📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌲𑌲𑌿𑌤𑌾 𑌤𑍍𑌰𑌿𑌶𑌤𑌿 𑌸𑍍𑌤𑍋𑌤𑍍𑌰𑌮𑍍
Shri Lalita Trishati Stotram
Devi Trishati Grantha
𑌅𑌸𑍍𑌯 𑌶𑍍𑌰𑍀𑌲𑌲𑌿𑌤𑌾 𑌤𑍍𑌰𑌿𑌶𑌤𑍀𑌸𑍍𑌤𑍋𑌤𑍍𑌰 𑌮𑌹𑌾𑌮𑌨𑍍𑌤𑍍𑌰𑌸𑍍𑌯, 𑌭𑌗𑌵𑌾𑌨𑍍 𑌹𑌯𑌗𑍍𑌰𑍀𑌵 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃, 𑌶𑍍𑌰𑍀𑌲𑌲𑌿𑌤𑌾𑌮𑌹𑌾𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀 𑌦𑍇𑌵𑌤𑌾, 𑌐𑌂 𑌬𑍀𑌜𑌂, 𑌸𑍗𑌃 𑌶𑌕𑍍𑌤𑌿𑌃, 𑌕𑍍𑌲𑍀𑌂 𑌕𑍀𑌲𑌕𑌂, 𑌮𑌮 𑌚𑌤𑍁𑌰𑍍𑌵𑌿𑌧𑌪𑍁𑌰𑍁𑌷𑌾𑌰𑍍𑌥𑌫𑌲𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌐𑌮𑌿𑌤𑍍𑌯𑌾𑌦𑌿𑌭𑌿𑌰𑌙𑍍𑌗𑌨𑍍𑌯𑌾𑌸𑌕𑌰𑌨𑍍𑌯𑌾𑌸𑌾𑌃 𑌕𑌾𑌰𑍍𑌯𑌾𑌃 ।
𑌧𑍍𑌯𑌾𑌨𑌮𑍍 ।
𑌅𑌤𑌿𑌮𑌧𑍁𑌰𑌚𑌾𑌪𑌹𑌸𑍍𑌤𑌾-
-𑌮𑌪𑌰𑌿𑌮𑌿𑌤𑌾𑌮𑍋𑌦𑌬𑌾𑌣𑌸𑍗𑌭𑌾𑌗𑍍𑌯𑌾𑌮𑍍 ।
𑌅𑌰𑍁𑌣𑌾𑌮𑌤𑌿𑌶𑌯𑌕𑌰𑍁𑌣𑌾-
-𑌮𑌭𑌿𑌨𑌵𑌕𑍁𑌲𑌸𑍁𑌨𑍍𑌦𑌰𑍀𑌂 𑌵𑌨𑍍𑌦𑍇 ।
𑌶𑍍𑌰𑍀 𑌹𑌯𑌗𑍍𑌰𑍀𑌵 𑌉𑌵𑌾𑌚 ।
𑌕𑌕𑌾𑌰𑌰𑍂𑌪𑌾 𑌕𑌲𑍍𑌯𑌾𑌣𑍀 𑌕𑌲𑍍𑌯𑌾𑌣𑌗𑍁𑌣𑌶𑌾𑌲𑌿𑌨𑍀 ।
𑌕𑌲𑍍𑌯𑌾𑌣𑌶𑍈𑌲𑌨𑌿𑌲𑌯𑌾 𑌕𑌮𑌨𑍀𑌯𑌾 𑌕𑌲𑌾𑌵𑌤𑍀 ॥ 1 ॥
𑌕𑌮𑌲𑌾𑌕𑍍𑌷𑍀 𑌕𑌲𑍍𑌮𑌷𑌘𑍍𑌨𑍀 𑌕𑌰𑍁𑌣𑌾𑌮𑍃𑌤𑌸𑌾𑌗𑌰𑌾 ।
𑌕𑌦𑌮𑍍𑌬𑌕𑌾𑌨𑌨𑌾𑌵𑌾𑌸𑌾 𑌕𑌦𑌮𑍍𑌬𑌕𑍁𑌸𑍁𑌮𑌪𑍍𑌰𑌿𑌯𑌾 ॥ 2 ॥
𑌕𑌨𑍍𑌦𑌰𑍍𑌪𑌵𑌿𑌦𑍍𑌯𑌾 𑌕𑌨𑍍𑌦𑌰𑍍𑌪𑌜𑌨𑌕𑌾𑌪𑌾𑌙𑍍𑌗𑌵𑍀𑌕𑍍𑌷𑌣𑌾 ।
𑌕𑌰𑍍𑌪𑍂𑌰𑌵𑍀𑌟𑌿𑌸𑍗𑌰𑌭𑍍𑌯𑌕𑌲𑍍𑌲𑍋𑌲𑌿𑌤𑌕𑌕𑍁𑌪𑍍𑌤𑌟𑌾 ॥ 3 ॥
𑌕𑌲𑌿𑌦𑍋𑌷𑌹𑌰𑌾 𑌕𑌞𑍍𑌜𑌲𑍋𑌚𑌨𑌾 𑌕𑌮𑍍𑌰𑌵𑌿𑌗𑍍𑌰𑌹𑌾 ।
𑌕𑌰𑍍𑌮𑌾𑌦𑌿𑌸𑌾𑌕𑍍𑌷𑌿𑌣𑍀 𑌕𑌾𑌰𑌯𑌿𑌤𑍍𑌰𑍀 𑌕𑌰𑍍𑌮𑌫𑌲𑌪𑍍𑌰𑌦𑌾 ॥ 4 ॥
𑌏𑌕𑌾𑌰𑌰𑍂𑌪𑌾 𑌚𑍈𑌕𑌾𑌕𑍍𑌷𑌰𑍍𑌯𑍇𑌕𑌾𑌨𑍇𑌕𑌾𑌕𑍍𑌷𑌰𑌾𑌕𑍃𑌤𑌿𑌃 ।
𑌏𑌤𑌤𑍍𑌤𑌦𑌿𑌤𑍍𑌯𑌨𑌿𑌰𑍍𑌦𑍇𑌶𑍍𑌯𑌾 𑌚𑍈𑌕𑌾𑌨𑌨𑍍𑌦𑌚𑌿𑌦𑌾𑌕𑍃𑌤𑌿𑌃 ॥ 5 ॥
𑌏𑌵𑌮𑌿𑌤𑍍𑌯𑌾𑌗𑌮𑌾𑌬𑍋𑌧𑍍𑌯𑌾 𑌚𑍈𑌕𑌭𑌕𑍍𑌤𑌿𑌮𑌦𑌰𑍍𑌚𑌿𑌤𑌾 ।
𑌏𑌕𑌾𑌗𑍍𑌰𑌚𑌿𑌤𑍍𑌤𑌨𑌿𑌰𑍍𑌧𑍍𑌯𑌾𑌤𑌾 𑌚𑍈𑌷𑌣𑌾𑌰𑌹𑌿𑌤𑌾𑌦𑍃𑌤𑌾 ॥ 6 ॥
𑌏𑌲𑌾𑌸𑍁𑌗𑌨𑍍𑌧𑌿𑌚𑌿𑌕𑍁𑌰𑌾 𑌚𑍈𑌨𑌃𑌕𑍂𑌟𑌵𑌿𑌨𑌾𑌶𑌿𑌨𑍀 ।
𑌏𑌕𑌭𑍋𑌗𑌾 𑌚𑍈𑌕𑌰𑌸𑌾 𑌚𑍈𑌕𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌯𑌿𑌨𑍀 ॥ 7 ॥
𑌏𑌕𑌾𑌤𑌪𑌤𑍍𑌰𑌸𑌾𑌮𑍍𑌰𑌾𑌜𑍍𑌯𑌪𑍍𑌰𑌦𑌾 𑌚𑍈𑌕𑌾𑌨𑍍𑌤𑌪𑍂𑌜𑌿𑌤𑌾 ।
𑌏𑌧𑌮𑌾𑌨𑌪𑍍𑌰𑌭𑌾 𑌚𑍈𑌜𑌦𑌨𑍇𑌕𑌜𑌗𑌦𑍀𑌶𑍍𑌵𑌰𑍀 ॥ 8 ॥
𑌏𑌕𑌵𑍀𑌰𑌾𑌦𑌿𑌸𑌂𑌸𑍇𑌵𑍍𑌯𑌾 𑌚𑍈𑌕𑌪𑍍𑌰𑌾𑌭𑌵𑌶𑌾𑌲𑌿𑌨𑍀 ।
𑌈𑌕𑌾𑌰𑌰𑍂𑌪𑌾 𑌚𑍇𑌶𑌿𑌤𑍍𑌰𑍀 𑌚𑍇𑌪𑍍𑌸𑌿𑌤𑌾𑌰𑍍𑌥𑌪𑍍𑌰𑌦𑌾𑌯𑌿𑌨𑍀 ॥ 9 ॥
𑌈𑌦𑍃𑌗𑌿𑌤𑍍𑌯𑌵𑌿𑌨𑌿𑌰𑍍𑌦𑍇𑌶𑍍𑌯𑌾 𑌚𑍇𑌶𑍍𑌵𑌰𑌤𑍍𑌵𑌵𑌿𑌧𑌾𑌯𑌿𑌨𑍀 ।
𑌈𑌶𑌾𑌨𑌾𑌦𑌿𑌬𑍍𑌰𑌹𑍍𑌮𑌮𑌯𑍀 𑌚𑍇𑌶𑌿𑌤𑍍𑌵𑌾𑌦𑍍𑌯𑌷𑍍𑌟𑌸𑌿𑌦𑍍𑌧𑌿𑌦𑌾 ॥ 10 ॥
𑌈𑌕𑍍𑌷𑌿𑌤𑍍𑌰𑍀𑌕𑍍𑌷𑌣𑌸𑍃𑌷𑍍𑌟𑌾𑌣𑍍𑌡𑌕𑍋𑌟𑌿𑌰𑍀𑌶𑍍𑌵𑌰𑌵𑌲𑍍𑌲𑌭𑌾 ।
𑌈𑌡𑌿𑌤𑌾 𑌚𑍇𑌶𑍍𑌵𑌰𑌾𑌰𑍍𑌧𑌾𑌙𑍍𑌗𑌶𑌰𑍀𑌰𑍇𑌶𑌾𑌧𑌿𑌦𑍇𑌵𑌤𑌾 ॥ 11 ॥
𑌈𑌶𑍍𑌵𑌰𑌪𑍍𑌰𑍇𑌰𑌣𑌕𑌰𑍀 𑌚𑍇𑌶𑌤𑌾𑌣𑍍𑌡𑌵𑌸𑌾𑌕𑍍𑌷𑌿𑌣𑍀 ।
𑌈𑌶𑍍𑌵𑌰𑍋𑌤𑍍𑌸𑌙𑍍𑌗𑌨𑌿𑌲𑌯𑌾 𑌚𑍇𑌤𑌿𑌬𑌾𑌧𑌾𑌵𑌿𑌨𑌾𑌶𑌿𑌨𑍀 ॥ 12 ॥
𑌈𑌹𑌾𑌵𑌿𑌰𑌹𑌿𑌤𑌾 𑌚𑍇𑌶𑌶𑌕𑍍𑌤𑌿𑌰𑍀𑌷𑌤𑍍𑌸𑍍𑌮𑌿𑌤𑌾𑌨𑌨𑌾 ।
𑌲𑌕𑌾𑌰𑌰𑍂𑌪𑌾 𑌲𑌲𑌿𑌤𑌾 𑌲𑌕𑍍𑌷𑍍𑌮𑍀𑌵𑌾𑌣𑍀𑌨𑌿𑌷𑍇𑌵𑌿𑌤𑌾 ॥ 13 ॥
𑌲𑌾𑌕𑌿𑌨𑍀 𑌲𑌲𑌨𑌾𑌰𑍂𑌪𑌾 𑌲𑌸𑌦𑍍𑌦𑌾𑌡𑌿𑌮𑌪𑌾𑌟𑌲𑌾 ।
𑌲𑌲𑌨𑍍𑌤𑌿𑌕𑌾𑌲𑌸𑌤𑍍𑌫𑌾𑌲𑌾 𑌲𑌲𑌾𑌟𑌨𑌯𑌨𑌾𑌰𑍍𑌚𑌿𑌤𑌾 ॥ 14 ॥
𑌲𑌕𑍍𑌷𑌣𑍋𑌜𑍍𑌜𑍍𑌵𑌲𑌦𑌿𑌵𑍍𑌯𑌾𑌙𑍍𑌗𑍀 𑌲𑌕𑍍𑌷𑌕𑍋𑌟𑍍𑌯𑌣𑍍𑌡𑌨𑌾𑌯𑌿𑌕𑌾 ।
𑌲𑌕𑍍𑌷𑍍𑌯𑌾𑌰𑍍𑌥𑌾 𑌲𑌕𑍍𑌷𑌣𑌾𑌗𑌮𑍍𑌯𑌾 𑌲𑌬𑍍𑌧𑌕𑌾𑌮𑌾 𑌲𑌤𑌾𑌤𑌨𑍁𑌃 ॥ 15 ॥
𑌲𑌲𑌾𑌮𑌰𑌾𑌜𑌦𑌲𑌿𑌕𑌾 𑌲𑌮𑍍𑌬𑌿𑌮𑍁𑌕𑍍𑌤𑌾𑌲𑌤𑌾𑌞𑍍𑌚𑌿𑌤𑌾 ।
𑌲𑌮𑍍𑌬𑍋𑌦𑌰𑌪𑍍𑌰𑌸𑍂𑌰𑍍𑌲𑌭𑍍𑌯𑌾 𑌲𑌜𑍍𑌜𑌾𑌢𑍍𑌯𑌾 𑌲𑌯𑌵𑌰𑍍𑌜𑌿𑌤𑌾 ॥ 16 ॥
𑌹𑍍𑌰𑍀𑌂‍𑌕𑌾𑌰𑌰𑍂𑌪𑌾 𑌹𑍍𑌰𑍀𑌂‍𑌕𑌾𑌰𑌨𑌿𑌲𑌯𑌾 𑌹𑍍𑌰𑍀𑌂‍𑌪𑌦𑌪𑍍𑌰𑌿𑌯𑌾 ।
𑌹𑍍𑌰𑍀𑌂‍𑌕𑌾𑌰𑌬𑍀𑌜𑌾 𑌹𑍍𑌰𑍀𑌂‍𑌕𑌾𑌰𑌮𑌨𑍍𑌤𑍍𑌰𑌾 𑌹𑍍𑌰𑍀𑌂‍𑌕𑌾𑌰𑌲𑌕𑍍𑌷𑌣𑌾 ॥ 17 ॥
𑌹𑍍𑌰𑍀𑌂‍𑌕𑌾𑌰𑌜𑌪𑌸𑍁𑌪𑍍𑌰𑍀𑌤𑌾 𑌹𑍍𑌰𑍀𑌂‍𑌮𑌤𑍀 𑌹𑍍𑌰𑍀𑌂‍𑌵𑌿𑌭𑍂𑌷𑌣𑌾 ।
𑌹𑍍𑌰𑍀𑌂‍𑌶𑍀𑌲𑌾 𑌹𑍍𑌰𑍀𑌂‍𑌪𑌦𑌾𑌰𑌾𑌧𑍍𑌯𑌾 𑌹𑍍𑌰𑍀𑌂‍𑌗𑌰𑍍𑌭𑌾 𑌹𑍍𑌰𑍀𑌂‍𑌪𑌦𑌾𑌭𑌿𑌧𑌾 ॥ 18 ॥
𑌹𑍍𑌰𑍀𑌂‍𑌕𑌾𑌰𑌵𑌾𑌚𑍍𑌯𑌾 𑌹𑍍𑌰𑍀𑌂‍𑌕𑌾𑌰𑌪𑍂𑌜𑍍𑌯𑌾 𑌹𑍍𑌰𑍀𑌂‍𑌕𑌾𑌰𑌪𑍀𑌠𑌿𑌕𑌾 ।
𑌹𑍍𑌰𑍀𑌂‍𑌕𑌾𑌰𑌵𑍇𑌦𑍍𑌯𑌾 𑌹𑍍𑌰𑍀𑌂‍𑌕𑌾𑌰𑌚𑌿𑌨𑍍𑌤𑍍𑌯𑌾 𑌹𑍍𑌰𑍀𑌂 𑌹𑍍𑌰𑍀𑌂‍𑌶𑌰𑍀𑌰𑌿𑌣𑍀 ॥ 19 ॥
𑌹𑌕𑌾𑌰𑌰𑍂𑌪𑌾 𑌹𑌲𑌧𑍃𑌕𑍍𑌪𑍂𑌜𑌿𑌤𑌾 𑌹𑌰𑌿𑌣𑍇𑌕𑍍𑌷𑌣𑌾 ।
𑌹𑌰𑌪𑍍𑌰𑌿𑌯𑌾 𑌹𑌰𑌾𑌰𑌾𑌧𑍍𑌯𑌾 𑌹𑌰𑌿𑌬𑍍𑌰𑌹𑍍𑌮𑍇𑌨𑍍𑌦𑍍𑌰𑌵𑌨𑍍𑌦𑌿𑌤𑌾 ॥ 20 ॥
𑌹𑌯𑌾𑌰𑍂𑌢𑌾𑌸𑍇𑌵𑌿𑌤𑌾𑌙𑍍𑌘𑍍𑌰𑌿𑌰𑍍𑌹𑌯𑌮𑍇𑌧𑌸𑌮𑌰𑍍𑌚𑌿𑌤𑌾 ।
𑌹𑌰𑍍𑌯𑌕𑍍𑌷𑌵𑌾𑌹𑌨𑌾 𑌹𑌂𑌸𑌵𑌾𑌹𑌨𑌾 𑌹𑌤𑌦𑌾𑌨𑌵𑌾 ॥ 21 ॥
𑌹𑌤𑍍𑌯𑌾𑌦𑌿𑌪𑌾𑌪𑌶𑌮𑌨𑍀 𑌹𑌰𑌿𑌦𑌶𑍍𑌵𑌾𑌦𑌿𑌸𑍇𑌵𑌿𑌤𑌾 ।
𑌹𑌸𑍍𑌤𑌿𑌕𑍁𑌮𑍍𑌭𑍋𑌤𑍍𑌤𑍁𑌙𑍍𑌗𑌕𑍁𑌚𑌾 𑌹𑌸𑍍𑌤𑌿𑌕𑍃𑌤𑍍𑌤𑌿𑌪𑍍𑌰𑌿𑌯𑌾𑌙𑍍𑌗𑌨𑌾 ॥ 22 ॥
𑌹𑌰𑌿𑌦𑍍𑌰𑌾𑌕𑍁𑌙𑍍𑌕𑍁𑌮𑌾𑌦𑌿𑌗𑍍𑌧𑌾 𑌹𑌰𑍍𑌯𑌶𑍍𑌵𑌾𑌦𑍍𑌯𑌮𑌰𑌾𑌰𑍍𑌚𑌿𑌤𑌾 ।
𑌹𑌰𑌿𑌕𑍇𑌶𑌸𑌖𑍀 𑌹𑌾𑌦𑌿𑌵𑌿𑌦𑍍𑌯𑌾 𑌹𑌾𑌲𑌾𑌮𑌦𑌾𑌲𑌸𑌾 ॥ 23 ॥
𑌸𑌕𑌾𑌰𑌰𑍂𑌪𑌾 𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑍇𑌶𑍀 𑌸𑌰𑍍𑌵𑌮𑌙𑍍𑌗𑌲𑌾 ।
𑌸𑌰𑍍𑌵𑌕𑌰𑍍𑌤𑍍𑌰𑍀 𑌸𑌰𑍍𑌵𑌭𑌰𑍍𑌤𑍍𑌰𑍀 𑌸𑌰𑍍𑌵𑌹𑌨𑍍𑌤𑍍𑌰𑍀 𑌸𑌨𑌾𑌤𑌨𑌾 ॥ 24 ॥
𑌸𑌰𑍍𑌵𑌾𑌨𑌵𑌦𑍍𑌯𑌾 𑌸𑌰𑍍𑌵𑌾𑌙𑍍𑌗𑌸𑍁𑌨𑍍𑌦𑌰𑍀 𑌸𑌰𑍍𑌵𑌸𑌾𑌕𑍍𑌷𑌿𑌣𑍀 ।
𑌸𑌰𑍍𑌵𑌾𑌤𑍍𑌮𑌿𑌕𑌾 𑌸𑌰𑍍𑌵𑌸𑍗𑌖𑍍𑌯𑌦𑌾𑌤𑍍𑌰𑍀 𑌸𑌰𑍍𑌵𑌵𑌿𑌮𑍋𑌹𑌿𑌨𑍀 ॥ 25 ॥
𑌸𑌰𑍍𑌵𑌾𑌧𑌾𑌰𑌾 𑌸𑌰𑍍𑌵𑌗𑌤𑌾 𑌸𑌰𑍍𑌵𑌾𑌵𑌗𑍁𑌣𑌵𑌰𑍍𑌜𑌿𑌤𑌾 ।
𑌸𑌰𑍍𑌵𑌾𑌰𑍁𑌣𑌾 𑌸𑌰𑍍𑌵𑌮𑌾𑌤𑌾 𑌸𑌰𑍍𑌵𑌭𑍂𑌷𑌣𑌭𑍂𑌷𑌿𑌤𑌾 ॥ 26 ॥
𑌕𑌕𑌾𑌰𑌾𑌰𑍍𑌥𑌾 𑌕𑌾𑌲𑌹𑌨𑍍𑌤𑍍𑌰𑍀 𑌕𑌾𑌮𑍇𑌶𑍀 𑌕𑌾𑌮𑌿𑌤𑌾𑌰𑍍𑌥𑌦𑌾 ।
𑌕𑌾𑌮𑌸𑌞𑍍𑌜𑍀𑌵𑌨𑍀 𑌕𑌲𑍍𑌯𑌾 𑌕𑌠𑌿𑌨𑌸𑍍𑌤𑌨𑌮𑌣𑍍𑌡𑌲𑌾 ॥ 27 ॥
𑌕𑌰𑌭𑍋𑌰𑍂𑌃 𑌕𑌲𑌾𑌨𑌾𑌥𑌮𑍁𑌖𑍀 𑌕𑌚𑌜𑌿𑌤𑌾𑌮𑍍𑌬𑍁𑌦𑌾 ।
𑌕𑌟𑌾𑌕𑍍𑌷𑌸𑍍𑌯𑌨𑍍𑌦𑌿𑌕𑌰𑍁𑌣𑌾 𑌕𑌪𑌾𑌲𑌿𑌪𑍍𑌰𑌾𑌣𑌨𑌾𑌯𑌿𑌕𑌾 ॥ 28 ॥
𑌕𑌾𑌰𑍁𑌣𑍍𑌯𑌵𑌿𑌗𑍍𑌰𑌹𑌾 𑌕𑌾𑌨𑍍𑌤𑌾 𑌕𑌾𑌨𑍍𑌤𑌿𑌧𑍂𑌤𑌜𑌪𑌾𑌵𑌲𑌿𑌃 ।
𑌕𑌲𑌾𑌲𑌾𑌪𑌾 𑌕𑌮𑍍𑌬𑍁𑌕𑌣𑍍𑌠𑍀 𑌕𑌰𑌨𑌿𑌰𑍍𑌜𑌿𑌤𑌪𑌲𑍍𑌲𑌵𑌾 ॥ 29 ॥
𑌕𑌲𑍍𑌪𑌵𑌲𑍍𑌲𑍀𑌸𑌮𑌭𑍁𑌜𑌾 𑌕𑌸𑍍𑌤𑍂𑌰𑍀𑌤𑌿𑌲𑌕𑌾𑌞𑍍𑌚𑌿𑌤𑌾 ।
𑌹𑌕𑌾𑌰𑌾𑌰𑍍𑌥𑌾 𑌹𑌂𑌸𑌗𑌤𑌿𑌰𑍍𑌹𑌾𑌟𑌕𑌾𑌭𑌰𑌣𑍋𑌜𑍍𑌜𑍍𑌵𑌲𑌾 ॥ 30 ॥
𑌹𑌾𑌰𑌹𑌾𑌰𑌿𑌕𑍁𑌚𑌾𑌭𑍋𑌗𑌾 𑌹𑌾𑌕𑌿𑌨𑍀 𑌹𑌲𑍍𑌯𑌵𑌰𑍍𑌜𑌿𑌤𑌾 ।
𑌹𑌰𑌿𑌤𑍍𑌪𑌤𑌿𑌸𑌮𑌾𑌰𑌾𑌧𑍍𑌯𑌾 𑌹𑌠𑌾𑌤𑍍𑌕𑌾𑌰𑌹𑌤𑌾𑌸𑍁𑌰𑌾 ॥ 31 ॥
𑌹𑌰𑍍𑌷𑌪𑍍𑌰𑌦𑌾 𑌹𑌵𑌿𑌰𑍍𑌭𑍋𑌕𑍍𑌤𑍍𑌰𑍀 𑌹𑌾𑌰𑍍𑌦𑌸𑌨𑍍𑌤𑌮𑌸𑌾𑌪𑌹𑌾 ।
𑌹𑌲𑍍𑌲𑍀𑌸𑌲𑌾𑌸𑍍𑌯𑌸𑌨𑍍𑌤𑍁𑌷𑍍𑌟𑌾 𑌹𑌂𑌸𑌮𑌨𑍍𑌤𑍍𑌰𑌾𑌰𑍍𑌥𑌰𑍂𑌪𑌿𑌣𑍀 ॥ 32 ॥
𑌹𑌾𑌨𑍋𑌪𑌾𑌦𑌾𑌨𑌨𑌿𑌰𑍍𑌮𑍁𑌕𑍍𑌤𑌾 𑌹𑌰𑍍𑌷𑌿𑌣𑍀 𑌹𑌰𑌿𑌸𑍋𑌦𑌰𑍀 ।
𑌹𑌾𑌹𑌾𑌹𑍂𑌹𑍂𑌮𑍁𑌖𑌸𑍍𑌤𑍁𑌤𑍍𑌯𑌾 𑌹𑌾𑌨𑌿𑌵𑍃𑌦𑍍𑌧𑌿𑌵𑌿𑌵𑌰𑍍𑌜𑌿𑌤𑌾 ॥ 33 ॥
𑌹𑌯𑍍𑌯𑌙𑍍𑌗𑌵𑍀𑌨𑌹𑍃𑌦𑌯𑌾 𑌹𑌰𑌿𑌗𑍋𑌪𑌾𑌰𑍁𑌣𑌾𑌂𑌶𑍁𑌕𑌾 ।
𑌲𑌕𑌾𑌰𑌾𑌖𑍍𑌯𑌾 𑌲𑌤𑌾𑌪𑍂𑌜𑍍𑌯𑌾 𑌲𑌯𑌸𑍍𑌥𑌿𑌤𑍍𑌯𑍁𑌦𑍍𑌭𑌵𑍇𑌶𑍍𑌵𑌰𑍀 ॥ 34 ॥
𑌲𑌾𑌸𑍍𑌯𑌦𑌰𑍍𑌶𑌨𑌸𑌨𑍍𑌤𑍁𑌷𑍍𑌟𑌾 𑌲𑌾𑌭𑌾𑌲𑌾𑌭𑌵𑌿𑌵𑌰𑍍𑌜𑌿𑌤𑌾 ।
𑌲𑌙𑍍𑌘𑍍𑌯𑍇𑌤𑌰𑌾𑌜𑍍𑌞𑌾 𑌲𑌾𑌵𑌣𑍍𑌯𑌶𑌾𑌲𑌿𑌨𑍀 𑌲𑌘𑍁𑌸𑌿𑌦𑍍𑌧𑌿𑌦𑌾 ॥ 35 ॥
𑌲𑌾𑌕𑍍𑌷𑌾𑌰𑌸𑌸𑌵𑌰𑍍𑌣𑌾𑌭𑌾 𑌲𑌕𑍍𑌷𑍍𑌮𑌣𑌾𑌗𑍍𑌰𑌜𑌪𑍂𑌜𑌿𑌤𑌾 ।
𑌲𑌭𑍍𑌯𑍇𑌤𑌰𑌾 𑌲𑌬𑍍𑌧𑌭𑌕𑍍𑌤𑌿𑌸𑍁𑌲𑌭𑌾 𑌲𑌾𑌙𑍍𑌗𑌲𑌾𑌯𑍁𑌧𑌾 ॥ 36 ॥
𑌲𑌗𑍍𑌨𑌚𑌾𑌮𑌰𑌹𑌸𑍍𑌤𑌶𑍍𑌰𑍀𑌶𑌾𑌰𑌦𑌾𑌪𑌰𑌿𑌵𑍀𑌜𑌿𑌤𑌾 ।
𑌲𑌜𑍍𑌜𑌾𑌪𑌦𑌸𑌮𑌾𑌰𑌾𑌧𑍍𑌯𑌾 𑌲𑌮𑍍𑌪𑌟𑌾 𑌲𑌕𑍁𑌲𑍇𑌶𑍍𑌵𑌰𑍀 ॥ 37 ॥
𑌲𑌬𑍍𑌧𑌮𑌾𑌨𑌾 𑌲𑌬𑍍𑌧𑌰𑌸𑌾 𑌲𑌬𑍍𑌧𑌸𑌮𑍍𑌪𑌤𑍍𑌸𑌮𑍁𑌨𑍍𑌨𑌤𑌿𑌃 ।
𑌹𑍍𑌰𑍀𑌂‍𑌕𑌾𑌰𑌿𑌣𑍀 𑌹𑍍𑌰𑍀𑌂‍𑌕𑌾𑌰𑌾𑌦𑍍𑌯𑌾 𑌹𑍍𑌰𑍀𑌂‍𑌮𑌧𑍍𑌯𑌾 𑌹𑍍𑌰𑍀𑌂‍𑌶𑌿𑌖𑌾𑌮𑌣𑌿𑌃 ॥ 38 ॥
𑌹𑍍𑌰𑍀𑌂‍𑌕𑌾𑌰𑌕𑍁𑌣𑍍𑌡𑌾𑌗𑍍𑌨𑌿𑌶𑌿𑌖𑌾 𑌹𑍍𑌰𑍀𑌂‍𑌕𑌾𑌰𑌶𑌶𑌿𑌚𑌨𑍍𑌦𑍍𑌰𑌿𑌕𑌾 ।
𑌹𑍍𑌰𑍀𑌂‍𑌕𑌾𑌰𑌭𑌾𑌸𑍍𑌕𑌰𑌰𑍁𑌚𑌿𑌰𑍍𑌹𑍍𑌰𑍀𑌂‍𑌕𑌾𑌰𑌾𑌮𑍍𑌭𑍋𑌦𑌚𑌞𑍍𑌚𑌲𑌾 ॥ 39 ॥
𑌹𑍍𑌰𑍀𑌂‍𑌕𑌾𑌰𑌕𑌨𑍍𑌦𑌾𑌙𑍍𑌕𑍁𑌰𑌿𑌕𑌾 𑌹𑍍𑌰𑍀𑌂‍𑌕𑌾𑌰𑍈𑌕𑌪𑌰𑌾𑌯𑌣𑌾 ।
𑌹𑍍𑌰𑍀𑌂‍𑌕𑌾𑌰𑌦𑍀𑌰𑍍𑌘𑌿𑌕𑌾𑌹𑌂𑌸𑍀 𑌹𑍍𑌰𑍀𑌂‍𑌕𑌾𑌰𑍋𑌦𑍍𑌯𑌾𑌨𑌕𑍇𑌕𑌿𑌨𑍀 ॥ 40 ॥
𑌹𑍍𑌰𑍀𑌂‍𑌕𑌾𑌰𑌾𑌰𑌣𑍍𑌯𑌹𑌰𑌿𑌣𑍀 𑌹𑍍𑌰𑍀𑌂‍𑌕𑌾𑌰𑌾𑌵𑌾𑌲𑌵𑌲𑍍𑌲𑌰𑍀 ।
𑌹𑍍𑌰𑍀𑌂‍𑌕𑌾𑌰𑌪𑌞𑍍𑌜𑌰𑌶𑍁𑌕𑍀 𑌹𑍍𑌰𑍀𑌂‍𑌕𑌾𑌰𑌾𑌙𑍍𑌗𑌣𑌦𑍀𑌪𑌿𑌕𑌾 ॥ 41 ॥
𑌹𑍍𑌰𑍀𑌂‍𑌕𑌾𑌰𑌕𑌨𑍍𑌦𑌰𑌾𑌸𑌿𑌂𑌹𑍀 𑌹𑍍𑌰𑍀𑌂‍𑌕𑌾𑌰𑌾𑌮𑍍𑌭𑍋𑌜𑌭𑍃𑌙𑍍𑌗𑌿𑌕𑌾 ।
𑌹𑍍𑌰𑍀𑌂‍𑌕𑌾𑌰𑌸𑍁𑌮𑌨𑍋𑌮𑌾𑌧𑍍𑌵𑍀 𑌹𑍍𑌰𑍀𑌂‍𑌕𑌾𑌰𑌤𑌰𑍁𑌮𑌞𑍍𑌜𑌰𑍀 ॥ 42 ॥
𑌸𑌕𑌾𑌰𑌾𑌖𑍍𑌯𑌾 𑌸𑌮𑌰𑌸𑌾 𑌸𑌕𑌲𑌾𑌗𑌮𑌸𑌂𑌸𑍍𑌤𑍁𑌤𑌾 ।
𑌸𑌰𑍍𑌵𑌵𑍇𑌦𑌾𑌨𑍍𑌤𑌤𑌾𑌤𑍍𑌪𑌰𑍍𑌯𑌭𑍂𑌮𑌿𑌃 𑌸𑌦𑌸𑌦𑌾𑌶𑍍𑌰𑌯𑌾 ॥ 43 ॥
𑌸𑌕𑌲𑌾 𑌸𑌚𑍍𑌚𑌿𑌦𑌾𑌨𑌨𑍍𑌦𑌾 𑌸𑌾𑌧𑍍𑌯𑌾 𑌸𑌦𑍍𑌗𑌤𑌿𑌦𑌾𑌯𑌿𑌨𑍀 ।
𑌸𑌨𑌕𑌾𑌦𑌿𑌮𑍁𑌨𑌿𑌧𑍍𑌯𑍇𑌯𑌾 𑌸𑌦𑌾𑌶𑌿𑌵𑌕𑍁𑌟𑍁𑌮𑍍𑌬𑌿𑌨𑍀 ॥ 44 ॥
𑌸𑌕𑌾𑌲𑌾𑌧𑌿𑌷𑍍𑌠𑌾𑌨𑌰𑍂𑌪𑌾 𑌸𑌤𑍍𑌯𑌰𑍂𑌪𑌾 𑌸𑌮𑌾𑌕𑍃𑌤𑌿𑌃 ।
𑌸𑌰𑍍𑌵𑌪𑍍𑌰𑌪𑌞𑍍𑌚𑌨𑌿𑌰𑍍𑌮𑌾𑌤𑍍𑌰𑍀 𑌸𑌮𑌨𑌾𑌧𑌿𑌕𑌵𑌰𑍍𑌜𑌿𑌤𑌾 ॥ 45 ॥
𑌸𑌰𑍍𑌵𑍋𑌤𑍍𑌤𑍁𑌙𑍍𑌗𑌾 𑌸𑌙𑍍𑌗𑌹𑍀𑌨𑌾 𑌸𑌗𑍁𑌣𑌾 𑌸𑌕𑌲𑍇𑌷𑍍𑌟𑌦𑌾 ।
𑌕𑌕𑌾𑌰𑌿𑌣𑍀 𑌕𑌾𑌵𑍍𑌯𑌲𑍋𑌲𑌾 𑌕𑌾𑌮𑍇𑌶𑍍𑌵𑌰𑌮𑌨𑍋𑌹𑌰𑌾 ॥ 46 ॥
𑌕𑌾𑌮𑍇𑌶𑍍𑌵𑌰𑌪𑍍𑌰𑌾𑌣𑌨𑌾𑌡𑍀 𑌕𑌾𑌮𑍇𑌶𑍋𑌤𑍍𑌸𑌙𑍍𑌗𑌵𑌾𑌸𑌿𑌨𑍀 ।
𑌕𑌾𑌮𑍇𑌶𑍍𑌵𑌰𑌾𑌲𑌿𑌙𑍍𑌗𑌿𑌤𑌾𑌙𑍍𑌗𑍀 𑌕𑌾𑌮𑍇𑌶𑍍𑌵𑌰𑌸𑍁𑌖𑌪𑍍𑌰𑌦𑌾 ॥ 47 ॥
𑌕𑌾𑌮𑍇𑌶𑍍𑌵𑌰𑌪𑍍𑌰𑌣𑌯𑌿𑌨𑍀 𑌕𑌾𑌮𑍇𑌶𑍍𑌵𑌰𑌵𑌿𑌲𑌾𑌸𑌿𑌨𑍀 ।
𑌕𑌾𑌮𑍇𑌶𑍍𑌵𑌰𑌤𑌪𑌃𑌸𑌿𑌦𑍍𑌧𑌿𑌃 𑌕𑌾𑌮𑍇𑌶𑍍𑌵𑌰𑌮𑌨𑌃𑌪𑍍𑌰𑌿𑌯𑌾 ॥ 48 ॥
𑌕𑌾𑌮𑍇𑌶𑍍𑌵𑌰𑌪𑍍𑌰𑌾𑌣𑌨𑌾𑌥𑌾 𑌕𑌾𑌮𑍇𑌶𑍍𑌵𑌰𑌵𑌿𑌮𑍋𑌹𑌿𑌨𑍀 ।
𑌕𑌾𑌮𑍇𑌶𑍍𑌵𑌰𑌬𑍍𑌰𑌹𑍍𑌮𑌵𑌿𑌦𑍍𑌯𑌾 𑌕𑌾𑌮𑍇𑌶𑍍𑌵𑌰𑌗𑍃𑌹𑍇𑌶𑍍𑌵𑌰𑍀 ॥ 49 ॥
𑌕𑌾𑌮𑍇𑌶𑍍𑌵𑌰𑌾𑌹𑍍𑌲𑌾𑌦𑌕𑌰𑍀 𑌕𑌾𑌮𑍇𑌶𑍍𑌵𑌰𑌮𑌹𑍇𑌶𑍍𑌵𑌰𑍀 ।
𑌕𑌾𑌮𑍇𑌶𑍍𑌵𑌰𑍀 𑌕𑌾𑌮𑌕𑍋𑌟𑌿𑌨𑌿𑌲𑌯𑌾 𑌕𑌾𑌙𑍍𑌕𑍍𑌷𑌿𑌤𑌾𑌰𑍍𑌥𑌦𑌾 ॥ 50 ॥
𑌲𑌕𑌾𑌰𑌿𑌣𑍀 𑌲𑌬𑍍𑌧𑌰𑍂𑌪𑌾 𑌲𑌬𑍍𑌧𑌧𑍀𑌰𑍍𑌲𑌬𑍍𑌧𑌵𑌾𑌞𑍍𑌛𑌿𑌤𑌾 ।
𑌲𑌬𑍍𑌧𑌪𑌾𑌪𑌮𑌨𑍋𑌦𑍂𑌰𑌾 𑌲𑌬𑍍𑌧𑌾𑌹𑌙𑍍𑌕𑌾𑌰𑌦𑍁𑌰𑍍𑌗𑌮𑌾 ॥ 51 ॥
𑌲𑌬𑍍𑌧𑌶𑌕𑍍𑌤𑌿𑌰𑍍𑌲𑌬𑍍𑌧𑌦𑍇𑌹𑌾 𑌲𑌬𑍍𑌧𑍈𑌶𑍍𑌵𑌰𑍍𑌯𑌸𑌮𑍁𑌨𑍍𑌨𑌤𑌿𑌃 ।
𑌲𑌬𑍍𑌧𑌵𑍃𑌦𑍍𑌧𑌿𑌰𑍍𑌲𑌬𑍍𑌧𑌲𑍀𑌲𑌾 𑌲𑌬𑍍𑌧𑌯𑍗𑌵𑌨𑌶𑌾𑌲𑌿𑌨𑍀 ॥ 52 ॥
𑌲𑌬𑍍𑌧𑌾𑌤𑌿𑌶𑌯𑌸𑌰𑍍𑌵𑌾𑌙𑍍𑌗𑌸𑍗𑌨𑍍𑌦𑌰𑍍𑌯𑌾 𑌲𑌬𑍍𑌧𑌵𑌿𑌭𑍍𑌰𑌮𑌾 ।
𑌲𑌬𑍍𑌧𑌰𑌾𑌗𑌾 𑌲𑌬𑍍𑌧𑌪𑌤𑌿𑌰𑍍𑌲𑌬𑍍𑌧𑌨𑌾𑌨𑌾𑌗𑌮𑌸𑍍𑌥𑌿𑌤𑌿𑌃 ॥ 53 ॥
𑌲𑌬𑍍𑌧𑌭𑍋𑌗𑌾 𑌲𑌬𑍍𑌧𑌸𑍁𑌖𑌾 𑌲𑌬𑍍𑌧𑌹𑌰𑍍𑌷𑌾𑌭𑌿𑌪𑍂𑌰𑌿𑌤𑌾 ।
𑌹𑍍𑌰𑍀𑌂‍𑌕𑌾𑌰𑌮𑍂𑌰𑍍𑌤𑌿𑌰𑍍𑌹𑍍𑌰𑍀𑌂‍𑌕𑌾𑌰𑌸𑍗𑌧𑌶𑍃𑌙𑍍𑌗𑌕𑌪𑍋𑌤𑌿𑌕𑌾 ॥ 54 ॥
𑌹𑍍𑌰𑍀𑌂‍𑌕𑌾𑌰𑌦𑍁𑌗𑍍𑌧𑌾𑌬𑍍𑌧𑌿𑌸𑍁𑌧𑌾 𑌹𑍍𑌰𑍀𑌂‍𑌕𑌾𑌰𑌕𑌮𑌲𑍇𑌨𑍍𑌦𑌿𑌰𑌾 ।
𑌹𑍍𑌰𑍀𑌂‍𑌕𑌾𑌰𑌮𑌣𑌿𑌦𑍀𑌪𑌾𑌰𑍍𑌚𑌿𑌰𑍍𑌹𑍍𑌰𑍀𑌂‍𑌕𑌾𑌰𑌤𑌰𑍁𑌶𑌾𑌰𑌿𑌕𑌾 ॥ 55 ॥
𑌹𑍍𑌰𑍀𑌂‍𑌕𑌾𑌰𑌪𑍇𑌟𑌕𑌮𑌣𑌿𑌰𑍍𑌹𑍍𑌰𑍀𑌂‍𑌕𑌾𑌰𑌾𑌦𑌰𑍍𑌶𑌬𑌿𑌮𑍍𑌬𑌿𑌤𑌾 ।
𑌹𑍍𑌰𑍀𑌂‍𑌕𑌾𑌰𑌕𑍋𑌶𑌾𑌸𑌿𑌲𑌤𑌾 𑌹𑍍𑌰𑍀𑌂‍𑌕𑌾𑌰𑌾𑌸𑍍𑌥𑌾𑌨𑌨𑌰𑍍𑌤𑌕𑍀 ॥ 56 ॥
𑌹𑍍𑌰𑍀𑌂‍𑌕𑌾𑌰𑌶𑍁𑌕𑍍𑌤𑌿𑌕𑌾𑌮𑍁𑌕𑍍𑌤𑌾𑌮𑌣𑌿𑌰𑍍𑌹𑍍𑌰𑍀𑌂‍𑌕𑌾𑌰𑌬𑍋𑌧𑌿𑌤𑌾 ।
𑌹𑍍𑌰𑍀𑌂‍𑌕𑌾𑌰𑌮𑌯𑌸𑍗𑌵𑌰𑍍𑌣𑌸𑍍𑌤𑌮𑍍𑌭𑌵𑌿𑌦𑍍𑌰𑍁𑌮𑌪𑍁𑌤𑍍𑌰𑌿𑌕𑌾 ॥ 57 ॥
𑌹𑍍𑌰𑍀𑌂‍𑌕𑌾𑌰𑌵𑍇𑌦𑍋𑌪𑌨𑌿𑌷𑌦𑍍 𑌹𑍍𑌰𑍀𑌂‍𑌕𑌾𑌰𑌾𑌧𑍍𑌵𑌰𑌦𑌕𑍍𑌷𑌿𑌣𑌾 ।
𑌹𑍍𑌰𑍀𑌂‍𑌕𑌾𑌰𑌨𑌨𑍍𑌦𑌨𑌾𑌰𑌾𑌮𑌨𑌵𑌕𑌲𑍍𑌪𑌕𑌵𑌲𑍍𑌲𑌰𑍀 ॥ 58 ॥
𑌹𑍍𑌰𑍀𑌂‍𑌕𑌾𑌰𑌹𑌿𑌮𑌵𑌦𑍍𑌗𑌙𑍍𑌗𑌾 𑌹𑍍𑌰𑍀𑌂‍𑌕𑌾𑌰𑌾𑌰𑍍𑌣𑌵𑌕𑍗𑌸𑍍𑌤𑍁𑌭𑌾 ।
𑌹𑍍𑌰𑍀𑌂‍𑌕𑌾𑌰𑌮𑌨𑍍𑌤𑍍𑌰𑌸𑌰𑍍𑌵𑌸𑍍𑌵𑌾 𑌹𑍍𑌰𑍀𑌂‍𑌕𑌾𑌰𑌪𑌰𑌸𑍗𑌖𑍍𑌯𑌦𑌾 ॥ 59 ॥
𑌉𑌤𑍍𑌤𑌰𑌪𑍀𑌠𑌿𑌕𑌾 (𑌫𑌲𑌶𑍃𑌤𑌿𑌃)
𑌹𑌯𑌗𑍍𑌰𑍀𑌵 𑌉𑌵𑌾𑌚 ।
𑌇𑌤𑍍𑌯𑍇𑌵𑌂 𑌤𑍇 𑌮𑌯𑌾𑌖𑍍𑌯𑌾𑌤𑌂 𑌦𑍇𑌵𑍍𑌯𑌾 𑌨𑌾𑌮𑌶𑌤𑌤𑍍𑌰𑌯𑌮𑍍 ।
𑌰𑌹𑌸𑍍𑌯𑌾𑌤𑌿𑌰𑌹𑌸𑍍𑌯𑌤𑍍𑌵𑌾𑌦𑍍𑌗𑍋𑌪𑌨𑍀𑌯𑌂 𑌤𑍍𑌵𑌯𑌾 𑌮𑍁𑌨𑍇 ॥ 1 ॥
𑌶𑌿𑌵𑌵𑌰𑍍𑌣𑌾𑌨𑌿 𑌨𑌾𑌮𑌾𑌨𑌿 𑌶𑍍𑌰𑍀𑌦𑍇𑌵𑍍𑌯𑌾 𑌕𑌥𑌿𑌤𑌾𑌨𑌿 𑌹𑌿 ।
𑌶𑌕𑍍𑌤𑍍𑌯𑌕𑍍𑌷𑌰𑌾𑌣𑌿 𑌨𑌾𑌮𑌾𑌨𑌿 𑌕𑌾𑌮𑍇𑌶𑌕𑌥𑌿𑌤𑌾𑌨𑌿 𑌚 ॥ 2 ॥
𑌉𑌭𑌯𑌾𑌕𑍍𑌷𑌰𑌨𑌾𑌮𑌾𑌨𑌿 𑌹𑍍𑌯𑍁𑌭𑌾𑌭𑍍𑌯𑌾𑌂 𑌕𑌥𑌿𑌤𑌾𑌨𑌿 𑌵𑍈 ।
𑌤𑌦𑌨𑍍𑌯𑍈𑌰𑍍𑌗𑍍𑌰𑌥𑌿𑌤𑌂 𑌸𑍍𑌤𑍋𑌤𑍍𑌰𑌮𑍇𑌤𑌸𑍍𑌯 𑌸𑌦𑍃𑌶𑌂 𑌕𑌿𑌮𑍁 ॥ 3 ॥
𑌨𑌾𑌨𑍇𑌨 𑌸𑌦𑍃𑌶𑌂 𑌸𑍍𑌤𑍋𑌤𑍍𑌰𑌂 𑌶𑍍𑌰𑍀𑌦𑍇𑌵𑍀𑌪𑍍𑌰𑍀𑌤𑌿𑌦𑌾𑌯𑌕𑌮𑍍 ।
𑌲𑍋𑌕𑌤𑍍𑌰𑌯𑍇𑌽𑌪𑌿 𑌕𑌲𑍍𑌯𑌾𑌣𑌂 𑌸𑌮𑍍𑌭𑌵𑍇𑌨𑍍𑌨𑌾𑌤𑍍𑌰 𑌸𑌂𑌶𑌯𑌃 ॥ 4 ॥
𑌸𑍂𑌤 𑌉𑌵𑌾𑌚 ।
𑌇𑌤𑌿 𑌹𑌯𑌮𑍁𑌖𑌗𑍀𑌤𑌂 𑌸𑍍𑌤𑍋𑌤𑍍𑌰𑌰𑌾𑌜𑌂 𑌨𑌿𑌶𑌮𑍍𑌯
𑌪𑍍𑌰𑌗𑌲𑌿𑌤𑌕𑌲𑍁𑌷𑍋𑌽𑌭𑍂𑌚𑍍𑌚𑌿𑌤𑍍𑌤𑌪𑌰𑍍𑌯𑌾𑌪𑍍𑌤𑌿𑌮𑍇𑌤𑍍𑌯 ।
𑌨𑌿𑌜𑌗𑍁𑌰𑍁𑌮𑌥 𑌨𑌤𑍍𑌵𑌾 𑌕𑍁𑌮𑍍𑌭𑌜𑌨𑍍𑌮𑌾 𑌤𑌦𑍁𑌕𑍍𑌤𑌂
𑌪𑍁𑌨𑌰𑌧𑌿𑌕𑌰𑌹𑌸𑍍𑌯𑌂 𑌜𑍍𑌞𑌾𑌤𑍁𑌮𑍇𑌵𑌂 𑌜𑌗𑌾𑌦 ॥ 5 ॥
𑌅𑌗𑌸𑍍𑌤𑍍𑌯 𑌉𑌵𑌾𑌚 ।
𑌅𑌶𑍍𑌵𑌾𑌨𑌨 𑌮𑌹𑌾𑌭𑌾𑌗 𑌰𑌹𑌸𑍍𑌯𑌮𑌪𑌿 𑌮𑍇 𑌵𑌦 ।
𑌶𑌿𑌵𑌵𑌰𑍍𑌣𑌾𑌨𑌿 𑌕𑌾𑌨𑍍𑌯𑌤𑍍𑌰 𑌶𑌕𑍍𑌤𑌿𑌵𑌰𑍍𑌣𑌾𑌨𑌿 𑌕𑌾𑌨𑌿 𑌹𑌿 ॥ 6 ॥
𑌉𑌭𑌯𑍋𑌰𑌪𑌿 𑌵𑌰𑍍𑌣𑌾𑌨𑌿 𑌕𑌾𑌨𑌿 𑌵𑌾 𑌵𑌦 𑌦𑍇𑌶𑌿𑌕 ।
𑌇𑌤𑌿 𑌪𑍃𑌷𑍍𑌟𑌃 𑌕𑍁𑌮𑍍𑌭𑌜𑍇𑌨 𑌹𑌯𑌗𑍍𑌰𑍀𑌵𑍋𑌽𑌵𑌦𑌤𑍍𑌪𑍁𑌨𑌃 ॥ 7 ॥
𑌹𑌯𑌗𑍍𑌰𑍀𑌵 𑌉𑌵𑌾𑌚 ।
𑌤𑌵 𑌗𑍋𑌪𑍍𑌯𑌂 𑌕𑌿𑌮𑌸𑍍𑌤𑍀𑌹 𑌸𑌾𑌕𑍍𑌷𑌾𑌦𑌮𑍍𑌬𑌾𑌨𑍁𑌶𑌾𑌸𑌨𑌾𑌤𑍍 ।
𑌇𑌦𑌂 𑌤𑍍𑌵𑌤𑌿𑌰𑌹𑌸𑍍𑌯𑌂 𑌤𑍇 𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁 𑌕𑍁𑌮𑍍𑌭𑌜 ॥ 8 ॥
𑌏𑌤𑌦𑍍𑌵𑌿𑌜𑍍𑌞𑌾𑌨𑌮𑌾𑌤𑍍𑌰𑍇𑌣 𑌶𑍍𑌰𑍀𑌵𑌿𑌦𑍍𑌯𑌾 𑌸𑌿𑌦𑍍𑌧𑌿𑌦𑌾 𑌭𑌵𑍇𑌤𑍍 ।
𑌕𑌤𑍍𑌰𑌯𑌂 𑌹𑌦𑍍𑌵𑌯𑌂 𑌚𑍈𑌵 𑌶𑍈𑌵𑍋 𑌭𑌾𑌗𑌃 𑌪𑍍𑌰𑌕𑍀𑌰𑍍𑌤𑌿𑌤𑌃 ॥ 9 ॥
𑌶𑌕𑍍𑌤𑍍𑌯𑌕𑍍𑌷𑌰𑌾𑌣𑌿 𑌶𑍇𑌷𑌾𑌣𑌿 𑌹𑍍𑌰𑍀𑌙𑍍𑌕𑌾𑌰 𑌉𑌭𑌯𑌾𑌤𑍍𑌮𑌕𑌃 ।
𑌏𑌵𑌂 𑌵𑌿𑌭𑌾𑌗𑌮𑌜𑍍𑌞𑌾𑌤𑍍𑌵𑌾 𑌯𑍇 𑌵𑌿𑌦𑍍𑌯𑌾𑌜𑌪𑌶𑌾𑌲𑌿𑌨𑌃 ॥ 10 ॥
𑌨 𑌤𑍇𑌷𑌾𑌂 𑌸𑌿𑌦𑍍𑌧𑌿𑌦𑌾 𑌵𑌿𑌦𑍍𑌯𑌾 𑌕𑌲𑍍𑌪𑌕𑍋𑌟𑌿𑌶𑌤𑍈𑌰𑌪𑌿 ।
𑌚𑌤𑍁𑌰𑍍𑌭𑌿𑌃 𑌶𑌿𑌵𑌚𑌕𑍍𑌰𑍈𑌶𑍍𑌚 𑌶𑌕𑍍𑌤𑌿𑌚𑌕𑍍𑌰𑍈𑌶𑍍𑌚 𑌪𑌞𑍍𑌚𑌭𑌿𑌃 ॥ 11 ॥
𑌨𑌵𑌚𑌕𑍍𑌰𑍈𑌶𑍍𑌚 𑌸𑌂𑌸𑌿𑌦𑍍𑌧𑌂 𑌶𑍍𑌰𑍀𑌚𑌕𑍍𑌰𑌂 𑌶𑌿𑌵𑌯𑍋𑌰𑍍𑌵𑌪𑍁𑌃 ।
𑌤𑍍𑌰𑌿𑌕𑍋𑌣𑌮𑌷𑍍𑌟𑌕𑍋𑌣𑌂 𑌚 𑌦𑌶𑌕𑍋𑌣𑌦𑍍𑌵𑌯𑌂 𑌤𑌥𑌾 ॥ 12 ॥
𑌚𑌤𑍁𑌰𑍍𑌦𑌶𑌾𑌰𑌂 𑌚𑍈𑌤𑌾𑌨𑌿 𑌶𑌕𑍍𑌤𑌿𑌚𑌕𑍍𑌰𑌾𑌣𑌿 𑌪𑌞𑍍𑌚 𑌚 ।
𑌬𑌿𑌨𑍍𑌦𑍁𑌶𑍍𑌚𑌾𑌷𑍍𑌟𑌦𑌲𑌂 𑌪𑌦𑍍𑌮𑌂 𑌪𑌦𑍍𑌮𑌂 𑌷𑍋𑌡𑌶𑌪𑌤𑍍𑌰𑌕𑌮𑍍 ॥ 13 ॥
𑌚𑌤𑍁𑌰𑌶𑍍𑌰𑌂 𑌚 𑌚𑌤𑍍𑌵𑌾𑌰𑌿 𑌶𑌿𑌵𑌚𑌕𑍍𑌰𑌾𑌣𑍍𑌯𑌨𑍁𑌕𑍍𑌰𑌮𑌾𑌤𑍍 ।
𑌤𑍍𑌰𑌿𑌕𑍋𑌣𑍇 𑌬𑍈𑌨𑍍𑌦𑌵𑌂 𑌶𑍍𑌲𑌿𑌷𑍍𑌟𑌂 𑌅𑌷𑍍𑌟𑌾𑌰𑍇𑌽𑌷𑍍𑌟𑌦𑌲𑌾𑌮𑍍𑌬𑍁𑌜𑌮𑍍 ॥ 14 ॥
𑌦𑌶𑌾𑌰𑌯𑍋𑌃 𑌷𑍋𑌡𑌶𑌾𑌰𑌂 𑌭𑍂𑌗𑍃𑌹𑌂 𑌭𑍁𑌵𑌨𑌾𑌶𑍍𑌰𑌕𑍇 ।
𑌶𑍈𑌵𑌾𑌨𑌾𑌮𑌪𑌿 𑌶𑌾𑌕𑍍𑌤𑌾𑌨𑌾𑌂 𑌚𑌕𑍍𑌰𑌾𑌣𑌾𑌂 𑌚 𑌪𑌰𑌸𑍍𑌪𑌰𑌮𑍍 ॥ 15 ॥
𑌅𑌵𑌿𑌨𑌾𑌭𑌾𑌵𑌸𑌮𑍍𑌬𑌨𑍍𑌧𑌂 𑌯𑍋 𑌜𑌾𑌨𑌾𑌤𑌿 𑌸 𑌚𑌕𑍍𑌰𑌵𑌿𑌤𑍍 ।
𑌤𑍍𑌰𑌿𑌕𑍋𑌣𑌰𑍂𑌪𑌿𑌣𑍀 𑌶𑌕𑍍𑌤𑌿𑌰𑍍𑌬𑌿𑌨𑍍𑌦𑍁𑌰𑍂𑌪𑌪𑌰𑌃 𑌶𑌿𑌵𑌃 ॥ 16 ॥
𑌅𑌵𑌿𑌨𑌾𑌭𑌾𑌵𑌸𑌮𑍍𑌬𑌨𑍍𑌧𑌂 𑌤𑌸𑍍𑌮𑌾𑌦𑍍𑌬𑌿𑌨𑍍𑌦𑍁𑌤𑍍𑌰𑌿𑌕𑍋𑌣𑌯𑍋𑌃 ।
𑌏𑌵𑌂 𑌵𑌿𑌭𑌾𑌗𑌮𑌜𑍍𑌞𑌾𑌤𑍍𑌵𑌾 𑌶𑍍𑌰𑍀𑌚𑌕𑍍𑌰𑌂 𑌯𑌃 𑌸𑌮𑌰𑍍𑌚𑌯𑍇𑌤𑍍 ॥ 17 ॥
𑌨 𑌤𑌤𑍍𑌫𑌲𑌮𑌵𑌾𑌪𑍍𑌨𑍋𑌤𑌿 𑌲𑌲𑌿𑌤𑌾𑌮𑍍𑌬𑌾 𑌨 𑌤𑍁𑌷𑍍𑌯𑌤𑌿 ।
𑌯𑍇 𑌚 𑌜𑌾𑌨𑌨𑍍𑌤𑌿 𑌲𑍋𑌕𑍇𑌽𑌸𑍍𑌮𑌿𑌨𑍍 𑌶𑍍𑌰𑍀𑌵𑌿𑌦𑍍𑌯𑌾𑌚𑌕𑍍𑌰𑌵𑍇𑌦𑌿𑌨𑌃 ॥ 18 ॥
𑌸𑌾𑌮𑌨𑍍𑌯𑌵𑍇𑌦𑌿𑌨𑌃 𑌸𑌰𑍍𑌵𑍇 𑌵𑌿𑌶𑍇𑌷𑌜𑍍𑌞𑍋𑌽𑌤𑌿𑌦𑍁𑌰𑍍𑌲𑌭𑌃 ।
𑌸𑍍𑌵𑌯𑌂𑌵𑌿𑌦𑍍𑌯𑌾𑌵𑌿𑌶𑍇𑌷𑌜𑍍𑌞𑍋 𑌵𑌿𑌶𑍇𑌷𑌜𑍍𑌞𑌂 𑌸𑌮𑌰𑍍𑌚𑌯𑍇𑌤𑍍 ॥ 19 ॥
𑌤𑌸𑍍𑌮𑍈 𑌦𑍇𑌯𑌂 𑌤𑌤𑍋 𑌗𑍍𑌰𑌾𑌹𑍍𑌯𑌮𑌶𑌕𑍍𑌤𑌸𑍍𑌤𑌸𑍍𑌯 𑌦𑌾𑌪𑌯𑍇𑌤𑍍 ।
𑌅𑌨𑍍𑌧𑌂 𑌤𑌮𑌃 𑌪𑍍𑌰𑌵𑌿𑌶𑌨𑍍𑌤𑌿 𑌯𑍇𑌽𑌵𑌿𑌦𑍍𑌯𑌾𑌂 𑌸𑌮𑍁𑌪𑌾𑌸𑌤𑍇 ॥ 20 ॥
𑌇𑌤𑌿 𑌶𑍍𑌰𑍁𑌤𑌿𑌰𑌪𑌾𑌹𑍈𑌤𑌾𑌨𑌵𑌿𑌦𑍍𑌯𑍋𑌪𑌾𑌸𑌕𑌾𑌨𑍍𑌪𑍁𑌨𑌃 ।
𑌵𑌿𑌦𑍍𑌯𑌾𑌨𑍍𑌯𑍋𑌪𑌾𑌸𑌕𑌾𑌨𑍇𑌵 𑌨𑌿𑌨𑍍𑌦𑌤𑍍𑌯𑌾𑌰𑍁𑌣𑌿𑌕𑍀 𑌶𑍍𑌰𑍁𑌤𑌿𑌃 ॥ 21 ॥
𑌅𑌶𑍍𑌰𑍁𑌤𑌾 𑌸𑌶𑍍𑌰𑍁𑌤𑌾𑌸𑌶𑍍𑌚 𑌯𑌜𑍍𑌵𑌾𑌨𑍋 𑌯𑍇𑌽𑌪𑍍𑌯𑌯𑌜𑍍𑌵𑌨𑌃 ।
𑌸𑍍𑌵𑌰𑍍𑌯𑌨𑍍𑌤𑍋 𑌨𑌾𑌪𑍇𑌕𑍍𑌷𑌨𑍍𑌤𑍇 𑌇𑌨𑍍𑌦𑍍𑌰𑌮𑌗𑍍𑌨𑌿𑌂 𑌚 𑌯𑍇 𑌵𑌿𑌦𑍁𑌃 ॥ 22 ॥
𑌸𑌿𑌕𑌤𑌾 𑌇𑌵 𑌸𑌂𑌯𑌨𑍍𑌤𑌿 𑌰𑌶𑍍𑌮𑌿𑌭𑌿𑌃 𑌸𑌮𑍁𑌦𑍀𑌰𑌿𑌤𑌾𑌃 ।
𑌅𑌸𑍍𑌮𑌾𑌲𑍍𑌲𑍋𑌕𑌾𑌦𑌮𑍁𑌷𑍍𑌮𑌾𑌚𑍍𑌚𑍇𑌤𑍍𑌯𑌾𑌹 𑌚𑌾𑌰𑌣𑍍𑌯𑌕𑌶𑍍𑌰𑍁𑌤𑌿𑌃 ॥ 23 ॥
𑌯𑌸𑍍𑌯 𑌨𑍋 𑌪𑌶𑍍𑌚𑌿𑌮𑌂 𑌜𑌨𑍍𑌮 𑌯𑌦𑌿 𑌵𑌾 𑌶𑌙𑍍𑌕𑌰𑌃 𑌸𑍍𑌵𑌯𑌮𑍍 ।
𑌤𑍇𑌨𑍈𑌵 𑌲𑌭𑍍𑌯𑌤𑍇 𑌵𑌿𑌦𑍍𑌯𑌾 𑌶𑍍𑌰𑍀𑌮𑌤𑍍𑌪𑌞𑍍𑌚𑌦𑌶𑌾𑌕𑍍𑌷𑌰𑍀 ॥ 24 ॥
𑌇𑌤𑌿 𑌮𑌨𑍍𑌤𑍍𑌰𑍇𑌷𑍁 𑌬𑌹𑍁𑌧𑌾 𑌵𑌿𑌦𑍍𑌯𑌾𑌯𑌾 𑌮𑌹𑌿𑌮𑍋𑌚𑍍𑌯𑌤𑍇 ।
𑌮𑍋𑌕𑍍𑌷𑍈𑌕𑌹𑍇𑌤𑍁𑌵𑌿𑌦𑍍𑌯𑌾 𑌤𑍁 𑌶𑍍𑌰𑍀𑌵𑌿𑌦𑍍𑌯𑌾 𑌨𑌾𑌤𑍍𑌰 𑌸𑌂𑌶𑌯𑌃 ॥ 25 ॥
𑌨 𑌶𑌿𑌲𑍍𑌪𑌾𑌦𑌿𑌜𑍍𑌞𑌾𑌨𑌯𑍁𑌕𑍍𑌤𑍇 𑌵𑌿𑌦𑍍𑌵𑌚𑍍𑌛𑌬𑍍𑌧𑌃 𑌪𑍍𑌰𑌯𑍁𑌜𑍍𑌯𑌤𑍇 ।
𑌮𑍋𑌕𑍍𑌷𑍈𑌕𑌹𑍇𑌤𑍁𑌵𑌿𑌦𑍍𑌯𑌾 𑌸𑌾 𑌶𑍍𑌰𑍀𑌵𑌿𑌦𑍍𑌯𑍈𑌵 𑌨 𑌸𑌂𑌶𑌯𑌃 ॥ 26 ॥
𑌤𑌸𑍍𑌮𑌾𑌦𑍍𑌵𑌿𑌦𑍍𑌯𑌾𑌵𑌿𑌦𑍇𑌵𑌾𑌤𑍍𑌰 𑌵𑌿𑌦𑍍𑌵𑌾𑌨𑍍𑌵𑌿𑌦𑍍𑌵𑌾𑌨𑌿𑌤𑍀𑌰𑍍𑌯𑌤𑍇 ।
𑌸𑍍𑌵𑌯𑌂 𑌵𑌿𑌦𑍍𑌯𑌾𑌵𑌿𑌦𑍇 𑌦𑌦𑍍𑌯𑌾𑌤𑍍𑌖𑍍𑌯𑌾𑌪𑌯𑍇𑌤𑍍𑌤𑌦𑍍𑌗𑍁𑌣𑌾𑌨𑍍𑌸𑍁𑌧𑍀𑌃 ॥ 27 ॥
𑌸𑍍𑌵𑌯𑌂𑌵𑌿𑌦𑍍𑌯𑌾𑌰𑌹𑌸𑍍𑌯𑌜𑍍𑌞𑍋 𑌵𑌿𑌦𑍍𑌯𑌾𑌮𑌾𑌹𑌾𑌤𑍍𑌮𑍍𑌯𑌵𑍇𑌦𑍍𑌯𑌪𑌿 ।
𑌵𑌿𑌦𑍍𑌯𑌾𑌵𑌿𑌦𑌂 𑌨𑌾𑌰𑍍𑌚𑌯𑍇𑌚𑍍𑌚𑍇𑌤𑍍𑌕𑍋 𑌵𑌾 𑌤𑌂 𑌪𑍂𑌜𑌯𑍇𑌜𑍍𑌜𑌨𑌃 ॥ 28 ॥
𑌪𑍍𑌰𑌸𑌙𑍍𑌗𑌾𑌦𑌿𑌦𑌮𑍁𑌕𑍍𑌤𑌂 𑌤𑍇 𑌪𑍍𑌰𑌕𑍃𑌤𑌂 𑌶𑍃𑌣𑍁 𑌕𑍁𑌮𑍍𑌭𑌜 ।
𑌯𑌃 𑌕𑍀𑌰𑍍𑌤𑌯𑍇𑌤𑍍𑌸𑌕𑍃𑌦𑍍𑌭𑌕𑍍𑌤𑍍𑌯𑌾 𑌦𑌿𑌵𑍍𑌯𑌨𑌾𑌮𑌶𑌤𑌤𑍍𑌰𑌯𑌮𑍍 ॥ 29 ॥
𑌤𑌸𑍍𑌯 𑌪𑍁𑌣𑍍𑌯𑌮𑌹𑌂 𑌵𑌕𑍍𑌷𑍍𑌯𑍇 𑌶𑍃𑌣𑍁 𑌤𑍍𑌵𑌂 𑌕𑍁𑌮𑍍𑌭𑌸𑌮𑍍𑌭𑌵 ।
𑌰𑌹𑌸𑍍𑌯𑌨𑌾𑌮𑌸𑌾𑌹𑌸𑍍𑌰𑌪𑌾𑌠𑍇 𑌯𑌤𑍍𑌫𑌲𑌮𑍀𑌰𑌿𑌤𑌮𑍍 ॥ 30 ॥
𑌤𑌤𑍍𑌫𑌲𑌂 𑌕𑍋𑌟𑌿𑌗𑍁𑌣𑌿𑌤𑌮𑍇𑌕𑌨𑌾𑌮𑌜𑌪𑌾𑌦𑍍𑌭𑌵𑍇𑌤𑍍 ।
𑌕𑌾𑌮𑍇𑌶𑍍𑌵𑌰𑍀𑌕𑌾𑌮𑍇𑌶𑌾𑌭𑍍𑌯𑌾𑌂 𑌕𑍃𑌤𑌂 𑌨𑌾𑌮𑌶𑌤𑌤𑍍𑌰𑌯𑌮𑍍 ॥ 31 ॥
𑌨𑌾𑌨𑍍𑌯𑍇𑌨 𑌤𑍁𑌲𑌯𑍇𑌦𑍇𑌤𑌤𑍍 𑌸𑍍𑌤𑍋𑌤𑍍𑌰𑍇𑌣𑌾𑌨𑍍𑌯𑌕𑍃𑌤𑍇𑌨 𑌚 ।
𑌶𑍍𑌰𑌿𑌯𑌃 𑌪𑌰𑌮𑍍𑌪𑌰𑌾 𑌯𑌸𑍍𑌯 𑌭𑌾𑌵𑌿 𑌵𑌾 𑌚𑍋𑌤𑍍𑌤𑌰𑍋𑌤𑍍𑌤𑌰𑌮𑍍 ॥ 32 ॥
𑌤𑍇𑌨𑍈𑌵 𑌲𑌭𑍍𑌯𑌤𑍇 𑌚𑍈𑌤𑌤𑍍𑌪𑌶𑍍𑌚𑌾𑌚𑍍𑌛𑍍𑌰𑍇𑌯𑌃 𑌪𑌰𑍀𑌕𑍍𑌷𑌯𑍇𑌤𑍍 ।
𑌅𑌸𑍍𑌯𑌾 𑌨𑌾𑌮𑍍𑌨𑌾𑌂 𑌤𑍍𑌰𑌿𑌶𑌤𑍍𑌯𑌾𑌸𑍍𑌤𑍁 𑌮𑌹𑌿𑌮𑌾 𑌕𑍇𑌨 𑌵𑌰𑍍𑌣𑍍𑌯𑌤𑍇 ॥ 33 ॥
𑌯𑌾 𑌸𑍍𑌵𑌯𑌂 𑌶𑌿𑌵𑌯𑍋𑌰𑍍𑌵𑌕𑍍𑌤𑍍𑌰𑌪𑌦𑍍𑌮𑌾𑌭𑍍𑌯𑌾𑌂 𑌪𑌰𑌿𑌨𑌿𑌃𑌸𑍃𑌤𑌾 ।
𑌨𑌿𑌤𑍍𑌯𑌂 𑌷𑍋𑌡𑌶𑌸𑌙𑍍𑌖𑍍𑌯𑌾𑌕𑌾𑌨𑍍𑌵𑌿𑌪𑍍𑌰𑌾𑌨𑌾𑌦𑍗 𑌤𑍁 𑌭𑍋𑌜𑌯𑍇𑌤𑍍 ॥ 34 ॥
𑌅𑌭𑍍𑌯𑌕𑍍𑌤𑌾𑌂𑌸𑍍𑌤𑌿𑌲𑌤𑍈𑌲𑍇𑌨 𑌸𑍍𑌨𑌾𑌤𑌾𑌨𑍁𑌷𑍍𑌣𑍇𑌨 𑌵𑌾𑌰𑌿𑌣𑌾 ।
𑌅𑌭𑍍𑌯𑌰𑍍𑌚𑍍𑌯 𑌗𑌨𑍍𑌧𑌪𑍁𑌷𑍍𑌪𑌾𑌦𑍍𑌯𑍈𑌃 𑌕𑌾𑌮𑍇𑌶𑍍𑌵𑌰𑍍𑌯𑌾𑌦𑌿𑌨𑌾𑌮𑌭𑌿𑌃 ॥ 35 ॥
𑌸𑍂𑌪𑌾𑌪𑍂𑌪𑍈𑌃 𑌶𑌰𑍍𑌕𑌰𑌾𑌦𑍍𑌯𑍈𑌃 𑌪𑌾𑌯𑌸𑍈𑌃 𑌫𑌲𑌸𑌂𑌯𑍁𑌤𑍈𑌃 ।
𑌵𑌿𑌦𑍍𑌯𑌾𑌵𑌿𑌦𑍋 𑌵𑌿𑌶𑍇𑌷𑍇𑌣 𑌭𑍋𑌜𑌯𑍇𑌤𑍍𑌷𑍋𑌡𑌶 𑌦𑍍𑌵𑌿𑌜𑌾𑌨𑍍 ॥ 36 ॥
𑌏𑌵𑌂 𑌨𑌿𑌤𑍍𑌯𑌾𑌰𑍍𑌚𑌨𑌂 𑌕𑍁𑌰𑍍𑌯𑌾𑌦𑌾𑌦𑍗 𑌬𑍍𑌰𑌾𑌹𑍍𑌮𑌣𑌭𑍋𑌜𑌨𑌮𑍍 ।
𑌤𑍍𑌰𑌿𑌶𑌤𑍀𑌨𑌾𑌮𑌭𑌿𑌃 𑌪𑌶𑍍𑌚𑌾𑌦𑍍𑌬𑍍𑌰𑌾𑌹𑍍𑌮𑌣𑌾𑌨𑍍𑌕𑍍𑌰𑌮𑌶𑍋𑌽𑌰𑍍𑌚𑌯𑍇𑌤𑍍 ॥ 37 ॥
𑌤𑍈𑌲𑌾𑌭𑍍𑌯𑌙𑍍𑌗𑌾𑌦𑌿𑌕𑌂 𑌦𑌤𑍍𑌵𑌾 𑌵𑌿𑌭𑌵𑍇 𑌸𑌤𑌿 𑌭𑌕𑍍𑌤𑌿𑌤𑌃 ।
𑌶𑍁𑌕𑍍𑌲𑌪𑍍𑌰𑌤𑌿𑌪𑌦𑌾𑌰𑌭𑍍𑌯 𑌪𑍗𑌰𑍍𑌣𑌮𑌾𑌸𑍍𑌯𑌵𑌧𑌿 𑌕𑍍𑌰𑌮𑌾𑌤𑍍 ॥ 38 ॥
𑌦𑌿𑌵𑌸𑍇 𑌦𑌿𑌵𑌸𑍇 𑌵𑌿𑌪𑍍𑌰𑌾 𑌭𑍋𑌜𑍍𑌯𑌾 𑌵𑌿𑌂𑌶𑌤𑌿𑌸𑌙𑍍𑌖𑍍𑌯𑌯𑌾 ।
𑌦𑌶𑌭𑌿𑌃 𑌪𑌞𑍍𑌚𑌭𑌿𑌰𑍍𑌵𑌾𑌪𑌿 𑌤𑍍𑌰𑌿𑌭𑌿𑌰𑍇𑌕𑍇𑌨 𑌵𑌾 𑌦𑌿𑌨𑍈𑌃 ॥ 39 ॥
𑌤𑍍𑌰𑌿𑌂𑌶𑌤𑍍𑌷𑌷𑍍𑌟𑌿𑌃 𑌶𑌤𑌂 𑌵𑌿𑌪𑍍𑌰𑌾𑌃 𑌸𑌮𑍍𑌭𑍋𑌜𑍍𑌯𑌾𑌸𑍍𑌤𑍍𑌰𑌿𑌶𑌤𑌂 𑌕𑍍𑌰𑌮𑌾𑌤𑍍 ।
𑌏𑌵𑌂 𑌯𑌃 𑌕𑍁𑌰𑍁𑌤𑍇 𑌭𑌕𑍍𑌤𑍍𑌯𑌾 𑌜𑌨𑍍𑌮𑌮𑌧𑍍𑌯𑍇 𑌸𑌕𑍃𑌨𑍍𑌨𑌰𑌃 ॥ 40 ॥
𑌤𑌸𑍍𑌯𑍈𑌵 𑌸𑌫𑌲𑌂 𑌜𑌨𑍍𑌮 𑌮𑍁𑌕𑍍𑌤𑌿𑌸𑍍𑌤𑌸𑍍𑌯 𑌕𑌰𑍇 𑌸𑍍𑌥𑌿𑌰𑌾 ।
𑌰𑌹𑌸𑍍𑌯𑌨𑌾𑌮𑌸𑌾𑌹𑌸𑍍𑌰𑌭𑍋𑌜𑌨𑍇𑌽𑌪𑍍𑌯𑍇𑌵𑌮𑍇𑌵 𑌹𑌿 ॥ 41 ॥
𑌆𑌦𑍗 𑌨𑌿𑌤𑍍𑌯𑌬𑌲𑌿𑌂 𑌕𑍁𑌰𑍍𑌯𑌾𑌤𑍍𑌪𑌶𑍍𑌚𑌾𑌦𑍍𑌬𑍍𑌰𑌾𑌹𑍍𑌮𑌣𑌭𑍋𑌜𑌨𑌮𑍍 ।
𑌰𑌹𑌸𑍍𑌯𑌨𑌾𑌮𑌸𑌾𑌹𑌸𑍍𑌰𑌮𑌹𑌿𑌮𑌾 𑌯𑍋 𑌮𑌯𑍋𑌦𑌿𑌤𑌃 ॥ 42 ॥
𑌸 𑌶𑍀𑌕𑌰𑌾𑌣𑍁𑌰𑌤𑍍𑌨𑍈𑌕𑌨𑌾𑌮𑍍𑌨𑍋 𑌮𑌹𑌿𑌮𑌵𑌾𑌰𑌿𑌧𑍇𑌃 ।
𑌵𑌾𑌗𑍍𑌦𑍇𑌵𑍀𑌰𑌚𑌿𑌤𑍇 𑌨𑌾𑌮𑌸𑌾𑌹𑌸𑍍𑌰𑍇 𑌯𑌦𑍍𑌯𑌦𑍀𑌰𑌿𑌤𑌮𑍍 ॥ 43 ॥
𑌤𑌤𑍍𑌫𑌲𑌂 𑌕𑍋𑌟𑌿𑌗𑍁𑌣𑌿𑌤𑌂 𑌨𑌾𑌮𑍍𑌨𑍋𑌽𑌪𑍍𑌯𑍇𑌕𑌸𑍍𑌯 𑌕𑍀𑌰𑍍𑌤𑌨𑌾𑌤𑍍 ।
𑌏𑌤𑌦𑌨𑍍𑌯𑍈𑌰𑍍𑌜𑌪𑍈𑌃 𑌸𑍍𑌤𑍋𑌤𑍍𑌰𑍈𑌰𑌰𑍍𑌚𑌨𑍈𑌰𑍍𑌯𑌤𑍍𑌫𑌲𑌂 𑌭𑌵𑍇𑌤𑍍 ॥ 44 ॥
𑌤𑌤𑍍𑌫𑌲𑌂 𑌕𑍋𑌟𑌿𑌗𑍁𑌣𑌿𑌤𑌂 𑌭𑌵𑍇𑌨𑍍𑌨𑌾𑌮𑌶𑌤𑌤𑍍𑌰𑌯𑌾𑌤𑍍 ।
𑌵𑌾𑌗𑍍𑌦𑍇𑌵𑍀𑌰𑌚𑌿𑌤𑍇 𑌸𑍍𑌤𑍋𑌤𑍍𑌰𑍇 𑌤𑌾𑌦𑍃𑌶𑍋 𑌮𑌹𑌿𑌮𑌾 𑌯𑌦𑌿 ॥ 45 ॥
𑌸𑌾𑌕𑍍𑌷𑌾𑌤𑍍𑌕𑌾𑌮𑍇𑌶𑌕𑌾𑌮𑍇𑌶𑍀𑌕𑍃𑌤𑍇𑌽𑌸𑍍𑌮𑌿𑌨𑍍𑌗𑍃𑌹𑍍𑌯𑌤𑌾𑌮𑌿𑌤𑌿 ।
𑌸𑌕𑍃𑌤𑍍𑌸𑌙𑍍𑌕𑍀𑌰𑍍𑌤𑌨𑌾𑌦𑍇𑌵 𑌨𑌾𑌮𑍍𑌨𑌾𑌮𑌸𑍍𑌮𑌿𑌨𑍍 𑌶𑌤𑌤𑍍𑌰𑌯𑍇 ॥ 46 ॥
𑌭𑌵𑍇𑌚𑍍𑌚𑌿𑌤𑍍𑌤𑌸𑍍𑌯 𑌪𑌰𑍍𑌯𑌾𑌪𑍍𑌤𑌿𑌰𑍍𑌨𑍍𑌯𑍂𑌨𑌮𑌨𑍍𑌯𑌾𑌨𑌪𑍇𑌕𑍍𑌷𑌿𑌣𑍀 ।
𑌨 𑌜𑍍𑌞𑌾𑌤𑌵𑍍𑌯𑌮𑌿𑌤𑍋𑌽𑌪𑍍𑌯𑌨𑍍𑌯𑌤𑍍𑌰 𑌜𑌪𑍍𑌤𑌵𑍍𑌯𑌂 𑌚 𑌕𑍁𑌮𑍍𑌭𑌜 ॥ 47 ॥
𑌯𑌦𑍍𑌯𑌤𑍍𑌸𑌾𑌧𑍍𑌯𑌤𑌮𑌂 𑌕𑌾𑌰𑍍𑌯𑌂 𑌤𑌤𑍍𑌤𑌦𑌰𑍍𑌥𑌮𑌿𑌦𑌂 𑌜𑌪𑍇𑌤𑍍 ।
𑌤𑌤𑍍𑌤𑌤𑍍𑌫𑌲𑌮𑌵𑌾𑌪𑍍𑌨𑍋𑌤𑌿 𑌪𑌶𑍍𑌚𑌾𑌤𑍍𑌕𑌾𑌰𑍍𑌯𑌂 𑌪𑌰𑍀𑌕𑍍𑌷𑌯𑍇𑌤𑍍 ॥ 48 ॥
𑌯𑍇 𑌯𑍇 𑌪𑍍𑌰𑌯𑍋𑌗𑌾𑌸𑍍𑌤𑌨𑍍𑌤𑍍𑌰𑍇𑌷𑍁 𑌤𑍈𑌸𑍍𑌤𑍈𑌰𑍍𑌯𑌤𑍍𑌸𑌾𑌧𑍍𑌯𑌤𑍇 𑌫𑌲𑌮𑍍 ।
𑌤𑌤𑍍𑌸𑌰𑍍𑌵𑌂 𑌸𑌿𑌧𑍍𑌯𑌤𑌿 𑌕𑍍𑌷𑌿𑌪𑍍𑌰𑌂 𑌨𑌾𑌮𑌤𑍍𑌰𑌿𑌶𑌤𑌕𑍀𑌰𑍍𑌤𑌨𑌾𑌤𑍍 ॥ 49 ॥
𑌆𑌯𑍁𑌷𑍍𑌕𑌰𑌂 𑌪𑍁𑌷𑍍𑌟𑌿𑌕𑌰𑌂 𑌪𑍁𑌤𑍍𑌰𑌦𑌂 𑌵𑌶𑍍𑌯𑌕𑌾𑌰𑌕𑌮𑍍 ।
𑌵𑌿𑌦𑍍𑌯𑌾𑌪𑍍𑌰𑌦𑌂 𑌕𑍀𑌰𑍍𑌤𑌿𑌕𑌰𑌂 𑌸𑍁𑌕𑌵𑌿𑌤𑍍𑌵𑌪𑍍𑌰𑌦𑌾𑌯𑌕𑌮𑍍 ॥ 50 ॥
𑌸𑌰𑍍𑌵𑌸𑌮𑍍𑌪𑌤𑍍𑌪𑍍𑌰𑌦𑌂 𑌸𑌰𑍍𑌵𑌭𑍋𑌗𑌦𑌂 𑌸𑌰𑍍𑌵𑌸𑍗𑌖𑍍𑌯𑌦𑌮𑍍 ।
𑌸𑌰𑍍𑌵𑌾𑌭𑍀𑌷𑍍𑌟𑌪𑍍𑌰𑌦𑌂 𑌚𑍈𑌵 𑌦𑍇𑌵𑍍𑌯𑌾 𑌨𑌾𑌮𑌶𑌤𑌤𑍍𑌰𑌯𑌮𑍍 ॥ 51 ॥
𑌏𑌤𑌜𑍍𑌜𑌪𑌪𑌰𑍋 𑌭𑍂𑌯𑌾𑌨𑍍𑌨𑌾𑌨𑍍𑌯𑌦𑌿𑌚𑍍𑌛𑍇𑌤𑍍𑌕𑌦𑌾𑌚𑌨 ।
𑌏𑌤𑌤𑍍𑌕𑍀𑌰𑍍𑌤𑌨𑌸𑌨𑍍𑌤𑍁𑌷𑍍𑌟𑌾 𑌶𑍍𑌰𑍀𑌦𑍇𑌵𑍀 𑌲𑌲𑌿𑌤𑌾𑌮𑍍𑌬𑌿𑌕𑌾 ॥ 52 ॥
𑌭𑌕𑍍𑌤𑌸𑍍𑌯 𑌯𑌦𑍍𑌯𑌦𑌿𑌷𑍍𑌟𑌂 𑌸𑍍𑌯𑌾𑌤𑍍𑌤𑌤𑍍𑌤𑌤𑍍𑌪𑍂𑌰𑌯𑌤𑍇 𑌧𑍍𑌰𑍁𑌵𑌮𑍍 ।
𑌤𑌸𑍍𑌮𑌾𑌤𑍍𑌕𑍁𑌮𑍍𑌭𑍋𑌦𑍍𑌭𑌵 𑌮𑍁𑌨𑍇 𑌕𑍀𑌰𑍍𑌤𑌯 𑌤𑍍𑌵𑌮𑌿𑌦𑌂 𑌸𑌦𑌾 ॥ 53 ॥
𑌨𑌾𑌪𑌰𑌂 𑌕𑌿𑌞𑍍𑌚𑌿𑌦𑌪𑌿 𑌤𑍇 𑌬𑍋𑌦𑍍𑌧𑌵𑍍𑌯𑌮𑌵𑌶𑌿𑌷𑍍𑌯𑌤𑍇 ।
𑌇𑌤𑌿 𑌤𑍇 𑌕𑌥𑌿𑌤𑌂 𑌸𑍍𑌤𑍋𑌤𑍍𑌰𑌂 𑌲𑌲𑌿𑌤𑌾𑌪𑍍𑌰𑍀𑌤𑌿𑌦𑌾𑌯𑌕𑌮𑍍 ॥ 54 ॥
𑌨𑌾𑌵𑌿𑌦𑍍𑌯𑌾𑌵𑍇𑌦𑌿𑌨𑍇 𑌬𑍍𑌰𑍂𑌯𑌾𑌨𑍍𑌨𑌾𑌭𑌕𑍍𑌤𑌾𑌯 𑌕𑌦𑌾𑌚𑌨 ।
𑌨 𑌶𑌠𑌾𑌯 𑌨 𑌦𑍁𑌷𑍍𑌟𑌾𑌯 𑌨𑌾𑌵𑌿𑌶𑍍𑌵𑌾𑌸𑌾𑌯 𑌕𑌰𑍍𑌹𑌿𑌚𑌿𑌤𑍍 ॥ 56 ॥
𑌯𑍋 𑌬𑍍𑌰𑍂𑌯𑌾𑌤𑍍𑌤𑍍𑌰𑌿𑌶𑌤𑍀𑌂 𑌨𑌾𑌮𑍍𑌨𑌾𑌂 𑌤𑌸𑍍𑌯𑌾𑌨𑌰𑍍𑌥𑍋 𑌮𑌹𑌾𑌨𑍍𑌭𑌵𑍇𑌤𑍍 ।
𑌇𑌤𑍍𑌯𑌾𑌜𑍍𑌞𑌾 𑌶𑌾𑌙𑍍𑌕𑌰𑍀 𑌪𑍍𑌰𑍋𑌕𑍍𑌤𑌾 𑌤𑌸𑍍𑌮𑌾𑌦𑍍𑌗𑍋𑌪𑍍𑌯𑌮𑌿𑌦𑌂 𑌤𑍍𑌵𑌯𑌾 ॥ 57 ॥
𑌲𑌲𑌿𑌤𑌾𑌪𑍍𑌰𑍇𑌰𑌿𑌤𑍇𑌨𑍈𑌵 𑌮𑌯𑍋𑌕𑍍𑌤𑌂 𑌸𑍍𑌤𑍋𑌤𑍍𑌰𑌮𑍁𑌤𑍍𑌤𑌮𑌮𑍍 ।
𑌰𑌹𑌸𑍍𑌯𑌨𑌾𑌮𑌸𑌾𑌹𑌸𑍍𑌰𑌾𑌦𑌪𑌿 𑌗𑍋𑌪𑍍𑌯𑌮𑌿𑌦𑌂 𑌮𑍁𑌨𑍇 ॥ 58 ॥
𑌸𑍂𑌤 𑌉𑌵𑌾𑌚 ।
𑌏𑌵𑌮𑍁𑌕𑍍𑌤𑍍𑌵𑌾 𑌹𑌯𑌗𑍍𑌰𑍀𑌵𑌃 𑌕𑍁𑌮𑍍𑌭𑌜𑌂 𑌤𑌾𑌪𑌸𑍋𑌤𑍍𑌤𑌮𑌮𑍍 ।
𑌸𑍍𑌤𑍋𑌤𑍍𑌰𑍇𑌣𑌾𑌨𑍇𑌨 𑌲𑌲𑌿𑌤𑌾𑌂 𑌸𑍍𑌤𑍁𑌤𑍍𑌵𑌾 𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀𑌮𑍍 ।
𑌆𑌨𑌨𑍍𑌦𑌲𑌹𑌰𑍀𑌮𑌗𑍍𑌨𑌮𑌾𑌨𑌸𑌃 𑌸𑌮𑌵𑌰𑍍𑌤𑌤 ॥ 59 ॥
𑌇𑌤𑌿 𑌬𑍍𑌰𑌹𑍍𑌮𑌾𑌣𑍍𑌡𑌪𑍁𑌰𑌾𑌣𑍇 𑌉𑌤𑍍𑌤𑌰𑌖𑌣𑍍𑌡𑍇 𑌹𑌯𑌗𑍍𑌰𑍀𑌵𑌾𑌗𑌸𑍍𑌤𑍍𑌯𑌸𑌂𑌵𑌾𑌦𑍇 𑌲𑌲𑌿𑌤𑍋𑌪𑌾𑌖𑍍𑌯𑌾𑌨𑍇 𑌸𑍍𑌤𑍋𑌤𑍍𑌰𑌖𑌣𑍍𑌡𑍇 𑌶𑍍𑌰𑍀𑌲𑌲𑌿𑌤𑌾𑌤𑍍𑌰𑌿𑌶𑌤𑍀𑌸𑍍𑌤𑍋𑌤𑍍𑌰𑌰𑌤𑍍𑌨𑌮𑍍 ।
Roman (IAST) Transliteration
asya śrīlalitā triśatīstotra mahāmantrasya, bhagavān hayagrīva ṛṣiḥ, anuṣṭup chandaḥ, śrīlalitāmahātripurasundarī devatā, aiṃ bījaṃ, sauḥ śaktiḥ, klīṃ kīlakaṃ, mama caturvidhapuruṣārthaphalasiddhyarthe jape viniyogaḥ |
aimityādibhiraṅganyāsakaranyāsāḥ kāryāḥ |
dhyānam |
atimadhuracāpahastā-
-maparimitāmodabāṇasaubhāgyām |
aruṇāmatiśayakaruṇā-
-mabhinavakulasundarīṃ vande |
śrī hayagrīva uvāca |
kakārarūpā kalyāṇī kalyāṇaguṇaśālinī |
kalyāṇaśailanilayā kamanīyā kalāvatī || 1 ||
kamalākṣī kalmaṣaghnī karuṇāmṛtasāgarā |
kadambakānanāvāsā kadambakusumapriyā || 2 ||
kandarpavidyā kandarpajanakāpāṅgavīkṣaṇā |
karpūravīṭisaurabhyakallolitakakuptaṭā || 3 ||
kalidoṣaharā kañjalocanā kamravigrahā |
karmādisākṣiṇī kārayitrī karmaphalapradā || 4 ||
ekārarūpā caikākṣaryekānekākṣarākṛtiḥ |
etattadityanirdeśyā caikānandacidākṛtiḥ || 5 ||
evamityāgamābodhyā caikabhaktimadarcitā |
ekāgracittanirdhyātā caiṣaṇārahitādṛtā || 6 ||
elāsugandhicikurā cainaḥkūṭavināśinī |
ekabhogā caikarasā caikaiśvaryapradāyinī || 7 ||
ekātapatrasāmrājyapradā caikāntapūjitā |
edhamānaprabhā caijadanekajagadīśvarī || 8 ||
ekavīrādisaṃsevyā caikaprābhavaśālinī |
īkārarūpā ceśitrī cepsitārthapradāyinī || 9 ||
īdṛgityavinirdeśyā ceśvaratvavidhāyinī |
īśānādibrahmamayī ceśitvādyaṣṭasiddhidā || 10 ||
īkṣitrīkṣaṇasṛṣṭāṇḍakoṭirīśvaravallabhā |
īḍitā ceśvarārdhāṅgaśarīreśādhidevatā || 11 ||
īśvarapreraṇakarī ceśatāṇḍavasākṣiṇī |
īśvarotsaṅganilayā cetibādhāvināśinī || 12 ||
īhāvirahitā ceśaśaktirīṣatsmitānanā |
lakārarūpā lalitā lakṣmīvāṇīniṣevitā || 13 ||
lākinī lalanārūpā lasaddāḍimapāṭalā |
lalantikālasatphālā lalāṭanayanārcitā || 14 ||
lakṣaṇojjvaladivyāṅgī lakṣakoṭyaṇḍanāyikā |
lakṣyārthā lakṣaṇāgamyā labdhakāmā latātanuḥ || 15 ||
lalāmarājadalikā lambimuktālatāñcitā |
lambodaraprasūrlabhyā lajjāḍhyā layavarjitā || 16 ||
hrīṃ‍kārarūpā hrīṃ‍kāranilayā hrīṃ‍padapriyā |
hrīṃ‍kārabījā hrīṃ‍kāramantrā hrīṃ‍kāralakṣaṇā || 17 ||
hrīṃ‍kārajapasuprītā hrīṃ‍matī hrīṃ‍vibhūṣaṇā |
hrīṃ‍śīlā hrīṃ‍padārādhyā hrīṃ‍garbhā hrīṃ‍padābhidhā || 18 ||
hrīṃ‍kāravācyā hrīṃ‍kārapūjyā hrīṃ‍kārapīṭhikā |
hrīṃ‍kāravedyā hrīṃ‍kāracintyā hrīṃ hrīṃ‍śarīriṇī || 19 ||
hakārarūpā haladhṛkpūjitā hariṇekṣaṇā |
harapriyā harārādhyā haribrahmendravanditā || 20 ||
hayārūḍhāsevitāṅghrirhayamedhasamarcitā |
haryakṣavāhanā haṃsavāhanā hatadānavā || 21 ||
hatyādipāpaśamanī haridaśvādisevitā |
hastikumbhottuṅgakucā hastikṛttipriyāṅganā || 22 ||
haridrākuṅkumādigdhā haryaśvādyamarārcitā |
harikeśasakhī hādividyā hālāmadālasā || 23 ||
sakārarūpā sarvajñā sarveśī sarvamaṅgalā |
sarvakartrī sarvabhartrī sarvahantrī sanātanā || 24 ||
sarvānavadyā sarvāṅgasundarī sarvasākṣiṇī |
sarvātmikā sarvasaukhyadātrī sarvavimohinī || 25 ||
sarvādhārā sarvagatā sarvāvaguṇavarjitā |
sarvāruṇā sarvamātā sarvabhūṣaṇabhūṣitā || 26 ||
kakārārthā kālahantrī kāmeśī kāmitārthadā |
kāmasañjīvanī kalyā kaṭhinastanamaṇḍalā || 27 ||
karabhorūḥ kalānāthamukhī kacajitāmbudā |
kaṭākṣasyandikaruṇā kapāliprāṇanāyikā || 28 ||
kāruṇyavigrahā kāntā kāntidhūtajapāvaliḥ |
kalālāpā kambukaṇṭhī karanirjitapallavā || 29 ||
kalpavallīsamabhujā kastūrītilakāñcitā |
hakārārthā haṃsagatirhāṭakābharaṇojjvalā || 30 ||
hārahārikucābhogā hākinī halyavarjitā |
haritpatisamārādhyā haṭhātkārahatāsurā || 31 ||
harṣapradā havirbhoktrī hārdasantamasāpahā |
hallīsalāsyasantuṣṭā haṃsamantrārtharūpiṇī || 32 ||
hānopādānanirmuktā harṣiṇī harisodarī |
hāhāhūhūmukhastutyā hānivṛddhivivarjitā || 33 ||
hayyaṅgavīnahṛdayā harigopāruṇāṃśukā |
lakārākhyā latāpūjyā layasthityudbhaveśvarī || 34 ||
lāsyadarśanasantuṣṭā lābhālābhavivarjitā |
laṅghyetarājñā lāvaṇyaśālinī laghusiddhidā || 35 ||
lākṣārasasavarṇābhā lakṣmaṇāgrajapūjitā |
labhyetarā labdhabhaktisulabhā lāṅgalāyudhā || 36 ||
lagnacāmarahastaśrīśāradāparivījitā |
lajjāpadasamārādhyā lampaṭā lakuleśvarī || 37 ||
labdhamānā labdharasā labdhasampatsamunnatiḥ |
hrīṃ‍kāriṇī hrīṃ‍kārādyā hrīṃ‍madhyā hrīṃ‍śikhāmaṇiḥ || 38 ||
hrīṃ‍kārakuṇḍāgniśikhā hrīṃ‍kāraśaśicandrikā |
hrīṃ‍kārabhāskararucirhrīṃ‍kārāmbhodacañcalā || 39 ||
hrīṃ‍kārakandāṅkurikā hrīṃ‍kāraikaparāyaṇā |
hrīṃ‍kāradīrghikāhaṃsī hrīṃ‍kārodyānakekinī || 40 ||
hrīṃ‍kārāraṇyahariṇī hrīṃ‍kārāvālavallarī |
hrīṃ‍kārapañjaraśukī hrīṃ‍kārāṅgaṇadīpikā || 41 ||
hrīṃ‍kārakandarāsiṃhī hrīṃ‍kārāmbhojabhṛṅgikā |
hrīṃ‍kārasumanomādhvī hrīṃ‍kāratarumañjarī || 42 ||
sakārākhyā samarasā sakalāgamasaṃstutā |
sarvavedāntatātparyabhūmiḥ sadasadāśrayā || 43 ||
sakalā saccidānandā sādhyā sadgatidāyinī |
sanakādimunidhyeyā sadāśivakuṭumbinī || 44 ||
sakālādhiṣṭhānarūpā satyarūpā samākṛtiḥ |
sarvaprapañcanirmātrī samanādhikavarjitā || 45 ||
sarvottuṅgā saṅgahīnā saguṇā sakaleṣṭadā |
kakāriṇī kāvyalolā kāmeśvaramanoharā || 46 ||
kāmeśvaraprāṇanāḍī kāmeśotsaṅgavāsinī |
kāmeśvarāliṅgitāṅgī kāmeśvarasukhapradā || 47 ||
kāmeśvarapraṇayinī kāmeśvaravilāsinī |
kāmeśvaratapaḥsiddhiḥ kāmeśvaramanaḥpriyā || 48 ||
kāmeśvaraprāṇanāthā kāmeśvaravimohinī |
kāmeśvarabrahmavidyā kāmeśvaragṛheśvarī || 49 ||
kāmeśvarāhlādakarī kāmeśvaramaheśvarī |
kāmeśvarī kāmakoṭinilayā kāṅkṣitārthadā || 50 ||
lakāriṇī labdharūpā labdhadhīrlabdhavāñchitā |
labdhapāpamanodūrā labdhāhaṅkāradurgamā || 51 ||
labdhaśaktirlabdhadehā labdhaiśvaryasamunnatiḥ |
labdhavṛddhirlabdhalīlā labdhayauvanaśālinī || 52 ||
labdhātiśayasarvāṅgasaundaryā labdhavibhramā |
labdharāgā labdhapatirlabdhanānāgamasthitiḥ || 53 ||
labdhabhogā labdhasukhā labdhaharṣābhipūritā |
hrīṃ‍kāramūrtirhrīṃ‍kārasaudhaśṛṅgakapotikā || 54 ||
hrīṃ‍kāradugdhābdhisudhā hrīṃ‍kārakamalendirā |
hrīṃ‍kāramaṇidīpārcirhrīṃ‍kārataruśārikā || 55 ||
hrīṃ‍kārapeṭakamaṇirhrīṃ‍kārādarśabimbitā |
hrīṃ‍kārakośāsilatā hrīṃ‍kārāsthānanartakī || 56 ||
hrīṃ‍kāraśuktikāmuktāmaṇirhrīṃ‍kārabodhitā |
hrīṃ‍kāramayasauvarṇastambhavidrumaputrikā || 57 ||
hrīṃ‍kāravedopaniṣad hrīṃ‍kārādhvaradakṣiṇā |
hrīṃ‍kāranandanārāmanavakalpakavallarī || 58 ||
hrīṃ‍kārahimavadgaṅgā hrīṃ‍kārārṇavakaustubhā |
hrīṃ‍kāramantrasarvasvā hrīṃ‍kāraparasaukhyadā || 59 ||
uttarapīṭhikā (phalaśṛtiḥ)
hayagrīva uvāca |
ityevaṃ te mayākhyātaṃ devyā nāmaśatatrayam |
rahasyātirahasyatvādgopanīyaṃ tvayā mune || 1 ||
śivavarṇāni nāmāni śrīdevyā kathitāni hi |
śaktyakṣarāṇi nāmāni kāmeśakathitāni ca || 2 ||
ubhayākṣaranāmāni hyubhābhyāṃ kathitāni vai |
tadanyairgrathitaṃ stotrametasya sadṛśaṃ kimu || 3 ||
nānena sadṛśaṃ stotraṃ śrīdevīprītidāyakam |
lokatraye'pi kalyāṇaṃ sambhavennātra saṃśayaḥ || 4 ||
sūta uvāca |
iti hayamukhagītaṃ stotrarājaṃ niśamya
pragalitakaluṣo'bhūccittaparyāptimetya |
nijagurumatha natvā kumbhajanmā taduktaṃ
punaradhikarahasyaṃ jñātumevaṃ jagāda || 5 ||
agastya uvāca |
aśvānana mahābhāga rahasyamapi me vada |
śivavarṇāni kānyatra śaktivarṇāni kāni hi || 6 ||
ubhayorapi varṇāni kāni vā vada deśika |
iti pṛṣṭaḥ kumbhajena hayagrīvo'vadatpunaḥ || 7 ||
hayagrīva uvāca |
tava gopyaṃ kimastīha sākṣādambānuśāsanāt |
idaṃ tvatirahasyaṃ te vakṣyāmi śṛṇu kumbhaja || 8 ||
etadvijñānamātreṇa śrīvidyā siddhidā bhavet |
katrayaṃ hadvayaṃ caiva śaivo bhāgaḥ prakīrtitaḥ || 9 ||
śaktyakṣarāṇi śeṣāṇi hrīṅkāra ubhayātmakaḥ |
evaṃ vibhāgamajñātvā ye vidyājapaśālinaḥ || 10 ||
na teṣāṃ siddhidā vidyā kalpakoṭiśatairapi |
caturbhiḥ śivacakraiśca śakticakraiśca pañcabhiḥ || 11 ||
navacakraiśca saṃsiddhaṃ śrīcakraṃ śivayorvapuḥ |
trikoṇamaṣṭakoṇaṃ ca daśakoṇadvayaṃ tathā || 12 ||
caturdaśāraṃ caitāni śakticakrāṇi pañca ca |
binduścāṣṭadalaṃ padmaṃ padmaṃ ṣoḍaśapatrakam || 13 ||
caturaśraṃ ca catvāri śivacakrāṇyanukramāt |
trikoṇe baindavaṃ śliṣṭaṃ aṣṭāre'ṣṭadalāmbujam || 14 ||
daśārayoḥ ṣoḍaśāraṃ bhūgṛhaṃ bhuvanāśrake |
śaivānāmapi śāktānāṃ cakrāṇāṃ ca parasparam || 15 ||
avinābhāvasambandhaṃ yo jānāti sa cakravit |
trikoṇarūpiṇī śaktirbindurūpaparaḥ śivaḥ || 16 ||
avinābhāvasambandhaṃ tasmādbindutrikoṇayoḥ |
evaṃ vibhāgamajñātvā śrīcakraṃ yaḥ samarcayet || 17 ||
na tatphalamavāpnoti lalitāmbā na tuṣyati |
ye ca jānanti loke'smin śrīvidyācakravedinaḥ || 18 ||
sāmanyavedinaḥ sarve viśeṣajño'tidurlabhaḥ |
svayaṃvidyāviśeṣajño viśeṣajñaṃ samarcayet || 19 ||
tasmai deyaṃ tato grāhyamaśaktastasya dāpayet |
andhaṃ tamaḥ praviśanti ye'vidyāṃ samupāsate || 20 ||
iti śrutirapāhaitānavidyopāsakānpunaḥ |
vidyānyopāsakāneva nindatyāruṇikī śrutiḥ || 21 ||
aśrutā saśrutāsaśca yajvāno ye'pyayajvanaḥ |
svaryanto nāpekṣante indramagniṃ ca ye viduḥ || 22 ||
sikatā iva saṃyanti raśmibhiḥ samudīritāḥ |
asmāllokādamuṣmāccetyāha cāraṇyakaśrutiḥ || 23 ||
yasya no paścimaṃ janma yadi vā śaṅkaraḥ svayam |
tenaiva labhyate vidyā śrīmatpañcadaśākṣarī || 24 ||
iti mantreṣu bahudhā vidyāyā mahimocyate |
mokṣaikahetuvidyā tu śrīvidyā nātra saṃśayaḥ || 25 ||
na śilpādijñānayukte vidvacchabdhaḥ prayujyate |
mokṣaikahetuvidyā sā śrīvidyaiva na saṃśayaḥ || 26 ||
tasmādvidyāvidevātra vidvānvidvānitīryate |
svayaṃ vidyāvide dadyātkhyāpayettadguṇānsudhīḥ || 27 ||
svayaṃvidyārahasyajño vidyāmāhātmyavedyapi |
vidyāvidaṃ nārcayeccetko vā taṃ pūjayejjanaḥ || 28 ||
prasaṅgādidamuktaṃ te prakṛtaṃ śṛṇu kumbhaja |
yaḥ kīrtayetsakṛdbhaktyā divyanāmaśatatrayam || 29 ||
tasya puṇyamahaṃ vakṣye śṛṇu tvaṃ kumbhasambhava |
rahasyanāmasāhasrapāṭhe yatphalamīritam || 30 ||
tatphalaṃ koṭiguṇitamekanāmajapādbhavet |
kāmeśvarīkāmeśābhyāṃ kṛtaṃ nāmaśatatrayam || 31 ||
nānyena tulayedetat stotreṇānyakṛtena ca |
śriyaḥ paramparā yasya bhāvi vā cottarottaram || 32 ||
tenaiva labhyate caitatpaścācchreyaḥ parīkṣayet |
asyā nāmnāṃ triśatyāstu mahimā kena varṇyate || 33 ||
yā svayaṃ śivayorvaktrapadmābhyāṃ pariniḥsṛtā |
nityaṃ ṣoḍaśasaṅkhyākānviprānādau tu bhojayet || 34 ||
abhyaktāṃstilatailena snātānuṣṇena vāriṇā |
abhyarcya gandhapuṣpādyaiḥ kāmeśvaryādināmabhiḥ || 35 ||
sūpāpūpaiḥ śarkarādyaiḥ pāyasaiḥ phalasaṃyutaiḥ |
vidyāvido viśeṣeṇa bhojayetṣoḍaśa dvijān || 36 ||
evaṃ nityārcanaṃ kuryādādau brāhmaṇabhojanam |
triśatīnāmabhiḥ paścādbrāhmaṇānkramaśo'rcayet || 37 ||
tailābhyaṅgādikaṃ datvā vibhave sati bhaktitaḥ |
śuklapratipadārabhya paurṇamāsyavadhi kramāt || 38 ||
divase divase viprā bhojyā viṃśatisaṅkhyayā |
daśabhiḥ pañcabhirvāpi tribhirekena vā dinaiḥ || 39 ||
triṃśatṣaṣṭiḥ śataṃ viprāḥ sambhojyāstriśataṃ kramāt |
evaṃ yaḥ kurute bhaktyā janmamadhye sakṛnnaraḥ || 40 ||
tasyaiva saphalaṃ janma muktistasya kare sthirā |
rahasyanāmasāhasrabhojane'pyevameva hi || 41 ||
ādau nityabaliṃ kuryātpaścādbrāhmaṇabhojanam |
rahasyanāmasāhasramahimā yo mayoditaḥ || 42 ||
sa śīkarāṇuratnaikanāmno mahimavāridheḥ |
vāgdevīracite nāmasāhasre yadyadīritam || 43 ||
tatphalaṃ koṭiguṇitaṃ nāmno'pyekasya kīrtanāt |
etadanyairjapaiḥ stotrairarcanairyatphalaṃ bhavet || 44 ||
tatphalaṃ koṭiguṇitaṃ bhavennāmaśatatrayāt |
vāgdevīracite stotre tādṛśo mahimā yadi || 45 ||
sākṣātkāmeśakāmeśīkṛte'smingṛhyatāmiti |
sakṛtsaṅkīrtanādeva nāmnāmasmin śatatraye || 46 ||
bhaveccittasya paryāptirnyūnamanyānapekṣiṇī |
na jñātavyamito'pyanyatra japtavyaṃ ca kumbhaja || 47 ||
yadyatsādhyatamaṃ kāryaṃ tattadarthamidaṃ japet |
tattatphalamavāpnoti paścātkāryaṃ parīkṣayet || 48 ||
ye ye prayogāstantreṣu taistairyatsādhyate phalam |
tatsarvaṃ sidhyati kṣipraṃ nāmatriśatakīrtanāt || 49 ||
āyuṣkaraṃ puṣṭikaraṃ putradaṃ vaśyakārakam |
vidyāpradaṃ kīrtikaraṃ sukavitvapradāyakam || 50 ||
sarvasampatpradaṃ sarvabhogadaṃ sarvasaukhyadam |
sarvābhīṣṭapradaṃ caiva devyā nāmaśatatrayam || 51 ||
etajjapaparo bhūyānnānyadicchetkadācana |
etatkīrtanasantuṣṭā śrīdevī lalitāmbikā || 52 ||
bhaktasya yadyadiṣṭaṃ syāttattatpūrayate dhruvam |
tasmātkumbhodbhava mune kīrtaya tvamidaṃ sadā || 53 ||
nāparaṃ kiñcidapi te boddhavyamavaśiṣyate |
iti te kathitaṃ stotraṃ lalitāprītidāyakam || 54 ||
nāvidyāvedine brūyānnābhaktāya kadācana |
na śaṭhāya na duṣṭāya nāviśvāsāya karhicit || 56 ||
yo brūyāttriśatīṃ nāmnāṃ tasyānartho mahānbhavet |
ityājñā śāṅkarī proktā tasmādgopyamidaṃ tvayā || 57 ||
lalitāpreritenaiva mayoktaṃ stotramuttamam |
rahasyanāmasāhasrādapi gopyamidaṃ mune || 58 ||
sūta uvāca |
evamuktvā hayagrīvaḥ kumbhajaṃ tāpasottamam |
stotreṇānena lalitāṃ stutvā tripurasundarīm |
ānandalaharīmagnamānasaḥ samavartata || 59 ||
iti brahmāṇḍapurāṇe uttarakhaṇḍe hayagrīvāgastyasaṃvāde lalitopākhyāne stotrakhaṇḍe śrīlalitātriśatīstotraratnam |
InfoLyter.in — Sacred Vedic Knowledge Portal · Free forever