॥ ଅଥ ଶ୍ରୀ ଦୁର୍ଗା ସହସ୍ରନାମସ୍ତୋତ୍ରମ୍ ॥
ନାରଦ ଉଵାଚ -
କୁମାର ଗୁଣଗମ୍ଭୀର ଦେଵସେନାପତେ ପ୍ରଭୋ ।
ସର୍ଵାଭୀଷ୍ଟପ୍ରଦଂ ପୁଂସାଂ ସର୍ଵପାପପ୍ରଣାଶନମ୍ ॥ 1॥
ଗୁହ୍ଯାଦ୍ଗୁହ୍ଯତରଂ ସ୍ତୋତ୍ରଂ ଭକ୍ତିଵର୍ଧକମଞ୍ଜସା ।
ମଙ୍ଗଲଂ ଗ୍ରହପୀଡାଦିଶାନ୍ତିଦଂ ଵକ୍ତୁମର୍ହସି ॥ 2॥
ସ୍କନ୍ଦ ଉଵାଚ -
ଶୃଣୁ ନାରଦ ଦେଵର୍ଷେ ଲୋକାନୁଗ୍ରହକାମ୍ଯଯା ।
ଯତ୍ପୃଚ୍ଛସି ପରଂ ପୁଣ୍ଯଂ ତତ୍ତେ ଵକ୍ଷ୍ଯାମି କୌତୁକାତ୍ ॥ 3॥
ମାତା ମେ ଲୋକଜନନୀ ହିମଵନ୍ନଗସତ୍ତମାତ୍ ।
ମେନାଯାଂ ବ୍ରହ୍ମଵାଦିନ୍ଯାଂ ପ୍ରାଦୁର୍ଭୂତା ହରପ୍ରିଯା ॥ 4॥
ମହତା ତପସାଽଽରାଧ୍ଯ ଶଙ୍କରଂ ଲୋକଶଙ୍କରମ୍ ।
ସ୍ଵମେଵ ଵଲ୍ଲଭଂ ଭେଜେ କଲେଵ ହି କଲାନିଧିମ୍ ॥ 5॥
ନଗାନାମଧିରାଜସ୍ତୁ ହିମଵାନ୍ ଵିରହାତୁରଃ ।
ସ୍ଵସୁତାଯାଃ ପରିକ୍ଷୀଣେ ଵସିଷ୍ଠେନ ପ୍ରବୋଧିତଃ ॥ 6॥
ତ୍ରିଲୋକଜନନୀ ସେଯଂ ପ୍ରସନ୍ନା ତ୍ଵଯି ପୁଣ୍ଯତଃ ।
ପ୍ରାଦୁର୍ଭୂତା ସୁତାତ୍ଵେନ ତଦ୍ଵିଯୋଗଂ ଶୁଭଂ ତ୍ଯଜ ॥ 7॥
ବହୁରୂପା ଚ ଦୁର୍ଗେଯଂ ବହୁନାମ୍ନୀ ସନାତନୀ ।
ସନାତନସ୍ଯ ଜାଯା ସା ପୁତ୍ରୀମୋହଂ ତ୍ଯଜାଧୁନା ॥ 8॥
ଇତି ପ୍ରବୋଧିତଃ ଶୈଲଃ ତାଂ ତୁଷ୍ଟାଵ ପରାଂ ଶିଵାମ୍ ।
ତଦା ପ୍ରସନ୍ନା ସା ଦୁର୍ଗା ପିତରଂ ପ୍ରାହ ନନ୍ଦିନୀ ॥ 9॥
ମତ୍ପ୍ରସାଦାତ୍ପରଂ ସ୍ତୋତ୍ରଂ ହୃଦଯେ ପ୍ରତିଭାସତାମ୍ ।
ତେନ ନାମ୍ନାଂ ସହସ୍ରେଣ ପୂଜଯନ୍ କାମମାପ୍ନୁହି ॥ 10॥
ଇତ୍ଯୁକ୍ତ୍ଵାନ୍ତର୍ହିତାଯାଂ ତୁ ହୃଦଯେ ସ୍ଫୁରିତଂ ତଦା ।
ନାମ୍ନାଂ ସହସ୍ରଂ ଦୁର୍ଗାଯାଃ ପୃଚ୍ଛତେ ମେ ଯଦୁକ୍ତଵାନ୍ ॥ 11॥
ମଙ୍ଗଲାନାଂ ମଙ୍ଗଲଂ ତଦ୍ ଦୁର୍ଗାନାମ ସହସ୍ରକମ୍ ।
ସର୍ଵାଭୀଷ୍ଟପ୍ରଦାଂ ପୁଂସାଂ ବ୍ରଵୀମ୍ଯଖିଲକାମଦମ୍ ॥ 12॥
ଦୁର୍ଗାଦେଵୀ ସମାଖ୍ଯାତା ହିମଵାନୃଷିରୁଚ୍ଯତେ ।
ଛନ୍ଦୋନୁଷ୍ଟୁପ୍ ଜପୋ ଦେଵ୍ଯାଃ ପ୍ରୀତଯେ କ୍ରିଯତେ ସଦା ॥ 13॥
ଅସ୍ଯ ଶ୍ରୀଦୁର୍ଗାସ୍ତୋତ୍ରମହାମନ୍ତ୍ରସ୍ଯ । ହିମଵାନ୍ ଋଷିଃ । ଅନୁଷ୍ଟୁପ୍ ଛନ୍ଦଃ ।
ଦୁର୍ଗାଭଗଵତୀ ଦେଵତା । ଶ୍ରୀଦୁର୍ଗାପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ । ।
ଶ୍ରୀଭଗଵତ୍ଯୈ ଦୁର୍ଗାଯୈ ନମଃ ।
ଦେଵୀଧ୍ଯାନମ୍
ଓଁ ହ୍ରୀଂ କାଲାଭ୍ରାଭାଂ କଟାକ୍ଷୈରରିକୁଲଭଯଦାଂ ମୌଲିବଦ୍ଧେନ୍ଦୁରେଖାଂ
ଶଙ୍ଖଂ ଚକ୍ରଂ କୃପାଣଂ ତ୍ରିଶିଖମପି କରୈରୁଦ୍ଵହନ୍ତୀଂ ତ୍ରିନେତ୍ରାମ୍ ।
ସିଂହସ୍କନ୍ଧାଧିରୂଢାଂ ତ୍ରିଭୁଵନମଖିଲଂ ତେଜସା ପୂରଯନ୍ତୀଂ
ଧ୍ଯାଯେଦ୍ ଦୁର୍ଗାଂ ଜଯାଖ୍ଯାଂ ତ୍ରିଦଶପରିଵୃତାଂ ସେଵିତାଂ ସିଦ୍ଧିକାମୈଃ ॥
ଶ୍ରୀ ଜଯଦୁର୍ଗାଯୈ ନମଃ ।
ଓଁ ଶିଵାଥୋମା ରମା ଶକ୍ତିରନନ୍ତା ନିଷ୍କଲାଽମଲା ।
ଶାନ୍ତା ମାହେଶ୍ଵରୀ ନିତ୍ଯା ଶାଶ୍ଵତା ପରମା କ୍ଷମା ॥ 1॥
ଅଚିନ୍ତ୍ଯା କେଵଲାନନ୍ତା ଶିଵାତ୍ମା ପରମାତ୍ମିକା ।
ଅନାଦିରଵ୍ଯଯା ଶୁଦ୍ଧା ସର୍ଵଜ୍ଞା ସର୍ଵଗାଽଚଲା ॥ 2॥
ଏକାନେକଵିଭାଗସ୍ଥା ମାଯାତୀତା ସୁନିର୍ମଲା ।
ମହାମାହେଶ୍ଵରୀ ସତ୍ଯା ମହାଦେଵୀ ନିରଞ୍ଜନା ॥ 3॥
କାଷ୍ଠା ସର୍ଵାନ୍ତରସ୍ଥାଽପି ଚିଚ୍ଛକ୍ତିଶ୍ଚାତ୍ରିଲାଲିତା ।
ସର୍ଵା ସର୍ଵାତ୍ମିକା ଵିଶ୍ଵା ଜ୍ଯୋତୀରୂପାକ୍ଷରାମୃତା ॥ 4॥
ଶାନ୍ତା ପ୍ରତିଷ୍ଠା ସର୍ଵେଶା ନିଵୃତ୍ତିରମୃତପ୍ରଦା ।
ଵ୍ଯୋମମୂର୍ତିର୍ଵ୍ଯୋମସଂସ୍ଥା ଵ୍ଯୋମଧାରାଽଚ୍ଯୁତାଽତୁଲା ॥ 5॥
ଅନାଦିନିଧନାଽମୋଘା କାରଣାତ୍ମକଲାକୁଲା ।
ଋତୁପ୍ରଥମଜାଽନାଭିରମୃତାତ୍ମସମାଶ୍ରଯା ॥ 6॥
ପ୍ରାଣେଶ୍ଵରପ୍ରିଯା ନମ୍ଯା ମହାମହିଷଘାତିନୀ ।
ପ୍ରାଣେଶ୍ଵରୀ ପ୍ରାଣରୂପା ପ୍ରଧାନପୁରୁଷେଶ୍ଵରୀ ॥ 7॥
ସର୍ଵଶକ୍ତିକଲାଽକାମା ମହିଷେଷ୍ଟଵିନାଶିନୀ ।
ସର୍ଵକାର୍ଯନିଯନ୍ତ୍ରୀ ଚ ସର୍ଵଭୂତେଶ୍ଵରେଶ୍ଵରୀ ॥ 8॥
ଅଙ୍ଗଦାଦିଧରା ଚୈଵ ତଥା ମୁକୁଟଧାରିଣୀ ।
ସନାତନୀ ମହାନନ୍ଦାଽଽକାଶଯୋନିସ୍ତଥେଚ୍ଯତେ ॥ 9॥
ଚିତ୍ପ୍ରକାଶସ୍ଵରୂପା ଚ ମହାଯୋଗେଶ୍ଵରେଶ୍ଵରୀ ।
ମହାମାଯା ସଦୁଷ୍ପାରା ମୂଲପ୍ରକୃତିରୀଶିକା ॥ 10॥
ସଂସାରଯୋନିଃ ସକଲା ସର୍ଵଶକ୍ତିସମୁଦ୍ଭଵା ।
ସଂସାରପାରା ଦୁର୍ଵାରା ଦୁର୍ନିରୀକ୍ଷା ଦୁରାସଦା ॥ 11॥
ପ୍ରାଣଶକ୍ତିଶ୍ଚ ସେଵ୍ଯା ଚ ଯୋଗିନୀ ପରମାକଲା ।
ମହାଵିଭୂତିର୍ଦୁର୍ଦର୍ଶା ମୂଲପ୍ରକୃତିସମ୍ଭଵା ॥ 12॥
ଅନାଦ୍ଯନନ୍ତଵିଭଵା ପରାର୍ଥା ପୁରୁଷାରଣିଃ ।
ସର୍ଗସ୍ଥିତ୍ଯନ୍ତକୃଚ୍ଚୈଵ ସୁଦୁର୍ଵାଚ୍ଯା ଦୁରତ୍ଯଯା ॥ 13॥
ଶବ୍ଦଗମ୍ଯା ଶବ୍ଦମାଯା ଶବ୍ଦାଖ୍ଯାନନ୍ଦଵିଗ୍ରହା ।
ପ୍ରଧାନପୁରୁଷାତୀତା ପ୍ରଧାନପୁରୁଷାତ୍ମିକା ॥ 14॥
ପୁରାଣୀ ଚିନ୍ମଯା ପୁଂସାମିଷ୍ଟଦା ପୁଷ୍ଟିରୂପିଣୀ ।
ପୂତାନ୍ତରସ୍ଥା କୂଟସ୍ଥା ମହାପୁରୁଷସଞ୍ଜ୍ଞିତା ॥ 15॥
ଜନ୍ମମୃତ୍ଯୁଜରାତୀତା ସର୍ଵଶକ୍ତିସ୍ଵରୂପିଣୀ ।
ଵାଞ୍ଛାପ୍ରଦାଽନଵଚ୍ଛିନ୍ନପ୍ରଧାନାନୁପ୍ରଵେଶିନୀ ॥ 16॥
କ୍ଷେତ୍ରଜ୍ଞାଽଚିନ୍ତ୍ଯଶକ୍ତିସ୍ତୁ ପ୍ରୋଚ୍ଯତେଽଵ୍ଯକ୍ତଲକ୍ଷଣା ।
ମଲାପଵର୍ଜିତାଽଽନାଦିମାଯା ତ୍ରିତଯତତ୍ତ୍ଵିକା ॥ 17॥
ପ୍ରୀତିଶ୍ଚ ପ୍ରକୃତିଶ୍ଚୈଵ ଗୁହାଵାସା ତଥୋଚ୍ଯତେ ।
ମହାମାଯା ନଗୋତ୍ପନ୍ନା ତାମସୀ ଚ ଧ୍ରୁଵା ତଥା ॥ 18॥
ଵ୍ଯକ୍ତାଽଵ୍ଯକ୍ତାତ୍ମିକା କୃଷ୍ଣା ରକ୍ତା ଶୁକ୍ଲା ହ୍ଯକାରଣା ।
ପ୍ରୋଚ୍ଯତେ କାର୍ଯଜନନୀ ନିତ୍ଯପ୍ରସଵଧର୍ମିଣୀ ॥ 19॥
ସର୍ଗପ୍ରଲଯମୁକ୍ତା ଚ ସୃଷ୍ଟିସ୍ଥିତ୍ଯନ୍ତଧର୍ମିଣୀ ।
ବ୍ରହ୍ମଗର୍ଭା ଚତୁର୍ଵିଂଶସ୍ଵରୂପା ପଦ୍ମଵାସିନୀ ॥ 20॥
ଅଚ୍ଯୁତାହ୍ଲାଦିକା ଵିଦ୍ଯୁଦ୍ବ୍ରହ୍ମଯୋନିର୍ମହାଲଯା ।
ମହାଲକ୍ଷ୍ମୀ ସମୁଦ୍ଭାଵଭାଵିତାତ୍ମାମହେଶ୍ଵରୀ ॥ 21॥
ମହାଵିମାନମଧ୍ଯସ୍ଥା ମହାନିଦ୍ରା ସକୌତୁକା ।
ସର୍ଵାର୍ଥଧାରିଣୀ ସୂକ୍ଷ୍ମା ହ୍ଯଵିଦ୍ଧା ପରମାର୍ଥଦା ॥ 22॥
ଅନନ୍ତରୂପାଽନନ୍ତାର୍ଥା ତଥା ପୁରୁଷମୋହିନୀ ।
ଅନେକାନେକହସ୍ତା ଚ କାଲତ୍ରଯଵିଵର୍ଜିତା ॥ 23॥
ବ୍ରହ୍ମଜନ୍ମା ହରପ୍ରୀତା ମତିର୍ବ୍ରହ୍ମଶିଵାତ୍ମିକା ।
ବ୍ରହ୍ମେଶଵିଷ୍ଣୁସମ୍ପୂଜ୍ଯା ବ୍ରହ୍ମାଖ୍ଯା ବ୍ରହ୍ମସଞ୍ଜ୍ଞିତା ॥ 24॥
ଵ୍ଯକ୍ତା ପ୍ରଥମଜା ବ୍ରାହ୍ମୀ ମହାରାତ୍ରୀଃ ପ୍ରକୀର୍ତିତା ।
ଜ୍ଞାନସ୍ଵରୂପା ଵୈରାଗ୍ଯରୂପା ହ୍ଯୈଶ୍ଵର୍ଯରୂପିଣୀ ॥ 25॥
ଧର୍ମାତ୍ମିକା ବ୍ରହ୍ମମୂର୍ତିଃ ପ୍ରତିଶ୍ରୁତପୁମର୍ଥିକା ।
ଅପାଂଯୋନିଃ ସ୍ଵଯମ୍ଭୂତା ମାନସୀ ତତ୍ତ୍ଵସମ୍ଭଵା ॥ 26॥
ଈଶ୍ଵରସ୍ଯ ପ୍ରିଯା ପ୍ରୋକ୍ତା ଶଙ୍କରାର୍ଧଶରୀରିଣୀ ।
ଭଵାନୀ ଚୈଵ ରୁଦ୍ରାଣୀ ମହାଲକ୍ଷ୍ମୀସ୍ତଥାଽମ୍ବିକା ॥ 27॥
ମହେଶ୍ଵରସମୁତ୍ପନ୍ନା ଭୁକ୍ତିମୁକ୍ତି ପ୍ରଦାଯିନୀ ।
ସର୍ଵେଶ୍ଵରୀ ସର୍ଵଵନ୍ଦ୍ଯା ନିତ୍ଯମୁକ୍ତା ସୁମାନସା ॥ 28॥
ମହେନ୍ଦ୍ରୋପେନ୍ଦ୍ରନମିତା ଶାଙ୍କରୀଶାନୁଵର୍ତିନୀ ।
ଈଶ୍ଵରାର୍ଧାସନଗତା ମାହେଶ୍ଵରପତିଵ୍ରତା ॥ 29॥
ସଂସାରଶୋଷିଣୀ ଚୈଵ ପାର୍ଵତୀ ହିମଵତ୍ସୁତା ।
ପରମାନନ୍ଦଦାତ୍ରୀ ଚ ଗୁଣାଗ୍ର୍ଯା ଯୋଗଦା ତଥା ॥ 30॥
ଜ୍ଞାନମୂର୍ତିଶ୍ଚ ସାଵିତ୍ରୀ ଲକ୍ଷ୍ମୀଃ ଶ୍ରୀଃ କମଲା ତଥା ।
ଅନନ୍ତଗୁଣଗମ୍ଭୀରା ହ୍ଯୁରୋନୀଲମଣିପ୍ରଭା ॥ 31॥
ସରୋଜନିଲଯା ଗଙ୍ଗା ଯୋଗିଧ୍ଯେଯାଽସୁରାର୍ଦିନୀ ।
ସରସ୍ଵତୀ ସର୍ଵଵିଦ୍ଯା ଜଗଜ୍ଜ୍ଯେଷ୍ଠା ସୁମଙ୍ଗଲା ॥ 32॥
ଵାଗ୍ଦେଵୀ ଵରଦା ଵର୍ଯା କୀର୍ତିଃ ସର୍ଵାର୍ଥସାଧିକା ।
ଵାଗୀଶ୍ଵରୀ ବ୍ରହ୍ମଵିଦ୍ଯା ମହାଵିଦ୍ଯା ସୁଶୋଭନା ॥ 33॥
ଗ୍ରାହ୍ଯଵିଦ୍ଯା ଵେଦଵିଦ୍ଯା ଧର୍ମଵିଦ୍ଯାଽଽତ୍ମଭାଵିତା ।
ସ୍ଵାହା ଵିଶ୍ଵମ୍ଭରା ସିଦ୍ଧିଃ ସାଧ୍ଯା ମେଧା ଧୃତିଃ କୃତିଃ ॥ 34॥
ସୁନୀତିଃ ସଙ୍କୃତିଶ୍ଚୈଵ କୀର୍ତିତା ନରଵାହିନୀ ।
ପୂଜାଵିଭାଵିନୀ ସୌମ୍ଯା ଭୋଗ୍ଯଭାଗ୍ ଭୋଗଦାଯିନୀ ॥ 35॥
ଶୋଭାଵତୀ ଶାଙ୍କରୀ ଚ ଲୋଲା ମାଲାଵିଭୂଷିତା ।
ପରମେଷ୍ଠିପ୍ରିଯା ଚୈଵ ତ୍ରିଲୋକୀସୁନ୍ଦରୀ ମାତା ॥ 36॥
ନନ୍ଦା ସନ୍ଧ୍ଯା କାମଧାତ୍ରୀ ମହାଦେଵୀ ସୁସାତ୍ତ୍ଵିକା ।
ମହାମହିଷଦର୍ପଘ୍ନୀ ପଦ୍ମମାଲାଽଘହାରିଣୀ ॥ 37॥
ଵିଚିତ୍ରମୁକୁଟା ରାମା କାମଦାତା ପ୍ରକୀର୍ତିତା ।
ପିତାମ୍ବରଧରା ଦିଵ୍ଯଵିଭୂଷଣ ଵିଭୂଷିତା ॥ 38॥
ଦିଵ୍ଯାଖ୍ଯା ସୋମଵଦନା ଜଗତ୍ସଂସୃଷ୍ଟିଵର୍ଜିତା ।
ନିର୍ଯନ୍ତ୍ରା ଯନ୍ତ୍ରଵାହସ୍ଥା ନନ୍ଦିନୀ ରୁଦ୍ରକାଲିକା ॥ 39॥
ଆଦିତ୍ଯଵର୍ଣା କୌମାରୀ ମଯୂରଵରଵାହିନୀ ।
ପଦ୍ମାସନଗତା ଗୌରୀ ମହାକାଲୀ ସୁରାର୍ଚିତା ॥ 40॥
ଅଦିତିର୍ନିଯତା ରୌଦ୍ରୀ ପଦ୍ମଗର୍ଭା ଵିଵାହନା ।
ଵିରୂପାକ୍ଷା କେଶିଵାହା ଗୁହାପୁରନିଵାସିନୀ ॥ 41॥
ମହାଫଲାଽନଵଦ୍ଯାଙ୍ଗୀ କାମରୂପା ସରିଦ୍ଵରା ।
ଭାସ୍ଵଦ୍ରୂପା ମୁକ୍ତିଦାତ୍ରୀ ପ୍ରଣତକ୍ଲେଶଭଞ୍ଜନା ॥ 42॥
କୌଶିକୀ ଗୋମିନୀ ରାତ୍ରିସ୍ତ୍ରିଦଶାରିଵିନାଶିନୀ ।
ବହୁରୂପା ସୁରୂପା ଚ ଵିରୂପା ରୂପଵର୍ଜିତା ॥ 43॥
ଭକ୍ତାର୍ତିଶମନା ଭଵ୍ଯା ଭଵଭାଵଵିନାଶିନୀ ।
ସର୍ଵଜ୍ଞାନପରୀତାଙ୍ଗୀ ସର୍ଵାସୁରଵିମର୍ଦିକା ॥ 44॥
ପିକସ୍ଵନୀ ସାମଗୀତା ଭଵାଙ୍କନିଲଯା ପ୍ରିଯା ।
ଦୀକ୍ଷା ଵିଦ୍ଯାଧରୀ ଦୀପ୍ତା ମହେନ୍ଦ୍ରାହିତପାତିନୀ ॥ 45॥
ସର୍ଵଦେଵମଯା ଦକ୍ଷା ସମୁଦ୍ରାନ୍ତରଵାସିନୀ ।
ଅକଲଙ୍କା ନିରାଧାରା ନିତ୍ଯସିଦ୍ଧା ନିରାମଯା ॥ 46॥
କାମଧେନୁବୃହଦ୍ଗର୍ଭା ଧୀମତୀ ମୌନନାଶିନୀ ।
ନିଃସଙ୍କଲ୍ପା ନିରାତଙ୍କା ଵିନଯା ଵିନଯପ୍ରଦା ॥ 47॥
ଜ୍ଵାଲାମାଲା ସହସ୍ରାଢ୍ଯା ଦେଵଦେଵୀ ମନୋମଯା ।
ସୁଭଗା ସୁଵିଶୁଦ୍ଧା ଚ ଵସୁଦେଵସମୁଦ୍ଭଵା ॥ 48॥
ମହେନ୍ଦ୍ରୋପେନ୍ଦ୍ରଭଗିନୀ ଭକ୍ତିଗମ୍ଯା ପରାଵରା ।
ଜ୍ଞାନଜ୍ଞେଯା ପରାତୀତା ଵେଦାନ୍ତଵିଷଯା ମତିଃ ॥ 49॥
ଦକ୍ଷିଣା ଦାହିକା ଦହ୍ଯା ସର୍ଵଭୂତହୃଦିସ୍ଥିତା ।
ଯୋଗମାଯା ଵିଭାଗଜ୍ଞା ମହାମୋହା ଗରୀଯସୀ ॥ 50॥
ସନ୍ଧ୍ଯା ସର୍ଵସମୁଦ୍ଭୂତା ବ୍ରହ୍ମଵୃକ୍ଷାଶ୍ରିଯାଦିତିଃ ।
ବୀଜାଙ୍କୁରସମୁଦ୍ଭୂତା ମହାଶକ୍ତିର୍ମହାମତିଃ ॥ 51॥
ଖ୍ଯାତିଃ ପ୍ରଜ୍ଞାଵତୀ ସଞ୍ଜ୍ଞା ମହାଭୋଗୀନ୍ଦ୍ରଶାଯିନୀ ।
ହୀଙ୍କୃତିଃ ଶଙ୍କରୀ ଶାନ୍ତିର୍ଗନ୍ଧର୍ଵଗଣସେଵିତା ॥ 52॥
ଵୈଶ୍ଵାନରୀ ମହାଶୂଲା ଦେଵସେନା ଭଵପ୍ରିଯା ।
ମହାରାତ୍ରୀ ପରାନନ୍ଦା ଶଚୀ ଦୁଃସ୍ଵପ୍ନନାଶିନୀ ॥ 53॥
ଈଡ୍ଯା ଜଯା ଜଗଦ୍ଧାତ୍ରୀ ଦୁର୍ଵିଜ୍ଞେଯା ସୁରୂପିଣୀ ।
ଗୁହାମ୍ବିକା ଗଣୋତ୍ପନ୍ନା ମହାପୀଠା ମରୁତ୍ସୁତା ॥ 54॥
ହଵ୍ଯଵାହା ଭଵାନନ୍ଦା ଜଗଦ୍ଯୋନିଃ ପ୍ରକୀର୍ତିତା ।
ଜଗନ୍ମାତା ଜଗନ୍ମୃତ୍ଯୁର୍ଜରାତୀତା ଚ ବୁଦ୍ଧିଦା ॥ 55॥
ସିଦ୍ଧିଦାତ୍ରୀ ରତ୍ନଗର୍ଭା ରତ୍ନଗର୍ଭାଶ୍ରଯା ପରା ।
ଦୈତ୍ଯହନ୍ତ୍ରୀ ସ୍ଵେଷ୍ଟଦାତ୍ରୀ ମଙ୍ଗଲୈକସୁଵିଗ୍ରହା ॥ 56॥
ପୁରୁଷାନ୍ତର୍ଗତା ଚୈଵ ସମାଧିସ୍ଥା ତପସ୍ଵିନୀ ।
ଦିଵିସ୍ଥିତା ତ୍ରିଣେତ୍ରା ଚ ସର୍ଵେନ୍ଦ୍ରିଯମନାଧୃତିଃ ॥ 57॥
ସର୍ଵଭୂତହୃଦିସ୍ଥା ଚ ତଥା ସଂସାରତାରିଣୀ ।
ଵେଦ୍ଯା ବ୍ରହ୍ମଵିଵେଦ୍ଯା ଚ ମହାଲୀଲା ପ୍ରକୀର୍ତିତା ॥ 58॥
ବ୍ରାହ୍ମଣିବୃହତୀ ବ୍ରାହ୍ମୀ ବ୍ରହ୍ମଭୂତାଽଘହାରିଣୀ ।
ହିରଣ୍ମଯୀ ମହାଦାତ୍ରୀ ସଂସାରପରିଵର୍ତିକା ॥ 59॥
ସୁମାଲିନୀ ସୁରୂପା ଚ ଭାସ୍ଵିନୀ ଧାରିଣୀ ତଥା ।
ଉନ୍ମୂଲିନୀ ସର୍ଵସଭା ସର୍ଵପ୍ରତ୍ଯଯସାକ୍ଷିଣୀ ॥ 60॥
ସୁସୌମ୍ଯା ଚନ୍ଦ୍ରଵଦନା ତାଣ୍ଡଵାସକ୍ତମାନସା ।
ସତ୍ତ୍ଵଶୁଦ୍ଧିକରୀ ଶୁଦ୍ଧା ମଲତ୍ରଯଵିନାଶିନୀ ॥ 61॥
ଜଗତ୍ତ୍ତ୍ରଯୀ ଜଗନ୍ମୂର୍ତିସ୍ତ୍ରିମୂର୍ତିରମୃତାଶ୍ରଯା ।
ଵିମାନସ୍ଥା ଵିଶୋକା ଚ ଶୋକନାଶିନ୍ଯନାହତା ॥ 62॥
ହେମକୁଣ୍ଡଲିନୀ କାଲୀ ପଦ୍ମଵାସା ସନାତନୀ ।
ସଦାକୀର୍ତିଃ ସର୍ଵଭୂତଶଯା ଦେଵୀ ସତାମ୍ପ୍ରିଯା ॥ 63॥
ବ୍ରହ୍ମମୂର୍ତିକଲା ଚୈଵ କୃତ୍ତିକା କଞ୍ଜମାଲିନୀ ।
ଵ୍ଯୋମକେଶା କ୍ରିଯାଶକ୍ତିରିଚ୍ଛାଶକ୍ତିଃ ପରାଗତିଃ ॥ 64॥
କ୍ଷୋଭିକା ଖଣ୍ଡିକାଭେଦ୍ଯା ଭେଦାଭେଦଵିଵର୍ଜିତା ।
ଅଭିନ୍ନା ଭିନ୍ନସଂସ୍ଥାନା ଵଶିନୀ ଵଂଶଧାରିଣୀ ॥ 65॥
ଗୁହ୍ଯଶକ୍ତିର୍ଗୁହ୍ଯତତ୍ତ୍ଵା ସର୍ଵଦା ସର୍ଵତୋମୁଖୀ ।
ଭଗିନୀ ଚ ନିରାଧାରା ନିରାହାରା ପ୍ରକୀର୍ତିତା ॥ 66॥
ନିରଙ୍କୁଶପଦୋଦ୍ଭୂତା ଚକ୍ରହସ୍ତା ଵିଶୋଧିକା ।
ସ୍ରଗ୍ଵିଣୀ ପଦ୍ମସମ୍ଭେଦକାରିଣୀ ପରିକୀର୍ତିତା ॥ 67॥
ପରାଵରଵିଧାନଜ୍ଞା ମହାପୁରୁଷପୂର୍ଵଜା ।
ପରାଵରଜ୍ଞା ଵିଦ୍ଯା ଚ ଵିଦ୍ଯୁଜ୍ଜିହ୍ଵା ଜିତାଶ୍ରଯା ॥ 68॥
ଵିଦ୍ଯାମଯୀ ସହସ୍ରାକ୍ଷୀ ସହସ୍ରଵଦନାତ୍ମଜା ।
ସହସ୍ରରଶ୍ମିଃସତ୍ଵସ୍ଥା ମହେଶ୍ଵରପଦାଶ୍ରଯା ॥ 69॥
ଜ୍ଵାଲିନୀ ସନ୍ମଯା ଵ୍ଯାପ୍ତା ଚିନ୍ମଯା ପଦ୍ମଭେଦିକା ।
ମହାଶ୍ରଯା ମହାମନ୍ତ୍ରା ମହାଦେଵମନୋରମା ॥ 70॥
ଵ୍ଯୋମଲକ୍ଷ୍ମୀଃ ସିଂହରଥା ଚେକିତାନାଽମିତପ୍ରଭା ।
ଵିଶ୍ଵେଶ୍ଵରୀ ଭଗଵତୀ ସକଲା କାଲହାରିଣୀ ॥ 71॥
ସର୍ଵଵେଦ୍ଯା ସର୍ଵଭଦ୍ରା ଗୁହ୍ଯା ଦୂଢା ଗୁହାରଣୀ ।
ପ୍ରଲଯା ଯୋଗଧାତ୍ରୀ ଚ ଗଙ୍ଗା ଵିଶ୍ଵେଶ୍ଵରୀ ତଥା ॥ 72॥
କାମଦା କନକା କାନ୍ତା କଞ୍ଜଗର୍ଭପ୍ରଭା ତଥା ।
ପୁଣ୍ଯଦା କାଲକେଶା ଚ ଭୋକ୍ତ୍ତ୍ରୀ ପୁଷ୍କରିଣୀ ତଥା ॥ 73॥
ସୁରେଶ୍ଵରୀ ଭୂତିଦାତ୍ରୀ ଭୂତିଭୂଷା ପ୍ରକୀର୍ତିତା ।
ପଞ୍ଚବ୍ରହ୍ମସମୁତ୍ପନ୍ନା ପରମାର୍ଥାଽର୍ଥଵିଗ୍ରହା ॥ 74॥
ଵର୍ଣୋଦଯା ଭାନୁମୂର୍ତିର୍ଵାଗ୍ଵିଜ୍ଞେଯା ମନୋଜଵା ।
ମନୋହରା ମହୋରସ୍କା ତାମସୀ ଵେଦରୂପିଣୀ ॥ 75॥
ଵେଦଶକ୍ତିର୍ଵେଦମାତା ଵେଦଵିଦ୍ଯାପ୍ରକାଶିନୀ ।
ଯୋଗେଶ୍ଵରେଶ୍ଵରୀ ମାଯା ମହାଶକ୍ତିର୍ମହାମଯୀ ॥ 76॥
ଵିଶ୍ଵାନ୍ତଃସ୍ଥା ଵିଯନ୍ମୂର୍ତିର୍ଭାର୍ଗଵୀ ସୁରସୁନ୍ଦରୀ ।
ସୁରଭିର୍ନନ୍ଦିନୀ ଵିଦ୍ଯା ନନ୍ଦଗୋପତନୂଦ୍ଭଵା ॥ 77॥
ଭାରତୀ ପରମାନନ୍ଦା ପରାଵରଵିଭେଦିକା ।
ସର୍ଵପ୍ରହରଣୋପେତା କାମ୍ଯା କାମେଶ୍ଵରେଶ୍ଵରୀ ॥ 78॥
ଅନନ୍ତାନନ୍ଦଵିଭଵା ହୃଲ୍ଲେଖା କନକପ୍ରଭା ।
କୂଷ୍ମାଣ୍ଡା ଧନରତ୍ନାଢ୍ଯା ସୁଗନ୍ଧା ଗନ୍ଧଦାଯିନୀ ॥ 79॥
ତ୍ରିଵିକ୍ରମପଦୋଦ୍ଭୂତା ଚତୁରାସ୍ଯା ଶିଵୋଦଯା ।
ସୁଦୁର୍ଲଭା ଧନାଧ୍ଯକ୍ଷା ଧନ୍ଯା ପିଙ୍ଗଲଲୋଚନା ॥ 80॥
ଶାନ୍ତା ପ୍ରଭାସ୍ଵରୂପା ଚ ପଙ୍କଜାଯତଲୋଚନା ।
ଇନ୍ଦ୍ରାକ୍ଷୀ ହୃଦଯାନ୍ତଃସ୍ଥା ଶିଵା ମାତା ଚ ସତ୍କ୍ରିଯା ॥ 81॥
ଗିରିଜା ଚ ସୁଗୂଢା ଚ ନିତ୍ଯପୁଷ୍ଟା ନିରନ୍ତରା ।
ଦୁର୍ଗା କାତ୍ଯାଯନୀ ଚଣ୍ଡୀ ଚନ୍ଦ୍ରିକା କାନ୍ତଵିଗ୍ରହା ॥ 82॥
ହିରଣ୍ଯଵର୍ଣା ଜଗତୀ ଜଗଦ୍ଯନ୍ତ୍ରପ୍ରଵର୍ତିକା ।
ମନ୍ଦରାଦ୍ରିନିଵାସା ଚ ଶାରଦା ସ୍ଵର୍ଣମାଲିନୀ ॥ 83॥
ରତ୍ନମାଲା ରତ୍ନଗର୍ଭା ଵ୍ଯୁଷ୍ଟିର୍ଵିଶ୍ଵପ୍ରମାଥିନୀ ।
ପଦ୍ମାନନ୍ଦା ପଦ୍ମନିଭା ନିତ୍ଯପୁଷ୍ଟା କୃତୋଦ୍ଭଵା ॥ 84॥
ନାରାଯଣୀ ଦୁଷ୍ଟଶିକ୍ଷା ସୂର୍ଯମାତା ଵୃଷପ୍ରିଯା ।
ମହେନ୍ଦ୍ରଭଗିନୀ ସତ୍ଯା ସତ୍ଯଭାଷା ସୁକୋମଲା ॥ 85॥
ଵାମା ଚ ପଞ୍ଚତପସାଂ ଵରଦାତ୍ରୀ ପ୍ରକୀର୍ତିତା ।
ଵାଚ୍ଯଵର୍ଣେଶ୍ଵରୀ ଵିଦ୍ଯା ଦୁର୍ଜଯା ଦୁରତିକ୍ରମା ॥ 86॥
କାଲରାତ୍ରିର୍ମହାଵେଗା ଵୀରଭଦ୍ରପ୍ରିଯା ହିତା ।
ଭଦ୍ରକାଲୀ ଜଗନ୍ମାତା ଭକ୍ତାନାଂ ଭଦ୍ରଦାଯିନୀ ॥ 87॥
କରାଲା ପିଙ୍ଗଲାକାରା କାମଭେତ୍ତ୍ରୀ ମହାମନାଃ ।
ଯଶସ୍ଵିନୀ ଯଶୋଦା ଚ ଷଡଧ୍ଵପରିଵର୍ତିକା ॥ 88॥
ଶଙ୍ଖିନୀ ପଦ୍ମିନୀ ସଙ୍ଖ୍ଯା ସାଙ୍ଖ୍ଯଯୋଗପ୍ରଵର୍ତିକା ।
ଚୈତ୍ରାଦିର୍ଵତ୍ସରାରୂଢା ଜଗତ୍ସମ୍ପୂରଣୀନ୍ଦ୍ରଜା ॥ 89॥
ଶୁମ୍ଭଘ୍ନୀ ଖେଚରାରାଧ୍ଯା କମ୍ବୁଗ୍ରୀଵା ବଲୀଡିତା ।
ଖଗାରୂଢା ମହୈଶ୍ଵର୍ଯା ସୁପଦ୍ମନିଲଯା ତଥା ॥ 90॥
ଵିରକ୍ତା ଗରୁଡସ୍ଥା ଚ ଜଗତୀହୃଦ୍ଗୁହାଶ୍ରଯା ।
ଶୁମ୍ଭାଦିମଥନା ଭକ୍ତହୃଦ୍ଗହ୍ଵରନିଵାସିନୀ ॥ 91॥
ଜଗତ୍ତ୍ତ୍ରଯାରଣୀ ସିଦ୍ଧସଙ୍କଲ୍ପା କାମଦା ତଥା ।
ସର୍ଵଵିଜ୍ଞାନଦାତ୍ରୀ ଚାନଲ୍ପକଲ୍ମଷହାରିଣୀ ॥ 92॥
ସକଲୋପନିଷଦ୍ଗମ୍ଯା ଦୁଷ୍ଟଦୁଷ୍ପ୍ରେକ୍ଷ୍ଯସତ୍ତମା ।
ସଦ୍ଵୃତା ଲୋକସଂଵ୍ଯାପ୍ତା ତୁଷ୍ଟିଃ ପୁଷ୍ଟିଃ କ୍ରିଯାଵତୀ ॥ 93॥
ଵିଶ୍ଵାମରେଶ୍ଵରୀ ଚୈଵ ଭୁକ୍ତିମୁକ୍ତିପ୍ରଦାଯିନୀ ।
ଶିଵାଧୃତା ଲୋହିତାକ୍ଷୀ ସର୍ପମାଲାଵିଭୂଷଣା ॥ 94॥
ନିରାନନ୍ଦା ତ୍ରିଶୂଲାସିଧନୁର୍ବାଣାଦିଧାରିଣୀ ।
ଅଶେଷଧ୍ଯେଯମୂର୍ତିଶ୍ଚ ଦେଵତାନାଂ ଚ ଦେଵତା ॥ 95॥
ଵରାମ୍ବିକା ଗିରେଃ ପୁତ୍ରୀ ନିଶୁମ୍ଭଵିନିପାତିନୀ ।
ସୁଵର୍ଣା ସ୍ଵର୍ଣଲସିତାଽନନ୍ତଵର୍ଣା ସଦାଧୃତା ॥ 96॥
ଶାଙ୍କରୀ ଶାନ୍ତହୃଦଯା ଅହୋରାତ୍ରଵିଧାଯିକା ।
ଵିଶ୍ଵଗୋପ୍ତ୍ରୀ ଗୂଢରୂପା ଗୁଣପୂର୍ଣା ଚ ଗାର୍ଗ୍ଯଜା ॥ 97॥
ଗୌରୀ ଶାକମ୍ଭରୀ ସତ୍ଯସନ୍ଧା ସନ୍ଧ୍ଯାତ୍ରଯୀଧୃତା ।
ସର୍ଵପାପଵିନିର୍ମୁକ୍ତା ସର୍ଵବନ୍ଧଵିଵର୍ଜିତା ॥ 98॥
ସାଙ୍ଖ୍ଯଯୋଗସମାଖ୍ଯାତା ଅପ୍ରମେଯା ମୁନୀଡିତା ।
ଵିଶୁଦ୍ଧସୁକୁଲୋଦ୍ଭୂତା ବିନ୍ଦୁନାଦସମାଦୃତା ॥ 99॥
ଶମ୍ଭୁଵାମାଙ୍କଗା ଚୈଵ ଶଶିତୁଲ୍ଯନିଭାନନା ।
ଵନମାଲାଵିରାଜନ୍ତୀ ଅନନ୍ତଶଯନାଦୃତା ॥ 100॥
ନରନାରାଯଣୋଦ୍ଭୂତା ନାରସିଂହୀ ପ୍ରକୀର୍ତିତା ।
ଦୈତ୍ଯପ୍ରମାଥିନୀ ଶଙ୍ଖଚକ୍ରପଦ୍ମଗଦାଧରା ॥ 101॥
ସଙ୍କର୍ଷଣସମୁତ୍ପନ୍ନା ଅମ୍ବିକା ସଜ୍ଜନାଶ୍ରଯା ।
ସୁଵୃତା ସୁନ୍ଦରୀ ଚୈଵ ଧର୍ମକାମାର୍ଥଦାଯିନୀ ॥ 102॥
ମୋକ୍ଷଦା ଭକ୍ତିନିଲଯା ପୁରାଣପୁରୁଷାଦୃତା ।
ମହାଵିଭୂତିଦାଽଽରାଧ୍ଯା ସରୋଜନିଲଯାଽସମା ॥ 103॥
ଅଷ୍ଟାଦଶଭୁଜାଽନାଦିର୍ନୀଲୋତ୍ପଲଦଲାକ୍ଷିଣୀ ।
ସର୍ଵଶକ୍ତିସମାରୂଢା ଧର୍ମାଧର୍ମଵିଵର୍ଜିତା ॥ 104॥
ଵୈରାଗ୍ଯଜ୍ଞାନନିରତା ନିରାଲୋକା ନିରିନ୍ଦ୍ରିଯା ।
ଵିଚିତ୍ରଗହନାଧାରା ଶାଶ୍ଵତସ୍ଥାନଵାସିନୀ ॥ 105॥
ଜ୍ଞାନେଶ୍ଵରୀ ପୀତଚେଲା ଵେଦଵେଦାଙ୍ଗପାରଗା ।
ମନସ୍ଵିନୀ ମନ୍ଯୁମାତା ମହାମନ୍ଯୁସମୁଦ୍ଭଵା ॥ 106॥
ଅମନ୍ଯୁରମୃତାସ୍ଵାଦା ପୁରନ୍ଦରପରିଷ୍ଟୁତା ।
ଅଶୋଚ୍ଯା ଭିନ୍ନଵିଷଯା ହିରଣ୍ଯରଜତପ୍ରିଯା ॥ 107॥
ହିରଣ୍ଯଜନନୀ ଭୀମା ହେମାଭରଣଭୂଷିତା ।
ଵିଭ୍ରାଜମାନା ଦୁର୍ଜ୍ଞେଯା ଜ୍ଯୋତିଷ୍ଟୋମଫଲପ୍ରଦା ॥ 108॥
ମହାନିଦ୍ରାସମୁତ୍ପତ୍ତିରନିଦ୍ରା ସତ୍ଯଦେଵତା ।
ଦୀର୍ଘା କକୁଦ୍ମିନୀ ପିଙ୍ଗଜଟାଧାରା ମନୋଜ୍ଞଧୀଃ ॥ 109॥
ମହାଶ୍ରଯା ରମୋତ୍ପନ୍ନା ତମଃପାରେ ପ୍ରତିଷ୍ଠିତା ।
ତ୍ରିତତ୍ତ୍ଵମାତା ତ୍ରିଵିଧା ସୁସୂକ୍ଷ୍ମା ପଦ୍ମସଂଶ୍ରଯା ॥ 110॥
ଶାନ୍ତ୍ଯତୀତକଲାଽତୀତଵିକାରା ଶ୍ଵେତଚେଲିକା ।
ଚିତ୍ରମାଯା ଶିଵଜ୍ଞାନସ୍ଵରୂପା ଦୈତ୍ଯମାଥିନୀ ॥ 111॥
କାଶ୍ଯପୀ କାଲସର୍ପାଭଵେଣିକା ଶାସ୍ତ୍ରଯୋନିକା ।
ତ୍ରଯୀମୂର୍ତିଃ କ୍ରିଯାମୂର୍ତିଶ୍ଚତୁର୍ଵର୍ଗା ଚ ଦର୍ଶିନୀ ॥ 112॥
ନାରାଯଣୀ ନରୋତ୍ପନ୍ନା କୌମୁଦୀ କାନ୍ତିଧାରିଣୀ ।
କୌଶିକୀ ଲଲିତା ଲୀଲା ପରାଵରଵିଭାଵିନୀ ॥ 113॥
ଵରେଣ୍ଯାଽଦ୍ଭୁତମହାତ୍ମ୍ଯା ଵଡଵା ଵାମଲୋଚନା ।
ସୁଭଦ୍ରା ଚେତନାରାଧ୍ଯା ଶାନ୍ତିଦା ଶାନ୍ତିଵର୍ଧିନୀ ॥ 114॥
ଜଯାଦିଶକ୍ତିଜନନୀ ଶକ୍ତିଚକ୍ରପ୍ରଵର୍ତିକା ।
ତ୍ରିଶକ୍ତିଜନନୀ ଜନ୍ଯା ଷଟ୍ସୂତ୍ରପରିଵର୍ଣିତା ॥ 115॥
ସୁଧୌତକର୍ମଣାଽଽରାଧ୍ଯା ଯୁଗାନ୍ତଦହନାତ୍ମିକା ।
ସଙ୍କର୍ଷିଣୀ ଜଗଦ୍ଧାତ୍ରୀ କାମଯୋନିଃ କିରୀଟିନୀ ॥ 116॥
ଐନ୍ଦ୍ରୀ ତ୍ରୈଲୋକ୍ଯନମିତା ଵୈଷ୍ଣଵୀ ପରମେଶ୍ଵରୀ ।
ପ୍ରଦ୍ଯୁମ୍ନଜନନୀ ବିମ୍ବସମୋଷ୍ଠୀ ପଦ୍ମଲୋଚନା ॥ 117॥
ମଦୋତ୍କଟା ହଂସଗତିଃ ପ୍ରଚଣ୍ଡା ଚଣ୍ଡଵିକ୍ରମା ।
ଵୃଷାଧୀଶା ପରାତ୍ମା ଚ ଵିନ୍ଧ୍ଯା ପର୍ଵତଵାସିନୀ ॥ 118॥
ହିମଵନ୍ମେରୁନିଲଯା କୈଲାସପୁରଵାସିନୀ ।
ଚାଣୂରହନ୍ତ୍ରୀ ନୀତିଜ୍ଞା କାମରୂପା ତ୍ରଯୀତନୁଃ ॥ 119॥
ଵ୍ରତସ୍ନାତା ଧର୍ମଶୀଲା ସିଂହାସନନିଵାସିନୀ ।
ଵୀରଭଦ୍ରାଦୃତା ଵୀରା ମହାକାଲସମୁଦ୍ଭଵା ॥ 120॥
ଵିଦ୍ଯାଧରାର୍ଚିତା ସିଦ୍ଧସାଧ୍ଯାରାଧିତପାଦୁକା ।
ଶ୍ରଦ୍ଧାତ୍ମିକା ପାଵନୀ ଚ ମୋହିନୀ ଅଚଲାତ୍ମିକା ॥ 121॥
ମହାଦ୍ଭୁତା ଵାରିଜାକ୍ଷୀ ସିଂହଵାହନଗାମିନୀ ।
ମନୀଷିଣୀ ସୁଧାଵାଣୀ ଵୀଣାଵାଦନତତ୍ପରା ॥ 122॥
ଶ୍ଵେତଵାହନିଷେଵ୍ଯା ଚ ଲସନ୍ମତିରରୁନ୍ଧତୀ ।
ହିରଣ୍ଯାକ୍ଷୀ ତଥା ଚୈଵ ମହାନନ୍ଦପ୍ରଦାଯିନୀ ॥ 123॥
ଵସୁପ୍ରଭା ସୁମାଲ୍ଯାପ୍ତକନ୍ଧରା ପଙ୍କଜାନନା ।
ପରାଵରା ଵରାରୋହା ସହସ୍ରନଯନାର୍ଚିତା ॥ 124॥
ଶ୍ରୀରୂପା ଶ୍ରୀମତୀ ଶ୍ରେଷ୍ଠା ଶିଵନାମ୍ନୀ ଶିଵପ୍ରିଯା ।
ଶ୍ରୀପ୍ରଦା ଶ୍ରିତକଲ୍ଯାଣା ଶ୍ରୀଧରାର୍ଧଶରୀରିଣୀ ॥ 125॥
ଶ୍ରୀକଲାଽନନ୍ତଦୃଷ୍ଟିଶ୍ଚ ହ୍ଯକ୍ଷୁଦ୍ରାରାତିସୂଦନୀ ।
ରକ୍ତବୀଜନିହନ୍ତ୍ରୀ ଚ ଦୈତ୍ଯସଙ୍ଗଵିମର୍ଦିନୀ ॥ 126॥
ସିଂହାରୂଢା ସିଂହିକାସ୍ଯା ଦୈତ୍ଯଶୋଣିତପାଯିନୀ ।
ସୁକୀର୍ତିସହିତାଚ୍ଛିନ୍ନସଂଶଯା ରସଵେଦିନୀ ॥ 127॥
ଗୁଣାଭିରାମା ନାଗାରିଵାହନା ନିର୍ଜରାର୍ଚିତା ।
ନିତ୍ଯୋଦିତା ସ୍ଵଯଞ୍ଜ୍ଯୋତିଃ ସ୍ଵର୍ଣକାଯା ପ୍ରକୀର୍ତିତା ॥ 128॥
ଵଜ୍ରଦଣ୍ଡାଙ୍କିତା ଚୈଵ ତଥାମୃତସଞ୍ଜୀଵିନୀ ।
ଵଜ୍ରଚ୍ଛନ୍ନା ଦେଵଦେଵୀ ଵରଵଜ୍ରସ୍ଵଵିଗ୍ରହା ॥ 129॥
ମାଙ୍ଗଲ୍ଯା ମଙ୍ଗଲାତ୍ମା ଚ ମାଲିନୀ ମାଲ୍ଯଧାରିଣୀ ।
ଗନ୍ଧର୍ଵୀ ତରୁଣୀ ଚାନ୍ଦ୍ରୀ ଖଡ୍ଗାଯୁଧଧରା ତଥା ॥ 130॥
ସୌଦାମିନୀ ପ୍ରଜାନନ୍ଦା ତଥା ପ୍ରୋକ୍ତା ଭୃଗୂଦ୍ଭଵା ।
ଏକାନଙ୍ଗା ଚ ଶାସ୍ତ୍ରାର୍ଥକୁଶଲା ଧର୍ମଚାରିଣୀ ॥ 131॥
ଧର୍ମସର୍ଵସ୍ଵଵାହା ଚ ଧର୍ମାଧର୍ମଵିନିଶ୍ଚଯା ।
ଧର୍ମଶକ୍ତିର୍ଧର୍ମମଯା ଧାର୍ମିକାନାଂ ଶିଵପ୍ରଦା ॥ 132॥
ଵିଧର୍ମା ଵିଶ୍ଵଧର୍ମଜ୍ଞା ଧର୍ମାର୍ଥାନ୍ତରଵିଗ୍ରହା ।
ଧର୍ମଵର୍ଷ୍ମା ଧର୍ମପୂର୍ଵା ଧର୍ମପାରଙ୍ଗତାନ୍ତରା ॥ 133॥
ଧର୍ମୋପଦେଷ୍ଟ୍ରୀ ଧର୍ମାତ୍ମା ଧର୍ମଗମ୍ଯା ଧରାଧରା ।
କପାଲିନୀ ଶାକଲିନୀ କଲାକଲିତଵିଗ୍ରହା ॥ 134॥
ସର୍ଵଶକ୍ତିଵିମୁକ୍ତା ଚ କର୍ଣିକାରଧରାଽକ୍ଷରା।
କଂସପ୍ରାଣହରା ଚୈଵ ଯୁଗଧର୍ମଧରା ତଥା ॥ 135॥
ଯୁଗପ୍ରଵର୍ତିକା ପ୍ରୋକ୍ତା ତ୍ରିସନ୍ଧ୍ଯା ଧ୍ଯେଯଵିଗ୍ରହା ।
ସ୍ଵର୍ଗାପଵର୍ଗଦାତ୍ରୀ ଚ ତଥା ପ୍ରତ୍ଯକ୍ଷଦେଵତା ॥ 136॥
ଆଦିତ୍ଯା ଦିଵ୍ଯଗନ୍ଧା ଚ ଦିଵାକରନିଭପ୍ରଭା ।
ପଦ୍ମାସନଗତା ପ୍ରୋକ୍ତା ଖଡ୍ଗବାଣଶରାସନା ॥ 137॥
ଶିଷ୍ଟା ଵିଶିଷ୍ଟା ଶିଷ୍ଟେଷ୍ଟା ଶିଷ୍ଟଶ୍ରେଷ୍ଠପ୍ରପୂଜିତା ।
ଶତରୂପା ଶତାଵର୍ତା ଵିତତା ରାସମୋଦିନୀ ॥ 138॥
ସୂର୍ଯେନ୍ଦୁନେତ୍ରା ପ୍ରଦ୍ଯୁମ୍ନଜନନୀ ସୁଷ୍ଠୁମାଯିନୀ ।
ସୂର୍ଯାନ୍ତରସ୍ଥିତା ଚୈଵ ସତ୍ପ୍ରତିଷ୍ଠତଵିଗ୍ରହା ॥ 139॥
ନିଵୃତ୍ତା ପ୍ରୋଚ୍ଯତେ ଜ୍ଞାନପାରଗା ପର୍ଵତାତ୍ମଜା ।
କାତ୍ଯାଯନୀ ଚଣ୍ଡିକା ଚ ଚଣ୍ଡୀ ହୈମଵତୀ ତଥା ॥ 140॥
ଦାକ୍ଷାଯଣୀ ସତୀ ଚୈଵ ଭଵାନୀ ସର୍ଵମଙ୍ଗଲା ।
ଧୂମ୍ରଲୋଚନହନ୍ତ୍ରୀ ଚ ଚଣ୍ଡମୁଣ୍ଡଵିନାଶିନୀ ॥ 141॥
ଯୋଗନିଦ୍ରା ଯୋଗଭଦ୍ରା ସମୁଦ୍ରତନଯା ତଥା ।
ଦେଵପ୍ରିଯଙ୍କରୀ ଶୁଦ୍ଧା ଭକ୍ତଭକ୍ତିପ୍ରଵର୍ଧିନୀ ॥ 142॥
ତ୍ରିଣେତ୍ରା ଚନ୍ଦ୍ରମୁକୁଟା ପ୍ରମଥାର୍ଚିତପାଦୁକା ।
ଅର୍ଜୁନାଭୀଷ୍ଟଦାତ୍ରୀ ଚ ପାଣ୍ଡଵପ୍ରିଯକାରିଣୀ ॥ 143॥
କୁମାରଲାଲନାସକ୍ତା ହରବାହୂପଧାନିକା ।
ଵିଘ୍ନେଶଜନନୀ ଭକ୍ତଵିଘ୍ନସ୍ତୋମପ୍ରହାରିଣୀ ॥ 144॥
ସୁସ୍ମିତେନ୍ଦୁମୁଖୀ ନମ୍ଯା ଜଯାପ୍ରିଯସଖୀ ତଥା ।
ଅନାଦିନିଧନା ପ୍ରେଷ୍ଠା ଚିତ୍ରମାଲ୍ଯାନୁଲେପନା ॥ 145॥
କୋଟିଚନ୍ଦ୍ରପ୍ରତୀକାଶା କୂଟଜାଲପ୍ରମାଥିନୀ ।
କୃତ୍ଯାପ୍ରହାରିଣୀ ଚୈଵ ମାରଣୋଚ୍ଚାଟନୀ ତଥା ॥ 146॥
ସୁରାସୁରପ୍ରଵନ୍ଦ୍ଯାଙ୍ଘ୍ରିର୍ମୋହଘ୍ନୀ ଜ୍ଞାନଦାଯିନୀ ।
ଷଡ୍ଵୈରିନିଗ୍ରହକରୀ ଵୈରିଵିଦ୍ରାଵିଣୀ ତଥା ॥ 147॥
ଭୂତସେଵ୍ଯା ଭୂତଦାତ୍ରୀ ଭୂତପୀଡାଵିମର୍ଦିକା ।
ନାରଦସ୍ତୁତଚାରିତ୍ରା ଵରଦେଶା ଵରପ୍ରଦା ॥ 148॥
ଵାମଦେଵସ୍ତୁତା ଚୈଵ କାମଦା ସୋମଶେଖରା ।
ଦିକ୍ପାଲସେଵିତା ଭଵ୍ଯା ଭାମିନୀ ଭାଵଦାଯିନୀ ॥ 149॥
ସ୍ତ୍ରୀସୌଭାଗ୍ଯପ୍ରଦାତ୍ରୀ ଚ ଭୋଗଦା ରୋଗନାଶିନୀ ।
ଵ୍ଯୋମଗା ଭୂମିଗା ଚୈଵ ମୁନିପୂଜ୍ଯପଦାମ୍ବୁଜା ।
ଵନଦୁର୍ଗା ଚ ଦୁର୍ବୋଧା ମହାଦୁର୍ଗା ପ୍ରକୀର୍ତିତା ॥ 150॥
ଫଲଶ୍ରୁତିଃ
ଇତୀଦଂ କୀର୍ତିଦଂ ଭଦ୍ର ଦୁର୍ଗାନାମସହସ୍ରକମ୍ ।
ତ୍ରିସନ୍ଧ୍ଯଂ ଯଃ ପଠେନ୍ନିତ୍ଯଂ ତସ୍ଯ ଲକ୍ଷ୍ମୀଃ ସ୍ଥିରା ଭଵେତ୍ ॥ 1॥
ଗ୍ରହଭୂତପିଶାଚାଦିପୀଡା ନଶ୍ଯତ୍ଯସଂଶଯମ୍ ।
ବାଲଗ୍ରହାଦିପୀଡାଯାଃ ଶାନ୍ତିର୍ଭଵତି କୀର୍ତନାତ୍ ॥ 2॥
ମାରିକାଦିମହାରୋଗେ ପଠତାଂ ସୌଖ୍ଯଦଂ ନୃଣାମ୍ ।
ଵ୍ଯଵହାରେ ଚ ଜଯଦଂ ଶତ୍ରୁବାଧାନିଵାରକମ୍ ॥ 3॥
ଦମ୍ପତ୍ଯୋଃ କଲହେ ପ୍ରାପ୍ତେ ମିଥଃ ପ୍ରେମାଭିଵର୍ଧକମ୍ ।
ଆଯୁରାରୋଗ୍ଯଦଂ ପୁଂସାଂ ସର୍ଵସମ୍ପତ୍ପ୍ରଦାଯକମ୍ ॥ 4॥
ଵିଦ୍ଯାଭିଵର୍ଧକଂ ନିତ୍ଯଂ ପଠତାମର୍ଥସାଧକମ୍ ।
ଶୁଭଦଂ ଶୁଭକାର୍ଯେଷୁ ପଠତାଂ ଶୃଣୁତାମପି ॥ 5॥
ଯଃ ପୂଜଯତି ଦୁର୍ଗାଂ ତାଂ ଦୁର୍ଗାନାମସହସ୍ରକୈଃ ।
ପୁଷ୍ପୈଃ କୁଙ୍କୁମସମ୍ମିଶ୍ରୈଃ ସ ତୁ ଯତ୍କାଙ୍କ୍ଷତେ ହୃଦି ॥ 6॥
ତତ୍ସର୍ଵଂ ସମଵାପ୍ନୋତି ନାସ୍ତି ନାସ୍ତ୍ଯତ୍ର ସଂଶଯଃ ।
ଯନ୍ମୁଖେ ଧ୍ରିଯତେ ନିତ୍ଯଂ ଦୁର୍ଗାନାମସହସ୍ରକମ୍ ॥ 7॥
କିଂ ତସ୍ଯେତରମନ୍ତ୍ରୌଘୈଃ କାର୍ଯଂ ଧନ୍ଯତମସ୍ଯ ହି ।
ଦୁର୍ଗାନାମସହସ୍ରସ୍ଯ ପୁସ୍ତକଂ ଯଦ୍ଗୃହେ ଭଵେତ୍ ॥ 8॥
ନ ତତ୍ର ଗ୍ରହଭୂତାଦିବାଧା ସ୍ଯାନ୍ମଙ୍ଗଲାସ୍ପଦେ ।
ତଦ୍ଗୃହଂ ପୁଣ୍ଯଦଂ କ୍ଷେତ୍ରଂ ଦେଵୀସାନ୍ନିଧ୍ଯକାରକମ୍ ॥ 9॥
ଏତସ୍ଯ ସ୍ତୋତ୍ରମୁଖ୍ଯସ୍ଯ ପାଠକଃ ଶ୍ରେଷ୍ଠମନ୍ତ୍ରଵିତ୍ ।
ଦେଵତାଯାଃ ପ୍ରସାଦେନ ସର୍ଵପୂଜ୍ଯଃ ସୁଖୀ ଭଵେତ୍ ॥ 10॥
ଇତ୍ଯେତନ୍ନଗରାଜେନ କୀର୍ତିତଂ ମୁନିସତ୍ତମ ।
ଗୁହ୍ଯାଦ୍ଗୁହ୍ଯତରଂ ସ୍ତୋତ୍ରଂ ତ୍ଵଯି ସ୍ନେହାତ୍ ପ୍ରକୀର୍ତିତମ୍ ॥ 11॥
ଭକ୍ତାଯ ଶ୍ରଦ୍ଧଧାନାଯ କେଵଲଂ କୀର୍ତ୍ଯତାମିଦମ୍ ।
ହୃଦି ଧାରଯ ନିତ୍ଯଂ ତ୍ଵଂ ଦେଵ୍ଯନୁଗ୍ରହସାଧକମ୍ ॥ 12॥ ॥
ଇତି ଶ୍ରୀସ୍କାନ୍ଦପୁରାଣେ ସ୍କନ୍ଦନାରଦସଂଵାଦେ ଦୁର୍ଗାସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
Roman (IAST) Transliteration
|| atha śrī durgā sahasranāmastotram ||
nārada uvāca -
kumāra guṇagambhīra devasenāpate prabho |
sarvābhīṣṭapradaṃ puṃsāṃ sarvapāpapraṇāśanam || 1||
guhyādguhyataraṃ stotraṃ bhaktivardhakamañjasā |
maṅgalaṃ grahapīḍādiśāntidaṃ vaktumarhasi || 2||
skanda uvāca -
śṛṇu nārada devarṣe lokānugrahakāmyayā |
yatpṛcchasi paraṃ puṇyaṃ tatte vakṣyāmi kautukāt || 3||
mātā me lokajananī himavannagasattamāt |
menāyāṃ brahmavādinyāṃ prādurbhūtā harapriyā || 4||
mahatā tapasā''rādhya śaṅkaraṃ lokaśaṅkaram |
svameva vallabhaṃ bheje kaleva hi kalānidhim || 5||
nagānāmadhirājastu himavān virahāturaḥ |
svasutāyāḥ parikṣīṇe vasiṣṭhena prabodhitaḥ || 6||
trilokajananī seyaṃ prasannā tvayi puṇyataḥ |
prādurbhūtā sutātvena tadviyogaṃ śubhaṃ tyaja || 7||
bahurūpā ca durgeyaṃ bahunāmnī sanātanī |
sanātanasya jāyā sā putrīmohaṃ tyajādhunā || 8||
iti prabodhitaḥ śailaḥ tāṃ tuṣṭāva parāṃ śivām |
tadā prasannā sā durgā pitaraṃ prāha nandinī || 9||
matprasādātparaṃ stotraṃ hṛdaye pratibhāsatām |
tena nāmnāṃ sahasreṇa pūjayan kāmamāpnuhi || 10||
ityuktvāntarhitāyāṃ tu hṛdaye sphuritaṃ tadā |
nāmnāṃ sahasraṃ durgāyāḥ pṛcchate me yaduktavān || 11||
maṅgalānāṃ maṅgalaṃ tad durgānāma sahasrakam |
sarvābhīṣṭapradāṃ puṃsāṃ bravīmyakhilakāmadam || 12||
durgādevī samākhyātā himavānṛṣirucyate |
chandonuṣṭup japo devyāḥ prītaye kriyate sadā || 13||
asya śrīdurgāstotramahāmantrasya | himavān ṛṣiḥ | anuṣṭup chandaḥ |
durgābhagavatī devatā | śrīdurgāprasādasiddhyarthe jape viniyogaḥ | |
śrībhagavatyai durgāyai namaḥ |
devīdhyānam
oṃ hrīṃ kālābhrābhāṃ kaṭākṣairarikulabhayadāṃ maulibaddhendurekhāṃ
śaṅkhaṃ cakraṃ kṛpāṇaṃ triśikhamapi karairudvahantīṃ trinetrām |
siṃhaskandhādhirūḍhāṃ tribhuvanamakhilaṃ tejasā pūrayantīṃ
dhyāyed durgāṃ jayākhyāṃ tridaśaparivṛtāṃ sevitāṃ siddhikāmaiḥ ||
śrī jayadurgāyai namaḥ |
oṃ śivāthomā ramā śaktiranantā niṣkalā'malā |
śāntā māheśvarī nityā śāśvatā paramā kṣamā || 1||
acintyā kevalānantā śivātmā paramātmikā |
anādiravyayā śuddhā sarvajñā sarvagā'calā || 2||
ekānekavibhāgasthā māyātītā sunirmalā |
mahāmāheśvarī satyā mahādevī nirañjanā || 3||
kāṣṭhā sarvāntarasthā'pi cicchaktiścātrilālitā |
sarvā sarvātmikā viśvā jyotīrūpākṣarāmṛtā || 4||
śāntā pratiṣṭhā sarveśā nivṛttiramṛtapradā |
vyomamūrtirvyomasaṃsthā vyomadhārā'cyutā'tulā || 5||
anādinidhanā'moghā kāraṇātmakalākulā |
ṛtuprathamajā'nābhiramṛtātmasamāśrayā || 6||
prāṇeśvarapriyā namyā mahāmahiṣaghātinī |
prāṇeśvarī prāṇarūpā pradhānapuruṣeśvarī || 7||
sarvaśaktikalā'kāmā mahiṣeṣṭavināśinī |
sarvakāryaniyantrī ca sarvabhūteśvareśvarī || 8||
aṅgadādidharā caiva tathā mukuṭadhāriṇī |
sanātanī mahānandā''kāśayonistathecyate || 9||
citprakāśasvarūpā ca mahāyogeśvareśvarī |
mahāmāyā saduṣpārā mūlaprakṛtirīśikā || 10||
saṃsārayoniḥ sakalā sarvaśaktisamudbhavā |
saṃsārapārā durvārā durnirīkṣā durāsadā || 11||
prāṇaśaktiśca sevyā ca yoginī paramākalā |
mahāvibhūtirdurdarśā mūlaprakṛtisambhavā || 12||
anādyanantavibhavā parārthā puruṣāraṇiḥ |
sargasthityantakṛccaiva sudurvācyā duratyayā || 13||
śabdagamyā śabdamāyā śabdākhyānandavigrahā |
pradhānapuruṣātītā pradhānapuruṣātmikā || 14||
purāṇī cinmayā puṃsāmiṣṭadā puṣṭirūpiṇī |
pūtāntarasthā kūṭasthā mahāpuruṣasañjñitā || 15||
janmamṛtyujarātītā sarvaśaktisvarūpiṇī |
vāñchāpradā'navacchinnapradhānānupraveśinī || 16||
kṣetrajñā'cintyaśaktistu procyate'vyaktalakṣaṇā |
malāpavarjitā''nādimāyā tritayatattvikā || 17||
prītiśca prakṛtiścaiva guhāvāsā tathocyate |
mahāmāyā nagotpannā tāmasī ca dhruvā tathā || 18||
vyaktā'vyaktātmikā kṛṣṇā raktā śuklā hyakāraṇā |
procyate kāryajananī nityaprasavadharmiṇī || 19||
sargapralayamuktā ca sṛṣṭisthityantadharmiṇī |
brahmagarbhā caturviṃśasvarūpā padmavāsinī || 20||
acyutāhlādikā vidyudbrahmayonirmahālayā |
mahālakṣmī samudbhāvabhāvitātmāmaheśvarī || 21||
mahāvimānamadhyasthā mahānidrā sakautukā |
sarvārthadhāriṇī sūkṣmā hyaviddhā paramārthadā || 22||
anantarūpā'nantārthā tathā puruṣamohinī |
anekānekahastā ca kālatrayavivarjitā || 23||
brahmajanmā haraprītā matirbrahmaśivātmikā |
brahmeśaviṣṇusampūjyā brahmākhyā brahmasañjñitā || 24||
vyaktā prathamajā brāhmī mahārātrīḥ prakīrtitā |
jñānasvarūpā vairāgyarūpā hyaiśvaryarūpiṇī || 25||
dharmātmikā brahmamūrtiḥ pratiśrutapumarthikā |
apāṃyoniḥ svayambhūtā mānasī tattvasambhavā || 26||
īśvarasya priyā proktā śaṅkarārdhaśarīriṇī |
bhavānī caiva rudrāṇī mahālakṣmīstathā'mbikā || 27||
maheśvarasamutpannā bhuktimukti pradāyinī |
sarveśvarī sarvavandyā nityamuktā sumānasā || 28||
mahendropendranamitā śāṅkarīśānuvartinī |
īśvarārdhāsanagatā māheśvarapativratā || 29||
saṃsāraśoṣiṇī caiva pārvatī himavatsutā |
paramānandadātrī ca guṇāgryā yogadā tathā || 30||
jñānamūrtiśca sāvitrī lakṣmīḥ śrīḥ kamalā tathā |
anantaguṇagambhīrā hyuronīlamaṇiprabhā || 31||
sarojanilayā gaṅgā yogidhyeyā'surārdinī |
sarasvatī sarvavidyā jagajjyeṣṭhā sumaṅgalā || 32||
vāgdevī varadā varyā kīrtiḥ sarvārthasādhikā |
vāgīśvarī brahmavidyā mahāvidyā suśobhanā || 33||
grāhyavidyā vedavidyā dharmavidyā''tmabhāvitā |
svāhā viśvambharā siddhiḥ sādhyā medhā dhṛtiḥ kṛtiḥ || 34||
sunītiḥ saṅkṛtiścaiva kīrtitā naravāhinī |
pūjāvibhāvinī saumyā bhogyabhāg bhogadāyinī || 35||
śobhāvatī śāṅkarī ca lolā mālāvibhūṣitā |
parameṣṭhipriyā caiva trilokīsundarī mātā || 36||
nandā sandhyā kāmadhātrī mahādevī susāttvikā |
mahāmahiṣadarpaghnī padmamālā'ghahāriṇī || 37||
vicitramukuṭā rāmā kāmadātā prakīrtitā |
pitāmbaradharā divyavibhūṣaṇa vibhūṣitā || 38||
divyākhyā somavadanā jagatsaṃsṛṣṭivarjitā |
niryantrā yantravāhasthā nandinī rudrakālikā || 39||
ādityavarṇā kaumārī mayūravaravāhinī |
padmāsanagatā gaurī mahākālī surārcitā || 40||
aditirniyatā raudrī padmagarbhā vivāhanā |
virūpākṣā keśivāhā guhāpuranivāsinī || 41||
mahāphalā'navadyāṅgī kāmarūpā saridvarā |
bhāsvadrūpā muktidātrī praṇatakleśabhañjanā || 42||
kauśikī gominī rātristridaśārivināśinī |
bahurūpā surūpā ca virūpā rūpavarjitā || 43||
bhaktārtiśamanā bhavyā bhavabhāvavināśinī |
sarvajñānaparītāṅgī sarvāsuravimardikā || 44||
pikasvanī sāmagītā bhavāṅkanilayā priyā |
dīkṣā vidyādharī dīptā mahendrāhitapātinī || 45||
sarvadevamayā dakṣā samudrāntaravāsinī |
akalaṅkā nirādhārā nityasiddhā nirāmayā || 46||
kāmadhenubṛhadgarbhā dhīmatī maunanāśinī |
niḥsaṅkalpā nirātaṅkā vinayā vinayapradā || 47||
jvālāmālā sahasrāḍhyā devadevī manomayā |
subhagā suviśuddhā ca vasudevasamudbhavā || 48||
mahendropendrabhaginī bhaktigamyā parāvarā |
jñānajñeyā parātītā vedāntaviṣayā matiḥ || 49||
dakṣiṇā dāhikā dahyā sarvabhūtahṛdisthitā |
yogamāyā vibhāgajñā mahāmohā garīyasī || 50||
sandhyā sarvasamudbhūtā brahmavṛkṣāśriyāditiḥ |
bījāṅkurasamudbhūtā mahāśaktirmahāmatiḥ || 51||
khyātiḥ prajñāvatī sañjñā mahābhogīndraśāyinī |
hīṅkṛtiḥ śaṅkarī śāntirgandharvagaṇasevitā || 52||
vaiśvānarī mahāśūlā devasenā bhavapriyā |
mahārātrī parānandā śacī duḥsvapnanāśinī || 53||
īḍyā jayā jagaddhātrī durvijñeyā surūpiṇī |
guhāmbikā gaṇotpannā mahāpīṭhā marutsutā || 54||
havyavāhā bhavānandā jagadyoniḥ prakīrtitā |
jaganmātā jaganmṛtyurjarātītā ca buddhidā || 55||
siddhidātrī ratnagarbhā ratnagarbhāśrayā parā |
daityahantrī sveṣṭadātrī maṅgalaikasuvigrahā || 56||
puruṣāntargatā caiva samādhisthā tapasvinī |
divisthitā triṇetrā ca sarvendriyamanādhṛtiḥ || 57||
sarvabhūtahṛdisthā ca tathā saṃsāratāriṇī |
vedyā brahmavivedyā ca mahālīlā prakīrtitā || 58||
brāhmaṇibṛhatī brāhmī brahmabhūtā'ghahāriṇī |
hiraṇmayī mahādātrī saṃsāraparivartikā || 59||
sumālinī surūpā ca bhāsvinī dhāriṇī tathā |
unmūlinī sarvasabhā sarvapratyayasākṣiṇī || 60||
susaumyā candravadanā tāṇḍavāsaktamānasā |
sattvaśuddhikarī śuddhā malatrayavināśinī || 61||
jagatttrayī jaganmūrtistrimūrtiramṛtāśrayā |
vimānasthā viśokā ca śokanāśinyanāhatā || 62||
hemakuṇḍalinī kālī padmavāsā sanātanī |
sadākīrtiḥ sarvabhūtaśayā devī satāmpriyā || 63||
brahmamūrtikalā caiva kṛttikā kañjamālinī |
vyomakeśā kriyāśaktiricchāśaktiḥ parāgatiḥ || 64||
kṣobhikā khaṇḍikābhedyā bhedābhedavivarjitā |
abhinnā bhinnasaṃsthānā vaśinī vaṃśadhāriṇī || 65||
guhyaśaktirguhyatattvā sarvadā sarvatomukhī |
bhaginī ca nirādhārā nirāhārā prakīrtitā || 66||
niraṅkuśapadodbhūtā cakrahastā viśodhikā |
sragviṇī padmasambhedakāriṇī parikīrtitā || 67||
parāvaravidhānajñā mahāpuruṣapūrvajā |
parāvarajñā vidyā ca vidyujjihvā jitāśrayā || 68||
vidyāmayī sahasrākṣī sahasravadanātmajā |
sahasraraśmiḥsatvasthā maheśvarapadāśrayā || 69||
jvālinī sanmayā vyāptā cinmayā padmabhedikā |
mahāśrayā mahāmantrā mahādevamanoramā || 70||
vyomalakṣmīḥ siṃharathā cekitānā'mitaprabhā |
viśveśvarī bhagavatī sakalā kālahāriṇī || 71||
sarvavedyā sarvabhadrā guhyā dūḍhā guhāraṇī |
pralayā yogadhātrī ca gaṅgā viśveśvarī tathā || 72||
kāmadā kanakā kāntā kañjagarbhaprabhā tathā |
puṇyadā kālakeśā ca bhokttrī puṣkariṇī tathā || 73||
sureśvarī bhūtidātrī bhūtibhūṣā prakīrtitā |
pañcabrahmasamutpannā paramārthā'rthavigrahā || 74||
varṇodayā bhānumūrtirvāgvijñeyā manojavā |
manoharā mahoraskā tāmasī vedarūpiṇī || 75||
vedaśaktirvedamātā vedavidyāprakāśinī |
yogeśvareśvarī māyā mahāśaktirmahāmayī || 76||
viśvāntaḥsthā viyanmūrtirbhārgavī surasundarī |
surabhirnandinī vidyā nandagopatanūdbhavā || 77||
bhāratī paramānandā parāvaravibhedikā |
sarvapraharaṇopetā kāmyā kāmeśvareśvarī || 78||
anantānandavibhavā hṛllekhā kanakaprabhā |
kūṣmāṇḍā dhanaratnāḍhyā sugandhā gandhadāyinī || 79||
trivikramapadodbhūtā caturāsyā śivodayā |
sudurlabhā dhanādhyakṣā dhanyā piṅgalalocanā || 80||
śāntā prabhāsvarūpā ca paṅkajāyatalocanā |
indrākṣī hṛdayāntaḥsthā śivā mātā ca satkriyā || 81||
girijā ca sugūḍhā ca nityapuṣṭā nirantarā |
durgā kātyāyanī caṇḍī candrikā kāntavigrahā || 82||
hiraṇyavarṇā jagatī jagadyantrapravartikā |
mandarādrinivāsā ca śāradā svarṇamālinī || 83||
ratnamālā ratnagarbhā vyuṣṭirviśvapramāthinī |
padmānandā padmanibhā nityapuṣṭā kṛtodbhavā || 84||
nārāyaṇī duṣṭaśikṣā sūryamātā vṛṣapriyā |
mahendrabhaginī satyā satyabhāṣā sukomalā || 85||
vāmā ca pañcatapasāṃ varadātrī prakīrtitā |
vācyavarṇeśvarī vidyā durjayā duratikramā || 86||
kālarātrirmahāvegā vīrabhadrapriyā hitā |
bhadrakālī jaganmātā bhaktānāṃ bhadradāyinī || 87||
karālā piṅgalākārā kāmabhettrī mahāmanāḥ |
yaśasvinī yaśodā ca ṣaḍadhvaparivartikā || 88||
śaṅkhinī padminī saṅkhyā sāṅkhyayogapravartikā |
caitrādirvatsarārūḍhā jagatsampūraṇīndrajā || 89||
śumbhaghnī khecarārādhyā kambugrīvā balīḍitā |
khagārūḍhā mahaiśvaryā supadmanilayā tathā || 90||
viraktā garuḍasthā ca jagatīhṛdguhāśrayā |
śumbhādimathanā bhaktahṛdgahvaranivāsinī || 91||
jagatttrayāraṇī siddhasaṅkalpā kāmadā tathā |
sarvavijñānadātrī cānalpakalmaṣahāriṇī || 92||
sakalopaniṣadgamyā duṣṭaduṣprekṣyasattamā |
sadvṛtā lokasaṃvyāptā tuṣṭiḥ puṣṭiḥ kriyāvatī || 93||
viśvāmareśvarī caiva bhuktimuktipradāyinī |
śivādhṛtā lohitākṣī sarpamālāvibhūṣaṇā || 94||
nirānandā triśūlāsidhanurbāṇādidhāriṇī |
aśeṣadhyeyamūrtiśca devatānāṃ ca devatā || 95||
varāmbikā gireḥ putrī niśumbhavinipātinī |
suvarṇā svarṇalasitā'nantavarṇā sadādhṛtā || 96||
śāṅkarī śāntahṛdayā ahorātravidhāyikā |
viśvagoptrī gūḍharūpā guṇapūrṇā ca gārgyajā || 97||
gaurī śākambharī satyasandhā sandhyātrayīdhṛtā |
sarvapāpavinirmuktā sarvabandhavivarjitā || 98||
sāṅkhyayogasamākhyātā aprameyā munīḍitā |
viśuddhasukulodbhūtā bindunādasamādṛtā || 99||
śambhuvāmāṅkagā caiva śaśitulyanibhānanā |
vanamālāvirājantī anantaśayanādṛtā || 100||
naranārāyaṇodbhūtā nārasiṃhī prakīrtitā |
daityapramāthinī śaṅkhacakrapadmagadādharā || 101||
saṅkarṣaṇasamutpannā ambikā sajjanāśrayā |
suvṛtā sundarī caiva dharmakāmārthadāyinī || 102||
mokṣadā bhaktinilayā purāṇapuruṣādṛtā |
mahāvibhūtidā''rādhyā sarojanilayā'samā || 103||
aṣṭādaśabhujā'nādirnīlotpaladalākṣiṇī |
sarvaśaktisamārūḍhā dharmādharmavivarjitā || 104||
vairāgyajñānaniratā nirālokā nirindriyā |
vicitragahanādhārā śāśvatasthānavāsinī || 105||
jñāneśvarī pītacelā vedavedāṅgapāragā |
manasvinī manyumātā mahāmanyusamudbhavā || 106||
amanyuramṛtāsvādā purandarapariṣṭutā |
aśocyā bhinnaviṣayā hiraṇyarajatapriyā || 107||
hiraṇyajananī bhīmā hemābharaṇabhūṣitā |
vibhrājamānā durjñeyā jyotiṣṭomaphalapradā || 108||
mahānidrāsamutpattiranidrā satyadevatā |
dīrghā kakudminī piṅgajaṭādhārā manojñadhīḥ || 109||
mahāśrayā ramotpannā tamaḥpāre pratiṣṭhitā |
tritattvamātā trividhā susūkṣmā padmasaṃśrayā || 110||
śāntyatītakalā'tītavikārā śvetacelikā |
citramāyā śivajñānasvarūpā daityamāthinī || 111||
kāśyapī kālasarpābhaveṇikā śāstrayonikā |
trayīmūrtiḥ kriyāmūrtiścaturvargā ca darśinī || 112||
nārāyaṇī narotpannā kaumudī kāntidhāriṇī |
kauśikī lalitā līlā parāvaravibhāvinī || 113||
vareṇyā'dbhutamahātmyā vaḍavā vāmalocanā |
subhadrā cetanārādhyā śāntidā śāntivardhinī || 114||
jayādiśaktijananī śakticakrapravartikā |
triśaktijananī janyā ṣaṭsūtraparivarṇitā || 115||
sudhautakarmaṇā''rādhyā yugāntadahanātmikā |
saṅkarṣiṇī jagaddhātrī kāmayoniḥ kirīṭinī || 116||
aindrī trailokyanamitā vaiṣṇavī parameśvarī |
pradyumnajananī bimbasamoṣṭhī padmalocanā || 117||
madotkaṭā haṃsagatiḥ pracaṇḍā caṇḍavikramā |
vṛṣādhīśā parātmā ca vindhyā parvatavāsinī || 118||
himavanmerunilayā kailāsapuravāsinī |
cāṇūrahantrī nītijñā kāmarūpā trayītanuḥ || 119||
vratasnātā dharmaśīlā siṃhāsananivāsinī |
vīrabhadrādṛtā vīrā mahākālasamudbhavā || 120||
vidyādharārcitā siddhasādhyārādhitapādukā |
śraddhātmikā pāvanī ca mohinī acalātmikā || 121||
mahādbhutā vārijākṣī siṃhavāhanagāminī |
manīṣiṇī sudhāvāṇī vīṇāvādanatatparā || 122||
śvetavāhaniṣevyā ca lasanmatirarundhatī |
hiraṇyākṣī tathā caiva mahānandapradāyinī || 123||
vasuprabhā sumālyāptakandharā paṅkajānanā |
parāvarā varārohā sahasranayanārcitā || 124||
śrīrūpā śrīmatī śreṣṭhā śivanāmnī śivapriyā |
śrīpradā śritakalyāṇā śrīdharārdhaśarīriṇī || 125||
śrīkalā'nantadṛṣṭiśca hyakṣudrārātisūdanī |
raktabījanihantrī ca daityasaṅgavimardinī || 126||
siṃhārūḍhā siṃhikāsyā daityaśoṇitapāyinī |
sukīrtisahitācchinnasaṃśayā rasavedinī || 127||
guṇābhirāmā nāgārivāhanā nirjarārcitā |
nityoditā svayañjyotiḥ svarṇakāyā prakīrtitā || 128||
vajradaṇḍāṅkitā caiva tathāmṛtasañjīvinī |
vajracchannā devadevī varavajrasvavigrahā || 129||
māṅgalyā maṅgalātmā ca mālinī mālyadhāriṇī |
gandharvī taruṇī cāndrī khaḍgāyudhadharā tathā || 130||
saudāminī prajānandā tathā proktā bhṛgūdbhavā |
ekānaṅgā ca śāstrārthakuśalā dharmacāriṇī || 131||
dharmasarvasvavāhā ca dharmādharmaviniścayā |
dharmaśaktirdharmamayā dhārmikānāṃ śivapradā || 132||
vidharmā viśvadharmajñā dharmārthāntaravigrahā |
dharmavarṣmā dharmapūrvā dharmapāraṅgatāntarā || 133||
dharmopadeṣṭrī dharmātmā dharmagamyā dharādharā |
kapālinī śākalinī kalākalitavigrahā || 134||
sarvaśaktivimuktā ca karṇikāradharā'kṣarā|
kaṃsaprāṇaharā caiva yugadharmadharā tathā || 135||
yugapravartikā proktā trisandhyā dhyeyavigrahā |
svargāpavargadātrī ca tathā pratyakṣadevatā || 136||
ādityā divyagandhā ca divākaranibhaprabhā |
padmāsanagatā proktā khaḍgabāṇaśarāsanā || 137||
śiṣṭā viśiṣṭā śiṣṭeṣṭā śiṣṭaśreṣṭhaprapūjitā |
śatarūpā śatāvartā vitatā rāsamodinī || 138||
sūryendunetrā pradyumnajananī suṣṭhumāyinī |
sūryāntarasthitā caiva satpratiṣṭhatavigrahā || 139||
nivṛttā procyate jñānapāragā parvatātmajā |
kātyāyanī caṇḍikā ca caṇḍī haimavatī tathā || 140||
dākṣāyaṇī satī caiva bhavānī sarvamaṅgalā |
dhūmralocanahantrī ca caṇḍamuṇḍavināśinī || 141||
yoganidrā yogabhadrā samudratanayā tathā |
devapriyaṅkarī śuddhā bhaktabhaktipravardhinī || 142||
triṇetrā candramukuṭā pramathārcitapādukā |
arjunābhīṣṭadātrī ca pāṇḍavapriyakāriṇī || 143||
kumāralālanāsaktā harabāhūpadhānikā |
vighneśajananī bhaktavighnastomaprahāriṇī || 144||
susmitendumukhī namyā jayāpriyasakhī tathā |
anādinidhanā preṣṭhā citramālyānulepanā || 145||
koṭicandrapratīkāśā kūṭajālapramāthinī |
kṛtyāprahāriṇī caiva māraṇoccāṭanī tathā || 146||
surāsurapravandyāṅghrirmohaghnī jñānadāyinī |
ṣaḍvairinigrahakarī vairividrāviṇī tathā || 147||
bhūtasevyā bhūtadātrī bhūtapīḍāvimardikā |
nāradastutacāritrā varadeśā varapradā || 148||
vāmadevastutā caiva kāmadā somaśekharā |
dikpālasevitā bhavyā bhāminī bhāvadāyinī || 149||
strīsaubhāgyapradātrī ca bhogadā roganāśinī |
vyomagā bhūmigā caiva munipūjyapadāmbujā |
vanadurgā ca durbodhā mahādurgā prakīrtitā || 150||
phalaśrutiḥ
itīdaṃ kīrtidaṃ bhadra durgānāmasahasrakam |
trisandhyaṃ yaḥ paṭhennityaṃ tasya lakṣmīḥ sthirā bhavet || 1||
grahabhūtapiśācādipīḍā naśyatyasaṃśayam |
bālagrahādipīḍāyāḥ śāntirbhavati kīrtanāt || 2||
mārikādimahāroge paṭhatāṃ saukhyadaṃ nṛṇām |
vyavahāre ca jayadaṃ śatrubādhānivārakam || 3||
dampatyoḥ kalahe prāpte mithaḥ premābhivardhakam |
āyurārogyadaṃ puṃsāṃ sarvasampatpradāyakam || 4||
vidyābhivardhakaṃ nityaṃ paṭhatāmarthasādhakam |
śubhadaṃ śubhakāryeṣu paṭhatāṃ śṛṇutāmapi || 5||
yaḥ pūjayati durgāṃ tāṃ durgānāmasahasrakaiḥ |
puṣpaiḥ kuṅkumasammiśraiḥ sa tu yatkāṅkṣate hṛdi || 6||
tatsarvaṃ samavāpnoti nāsti nāstyatra saṃśayaḥ |
yanmukhe dhriyate nityaṃ durgānāmasahasrakam || 7||
kiṃ tasyetaramantraughaiḥ kāryaṃ dhanyatamasya hi |
durgānāmasahasrasya pustakaṃ yadgṛhe bhavet || 8||
na tatra grahabhūtādibādhā syānmaṅgalāspade |
tadgṛhaṃ puṇyadaṃ kṣetraṃ devīsānnidhyakārakam || 9||
etasya stotramukhyasya pāṭhakaḥ śreṣṭhamantravit |
devatāyāḥ prasādena sarvapūjyaḥ sukhī bhavet || 10||
ityetannagarājena kīrtitaṃ munisattama |
guhyādguhyataraṃ stotraṃ tvayi snehāt prakīrtitam || 11||
bhaktāya śraddhadhānāya kevalaṃ kīrtyatāmidam |
hṛdi dhāraya nityaṃ tvaṃ devyanugrahasādhakam || 12|| ||
iti śrīskāndapurāṇe skandanāradasaṃvāde durgāsahasranāmastotraṃ sampūrṇam ||
Sanskrit — Devanagari (original)
॥ अथ श्री दुर्गा सहस्रनामस्तोत्रम् ॥
नारद उवाच -
कुमार गुणगम्भीर देवसेनापते प्रभो ।
सर्वाभीष्टप्रदं पुंसां सर्वपापप्रणाशनम् ॥ 1॥
गुह्याद्गुह्यतरं स्तोत्रं भक्तिवर्धकमञ्जसा ।
मङ्गलं ग्रहपीडादिशान्तिदं वक्तुमर्हसि ॥ 2॥
स्कन्द उवाच -
शृणु नारद देवर्षे लोकानुग्रहकाम्यया ।
यत्पृच्छसि परं पुण्यं तत्ते वक्ष्यामि कौतुकात् ॥ 3॥
माता मे लोकजननी हिमवन्नगसत्तमात् ।
मेनायां ब्रह्मवादिन्यां प्रादुर्भूता हरप्रिया ॥ 4॥
महता तपसाऽऽराध्य शङ्करं लोकशङ्करम् ।
स्वमेव वल्लभं भेजे कलेव हि कलानिधिम् ॥ 5॥
नगानामधिराजस्तु हिमवान् विरहातुरः ।
स्वसुतायाः परिक्षीणे वसिष्ठेन प्रबोधितः ॥ 6॥
त्रिलोकजननी सेयं प्रसन्ना त्वयि पुण्यतः ।
प्रादुर्भूता सुतात्वेन तद्वियोगं शुभं त्यज ॥ 7॥
बहुरूपा च दुर्गेयं बहुनाम्नी सनातनी ।
सनातनस्य जाया सा पुत्रीमोहं त्यजाधुना ॥ 8॥
इति प्रबोधितः शैलः तां तुष्टाव परां शिवाम् ।
तदा प्रसन्ना सा दुर्गा पितरं प्राह नन्दिनी ॥ 9॥
मत्प्रसादात्परं स्तोत्रं हृदये प्रतिभासताम् ।
तेन नाम्नां सहस्रेण पूजयन् काममाप्नुहि ॥ 10॥
इत्युक्त्वान्तर्हितायां तु हृदये स्फुरितं तदा ।
नाम्नां सहस्रं दुर्गायाः पृच्छते मे यदुक्तवान् ॥ 11॥
मङ्गलानां मङ्गलं तद् दुर्गानाम सहस्रकम् ।
सर्वाभीष्टप्रदां पुंसां ब्रवीम्यखिलकामदम् ॥ 12॥
दुर्गादेवी समाख्याता हिमवानृषिरुच्यते ।
छन्दोनुष्टुप् जपो देव्याः प्रीतये क्रियते सदा ॥ 13॥
अस्य श्रीदुर्गास्तोत्रमहामन्त्रस्य । हिमवान् ऋषिः । अनुष्टुप् छन्दः ।
दुर्गाभगवती देवता । श्रीदुर्गाप्रसादसिद्ध्यर्थे जपे विनियोगः । ।
श्रीभगवत्यै दुर्गायै नमः ।
देवीध्यानम्
ॐ ह्रीं कालाभ्राभां कटाक्षैररिकुलभयदां मौलिबद्धेन्दुरेखां
शङ्खं चक्रं कृपाणं त्रिशिखमपि करैरुद्वहन्तीं त्रिनेत्राम् ।
सिंहस्कन्धाधिरूढां त्रिभुवनमखिलं तेजसा पूरयन्तीं
ध्यायेद् दुर्गां जयाख्यां त्रिदशपरिवृतां सेवितां सिद्धिकामैः ॥
श्री जयदुर्गायै नमः ।
ॐ शिवाथोमा रमा शक्तिरनन्ता निष्कलाऽमला ।
शान्ता माहेश्वरी नित्या शाश्वता परमा क्षमा ॥ 1॥
अचिन्त्या केवलानन्ता शिवात्मा परमात्मिका ।
अनादिरव्यया शुद्धा सर्वज्ञा सर्वगाऽचला ॥ 2॥
एकानेकविभागस्था मायातीता सुनिर्मला ।
महामाहेश्वरी सत्या महादेवी निरञ्जना ॥ 3॥
काष्ठा सर्वान्तरस्थाऽपि चिच्छक्तिश्चात्रिलालिता ।
सर्वा सर्वात्मिका विश्वा ज्योतीरूपाक्षरामृता ॥ 4॥
शान्ता प्रतिष्ठा सर्वेशा निवृत्तिरमृतप्रदा ।
व्योममूर्तिर्व्योमसंस्था व्योमधाराऽच्युताऽतुला ॥ 5॥
अनादिनिधनाऽमोघा कारणात्मकलाकुला ।
ऋतुप्रथमजाऽनाभिरमृतात्मसमाश्रया ॥ 6॥
प्राणेश्वरप्रिया नम्या महामहिषघातिनी ।
प्राणेश्वरी प्राणरूपा प्रधानपुरुषेश्वरी ॥ 7॥
सर्वशक्तिकलाऽकामा महिषेष्टविनाशिनी ।
सर्वकार्यनियन्त्री च सर्वभूतेश्वरेश्वरी ॥ 8॥
अङ्गदादिधरा चैव तथा मुकुटधारिणी ।
सनातनी महानन्दाऽऽकाशयोनिस्तथेच्यते ॥ 9॥
चित्प्रकाशस्वरूपा च महायोगेश्वरेश्वरी ।
महामाया सदुष्पारा मूलप्रकृतिरीशिका ॥ 10॥
संसारयोनिः सकला सर्वशक्तिसमुद्भवा ।
संसारपारा दुर्वारा दुर्निरीक्षा दुरासदा ॥ 11॥
प्राणशक्तिश्च सेव्या च योगिनी परमाकला ।
महाविभूतिर्दुर्दर्शा मूलप्रकृतिसम्भवा ॥ 12॥
अनाद्यनन्तविभवा परार्था पुरुषारणिः ।
सर्गस्थित्यन्तकृच्चैव सुदुर्वाच्या दुरत्यया ॥ 13॥
शब्दगम्या शब्दमाया शब्दाख्यानन्दविग्रहा ।
प्रधानपुरुषातीता प्रधानपुरुषात्मिका ॥ 14॥
पुराणी चिन्मया पुंसामिष्टदा पुष्टिरूपिणी ।
पूतान्तरस्था कूटस्था महापुरुषसञ्ज्ञिता ॥ 15॥
जन्ममृत्युजरातीता सर्वशक्तिस्वरूपिणी ।
वाञ्छाप्रदाऽनवच्छिन्नप्रधानानुप्रवेशिनी ॥ 16॥
क्षेत्रज्ञाऽचिन्त्यशक्तिस्तु प्रोच्यतेऽव्यक्तलक्षणा ।
मलापवर्जिताऽऽनादिमाया त्रितयतत्त्विका ॥ 17॥
प्रीतिश्च प्रकृतिश्चैव गुहावासा तथोच्यते ।
महामाया नगोत्पन्ना तामसी च ध्रुवा तथा ॥ 18॥
व्यक्ताऽव्यक्तात्मिका कृष्णा रक्ता शुक्ला ह्यकारणा ।
प्रोच्यते कार्यजननी नित्यप्रसवधर्मिणी ॥ 19॥
सर्गप्रलयमुक्ता च सृष्टिस्थित्यन्तधर्मिणी ।
ब्रह्मगर्भा चतुर्विंशस्वरूपा पद्मवासिनी ॥ 20॥
अच्युताह्लादिका विद्युद्ब्रह्मयोनिर्महालया ।
महालक्ष्मी समुद्भावभावितात्मामहेश्वरी ॥ 21॥
महाविमानमध्यस्था महानिद्रा सकौतुका ।
सर्वार्थधारिणी सूक्ष्मा ह्यविद्धा परमार्थदा ॥ 22॥
अनन्तरूपाऽनन्तार्था तथा पुरुषमोहिनी ।
अनेकानेकहस्ता च कालत्रयविवर्जिता ॥ 23॥
ब्रह्मजन्मा हरप्रीता मतिर्ब्रह्मशिवात्मिका ।
ब्रह्मेशविष्णुसम्पूज्या ब्रह्माख्या ब्रह्मसञ्ज्ञिता ॥ 24॥
व्यक्ता प्रथमजा ब्राह्मी महारात्रीः प्रकीर्तिता ।
ज्ञानस्वरूपा वैराग्यरूपा ह्यैश्वर्यरूपिणी ॥ 25॥
धर्मात्मिका ब्रह्ममूर्तिः प्रतिश्रुतपुमर्थिका ।
अपांयोनिः स्वयम्भूता मानसी तत्त्वसम्भवा ॥ 26॥
ईश्वरस्य प्रिया प्रोक्ता शङ्करार्धशरीरिणी ।
भवानी चैव रुद्राणी महालक्ष्मीस्तथाऽम्बिका ॥ 27॥
महेश्वरसमुत्पन्ना भुक्तिमुक्ति प्रदायिनी ।
सर्वेश्वरी सर्ववन्द्या नित्यमुक्ता सुमानसा ॥ 28॥
महेन्द्रोपेन्द्रनमिता शाङ्करीशानुवर्तिनी ।
ईश्वरार्धासनगता माहेश्वरपतिव्रता ॥ 29॥
संसारशोषिणी चैव पार्वती हिमवत्सुता ।
परमानन्ददात्री च गुणाग्र्या योगदा तथा ॥ 30॥
ज्ञानमूर्तिश्च सावित्री लक्ष्मीः श्रीः कमला तथा ।
अनन्तगुणगम्भीरा ह्युरोनीलमणिप्रभा ॥ 31॥
सरोजनिलया गङ्गा योगिध्येयाऽसुरार्दिनी ।
सरस्वती सर्वविद्या जगज्ज्येष्ठा सुमङ्गला ॥ 32॥
वाग्देवी वरदा वर्या कीर्तिः सर्वार्थसाधिका ।
वागीश्वरी ब्रह्मविद्या महाविद्या सुशोभना ॥ 33॥
ग्राह्यविद्या वेदविद्या धर्मविद्याऽऽत्मभाविता ।
स्वाहा विश्वम्भरा सिद्धिः साध्या मेधा धृतिः कृतिः ॥ 34॥
सुनीतिः सङ्कृतिश्चैव कीर्तिता नरवाहिनी ।
पूजाविभाविनी सौम्या भोग्यभाग् भोगदायिनी ॥ 35॥
शोभावती शाङ्करी च लोला मालाविभूषिता ।
परमेष्ठिप्रिया चैव त्रिलोकीसुन्दरी माता ॥ 36॥
नन्दा सन्ध्या कामधात्री महादेवी सुसात्त्विका ।
महामहिषदर्पघ्नी पद्ममालाऽघहारिणी ॥ 37॥
विचित्रमुकुटा रामा कामदाता प्रकीर्तिता ।
पिताम्बरधरा दिव्यविभूषण विभूषिता ॥ 38॥
दिव्याख्या सोमवदना जगत्संसृष्टिवर्जिता ।
निर्यन्त्रा यन्त्रवाहस्था नन्दिनी रुद्रकालिका ॥ 39॥
आदित्यवर्णा कौमारी मयूरवरवाहिनी ।
पद्मासनगता गौरी महाकाली सुरार्चिता ॥ 40॥
अदितिर्नियता रौद्री पद्मगर्भा विवाहना ।
विरूपाक्षा केशिवाहा गुहापुरनिवासिनी ॥ 41॥
महाफलाऽनवद्याङ्गी कामरूपा सरिद्वरा ।
भास्वद्रूपा मुक्तिदात्री प्रणतक्लेशभञ्जना ॥ 42॥
कौशिकी गोमिनी रात्रिस्त्रिदशारिविनाशिनी ।
बहुरूपा सुरूपा च विरूपा रूपवर्जिता ॥ 43॥
भक्तार्तिशमना भव्या भवभावविनाशिनी ।
सर्वज्ञानपरीताङ्गी सर्वासुरविमर्दिका ॥ 44॥
पिकस्वनी सामगीता भवाङ्कनिलया प्रिया ।
दीक्षा विद्याधरी दीप्ता महेन्द्राहितपातिनी ॥ 45॥
सर्वदेवमया दक्षा समुद्रान्तरवासिनी ।
अकलङ्का निराधारा नित्यसिद्धा निरामया ॥ 46॥
कामधेनुबृहद्गर्भा धीमती मौननाशिनी ।
निःसङ्कल्पा निरातङ्का विनया विनयप्रदा ॥ 47॥
ज्वालामाला सहस्राढ्या देवदेवी मनोमया ।
सुभगा सुविशुद्धा च वसुदेवसमुद्भवा ॥ 48॥
महेन्द्रोपेन्द्रभगिनी भक्तिगम्या परावरा ।
ज्ञानज्ञेया परातीता वेदान्तविषया मतिः ॥ 49॥
दक्षिणा दाहिका दह्या सर्वभूतहृदिस्थिता ।
योगमाया विभागज्ञा महामोहा गरीयसी ॥ 50॥
सन्ध्या सर्वसमुद्भूता ब्रह्मवृक्षाश्रियादितिः ।
बीजाङ्कुरसमुद्भूता महाशक्तिर्महामतिः ॥ 51॥
ख्यातिः प्रज्ञावती सञ्ज्ञा महाभोगीन्द्रशायिनी ।
हीङ्कृतिः शङ्करी शान्तिर्गन्धर्वगणसेविता ॥ 52॥
वैश्वानरी महाशूला देवसेना भवप्रिया ।
महारात्री परानन्दा शची दुःस्वप्ननाशिनी ॥ 53॥
ईड्या जया जगद्धात्री दुर्विज्ञेया सुरूपिणी ।
गुहाम्बिका गणोत्पन्ना महापीठा मरुत्सुता ॥ 54॥
हव्यवाहा भवानन्दा जगद्योनिः प्रकीर्तिता ।
जगन्माता जगन्मृत्युर्जरातीता च बुद्धिदा ॥ 55॥
सिद्धिदात्री रत्नगर्भा रत्नगर्भाश्रया परा ।
दैत्यहन्त्री स्वेष्टदात्री मङ्गलैकसुविग्रहा ॥ 56॥
पुरुषान्तर्गता चैव समाधिस्था तपस्विनी ।
दिविस्थिता त्रिणेत्रा च सर्वेन्द्रियमनाधृतिः ॥ 57॥
सर्वभूतहृदिस्था च तथा संसारतारिणी ।
वेद्या ब्रह्मविवेद्या च महालीला प्रकीर्तिता ॥ 58॥
ब्राह्मणिबृहती ब्राह्मी ब्रह्मभूताऽघहारिणी ।
हिरण्मयी महादात्री संसारपरिवर्तिका ॥ 59॥
सुमालिनी सुरूपा च भास्विनी धारिणी तथा ।
उन्मूलिनी सर्वसभा सर्वप्रत्ययसाक्षिणी ॥ 60॥
सुसौम्या चन्द्रवदना ताण्डवासक्तमानसा ।
सत्त्वशुद्धिकरी शुद्धा मलत्रयविनाशिनी ॥ 61॥
जगत्त्त्रयी जगन्मूर्तिस्त्रिमूर्तिरमृताश्रया ।
विमानस्था विशोका च शोकनाशिन्यनाहता ॥ 62॥
हेमकुण्डलिनी काली पद्मवासा सनातनी ।
सदाकीर्तिः सर्वभूतशया देवी सताम्प्रिया ॥ 63॥
ब्रह्ममूर्तिकला चैव कृत्तिका कञ्जमालिनी ।
व्योमकेशा क्रियाशक्तिरिच्छाशक्तिः परागतिः ॥ 64॥
क्षोभिका खण्डिकाभेद्या भेदाभेदविवर्जिता ।
अभिन्ना भिन्नसंस्थाना वशिनी वंशधारिणी ॥ 65॥
गुह्यशक्तिर्गुह्यतत्त्वा सर्वदा सर्वतोमुखी ।
भगिनी च निराधारा निराहारा प्रकीर्तिता ॥ 66॥
निरङ्कुशपदोद्भूता चक्रहस्ता विशोधिका ।
स्रग्विणी पद्मसम्भेदकारिणी परिकीर्तिता ॥ 67॥
परावरविधानज्ञा महापुरुषपूर्वजा ।
परावरज्ञा विद्या च विद्युज्जिह्वा जिताश्रया ॥ 68॥
विद्यामयी सहस्राक्षी सहस्रवदनात्मजा ।
सहस्ररश्मिःसत्वस्था महेश्वरपदाश्रया ॥ 69॥
ज्वालिनी सन्मया व्याप्ता चिन्मया पद्मभेदिका ।
महाश्रया महामन्त्रा महादेवमनोरमा ॥ 70॥
व्योमलक्ष्मीः सिंहरथा चेकितानाऽमितप्रभा ।
विश्वेश्वरी भगवती सकला कालहारिणी ॥ 71॥
सर्ववेद्या सर्वभद्रा गुह्या दूढा गुहारणी ।
प्रलया योगधात्री च गङ्गा विश्वेश्वरी तथा ॥ 72॥
कामदा कनका कान्ता कञ्जगर्भप्रभा तथा ।
पुण्यदा कालकेशा च भोक्त्त्री पुष्करिणी तथा ॥ 73॥
सुरेश्वरी भूतिदात्री भूतिभूषा प्रकीर्तिता ।
पञ्चब्रह्मसमुत्पन्ना परमार्थाऽर्थविग्रहा ॥ 74॥
वर्णोदया भानुमूर्तिर्वाग्विज्ञेया मनोजवा ।
मनोहरा महोरस्का तामसी वेदरूपिणी ॥ 75॥
वेदशक्तिर्वेदमाता वेदविद्याप्रकाशिनी ।
योगेश्वरेश्वरी माया महाशक्तिर्महामयी ॥ 76॥
विश्वान्तःस्था वियन्मूर्तिर्भार्गवी सुरसुन्दरी ।
सुरभिर्नन्दिनी विद्या नन्दगोपतनूद्भवा ॥ 77॥
भारती परमानन्दा परावरविभेदिका ।
सर्वप्रहरणोपेता काम्या कामेश्वरेश्वरी ॥ 78॥
अनन्तानन्दविभवा हृल्लेखा कनकप्रभा ।
कूष्माण्डा धनरत्नाढ्या सुगन्धा गन्धदायिनी ॥ 79॥
त्रिविक्रमपदोद्भूता चतुरास्या शिवोदया ।
सुदुर्लभा धनाध्यक्षा धन्या पिङ्गललोचना ॥ 80॥
शान्ता प्रभास्वरूपा च पङ्कजायतलोचना ।
इन्द्राक्षी हृदयान्तःस्था शिवा माता च सत्क्रिया ॥ 81॥
गिरिजा च सुगूढा च नित्यपुष्टा निरन्तरा ।
दुर्गा कात्यायनी चण्डी चन्द्रिका कान्तविग्रहा ॥ 82॥
हिरण्यवर्णा जगती जगद्यन्त्रप्रवर्तिका ।
मन्दराद्रिनिवासा च शारदा स्वर्णमालिनी ॥ 83॥
रत्नमाला रत्नगर्भा व्युष्टिर्विश्वप्रमाथिनी ।
पद्मानन्दा पद्मनिभा नित्यपुष्टा कृतोद्भवा ॥ 84॥
नारायणी दुष्टशिक्षा सूर्यमाता वृषप्रिया ।
महेन्द्रभगिनी सत्या सत्यभाषा सुकोमला ॥ 85॥
वामा च पञ्चतपसां वरदात्री प्रकीर्तिता ।
वाच्यवर्णेश्वरी विद्या दुर्जया दुरतिक्रमा ॥ 86॥
कालरात्रिर्महावेगा वीरभद्रप्रिया हिता ।
भद्रकाली जगन्माता भक्तानां भद्रदायिनी ॥ 87॥
कराला पिङ्गलाकारा कामभेत्त्री महामनाः ।
यशस्विनी यशोदा च षडध्वपरिवर्तिका ॥ 88॥
शङ्खिनी पद्मिनी सङ्ख्या साङ्ख्ययोगप्रवर्तिका ।
चैत्रादिर्वत्सरारूढा जगत्सम्पूरणीन्द्रजा ॥ 89॥
शुम्भघ्नी खेचराराध्या कम्बुग्रीवा बलीडिता ।
खगारूढा महैश्वर्या सुपद्मनिलया तथा ॥ 90॥
विरक्ता गरुडस्था च जगतीहृद्गुहाश्रया ।
शुम्भादिमथना भक्तहृद्गह्वरनिवासिनी ॥ 91॥
जगत्त्त्रयारणी सिद्धसङ्कल्पा कामदा तथा ।
सर्वविज्ञानदात्री चानल्पकल्मषहारिणी ॥ 92॥
सकलोपनिषद्गम्या दुष्टदुष्प्रेक्ष्यसत्तमा ।
सद्वृता लोकसंव्याप्ता तुष्टिः पुष्टिः क्रियावती ॥ 93॥
विश्वामरेश्वरी चैव भुक्तिमुक्तिप्रदायिनी ।
शिवाधृता लोहिताक्षी सर्पमालाविभूषणा ॥ 94॥
निरानन्दा त्रिशूलासिधनुर्बाणादिधारिणी ।
अशेषध्येयमूर्तिश्च देवतानां च देवता ॥ 95॥
वराम्बिका गिरेः पुत्री निशुम्भविनिपातिनी ।
सुवर्णा स्वर्णलसिताऽनन्तवर्णा सदाधृता ॥ 96॥
शाङ्करी शान्तहृदया अहोरात्रविधायिका ।
विश्वगोप्त्री गूढरूपा गुणपूर्णा च गार्ग्यजा ॥ 97॥
गौरी शाकम्भरी सत्यसन्धा सन्ध्यात्रयीधृता ।
सर्वपापविनिर्मुक्ता सर्वबन्धविवर्जिता ॥ 98॥
साङ्ख्ययोगसमाख्याता अप्रमेया मुनीडिता ।
विशुद्धसुकुलोद्भूता बिन्दुनादसमादृता ॥ 99॥
शम्भुवामाङ्कगा चैव शशितुल्यनिभानना ।
वनमालाविराजन्ती अनन्तशयनादृता ॥ 100॥
नरनारायणोद्भूता नारसिंही प्रकीर्तिता ।
दैत्यप्रमाथिनी शङ्खचक्रपद्मगदाधरा ॥ 101॥
सङ्कर्षणसमुत्पन्ना अम्बिका सज्जनाश्रया ।
सुवृता सुन्दरी चैव धर्मकामार्थदायिनी ॥ 102॥
मोक्षदा भक्तिनिलया पुराणपुरुषादृता ।
महाविभूतिदाऽऽराध्या सरोजनिलयाऽसमा ॥ 103॥
अष्टादशभुजाऽनादिर्नीलोत्पलदलाक्षिणी ।
सर्वशक्तिसमारूढा धर्माधर्मविवर्जिता ॥ 104॥
वैराग्यज्ञाननिरता निरालोका निरिन्द्रिया ।
विचित्रगहनाधारा शाश्वतस्थानवासिनी ॥ 105॥
ज्ञानेश्वरी पीतचेला वेदवेदाङ्गपारगा ।
मनस्विनी मन्युमाता महामन्युसमुद्भवा ॥ 106॥
अमन्युरमृतास्वादा पुरन्दरपरिष्टुता ।
अशोच्या भिन्नविषया हिरण्यरजतप्रिया ॥ 107॥
हिरण्यजननी भीमा हेमाभरणभूषिता ।
विभ्राजमाना दुर्ज्ञेया ज्योतिष्टोमफलप्रदा ॥ 108॥
महानिद्रासमुत्पत्तिरनिद्रा सत्यदेवता ।
दीर्घा ककुद्मिनी पिङ्गजटाधारा मनोज्ञधीः ॥ 109॥
महाश्रया रमोत्पन्ना तमःपारे प्रतिष्ठिता ।
त्रितत्त्वमाता त्रिविधा सुसूक्ष्मा पद्मसंश्रया ॥ 110॥
शान्त्यतीतकलाऽतीतविकारा श्वेतचेलिका ।
चित्रमाया शिवज्ञानस्वरूपा दैत्यमाथिनी ॥ 111॥
काश्यपी कालसर्पाभवेणिका शास्त्रयोनिका ।
त्रयीमूर्तिः क्रियामूर्तिश्चतुर्वर्गा च दर्शिनी ॥ 112॥
नारायणी नरोत्पन्ना कौमुदी कान्तिधारिणी ।
कौशिकी ललिता लीला परावरविभाविनी ॥ 113॥
वरेण्याऽद्भुतमहात्म्या वडवा वामलोचना ।
सुभद्रा चेतनाराध्या शान्तिदा शान्तिवर्धिनी ॥ 114॥
जयादिशक्तिजननी शक्तिचक्रप्रवर्तिका ।
त्रिशक्तिजननी जन्या षट्सूत्रपरिवर्णिता ॥ 115॥
सुधौतकर्मणाऽऽराध्या युगान्तदहनात्मिका ।
सङ्कर्षिणी जगद्धात्री कामयोनिः किरीटिनी ॥ 116॥
ऐन्द्री त्रैलोक्यनमिता वैष्णवी परमेश्वरी ।
प्रद्युम्नजननी बिम्बसमोष्ठी पद्मलोचना ॥ 117॥
मदोत्कटा हंसगतिः प्रचण्डा चण्डविक्रमा ।
वृषाधीशा परात्मा च विन्ध्या पर्वतवासिनी ॥ 118॥
हिमवन्मेरुनिलया कैलासपुरवासिनी ।
चाणूरहन्त्री नीतिज्ञा कामरूपा त्रयीतनुः ॥ 119॥
व्रतस्नाता धर्मशीला सिंहासननिवासिनी ।
वीरभद्रादृता वीरा महाकालसमुद्भवा ॥ 120॥
विद्याधरार्चिता सिद्धसाध्याराधितपादुका ।
श्रद्धात्मिका पावनी च मोहिनी अचलात्मिका ॥ 121॥
महाद्भुता वारिजाक्षी सिंहवाहनगामिनी ।
मनीषिणी सुधावाणी वीणावादनतत्परा ॥ 122॥
श्वेतवाहनिषेव्या च लसन्मतिररुन्धती ।
हिरण्याक्षी तथा चैव महानन्दप्रदायिनी ॥ 123॥
वसुप्रभा सुमाल्याप्तकन्धरा पङ्कजानना ।
परावरा वरारोहा सहस्रनयनार्चिता ॥ 124॥
श्रीरूपा श्रीमती श्रेष्ठा शिवनाम्नी शिवप्रिया ।
श्रीप्रदा श्रितकल्याणा श्रीधरार्धशरीरिणी ॥ 125॥
श्रीकलाऽनन्तदृष्टिश्च ह्यक्षुद्रारातिसूदनी ।
रक्तबीजनिहन्त्री च दैत्यसङ्गविमर्दिनी ॥ 126॥
सिंहारूढा सिंहिकास्या दैत्यशोणितपायिनी ।
सुकीर्तिसहिताच्छिन्नसंशया रसवेदिनी ॥ 127॥
गुणाभिरामा नागारिवाहना निर्जरार्चिता ।
नित्योदिता स्वयञ्ज्योतिः स्वर्णकाया प्रकीर्तिता ॥ 128॥
वज्रदण्डाङ्किता चैव तथामृतसञ्जीविनी ।
वज्रच्छन्ना देवदेवी वरवज्रस्वविग्रहा ॥ 129॥
माङ्गल्या मङ्गलात्मा च मालिनी माल्यधारिणी ।
गन्धर्वी तरुणी चान्द्री खड्गायुधधरा तथा ॥ 130॥
सौदामिनी प्रजानन्दा तथा प्रोक्ता भृगूद्भवा ।
एकानङ्गा च शास्त्रार्थकुशला धर्मचारिणी ॥ 131॥
धर्मसर्वस्ववाहा च धर्माधर्मविनिश्चया ।
धर्मशक्तिर्धर्ममया धार्मिकानां शिवप्रदा ॥ 132॥
विधर्मा विश्वधर्मज्ञा धर्मार्थान्तरविग्रहा ।
धर्मवर्ष्मा धर्मपूर्वा धर्मपारङ्गतान्तरा ॥ 133॥
धर्मोपदेष्ट्री धर्मात्मा धर्मगम्या धराधरा ।
कपालिनी शाकलिनी कलाकलितविग्रहा ॥ 134॥
सर्वशक्तिविमुक्ता च कर्णिकारधराऽक्षरा।
कंसप्राणहरा चैव युगधर्मधरा तथा ॥ 135॥
युगप्रवर्तिका प्रोक्ता त्रिसन्ध्या ध्येयविग्रहा ।
स्वर्गापवर्गदात्री च तथा प्रत्यक्षदेवता ॥ 136॥
आदित्या दिव्यगन्धा च दिवाकरनिभप्रभा ।
पद्मासनगता प्रोक्ता खड्गबाणशरासना ॥ 137॥
शिष्टा विशिष्टा शिष्टेष्टा शिष्टश्रेष्ठप्रपूजिता ।
शतरूपा शतावर्ता वितता रासमोदिनी ॥ 138॥
सूर्येन्दुनेत्रा प्रद्युम्नजननी सुष्ठुमायिनी ।
सूर्यान्तरस्थिता चैव सत्प्रतिष्ठतविग्रहा ॥ 139॥
निवृत्ता प्रोच्यते ज्ञानपारगा पर्वतात्मजा ।
कात्यायनी चण्डिका च चण्डी हैमवती तथा ॥ 140॥
दाक्षायणी सती चैव भवानी सर्वमङ्गला ।
धूम्रलोचनहन्त्री च चण्डमुण्डविनाशिनी ॥ 141॥
योगनिद्रा योगभद्रा समुद्रतनया तथा ।
देवप्रियङ्करी शुद्धा भक्तभक्तिप्रवर्धिनी ॥ 142॥
त्रिणेत्रा चन्द्रमुकुटा प्रमथार्चितपादुका ।
अर्जुनाभीष्टदात्री च पाण्डवप्रियकारिणी ॥ 143॥
कुमारलालनासक्ता हरबाहूपधानिका ।
विघ्नेशजननी भक्तविघ्नस्तोमप्रहारिणी ॥ 144॥
सुस्मितेन्दुमुखी नम्या जयाप्रियसखी तथा ।
अनादिनिधना प्रेष्ठा चित्रमाल्यानुलेपना ॥ 145॥
कोटिचन्द्रप्रतीकाशा कूटजालप्रमाथिनी ।
कृत्याप्रहारिणी चैव मारणोच्चाटनी तथा ॥ 146॥
सुरासुरप्रवन्द्याङ्घ्रिर्मोहघ्नी ज्ञानदायिनी ।
षड्वैरिनिग्रहकरी वैरिविद्राविणी तथा ॥ 147॥
भूतसेव्या भूतदात्री भूतपीडाविमर्दिका ।
नारदस्तुतचारित्रा वरदेशा वरप्रदा ॥ 148॥
वामदेवस्तुता चैव कामदा सोमशेखरा ।
दिक्पालसेविता भव्या भामिनी भावदायिनी ॥ 149॥
स्त्रीसौभाग्यप्रदात्री च भोगदा रोगनाशिनी ।
व्योमगा भूमिगा चैव मुनिपूज्यपदाम्बुजा ।
वनदुर्गा च दुर्बोधा महादुर्गा प्रकीर्तिता ॥ 150॥
फलश्रुतिः
इतीदं कीर्तिदं भद्र दुर्गानामसहस्रकम् ।
त्रिसन्ध्यं यः पठेन्नित्यं तस्य लक्ष्मीः स्थिरा भवेत् ॥ 1॥
ग्रहभूतपिशाचादिपीडा नश्यत्यसंशयम् ।
बालग्रहादिपीडायाः शान्तिर्भवति कीर्तनात् ॥ 2॥
मारिकादिमहारोगे पठतां सौख्यदं नृणाम् ।
व्यवहारे च जयदं शत्रुबाधानिवारकम् ॥ 3॥
दम्पत्योः कलहे प्राप्ते मिथः प्रेमाभिवर्धकम् ।
आयुरारोग्यदं पुंसां सर्वसम्पत्प्रदायकम् ॥ 4॥
विद्याभिवर्धकं नित्यं पठतामर्थसाधकम् ।
शुभदं शुभकार्येषु पठतां शृणुतामपि ॥ 5॥
यः पूजयति दुर्गां तां दुर्गानामसहस्रकैः ।
पुष्पैः कुङ्कुमसम्मिश्रैः स तु यत्काङ्क्षते हृदि ॥ 6॥
तत्सर्वं समवाप्नोति नास्ति नास्त्यत्र संशयः ।
यन्मुखे ध्रियते नित्यं दुर्गानामसहस्रकम् ॥ 7॥
किं तस्येतरमन्त्रौघैः कार्यं धन्यतमस्य हि ।
दुर्गानामसहस्रस्य पुस्तकं यद्गृहे भवेत् ॥ 8॥
न तत्र ग्रहभूतादिबाधा स्यान्मङ्गलास्पदे ।
तद्गृहं पुण्यदं क्षेत्रं देवीसान्निध्यकारकम् ॥ 9॥
एतस्य स्तोत्रमुख्यस्य पाठकः श्रेष्ठमन्त्रवित् ।
देवतायाः प्रसादेन सर्वपूज्यः सुखी भवेत् ॥ 10॥
इत्येतन्नगराजेन कीर्तितं मुनिसत्तम ।
गुह्याद्गुह्यतरं स्तोत्रं त्वयि स्नेहात् प्रकीर्तितम् ॥ 11॥
भक्ताय श्रद्धधानाय केवलं कीर्त्यतामिदम् ।
हृदि धारय नित्यं त्वं देव्यनुग्रहसाधकम् ॥ 12॥ ॥
इति श्रीस्कान्दपुराणे स्कन्दनारदसंवादे दुर्गासहस्रनामस्तोत्रं सम्पूर्णम् ॥
|| atha śrī durgā sahasranāmastotram ||
nārada uvāca -
kumāra guṇagambhīra devasenāpate prabho |
sarvābhīṣṭapradaṃ puṃsāṃ sarvapāpapraṇāśanam || 1||
guhyādguhyataraṃ stotraṃ bhaktivardhakamañjasā |
maṅgalaṃ grahapīḍādiśāntidaṃ vaktumarhasi || 2||
skanda uvāca -
śṛṇu nārada devarṣe lokānugrahakāmyayā |
yatpṛcchasi paraṃ puṇyaṃ tatte vakṣyāmi kautukāt || 3||
mātā me lokajananī himavannagasattamāt |
menāyāṃ brahmavādinyāṃ prādurbhūtā harapriyā || 4||
mahatā tapasā''rādhya śaṅkaraṃ lokaśaṅkaram |
svameva vallabhaṃ bheje kaleva hi kalānidhim || 5||
nagānāmadhirājastu himavān virahāturaḥ |
svasutāyāḥ parikṣīṇe vasiṣṭhena prabodhitaḥ || 6||
trilokajananī seyaṃ prasannā tvayi puṇyataḥ |
prādurbhūtā sutātvena tadviyogaṃ śubhaṃ tyaja || 7||
bahurūpā ca durgeyaṃ bahunāmnī sanātanī |
sanātanasya jāyā sā putrīmohaṃ tyajādhunā || 8||
iti prabodhitaḥ śailaḥ tāṃ tuṣṭāva parāṃ śivām |
tadā prasannā sā durgā pitaraṃ prāha nandinī || 9||
matprasādātparaṃ stotraṃ hṛdaye pratibhāsatām |
tena nāmnāṃ sahasreṇa pūjayan kāmamāpnuhi || 10||
ityuktvāntarhitāyāṃ tu hṛdaye sphuritaṃ tadā |
nāmnāṃ sahasraṃ durgāyāḥ pṛcchate me yaduktavān || 11||
maṅgalānāṃ maṅgalaṃ tad durgānāma sahasrakam |
sarvābhīṣṭapradāṃ puṃsāṃ bravīmyakhilakāmadam || 12||
durgādevī samākhyātā himavānṛṣirucyate |
chandonuṣṭup japo devyāḥ prītaye kriyate sadā || 13||
asya śrīdurgāstotramahāmantrasya | himavān ṛṣiḥ | anuṣṭup chandaḥ |
durgābhagavatī devatā | śrīdurgāprasādasiddhyarthe jape viniyogaḥ | |
śrībhagavatyai durgāyai namaḥ |
devīdhyānam
oṃ hrīṃ kālābhrābhāṃ kaṭākṣairarikulabhayadāṃ maulibaddhendurekhāṃ
śaṅkhaṃ cakraṃ kṛpāṇaṃ triśikhamapi karairudvahantīṃ trinetrām |
siṃhaskandhādhirūḍhāṃ tribhuvanamakhilaṃ tejasā pūrayantīṃ
dhyāyed durgāṃ jayākhyāṃ tridaśaparivṛtāṃ sevitāṃ siddhikāmaiḥ ||
śrī jayadurgāyai namaḥ |
oṃ śivāthomā ramā śaktiranantā niṣkalā'malā |
śāntā māheśvarī nityā śāśvatā paramā kṣamā || 1||
acintyā kevalānantā śivātmā paramātmikā |
anādiravyayā śuddhā sarvajñā sarvagā'calā || 2||
ekānekavibhāgasthā māyātītā sunirmalā |
mahāmāheśvarī satyā mahādevī nirañjanā || 3||
kāṣṭhā sarvāntarasthā'pi cicchaktiścātrilālitā |
sarvā sarvātmikā viśvā jyotīrūpākṣarāmṛtā || 4||
śāntā pratiṣṭhā sarveśā nivṛttiramṛtapradā |
vyomamūrtirvyomasaṃsthā vyomadhārā'cyutā'tulā || 5||
anādinidhanā'moghā kāraṇātmakalākulā |
ṛtuprathamajā'nābhiramṛtātmasamāśrayā || 6||
prāṇeśvarapriyā namyā mahāmahiṣaghātinī |
prāṇeśvarī prāṇarūpā pradhānapuruṣeśvarī || 7||
sarvaśaktikalā'kāmā mahiṣeṣṭavināśinī |
sarvakāryaniyantrī ca sarvabhūteśvareśvarī || 8||
aṅgadādidharā caiva tathā mukuṭadhāriṇī |
sanātanī mahānandā''kāśayonistathecyate || 9||
citprakāśasvarūpā ca mahāyogeśvareśvarī |
mahāmāyā saduṣpārā mūlaprakṛtirīśikā || 10||
saṃsārayoniḥ sakalā sarvaśaktisamudbhavā |
saṃsārapārā durvārā durnirīkṣā durāsadā || 11||
prāṇaśaktiśca sevyā ca yoginī paramākalā |
mahāvibhūtirdurdarśā mūlaprakṛtisambhavā || 12||
anādyanantavibhavā parārthā puruṣāraṇiḥ |
sargasthityantakṛccaiva sudurvācyā duratyayā || 13||
śabdagamyā śabdamāyā śabdākhyānandavigrahā |
pradhānapuruṣātītā pradhānapuruṣātmikā || 14||
purāṇī cinmayā puṃsāmiṣṭadā puṣṭirūpiṇī |
pūtāntarasthā kūṭasthā mahāpuruṣasañjñitā || 15||
janmamṛtyujarātītā sarvaśaktisvarūpiṇī |
vāñchāpradā'navacchinnapradhānānupraveśinī || 16||
kṣetrajñā'cintyaśaktistu procyate'vyaktalakṣaṇā |
malāpavarjitā''nādimāyā tritayatattvikā || 17||
prītiśca prakṛtiścaiva guhāvāsā tathocyate |
mahāmāyā nagotpannā tāmasī ca dhruvā tathā || 18||
vyaktā'vyaktātmikā kṛṣṇā raktā śuklā hyakāraṇā |
procyate kāryajananī nityaprasavadharmiṇī || 19||
sargapralayamuktā ca sṛṣṭisthityantadharmiṇī |
brahmagarbhā caturviṃśasvarūpā padmavāsinī || 20||
acyutāhlādikā vidyudbrahmayonirmahālayā |
mahālakṣmī samudbhāvabhāvitātmāmaheśvarī || 21||
mahāvimānamadhyasthā mahānidrā sakautukā |
sarvārthadhāriṇī sūkṣmā hyaviddhā paramārthadā || 22||
anantarūpā'nantārthā tathā puruṣamohinī |
anekānekahastā ca kālatrayavivarjitā || 23||
brahmajanmā haraprītā matirbrahmaśivātmikā |
brahmeśaviṣṇusampūjyā brahmākhyā brahmasañjñitā || 24||
vyaktā prathamajā brāhmī mahārātrīḥ prakīrtitā |
jñānasvarūpā vairāgyarūpā hyaiśvaryarūpiṇī || 25||
dharmātmikā brahmamūrtiḥ pratiśrutapumarthikā |
apāṃyoniḥ svayambhūtā mānasī tattvasambhavā || 26||
īśvarasya priyā proktā śaṅkarārdhaśarīriṇī |
bhavānī caiva rudrāṇī mahālakṣmīstathā'mbikā || 27||
maheśvarasamutpannā bhuktimukti pradāyinī |
sarveśvarī sarvavandyā nityamuktā sumānasā || 28||
mahendropendranamitā śāṅkarīśānuvartinī |
īśvarārdhāsanagatā māheśvarapativratā || 29||
saṃsāraśoṣiṇī caiva pārvatī himavatsutā |
paramānandadātrī ca guṇāgryā yogadā tathā || 30||
jñānamūrtiśca sāvitrī lakṣmīḥ śrīḥ kamalā tathā |
anantaguṇagambhīrā hyuronīlamaṇiprabhā || 31||
sarojanilayā gaṅgā yogidhyeyā'surārdinī |
sarasvatī sarvavidyā jagajjyeṣṭhā sumaṅgalā || 32||
vāgdevī varadā varyā kīrtiḥ sarvārthasādhikā |
vāgīśvarī brahmavidyā mahāvidyā suśobhanā || 33||
grāhyavidyā vedavidyā dharmavidyā''tmabhāvitā |
svāhā viśvambharā siddhiḥ sādhyā medhā dhṛtiḥ kṛtiḥ || 34||
sunītiḥ saṅkṛtiścaiva kīrtitā naravāhinī |
pūjāvibhāvinī saumyā bhogyabhāg bhogadāyinī || 35||
śobhāvatī śāṅkarī ca lolā mālāvibhūṣitā |
parameṣṭhipriyā caiva trilokīsundarī mātā || 36||
nandā sandhyā kāmadhātrī mahādevī susāttvikā |
mahāmahiṣadarpaghnī padmamālā'ghahāriṇī || 37||
vicitramukuṭā rāmā kāmadātā prakīrtitā |
pitāmbaradharā divyavibhūṣaṇa vibhūṣitā || 38||
divyākhyā somavadanā jagatsaṃsṛṣṭivarjitā |
niryantrā yantravāhasthā nandinī rudrakālikā || 39||
ādityavarṇā kaumārī mayūravaravāhinī |
padmāsanagatā gaurī mahākālī surārcitā || 40||
aditirniyatā raudrī padmagarbhā vivāhanā |
virūpākṣā keśivāhā guhāpuranivāsinī || 41||
mahāphalā'navadyāṅgī kāmarūpā saridvarā |
bhāsvadrūpā muktidātrī praṇatakleśabhañjanā || 42||
kauśikī gominī rātristridaśārivināśinī |
bahurūpā surūpā ca virūpā rūpavarjitā || 43||
bhaktārtiśamanā bhavyā bhavabhāvavināśinī |
sarvajñānaparītāṅgī sarvāsuravimardikā || 44||
pikasvanī sāmagītā bhavāṅkanilayā priyā |
dīkṣā vidyādharī dīptā mahendrāhitapātinī || 45||
sarvadevamayā dakṣā samudrāntaravāsinī |
akalaṅkā nirādhārā nityasiddhā nirāmayā || 46||
kāmadhenubṛhadgarbhā dhīmatī maunanāśinī |
niḥsaṅkalpā nirātaṅkā vinayā vinayapradā || 47||
jvālāmālā sahasrāḍhyā devadevī manomayā |
subhagā suviśuddhā ca vasudevasamudbhavā || 48||
mahendropendrabhaginī bhaktigamyā parāvarā |
jñānajñeyā parātītā vedāntaviṣayā matiḥ || 49||
dakṣiṇā dāhikā dahyā sarvabhūtahṛdisthitā |
yogamāyā vibhāgajñā mahāmohā garīyasī || 50||
sandhyā sarvasamudbhūtā brahmavṛkṣāśriyāditiḥ |
bījāṅkurasamudbhūtā mahāśaktirmahāmatiḥ || 51||
khyātiḥ prajñāvatī sañjñā mahābhogīndraśāyinī |
hīṅkṛtiḥ śaṅkarī śāntirgandharvagaṇasevitā || 52||
vaiśvānarī mahāśūlā devasenā bhavapriyā |
mahārātrī parānandā śacī duḥsvapnanāśinī || 53||
īḍyā jayā jagaddhātrī durvijñeyā surūpiṇī |
guhāmbikā gaṇotpannā mahāpīṭhā marutsutā || 54||
havyavāhā bhavānandā jagadyoniḥ prakīrtitā |
jaganmātā jaganmṛtyurjarātītā ca buddhidā || 55||
siddhidātrī ratnagarbhā ratnagarbhāśrayā parā |
daityahantrī sveṣṭadātrī maṅgalaikasuvigrahā || 56||
puruṣāntargatā caiva samādhisthā tapasvinī |
divisthitā triṇetrā ca sarvendriyamanādhṛtiḥ || 57||
sarvabhūtahṛdisthā ca tathā saṃsāratāriṇī |
vedyā brahmavivedyā ca mahālīlā prakīrtitā || 58||
brāhmaṇibṛhatī brāhmī brahmabhūtā'ghahāriṇī |
hiraṇmayī mahādātrī saṃsāraparivartikā || 59||
sumālinī surūpā ca bhāsvinī dhāriṇī tathā |
unmūlinī sarvasabhā sarvapratyayasākṣiṇī || 60||
susaumyā candravadanā tāṇḍavāsaktamānasā |
sattvaśuddhikarī śuddhā malatrayavināśinī || 61||
jagatttrayī jaganmūrtistrimūrtiramṛtāśrayā |
vimānasthā viśokā ca śokanāśinyanāhatā || 62||
hemakuṇḍalinī kālī padmavāsā sanātanī |
sadākīrtiḥ sarvabhūtaśayā devī satāmpriyā || 63||
brahmamūrtikalā caiva kṛttikā kañjamālinī |
vyomakeśā kriyāśaktiricchāśaktiḥ parāgatiḥ || 64||
kṣobhikā khaṇḍikābhedyā bhedābhedavivarjitā |
abhinnā bhinnasaṃsthānā vaśinī vaṃśadhāriṇī || 65||
guhyaśaktirguhyatattvā sarvadā sarvatomukhī |
bhaginī ca nirādhārā nirāhārā prakīrtitā || 66||
niraṅkuśapadodbhūtā cakrahastā viśodhikā |
sragviṇī padmasambhedakāriṇī parikīrtitā || 67||
parāvaravidhānajñā mahāpuruṣapūrvajā |
parāvarajñā vidyā ca vidyujjihvā jitāśrayā || 68||
vidyāmayī sahasrākṣī sahasravadanātmajā |
sahasraraśmiḥsatvasthā maheśvarapadāśrayā || 69||
jvālinī sanmayā vyāptā cinmayā padmabhedikā |
mahāśrayā mahāmantrā mahādevamanoramā || 70||
vyomalakṣmīḥ siṃharathā cekitānā'mitaprabhā |
viśveśvarī bhagavatī sakalā kālahāriṇī || 71||
sarvavedyā sarvabhadrā guhyā dūḍhā guhāraṇī |
pralayā yogadhātrī ca gaṅgā viśveśvarī tathā || 72||
kāmadā kanakā kāntā kañjagarbhaprabhā tathā |
puṇyadā kālakeśā ca bhokttrī puṣkariṇī tathā || 73||
sureśvarī bhūtidātrī bhūtibhūṣā prakīrtitā |
pañcabrahmasamutpannā paramārthā'rthavigrahā || 74||
varṇodayā bhānumūrtirvāgvijñeyā manojavā |
manoharā mahoraskā tāmasī vedarūpiṇī || 75||
vedaśaktirvedamātā vedavidyāprakāśinī |
yogeśvareśvarī māyā mahāśaktirmahāmayī || 76||
viśvāntaḥsthā viyanmūrtirbhārgavī surasundarī |
surabhirnandinī vidyā nandagopatanūdbhavā || 77||
bhāratī paramānandā parāvaravibhedikā |
sarvapraharaṇopetā kāmyā kāmeśvareśvarī || 78||
anantānandavibhavā hṛllekhā kanakaprabhā |
kūṣmāṇḍā dhanaratnāḍhyā sugandhā gandhadāyinī || 79||
trivikramapadodbhūtā caturāsyā śivodayā |
sudurlabhā dhanādhyakṣā dhanyā piṅgalalocanā || 80||
śāntā prabhāsvarūpā ca paṅkajāyatalocanā |
indrākṣī hṛdayāntaḥsthā śivā mātā ca satkriyā || 81||
girijā ca sugūḍhā ca nityapuṣṭā nirantarā |
durgā kātyāyanī caṇḍī candrikā kāntavigrahā || 82||
hiraṇyavarṇā jagatī jagadyantrapravartikā |
mandarādrinivāsā ca śāradā svarṇamālinī || 83||
ratnamālā ratnagarbhā vyuṣṭirviśvapramāthinī |
padmānandā padmanibhā nityapuṣṭā kṛtodbhavā || 84||
nārāyaṇī duṣṭaśikṣā sūryamātā vṛṣapriyā |
mahendrabhaginī satyā satyabhāṣā sukomalā || 85||
vāmā ca pañcatapasāṃ varadātrī prakīrtitā |
vācyavarṇeśvarī vidyā durjayā duratikramā || 86||
kālarātrirmahāvegā vīrabhadrapriyā hitā |
bhadrakālī jaganmātā bhaktānāṃ bhadradāyinī || 87||
karālā piṅgalākārā kāmabhettrī mahāmanāḥ |
yaśasvinī yaśodā ca ṣaḍadhvaparivartikā || 88||
śaṅkhinī padminī saṅkhyā sāṅkhyayogapravartikā |
caitrādirvatsarārūḍhā jagatsampūraṇīndrajā || 89||
śumbhaghnī khecarārādhyā kambugrīvā balīḍitā |
khagārūḍhā mahaiśvaryā supadmanilayā tathā || 90||
viraktā garuḍasthā ca jagatīhṛdguhāśrayā |
śumbhādimathanā bhaktahṛdgahvaranivāsinī || 91||
jagatttrayāraṇī siddhasaṅkalpā kāmadā tathā |
sarvavijñānadātrī cānalpakalmaṣahāriṇī || 92||
sakalopaniṣadgamyā duṣṭaduṣprekṣyasattamā |
sadvṛtā lokasaṃvyāptā tuṣṭiḥ puṣṭiḥ kriyāvatī || 93||
viśvāmareśvarī caiva bhuktimuktipradāyinī |
śivādhṛtā lohitākṣī sarpamālāvibhūṣaṇā || 94||
nirānandā triśūlāsidhanurbāṇādidhāriṇī |
aśeṣadhyeyamūrtiśca devatānāṃ ca devatā || 95||
varāmbikā gireḥ putrī niśumbhavinipātinī |
suvarṇā svarṇalasitā'nantavarṇā sadādhṛtā || 96||
śāṅkarī śāntahṛdayā ahorātravidhāyikā |
viśvagoptrī gūḍharūpā guṇapūrṇā ca gārgyajā || 97||
gaurī śākambharī satyasandhā sandhyātrayīdhṛtā |
sarvapāpavinirmuktā sarvabandhavivarjitā || 98||
sāṅkhyayogasamākhyātā aprameyā munīḍitā |
viśuddhasukulodbhūtā bindunādasamādṛtā || 99||
śambhuvāmāṅkagā caiva śaśitulyanibhānanā |
vanamālāvirājantī anantaśayanādṛtā || 100||
naranārāyaṇodbhūtā nārasiṃhī prakīrtitā |
daityapramāthinī śaṅkhacakrapadmagadādharā || 101||
saṅkarṣaṇasamutpannā ambikā sajjanāśrayā |
suvṛtā sundarī caiva dharmakāmārthadāyinī || 102||
mokṣadā bhaktinilayā purāṇapuruṣādṛtā |
mahāvibhūtidā''rādhyā sarojanilayā'samā || 103||
aṣṭādaśabhujā'nādirnīlotpaladalākṣiṇī |
sarvaśaktisamārūḍhā dharmādharmavivarjitā || 104||
vairāgyajñānaniratā nirālokā nirindriyā |
vicitragahanādhārā śāśvatasthānavāsinī || 105||
jñāneśvarī pītacelā vedavedāṅgapāragā |
manasvinī manyumātā mahāmanyusamudbhavā || 106||
amanyuramṛtāsvādā purandarapariṣṭutā |
aśocyā bhinnaviṣayā hiraṇyarajatapriyā || 107||
hiraṇyajananī bhīmā hemābharaṇabhūṣitā |
vibhrājamānā durjñeyā jyotiṣṭomaphalapradā || 108||
mahānidrāsamutpattiranidrā satyadevatā |
dīrghā kakudminī piṅgajaṭādhārā manojñadhīḥ || 109||
mahāśrayā ramotpannā tamaḥpāre pratiṣṭhitā |
tritattvamātā trividhā susūkṣmā padmasaṃśrayā || 110||
śāntyatītakalā'tītavikārā śvetacelikā |
citramāyā śivajñānasvarūpā daityamāthinī || 111||
kāśyapī kālasarpābhaveṇikā śāstrayonikā |
trayīmūrtiḥ kriyāmūrtiścaturvargā ca darśinī || 112||
nārāyaṇī narotpannā kaumudī kāntidhāriṇī |
kauśikī lalitā līlā parāvaravibhāvinī || 113||
vareṇyā'dbhutamahātmyā vaḍavā vāmalocanā |
subhadrā cetanārādhyā śāntidā śāntivardhinī || 114||
jayādiśaktijananī śakticakrapravartikā |
triśaktijananī janyā ṣaṭsūtraparivarṇitā || 115||
sudhautakarmaṇā''rādhyā yugāntadahanātmikā |
saṅkarṣiṇī jagaddhātrī kāmayoniḥ kirīṭinī || 116||
aindrī trailokyanamitā vaiṣṇavī parameśvarī |
pradyumnajananī bimbasamoṣṭhī padmalocanā || 117||
madotkaṭā haṃsagatiḥ pracaṇḍā caṇḍavikramā |
vṛṣādhīśā parātmā ca vindhyā parvatavāsinī || 118||
himavanmerunilayā kailāsapuravāsinī |
cāṇūrahantrī nītijñā kāmarūpā trayītanuḥ || 119||
vratasnātā dharmaśīlā siṃhāsananivāsinī |
vīrabhadrādṛtā vīrā mahākālasamudbhavā || 120||
vidyādharārcitā siddhasādhyārādhitapādukā |
śraddhātmikā pāvanī ca mohinī acalātmikā || 121||
mahādbhutā vārijākṣī siṃhavāhanagāminī |
manīṣiṇī sudhāvāṇī vīṇāvādanatatparā || 122||
śvetavāhaniṣevyā ca lasanmatirarundhatī |
hiraṇyākṣī tathā caiva mahānandapradāyinī || 123||
vasuprabhā sumālyāptakandharā paṅkajānanā |
parāvarā varārohā sahasranayanārcitā || 124||
śrīrūpā śrīmatī śreṣṭhā śivanāmnī śivapriyā |
śrīpradā śritakalyāṇā śrīdharārdhaśarīriṇī || 125||
śrīkalā'nantadṛṣṭiśca hyakṣudrārātisūdanī |
raktabījanihantrī ca daityasaṅgavimardinī || 126||
siṃhārūḍhā siṃhikāsyā daityaśoṇitapāyinī |
sukīrtisahitācchinnasaṃśayā rasavedinī || 127||
guṇābhirāmā nāgārivāhanā nirjarārcitā |
nityoditā svayañjyotiḥ svarṇakāyā prakīrtitā || 128||
vajradaṇḍāṅkitā caiva tathāmṛtasañjīvinī |
vajracchannā devadevī varavajrasvavigrahā || 129||
māṅgalyā maṅgalātmā ca mālinī mālyadhāriṇī |
gandharvī taruṇī cāndrī khaḍgāyudhadharā tathā || 130||
saudāminī prajānandā tathā proktā bhṛgūdbhavā |
ekānaṅgā ca śāstrārthakuśalā dharmacāriṇī || 131||
dharmasarvasvavāhā ca dharmādharmaviniścayā |
dharmaśaktirdharmamayā dhārmikānāṃ śivapradā || 132||
vidharmā viśvadharmajñā dharmārthāntaravigrahā |
dharmavarṣmā dharmapūrvā dharmapāraṅgatāntarā || 133||
dharmopadeṣṭrī dharmātmā dharmagamyā dharādharā |
kapālinī śākalinī kalākalitavigrahā || 134||
sarvaśaktivimuktā ca karṇikāradharā'kṣarā|
kaṃsaprāṇaharā caiva yugadharmadharā tathā || 135||
yugapravartikā proktā trisandhyā dhyeyavigrahā |
svargāpavargadātrī ca tathā pratyakṣadevatā || 136||
ādityā divyagandhā ca divākaranibhaprabhā |
padmāsanagatā proktā khaḍgabāṇaśarāsanā || 137||
śiṣṭā viśiṣṭā śiṣṭeṣṭā śiṣṭaśreṣṭhaprapūjitā |
śatarūpā śatāvartā vitatā rāsamodinī || 138||
sūryendunetrā pradyumnajananī suṣṭhumāyinī |
sūryāntarasthitā caiva satpratiṣṭhatavigrahā || 139||
nivṛttā procyate jñānapāragā parvatātmajā |
kātyāyanī caṇḍikā ca caṇḍī haimavatī tathā || 140||
dākṣāyaṇī satī caiva bhavānī sarvamaṅgalā |
dhūmralocanahantrī ca caṇḍamuṇḍavināśinī || 141||
yoganidrā yogabhadrā samudratanayā tathā |
devapriyaṅkarī śuddhā bhaktabhaktipravardhinī || 142||
triṇetrā candramukuṭā pramathārcitapādukā |
arjunābhīṣṭadātrī ca pāṇḍavapriyakāriṇī || 143||
kumāralālanāsaktā harabāhūpadhānikā |
vighneśajananī bhaktavighnastomaprahāriṇī || 144||
susmitendumukhī namyā jayāpriyasakhī tathā |
anādinidhanā preṣṭhā citramālyānulepanā || 145||
koṭicandrapratīkāśā kūṭajālapramāthinī |
kṛtyāprahāriṇī caiva māraṇoccāṭanī tathā || 146||
surāsurapravandyāṅghrirmohaghnī jñānadāyinī |
ṣaḍvairinigrahakarī vairividrāviṇī tathā || 147||
bhūtasevyā bhūtadātrī bhūtapīḍāvimardikā |
nāradastutacāritrā varadeśā varapradā || 148||
vāmadevastutā caiva kāmadā somaśekharā |
dikpālasevitā bhavyā bhāminī bhāvadāyinī || 149||
strīsaubhāgyapradātrī ca bhogadā roganāśinī |
vyomagā bhūmigā caiva munipūjyapadāmbujā |
vanadurgā ca durbodhā mahādurgā prakīrtitā || 150||
phalaśrutiḥ
itīdaṃ kīrtidaṃ bhadra durgānāmasahasrakam |
trisandhyaṃ yaḥ paṭhennityaṃ tasya lakṣmīḥ sthirā bhavet || 1||
grahabhūtapiśācādipīḍā naśyatyasaṃśayam |
bālagrahādipīḍāyāḥ śāntirbhavati kīrtanāt || 2||
mārikādimahāroge paṭhatāṃ saukhyadaṃ nṛṇām |
vyavahāre ca jayadaṃ śatrubādhānivārakam || 3||
dampatyoḥ kalahe prāpte mithaḥ premābhivardhakam |
āyurārogyadaṃ puṃsāṃ sarvasampatpradāyakam || 4||
vidyābhivardhakaṃ nityaṃ paṭhatāmarthasādhakam |
śubhadaṃ śubhakāryeṣu paṭhatāṃ śṛṇutāmapi || 5||
yaḥ pūjayati durgāṃ tāṃ durgānāmasahasrakaiḥ |
puṣpaiḥ kuṅkumasammiśraiḥ sa tu yatkāṅkṣate hṛdi || 6||
tatsarvaṃ samavāpnoti nāsti nāstyatra saṃśayaḥ |
yanmukhe dhriyate nityaṃ durgānāmasahasrakam || 7||
kiṃ tasyetaramantraughaiḥ kāryaṃ dhanyatamasya hi |
durgānāmasahasrasya pustakaṃ yadgṛhe bhavet || 8||
na tatra grahabhūtādibādhā syānmaṅgalāspade |
tadgṛhaṃ puṇyadaṃ kṣetraṃ devīsānnidhyakārakam || 9||
etasya stotramukhyasya pāṭhakaḥ śreṣṭhamantravit |
devatāyāḥ prasādena sarvapūjyaḥ sukhī bhavet || 10||
ityetannagarājena kīrtitaṃ munisattama |
guhyādguhyataraṃ stotraṃ tvayi snehāt prakīrtitam || 11||
bhaktāya śraddhadhānāya kevalaṃ kīrtyatāmidam |
hṛdi dhāraya nityaṃ tvaṃ devyanugrahasādhakam || 12|| ||
iti śrīskāndapurāṇe skandanāradasaṃvāde durgāsahasranāmastotraṃ sampūrṇam ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.