𑌅𑌸𑍍𑌯 𑌶𑍍𑌰𑍀𑌲𑌲𑌿𑌤𑌾 𑌤𑍍𑌰𑌿𑌶𑌤𑍀𑌸𑍍𑌤𑍋𑌤𑍍𑌰 𑌮𑌹𑌾𑌮𑌨𑍍𑌤𑍍𑌰𑌸𑍍𑌯, 𑌭𑌗𑌵𑌾𑌨𑍍 𑌹𑌯𑌗𑍍𑌰𑍀𑌵 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃, 𑌶𑍍𑌰𑍀𑌲𑌲𑌿𑌤𑌾𑌮𑌹𑌾𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀 𑌦𑍇𑌵𑌤𑌾, 𑌐𑌂 𑌬𑍀𑌜𑌂, 𑌸𑍗𑌃 𑌶𑌕𑍍𑌤𑌿𑌃, 𑌕𑍍𑌲𑍀𑌂 𑌕𑍀𑌲𑌕𑌂, 𑌮𑌮 𑌚𑌤𑍁𑌰𑍍𑌵𑌿𑌧𑌪𑍁𑌰𑍁𑌷𑌾𑌰𑍍𑌥𑌫𑌲𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌐𑌮𑌿𑌤𑍍𑌯𑌾𑌦𑌿𑌭𑌿𑌰𑌙𑍍𑌗𑌨𑍍𑌯𑌾𑌸𑌕𑌰𑌨𑍍𑌯𑌾𑌸𑌾𑌃 𑌕𑌾𑌰𑍍𑌯𑌾𑌃 ।
𑌧𑍍𑌯𑌾𑌨𑌮𑍍 ।
𑌅𑌤𑌿𑌮𑌧𑍁𑌰𑌚𑌾𑌪𑌹𑌸𑍍𑌤𑌾-
-𑌮𑌪𑌰𑌿𑌮𑌿𑌤𑌾𑌮𑍋𑌦𑌬𑌾𑌣𑌸𑍗𑌭𑌾𑌗𑍍𑌯𑌾𑌮𑍍 ।
𑌅𑌰𑍁𑌣𑌾𑌮𑌤𑌿𑌶𑌯𑌕𑌰𑍁𑌣𑌾-
-𑌮𑌭𑌿𑌨𑌵𑌕𑍁𑌲𑌸𑍁𑌨𑍍𑌦𑌰𑍀𑌂 𑌵𑌨𑍍𑌦𑍇 ।
𑌶𑍍𑌰𑍀 𑌹𑌯𑌗𑍍𑌰𑍀𑌵 𑌉𑌵𑌾𑌚 ।
𑌕𑌕𑌾𑌰𑌰𑍂𑌪𑌾 𑌕𑌲𑍍𑌯𑌾𑌣𑍀 𑌕𑌲𑍍𑌯𑌾𑌣𑌗𑍁𑌣𑌶𑌾𑌲𑌿𑌨𑍀 ।
𑌕𑌲𑍍𑌯𑌾𑌣𑌶𑍈𑌲𑌨𑌿𑌲𑌯𑌾 𑌕𑌮𑌨𑍀𑌯𑌾 𑌕𑌲𑌾𑌵𑌤𑍀 ॥ 1 ॥
𑌕𑌮𑌲𑌾𑌕𑍍𑌷𑍀 𑌕𑌲𑍍𑌮𑌷𑌘𑍍𑌨𑍀 𑌕𑌰𑍁𑌣𑌾𑌮𑍃𑌤𑌸𑌾𑌗𑌰𑌾 ।
𑌕𑌦𑌮𑍍𑌬𑌕𑌾𑌨𑌨𑌾𑌵𑌾𑌸𑌾 𑌕𑌦𑌮𑍍𑌬𑌕𑍁𑌸𑍁𑌮𑌪𑍍𑌰𑌿𑌯𑌾 ॥ 2 ॥
𑌕𑌨𑍍𑌦𑌰𑍍𑌪𑌵𑌿𑌦𑍍𑌯𑌾 𑌕𑌨𑍍𑌦𑌰𑍍𑌪𑌜𑌨𑌕𑌾𑌪𑌾𑌙𑍍𑌗𑌵𑍀𑌕𑍍𑌷𑌣𑌾 ।
𑌕𑌰𑍍𑌪𑍂𑌰𑌵𑍀𑌟𑌿𑌸𑍗𑌰𑌭𑍍𑌯𑌕𑌲𑍍𑌲𑍋𑌲𑌿𑌤𑌕𑌕𑍁𑌪𑍍𑌤𑌟𑌾 ॥ 3 ॥
𑌕𑌲𑌿𑌦𑍋𑌷𑌹𑌰𑌾 𑌕𑌞𑍍𑌜𑌲𑍋𑌚𑌨𑌾 𑌕𑌮𑍍𑌰𑌵𑌿𑌗𑍍𑌰𑌹𑌾 ।
𑌕𑌰𑍍𑌮𑌾𑌦𑌿𑌸𑌾𑌕𑍍𑌷𑌿𑌣𑍀 𑌕𑌾𑌰𑌯𑌿𑌤𑍍𑌰𑍀 𑌕𑌰𑍍𑌮𑌫𑌲𑌪𑍍𑌰𑌦𑌾 ॥ 4 ॥
𑌏𑌕𑌾𑌰𑌰𑍂𑌪𑌾 𑌚𑍈𑌕𑌾𑌕𑍍𑌷𑌰𑍍𑌯𑍇𑌕𑌾𑌨𑍇𑌕𑌾𑌕𑍍𑌷𑌰𑌾𑌕𑍃𑌤𑌿𑌃 ।
𑌏𑌤𑌤𑍍𑌤𑌦𑌿𑌤𑍍𑌯𑌨𑌿𑌰𑍍𑌦𑍇𑌶𑍍𑌯𑌾 𑌚𑍈𑌕𑌾𑌨𑌨𑍍𑌦𑌚𑌿𑌦𑌾𑌕𑍃𑌤𑌿𑌃 ॥ 5 ॥
𑌏𑌵𑌮𑌿𑌤𑍍𑌯𑌾𑌗𑌮𑌾𑌬𑍋𑌧𑍍𑌯𑌾 𑌚𑍈𑌕𑌭𑌕𑍍𑌤𑌿𑌮𑌦𑌰𑍍𑌚𑌿𑌤𑌾 ।
𑌏𑌕𑌾𑌗𑍍𑌰𑌚𑌿𑌤𑍍𑌤𑌨𑌿𑌰𑍍𑌧𑍍𑌯𑌾𑌤𑌾 𑌚𑍈𑌷𑌣𑌾𑌰𑌹𑌿𑌤𑌾𑌦𑍃𑌤𑌾 ॥ 6 ॥
𑌏𑌲𑌾𑌸𑍁𑌗𑌨𑍍𑌧𑌿𑌚𑌿𑌕𑍁𑌰𑌾 𑌚𑍈𑌨𑌃𑌕𑍂𑌟𑌵𑌿𑌨𑌾𑌶𑌿𑌨𑍀 ।
𑌏𑌕𑌭𑍋𑌗𑌾 𑌚𑍈𑌕𑌰𑌸𑌾 𑌚𑍈𑌕𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌯𑌿𑌨𑍀 ॥ 7 ॥
𑌏𑌕𑌾𑌤𑌪𑌤𑍍𑌰𑌸𑌾𑌮𑍍𑌰𑌾𑌜𑍍𑌯𑌪𑍍𑌰𑌦𑌾 𑌚𑍈𑌕𑌾𑌨𑍍𑌤𑌪𑍂𑌜𑌿𑌤𑌾 ।
𑌏𑌧𑌮𑌾𑌨𑌪𑍍𑌰𑌭𑌾 𑌚𑍈𑌜𑌦𑌨𑍇𑌕𑌜𑌗𑌦𑍀𑌶𑍍𑌵𑌰𑍀 ॥ 8 ॥
𑌏𑌕𑌵𑍀𑌰𑌾𑌦𑌿𑌸𑌂𑌸𑍇𑌵𑍍𑌯𑌾 𑌚𑍈𑌕𑌪𑍍𑌰𑌾𑌭𑌵𑌶𑌾𑌲𑌿𑌨𑍀 ।
𑌈𑌕𑌾𑌰𑌰𑍂𑌪𑌾 𑌚𑍇𑌶𑌿𑌤𑍍𑌰𑍀 𑌚𑍇𑌪𑍍𑌸𑌿𑌤𑌾𑌰𑍍𑌥𑌪𑍍𑌰𑌦𑌾𑌯𑌿𑌨𑍀 ॥ 9 ॥
𑌈𑌦𑍃𑌗𑌿𑌤𑍍𑌯𑌵𑌿𑌨𑌿𑌰𑍍𑌦𑍇𑌶𑍍𑌯𑌾 𑌚𑍇𑌶𑍍𑌵𑌰𑌤𑍍𑌵𑌵𑌿𑌧𑌾𑌯𑌿𑌨𑍀 ।
𑌈𑌶𑌾𑌨𑌾𑌦𑌿𑌬𑍍𑌰𑌹𑍍𑌮𑌮𑌯𑍀 𑌚𑍇𑌶𑌿𑌤𑍍𑌵𑌾𑌦𑍍𑌯𑌷𑍍𑌟𑌸𑌿𑌦𑍍𑌧𑌿𑌦𑌾 ॥ 10 ॥
𑌈𑌕𑍍𑌷𑌿𑌤𑍍𑌰𑍀𑌕𑍍𑌷𑌣𑌸𑍃𑌷𑍍𑌟𑌾𑌣𑍍𑌡𑌕𑍋𑌟𑌿𑌰𑍀𑌶𑍍𑌵𑌰𑌵𑌲𑍍𑌲𑌭𑌾 ।
𑌈𑌡𑌿𑌤𑌾 𑌚𑍇𑌶𑍍𑌵𑌰𑌾𑌰𑍍𑌧𑌾𑌙𑍍𑌗𑌶𑌰𑍀𑌰𑍇𑌶𑌾𑌧𑌿𑌦𑍇𑌵𑌤𑌾 ॥ 11 ॥
𑌈𑌶𑍍𑌵𑌰𑌪𑍍𑌰𑍇𑌰𑌣𑌕𑌰𑍀 𑌚𑍇𑌶𑌤𑌾𑌣𑍍𑌡𑌵𑌸𑌾𑌕𑍍𑌷𑌿𑌣𑍀 ।
𑌈𑌶𑍍𑌵𑌰𑍋𑌤𑍍𑌸𑌙𑍍𑌗𑌨𑌿𑌲𑌯𑌾 𑌚𑍇𑌤𑌿𑌬𑌾𑌧𑌾𑌵𑌿𑌨𑌾𑌶𑌿𑌨𑍀 ॥ 12 ॥
𑌈𑌹𑌾𑌵𑌿𑌰𑌹𑌿𑌤𑌾 𑌚𑍇𑌶𑌶𑌕𑍍𑌤𑌿𑌰𑍀𑌷𑌤𑍍𑌸𑍍𑌮𑌿𑌤𑌾𑌨𑌨𑌾 ।
𑌲𑌕𑌾𑌰𑌰𑍂𑌪𑌾 𑌲𑌲𑌿𑌤𑌾 𑌲𑌕𑍍𑌷𑍍𑌮𑍀𑌵𑌾𑌣𑍀𑌨𑌿𑌷𑍇𑌵𑌿𑌤𑌾 ॥ 13 ॥
𑌲𑌾𑌕𑌿𑌨𑍀 𑌲𑌲𑌨𑌾𑌰𑍂𑌪𑌾 𑌲𑌸𑌦𑍍𑌦𑌾𑌡𑌿𑌮𑌪𑌾𑌟𑌲𑌾 ।
𑌲𑌲𑌨𑍍𑌤𑌿𑌕𑌾𑌲𑌸𑌤𑍍𑌫𑌾𑌲𑌾 𑌲𑌲𑌾𑌟𑌨𑌯𑌨𑌾𑌰𑍍𑌚𑌿𑌤𑌾 ॥ 14 ॥
𑌲𑌕𑍍𑌷𑌣𑍋𑌜𑍍𑌜𑍍𑌵𑌲𑌦𑌿𑌵𑍍𑌯𑌾𑌙𑍍𑌗𑍀 𑌲𑌕𑍍𑌷𑌕𑍋𑌟𑍍𑌯𑌣𑍍𑌡𑌨𑌾𑌯𑌿𑌕𑌾 ।
𑌲𑌕𑍍𑌷𑍍𑌯𑌾𑌰𑍍𑌥𑌾 𑌲𑌕𑍍𑌷𑌣𑌾𑌗𑌮𑍍𑌯𑌾 𑌲𑌬𑍍𑌧𑌕𑌾𑌮𑌾 𑌲𑌤𑌾𑌤𑌨𑍁𑌃 ॥ 15 ॥
𑌲𑌲𑌾𑌮𑌰𑌾𑌜𑌦𑌲𑌿𑌕𑌾 𑌲𑌮𑍍𑌬𑌿𑌮𑍁𑌕𑍍𑌤𑌾𑌲𑌤𑌾𑌞𑍍𑌚𑌿𑌤𑌾 ।
𑌲𑌮𑍍𑌬𑍋𑌦𑌰𑌪𑍍𑌰𑌸𑍂𑌰𑍍𑌲𑌭𑍍𑌯𑌾 𑌲𑌜𑍍𑌜𑌾𑌢𑍍𑌯𑌾 𑌲𑌯𑌵𑌰𑍍𑌜𑌿𑌤𑌾 ॥ 16 ॥
𑌹𑍍𑌰𑍀𑌂𑌕𑌾𑌰𑌰𑍂𑌪𑌾 𑌹𑍍𑌰𑍀𑌂𑌕𑌾𑌰𑌨𑌿𑌲𑌯𑌾 𑌹𑍍𑌰𑍀𑌂𑌪𑌦𑌪𑍍𑌰𑌿𑌯𑌾 ।
𑌹𑍍𑌰𑍀𑌂𑌕𑌾𑌰𑌬𑍀𑌜𑌾 𑌹𑍍𑌰𑍀𑌂𑌕𑌾𑌰𑌮𑌨𑍍𑌤𑍍𑌰𑌾 𑌹𑍍𑌰𑍀𑌂𑌕𑌾𑌰𑌲𑌕𑍍𑌷𑌣𑌾 ॥ 17 ॥
𑌹𑍍𑌰𑍀𑌂𑌕𑌾𑌰𑌜𑌪𑌸𑍁𑌪𑍍𑌰𑍀𑌤𑌾 𑌹𑍍𑌰𑍀𑌂𑌮𑌤𑍀 𑌹𑍍𑌰𑍀𑌂𑌵𑌿𑌭𑍂𑌷𑌣𑌾 ।
𑌹𑍍𑌰𑍀𑌂𑌶𑍀𑌲𑌾 𑌹𑍍𑌰𑍀𑌂𑌪𑌦𑌾𑌰𑌾𑌧𑍍𑌯𑌾 𑌹𑍍𑌰𑍀𑌂𑌗𑌰𑍍𑌭𑌾 𑌹𑍍𑌰𑍀𑌂𑌪𑌦𑌾𑌭𑌿𑌧𑌾 ॥ 18 ॥
𑌹𑍍𑌰𑍀𑌂𑌕𑌾𑌰𑌵𑌾𑌚𑍍𑌯𑌾 𑌹𑍍𑌰𑍀𑌂𑌕𑌾𑌰𑌪𑍂𑌜𑍍𑌯𑌾 𑌹𑍍𑌰𑍀𑌂𑌕𑌾𑌰𑌪𑍀𑌠𑌿𑌕𑌾 ।
𑌹𑍍𑌰𑍀𑌂𑌕𑌾𑌰𑌵𑍇𑌦𑍍𑌯𑌾 𑌹𑍍𑌰𑍀𑌂𑌕𑌾𑌰𑌚𑌿𑌨𑍍𑌤𑍍𑌯𑌾 𑌹𑍍𑌰𑍀𑌂 𑌹𑍍𑌰𑍀𑌂𑌶𑌰𑍀𑌰𑌿𑌣𑍀 ॥ 19 ॥
𑌹𑌕𑌾𑌰𑌰𑍂𑌪𑌾 𑌹𑌲𑌧𑍃𑌕𑍍𑌪𑍂𑌜𑌿𑌤𑌾 𑌹𑌰𑌿𑌣𑍇𑌕𑍍𑌷𑌣𑌾 ।
𑌹𑌰𑌪𑍍𑌰𑌿𑌯𑌾 𑌹𑌰𑌾𑌰𑌾𑌧𑍍𑌯𑌾 𑌹𑌰𑌿𑌬𑍍𑌰𑌹𑍍𑌮𑍇𑌨𑍍𑌦𑍍𑌰𑌵𑌨𑍍𑌦𑌿𑌤𑌾 ॥ 20 ॥
𑌹𑌯𑌾𑌰𑍂𑌢𑌾𑌸𑍇𑌵𑌿𑌤𑌾𑌙𑍍𑌘𑍍𑌰𑌿𑌰𑍍𑌹𑌯𑌮𑍇𑌧𑌸𑌮𑌰𑍍𑌚𑌿𑌤𑌾 ।
𑌹𑌰𑍍𑌯𑌕𑍍𑌷𑌵𑌾𑌹𑌨𑌾 𑌹𑌂𑌸𑌵𑌾𑌹𑌨𑌾 𑌹𑌤𑌦𑌾𑌨𑌵𑌾 ॥ 21 ॥
𑌹𑌤𑍍𑌯𑌾𑌦𑌿𑌪𑌾𑌪𑌶𑌮𑌨𑍀 𑌹𑌰𑌿𑌦𑌶𑍍𑌵𑌾𑌦𑌿𑌸𑍇𑌵𑌿𑌤𑌾 ।
𑌹𑌸𑍍𑌤𑌿𑌕𑍁𑌮𑍍𑌭𑍋𑌤𑍍𑌤𑍁𑌙𑍍𑌗𑌕𑍁𑌚𑌾 𑌹𑌸𑍍𑌤𑌿𑌕𑍃𑌤𑍍𑌤𑌿𑌪𑍍𑌰𑌿𑌯𑌾𑌙𑍍𑌗𑌨𑌾 ॥ 22 ॥
𑌹𑌰𑌿𑌦𑍍𑌰𑌾𑌕𑍁𑌙𑍍𑌕𑍁𑌮𑌾𑌦𑌿𑌗𑍍𑌧𑌾 𑌹𑌰𑍍𑌯𑌶𑍍𑌵𑌾𑌦𑍍𑌯𑌮𑌰𑌾𑌰𑍍𑌚𑌿𑌤𑌾 ।
𑌹𑌰𑌿𑌕𑍇𑌶𑌸𑌖𑍀 𑌹𑌾𑌦𑌿𑌵𑌿𑌦𑍍𑌯𑌾 𑌹𑌾𑌲𑌾𑌮𑌦𑌾𑌲𑌸𑌾 ॥ 23 ॥
𑌸𑌕𑌾𑌰𑌰𑍂𑌪𑌾 𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑍇𑌶𑍀 𑌸𑌰𑍍𑌵𑌮𑌙𑍍𑌗𑌲𑌾 ।
𑌸𑌰𑍍𑌵𑌕𑌰𑍍𑌤𑍍𑌰𑍀 𑌸𑌰𑍍𑌵𑌭𑌰𑍍𑌤𑍍𑌰𑍀 𑌸𑌰𑍍𑌵𑌹𑌨𑍍𑌤𑍍𑌰𑍀 𑌸𑌨𑌾𑌤𑌨𑌾 ॥ 24 ॥
𑌸𑌰𑍍𑌵𑌾𑌨𑌵𑌦𑍍𑌯𑌾 𑌸𑌰𑍍𑌵𑌾𑌙𑍍𑌗𑌸𑍁𑌨𑍍𑌦𑌰𑍀 𑌸𑌰𑍍𑌵𑌸𑌾𑌕𑍍𑌷𑌿𑌣𑍀 ।
𑌸𑌰𑍍𑌵𑌾𑌤𑍍𑌮𑌿𑌕𑌾 𑌸𑌰𑍍𑌵𑌸𑍗𑌖𑍍𑌯𑌦𑌾𑌤𑍍𑌰𑍀 𑌸𑌰𑍍𑌵𑌵𑌿𑌮𑍋𑌹𑌿𑌨𑍀 ॥ 25 ॥
𑌸𑌰𑍍𑌵𑌾𑌧𑌾𑌰𑌾 𑌸𑌰𑍍𑌵𑌗𑌤𑌾 𑌸𑌰𑍍𑌵𑌾𑌵𑌗𑍁𑌣𑌵𑌰𑍍𑌜𑌿𑌤𑌾 ।
𑌸𑌰𑍍𑌵𑌾𑌰𑍁𑌣𑌾 𑌸𑌰𑍍𑌵𑌮𑌾𑌤𑌾 𑌸𑌰𑍍𑌵𑌭𑍂𑌷𑌣𑌭𑍂𑌷𑌿𑌤𑌾 ॥ 26 ॥
𑌕𑌕𑌾𑌰𑌾𑌰𑍍𑌥𑌾 𑌕𑌾𑌲𑌹𑌨𑍍𑌤𑍍𑌰𑍀 𑌕𑌾𑌮𑍇𑌶𑍀 𑌕𑌾𑌮𑌿𑌤𑌾𑌰𑍍𑌥𑌦𑌾 ।
𑌕𑌾𑌮𑌸𑌞𑍍𑌜𑍀𑌵𑌨𑍀 𑌕𑌲𑍍𑌯𑌾 𑌕𑌠𑌿𑌨𑌸𑍍𑌤𑌨𑌮𑌣𑍍𑌡𑌲𑌾 ॥ 27 ॥
𑌕𑌰𑌭𑍋𑌰𑍂𑌃 𑌕𑌲𑌾𑌨𑌾𑌥𑌮𑍁𑌖𑍀 𑌕𑌚𑌜𑌿𑌤𑌾𑌮𑍍𑌬𑍁𑌦𑌾 ।
𑌕𑌟𑌾𑌕𑍍𑌷𑌸𑍍𑌯𑌨𑍍𑌦𑌿𑌕𑌰𑍁𑌣𑌾 𑌕𑌪𑌾𑌲𑌿𑌪𑍍𑌰𑌾𑌣𑌨𑌾𑌯𑌿𑌕𑌾 ॥ 28 ॥
𑌕𑌾𑌰𑍁𑌣𑍍𑌯𑌵𑌿𑌗𑍍𑌰𑌹𑌾 𑌕𑌾𑌨𑍍𑌤𑌾 𑌕𑌾𑌨𑍍𑌤𑌿𑌧𑍂𑌤𑌜𑌪𑌾𑌵𑌲𑌿𑌃 ।
𑌕𑌲𑌾𑌲𑌾𑌪𑌾 𑌕𑌮𑍍𑌬𑍁𑌕𑌣𑍍𑌠𑍀 𑌕𑌰𑌨𑌿𑌰𑍍𑌜𑌿𑌤𑌪𑌲𑍍𑌲𑌵𑌾 ॥ 29 ॥
𑌕𑌲𑍍𑌪𑌵𑌲𑍍𑌲𑍀𑌸𑌮𑌭𑍁𑌜𑌾 𑌕𑌸𑍍𑌤𑍂𑌰𑍀𑌤𑌿𑌲𑌕𑌾𑌞𑍍𑌚𑌿𑌤𑌾 ।
𑌹𑌕𑌾𑌰𑌾𑌰𑍍𑌥𑌾 𑌹𑌂𑌸𑌗𑌤𑌿𑌰𑍍𑌹𑌾𑌟𑌕𑌾𑌭𑌰𑌣𑍋𑌜𑍍𑌜𑍍𑌵𑌲𑌾 ॥ 30 ॥
𑌹𑌾𑌰𑌹𑌾𑌰𑌿𑌕𑍁𑌚𑌾𑌭𑍋𑌗𑌾 𑌹𑌾𑌕𑌿𑌨𑍀 𑌹𑌲𑍍𑌯𑌵𑌰𑍍𑌜𑌿𑌤𑌾 ।
𑌹𑌰𑌿𑌤𑍍𑌪𑌤𑌿𑌸𑌮𑌾𑌰𑌾𑌧𑍍𑌯𑌾 𑌹𑌠𑌾𑌤𑍍𑌕𑌾𑌰𑌹𑌤𑌾𑌸𑍁𑌰𑌾 ॥ 31 ॥
𑌹𑌰𑍍𑌷𑌪𑍍𑌰𑌦𑌾 𑌹𑌵𑌿𑌰𑍍𑌭𑍋𑌕𑍍𑌤𑍍𑌰𑍀 𑌹𑌾𑌰𑍍𑌦𑌸𑌨𑍍𑌤𑌮𑌸𑌾𑌪𑌹𑌾 ।
𑌹𑌲𑍍𑌲𑍀𑌸𑌲𑌾𑌸𑍍𑌯𑌸𑌨𑍍𑌤𑍁𑌷𑍍𑌟𑌾 𑌹𑌂𑌸𑌮𑌨𑍍𑌤𑍍𑌰𑌾𑌰𑍍𑌥𑌰𑍂𑌪𑌿𑌣𑍀 ॥ 32 ॥
𑌹𑌾𑌨𑍋𑌪𑌾𑌦𑌾𑌨𑌨𑌿𑌰𑍍𑌮𑍁𑌕𑍍𑌤𑌾 𑌹𑌰𑍍𑌷𑌿𑌣𑍀 𑌹𑌰𑌿𑌸𑍋𑌦𑌰𑍀 ।
𑌹𑌾𑌹𑌾𑌹𑍂𑌹𑍂𑌮𑍁𑌖𑌸𑍍𑌤𑍁𑌤𑍍𑌯𑌾 𑌹𑌾𑌨𑌿𑌵𑍃𑌦𑍍𑌧𑌿𑌵𑌿𑌵𑌰𑍍𑌜𑌿𑌤𑌾 ॥ 33 ॥
𑌹𑌯𑍍𑌯𑌙𑍍𑌗𑌵𑍀𑌨𑌹𑍃𑌦𑌯𑌾 𑌹𑌰𑌿𑌗𑍋𑌪𑌾𑌰𑍁𑌣𑌾𑌂𑌶𑍁𑌕𑌾 ।
𑌲𑌕𑌾𑌰𑌾𑌖𑍍𑌯𑌾 𑌲𑌤𑌾𑌪𑍂𑌜𑍍𑌯𑌾 𑌲𑌯𑌸𑍍𑌥𑌿𑌤𑍍𑌯𑍁𑌦𑍍𑌭𑌵𑍇𑌶𑍍𑌵𑌰𑍀 ॥ 34 ॥
𑌲𑌾𑌸𑍍𑌯𑌦𑌰𑍍𑌶𑌨𑌸𑌨𑍍𑌤𑍁𑌷𑍍𑌟𑌾 𑌲𑌾𑌭𑌾𑌲𑌾𑌭𑌵𑌿𑌵𑌰𑍍𑌜𑌿𑌤𑌾 ।
𑌲𑌙𑍍𑌘𑍍𑌯𑍇𑌤𑌰𑌾𑌜𑍍𑌞𑌾 𑌲𑌾𑌵𑌣𑍍𑌯𑌶𑌾𑌲𑌿𑌨𑍀 𑌲𑌘𑍁𑌸𑌿𑌦𑍍𑌧𑌿𑌦𑌾 ॥ 35 ॥
𑌲𑌾𑌕𑍍𑌷𑌾𑌰𑌸𑌸𑌵𑌰𑍍𑌣𑌾𑌭𑌾 𑌲𑌕𑍍𑌷𑍍𑌮𑌣𑌾𑌗𑍍𑌰𑌜𑌪𑍂𑌜𑌿𑌤𑌾 ।
𑌲𑌭𑍍𑌯𑍇𑌤𑌰𑌾 𑌲𑌬𑍍𑌧𑌭𑌕𑍍𑌤𑌿𑌸𑍁𑌲𑌭𑌾 𑌲𑌾𑌙𑍍𑌗𑌲𑌾𑌯𑍁𑌧𑌾 ॥ 36 ॥
𑌲𑌗𑍍𑌨𑌚𑌾𑌮𑌰𑌹𑌸𑍍𑌤𑌶𑍍𑌰𑍀𑌶𑌾𑌰𑌦𑌾𑌪𑌰𑌿𑌵𑍀𑌜𑌿𑌤𑌾 ।
𑌲𑌜𑍍𑌜𑌾𑌪𑌦𑌸𑌮𑌾𑌰𑌾𑌧𑍍𑌯𑌾 𑌲𑌮𑍍𑌪𑌟𑌾 𑌲𑌕𑍁𑌲𑍇𑌶𑍍𑌵𑌰𑍀 ॥ 37 ॥
𑌲𑌬𑍍𑌧𑌮𑌾𑌨𑌾 𑌲𑌬𑍍𑌧𑌰𑌸𑌾 𑌲𑌬𑍍𑌧𑌸𑌮𑍍𑌪𑌤𑍍𑌸𑌮𑍁𑌨𑍍𑌨𑌤𑌿𑌃 ।
𑌹𑍍𑌰𑍀𑌂𑌕𑌾𑌰𑌿𑌣𑍀 𑌹𑍍𑌰𑍀𑌂𑌕𑌾𑌰𑌾𑌦𑍍𑌯𑌾 𑌹𑍍𑌰𑍀𑌂𑌮𑌧𑍍𑌯𑌾 𑌹𑍍𑌰𑍀𑌂𑌶𑌿𑌖𑌾𑌮𑌣𑌿𑌃 ॥ 38 ॥
𑌹𑍍𑌰𑍀𑌂𑌕𑌾𑌰𑌕𑍁𑌣𑍍𑌡𑌾𑌗𑍍𑌨𑌿𑌶𑌿𑌖𑌾 𑌹𑍍𑌰𑍀𑌂𑌕𑌾𑌰𑌶𑌶𑌿𑌚𑌨𑍍𑌦𑍍𑌰𑌿𑌕𑌾 ।
𑌹𑍍𑌰𑍀𑌂𑌕𑌾𑌰𑌭𑌾𑌸𑍍𑌕𑌰𑌰𑍁𑌚𑌿𑌰𑍍𑌹𑍍𑌰𑍀𑌂𑌕𑌾𑌰𑌾𑌮𑍍𑌭𑍋𑌦𑌚𑌞𑍍𑌚𑌲𑌾 ॥ 39 ॥
𑌹𑍍𑌰𑍀𑌂𑌕𑌾𑌰𑌕𑌨𑍍𑌦𑌾𑌙𑍍𑌕𑍁𑌰𑌿𑌕𑌾 𑌹𑍍𑌰𑍀𑌂𑌕𑌾𑌰𑍈𑌕𑌪𑌰𑌾𑌯𑌣𑌾 ।
𑌹𑍍𑌰𑍀𑌂𑌕𑌾𑌰𑌦𑍀𑌰𑍍𑌘𑌿𑌕𑌾𑌹𑌂𑌸𑍀 𑌹𑍍𑌰𑍀𑌂𑌕𑌾𑌰𑍋𑌦𑍍𑌯𑌾𑌨𑌕𑍇𑌕𑌿𑌨𑍀 ॥ 40 ॥
𑌹𑍍𑌰𑍀𑌂𑌕𑌾𑌰𑌾𑌰𑌣𑍍𑌯𑌹𑌰𑌿𑌣𑍀 𑌹𑍍𑌰𑍀𑌂𑌕𑌾𑌰𑌾𑌵𑌾𑌲𑌵𑌲𑍍𑌲𑌰𑍀 ।
𑌹𑍍𑌰𑍀𑌂𑌕𑌾𑌰𑌪𑌞𑍍𑌜𑌰𑌶𑍁𑌕𑍀 𑌹𑍍𑌰𑍀𑌂𑌕𑌾𑌰𑌾𑌙𑍍𑌗𑌣𑌦𑍀𑌪𑌿𑌕𑌾 ॥ 41 ॥
𑌹𑍍𑌰𑍀𑌂𑌕𑌾𑌰𑌕𑌨𑍍𑌦𑌰𑌾𑌸𑌿𑌂𑌹𑍀 𑌹𑍍𑌰𑍀𑌂𑌕𑌾𑌰𑌾𑌮𑍍𑌭𑍋𑌜𑌭𑍃𑌙𑍍𑌗𑌿𑌕𑌾 ।
𑌹𑍍𑌰𑍀𑌂𑌕𑌾𑌰𑌸𑍁𑌮𑌨𑍋𑌮𑌾𑌧𑍍𑌵𑍀 𑌹𑍍𑌰𑍀𑌂𑌕𑌾𑌰𑌤𑌰𑍁𑌮𑌞𑍍𑌜𑌰𑍀 ॥ 42 ॥
𑌸𑌕𑌾𑌰𑌾𑌖𑍍𑌯𑌾 𑌸𑌮𑌰𑌸𑌾 𑌸𑌕𑌲𑌾𑌗𑌮𑌸𑌂𑌸𑍍𑌤𑍁𑌤𑌾 ।
𑌸𑌰𑍍𑌵𑌵𑍇𑌦𑌾𑌨𑍍𑌤𑌤𑌾𑌤𑍍𑌪𑌰𑍍𑌯𑌭𑍂𑌮𑌿𑌃 𑌸𑌦𑌸𑌦𑌾𑌶𑍍𑌰𑌯𑌾 ॥ 43 ॥
𑌸𑌕𑌲𑌾 𑌸𑌚𑍍𑌚𑌿𑌦𑌾𑌨𑌨𑍍𑌦𑌾 𑌸𑌾𑌧𑍍𑌯𑌾 𑌸𑌦𑍍𑌗𑌤𑌿𑌦𑌾𑌯𑌿𑌨𑍀 ।
𑌸𑌨𑌕𑌾𑌦𑌿𑌮𑍁𑌨𑌿𑌧𑍍𑌯𑍇𑌯𑌾 𑌸𑌦𑌾𑌶𑌿𑌵𑌕𑍁𑌟𑍁𑌮𑍍𑌬𑌿𑌨𑍀 ॥ 44 ॥
𑌸𑌕𑌾𑌲𑌾𑌧𑌿𑌷𑍍𑌠𑌾𑌨𑌰𑍂𑌪𑌾 𑌸𑌤𑍍𑌯𑌰𑍂𑌪𑌾 𑌸𑌮𑌾𑌕𑍃𑌤𑌿𑌃 ।
𑌸𑌰𑍍𑌵𑌪𑍍𑌰𑌪𑌞𑍍𑌚𑌨𑌿𑌰𑍍𑌮𑌾𑌤𑍍𑌰𑍀 𑌸𑌮𑌨𑌾𑌧𑌿𑌕𑌵𑌰𑍍𑌜𑌿𑌤𑌾 ॥ 45 ॥
𑌸𑌰𑍍𑌵𑍋𑌤𑍍𑌤𑍁𑌙𑍍𑌗𑌾 𑌸𑌙𑍍𑌗𑌹𑍀𑌨𑌾 𑌸𑌗𑍁𑌣𑌾 𑌸𑌕𑌲𑍇𑌷𑍍𑌟𑌦𑌾 ।
𑌕𑌕𑌾𑌰𑌿𑌣𑍀 𑌕𑌾𑌵𑍍𑌯𑌲𑍋𑌲𑌾 𑌕𑌾𑌮𑍇𑌶𑍍𑌵𑌰𑌮𑌨𑍋𑌹𑌰𑌾 ॥ 46 ॥
𑌕𑌾𑌮𑍇𑌶𑍍𑌵𑌰𑌪𑍍𑌰𑌾𑌣𑌨𑌾𑌡𑍀 𑌕𑌾𑌮𑍇𑌶𑍋𑌤𑍍𑌸𑌙𑍍𑌗𑌵𑌾𑌸𑌿𑌨𑍀 ।
𑌕𑌾𑌮𑍇𑌶𑍍𑌵𑌰𑌾𑌲𑌿𑌙𑍍𑌗𑌿𑌤𑌾𑌙𑍍𑌗𑍀 𑌕𑌾𑌮𑍇𑌶𑍍𑌵𑌰𑌸𑍁𑌖𑌪𑍍𑌰𑌦𑌾 ॥ 47 ॥
𑌕𑌾𑌮𑍇𑌶𑍍𑌵𑌰𑌪𑍍𑌰𑌣𑌯𑌿𑌨𑍀 𑌕𑌾𑌮𑍇𑌶𑍍𑌵𑌰𑌵𑌿𑌲𑌾𑌸𑌿𑌨𑍀 ।
𑌕𑌾𑌮𑍇𑌶𑍍𑌵𑌰𑌤𑌪𑌃𑌸𑌿𑌦𑍍𑌧𑌿𑌃 𑌕𑌾𑌮𑍇𑌶𑍍𑌵𑌰𑌮𑌨𑌃𑌪𑍍𑌰𑌿𑌯𑌾 ॥ 48 ॥
𑌕𑌾𑌮𑍇𑌶𑍍𑌵𑌰𑌪𑍍𑌰𑌾𑌣𑌨𑌾𑌥𑌾 𑌕𑌾𑌮𑍇𑌶𑍍𑌵𑌰𑌵𑌿𑌮𑍋𑌹𑌿𑌨𑍀 ।
𑌕𑌾𑌮𑍇𑌶𑍍𑌵𑌰𑌬𑍍𑌰𑌹𑍍𑌮𑌵𑌿𑌦𑍍𑌯𑌾 𑌕𑌾𑌮𑍇𑌶𑍍𑌵𑌰𑌗𑍃𑌹𑍇𑌶𑍍𑌵𑌰𑍀 ॥ 49 ॥
𑌕𑌾𑌮𑍇𑌶𑍍𑌵𑌰𑌾𑌹𑍍𑌲𑌾𑌦𑌕𑌰𑍀 𑌕𑌾𑌮𑍇𑌶𑍍𑌵𑌰𑌮𑌹𑍇𑌶𑍍𑌵𑌰𑍀 ।
𑌕𑌾𑌮𑍇𑌶𑍍𑌵𑌰𑍀 𑌕𑌾𑌮𑌕𑍋𑌟𑌿𑌨𑌿𑌲𑌯𑌾 𑌕𑌾𑌙𑍍𑌕𑍍𑌷𑌿𑌤𑌾𑌰𑍍𑌥𑌦𑌾 ॥ 50 ॥
𑌲𑌕𑌾𑌰𑌿𑌣𑍀 𑌲𑌬𑍍𑌧𑌰𑍂𑌪𑌾 𑌲𑌬𑍍𑌧𑌧𑍀𑌰𑍍𑌲𑌬𑍍𑌧𑌵𑌾𑌞𑍍𑌛𑌿𑌤𑌾 ।
𑌲𑌬𑍍𑌧𑌪𑌾𑌪𑌮𑌨𑍋𑌦𑍂𑌰𑌾 𑌲𑌬𑍍𑌧𑌾𑌹𑌙𑍍𑌕𑌾𑌰𑌦𑍁𑌰𑍍𑌗𑌮𑌾 ॥ 51 ॥
𑌲𑌬𑍍𑌧𑌶𑌕𑍍𑌤𑌿𑌰𑍍𑌲𑌬𑍍𑌧𑌦𑍇𑌹𑌾 𑌲𑌬𑍍𑌧𑍈𑌶𑍍𑌵𑌰𑍍𑌯𑌸𑌮𑍁𑌨𑍍𑌨𑌤𑌿𑌃 ।
𑌲𑌬𑍍𑌧𑌵𑍃𑌦𑍍𑌧𑌿𑌰𑍍𑌲𑌬𑍍𑌧𑌲𑍀𑌲𑌾 𑌲𑌬𑍍𑌧𑌯𑍗𑌵𑌨𑌶𑌾𑌲𑌿𑌨𑍀 ॥ 52 ॥
𑌲𑌬𑍍𑌧𑌾𑌤𑌿𑌶𑌯𑌸𑌰𑍍𑌵𑌾𑌙𑍍𑌗𑌸𑍗𑌨𑍍𑌦𑌰𑍍𑌯𑌾 𑌲𑌬𑍍𑌧𑌵𑌿𑌭𑍍𑌰𑌮𑌾 ।
𑌲𑌬𑍍𑌧𑌰𑌾𑌗𑌾 𑌲𑌬𑍍𑌧𑌪𑌤𑌿𑌰𑍍𑌲𑌬𑍍𑌧𑌨𑌾𑌨𑌾𑌗𑌮𑌸𑍍𑌥𑌿𑌤𑌿𑌃 ॥ 53 ॥
𑌲𑌬𑍍𑌧𑌭𑍋𑌗𑌾 𑌲𑌬𑍍𑌧𑌸𑍁𑌖𑌾 𑌲𑌬𑍍𑌧𑌹𑌰𑍍𑌷𑌾𑌭𑌿𑌪𑍂𑌰𑌿𑌤𑌾 ।
𑌹𑍍𑌰𑍀𑌂𑌕𑌾𑌰𑌮𑍂𑌰𑍍𑌤𑌿𑌰𑍍𑌹𑍍𑌰𑍀𑌂𑌕𑌾𑌰𑌸𑍗𑌧𑌶𑍃𑌙𑍍𑌗𑌕𑌪𑍋𑌤𑌿𑌕𑌾 ॥ 54 ॥
𑌹𑍍𑌰𑍀𑌂𑌕𑌾𑌰𑌦𑍁𑌗𑍍𑌧𑌾𑌬𑍍𑌧𑌿𑌸𑍁𑌧𑌾 𑌹𑍍𑌰𑍀𑌂𑌕𑌾𑌰𑌕𑌮𑌲𑍇𑌨𑍍𑌦𑌿𑌰𑌾 ।
𑌹𑍍𑌰𑍀𑌂𑌕𑌾𑌰𑌮𑌣𑌿𑌦𑍀𑌪𑌾𑌰𑍍𑌚𑌿𑌰𑍍𑌹𑍍𑌰𑍀𑌂𑌕𑌾𑌰𑌤𑌰𑍁𑌶𑌾𑌰𑌿𑌕𑌾 ॥ 55 ॥
𑌹𑍍𑌰𑍀𑌂𑌕𑌾𑌰𑌪𑍇𑌟𑌕𑌮𑌣𑌿𑌰𑍍𑌹𑍍𑌰𑍀𑌂𑌕𑌾𑌰𑌾𑌦𑌰𑍍𑌶𑌬𑌿𑌮𑍍𑌬𑌿𑌤𑌾 ।
𑌹𑍍𑌰𑍀𑌂𑌕𑌾𑌰𑌕𑍋𑌶𑌾𑌸𑌿𑌲𑌤𑌾 𑌹𑍍𑌰𑍀𑌂𑌕𑌾𑌰𑌾𑌸𑍍𑌥𑌾𑌨𑌨𑌰𑍍𑌤𑌕𑍀 ॥ 56 ॥
𑌹𑍍𑌰𑍀𑌂𑌕𑌾𑌰𑌶𑍁𑌕𑍍𑌤𑌿𑌕𑌾𑌮𑍁𑌕𑍍𑌤𑌾𑌮𑌣𑌿𑌰𑍍𑌹𑍍𑌰𑍀𑌂𑌕𑌾𑌰𑌬𑍋𑌧𑌿𑌤𑌾 ।
𑌹𑍍𑌰𑍀𑌂𑌕𑌾𑌰𑌮𑌯𑌸𑍗𑌵𑌰𑍍𑌣𑌸𑍍𑌤𑌮𑍍𑌭𑌵𑌿𑌦𑍍𑌰𑍁𑌮𑌪𑍁𑌤𑍍𑌰𑌿𑌕𑌾 ॥ 57 ॥
𑌹𑍍𑌰𑍀𑌂𑌕𑌾𑌰𑌵𑍇𑌦𑍋𑌪𑌨𑌿𑌷𑌦𑍍 𑌹𑍍𑌰𑍀𑌂𑌕𑌾𑌰𑌾𑌧𑍍𑌵𑌰𑌦𑌕𑍍𑌷𑌿𑌣𑌾 ।
𑌹𑍍𑌰𑍀𑌂𑌕𑌾𑌰𑌨𑌨𑍍𑌦𑌨𑌾𑌰𑌾𑌮𑌨𑌵𑌕𑌲𑍍𑌪𑌕𑌵𑌲𑍍𑌲𑌰𑍀 ॥ 58 ॥
𑌹𑍍𑌰𑍀𑌂𑌕𑌾𑌰𑌹𑌿𑌮𑌵𑌦𑍍𑌗𑌙𑍍𑌗𑌾 𑌹𑍍𑌰𑍀𑌂𑌕𑌾𑌰𑌾𑌰𑍍𑌣𑌵𑌕𑍗𑌸𑍍𑌤𑍁𑌭𑌾 ।
𑌹𑍍𑌰𑍀𑌂𑌕𑌾𑌰𑌮𑌨𑍍𑌤𑍍𑌰𑌸𑌰𑍍𑌵𑌸𑍍𑌵𑌾 𑌹𑍍𑌰𑍀𑌂𑌕𑌾𑌰𑌪𑌰𑌸𑍗𑌖𑍍𑌯𑌦𑌾 ॥ 59 ॥
𑌉𑌤𑍍𑌤𑌰𑌪𑍀𑌠𑌿𑌕𑌾 (𑌫𑌲𑌶𑍃𑌤𑌿𑌃)
𑌹𑌯𑌗𑍍𑌰𑍀𑌵 𑌉𑌵𑌾𑌚 ।
𑌇𑌤𑍍𑌯𑍇𑌵𑌂 𑌤𑍇 𑌮𑌯𑌾𑌖𑍍𑌯𑌾𑌤𑌂 𑌦𑍇𑌵𑍍𑌯𑌾 𑌨𑌾𑌮𑌶𑌤𑌤𑍍𑌰𑌯𑌮𑍍 ।
𑌰𑌹𑌸𑍍𑌯𑌾𑌤𑌿𑌰𑌹𑌸𑍍𑌯𑌤𑍍𑌵𑌾𑌦𑍍𑌗𑍋𑌪𑌨𑍀𑌯𑌂 𑌤𑍍𑌵𑌯𑌾 𑌮𑍁𑌨𑍇 ॥ 1 ॥
𑌶𑌿𑌵𑌵𑌰𑍍𑌣𑌾𑌨𑌿 𑌨𑌾𑌮𑌾𑌨𑌿 𑌶𑍍𑌰𑍀𑌦𑍇𑌵𑍍𑌯𑌾 𑌕𑌥𑌿𑌤𑌾𑌨𑌿 𑌹𑌿 ।
𑌶𑌕𑍍𑌤𑍍𑌯𑌕𑍍𑌷𑌰𑌾𑌣𑌿 𑌨𑌾𑌮𑌾𑌨𑌿 𑌕𑌾𑌮𑍇𑌶𑌕𑌥𑌿𑌤𑌾𑌨𑌿 𑌚 ॥ 2 ॥
𑌉𑌭𑌯𑌾𑌕𑍍𑌷𑌰𑌨𑌾𑌮𑌾𑌨𑌿 𑌹𑍍𑌯𑍁𑌭𑌾𑌭𑍍𑌯𑌾𑌂 𑌕𑌥𑌿𑌤𑌾𑌨𑌿 𑌵𑍈 ।
𑌤𑌦𑌨𑍍𑌯𑍈𑌰𑍍𑌗𑍍𑌰𑌥𑌿𑌤𑌂 𑌸𑍍𑌤𑍋𑌤𑍍𑌰𑌮𑍇𑌤𑌸𑍍𑌯 𑌸𑌦𑍃𑌶𑌂 𑌕𑌿𑌮𑍁 ॥ 3 ॥
𑌨𑌾𑌨𑍇𑌨 𑌸𑌦𑍃𑌶𑌂 𑌸𑍍𑌤𑍋𑌤𑍍𑌰𑌂 𑌶𑍍𑌰𑍀𑌦𑍇𑌵𑍀𑌪𑍍𑌰𑍀𑌤𑌿𑌦𑌾𑌯𑌕𑌮𑍍 ।
𑌲𑍋𑌕𑌤𑍍𑌰𑌯𑍇𑌽𑌪𑌿 𑌕𑌲𑍍𑌯𑌾𑌣𑌂 𑌸𑌮𑍍𑌭𑌵𑍇𑌨𑍍𑌨𑌾𑌤𑍍𑌰 𑌸𑌂𑌶𑌯𑌃 ॥ 4 ॥
𑌸𑍂𑌤 𑌉𑌵𑌾𑌚 ।
𑌇𑌤𑌿 𑌹𑌯𑌮𑍁𑌖𑌗𑍀𑌤𑌂 𑌸𑍍𑌤𑍋𑌤𑍍𑌰𑌰𑌾𑌜𑌂 𑌨𑌿𑌶𑌮𑍍𑌯
𑌪𑍍𑌰𑌗𑌲𑌿𑌤𑌕𑌲𑍁𑌷𑍋𑌽𑌭𑍂𑌚𑍍𑌚𑌿𑌤𑍍𑌤𑌪𑌰𑍍𑌯𑌾𑌪𑍍𑌤𑌿𑌮𑍇𑌤𑍍𑌯 ।
𑌨𑌿𑌜𑌗𑍁𑌰𑍁𑌮𑌥 𑌨𑌤𑍍𑌵𑌾 𑌕𑍁𑌮𑍍𑌭𑌜𑌨𑍍𑌮𑌾 𑌤𑌦𑍁𑌕𑍍𑌤𑌂
𑌪𑍁𑌨𑌰𑌧𑌿𑌕𑌰𑌹𑌸𑍍𑌯𑌂 𑌜𑍍𑌞𑌾𑌤𑍁𑌮𑍇𑌵𑌂 𑌜𑌗𑌾𑌦 ॥ 5 ॥
𑌅𑌗𑌸𑍍𑌤𑍍𑌯 𑌉𑌵𑌾𑌚 ।
𑌅𑌶𑍍𑌵𑌾𑌨𑌨 𑌮𑌹𑌾𑌭𑌾𑌗 𑌰𑌹𑌸𑍍𑌯𑌮𑌪𑌿 𑌮𑍇 𑌵𑌦 ।
𑌶𑌿𑌵𑌵𑌰𑍍𑌣𑌾𑌨𑌿 𑌕𑌾𑌨𑍍𑌯𑌤𑍍𑌰 𑌶𑌕𑍍𑌤𑌿𑌵𑌰𑍍𑌣𑌾𑌨𑌿 𑌕𑌾𑌨𑌿 𑌹𑌿 ॥ 6 ॥
𑌉𑌭𑌯𑍋𑌰𑌪𑌿 𑌵𑌰𑍍𑌣𑌾𑌨𑌿 𑌕𑌾𑌨𑌿 𑌵𑌾 𑌵𑌦 𑌦𑍇𑌶𑌿𑌕 ।
𑌇𑌤𑌿 𑌪𑍃𑌷𑍍𑌟𑌃 𑌕𑍁𑌮𑍍𑌭𑌜𑍇𑌨 𑌹𑌯𑌗𑍍𑌰𑍀𑌵𑍋𑌽𑌵𑌦𑌤𑍍𑌪𑍁𑌨𑌃 ॥ 7 ॥
𑌹𑌯𑌗𑍍𑌰𑍀𑌵 𑌉𑌵𑌾𑌚 ।
𑌤𑌵 𑌗𑍋𑌪𑍍𑌯𑌂 𑌕𑌿𑌮𑌸𑍍𑌤𑍀𑌹 𑌸𑌾𑌕𑍍𑌷𑌾𑌦𑌮𑍍𑌬𑌾𑌨𑍁𑌶𑌾𑌸𑌨𑌾𑌤𑍍 ।
𑌇𑌦𑌂 𑌤𑍍𑌵𑌤𑌿𑌰𑌹𑌸𑍍𑌯𑌂 𑌤𑍇 𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁 𑌕𑍁𑌮𑍍𑌭𑌜 ॥ 8 ॥
𑌏𑌤𑌦𑍍𑌵𑌿𑌜𑍍𑌞𑌾𑌨𑌮𑌾𑌤𑍍𑌰𑍇𑌣 𑌶𑍍𑌰𑍀𑌵𑌿𑌦𑍍𑌯𑌾 𑌸𑌿𑌦𑍍𑌧𑌿𑌦𑌾 𑌭𑌵𑍇𑌤𑍍 ।
𑌕𑌤𑍍𑌰𑌯𑌂 𑌹𑌦𑍍𑌵𑌯𑌂 𑌚𑍈𑌵 𑌶𑍈𑌵𑍋 𑌭𑌾𑌗𑌃 𑌪𑍍𑌰𑌕𑍀𑌰𑍍𑌤𑌿𑌤𑌃 ॥ 9 ॥
𑌶𑌕𑍍𑌤𑍍𑌯𑌕𑍍𑌷𑌰𑌾𑌣𑌿 𑌶𑍇𑌷𑌾𑌣𑌿 𑌹𑍍𑌰𑍀𑌙𑍍𑌕𑌾𑌰 𑌉𑌭𑌯𑌾𑌤𑍍𑌮𑌕𑌃 ।
𑌏𑌵𑌂 𑌵𑌿𑌭𑌾𑌗𑌮𑌜𑍍𑌞𑌾𑌤𑍍𑌵𑌾 𑌯𑍇 𑌵𑌿𑌦𑍍𑌯𑌾𑌜𑌪𑌶𑌾𑌲𑌿𑌨𑌃 ॥ 10 ॥
𑌨 𑌤𑍇𑌷𑌾𑌂 𑌸𑌿𑌦𑍍𑌧𑌿𑌦𑌾 𑌵𑌿𑌦𑍍𑌯𑌾 𑌕𑌲𑍍𑌪𑌕𑍋𑌟𑌿𑌶𑌤𑍈𑌰𑌪𑌿 ।
𑌚𑌤𑍁𑌰𑍍𑌭𑌿𑌃 𑌶𑌿𑌵𑌚𑌕𑍍𑌰𑍈𑌶𑍍𑌚 𑌶𑌕𑍍𑌤𑌿𑌚𑌕𑍍𑌰𑍈𑌶𑍍𑌚 𑌪𑌞𑍍𑌚𑌭𑌿𑌃 ॥ 11 ॥
𑌨𑌵𑌚𑌕𑍍𑌰𑍈𑌶𑍍𑌚 𑌸𑌂𑌸𑌿𑌦𑍍𑌧𑌂 𑌶𑍍𑌰𑍀𑌚𑌕𑍍𑌰𑌂 𑌶𑌿𑌵𑌯𑍋𑌰𑍍𑌵𑌪𑍁𑌃 ।
𑌤𑍍𑌰𑌿𑌕𑍋𑌣𑌮𑌷𑍍𑌟𑌕𑍋𑌣𑌂 𑌚 𑌦𑌶𑌕𑍋𑌣𑌦𑍍𑌵𑌯𑌂 𑌤𑌥𑌾 ॥ 12 ॥
𑌚𑌤𑍁𑌰𑍍𑌦𑌶𑌾𑌰𑌂 𑌚𑍈𑌤𑌾𑌨𑌿 𑌶𑌕𑍍𑌤𑌿𑌚𑌕𑍍𑌰𑌾𑌣𑌿 𑌪𑌞𑍍𑌚 𑌚 ।
𑌬𑌿𑌨𑍍𑌦𑍁𑌶𑍍𑌚𑌾𑌷𑍍𑌟𑌦𑌲𑌂 𑌪𑌦𑍍𑌮𑌂 𑌪𑌦𑍍𑌮𑌂 𑌷𑍋𑌡𑌶𑌪𑌤𑍍𑌰𑌕𑌮𑍍 ॥ 13 ॥
𑌚𑌤𑍁𑌰𑌶𑍍𑌰𑌂 𑌚 𑌚𑌤𑍍𑌵𑌾𑌰𑌿 𑌶𑌿𑌵𑌚𑌕𑍍𑌰𑌾𑌣𑍍𑌯𑌨𑍁𑌕𑍍𑌰𑌮𑌾𑌤𑍍 ।
𑌤𑍍𑌰𑌿𑌕𑍋𑌣𑍇 𑌬𑍈𑌨𑍍𑌦𑌵𑌂 𑌶𑍍𑌲𑌿𑌷𑍍𑌟𑌂 𑌅𑌷𑍍𑌟𑌾𑌰𑍇𑌽𑌷𑍍𑌟𑌦𑌲𑌾𑌮𑍍𑌬𑍁𑌜𑌮𑍍 ॥ 14 ॥
𑌦𑌶𑌾𑌰𑌯𑍋𑌃 𑌷𑍋𑌡𑌶𑌾𑌰𑌂 𑌭𑍂𑌗𑍃𑌹𑌂 𑌭𑍁𑌵𑌨𑌾𑌶𑍍𑌰𑌕𑍇 ।
𑌶𑍈𑌵𑌾𑌨𑌾𑌮𑌪𑌿 𑌶𑌾𑌕𑍍𑌤𑌾𑌨𑌾𑌂 𑌚𑌕𑍍𑌰𑌾𑌣𑌾𑌂 𑌚 𑌪𑌰𑌸𑍍𑌪𑌰𑌮𑍍 ॥ 15 ॥
𑌅𑌵𑌿𑌨𑌾𑌭𑌾𑌵𑌸𑌮𑍍𑌬𑌨𑍍𑌧𑌂 𑌯𑍋 𑌜𑌾𑌨𑌾𑌤𑌿 𑌸 𑌚𑌕𑍍𑌰𑌵𑌿𑌤𑍍 ।
𑌤𑍍𑌰𑌿𑌕𑍋𑌣𑌰𑍂𑌪𑌿𑌣𑍀 𑌶𑌕𑍍𑌤𑌿𑌰𑍍𑌬𑌿𑌨𑍍𑌦𑍁𑌰𑍂𑌪𑌪𑌰𑌃 𑌶𑌿𑌵𑌃 ॥ 16 ॥
𑌅𑌵𑌿𑌨𑌾𑌭𑌾𑌵𑌸𑌮𑍍𑌬𑌨𑍍𑌧𑌂 𑌤𑌸𑍍𑌮𑌾𑌦𑍍𑌬𑌿𑌨𑍍𑌦𑍁𑌤𑍍𑌰𑌿𑌕𑍋𑌣𑌯𑍋𑌃 ।
𑌏𑌵𑌂 𑌵𑌿𑌭𑌾𑌗𑌮𑌜𑍍𑌞𑌾𑌤𑍍𑌵𑌾 𑌶𑍍𑌰𑍀𑌚𑌕𑍍𑌰𑌂 𑌯𑌃 𑌸𑌮𑌰𑍍𑌚𑌯𑍇𑌤𑍍 ॥ 17 ॥
𑌨 𑌤𑌤𑍍𑌫𑌲𑌮𑌵𑌾𑌪𑍍𑌨𑍋𑌤𑌿 𑌲𑌲𑌿𑌤𑌾𑌮𑍍𑌬𑌾 𑌨 𑌤𑍁𑌷𑍍𑌯𑌤𑌿 ।
𑌯𑍇 𑌚 𑌜𑌾𑌨𑌨𑍍𑌤𑌿 𑌲𑍋𑌕𑍇𑌽𑌸𑍍𑌮𑌿𑌨𑍍 𑌶𑍍𑌰𑍀𑌵𑌿𑌦𑍍𑌯𑌾𑌚𑌕𑍍𑌰𑌵𑍇𑌦𑌿𑌨𑌃 ॥ 18 ॥
𑌸𑌾𑌮𑌨𑍍𑌯𑌵𑍇𑌦𑌿𑌨𑌃 𑌸𑌰𑍍𑌵𑍇 𑌵𑌿𑌶𑍇𑌷𑌜𑍍𑌞𑍋𑌽𑌤𑌿𑌦𑍁𑌰𑍍𑌲𑌭𑌃 ।
𑌸𑍍𑌵𑌯𑌂𑌵𑌿𑌦𑍍𑌯𑌾𑌵𑌿𑌶𑍇𑌷𑌜𑍍𑌞𑍋 𑌵𑌿𑌶𑍇𑌷𑌜𑍍𑌞𑌂 𑌸𑌮𑌰𑍍𑌚𑌯𑍇𑌤𑍍 ॥ 19 ॥
𑌤𑌸𑍍𑌮𑍈 𑌦𑍇𑌯𑌂 𑌤𑌤𑍋 𑌗𑍍𑌰𑌾𑌹𑍍𑌯𑌮𑌶𑌕𑍍𑌤𑌸𑍍𑌤𑌸𑍍𑌯 𑌦𑌾𑌪𑌯𑍇𑌤𑍍 ।
𑌅𑌨𑍍𑌧𑌂 𑌤𑌮𑌃 𑌪𑍍𑌰𑌵𑌿𑌶𑌨𑍍𑌤𑌿 𑌯𑍇𑌽𑌵𑌿𑌦𑍍𑌯𑌾𑌂 𑌸𑌮𑍁𑌪𑌾𑌸𑌤𑍇 ॥ 20 ॥
𑌇𑌤𑌿 𑌶𑍍𑌰𑍁𑌤𑌿𑌰𑌪𑌾𑌹𑍈𑌤𑌾𑌨𑌵𑌿𑌦𑍍𑌯𑍋𑌪𑌾𑌸𑌕𑌾𑌨𑍍𑌪𑍁𑌨𑌃 ।
𑌵𑌿𑌦𑍍𑌯𑌾𑌨𑍍𑌯𑍋𑌪𑌾𑌸𑌕𑌾𑌨𑍇𑌵 𑌨𑌿𑌨𑍍𑌦𑌤𑍍𑌯𑌾𑌰𑍁𑌣𑌿𑌕𑍀 𑌶𑍍𑌰𑍁𑌤𑌿𑌃 ॥ 21 ॥
𑌅𑌶𑍍𑌰𑍁𑌤𑌾 𑌸𑌶𑍍𑌰𑍁𑌤𑌾𑌸𑌶𑍍𑌚 𑌯𑌜𑍍𑌵𑌾𑌨𑍋 𑌯𑍇𑌽𑌪𑍍𑌯𑌯𑌜𑍍𑌵𑌨𑌃 ।
𑌸𑍍𑌵𑌰𑍍𑌯𑌨𑍍𑌤𑍋 𑌨𑌾𑌪𑍇𑌕𑍍𑌷𑌨𑍍𑌤𑍇 𑌇𑌨𑍍𑌦𑍍𑌰𑌮𑌗𑍍𑌨𑌿𑌂 𑌚 𑌯𑍇 𑌵𑌿𑌦𑍁𑌃 ॥ 22 ॥
𑌸𑌿𑌕𑌤𑌾 𑌇𑌵 𑌸𑌂𑌯𑌨𑍍𑌤𑌿 𑌰𑌶𑍍𑌮𑌿𑌭𑌿𑌃 𑌸𑌮𑍁𑌦𑍀𑌰𑌿𑌤𑌾𑌃 ।
𑌅𑌸𑍍𑌮𑌾𑌲𑍍𑌲𑍋𑌕𑌾𑌦𑌮𑍁𑌷𑍍𑌮𑌾𑌚𑍍𑌚𑍇𑌤𑍍𑌯𑌾𑌹 𑌚𑌾𑌰𑌣𑍍𑌯𑌕𑌶𑍍𑌰𑍁𑌤𑌿𑌃 ॥ 23 ॥
𑌯𑌸𑍍𑌯 𑌨𑍋 𑌪𑌶𑍍𑌚𑌿𑌮𑌂 𑌜𑌨𑍍𑌮 𑌯𑌦𑌿 𑌵𑌾 𑌶𑌙𑍍𑌕𑌰𑌃 𑌸𑍍𑌵𑌯𑌮𑍍 ।
𑌤𑍇𑌨𑍈𑌵 𑌲𑌭𑍍𑌯𑌤𑍇 𑌵𑌿𑌦𑍍𑌯𑌾 𑌶𑍍𑌰𑍀𑌮𑌤𑍍𑌪𑌞𑍍𑌚𑌦𑌶𑌾𑌕𑍍𑌷𑌰𑍀 ॥ 24 ॥
𑌇𑌤𑌿 𑌮𑌨𑍍𑌤𑍍𑌰𑍇𑌷𑍁 𑌬𑌹𑍁𑌧𑌾 𑌵𑌿𑌦𑍍𑌯𑌾𑌯𑌾 𑌮𑌹𑌿𑌮𑍋𑌚𑍍𑌯𑌤𑍇 ।
𑌮𑍋𑌕𑍍𑌷𑍈𑌕𑌹𑍇𑌤𑍁𑌵𑌿𑌦𑍍𑌯𑌾 𑌤𑍁 𑌶𑍍𑌰𑍀𑌵𑌿𑌦𑍍𑌯𑌾 𑌨𑌾𑌤𑍍𑌰 𑌸𑌂𑌶𑌯𑌃 ॥ 25 ॥
𑌨 𑌶𑌿𑌲𑍍𑌪𑌾𑌦𑌿𑌜𑍍𑌞𑌾𑌨𑌯𑍁𑌕𑍍𑌤𑍇 𑌵𑌿𑌦𑍍𑌵𑌚𑍍𑌛𑌬𑍍𑌧𑌃 𑌪𑍍𑌰𑌯𑍁𑌜𑍍𑌯𑌤𑍇 ।
𑌮𑍋𑌕𑍍𑌷𑍈𑌕𑌹𑍇𑌤𑍁𑌵𑌿𑌦𑍍𑌯𑌾 𑌸𑌾 𑌶𑍍𑌰𑍀𑌵𑌿𑌦𑍍𑌯𑍈𑌵 𑌨 𑌸𑌂𑌶𑌯𑌃 ॥ 26 ॥
𑌤𑌸𑍍𑌮𑌾𑌦𑍍𑌵𑌿𑌦𑍍𑌯𑌾𑌵𑌿𑌦𑍇𑌵𑌾𑌤𑍍𑌰 𑌵𑌿𑌦𑍍𑌵𑌾𑌨𑍍𑌵𑌿𑌦𑍍𑌵𑌾𑌨𑌿𑌤𑍀𑌰𑍍𑌯𑌤𑍇 ।
𑌸𑍍𑌵𑌯𑌂 𑌵𑌿𑌦𑍍𑌯𑌾𑌵𑌿𑌦𑍇 𑌦𑌦𑍍𑌯𑌾𑌤𑍍𑌖𑍍𑌯𑌾𑌪𑌯𑍇𑌤𑍍𑌤𑌦𑍍𑌗𑍁𑌣𑌾𑌨𑍍𑌸𑍁𑌧𑍀𑌃 ॥ 27 ॥
𑌸𑍍𑌵𑌯𑌂𑌵𑌿𑌦𑍍𑌯𑌾𑌰𑌹𑌸𑍍𑌯𑌜𑍍𑌞𑍋 𑌵𑌿𑌦𑍍𑌯𑌾𑌮𑌾𑌹𑌾𑌤𑍍𑌮𑍍𑌯𑌵𑍇𑌦𑍍𑌯𑌪𑌿 ।
𑌵𑌿𑌦𑍍𑌯𑌾𑌵𑌿𑌦𑌂 𑌨𑌾𑌰𑍍𑌚𑌯𑍇𑌚𑍍𑌚𑍇𑌤𑍍𑌕𑍋 𑌵𑌾 𑌤𑌂 𑌪𑍂𑌜𑌯𑍇𑌜𑍍𑌜𑌨𑌃 ॥ 28 ॥
𑌪𑍍𑌰𑌸𑌙𑍍𑌗𑌾𑌦𑌿𑌦𑌮𑍁𑌕𑍍𑌤𑌂 𑌤𑍇 𑌪𑍍𑌰𑌕𑍃𑌤𑌂 𑌶𑍃𑌣𑍁 𑌕𑍁𑌮𑍍𑌭𑌜 ।
𑌯𑌃 𑌕𑍀𑌰𑍍𑌤𑌯𑍇𑌤𑍍𑌸𑌕𑍃𑌦𑍍𑌭𑌕𑍍𑌤𑍍𑌯𑌾 𑌦𑌿𑌵𑍍𑌯𑌨𑌾𑌮𑌶𑌤𑌤𑍍𑌰𑌯𑌮𑍍 ॥ 29 ॥
𑌤𑌸𑍍𑌯 𑌪𑍁𑌣𑍍𑌯𑌮𑌹𑌂 𑌵𑌕𑍍𑌷𑍍𑌯𑍇 𑌶𑍃𑌣𑍁 𑌤𑍍𑌵𑌂 𑌕𑍁𑌮𑍍𑌭𑌸𑌮𑍍𑌭𑌵 ।
𑌰𑌹𑌸𑍍𑌯𑌨𑌾𑌮𑌸𑌾𑌹𑌸𑍍𑌰𑌪𑌾𑌠𑍇 𑌯𑌤𑍍𑌫𑌲𑌮𑍀𑌰𑌿𑌤𑌮𑍍 ॥ 30 ॥
𑌤𑌤𑍍𑌫𑌲𑌂 𑌕𑍋𑌟𑌿𑌗𑍁𑌣𑌿𑌤𑌮𑍇𑌕𑌨𑌾𑌮𑌜𑌪𑌾𑌦𑍍𑌭𑌵𑍇𑌤𑍍 ।
𑌕𑌾𑌮𑍇𑌶𑍍𑌵𑌰𑍀𑌕𑌾𑌮𑍇𑌶𑌾𑌭𑍍𑌯𑌾𑌂 𑌕𑍃𑌤𑌂 𑌨𑌾𑌮𑌶𑌤𑌤𑍍𑌰𑌯𑌮𑍍 ॥ 31 ॥
𑌨𑌾𑌨𑍍𑌯𑍇𑌨 𑌤𑍁𑌲𑌯𑍇𑌦𑍇𑌤𑌤𑍍 𑌸𑍍𑌤𑍋𑌤𑍍𑌰𑍇𑌣𑌾𑌨𑍍𑌯𑌕𑍃𑌤𑍇𑌨 𑌚 ।
𑌶𑍍𑌰𑌿𑌯𑌃 𑌪𑌰𑌮𑍍𑌪𑌰𑌾 𑌯𑌸𑍍𑌯 𑌭𑌾𑌵𑌿 𑌵𑌾 𑌚𑍋𑌤𑍍𑌤𑌰𑍋𑌤𑍍𑌤𑌰𑌮𑍍 ॥ 32 ॥
𑌤𑍇𑌨𑍈𑌵 𑌲𑌭𑍍𑌯𑌤𑍇 𑌚𑍈𑌤𑌤𑍍𑌪𑌶𑍍𑌚𑌾𑌚𑍍𑌛𑍍𑌰𑍇𑌯𑌃 𑌪𑌰𑍀𑌕𑍍𑌷𑌯𑍇𑌤𑍍 ।
𑌅𑌸𑍍𑌯𑌾 𑌨𑌾𑌮𑍍𑌨𑌾𑌂 𑌤𑍍𑌰𑌿𑌶𑌤𑍍𑌯𑌾𑌸𑍍𑌤𑍁 𑌮𑌹𑌿𑌮𑌾 𑌕𑍇𑌨 𑌵𑌰𑍍𑌣𑍍𑌯𑌤𑍇 ॥ 33 ॥
𑌯𑌾 𑌸𑍍𑌵𑌯𑌂 𑌶𑌿𑌵𑌯𑍋𑌰𑍍𑌵𑌕𑍍𑌤𑍍𑌰𑌪𑌦𑍍𑌮𑌾𑌭𑍍𑌯𑌾𑌂 𑌪𑌰𑌿𑌨𑌿𑌃𑌸𑍃𑌤𑌾 ।
𑌨𑌿𑌤𑍍𑌯𑌂 𑌷𑍋𑌡𑌶𑌸𑌙𑍍𑌖𑍍𑌯𑌾𑌕𑌾𑌨𑍍𑌵𑌿𑌪𑍍𑌰𑌾𑌨𑌾𑌦𑍗 𑌤𑍁 𑌭𑍋𑌜𑌯𑍇𑌤𑍍 ॥ 34 ॥
𑌅𑌭𑍍𑌯𑌕𑍍𑌤𑌾𑌂𑌸𑍍𑌤𑌿𑌲𑌤𑍈𑌲𑍇𑌨 𑌸𑍍𑌨𑌾𑌤𑌾𑌨𑍁𑌷𑍍𑌣𑍇𑌨 𑌵𑌾𑌰𑌿𑌣𑌾 ।
𑌅𑌭𑍍𑌯𑌰𑍍𑌚𑍍𑌯 𑌗𑌨𑍍𑌧𑌪𑍁𑌷𑍍𑌪𑌾𑌦𑍍𑌯𑍈𑌃 𑌕𑌾𑌮𑍇𑌶𑍍𑌵𑌰𑍍𑌯𑌾𑌦𑌿𑌨𑌾𑌮𑌭𑌿𑌃 ॥ 35 ॥
𑌸𑍂𑌪𑌾𑌪𑍂𑌪𑍈𑌃 𑌶𑌰𑍍𑌕𑌰𑌾𑌦𑍍𑌯𑍈𑌃 𑌪𑌾𑌯𑌸𑍈𑌃 𑌫𑌲𑌸𑌂𑌯𑍁𑌤𑍈𑌃 ।
𑌵𑌿𑌦𑍍𑌯𑌾𑌵𑌿𑌦𑍋 𑌵𑌿𑌶𑍇𑌷𑍇𑌣 𑌭𑍋𑌜𑌯𑍇𑌤𑍍𑌷𑍋𑌡𑌶 𑌦𑍍𑌵𑌿𑌜𑌾𑌨𑍍 ॥ 36 ॥
𑌏𑌵𑌂 𑌨𑌿𑌤𑍍𑌯𑌾𑌰𑍍𑌚𑌨𑌂 𑌕𑍁𑌰𑍍𑌯𑌾𑌦𑌾𑌦𑍗 𑌬𑍍𑌰𑌾𑌹𑍍𑌮𑌣𑌭𑍋𑌜𑌨𑌮𑍍 ।
𑌤𑍍𑌰𑌿𑌶𑌤𑍀𑌨𑌾𑌮𑌭𑌿𑌃 𑌪𑌶𑍍𑌚𑌾𑌦𑍍𑌬𑍍𑌰𑌾𑌹𑍍𑌮𑌣𑌾𑌨𑍍𑌕𑍍𑌰𑌮𑌶𑍋𑌽𑌰𑍍𑌚𑌯𑍇𑌤𑍍 ॥ 37 ॥
𑌤𑍈𑌲𑌾𑌭𑍍𑌯𑌙𑍍𑌗𑌾𑌦𑌿𑌕𑌂 𑌦𑌤𑍍𑌵𑌾 𑌵𑌿𑌭𑌵𑍇 𑌸𑌤𑌿 𑌭𑌕𑍍𑌤𑌿𑌤𑌃 ।
𑌶𑍁𑌕𑍍𑌲𑌪𑍍𑌰𑌤𑌿𑌪𑌦𑌾𑌰𑌭𑍍𑌯 𑌪𑍗𑌰𑍍𑌣𑌮𑌾𑌸𑍍𑌯𑌵𑌧𑌿 𑌕𑍍𑌰𑌮𑌾𑌤𑍍 ॥ 38 ॥
𑌦𑌿𑌵𑌸𑍇 𑌦𑌿𑌵𑌸𑍇 𑌵𑌿𑌪𑍍𑌰𑌾 𑌭𑍋𑌜𑍍𑌯𑌾 𑌵𑌿𑌂𑌶𑌤𑌿𑌸𑌙𑍍𑌖𑍍𑌯𑌯𑌾 ।
𑌦𑌶𑌭𑌿𑌃 𑌪𑌞𑍍𑌚𑌭𑌿𑌰𑍍𑌵𑌾𑌪𑌿 𑌤𑍍𑌰𑌿𑌭𑌿𑌰𑍇𑌕𑍇𑌨 𑌵𑌾 𑌦𑌿𑌨𑍈𑌃 ॥ 39 ॥
𑌤𑍍𑌰𑌿𑌂𑌶𑌤𑍍𑌷𑌷𑍍𑌟𑌿𑌃 𑌶𑌤𑌂 𑌵𑌿𑌪𑍍𑌰𑌾𑌃 𑌸𑌮𑍍𑌭𑍋𑌜𑍍𑌯𑌾𑌸𑍍𑌤𑍍𑌰𑌿𑌶𑌤𑌂 𑌕𑍍𑌰𑌮𑌾𑌤𑍍 ।
𑌏𑌵𑌂 𑌯𑌃 𑌕𑍁𑌰𑍁𑌤𑍇 𑌭𑌕𑍍𑌤𑍍𑌯𑌾 𑌜𑌨𑍍𑌮𑌮𑌧𑍍𑌯𑍇 𑌸𑌕𑍃𑌨𑍍𑌨𑌰𑌃 ॥ 40 ॥
𑌤𑌸𑍍𑌯𑍈𑌵 𑌸𑌫𑌲𑌂 𑌜𑌨𑍍𑌮 𑌮𑍁𑌕𑍍𑌤𑌿𑌸𑍍𑌤𑌸𑍍𑌯 𑌕𑌰𑍇 𑌸𑍍𑌥𑌿𑌰𑌾 ।
𑌰𑌹𑌸𑍍𑌯𑌨𑌾𑌮𑌸𑌾𑌹𑌸𑍍𑌰𑌭𑍋𑌜𑌨𑍇𑌽𑌪𑍍𑌯𑍇𑌵𑌮𑍇𑌵 𑌹𑌿 ॥ 41 ॥
𑌆𑌦𑍗 𑌨𑌿𑌤𑍍𑌯𑌬𑌲𑌿𑌂 𑌕𑍁𑌰𑍍𑌯𑌾𑌤𑍍𑌪𑌶𑍍𑌚𑌾𑌦𑍍𑌬𑍍𑌰𑌾𑌹𑍍𑌮𑌣𑌭𑍋𑌜𑌨𑌮𑍍 ।
𑌰𑌹𑌸𑍍𑌯𑌨𑌾𑌮𑌸𑌾𑌹𑌸𑍍𑌰𑌮𑌹𑌿𑌮𑌾 𑌯𑍋 𑌮𑌯𑍋𑌦𑌿𑌤𑌃 ॥ 42 ॥
𑌸 𑌶𑍀𑌕𑌰𑌾𑌣𑍁𑌰𑌤𑍍𑌨𑍈𑌕𑌨𑌾𑌮𑍍𑌨𑍋 𑌮𑌹𑌿𑌮𑌵𑌾𑌰𑌿𑌧𑍇𑌃 ।
𑌵𑌾𑌗𑍍𑌦𑍇𑌵𑍀𑌰𑌚𑌿𑌤𑍇 𑌨𑌾𑌮𑌸𑌾𑌹𑌸𑍍𑌰𑍇 𑌯𑌦𑍍𑌯𑌦𑍀𑌰𑌿𑌤𑌮𑍍 ॥ 43 ॥
𑌤𑌤𑍍𑌫𑌲𑌂 𑌕𑍋𑌟𑌿𑌗𑍁𑌣𑌿𑌤𑌂 𑌨𑌾𑌮𑍍𑌨𑍋𑌽𑌪𑍍𑌯𑍇𑌕𑌸𑍍𑌯 𑌕𑍀𑌰𑍍𑌤𑌨𑌾𑌤𑍍 ।
𑌏𑌤𑌦𑌨𑍍𑌯𑍈𑌰𑍍𑌜𑌪𑍈𑌃 𑌸𑍍𑌤𑍋𑌤𑍍𑌰𑍈𑌰𑌰𑍍𑌚𑌨𑍈𑌰𑍍𑌯𑌤𑍍𑌫𑌲𑌂 𑌭𑌵𑍇𑌤𑍍 ॥ 44 ॥
𑌤𑌤𑍍𑌫𑌲𑌂 𑌕𑍋𑌟𑌿𑌗𑍁𑌣𑌿𑌤𑌂 𑌭𑌵𑍇𑌨𑍍𑌨𑌾𑌮𑌶𑌤𑌤𑍍𑌰𑌯𑌾𑌤𑍍 ।
𑌵𑌾𑌗𑍍𑌦𑍇𑌵𑍀𑌰𑌚𑌿𑌤𑍇 𑌸𑍍𑌤𑍋𑌤𑍍𑌰𑍇 𑌤𑌾𑌦𑍃𑌶𑍋 𑌮𑌹𑌿𑌮𑌾 𑌯𑌦𑌿 ॥ 45 ॥
𑌸𑌾𑌕𑍍𑌷𑌾𑌤𑍍𑌕𑌾𑌮𑍇𑌶𑌕𑌾𑌮𑍇𑌶𑍀𑌕𑍃𑌤𑍇𑌽𑌸𑍍𑌮𑌿𑌨𑍍𑌗𑍃𑌹𑍍𑌯𑌤𑌾𑌮𑌿𑌤𑌿 ।
𑌸𑌕𑍃𑌤𑍍𑌸𑌙𑍍𑌕𑍀𑌰𑍍𑌤𑌨𑌾𑌦𑍇𑌵 𑌨𑌾𑌮𑍍𑌨𑌾𑌮𑌸𑍍𑌮𑌿𑌨𑍍 𑌶𑌤𑌤𑍍𑌰𑌯𑍇 ॥ 46 ॥
𑌭𑌵𑍇𑌚𑍍𑌚𑌿𑌤𑍍𑌤𑌸𑍍𑌯 𑌪𑌰𑍍𑌯𑌾𑌪𑍍𑌤𑌿𑌰𑍍𑌨𑍍𑌯𑍂𑌨𑌮𑌨𑍍𑌯𑌾𑌨𑌪𑍇𑌕𑍍𑌷𑌿𑌣𑍀 ।
𑌨 𑌜𑍍𑌞𑌾𑌤𑌵𑍍𑌯𑌮𑌿𑌤𑍋𑌽𑌪𑍍𑌯𑌨𑍍𑌯𑌤𑍍𑌰 𑌜𑌪𑍍𑌤𑌵𑍍𑌯𑌂 𑌚 𑌕𑍁𑌮𑍍𑌭𑌜 ॥ 47 ॥
𑌯𑌦𑍍𑌯𑌤𑍍𑌸𑌾𑌧𑍍𑌯𑌤𑌮𑌂 𑌕𑌾𑌰𑍍𑌯𑌂 𑌤𑌤𑍍𑌤𑌦𑌰𑍍𑌥𑌮𑌿𑌦𑌂 𑌜𑌪𑍇𑌤𑍍 ।
𑌤𑌤𑍍𑌤𑌤𑍍𑌫𑌲𑌮𑌵𑌾𑌪𑍍𑌨𑍋𑌤𑌿 𑌪𑌶𑍍𑌚𑌾𑌤𑍍𑌕𑌾𑌰𑍍𑌯𑌂 𑌪𑌰𑍀𑌕𑍍𑌷𑌯𑍇𑌤𑍍 ॥ 48 ॥
𑌯𑍇 𑌯𑍇 𑌪𑍍𑌰𑌯𑍋𑌗𑌾𑌸𑍍𑌤𑌨𑍍𑌤𑍍𑌰𑍇𑌷𑍁 𑌤𑍈𑌸𑍍𑌤𑍈𑌰𑍍𑌯𑌤𑍍𑌸𑌾𑌧𑍍𑌯𑌤𑍇 𑌫𑌲𑌮𑍍 ।
𑌤𑌤𑍍𑌸𑌰𑍍𑌵𑌂 𑌸𑌿𑌧𑍍𑌯𑌤𑌿 𑌕𑍍𑌷𑌿𑌪𑍍𑌰𑌂 𑌨𑌾𑌮𑌤𑍍𑌰𑌿𑌶𑌤𑌕𑍀𑌰𑍍𑌤𑌨𑌾𑌤𑍍 ॥ 49 ॥
𑌆𑌯𑍁𑌷𑍍𑌕𑌰𑌂 𑌪𑍁𑌷𑍍𑌟𑌿𑌕𑌰𑌂 𑌪𑍁𑌤𑍍𑌰𑌦𑌂 𑌵𑌶𑍍𑌯𑌕𑌾𑌰𑌕𑌮𑍍 ।
𑌵𑌿𑌦𑍍𑌯𑌾𑌪𑍍𑌰𑌦𑌂 𑌕𑍀𑌰𑍍𑌤𑌿𑌕𑌰𑌂 𑌸𑍁𑌕𑌵𑌿𑌤𑍍𑌵𑌪𑍍𑌰𑌦𑌾𑌯𑌕𑌮𑍍 ॥ 50 ॥
𑌸𑌰𑍍𑌵𑌸𑌮𑍍𑌪𑌤𑍍𑌪𑍍𑌰𑌦𑌂 𑌸𑌰𑍍𑌵𑌭𑍋𑌗𑌦𑌂 𑌸𑌰𑍍𑌵𑌸𑍗𑌖𑍍𑌯𑌦𑌮𑍍 ।
𑌸𑌰𑍍𑌵𑌾𑌭𑍀𑌷𑍍𑌟𑌪𑍍𑌰𑌦𑌂 𑌚𑍈𑌵 𑌦𑍇𑌵𑍍𑌯𑌾 𑌨𑌾𑌮𑌶𑌤𑌤𑍍𑌰𑌯𑌮𑍍 ॥ 51 ॥
𑌏𑌤𑌜𑍍𑌜𑌪𑌪𑌰𑍋 𑌭𑍂𑌯𑌾𑌨𑍍𑌨𑌾𑌨𑍍𑌯𑌦𑌿𑌚𑍍𑌛𑍇𑌤𑍍𑌕𑌦𑌾𑌚𑌨 ।
𑌏𑌤𑌤𑍍𑌕𑍀𑌰𑍍𑌤𑌨𑌸𑌨𑍍𑌤𑍁𑌷𑍍𑌟𑌾 𑌶𑍍𑌰𑍀𑌦𑍇𑌵𑍀 𑌲𑌲𑌿𑌤𑌾𑌮𑍍𑌬𑌿𑌕𑌾 ॥ 52 ॥
𑌭𑌕𑍍𑌤𑌸𑍍𑌯 𑌯𑌦𑍍𑌯𑌦𑌿𑌷𑍍𑌟𑌂 𑌸𑍍𑌯𑌾𑌤𑍍𑌤𑌤𑍍𑌤𑌤𑍍𑌪𑍂𑌰𑌯𑌤𑍇 𑌧𑍍𑌰𑍁𑌵𑌮𑍍 ।
𑌤𑌸𑍍𑌮𑌾𑌤𑍍𑌕𑍁𑌮𑍍𑌭𑍋𑌦𑍍𑌭𑌵 𑌮𑍁𑌨𑍇 𑌕𑍀𑌰𑍍𑌤𑌯 𑌤𑍍𑌵𑌮𑌿𑌦𑌂 𑌸𑌦𑌾 ॥ 53 ॥
𑌨𑌾𑌪𑌰𑌂 𑌕𑌿𑌞𑍍𑌚𑌿𑌦𑌪𑌿 𑌤𑍇 𑌬𑍋𑌦𑍍𑌧𑌵𑍍𑌯𑌮𑌵𑌶𑌿𑌷𑍍𑌯𑌤𑍇 ।
𑌇𑌤𑌿 𑌤𑍇 𑌕𑌥𑌿𑌤𑌂 𑌸𑍍𑌤𑍋𑌤𑍍𑌰𑌂 𑌲𑌲𑌿𑌤𑌾𑌪𑍍𑌰𑍀𑌤𑌿𑌦𑌾𑌯𑌕𑌮𑍍 ॥ 54 ॥
𑌨𑌾𑌵𑌿𑌦𑍍𑌯𑌾𑌵𑍇𑌦𑌿𑌨𑍇 𑌬𑍍𑌰𑍂𑌯𑌾𑌨𑍍𑌨𑌾𑌭𑌕𑍍𑌤𑌾𑌯 𑌕𑌦𑌾𑌚𑌨 ।
𑌨 𑌶𑌠𑌾𑌯 𑌨 𑌦𑍁𑌷𑍍𑌟𑌾𑌯 𑌨𑌾𑌵𑌿𑌶𑍍𑌵𑌾𑌸𑌾𑌯 𑌕𑌰𑍍𑌹𑌿𑌚𑌿𑌤𑍍 ॥ 56 ॥
𑌯𑍋 𑌬𑍍𑌰𑍂𑌯𑌾𑌤𑍍𑌤𑍍𑌰𑌿𑌶𑌤𑍀𑌂 𑌨𑌾𑌮𑍍𑌨𑌾𑌂 𑌤𑌸𑍍𑌯𑌾𑌨𑌰𑍍𑌥𑍋 𑌮𑌹𑌾𑌨𑍍𑌭𑌵𑍇𑌤𑍍 ।
𑌇𑌤𑍍𑌯𑌾𑌜𑍍𑌞𑌾 𑌶𑌾𑌙𑍍𑌕𑌰𑍀 𑌪𑍍𑌰𑍋𑌕𑍍𑌤𑌾 𑌤𑌸𑍍𑌮𑌾𑌦𑍍𑌗𑍋𑌪𑍍𑌯𑌮𑌿𑌦𑌂 𑌤𑍍𑌵𑌯𑌾 ॥ 57 ॥
𑌲𑌲𑌿𑌤𑌾𑌪𑍍𑌰𑍇𑌰𑌿𑌤𑍇𑌨𑍈𑌵 𑌮𑌯𑍋𑌕𑍍𑌤𑌂 𑌸𑍍𑌤𑍋𑌤𑍍𑌰𑌮𑍁𑌤𑍍𑌤𑌮𑌮𑍍 ।
𑌰𑌹𑌸𑍍𑌯𑌨𑌾𑌮𑌸𑌾𑌹𑌸𑍍𑌰𑌾𑌦𑌪𑌿 𑌗𑍋𑌪𑍍𑌯𑌮𑌿𑌦𑌂 𑌮𑍁𑌨𑍇 ॥ 58 ॥
𑌸𑍂𑌤 𑌉𑌵𑌾𑌚 ।
𑌏𑌵𑌮𑍁𑌕𑍍𑌤𑍍𑌵𑌾 𑌹𑌯𑌗𑍍𑌰𑍀𑌵𑌃 𑌕𑍁𑌮𑍍𑌭𑌜𑌂 𑌤𑌾𑌪𑌸𑍋𑌤𑍍𑌤𑌮𑌮𑍍 ।
𑌸𑍍𑌤𑍋𑌤𑍍𑌰𑍇𑌣𑌾𑌨𑍇𑌨 𑌲𑌲𑌿𑌤𑌾𑌂 𑌸𑍍𑌤𑍁𑌤𑍍𑌵𑌾 𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀𑌮𑍍 ।
𑌆𑌨𑌨𑍍𑌦𑌲𑌹𑌰𑍀𑌮𑌗𑍍𑌨𑌮𑌾𑌨𑌸𑌃 𑌸𑌮𑌵𑌰𑍍𑌤𑌤 ॥ 59 ॥
𑌇𑌤𑌿 𑌬𑍍𑌰𑌹𑍍𑌮𑌾𑌣𑍍𑌡𑌪𑍁𑌰𑌾𑌣𑍇 𑌉𑌤𑍍𑌤𑌰𑌖𑌣𑍍𑌡𑍇 𑌹𑌯𑌗𑍍𑌰𑍀𑌵𑌾𑌗𑌸𑍍𑌤𑍍𑌯𑌸𑌂𑌵𑌾𑌦𑍇 𑌲𑌲𑌿𑌤𑍋𑌪𑌾𑌖𑍍𑌯𑌾𑌨𑍇 𑌸𑍍𑌤𑍋𑌤𑍍𑌰𑌖𑌣𑍍𑌡𑍇 𑌶𑍍𑌰𑍀𑌲𑌲𑌿𑌤𑌾𑌤𑍍𑌰𑌿𑌶𑌤𑍀𑌸𑍍𑌤𑍋𑌤𑍍𑌰𑌰𑌤𑍍𑌨𑌮𑍍 ।
Roman (IAST) Transliteration
asya śrīlalitā triśatīstotra mahāmantrasya, bhagavān hayagrīva ṛṣiḥ, anuṣṭup chandaḥ, śrīlalitāmahātripurasundarī devatā, aiṃ bījaṃ, sauḥ śaktiḥ, klīṃ kīlakaṃ, mama caturvidhapuruṣārthaphalasiddhyarthe jape viniyogaḥ |
aimityādibhiraṅganyāsakaranyāsāḥ kāryāḥ |
dhyānam |
atimadhuracāpahastā-
-maparimitāmodabāṇasaubhāgyām |
aruṇāmatiśayakaruṇā-
-mabhinavakulasundarīṃ vande |
śrī hayagrīva uvāca |
kakārarūpā kalyāṇī kalyāṇaguṇaśālinī |
kalyāṇaśailanilayā kamanīyā kalāvatī || 1 ||
kamalākṣī kalmaṣaghnī karuṇāmṛtasāgarā |
kadambakānanāvāsā kadambakusumapriyā || 2 ||
kandarpavidyā kandarpajanakāpāṅgavīkṣaṇā |
karpūravīṭisaurabhyakallolitakakuptaṭā || 3 ||
kalidoṣaharā kañjalocanā kamravigrahā |
karmādisākṣiṇī kārayitrī karmaphalapradā || 4 ||
ekārarūpā caikākṣaryekānekākṣarākṛtiḥ |
etattadityanirdeśyā caikānandacidākṛtiḥ || 5 ||
evamityāgamābodhyā caikabhaktimadarcitā |
ekāgracittanirdhyātā caiṣaṇārahitādṛtā || 6 ||
elāsugandhicikurā cainaḥkūṭavināśinī |
ekabhogā caikarasā caikaiśvaryapradāyinī || 7 ||
ekātapatrasāmrājyapradā caikāntapūjitā |
edhamānaprabhā caijadanekajagadīśvarī || 8 ||
ekavīrādisaṃsevyā caikaprābhavaśālinī |
īkārarūpā ceśitrī cepsitārthapradāyinī || 9 ||
īdṛgityavinirdeśyā ceśvaratvavidhāyinī |
īśānādibrahmamayī ceśitvādyaṣṭasiddhidā || 10 ||
īkṣitrīkṣaṇasṛṣṭāṇḍakoṭirīśvaravallabhā |
īḍitā ceśvarārdhāṅgaśarīreśādhidevatā || 11 ||
īśvarapreraṇakarī ceśatāṇḍavasākṣiṇī |
īśvarotsaṅganilayā cetibādhāvināśinī || 12 ||
īhāvirahitā ceśaśaktirīṣatsmitānanā |
lakārarūpā lalitā lakṣmīvāṇīniṣevitā || 13 ||
lākinī lalanārūpā lasaddāḍimapāṭalā |
lalantikālasatphālā lalāṭanayanārcitā || 14 ||
lakṣaṇojjvaladivyāṅgī lakṣakoṭyaṇḍanāyikā |
lakṣyārthā lakṣaṇāgamyā labdhakāmā latātanuḥ || 15 ||
lalāmarājadalikā lambimuktālatāñcitā |
lambodaraprasūrlabhyā lajjāḍhyā layavarjitā || 16 ||
hrīṃkārarūpā hrīṃkāranilayā hrīṃpadapriyā |
hrīṃkārabījā hrīṃkāramantrā hrīṃkāralakṣaṇā || 17 ||
hrīṃkārajapasuprītā hrīṃmatī hrīṃvibhūṣaṇā |
hrīṃśīlā hrīṃpadārādhyā hrīṃgarbhā hrīṃpadābhidhā || 18 ||
hrīṃkāravācyā hrīṃkārapūjyā hrīṃkārapīṭhikā |
hrīṃkāravedyā hrīṃkāracintyā hrīṃ hrīṃśarīriṇī || 19 ||
hakārarūpā haladhṛkpūjitā hariṇekṣaṇā |
harapriyā harārādhyā haribrahmendravanditā || 20 ||
hayārūḍhāsevitāṅghrirhayamedhasamarcitā |
haryakṣavāhanā haṃsavāhanā hatadānavā || 21 ||
hatyādipāpaśamanī haridaśvādisevitā |
hastikumbhottuṅgakucā hastikṛttipriyāṅganā || 22 ||
haridrākuṅkumādigdhā haryaśvādyamarārcitā |
harikeśasakhī hādividyā hālāmadālasā || 23 ||
sakārarūpā sarvajñā sarveśī sarvamaṅgalā |
sarvakartrī sarvabhartrī sarvahantrī sanātanā || 24 ||
sarvānavadyā sarvāṅgasundarī sarvasākṣiṇī |
sarvātmikā sarvasaukhyadātrī sarvavimohinī || 25 ||
sarvādhārā sarvagatā sarvāvaguṇavarjitā |
sarvāruṇā sarvamātā sarvabhūṣaṇabhūṣitā || 26 ||
kakārārthā kālahantrī kāmeśī kāmitārthadā |
kāmasañjīvanī kalyā kaṭhinastanamaṇḍalā || 27 ||
karabhorūḥ kalānāthamukhī kacajitāmbudā |
kaṭākṣasyandikaruṇā kapāliprāṇanāyikā || 28 ||
kāruṇyavigrahā kāntā kāntidhūtajapāvaliḥ |
kalālāpā kambukaṇṭhī karanirjitapallavā || 29 ||
kalpavallīsamabhujā kastūrītilakāñcitā |
hakārārthā haṃsagatirhāṭakābharaṇojjvalā || 30 ||
hārahārikucābhogā hākinī halyavarjitā |
haritpatisamārādhyā haṭhātkārahatāsurā || 31 ||
harṣapradā havirbhoktrī hārdasantamasāpahā |
hallīsalāsyasantuṣṭā haṃsamantrārtharūpiṇī || 32 ||
hānopādānanirmuktā harṣiṇī harisodarī |
hāhāhūhūmukhastutyā hānivṛddhivivarjitā || 33 ||
hayyaṅgavīnahṛdayā harigopāruṇāṃśukā |
lakārākhyā latāpūjyā layasthityudbhaveśvarī || 34 ||
lāsyadarśanasantuṣṭā lābhālābhavivarjitā |
laṅghyetarājñā lāvaṇyaśālinī laghusiddhidā || 35 ||
lākṣārasasavarṇābhā lakṣmaṇāgrajapūjitā |
labhyetarā labdhabhaktisulabhā lāṅgalāyudhā || 36 ||
lagnacāmarahastaśrīśāradāparivījitā |
lajjāpadasamārādhyā lampaṭā lakuleśvarī || 37 ||
labdhamānā labdharasā labdhasampatsamunnatiḥ |
hrīṃkāriṇī hrīṃkārādyā hrīṃmadhyā hrīṃśikhāmaṇiḥ || 38 ||
hrīṃkārakuṇḍāgniśikhā hrīṃkāraśaśicandrikā |
hrīṃkārabhāskararucirhrīṃkārāmbhodacañcalā || 39 ||
hrīṃkārakandāṅkurikā hrīṃkāraikaparāyaṇā |
hrīṃkāradīrghikāhaṃsī hrīṃkārodyānakekinī || 40 ||
hrīṃkārāraṇyahariṇī hrīṃkārāvālavallarī |
hrīṃkārapañjaraśukī hrīṃkārāṅgaṇadīpikā || 41 ||
hrīṃkārakandarāsiṃhī hrīṃkārāmbhojabhṛṅgikā |
hrīṃkārasumanomādhvī hrīṃkāratarumañjarī || 42 ||
sakārākhyā samarasā sakalāgamasaṃstutā |
sarvavedāntatātparyabhūmiḥ sadasadāśrayā || 43 ||
sakalā saccidānandā sādhyā sadgatidāyinī |
sanakādimunidhyeyā sadāśivakuṭumbinī || 44 ||
sakālādhiṣṭhānarūpā satyarūpā samākṛtiḥ |
sarvaprapañcanirmātrī samanādhikavarjitā || 45 ||
sarvottuṅgā saṅgahīnā saguṇā sakaleṣṭadā |
kakāriṇī kāvyalolā kāmeśvaramanoharā || 46 ||
kāmeśvaraprāṇanāḍī kāmeśotsaṅgavāsinī |
kāmeśvarāliṅgitāṅgī kāmeśvarasukhapradā || 47 ||
kāmeśvarapraṇayinī kāmeśvaravilāsinī |
kāmeśvaratapaḥsiddhiḥ kāmeśvaramanaḥpriyā || 48 ||
kāmeśvaraprāṇanāthā kāmeśvaravimohinī |
kāmeśvarabrahmavidyā kāmeśvaragṛheśvarī || 49 ||
kāmeśvarāhlādakarī kāmeśvaramaheśvarī |
kāmeśvarī kāmakoṭinilayā kāṅkṣitārthadā || 50 ||
lakāriṇī labdharūpā labdhadhīrlabdhavāñchitā |
labdhapāpamanodūrā labdhāhaṅkāradurgamā || 51 ||
labdhaśaktirlabdhadehā labdhaiśvaryasamunnatiḥ |
labdhavṛddhirlabdhalīlā labdhayauvanaśālinī || 52 ||
labdhātiśayasarvāṅgasaundaryā labdhavibhramā |
labdharāgā labdhapatirlabdhanānāgamasthitiḥ || 53 ||
labdhabhogā labdhasukhā labdhaharṣābhipūritā |
hrīṃkāramūrtirhrīṃkārasaudhaśṛṅgakapotikā || 54 ||
hrīṃkāradugdhābdhisudhā hrīṃkārakamalendirā |
hrīṃkāramaṇidīpārcirhrīṃkārataruśārikā || 55 ||
hrīṃkārapeṭakamaṇirhrīṃkārādarśabimbitā |
hrīṃkārakośāsilatā hrīṃkārāsthānanartakī || 56 ||
hrīṃkāraśuktikāmuktāmaṇirhrīṃkārabodhitā |
hrīṃkāramayasauvarṇastambhavidrumaputrikā || 57 ||
hrīṃkāravedopaniṣad hrīṃkārādhvaradakṣiṇā |
hrīṃkāranandanārāmanavakalpakavallarī || 58 ||
hrīṃkārahimavadgaṅgā hrīṃkārārṇavakaustubhā |
hrīṃkāramantrasarvasvā hrīṃkāraparasaukhyadā || 59 ||
uttarapīṭhikā (phalaśṛtiḥ)
hayagrīva uvāca |
ityevaṃ te mayākhyātaṃ devyā nāmaśatatrayam |
rahasyātirahasyatvādgopanīyaṃ tvayā mune || 1 ||
śivavarṇāni nāmāni śrīdevyā kathitāni hi |
śaktyakṣarāṇi nāmāni kāmeśakathitāni ca || 2 ||
ubhayākṣaranāmāni hyubhābhyāṃ kathitāni vai |
tadanyairgrathitaṃ stotrametasya sadṛśaṃ kimu || 3 ||
nānena sadṛśaṃ stotraṃ śrīdevīprītidāyakam |
lokatraye'pi kalyāṇaṃ sambhavennātra saṃśayaḥ || 4 ||
sūta uvāca |
iti hayamukhagītaṃ stotrarājaṃ niśamya
pragalitakaluṣo'bhūccittaparyāptimetya |
nijagurumatha natvā kumbhajanmā taduktaṃ
punaradhikarahasyaṃ jñātumevaṃ jagāda || 5 ||
agastya uvāca |
aśvānana mahābhāga rahasyamapi me vada |
śivavarṇāni kānyatra śaktivarṇāni kāni hi || 6 ||
ubhayorapi varṇāni kāni vā vada deśika |
iti pṛṣṭaḥ kumbhajena hayagrīvo'vadatpunaḥ || 7 ||
hayagrīva uvāca |
tava gopyaṃ kimastīha sākṣādambānuśāsanāt |
idaṃ tvatirahasyaṃ te vakṣyāmi śṛṇu kumbhaja || 8 ||
etadvijñānamātreṇa śrīvidyā siddhidā bhavet |
katrayaṃ hadvayaṃ caiva śaivo bhāgaḥ prakīrtitaḥ || 9 ||
śaktyakṣarāṇi śeṣāṇi hrīṅkāra ubhayātmakaḥ |
evaṃ vibhāgamajñātvā ye vidyājapaśālinaḥ || 10 ||
na teṣāṃ siddhidā vidyā kalpakoṭiśatairapi |
caturbhiḥ śivacakraiśca śakticakraiśca pañcabhiḥ || 11 ||
navacakraiśca saṃsiddhaṃ śrīcakraṃ śivayorvapuḥ |
trikoṇamaṣṭakoṇaṃ ca daśakoṇadvayaṃ tathā || 12 ||
caturdaśāraṃ caitāni śakticakrāṇi pañca ca |
binduścāṣṭadalaṃ padmaṃ padmaṃ ṣoḍaśapatrakam || 13 ||
caturaśraṃ ca catvāri śivacakrāṇyanukramāt |
trikoṇe baindavaṃ śliṣṭaṃ aṣṭāre'ṣṭadalāmbujam || 14 ||
daśārayoḥ ṣoḍaśāraṃ bhūgṛhaṃ bhuvanāśrake |
śaivānāmapi śāktānāṃ cakrāṇāṃ ca parasparam || 15 ||
avinābhāvasambandhaṃ yo jānāti sa cakravit |
trikoṇarūpiṇī śaktirbindurūpaparaḥ śivaḥ || 16 ||
avinābhāvasambandhaṃ tasmādbindutrikoṇayoḥ |
evaṃ vibhāgamajñātvā śrīcakraṃ yaḥ samarcayet || 17 ||
na tatphalamavāpnoti lalitāmbā na tuṣyati |
ye ca jānanti loke'smin śrīvidyācakravedinaḥ || 18 ||
sāmanyavedinaḥ sarve viśeṣajño'tidurlabhaḥ |
svayaṃvidyāviśeṣajño viśeṣajñaṃ samarcayet || 19 ||
tasmai deyaṃ tato grāhyamaśaktastasya dāpayet |
andhaṃ tamaḥ praviśanti ye'vidyāṃ samupāsate || 20 ||
iti śrutirapāhaitānavidyopāsakānpunaḥ |
vidyānyopāsakāneva nindatyāruṇikī śrutiḥ || 21 ||
aśrutā saśrutāsaśca yajvāno ye'pyayajvanaḥ |
svaryanto nāpekṣante indramagniṃ ca ye viduḥ || 22 ||
sikatā iva saṃyanti raśmibhiḥ samudīritāḥ |
asmāllokādamuṣmāccetyāha cāraṇyakaśrutiḥ || 23 ||
yasya no paścimaṃ janma yadi vā śaṅkaraḥ svayam |
tenaiva labhyate vidyā śrīmatpañcadaśākṣarī || 24 ||
iti mantreṣu bahudhā vidyāyā mahimocyate |
mokṣaikahetuvidyā tu śrīvidyā nātra saṃśayaḥ || 25 ||
na śilpādijñānayukte vidvacchabdhaḥ prayujyate |
mokṣaikahetuvidyā sā śrīvidyaiva na saṃśayaḥ || 26 ||
tasmādvidyāvidevātra vidvānvidvānitīryate |
svayaṃ vidyāvide dadyātkhyāpayettadguṇānsudhīḥ || 27 ||
svayaṃvidyārahasyajño vidyāmāhātmyavedyapi |
vidyāvidaṃ nārcayeccetko vā taṃ pūjayejjanaḥ || 28 ||
prasaṅgādidamuktaṃ te prakṛtaṃ śṛṇu kumbhaja |
yaḥ kīrtayetsakṛdbhaktyā divyanāmaśatatrayam || 29 ||
tasya puṇyamahaṃ vakṣye śṛṇu tvaṃ kumbhasambhava |
rahasyanāmasāhasrapāṭhe yatphalamīritam || 30 ||
tatphalaṃ koṭiguṇitamekanāmajapādbhavet |
kāmeśvarīkāmeśābhyāṃ kṛtaṃ nāmaśatatrayam || 31 ||
nānyena tulayedetat stotreṇānyakṛtena ca |
śriyaḥ paramparā yasya bhāvi vā cottarottaram || 32 ||
tenaiva labhyate caitatpaścācchreyaḥ parīkṣayet |
asyā nāmnāṃ triśatyāstu mahimā kena varṇyate || 33 ||
yā svayaṃ śivayorvaktrapadmābhyāṃ pariniḥsṛtā |
nityaṃ ṣoḍaśasaṅkhyākānviprānādau tu bhojayet || 34 ||
abhyaktāṃstilatailena snātānuṣṇena vāriṇā |
abhyarcya gandhapuṣpādyaiḥ kāmeśvaryādināmabhiḥ || 35 ||
sūpāpūpaiḥ śarkarādyaiḥ pāyasaiḥ phalasaṃyutaiḥ |
vidyāvido viśeṣeṇa bhojayetṣoḍaśa dvijān || 36 ||
evaṃ nityārcanaṃ kuryādādau brāhmaṇabhojanam |
triśatīnāmabhiḥ paścādbrāhmaṇānkramaśo'rcayet || 37 ||
tailābhyaṅgādikaṃ datvā vibhave sati bhaktitaḥ |
śuklapratipadārabhya paurṇamāsyavadhi kramāt || 38 ||
divase divase viprā bhojyā viṃśatisaṅkhyayā |
daśabhiḥ pañcabhirvāpi tribhirekena vā dinaiḥ || 39 ||
triṃśatṣaṣṭiḥ śataṃ viprāḥ sambhojyāstriśataṃ kramāt |
evaṃ yaḥ kurute bhaktyā janmamadhye sakṛnnaraḥ || 40 ||
tasyaiva saphalaṃ janma muktistasya kare sthirā |
rahasyanāmasāhasrabhojane'pyevameva hi || 41 ||
ādau nityabaliṃ kuryātpaścādbrāhmaṇabhojanam |
rahasyanāmasāhasramahimā yo mayoditaḥ || 42 ||
sa śīkarāṇuratnaikanāmno mahimavāridheḥ |
vāgdevīracite nāmasāhasre yadyadīritam || 43 ||
tatphalaṃ koṭiguṇitaṃ nāmno'pyekasya kīrtanāt |
etadanyairjapaiḥ stotrairarcanairyatphalaṃ bhavet || 44 ||
tatphalaṃ koṭiguṇitaṃ bhavennāmaśatatrayāt |
vāgdevīracite stotre tādṛśo mahimā yadi || 45 ||
sākṣātkāmeśakāmeśīkṛte'smingṛhyatāmiti |
sakṛtsaṅkīrtanādeva nāmnāmasmin śatatraye || 46 ||
bhaveccittasya paryāptirnyūnamanyānapekṣiṇī |
na jñātavyamito'pyanyatra japtavyaṃ ca kumbhaja || 47 ||
yadyatsādhyatamaṃ kāryaṃ tattadarthamidaṃ japet |
tattatphalamavāpnoti paścātkāryaṃ parīkṣayet || 48 ||
ye ye prayogāstantreṣu taistairyatsādhyate phalam |
tatsarvaṃ sidhyati kṣipraṃ nāmatriśatakīrtanāt || 49 ||
āyuṣkaraṃ puṣṭikaraṃ putradaṃ vaśyakārakam |
vidyāpradaṃ kīrtikaraṃ sukavitvapradāyakam || 50 ||
sarvasampatpradaṃ sarvabhogadaṃ sarvasaukhyadam |
sarvābhīṣṭapradaṃ caiva devyā nāmaśatatrayam || 51 ||
etajjapaparo bhūyānnānyadicchetkadācana |
etatkīrtanasantuṣṭā śrīdevī lalitāmbikā || 52 ||
bhaktasya yadyadiṣṭaṃ syāttattatpūrayate dhruvam |
tasmātkumbhodbhava mune kīrtaya tvamidaṃ sadā || 53 ||
nāparaṃ kiñcidapi te boddhavyamavaśiṣyate |
iti te kathitaṃ stotraṃ lalitāprītidāyakam || 54 ||
nāvidyāvedine brūyānnābhaktāya kadācana |
na śaṭhāya na duṣṭāya nāviśvāsāya karhicit || 56 ||
yo brūyāttriśatīṃ nāmnāṃ tasyānartho mahānbhavet |
ityājñā śāṅkarī proktā tasmādgopyamidaṃ tvayā || 57 ||
lalitāpreritenaiva mayoktaṃ stotramuttamam |
rahasyanāmasāhasrādapi gopyamidaṃ mune || 58 ||
sūta uvāca |
evamuktvā hayagrīvaḥ kumbhajaṃ tāpasottamam |
stotreṇānena lalitāṃ stutvā tripurasundarīm |
ānandalaharīmagnamānasaḥ samavartata || 59 ||
iti brahmāṇḍapurāṇe uttarakhaṇḍe hayagrīvāgastyasaṃvāde lalitopākhyāne stotrakhaṇḍe śrīlalitātriśatīstotraratnam |
Sanskrit — Devanagari (original)
अस्य श्रीललिता त्रिशतीस्तोत्र महामन्त्रस्य, भगवान् हयग्रीव ऋषिः, अनुष्टुप् छन्दः, श्रीललितामहात्रिपुरसुन्दरी देवता, ऐं बीजं, सौः शक्तिः, क्लीं कीलकं, मम चतुर्विधपुरुषार्थफलसिद्ध्यर्थे जपे विनियोगः ।
ऐमित्यादिभिरङ्गन्यासकरन्यासाः कार्याः ।
ध्यानम् ।
अतिमधुरचापहस्ता-
-मपरिमितामोदबाणसौभाग्याम् ।
अरुणामतिशयकरुणा-
-मभिनवकुलसुन्दरीं वन्दे ।
श्री हयग्रीव उवाच ।
ककाररूपा कल्याणी कल्याणगुणशालिनी ।
कल्याणशैलनिलया कमनीया कलावती ॥ 1 ॥
कमलाक्षी कल्मषघ्नी करुणामृतसागरा ।
कदम्बकाननावासा कदम्बकुसुमप्रिया ॥ 2 ॥
कन्दर्पविद्या कन्दर्पजनकापाङ्गवीक्षणा ।
कर्पूरवीटिसौरभ्यकल्लोलितककुप्तटा ॥ 3 ॥
कलिदोषहरा कञ्जलोचना कम्रविग्रहा ।
कर्मादिसाक्षिणी कारयित्री कर्मफलप्रदा ॥ 4 ॥
एकाररूपा चैकाक्षर्येकानेकाक्षराकृतिः ।
एतत्तदित्यनिर्देश्या चैकानन्दचिदाकृतिः ॥ 5 ॥
एवमित्यागमाबोध्या चैकभक्तिमदर्चिता ।
एकाग्रचित्तनिर्ध्याता चैषणारहितादृता ॥ 6 ॥
एलासुगन्धिचिकुरा चैनःकूटविनाशिनी ।
एकभोगा चैकरसा चैकैश्वर्यप्रदायिनी ॥ 7 ॥
एकातपत्रसाम्राज्यप्रदा चैकान्तपूजिता ।
एधमानप्रभा चैजदनेकजगदीश्वरी ॥ 8 ॥
एकवीरादिसंसेव्या चैकप्राभवशालिनी ।
ईकाररूपा चेशित्री चेप्सितार्थप्रदायिनी ॥ 9 ॥
ईदृगित्यविनिर्देश्या चेश्वरत्वविधायिनी ।
ईशानादिब्रह्ममयी चेशित्वाद्यष्टसिद्धिदा ॥ 10 ॥
ईक्षित्रीक्षणसृष्टाण्डकोटिरीश्वरवल्लभा ।
ईडिता चेश्वरार्धाङ्गशरीरेशाधिदेवता ॥ 11 ॥
ईश्वरप्रेरणकरी चेशताण्डवसाक्षिणी ।
ईश्वरोत्सङ्गनिलया चेतिबाधाविनाशिनी ॥ 12 ॥
ईहाविरहिता चेशशक्तिरीषत्स्मितानना ।
लकाररूपा ललिता लक्ष्मीवाणीनिषेविता ॥ 13 ॥
लाकिनी ललनारूपा लसद्दाडिमपाटला ।
ललन्तिकालसत्फाला ललाटनयनार्चिता ॥ 14 ॥
लक्षणोज्ज्वलदिव्याङ्गी लक्षकोट्यण्डनायिका ।
लक्ष्यार्था लक्षणागम्या लब्धकामा लतातनुः ॥ 15 ॥
ललामराजदलिका लम्बिमुक्तालताञ्चिता ।
लम्बोदरप्रसूर्लभ्या लज्जाढ्या लयवर्जिता ॥ 16 ॥
ह्रींकाररूपा ह्रींकारनिलया ह्रींपदप्रिया ।
ह्रींकारबीजा ह्रींकारमन्त्रा ह्रींकारलक्षणा ॥ 17 ॥
ह्रींकारजपसुप्रीता ह्रींमती ह्रींविभूषणा ।
ह्रींशीला ह्रींपदाराध्या ह्रींगर्भा ह्रींपदाभिधा ॥ 18 ॥
ह्रींकारवाच्या ह्रींकारपूज्या ह्रींकारपीठिका ।
ह्रींकारवेद्या ह्रींकारचिन्त्या ह्रीं ह्रींशरीरिणी ॥ 19 ॥
हकाररूपा हलधृक्पूजिता हरिणेक्षणा ।
हरप्रिया हराराध्या हरिब्रह्मेन्द्रवन्दिता ॥ 20 ॥
हयारूढासेविताङ्घ्रिर्हयमेधसमर्चिता ।
हर्यक्षवाहना हंसवाहना हतदानवा ॥ 21 ॥
हत्यादिपापशमनी हरिदश्वादिसेविता ।
हस्तिकुम्भोत्तुङ्गकुचा हस्तिकृत्तिप्रियाङ्गना ॥ 22 ॥
हरिद्राकुङ्कुमादिग्धा हर्यश्वाद्यमरार्चिता ।
हरिकेशसखी हादिविद्या हालामदालसा ॥ 23 ॥
सकाररूपा सर्वज्ञा सर्वेशी सर्वमङ्गला ।
सर्वकर्त्री सर्वभर्त्री सर्वहन्त्री सनातना ॥ 24 ॥
सर्वानवद्या सर्वाङ्गसुन्दरी सर्वसाक्षिणी ।
सर्वात्मिका सर्वसौख्यदात्री सर्वविमोहिनी ॥ 25 ॥
सर्वाधारा सर्वगता सर्वावगुणवर्जिता ।
सर्वारुणा सर्वमाता सर्वभूषणभूषिता ॥ 26 ॥
ककारार्था कालहन्त्री कामेशी कामितार्थदा ।
कामसञ्जीवनी कल्या कठिनस्तनमण्डला ॥ 27 ॥
करभोरूः कलानाथमुखी कचजिताम्बुदा ।
कटाक्षस्यन्दिकरुणा कपालिप्राणनायिका ॥ 28 ॥
कारुण्यविग्रहा कान्ता कान्तिधूतजपावलिः ।
कलालापा कम्बुकण्ठी करनिर्जितपल्लवा ॥ 29 ॥
कल्पवल्लीसमभुजा कस्तूरीतिलकाञ्चिता ।
हकारार्था हंसगतिर्हाटकाभरणोज्ज्वला ॥ 30 ॥
हारहारिकुचाभोगा हाकिनी हल्यवर्जिता ।
हरित्पतिसमाराध्या हठात्कारहतासुरा ॥ 31 ॥
हर्षप्रदा हविर्भोक्त्री हार्दसन्तमसापहा ।
हल्लीसलास्यसन्तुष्टा हंसमन्त्रार्थरूपिणी ॥ 32 ॥
हानोपादाननिर्मुक्ता हर्षिणी हरिसोदरी ।
हाहाहूहूमुखस्तुत्या हानिवृद्धिविवर्जिता ॥ 33 ॥
हय्यङ्गवीनहृदया हरिगोपारुणांशुका ।
लकाराख्या लतापूज्या लयस्थित्युद्भवेश्वरी ॥ 34 ॥
लास्यदर्शनसन्तुष्टा लाभालाभविवर्जिता ।
लङ्घ्येतराज्ञा लावण्यशालिनी लघुसिद्धिदा ॥ 35 ॥
लाक्षारससवर्णाभा लक्ष्मणाग्रजपूजिता ।
लभ्येतरा लब्धभक्तिसुलभा लाङ्गलायुधा ॥ 36 ॥
लग्नचामरहस्तश्रीशारदापरिवीजिता ।
लज्जापदसमाराध्या लम्पटा लकुलेश्वरी ॥ 37 ॥
लब्धमाना लब्धरसा लब्धसम्पत्समुन्नतिः ।
ह्रींकारिणी ह्रींकाराद्या ह्रींमध्या ह्रींशिखामणिः ॥ 38 ॥
ह्रींकारकुण्डाग्निशिखा ह्रींकारशशिचन्द्रिका ।
ह्रींकारभास्कररुचिर्ह्रींकाराम्भोदचञ्चला ॥ 39 ॥
ह्रींकारकन्दाङ्कुरिका ह्रींकारैकपरायणा ।
ह्रींकारदीर्घिकाहंसी ह्रींकारोद्यानकेकिनी ॥ 40 ॥
ह्रींकारारण्यहरिणी ह्रींकारावालवल्लरी ।
ह्रींकारपञ्जरशुकी ह्रींकाराङ्गणदीपिका ॥ 41 ॥
ह्रींकारकन्दरासिंही ह्रींकाराम्भोजभृङ्गिका ।
ह्रींकारसुमनोमाध्वी ह्रींकारतरुमञ्जरी ॥ 42 ॥
सकाराख्या समरसा सकलागमसंस्तुता ।
सर्ववेदान्ततात्पर्यभूमिः सदसदाश्रया ॥ 43 ॥
सकला सच्चिदानन्दा साध्या सद्गतिदायिनी ।
सनकादिमुनिध्येया सदाशिवकुटुम्बिनी ॥ 44 ॥
सकालाधिष्ठानरूपा सत्यरूपा समाकृतिः ।
सर्वप्रपञ्चनिर्मात्री समनाधिकवर्जिता ॥ 45 ॥
सर्वोत्तुङ्गा सङ्गहीना सगुणा सकलेष्टदा ।
ककारिणी काव्यलोला कामेश्वरमनोहरा ॥ 46 ॥
कामेश्वरप्राणनाडी कामेशोत्सङ्गवासिनी ।
कामेश्वरालिङ्गिताङ्गी कामेश्वरसुखप्रदा ॥ 47 ॥
कामेश्वरप्रणयिनी कामेश्वरविलासिनी ।
कामेश्वरतपःसिद्धिः कामेश्वरमनःप्रिया ॥ 48 ॥
कामेश्वरप्राणनाथा कामेश्वरविमोहिनी ।
कामेश्वरब्रह्मविद्या कामेश्वरगृहेश्वरी ॥ 49 ॥
कामेश्वराह्लादकरी कामेश्वरमहेश्वरी ।
कामेश्वरी कामकोटिनिलया काङ्क्षितार्थदा ॥ 50 ॥
लकारिणी लब्धरूपा लब्धधीर्लब्धवाञ्छिता ।
लब्धपापमनोदूरा लब्धाहङ्कारदुर्गमा ॥ 51 ॥
लब्धशक्तिर्लब्धदेहा लब्धैश्वर्यसमुन्नतिः ।
लब्धवृद्धिर्लब्धलीला लब्धयौवनशालिनी ॥ 52 ॥
लब्धातिशयसर्वाङ्गसौन्दर्या लब्धविभ्रमा ।
लब्धरागा लब्धपतिर्लब्धनानागमस्थितिः ॥ 53 ॥
लब्धभोगा लब्धसुखा लब्धहर्षाभिपूरिता ।
ह्रींकारमूर्तिर्ह्रींकारसौधशृङ्गकपोतिका ॥ 54 ॥
ह्रींकारदुग्धाब्धिसुधा ह्रींकारकमलेन्दिरा ।
ह्रींकारमणिदीपार्चिर्ह्रींकारतरुशारिका ॥ 55 ॥
ह्रींकारपेटकमणिर्ह्रींकारादर्शबिम्बिता ।
ह्रींकारकोशासिलता ह्रींकारास्थाननर्तकी ॥ 56 ॥
ह्रींकारशुक्तिकामुक्तामणिर्ह्रींकारबोधिता ।
ह्रींकारमयसौवर्णस्तम्भविद्रुमपुत्रिका ॥ 57 ॥
ह्रींकारवेदोपनिषद् ह्रींकाराध्वरदक्षिणा ।
ह्रींकारनन्दनारामनवकल्पकवल्लरी ॥ 58 ॥
ह्रींकारहिमवद्गङ्गा ह्रींकारार्णवकौस्तुभा ।
ह्रींकारमन्त्रसर्वस्वा ह्रींकारपरसौख्यदा ॥ 59 ॥
उत्तरपीठिका (फलशृतिः)
हयग्रीव उवाच ।
इत्येवं ते मयाख्यातं देव्या नामशतत्रयम् ।
रहस्यातिरहस्यत्वाद्गोपनीयं त्वया मुने ॥ 1 ॥
शिववर्णानि नामानि श्रीदेव्या कथितानि हि ।
शक्त्यक्षराणि नामानि कामेशकथितानि च ॥ 2 ॥
उभयाक्षरनामानि ह्युभाभ्यां कथितानि वै ।
तदन्यैर्ग्रथितं स्तोत्रमेतस्य सदृशं किमु ॥ 3 ॥
नानेन सदृशं स्तोत्रं श्रीदेवीप्रीतिदायकम् ।
लोकत्रयेऽपि कल्याणं सम्भवेन्नात्र संशयः ॥ 4 ॥
सूत उवाच ।
इति हयमुखगीतं स्तोत्रराजं निशम्य
प्रगलितकलुषोऽभूच्चित्तपर्याप्तिमेत्य ।
निजगुरुमथ नत्वा कुम्भजन्मा तदुक्तं
पुनरधिकरहस्यं ज्ञातुमेवं जगाद ॥ 5 ॥
अगस्त्य उवाच ।
अश्वानन महाभाग रहस्यमपि मे वद ।
शिववर्णानि कान्यत्र शक्तिवर्णानि कानि हि ॥ 6 ॥
उभयोरपि वर्णानि कानि वा वद देशिक ।
इति पृष्टः कुम्भजेन हयग्रीवोऽवदत्पुनः ॥ 7 ॥
हयग्रीव उवाच ।
तव गोप्यं किमस्तीह साक्षादम्बानुशासनात् ।
इदं त्वतिरहस्यं ते वक्ष्यामि शृणु कुम्भज ॥ 8 ॥
एतद्विज्ञानमात्रेण श्रीविद्या सिद्धिदा भवेत् ।
कत्रयं हद्वयं चैव शैवो भागः प्रकीर्तितः ॥ 9 ॥
शक्त्यक्षराणि शेषाणि ह्रीङ्कार उभयात्मकः ।
एवं विभागमज्ञात्वा ये विद्याजपशालिनः ॥ 10 ॥
न तेषां सिद्धिदा विद्या कल्पकोटिशतैरपि ।
चतुर्भिः शिवचक्रैश्च शक्तिचक्रैश्च पञ्चभिः ॥ 11 ॥
नवचक्रैश्च संसिद्धं श्रीचक्रं शिवयोर्वपुः ।
त्रिकोणमष्टकोणं च दशकोणद्वयं तथा ॥ 12 ॥
चतुर्दशारं चैतानि शक्तिचक्राणि पञ्च च ।
बिन्दुश्चाष्टदलं पद्मं पद्मं षोडशपत्रकम् ॥ 13 ॥
चतुरश्रं च चत्वारि शिवचक्राण्यनुक्रमात् ।
त्रिकोणे बैन्दवं श्लिष्टं अष्टारेऽष्टदलाम्बुजम् ॥ 14 ॥
दशारयोः षोडशारं भूगृहं भुवनाश्रके ।
शैवानामपि शाक्तानां चक्राणां च परस्परम् ॥ 15 ॥
अविनाभावसम्बन्धं यो जानाति स चक्रवित् ।
त्रिकोणरूपिणी शक्तिर्बिन्दुरूपपरः शिवः ॥ 16 ॥
अविनाभावसम्बन्धं तस्माद्बिन्दुत्रिकोणयोः ।
एवं विभागमज्ञात्वा श्रीचक्रं यः समर्चयेत् ॥ 17 ॥
न तत्फलमवाप्नोति ललिताम्बा न तुष्यति ।
ये च जानन्ति लोकेऽस्मिन् श्रीविद्याचक्रवेदिनः ॥ 18 ॥
सामन्यवेदिनः सर्वे विशेषज्ञोऽतिदुर्लभः ।
स्वयंविद्याविशेषज्ञो विशेषज्ञं समर्चयेत् ॥ 19 ॥
तस्मै देयं ततो ग्राह्यमशक्तस्तस्य दापयेत् ।
अन्धं तमः प्रविशन्ति येऽविद्यां समुपासते ॥ 20 ॥
इति श्रुतिरपाहैतानविद्योपासकान्पुनः ।
विद्यान्योपासकानेव निन्दत्यारुणिकी श्रुतिः ॥ 21 ॥
अश्रुता सश्रुतासश्च यज्वानो येऽप्ययज्वनः ।
स्वर्यन्तो नापेक्षन्ते इन्द्रमग्निं च ये विदुः ॥ 22 ॥
सिकता इव संयन्ति रश्मिभिः समुदीरिताः ।
अस्माल्लोकादमुष्माच्चेत्याह चारण्यकश्रुतिः ॥ 23 ॥
यस्य नो पश्चिमं जन्म यदि वा शङ्करः स्वयम् ।
तेनैव लभ्यते विद्या श्रीमत्पञ्चदशाक्षरी ॥ 24 ॥
इति मन्त्रेषु बहुधा विद्याया महिमोच्यते ।
मोक्षैकहेतुविद्या तु श्रीविद्या नात्र संशयः ॥ 25 ॥
न शिल्पादिज्ञानयुक्ते विद्वच्छब्धः प्रयुज्यते ।
मोक्षैकहेतुविद्या सा श्रीविद्यैव न संशयः ॥ 26 ॥
तस्माद्विद्याविदेवात्र विद्वान्विद्वानितीर्यते ।
स्वयं विद्याविदे दद्यात्ख्यापयेत्तद्गुणान्सुधीः ॥ 27 ॥
स्वयंविद्यारहस्यज्ञो विद्यामाहात्म्यवेद्यपि ।
विद्याविदं नार्चयेच्चेत्को वा तं पूजयेज्जनः ॥ 28 ॥
प्रसङ्गादिदमुक्तं ते प्रकृतं शृणु कुम्भज ।
यः कीर्तयेत्सकृद्भक्त्या दिव्यनामशतत्रयम् ॥ 29 ॥
तस्य पुण्यमहं वक्ष्ये शृणु त्वं कुम्भसम्भव ।
रहस्यनामसाहस्रपाठे यत्फलमीरितम् ॥ 30 ॥
तत्फलं कोटिगुणितमेकनामजपाद्भवेत् ।
कामेश्वरीकामेशाभ्यां कृतं नामशतत्रयम् ॥ 31 ॥
नान्येन तुलयेदेतत् स्तोत्रेणान्यकृतेन च ।
श्रियः परम्परा यस्य भावि वा चोत्तरोत्तरम् ॥ 32 ॥
तेनैव लभ्यते चैतत्पश्चाच्छ्रेयः परीक्षयेत् ।
अस्या नाम्नां त्रिशत्यास्तु महिमा केन वर्ण्यते ॥ 33 ॥
या स्वयं शिवयोर्वक्त्रपद्माभ्यां परिनिःसृता ।
नित्यं षोडशसङ्ख्याकान्विप्रानादौ तु भोजयेत् ॥ 34 ॥
अभ्यक्तांस्तिलतैलेन स्नातानुष्णेन वारिणा ।
अभ्यर्च्य गन्धपुष्पाद्यैः कामेश्वर्यादिनामभिः ॥ 35 ॥
सूपापूपैः शर्कराद्यैः पायसैः फलसंयुतैः ।
विद्याविदो विशेषेण भोजयेत्षोडश द्विजान् ॥ 36 ॥
एवं नित्यार्चनं कुर्यादादौ ब्राह्मणभोजनम् ।
त्रिशतीनामभिः पश्चाद्ब्राह्मणान्क्रमशोऽर्चयेत् ॥ 37 ॥
तैलाभ्यङ्गादिकं दत्वा विभवे सति भक्तितः ।
शुक्लप्रतिपदारभ्य पौर्णमास्यवधि क्रमात् ॥ 38 ॥
दिवसे दिवसे विप्रा भोज्या विंशतिसङ्ख्यया ।
दशभिः पञ्चभिर्वापि त्रिभिरेकेन वा दिनैः ॥ 39 ॥
त्रिंशत्षष्टिः शतं विप्राः सम्भोज्यास्त्रिशतं क्रमात् ।
एवं यः कुरुते भक्त्या जन्ममध्ये सकृन्नरः ॥ 40 ॥
तस्यैव सफलं जन्म मुक्तिस्तस्य करे स्थिरा ।
रहस्यनामसाहस्रभोजनेऽप्येवमेव हि ॥ 41 ॥
आदौ नित्यबलिं कुर्यात्पश्चाद्ब्राह्मणभोजनम् ।
रहस्यनामसाहस्रमहिमा यो मयोदितः ॥ 42 ॥
स शीकराणुरत्नैकनाम्नो महिमवारिधेः ।
वाग्देवीरचिते नामसाहस्रे यद्यदीरितम् ॥ 43 ॥
तत्फलं कोटिगुणितं नाम्नोऽप्येकस्य कीर्तनात् ।
एतदन्यैर्जपैः स्तोत्रैरर्चनैर्यत्फलं भवेत् ॥ 44 ॥
तत्फलं कोटिगुणितं भवेन्नामशतत्रयात् ।
वाग्देवीरचिते स्तोत्रे तादृशो महिमा यदि ॥ 45 ॥
साक्षात्कामेशकामेशीकृतेऽस्मिन्गृह्यतामिति ।
सकृत्सङ्कीर्तनादेव नाम्नामस्मिन् शतत्रये ॥ 46 ॥
भवेच्चित्तस्य पर्याप्तिर्न्यूनमन्यानपेक्षिणी ।
न ज्ञातव्यमितोऽप्यन्यत्र जप्तव्यं च कुम्भज ॥ 47 ॥
यद्यत्साध्यतमं कार्यं तत्तदर्थमिदं जपेत् ।
तत्तत्फलमवाप्नोति पश्चात्कार्यं परीक्षयेत् ॥ 48 ॥
ये ये प्रयोगास्तन्त्रेषु तैस्तैर्यत्साध्यते फलम् ।
तत्सर्वं सिध्यति क्षिप्रं नामत्रिशतकीर्तनात् ॥ 49 ॥
आयुष्करं पुष्टिकरं पुत्रदं वश्यकारकम् ।
विद्याप्रदं कीर्तिकरं सुकवित्वप्रदायकम् ॥ 50 ॥
सर्वसम्पत्प्रदं सर्वभोगदं सर्वसौख्यदम् ।
सर्वाभीष्टप्रदं चैव देव्या नामशतत्रयम् ॥ 51 ॥
एतज्जपपरो भूयान्नान्यदिच्छेत्कदाचन ।
एतत्कीर्तनसन्तुष्टा श्रीदेवी ललिताम्बिका ॥ 52 ॥
भक्तस्य यद्यदिष्टं स्यात्तत्तत्पूरयते ध्रुवम् ।
तस्मात्कुम्भोद्भव मुने कीर्तय त्वमिदं सदा ॥ 53 ॥
नापरं किञ्चिदपि ते बोद्धव्यमवशिष्यते ।
इति ते कथितं स्तोत्रं ललिताप्रीतिदायकम् ॥ 54 ॥
नाविद्यावेदिने ब्रूयान्नाभक्ताय कदाचन ।
न शठाय न दुष्टाय नाविश्वासाय कर्हिचित् ॥ 56 ॥
यो ब्रूयात्त्रिशतीं नाम्नां तस्यानर्थो महान्भवेत् ।
इत्याज्ञा शाङ्करी प्रोक्ता तस्माद्गोप्यमिदं त्वया ॥ 57 ॥
ललिताप्रेरितेनैव मयोक्तं स्तोत्रमुत्तमम् ।
रहस्यनामसाहस्रादपि गोप्यमिदं मुने ॥ 58 ॥
सूत उवाच ।
एवमुक्त्वा हयग्रीवः कुम्भजं तापसोत्तमम् ।
स्तोत्रेणानेन ललितां स्तुत्वा त्रिपुरसुन्दरीम् ।
आनन्दलहरीमग्नमानसः समवर्तत ॥ 59 ॥
इति ब्रह्माण्डपुराणे उत्तरखण्डे हयग्रीवागस्त्यसंवादे ललितोपाख्याने स्तोत्रखण्डे श्रीललितात्रिशतीस्तोत्ररत्नम् ।
asya śrīlalitā triśatīstotra mahāmantrasya, bhagavān hayagrīva ṛṣiḥ, anuṣṭup chandaḥ, śrīlalitāmahātripurasundarī devatā, aiṃ bījaṃ, sauḥ śaktiḥ, klīṃ kīlakaṃ, mama caturvidhapuruṣārthaphalasiddhyarthe jape viniyogaḥ |
aimityādibhiraṅganyāsakaranyāsāḥ kāryāḥ |
dhyānam |
atimadhuracāpahastā-
-maparimitāmodabāṇasaubhāgyām |
aruṇāmatiśayakaruṇā-
-mabhinavakulasundarīṃ vande |
śrī hayagrīva uvāca |
kakārarūpā kalyāṇī kalyāṇaguṇaśālinī |
kalyāṇaśailanilayā kamanīyā kalāvatī || 1 ||
kamalākṣī kalmaṣaghnī karuṇāmṛtasāgarā |
kadambakānanāvāsā kadambakusumapriyā || 2 ||
kandarpavidyā kandarpajanakāpāṅgavīkṣaṇā |
karpūravīṭisaurabhyakallolitakakuptaṭā || 3 ||
kalidoṣaharā kañjalocanā kamravigrahā |
karmādisākṣiṇī kārayitrī karmaphalapradā || 4 ||
ekārarūpā caikākṣaryekānekākṣarākṛtiḥ |
etattadityanirdeśyā caikānandacidākṛtiḥ || 5 ||
evamityāgamābodhyā caikabhaktimadarcitā |
ekāgracittanirdhyātā caiṣaṇārahitādṛtā || 6 ||
elāsugandhicikurā cainaḥkūṭavināśinī |
ekabhogā caikarasā caikaiśvaryapradāyinī || 7 ||
ekātapatrasāmrājyapradā caikāntapūjitā |
edhamānaprabhā caijadanekajagadīśvarī || 8 ||
ekavīrādisaṃsevyā caikaprābhavaśālinī |
īkārarūpā ceśitrī cepsitārthapradāyinī || 9 ||
īdṛgityavinirdeśyā ceśvaratvavidhāyinī |
īśānādibrahmamayī ceśitvādyaṣṭasiddhidā || 10 ||
īkṣitrīkṣaṇasṛṣṭāṇḍakoṭirīśvaravallabhā |
īḍitā ceśvarārdhāṅgaśarīreśādhidevatā || 11 ||
īśvarapreraṇakarī ceśatāṇḍavasākṣiṇī |
īśvarotsaṅganilayā cetibādhāvināśinī || 12 ||
īhāvirahitā ceśaśaktirīṣatsmitānanā |
lakārarūpā lalitā lakṣmīvāṇīniṣevitā || 13 ||
lākinī lalanārūpā lasaddāḍimapāṭalā |
lalantikālasatphālā lalāṭanayanārcitā || 14 ||
lakṣaṇojjvaladivyāṅgī lakṣakoṭyaṇḍanāyikā |
lakṣyārthā lakṣaṇāgamyā labdhakāmā latātanuḥ || 15 ||
lalāmarājadalikā lambimuktālatāñcitā |
lambodaraprasūrlabhyā lajjāḍhyā layavarjitā || 16 ||
hrīṃkārarūpā hrīṃkāranilayā hrīṃpadapriyā |
hrīṃkārabījā hrīṃkāramantrā hrīṃkāralakṣaṇā || 17 ||
hrīṃkārajapasuprītā hrīṃmatī hrīṃvibhūṣaṇā |
hrīṃśīlā hrīṃpadārādhyā hrīṃgarbhā hrīṃpadābhidhā || 18 ||
hrīṃkāravācyā hrīṃkārapūjyā hrīṃkārapīṭhikā |
hrīṃkāravedyā hrīṃkāracintyā hrīṃ hrīṃśarīriṇī || 19 ||
hakārarūpā haladhṛkpūjitā hariṇekṣaṇā |
harapriyā harārādhyā haribrahmendravanditā || 20 ||
hayārūḍhāsevitāṅghrirhayamedhasamarcitā |
haryakṣavāhanā haṃsavāhanā hatadānavā || 21 ||
hatyādipāpaśamanī haridaśvādisevitā |
hastikumbhottuṅgakucā hastikṛttipriyāṅganā || 22 ||
haridrākuṅkumādigdhā haryaśvādyamarārcitā |
harikeśasakhī hādividyā hālāmadālasā || 23 ||
sakārarūpā sarvajñā sarveśī sarvamaṅgalā |
sarvakartrī sarvabhartrī sarvahantrī sanātanā || 24 ||
sarvānavadyā sarvāṅgasundarī sarvasākṣiṇī |
sarvātmikā sarvasaukhyadātrī sarvavimohinī || 25 ||
sarvādhārā sarvagatā sarvāvaguṇavarjitā |
sarvāruṇā sarvamātā sarvabhūṣaṇabhūṣitā || 26 ||
kakārārthā kālahantrī kāmeśī kāmitārthadā |
kāmasañjīvanī kalyā kaṭhinastanamaṇḍalā || 27 ||
karabhorūḥ kalānāthamukhī kacajitāmbudā |
kaṭākṣasyandikaruṇā kapāliprāṇanāyikā || 28 ||
kāruṇyavigrahā kāntā kāntidhūtajapāvaliḥ |
kalālāpā kambukaṇṭhī karanirjitapallavā || 29 ||
kalpavallīsamabhujā kastūrītilakāñcitā |
hakārārthā haṃsagatirhāṭakābharaṇojjvalā || 30 ||
hārahārikucābhogā hākinī halyavarjitā |
haritpatisamārādhyā haṭhātkārahatāsurā || 31 ||
harṣapradā havirbhoktrī hārdasantamasāpahā |
hallīsalāsyasantuṣṭā haṃsamantrārtharūpiṇī || 32 ||
hānopādānanirmuktā harṣiṇī harisodarī |
hāhāhūhūmukhastutyā hānivṛddhivivarjitā || 33 ||
hayyaṅgavīnahṛdayā harigopāruṇāṃśukā |
lakārākhyā latāpūjyā layasthityudbhaveśvarī || 34 ||
lāsyadarśanasantuṣṭā lābhālābhavivarjitā |
laṅghyetarājñā lāvaṇyaśālinī laghusiddhidā || 35 ||
lākṣārasasavarṇābhā lakṣmaṇāgrajapūjitā |
labhyetarā labdhabhaktisulabhā lāṅgalāyudhā || 36 ||
lagnacāmarahastaśrīśāradāparivījitā |
lajjāpadasamārādhyā lampaṭā lakuleśvarī || 37 ||
labdhamānā labdharasā labdhasampatsamunnatiḥ |
hrīṃkāriṇī hrīṃkārādyā hrīṃmadhyā hrīṃśikhāmaṇiḥ || 38 ||
hrīṃkārakuṇḍāgniśikhā hrīṃkāraśaśicandrikā |
hrīṃkārabhāskararucirhrīṃkārāmbhodacañcalā || 39 ||
hrīṃkārakandāṅkurikā hrīṃkāraikaparāyaṇā |
hrīṃkāradīrghikāhaṃsī hrīṃkārodyānakekinī || 40 ||
hrīṃkārāraṇyahariṇī hrīṃkārāvālavallarī |
hrīṃkārapañjaraśukī hrīṃkārāṅgaṇadīpikā || 41 ||
hrīṃkārakandarāsiṃhī hrīṃkārāmbhojabhṛṅgikā |
hrīṃkārasumanomādhvī hrīṃkāratarumañjarī || 42 ||
sakārākhyā samarasā sakalāgamasaṃstutā |
sarvavedāntatātparyabhūmiḥ sadasadāśrayā || 43 ||
sakalā saccidānandā sādhyā sadgatidāyinī |
sanakādimunidhyeyā sadāśivakuṭumbinī || 44 ||
sakālādhiṣṭhānarūpā satyarūpā samākṛtiḥ |
sarvaprapañcanirmātrī samanādhikavarjitā || 45 ||
sarvottuṅgā saṅgahīnā saguṇā sakaleṣṭadā |
kakāriṇī kāvyalolā kāmeśvaramanoharā || 46 ||
kāmeśvaraprāṇanāḍī kāmeśotsaṅgavāsinī |
kāmeśvarāliṅgitāṅgī kāmeśvarasukhapradā || 47 ||
kāmeśvarapraṇayinī kāmeśvaravilāsinī |
kāmeśvaratapaḥsiddhiḥ kāmeśvaramanaḥpriyā || 48 ||
kāmeśvaraprāṇanāthā kāmeśvaravimohinī |
kāmeśvarabrahmavidyā kāmeśvaragṛheśvarī || 49 ||
kāmeśvarāhlādakarī kāmeśvaramaheśvarī |
kāmeśvarī kāmakoṭinilayā kāṅkṣitārthadā || 50 ||
lakāriṇī labdharūpā labdhadhīrlabdhavāñchitā |
labdhapāpamanodūrā labdhāhaṅkāradurgamā || 51 ||
labdhaśaktirlabdhadehā labdhaiśvaryasamunnatiḥ |
labdhavṛddhirlabdhalīlā labdhayauvanaśālinī || 52 ||
labdhātiśayasarvāṅgasaundaryā labdhavibhramā |
labdharāgā labdhapatirlabdhanānāgamasthitiḥ || 53 ||
labdhabhogā labdhasukhā labdhaharṣābhipūritā |
hrīṃkāramūrtirhrīṃkārasaudhaśṛṅgakapotikā || 54 ||
hrīṃkāradugdhābdhisudhā hrīṃkārakamalendirā |
hrīṃkāramaṇidīpārcirhrīṃkārataruśārikā || 55 ||
hrīṃkārapeṭakamaṇirhrīṃkārādarśabimbitā |
hrīṃkārakośāsilatā hrīṃkārāsthānanartakī || 56 ||
hrīṃkāraśuktikāmuktāmaṇirhrīṃkārabodhitā |
hrīṃkāramayasauvarṇastambhavidrumaputrikā || 57 ||
hrīṃkāravedopaniṣad hrīṃkārādhvaradakṣiṇā |
hrīṃkāranandanārāmanavakalpakavallarī || 58 ||
hrīṃkārahimavadgaṅgā hrīṃkārārṇavakaustubhā |
hrīṃkāramantrasarvasvā hrīṃkāraparasaukhyadā || 59 ||
uttarapīṭhikā (phalaśṛtiḥ)
hayagrīva uvāca |
ityevaṃ te mayākhyātaṃ devyā nāmaśatatrayam |
rahasyātirahasyatvādgopanīyaṃ tvayā mune || 1 ||
śivavarṇāni nāmāni śrīdevyā kathitāni hi |
śaktyakṣarāṇi nāmāni kāmeśakathitāni ca || 2 ||
ubhayākṣaranāmāni hyubhābhyāṃ kathitāni vai |
tadanyairgrathitaṃ stotrametasya sadṛśaṃ kimu || 3 ||
nānena sadṛśaṃ stotraṃ śrīdevīprītidāyakam |
lokatraye'pi kalyāṇaṃ sambhavennātra saṃśayaḥ || 4 ||
sūta uvāca |
iti hayamukhagītaṃ stotrarājaṃ niśamya
pragalitakaluṣo'bhūccittaparyāptimetya |
nijagurumatha natvā kumbhajanmā taduktaṃ
punaradhikarahasyaṃ jñātumevaṃ jagāda || 5 ||
agastya uvāca |
aśvānana mahābhāga rahasyamapi me vada |
śivavarṇāni kānyatra śaktivarṇāni kāni hi || 6 ||
ubhayorapi varṇāni kāni vā vada deśika |
iti pṛṣṭaḥ kumbhajena hayagrīvo'vadatpunaḥ || 7 ||
hayagrīva uvāca |
tava gopyaṃ kimastīha sākṣādambānuśāsanāt |
idaṃ tvatirahasyaṃ te vakṣyāmi śṛṇu kumbhaja || 8 ||
etadvijñānamātreṇa śrīvidyā siddhidā bhavet |
katrayaṃ hadvayaṃ caiva śaivo bhāgaḥ prakīrtitaḥ || 9 ||
śaktyakṣarāṇi śeṣāṇi hrīṅkāra ubhayātmakaḥ |
evaṃ vibhāgamajñātvā ye vidyājapaśālinaḥ || 10 ||
na teṣāṃ siddhidā vidyā kalpakoṭiśatairapi |
caturbhiḥ śivacakraiśca śakticakraiśca pañcabhiḥ || 11 ||
navacakraiśca saṃsiddhaṃ śrīcakraṃ śivayorvapuḥ |
trikoṇamaṣṭakoṇaṃ ca daśakoṇadvayaṃ tathā || 12 ||
caturdaśāraṃ caitāni śakticakrāṇi pañca ca |
binduścāṣṭadalaṃ padmaṃ padmaṃ ṣoḍaśapatrakam || 13 ||
caturaśraṃ ca catvāri śivacakrāṇyanukramāt |
trikoṇe baindavaṃ śliṣṭaṃ aṣṭāre'ṣṭadalāmbujam || 14 ||
daśārayoḥ ṣoḍaśāraṃ bhūgṛhaṃ bhuvanāśrake |
śaivānāmapi śāktānāṃ cakrāṇāṃ ca parasparam || 15 ||
avinābhāvasambandhaṃ yo jānāti sa cakravit |
trikoṇarūpiṇī śaktirbindurūpaparaḥ śivaḥ || 16 ||
avinābhāvasambandhaṃ tasmādbindutrikoṇayoḥ |
evaṃ vibhāgamajñātvā śrīcakraṃ yaḥ samarcayet || 17 ||
na tatphalamavāpnoti lalitāmbā na tuṣyati |
ye ca jānanti loke'smin śrīvidyācakravedinaḥ || 18 ||
sāmanyavedinaḥ sarve viśeṣajño'tidurlabhaḥ |
svayaṃvidyāviśeṣajño viśeṣajñaṃ samarcayet || 19 ||
tasmai deyaṃ tato grāhyamaśaktastasya dāpayet |
andhaṃ tamaḥ praviśanti ye'vidyāṃ samupāsate || 20 ||
iti śrutirapāhaitānavidyopāsakānpunaḥ |
vidyānyopāsakāneva nindatyāruṇikī śrutiḥ || 21 ||
aśrutā saśrutāsaśca yajvāno ye'pyayajvanaḥ |
svaryanto nāpekṣante indramagniṃ ca ye viduḥ || 22 ||
sikatā iva saṃyanti raśmibhiḥ samudīritāḥ |
asmāllokādamuṣmāccetyāha cāraṇyakaśrutiḥ || 23 ||
yasya no paścimaṃ janma yadi vā śaṅkaraḥ svayam |
tenaiva labhyate vidyā śrīmatpañcadaśākṣarī || 24 ||
iti mantreṣu bahudhā vidyāyā mahimocyate |
mokṣaikahetuvidyā tu śrīvidyā nātra saṃśayaḥ || 25 ||
na śilpādijñānayukte vidvacchabdhaḥ prayujyate |
mokṣaikahetuvidyā sā śrīvidyaiva na saṃśayaḥ || 26 ||
tasmādvidyāvidevātra vidvānvidvānitīryate |
svayaṃ vidyāvide dadyātkhyāpayettadguṇānsudhīḥ || 27 ||
svayaṃvidyārahasyajño vidyāmāhātmyavedyapi |
vidyāvidaṃ nārcayeccetko vā taṃ pūjayejjanaḥ || 28 ||
prasaṅgādidamuktaṃ te prakṛtaṃ śṛṇu kumbhaja |
yaḥ kīrtayetsakṛdbhaktyā divyanāmaśatatrayam || 29 ||
tasya puṇyamahaṃ vakṣye śṛṇu tvaṃ kumbhasambhava |
rahasyanāmasāhasrapāṭhe yatphalamīritam || 30 ||
tatphalaṃ koṭiguṇitamekanāmajapādbhavet |
kāmeśvarīkāmeśābhyāṃ kṛtaṃ nāmaśatatrayam || 31 ||
nānyena tulayedetat stotreṇānyakṛtena ca |
śriyaḥ paramparā yasya bhāvi vā cottarottaram || 32 ||
tenaiva labhyate caitatpaścācchreyaḥ parīkṣayet |
asyā nāmnāṃ triśatyāstu mahimā kena varṇyate || 33 ||
yā svayaṃ śivayorvaktrapadmābhyāṃ pariniḥsṛtā |
nityaṃ ṣoḍaśasaṅkhyākānviprānādau tu bhojayet || 34 ||
abhyaktāṃstilatailena snātānuṣṇena vāriṇā |
abhyarcya gandhapuṣpādyaiḥ kāmeśvaryādināmabhiḥ || 35 ||
sūpāpūpaiḥ śarkarādyaiḥ pāyasaiḥ phalasaṃyutaiḥ |
vidyāvido viśeṣeṇa bhojayetṣoḍaśa dvijān || 36 ||
evaṃ nityārcanaṃ kuryādādau brāhmaṇabhojanam |
triśatīnāmabhiḥ paścādbrāhmaṇānkramaśo'rcayet || 37 ||
tailābhyaṅgādikaṃ datvā vibhave sati bhaktitaḥ |
śuklapratipadārabhya paurṇamāsyavadhi kramāt || 38 ||
divase divase viprā bhojyā viṃśatisaṅkhyayā |
daśabhiḥ pañcabhirvāpi tribhirekena vā dinaiḥ || 39 ||
triṃśatṣaṣṭiḥ śataṃ viprāḥ sambhojyāstriśataṃ kramāt |
evaṃ yaḥ kurute bhaktyā janmamadhye sakṛnnaraḥ || 40 ||
tasyaiva saphalaṃ janma muktistasya kare sthirā |
rahasyanāmasāhasrabhojane'pyevameva hi || 41 ||
ādau nityabaliṃ kuryātpaścādbrāhmaṇabhojanam |
rahasyanāmasāhasramahimā yo mayoditaḥ || 42 ||
sa śīkarāṇuratnaikanāmno mahimavāridheḥ |
vāgdevīracite nāmasāhasre yadyadīritam || 43 ||
tatphalaṃ koṭiguṇitaṃ nāmno'pyekasya kīrtanāt |
etadanyairjapaiḥ stotrairarcanairyatphalaṃ bhavet || 44 ||
tatphalaṃ koṭiguṇitaṃ bhavennāmaśatatrayāt |
vāgdevīracite stotre tādṛśo mahimā yadi || 45 ||
sākṣātkāmeśakāmeśīkṛte'smingṛhyatāmiti |
sakṛtsaṅkīrtanādeva nāmnāmasmin śatatraye || 46 ||
bhaveccittasya paryāptirnyūnamanyānapekṣiṇī |
na jñātavyamito'pyanyatra japtavyaṃ ca kumbhaja || 47 ||
yadyatsādhyatamaṃ kāryaṃ tattadarthamidaṃ japet |
tattatphalamavāpnoti paścātkāryaṃ parīkṣayet || 48 ||
ye ye prayogāstantreṣu taistairyatsādhyate phalam |
tatsarvaṃ sidhyati kṣipraṃ nāmatriśatakīrtanāt || 49 ||
āyuṣkaraṃ puṣṭikaraṃ putradaṃ vaśyakārakam |
vidyāpradaṃ kīrtikaraṃ sukavitvapradāyakam || 50 ||
sarvasampatpradaṃ sarvabhogadaṃ sarvasaukhyadam |
sarvābhīṣṭapradaṃ caiva devyā nāmaśatatrayam || 51 ||
etajjapaparo bhūyānnānyadicchetkadācana |
etatkīrtanasantuṣṭā śrīdevī lalitāmbikā || 52 ||
bhaktasya yadyadiṣṭaṃ syāttattatpūrayate dhruvam |
tasmātkumbhodbhava mune kīrtaya tvamidaṃ sadā || 53 ||
nāparaṃ kiñcidapi te boddhavyamavaśiṣyate |
iti te kathitaṃ stotraṃ lalitāprītidāyakam || 54 ||
nāvidyāvedine brūyānnābhaktāya kadācana |
na śaṭhāya na duṣṭāya nāviśvāsāya karhicit || 56 ||
yo brūyāttriśatīṃ nāmnāṃ tasyānartho mahānbhavet |
ityājñā śāṅkarī proktā tasmādgopyamidaṃ tvayā || 57 ||
lalitāpreritenaiva mayoktaṃ stotramuttamam |
rahasyanāmasāhasrādapi gopyamidaṃ mune || 58 ||
sūta uvāca |
evamuktvā hayagrīvaḥ kumbhajaṃ tāpasottamam |
stotreṇānena lalitāṃ stutvā tripurasundarīm |
ānandalaharīmagnamānasaḥ samavartata || 59 ||
iti brahmāṇḍapurāṇe uttarakhaṇḍe hayagrīvāgastyasaṃvāde lalitopākhyāne stotrakhaṇḍe śrīlalitātriśatīstotraratnam |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.