Rachayema Samskritabhavanam (grame Nagare Samastarashtre) — Grantha Script

𑌗𑍍𑌰𑌾𑌮𑍇 𑌨𑌗𑌰𑍇 𑌸𑌮𑌸𑍍𑌤𑌰𑌾𑌷𑍍𑌟𑍍𑌰𑍇

𑌰𑌚𑌯𑍇𑌮 𑌸𑌂𑌸𑍍𑌕𑍃𑌤𑌭𑌵𑌨𑌂

𑌇𑌷𑍍𑌟𑌿𑌕𑌾𑌂 𑌵𑌿𑌨𑌾 𑌮𑍃𑌤𑍍𑌤𑌿𑌕𑌾𑌂 𑌵𑌿𑌨𑌾

𑌕𑍇𑌵𑌲𑌸𑌮𑍍𑌭𑌾𑌷𑌣𑌵𑌿𑌧𑌯𑌾

𑌸𑌂𑌸𑍍𑌕𑍃𑌤𑌸𑌮𑍍𑌭𑌾𑌷𑌣𑌕𑌲𑌯𑌾 ॥

𑌶𑌿𑌶𑍁𑌬𑌾𑌲𑌾𑌨𑌾𑌂 𑌸𑍍𑌮𑌿𑌤𑌮𑍃𑌦𑍁𑌵𑌚𑌨𑍇

𑌯𑍁𑌵𑌯𑍁𑌵𑌤𑍀𑌨𑌾𑌂 𑌮𑌞𑍍𑌜𑍁𑌭𑌾𑌷𑌣𑍇

𑌵𑍃𑌦𑍍𑌧𑌗𑍁𑌰𑍂𑌣𑌾𑌂 𑌵𑌤𑍍𑌸𑌲𑌹𑍃𑌦𑌯𑍇

𑌰𑌚𑌯𑍇𑌮 𑌸𑌂𑌸𑍍𑌕𑍃𑌤𑌭𑌵𑌨𑌮𑍍 ॥ 1 ॥

𑌅𑌰𑍁𑌣𑍋𑌦𑌯𑌤𑌃 𑌸𑍁𑌪𑍍𑌰𑌭𑌾𑌤𑌂

𑌶𑍁𑌭𑌰𑌾𑌤𑍍𑌰𑌿𑌂 𑌨𑌿𑌶𑌿 𑌸𑌂𑌵𑌦𑍇𑌮

𑌦𑌿𑌵𑌾𑌨𑌿𑌶𑌂 𑌸𑌂𑌸𑍍𑌕𑍃𑌤𑌵𑌚𑌨𑍇𑌨

𑌰𑌚𑌯𑍇𑌮 𑌸𑌂𑌸𑍍𑌕𑍃𑌤𑌭𑌵𑌨𑌮𑍍 ॥ 2 ॥

𑌸𑍋𑌦𑌰-𑌸𑍋𑌦𑌰𑍀-𑌭𑌾𑌵-𑌬𑌨𑍍𑌧𑍁𑌰𑌂

𑌮𑌾𑌤𑍃𑌪𑍍𑌰𑍇𑌮𑌤𑍋 𑌬𑌹𑍁𑌜𑌨𑌰𑍁𑌚𑌿𑌰𑌂

𑌵𑌚𑌨𑌲𑌲𑌿𑌤𑌂 𑌶𑍍𑌰𑌵𑌣𑌮𑌧𑍁𑌰𑌂

𑌰𑌚𑌯𑍇𑌮 𑌸𑌂𑌸𑍍𑌕𑍃𑌤𑌭𑌵𑌨𑌮𑍍 ॥ 3 ॥

𑌮𑍂𑌲𑌶𑌿𑌲𑌾 𑌸𑌮𑍍𑌭𑌾𑌷𑌣𑌮𑌸𑍍𑌯

𑌹𑌿𑌨𑍍𑌦𑍁𑌜𑌨𑍈𑌕𑍍𑌯𑌂 𑌶𑌿𑌖𑌰𑌮𑍁𑌨𑍍𑌨𑌤𑌂

𑌸𑍋𑌪𑌾𑌨𑌂 𑌶𑍍𑌰𑌵𑌣𑌾𑌦𑌿𑌵𑌿𑌧𑌾𑌨𑌂

𑌰𑌚𑌯𑍇𑌮 𑌸𑌂𑌸𑍍𑌕𑍃𑌤𑌭𑌵𑌨𑌮𑍍 ॥ 4 ॥

𑌰𑌚𑌨: 𑌗𑍁. 𑌗𑌣𑌪𑌯𑍍𑌯𑌹𑍋𑌲𑍍𑌲𑌃

Roman (IAST) Transliteration

grāme nagare samastarāṣṭre

racayema saṃskṛtabhavanaṃ

iṣṭikāṃ vinā mṛttikāṃ vinā

kevalasambhāṣaṇavidhayā

saṃskṛtasambhāṣaṇakalayā ||

śiśubālānāṃ smitamṛduvacane

yuvayuvatīnāṃ mañjubhāṣaṇe

vṛddhagurūṇāṃ vatsalahṛdaye

racayema saṃskṛtabhavanam || 1 ||

aruṇodayataḥ suprabhātaṃ

śubharātriṃ niśi saṃvadema

divāniśaṃ saṃskṛtavacanena

racayema saṃskṛtabhavanam || 2 ||

sodara-sodarī-bhāva-bandhuraṃ

mātṛpremato bahujanaruciraṃ

vacanalalitaṃ śravaṇamadhuraṃ

racayema saṃskṛtabhavanam || 3 ||

mūlaśilā sambhāṣaṇamasya

hindujanaikyaṃ śikharamunnataṃ

sopānaṃ śravaṇādividhānaṃ

racayema saṃskṛtabhavanam || 4 ||

racana: gu. gaṇapayyahollaḥ

Sanskrit — Devanagari (original)

ग्रामे नगरे समस्तराष्ट्रे

रचयेम संस्कृतभवनं

इष्टिकां विना मृत्तिकां विना

केवलसम्भाषणविधया

संस्कृतसम्भाषणकलया ॥

शिशुबालानां स्मितमृदुवचने

युवयुवतीनां मञ्जुभाषणे

वृद्धगुरूणां वत्सलहृदये

रचयेम संस्कृतभवनम् ॥ 1 ॥

अरुणोदयतः सुप्रभातं

शुभरात्रिं निशि संवदेम

दिवानिशं संस्कृतवचनेन

रचयेम संस्कृतभवनम् ॥ 2 ॥

सोदर-सोदरी-भाव-बन्धुरं

मातृप्रेमतो बहुजनरुचिरं

वचनललितं श्रवणमधुरं

रचयेम संस्कृतभवनम् ॥ 3 ॥

मूलशिला सम्भाषणमस्य

हिन्दुजनैक्यं शिखरमुन्नतं

सोपानं श्रवणादिविधानं

रचयेम संस्कृतभवनम् ॥ 4 ॥

रचन: गु. गणपय्यहोल्लः