতান্তরা ॥ 133॥
ধর্মোপদেষ্ট্রী ধর্মাত্মা ধর্মগম্যা ধরাধরা ।
কপালিনী শাকলিনী কলাকলিতবিগ্রহা ॥ 134॥
সর্বশক্তিবিমুক্তা চ কর্ণিকারধরাঽক্ষরা।
কংসপ্রাণহরা চৈব যুগধর্মধরা তথা ॥ 135॥
যুগপ্রবর্তিকা প্রোক্তা ত্রিসন্ধ্যা ধ্যেযবিগ্রহা ।
স্বর্গাপবর্গদাত্রী চ তথা প্রত্যক্ষদেবতা ॥ 136॥
আদিত্যা দিব্যগন্ধা চ দিবাকরনিভপ্রভা ।
পদ্মাসনগতা প্রোক্তা খড্গবাণশরাসনা ॥ 137॥
শিষ্টা বিশিষ্টা শিষ্টেষ্টা শিষ্টশ্রেষ্ঠপ্রপূজিতা ।
শতরূপা শতাবর্তা বিততা রাসমোদিনী ॥ 138॥
সূর্যেন্দুনেত্রা প্রদ্যুম্নজননী সুষ্ঠুমাযিনী ।
সূর্যান্তরস্থিতা চৈব সত্প্রতিষ্ঠতবিগ্রহা ॥ 139॥
নিবৃত্তা প্রোচ্যতে জ্ঞানপারগা পর্বতাত্মজা ।
কাত্যাযনী চণ্ডিকা চ চণ্ডী হৈমবতী তথা ॥ 140॥
দাক্ষাযণী সতী চৈব ভবানী সর্বমঙ্গলা ।
ধূম্রলোচনহন্ত্রী চ চণ্ডমুণ্ডবিনাশিনী ॥ 141॥
যোগনিদ্রা যোগভদ্রা সমুদ্রতনযা তথা ।
দেবপ্রিযঙ্করী শুদ্ধা ভক্তভক্তিপ্রবর্ধিনী ॥ 142॥
ত্রিণেত্রা চন্দ্রমুকুটা প্রমথার্চিতপাদুকা ।
অর্জুনাভীষ্টদাত্রী চ পাণ্ডবপ্রিযকারিণী ॥ 143॥
কুমারলালনাসক্তা হরবাহূপধানিকা ।
বিঘ্নেশজননী ভক্তবিঘ্নস্তোমপ্রহারিণী ॥ 144॥
সুস্মিতেন্দুমুখী নম্যা জযাপ্রিযসখী তথা ।
অনাদিনিধনা প্রেষ্ঠা চিত্রমাল্যানুলেপনা ॥ 145॥
কোটিচন্দ্রপ্রতীকাশা কূটজালপ্রমাথিনী ।
কৃত্যাপ্রহারিণী চৈব মারণোচ্চাটনী তথা ॥ 146॥
সুরাসুরপ্রবন্দ্যাঙ্ঘ্রির্মোহঘ্নী জ্ঞানদাযিনী ।
ষড্বৈরিনিগ্রহকরী বৈরিবিদ্রাবিণী তথা ॥ 147॥
ভূতসেব্যা ভূতদাত্রী ভূতপীডাবিমর্দিকা ।
নারদস্তুতচারিত্রা বরদেশা বরপ্রদা ॥ 148॥
বামদেবস্তুতা চৈব কামদা সোমশেখরা ।
দিক্পালসেবিতা ভব্যা ভামিনী ভাবদাযিনী ॥ 149॥
স্ত্রীসৌভাগ্যপ্রদাত্রী চ ভোগদা রোগনাশিনী ।
ব্যোমগা ভূমিগা চৈব মুনিপূজ্যপদাম্বুজা ।
বনদুর্গা চ দুর্বোধা মহাদুর্গা প্রকীর্তিতা ॥ 150॥
ফলশ্রুতিঃ
ইতীদং কীর্তিদং ভদ্র দুর্গানামসহস্রকম্ ।
ত্রিসন্ধ্যং যঃ পঠেন্নিত্যং তস্য লক্ষ্মীঃ স্থিরা ভবেত্ ॥ 1॥
গ্রহভূতপিশাচাদিপীডা নশ্যত্যসংশযম্ ।
বালগ্রহাদিপীডাযাঃ শান্তির্ভবতি কীর্তনাত্ ॥ 2॥
মারিকাদিমহারোগে পঠতাং সৌখ্যদং নৃণাম্ ।
ব্যবহারে চ জযদং শত্রুবাধানিবারকম্ ॥ 3॥
দম্পত্যোঃ কলহে প্রাপ্তে মিথঃ প্রেমাভিবর্ধকম্ ।
আযুরারোগ্যদং পুংসাং সর্বসম্পত্প্রদাযকম্ ॥ 4॥
বিদ্যাভিবর্ধকং নিত্যং পঠতামর্থসাধকম্ ।
শুভদং শুভকার্যেষু পঠতাং শৃণুতামপি ॥ 5॥
যঃ পূজযতি দুর্গাং তাং দুর্গানামসহস্রকৈঃ ।
পুষ্পৈঃ কুঙ্কুমসম্মিশ্রৈঃ স তু যত্কাঙ্ক্ষতে হৃদি ॥ 6॥
তত্সর্বং সমবাপ্নোতি নাস্তি নাস্ত্যত্র সংশযঃ ।
যন্মুখে ধ্রিযতে নিত্যং দুর্গানামসহস্রকম্ ॥ 7॥
কিং তস্যেতরমন্ত্রৌঘৈঃ কার্যং ধন্যতমস্য হি ।
দুর্গানামসহস্রস্য পুস্তকং যদ্গৃহে ভবেত্ ॥ 8॥
ন তত্র গ্রহভূতাদিবাধা স্যান্মঙ্গলাস্পদে ।
তদ্গৃহং পুণ্যদং ক্ষেত্রং দেবীসান্নিধ্যকারকম্ ॥ 9॥
এতস্য স্তোত্রমুখ্যস্য পাঠকঃ শ্রেষ্ঠমন্ত্রবিত্ ।
দেবতাযাঃ প্রসাদেন সর্বপূজ্যঃ সুখী ভবেত্ ॥ 10॥
ইত্যেতন্নগরাজেন কীর্তিতং মুনিসত্তম ।
গুহ্যাদ্গুহ্যতরং স্তোত্রং ত্বযি স্নেহাত্ প্রকীর্তিতম্ ॥ 11॥
ভক্তায শ্রদ্ধধানায কেবলং কীর্ত্যতামিদম্ ।
হৃদি ধারয নিত্যং ত্বং দেব্যনুগ্রহসাধকম্ ॥ 12॥ ॥
ইতি শ্রীস্কান্দপুরাণে স্কন্দনারদসংবাদে দুর্গাসহস্রনামস্তোত্রং সম্পূর্ণম্ ॥
Roman (IAST) Transliteration
|| atha śrī durgā sahasranāmastotram ||
nārada uvāca -
kumāra guṇagambhīra devasenāpate prabho |
sarvābhīṣṭapradaṃ puṃsāṃ sarvapāpapraṇāśanam || 1||
guhyādguhyataraṃ stotraṃ bhaktivardhakamañjasā |
maṅgalaṃ grahapīḍādiśāntidaṃ vaktumarhasi || 2||
skanda uvāca -
śṛṇu nārada devarṣe lokānugrahakāmyayā |
yatpṛcchasi paraṃ puṇyaṃ tatte vakṣyāmi kautukāt || 3||
mātā me lokajananī himavannagasattamāt |
menāyāṃ brahmavādinyāṃ prādurbhūtā harapriyā || 4||
mahatā tapasā''rādhya śaṅkaraṃ lokaśaṅkaram |
svameva vallabhaṃ bheje kaleva hi kalānidhim || 5||
nagānāmadhirājastu himavān virahāturaḥ |
svasutāyāḥ parikṣīṇe vasiṣṭhena prabodhitaḥ || 6||
trilokajananī seyaṃ prasannā tvayi puṇyataḥ |
prādurbhūtā sutātvena tadviyogaṃ śubhaṃ tyaja || 7||
bahurūpā ca durgeyaṃ bahunāmnī sanātanī |
sanātanasya jāyā sā putrīmohaṃ tyajādhunā || 8||
iti prabodhitaḥ śailaḥ tāṃ tuṣṭāva parāṃ śivām |
tadā prasannā sā durgā pitaraṃ prāha nandinī || 9||
matprasādātparaṃ stotraṃ hṛdaye pratibhāsatām |
tena nāmnāṃ sahasreṇa pūjayan kāmamāpnuhi || 10||
ityuktvāntarhitāyāṃ tu hṛdaye sphuritaṃ tadā |
nāmnāṃ sahasraṃ durgāyāḥ pṛcchate me yaduktavān || 11||
maṅgalānāṃ maṅgalaṃ tad durgānāma sahasrakam |
sarvābhīṣṭapradāṃ puṃsāṃ bravīmyakhilakāmadam || 12||
durgādevī samākhyātā himavānṛṣirucyate |
chandonuṣṭup japo devyāḥ prītaye kriyate sadā || 13||
asya śrīdurgāstotramahāmantrasya | himavān ṛṣiḥ | anuṣṭup chandaḥ |
durgābhagavatī devatā | śrīdurgāprasādasiddhyarthe jape viniyogaḥ | |
śrībhagavatyai durgāyai namaḥ |
devīdhyānam
oṃ hrīṃ kālābhrābhāṃ kaṭākṣairarikulabhayadāṃ maulibaddhendurekhāṃ
śaṅkhaṃ cakraṃ kṛpāṇaṃ triśikhamapi karairudvahantīṃ trinetrām |
siṃhaskandhādhirūḍhāṃ tribhuvanamakhilaṃ tejasā pūrayantīṃ
dhyāyed durgāṃ jayākhyāṃ tridaśaparivṛtāṃ sevitāṃ siddhikāmaiḥ ||
śrī jayadurgāyai namaḥ |
oṃ śivāthomā ramā śaktiranantā niṣkalā'malā |
śāntā māheśvarī nityā śāśvatā paramā kṣamā || 1||
acintyā kevalānantā śivātmā paramātmikā |
anādiravyayā śuddhā sarvajñā sarvagā'calā || 2||
ekānekavibhāgasthā māyātītā sunirmalā |
mahāmāheśvarī satyā mahādevī nirañjanā || 3||
kāṣṭhā sarvāntarasthā'pi cicchaktiścātrilālitā |
sarvā sarvātmikā viśvā jyotīrūpākṣarāmṛtā || 4||
śāntā pratiṣṭhā sarveśā nivṛttiramṛtapradā |
vyomamūrtirvyomasaṃsthā vyomadhārā'cyutā'tulā || 5||
anādinidhanā'moghā kāraṇātmakalākulā |
ṛtuprathamajā'nābhiramṛtātmasamāśrayā || 6||
prāṇeśvarapriyā namyā mahāmahiṣaghātinī |
prāṇeśvarī prāṇarūpā pradhānapuruṣeśvarī || 7||
sarvaśaktikalā'kāmā mahiṣeṣṭavināśinī |
sarvakāryaniyantrī ca sarvabhūteśvareśvarī || 8||
aṅgadādidharā caiva tathā mukuṭadhāriṇī |
sanātanī mahānandā''kāśayonistathecyate || 9||
citprakāśasvarūpā ca mahāyogeśvareśvarī |
mahāmāyā saduṣpārā mūlaprakṛtirīśikā || 10||
saṃsārayoniḥ sakalā sarvaśaktisamudbhavā |
saṃsārapārā durvārā durnirīkṣā durāsadā || 11||
prāṇaśaktiśca sevyā ca yoginī paramākalā |
mahāvibhūtirdurdarśā mūlaprakṛtisambhavā || 12||
anādyanantavibhavā parārthā puruṣāraṇiḥ |
sargasthityantakṛccaiva sudurvācyā duratyayā || 13||
śabdagamyā śabdamāyā śabdākhyānandavigrahā |
pradhānapuruṣātītā pradhānapuruṣātmikā || 14||
purāṇī cinmayā puṃsāmiṣṭadā puṣṭirūpiṇī |
pūtāntarasthā kūṭasthā mahāpuruṣasañjñitā || 15||
janmamṛtyujarātītā sarvaśaktisvarūpiṇī |
vāñchāpradā'navacchinnapradhānānupraveśinī || 16||
kṣetrajñā'cintyaśaktistu procyate'vyaktalakṣaṇā |
malāpavarjitā''nādimāyā tritayatattvikā || 17||
prītiśca prakṛtiścaiva guhāvāsā tathocyate |
mahāmāyā nagotpannā tāmasī ca dhruvā tathā || 18||
vyaktā'vyaktātmikā kṛṣṇā raktā śuklā hyakāraṇā |
procyate kāryajananī nityaprasavadharmiṇī || 19||
sargapralayamuktā ca sṛṣṭisthityantadharmiṇī |
brahmagarbhā caturviṃśasvarūpā padmavāsinī || 20||
acyutāhlādikā vidyudbrahmayonirmahālayā |
mahālakṣmī samudbhāvabhāvitātmāmaheśvarī || 21||
mahāvimānamadhyasthā mahānidrā sakautukā |
sarvārthadhāriṇī sūkṣmā hyaviddhā paramārthadā || 22||
anantarūpā'nantārthā tathā puruṣamohinī |
anekānekahastā ca kālatrayavivarjitā || 23||
brahmajanmā haraprītā matirbrahmaśivātmikā |
brahmeśaviṣṇusampūjyā brahmākhyā brahmasañjñitā || 24||
vyaktā prathamajā brāhmī mahārātrīḥ prakīrtitā |
jñānasvarūpā vairāgyarūpā hyaiśvaryarūpiṇī || 25||
dharmātmikā brahmamūrtiḥ pratiśrutapumarthikā |
apāṃyoniḥ svayambhūtā mānasī tattvasambhavā || 26||
īśvarasya priyā proktā śaṅkarārdhaśarīriṇī |
bhavānī caiva rudrāṇī mahālakṣmīstathā'mbikā || 27||
maheśvarasamutpannā bhuktimukti pradāyinī |
sarveśvarī sarvavandyā nityamuktā sumānasā || 28||
mahendropendranamitā śāṅkarīśānuvartinī |
īśvarārdhāsanagatā māheśvarapativratā || 29||
saṃsāraśoṣiṇī caiva pārvatī himavatsutā |
paramānandadātrī ca guṇāgryā yogadā tathā || 30||
jñānamūrtiśca sāvitrī lakṣmīḥ śrīḥ kamalā tathā |
anantaguṇagambhīrā hyuronīlamaṇiprabhā || 31||
sarojanilayā gaṅgā yogidhyeyā'surārdinī |
sarasvatī sarvavidyā jagajjyeṣṭhā sumaṅgalā || 32||
vāgdevī varadā varyā kīrtiḥ sarvārthasādhikā |
vāgīśvarī brahmavidyā mahāvidyā suśobhanā || 33||
grāhyavidyā vedavidyā dharmavidyā''tmabhāvitā |
svāhā viśvambharā siddhiḥ sādhyā medhā dhṛtiḥ kṛtiḥ || 34||
sunītiḥ saṅkṛtiścaiva kīrtitā naravāhinī |
pūjāvibhāvinī saumyā bhogyabhāg bhogadāyinī || 35||
śobhāvatī śāṅkarī ca lolā mālāvibhūṣitā |
parameṣṭhipriyā caiva trilokīsundarī mātā || 36||
nandā sandhyā kāmadhātrī mahādevī susāttvikā |
mahāmahiṣadarpaghnī padmamālā'ghahāriṇī || 37||
vicitramukuṭā rāmā kāmadātā prakīrtitā |
pitāmbaradharā divyavibhūṣaṇa vibhūṣitā || 38||
divyākhyā somavadanā jagatsaṃsṛṣṭivarjitā |
niryantrā yantravāhasthā nandinī rudrakālikā || 39||
ādityavarṇā kaumārī mayūravaravāhinī |
padmāsanagatā gaurī mahākālī surārcitā || 40||
aditirniyatā raudrī padmagarbhā vivāhanā |
virūpākṣā keśivāhā guhāpuranivāsinī || 41||
mahāphalā'navadyāṅgī kāmarūpā saridvarā |
bhāsvadrūpā muktidātrī praṇatakleśabhañjanā || 42||
kauśikī gominī rātristridaśārivināśinī |
bahurūpā surūpā ca virūpā rūpavarjitā || 43||
bhaktārtiśamanā bhavyā bhavabhāvavināśinī |
sarvajñānaparītāṅgī sarvāsuravimardikā || 44||
pikasvanī sāmagītā bhavāṅkanilayā priyā |
dīkṣā vidyādharī dīptā mahendrāhitapātinī || 45||
sarvadevamayā dakṣā samudrāntaravāsinī |
akalaṅkā nirādhārā nityasiddhā nirāmayā || 46||
kāmadhenubṛhadgarbhā dhīmatī maunanāśinī |
niḥsaṅkalpā nirātaṅkā vinayā vinayapradā || 47||
jvālāmālā sahasrāḍhyā devadevī manomayā |
subhagā suviśuddhā ca vasudevasamudbhavā || 48||
mahendropendrabhaginī bhaktigamyā parāvarā |
jñānajñeyā parātītā vedāntaviṣayā matiḥ || 49||
dakṣiṇā dāhikā dahyā sarvabhūtahṛdisthitā |
yogamāyā vibhāgajñā mahāmohā garīyasī || 50||
sandhyā sarvasamudbhūtā brahmavṛkṣāśriyāditiḥ |
bījāṅkurasamudbhūtā mahāśaktirmahāmatiḥ || 51||
khyātiḥ prajñāvatī sañjñā mahābhogīndraśāyinī |
hīṅkṛtiḥ śaṅkarī śāntirgandharvagaṇasevitā || 52||
vaiśvānarī mahāśūlā devasenā bhavapriyā |
mahārātrī parānandā śacī duḥsvapnanāśinī || 53||
īḍyā jayā jagaddhātrī durvijñeyā surūpiṇī |
guhāmbikā gaṇotpannā mahāpīṭhā marutsutā || 54||
havyavāhā bhavānandā jagadyoniḥ prakīrtitā |
jaganmātā jaganmṛtyurjarātītā ca buddhidā || 55||
siddhidātrī ratnagarbhā ratnagarbhāśrayā parā |
daityahantrī sveṣṭadātrī maṅgalaikasuvigrahā || 56||
puruṣāntargatā caiva samādhisthā tapasvinī |
divisthitā triṇetrā ca sarvendriyamanādhṛtiḥ || 57||
sarvabhūtahṛdisthā ca tathā saṃsāratāriṇī |
vedyā brahmavivedyā ca mahālīlā prakīrtitā || 58||
brāhmaṇibṛhatī brāhmī brahmabhūtā'ghahāriṇī |
hiraṇmayī mahādātrī saṃsāraparivartikā || 59||
sumālinī surūpā ca bhāsvinī dhāriṇī tathā |
unmūlinī sarvasabhā sarvapratyayasākṣiṇī || 60||
susaumyā candravadanā tāṇḍavāsaktamānasā |
sattvaśuddhikarī śuddhā malatrayavināśinī || 61||
jagatttrayī jaganmūrtistrimūrtiramṛtāśrayā |
vimānasthā viśokā ca śokanāśinyanāhatā || 62||
hemakuṇḍalinī kālī padmavāsā sanātanī |
sadākīrtiḥ sarvabhūtaśayā devī satāmpriyā || 63||
brahmamūrtikalā caiva kṛttikā kañjamālinī |
vyomakeśā kriyāśaktiricchāśaktiḥ parāgatiḥ || 64||
kṣobhikā khaṇḍikābhedyā bhedābhedavivarjitā |
abhinnā bhinnasaṃsthānā vaśinī vaṃśadhāriṇī || 65||
guhyaśaktirguhyatattvā sarvadā sarvatomukhī |
bhaginī ca nirādhārā nirāhārā prakīrtitā || 66||
niraṅkuśapadodbhūtā cakrahastā viśodhikā |
sragviṇī padmasambhedakāriṇī parikīrtitā || 67||
parāvaravidhānajñā mahāpuruṣapūrvajā |
parāvarajñā vidyā ca vidyujjihvā jitāśrayā || 68||
vidyāmayī sahasrākṣī sahasravadanātmajā |
sahasraraśmiḥsatvasthā maheśvarapadāśrayā || 69||
jvālinī sanmayā vyāptā cinmayā padmabhedikā |
mahāśrayā mahāmantrā mahādevamanoramā || 70||
vyomalakṣmīḥ siṃharathā cekitānā'mitaprabhā |
viśveśvarī bhagavatī sakalā kālahāriṇī || 71||
sarvavedyā sarvabhadrā guhyā dūḍhā guhāraṇī |
pralayā yogadhātrī ca gaṅgā viśveśvarī tathā || 72||
kāmadā kanakā kāntā kañjagarbhaprabhā tathā |
puṇyadā kālakeśā ca bhokttrī puṣkariṇī tathā || 73||
sureśvarī bhūtidātrī bhūtibhūṣā prakīrtitā |
pañcabrahmasamutpannā paramārthā'rthavigrahā || 74||
varṇodayā bhānumūrtirvāgvijñeyā manojavā |
manoharā mahoraskā tāmasī vedarūpiṇī || 75||
vedaśaktirvedamātā vedavidyāprakāśinī |
yogeśvareśvarī māyā mahāśaktirmahāmayī || 76||
viśvāntaḥsthā viyanmūrtirbhārgavī surasundarī |
surabhirnandinī vidyā nandagopatanūdbhavā || 77||
bhāratī paramānandā parāvaravibhedikā |
sarvapraharaṇopetā kāmyā kāmeśvareśvarī || 78||
anantānandavibhavā hṛllekhā kanakaprabhā |
kūṣmāṇḍā dhanaratnāḍhyā sugandhā gandhadāyinī || 79||
trivikramapadodbhūtā caturāsyā śivodayā |
sudurlabhā dhanādhyakṣā dhanyā piṅgalalocanā || 80||
śāntā prabhāsvarūpā ca paṅkajāyatalocanā |
indrākṣī hṛdayāntaḥsthā śivā mātā ca satkriyā || 81||
girijā ca sugūḍhā ca nityapuṣṭā nirantarā |
durgā kātyāyanī caṇḍī candrikā kāntavigrahā || 82||
hiraṇyavarṇā jagatī jagadyantrapravartikā |
mandarādrinivāsā ca śāradā svarṇamālinī || 83||
ratnamālā ratnagarbhā vyuṣṭirviśvapramāthinī |
padmānandā padmanibhā nityapuṣṭā kṛtodbhavā || 84||
nārāyaṇī duṣṭaśikṣā sūryamātā vṛṣapriyā |
mahendrabhaginī satyā satyabhāṣā sukomalā || 85||
vāmā ca pañcatapasāṃ varadātrī prakīrtitā |
vācyavarṇeśvarī vidyā durjayā duratikramā || 86||
kālarātrirmahāvegā vīrabhadrapriyā hitā |
bhadrakālī jaganmātā bhaktānāṃ bhadradāyinī || 87||
karālā piṅgalākārā kāmabhettrī mahāmanāḥ |
yaśasvinī yaśodā ca ṣaḍadhvaparivartikā || 88||
śaṅkhinī padminī saṅkhyā sāṅkhyayogapravartikā |
caitrādirvatsarārūḍhā jagatsampūraṇīndrajā || 89||
śumbhaghnī khecarārādhyā kambugrīvā balīḍitā |
khagārūḍhā mahaiśvaryā supadmanilayā tathā || 90||
viraktā garuḍasthā ca jagatīhṛdguhāśrayā |
śumbhādimathanā bhaktahṛdgahvaranivāsinī || 91||
jagatttrayāraṇī siddhasaṅkalpā kāmadā tathā |
sarvavijñānadātrī cānalpakalmaṣahāriṇī || 92||
sakalopaniṣadgamyā duṣṭaduṣprekṣyasattamā |
sadvṛtā lokasaṃvyāptā tuṣṭiḥ puṣṭiḥ kriyāvatī || 93||
viśvāmareśvarī caiva bhuktimuktipradāyinī |
śivādhṛtā lohitākṣī sarpamālāvibhūṣaṇā || 94||
nirānandā triśūlāsidhanurbāṇādidhāriṇī |
aśeṣadhyeyamūrtiśca devatānāṃ ca devatā || 95||
varāmbikā gireḥ putrī niśumbhavinipātinī |
suvarṇā svarṇalasitā'nantavarṇā sadādhṛtā || 96||
śāṅkarī śāntahṛdayā ahorātravidhāyikā |
viśvagoptrī gūḍharūpā guṇapūrṇā ca gārgyajā || 97||
gaurī śākambharī satyasandhā sandhyātrayīdhṛtā |
sarvapāpavinirmuktā sarvabandhavivarjitā || 98||
sāṅkhyayogasamākhyātā aprameyā munīḍitā |
viśuddhasukulodbhūtā bindunādasamādṛtā || 99||
śambhuvāmāṅkagā caiva śaśitulyanibhānanā |
vanamālāvirājantī anantaśayanādṛtā || 100||
naranārāyaṇodbhūtā nārasiṃhī prakīrtitā |
daityapramāthinī śaṅkhacakrapadmagadādharā || 101||
saṅkarṣaṇasamutpannā ambikā sajjanāśrayā |
suvṛtā sundarī caiva dharmakāmārthadāyinī || 102||
mokṣadā bhaktinilayā purāṇapuruṣādṛtā |
mahāvibhūtidā''rādhyā sarojanilayā'samā || 103||
aṣṭādaśabhujā'nādirnīlotpaladalākṣiṇī |
sarvaśaktisamārūḍhā dharmādharmavivarjitā || 104||
vairāgyajñānaniratā nirālokā nirindriyā |
vicitragahanādhārā śāśvatasthānavāsinī || 105||
jñāneśvarī pītacelā vedavedāṅgapāragā |
manasvinī manyumātā mahāmanyusamudbhavā || 106||
amanyuramṛtāsvādā purandarapariṣṭutā |
aśocyā bhinnaviṣayā hiraṇyarajatapriyā || 107||
hiraṇyajananī bhīmā hemābharaṇabhūṣitā |
vibhrājamānā durjñeyā jyotiṣṭomaphalapradā || 108||
mahānidrāsamutpattiranidrā satyadevatā |
dīrghā kakudminī piṅgajaṭādhārā manojñadhīḥ || 109||
mahāśrayā ramotpannā tamaḥpāre pratiṣṭhitā |
tritattvamātā trividhā susūkṣmā padmasaṃśrayā || 110||
śāntyatītakalā'tītavikārā śvetacelikā |
citramāyā śivajñānasvarūpā daityamāthinī || 111||
kāśyapī kālasarpābhaveṇikā śāstrayonikā |
trayīmūrtiḥ kriyāmūrtiścaturvargā ca darśinī || 112||
nārāyaṇī narotpannā kaumudī kāntidhāriṇī |
kauśikī lalitā līlā parāvaravibhāvinī || 113||
vareṇyā'dbhutamahātmyā vaḍavā vāmalocanā |
subhadrā cetanārādhyā śāntidā śāntivardhinī || 114||
jayādiśaktijananī śakticakrapravartikā |
triśaktijananī janyā ṣaṭsūtraparivarṇitā || 115||
sudhautakarmaṇā''rādhyā yugāntadahanātmikā |
saṅkarṣiṇī jagaddhātrī kāmayoniḥ kirīṭinī || 116||
aindrī trailokyanamitā vaiṣṇavī parameśvarī |
pradyumnajananī bimbasamoṣṭhī padmalocanā || 117||
madotkaṭā haṃsagatiḥ pracaṇḍā caṇḍavikramā |
vṛṣādhīśā parātmā ca vindhyā parvatavāsinī || 118||
himavanmerunilayā kailāsapuravāsinī |
cāṇūrahantrī nītijñā kāmarūpā trayītanuḥ || 119||
vratasnātā dharmaśīlā siṃhāsananivāsinī |
vīrabhadrādṛtā vīrā mahākālasamudbhavā || 120||
vidyādharārcitā siddhasādhyārādhitapādukā |
śraddhātmikā pāvanī ca mohinī acalātmikā || 121||
mahādbhutā vārijākṣī siṃhavāhanagāminī |
manīṣiṇī sudhāvāṇī vīṇāvādanatatparā || 122||
śvetavāhaniṣevyā ca lasanmatirarundhatī |
hiraṇyākṣī tathā caiva mahānandapradāyinī || 123||
vasuprabhā sumālyāptakandharā paṅkajānanā |
parāvarā varārohā sahasranayanārcitā || 124||
śrīrūpā śrīmatī śreṣṭhā śivanāmnī śivapriyā |
śrīpradā śritakalyāṇā śrīdharārdhaśarīriṇī || 125||
śrīkalā'nantadṛṣṭiśca hyakṣudrārātisūdanī |
raktabījanihantrī ca daityasaṅgavimardinī || 126||
siṃhārūḍhā siṃhikāsyā daityaśoṇitapāyinī |
sukīrtisahitācchinnasaṃśayā rasavedinī || 127||
guṇābhirāmā nāgārivāhanā nirjarārcitā |
nityoditā svayañjyotiḥ svarṇakāyā prakīrtitā || 128||
vajradaṇḍāṅkitā caiva tathāmṛtasañjīvinī |
vajracchannā devadevī varavajrasvavigrahā || 129||
māṅgalyā maṅgalātmā ca mālinī mālyadhāriṇī |
gandharvī taruṇī cāndrī khaḍgāyudhadharā tathā || 130||
saudāminī prajānandā tathā proktā bhṛgūdbhavā |
ekānaṅgā ca śāstrārthakuśalā dharmacāriṇī || 131||
dharmasarvasvavāhā ca dharmādharmaviniścayā |
dharmaśaktirdharmamayā dhārmikānāṃ śivapradā || 132||
vidharmā viśvadharmajñā dharmārthāntaravigrahā |
dharmavarṣmā dharmapūrvā dharmapāraṅgatāntarā || 133||
dharmopadeṣṭrī dharmātmā dharmagamyā dharādharā |
kapālinī śākalinī kalākalitavigrahā || 134||
sarvaśaktivimuktā ca karṇikāradharā'kṣarā|
kaṃsaprāṇaharā caiva yugadharmadharā tathā || 135||
yugapravartikā proktā trisandhyā dhyeyavigrahā |
svargāpavargadātrī ca tathā pratyakṣadevatā || 136||
ādityā divyagandhā ca divākaranibhaprabhā |
padmāsanagatā proktā khaḍgabāṇaśarāsanā || 137||
śiṣṭā viśiṣṭā śiṣṭeṣṭā śiṣṭaśreṣṭhaprapūjitā |
śatarūpā śatāvartā vitatā rāsamodinī || 138||
sūryendunetrā pradyumnajananī suṣṭhumāyinī |
sūryāntarasthitā caiva satpratiṣṭhatavigrahā || 139||
nivṛttā procyate jñānapāragā parvatātmajā |
kātyāyanī caṇḍikā ca caṇḍī haimavatī tathā || 140||
dākṣāyaṇī satī caiva bhavānī sarvamaṅgalā |
dhūmralocanahantrī ca caṇḍamuṇḍavināśinī || 141||
yoganidrā yogabhadrā samudratanayā tathā |
devapriyaṅkarī śuddhā bhaktabhaktipravardhinī || 142||
triṇetrā candramukuṭā pramathārcitapādukā |
arjunābhīṣṭadātrī ca pāṇḍavapriyakāriṇī || 143||
kumāralālanāsaktā harabāhūpadhānikā |
vighneśajananī bhaktavighnastomaprahāriṇī || 144||
susmitendumukhī namyā jayāpriyasakhī tathā |
anādinidhanā preṣṭhā citramālyānulepanā || 145||
koṭicandrapratīkāśā kūṭajālapramāthinī |
kṛtyāprahāriṇī caiva māraṇoccāṭanī tathā || 146||
surāsurapravandyāṅghrirmohaghnī jñānadāyinī |
ṣaḍvairinigrahakarī vairividrāviṇī tathā || 147||
bhūtasevyā bhūtadātrī bhūtapīḍāvimardikā |
nāradastutacāritrā varadeśā varapradā || 148||
vāmadevastutā caiva kāmadā somaśekharā |
dikpālasevitā bhavyā bhāminī bhāvadāyinī || 149||
strīsaubhāgyapradātrī ca bhogadā roganāśinī |
vyomagā bhūmigā caiva munipūjyapadāmbujā |
vanadurgā ca durbodhā mahādurgā prakīrtitā || 150||
phalaśrutiḥ
itīdaṃ kīrtidaṃ bhadra durgānāmasahasrakam |
trisandhyaṃ yaḥ paṭhennityaṃ tasya lakṣmīḥ sthirā bhavet || 1||
grahabhūtapiśācādipīḍā naśyatyasaṃśayam |
bālagrahādipīḍāyāḥ śāntirbhavati kīrtanāt || 2||
mārikādimahāroge paṭhatāṃ saukhyadaṃ nṛṇām |
vyavahāre ca jayadaṃ śatrubādhānivārakam || 3||
dampatyoḥ kalahe prāpte mithaḥ premābhivardhakam |
āyurārogyadaṃ puṃsāṃ sarvasampatpradāyakam || 4||
vidyābhivardhakaṃ nityaṃ paṭhatāmarthasādhakam |
śubhadaṃ śubhakāryeṣu paṭhatāṃ śṛṇutāmapi || 5||
yaḥ pūjayati durgāṃ tāṃ durgānāmasahasrakaiḥ |
puṣpaiḥ kuṅkumasammiśraiḥ sa tu yatkāṅkṣate hṛdi || 6||
tatsarvaṃ samavāpnoti nāsti nāstyatra saṃśayaḥ |
yanmukhe dhriyate nityaṃ durgānāmasahasrakam || 7||
kiṃ tasyetaramantraughaiḥ kāryaṃ dhanyatamasya hi |
durgānāmasahasrasya pustakaṃ yadgṛhe bhavet || 8||
na tatra grahabhūtādibādhā syānmaṅgalāspade |
tadgṛhaṃ puṇyadaṃ kṣetraṃ devīsānnidhyakārakam || 9||
etasya stotramukhyasya pāṭhakaḥ śreṣṭhamantravit |
devatāyāḥ prasādena sarvapūjyaḥ sukhī bhavet || 10||
ityetannagarājena kīrtitaṃ munisattama |
guhyādguhyataraṃ stotraṃ tvayi snehāt prakīrtitam || 11||
bhaktāya śraddhadhānāya kevalaṃ kīrtyatāmidam |
hṛdi dhāraya nityaṃ tvaṃ devyanugrahasādhakam || 12|| ||
iti śrīskāndapurāṇe skandanāradasaṃvāde durgāsahasranāmastotraṃ sampūrṇam ||
Sanskrit — Devanagari (original)
॥ अथ श्री दुर्गा सहस्रनामस्तोत्रम् ॥
नारद उवाच -
कुमार गुणगम्भीर देवसेनापते प्रभो ।
सर्वाभीष्टप्रदं पुंसां सर्वपापप्रणाशनम् ॥ 1॥
गुह्याद्गुह्यतरं स्तोत्रं भक्तिवर्धकमञ्जसा ।
मङ्गलं ग्रहपीडादिशान्तिदं वक्तुमर्हसि ॥ 2॥
स्कन्द उवाच -
शृणु नारद देवर्षे लोकानुग्रहकाम्यया ।
यत्पृच्छसि परं पुण्यं तत्ते वक्ष्यामि कौतुकात् ॥ 3॥
माता मे लोकजननी हिमवन्नगसत्तमात् ।
मेनायां ब्रह्मवादिन्यां प्रादुर्भूता हरप्रिया ॥ 4॥
महता तपसाऽऽराध्य शङ्करं लोकशङ्करम् ।
स्वमेव वल्लभं भेजे कलेव हि कलानिधिम् ॥ 5॥
नगानामधिराजस्तु हिमवान् विरहातुरः ।
स्वसुतायाः परिक्षीणे वसिष्ठेन प्रबोधितः ॥ 6॥
त्रिलोकजननी सेयं प्रसन्ना त्वयि पुण्यतः ।
प्रादुर्भूता सुतात्वेन तद्वियोगं शुभं त्यज ॥ 7॥
बहुरूपा च दुर्गेयं बहुनाम्नी सनातनी ।
सनातनस्य जाया सा पुत्रीमोहं त्यजाधुना ॥ 8॥
इति प्रबोधितः शैलः तां तुष्टाव परां शिवाम् ।
तदा प्रसन्ना सा दुर्गा पितरं प्राह नन्दिनी ॥ 9॥
मत्प्रसादात्परं स्तोत्रं हृदये प्रतिभासताम् ।
तेन नाम्नां सहस्रेण पूजयन् काममाप्नुहि ॥ 10॥
इत्युक्त्वान्तर्हितायां तु हृदये स्फुरितं तदा ।
नाम्नां सहस्रं दुर्गायाः पृच्छते मे यदुक्तवान् ॥ 11॥
मङ्गलानां मङ्गलं तद् दुर्गानाम सहस्रकम् ।
सर्वाभीष्टप्रदां पुंसां ब्रवीम्यखिलकामदम् ॥ 12॥
दुर्गादेवी समाख्याता हिमवानृषिरुच्यते ।
छन्दोनुष्टुप् जपो देव्याः प्रीतये क्रियते सदा ॥ 13॥
अस्य श्रीदुर्गास्तोत्रमहामन्त्रस्य । हिमवान् ऋषिः । अनुष्टुप् छन्दः ।
दुर्गाभगवती देवता । श्रीदुर्गाप्रसादसिद्ध्यर्थे जपे विनियोगः । ।
श्रीभगवत्यै दुर्गायै नमः ।
देवीध्यानम्
ॐ ह्रीं कालाभ्राभां कटाक्षैररिकुलभयदां मौलिबद्धेन्दुरेखां
शङ्खं चक्रं कृपाणं त्रिशिखमपि करैरुद्वहन्तीं त्रिनेत्राम् ।
सिंहस्कन्धाधिरूढां त्रिभुवनमखिलं तेजसा पूरयन्तीं
ध्यायेद् दुर्गां जयाख्यां त्रिदशपरिवृतां सेवितां सिद्धिकामैः ॥
श्री जयदुर्गायै नमः ।
ॐ शिवाथोमा रमा शक्तिरनन्ता निष्कलाऽमला ।
शान्ता माहेश्वरी नित्या शाश्वता परमा क्षमा ॥ 1॥
अचिन्त्या केवलानन्ता शिवात्मा परमात्मिका ।
अनादिरव्यया शुद्धा सर्वज्ञा सर्वगाऽचला ॥ 2॥
एकानेकविभागस्था मायातीता सुनिर्मला ।
महामाहेश्वरी सत्या महादेवी निरञ्जना ॥ 3॥
काष्ठा सर्वान्तरस्थाऽपि चिच्छक्तिश्चात्रिलालिता ।
सर्वा सर्वात्मिका विश्वा ज्योतीरूपाक्षरामृता ॥ 4॥
शान्ता प्रतिष्ठा सर्वेशा निवृत्तिरमृतप्रदा ।
व्योममूर्तिर्व्योमसंस्था व्योमधाराऽच्युताऽतुला ॥ 5॥
अनादिनिधनाऽमोघा कारणात्मकलाकुला ।
ऋतुप्रथमजाऽनाभिरमृतात्मसमाश्रया ॥ 6॥
प्राणेश्वरप्रिया नम्या महामहिषघातिनी ।
प्राणेश्वरी प्राणरूपा प्रधानपुरुषेश्वरी ॥ 7॥
सर्वशक्तिकलाऽकामा महिषेष्टविनाशिनी ।
सर्वकार्यनियन्त्री च सर्वभूतेश्वरेश्वरी ॥ 8॥
अङ्गदादिधरा चैव तथा मुकुटधारिणी ।
सनातनी महानन्दाऽऽकाशयोनिस्तथेच्यते ॥ 9॥
चित्प्रकाशस्वरूपा च महायोगेश्वरेश्वरी ।
महामाया सदुष्पारा मूलप्रकृतिरीशिका ॥ 10॥
संसारयोनिः सकला सर्वशक्तिसमुद्भवा ।
संसारपारा दुर्वारा दुर्निरीक्षा दुरासदा ॥ 11॥
प्राणशक्तिश्च सेव्या च योगिनी परमाकला ।
महाविभूतिर्दुर्दर्शा मूलप्रकृतिसम्भवा ॥ 12॥
अनाद्यनन्तविभवा परार्था पुरुषारणिः ।
सर्गस्थित्यन्तकृच्चैव सुदुर्वाच्या दुरत्यया ॥ 13॥
शब्दगम्या शब्दमाया शब्दाख्यानन्दविग्रहा ।
प्रधानपुरुषातीता प्रधानपुरुषात्मिका ॥ 14॥
पुराणी चिन्मया पुंसामिष्टदा पुष्टिरूपिणी ।
पूतान्तरस्था कूटस्था महापुरुषसञ्ज्ञिता ॥ 15॥
जन्ममृत्युजरातीता सर्वशक्तिस्वरूपिणी ।
वाञ्छाप्रदाऽनवच्छिन्नप्रधानानुप्रवेशिनी ॥ 16॥
क्षेत्रज्ञाऽचिन्त्यशक्तिस्तु प्रोच्यतेऽव्यक्तलक्षणा ।
मलापवर्जिताऽऽनादिमाया त्रितयतत्त्विका ॥ 17॥
प्रीतिश्च प्रकृतिश्चैव गुहावासा तथोच्यते ।
महामाया नगोत्पन्ना तामसी च ध्रुवा तथा ॥ 18॥
व्यक्ताऽव्यक्तात्मिका कृष्णा रक्ता शुक्ला ह्यकारणा ।
प्रोच्यते कार्यजननी नित्यप्रसवधर्मिणी ॥ 19॥
सर्गप्रलयमुक्ता च सृष्टिस्थित्यन्तधर्मिणी ।
ब्रह्मगर्भा चतुर्विंशस्वरूपा पद्मवासिनी ॥ 20॥
अच्युताह्लादिका विद्युद्ब्रह्मयोनिर्महालया ।
महालक्ष्मी समुद्भावभावितात्मामहेश्वरी ॥ 21॥
महाविमानमध्यस्था महानिद्रा सकौतुका ।
सर्वार्थधारिणी सूक्ष्मा ह्यविद्धा परमार्थदा ॥ 22॥
अनन्तरूपाऽनन्तार्था तथा पुरुषमोहिनी ।
अनेकानेकहस्ता च कालत्रयविवर्जिता ॥ 23॥
ब्रह्मजन्मा हरप्रीता मतिर्ब्रह्मशिवात्मिका ।
ब्रह्मेशविष्णुसम्पूज्या ब्रह्माख्या ब्रह्मसञ्ज्ञिता ॥ 24॥
व्यक्ता प्रथमजा ब्राह्मी महारात्रीः प्रकीर्तिता ।
ज्ञानस्वरूपा वैराग्यरूपा ह्यैश्वर्यरूपिणी ॥ 25॥
धर्मात्मिका ब्रह्ममूर्तिः प्रतिश्रुतपुमर्थिका ।
अपांयोनिः स्वयम्भूता मानसी तत्त्वसम्भवा ॥ 26॥
ईश्वरस्य प्रिया प्रोक्ता शङ्करार्धशरीरिणी ।
भवानी चैव रुद्राणी महालक्ष्मीस्तथाऽम्बिका ॥ 27॥
महेश्वरसमुत्पन्ना भुक्तिमुक्ति प्रदायिनी ।
सर्वेश्वरी सर्ववन्द्या नित्यमुक्ता सुमानसा ॥ 28॥
महेन्द्रोपेन्द्रनमिता शाङ्करीशानुवर्तिनी ।
ईश्वरार्धासनगता माहेश्वरपतिव्रता ॥ 29॥
संसारशोषिणी चैव पार्वती हिमवत्सुता ।
परमानन्ददात्री च गुणाग्र्या योगदा तथा ॥ 30॥
ज्ञानमूर्तिश्च सावित्री लक्ष्मीः श्रीः कमला तथा ।
अनन्तगुणगम्भीरा ह्युरोनीलमणिप्रभा ॥ 31॥
सरोजनिलया गङ्गा योगिध्येयाऽसुरार्दिनी ।
सरस्वती सर्वविद्या जगज्ज्येष्ठा सुमङ्गला ॥ 32॥
वाग्देवी वरदा वर्या कीर्तिः सर्वार्थसाधिका ।
वागीश्वरी ब्रह्मविद्या महाविद्या सुशोभना ॥ 33॥
ग्राह्यविद्या वेदविद्या धर्मविद्याऽऽत्मभाविता ।
स्वाहा विश्वम्भरा सिद्धिः साध्या मेधा धृतिः कृतिः ॥ 34॥
सुनीतिः सङ्कृतिश्चैव कीर्तिता नरवाहिनी ।
पूजाविभाविनी सौम्या भोग्यभाग् भोगदायिनी ॥ 35॥
शोभावती शाङ्करी च लोला मालाविभूषिता ।
परमेष्ठिप्रिया चैव त्रिलोकीसुन्दरी माता ॥ 36॥
नन्दा सन्ध्या कामधात्री महादेवी सुसात्त्विका ।
महामहिषदर्पघ्नी पद्ममालाऽघहारिणी ॥ 37॥
विचित्रमुकुटा रामा कामदाता प्रकीर्तिता ।
पिताम्बरधरा दिव्यविभूषण विभूषिता ॥ 38॥
दिव्याख्या सोमवदना जगत्संसृष्टिवर्जिता ।
निर्यन्त्रा यन्त्रवाहस्था नन्दिनी रुद्रकालिका ॥ 39॥
आदित्यवर्णा कौमारी मयूरवरवाहिनी ।
पद्मासनगता गौरी महाकाली सुरार्चिता ॥ 40॥
अदितिर्नियता रौद्री पद्मगर्भा विवाहना ।
विरूपाक्षा केशिवाहा गुहापुरनिवासिनी ॥ 41॥
महाफलाऽनवद्याङ्गी कामरूपा सरिद्वरा ।
भास्वद्रूपा मुक्तिदात्री प्रणतक्लेशभञ्जना ॥ 42॥
कौशिकी गोमिनी रात्रिस्त्रिदशारिविनाशिनी ।
बहुरूपा सुरूपा च विरूपा रूपवर्जिता ॥ 43॥
भक्तार्तिशमना भव्या भवभावविनाशिनी ।
सर्वज्ञानपरीताङ्गी सर्वासुरविमर्दिका ॥ 44॥
पिकस्वनी सामगीता भवाङ्कनिलया प्रिया ।
दीक्षा विद्याधरी दीप्ता महेन्द्राहितपातिनी ॥ 45॥
सर्वदेवमया दक्षा समुद्रान्तरवासिनी ।
अकलङ्का निराधारा नित्यसिद्धा निरामया ॥ 46॥
कामधेनुबृहद्गर्भा धीमती मौननाशिनी ।
निःसङ्कल्पा निरातङ्का विनया विनयप्रदा ॥ 47॥
ज्वालामाला सहस्राढ्या देवदेवी मनोमया ।
सुभगा सुविशुद्धा च वसुदेवसमुद्भवा ॥ 48॥
महेन्द्रोपेन्द्रभगिनी भक्तिगम्या परावरा ।
ज्ञानज्ञेया परातीता वेदान्तविषया मतिः ॥ 49॥
दक्षिणा दाहिका दह्या सर्वभूतहृदिस्थिता ।
योगमाया विभागज्ञा महामोहा गरीयसी ॥ 50॥
सन्ध्या सर्वसमुद्भूता ब्रह्मवृक्षाश्रियादितिः ।
बीजाङ्कुरसमुद्भूता महाशक्तिर्महामतिः ॥ 51॥
ख्यातिः प्रज्ञावती सञ्ज्ञा महाभोगीन्द्रशायिनी ।
हीङ्कृतिः शङ्करी शान्तिर्गन्धर्वगणसेविता ॥ 52॥
वैश्वानरी महाशूला देवसेना भवप्रिया ।
महारात्री परानन्दा शची दुःस्वप्ननाशिनी ॥ 53॥
ईड्या जया जगद्धात्री दुर्विज्ञेया सुरूपिणी ।
गुहाम्बिका गणोत्पन्ना महापीठा मरुत्सुता ॥ 54॥
हव्यवाहा भवानन्दा जगद्योनिः प्रकीर्तिता ।
जगन्माता जगन्मृत्युर्जरातीता च बुद्धिदा ॥ 55॥
सिद्धिदात्री रत्नगर्भा रत्नगर्भाश्रया परा ।
दैत्यहन्त्री स्वेष्टदात्री मङ्गलैकसुविग्रहा ॥ 56॥
पुरुषान्तर्गता चैव समाधिस्था तपस्विनी ।
दिविस्थिता त्रिणेत्रा च सर्वेन्द्रियमनाधृतिः ॥ 57॥
सर्वभूतहृदिस्था च तथा संसारतारिणी ।
वेद्या ब्रह्मविवेद्या च महालीला प्रकीर्तिता ॥ 58॥
ब्राह्मणिबृहती ब्राह्मी ब्रह्मभूताऽघहारिणी ।
हिरण्मयी महादात्री संसारपरिवर्तिका ॥ 59॥
सुमालिनी सुरूपा च भास्विनी धारिणी तथा ।
उन्मूलिनी सर्वसभा सर्वप्रत्ययसाक्षिणी ॥ 60॥
सुसौम्या चन्द्रवदना ताण्डवासक्तमानसा ।
सत्त्वशुद्धिकरी शुद्धा मलत्रयविनाशिनी ॥ 61॥
जगत्त्त्रयी जगन्मूर्तिस्त्रिमूर्तिरमृताश्रया ।
विमानस्था विशोका च शोकनाशिन्यनाहता ॥ 62॥
हेमकुण्डलिनी काली पद्मवासा सनातनी ।
सदाकीर्तिः सर्वभूतशया देवी सताम्प्रिया ॥ 63॥
ब्रह्ममूर्तिकला चैव कृत्तिका कञ्जमालिनी ।
व्योमकेशा क्रियाशक्तिरिच्छाशक्तिः परागतिः ॥ 64॥
क्षोभिका खण्डिकाभेद्या भेदाभेदविवर्जिता ।
अभिन्ना भिन्नसंस्थाना वशिनी वंशधारिणी ॥ 65॥
गुह्यशक्तिर्गुह्यतत्त्वा सर्वदा सर्वतोमुखी ।
भगिनी च निराधारा निराहारा प्रकीर्तिता ॥ 66॥
निरङ्कुशपदोद्भूता चक्रहस्ता विशोधिका ।
स्रग्विणी पद्मसम्भेदकारिणी परिकीर्तिता ॥ 67॥
परावरविधानज्ञा महापुरुषपूर्वजा ।
परावरज्ञा विद्या च विद्युज्जिह्वा जिताश्रया ॥ 68॥
विद्यामयी सहस्राक्षी सहस्रवदनात्मजा ।
सहस्ररश्मिःसत्वस्था महेश्वरपदाश्रया ॥ 69॥
ज्वालिनी सन्मया व्याप्ता चिन्मया पद्मभेदिका ।
महाश्रया महामन्त्रा महादेवमनोरमा ॥ 70॥
व्योमलक्ष्मीः सिंहरथा चेकितानाऽमितप्रभा ।
विश्वेश्वरी भगवती सकला कालहारिणी ॥ 71॥
सर्ववेद्या सर्वभद्रा गुह्या दूढा गुहारणी ।
प्रलया योगधात्री च गङ्गा विश्वेश्वरी तथा ॥ 72॥
कामदा कनका कान्ता कञ्जगर्भप्रभा तथा ।
पुण्यदा कालकेशा च भोक्त्त्री पुष्करिणी तथा ॥ 73॥
सुरेश्वरी भूतिदात्री भूतिभूषा प्रकीर्तिता ।
पञ्चब्रह्मसमुत्पन्ना परमार्थाऽर्थविग्रहा ॥ 74॥
वर्णोदया भानुमूर्तिर्वाग्विज्ञेया मनोजवा ।
मनोहरा महोरस्का तामसी वेदरूपिणी ॥ 75॥
वेदशक्तिर्वेदमाता वेदविद्याप्रकाशिनी ।
योगेश्वरेश्वरी माया महाशक्तिर्महामयी ॥ 76॥
विश्वान्तःस्था वियन्मूर्तिर्भार्गवी सुरसुन्दरी ।
सुरभिर्नन्दिनी विद्या नन्दगोपतनूद्भवा ॥ 77॥
भारती परमानन्दा परावरविभेदिका ।
सर्वप्रहरणोपेता काम्या कामेश्वरेश्वरी ॥ 78॥
अनन्तानन्दविभवा हृल्लेखा कनकप्रभा ।
कूष्माण्डा धनरत्नाढ्या सुगन्धा गन्धदायिनी ॥ 79॥
त्रिविक्रमपदोद्भूता चतुरास्या शिवोदया ।
सुदुर्लभा धनाध्यक्षा धन्या पिङ्गललोचना ॥ 80॥
शान्ता प्रभास्वरूपा च पङ्कजायतलोचना ।
इन्द्राक्षी हृदयान्तःस्था शिवा माता च सत्क्रिया ॥ 81॥
गिरिजा च सुगूढा च नित्यपुष्टा निरन्तरा ।
दुर्गा कात्यायनी चण्डी चन्द्रिका कान्तविग्रहा ॥ 82॥
हिरण्यवर्णा जगती जगद्यन्त्रप्रवर्तिका ।
मन्दराद्रिनिवासा च शारदा स्वर्णमालिनी ॥ 83॥
रत्नमाला रत्नगर्भा व्युष्टिर्विश्वप्रमाथिनी ।
पद्मानन्दा पद्मनिभा नित्यपुष्टा कृतोद्भवा ॥ 84॥
नारायणी दुष्टशिक्षा सूर्यमाता वृषप्रिया ।
महेन्द्रभगिनी सत्या सत्यभाषा सुकोमला ॥ 85॥
वामा च पञ्चतपसां वरदात्री प्रकीर्तिता ।
वाच्यवर्णेश्वरी विद्या दुर्जया दुरतिक्रमा ॥ 86॥
कालरात्रिर्महावेगा वीरभद्रप्रिया हिता ।
भद्रकाली जगन्माता भक्तानां भद्रदायिनी ॥ 87॥
कराला पिङ्गलाकारा कामभेत्त्री महामनाः ।
यशस्विनी यशोदा च षडध्वपरिवर्तिका ॥ 88॥
शङ्खिनी पद्मिनी सङ्ख्या साङ्ख्ययोगप्रवर्तिका ।
चैत्रादिर्वत्सरारूढा जगत्सम्पूरणीन्द्रजा ॥ 89॥
शुम्भघ्नी खेचराराध्या कम्बुग्रीवा बलीडिता ।
खगारूढा महैश्वर्या सुपद्मनिलया तथा ॥ 90॥
विरक्ता गरुडस्था च जगतीहृद्गुहाश्रया ।
शुम्भादिमथना भक्तहृद्गह्वरनिवासिनी ॥ 91॥
जगत्त्त्रयारणी सिद्धसङ्कल्पा कामदा तथा ।
सर्वविज्ञानदात्री चानल्पकल्मषहारिणी ॥ 92॥
सकलोपनिषद्गम्या दुष्टदुष्प्रेक्ष्यसत्तमा ।
सद्वृता लोकसंव्याप्ता तुष्टिः पुष्टिः क्रियावती ॥ 93॥
विश्वामरेश्वरी चैव भुक्तिमुक्तिप्रदायिनी ।
शिवाधृता लोहिताक्षी सर्पमालाविभूषणा ॥ 94॥
निरानन्दा त्रिशूलासिधनुर्बाणादिधारिणी ।
अशेषध्येयमूर्तिश्च देवतानां च देवता ॥ 95॥
वराम्बिका गिरेः पुत्री निशुम्भविनिपातिनी ।
सुवर्णा स्वर्णलसिताऽनन्तवर्णा सदाधृता ॥ 96॥
शाङ्करी शान्तहृदया अहोरात्रविधायिका ।
विश्वगोप्त्री गूढरूपा गुणपूर्णा च गार्ग्यजा ॥ 97॥
गौरी शाकम्भरी सत्यसन्धा सन्ध्यात्रयीधृता ।
सर्वपापविनिर्मुक्ता सर्वबन्धविवर्जिता ॥ 98॥
साङ्ख्ययोगसमाख्याता अप्रमेया मुनीडिता ।
विशुद्धसुकुलोद्भूता बिन्दुनादसमादृता ॥ 99॥
शम्भुवामाङ्कगा चैव शशितुल्यनिभानना ।
वनमालाविराजन्ती अनन्तशयनादृता ॥ 100॥
नरनारायणोद्भूता नारसिंही प्रकीर्तिता ।
दैत्यप्रमाथिनी शङ्खचक्रपद्मगदाधरा ॥ 101॥
सङ्कर्षणसमुत्पन्ना अम्बिका सज्जनाश्रया ।
सुवृता सुन्दरी चैव धर्मकामार्थदायिनी ॥ 102॥
मोक्षदा भक्तिनिलया पुराणपुरुषादृता ।
महाविभूतिदाऽऽराध्या सरोजनिलयाऽसमा ॥ 103॥
अष्टादशभुजाऽनादिर्नीलोत्पलदलाक्षिणी ।
सर्वशक्तिसमारूढा धर्माधर्मविवर्जिता ॥ 104॥
वैराग्यज्ञाननिरता निरालोका निरिन्द्रिया ।
विचित्रगहनाधारा शाश्वतस्थानवासिनी ॥ 105॥
ज्ञानेश्वरी पीतचेला वेदवेदाङ्गपारगा ।
मनस्विनी मन्युमाता महामन्युसमुद्भवा ॥ 106॥
अमन्युरमृतास्वादा पुरन्दरपरिष्टुता ।
अशोच्या भिन्नविषया हिरण्यरजतप्रिया ॥ 107॥
हिरण्यजननी भीमा हेमाभरणभूषिता ।
विभ्राजमाना दुर्ज्ञेया ज्योतिष्टोमफलप्रदा ॥ 108॥
महानिद्रासमुत्पत्तिरनिद्रा सत्यदेवता ।
दीर्घा ककुद्मिनी पिङ्गजटाधारा मनोज्ञधीः ॥ 109॥
महाश्रया रमोत्पन्ना तमःपारे प्रतिष्ठिता ।
त्रितत्त्वमाता त्रिविधा सुसूक्ष्मा पद्मसंश्रया ॥ 110॥
शान्त्यतीतकलाऽतीतविकारा श्वेतचेलिका ।
चित्रमाया शिवज्ञानस्वरूपा दैत्यमाथिनी ॥ 111॥
काश्यपी कालसर्पाभवेणिका शास्त्रयोनिका ।
त्रयीमूर्तिः क्रियामूर्तिश्चतुर्वर्गा च दर्शिनी ॥ 112॥
नारायणी नरोत्पन्ना कौमुदी कान्तिधारिणी ।
कौशिकी ललिता लीला परावरविभाविनी ॥ 113॥
वरेण्याऽद्भुतमहात्म्या वडवा वामलोचना ।
सुभद्रा चेतनाराध्या शान्तिदा शान्तिवर्धिनी ॥ 114॥
जयादिशक्तिजननी शक्तिचक्रप्रवर्तिका ।
त्रिशक्तिजननी जन्या षट्सूत्रपरिवर्णिता ॥ 115॥
सुधौतकर्मणाऽऽराध्या युगान्तदहनात्मिका ।
सङ्कर्षिणी जगद्धात्री कामयोनिः किरीटिनी ॥ 116॥
ऐन्द्री त्रैलोक्यनमिता वैष्णवी परमेश्वरी ।
प्रद्युम्नजननी बिम्बसमोष्ठी पद्मलोचना ॥ 117॥
मदोत्कटा हंसगतिः प्रचण्डा चण्डविक्रमा ।
वृषाधीशा परात्मा च विन्ध्या पर्वतवासिनी ॥ 118॥
हिमवन्मेरुनिलया कैलासपुरवासिनी ।
चाणूरहन्त्री नीतिज्ञा कामरूपा त्रयीतनुः ॥ 119॥
व्रतस्नाता धर्मशीला सिंहासननिवासिनी ।
वीरभद्रादृता वीरा महाकालसमुद्भवा ॥ 120॥
विद्याधरार्चिता सिद्धसाध्याराधितपादुका ।
श्रद्धात्मिका पावनी च मोहिनी अचलात्मिका ॥ 121॥
महाद्भुता वारिजाक्षी सिंहवाहनगामिनी ।
मनीषिणी सुधावाणी वीणावादनतत्परा ॥ 122॥
श्वेतवाहनिषेव्या च लसन्मतिररुन्धती ।
हिरण्याक्षी तथा चैव महानन्दप्रदायिनी ॥ 123॥
वसुप्रभा सुमाल्याप्तकन्धरा पङ्कजानना ।
परावरा वरारोहा सहस्रनयनार्चिता ॥ 124॥
श्रीरूपा श्रीमती श्रेष्ठा शिवनाम्नी शिवप्रिया ।
श्रीप्रदा श्रितकल्याणा श्रीधरार्धशरीरिणी ॥ 125॥
श्रीकलाऽनन्तदृष्टिश्च ह्यक्षुद्रारातिसूदनी ।
रक्तबीजनिहन्त्री च दैत्यसङ्गविमर्दिनी ॥ 126॥
सिंहारूढा सिंहिकास्या दैत्यशोणितपायिनी ।
सुकीर्तिसहिताच्छिन्नसंशया रसवेदिनी ॥ 127॥
गुणाभिरामा नागारिवाहना निर्जरार्चिता ।
नित्योदिता स्वयञ्ज्योतिः स्वर्णकाया प्रकीर्तिता ॥ 128॥
वज्रदण्डाङ्किता चैव तथामृतसञ्जीविनी ।
वज्रच्छन्ना देवदेवी वरवज्रस्वविग्रहा ॥ 129॥
माङ्गल्या मङ्गलात्मा च मालिनी माल्यधारिणी ।
गन्धर्वी तरुणी चान्द्री खड्गायुधधरा तथा ॥ 130॥
सौदामिनी प्रजानन्दा तथा प्रोक्ता भृगूद्भवा ।
एकानङ्गा च शास्त्रार्थकुशला धर्मचारिणी ॥ 131॥
धर्मसर्वस्ववाहा च धर्माधर्मविनिश्चया ।
धर्मशक्तिर्धर्ममया धार्मिकानां शिवप्रदा ॥ 132॥
विधर्मा विश्वधर्मज्ञा धर्मार्थान्तरविग्रहा ।
धर्मवर्ष्मा धर्मपूर्वा धर्मपारङ्गतान्तरा ॥ 133॥
धर्मोपदेष्ट्री धर्मात्मा धर्मगम्या धराधरा ।
कपालिनी शाकलिनी कलाकलितविग्रहा ॥ 134॥
सर्वशक्तिविमुक्ता च कर्णिकारधराऽक्षरा।
कंसप्राणहरा चैव युगधर्मधरा तथा ॥ 135॥
युगप्रवर्तिका प्रोक्ता त्रिसन्ध्या ध्येयविग्रहा ।
स्वर्गापवर्गदात्री च तथा प्रत्यक्षदेवता ॥ 136॥
आदित्या दिव्यगन्धा च दिवाकरनिभप्रभा ।
पद्मासनगता प्रोक्ता खड्गबाणशरासना ॥ 137॥
शिष्टा विशिष्टा शिष्टेष्टा शिष्टश्रेष्ठप्रपूजिता ।
शतरूपा शतावर्ता वितता रासमोदिनी ॥ 138॥
सूर्येन्दुनेत्रा प्रद्युम्नजननी सुष्ठुमायिनी ।
सूर्यान्तरस्थिता चैव सत्प्रतिष्ठतविग्रहा ॥ 139॥
निवृत्ता प्रोच्यते ज्ञानपारगा पर्वतात्मजा ।
कात्यायनी चण्डिका च चण्डी हैमवती तथा ॥ 140॥
दाक्षायणी सती चैव भवानी सर्वमङ्गला ।
धूम्रलोचनहन्त्री च चण्डमुण्डविनाशिनी ॥ 141॥
योगनिद्रा योगभद्रा समुद्रतनया तथा ।
देवप्रियङ्करी शुद्धा भक्तभक्तिप्रवर्धिनी ॥ 142॥
त्रिणेत्रा चन्द्रमुकुटा प्रमथार्चितपादुका ।
अर्जुनाभीष्टदात्री च पाण्डवप्रियकारिणी ॥ 143॥
कुमारलालनासक्ता हरबाहूपधानिका ।
विघ्नेशजननी भक्तविघ्नस्तोमप्रहारिणी ॥ 144॥
सुस्मितेन्दुमुखी नम्या जयाप्रियसखी तथा ।
अनादिनिधना प्रेष्ठा चित्रमाल्यानुलेपना ॥ 145॥
कोटिचन्द्रप्रतीकाशा कूटजालप्रमाथिनी ।
कृत्याप्रहारिणी चैव मारणोच्चाटनी तथा ॥ 146॥
सुरासुरप्रवन्द्याङ्घ्रिर्मोहघ्नी ज्ञानदायिनी ।
षड्वैरिनिग्रहकरी वैरिविद्राविणी तथा ॥ 147॥
भूतसेव्या भूतदात्री भूतपीडाविमर्दिका ।
नारदस्तुतचारित्रा वरदेशा वरप्रदा ॥ 148॥
वामदेवस्तुता चैव कामदा सोमशेखरा ।
दिक्पालसेविता भव्या भामिनी भावदायिनी ॥ 149॥
स्त्रीसौभाग्यप्रदात्री च भोगदा रोगनाशिनी ।
व्योमगा भूमिगा चैव मुनिपूज्यपदाम्बुजा ।
वनदुर्गा च दुर्बोधा महादुर्गा प्रकीर्तिता ॥ 150॥
फलश्रुतिः
इतीदं कीर्तिदं भद्र दुर्गानामसहस्रकम् ।
त्रिसन्ध्यं यः पठेन्नित्यं तस्य लक्ष्मीः स्थिरा भवेत् ॥ 1॥
ग्रहभूतपिशाचादिपीडा नश्यत्यसंशयम् ।
बालग्रहादिपीडायाः शान्तिर्भवति कीर्तनात् ॥ 2॥
मारिकादिमहारोगे पठतां सौख्यदं नृणाम् ।
व्यवहारे च जयदं शत्रुबाधानिवारकम् ॥ 3॥
दम्पत्योः कलहे प्राप्ते मिथः प्रेमाभिवर्धकम् ।
आयुरारोग्यदं पुंसां सर्वसम्पत्प्रदायकम् ॥ 4॥
विद्याभिवर्धकं नित्यं पठतामर्थसाधकम् ।
शुभदं शुभकार्येषु पठतां शृणुतामपि ॥ 5॥
यः पूजयति दुर्गां तां दुर्गानामसहस्रकैः ।
पुष्पैः कुङ्कुमसम्मिश्रैः स तु यत्काङ्क्षते हृदि ॥ 6॥
तत्सर्वं समवाप्नोति नास्ति नास्त्यत्र संशयः ।
यन्मुखे ध्रियते नित्यं दुर्गानामसहस्रकम् ॥ 7॥
किं तस्येतरमन्त्रौघैः कार्यं धन्यतमस्य हि ।
दुर्गानामसहस्रस्य पुस्तकं यद्गृहे भवेत् ॥ 8॥
न तत्र ग्रहभूतादिबाधा स्यान्मङ्गलास्पदे ।
तद्गृहं पुण्यदं क्षेत्रं देवीसान्निध्यकारकम् ॥ 9॥
एतस्य स्तोत्रमुख्यस्य पाठकः श्रेष्ठमन्त्रवित् ।
देवतायाः प्रसादेन सर्वपूज्यः सुखी भवेत् ॥ 10॥
इत्येतन्नगराजेन कीर्तितं मुनिसत्तम ।
गुह्याद्गुह्यतरं स्तोत्रं त्वयि स्नेहात् प्रकीर्तितम् ॥ 11॥
भक्ताय श्रद्धधानाय केवलं कीर्त्यतामिदम् ।
हृदि धारय नित्यं त्वं देव्यनुग्रहसाधकम् ॥ 12॥ ॥
इति श्रीस्कान्दपुराणे स्कन्दनारदसंवादे दुर्गासहस्रनामस्तोत्रं सम्पूर्णम् ॥
|| atha śrī durgā sahasranāmastotram ||
nārada uvāca -
kumāra guṇagambhīra devasenāpate prabho |
sarvābhīṣṭapradaṃ puṃsāṃ sarvapāpapraṇāśanam || 1||
guhyādguhyataraṃ stotraṃ bhaktivardhakamañjasā |
maṅgalaṃ grahapīḍādiśāntidaṃ vaktumarhasi || 2||
skanda uvāca -
śṛṇu nārada devarṣe lokānugrahakāmyayā |
yatpṛcchasi paraṃ puṇyaṃ tatte vakṣyāmi kautukāt || 3||
mātā me lokajananī himavannagasattamāt |
menāyāṃ brahmavādinyāṃ prādurbhūtā harapriyā || 4||
mahatā tapasā''rādhya śaṅkaraṃ lokaśaṅkaram |
svameva vallabhaṃ bheje kaleva hi kalānidhim || 5||
nagānāmadhirājastu himavān virahāturaḥ |
svasutāyāḥ parikṣīṇe vasiṣṭhena prabodhitaḥ || 6||
trilokajananī seyaṃ prasannā tvayi puṇyataḥ |
prādurbhūtā sutātvena tadviyogaṃ śubhaṃ tyaja || 7||
bahurūpā ca durgeyaṃ bahunāmnī sanātanī |
sanātanasya jāyā sā putrīmohaṃ tyajādhunā || 8||
iti prabodhitaḥ śailaḥ tāṃ tuṣṭāva parāṃ śivām |
tadā prasannā sā durgā pitaraṃ prāha nandinī || 9||
matprasādātparaṃ stotraṃ hṛdaye pratibhāsatām |
tena nāmnāṃ sahasreṇa pūjayan kāmamāpnuhi || 10||
ityuktvāntarhitāyāṃ tu hṛdaye sphuritaṃ tadā |
nāmnāṃ sahasraṃ durgāyāḥ pṛcchate me yaduktavān || 11||
maṅgalānāṃ maṅgalaṃ tad durgānāma sahasrakam |
sarvābhīṣṭapradāṃ puṃsāṃ bravīmyakhilakāmadam || 12||
durgādevī samākhyātā himavānṛṣirucyate |
chandonuṣṭup japo devyāḥ prītaye kriyate sadā || 13||
asya śrīdurgāstotramahāmantrasya | himavān ṛṣiḥ | anuṣṭup chandaḥ |
durgābhagavatī devatā | śrīdurgāprasādasiddhyarthe jape viniyogaḥ | |
śrībhagavatyai durgāyai namaḥ |
devīdhyānam
oṃ hrīṃ kālābhrābhāṃ kaṭākṣairarikulabhayadāṃ maulibaddhendurekhāṃ
śaṅkhaṃ cakraṃ kṛpāṇaṃ triśikhamapi karairudvahantīṃ trinetrām |
siṃhaskandhādhirūḍhāṃ tribhuvanamakhilaṃ tejasā pūrayantīṃ
dhyāyed durgāṃ jayākhyāṃ tridaśaparivṛtāṃ sevitāṃ siddhikāmaiḥ ||
śrī jayadurgāyai namaḥ |
oṃ śivāthomā ramā śaktiranantā niṣkalā'malā |
śāntā māheśvarī nityā śāśvatā paramā kṣamā || 1||
acintyā kevalānantā śivātmā paramātmikā |
anādiravyayā śuddhā sarvajñā sarvagā'calā || 2||
ekānekavibhāgasthā māyātītā sunirmalā |
mahāmāheśvarī satyā mahādevī nirañjanā || 3||
kāṣṭhā sarvāntarasthā'pi cicchaktiścātrilālitā |
sarvā sarvātmikā viśvā jyotīrūpākṣarāmṛtā || 4||
śāntā pratiṣṭhā sarveśā nivṛttiramṛtapradā |
vyomamūrtirvyomasaṃsthā vyomadhārā'cyutā'tulā || 5||
anādinidhanā'moghā kāraṇātmakalākulā |
ṛtuprathamajā'nābhiramṛtātmasamāśrayā || 6||
prāṇeśvarapriyā namyā mahāmahiṣaghātinī |
prāṇeśvarī prāṇarūpā pradhānapuruṣeśvarī || 7||
sarvaśaktikalā'kāmā mahiṣeṣṭavināśinī |
sarvakāryaniyantrī ca sarvabhūteśvareśvarī || 8||
aṅgadādidharā caiva tathā mukuṭadhāriṇī |
sanātanī mahānandā''kāśayonistathecyate || 9||
citprakāśasvarūpā ca mahāyogeśvareśvarī |
mahāmāyā saduṣpārā mūlaprakṛtirīśikā || 10||
saṃsārayoniḥ sakalā sarvaśaktisamudbhavā |
saṃsārapārā durvārā durnirīkṣā durāsadā || 11||
prāṇaśaktiśca sevyā ca yoginī paramākalā |
mahāvibhūtirdurdarśā mūlaprakṛtisambhavā || 12||
anādyanantavibhavā parārthā puruṣāraṇiḥ |
sargasthityantakṛccaiva sudurvācyā duratyayā || 13||
śabdagamyā śabdamāyā śabdākhyānandavigrahā |
pradhānapuruṣātītā pradhānapuruṣātmikā || 14||
purāṇī cinmayā puṃsāmiṣṭadā puṣṭirūpiṇī |
pūtāntarasthā kūṭasthā mahāpuruṣasañjñitā || 15||
janmamṛtyujarātītā sarvaśaktisvarūpiṇī |
vāñchāpradā'navacchinnapradhānānupraveśinī || 16||
kṣetrajñā'cintyaśaktistu procyate'vyaktalakṣaṇā |
malāpavarjitā''nādimāyā tritayatattvikā || 17||
prītiśca prakṛtiścaiva guhāvāsā tathocyate |
mahāmāyā nagotpannā tāmasī ca dhruvā tathā || 18||
vyaktā'vyaktātmikā kṛṣṇā raktā śuklā hyakāraṇā |
procyate kāryajananī nityaprasavadharmiṇī || 19||
sargapralayamuktā ca sṛṣṭisthityantadharmiṇī |
brahmagarbhā caturviṃśasvarūpā padmavāsinī || 20||
acyutāhlādikā vidyudbrahmayonirmahālayā |
mahālakṣmī samudbhāvabhāvitātmāmaheśvarī || 21||
mahāvimānamadhyasthā mahānidrā sakautukā |
sarvārthadhāriṇī sūkṣmā hyaviddhā paramārthadā || 22||
anantarūpā'nantārthā tathā puruṣamohinī |
anekānekahastā ca kālatrayavivarjitā || 23||
brahmajanmā haraprītā matirbrahmaśivātmikā |
brahmeśaviṣṇusampūjyā brahmākhyā brahmasañjñitā || 24||
vyaktā prathamajā brāhmī mahārātrīḥ prakīrtitā |
jñānasvarūpā vairāgyarūpā hyaiśvaryarūpiṇī || 25||
dharmātmikā brahmamūrtiḥ pratiśrutapumarthikā |
apāṃyoniḥ svayambhūtā mānasī tattvasambhavā || 26||
īśvarasya priyā proktā śaṅkarārdhaśarīriṇī |
bhavānī caiva rudrāṇī mahālakṣmīstathā'mbikā || 27||
maheśvarasamutpannā bhuktimukti pradāyinī |
sarveśvarī sarvavandyā nityamuktā sumānasā || 28||
mahendropendranamitā śāṅkarīśānuvartinī |
īśvarārdhāsanagatā māheśvarapativratā || 29||
saṃsāraśoṣiṇī caiva pārvatī himavatsutā |
paramānandadātrī ca guṇāgryā yogadā tathā || 30||
jñānamūrtiśca sāvitrī lakṣmīḥ śrīḥ kamalā tathā |
anantaguṇagambhīrā hyuronīlamaṇiprabhā || 31||
sarojanilayā gaṅgā yogidhyeyā'surārdinī |
sarasvatī sarvavidyā jagajjyeṣṭhā sumaṅgalā || 32||
vāgdevī varadā varyā kīrtiḥ sarvārthasādhikā |
vāgīśvarī brahmavidyā mahāvidyā suśobhanā || 33||
grāhyavidyā vedavidyā dharmavidyā''tmabhāvitā |
svāhā viśvambharā siddhiḥ sādhyā medhā dhṛtiḥ kṛtiḥ || 34||
sunītiḥ saṅkṛtiścaiva kīrtitā naravāhinī |
pūjāvibhāvinī saumyā bhogyabhāg bhogadāyinī || 35||
śobhāvatī śāṅkarī ca lolā mālāvibhūṣitā |
parameṣṭhipriyā caiva trilokīsundarī mātā || 36||
nandā sandhyā kāmadhātrī mahādevī susāttvikā |
mahāmahiṣadarpaghnī padmamālā'ghahāriṇī || 37||
vicitramukuṭā rāmā kāmadātā prakīrtitā |
pitāmbaradharā divyavibhūṣaṇa vibhūṣitā || 38||
divyākhyā somavadanā jagatsaṃsṛṣṭivarjitā |
niryantrā yantravāhasthā nandinī rudrakālikā || 39||
ādityavarṇā kaumārī mayūravaravāhinī |
padmāsanagatā gaurī mahākālī surārcitā || 40||
aditirniyatā raudrī padmagarbhā vivāhanā |
virūpākṣā keśivāhā guhāpuranivāsinī || 41||
mahāphalā'navadyāṅgī kāmarūpā saridvarā |
bhāsvadrūpā muktidātrī praṇatakleśabhañjanā || 42||
kauśikī gominī rātristridaśārivināśinī |
bahurūpā surūpā ca virūpā rūpavarjitā || 43||
bhaktārtiśamanā bhavyā bhavabhāvavināśinī |
sarvajñānaparītāṅgī sarvāsuravimardikā || 44||
pikasvanī sāmagītā bhavāṅkanilayā priyā |
dīkṣā vidyādharī dīptā mahendrāhitapātinī || 45||
sarvadevamayā dakṣā samudrāntaravāsinī |
akalaṅkā nirādhārā nityasiddhā nirāmayā || 46||
kāmadhenubṛhadgarbhā dhīmatī maunanāśinī |
niḥsaṅkalpā nirātaṅkā vinayā vinayapradā || 47||
jvālāmālā sahasrāḍhyā devadevī manomayā |
subhagā suviśuddhā ca vasudevasamudbhavā || 48||
mahendropendrabhaginī bhaktigamyā parāvarā |
jñānajñeyā parātītā vedāntaviṣayā matiḥ || 49||
dakṣiṇā dāhikā dahyā sarvabhūtahṛdisthitā |
yogamāyā vibhāgajñā mahāmohā garīyasī || 50||
sandhyā sarvasamudbhūtā brahmavṛkṣāśriyāditiḥ |
bījāṅkurasamudbhūtā mahāśaktirmahāmatiḥ || 51||
khyātiḥ prajñāvatī sañjñā mahābhogīndraśāyinī |
hīṅkṛtiḥ śaṅkarī śāntirgandharvagaṇasevitā || 52||
vaiśvānarī mahāśūlā devasenā bhavapriyā |
mahārātrī parānandā śacī duḥsvapnanāśinī || 53||
īḍyā jayā jagaddhātrī durvijñeyā surūpiṇī |
guhāmbikā gaṇotpannā mahāpīṭhā marutsutā || 54||
havyavāhā bhavānandā jagadyoniḥ prakīrtitā |
jaganmātā jaganmṛtyurjarātītā ca buddhidā || 55||
siddhidātrī ratnagarbhā ratnagarbhāśrayā parā |
daityahantrī sveṣṭadātrī maṅgalaikasuvigrahā || 56||
puruṣāntargatā caiva samādhisthā tapasvinī |
divisthitā triṇetrā ca sarvendriyamanādhṛtiḥ || 57||
sarvabhūtahṛdisthā ca tathā saṃsāratāriṇī |
vedyā brahmavivedyā ca mahālīlā prakīrtitā || 58||
brāhmaṇibṛhatī brāhmī brahmabhūtā'ghahāriṇī |
hiraṇmayī mahādātrī saṃsāraparivartikā || 59||
sumālinī surūpā ca bhāsvinī dhāriṇī tathā |
unmūlinī sarvasabhā sarvapratyayasākṣiṇī || 60||
susaumyā candravadanā tāṇḍavāsaktamānasā |
sattvaśuddhikarī śuddhā malatrayavināśinī || 61||
jagatttrayī jaganmūrtistrimūrtiramṛtāśrayā |
vimānasthā viśokā ca śokanāśinyanāhatā || 62||
hemakuṇḍalinī kālī padmavāsā sanātanī |
sadākīrtiḥ sarvabhūtaśayā devī satāmpriyā || 63||
brahmamūrtikalā caiva kṛttikā kañjamālinī |
vyomakeśā kriyāśaktiricchāśaktiḥ parāgatiḥ || 64||
kṣobhikā khaṇḍikābhedyā bhedābhedavivarjitā |
abhinnā bhinnasaṃsthānā vaśinī vaṃśadhāriṇī || 65||
guhyaśaktirguhyatattvā sarvadā sarvatomukhī |
bhaginī ca nirādhārā nirāhārā prakīrtitā || 66||
niraṅkuśapadodbhūtā cakrahastā viśodhikā |
sragviṇī padmasambhedakāriṇī parikīrtitā || 67||
parāvaravidhānajñā mahāpuruṣapūrvajā |
parāvarajñā vidyā ca vidyujjihvā jitāśrayā || 68||
vidyāmayī sahasrākṣī sahasravadanātmajā |
sahasraraśmiḥsatvasthā maheśvarapadāśrayā || 69||
jvālinī sanmayā vyāptā cinmayā padmabhedikā |
mahāśrayā mahāmantrā mahādevamanoramā || 70||
vyomalakṣmīḥ siṃharathā cekitānā'mitaprabhā |
viśveśvarī bhagavatī sakalā kālahāriṇī || 71||
sarvavedyā sarvabhadrā guhyā dūḍhā guhāraṇī |
pralayā yogadhātrī ca gaṅgā viśveśvarī tathā || 72||
kāmadā kanakā kāntā kañjagarbhaprabhā tathā |
puṇyadā kālakeśā ca bhokttrī puṣkariṇī tathā || 73||
sureśvarī bhūtidātrī bhūtibhūṣā prakīrtitā |
pañcabrahmasamutpannā paramārthā'rthavigrahā || 74||
varṇodayā bhānumūrtirvāgvijñeyā manojavā |
manoharā mahoraskā tāmasī vedarūpiṇī || 75||
vedaśaktirvedamātā vedavidyāprakāśinī |
yogeśvareśvarī māyā mahāśaktirmahāmayī || 76||
viśvāntaḥsthā viyanmūrtirbhārgavī surasundarī |
surabhirnandinī vidyā nandagopatanūdbhavā || 77||
bhāratī paramānandā parāvaravibhedikā |
sarvapraharaṇopetā kāmyā kāmeśvareśvarī || 78||
anantānandavibhavā hṛllekhā kanakaprabhā |
kūṣmāṇḍā dhanaratnāḍhyā sugandhā gandhadāyinī || 79||
trivikramapadodbhūtā caturāsyā śivodayā |
sudurlabhā dhanādhyakṣā dhanyā piṅgalalocanā || 80||
śāntā prabhāsvarūpā ca paṅkajāyatalocanā |
indrākṣī hṛdayāntaḥsthā śivā mātā ca satkriyā || 81||
girijā ca sugūḍhā ca nityapuṣṭā nirantarā |
durgā kātyāyanī caṇḍī candrikā kāntavigrahā || 82||
hiraṇyavarṇā jagatī jagadyantrapravartikā |
mandarādrinivāsā ca śāradā svarṇamālinī || 83||
ratnamālā ratnagarbhā vyuṣṭirviśvapramāthinī |
padmānandā padmanibhā nityapuṣṭā kṛtodbhavā || 84||
nārāyaṇī duṣṭaśikṣā sūryamātā vṛṣapriyā |
mahendrabhaginī satyā satyabhāṣā sukomalā || 85||
vāmā ca pañcatapasāṃ varadātrī prakīrtitā |
vācyavarṇeśvarī vidyā durjayā duratikramā || 86||
kālarātrirmahāvegā vīrabhadrapriyā hitā |
bhadrakālī jaganmātā bhaktānāṃ bhadradāyinī || 87||
karālā piṅgalākārā kāmabhettrī mahāmanāḥ |
yaśasvinī yaśodā ca ṣaḍadhvaparivartikā || 88||
śaṅkhinī padminī saṅkhyā sāṅkhyayogapravartikā |
caitrādirvatsarārūḍhā jagatsampūraṇīndrajā || 89||
śumbhaghnī khecarārādhyā kambugrīvā balīḍitā |
khagārūḍhā mahaiśvaryā supadmanilayā tathā || 90||
viraktā garuḍasthā ca jagatīhṛdguhāśrayā |
śumbhādimathanā bhaktahṛdgahvaranivāsinī || 91||
jagatttrayāraṇī siddhasaṅkalpā kāmadā tathā |
sarvavijñānadātrī cānalpakalmaṣahāriṇī || 92||
sakalopaniṣadgamyā duṣṭaduṣprekṣyasattamā |
sadvṛtā lokasaṃvyāptā tuṣṭiḥ puṣṭiḥ kriyāvatī || 93||
viśvāmareśvarī caiva bhuktimuktipradāyinī |
śivādhṛtā lohitākṣī sarpamālāvibhūṣaṇā || 94||
nirānandā triśūlāsidhanurbāṇādidhāriṇī |
aśeṣadhyeyamūrtiśca devatānāṃ ca devatā || 95||
varāmbikā gireḥ putrī niśumbhavinipātinī |
suvarṇā svarṇalasitā'nantavarṇā sadādhṛtā || 96||
śāṅkarī śāntahṛdayā ahorātravidhāyikā |
viśvagoptrī gūḍharūpā guṇapūrṇā ca gārgyajā || 97||
gaurī śākambharī satyasandhā sandhyātrayīdhṛtā |
sarvapāpavinirmuktā sarvabandhavivarjitā || 98||
sāṅkhyayogasamākhyātā aprameyā munīḍitā |
viśuddhasukulodbhūtā bindunādasamādṛtā || 99||
śambhuvāmāṅkagā caiva śaśitulyanibhānanā |
vanamālāvirājantī anantaśayanādṛtā || 100||
naranārāyaṇodbhūtā nārasiṃhī prakīrtitā |
daityapramāthinī śaṅkhacakrapadmagadādharā || 101||
saṅkarṣaṇasamutpannā ambikā sajjanāśrayā |
suvṛtā sundarī caiva dharmakāmārthadāyinī || 102||
mokṣadā bhaktinilayā purāṇapuruṣādṛtā |
mahāvibhūtidā''rādhyā sarojanilayā'samā || 103||
aṣṭādaśabhujā'nādirnīlotpaladalākṣiṇī |
sarvaśaktisamārūḍhā dharmādharmavivarjitā || 104||
vairāgyajñānaniratā nirālokā nirindriyā |
vicitragahanādhārā śāśvatasthānavāsinī || 105||
jñāneśvarī pītacelā vedavedāṅgapāragā |
manasvinī manyumātā mahāmanyusamudbhavā || 106||
amanyuramṛtāsvādā purandarapariṣṭutā |
aśocyā bhinnaviṣayā hiraṇyarajatapriyā || 107||
hiraṇyajananī bhīmā hemābharaṇabhūṣitā |
vibhrājamānā durjñeyā jyotiṣṭomaphalapradā || 108||
mahānidrāsamutpattiranidrā satyadevatā |
dīrghā kakudminī piṅgajaṭādhārā manojñadhīḥ || 109||
mahāśrayā ramotpannā tamaḥpāre pratiṣṭhitā |
tritattvamātā trividhā susūkṣmā padmasaṃśrayā || 110||
śāntyatītakalā'tītavikārā śvetacelikā |
citramāyā śivajñānasvarūpā daityamāthinī || 111||
kāśyapī kālasarpābhaveṇikā śāstrayonikā |
trayīmūrtiḥ kriyāmūrtiścaturvargā ca darśinī || 112||
nārāyaṇī narotpannā kaumudī kāntidhāriṇī |
kauśikī lalitā līlā parāvaravibhāvinī || 113||
vareṇyā'dbhutamahātmyā vaḍavā vāmalocanā |
subhadrā cetanārādhyā śāntidā śāntivardhinī || 114||
jayādiśaktijananī śakticakrapravartikā |
triśaktijananī janyā ṣaṭsūtraparivarṇitā || 115||
sudhautakarmaṇā''rādhyā yugāntadahanātmikā |
saṅkarṣiṇī jagaddhātrī kāmayoniḥ kirīṭinī || 116||
aindrī trailokyanamitā vaiṣṇavī parameśvarī |
pradyumnajananī bimbasamoṣṭhī padmalocanā || 117||
madotkaṭā haṃsagatiḥ pracaṇḍā caṇḍavikramā |
vṛṣādhīśā parātmā ca vindhyā parvatavāsinī || 118||
himavanmerunilayā kailāsapuravāsinī |
cāṇūrahantrī nītijñā kāmarūpā trayītanuḥ || 119||
vratasnātā dharmaśīlā siṃhāsananivāsinī |
vīrabhadrādṛtā vīrā mahākālasamudbhavā || 120||
vidyādharārcitā siddhasādhyārādhitapādukā |
śraddhātmikā pāvanī ca mohinī acalātmikā || 121||
mahādbhutā vārijākṣī siṃhavāhanagāminī |
manīṣiṇī sudhāvāṇī vīṇāvādanatatparā || 122||
śvetavāhaniṣevyā ca lasanmatirarundhatī |
hiraṇyākṣī tathā caiva mahānandapradāyinī || 123||
vasuprabhā sumālyāptakandharā paṅkajānanā |
parāvarā varārohā sahasranayanārcitā || 124||
śrīrūpā śrīmatī śreṣṭhā śivanāmnī śivapriyā |
śrīpradā śritakalyāṇā śrīdharārdhaśarīriṇī || 125||
śrīkalā'nantadṛṣṭiśca hyakṣudrārātisūdanī |
raktabījanihantrī ca daityasaṅgavimardinī || 126||
siṃhārūḍhā siṃhikāsyā daityaśoṇitapāyinī |
sukīrtisahitācchinnasaṃśayā rasavedinī || 127||
guṇābhirāmā nāgārivāhanā nirjarārcitā |
nityoditā svayañjyotiḥ svarṇakāyā prakīrtitā || 128||
vajradaṇḍāṅkitā caiva tathāmṛtasañjīvinī |
vajracchannā devadevī varavajrasvavigrahā || 129||
māṅgalyā maṅgalātmā ca mālinī mālyadhāriṇī |
gandharvī taruṇī cāndrī khaḍgāyudhadharā tathā || 130||
saudāminī prajānandā tathā proktā bhṛgūdbhavā |
ekānaṅgā ca śāstrārthakuśalā dharmacāriṇī || 131||
dharmasarvasvavāhā ca dharmādharmaviniścayā |
dharmaśaktirdharmamayā dhārmikānāṃ śivapradā || 132||
vidharmā viśvadharmajñā dharmārthāntaravigrahā |
dharmavarṣmā dharmapūrvā dharmapāraṅgatāntarā || 133||
dharmopadeṣṭrī dharmātmā dharmagamyā dharādharā |
kapālinī śākalinī kalākalitavigrahā || 134||
sarvaśaktivimuktā ca karṇikāradharā'kṣarā|
kaṃsaprāṇaharā caiva yugadharmadharā tathā || 135||
yugapravartikā proktā trisandhyā dhyeyavigrahā |
svargāpavargadātrī ca tathā pratyakṣadevatā || 136||
ādityā divyagandhā ca divākaranibhaprabhā |
padmāsanagatā proktā khaḍgabāṇaśarāsanā || 137||
śiṣṭā viśiṣṭā śiṣṭeṣṭā śiṣṭaśreṣṭhaprapūjitā |
śatarūpā śatāvartā vitatā rāsamodinī || 138||
sūryendunetrā pradyumnajananī suṣṭhumāyinī |
sūryāntarasthitā caiva satpratiṣṭhatavigrahā || 139||
nivṛttā procyate jñānapāragā parvatātmajā |
kātyāyanī caṇḍikā ca caṇḍī haimavatī tathā || 140||
dākṣāyaṇī satī caiva bhavānī sarvamaṅgalā |
dhūmralocanahantrī ca caṇḍamuṇḍavināśinī || 141||
yoganidrā yogabhadrā samudratanayā tathā |
devapriyaṅkarī śuddhā bhaktabhaktipravardhinī || 142||
triṇetrā candramukuṭā pramathārcitapādukā |
arjunābhīṣṭadātrī ca pāṇḍavapriyakāriṇī || 143||
kumāralālanāsaktā harabāhūpadhānikā |
vighneśajananī bhaktavighnastomaprahāriṇī || 144||
susmitendumukhī namyā jayāpriyasakhī tathā |
anādinidhanā preṣṭhā citramālyānulepanā || 145||
koṭicandrapratīkāśā kūṭajālapramāthinī |
kṛtyāprahāriṇī caiva māraṇoccāṭanī tathā || 146||
surāsurapravandyāṅghrirmohaghnī jñānadāyinī |
ṣaḍvairinigrahakarī vairividrāviṇī tathā || 147||
bhūtasevyā bhūtadātrī bhūtapīḍāvimardikā |
nāradastutacāritrā varadeśā varapradā || 148||
vāmadevastutā caiva kāmadā somaśekharā |
dikpālasevitā bhavyā bhāminī bhāvadāyinī || 149||
strīsaubhāgyapradātrī ca bhogadā roganāśinī |
vyomagā bhūmigā caiva munipūjyapadāmbujā |
vanadurgā ca durbodhā mahādurgā prakīrtitā || 150||
phalaśrutiḥ
itīdaṃ kīrtidaṃ bhadra durgānāmasahasrakam |
trisandhyaṃ yaḥ paṭhennityaṃ tasya lakṣmīḥ sthirā bhavet || 1||
grahabhūtapiśācādipīḍā naśyatyasaṃśayam |
bālagrahādipīḍāyāḥ śāntirbhavati kīrtanāt || 2||
mārikādimahāroge paṭhatāṃ saukhyadaṃ nṛṇām |
vyavahāre ca jayadaṃ śatrubādhānivārakam || 3||
dampatyoḥ kalahe prāpte mithaḥ premābhivardhakam |
āyurārogyadaṃ puṃsāṃ sarvasampatpradāyakam || 4||
vidyābhivardhakaṃ nityaṃ paṭhatāmarthasādhakam |
śubhadaṃ śubhakāryeṣu paṭhatāṃ śṛṇutāmapi || 5||
yaḥ pūjayati durgāṃ tāṃ durgānāmasahasrakaiḥ |
puṣpaiḥ kuṅkumasammiśraiḥ sa tu yatkāṅkṣate hṛdi || 6||
tatsarvaṃ samavāpnoti nāsti nāstyatra saṃśayaḥ |
yanmukhe dhriyate nityaṃ durgānāmasahasrakam || 7||
kiṃ tasyetaramantraughaiḥ kāryaṃ dhanyatamasya hi |
durgānāmasahasrasya pustakaṃ yadgṛhe bhavet || 8||
na tatra grahabhūtādibādhā syānmaṅgalāspade |
tadgṛhaṃ puṇyadaṃ kṣetraṃ devīsānnidhyakārakam || 9||
etasya stotramukhyasya pāṭhakaḥ śreṣṭhamantravit |
devatāyāḥ prasādena sarvapūjyaḥ sukhī bhavet || 10||
ityetannagarājena kīrtitaṃ munisattama |
guhyādguhyataraṃ stotraṃ tvayi snehāt prakīrtitam || 11||
bhaktāya śraddhadhānāya kevalaṃ kīrtyatāmidam |
hṛdi dhāraya nityaṃ tvaṃ devyanugrahasādhakam || 12|| ||
iti śrīskāndapurāṇe skandanāradasaṃvāde durgāsahasranāmastotraṃ sampūrṇam ||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.