𑌮𑌙𑍍𑌗𑌲𑌶𑍍𑌲𑍋𑌕𑌾𑌃
𑌮𑌙𑍍𑌗𑌲𑌂 𑌭𑌗𑌵𑌾𑌨𑍍𑌵𑌿𑌷𑍍𑌣𑍁𑌰𑍍𑌮𑌙𑍍𑌗𑌲𑌂 𑌮𑌧𑍁𑌸𑍂𑌦𑌨𑌃 ।
1
𑌮𑌙𑍍𑌗𑌲𑌂 𑌪𑍁𑌣𑍍𑌡𑌰𑍀𑌕𑌾𑌕𑍍𑌷𑍋 𑌮𑌙𑍍𑌗𑌲𑌂 𑌗𑌰𑍁𑌡𑌧𑍍𑌵𑌜𑌃 ॥ 1
𑌮𑌙𑍍𑌗𑌲𑌂 𑌕𑍋𑌸𑌲𑍇𑌨𑍍𑌦𑍍𑌰𑌾𑌯 𑌮𑌹𑌨𑍀𑌯𑌗𑍁𑌣𑌾𑌬𑍍𑌧𑌯𑍇 ।
2
𑌚𑌕𑍍𑌰𑌵𑌰𑍍𑌤𑌿𑌤𑌨𑍂𑌜𑌾𑌯 𑌸𑌾𑌰𑍍𑌵𑌭𑍗𑌮𑌾𑌯 𑌮𑌙𑍍𑌗𑌲𑌮𑍍 ॥ 2
𑌵𑍇𑌦𑌵𑍇𑌦𑌾𑌨𑍍𑌤𑌵𑍇𑌦𑍍𑌯𑌾𑌯 𑌮𑍇𑌘𑌶𑍍𑌯𑌾𑌮𑌲𑌮𑍂𑌰𑍍𑌤𑌯𑍇 ।
3
𑌪𑍁𑌂𑌸𑌾𑌂 𑌮𑍋𑌹𑌨𑌰𑍂𑌪𑌾𑌯 𑌪𑍁𑌣𑍍𑌯𑌶𑍍𑌲𑍋𑌕𑌾𑌯 𑌮𑌙𑍍𑌗𑌲𑌮𑍍 ॥ 3
𑌵𑌿𑌶𑍍𑌵𑌾𑌮𑌿𑌤𑍍𑌰𑌾𑌨𑍍𑌤𑌰𑌙𑍍𑌗𑌾𑌯 𑌮𑌿𑌥𑌿𑌲𑌾𑌨𑌗𑌰𑍀𑌪𑌤𑍇𑌃 ।
4
𑌭𑌾𑌗𑍍𑌯𑌾𑌨𑌾𑌂 𑌪𑌰𑌿𑌪𑌾𑌕𑌾𑌯 𑌭𑌵𑍍𑌯𑌰𑍂𑌪𑌾𑌯 𑌮𑌙𑍍𑌗𑌲𑌮𑍍 ॥ 4
𑌪𑌿𑌤𑍃𑌭𑌕𑍍𑌤𑌾𑌯 𑌸𑌤𑌤𑌂 𑌭𑍍𑌰𑌾𑌤𑍃𑌭𑌿𑌃 𑌸𑌹 𑌸𑍀𑌤𑌯𑌾 ।
5
𑌨𑌨𑍍𑌦𑌿𑌤𑌾𑌖𑌿𑌲𑌲𑍋𑌕𑌾𑌯 𑌰𑌾𑌮𑌚𑌨𑍍𑌦𑍍𑌰𑌾𑌯 𑌮𑌙𑍍𑌗𑌲𑌮𑍍 ॥ 5
𑌤𑍍𑌯𑌕𑍍𑌤𑌸𑌾𑌕𑍇𑌤𑌵𑌾𑌸𑌾𑌯 𑌚𑌿𑌤𑍍𑌰𑌕𑍂𑌟𑌵𑌿𑌹𑌾𑌰𑌿𑌣𑍇 ।
6
𑌸𑍇𑌵𑍍𑌯𑌾𑌯 𑌸𑌰𑍍𑌵𑌯𑌮𑌿𑌨𑌾𑌂 𑌧𑍀𑌰𑍋𑌦𑌾𑌤𑍍𑌤𑌾𑌯 𑌮𑌙𑍍𑌗𑌲𑌮𑍍 ॥ 6
𑌸𑍗𑌮𑌿𑌤𑍍𑌰𑌿𑌣𑌾 𑌚 𑌜𑌾𑌨𑌕𑍍𑌯𑌾 𑌚𑌾𑌪𑌬𑌾𑌣𑌾𑌸𑌿𑌧𑌾𑌰𑌿𑌣𑌾 ।
7
𑌸𑌂𑌸𑍇𑌵𑍍𑌯𑌾𑌯 𑌸𑌦𑌾 𑌭𑌕𑍍𑌤𑍍𑌯𑌾 𑌸𑌾𑌨𑍁𑌜𑌾𑌯𑌾𑌸𑍍𑌤𑍁 𑌮𑌙𑍍𑌗𑌲𑌮𑍍 ॥ 7
𑌦𑌣𑍍𑌡𑌕𑌾𑌰𑌣𑍍𑌯𑌵𑌾𑌸𑌾𑌯 𑌖𑌣𑍍𑌡𑌿𑌤𑌾𑌮𑌰𑌶𑌤𑍍𑌰𑌵𑍇 ।
8
𑌗𑍃𑌧𑍍𑌰𑌰𑌾𑌜𑌾𑌯 𑌭𑌕𑍍𑌤𑌾𑌯 𑌮𑍁𑌕𑍍𑌤𑌿𑌦𑌾𑌯𑌾𑌸𑍍𑌤𑍁 𑌮𑌙𑍍𑌗𑌲𑌮𑍍 ॥ 8
𑌸𑌾𑌦𑌰𑌂 𑌶𑌬𑌰𑍀𑌦𑌤𑍍𑌤𑌫𑌲𑌮𑍂𑌲𑌾𑌭𑌿𑌲𑌾𑌷𑌿𑌣𑍇 ।
9
𑌸𑍗𑌲𑌭𑍍𑌯𑌪𑌰𑌿𑌪𑍂𑌰𑍍𑌣𑌾𑌯 𑌸𑌤𑍍𑌤𑍍𑌵𑍋𑌦𑍍𑌯𑍁𑌕𑍍𑌤𑌾𑌯 𑌮𑌙𑍍𑌗𑌲𑌮𑍍 ॥ 9
𑌹𑌨𑍂𑌮𑌤𑍍𑌸𑌮𑌵𑍇𑌤𑌾𑌯 𑌹𑌰𑍀𑌶𑌾𑌭𑍀𑌷𑍍𑌟𑌦𑌾𑌯𑌿𑌨𑍇 ।
10
𑌵𑌾𑌲𑌿𑌪𑍍𑌰𑌮𑌥𑌨𑌾𑌯𑌾𑌸𑍍𑌤𑍁 𑌮𑌹𑌾𑌧𑍀𑌰𑌾𑌯 𑌮𑌙𑍍𑌗𑌲𑌮𑍍 ॥ 10
𑌶𑍍𑌰𑍀𑌮𑌤𑍇 𑌰𑌘𑍁𑌵𑍀𑌰𑌾𑌯 𑌸𑍇𑌤𑍁𑌲𑌙𑍍𑌘𑌿𑌤𑌸𑌿𑌨𑍍𑌧𑌵𑍇 ।
11
𑌜𑌿𑌤𑌰𑌾𑌕𑍍𑌷𑌸𑌰𑌾𑌜𑌾𑌯 𑌰𑌣𑌧𑍀𑌰𑌾𑌯 𑌮𑌙𑍍𑌗𑌲𑌮𑍍 ॥ 11
𑌆𑌸𑌾𑌦𑍍𑌯 𑌨𑌗𑌰𑍀𑌂 𑌦𑌿𑌵𑍍𑌯𑌾𑌮𑌭𑌿𑌷𑌿𑌕𑍍𑌤𑌾𑌯 𑌸𑍀𑌤𑌯𑌾 ।
12
𑌰𑌾𑌜𑌾𑌧𑌿𑌰𑌾𑌜𑌰𑌾𑌜𑌾𑌯 𑌰𑌾𑌮𑌭𑌦𑍍𑌰𑌾𑌯 𑌮𑌙𑍍𑌗𑌲𑌮𑍍 ॥ 12
𑌵𑌿𑌭𑍀𑌷𑌣𑌕𑍃𑌤𑍇 𑌪𑍍𑌰𑍀𑌤𑍍𑌯𑌾 𑌵𑌿𑌶𑍍𑌵𑌾𑌭𑍀𑌷𑍍𑌟𑌪𑍍𑌰𑌦𑌾𑌯𑌿𑌨𑍇 ।
13
𑌜𑌾𑌨𑌕𑍀𑌪𑍍𑌰𑌾𑌣𑌨𑌾𑌥𑌾𑌯 𑌸𑌦𑌾 𑌰𑌾𑌮𑌾𑌯 𑌮𑌙𑍍𑌗𑌲𑌮𑍍 ॥ 13
—-
𑌶𑍍𑌰𑍀𑌰𑌾𑌮𑌂 𑌤𑍍𑌰𑌿𑌜𑌗𑌦𑍍𑌗𑍁𑌰𑍁𑌂 𑌸𑍁𑌰𑌵𑌰𑌂 𑌸𑍀𑌤𑌾𑌮𑌨𑍋𑌨𑌾𑌯𑌕𑌂
𑌶𑍍𑌯𑌾𑌮𑌾𑌙𑍍𑌗𑌂 𑌶𑌶𑌿𑌕𑍋𑌟𑌿𑌪𑍂𑌰𑍍𑌣𑌵𑌦𑌨𑌂 𑌚𑌞𑍍𑌚𑌤𑍍𑌕𑌲𑌾𑌕𑍗𑌸𑍍𑌤𑍁𑌭𑌮𑍍 ।
𑌸𑍗𑌮𑍍𑌯𑌂 𑌸𑌤𑍍𑌯𑌗𑍁𑌣𑍋𑌤𑍍𑌤𑌮𑌂 𑌸𑍁𑌸𑌰𑌯𑍂𑌤𑍀𑌰𑍇 𑌵𑌸𑌨𑍍𑌤𑌂 𑌪𑍍𑌰𑌭𑍁𑌂
14
𑌤𑍍𑌰𑌾𑌤𑌾𑌰𑌂 𑌸𑌕𑌲𑌾𑌰𑍍𑌥𑌸𑌿𑌦𑍍𑌧𑌿𑌸𑌹𑌿𑌤𑌂 𑌵𑌨𑍍𑌦𑍇 𑌰𑌘𑍂𑌣𑌾𑌂 𑌪𑌤𑌿𑌮𑍍 ॥ 14
𑌶𑍍𑌰𑍀𑌰𑌾𑌘𑌵𑌂 𑌦𑌶𑌰𑌥𑌾𑌤𑍍𑌮𑌜𑌮𑌪𑍍𑌰𑌮𑍇𑌯𑌂
𑌸𑍀𑌤𑌾𑌪𑌤𑌿𑌂 𑌰𑌘𑍁𑌵𑌰𑌾𑌨𑍍𑌵𑌯𑌰𑌤𑍍𑌨𑌦𑍀𑌪𑌮𑍍 ।
𑌆𑌜𑌾𑌨𑍁𑌬𑌾𑌹𑍁𑌮𑌰𑌵𑌿𑌨𑍍𑌦𑌦𑌲𑌾𑌯𑌤𑌾𑌕𑍍𑌷𑌂
15
𑌰𑌾𑌮𑌂 𑌨𑌿𑌶𑌾𑌚𑌰𑌵𑌿𑌨𑌾𑌶𑌕𑌰𑌂 𑌨𑌮𑌾𑌮𑌿 ॥ 15
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰 𑌕𑌰𑍁𑌣𑌾𑌕𑌰 𑌰𑌾𑌘𑌵𑍇𑌨𑍍𑌦𑍍𑌰
𑌰𑌾𑌜𑍇𑌨𑍍𑌦𑍍𑌰𑌚𑌨𑍍𑌦𑍍𑌰 𑌰𑌘𑍁𑌵𑌂𑌶𑌸𑌮𑍁𑌦𑍍𑌰𑌚𑌨𑍍𑌦𑍍𑌰 ।
𑌸𑍁𑌗𑍍𑌰𑍀𑌵𑌨𑍇𑌤𑍍𑌰𑌯𑍁𑌗𑌲𑍋𑌤𑍍𑌪𑌲-𑌪𑍂𑌰𑍍𑌣𑌚𑌨𑍍𑌦𑍍𑌰
16
𑌸𑍀𑌤𑌾𑌮𑌨𑌃𑌕𑍁𑌮𑍁𑌦𑌚𑌨𑍍𑌦𑍍𑌰 𑌨𑌮𑍋 𑌨𑌮𑌸𑍍𑌤𑍇 ॥ 16
𑌸𑍀𑌤𑌾𑌮𑌨𑍋𑌮𑌾𑌨𑌸𑌰𑌾𑌜𑌹𑌂𑌸
𑌸𑌂𑌸𑌾𑌰𑌸𑌨𑍍𑌤𑌾𑌪𑌹𑌰 𑌕𑍍𑌷𑌮𑌾𑌵𑌨𑍍 ।
𑌶𑍍𑌰𑍀𑌰𑌾𑌮 𑌦𑍈𑌤𑍍𑌯𑌾𑌨𑍍𑌤𑌕 𑌶𑌾𑌨𑍍𑌤𑌰𑍂𑌪
17
𑌶𑍍𑌰𑍀𑌤𑌾𑌰𑌕𑌬𑍍𑌰𑌹𑍍𑌮 𑌨𑌮𑍋 𑌨𑌮𑌸𑍍𑌤𑍇 ॥ 17
𑌵𑌿𑌷𑍍𑌣𑍋 𑌰𑌾𑌘𑌵 𑌵𑌾𑌸𑍁𑌦𑍇𑌵 𑌨𑍃𑌹𑌰𑍇 𑌦𑍇𑌵𑍗𑌘𑌚𑍂𑌡𑌾𑌮𑌣𑍇 ।
18
𑌸𑌂𑌸𑌾𑌰𑌾𑌰𑍍𑌣𑌵𑌕𑌰𑍍𑌣𑌧𑌾𑌰𑌕 𑌹𑌰𑍇 𑌕𑍃𑌷𑍍𑌣𑌾𑌯 𑌤𑍁𑌭𑍍𑌯𑌂 𑌨𑌮𑌃 ॥ 18
𑌸𑍁𑌗𑍍𑌰𑍀𑌵𑌾𑌦𑌿𑌸𑌮𑌸𑍍𑌤𑌵𑌾𑌨𑌰𑌵𑌰𑍈𑌸𑍍𑌸𑌂𑌸𑍇𑌵𑍍𑌯𑌮𑌾𑌨𑌂 𑌸𑌦𑌾 ।
19
𑌵𑌿𑌶𑍍𑌵𑌾𑌮𑌿𑌤𑍍𑌰𑌪𑌰𑌾𑌶𑌰𑌾𑌦𑌿𑌮𑍁𑌨𑌿𑌭𑌿𑌸𑍍𑌸𑌂𑌸𑍍𑌤𑍂𑌯𑌮𑌾𑌨𑌂 𑌭𑌜𑍇 ॥ 19
𑌰𑌾𑌮𑌂 𑌚𑌨𑍍𑌦𑌨𑌶𑍀𑌤𑌲𑌂 𑌕𑍍𑌷𑌿𑌤𑌿𑌸𑍁𑌤𑌾𑌮𑍋𑌹𑌾𑌕𑌰𑌂 𑌶𑍍𑌰𑍀𑌕𑌰𑌂
𑌵𑍈𑌦𑍇𑌹𑍀𑌨𑌯𑌨𑌾𑌰𑌵𑌿𑌨𑍍𑌦𑌮𑌿𑌹𑌿𑌰𑌂 𑌸𑌮𑍍𑌪𑍂𑌰𑍍𑌣𑌚𑌨𑍍𑌦𑍍𑌰𑌾𑌨𑌨𑌮𑍍 ।
𑌰𑌾𑌜𑌾𑌨𑌂 𑌕𑌰𑍁𑌣𑌾𑌸𑌮𑍇𑌤𑌨𑌯𑌨𑌂 𑌸𑍀𑌤𑌾𑌮𑌨𑍋𑌨𑌨𑍍𑌦𑌨𑌂
20
𑌸𑍀𑌤𑌾𑌦𑌰𑍍𑌪𑌣𑌚𑌾𑌰𑍁𑌗𑌣𑍍𑌡𑌲𑌲𑌿𑌤𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 20
𑌜𑌾𑌨𑌾𑌤𑌿 𑌰𑌾𑌮 𑌤𑌵 𑌨𑌾𑌮𑌰𑍁𑌚𑌿𑌂 𑌮𑌹𑍇𑌶𑍋
𑌜𑌾𑌨𑌾𑌤𑌿 𑌗𑍗𑌤𑌮𑌸𑌤𑍀 𑌚𑌰𑌣𑌪𑍍𑌰𑌭𑌾𑌵𑌮𑍍 ।
𑌜𑌾𑌨𑌾𑌤𑌿 𑌦𑍋𑌰𑍍𑌬𑌲𑌪𑌰𑌾𑌕𑍍𑌰𑌮𑌮𑍀𑌶𑌚𑌾𑌪𑍋
21
𑌜𑌾𑌨𑌾𑌤𑍍𑌯𑌮𑍋𑌘𑌪𑌟𑍁𑌬𑌾𑌣𑌗𑌤𑌿𑌂 𑌪𑌯𑍋𑌧𑌿𑌃 ॥ 21
𑌮𑌾𑌤𑌾 𑌰𑌾𑌮𑍋 𑌮𑌤𑍍𑌪𑌿𑌤𑌾 𑌰𑌾𑌮𑌚𑌨𑍍𑌦𑍍𑌰𑍋
𑌭𑍍𑌰𑌾𑌤𑌾 𑌰𑌾𑌮𑍋 𑌮𑌤𑍍𑌸𑌖𑌾 𑌰𑌾𑌘𑌵𑍇𑌶𑌃 ।
𑌸𑌰𑍍𑌵𑌸𑍍𑌵𑌂 𑌮𑍇 𑌰𑌾𑌮𑌚𑌨𑍍𑌦𑍍𑌰𑍋 𑌦𑌾𑌯𑌾𑌲𑍁-
22
𑌰𑍍𑌨𑌾𑌨𑍍𑌯𑌂 𑌦𑍈𑌵𑌂 𑌨𑍈𑌵 𑌜𑌾𑌨𑍇 𑌨 𑌜𑌾𑌨𑍇 ॥ 22
𑌵𑌿𑌮𑌲𑌕𑌮𑌲𑌨𑍇𑌤𑍍𑌰𑌂 𑌵𑌿𑌸𑍍𑌫𑍁𑌰𑌨𑍍𑌨𑍀𑌲𑌗𑌾𑌤𑍍𑌰𑌂
𑌤𑌪𑌨𑌕𑍁𑌲𑌪𑌵𑌿𑌤𑍍𑌰𑌂 𑌦𑌾𑌨𑌵𑌧𑍍𑌵𑌨𑍍𑌤𑌮𑌿𑌤𑍍𑌰𑌮𑍍 ।
𑌭𑍁𑌵𑌨𑌶𑍁𑌭𑌚𑌰𑌿𑌤𑍍𑌰𑌂 𑌭𑍂𑌮𑌿𑌪𑍁𑌤𑍍𑌰𑍀𑌕𑌲𑌤𑍍𑌰𑌂
23
𑌦𑌶𑌰𑌥𑌵𑌰𑌪𑍁𑌤𑍍𑌰𑌂 𑌨𑍗𑌮𑌿 𑌰𑌾𑌮𑌾𑌖𑍍𑌯𑌮𑌿𑌤𑍍𑌰𑌮𑍍 ॥ 23
𑌮𑌾𑌰𑍍𑌗𑍇 𑌮𑌾𑌰𑍍𑌗𑍇 𑌶𑌾𑌖𑌿𑌨𑌾𑌂 𑌰𑌤𑍍𑌨𑌵𑍇𑌦𑍀
𑌵𑍇𑌦𑍍𑌯𑌾𑌂 𑌵𑍇𑌦𑍍𑌯𑌾𑌂 𑌕𑌿𑌨𑍍𑌨𑌰𑍀𑌬𑍃𑌨𑍍𑌦𑌗𑍀𑌤𑌮𑍍 ।
𑌗𑍀𑌤𑍇 𑌗𑍀𑌤𑍇 𑌮𑌞𑍍𑌜𑍁𑌲𑌾𑌲𑌾𑌪𑌗𑍋𑌷𑍍𑌠𑍀
24
𑌗𑍋𑌷𑍍𑌠𑍍𑌯𑌾𑌂 𑌗𑍋𑌷𑍍𑌠𑍍𑌯𑌾𑌂 𑌤𑍍𑌵𑌤𑍍𑌕𑌥𑌾 𑌰𑌾𑌮𑌚𑌨𑍍𑌦𑍍𑌰 ॥ 24
𑌵𑍃𑌕𑍍𑌷𑍇 𑌵𑍃𑌕𑍍𑌷𑍇 𑌵𑍀𑌕𑍍𑌷𑌿𑌤𑌾𑌃 𑌪𑌕𑍍𑌷𑌿𑌸𑌙𑍍𑌘𑌾𑌃
𑌸𑌙𑍍𑌘𑍇 𑌸𑌙𑍍𑌘𑍇 𑌮𑌞𑍍𑌜𑍁𑌲𑌾𑌮𑍋𑌦𑌵𑌾𑌕𑍍𑌯𑌮𑍍 ।
𑌵𑌾𑌕𑍍𑌯𑍇 𑌵𑌾𑌕𑍍𑌯𑍇 𑌮𑌞𑍍𑌜𑍁𑌲𑌾𑌲𑌾𑌪𑌗𑍋𑌷𑍍𑌠𑍀
25
𑌗𑍋𑌷𑍍𑌠𑍍𑌯𑌾𑌂 𑌗𑍋𑌷𑍍𑌠𑍍𑌯𑌾𑌂 𑌤𑍍𑌵𑌤𑍍𑌕𑌥𑌾 𑌰𑌾𑌮𑌚𑌨𑍍𑌦𑍍𑌰 ॥ 25
𑌦𑍁𑌰𑌿𑌤𑌤𑌿𑌮𑌿𑌰𑌚𑌨𑍍𑌦𑍍𑌰𑍋 𑌦𑍁𑌷𑍍𑌟𑌕𑌞𑍍𑌜𑌾𑌤𑌚𑌨𑍍𑌦𑍍𑌰𑌃
𑌸𑍁𑌰𑌕𑍁𑌵𑌲𑌯𑌚𑌨𑍍𑌦𑍍𑌰𑌸𑍍𑌸𑍂𑌰𑍍𑌯𑌵𑌂𑌶𑌾𑌬𑍍𑌧𑌿𑌚𑌨𑍍𑌦𑍍𑌰𑌃 ।
𑌸𑍍𑌵𑌜𑌨𑌨𑌿𑌵𑌹𑌚𑌨𑍍𑌦𑍍𑌰𑌶𑍍𑌶𑌤𑍍𑌰𑍁𑌰𑌾𑌜𑍀𑌵𑌚𑌨𑍍𑌦𑍍𑌰𑌃
26
𑌪𑍍𑌰𑌣𑌤𑌕𑍁𑌮𑍁𑌦𑌚𑌨𑍍𑌦𑍍𑌰𑌃 𑌪𑌾𑌤𑍁 𑌮𑌾𑌂 𑌰𑌾𑌮𑌚𑌨𑍍𑌦𑍍𑌰𑌃 ॥ 26
𑌕𑌲𑍍𑌯𑌾𑌣𑌦𑌂 𑌕𑍗𑌶𑌿𑌕𑌯𑌜𑍍𑌞𑌪𑌾𑌲𑌂
𑌕𑌲𑌾𑌨𑌿𑌧𑌿𑌂 𑌕𑌾𑌞𑍍𑌚𑌨𑌶𑍈𑌲𑌧𑍀𑌰𑌮𑍍 ।
𑌕𑌞𑍍𑌜𑌾𑌤𑌨𑍇𑌤𑍍𑌰𑌂 𑌕𑌰𑍁𑌣𑌾𑌸𑌮𑍁𑌦𑍍𑌰𑌂
27
𑌕𑌾𑌕𑍁𑌤𑍍𑌸𑍍𑌥𑌰𑌾𑌮𑌂 𑌕𑌲𑌯𑌾𑌮𑌿 𑌚𑌿𑌤𑍍𑌤𑍇 ॥ 27
𑌰𑌾𑌜𑍀𑌵𑌾𑌯𑌤𑌲𑍋𑌚𑌨𑌂 𑌰𑌘𑍁𑌵𑌰𑌂 𑌨𑍀𑌲𑍋𑌤𑍍𑌪𑌲𑌶𑍍𑌯𑌾𑌮𑌲𑌂
𑌮𑌨𑍍𑌦𑌾𑌰𑌾𑌞𑍍𑌚𑌿𑌤𑌮𑌣𑍍𑌡𑌪𑍇 𑌸𑍁𑌲𑌲𑌿𑌤𑍇 𑌸𑍗𑌵𑌰𑍍𑌣𑌕𑍇 𑌪𑍁𑌷𑍍𑌪𑌕𑍇 ।
𑌆𑌸𑍍𑌥𑌾𑌨𑍇 𑌨𑌵𑌰𑌤𑍍𑌨𑌰𑌾𑌜𑌿𑌖𑌚𑌿𑌤𑍇 𑌸𑌿𑌂𑌹𑌾𑌸𑌨𑍇 𑌸𑌂𑌸𑍍𑌥𑌿𑌤𑌂
28
𑌸𑍀𑌤𑌾𑌲𑌕𑍍𑌷𑍍𑌮𑌣𑌲𑍋𑌕𑌪𑌾𑌲𑌸𑌹𑌿𑌤𑌂 𑌵𑌨𑍍𑌦𑍇 𑌮𑍁𑌨𑍀𑌨𑍍𑌦𑍍𑌰𑌾𑌸𑍍𑌪𑌦𑌮𑍍 ॥ 28
𑌧𑍍𑌯𑌾𑌯𑍇 𑌰𑌾𑌮𑌂 𑌸𑍁𑌧𑌾𑌂𑌶𑍁𑌂 𑌨𑌤𑌸𑌕𑌲𑌭𑌵𑌾𑌰𑌣𑍍𑌯𑌤𑌾𑌪𑌪𑍍𑌰𑌹𑌾𑌰𑌮𑍍 ।
𑌶𑍍𑌯𑌾𑌮𑌂 𑌶𑌾𑌨𑍍𑌤𑌂 𑌸𑍁𑌰𑍇𑌨𑍍𑌦𑍍𑌰𑌂 𑌸𑍁𑌰𑌮𑍁𑌨𑌿𑌵𑌿𑌨𑍁𑌤𑌂 𑌕𑍋𑌟𑌿𑌸𑍂𑌰𑍍𑌯𑌪𑍍𑌰𑌕𑌾𑌶𑌮𑍍 ।
𑌸𑍀𑌤𑌾𑌸𑍗𑌮𑌿𑌤𑍍𑌰𑌿𑌸𑍇𑌵𑍍𑌯𑌂 𑌸𑍁𑌰𑌨𑌰𑌸𑍁𑌗𑌮𑌂 𑌦𑌿𑌵𑍍𑌯𑌸𑌿𑌂𑌹𑌾𑌸𑌨𑌸𑍍𑌥𑌮𑍍 ।
29
𑌸𑌾𑌯𑌾𑌹𑍍𑌨𑍇 𑌰𑌾𑌮𑌚𑌨𑍍𑌦𑍍𑌰𑌂 𑌸𑍍𑌮𑌿𑌤𑌰𑍁𑌚𑌿𑌰𑌮𑍁𑌖𑌂 𑌸𑌰𑍍𑌵𑌦𑌾 𑌮𑍇 𑌪𑍍𑌰𑌸𑌨𑍍𑌨𑌮𑍍 ॥ 29
𑌇𑌨𑍍𑌦𑍍𑌰𑌨𑍀𑌲𑌮𑌣𑌿𑌸𑌨𑍍𑌨𑌿𑌭𑌦𑍇𑌹𑌂
𑌵𑌨𑍍𑌦𑌨𑍀𑌯𑌮𑌸𑌕𑍃𑌨𑍍𑌮𑍁𑌨𑌿𑌬𑍃𑌨𑍍𑌦𑍈𑌃 ।
𑌲𑌮𑍍𑌬𑌮𑌾𑌨𑌤𑍁𑌲𑌸𑍀𑌵𑌨𑌮𑌾𑌲𑌂
30
𑌚𑌿𑌨𑍍𑌤𑌯𑌾𑌮𑌿 𑌸𑌤𑌤𑌂 𑌰𑌘𑍁𑌵𑍀𑌰𑌮𑍍 ॥ 30
𑌸𑌮𑍍𑌪𑍂𑌰𑍍𑌣𑌚𑌨𑍍𑌦𑍍𑌰𑌵𑌦𑌨𑌂 𑌸𑌰𑌸𑍀𑌰𑍁𑌹𑌾𑌕𑍍𑌷𑌂
𑌮𑌾𑌣𑌿𑌕𑍍𑌯𑌕𑍁𑌣𑍍𑌡𑌲𑌧𑌰𑌂 𑌮𑍁𑌕𑍁𑌟𑌾𑌭𑌿𑌰𑌾𑌮𑌮𑍍 ।
𑌚𑌾𑌮𑍍𑌪𑍇𑌯𑌗𑍗𑌰𑌵𑌸𑌨𑌂 𑌶𑌰𑌚𑌾𑌪𑌹𑌸𑍍𑌤𑌂
31
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌮𑌨𑌿𑌶𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 31
𑌮𑌾𑌤𑍁𑌃 𑌪𑌾𑌰𑍍𑌶𑍍𑌵𑍇 𑌚𑌰𑌨𑍍𑌤𑌂 𑌮𑌣𑌿𑌮𑌯𑌶𑌯𑌨𑍇 𑌮𑌞𑍍𑌜𑍁𑌭𑍂𑌷𑌾𑌞𑍍𑌚𑌿𑌤𑌾𑌙𑍍𑌗𑌮𑍍 ।
𑌮𑌨𑍍𑌦𑌂 𑌮𑌨𑍍𑌦𑌂 𑌪𑌿𑌬𑌨𑍍𑌤𑌂 𑌮𑍁𑌕𑍁𑌲𑌿𑌤𑌨𑌯𑌨𑌂 𑌸𑍍𑌤𑌨𑍍𑌯𑌮𑌨𑍍𑌯𑌸𑍍𑌤𑌨𑌾𑌗𑍍𑌰𑌮𑍍 ।
𑌅𑌙𑍍𑌗𑍁𑌲𑍍𑌯𑌾𑌗𑍍𑌰𑍈𑌃 𑌸𑍍𑌪𑍃𑌶𑌨𑍍𑌤𑌂 𑌸𑍁𑌖𑌪𑌰𑌵𑌶𑌯𑌾 𑌸𑌸𑍍𑌮𑌿𑌤𑌾𑌲𑌿𑌙𑍍𑌗𑌿𑌤𑌾𑌙𑍍𑌗𑌮𑍍 ।
32
𑌗𑌾𑌢𑌂 𑌗𑌾𑌢𑌂 𑌜𑌨𑌨𑍍𑌯𑌾 𑌕𑌲𑌯𑌤𑍁 𑌹𑍃𑌦𑌯𑌂 𑌮𑌾𑌮𑌕𑌂 𑌰𑌾𑌮𑌬𑌾𑌲𑌮𑍍 ॥ 32
𑌰𑌾𑌮𑌾𑌭𑌿𑌰𑌾𑌮𑌂 𑌨𑌯𑌨𑌾𑌭𑌿𑌰𑌾𑌮𑌂
𑌵𑌾𑌚𑌾𑌭𑌿𑌰𑌾𑌮𑌂 𑌵𑌦𑌨𑌾𑌭𑌿𑌰𑌾𑌮𑌮𑍍 ।
𑌸𑌰𑍍𑌵𑌾𑌭𑌿𑌰𑌾𑌮𑌂 𑌚 𑌸𑌦𑌾𑌭𑌿𑌰𑌾𑌮𑌂
33
𑌵𑌨𑍍𑌦𑍇 𑌸𑌦𑌾 𑌦𑌾𑌶𑌰𑌥𑌿𑌂 𑌚 𑌰𑌾𑌮𑌮𑍍 ॥ 33
𑌰𑌾𑌶𑌬𑍍𑌦𑍋𑌚𑍍𑌚𑌾𑌰𑌮𑌾𑌤𑍍𑌰𑍇𑌣 𑌮𑍁𑌖𑌾𑌨𑍍𑌨𑌿𑌰𑍍𑌯𑌾𑌤𑌿 𑌪𑌾𑌤𑌕𑌾𑌃 ।
34
𑌪𑍁𑌨𑌃 𑌪𑍍𑌰𑌵𑍇𑌶𑌭𑍀𑌤𑍍𑌯𑌾 𑌚 𑌮𑌕𑌾𑌰𑌸𑍍𑌤𑍁 𑌕𑌵𑌾𑌟𑌵𑌤𑍍 ॥ 34
𑌅𑌨𑌰𑍍𑌘𑌮𑌾𑌣𑌿𑌕𑍍𑌯𑌵𑌿𑌰𑌾𑌜𑌮𑌾𑌨-
𑌶𑍍𑌰𑍀𑌪𑌾𑌦𑍁𑌕𑌾𑌲𑌙𑍍𑌕𑍃𑌤𑌶𑍋𑌭𑌨𑌾𑌭𑍍𑌯𑌾𑌮𑍍 ।
𑌅𑌶𑍇𑌷𑌬𑍃𑌨𑍍𑌦𑌾𑌰𑌕𑌵𑌨𑍍𑌦𑌿𑌤𑌾𑌭𑍍𑌯𑌾𑌂
35
𑌨𑌮𑍋 𑌨𑌮𑍋 𑌰𑌾𑌮𑌪𑌦𑌾𑌮𑍍𑌬𑍁𑌜𑌾𑌭𑍍𑌯𑌾𑌮𑍍 ॥ 35
𑌚𑌲𑌤𑍍𑌕𑌨𑌕𑌕𑍁𑌣𑍍𑌡𑌲𑍋𑌲𑍍𑌲𑌸𑌿𑌤𑌦𑌿𑌵𑍍𑌯𑌗𑌣𑍍𑌡𑌸𑍍𑌥𑌲𑌂
𑌚𑌰𑌾𑌚𑌰𑌜𑌗𑌨𑍍𑌮𑌯𑌂 𑌚𑌰𑌣𑌪𑌦𑍍𑌮𑌗𑌙𑍍𑌗𑌾𑌶𑍍𑌰𑌯𑌮𑍍 ।
𑌚𑌤𑍁𑌰𑍍𑌵𑌿𑌧𑌫𑌲𑌪𑍍𑌰𑌦𑌂 𑌚𑌰𑌮𑌪𑍀𑌠𑌮𑌧𑍍𑌯𑌸𑍍𑌥𑌿𑌤𑌂
36
𑌚𑌿𑌦𑌂𑌶𑌮𑌖𑌿𑌲𑌾𑌸𑍍𑌪𑌦𑌂 𑌦𑌶𑌰𑌥𑌾𑌤𑍍𑌮𑌜𑌂 𑌚𑌿𑌨𑍍𑌤𑌯𑍇 ॥ 36
𑌸𑌨𑌨𑍍𑌦𑌨𑌮𑍁𑌨𑌿𑌪𑍍𑌰𑌿𑌯𑌂 𑌸𑌕𑌲𑌵𑌰𑍍𑌣𑌵𑍇𑌦𑌾𑌤𑍍𑌮𑌕𑌂
𑌸𑌮𑌸𑍍𑌤𑌨𑌿𑌗𑌮𑌾𑌗𑌮𑌸𑍍𑌫𑍁𑌰𑌿𑌤𑌤𑌤𑍍𑌤𑍍𑌵𑌸𑌿𑌂𑌹𑌾𑌸𑌨𑌮𑍍 ।
𑌸𑌹𑌸𑍍𑌰𑌨𑌯𑌨𑌾𑌬𑍍𑌜𑌜𑌾𑌦𑍍𑌯𑌮𑌰𑌬𑍃𑌨𑍍𑌦𑌸𑌂𑌸𑍇𑌵𑌿𑌤𑌂
37
𑌸𑌮𑌷𑍍𑌟𑌿𑌪𑍁𑌰𑌵𑌲𑍍𑌲𑌭𑌂 𑌦𑌶𑌰𑌥𑌾𑌤𑍍𑌮𑌜𑌂 𑌚𑌿𑌨𑍍𑌤𑌯𑍇 ॥ 37
𑌜𑌾𑌗𑍍𑌰𑌤𑍍𑌸𑍍𑌵𑌪𑍍𑌨𑌸𑍁𑌷𑍁𑌪𑍍𑌤𑌿-𑌕𑌾𑌲𑌵𑌿𑌲𑌸𑌤𑍍𑌤𑌤𑍍𑌤𑍍𑌵𑌾𑌤𑍍𑌮𑌚𑌿𑌨𑍍𑌮𑌾𑌤𑍍𑌰𑌕𑌂
𑌚𑍈𑌤𑌨𑍍𑌯𑌾𑌤𑍍𑌮𑌕𑌮𑌾𑌧𑌿𑌪𑌾𑌪𑌰𑌹𑌿𑌤𑌂 𑌭𑍂𑌮𑍍𑌯𑌾𑌦𑌿𑌤𑌨𑍍𑌮𑌾𑌤𑍍𑌰𑌕𑌮𑍍 ।
𑌶𑌾𑌮𑍍𑌭𑌵𑍍𑌯𑌾𑌦𑌿𑌸𑌮𑌸𑍍𑌤𑌯𑍋𑌗𑌕𑍁𑌲𑌕𑌂 𑌸𑌾𑌙𑍍𑌖𑍍𑌯𑌾𑌦𑌿𑌤𑌤𑍍𑌤𑍍𑌵𑌾𑌤𑍍𑌪𑌰𑌂
38
𑌶𑌬𑍍𑌦𑌾𑌵𑌾𑌚𑍍𑌯𑌮𑌹𑌂 𑌨𑌮𑌾𑌮𑌿 𑌸𑌤𑌤𑌂 𑌵𑍍𑌯𑍁𑌤𑍍𑌪𑌤𑍍𑌤𑌿𑌨𑌾𑌶𑌾𑌤𑍍𑌪𑌰𑌮𑍍 ॥ 38
𑌇𑌕𑍍𑌷𑍍𑌵𑌾𑌕𑍁𑌵𑌂𑌶𑌾𑌰𑍍𑌣𑌵𑌜𑌾𑌤𑌰𑌤𑍍𑌨𑌂
𑌸𑍀𑌤𑌾𑌙𑍍𑌗𑌨𑌾𑌯𑍗𑌵𑌨𑌭𑌾𑌗𑍍𑌯𑌰𑌤𑍍𑌨𑌮𑍍 ।
𑌵𑍈𑌕𑍁𑌣𑍍𑌠𑌰𑌤𑍍𑌨𑌂 𑌮𑌮 𑌭𑌾𑌗𑍍𑌯𑌰𑌤𑍍𑌨𑌂
39
𑌶𑍍𑌰𑍀𑌰𑌾𑌮𑌰𑌤𑍍𑌨𑌂 𑌶𑌿𑌰𑌸𑌾 𑌨𑌮𑌾𑌮𑌿 ॥ 39
𑌇𑌕𑍍𑌷𑍍𑌵𑌾𑌕𑍁𑌨𑌨𑍍𑌦𑌨𑌂 𑌸𑍁𑌗𑍍𑌰𑍀𑌵𑌪𑍂𑌜𑌿𑌤𑌂
𑌤𑍍𑌰𑍈𑌲𑍋𑌕𑍍𑌯𑌰𑌕𑍍𑌷𑌕𑌂 𑌸𑌤𑍍𑌯𑌸𑌨𑍍𑌧𑌂 𑌸𑌦𑌾 ।
𑌰𑌾𑌘𑌵𑌂 𑌰𑌘𑍁𑌪𑌤𑌿𑌂 𑌰𑌾𑌜𑍀𑌵𑌲𑍋𑌚𑌨𑌂
40
𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇 𑌰𑌾𑌘𑌵𑍇𑌶𑌂 𑌭𑌜𑍇 ॥ 40
𑌭𑌕𑍍𑌤𑌪𑍍𑌰𑌿𑌯𑌂 𑌭𑌕𑍍𑌤𑌸𑌮𑌾𑌧𑌿𑌗𑌮𑍍𑌯𑌂
𑌚𑌿𑌨𑍍𑌤𑌾𑌹𑌰𑌂 𑌚𑌿𑌨𑍍𑌤𑌿𑌤𑌕𑌾𑌮𑌧𑍇𑌨𑍁𑌮𑍍 ।
𑌸𑍂𑌰𑍍𑌯𑍇𑌨𑍍𑌦𑍁𑌕𑍋𑌟𑌿𑌦𑍍𑌯𑍁𑌤𑌿𑌭𑌾𑌸𑍍𑌵𑌰𑌂 𑌤𑌂
41
𑌰𑌾𑌮𑌂 𑌭𑌜𑍇 𑌰𑌾𑌘𑌵𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 41
𑌶𑍍𑌰𑍀𑌰𑌾𑌮𑌂 𑌜𑌨𑌕𑌕𑍍𑌷𑌿𑌤𑍀𑌶𑍍𑌵𑌰𑌸𑍁𑌤𑌾𑌵𑌕𑍍𑌤𑍍𑌰𑌾𑌮𑍍𑌬𑍁𑌜𑌾𑌹𑌾𑌰𑌿𑌣𑌂
𑌶𑍍𑌰𑍀𑌮𑌦𑍍𑌭𑌾𑌨𑍁𑌕𑍁𑌲𑌾𑌬𑍍𑌧𑌿𑌕𑍗𑌸𑍍𑌤𑍁𑌭𑌮𑌣𑌿𑌂 𑌶𑍍𑌰𑍀𑌰𑌤𑍍𑌨𑌵𑌕𑍍𑌷𑌸𑍍𑌸𑍍𑌥𑌲𑌮𑍍 ।
𑌶𑍍𑌰𑍀𑌕𑌣𑍍𑌠𑌾𑌦𑍍𑌯𑌮𑌰𑍗𑌘𑌰𑌤𑍍𑌨𑌮𑌕𑍁𑌟𑌾𑌲𑌙𑍍𑌕𑌾𑌰𑌪𑌾𑌦𑌾𑌮𑍍𑌬𑍁𑌜𑌂
42
𑌶𑍍𑌰𑍀𑌵𑌤𑍍𑌸𑍋𑌜𑍍𑌜𑍍𑌵𑌲𑌮𑌿𑌨𑍍𑌦𑍍𑌰𑌨𑍀𑌲𑌸𑌦𑍃𑌶𑌂 𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇 ॥ 42
𑌰𑌾𑌮𑌚𑌨𑍍𑌦𑍍𑌰 𑌚𑌰𑌿𑌤𑌾𑌕𑌥𑌾𑌮𑍃𑌤𑌂
𑌲𑌕𑍍𑌷𑍍𑌮𑌣𑌾𑌗𑍍𑌰𑌜𑌗𑍁𑌣𑌾𑌨𑍁𑌕𑍀𑌰𑍍𑌤𑌨𑌮𑍍 ।
𑌰𑌾𑌘𑌵𑍇𑌶 𑌤𑌵 𑌪𑌾𑌦𑌸𑍇𑌵𑌨𑌂
43
𑌸𑌮𑍍𑌭𑌵𑌨𑍍𑌤𑍁 𑌮𑌮 𑌜𑌨𑍍𑌮𑌜𑌨𑍍𑌮𑌨𑌿 ॥ 43
𑌅𑌜𑍍𑌞𑌾𑌨𑌸𑌮𑍍𑌭𑌵-𑌭𑌵𑌾𑌮𑍍𑌬𑍁𑌧𑌿𑌬𑌾𑌡𑌬𑌾𑌗𑍍𑌨𑌿-
𑌰𑌵𑍍𑌯𑌕𑍍𑌤𑌤𑌤𑍍𑌤𑍍𑌵𑌨𑌿𑌕𑌰𑌪𑍍𑌰𑌣𑌵𑌾𑌧𑌿𑌰𑍂𑌢𑌃 ।
𑌸𑍀𑌤𑌾𑌸𑌮𑍇𑌤𑌮𑌨𑍁𑌜𑍇𑌨 𑌹𑍃𑌦𑌨𑍍𑌤𑌰𑌾𑌲𑍇
44
𑌪𑍍𑌰𑌾𑌣𑌪𑍍𑌰𑌯𑌾𑌣𑌸𑌮𑌯𑍇 𑌮𑌮 𑌸𑌨𑍍𑌨𑌿𑌧𑌤𑍍𑌤𑍇 ॥ 44
𑌰𑌾𑌮𑍋 𑌮𑌤𑍍𑌕𑍁𑌲𑌦𑍈𑌵𑌤𑌂 𑌸𑌕𑌰𑍁𑌣𑌂 𑌰𑌾𑌮𑌂 𑌭𑌜𑍇 𑌸𑌾𑌦𑌰𑌂
𑌰𑌾𑌮𑍇𑌣𑌾𑌖𑌿𑌲𑌘𑍋𑌰𑌪𑌾𑌪𑌨𑌿𑌹𑌤𑍀 𑌰𑌾𑌮𑌾𑌯 𑌤𑌸𑍍𑌮𑍈 𑌨𑌮𑌃 ।
𑌰𑌾𑌮𑌾𑌨𑍍𑌨𑌾𑌸𑍍𑌤𑌿 𑌜𑌗𑌤𑍍𑌰𑌯𑍈𑌕𑌸𑍁𑌲𑌭𑍋 𑌰𑌾𑌮𑌸𑍍𑌯 𑌦𑌾𑌸𑍋𑌽𑌸𑍍𑌮𑍍𑌯𑌹𑌂
45
𑌰𑌾𑌮𑍇 𑌪𑍍𑌰𑍀𑌤𑌿𑌰𑌤𑍀𑌵 𑌮𑍇 𑌕𑍁𑌲𑌗𑍁𑌰𑍋 𑌶𑍍𑌰𑍀𑌰𑌾𑌮 𑌰𑌕𑍍𑌷𑌸𑍍𑌵 𑌮𑌾𑌮𑍍 ॥ 45
𑌵𑍈𑌦𑍇𑌹𑍀𑌸𑌹𑌿𑌤𑌂 𑌸𑍁𑌰𑌦𑍍𑌰𑍁𑌮𑌤𑌲𑍇 𑌹𑍈𑌮𑍇 𑌮𑌹𑌾𑌮𑌣𑍍𑌟𑌪𑍇 ।
𑌮𑌧𑍍𑌯𑍇𑌪𑍁𑌷𑍍𑌪𑌕𑌮𑌾𑌸𑌨𑍇 𑌮𑌣𑌿𑌮𑌯𑍇 𑌵𑍀𑌰𑌾𑌸𑌨𑍇 𑌸𑌂𑌸𑍍𑌥𑌿𑌤𑌮𑍍 ।
𑌅𑌗𑍍𑌰𑍇 𑌵𑌾𑌚𑌯𑌤𑌿 𑌪𑍍𑌰𑌭𑌞𑍍𑌜𑌨𑌸𑍁𑌤𑍇 𑌤𑌤𑍍𑌤𑍍𑌵𑌂 𑌮𑍁𑌨𑌿𑌭𑍍𑌯𑌃 𑌪𑌰𑌮𑍍 ।
46
𑌵𑍍𑌯𑌾𑌖𑍍𑌯𑌾𑌨𑍍𑌤𑌂 𑌭𑌰𑌤𑌾𑌦𑌿𑌭𑌿𑌃 𑌪𑌰𑌿𑌵𑍃𑌤𑌂 𑌰𑌾𑌮𑌂 𑌭𑌜𑍇 𑌶𑍍𑌯𑌾𑌮𑌲𑌮𑍍 ॥ 46
𑌵𑌾𑌮𑍇 𑌭𑍂𑌮𑌿𑌸𑍁𑌤𑌾 𑌪𑍁𑌰𑌸𑍍𑌤𑍁 𑌹𑌨𑍁𑌮𑌾𑌨𑍍𑌪𑌶𑍍𑌚𑌾𑌤𑍍𑌸𑍁𑌮𑌿𑌤𑍍𑌰𑌾𑌸𑍁𑌤-
𑌶𑍍𑌶𑌤𑍍𑌰𑍁𑌘𑍍𑌨𑍋 𑌭𑌰𑌤𑌶𑍍𑌚 𑌪𑌾𑌰𑍍𑌶𑍍𑌵𑌦𑌲𑌯𑍋𑌰𑍍𑌵𑌾𑌯𑍍𑌵𑌾𑌦𑌿𑌕𑍋𑌣𑍇𑌷𑍍𑌵𑌪𑌿 ।
𑌸𑍁𑌗𑍍𑌰𑍀𑌵𑌶𑍍𑌚 𑌵𑌿𑌭𑍀𑌷𑌣𑌶𑍍𑌚 𑌯𑍁𑌵𑌰𑌾𑌟𑍍 𑌤𑌾𑌰𑌾𑌸𑍁𑌤𑍋 𑌜𑌾𑌮𑍍𑌬𑌵𑌾𑌨𑍍
47
𑌮𑌧𑍍𑌯𑍇 𑌨𑍀𑌲𑌸𑌰𑍋𑌜𑌕𑍋𑌮𑌲𑌰𑍁𑌚𑌿𑌂 𑌰𑌾𑌮𑌂 𑌭𑌜𑍇 𑌶𑍍𑌯𑌾𑌮𑌲𑌮𑍍 ॥ 47
𑌕𑍇𑌯𑍂𑌰𑌾𑌙𑍍𑌗𑌦𑌕𑌙𑍍𑌕𑌣𑍈𑌰𑍍𑌮𑌣𑌿𑌗𑌣𑍈𑌰𑍍𑌵𑍈𑌰𑍋𑌚𑌮𑌾𑌨𑌂 𑌸𑌦𑌾
𑌰𑌾𑌕𑌾𑌪𑌰𑍍𑌵𑌣𑌿𑌚𑌨𑍍𑌦𑍍𑌰𑌕𑍋𑌟𑌿𑌸𑌦𑍃𑌶𑌂 𑌛𑌤𑍍𑌰𑍇𑌣 𑌵𑍈𑌰𑌾𑌜𑌿𑌤𑌮𑍍 ।
𑌹𑍇𑌮𑌸𑍍𑌤𑌮𑍍𑌭𑌸𑌹𑌸𑍍𑌰𑌷𑍋𑌡𑌶𑌯𑍁𑌤𑍇 𑌮𑌧𑍍𑌯𑍇 𑌮𑌹𑌾𑌮𑌣𑍍𑌡𑌪𑍇
48
𑌦𑍇𑌵𑍇𑌶𑌂 𑌭𑌰𑌤𑌾𑌦𑌿𑌭𑌿𑌃 𑌪𑌰𑌿𑌵𑍃𑌤𑌂 𑌰𑌾𑌮𑌂 𑌭𑌜𑍇 𑌶𑍍𑌯𑌾𑌮𑌲𑌮𑍍 ॥ 48
𑌸𑌾𑌕𑍇𑌤𑍇 𑌶𑌰𑌦𑌿𑌨𑍍𑌦𑍁𑌕𑍁𑌨𑍍𑌦𑌧𑌵𑌲𑍇 𑌸𑍗𑌘𑍇 𑌮𑌹𑌾𑌮𑌣𑍍𑌟𑌪𑍇 ।
𑌪𑌰𑍍𑌯𑌸𑍍𑌤𑌾𑌗𑌰𑍁𑌧𑍂𑌪𑌧𑍂𑌮𑌪𑌟𑌲𑍇 𑌕𑌰𑍍𑌪𑍂𑌰𑌦𑍀𑌪𑍋𑌜𑍍𑌜𑍍𑌵𑌲𑍇 ।
𑌸𑍁𑌗𑍍𑌰𑍀𑌵𑌾𑌙𑍍𑌗𑌦𑌵𑌾𑌯𑍁𑌪𑍁𑌤𑍍𑌰𑌸𑌹𑌿𑌤𑌂 𑌸𑍗𑌮𑌿𑌤𑍍𑌰𑌿𑌣𑌾 𑌸𑍇𑌵𑌿𑌤𑌂
49
𑌲𑍀𑌲𑌾𑌮𑌾𑌨𑍁𑌷𑌵𑌿𑌗𑍍𑌰𑌹𑌂 𑌰𑌘𑍁𑌪𑌤𑌿𑌂 𑌰𑌾𑌮𑌂 𑌭𑌜𑍇 𑌶𑍍𑌯𑌾𑌮𑌲𑌮𑍍 ॥ 49
𑌶𑌾𑌨𑍍𑌤𑌂 𑌶𑌾𑌰𑌦𑌚𑌨𑍍𑌦𑍍𑌰𑌕𑍋𑌟𑌿𑌸𑌦𑍃𑌶𑌂 𑌚𑌨𑍍𑌦𑍍𑌰𑌾𑌭𑌿𑌰𑌾𑌮𑌾𑌨𑌨𑌂
𑌚𑌨𑍍𑌦𑍍𑌰𑌾𑌰𑍍𑌕𑌾𑌗𑍍𑌨𑌿𑌵𑌿𑌕𑌾𑌸𑌿𑌕𑍁𑌣𑍍𑌡𑌲𑌧𑌰𑌂 𑌚𑌨𑍍𑌦𑍍𑌰𑌾𑌵𑌤𑌂𑌸𑌸𑍍𑌤𑍁𑌤𑌮𑍍 ।
𑌵𑍀𑌣𑌾𑌪𑍁𑌸𑍍𑌤𑌕𑌸𑌾𑌕𑍍𑌷𑌸𑍂𑌤𑍍𑌰𑌵𑌿𑌲𑌸𑌦𑍍𑌵𑍍𑌯𑌾𑌖𑍍𑌯𑌾𑌨𑌮𑍁𑌦𑍍𑌰𑌾𑌕𑌰𑌂
50
𑌦𑍇𑌵𑍇𑌶𑌂 𑌭𑌰𑌤𑌾𑌦𑌿𑌭𑌿𑌃 𑌪𑌰𑌿𑌵𑍃𑌤𑌂 𑌰𑌾𑌮𑌂 𑌭𑌜𑍇 𑌶𑍍𑌯𑌾𑌮𑌲𑌮𑍍 ॥ 50
𑌰𑌾𑌮𑌂 𑌰𑌾𑌕𑍍𑌷𑌸𑌮𑌰𑍍𑌦𑌨𑌂 𑌰𑌘𑍁𑌪𑌤𑌿𑌂 𑌶𑌕𑍍𑌰𑌾𑌰𑌿𑌵𑌿𑌧𑍍𑌵𑌂𑌸𑌿𑌨𑌂
𑌸𑍁𑌗𑍍𑌰𑍀𑌵𑍇𑌪𑍍𑌸𑌿𑌤𑌰𑌾𑌜𑍍𑌯𑌦𑌂 𑌸𑍁𑌰𑌪𑌤𑍇𑌃 𑌪𑍁𑌤𑍍𑌰𑌾𑌨𑍍𑌤𑌕𑌂 𑌶𑌾𑌰𑍍𑌙𑍍𑌗𑌿𑌣𑌮𑍍 ।
𑌭𑌕𑍍𑌤𑌾𑌨𑌾𑌮𑌭𑌯𑌪𑍍𑌰𑌦𑌂 𑌭𑌯𑌹𑌰𑌂 𑌪𑌾𑌪𑍗𑌘𑌵𑌿𑌧𑍍𑌵𑌂𑌸𑌿𑌨𑌂
51
𑌸𑍀𑌤𑌾𑌸𑍇𑌵𑌿𑌤𑌪𑌾𑌦𑌪𑌦𑍍𑌮𑌯𑍁𑌗𑌲𑌂 𑌰𑌾𑌮𑌂 𑌭𑌜𑍇 𑌶𑍍𑌯𑌾𑌮𑌲𑌮𑍍 ॥ 51
𑌕𑌨𑍍𑌦𑌰𑍍𑌪𑌾𑌯𑍁𑌤𑌕𑍋𑌟𑌿𑌕𑍋𑌟𑌿𑌤𑍁𑌲𑌿𑌤𑌂 𑌕𑌾𑌲𑌾𑌮𑍍𑌬𑍁𑌦𑌶𑍍𑌯𑌾𑌮𑌲𑌂
𑌕𑌮𑍍𑌬𑍁𑌗𑍍𑌰𑍀𑌵𑌮𑍁𑌦𑌾𑌰𑌕𑍗𑌸𑍍𑌤𑍁𑌭𑌧𑌰𑌂 𑌕𑌰𑍍𑌣𑌾𑌵𑌤𑌂𑌸𑍋𑌤𑍍𑌪𑌲𑌮𑍍 ।
𑌕𑌸𑍍𑌤𑍂𑌰𑍀𑌤𑌿𑌲𑌕𑍋𑌜𑍍𑌜𑍍𑌵𑌲𑌂 𑌸𑍍𑌮𑌿𑌤𑌮𑍁𑌖𑌂 𑌚𑌿𑌨𑍍𑌮𑍁𑌦𑍍𑌰𑌯𑌾𑌲𑌙𑍍𑌕𑍃𑌤𑌂
52
𑌸𑍀𑌤𑌾𑌲𑌕𑍍𑌷𑍍𑌮𑌣𑌵𑌾𑌯𑍁𑌪𑍁𑌤𑍍𑌰𑌸𑌹𑌿𑌤𑌂 𑌸𑌿𑌂𑌹𑌾𑌸𑌨𑌸𑍍𑌥𑌂 𑌭𑌜𑍇 ॥ 52
𑌸𑌾𑌕𑍇𑌤𑍇 𑌨𑌵𑌰𑌤𑍍𑌨𑌪𑌙𑍍𑌕𑍍𑌤𑌿𑌖𑌚𑌿𑌤𑍇 𑌚𑌿𑌤𑍍𑌰𑌧𑍍𑌵𑌜𑌾𑌲𑌙𑍍𑌕𑍃𑌤𑍇
𑌵𑌾𑌸𑍇 𑌸𑍍𑌵𑌰𑍍𑌣𑌮𑌯𑍇 𑌦𑌲𑌾𑌷𑍍𑌟𑌲𑌲𑌿𑌤𑍇 𑌪𑌦𑍍𑌮𑍇 𑌵𑌿𑌮𑌾𑌨𑍋𑌤𑍍𑌤𑌮𑍇 ।
𑌆𑌸𑍀𑌨𑌂 𑌭𑌰𑌤𑌾𑌦𑌿𑌸𑍋𑌦𑌰𑌜𑌨𑍈𑌃 𑌶𑌾𑌖𑌾𑌮𑍃𑌗𑍈𑌃 𑌕𑌿𑌨𑍍𑌨𑌰𑍈𑌃
53
𑌦𑌿𑌕𑍍𑌪𑌾𑌲𑍈𑌰𑍍𑌮𑍁𑌨𑌿𑌪𑍁𑌙𑍍𑌗𑌵𑍈𑌰𑍍𑌨𑍃𑌪𑌗𑌣𑍈𑌸𑍍𑌸𑌂𑌸𑍇𑌵𑍍𑌯𑌮𑌾𑌨𑌂 𑌭𑌜𑍇 ॥ 53
𑌕𑌸𑍍𑌤𑍂𑌰𑍀𑌘𑌨𑌸𑌾𑌰𑌕𑍁𑌙𑍍𑌕𑍁𑌮𑌲𑌸𑌚𑍍𑌛𑍍𑌰𑍀𑌚𑌨𑍍𑌦𑌨𑌾𑌲𑌙𑍍𑌕𑍃𑌤𑌂
𑌕𑌨𑍍𑌦𑌰𑍍𑌪𑌾𑌧𑌿𑌕𑌸𑍁𑌨𑍍𑌦𑌰𑌂 𑌘𑌨𑌨𑌿𑌭𑌂 𑌕𑌾𑌕𑍁𑌤𑍍𑌸𑍍𑌥𑌵𑌂𑌶𑌧𑍍𑌵𑌜𑌮𑍍 ।
𑌕𑌲𑍍𑌯𑌾𑌣𑌾𑌮𑍍𑌭𑌰𑌵𑍇𑌷𑍍𑌟𑌿𑌤𑌂 𑌕𑌮𑌲𑌯𑌾 𑌯𑍁𑌕𑍍𑌤𑌂 𑌕𑌲𑌾𑌵𑌲𑍍𑌲𑌭𑌂
54
𑌕𑌲𑍍𑌯𑌾𑌣𑌾𑌚𑌲𑌕𑌾𑌰𑍍𑌮𑍁𑌕𑌪𑍍𑌰𑌿𑌯𑌸𑌖𑌂 𑌕𑌲𑍍𑌯𑌾𑌣𑌰𑌾𑌮𑌂 𑌭𑌜𑍇 ॥ 54
𑌮𑍁𑌕𑍍𑌤𑍇𑌰𑍍𑌮𑍂𑌲𑌂 𑌮𑍁𑌨𑌿𑌵𑌰𑌹𑍃𑌦𑌾𑌨𑌨𑍍𑌦𑌕𑌨𑍍𑌦𑌂 𑌮𑍁𑌕𑍁𑌨𑍍𑌦𑌂
𑌕𑍂𑌟𑌸𑍍𑌥𑌾𑌖𑍍𑌯𑌂 𑌸𑌕𑌲𑌵𑌰𑌦𑌂 𑌸𑌰𑍍𑌵𑌚𑍈𑌤𑌨𑍍𑌯𑌰𑍂𑌪𑌮𑍍 ।
𑌨𑌾𑌦𑌾𑌤𑍀𑌤𑌂 𑌕𑌮𑌲𑌨𑌿𑌲𑌯𑌂 𑌨𑌾𑌦𑌨𑌾𑌦𑌾𑌨𑍍𑌤𑌤𑌤𑍍𑌤𑍍𑌵𑌂
55
𑌨𑌾𑌦𑌾𑌤𑍀𑌤𑌂 𑌪𑍍𑌰𑌕𑍃𑌤𑌿𑌰𑌹𑌿𑌤𑌂 𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇𑌽𑌹𑌮𑍍 ॥ 55
𑌤𑌾𑌰𑌾𑌕𑌾𑌰𑌂 𑌨𑌿𑌖𑌿𑌲𑌨𑌿𑌲𑌯𑌂 𑌤𑌤𑍍𑌤𑍍𑌵𑌮𑌸𑍍𑌯𑌾𑌦𑌿𑌲𑌕𑍍𑌷𑍍𑌯𑌂
𑌶𑌬𑍍𑌦𑌾𑌵𑌾𑌚𑍍𑌯𑌂 𑌤𑍍𑌰𑌿𑌗𑍁𑌣𑌰𑌹𑌿𑌤𑌂 𑌵𑍍𑌯𑍋𑌮𑌮𑌙𑍍𑌗𑍁𑌷𑍍𑌠𑌮𑌾𑌤𑍍𑌰𑌮𑍍 ।
𑌨𑌿𑌰𑍍𑌵𑌾𑌣𑌾𑌖𑍍𑌯𑌂 𑌸𑌗𑍁𑌣𑌮𑌗𑍁𑌣𑌵𑍍𑌯𑍋𑌮𑌰𑌨𑍍𑌧𑍍𑌰𑌾𑌨𑍍𑌤𑌰𑌸𑍍𑌥𑌂
56
𑌸𑍗𑌷𑍁𑌮𑍍𑌨𑌾𑌨𑍍𑌤𑌃 𑌪𑍍𑌰𑌣𑌵𑌸𑌹𑌿𑌤𑌂 𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇𑌽𑌹𑌮𑍍 ॥ 56
𑌨𑌿𑌜𑌾𑌨𑌨𑍍𑌦𑌾𑌕𑌾𑌰𑌂 𑌨𑌿𑌗𑌮𑌤𑍁𑌰𑌗𑌾𑌰𑌾𑌧𑌿𑌤𑌪𑌦𑌂
𑌪𑌰𑌬𑍍𑌰𑌹𑍍𑌮𑌾𑌨𑌨𑍍𑌦𑌂 𑌪𑌰𑌮𑌪𑌦𑌗𑌂 𑌪𑌾𑌪𑌹𑌰𑌣𑌮𑍍 ।
𑌕𑍃𑌪𑌾𑌪𑌾𑌰𑌾𑌵𑌾𑌰𑌂 𑌪𑌰𑌮𑌪𑍁𑌰𑍁𑌷𑌂 𑌪𑌦𑍍𑌮𑌨𑌿𑌲𑌯𑌂
57
𑌭𑌜𑍇 𑌰𑌾𑌮𑌂 𑌶𑍍𑌯𑌾𑌮𑌂 𑌪𑍍𑌰𑌕𑍃𑌤𑌿𑌰𑌹𑌿𑌤𑌂 𑌨𑌿𑌰𑍍𑌗𑍁𑌣𑌮𑌹𑌮𑍍 ॥ 57
𑌸𑌾𑌕𑍇𑌤𑍇 𑌨𑌗𑌰𑍇 𑌸𑌮𑌸𑍍𑌤𑌮𑌹𑌿𑌮𑌾𑌧𑌾𑌰𑍇 𑌜𑌗𑌨𑍍𑌮𑍋𑌹𑌨𑍇
𑌰𑌤𑍍𑌨𑌸𑍍𑌤𑌮𑍍𑌭𑌸𑌹𑌸𑍍𑌰𑌮𑌣𑍍𑌟𑌪𑌮𑌹𑌾𑌸𑌿𑌂𑌹𑌾𑌸𑌨𑍇 𑌸𑌾𑌮𑍍𑌬𑍁𑌜𑍇 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌵𑌸𑌿𑌷𑍍𑌠𑌗𑍗𑌤𑌮𑌶𑍁𑌕𑌵𑍍𑌯𑌾𑌸𑌾𑌦𑌿𑌭𑌿𑌰𑍍𑌮𑍗𑌨𑌿𑌭𑌿𑌃
58
𑌧𑍍𑌯𑍇𑌯𑌂 𑌲𑌕𑍍𑌷𑍍𑌮𑌣𑌲𑍋𑌕𑌪𑌾𑌲𑌸𑌹𑌿𑌤𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 58
𑌰𑌾𑌮𑌂 𑌶𑍍𑌯𑌾𑌮𑌾𑌭𑌿𑌰𑌾𑌮𑌂 𑌰𑌵𑌿𑌶𑌶𑌿𑌨𑌯𑌨𑌂 𑌕𑍋𑌟𑌿𑌸𑍂𑌰𑍍𑌯𑌪𑍍𑌰𑌕𑌾𑌶𑌂
𑌦𑌿𑌵𑍍𑌯𑌂 𑌦𑌿𑌵𑍍𑌯𑌾𑌸𑍍𑌤𑍍𑌰𑌪𑌾𑌣𑌿𑌂 𑌶𑌰𑌮𑍁𑌖𑌶𑌰𑌧𑌿𑌂 𑌚𑌾𑌰𑍁𑌕𑍋𑌡𑌣𑍍𑌡𑌹𑌸𑍍𑌤𑌮𑍍 ।
𑌕𑌾𑌲𑌂 𑌕𑌾𑌲𑌾𑌗𑍍𑌨𑌿𑌰𑍁𑌦𑍍𑌰𑌂 𑌰𑌿𑌪𑍁𑌕𑍁𑌲𑌦𑌹𑌨𑌂 𑌵𑌿𑌘𑍍𑌨𑌵𑌿𑌚𑍍𑌛𑍇𑌦𑌦𑌕𑍍𑌷𑌂
59
𑌭𑍀𑌮𑌂 𑌭𑍀𑌮𑌾𑌟𑍍𑌟𑌹𑌾𑌸𑌂 𑌸𑌕𑌲𑌭𑌯𑌹𑌰𑌂 𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇𑌽𑌹𑌮𑍍 ॥ 59
𑌶𑍍𑌰𑍀𑌰𑌾𑌮𑌂 𑌭𑍁𑌵𑌨𑍈𑌕𑌸𑍁𑌨𑍍𑌦𑌰𑌤𑌨𑍁𑌂 𑌧𑌾𑌰𑌾𑌧𑌰𑌶𑍍𑌯𑌾𑌮𑌲𑌂
𑌰𑌾𑌜𑍀𑌵𑌾𑌯𑌤𑌲𑍋𑌚𑌨𑌂 𑌰𑌘𑍁𑌵𑌰𑌂 𑌰𑌾𑌕𑍇𑌨𑍍𑌦𑍁𑌬𑌿𑌮𑍍𑌬𑌾𑌨𑌨𑌮𑍍 ।
𑌕𑍋𑌦𑌣𑍍𑌡𑌾𑌦𑌿𑌨𑌿𑌜𑌾𑌯𑍁𑌧𑌾𑌶𑍍𑌰𑌿𑌤𑌭𑍁𑌜𑍈𑌰𑍍𑌭𑍍𑌰𑌾𑌨𑍍𑌤𑌂 𑌵𑌿𑌦𑍇𑌹𑌾𑌤𑍍𑌮𑌜𑌾-
60
𑌧𑍀𑌶𑌂 𑌭𑌕𑍍𑌤𑌜𑌨𑌾𑌵𑌨𑌂 𑌰𑌘𑍁𑌵𑌰𑌂 𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇 ॥ 60
𑌶𑍍𑌰𑍀𑌵𑌤𑍍𑌸𑌾𑌙𑍍𑌕𑌮𑍁𑌦𑌾𑌰𑌕𑍗𑌸𑍍𑌤𑍁𑌭𑌲𑌸𑌤𑍍𑌪𑍀𑌤𑌾𑌮𑍍𑌬𑌰𑌾𑌲𑌙𑍍𑌕𑍃𑌤𑌂
𑌨𑌾𑌨𑌾𑌰𑌤𑍍𑌨𑌵𑌿𑌰𑌾𑌜𑌮𑌾𑌨𑌮𑌕𑍁𑌟𑌂 𑌨𑍀𑌲𑌾𑌮𑍍𑌬𑍁𑌦𑌶𑍍𑌯𑌾𑌮𑌲𑌮𑍍 ।
𑌕𑌸𑍍𑌤𑍂𑌰𑍀𑌘𑌨𑌸𑌾𑌰𑌚𑌰𑍍𑌚𑌿𑌤𑌤𑌨𑍁𑌂 𑌮𑌨𑍍𑌦𑌾𑌰𑌮𑌾𑌲𑌾𑌧𑌰𑌂
61
𑌕𑌨𑍍𑌦𑌰𑍍𑌪𑌾𑌯𑍁𑌤𑌸𑍁𑌨𑍍𑌦𑌰𑌂 𑌰𑌘𑍁𑌪𑌤𑌿𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 61
𑌸𑌦𑌾𑌨𑌨𑍍𑌦𑌦𑍇𑌵𑍇 𑌸𑌹𑌸𑍍𑌰𑌾𑌰𑌪𑌦𑍍𑌮𑍇
𑌗𑌲𑌚𑍍𑌚𑌨𑍍𑌦𑍍𑌰𑌪𑍀𑌯𑍂𑌷𑌧𑌾𑌰𑌾𑌮𑍃𑌤𑌾𑌨𑍍𑌤𑍇 ।
𑌸𑍍𑌥𑌿𑌤𑌂 𑌰𑌾𑌮𑌮𑍂𑌰𑍍𑌤𑌿𑌂 𑌨𑌿𑌷𑍇𑌵𑍇 𑌨𑌿𑌷𑍇𑌵𑍇-
62
𑌽𑌨𑍍𑌯𑌦𑍈𑌵𑌂 𑌨 𑌸𑍇𑌵𑍇 𑌨 𑌸𑍇𑌵𑍇 𑌨 𑌸𑍇𑌵𑍇 ॥ 62
𑌸𑍁𑌧𑌾𑌭𑌾𑌸𑌿𑌤𑌦𑍍𑌵𑍀𑌪𑌮𑌧𑍍𑌯𑍇 𑌵𑌿𑌮𑌾𑌨𑍇
𑌸𑍁𑌪𑌰𑍍𑌵𑌾𑌲𑌿𑌵𑍃𑌕𑍍𑌷𑍋𑌜𑍍𑌜𑍍𑌵𑌲𑍇 𑌶𑍇𑌷𑌤𑌲𑍍𑌪𑍇 ।
𑌨𑌿𑌷𑌣𑍍𑌣𑌂 𑌰𑌮𑌾𑌙𑍍𑌕𑌂 𑌨𑌿𑌷𑍇𑌵𑍇 𑌨𑌿𑌷𑍇𑌵𑍇-
63
𑌽𑌨𑍍𑌯𑌦𑍈𑌵𑌂 𑌨 𑌸𑍇𑌵𑍇 𑌨 𑌸𑍇𑌵𑍇 𑌨 𑌸𑍇𑌵𑍇 ॥ 63
𑌚𑌿𑌦𑌂𑌶𑌂 𑌸𑌮𑌾𑌨𑌨𑍍𑌦𑌮𑌾𑌨𑌨𑍍𑌦𑌕𑌨𑍍𑌦𑌂
𑌸𑍁𑌷𑍁𑌮𑍍𑌨𑌾𑌖𑍍𑌯𑌰𑌨𑍍𑌧𑍍𑌰𑌾𑌨𑍍𑌤𑌰𑌾𑌲𑍇 𑌚 𑌹𑌂𑌸𑌮𑍍 ।
𑌸𑌚𑌕𑍍𑌰𑌂 𑌸𑌶𑌙𑍍𑌖𑌂 𑌸𑌪𑍀𑌤𑌾𑌮𑍍𑌬𑌰𑌾𑌙𑍍𑌕𑌂
64
𑌪𑌰𑌞𑍍𑌚𑌾𑌨𑍍𑌯𑌦𑍈𑌵𑌂 𑌨 𑌜𑌾𑌨𑍇 𑌨 𑌜𑌾𑌨𑍇 ॥ 64
𑌚𑌤𑍁𑌰𑍍𑌵𑍇𑌦𑌕𑍂𑌟𑍋𑌲𑍍𑌲𑌸𑌤𑍍𑌕𑌾𑌰𑌣𑌾𑌖𑍍𑌯𑌂
𑌸𑍍𑌫𑍁𑌰𑌦𑍍𑌦𑌿𑌵𑍍𑌯𑌵𑍈𑌮𑌾𑌨𑌿𑌕𑍇 𑌭𑍋𑌗𑌿𑌤𑌲𑍍𑌪𑍇 ।
𑌪𑌰𑌨𑍍𑌧𑌾𑌮𑌮𑍂𑌰𑍍𑌤𑌿𑌂 𑌨𑌿𑌷𑌣𑍍𑌣𑌂 𑌨𑌿𑌷𑍇𑌵𑍇
65
𑌨𑌿𑌷𑍇𑌵𑍇𑌽𑌨𑍍𑌯𑌦𑍈𑌵𑌂 𑌨 𑌸𑍇𑌵𑍇 𑌨 𑌸𑍇𑌵𑍇 ॥ 65
𑌸𑌿𑌂𑌹𑌾𑌸𑌨𑌸𑍍𑌥𑌂 𑌸𑍁𑌰𑌸𑍇𑌵𑌿𑌤𑌵𑍍𑌯𑌂
𑌰𑌤𑍍𑌨𑌾𑌙𑍍𑌕𑌿𑌤𑌾𑌲𑌙𑍍𑌕𑍃𑌤𑌪𑌾𑌦𑌪𑌦𑍍𑌮𑌮𑍍 ।
𑌸𑍀𑌤𑌾𑌸𑌮𑍇𑌤𑌂 𑌶𑌶𑌿𑌸𑍂𑌰𑍍𑌯𑌨𑍇𑌤𑍍𑌰𑌂
66
𑌰𑌾𑌮𑌂 𑌭𑌜𑍇 𑌰𑌾𑌘𑌵 𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 66
𑌰𑌾𑌮𑌂 𑌪𑍁𑌰𑌾𑌣𑌪𑍁𑌰𑍁𑌷𑌂 𑌰𑌮𑌣𑍀𑌯𑌵𑍇𑌷𑌂
𑌰𑌾𑌜𑌾𑌧𑌿𑌰𑌾𑌜𑌮𑌕𑍁𑌟𑌾𑌰𑍍𑌚𑌿𑌤𑌪𑌾𑌦𑌪𑍀𑌠𑌮𑍍 ।
𑌸𑍀𑌤𑌾𑌪𑌤𑌿𑌂 𑌸𑍁𑌨𑌯𑌨𑌂 𑌜𑌗𑌦𑍇𑌕𑌵𑍀𑌰𑌂
67
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌮𑌨𑌿𑌶𑌂 𑌕𑌲𑌯𑌾𑌮𑌿 𑌚𑌿𑌤𑍍𑌤𑍇 ॥ 67
𑌪𑌰𑌾𑌨𑌨𑍍𑌦𑌵𑌸𑍍𑌤𑍁𑌸𑍍𑌵𑌰𑍂𑌪𑌾𑌦𑌿𑌸𑌾𑌕𑍍𑌷𑌿𑌂
𑌪𑌰𑌬𑍍𑌰𑌹𑍍𑌮𑌗𑌮𑍍𑌯𑌂 𑌪𑌰𑌞𑍍𑌜𑍍𑌯𑍋𑌤𑌿𑌮𑍂𑌰𑍍𑌤𑌿𑌮𑍍 ।
𑌪𑌰𑌾𑌶𑌕𑍍𑌤𑌿𑌮𑌿𑌤𑍍𑌰𑌾𑌽𑌪𑍍𑌰𑌿𑌯𑌾𑌰𑌾𑌧𑌿𑌤𑌾𑌙𑍍𑌘𑍍𑌰𑌿𑌂
68
𑌪𑌰𑌨𑍍𑌧𑌾𑌮𑌰𑍂𑌪𑌂 𑌭𑌜𑍇 𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 68
𑌮𑌨𑍍𑌦𑌸𑍍𑌮𑌿𑌤𑌂 𑌕𑍁𑌣𑍍𑌡𑌲𑌗𑌣𑍍𑌡𑌭𑌾𑌗𑌂
𑌪𑍀𑌤𑌾𑌮𑍍𑌬𑌰𑌂 𑌭𑍂𑌷𑌣𑌭𑍂𑌷𑌿𑌤𑌾𑌙𑍍𑌗𑌮𑍍 ।
𑌨𑍀𑌲𑍋𑌤𑍍𑌪𑌲𑌾𑌙𑍍𑌗𑌂 𑌭𑍁𑌵𑌨𑍈𑌕𑌮𑌿𑌤𑍍𑌰𑌂
69
𑌰𑌾𑌮𑌂 𑌭𑌜𑍇 𑌰𑌾𑌘𑌵 𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 69
𑌅𑌚𑌿𑌨𑍍𑌤𑍍𑌯𑌮𑌵𑍍𑌯𑌕𑍍𑌤𑌮𑌨𑌨𑍍𑌤𑌰𑍂𑌪-
𑌮𑌦𑍍𑌵𑍈𑌤𑌮𑌾𑌨𑌨𑍍𑌦𑌮𑌨𑌾𑌦𑌿𑌗𑌮𑍍𑌯𑌮𑍍 ।
𑌪𑍁𑌣𑍍𑌯𑌸𑍍𑌵𑌰𑍂𑌪𑌂 𑌪𑍁𑌰𑍁𑌷𑍋𑌤𑍍𑌤𑌮𑌾𑌖𑍍𑌯𑌂
70
𑌰𑌾𑌮𑌂 𑌭𑌜𑍇 𑌰𑌾𑌘𑌵 𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 70
𑌪𑌦𑍍𑌮𑌾𑌸𑌨𑌸𑍍𑌥𑌂 𑌸𑍁𑌰𑌸𑍇𑌵𑌿𑌤𑌵𑍍𑌯𑌂
𑌪𑌦𑍍𑌮𑌾𑌲𑌯𑌾𑌨𑌨𑍍𑌦𑌕𑌟𑌾𑌕𑍍𑌷𑌵𑍀𑌕𑍍𑌷𑍍𑌯𑌮𑍍 ।
𑌗𑌨𑍍𑌧𑌰𑍍𑌵𑌵𑌿𑌦𑍍𑌯𑌾𑌧𑌰𑌗𑍀𑌯𑌮𑌾𑌨𑌂
71
𑌰𑌾𑌮𑌂 𑌭𑌜𑍇 𑌰𑌾𑌘𑌵 𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 71
𑌅𑌨𑌨𑍍𑌤𑌕𑍀𑌰𑍍𑌤𑌿𑌂 𑌵𑌰𑌦𑌂 𑌪𑍍𑌰𑌸𑌨𑍍𑌨𑌂
𑌪𑌦𑍍𑌮𑌾𑌸𑌨𑌂 𑌸𑍇𑌵𑌕𑌪𑌾𑌰𑌿𑌜𑌾𑌤𑌮𑍍 ।
𑌰𑌾𑌜𑌾𑌧𑌿𑌰𑌾𑌜𑌂 𑌰𑌘𑍁𑌵𑍀𑌰𑌕𑍇𑌤𑍁𑌂
72
𑌰𑌾𑌮𑌂 𑌭𑌜𑍇 𑌰𑌾𑌘𑌵 𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 72
𑌸𑍁𑌗𑍍𑌰𑍀𑌵𑌮𑌿𑌤𑍍𑌰𑌂 𑌸𑍁𑌜𑌨𑌾𑌨𑍁𑌰𑍂𑌪𑌂
𑌲𑌙𑍍𑌕𑌾𑌹𑌰𑌂 𑌰𑌾𑌕𑍍𑌷𑌸𑌵𑌂𑌶𑌨𑌾𑌶𑌮𑍍 ।
𑌵𑍇𑌦𑌾𑌶𑍍𑌰𑌯𑌾𑌙𑍍𑌗𑌂 𑌵𑌿𑌪𑍁𑌲𑌾𑌯𑌤𑌾𑌕𑍍𑌷𑌂
73
𑌰𑌾𑌮𑌂 𑌭𑌜𑍇 𑌰𑌾𑌘𑌵 𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 73
𑌸𑌕𑍃𑌤𑍍𑌪𑍍𑌰𑌣𑌤𑌰𑌕𑍍𑌷𑌾𑌯𑌾𑌂 𑌸𑌾𑌕𑍍𑌷𑍀 𑌯𑌸𑍍𑌯 𑌵𑌿𑌭𑍀𑌷𑌣𑌃 ।
74
𑌸𑌾𑌪𑌰𑌾𑌧𑌪𑍍𑌰𑌤𑍀𑌕𑌾𑌰𑌃 𑌸 𑌶𑍍𑌰𑍀𑌰𑌾𑌮𑍋 𑌗𑌤𑌿𑌰𑍍𑌮𑌮 ॥ 74
𑌫𑌲𑌮𑍂𑌲𑌾𑌶𑌿𑌨𑍗 𑌦𑌾𑌨𑍍𑌤𑍗 𑌤𑌾𑌪𑌸𑍗 𑌧𑌰𑍍𑌮𑌚𑌾𑌰𑌿𑌣𑍗 ।
75
𑌰𑌕𑍍𑌷𑌃𑌕𑍁𑌲𑌵𑌿𑌹𑌨𑍍𑌤𑌾𑌰𑍗 𑌭𑍍𑌰𑌾𑌤𑌰𑍗 𑌰𑌾𑌮𑌲𑌕𑍍𑌷𑍍𑌮𑌣𑍗 ॥ 75
𑌤𑌰𑍁𑌣𑍗 𑌰𑍂𑌪𑌸𑌮𑍍𑌪𑌨𑍍𑌨𑍗 𑌸𑍁𑌕𑍁𑌮𑌾𑌰𑍗 𑌮𑌹𑌾𑌬𑌲𑍗 ।
76
𑌪𑍁𑌣𑍍𑌡𑌰𑍀𑌕 𑌵𑌿𑌶𑌾𑌲𑌾𑌕𑍍𑌷𑍗 𑌚𑍀𑌰𑌕𑍃𑌷𑍍𑌣𑌾𑌜𑌿𑌨𑌾𑌮𑍍𑌬𑌰𑍗 ॥ 76
𑌕𑍗𑌸𑌲𑍍𑌯𑌾𑌨𑌯𑌨𑍇𑌨𑍍𑌦𑍁𑌂 𑌦𑌶𑌰𑌥𑌮𑍁𑌖𑌾𑌰𑌵𑌿𑌨𑍍𑌦𑌮𑌾𑌰𑍍𑌤𑌾𑌣𑍍𑌡𑌮𑍍 ।
77
𑌸𑍀𑌤𑌾𑌮𑌾𑌨𑌸𑌹𑌂𑌸𑌂 𑌰𑌾𑌮𑌂 𑌰𑌾𑌜𑍀𑌵𑌲𑍋𑌚𑌨𑌂 𑌵𑌨𑍍𑌦𑍇 ॥ 77
𑌭𑌰𑍍𑌜𑌨𑌂 𑌭𑌵𑌬𑍀𑌜𑌾𑌨𑌾𑌂 𑌮𑌾𑌰𑍍𑌜𑌨𑌂 𑌸𑍁𑌖𑌸𑌮𑍍𑌪𑌦𑌾𑌮𑍍 ।
78
𑌤𑌰𑍍𑌜𑌨𑌂 𑌯𑌮𑌦𑍂𑌤𑌾𑌨𑌾𑌂 𑌰𑌾𑌮𑌰𑌾𑌮𑍇𑌤𑌿 𑌕𑍀𑌰𑍍𑌤𑌨𑌮𑍍 ॥ 78
𑌨 𑌜𑌾𑌨𑍇 𑌜𑌾𑌨𑌕𑍀 𑌜𑌾𑌨𑍇 𑌰𑌾𑌮 𑌤𑍍𑌵𑌨𑍍𑌨𑌾𑌮𑌵𑍈𑌭𑌵𑌮𑍍 ।
79
𑌸𑌰𑍍𑌵𑍇𑌶𑍋 𑌭𑌗𑌵𑌾𑌨𑍍 𑌶𑌮𑍍𑌭𑍁𑌰𑍍𑌵𑌾𑌲𑍍𑌮𑍀𑌕𑌿𑌰𑍍𑌵𑍇𑌤𑍍𑌤𑌿 𑌵𑌾 𑌨𑌵𑌾 ॥ 79
𑌕𑌰𑌤𑌲𑌧𑍃𑌤𑌚𑌾𑌪𑌂 𑌕𑌾𑌲𑌮𑍇𑌘𑌸𑍍𑌵𑌰𑍂𑌪𑌂
𑌸𑌰𑌸𑌿𑌜𑌦𑌲𑌨𑍇𑌤𑍍𑌰𑌂 𑌚𑌾𑌰𑍁𑌹𑌾𑌸𑌂 𑌸𑍁𑌗𑌾𑌤𑍍𑌰𑌮𑍍 ।
𑌵𑌿𑌚𑌿𑌨𑍁𑌤𑌵𑌨𑌵𑌾𑌸𑌂 𑌵𑌿𑌕𑍍𑌰𑌮𑍋𑌦𑌗𑍍𑌰𑌵𑍇𑌷𑌂
80
𑌪𑍍𑌰𑌣𑌮𑌤 𑌰𑌘𑍁𑌨𑌾𑌥𑌂 𑌜𑌾𑌨𑌕𑍀𑌪𑍍𑌰𑌾𑌣𑌨𑌾𑌥𑌮𑍍 ॥ 80
𑌵𑌿𑌦𑍍𑌯𑍁𑌤𑍍𑌸𑍍𑌫𑍁𑌰𑌨𑍍𑌮𑌕𑌰𑌕𑍁𑌣𑍍𑌡𑌲𑌦𑍀𑌪𑍍𑌤𑌚𑌾𑌰𑍁-
𑌗𑌣𑍍𑌡𑌸𑍍𑌥𑌲𑌂 𑌮𑌣𑌿𑌕𑌿𑌰𑍀𑌟𑌵𑌿𑌰𑌾𑌜𑌮𑌾𑌨𑌮𑍍 ।
𑌪𑍀𑌤𑌾𑌮𑍍𑌬𑌰𑌂 𑌜𑌲𑌦𑌨𑍀𑌲𑌮𑍁𑌦𑌾𑌰𑌕𑌾𑌨𑍍𑌤𑌿𑌂
81
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌮𑌨𑌿𑌶𑌂 𑌕𑌲𑌯𑌾𑌮𑌿 𑌚𑌿𑌤𑍍𑌤𑍇 ॥ 81
𑌰𑌤𑍍𑌨𑍋𑌲𑍍𑌲𑌸𑌜𑍍𑌜𑍍𑌵𑌲𑌿𑌤𑌕𑍁𑌣𑍍𑌡𑌲𑌗𑌣𑍍𑌡𑌭𑌾𑌗𑌂
𑌕𑌸𑍍𑌤𑍂𑌰𑌿𑌕𑌾𑌤𑌿𑌲𑌕𑌶𑍋𑌭𑌿𑌤𑌫𑌾𑌲𑌭𑌾𑌗𑌮𑍍 ।
𑌕𑌰𑍍𑌣𑌾𑌨𑍍𑌤𑌦𑍀𑌰𑍍𑌘𑌨𑌯𑌨𑌂 𑌕𑌰𑍁𑌣𑌾𑌕𑌟𑌾𑌕𑍍𑌷𑌂
82
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰 𑌮𑍁𑌖𑌮𑌾𑌤𑍍𑌮𑌨𑌿 𑌸𑌨𑍍𑌨𑌿𑌧𑌤𑍍𑌤𑌮𑍍 ॥ 82
𑌵𑍈𑌦𑍇𑌹𑍀𑌸𑌹𑌿𑌤𑌂 𑌚 𑌲𑌕𑍍𑌷𑍍𑌮𑌣𑌯𑍁𑌤𑌂 𑌕𑍈𑌕𑍇𑌯𑌿𑌪𑍁𑌤𑍍𑌰𑌾𑌨𑍍𑌵𑌿𑌤𑌂
𑌸𑍁𑌗𑍍𑌰𑍀𑌵𑌂 𑌚 𑌵𑌿𑌭𑍀𑌷𑌣𑌾𑌨𑌿𑌲𑌸𑍁𑌤𑍗 𑌨𑍀𑌲𑌂 𑌨𑌲𑌂 𑌸𑌾𑌙𑍍𑌗𑌦𑌮𑍍 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌵𑌸𑌿𑌷𑍍𑌠𑌗𑍗𑌤𑌮𑌭𑌰𑌦𑍍𑌵𑌾𑌜𑌾𑌦𑌿𑌕𑌾𑌨𑍍 𑌮𑌾𑌨𑌯𑌨𑍍
83
𑌰𑌾𑌮𑍋 𑌮𑌾𑌰𑍁𑌤𑌿𑌸𑍇𑌵𑌿𑌤𑌃 𑌸𑍍𑌮𑌰𑌤𑍁 𑌮𑌾𑌂 𑌸𑌾𑌮𑍍𑌰𑌾𑌜𑍍𑌯𑌸𑌿𑌂𑌹𑌾𑌸𑌨𑍇 ॥ 83
𑌸𑌕𑌲𑌗𑍁𑌣𑌨𑌿𑌧𑌾𑌨𑌂 𑌯𑍋𑌗𑌿𑌭𑌿𑌸𑍍𑌸𑍍𑌤𑍂𑌯𑌮𑌾𑌨𑌂
𑌭𑌜𑌿𑌤𑌸𑍁𑌰𑌵𑌿𑌮𑌾𑌨𑌂 𑌰𑌕𑍍𑌷𑌿𑌤𑍇𑌨𑍍𑌦𑍍𑌰𑌾𑌦𑌿𑌮𑌾𑌨𑌮𑍍 ।
𑌮𑌹𑌿𑌤𑌵𑍃𑌷𑌭𑌯𑌾𑌨𑌂 𑌸𑍀𑌤𑌯𑌾 𑌶𑍋𑌭𑌮𑌾𑌨𑌂
84
𑌸𑍍𑌮𑌰𑌤𑍁 𑌹𑍃𑌦𑌯𑌭𑌾𑌨𑍁𑌂 𑌬𑍍𑌰𑌹𑍍𑌮𑌰𑌾𑌮𑌾𑌭𑌿𑌰𑌾𑌮𑌮𑍍 ॥ 84
𑌤𑍍𑌰𑌿𑌦𑌶𑌕𑍁𑌮𑍁𑌦𑌚𑌨𑍍𑌦𑍍𑌰𑍋 𑌦𑌾𑌨𑌵𑌾𑌮𑍍𑌭𑍋𑌜𑌚𑌨𑍍𑌦𑍍𑌰𑍋
𑌦𑍁𑌰𑌿𑌤𑌤𑌿𑌮𑌿𑌰𑌚𑌨𑍍𑌦𑍍𑌰𑍋 𑌯𑍋𑌗𑌿𑌨𑌾𑌂 𑌜𑍍𑌞𑌾𑌨𑌚𑌨𑍍𑌦𑍍𑌰𑌃 ।
𑌪𑍍𑌰𑌣𑌤𑌨𑌯𑌨𑌚𑌨𑍍𑌦𑍍𑌰𑍋 𑌮𑍈𑌥𑌿𑌲𑍀𑌨𑍇𑌤𑍍𑌰𑌚𑌨𑍍𑌦𑍍𑌰𑍋
85
𑌦𑌶𑌮𑍁𑌖𑌰𑌿𑌪𑍁𑌚𑌨𑍍𑌦𑍍𑌰𑌃 𑌪𑌾𑌤𑍁 𑌮𑌾𑌂 𑌰𑌾𑌮𑌚𑌨𑍍𑌦𑍍𑌰𑌃 ॥ 85
𑌯𑌨𑍍𑌨𑌾𑌮𑍈𑌵 𑌸𑌹𑌸𑍍𑌰𑌨𑌾𑌮𑌸𑌦𑍃𑌶𑌂 𑌯𑌨𑍍𑌨𑌾𑌮 𑌵𑍇𑌦𑍈𑌸𑍍𑌸𑌮𑌂
𑌯𑌨𑍍𑌨𑌾𑌮𑌾𑌙𑍍𑌕𑌿𑌤𑌵𑌾𑌕𑍍𑌯-𑌮𑌾𑌸𑍁𑌰𑌬𑌲𑌸𑍍𑌤𑍍𑌰𑍀𑌗𑌰𑍍𑌭𑌵𑌿𑌚𑍍𑌛𑍇𑌦𑌨𑌮𑍍 ।
𑌯𑌨𑍍𑌨𑌾𑌮 𑌶𑍍𑌵𑌪𑌚𑌾𑌰𑍍𑌯𑌭𑍇𑌦𑌰𑌹𑌿𑌤𑌂 𑌮𑍁𑌕𑍍𑌤𑌿𑌪𑍍𑌰𑌦𑌾𑌨𑍋𑌜𑍍𑌜𑍍𑌵𑌲𑌂
86
𑌤𑌨𑍍𑌨𑌾𑌮𑌾𑌽𑌲𑌘𑍁𑌰𑌾𑌮𑌰𑌾𑌮𑌰𑌮𑌣𑌂 𑌶𑍍𑌰𑍀𑌰𑌾𑌮𑌨𑌾𑌮𑌾𑌮𑍃𑌤𑌮𑍍 ॥ 86
𑌰𑌾𑌜𑍀𑌵𑌨𑍇𑌤𑍍𑌰 𑌰𑌘𑍁𑌪𑍁𑌙𑍍𑌗𑌵 𑌰𑌾𑌮𑌭𑌦𑍍𑌰
𑌰𑌾𑌕𑍇𑌨𑍍𑌦𑍁𑌬𑌿𑌮𑍍𑌬𑌸𑌦𑍃𑌶𑌾𑌨𑌨 𑌨𑍀𑌲𑌗𑌾𑌤𑍍𑌰 ।
𑌰𑌾𑌮𑌾𑌽𑌭𑌿𑌰𑌾𑌮 𑌰𑌘𑍁𑌵𑌂𑌶𑌸𑌮𑍁𑌦𑍍𑌭𑌵 𑌤𑍍𑌵𑌂
87
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰 𑌮𑌮 𑌦𑍇𑌹𑌿 𑌕𑌰𑌾𑌵𑌲𑌮𑍍𑌬𑌮𑍍 ॥ 87
𑌮𑌾𑌣𑌿𑌕𑍍𑌯𑌮𑌞𑍍𑌜𑍀𑌰𑌪𑌦𑌾𑌰𑌵𑌿𑌨𑍍𑌦𑌂
𑌰𑌾𑌮𑌾𑌰𑍍𑌕𑌸𑌮𑍍𑌫𑍁𑌲𑍍𑌲𑌮𑍁𑌖𑌾𑌰𑌵𑌿𑌨𑍍𑌦𑌮𑍍 ।
𑌭𑌕𑍍𑌤𑌾𑌭𑌯𑌪𑍍𑌰𑌾𑌪𑌿𑌕𑌰𑌾𑌰𑌵𑌿𑌨𑍍𑌦𑌾𑌂
88
𑌦𑍇𑌵𑍀𑌂 𑌭𑌜𑍇 𑌰𑌾𑌘𑌵𑌵𑌲𑍍𑌲𑌭𑌾𑌂 𑌤𑌾𑌮𑍍 ॥ 88
𑌜𑌯𑌤𑍁 𑌵𑌿𑌜𑌯𑌕𑌾𑌰𑍀 𑌜𑌾𑌨𑌕𑍀𑌮𑍋𑌦𑌕𑌾𑌰𑍀
𑌤𑌪𑌨𑌕𑍁𑌲𑌵𑌿𑌹𑌾𑌰𑍀 𑌦𑌣𑍍𑌡𑌕𑌾𑌰𑌣𑍍𑌯𑌚𑌾𑌰𑍀 ।
𑌦𑌶𑌵𑌦𑌨𑌕𑍁𑌠𑌾𑌰𑍀 𑌦𑍈𑌤𑍍𑌯𑌵𑌿𑌚𑍍𑌛𑍇𑌦𑌕𑌾𑌰𑍀
89
𑌮𑌣𑌿𑌮𑌕𑍁𑌟𑌕𑌧𑌾𑌰𑍀 𑌚𑌣𑍍𑌡𑌕𑍋𑌦𑌣𑍍𑌡𑌧𑌾𑌰𑍀 ॥ 89
𑌰𑌾𑌮𑌃 𑌪𑌿𑌤𑌾 𑌰𑌘𑌵 𑌏𑌵 𑌮𑌾𑌤𑌾
𑌰𑌾𑌮𑌸𑍍𑌸𑍁𑌬𑌨𑍍𑌧𑍁𑌶𑍍𑌚 𑌸𑌖𑌾 𑌹𑌿𑌤𑌶𑍍𑌚 ।
𑌰𑌾𑌮𑍋 𑌗𑍁𑌰𑍁𑌰𑍍𑌮𑍇 𑌪𑌰𑌮𑌂 𑌚 𑌦𑍈𑌵𑌂
90
𑌰𑌾𑌮𑌂 𑌵𑌿𑌨𑌾 𑌨𑌾𑌽𑌨𑍍𑌯𑌮𑌹𑌂 𑌸𑍍𑌮𑌰𑌾𑌮𑌿 ॥ 90
𑌶𑍍𑌰𑍀𑌰𑌾𑌮 𑌮𑍇 𑌤𑍍𑌵𑌂 𑌹𑌿 𑌪𑌿𑌤𑌾 𑌚 𑌮𑌾𑌤𑌾
𑌶𑍍𑌰𑍀𑌰𑌾𑌮 𑌮𑍇 𑌤𑍍𑌵𑌂 𑌹𑌿 𑌸𑍁𑌹𑍃𑌚𑍍𑌚 𑌬𑌨𑍍𑌧𑍁𑌃 ।
𑌶𑍍𑌰𑍀𑌰𑌾𑌮 𑌮𑍇 𑌤𑍍𑌵𑌂 𑌹𑌿 𑌗𑍁𑌰𑍁𑌶𑍍𑌚 𑌗𑍋𑌷𑍍𑌠𑍀
91
𑌶𑍍𑌰𑍀𑌰𑌾𑌮 𑌮𑍇 𑌤𑍍𑌵𑌂 𑌹𑌿 𑌸𑌮𑌸𑍍𑌤𑌮𑍇𑌵 ॥ 91
𑌰𑌾𑌮𑌚𑌨𑍍𑌦𑍍𑌰𑌚𑌰𑌿𑌤𑌾𑌮𑍃𑌤𑌪𑌾𑌨𑌂
𑌸𑍋𑌮𑌪𑌾𑌨𑌶𑌤𑌕𑍋𑌟𑌿𑌸𑌮𑌾𑌨𑌮𑍍 ।
𑌸𑍋𑌮𑌪𑌾𑌨𑌶𑌤𑌕𑍋𑌟𑌿𑌭𑌿𑌰𑍀𑌯𑌾-
92
𑌜𑍍𑌜𑌨𑍍𑌮 𑌨𑍈𑌤𑌿 𑌰𑌘𑍁𑌨𑌾𑌯𑌕𑌨𑌾𑌮𑍍𑌨𑌾 ॥ 92
𑌰𑌾𑌮 𑌰𑌾𑌮 𑌦𑌯𑌾𑌸𑌿𑌨𑍍𑌧𑍋 𑌰𑌾𑌵𑌣𑌾𑌰𑍇 𑌜𑌗𑌤𑍍𑌪𑌤𑍇 ।
93
𑌤𑍍𑌵𑌤𑍍𑌪𑌾𑌦𑌕𑌮𑌲𑌾𑌸𑌕𑍍𑌤𑌿-𑌰𑍍𑌭𑌵𑍇𑌜𑍍𑌜𑌨𑍍𑌮𑌨𑌿 𑌜𑌨𑍍𑌮𑌨𑌿 ॥ 93
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑍇𑌤𑌿 𑌦𑌯𑌾𑌪𑌰𑍇𑌤𑌿
𑌭𑌕𑍍𑌤𑌪𑍍𑌰𑌿𑌯𑍇𑌤𑌿 𑌭𑌵𑌬𑌨𑍍𑌧𑌨𑌮𑍋𑌚𑌨𑍇𑌤𑌿 ।
𑌨𑌾𑌥𑍇𑌤𑌿 𑌨𑌾𑌗𑌶𑌯𑌨𑍇𑌤𑌿 𑌸𑌦𑌾 𑌸𑍍𑌤𑍁𑌵𑌨𑍍𑌤𑌂
94
𑌮𑌾𑌂 𑌪𑌾𑌹𑌿 𑌭𑍀𑌤𑌮𑌨𑌿𑌶𑌂 𑌕𑍃𑌪𑌣𑌂 𑌕𑍃𑌪𑌾𑌲𑍋 ॥ 94
𑌅𑌯𑍋𑌧𑍍𑌯𑌾𑌨𑌾𑌥 𑌰𑌾𑌜𑍇𑌨𑍍𑌦𑍍𑌰 𑌸𑍀𑌤𑌾𑌕𑌾𑌨𑍍𑌤 𑌜𑌗𑌤𑍍𑌪𑌤𑍇 ।
95
𑌶𑍍𑌰𑍀𑌰𑌾𑌮 𑌪𑍁𑌣𑍍𑌡𑌰𑍀𑌕𑌾𑌕𑍍𑌷 𑌰𑌾𑌮𑌚𑌨𑍍𑌦𑍍𑌰 𑌨𑌮𑍋𑌽𑌸𑍍𑌤𑍁 𑌤𑍇 ॥ 95
𑌹𑍇 𑌰𑌾𑌮 𑌹𑍇 𑌰𑌮𑌣 𑌹𑍇 𑌜𑌗𑌦𑍇𑌕𑌵𑍀𑌰
𑌹𑍇 𑌨𑌾𑌥 𑌹𑍇 𑌰𑌘𑍁𑌪𑌤𑍇 𑌕𑌰𑍁𑌣𑌾𑌲𑌵𑌾𑌲 ।
𑌹𑍇 𑌜𑌾𑌨𑌕𑍀𑌰𑌮𑌣 𑌹𑍇 𑌜𑌗𑌦𑍇𑌕𑌬𑌨𑍍𑌧𑍋
96
𑌮𑌾𑌂 𑌪𑌾𑌹𑌿 𑌦𑍀𑌨𑌮𑌨𑌿𑌶𑌂 𑌕𑍃𑌪𑌣𑌂 𑌕𑍃𑌤𑌘𑍍𑌨𑌮𑍍 ॥ 96
𑌜𑌾𑌨𑌾𑌤𑌿 𑌰𑌾𑌮 𑌤𑌵 𑌤𑌤𑍍𑌤𑍍𑌵𑌗𑌤𑌿𑌂 𑌹𑌨𑍂𑌮𑌾𑌨𑍍 ।
𑌜𑌾𑌨𑌾𑌤𑌿 𑌰𑌾𑌮 𑌤𑌵 𑌸𑌖𑍍𑌯𑌗𑌤𑌿𑌂 𑌕𑌪𑍀𑌶𑌃 ।
𑌜𑌾𑌨𑌾𑌤𑌿 𑌰𑌾𑌮 𑌤𑌵 𑌯𑍁𑌦𑍍𑌧𑌗𑌤𑌿𑌂 𑌦𑌶𑌾𑌸𑍍𑌯𑍋 ।
97
𑌜𑌾𑌨𑌾𑌤𑌿 𑌰𑌾𑌮 𑌧𑌨𑌦𑌾𑌨𑍁𑌜 𑌏𑌵 𑌸𑌤𑍍𑌯𑌮𑍍 ॥ 97
𑌸𑍇𑌵𑍍𑌯𑌂 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌶𑍍𑌰𑌵𑌣𑌶𑍁𑌭𑌕𑌰𑌂 𑌶𑍍𑌰𑍇𑌷𑍍𑌠𑌸𑍁𑌜𑍍𑌞𑌾𑌨𑌿𑌮𑌨𑍍𑌤𑍍𑌰𑌂
𑌸𑍍𑌤𑌵𑍍𑌯𑌂 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌨𑌰𑌕𑌦𑍁𑌰𑌿𑌤𑌦𑍁𑌰𑍍𑌵𑌾𑌰𑌨𑌿𑌰𑍍𑌘𑌾𑌤𑌮𑌨𑍍𑌤𑍍𑌰𑌮𑍍 ।
𑌭𑌵𑍍𑌯𑌂 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌭𑌜𑌤𑍁 𑌭𑌜𑌤𑍁 𑌸𑌂𑌸𑌾𑌰𑌨𑌿𑌸𑍍𑌤𑌾𑌰𑌮𑌨𑍍𑌤𑍍𑌰𑌂
98
𑌦𑌿𑌵𑍍𑌯𑌂 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌦𑌿𑌵𑌿 𑌭𑍁𑌵𑌿 𑌵𑌿𑌲𑌸𑌨𑍍𑌮𑍋𑌕𑍍𑌷𑌰𑌕𑍍𑌷𑍈𑌕𑌮𑌨𑍍𑌤𑍍𑌰𑌮𑍍 ॥ 98
𑌨𑌿𑌖𑌿𑌲𑌨𑌿𑌲𑌯𑌮𑌨𑍍𑌤𑍍𑌰𑌂 𑌨𑌿𑌤𑍍𑌯𑌤𑌤𑍍𑌤𑍍𑌵𑌾𑌖𑍍𑌯𑌮𑌨𑍍𑌤𑍍𑌰𑌂
𑌭𑌵𑌕𑍁𑌲𑌹𑌰𑌮𑌨𑍍𑌤𑍍𑌰𑌂 𑌭𑍂𑌮𑌿𑌜𑌾𑌪𑍍𑌰𑌾𑌣𑌮𑌨𑍍𑌤𑍍𑌰𑌮𑍍 ।
𑌪𑌵𑌨𑌜𑌨𑍁𑌤𑌮𑌨𑍍𑌤𑍍𑌰𑌂 𑌪𑌾𑌰𑍍𑌵𑌤𑍀𑌮𑍋𑌕𑍍𑌷𑌮𑌨𑍍𑌤𑍍𑌰𑌂
99
𑌪𑌶𑍁𑌪𑌤𑌿𑌨𑌿𑌜𑌮𑌨𑍍𑌤𑍍𑌰𑌂 𑌪𑌾𑌤𑍁 𑌮𑌾𑌂 𑌰𑌾𑌮𑌮𑌨𑍍𑌤𑍍𑌰𑌮𑍍 ॥ 99
𑌪𑍍𑌰𑌣𑌵𑌨𑌿𑌲𑌯𑌮𑌨𑍍𑌤𑍍𑌰𑌂 𑌪𑍍𑌰𑌾𑌣𑌨𑌿𑌰𑍍𑌵𑌾𑌣𑌮𑌨𑍍𑌤𑍍𑌰𑌂
𑌪𑍍𑌰𑌕𑍃𑌤𑌿𑌪𑍁𑌰𑍁𑌷𑌮𑌨𑍍𑌤𑍍𑌰𑌂 𑌬𑍍𑌰𑌹𑍍𑌮𑌰𑍁𑌦𑍍𑌰𑍇𑌨𑍍𑌦𑍍𑌰𑌮𑌨𑍍𑌤𑍍𑌰𑌮𑍍 ।
𑌪𑍍𑌰𑌕𑌟𑌦𑍁𑌰𑌿𑌤𑌰𑌾𑌗𑌦𑍍𑌵𑍇𑌷𑌨𑌿𑌰𑍍𑌣𑌾𑌶𑌮𑌨𑍍𑌤𑍍𑌰𑌂
100
𑌰𑌘𑍁𑌪𑌤𑌿𑌨𑌿𑌜𑌮𑌨𑍍𑌤𑍍𑌰𑌂 𑌰𑌾𑌮𑌰𑌾𑌮𑍇𑌤𑌿𑌮𑌨𑍍𑌤𑍍𑌰𑌮𑍍 ॥ 100
𑌦𑌶𑌰𑌥𑌸𑍁𑌤𑌮𑌨𑍍𑌤𑍍𑌰𑌂 𑌦𑍈𑌤𑍍𑌯𑌸𑌂𑌹𑌾𑌰𑌮𑌨𑍍𑌤𑍍𑌰𑌂
𑌵𑌿𑌬𑍁𑌧𑌵𑌿𑌨𑍁𑌤𑌮𑌨𑍍𑌤𑍍𑌰𑌂 𑌵𑌿𑌶𑍍𑌵𑌵𑌿𑌖𑍍𑌯𑌾𑌤𑌮𑌨𑍍𑌤𑍍𑌰𑌮𑍍 ।
𑌮𑍁𑌨𑌿𑌗𑌣𑌨𑍁𑌤𑌮𑌨𑍍𑌤𑍍𑌰𑌂 𑌮𑍁𑌕𑍍𑌤𑌿𑌮𑌾𑌰𑍍𑌗𑍈𑌕𑌮𑌨𑍍𑌤𑍍𑌰𑌂
101
𑌰𑌘𑍁𑌪𑌤𑌿𑌨𑌿𑌜𑌮𑌨𑍍𑌤𑍍𑌰𑌂 𑌰𑌾𑌮𑌰𑌾𑌮𑍇𑌤𑌿𑌮𑌨𑍍𑌤𑍍𑌰𑌮𑍍 ॥ 101
𑌸𑌂𑌸𑌾𑌰𑌸𑌾𑌗𑌰𑌭𑌯𑌾𑌪𑌹𑌵𑌿𑌶𑍍𑌵𑌮𑌨𑍍𑌤𑍍𑌰𑌂
𑌸𑌾𑌕𑍍𑌷𑌾𑌨𑍍𑌮𑍁𑌮𑍁𑌕𑍍𑌷𑍁𑌜𑌨𑌸𑍇𑌵𑌿𑌤𑌸𑌿𑌦𑍍𑌧𑌮𑌨𑍍𑌤𑍍𑌰𑌮𑍍 ।
𑌸𑌾𑌰𑌙𑍍𑌗𑌹𑌸𑍍𑌤𑌮𑍁𑌖𑌹𑌸𑍍𑌤𑌨𑌿𑌵𑌾𑌸𑌮𑌨𑍍𑌤𑍍𑌰𑌂
102
𑌕𑍈𑌵𑌲𑍍𑌯𑌮𑌨𑍍𑌤𑍍𑌰𑌮𑌨𑌿𑌶𑌂 𑌭𑌜 𑌰𑌾𑌮𑌮𑌨𑍍𑌤𑍍𑌰𑌮𑍍 ॥ 102
𑌜𑌯𑌤𑍁 𑌜𑌯𑌤𑍁 𑌮𑌨𑍍𑌤𑍍𑌰𑌂 𑌜𑌨𑍍𑌮𑌸𑌾𑌫𑌲𑍍𑌯𑌮𑌨𑍍𑌤𑍍𑌰𑌂
𑌜𑌨𑌨𑌮𑌰𑌣𑌭𑍇𑌦𑌕𑍍𑌲𑍇𑌶𑌵𑌿𑌚𑍍𑌛𑍇𑌦𑌮𑌨𑍍𑌤𑍍𑌰𑌮𑍍 ।
𑌸𑌕𑌲𑌨𑌿𑌗𑌮𑌮𑌨𑍍𑌤𑍍𑌰𑌂 𑌸𑌰𑍍𑌵𑌶𑌾𑌸𑍍𑌤𑍍𑌰𑍈𑌕𑌮𑌨𑍍𑌤𑍍𑌰𑌂
103
𑌰𑌘𑍁𑌪𑌤𑌿𑌨𑌿𑌜𑌮𑌨𑍍𑌤𑍍𑌰𑌂 𑌰𑌾𑌮𑌰𑌾𑌮𑍇𑌤𑌿𑌮𑌨𑍍𑌤𑍍𑌰𑌮𑍍 ॥ 103
𑌜𑌗𑌤𑌿 𑌵𑌿𑌶𑌦𑌮𑌨𑍍𑌤𑍍𑌰𑌂 𑌜𑌾𑌨𑌕𑍀𑌪𑍍𑌰𑌾𑌣𑌮𑌨𑍍𑌤𑍍𑌰𑌂
𑌵𑌿𑌬𑍁𑌧𑌵𑌿𑌨𑍁𑌤𑌮𑌨𑍍𑌤𑍍𑌰𑌂 𑌵𑌿𑌶𑍍𑌵𑌵𑌿𑌖𑍍𑌯𑌾𑌤𑌮𑌨𑍍𑌤𑍍𑌰𑌮𑍍 ।
𑌦𑌶𑌰𑌥𑌸𑍁𑌤𑌮𑌨𑍍𑌤𑍍𑌰𑌂 𑌦𑍈𑌤𑍍𑌯𑌸𑌂𑌹𑌾𑌰𑌮𑌨𑍍𑌤𑍍𑌰𑌂
104
𑌰𑌘𑍁𑌪𑌤𑌿𑌨𑌿𑌜𑌮𑌨𑍍𑌤𑍍𑌰𑌂 𑌰𑌾𑌮𑌰𑌾𑌮𑍇𑌤𑌿𑌮𑌨𑍍𑌤𑍍𑌰𑌮𑍍 ॥ 104
𑌬𑍍𑌰𑌹𑍍𑌮𑌾𑌦𑌿𑌯𑍋𑌗𑌿𑌮𑍁𑌨𑌿𑌪𑍂𑌜𑌿𑌤𑌸𑌿𑌦𑍍𑌧𑌮𑌨𑍍𑌤𑍍𑌰𑌂
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖𑌭𑌵𑌰𑍋𑌗𑌵𑌿𑌨𑌾𑌶𑌮𑌨𑍍𑌤𑍍𑌰𑌮𑍍 ।
𑌸𑌂𑌸𑌾𑌰𑌸𑌾𑌗𑌰𑌸𑌮𑍁𑌤𑍍𑌤𑌰𑌣𑍈𑌕𑌮𑌨𑍍𑌤𑍍𑌰𑌂
105
𑌵𑌨𑍍𑌦𑍇 𑌮𑌹𑌾𑌭𑌯𑌹𑌰𑌂 𑌰𑌘𑍁𑌰𑌾𑌮𑌮𑌨𑍍𑌤𑍍𑌰𑌮𑍍 ॥ 105
𑌶𑌤𑍍𑌰𑍁𑌚𑍍𑌛𑍇𑌦𑍈𑌕𑌮𑌨𑍍𑌤𑍍𑌰𑌂 𑌸𑌰𑌸𑌮𑍁𑌪𑌨𑌿𑌷𑌦𑍍𑌵𑌾𑌕𑍍𑌯𑌸𑌮𑍍𑌪𑍂𑌜𑍍𑌯𑌮𑌨𑍍𑌤𑍍𑌰𑌂
𑌸𑌂𑌸𑌾𑌰𑍋𑌤𑍍𑌤𑌾𑌰𑌮𑌨𑍍𑌤𑍍𑌰𑌂 𑌸𑌮𑍁𑌚𑌿𑌤𑌸𑌮𑌯𑍇 𑌸𑌙𑍍𑌗𑌨𑌿𑌰𑍍𑌯𑌾𑌣𑌮𑌨𑍍𑌤𑍍𑌰𑌮𑍍 ।
𑌸𑌰𑍍𑌵𑍈𑌶𑍍𑌵𑌰𑍍𑌯𑍈𑌕𑌮𑌨𑍍𑌤𑍍𑌰𑌂 𑌵𑍍𑌯𑌸𑌨𑌭𑍁𑌜𑌗𑌸𑌨𑍍𑌦𑌷𑍍𑌟𑌸𑌨𑍍𑌤𑍍𑌰𑌾𑌣𑌮𑌨𑍍𑌤𑍍𑌰𑌂
106
𑌜𑌿𑌹𑍍𑌵𑍇 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌜𑌪 𑌜𑌪 𑌸𑌫𑌲𑌂 𑌜𑌨𑍍𑌮𑌸𑌾𑌫𑌲𑍍𑌯𑌮𑌨𑍍𑌤𑍍𑌰𑌮𑍍 ॥ 106
𑌨𑌿𑌤𑍍𑌯𑌂 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌨𑌿𑌰𑍁𑌪𑌮𑌮𑌧𑌿𑌕𑌂 𑌨𑍀𑌤𑌿𑌸𑍁𑌜𑍍𑌞𑌾𑌨𑌮𑌨𑍍𑌤𑍍𑌰𑌂
𑌸𑌤𑍍𑌯𑌂 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌸𑌦𑌮𑌲𑌹𑍃𑌦𑌯𑍇 𑌸𑌰𑍍𑌵𑌦𑌾𑌰𑍋𑌗𑍍𑌯𑌮𑌨𑍍𑌤𑍍𑌰𑌮𑍍 ।
𑌸𑍍𑌤𑍁𑌤𑍍𑌯𑌂 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌸𑍁𑌲𑌲𑌿𑌤𑌸𑍁𑌮𑌨𑌸𑍍𑌸𑍗𑌖𑍍𑌯𑌸𑍗𑌭𑌾𑌗𑍍𑌯𑌮𑌨𑍍𑌤𑍍𑌰𑌂
107
𑌪𑌠𑍍𑌯𑌂 𑌶𑍍𑌰𑍀𑌰𑌾𑌮𑌮𑌨𑍍𑌤𑍍𑌰𑌂 𑌪𑌵𑌨𑌜𑌵𑌰𑌦𑌂 𑌪𑌾𑌤𑍁 𑌮𑌾𑌂 𑌰𑌾𑌮𑌮𑌨𑍍𑌤𑍍𑌰𑌮𑍍 ॥ 107
𑌵𑍍𑌯𑌾𑌮𑍋𑌹𑌪𑍍𑌰𑌶𑌮𑍗𑌷𑌧𑌂 𑌮𑍁𑌨𑌿𑌮𑌨𑍋𑌵𑍃𑌤𑍍𑌤𑌿𑌪𑍍𑌰𑌵𑍃𑌤𑍍𑌤𑍍𑌯𑍗𑌷𑌧𑌂
𑌦𑍈𑌤𑍍𑌯𑍋𑌨𑍍𑌮𑍂𑌲𑌕𑌰𑍗𑌷𑌧𑌂 𑌭𑌵𑌭𑌯𑌪𑍍𑌰𑌧𑍍𑌵𑌂𑌸𑌨𑍈𑌕𑍗𑌷𑌧𑌮𑍍 ।
𑌭𑌕𑍍𑌤𑌾𑌨𑌨𑍍𑌦𑌕𑌰𑍗𑌷𑌧𑌂 𑌤𑍍𑌰𑌿𑌭𑍁𑌵𑌨𑍇 𑌸𑌞𑍍𑌜𑍀𑌵𑌨𑍈𑌕𑍗𑌷𑌧𑌂
108
𑌶𑍍𑌰𑍇𑌯𑌃 𑌪𑍍𑌰𑌾𑌪𑍍𑌤𑌿𑌕𑌰𑍗𑌷𑌧𑌂 𑌪𑌿𑌬 𑌮𑌨𑌃 𑌶𑍍𑌰𑍀𑌰𑌾𑌮𑌨𑌾𑌮𑍗𑌷𑌧𑌮𑍍 ॥ 108
𑌸𑌕𑌲𑌭𑍁𑌵𑌨𑌰𑌤𑍍𑌨𑌂 𑌸𑌰𑍍𑌵𑌶𑌾𑌸𑍍𑌤𑍍𑌰𑌾𑌰𑍍𑌥𑌰𑌤𑍍𑌨𑌂
𑌸𑌮𑌰𑌵𑌿𑌜𑌯𑌰𑌤𑍍𑌨𑌂 𑌸𑌚𑍍𑌚𑌿𑌦𑌾𑌨𑌨𑍍𑌦𑌰𑌤𑍍𑌨𑌮𑍍 ।
𑌦𑌶𑌮𑍁𑌖𑌹𑌰𑌰𑌤𑍍𑌨𑌂 𑌦𑌾𑌨𑌵𑌾𑌰𑌾𑌤𑌿𑌰𑌤𑍍𑌨𑌂
109
𑌰𑌘𑍁𑌕𑍁𑌲𑌨𑍃𑌪𑌰𑌤𑍍𑌨𑌂 𑌪𑌾𑌤𑍁 𑌮𑌾𑌂 𑌰𑌾𑌮𑌰𑌤𑍍𑌨𑌮𑍍 ॥ 109
𑌸𑌕𑌲𑌭𑍁𑌵𑌨𑌰𑌤𑍍𑌨𑌂 𑌸𑌚𑍍𑌚𑌿𑌦𑌾𑌨𑌨𑍍𑌦𑌰𑌤𑍍𑌨𑌂
𑌸𑌕𑌲𑌹𑍃𑌦𑌯𑌰𑌤𑍍𑌨𑌂 𑌸𑍂𑌰𑍍𑌯𑌬𑌿𑌮𑍍𑌬𑌾𑌨𑍍𑌤𑌰𑌤𑍍𑌨𑌮𑍍 ।
𑌵𑌿𑌮𑌲𑌸𑍁𑌕𑍃𑌤𑌰𑌤𑍍𑌨𑌂 𑌵𑍇𑌦𑌵𑍇𑌦𑌾𑌨𑍍𑌤𑌰𑌤𑍍𑌨𑌂
110
𑌪𑍁𑌰𑌹𑌰𑌜𑌪𑌰𑌤𑍍𑌨𑌂 𑌪𑌾𑌤𑍁 𑌮𑌾𑌂 𑌰𑌾𑌮𑌰𑌤𑍍𑌨𑌮𑍍 ॥ 110
𑌨𑌿𑌗𑌮𑌶𑌿𑌖𑌰𑌰𑌤𑍍𑌨𑌂 𑌨𑌿𑌰𑍍𑌮𑌲𑌾𑌨𑌨𑍍𑌦𑌰𑌤𑍍𑌨𑌂
𑌨𑌿𑌰𑍁𑌪𑌮𑌗𑍁𑌣𑌰𑌤𑍍𑌨𑌂 𑌨𑌾𑌦𑌨𑌾𑌦𑌾𑌨𑍍𑌤𑌰𑌤𑍍𑌨𑌮𑍍 ।
𑌦𑌶𑌰𑌥𑌕𑍁𑌲𑌰𑌤𑍍𑌨𑌂 𑌦𑍍𑌵𑌾𑌦𑌶𑌾𑌨𑍍𑌤𑌸𑍍𑌸𑍍𑌥𑌰𑌤𑍍𑌨𑌂
111
𑌪𑌶𑍁𑌪𑌤𑌿𑌜𑌪𑌰𑌤𑍍𑌨𑌂 𑌪𑌾𑌤𑍁 𑌮𑌾𑌂 𑌰𑌾𑌮𑌰𑌤𑍍𑌨𑌮𑍍 ॥ 111
𑌶𑌤𑌮𑌖𑌸𑍁𑌤𑌰𑌤𑍍𑌨𑌂 𑌷𑍋𑌡𑌶𑌾𑌨𑍍𑌤𑌸𑍍𑌸𑍍𑌥𑌰𑌤𑍍𑌨𑌂
𑌮𑍁𑌨𑌿𑌜𑌨𑌜𑌪𑌰𑌤𑍍𑌨𑌂 𑌮𑍁𑌖𑍍𑌯𑌵𑍈𑌕𑍁𑌣𑍍𑌠𑌰𑌤𑍍𑌨𑌮𑍍 ।
𑌨𑌿𑌰𑍁𑌪𑌮𑌗𑍁𑌣𑌰𑌤𑍍𑌨𑌂 𑌨𑍀𑌰𑌜𑌾𑌨𑍍𑌤𑌸𑍍𑌸𑍍𑌥𑌰𑌤𑍍𑌨𑌂
112
𑌪𑌰𑌮𑌪𑌦𑌵𑌿𑌰𑌤𑍍𑌨𑌂 𑌪𑌾𑌤𑍁 𑌮𑌾𑌂 𑌰𑌾𑌮𑌰𑌤𑍍𑌨𑌮𑍍 ॥ 112
𑌸𑌕𑌲𑌸𑍁𑌕𑍃𑌤𑌰𑌤𑍍𑌨𑌂 𑌸𑌤𑍍𑌯𑌵𑌾𑌕𑍍𑌯𑌾𑌰𑍍𑌥𑌰𑌤𑍍𑌨𑌂
𑌶𑌮𑌦𑌮𑌗𑍁𑌣𑌰𑌤𑍍𑌨𑌂 𑌶𑌾𑌶𑍍𑌵𑌤𑌾𑌨𑌨𑍍𑌦𑌰𑌤𑍍𑌨𑌮𑍍 ।
𑌪𑍍𑌰𑌣𑌯𑌨𑌿𑌲𑌯𑌰𑌤𑍍𑌨𑌂 𑌪𑍍𑌰𑌸𑍍𑌫𑍁𑌟𑌦𑍍𑌯𑍋𑌤𑌿𑌰𑌤𑍍𑌨𑌂
113
𑌪𑌰𑌮𑌪𑌦𑌵𑌿𑌰𑌤𑍍𑌨𑌂 𑌪𑌾𑌤𑍁 𑌮𑌾𑌂 𑌰𑌾𑌮𑌰𑌤𑍍𑌨𑌮𑍍 ॥ 113
𑌨𑌿𑌗𑌮𑌶𑌿𑌖𑌰𑌰𑌤𑍍𑌨𑌂 𑌨𑌿𑌤𑍍𑌯𑌮𑌾𑌶𑌾𑌸𑍍𑌯𑌰𑌤𑍍𑌨𑌂
𑌜𑌨𑌨𑍁𑌤𑌨𑍃𑌪𑌰𑌤𑍍𑌨𑌂 𑌜𑌾𑌨𑌕𑍀𑌰𑍂𑌪𑌰𑌤𑍍𑌨𑌮𑍍 ।
𑌭𑍁𑌵𑌨𑌵𑌲𑌯𑌰𑌤𑍍𑌨𑌂 𑌭𑍂𑌭𑍁𑌜𑌾𑌮𑍇𑌕𑌰𑌤𑍍𑌨𑌂
114
𑌰𑌘𑍁𑌕𑍁𑌲𑌵𑌰𑌰𑌤𑍍𑌨𑌂 𑌪𑌾𑌤𑍁 𑌮𑌾𑌂 𑌰𑌾𑌮𑌰𑌤𑍍𑌨𑌮𑍍 ॥ 114
𑌵𑌿𑌶𑌾𑌲𑌨𑍇𑌤𑍍𑌰𑌂 𑌪𑌰𑌿𑌪𑍂𑌰𑍍𑌣𑌗𑌾𑌤𑍍𑌰𑌂
𑌸𑍀𑌤𑌾𑌕𑌲𑌤𑍍𑌰𑌂 𑌸𑍁𑌰𑌵𑍈𑌰𑌿𑌜𑍈𑌤𑍍𑌰𑌮𑍍 ।
𑌕𑌾𑌰𑍁𑌣𑍍𑌯𑌪𑌾𑌤𑍍𑌰𑌂 𑌜𑌗𑌤𑌃 𑌪𑌵𑌿𑌤𑍍𑌰𑌂
115
𑌶𑍍𑌰𑍀𑌰𑌾𑌮𑌰𑌤𑍍𑌨𑌂 𑌪𑍍𑌰𑌣𑌤𑍋𑌽𑌸𑍍𑌮𑌿 𑌨𑌿𑌤𑍍𑌯𑌮𑍍 ॥ 115
𑌹𑍇 𑌗𑍋𑌪𑌾𑌲𑌕 𑌹𑍇 𑌦𑌯𑌾𑌜𑌲𑌨𑌿𑌧𑍇 𑌹𑍇 𑌸𑌦𑍍𑌗𑍁𑌣𑌾𑌮𑍍𑌭𑍋𑌨𑌿𑌧𑍇
𑌹𑍇 𑌦𑍈𑌤𑍍𑌯𑌾𑌨𑍍𑌤𑌕 𑌹𑍇 𑌵𑌿𑌭𑍀𑌷𑌣𑌦𑌯𑌾𑌪𑌰𑍀𑌣 𑌹𑍇 𑌭𑍂𑌪𑌤𑍇 ।
𑌹𑍇 𑌵𑍈𑌦𑍇𑌹𑌸𑍁𑌤𑌾𑌮𑌨𑍋𑌜𑌵𑌿𑌹𑍃𑌤𑍇 𑌹𑍇 𑌕𑍋𑌟𑌿𑌮𑌾𑌰𑌾𑌕𑍃𑌤𑍇
116
𑌹𑍇 𑌨𑌵𑍍𑌯𑌾𑌮𑍍𑌬𑍁𑌜𑌨𑍇𑌤𑍍𑌰 𑌪𑌾𑌲𑌯 𑌪𑌰𑌂 𑌜𑌾𑌨𑌾𑌮𑌿 𑌨 𑌤𑍍𑌵𑌾𑌂 𑌵𑌿𑌨𑌾 ॥ 116
𑌯𑌸𑍍𑌯 𑌕𑌿𑌞𑍍𑌚𑌿𑌦𑌪𑌿 𑌨𑍋 𑌹𑌰𑌣𑍀𑌯𑌂
𑌕𑌰𑍍𑌮 𑌕𑌿𑌞𑍍𑌚𑌿𑌦𑌪𑌿 𑌨𑍋 𑌚𑌰𑌣𑍀𑌯𑌮𑍍 ।
𑌰𑌾𑌮𑌨𑌾𑌮 𑌚 𑌸𑌦𑌾 𑌸𑍍𑌮𑌰𑌣𑍀𑌯𑌂
117
𑌲𑍀𑌲𑌯𑌾 𑌭𑌵𑌜𑌲𑌂 𑌤𑌰𑌣𑍀𑌯𑌮𑍍 ॥ 117
𑌦𑌶𑌰𑌥𑌸𑍁𑌤𑌮𑍀𑌶𑌂 𑌦𑌣𑍍𑌡𑌕𑌾𑌰𑌣𑍍𑌯𑌵𑌾𑌸𑌂
𑌶𑌤𑌮𑌖𑌮𑌣𑌿𑌨𑍀𑌲𑌂 𑌜𑌾𑌨𑌕𑍀𑌪𑍍𑌰𑌾𑌣𑌲𑍋𑌲𑌮𑍍 ।
𑌸𑌕𑌲𑌭𑍁𑌵𑌨𑌮𑍋𑌹𑌂 𑌸𑌨𑍍𑌨𑍁𑌤𑌾𑌮𑍍𑌭𑍋𑌦𑌦𑍇𑌹𑌂
118
𑌬𑌹𑍁𑌲𑌨𑍁𑌤𑌸𑌮𑍁𑌦𑍍𑌰𑌂 𑌭𑌾𑌵𑌯𑍇 𑌰𑌾𑌮𑌭𑌦𑍍𑌰𑌮𑍍 ॥ 118
𑌵𑌿𑌶𑌾𑌲𑌨𑍇𑌤𑍍𑌰𑌂 𑌪𑌰𑌿𑌪𑍂𑌰𑍍𑌣𑌗𑌾𑌤𑍍𑌰𑌂
𑌸𑍀𑌤𑌾𑌕𑌲𑌤𑍍𑌰𑌂 𑌸𑍁𑌰𑌵𑍈𑌰𑌿𑌜𑍈𑌤𑍍𑌰𑌮𑍍 ।
𑌜𑌗𑌤𑍍𑌪𑌵𑌿𑌤𑍍𑌰𑌂 𑌪𑌰𑌮𑌾𑌤𑍍𑌮𑌤𑌨𑍍𑌤𑍍𑌰𑌂
119
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌂 𑌪𑍍𑌰𑌣𑌮𑌾𑌮𑌿 𑌚𑌿𑌤𑍍𑌤𑍇 ॥ 119
𑌜𑌯 𑌜𑌯 𑌰𑌘𑍁𑌰𑌾𑌮 𑌶𑍍𑌰𑍀𑌮𑍁𑌖𑌾𑌮𑍍𑌭𑍋𑌜𑌭𑌾𑌨𑍋
𑌜𑌯 𑌜𑌯 𑌰𑌘𑍁𑌵𑍀𑌰 𑌶𑍍𑌰𑍀𑌮𑌦𑌮𑍍𑌭𑍋𑌜𑌨𑍇𑌤𑍍𑌰 ।
𑌜𑌯 𑌜𑌯 𑌰𑌘𑍁𑌨𑌾𑌥 𑌶𑍍𑌰𑍀𑌕𑌰𑌾𑌭𑍍𑌯𑌰𑍍𑌚𑌿𑌤𑌾𑌙𑍍𑌘𑍍𑌰𑌿
120
𑌜𑌯 𑌜𑌯 𑌰𑌘𑍁𑌵𑌰𑍍𑌯 𑌶𑍍𑌰𑍀𑌶 𑌕𑌾𑌰𑍁𑌣𑍍𑌯𑌸𑌿𑌨𑍍𑌧𑍋 ॥ 120
𑌮𑌨𑍍𑌦𑌾𑌰𑌮𑍂𑌲𑍇 𑌮𑌣𑌿𑌪𑍀𑌠𑌸𑌂𑌸𑍍𑌥𑌂
𑌸𑍁𑌧𑌾𑌪𑍍𑌲𑍁𑌤𑌂 𑌦𑌿𑌵𑍍𑌯𑌵𑌿𑌰𑌾𑌟𑍍𑌸𑍍𑌵𑌰𑍂𑌪𑌮𑍍 ।
𑌸𑌬𑌿𑌨𑍍𑌦𑍁𑌨𑌾𑌦𑌾𑌨𑍍𑌤𑌕𑌲𑌾𑌨𑍍𑌤𑌤𑍁𑌰𑍍𑌯-
121
𑌮𑍂𑌰𑍍𑌤𑌿𑌂 𑌭𑌜𑍇𑌽𑌹𑌂 𑌰𑌘𑍁𑌵𑌂𑌶𑌰𑌤𑍍𑌨𑌮𑍍 ॥ 121
𑌨𑌾𑌦𑌂 𑌨𑌾𑌦𑌵𑌿𑌨𑍀𑌲𑌚𑌿𑌤𑍍𑌤𑌪𑌵𑌨𑌂 𑌨𑌾𑌦𑌾𑌨𑍍𑌤𑌤𑍍𑌤𑍍𑌵𑌪𑍍𑌰𑌿𑌯𑌂
𑌨𑌾𑌮𑌾𑌕𑌾𑌰𑌵𑌿𑌵𑌰𑍍𑌜𑌿𑌤𑌂 𑌨𑌵𑌘𑌨𑌶𑍍𑌯𑌾𑌮𑌾𑌙𑍍𑌗𑌨𑌾𑌦𑌪𑍍𑌰𑌿𑌯𑌮𑍍 ।
𑌨𑌾𑌦𑌾𑌮𑍍𑌭𑍋𑌜𑌮𑌰𑌨𑍍𑌦𑌮𑌤𑍍𑌤𑌵𑌿𑌲𑌸𑌦𑍍𑌭𑍃𑌙𑍍𑌗𑌂 𑌮𑌦𑌾𑌨𑍍𑌤𑌸𑍍𑌸𑍍𑌥𑌿𑌤𑌂
122
𑌨𑌾𑌦𑌾𑌨𑍍𑌤𑌧𑍃𑌵𑌮𑌣𑍍𑌡𑌲𑌾𑌬𑍍𑌜𑌰𑍁𑌚𑌿𑌰𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 122
𑌨𑌾𑌨𑌾𑌭𑍂𑌤𑌹𑍃𑌦𑌬𑍍𑌜𑌪𑌦𑍍𑌮𑌨𑌿𑌲𑌯𑌂 𑌨𑌾𑌮𑍋𑌜𑍍𑌜𑍍𑌵𑌲𑌾𑌭𑍂𑌷𑌣𑌮𑍍 ।
𑌨𑌾𑌮𑌸𑍍𑌤𑍋𑌤𑍍𑌰𑌪𑌵𑌿𑌤𑍍𑌰𑌿𑌤𑌤𑍍𑌰𑌿𑌭𑍁𑌵𑌨𑌂 𑌨𑌾𑌰𑌾𑌯𑌣𑌾𑌷𑍍𑌟𑌾𑌕𑍍𑌷𑌰𑌮𑍍 ।
𑌨𑌾𑌦𑌾𑌨𑍍𑌤𑍇𑌨𑍍𑌦𑍁𑌗𑌲𑌤𑍍𑌸𑍁𑌧𑌾𑌪𑍍𑌲𑍁𑌤𑌤𑌨𑍁𑌂 𑌨𑌾𑌨𑌾𑌤𑍍𑌮𑌚𑌿𑌨𑍍𑌮𑌾𑌤𑍍𑌰𑌕𑌮𑍍 ।
123
𑌨𑌾𑌨𑌾𑌕𑍋𑌟𑌿𑌯𑍁𑌗𑌾𑌨𑍍𑌤𑌭𑌾𑌨𑍁𑌸𑌦𑍃𑌶𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 123
𑌵𑍇𑌦𑍍𑌯𑌂 𑌵𑍇𑌦𑌗𑍁𑌰𑍁𑌂 𑌵𑌿𑌰𑌿𑌞𑍍𑌚𑌿𑌜𑌨𑌕𑌂 𑌵𑍇𑌦𑌾𑌨𑍍𑌤𑌮𑍂𑌰𑍍𑌤𑌿𑌂 𑌸𑍍𑌫𑍁𑌰-
𑌦𑍍𑌵𑍇𑌦𑌂 𑌵𑍇𑌦𑌕𑌲𑌾𑌪𑌮𑍂𑌲𑌮𑌹𑌿𑌮𑌾𑌧𑌾𑌰𑌾𑌨𑍍𑌤𑌕𑌨𑍍𑌦𑌾𑌙𑍍𑌕𑍁𑌰𑌮𑍍 ।
𑌵𑍇𑌦𑌶𑍃𑌙𑍍𑌗𑌸𑌮𑌾𑌨𑌶𑍇𑌷𑌶𑌯𑌨𑌂 𑌵𑍇𑌦𑌾𑌨𑍍𑌤𑌵𑍇𑌦𑍍𑌯𑌾𑌤𑍍𑌮𑌕𑌂
124
𑌵𑍇𑌦𑌾𑌰𑌾𑌧𑌿𑌤𑌪𑌾𑌦𑌪𑌙𑍍𑌕𑌜𑌮𑌹𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 124
𑌮𑌜𑍍𑌜𑍀𑌵𑌂 𑌮𑌦𑌨𑍁𑌗𑍍𑌰𑌹𑌂 𑌮𑌦𑌧𑌿𑌪𑌂 𑌮𑌦𑍍𑌭𑌾𑌵𑌨𑌂 𑌮𑌤𑍍𑌸𑍁𑌖𑌂
𑌮𑌤𑍍𑌤𑌾𑌤𑌂 𑌮𑌮 𑌸𑌦𑍍𑌗𑍁𑌰𑍁𑌂 𑌮𑌮 𑌵𑌰𑌂 𑌮𑍋𑌹𑌾𑌨𑍍𑌧𑌵𑌿𑌚𑍍𑌛𑍇𑌦𑌨𑌮𑍍 ।
𑌮𑌤𑍍𑌪𑍁𑌣𑍍𑌯𑌂 𑌮𑌦𑌨𑍇𑌕𑌬𑌾𑌨𑍍𑌧𑌵𑌜𑌨𑌂 𑌮𑌜𑍍𑌜𑍀𑌵𑌨𑌂 𑌮𑌨𑍍𑌨𑌿𑌧𑌿𑌂
125
𑌮𑌤𑍍𑌸𑌿𑌦𑍍𑌧𑌿𑌂 𑌮𑌮 𑌸𑌰𑍍𑌵𑌕𑌰𑍍𑌮𑌸𑍁𑌕𑍃𑌤𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 125
𑌨𑌿𑌤𑍍𑌯𑌂 𑌨𑍀𑌰𑌜𑌲𑍋𑌚𑌨𑌂 𑌨𑌿𑌰𑍁𑌪𑌮𑌂 𑌨𑍀𑌵𑌾𑌰𑌶𑍂𑌕𑍋𑌪𑌮𑌂
𑌨𑌿𑌰𑍍𑌭𑍇𑌦𑌾𑌨𑍁𑌭𑌵𑌂 𑌨𑌿𑌰𑌨𑍍𑌤𑌰𑌗𑍁𑌣𑌂 𑌨𑍀𑌲𑌾𑌙𑍍𑌗𑌰𑌾𑌗𑍋𑌜𑍍𑌜𑍍𑌵𑌲𑌮𑍍 ।
𑌨𑌿𑌷𑍍𑌪𑌾𑌪𑌂 𑌨𑌿𑌗𑌮𑌾𑌗𑌮𑌾𑌰𑍍𑌚𑌿𑌤𑌪𑌦𑌂 𑌨𑌿𑌤𑍍𑌯𑌾𑌤𑍍𑌮𑌕𑌂 𑌨𑌿𑌰𑍍𑌮𑌲𑌂
126
𑌨𑌿𑌷𑍍𑌪𑍁𑌣𑍍𑌯𑌂 𑌨𑌿𑌖𑌿𑌲𑌂 𑌨𑌿𑌰𑌞𑍍𑌜𑌨𑌪𑌦𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 126
𑌧𑍍𑌯𑌾𑌯𑍇 𑌤𑍍𑌵𑌾𑌂 𑌹𑍃𑌦𑌯𑌾𑌮𑍍𑌬𑍁𑌜𑍇 𑌰𑌘𑍁𑌪𑌤𑌿𑌂 𑌵𑌿𑌜𑍍𑌞𑌾𑌨𑌦𑍀𑌪𑌾𑌙𑍍𑌕𑍁𑌰𑌂
𑌹𑌂𑌸𑍋𑌹𑌂𑌸𑌪𑌰𑌮𑍍𑌪𑌰𑌾𑌦𑌿𑌮𑌹𑌿𑌮𑌾𑌧𑌾𑌰𑌂 𑌜𑌗𑌨𑍍𑌮𑍋𑌹𑌨𑌮𑍍 ।
𑌹𑌸𑍍𑌤𑌾𑌮𑍍𑌭𑍋𑌜𑌗𑌦𑌾𑌬𑍍𑌜𑌚𑌕𑍍𑌰𑌮𑌤𑍁𑌲𑌂 𑌪𑍀𑌤𑌾𑌮𑍍𑌬𑌰𑌂 𑌕𑍗𑌸𑍍𑌤𑍁𑌭𑌂
127
𑌶𑍍𑌰𑍀𑌵𑌤𑍍𑌸𑌂 𑌪𑍁𑌰𑍁𑌷𑍋𑌤𑍍𑌤𑌮𑌂 𑌮𑌣𑌿𑌨𑌿𑌭𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 127
𑌸𑌤𑍍𑌯𑌜𑍍𑌞𑌾𑌨𑌮𑌨𑌨𑍍𑌤𑌮𑌚𑍍𑌯𑍁𑌤𑌮𑌜𑌂 𑌚𑌾𑌵𑍍𑌯𑌾𑌕𑍃𑌤𑌂 𑌤𑌤𑍍𑌪𑌰𑌂
𑌕𑍂𑌟𑌸𑍍𑌥𑌾𑌦𑌿𑌸𑌮𑌸𑍍𑌤𑌸𑌾𑌕𑍍𑌷𑌿𑌮𑌨𑌘𑌂 𑌸𑌾𑌕𑍍𑌷𑌾𑌦𑍍𑌵𑌿𑌰𑌾𑌟𑍍𑌤𑌤𑍍𑌤𑍍𑌵𑌦𑌮𑍍 ।
𑌵𑍇𑌦𑍍𑌯𑌂 𑌵𑌿𑌶𑍍𑌵𑌮𑌯𑌂 𑌸𑍍𑌵𑌲𑍀𑌨𑌭𑍁𑌵𑌨𑌸𑍍𑌵𑌾𑌰𑌾𑌜𑍍𑌯𑌸𑍗𑌖𑍍𑌯𑌪𑍍𑌰𑌦𑌂
128
𑌪𑍂𑌰𑍍𑌣𑌂 𑌪𑍂𑌰𑍍𑌣𑌤𑌰𑌂 𑌪𑍁𑌰𑌾𑌣𑌪𑍁𑌰𑍁𑌷𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 128
𑌰𑌾𑌮𑌂 𑌰𑌾𑌕𑍍𑌷𑌸𑌵𑌂𑌶𑌨𑌾𑌶𑌨𑌕𑌰𑌂 𑌰𑌾𑌕𑍇𑌨𑍍𑌦𑍁𑌬𑌿𑌮𑍍𑌬𑌾𑌨𑌨𑌂
𑌰𑌕𑍍𑌷𑍋𑌰𑌿𑌂 𑌰𑌘𑍁𑌵𑌂𑌶𑌵𑌰𑍍𑌧𑌨𑌕𑌰𑌂 𑌰𑌕𑍍𑌤𑌾𑌧𑌰𑌂 𑌰𑌾𑌘𑌵𑌮𑍍 ।
𑌰𑌾𑌧𑌾𑌯𑌾𑌤𑍍𑌮𑌨𑌿𑌵𑌾𑌸𑌿𑌨𑌂 𑌰𑌵𑌿𑌨𑌿𑌭𑌂 𑌰𑌮𑍍𑌯𑌂 𑌰𑌮𑌾𑌨𑌾𑌯𑌕𑌂
129
𑌰𑌨𑍍𑌧𑍍𑌰𑌾𑌨𑍍𑌤𑌰𑍍𑌗𑌤𑌶𑍇𑌷𑌶𑌾𑌯𑌿𑌨𑌮𑌹𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 129
𑌓𑌤𑌪𑍍𑌰𑍋𑌤𑌸𑌮𑌸𑍍𑌤𑌵𑌸𑍍𑌤𑍁𑌨𑌿𑌚𑌯𑌂 𑌓𑌙𑍍𑌕𑌾𑌰𑌬𑍀𑌜𑌾𑌕𑍍𑌷𑌰𑌂
𑌓𑌙𑍍𑌕𑌾𑌰𑌪𑍍𑌰𑌕𑍃𑌤𑌿𑌂 𑌷𑌡𑌕𑍍𑌷𑌰𑌹𑌿𑌤𑌂 𑌓𑌙𑍍𑌕𑌾𑌰𑌕𑌨𑍍𑌦𑌾𑌙𑍍𑌕𑍁𑌰𑌮𑍍 ।
𑌓𑌙𑍍𑌕𑌾𑌰𑌸𑍍𑌫𑍁𑌟𑌭𑍂𑌰𑍍𑌭𑍁𑌵𑌸𑍍𑌸𑍁𑌪𑌰𑌿𑌤𑌂 𑌓𑌘𑌤𑍍𑌰𑌯𑌾𑌰𑌾𑌧𑌿𑌤𑌮𑍍
130
𑌓𑌙𑍍𑌕𑌾𑌰𑍋𑌜𑍍𑌜𑍍𑌵𑌲𑌸𑌿𑌂𑌹𑌪𑍀𑌠𑌨𑌿𑌲𑌯𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 130
𑌸𑌾𑌕𑍇𑌤𑍇 𑌨𑌗𑌰𑍇 𑌸𑌮𑌸𑍍𑌤𑌸𑍁𑌖𑌦𑍇 𑌹𑌰𑍍𑌮𑍍𑌯𑍇𑌽𑌬𑍍𑌜𑌕𑍋𑌟𑌿𑌦𑍍𑌯𑍁𑌤𑍇
𑌨𑌕𑍍𑌷𑌤𑍍𑌰𑌗𑍍𑌰𑌹𑌪𑌙𑍍𑌕𑍍𑌤𑌿𑌲𑌗𑍍𑌨𑌶𑌿𑌖𑌰𑍇 𑌚𑌾𑌨𑍍𑌤𑌰𑍍𑌯𑌪𑌙𑍍𑌕𑍇𑌰𑍁𑌹𑍇 ।
𑌵𑌾𑌲𑍍𑌮𑍀𑌕𑌾𑌤𑍍𑌰𑌿𑌪𑌰𑌾𑌶𑌰𑌾𑌦𑌿𑌮𑍁𑌨𑌿𑌭𑌿𑌸𑍍𑌸𑌂𑌸𑍇𑌵𑍍𑌯𑌮𑌾𑌨𑌂 𑌸𑍍𑌥𑌿𑌤𑌂
131
𑌸𑍀𑌤𑌾𑌲𑌙𑍍𑌕𑍃𑌤𑌵𑌾𑌮𑌭𑌾𑌗𑌮𑌨𑌿𑌶𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 131
𑌵𑍈𑌕𑍁𑌣𑍍𑌠𑍇 𑌨𑌗𑌰𑍇 𑌸𑍁𑌰𑌦𑍍𑌰𑍁𑌮𑌤𑌲𑍇 𑌚𑌾𑌨𑌨𑍍𑌦𑌵𑌪𑍍𑌰𑌾𑌨𑍍𑌤𑌰𑍇
𑌨𑌾𑌨𑌾𑌰𑌤𑍍𑌨𑌵𑌿𑌨𑌿𑌰𑍍𑌮𑌿𑌤𑌸𑍍𑌫𑍁𑌟𑌪𑌟𑍁𑌪𑍍𑌰𑌾𑌕𑌾𑌰𑌸𑌂𑌵𑍇𑌷𑍍𑌟𑌿𑌤𑍇 ।
𑌸𑍗𑌧𑍇𑌨𑍍𑌦𑍂𑌪𑌲𑌶𑍇𑌷𑌤𑌲𑍍𑌪𑌲𑌲𑌿𑌤𑍇 𑌨𑍀𑌲𑍋𑌤𑍍𑌪𑌲𑌚𑍍𑌛𑌾𑌦𑌿𑌤𑍇
132
𑌪𑌰𑍍𑌯𑌙𑍍𑌕𑍇 𑌶𑌯𑌨𑌂 𑌰𑌮𑌾𑌦𑌿𑌸𑌹𑌿𑌤𑌂 𑌰𑌾𑌮𑌂 𑌭𑌜𑍇 𑌤𑌾𑌰𑌕𑌮𑍍 ॥ 132
𑌵𑌨𑍍𑌦𑍇 𑌰𑌾𑌮𑌮𑌨𑌾𑌦𑌿𑌪𑍂𑌰𑍁𑌷𑌮𑌜𑌂 𑌵𑌨𑍍𑌦𑍇 𑌰𑌮𑌾𑌨𑌾𑌯𑌕𑌂
𑌵𑌨𑍍𑌦𑍇 𑌹𑌾𑌰𑌿𑌕𑌿𑌰𑍀𑌟𑌕𑍁𑌣𑍍𑌡𑌲𑌧𑌰𑌂 𑌵𑌨𑍍𑌦𑍇 𑌸𑍁𑌨𑍀𑌲𑌦𑍍𑌯𑍁𑌤𑌿𑌮𑍍 ।
𑌵𑌨𑍍𑌦𑍇 𑌚𑌾𑌪𑌕𑌲𑌮𑍍𑌬𑌕𑍋𑌜𑍍𑌜𑍍𑌵𑌲𑌕𑌰𑌂 𑌵𑌨𑍍𑌦𑍇 𑌜𑌗𑌨𑍍𑌮𑌙𑍍𑌗𑌲𑌂
133
𑌵𑌨𑍍𑌦𑍇 𑌪𑌙𑍍𑌕𑍍𑌤𑌿𑌰𑌥𑌾𑌤𑍍𑌮𑌜𑌂 𑌮𑌮 𑌗𑍁𑌰𑍁𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 133
𑌵𑌨𑍍𑌦𑍇 𑌶𑍗𑌨𑌕𑌗𑍗𑌤𑌮𑌾𑌦𑍍𑌯𑌭𑌿𑌨𑍁𑌤𑌂 𑌵𑌨𑍍𑌦𑍇 𑌘𑌨𑌶𑍍𑌯𑌾𑌮𑌲𑌂
𑌵𑌨𑍍𑌦𑍇 𑌤𑌾𑌰𑌕𑌪𑍀𑌠𑌮𑌧𑍍𑌯𑌨𑌿𑌲𑌯𑌂 𑌵𑌨𑍍𑌦𑍇 𑌜𑌗𑌨𑍍𑌨𑌾𑌯𑌕𑌮𑍍 ।
𑌵𑌨𑍍𑌦𑍇 𑌭𑌕𑍍𑌤𑌜𑌨𑍗𑌘𑌦𑍇𑌵𑌿𑌵𑌟𑌪𑌂 𑌵𑌨𑍍𑌦𑍇 𑌧𑌨𑍁𑌰𑍍𑌵𑌲𑍍𑌲𑌭𑌂
134
𑌵𑌨𑍍𑌦𑍇 𑌤𑌤𑍍𑌤𑍍𑌵𑌮𑌸𑍀𑌤𑌿𑌵𑌾𑌕𑍍𑌯𑌜𑌨𑌕𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 134
𑌵𑌨𑍍𑌦𑍇 𑌸𑍂𑌰𑍍𑌯𑌶𑌶𑌾𑌙𑍍𑌕𑌲𑍋𑌚𑌨𑌯𑍁𑌗𑌂 𑌵𑌨𑍍𑌦𑍇 𑌜𑌗𑌤𑍍𑌪𑌾𑌵𑌨𑌂
𑌵𑌨𑍍𑌦𑍇 𑌪𑌤𑍍𑌰𑌸𑌹𑌸𑍍𑌰𑌪𑌦𑍍𑌮𑌨𑌿𑌲𑌯𑌂 𑌵𑌨𑍍𑌦𑍇 𑌪𑍁𑌰𑌾𑌰𑌿𑌪𑍍𑌰𑌿𑌯𑌮𑍍 ।
𑌵𑌨𑍍𑌦𑍇 𑌰𑌾𑌕𑍍𑌷𑌸𑌵𑌂𑌶𑌨𑌾𑌶𑌨𑌕𑌰𑌂 𑌵𑌨𑍍𑌦𑍇 𑌸𑍁𑌧𑌾𑌶𑍀𑌤𑌲𑌂
135
𑌵𑌨𑍍𑌦𑍇 𑌦𑍇𑌵𑌕𑌪𑍀𑌨𑍍𑌦𑍍𑌰𑌕𑍋𑌟𑌿𑌵𑌿𑌨𑍁𑌤𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 135
𑌵𑌨𑍍𑌦𑍇 𑌸𑌾𑌗𑌰𑌗𑌰𑍍𑌵𑌭𑌙𑍍𑌗𑌵𑌿𑌶𑌿𑌖𑌂 𑌵𑌨𑍍𑌦𑍇 𑌜𑌗𑌜𑍍𑌜𑍀𑌵𑌨𑌂
𑌵𑌨𑍍𑌦𑍇 𑌕𑍗𑌶𑌿𑌕𑌯𑌾𑌗𑌰𑌕𑍍𑌷𑌣𑌕𑌰𑌂 𑌵𑌨𑍍𑌦𑍇 𑌗𑍁𑌰𑍁𑌣𑌾𑌂 𑌗𑍁𑌰𑍁𑌮𑍍 ।
𑌵𑌨𑍍𑌦𑍇 𑌬𑌾𑌣𑌶𑌰𑌾𑌸𑌨𑍋𑌜𑍍𑌜𑍍𑌵𑌲𑌕𑌰𑌂 𑌵𑌨𑍍𑌦𑍇 𑌜𑌟𑌾𑌵𑌲𑍍𑌕𑌲𑌂
136
𑌵𑌨𑍍𑌦𑍇 𑌲𑌕𑍍𑌷𑍍𑌮𑌣𑌭𑍂𑌮𑌿𑌜𑌾𑌨𑍍𑌵𑌿𑌤𑌮𑌹𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 136
𑌵𑌨𑍍𑌦𑍇 𑌪𑌾𑌣𑍍𑌡𑌰𑌪𑍁𑌣𑍍𑌡𑌰𑍀𑌕𑌨𑌯𑌨𑌂 𑌵𑌨𑍍𑌦𑍇𑌽𑌬𑍍𑌜𑌬𑌿𑌮𑍍𑌬𑌾𑌨𑌨𑌂
𑌵𑌨𑍍𑌦𑍇 𑌕𑌮𑍍𑌬𑍁𑌗𑌲𑌂 𑌕𑌰𑌾𑌬𑍍𑌜𑌯𑍁𑌗𑌲𑌂 𑌵𑌨𑍍𑌦𑍇 𑌲𑌲𑌾𑌟𑍋𑌜𑍍𑌜𑍍𑌵𑌲𑌮𑍍 ।
𑌵𑌨𑍍𑌦𑍇 𑌪𑍀𑌤𑌦𑍁𑌕𑍂𑌲𑌮𑌮𑍍𑌬𑍁𑌦𑌨𑌿𑌭𑌂 𑌵𑌨𑍍𑌦𑍇 𑌜𑌗𑌨𑍍𑌮𑍋𑌹𑌨𑌂
137
𑌵𑌨𑍍𑌦𑍇 𑌕𑌾𑌰𑌣𑌮𑌾𑌨𑍁𑌷𑍋𑌜𑍍𑌜𑍍𑌵𑌲𑌤𑌨𑍁𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 137
𑌵𑌨𑍍𑌦𑍇 𑌨𑍀𑌲𑌸𑌰𑍋𑌜𑌕𑍋𑌮𑌲𑌰𑍁𑌚𑌿𑌂 𑌵𑌨𑍍𑌦𑍇 𑌜𑌗𑌦𑍍𑌵𑌨𑍍𑌦𑌿𑌤𑌂
𑌵𑌨𑍍𑌦𑍇 𑌸𑍂𑌰𑍍𑌯𑌕𑍁𑌲𑌾𑌬𑍍𑌧𑌿𑌕𑍗𑌸𑍍𑌤𑍁𑌭𑌮𑌣𑌿𑌂 𑌵𑌨𑍍𑌦𑍇 𑌸𑍁𑌰𑌾𑌰𑌾𑌧𑌿𑌤𑌮𑍍 ।
𑌵𑌨𑍍𑌦𑍇 𑌪𑌾𑌤𑌕𑌪𑌞𑍍𑌚𑌕𑌪𑍍𑌰𑌹𑌰𑌣𑌂 𑌵𑌨𑍍𑌦𑍇 𑌜𑌗𑌤𑍍𑌕𑌾𑌰𑌣𑌂
138
𑌵𑌨𑍍𑌦𑍇 𑌵𑌿𑌂𑌶𑌤𑌿𑌪𑌞𑍍𑌚𑌤𑌤𑍍𑌤𑍍𑌵𑌰𑌹𑌿𑌤𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 138
𑌵𑌨𑍍𑌦𑍇 𑌸𑌾𑌧𑌕𑌵𑌰𑍍𑌗𑌕𑌲𑍍𑌪𑌕𑌤𑌰𑍁𑌂 𑌵𑌨𑍍𑌦𑍇 𑌤𑍍𑌰𑌿𑌮𑍂𑌰𑍍𑌤𑍍𑌯𑌾𑌤𑍍𑌮𑌕𑌂
𑌵𑌨𑍍𑌦𑍇 𑌨𑌾𑌦𑌲𑌯𑌾𑌨𑍍𑌤𑌰𑌸𑍍𑌥𑌲𑌗𑌤𑌂 𑌵𑌨𑍍𑌦𑍇 𑌤𑍍𑌰𑌿𑌵𑌰𑍍𑌗𑌾𑌤𑍍𑌮𑌕𑌮𑍍 ।
𑌵𑌨𑍍𑌦𑍇 𑌰𑌾𑌗𑌵𑌿𑌹𑍀𑌨𑌚𑌿𑌤𑍍𑌤𑌸𑍁𑌲𑌭𑌂 𑌵𑌨𑍍𑌦𑍇 𑌸𑌭𑌾𑌨𑌾𑌯𑌕𑌂
139
𑌵𑌨𑍍𑌦𑍇 𑌪𑍂𑌰𑍍𑌣𑌦𑌯𑌾𑌮𑍃𑌤𑌾𑌰𑍍𑌣𑌵𑌮𑌹𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 139
𑌵𑌨𑍍𑌦𑍇 𑌸𑌾𑌤𑍍𑌤𑍍𑌵𑌿𑌕𑌤𑌤𑍍𑌤𑍍𑌵𑌮𑍁𑌦𑍍𑌰𑌿𑌤𑌤𑌨𑍁𑌂 𑌵𑌨𑍍𑌦𑍇 𑌸𑍁𑌧𑌾𑌦𑌾𑌯𑌕𑌂
𑌵𑌨𑍍𑌦𑍇 𑌚𑌾𑌰𑍁𑌚𑌤𑍁𑌰𑍍𑌭𑍁𑌜𑌂 𑌮𑌣𑌿𑌨𑌿𑌭𑌂 𑌵𑌨𑍍𑌦𑍇 𑌷𑌡𑌬𑍍𑌜𑌸𑍍𑌥𑌿𑌤𑌮𑍍 ।
𑌵𑌨𑍍𑌦𑍇 𑌬𑍍𑌰𑌹𑍍𑌮𑌪𑌿𑌪𑍀𑌲𑌿𑌕𑌾𑌦𑌿𑌨𑌿𑌲𑌯𑌂 𑌵𑌨𑍍𑌦𑍇 𑌵𑌿𑌰𑌾𑌟𑍍𑌵𑌿𑌗𑍍𑌰𑌹𑌂
140
𑌵𑌨𑍍𑌦𑍇 𑌪𑌨𑍍𑌨𑌗𑌤𑌲𑍍𑌪𑌶𑌾𑌯𑌿𑌨𑌮𑌹𑌂 𑌵𑌨𑍍𑌦𑍇 𑌸𑌦𑌾 𑌰𑌾𑌘𑌵𑌮𑍍 ॥ 140
𑌸𑌿𑌂𑌹𑌾𑌸𑌨𑌸𑍍𑌥𑌂 𑌮𑍁𑌨𑌿𑌸𑌿𑌦𑍍𑌧𑌸𑍇𑌵𑍍𑌯𑌂
𑌰𑌕𑍍𑌤𑍋𑌤𑍍𑌪𑌲𑌾𑌲𑌙𑍍𑌕𑍃𑌤𑌪𑌾𑌦𑌪𑌦𑍍𑌮𑌮𑍍 ।
𑌸𑍀𑌤𑌾𑌸𑌮𑍇𑌤𑌂 𑌶𑌶𑌿𑌸𑍂𑌰𑍍𑌯𑌨𑍇𑌤𑍍𑌰𑌂
141
𑌰𑌾𑌮𑌂 𑌭𑌜𑍇 𑌰𑌾𑌘𑌵𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 141
𑌶𑍍𑌰𑍀𑌰𑌾𑌮𑌭𑌦𑍍𑌰𑌾𑌶𑍍𑌰𑌿𑌤𑌸𑌦𑍍𑌗𑍁𑌰𑍂𑌣𑌾𑌂
𑌪𑌾𑌦𑌾𑌰𑌵𑌿𑌨𑍍𑌦𑌂 𑌭𑌜𑌤𑌾𑌂 𑌨𑌰𑌾𑌣𑌾𑌮𑍍 ।
𑌆𑌰𑍋𑌗𑍍𑌯𑌮𑍈𑌶𑍍𑌵𑌰𑍍𑌯𑌮𑌨𑌨𑍍𑌤𑌕𑍀𑌰𑍍𑌤𑌿-
142
𑌰𑌨𑍍𑌤𑍇 𑌚 𑌵𑌿𑌷𑍍𑌣𑍋𑌃 𑌪𑌦𑌮𑌸𑍍𑌤𑌿 𑌸𑌤𑍍𑌯𑌮𑍍 ॥ 142
𑌦𑌶𑌰𑌥𑌵𑌰𑌪𑍁𑌤𑍍𑌰𑌂 𑌜𑌾𑌨𑌕𑍀𑌸𑌤𑍍𑌕𑌲𑌤𑍍𑌰𑌂
𑌦𑌶𑌮𑍁𑌖𑌹𑌰𑌦𑌕𑍍𑌷𑌂 𑌪𑌦𑍍𑌮𑌪𑌤𑍍𑌰𑌾𑌯𑌤𑌾𑌕𑍍𑌷𑌮𑍍 ।
𑌕𑌰𑌧𑍃𑌤𑌶𑌰𑌚𑌾𑌪𑌂 𑌚𑌾𑌰𑍁𑌮𑍁𑌕𑍍𑌤𑌾𑌕𑌲𑌾𑌪𑌂
143
𑌰𑌘𑍁𑌕𑍁𑌲𑌨𑍃𑌵𑌰𑍇𑌣𑍍𑌯𑌂 𑌰𑌾𑌮𑌮𑍀𑌡𑍇 𑌶𑌰𑌣𑍍𑌯𑌮𑍍 ॥ 143
𑌦𑌶𑌮𑍁𑌖𑌗𑌜𑌸𑌿𑌂𑌹𑌂 𑌦𑍈𑌤𑍍𑌯𑌗𑌰𑍍𑌵𑌾𑌤𑌿𑌰𑌂𑌹𑌂
𑌕𑌦𑌨𑌭𑌯𑌦𑌹𑌸𑍍𑌤𑌂 𑌤𑌾𑌰𑌕𑌬𑍍𑌰𑌹𑍍𑌮 𑌶𑌸𑍍𑌤𑌮𑍍 ।
𑌮𑌣𑌿𑌖𑌚𑌿𑌤𑌕𑌿𑌰𑍀𑌟𑌂 𑌮𑌞𑍍𑌜𑍁𑌲𑌾𑌲𑌾𑌪𑌵𑌾𑌟𑌂
144
𑌦𑌶𑌰𑌥𑌕𑍁𑌲𑌚𑌨𑍍𑌦𑍍𑌰𑌂 𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇𑌽𑌹𑌮𑍍 ॥ 144
𑌰𑌾𑌮𑌂 𑌰𑌕𑍍𑌤𑌸𑌰𑍋𑌰𑍁𑌹𑌾𑌕𑍍𑌷𑌮𑌮𑌲𑌂 𑌲𑌙𑍍𑌕𑌾𑌧𑌿𑌨𑌾𑌥𑌾𑌨𑍍𑌤𑌕𑌂
𑌕𑍗𑌸𑌲𑍍𑌯𑌾𑌨𑌯𑌨𑍋𑌤𑍍𑌸𑍁𑌕𑌂 𑌰𑌘𑍁𑌵𑌰𑌂 𑌨𑌾𑌗𑍇𑌨𑍍𑌦𑍍𑌰𑌤𑌲𑍍𑌪𑌸𑍍𑌥𑌿𑌤𑌮𑍍 ।
𑌵𑍈𑌦𑍇𑌹𑍀𑌕𑍁𑌚𑌕𑍁𑌮𑍍𑌭𑌕𑍁𑌙𑍍𑌕𑍁𑌮𑌰𑌜𑍋𑌲𑌙𑍍𑌕𑌾𑌰𑌹𑌾𑌰𑌂 𑌹𑌰𑌿𑌂
145
𑌮𑌾𑌯𑌾𑌮𑌾𑌨𑍁𑌷𑌵𑌿𑌗𑍍𑌰𑌹𑌂 𑌰𑌘𑍁𑌪𑌤𑌿𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 145
𑌰𑌾𑌮𑌂 𑌰𑌾𑌕𑍍𑌷𑌸𑌮𑌰𑍍𑌦𑌨𑌂 𑌰𑌘𑍁𑌵𑌰𑌂 𑌦𑍈𑌤𑍇𑌯𑌭𑌿𑌧𑍍𑌵𑌂𑌸𑌿𑌨𑌂
𑌸𑍁𑌗𑍍𑌰𑍀𑌵𑍇𑌪𑍍𑌸𑌿𑌤𑌰𑌾𑌜𑍍𑌯𑌦𑌂 𑌸𑍁𑌰𑌪𑌤𑍇𑌰𑍍𑌭𑍀𑌤𑍍𑌯𑌨𑍍𑌤𑌕𑌂 𑌶𑌾𑌰𑍍𑌙𑍍𑌗𑌿𑌣𑌮𑍍 ।
𑌭𑌕𑍍𑌤𑌾𑌨𑌾𑌮𑌭𑌯𑌪𑍍𑌰𑌦𑌂 𑌭𑌯𑌹𑌰𑌂 𑌪𑌾𑌪𑍗𑌘𑌵𑌿𑌧𑍍𑌵𑌂𑌸𑌿𑌨𑌂
146
𑌸𑌾𑌮𑍀𑌰𑌿𑌸𑍍𑌤𑍁𑌤𑌪𑌾𑌦𑌪𑌦𑍍𑌮𑌯𑍁𑌗𑌲𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 146
𑌯𑌤𑍍𑌪𑌾𑌦𑌾𑌮𑍍𑌬𑍁𑌜𑌰𑍇𑌣𑍁𑌨𑌾 𑌮𑍁𑌨𑌿𑌸𑌤𑍀 𑌮𑍁𑌕𑍍𑌤𑌿𑌙𑍍𑌗𑌤𑌾 𑌯𑌨𑍍𑌮𑌹𑌃
𑌪𑍁𑌣𑍍𑌯𑌂 𑌪𑌾𑌤𑌕𑌨𑌾𑌶𑌨𑌂 𑌤𑍍𑌰𑌿𑌜𑌗𑌤𑌾𑌂 𑌭𑌾𑌤𑌿 𑌸𑍍𑌮𑍃𑌤𑌂 𑌪𑌾𑌵𑌨𑌮𑍍 ।
𑌸𑍍𑌮𑍃𑌤𑍍𑌵𑌾 𑌰𑌾𑌘𑌵𑌮𑌪𑍍𑌰𑌮𑍇𑌯𑌮𑌮𑌲𑌂 𑌪𑍂𑌰𑍍𑌣𑍇𑌨𑍍𑌦𑍁𑌮𑌨𑍍𑌦𑌸𑍍𑌮𑌿𑌤𑌂
147
𑌤𑌂 𑌰𑌾𑌮𑌂 𑌸𑌰𑌸𑍀𑌰𑍁𑌹𑌾𑌕𑍍𑌷𑌮𑌮𑌲𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 147
𑌵𑍈𑌦𑍇𑌹𑍀𑌕𑍁𑌚𑌮𑌣𑍍𑌡𑌲𑌾𑌗𑍍𑌰-𑌵𑌿𑌲𑌸𑌨𑍍𑌮𑌾𑌣𑌿𑌕𑍍𑌯𑌹𑌸𑍍𑌤𑌾𑌮𑍍𑌬𑍁𑌜𑌂
𑌚𑌞𑍍𑌚𑌤𑍍𑌕𑌙𑍍𑌕𑌣𑌹𑌾𑌰𑌨𑍂𑌪𑍁𑌰-𑌲𑌸𑌤𑍍𑌕𑍇𑌯𑍂𑌰𑌹𑌾𑌰𑌾𑌨𑍍𑌵𑌿𑌤𑌮𑍍 ।
𑌦𑌿𑌵𑍍𑌯𑌶𑍍𑌰𑍀𑌮𑌣𑌿𑌕𑍁𑌣𑍍𑌡𑌲𑍋𑌜𑍍𑌜𑍍𑌵𑌲-𑌮𑌹𑌾𑌭𑍂𑌷𑌾𑌸𑌹𑌸𑍍𑌰𑌾𑌨𑍍𑌵𑌿𑌤𑌂
148
𑌵𑍀𑌰𑌶𑍍𑌰𑍀𑌰𑌘𑍁𑌪𑍁𑌙𑍍𑌗𑌵𑌂 𑌗𑍁𑌣𑌨𑌿𑌧𑌿𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 148
𑌵𑍈𑌦𑍇𑌹𑍀𑌕𑍁𑌚𑌮𑌣𑍍𑌡𑌲𑍋𑌪𑌰𑌿-𑌲𑌸𑌨𑍍𑌮𑌾𑌣𑌿𑌕𑍍𑌯𑌹𑌾𑌰𑌾𑌵𑌲𑍀-
𑌮𑌧𑍍𑌯𑌸𑍍𑌥𑌂 𑌨𑌵𑌨𑍀𑌤𑌕𑍋𑌮𑌲𑌰𑍁𑌚𑌿𑌂 𑌨𑍀𑌲𑍋𑌤𑍍𑌪𑌲𑌶𑍍𑌯𑌾𑌮𑌲𑌮𑍍 ।
𑌕𑌨𑍍𑌦𑌰𑍍𑌪𑌾𑌯𑍁𑌤𑌕𑍋𑌟𑌿𑌸𑍁𑌨𑍍𑌦𑌰𑌤𑌨𑍁𑌂 𑌪𑍂𑌰𑍍𑌣𑍇𑌨𑍍𑌦𑍁𑌬𑌿𑌮𑍍𑌬𑌾𑌨𑌨𑌂
149
𑌕𑍗𑌸𑌲𑍍𑌯𑌾𑌕𑍁𑌲𑌭𑍂𑌷𑌣𑌂 𑌰𑌘𑍁𑌪𑌤𑌿𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 149
𑌦𑌿𑌵𑍍𑌯𑌾𑌰𑌣𑍍𑌯𑌯𑌤𑍀𑌨𑍍𑌦𑍍𑌰𑌨𑌾𑌮𑌨𑌗𑌰𑍇 𑌮𑌧𑍍𑌯𑍇 𑌮𑌹𑌾𑌮𑌣𑍍𑌟𑌪𑍇
𑌸𑍍𑌵𑌰𑍍𑌣𑌸𑍍𑌤𑌮𑍍𑌭𑌸𑌹𑌸𑍍𑌰𑌷𑍋𑌡𑌶𑌯𑍁𑌤𑍇 𑌮𑌨𑍍𑌦𑌾𑌰𑌮𑍂𑌲𑌾𑌶𑍍𑌰𑌿𑌤𑍇 ।
𑌨𑌾𑌨𑌾𑌰𑌤𑍍𑌨𑌵𑌿𑌚𑌿𑌤𑍍𑌰𑌨𑌿𑌰𑍍𑌮𑌲𑌮𑌹𑌾𑌸𑌿𑌂𑌹𑌾𑌸𑌨𑍇 𑌸𑌂𑌸𑍍𑌥𑌿𑌤𑌂
150
𑌸𑍀𑌤𑌾𑌲𑌕𑍍𑌷𑍍𑌮𑌣𑌸𑍇𑌵𑌿𑌤𑌂 𑌰𑌘𑍁𑌪𑌤𑌿𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 150
𑌕𑌸𑍍𑌤𑍂𑌰𑍀𑌤𑌿𑌲𑌕𑌂 𑌕𑌪𑍀𑌨𑍍𑌦𑍍𑌰𑌹𑌰𑌣𑌂 𑌕𑌾𑌰𑍁𑌣𑍍𑌯𑌵𑌾𑌰𑌾𑌨𑍍𑌨𑌿𑌧𑌿𑌂
𑌕𑍍𑌷𑍀𑌰𑌾𑌮𑍍𑌭𑍋𑌧𑌿𑌸𑍁𑌤𑌾𑌮𑍁𑌖𑌾𑌬𑍍𑌜𑌮𑌧𑍁𑌪𑌂 𑌕𑌲𑍍𑌯𑌾𑌣𑌸𑌮𑍍𑌪𑌨𑍍𑌨𑌿𑌧𑌿𑌮𑍍 ।
𑌕𑍗𑌸𑌲𑍍𑌯𑌾𑌨𑌯𑌨𑍋𑌤𑍍𑌸𑍁𑌕𑌂 𑌕𑌪𑌿𑌵𑌰𑌤𑍍𑌰𑌾𑌣𑌂 𑌮𑌹𑌾𑌪𑍗𑌰𑍁𑌷𑌂
151
𑌕𑍗𑌮𑌾𑌰𑌪𑍍𑌰𑌿𑌯𑌮𑌰𑍍𑌕𑌕𑍋𑌟𑌿𑌸𑌦𑍃𑌶𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 151
𑌵𑌿𑌦𑍍𑌯𑍁𑌤𑍍𑌕𑍋𑌟𑌿𑌦𑌿𑌵𑌾𑌕𑌰𑌦𑍍𑌯𑍁𑌤𑌿𑌨𑌿𑌭𑌂 𑌶𑍍𑌰𑍀𑌕𑍗𑌸𑍍𑌤𑍁𑌭𑌾𑌲𑌙𑍍𑌕𑍃𑌤𑌂
𑌯𑍋𑌗𑍀𑌨𑍍𑌦𑍍𑌰𑍈𑌸𑍍𑌸𑌨𑌕𑌾𑌦𑌿𑌭𑌿𑌃 𑌪𑌰𑌿𑌵𑍃𑌤𑌂 𑌕𑍈𑌲𑌾𑌸𑌨𑌾𑌥𑌪𑍍𑌰𑌿𑌯𑌮𑍍 ।
𑌮𑍁𑌕𑍍𑌤𑌾𑌰𑌤𑍍𑌨𑌕𑌿𑌰𑍀𑌟𑌕𑍁𑌣𑍍𑌡𑌲𑌧𑌰𑌂 𑌗𑍍𑌰𑍈𑌵𑍇𑌯𑌹𑌾𑌰𑌾𑌨𑍍𑌵𑌿𑌤𑌂
152
𑌵𑍈𑌦𑍇𑌹𑍀𑌕𑍁𑌚𑌸𑌨𑍍𑌨𑌿𑌵𑌾𑌸𑌮𑌨𑌿𑌶𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 152
𑌮𑍇𑌘𑌶𑍍𑌯𑌾𑌮𑌲𑌮𑌮𑍍𑌬𑍁𑌜𑌾𑌤𑌨𑌯𑌨𑌂 𑌵𑌿𑌸𑍍𑌤𑍀𑌰𑍍𑌣𑌵𑌕𑍍𑌷𑌸𑍍𑌸𑍍𑌥𑌲𑌂
𑌬𑌾𑌹𑍁𑌦𑍍𑌵𑌨𑍍𑌦𑍍𑌵𑌵𑌿𑌰𑌾𑌜𑌿𑌤𑌂 𑌸𑍁𑌵𑌦𑌨𑌂 𑌶𑍋𑌣𑌾𑌙𑍍𑌘𑍍𑌰𑌿𑌪𑌙𑍍𑌕𑍇𑌰𑍁𑌹𑌮𑍍 ।
𑌨𑌾𑌨𑌾𑌰𑌤𑍍𑌨𑌵𑌿𑌚𑌿𑌤𑍍𑌰𑌭𑍂𑌷𑌣𑌯𑍁𑌤𑌂 𑌕𑍋𑌦𑌣𑍍𑌡𑌬𑌾𑌣𑌾𑌙𑍍𑌕𑌿𑌤𑌂
153
𑌤𑍍𑌰𑍈𑌲𑍋𑌕𑍍𑌯𑌾𑌽𑌪𑍍𑌰𑌤𑌿𑌮𑌾𑌨𑌸𑍁𑌨𑍍𑌦𑌰𑌤𑌨𑍁𑌂 𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 153
𑌵𑍈𑌦𑍇𑌹𑍀𑌯𑍁𑌤𑌵𑌾𑌮𑌭𑌾𑌗𑌮𑌤𑍁𑌲𑌂 𑌵𑌨𑍍𑌦𑌾𑌰𑍁𑌮𑌨𑍍𑌦𑌾𑌰𑌕𑌂
𑌵𑌨𑍍𑌦𑍇 𑌪𑍍𑌰𑌸𑍍𑌤𑍁𑌤𑌕𑍀𑌰𑍍𑌤𑌿𑌵𑌾𑌸𑌿𑌤𑌤𑌰𑍁𑌚𑍍𑌛𑌾𑌯𑌾𑌨𑍁𑌕𑌾𑌰𑌿𑌪𑍍𑌰𑌭𑌮𑍍 ।
𑌵𑍈𑌦𑍇𑌹𑍀𑌕𑍁𑌚𑌕𑍁𑌙𑍍𑌕𑍁𑌮𑌾𑌙𑍍𑌕𑌿𑌤𑌮𑌹𑍋𑌰𑌸𑍍𑌕𑌂 𑌮𑌹𑌾𑌭𑍂𑌷𑌣𑌂
154
𑌵𑍇𑌦𑌾𑌨𑍍𑌤𑍈𑌰𑍁𑌪𑌗𑍀𑌯𑌮𑌾𑌨𑌮𑌸𑌕𑍃𑌤𑍍𑌸𑍀𑌤𑌾𑌸𑌮𑍇𑌤𑌂 𑌭𑌜𑍇 ॥ 154
𑌦𑍇𑌵𑌾𑌨𑌾𑌂 𑌹𑌿𑌤𑌕𑌾𑌰𑌣𑍇𑌨 𑌭𑍁𑌵𑌨𑍇 𑌧𑍃𑌤𑍍𑌵𑌾𑌽𑌵𑌤𑌾𑌰𑌂 𑌧𑍍𑌰𑍁𑌵𑌂
𑌰𑌾𑌮𑌂 𑌕𑍗𑌶𑌿𑌕𑌯𑌜𑍍𑌞𑌵𑌿𑌘𑍍𑌨𑌦𑌲𑌨𑌂 𑌤𑌤𑍍𑌤𑌾𑌟𑌕𑌾𑌸𑌂𑌹𑌰𑌮𑍍 ।
𑌨𑌿𑌤𑍍𑌯𑌂 𑌗𑍗𑌤𑌮𑌪𑌤𑍍𑌨𑌿𑌶𑌾𑌪𑌦𑌲𑌨𑌶𑍍𑌰𑍀𑌪𑌾𑌦𑌰𑍇𑌣𑍁𑌂 𑌶𑍁𑌭𑌂
155
𑌶𑌮𑍍𑌭𑍋𑌰𑍁𑌤𑍍𑌕𑌟𑌚𑌾𑌪𑌖𑌣𑍍𑌡𑌨𑌮𑌹𑌾𑌸𑌤𑍍𑌵𑌂 𑌭𑌜𑍇 𑌰𑌾𑌘𑌵𑌮𑍍 ॥ 155
𑌶𑍍𑌰𑍀𑌰𑌾𑌮𑌂 𑌨𑌵𑌰𑌤𑍍𑌨𑌕𑍁𑌣𑍍𑌡𑌲𑌧𑌰𑌂 𑌶𑍍𑌰𑍀𑌰𑌾𑌮𑌰𑌕𑍍𑌷𑌾𑌮𑌣𑌿𑌂
𑌶𑍍𑌰𑍀𑌰𑌾𑌮𑌂 𑌚 𑌸𑌹𑌸𑍍𑌰𑌭𑌾𑌨𑍁𑌸𑌦𑍃𑌶𑌂 𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑍋𑌦𑌯𑌮𑍍 ।
𑌶𑍍𑌰𑍀𑌰𑌾𑌮𑌂 𑌶𑍍𑌰𑍁𑌤𑌕𑍀𑌰𑍍𑌤𑌿𑌮𑌾𑌕𑌰𑌮𑌹𑌂 𑌶𑍍𑌰𑍀𑌰𑌾𑌮𑌮𑍁𑌕𑍍𑌤𑌿𑌪𑍍𑌰𑌦𑌂
156
𑌶𑍍𑌰𑍀𑌰𑌾𑌮𑌂 𑌰𑌘𑍁𑌨𑌨𑍍𑌦𑌨𑌂 𑌭𑌯𑌹𑌰𑌂 𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇 ॥ 156
𑌰𑌾𑌮𑌮𑌿𑌨𑍍𑌦𑍀𑌵𑌰𑌶𑍍𑌯𑌾𑌮𑌂 𑌰𑌾𑌜𑍀𑌵𑌾𑌯𑌤𑌲𑍋𑌚𑌨𑌮𑍍 ।
157
𑌜𑍍𑌯𑌾𑌘𑍋𑌷𑌨𑌿𑌰𑍍𑌜𑌿𑌤𑌾𑌰𑌾𑌤𑌿𑌂 𑌜𑌾𑌨𑌕𑍀𑌰𑌮𑌣𑌂 𑌭𑌜𑍇 ॥ 157
𑌦𑍀𑌰𑍍𑌘𑌬𑌾𑌹𑍁𑌮𑌰𑌵𑌿𑌨𑍍𑌦𑌲𑍋𑌚𑌨𑌂
𑌦𑍀𑌨𑌵𑌤𑍍𑌸𑌲𑌮𑌨𑌾𑌥𑌰𑌕𑍍𑌷𑌕𑌮𑍍 ।
𑌦𑍀𑌕𑍍𑌷𑌿𑌤𑌂 𑌸𑌕𑌲𑌲𑍋𑌕𑌰𑌕𑍍𑌷𑌣𑍇
158
𑌦𑍈𑌵𑌤𑌂 𑌦𑌶𑌰𑌥𑌾𑌤𑍍𑌮𑌜𑌂 𑌭𑌜𑍇 ॥ 158
𑌪𑍍𑌰𑌾𑌤𑌸𑍍𑌸𑍍𑌮𑌰𑌾𑌮𑌿 𑌰𑌘𑍁𑌨𑌾𑌥𑌮𑍁𑌖𑌾𑌰𑌵𑌿𑌨𑍍𑌦𑌂
𑌮𑌨𑍍𑌦𑌸𑍍𑌮𑌿𑌤𑌂 𑌮𑌧𑍁𑌰𑌭𑌾𑌷𑌿 𑌵𑌿𑌶𑌾𑌲𑌫𑌾𑌲𑌮𑍍 ।
𑌕𑌰𑍍𑌣𑌾𑌵𑌲𑌮𑍍𑌬𑌿𑌚𑌲𑌕𑍁𑌣𑍍𑌡𑌲𑌗𑌣𑍍𑌡𑌭𑌾𑌗𑌂
159
𑌕𑌰𑍍𑌣𑌾𑌨𑍍𑌤𑌦𑍀𑌰𑍍𑌘𑌨𑌯𑌨𑌂 𑌨𑌯𑌨𑌾𑌭𑌿𑌰𑌾𑌮𑌮𑍍 ॥ 159
𑌪𑍍𑌰𑌾𑌤𑌰𑍍𑌭𑌜𑌾𑌮𑌿 𑌰𑌘𑍁𑌨𑌾𑌥𑌕𑌰𑌾𑌰𑌵𑌿𑌨𑍍𑌦𑌂
𑌰𑌕𑍍𑌷𑍋𑌗𑌣𑌾𑌯 𑌭𑌯𑌦𑌂 𑌵𑌰𑌦𑌂 𑌨𑌿𑌜𑍇𑌭𑍍𑌯𑌃 ।
𑌯𑌦𑍍𑌰𑌾𑌜𑌸𑌂𑌸𑌦𑌿 𑌵𑌿𑌭𑌿𑌦𑍍𑌯 𑌮𑌹𑍇𑌶𑌚𑌾𑌪𑌂
160
𑌸𑍀𑌤𑌾𑌕𑌰𑌗𑍍𑌰𑌹𑌣𑌮𑌙𑍍𑌗𑌲𑌮𑌾𑌪 𑌸𑌦𑍍𑌯𑌃 ॥ 160
𑌪𑍍𑌰𑌾𑌤𑌰𑍍𑌨𑌮𑌾𑌮𑌿 𑌰𑌘𑍁𑌨𑌾𑌥𑌪𑌦𑌾𑌰𑌵𑌿𑌨𑍍𑌦𑌂
𑌪𑌦𑍍𑌮𑌾𑌙𑍍𑌕𑍁𑌶𑌾𑌦𑌿𑌶𑍁𑌭𑌰𑍇𑌖𑌶𑍁𑌭𑌾𑌵𑌹𑌂 𑌚 ।
𑌯𑍋𑌗𑍀𑌨𑍍𑌦𑍍𑌰𑌮𑌾𑌨𑌸𑌮𑌧𑍁𑌵𑍍𑌰𑌤𑌸𑍇𑌵𑍍𑌯𑌮𑌾𑌨𑌂
161
𑌶𑌾𑌪𑌾𑌪𑌹𑌂 𑌸𑌪𑌦𑌿 𑌗𑍗𑌤𑌮𑌧𑌰𑍍𑌮𑌪𑌤𑍍𑌨𑍍𑌯𑌾𑌃 ॥ 161
𑌪𑍍𑌰𑌾𑌤𑌰𑍍𑌵𑌦𑌾𑌮𑌿 𑌵𑌚𑌸𑌾 𑌰𑌘𑍁𑌨𑌾𑌥𑌨𑌾𑌮
𑌵𑌾𑌗𑍍𑌦𑍋𑌷𑌹𑌾𑌰𑌿 𑌸𑌕𑌲𑌂 𑌕𑌲𑍁𑌷𑌂 𑌨𑌿𑌹𑌨𑍍𑌤𑍃 ।
𑌯𑌤𑍍𑌪𑌾𑌰𑍍𑌵𑌤𑍀 𑌸𑍍𑌵𑌪𑌤𑌿𑌨𑌾 𑌸𑌹 𑌭𑍋𑌕𑍍𑌤𑍁𑌕𑌾𑌮𑌾
162
𑌪𑍍𑌰𑍀𑌤𑍍𑌯𑌾 𑌸𑌹𑌸𑍍𑌰𑌹𑌰𑌿𑌨𑌾𑌮𑌸𑌮𑌂 𑌜𑌜𑌾𑌪 ॥ 162
𑌪𑍍𑌰𑌾𑌤𑌃 𑌶𑍍𑌰𑌯𑍇 𑌶𑍍𑌰𑍁𑌤𑌿𑌨𑍁𑌤𑌂 𑌰𑌘𑍁𑌨𑌾𑌥𑌮𑍂𑌰𑍍𑌤𑌿𑌂
𑌨𑍀𑌲𑌾𑌮𑍍𑌬𑍁𑌦𑍋𑌤𑍍𑌪𑌲𑌸𑌿𑌤𑍇𑌤𑌰𑌰𑌤𑍍𑌨𑌨𑍀𑌲𑌾𑌮𑍍 ।
𑌆𑌮𑍁𑌕𑍍𑌤𑌮𑍗𑌕𑍍𑌤𑌿𑌕𑌵𑌿𑌶𑍇𑌷𑌵𑌿𑌭𑍂𑌷𑌣𑌾𑌢𑍍𑌯𑌾𑌂
163
𑌧𑍍𑌯𑍇𑌯𑌾𑌂 𑌸𑌮𑌸𑍍𑌤𑌮𑍁𑌨𑌿𑌭𑌿𑌰𑍍𑌨𑌿𑌜𑌭𑍃𑌤𑍍𑌯𑌮𑍁𑌖𑍍𑌯𑍈𑌃 ॥ 163
𑌰𑌘𑍁𑌕𑍁𑌲𑌵𑌰𑌨𑌾𑌥𑍋 𑌜𑌾𑌨𑌕𑍀𑌪𑍍𑌰𑌾𑌣𑌨𑌾𑌥𑌃
𑌪𑌿𑌤𑍃𑌵𑌚𑌨𑌵𑌿𑌧𑌾𑌤𑌾 𑌕𑍀𑌶𑌰𑌾𑌜𑍍𑌯𑌪𑍍𑌰𑌦𑌾𑌤𑌾 ।
𑌪𑍍𑌰𑌤𑌿𑌨𑌿𑌶𑌿𑌚𑌰𑌨𑌾𑌶𑌃 𑌪𑍍𑌰𑌾𑌪𑍍𑌤𑌰𑌾𑌜𑍍𑌯𑌪𑍍𑌰𑌵𑍇𑌶𑍋
164
𑌵𑌿𑌹𑌿𑌤𑌭𑍁𑌵𑌨𑌰𑌕𑍍𑌷𑌃 𑌪𑌾𑌤𑍁 𑌪𑌦𑍍𑌮𑌾𑌯𑌤𑌾𑌕𑍍𑌷𑌃 ॥ 164
𑌕𑍁𑌵𑌲𑌯𑌦𑌲𑌨𑍀𑌲𑌃 𑌪𑍀𑌤𑌵𑌾𑌸𑌾𑌃 𑌸𑍍𑌮𑌿𑌤𑌾𑌸𑍍𑌯𑍋
𑌵𑌿𑌵𑌿𑌧𑌰𑍁𑌚𑌿𑌰𑌭𑍂𑌷𑌾𑌭𑍂𑌷𑌿𑌤𑍋 𑌦𑌿𑌵𑍍𑌯𑌮𑍂𑌰𑍍𑌤𑌿𑌃 ।
𑌦𑌶𑌰𑌥𑌕𑍁𑌲𑌨𑌾𑌥𑍋 𑌜𑌾𑌨𑌕𑍀𑌪𑍍𑌰𑌾𑌣𑌨𑌾𑌥𑍋
165
𑌨𑌿𑌵𑌸𑌤𑍁 𑌮𑌮 𑌚𑌿𑌤𑍍𑌤𑍇 𑌸𑌰𑍍𑌵𑌦𑌾 𑌰𑌾𑌮𑌚𑌨𑍍𑌦𑍍𑌰𑌃 ॥ 165
𑌜𑌯𑌤𑍁 𑌜𑌯𑌤𑍁 𑌰𑌾𑌮𑍋 𑌜𑌾𑌨𑌕𑍀𑌵𑌲𑍍𑌲𑌭𑍋𑌽𑌯𑌂
𑌜𑌯𑌤𑍁 𑌜𑌯𑌤𑍁 𑌰𑌾𑌮𑌶𑍍𑌚𑌨𑍍𑌦𑍍𑌰𑌚𑍂𑌡𑌾𑌰𑍍𑌚𑌿𑌤𑌾𑌙𑍍𑌘𑍍𑌰𑌿𑌃 ।
𑌜𑌯𑌤𑍁 𑌜𑌯𑌤𑍁 𑌵𑌾𑌣𑍀𑌨𑌾𑌥𑌨𑌾𑌥𑌃 𑌪𑌰𑌾𑌤𑍍𑌮𑌾
166
𑌜𑌯𑌤𑍁 𑌜𑌯𑌤𑍁 𑌰𑌾𑌮𑍋𑌽𑌨𑌾𑌥𑌨𑌾𑌥𑌃 𑌕𑍃𑌪𑌾𑌲𑍁𑌃 ॥ 166
𑌵𑌦𑌤𑍁 𑌵𑌦𑌤𑍁 𑌵𑌾𑌣𑍀 𑌰𑌾𑌮𑌰𑌾𑌮𑍇𑌤𑌿 𑌨𑌿𑌤𑍍𑌯𑌂
𑌜𑌯𑌤𑍁 𑌜𑌯𑌤𑍁 𑌚𑌿𑌤𑍍𑌤𑌂 𑌰𑌾𑌮𑌪𑌾𑌦𑌾𑌰𑌵𑌿𑌨𑍍𑌦𑌮𑍍 ।
𑌨𑌮𑌤𑍁 𑌨𑌮𑌤𑍁 𑌦𑍇𑌹𑌂 𑌸𑌨𑍍𑌤𑌤𑌂 𑌰𑌾𑌮𑌚𑌨𑍍𑌦𑍍𑌰𑌂
167
𑌨 𑌭𑌵𑌤𑍁 𑌮𑌮 𑌪𑌾𑌪𑌂 𑌜𑌨𑍍𑌮𑌜𑌨𑍍𑌮𑌾𑌨𑍍𑌤𑌰𑍇𑌷𑍁 ॥ 167
𑌆𑌨𑌨𑍍𑌦𑌰𑍂𑌪𑌂 𑌵𑌰𑌦𑌂 𑌪𑍍𑌰𑌸𑌨𑍍𑌨𑌂
𑌸𑌿𑌂𑌹𑍇𑌕𑍍𑌷𑌣𑌂 𑌸𑍇𑌵𑌕𑌪𑌾𑌰𑌿𑌜𑌾𑌤𑌮𑍍 ।
𑌨𑍀𑌲𑍋𑌤𑍍𑌪𑌲𑌾𑌙𑍍𑌗𑌂 𑌭𑍁𑌵𑌨𑍈𑌕𑌮𑌿𑌤𑍍𑌰𑌂
168
𑌰𑌾𑌮𑌂 𑌭𑌜𑍇 𑌰𑌾𑌘𑌵𑌰𑌾𑌮𑌚𑌨𑍍𑌦𑍍𑌰𑌮𑍍 ॥ 168
𑌲𑌙𑍍𑌕𑌾𑌵𑌿𑌰𑌾𑌮𑌂 𑌰𑌣𑌰𑌙𑍍𑌗𑌭𑍀𑌮𑌂
𑌰𑌾𑌜𑍀𑌵𑌨𑍇𑌤𑍍𑌰𑌂 𑌰𑌘𑍁𑌵𑌂𑌶𑌮𑌿𑌤𑍍𑌰𑌮𑍍 ।
𑌕𑌾𑌰𑍁𑌣𑍍𑌯𑌮𑍂𑌰𑍍𑌤𑌿𑌂 𑌕𑌰𑍁𑌣𑌾𑌪𑍍𑌰𑌪𑍂𑌰𑍍𑌤𑌿𑌂
169
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 169
𑌸𑍁𑌗𑍍𑌰𑍀𑌵𑌮𑌿𑌤𑍍𑌰𑌂 𑌪𑌰𑌮𑌂 𑌪𑌵𑌿𑌤𑍍𑌰𑌂
𑌸𑍀𑌤𑌾𑌕𑌲𑌤𑍍𑌰𑌂 𑌨𑌵𑌹𑍇𑌮𑌸𑍂𑌤𑍍𑌰𑌮𑍍 ।
𑌕𑌾𑌰𑍁𑌣𑍍𑌯𑌪𑌾𑌤𑍍𑌰𑌂 𑌶𑌤𑌪𑌤𑍍𑌰𑌨𑍇𑌤𑍍𑌰𑌂
170
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌂 𑌶𑌿𑌰𑌸𑌾 𑌨𑌮𑌾𑌮𑌿 ॥ 170
𑌶𑍍𑌰𑍀𑌰𑌾𑌘𑌵𑍇𑌤𑌿 𑌰𑌮𑌣𑍇𑌤𑌿 𑌰𑌘𑍂𑌦𑍍𑌵𑌹𑍇𑌤𑌿
𑌰𑌾𑌮𑍇𑌤𑌿 𑌰𑌾𑌵𑌣𑌹𑌰𑍇𑌤𑌿 𑌰𑌮𑌾𑌧𑌵𑍇𑌤𑌿 ।
𑌸𑌾𑌕𑍇𑌤𑌨𑌾𑌥𑌸𑍁𑌮𑍁𑌖𑍇𑌤𑌿 𑌚 𑌸𑍁𑌵𑍍𑌰𑌤𑍇𑌤𑌿
171
𑌵𑌾𑌣𑍀 𑌸𑌦𑌾 𑌵𑌦𑌤𑍁 𑌰𑌾𑌮 𑌹𑌰𑍇 𑌹𑌰𑍇𑌤𑌿 ॥ 171
𑌶𑍍𑌰𑍀𑌰𑌾𑌮𑌨𑌾𑌮𑌾𑌮𑍃𑌤𑌮𑌨𑍍𑌤𑍍𑌰𑌬𑍀𑌜𑌂
𑌸𑌞𑍍𑌜𑍀𑌵𑌨𑌂 𑌚𑍇𑌨𑍍𑌮𑌨𑌸𑌿 𑌪𑍍𑌰𑌤𑌿𑌷𑍍𑌠𑌮𑍍 ।
𑌹𑌾𑌲𑌾𑌹𑌲𑌂 𑌵𑌾 𑌪𑍍𑌰𑌲𑌯𑌾𑌨𑌲𑌂 𑌵𑌾
172
𑌮𑍃𑌤𑍍𑌯𑍋𑌰𑍍𑌮𑍁𑌖𑌂 𑌵𑌾 𑌵𑌿𑌤𑌥𑍀𑌕𑌰𑍋𑌤𑌿 ॥ 172
𑌕𑌿𑌂 𑌯𑍋𑌗𑌶𑌾𑌸𑍍𑌤𑍍𑌰𑍈𑌃 𑌕𑌿𑌮𑌶𑍇𑌷𑌵𑌿𑌦𑍍𑌯𑌾
𑌕𑌿𑌂 𑌯𑌾𑌗𑌗𑌙𑍍𑌗𑌾𑌦𑌿𑌵𑌿𑌶𑍇𑌷𑌤𑍀𑌰𑍍𑌥𑍈𑌃 ।
𑌕𑌿𑌂 𑌬𑍍𑌰𑌹𑍍𑌮𑌚𑌰𑍍𑌯𑌾𑌶𑍍𑌰𑌮𑌸𑌞𑍍𑌚𑌰𑍇𑌣
173
𑌭𑌕𑍍𑌤𑌿𑌰𑍍𑌨𑌚𑍇𑌤𑍍𑌤𑍇 𑌰𑌘𑍁𑌵𑌂𑌶𑌕𑍀𑌰𑍍𑌤𑍍𑌯𑌾𑌮𑍍 ॥ 173
𑌇𑌦𑌂 𑌶𑌰𑍀𑌰𑌂 𑌶𑍍𑌲𑌥𑌸𑌨𑍍𑌧𑌿𑌜𑌰𑍍𑌝𑌰𑌂
𑌪𑌤𑌤𑍍𑌯𑌵𑌶𑍍𑌯𑌂 𑌪𑌰𑌿𑌣𑌾𑌮𑌪𑍇𑌶𑌲𑌮𑍍 ।
𑌕𑌿𑌮𑍗𑌷𑌥𑌂 𑌪𑍃𑌚𑍍𑌛𑌸𑌿 𑌮𑍂𑌢 𑌦𑍁𑌰𑍍𑌮𑌤𑍇
174
𑌨𑌿𑌰𑌾𑌮𑌯𑌂 𑌰𑌾𑌮𑌕𑌥𑌾𑌮𑍃𑌤𑌂 𑌪𑌿𑌬 ॥ 174
𑌹𑍇 𑌰𑌾𑌮𑌭𑌦𑍍𑌰𑌾𑌶𑍍𑌰𑌯 𑌹𑍇 𑌕𑍃𑌪𑌾𑌲𑍋
𑌹𑍇 𑌭𑌕𑍍𑌤𑌲𑍋𑌕𑍈𑌕𑌶𑌰𑌣𑍍𑌯𑌮𑍂𑌰𑍍𑌤𑍇 ।
𑌪𑍁𑌨𑍀𑌹𑌿 𑌮𑌾𑌂 𑌤𑍍𑌵𑌚𑍍𑌚𑌰𑌣𑌾𑌰𑌵𑌿𑌨𑍍𑌦𑌂
175
𑌜𑌗𑌤𑍍𑌪𑌵𑌿𑌤𑍍𑌰𑌂 𑌶𑌰𑌣𑌂 𑌮𑌮𑌾𑌽𑌸𑍍𑌤𑍁 ॥ 175
𑌨𑍀𑌲𑌾𑌭𑍍𑌰𑌦𑍇𑌹 𑌨𑌿𑌖𑌿𑌲𑍇𑌶 𑌜𑌗𑌨𑍍𑌨𑌿𑌵𑌾𑌸
𑌰𑌾𑌜𑍀𑌵𑌨𑍇𑌤𑍍𑌰 𑌰𑌮𑌣𑍀𑌯𑌗𑍁𑌣𑌾𑌭𑌿𑌰𑌾𑌮 ।
𑌶𑍍𑌰𑍀𑌦𑌾𑌮 𑌦𑍈𑌤𑍍𑌯𑌕𑍁𑌲𑌮𑌰𑍍𑌦𑌨 𑌰𑌾𑌮𑌚𑌨𑍍𑌦𑍍𑌰
176
𑌤𑍍𑌵𑌤𑍍𑌪𑌾𑌦𑌪𑌦𑍍𑌮𑌮𑌨𑌿𑌶𑌂 𑌕𑌲𑌯𑌾𑌮𑌿 𑌚𑌿𑌤𑍍𑌤𑍇 ॥ 176
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰 𑌕𑌰𑍁𑌣𑌾𑌕𑌰 𑌦𑍀𑌨𑌬𑌨𑍍𑌧𑍋
𑌸𑍀𑌤𑌾𑌸𑌮𑍇𑌤 𑌭𑌰𑌤𑌾𑌗𑍍𑌰𑌜 𑌰𑌾𑌘𑌵𑍇𑌶 ।
𑌪𑌾𑌪𑌾𑌰𑍍𑌤𑌿𑌭𑌞𑍍𑌜𑌨 𑌭𑌯𑌾𑌤𑍁𑌰𑌦𑍀𑌨𑌬𑌨𑍍𑌧𑍋
177
𑌪𑌾𑌪𑌾𑌮𑍍𑌬𑍁𑌧𑍗 𑌪𑌤𑌿𑌤𑌮𑍁𑌦𑍍𑌧𑌰 𑌮𑌾𑌮𑌨𑌾𑌥𑌮𑍍 ॥ 177
𑌇𑌨𑍍𑌦𑍀𑌵𑌰𑌦𑌲𑌶𑍍𑌯𑌾𑌮-𑌮𑌿𑌨𑍍𑌦𑍁𑌕𑍋𑌟𑌿𑌨𑌿𑌭𑌾𑌨𑌨𑌮𑍍 ।
175
𑌕𑌨𑍍𑌦𑌰𑍍𑌪𑌕𑍋𑌟𑌿𑌲𑌾𑌵𑌣𑍍𑌯𑌂 𑌵𑌨𑍍𑌦𑍇𑌽𑌹𑌂 𑌰𑌘𑍁𑌨𑌨𑍍𑌦𑌨𑌮𑍍 ॥ 175
𑌇𑌤𑌿 𑌶𑍍𑌰𑍀𑌬𑍋𑌧𑍇𑌨𑍍𑌦𑍍𑌰𑌸𑌰𑌸𑍍𑌵𑌤𑍀 𑌕𑍃𑌤 𑌶𑍍𑌰𑍀𑌰𑌾𑌮𑌕𑌰𑍍𑌣𑌾𑌮𑍃𑌤𑌮𑍍 ॥
Roman (IAST) Transliteration
maṅgalaślokāḥ
maṅgalaṃ bhagavānviṣṇurmaṅgalaṃ madhusūdanaḥ |
maṅgalaṃ puṇḍarīkākṣo maṅgalaṃ garuḍadhvajaḥ || 1
maṅgalaṃ kosalendrāya mahanīyaguṇābdhaye |
cakravartitanūjāya sārvabhaumāya maṅgalam || 2
vedavedāntavedyāya meghaśyāmalamūrtaye |
puṃsāṃ mohanarūpāya puṇyaślokāya maṅgalam || 3
viśvāmitrāntaraṅgāya mithilānagarīpateḥ |
bhāgyānāṃ paripākāya bhavyarūpāya maṅgalam || 4
pitṛbhaktāya satataṃ bhrātṛbhiḥ saha sītayā |
nanditākhilalokāya rāmacandrāya maṅgalam || 5
tyaktasāketavāsāya citrakūṭavihāriṇe |
sevyāya sarvayamināṃ dhīrodāttāya maṅgalam || 6
saumitriṇā ca jānakyā cāpabāṇāsidhāriṇā |
saṃsevyāya sadā bhaktyā sānujāyāstu maṅgalam || 7
daṇḍakāraṇyavāsāya khaṇḍitāmaraśatrave |
gṛdhrarājāya bhaktāya muktidāyāstu maṅgalam || 8
sādaraṃ śabarīdattaphalamūlābhilāṣiṇe |
saulabhyaparipūrṇāya sattvodyuktāya maṅgalam || 9
hanūmatsamavetāya harīśābhīṣṭadāyine |
vālipramathanāyāstu mahādhīrāya maṅgalam || 10
śrīmate raghuvīrāya setulaṅghitasindhave |
jitarākṣasarājāya raṇadhīrāya maṅgalam || 11
āsādya nagarīṃ divyāmabhiṣiktāya sītayā |
rājādhirājarājāya rāmabhadrāya maṅgalam || 12
vibhīṣaṇakṛte prītyā viśvābhīṣṭapradāyine |
jānakīprāṇanāthāya sadā rāmāya maṅgalam || 13
—-
śrīrāmaṃ trijagadguruṃ suravaraṃ sītāmanonāyakaṃ
śyāmāṅgaṃ śaśikoṭipūrṇavadanaṃ cañcatkalākaustubham |
saumyaṃ satyaguṇottamaṃ susarayūtīre vasantaṃ prabhuṃ
trātāraṃ sakalārthasiddhisahitaṃ vande raghūṇāṃ patim || 14
śrīrāghavaṃ daśarathātmajamaprameyaṃ
sītāpatiṃ raghuvarānvayaratnadīpam |
ājānubāhumaravindadalāyatākṣaṃ
rāmaṃ niśācaravināśakaraṃ namāmi || 15
śrīrāmacandra karuṇākara rāghavendra
rājendracandra raghuvaṃśasamudracandra |
sugrīvanetrayugalotpala-pūrṇacandra
sītāmanaḥkumudacandra namo namaste || 16
sītāmanomānasarājahaṃsa
saṃsārasantāpahara kṣamāvan |
śrīrāma daityāntaka śāntarūpa
śrītārakabrahma namo namaste || 17
viṣṇo rāghava vāsudeva nṛhare devaughacūḍāmaṇe |
saṃsārārṇavakarṇadhāraka hare kṛṣṇāya tubhyaṃ namaḥ || 18
sugrīvādisamastavānaravaraissaṃsevyamānaṃ sadā |
viśvāmitraparāśarādimunibhissaṃstūyamānaṃ bhaje || 19
rāmaṃ candanaśītalaṃ kṣitisutāmohākaraṃ śrīkaraṃ
vaidehīnayanāravindamihiraṃ sampūrṇacandrānanam |
rājānaṃ karuṇāsametanayanaṃ sītāmanonandanaṃ
sītādarpaṇacārugaṇḍalalitaṃ vande sadā rāghavam || 20
jānāti rāma tava nāmaruciṃ maheśo
jānāti gautamasatī caraṇaprabhāvam |
jānāti dorbalaparākramamīśacāpo
jānātyamoghapaṭubāṇagatiṃ payodhiḥ || 21
mātā rāmo matpitā rāmacandro
bhrātā rāmo matsakhā rāghaveśaḥ |
sarvasvaṃ me rāmacandro dāyālu-
rnānyaṃ daivaṃ naiva jāne na jāne || 22
vimalakamalanetraṃ visphurannīlagātraṃ
tapanakulapavitraṃ dānavadhvantamitram |
bhuvanaśubhacaritraṃ bhūmiputrīkalatraṃ
daśarathavaraputraṃ naumi rāmākhyamitram || 23
mārge mārge śākhināṃ ratnavedī
vedyāṃ vedyāṃ kinnarībṛndagītam |
gīte gīte mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 24
vṛkṣe vṛkṣe vīkṣitāḥ pakṣisaṅghāḥ
saṅghe saṅghe mañjulāmodavākyam |
vākye vākye mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 25
duritatimiracandro duṣṭakañjātacandraḥ
surakuvalayacandrassūryavaṃśābdhicandraḥ |
svajananivahacandraśśatrurājīvacandraḥ
praṇatakumudacandraḥ pātu māṃ rāmacandraḥ || 26
kalyāṇadaṃ kauśikayajñapālaṃ
kalānidhiṃ kāñcanaśailadhīram |
kañjātanetraṃ karuṇāsamudraṃ
kākutstharāmaṃ kalayāmi citte || 27
rājīvāyatalocanaṃ raghuvaraṃ nīlotpalaśyāmalaṃ
mandārāñcitamaṇḍape sulalite sauvarṇake puṣpake |
āsthāne navaratnarājikhacite siṃhāsane saṃsthitaṃ
sītālakṣmaṇalokapālasahitaṃ vande munīndrāspadam || 28
dhyāye rāmaṃ sudhāṃśuṃ natasakalabhavāraṇyatāpaprahāram |
śyāmaṃ śāntaṃ surendraṃ suramunivinutaṃ koṭisūryaprakāśam |
sītāsaumitrisevyaṃ suranarasugamaṃ divyasiṃhāsanastham |
sāyāhne rāmacandraṃ smitaruciramukhaṃ sarvadā me prasannam || 29
indranīlamaṇisannibhadehaṃ
vandanīyamasakṛnmunibṛndaiḥ |
lambamānatulasīvanamālaṃ
cintayāmi satataṃ raghuvīram || 30
sampūrṇacandravadanaṃ sarasīruhākṣaṃ
māṇikyakuṇḍaladharaṃ mukuṭābhirāmam |
cāmpeyagauravasanaṃ śaracāpahastaṃ
śrīrāmacandramaniśaṃ manasā smarāmi || 31
mātuḥ pārśve carantaṃ maṇimayaśayane mañjubhūṣāñcitāṅgam |
mandaṃ mandaṃ pibantaṃ mukulitanayanaṃ stanyamanyastanāgram |
aṅgulyāgraiḥ spṛśantaṃ sukhaparavaśayā sasmitāliṅgitāṅgam |
gāḍhaṃ gāḍhaṃ jananyā kalayatu hṛdayaṃ māmakaṃ rāmabālam || 32
rāmābhirāmaṃ nayanābhirāmaṃ
vācābhirāmaṃ vadanābhirāmam |
sarvābhirāmaṃ ca sadābhirāmaṃ
vande sadā dāśarathiṃ ca rāmam || 33
rāśabdoccāramātreṇa mukhānniryāti pātakāḥ |
punaḥ praveśabhītyā ca makārastu kavāṭavat || 34
anarghamāṇikyavirājamāna-
śrīpādukālaṅkṛtaśobhanābhyām |
aśeṣabṛndārakavanditābhyāṃ
namo namo rāmapadāmbujābhyām || 35
calatkanakakuṇḍalollasitadivyagaṇḍasthalaṃ
carācarajaganmayaṃ caraṇapadmagaṅgāśrayam |
caturvidhaphalapradaṃ caramapīṭhamadhyasthitaṃ
cidaṃśamakhilāspadaṃ daśarathātmajaṃ cintaye || 36
sanandanamunipriyaṃ sakalavarṇavedātmakaṃ
samastanigamāgamasphuritatattvasiṃhāsanam |
sahasranayanābjajādyamarabṛndasaṃsevitaṃ
samaṣṭipuravallabhaṃ daśarathātmajaṃ cintaye || 37
jāgratsvapnasuṣupti-kālavilasattattvātmacinmātrakaṃ
caitanyātmakamādhipāparahitaṃ bhūmyāditanmātrakam |
śāmbhavyādisamastayogakulakaṃ sāṅkhyāditattvātparaṃ
śabdāvācyamahaṃ namāmi satataṃ vyutpattināśātparam || 38
ikṣvākuvaṃśārṇavajātaratnaṃ
sītāṅganāyauvanabhāgyaratnam |
vaikuṇṭharatnaṃ mama bhāgyaratnaṃ
śrīrāmaratnaṃ śirasā namāmi || 39
ikṣvākunandanaṃ sugrīvapūjitaṃ
trailokyarakṣakaṃ satyasandhaṃ sadā |
rāghavaṃ raghupatiṃ rājīvalocanaṃ
rāmacandraṃ bhaje rāghaveśaṃ bhaje || 40
bhaktapriyaṃ bhaktasamādhigamyaṃ
cintāharaṃ cintitakāmadhenum |
sūryendukoṭidyutibhāsvaraṃ taṃ
rāmaṃ bhaje rāghavarāmacandram || 41
śrīrāmaṃ janakakṣitīśvarasutāvaktrāmbujāhāriṇaṃ
śrīmadbhānukulābdhikaustubhamaṇiṃ śrīratnavakṣassthalam |
śrīkaṇṭhādyamaraugharatnamakuṭālaṅkārapādāmbujaṃ
śrīvatsojjvalamindranīlasadṛśaṃ śrīrāmacandraṃ bhaje || 42
rāmacandra caritākathāmṛtaṃ
lakṣmaṇāgrajaguṇānukīrtanam |
rāghaveśa tava pādasevanaṃ
sambhavantu mama janmajanmani || 43
ajñānasambhava-bhavāmbudhibāḍabāgni-
ravyaktatattvanikarapraṇavādhirūḍhaḥ |
sītāsametamanujena hṛdantarāle
prāṇaprayāṇasamaye mama sannidhatte || 44
rāmo matkuladaivataṃ sakaruṇaṃ rāmaṃ bhaje sādaraṃ
rāmeṇākhilaghorapāpanihatī rāmāya tasmai namaḥ |
rāmānnāsti jagatrayaikasulabho rāmasya dāso'smyahaṃ
rāme prītiratīva me kulaguro śrīrāma rakṣasva mām || 45
vaidehīsahitaṃ suradrumatale haime mahāmaṇṭape |
madhyepuṣpakamāsane maṇimaye vīrāsane saṃsthitam |
agre vācayati prabhañjanasute tattvaṃ munibhyaḥ param |
vyākhyāntaṃ bharatādibhiḥ parivṛtaṃ rāmaṃ bhaje śyāmalam || 46
vāme bhūmisutā purastu hanumānpaścātsumitrāsuta-
śśatrughno bharataśca pārśvadalayorvāyvādikoṇeṣvapi |
sugrīvaśca vibhīṣaṇaśca yuvarāṭ tārāsuto jāmbavān
madhye nīlasarojakomalaruciṃ rāmaṃ bhaje śyāmalam || 47
keyūrāṅgadakaṅkaṇairmaṇigaṇairvairocamānaṃ sadā
rākāparvaṇicandrakoṭisadṛśaṃ chatreṇa vairājitam |
hemastambhasahasraṣoḍaśayute madhye mahāmaṇḍape
deveśaṃ bharatādibhiḥ parivṛtaṃ rāmaṃ bhaje śyāmalam || 48
sākete śaradindukundadhavale saughe mahāmaṇṭape |
paryastāgarudhūpadhūmapaṭale karpūradīpojjvale |
sugrīvāṅgadavāyuputrasahitaṃ saumitriṇā sevitaṃ
līlāmānuṣavigrahaṃ raghupatiṃ rāmaṃ bhaje śyāmalam || 49
śāntaṃ śāradacandrakoṭisadṛśaṃ candrābhirāmānanaṃ
candrārkāgnivikāsikuṇḍaladharaṃ candrāvataṃsastutam |
vīṇāpustakasākṣasūtravilasadvyākhyānamudrākaraṃ
deveśaṃ bharatādibhiḥ parivṛtaṃ rāmaṃ bhaje śyāmalam || 50
rāmaṃ rākṣasamardanaṃ raghupatiṃ śakrārividhvaṃsinaṃ
sugrīvepsitarājyadaṃ surapateḥ putrāntakaṃ śārṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sītāsevitapādapadmayugalaṃ rāmaṃ bhaje śyāmalam || 51
kandarpāyutakoṭikoṭitulitaṃ kālāmbudaśyāmalaṃ
kambugrīvamudārakaustubhadharaṃ karṇāvataṃsotpalam |
kastūrītilakojjvalaṃ smitamukhaṃ cinmudrayālaṅkṛtaṃ
sītālakṣmaṇavāyuputrasahitaṃ siṃhāsanasthaṃ bhaje || 52
sākete navaratnapaṅktikhacite citradhvajālaṅkṛte
vāse svarṇamaye dalāṣṭalalite padme vimānottame |
āsīnaṃ bharatādisodarajanaiḥ śākhāmṛgaiḥ kinnaraiḥ
dikpālairmunipuṅgavairnṛpagaṇaissaṃsevyamānaṃ bhaje || 53
kastūrīghanasārakuṅkumalasacchrīcandanālaṅkṛtaṃ
kandarpādhikasundaraṃ ghananibhaṃ kākutsthavaṃśadhvajam |
kalyāṇāmbharaveṣṭitaṃ kamalayā yuktaṃ kalāvallabhaṃ
kalyāṇācalakārmukapriyasakhaṃ kalyāṇarāmaṃ bhaje || 54
muktermūlaṃ munivarahṛdānandakandaṃ mukundaṃ
kūṭasthākhyaṃ sakalavaradaṃ sarvacaitanyarūpam |
nādātītaṃ kamalanilayaṃ nādanādāntatattvaṃ
nādātītaṃ prakṛtirahitaṃ rāmacandraṃ bhaje'ham || 55
tārākāraṃ nikhilanilayaṃ tattvamasyādilakṣyaṃ
śabdāvācyaṃ triguṇarahitaṃ vyomamaṅguṣṭhamātram |
nirvāṇākhyaṃ saguṇamaguṇavyomarandhrāntarasthaṃ
sauṣumnāntaḥ praṇavasahitaṃ rāmacandraṃ bhaje'ham || 56
nijānandākāraṃ nigamaturagārādhitapadaṃ
parabrahmānandaṃ paramapadagaṃ pāpaharaṇam |
kṛpāpārāvāraṃ paramapuruṣaṃ padmanilayaṃ
bhaje rāmaṃ śyāmaṃ prakṛtirahitaṃ nirguṇamaham || 57
sākete nagare samastamahimādhāre jaganmohane
ratnastambhasahasramaṇṭapamahāsiṃhāsane sāmbuje |
viśvāmitravasiṣṭhagautamaśukavyāsādibhirmaunibhiḥ
dhyeyaṃ lakṣmaṇalokapālasahitaṃ sītāsametaṃ bhaje || 58
rāmaṃ śyāmābhirāmaṃ raviśaśinayanaṃ koṭisūryaprakāśaṃ
divyaṃ divyāstrapāṇiṃ śaramukhaśaradhiṃ cārukoḍaṇḍahastam |
kālaṃ kālāgnirudraṃ ripukuladahanaṃ vighnavicchedadakṣaṃ
bhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 59
śrīrāmaṃ bhuvanaikasundaratanuṃ dhārādharaśyāmalaṃ
rājīvāyatalocanaṃ raghuvaraṃ rākendubimbānanam |
kodaṇḍādinijāyudhāśritabhujairbhrāntaṃ videhātmajā-
dhīśaṃ bhaktajanāvanaṃ raghuvaraṃ śrīrāmacandraṃ bhaje || 60
śrīvatsāṅkamudārakaustubhalasatpītāmbarālaṅkṛtaṃ
nānāratnavirājamānamakuṭaṃ nīlāmbudaśyāmalam |
kastūrīghanasāracarcitatanuṃ mandāramālādharaṃ
kandarpāyutasundaraṃ raghupatiṃ sītāsametaṃ bhaje || 61
sadānandadeve sahasrārapadme
galaccandrapīyūṣadhārāmṛtānte |
sthitaṃ rāmamūrtiṃ niṣeve niṣeve-
'nyadaivaṃ na seve na seve na seve || 62
sudhābhāsitadvīpamadhye vimāne
suparvālivṛkṣojjvale śeṣatalpe |
niṣaṇṇaṃ ramāṅkaṃ niṣeve niṣeve-
'nyadaivaṃ na seve na seve na seve || 63
cidaṃśaṃ samānandamānandakandaṃ
suṣumnākhyarandhrāntarāle ca haṃsam |
sacakraṃ saśaṅkhaṃ sapītāmbarāṅkaṃ
parañcānyadaivaṃ na jāne na jāne || 64
caturvedakūṭollasatkāraṇākhyaṃ
sphuraddivyavaimānike bhogitalpe |
parandhāmamūrtiṃ niṣaṇṇaṃ niṣeve
niṣeve'nyadaivaṃ na seve na seve || 65
siṃhāsanasthaṃ surasevitavyaṃ
ratnāṅkitālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghava rāmacandram || 66
rāmaṃ purāṇapuruṣaṃ ramaṇīyaveṣaṃ
rājādhirājamakuṭārcitapādapīṭham |
sītāpatiṃ sunayanaṃ jagadekavīraṃ
śrīrāmacandramaniśaṃ kalayāmi citte || 67
parānandavastusvarūpādisākṣiṃ
parabrahmagamyaṃ parañjyotimūrtim |
parāśaktimitrā'priyārādhitāṅghriṃ
parandhāmarūpaṃ bhaje rāmacandram || 68
mandasmitaṃ kuṇḍalagaṇḍabhāgaṃ
pītāmbaraṃ bhūṣaṇabhūṣitāṅgam |
nīlotpalāṅgaṃ bhuvanaikamitraṃ
rāmaṃ bhaje rāghava rāmacandram || 69
acintyamavyaktamanantarūpa-
madvaitamānandamanādigamyam |
puṇyasvarūpaṃ puruṣottamākhyaṃ
rāmaṃ bhaje rāghava rāmacandram || 70
padmāsanasthaṃ surasevitavyaṃ
padmālayānandakaṭākṣavīkṣyam |
gandharvavidyādharagīyamānaṃ
rāmaṃ bhaje rāghava rāmacandram || 71
anantakīrtiṃ varadaṃ prasannaṃ
padmāsanaṃ sevakapārijātam |
rājādhirājaṃ raghuvīraketuṃ
rāmaṃ bhaje rāghava rāmacandram || 72
sugrīvamitraṃ sujanānurūpaṃ
laṅkāharaṃ rākṣasavaṃśanāśam |
vedāśrayāṅgaṃ vipulāyatākṣaṃ
rāmaṃ bhaje rāghava rāmacandram || 73
sakṛtpraṇatarakṣāyāṃ sākṣī yasya vibhīṣaṇaḥ |
sāparādhapratīkāraḥ sa śrīrāmo gatirmama || 74
phalamūlāśinau dāntau tāpasau dharmacāriṇau |
rakṣaḥkulavihantārau bhrātarau rāmalakṣmaṇau || 75
taruṇau rūpasampannau sukumārau mahābalau |
puṇḍarīka viśālākṣau cīrakṛṣṇājināmbarau || 76
kausalyānayanenduṃ daśarathamukhāravindamārtāṇḍam |
sītāmānasahaṃsaṃ rāmaṃ rājīvalocanaṃ vande || 77
bharjanaṃ bhavabījānāṃ mārjanaṃ sukhasampadām |
tarjanaṃ yamadūtānāṃ rāmarāmeti kīrtanam || 78
na jāne jānakī jāne rāma tvannāmavaibhavam |
sarveśo bhagavān śambhurvālmīkirvetti vā navā || 79
karataladhṛtacāpaṃ kālameghasvarūpaṃ
sarasijadalanetraṃ cāruhāsaṃ sugātram |
vicinutavanavāsaṃ vikramodagraveṣaṃ
praṇamata raghunāthaṃ jānakīprāṇanātham || 80
vidyutsphuranmakarakuṇḍaladīptacāru-
gaṇḍasthalaṃ maṇikirīṭavirājamānam |
pītāmbaraṃ jaladanīlamudārakāntiṃ
śrīrāmacandramaniśaṃ kalayāmi citte || 81
ratnollasajjvalitakuṇḍalagaṇḍabhāgaṃ
kastūrikātilakaśobhitaphālabhāgam |
karṇāntadīrghanayanaṃ karuṇākaṭākṣaṃ
śrīrāmacandra mukhamātmani sannidhattam || 82
vaidehīsahitaṃ ca lakṣmaṇayutaṃ kaikeyiputrānvitaṃ
sugrīvaṃ ca vibhīṣaṇānilasutau nīlaṃ nalaṃ sāṅgadam |
viśvāmitravasiṣṭhagautamabharadvājādikān mānayan
rāmo mārutisevitaḥ smaratu māṃ sāmrājyasiṃhāsane || 83
sakalaguṇanidhānaṃ yogibhisstūyamānaṃ
bhajitasuravimānaṃ rakṣitendrādimānam |
mahitavṛṣabhayānaṃ sītayā śobhamānaṃ
smaratu hṛdayabhānuṃ brahmarāmābhirāmam || 84
tridaśakumudacandro dānavāmbhojacandro
duritatimiracandro yogināṃ jñānacandraḥ |
praṇatanayanacandro maithilīnetracandro
daśamukharipucandraḥ pātu māṃ rāmacandraḥ || 85
yannāmaiva sahasranāmasadṛśaṃ yannāma vedaissamaṃ
yannāmāṅkitavākya-māsurabalastrīgarbhavicchedanam |
yannāma śvapacāryabhedarahitaṃ muktipradānojjvalaṃ
tannāmā'laghurāmarāmaramaṇaṃ śrīrāmanāmāmṛtam || 86
rājīvanetra raghupuṅgava rāmabhadra
rākendubimbasadṛśānana nīlagātra |
rāmā'bhirāma raghuvaṃśasamudbhava tvaṃ
śrīrāmacandra mama dehi karāvalambam || 87
māṇikyamañjīrapadāravindaṃ
rāmārkasamphullamukhāravindam |
bhaktābhayaprāpikarāravindāṃ
devīṃ bhaje rāghavavallabhāṃ tām || 88
jayatu vijayakārī jānakīmodakārī
tapanakulavihārī daṇḍakāraṇyacārī |
daśavadanakuṭhārī daityavicchedakārī
maṇimakuṭakadhārī caṇḍakodaṇḍadhārī || 89
rāmaḥ pitā raghava eva mātā
rāmassubandhuśca sakhā hitaśca |
rāmo gururme paramaṃ ca daivaṃ
rāmaṃ vinā nā'nyamahaṃ smarāmi || 90
śrīrāma me tvaṃ hi pitā ca mātā
śrīrāma me tvaṃ hi suhṛcca bandhuḥ |
śrīrāma me tvaṃ hi guruśca goṣṭhī
śrīrāma me tvaṃ hi samastameva || 91
rāmacandracaritāmṛtapānaṃ
somapānaśatakoṭisamānam |
somapānaśatakoṭibhirīyā-
jjanma naiti raghunāyakanāmnā || 92
rāma rāma dayāsindho rāvaṇāre jagatpate |
tvatpādakamalāsakti-rbhavejjanmani janmani || 93
śrīrāmacandreti dayāpareti
bhaktapriyeti bhavabandhanamocaneti |
nātheti nāgaśayaneti sadā stuvantaṃ
māṃ pāhi bhītamaniśaṃ kṛpaṇaṃ kṛpālo || 94
ayodhyānātha rājendra sītākānta jagatpate |
śrīrāma puṇḍarīkākṣa rāmacandra namo'stu te || 95
he rāma he ramaṇa he jagadekavīra
he nātha he raghupate karuṇālavāla |
he jānakīramaṇa he jagadekabandho
māṃ pāhi dīnamaniśaṃ kṛpaṇaṃ kṛtaghnam || 96
jānāti rāma tava tattvagatiṃ hanūmān |
jānāti rāma tava sakhyagatiṃ kapīśaḥ |
jānāti rāma tava yuddhagatiṃ daśāsyo |
jānāti rāma dhanadānuja eva satyam || 97
sevyaṃ śrīrāmamantraṃ śravaṇaśubhakaraṃ śreṣṭhasujñānimantraṃ
stavyaṃ śrīrāmamantraṃ narakaduritadurvāranirghātamantram |
bhavyaṃ śrīrāmamantraṃ bhajatu bhajatu saṃsāranistāramantraṃ
divyaṃ śrīrāmamantraṃ divi bhuvi vilasanmokṣarakṣaikamantram || 98
nikhilanilayamantraṃ nityatattvākhyamantraṃ
bhavakulaharamantraṃ bhūmijāprāṇamantram |
pavanajanutamantraṃ pārvatīmokṣamantraṃ
paśupatinijamantraṃ pātu māṃ rāmamantram || 99
praṇavanilayamantraṃ prāṇanirvāṇamantraṃ
prakṛtipuruṣamantraṃ brahmarudrendramantram |
prakaṭaduritarāgadveṣanirṇāśamantraṃ
raghupatinijamantraṃ rāmarāmetimantram || 100
daśarathasutamantraṃ daityasaṃhāramantraṃ
vibudhavinutamantraṃ viśvavikhyātamantram |
munigaṇanutamantraṃ muktimārgaikamantraṃ
raghupatinijamantraṃ rāmarāmetimantram || 101
saṃsārasāgarabhayāpahaviśvamantraṃ
sākṣānmumukṣujanasevitasiddhamantram |
sāraṅgahastamukhahastanivāsamantraṃ
kaivalyamantramaniśaṃ bhaja rāmamantram || 102
jayatu jayatu mantraṃ janmasāphalyamantraṃ
jananamaraṇabhedakleśavicchedamantram |
sakalanigamamantraṃ sarvaśāstraikamantraṃ
raghupatinijamantraṃ rāmarāmetimantram || 103
jagati viśadamantraṃ jānakīprāṇamantraṃ
vibudhavinutamantraṃ viśvavikhyātamantram |
daśarathasutamantraṃ daityasaṃhāramantraṃ
raghupatinijamantraṃ rāmarāmetimantram || 104
brahmādiyogimunipūjitasiddhamantraṃ
dāridryaduḥkhabhavarogavināśamantram |
saṃsārasāgarasamuttaraṇaikamantraṃ
vande mahābhayaharaṃ raghurāmamantram || 105
śatrucchedaikamantraṃ sarasamupaniṣadvākyasampūjyamantraṃ
saṃsārottāramantraṃ samucitasamaye saṅganiryāṇamantram |
sarvaiśvaryaikamantraṃ vyasanabhujagasandaṣṭasantrāṇamantraṃ
jihve śrīrāmamantraṃ japa japa saphalaṃ janmasāphalyamantram || 106
nityaṃ śrīrāmamantraṃ nirupamamadhikaṃ nītisujñānamantraṃ
satyaṃ śrīrāmamantraṃ sadamalahṛdaye sarvadārogyamantram |
stutyaṃ śrīrāmamantraṃ sulalitasumanassaukhyasaubhāgyamantraṃ
paṭhyaṃ śrīrāmamantraṃ pavanajavaradaṃ pātu māṃ rāmamantram || 107
vyāmohapraśamauṣadhaṃ munimanovṛttipravṛttyauṣadhaṃ
daityonmūlakarauṣadhaṃ bhavabhayapradhvaṃsanaikauṣadham |
bhaktānandakarauṣadhaṃ tribhuvane sañjīvanaikauṣadhaṃ
śreyaḥ prāptikarauṣadhaṃ piba manaḥ śrīrāmanāmauṣadham || 108
sakalabhuvanaratnaṃ sarvaśāstrārtharatnaṃ
samaravijayaratnaṃ saccidānandaratnam |
daśamukhahararatnaṃ dānavārātiratnaṃ
raghukulanṛparatnaṃ pātu māṃ rāmaratnam || 109
sakalabhuvanaratnaṃ saccidānandaratnaṃ
sakalahṛdayaratnaṃ sūryabimbāntaratnam |
vimalasukṛtaratnaṃ vedavedāntaratnaṃ
puraharajaparatnaṃ pātu māṃ rāmaratnam || 110
nigamaśikhararatnaṃ nirmalānandaratnaṃ
nirupamaguṇaratnaṃ nādanādāntaratnam |
daśarathakularatnaṃ dvādaśāntasstharatnaṃ
paśupatijaparatnaṃ pātu māṃ rāmaratnam || 111
śatamakhasutaratnaṃ ṣoḍaśāntasstharatnaṃ
munijanajaparatnaṃ mukhyavaikuṇṭharatnam |
nirupamaguṇaratnaṃ nīrajāntasstharatnaṃ
paramapadaviratnaṃ pātu māṃ rāmaratnam || 112
sakalasukṛtaratnaṃ satyavākyārtharatnaṃ
śamadamaguṇaratnaṃ śāśvatānandaratnam |
praṇayanilayaratnaṃ prasphuṭadyotiratnaṃ
paramapadaviratnaṃ pātu māṃ rāmaratnam || 113
nigamaśikhararatnaṃ nityamāśāsyaratnaṃ
jananutanṛparatnaṃ jānakīrūparatnam |
bhuvanavalayaratnaṃ bhūbhujāmekaratnaṃ
raghukulavararatnaṃ pātu māṃ rāmaratnam || 114
viśālanetraṃ paripūrṇagātraṃ
sītākalatraṃ suravairijaitram |
kāruṇyapātraṃ jagataḥ pavitraṃ
śrīrāmaratnaṃ praṇato'smi nityam || 115
he gopālaka he dayājalanidhe he sadguṇāmbhonidhe
he daityāntaka he vibhīṣaṇadayāparīṇa he bhūpate |
he vaidehasutāmanojavihṛte he koṭimārākṛte
he navyāmbujanetra pālaya paraṃ jānāmi na tvāṃ vinā || 116
yasya kiñcidapi no haraṇīyaṃ
karma kiñcidapi no caraṇīyam |
rāmanāma ca sadā smaraṇīyaṃ
līlayā bhavajalaṃ taraṇīyam || 117
daśarathasutamīśaṃ daṇḍakāraṇyavāsaṃ
śatamakhamaṇinīlaṃ jānakīprāṇalolam |
sakalabhuvanamohaṃ sannutāmbhodadehaṃ
bahulanutasamudraṃ bhāvaye rāmabhadram || 118
viśālanetraṃ paripūrṇagātraṃ
sītākalatraṃ suravairijaitram |
jagatpavitraṃ paramātmatantraṃ
śrīrāmacandraṃ praṇamāmi citte || 119
jaya jaya raghurāma śrīmukhāmbhojabhāno
jaya jaya raghuvīra śrīmadambhojanetra |
jaya jaya raghunātha śrīkarābhyarcitāṅghri
jaya jaya raghuvarya śrīśa kāruṇyasindho || 120
mandāramūle maṇipīṭhasaṃsthaṃ
sudhāplutaṃ divyavirāṭsvarūpam |
sabindunādāntakalāntaturya-
mūrtiṃ bhaje'haṃ raghuvaṃśaratnam || 121
nādaṃ nādavinīlacittapavanaṃ nādāntattvapriyaṃ
nāmākāravivarjitaṃ navaghanaśyāmāṅganādapriyam |
nādāmbhojamarandamattavilasadbhṛṅgaṃ madāntassthitaṃ
nādāntadhṛvamaṇḍalābjaruciraṃ rāmaṃ bhaje tārakam || 122
nānābhūtahṛdabjapadmanilayaṃ nāmojjvalābhūṣaṇam |
nāmastotrapavitritatribhuvanaṃ nārāyaṇāṣṭākṣaram |
nādāntendugalatsudhāplutatanuṃ nānātmacinmātrakam |
nānākoṭiyugāntabhānusadṛśaṃ rāmaṃ bhaje tārakam || 123
vedyaṃ vedaguruṃ viriñcijanakaṃ vedāntamūrtiṃ sphura-
dvedaṃ vedakalāpamūlamahimādhārāntakandāṅkuram |
vedaśṛṅgasamānaśeṣaśayanaṃ vedāntavedyātmakaṃ
vedārādhitapādapaṅkajamahaṃ rāmaṃ bhaje tārakam || 124
majjīvaṃ madanugrahaṃ madadhipaṃ madbhāvanaṃ matsukhaṃ
mattātaṃ mama sadguruṃ mama varaṃ mohāndhavicchedanam |
matpuṇyaṃ madanekabāndhavajanaṃ majjīvanaṃ mannidhiṃ
matsiddhiṃ mama sarvakarmasukṛtaṃ rāmaṃ bhaje tārakam || 125
nityaṃ nīrajalocanaṃ nirupamaṃ nīvāraśūkopamaṃ
nirbhedānubhavaṃ nirantaraguṇaṃ nīlāṅgarāgojjvalam |
niṣpāpaṃ nigamāgamārcitapadaṃ nityātmakaṃ nirmalaṃ
niṣpuṇyaṃ nikhilaṃ nirañjanapadaṃ rāmaṃ bhaje tārakam || 126
dhyāye tvāṃ hṛdayāmbuje raghupatiṃ vijñānadīpāṅkuraṃ
haṃsohaṃsaparamparādimahimādhāraṃ jaganmohanam |
hastāmbhojagadābjacakramatulaṃ pītāmbaraṃ kaustubhaṃ
śrīvatsaṃ puruṣottamaṃ maṇinibhaṃ rāmaṃ bhaje tārakam || 127
satyajñānamanantamacyutamajaṃ cāvyākṛtaṃ tatparaṃ
kūṭasthādisamastasākṣimanaghaṃ sākṣādvirāṭtattvadam |
vedyaṃ viśvamayaṃ svalīnabhuvanasvārājyasaukhyapradaṃ
pūrṇaṃ pūrṇataraṃ purāṇapuruṣaṃ rāmaṃ bhaje tārakam || 128
rāmaṃ rākṣasavaṃśanāśanakaraṃ rākendubimbānanaṃ
rakṣoriṃ raghuvaṃśavardhanakaraṃ raktādharaṃ rāghavam |
rādhāyātmanivāsinaṃ ravinibhaṃ ramyaṃ ramānāyakaṃ
randhrāntargataśeṣaśāyinamahaṃ rāmaṃ bhaje tārakam || 129
otaprotasamastavastunicayaṃ oṅkārabījākṣaraṃ
oṅkāraprakṛtiṃ ṣaḍakṣarahitaṃ oṅkārakandāṅkuram |
oṅkārasphuṭabhūrbhuvassuparitaṃ oghatrayārādhitam
oṅkārojjvalasiṃhapīṭhanilayaṃ rāmaṃ bhaje tārakam || 130
sākete nagare samastasukhade harmye'bjakoṭidyute
nakṣatragrahapaṅktilagnaśikhare cāntaryapaṅkeruhe |
vālmīkātriparāśarādimunibhissaṃsevyamānaṃ sthitaṃ
sītālaṅkṛtavāmabhāgamaniśaṃ rāmaṃ bhaje tārakam || 131
vaikuṇṭhe nagare suradrumatale cānandavaprāntare
nānāratnavinirmitasphuṭapaṭuprākārasaṃveṣṭite |
saudhendūpalaśeṣatalpalalite nīlotpalacchādite
paryaṅke śayanaṃ ramādisahitaṃ rāmaṃ bhaje tārakam || 132
vande rāmamanādipūruṣamajaṃ vande ramānāyakaṃ
vande hārikirīṭakuṇḍaladharaṃ vande sunīladyutim |
vande cāpakalambakojjvalakaraṃ vande jaganmaṅgalaṃ
vande paṅktirathātmajaṃ mama guruṃ vande sadā rāghavam || 133
vande śaunakagautamādyabhinutaṃ vande ghanaśyāmalaṃ
vande tārakapīṭhamadhyanilayaṃ vande jagannāyakam |
vande bhaktajanaughadevivaṭapaṃ vande dhanurvallabhaṃ
vande tattvamasītivākyajanakaṃ vande sadā rāghavam || 134
vande sūryaśaśāṅkalocanayugaṃ vande jagatpāvanaṃ
vande patrasahasrapadmanilayaṃ vande purāripriyam |
vande rākṣasavaṃśanāśanakaraṃ vande sudhāśītalaṃ
vande devakapīndrakoṭivinutaṃ vande sadā rāghavam || 135
vande sāgaragarvabhaṅgaviśikhaṃ vande jagajjīvanaṃ
vande kauśikayāgarakṣaṇakaraṃ vande guruṇāṃ gurum |
vande bāṇaśarāsanojjvalakaraṃ vande jaṭāvalkalaṃ
vande lakṣmaṇabhūmijānvitamahaṃ vande sadā rāghavam || 136
vande pāṇḍarapuṇḍarīkanayanaṃ vande'bjabimbānanaṃ
vande kambugalaṃ karābjayugalaṃ vande lalāṭojjvalam |
vande pītadukūlamambudanibhaṃ vande jaganmohanaṃ
vande kāraṇamānuṣojjvalatanuṃ vande sadā rāghavam || 137
vande nīlasarojakomalaruciṃ vande jagadvanditaṃ
vande sūryakulābdhikaustubhamaṇiṃ vande surārādhitam |
vande pātakapañcakapraharaṇaṃ vande jagatkāraṇaṃ
vande viṃśatipañcatattvarahitaṃ vande sadā rāghavam || 138
vande sādhakavargakalpakataruṃ vande trimūrtyātmakaṃ
vande nādalayāntarasthalagataṃ vande trivargātmakam |
vande rāgavihīnacittasulabhaṃ vande sabhānāyakaṃ
vande pūrṇadayāmṛtārṇavamahaṃ vande sadā rāghavam || 139
vande sāttvikatattvamudritatanuṃ vande sudhādāyakaṃ
vande cārucaturbhujaṃ maṇinibhaṃ vande ṣaḍabjasthitam |
vande brahmapipīlikādinilayaṃ vande virāṭvigrahaṃ
vande pannagatalpaśāyinamahaṃ vande sadā rāghavam || 140
siṃhāsanasthaṃ munisiddhasevyaṃ
raktotpalālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghavarāmacandram || 141
śrīrāmabhadrāśritasadgurūṇāṃ
pādāravindaṃ bhajatāṃ narāṇām |
ārogyamaiśvaryamanantakīrti-
rante ca viṣṇoḥ padamasti satyam || 142
daśarathavaraputraṃ jānakīsatkalatraṃ
daśamukhaharadakṣaṃ padmapatrāyatākṣam |
karadhṛtaśaracāpaṃ cārumuktākalāpaṃ
raghukulanṛvareṇyaṃ rāmamīḍe śaraṇyam || 143
daśamukhagajasiṃhaṃ daityagarvātiraṃhaṃ
kadanabhayadahastaṃ tārakabrahma śastam |
maṇikhacitakirīṭaṃ mañjulālāpavāṭaṃ
daśarathakulacandraṃ rāmacandraṃ bhaje'ham || 144
rāmaṃ raktasaroruhākṣamamalaṃ laṅkādhināthāntakaṃ
kausalyānayanotsukaṃ raghuvaraṃ nāgendratalpasthitam |
vaidehīkucakumbhakuṅkumarajolaṅkārahāraṃ hariṃ
māyāmānuṣavigrahaṃ raghupatiṃ sītāsametaṃ bhaje || 145
rāmaṃ rākṣasamardanaṃ raghuvaraṃ daiteyabhidhvaṃsinaṃ
sugrīvepsitarājyadaṃ surapaterbhītyantakaṃ śārṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sāmīristutapādapadmayugalaṃ sītāsametaṃ bhaje || 146
yatpādāmbujareṇunā munisatī muktiṅgatā yanmahaḥ
puṇyaṃ pātakanāśanaṃ trijagatāṃ bhāti smṛtaṃ pāvanam |
smṛtvā rāghavamaprameyamamalaṃ pūrṇendumandasmitaṃ
taṃ rāmaṃ sarasīruhākṣamamalaṃ sītāsametaṃ bhaje || 147
vaidehīkucamaṇḍalāgra-vilasanmāṇikyahastāmbujaṃ
cañcatkaṅkaṇahāranūpura-lasatkeyūrahārānvitam |
divyaśrīmaṇikuṇḍalojjvala-mahābhūṣāsahasrānvitaṃ
vīraśrīraghupuṅgavaṃ guṇanidhiṃ sītāsametaṃ bhaje || 148
vaidehīkucamaṇḍalopari-lasanmāṇikyahārāvalī-
madhyasthaṃ navanītakomalaruciṃ nīlotpalaśyāmalam |
kandarpāyutakoṭisundaratanuṃ pūrṇendubimbānanaṃ
kausalyākulabhūṣaṇaṃ raghupatiṃ sītāsametaṃ bhaje || 149
divyāraṇyayatīndranāmanagare madhye mahāmaṇṭape
svarṇastambhasahasraṣoḍaśayute mandāramūlāśrite |
nānāratnavicitranirmalamahāsiṃhāsane saṃsthitaṃ
sītālakṣmaṇasevitaṃ raghupatiṃ sītāsametaṃ bhaje || 150
kastūrītilakaṃ kapīndraharaṇaṃ kāruṇyavārānnidhiṃ
kṣīrāmbhodhisutāmukhābjamadhupaṃ kalyāṇasampannidhim |
kausalyānayanotsukaṃ kapivaratrāṇaṃ mahāpauruṣaṃ
kaumārapriyamarkakoṭisadṛśaṃ sītāsametaṃ bhaje || 151
vidyutkoṭidivākaradyutinibhaṃ śrīkaustubhālaṅkṛtaṃ
yogīndraissanakādibhiḥ parivṛtaṃ kailāsanāthapriyam |
muktāratnakirīṭakuṇḍaladharaṃ graiveyahārānvitaṃ
vaidehīkucasannivāsamaniśaṃ sītāsametaṃ bhaje || 152
meghaśyāmalamambujātanayanaṃ vistīrṇavakṣassthalaṃ
bāhudvandvavirājitaṃ suvadanaṃ śoṇāṅghripaṅkeruham |
nānāratnavicitrabhūṣaṇayutaṃ kodaṇḍabāṇāṅkitaṃ
trailokyā'pratimānasundaratanuṃ sītāsametaṃ bhaje || 153
vaidehīyutavāmabhāgamatulaṃ vandārumandārakaṃ
vande prastutakīrtivāsitatarucchāyānukāriprabham |
vaidehīkucakuṅkumāṅkitamahoraskaṃ mahābhūṣaṇaṃ
vedāntairupagīyamānamasakṛtsītāsametaṃ bhaje || 154
devānāṃ hitakāraṇena bhuvane dhṛtvā'vatāraṃ dhruvaṃ
rāmaṃ kauśikayajñavighnadalanaṃ tattāṭakāsaṃharam |
nityaṃ gautamapatniśāpadalanaśrīpādareṇuṃ śubhaṃ
śambhorutkaṭacāpakhaṇḍanamahāsatvaṃ bhaje rāghavam || 155
śrīrāmaṃ navaratnakuṇḍaladharaṃ śrīrāmarakṣāmaṇiṃ
śrīrāmaṃ ca sahasrabhānusadṛśaṃ śrīrāmacandrodayam |
śrīrāmaṃ śrutakīrtimākaramahaṃ śrīrāmamuktipradaṃ
śrīrāmaṃ raghunandanaṃ bhayaharaṃ śrīrāmacandraṃ bhaje || 156
rāmamindīvaraśyāmaṃ rājīvāyatalocanam |
jyāghoṣanirjitārātiṃ jānakīramaṇaṃ bhaje || 157
dīrghabāhumaravindalocanaṃ
dīnavatsalamanātharakṣakam |
dīkṣitaṃ sakalalokarakṣaṇe
daivataṃ daśarathātmajaṃ bhaje || 158
prātassmarāmi raghunāthamukhāravindaṃ
mandasmitaṃ madhurabhāṣi viśālaphālam |
karṇāvalambicalakuṇḍalagaṇḍabhāgaṃ
karṇāntadīrghanayanaṃ nayanābhirāmam || 159
prātarbhajāmi raghunāthakarāravindaṃ
rakṣogaṇāya bhayadaṃ varadaṃ nijebhyaḥ |
yadrājasaṃsadi vibhidya maheśacāpaṃ
sītākaragrahaṇamaṅgalamāpa sadyaḥ || 160
prātarnamāmi raghunāthapadāravindaṃ
padmāṅkuśādiśubharekhaśubhāvahaṃ ca |
yogīndramānasamadhuvratasevyamānaṃ
śāpāpahaṃ sapadi gautamadharmapatnyāḥ || 161
prātarvadāmi vacasā raghunāthanāma
vāgdoṣahāri sakalaṃ kaluṣaṃ nihantṛ |
yatpārvatī svapatinā saha bhoktukāmā
prītyā sahasraharināmasamaṃ jajāpa || 162
prātaḥ śraye śrutinutaṃ raghunāthamūrtiṃ
nīlāmbudotpalasitetararatnanīlām |
āmuktamauktikaviśeṣavibhūṣaṇāḍhyāṃ
dhyeyāṃ samastamunibhirnijabhṛtyamukhyaiḥ || 163
raghukulavaranātho jānakīprāṇanāthaḥ
pitṛvacanavidhātā kīśarājyapradātā |
pratiniśicaranāśaḥ prāptarājyapraveśo
vihitabhuvanarakṣaḥ pātu padmāyatākṣaḥ || 164
kuvalayadalanīlaḥ pītavāsāḥ smitāsyo
vividharucirabhūṣābhūṣito divyamūrtiḥ |
daśarathakulanātho jānakīprāṇanātho
nivasatu mama citte sarvadā rāmacandraḥ || 165
jayatu jayatu rāmo jānakīvallabho'yaṃ
jayatu jayatu rāmaścandracūḍārcitāṅghriḥ |
jayatu jayatu vāṇīnāthanāthaḥ parātmā
jayatu jayatu rāmo'nāthanāthaḥ kṛpāluḥ || 166
vadatu vadatu vāṇī rāmarāmeti nityaṃ
jayatu jayatu cittaṃ rāmapādāravindam |
namatu namatu dehaṃ santataṃ rāmacandraṃ
na bhavatu mama pāpaṃ janmajanmāntareṣu || 167
ānandarūpaṃ varadaṃ prasannaṃ
siṃhekṣaṇaṃ sevakapārijātam |
nīlotpalāṅgaṃ bhuvanaikamitraṃ
rāmaṃ bhaje rāghavarāmacandram || 168
laṅkāvirāmaṃ raṇaraṅgabhīmaṃ
rājīvanetraṃ raghuvaṃśamitram |
kāruṇyamūrtiṃ karuṇāprapūrtiṃ
śrīrāmacandraṃ śaraṇaṃ prapadye || 169
sugrīvamitraṃ paramaṃ pavitraṃ
sītākalatraṃ navahemasūtram |
kāruṇyapātraṃ śatapatranetraṃ
śrīrāmacandraṃ śirasā namāmi || 170
śrīrāghaveti ramaṇeti raghūdvaheti
rāmeti rāvaṇahareti ramādhaveti |
sāketanāthasumukheti ca suvrateti
vāṇī sadā vadatu rāma hare hareti || 171
śrīrāmanāmāmṛtamantrabījaṃ
sañjīvanaṃ cenmanasi pratiṣṭham |
hālāhalaṃ vā pralayānalaṃ vā
mṛtyormukhaṃ vā vitathīkaroti || 172
kiṃ yogaśāstraiḥ kimaśeṣavidyā
kiṃ yāgagaṅgādiviśeṣatīrthaiḥ |
kiṃ brahmacaryāśramasañcareṇa
bhaktirnacette raghuvaṃśakīrtyām || 173
idaṃ śarīraṃ ślathasandhijarjharaṃ
patatyavaśyaṃ pariṇāmapeśalam |
kimauṣathaṃ pṛcchasi mūḍha durmate
nirāmayaṃ rāmakathāmṛtaṃ piba || 174
he rāmabhadrāśraya he kṛpālo
he bhaktalokaikaśaraṇyamūrte |
punīhi māṃ tvaccaraṇāravindaṃ
jagatpavitraṃ śaraṇaṃ mamā'stu || 175
nīlābhradeha nikhileśa jagannivāsa
rājīvanetra ramaṇīyaguṇābhirāma |
śrīdāma daityakulamardana rāmacandra
tvatpādapadmamaniśaṃ kalayāmi citte || 176
śrīrāmacandra karuṇākara dīnabandho
sītāsameta bharatāgraja rāghaveśa |
pāpārtibhañjana bhayāturadīnabandho
pāpāmbudhau patitamuddhara māmanātham || 177
indīvaradalaśyāma-mindukoṭinibhānanam |
kandarpakoṭilāvaṇyaṃ vande'haṃ raghunandanam || 175
iti śrībodhendrasarasvatī kṛta śrīrāmakarṇāmṛtam ||
Sanskrit — Devanagari (original)
मङ्गलश्लोकाः
मङ्गलं भगवान्विष्णुर्मङ्गलं मधुसूदनः ।
मङ्गलं पुण्डरीकाक्षो मङ्गलं गरुडध्वजः ॥ 1
मङ्गलं कोसलेन्द्राय महनीयगुणाब्धये ।
चक्रवर्तितनूजाय सार्वभौमाय मङ्गलम् ॥ 2
वेदवेदान्तवेद्याय मेघश्यामलमूर्तये ।
पुंसां मोहनरूपाय पुण्यश्लोकाय मङ्गलम् ॥ 3
विश्वामित्रान्तरङ्गाय मिथिलानगरीपतेः ।
भाग्यानां परिपाकाय भव्यरूपाय मङ्गलम् ॥ 4
पितृभक्ताय सततं भ्रातृभिः सह सीतया ।
नन्दिताखिललोकाय रामचन्द्राय मङ्गलम् ॥ 5
त्यक्तसाकेतवासाय चित्रकूटविहारिणे ।
सेव्याय सर्वयमिनां धीरोदात्ताय मङ्गलम् ॥ 6
सौमित्रिणा च जानक्या चापबाणासिधारिणा ।
संसेव्याय सदा भक्त्या सानुजायास्तु मङ्गलम् ॥ 7
दण्डकारण्यवासाय खण्डितामरशत्रवे ।
गृध्रराजाय भक्ताय मुक्तिदायास्तु मङ्गलम् ॥ 8
सादरं शबरीदत्तफलमूलाभिलाषिणे ।
सौलभ्यपरिपूर्णाय सत्त्वोद्युक्ताय मङ्गलम् ॥ 9
हनूमत्समवेताय हरीशाभीष्टदायिने ।
वालिप्रमथनायास्तु महाधीराय मङ्गलम् ॥ 10
श्रीमते रघुवीराय सेतुलङ्घितसिन्धवे ।
जितराक्षसराजाय रणधीराय मङ्गलम् ॥ 11
आसाद्य नगरीं दिव्यामभिषिक्ताय सीतया ।
राजाधिराजराजाय रामभद्राय मङ्गलम् ॥ 12
विभीषणकृते प्रीत्या विश्वाभीष्टप्रदायिने ।
जानकीप्राणनाथाय सदा रामाय मङ्गलम् ॥ 13
—-
श्रीरामं त्रिजगद्गुरुं सुरवरं सीतामनोनायकं
श्यामाङ्गं शशिकोटिपूर्णवदनं चञ्चत्कलाकौस्तुभम् ।
सौम्यं सत्यगुणोत्तमं सुसरयूतीरे वसन्तं प्रभुं
त्रातारं सकलार्थसिद्धिसहितं वन्दे रघूणां पतिम् ॥ 14
श्रीराघवं दशरथात्मजमप्रमेयं
सीतापतिं रघुवरान्वयरत्नदीपम् ।
आजानुबाहुमरविन्ददलायताक्षं
रामं निशाचरविनाशकरं नमामि ॥ 15
श्रीरामचन्द्र करुणाकर राघवेन्द्र
राजेन्द्रचन्द्र रघुवंशसमुद्रचन्द्र ।
सुग्रीवनेत्रयुगलोत्पल-पूर्णचन्द्र
सीतामनःकुमुदचन्द्र नमो नमस्ते ॥ 16
सीतामनोमानसराजहंस
संसारसन्तापहर क्षमावन् ।
श्रीराम दैत्यान्तक शान्तरूप
श्रीतारकब्रह्म नमो नमस्ते ॥ 17
विष्णो राघव वासुदेव नृहरे देवौघचूडामणे ।
संसारार्णवकर्णधारक हरे कृष्णाय तुभ्यं नमः ॥ 18
सुग्रीवादिसमस्तवानरवरैस्संसेव्यमानं सदा ।
विश्वामित्रपराशरादिमुनिभिस्संस्तूयमानं भजे ॥ 19
रामं चन्दनशीतलं क्षितिसुतामोहाकरं श्रीकरं
वैदेहीनयनारविन्दमिहिरं सम्पूर्णचन्द्राननम् ।
राजानं करुणासमेतनयनं सीतामनोनन्दनं
सीतादर्पणचारुगण्डललितं वन्दे सदा राघवम् ॥ 20
जानाति राम तव नामरुचिं महेशो
जानाति गौतमसती चरणप्रभावम् ।
जानाति दोर्बलपराक्रममीशचापो
जानात्यमोघपटुबाणगतिं पयोधिः ॥ 21
माता रामो मत्पिता रामचन्द्रो
भ्राता रामो मत्सखा राघवेशः ।
सर्वस्वं मे रामचन्द्रो दायालु-
र्नान्यं दैवं नैव जाने न जाने ॥ 22
विमलकमलनेत्रं विस्फुरन्नीलगात्रं
तपनकुलपवित्रं दानवध्वन्तमित्रम् ।
भुवनशुभचरित्रं भूमिपुत्रीकलत्रं
दशरथवरपुत्रं नौमि रामाख्यमित्रम् ॥ 23
मार्गे मार्गे शाखिनां रत्नवेदी
वेद्यां वेद्यां किन्नरीबृन्दगीतम् ।
गीते गीते मञ्जुलालापगोष्ठी
गोष्ठ्यां गोष्ठ्यां त्वत्कथा रामचन्द्र ॥ 24
वृक्षे वृक्षे वीक्षिताः पक्षिसङ्घाः
सङ्घे सङ्घे मञ्जुलामोदवाक्यम् ।
वाक्ये वाक्ये मञ्जुलालापगोष्ठी
गोष्ठ्यां गोष्ठ्यां त्वत्कथा रामचन्द्र ॥ 25
दुरिततिमिरचन्द्रो दुष्टकञ्जातचन्द्रः
सुरकुवलयचन्द्रस्सूर्यवंशाब्धिचन्द्रः ।
स्वजननिवहचन्द्रश्शत्रुराजीवचन्द्रः
प्रणतकुमुदचन्द्रः पातु मां रामचन्द्रः ॥ 26
कल्याणदं कौशिकयज्ञपालं
कलानिधिं काञ्चनशैलधीरम् ।
कञ्जातनेत्रं करुणासमुद्रं
काकुत्स्थरामं कलयामि चित्ते ॥ 27
राजीवायतलोचनं रघुवरं नीलोत्पलश्यामलं
मन्दाराञ्चितमण्डपे सुललिते सौवर्णके पुष्पके ।
आस्थाने नवरत्नराजिखचिते सिंहासने संस्थितं
सीतालक्ष्मणलोकपालसहितं वन्दे मुनीन्द्रास्पदम् ॥ 28
ध्याये रामं सुधांशुं नतसकलभवारण्यतापप्रहारम् ।
श्यामं शान्तं सुरेन्द्रं सुरमुनिविनुतं कोटिसूर्यप्रकाशम् ।
सीतासौमित्रिसेव्यं सुरनरसुगमं दिव्यसिंहासनस्थम् ।
सायाह्ने रामचन्द्रं स्मितरुचिरमुखं सर्वदा मे प्रसन्नम् ॥ 29
इन्द्रनीलमणिसन्निभदेहं
वन्दनीयमसकृन्मुनिबृन्दैः ।
लम्बमानतुलसीवनमालं
चिन्तयामि सततं रघुवीरम् ॥ 30
सम्पूर्णचन्द्रवदनं सरसीरुहाक्षं
माणिक्यकुण्डलधरं मुकुटाभिरामम् ।
चाम्पेयगौरवसनं शरचापहस्तं
श्रीरामचन्द्रमनिशं मनसा स्मरामि ॥ 31
मातुः पार्श्वे चरन्तं मणिमयशयने मञ्जुभूषाञ्चिताङ्गम् ।
मन्दं मन्दं पिबन्तं मुकुलितनयनं स्तन्यमन्यस्तनाग्रम् ।
अङ्गुल्याग्रैः स्पृशन्तं सुखपरवशया सस्मितालिङ्गिताङ्गम् ।
गाढं गाढं जनन्या कलयतु हृदयं मामकं रामबालम् ॥ 32
रामाभिरामं नयनाभिरामं
वाचाभिरामं वदनाभिरामम् ।
सर्वाभिरामं च सदाभिरामं
वन्दे सदा दाशरथिं च रामम् ॥ 33
राशब्दोच्चारमात्रेण मुखान्निर्याति पातकाः ।
पुनः प्रवेशभीत्या च मकारस्तु कवाटवत् ॥ 34
अनर्घमाणिक्यविराजमान-
श्रीपादुकालङ्कृतशोभनाभ्याम् ।
अशेषबृन्दारकवन्दिताभ्यां
नमो नमो रामपदाम्बुजाभ्याम् ॥ 35
चलत्कनककुण्डलोल्लसितदिव्यगण्डस्थलं
चराचरजगन्मयं चरणपद्मगङ्गाश्रयम् ।
चतुर्विधफलप्रदं चरमपीठमध्यस्थितं
चिदंशमखिलास्पदं दशरथात्मजं चिन्तये ॥ 36
सनन्दनमुनिप्रियं सकलवर्णवेदात्मकं
समस्तनिगमागमस्फुरिततत्त्वसिंहासनम् ।
सहस्रनयनाब्जजाद्यमरबृन्दसंसेवितं
समष्टिपुरवल्लभं दशरथात्मजं चिन्तये ॥ 37
जाग्रत्स्वप्नसुषुप्ति-कालविलसत्तत्त्वात्मचिन्मात्रकं
चैतन्यात्मकमाधिपापरहितं भूम्यादितन्मात्रकम् ।
शाम्भव्यादिसमस्तयोगकुलकं साङ्ख्यादितत्त्वात्परं
शब्दावाच्यमहं नमामि सततं व्युत्पत्तिनाशात्परम् ॥ 38
इक्ष्वाकुवंशार्णवजातरत्नं
सीताङ्गनायौवनभाग्यरत्नम् ।
वैकुण्ठरत्नं मम भाग्यरत्नं
श्रीरामरत्नं शिरसा नमामि ॥ 39
इक्ष्वाकुनन्दनं सुग्रीवपूजितं
त्रैलोक्यरक्षकं सत्यसन्धं सदा ।
राघवं रघुपतिं राजीवलोचनं
रामचन्द्रं भजे राघवेशं भजे ॥ 40
भक्तप्रियं भक्तसमाधिगम्यं
चिन्ताहरं चिन्तितकामधेनुम् ।
सूर्येन्दुकोटिद्युतिभास्वरं तं
रामं भजे राघवरामचन्द्रम् ॥ 41
श्रीरामं जनकक्षितीश्वरसुतावक्त्राम्बुजाहारिणं
श्रीमद्भानुकुलाब्धिकौस्तुभमणिं श्रीरत्नवक्षस्स्थलम् ।
श्रीकण्ठाद्यमरौघरत्नमकुटालङ्कारपादाम्बुजं
श्रीवत्सोज्ज्वलमिन्द्रनीलसदृशं श्रीरामचन्द्रं भजे ॥ 42
रामचन्द्र चरिताकथामृतं
लक्ष्मणाग्रजगुणानुकीर्तनम् ।
राघवेश तव पादसेवनं
सम्भवन्तु मम जन्मजन्मनि ॥ 43
अज्ञानसम्भव-भवाम्बुधिबाडबाग्नि-
रव्यक्ततत्त्वनिकरप्रणवाधिरूढः ।
सीतासमेतमनुजेन हृदन्तराले
प्राणप्रयाणसमये मम सन्निधत्ते ॥ 44
रामो मत्कुलदैवतं सकरुणं रामं भजे सादरं
रामेणाखिलघोरपापनिहती रामाय तस्मै नमः ।
रामान्नास्ति जगत्रयैकसुलभो रामस्य दासोऽस्म्यहं
रामे प्रीतिरतीव मे कुलगुरो श्रीराम रक्षस्व माम् ॥ 45
वैदेहीसहितं सुरद्रुमतले हैमे महामण्टपे ।
मध्येपुष्पकमासने मणिमये वीरासने संस्थितम् ।
अग्रे वाचयति प्रभञ्जनसुते तत्त्वं मुनिभ्यः परम् ।
व्याख्यान्तं भरतादिभिः परिवृतं रामं भजे श्यामलम् ॥ 46
वामे भूमिसुता पुरस्तु हनुमान्पश्चात्सुमित्रासुत-
श्शत्रुघ्नो भरतश्च पार्श्वदलयोर्वाय्वादिकोणेष्वपि ।
सुग्रीवश्च विभीषणश्च युवराट् तारासुतो जाम्बवान्
मध्ये नीलसरोजकोमलरुचिं रामं भजे श्यामलम् ॥ 47
केयूराङ्गदकङ्कणैर्मणिगणैर्वैरोचमानं सदा
राकापर्वणिचन्द्रकोटिसदृशं छत्रेण वैराजितम् ।
हेमस्तम्भसहस्रषोडशयुते मध्ये महामण्डपे
देवेशं भरतादिभिः परिवृतं रामं भजे श्यामलम् ॥ 48
साकेते शरदिन्दुकुन्दधवले सौघे महामण्टपे ।
पर्यस्तागरुधूपधूमपटले कर्पूरदीपोज्ज्वले ।
सुग्रीवाङ्गदवायुपुत्रसहितं सौमित्रिणा सेवितं
लीलामानुषविग्रहं रघुपतिं रामं भजे श्यामलम् ॥ 49
शान्तं शारदचन्द्रकोटिसदृशं चन्द्राभिरामाननं
चन्द्रार्काग्निविकासिकुण्डलधरं चन्द्रावतंसस्तुतम् ।
वीणापुस्तकसाक्षसूत्रविलसद्व्याख्यानमुद्राकरं
देवेशं भरतादिभिः परिवृतं रामं भजे श्यामलम् ॥ 50
रामं राक्षसमर्दनं रघुपतिं शक्रारिविध्वंसिनं
सुग्रीवेप्सितराज्यदं सुरपतेः पुत्रान्तकं शार्ङ्गिणम् ।
भक्तानामभयप्रदं भयहरं पापौघविध्वंसिनं
सीतासेवितपादपद्मयुगलं रामं भजे श्यामलम् ॥ 51
कन्दर्पायुतकोटिकोटितुलितं कालाम्बुदश्यामलं
कम्बुग्रीवमुदारकौस्तुभधरं कर्णावतंसोत्पलम् ।
कस्तूरीतिलकोज्ज्वलं स्मितमुखं चिन्मुद्रयालङ्कृतं
सीतालक्ष्मणवायुपुत्रसहितं सिंहासनस्थं भजे ॥ 52
साकेते नवरत्नपङ्क्तिखचिते चित्रध्वजालङ्कृते
वासे स्वर्णमये दलाष्टललिते पद्मे विमानोत्तमे ।
आसीनं भरतादिसोदरजनैः शाखामृगैः किन्नरैः
दिक्पालैर्मुनिपुङ्गवैर्नृपगणैस्संसेव्यमानं भजे ॥ 53
कस्तूरीघनसारकुङ्कुमलसच्छ्रीचन्दनालङ्कृतं
कन्दर्पाधिकसुन्दरं घननिभं काकुत्स्थवंशध्वजम् ।
कल्याणाम्भरवेष्टितं कमलया युक्तं कलावल्लभं
कल्याणाचलकार्मुकप्रियसखं कल्याणरामं भजे ॥ 54
मुक्तेर्मूलं मुनिवरहृदानन्दकन्दं मुकुन्दं
कूटस्थाख्यं सकलवरदं सर्वचैतन्यरूपम् ।
नादातीतं कमलनिलयं नादनादान्ततत्त्वं
नादातीतं प्रकृतिरहितं रामचन्द्रं भजेऽहम् ॥ 55
ताराकारं निखिलनिलयं तत्त्वमस्यादिलक्ष्यं
शब्दावाच्यं त्रिगुणरहितं व्योममङ्गुष्ठमात्रम् ।
निर्वाणाख्यं सगुणमगुणव्योमरन्ध्रान्तरस्थं
सौषुम्नान्तः प्रणवसहितं रामचन्द्रं भजेऽहम् ॥ 56
निजानन्दाकारं निगमतुरगाराधितपदं
परब्रह्मानन्दं परमपदगं पापहरणम् ।
कृपापारावारं परमपुरुषं पद्मनिलयं
भजे रामं श्यामं प्रकृतिरहितं निर्गुणमहम् ॥ 57
साकेते नगरे समस्तमहिमाधारे जगन्मोहने
रत्नस्तम्भसहस्रमण्टपमहासिंहासने साम्बुजे ।
विश्वामित्रवसिष्ठगौतमशुकव्यासादिभिर्मौनिभिः
ध्येयं लक्ष्मणलोकपालसहितं सीतासमेतं भजे ॥ 58
रामं श्यामाभिरामं रविशशिनयनं कोटिसूर्यप्रकाशं
दिव्यं दिव्यास्त्रपाणिं शरमुखशरधिं चारुकोडण्डहस्तम् ।
कालं कालाग्निरुद्रं रिपुकुलदहनं विघ्नविच्छेददक्षं
भीमं भीमाट्टहासं सकलभयहरं रामचन्द्रं भजेऽहम् ॥ 59
श्रीरामं भुवनैकसुन्दरतनुं धाराधरश्यामलं
राजीवायतलोचनं रघुवरं राकेन्दुबिम्बाननम् ।
कोदण्डादिनिजायुधाश्रितभुजैर्भ्रान्तं विदेहात्मजा-
धीशं भक्तजनावनं रघुवरं श्रीरामचन्द्रं भजे ॥ 60
श्रीवत्साङ्कमुदारकौस्तुभलसत्पीताम्बरालङ्कृतं
नानारत्नविराजमानमकुटं नीलाम्बुदश्यामलम् ।
कस्तूरीघनसारचर्चिततनुं मन्दारमालाधरं
कन्दर्पायुतसुन्दरं रघुपतिं सीतासमेतं भजे ॥ 61
सदानन्ददेवे सहस्रारपद्मे
गलच्चन्द्रपीयूषधारामृतान्ते ।
स्थितं राममूर्तिं निषेवे निषेवे-
ऽन्यदैवं न सेवे न सेवे न सेवे ॥ 62
सुधाभासितद्वीपमध्ये विमाने
सुपर्वालिवृक्षोज्ज्वले शेषतल्पे ।
निषण्णं रमाङ्कं निषेवे निषेवे-
ऽन्यदैवं न सेवे न सेवे न सेवे ॥ 63
चिदंशं समानन्दमानन्दकन्दं
सुषुम्नाख्यरन्ध्रान्तराले च हंसम् ।
सचक्रं सशङ्खं सपीताम्बराङ्कं
परञ्चान्यदैवं न जाने न जाने ॥ 64
चतुर्वेदकूटोल्लसत्कारणाख्यं
स्फुरद्दिव्यवैमानिके भोगितल्पे ।
परन्धाममूर्तिं निषण्णं निषेवे
निषेवेऽन्यदैवं न सेवे न सेवे ॥ 65
सिंहासनस्थं सुरसेवितव्यं
रत्नाङ्कितालङ्कृतपादपद्मम् ।
सीतासमेतं शशिसूर्यनेत्रं
रामं भजे राघव रामचन्द्रम् ॥ 66
रामं पुराणपुरुषं रमणीयवेषं
राजाधिराजमकुटार्चितपादपीठम् ।
सीतापतिं सुनयनं जगदेकवीरं
श्रीरामचन्द्रमनिशं कलयामि चित्ते ॥ 67
परानन्दवस्तुस्वरूपादिसाक्षिं
परब्रह्मगम्यं परञ्ज्योतिमूर्तिम् ।
पराशक्तिमित्राऽप्रियाराधिताङ्घ्रिं
परन्धामरूपं भजे रामचन्द्रम् ॥ 68
मन्दस्मितं कुण्डलगण्डभागं
पीताम्बरं भूषणभूषिताङ्गम् ।
नीलोत्पलाङ्गं भुवनैकमित्रं
रामं भजे राघव रामचन्द्रम् ॥ 69
अचिन्त्यमव्यक्तमनन्तरूप-
मद्वैतमानन्दमनादिगम्यम् ।
पुण्यस्वरूपं पुरुषोत्तमाख्यं
रामं भजे राघव रामचन्द्रम् ॥ 70
पद्मासनस्थं सुरसेवितव्यं
पद्मालयानन्दकटाक्षवीक्ष्यम् ।
गन्धर्वविद्याधरगीयमानं
रामं भजे राघव रामचन्द्रम् ॥ 71
अनन्तकीर्तिं वरदं प्रसन्नं
पद्मासनं सेवकपारिजातम् ।
राजाधिराजं रघुवीरकेतुं
रामं भजे राघव रामचन्द्रम् ॥ 72
सुग्रीवमित्रं सुजनानुरूपं
लङ्काहरं राक्षसवंशनाशम् ।
वेदाश्रयाङ्गं विपुलायताक्षं
रामं भजे राघव रामचन्द्रम् ॥ 73
सकृत्प्रणतरक्षायां साक्षी यस्य विभीषणः ।
सापराधप्रतीकारः स श्रीरामो गतिर्मम ॥ 74
फलमूलाशिनौ दान्तौ तापसौ धर्मचारिणौ ।
रक्षःकुलविहन्तारौ भ्रातरौ रामलक्ष्मणौ ॥ 75
तरुणौ रूपसम्पन्नौ सुकुमारौ महाबलौ ।
पुण्डरीक विशालाक्षौ चीरकृष्णाजिनाम्बरौ ॥ 76
कौसल्यानयनेन्दुं दशरथमुखारविन्दमार्ताण्डम् ।
सीतामानसहंसं रामं राजीवलोचनं वन्दे ॥ 77
भर्जनं भवबीजानां मार्जनं सुखसम्पदाम् ।
तर्जनं यमदूतानां रामरामेति कीर्तनम् ॥ 78
न जाने जानकी जाने राम त्वन्नामवैभवम् ।
सर्वेशो भगवान् शम्भुर्वाल्मीकिर्वेत्ति वा नवा ॥ 79
करतलधृतचापं कालमेघस्वरूपं
सरसिजदलनेत्रं चारुहासं सुगात्रम् ।
विचिनुतवनवासं विक्रमोदग्रवेषं
प्रणमत रघुनाथं जानकीप्राणनाथम् ॥ 80
विद्युत्स्फुरन्मकरकुण्डलदीप्तचारु-
गण्डस्थलं मणिकिरीटविराजमानम् ।
पीताम्बरं जलदनीलमुदारकान्तिं
श्रीरामचन्द्रमनिशं कलयामि चित्ते ॥ 81
रत्नोल्लसज्ज्वलितकुण्डलगण्डभागं
कस्तूरिकातिलकशोभितफालभागम् ।
कर्णान्तदीर्घनयनं करुणाकटाक्षं
श्रीरामचन्द्र मुखमात्मनि सन्निधत्तम् ॥ 82
वैदेहीसहितं च लक्ष्मणयुतं कैकेयिपुत्रान्वितं
सुग्रीवं च विभीषणानिलसुतौ नीलं नलं साङ्गदम् ।
विश्वामित्रवसिष्ठगौतमभरद्वाजादिकान् मानयन्
रामो मारुतिसेवितः स्मरतु मां साम्राज्यसिंहासने ॥ 83
सकलगुणनिधानं योगिभिस्स्तूयमानं
भजितसुरविमानं रक्षितेन्द्रादिमानम् ।
महितवृषभयानं सीतया शोभमानं
स्मरतु हृदयभानुं ब्रह्मरामाभिरामम् ॥ 84
त्रिदशकुमुदचन्द्रो दानवाम्भोजचन्द्रो
दुरिततिमिरचन्द्रो योगिनां ज्ञानचन्द्रः ।
प्रणतनयनचन्द्रो मैथिलीनेत्रचन्द्रो
दशमुखरिपुचन्द्रः पातु मां रामचन्द्रः ॥ 85
यन्नामैव सहस्रनामसदृशं यन्नाम वेदैस्समं
यन्नामाङ्कितवाक्य-मासुरबलस्त्रीगर्भविच्छेदनम् ।
यन्नाम श्वपचार्यभेदरहितं मुक्तिप्रदानोज्ज्वलं
तन्नामाऽलघुरामरामरमणं श्रीरामनामामृतम् ॥ 86
राजीवनेत्र रघुपुङ्गव रामभद्र
राकेन्दुबिम्बसदृशानन नीलगात्र ।
रामाऽभिराम रघुवंशसमुद्भव त्वं
श्रीरामचन्द्र मम देहि करावलम्बम् ॥ 87
माणिक्यमञ्जीरपदारविन्दं
रामार्कसम्फुल्लमुखारविन्दम् ।
भक्ताभयप्रापिकरारविन्दां
देवीं भजे राघववल्लभां ताम् ॥ 88
जयतु विजयकारी जानकीमोदकारी
तपनकुलविहारी दण्डकारण्यचारी ।
दशवदनकुठारी दैत्यविच्छेदकारी
मणिमकुटकधारी चण्डकोदण्डधारी ॥ 89
रामः पिता रघव एव माता
रामस्सुबन्धुश्च सखा हितश्च ।
रामो गुरुर्मे परमं च दैवं
रामं विना नाऽन्यमहं स्मरामि ॥ 90
श्रीराम मे त्वं हि पिता च माता
श्रीराम मे त्वं हि सुहृच्च बन्धुः ।
श्रीराम मे त्वं हि गुरुश्च गोष्ठी
श्रीराम मे त्वं हि समस्तमेव ॥ 91
रामचन्द्रचरितामृतपानं
सोमपानशतकोटिसमानम् ।
सोमपानशतकोटिभिरीया-
ज्जन्म नैति रघुनायकनाम्ना ॥ 92
राम राम दयासिन्धो रावणारे जगत्पते ।
त्वत्पादकमलासक्ति-र्भवेज्जन्मनि जन्मनि ॥ 93
श्रीरामचन्द्रेति दयापरेति
भक्तप्रियेति भवबन्धनमोचनेति ।
नाथेति नागशयनेति सदा स्तुवन्तं
मां पाहि भीतमनिशं कृपणं कृपालो ॥ 94
अयोध्यानाथ राजेन्द्र सीताकान्त जगत्पते ।
श्रीराम पुण्डरीकाक्ष रामचन्द्र नमोऽस्तु ते ॥ 95
हे राम हे रमण हे जगदेकवीर
हे नाथ हे रघुपते करुणालवाल ।
हे जानकीरमण हे जगदेकबन्धो
मां पाहि दीनमनिशं कृपणं कृतघ्नम् ॥ 96
जानाति राम तव तत्त्वगतिं हनूमान् ।
जानाति राम तव सख्यगतिं कपीशः ।
जानाति राम तव युद्धगतिं दशास्यो ।
जानाति राम धनदानुज एव सत्यम् ॥ 97
सेव्यं श्रीराममन्त्रं श्रवणशुभकरं श्रेष्ठसुज्ञानिमन्त्रं
स्तव्यं श्रीराममन्त्रं नरकदुरितदुर्वारनिर्घातमन्त्रम् ।
भव्यं श्रीराममन्त्रं भजतु भजतु संसारनिस्तारमन्त्रं
दिव्यं श्रीराममन्त्रं दिवि भुवि विलसन्मोक्षरक्षैकमन्त्रम् ॥ 98
निखिलनिलयमन्त्रं नित्यतत्त्वाख्यमन्त्रं
भवकुलहरमन्त्रं भूमिजाप्राणमन्त्रम् ।
पवनजनुतमन्त्रं पार्वतीमोक्षमन्त्रं
पशुपतिनिजमन्त्रं पातु मां राममन्त्रम् ॥ 99
प्रणवनिलयमन्त्रं प्राणनिर्वाणमन्त्रं
प्रकृतिपुरुषमन्त्रं ब्रह्मरुद्रेन्द्रमन्त्रम् ।
प्रकटदुरितरागद्वेषनिर्णाशमन्त्रं
रघुपतिनिजमन्त्रं रामरामेतिमन्त्रम् ॥ 100
दशरथसुतमन्त्रं दैत्यसंहारमन्त्रं
विबुधविनुतमन्त्रं विश्वविख्यातमन्त्रम् ।
मुनिगणनुतमन्त्रं मुक्तिमार्गैकमन्त्रं
रघुपतिनिजमन्त्रं रामरामेतिमन्त्रम् ॥ 101
संसारसागरभयापहविश्वमन्त्रं
साक्षान्मुमुक्षुजनसेवितसिद्धमन्त्रम् ।
सारङ्गहस्तमुखहस्तनिवासमन्त्रं
कैवल्यमन्त्रमनिशं भज राममन्त्रम् ॥ 102
जयतु जयतु मन्त्रं जन्मसाफल्यमन्त्रं
जननमरणभेदक्लेशविच्छेदमन्त्रम् ।
सकलनिगममन्त्रं सर्वशास्त्रैकमन्त्रं
रघुपतिनिजमन्त्रं रामरामेतिमन्त्रम् ॥ 103
जगति विशदमन्त्रं जानकीप्राणमन्त्रं
विबुधविनुतमन्त्रं विश्वविख्यातमन्त्रम् ।
दशरथसुतमन्त्रं दैत्यसंहारमन्त्रं
रघुपतिनिजमन्त्रं रामरामेतिमन्त्रम् ॥ 104
ब्रह्मादियोगिमुनिपूजितसिद्धमन्त्रं
दारिद्र्यदुःखभवरोगविनाशमन्त्रम् ।
संसारसागरसमुत्तरणैकमन्त्रं
वन्दे महाभयहरं रघुराममन्त्रम् ॥ 105
शत्रुच्छेदैकमन्त्रं सरसमुपनिषद्वाक्यसम्पूज्यमन्त्रं
संसारोत्तारमन्त्रं समुचितसमये सङ्गनिर्याणमन्त्रम् ।
सर्वैश्वर्यैकमन्त्रं व्यसनभुजगसन्दष्टसन्त्राणमन्त्रं
जिह्वे श्रीराममन्त्रं जप जप सफलं जन्मसाफल्यमन्त्रम् ॥ 106
नित्यं श्रीराममन्त्रं निरुपममधिकं नीतिसुज्ञानमन्त्रं
सत्यं श्रीराममन्त्रं सदमलहृदये सर्वदारोग्यमन्त्रम् ।
स्तुत्यं श्रीराममन्त्रं सुललितसुमनस्सौख्यसौभाग्यमन्त्रं
पठ्यं श्रीराममन्त्रं पवनजवरदं पातु मां राममन्त्रम् ॥ 107
व्यामोहप्रशमौषधं मुनिमनोवृत्तिप्रवृत्त्यौषधं
दैत्योन्मूलकरौषधं भवभयप्रध्वंसनैकौषधम् ।
भक्तानन्दकरौषधं त्रिभुवने सञ्जीवनैकौषधं
श्रेयः प्राप्तिकरौषधं पिब मनः श्रीरामनामौषधम् ॥ 108
सकलभुवनरत्नं सर्वशास्त्रार्थरत्नं
समरविजयरत्नं सच्चिदानन्दरत्नम् ।
दशमुखहररत्नं दानवारातिरत्नं
रघुकुलनृपरत्नं पातु मां रामरत्नम् ॥ 109
सकलभुवनरत्नं सच्चिदानन्दरत्नं
सकलहृदयरत्नं सूर्यबिम्बान्तरत्नम् ।
विमलसुकृतरत्नं वेदवेदान्तरत्नं
पुरहरजपरत्नं पातु मां रामरत्नम् ॥ 110
निगमशिखररत्नं निर्मलानन्दरत्नं
निरुपमगुणरत्नं नादनादान्तरत्नम् ।
दशरथकुलरत्नं द्वादशान्तस्स्थरत्नं
पशुपतिजपरत्नं पातु मां रामरत्नम् ॥ 111
शतमखसुतरत्नं षोडशान्तस्स्थरत्नं
मुनिजनजपरत्नं मुख्यवैकुण्ठरत्नम् ।
निरुपमगुणरत्नं नीरजान्तस्स्थरत्नं
परमपदविरत्नं पातु मां रामरत्नम् ॥ 112
सकलसुकृतरत्नं सत्यवाक्यार्थरत्नं
शमदमगुणरत्नं शाश्वतानन्दरत्नम् ।
प्रणयनिलयरत्नं प्रस्फुटद्योतिरत्नं
परमपदविरत्नं पातु मां रामरत्नम् ॥ 113
निगमशिखररत्नं नित्यमाशास्यरत्नं
जननुतनृपरत्नं जानकीरूपरत्नम् ।
भुवनवलयरत्नं भूभुजामेकरत्नं
रघुकुलवररत्नं पातु मां रामरत्नम् ॥ 114
विशालनेत्रं परिपूर्णगात्रं
सीताकलत्रं सुरवैरिजैत्रम् ।
कारुण्यपात्रं जगतः पवित्रं
श्रीरामरत्नं प्रणतोऽस्मि नित्यम् ॥ 115
हे गोपालक हे दयाजलनिधे हे सद्गुणाम्भोनिधे
हे दैत्यान्तक हे विभीषणदयापरीण हे भूपते ।
हे वैदेहसुतामनोजविहृते हे कोटिमाराकृते
हे नव्याम्बुजनेत्र पालय परं जानामि न त्वां विना ॥ 116
यस्य किञ्चिदपि नो हरणीयं
कर्म किञ्चिदपि नो चरणीयम् ।
रामनाम च सदा स्मरणीयं
लीलया भवजलं तरणीयम् ॥ 117
दशरथसुतमीशं दण्डकारण्यवासं
शतमखमणिनीलं जानकीप्राणलोलम् ।
सकलभुवनमोहं सन्नुताम्भोददेहं
बहुलनुतसमुद्रं भावये रामभद्रम् ॥ 118
विशालनेत्रं परिपूर्णगात्रं
सीताकलत्रं सुरवैरिजैत्रम् ।
जगत्पवित्रं परमात्मतन्त्रं
श्रीरामचन्द्रं प्रणमामि चित्ते ॥ 119
जय जय रघुराम श्रीमुखाम्भोजभानो
जय जय रघुवीर श्रीमदम्भोजनेत्र ।
जय जय रघुनाथ श्रीकराभ्यर्चिताङ्घ्रि
जय जय रघुवर्य श्रीश कारुण्यसिन्धो ॥ 120
मन्दारमूले मणिपीठसंस्थं
सुधाप्लुतं दिव्यविराट्स्वरूपम् ।
सबिन्दुनादान्तकलान्ततुर्य-
मूर्तिं भजेऽहं रघुवंशरत्नम् ॥ 121
नादं नादविनीलचित्तपवनं नादान्तत्त्वप्रियं
नामाकारविवर्जितं नवघनश्यामाङ्गनादप्रियम् ।
नादाम्भोजमरन्दमत्तविलसद्भृङ्गं मदान्तस्स्थितं
नादान्तधृवमण्डलाब्जरुचिरं रामं भजे तारकम् ॥ 122
नानाभूतहृदब्जपद्मनिलयं नामोज्ज्वलाभूषणम् ।
नामस्तोत्रपवित्रितत्रिभुवनं नारायणाष्टाक्षरम् ।
नादान्तेन्दुगलत्सुधाप्लुततनुं नानात्मचिन्मात्रकम् ।
नानाकोटियुगान्तभानुसदृशं रामं भजे तारकम् ॥ 123
वेद्यं वेदगुरुं विरिञ्चिजनकं वेदान्तमूर्तिं स्फुर-
द्वेदं वेदकलापमूलमहिमाधारान्तकन्दाङ्कुरम् ।
वेदशृङ्गसमानशेषशयनं वेदान्तवेद्यात्मकं
वेदाराधितपादपङ्कजमहं रामं भजे तारकम् ॥ 124
मज्जीवं मदनुग्रहं मदधिपं मद्भावनं मत्सुखं
मत्तातं मम सद्गुरुं मम वरं मोहान्धविच्छेदनम् ।
मत्पुण्यं मदनेकबान्धवजनं मज्जीवनं मन्निधिं
मत्सिद्धिं मम सर्वकर्मसुकृतं रामं भजे तारकम् ॥ 125
नित्यं नीरजलोचनं निरुपमं नीवारशूकोपमं
निर्भेदानुभवं निरन्तरगुणं नीलाङ्गरागोज्ज्वलम् ।
निष्पापं निगमागमार्चितपदं नित्यात्मकं निर्मलं
निष्पुण्यं निखिलं निरञ्जनपदं रामं भजे तारकम् ॥ 126
ध्याये त्वां हृदयाम्बुजे रघुपतिं विज्ञानदीपाङ्कुरं
हंसोहंसपरम्परादिमहिमाधारं जगन्मोहनम् ।
हस्ताम्भोजगदाब्जचक्रमतुलं पीताम्बरं कौस्तुभं
श्रीवत्सं पुरुषोत्तमं मणिनिभं रामं भजे तारकम् ॥ 127
सत्यज्ञानमनन्तमच्युतमजं चाव्याकृतं तत्परं
कूटस्थादिसमस्तसाक्षिमनघं साक्षाद्विराट्तत्त्वदम् ।
वेद्यं विश्वमयं स्वलीनभुवनस्वाराज्यसौख्यप्रदं
पूर्णं पूर्णतरं पुराणपुरुषं रामं भजे तारकम् ॥ 128
रामं राक्षसवंशनाशनकरं राकेन्दुबिम्बाननं
रक्षोरिं रघुवंशवर्धनकरं रक्ताधरं राघवम् ।
राधायात्मनिवासिनं रविनिभं रम्यं रमानायकं
रन्ध्रान्तर्गतशेषशायिनमहं रामं भजे तारकम् ॥ 129
ओतप्रोतसमस्तवस्तुनिचयं ओङ्कारबीजाक्षरं
ओङ्कारप्रकृतिं षडक्षरहितं ओङ्कारकन्दाङ्कुरम् ।
ओङ्कारस्फुटभूर्भुवस्सुपरितं ओघत्रयाराधितम्
ओङ्कारोज्ज्वलसिंहपीठनिलयं रामं भजे तारकम् ॥ 130
साकेते नगरे समस्तसुखदे हर्म्येऽब्जकोटिद्युते
नक्षत्रग्रहपङ्क्तिलग्नशिखरे चान्तर्यपङ्केरुहे ।
वाल्मीकात्रिपराशरादिमुनिभिस्संसेव्यमानं स्थितं
सीतालङ्कृतवामभागमनिशं रामं भजे तारकम् ॥ 131
वैकुण्ठे नगरे सुरद्रुमतले चानन्दवप्रान्तरे
नानारत्नविनिर्मितस्फुटपटुप्राकारसंवेष्टिते ।
सौधेन्दूपलशेषतल्पललिते नीलोत्पलच्छादिते
पर्यङ्के शयनं रमादिसहितं रामं भजे तारकम् ॥ 132
वन्दे राममनादिपूरुषमजं वन्दे रमानायकं
वन्दे हारिकिरीटकुण्डलधरं वन्दे सुनीलद्युतिम् ।
वन्दे चापकलम्बकोज्ज्वलकरं वन्दे जगन्मङ्गलं
वन्दे पङ्क्तिरथात्मजं मम गुरुं वन्दे सदा राघवम् ॥ 133
वन्दे शौनकगौतमाद्यभिनुतं वन्दे घनश्यामलं
वन्दे तारकपीठमध्यनिलयं वन्दे जगन्नायकम् ।
वन्दे भक्तजनौघदेविवटपं वन्दे धनुर्वल्लभं
वन्दे तत्त्वमसीतिवाक्यजनकं वन्दे सदा राघवम् ॥ 134
वन्दे सूर्यशशाङ्कलोचनयुगं वन्दे जगत्पावनं
वन्दे पत्रसहस्रपद्मनिलयं वन्दे पुरारिप्रियम् ।
वन्दे राक्षसवंशनाशनकरं वन्दे सुधाशीतलं
वन्दे देवकपीन्द्रकोटिविनुतं वन्दे सदा राघवम् ॥ 135
वन्दे सागरगर्वभङ्गविशिखं वन्दे जगज्जीवनं
वन्दे कौशिकयागरक्षणकरं वन्दे गुरुणां गुरुम् ।
वन्दे बाणशरासनोज्ज्वलकरं वन्दे जटावल्कलं
वन्दे लक्ष्मणभूमिजान्वितमहं वन्दे सदा राघवम् ॥ 136
वन्दे पाण्डरपुण्डरीकनयनं वन्देऽब्जबिम्बाननं
वन्दे कम्बुगलं कराब्जयुगलं वन्दे ललाटोज्ज्वलम् ।
वन्दे पीतदुकूलमम्बुदनिभं वन्दे जगन्मोहनं
वन्दे कारणमानुषोज्ज्वलतनुं वन्दे सदा राघवम् ॥ 137
वन्दे नीलसरोजकोमलरुचिं वन्दे जगद्वन्दितं
वन्दे सूर्यकुलाब्धिकौस्तुभमणिं वन्दे सुराराधितम् ।
वन्दे पातकपञ्चकप्रहरणं वन्दे जगत्कारणं
वन्दे विंशतिपञ्चतत्त्वरहितं वन्दे सदा राघवम् ॥ 138
वन्दे साधकवर्गकल्पकतरुं वन्दे त्रिमूर्त्यात्मकं
वन्दे नादलयान्तरस्थलगतं वन्दे त्रिवर्गात्मकम् ।
वन्दे रागविहीनचित्तसुलभं वन्दे सभानायकं
वन्दे पूर्णदयामृतार्णवमहं वन्दे सदा राघवम् ॥ 139
वन्दे सात्त्विकतत्त्वमुद्रिततनुं वन्दे सुधादायकं
वन्दे चारुचतुर्भुजं मणिनिभं वन्दे षडब्जस्थितम् ।
वन्दे ब्रह्मपिपीलिकादिनिलयं वन्दे विराट्विग्रहं
वन्दे पन्नगतल्पशायिनमहं वन्दे सदा राघवम् ॥ 140
सिंहासनस्थं मुनिसिद्धसेव्यं
रक्तोत्पलालङ्कृतपादपद्मम् ।
सीतासमेतं शशिसूर्यनेत्रं
रामं भजे राघवरामचन्द्रम् ॥ 141
श्रीरामभद्राश्रितसद्गुरूणां
पादारविन्दं भजतां नराणाम् ।
आरोग्यमैश्वर्यमनन्तकीर्ति-
रन्ते च विष्णोः पदमस्ति सत्यम् ॥ 142
दशरथवरपुत्रं जानकीसत्कलत्रं
दशमुखहरदक्षं पद्मपत्रायताक्षम् ।
करधृतशरचापं चारुमुक्ताकलापं
रघुकुलनृवरेण्यं राममीडे शरण्यम् ॥ 143
दशमुखगजसिंहं दैत्यगर्वातिरंहं
कदनभयदहस्तं तारकब्रह्म शस्तम् ।
मणिखचितकिरीटं मञ्जुलालापवाटं
दशरथकुलचन्द्रं रामचन्द्रं भजेऽहम् ॥ 144
रामं रक्तसरोरुहाक्षममलं लङ्काधिनाथान्तकं
कौसल्यानयनोत्सुकं रघुवरं नागेन्द्रतल्पस्थितम् ।
वैदेहीकुचकुम्भकुङ्कुमरजोलङ्कारहारं हरिं
मायामानुषविग्रहं रघुपतिं सीतासमेतं भजे ॥ 145
रामं राक्षसमर्दनं रघुवरं दैतेयभिध्वंसिनं
सुग्रीवेप्सितराज्यदं सुरपतेर्भीत्यन्तकं शार्ङ्गिणम् ।
भक्तानामभयप्रदं भयहरं पापौघविध्वंसिनं
सामीरिस्तुतपादपद्मयुगलं सीतासमेतं भजे ॥ 146
यत्पादाम्बुजरेणुना मुनिसती मुक्तिङ्गता यन्महः
पुण्यं पातकनाशनं त्रिजगतां भाति स्मृतं पावनम् ।
स्मृत्वा राघवमप्रमेयममलं पूर्णेन्दुमन्दस्मितं
तं रामं सरसीरुहाक्षममलं सीतासमेतं भजे ॥ 147
वैदेहीकुचमण्डलाग्र-विलसन्माणिक्यहस्ताम्बुजं
चञ्चत्कङ्कणहारनूपुर-लसत्केयूरहारान्वितम् ।
दिव्यश्रीमणिकुण्डलोज्ज्वल-महाभूषासहस्रान्वितं
वीरश्रीरघुपुङ्गवं गुणनिधिं सीतासमेतं भजे ॥ 148
वैदेहीकुचमण्डलोपरि-लसन्माणिक्यहारावली-
मध्यस्थं नवनीतकोमलरुचिं नीलोत्पलश्यामलम् ।
कन्दर्पायुतकोटिसुन्दरतनुं पूर्णेन्दुबिम्बाननं
कौसल्याकुलभूषणं रघुपतिं सीतासमेतं भजे ॥ 149
दिव्यारण्ययतीन्द्रनामनगरे मध्ये महामण्टपे
स्वर्णस्तम्भसहस्रषोडशयुते मन्दारमूलाश्रिते ।
नानारत्नविचित्रनिर्मलमहासिंहासने संस्थितं
सीतालक्ष्मणसेवितं रघुपतिं सीतासमेतं भजे ॥ 150
कस्तूरीतिलकं कपीन्द्रहरणं कारुण्यवारान्निधिं
क्षीराम्भोधिसुतामुखाब्जमधुपं कल्याणसम्पन्निधिम् ।
कौसल्यानयनोत्सुकं कपिवरत्राणं महापौरुषं
कौमारप्रियमर्ककोटिसदृशं सीतासमेतं भजे ॥ 151
विद्युत्कोटिदिवाकरद्युतिनिभं श्रीकौस्तुभालङ्कृतं
योगीन्द्रैस्सनकादिभिः परिवृतं कैलासनाथप्रियम् ।
मुक्तारत्नकिरीटकुण्डलधरं ग्रैवेयहारान्वितं
वैदेहीकुचसन्निवासमनिशं सीतासमेतं भजे ॥ 152
मेघश्यामलमम्बुजातनयनं विस्तीर्णवक्षस्स्थलं
बाहुद्वन्द्वविराजितं सुवदनं शोणाङ्घ्रिपङ्केरुहम् ।
नानारत्नविचित्रभूषणयुतं कोदण्डबाणाङ्कितं
त्रैलोक्याऽप्रतिमानसुन्दरतनुं सीतासमेतं भजे ॥ 153
वैदेहीयुतवामभागमतुलं वन्दारुमन्दारकं
वन्दे प्रस्तुतकीर्तिवासिततरुच्छायानुकारिप्रभम् ।
वैदेहीकुचकुङ्कुमाङ्कितमहोरस्कं महाभूषणं
वेदान्तैरुपगीयमानमसकृत्सीतासमेतं भजे ॥ 154
देवानां हितकारणेन भुवने धृत्वाऽवतारं ध्रुवं
रामं कौशिकयज्ञविघ्नदलनं तत्ताटकासंहरम् ।
नित्यं गौतमपत्निशापदलनश्रीपादरेणुं शुभं
शम्भोरुत्कटचापखण्डनमहासत्वं भजे राघवम् ॥ 155
श्रीरामं नवरत्नकुण्डलधरं श्रीरामरक्षामणिं
श्रीरामं च सहस्रभानुसदृशं श्रीरामचन्द्रोदयम् ।
श्रीरामं श्रुतकीर्तिमाकरमहं श्रीराममुक्तिप्रदं
श्रीरामं रघुनन्दनं भयहरं श्रीरामचन्द्रं भजे ॥ 156
राममिन्दीवरश्यामं राजीवायतलोचनम् ।
ज्याघोषनिर्जितारातिं जानकीरमणं भजे ॥ 157
दीर्घबाहुमरविन्दलोचनं
दीनवत्सलमनाथरक्षकम् ।
दीक्षितं सकललोकरक्षणे
दैवतं दशरथात्मजं भजे ॥ 158
प्रातस्स्मरामि रघुनाथमुखारविन्दं
मन्दस्मितं मधुरभाषि विशालफालम् ।
कर्णावलम्बिचलकुण्डलगण्डभागं
कर्णान्तदीर्घनयनं नयनाभिरामम् ॥ 159
प्रातर्भजामि रघुनाथकरारविन्दं
रक्षोगणाय भयदं वरदं निजेभ्यः ।
यद्राजसंसदि विभिद्य महेशचापं
सीताकरग्रहणमङ्गलमाप सद्यः ॥ 160
प्रातर्नमामि रघुनाथपदारविन्दं
पद्माङ्कुशादिशुभरेखशुभावहं च ।
योगीन्द्रमानसमधुव्रतसेव्यमानं
शापापहं सपदि गौतमधर्मपत्न्याः ॥ 161
प्रातर्वदामि वचसा रघुनाथनाम
वाग्दोषहारि सकलं कलुषं निहन्तृ ।
यत्पार्वती स्वपतिना सह भोक्तुकामा
प्रीत्या सहस्रहरिनामसमं जजाप ॥ 162
प्रातः श्रये श्रुतिनुतं रघुनाथमूर्तिं
नीलाम्बुदोत्पलसितेतररत्ननीलाम् ।
आमुक्तमौक्तिकविशेषविभूषणाढ्यां
ध्येयां समस्तमुनिभिर्निजभृत्यमुख्यैः ॥ 163
रघुकुलवरनाथो जानकीप्राणनाथः
पितृवचनविधाता कीशराज्यप्रदाता ।
प्रतिनिशिचरनाशः प्राप्तराज्यप्रवेशो
विहितभुवनरक्षः पातु पद्मायताक्षः ॥ 164
कुवलयदलनीलः पीतवासाः स्मितास्यो
विविधरुचिरभूषाभूषितो दिव्यमूर्तिः ।
दशरथकुलनाथो जानकीप्राणनाथो
निवसतु मम चित्ते सर्वदा रामचन्द्रः ॥ 165
जयतु जयतु रामो जानकीवल्लभोऽयं
जयतु जयतु रामश्चन्द्रचूडार्चिताङ्घ्रिः ।
जयतु जयतु वाणीनाथनाथः परात्मा
जयतु जयतु रामोऽनाथनाथः कृपालुः ॥ 166
वदतु वदतु वाणी रामरामेति नित्यं
जयतु जयतु चित्तं रामपादारविन्दम् ।
नमतु नमतु देहं सन्ततं रामचन्द्रं
न भवतु मम पापं जन्मजन्मान्तरेषु ॥ 167
आनन्दरूपं वरदं प्रसन्नं
सिंहेक्षणं सेवकपारिजातम् ।
नीलोत्पलाङ्गं भुवनैकमित्रं
रामं भजे राघवरामचन्द्रम् ॥ 168
लङ्काविरामं रणरङ्गभीमं
राजीवनेत्रं रघुवंशमित्रम् ।
कारुण्यमूर्तिं करुणाप्रपूर्तिं
श्रीरामचन्द्रं शरणं प्रपद्ये ॥ 169
सुग्रीवमित्रं परमं पवित्रं
सीताकलत्रं नवहेमसूत्रम् ।
कारुण्यपात्रं शतपत्रनेत्रं
श्रीरामचन्द्रं शिरसा नमामि ॥ 170
श्रीराघवेति रमणेति रघूद्वहेति
रामेति रावणहरेति रमाधवेति ।
साकेतनाथसुमुखेति च सुव्रतेति
वाणी सदा वदतु राम हरे हरेति ॥ 171
श्रीरामनामामृतमन्त्रबीजं
सञ्जीवनं चेन्मनसि प्रतिष्ठम् ।
हालाहलं वा प्रलयानलं वा
मृत्योर्मुखं वा वितथीकरोति ॥ 172
किं योगशास्त्रैः किमशेषविद्या
किं यागगङ्गादिविशेषतीर्थैः ।
किं ब्रह्मचर्याश्रमसञ्चरेण
भक्तिर्नचेत्ते रघुवंशकीर्त्याम् ॥ 173
इदं शरीरं श्लथसन्धिजर्झरं
पतत्यवश्यं परिणामपेशलम् ।
किमौषथं पृच्छसि मूढ दुर्मते
निरामयं रामकथामृतं पिब ॥ 174
हे रामभद्राश्रय हे कृपालो
हे भक्तलोकैकशरण्यमूर्ते ।
पुनीहि मां त्वच्चरणारविन्दं
जगत्पवित्रं शरणं ममाऽस्तु ॥ 175
नीलाभ्रदेह निखिलेश जगन्निवास
राजीवनेत्र रमणीयगुणाभिराम ।
श्रीदाम दैत्यकुलमर्दन रामचन्द्र
त्वत्पादपद्ममनिशं कलयामि चित्ते ॥ 176
श्रीरामचन्द्र करुणाकर दीनबन्धो
सीतासमेत भरताग्रज राघवेश ।
पापार्तिभञ्जन भयातुरदीनबन्धो
पापाम्बुधौ पतितमुद्धर मामनाथम् ॥ 177
इन्दीवरदलश्याम-मिन्दुकोटिनिभाननम् ।
कन्दर्पकोटिलावण्यं वन्देऽहं रघुनन्दनम् ॥ 175
इति श्रीबोधेन्द्रसरस्वती कृत श्रीरामकर्णामृतम् ॥
maṅgalaślokāḥ
maṅgalaṃ bhagavānviṣṇurmaṅgalaṃ madhusūdanaḥ |
maṅgalaṃ puṇḍarīkākṣo maṅgalaṃ garuḍadhvajaḥ || 1
maṅgalaṃ kosalendrāya mahanīyaguṇābdhaye |
cakravartitanūjāya sārvabhaumāya maṅgalam || 2
vedavedāntavedyāya meghaśyāmalamūrtaye |
puṃsāṃ mohanarūpāya puṇyaślokāya maṅgalam || 3
viśvāmitrāntaraṅgāya mithilānagarīpateḥ |
bhāgyānāṃ paripākāya bhavyarūpāya maṅgalam || 4
pitṛbhaktāya satataṃ bhrātṛbhiḥ saha sītayā |
nanditākhilalokāya rāmacandrāya maṅgalam || 5
tyaktasāketavāsāya citrakūṭavihāriṇe |
sevyāya sarvayamināṃ dhīrodāttāya maṅgalam || 6
saumitriṇā ca jānakyā cāpabāṇāsidhāriṇā |
saṃsevyāya sadā bhaktyā sānujāyāstu maṅgalam || 7
daṇḍakāraṇyavāsāya khaṇḍitāmaraśatrave |
gṛdhrarājāya bhaktāya muktidāyāstu maṅgalam || 8
sādaraṃ śabarīdattaphalamūlābhilāṣiṇe |
saulabhyaparipūrṇāya sattvodyuktāya maṅgalam || 9
hanūmatsamavetāya harīśābhīṣṭadāyine |
vālipramathanāyāstu mahādhīrāya maṅgalam || 10
śrīmate raghuvīrāya setulaṅghitasindhave |
jitarākṣasarājāya raṇadhīrāya maṅgalam || 11
āsādya nagarīṃ divyāmabhiṣiktāya sītayā |
rājādhirājarājāya rāmabhadrāya maṅgalam || 12
vibhīṣaṇakṛte prītyā viśvābhīṣṭapradāyine |
jānakīprāṇanāthāya sadā rāmāya maṅgalam || 13
—-
śrīrāmaṃ trijagadguruṃ suravaraṃ sītāmanonāyakaṃ
śyāmāṅgaṃ śaśikoṭipūrṇavadanaṃ cañcatkalākaustubham |
saumyaṃ satyaguṇottamaṃ susarayūtīre vasantaṃ prabhuṃ
trātāraṃ sakalārthasiddhisahitaṃ vande raghūṇāṃ patim || 14
śrīrāghavaṃ daśarathātmajamaprameyaṃ
sītāpatiṃ raghuvarānvayaratnadīpam |
ājānubāhumaravindadalāyatākṣaṃ
rāmaṃ niśācaravināśakaraṃ namāmi || 15
śrīrāmacandra karuṇākara rāghavendra
rājendracandra raghuvaṃśasamudracandra |
sugrīvanetrayugalotpala-pūrṇacandra
sītāmanaḥkumudacandra namo namaste || 16
sītāmanomānasarājahaṃsa
saṃsārasantāpahara kṣamāvan |
śrīrāma daityāntaka śāntarūpa
śrītārakabrahma namo namaste || 17
viṣṇo rāghava vāsudeva nṛhare devaughacūḍāmaṇe |
saṃsārārṇavakarṇadhāraka hare kṛṣṇāya tubhyaṃ namaḥ || 18
sugrīvādisamastavānaravaraissaṃsevyamānaṃ sadā |
viśvāmitraparāśarādimunibhissaṃstūyamānaṃ bhaje || 19
rāmaṃ candanaśītalaṃ kṣitisutāmohākaraṃ śrīkaraṃ
vaidehīnayanāravindamihiraṃ sampūrṇacandrānanam |
rājānaṃ karuṇāsametanayanaṃ sītāmanonandanaṃ
sītādarpaṇacārugaṇḍalalitaṃ vande sadā rāghavam || 20
jānāti rāma tava nāmaruciṃ maheśo
jānāti gautamasatī caraṇaprabhāvam |
jānāti dorbalaparākramamīśacāpo
jānātyamoghapaṭubāṇagatiṃ payodhiḥ || 21
mātā rāmo matpitā rāmacandro
bhrātā rāmo matsakhā rāghaveśaḥ |
sarvasvaṃ me rāmacandro dāyālu-
rnānyaṃ daivaṃ naiva jāne na jāne || 22
vimalakamalanetraṃ visphurannīlagātraṃ
tapanakulapavitraṃ dānavadhvantamitram |
bhuvanaśubhacaritraṃ bhūmiputrīkalatraṃ
daśarathavaraputraṃ naumi rāmākhyamitram || 23
mārge mārge śākhināṃ ratnavedī
vedyāṃ vedyāṃ kinnarībṛndagītam |
gīte gīte mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 24
vṛkṣe vṛkṣe vīkṣitāḥ pakṣisaṅghāḥ
saṅghe saṅghe mañjulāmodavākyam |
vākye vākye mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 25
duritatimiracandro duṣṭakañjātacandraḥ
surakuvalayacandrassūryavaṃśābdhicandraḥ |
svajananivahacandraśśatrurājīvacandraḥ
praṇatakumudacandraḥ pātu māṃ rāmacandraḥ || 26
kalyāṇadaṃ kauśikayajñapālaṃ
kalānidhiṃ kāñcanaśailadhīram |
kañjātanetraṃ karuṇāsamudraṃ
kākutstharāmaṃ kalayāmi citte || 27
rājīvāyatalocanaṃ raghuvaraṃ nīlotpalaśyāmalaṃ
mandārāñcitamaṇḍape sulalite sauvarṇake puṣpake |
āsthāne navaratnarājikhacite siṃhāsane saṃsthitaṃ
sītālakṣmaṇalokapālasahitaṃ vande munīndrāspadam || 28
dhyāye rāmaṃ sudhāṃśuṃ natasakalabhavāraṇyatāpaprahāram |
śyāmaṃ śāntaṃ surendraṃ suramunivinutaṃ koṭisūryaprakāśam |
sītāsaumitrisevyaṃ suranarasugamaṃ divyasiṃhāsanastham |
sāyāhne rāmacandraṃ smitaruciramukhaṃ sarvadā me prasannam || 29
indranīlamaṇisannibhadehaṃ
vandanīyamasakṛnmunibṛndaiḥ |
lambamānatulasīvanamālaṃ
cintayāmi satataṃ raghuvīram || 30
sampūrṇacandravadanaṃ sarasīruhākṣaṃ
māṇikyakuṇḍaladharaṃ mukuṭābhirāmam |
cāmpeyagauravasanaṃ śaracāpahastaṃ
śrīrāmacandramaniśaṃ manasā smarāmi || 31
mātuḥ pārśve carantaṃ maṇimayaśayane mañjubhūṣāñcitāṅgam |
mandaṃ mandaṃ pibantaṃ mukulitanayanaṃ stanyamanyastanāgram |
aṅgulyāgraiḥ spṛśantaṃ sukhaparavaśayā sasmitāliṅgitāṅgam |
gāḍhaṃ gāḍhaṃ jananyā kalayatu hṛdayaṃ māmakaṃ rāmabālam || 32
rāmābhirāmaṃ nayanābhirāmaṃ
vācābhirāmaṃ vadanābhirāmam |
sarvābhirāmaṃ ca sadābhirāmaṃ
vande sadā dāśarathiṃ ca rāmam || 33
rāśabdoccāramātreṇa mukhānniryāti pātakāḥ |
punaḥ praveśabhītyā ca makārastu kavāṭavat || 34
anarghamāṇikyavirājamāna-
śrīpādukālaṅkṛtaśobhanābhyām |
aśeṣabṛndārakavanditābhyāṃ
namo namo rāmapadāmbujābhyām || 35
calatkanakakuṇḍalollasitadivyagaṇḍasthalaṃ
carācarajaganmayaṃ caraṇapadmagaṅgāśrayam |
caturvidhaphalapradaṃ caramapīṭhamadhyasthitaṃ
cidaṃśamakhilāspadaṃ daśarathātmajaṃ cintaye || 36
sanandanamunipriyaṃ sakalavarṇavedātmakaṃ
samastanigamāgamasphuritatattvasiṃhāsanam |
sahasranayanābjajādyamarabṛndasaṃsevitaṃ
samaṣṭipuravallabhaṃ daśarathātmajaṃ cintaye || 37
jāgratsvapnasuṣupti-kālavilasattattvātmacinmātrakaṃ
caitanyātmakamādhipāparahitaṃ bhūmyāditanmātrakam |
śāmbhavyādisamastayogakulakaṃ sāṅkhyāditattvātparaṃ
śabdāvācyamahaṃ namāmi satataṃ vyutpattināśātparam || 38
ikṣvākuvaṃśārṇavajātaratnaṃ
sītāṅganāyauvanabhāgyaratnam |
vaikuṇṭharatnaṃ mama bhāgyaratnaṃ
śrīrāmaratnaṃ śirasā namāmi || 39
ikṣvākunandanaṃ sugrīvapūjitaṃ
trailokyarakṣakaṃ satyasandhaṃ sadā |
rāghavaṃ raghupatiṃ rājīvalocanaṃ
rāmacandraṃ bhaje rāghaveśaṃ bhaje || 40
bhaktapriyaṃ bhaktasamādhigamyaṃ
cintāharaṃ cintitakāmadhenum |
sūryendukoṭidyutibhāsvaraṃ taṃ
rāmaṃ bhaje rāghavarāmacandram || 41
śrīrāmaṃ janakakṣitīśvarasutāvaktrāmbujāhāriṇaṃ
śrīmadbhānukulābdhikaustubhamaṇiṃ śrīratnavakṣassthalam |
śrīkaṇṭhādyamaraugharatnamakuṭālaṅkārapādāmbujaṃ
śrīvatsojjvalamindranīlasadṛśaṃ śrīrāmacandraṃ bhaje || 42
rāmacandra caritākathāmṛtaṃ
lakṣmaṇāgrajaguṇānukīrtanam |
rāghaveśa tava pādasevanaṃ
sambhavantu mama janmajanmani || 43
ajñānasambhava-bhavāmbudhibāḍabāgni-
ravyaktatattvanikarapraṇavādhirūḍhaḥ |
sītāsametamanujena hṛdantarāle
prāṇaprayāṇasamaye mama sannidhatte || 44
rāmo matkuladaivataṃ sakaruṇaṃ rāmaṃ bhaje sādaraṃ
rāmeṇākhilaghorapāpanihatī rāmāya tasmai namaḥ |
rāmānnāsti jagatrayaikasulabho rāmasya dāso'smyahaṃ
rāme prītiratīva me kulaguro śrīrāma rakṣasva mām || 45
vaidehīsahitaṃ suradrumatale haime mahāmaṇṭape |
madhyepuṣpakamāsane maṇimaye vīrāsane saṃsthitam |
agre vācayati prabhañjanasute tattvaṃ munibhyaḥ param |
vyākhyāntaṃ bharatādibhiḥ parivṛtaṃ rāmaṃ bhaje śyāmalam || 46
vāme bhūmisutā purastu hanumānpaścātsumitrāsuta-
śśatrughno bharataśca pārśvadalayorvāyvādikoṇeṣvapi |
sugrīvaśca vibhīṣaṇaśca yuvarāṭ tārāsuto jāmbavān
madhye nīlasarojakomalaruciṃ rāmaṃ bhaje śyāmalam || 47
keyūrāṅgadakaṅkaṇairmaṇigaṇairvairocamānaṃ sadā
rākāparvaṇicandrakoṭisadṛśaṃ chatreṇa vairājitam |
hemastambhasahasraṣoḍaśayute madhye mahāmaṇḍape
deveśaṃ bharatādibhiḥ parivṛtaṃ rāmaṃ bhaje śyāmalam || 48
sākete śaradindukundadhavale saughe mahāmaṇṭape |
paryastāgarudhūpadhūmapaṭale karpūradīpojjvale |
sugrīvāṅgadavāyuputrasahitaṃ saumitriṇā sevitaṃ
līlāmānuṣavigrahaṃ raghupatiṃ rāmaṃ bhaje śyāmalam || 49
śāntaṃ śāradacandrakoṭisadṛśaṃ candrābhirāmānanaṃ
candrārkāgnivikāsikuṇḍaladharaṃ candrāvataṃsastutam |
vīṇāpustakasākṣasūtravilasadvyākhyānamudrākaraṃ
deveśaṃ bharatādibhiḥ parivṛtaṃ rāmaṃ bhaje śyāmalam || 50
rāmaṃ rākṣasamardanaṃ raghupatiṃ śakrārividhvaṃsinaṃ
sugrīvepsitarājyadaṃ surapateḥ putrāntakaṃ śārṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sītāsevitapādapadmayugalaṃ rāmaṃ bhaje śyāmalam || 51
kandarpāyutakoṭikoṭitulitaṃ kālāmbudaśyāmalaṃ
kambugrīvamudārakaustubhadharaṃ karṇāvataṃsotpalam |
kastūrītilakojjvalaṃ smitamukhaṃ cinmudrayālaṅkṛtaṃ
sītālakṣmaṇavāyuputrasahitaṃ siṃhāsanasthaṃ bhaje || 52
sākete navaratnapaṅktikhacite citradhvajālaṅkṛte
vāse svarṇamaye dalāṣṭalalite padme vimānottame |
āsīnaṃ bharatādisodarajanaiḥ śākhāmṛgaiḥ kinnaraiḥ
dikpālairmunipuṅgavairnṛpagaṇaissaṃsevyamānaṃ bhaje || 53
kastūrīghanasārakuṅkumalasacchrīcandanālaṅkṛtaṃ
kandarpādhikasundaraṃ ghananibhaṃ kākutsthavaṃśadhvajam |
kalyāṇāmbharaveṣṭitaṃ kamalayā yuktaṃ kalāvallabhaṃ
kalyāṇācalakārmukapriyasakhaṃ kalyāṇarāmaṃ bhaje || 54
muktermūlaṃ munivarahṛdānandakandaṃ mukundaṃ
kūṭasthākhyaṃ sakalavaradaṃ sarvacaitanyarūpam |
nādātītaṃ kamalanilayaṃ nādanādāntatattvaṃ
nādātītaṃ prakṛtirahitaṃ rāmacandraṃ bhaje'ham || 55
tārākāraṃ nikhilanilayaṃ tattvamasyādilakṣyaṃ
śabdāvācyaṃ triguṇarahitaṃ vyomamaṅguṣṭhamātram |
nirvāṇākhyaṃ saguṇamaguṇavyomarandhrāntarasthaṃ
sauṣumnāntaḥ praṇavasahitaṃ rāmacandraṃ bhaje'ham || 56
nijānandākāraṃ nigamaturagārādhitapadaṃ
parabrahmānandaṃ paramapadagaṃ pāpaharaṇam |
kṛpāpārāvāraṃ paramapuruṣaṃ padmanilayaṃ
bhaje rāmaṃ śyāmaṃ prakṛtirahitaṃ nirguṇamaham || 57
sākete nagare samastamahimādhāre jaganmohane
ratnastambhasahasramaṇṭapamahāsiṃhāsane sāmbuje |
viśvāmitravasiṣṭhagautamaśukavyāsādibhirmaunibhiḥ
dhyeyaṃ lakṣmaṇalokapālasahitaṃ sītāsametaṃ bhaje || 58
rāmaṃ śyāmābhirāmaṃ raviśaśinayanaṃ koṭisūryaprakāśaṃ
divyaṃ divyāstrapāṇiṃ śaramukhaśaradhiṃ cārukoḍaṇḍahastam |
kālaṃ kālāgnirudraṃ ripukuladahanaṃ vighnavicchedadakṣaṃ
bhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 59
śrīrāmaṃ bhuvanaikasundaratanuṃ dhārādharaśyāmalaṃ
rājīvāyatalocanaṃ raghuvaraṃ rākendubimbānanam |
kodaṇḍādinijāyudhāśritabhujairbhrāntaṃ videhātmajā-
dhīśaṃ bhaktajanāvanaṃ raghuvaraṃ śrīrāmacandraṃ bhaje || 60
śrīvatsāṅkamudārakaustubhalasatpītāmbarālaṅkṛtaṃ
nānāratnavirājamānamakuṭaṃ nīlāmbudaśyāmalam |
kastūrīghanasāracarcitatanuṃ mandāramālādharaṃ
kandarpāyutasundaraṃ raghupatiṃ sītāsametaṃ bhaje || 61
sadānandadeve sahasrārapadme
galaccandrapīyūṣadhārāmṛtānte |
sthitaṃ rāmamūrtiṃ niṣeve niṣeve-
'nyadaivaṃ na seve na seve na seve || 62
sudhābhāsitadvīpamadhye vimāne
suparvālivṛkṣojjvale śeṣatalpe |
niṣaṇṇaṃ ramāṅkaṃ niṣeve niṣeve-
'nyadaivaṃ na seve na seve na seve || 63
cidaṃśaṃ samānandamānandakandaṃ
suṣumnākhyarandhrāntarāle ca haṃsam |
sacakraṃ saśaṅkhaṃ sapītāmbarāṅkaṃ
parañcānyadaivaṃ na jāne na jāne || 64
caturvedakūṭollasatkāraṇākhyaṃ
sphuraddivyavaimānike bhogitalpe |
parandhāmamūrtiṃ niṣaṇṇaṃ niṣeve
niṣeve'nyadaivaṃ na seve na seve || 65
siṃhāsanasthaṃ surasevitavyaṃ
ratnāṅkitālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghava rāmacandram || 66
rāmaṃ purāṇapuruṣaṃ ramaṇīyaveṣaṃ
rājādhirājamakuṭārcitapādapīṭham |
sītāpatiṃ sunayanaṃ jagadekavīraṃ
śrīrāmacandramaniśaṃ kalayāmi citte || 67
parānandavastusvarūpādisākṣiṃ
parabrahmagamyaṃ parañjyotimūrtim |
parāśaktimitrā'priyārādhitāṅghriṃ
parandhāmarūpaṃ bhaje rāmacandram || 68
mandasmitaṃ kuṇḍalagaṇḍabhāgaṃ
pītāmbaraṃ bhūṣaṇabhūṣitāṅgam |
nīlotpalāṅgaṃ bhuvanaikamitraṃ
rāmaṃ bhaje rāghava rāmacandram || 69
acintyamavyaktamanantarūpa-
madvaitamānandamanādigamyam |
puṇyasvarūpaṃ puruṣottamākhyaṃ
rāmaṃ bhaje rāghava rāmacandram || 70
padmāsanasthaṃ surasevitavyaṃ
padmālayānandakaṭākṣavīkṣyam |
gandharvavidyādharagīyamānaṃ
rāmaṃ bhaje rāghava rāmacandram || 71
anantakīrtiṃ varadaṃ prasannaṃ
padmāsanaṃ sevakapārijātam |
rājādhirājaṃ raghuvīraketuṃ
rāmaṃ bhaje rāghava rāmacandram || 72
sugrīvamitraṃ sujanānurūpaṃ
laṅkāharaṃ rākṣasavaṃśanāśam |
vedāśrayāṅgaṃ vipulāyatākṣaṃ
rāmaṃ bhaje rāghava rāmacandram || 73
sakṛtpraṇatarakṣāyāṃ sākṣī yasya vibhīṣaṇaḥ |
sāparādhapratīkāraḥ sa śrīrāmo gatirmama || 74
phalamūlāśinau dāntau tāpasau dharmacāriṇau |
rakṣaḥkulavihantārau bhrātarau rāmalakṣmaṇau || 75
taruṇau rūpasampannau sukumārau mahābalau |
puṇḍarīka viśālākṣau cīrakṛṣṇājināmbarau || 76
kausalyānayanenduṃ daśarathamukhāravindamārtāṇḍam |
sītāmānasahaṃsaṃ rāmaṃ rājīvalocanaṃ vande || 77
bharjanaṃ bhavabījānāṃ mārjanaṃ sukhasampadām |
tarjanaṃ yamadūtānāṃ rāmarāmeti kīrtanam || 78
na jāne jānakī jāne rāma tvannāmavaibhavam |
sarveśo bhagavān śambhurvālmīkirvetti vā navā || 79
karataladhṛtacāpaṃ kālameghasvarūpaṃ
sarasijadalanetraṃ cāruhāsaṃ sugātram |
vicinutavanavāsaṃ vikramodagraveṣaṃ
praṇamata raghunāthaṃ jānakīprāṇanātham || 80
vidyutsphuranmakarakuṇḍaladīptacāru-
gaṇḍasthalaṃ maṇikirīṭavirājamānam |
pītāmbaraṃ jaladanīlamudārakāntiṃ
śrīrāmacandramaniśaṃ kalayāmi citte || 81
ratnollasajjvalitakuṇḍalagaṇḍabhāgaṃ
kastūrikātilakaśobhitaphālabhāgam |
karṇāntadīrghanayanaṃ karuṇākaṭākṣaṃ
śrīrāmacandra mukhamātmani sannidhattam || 82
vaidehīsahitaṃ ca lakṣmaṇayutaṃ kaikeyiputrānvitaṃ
sugrīvaṃ ca vibhīṣaṇānilasutau nīlaṃ nalaṃ sāṅgadam |
viśvāmitravasiṣṭhagautamabharadvājādikān mānayan
rāmo mārutisevitaḥ smaratu māṃ sāmrājyasiṃhāsane || 83
sakalaguṇanidhānaṃ yogibhisstūyamānaṃ
bhajitasuravimānaṃ rakṣitendrādimānam |
mahitavṛṣabhayānaṃ sītayā śobhamānaṃ
smaratu hṛdayabhānuṃ brahmarāmābhirāmam || 84
tridaśakumudacandro dānavāmbhojacandro
duritatimiracandro yogināṃ jñānacandraḥ |
praṇatanayanacandro maithilīnetracandro
daśamukharipucandraḥ pātu māṃ rāmacandraḥ || 85
yannāmaiva sahasranāmasadṛśaṃ yannāma vedaissamaṃ
yannāmāṅkitavākya-māsurabalastrīgarbhavicchedanam |
yannāma śvapacāryabhedarahitaṃ muktipradānojjvalaṃ
tannāmā'laghurāmarāmaramaṇaṃ śrīrāmanāmāmṛtam || 86
rājīvanetra raghupuṅgava rāmabhadra
rākendubimbasadṛśānana nīlagātra |
rāmā'bhirāma raghuvaṃśasamudbhava tvaṃ
śrīrāmacandra mama dehi karāvalambam || 87
māṇikyamañjīrapadāravindaṃ
rāmārkasamphullamukhāravindam |
bhaktābhayaprāpikarāravindāṃ
devīṃ bhaje rāghavavallabhāṃ tām || 88
jayatu vijayakārī jānakīmodakārī
tapanakulavihārī daṇḍakāraṇyacārī |
daśavadanakuṭhārī daityavicchedakārī
maṇimakuṭakadhārī caṇḍakodaṇḍadhārī || 89
rāmaḥ pitā raghava eva mātā
rāmassubandhuśca sakhā hitaśca |
rāmo gururme paramaṃ ca daivaṃ
rāmaṃ vinā nā'nyamahaṃ smarāmi || 90
śrīrāma me tvaṃ hi pitā ca mātā
śrīrāma me tvaṃ hi suhṛcca bandhuḥ |
śrīrāma me tvaṃ hi guruśca goṣṭhī
śrīrāma me tvaṃ hi samastameva || 91
rāmacandracaritāmṛtapānaṃ
somapānaśatakoṭisamānam |
somapānaśatakoṭibhirīyā-
jjanma naiti raghunāyakanāmnā || 92
rāma rāma dayāsindho rāvaṇāre jagatpate |
tvatpādakamalāsakti-rbhavejjanmani janmani || 93
śrīrāmacandreti dayāpareti
bhaktapriyeti bhavabandhanamocaneti |
nātheti nāgaśayaneti sadā stuvantaṃ
māṃ pāhi bhītamaniśaṃ kṛpaṇaṃ kṛpālo || 94
ayodhyānātha rājendra sītākānta jagatpate |
śrīrāma puṇḍarīkākṣa rāmacandra namo'stu te || 95
he rāma he ramaṇa he jagadekavīra
he nātha he raghupate karuṇālavāla |
he jānakīramaṇa he jagadekabandho
māṃ pāhi dīnamaniśaṃ kṛpaṇaṃ kṛtaghnam || 96
jānāti rāma tava tattvagatiṃ hanūmān |
jānāti rāma tava sakhyagatiṃ kapīśaḥ |
jānāti rāma tava yuddhagatiṃ daśāsyo |
jānāti rāma dhanadānuja eva satyam || 97
sevyaṃ śrīrāmamantraṃ śravaṇaśubhakaraṃ śreṣṭhasujñānimantraṃ
stavyaṃ śrīrāmamantraṃ narakaduritadurvāranirghātamantram |
bhavyaṃ śrīrāmamantraṃ bhajatu bhajatu saṃsāranistāramantraṃ
divyaṃ śrīrāmamantraṃ divi bhuvi vilasanmokṣarakṣaikamantram || 98
nikhilanilayamantraṃ nityatattvākhyamantraṃ
bhavakulaharamantraṃ bhūmijāprāṇamantram |
pavanajanutamantraṃ pārvatīmokṣamantraṃ
paśupatinijamantraṃ pātu māṃ rāmamantram || 99
praṇavanilayamantraṃ prāṇanirvāṇamantraṃ
prakṛtipuruṣamantraṃ brahmarudrendramantram |
prakaṭaduritarāgadveṣanirṇāśamantraṃ
raghupatinijamantraṃ rāmarāmetimantram || 100
daśarathasutamantraṃ daityasaṃhāramantraṃ
vibudhavinutamantraṃ viśvavikhyātamantram |
munigaṇanutamantraṃ muktimārgaikamantraṃ
raghupatinijamantraṃ rāmarāmetimantram || 101
saṃsārasāgarabhayāpahaviśvamantraṃ
sākṣānmumukṣujanasevitasiddhamantram |
sāraṅgahastamukhahastanivāsamantraṃ
kaivalyamantramaniśaṃ bhaja rāmamantram || 102
jayatu jayatu mantraṃ janmasāphalyamantraṃ
jananamaraṇabhedakleśavicchedamantram |
sakalanigamamantraṃ sarvaśāstraikamantraṃ
raghupatinijamantraṃ rāmarāmetimantram || 103
jagati viśadamantraṃ jānakīprāṇamantraṃ
vibudhavinutamantraṃ viśvavikhyātamantram |
daśarathasutamantraṃ daityasaṃhāramantraṃ
raghupatinijamantraṃ rāmarāmetimantram || 104
brahmādiyogimunipūjitasiddhamantraṃ
dāridryaduḥkhabhavarogavināśamantram |
saṃsārasāgarasamuttaraṇaikamantraṃ
vande mahābhayaharaṃ raghurāmamantram || 105
śatrucchedaikamantraṃ sarasamupaniṣadvākyasampūjyamantraṃ
saṃsārottāramantraṃ samucitasamaye saṅganiryāṇamantram |
sarvaiśvaryaikamantraṃ vyasanabhujagasandaṣṭasantrāṇamantraṃ
jihve śrīrāmamantraṃ japa japa saphalaṃ janmasāphalyamantram || 106
nityaṃ śrīrāmamantraṃ nirupamamadhikaṃ nītisujñānamantraṃ
satyaṃ śrīrāmamantraṃ sadamalahṛdaye sarvadārogyamantram |
stutyaṃ śrīrāmamantraṃ sulalitasumanassaukhyasaubhāgyamantraṃ
paṭhyaṃ śrīrāmamantraṃ pavanajavaradaṃ pātu māṃ rāmamantram || 107
vyāmohapraśamauṣadhaṃ munimanovṛttipravṛttyauṣadhaṃ
daityonmūlakarauṣadhaṃ bhavabhayapradhvaṃsanaikauṣadham |
bhaktānandakarauṣadhaṃ tribhuvane sañjīvanaikauṣadhaṃ
śreyaḥ prāptikarauṣadhaṃ piba manaḥ śrīrāmanāmauṣadham || 108
sakalabhuvanaratnaṃ sarvaśāstrārtharatnaṃ
samaravijayaratnaṃ saccidānandaratnam |
daśamukhahararatnaṃ dānavārātiratnaṃ
raghukulanṛparatnaṃ pātu māṃ rāmaratnam || 109
sakalabhuvanaratnaṃ saccidānandaratnaṃ
sakalahṛdayaratnaṃ sūryabimbāntaratnam |
vimalasukṛtaratnaṃ vedavedāntaratnaṃ
puraharajaparatnaṃ pātu māṃ rāmaratnam || 110
nigamaśikhararatnaṃ nirmalānandaratnaṃ
nirupamaguṇaratnaṃ nādanādāntaratnam |
daśarathakularatnaṃ dvādaśāntasstharatnaṃ
paśupatijaparatnaṃ pātu māṃ rāmaratnam || 111
śatamakhasutaratnaṃ ṣoḍaśāntasstharatnaṃ
munijanajaparatnaṃ mukhyavaikuṇṭharatnam |
nirupamaguṇaratnaṃ nīrajāntasstharatnaṃ
paramapadaviratnaṃ pātu māṃ rāmaratnam || 112
sakalasukṛtaratnaṃ satyavākyārtharatnaṃ
śamadamaguṇaratnaṃ śāśvatānandaratnam |
praṇayanilayaratnaṃ prasphuṭadyotiratnaṃ
paramapadaviratnaṃ pātu māṃ rāmaratnam || 113
nigamaśikhararatnaṃ nityamāśāsyaratnaṃ
jananutanṛparatnaṃ jānakīrūparatnam |
bhuvanavalayaratnaṃ bhūbhujāmekaratnaṃ
raghukulavararatnaṃ pātu māṃ rāmaratnam || 114
viśālanetraṃ paripūrṇagātraṃ
sītākalatraṃ suravairijaitram |
kāruṇyapātraṃ jagataḥ pavitraṃ
śrīrāmaratnaṃ praṇato'smi nityam || 115
he gopālaka he dayājalanidhe he sadguṇāmbhonidhe
he daityāntaka he vibhīṣaṇadayāparīṇa he bhūpate |
he vaidehasutāmanojavihṛte he koṭimārākṛte
he navyāmbujanetra pālaya paraṃ jānāmi na tvāṃ vinā || 116
yasya kiñcidapi no haraṇīyaṃ
karma kiñcidapi no caraṇīyam |
rāmanāma ca sadā smaraṇīyaṃ
līlayā bhavajalaṃ taraṇīyam || 117
daśarathasutamīśaṃ daṇḍakāraṇyavāsaṃ
śatamakhamaṇinīlaṃ jānakīprāṇalolam |
sakalabhuvanamohaṃ sannutāmbhodadehaṃ
bahulanutasamudraṃ bhāvaye rāmabhadram || 118
viśālanetraṃ paripūrṇagātraṃ
sītākalatraṃ suravairijaitram |
jagatpavitraṃ paramātmatantraṃ
śrīrāmacandraṃ praṇamāmi citte || 119
jaya jaya raghurāma śrīmukhāmbhojabhāno
jaya jaya raghuvīra śrīmadambhojanetra |
jaya jaya raghunātha śrīkarābhyarcitāṅghri
jaya jaya raghuvarya śrīśa kāruṇyasindho || 120
mandāramūle maṇipīṭhasaṃsthaṃ
sudhāplutaṃ divyavirāṭsvarūpam |
sabindunādāntakalāntaturya-
mūrtiṃ bhaje'haṃ raghuvaṃśaratnam || 121
nādaṃ nādavinīlacittapavanaṃ nādāntattvapriyaṃ
nāmākāravivarjitaṃ navaghanaśyāmāṅganādapriyam |
nādāmbhojamarandamattavilasadbhṛṅgaṃ madāntassthitaṃ
nādāntadhṛvamaṇḍalābjaruciraṃ rāmaṃ bhaje tārakam || 122
nānābhūtahṛdabjapadmanilayaṃ nāmojjvalābhūṣaṇam |
nāmastotrapavitritatribhuvanaṃ nārāyaṇāṣṭākṣaram |
nādāntendugalatsudhāplutatanuṃ nānātmacinmātrakam |
nānākoṭiyugāntabhānusadṛśaṃ rāmaṃ bhaje tārakam || 123
vedyaṃ vedaguruṃ viriñcijanakaṃ vedāntamūrtiṃ sphura-
dvedaṃ vedakalāpamūlamahimādhārāntakandāṅkuram |
vedaśṛṅgasamānaśeṣaśayanaṃ vedāntavedyātmakaṃ
vedārādhitapādapaṅkajamahaṃ rāmaṃ bhaje tārakam || 124
majjīvaṃ madanugrahaṃ madadhipaṃ madbhāvanaṃ matsukhaṃ
mattātaṃ mama sadguruṃ mama varaṃ mohāndhavicchedanam |
matpuṇyaṃ madanekabāndhavajanaṃ majjīvanaṃ mannidhiṃ
matsiddhiṃ mama sarvakarmasukṛtaṃ rāmaṃ bhaje tārakam || 125
nityaṃ nīrajalocanaṃ nirupamaṃ nīvāraśūkopamaṃ
nirbhedānubhavaṃ nirantaraguṇaṃ nīlāṅgarāgojjvalam |
niṣpāpaṃ nigamāgamārcitapadaṃ nityātmakaṃ nirmalaṃ
niṣpuṇyaṃ nikhilaṃ nirañjanapadaṃ rāmaṃ bhaje tārakam || 126
dhyāye tvāṃ hṛdayāmbuje raghupatiṃ vijñānadīpāṅkuraṃ
haṃsohaṃsaparamparādimahimādhāraṃ jaganmohanam |
hastāmbhojagadābjacakramatulaṃ pītāmbaraṃ kaustubhaṃ
śrīvatsaṃ puruṣottamaṃ maṇinibhaṃ rāmaṃ bhaje tārakam || 127
satyajñānamanantamacyutamajaṃ cāvyākṛtaṃ tatparaṃ
kūṭasthādisamastasākṣimanaghaṃ sākṣādvirāṭtattvadam |
vedyaṃ viśvamayaṃ svalīnabhuvanasvārājyasaukhyapradaṃ
pūrṇaṃ pūrṇataraṃ purāṇapuruṣaṃ rāmaṃ bhaje tārakam || 128
rāmaṃ rākṣasavaṃśanāśanakaraṃ rākendubimbānanaṃ
rakṣoriṃ raghuvaṃśavardhanakaraṃ raktādharaṃ rāghavam |
rādhāyātmanivāsinaṃ ravinibhaṃ ramyaṃ ramānāyakaṃ
randhrāntargataśeṣaśāyinamahaṃ rāmaṃ bhaje tārakam || 129
otaprotasamastavastunicayaṃ oṅkārabījākṣaraṃ
oṅkāraprakṛtiṃ ṣaḍakṣarahitaṃ oṅkārakandāṅkuram |
oṅkārasphuṭabhūrbhuvassuparitaṃ oghatrayārādhitam
oṅkārojjvalasiṃhapīṭhanilayaṃ rāmaṃ bhaje tārakam || 130
sākete nagare samastasukhade harmye'bjakoṭidyute
nakṣatragrahapaṅktilagnaśikhare cāntaryapaṅkeruhe |
vālmīkātriparāśarādimunibhissaṃsevyamānaṃ sthitaṃ
sītālaṅkṛtavāmabhāgamaniśaṃ rāmaṃ bhaje tārakam || 131
vaikuṇṭhe nagare suradrumatale cānandavaprāntare
nānāratnavinirmitasphuṭapaṭuprākārasaṃveṣṭite |
saudhendūpalaśeṣatalpalalite nīlotpalacchādite
paryaṅke śayanaṃ ramādisahitaṃ rāmaṃ bhaje tārakam || 132
vande rāmamanādipūruṣamajaṃ vande ramānāyakaṃ
vande hārikirīṭakuṇḍaladharaṃ vande sunīladyutim |
vande cāpakalambakojjvalakaraṃ vande jaganmaṅgalaṃ
vande paṅktirathātmajaṃ mama guruṃ vande sadā rāghavam || 133
vande śaunakagautamādyabhinutaṃ vande ghanaśyāmalaṃ
vande tārakapīṭhamadhyanilayaṃ vande jagannāyakam |
vande bhaktajanaughadevivaṭapaṃ vande dhanurvallabhaṃ
vande tattvamasītivākyajanakaṃ vande sadā rāghavam || 134
vande sūryaśaśāṅkalocanayugaṃ vande jagatpāvanaṃ
vande patrasahasrapadmanilayaṃ vande purāripriyam |
vande rākṣasavaṃśanāśanakaraṃ vande sudhāśītalaṃ
vande devakapīndrakoṭivinutaṃ vande sadā rāghavam || 135
vande sāgaragarvabhaṅgaviśikhaṃ vande jagajjīvanaṃ
vande kauśikayāgarakṣaṇakaraṃ vande guruṇāṃ gurum |
vande bāṇaśarāsanojjvalakaraṃ vande jaṭāvalkalaṃ
vande lakṣmaṇabhūmijānvitamahaṃ vande sadā rāghavam || 136
vande pāṇḍarapuṇḍarīkanayanaṃ vande'bjabimbānanaṃ
vande kambugalaṃ karābjayugalaṃ vande lalāṭojjvalam |
vande pītadukūlamambudanibhaṃ vande jaganmohanaṃ
vande kāraṇamānuṣojjvalatanuṃ vande sadā rāghavam || 137
vande nīlasarojakomalaruciṃ vande jagadvanditaṃ
vande sūryakulābdhikaustubhamaṇiṃ vande surārādhitam |
vande pātakapañcakapraharaṇaṃ vande jagatkāraṇaṃ
vande viṃśatipañcatattvarahitaṃ vande sadā rāghavam || 138
vande sādhakavargakalpakataruṃ vande trimūrtyātmakaṃ
vande nādalayāntarasthalagataṃ vande trivargātmakam |
vande rāgavihīnacittasulabhaṃ vande sabhānāyakaṃ
vande pūrṇadayāmṛtārṇavamahaṃ vande sadā rāghavam || 139
vande sāttvikatattvamudritatanuṃ vande sudhādāyakaṃ
vande cārucaturbhujaṃ maṇinibhaṃ vande ṣaḍabjasthitam |
vande brahmapipīlikādinilayaṃ vande virāṭvigrahaṃ
vande pannagatalpaśāyinamahaṃ vande sadā rāghavam || 140
siṃhāsanasthaṃ munisiddhasevyaṃ
raktotpalālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghavarāmacandram || 141
śrīrāmabhadrāśritasadgurūṇāṃ
pādāravindaṃ bhajatāṃ narāṇām |
ārogyamaiśvaryamanantakīrti-
rante ca viṣṇoḥ padamasti satyam || 142
daśarathavaraputraṃ jānakīsatkalatraṃ
daśamukhaharadakṣaṃ padmapatrāyatākṣam |
karadhṛtaśaracāpaṃ cārumuktākalāpaṃ
raghukulanṛvareṇyaṃ rāmamīḍe śaraṇyam || 143
daśamukhagajasiṃhaṃ daityagarvātiraṃhaṃ
kadanabhayadahastaṃ tārakabrahma śastam |
maṇikhacitakirīṭaṃ mañjulālāpavāṭaṃ
daśarathakulacandraṃ rāmacandraṃ bhaje'ham || 144
rāmaṃ raktasaroruhākṣamamalaṃ laṅkādhināthāntakaṃ
kausalyānayanotsukaṃ raghuvaraṃ nāgendratalpasthitam |
vaidehīkucakumbhakuṅkumarajolaṅkārahāraṃ hariṃ
māyāmānuṣavigrahaṃ raghupatiṃ sītāsametaṃ bhaje || 145
rāmaṃ rākṣasamardanaṃ raghuvaraṃ daiteyabhidhvaṃsinaṃ
sugrīvepsitarājyadaṃ surapaterbhītyantakaṃ śārṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sāmīristutapādapadmayugalaṃ sītāsametaṃ bhaje || 146
yatpādāmbujareṇunā munisatī muktiṅgatā yanmahaḥ
puṇyaṃ pātakanāśanaṃ trijagatāṃ bhāti smṛtaṃ pāvanam |
smṛtvā rāghavamaprameyamamalaṃ pūrṇendumandasmitaṃ
taṃ rāmaṃ sarasīruhākṣamamalaṃ sītāsametaṃ bhaje || 147
vaidehīkucamaṇḍalāgra-vilasanmāṇikyahastāmbujaṃ
cañcatkaṅkaṇahāranūpura-lasatkeyūrahārānvitam |
divyaśrīmaṇikuṇḍalojjvala-mahābhūṣāsahasrānvitaṃ
vīraśrīraghupuṅgavaṃ guṇanidhiṃ sītāsametaṃ bhaje || 148
vaidehīkucamaṇḍalopari-lasanmāṇikyahārāvalī-
madhyasthaṃ navanītakomalaruciṃ nīlotpalaśyāmalam |
kandarpāyutakoṭisundaratanuṃ pūrṇendubimbānanaṃ
kausalyākulabhūṣaṇaṃ raghupatiṃ sītāsametaṃ bhaje || 149
divyāraṇyayatīndranāmanagare madhye mahāmaṇṭape
svarṇastambhasahasraṣoḍaśayute mandāramūlāśrite |
nānāratnavicitranirmalamahāsiṃhāsane saṃsthitaṃ
sītālakṣmaṇasevitaṃ raghupatiṃ sītāsametaṃ bhaje || 150
kastūrītilakaṃ kapīndraharaṇaṃ kāruṇyavārānnidhiṃ
kṣīrāmbhodhisutāmukhābjamadhupaṃ kalyāṇasampannidhim |
kausalyānayanotsukaṃ kapivaratrāṇaṃ mahāpauruṣaṃ
kaumārapriyamarkakoṭisadṛśaṃ sītāsametaṃ bhaje || 151
vidyutkoṭidivākaradyutinibhaṃ śrīkaustubhālaṅkṛtaṃ
yogīndraissanakādibhiḥ parivṛtaṃ kailāsanāthapriyam |
muktāratnakirīṭakuṇḍaladharaṃ graiveyahārānvitaṃ
vaidehīkucasannivāsamaniśaṃ sītāsametaṃ bhaje || 152
meghaśyāmalamambujātanayanaṃ vistīrṇavakṣassthalaṃ
bāhudvandvavirājitaṃ suvadanaṃ śoṇāṅghripaṅkeruham |
nānāratnavicitrabhūṣaṇayutaṃ kodaṇḍabāṇāṅkitaṃ
trailokyā'pratimānasundaratanuṃ sītāsametaṃ bhaje || 153
vaidehīyutavāmabhāgamatulaṃ vandārumandārakaṃ
vande prastutakīrtivāsitatarucchāyānukāriprabham |
vaidehīkucakuṅkumāṅkitamahoraskaṃ mahābhūṣaṇaṃ
vedāntairupagīyamānamasakṛtsītāsametaṃ bhaje || 154
devānāṃ hitakāraṇena bhuvane dhṛtvā'vatāraṃ dhruvaṃ
rāmaṃ kauśikayajñavighnadalanaṃ tattāṭakāsaṃharam |
nityaṃ gautamapatniśāpadalanaśrīpādareṇuṃ śubhaṃ
śambhorutkaṭacāpakhaṇḍanamahāsatvaṃ bhaje rāghavam || 155
śrīrāmaṃ navaratnakuṇḍaladharaṃ śrīrāmarakṣāmaṇiṃ
śrīrāmaṃ ca sahasrabhānusadṛśaṃ śrīrāmacandrodayam |
śrīrāmaṃ śrutakīrtimākaramahaṃ śrīrāmamuktipradaṃ
śrīrāmaṃ raghunandanaṃ bhayaharaṃ śrīrāmacandraṃ bhaje || 156
rāmamindīvaraśyāmaṃ rājīvāyatalocanam |
jyāghoṣanirjitārātiṃ jānakīramaṇaṃ bhaje || 157
dīrghabāhumaravindalocanaṃ
dīnavatsalamanātharakṣakam |
dīkṣitaṃ sakalalokarakṣaṇe
daivataṃ daśarathātmajaṃ bhaje || 158
prātassmarāmi raghunāthamukhāravindaṃ
mandasmitaṃ madhurabhāṣi viśālaphālam |
karṇāvalambicalakuṇḍalagaṇḍabhāgaṃ
karṇāntadīrghanayanaṃ nayanābhirāmam || 159
prātarbhajāmi raghunāthakarāravindaṃ
rakṣogaṇāya bhayadaṃ varadaṃ nijebhyaḥ |
yadrājasaṃsadi vibhidya maheśacāpaṃ
sītākaragrahaṇamaṅgalamāpa sadyaḥ || 160
prātarnamāmi raghunāthapadāravindaṃ
padmāṅkuśādiśubharekhaśubhāvahaṃ ca |
yogīndramānasamadhuvratasevyamānaṃ
śāpāpahaṃ sapadi gautamadharmapatnyāḥ || 161
prātarvadāmi vacasā raghunāthanāma
vāgdoṣahāri sakalaṃ kaluṣaṃ nihantṛ |
yatpārvatī svapatinā saha bhoktukāmā
prītyā sahasraharināmasamaṃ jajāpa || 162
prātaḥ śraye śrutinutaṃ raghunāthamūrtiṃ
nīlāmbudotpalasitetararatnanīlām |
āmuktamauktikaviśeṣavibhūṣaṇāḍhyāṃ
dhyeyāṃ samastamunibhirnijabhṛtyamukhyaiḥ || 163
raghukulavaranātho jānakīprāṇanāthaḥ
pitṛvacanavidhātā kīśarājyapradātā |
pratiniśicaranāśaḥ prāptarājyapraveśo
vihitabhuvanarakṣaḥ pātu padmāyatākṣaḥ || 164
kuvalayadalanīlaḥ pītavāsāḥ smitāsyo
vividharucirabhūṣābhūṣito divyamūrtiḥ |
daśarathakulanātho jānakīprāṇanātho
nivasatu mama citte sarvadā rāmacandraḥ || 165
jayatu jayatu rāmo jānakīvallabho'yaṃ
jayatu jayatu rāmaścandracūḍārcitāṅghriḥ |
jayatu jayatu vāṇīnāthanāthaḥ parātmā
jayatu jayatu rāmo'nāthanāthaḥ kṛpāluḥ || 166
vadatu vadatu vāṇī rāmarāmeti nityaṃ
jayatu jayatu cittaṃ rāmapādāravindam |
namatu namatu dehaṃ santataṃ rāmacandraṃ
na bhavatu mama pāpaṃ janmajanmāntareṣu || 167
ānandarūpaṃ varadaṃ prasannaṃ
siṃhekṣaṇaṃ sevakapārijātam |
nīlotpalāṅgaṃ bhuvanaikamitraṃ
rāmaṃ bhaje rāghavarāmacandram || 168
laṅkāvirāmaṃ raṇaraṅgabhīmaṃ
rājīvanetraṃ raghuvaṃśamitram |
kāruṇyamūrtiṃ karuṇāprapūrtiṃ
śrīrāmacandraṃ śaraṇaṃ prapadye || 169
sugrīvamitraṃ paramaṃ pavitraṃ
sītākalatraṃ navahemasūtram |
kāruṇyapātraṃ śatapatranetraṃ
śrīrāmacandraṃ śirasā namāmi || 170
śrīrāghaveti ramaṇeti raghūdvaheti
rāmeti rāvaṇahareti ramādhaveti |
sāketanāthasumukheti ca suvrateti
vāṇī sadā vadatu rāma hare hareti || 171
śrīrāmanāmāmṛtamantrabījaṃ
sañjīvanaṃ cenmanasi pratiṣṭham |
hālāhalaṃ vā pralayānalaṃ vā
mṛtyormukhaṃ vā vitathīkaroti || 172
kiṃ yogaśāstraiḥ kimaśeṣavidyā
kiṃ yāgagaṅgādiviśeṣatīrthaiḥ |
kiṃ brahmacaryāśramasañcareṇa
bhaktirnacette raghuvaṃśakīrtyām || 173
idaṃ śarīraṃ ślathasandhijarjharaṃ
patatyavaśyaṃ pariṇāmapeśalam |
kimauṣathaṃ pṛcchasi mūḍha durmate
nirāmayaṃ rāmakathāmṛtaṃ piba || 174
he rāmabhadrāśraya he kṛpālo
he bhaktalokaikaśaraṇyamūrte |
punīhi māṃ tvaccaraṇāravindaṃ
jagatpavitraṃ śaraṇaṃ mamā'stu || 175
nīlābhradeha nikhileśa jagannivāsa
rājīvanetra ramaṇīyaguṇābhirāma |
śrīdāma daityakulamardana rāmacandra
tvatpādapadmamaniśaṃ kalayāmi citte || 176
śrīrāmacandra karuṇākara dīnabandho
sītāsameta bharatāgraja rāghaveśa |
pāpārtibhañjana bhayāturadīnabandho
pāpāmbudhau patitamuddhara māmanātham || 177
indīvaradalaśyāma-mindukoṭinibhānanam |
kandarpakoṭilāvaṇyaṃ vande'haṃ raghunandanam || 175
iti śrībodhendrasarasvatī kṛta śrīrāmakarṇāmṛtam ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.