ਮਙ੍ਗਲਸ਼੍ਲੋਕਾਃ
ਮਙ੍ਗਲਂ ਭਗਵਾਨ੍ਵਿष੍ਣੁਰ੍ਮਙ੍ਗਲਂ ਮਧੁਸੂਦਨਃ ।
1
ਮਙ੍ਗਲਂ ਪੁਣ੍ਡਰੀਕਾਕ੍षੋ ਮਙ੍ਗਲਂ ਗਰੁਡਧ੍ਵਜਃ ॥ 1
ਮਙ੍ਗਲਂ ਕੋਸਲੇਨ੍ਦ੍ਰਾਯ ਮਹਨੀਯਗੁਣਾਬ੍ਧਯੇ ।
2
ਚਕ੍ਰਵਰ੍ਤਿਤਨੂਜਾਯ ਸਾਰ੍ਵਭੌਮਾਯ ਮਙ੍ਗਲਮ੍ ॥ 2
ਵੇਦਵੇਦਾਨ੍ਤਵੇਦ੍ਯਾਯ ਮੇਘਸ਼੍ਯਾਮਲਮੂਰ੍ਤਯੇ ।
3
ਪੁਂਸਾਂ ਮੋਹਨਰੂਪਾਯ ਪੁਣ੍ਯਸ਼੍ਲੋਕਾਯ ਮਙ੍ਗਲਮ੍ ॥ 3
ਵਿਸ਼੍ਵਾਮਿਤ੍ਰਾਨ੍ਤਰਙ੍ਗਾਯ ਮਿਥਿਲਾਨਗਰੀਪਤੇਃ ।
4
ਭਾਗ੍ਯਾਨਾਂ ਪਰਿਪਾਕਾਯ ਭਵ੍ਯਰੂਪਾਯ ਮਙ੍ਗਲਮ੍ ॥ 4
ਪਿਤृਭਕ੍ਤਾਯ ਸਤਤਂ ਭ੍ਰਾਤृਭਿਃ ਸਹ ਸੀਤਯਾ ।
5
ਨਨ੍ਦਿਤਾਖਿਲਲੋਕਾਯ ਰਾਮਚਨ੍ਦ੍ਰਾਯ ਮਙ੍ਗਲਮ੍ ॥ 5
ਤ੍ਯਕ੍ਤਸਾਕੇਤਵਾਸਾਯ ਚਿਤ੍ਰਕੂਟਵਿਹਾਰਿਣੇ ।
6
ਸੇਵ੍ਯਾਯ ਸਰ੍ਵਯਮਿਨਾਂ ਧੀਰੋਦਾਤ੍ਤਾਯ ਮਙ੍ਗਲਮ੍ ॥ 6
ਸੌਮਿਤ੍ਰਿਣਾ ਚ ਜਾਨਕ੍ਯਾ ਚਾਪਬਾਣਾਸਿਧਾਰਿਣਾ ।
7
ਸਂਸੇਵ੍ਯਾਯ ਸਦਾ ਭਕ੍ਤ੍ਯਾ ਸਾਨੁਜਾਯਾਸ੍ਤੁ ਮਙ੍ਗਲਮ੍ ॥ 7
ਦਣ੍ਡਕਾਰਣ੍ਯਵਾਸਾਯ ਖਣ੍ਡਿਤਾਮਰਸ਼ਤ੍ਰਵੇ ।
8
ਗृਧ੍ਰਰਾਜਾਯ ਭਕ੍ਤਾਯ ਮੁਕ੍ਤਿਦਾਯਾਸ੍ਤੁ ਮਙ੍ਗਲਮ੍ ॥ 8
ਸਾਦਰਂ ਸ਼ਬਰੀਦਤ੍ਤਫਲਮੂਲਾਭਿਲਾषਿਣੇ ।
9
ਸੌਲਭ੍ਯਪਰਿਪੂਰ੍ਣਾਯ ਸਤ੍ਤ੍ਵੋਦ੍ਯੁਕ੍ਤਾਯ ਮਙ੍ਗਲਮ੍ ॥ 9
ਹਨੂਮਤ੍ਸਮਵੇਤਾਯ ਹਰੀਸ਼ਾਭੀष੍ਟਦਾਯਿਨੇ ।
10
ਵਾਲਿਪ੍ਰਮਥਨਾਯਾਸ੍ਤੁ ਮਹਾਧੀਰਾਯ ਮਙ੍ਗਲਮ੍ ॥ 10
ਸ਼੍ਰੀਮਤੇ ਰਘੁਵੀਰਾਯ ਸੇਤੁਲਙ੍ਘਿਤਸਿਨ੍ਧਵੇ ।
11
ਜਿਤਰਾਕ੍षਸਰਾਜਾਯ ਰਣਧੀਰਾਯ ਮਙ੍ਗਲਮ੍ ॥ 11
ਆਸਾਦ੍ਯ ਨਗਰੀਂ ਦਿਵ੍ਯਾਮਭਿषਿਕ੍ਤਾਯ ਸੀਤਯਾ ।
12
ਰਾਜਾਧਿਰਾਜਰਾਜਾਯ ਰਾਮਭਦ੍ਰਾਯ ਮਙ੍ਗਲਮ੍ ॥ 12
ਵਿਭੀषਣਕृਤੇ ਪ੍ਰੀਤ੍ਯਾ ਵਿਸ਼੍ਵਾਭੀष੍ਟਪ੍ਰਦਾਯਿਨੇ ।
13
ਜਾਨਕੀਪ੍ਰਾਣਨਾਥਾਯ ਸਦਾ ਰਾਮਾਯ ਮਙ੍ਗਲਮ੍ ॥ 13
—-
ਸ਼੍ਰੀਰਾਮਂ ਤ੍ਰਿਜਗਦ੍ਗੁਰੁਂ ਸੁਰਵਰਂ ਸੀਤਾਮਨੋਨਾਯਕਂ
ਸ਼੍ਯਾਮਾਙ੍ਗਂ ਸ਼ਸ਼ਿਕੋਟਿਪੂਰ੍ਣਵਦਨਂ ਚਞ੍ਚਤ੍ਕਲਾਕੌਸ੍ਤੁਭਮ੍ ।
ਸੌਮ੍ਯਂ ਸਤ੍ਯਗੁਣੋਤ੍ਤਮਂ ਸੁਸਰਯੂਤੀਰੇ ਵਸਨ੍ਤਂ ਪ੍ਰਭੁਂ
14
ਤ੍ਰਾਤਾਰਂ ਸਕਲਾਰ੍ਥਸਿਦ੍ਧਿਸਹਿਤਂ ਵਨ੍ਦੇ ਰਘੂਣਾਂ ਪਤਿਮ੍ ॥ 14
ਸ਼੍ਰੀਰਾਘਵਂ ਦਸ਼ਰਥਾਤ੍ਮਜਮਪ੍ਰਮੇਯਂ
ਸੀਤਾਪਤਿਂ ਰਘੁਵਰਾਨ੍ਵਯਰਤ੍ਨਦੀਪਮ੍ ।
ਆਜਾਨੁਬਾਹੁਮਰਵਿਨ੍ਦਦਲਾਯਤਾਕ੍षਂ
15
ਰਾਮਂ ਨਿਸ਼ਾਚਰਵਿਨਾਸ਼ਕਰਂ ਨਮਾਮਿ ॥ 15
ਸ਼੍ਰੀਰਾਮਚਨ੍ਦ੍ਰ ਕਰੁਣਾਕਰ ਰਾਘਵੇਨ੍ਦ੍ਰ
ਰਾਜੇਨ੍ਦ੍ਰਚਨ੍ਦ੍ਰ ਰਘੁਵਂਸ਼ਸਮੁਦ੍ਰਚਨ੍ਦ੍ਰ ।
ਸੁਗ੍ਰੀਵਨੇਤ੍ਰਯੁਗਲੋਤ੍ਪਲ-ਪੂਰ੍ਣਚਨ੍ਦ੍ਰ
16
ਸੀਤਾਮਨਃਕੁਮੁਦਚਨ੍ਦ੍ਰ ਨਮੋ ਨਮਸ੍ਤੇ ॥ 16
ਸੀਤਾਮਨੋਮਾਨਸਰਾਜਹਂਸ
ਸਂਸਾਰਸਨ੍ਤਾਪਹਰ ਕ੍षਮਾਵਨ੍ ।
ਸ਼੍ਰੀਰਾਮ ਦੈਤ੍ਯਾਨ੍ਤਕ ਸ਼ਾਨ੍ਤਰੂਪ
17
ਸ਼੍ਰੀਤਾਰਕਬ੍ਰਹ੍ਮ ਨਮੋ ਨਮਸ੍ਤੇ ॥ 17
ਵਿष੍ਣੋ ਰਾਘਵ ਵਾਸੁਦੇਵ ਨृਹਰੇ ਦੇਵੌਘਚੂਡਾਮਣੇ ।
18
ਸਂਸਾਰਾਰ੍ਣਵਕਰ੍ਣਧਾਰਕ ਹਰੇ ਕृष੍ਣਾਯ ਤੁਭ੍ਯਂ ਨਮਃ ॥ 18
ਸੁਗ੍ਰੀਵਾਦਿਸਮਸ੍ਤਵਾਨਰਵਰੈਸ੍ਸਂਸੇਵ੍ਯਮਾਨਂ ਸਦਾ ।
19
ਵਿਸ਼੍ਵਾਮਿਤ੍ਰਪਰਾਸ਼ਰਾਦਿਮੁਨਿਭਿਸ੍ਸਂਸ੍ਤੂਯਮਾਨਂ ਭਜੇ ॥ 19
ਰਾਮਂ ਚਨ੍ਦਨਸ਼ੀਤਲਂ ਕ੍षਿਤਿਸੁਤਾਮੋਹਾਕਰਂ ਸ਼੍ਰੀਕਰਂ
ਵੈਦੇਹੀਨਯਨਾਰਵਿਨ੍ਦਮਿਹਿਰਂ ਸਮ੍ਪੂਰ੍ਣਚਨ੍ਦ੍ਰਾਨਨਮ੍ ।
ਰਾਜਾਨਂ ਕਰੁਣਾਸਮੇਤਨਯਨਂ ਸੀਤਾਮਨੋਨਨ੍ਦਨਂ
20
ਸੀਤਾਦਰ੍ਪਣਚਾਰੁਗਣ੍ਡਲਲਿਤਂ ਵਨ੍ਦੇ ਸਦਾ ਰਾਘਵਮ੍ ॥ 20
ਜਾਨਾਤਿ ਰਾਮ ਤਵ ਨਾਮਰੁਚਿਂ ਮਹੇਸ਼ੋ
ਜਾਨਾਤਿ ਗੌਤਮਸਤੀ ਚਰਣਪ੍ਰਭਾਵਮ੍ ।
ਜਾਨਾਤਿ ਦੋਰ੍ਬਲਪਰਾਕ੍ਰਮਮੀਸ਼ਚਾਪੋ
21
ਜਾਨਾਤ੍ਯਮੋਘਪਟੁਬਾਣਗਤਿਂ ਪਯੋਧਿਃ ॥ 21
ਮਾਤਾ ਰਾਮੋ ਮਤ੍ਪਿਤਾ ਰਾਮਚਨ੍ਦ੍ਰੋ
ਭ੍ਰਾਤਾ ਰਾਮੋ ਮਤ੍ਸਖਾ ਰਾਘਵੇਸ਼ਃ ।
ਸਰ੍ਵਸ੍ਵਂ ਮੇ ਰਾਮਚਨ੍ਦ੍ਰੋ ਦਾਯਾਲੁ-
22
ਰ੍ਨਾਨ੍ਯਂ ਦੈਵਂ ਨੈਵ ਜਾਨੇ ਨ ਜਾਨੇ ॥ 22
ਵਿਮਲਕਮਲਨੇਤ੍ਰਂ ਵਿਸ੍ਫੁਰਨ੍ਨੀਲਗਾਤ੍ਰਂ
ਤਪਨਕੁਲਪਵਿਤ੍ਰਂ ਦਾਨਵਧ੍ਵਨ੍ਤਮਿਤ੍ਰਮ੍ ।
ਭੁਵਨਸ਼ੁਭਚਰਿਤ੍ਰਂ ਭੂਮਿਪੁਤ੍ਰੀਕਲਤ੍ਰਂ
23
ਦਸ਼ਰਥਵਰਪੁਤ੍ਰਂ ਨੌਮਿ ਰਾਮਾਖ੍ਯਮਿਤ੍ਰਮ੍ ॥ 23
ਮਾਰ੍ਗੇ ਮਾਰ੍ਗੇ ਸ਼ਾਖਿਨਾਂ ਰਤ੍ਨਵੇਦੀ
ਵੇਦ੍ਯਾਂ ਵੇਦ੍ਯਾਂ ਕਿਨ੍ਨਰੀਬृਨ੍ਦਗੀਤਮ੍ ।
ਗੀਤੇ ਗੀਤੇ ਮਞ੍ਜੁਲਾਲਾਪਗੋष੍ਠੀ
24
ਗੋष੍ਠ੍ਯਾਂ ਗੋष੍ਠ੍ਯਾਂ ਤ੍ਵਤ੍ਕਥਾ ਰਾਮਚਨ੍ਦ੍ਰ ॥ 24
ਵृਕ੍षੇ ਵृਕ੍षੇ ਵੀਕ੍षਿਤਾਃ ਪਕ੍षਿਸਙ੍ਘਾਃ
ਸਙ੍ਘੇ ਸਙ੍ਘੇ ਮਞ੍ਜੁਲਾਮੋਦਵਾਕ੍ਯਮ੍ ।
ਵਾਕ੍ਯੇ ਵਾਕ੍ਯੇ ਮਞ੍ਜੁਲਾਲਾਪਗੋष੍ਠੀ
25
ਗੋष੍ਠ੍ਯਾਂ ਗੋष੍ਠ੍ਯਾਂ ਤ੍ਵਤ੍ਕਥਾ ਰਾਮਚਨ੍ਦ੍ਰ ॥ 25
ਦੁਰਿਤਤਿਮਿਰਚਨ੍ਦ੍ਰੋ ਦੁष੍ਟਕਞ੍ਜਾਤਚਨ੍ਦ੍ਰਃ
ਸੁਰਕੁਵਲਯਚਨ੍ਦ੍ਰਸ੍ਸੂਰ੍ਯਵਂਸ਼ਾਬ੍ਧਿਚਨ੍ਦ੍ਰਃ ।
ਸ੍ਵਜਨਨਿਵਹਚਨ੍ਦ੍ਰਸ਼੍ਸ਼ਤ੍ਰੁਰਾਜੀਵਚਨ੍ਦ੍ਰਃ
26
ਪ੍ਰਣਤਕੁਮੁਦਚਨ੍ਦ੍ਰਃ ਪਾਤੁ ਮਾਂ ਰਾਮਚਨ੍ਦ੍ਰਃ ॥ 26
ਕਲ੍ਯਾਣਦਂ ਕੌਸ਼ਿਕਯਜ੍ਞਪਾਲਂ
ਕਲਾਨਿਧਿਂ ਕਾਞ੍ਚਨਸ਼ੈਲਧੀਰਮ੍ ।
ਕਞ੍ਜਾਤਨੇਤ੍ਰਂ ਕਰੁਣਾਸਮੁਦ੍ਰਂ
27
ਕਾਕੁਤ੍ਸ੍ਥਰਾਮਂ ਕਲਯਾਮਿ ਚਿਤ੍ਤੇ ॥ 27
ਰਾਜੀਵਾਯਤਲੋਚਨਂ ਰਘੁਵਰਂ ਨੀਲੋਤ੍ਪਲਸ਼੍ਯਾਮਲਂ
ਮਨ੍ਦਾਰਾਞ੍ਚਿਤਮਣ੍ਡਪੇ ਸੁਲਲਿਤੇ ਸੌਵਰ੍ਣਕੇ ਪੁष੍ਪਕੇ ।
ਆਸ੍ਥਾਨੇ ਨਵਰਤ੍ਨਰਾਜਿਖਚਿਤੇ ਸਿਂਹਾਸਨੇ ਸਂਸ੍ਥਿਤਂ
28
ਸੀਤਾਲਕ੍ष੍ਮਣਲੋਕਪਾਲਸਹਿਤਂ ਵਨ੍ਦੇ ਮੁਨੀਨ੍ਦ੍ਰਾਸ੍ਪਦਮ੍ ॥ 28
ਧ੍ਯਾਯੇ ਰਾਮਂ ਸੁਧਾਂਸ਼ੁਂ ਨਤਸਕਲਭਵਾਰਣ੍ਯਤਾਪਪ੍ਰਹਾਰਮ੍ ।
ਸ਼੍ਯਾਮਂ ਸ਼ਾਨ੍ਤਂ ਸੁਰੇਨ੍ਦ੍ਰਂ ਸੁਰਮੁਨਿਵਿਨੁਤਂ ਕੋਟਿਸੂਰ੍ਯਪ੍ਰਕਾਸ਼ਮ੍ ।
ਸੀਤਾਸੌਮਿਤ੍ਰਿਸੇਵ੍ਯਂ ਸੁਰਨਰਸੁਗਮਂ ਦਿਵ੍ਯਸਿਂਹਾਸਨਸ੍ਥਮ੍ ।
29
ਸਾਯਾਹ੍ਨੇ ਰਾਮਚਨ੍ਦ੍ਰਂ ਸ੍ਮਿਤਰੁਚਿਰਮੁਖਂ ਸਰ੍ਵਦਾ ਮੇ ਪ੍ਰਸਨ੍ਨਮ੍ ॥ 29
ਇਨ੍ਦ੍ਰਨੀਲਮਣਿਸਨ੍ਨਿਭਦੇਹਂ
ਵਨ੍ਦਨੀਯਮਸਕृਨ੍ਮੁਨਿਬृਨ੍ਦੈਃ ।
ਲਮ੍ਬਮਾਨਤੁਲਸੀਵਨਮਾਲਂ
30
ਚਿਨ੍ਤਯਾਮਿ ਸਤਤਂ ਰਘੁਵੀਰਮ੍ ॥ 30
ਸਮ੍ਪੂਰ੍ਣਚਨ੍ਦ੍ਰਵਦਨਂ ਸਰਸੀਰੁਹਾਕ੍षਂ
ਮਾਣਿਕ੍ਯਕੁਣ੍ਡਲਧਰਂ ਮੁਕੁਟਾਭਿਰਾਮਮ੍ ।
ਚਾਮ੍ਪੇਯਗੌਰਵਸਨਂ ਸ਼ਰਚਾਪਹਸ੍ਤਂ
31
ਸ਼੍ਰੀਰਾਮਚਨ੍ਦ੍ਰਮਨਿਸ਼ਂ ਮਨਸਾ ਸ੍ਮਰਾਮਿ ॥ 31
ਮਾਤੁਃ ਪਾਰ੍ਸ਼੍ਵੇ ਚਰਨ੍ਤਂ ਮਣਿਮਯਸ਼ਯਨੇ ਮਞ੍ਜੁਭੂषਾਞ੍ਚਿਤਾਙ੍ਗਮ੍ ।
ਮਨ੍ਦਂ ਮਨ੍ਦਂ ਪਿਬਨ੍ਤਂ ਮੁਕੁਲਿਤਨਯਨਂ ਸ੍ਤਨ੍ਯਮਨ੍ਯਸ੍ਤਨਾਗ੍ਰਮ੍ ।
ਅਙ੍ਗੁਲ੍ਯਾਗ੍ਰੈਃ ਸ੍ਪृਸ਼ਨ੍ਤਂ ਸੁਖਪਰਵਸ਼ਯਾ ਸਸ੍ਮਿਤਾਲਿਙ੍ਗਿਤਾਙ੍ਗਮ੍ ।
32
ਗਾਢਂ ਗਾਢਂ ਜਨਨ੍ਯਾ ਕਲਯਤੁ ਹृਦਯਂ ਮਾਮਕਂ ਰਾਮਬਾਲਮ੍ ॥ 32
ਰਾਮਾਭਿਰਾਮਂ ਨਯਨਾਭਿਰਾਮਂ
ਵਾਚਾਭਿਰਾਮਂ ਵਦਨਾਭਿਰਾਮਮ੍ ।
ਸਰ੍ਵਾਭਿਰਾਮਂ ਚ ਸਦਾਭਿਰਾਮਂ
33
ਵਨ੍ਦੇ ਸਦਾ ਦਾਸ਼ਰਥਿਂ ਚ ਰਾਮਮ੍ ॥ 33
ਰਾਸ਼ਬ੍ਦੋਚ੍ਚਾਰਮਾਤ੍ਰੇਣ ਮੁਖਾਨ੍ਨਿਰ੍ਯਾਤਿ ਪਾਤਕਾਃ ।
34
ਪੁਨਃ ਪ੍ਰਵੇਸ਼ਭੀਤ੍ਯਾ ਚ ਮਕਾਰਸ੍ਤੁ ਕਵਾਟਵਤ੍ ॥ 34
ਅਨਰ੍ਘਮਾਣਿਕ੍ਯਵਿਰਾਜਮਾਨ-
ਸ਼੍ਰੀਪਾਦੁਕਾਲਙ੍ਕृਤਸ਼ੋਭਨਾਭ੍ਯਾਮ੍ ।
ਅਸ਼ੇषਬृਨ੍ਦਾਰਕਵਨ੍ਦਿਤਾਭ੍ਯਾਂ
35
ਨਮੋ ਨਮੋ ਰਾਮਪਦਾਮ੍ਬੁਜਾਭ੍ਯਾਮ੍ ॥ 35
ਚਲਤ੍ਕਨਕਕੁਣ੍ਡਲੋਲ੍ਲਸਿਤਦਿਵ੍ਯਗਣ੍ਡਸ੍ਥਲਂ
ਚਰਾਚਰਜਗਨ੍ਮਯਂ ਚਰਣਪਦ੍ਮਗਙ੍ਗਾਸ਼੍ਰਯਮ੍ ।
ਚਤੁਰ੍ਵਿਧਫਲਪ੍ਰਦਂ ਚਰਮਪੀਠਮਧ੍ਯਸ੍ਥਿਤਂ
36
ਚਿਦਂਸ਼ਮਖਿਲਾਸ੍ਪਦਂ ਦਸ਼ਰਥਾਤ੍ਮਜਂ ਚਿਨ੍ਤਯੇ ॥ 36
ਸਨਨ੍ਦਨਮੁਨਿਪ੍ਰਿਯਂ ਸਕਲਵਰ੍ਣਵੇਦਾਤ੍ਮਕਂ
ਸਮਸ੍ਤਨਿਗਮਾਗਮਸ੍ਫੁਰਿਤਤਤ੍ਤ੍ਵਸਿਂਹਾਸਨਮ੍ ।
ਸਹਸ੍ਰਨਯਨਾਬ੍ਜਜਾਦ੍ਯਮਰਬृਨ੍ਦਸਂਸੇਵਿਤਂ
37
ਸਮष੍ਟਿਪੁਰਵਲ੍ਲਭਂ ਦਸ਼ਰਥਾਤ੍ਮਜਂ ਚਿਨ੍ਤਯੇ ॥ 37
ਜਾਗ੍ਰਤ੍ਸ੍ਵਪ੍ਨਸੁषੁਪ੍ਤਿ-ਕਾਲਵਿਲਸਤ੍ਤਤ੍ਤ੍ਵਾਤ੍ਮਚਿਨ੍ਮਾਤ੍ਰਕਂ
ਚੈਤਨ੍ਯਾਤ੍ਮਕਮਾਧਿਪਾਪਰਹਿਤਂ ਭੂਮ੍ਯਾਦਿਤਨ੍ਮਾਤ੍ਰਕਮ੍ ।
ਸ਼ਾਮ੍ਭਵ੍ਯਾਦਿਸਮਸ੍ਤਯੋਗਕੁਲਕਂ ਸਾਙ੍ਖ੍ਯਾਦਿਤਤ੍ਤ੍ਵਾਤ੍ਪਰਂ
38
ਸ਼ਬ੍ਦਾਵਾਚ੍ਯਮਹਂ ਨਮਾਮਿ ਸਤਤਂ ਵ੍ਯੁਤ੍ਪਤ੍ਤਿਨਾਸ਼ਾਤ੍ਪਰਮ੍ ॥ 38
ਇਕ੍ष੍ਵਾਕੁਵਂਸ਼ਾਰ੍ਣਵਜਾਤਰਤ੍ਨਂ
ਸੀਤਾਙ੍ਗਨਾਯੌਵਨਭਾਗ੍ਯਰਤ੍ਨਮ੍ ।
ਵੈਕੁਣ੍ਠਰਤ੍ਨਂ ਮਮ ਭਾਗ੍ਯਰਤ੍ਨਂ
39
ਸ਼੍ਰੀਰਾਮਰਤ੍ਨਂ ਸ਼ਿਰਸਾ ਨਮਾਮਿ ॥ 39
ਇਕ੍ष੍ਵਾਕੁਨਨ੍ਦਨਂ ਸੁਗ੍ਰੀਵਪੂਜਿਤਂ
ਤ੍ਰੈਲੋਕ੍ਯਰਕ੍षਕਂ ਸਤ੍ਯਸਨ੍ਧਂ ਸਦਾ ।
ਰਾਘਵਂ ਰਘੁਪਤਿਂ ਰਾਜੀਵਲੋਚਨਂ
40
ਰਾਮਚਨ੍ਦ੍ਰਂ ਭਜੇ ਰਾਘਵੇਸ਼ਂ ਭਜੇ ॥ 40
ਭਕ੍ਤਪ੍ਰਿਯਂ ਭਕ੍ਤਸਮਾਧਿਗਮ੍ਯਂ
ਚਿਨ੍ਤਾਹਰਂ ਚਿਨ੍ਤਿਤਕਾਮਧੇਨੁਮ੍ ।
ਸੂਰ੍ਯੇਨ੍ਦੁਕੋਟਿਦ੍ਯੁਤਿਭਾਸ੍ਵਰਂ ਤਂ
41
ਰਾਮਂ ਭਜੇ ਰਾਘਵਰਾਮਚਨ੍ਦ੍ਰਮ੍ ॥ 41
ਸ਼੍ਰੀਰਾਮਂ ਜਨਕਕ੍षਿਤੀਸ਼੍ਵਰਸੁਤਾਵਕ੍ਤ੍ਰਾਮ੍ਬੁਜਾਹਾਰਿਣਂ
ਸ਼੍ਰੀਮਦ੍ਭਾਨੁਕੁਲਾਬ੍ਧਿਕੌਸ੍ਤੁਭਮਣਿਂ ਸ਼੍ਰੀਰਤ੍ਨਵਕ੍षਸ੍ਸ੍ਥਲਮ੍ ।
ਸ਼੍ਰੀਕਣ੍ਠਾਦ੍ਯਮਰੌਘਰਤ੍ਨਮਕੁਟਾਲਙ੍ਕਾਰਪਾਦਾਮ੍ਬੁਜਂ
42
ਸ਼੍ਰੀਵਤ੍ਸੋਜ੍ਜ੍ਵਲਮਿਨ੍ਦ੍ਰਨੀਲਸਦृਸ਼ਂ ਸ਼੍ਰੀਰਾਮਚਨ੍ਦ੍ਰਂ ਭਜੇ ॥ 42
ਰਾਮਚਨ੍ਦ੍ਰ ਚਰਿਤਾਕਥਾਮृਤਂ
ਲਕ੍ष੍ਮਣਾਗ੍ਰਜਗੁਣਾਨੁਕੀਰ੍ਤਨਮ੍ ।
ਰਾਘਵੇਸ਼ ਤਵ ਪਾਦਸੇਵਨਂ
43
ਸਮ੍ਭਵਨ੍ਤੁ ਮਮ ਜਨ੍ਮਜਨ੍ਮਨਿ ॥ 43
ਅਜ੍ਞਾਨਸਮ੍ਭਵ-ਭਵਾਮ੍ਬੁਧਿਬਾਡਬਾਗ੍ਨਿ-
ਰਵ੍ਯਕ੍ਤਤਤ੍ਤ੍ਵਨਿਕਰਪ੍ਰਣਵਾਧਿਰੂਢਃ ।
ਸੀਤਾਸਮੇਤਮਨੁਜੇਨ ਹृਦਨ੍ਤਰਾਲੇ
44
ਪ੍ਰਾਣਪ੍ਰਯਾਣਸਮਯੇ ਮਮ ਸਨ੍ਨਿਧਤ੍ਤੇ ॥ 44
ਰਾਮੋ ਮਤ੍ਕੁਲਦੈਵਤਂ ਸਕਰੁਣਂ ਰਾਮਂ ਭਜੇ ਸਾਦਰਂ
ਰਾਮੇਣਾਖਿਲਘੋਰਪਾਪਨਿਹਤੀ ਰਾਮਾਯ ਤਸ੍ਮੈ ਨਮਃ ।
ਰਾਮਾਨ੍ਨਾਸ੍ਤਿ ਜਗਤ੍ਰਯੈਕਸੁਲਭੋ ਰਾਮਸ੍ਯ ਦਾਸੋऽਸ੍ਮ੍ਯਹਂ
45
ਰਾਮੇ ਪ੍ਰੀਤਿਰਤੀਵ ਮੇ ਕੁਲਗੁਰੋ ਸ਼੍ਰੀਰਾਮ ਰਕ੍षਸ੍ਵ ਮਾਮ੍ ॥ 45
ਵੈਦੇਹੀਸਹਿਤਂ ਸੁਰਦ੍ਰੁਮਤਲੇ ਹੈਮੇ ਮਹਾਮਣ੍ਟਪੇ ।
ਮਧ੍ਯੇਪੁष੍ਪਕਮਾਸਨੇ ਮਣਿਮਯੇ ਵੀਰਾਸਨੇ ਸਂਸ੍ਥਿਤਮ੍ ।
ਅਗ੍ਰੇ ਵਾਚਯਤਿ ਪ੍ਰਭਞ੍ਜਨਸੁਤੇ ਤਤ੍ਤ੍ਵਂ ਮੁਨਿਭ੍ਯਃ ਪਰਮ੍ ।
46
ਵ੍ਯਾਖ੍ਯਾਨ੍ਤਂ ਭਰਤਾਦਿਭਿਃ ਪਰਿਵृਤਂ ਰਾਮਂ ਭਜੇ ਸ਼੍ਯਾਮਲਮ੍ ॥ 46
ਵਾਮੇ ਭੂਮਿਸੁਤਾ ਪੁਰਸ੍ਤੁ ਹਨੁਮਾਨ੍ਪਸ਼੍ਚਾਤ੍ਸੁਮਿਤ੍ਰਾਸੁਤ-
ਸ਼੍ਸ਼ਤ੍ਰੁਘ੍ਨੋ ਭਰਤਸ਼੍ਚ ਪਾਰ੍ਸ਼੍ਵਦਲਯੋਰ੍ਵਾਯ੍ਵਾਦਿਕੋਣੇष੍ਵਪਿ ।
ਸੁਗ੍ਰੀਵਸ਼੍ਚ ਵਿਭੀषਣਸ਼੍ਚ ਯੁਵਰਾਟ੍ ਤਾਰਾਸੁਤੋ ਜਾਮ੍ਬਵਾਨ੍
47
ਮਧ੍ਯੇ ਨੀਲਸਰੋਜਕੋਮਲਰੁਚਿਂ ਰਾਮਂ ਭਜੇ ਸ਼੍ਯਾਮਲਮ੍ ॥ 47
ਕੇਯੂਰਾਙ੍ਗਦਕਙ੍ਕਣੈਰ੍ਮਣਿਗਣੈਰ੍ਵੈਰੋਚਮਾਨਂ ਸਦਾ
ਰਾਕਾਪਰ੍ਵਣਿਚਨ੍ਦ੍ਰਕੋਟਿਸਦृਸ਼ਂ ਛਤ੍ਰੇਣ ਵੈਰਾਜਿਤਮ੍ ।
ਹੇਮਸ੍ਤਮ੍ਭਸਹਸ੍ਰषੋਡਸ਼ਯੁਤੇ ਮਧ੍ਯੇ ਮਹਾਮਣ੍ਡਪੇ
48
ਦੇਵੇਸ਼ਂ ਭਰਤਾਦਿਭਿਃ ਪਰਿਵृਤਂ ਰਾਮਂ ਭਜੇ ਸ਼੍ਯਾਮਲਮ੍ ॥ 48
ਸਾਕੇਤੇ ਸ਼ਰਦਿਨ੍ਦੁਕੁਨ੍ਦਧਵਲੇ ਸੌਘੇ ਮਹਾਮਣ੍ਟਪੇ ।
ਪਰ੍ਯਸ੍ਤਾਗਰੁਧੂਪਧੂਮਪਟਲੇ ਕਰ੍ਪੂਰਦੀਪੋਜ੍ਜ੍ਵਲੇ ।
ਸੁਗ੍ਰੀਵਾਙ੍ਗਦਵਾਯੁਪੁਤ੍ਰਸਹਿਤਂ ਸੌਮਿਤ੍ਰਿਣਾ ਸੇਵਿਤਂ
49
ਲੀਲਾਮਾਨੁषਵਿਗ੍ਰਹਂ ਰਘੁਪਤਿਂ ਰਾਮਂ ਭਜੇ ਸ਼੍ਯਾਮਲਮ੍ ॥ 49
ਸ਼ਾਨ੍ਤਂ ਸ਼ਾਰਦਚਨ੍ਦ੍ਰਕੋਟਿਸਦृਸ਼ਂ ਚਨ੍ਦ੍ਰਾਭਿਰਾਮਾਨਨਂ
ਚਨ੍ਦ੍ਰਾਰ੍ਕਾਗ੍ਨਿਵਿਕਾਸਿਕੁਣ੍ਡਲਧਰਂ ਚਨ੍ਦ੍ਰਾਵਤਂਸਸ੍ਤੁਤਮ੍ ।
ਵੀਣਾਪੁਸ੍ਤਕਸਾਕ੍षਸੂਤ੍ਰਵਿਲਸਦ੍ਵ੍ਯਾਖ੍ਯਾਨਮੁਦ੍ਰਾਕਰਂ
50
ਦੇਵੇਸ਼ਂ ਭਰਤਾਦਿਭਿਃ ਪਰਿਵृਤਂ ਰਾਮਂ ਭਜੇ ਸ਼੍ਯਾਮਲਮ੍ ॥ 50
ਰਾਮਂ ਰਾਕ੍षਸਮਰ੍ਦਨਂ ਰਘੁਪਤਿਂ ਸ਼ਕ੍ਰਾਰਿਵਿਧ੍ਵਂਸਿਨਂ
ਸੁਗ੍ਰੀਵੇਪ੍ਸਿਤਰਾਜ੍ਯਦਂ ਸੁਰਪਤੇਃ ਪੁਤ੍ਰਾਨ੍ਤਕਂ ਸ਼ਾਰ੍ਙ੍ਗਿਣਮ੍ ।
ਭਕ੍ਤਾਨਾਮਭਯਪ੍ਰਦਂ ਭਯਹਰਂ ਪਾਪੌਘਵਿਧ੍ਵਂਸਿਨਂ
51
ਸੀਤਾਸੇਵਿਤਪਾਦਪਦ੍ਮਯੁਗਲਂ ਰਾਮਂ ਭਜੇ ਸ਼੍ਯਾਮਲਮ੍ ॥ 51
ਕਨ੍ਦਰ੍ਪਾਯੁਤਕੋਟਿਕੋਟਿਤੁਲਿਤਂ ਕਾਲਾਮ੍ਬੁਦਸ਼੍ਯਾਮਲਂ
ਕਮ੍ਬੁਗ੍ਰੀਵਮੁਦਾਰਕੌਸ੍ਤੁਭਧਰਂ ਕਰ੍ਣਾਵਤਂਸੋਤ੍ਪਲਮ੍ ।
ਕਸ੍ਤੂਰੀਤਿਲਕੋਜ੍ਜ੍ਵਲਂ ਸ੍ਮਿਤਮੁਖਂ ਚਿਨ੍ਮੁਦ੍ਰਯਾਲਙ੍ਕृਤਂ
52
ਸੀਤਾਲਕ੍ष੍ਮਣਵਾਯੁਪੁਤ੍ਰਸਹਿਤਂ ਸਿਂਹਾਸਨਸ੍ਥਂ ਭਜੇ ॥ 52
ਸਾਕੇਤੇ ਨਵਰਤ੍ਨਪਙ੍ਕ੍ਤਿਖਚਿਤੇ ਚਿਤ੍ਰਧ੍ਵਜਾਲਙ੍ਕृਤੇ
ਵਾਸੇ ਸ੍ਵਰ੍ਣਮਯੇ ਦਲਾष੍ਟਲਲਿਤੇ ਪਦ੍ਮੇ ਵਿਮਾਨੋਤ੍ਤਮੇ ।
ਆਸੀਨਂ ਭਰਤਾਦਿਸੋਦਰਜਨੈਃ ਸ਼ਾਖਾਮृਗੈਃ ਕਿਨ੍ਨਰੈਃ
53
ਦਿਕ੍ਪਾਲੈਰ੍ਮੁਨਿਪੁਙ੍ਗਵੈਰ੍ਨृਪਗਣੈਸ੍ਸਂਸੇਵ੍ਯਮਾਨਂ ਭਜੇ ॥ 53
ਕਸ੍ਤੂਰੀਘਨਸਾਰਕੁਙ੍ਕੁਮਲਸਚ੍ਛ੍ਰੀਚਨ੍ਦਨਾਲਙ੍ਕृਤਂ
ਕਨ੍ਦਰ੍ਪਾਧਿਕਸੁਨ੍ਦਰਂ ਘਨਨਿਭਂ ਕਾਕੁਤ੍ਸ੍ਥਵਂਸ਼ਧ੍ਵਜਮ੍ ।
ਕਲ੍ਯਾਣਾਮ੍ਭਰਵੇष੍ਟਿਤਂ ਕਮਲਯਾ ਯੁਕ੍ਤਂ ਕਲਾਵਲ੍ਲਭਂ
54
ਕਲ੍ਯਾਣਾਚਲਕਾਰ੍ਮੁਕਪ੍ਰਿਯਸਖਂ ਕਲ੍ਯਾਣਰਾਮਂ ਭਜੇ ॥ 54
ਮੁਕ੍ਤੇਰ੍ਮੂਲਂ ਮੁਨਿਵਰਹृਦਾਨਨ੍ਦਕਨ੍ਦਂ ਮੁਕੁਨ੍ਦਂ
ਕੂਟਸ੍ਥਾਖ੍ਯਂ ਸਕਲਵਰਦਂ ਸਰ੍ਵਚੈਤਨ੍ਯਰੂਪਮ੍ ।
ਨਾਦਾਤੀਤਂ ਕਮਲਨਿਲਯਂ ਨਾਦਨਾਦਾਨ੍ਤਤਤ੍ਤ੍ਵਂ
55
ਨਾਦਾਤੀਤਂ ਪ੍ਰਕृਤਿਰਹਿਤਂ ਰਾਮਚਨ੍ਦ੍ਰਂ ਭਜੇऽਹਮ੍ ॥ 55
ਤਾਰਾਕਾਰਂ ਨਿਖਿਲਨਿਲਯਂ ਤਤ੍ਤ੍ਵਮਸ੍ਯਾਦਿਲਕ੍ष੍ਯਂ
ਸ਼ਬ੍ਦਾਵਾਚ੍ਯਂ ਤ੍ਰਿਗੁਣਰਹਿਤਂ ਵ੍ਯੋਮਮਙ੍ਗੁष੍ਠਮਾਤ੍ਰਮ੍ ।
ਨਿਰ੍ਵਾਣਾਖ੍ਯਂ ਸਗੁਣਮਗੁਣਵ੍ਯੋਮਰਨ੍ਧ੍ਰਾਨ੍ਤਰਸ੍ਥਂ
56
ਸੌषੁਮ੍ਨਾਨ੍ਤਃ ਪ੍ਰਣਵਸਹਿਤਂ ਰਾਮਚਨ੍ਦ੍ਰਂ ਭਜੇऽਹਮ੍ ॥ 56
ਨਿਜਾਨਨ੍ਦਾਕਾਰਂ ਨਿਗਮਤੁਰਗਾਰਾਧਿਤਪਦਂ
ਪਰਬ੍ਰਹ੍ਮਾਨਨ੍ਦਂ ਪਰਮਪਦਗਂ ਪਾਪਹਰਣਮ੍ ।
ਕृਪਾਪਾਰਾਵਾਰਂ ਪਰਮਪੁਰੁषਂ ਪਦ੍ਮਨਿਲਯਂ
57
ਭਜੇ ਰਾਮਂ ਸ਼੍ਯਾਮਂ ਪ੍ਰਕृਤਿਰਹਿਤਂ ਨਿਰ੍ਗੁਣਮਹਮ੍ ॥ 57
ਸਾਕੇਤੇ ਨਗਰੇ ਸਮਸ੍ਤਮਹਿਮਾਧਾਰੇ ਜਗਨ੍ਮੋਹਨੇ
ਰਤ੍ਨਸ੍ਤਮ੍ਭਸਹਸ੍ਰਮਣ੍ਟਪਮਹਾਸਿਂਹਾਸਨੇ ਸਾਮ੍ਬੁਜੇ ।
ਵਿਸ਼੍ਵਾਮਿਤ੍ਰਵਸਿष੍ਠਗੌਤਮਸ਼ੁਕਵ੍ਯਾਸਾਦਿਭਿਰ੍ਮੌਨਿਭਿਃ
58
ਧ੍ਯੇਯਂ ਲਕ੍ष੍ਮਣਲੋਕਪਾਲਸਹਿਤਂ ਸੀਤਾਸਮੇਤਂ ਭਜੇ ॥ 58
ਰਾਮਂ ਸ਼੍ਯਾਮਾਭਿਰਾਮਂ ਰਵਿਸ਼ਸ਼ਿਨਯਨਂ ਕੋਟਿਸੂਰ੍ਯਪ੍ਰਕਾਸ਼ਂ
ਦਿਵ੍ਯਂ ਦਿਵ੍ਯਾਸ੍ਤ੍ਰਪਾਣਿਂ ਸ਼ਰਮੁਖਸ਼ਰਧਿਂ ਚਾਰੁਕੋਡਣ੍ਡਹਸ੍ਤਮ੍ ।
ਕਾਲਂ ਕਾਲਾਗ੍ਨਿਰੁਦ੍ਰਂ ਰਿਪੁਕੁਲਦਹਨਂ ਵਿਘ੍ਨਵਿਚ੍ਛੇਦਦਕ੍षਂ
59
ਭੀਮਂ ਭੀਮਾਟ੍ਟਹਾਸਂ ਸਕਲਭਯਹਰਂ ਰਾਮਚਨ੍ਦ੍ਰਂ ਭਜੇऽਹਮ੍ ॥ 59
ਸ਼੍ਰੀਰਾਮਂ ਭੁਵਨੈਕਸੁਨ੍ਦਰਤਨੁਂ ਧਾਰਾਧਰਸ਼੍ਯਾਮਲਂ
ਰਾਜੀਵਾਯਤਲੋਚਨਂ ਰਘੁਵਰਂ ਰਾਕੇਨ੍ਦੁਬਿਮ੍ਬਾਨਨਮ੍ ।
ਕੋਦਣ੍ਡਾਦਿਨਿਜਾਯੁਧਾਸ਼੍ਰਿਤਭੁਜੈਰ੍ਭ੍ਰਾਨ੍ਤਂ ਵਿਦੇਹਾਤ੍ਮਜਾ-
60
ਧੀਸ਼ਂ ਭਕ੍ਤਜਨਾਵਨਂ ਰਘੁਵਰਂ ਸ਼੍ਰੀਰਾਮਚਨ੍ਦ੍ਰਂ ਭਜੇ ॥ 60
ਸ਼੍ਰੀਵਤ੍ਸਾਙ੍ਕਮੁਦਾਰਕੌਸ੍ਤੁਭਲਸਤ੍ਪੀਤਾਮ੍ਬਰਾਲਙ੍ਕृਤਂ
ਨਾਨਾਰਤ੍ਨਵਿਰਾਜਮਾਨਮਕੁਟਂ ਨੀਲਾਮ੍ਬੁਦਸ਼੍ਯਾਮਲਮ੍ ।
ਕਸ੍ਤੂਰੀਘਨਸਾਰਚਰ੍ਚਿਤਤਨੁਂ ਮਨ੍ਦਾਰਮਾਲਾਧਰਂ
61
ਕਨ੍ਦਰ੍ਪਾਯੁਤਸੁਨ੍ਦਰਂ ਰਘੁਪਤਿਂ ਸੀਤਾਸਮੇਤਂ ਭਜੇ ॥ 61
ਸਦਾਨਨ੍ਦਦੇਵੇ ਸਹਸ੍ਰਾਰਪਦ੍ਮੇ
ਗਲਚ੍ਚਨ੍ਦ੍ਰਪੀਯੂषਧਾਰਾਮृਤਾਨ੍ਤੇ ।
ਸ੍ਥਿਤਂ ਰਾਮਮੂਰ੍ਤਿਂ ਨਿषੇਵੇ ਨਿषੇਵੇ-
62
ऽਨ੍ਯਦੈਵਂ ਨ ਸੇਵੇ ਨ ਸੇਵੇ ਨ ਸੇਵੇ ॥ 62
ਸੁਧਾਭਾਸਿਤਦ੍ਵੀਪਮਧ੍ਯੇ ਵਿਮਾਨੇ
ਸੁਪਰ੍ਵਾਲਿਵृਕ੍षੋਜ੍ਜ੍ਵਲੇ ਸ਼ੇषਤਲ੍ਪੇ ।
ਨਿषਣ੍ਣਂ ਰਮਾਙ੍ਕਂ ਨਿषੇਵੇ ਨਿषੇਵੇ-
63
ऽਨ੍ਯਦੈਵਂ ਨ ਸੇਵੇ ਨ ਸੇਵੇ ਨ ਸੇਵੇ ॥ 63
ਚਿਦਂਸ਼ਂ ਸਮਾਨਨ੍ਦਮਾਨਨ੍ਦਕਨ੍ਦਂ
ਸੁषੁਮ੍ਨਾਖ੍ਯਰਨ੍ਧ੍ਰਾਨ੍ਤਰਾਲੇ ਚ ਹਂਸਮ੍ ।
ਸਚਕ੍ਰਂ ਸਸ਼ਙ੍ਖਂ ਸਪੀਤਾਮ੍ਬਰਾਙ੍ਕਂ
64
ਪਰਞ੍ਚਾਨ੍ਯਦੈਵਂ ਨ ਜਾਨੇ ਨ ਜਾਨੇ ॥ 64
ਚਤੁਰ੍ਵੇਦਕੂਟੋਲ੍ਲਸਤ੍ਕਾਰਣਾਖ੍ਯਂ
ਸ੍ਫੁਰਦ੍ਦਿਵ੍ਯਵੈਮਾਨਿਕੇ ਭੋਗਿਤਲ੍ਪੇ ।
ਪਰਨ੍ਧਾਮਮੂਰ੍ਤਿਂ ਨਿषਣ੍ਣਂ ਨਿषੇਵੇ
65
ਨਿषੇਵੇऽਨ੍ਯਦੈਵਂ ਨ ਸੇਵੇ ਨ ਸੇਵੇ ॥ 65
ਸਿਂਹਾਸਨਸ੍ਥਂ ਸੁਰਸੇਵਿਤਵ੍ਯਂ
ਰਤ੍ਨਾਙ੍ਕਿਤਾਲਙ੍ਕृਤਪਾਦਪਦ੍ਮਮ੍ ।
ਸੀਤਾਸਮੇਤਂ ਸ਼ਸ਼ਿਸੂਰ੍ਯਨੇਤ੍ਰਂ
66
ਰਾਮਂ ਭਜੇ ਰਾਘਵ ਰਾਮਚਨ੍ਦ੍ਰਮ੍ ॥ 66
ਰਾਮਂ ਪੁਰਾਣਪੁਰੁषਂ ਰਮਣੀਯਵੇषਂ
ਰਾਜਾਧਿਰਾਜਮਕੁਟਾਰ੍ਚਿਤਪਾਦਪੀਠਮ੍ ।
ਸੀਤਾਪਤਿਂ ਸੁਨਯਨਂ ਜਗਦੇਕਵੀਰਂ
67
ਸ਼੍ਰੀਰਾਮਚਨ੍ਦ੍ਰਮਨਿਸ਼ਂ ਕਲਯਾਮਿ ਚਿਤ੍ਤੇ ॥ 67
ਪਰਾਨਨ੍ਦਵਸ੍ਤੁਸ੍ਵਰੂਪਾਦਿਸਾਕ੍षਿਂ
ਪਰਬ੍ਰਹ੍ਮਗਮ੍ਯਂ ਪਰਞ੍ਜ੍ਯੋਤਿਮੂਰ੍ਤਿਮ੍ ।
ਪਰਾਸ਼ਕ੍ਤਿਮਿਤ੍ਰਾऽਪ੍ਰਿਯਾਰਾਧਿਤਾਙ੍ਘ੍ਰਿਂ
68
ਪਰਨ੍ਧਾਮਰੂਪਂ ਭਜੇ ਰਾਮਚਨ੍ਦ੍ਰਮ੍ ॥ 68
ਮਨ੍ਦਸ੍ਮਿਤਂ ਕੁਣ੍ਡਲਗਣ੍ਡਭਾਗਂ
ਪੀਤਾਮ੍ਬਰਂ ਭੂषਣਭੂषਿਤਾਙ੍ਗਮ੍ ।
ਨੀਲੋਤ੍ਪਲਾਙ੍ਗਂ ਭੁਵਨੈਕਮਿਤ੍ਰਂ
69
ਰਾਮਂ ਭਜੇ ਰਾਘਵ ਰਾਮਚਨ੍ਦ੍ਰਮ੍ ॥ 69
ਅਚਿਨ੍ਤ੍ਯਮਵ੍ਯਕ੍ਤਮਨਨ੍ਤਰੂਪ-
ਮਦ੍ਵੈਤਮਾਨਨ੍ਦਮਨਾਦਿਗਮ੍ਯਮ੍ ।
ਪੁਣ੍ਯਸ੍ਵਰੂਪਂ ਪੁਰੁषੋਤ੍ਤਮਾਖ੍ਯਂ
70
ਰਾਮਂ ਭਜੇ ਰਾਘਵ ਰਾਮਚਨ੍ਦ੍ਰਮ੍ ॥ 70
ਪਦ੍ਮਾਸਨਸ੍ਥਂ ਸੁਰਸੇਵਿਤਵ੍ਯਂ
ਪਦ੍ਮਾਲਯਾਨਨ੍ਦਕਟਾਕ੍षਵੀਕ੍ष੍ਯਮ੍ ।
ਗਨ੍ਧਰ੍ਵਵਿਦ੍ਯਾਧਰਗੀਯਮਾਨਂ
71
ਰਾਮਂ ਭਜੇ ਰਾਘਵ ਰਾਮਚਨ੍ਦ੍ਰਮ੍ ॥ 71
ਅਨਨ੍ਤਕੀਰ੍ਤਿਂ ਵਰਦਂ ਪ੍ਰਸਨ੍ਨਂ
ਪਦ੍ਮਾਸਨਂ ਸੇਵਕਪਾਰਿਜਾਤਮ੍ ।
ਰਾਜਾਧਿਰਾਜਂ ਰਘੁਵੀਰਕੇਤੁਂ
72
ਰਾਮਂ ਭਜੇ ਰਾਘਵ ਰਾਮਚਨ੍ਦ੍ਰਮ੍ ॥ 72
ਸੁਗ੍ਰੀਵਮਿਤ੍ਰਂ ਸੁਜਨਾਨੁਰੂਪਂ
ਲਙ੍ਕਾਹਰਂ ਰਾਕ੍षਸਵਂਸ਼ਨਾਸ਼ਮ੍ ।
ਵੇਦਾਸ਼੍ਰਯਾਙ੍ਗਂ ਵਿਪੁਲਾਯਤਾਕ੍षਂ
73
ਰਾਮਂ ਭਜੇ ਰਾਘਵ ਰਾਮਚਨ੍ਦ੍ਰਮ੍ ॥ 73
ਸਕृਤ੍ਪ੍ਰਣਤਰਕ੍षਾਯਾਂ ਸਾਕ੍षੀ ਯਸ੍ਯ ਵਿਭੀषਣਃ ।
74
ਸਾਪਰਾਧਪ੍ਰਤੀਕਾਰਃ ਸ ਸ਼੍ਰੀਰਾਮੋ ਗਤਿਰ੍ਮਮ ॥ 74
ਫਲਮੂਲਾਸ਼ਿਨੌ ਦਾਨ੍ਤੌ ਤਾਪਸੌ ਧਰ੍ਮਚਾਰਿਣੌ ।
75
ਰਕ੍षਃਕੁਲਵਿਹਨ੍ਤਾਰੌ ਭ੍ਰਾਤਰੌ ਰਾਮਲਕ੍ष੍ਮਣੌ ॥ 75
ਤਰੁਣੌ ਰੂਪਸਮ੍ਪਨ੍ਨੌ ਸੁਕੁਮਾਰੌ ਮਹਾਬਲੌ ।
76
ਪੁਣ੍ਡਰੀਕ ਵਿਸ਼ਾਲਾਕ੍षੌ ਚੀਰਕृष੍ਣਾਜਿਨਾਮ੍ਬਰੌ ॥ 76
ਕੌਸਲ੍ਯਾਨਯਨੇਨ੍ਦੁਂ ਦਸ਼ਰਥਮੁਖਾਰਵਿਨ੍ਦਮਾਰ੍ਤਾਣ੍ਡਮ੍ ।
77
ਸੀਤਾਮਾਨਸਹਂਸਂ ਰਾਮਂ ਰਾਜੀਵਲੋਚਨਂ ਵਨ੍ਦੇ ॥ 77
ਭਰ੍ਜਨਂ ਭਵਬੀਜਾਨਾਂ ਮਾਰ੍ਜਨਂ ਸੁਖਸਮ੍ਪਦਾਮ੍ ।
78
ਤਰ੍ਜਨਂ ਯਮਦੂਤਾਨਾਂ ਰਾਮਰਾਮੇਤਿ ਕੀਰ੍ਤਨਮ੍ ॥ 78
ਨ ਜਾਨੇ ਜਾਨਕੀ ਜਾਨੇ ਰਾਮ ਤ੍ਵਨ੍ਨਾਮਵੈਭਵਮ੍ ।
79
ਸਰ੍ਵੇਸ਼ੋ ਭਗਵਾਨ੍ ਸ਼ਮ੍ਭੁਰ੍ਵਾਲ੍ਮੀਕਿਰ੍ਵੇਤ੍ਤਿ ਵਾ ਨਵਾ ॥ 79
ਕਰਤਲਧृਤਚਾਪਂ ਕਾਲਮੇਘਸ੍ਵਰੂਪਂ
ਸਰਸਿਜਦਲਨੇਤ੍ਰਂ ਚਾਰੁਹਾਸਂ ਸੁਗਾਤ੍ਰਮ੍ ।
ਵਿਚਿਨੁਤਵਨਵਾਸਂ ਵਿਕ੍ਰਮੋਦਗ੍ਰਵੇषਂ
80
ਪ੍ਰਣਮਤ ਰਘੁਨਾਥਂ ਜਾਨਕੀਪ੍ਰਾਣਨਾਥਮ੍ ॥ 80
ਵਿਦ੍ਯੁਤ੍ਸ੍ਫੁਰਨ੍ਮਕਰਕੁਣ੍ਡਲਦੀਪ੍ਤਚਾਰੁ-
ਗਣ੍ਡਸ੍ਥਲਂ ਮਣਿਕਿਰੀਟਵਿਰਾਜਮਾਨਮ੍ ।
ਪੀਤਾਮ੍ਬਰਂ ਜਲਦਨੀਲਮੁਦਾਰਕਾਨ੍ਤਿਂ
81
ਸ਼੍ਰੀਰਾਮਚਨ੍ਦ੍ਰਮਨਿਸ਼ਂ ਕਲਯਾਮਿ ਚਿਤ੍ਤੇ ॥ 81
ਰਤ੍ਨੋਲ੍ਲਸਜ੍ਜ੍ਵਲਿਤਕੁਣ੍ਡਲਗਣ੍ਡਭਾਗਂ
ਕਸ੍ਤੂਰਿਕਾਤਿਲਕਸ਼ੋਭਿਤਫਾਲਭਾਗਮ੍ ।
ਕਰ੍ਣਾਨ੍ਤਦੀਰ੍ਘਨਯਨਂ ਕਰੁਣਾਕਟਾਕ੍षਂ
82
ਸ਼੍ਰੀਰਾਮਚਨ੍ਦ੍ਰ ਮੁਖਮਾਤ੍ਮਨਿ ਸਨ੍ਨਿਧਤ੍ਤਮ੍ ॥ 82
ਵੈਦੇਹੀਸਹਿਤਂ ਚ ਲਕ੍ष੍ਮਣਯੁਤਂ ਕੈਕੇਯਿਪੁਤ੍ਰਾਨ੍ਵਿਤਂ
ਸੁਗ੍ਰੀਵਂ ਚ ਵਿਭੀषਣਾਨਿਲਸੁਤੌ ਨੀਲਂ ਨਲਂ ਸਾਙ੍ਗਦਮ੍ ।
ਵਿਸ਼੍ਵਾਮਿਤ੍ਰਵਸਿष੍ਠਗੌਤਮਭਰਦ੍ਵਾਜਾਦਿਕਾਨ੍ ਮਾਨਯਨ੍
83
ਰਾਮੋ ਮਾਰੁਤਿਸੇਵਿਤਃ ਸ੍ਮਰਤੁ ਮਾਂ ਸਾਮ੍ਰਾਜ੍ਯਸਿਂਹਾਸਨੇ ॥ 83
ਸਕਲਗੁਣਨਿਧਾਨਂ ਯੋਗਿਭਿਸ੍ਸ੍ਤੂਯਮਾਨਂ
ਭਜਿਤਸੁਰਵਿਮਾਨਂ ਰਕ੍षਿਤੇਨ੍ਦ੍ਰਾਦਿਮਾਨਮ੍ ।
ਮਹਿਤਵृषਭਯਾਨਂ ਸੀਤਯਾ ਸ਼ੋਭਮਾਨਂ
84
ਸ੍ਮਰਤੁ ਹृਦਯਭਾਨੁਂ ਬ੍ਰਹ੍ਮਰਾਮਾਭਿਰਾਮਮ੍ ॥ 84
ਤ੍ਰਿਦਸ਼ਕੁਮੁਦਚਨ੍ਦ੍ਰੋ ਦਾਨਵਾਮ੍ਭੋਜਚਨ੍ਦ੍ਰੋ
ਦੁਰਿਤਤਿਮਿਰਚਨ੍ਦ੍ਰੋ ਯੋਗਿਨਾਂ ਜ੍ਞਾਨਚਨ੍ਦ੍ਰਃ ।
ਪ੍ਰਣਤਨਯਨਚਨ੍ਦ੍ਰੋ ਮੈਥਿਲੀਨੇਤ੍ਰਚਨ੍ਦ੍ਰੋ
85
ਦਸ਼ਮੁਖਰਿਪੁਚਨ੍ਦ੍ਰਃ ਪਾਤੁ ਮਾਂ ਰਾਮਚਨ੍ਦ੍ਰਃ ॥ 85
ਯਨ੍ਨਾਮੈਵ ਸਹਸ੍ਰਨਾਮਸਦृਸ਼ਂ ਯਨ੍ਨਾਮ ਵੇਦੈਸ੍ਸਮਂ
ਯਨ੍ਨਾਮਾਙ੍ਕਿਤਵਾਕ੍ਯ-ਮਾਸੁਰਬਲਸ੍ਤ੍ਰੀਗਰ੍ਭਵਿਚ੍ਛੇਦਨਮ੍ ।
ਯਨ੍ਨਾਮ ਸ਼੍ਵਪਚਾਰ੍ਯਭੇਦਰਹਿਤਂ ਮੁਕ੍ਤਿਪ੍ਰਦਾਨੋਜ੍ਜ੍ਵਲਂ
86
ਤਨ੍ਨਾਮਾऽਲਘੁਰਾਮਰਾਮਰਮਣਂ ਸ਼੍ਰੀਰਾਮਨਾਮਾਮृਤਮ੍ ॥ 86
ਰਾਜੀਵਨੇਤ੍ਰ ਰਘੁਪੁਙ੍ਗਵ ਰਾਮਭਦ੍ਰ
ਰਾਕੇਨ੍ਦੁਬਿਮ੍ਬਸਦृਸ਼ਾਨਨ ਨੀਲਗਾਤ੍ਰ ।
ਰਾਮਾऽਭਿਰਾਮ ਰਘੁਵਂਸ਼ਸਮੁਦ੍ਭਵ ਤ੍ਵਂ
87
ਸ਼੍ਰੀਰਾਮਚਨ੍ਦ੍ਰ ਮਮ ਦੇਹਿ ਕਰਾਵਲਮ੍ਬਮ੍ ॥ 87
ਮਾਣਿਕ੍ਯਮਞ੍ਜੀਰਪਦਾਰਵਿਨ੍ਦਂ
ਰਾਮਾਰ੍ਕਸਮ੍ਫੁਲ੍ਲਮੁਖਾਰਵਿਨ੍ਦਮ੍ ।
ਭਕ੍ਤਾਭਯਪ੍ਰਾਪਿਕਰਾਰਵਿਨ੍ਦਾਂ
88
ਦੇਵੀਂ ਭਜੇ ਰਾਘਵਵਲ੍ਲਭਾਂ ਤਾਮ੍ ॥ 88
ਜਯਤੁ ਵਿਜਯਕਾਰੀ ਜਾਨਕੀਮੋਦਕਾਰੀ
ਤਪਨਕੁਲਵਿਹਾਰੀ ਦਣ੍ਡਕਾਰਣ੍ਯਚਾਰੀ ।
ਦਸ਼ਵਦਨਕੁਠਾਰੀ ਦੈਤ੍ਯਵਿਚ੍ਛੇਦਕਾਰੀ
89
ਮਣਿਮਕੁਟਕਧਾਰੀ ਚਣ੍ਡਕੋਦਣ੍ਡਧਾਰੀ ॥ 89
ਰਾਮਃ ਪਿਤਾ ਰਘਵ ਏਵ ਮਾਤਾ
ਰਾਮਸ੍ਸੁਬਨ੍ਧੁਸ਼੍ਚ ਸਖਾ ਹਿਤਸ਼੍ਚ ।
ਰਾਮੋ ਗੁਰੁਰ੍ਮੇ ਪਰਮਂ ਚ ਦੈਵਂ
90
ਰਾਮਂ ਵਿਨਾ ਨਾऽਨ੍ਯਮਹਂ ਸ੍ਮਰਾਮਿ ॥ 90
ਸ਼੍ਰੀਰਾਮ ਮੇ ਤ੍ਵਂ ਹਿ ਪਿਤਾ ਚ ਮਾਤਾ
ਸ਼੍ਰੀਰਾਮ ਮੇ ਤ੍ਵਂ ਹਿ ਸੁਹृਚ੍ਚ ਬਨ੍ਧੁਃ ।
ਸ਼੍ਰੀਰਾਮ ਮੇ ਤ੍ਵਂ ਹਿ ਗੁਰੁਸ਼੍ਚ ਗੋष੍ਠੀ
91
ਸ਼੍ਰੀਰਾਮ ਮੇ ਤ੍ਵਂ ਹਿ ਸਮਸ੍ਤਮੇਵ ॥ 91
ਰਾਮਚਨ੍ਦ੍ਰਚਰਿਤਾਮृਤਪਾਨਂ
ਸੋਮਪਾਨਸ਼ਤਕੋਟਿਸਮਾਨਮ੍ ।
ਸੋਮਪਾਨਸ਼ਤਕੋਟਿਭਿਰੀਯਾ-
92
ਜ੍ਜਨ੍ਮ ਨੈਤਿ ਰਘੁਨਾਯਕਨਾਮ੍ਨਾ ॥ 92
ਰਾਮ ਰਾਮ ਦਯਾਸਿਨ੍ਧੋ ਰਾਵਣਾਰੇ ਜਗਤ੍ਪਤੇ ।
93
ਤ੍ਵਤ੍ਪਾਦਕਮਲਾਸਕ੍ਤਿ-ਰ੍ਭਵੇਜ੍ਜਨ੍ਮਨਿ ਜਨ੍ਮਨਿ ॥ 93
ਸ਼੍ਰੀਰਾਮਚਨ੍ਦ੍ਰੇਤਿ ਦਯਾਪਰੇਤਿ
ਭਕ੍ਤਪ੍ਰਿਯੇਤਿ ਭਵਬਨ੍ਧਨਮੋਚਨੇਤਿ ।
ਨਾਥੇਤਿ ਨਾਗਸ਼ਯਨੇਤਿ ਸਦਾ ਸ੍ਤੁਵਨ੍ਤਂ
94
ਮਾਂ ਪਾਹਿ ਭੀਤਮਨਿਸ਼ਂ ਕृਪਣਂ ਕृਪਾਲੋ ॥ 94
ਅਯੋਧ੍ਯਾਨਾਥ ਰਾਜੇਨ੍ਦ੍ਰ ਸੀਤਾਕਾਨ੍ਤ ਜਗਤ੍ਪਤੇ ।
95
ਸ਼੍ਰੀਰਾਮ ਪੁਣ੍ਡਰੀਕਾਕ੍ष ਰਾਮਚਨ੍ਦ੍ਰ ਨਮੋऽਸ੍ਤੁ ਤੇ ॥ 95
ਹੇ ਰਾਮ ਹੇ ਰਮਣ ਹੇ ਜਗਦੇਕਵੀਰ
ਹੇ ਨਾਥ ਹੇ ਰਘੁਪਤੇ ਕਰੁਣਾਲਵਾਲ ।
ਹੇ ਜਾਨਕੀਰਮਣ ਹੇ ਜਗਦੇਕਬਨ੍ਧੋ
96
ਮਾਂ ਪਾਹਿ ਦੀਨਮਨਿਸ਼ਂ ਕृਪਣਂ ਕृਤਘ੍ਨਮ੍ ॥ 96
ਜਾਨਾਤਿ ਰਾਮ ਤਵ ਤਤ੍ਤ੍ਵਗਤਿਂ ਹਨੂਮਾਨ੍ ।
ਜਾਨਾਤਿ ਰਾਮ ਤਵ ਸਖ੍ਯਗਤਿਂ ਕਪੀਸ਼ਃ ।
ਜਾਨਾਤਿ ਰਾਮ ਤਵ ਯੁਦ੍ਧਗਤਿਂ ਦਸ਼ਾਸ੍ਯੋ ।
97
ਜਾਨਾਤਿ ਰਾਮ ਧਨਦਾਨੁਜ ਏਵ ਸਤ੍ਯਮ੍ ॥ 97
ਸੇਵ੍ਯਂ ਸ਼੍ਰੀਰਾਮਮਨ੍ਤ੍ਰਂ ਸ਼੍ਰਵਣਸ਼ੁਭਕਰਂ ਸ਼੍ਰੇष੍ਠਸੁਜ੍ਞਾਨਿਮਨ੍ਤ੍ਰਂ
ਸ੍ਤਵ੍ਯਂ ਸ਼੍ਰੀਰਾਮਮਨ੍ਤ੍ਰਂ ਨਰਕਦੁਰਿਤਦੁਰ੍ਵਾਰਨਿਰ੍ਘਾਤਮਨ੍ਤ੍ਰਮ੍ ।
ਭਵ੍ਯਂ ਸ਼੍ਰੀਰਾਮਮਨ੍ਤ੍ਰਂ ਭਜਤੁ ਭਜਤੁ ਸਂਸਾਰਨਿਸ੍ਤਾਰਮਨ੍ਤ੍ਰਂ
98
ਦਿਵ੍ਯਂ ਸ਼੍ਰੀਰਾਮਮਨ੍ਤ੍ਰਂ ਦਿਵਿ ਭੁਵਿ ਵਿਲਸਨ੍ਮੋਕ੍षਰਕ੍षੈਕਮਨ੍ਤ੍ਰਮ੍ ॥ 98
ਨਿਖਿਲਨਿਲਯਮਨ੍ਤ੍ਰਂ ਨਿਤ੍ਯਤਤ੍ਤ੍ਵਾਖ੍ਯਮਨ੍ਤ੍ਰਂ
ਭਵਕੁਲਹਰਮਨ੍ਤ੍ਰਂ ਭੂਮਿਜਾਪ੍ਰਾਣਮਨ੍ਤ੍ਰਮ੍ ।
ਪਵਨਜਨੁਤਮਨ੍ਤ੍ਰਂ ਪਾਰ੍ਵਤੀਮੋਕ੍षਮਨ੍ਤ੍ਰਂ
99
ਪਸ਼ੁਪਤਿਨਿਜਮਨ੍ਤ੍ਰਂ ਪਾਤੁ ਮਾਂ ਰਾਮਮਨ੍ਤ੍ਰਮ੍ ॥ 99
ਪ੍ਰਣਵਨਿਲਯਮਨ੍ਤ੍ਰਂ ਪ੍ਰਾਣਨਿਰ੍ਵਾਣਮਨ੍ਤ੍ਰਂ
ਪ੍ਰਕृਤਿਪੁਰੁषਮਨ੍ਤ੍ਰਂ ਬ੍ਰਹ੍ਮਰੁਦ੍ਰੇਨ੍ਦ੍ਰਮਨ੍ਤ੍ਰਮ੍ ।
ਪ੍ਰਕਟਦੁਰਿਤਰਾਗਦ੍ਵੇषਨਿਰ੍ਣਾਸ਼ਮਨ੍ਤ੍ਰਂ
100
ਰਘੁਪਤਿਨਿਜਮਨ੍ਤ੍ਰਂ ਰਾਮਰਾਮੇਤਿਮਨ੍ਤ੍ਰਮ੍ ॥ 100
ਦਸ਼ਰਥਸੁਤਮਨ੍ਤ੍ਰਂ ਦੈਤ੍ਯਸਂਹਾਰਮਨ੍ਤ੍ਰਂ
ਵਿਬੁਧਵਿਨੁਤਮਨ੍ਤ੍ਰਂ ਵਿਸ਼੍ਵਵਿਖ੍ਯਾਤਮਨ੍ਤ੍ਰਮ੍ ।
ਮੁਨਿਗਣਨੁਤਮਨ੍ਤ੍ਰਂ ਮੁਕ੍ਤਿਮਾਰ੍ਗੈਕਮਨ੍ਤ੍ਰਂ
101
ਰਘੁਪਤਿਨਿਜਮਨ੍ਤ੍ਰਂ ਰਾਮਰਾਮੇਤਿਮਨ੍ਤ੍ਰਮ੍ ॥ 101
ਸਂਸਾਰਸਾਗਰਭਯਾਪਹਵਿਸ਼੍ਵਮਨ੍ਤ੍ਰਂ
ਸਾਕ੍षਾਨ੍ਮੁਮੁਕ੍षੁਜਨਸੇਵਿਤਸਿਦ੍ਧਮਨ੍ਤ੍ਰਮ੍ ।
ਸਾਰਙ੍ਗਹਸ੍ਤਮੁਖਹਸ੍ਤਨਿਵਾਸਮਨ੍ਤ੍ਰਂ
102
ਕੈਵਲ੍ਯਮਨ੍ਤ੍ਰਮਨਿਸ਼ਂ ਭਜ ਰਾਮਮਨ੍ਤ੍ਰਮ੍ ॥ 102
ਜਯਤੁ ਜਯਤੁ ਮਨ੍ਤ੍ਰਂ ਜਨ੍ਮਸਾਫਲ੍ਯਮਨ੍ਤ੍ਰਂ
ਜਨਨਮਰਣਭੇਦਕ੍ਲੇਸ਼ਵਿਚ੍ਛੇਦਮਨ੍ਤ੍ਰਮ੍ ।
ਸਕਲਨਿਗਮਮਨ੍ਤ੍ਰਂ ਸਰ੍ਵਸ਼ਾਸ੍ਤ੍ਰੈਕਮਨ੍ਤ੍ਰਂ
103
ਰਘੁਪਤਿਨਿਜਮਨ੍ਤ੍ਰਂ ਰਾਮਰਾਮੇਤਿਮਨ੍ਤ੍ਰਮ੍ ॥ 103
ਜਗਤਿ ਵਿਸ਼ਦਮਨ੍ਤ੍ਰਂ ਜਾਨਕੀਪ੍ਰਾਣਮਨ੍ਤ੍ਰਂ
ਵਿਬੁਧਵਿਨੁਤਮਨ੍ਤ੍ਰਂ ਵਿਸ਼੍ਵਵਿਖ੍ਯਾਤਮਨ੍ਤ੍ਰਮ੍ ।
ਦਸ਼ਰਥਸੁਤਮਨ੍ਤ੍ਰਂ ਦੈਤ੍ਯਸਂਹਾਰਮਨ੍ਤ੍ਰਂ
104
ਰਘੁਪਤਿਨਿਜਮਨ੍ਤ੍ਰਂ ਰਾਮਰਾਮੇਤਿਮਨ੍ਤ੍ਰਮ੍ ॥ 104
ਬ੍ਰਹ੍ਮਾਦਿਯੋਗਿਮੁਨਿਪੂਜਿਤਸਿਦ੍ਧਮਨ੍ਤ੍ਰਂ
ਦਾਰਿਦ੍ਰ੍ਯਦੁਃਖਭਵਰੋਗਵਿਨਾਸ਼ਮਨ੍ਤ੍ਰਮ੍ ।
ਸਂਸਾਰਸਾਗਰਸਮੁਤ੍ਤਰਣੈਕਮਨ੍ਤ੍ਰਂ
105
ਵਨ੍ਦੇ ਮਹਾਭਯਹਰਂ ਰਘੁਰਾਮਮਨ੍ਤ੍ਰਮ੍ ॥ 105
ਸ਼ਤ੍ਰੁਚ੍ਛੇਦੈਕਮਨ੍ਤ੍ਰਂ ਸਰਸਮੁਪਨਿषਦ੍ਵਾਕ੍ਯਸਮ੍ਪੂਜ੍ਯਮਨ੍ਤ੍ਰਂ
ਸਂਸਾਰੋਤ੍ਤਾਰਮਨ੍ਤ੍ਰਂ ਸਮੁਚਿਤਸਮਯੇ ਸਙ੍ਗਨਿਰ੍ਯਾਣਮਨ੍ਤ੍ਰਮ੍ ।
ਸਰ੍ਵੈਸ਼੍ਵਰ੍ਯੈਕਮਨ੍ਤ੍ਰਂ ਵ੍ਯਸਨਭੁਜਗਸਨ੍ਦष੍ਟਸਨ੍ਤ੍ਰਾਣਮਨ੍ਤ੍ਰਂ
106
ਜਿਹ੍ਵੇ ਸ਼੍ਰੀਰਾਮਮਨ੍ਤ੍ਰਂ ਜਪ ਜਪ ਸਫਲਂ ਜਨ੍ਮਸਾਫਲ੍ਯਮਨ੍ਤ੍ਰਮ੍ ॥ 106
ਨਿਤ੍ਯਂ ਸ਼੍ਰੀਰਾਮਮਨ੍ਤ੍ਰਂ ਨਿਰੁਪਮਮਧਿਕਂ ਨੀਤਿਸੁਜ੍ਞਾਨਮਨ੍ਤ੍ਰਂ
ਸਤ੍ਯਂ ਸ਼੍ਰੀਰਾਮਮਨ੍ਤ੍ਰਂ ਸਦਮਲਹृਦਯੇ ਸਰ੍ਵਦਾਰੋਗ੍ਯਮਨ੍ਤ੍ਰਮ੍ ।
ਸ੍ਤੁਤ੍ਯਂ ਸ਼੍ਰੀਰਾਮਮਨ੍ਤ੍ਰਂ ਸੁਲਲਿਤਸੁਮਨਸ੍ਸੌਖ੍ਯਸੌਭਾਗ੍ਯਮਨ੍ਤ੍ਰਂ
107
ਪਠ੍ਯਂ ਸ਼੍ਰੀਰਾਮਮਨ੍ਤ੍ਰਂ ਪਵਨਜਵਰਦਂ ਪਾਤੁ ਮਾਂ ਰਾਮਮਨ੍ਤ੍ਰਮ੍ ॥ 107
ਵ੍ਯਾਮੋਹਪ੍ਰਸ਼ਮੌषਧਂ ਮੁਨਿਮਨੋਵृਤ੍ਤਿਪ੍ਰਵृਤ੍ਤ੍ਯੌषਧਂ
ਦੈਤ੍ਯੋਨ੍ਮੂਲਕਰੌषਧਂ ਭਵਭਯਪ੍ਰਧ੍ਵਂਸਨੈਕੌषਧਮ੍ ।
ਭਕ੍ਤਾਨਨ੍ਦਕਰੌषਧਂ ਤ੍ਰਿਭੁਵਨੇ ਸਞ੍ਜੀਵਨੈਕੌषਧਂ
108
ਸ਼੍ਰੇਯਃ ਪ੍ਰਾਪ੍ਤਿਕਰੌषਧਂ ਪਿਬ ਮਨਃ ਸ਼੍ਰੀਰਾਮਨਾਮੌषਧਮ੍ ॥ 108
ਸਕਲਭੁਵਨਰਤ੍ਨਂ ਸਰ੍ਵਸ਼ਾਸ੍ਤ੍ਰਾਰ੍ਥਰਤ੍ਨਂ
ਸਮਰਵਿਜਯਰਤ੍ਨਂ ਸਚ੍ਚਿਦਾਨਨ੍ਦਰਤ੍ਨਮ੍ ।
ਦਸ਼ਮੁਖਹਰਰਤ੍ਨਂ ਦਾਨਵਾਰਾਤਿਰਤ੍ਨਂ
109
ਰਘੁਕੁਲਨृਪਰਤ੍ਨਂ ਪਾਤੁ ਮਾਂ ਰਾਮਰਤ੍ਨਮ੍ ॥ 109
ਸਕਲਭੁਵਨਰਤ੍ਨਂ ਸਚ੍ਚਿਦਾਨਨ੍ਦਰਤ੍ਨਂ
ਸਕਲਹृਦਯਰਤ੍ਨਂ ਸੂਰ੍ਯਬਿਮ੍ਬਾਨ੍ਤਰਤ੍ਨਮ੍ ।
ਵਿਮਲਸੁਕृਤਰਤ੍ਨਂ ਵੇਦਵੇਦਾਨ੍ਤਰਤ੍ਨਂ
110
ਪੁਰਹਰਜਪਰਤ੍ਨਂ ਪਾਤੁ ਮਾਂ ਰਾਮਰਤ੍ਨਮ੍ ॥ 110
ਨਿਗਮਸ਼ਿਖਰਰਤ੍ਨਂ ਨਿਰ੍ਮਲਾਨਨ੍ਦਰਤ੍ਨਂ
ਨਿਰੁਪਮਗੁਣਰਤ੍ਨਂ ਨਾਦਨਾਦਾਨ੍ਤਰਤ੍ਨਮ੍ ।
ਦਸ਼ਰਥਕੁਲਰਤ੍ਨਂ ਦ੍ਵਾਦਸ਼ਾਨ੍ਤਸ੍ਸ੍ਥਰਤ੍ਨਂ
111
ਪਸ਼ੁਪਤਿਜਪਰਤ੍ਨਂ ਪਾਤੁ ਮਾਂ ਰਾਮਰਤ੍ਨਮ੍ ॥ 111
ਸ਼ਤਮਖਸੁਤਰਤ੍ਨਂ षੋਡਸ਼ਾਨ੍ਤਸ੍ਸ੍ਥਰਤ੍ਨਂ
ਮੁਨਿਜਨਜਪਰਤ੍ਨਂ ਮੁਖ੍ਯਵੈਕੁਣ੍ਠਰਤ੍ਨਮ੍ ।
ਨਿਰੁਪਮਗੁਣਰਤ੍ਨਂ ਨੀਰਜਾਨ੍ਤਸ੍ਸ੍ਥਰਤ੍ਨਂ
112
ਪਰਮਪਦਵਿਰਤ੍ਨਂ ਪਾਤੁ ਮਾਂ ਰਾਮਰਤ੍ਨਮ੍ ॥ 112
ਸਕਲਸੁਕृਤਰਤ੍ਨਂ ਸਤ੍ਯਵਾਕ੍ਯਾਰ੍ਥਰਤ੍ਨਂ
ਸ਼ਮਦਮਗੁਣਰਤ੍ਨਂ ਸ਼ਾਸ਼੍ਵਤਾਨਨ੍ਦਰਤ੍ਨਮ੍ ।
ਪ੍ਰਣਯਨਿਲਯਰਤ੍ਨਂ ਪ੍ਰਸ੍ਫੁਟਦ੍ਯੋਤਿਰਤ੍ਨਂ
113
ਪਰਮਪਦਵਿਰਤ੍ਨਂ ਪਾਤੁ ਮਾਂ ਰਾਮਰਤ੍ਨਮ੍ ॥ 113
ਨਿਗਮਸ਼ਿਖਰਰਤ੍ਨਂ ਨਿਤ੍ਯਮਾਸ਼ਾਸ੍ਯਰਤ੍ਨਂ
ਜਨਨੁਤਨृਪਰਤ੍ਨਂ ਜਾਨਕੀਰੂਪਰਤ੍ਨਮ੍ ।
ਭੁਵਨਵਲਯਰਤ੍ਨਂ ਭੂਭੁਜਾਮੇਕਰਤ੍ਨਂ
114
ਰਘੁਕੁਲਵਰਰਤ੍ਨਂ ਪਾਤੁ ਮਾਂ ਰਾਮਰਤ੍ਨਮ੍ ॥ 114
ਵਿਸ਼ਾਲਨੇਤ੍ਰਂ ਪਰਿਪੂਰ੍ਣਗਾਤ੍ਰਂ
ਸੀਤਾਕਲਤ੍ਰਂ ਸੁਰਵੈਰਿਜੈਤ੍ਰਮ੍ ।
ਕਾਰੁਣ੍ਯਪਾਤ੍ਰਂ ਜਗਤਃ ਪਵਿਤ੍ਰਂ
115
ਸ਼੍ਰੀਰਾਮਰਤ੍ਨਂ ਪ੍ਰਣਤੋऽਸ੍ਮਿ ਨਿਤ੍ਯਮ੍ ॥ 115
ਹੇ ਗੋਪਾਲਕ ਹੇ ਦਯਾਜਲਨਿਧੇ ਹੇ ਸਦ੍ਗੁਣਾਮ੍ਭੋਨਿਧੇ
ਹੇ ਦੈਤ੍ਯਾਨ੍ਤਕ ਹੇ ਵਿਭੀषਣਦਯਾਪਰੀਣ ਹੇ ਭੂਪਤੇ ।
ਹੇ ਵੈਦੇਹਸੁਤਾਮਨੋਜਵਿਹृਤੇ ਹੇ ਕੋਟਿਮਾਰਾਕृਤੇ
116
ਹੇ ਨਵ੍ਯਾਮ੍ਬੁਜਨੇਤ੍ਰ ਪਾਲਯ ਪਰਂ ਜਾਨਾਮਿ ਨ ਤ੍ਵਾਂ ਵਿਨਾ ॥ 116
ਯਸ੍ਯ ਕਿਞ੍ਚਿਦਪਿ ਨੋ ਹਰਣੀਯਂ
ਕਰ੍ਮ ਕਿਞ੍ਚਿਦਪਿ ਨੋ ਚਰਣੀਯਮ੍ ।
ਰਾਮਨਾਮ ਚ ਸਦਾ ਸ੍ਮਰਣੀਯਂ
117
ਲੀਲਯਾ ਭਵਜਲਂ ਤਰਣੀਯਮ੍ ॥ 117
ਦਸ਼ਰਥਸੁਤਮੀਸ਼ਂ ਦਣ੍ਡਕਾਰਣ੍ਯਵਾਸਂ
ਸ਼ਤਮਖਮਣਿਨੀਲਂ ਜਾਨਕੀਪ੍ਰਾਣਲੋਲਮ੍ ।
ਸਕਲਭੁਵਨਮੋਹਂ ਸਨ੍ਨੁਤਾਮ੍ਭੋਦਦੇਹਂ
118
ਬਹੁਲਨੁਤਸਮੁਦ੍ਰਂ ਭਾਵਯੇ ਰਾਮਭਦ੍ਰਮ੍ ॥ 118
ਵਿਸ਼ਾਲਨੇਤ੍ਰਂ ਪਰਿਪੂਰ੍ਣਗਾਤ੍ਰਂ
ਸੀਤਾਕਲਤ੍ਰਂ ਸੁਰਵੈਰਿਜੈਤ੍ਰਮ੍ ।
ਜਗਤ੍ਪਵਿਤ੍ਰਂ ਪਰਮਾਤ੍ਮਤਨ੍ਤ੍ਰਂ
119
ਸ਼੍ਰੀਰਾਮਚਨ੍ਦ੍ਰਂ ਪ੍ਰਣਮਾਮਿ ਚਿਤ੍ਤੇ ॥ 119
ਜਯ ਜਯ ਰਘੁਰਾਮ ਸ਼੍ਰੀਮੁਖਾਮ੍ਭੋਜਭਾਨੋ
ਜਯ ਜਯ ਰਘੁਵੀਰ ਸ਼੍ਰੀਮਦਮ੍ਭੋਜਨੇਤ੍ਰ ।
ਜਯ ਜਯ ਰਘੁਨਾਥ ਸ਼੍ਰੀਕਰਾਭ੍ਯਰ੍ਚਿਤਾਙ੍ਘ੍ਰਿ
120
ਜਯ ਜਯ ਰਘੁਵਰ੍ਯ ਸ਼੍ਰੀਸ਼ ਕਾਰੁਣ੍ਯਸਿਨ੍ਧੋ ॥ 120
ਮਨ੍ਦਾਰਮੂਲੇ ਮਣਿਪੀਠਸਂਸ੍ਥਂ
ਸੁਧਾਪ੍ਲੁਤਂ ਦਿਵ੍ਯਵਿਰਾਟ੍ਸ੍ਵਰੂਪਮ੍ ।
ਸਬਿਨ੍ਦੁਨਾਦਾਨ੍ਤਕਲਾਨ੍ਤਤੁਰ੍ਯ-
121
ਮੂਰ੍ਤਿਂ ਭਜੇऽਹਂ ਰਘੁਵਂਸ਼ਰਤ੍ਨਮ੍ ॥ 121
ਨਾਦਂ ਨਾਦਵਿਨੀਲਚਿਤ੍ਤਪਵਨਂ ਨਾਦਾਨ੍ਤਤ੍ਤ੍ਵਪ੍ਰਿਯਂ
ਨਾਮਾਕਾਰਵਿਵਰ੍ਜਿਤਂ ਨਵਘਨਸ਼੍ਯਾਮਾਙ੍ਗਨਾਦਪ੍ਰਿਯਮ੍ ।
ਨਾਦਾਮ੍ਭੋਜਮਰਨ੍ਦਮਤ੍ਤਵਿਲਸਦ੍ਭृਙ੍ਗਂ ਮਦਾਨ੍ਤਸ੍ਸ੍ਥਿਤਂ
122
ਨਾਦਾਨ੍ਤਧृਵਮਣ੍ਡਲਾਬ੍ਜਰੁਚਿਰਂ ਰਾਮਂ ਭਜੇ ਤਾਰਕਮ੍ ॥ 122
ਨਾਨਾਭੂਤਹृਦਬ੍ਜਪਦ੍ਮਨਿਲਯਂ ਨਾਮੋਜ੍ਜ੍ਵਲਾਭੂषਣਮ੍ ।
ਨਾਮਸ੍ਤੋਤ੍ਰਪਵਿਤ੍ਰਿਤਤ੍ਰਿਭੁਵਨਂ ਨਾਰਾਯਣਾष੍ਟਾਕ੍षਰਮ੍ ।
ਨਾਦਾਨ੍ਤੇਨ੍ਦੁਗਲਤ੍ਸੁਧਾਪ੍ਲੁਤਤਨੁਂ ਨਾਨਾਤ੍ਮਚਿਨ੍ਮਾਤ੍ਰਕਮ੍ ।
123
ਨਾਨਾਕੋਟਿਯੁਗਾਨ੍ਤਭਾਨੁਸਦृਸ਼ਂ ਰਾਮਂ ਭਜੇ ਤਾਰਕਮ੍ ॥ 123
ਵੇਦ੍ਯਂ ਵੇਦਗੁਰੁਂ ਵਿਰਿਞ੍ਚਿਜਨਕਂ ਵੇਦਾਨ੍ਤਮੂਰ੍ਤਿਂ ਸ੍ਫੁਰ-
ਦ੍ਵੇਦਂ ਵੇਦਕਲਾਪਮੂਲਮਹਿਮਾਧਾਰਾਨ੍ਤਕਨ੍ਦਾਙ੍ਕੁਰਮ੍ ।
ਵੇਦਸ਼ृਙ੍ਗਸਮਾਨਸ਼ੇषਸ਼ਯਨਂ ਵੇਦਾਨ੍ਤਵੇਦ੍ਯਾਤ੍ਮਕਂ
124
ਵੇਦਾਰਾਧਿਤਪਾਦਪਙ੍ਕਜਮਹਂ ਰਾਮਂ ਭਜੇ ਤਾਰਕਮ੍ ॥ 124
ਮਜ੍ਜੀਵਂ ਮਦਨੁਗ੍ਰਹਂ ਮਦਧਿਪਂ ਮਦ੍ਭਾਵਨਂ ਮਤ੍ਸੁਖਂ
ਮਤ੍ਤਾਤਂ ਮਮ ਸਦ੍ਗੁਰੁਂ ਮਮ ਵਰਂ ਮੋਹਾਨ੍ਧਵਿਚ੍ਛੇਦਨਮ੍ ।
ਮਤ੍ਪੁਣ੍ਯਂ ਮਦਨੇਕਬਾਨ੍ਧਵਜਨਂ ਮਜ੍ਜੀਵਨਂ ਮਨ੍ਨਿਧਿਂ
125
ਮਤ੍ਸਿਦ੍ਧਿਂ ਮਮ ਸਰ੍ਵਕਰ੍ਮਸੁਕृਤਂ ਰਾਮਂ ਭਜੇ ਤਾਰਕਮ੍ ॥ 125
ਨਿਤ੍ਯਂ ਨੀਰਜਲੋਚਨਂ ਨਿਰੁਪਮਂ ਨੀਵਾਰਸ਼ੂਕੋਪਮਂ
ਨਿਰ੍ਭੇਦਾਨੁਭਵਂ ਨਿਰਨ੍ਤਰਗੁਣਂ ਨੀਲਾਙ੍ਗਰਾਗੋਜ੍ਜ੍ਵਲਮ੍ ।
ਨਿष੍ਪਾਪਂ ਨਿਗਮਾਗਮਾਰ੍ਚਿਤਪਦਂ ਨਿਤ੍ਯਾਤ੍ਮਕਂ ਨਿਰ੍ਮਲਂ
126
ਨਿष੍ਪੁਣ੍ਯਂ ਨਿਖਿਲਂ ਨਿਰਞ੍ਜਨਪਦਂ ਰਾਮਂ ਭਜੇ ਤਾਰਕਮ੍ ॥ 126
ਧ੍ਯਾਯੇ ਤ੍ਵਾਂ ਹृਦਯਾਮ੍ਬੁਜੇ ਰਘੁਪਤਿਂ ਵਿਜ੍ਞਾਨਦੀਪਾਙ੍ਕੁਰਂ
ਹਂਸੋਹਂਸਪਰਮ੍ਪਰਾਦਿਮਹਿਮਾਧਾਰਂ ਜਗਨ੍ਮੋਹਨਮ੍ ।
ਹਸ੍ਤਾਮ੍ਭੋਜਗਦਾਬ੍ਜਚਕ੍ਰਮਤੁਲਂ ਪੀਤਾਮ੍ਬਰਂ ਕੌਸ੍ਤੁਭਂ
127
ਸ਼੍ਰੀਵਤ੍ਸਂ ਪੁਰੁषੋਤ੍ਤਮਂ ਮਣਿਨਿਭਂ ਰਾਮਂ ਭਜੇ ਤਾਰਕਮ੍ ॥ 127
ਸਤ੍ਯਜ੍ਞਾਨਮਨਨ੍ਤਮਚ੍ਯੁਤਮਜਂ ਚਾਵ੍ਯਾਕृਤਂ ਤਤ੍ਪਰਂ
ਕੂਟਸ੍ਥਾਦਿਸਮਸ੍ਤਸਾਕ੍षਿਮਨਘਂ ਸਾਕ੍षਾਦ੍ਵਿਰਾਟ੍ਤਤ੍ਤ੍ਵਦਮ੍ ।
ਵੇਦ੍ਯਂ ਵਿਸ਼੍ਵਮਯਂ ਸ੍ਵਲੀਨਭੁਵਨਸ੍ਵਾਰਾਜ੍ਯਸੌਖ੍ਯਪ੍ਰਦਂ
128
ਪੂਰ੍ਣਂ ਪੂਰ੍ਣਤਰਂ ਪੁਰਾਣਪੁਰੁषਂ ਰਾਮਂ ਭਜੇ ਤਾਰਕਮ੍ ॥ 128
ਰਾਮਂ ਰਾਕ੍षਸਵਂਸ਼ਨਾਸ਼ਨਕਰਂ ਰਾਕੇਨ੍ਦੁਬਿਮ੍ਬਾਨਨਂ
ਰਕ੍षੋਰਿਂ ਰਘੁਵਂਸ਼ਵਰ੍ਧਨਕਰਂ ਰਕ੍ਤਾਧਰਂ ਰਾਘਵਮ੍ ।
ਰਾਧਾਯਾਤ੍ਮਨਿਵਾਸਿਨਂ ਰਵਿਨਿਭਂ ਰਮ੍ਯਂ ਰਮਾਨਾਯਕਂ
129
ਰਨ੍ਧ੍ਰਾਨ੍ਤਰ੍ਗਤਸ਼ੇषਸ਼ਾਯਿਨਮਹਂ ਰਾਮਂ ਭਜੇ ਤਾਰਕਮ੍ ॥ 129
ਓਤਪ੍ਰੋਤਸਮਸ੍ਤਵਸ੍ਤੁਨਿਚਯਂ ਓਙ੍ਕਾਰਬੀਜਾਕ੍षਰਂ
ਓਙ੍ਕਾਰਪ੍ਰਕृਤਿਂ षਡਕ੍षਰਹਿਤਂ ਓਙ੍ਕਾਰਕਨ੍ਦਾਙ੍ਕੁਰਮ੍ ।
ਓਙ੍ਕਾਰਸ੍ਫੁਟਭੂਰ੍ਭੁਵਸ੍ਸੁਪਰਿਤਂ ਓਘਤ੍ਰਯਾਰਾਧਿਤਮ੍
130
ਓਙ੍ਕਾਰੋਜ੍ਜ੍ਵਲਸਿਂਹਪੀਠਨਿਲਯਂ ਰਾਮਂ ਭਜੇ ਤਾਰਕਮ੍ ॥ 130
ਸਾਕੇਤੇ ਨਗਰੇ ਸਮਸ੍ਤਸੁਖਦੇ ਹਰ੍ਮ੍ਯੇऽਬ੍ਜਕੋਟਿਦ੍ਯੁਤੇ
ਨਕ੍षਤ੍ਰਗ੍ਰਹਪਙ੍ਕ੍ਤਿਲਗ੍ਨਸ਼ਿਖਰੇ ਚਾਨ੍ਤਰ੍ਯਪਙ੍ਕੇਰੁਹੇ ।
ਵਾਲ੍ਮੀਕਾਤ੍ਰਿਪਰਾਸ਼ਰਾਦਿਮੁਨਿਭਿਸ੍ਸਂਸੇਵ੍ਯਮਾਨਂ ਸ੍ਥਿਤਂ
131
ਸੀਤਾਲਙ੍ਕृਤਵਾਮਭਾਗਮਨਿਸ਼ਂ ਰਾਮਂ ਭਜੇ ਤਾਰਕਮ੍ ॥ 131
ਵੈਕੁਣ੍ਠੇ ਨਗਰੇ ਸੁਰਦ੍ਰੁਮਤਲੇ ਚਾਨਨ੍ਦਵਪ੍ਰਾਨ੍ਤਰੇ
ਨਾਨਾਰਤ੍ਨਵਿਨਿਰ੍ਮਿਤਸ੍ਫੁਟਪਟੁਪ੍ਰਾਕਾਰਸਂਵੇष੍ਟਿਤੇ ।
ਸੌਧੇਨ੍ਦੂਪਲਸ਼ੇषਤਲ੍ਪਲਲਿਤੇ ਨੀਲੋਤ੍ਪਲਚ੍ਛਾਦਿਤੇ
132
ਪਰ੍ਯਙ੍ਕੇ ਸ਼ਯਨਂ ਰਮਾਦਿਸਹਿਤਂ ਰਾਮਂ ਭਜੇ ਤਾਰਕਮ੍ ॥ 132
ਵਨ੍ਦੇ ਰਾਮਮਨਾਦਿਪੂਰੁषਮਜਂ ਵਨ੍ਦੇ ਰਮਾਨਾਯਕਂ
ਵਨ੍ਦੇ ਹਾਰਿਕਿਰੀਟਕੁਣ੍ਡਲਧਰਂ ਵਨ੍ਦੇ ਸੁਨੀਲਦ੍ਯੁਤਿਮ੍ ।
ਵਨ੍ਦੇ ਚਾਪਕਲਮ੍ਬਕੋਜ੍ਜ੍ਵਲਕਰਂ ਵਨ੍ਦੇ ਜਗਨ੍ਮਙ੍ਗਲਂ
133
ਵਨ੍ਦੇ ਪਙ੍ਕ੍ਤਿਰਥਾਤ੍ਮਜਂ ਮਮ ਗੁਰੁਂ ਵਨ੍ਦੇ ਸਦਾ ਰਾਘਵਮ੍ ॥ 133
ਵਨ੍ਦੇ ਸ਼ੌਨਕਗੌਤਮਾਦ੍ਯਭਿਨੁਤਂ ਵਨ੍ਦੇ ਘਨਸ਼੍ਯਾਮਲਂ
ਵਨ੍ਦੇ ਤਾਰਕਪੀਠਮਧ੍ਯਨਿਲਯਂ ਵਨ੍ਦੇ ਜਗਨ੍ਨਾਯਕਮ੍ ।
ਵਨ੍ਦੇ ਭਕ੍ਤਜਨੌਘਦੇਵਿਵਟਪਂ ਵਨ੍ਦੇ ਧਨੁਰ੍ਵਲ੍ਲਭਂ
134
ਵਨ੍ਦੇ ਤਤ੍ਤ੍ਵਮਸੀਤਿਵਾਕ੍ਯਜਨਕਂ ਵਨ੍ਦੇ ਸਦਾ ਰਾਘਵਮ੍ ॥ 134
ਵਨ੍ਦੇ ਸੂਰ੍ਯਸ਼ਸ਼ਾਙ੍ਕਲੋਚਨਯੁਗਂ ਵਨ੍ਦੇ ਜਗਤ੍ਪਾਵਨਂ
ਵਨ੍ਦੇ ਪਤ੍ਰਸਹਸ੍ਰਪਦ੍ਮਨਿਲਯਂ ਵਨ੍ਦੇ ਪੁਰਾਰਿਪ੍ਰਿਯਮ੍ ।
ਵਨ੍ਦੇ ਰਾਕ੍षਸਵਂਸ਼ਨਾਸ਼ਨਕਰਂ ਵਨ੍ਦੇ ਸੁਧਾਸ਼ੀਤਲਂ
135
ਵਨ੍ਦੇ ਦੇਵਕਪੀਨ੍ਦ੍ਰਕੋਟਿਵਿਨੁਤਂ ਵਨ੍ਦੇ ਸਦਾ ਰਾਘਵਮ੍ ॥ 135
ਵਨ੍ਦੇ ਸਾਗਰਗਰ੍ਵਭਙ੍ਗਵਿਸ਼ਿਖਂ ਵਨ੍ਦੇ ਜਗਜ੍ਜੀਵਨਂ
ਵਨ੍ਦੇ ਕੌਸ਼ਿਕਯਾਗਰਕ੍षਣਕਰਂ ਵਨ੍ਦੇ ਗੁਰੁਣਾਂ ਗੁਰੁਮ੍ ।
ਵਨ੍ਦੇ ਬਾਣਸ਼ਰਾਸਨੋਜ੍ਜ੍ਵਲਕਰਂ ਵਨ੍ਦੇ ਜਟਾਵਲ੍ਕਲਂ
136
ਵਨ੍ਦੇ ਲਕ੍ष੍ਮਣਭੂਮਿਜਾਨ੍ਵਿਤਮਹਂ ਵਨ੍ਦੇ ਸਦਾ ਰਾਘਵਮ੍ ॥ 136
ਵਨ੍ਦੇ ਪਾਣ੍ਡਰਪੁਣ੍ਡਰੀਕਨਯਨਂ ਵਨ੍ਦੇऽਬ੍ਜਬਿਮ੍ਬਾਨਨਂ
ਵਨ੍ਦੇ ਕਮ੍ਬੁਗਲਂ ਕਰਾਬ੍ਜਯੁਗਲਂ ਵਨ੍ਦੇ ਲਲਾਟੋਜ੍ਜ੍ਵਲਮ੍ ।
ਵਨ੍ਦੇ ਪੀਤਦੁਕੂਲਮਮ੍ਬੁਦਨਿਭਂ ਵਨ੍ਦੇ ਜਗਨ੍ਮੋਹਨਂ
137
ਵਨ੍ਦੇ ਕਾਰਣਮਾਨੁषੋਜ੍ਜ੍ਵਲਤਨੁਂ ਵਨ੍ਦੇ ਸਦਾ ਰਾਘਵਮ੍ ॥ 137
ਵਨ੍ਦੇ ਨੀਲਸਰੋਜਕੋਮਲਰੁਚਿਂ ਵਨ੍ਦੇ ਜਗਦ੍ਵਨ੍ਦਿਤਂ
ਵਨ੍ਦੇ ਸੂਰ੍ਯਕੁਲਾਬ੍ਧਿਕੌਸ੍ਤੁਭਮਣਿਂ ਵਨ੍ਦੇ ਸੁਰਾਰਾਧਿਤਮ੍ ।
ਵਨ੍ਦੇ ਪਾਤਕਪਞ੍ਚਕਪ੍ਰਹਰਣਂ ਵਨ੍ਦੇ ਜਗਤ੍ਕਾਰਣਂ
138
ਵਨ੍ਦੇ ਵਿਂਸ਼ਤਿਪਞ੍ਚਤਤ੍ਤ੍ਵਰਹਿਤਂ ਵਨ੍ਦੇ ਸਦਾ ਰਾਘਵਮ੍ ॥ 138
ਵਨ੍ਦੇ ਸਾਧਕਵਰ੍ਗਕਲ੍ਪਕਤਰੁਂ ਵਨ੍ਦੇ ਤ੍ਰਿਮੂਰ੍ਤ੍ਯਾਤ੍ਮਕਂ
ਵਨ੍ਦੇ ਨਾਦਲਯਾਨ੍ਤਰਸ੍ਥਲਗਤਂ ਵਨ੍ਦੇ ਤ੍ਰਿਵਰ੍ਗਾਤ੍ਮਕਮ੍ ।
ਵਨ੍ਦੇ ਰਾਗਵਿਹੀਨਚਿਤ੍ਤਸੁਲਭਂ ਵਨ੍ਦੇ ਸਭਾਨਾਯਕਂ
139
ਵਨ੍ਦੇ ਪੂਰ੍ਣਦਯਾਮृਤਾਰ੍ਣਵਮਹਂ ਵਨ੍ਦੇ ਸਦਾ ਰਾਘਵਮ੍ ॥ 139
ਵਨ੍ਦੇ ਸਾਤ੍ਤ੍ਵਿਕਤਤ੍ਤ੍ਵਮੁਦ੍ਰਿਤਤਨੁਂ ਵਨ੍ਦੇ ਸੁਧਾਦਾਯਕਂ
ਵਨ੍ਦੇ ਚਾਰੁਚਤੁਰ੍ਭੁਜਂ ਮਣਿਨਿਭਂ ਵਨ੍ਦੇ षਡਬ੍ਜਸ੍ਥਿਤਮ੍ ।
ਵਨ੍ਦੇ ਬ੍ਰਹ੍ਮਪਿਪੀਲਿਕਾਦਿਨਿਲਯਂ ਵਨ੍ਦੇ ਵਿਰਾਟ੍ਵਿਗ੍ਰਹਂ
140
ਵਨ੍ਦੇ ਪਨ੍ਨਗਤਲ੍ਪਸ਼ਾਯਿਨਮਹਂ ਵਨ੍ਦੇ ਸਦਾ ਰਾਘਵਮ੍ ॥ 140
ਸਿਂਹਾਸਨਸ੍ਥਂ ਮੁਨਿਸਿਦ੍ਧਸੇਵ੍ਯਂ
ਰਕ੍ਤੋਤ੍ਪਲਾਲਙ੍ਕृਤਪਾਦਪਦ੍ਮਮ੍ ।
ਸੀਤਾਸਮੇਤਂ ਸ਼ਸ਼ਿਸੂਰ੍ਯਨੇਤ੍ਰਂ
141
ਰਾਮਂ ਭਜੇ ਰਾਘਵਰਾਮਚਨ੍ਦ੍ਰਮ੍ ॥ 141
ਸ਼੍ਰੀਰਾਮਭਦ੍ਰਾਸ਼੍ਰਿਤਸਦ੍ਗੁਰੂਣਾਂ
ਪਾਦਾਰਵਿਨ੍ਦਂ ਭਜਤਾਂ ਨਰਾਣਾਮ੍ ।
ਆਰੋਗ੍ਯਮੈਸ਼੍ਵਰ੍ਯਮਨਨ੍ਤਕੀਰ੍ਤਿ-
142
ਰਨ੍ਤੇ ਚ ਵਿष੍ਣੋਃ ਪਦਮਸ੍ਤਿ ਸਤ੍ਯਮ੍ ॥ 142
ਦਸ਼ਰਥਵਰਪੁਤ੍ਰਂ ਜਾਨਕੀਸਤ੍ਕਲਤ੍ਰਂ
ਦਸ਼ਮੁਖਹਰਦਕ੍षਂ ਪਦ੍ਮਪਤ੍ਰਾਯਤਾਕ੍षਮ੍ ।
ਕਰਧृਤਸ਼ਰਚਾਪਂ ਚਾਰੁਮੁਕ੍ਤਾਕਲਾਪਂ
143
ਰਘੁਕੁਲਨृਵਰੇਣ੍ਯਂ ਰਾਮਮੀਡੇ ਸ਼ਰਣ੍ਯਮ੍ ॥ 143
ਦਸ਼ਮੁਖਗਜਸਿਂਹਂ ਦੈਤ੍ਯਗਰ੍ਵਾਤਿਰਂਹਂ
ਕਦਨਭਯਦਹਸ੍ਤਂ ਤਾਰਕਬ੍ਰਹ੍ਮ ਸ਼ਸ੍ਤਮ੍ ।
ਮਣਿਖਚਿਤਕਿਰੀਟਂ ਮਞ੍ਜੁਲਾਲਾਪਵਾਟਂ
144
ਦਸ਼ਰਥਕੁਲਚਨ੍ਦ੍ਰਂ ਰਾਮਚਨ੍ਦ੍ਰਂ ਭਜੇऽਹਮ੍ ॥ 144
ਰਾਮਂ ਰਕ੍ਤਸਰੋਰੁਹਾਕ੍षਮਮਲਂ ਲਙ੍ਕਾਧਿਨਾਥਾਨ੍ਤਕਂ
ਕੌਸਲ੍ਯਾਨਯਨੋਤ੍ਸੁਕਂ ਰਘੁਵਰਂ ਨਾਗੇਨ੍ਦ੍ਰਤਲ੍ਪਸ੍ਥਿਤਮ੍ ।
ਵੈਦੇਹੀਕੁਚਕੁਮ੍ਭਕੁਙ੍ਕੁਮਰਜੋਲਙ੍ਕਾਰਹਾਰਂ ਹਰਿਂ
145
ਮਾਯਾਮਾਨੁषਵਿਗ੍ਰਹਂ ਰਘੁਪਤਿਂ ਸੀਤਾਸਮੇਤਂ ਭਜੇ ॥ 145
ਰਾਮਂ ਰਾਕ੍षਸਮਰ੍ਦਨਂ ਰਘੁਵਰਂ ਦੈਤੇਯਭਿਧ੍ਵਂਸਿਨਂ
ਸੁਗ੍ਰੀਵੇਪ੍ਸਿਤਰਾਜ੍ਯਦਂ ਸੁਰਪਤੇਰ੍ਭੀਤ੍ਯਨ੍ਤਕਂ ਸ਼ਾਰ੍ਙ੍ਗਿਣਮ੍ ।
ਭਕ੍ਤਾਨਾਮਭਯਪ੍ਰਦਂ ਭਯਹਰਂ ਪਾਪੌਘਵਿਧ੍ਵਂਸਿਨਂ
146
ਸਾਮੀਰਿਸ੍ਤੁਤਪਾਦਪਦ੍ਮਯੁਗਲਂ ਸੀਤਾਸਮੇਤਂ ਭਜੇ ॥ 146
ਯਤ੍ਪਾਦਾਮ੍ਬੁਜਰੇਣੁਨਾ ਮੁਨਿਸਤੀ ਮੁਕ੍ਤਿਙ੍ਗਤਾ ਯਨ੍ਮਹਃ
ਪੁਣ੍ਯਂ ਪਾਤਕਨਾਸ਼ਨਂ ਤ੍ਰਿਜਗਤਾਂ ਭਾਤਿ ਸ੍ਮृਤਂ ਪਾਵਨਮ੍ ।
ਸ੍ਮृਤ੍ਵਾ ਰਾਘਵਮਪ੍ਰਮੇਯਮਮਲਂ ਪੂਰ੍ਣੇਨ੍ਦੁਮਨ੍ਦਸ੍ਮਿਤਂ
147
ਤਂ ਰਾਮਂ ਸਰਸੀਰੁਹਾਕ੍षਮਮਲਂ ਸੀਤਾਸਮੇਤਂ ਭਜੇ ॥ 147
ਵੈਦੇਹੀਕੁਚਮਣ੍ਡਲਾਗ੍ਰ-ਵਿਲਸਨ੍ਮਾਣਿਕ੍ਯਹਸ੍ਤਾਮ੍ਬੁਜਂ
ਚਞ੍ਚਤ੍ਕਙ੍ਕਣਹਾਰਨੂਪੁਰ-ਲਸਤ੍ਕੇਯੂਰਹਾਰਾਨ੍ਵਿਤਮ੍ ।
ਦਿਵ੍ਯਸ਼੍ਰੀਮਣਿਕੁਣ੍ਡਲੋਜ੍ਜ੍ਵਲ-ਮਹਾਭੂषਾਸਹਸ੍ਰਾਨ੍ਵਿਤਂ
148
ਵੀਰਸ਼੍ਰੀਰਘੁਪੁਙ੍ਗਵਂ ਗੁਣਨਿਧਿਂ ਸੀਤਾਸਮੇਤਂ ਭਜੇ ॥ 148
ਵੈਦੇਹੀਕੁਚਮਣ੍ਡਲੋਪਰਿ-ਲਸਨ੍ਮਾਣਿਕ੍ਯਹਾਰਾਵਲੀ-
ਮਧ੍ਯਸ੍ਥਂ ਨਵਨੀਤਕੋਮਲਰੁਚਿਂ ਨੀਲੋਤ੍ਪਲਸ਼੍ਯਾਮਲਮ੍ ।
ਕਨ੍ਦਰ੍ਪਾਯੁਤਕੋਟਿਸੁਨ੍ਦਰਤਨੁਂ ਪੂਰ੍ਣੇਨ੍ਦੁਬਿਮ੍ਬਾਨਨਂ
149
ਕੌਸਲ੍ਯਾਕੁਲਭੂषਣਂ ਰਘੁਪਤਿਂ ਸੀਤਾਸਮੇਤਂ ਭਜੇ ॥ 149
ਦਿਵ੍ਯਾਰਣ੍ਯਯਤੀਨ੍ਦ੍ਰਨਾਮਨਗਰੇ ਮਧ੍ਯੇ ਮਹਾਮਣ੍ਟਪੇ
ਸ੍ਵਰ੍ਣਸ੍ਤਮ੍ਭਸਹਸ੍ਰषੋਡਸ਼ਯੁਤੇ ਮਨ੍ਦਾਰਮੂਲਾਸ਼੍ਰਿਤੇ ।
ਨਾਨਾਰਤ੍ਨਵਿਚਿਤ੍ਰਨਿਰ੍ਮਲਮਹਾਸਿਂਹਾਸਨੇ ਸਂਸ੍ਥਿਤਂ
150
ਸੀਤਾਲਕ੍ष੍ਮਣਸੇਵਿਤਂ ਰਘੁਪਤਿਂ ਸੀਤਾਸਮੇਤਂ ਭਜੇ ॥ 150
ਕਸ੍ਤੂਰੀਤਿਲਕਂ ਕਪੀਨ੍ਦ੍ਰਹਰਣਂ ਕਾਰੁਣ੍ਯਵਾਰਾਨ੍ਨਿਧਿਂ
ਕ੍षੀਰਾਮ੍ਭੋਧਿਸੁਤਾਮੁਖਾਬ੍ਜਮਧੁਪਂ ਕਲ੍ਯਾਣਸਮ੍ਪਨ੍ਨਿਧਿਮ੍ ।
ਕੌਸਲ੍ਯਾਨਯਨੋਤ੍ਸੁਕਂ ਕਪਿਵਰਤ੍ਰਾਣਂ ਮਹਾਪੌਰੁषਂ
151
ਕੌਮਾਰਪ੍ਰਿਯਮਰ੍ਕਕੋਟਿਸਦृਸ਼ਂ ਸੀਤਾਸਮੇਤਂ ਭਜੇ ॥ 151
ਵਿਦ੍ਯੁਤ੍ਕੋਟਿਦਿਵਾਕਰਦ੍ਯੁਤਿਨਿਭਂ ਸ਼੍ਰੀਕੌਸ੍ਤੁਭਾਲਙ੍ਕृਤਂ
ਯੋਗੀਨ੍ਦ੍ਰੈਸ੍ਸਨਕਾਦਿਭਿਃ ਪਰਿਵृਤਂ ਕੈਲਾਸਨਾਥਪ੍ਰਿਯਮ੍ ।
ਮੁਕ੍ਤਾਰਤ੍ਨਕਿਰੀਟਕੁਣ੍ਡਲਧਰਂ ਗ੍ਰੈਵੇਯਹਾਰਾਨ੍ਵਿਤਂ
152
ਵੈਦੇਹੀਕੁਚਸਨ੍ਨਿਵਾਸਮਨਿਸ਼ਂ ਸੀਤਾਸਮੇਤਂ ਭਜੇ ॥ 152
ਮੇਘਸ਼੍ਯਾਮਲਮਮ੍ਬੁਜਾਤਨਯਨਂ ਵਿਸ੍ਤੀਰ੍ਣਵਕ੍षਸ੍ਸ੍ਥਲਂ
ਬਾਹੁਦ੍ਵਨ੍ਦ੍ਵਵਿਰਾਜਿਤਂ ਸੁਵਦਨਂ ਸ਼ੋਣਾਙ੍ਘ੍ਰਿਪਙ੍ਕੇਰੁਹਮ੍ ।
ਨਾਨਾਰਤ੍ਨਵਿਚਿਤ੍ਰਭੂषਣਯੁਤਂ ਕੋਦਣ੍ਡਬਾਣਾਙ੍ਕਿਤਂ
153
ਤ੍ਰੈਲੋਕ੍ਯਾऽਪ੍ਰਤਿਮਾਨਸੁਨ੍ਦਰਤਨੁਂ ਸੀਤਾਸਮੇਤਂ ਭਜੇ ॥ 153
ਵੈਦੇਹੀਯੁਤਵਾਮਭਾਗਮਤੁਲਂ ਵਨ੍ਦਾਰੁਮਨ੍ਦਾਰਕਂ
ਵਨ੍ਦੇ ਪ੍ਰਸ੍ਤੁਤਕੀਰ੍ਤਿਵਾਸਿਤਤਰੁਚ੍ਛਾਯਾਨੁਕਾਰਿਪ੍ਰਭਮ੍ ।
ਵੈਦੇਹੀਕੁਚਕੁਙ੍ਕੁਮਾਙ੍ਕਿਤਮਹੋਰਸ੍ਕਂ ਮਹਾਭੂषਣਂ
154
ਵੇਦਾਨ੍ਤੈਰੁਪਗੀਯਮਾਨਮਸਕृਤ੍ਸੀਤਾਸਮੇਤਂ ਭਜੇ ॥ 154
ਦੇਵਾਨਾਂ ਹਿਤਕਾਰਣੇਨ ਭੁਵਨੇ ਧृਤ੍ਵਾऽਵਤਾਰਂ ਧ੍ਰੁਵਂ
ਰਾਮਂ ਕੌਸ਼ਿਕਯਜ੍ਞਵਿਘ੍ਨਦਲਨਂ ਤਤ੍ਤਾਟਕਾਸਂਹਰਮ੍ ।
ਨਿਤ੍ਯਂ ਗੌਤਮਪਤ੍ਨਿਸ਼ਾਪਦਲਨਸ਼੍ਰੀਪਾਦਰੇਣੁਂ ਸ਼ੁਭਂ
155
ਸ਼ਮ੍ਭੋਰੁਤ੍ਕਟਚਾਪਖਣ੍ਡਨਮਹਾਸਤ੍ਵਂ ਭਜੇ ਰਾਘਵਮ੍ ॥ 155
ਸ਼੍ਰੀਰਾਮਂ ਨਵਰਤ੍ਨਕੁਣ੍ਡਲਧਰਂ ਸ਼੍ਰੀਰਾਮਰਕ੍षਾਮਣਿਂ
ਸ਼੍ਰੀਰਾਮਂ ਚ ਸਹਸ੍ਰਭਾਨੁਸਦृਸ਼ਂ ਸ਼੍ਰੀਰਾਮਚਨ੍ਦ੍ਰੋਦਯਮ੍ ।
ਸ਼੍ਰੀਰਾਮਂ ਸ਼੍ਰੁਤਕੀਰ੍ਤਿਮਾਕਰਮਹਂ ਸ਼੍ਰੀਰਾਮਮੁਕ੍ਤਿਪ੍ਰਦਂ
156
ਸ਼੍ਰੀਰਾਮਂ ਰਘੁਨਨ੍ਦਨਂ ਭਯਹਰਂ ਸ਼੍ਰੀਰਾਮਚਨ੍ਦ੍ਰਂ ਭਜੇ ॥ 156
ਰਾਮਮਿਨ੍ਦੀਵਰਸ਼੍ਯਾਮਂ ਰਾਜੀਵਾਯਤਲੋਚਨਮ੍ ।
157
ਜ੍ਯਾਘੋषਨਿਰ੍ਜਿਤਾਰਾਤਿਂ ਜਾਨਕੀਰਮਣਂ ਭਜੇ ॥ 157
ਦੀਰ੍ਘਬਾਹੁਮਰਵਿਨ੍ਦਲੋਚਨਂ
ਦੀਨਵਤ੍ਸਲਮਨਾਥਰਕ੍षਕਮ੍ ।
ਦੀਕ੍षਿਤਂ ਸਕਲਲੋਕਰਕ੍षਣੇ
158
ਦੈਵਤਂ ਦਸ਼ਰਥਾਤ੍ਮਜਂ ਭਜੇ ॥ 158
ਪ੍ਰਾਤਸ੍ਸ੍ਮਰਾਮਿ ਰਘੁਨਾਥਮੁਖਾਰਵਿਨ੍ਦਂ
ਮਨ੍ਦਸ੍ਮਿਤਂ ਮਧੁਰਭਾषਿ ਵਿਸ਼ਾਲਫਾਲਮ੍ ।
ਕਰ੍ਣਾਵਲਮ੍ਬਿਚਲਕੁਣ੍ਡਲਗਣ੍ਡਭਾਗਂ
159
ਕਰ੍ਣਾਨ੍ਤਦੀਰ੍ਘਨਯਨਂ ਨਯਨਾਭਿਰਾਮਮ੍ ॥ 159
ਪ੍ਰਾਤਰ੍ਭਜਾਮਿ ਰਘੁਨਾਥਕਰਾਰਵਿਨ੍ਦਂ
ਰਕ੍षੋਗਣਾਯ ਭਯਦਂ ਵਰਦਂ ਨਿਜੇਭ੍ਯਃ ।
ਯਦ੍ਰਾਜਸਂਸਦਿ ਵਿਭਿਦ੍ਯ ਮਹੇਸ਼ਚਾਪਂ
160
ਸੀਤਾਕਰਗ੍ਰਹਣਮਙ੍ਗਲਮਾਪ ਸਦ੍ਯਃ ॥ 160
ਪ੍ਰਾਤਰ੍ਨਮਾਮਿ ਰਘੁਨਾਥਪਦਾਰਵਿਨ੍ਦਂ
ਪਦ੍ਮਾਙ੍ਕੁਸ਼ਾਦਿਸ਼ੁਭਰੇਖਸ਼ੁਭਾਵਹਂ ਚ ।
ਯੋਗੀਨ੍ਦ੍ਰਮਾਨਸਮਧੁਵ੍ਰਤਸੇਵ੍ਯਮਾਨਂ
161
ਸ਼ਾਪਾਪਹਂ ਸਪਦਿ ਗੌਤਮਧਰ੍ਮਪਤ੍ਨ੍ਯਾਃ ॥ 161
ਪ੍ਰਾਤਰ੍ਵਦਾਮਿ ਵਚਸਾ ਰਘੁਨਾਥਨਾਮ
ਵਾਗ੍ਦੋषਹਾਰਿ ਸਕਲਂ ਕਲੁषਂ ਨਿਹਨ੍ਤृ ।
ਯਤ੍ਪਾਰ੍ਵਤੀ ਸ੍ਵਪਤਿਨਾ ਸਹ ਭੋਕ੍ਤੁਕਾਮਾ
162
ਪ੍ਰੀਤ੍ਯਾ ਸਹਸ੍ਰਹਰਿਨਾਮਸਮਂ ਜਜਾਪ ॥ 162
ਪ੍ਰਾਤਃ ਸ਼੍ਰਯੇ ਸ਼੍ਰੁਤਿਨੁਤਂ ਰਘੁਨਾਥਮੂਰ੍ਤਿਂ
ਨੀਲਾਮ੍ਬੁਦੋਤ੍ਪਲਸਿਤੇਤਰਰਤ੍ਨਨੀਲਾਮ੍ ।
ਆਮੁਕ੍ਤਮੌਕ੍ਤਿਕਵਿਸ਼ੇषਵਿਭੂषਣਾਢ੍ਯਾਂ
163
ਧ੍ਯੇਯਾਂ ਸਮਸ੍ਤਮੁਨਿਭਿਰ੍ਨਿਜਭृਤ੍ਯਮੁਖ੍ਯੈਃ ॥ 163
ਰਘੁਕੁਲਵਰਨਾਥੋ ਜਾਨਕੀਪ੍ਰਾਣਨਾਥਃ
ਪਿਤृਵਚਨਵਿਧਾਤਾ ਕੀਸ਼ਰਾਜ੍ਯਪ੍ਰਦਾਤਾ ।
ਪ੍ਰਤਿਨਿਸ਼ਿਚਰਨਾਸ਼ਃ ਪ੍ਰਾਪ੍ਤਰਾਜ੍ਯਪ੍ਰਵੇਸ਼ੋ
164
ਵਿਹਿਤਭੁਵਨਰਕ੍षਃ ਪਾਤੁ ਪਦ੍ਮਾਯਤਾਕ੍षਃ ॥ 164
ਕੁਵਲਯਦਲਨੀਲਃ ਪੀਤਵਾਸਾਃ ਸ੍ਮਿਤਾਸ੍ਯੋ
ਵਿਵਿਧਰੁਚਿਰਭੂषਾਭੂषਿਤੋ ਦਿਵ੍ਯਮੂਰ੍ਤਿਃ ।
ਦਸ਼ਰਥਕੁਲਨਾਥੋ ਜਾਨਕੀਪ੍ਰਾਣਨਾਥੋ
165
ਨਿਵਸਤੁ ਮਮ ਚਿਤ੍ਤੇ ਸਰ੍ਵਦਾ ਰਾਮਚਨ੍ਦ੍ਰਃ ॥ 165
ਜਯਤੁ ਜਯਤੁ ਰਾਮੋ ਜਾਨਕੀਵਲ੍ਲਭੋऽਯਂ
ਜਯਤੁ ਜਯਤੁ ਰਾਮਸ਼੍ਚਨ੍ਦ੍ਰਚੂਡਾਰ੍ਚਿਤਾਙ੍ਘ੍ਰਿਃ ।
ਜਯਤੁ ਜਯਤੁ ਵਾਣੀਨਾਥਨਾਥਃ ਪਰਾਤ੍ਮਾ
166
ਜਯਤੁ ਜਯਤੁ ਰਾਮੋऽਨਾਥਨਾਥਃ ਕृਪਾਲੁਃ ॥ 166
ਵਦਤੁ ਵਦਤੁ ਵਾਣੀ ਰਾਮਰਾਮੇਤਿ ਨਿਤ੍ਯਂ
ਜਯਤੁ ਜਯਤੁ ਚਿਤ੍ਤਂ ਰਾਮਪਾਦਾਰਵਿਨ੍ਦਮ੍ ।
ਨਮਤੁ ਨਮਤੁ ਦੇਹਂ ਸਨ੍ਤਤਂ ਰਾਮਚਨ੍ਦ੍ਰਂ
167
ਨ ਭਵਤੁ ਮਮ ਪਾਪਂ ਜਨ੍ਮਜਨ੍ਮਾਨ੍ਤਰੇषੁ ॥ 167
ਆਨਨ੍ਦਰੂਪਂ ਵਰਦਂ ਪ੍ਰਸਨ੍ਨਂ
ਸਿਂਹੇਕ੍षਣਂ ਸੇਵਕਪਾਰਿਜਾਤਮ੍ ।
ਨੀਲੋਤ੍ਪਲਾਙ੍ਗਂ ਭੁਵਨੈਕਮਿਤ੍ਰਂ
168
ਰਾਮਂ ਭਜੇ ਰਾਘਵਰਾਮਚਨ੍ਦ੍ਰਮ੍ ॥ 168
ਲਙ੍ਕਾਵਿਰਾਮਂ ਰਣਰਙ੍ਗਭੀਮਂ
ਰਾਜੀਵਨੇਤ੍ਰਂ ਰਘੁਵਂਸ਼ਮਿਤ੍ਰਮ੍ ।
ਕਾਰੁਣ੍ਯਮੂਰ੍ਤਿਂ ਕਰੁਣਾਪ੍ਰਪੂਰ੍ਤਿਂ
169
ਸ਼੍ਰੀਰਾਮਚਨ੍ਦ੍ਰਂ ਸ਼ਰਣਂ ਪ੍ਰਪਦ੍ਯੇ ॥ 169
ਸੁਗ੍ਰੀਵਮਿਤ੍ਰਂ ਪਰਮਂ ਪਵਿਤ੍ਰਂ
ਸੀਤਾਕਲਤ੍ਰਂ ਨਵਹੇਮਸੂਤ੍ਰਮ੍ ।
ਕਾਰੁਣ੍ਯਪਾਤ੍ਰਂ ਸ਼ਤਪਤ੍ਰਨੇਤ੍ਰਂ
170
ਸ਼੍ਰੀਰਾਮਚਨ੍ਦ੍ਰਂ ਸ਼ਿਰਸਾ ਨਮਾਮਿ ॥ 170
ਸ਼੍ਰੀਰਾਘਵੇਤਿ ਰਮਣੇਤਿ ਰਘੂਦ੍ਵਹੇਤਿ
ਰਾਮੇਤਿ ਰਾਵਣਹਰੇਤਿ ਰਮਾਧਵੇਤਿ ।
ਸਾਕੇਤਨਾਥਸੁਮੁਖੇਤਿ ਚ ਸੁਵ੍ਰਤੇਤਿ
171
ਵਾਣੀ ਸਦਾ ਵਦਤੁ ਰਾਮ ਹਰੇ ਹਰੇਤਿ ॥ 171
ਸ਼੍ਰੀਰਾਮਨਾਮਾਮृਤਮਨ੍ਤ੍ਰਬੀਜਂ
ਸਞ੍ਜੀਵਨਂ ਚੇਨ੍ਮਨਸਿ ਪ੍ਰਤਿष੍ਠਮ੍ ।
ਹਾਲਾਹਲਂ ਵਾ ਪ੍ਰਲਯਾਨਲਂ ਵਾ
172
ਮृਤ੍ਯੋਰ੍ਮੁਖਂ ਵਾ ਵਿਤਥੀਕਰੋਤਿ ॥ 172
ਕਿਂ ਯੋਗਸ਼ਾਸ੍ਤ੍ਰੈਃ ਕਿਮਸ਼ੇषਵਿਦ੍ਯਾ
ਕਿਂ ਯਾਗਗਙ੍ਗਾਦਿਵਿਸ਼ੇषਤੀਰ੍ਥੈਃ ।
ਕਿਂ ਬ੍ਰਹ੍ਮਚਰ੍ਯਾਸ਼੍ਰਮਸਞ੍ਚਰੇਣ
173
ਭਕ੍ਤਿਰ੍ਨਚੇਤ੍ਤੇ ਰਘੁਵਂਸ਼ਕੀਰ੍ਤ੍ਯਾਮ੍ ॥ 173
ਇਦਂ ਸ਼ਰੀਰਂ ਸ਼੍ਲਥਸਨ੍ਧਿਜਰ੍ਝਰਂ
ਪਤਤ੍ਯਵਸ਼੍ਯਂ ਪਰਿਣਾਮਪੇਸ਼ਲਮ੍ ।
ਕਿਮੌषਥਂ ਪृਚ੍ਛਸਿ ਮੂਢ ਦੁਰ੍ਮਤੇ
174
ਨਿਰਾਮਯਂ ਰਾਮਕਥਾਮृਤਂ ਪਿਬ ॥ 174
ਹੇ ਰਾਮਭਦ੍ਰਾਸ਼੍ਰਯ ਹੇ ਕृਪਾਲੋ
ਹੇ ਭਕ੍ਤਲੋਕੈਕਸ਼ਰਣ੍ਯਮੂਰ੍ਤੇ ।
ਪੁਨੀਹਿ ਮਾਂ ਤ੍ਵਚ੍ਚਰਣਾਰਵਿਨ੍ਦਂ
175
ਜਗਤ੍ਪਵਿਤ੍ਰਂ ਸ਼ਰਣਂ ਮਮਾऽਸ੍ਤੁ ॥ 175
ਨੀਲਾਭ੍ਰਦੇਹ ਨਿਖਿਲੇਸ਼ ਜਗਨ੍ਨਿਵਾਸ
ਰਾਜੀਵਨੇਤ੍ਰ ਰਮਣੀਯਗੁਣਾਭਿਰਾਮ ।
ਸ਼੍ਰੀਦਾਮ ਦੈਤ੍ਯਕੁਲਮਰ੍ਦਨ ਰਾਮਚਨ੍ਦ੍ਰ
176
ਤ੍ਵਤ੍ਪਾਦਪਦ੍ਮਮਨਿਸ਼ਂ ਕਲਯਾਮਿ ਚਿਤ੍ਤੇ ॥ 176
ਸ਼੍ਰੀਰਾਮਚਨ੍ਦ੍ਰ ਕਰੁਣਾਕਰ ਦੀਨਬਨ੍ਧੋ
ਸੀਤਾਸਮੇਤ ਭਰਤਾਗ੍ਰਜ ਰਾਘਵੇਸ਼ ।
ਪਾਪਾਰ੍ਤਿਭਞ੍ਜਨ ਭਯਾਤੁਰਦੀਨਬਨ੍ਧੋ
177
ਪਾਪਾਮ੍ਬੁਧੌ ਪਤਿਤਮੁਦ੍ਧਰ ਮਾਮਨਾਥਮ੍ ॥ 177
ਇਨ੍ਦੀਵਰਦਲਸ਼੍ਯਾਮ-ਮਿਨ੍ਦੁਕੋਟਿਨਿਭਾਨਨਮ੍ ।
175
ਕਨ੍ਦਰ੍ਪਕੋਟਿਲਾਵਣ੍ਯਂ ਵਨ੍ਦੇऽਹਂ ਰਘੁਨਨ੍ਦਨਮ੍ ॥ 175
ਇਤਿ ਸ਼੍ਰੀਬੋਧੇਨ੍ਦ੍ਰਸਰਸ੍ਵਤੀ ਕृਤ ਸ਼੍ਰੀਰਾਮਕਰ੍ਣਾਮृਤਮ੍ ॥
Roman (IAST) Transliteration
maṅgalaślokāḥ
maṅgalaṃ bhagavānviṣṇurmaṅgalaṃ madhusūdanaḥ |
maṅgalaṃ puṇḍarīkākṣo maṅgalaṃ garuḍadhvajaḥ || 1
maṅgalaṃ kosalendrāya mahanīyaguṇābdhaye |
cakravartitanūjāya sārvabhaumāya maṅgalam || 2
vedavedāntavedyāya meghaśyāmalamūrtaye |
puṃsāṃ mohanarūpāya puṇyaślokāya maṅgalam || 3
viśvāmitrāntaraṅgāya mithilānagarīpateḥ |
bhāgyānāṃ paripākāya bhavyarūpāya maṅgalam || 4
pitṛbhaktāya satataṃ bhrātṛbhiḥ saha sītayā |
nanditākhilalokāya rāmacandrāya maṅgalam || 5
tyaktasāketavāsāya citrakūṭavihāriṇe |
sevyāya sarvayamināṃ dhīrodāttāya maṅgalam || 6
saumitriṇā ca jānakyā cāpabāṇāsidhāriṇā |
saṃsevyāya sadā bhaktyā sānujāyāstu maṅgalam || 7
daṇḍakāraṇyavāsāya khaṇḍitāmaraśatrave |
gṛdhrarājāya bhaktāya muktidāyāstu maṅgalam || 8
sādaraṃ śabarīdattaphalamūlābhilāṣiṇe |
saulabhyaparipūrṇāya sattvodyuktāya maṅgalam || 9
hanūmatsamavetāya harīśābhīṣṭadāyine |
vālipramathanāyāstu mahādhīrāya maṅgalam || 10
śrīmate raghuvīrāya setulaṅghitasindhave |
jitarākṣasarājāya raṇadhīrāya maṅgalam || 11
āsādya nagarīṃ divyāmabhiṣiktāya sītayā |
rājādhirājarājāya rāmabhadrāya maṅgalam || 12
vibhīṣaṇakṛte prītyā viśvābhīṣṭapradāyine |
jānakīprāṇanāthāya sadā rāmāya maṅgalam || 13
—-
śrīrāmaṃ trijagadguruṃ suravaraṃ sītāmanonāyakaṃ
śyāmāṅgaṃ śaśikoṭipūrṇavadanaṃ cañcatkalākaustubham |
saumyaṃ satyaguṇottamaṃ susarayūtīre vasantaṃ prabhuṃ
trātāraṃ sakalārthasiddhisahitaṃ vande raghūṇāṃ patim || 14
śrīrāghavaṃ daśarathātmajamaprameyaṃ
sītāpatiṃ raghuvarānvayaratnadīpam |
ājānubāhumaravindadalāyatākṣaṃ
rāmaṃ niśācaravināśakaraṃ namāmi || 15
śrīrāmacandra karuṇākara rāghavendra
rājendracandra raghuvaṃśasamudracandra |
sugrīvanetrayugalotpala-pūrṇacandra
sītāmanaḥkumudacandra namo namaste || 16
sītāmanomānasarājahaṃsa
saṃsārasantāpahara kṣamāvan |
śrīrāma daityāntaka śāntarūpa
śrītārakabrahma namo namaste || 17
viṣṇo rāghava vāsudeva nṛhare devaughacūḍāmaṇe |
saṃsārārṇavakarṇadhāraka hare kṛṣṇāya tubhyaṃ namaḥ || 18
sugrīvādisamastavānaravaraissaṃsevyamānaṃ sadā |
viśvāmitraparāśarādimunibhissaṃstūyamānaṃ bhaje || 19
rāmaṃ candanaśītalaṃ kṣitisutāmohākaraṃ śrīkaraṃ
vaidehīnayanāravindamihiraṃ sampūrṇacandrānanam |
rājānaṃ karuṇāsametanayanaṃ sītāmanonandanaṃ
sītādarpaṇacārugaṇḍalalitaṃ vande sadā rāghavam || 20
jānāti rāma tava nāmaruciṃ maheśo
jānāti gautamasatī caraṇaprabhāvam |
jānāti dorbalaparākramamīśacāpo
jānātyamoghapaṭubāṇagatiṃ payodhiḥ || 21
mātā rāmo matpitā rāmacandro
bhrātā rāmo matsakhā rāghaveśaḥ |
sarvasvaṃ me rāmacandro dāyālu-
rnānyaṃ daivaṃ naiva jāne na jāne || 22
vimalakamalanetraṃ visphurannīlagātraṃ
tapanakulapavitraṃ dānavadhvantamitram |
bhuvanaśubhacaritraṃ bhūmiputrīkalatraṃ
daśarathavaraputraṃ naumi rāmākhyamitram || 23
mārge mārge śākhināṃ ratnavedī
vedyāṃ vedyāṃ kinnarībṛndagītam |
gīte gīte mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 24
vṛkṣe vṛkṣe vīkṣitāḥ pakṣisaṅghāḥ
saṅghe saṅghe mañjulāmodavākyam |
vākye vākye mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 25
duritatimiracandro duṣṭakañjātacandraḥ
surakuvalayacandrassūryavaṃśābdhicandraḥ |
svajananivahacandraśśatrurājīvacandraḥ
praṇatakumudacandraḥ pātu māṃ rāmacandraḥ || 26
kalyāṇadaṃ kauśikayajñapālaṃ
kalānidhiṃ kāñcanaśailadhīram |
kañjātanetraṃ karuṇāsamudraṃ
kākutstharāmaṃ kalayāmi citte || 27
rājīvāyatalocanaṃ raghuvaraṃ nīlotpalaśyāmalaṃ
mandārāñcitamaṇḍape sulalite sauvarṇake puṣpake |
āsthāne navaratnarājikhacite siṃhāsane saṃsthitaṃ
sītālakṣmaṇalokapālasahitaṃ vande munīndrāspadam || 28
dhyāye rāmaṃ sudhāṃśuṃ natasakalabhavāraṇyatāpaprahāram |
śyāmaṃ śāntaṃ surendraṃ suramunivinutaṃ koṭisūryaprakāśam |
sītāsaumitrisevyaṃ suranarasugamaṃ divyasiṃhāsanastham |
sāyāhne rāmacandraṃ smitaruciramukhaṃ sarvadā me prasannam || 29
indranīlamaṇisannibhadehaṃ
vandanīyamasakṛnmunibṛndaiḥ |
lambamānatulasīvanamālaṃ
cintayāmi satataṃ raghuvīram || 30
sampūrṇacandravadanaṃ sarasīruhākṣaṃ
māṇikyakuṇḍaladharaṃ mukuṭābhirāmam |
cāmpeyagauravasanaṃ śaracāpahastaṃ
śrīrāmacandramaniśaṃ manasā smarāmi || 31
mātuḥ pārśve carantaṃ maṇimayaśayane mañjubhūṣāñcitāṅgam |
mandaṃ mandaṃ pibantaṃ mukulitanayanaṃ stanyamanyastanāgram |
aṅgulyāgraiḥ spṛśantaṃ sukhaparavaśayā sasmitāliṅgitāṅgam |
gāḍhaṃ gāḍhaṃ jananyā kalayatu hṛdayaṃ māmakaṃ rāmabālam || 32
rāmābhirāmaṃ nayanābhirāmaṃ
vācābhirāmaṃ vadanābhirāmam |
sarvābhirāmaṃ ca sadābhirāmaṃ
vande sadā dāśarathiṃ ca rāmam || 33
rāśabdoccāramātreṇa mukhānniryāti pātakāḥ |
punaḥ praveśabhītyā ca makārastu kavāṭavat || 34
anarghamāṇikyavirājamāna-
śrīpādukālaṅkṛtaśobhanābhyām |
aśeṣabṛndārakavanditābhyāṃ
namo namo rāmapadāmbujābhyām || 35
calatkanakakuṇḍalollasitadivyagaṇḍasthalaṃ
carācarajaganmayaṃ caraṇapadmagaṅgāśrayam |
caturvidhaphalapradaṃ caramapīṭhamadhyasthitaṃ
cidaṃśamakhilāspadaṃ daśarathātmajaṃ cintaye || 36
sanandanamunipriyaṃ sakalavarṇavedātmakaṃ
samastanigamāgamasphuritatattvasiṃhāsanam |
sahasranayanābjajādyamarabṛndasaṃsevitaṃ
samaṣṭipuravallabhaṃ daśarathātmajaṃ cintaye || 37
jāgratsvapnasuṣupti-kālavilasattattvātmacinmātrakaṃ
caitanyātmakamādhipāparahitaṃ bhūmyāditanmātrakam |
śāmbhavyādisamastayogakulakaṃ sāṅkhyāditattvātparaṃ
śabdāvācyamahaṃ namāmi satataṃ vyutpattināśātparam || 38
ikṣvākuvaṃśārṇavajātaratnaṃ
sītāṅganāyauvanabhāgyaratnam |
vaikuṇṭharatnaṃ mama bhāgyaratnaṃ
śrīrāmaratnaṃ śirasā namāmi || 39
ikṣvākunandanaṃ sugrīvapūjitaṃ
trailokyarakṣakaṃ satyasandhaṃ sadā |
rāghavaṃ raghupatiṃ rājīvalocanaṃ
rāmacandraṃ bhaje rāghaveśaṃ bhaje || 40
bhaktapriyaṃ bhaktasamādhigamyaṃ
cintāharaṃ cintitakāmadhenum |
sūryendukoṭidyutibhāsvaraṃ taṃ
rāmaṃ bhaje rāghavarāmacandram || 41
śrīrāmaṃ janakakṣitīśvarasutāvaktrāmbujāhāriṇaṃ
śrīmadbhānukulābdhikaustubhamaṇiṃ śrīratnavakṣassthalam |
śrīkaṇṭhādyamaraugharatnamakuṭālaṅkārapādāmbujaṃ
śrīvatsojjvalamindranīlasadṛśaṃ śrīrāmacandraṃ bhaje || 42
rāmacandra caritākathāmṛtaṃ
lakṣmaṇāgrajaguṇānukīrtanam |
rāghaveśa tava pādasevanaṃ
sambhavantu mama janmajanmani || 43
ajñānasambhava-bhavāmbudhibāḍabāgni-
ravyaktatattvanikarapraṇavādhirūḍhaḥ |
sītāsametamanujena hṛdantarāle
prāṇaprayāṇasamaye mama sannidhatte || 44
rāmo matkuladaivataṃ sakaruṇaṃ rāmaṃ bhaje sādaraṃ
rāmeṇākhilaghorapāpanihatī rāmāya tasmai namaḥ |
rāmānnāsti jagatrayaikasulabho rāmasya dāso'smyahaṃ
rāme prītiratīva me kulaguro śrīrāma rakṣasva mām || 45
vaidehīsahitaṃ suradrumatale haime mahāmaṇṭape |
madhyepuṣpakamāsane maṇimaye vīrāsane saṃsthitam |
agre vācayati prabhañjanasute tattvaṃ munibhyaḥ param |
vyākhyāntaṃ bharatādibhiḥ parivṛtaṃ rāmaṃ bhaje śyāmalam || 46
vāme bhūmisutā purastu hanumānpaścātsumitrāsuta-
śśatrughno bharataśca pārśvadalayorvāyvādikoṇeṣvapi |
sugrīvaśca vibhīṣaṇaśca yuvarāṭ tārāsuto jāmbavān
madhye nīlasarojakomalaruciṃ rāmaṃ bhaje śyāmalam || 47
keyūrāṅgadakaṅkaṇairmaṇigaṇairvairocamānaṃ sadā
rākāparvaṇicandrakoṭisadṛśaṃ chatreṇa vairājitam |
hemastambhasahasraṣoḍaśayute madhye mahāmaṇḍape
deveśaṃ bharatādibhiḥ parivṛtaṃ rāmaṃ bhaje śyāmalam || 48
sākete śaradindukundadhavale saughe mahāmaṇṭape |
paryastāgarudhūpadhūmapaṭale karpūradīpojjvale |
sugrīvāṅgadavāyuputrasahitaṃ saumitriṇā sevitaṃ
līlāmānuṣavigrahaṃ raghupatiṃ rāmaṃ bhaje śyāmalam || 49
śāntaṃ śāradacandrakoṭisadṛśaṃ candrābhirāmānanaṃ
candrārkāgnivikāsikuṇḍaladharaṃ candrāvataṃsastutam |
vīṇāpustakasākṣasūtravilasadvyākhyānamudrākaraṃ
deveśaṃ bharatādibhiḥ parivṛtaṃ rāmaṃ bhaje śyāmalam || 50
rāmaṃ rākṣasamardanaṃ raghupatiṃ śakrārividhvaṃsinaṃ
sugrīvepsitarājyadaṃ surapateḥ putrāntakaṃ śārṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sītāsevitapādapadmayugalaṃ rāmaṃ bhaje śyāmalam || 51
kandarpāyutakoṭikoṭitulitaṃ kālāmbudaśyāmalaṃ
kambugrīvamudārakaustubhadharaṃ karṇāvataṃsotpalam |
kastūrītilakojjvalaṃ smitamukhaṃ cinmudrayālaṅkṛtaṃ
sītālakṣmaṇavāyuputrasahitaṃ siṃhāsanasthaṃ bhaje || 52
sākete navaratnapaṅktikhacite citradhvajālaṅkṛte
vāse svarṇamaye dalāṣṭalalite padme vimānottame |
āsīnaṃ bharatādisodarajanaiḥ śākhāmṛgaiḥ kinnaraiḥ
dikpālairmunipuṅgavairnṛpagaṇaissaṃsevyamānaṃ bhaje || 53
kastūrīghanasārakuṅkumalasacchrīcandanālaṅkṛtaṃ
kandarpādhikasundaraṃ ghananibhaṃ kākutsthavaṃśadhvajam |
kalyāṇāmbharaveṣṭitaṃ kamalayā yuktaṃ kalāvallabhaṃ
kalyāṇācalakārmukapriyasakhaṃ kalyāṇarāmaṃ bhaje || 54
muktermūlaṃ munivarahṛdānandakandaṃ mukundaṃ
kūṭasthākhyaṃ sakalavaradaṃ sarvacaitanyarūpam |
nādātītaṃ kamalanilayaṃ nādanādāntatattvaṃ
nādātītaṃ prakṛtirahitaṃ rāmacandraṃ bhaje'ham || 55
tārākāraṃ nikhilanilayaṃ tattvamasyādilakṣyaṃ
śabdāvācyaṃ triguṇarahitaṃ vyomamaṅguṣṭhamātram |
nirvāṇākhyaṃ saguṇamaguṇavyomarandhrāntarasthaṃ
sauṣumnāntaḥ praṇavasahitaṃ rāmacandraṃ bhaje'ham || 56
nijānandākāraṃ nigamaturagārādhitapadaṃ
parabrahmānandaṃ paramapadagaṃ pāpaharaṇam |
kṛpāpārāvāraṃ paramapuruṣaṃ padmanilayaṃ
bhaje rāmaṃ śyāmaṃ prakṛtirahitaṃ nirguṇamaham || 57
sākete nagare samastamahimādhāre jaganmohane
ratnastambhasahasramaṇṭapamahāsiṃhāsane sāmbuje |
viśvāmitravasiṣṭhagautamaśukavyāsādibhirmaunibhiḥ
dhyeyaṃ lakṣmaṇalokapālasahitaṃ sītāsametaṃ bhaje || 58
rāmaṃ śyāmābhirāmaṃ raviśaśinayanaṃ koṭisūryaprakāśaṃ
divyaṃ divyāstrapāṇiṃ śaramukhaśaradhiṃ cārukoḍaṇḍahastam |
kālaṃ kālāgnirudraṃ ripukuladahanaṃ vighnavicchedadakṣaṃ
bhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 59
śrīrāmaṃ bhuvanaikasundaratanuṃ dhārādharaśyāmalaṃ
rājīvāyatalocanaṃ raghuvaraṃ rākendubimbānanam |
kodaṇḍādinijāyudhāśritabhujairbhrāntaṃ videhātmajā-
dhīśaṃ bhaktajanāvanaṃ raghuvaraṃ śrīrāmacandraṃ bhaje || 60
śrīvatsāṅkamudārakaustubhalasatpītāmbarālaṅkṛtaṃ
nānāratnavirājamānamakuṭaṃ nīlāmbudaśyāmalam |
kastūrīghanasāracarcitatanuṃ mandāramālādharaṃ
kandarpāyutasundaraṃ raghupatiṃ sītāsametaṃ bhaje || 61
sadānandadeve sahasrārapadme
galaccandrapīyūṣadhārāmṛtānte |
sthitaṃ rāmamūrtiṃ niṣeve niṣeve-
'nyadaivaṃ na seve na seve na seve || 62
sudhābhāsitadvīpamadhye vimāne
suparvālivṛkṣojjvale śeṣatalpe |
niṣaṇṇaṃ ramāṅkaṃ niṣeve niṣeve-
'nyadaivaṃ na seve na seve na seve || 63
cidaṃśaṃ samānandamānandakandaṃ
suṣumnākhyarandhrāntarāle ca haṃsam |
sacakraṃ saśaṅkhaṃ sapītāmbarāṅkaṃ
parañcānyadaivaṃ na jāne na jāne || 64
caturvedakūṭollasatkāraṇākhyaṃ
sphuraddivyavaimānike bhogitalpe |
parandhāmamūrtiṃ niṣaṇṇaṃ niṣeve
niṣeve'nyadaivaṃ na seve na seve || 65
siṃhāsanasthaṃ surasevitavyaṃ
ratnāṅkitālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghava rāmacandram || 66
rāmaṃ purāṇapuruṣaṃ ramaṇīyaveṣaṃ
rājādhirājamakuṭārcitapādapīṭham |
sītāpatiṃ sunayanaṃ jagadekavīraṃ
śrīrāmacandramaniśaṃ kalayāmi citte || 67
parānandavastusvarūpādisākṣiṃ
parabrahmagamyaṃ parañjyotimūrtim |
parāśaktimitrā'priyārādhitāṅghriṃ
parandhāmarūpaṃ bhaje rāmacandram || 68
mandasmitaṃ kuṇḍalagaṇḍabhāgaṃ
pītāmbaraṃ bhūṣaṇabhūṣitāṅgam |
nīlotpalāṅgaṃ bhuvanaikamitraṃ
rāmaṃ bhaje rāghava rāmacandram || 69
acintyamavyaktamanantarūpa-
madvaitamānandamanādigamyam |
puṇyasvarūpaṃ puruṣottamākhyaṃ
rāmaṃ bhaje rāghava rāmacandram || 70
padmāsanasthaṃ surasevitavyaṃ
padmālayānandakaṭākṣavīkṣyam |
gandharvavidyādharagīyamānaṃ
rāmaṃ bhaje rāghava rāmacandram || 71
anantakīrtiṃ varadaṃ prasannaṃ
padmāsanaṃ sevakapārijātam |
rājādhirājaṃ raghuvīraketuṃ
rāmaṃ bhaje rāghava rāmacandram || 72
sugrīvamitraṃ sujanānurūpaṃ
laṅkāharaṃ rākṣasavaṃśanāśam |
vedāśrayāṅgaṃ vipulāyatākṣaṃ
rāmaṃ bhaje rāghava rāmacandram || 73
sakṛtpraṇatarakṣāyāṃ sākṣī yasya vibhīṣaṇaḥ |
sāparādhapratīkāraḥ sa śrīrāmo gatirmama || 74
phalamūlāśinau dāntau tāpasau dharmacāriṇau |
rakṣaḥkulavihantārau bhrātarau rāmalakṣmaṇau || 75
taruṇau rūpasampannau sukumārau mahābalau |
puṇḍarīka viśālākṣau cīrakṛṣṇājināmbarau || 76
kausalyānayanenduṃ daśarathamukhāravindamārtāṇḍam |
sītāmānasahaṃsaṃ rāmaṃ rājīvalocanaṃ vande || 77
bharjanaṃ bhavabījānāṃ mārjanaṃ sukhasampadām |
tarjanaṃ yamadūtānāṃ rāmarāmeti kīrtanam || 78
na jāne jānakī jāne rāma tvannāmavaibhavam |
sarveśo bhagavān śambhurvālmīkirvetti vā navā || 79
karataladhṛtacāpaṃ kālameghasvarūpaṃ
sarasijadalanetraṃ cāruhāsaṃ sugātram |
vicinutavanavāsaṃ vikramodagraveṣaṃ
praṇamata raghunāthaṃ jānakīprāṇanātham || 80
vidyutsphuranmakarakuṇḍaladīptacāru-
gaṇḍasthalaṃ maṇikirīṭavirājamānam |
pītāmbaraṃ jaladanīlamudārakāntiṃ
śrīrāmacandramaniśaṃ kalayāmi citte || 81
ratnollasajjvalitakuṇḍalagaṇḍabhāgaṃ
kastūrikātilakaśobhitaphālabhāgam |
karṇāntadīrghanayanaṃ karuṇākaṭākṣaṃ
śrīrāmacandra mukhamātmani sannidhattam || 82
vaidehīsahitaṃ ca lakṣmaṇayutaṃ kaikeyiputrānvitaṃ
sugrīvaṃ ca vibhīṣaṇānilasutau nīlaṃ nalaṃ sāṅgadam |
viśvāmitravasiṣṭhagautamabharadvājādikān mānayan
rāmo mārutisevitaḥ smaratu māṃ sāmrājyasiṃhāsane || 83
sakalaguṇanidhānaṃ yogibhisstūyamānaṃ
bhajitasuravimānaṃ rakṣitendrādimānam |
mahitavṛṣabhayānaṃ sītayā śobhamānaṃ
smaratu hṛdayabhānuṃ brahmarāmābhirāmam || 84
tridaśakumudacandro dānavāmbhojacandro
duritatimiracandro yogināṃ jñānacandraḥ |
praṇatanayanacandro maithilīnetracandro
daśamukharipucandraḥ pātu māṃ rāmacandraḥ || 85
yannāmaiva sahasranāmasadṛśaṃ yannāma vedaissamaṃ
yannāmāṅkitavākya-māsurabalastrīgarbhavicchedanam |
yannāma śvapacāryabhedarahitaṃ muktipradānojjvalaṃ
tannāmā'laghurāmarāmaramaṇaṃ śrīrāmanāmāmṛtam || 86
rājīvanetra raghupuṅgava rāmabhadra
rākendubimbasadṛśānana nīlagātra |
rāmā'bhirāma raghuvaṃśasamudbhava tvaṃ
śrīrāmacandra mama dehi karāvalambam || 87
māṇikyamañjīrapadāravindaṃ
rāmārkasamphullamukhāravindam |
bhaktābhayaprāpikarāravindāṃ
devīṃ bhaje rāghavavallabhāṃ tām || 88
jayatu vijayakārī jānakīmodakārī
tapanakulavihārī daṇḍakāraṇyacārī |
daśavadanakuṭhārī daityavicchedakārī
maṇimakuṭakadhārī caṇḍakodaṇḍadhārī || 89
rāmaḥ pitā raghava eva mātā
rāmassubandhuśca sakhā hitaśca |
rāmo gururme paramaṃ ca daivaṃ
rāmaṃ vinā nā'nyamahaṃ smarāmi || 90
śrīrāma me tvaṃ hi pitā ca mātā
śrīrāma me tvaṃ hi suhṛcca bandhuḥ |
śrīrāma me tvaṃ hi guruśca goṣṭhī
śrīrāma me tvaṃ hi samastameva || 91
rāmacandracaritāmṛtapānaṃ
somapānaśatakoṭisamānam |
somapānaśatakoṭibhirīyā-
jjanma naiti raghunāyakanāmnā || 92
rāma rāma dayāsindho rāvaṇāre jagatpate |
tvatpādakamalāsakti-rbhavejjanmani janmani || 93
śrīrāmacandreti dayāpareti
bhaktapriyeti bhavabandhanamocaneti |
nātheti nāgaśayaneti sadā stuvantaṃ
māṃ pāhi bhītamaniśaṃ kṛpaṇaṃ kṛpālo || 94
ayodhyānātha rājendra sītākānta jagatpate |
śrīrāma puṇḍarīkākṣa rāmacandra namo'stu te || 95
he rāma he ramaṇa he jagadekavīra
he nātha he raghupate karuṇālavāla |
he jānakīramaṇa he jagadekabandho
māṃ pāhi dīnamaniśaṃ kṛpaṇaṃ kṛtaghnam || 96
jānāti rāma tava tattvagatiṃ hanūmān |
jānāti rāma tava sakhyagatiṃ kapīśaḥ |
jānāti rāma tava yuddhagatiṃ daśāsyo |
jānāti rāma dhanadānuja eva satyam || 97
sevyaṃ śrīrāmamantraṃ śravaṇaśubhakaraṃ śreṣṭhasujñānimantraṃ
stavyaṃ śrīrāmamantraṃ narakaduritadurvāranirghātamantram |
bhavyaṃ śrīrāmamantraṃ bhajatu bhajatu saṃsāranistāramantraṃ
divyaṃ śrīrāmamantraṃ divi bhuvi vilasanmokṣarakṣaikamantram || 98
nikhilanilayamantraṃ nityatattvākhyamantraṃ
bhavakulaharamantraṃ bhūmijāprāṇamantram |
pavanajanutamantraṃ pārvatīmokṣamantraṃ
paśupatinijamantraṃ pātu māṃ rāmamantram || 99
praṇavanilayamantraṃ prāṇanirvāṇamantraṃ
prakṛtipuruṣamantraṃ brahmarudrendramantram |
prakaṭaduritarāgadveṣanirṇāśamantraṃ
raghupatinijamantraṃ rāmarāmetimantram || 100
daśarathasutamantraṃ daityasaṃhāramantraṃ
vibudhavinutamantraṃ viśvavikhyātamantram |
munigaṇanutamantraṃ muktimārgaikamantraṃ
raghupatinijamantraṃ rāmarāmetimantram || 101
saṃsārasāgarabhayāpahaviśvamantraṃ
sākṣānmumukṣujanasevitasiddhamantram |
sāraṅgahastamukhahastanivāsamantraṃ
kaivalyamantramaniśaṃ bhaja rāmamantram || 102
jayatu jayatu mantraṃ janmasāphalyamantraṃ
jananamaraṇabhedakleśavicchedamantram |
sakalanigamamantraṃ sarvaśāstraikamantraṃ
raghupatinijamantraṃ rāmarāmetimantram || 103
jagati viśadamantraṃ jānakīprāṇamantraṃ
vibudhavinutamantraṃ viśvavikhyātamantram |
daśarathasutamantraṃ daityasaṃhāramantraṃ
raghupatinijamantraṃ rāmarāmetimantram || 104
brahmādiyogimunipūjitasiddhamantraṃ
dāridryaduḥkhabhavarogavināśamantram |
saṃsārasāgarasamuttaraṇaikamantraṃ
vande mahābhayaharaṃ raghurāmamantram || 105
śatrucchedaikamantraṃ sarasamupaniṣadvākyasampūjyamantraṃ
saṃsārottāramantraṃ samucitasamaye saṅganiryāṇamantram |
sarvaiśvaryaikamantraṃ vyasanabhujagasandaṣṭasantrāṇamantraṃ
jihve śrīrāmamantraṃ japa japa saphalaṃ janmasāphalyamantram || 106
nityaṃ śrīrāmamantraṃ nirupamamadhikaṃ nītisujñānamantraṃ
satyaṃ śrīrāmamantraṃ sadamalahṛdaye sarvadārogyamantram |
stutyaṃ śrīrāmamantraṃ sulalitasumanassaukhyasaubhāgyamantraṃ
paṭhyaṃ śrīrāmamantraṃ pavanajavaradaṃ pātu māṃ rāmamantram || 107
vyāmohapraśamauṣadhaṃ munimanovṛttipravṛttyauṣadhaṃ
daityonmūlakarauṣadhaṃ bhavabhayapradhvaṃsanaikauṣadham |
bhaktānandakarauṣadhaṃ tribhuvane sañjīvanaikauṣadhaṃ
śreyaḥ prāptikarauṣadhaṃ piba manaḥ śrīrāmanāmauṣadham || 108
sakalabhuvanaratnaṃ sarvaśāstrārtharatnaṃ
samaravijayaratnaṃ saccidānandaratnam |
daśamukhahararatnaṃ dānavārātiratnaṃ
raghukulanṛparatnaṃ pātu māṃ rāmaratnam || 109
sakalabhuvanaratnaṃ saccidānandaratnaṃ
sakalahṛdayaratnaṃ sūryabimbāntaratnam |
vimalasukṛtaratnaṃ vedavedāntaratnaṃ
puraharajaparatnaṃ pātu māṃ rāmaratnam || 110
nigamaśikhararatnaṃ nirmalānandaratnaṃ
nirupamaguṇaratnaṃ nādanādāntaratnam |
daśarathakularatnaṃ dvādaśāntasstharatnaṃ
paśupatijaparatnaṃ pātu māṃ rāmaratnam || 111
śatamakhasutaratnaṃ ṣoḍaśāntasstharatnaṃ
munijanajaparatnaṃ mukhyavaikuṇṭharatnam |
nirupamaguṇaratnaṃ nīrajāntasstharatnaṃ
paramapadaviratnaṃ pātu māṃ rāmaratnam || 112
sakalasukṛtaratnaṃ satyavākyārtharatnaṃ
śamadamaguṇaratnaṃ śāśvatānandaratnam |
praṇayanilayaratnaṃ prasphuṭadyotiratnaṃ
paramapadaviratnaṃ pātu māṃ rāmaratnam || 113
nigamaśikhararatnaṃ nityamāśāsyaratnaṃ
jananutanṛparatnaṃ jānakīrūparatnam |
bhuvanavalayaratnaṃ bhūbhujāmekaratnaṃ
raghukulavararatnaṃ pātu māṃ rāmaratnam || 114
viśālanetraṃ paripūrṇagātraṃ
sītākalatraṃ suravairijaitram |
kāruṇyapātraṃ jagataḥ pavitraṃ
śrīrāmaratnaṃ praṇato'smi nityam || 115
he gopālaka he dayājalanidhe he sadguṇāmbhonidhe
he daityāntaka he vibhīṣaṇadayāparīṇa he bhūpate |
he vaidehasutāmanojavihṛte he koṭimārākṛte
he navyāmbujanetra pālaya paraṃ jānāmi na tvāṃ vinā || 116
yasya kiñcidapi no haraṇīyaṃ
karma kiñcidapi no caraṇīyam |
rāmanāma ca sadā smaraṇīyaṃ
līlayā bhavajalaṃ taraṇīyam || 117
daśarathasutamīśaṃ daṇḍakāraṇyavāsaṃ
śatamakhamaṇinīlaṃ jānakīprāṇalolam |
sakalabhuvanamohaṃ sannutāmbhodadehaṃ
bahulanutasamudraṃ bhāvaye rāmabhadram || 118
viśālanetraṃ paripūrṇagātraṃ
sītākalatraṃ suravairijaitram |
jagatpavitraṃ paramātmatantraṃ
śrīrāmacandraṃ praṇamāmi citte || 119
jaya jaya raghurāma śrīmukhāmbhojabhāno
jaya jaya raghuvīra śrīmadambhojanetra |
jaya jaya raghunātha śrīkarābhyarcitāṅghri
jaya jaya raghuvarya śrīśa kāruṇyasindho || 120
mandāramūle maṇipīṭhasaṃsthaṃ
sudhāplutaṃ divyavirāṭsvarūpam |
sabindunādāntakalāntaturya-
mūrtiṃ bhaje'haṃ raghuvaṃśaratnam || 121
nādaṃ nādavinīlacittapavanaṃ nādāntattvapriyaṃ
nāmākāravivarjitaṃ navaghanaśyāmāṅganādapriyam |
nādāmbhojamarandamattavilasadbhṛṅgaṃ madāntassthitaṃ
nādāntadhṛvamaṇḍalābjaruciraṃ rāmaṃ bhaje tārakam || 122
nānābhūtahṛdabjapadmanilayaṃ nāmojjvalābhūṣaṇam |
nāmastotrapavitritatribhuvanaṃ nārāyaṇāṣṭākṣaram |
nādāntendugalatsudhāplutatanuṃ nānātmacinmātrakam |
nānākoṭiyugāntabhānusadṛśaṃ rāmaṃ bhaje tārakam || 123
vedyaṃ vedaguruṃ viriñcijanakaṃ vedāntamūrtiṃ sphura-
dvedaṃ vedakalāpamūlamahimādhārāntakandāṅkuram |
vedaśṛṅgasamānaśeṣaśayanaṃ vedāntavedyātmakaṃ
vedārādhitapādapaṅkajamahaṃ rāmaṃ bhaje tārakam || 124
majjīvaṃ madanugrahaṃ madadhipaṃ madbhāvanaṃ matsukhaṃ
mattātaṃ mama sadguruṃ mama varaṃ mohāndhavicchedanam |
matpuṇyaṃ madanekabāndhavajanaṃ majjīvanaṃ mannidhiṃ
matsiddhiṃ mama sarvakarmasukṛtaṃ rāmaṃ bhaje tārakam || 125
nityaṃ nīrajalocanaṃ nirupamaṃ nīvāraśūkopamaṃ
nirbhedānubhavaṃ nirantaraguṇaṃ nīlāṅgarāgojjvalam |
niṣpāpaṃ nigamāgamārcitapadaṃ nityātmakaṃ nirmalaṃ
niṣpuṇyaṃ nikhilaṃ nirañjanapadaṃ rāmaṃ bhaje tārakam || 126
dhyāye tvāṃ hṛdayāmbuje raghupatiṃ vijñānadīpāṅkuraṃ
haṃsohaṃsaparamparādimahimādhāraṃ jaganmohanam |
hastāmbhojagadābjacakramatulaṃ pītāmbaraṃ kaustubhaṃ
śrīvatsaṃ puruṣottamaṃ maṇinibhaṃ rāmaṃ bhaje tārakam || 127
satyajñānamanantamacyutamajaṃ cāvyākṛtaṃ tatparaṃ
kūṭasthādisamastasākṣimanaghaṃ sākṣādvirāṭtattvadam |
vedyaṃ viśvamayaṃ svalīnabhuvanasvārājyasaukhyapradaṃ
pūrṇaṃ pūrṇataraṃ purāṇapuruṣaṃ rāmaṃ bhaje tārakam || 128
rāmaṃ rākṣasavaṃśanāśanakaraṃ rākendubimbānanaṃ
rakṣoriṃ raghuvaṃśavardhanakaraṃ raktādharaṃ rāghavam |
rādhāyātmanivāsinaṃ ravinibhaṃ ramyaṃ ramānāyakaṃ
randhrāntargataśeṣaśāyinamahaṃ rāmaṃ bhaje tārakam || 129
otaprotasamastavastunicayaṃ oṅkārabījākṣaraṃ
oṅkāraprakṛtiṃ ṣaḍakṣarahitaṃ oṅkārakandāṅkuram |
oṅkārasphuṭabhūrbhuvassuparitaṃ oghatrayārādhitam
oṅkārojjvalasiṃhapīṭhanilayaṃ rāmaṃ bhaje tārakam || 130
sākete nagare samastasukhade harmye'bjakoṭidyute
nakṣatragrahapaṅktilagnaśikhare cāntaryapaṅkeruhe |
vālmīkātriparāśarādimunibhissaṃsevyamānaṃ sthitaṃ
sītālaṅkṛtavāmabhāgamaniśaṃ rāmaṃ bhaje tārakam || 131
vaikuṇṭhe nagare suradrumatale cānandavaprāntare
nānāratnavinirmitasphuṭapaṭuprākārasaṃveṣṭite |
saudhendūpalaśeṣatalpalalite nīlotpalacchādite
paryaṅke śayanaṃ ramādisahitaṃ rāmaṃ bhaje tārakam || 132
vande rāmamanādipūruṣamajaṃ vande ramānāyakaṃ
vande hārikirīṭakuṇḍaladharaṃ vande sunīladyutim |
vande cāpakalambakojjvalakaraṃ vande jaganmaṅgalaṃ
vande paṅktirathātmajaṃ mama guruṃ vande sadā rāghavam || 133
vande śaunakagautamādyabhinutaṃ vande ghanaśyāmalaṃ
vande tārakapīṭhamadhyanilayaṃ vande jagannāyakam |
vande bhaktajanaughadevivaṭapaṃ vande dhanurvallabhaṃ
vande tattvamasītivākyajanakaṃ vande sadā rāghavam || 134
vande sūryaśaśāṅkalocanayugaṃ vande jagatpāvanaṃ
vande patrasahasrapadmanilayaṃ vande purāripriyam |
vande rākṣasavaṃśanāśanakaraṃ vande sudhāśītalaṃ
vande devakapīndrakoṭivinutaṃ vande sadā rāghavam || 135
vande sāgaragarvabhaṅgaviśikhaṃ vande jagajjīvanaṃ
vande kauśikayāgarakṣaṇakaraṃ vande guruṇāṃ gurum |
vande bāṇaśarāsanojjvalakaraṃ vande jaṭāvalkalaṃ
vande lakṣmaṇabhūmijānvitamahaṃ vande sadā rāghavam || 136
vande pāṇḍarapuṇḍarīkanayanaṃ vande'bjabimbānanaṃ
vande kambugalaṃ karābjayugalaṃ vande lalāṭojjvalam |
vande pītadukūlamambudanibhaṃ vande jaganmohanaṃ
vande kāraṇamānuṣojjvalatanuṃ vande sadā rāghavam || 137
vande nīlasarojakomalaruciṃ vande jagadvanditaṃ
vande sūryakulābdhikaustubhamaṇiṃ vande surārādhitam |
vande pātakapañcakapraharaṇaṃ vande jagatkāraṇaṃ
vande viṃśatipañcatattvarahitaṃ vande sadā rāghavam || 138
vande sādhakavargakalpakataruṃ vande trimūrtyātmakaṃ
vande nādalayāntarasthalagataṃ vande trivargātmakam |
vande rāgavihīnacittasulabhaṃ vande sabhānāyakaṃ
vande pūrṇadayāmṛtārṇavamahaṃ vande sadā rāghavam || 139
vande sāttvikatattvamudritatanuṃ vande sudhādāyakaṃ
vande cārucaturbhujaṃ maṇinibhaṃ vande ṣaḍabjasthitam |
vande brahmapipīlikādinilayaṃ vande virāṭvigrahaṃ
vande pannagatalpaśāyinamahaṃ vande sadā rāghavam || 140
siṃhāsanasthaṃ munisiddhasevyaṃ
raktotpalālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghavarāmacandram || 141
śrīrāmabhadrāśritasadgurūṇāṃ
pādāravindaṃ bhajatāṃ narāṇām |
ārogyamaiśvaryamanantakīrti-
rante ca viṣṇoḥ padamasti satyam || 142
daśarathavaraputraṃ jānakīsatkalatraṃ
daśamukhaharadakṣaṃ padmapatrāyatākṣam |
karadhṛtaśaracāpaṃ cārumuktākalāpaṃ
raghukulanṛvareṇyaṃ rāmamīḍe śaraṇyam || 143
daśamukhagajasiṃhaṃ daityagarvātiraṃhaṃ
kadanabhayadahastaṃ tārakabrahma śastam |
maṇikhacitakirīṭaṃ mañjulālāpavāṭaṃ
daśarathakulacandraṃ rāmacandraṃ bhaje'ham || 144
rāmaṃ raktasaroruhākṣamamalaṃ laṅkādhināthāntakaṃ
kausalyānayanotsukaṃ raghuvaraṃ nāgendratalpasthitam |
vaidehīkucakumbhakuṅkumarajolaṅkārahāraṃ hariṃ
māyāmānuṣavigrahaṃ raghupatiṃ sītāsametaṃ bhaje || 145
rāmaṃ rākṣasamardanaṃ raghuvaraṃ daiteyabhidhvaṃsinaṃ
sugrīvepsitarājyadaṃ surapaterbhītyantakaṃ śārṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sāmīristutapādapadmayugalaṃ sītāsametaṃ bhaje || 146
yatpādāmbujareṇunā munisatī muktiṅgatā yanmahaḥ
puṇyaṃ pātakanāśanaṃ trijagatāṃ bhāti smṛtaṃ pāvanam |
smṛtvā rāghavamaprameyamamalaṃ pūrṇendumandasmitaṃ
taṃ rāmaṃ sarasīruhākṣamamalaṃ sītāsametaṃ bhaje || 147
vaidehīkucamaṇḍalāgra-vilasanmāṇikyahastāmbujaṃ
cañcatkaṅkaṇahāranūpura-lasatkeyūrahārānvitam |
divyaśrīmaṇikuṇḍalojjvala-mahābhūṣāsahasrānvitaṃ
vīraśrīraghupuṅgavaṃ guṇanidhiṃ sītāsametaṃ bhaje || 148
vaidehīkucamaṇḍalopari-lasanmāṇikyahārāvalī-
madhyasthaṃ navanītakomalaruciṃ nīlotpalaśyāmalam |
kandarpāyutakoṭisundaratanuṃ pūrṇendubimbānanaṃ
kausalyākulabhūṣaṇaṃ raghupatiṃ sītāsametaṃ bhaje || 149
divyāraṇyayatīndranāmanagare madhye mahāmaṇṭape
svarṇastambhasahasraṣoḍaśayute mandāramūlāśrite |
nānāratnavicitranirmalamahāsiṃhāsane saṃsthitaṃ
sītālakṣmaṇasevitaṃ raghupatiṃ sītāsametaṃ bhaje || 150
kastūrītilakaṃ kapīndraharaṇaṃ kāruṇyavārānnidhiṃ
kṣīrāmbhodhisutāmukhābjamadhupaṃ kalyāṇasampannidhim |
kausalyānayanotsukaṃ kapivaratrāṇaṃ mahāpauruṣaṃ
kaumārapriyamarkakoṭisadṛśaṃ sītāsametaṃ bhaje || 151
vidyutkoṭidivākaradyutinibhaṃ śrīkaustubhālaṅkṛtaṃ
yogīndraissanakādibhiḥ parivṛtaṃ kailāsanāthapriyam |
muktāratnakirīṭakuṇḍaladharaṃ graiveyahārānvitaṃ
vaidehīkucasannivāsamaniśaṃ sītāsametaṃ bhaje || 152
meghaśyāmalamambujātanayanaṃ vistīrṇavakṣassthalaṃ
bāhudvandvavirājitaṃ suvadanaṃ śoṇāṅghripaṅkeruham |
nānāratnavicitrabhūṣaṇayutaṃ kodaṇḍabāṇāṅkitaṃ
trailokyā'pratimānasundaratanuṃ sītāsametaṃ bhaje || 153
vaidehīyutavāmabhāgamatulaṃ vandārumandārakaṃ
vande prastutakīrtivāsitatarucchāyānukāriprabham |
vaidehīkucakuṅkumāṅkitamahoraskaṃ mahābhūṣaṇaṃ
vedāntairupagīyamānamasakṛtsītāsametaṃ bhaje || 154
devānāṃ hitakāraṇena bhuvane dhṛtvā'vatāraṃ dhruvaṃ
rāmaṃ kauśikayajñavighnadalanaṃ tattāṭakāsaṃharam |
nityaṃ gautamapatniśāpadalanaśrīpādareṇuṃ śubhaṃ
śambhorutkaṭacāpakhaṇḍanamahāsatvaṃ bhaje rāghavam || 155
śrīrāmaṃ navaratnakuṇḍaladharaṃ śrīrāmarakṣāmaṇiṃ
śrīrāmaṃ ca sahasrabhānusadṛśaṃ śrīrāmacandrodayam |
śrīrāmaṃ śrutakīrtimākaramahaṃ śrīrāmamuktipradaṃ
śrīrāmaṃ raghunandanaṃ bhayaharaṃ śrīrāmacandraṃ bhaje || 156
rāmamindīvaraśyāmaṃ rājīvāyatalocanam |
jyāghoṣanirjitārātiṃ jānakīramaṇaṃ bhaje || 157
dīrghabāhumaravindalocanaṃ
dīnavatsalamanātharakṣakam |
dīkṣitaṃ sakalalokarakṣaṇe
daivataṃ daśarathātmajaṃ bhaje || 158
prātassmarāmi raghunāthamukhāravindaṃ
mandasmitaṃ madhurabhāṣi viśālaphālam |
karṇāvalambicalakuṇḍalagaṇḍabhāgaṃ
karṇāntadīrghanayanaṃ nayanābhirāmam || 159
prātarbhajāmi raghunāthakarāravindaṃ
rakṣogaṇāya bhayadaṃ varadaṃ nijebhyaḥ |
yadrājasaṃsadi vibhidya maheśacāpaṃ
sītākaragrahaṇamaṅgalamāpa sadyaḥ || 160
prātarnamāmi raghunāthapadāravindaṃ
padmāṅkuśādiśubharekhaśubhāvahaṃ ca |
yogīndramānasamadhuvratasevyamānaṃ
śāpāpahaṃ sapadi gautamadharmapatnyāḥ || 161
prātarvadāmi vacasā raghunāthanāma
vāgdoṣahāri sakalaṃ kaluṣaṃ nihantṛ |
yatpārvatī svapatinā saha bhoktukāmā
prītyā sahasraharināmasamaṃ jajāpa || 162
prātaḥ śraye śrutinutaṃ raghunāthamūrtiṃ
nīlāmbudotpalasitetararatnanīlām |
āmuktamauktikaviśeṣavibhūṣaṇāḍhyāṃ
dhyeyāṃ samastamunibhirnijabhṛtyamukhyaiḥ || 163
raghukulavaranātho jānakīprāṇanāthaḥ
pitṛvacanavidhātā kīśarājyapradātā |
pratiniśicaranāśaḥ prāptarājyapraveśo
vihitabhuvanarakṣaḥ pātu padmāyatākṣaḥ || 164
kuvalayadalanīlaḥ pītavāsāḥ smitāsyo
vividharucirabhūṣābhūṣito divyamūrtiḥ |
daśarathakulanātho jānakīprāṇanātho
nivasatu mama citte sarvadā rāmacandraḥ || 165
jayatu jayatu rāmo jānakīvallabho'yaṃ
jayatu jayatu rāmaścandracūḍārcitāṅghriḥ |
jayatu jayatu vāṇīnāthanāthaḥ parātmā
jayatu jayatu rāmo'nāthanāthaḥ kṛpāluḥ || 166
vadatu vadatu vāṇī rāmarāmeti nityaṃ
jayatu jayatu cittaṃ rāmapādāravindam |
namatu namatu dehaṃ santataṃ rāmacandraṃ
na bhavatu mama pāpaṃ janmajanmāntareṣu || 167
ānandarūpaṃ varadaṃ prasannaṃ
siṃhekṣaṇaṃ sevakapārijātam |
nīlotpalāṅgaṃ bhuvanaikamitraṃ
rāmaṃ bhaje rāghavarāmacandram || 168
laṅkāvirāmaṃ raṇaraṅgabhīmaṃ
rājīvanetraṃ raghuvaṃśamitram |
kāruṇyamūrtiṃ karuṇāprapūrtiṃ
śrīrāmacandraṃ śaraṇaṃ prapadye || 169
sugrīvamitraṃ paramaṃ pavitraṃ
sītākalatraṃ navahemasūtram |
kāruṇyapātraṃ śatapatranetraṃ
śrīrāmacandraṃ śirasā namāmi || 170
śrīrāghaveti ramaṇeti raghūdvaheti
rāmeti rāvaṇahareti ramādhaveti |
sāketanāthasumukheti ca suvrateti
vāṇī sadā vadatu rāma hare hareti || 171
śrīrāmanāmāmṛtamantrabījaṃ
sañjīvanaṃ cenmanasi pratiṣṭham |
hālāhalaṃ vā pralayānalaṃ vā
mṛtyormukhaṃ vā vitathīkaroti || 172
kiṃ yogaśāstraiḥ kimaśeṣavidyā
kiṃ yāgagaṅgādiviśeṣatīrthaiḥ |
kiṃ brahmacaryāśramasañcareṇa
bhaktirnacette raghuvaṃśakīrtyām || 173
idaṃ śarīraṃ ślathasandhijarjharaṃ
patatyavaśyaṃ pariṇāmapeśalam |
kimauṣathaṃ pṛcchasi mūḍha durmate
nirāmayaṃ rāmakathāmṛtaṃ piba || 174
he rāmabhadrāśraya he kṛpālo
he bhaktalokaikaśaraṇyamūrte |
punīhi māṃ tvaccaraṇāravindaṃ
jagatpavitraṃ śaraṇaṃ mamā'stu || 175
nīlābhradeha nikhileśa jagannivāsa
rājīvanetra ramaṇīyaguṇābhirāma |
śrīdāma daityakulamardana rāmacandra
tvatpādapadmamaniśaṃ kalayāmi citte || 176
śrīrāmacandra karuṇākara dīnabandho
sītāsameta bharatāgraja rāghaveśa |
pāpārtibhañjana bhayāturadīnabandho
pāpāmbudhau patitamuddhara māmanātham || 177
indīvaradalaśyāma-mindukoṭinibhānanam |
kandarpakoṭilāvaṇyaṃ vande'haṃ raghunandanam || 175
iti śrībodhendrasarasvatī kṛta śrīrāmakarṇāmṛtam ||
Sanskrit — Devanagari (original)
मङ्गलश्लोकाः
मङ्गलं भगवान्विष्णुर्मङ्गलं मधुसूदनः ।
मङ्गलं पुण्डरीकाक्षो मङ्गलं गरुडध्वजः ॥ 1
मङ्गलं कोसलेन्द्राय महनीयगुणाब्धये ।
चक्रवर्तितनूजाय सार्वभौमाय मङ्गलम् ॥ 2
वेदवेदान्तवेद्याय मेघश्यामलमूर्तये ।
पुंसां मोहनरूपाय पुण्यश्लोकाय मङ्गलम् ॥ 3
विश्वामित्रान्तरङ्गाय मिथिलानगरीपतेः ।
भाग्यानां परिपाकाय भव्यरूपाय मङ्गलम् ॥ 4
पितृभक्ताय सततं भ्रातृभिः सह सीतया ।
नन्दिताखिललोकाय रामचन्द्राय मङ्गलम् ॥ 5
त्यक्तसाकेतवासाय चित्रकूटविहारिणे ।
सेव्याय सर्वयमिनां धीरोदात्ताय मङ्गलम् ॥ 6
सौमित्रिणा च जानक्या चापबाणासिधारिणा ।
संसेव्याय सदा भक्त्या सानुजायास्तु मङ्गलम् ॥ 7
दण्डकारण्यवासाय खण्डितामरशत्रवे ।
गृध्रराजाय भक्ताय मुक्तिदायास्तु मङ्गलम् ॥ 8
सादरं शबरीदत्तफलमूलाभिलाषिणे ।
सौलभ्यपरिपूर्णाय सत्त्वोद्युक्ताय मङ्गलम् ॥ 9
हनूमत्समवेताय हरीशाभीष्टदायिने ।
वालिप्रमथनायास्तु महाधीराय मङ्गलम् ॥ 10
श्रीमते रघुवीराय सेतुलङ्घितसिन्धवे ।
जितराक्षसराजाय रणधीराय मङ्गलम् ॥ 11
आसाद्य नगरीं दिव्यामभिषिक्ताय सीतया ।
राजाधिराजराजाय रामभद्राय मङ्गलम् ॥ 12
विभीषणकृते प्रीत्या विश्वाभीष्टप्रदायिने ।
जानकीप्राणनाथाय सदा रामाय मङ्गलम् ॥ 13
—-
श्रीरामं त्रिजगद्गुरुं सुरवरं सीतामनोनायकं
श्यामाङ्गं शशिकोटिपूर्णवदनं चञ्चत्कलाकौस्तुभम् ।
सौम्यं सत्यगुणोत्तमं सुसरयूतीरे वसन्तं प्रभुं
त्रातारं सकलार्थसिद्धिसहितं वन्दे रघूणां पतिम् ॥ 14
श्रीराघवं दशरथात्मजमप्रमेयं
सीतापतिं रघुवरान्वयरत्नदीपम् ।
आजानुबाहुमरविन्ददलायताक्षं
रामं निशाचरविनाशकरं नमामि ॥ 15
श्रीरामचन्द्र करुणाकर राघवेन्द्र
राजेन्द्रचन्द्र रघुवंशसमुद्रचन्द्र ।
सुग्रीवनेत्रयुगलोत्पल-पूर्णचन्द्र
सीतामनःकुमुदचन्द्र नमो नमस्ते ॥ 16
सीतामनोमानसराजहंस
संसारसन्तापहर क्षमावन् ।
श्रीराम दैत्यान्तक शान्तरूप
श्रीतारकब्रह्म नमो नमस्ते ॥ 17
विष्णो राघव वासुदेव नृहरे देवौघचूडामणे ।
संसारार्णवकर्णधारक हरे कृष्णाय तुभ्यं नमः ॥ 18
सुग्रीवादिसमस्तवानरवरैस्संसेव्यमानं सदा ।
विश्वामित्रपराशरादिमुनिभिस्संस्तूयमानं भजे ॥ 19
रामं चन्दनशीतलं क्षितिसुतामोहाकरं श्रीकरं
वैदेहीनयनारविन्दमिहिरं सम्पूर्णचन्द्राननम् ।
राजानं करुणासमेतनयनं सीतामनोनन्दनं
सीतादर्पणचारुगण्डललितं वन्दे सदा राघवम् ॥ 20
जानाति राम तव नामरुचिं महेशो
जानाति गौतमसती चरणप्रभावम् ।
जानाति दोर्बलपराक्रममीशचापो
जानात्यमोघपटुबाणगतिं पयोधिः ॥ 21
माता रामो मत्पिता रामचन्द्रो
भ्राता रामो मत्सखा राघवेशः ।
सर्वस्वं मे रामचन्द्रो दायालु-
र्नान्यं दैवं नैव जाने न जाने ॥ 22
विमलकमलनेत्रं विस्फुरन्नीलगात्रं
तपनकुलपवित्रं दानवध्वन्तमित्रम् ।
भुवनशुभचरित्रं भूमिपुत्रीकलत्रं
दशरथवरपुत्रं नौमि रामाख्यमित्रम् ॥ 23
मार्गे मार्गे शाखिनां रत्नवेदी
वेद्यां वेद्यां किन्नरीबृन्दगीतम् ।
गीते गीते मञ्जुलालापगोष्ठी
गोष्ठ्यां गोष्ठ्यां त्वत्कथा रामचन्द्र ॥ 24
वृक्षे वृक्षे वीक्षिताः पक्षिसङ्घाः
सङ्घे सङ्घे मञ्जुलामोदवाक्यम् ।
वाक्ये वाक्ये मञ्जुलालापगोष्ठी
गोष्ठ्यां गोष्ठ्यां त्वत्कथा रामचन्द्र ॥ 25
दुरिततिमिरचन्द्रो दुष्टकञ्जातचन्द्रः
सुरकुवलयचन्द्रस्सूर्यवंशाब्धिचन्द्रः ।
स्वजननिवहचन्द्रश्शत्रुराजीवचन्द्रः
प्रणतकुमुदचन्द्रः पातु मां रामचन्द्रः ॥ 26
कल्याणदं कौशिकयज्ञपालं
कलानिधिं काञ्चनशैलधीरम् ।
कञ्जातनेत्रं करुणासमुद्रं
काकुत्स्थरामं कलयामि चित्ते ॥ 27
राजीवायतलोचनं रघुवरं नीलोत्पलश्यामलं
मन्दाराञ्चितमण्डपे सुललिते सौवर्णके पुष्पके ।
आस्थाने नवरत्नराजिखचिते सिंहासने संस्थितं
सीतालक्ष्मणलोकपालसहितं वन्दे मुनीन्द्रास्पदम् ॥ 28
ध्याये रामं सुधांशुं नतसकलभवारण्यतापप्रहारम् ।
श्यामं शान्तं सुरेन्द्रं सुरमुनिविनुतं कोटिसूर्यप्रकाशम् ।
सीतासौमित्रिसेव्यं सुरनरसुगमं दिव्यसिंहासनस्थम् ।
सायाह्ने रामचन्द्रं स्मितरुचिरमुखं सर्वदा मे प्रसन्नम् ॥ 29
इन्द्रनीलमणिसन्निभदेहं
वन्दनीयमसकृन्मुनिबृन्दैः ।
लम्बमानतुलसीवनमालं
चिन्तयामि सततं रघुवीरम् ॥ 30
सम्पूर्णचन्द्रवदनं सरसीरुहाक्षं
माणिक्यकुण्डलधरं मुकुटाभिरामम् ।
चाम्पेयगौरवसनं शरचापहस्तं
श्रीरामचन्द्रमनिशं मनसा स्मरामि ॥ 31
मातुः पार्श्वे चरन्तं मणिमयशयने मञ्जुभूषाञ्चिताङ्गम् ।
मन्दं मन्दं पिबन्तं मुकुलितनयनं स्तन्यमन्यस्तनाग्रम् ।
अङ्गुल्याग्रैः स्पृशन्तं सुखपरवशया सस्मितालिङ्गिताङ्गम् ।
गाढं गाढं जनन्या कलयतु हृदयं मामकं रामबालम् ॥ 32
रामाभिरामं नयनाभिरामं
वाचाभिरामं वदनाभिरामम् ।
सर्वाभिरामं च सदाभिरामं
वन्दे सदा दाशरथिं च रामम् ॥ 33
राशब्दोच्चारमात्रेण मुखान्निर्याति पातकाः ।
पुनः प्रवेशभीत्या च मकारस्तु कवाटवत् ॥ 34
अनर्घमाणिक्यविराजमान-
श्रीपादुकालङ्कृतशोभनाभ्याम् ।
अशेषबृन्दारकवन्दिताभ्यां
नमो नमो रामपदाम्बुजाभ्याम् ॥ 35
चलत्कनककुण्डलोल्लसितदिव्यगण्डस्थलं
चराचरजगन्मयं चरणपद्मगङ्गाश्रयम् ।
चतुर्विधफलप्रदं चरमपीठमध्यस्थितं
चिदंशमखिलास्पदं दशरथात्मजं चिन्तये ॥ 36
सनन्दनमुनिप्रियं सकलवर्णवेदात्मकं
समस्तनिगमागमस्फुरिततत्त्वसिंहासनम् ।
सहस्रनयनाब्जजाद्यमरबृन्दसंसेवितं
समष्टिपुरवल्लभं दशरथात्मजं चिन्तये ॥ 37
जाग्रत्स्वप्नसुषुप्ति-कालविलसत्तत्त्वात्मचिन्मात्रकं
चैतन्यात्मकमाधिपापरहितं भूम्यादितन्मात्रकम् ।
शाम्भव्यादिसमस्तयोगकुलकं साङ्ख्यादितत्त्वात्परं
शब्दावाच्यमहं नमामि सततं व्युत्पत्तिनाशात्परम् ॥ 38
इक्ष्वाकुवंशार्णवजातरत्नं
सीताङ्गनायौवनभाग्यरत्नम् ।
वैकुण्ठरत्नं मम भाग्यरत्नं
श्रीरामरत्नं शिरसा नमामि ॥ 39
इक्ष्वाकुनन्दनं सुग्रीवपूजितं
त्रैलोक्यरक्षकं सत्यसन्धं सदा ।
राघवं रघुपतिं राजीवलोचनं
रामचन्द्रं भजे राघवेशं भजे ॥ 40
भक्तप्रियं भक्तसमाधिगम्यं
चिन्ताहरं चिन्तितकामधेनुम् ।
सूर्येन्दुकोटिद्युतिभास्वरं तं
रामं भजे राघवरामचन्द्रम् ॥ 41
श्रीरामं जनकक्षितीश्वरसुतावक्त्राम्बुजाहारिणं
श्रीमद्भानुकुलाब्धिकौस्तुभमणिं श्रीरत्नवक्षस्स्थलम् ।
श्रीकण्ठाद्यमरौघरत्नमकुटालङ्कारपादाम्बुजं
श्रीवत्सोज्ज्वलमिन्द्रनीलसदृशं श्रीरामचन्द्रं भजे ॥ 42
रामचन्द्र चरिताकथामृतं
लक्ष्मणाग्रजगुणानुकीर्तनम् ।
राघवेश तव पादसेवनं
सम्भवन्तु मम जन्मजन्मनि ॥ 43
अज्ञानसम्भव-भवाम्बुधिबाडबाग्नि-
रव्यक्ततत्त्वनिकरप्रणवाधिरूढः ।
सीतासमेतमनुजेन हृदन्तराले
प्राणप्रयाणसमये मम सन्निधत्ते ॥ 44
रामो मत्कुलदैवतं सकरुणं रामं भजे सादरं
रामेणाखिलघोरपापनिहती रामाय तस्मै नमः ।
रामान्नास्ति जगत्रयैकसुलभो रामस्य दासोऽस्म्यहं
रामे प्रीतिरतीव मे कुलगुरो श्रीराम रक्षस्व माम् ॥ 45
वैदेहीसहितं सुरद्रुमतले हैमे महामण्टपे ।
मध्येपुष्पकमासने मणिमये वीरासने संस्थितम् ।
अग्रे वाचयति प्रभञ्जनसुते तत्त्वं मुनिभ्यः परम् ।
व्याख्यान्तं भरतादिभिः परिवृतं रामं भजे श्यामलम् ॥ 46
वामे भूमिसुता पुरस्तु हनुमान्पश्चात्सुमित्रासुत-
श्शत्रुघ्नो भरतश्च पार्श्वदलयोर्वाय्वादिकोणेष्वपि ।
सुग्रीवश्च विभीषणश्च युवराट् तारासुतो जाम्बवान्
मध्ये नीलसरोजकोमलरुचिं रामं भजे श्यामलम् ॥ 47
केयूराङ्गदकङ्कणैर्मणिगणैर्वैरोचमानं सदा
राकापर्वणिचन्द्रकोटिसदृशं छत्रेण वैराजितम् ।
हेमस्तम्भसहस्रषोडशयुते मध्ये महामण्डपे
देवेशं भरतादिभिः परिवृतं रामं भजे श्यामलम् ॥ 48
साकेते शरदिन्दुकुन्दधवले सौघे महामण्टपे ।
पर्यस्तागरुधूपधूमपटले कर्पूरदीपोज्ज्वले ।
सुग्रीवाङ्गदवायुपुत्रसहितं सौमित्रिणा सेवितं
लीलामानुषविग्रहं रघुपतिं रामं भजे श्यामलम् ॥ 49
शान्तं शारदचन्द्रकोटिसदृशं चन्द्राभिरामाननं
चन्द्रार्काग्निविकासिकुण्डलधरं चन्द्रावतंसस्तुतम् ।
वीणापुस्तकसाक्षसूत्रविलसद्व्याख्यानमुद्राकरं
देवेशं भरतादिभिः परिवृतं रामं भजे श्यामलम् ॥ 50
रामं राक्षसमर्दनं रघुपतिं शक्रारिविध्वंसिनं
सुग्रीवेप्सितराज्यदं सुरपतेः पुत्रान्तकं शार्ङ्गिणम् ।
भक्तानामभयप्रदं भयहरं पापौघविध्वंसिनं
सीतासेवितपादपद्मयुगलं रामं भजे श्यामलम् ॥ 51
कन्दर्पायुतकोटिकोटितुलितं कालाम्बुदश्यामलं
कम्बुग्रीवमुदारकौस्तुभधरं कर्णावतंसोत्पलम् ।
कस्तूरीतिलकोज्ज्वलं स्मितमुखं चिन्मुद्रयालङ्कृतं
सीतालक्ष्मणवायुपुत्रसहितं सिंहासनस्थं भजे ॥ 52
साकेते नवरत्नपङ्क्तिखचिते चित्रध्वजालङ्कृते
वासे स्वर्णमये दलाष्टललिते पद्मे विमानोत्तमे ।
आसीनं भरतादिसोदरजनैः शाखामृगैः किन्नरैः
दिक्पालैर्मुनिपुङ्गवैर्नृपगणैस्संसेव्यमानं भजे ॥ 53
कस्तूरीघनसारकुङ्कुमलसच्छ्रीचन्दनालङ्कृतं
कन्दर्पाधिकसुन्दरं घननिभं काकुत्स्थवंशध्वजम् ।
कल्याणाम्भरवेष्टितं कमलया युक्तं कलावल्लभं
कल्याणाचलकार्मुकप्रियसखं कल्याणरामं भजे ॥ 54
मुक्तेर्मूलं मुनिवरहृदानन्दकन्दं मुकुन्दं
कूटस्थाख्यं सकलवरदं सर्वचैतन्यरूपम् ।
नादातीतं कमलनिलयं नादनादान्ततत्त्वं
नादातीतं प्रकृतिरहितं रामचन्द्रं भजेऽहम् ॥ 55
ताराकारं निखिलनिलयं तत्त्वमस्यादिलक्ष्यं
शब्दावाच्यं त्रिगुणरहितं व्योममङ्गुष्ठमात्रम् ।
निर्वाणाख्यं सगुणमगुणव्योमरन्ध्रान्तरस्थं
सौषुम्नान्तः प्रणवसहितं रामचन्द्रं भजेऽहम् ॥ 56
निजानन्दाकारं निगमतुरगाराधितपदं
परब्रह्मानन्दं परमपदगं पापहरणम् ।
कृपापारावारं परमपुरुषं पद्मनिलयं
भजे रामं श्यामं प्रकृतिरहितं निर्गुणमहम् ॥ 57
साकेते नगरे समस्तमहिमाधारे जगन्मोहने
रत्नस्तम्भसहस्रमण्टपमहासिंहासने साम्बुजे ।
विश्वामित्रवसिष्ठगौतमशुकव्यासादिभिर्मौनिभिः
ध्येयं लक्ष्मणलोकपालसहितं सीतासमेतं भजे ॥ 58
रामं श्यामाभिरामं रविशशिनयनं कोटिसूर्यप्रकाशं
दिव्यं दिव्यास्त्रपाणिं शरमुखशरधिं चारुकोडण्डहस्तम् ।
कालं कालाग्निरुद्रं रिपुकुलदहनं विघ्नविच्छेददक्षं
भीमं भीमाट्टहासं सकलभयहरं रामचन्द्रं भजेऽहम् ॥ 59
श्रीरामं भुवनैकसुन्दरतनुं धाराधरश्यामलं
राजीवायतलोचनं रघुवरं राकेन्दुबिम्बाननम् ।
कोदण्डादिनिजायुधाश्रितभुजैर्भ्रान्तं विदेहात्मजा-
धीशं भक्तजनावनं रघुवरं श्रीरामचन्द्रं भजे ॥ 60
श्रीवत्साङ्कमुदारकौस्तुभलसत्पीताम्बरालङ्कृतं
नानारत्नविराजमानमकुटं नीलाम्बुदश्यामलम् ।
कस्तूरीघनसारचर्चिततनुं मन्दारमालाधरं
कन्दर्पायुतसुन्दरं रघुपतिं सीतासमेतं भजे ॥ 61
सदानन्ददेवे सहस्रारपद्मे
गलच्चन्द्रपीयूषधारामृतान्ते ।
स्थितं राममूर्तिं निषेवे निषेवे-
ऽन्यदैवं न सेवे न सेवे न सेवे ॥ 62
सुधाभासितद्वीपमध्ये विमाने
सुपर्वालिवृक्षोज्ज्वले शेषतल्पे ।
निषण्णं रमाङ्कं निषेवे निषेवे-
ऽन्यदैवं न सेवे न सेवे न सेवे ॥ 63
चिदंशं समानन्दमानन्दकन्दं
सुषुम्नाख्यरन्ध्रान्तराले च हंसम् ।
सचक्रं सशङ्खं सपीताम्बराङ्कं
परञ्चान्यदैवं न जाने न जाने ॥ 64
चतुर्वेदकूटोल्लसत्कारणाख्यं
स्फुरद्दिव्यवैमानिके भोगितल्पे ।
परन्धाममूर्तिं निषण्णं निषेवे
निषेवेऽन्यदैवं न सेवे न सेवे ॥ 65
सिंहासनस्थं सुरसेवितव्यं
रत्नाङ्कितालङ्कृतपादपद्मम् ।
सीतासमेतं शशिसूर्यनेत्रं
रामं भजे राघव रामचन्द्रम् ॥ 66
रामं पुराणपुरुषं रमणीयवेषं
राजाधिराजमकुटार्चितपादपीठम् ।
सीतापतिं सुनयनं जगदेकवीरं
श्रीरामचन्द्रमनिशं कलयामि चित्ते ॥ 67
परानन्दवस्तुस्वरूपादिसाक्षिं
परब्रह्मगम्यं परञ्ज्योतिमूर्तिम् ।
पराशक्तिमित्राऽप्रियाराधिताङ्घ्रिं
परन्धामरूपं भजे रामचन्द्रम् ॥ 68
मन्दस्मितं कुण्डलगण्डभागं
पीताम्बरं भूषणभूषिताङ्गम् ।
नीलोत्पलाङ्गं भुवनैकमित्रं
रामं भजे राघव रामचन्द्रम् ॥ 69
अचिन्त्यमव्यक्तमनन्तरूप-
मद्वैतमानन्दमनादिगम्यम् ।
पुण्यस्वरूपं पुरुषोत्तमाख्यं
रामं भजे राघव रामचन्द्रम् ॥ 70
पद्मासनस्थं सुरसेवितव्यं
पद्मालयानन्दकटाक्षवीक्ष्यम् ।
गन्धर्वविद्याधरगीयमानं
रामं भजे राघव रामचन्द्रम् ॥ 71
अनन्तकीर्तिं वरदं प्रसन्नं
पद्मासनं सेवकपारिजातम् ।
राजाधिराजं रघुवीरकेतुं
रामं भजे राघव रामचन्द्रम् ॥ 72
सुग्रीवमित्रं सुजनानुरूपं
लङ्काहरं राक्षसवंशनाशम् ।
वेदाश्रयाङ्गं विपुलायताक्षं
रामं भजे राघव रामचन्द्रम् ॥ 73
सकृत्प्रणतरक्षायां साक्षी यस्य विभीषणः ।
सापराधप्रतीकारः स श्रीरामो गतिर्मम ॥ 74
फलमूलाशिनौ दान्तौ तापसौ धर्मचारिणौ ।
रक्षःकुलविहन्तारौ भ्रातरौ रामलक्ष्मणौ ॥ 75
तरुणौ रूपसम्पन्नौ सुकुमारौ महाबलौ ।
पुण्डरीक विशालाक्षौ चीरकृष्णाजिनाम्बरौ ॥ 76
कौसल्यानयनेन्दुं दशरथमुखारविन्दमार्ताण्डम् ।
सीतामानसहंसं रामं राजीवलोचनं वन्दे ॥ 77
भर्जनं भवबीजानां मार्जनं सुखसम्पदाम् ।
तर्जनं यमदूतानां रामरामेति कीर्तनम् ॥ 78
न जाने जानकी जाने राम त्वन्नामवैभवम् ।
सर्वेशो भगवान् शम्भुर्वाल्मीकिर्वेत्ति वा नवा ॥ 79
करतलधृतचापं कालमेघस्वरूपं
सरसिजदलनेत्रं चारुहासं सुगात्रम् ।
विचिनुतवनवासं विक्रमोदग्रवेषं
प्रणमत रघुनाथं जानकीप्राणनाथम् ॥ 80
विद्युत्स्फुरन्मकरकुण्डलदीप्तचारु-
गण्डस्थलं मणिकिरीटविराजमानम् ।
पीताम्बरं जलदनीलमुदारकान्तिं
श्रीरामचन्द्रमनिशं कलयामि चित्ते ॥ 81
रत्नोल्लसज्ज्वलितकुण्डलगण्डभागं
कस्तूरिकातिलकशोभितफालभागम् ।
कर्णान्तदीर्घनयनं करुणाकटाक्षं
श्रीरामचन्द्र मुखमात्मनि सन्निधत्तम् ॥ 82
वैदेहीसहितं च लक्ष्मणयुतं कैकेयिपुत्रान्वितं
सुग्रीवं च विभीषणानिलसुतौ नीलं नलं साङ्गदम् ।
विश्वामित्रवसिष्ठगौतमभरद्वाजादिकान् मानयन्
रामो मारुतिसेवितः स्मरतु मां साम्राज्यसिंहासने ॥ 83
सकलगुणनिधानं योगिभिस्स्तूयमानं
भजितसुरविमानं रक्षितेन्द्रादिमानम् ।
महितवृषभयानं सीतया शोभमानं
स्मरतु हृदयभानुं ब्रह्मरामाभिरामम् ॥ 84
त्रिदशकुमुदचन्द्रो दानवाम्भोजचन्द्रो
दुरिततिमिरचन्द्रो योगिनां ज्ञानचन्द्रः ।
प्रणतनयनचन्द्रो मैथिलीनेत्रचन्द्रो
दशमुखरिपुचन्द्रः पातु मां रामचन्द्रः ॥ 85
यन्नामैव सहस्रनामसदृशं यन्नाम वेदैस्समं
यन्नामाङ्कितवाक्य-मासुरबलस्त्रीगर्भविच्छेदनम् ।
यन्नाम श्वपचार्यभेदरहितं मुक्तिप्रदानोज्ज्वलं
तन्नामाऽलघुरामरामरमणं श्रीरामनामामृतम् ॥ 86
राजीवनेत्र रघुपुङ्गव रामभद्र
राकेन्दुबिम्बसदृशानन नीलगात्र ।
रामाऽभिराम रघुवंशसमुद्भव त्वं
श्रीरामचन्द्र मम देहि करावलम्बम् ॥ 87
माणिक्यमञ्जीरपदारविन्दं
रामार्कसम्फुल्लमुखारविन्दम् ।
भक्ताभयप्रापिकरारविन्दां
देवीं भजे राघववल्लभां ताम् ॥ 88
जयतु विजयकारी जानकीमोदकारी
तपनकुलविहारी दण्डकारण्यचारी ।
दशवदनकुठारी दैत्यविच्छेदकारी
मणिमकुटकधारी चण्डकोदण्डधारी ॥ 89
रामः पिता रघव एव माता
रामस्सुबन्धुश्च सखा हितश्च ।
रामो गुरुर्मे परमं च दैवं
रामं विना नाऽन्यमहं स्मरामि ॥ 90
श्रीराम मे त्वं हि पिता च माता
श्रीराम मे त्वं हि सुहृच्च बन्धुः ।
श्रीराम मे त्वं हि गुरुश्च गोष्ठी
श्रीराम मे त्वं हि समस्तमेव ॥ 91
रामचन्द्रचरितामृतपानं
सोमपानशतकोटिसमानम् ।
सोमपानशतकोटिभिरीया-
ज्जन्म नैति रघुनायकनाम्ना ॥ 92
राम राम दयासिन्धो रावणारे जगत्पते ।
त्वत्पादकमलासक्ति-र्भवेज्जन्मनि जन्मनि ॥ 93
श्रीरामचन्द्रेति दयापरेति
भक्तप्रियेति भवबन्धनमोचनेति ।
नाथेति नागशयनेति सदा स्तुवन्तं
मां पाहि भीतमनिशं कृपणं कृपालो ॥ 94
अयोध्यानाथ राजेन्द्र सीताकान्त जगत्पते ।
श्रीराम पुण्डरीकाक्ष रामचन्द्र नमोऽस्तु ते ॥ 95
हे राम हे रमण हे जगदेकवीर
हे नाथ हे रघुपते करुणालवाल ।
हे जानकीरमण हे जगदेकबन्धो
मां पाहि दीनमनिशं कृपणं कृतघ्नम् ॥ 96
जानाति राम तव तत्त्वगतिं हनूमान् ।
जानाति राम तव सख्यगतिं कपीशः ।
जानाति राम तव युद्धगतिं दशास्यो ।
जानाति राम धनदानुज एव सत्यम् ॥ 97
सेव्यं श्रीराममन्त्रं श्रवणशुभकरं श्रेष्ठसुज्ञानिमन्त्रं
स्तव्यं श्रीराममन्त्रं नरकदुरितदुर्वारनिर्घातमन्त्रम् ।
भव्यं श्रीराममन्त्रं भजतु भजतु संसारनिस्तारमन्त्रं
दिव्यं श्रीराममन्त्रं दिवि भुवि विलसन्मोक्षरक्षैकमन्त्रम् ॥ 98
निखिलनिलयमन्त्रं नित्यतत्त्वाख्यमन्त्रं
भवकुलहरमन्त्रं भूमिजाप्राणमन्त्रम् ।
पवनजनुतमन्त्रं पार्वतीमोक्षमन्त्रं
पशुपतिनिजमन्त्रं पातु मां राममन्त्रम् ॥ 99
प्रणवनिलयमन्त्रं प्राणनिर्वाणमन्त्रं
प्रकृतिपुरुषमन्त्रं ब्रह्मरुद्रेन्द्रमन्त्रम् ।
प्रकटदुरितरागद्वेषनिर्णाशमन्त्रं
रघुपतिनिजमन्त्रं रामरामेतिमन्त्रम् ॥ 100
दशरथसुतमन्त्रं दैत्यसंहारमन्त्रं
विबुधविनुतमन्त्रं विश्वविख्यातमन्त्रम् ।
मुनिगणनुतमन्त्रं मुक्तिमार्गैकमन्त्रं
रघुपतिनिजमन्त्रं रामरामेतिमन्त्रम् ॥ 101
संसारसागरभयापहविश्वमन्त्रं
साक्षान्मुमुक्षुजनसेवितसिद्धमन्त्रम् ।
सारङ्गहस्तमुखहस्तनिवासमन्त्रं
कैवल्यमन्त्रमनिशं भज राममन्त्रम् ॥ 102
जयतु जयतु मन्त्रं जन्मसाफल्यमन्त्रं
जननमरणभेदक्लेशविच्छेदमन्त्रम् ।
सकलनिगममन्त्रं सर्वशास्त्रैकमन्त्रं
रघुपतिनिजमन्त्रं रामरामेतिमन्त्रम् ॥ 103
जगति विशदमन्त्रं जानकीप्राणमन्त्रं
विबुधविनुतमन्त्रं विश्वविख्यातमन्त्रम् ।
दशरथसुतमन्त्रं दैत्यसंहारमन्त्रं
रघुपतिनिजमन्त्रं रामरामेतिमन्त्रम् ॥ 104
ब्रह्मादियोगिमुनिपूजितसिद्धमन्त्रं
दारिद्र्यदुःखभवरोगविनाशमन्त्रम् ।
संसारसागरसमुत्तरणैकमन्त्रं
वन्दे महाभयहरं रघुराममन्त्रम् ॥ 105
शत्रुच्छेदैकमन्त्रं सरसमुपनिषद्वाक्यसम्पूज्यमन्त्रं
संसारोत्तारमन्त्रं समुचितसमये सङ्गनिर्याणमन्त्रम् ।
सर्वैश्वर्यैकमन्त्रं व्यसनभुजगसन्दष्टसन्त्राणमन्त्रं
जिह्वे श्रीराममन्त्रं जप जप सफलं जन्मसाफल्यमन्त्रम् ॥ 106
नित्यं श्रीराममन्त्रं निरुपममधिकं नीतिसुज्ञानमन्त्रं
सत्यं श्रीराममन्त्रं सदमलहृदये सर्वदारोग्यमन्त्रम् ।
स्तुत्यं श्रीराममन्त्रं सुललितसुमनस्सौख्यसौभाग्यमन्त्रं
पठ्यं श्रीराममन्त्रं पवनजवरदं पातु मां राममन्त्रम् ॥ 107
व्यामोहप्रशमौषधं मुनिमनोवृत्तिप्रवृत्त्यौषधं
दैत्योन्मूलकरौषधं भवभयप्रध्वंसनैकौषधम् ।
भक्तानन्दकरौषधं त्रिभुवने सञ्जीवनैकौषधं
श्रेयः प्राप्तिकरौषधं पिब मनः श्रीरामनामौषधम् ॥ 108
सकलभुवनरत्नं सर्वशास्त्रार्थरत्नं
समरविजयरत्नं सच्चिदानन्दरत्नम् ।
दशमुखहररत्नं दानवारातिरत्नं
रघुकुलनृपरत्नं पातु मां रामरत्नम् ॥ 109
सकलभुवनरत्नं सच्चिदानन्दरत्नं
सकलहृदयरत्नं सूर्यबिम्बान्तरत्नम् ।
विमलसुकृतरत्नं वेदवेदान्तरत्नं
पुरहरजपरत्नं पातु मां रामरत्नम् ॥ 110
निगमशिखररत्नं निर्मलानन्दरत्नं
निरुपमगुणरत्नं नादनादान्तरत्नम् ।
दशरथकुलरत्नं द्वादशान्तस्स्थरत्नं
पशुपतिजपरत्नं पातु मां रामरत्नम् ॥ 111
शतमखसुतरत्नं षोडशान्तस्स्थरत्नं
मुनिजनजपरत्नं मुख्यवैकुण्ठरत्नम् ।
निरुपमगुणरत्नं नीरजान्तस्स्थरत्नं
परमपदविरत्नं पातु मां रामरत्नम् ॥ 112
सकलसुकृतरत्नं सत्यवाक्यार्थरत्नं
शमदमगुणरत्नं शाश्वतानन्दरत्नम् ।
प्रणयनिलयरत्नं प्रस्फुटद्योतिरत्नं
परमपदविरत्नं पातु मां रामरत्नम् ॥ 113
निगमशिखररत्नं नित्यमाशास्यरत्नं
जननुतनृपरत्नं जानकीरूपरत्नम् ।
भुवनवलयरत्नं भूभुजामेकरत्नं
रघुकुलवररत्नं पातु मां रामरत्नम् ॥ 114
विशालनेत्रं परिपूर्णगात्रं
सीताकलत्रं सुरवैरिजैत्रम् ।
कारुण्यपात्रं जगतः पवित्रं
श्रीरामरत्नं प्रणतोऽस्मि नित्यम् ॥ 115
हे गोपालक हे दयाजलनिधे हे सद्गुणाम्भोनिधे
हे दैत्यान्तक हे विभीषणदयापरीण हे भूपते ।
हे वैदेहसुतामनोजविहृते हे कोटिमाराकृते
हे नव्याम्बुजनेत्र पालय परं जानामि न त्वां विना ॥ 116
यस्य किञ्चिदपि नो हरणीयं
कर्म किञ्चिदपि नो चरणीयम् ।
रामनाम च सदा स्मरणीयं
लीलया भवजलं तरणीयम् ॥ 117
दशरथसुतमीशं दण्डकारण्यवासं
शतमखमणिनीलं जानकीप्राणलोलम् ।
सकलभुवनमोहं सन्नुताम्भोददेहं
बहुलनुतसमुद्रं भावये रामभद्रम् ॥ 118
विशालनेत्रं परिपूर्णगात्रं
सीताकलत्रं सुरवैरिजैत्रम् ।
जगत्पवित्रं परमात्मतन्त्रं
श्रीरामचन्द्रं प्रणमामि चित्ते ॥ 119
जय जय रघुराम श्रीमुखाम्भोजभानो
जय जय रघुवीर श्रीमदम्भोजनेत्र ।
जय जय रघुनाथ श्रीकराभ्यर्चिताङ्घ्रि
जय जय रघुवर्य श्रीश कारुण्यसिन्धो ॥ 120
मन्दारमूले मणिपीठसंस्थं
सुधाप्लुतं दिव्यविराट्स्वरूपम् ।
सबिन्दुनादान्तकलान्ततुर्य-
मूर्तिं भजेऽहं रघुवंशरत्नम् ॥ 121
नादं नादविनीलचित्तपवनं नादान्तत्त्वप्रियं
नामाकारविवर्जितं नवघनश्यामाङ्गनादप्रियम् ।
नादाम्भोजमरन्दमत्तविलसद्भृङ्गं मदान्तस्स्थितं
नादान्तधृवमण्डलाब्जरुचिरं रामं भजे तारकम् ॥ 122
नानाभूतहृदब्जपद्मनिलयं नामोज्ज्वलाभूषणम् ।
नामस्तोत्रपवित्रितत्रिभुवनं नारायणाष्टाक्षरम् ।
नादान्तेन्दुगलत्सुधाप्लुततनुं नानात्मचिन्मात्रकम् ।
नानाकोटियुगान्तभानुसदृशं रामं भजे तारकम् ॥ 123
वेद्यं वेदगुरुं विरिञ्चिजनकं वेदान्तमूर्तिं स्फुर-
द्वेदं वेदकलापमूलमहिमाधारान्तकन्दाङ्कुरम् ।
वेदशृङ्गसमानशेषशयनं वेदान्तवेद्यात्मकं
वेदाराधितपादपङ्कजमहं रामं भजे तारकम् ॥ 124
मज्जीवं मदनुग्रहं मदधिपं मद्भावनं मत्सुखं
मत्तातं मम सद्गुरुं मम वरं मोहान्धविच्छेदनम् ।
मत्पुण्यं मदनेकबान्धवजनं मज्जीवनं मन्निधिं
मत्सिद्धिं मम सर्वकर्मसुकृतं रामं भजे तारकम् ॥ 125
नित्यं नीरजलोचनं निरुपमं नीवारशूकोपमं
निर्भेदानुभवं निरन्तरगुणं नीलाङ्गरागोज्ज्वलम् ।
निष्पापं निगमागमार्चितपदं नित्यात्मकं निर्मलं
निष्पुण्यं निखिलं निरञ्जनपदं रामं भजे तारकम् ॥ 126
ध्याये त्वां हृदयाम्बुजे रघुपतिं विज्ञानदीपाङ्कुरं
हंसोहंसपरम्परादिमहिमाधारं जगन्मोहनम् ।
हस्ताम्भोजगदाब्जचक्रमतुलं पीताम्बरं कौस्तुभं
श्रीवत्सं पुरुषोत्तमं मणिनिभं रामं भजे तारकम् ॥ 127
सत्यज्ञानमनन्तमच्युतमजं चाव्याकृतं तत्परं
कूटस्थादिसमस्तसाक्षिमनघं साक्षाद्विराट्तत्त्वदम् ।
वेद्यं विश्वमयं स्वलीनभुवनस्वाराज्यसौख्यप्रदं
पूर्णं पूर्णतरं पुराणपुरुषं रामं भजे तारकम् ॥ 128
रामं राक्षसवंशनाशनकरं राकेन्दुबिम्बाननं
रक्षोरिं रघुवंशवर्धनकरं रक्ताधरं राघवम् ।
राधायात्मनिवासिनं रविनिभं रम्यं रमानायकं
रन्ध्रान्तर्गतशेषशायिनमहं रामं भजे तारकम् ॥ 129
ओतप्रोतसमस्तवस्तुनिचयं ओङ्कारबीजाक्षरं
ओङ्कारप्रकृतिं षडक्षरहितं ओङ्कारकन्दाङ्कुरम् ।
ओङ्कारस्फुटभूर्भुवस्सुपरितं ओघत्रयाराधितम्
ओङ्कारोज्ज्वलसिंहपीठनिलयं रामं भजे तारकम् ॥ 130
साकेते नगरे समस्तसुखदे हर्म्येऽब्जकोटिद्युते
नक्षत्रग्रहपङ्क्तिलग्नशिखरे चान्तर्यपङ्केरुहे ।
वाल्मीकात्रिपराशरादिमुनिभिस्संसेव्यमानं स्थितं
सीतालङ्कृतवामभागमनिशं रामं भजे तारकम् ॥ 131
वैकुण्ठे नगरे सुरद्रुमतले चानन्दवप्रान्तरे
नानारत्नविनिर्मितस्फुटपटुप्राकारसंवेष्टिते ।
सौधेन्दूपलशेषतल्पललिते नीलोत्पलच्छादिते
पर्यङ्के शयनं रमादिसहितं रामं भजे तारकम् ॥ 132
वन्दे राममनादिपूरुषमजं वन्दे रमानायकं
वन्दे हारिकिरीटकुण्डलधरं वन्दे सुनीलद्युतिम् ।
वन्दे चापकलम्बकोज्ज्वलकरं वन्दे जगन्मङ्गलं
वन्दे पङ्क्तिरथात्मजं मम गुरुं वन्दे सदा राघवम् ॥ 133
वन्दे शौनकगौतमाद्यभिनुतं वन्दे घनश्यामलं
वन्दे तारकपीठमध्यनिलयं वन्दे जगन्नायकम् ।
वन्दे भक्तजनौघदेविवटपं वन्दे धनुर्वल्लभं
वन्दे तत्त्वमसीतिवाक्यजनकं वन्दे सदा राघवम् ॥ 134
वन्दे सूर्यशशाङ्कलोचनयुगं वन्दे जगत्पावनं
वन्दे पत्रसहस्रपद्मनिलयं वन्दे पुरारिप्रियम् ।
वन्दे राक्षसवंशनाशनकरं वन्दे सुधाशीतलं
वन्दे देवकपीन्द्रकोटिविनुतं वन्दे सदा राघवम् ॥ 135
वन्दे सागरगर्वभङ्गविशिखं वन्दे जगज्जीवनं
वन्दे कौशिकयागरक्षणकरं वन्दे गुरुणां गुरुम् ।
वन्दे बाणशरासनोज्ज्वलकरं वन्दे जटावल्कलं
वन्दे लक्ष्मणभूमिजान्वितमहं वन्दे सदा राघवम् ॥ 136
वन्दे पाण्डरपुण्डरीकनयनं वन्देऽब्जबिम्बाननं
वन्दे कम्बुगलं कराब्जयुगलं वन्दे ललाटोज्ज्वलम् ।
वन्दे पीतदुकूलमम्बुदनिभं वन्दे जगन्मोहनं
वन्दे कारणमानुषोज्ज्वलतनुं वन्दे सदा राघवम् ॥ 137
वन्दे नीलसरोजकोमलरुचिं वन्दे जगद्वन्दितं
वन्दे सूर्यकुलाब्धिकौस्तुभमणिं वन्दे सुराराधितम् ।
वन्दे पातकपञ्चकप्रहरणं वन्दे जगत्कारणं
वन्दे विंशतिपञ्चतत्त्वरहितं वन्दे सदा राघवम् ॥ 138
वन्दे साधकवर्गकल्पकतरुं वन्दे त्रिमूर्त्यात्मकं
वन्दे नादलयान्तरस्थलगतं वन्दे त्रिवर्गात्मकम् ।
वन्दे रागविहीनचित्तसुलभं वन्दे सभानायकं
वन्दे पूर्णदयामृतार्णवमहं वन्दे सदा राघवम् ॥ 139
वन्दे सात्त्विकतत्त्वमुद्रिततनुं वन्दे सुधादायकं
वन्दे चारुचतुर्भुजं मणिनिभं वन्दे षडब्जस्थितम् ।
वन्दे ब्रह्मपिपीलिकादिनिलयं वन्दे विराट्विग्रहं
वन्दे पन्नगतल्पशायिनमहं वन्दे सदा राघवम् ॥ 140
सिंहासनस्थं मुनिसिद्धसेव्यं
रक्तोत्पलालङ्कृतपादपद्मम् ।
सीतासमेतं शशिसूर्यनेत्रं
रामं भजे राघवरामचन्द्रम् ॥ 141
श्रीरामभद्राश्रितसद्गुरूणां
पादारविन्दं भजतां नराणाम् ।
आरोग्यमैश्वर्यमनन्तकीर्ति-
रन्ते च विष्णोः पदमस्ति सत्यम् ॥ 142
दशरथवरपुत्रं जानकीसत्कलत्रं
दशमुखहरदक्षं पद्मपत्रायताक्षम् ।
करधृतशरचापं चारुमुक्ताकलापं
रघुकुलनृवरेण्यं राममीडे शरण्यम् ॥ 143
दशमुखगजसिंहं दैत्यगर्वातिरंहं
कदनभयदहस्तं तारकब्रह्म शस्तम् ।
मणिखचितकिरीटं मञ्जुलालापवाटं
दशरथकुलचन्द्रं रामचन्द्रं भजेऽहम् ॥ 144
रामं रक्तसरोरुहाक्षममलं लङ्काधिनाथान्तकं
कौसल्यानयनोत्सुकं रघुवरं नागेन्द्रतल्पस्थितम् ।
वैदेहीकुचकुम्भकुङ्कुमरजोलङ्कारहारं हरिं
मायामानुषविग्रहं रघुपतिं सीतासमेतं भजे ॥ 145
रामं राक्षसमर्दनं रघुवरं दैतेयभिध्वंसिनं
सुग्रीवेप्सितराज्यदं सुरपतेर्भीत्यन्तकं शार्ङ्गिणम् ।
भक्तानामभयप्रदं भयहरं पापौघविध्वंसिनं
सामीरिस्तुतपादपद्मयुगलं सीतासमेतं भजे ॥ 146
यत्पादाम्बुजरेणुना मुनिसती मुक्तिङ्गता यन्महः
पुण्यं पातकनाशनं त्रिजगतां भाति स्मृतं पावनम् ।
स्मृत्वा राघवमप्रमेयममलं पूर्णेन्दुमन्दस्मितं
तं रामं सरसीरुहाक्षममलं सीतासमेतं भजे ॥ 147
वैदेहीकुचमण्डलाग्र-विलसन्माणिक्यहस्ताम्बुजं
चञ्चत्कङ्कणहारनूपुर-लसत्केयूरहारान्वितम् ।
दिव्यश्रीमणिकुण्डलोज्ज्वल-महाभूषासहस्रान्वितं
वीरश्रीरघुपुङ्गवं गुणनिधिं सीतासमेतं भजे ॥ 148
वैदेहीकुचमण्डलोपरि-लसन्माणिक्यहारावली-
मध्यस्थं नवनीतकोमलरुचिं नीलोत्पलश्यामलम् ।
कन्दर्पायुतकोटिसुन्दरतनुं पूर्णेन्दुबिम्बाननं
कौसल्याकुलभूषणं रघुपतिं सीतासमेतं भजे ॥ 149
दिव्यारण्ययतीन्द्रनामनगरे मध्ये महामण्टपे
स्वर्णस्तम्भसहस्रषोडशयुते मन्दारमूलाश्रिते ।
नानारत्नविचित्रनिर्मलमहासिंहासने संस्थितं
सीतालक्ष्मणसेवितं रघुपतिं सीतासमेतं भजे ॥ 150
कस्तूरीतिलकं कपीन्द्रहरणं कारुण्यवारान्निधिं
क्षीराम्भोधिसुतामुखाब्जमधुपं कल्याणसम्पन्निधिम् ।
कौसल्यानयनोत्सुकं कपिवरत्राणं महापौरुषं
कौमारप्रियमर्ककोटिसदृशं सीतासमेतं भजे ॥ 151
विद्युत्कोटिदिवाकरद्युतिनिभं श्रीकौस्तुभालङ्कृतं
योगीन्द्रैस्सनकादिभिः परिवृतं कैलासनाथप्रियम् ।
मुक्तारत्नकिरीटकुण्डलधरं ग्रैवेयहारान्वितं
वैदेहीकुचसन्निवासमनिशं सीतासमेतं भजे ॥ 152
मेघश्यामलमम्बुजातनयनं विस्तीर्णवक्षस्स्थलं
बाहुद्वन्द्वविराजितं सुवदनं शोणाङ्घ्रिपङ्केरुहम् ।
नानारत्नविचित्रभूषणयुतं कोदण्डबाणाङ्कितं
त्रैलोक्याऽप्रतिमानसुन्दरतनुं सीतासमेतं भजे ॥ 153
वैदेहीयुतवामभागमतुलं वन्दारुमन्दारकं
वन्दे प्रस्तुतकीर्तिवासिततरुच्छायानुकारिप्रभम् ।
वैदेहीकुचकुङ्कुमाङ्कितमहोरस्कं महाभूषणं
वेदान्तैरुपगीयमानमसकृत्सीतासमेतं भजे ॥ 154
देवानां हितकारणेन भुवने धृत्वाऽवतारं ध्रुवं
रामं कौशिकयज्ञविघ्नदलनं तत्ताटकासंहरम् ।
नित्यं गौतमपत्निशापदलनश्रीपादरेणुं शुभं
शम्भोरुत्कटचापखण्डनमहासत्वं भजे राघवम् ॥ 155
श्रीरामं नवरत्नकुण्डलधरं श्रीरामरक्षामणिं
श्रीरामं च सहस्रभानुसदृशं श्रीरामचन्द्रोदयम् ।
श्रीरामं श्रुतकीर्तिमाकरमहं श्रीराममुक्तिप्रदं
श्रीरामं रघुनन्दनं भयहरं श्रीरामचन्द्रं भजे ॥ 156
राममिन्दीवरश्यामं राजीवायतलोचनम् ।
ज्याघोषनिर्जितारातिं जानकीरमणं भजे ॥ 157
दीर्घबाहुमरविन्दलोचनं
दीनवत्सलमनाथरक्षकम् ।
दीक्षितं सकललोकरक्षणे
दैवतं दशरथात्मजं भजे ॥ 158
प्रातस्स्मरामि रघुनाथमुखारविन्दं
मन्दस्मितं मधुरभाषि विशालफालम् ।
कर्णावलम्बिचलकुण्डलगण्डभागं
कर्णान्तदीर्घनयनं नयनाभिरामम् ॥ 159
प्रातर्भजामि रघुनाथकरारविन्दं
रक्षोगणाय भयदं वरदं निजेभ्यः ।
यद्राजसंसदि विभिद्य महेशचापं
सीताकरग्रहणमङ्गलमाप सद्यः ॥ 160
प्रातर्नमामि रघुनाथपदारविन्दं
पद्माङ्कुशादिशुभरेखशुभावहं च ।
योगीन्द्रमानसमधुव्रतसेव्यमानं
शापापहं सपदि गौतमधर्मपत्न्याः ॥ 161
प्रातर्वदामि वचसा रघुनाथनाम
वाग्दोषहारि सकलं कलुषं निहन्तृ ।
यत्पार्वती स्वपतिना सह भोक्तुकामा
प्रीत्या सहस्रहरिनामसमं जजाप ॥ 162
प्रातः श्रये श्रुतिनुतं रघुनाथमूर्तिं
नीलाम्बुदोत्पलसितेतररत्ननीलाम् ।
आमुक्तमौक्तिकविशेषविभूषणाढ्यां
ध्येयां समस्तमुनिभिर्निजभृत्यमुख्यैः ॥ 163
रघुकुलवरनाथो जानकीप्राणनाथः
पितृवचनविधाता कीशराज्यप्रदाता ।
प्रतिनिशिचरनाशः प्राप्तराज्यप्रवेशो
विहितभुवनरक्षः पातु पद्मायताक्षः ॥ 164
कुवलयदलनीलः पीतवासाः स्मितास्यो
विविधरुचिरभूषाभूषितो दिव्यमूर्तिः ।
दशरथकुलनाथो जानकीप्राणनाथो
निवसतु मम चित्ते सर्वदा रामचन्द्रः ॥ 165
जयतु जयतु रामो जानकीवल्लभोऽयं
जयतु जयतु रामश्चन्द्रचूडार्चिताङ्घ्रिः ।
जयतु जयतु वाणीनाथनाथः परात्मा
जयतु जयतु रामोऽनाथनाथः कृपालुः ॥ 166
वदतु वदतु वाणी रामरामेति नित्यं
जयतु जयतु चित्तं रामपादारविन्दम् ।
नमतु नमतु देहं सन्ततं रामचन्द्रं
न भवतु मम पापं जन्मजन्मान्तरेषु ॥ 167
आनन्दरूपं वरदं प्रसन्नं
सिंहेक्षणं सेवकपारिजातम् ।
नीलोत्पलाङ्गं भुवनैकमित्रं
रामं भजे राघवरामचन्द्रम् ॥ 168
लङ्काविरामं रणरङ्गभीमं
राजीवनेत्रं रघुवंशमित्रम् ।
कारुण्यमूर्तिं करुणाप्रपूर्तिं
श्रीरामचन्द्रं शरणं प्रपद्ये ॥ 169
सुग्रीवमित्रं परमं पवित्रं
सीताकलत्रं नवहेमसूत्रम् ।
कारुण्यपात्रं शतपत्रनेत्रं
श्रीरामचन्द्रं शिरसा नमामि ॥ 170
श्रीराघवेति रमणेति रघूद्वहेति
रामेति रावणहरेति रमाधवेति ।
साकेतनाथसुमुखेति च सुव्रतेति
वाणी सदा वदतु राम हरे हरेति ॥ 171
श्रीरामनामामृतमन्त्रबीजं
सञ्जीवनं चेन्मनसि प्रतिष्ठम् ।
हालाहलं वा प्रलयानलं वा
मृत्योर्मुखं वा वितथीकरोति ॥ 172
किं योगशास्त्रैः किमशेषविद्या
किं यागगङ्गादिविशेषतीर्थैः ।
किं ब्रह्मचर्याश्रमसञ्चरेण
भक्तिर्नचेत्ते रघुवंशकीर्त्याम् ॥ 173
इदं शरीरं श्लथसन्धिजर्झरं
पतत्यवश्यं परिणामपेशलम् ।
किमौषथं पृच्छसि मूढ दुर्मते
निरामयं रामकथामृतं पिब ॥ 174
हे रामभद्राश्रय हे कृपालो
हे भक्तलोकैकशरण्यमूर्ते ।
पुनीहि मां त्वच्चरणारविन्दं
जगत्पवित्रं शरणं ममाऽस्तु ॥ 175
नीलाभ्रदेह निखिलेश जगन्निवास
राजीवनेत्र रमणीयगुणाभिराम ।
श्रीदाम दैत्यकुलमर्दन रामचन्द्र
त्वत्पादपद्ममनिशं कलयामि चित्ते ॥ 176
श्रीरामचन्द्र करुणाकर दीनबन्धो
सीतासमेत भरताग्रज राघवेश ।
पापार्तिभञ्जन भयातुरदीनबन्धो
पापाम्बुधौ पतितमुद्धर मामनाथम् ॥ 177
इन्दीवरदलश्याम-मिन्दुकोटिनिभाननम् ।
कन्दर्पकोटिलावण्यं वन्देऽहं रघुनन्दनम् ॥ 175
इति श्रीबोधेन्द्रसरस्वती कृत श्रीरामकर्णामृतम् ॥
maṅgalaślokāḥ
maṅgalaṃ bhagavānviṣṇurmaṅgalaṃ madhusūdanaḥ |
maṅgalaṃ puṇḍarīkākṣo maṅgalaṃ garuḍadhvajaḥ || 1
maṅgalaṃ kosalendrāya mahanīyaguṇābdhaye |
cakravartitanūjāya sārvabhaumāya maṅgalam || 2
vedavedāntavedyāya meghaśyāmalamūrtaye |
puṃsāṃ mohanarūpāya puṇyaślokāya maṅgalam || 3
viśvāmitrāntaraṅgāya mithilānagarīpateḥ |
bhāgyānāṃ paripākāya bhavyarūpāya maṅgalam || 4
pitṛbhaktāya satataṃ bhrātṛbhiḥ saha sītayā |
nanditākhilalokāya rāmacandrāya maṅgalam || 5
tyaktasāketavāsāya citrakūṭavihāriṇe |
sevyāya sarvayamināṃ dhīrodāttāya maṅgalam || 6
saumitriṇā ca jānakyā cāpabāṇāsidhāriṇā |
saṃsevyāya sadā bhaktyā sānujāyāstu maṅgalam || 7
daṇḍakāraṇyavāsāya khaṇḍitāmaraśatrave |
gṛdhrarājāya bhaktāya muktidāyāstu maṅgalam || 8
sādaraṃ śabarīdattaphalamūlābhilāṣiṇe |
saulabhyaparipūrṇāya sattvodyuktāya maṅgalam || 9
hanūmatsamavetāya harīśābhīṣṭadāyine |
vālipramathanāyāstu mahādhīrāya maṅgalam || 10
śrīmate raghuvīrāya setulaṅghitasindhave |
jitarākṣasarājāya raṇadhīrāya maṅgalam || 11
āsādya nagarīṃ divyāmabhiṣiktāya sītayā |
rājādhirājarājāya rāmabhadrāya maṅgalam || 12
vibhīṣaṇakṛte prītyā viśvābhīṣṭapradāyine |
jānakīprāṇanāthāya sadā rāmāya maṅgalam || 13
—-
śrīrāmaṃ trijagadguruṃ suravaraṃ sītāmanonāyakaṃ
śyāmāṅgaṃ śaśikoṭipūrṇavadanaṃ cañcatkalākaustubham |
saumyaṃ satyaguṇottamaṃ susarayūtīre vasantaṃ prabhuṃ
trātāraṃ sakalārthasiddhisahitaṃ vande raghūṇāṃ patim || 14
śrīrāghavaṃ daśarathātmajamaprameyaṃ
sītāpatiṃ raghuvarānvayaratnadīpam |
ājānubāhumaravindadalāyatākṣaṃ
rāmaṃ niśācaravināśakaraṃ namāmi || 15
śrīrāmacandra karuṇākara rāghavendra
rājendracandra raghuvaṃśasamudracandra |
sugrīvanetrayugalotpala-pūrṇacandra
sītāmanaḥkumudacandra namo namaste || 16
sītāmanomānasarājahaṃsa
saṃsārasantāpahara kṣamāvan |
śrīrāma daityāntaka śāntarūpa
śrītārakabrahma namo namaste || 17
viṣṇo rāghava vāsudeva nṛhare devaughacūḍāmaṇe |
saṃsārārṇavakarṇadhāraka hare kṛṣṇāya tubhyaṃ namaḥ || 18
sugrīvādisamastavānaravaraissaṃsevyamānaṃ sadā |
viśvāmitraparāśarādimunibhissaṃstūyamānaṃ bhaje || 19
rāmaṃ candanaśītalaṃ kṣitisutāmohākaraṃ śrīkaraṃ
vaidehīnayanāravindamihiraṃ sampūrṇacandrānanam |
rājānaṃ karuṇāsametanayanaṃ sītāmanonandanaṃ
sītādarpaṇacārugaṇḍalalitaṃ vande sadā rāghavam || 20
jānāti rāma tava nāmaruciṃ maheśo
jānāti gautamasatī caraṇaprabhāvam |
jānāti dorbalaparākramamīśacāpo
jānātyamoghapaṭubāṇagatiṃ payodhiḥ || 21
mātā rāmo matpitā rāmacandro
bhrātā rāmo matsakhā rāghaveśaḥ |
sarvasvaṃ me rāmacandro dāyālu-
rnānyaṃ daivaṃ naiva jāne na jāne || 22
vimalakamalanetraṃ visphurannīlagātraṃ
tapanakulapavitraṃ dānavadhvantamitram |
bhuvanaśubhacaritraṃ bhūmiputrīkalatraṃ
daśarathavaraputraṃ naumi rāmākhyamitram || 23
mārge mārge śākhināṃ ratnavedī
vedyāṃ vedyāṃ kinnarībṛndagītam |
gīte gīte mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 24
vṛkṣe vṛkṣe vīkṣitāḥ pakṣisaṅghāḥ
saṅghe saṅghe mañjulāmodavākyam |
vākye vākye mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 25
duritatimiracandro duṣṭakañjātacandraḥ
surakuvalayacandrassūryavaṃśābdhicandraḥ |
svajananivahacandraśśatrurājīvacandraḥ
praṇatakumudacandraḥ pātu māṃ rāmacandraḥ || 26
kalyāṇadaṃ kauśikayajñapālaṃ
kalānidhiṃ kāñcanaśailadhīram |
kañjātanetraṃ karuṇāsamudraṃ
kākutstharāmaṃ kalayāmi citte || 27
rājīvāyatalocanaṃ raghuvaraṃ nīlotpalaśyāmalaṃ
mandārāñcitamaṇḍape sulalite sauvarṇake puṣpake |
āsthāne navaratnarājikhacite siṃhāsane saṃsthitaṃ
sītālakṣmaṇalokapālasahitaṃ vande munīndrāspadam || 28
dhyāye rāmaṃ sudhāṃśuṃ natasakalabhavāraṇyatāpaprahāram |
śyāmaṃ śāntaṃ surendraṃ suramunivinutaṃ koṭisūryaprakāśam |
sītāsaumitrisevyaṃ suranarasugamaṃ divyasiṃhāsanastham |
sāyāhne rāmacandraṃ smitaruciramukhaṃ sarvadā me prasannam || 29
indranīlamaṇisannibhadehaṃ
vandanīyamasakṛnmunibṛndaiḥ |
lambamānatulasīvanamālaṃ
cintayāmi satataṃ raghuvīram || 30
sampūrṇacandravadanaṃ sarasīruhākṣaṃ
māṇikyakuṇḍaladharaṃ mukuṭābhirāmam |
cāmpeyagauravasanaṃ śaracāpahastaṃ
śrīrāmacandramaniśaṃ manasā smarāmi || 31
mātuḥ pārśve carantaṃ maṇimayaśayane mañjubhūṣāñcitāṅgam |
mandaṃ mandaṃ pibantaṃ mukulitanayanaṃ stanyamanyastanāgram |
aṅgulyāgraiḥ spṛśantaṃ sukhaparavaśayā sasmitāliṅgitāṅgam |
gāḍhaṃ gāḍhaṃ jananyā kalayatu hṛdayaṃ māmakaṃ rāmabālam || 32
rāmābhirāmaṃ nayanābhirāmaṃ
vācābhirāmaṃ vadanābhirāmam |
sarvābhirāmaṃ ca sadābhirāmaṃ
vande sadā dāśarathiṃ ca rāmam || 33
rāśabdoccāramātreṇa mukhānniryāti pātakāḥ |
punaḥ praveśabhītyā ca makārastu kavāṭavat || 34
anarghamāṇikyavirājamāna-
śrīpādukālaṅkṛtaśobhanābhyām |
aśeṣabṛndārakavanditābhyāṃ
namo namo rāmapadāmbujābhyām || 35
calatkanakakuṇḍalollasitadivyagaṇḍasthalaṃ
carācarajaganmayaṃ caraṇapadmagaṅgāśrayam |
caturvidhaphalapradaṃ caramapīṭhamadhyasthitaṃ
cidaṃśamakhilāspadaṃ daśarathātmajaṃ cintaye || 36
sanandanamunipriyaṃ sakalavarṇavedātmakaṃ
samastanigamāgamasphuritatattvasiṃhāsanam |
sahasranayanābjajādyamarabṛndasaṃsevitaṃ
samaṣṭipuravallabhaṃ daśarathātmajaṃ cintaye || 37
jāgratsvapnasuṣupti-kālavilasattattvātmacinmātrakaṃ
caitanyātmakamādhipāparahitaṃ bhūmyāditanmātrakam |
śāmbhavyādisamastayogakulakaṃ sāṅkhyāditattvātparaṃ
śabdāvācyamahaṃ namāmi satataṃ vyutpattināśātparam || 38
ikṣvākuvaṃśārṇavajātaratnaṃ
sītāṅganāyauvanabhāgyaratnam |
vaikuṇṭharatnaṃ mama bhāgyaratnaṃ
śrīrāmaratnaṃ śirasā namāmi || 39
ikṣvākunandanaṃ sugrīvapūjitaṃ
trailokyarakṣakaṃ satyasandhaṃ sadā |
rāghavaṃ raghupatiṃ rājīvalocanaṃ
rāmacandraṃ bhaje rāghaveśaṃ bhaje || 40
bhaktapriyaṃ bhaktasamādhigamyaṃ
cintāharaṃ cintitakāmadhenum |
sūryendukoṭidyutibhāsvaraṃ taṃ
rāmaṃ bhaje rāghavarāmacandram || 41
śrīrāmaṃ janakakṣitīśvarasutāvaktrāmbujāhāriṇaṃ
śrīmadbhānukulābdhikaustubhamaṇiṃ śrīratnavakṣassthalam |
śrīkaṇṭhādyamaraugharatnamakuṭālaṅkārapādāmbujaṃ
śrīvatsojjvalamindranīlasadṛśaṃ śrīrāmacandraṃ bhaje || 42
rāmacandra caritākathāmṛtaṃ
lakṣmaṇāgrajaguṇānukīrtanam |
rāghaveśa tava pādasevanaṃ
sambhavantu mama janmajanmani || 43
ajñānasambhava-bhavāmbudhibāḍabāgni-
ravyaktatattvanikarapraṇavādhirūḍhaḥ |
sītāsametamanujena hṛdantarāle
prāṇaprayāṇasamaye mama sannidhatte || 44
rāmo matkuladaivataṃ sakaruṇaṃ rāmaṃ bhaje sādaraṃ
rāmeṇākhilaghorapāpanihatī rāmāya tasmai namaḥ |
rāmānnāsti jagatrayaikasulabho rāmasya dāso'smyahaṃ
rāme prītiratīva me kulaguro śrīrāma rakṣasva mām || 45
vaidehīsahitaṃ suradrumatale haime mahāmaṇṭape |
madhyepuṣpakamāsane maṇimaye vīrāsane saṃsthitam |
agre vācayati prabhañjanasute tattvaṃ munibhyaḥ param |
vyākhyāntaṃ bharatādibhiḥ parivṛtaṃ rāmaṃ bhaje śyāmalam || 46
vāme bhūmisutā purastu hanumānpaścātsumitrāsuta-
śśatrughno bharataśca pārśvadalayorvāyvādikoṇeṣvapi |
sugrīvaśca vibhīṣaṇaśca yuvarāṭ tārāsuto jāmbavān
madhye nīlasarojakomalaruciṃ rāmaṃ bhaje śyāmalam || 47
keyūrāṅgadakaṅkaṇairmaṇigaṇairvairocamānaṃ sadā
rākāparvaṇicandrakoṭisadṛśaṃ chatreṇa vairājitam |
hemastambhasahasraṣoḍaśayute madhye mahāmaṇḍape
deveśaṃ bharatādibhiḥ parivṛtaṃ rāmaṃ bhaje śyāmalam || 48
sākete śaradindukundadhavale saughe mahāmaṇṭape |
paryastāgarudhūpadhūmapaṭale karpūradīpojjvale |
sugrīvāṅgadavāyuputrasahitaṃ saumitriṇā sevitaṃ
līlāmānuṣavigrahaṃ raghupatiṃ rāmaṃ bhaje śyāmalam || 49
śāntaṃ śāradacandrakoṭisadṛśaṃ candrābhirāmānanaṃ
candrārkāgnivikāsikuṇḍaladharaṃ candrāvataṃsastutam |
vīṇāpustakasākṣasūtravilasadvyākhyānamudrākaraṃ
deveśaṃ bharatādibhiḥ parivṛtaṃ rāmaṃ bhaje śyāmalam || 50
rāmaṃ rākṣasamardanaṃ raghupatiṃ śakrārividhvaṃsinaṃ
sugrīvepsitarājyadaṃ surapateḥ putrāntakaṃ śārṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sītāsevitapādapadmayugalaṃ rāmaṃ bhaje śyāmalam || 51
kandarpāyutakoṭikoṭitulitaṃ kālāmbudaśyāmalaṃ
kambugrīvamudārakaustubhadharaṃ karṇāvataṃsotpalam |
kastūrītilakojjvalaṃ smitamukhaṃ cinmudrayālaṅkṛtaṃ
sītālakṣmaṇavāyuputrasahitaṃ siṃhāsanasthaṃ bhaje || 52
sākete navaratnapaṅktikhacite citradhvajālaṅkṛte
vāse svarṇamaye dalāṣṭalalite padme vimānottame |
āsīnaṃ bharatādisodarajanaiḥ śākhāmṛgaiḥ kinnaraiḥ
dikpālairmunipuṅgavairnṛpagaṇaissaṃsevyamānaṃ bhaje || 53
kastūrīghanasārakuṅkumalasacchrīcandanālaṅkṛtaṃ
kandarpādhikasundaraṃ ghananibhaṃ kākutsthavaṃśadhvajam |
kalyāṇāmbharaveṣṭitaṃ kamalayā yuktaṃ kalāvallabhaṃ
kalyāṇācalakārmukapriyasakhaṃ kalyāṇarāmaṃ bhaje || 54
muktermūlaṃ munivarahṛdānandakandaṃ mukundaṃ
kūṭasthākhyaṃ sakalavaradaṃ sarvacaitanyarūpam |
nādātītaṃ kamalanilayaṃ nādanādāntatattvaṃ
nādātītaṃ prakṛtirahitaṃ rāmacandraṃ bhaje'ham || 55
tārākāraṃ nikhilanilayaṃ tattvamasyādilakṣyaṃ
śabdāvācyaṃ triguṇarahitaṃ vyomamaṅguṣṭhamātram |
nirvāṇākhyaṃ saguṇamaguṇavyomarandhrāntarasthaṃ
sauṣumnāntaḥ praṇavasahitaṃ rāmacandraṃ bhaje'ham || 56
nijānandākāraṃ nigamaturagārādhitapadaṃ
parabrahmānandaṃ paramapadagaṃ pāpaharaṇam |
kṛpāpārāvāraṃ paramapuruṣaṃ padmanilayaṃ
bhaje rāmaṃ śyāmaṃ prakṛtirahitaṃ nirguṇamaham || 57
sākete nagare samastamahimādhāre jaganmohane
ratnastambhasahasramaṇṭapamahāsiṃhāsane sāmbuje |
viśvāmitravasiṣṭhagautamaśukavyāsādibhirmaunibhiḥ
dhyeyaṃ lakṣmaṇalokapālasahitaṃ sītāsametaṃ bhaje || 58
rāmaṃ śyāmābhirāmaṃ raviśaśinayanaṃ koṭisūryaprakāśaṃ
divyaṃ divyāstrapāṇiṃ śaramukhaśaradhiṃ cārukoḍaṇḍahastam |
kālaṃ kālāgnirudraṃ ripukuladahanaṃ vighnavicchedadakṣaṃ
bhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 59
śrīrāmaṃ bhuvanaikasundaratanuṃ dhārādharaśyāmalaṃ
rājīvāyatalocanaṃ raghuvaraṃ rākendubimbānanam |
kodaṇḍādinijāyudhāśritabhujairbhrāntaṃ videhātmajā-
dhīśaṃ bhaktajanāvanaṃ raghuvaraṃ śrīrāmacandraṃ bhaje || 60
śrīvatsāṅkamudārakaustubhalasatpītāmbarālaṅkṛtaṃ
nānāratnavirājamānamakuṭaṃ nīlāmbudaśyāmalam |
kastūrīghanasāracarcitatanuṃ mandāramālādharaṃ
kandarpāyutasundaraṃ raghupatiṃ sītāsametaṃ bhaje || 61
sadānandadeve sahasrārapadme
galaccandrapīyūṣadhārāmṛtānte |
sthitaṃ rāmamūrtiṃ niṣeve niṣeve-
'nyadaivaṃ na seve na seve na seve || 62
sudhābhāsitadvīpamadhye vimāne
suparvālivṛkṣojjvale śeṣatalpe |
niṣaṇṇaṃ ramāṅkaṃ niṣeve niṣeve-
'nyadaivaṃ na seve na seve na seve || 63
cidaṃśaṃ samānandamānandakandaṃ
suṣumnākhyarandhrāntarāle ca haṃsam |
sacakraṃ saśaṅkhaṃ sapītāmbarāṅkaṃ
parañcānyadaivaṃ na jāne na jāne || 64
caturvedakūṭollasatkāraṇākhyaṃ
sphuraddivyavaimānike bhogitalpe |
parandhāmamūrtiṃ niṣaṇṇaṃ niṣeve
niṣeve'nyadaivaṃ na seve na seve || 65
siṃhāsanasthaṃ surasevitavyaṃ
ratnāṅkitālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghava rāmacandram || 66
rāmaṃ purāṇapuruṣaṃ ramaṇīyaveṣaṃ
rājādhirājamakuṭārcitapādapīṭham |
sītāpatiṃ sunayanaṃ jagadekavīraṃ
śrīrāmacandramaniśaṃ kalayāmi citte || 67
parānandavastusvarūpādisākṣiṃ
parabrahmagamyaṃ parañjyotimūrtim |
parāśaktimitrā'priyārādhitāṅghriṃ
parandhāmarūpaṃ bhaje rāmacandram || 68
mandasmitaṃ kuṇḍalagaṇḍabhāgaṃ
pītāmbaraṃ bhūṣaṇabhūṣitāṅgam |
nīlotpalāṅgaṃ bhuvanaikamitraṃ
rāmaṃ bhaje rāghava rāmacandram || 69
acintyamavyaktamanantarūpa-
madvaitamānandamanādigamyam |
puṇyasvarūpaṃ puruṣottamākhyaṃ
rāmaṃ bhaje rāghava rāmacandram || 70
padmāsanasthaṃ surasevitavyaṃ
padmālayānandakaṭākṣavīkṣyam |
gandharvavidyādharagīyamānaṃ
rāmaṃ bhaje rāghava rāmacandram || 71
anantakīrtiṃ varadaṃ prasannaṃ
padmāsanaṃ sevakapārijātam |
rājādhirājaṃ raghuvīraketuṃ
rāmaṃ bhaje rāghava rāmacandram || 72
sugrīvamitraṃ sujanānurūpaṃ
laṅkāharaṃ rākṣasavaṃśanāśam |
vedāśrayāṅgaṃ vipulāyatākṣaṃ
rāmaṃ bhaje rāghava rāmacandram || 73
sakṛtpraṇatarakṣāyāṃ sākṣī yasya vibhīṣaṇaḥ |
sāparādhapratīkāraḥ sa śrīrāmo gatirmama || 74
phalamūlāśinau dāntau tāpasau dharmacāriṇau |
rakṣaḥkulavihantārau bhrātarau rāmalakṣmaṇau || 75
taruṇau rūpasampannau sukumārau mahābalau |
puṇḍarīka viśālākṣau cīrakṛṣṇājināmbarau || 76
kausalyānayanenduṃ daśarathamukhāravindamārtāṇḍam |
sītāmānasahaṃsaṃ rāmaṃ rājīvalocanaṃ vande || 77
bharjanaṃ bhavabījānāṃ mārjanaṃ sukhasampadām |
tarjanaṃ yamadūtānāṃ rāmarāmeti kīrtanam || 78
na jāne jānakī jāne rāma tvannāmavaibhavam |
sarveśo bhagavān śambhurvālmīkirvetti vā navā || 79
karataladhṛtacāpaṃ kālameghasvarūpaṃ
sarasijadalanetraṃ cāruhāsaṃ sugātram |
vicinutavanavāsaṃ vikramodagraveṣaṃ
praṇamata raghunāthaṃ jānakīprāṇanātham || 80
vidyutsphuranmakarakuṇḍaladīptacāru-
gaṇḍasthalaṃ maṇikirīṭavirājamānam |
pītāmbaraṃ jaladanīlamudārakāntiṃ
śrīrāmacandramaniśaṃ kalayāmi citte || 81
ratnollasajjvalitakuṇḍalagaṇḍabhāgaṃ
kastūrikātilakaśobhitaphālabhāgam |
karṇāntadīrghanayanaṃ karuṇākaṭākṣaṃ
śrīrāmacandra mukhamātmani sannidhattam || 82
vaidehīsahitaṃ ca lakṣmaṇayutaṃ kaikeyiputrānvitaṃ
sugrīvaṃ ca vibhīṣaṇānilasutau nīlaṃ nalaṃ sāṅgadam |
viśvāmitravasiṣṭhagautamabharadvājādikān mānayan
rāmo mārutisevitaḥ smaratu māṃ sāmrājyasiṃhāsane || 83
sakalaguṇanidhānaṃ yogibhisstūyamānaṃ
bhajitasuravimānaṃ rakṣitendrādimānam |
mahitavṛṣabhayānaṃ sītayā śobhamānaṃ
smaratu hṛdayabhānuṃ brahmarāmābhirāmam || 84
tridaśakumudacandro dānavāmbhojacandro
duritatimiracandro yogināṃ jñānacandraḥ |
praṇatanayanacandro maithilīnetracandro
daśamukharipucandraḥ pātu māṃ rāmacandraḥ || 85
yannāmaiva sahasranāmasadṛśaṃ yannāma vedaissamaṃ
yannāmāṅkitavākya-māsurabalastrīgarbhavicchedanam |
yannāma śvapacāryabhedarahitaṃ muktipradānojjvalaṃ
tannāmā'laghurāmarāmaramaṇaṃ śrīrāmanāmāmṛtam || 86
rājīvanetra raghupuṅgava rāmabhadra
rākendubimbasadṛśānana nīlagātra |
rāmā'bhirāma raghuvaṃśasamudbhava tvaṃ
śrīrāmacandra mama dehi karāvalambam || 87
māṇikyamañjīrapadāravindaṃ
rāmārkasamphullamukhāravindam |
bhaktābhayaprāpikarāravindāṃ
devīṃ bhaje rāghavavallabhāṃ tām || 88
jayatu vijayakārī jānakīmodakārī
tapanakulavihārī daṇḍakāraṇyacārī |
daśavadanakuṭhārī daityavicchedakārī
maṇimakuṭakadhārī caṇḍakodaṇḍadhārī || 89
rāmaḥ pitā raghava eva mātā
rāmassubandhuśca sakhā hitaśca |
rāmo gururme paramaṃ ca daivaṃ
rāmaṃ vinā nā'nyamahaṃ smarāmi || 90
śrīrāma me tvaṃ hi pitā ca mātā
śrīrāma me tvaṃ hi suhṛcca bandhuḥ |
śrīrāma me tvaṃ hi guruśca goṣṭhī
śrīrāma me tvaṃ hi samastameva || 91
rāmacandracaritāmṛtapānaṃ
somapānaśatakoṭisamānam |
somapānaśatakoṭibhirīyā-
jjanma naiti raghunāyakanāmnā || 92
rāma rāma dayāsindho rāvaṇāre jagatpate |
tvatpādakamalāsakti-rbhavejjanmani janmani || 93
śrīrāmacandreti dayāpareti
bhaktapriyeti bhavabandhanamocaneti |
nātheti nāgaśayaneti sadā stuvantaṃ
māṃ pāhi bhītamaniśaṃ kṛpaṇaṃ kṛpālo || 94
ayodhyānātha rājendra sītākānta jagatpate |
śrīrāma puṇḍarīkākṣa rāmacandra namo'stu te || 95
he rāma he ramaṇa he jagadekavīra
he nātha he raghupate karuṇālavāla |
he jānakīramaṇa he jagadekabandho
māṃ pāhi dīnamaniśaṃ kṛpaṇaṃ kṛtaghnam || 96
jānāti rāma tava tattvagatiṃ hanūmān |
jānāti rāma tava sakhyagatiṃ kapīśaḥ |
jānāti rāma tava yuddhagatiṃ daśāsyo |
jānāti rāma dhanadānuja eva satyam || 97
sevyaṃ śrīrāmamantraṃ śravaṇaśubhakaraṃ śreṣṭhasujñānimantraṃ
stavyaṃ śrīrāmamantraṃ narakaduritadurvāranirghātamantram |
bhavyaṃ śrīrāmamantraṃ bhajatu bhajatu saṃsāranistāramantraṃ
divyaṃ śrīrāmamantraṃ divi bhuvi vilasanmokṣarakṣaikamantram || 98
nikhilanilayamantraṃ nityatattvākhyamantraṃ
bhavakulaharamantraṃ bhūmijāprāṇamantram |
pavanajanutamantraṃ pārvatīmokṣamantraṃ
paśupatinijamantraṃ pātu māṃ rāmamantram || 99
praṇavanilayamantraṃ prāṇanirvāṇamantraṃ
prakṛtipuruṣamantraṃ brahmarudrendramantram |
prakaṭaduritarāgadveṣanirṇāśamantraṃ
raghupatinijamantraṃ rāmarāmetimantram || 100
daśarathasutamantraṃ daityasaṃhāramantraṃ
vibudhavinutamantraṃ viśvavikhyātamantram |
munigaṇanutamantraṃ muktimārgaikamantraṃ
raghupatinijamantraṃ rāmarāmetimantram || 101
saṃsārasāgarabhayāpahaviśvamantraṃ
sākṣānmumukṣujanasevitasiddhamantram |
sāraṅgahastamukhahastanivāsamantraṃ
kaivalyamantramaniśaṃ bhaja rāmamantram || 102
jayatu jayatu mantraṃ janmasāphalyamantraṃ
jananamaraṇabhedakleśavicchedamantram |
sakalanigamamantraṃ sarvaśāstraikamantraṃ
raghupatinijamantraṃ rāmarāmetimantram || 103
jagati viśadamantraṃ jānakīprāṇamantraṃ
vibudhavinutamantraṃ viśvavikhyātamantram |
daśarathasutamantraṃ daityasaṃhāramantraṃ
raghupatinijamantraṃ rāmarāmetimantram || 104
brahmādiyogimunipūjitasiddhamantraṃ
dāridryaduḥkhabhavarogavināśamantram |
saṃsārasāgarasamuttaraṇaikamantraṃ
vande mahābhayaharaṃ raghurāmamantram || 105
śatrucchedaikamantraṃ sarasamupaniṣadvākyasampūjyamantraṃ
saṃsārottāramantraṃ samucitasamaye saṅganiryāṇamantram |
sarvaiśvaryaikamantraṃ vyasanabhujagasandaṣṭasantrāṇamantraṃ
jihve śrīrāmamantraṃ japa japa saphalaṃ janmasāphalyamantram || 106
nityaṃ śrīrāmamantraṃ nirupamamadhikaṃ nītisujñānamantraṃ
satyaṃ śrīrāmamantraṃ sadamalahṛdaye sarvadārogyamantram |
stutyaṃ śrīrāmamantraṃ sulalitasumanassaukhyasaubhāgyamantraṃ
paṭhyaṃ śrīrāmamantraṃ pavanajavaradaṃ pātu māṃ rāmamantram || 107
vyāmohapraśamauṣadhaṃ munimanovṛttipravṛttyauṣadhaṃ
daityonmūlakarauṣadhaṃ bhavabhayapradhvaṃsanaikauṣadham |
bhaktānandakarauṣadhaṃ tribhuvane sañjīvanaikauṣadhaṃ
śreyaḥ prāptikarauṣadhaṃ piba manaḥ śrīrāmanāmauṣadham || 108
sakalabhuvanaratnaṃ sarvaśāstrārtharatnaṃ
samaravijayaratnaṃ saccidānandaratnam |
daśamukhahararatnaṃ dānavārātiratnaṃ
raghukulanṛparatnaṃ pātu māṃ rāmaratnam || 109
sakalabhuvanaratnaṃ saccidānandaratnaṃ
sakalahṛdayaratnaṃ sūryabimbāntaratnam |
vimalasukṛtaratnaṃ vedavedāntaratnaṃ
puraharajaparatnaṃ pātu māṃ rāmaratnam || 110
nigamaśikhararatnaṃ nirmalānandaratnaṃ
nirupamaguṇaratnaṃ nādanādāntaratnam |
daśarathakularatnaṃ dvādaśāntasstharatnaṃ
paśupatijaparatnaṃ pātu māṃ rāmaratnam || 111
śatamakhasutaratnaṃ ṣoḍaśāntasstharatnaṃ
munijanajaparatnaṃ mukhyavaikuṇṭharatnam |
nirupamaguṇaratnaṃ nīrajāntasstharatnaṃ
paramapadaviratnaṃ pātu māṃ rāmaratnam || 112
sakalasukṛtaratnaṃ satyavākyārtharatnaṃ
śamadamaguṇaratnaṃ śāśvatānandaratnam |
praṇayanilayaratnaṃ prasphuṭadyotiratnaṃ
paramapadaviratnaṃ pātu māṃ rāmaratnam || 113
nigamaśikhararatnaṃ nityamāśāsyaratnaṃ
jananutanṛparatnaṃ jānakīrūparatnam |
bhuvanavalayaratnaṃ bhūbhujāmekaratnaṃ
raghukulavararatnaṃ pātu māṃ rāmaratnam || 114
viśālanetraṃ paripūrṇagātraṃ
sītākalatraṃ suravairijaitram |
kāruṇyapātraṃ jagataḥ pavitraṃ
śrīrāmaratnaṃ praṇato'smi nityam || 115
he gopālaka he dayājalanidhe he sadguṇāmbhonidhe
he daityāntaka he vibhīṣaṇadayāparīṇa he bhūpate |
he vaidehasutāmanojavihṛte he koṭimārākṛte
he navyāmbujanetra pālaya paraṃ jānāmi na tvāṃ vinā || 116
yasya kiñcidapi no haraṇīyaṃ
karma kiñcidapi no caraṇīyam |
rāmanāma ca sadā smaraṇīyaṃ
līlayā bhavajalaṃ taraṇīyam || 117
daśarathasutamīśaṃ daṇḍakāraṇyavāsaṃ
śatamakhamaṇinīlaṃ jānakīprāṇalolam |
sakalabhuvanamohaṃ sannutāmbhodadehaṃ
bahulanutasamudraṃ bhāvaye rāmabhadram || 118
viśālanetraṃ paripūrṇagātraṃ
sītākalatraṃ suravairijaitram |
jagatpavitraṃ paramātmatantraṃ
śrīrāmacandraṃ praṇamāmi citte || 119
jaya jaya raghurāma śrīmukhāmbhojabhāno
jaya jaya raghuvīra śrīmadambhojanetra |
jaya jaya raghunātha śrīkarābhyarcitāṅghri
jaya jaya raghuvarya śrīśa kāruṇyasindho || 120
mandāramūle maṇipīṭhasaṃsthaṃ
sudhāplutaṃ divyavirāṭsvarūpam |
sabindunādāntakalāntaturya-
mūrtiṃ bhaje'haṃ raghuvaṃśaratnam || 121
nādaṃ nādavinīlacittapavanaṃ nādāntattvapriyaṃ
nāmākāravivarjitaṃ navaghanaśyāmāṅganādapriyam |
nādāmbhojamarandamattavilasadbhṛṅgaṃ madāntassthitaṃ
nādāntadhṛvamaṇḍalābjaruciraṃ rāmaṃ bhaje tārakam || 122
nānābhūtahṛdabjapadmanilayaṃ nāmojjvalābhūṣaṇam |
nāmastotrapavitritatribhuvanaṃ nārāyaṇāṣṭākṣaram |
nādāntendugalatsudhāplutatanuṃ nānātmacinmātrakam |
nānākoṭiyugāntabhānusadṛśaṃ rāmaṃ bhaje tārakam || 123
vedyaṃ vedaguruṃ viriñcijanakaṃ vedāntamūrtiṃ sphura-
dvedaṃ vedakalāpamūlamahimādhārāntakandāṅkuram |
vedaśṛṅgasamānaśeṣaśayanaṃ vedāntavedyātmakaṃ
vedārādhitapādapaṅkajamahaṃ rāmaṃ bhaje tārakam || 124
majjīvaṃ madanugrahaṃ madadhipaṃ madbhāvanaṃ matsukhaṃ
mattātaṃ mama sadguruṃ mama varaṃ mohāndhavicchedanam |
matpuṇyaṃ madanekabāndhavajanaṃ majjīvanaṃ mannidhiṃ
matsiddhiṃ mama sarvakarmasukṛtaṃ rāmaṃ bhaje tārakam || 125
nityaṃ nīrajalocanaṃ nirupamaṃ nīvāraśūkopamaṃ
nirbhedānubhavaṃ nirantaraguṇaṃ nīlāṅgarāgojjvalam |
niṣpāpaṃ nigamāgamārcitapadaṃ nityātmakaṃ nirmalaṃ
niṣpuṇyaṃ nikhilaṃ nirañjanapadaṃ rāmaṃ bhaje tārakam || 126
dhyāye tvāṃ hṛdayāmbuje raghupatiṃ vijñānadīpāṅkuraṃ
haṃsohaṃsaparamparādimahimādhāraṃ jaganmohanam |
hastāmbhojagadābjacakramatulaṃ pītāmbaraṃ kaustubhaṃ
śrīvatsaṃ puruṣottamaṃ maṇinibhaṃ rāmaṃ bhaje tārakam || 127
satyajñānamanantamacyutamajaṃ cāvyākṛtaṃ tatparaṃ
kūṭasthādisamastasākṣimanaghaṃ sākṣādvirāṭtattvadam |
vedyaṃ viśvamayaṃ svalīnabhuvanasvārājyasaukhyapradaṃ
pūrṇaṃ pūrṇataraṃ purāṇapuruṣaṃ rāmaṃ bhaje tārakam || 128
rāmaṃ rākṣasavaṃśanāśanakaraṃ rākendubimbānanaṃ
rakṣoriṃ raghuvaṃśavardhanakaraṃ raktādharaṃ rāghavam |
rādhāyātmanivāsinaṃ ravinibhaṃ ramyaṃ ramānāyakaṃ
randhrāntargataśeṣaśāyinamahaṃ rāmaṃ bhaje tārakam || 129
otaprotasamastavastunicayaṃ oṅkārabījākṣaraṃ
oṅkāraprakṛtiṃ ṣaḍakṣarahitaṃ oṅkārakandāṅkuram |
oṅkārasphuṭabhūrbhuvassuparitaṃ oghatrayārādhitam
oṅkārojjvalasiṃhapīṭhanilayaṃ rāmaṃ bhaje tārakam || 130
sākete nagare samastasukhade harmye'bjakoṭidyute
nakṣatragrahapaṅktilagnaśikhare cāntaryapaṅkeruhe |
vālmīkātriparāśarādimunibhissaṃsevyamānaṃ sthitaṃ
sītālaṅkṛtavāmabhāgamaniśaṃ rāmaṃ bhaje tārakam || 131
vaikuṇṭhe nagare suradrumatale cānandavaprāntare
nānāratnavinirmitasphuṭapaṭuprākārasaṃveṣṭite |
saudhendūpalaśeṣatalpalalite nīlotpalacchādite
paryaṅke śayanaṃ ramādisahitaṃ rāmaṃ bhaje tārakam || 132
vande rāmamanādipūruṣamajaṃ vande ramānāyakaṃ
vande hārikirīṭakuṇḍaladharaṃ vande sunīladyutim |
vande cāpakalambakojjvalakaraṃ vande jaganmaṅgalaṃ
vande paṅktirathātmajaṃ mama guruṃ vande sadā rāghavam || 133
vande śaunakagautamādyabhinutaṃ vande ghanaśyāmalaṃ
vande tārakapīṭhamadhyanilayaṃ vande jagannāyakam |
vande bhaktajanaughadevivaṭapaṃ vande dhanurvallabhaṃ
vande tattvamasītivākyajanakaṃ vande sadā rāghavam || 134
vande sūryaśaśāṅkalocanayugaṃ vande jagatpāvanaṃ
vande patrasahasrapadmanilayaṃ vande purāripriyam |
vande rākṣasavaṃśanāśanakaraṃ vande sudhāśītalaṃ
vande devakapīndrakoṭivinutaṃ vande sadā rāghavam || 135
vande sāgaragarvabhaṅgaviśikhaṃ vande jagajjīvanaṃ
vande kauśikayāgarakṣaṇakaraṃ vande guruṇāṃ gurum |
vande bāṇaśarāsanojjvalakaraṃ vande jaṭāvalkalaṃ
vande lakṣmaṇabhūmijānvitamahaṃ vande sadā rāghavam || 136
vande pāṇḍarapuṇḍarīkanayanaṃ vande'bjabimbānanaṃ
vande kambugalaṃ karābjayugalaṃ vande lalāṭojjvalam |
vande pītadukūlamambudanibhaṃ vande jaganmohanaṃ
vande kāraṇamānuṣojjvalatanuṃ vande sadā rāghavam || 137
vande nīlasarojakomalaruciṃ vande jagadvanditaṃ
vande sūryakulābdhikaustubhamaṇiṃ vande surārādhitam |
vande pātakapañcakapraharaṇaṃ vande jagatkāraṇaṃ
vande viṃśatipañcatattvarahitaṃ vande sadā rāghavam || 138
vande sādhakavargakalpakataruṃ vande trimūrtyātmakaṃ
vande nādalayāntarasthalagataṃ vande trivargātmakam |
vande rāgavihīnacittasulabhaṃ vande sabhānāyakaṃ
vande pūrṇadayāmṛtārṇavamahaṃ vande sadā rāghavam || 139
vande sāttvikatattvamudritatanuṃ vande sudhādāyakaṃ
vande cārucaturbhujaṃ maṇinibhaṃ vande ṣaḍabjasthitam |
vande brahmapipīlikādinilayaṃ vande virāṭvigrahaṃ
vande pannagatalpaśāyinamahaṃ vande sadā rāghavam || 140
siṃhāsanasthaṃ munisiddhasevyaṃ
raktotpalālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghavarāmacandram || 141
śrīrāmabhadrāśritasadgurūṇāṃ
pādāravindaṃ bhajatāṃ narāṇām |
ārogyamaiśvaryamanantakīrti-
rante ca viṣṇoḥ padamasti satyam || 142
daśarathavaraputraṃ jānakīsatkalatraṃ
daśamukhaharadakṣaṃ padmapatrāyatākṣam |
karadhṛtaśaracāpaṃ cārumuktākalāpaṃ
raghukulanṛvareṇyaṃ rāmamīḍe śaraṇyam || 143
daśamukhagajasiṃhaṃ daityagarvātiraṃhaṃ
kadanabhayadahastaṃ tārakabrahma śastam |
maṇikhacitakirīṭaṃ mañjulālāpavāṭaṃ
daśarathakulacandraṃ rāmacandraṃ bhaje'ham || 144
rāmaṃ raktasaroruhākṣamamalaṃ laṅkādhināthāntakaṃ
kausalyānayanotsukaṃ raghuvaraṃ nāgendratalpasthitam |
vaidehīkucakumbhakuṅkumarajolaṅkārahāraṃ hariṃ
māyāmānuṣavigrahaṃ raghupatiṃ sītāsametaṃ bhaje || 145
rāmaṃ rākṣasamardanaṃ raghuvaraṃ daiteyabhidhvaṃsinaṃ
sugrīvepsitarājyadaṃ surapaterbhītyantakaṃ śārṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sāmīristutapādapadmayugalaṃ sītāsametaṃ bhaje || 146
yatpādāmbujareṇunā munisatī muktiṅgatā yanmahaḥ
puṇyaṃ pātakanāśanaṃ trijagatāṃ bhāti smṛtaṃ pāvanam |
smṛtvā rāghavamaprameyamamalaṃ pūrṇendumandasmitaṃ
taṃ rāmaṃ sarasīruhākṣamamalaṃ sītāsametaṃ bhaje || 147
vaidehīkucamaṇḍalāgra-vilasanmāṇikyahastāmbujaṃ
cañcatkaṅkaṇahāranūpura-lasatkeyūrahārānvitam |
divyaśrīmaṇikuṇḍalojjvala-mahābhūṣāsahasrānvitaṃ
vīraśrīraghupuṅgavaṃ guṇanidhiṃ sītāsametaṃ bhaje || 148
vaidehīkucamaṇḍalopari-lasanmāṇikyahārāvalī-
madhyasthaṃ navanītakomalaruciṃ nīlotpalaśyāmalam |
kandarpāyutakoṭisundaratanuṃ pūrṇendubimbānanaṃ
kausalyākulabhūṣaṇaṃ raghupatiṃ sītāsametaṃ bhaje || 149
divyāraṇyayatīndranāmanagare madhye mahāmaṇṭape
svarṇastambhasahasraṣoḍaśayute mandāramūlāśrite |
nānāratnavicitranirmalamahāsiṃhāsane saṃsthitaṃ
sītālakṣmaṇasevitaṃ raghupatiṃ sītāsametaṃ bhaje || 150
kastūrītilakaṃ kapīndraharaṇaṃ kāruṇyavārānnidhiṃ
kṣīrāmbhodhisutāmukhābjamadhupaṃ kalyāṇasampannidhim |
kausalyānayanotsukaṃ kapivaratrāṇaṃ mahāpauruṣaṃ
kaumārapriyamarkakoṭisadṛśaṃ sītāsametaṃ bhaje || 151
vidyutkoṭidivākaradyutinibhaṃ śrīkaustubhālaṅkṛtaṃ
yogīndraissanakādibhiḥ parivṛtaṃ kailāsanāthapriyam |
muktāratnakirīṭakuṇḍaladharaṃ graiveyahārānvitaṃ
vaidehīkucasannivāsamaniśaṃ sītāsametaṃ bhaje || 152
meghaśyāmalamambujātanayanaṃ vistīrṇavakṣassthalaṃ
bāhudvandvavirājitaṃ suvadanaṃ śoṇāṅghripaṅkeruham |
nānāratnavicitrabhūṣaṇayutaṃ kodaṇḍabāṇāṅkitaṃ
trailokyā'pratimānasundaratanuṃ sītāsametaṃ bhaje || 153
vaidehīyutavāmabhāgamatulaṃ vandārumandārakaṃ
vande prastutakīrtivāsitatarucchāyānukāriprabham |
vaidehīkucakuṅkumāṅkitamahoraskaṃ mahābhūṣaṇaṃ
vedāntairupagīyamānamasakṛtsītāsametaṃ bhaje || 154
devānāṃ hitakāraṇena bhuvane dhṛtvā'vatāraṃ dhruvaṃ
rāmaṃ kauśikayajñavighnadalanaṃ tattāṭakāsaṃharam |
nityaṃ gautamapatniśāpadalanaśrīpādareṇuṃ śubhaṃ
śambhorutkaṭacāpakhaṇḍanamahāsatvaṃ bhaje rāghavam || 155
śrīrāmaṃ navaratnakuṇḍaladharaṃ śrīrāmarakṣāmaṇiṃ
śrīrāmaṃ ca sahasrabhānusadṛśaṃ śrīrāmacandrodayam |
śrīrāmaṃ śrutakīrtimākaramahaṃ śrīrāmamuktipradaṃ
śrīrāmaṃ raghunandanaṃ bhayaharaṃ śrīrāmacandraṃ bhaje || 156
rāmamindīvaraśyāmaṃ rājīvāyatalocanam |
jyāghoṣanirjitārātiṃ jānakīramaṇaṃ bhaje || 157
dīrghabāhumaravindalocanaṃ
dīnavatsalamanātharakṣakam |
dīkṣitaṃ sakalalokarakṣaṇe
daivataṃ daśarathātmajaṃ bhaje || 158
prātassmarāmi raghunāthamukhāravindaṃ
mandasmitaṃ madhurabhāṣi viśālaphālam |
karṇāvalambicalakuṇḍalagaṇḍabhāgaṃ
karṇāntadīrghanayanaṃ nayanābhirāmam || 159
prātarbhajāmi raghunāthakarāravindaṃ
rakṣogaṇāya bhayadaṃ varadaṃ nijebhyaḥ |
yadrājasaṃsadi vibhidya maheśacāpaṃ
sītākaragrahaṇamaṅgalamāpa sadyaḥ || 160
prātarnamāmi raghunāthapadāravindaṃ
padmāṅkuśādiśubharekhaśubhāvahaṃ ca |
yogīndramānasamadhuvratasevyamānaṃ
śāpāpahaṃ sapadi gautamadharmapatnyāḥ || 161
prātarvadāmi vacasā raghunāthanāma
vāgdoṣahāri sakalaṃ kaluṣaṃ nihantṛ |
yatpārvatī svapatinā saha bhoktukāmā
prītyā sahasraharināmasamaṃ jajāpa || 162
prātaḥ śraye śrutinutaṃ raghunāthamūrtiṃ
nīlāmbudotpalasitetararatnanīlām |
āmuktamauktikaviśeṣavibhūṣaṇāḍhyāṃ
dhyeyāṃ samastamunibhirnijabhṛtyamukhyaiḥ || 163
raghukulavaranātho jānakīprāṇanāthaḥ
pitṛvacanavidhātā kīśarājyapradātā |
pratiniśicaranāśaḥ prāptarājyapraveśo
vihitabhuvanarakṣaḥ pātu padmāyatākṣaḥ || 164
kuvalayadalanīlaḥ pītavāsāḥ smitāsyo
vividharucirabhūṣābhūṣito divyamūrtiḥ |
daśarathakulanātho jānakīprāṇanātho
nivasatu mama citte sarvadā rāmacandraḥ || 165
jayatu jayatu rāmo jānakīvallabho'yaṃ
jayatu jayatu rāmaścandracūḍārcitāṅghriḥ |
jayatu jayatu vāṇīnāthanāthaḥ parātmā
jayatu jayatu rāmo'nāthanāthaḥ kṛpāluḥ || 166
vadatu vadatu vāṇī rāmarāmeti nityaṃ
jayatu jayatu cittaṃ rāmapādāravindam |
namatu namatu dehaṃ santataṃ rāmacandraṃ
na bhavatu mama pāpaṃ janmajanmāntareṣu || 167
ānandarūpaṃ varadaṃ prasannaṃ
siṃhekṣaṇaṃ sevakapārijātam |
nīlotpalāṅgaṃ bhuvanaikamitraṃ
rāmaṃ bhaje rāghavarāmacandram || 168
laṅkāvirāmaṃ raṇaraṅgabhīmaṃ
rājīvanetraṃ raghuvaṃśamitram |
kāruṇyamūrtiṃ karuṇāprapūrtiṃ
śrīrāmacandraṃ śaraṇaṃ prapadye || 169
sugrīvamitraṃ paramaṃ pavitraṃ
sītākalatraṃ navahemasūtram |
kāruṇyapātraṃ śatapatranetraṃ
śrīrāmacandraṃ śirasā namāmi || 170
śrīrāghaveti ramaṇeti raghūdvaheti
rāmeti rāvaṇahareti ramādhaveti |
sāketanāthasumukheti ca suvrateti
vāṇī sadā vadatu rāma hare hareti || 171
śrīrāmanāmāmṛtamantrabījaṃ
sañjīvanaṃ cenmanasi pratiṣṭham |
hālāhalaṃ vā pralayānalaṃ vā
mṛtyormukhaṃ vā vitathīkaroti || 172
kiṃ yogaśāstraiḥ kimaśeṣavidyā
kiṃ yāgagaṅgādiviśeṣatīrthaiḥ |
kiṃ brahmacaryāśramasañcareṇa
bhaktirnacette raghuvaṃśakīrtyām || 173
idaṃ śarīraṃ ślathasandhijarjharaṃ
patatyavaśyaṃ pariṇāmapeśalam |
kimauṣathaṃ pṛcchasi mūḍha durmate
nirāmayaṃ rāmakathāmṛtaṃ piba || 174
he rāmabhadrāśraya he kṛpālo
he bhaktalokaikaśaraṇyamūrte |
punīhi māṃ tvaccaraṇāravindaṃ
jagatpavitraṃ śaraṇaṃ mamā'stu || 175
nīlābhradeha nikhileśa jagannivāsa
rājīvanetra ramaṇīyaguṇābhirāma |
śrīdāma daityakulamardana rāmacandra
tvatpādapadmamaniśaṃ kalayāmi citte || 176
śrīrāmacandra karuṇākara dīnabandho
sītāsameta bharatāgraja rāghaveśa |
pāpārtibhañjana bhayāturadīnabandho
pāpāmbudhau patitamuddhara māmanātham || 177
indīvaradalaśyāma-mindukoṭinibhānanam |
kandarpakoṭilāvaṇyaṃ vande'haṃ raghunandanam || 175
iti śrībodhendrasarasvatī kṛta śrīrāmakarṇāmṛtam ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.