2.1 - Vayavyagg Shveta Ma Labheta - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃 - 𑌪𑌶𑍁𑌵𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌵𑌾॒𑌯॒𑌵𑍍𑌯𑌗𑍍𑌗𑍍॑ 𑌶𑍍𑌵𑍇॒𑌤𑌮𑌾 𑌲॑𑌭𑍇𑌤॒ 𑌭𑍂𑌤𑌿॑𑌕𑌾𑌮𑍋 𑌵𑌾॒𑌯𑍁𑌰𑍍𑌵𑍈 𑌕𑍍𑌷𑍇𑌪𑌿॑𑌷𑍍𑌠𑌾 𑌦𑍇॒𑌵𑌤𑌾॑𑌵𑌾॒𑌯𑍁𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌮𑍍𑌭𑍂𑌤𑌿॑-𑌙𑍍𑌗𑌮𑌯𑌤𑌿॒ 𑌭𑌵॑𑌤𑍍𑌯𑍇॒𑌵𑌾-𑌤𑌿॑𑌕𑍍𑌷𑌿𑌪𑍍𑌰𑌾 𑌦𑍇॒𑌵𑌤𑍇𑌤𑍍𑌯𑌾॑𑌹𑍁॒-𑌸𑍍𑌸𑍈𑌨॑𑌮𑍀𑌶𑍍𑌵॒𑌰𑌾 𑌪𑍍𑌰॒𑌦𑌹॒ 𑌇𑌤𑍍𑌯𑍇॒𑌤𑌮𑍇॒𑌵 𑌸𑌨𑍍𑌤𑌂॑-𑌵𑌾𑌁॒𑌯𑌵𑍇॑ 𑌨𑌿॒𑌯𑍁𑌤𑍍𑌵॑𑌤॒ 𑌆 𑌲॑𑌭𑍇𑌤 𑌨𑌿॒𑌯𑍁𑌦𑍍𑌵𑌾 𑌅॑𑌸𑍍𑌯॒ 𑌧𑍃𑌤𑌿॑𑌰𑍍𑌧𑍃॒𑌤 𑌏॒𑌵 𑌭𑍂𑌤𑌿॒𑌮𑍁𑌪𑍈॒𑌤𑍍𑌯 𑌪𑍍𑌰॑𑌦𑌾𑌹𑌾𑌯॒ 𑌭𑌵॑𑌤𑍍𑌯𑍇॒𑌵 [ ] 1

𑌵𑌾॒𑌯𑌵𑍇॑ 𑌨𑌿॒𑌯𑍁𑌤𑍍𑌵॑𑌤॒ 𑌆 𑌲॑𑌭𑍇𑌤॒ 𑌗𑍍𑌰𑌾𑌮॑𑌕𑌾𑌮𑍋 𑌵𑌾॒𑌯𑍁𑌰𑍍𑌵𑌾 𑌇॒𑌮𑌾𑌃 𑌪𑍍𑌰॒𑌜𑌾 𑌨॑𑌸𑍍𑌯𑍋॒𑌤𑌾 𑌨𑍇॑𑌨𑍀𑌯𑌤𑍇 𑌵𑌾॒𑌯𑍁𑌮𑍇॒𑌵 𑌨𑌿॒𑌯𑍁𑌤𑍍𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾 𑌨॑𑌸𑍍𑌯𑍋॒𑌤𑌾 𑌨𑌿𑌯॑𑌚𑍍𑌛𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌨𑌿॒𑌯𑍁𑌤𑍍𑌵॑𑌤𑍇 𑌭𑌵𑌤𑌿 𑌧𑍍𑌰𑍁॒𑌵𑌾 𑌏॒𑌵𑌾𑌸𑍍𑌮𑌾॒ 𑌅𑌨॑𑌪𑌗𑌾𑌃 𑌕𑌰𑍋𑌤𑌿 𑌵𑌾॒𑌯𑌵𑍇॑ 𑌨𑌿॒𑌯𑍁𑌤𑍍𑌵॑𑌤॒ 𑌆 𑌲॑𑌭𑍇𑌤 𑌪𑍍𑌰॒𑌜𑌾𑌕𑌾॑𑌮𑌃 𑌪𑍍𑌰𑌾॒𑌣𑍋 𑌵𑍈 𑌵𑌾॒𑌯𑍁𑌰॑𑌪𑌾॒𑌨𑍋 𑌨𑌿॒𑌯𑍁-𑌤𑍍𑌪𑍍𑌰𑌾॑𑌣𑌾𑌪𑌾॒𑌨𑍗 𑌖𑌲𑍁॒ 𑌵𑌾 𑌏॒𑌤𑌸𑍍𑌯॑ 𑌪𑍍𑌰॒𑌜𑌾𑌯𑌾॒ [𑌪𑍍𑌰॒𑌜𑌾𑌯𑌾𑌃᳚, 𑌅𑌪॑] 2

𑌅𑌪॑ 𑌕𑍍𑌰𑌾𑌮𑌤𑍋॒ 𑌯𑍋-𑌽𑌲॑-𑌮𑍍𑌪𑍍𑌰॒𑌜𑌾𑌯𑍈॒ 𑌸-𑌨𑍍𑌪𑍍𑌰॒𑌜𑌾-𑌨𑍍𑌨 𑌵𑌿॒𑌨𑍍𑌦𑌤𑍇॑ 𑌵𑌾॒𑌯𑍁𑌮𑍇॒𑌵 𑌨𑌿॒𑌯𑍁𑌤𑍍𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈᳚ 𑌪𑍍𑌰𑌾𑌣𑌾𑌪𑌾॒𑌨𑌾𑌭𑍍𑌯𑌾᳚-𑌮𑍍𑌪𑍍𑌰॒𑌜𑌾-𑌮𑍍𑌪𑍍𑌰 𑌜॑𑌨𑌯𑌤𑌿 𑌵𑌿॒𑌨𑍍𑌦𑌤𑍇᳚ 𑌪𑍍𑌰॒𑌜𑌾𑌂-𑌵𑌾𑌁॒𑌯𑌵𑍇॑ 𑌨𑌿॒𑌯𑍁𑌤𑍍𑌵॑𑌤॒ 𑌆 𑌲॑𑌭𑍇𑌤॒ 𑌜𑍍𑌯𑍋𑌗𑌾॑𑌮𑌯𑌾𑌵𑍀 𑌪𑍍𑌰𑌾॒𑌣𑍋 𑌵𑍈 𑌵𑌾॒𑌯𑍁𑌰॑𑌪𑌾॒𑌨𑍋 𑌨𑌿॒𑌯𑍁-𑌤𑍍𑌪𑍍𑌰𑌾॑𑌣𑌾𑌪𑌾॒𑌨𑍗 𑌖𑌲𑍁॒ 𑌵𑌾 𑌏॒𑌤𑌸𑍍𑌮𑌾॒ 𑌦𑌪॑𑌕𑍍𑌰𑌾𑌮𑌤𑍋॒ 𑌯𑌸𑍍𑌯॒ 𑌜𑍍𑌯𑍋𑌗𑌾॒𑌮𑌯॑𑌤𑌿 𑌵𑌾॒𑌯𑍁𑌮𑍇॒𑌵 𑌨𑌿॒𑌯𑍁𑌤𑍍𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ - [𑌭𑌾𑌗॒𑌧𑍇𑌯𑍇॒𑌨𑍋𑌪॑, 𑌧𑌾॒𑌵॒𑌤𑌿॒ 𑌸] 3

𑌧𑌾𑌵𑌤𑌿॒ 𑌸 𑌏॒𑌵𑌾-𑌽𑌸𑍍𑌮𑌿॑-𑌨𑍍𑌪𑍍𑌰𑌾𑌣𑌾𑌪𑌾॒𑌨𑍗 𑌦॑𑌧𑌾𑌤𑍍𑌯𑍁॒𑌤 𑌯𑌦𑍀॒𑌤𑌾𑌸𑍁॒𑌰𑍍𑌭𑌵॑𑌤𑌿॒ 𑌜𑍀𑌵॑𑌤𑍍𑌯𑍇॒𑌵 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌇॒𑌦𑌮𑍇𑌕॑ 𑌆𑌸𑍀॒-𑌥𑍍𑌸𑍋॑-𑌽𑌕𑌾𑌮𑌯𑌤 𑌪𑍍𑌰॒𑌜𑌾𑌃 𑌪॒𑌶𑍂𑌨𑍍-𑌥𑍍𑌸𑍃॑𑌜𑍇॒𑌯𑍇𑌤𑌿॒ 𑌸 𑌆॒𑌤𑍍𑌮𑌨𑍋॑ 𑌵॒𑌪𑌾𑌮𑍁𑌦॑𑌕𑍍𑌖𑌿𑌦॒-𑌤𑍍𑌤𑌾𑌮॒𑌗𑍍𑌨𑍗 𑌪𑍍𑌰𑌾𑌗𑍃॑𑌹𑍍𑌣𑌾॒-𑌤𑍍𑌤𑌤𑍋॒-𑌽𑌜𑌸𑍍𑌤𑍂॑𑌪॒𑌰-𑌸𑍍𑌸𑌮॑𑌭𑌵॒-𑌤𑍍𑌤𑌗𑍍𑌗𑍍 𑌸𑍍𑌵𑌾𑌯𑍈॑ 𑌦𑍇॒𑌵𑌤𑌾॑𑌯𑌾॒ 𑌆 𑌽𑌲॑𑌭𑌤॒ 𑌤𑌤𑍋॒ 𑌵𑍈 𑌸 𑌪𑍍𑌰॒𑌜𑌾𑌃 𑌪॒𑌶𑍂𑌨॑𑌸𑍃𑌜𑌤॒ 𑌯𑌃 𑌪𑍍𑌰॒𑌜𑌾𑌕𑌾॑𑌮𑌃 [ ] 4

𑌪॒𑌶𑍁𑌕𑌾॑𑌮॒-𑌸𑍍𑌸𑍍𑌯𑌾-𑌥𑍍𑌸 𑌏॒𑌤-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑌮॒𑌜-𑌨𑍍𑌤𑍂॑𑌪॒𑌰𑌮𑌾 𑌲॑𑌭𑍇𑌤 𑌪𑍍𑌰॒𑌜𑌾𑌪॑𑌤𑌿𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤𑌿॒ 𑌯𑌚𑍍𑌛𑍍𑌮॑𑌶𑍍𑌰𑍁॒𑌣𑌸𑍍𑌤-𑌤𑍍𑌪𑍁𑌰𑍁॑𑌷𑌾𑌣𑌾𑌗𑍍𑌂 𑌰𑍂॒𑌪𑌂-𑌯𑌁-𑌤𑍍𑌤𑍂॑𑌪॒𑌰𑌸𑍍𑌤𑌦𑌶𑍍𑌵𑌾॑𑌨𑌾𑌂॒-𑌯𑌁𑌦॒𑌨𑍍𑌯𑌤𑍋॑𑌦॒-𑌨𑍍𑌤-𑌦𑍍𑌗𑌵𑌾𑌂॒-𑌯𑌁𑌦𑌵𑍍𑌯𑌾॑ 𑌇𑌵 𑌶॒𑌫𑌾𑌸𑍍𑌤𑌦𑌵𑍀॑𑌨𑌾𑌂॒-𑌯𑌁𑌦॒𑌜𑌸𑍍𑌤-𑌦॒𑌜𑌾𑌨𑌾॑-𑌮𑍇॒𑌤𑌾𑌵॑𑌨𑍍𑌤𑍋॒ 𑌵𑍈 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵॒𑌸𑍍𑌤𑌾- [𑌪॒𑌶𑌵॒𑌸𑍍𑌤𑌾𑌨𑍍, 𑌰𑍂॒𑌪𑍇𑌣𑍈॒𑌵𑌾𑌵॑ 𑌰𑍁𑌨𑍍𑌧𑍇] 5

-𑌨𑍍𑌰𑍂॒𑌪𑍇𑌣𑍈॒𑌵𑌾𑌵॑ 𑌰𑍁𑌨𑍍𑌧𑍇 𑌸𑍋𑌮𑌾𑌪𑍗॒𑌷𑍍𑌣-𑌨𑍍𑌤𑍍𑌰𑍈॒𑌤𑌮𑌾 𑌲॑𑌭𑍇𑌤 𑌪॒𑌶𑍁𑌕𑌾॑𑌮𑍋॒𑌦𑍍𑌵𑍗 𑌵𑌾 𑌅॒𑌜𑌾𑌯𑍈॒ 𑌸𑍍𑌤𑌨𑍗॒ 𑌨𑌾𑌨𑍈॒𑌵 𑌦𑍍𑌵𑌾𑌵॒𑌭𑌿 𑌜𑌾𑌯𑍇॑𑌤𑍇॒ 𑌊𑌰𑍍𑌜॒-𑌮𑍍𑌪𑍁𑌷𑍍𑌟𑌿॑-𑌨𑍍𑌤𑍃॒𑌤𑍀𑌯𑌃॑𑌸𑍋𑌮𑌾𑌪𑍂॒𑌷𑌣𑌾॑𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤॒-𑌸𑍍𑌸𑍋𑌮𑍋॒ 𑌵𑍈 𑌰𑍇॑𑌤𑍋॒𑌧𑌾𑌃 𑌪𑍂॒𑌷𑌾 𑌪॑𑌶𑍂॒𑌨𑌾-𑌮𑍍𑌪𑍍𑌰॑𑌜𑌨𑌯𑌿॒𑌤𑌾 𑌸𑍋𑌮॑ 𑌏॒𑌵𑌾𑌸𑍍𑌮𑍈॒ 𑌰𑍇𑌤𑍋॒ 𑌦𑌧𑌾॑𑌤𑌿 𑌪𑍂॒𑌷𑌾 𑌪॒𑌶𑍂-𑌨𑍍𑌪𑍍𑌰 𑌜॑𑌨𑌯॒𑌤𑍍𑌯𑍗𑌦𑍁॑𑌮𑍍𑌬𑌰𑍋॒ 𑌯𑍂𑌪𑍋॑ 𑌭𑌵॒𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌕𑍍𑌪॒𑌶𑌵॑ 𑌊॒𑌰𑍍𑌜𑍈𑌵𑌾𑌸𑍍𑌮𑌾॒ 𑌊𑌰𑍍𑌜॑-𑌮𑍍𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 ॥ 6 ॥

(𑌅𑌪𑍍𑌰॑𑌦𑌾𑌹𑌾𑌯॒ 𑌭𑌵॑𑌤𑍍𑌯𑍇॒𑌵 - 𑌪𑍍𑌰॒𑌜𑌾𑌯𑌾॑ - 𑌆॒𑌮𑌯॑𑌤𑌿 𑌵𑌾॒𑌯𑍁𑌮𑍇॒𑌵 𑌨𑌿॒𑌯𑍁𑌤𑍍𑌵॑𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ - 𑌪𑍍𑌰॒𑌜𑌾𑌕॑𑌮॒ - 𑌸𑍍𑌤𑌾𑌨𑍍 - 𑌯𑍂𑌪॒ - 𑌸𑍍𑌤𑍍𑌰𑌯𑍋॑𑌦𑌶 𑌚 ) (𑌅. 1)

𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌤𑌾 𑌅॑𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌾𑌃 𑌪𑌰𑌾॑𑌚𑍀𑌰𑌾𑌯॒-𑌨𑍍𑌤𑌾 𑌵𑌰𑍁॑𑌣𑌮𑌗𑌚𑍍𑌛॒-𑌨𑍍𑌤𑌾 𑌅𑌨𑍍𑌵𑍈॒-𑌤𑍍𑌤𑌾𑌃 𑌪𑍁𑌨॑𑌰𑌯𑌾𑌚𑌤॒ 𑌤𑌾 𑌅॑𑌸𑍍𑌮𑍈॒ 𑌨 𑌪𑍁𑌨॑𑌰𑌦𑌦𑌾॒-𑌥𑍍𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍀॒𑌷𑍍𑌵𑌾𑌥॑ 𑌮𑍇॒ 𑌪𑍁𑌨॑𑌰𑍍𑌦𑍇॒𑌹𑍀𑌤𑌿॒ 𑌤𑌾𑌸𑌾𑌂॒-𑌵𑌁𑌰॒𑌮𑌾 𑌽𑌲॑𑌭𑌤॒ 𑌸 𑌕𑍃॒𑌷𑍍𑌣 𑌏𑌕॑𑌶𑌿𑌤𑌿𑌪𑌾𑌦-𑌭𑌵॒𑌦𑍍𑌯𑍋 𑌵𑌰𑍁॑𑌣 𑌗𑍃𑌹𑍀𑌤॒-𑌸𑍍𑌸𑍍𑌯𑌾-𑌥𑍍𑌸 𑌏॒𑌤𑌂-𑌵𑌾𑌁॑𑌰𑍁॒𑌣-𑌙𑍍𑌕𑍃॒𑌷𑍍𑌣-𑌮𑍇𑌕॑𑌶𑌿𑌤𑌿𑌪𑌾𑌦॒𑌮𑌾-𑌲॑𑌭𑍇𑌤॒ 𑌵𑌰𑍁॑𑌣- [𑌵𑌰𑍁॑𑌣𑌮𑍍, 𑌏॒𑌵 𑌸𑍍𑌵𑍇𑌨॑] 7

-𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌕𑍃॒𑌷𑍍𑌣 𑌏𑌕॑𑌶𑌿𑌤𑌿𑌪𑌾-𑌦𑍍𑌭𑌵𑌤𑌿 𑌵𑌾𑌰𑍁॒𑌣𑍋 𑌹𑍍𑌯𑍇॑𑌷 𑌦𑍇॒𑌵𑌤॑𑌯𑌾॒ 𑌸𑌮𑍃॑𑌦𑍍𑌧𑍍𑌯𑍈॒ 𑌸𑍁𑌵॑𑌰𑍍𑌭𑌾𑌨𑍁𑌰𑌾𑌸𑍁॒𑌰-𑌸𑍍𑌸𑍂𑌰𑍍𑌯॒-𑌨𑍍𑌤𑌮॑𑌸𑌾-𑌽𑌵𑌿𑌦𑍍𑌧𑍍𑌯॒𑌤 𑌤𑌸𑍍𑌮𑍈॑𑌦𑍇॒𑌵𑌾𑌃 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿-𑌮𑍈𑌚𑍍𑌛॒-𑌨𑍍𑌤𑌸𑍍𑌯॒ 𑌯-𑌤𑍍𑌪𑍍𑌰॑𑌥॒𑌮-𑌨𑍍𑌤𑌮𑍋॒-𑌽𑌪𑌾𑌘𑍍𑌨॒𑌨𑍍-𑌥𑍍𑌸𑌾 𑌕𑍃॒𑌷𑍍𑌣𑌾-𑌽𑌵𑌿॑𑌰𑌭𑌵॒-𑌦𑍍𑌯-𑌦𑍍𑌦𑍍𑌵𑌿॒𑌤𑍀𑌯॒𑌗𑍍𑌂॒ 𑌸𑌾 𑌫𑌲𑍍𑌗𑍁॑𑌨𑍀॒ 𑌯𑌤 𑌤𑍃॒𑌤𑍀𑌯॒𑌗𑍍𑌂॒ 𑌸𑌾 𑌬॑𑌲॒𑌕𑍍𑌷𑍀 𑌯𑌦॑𑌦𑍍𑌧𑍍𑌯॒𑌸𑍍𑌥𑌾-𑌦॒𑌪𑌾𑌕𑍃॑𑌨𑍍𑌤॒𑌨𑍍-𑌥𑍍𑌸𑌾 𑌽𑌵𑌿॑𑌰𑍍𑌵॒𑌶𑌾 [ ] 8

𑌸𑌮॑𑌭𑌵॒-𑌤𑍍𑌤𑍇 𑌦𑍇॒𑌵𑌾 𑌅॑𑌬𑍍𑌰𑍁𑌵-𑌨𑍍𑌦𑍇𑌵𑌪॒𑌶𑍁𑌰𑍍𑌵𑌾 𑌅॒𑌯𑌗𑍍𑌂 𑌸𑌮॑𑌭𑍂॒-𑌤𑍍𑌕𑌸𑍍𑌮𑌾॑ 𑌇॒𑌮𑌮𑌾 𑌲॑𑌫𑍍𑌸𑍍𑌯𑌾𑌮𑌹॒ 𑌇𑌤𑍍𑌯𑌥॒ 𑌵𑍈 𑌤𑌰𑍍𑌹𑍍𑌯𑌲𑍍𑌪𑌾॑ 𑌪𑍃𑌥𑌿॒𑌵𑍍𑌯𑌾𑌸𑍀॒-𑌦𑌜𑌾॑𑌤𑌾॒ 𑌓𑌷॑𑌧𑌯॒𑌸𑍍𑌤𑌾𑌮𑌵𑌿𑌂॑-𑌵𑌁॒𑌶𑌾𑌮𑌾॑𑌦𑌿॒𑌤𑍍𑌯𑍇𑌭𑍍𑌯𑌃॒ 𑌕𑌾𑌮𑌾॒𑌯𑌾-𑌽𑌲॑𑌭𑌨𑍍𑌤॒ 𑌤𑌤𑍋॒ 𑌵𑌾 𑌅𑌪𑍍𑌰॑𑌥𑌤 𑌪𑍃𑌥𑌿॒𑌵𑍍𑌯-𑌜𑌾॑𑌯॒𑌨𑍍𑌤𑍗𑌷॑𑌧𑌯𑍋॒ 𑌯𑌃 𑌕𑌾॒𑌮𑌯𑍇॑𑌤॒ 𑌪𑍍𑌰𑌥𑍇॑𑌯 𑌪॒𑌶𑍁𑌭𑌿𑌃॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌜𑌾𑌯𑍇॒𑌯𑍇𑌤𑌿॒ 𑌸 𑌏॒𑌤𑌾𑌮𑌵𑌿𑌂॑-𑌵𑌁॒𑌶𑌾𑌮𑌾॑𑌦𑌿॒𑌤𑍍𑌯𑍇𑌭𑍍𑌯𑌃॒ 𑌕𑌾𑌮𑌾॒𑌯𑌾- [𑌕𑌾𑌮𑌾॑𑌯, 𑌆𑌲॑𑌭𑍇𑌤𑌾 𑌽𑌽𑌦𑌿॒𑌤𑍍𑌯𑌾𑌨𑍇॒𑌵] 9

-𑌽𑌽𑌲॑𑌭𑍇𑌤𑌾 𑌽𑌽𑌦𑌿॒𑌤𑍍𑌯𑌾𑌨𑍇॒𑌵 𑌕𑌾𑌮॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑍈𑌨॑-𑌮𑍍𑌪𑍍𑌰॒𑌥𑌯॑𑌨𑍍𑌤𑌿 𑌪॒𑌶𑍁𑌭𑌿𑌃॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌜𑌨𑌯𑌨𑍍𑌤𑍍𑌯॒-𑌸𑌾𑌵𑌾॑𑌦𑌿॒𑌤𑍍𑌯𑍋 𑌨 𑌵𑍍𑌯॑𑌰𑍋𑌚𑌤॒ 𑌤𑌸𑍍𑌮𑍈॑ 𑌦𑍇॒𑌵𑌾𑌃 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌮𑍈𑌚𑍍𑌛॒-𑌨𑍍𑌤𑌸𑍍𑌮𑌾॑ 𑌏॒𑌤𑌾 𑌮॒𑌲𑍍॒𑌹𑌾 𑌆𑌲॑𑌭𑌨𑍍𑌤𑌾-𑌽𑌽𑌗𑍍𑌨𑍇॒𑌯𑍀-𑌙𑍍𑌕𑍃॑𑌷𑍍𑌣𑌗𑍍𑌰𑍀॒𑌵𑍀𑌗𑍍𑌂 𑌸𑌗𑍍𑌂॑𑌹𑌿॒𑌤𑌾𑌮𑍈॒𑌨𑍍𑌦𑍍𑌰𑍀𑌗𑍍 𑌶𑍍𑌵𑍇॒𑌤𑌾-𑌮𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯𑌾-𑌨𑍍𑌤𑌾𑌭𑌿॑𑌰𑍇॒𑌵𑌾𑌸𑍍𑌮𑌿॒-𑌨𑍍𑌰𑍁𑌚॑𑌮𑌦𑌧𑍁॒𑌰𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌕𑌾॑𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾 𑌮॒𑌲𑍍॒𑌹𑌾 𑌆 𑌲॑𑌭𑍇𑌤𑌾- [𑌆 𑌲॑𑌭𑍇𑌤, 𑌆॒𑌗𑍍𑌨𑍇॒𑌯𑍀-𑌙𑍍𑌕𑍃॑𑌷𑍍𑌣𑌗𑍍𑌰𑍀॒𑌵𑍀𑌗𑍍𑌂] 10

(𑌶𑌿𑌖𑌣𑍍𑌡𑌿 𑌪𑌞𑍍𑌚𑌤𑌿)

-𑌽𑌽𑌗𑍍𑌨𑍇॒𑌯𑍀-𑌙𑍍𑌕𑍃॑𑌷𑍍𑌣𑌗𑍍𑌰𑍀॒𑌵𑍀𑌗𑍍𑌂 𑌸𑌗𑍍𑌂॑𑌹𑌿॒𑌤𑌾𑌮𑍈॒𑌨𑍍𑌦𑍍𑌰𑍀𑌗𑍍 𑌶𑍍𑌵𑍇॒𑌤𑌾-𑌮𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯𑌾𑌮𑍇॒𑌤𑌾 𑌏॒𑌵 𑌦𑍇॒𑌵𑌤𑌾॒-𑌸𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿 𑌵॒𑌸𑌨𑍍𑌤𑌾᳚ 𑌪𑍍𑌰𑌾॒𑌤𑌰𑌾᳚𑌗𑍍𑌨𑍇॒𑌯𑍀-𑌙𑍍𑌕𑍃॑𑌷𑍍𑌣 𑌗𑍍𑌰𑍀॒𑌵𑍀𑌮𑌾 𑌲॑𑌭𑍇𑌤 𑌗𑍍𑌰𑍀॒𑌷𑍍𑌮𑍇 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 𑌸𑌗𑍍𑌂𑌹𑌿॒𑌤𑌾𑌮𑍈॒𑌨𑍍𑌦𑍍𑌰𑍀𑌗𑍍𑌂 𑌶॒𑌰𑌦𑍍𑌯॑𑌪𑌰𑌾॒𑌹𑍍𑌣𑍇 𑌶𑍍𑌵𑍇॒𑌤𑌾-𑌮𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯𑌾-𑌨𑍍𑌤𑍍𑌰𑍀𑌣𑌿॒ 𑌵𑌾 𑌆॑𑌦𑌿॒𑌤𑍍𑌯𑌸𑍍𑌯॒ 𑌤𑍇𑌜𑌾𑌗𑍍𑌂॑𑌸𑌿 𑌵॒𑌸𑌨𑍍𑌤𑌾᳚ 𑌪𑍍𑌰𑌾॒𑌤𑌰𑍍𑌗𑍍𑌰𑍀॒𑌷𑍍𑌮𑍇 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 𑌶॒𑌰𑌦𑍍𑌯॑𑌪𑌰𑌾॒𑌹𑍍𑌣𑍇 𑌯𑌾𑌵॑𑌨𑍍𑌤𑍍𑌯𑍇॒𑌵 𑌤𑍇𑌜𑌾𑌗𑍍𑌂॑𑌸𑌿॒ 𑌤𑌾𑌨𑍍𑌯𑍇॒𑌵𑌾- [𑌤𑌾𑌨𑍍𑌯𑍇॒𑌵, 𑌅𑌵॑ 𑌰𑍁𑌨𑍍𑌧𑍇] 11

-𑌽𑌵॑ 𑌰𑍁𑌨𑍍𑌧𑍇 𑌸𑌂𑌵𑌁𑌥𑍍𑌸॒𑌰-𑌮𑍍𑌪॒𑌰𑍍𑌯𑌾𑌲॑𑌭𑍍𑌯𑌨𑍍𑌤𑍇 𑌸𑌂𑌵𑌁𑌥𑍍𑌸॒𑌰𑍋 𑌵𑍈 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌸𑍍𑌯॑ 𑌪𑍍𑌰𑌦𑌾॒𑌤𑌾 𑌸𑌂॑𑌵𑌁𑌥𑍍𑌸॒𑌰 𑌏॒𑌵𑌾𑌸𑍍𑌮𑍈᳚ 𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌮𑍍𑌪𑍍𑌰 𑌯॑𑌚𑍍𑌛𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿 𑌗॒𑌰𑍍𑌭𑌿𑌣॑𑌯𑍋 𑌭𑌵𑌨𑍍𑌤𑍀𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌗𑌰𑍍𑌭॑ 𑌇𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌤𑌿 𑌸𑌾𑌰𑌸𑍍𑌵॒𑌤𑍀-𑌮𑍍𑌮𑍇॒𑌷𑍀𑌮𑌾 𑌲॑𑌭𑍇𑌤॒ 𑌯 𑌈᳚𑌶𑍍𑌵॒𑌰𑍋 𑌵𑌾॒𑌚𑍋 𑌵𑌦𑌿॑𑌤𑍋॒-𑌸𑍍𑌸𑌨𑍍 𑌵𑌾𑌚॒-𑌨𑍍𑌨 𑌵𑌦𑍇॒-𑌦𑍍𑌵𑌾𑌗𑍍𑌵𑍈 𑌸𑌰॑𑌸𑍍𑌵𑌤𑍀॒ 𑌸𑌰॑𑌸𑍍𑌵𑌤𑍀𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸𑍈𑌵𑌾𑌸𑍍𑌮𑌿॒- [𑌸𑍈𑌵𑌾𑌸𑍍𑌮𑌿𑌨𑍍𑌨𑍍॑, 𑌵𑌾𑌚॑-𑌨𑍍𑌦𑌧𑌾𑌤𑌿] 12

-𑌨𑍍𑌵𑌾𑌚॑-𑌨𑍍𑌦𑌧𑌾𑌤𑌿 𑌪𑍍𑌰𑌵𑌦𑌿॒𑌤𑌾 𑌵𑌾॒𑌚𑍋 𑌭॑𑌵॒𑌤𑍍𑌯𑌪॑𑌨𑍍𑌨𑌦𑌤𑍀 𑌭𑌵𑌤𑌿॒ 𑌤𑌸𑍍𑌮𑌾᳚-𑌨𑍍𑌮𑌨𑍁॒𑌷𑍍𑌯𑌾᳚-𑌸𑍍𑌸𑌰𑍍𑌵𑌾𑌂॒-𑌵𑌾𑌁𑌚𑌂॑-𑌵𑌁𑌦𑌨𑍍𑌤𑍍𑌯𑌾𑌗𑍍𑌨𑍇॒𑌯-𑌙𑍍𑌕𑍃॒𑌷𑍍𑌣𑌗𑍍𑌰𑍀॑𑌵॒𑌮𑌾 𑌲॑𑌭𑍇𑌤 𑌸𑍗॒𑌮𑍍𑌯-𑌮𑍍𑌬॒𑌭𑍍𑌰𑍁-𑌞𑍍𑌜𑍍𑌯𑍋𑌗𑌾॑𑌮𑌯𑌾𑌵𑍍𑌯॒𑌗𑍍𑌨𑌿𑌂-𑌵𑌾𑌁 𑌏॒𑌤𑌸𑍍𑌯॒ 𑌶𑌰𑍀॑𑌰-𑌙𑍍𑌗𑌚𑍍𑌛𑌤𑌿॒ 𑌸𑍋𑌮॒𑌗𑍍𑌂॒ 𑌰𑌸𑍋॒ 𑌯𑌸𑍍𑌯॒ 𑌜𑍍𑌯𑍋𑌗𑌾॒𑌮𑌯॑𑌤𑍍𑌯॒𑌗𑍍𑌨𑍇𑌰𑍇॒𑌵𑌾𑌸𑍍𑌯॒ 𑌶𑌰𑍀॑𑌰-𑌨𑍍𑌨𑌿𑌷𑍍𑌕𑍍𑌰𑍀॒𑌣𑌾𑌤𑌿॒ 𑌸𑍋𑌮𑌾॒-𑌦𑍍𑌰𑌸॑𑌮𑍁॒𑌤 𑌯𑌦𑍀॒𑌤𑌾𑌸𑍁॒𑌰𑍍𑌭𑌵॑𑌤𑌿॒ 𑌜𑍀𑌵॑𑌤𑍍𑌯𑍇॒𑌵 𑌸𑍗॒𑌮𑍍𑌯-𑌮𑍍𑌬॒𑌭𑍍𑌰𑍁𑌮𑌾 𑌲॑𑌭𑍇𑌤𑌾-𑌽𑌽𑌗𑍍𑌨𑍇॒𑌯-𑌙𑍍𑌕𑍃॒𑌷𑍍𑌣𑌗𑍍𑌰𑍀॑𑌵-𑌮𑍍𑌪𑍍𑌰॒𑌜𑌾𑌕𑌾॑𑌮॒-𑌸𑍍𑌸𑍋𑌮𑍋॒ [𑌸𑍋𑌮𑌃॑, 𑌵𑍈 𑌰𑍇॑𑌤𑍋॒𑌧𑌾] 13

𑌵𑍈 𑌰𑍇॑𑌤𑍋॒𑌧𑌾 𑌅॒𑌗𑍍𑌨𑌿𑌃 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰𑌜𑌨𑌯𑌿॒𑌤𑌾 𑌸𑍋𑌮॑ 𑌏॒𑌵𑌾𑌸𑍍𑌮𑍈॒ 𑌰𑍇𑌤𑍋॒ 𑌦𑌧𑌾᳚𑌤𑍍𑌯॒𑌗𑍍𑌨𑌿𑌃 𑌪𑍍𑌰॒𑌜𑌾-𑌮𑍍𑌪𑍍𑌰𑌜॑𑌨𑌯𑌤𑌿 𑌵𑌿॒𑌨𑍍𑌦𑌤𑍇᳚ 𑌪𑍍𑌰॒𑌜𑌾𑌮𑌾᳚𑌗𑍍𑌨𑍇॒𑌯-𑌙𑍍𑌕𑍃॒𑌷𑍍𑌣𑌗𑍍𑌰𑍀॑𑌵॒𑌮𑌾 𑌲॑𑌭𑍇𑌤 𑌸𑍗॒𑌮𑍍𑌯-𑌮𑍍𑌬॒𑌭𑍍𑌰𑍁𑌂-𑌯𑍋𑌁 𑌬𑍍𑌰𑌾᳚𑌹𑍍𑌮॒𑌣𑍋 𑌵𑌿॒𑌦𑍍𑌯𑌾𑌮॒𑌨𑍂𑌚𑍍𑌯॒ 𑌨 𑌵𑌿॒𑌰𑍋𑌚𑍇॑𑌤॒ 𑌯𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑌿॒ 𑌤𑍇𑌜॑ 𑌏॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯-𑌥𑍍𑌸𑍗॒𑌮𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌨𑍍𑌤𑍇𑌨॑ 𑌕𑍃॒𑌷𑍍𑌣𑌗𑍍𑌰𑍀॑𑌵 𑌆𑌗𑍍𑌨𑍇॒𑌯𑍋 𑌭॑𑌵𑌤𑌿॒ 𑌤𑌮॑ 𑌏॒𑌵𑌾𑌸𑍍𑌮𑌾॒𑌦𑌪॑ 𑌹𑌨𑍍𑌤𑌿 𑌶𑍍𑌵𑍇॒𑌤𑍋 𑌭॑𑌵𑌤𑌿॒ [𑌭॑𑌵𑌤𑌿, 𑌰𑍁𑌚॑𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿] 14

𑌰𑍁𑌚॑𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 𑌬॒𑌭𑍍𑌰𑍁-𑌸𑍍𑌸𑍗॒𑌮𑍍𑌯𑍋 𑌭॑𑌵𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑍇॒𑌵𑌾𑌸𑍍𑌮𑌿॒-𑌨𑍍𑌤𑍍𑌵𑌿𑌷𑌿॑-𑌨𑍍𑌦𑌧𑌾𑌤𑍍𑌯𑌾-𑌗𑍍𑌨𑍇॒𑌯-𑌙𑍍𑌕𑍃॒𑌷𑍍𑌣𑌗𑍍𑌰𑍀॑𑌵॒𑌮𑌾 𑌲॑𑌭𑍇𑌤 𑌸𑍗॒𑌮𑍍𑌯-𑌮𑍍𑌬॒𑌭𑍍𑌰𑍁𑌮𑌾᳚𑌗𑍍𑌨𑍇॒𑌯-𑌙𑍍𑌕𑍃॒𑌷𑍍𑌣𑌗𑍍𑌰𑍀॑𑌵-𑌮𑍍𑌪𑍁𑌰𑍋॒𑌧𑌾𑌯𑌾॒𑌗𑍍॒ 𑌸𑍍𑌪𑌰𑍍𑌧॑𑌮𑌾𑌨 𑌆𑌗𑍍𑌨𑍇॒𑌯𑍋 𑌵𑍈 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌸𑍗॒𑌮𑍍𑌯𑍋 𑌰𑌾॑𑌜॒𑌨𑍍𑌯𑍋॑-𑌽𑌭𑌿𑌤𑌃॑ 𑌸𑍗॒𑌮𑍍𑌯𑌮𑌾᳚𑌗𑍍𑌨𑍇॒𑌯𑍗 𑌭॑𑌵𑌤॒-𑌸𑍍𑌤𑍇𑌜॑𑌸𑍈॒𑌵 𑌬𑍍𑌰𑌹𑍍𑌮॑𑌣𑍋𑌭॒𑌯𑌤𑍋॑ 𑌰𑌾॒𑌷𑍍𑌟𑍍𑌰-𑌮𑍍𑌪𑌰𑌿॑ 𑌗𑍃𑌹𑍍𑌣𑌾𑌤𑍍𑌯𑍇𑌕॒𑌧𑌾 𑌸॒𑌮𑌾 𑌵𑍃॑𑌙𑍍𑌕𑍍𑌤𑍇 𑌪𑍁॒𑌰 𑌏॑𑌨-𑌨𑍍𑌦𑌧𑌤𑍇 ॥ 15 ॥

(𑌲॒𑌭𑍇॒𑌤॒ 𑌵𑌰𑍁॑𑌣𑌂 - 𑌁𑌵॒𑌶𑍈 - 𑌤𑌾𑌮𑌵𑌿𑌂॑-𑌵𑌁॒𑌶𑌾𑌮𑌾॑𑌦𑌿॒𑌤𑍍𑌯𑍇𑌭𑍍𑌯𑌃॒ 𑌕𑌾𑌮𑌾॑𑌯 - 𑌮॒𑌲𑍍𑌹𑌾 𑌆 𑌲॑𑌭𑍇𑌤॒ - 𑌤𑌾𑌨𑍍𑌯𑍇॒𑌵 - 𑌸𑍈𑌵𑌾𑌸𑍍𑌮𑌿॒𑌨𑍍𑌥𑍍 - 𑌸𑍋𑌮𑌃॑ - 𑌸𑍍𑌵𑍇॒𑌤𑍋 𑌭॑𑌵𑌤𑌿॒ - 𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚 ) (𑌅. 2)

𑌦𑍇॒𑌵𑌾॒𑌸𑍁॒𑌰𑌾 𑌏॒𑌷𑍁 𑌲𑍋॒𑌕𑍇𑌷𑍍𑌵॑𑌸𑍍𑌪𑌰𑍍𑌧𑌨𑍍𑌤॒ 𑌸 𑌏॒𑌤𑌂-𑌵𑌿𑌁𑌷𑍍𑌣𑍁॑-𑌰𑍍𑌵𑌾𑌮॒𑌨𑌮॑𑌪𑌶𑍍𑌯॒-𑌤𑍍𑌤𑌗𑍍𑌗𑍍 𑌸𑍍𑌵𑌾𑌯𑍈॑ 𑌦𑍇॒𑌵𑌤𑌾॑𑌯𑌾॒ 𑌆-𑌽𑌲॑𑌭𑌤॒ 𑌤𑌤𑍋॒ 𑌵𑍈 𑌸 𑌇॒𑌮𑌾𑌂-𑌲𑍋𑌁॒𑌕𑌾𑌨॒𑌭𑍍𑌯॑𑌜𑌯𑌦𑍍- 𑌵𑍈𑌷𑍍𑌣॒𑌵𑌂-𑌵𑌾𑌁॑𑌮॒𑌨𑌮𑌾 𑌲॑𑌭𑍇𑌤॒ 𑌸𑍍𑌪𑌰𑍍𑌧॑𑌮𑌾𑌨𑍋॒ 𑌵𑌿𑌷𑍍𑌣𑍁॑𑌰𑍇॒𑌵 𑌭𑍂॒𑌤𑍍𑌵𑍇𑌮𑌾𑌨𑍍 𑌁𑌲𑍋॒𑌕𑌾𑌨॒𑌭𑌿 𑌜॑𑌯𑌤𑌿॒ 𑌵𑌿𑌷॑𑌮॒ 𑌆 𑌲॑𑌭𑍇𑌤॒ 𑌵𑌿𑌷॑𑌮𑌾 𑌇𑌵॒ 𑌹𑍀𑌮𑍇 𑌲𑍋॒𑌕𑌾-𑌸𑍍𑌸𑌮𑍃॑𑌦𑍍𑌧𑍍𑌯𑌾॒ 𑌇𑌨𑍍𑌦𑍍𑌰𑌾॑𑌯 𑌮𑌨𑍍𑌯𑍁॒𑌮𑌤𑍇॒ 𑌮𑌨॑𑌸𑍍𑌵𑌤𑍇 𑌲॒𑌲𑌾𑌮॑-𑌮𑍍𑌪𑍍𑌰𑌾𑌶𑍃॒𑌙𑍍𑌗𑌮𑌾 𑌲॑𑌭𑍇𑌤 𑌸𑌙𑍍𑌗𑍍𑌰𑌾॒𑌮𑍇 [ ] 16

𑌸𑌂𑌯𑌁॑𑌤𑍍𑌤 𑌇𑌨𑍍𑌦𑍍𑌰𑌿॒𑌯𑍇𑌣॒ 𑌵𑍈 𑌮॒𑌨𑍍𑌯𑍁𑌨𑌾॒ 𑌮𑌨॑𑌸𑌾 𑌸𑌙𑍍𑌗𑍍𑌰𑌾॒𑌮-𑌞𑍍𑌜॑𑌯॒𑌤𑍀𑌨𑍍𑌦𑍍𑌰॑𑌮𑍇॒𑌵 𑌮॑𑌨𑍍𑌯𑍁॒𑌮𑌨𑍍𑌤॒-𑌮𑍍𑌮𑌨॑𑌸𑍍𑌵𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌮𑍍𑌮॒𑌨𑍍𑌯𑍁-𑌮𑍍𑌮𑌨𑍋॑ 𑌦𑌧𑌾𑌤𑌿॒ 𑌜𑌯॑𑌤𑌿॒ 𑌤𑌗𑍍𑌂 𑌸॑𑌗𑍍𑌰𑌾॒𑌮𑍍𑌮𑌮𑌿𑌨𑍍𑌦𑍍𑌰𑌾॑𑌯 𑌮॒𑌰𑍁𑌤𑍍𑌵॑𑌤𑍇 𑌪𑍃𑌶𑍍𑌞𑌿𑌸॒𑌕𑍍𑌥𑌮𑌾 𑌲॑𑌭𑍇𑌤॒ 𑌗𑍍𑌰𑌾𑌮॑𑌕𑌾𑌮॒ 𑌇𑌨𑍍𑌦𑍍𑌰॑𑌮𑍇॒𑌵 𑌮॒𑌰𑍁𑌤𑍍𑌵॑𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌸 𑌜𑌾॒𑌤𑌾-𑌨𑍍𑌪𑍍𑌰𑌯॑𑌚𑍍𑌛𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿॒ 𑌯𑌦𑍃॑𑌷॒𑌭𑌸𑍍𑌤𑍇𑌨𑍈॒- [𑌯𑌦𑍃॑𑌷॒𑌭𑌸𑍍𑌤𑍇𑌨॑, 𑌐॒𑌨𑍍𑌦𑍍𑌰𑍋 𑌯-𑌤𑍍𑌪𑍃𑌶𑍍𑌞𑌿॒𑌸𑍍𑌤𑍇𑌨॑] 17

-𑌨𑍍𑌦𑍍𑌰𑍋 𑌯-𑌤𑍍𑌪𑍃𑌶𑍍𑌞𑌿॒𑌸𑍍𑌤𑍇𑌨॑ 𑌮𑌾𑌰𑍁॒𑌤-𑌸𑍍𑌸𑌮𑍃॑𑌦𑍍𑌧𑍍𑌯𑍈 𑌪॒𑌶𑍍𑌚𑌾-𑌤𑍍𑌪𑍃॑𑌶𑍍𑌞𑌿𑌸॒𑌕𑍍𑌥𑍋 𑌭॑𑌵𑌤𑌿 𑌪𑌶𑍍𑌚𑌾𑌦𑌨𑍍𑌵-𑌵𑌸𑌾॒𑌯𑌿𑌨𑍀॑𑌮𑍇॒𑌵𑌾𑌸𑍍𑌮𑍈॒ 𑌵𑌿𑌶॑-𑌙𑍍𑌕𑌰𑍋𑌤𑌿 𑌸𑍗॒𑌮𑍍𑌯-𑌮𑍍𑌬॒𑌭𑍍𑌰𑍁𑌮𑌾 𑌲॑𑌭𑍇॒𑌤𑌾𑌨𑍍𑌨॑𑌕𑌾𑌮-𑌸𑍍𑌸𑍗॒𑌮𑍍𑌯𑌂-𑌵𑌾𑌁 𑌅𑌨𑍍𑌨॒𑌗𑍍𑌂॒ 𑌸𑍋𑌮॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰𑌯॑॑𑌚𑍍𑌛𑌤𑍍𑌯𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑌿 𑌬॒𑌭𑍍𑌰𑍁𑌰𑍍𑌭॑𑌵𑌤𑍍𑌯𑍇॒𑌤𑌦𑍍𑌵𑌾 𑌅𑌨𑍍𑌨॑𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑍈 𑌸𑍗॒𑌮𑍍𑌯-𑌮𑍍𑌬॒𑌭𑍍𑌰𑍁𑌮𑌾 𑌲॑𑌭𑍇𑌤॒ 𑌯𑌮𑌲𑌗𑍍𑌂॑ [𑌯𑌮𑌲᳚𑌮𑍍, 𑌰𑌾॒𑌜𑍍𑌯𑌾𑌯॒] 18

𑌰𑌾॒𑌜𑍍𑌯𑌾𑌯॒ 𑌸𑌨𑍍𑌤𑌗𑍍𑌂॑ 𑌰𑌾॒𑌜𑍍𑌯-𑌨𑍍𑌨𑍋𑌪॒𑌨𑌮𑍇᳚-𑌥𑍍𑌸𑍗॒𑌮𑍍𑌯𑌂-𑌵𑍈𑌁 𑌰𑌾॒𑌜𑍍𑌯𑌗𑍍𑌂 𑌸𑍋𑌮॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌰𑌾॒𑌜𑍍𑌯-𑌮𑍍𑌪𑍍𑌰𑌯॑𑌚𑍍𑌛॒𑌤𑍍𑌯𑍁𑌪𑍈॑𑌨𑌗𑍍𑌂 𑌰𑌾॒𑌜𑍍𑌯-𑌨𑍍𑌨॑𑌮𑌤𑌿 𑌬॒𑌭𑍍𑌰𑍁𑌰𑍍𑌭॑𑌵𑌤𑍍𑌯𑍇॒𑌤-𑌦𑍍𑌵𑍈 𑌸𑍋𑌮॑𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑌾॒ 𑌇𑌨𑍍𑌦𑍍𑌰𑌾॑𑌯 𑌵𑍃𑌤𑍍𑌰॒𑌤𑍁𑌰𑍇॑ 𑌲॒𑌲𑌾𑌮॑-𑌮𑍍𑌪𑍍𑌰𑌾𑌶𑍃॒𑌙𑍍𑌗𑌮𑌾 𑌲॑𑌭𑍇𑌤 𑌗॒𑌤𑌶𑍍𑌰𑍀𑌃᳚ 𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮𑌃 𑌪𑌾॒𑌪𑍍𑌮𑌾𑌨॑𑌮𑍇॒𑌵 𑌵𑍃॒𑌤𑍍𑌰-𑌨𑍍𑌤𑍀॒𑌰𑍍𑌤𑍍𑌵𑌾 𑌪𑍍𑌰॑𑌤𑌿॒𑌷𑍍𑌠𑌾-𑌙𑍍𑌗॑𑌚𑍍𑌛॒𑌤𑍀𑌨𑍍𑌦𑍍𑌰𑌾॑𑌯𑌾𑌭𑌿𑌮𑌾𑌤𑌿॒𑌘𑍍𑌨𑍇 𑌲॒𑌲𑌾𑌮॑-𑌮𑍍𑌪𑍍𑌰𑌾𑌶𑍃॒𑌙𑍍𑌗𑌮𑌾 [𑌲॒𑌲𑌾𑌮॑-𑌮𑍍𑌪𑍍𑌰𑌾𑌶𑍃॒𑌙𑍍𑌗𑌮𑌾, 𑌲॒𑌭𑍇॒𑌤॒ 𑌯𑌃 𑌪𑌾॒𑌪𑍍𑌮𑌨𑌾॑] 19

𑌲॑𑌭𑍇𑌤॒ 𑌯𑌃 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤-𑌸𑍍𑌸𑍍𑌯𑌾-𑌤𑍍𑌪𑌾॒𑌪𑍍𑌮𑌾 𑌵𑌾 𑌅॒𑌭𑌿𑌮𑌾॑𑌤𑌿॒𑌰𑌿𑌨𑍍𑌦𑍍𑌰॑𑌮𑍇॒𑌵𑌾- 𑌭𑌿॑𑌮𑌾𑌤𑌿॒𑌹𑌨॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾᳚-𑌤𑍍𑌪𑌾॒𑌪𑍍𑌮𑌾𑌨॑𑌮॒𑌭𑌿𑌮𑌾॑𑌤𑌿॒-𑌮𑍍𑌪𑍍𑌰𑌣𑍁॑𑌦𑌤॒ 𑌇𑌨𑍍𑌦𑍍𑌰𑌾॑𑌯 𑌵॒𑌜𑍍𑌰𑌿𑌣𑍇॑ 𑌲॒𑌲𑌾𑌮॑-𑌮𑍍𑌪𑍍𑌰𑌾𑌶𑍃॒𑌙𑍍𑌗𑌮𑌾 𑌲॑𑌭𑍇𑌤॒ 𑌯𑌮𑌲𑌗𑍍𑌂॑ 𑌰𑌾॒𑌜𑍍𑌯𑌾𑌯॒ 𑌸𑌨𑍍𑌤𑌗𑍍𑌂॑ 𑌰𑌾॒𑌜𑍍𑌯-𑌨𑍍𑌨𑍋𑌪॒𑌨𑌮𑍇॒𑌦𑌿𑌨𑍍𑌦𑍍𑌰॑𑌮𑍇॒𑌵 𑌵॒𑌜𑍍𑌰𑌿𑌣॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॒ 𑌵𑌜𑍍𑌰॒-𑌮𑍍𑌪𑍍𑌰 𑌯॑𑌚𑍍𑌛𑌤𑌿॒ 𑌸 𑌏॑𑌨𑌂॒ 𑌁𑌵𑌜𑍍𑌰𑍋॒ 𑌭𑍂𑌤𑍍𑌯𑌾॑ 𑌇𑌨𑍍𑌧॒ 𑌉𑌪𑍈॑𑌨𑌗𑍍𑌂 𑌰𑌾॒𑌜𑍍𑌯-𑌨𑍍𑌨॑𑌮𑌤𑌿 𑌲॒𑌲𑌾𑌮𑌃॑ 𑌪𑍍𑌰𑌾𑌶𑍃॒𑌙𑍍𑌗𑍋 𑌭॑𑌵𑌤𑍍𑌯𑍇॒𑌤𑌦𑍍𑌵𑍈 𑌵𑌜𑍍𑌰॑𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑍈 ॥ 20

(𑌸॒𑌗𑍍𑌰𑌾॒𑌮𑍍𑌮𑍇 - 𑌤𑍇𑌨𑌾 - 𑌲॑ - 𑌮𑌭𑌿𑌮𑌾𑌤𑌿॒𑌘𑍍𑌨𑍇 𑌲॒𑌲𑌾𑌮॑-𑌮𑍍𑌪𑍍𑌰𑌾𑌶𑍃॒𑌙𑍍𑌗𑌮𑍈 - 𑌨𑌂॒ - 𑌪𑌞𑍍𑌚॑𑌦𑌶 𑌚 ) (𑌅. 3)

𑌅॒𑌸𑌾𑌵𑌾॑𑌦𑌿॒𑌤𑍍𑌯𑍋 𑌨 𑌵𑍍𑌯॑𑌰𑍋𑌚𑌤॒ 𑌤𑌸𑍍𑌮𑍈॑ 𑌦𑍇॒𑌵𑌾𑌃 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌮𑍈𑌚𑍍𑌛॒-𑌨𑍍𑌤𑌸𑍍𑌮𑌾॑ 𑌏॒𑌤𑌾-𑌨𑍍𑌦𑌶॑𑌰𑍍𑌷𑌭𑌾॒𑌮𑌾-𑌽𑌲॑𑌭𑌨𑍍𑌤॒ 𑌤𑌯𑍈॒𑌵𑌾𑌸𑍍𑌮𑌿॒-𑌨𑍍𑌰𑍁𑌚॑𑌮𑌦𑌧𑍁॒𑌰𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌕𑌾॑𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾-𑌨𑍍𑌦𑌶॑𑌰𑍍𑌷𑌭𑌾॒𑌮𑌾 𑌲॑𑌭𑍇𑌤𑌾॒-𑌮𑍁𑌮𑍇॒𑌵𑌾-𑌽𑌽𑌦𑌿॒𑌤𑍍𑌯𑌗𑍍𑌗𑍍 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿 𑌵॒𑌸𑌨𑍍𑌤𑌾᳚ 𑌪𑍍𑌰𑌾॒𑌤𑌸𑍍𑌤𑍍𑌰𑍀𑌨𑍍 𑌁𑌲॒𑌲𑌾𑌮𑌾॒𑌨𑌾 𑌲॑𑌭𑍇𑌤 𑌗𑍍𑌰𑍀॒𑌷𑍍𑌮𑍇 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇॒ - [𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇, 𑌤𑍍𑌰𑍀𑌞𑍍𑌛𑌿॑𑌤𑌿 𑌪𑍃॒𑌷𑍍𑌠𑌾𑌞𑍍𑌛॒𑌰𑌦𑍍𑌯॑𑌪𑌰𑌾॒𑌹𑍍𑌣𑍇] 21

𑌤𑍍𑌰𑍀𑌞𑍍𑌛𑌿॑𑌤𑌿 𑌪𑍃॒𑌷𑍍𑌠𑌾𑌞𑍍𑌛॒𑌰𑌦𑍍𑌯॑𑌪𑌰𑌾॒𑌹𑍍𑌣𑍇 𑌤𑍍𑌰𑍀𑌞𑍍𑌛𑌿॑𑌤𑌿॒𑌵𑌾𑌰𑌾॒-𑌨𑍍𑌤𑍍𑌰𑍀𑌣𑌿॒ 𑌵𑌾 𑌆॑𑌦𑌿॒𑌤𑍍𑌯𑌸𑍍𑌯॒ 𑌤𑍇𑌜𑌾𑌗𑍍𑌂॑𑌸𑌿 𑌵॒𑌸𑌨𑍍𑌤𑌾᳚ 𑌪𑍍𑌰𑌾॒𑌤𑌰𑍍𑌗𑍍𑌰𑍀॒𑌷𑍍𑌮𑍇 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 𑌶॒𑌰𑌦𑍍𑌯॑𑌪𑌰𑌾॒𑌹𑍍𑌣𑍇 𑌯𑌾𑌵॑𑌨𑍍𑌤𑍍𑌯𑍇॒𑌵 𑌤𑍇𑌜𑌾𑌗𑍍𑌂॑𑌸𑌿॒ 𑌤𑌾𑌨𑍍𑌯𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌤𑍍𑌰𑌯॑𑌸𑍍𑌤𑍍𑌰𑌯॒ 𑌆 𑌲॑𑌭𑍍𑌯𑌨𑍍𑌤𑍇-𑌽𑌭𑌿 𑌪𑍂॒𑌰𑍍𑌵𑌮𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌜𑍋॑ 𑌦𑌧𑌾𑌤𑌿 𑌸𑌂𑌵𑌁𑌥𑍍𑌸॒𑌰-𑌮𑍍𑌪॒𑌰𑍍𑌯𑌾𑌲॑𑌭𑍍𑌯𑌨𑍍𑌤𑍇 𑌸𑌂𑌵𑌁𑌥𑍍𑌸॒𑌰𑍋 𑌵𑍈 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌸𑍍𑌯॑ 𑌪𑍍𑌰𑌦𑌾॒𑌤𑌾 𑌸𑌂॑𑌵𑌁𑌥𑍍𑌸॒𑌰 𑌏॒𑌵𑌾𑌸𑍍𑌮𑍈᳚ 𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌮𑍍𑌪𑍍𑌰 𑌯॑𑌚𑍍𑌛𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿 𑌸𑌂𑌵𑌁𑌥𑍍𑌸॒𑌰𑌸𑍍𑌯॑ 𑌪॒𑌰𑌸𑍍𑌤𑌾᳚-𑌤𑍍𑌪𑍍𑌰𑌾𑌜𑌾𑌪॒𑌤𑍍𑌯-𑌙𑍍𑌕𑌦𑍍𑌰𑍁॒- [ 𑌪𑍍𑌰𑌾𑌜𑌾𑌪॒𑌤𑍍𑌯-𑌙𑍍𑌕𑌦𑍍𑌰𑍁᳚𑌮𑍍, 𑌆 𑌲॑𑌭𑍇𑌤] 22

-𑌮𑌾 𑌲॑𑌭𑍇𑌤 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॑ 𑌦𑍇॒𑌵𑌤𑌾᳚𑌸𑍍𑌵𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿॒ 𑌯𑌦𑌿॑ 𑌬𑌿𑌭𑍀॒𑌯𑌾-𑌦𑍍𑌦𑍁॒𑌶𑍍𑌚𑌰𑍍𑌮𑌾॑ 𑌭𑌵𑌿𑌷𑍍𑌯𑌾॒𑌮𑍀𑌤𑌿॑ 𑌸𑍋𑌮𑌾𑌪𑍗॒𑌷𑍍𑌣𑌗𑍍𑌗𑍍 𑌶𑍍𑌯𑌾॒𑌮𑌮𑌾 𑌲॑𑌭𑍇𑌤 𑌸𑍗॒𑌮𑍍𑌯𑍋 𑌵𑍈 𑌦𑍇॒𑌵𑌤॑𑌯𑌾॒ 𑌪𑍁𑌰𑍁॑𑌷𑌃 𑌪𑍗॒𑌷𑍍𑌣𑌾𑌃 𑌪॒𑌶𑌵॒-𑌸𑍍𑌸𑍍𑌵𑌯𑍈॒𑌵𑌾𑌸𑍍𑌮𑍈॑ 𑌦𑍇॒𑌵𑌤॑𑌯𑌾 𑌪॒𑌶𑍁𑌭𑌿॒𑌸𑍍𑌤𑍍𑌵𑌚॑-𑌙𑍍𑌕𑌰𑍋𑌤𑌿॒ 𑌨 𑌦𑍁॒𑌶𑍍𑌚𑌰𑍍𑌮𑌾॑ 𑌭𑌵𑌤𑌿 𑌦𑍇॒𑌵𑌾𑌶𑍍𑌚॒ 𑌵𑍈 𑌯॒𑌮𑌶𑍍𑌚𑌾॒𑌸𑍍𑌮𑌿𑌨𑍍 𑌁𑌲𑍋॒𑌕𑍇᳚-𑌽𑌸𑍍𑌪𑌰𑍍𑌧𑌨𑍍𑌤॒ 𑌸 𑌯॒𑌮𑍋 𑌦𑍇॒𑌵𑌾𑌨𑌾॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌯𑍁𑌵𑌤॒ 𑌤𑌦𑍍𑌯॒𑌮𑌸𑍍𑌯॑ [𑌤𑌦𑍍𑌯॒𑌮𑌸𑍍𑌯॑, 𑌯॒𑌮॒𑌤𑍍𑌵-𑌨𑍍𑌤𑍇] 23

𑌯𑌮॒𑌤𑍍𑌵-𑌨𑍍𑌤𑍇 𑌦𑍇॒𑌵𑌾 𑌅॑𑌮𑌨𑍍𑌯𑌨𑍍𑌤 𑌯॒𑌮𑍋 𑌵𑌾 𑌇॒𑌦𑌮॑𑌭𑍂॒-𑌦𑍍𑌯-𑌦𑍍𑌵॒𑌯𑌗𑍍𑌗𑍍 𑌸𑍍𑌮 𑌇𑌤𑌿॒ 𑌤𑍇 𑌪𑍍𑌰॒𑌜𑌾𑌪॑𑌤𑌿॒𑌮𑍁𑌪𑌾॑𑌧𑌾𑌵॒𑌨𑍍-𑌥𑍍𑌸 𑌏॒𑌤𑍗 𑌪𑍍𑌰॒𑌜𑌾𑌪॑𑌤𑌿𑌰𑌾॒𑌤𑍍𑌮𑌨॑ 𑌉𑌕𑍍𑌷𑌵॒𑌶𑍗 𑌨𑌿𑌰॑𑌮𑌿𑌮𑍀𑌤॒ 𑌤𑍇 𑌦𑍇॒𑌵𑌾 𑌵𑍈᳚𑌷𑍍𑌣𑌾𑌵𑌰𑍁॒𑌣𑍀𑌂-𑌵𑌁॒𑌶𑌾𑌮𑌾-𑌽𑌲॑𑌭𑌨𑍍𑌤𑍈॒𑌨𑍍𑌦𑍍𑌰𑌮𑍁॒𑌕𑍍𑌷𑌾𑌣॒𑌨𑍍𑌤𑌂-𑌵𑌁𑌰𑍁॑𑌣𑍇𑌨𑍈॒𑌵 𑌗𑍍𑌰𑌾॑𑌹𑌯𑌿॒𑌤𑍍𑌵𑌾 𑌵𑌿𑌷𑍍𑌣𑍁॑𑌨𑌾 𑌯॒𑌜𑍍𑌞𑍇𑌨॒ 𑌪𑍍𑌰𑌾𑌣𑍁॑𑌦𑌨𑍍𑌤𑍈॒𑌨𑍍𑌦𑍍𑌰𑍇𑌣𑍈॒-𑌵𑌾𑌸𑍍𑌯𑍇᳚𑌨𑍍𑌦𑍍𑌰𑌿॒𑌯𑌮॑-𑌵𑍃𑌞𑍍𑌜𑌤॒ 𑌯𑍋 𑌭𑍍𑌰𑌾𑌤𑍃॑𑌵𑍍𑌯𑌵𑌾॒𑌨𑍍-𑌥𑍍𑌸𑍍𑌯𑌾-𑌥𑍍𑌸 𑌸𑍍𑌪𑌰𑍍𑌧॑𑌮𑌾𑌨𑍋 𑌵𑍈𑌷𑍍𑌣𑌾𑌵𑌰𑍁॒𑌣𑍀𑌂- [𑌵𑍈𑌷𑍍𑌣𑌾𑌵𑌰𑍁॒𑌣𑍀𑌮𑍍, 𑌵॒𑌶𑌾𑌮𑌾] 24

-𑌁𑌵॒𑌶𑌾𑌮𑌾 𑌲॑𑌭𑍇𑌤𑍈॒𑌨𑍍𑌦𑍍𑌰𑌮𑍁॒𑌕𑍍𑌷𑌾𑌣𑌂॒-𑌵𑌁𑌰𑍁॑𑌣𑍇𑌨𑍈॒𑌵 𑌭𑍍𑌰𑌾𑌤𑍃॑𑌵𑍍𑌯-𑌙𑍍𑌗𑍍𑌰𑌾𑌹𑌯𑌿॒𑌤𑍍𑌵𑌾 𑌵𑌿𑌷𑍍𑌣𑍁॑𑌨𑌾 𑌯॒𑌜𑍍𑌞𑍇𑌨॒ 𑌪𑍍𑌰𑌣𑍁॑𑌦𑌤 𑌐॒𑌨𑍍𑌦𑍍𑌰𑍇𑌣𑍈॒𑌵𑌾𑌸𑍍𑌯𑍇᳚𑌨𑍍𑌦𑍍𑌰𑌿॒𑌯𑌂-𑌵𑍃𑌁॑𑌙𑍍𑌕𑍍𑌤𑍇॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵॒𑌤𑍀𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒-𑌨𑍍𑌤𑌂-𑌵𑍃𑌁॒𑌤𑍍𑌰𑍋 𑌹॒𑌤-𑌷𑍍𑌷𑍋॑𑌡॒𑌶𑌭𑌿॑-𑌰𑍍𑌭𑍋॒𑌗𑍈𑌰॑𑌸𑌿𑌨𑌾॒-𑌤𑍍𑌤𑌸𑍍𑌯॑ 𑌵𑍃॒𑌤𑍍𑌰𑌸𑍍𑌯॑ 𑌶𑍀𑌰𑍍𑌷॒𑌤𑍋 𑌗𑌾𑌵॒ 𑌉𑌦𑌾॑𑌯॒-𑌨𑍍𑌤𑌾 𑌵𑍈॑𑌦𑍇॒𑌹𑍍𑌯𑍋॑-𑌽𑌭𑌵॒-𑌨𑍍𑌤𑌾𑌸𑌾॑𑌮𑍃𑌷॒𑌭𑍋 𑌜॒𑌘𑌨𑍇-𑌽𑌨𑍂𑌦𑍈॒-𑌤𑍍𑌤𑌮𑌿𑌨𑍍𑌦𑍍𑌰𑍋॑- [𑌜॒𑌘𑌨𑍇-𑌽𑌨𑍂𑌦𑍈॒-𑌤𑍍𑌤𑌮𑌿𑌨𑍍𑌦𑍍𑌰𑌃॑, 𑌅॒𑌚𑌾॒𑌯॒𑌥𑍍𑌸𑍋॑-𑌽𑌮𑌨𑍍𑌯𑌤॒] 25

-𑌽𑌚𑌾𑌯॒𑌥𑍍𑌸𑍋॑-𑌽𑌮𑌨𑍍𑌯𑌤॒ 𑌯𑍋 𑌵𑌾 𑌇॒𑌮𑌮𑌾॒𑌲𑌭𑍇॑𑌤॒ 𑌮𑍁𑌚𑍍𑌯𑍇॑𑌤𑌾॒𑌸𑍍𑌮𑌾-𑌤𑍍𑌪𑌾॒𑌪𑍍𑌮𑌨॒ 𑌇𑌤𑌿॒ 𑌸 𑌆᳚𑌗𑍍𑌨𑍇॒𑌯-𑌙𑍍𑌕𑍃॒𑌷𑍍𑌣𑌗𑍍𑌰𑍀॑𑌵॒𑌮𑌾 𑌲॑𑌭𑌤𑍈॒𑌨𑍍𑌦𑍍𑌰𑌮𑍃॑𑌷॒𑌭-𑌨𑍍𑌤𑌸𑍍𑌯𑌾॒𑌗𑍍𑌨𑌿𑌰𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌸𑍃𑌤-𑌷𑍍𑌷𑍋𑌡𑌶॒𑌧𑌾 𑌵𑍃॒𑌤𑍍𑌰𑌸𑍍𑌯॑ 𑌭𑍋॒𑌗𑌾𑌨𑌪𑍍𑌯॑𑌦𑌹𑌦𑍈॒𑌨𑍍𑌦𑍍𑌰𑍇𑌣𑍇᳚𑌨𑍍𑌦𑍍𑌰𑌿॒𑌯- 𑌮𑌾॒𑌤𑍍𑌮𑌨𑍍𑌨॑𑌧𑌤𑍍𑌤॒ 𑌯𑌃 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤-𑌸𑍍𑌸𑍍𑌯𑌾-𑌥𑍍𑌸 𑌆᳚𑌗𑍍𑌨𑍇॒𑌯-𑌙𑍍𑌕𑍃॒𑌷𑍍𑌣𑌗𑍍𑌰𑍀॑𑌵॒𑌮𑌾 𑌲॑𑌭𑍇𑌤𑍈॒𑌨𑍍𑌦𑍍𑌰𑌮𑍃॑𑌷॒𑌭-𑌮॒𑌗𑍍𑌨𑌿𑌰𑍇॒𑌵𑌾𑌸𑍍𑌯॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑𑌸𑍃𑌤𑌃 [ ] 26

𑌪𑌾॒𑌪𑍍𑌮𑌾𑌨॒𑌮𑌪𑌿॑ 𑌦𑌹𑌤𑍍𑌯𑍈॒𑌨𑍍𑌦𑍍𑌰𑍇𑌣𑍇᳚𑌨𑍍𑌦𑍍𑌰𑌿॒𑌯𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌮𑍁𑌚𑍍𑌯॑𑌤𑍇 𑌪𑌾॒𑌪𑍍𑌮𑌨𑍋॒ 𑌭𑌵॑𑌤𑍍𑌯𑍇॒𑌵 𑌦𑍍𑌯𑌾॑𑌵𑌾𑌪𑍃𑌥𑌿॒𑌵𑍍𑌯𑌾᳚-𑌨𑍍𑌧𑍇॒𑌨𑍁𑌮𑌾 𑌲॑𑌭𑍇𑌤॒ 𑌜𑍍𑌯𑍋𑌗॑𑌪𑌰𑍁𑌦𑍍𑌧𑍋॒ 𑌽𑌨𑌯𑍋॒𑌰𑍍॒𑌹𑌿 𑌵𑌾 𑌏॒𑌷𑍋-𑌽𑌪𑍍𑌰॑𑌤𑌿𑌷𑍍𑌠𑌿॒𑌤𑍋-𑌽𑌥𑍈॒𑌷 𑌜𑍍𑌯𑍋𑌗𑌪॑𑌰𑍁𑌦𑍍𑌧𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑍇 𑌏॒𑌵𑍈𑌨॑-𑌮𑍍𑌪𑍍𑌰𑌤𑌿॒𑌷𑍍𑌠𑌾-𑌙𑍍𑌗॑𑌮𑌯𑌤𑌃॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 𑌪𑌰𑍍𑌯𑌾॒𑌰𑌿𑌣𑍀॑ 𑌭𑌵𑌤𑌿 𑌪𑌰𑍍𑌯𑌾॒𑌰𑍀𑌵॒ 𑌹𑍍𑌯𑍇॑𑌤𑌸𑍍𑌯॑ 𑌰𑌾॒𑌷𑍍𑌟𑍍𑌰𑌂-𑌯𑍋𑌁 𑌜𑍍𑌯𑍋𑌗॑𑌪𑌰𑍁𑌦𑍍𑌧॒-𑌸𑍍𑌸𑌮𑍃॑𑌦𑍍𑌧𑍍𑌯𑍈 𑌵𑌾𑌯॒𑌵𑍍𑌯𑌂॑- [𑌵𑌾𑌯॒𑌵𑍍𑌯᳚𑌮𑍍, 𑌵॒𑌥𑍍𑌸𑌮𑌾] 27

-𑌁𑌵॒𑌥𑍍𑌸𑌮𑌾 𑌲॑𑌭𑍇𑌤 𑌵𑌾॒𑌯𑍁𑌰𑍍𑌵𑌾 𑌅॒𑌨𑌯𑍋᳚𑌰𑍍𑌵॒𑌥𑍍𑌸 𑌇॒𑌮𑍇 𑌵𑌾 𑌏॒𑌤𑌸𑍍𑌮𑍈॑ 𑌲𑍋॒𑌕𑌾 𑌅𑌪॑𑌶𑍁𑌷𑍍𑌕𑌾॒ 𑌵𑌿𑌡𑌪॑𑌶𑍁॒𑌷𑍍𑌕𑌾-𑌽𑌥𑍈॒𑌷 𑌜𑍍𑌯𑍋𑌗𑌪॑𑌰𑍁𑌦𑍍𑌧𑍋 𑌵𑌾॒𑌯𑍁𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॑ 𑌇॒𑌮𑌾𑌂-𑌲𑍋𑌁॒𑌕𑌾𑌨𑍍. 𑌵𑌿𑌶॒-𑌮𑍍𑌪𑍍𑌰𑌦𑌾॑𑌪𑌯𑌤𑌿॒ 𑌪𑍍𑌰𑌾𑌸𑍍𑌮𑌾॑ 𑌇॒𑌮𑍇 𑌲𑍋॒𑌕𑌾-𑌸𑍍𑌸𑍍𑌨𑍁॑𑌵𑌨𑍍𑌤𑌿𑌭𑍁𑌞𑍍𑌜॒𑌤𑍍𑌯𑍇॑𑌨𑌂॒-𑌵𑌿𑌁𑌡𑍁𑌪॑𑌤𑌿𑌷𑍍𑌠𑌤𑍇 ॥ 28 ॥

(𑌮॒𑌧𑍍𑌯𑌨𑍍𑌦𑌿॑𑌨𑍇॒ - 𑌕𑌦𑍍𑌰𑍁𑌂॑ - 𑌁𑌯॒𑌮𑌸𑍍𑌯॒ - 𑌸𑍍𑌪𑌰𑍍𑌧॑𑌮𑌾𑌨𑍋 𑌵𑍈𑌷𑍍𑌣𑌾𑌵𑌰𑍁॒𑌣𑍀𑌂 -𑌤𑌮𑌿𑌨𑍍𑌦𑍍𑌰𑍋᳚ - 𑌽𑌸𑍍𑌯॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑𑌸𑍃𑌤𑍋 - 𑌵𑌾𑌯॒𑌵𑍍𑌯𑌂॑ - 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 4)

𑌇𑌨𑍍𑌦𑍍𑌰𑍋॑ 𑌵॒𑌲𑌸𑍍𑌯॒ 𑌬𑌿𑌲॒𑌮𑌪𑍗᳚𑌰𑍍𑌣𑍋॒-𑌥𑍍𑌸 𑌯 𑌉॑𑌤𑍍𑌤॒𑌮𑌃 𑌪॒𑌶𑍁𑌰𑌾𑌸𑍀॒-𑌤𑍍𑌤-𑌮𑍍𑌪𑍃॒𑌷𑍍𑌠-𑌮𑍍𑌪𑍍𑌰𑌤𑌿॑ 𑌸॒𑌗𑍃𑌂𑌹𑍍𑌯𑍋𑌦॑𑌕𑍍𑌖𑌿𑌦॒-𑌤𑍍𑌤𑌗𑍍𑌂 𑌸॒𑌹𑌸𑍍𑌰॑-𑌮𑍍𑌪॒𑌶𑌵𑍋-𑌽𑌨𑍂𑌦𑌾॑𑌯॒𑌨𑍍-𑌥𑍍𑌸 𑌉॑𑌨𑍍𑌨॒𑌤𑍋॑-𑌽𑌭𑌵॒𑌦𑍍𑌯𑌃 𑌪॒𑌶𑍁𑌕𑌾॑𑌮॒-𑌸𑍍𑌸𑍍𑌯𑌾-𑌥𑍍𑌸 𑌏॒𑌤𑌮𑍈॒𑌨𑍍𑌦𑍍𑌰𑌮𑍁॑𑌨𑍍𑌨॒𑌤𑌮𑌾 𑌲॑𑌭𑍇॒𑌤𑍇𑌨𑍍𑌦𑍍𑌰॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌯॑𑌚𑍍𑌛𑌤𑌿 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑍍𑌯𑍁𑌨𑍍𑌨॒𑌤𑍋 [𑌭॑𑌵𑌤𑍍𑌯𑍁𑌨𑍍𑌨॒𑌤𑌃, 𑌭॒𑌵॒𑌤𑌿॒ 𑌸𑌾॒𑌹॒𑌸𑍍𑌰𑍀] 29

𑌭॑𑌵𑌤𑌿 𑌸𑌾𑌹॒𑌸𑍍𑌰𑍀 𑌵𑌾 𑌏॒𑌷𑌾 𑌲॒𑌕𑍍𑌷𑍍𑌮𑍀 𑌯𑌦𑍁॑𑌨𑍍𑌨॒𑌤𑍋 𑌲॒𑌕𑍍𑌷𑍍𑌮𑌿𑌯𑍈॒ 𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌯॒𑌦𑌾 𑌸॒𑌹𑌸𑍍𑌰॑-𑌮𑍍𑌪॒𑌶𑍂-𑌨𑍍𑌪𑍍𑌰𑌾᳚𑌪𑍍𑌨𑍁॒𑌯𑌾𑌦𑌥॑ 𑌵𑍈𑌷𑍍𑌣॒𑌵𑌂-𑌵𑌾𑌁॑ 𑌮॒𑌨𑌮𑌾 𑌲॑𑌭𑍇𑌤𑍈॒𑌤𑌸𑍍𑌮𑌿॒𑌨𑍍. 𑌵𑍈 𑌤-𑌥𑍍𑌸॒𑌹𑌸𑍍𑌰॒𑌮𑌦𑍍𑌧𑍍𑌯॑𑌤𑌿𑌷𑍍𑌠॒-𑌤𑍍𑌤𑌸𑍍𑌮𑌾॑𑌦𑍇॒𑌷 𑌵𑌾॑𑌮॒𑌨-𑌸𑍍𑌸𑌮𑍀॑𑌷𑌿𑌤𑌃 𑌪॒𑌶𑍁𑌭𑍍𑌯॑ 𑌏॒𑌵 𑌪𑍍𑌰𑌜𑌾॑𑌤𑍇𑌭𑍍𑌯𑌃 𑌪𑍍𑌰𑌤𑌿॒𑌷𑍍𑌠𑌾-𑌨𑍍𑌦॑𑌧𑌾𑌤𑌿॒ 𑌕𑍋॑-𑌽𑌰𑍍𑌹𑌤𑌿 𑌸॒𑌹𑌸𑍍𑌰॑-𑌮𑍍𑌪॒𑌶𑍂-𑌨𑍍𑌪𑍍𑌰𑌾𑌪𑍍𑌤𑍁॒𑌮𑌿𑌤𑍍𑌯𑌾॑𑌹𑍁-𑌰𑌹𑍋𑌰𑌾॒𑌤𑍍𑌰𑌾𑌣𑍍𑌯𑍇॒𑌵 𑌸॒𑌹𑌸𑍍𑌰𑌗𑍍𑌂॑ 𑌸॒𑌮𑍍𑌪𑌾𑌦𑍍𑌯𑌾-𑌽𑌽𑌲॑𑌭𑍇𑌤 𑌪॒𑌶𑌵𑍋॒ [𑌪॒𑌶𑌵𑌃॑, 𑌵𑌾 𑌅॑𑌹𑍋𑌰𑌾॒𑌤𑍍𑌰𑌾𑌣𑌿॑] 30

𑌵𑌾 𑌅॑𑌹𑍋𑌰𑌾॒𑌤𑍍𑌰𑌾𑌣𑌿॑ 𑌪॒𑌶𑍂𑌨𑍇॒𑌵 𑌪𑍍𑌰𑌜𑌾॑𑌤𑌾-𑌨𑍍𑌪𑍍𑌰𑌤𑌿॒𑌷𑍍𑌠𑌾-𑌙𑍍𑌗॑𑌮𑌯॒-𑌤𑍍𑌯𑍋𑌷॑𑌧𑍀𑌭𑍍𑌯𑍋 𑌵𑍇॒𑌹𑌤॒𑌮𑌾 𑌲॑𑌭𑍇𑌤 𑌪𑍍𑌰॒𑌜𑌾𑌕𑌾॑𑌮॒ 𑌓𑌷॑𑌧𑌯𑍋॒ 𑌵𑌾 𑌏॒𑌤-𑌮𑍍𑌪𑍍𑌰॒𑌜𑌾𑌯𑍈॒ 𑌪𑌰𑌿॑𑌬𑌾𑌧𑌨𑍍𑌤𑍇॒ 𑌯𑍋-𑌽𑌲॑-𑌮𑍍𑌪𑍍𑌰॒𑌜𑌾𑌯𑍈॒ 𑌸-𑌨𑍍𑌪𑍍𑌰॒𑌜𑌾-𑌨𑍍𑌨 𑌵𑌿॒𑌨𑍍𑌦𑌤॒ 𑌓𑌷॑𑌧𑌯𑌃॒ 𑌖𑌲𑍁॒ 𑌵𑌾 𑌏॒𑌤𑌸𑍍𑌯𑍈॒ 𑌸𑍂𑌤𑍁॒𑌮𑌪𑌿॑ 𑌘𑍍𑌨𑌨𑍍𑌤𑌿॒ 𑌯𑌾 𑌵𑍇॒𑌹-𑌦𑍍𑌭𑌵॒𑌤𑍍𑌯𑍋𑌷॑𑌧𑍀𑌰𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾 𑌏॒𑌵𑌾𑌸𑍍𑌮𑍈॒ 𑌸𑍍𑌵𑌾𑌦𑍍𑌯𑍋𑌨𑍇𑌃᳚ 𑌪𑍍𑌰॒𑌜𑌾-𑌮𑍍𑌪𑍍𑌰 𑌜॑𑌨𑌯𑌨𑍍𑌤𑌿 𑌵𑌿॒𑌨𑍍𑌦𑌤𑍇᳚ [ ] 31

𑌪𑍍𑌰॒𑌜𑌾𑌮𑌾𑌪𑍋॒ 𑌵𑌾 𑌓𑌷॑𑌧॒𑌯𑍋-𑌽𑌸॒-𑌤𑍍𑌪𑍁𑌰𑍁॑𑌷॒ 𑌆𑌪॑ 𑌏॒𑌵𑌾𑌸𑍍𑌮𑌾॒ 𑌅𑌸॑𑌤॒-𑌸𑍍𑌸𑌦𑍍𑌦॑𑌦𑌤𑌿॒ 𑌤𑌸𑍍𑌮𑌾॑𑌦𑌾𑌹𑍁॒𑌰𑍍𑌯𑌶𑍍𑌚𑍈॒𑌵𑌂-𑌵𑍇𑌁𑌦॒ 𑌯𑌶𑍍𑌚॒ 𑌨𑌾𑌪॒𑌸𑍍𑌤𑍍𑌵𑌾𑌵𑌾𑌸॑𑌤॒-𑌸𑍍𑌸𑌦𑍍𑌦॑𑌦॒𑌤𑍀-𑌤𑍍𑌯𑍈॒𑌨𑍍𑌦𑍍𑌰𑍀𑌗𑍍𑌂 𑌸𑍂॒𑌤𑌵॑𑌶𑌾॒𑌮𑌾 𑌲॑𑌭𑍇𑌤॒ 𑌭𑍂𑌤𑌿॑𑌕𑌾॒𑌮𑍋-𑌽𑌜𑌾॑𑌤𑍋॒ 𑌵𑌾 𑌏॒𑌷 𑌯𑍋-𑌽𑌲॒-𑌮𑍍𑌭𑍂𑌤𑍍𑌯𑍈॒ 𑌸-𑌨𑍍𑌭𑍂𑌤𑌿॒-𑌨𑍍𑌨 𑌪𑍍𑌰𑌾॒𑌪𑍍𑌨𑍋𑌤𑍀𑌨𑍍𑌦𑍍𑌰॒-𑌙𑍍𑌖𑌲𑍁॒ 𑌵𑌾 𑌏॒𑌷𑌾 𑌸𑍂॒𑌤𑍍𑌵𑌾 𑌵॒𑌶𑌾-𑌽𑌭॑𑌵॒- [𑌵॒𑌶𑌾-𑌽𑌭॑𑌵𑌤𑍍, 𑌇𑌨𑍍𑌦𑍍𑌰॑𑌮𑍇॒𑌵] 32

-𑌦𑌿𑌨𑍍𑌦𑍍𑌰॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌮𑍍𑌭𑍂𑌤𑌿॑-𑌙𑍍𑌗𑌮𑌯𑌤𑌿॒ 𑌭𑌵॑𑌤𑍍𑌯𑍇॒𑌵 𑌯𑌗𑍍𑌂 𑌸𑍂॒𑌤𑍍𑌵𑌾 𑌵॒𑌶𑌾 𑌸𑍍𑌯𑌾-𑌤𑍍𑌤𑌮𑍈॒𑌨𑍍𑌦𑍍𑌰𑌮𑍇॒𑌵𑌾-𑌽𑌽 𑌲॑𑌭𑍇𑌤𑍈॒𑌤𑌦𑍍𑌵𑌾𑌵 𑌤𑌦𑌿॑𑌨𑍍𑌦𑍍𑌰𑌿॒𑌯𑌗𑍍𑌂 𑌸𑌾॒𑌕𑍍𑌷𑌾𑌦𑍇॒𑌵𑍇𑌨𑍍𑌦𑍍𑌰𑌿॒𑌯𑌮𑌵॑ 𑌰𑍁𑌨𑍍𑌧 𑌐𑌨𑍍𑌦𑍍𑌰𑌾॒𑌗𑍍𑌨-𑌮𑍍𑌪𑍁॑𑌨𑌰𑍁-𑌥𑍍𑌸𑍃॒𑌷𑍍𑌟𑌮𑌾 𑌲॑𑌭𑍇𑌤॒ 𑌯 𑌆 𑌤𑍃॒𑌤𑍀𑌯𑌾॒-𑌤𑍍𑌪𑍁𑌰𑍁॑𑌷𑌾॒-𑌥𑍍𑌸𑍋𑌮॒-𑌨𑍍𑌨 𑌪𑌿𑌬𑍇॒-𑌦𑍍𑌵𑌿𑌚𑍍𑌛𑌿॑𑌨𑍍𑌨𑍋॒ 𑌵𑌾 𑌏॒𑌤𑌸𑍍𑌯॑ 𑌸𑍋𑌮𑌪𑍀॒𑌥𑍋 𑌯𑍋 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌸𑌨𑍍𑌨𑌾 [ ] 33

𑌤𑍃॒𑌤𑍀𑌯𑌾॒-𑌤𑍍𑌪𑍁𑌰𑍁॑𑌷𑌾॒-𑌥𑍍𑌸𑍋𑌮॒-𑌨𑍍𑌨 𑌪𑌿𑌬॑𑌤𑍀𑌨𑍍𑌦𑍍𑌰𑌾॒𑌗𑍍𑌨𑍀 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑍈॑ 𑌸𑍋𑌮𑌪𑍀॒𑌥-𑌮𑍍𑌪𑍍𑌰𑌯॑𑌚𑍍𑌛𑌤॒ 𑌉𑌪𑍈॑𑌨𑌗𑍍𑌂 𑌸𑍋𑌮𑌪𑍀॒𑌥𑍋 𑌨॑𑌮𑌤𑌿॒ 𑌯𑌦𑍈॒𑌨𑍍𑌦𑍍𑌰𑍋 𑌭𑌵॑𑌤𑍀𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌸𑍋॑𑌮𑌪𑍀॒𑌥 𑌇॑𑌨𑍍𑌦𑍍𑌰𑌿॒𑌯𑌮𑍇॒𑌵 𑌸𑍋॑𑌮𑌪𑍀॒𑌥𑌮𑌵॑ 𑌰𑍁𑌨𑍍𑌧𑍇॒ 𑌯𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑍍𑌯𑌾𑌗𑍍𑌨𑍇॒𑌯𑍋 𑌵𑍈 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌸𑍍𑌵𑌾𑌮𑍇॒𑌵 𑌦𑍇॒𑌵𑌤𑌾॒𑌮𑌨𑍁॒ 𑌸𑌨𑍍𑌤॑𑌨𑍋𑌤𑌿 𑌪𑍁𑌨𑌰𑍁𑌥𑍍𑌸𑍃॒𑌷𑍍𑌟𑍋 𑌭॑𑌵𑌤𑌿 𑌪𑍁𑌨𑌰𑍁𑌥𑍍𑌸𑍃॒𑌷𑍍𑌟 𑌇॑𑌵॒ 𑌹𑍍𑌯𑍇॑𑌤𑌸𑍍𑌯॑ [𑌹𑍍𑌯𑍇॑𑌤𑌸𑍍𑌯॑, 𑌸𑍋॒𑌮॒𑌪𑍀॒𑌥-𑌸𑍍𑌸𑌮𑍃॑𑌦𑍍𑌧𑍍𑌯𑍈] 34

𑌸𑍋𑌮𑌪𑍀॒𑌥-𑌸𑍍𑌸𑌮𑍃॑𑌦𑍍𑌧𑍍𑌯𑍈 𑌬𑍍𑌰𑌾𑌹𑍍𑌮𑌣𑌸𑍍𑌪॒𑌤𑍍𑌯-𑌨𑍍𑌤𑍂॑𑌪॒𑌰𑌮𑌾 𑌲॑𑌭𑍇𑌤𑌾-𑌭𑌿॒𑌚𑌰॒-𑌨𑍍𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌸𑍍𑌮𑌾॑ 𑌏॒𑌵𑍈𑌨॒𑌮𑌾 𑌵𑍃॑𑌶𑍍𑌚𑌤𑌿 𑌤𑌾॒𑌜𑌗𑌾𑌰𑍍𑌤𑌿॒-𑌮𑌾𑌰𑍍𑌚𑍍𑌛॑𑌤𑌿 𑌤𑍂𑌪॒𑌰𑍋 𑌭॑𑌵𑌤𑌿 𑌕𑍍𑌷𑍁॒𑌰𑌪॑𑌵𑌿॒𑌰𑍍𑌵𑌾 𑌏॒𑌷𑌾 𑌲॒𑌕𑍍𑌷𑍍𑌮𑍀 𑌯-𑌤𑍍𑌤𑍂॑𑌪॒𑌰-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌸𑍍𑌫𑍍𑌯𑍋 𑌯𑍂𑌪𑍋॑ 𑌭𑌵𑌤𑌿॒ 𑌵𑌜𑍍𑌰𑍋॒ 𑌵𑍈 𑌸𑍍𑌫𑍍𑌯𑍋 𑌵𑌜𑍍𑌰॑𑌮𑍇॒𑌵𑌾𑌸𑍍𑌮𑍈॒ 𑌪𑍍𑌰𑌹॑𑌰𑌤𑌿 𑌶𑌰॒𑌮𑌯॑-𑌮𑍍𑌬॒𑌰𑍍॒𑌹𑌿-𑌶𑍍𑌶𑍃॒𑌣𑌾𑌤𑍍𑌯𑍇॒𑌵𑍈𑌨𑌂॒-𑌵𑍈𑌁𑌭𑍀॑𑌦𑌕 𑌇॒𑌦𑍍𑌧𑍍𑌮𑍋 𑌭𑌿॒𑌨𑌤𑍍𑌤𑍍𑌯𑍇॒𑌵𑍈𑌨᳚𑌮𑍍 ॥ 35 ॥

(𑌭॒𑌵॒𑌤𑍍𑌯𑍁॒𑌨𑍍𑌨॒𑌤𑌃 - 𑌪॒𑌶𑌵𑍋॑ - 𑌜𑌨𑌯𑌨𑍍𑌤𑌿 𑌵𑌿॒𑌨𑍍𑌦𑌤𑍇॑ - 𑌽𑌭𑌵॒𑌥𑍍 - 𑌸𑌨𑍍𑌨𑍈 - 𑌤𑌸𑍍𑌯𑍇॒ - 𑌧𑍍𑌮 - 𑌸𑍍𑌤𑍍𑌰𑍀𑌣𑌿॑ 𑌚) (𑌅. 5)

𑌬𑌾॒𑌰𑍍॒𑌹॒𑌸𑍍𑌪॒𑌤𑍍𑌯𑌗𑍍𑌂 𑌶𑌿॑𑌤𑌿𑌪𑍃॒𑌷𑍍𑌠𑌮𑌾 𑌲॑𑌭𑍇𑌤॒ 𑌗𑍍𑌰𑌾𑌮॑𑌕𑌾𑌮𑍋॒ 𑌯𑌃 𑌕𑌾॒𑌮𑌯𑍇॑𑌤 𑌪𑍃॒𑌷𑍍𑌠𑌗𑍍𑌂 𑌸॑𑌮𑌾॒𑌨𑌾𑌨𑌾𑌗𑍍॑ 𑌸𑍍𑌯𑌾॒𑌮𑌿𑌤𑌿॒ 𑌬𑍃𑌹॒𑌸𑍍𑌪𑌤𑌿॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॑-𑌮𑍍𑌪𑍃॒𑌷𑍍𑌠𑌗𑍍𑌂 𑌸॑𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌶𑌿𑌤𑌿𑌪𑍃॒𑌷𑍍𑌠𑍋 𑌭॑𑌵𑌤𑌿 𑌬𑌾𑌰𑍍𑌹𑌸𑍍𑌪॒𑌤𑍍𑌯𑍋 𑌹𑍍𑌯𑍇॑𑌷 𑌦𑍇॒𑌵𑌤॑𑌯𑌾॒ 𑌸𑌮𑍃॑𑌦𑍍𑌧𑍍𑌯𑍈 𑌪𑍗॒𑌷𑍍𑌣𑌗𑍍𑌗𑍍 𑌶𑍍𑌯𑌾॒𑌮𑌮𑌾 𑌲॑𑌭𑍇॒𑌤𑌾𑌨𑍍𑌨॑𑌕𑌾॒𑌮𑍋-𑌽𑌨𑍍𑌨𑌂॒-𑌵𑍈𑌁 𑌪𑍂॒𑌷𑌾 𑌪𑍂॒𑌷𑌣॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॒ [𑌏॒𑌵𑌾𑌸𑍍𑌮𑍈᳚, 𑌅𑌨𑍍𑌨॒-𑌮𑍍𑌪𑍍𑌰] 36

𑌅𑌨𑍍𑌨॒-𑌮𑍍𑌪𑍍𑌰 𑌯॑𑌚𑍍𑌛𑌤𑍍𑌯𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑌿 𑌶𑍍𑌯𑌾॒𑌮𑍋 𑌭॑𑌵𑌤𑍍𑌯𑍇॒𑌤𑌦𑍍𑌵𑌾 𑌅𑌨𑍍𑌨॑𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑍈 𑌮𑌾𑌰𑍁॒𑌤-𑌮𑍍𑌪𑍃𑌶𑍍𑌞𑌿॒𑌮𑌾 𑌲॑𑌭𑍇॒𑌤𑌾-𑌽𑌨𑍍𑌨॑-𑌕𑌾॒𑌮𑍋-𑌽𑌨𑍍𑌨𑌂॒-𑌵𑍈𑌁 𑌮॒𑌰𑍁𑌤𑍋॑𑌮॒𑌰𑍁𑌤॑ 𑌏॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰𑌯॑𑌚𑍍𑌛𑌨𑍍𑌤𑍍𑌯𑌨𑍍𑌨𑌾॒𑌦𑌏॒𑌵 𑌭॑𑌵𑌤𑌿॒ 𑌪𑍃𑌶𑍍𑌞𑌿॑ 𑌰𑍍𑌭𑌵𑌤𑍍𑌯𑍇॒𑌤𑌦𑍍𑌵𑌾 𑌅𑌨𑍍𑌨॑𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑌾 𑌐॒𑌨𑍍𑌦𑍍𑌰𑌮॑𑌰𑍁॒𑌣𑌮𑌾 𑌲॑𑌭𑍇𑌤𑍇𑌨𑍍𑌦𑍍𑌰𑌿॒𑌯𑌕𑌾॑𑌮॒ 𑌇𑌨𑍍𑌦𑍍𑌰॑𑌮𑍇॒𑌵 [ ] 37

𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑍀𑌨𑍍𑌦𑍍𑌰𑌿𑌯𑌾॒𑌵𑍍𑌯𑍇॑𑌵 𑌭॑𑌵𑌤𑍍𑌯𑌰𑍁॒𑌣𑍋 𑌭𑍍𑌰𑍂𑌮𑌾᳚-𑌨𑍍𑌭𑌵𑌤𑍍𑌯𑍇॒𑌤𑌦𑍍𑌵𑌾 𑌇𑌨𑍍𑌦𑍍𑌰॑𑌸𑍍𑌯 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑍈 𑌸𑌾𑌵𑌿॒𑌤𑍍𑌰𑌮𑍁॑𑌪𑌦𑍍𑌧𑍍𑌵॒𑌸𑍍𑌤𑌮𑌾 𑌲॑𑌭𑍇𑌤 𑌸॒𑌨𑌿𑌕𑌾॑𑌮-𑌸𑍍𑌸𑌵𑌿॒𑌤𑌾 𑌵𑍈 𑌪𑍍𑌰॑𑌸॒𑌵𑌾𑌨𑌾॑𑌮𑍀𑌶𑍇 𑌸𑌵𑌿॒𑌤𑌾𑌰॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌸॒𑌨𑌿-𑌮𑍍𑌪𑍍𑌰𑌸𑍁॑𑌵𑌤𑌿॒ 𑌦𑌾𑌨॑𑌕𑌾𑌮𑌾 𑌅𑌸𑍍𑌮𑍈 𑌪𑍍𑌰॒𑌜𑌾 𑌭॑𑌵𑌨𑍍𑌤𑍍𑌯𑍁𑌪𑌦𑍍𑌧𑍍𑌵॒𑌸𑍍𑌤𑍋 𑌭॑𑌵𑌤𑌿 𑌸𑌾𑌵𑌿॒𑌤𑍍𑌰𑍋 𑌹𑍍𑌯𑍇॑𑌷 [𑌸𑌾𑌵𑌿॒𑌤𑍍𑌰𑍋 𑌹𑍍𑌯𑍇॑𑌷𑌃, 𑌦𑍇॒𑌵𑌤॑𑌯𑌾॒ 𑌸𑌮𑍃॑𑌦𑍍𑌧𑍍𑌯𑍈] 38

𑌦𑍇॒𑌵𑌤॑𑌯𑌾॒ 𑌸𑌮𑍃॑𑌦𑍍𑌧𑍍𑌯𑍈 𑌵𑍈𑌶𑍍𑌵𑌦𑍇॒𑌵-𑌮𑍍𑌬॑𑌹𑍁𑌰𑍂॒𑌪𑌮𑌾 𑌲॑𑌭𑍇॒𑌤𑌾-𑌽𑌨𑍍𑌨॑𑌕𑌾𑌮𑍋𑌵𑍈𑌶𑍍𑌵𑌦𑍇॒𑌵𑌂-𑌵𑌾𑌁 𑌅𑌨𑍍𑌨𑌂॒-𑌵𑌿𑌁𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒𑌤 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰𑌯॑𑌚𑍍𑌛𑌨𑍍𑌤𑍍𑌯𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑌿 𑌬𑌹𑍁𑌰𑍂॒𑌪𑍋 𑌭॑𑌵𑌤𑌿𑌬𑌹𑍁𑌰𑍂॒𑌪𑌗𑍍𑌗𑍍 𑌹𑍍𑌯𑌨𑍍𑌨॒𑌗𑍍𑌂॒ 𑌸𑌮𑍃॑𑌦𑍍𑌧𑍍𑌯𑍈 𑌵𑍈𑌶𑍍𑌵𑌦𑍇॒𑌵-𑌮𑍍𑌬॑𑌹𑍁𑌰𑍂॒𑌪𑌮𑌾 𑌲॑𑌭𑍇𑌤॒ 𑌗𑍍𑌰𑌾𑌮॑𑌕𑌾𑌮𑍋 𑌵𑍈𑌶𑍍𑌵𑌦𑍇॒𑌵𑌾 𑌵𑍈 𑌸॑𑌜𑌾॒𑌤𑌾 𑌵𑌿𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾-𑌽𑌸𑍍𑌮𑍈॑ [𑌏॒𑌵𑌾-𑌽𑌸𑍍𑌮𑍈᳚, 𑌸॒𑌜𑌾॒𑌤𑌾-𑌨𑍍𑌪𑍍𑌰 𑌯॑𑌚𑍍𑌛𑌨𑍍𑌤𑌿] 39

𑌸𑌜𑌾॒𑌤𑌾-𑌨𑍍𑌪𑍍𑌰 𑌯॑𑌚𑍍𑌛𑌨𑍍𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌬𑌹𑍁𑌰𑍂॒𑌪𑍋 𑌭॑𑌵𑌤𑌿 𑌬𑌹𑍁𑌦𑍇𑌵॒𑌤𑍍𑌯𑍋᳚(1॒) 𑌹𑍍𑌯𑍇॑𑌷 𑌸𑌮𑍃॑𑌦𑍍𑌧𑍍𑌯𑍈 𑌪𑍍𑌰𑌾𑌜𑌾𑌪॒𑌤𑍍𑌯-𑌨𑍍𑌤𑍂॑𑌪॒𑌰𑌮𑌾 𑌲॑𑌭𑍇𑌤॒ 𑌯𑌸𑍍𑌯𑌾𑌨𑌾᳚𑌜𑍍𑌞𑌾𑌤𑌮𑌿𑌵॒ 𑌜𑍍𑌯𑍋𑌗𑌾॒𑌮𑌯𑍇᳚-𑌤𑍍𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌵𑍈 𑌪𑍁𑌰𑍁॑𑌷𑌃 𑌪𑍍𑌰॒𑌜𑌾𑌪॑𑌤𑌿𑌃॒ 𑌖𑌲𑍁॒ 𑌵𑍈 𑌤𑌸𑍍𑌯॑ 𑌵𑍇𑌦॒ 𑌯𑌸𑍍𑌯𑌾𑌨𑌾᳚𑌜𑍍𑌞𑌾𑌤𑌮𑌿𑌵॒ 𑌜𑍍𑌯𑍋𑌗𑌾॒𑌮𑌯॑𑌤𑌿 𑌪𑍍𑌰॒𑌜𑌾𑌪॑𑌤𑌿𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌨𑍍𑌤𑌸𑍍𑌮𑌾॒-𑌥𑍍𑌸𑍍𑌰𑌾𑌮𑌾᳚-𑌨𑍍𑌮𑍁𑌞𑍍𑌚𑌤𑌿 𑌤𑍂𑌪॒𑌰𑍋 𑌭॑𑌵𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌹𑍍𑌯𑍇॑ -𑌷 𑌦𑍇॒𑌵𑌤॑𑌯𑌾॒ 𑌸𑌮𑍃॑𑌦𑍍𑌧𑍍𑌯𑍈 ॥ 40 ॥

(𑌅॒𑌸𑍍𑌮𑌾॒ - 𑌇𑌨𑍍𑌦𑍍𑌰॑𑌮𑍇॒𑌵𑍈 - 𑌷 - 𑌸॑𑌜𑌾॒𑌤𑌾 𑌵𑌿𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑍈᳚ - 𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌹𑌿 - 𑌤𑍍𑌰𑍀𑌣𑌿॑ 𑌚) (𑌅. 11)

𑌵॒𑌷॒𑌟𑍍𑌕𑌾॒𑌰𑍋 𑌵𑍈 𑌗𑌾॑𑌯𑌤𑍍𑌰𑌿॒𑌯𑍈 𑌶𑌿𑌰𑍋᳚-𑌽𑌚𑍍𑌛𑌿𑌨॒-𑌤𑍍𑌤𑌸𑍍𑌯𑍈॒ 𑌰𑌸𑌃॒ 𑌪𑌰𑌾॑𑌪𑌤॒-𑌤𑍍𑌤-𑌮𑍍𑌬𑍃𑌹॒𑌸𑍍𑌪𑌤𑌿॒ 𑌰𑍁𑌪𑌾॑-𑌽𑌗𑍃𑌹𑍍𑌣𑌾॒𑌥𑍍𑌸𑌾 𑌶𑌿॑𑌤𑌿𑌪𑍃॒𑌷𑍍𑌠𑌾 𑌵॒𑌶𑌾-𑌽𑌭॑𑌵॒𑌦𑍍𑌯𑍋 𑌦𑍍𑌵𑌿॒𑌤𑍀𑌯𑌃॑ 𑌪॒𑌰𑌾-𑌽𑌪॑𑌤॒-𑌤𑍍𑌤-𑌮𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑌾॒-𑌵𑍁𑌪𑌾॑𑌗𑍃𑌹𑍍𑌣𑍀𑌤𑌾॒𑌗𑍍𑌂॒ 𑌸𑌾 𑌦𑍍𑌵𑌿॑𑌰𑍂॒𑌪𑌾 𑌵॒𑌶𑌾-𑌽𑌭॑𑌵॒-𑌦𑍍𑌯𑌸𑍍𑌤𑍃॒𑌤𑍀𑌯𑌃॑ 𑌪॒𑌰𑌾𑌪॑𑌤॒-𑌤𑍍𑌤𑌂-𑌵𑌿𑌁𑌶𑍍𑌵𑍇॑ 𑌦𑍇॒𑌵𑌾 𑌉𑌪𑌾॑𑌗𑍃𑌹𑍍𑌣॒𑌨𑍍-𑌥𑍍𑌸𑌾 𑌬॑𑌹𑍁𑌰𑍂॒𑌪𑌾 𑌵॒𑌶𑌾 𑌭॑𑌵॒𑌦𑍍𑌯-𑌶𑍍𑌚॑𑌤𑍁॒𑌰𑍍𑌥𑌃 𑌪॒𑌰𑌾𑌪॑𑌤॒-𑌥𑍍𑌸 𑌪𑍃॑𑌥𑌿॒𑌵𑍀-𑌮𑍍𑌪𑍍𑌰𑌾-𑌽𑌵𑌿॑𑌶॒-𑌤𑍍𑌤-𑌮𑍍𑌬𑍃𑌹॒𑌸𑍍𑌪𑌤𑌿॑𑌰॒- [𑌬𑍃𑌹॒𑌸𑍍𑌪𑌤𑌿॑𑌰॒𑌭𑌿, 𑌅॒𑌗𑍃॒𑌹𑍍𑌣𑌾॒-𑌦𑌸𑍍𑌤𑍍𑌵𑍇॒𑌵𑌾-𑌽𑌯𑌂-] 41

-𑌭𑍍𑌯॑𑌗𑍃𑌹𑍍𑌣𑌾॒-𑌦𑌸𑍍𑌤𑍍𑌵𑍇॒𑌵𑌾-𑌽𑌯-𑌮𑍍𑌭𑍋𑌗𑌾॒𑌯𑍇𑌤𑌿॒ 𑌸 𑌉॑𑌕𑍍𑌷𑌵॒𑌶-𑌸𑍍𑌸𑌮॑𑌭𑌵॒-𑌦𑍍𑌯𑌲𑍍𑌲𑍋𑌹𑌿॑𑌤-𑌮𑍍𑌪॒𑌰𑌾𑌪॑𑌤॒-𑌤𑍍𑌤-𑌦𑍍𑌰𑍁॒𑌦𑍍𑌰 𑌉𑌪𑌾॑-𑌽𑌗𑍃𑌹𑍍𑌣𑌾॒-𑌥𑍍𑌸𑌾 𑌰𑍗॒𑌦𑍍𑌰𑍀 𑌰𑍋𑌹𑌿॑𑌣𑍀 𑌵॒𑌶𑌾-𑌽𑌭॑𑌵-𑌦𑍍𑌬𑌾𑌰𑍍𑌹𑌸𑍍𑌪॒𑌤𑍍𑌯𑌾𑌗𑍍𑌂 𑌶𑌿॑𑌤𑌿𑌪𑍃॒𑌷𑍍𑌠𑌾𑌮𑌾 𑌲॑𑌭𑍇𑌤 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌕𑌾॑𑌮𑍋॒ 𑌬𑍃𑌹॒𑌸𑍍𑌪𑌤𑌿॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿॒ 𑌛𑌨𑍍𑌦॑𑌸𑌾𑌂॒-𑌵𑌾𑌁 𑌏॒𑌷 𑌰𑌸𑍋॒ 𑌯𑌦𑍍𑌵॒𑌶𑌾 𑌰𑌸॑ 𑌇𑌵॒ 𑌖𑌲𑍁॒ [𑌖𑌲𑍁॑, 𑌵𑍈] 42

𑌵𑍈 𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌞𑍍𑌛𑌨𑍍𑌦॑𑌸𑌾𑌮𑍇॒𑌵 𑌰𑌸𑍇॑𑌨॒ 𑌰𑌸॑-𑌮𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑌵॑ 𑌰𑍁𑌨𑍍𑌧𑍇 𑌮𑍈𑌤𑍍𑌰𑌾𑌵𑌰𑍁॒𑌣𑍀-𑌨𑍍𑌦𑍍𑌵𑌿॑𑌰𑍂॒𑌪𑌾𑌮𑌾 𑌲॑𑌭𑍇𑌤॒ 𑌵𑍃𑌷𑍍𑌟𑌿॑𑌕𑌾𑌮𑍋 𑌮𑍈॒𑌤𑍍𑌰𑌂-𑌵𑌾𑌁 𑌅𑌹॑𑌰𑍍𑌵𑌾𑌰𑍁॒𑌣𑍀 𑌰𑌾𑌤𑍍𑌰𑌿॑𑌰𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॒-𑌙𑍍𑌖𑌲𑍁॒ 𑌵𑍈 𑌪॒𑌰𑍍𑌜𑌨𑍍𑌯𑍋॑ 𑌵𑌰𑍍𑌷𑌤𑌿 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌾॑ 𑌅𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾᳚-𑌮𑍍𑌪॒𑌰𑍍𑌜𑌨𑍍𑌯𑌂॑-𑌵𑌁𑌰𑍍𑌷𑌯𑌤॒-𑌶𑍍𑌛𑌨𑍍𑌦॑𑌸𑌾𑌂॒-𑌵𑌾𑌁 𑌏॒𑌷 𑌰𑌸𑍋॒ 𑌯𑌦𑍍𑌵॒𑌶𑌾 𑌰𑌸॑ 𑌇𑌵॒ 𑌖𑌲𑍁॒ 𑌵𑍈 𑌵𑍃𑌷𑍍𑌟𑌿॒-𑌶𑍍𑌛𑌨𑍍𑌦॑𑌸𑌾𑌮𑍇॒𑌵 𑌰𑌸𑍇॑𑌨॒ [𑌰𑌸𑍇॑𑌨, 𑌰𑌸𑌂॒-𑌵𑍃𑌁𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇] 43

𑌰𑌸𑌂॒-𑌵𑍃𑌁𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇 𑌮𑍈𑌤𑍍𑌰𑌾𑌵𑌰𑍁॒𑌣𑍀-𑌨𑍍𑌦𑍍𑌵𑌿॑𑌰𑍂॒𑌪𑌾𑌮𑌾 𑌲॑𑌭𑍇𑌤 𑌪𑍍𑌰॒𑌜𑌾𑌕𑌾॑𑌮𑍋 𑌮𑍈॒𑌤𑍍𑌰𑌂-𑌵𑌾𑌁 𑌅𑌹॑𑌰𑍍𑌵𑌾𑌰𑍁॒𑌣𑍀 𑌰𑌾𑌤𑍍𑌰𑌿॑𑌰𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॒-𑌙𑍍𑌖𑌲𑍁॒ 𑌵𑍈 𑌪𑍍𑌰॒𑌜𑌾𑌃 𑌪𑍍𑌰𑌜𑌾॑𑌯𑌨𑍍𑌤𑍇 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌾॑ 𑌅𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾᳚-𑌮𑍍𑌪𑍍𑌰॒𑌜𑌾-𑌮𑍍𑌪𑍍𑌰𑌜॑𑌨𑌯𑌤॒-𑌶𑍍𑌛𑌨𑍍𑌦॑𑌸𑌾𑌂॒-𑌵𑌾𑌁 𑌏॒𑌷 𑌰𑌸𑍋॒ 𑌯𑌦𑍍𑌵॒𑌶𑌾 𑌰𑌸॑ 𑌇𑌵॒ 𑌖𑌲𑍁॒ 𑌵𑍈 𑌪𑍍𑌰॒𑌜𑌾 𑌛𑌨𑍍𑌦॑𑌸𑌾𑌮𑍇॒𑌵 𑌰𑌸𑍇॑𑌨॒ 𑌰𑌸॑-𑌮𑍍𑌪𑍍𑌰॒𑌜𑌾𑌮𑌵॑- [𑌰𑌸॑-𑌮𑍍𑌪𑍍𑌰॒𑌜𑌾𑌮𑌵॑, 𑌰𑍁॒𑌨𑍍𑌧𑍇॒ 𑌵𑍈॒𑌶𑍍𑌵॒𑌦𑍇॒𑌵𑍀𑌮𑍍-] 44

-𑌰𑍁𑌨𑍍𑌧𑍇 𑌵𑍈𑌶𑍍𑌵𑌦𑍇॒𑌵𑍀-𑌮𑍍𑌬॑𑌹𑍁𑌰𑍂॒𑌪𑌾𑌮𑌾 𑌲॑𑌭𑍇॒𑌤𑌾𑌨𑍍𑌨॑𑌕𑌾𑌮𑍋 𑌵𑍈𑌶𑍍𑌵𑌦𑍇॒𑌵𑌂-𑌵𑌾𑌁 𑌅𑌨𑍍𑌨𑌂॒-𑌵𑌿𑌁𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨𑌂॒ 𑌪𑍍𑌰𑌯॑𑌚𑍍𑌛𑌨𑍍𑌤𑍍𑌯𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑌿॒ 𑌛𑌨𑍍𑌦॑𑌸𑌾𑌂॒-𑌵𑌾𑌁 𑌏॒𑌷 𑌰𑌸𑍋॒ 𑌯𑌦𑍍𑌵॒𑌶𑌾 𑌰𑌸॑ 𑌇𑌵॒ 𑌖𑌲𑍁॒ 𑌵𑌾 𑌅𑌨𑍍𑌨॒-𑌞𑍍𑌛𑌨𑍍𑌦॑𑌸𑌾𑌮𑍇॒𑌵 𑌰𑌸𑍇॑𑌨॒ 𑌰𑌸॒𑌮𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇 𑌵𑍈𑌶𑍍𑌵𑌦𑍇॒𑌵𑍀-𑌮𑍍𑌬॑𑌹𑍁𑌰𑍂॒𑌪𑌾𑌮𑌾 𑌲॑𑌭𑍇𑌤॒ 𑌗𑍍𑌰𑌾𑌮॑𑌕𑌾𑌮𑍋 𑌵𑍈𑌶𑍍𑌵𑌦𑍇॒𑌵𑌾 𑌵𑍈 [𑌵𑍈, 𑌸॒𑌜𑌾॒𑌤𑌾 𑌵𑌿𑌶𑍍𑌵𑌾॑𑌨𑍇॒𑌵] 45

𑌸॑𑌜𑌾॒𑌤𑌾 𑌵𑌿𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑍍𑌪𑍍𑌰 𑌯॑𑌚𑍍𑌛𑌨𑍍𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿॒ 𑌛𑌨𑍍𑌦॑𑌸𑌾𑌂॒-𑌵𑌾𑌁 𑌏॒𑌷 𑌰𑌸𑍋॒ 𑌯𑌦𑍍𑌵॒𑌶𑌾 𑌰𑌸॑ 𑌇𑌵॒ 𑌖𑌲𑍁॒ 𑌵𑍈 𑌸॑𑌜𑌾॒𑌤𑌾-𑌶𑍍𑌛𑌨𑍍𑌦॑𑌸𑌾𑌮𑍇॒𑌵 𑌰𑌸𑍇॑𑌨॒ 𑌰𑌸𑌗𑍍𑌂॑ 𑌸𑌜𑌾॒𑌤𑌾𑌨𑌵॑ 𑌰𑍁𑌨𑍍𑌧𑍇 𑌬𑌾𑌰𑍍𑌹𑌸𑍍𑌪॒𑌤𑍍𑌯- 𑌮𑍁॑𑌕𑍍𑌷𑌵॒𑌶𑌮𑌾 𑌲॑𑌭𑍇𑌤 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌕𑌾॑𑌮𑍋॒ 𑌬𑍃𑌹॒𑌸𑍍𑌪𑌤𑌿॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾-𑌽𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌂- [𑌏॒𑌵𑌾-𑌽𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑍍, 𑌦॒𑌧𑌾॒𑌤𑌿॒ 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑍍𑌯𑍇॑𑌵] 46

-𑌦॑𑌧𑌾𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿॒ 𑌵𑌶𑌂॒-𑌵𑌾𑌁 𑌏॒𑌷 𑌚॑𑌰𑌤𑌿॒ 𑌯𑌦𑍁॒𑌕𑍍𑌷𑌾𑌵𑌶॑ 𑌇𑌵॒ 𑌖𑌲𑍁॒ 𑌵𑍈 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌂-𑌵𑌁𑌶𑍇॑𑌨𑍈॒𑌵 𑌵𑌶॑-𑌮𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑌵॑ 𑌰𑍁𑌨𑍍𑌧𑍇𑌰𑍗॒𑌦𑍍𑌰𑍀𑌗𑍍𑌂𑌰𑍋𑌹𑌿॑𑌣𑍀॒𑌮𑌾 𑌲॑𑌭𑍇𑌤𑌾𑌭𑌿॒𑌚𑌰॑-𑌨𑍍𑌰𑍁॒𑌦𑍍𑌰𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌸𑍍𑌮𑌾॑ 𑌏॒𑌵𑍈𑌨॒𑌮𑌾 𑌵𑍃॑𑌶𑍍𑌚𑌤𑌿 𑌤𑌾॒𑌜𑌗𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌰𑍋𑌹𑌿॑𑌣𑍀 𑌭𑌵𑌤𑌿 𑌰𑍗॒𑌦𑍍𑌰𑍀 𑌹𑍍𑌯𑍇॑𑌷𑌾 𑌦𑍇॒𑌵𑌤॑𑌯𑌾॒ 𑌸𑌮𑍃॑𑌦𑍍𑌧𑍍𑌯𑍈॒ 𑌸𑍍𑌫𑍍𑌯𑍋 𑌯𑍂𑌪𑍋॑ 𑌭𑌵𑌤𑌿॒ 𑌵𑌜𑍍𑌰𑍋॒ 𑌵𑍈 𑌸𑍍𑌫𑍍𑌯𑍋 𑌵𑌜𑍍𑌰॑𑌮𑍇॒𑌵𑌾𑌸𑍍𑌮𑍈॒ 𑌪𑍍𑌰 𑌹॑𑌰𑌤𑌿 𑌶𑌰॒𑌮𑌯॑-𑌮𑍍𑌬॒𑌰𑍍॒𑌹𑌿-𑌶𑍍𑌶𑍃॒𑌣𑌾𑌤𑍍𑌯𑍇॒𑌵𑍈𑌨𑌂॒-𑌵𑍈𑌁𑌭𑍀॑𑌦𑌕 𑌇॒𑌦𑍍𑌧𑍍𑌮𑍋 𑌭𑌿॒𑌨𑌤𑍍𑌤𑍍𑌯𑍇॒𑌵𑍈𑌨᳚𑌮𑍍 ॥ 47 ॥

(𑌅॒𑌭𑌿 - 𑌖𑌲𑍁॒ - 𑌵𑍃𑌷𑍍𑌟𑌿॒-𑌶𑍍𑌛𑌨𑍍𑌦॑𑌸𑌾𑌮𑍇॒𑌵 𑌰𑌸𑍇॑𑌨 - 𑌪𑍍𑌰॒𑌜𑌾𑌮𑌵॑ - 𑌵𑍈𑌶𑍍𑌵𑌦𑍇॒𑌵𑌾 𑌵𑍈 - 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌂 - 𑌁𑌯𑍂𑌪॒ - 𑌏𑌕𑌾॒𑌨𑍍𑌨𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 7)

𑌅॒𑌸𑌾𑌵𑌾॑𑌦𑌿॒𑌤𑍍𑌯𑍋 𑌨 𑌵𑍍𑌯॑𑌰𑍋𑌚𑌤॒ 𑌤𑌸𑍍𑌮𑍈॑ 𑌦𑍇॒𑌵𑌾𑌃 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌮𑍈𑌚𑍍𑌛॒-𑌨𑍍𑌤𑌸𑍍𑌮𑌾॑ 𑌏॒𑌤𑌾𑌗𑍍𑌂 𑌸𑍗॒𑌰𑍀𑌗𑍍 𑌶𑍍𑌵𑍇॒𑌤𑌾𑌂-𑌵𑌁॒𑌶𑌾𑌮𑌾-𑌽𑌲॑𑌭𑌨𑍍𑌤॒ 𑌤𑌯𑍈॒𑌵𑌾𑌸𑍍𑌮𑌿॒-𑌨𑍍𑌰𑍁𑌚॑𑌮𑌦𑌧𑍁॒𑌰𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌕𑌾॑𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌗𑍍𑌂 𑌸𑍗॒𑌰𑍀𑌗𑍍 𑌶𑍍𑌵𑍇॒𑌤𑌾𑌂-𑌵𑌁॒𑌶𑌾𑌮𑌾 𑌲॑𑌭𑍇𑌤𑌾॒𑌮𑍁𑌮𑍇॒𑌵𑌾 𑌽𑌽𑌦𑌿॒𑌤𑍍𑌯𑌗𑍍𑌗𑍍 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑌿 𑌬𑍈॒𑌲𑍍॒𑌵𑍋 𑌯𑍂𑌪𑍋॑ 𑌭𑌵𑌤𑍍𑌯॒𑌸𑍗 [ ] 48

𑌵𑌾 𑌆॑𑌦𑌿॒𑌤𑍍𑌯𑍋 𑌯𑌤𑍋-𑌽𑌜𑌾॑𑌯𑌤॒ 𑌤𑌤𑍋॑ 𑌬𑌿॒𑌲𑍍𑌵॑ 𑌉𑌦॑𑌤𑌿𑌷𑍍𑌠॒-𑌥𑍍𑌸𑌯𑍋᳚𑌨𑍍𑌯𑍇॒𑌵 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑌵॑ 𑌰𑍁𑌨𑍍𑌧𑍇 𑌬𑍍𑌰𑌾𑌹𑍍𑌮𑌣𑌸𑍍𑌪॒𑌤𑍍𑌯𑌾-𑌮𑍍𑌬॑𑌭𑍍𑌰𑍁𑌕॒𑌰𑍍𑌣𑍀𑌮𑌾 𑌲॑𑌭𑍇𑌤𑌾-𑌭𑌿॒𑌚𑌰॑𑌨𑍍-𑌵𑌾𑌰𑍁॒𑌣-𑌨𑍍𑌦𑌶॑𑌕𑌪𑌾𑌲-𑌮𑍍𑌪𑍁॒𑌰𑌸𑍍𑌤𑌾॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌵𑌰𑍁॑𑌣𑍇𑌨𑍈॒𑌵 𑌭𑍍𑌰𑌾𑌤𑍃॑𑌵𑍍𑌯-𑌙𑍍𑌗𑍍𑌰𑌾𑌹𑌯𑌿॒𑌤𑍍𑌵𑌾 𑌬𑍍𑌰𑌹𑍍𑌮॑𑌣𑌾 𑌸𑍍𑌤𑍃𑌣𑍁𑌤𑍇 𑌬𑌭𑍍𑌰𑍁𑌕॒𑌰𑍍𑌣𑍀 𑌭॑𑌵𑌤𑍍𑌯𑍇॒𑌤𑌦𑍍𑌵𑍈 𑌬𑍍𑌰𑌹𑍍𑌮॑𑌣𑍋 𑌰𑍂॒𑌪𑌗𑍍𑌂 𑌸𑌮𑍃॑𑌦𑍍𑌧𑍍𑌯𑍈॒ 𑌸𑍍𑌫𑍍𑌯𑍋 𑌯𑍂𑌪𑍋॑ 𑌭𑌵𑌤𑌿॒ 𑌵𑌜𑍍𑌰𑍋॒ 𑌵𑍈 𑌸𑍍𑌫𑍍𑌯𑍋 𑌵𑌜𑍍𑌰॑𑌮𑍇॒𑌵𑌾𑌸𑍍𑌮𑍈॒ 𑌪𑍍𑌰 𑌹॑𑌰𑌤𑌿 𑌶𑌰॒𑌮𑌯॑-𑌮𑍍𑌬॒𑌰𑍍॒𑌹𑌿-𑌶𑍍𑌶𑍃॒𑌣𑌾- [-𑌬॒𑌰𑍍॒𑌹𑌿-𑌶𑍍𑌶𑍃॒𑌣𑌾𑌤𑌿॑, 𑌏॒𑌵𑍈𑌨𑌂॒-𑌵𑍈𑌁𑌭𑍀॑𑌦𑌕] 49

-𑌤𑍍𑌯𑍇॒𑌵𑍈𑌨𑌂॒-𑌵𑍈𑌁𑌭𑍀॑𑌦𑌕 𑌇॒𑌦𑍍𑌧𑍍𑌮𑍋 𑌭𑌿॒𑌨𑌤𑍍𑌤𑍍𑌯𑍇॒𑌵𑍈𑌨𑌂॑-𑌵𑍈𑌁𑌷𑍍𑌣॒𑌵𑌂-𑌵𑌾𑌁॑𑌮॒𑌨𑌮𑌾 𑌲॑𑌭𑍇𑌤॒ 𑌯𑌂-𑌯𑌁॒𑌜𑍍𑌞𑍋 𑌨𑍋𑌪॒𑌨𑌮𑍇॒-𑌦𑍍𑌵𑌿𑌷𑍍𑌣𑍁॒𑌰𑍍𑌵𑍈 𑌯॒𑌜𑍍𑌞𑍋 𑌵𑌿𑌷𑍍𑌣𑍁॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌯॒𑌜𑍍𑌞-𑌮𑍍𑌪𑍍𑌰 𑌯॑𑌚𑍍𑌛॒𑌤𑍍𑌯𑍁𑌪𑍈॑𑌨𑌂-𑌯𑌁॒𑌜𑍍𑌞𑍋 𑌨॑𑌮𑌤𑌿 𑌵𑌾𑌮॒𑌨𑍋 𑌭॑𑌵𑌤𑌿 𑌵𑍈𑌷𑍍𑌣॒𑌵𑍋 𑌹𑍍𑌯𑍇॑𑌷 𑌦𑍇॒𑌵𑌤॑𑌯𑌾॒ 𑌸𑌮𑍃॑𑌦𑍍𑌧𑍍𑌯𑍈 𑌤𑍍𑌵𑌾॒𑌷𑍍𑌟𑍍𑌰𑌂-𑌵𑌁॑𑌡॒𑌬 𑌮𑌾 𑌲॑𑌭𑍇𑌤 𑌪॒𑌶𑍁𑌕𑌾॑𑌮॒𑌸𑍍𑌤𑍍𑌵𑌷𑍍𑌟𑌾॒ 𑌵𑍈 𑌪॑𑌶𑍂॒𑌨𑌾-𑌮𑍍𑌮𑌿॑𑌥𑍁॒𑌨𑌾𑌨𑌾𑌂᳚- [𑌵𑍈 𑌪॑𑌶𑍂॒𑌨𑌾-𑌮𑍍𑌮𑌿॑𑌥𑍁॒𑌨𑌾𑌨𑌾᳚𑌮𑍍, 𑌪𑍍𑌰॒𑌜॒𑌨॒𑌯𑌿॒𑌤𑌾] 50

𑌪𑍍𑌰𑌜𑌨𑌯𑌿॒𑌤𑌾 𑌤𑍍𑌵𑌷𑍍𑌟𑌾॑𑌰𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌮𑌿॑𑌥𑍁॒𑌨𑌾-𑌨𑍍𑌪𑍍𑌰 𑌜॑𑌨𑌯𑌤𑌿 𑌪𑍍𑌰॒𑌜𑌾 𑌹𑌿 𑌵𑌾 𑌏॒𑌤𑌸𑍍𑌮𑌿॑-𑌨𑍍𑌪॒𑌶𑌵𑌃॒ 𑌪𑍍𑌰𑌵𑌿॑𑌷𑍍𑌟𑌾॒ 𑌅𑌥𑍈॒𑌷 𑌪𑍁𑌮𑌾॒𑌨𑍍𑌥𑍍𑌸𑌨𑍍 𑌵॑𑌡॒𑌬-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌮𑍈॒𑌤𑍍𑌰𑌗𑍍𑌗𑍍 𑌶𑍍𑌵𑍇॒𑌤𑌮𑌾 𑌲॑𑌭𑍇𑌤 𑌸𑌙𑍍𑌗𑍍𑌰𑌾॒𑌮𑍇 𑌸𑌂𑌯𑌁॑𑌤𑍍𑌤𑍇 𑌸𑌮॒𑌯𑌕𑌾॑𑌮𑍋 𑌮𑌿॒𑌤𑍍𑌰𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॑-𑌮𑍍𑌮𑌿॒𑌤𑍍𑌰𑍇𑌣॒ 𑌸-𑌨𑍍𑌨॑𑌯𑌤𑌿 - [𑌅-𑌨𑍍𑌨॑𑌯𑌤𑌿, 𑌵𑌿॒𑌶𑌾॒𑌲𑍋 𑌭॑𑌵𑌤𑌿॒] 51

𑌵𑌿𑌶𑌾॒𑌲𑍋 𑌭॑𑌵𑌤𑌿॒ 𑌵𑍍𑌯𑌵॑𑌸𑌾𑌯𑌯𑌤𑍍𑌯𑍇॒𑌵𑍈𑌨॑-𑌮𑍍𑌪𑍍𑌰𑌾𑌜𑌾𑌪॒𑌤𑍍𑌯-𑌙𑍍𑌕𑍃॒𑌷𑍍𑌣𑌮𑌾 𑌲॑𑌭𑍇𑌤॒ 𑌵𑍃𑌷𑍍𑌟𑌿॑𑌕𑌾𑌮𑌃 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌵𑍃𑌷𑍍𑌟𑍍𑌯𑌾॑ 𑌈𑌶𑍇 𑌪𑍍𑌰॒𑌜𑌾𑌪॑𑌤𑌿𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌪॒𑌰𑍍𑌜𑌨𑍍𑌯𑌂॑-𑌵𑌁𑌰𑍍𑌷𑌯𑌤𑌿 𑌕𑍃॒𑌷𑍍𑌣𑍋 𑌭॑𑌵𑌤𑍍𑌯𑍇॒𑌤𑌦𑍍𑌵𑍈 𑌵𑍃𑌷𑍍𑌟𑍍𑌯𑍈॑ 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵 𑌵𑍃𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇 𑌶॒𑌬𑌲𑍋॑ 𑌭𑌵𑌤𑌿 𑌵𑌿॒𑌦𑍍𑌯𑍁𑌤॑𑌮𑍇॒𑌵𑌾𑌸𑍍𑌮𑍈॑ 𑌜𑌨𑌯𑌿॒𑌤𑍍𑌵𑌾 𑌵॑𑌰𑍍𑌷𑌯𑌤𑍍𑌯𑌵𑌾𑌶𑍃॒𑌙𑍍𑌗𑍋 𑌭॑𑌵𑌤𑌿॒ 𑌵𑍃𑌷𑍍𑌟𑌿॑𑌮𑍇॒𑌵𑌾𑌸𑍍𑌮𑍈॒ 𑌨𑌿 𑌯॑𑌚𑍍𑌛𑌤𑌿 ॥ 52 ॥

(𑌅॒𑌸𑍗 - 𑌶𑍃॒𑌣𑌾𑌤𑌿॑ - 𑌮𑌿𑌥𑍁॒𑌨𑌾𑌨𑌾𑌂᳚ - 𑌨𑌯𑌤𑌿 - 𑌯𑌚𑍍𑌛𑌤𑌿) (𑌅. 8)

𑌵𑌰𑍁॑𑌣𑌗𑍍𑌂 𑌸𑍁𑌷𑍁𑌵𑌾॒𑌣𑌮॒𑌨𑍍𑌨𑌾𑌦𑍍𑌯॒-𑌨𑍍𑌨𑍋𑌪𑌾॑𑌨𑌮॒-𑌥𑍍𑌸 𑌏॒𑌤𑌾𑌂-𑌵𑌾𑌁॑𑌰𑍁॒𑌣𑍀-𑌙𑍍𑌕𑍃॒𑌷𑍍𑌣𑌾𑌂-𑌵𑌁॒𑌶𑌾𑌮॑𑌪𑌶𑍍𑌯॒-𑌤𑍍𑌤𑌾𑌗𑍍 𑌸𑍍𑌵𑌾𑌯𑍈॑ 𑌦𑍇॒𑌵𑌤𑌾॑𑌯𑌾॒ 𑌆𑌲॑𑌭𑌤॒ 𑌤𑌤𑍋॒ 𑌵𑍈 𑌤𑌮॒𑌨𑍍𑌨𑌾-𑌦𑍍𑌯॒𑌮𑍁𑌪𑌾॑-𑌽𑌨𑌮॒-𑌦𑍍𑌯𑌮𑌲॑-𑌮॒𑌨𑍍𑌨𑌾𑌦𑍍𑌯𑌾॑𑌯॒ 𑌸𑌨𑍍𑌤॑𑌮॒𑌨𑍍𑌨𑌾𑌦𑍍𑌯॒-𑌨𑍍𑌨𑍋𑌪॒𑌨𑌮𑍇॒-𑌥𑍍𑌸 𑌏॒𑌤𑌾𑌂 𑌁𑌵𑌾॑𑌰𑍁॒𑌣𑍀-𑌙𑍍𑌕𑍃॒𑌷𑍍𑌣𑌾𑌂-𑌵𑌁॒𑌶𑌾𑌮𑌾 𑌲॑𑌭𑍇𑌤॒ 𑌵𑌰𑍁॑𑌣𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰 𑌯॑𑌚𑍍𑌛𑌤𑍍𑌯𑌨𑍍𑌨𑌾॒𑌦 [𑌅𑌨𑍍𑌨॒-𑌮𑍍𑌪𑍍𑌰 𑌯॑𑌚𑍍𑌛𑌤𑍍𑌯𑌨𑍍𑌨𑌾॒𑌦𑌃, 𑌏॒𑌵 𑌭॑𑌵𑌤𑌿] 53

𑌏॒𑌵 𑌭॑𑌵𑌤𑌿 𑌕𑍃॒𑌷𑍍𑌣𑌾 𑌭॑𑌵𑌤𑌿 𑌵𑌾𑌰𑍁॒𑌣𑍀 𑌹𑍍𑌯𑍇॑𑌷𑌾 𑌦𑍇॒𑌵𑌤॑𑌯𑌾॒ 𑌸𑌮𑍃॑𑌦𑍍𑌧𑍍𑌯𑍈 𑌮𑍈॒𑌤𑍍𑌰𑌗𑍍𑌗𑍍 𑌶𑍍𑌵𑍇॒𑌤𑌮𑌾 𑌲॑𑌭𑍇𑌤 𑌵𑌾𑌰𑍁॒𑌣-𑌙𑍍𑌕𑍃॒𑌷𑍍𑌣𑌮॒𑌪𑌾-𑌞𑍍𑌚𑍗𑌷॑𑌧𑍀𑌨𑌾-𑌞𑍍𑌚 𑌸॒𑌧𑌾𑌂𑌵𑌁𑌨𑍍𑌨॑𑌕𑌾𑌮𑍋 𑌮𑍈॒𑌤𑍍𑌰𑍀𑌰𑍍𑌵𑌾 𑌓𑌷॑𑌧𑌯𑍋 𑌵𑌾𑌰𑍁॒𑌣𑍀𑌰𑌾𑌪𑍋॒-𑌽𑌪𑌾-𑌞𑍍𑌚॒ 𑌖𑌲𑍁॒ 𑌵𑌾 𑌓𑌷॑𑌧𑍀𑌨𑌾-𑌞𑍍𑌚॒ 𑌰𑌸॒𑌮𑍁𑌪॑ 𑌜𑍀𑌵𑌾𑌮𑍋 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰𑌯॑𑌚𑍍𑌛𑌤𑍋-𑌽𑌨𑍍𑌨𑌾॒𑌦 𑌏॒𑌵 𑌭॑𑌵- [𑌏॒𑌵 𑌭॑𑌵𑌤𑌿, 𑌅॒𑌪𑌾-𑌞𑍍𑌚𑍗𑌷॑𑌧𑍀𑌨𑌾-𑌞𑍍𑌚] 54

(𑌶𑌿𑌖𑌣𑍍𑌡𑌿 𑌪𑍍𑌰𑌚𑌤𑌿𑌃)

-𑌤𑍍𑌯॒𑌪𑌾-𑌞𑍍𑌚𑍗𑌷॑𑌧𑍀𑌨𑌾-𑌞𑍍𑌚 𑌸॒𑌧𑌾𑌂𑌵𑌾𑌁 𑌲॑𑌭𑌤 𑌉॒𑌭𑌯॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈॒𑌵𑌿𑌶𑌾॑𑌖𑍋॒ 𑌯𑍂𑌪𑍋॑ 𑌭𑌵𑌤𑌿॒ 𑌦𑍍𑌵𑍇 𑌹𑍍𑌯𑍇॑𑌤𑍇 𑌦𑍇॒𑌵𑌤𑍇॒ 𑌸𑌮𑍃॑𑌦𑍍𑌧𑍍𑌯𑍈 𑌮𑍈॒𑌤𑍍𑌰𑌗𑍍𑌗𑍍 𑌶𑍍𑌵𑍇॒𑌤𑌮𑌾 𑌲॑𑌭𑍇𑌤 𑌵𑌾𑌰𑍁॒𑌣-𑌙𑍍𑌕𑍃॒𑌷𑍍𑌣-𑌞𑍍𑌜𑍍𑌯𑍋𑌗𑌾॑𑌮𑌯𑌾𑌵𑍀॒-𑌯-𑌨𑍍𑌮𑍈॒𑌤𑍍𑌰𑍋 𑌭𑌵॑𑌤𑌿 𑌮𑌿॒𑌤𑍍𑌰𑍇𑌣𑍈॒𑌵𑌾-𑌽𑌸𑍍𑌮𑍈॒ 𑌵𑌰𑍁॑𑌣𑌗𑍍𑌂 𑌶𑌮𑌯𑌤𑌿॒ 𑌯-𑌦𑍍𑌵𑌾॑𑌰𑍁॒𑌣-𑌸𑍍𑌸𑌾॒𑌕𑍍𑌷𑌾𑌦𑍇॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑍍𑌯𑍁॒𑌤 𑌯𑌦𑍀॒𑌤𑌾𑌸𑍁॒𑌰𑍍𑌭𑌵॑𑌤𑌿॒ 𑌜𑍀𑌵॑𑌤𑍍𑌯𑍇॒𑌵 𑌦𑍇॒𑌵𑌾 𑌵𑍈 𑌪𑍁𑌷𑍍𑌟𑌿॒-𑌨𑍍𑌨𑌾-𑌽𑌵𑌿॑𑌨𑍍𑌦॒𑌨𑍍- [𑌨𑌾-𑌽𑌵𑌿॑𑌨𑍍𑌦𑌨𑍍𑌨𑍍, 𑌤𑌾-𑌮𑍍𑌮𑌿॑𑌥𑍁॒𑌨𑍇॑] 55

-𑌤𑌾-𑌮𑍍𑌮𑌿॑𑌥𑍁॒𑌨𑍇॑ 𑌽𑌪𑌶𑍍𑌯॒-𑌨𑍍𑌤𑌸𑍍𑌯𑌾॒-𑌨𑍍𑌨 𑌸𑌮॑𑌰𑌾𑌧𑌯॒𑌨𑍍𑌤𑌾-𑌵॒𑌶𑍍𑌵𑌿𑌨𑌾॑-𑌵𑌬𑍍𑌰𑍂𑌤𑌾-𑌮𑌾॒𑌵𑌯𑍋॒𑌰𑍍𑌵𑌾 𑌏॒𑌷𑌾 𑌮𑍈𑌤𑌸𑍍𑌯𑌾𑌂᳚ 𑌁𑌵𑌦𑌦𑍍𑌧𑍍𑌵॒𑌮𑌿𑌤𑌿॒ 𑌸𑌾𑌶𑍍𑌵𑌿𑌨𑍋॑𑌰𑍇॒𑌵𑌾𑌭॑𑌵॒𑌦𑍍𑌯𑌃 𑌪𑍁𑌷𑍍𑌟𑌿॑𑌕𑌾𑌮॒-𑌸𑍍𑌸𑍍𑌯𑌾-𑌥𑍍𑌸 𑌏॒𑌤𑌾𑌮𑌾᳚𑌶𑍍𑌵𑌿॒𑌨𑍀𑌂-𑌯𑌁॒𑌮𑍀𑌂-𑌵𑌁॒𑌶𑌾𑌮𑌾 𑌲॑𑌭𑍇𑌤𑌾॒-𑌽𑌶𑍍𑌵𑌿𑌨𑌾॑𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॒-𑌨𑍍𑌪𑍁𑌷𑍍𑌟𑌿॑-𑌨𑍍𑌧𑌤𑍍𑌤𑌃॒ 𑌪𑍁𑌷𑍍𑌯॑𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ ॥ 56 ॥

(𑌅॒𑌨𑍍𑌨𑌾॒𑌦𑍋᳚ - 𑌽𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑍍𑌯 - 𑌵𑌿𑌨𑍍𑌦॒𑌨𑍍 - 𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 9)

𑌆॒𑌶𑍍𑌵𑌿॒𑌨-𑌨𑍍𑌧𑍂॒𑌮𑍍𑌰𑌲॑𑌲𑌾𑌮॒ 𑌮𑌾 𑌲॑𑌭𑍇𑌤॒ 𑌯𑍋 𑌦𑍁𑌰𑍍𑌬𑍍𑌰𑌾᳚𑌹𑍍𑌮𑌣॒-𑌸𑍍𑌸𑍋𑌮॒-𑌮𑍍𑌪𑌿𑌪𑌾॑𑌸𑍇-𑌦॒𑌶𑍍𑌵𑌿𑌨𑍗॒ 𑌵𑍈 𑌦𑍇॒𑌵𑌾𑌨𑌾॒-𑌮𑌸𑍋॑𑌮𑌪𑌾𑌵𑌾𑌸𑍍𑌤𑌾॒-𑌨𑍍𑌤𑍗 𑌪॒𑌶𑍍𑌚𑌾 𑌸𑍋॑𑌮𑌪𑍀॒𑌥-𑌮𑍍𑌪𑍍𑌰𑌾𑌪𑍍𑌨𑍁॑𑌤𑌾-𑌮॒𑌶𑍍𑌵𑌿𑌨𑌾॑-𑌵𑍇॒𑌤𑌸𑍍𑌯॑ 𑌦𑍇॒𑌵𑌤𑌾॒ 𑌯𑍋 𑌦𑍁𑌰𑍍𑌬𑍍𑌰𑌾᳚𑌹𑍍𑌮𑌣॒-𑌸𑍍𑌸𑍋𑌮॒-𑌮𑍍𑌪𑌿𑌪𑌾॑𑌸𑌤𑍍𑌯॒𑌶𑍍𑌵𑌿𑌨𑌾॑𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒-𑌤𑌾-𑌵𑍇॒𑌵𑌾-𑌽𑌸𑍍𑌮𑍈॑ 𑌸𑍋𑌮𑌪𑍀॒𑌥-𑌮𑍍𑌪𑍍𑌰 𑌯॑𑌚𑍍𑌛𑌤॒ 𑌉𑌪𑍈॑𑌨𑌗𑍍𑌂 𑌸𑍋𑌮𑌪𑍀॒𑌥𑍋 𑌨॑𑌮𑌤𑌿॒ 𑌯-𑌦𑍍𑌧𑍂॒𑌮𑍍𑌰𑍋 𑌭𑌵॑𑌤𑌿 𑌧𑍂𑌮𑍍𑌰𑌿॒𑌮𑌾𑌣॑-𑌮𑍇॒𑌵𑌾-𑌽𑌸𑍍𑌮𑌾॒-𑌦𑌪॑ 𑌹𑌨𑍍𑌤𑌿 𑌲॒𑌲𑌾𑌮𑍋॑ [𑌲॒𑌲𑌾𑌮𑌃॑, 𑌭॒𑌵॒𑌤𑌿 𑌮𑍁॒𑌖॒𑌤] 57

𑌭𑌵𑌤𑌿 𑌮𑍁𑌖॒𑌤 𑌏॒𑌵𑌾𑌸𑍍𑌮𑌿॒-𑌨𑍍𑌤𑍇𑌜𑍋॑ 𑌦𑌧𑌾𑌤𑌿 𑌵𑌾𑌯॒𑌵𑍍𑌯॑-𑌙𑍍𑌗𑍋𑌮𑍃॒𑌗𑌮𑌾 𑌲॑𑌭𑍇𑌤॒ 𑌯𑌮𑌜॑𑌘𑍍𑌨𑌿𑌵𑌾𑌗𑍍𑌂 𑌸𑌮𑌭𑌿॒𑌶𑌗𑍍𑌂 𑌸𑍇॑𑌯𑍁॒𑌰𑌪𑍂॑𑌤𑌾॒ 𑌵𑌾 𑌏॒𑌤𑌂-𑌵𑌾𑌁𑌗𑍃॑𑌚𑍍𑌛𑌤𑌿॒ 𑌯𑌮𑌜॑𑌘𑍍𑌨𑌿𑌵𑌾𑌗𑍍𑌂 𑌸𑌮𑌭𑌿॒𑌶𑌗𑍍𑌂 𑌸॑𑌨𑍍𑌤𑌿॒ 𑌨𑍈𑌷 𑌗𑍍𑌰𑌾॒𑌮𑍍𑌯𑌃 𑌪॒𑌶𑍁𑌰𑍍𑌨𑌾𑌰॒𑌣𑍍𑌯𑍋 𑌯-𑌦𑍍𑌗𑍋॑𑌮𑍃॒𑌗𑍋 𑌨𑍇𑌵𑍈॒𑌷 𑌗𑍍𑌰𑌾𑌮𑍇॒ 𑌨𑌾𑌰॑𑌣𑍍𑌯𑍇॒ 𑌯𑌮𑌜॑𑌘𑍍𑌨𑌿𑌵𑌾𑌗𑍍𑌂 𑌸𑌮𑌭𑌿॒𑌶𑌗𑍍𑌂 𑌸॑𑌨𑍍𑌤𑌿 𑌵𑌾॒𑌯𑍁𑌰𑍍𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌪॒𑌵𑌿𑌤𑍍𑌰𑌂॑-𑌵𑌾𑌁॒𑌯𑍁𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈- [𑌸 𑌏॒𑌵, 𑌏॒𑌨॒-𑌮𑍍𑌪॒𑌵॒𑌯॒𑌤𑌿॒ 𑌪𑌰𑌾॑𑌚𑍀॒] 58

-𑌨॑-𑌮𑍍𑌪𑌵𑌯𑌤𑌿॒ 𑌪𑌰𑌾॑𑌚𑍀॒ 𑌵𑌾 𑌏॒𑌤𑌸𑍍𑌮𑍈᳚ 𑌵𑍍𑌯𑍁॒𑌚𑍍𑌛𑌨𑍍𑌤𑍀॒ 𑌵𑍍𑌯𑍁॑𑌚𑍍𑌛𑌤𑌿॒ 𑌤𑌮𑌃॑ 𑌪𑌾॒𑌪𑍍𑌮𑌾𑌨॒-𑌮𑍍𑌪𑍍𑌰𑌵𑌿॑𑌶𑌤𑌿॒ 𑌯𑌸𑍍𑌯𑌾᳚-𑌽𑌽𑌶𑍍𑌵𑌿॒𑌨𑍇 𑌶॒𑌸𑍍𑌯𑌮𑌾॑𑌨𑍇॒ 𑌸𑍂𑌰𑍍𑌯𑍋॒ 𑌨𑌾-𑌽𑌽𑌵𑌿𑌰𑍍𑌭𑌵॑𑌤𑌿 𑌸𑍗॒𑌰𑍍𑌯-𑌮𑍍𑌬॑𑌹𑍁𑌰𑍂॒𑌪𑌮𑌾 𑌲॑𑌭𑍇𑌤𑌾॒-𑌽𑌮𑍁-𑌮𑍇॒𑌵𑌾-𑌽𑌽𑌦𑌿॒𑌤𑍍𑌯𑌗𑍍𑌗𑍍 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌾॒-𑌤𑍍𑌤𑌮𑌃॑ 𑌪𑌾॒𑌪𑍍𑌮𑌾𑌨॒𑌮𑌪॑ 𑌹𑌨𑍍𑌤𑌿 𑌪𑍍𑌰॒𑌤𑍀𑌚𑍍𑌯॑𑌸𑍍𑌮𑍈 𑌵𑍍𑌯𑍁॒𑌚𑍍𑌛𑌨𑍍𑌤𑍀॒ 𑌵𑍍𑌯𑍁॑𑌚𑍍𑌛॒𑌤𑍍𑌯𑌪॒ 𑌤𑌮𑌃॑ 𑌪𑌾॒𑌪𑍍𑌮𑌾𑌨𑌗𑍍𑌂॑ 𑌹𑌤𑍇 ॥ 59 ॥

(𑌲॒𑌲𑌾𑌮𑌃॒ - 𑌸 𑌏॒𑌵 - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 10)

𑌇𑌨𑍍𑌦𑍍𑌰𑌂॑-𑌵𑍋𑌁 𑌵𑌿॒𑌶𑍍𑌵𑌤॒𑌸𑍍𑌪𑌰𑍀, 𑌨𑍍𑌦𑍍𑌰॒-𑌨𑍍𑌨𑌰𑍋॒, 𑌮𑌰𑍁॑𑌤𑍋॒ 𑌯𑌦𑍍𑌧॑ 𑌵𑍋 𑌦𑌿॒𑌵𑍋, 𑌯𑌾 𑌵॒-𑌶𑍍𑌶𑌰𑍍𑌮॑ ॥ 𑌭𑌰𑍇॒𑌷𑍍𑌵𑌿𑌨𑍍𑌦𑍍𑌰𑌗𑍍𑌂॑ 𑌸𑍁॒𑌹𑌵𑌗𑍍𑌂॑ 𑌹𑌵𑌾𑌮𑌹𑍇 𑌽𑌗𑍍𑌂𑌹𑍋॒𑌮𑍁𑌚𑌗𑍍𑌂॑ 𑌸𑍁॒𑌕𑍃𑌤॒-𑌨𑍍𑌦𑍈𑌵𑍍𑌯॒-𑌞𑍍𑌜𑌨᳚𑌮𑍍 । 𑌅॒𑌗𑍍𑌨𑌿-𑌮𑍍𑌮𑌿॒𑌤𑍍𑌰𑌂-𑌵𑌁𑌰𑍁॑𑌣𑌗𑍍𑌂 𑌸𑌾॒𑌤𑌯𑍇॒ 𑌭𑌗॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌮॒𑌰𑍁𑌤𑌃॑ 𑌸𑍍𑌵॒𑌸𑍍𑌤𑌯𑍇᳚ ॥ 𑌮॒𑌮𑌤𑍍𑌤𑍁॑ 𑌨𑌃॒ 𑌪𑌰𑌿॑𑌜𑍍𑌮𑌾 𑌵𑌸॒𑌰𑍍॒𑌹𑌾 𑌮॒𑌮𑌤𑍍𑌤𑍁॒ 𑌵𑌾𑌤𑍋॑ 𑌅॒𑌪𑌾𑌂-𑌵𑍃𑌁𑌷॑𑌣𑍍𑌵𑌾𑌨𑍍𑌨𑍍 । 𑌶𑌿॒𑌶𑍀॒𑌤𑌮𑌿॑𑌨𑍍𑌦𑍍𑌰𑌾𑌪𑌰𑍍𑌵𑌤𑌾 𑌯𑍁॒𑌵-𑌨𑍍𑌨॒𑌸𑍍𑌤𑌨𑍍𑌨𑍋॒ 𑌵𑌿𑌶𑍍𑌵𑍇॑ 𑌵𑌰𑌿𑌵𑌸𑍍𑌯𑌨𑍍𑌤𑍁 𑌦𑍇॒𑌵𑌾𑌃 ॥ 𑌪𑍍𑌰𑌿॒𑌯𑌾 𑌵𑍋॒ 𑌨𑌾𑌮॑ - [𑌪𑍍𑌰𑌿॒𑌯𑌾 𑌵𑍋॒ 𑌨𑌾𑌮॑, 𑌹𑍁॒𑌵𑍇॒ 𑌤𑍁॒𑌰𑌾𑌣𑌾᳚𑌮𑍍 ।] 60

𑌹𑍁𑌵𑍇 𑌤𑍁॒𑌰𑌾𑌣𑌾᳚𑌮𑍍 । 𑌆 𑌯-𑌤𑍍𑌤𑍃॒𑌪𑌨𑍍𑌮॑𑌰𑍁𑌤𑍋 𑌵𑌾𑌵𑌶𑌾॒𑌨𑌾𑌃 ॥ 𑌶𑍍𑌰𑌿॒𑌯𑌸𑍇॒ 𑌕-𑌮𑍍𑌭𑌾॒𑌨𑍁𑌭𑌿॒-𑌸𑍍𑌸-𑌮𑍍𑌮𑌿॑𑌮𑌿𑌕𑍍𑌷𑌿𑌰𑍇॒ 𑌤𑍇 𑌰॒𑌶𑍍𑌮𑌿𑌭𑌿॒𑌸𑍍𑌤 𑌋𑌕𑍍𑌵॑𑌭𑌿-𑌸𑍍𑌸𑍁𑌖𑌾॒𑌦𑌯𑌃॑ । 𑌤𑍇 𑌵𑌾𑌶𑍀॑𑌮𑌨𑍍𑌤 𑌇॒𑌷𑍍𑌮𑌿𑌣𑍋॒ 𑌅𑌭𑍀॑𑌰𑌵𑍋 𑌵𑌿॒𑌦𑍍𑌰𑍇 𑌪𑍍𑌰𑌿॒𑌯𑌸𑍍𑌯॒ 𑌮𑌾𑌰𑍁॑𑌤𑌸𑍍𑌯॒ 𑌧𑌾𑌮𑍍𑌨𑌃॑ ॥ 𑌅॒𑌗𑍍𑌨𑌿𑌃 𑌪𑍍𑌰॑𑌥॒𑌮𑍋 𑌵𑌸𑍁॑𑌭𑌿𑌰𑍍𑌨𑍋 𑌅𑌵𑍍𑌯𑌾॒-𑌥𑍍𑌸𑍋𑌮𑍋॑ 𑌰𑍁॒𑌦𑍍𑌰𑍇𑌭𑌿॑𑌰॒𑌭𑌿 𑌰॑𑌕𑍍𑌷𑌤॒ 𑌤𑍍𑌮𑌨𑌾᳚ । 𑌇𑌨𑍍𑌦𑍍𑌰𑍋॑ 𑌮॒𑌰𑍁𑌦𑍍𑌭𑌿॑𑌰𑍍-𑌋𑌤𑍁॒𑌧𑌾 𑌕𑍃॑𑌣𑍋𑌤𑍍𑌵𑌾𑌦𑌿॒𑌤𑍍𑌯𑍈𑌰𑍍𑌨𑍋॒ 𑌵𑌰𑍁॑𑌣॒-𑌸𑍍𑌸𑌗𑍍𑌂 𑌶𑌿॑𑌶𑌾𑌤𑍁 ॥ 𑌸-𑌨𑍍𑌨𑍋॑ 𑌦𑍇॒𑌵𑍋 𑌵𑌸𑍁॑𑌭𑌿𑌰॒𑌗𑍍𑌨𑌿-𑌸𑍍𑌸𑌗𑍍𑌂 [𑌵𑌸𑍁॑𑌭𑌿𑌰॒𑌗𑍍𑌨𑌿-𑌸𑍍𑌸𑌮𑍍, 𑌸𑍋𑌮॑𑌸𑍍𑌤॒𑌨𑍂𑌭𑍀॑ 𑌰𑍁॒𑌦𑍍𑌰𑌿𑌯𑌾॑𑌭𑌿𑌃 ।] 61

𑌸𑍋𑌮॑𑌸𑍍𑌤॒𑌨𑍂𑌭𑍀॑ 𑌰𑍁॒𑌦𑍍𑌰𑌿𑌯𑌾॑𑌭𑌿𑌃 । 𑌸𑌮𑌿𑌨𑍍𑌦𑍍𑌰𑍋॑ 𑌮॒𑌰𑍁𑌦𑍍𑌭𑌿॑ 𑌰𑍍𑌯॒𑌜𑍍𑌞𑌿𑌯𑍈॒-𑌸𑍍𑌸𑌮𑌾॑𑌦𑌿॒𑌤𑍍𑌯𑍈𑌰𑍍𑌨𑍋॒ 𑌵𑌰𑍁॑𑌣𑍋 𑌅𑌜𑌿𑌜𑍍𑌞𑌿𑌪𑌤𑍍 ॥ 𑌯𑌥𑌾॑-𑌽𑌽𑌦𑌿॒𑌤𑍍𑌯𑌾 𑌵𑌸𑍁॑𑌭𑌿-𑌸𑍍𑌸𑌮𑍍𑌬𑌭𑍂॒𑌵𑍁-𑌰𑍍𑌮॒𑌰𑍁𑌦𑍍𑌭𑍀॑ 𑌰𑍁॒𑌦𑍍𑌰𑌾-𑌸𑍍𑌸॒𑌮𑌜𑌾॑𑌨𑌤𑌾॒𑌭𑌿 । 𑌏॒𑌵𑌾 𑌤𑍍𑌰𑌿॑𑌣𑌾𑌮॒𑌨𑍍𑌨-𑌹𑍃॑𑌣𑍀𑌯𑌮𑌾𑌨𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾-𑌸𑍍𑌸𑌮॑𑌨𑌸𑍋 𑌭𑌵𑌨𑍍𑌤𑍁 ॥ 𑌕𑍁𑌤𑍍𑌰𑌾॑ 𑌚𑌿॒𑌦𑍍𑌯𑌸𑍍𑌯॒ 𑌸𑌮𑍃॑𑌤𑍗 𑌰॒𑌣𑍍𑌵𑌾 𑌨𑌰𑍋॑ 𑌨𑍃॒𑌷𑌦॑𑌨𑍇 । 𑌅𑌰𑍍𑌹॑𑌨𑍍𑌤𑌶𑍍𑌚𑌿॒-𑌦𑍍𑌯𑌮𑌿॑𑌨𑍍𑌧॒𑌤𑍇 𑌸॑𑌞𑍍𑌜॒𑌨𑌯॑𑌨𑍍𑌤𑌿 𑌜॒𑌨𑍍𑌤𑌵𑌃॑ ॥ 𑌸𑌂-𑌯𑌁𑌦𑌿॒𑌷𑍋 𑌵𑌨𑌾॑𑌮𑌹𑍇॒ 𑌸𑌗𑍍𑌂 𑌹॒𑌵𑍍𑌯𑌾 𑌮𑌾𑌨𑍁॑𑌷𑌾𑌣𑌾𑌮𑍍 । 𑌉॒𑌤 𑌦𑍍𑌯𑍁॒𑌮𑍍𑌨𑌸𑍍𑌯॒ 𑌶𑌵॑𑌸 [𑌶𑌵॑𑌸𑌃, 𑌋॒𑌤𑌸𑍍𑌯॑ 𑌰॒𑌶𑍍𑌮𑌿𑌮𑌾 𑌦॑𑌦𑍇 ।] 62

𑌋॒𑌤𑌸𑍍𑌯॑ 𑌰॒𑌶𑍍𑌮𑌿𑌮𑌾 𑌦॑𑌦𑍇 ॥ 𑌯॒𑌜𑍍𑌞𑍋 𑌦𑍇॒𑌵𑌾𑌨𑌾॒-𑌮𑍍𑌪𑍍𑌰𑌤𑍍𑌯𑍇॑𑌤𑌿 𑌸𑍁॒𑌮𑍍𑌨𑌮𑌾𑌦𑌿॑𑌤𑍍𑌯𑌾𑌸𑍋॒ 𑌭𑌵॑𑌤𑌾 𑌮𑍃𑌡॒𑌯𑌨𑍍𑌤𑌃॑ । 𑌆 𑌵𑍋॒-𑌽𑌰𑍍𑌵𑌾𑌚𑍀॑ 𑌸𑍁𑌮॒𑌤𑌿𑌰𑍍𑌵॑𑌵𑍃𑌤𑍍𑌯𑌾𑌦॒𑌗𑍍𑌂॒ 𑌹𑍋𑌶𑍍𑌚𑌿॒𑌦𑍍𑌯𑌾 𑌵॑𑌰𑌿𑌵𑍋॒𑌵𑌿𑌤𑍍𑌤॒𑌰𑌾-𑌽𑌸॑𑌤𑍍 ॥ 𑌶𑍁𑌚𑌿॑𑌰॒𑌪-𑌸𑍍𑌸𑍂॒𑌯𑌵॑𑌸𑌾 𑌅𑌦॑𑌬𑍍𑌧॒ 𑌉𑌪॑ 𑌕𑍍𑌷𑍇𑌤𑌿 𑌵𑍃॒𑌦𑍍𑌧𑌵॑𑌯𑌾-𑌸𑍍𑌸𑍁॒𑌵𑍀𑌰𑌃॑ । 𑌨𑌕𑌿॒𑌷𑍍𑌟𑌂(2) 𑌘𑍍𑌨॒𑌨𑍍𑌤𑍍𑌯𑌨𑍍𑌤𑌿॑𑌤𑍋॒ 𑌨 𑌦𑍂॒𑌰𑌾𑌦𑍍𑌯 𑌆॑𑌦𑌿॒𑌤𑍍𑌯𑌾𑌨𑌾॒-𑌮𑍍𑌭𑌵॑𑌤𑌿॒ 𑌪𑍍𑌰𑌣𑍀॑𑌤𑍗 ॥ 𑌧𑌾॒𑌰𑌯॑𑌨𑍍𑌤 𑌆𑌦𑌿॒𑌤𑍍𑌯𑌾𑌸𑍋॒ 𑌜𑌗॒𑌥𑍍𑌸𑍍𑌥𑌾 𑌦𑍇॒𑌵𑌾 𑌵𑌿𑌶𑍍𑌵॑𑌸𑍍𑌯॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 । 𑌦𑍀॒𑌰𑍍𑌘𑌾𑌧𑌿॑𑌯𑍋॒ 𑌰𑌕𑍍𑌷॑𑌮𑌾𑌣𑌾 [𑌰𑌕𑍍𑌷॑𑌮𑌾𑌣𑌾𑌃, 𑌅॒𑌸𑍁॒𑌰𑍍𑌯॑𑌮𑍃॒𑌤𑌾𑌵𑌾॑𑌨॒-] 63

𑌅𑌸𑍁॒𑌰𑍍𑌯॑𑌮𑍃॒𑌤𑌾𑌵𑌾॑𑌨॒-𑌶𑍍𑌚𑌯॑𑌮𑌾𑌨𑌾 𑌋॒𑌣𑌾𑌨𑌿॑ ॥ 𑌤𑌿॒𑌸𑍍𑌰𑍋 𑌭𑍂𑌮𑍀᳚𑌰𑍍𑌧𑌾𑌰𑌯॒-𑌨𑍍𑌤𑍍𑌰𑍀𑌗𑍍𑌂 𑌰𑍁॒𑌤 𑌦𑍍𑌯𑍂-𑌨𑍍𑌤𑍍𑌰𑍀𑌣𑌿॑ 𑌵𑍍𑌰॒𑌤𑌾 𑌵𑌿॒𑌦𑌥𑍇॑ 𑌅॒𑌨𑍍𑌤𑌰𑍇॑𑌷𑌾𑌮𑍍 । 𑌋॒𑌤𑍇𑌨𑌾॑-𑌽𑌽𑌦𑌿𑌤𑍍𑌯𑌾॒ 𑌮𑌹𑌿॑ 𑌵𑍋 𑌮𑌹𑌿॒𑌤𑍍𑌵-𑌨𑍍𑌤𑌦॑𑌰𑍍𑌯𑌮𑌨𑍍 𑌵𑌰𑍁𑌣 𑌮𑌿𑌤𑍍𑌰॒ 𑌚𑌾𑌰𑍁॑ ॥ 𑌤𑍍𑌯𑌾𑌨𑍍𑌨𑍁 𑌕𑍍𑌷॒𑌤𑍍𑌰𑌿𑌯𑌾॒𑌗𑍍𑌂॒ 𑌅𑌵॑ 𑌆𑌦𑌿॒𑌤𑍍𑌯𑌾𑌨𑍍. 𑌯𑌾॑𑌚𑌿𑌷𑌾𑌮𑌹𑍇 । 𑌸𑍁॒𑌮𑍃॒𑌡𑍀॒𑌕𑌾𑌗𑍍𑌂 𑌅॒𑌭𑌿𑌷𑍍𑌟॑𑌯𑍇 ॥ 𑌨 𑌦॑𑌕𑍍𑌷𑌿॒𑌣𑌾 𑌵𑌿𑌚𑌿॑𑌕𑌿𑌤𑍇॒ 𑌨 𑌸॒𑌵𑍍𑌯𑌾 𑌨 𑌪𑍍𑌰𑌾॒𑌚𑍀𑌨॑𑌮𑌾𑌦𑌿𑌤𑍍𑌯𑌾॒ 𑌨𑍋𑌤 𑌪॒𑌶𑍍𑌚𑌾 । 𑌪𑌾॒𑌕𑍍𑌯𑌾॑ 𑌚𑌿𑌦𑍍𑌵𑌸𑌵𑍋 𑌧𑍀॒𑌰𑍍𑌯𑌾॑ 𑌚𑌿- [𑌧𑍀॒𑌰𑍍𑌯𑌾॑ 𑌚𑌿𑌤𑍍, 𑌯𑍁॒𑌷𑍍𑌮𑌾𑌨𑍀॑𑌤𑍋॒] 64

-𑌦𑍍𑌯𑍁॒𑌷𑍍𑌮𑌾𑌨𑍀॑𑌤𑍋॒ 𑌅𑌭॑𑌯॒-𑌞𑍍𑌜𑍍𑌯𑍋𑌤𑌿॑𑌰𑌶𑍍𑌯𑌾𑌮𑍍 ॥ 𑌆॒𑌦𑌿॒𑌤𑍍𑌯𑌾𑌨𑌾॒𑌮𑌵॑𑌸𑌾॒ 𑌨𑍂𑌤॑𑌨𑍇𑌨 𑌸𑌕𑍍𑌷𑍀॒𑌮𑌹𑌿॒ 𑌶𑌰𑍍𑌮॑𑌣𑌾॒ 𑌶𑌨𑍍𑌤॑𑌮𑍇𑌨 । 𑌅॒𑌨𑌾॒𑌗𑌾॒𑌸𑍍𑌤𑍍𑌵𑍇 𑌅॑𑌦𑌿𑌤𑌿॒𑌤𑍍𑌵𑍇 𑌤𑍁॒𑌰𑌾𑌸॑ 𑌇॒𑌮𑌂-𑌯𑌁॒𑌜𑍍𑌞-𑌨𑍍𑌦॑𑌧𑌤𑍁॒ 𑌶𑍍𑌰𑍋𑌷॑𑌮𑌾𑌣𑌾𑌃 ॥ 𑌇॒𑌮-𑌮𑍍𑌮𑍇॑ 𑌵𑌰𑍁𑌣 𑌶𑍍𑌰𑍁𑌧𑍀॒ 𑌹𑌵॑𑌮॒𑌦𑍍𑌯𑌾 𑌚॑ 𑌮𑍃𑌡𑌯 । 𑌤𑍍𑌵𑌾𑌮॑𑌵॒𑌸𑍍𑌯𑍁𑌰𑌾 𑌚॑𑌕𑍇 ॥ 𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒-𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ । 𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌦𑍍𑌧𑍍𑌯𑍁𑌰𑍁॑𑌶𑌗𑍍𑌂𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥ 65 ॥

(𑌨𑌾𑌮𑌾॒ - 𑌽𑌗𑍍𑌨𑌿-𑌸𑍍𑌸𑌗𑍍𑌂 - 𑌶𑌵॑𑌸𑍋॒ - 𑌰𑌕𑍍𑌷॑𑌮𑌾𑌣𑌾 - 𑌧𑍀॒𑌰𑍍𑌯𑌾॑-𑌞𑍍𑌚𑌿॒𑌦𑍇 - 𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌚𑍍𑌚॑) (𑌅. 11)

(𑌵𑌾॒𑌯॒𑌵𑍍𑌯𑌂॑ - 𑌪𑍍𑌰𑌾॒𑌜𑌪॑𑌤𑌿॒𑌸𑍍𑌤𑌾 𑌵𑌰𑍁॑𑌣𑌂 - 𑌦𑍇𑌵𑌾𑌸𑍁॒𑌰𑌾 𑌏॒𑌷𑍍𑌵॑ - 𑌸𑌾𑌵𑌾॑𑌦𑌿॒𑌤𑍍𑌯𑍋 𑌦𑌶॑𑌰𑍍𑌷𑌭𑌾॒-𑌮𑌿𑌨𑍍𑌦𑍍𑌰𑍋॑ 𑌵॒𑌲𑌸𑍍𑌯॑ - 𑌬𑌾𑌰𑍍𑌹𑌸𑍍𑌪॒𑌤𑍍𑌯𑌂 - 𑌁𑌵॑𑌷𑌟𑍍𑌕𑌾॒𑌰𑍋॑ - 𑌽𑌸𑍗𑌸𑍗॒𑌰𑍀𑌂॒ - 𑌁𑌵॑𑌰𑍁𑌣 -𑌮𑌾𑌶𑍍𑌵𑌿॒𑌨 - 𑌮𑌿𑌨𑍍𑌦𑍍𑌰𑌂॑-𑌵𑍋𑌁॒ 𑌨𑌰॒ - 𑌏𑌕𑌾𑌦॑𑌶)

(𑌵𑌾॒𑌯॒𑌵𑍍𑌯॑ - 𑌮𑌾𑌗𑍍𑌨𑍇॒𑌯𑍀-𑌙𑍍𑌕𑍃॑𑌷𑍍𑌣𑌗𑍍𑌰𑍀॒𑌵𑍀 - 𑌮॒𑌸𑌾𑌵𑌾॑𑌦𑌿॒𑌤𑍍𑌯𑍋 - 𑌵𑌾 𑌅॑𑌹𑍋𑌰𑌾॒𑌤𑍍𑌰𑌾𑌣𑌿॑ - 𑌵𑌷𑌟𑍍𑌕𑌾॒𑌰𑌃 - 𑌪𑍍𑌰॑𑌜𑌨𑌯𑌿॒𑌤𑌾 - 𑌹𑍁॑𑌵𑍇 𑌤𑍁॒𑌰𑌾𑌣𑌾𑌂॒ - 𑌪𑌞𑍍𑌚॑𑌷𑌷𑍍𑌟𑌿𑌃 )

(𑌵𑌾॒𑌯॒𑌵𑍍𑌯॑𑌮𑍍, 𑌪𑍍𑌰𑌮𑍋॑𑌷𑍀𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-ndvitīyakāṇḍe prathamaḥ praśnaḥ - paśuvidhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

vā॒ya॒vyagg̭ śve॒tamā la̭bheta॒ bhūti̭kāmo vā॒yurvai kṣepi̭ṣṭhā de॒vatā̭vā॒yume॒va svena̭ bhāga॒dheye॒nopa̭ dhāvati॒ sa e॒vaina॒-mbhūti̭-ṅgamayati॒ bhava̭tye॒vā-ti̭kṣiprā de॒vatetyā̭hu॒-ssaina̭mīśva॒rā pra॒daha॒ itye॒tame॒va santaṃ̭-vā~॒yavḙ ni॒yutva̭ta॒ ā la̭bheta ni॒yudvā a̭sya॒ dhṛti̭rdhṛ॒ta e॒va bhūti॒mupai॒tya pra̭dāhāya॒ bhava̭tye॒va [ ] 1

vā॒yavḙ ni॒yutva̭ta॒ ā la̭bheta॒ grāma̭kāmo vā॒yurvā i॒māḥ pra॒jā na̭syo॒tā nḙnīyate vā॒yume॒va ni॒yutva̭nta॒gg॒ svena̭ bhāga॒dheye॒nopa̭ dhāvati॒ sa e॒vāsmai᳚ pra॒jā na̭syo॒tā niya̭cchati grā॒myḙva bha̭vati ni॒yutva̭te bhavati dhru॒vā e॒vāsmā॒ ana̭pagāḥ karoti vā॒yavḙ ni॒yutva̭ta॒ ā la̭bheta pra॒jākā̭maḥ prā॒ṇo vai vā॒yura̭pā॒no ni॒yu-tprā̭ṇāpā॒nau khalu॒ vā e॒tasya̭ pra॒jāyā॒ [pra॒jāyāḥ᳚, apa̭] 2

apa̭ krāmato॒ yo-'la̭-mpra॒jāyai॒ sa-npra॒jā-nna vi॒ndatḙ vā॒yume॒va ni॒yutva̭nta॒gg॒ svena̭ bhāga॒dheye॒nopa̭ dhāvati॒ sa e॒vāsmai᳚ prāṇāpā॒nābhyā᳚-mpra॒jā-mpra ja̭nayati vi॒ndate᳚ pra॒jāṃ-vā~॒yavḙ ni॒yutva̭ta॒ ā la̭bheta॒ jyogā̭mayāvī prā॒ṇo vai vā॒yura̭pā॒no ni॒yu-tprā̭ṇāpā॒nau khalu॒ vā e॒tasmā॒ dapa̭krāmato॒ yasya॒ jyogā॒maya̭ti vā॒yume॒va ni॒yutva̭nta॒gg॒ svena̭ bhāga॒dheye॒nopa̭ - [bhāga॒dheye॒nopa̭, dhā॒va॒ti॒ sa] 3

dhāvati॒ sa e॒vā-'smi̭-nprāṇāpā॒nau da̭dhātyu॒ta yadī॒tāsu॒rbhava̭ti॒ jīva̭tye॒va pra॒jāpa̭ti॒rvā i॒dameka̭ āsī॒-thso̭-'kāmayata pra॒jāḥ pa॒śūn-thsṛ̭je॒yeti॒ sa ā॒tmano̭ va॒pāmuda̭kkhida॒-ttāma॒gnau prāgṛ̭hṇā॒-ttato॒-'jastṷ̄pa॒ra-ssama̭bhava॒-ttagg svāyai̭ de॒vatā̭yā॒ ā 'la̭bhata॒ tato॒ vai sa pra॒jāḥ pa॒śūna̭sṛjata॒ yaḥ pra॒jākā̭maḥ [ ] 4

pa॒śukā̭ma॒-ssyā-thsa e॒ta-mprā̭jāpa॒tyama॒ja-ntṷ̄pa॒ramā la̭bheta pra॒jāpa̭time॒va svena̭ bhāga॒dheye॒nopa̭ dhāvati॒ sa e॒vāsmai᳚ pra॒jā-mpa॒śū-npraja̭nayati॒ yacchma̭śru॒ṇasta-tpurṷṣāṇāgṃ rū॒paṃ-ya~-ttṷ̄pa॒rastadaśvā̭nāṃ॒-ya~da॒nyato̭da॒-nta-dgavāṃ॒-ya~davyā̭ iva śa॒phāstadavī̭nāṃ॒-ya~da॒jasta-da॒jānā̭-me॒tāva̭nto॒ vai grā॒myāḥ pa॒śava॒stā- [pa॒śava॒stān, rū॒peṇai॒vāva̭ rundhe] 5

-nrū॒peṇai॒vāva̭ rundhe somāpau॒ṣṇa-ntrai॒tamā la̭bheta pa॒śukā̭mo॒dvau vā a॒jāyai॒ stanau॒ nānai॒va dvāva॒bhi jāyḙte॒ ūrja॒-mpuṣṭi̭-ntṛ॒tīyaḥ̭somāpū॒ṣaṇā̭ve॒va svena̭ bhāga॒dheye॒nopa̭ dhāvati॒ tāve॒vāsmai̭ pa॒śū-npraja̭nayata॒-ssomo॒ vai rḙto॒dhāḥ pū॒ṣā pa̭śū॒nā-mpra̭janayi॒tā soma̭ e॒vāsmai॒ reto॒ dadhā̭ti pū॒ṣā pa॒śū-npra ja̭naya॒tyaudṷmbaro॒ yūpo̭ bhava॒tyūrgvā ṷdu॒mbara॒ ūrkpa॒śava̭ ū॒rjaivāsmā॒ ūrja̭-mpa॒śūnava̭ rundhe || 6 ||

(apra̭dāhāya॒ bhava̭tye॒va - pra॒jāyā̭ - ā॒maya̭ti vā॒yume॒va ni॒yutva̭ta॒gg॒ svena̭ bhāga॒dheye॒nopa̭ - pra॒jāka̭ma॒ - stān - yūpa॒ - strayo̭daśa ca ) (a. 1)

pra॒jāpa̭tiḥ pra॒jā a̭sṛjata॒ tā a̭smā-thsṛ॒ṣṭāḥ parā̭cīrāya॒-ntā varṷṇamagaccha॒-ntā anvai॒-ttāḥ puna̭rayācata॒ tā a̭smai॒ na puna̭radadā॒-thso᳚-'bravī॒-dvaraṃ̭-vṛ~ṇī॒ṣvātha̭ me॒ puna̭rde॒hīti॒ tāsāṃ॒-va~ra॒mā 'la̭bhata॒ sa kṛ॒ṣṇa eka̭śitipāda-bhava॒dyo varṷṇa gṛhīta॒-ssyā-thsa e॒taṃ-vā~̭ru॒ṇa-ṅkṛ॒ṣṇa-meka̭śitipāda॒mā-la̭bheta॒ varṷṇa- [varṷṇam, e॒va svena̭] 7

-me॒va svena̭ bhāga॒dheye॒nopa̭ dhāvati॒ sa e॒vainaṃ̭-va~ruṇapā॒śā-nmṷñcati kṛ॒ṣṇa eka̭śitipā-dbhavati vāru॒ṇo hyḙṣa de॒vata̭yā॒ samṛ̭ddhyai॒ suva̭rbhānurāsu॒ra-ssūrya॒-ntama̭sā-'viddhya॒ta tasmai̭de॒vāḥ prāya̭ścitti-maiccha॒-ntasya॒ ya-tpra̭tha॒ma-ntamo॒-'pāghna॒n-thsā kṛ॒ṣṇā-'vi̭rabhava॒-dya-ddvi॒tīya॒gṃ॒ sā phalgṷnī॒ yata tṛ॒tīya॒gṃ॒ sā ba̭la॒kṣī yada̭ddhya॒sthā-da॒pākṛ̭nta॒n-thsā 'vi̭rva॒śā [ ] 8

sama̭bhava॒-tte de॒vā a̭bruva-ndevapa॒śurvā a॒yagṃ sama̭bhū॒-tkasmā̭ i॒mamā la̭phsyāmaha॒ ityatha॒ vai tarhyalpā̭ pṛthi॒vyāsī॒-dajā̭tā॒ oṣa̭dhaya॒stāmaviṃ̭-va~॒śāmā̭di॒tyebhyaḥ॒ kāmā॒yā-'la̭bhanta॒ tato॒ vā apra̭thata pṛthi॒vya-jā̭ya॒ntauṣa̭dhayo॒ yaḥ kā॒mayḙta॒ prathḙya pa॒śubhiḥ॒ pra pra॒jayā̭ jāye॒yeti॒ sa e॒tāmaviṃ̭-va~॒śāmā̭di॒tyebhyaḥ॒ kāmā॒yā- [kāmā̭ya, āla̭bhetā ''di॒tyāne॒va] 9

-''la̭bhetā ''di॒tyāne॒va kāma॒gg॒ svena̭ bhāga॒dheye॒nopa̭ dhāvati॒ ta e॒vaina̭-mpra॒thaya̭nti pa॒śubhiḥ॒ pra pra॒jayā̭ janayantya॒-sāvā̭di॒tyo na vya̭rocata॒ tasmai̭ de॒vāḥ prāya̭ścittimaiccha॒-ntasmā̭ e॒tā ma॒l॒hā āla̭bhantā-''gne॒yī-ṅkṛ̭ṣṇagrī॒vīgṃ sagṃ̭hi॒tāmai॒ndrīg śve॒tā-mbā̭rhaspa॒tyā-ntābhi̭re॒vāsmi॒-nruca̭madadhu॒ryo bra̭hmavarca॒sa-kā̭ma॒-ssyā-ttasmā̭ e॒tā ma॒l॒hā ā la̭bhetā- [ā la̭bheta, ā॒gne॒yī-ṅkṛ̭ṣṇagrī॒vīgṃ] 10

(śikhaṇḍi pañcati)

-''gne॒yī-ṅkṛ̭ṣṇagrī॒vīgṃ sagṃ̭hi॒tāmai॒ndrīg śve॒tā-mbā̭rhaspa॒tyāme॒tā e॒va de॒vatā॒-ssvena̭ bhāga॒dheye॒nopa̭ dhāvati॒ tā e॒vāsmi̭-nbrahmavarca॒sa-nda̭dhati brahmavarca॒syḙva bha̭vati va॒santā᳚ prā॒tarā᳚gne॒yī-ṅkṛ̭ṣṇa grī॒vīmā la̭bheta grī॒ṣme ma॒ddhyandi̭ne sagṃhi॒tāmai॒ndrīgṃ śa॒radya̭parā॒hṇe śve॒tā-mbā̭rhaspa॒tyā-ntrīṇi॒ vā ā̭di॒tyasya॒ tejāgṃ̭si va॒santā᳚ prā॒targrī॒ṣme ma॒ddhyandi̭ne śa॒radya̭parā॒hṇe yāva̭ntye॒va tejāgṃ̭si॒ tānye॒vā- [tānye॒va, ava̭ rundhe] 11

-'va̭ rundhe saṃva~thsa॒ra-mpa॒ryāla̭bhyante saṃva~thsa॒ro vai bra̭hmavarca॒sasya̭ pradā॒tā saṃ̭va~thsa॒ra e॒vāsmai᳚ brahmavarca॒sa-mpra ya̭cchati brahmavarca॒syḙva bha̭vati ga॒rbhiṇa̭yo bhavantīndri॒yaṃ-vai~ garbha̭ indri॒yame॒vāsmi̭-ndadhati sārasva॒tī-mme॒ṣīmā la̭bheta॒ ya ī᳚śva॒ro vā॒co vadi̭to॒-ssan vāca॒-nna vade॒-dvāgvai sara̭svatī॒ sara̭svatīme॒va svena̭ bhāga॒dheye॒nopa̭ dhāvati॒ saivāsmi॒- [saivāsminṋ, vāca̭-ndadhāti] 12

-nvāca̭-ndadhāti pravadi॒tā vā॒co bha̭va॒tyapa̭nnadatī bhavati॒ tasmā᳚-nmanu॒ṣyā᳚-ssarvāṃ॒-vā~caṃ̭-va~dantyāgne॒ya-ṅkṛ॒ṣṇagrī̭va॒mā la̭bheta sau॒mya-mba॒bhru-ñjyogā̭mayāvya॒gniṃ-vā~ e॒tasya॒ śarī̭ra-ṅgacchati॒ soma॒gṃ॒ raso॒ yasya॒ jyogā॒maya̭tya॒gnere॒vāsya॒ śarī̭ra-nniṣkrī॒ṇāti॒ somā॒-drasa̭mu॒ta yadī॒tāsu॒rbhava̭ti॒ jīva̭tye॒va sau॒mya-mba॒bhrumā la̭bhetā-''gne॒ya-ṅkṛ॒ṣṇagrī̭va-mpra॒jākā̭ma॒-ssomo॒ [somaḥ̭, vai rḙto॒dhā] 13

vai rḙto॒dhā a॒gniḥ pra॒jānā᳚-mprajanayi॒tā soma̭ e॒vāsmai॒ reto॒ dadhā᳚tya॒gniḥ pra॒jā-mpraja̭nayati vi॒ndate᳚ pra॒jāmā᳚gne॒ya-ṅkṛ॒ṣṇagrī̭va॒mā la̭bheta sau॒mya-mba॒bhruṃ-yo~ brā᳚hma॒ṇo vi॒dyāma॒nūcya॒ na vi॒rocḙta॒ yadā᳚gne॒yo bhava̭ti॒ teja̭ e॒vāsmi॒-ntena̭ dadhāti॒ ya-thsau॒myo bra̭hmavarca॒sa-ntena̭ kṛ॒ṣṇagrī̭va āgne॒yo bha̭vati॒ tama̭ e॒vāsmā॒dapa̭ hanti śve॒to bha̭vati॒ [bha̭vati, ruca̭me॒vāsmi̭-ndadhāti] 14

ruca̭me॒vāsmi̭-ndadhāti ba॒bhru-ssau॒myo bha̭vati brahmavarca॒same॒vāsmi॒-ntviṣi̭-ndadhātyā-gne॒ya-ṅkṛ॒ṣṇagrī̭va॒mā la̭bheta sau॒mya-mba॒bhrumā᳚gne॒ya-ṅkṛ॒ṣṇagrī̭va-mpuro॒dhāyā॒g॒ spardha̭māna āgne॒yo vai brā᳚hma॒ṇa-ssau॒myo rā̭ja॒nyo̭-'bhitaḥ̭ sau॒myamā᳚gne॒yau bha̭vata॒-steja̭sai॒va brahma̭ṇobha॒yato̭ rā॒ṣṭra-mpari̭ gṛhṇātyeka॒dhā sa॒mā vṛ̭ṅkte pu॒ra ḙna-ndadhate || 15 ||

(la॒bhe॒ta॒ varṷṇaṃ - ~va॒śai - tāmaviṃ̭-va~॒śāmā̭di॒tyebhyaḥ॒ kāmā̭ya - ma॒lhā ā la̭bheta॒ - tānye॒va - saivāsmi॒nth - somaḥ̭ - sve॒to bha̭vati॒ - trica̭tvārigṃśacca ) (a. 2)

de॒vā॒su॒rā e॒ṣu lo॒keṣva̭spardhanta॒ sa e॒taṃ-vi~ṣṇṷ-rvāma॒nama̭paśya॒-ttagg svāyai̭ de॒vatā̭yā॒ ā-'la̭bhata॒ tato॒ vai sa i॒māṃ-lo~॒kāna॒bhya̭jayad- vaiṣṇa॒vaṃ-vā~̭ma॒namā la̭bheta॒ spardha̭māno॒ viṣṇṷre॒va bhū॒tvemān ~lo॒kāna॒bhi ja̭yati॒ viṣa̭ma॒ ā la̭bheta॒ viṣa̭mā iva॒ hīme lo॒kā-ssamṛ̭ddhyā॒ indrā̭ya manyu॒mate॒ mana̭svate la॒lāma̭-mprāśṛ॒ṅgamā la̭bheta saṅgrā॒me [ ] 16

saṃya~̭tta indri॒yeṇa॒ vai ma॒nyunā॒ mana̭sā saṅgrā॒ma-ñja̭ya॒tīndra̭me॒va ma̭nyu॒manta॒-mmana̭svanta॒gg॒ svena̭ bhāga॒dheye॒nopa̭ dhāvati॒ sa e॒vāsmi̭nnindri॒ya-mma॒nyu-mmano̭ dadhāti॒ jaya̭ti॒ tagṃ sa̭grā॒mmamindrā̭ya ma॒rutva̭te pṛśñisa॒kthamā la̭bheta॒ grāma̭kāma॒ indra̭me॒va ma॒rutva̭nta॒gg॒ svena̭ bhāga॒dheye॒nopa̭ dhāvati॒ sa e॒vāsmai̭ sa jā॒tā-npraya̭cchati grā॒myḙva bha̭vati॒ yadṛ̭ṣa॒bhastenai॒- [yadṛ̭ṣa॒bhastena̭, ai॒ndro ya-tpṛśñi॒stena̭] 17

-ndro ya-tpṛśñi॒stena̭ māru॒ta-ssamṛ̭ddhyai pa॒ścā-tpṛ̭śñisa॒ktho bha̭vati paścādanva-vasā॒yinī̭me॒vāsmai॒ viśa̭-ṅkaroti sau॒mya-mba॒bhrumā la̭bhe॒tānna̭kāma-ssau॒myaṃ-vā~ anna॒gṃ॒ soma̭me॒va svena̭ bhāga॒dheye॒nopa̭ dhāvati॒ sa e॒vāsmā॒ anna॒-mpraya̭̭cchatyannā॒da e॒va bha̭vati ba॒bhrurbha̭vatye॒tadvā anna̭sya rū॒pagṃ samṛ̭ddhyai sau॒mya-mba॒bhrumā la̭bheta॒ yamalagṃ̭ [yamala᳚m, rā॒jyāya॒] 18

rā॒jyāya॒ santagṃ̭ rā॒jya-nnopa॒name᳚-thsau॒myaṃ-vai~ rā॒jyagṃ soma̭me॒va svena̭ bhāga॒dheye॒nopa̭ dhāvati॒ sa e॒vāsmai̭ rā॒jya-mpraya̭ccha॒tyupai̭nagṃ rā॒jya-nna̭mati ba॒bhrurbha̭vatye॒ta-dvai soma̭sya rū॒pagṃ samṛ̭ddhyā॒ indrā̭ya vṛtra॒turḙ la॒lāma̭-mprāśṛ॒ṅgamā la̭bheta ga॒taśrīḥ᳚ prati॒ṣṭhākā̭maḥ pā॒pmāna̭me॒va vṛ॒tra-ntī॒rtvā pra̭ti॒ṣṭhā-ṅga̭ccha॒tīndrā̭yābhimāti॒ghne la॒lāma̭-mprāśṛ॒ṅgamā [la॒lāma̭-mprāśṛ॒ṅgamā, la॒bhe॒ta॒ yaḥ pā॒pmanā̭] 19

la̭bheta॒ yaḥ pā॒pmanā̭ gṛhī॒ta-ssyā-tpā॒pmā vā a॒bhimā̭ti॒rindra̭me॒vā- bhi̭māti॒hana॒gg॒ svena̭ bhāga॒dheye॒nopa̭ dhāvati॒ sa e॒vāsmā᳚-tpā॒pmāna̭ma॒bhimā̭ti॒-mpraṇṷdata॒ indrā̭ya va॒jriṇḙ la॒lāma̭-mprāśṛ॒ṅgamā la̭bheta॒ yamalagṃ̭ rā॒jyāya॒ santagṃ̭ rā॒jya-nnopa॒name॒dindra̭me॒va va॒jriṇa॒gg॒ svena̭ bhāga॒dheye॒nopa̭ dhāvati॒ sa e॒vāsmai॒ vajra॒-mpra ya̭cchati॒ sa ḙnaṃ॒ ~vajro॒ bhūtyā̭ indha॒ upai̭nagṃ rā॒jya-nna̭mati la॒lāmaḥ̭ prāśṛ॒ṅgo bha̭vatye॒tadvai vajra̭sya rū॒pagṃ samṛ̭ddhyai || 20

(sa॒grā॒mme - tenā - la̭ - mabhimāti॒ghne la॒lāma̭-mprāśṛ॒ṅgamai - naṃ॒ - pañca̭daśa ca ) (a. 3)

a॒sāvā̭di॒tyo na vya̭rocata॒ tasmai̭ de॒vāḥ prāya̭ścittimaiccha॒-ntasmā̭ e॒tā-ndaśa̭rṣabhā॒mā-'la̭bhanta॒ tayai॒vāsmi॒-nruca̭madadhu॒ryo bra̭hmavarca॒sakā̭ma॒-ssyā-ttasmā̭ e॒tā-ndaśa̭rṣabhā॒mā la̭bhetā॒-mume॒vā-''di॒tyagg svena̭ bhāga॒dheye॒nopa̭ dhāvati॒ sa e॒vāsmi̭-nbrahmavarca॒sa-nda̭dhāti brahmavarca॒syḙva bha̭vati va॒santā᳚ prā॒tastrīn ~la॒lāmā॒nā la̭bheta grī॒ṣme ma॒ddhyandi̭ne॒ - [ma॒ddhyandi̭ne, trīñchi̭ti pṛ॒ṣṭhāñcha॒radya̭parā॒hṇe] 21

trīñchi̭ti pṛ॒ṣṭhāñcha॒radya̭parā॒hṇe trīñchi̭ti॒vārā॒-ntrīṇi॒ vā ā̭di॒tyasya॒ tejāgṃ̭si va॒santā᳚ prā॒targrī॒ṣme ma॒ddhyandi̭ne śa॒radya̭parā॒hṇe yāva̭ntye॒va tejāgṃ̭si॒ tānye॒vāva̭ rundhe॒ traya̭straya॒ ā la̭bhyante-'bhi pū॒rvame॒vāsmi॒-ntejo̭ dadhāti saṃva~thsa॒ra-mpa॒ryāla̭bhyante saṃva~thsa॒ro vai bra̭hmavarca॒sasya̭ pradā॒tā saṃ̭va~thsa॒ra e॒vāsmai᳚ brahmavarca॒sa-mpra ya̭cchati brahmavarca॒syḙva bha̭vati saṃva~thsa॒rasya̭ pa॒rastā᳚-tprājāpa॒tya-ṅkadru॒- [ prājāpa॒tya-ṅkadru᳚m, ā la̭bheta] 22

-mā la̭bheta pra॒jāpa̭ti॒-ssarvā̭ de॒vatā̭ de॒vatā᳚sve॒va prati̭tiṣṭhati॒ yadi̭ bibhī॒yā-ddu॒ścarmā̭ bhaviṣyā॒mīti̭ somāpau॒ṣṇagg śyā॒mamā la̭bheta sau॒myo vai de॒vata̭yā॒ purṷṣaḥ pau॒ṣṇāḥ pa॒śava॒-ssvayai॒vāsmai̭ de॒vata̭yā pa॒śubhi॒stvaca̭-ṅkaroti॒ na du॒ścarmā̭ bhavati de॒vāśca॒ vai ya॒maścā॒smin ~lo॒ke᳚-'spardhanta॒ sa ya॒mo de॒vānā̭mindri॒yaṃ-vī~॒rya̭mayuvata॒ tadya॒masya̭ [tadya॒masya̭, ya॒ma॒tva-nte] 23

yama॒tva-nte de॒vā a̭manyanta ya॒mo vā i॒dama̭bhū॒-dya-dva॒yagg sma iti॒ te pra॒jāpa̭ti॒mupā̭dhāva॒n-thsa e॒tau pra॒jāpa̭tirā॒tmana̭ ukṣava॒śau nira̭mimīta॒ te de॒vā vai᳚ṣṇāvaru॒ṇīṃ-va~॒śāmā-'la̭bhantai॒ndramu॒kṣāṇa॒ntaṃ-va~rṷṇenai॒va grā̭hayi॒tvā viṣṇṷnā ya॒jñena॒ prāṇṷdantai॒ndreṇai॒-vāsye᳚ndri॒yama̭-vṛñjata॒ yo bhrātṛ̭vyavā॒n-thsyā-thsa spardha̭māno vaiṣṇāvaru॒ṇīṃ- [vaiṣṇāvaru॒ṇīm, va॒śāmā] 24

-~va॒śāmā la̭bhetai॒ndramu॒kṣāṇaṃ॒-va~rṷṇenai॒va bhrātṛ̭vya-ṅgrāhayi॒tvā viṣṇṷnā ya॒jñena॒ praṇṷdata ai॒ndreṇai॒vāsye᳚ndri॒yaṃ-vṛ~̭ṅkte॒ bhava̭tyā॒tmanā॒ parā᳚sya॒ bhrātṛ̭vyo bhava॒tīndro̭ vṛ॒trama̭ha॒-ntaṃ-vṛ~॒tro ha॒ta-ṣṣo̭ḍa॒śabhi̭-rbho॒gaira̭sinā॒-ttasya̭ vṛ॒trasya̭ śīrṣa॒to gāva॒ udā̭ya॒-ntā vai̭de॒hyo̭-'bhava॒-ntāsā̭mṛṣa॒bho ja॒ghane-'nūdai॒-ttamindro̭- [ja॒ghane-'nūdai॒-ttamindraḥ̭, a॒cā॒ya॒thso̭-'manyata॒] 25

-'cāya॒thso̭-'manyata॒ yo vā i॒mamā॒labhḙta॒ mucyḙtā॒smā-tpā॒pmana॒ iti॒ sa ā᳚gne॒ya-ṅkṛ॒ṣṇagrī̭va॒mā la̭bhatai॒ndramṛ̭ṣa॒bha-ntasyā॒gnire॒va svena̭ bhāga॒dheye॒nopa̭ sṛta-ṣṣoḍaśa॒dhā vṛ॒trasya̭ bho॒gānapya̭dahadai॒ndreṇe᳚ndri॒ya- mā॒tmanna̭dhatta॒ yaḥ pā॒pmanā̭ gṛhī॒ta-ssyā-thsa ā᳚gne॒ya-ṅkṛ॒ṣṇagrī̭va॒mā la̭bhetai॒ndramṛ̭ṣa॒bha-ma॒gnire॒vāsya॒ svena̭ bhāga॒dheye॒nopa̭sṛtaḥ [ ] 26

pā॒pmāna॒mapi̭ dahatyai॒ndreṇe᳚ndri॒yamā॒tma-ndha̭tte॒ mucya̭te pā॒pmano॒ bhava̭tye॒va dyā̭vāpṛthi॒vyā᳚-ndhe॒numā la̭bheta॒ jyoga̭paruddho॒ 'nayo॒r॒hi vā e॒ṣo-'pra̭tiṣṭhi॒to-'thai॒ṣa jyogapa̭ruddho॒ dyāvā̭pṛthi॒vī e॒va svena̭ bhāga॒dheye॒nopa̭ dhāvati॒ te e॒vaina̭-mprati॒ṣṭhā-ṅga̭mayataḥ॒ pratye॒va ti̭ṣṭhati paryā॒riṇī̭ bhavati paryā॒rīva॒ hyḙtasya̭ rā॒ṣṭraṃ-yo~ jyoga̭paruddha॒-ssamṛ̭ddhyai vāya॒vyaṃ̭- [vāya॒vya᳚m, va॒thsamā] 27

-~va॒thsamā la̭bheta vā॒yurvā a॒nayo᳚rva॒thsa i॒me vā e॒tasmai̭ lo॒kā apa̭śuṣkā॒ viḍapa̭śu॒ṣkā-'thai॒ṣa jyogapa̭ruddho vā॒yume॒va svena̭ bhāga॒dheye॒nopa̭ dhāvati॒ sa e॒vāsmā̭ i॒māṃ-lo~॒kān. viśa॒-mpradā̭payati॒ prāsmā̭ i॒me lo॒kā-ssnṷvantibhuñja॒tyḙnaṃ॒-vi~ḍupa̭tiṣṭhate || 28 ||

(ma॒dhyandi̭ne॒ - kadruṃ̭ - ~ya॒masya॒ - spardha̭māno vaiṣṇāvaru॒ṇīṃ -tamindro᳚ - 'sya॒ svena̭ bhāga॒dheye॒nopa̭sṛto - vāya॒vyaṃ̭ - dvica̭tvārigṃśacca) (a. 4)

indro̭ va॒lasya॒ bila॒mapau᳚rṇo॒-thsa ya ṷtta॒maḥ pa॒śurāsī॒-tta-mpṛ॒ṣṭha-mprati̭ sa॒gṛṃhyoda̭kkhida॒-ttagṃ sa॒hasra̭-mpa॒śavo-'nūdā̭ya॒n-thsa ṷnna॒to̭-'bhava॒dyaḥ pa॒śukā̭ma॒-ssyā-thsa e॒tamai॒ndramṷnna॒tamā la̭bhe॒tendra̭me॒va svena̭ bhāga॒dheye॒nopa̭ dhāvati॒ sa e॒vāsmai̭ pa॒śū-npraya̭cchati paśu॒māne॒va bha̭vatyunna॒to [bha̭vatyunna॒taḥ, bha॒va॒ti॒ sā॒ha॒srī] 29

bha̭vati sāha॒srī vā e॒ṣā la॒kṣmī yadṷnna॒to la॒kṣmiyai॒ va pa॒śūnava̭ rundhe ya॒dā sa॒hasra̭-mpa॒śū-nprā᳚pnu॒yādatha̭ vaiṣṇa॒vaṃ-vā~̭ ma॒namā la̭bhetai॒tasmi॒n. vai ta-thsa॒hasra॒maddhya̭tiṣṭha॒-ttasmā̭de॒ṣa vā̭ma॒na-ssamī̭ṣitaḥ pa॒śubhya̭ e॒va prajā̭tebhyaḥ prati॒ṣṭhā-nda̭dhāti॒ ko̭-'rhati sa॒hasra̭-mpa॒śū-nprāptu॒mityā̭hu-rahorā॒trāṇye॒va sa॒hasragṃ̭ sa॒mpādyā-''la̭bheta pa॒śavo॒ [pa॒śavaḥ̭, vā a̭horā॒trāṇi̭] 30

vā a̭horā॒trāṇi̭ pa॒śūne॒va prajā̭tā-nprati॒ṣṭhā-ṅga̭maya॒-tyoṣa̭dhībhyo ve॒hata॒mā la̭bheta pra॒jākā̭ma॒ oṣa̭dhayo॒ vā e॒ta-mpra॒jāyai॒ pari̭bādhante॒ yo-'la̭-mpra॒jāyai॒ sa-npra॒jā-nna vi॒ndata॒ oṣa̭dhayaḥ॒ khalu॒ vā e॒tasyai॒ sūtu॒mapi̭ ghnanti॒ yā ve॒ha-dbhava॒tyoṣa̭dhīre॒va svena̭ bhāga॒dheye॒nopa̭ dhāvati॒ tā e॒vāsmai॒ svādyoneḥ᳚ pra॒jā-mpra ja̭nayanti vi॒ndate᳚ [ ] 31

pra॒jāmāpo॒ vā oṣa̭dha॒yo-'sa॒-tpurṷṣa॒ āpa̭ e॒vāsmā॒ asa̭ta॒-ssadda̭dati॒ tasmā̭dāhu॒ryaścai॒vaṃ-ve~da॒ yaśca॒ nāpa॒stvāvāsa̭ta॒-ssadda̭da॒tī-tyai॒ndrīgṃ sū॒tava̭śā॒mā la̭bheta॒ bhūti̭kā॒mo-'jā̭to॒ vā e॒ṣa yo-'la॒-mbhūtyai॒ sa-nbhūti॒-nna prā॒pnotīndra॒-ṅkhalu॒ vā e॒ṣā sū॒tvā va॒śā-'bha̭va॒- [va॒śā-'bha̭vat, indra̭me॒va] 32

-dindra̭me॒va svena̭ bhāga॒dheye॒nopa̭ dhāvati॒ sa e॒vaina॒-mbhūti̭-ṅgamayati॒ bhava̭tye॒va yagṃ sū॒tvā va॒śā syā-ttamai॒ndrame॒vā-'' la̭bhetai॒tadvāva tadi̭ndri॒yagṃ sā॒kṣāde॒vendri॒yamava̭ rundha aindrā॒gna-mpṷnaru-thsṛ॒ṣṭamā la̭bheta॒ ya ā tṛ॒tīyā॒-tpurṷṣā॒-thsoma॒-nna pibe॒-dvicchi̭nno॒ vā e॒tasya̭ somapī॒tho yo brā᳚hma॒ṇa-ssannā [ ] 33

tṛ॒tīyā॒-tpurṷṣā॒-thsoma॒-nna piba̭tīndrā॒gnī e॒va svena̭ bhāga॒dheye॒nopa̭ dhāvati॒ tāve॒vāsmai̭ somapī॒tha-mpraya̭cchata॒ upai̭nagṃ somapī॒tho na̭mati॒ yadai॒ndro bhava̭tīndri॒yaṃ-vai~ so̭mapī॒tha i̭ndri॒yame॒va so̭mapī॒thamava̭ rundhe॒ yadā᳚gne॒yo bhava̭tyāgne॒yo vai brā᳚hma॒ṇa-ssvāme॒va de॒vatā॒manu॒ santa̭noti punaruthsṛ॒ṣṭo bha̭vati punaruthsṛ॒ṣṭa i̭va॒ hyḙtasya̭ [hyḙtasya̭, so॒ma॒pī॒tha-ssamṛ̭ddhyai] 34

somapī॒tha-ssamṛ̭ddhyai brāhmaṇaspa॒tya-ntṷ̄pa॒ramā la̭bhetā-bhi॒cara॒-nbrahma̭ṇa॒spati̭me॒va svena̭ bhāga॒dheye॒nopa̭ dhāvati॒ tasmā̭ e॒vaina॒mā vṛ̭ścati tā॒jagārti॒-mārccha̭ti tūpa॒ro bha̭vati kṣu॒rapa̭vi॒rvā e॒ṣā la॒kṣmī ya-ttṷ̄pa॒ra-ssamṛ̭ddhyai॒ sphyo yūpo̭ bhavati॒ vajro॒ vai sphyo vajra̭me॒vāsmai॒ praha̭rati śara॒maya̭-mba॒r॒hi-śśṛ॒ṇātye॒vainaṃ॒-vai~bhī̭daka i॒ddhmo bhi॒nattye॒vaina᳚m || 35 ||

(bha॒va॒tyu॒nna॒taḥ - pa॒śavo̭ - janayanti vi॒ndatḙ - 'bhava॒th - sannai - tasye॒ - dhma - strīṇi̭ ca) (a. 5)

bā॒r॒ha॒spa॒tyagṃ śi̭tipṛ॒ṣṭhamā la̭bheta॒ grāma̭kāmo॒ yaḥ kā॒mayḙta pṛ॒ṣṭhagṃ sa̭mā॒nānāg̭ syā॒miti॒ bṛha॒spati̭me॒va svena̭ bhāga॒dheye॒nopa̭ dhāvati॒ sa e॒vaina̭-mpṛ॒ṣṭhagṃ sa̭mā॒nānā᳚-ṅkaroti grā॒myḙva bha̭vati śitipṛ॒ṣṭho bha̭vati bārhaspa॒tyo hyḙṣa de॒vata̭yā॒ samṛ̭ddhyai pau॒ṣṇagg śyā॒mamā la̭bhe॒tānna̭kā॒mo-'nnaṃ॒-vai~ pū॒ṣā pū॒ṣaṇa̭me॒va svena̭ bhāga॒dheye॒nopa̭ dhāvati॒ sa e॒vāsmā॒ [e॒vāsmai᳚, anna॒-mpra] 36

anna॒-mpra ya̭cchatyannā॒da e॒va bha̭vati śyā॒mo bha̭vatye॒tadvā anna̭sya rū॒pagṃ samṛ̭ddhyai māru॒ta-mpṛśñi॒mā la̭bhe॒tā-'nna̭-kā॒mo-'nnaṃ॒-vai~ ma॒ruto̭ma॒ruta̭ e॒va svena̭ bhāga॒dheye॒nopa̭ dhāvati॒ ta e॒vāsmā॒ anna॒-mpraya̭cchantyannā॒dae॒va bha̭vati॒ pṛśñi̭ rbhavatye॒tadvā anna̭sya rū॒pagṃ samṛ̭ddhyā ai॒ndrama̭ru॒ṇamā la̭bhetendri॒yakā̭ma॒ indra̭me॒va [ ] 37

svena̭ bhāga॒dheye॒nopa̭ dhāvati॒ sa e॒vāsmi̭nnindri॒ya-nda̭dhātīndriyā॒vyḙva bha̭vatyaru॒ṇo bhrūmā᳚-nbhavatye॒tadvā indra̭sya rū॒pagṃ samṛ̭ddhyai sāvi॒tramṷpaddhva॒stamā la̭bheta sa॒nikā̭ma-ssavi॒tā vai pra̭sa॒vānā̭mīśe savi॒tāra̭me॒va svena̭ bhāga॒dheye॒nopa̭ dhāvati॒ sa e॒vāsmai̭ sa॒ni-mprasṷvati॒ dāna̭kāmā asmai pra॒jā bha̭vantyupaddhva॒sto bha̭vati sāvi॒tro hyḙṣa [sāvi॒tro hyḙṣaḥ, de॒vata̭yā॒ samṛ̭ddhyai] 38

de॒vata̭yā॒ samṛ̭ddhyai vaiśvade॒va-mba̭hurū॒pamā la̭bhe॒tā-'nna̭kāmovaiśvade॒vaṃ-vā~ annaṃ॒-vi~śvā̭ne॒va de॒vān-thsvena̭ bhāga॒dheye॒nopa̭ dhāvati॒ta e॒vāsmā॒ anna॒-mpraya̭cchantyannā॒da e॒va bha̭vati bahurū॒po bha̭vatibahurū॒pagg hyanna॒gṃ॒ samṛ̭ddhyai vaiśvade॒va-mba̭hurū॒pamā la̭bheta॒ grāma̭kāmo vaiśvade॒vā vai sa̭jā॒tā viśvā̭ne॒va de॒vān-thsvena̭ bhāga॒dheye॒nopa̭ dhāvati॒ ta e॒vā-'smai̭ [e॒vā-'smai᳚, sa॒jā॒tā-npra ya̭cchanti] 39

sajā॒tā-npra ya̭cchanti grā॒myḙva bha̭vati bahurū॒po bha̭vati bahudeva॒tyo᳚(1॒) hyḙṣa samṛ̭ddhyai prājāpa॒tya-ntṷ̄pa॒ramā la̭bheta॒ yasyānā᳚jñātamiva॒ jyogā॒maye᳚-tprājāpa॒tyo vai purṷṣaḥ pra॒jāpa̭tiḥ॒ khalu॒ vai tasya̭ veda॒ yasyānā᳚jñātamiva॒ jyogā॒maya̭ti pra॒jāpa̭time॒va svena̭ bhāga॒dheye॒nopa̭ dhāvati॒ sa e॒vaina॒-ntasmā॒-thsrāmā᳚-nmuñcati tūpa॒ro bha̭vati prājāpa॒tyo hyḙ -ṣa de॒vata̭yā॒ samṛ̭ddhyai || 40 ||

(a॒smā॒ - indra̭me॒vai - ṣa - sa̭jā॒tā viśvā̭ne॒va de॒vān-thsvena̭ bhāga॒dheye॒nopa̭ dhāvati॒ ta e॒vāsmai᳚ - prājāpa॒tyo hi - trīṇi̭ ca) (a. 11)

va॒ṣa॒ṭkā॒ro vai gā̭yatri॒yai śiro᳚-'cchina॒-ttasyai॒ rasaḥ॒ parā̭pata॒-tta-mbṛha॒spati॒ rupā̭-'gṛhṇā॒thsā śi̭tipṛ॒ṣṭhā va॒śā-'bha̭va॒dyo dvi॒tīyaḥ̭ pa॒rā-'pa̭ta॒-tta-mmi॒trāvarṷṇā॒-vupā̭gṛhṇītā॒gṃ॒ sā dvi̭rū॒pā va॒śā-'bha̭va॒-dyastṛ॒tīyaḥ̭ pa॒rāpa̭ta॒-ttaṃ-vi~śvḙ de॒vā upā̭gṛhṇa॒n-thsā ba̭hurū॒pā va॒śā bha̭va॒dya-śca̭tu॒rthaḥ pa॒rāpa̭ta॒-thsa pṛ̭thi॒vī-mprā-'vi̭śa॒-tta-mbṛha॒spati̭ra॒- [bṛha॒spati̭ra॒bhi, a॒gṛ॒hṇā॒-dastve॒vā-'yaṃ-] 41

-bhya̭gṛhṇā॒-dastve॒vā-'ya-mbhogā॒yeti॒ sa ṷkṣava॒śa-ssama̭bhava॒-dyallohi̭ta-mpa॒rāpa̭ta॒-tta-dru॒dra upā̭-'gṛhṇā॒-thsā rau॒drī rohi̭ṇī va॒śā-'bha̭va-dbārhaspa॒tyāgṃ śi̭tipṛ॒ṣṭhāmā la̭bheta brahmavarca॒sakā̭mo॒ bṛha॒spati̭me॒va svena̭ bhāga॒dheye॒nopa̭ dhāvati॒ sa e॒vāsmi̭-nbrahmavarca॒sa-nda̭dhāti brahmavarca॒syḙva bha̭vati॒ chanda̭sāṃ॒-vā~ e॒ṣa raso॒ yadva॒śā rasa̭ iva॒ khalu॒ [khalṷ, vai] 42

vai bra̭hmavarca॒sa-ñchanda̭sāme॒va rasḙna॒ rasa̭-mbrahmavarca॒samava̭ rundhe maitrāvaru॒ṇī-ndvi̭rū॒pāmā la̭bheta॒ vṛṣṭi̭kāmo mai॒traṃ-vā~ aha̭rvāru॒ṇī rātri̭rahorā॒trābhyā॒-ṅkhalu॒ vai pa॒rjanyo̭ varṣati mi॒trāvarṷṇāve॒va svena̭ bhāga॒dheye॒nopa̭ dhāvati॒ tāve॒vāsmā̭ ahorā॒trābhyā᳚-mpa॒rjanyaṃ̭-va~rṣayata॒-śchanda̭sāṃ॒-vā~ e॒ṣa raso॒ yadva॒śā rasa̭ iva॒ khalu॒ vai vṛṣṭi॒-śchanda̭sāme॒va rasḙna॒ [rasḙna, rasaṃ॒-vṛ~ṣṭi॒mava̭ rundhe] 43

rasaṃ॒-vṛ~ṣṭi॒mava̭ rundhe maitrāvaru॒ṇī-ndvi̭rū॒pāmā la̭bheta pra॒jākā̭mo mai॒traṃ-vā~ aha̭rvāru॒ṇī rātri̭rahorā॒trābhyā॒-ṅkhalu॒ vai pra॒jāḥ prajā̭yante mi॒trāvarṷṇāve॒va svena̭ bhāga॒dheye॒nopa̭ dhāvati॒ tāve॒vāsmā̭ ahorā॒trābhyā᳚-mpra॒jā-mpraja̭nayata॒-śchanda̭sāṃ॒-vā~ e॒ṣa raso॒ yadva॒śā rasa̭ iva॒ khalu॒ vai pra॒jā chanda̭sāme॒va rasḙna॒ rasa̭-mpra॒jāmava̭- [rasa̭-mpra॒jāmava̭, ru॒ndhe॒ vai॒śva॒de॒vīm-] 44

-rundhe vaiśvade॒vī-mba̭hurū॒pāmā la̭bhe॒tānna̭kāmo vaiśvade॒vaṃ-vā~ annaṃ॒-vi~śvā̭ne॒va de॒vān-thsvena̭ bhāga॒dheye॒nopa̭ dhāvati॒ ta e॒vāsmā॒ annaṃ॒ praya̭cchantyannā॒da e॒va bha̭vati॒ chanda̭sāṃ॒-vā~ e॒ṣa raso॒ yadva॒śā rasa̭ iva॒ khalu॒ vā anna॒-ñchanda̭sāme॒va rasḙna॒ rasa॒manna॒mava̭ rundhe vaiśvade॒vī-mba̭hurū॒pāmā la̭bheta॒ grāma̭kāmo vaiśvade॒vā vai [vai, sa॒jā॒tā viśvā̭ne॒va] 45

sa̭jā॒tā viśvā̭ne॒va de॒vān-thsvena̭ bhāga॒dheye॒nopa̭ dhāvati॒ ta e॒vāsmai̭ sajā॒tā-npra ya̭cchanti grā॒myḙva bha̭vati॒ chanda̭sāṃ॒-vā~ e॒ṣa raso॒ yadva॒śā rasa̭ iva॒ khalu॒ vai sa̭jā॒tā-śchanda̭sāme॒va rasḙna॒ rasagṃ̭ sajā॒tānava̭ rundhe bārhaspa॒tya- mṷkṣava॒śamā la̭bheta brahmavarca॒sakā̭mo॒ bṛha॒spati̭me॒va svena̭ bhāga॒dheye॒nopa̭ dhāvati॒ sa e॒vā-'smi̭-nbrahmavarca॒saṃ- [e॒vā-'smi̭-nbrahmavarca॒sam, da॒dhā॒ti॒ bra॒hma॒va॒rca॒syḙva] 46

-da̭dhāti brahmavarca॒syḙva bha̭vati॒ vaśaṃ॒-vā~ e॒ṣa ca̭rati॒ yadu॒kṣāvaśa̭ iva॒ khalu॒ vai bra̭hmavarca॒saṃ-va~śḙnai॒va vaśa̭-mbrahmavarca॒samava̭ rundherau॒drīgṃrohi̭ṇī॒mā la̭bhetābhi॒cara̭-nru॒drame॒va svena̭ bhāga॒dheye॒nopa̭ dhāvati॒ tasmā̭ e॒vaina॒mā vṛ̭ścati tā॒jagārti॒mārccha̭ti॒ rohi̭ṇī bhavati rau॒drī hyḙṣā de॒vata̭yā॒ samṛ̭ddhyai॒ sphyo yūpo̭ bhavati॒ vajro॒ vai sphyo vajra̭me॒vāsmai॒ pra ha̭rati śara॒maya̭-mba॒r॒hi-śśṛ॒ṇātye॒vainaṃ॒-vai~bhī̭daka i॒ddhmo bhi॒nattye॒vaina᳚m || 47 ||

(a॒bhi - khalu॒ - vṛṣṭi॒-śchanda̭sāme॒va rasḙna - pra॒jāmava̭ - vaiśvade॒vā vai - bra̭hmavarca॒saṃ - ~yūpa॒ - ekā॒nnavigṃ̭śa॒tiśca̭) (a. 7)

a॒sāvā̭di॒tyo na vya̭rocata॒ tasmai̭ de॒vāḥ prāya̭ścittimaiccha॒-ntasmā̭ e॒tāgṃ sau॒rīg śve॒tāṃ-va~॒śāmā-'la̭bhanta॒ tayai॒vāsmi॒-nruca̭madadhu॒ryo bra̭hmavarca॒sakā̭ma॒-ssyā-ttasmā̭ e॒tāgṃ sau॒rīg śve॒tāṃ-va~॒śāmā la̭bhetā॒mume॒vā ''di॒tyagg svena̭ bhāga॒dheye॒nopa̭ dhāvati॒ sa e॒vāsmi̭-nbrahmavarca॒sa-nda̭dhāti brahmavarca॒syḙva bha̭vati bai॒l॒vo yūpo̭ bhavatya॒sau [ ] 48

vā ā̭di॒tyo yato-'jā̭yata॒ tato̭ bi॒lva̭ uda̭tiṣṭha॒-thsayo᳚nye॒va bra̭hmavarca॒samava̭ rundhe brāhmaṇaspa॒tyā-mba̭bhruka॒rṇīmā la̭bhetā-bhi॒cara̭n-vāru॒ṇa-ndaśa̭kapāla-mpu॒rastā॒-nnirva̭pe॒-dvarṷṇenai॒va bhrātṛ̭vya-ṅgrāhayi॒tvā brahma̭ṇā stṛṇute babhruka॒rṇī bha̭vatye॒tadvai brahma̭ṇo rū॒pagṃ samṛ̭ddhyai॒ sphyo yūpo̭ bhavati॒ vajro॒ vai sphyo vajra̭me॒vāsmai॒ pra ha̭rati śara॒maya̭-mba॒r॒hi-śśṛ॒ṇā- [-ba॒r॒hi-śśṛ॒ṇāti̭, e॒vainaṃ॒-vai~bhī̭daka] 49

-tye॒vainaṃ॒-vai~bhī̭daka i॒ddhmo bhi॒nattye॒vainaṃ̭-vai~ṣṇa॒vaṃ-vā~̭ma॒namā la̭bheta॒ yaṃ-ya~॒jño nopa॒name॒-dviṣṇu॒rvai ya॒jño viṣṇṷme॒va svena̭ bhāga॒dheye॒nopa̭ dhāvati॒ sa e॒vāsmai̭ ya॒jña-mpra ya̭ccha॒tyupai̭naṃ-ya~॒jño na̭mati vāma॒no bha̭vati vaiṣṇa॒vo hyḙṣa de॒vata̭yā॒ samṛ̭ddhyai tvā॒ṣṭraṃ-va~̭ḍa॒ba mā la̭bheta pa॒śukā̭ma॒stvaṣṭā॒ vai pa̭śū॒nā-mmi̭thu॒nānāṃ᳚- [vai pa̭śū॒nā-mmi̭thu॒nānā᳚m, pra॒ja॒na॒yi॒tā] 50

prajanayi॒tā tvaṣṭā̭rame॒va svena̭ bhāga॒dheye॒nopa̭ dhāvati॒ sa e॒vāsmai̭ pa॒śū-nmi̭thu॒nā-npra ja̭nayati pra॒jā hi vā e॒tasmi̭-npa॒śavaḥ॒ pravi̭ṣṭā॒ athai॒ṣa pumā॒nthsan va̭ḍa॒ba-ssā॒kṣāde॒va pra॒jā-mpa॒śūnava̭ rundhe mai॒tragg śve॒tamā la̭bheta saṅgrā॒me saṃya~̭tte sama॒yakā̭mo mi॒trame॒va svena̭ bhāga॒dheye॒nopa̭ dhāvati॒ sa e॒vaina̭-mmi॒treṇa॒ sa-nna̭yati - [a-nna̭yati, vi॒śā॒lo bha̭vati॒] 51

viśā॒lo bha̭vati॒ vyava̭sāyayatye॒vaina̭-mprājāpa॒tya-ṅkṛ॒ṣṇamā la̭bheta॒ vṛṣṭi̭kāmaḥ pra॒jāpa̭ti॒rvai vṛṣṭyā̭ īśe pra॒jāpa̭time॒va svena̭ bhāga॒dheye॒nopa̭ dhāvati॒ sa e॒vāsmai̭ pa॒rjanyaṃ̭-va~rṣayati kṛ॒ṣṇo bha̭vatye॒tadvai vṛṣṭyai̭ rū॒pagṃ rū॒peṇai॒va vṛṣṭi॒mava̭ rundhe śa॒balo̭ bhavati vi॒dyuta̭me॒vāsmai̭ janayi॒tvā va̭rṣayatyavāśṛ॒ṅgo bha̭vati॒ vṛṣṭi̭me॒vāsmai॒ ni ya̭cchati || 52 ||

(a॒sau - śṛ॒ṇāti̭ - mithu॒nānāṃ᳚ - nayati - yacchati) (a. 8)

varṷṇagṃ suṣuvā॒ṇama॒nnādya॒-nnopā̭nama॒-thsa e॒tāṃ-vā~̭ru॒ṇī-ṅkṛ॒ṣṇāṃ-va~॒śāma̭paśya॒-ttāg svāyai̭ de॒vatā̭yā॒ āla̭bhata॒ tato॒ vai tama॒nnā-dya॒mupā̭-'nama॒-dyamala̭-ma॒nnādyā̭ya॒ santa̭ma॒nnādya॒-nnopa॒name॒-thsa e॒tāṃ ~vā̭ru॒ṇī-ṅkṛ॒ṣṇāṃ-va~॒śāmā la̭bheta॒ varṷṇame॒va svena̭ bhāga॒dheye॒nopa̭ dhāvati॒ sa e॒vāsmā॒ anna॒-mpra ya̭cchatyannā॒da [anna॒-mpra ya̭cchatyannā॒daḥ, e॒va bha̭vati] 53

e॒va bha̭vati kṛ॒ṣṇā bha̭vati vāru॒ṇī hyḙṣā de॒vata̭yā॒ samṛ̭ddhyai mai॒tragg śve॒tamā la̭bheta vāru॒ṇa-ṅkṛ॒ṣṇama॒pā-ñcauṣa̭dhīnā-ñca sa॒dhāṃva~nna̭kāmo mai॒trīrvā oṣa̭dhayo vāru॒ṇīrāpo॒-'pā-ñca॒ khalu॒ vā oṣa̭dhīnā-ñca॒ rasa॒mupa̭ jīvāmo mi॒trāvarṷṇāve॒va svena̭ bhāga॒dheye॒nopa̭ dhāvati॒ tāve॒vāsmā॒ anna॒-mpraya̭cchato-'nnā॒da e॒va bha̭va- [e॒va bha̭vati, a॒pā-ñcauṣa̭dhīnā-ñca] 54

(śikhaṇḍi pracatiḥ)

-tya॒pā-ñcauṣa̭dhīnā-ñca sa॒dhāṃvā~ la̭bhata u॒bhaya॒syā-va̭ruddhyai॒viśā̭kho॒ yūpo̭ bhavati॒ dve hyḙte de॒vate॒ samṛ̭ddhyai mai॒tragg śve॒tamā la̭bheta vāru॒ṇa-ṅkṛ॒ṣṇa-ñjyogā̭mayāvī॒-ya-nmai॒tro bhava̭ti mi॒treṇai॒vā-'smai॒ varṷṇagṃ śamayati॒ ya-dvā̭ru॒ṇa-ssā॒kṣāde॒vainaṃ̭-va~ruṇapā॒śā-nmṷñcatyu॒ta yadī॒tāsu॒rbhava̭ti॒ jīva̭tye॒va de॒vā vai puṣṭi॒-nnā-'vi̭nda॒n- [nā-'vi̭ndann, tā-mmi̭thu॒nḙ] 55

-tā-mmi̭thu॒nḙ 'paśya॒-ntasyā॒-nna sama̭rādhaya॒ntā-va॒śvinā̭-vabrūtā-mā॒vayo॒rvā e॒ṣā maitasyāṃ᳚ ~vadaddhva॒miti॒ sāśvino̭re॒vābha̭va॒dyaḥ puṣṭi̭kāma॒-ssyā-thsa e॒tāmā᳚śvi॒nīṃ-ya~॒mīṃ-va~॒śāmā la̭bhetā॒-'śvinā̭ve॒va svena̭ bhāga॒dheye॒nopa̭ dhāvati॒ tāve॒vāsmi॒-npuṣṭi̭-ndhattaḥ॒ puṣya̭ti pra॒jayā̭ pa॒śubhiḥ̭ || 56 ||

(a॒nnā॒do᳚ - 'nnā॒da e॒va bha̭vatya - vinda॒n - pañca̭catvārigṃśacca) (a. 9)

ā॒śvi॒na-ndhū॒mrala̭lāma॒ mā la̭bheta॒ yo durbrā᳚hmaṇa॒-ssoma॒-mpipā̭se-da॒śvinau॒ vai de॒vānā॒-maso̭mapāvāstā॒-ntau pa॒ścā so̭mapī॒tha-mprāpnṷtā-ma॒śvinā̭-ve॒tasya̭ de॒vatā॒ yo durbrā᳚hmaṇa॒-ssoma॒-mpipā̭satya॒śvinā̭ve॒va svena̭ bhāga॒dheye॒nopa̭ dhāvati॒-tā-ve॒vā-'smai̭ somapī॒tha-mpra ya̭cchata॒ upai̭nagṃ somapī॒tho na̭mati॒ ya-ddhū॒mro bhava̭ti dhūmri॒māṇa̭-me॒vā-'smā॒-dapa̭ hanti la॒lāmo̭ [la॒lāmaḥ̭, bha॒va॒ti mu॒kha॒ta] 57

bhavati mukha॒ta e॒vāsmi॒-ntejo̭ dadhāti vāya॒vya̭-ṅgomṛ॒gamā la̭bheta॒ yamaja̭ghnivāgṃ samabhi॒śagṃ sḙyu॒rapṷ̄tā॒ vā e॒taṃ-vā~gṛ̭cchati॒ yamaja̭ghnivāgṃ samabhi॒śagṃ sa̭nti॒ naiṣa grā॒myaḥ pa॒śurnāra॒ṇyo ya-dgo̭mṛ॒go nevai॒ṣa grāme॒ nāra̭ṇye॒ yamaja̭ghnivāgṃ samabhi॒śagṃ sa̭nti vā॒yurvai de॒vānā᳚-mpa॒vitraṃ̭-vā~॒yume॒va svena̭ bhāga॒dheye॒nopa̭ dhāvati॒ sa e॒vai- [sa e॒va, e॒na॒-mpa॒va॒ya॒ti॒ parā̭cī॒] 58

-na̭-mpavayati॒ parā̭cī॒ vā e॒tasmai᳚ vyu॒cchantī॒ vyṷcchati॒ tamaḥ̭ pā॒pmāna॒-mpravi̭śati॒ yasyā᳚-''śvi॒ne śa॒syamā̭ne॒ sūryo॒ nā-''virbhava̭ti sau॒rya-mba̭hurū॒pamā la̭bhetā॒-'mu-me॒vā-''di॒tyagg svena̭ bhāga॒dheye॒nopa̭ dhāvati॒ sa e॒vāsmā॒-ttamaḥ̭ pā॒pmāna॒mapa̭ hanti pra॒tīcya̭smai vyu॒cchantī॒ vyṷccha॒tyapa॒ tamaḥ̭ pā॒pmānagṃ̭ hate || 59 ||

(la॒lāmaḥ॒ - sa e॒va - ṣaṭca̭tvārigṃśacca) (a. 10)

indraṃ̭-vo~ vi॒śvata॒sparī, ndra॒-nnaro॒, marṷto॒ yaddha̭ vo di॒vo, yā va॒-śśarma̭ || bhare॒ṣvindragṃ̭ su॒havagṃ̭ havāmahe 'gṃho॒mucagṃ̭ su॒kṛta॒-ndaivya॒-ñjana᳚m | a॒gni-mmi॒traṃ-va~rṷṇagṃ sā॒taye॒ bhaga॒-ndyāvā̭pṛthi॒vī ma॒rutaḥ̭ sva॒staye᳚ || ma॒mattṷ naḥ॒ pari̭jmā vasa॒r॒hā ma॒mattu॒ vāto̭ a॒pāṃ-vṛ~ṣa̭ṇvānn | śi॒śī॒tami̭ndrāparvatā yu॒va-nna॒stanno॒ viśvḙ varivasyantu de॒vāḥ || pri॒yā vo॒ nāma̭ - [pri॒yā vo॒ nāma̭, hu॒ve॒ tu॒rāṇā᳚m |] 60

huve tu॒rāṇā᳚m | ā ya-ttṛ॒panma̭ruto vāvaśā॒nāḥ || śri॒yase॒ ka-mbhā॒nubhi॒-ssa-mmi̭mikṣire॒ te ra॒śmibhi॒sta ṛkva̭bhi-ssukhā॒dayaḥ̭ | te vāśī̭manta i॒ṣmiṇo॒ abhī̭ravo vi॒dre pri॒yasya॒ mārṷtasya॒ dhāmnaḥ̭ || a॒gniḥ pra̭tha॒mo vasṷbhirno avyā॒-thsomo̭ ru॒drebhi̭ra॒bhi ra̭kṣata॒ tmanā᳚ | indro̭ ma॒rudbhi̭r-ṛtu॒dhā kṛ̭ṇotvādi॒tyairno॒ varṷṇa॒-ssagṃ śi̭śātu || sa-nno̭ de॒vo vasṷbhira॒gni-ssagṃ [vasṷbhira॒gni-ssam, soma̭sta॒nūbhī̭ ru॒driyā̭bhiḥ |] 61

soma̭sta॒nūbhī̭ ru॒driyā̭bhiḥ | samindro̭ ma॒rudbhi̭ rya॒jñiyai॒-ssamā̭di॒tyairno॒ varṷṇo ajijñipat || yathā̭-''di॒tyā vasṷbhi-ssambabhū॒vu-rma॒rudbhī̭ ru॒drā-ssa॒majā̭natā॒bhi | e॒vā tri̭ṇāma॒nna-hṛ̭ṇīyamānā॒ viśvḙ de॒vā-ssama̭naso bhavantu || kutrā̭ ci॒dyasya॒ samṛ̭tau ra॒ṇvā naro̭ nṛ॒ṣada̭ne | arha̭ntaści॒-dyami̭ndha॒te sa̭ñja॒naya̭nti ja॒ntavaḥ̭ || saṃ-ya~di॒ṣo vanā̭mahe॒ sagṃ ha॒vyā mānṷṣāṇām | u॒ta dyu॒mnasya॒ śava̭sa [śava̭saḥ, ṛ॒tasya̭ ra॒śmimā da̭de |] 62

ṛ॒tasya̭ ra॒śmimā da̭de || ya॒jño de॒vānā॒-mpratyḙti su॒mnamādi̭tyāso॒ bhava̭tā mṛḍa॒yantaḥ̭ | ā vo॒-'rvācī̭ suma॒tirva̭vṛtyāda॒gṃ॒ hości॒dyā va̭rivo॒vitta॒rā-'sa̭t || śuci̭ra॒pa-ssū॒yava̭sā ada̭bdha॒ upa̭ kṣeti vṛ॒ddhava̭yā-ssu॒vīraḥ̭ | naki॒ṣṭaṃ(2) ghna॒ntyanti̭to॒ na dū॒rādya ā̭di॒tyānā॒-mbhava̭ti॒ praṇī̭tau || dhā॒raya̭nta ādi॒tyāso॒ jaga॒thsthā de॒vā viśva̭sya॒ bhuva̭nasya go॒pāḥ | dī॒rghādhi̭yo॒ rakṣa̭māṇā [rakṣa̭māṇāḥ, a॒su॒rya̭mṛ॒tāvā̭na॒-] 63

asu॒rya̭mṛ॒tāvā̭na॒-ścaya̭mānā ṛ॒ṇāni̭ || ti॒sro bhūmī᳚rdhāraya॒-ntrīgṃ ru॒ta dyū-ntrīṇi̭ vra॒tā vi॒dathḙ a॒ntarḙṣām | ṛ॒tenā̭-''dityā॒ mahi̭ vo mahi॒tva-ntada̭ryaman varuṇa mitra॒ cārṷ || tyānnu kṣa॒triyā॒gṃ॒ ava̭ ādi॒tyān. yā̭ciṣāmahe | su॒mṛ॒ḍī॒kāgṃ a॒bhiṣṭa̭ye || na da̭kṣi॒ṇā vici̭kite॒ na sa॒vyā na prā॒cīna̭mādityā॒ nota pa॒ścā | pā॒kyā̭ cidvasavo dhī॒ryā̭ ci- [dhī॒ryā̭ cit, yu॒ṣmānī̭to॒] 64

-dyu॒ṣmānī̭to॒ abha̭ya॒-ñjyoti̭raśyām || ā॒di॒tyānā॒mava̭sā॒ nūta̭nena sakṣī॒mahi॒ śarma̭ṇā॒ śanta̭mena | a॒nā॒gā॒stve a̭diti॒tve tu॒rāsa̭ i॒maṃ-ya~॒jña-nda̭dhatu॒ śroṣa̭māṇāḥ || i॒ma-mmḙ varuṇa śrudhī॒ hava̭ma॒dyā ca̭ mṛḍaya | tvāma̭va॒syurā ca̭ke || tattvā̭ yāmi॒ brahma̭ṇā॒ vanda̭māna॒-stadā śā᳚ste॒ yaja̭māno ha॒virbhiḥ̭ | ahḙḍamāno varuṇe॒ha bo॒ddhyurṷśagṃsa॒ mā na॒ āyuḥ॒ pramo̭ṣīḥ || 65 ||

(nāmā॒ - 'gni-ssagṃ - śava̭so॒ - rakṣa̭māṇā - dhī॒ryā̭-ñci॒de - kā॒nna pa̭ñcā॒śacca̭) (a. 11)

(vā॒ya॒vyaṃ̭ - prā॒japa̭ti॒stā varṷṇaṃ - devāsu॒rā e॒ṣva̭ - sāvā̭di॒tyo daśa̭rṣabhā॒-mindro̭ va॒lasya̭ - bārhaspa॒tyaṃ - ~va̭ṣaṭkā॒ro̭ - 'sausau॒rīṃ॒ - ~va̭ruṇa -māśvi॒na - mindraṃ̭-vo~॒ nara॒ - ekāda̭śa)

(vā॒ya॒vya̭ - māgne॒yī-ṅkṛ̭ṣṇagrī॒vī - ma॒sāvā̭di॒tyo - vā a̭horā॒trāṇi̭ - vaṣaṭkā॒raḥ - pra̭janayi॒tā - hṷve tu॒rāṇāṃ॒ - pañca̭ṣaṣṭiḥ )

(vā॒ya॒vya̭m, pramo̭ṣīḥ)

|| hariḥ̭ om ||

|| kṛṣṇa yajurvedīya taittirīya saṃhitāyā-ndvitīyakāṇḍe prathamaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-न्द्वितीयकाण्डे प्रथमः प्रश्नः - पशुविधानं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

वा॒य॒व्यग्ग्॑ श्वे॒तमा ल॑भेत॒ भूति॑कामो वा॒युर्वै क्षेपि॑ष्ठा दे॒वता॑वा॒युमे॒व स्वेन॑ भाग॒धेये॒नोप॑ धावति॒ स ए॒वैन॒-म्भूति॑-ङ्गमयति॒ भव॑त्ये॒वा-ति॑क्षिप्रा दे॒वतेत्या॑हु॒-स्सैन॑मीश्व॒रा प्र॒दह॒ इत्ये॒तमे॒व सन्तं॑-वाँ॒यवे॑ नि॒युत्व॑त॒ आ ल॑भेत नि॒युद्वा अ॑स्य॒ धृति॑र्धृ॒त ए॒व भूति॒मुपै॒त्य प्र॑दाहाय॒ भव॑त्ये॒व [ ] 1

वा॒यवे॑ नि॒युत्व॑त॒ आ ल॑भेत॒ ग्राम॑कामो वा॒युर्वा इ॒माः प्र॒जा न॑स्यो॒ता ने॑नीयते वा॒युमे॒व नि॒युत्व॑न्त॒ग्ग्॒ स्वेन॑ भाग॒धेये॒नोप॑ धावति॒ स ए॒वास्मै᳚ प्र॒जा न॑स्यो॒ता निय॑च्छति ग्रा॒म्ये॑व भ॑वति नि॒युत्व॑ते भवति ध्रु॒वा ए॒वास्मा॒ अन॑पगाः करोति वा॒यवे॑ नि॒युत्व॑त॒ आ ल॑भेत प्र॒जाका॑मः प्रा॒णो वै वा॒युर॑पा॒नो नि॒यु-त्प्रा॑णापा॒नौ खलु॒ वा ए॒तस्य॑ प्र॒जाया॒ [प्र॒जायाः᳚, अप॑] 2

अप॑ क्रामतो॒ यो-ऽल॑-म्प्र॒जायै॒ स-न्प्र॒जा-न्न वि॒न्दते॑ वा॒युमे॒व नि॒युत्व॑न्त॒ग्ग्॒ स्वेन॑ भाग॒धेये॒नोप॑ धावति॒ स ए॒वास्मै᳚ प्राणापा॒नाभ्या᳚-म्प्र॒जा-म्प्र ज॑नयति वि॒न्दते᳚ प्र॒जां-वाँ॒यवे॑ नि॒युत्व॑त॒ आ ल॑भेत॒ ज्योगा॑मयावी प्रा॒णो वै वा॒युर॑पा॒नो नि॒यु-त्प्रा॑णापा॒नौ खलु॒ वा ए॒तस्मा॒ दप॑क्रामतो॒ यस्य॒ ज्योगा॒मय॑ति वा॒युमे॒व नि॒युत्व॑न्त॒ग्ग्॒ स्वेन॑ भाग॒धेये॒नोप॑ - [भाग॒धेये॒नोप॑, धा॒व॒ति॒ स] 3

धावति॒ स ए॒वा-ऽस्मि॑-न्प्राणापा॒नौ द॑धात्यु॒त यदी॒तासु॒र्भव॑ति॒ जीव॑त्ये॒व प्र॒जाप॑ति॒र्वा इ॒दमेक॑ आसी॒-थ्सो॑-ऽकामयत प्र॒जाः प॒शून्-थ्सृ॑जे॒येति॒ स आ॒त्मनो॑ व॒पामुद॑क्खिद॒-त्ताम॒ग्नौ प्रागृ॑ह्णा॒-त्ततो॒-ऽजस्तू॑प॒र-स्सम॑भव॒-त्तग्ग् स्वायै॑ दे॒वता॑या॒ आ ऽल॑भत॒ ततो॒ वै स प्र॒जाः प॒शून॑सृजत॒ यः प्र॒जाका॑मः [ ] 4

प॒शुका॑म॒-स्स्या-थ्स ए॒त-म्प्रा॑जाप॒त्यम॒ज-न्तू॑प॒रमा ल॑भेत प्र॒जाप॑तिमे॒व स्वेन॑ भाग॒धेये॒नोप॑ धावति॒ स ए॒वास्मै᳚ प्र॒जा-म्प॒शू-न्प्रज॑नयति॒ यच्छ्म॑श्रु॒णस्त-त्पुरु॑षाणाग्ं रू॒पं-यँ-त्तू॑प॒रस्तदश्वा॑नां॒-यँद॒न्यतो॑द॒-न्त-द्गवां॒-यँदव्या॑ इव श॒फास्तदवी॑नां॒-यँद॒जस्त-द॒जाना॑-मे॒ताव॑न्तो॒ वै ग्रा॒म्याः प॒शव॒स्ता- [प॒शव॒स्तान्, रू॒पेणै॒वाव॑ रुन्धे] 5

-न्रू॒पेणै॒वाव॑ रुन्धे सोमापौ॒ष्ण-न्त्रै॒तमा ल॑भेत प॒शुका॑मो॒द्वौ वा अ॒जायै॒ स्तनौ॒ नानै॒व द्वाव॒भि जाये॑ते॒ ऊर्ज॒-म्पुष्टि॑-न्तृ॒तीयः॑सोमापू॒षणा॑वे॒व स्वेन॑ भाग॒धेये॒नोप॑ धावति॒ तावे॒वास्मै॑ प॒शू-न्प्रज॑नयत॒-स्सोमो॒ वै रे॑तो॒धाः पू॒षा प॑शू॒ना-म्प्र॑जनयि॒ता सोम॑ ए॒वास्मै॒ रेतो॒ दधा॑ति पू॒षा प॒शू-न्प्र ज॑नय॒त्यौदु॑म्बरो॒ यूपो॑ भव॒त्यूर्ग्वा उ॑दु॒म्बर॒ ऊर्क्प॒शव॑ ऊ॒र्जैवास्मा॒ ऊर्ज॑-म्प॒शूनव॑ रुन्धे ॥ 6 ॥

(अप्र॑दाहाय॒ भव॑त्ये॒व - प्र॒जाया॑ - आ॒मय॑ति वा॒युमे॒व नि॒युत्व॑त॒ग्ग्॒ स्वेन॑ भाग॒धेये॒नोप॑ - प्र॒जाक॑म॒ - स्तान् - यूप॒ - स्त्रयो॑दश च ) (अ. 1)

प्र॒जाप॑तिः प्र॒जा अ॑सृजत॒ ता अ॑स्मा-थ्सृ॒ष्टाः परा॑चीराय॒-न्ता वरु॑णमगच्छ॒-न्ता अन्वै॒-त्ताः पुन॑रयाचत॒ ता अ॑स्मै॒ न पुन॑रददा॒-थ्सो᳚-ऽब्रवी॒-द्वरं॑-वृँणी॒ष्वाथ॑ मे॒ पुन॑र्दे॒हीति॒ तासां॒-वँर॒मा ऽल॑भत॒ स कृ॒ष्ण एक॑शितिपाद-भव॒द्यो वरु॑ण गृहीत॒-स्स्या-थ्स ए॒तं-वाँ॑रु॒ण-ङ्कृ॒ष्ण-मेक॑शितिपाद॒मा-ल॑भेत॒ वरु॑ण- [वरु॑णम्, ए॒व स्वेन॑] 7

-मे॒व स्वेन॑ भाग॒धेये॒नोप॑ धावति॒ स ए॒वैनं॑-वँरुणपा॒शा-न्मु॑ञ्चति कृ॒ष्ण एक॑शितिपा-द्भवति वारु॒णो ह्ये॑ष दे॒वत॑या॒ समृ॑द्ध्यै॒ सुव॑र्भानुरासु॒र-स्सूर्य॒-न्तम॑सा-ऽविद्ध्य॒त तस्मै॑दे॒वाः प्राय॑श्चित्ति-मैच्छ॒-न्तस्य॒ य-त्प्र॑थ॒म-न्तमो॒-ऽपाघ्न॒न्-थ्सा कृ॒ष्णा-ऽवि॑रभव॒-द्य-द्द्वि॒तीय॒ग्ं॒ सा फल्गु॑नी॒ यत तृ॒तीय॒ग्ं॒ सा ब॑ल॒क्षी यद॑द्ध्य॒स्था-द॒पाकृ॑न्त॒न्-थ्सा ऽवि॑र्व॒शा [ ] 8

सम॑भव॒-त्ते दे॒वा अ॑ब्रुव-न्देवप॒शुर्वा अ॒यग्ं सम॑भू॒-त्कस्मा॑ इ॒ममा ल॑फ्स्यामह॒ इत्यथ॒ वै तर्ह्यल्पा॑ पृथि॒व्यासी॒-दजा॑ता॒ ओष॑धय॒स्तामविं॑-वँ॒शामा॑दि॒त्येभ्यः॒ कामा॒या-ऽल॑भन्त॒ ततो॒ वा अप्र॑थत पृथि॒व्य-जा॑य॒न्तौष॑धयो॒ यः का॒मये॑त॒ प्रथे॑य प॒शुभिः॒ प्र प्र॒जया॑ जाये॒येति॒ स ए॒तामविं॑-वँ॒शामा॑दि॒त्येभ्यः॒ कामा॒या- [कामा॑य, आल॑भेता ऽऽदि॒त्याने॒व] 9

-ऽऽल॑भेता ऽऽदि॒त्याने॒व काम॒ग्ग्॒ स्वेन॑ भाग॒धेये॒नोप॑ धावति॒ त ए॒वैन॑-म्प्र॒थय॑न्ति प॒शुभिः॒ प्र प्र॒जया॑ जनयन्त्य॒-सावा॑दि॒त्यो न व्य॑रोचत॒ तस्मै॑ दे॒वाः प्राय॑श्चित्तिमैच्छ॒-न्तस्मा॑ ए॒ता म॒ल्॒हा आल॑भन्ता-ऽऽग्ने॒यी-ङ्कृ॑ष्णग्री॒वीग्ं सग्ं॑हि॒तामै॒न्द्रीग् श्वे॒ता-म्बा॑र्हस्प॒त्या-न्ताभि॑रे॒वास्मि॒-न्रुच॑मदधु॒र्यो ब्र॑ह्मवर्च॒स-का॑म॒-स्स्या-त्तस्मा॑ ए॒ता म॒ल्॒हा आ ल॑भेता- [आ ल॑भेत, आ॒ग्ने॒यी-ङ्कृ॑ष्णग्री॒वीग्ं] 10

(शिखण्डि पञ्चति)

-ऽऽग्ने॒यी-ङ्कृ॑ष्णग्री॒वीग्ं सग्ं॑हि॒तामै॒न्द्रीग् श्वे॒ता-म्बा॑र्हस्प॒त्यामे॒ता ए॒व दे॒वता॒-स्स्वेन॑ भाग॒धेये॒नोप॑ धावति॒ ता ए॒वास्मि॑-न्ब्रह्मवर्च॒स-न्द॑धति ब्रह्मवर्च॒स्ये॑व भ॑वति व॒सन्ता᳚ प्रा॒तरा᳚ग्ने॒यी-ङ्कृ॑ष्ण ग्री॒वीमा ल॑भेत ग्री॒ष्मे म॒द्ध्यन्दि॑ने सग्ंहि॒तामै॒न्द्रीग्ं श॒रद्य॑परा॒ह्णे श्वे॒ता-म्बा॑र्हस्प॒त्या-न्त्रीणि॒ वा आ॑दि॒त्यस्य॒ तेजाग्ं॑सि व॒सन्ता᳚ प्रा॒तर्ग्री॒ष्मे म॒द्ध्यन्दि॑ने श॒रद्य॑परा॒ह्णे याव॑न्त्ये॒व तेजाग्ं॑सि॒ तान्ये॒वा- [तान्ये॒व, अव॑ रुन्धे] 11

-ऽव॑ रुन्धे संवँथ्स॒र-म्प॒र्याल॑भ्यन्ते संवँथ्स॒रो वै ब्र॑ह्मवर्च॒सस्य॑ प्रदा॒ता सं॑वँथ्स॒र ए॒वास्मै᳚ ब्रह्मवर्च॒स-म्प्र य॑च्छति ब्रह्मवर्च॒स्ये॑व भ॑वति ग॒र्भिण॑यो भवन्तीन्द्रि॒यं-वैँ गर्भ॑ इन्द्रि॒यमे॒वास्मि॑-न्दधति सारस्व॒ती-म्मे॒षीमा ल॑भेत॒ य ई᳚श्व॒रो वा॒चो वदि॑तो॒-स्सन् वाच॒-न्न वदे॒-द्वाग्वै सर॑स्वती॒ सर॑स्वतीमे॒व स्वेन॑ भाग॒धेये॒नोप॑ धावति॒ सैवास्मि॒- [सैवास्मिन्न्॑, वाच॑-न्दधाति] 12

-न्वाच॑-न्दधाति प्रवदि॒ता वा॒चो भ॑व॒त्यप॑न्नदती भवति॒ तस्मा᳚-न्मनु॒ष्या᳚-स्सर्वां॒-वाँचं॑-वँदन्त्याग्ने॒य-ङ्कृ॒ष्णग्री॑व॒मा ल॑भेत सौ॒म्य-म्ब॒भ्रु-ञ्ज्योगा॑मयाव्य॒ग्निं-वाँ ए॒तस्य॒ शरी॑र-ङ्गच्छति॒ सोम॒ग्ं॒ रसो॒ यस्य॒ ज्योगा॒मय॑त्य॒ग्नेरे॒वास्य॒ शरी॑र-न्निष्क्री॒णाति॒ सोमा॒-द्रस॑मु॒त यदी॒तासु॒र्भव॑ति॒ जीव॑त्ये॒व सौ॒म्य-म्ब॒भ्रुमा ल॑भेता-ऽऽग्ने॒य-ङ्कृ॒ष्णग्री॑व-म्प्र॒जाका॑म॒-स्सोमो॒ [सोमः॑, वै रे॑तो॒धा] 13

वै रे॑तो॒धा अ॒ग्निः प्र॒जाना᳚-म्प्रजनयि॒ता सोम॑ ए॒वास्मै॒ रेतो॒ दधा᳚त्य॒ग्निः प्र॒जा-म्प्रज॑नयति वि॒न्दते᳚ प्र॒जामा᳚ग्ने॒य-ङ्कृ॒ष्णग्री॑व॒मा ल॑भेत सौ॒म्य-म्ब॒भ्रुं-योँ ब्रा᳚ह्म॒णो वि॒द्याम॒नूच्य॒ न वि॒रोचे॑त॒ यदा᳚ग्ने॒यो भव॑ति॒ तेज॑ ए॒वास्मि॒-न्तेन॑ दधाति॒ य-थ्सौ॒म्यो ब्र॑ह्मवर्च॒स-न्तेन॑ कृ॒ष्णग्री॑व आग्ने॒यो भ॑वति॒ तम॑ ए॒वास्मा॒दप॑ हन्ति श्वे॒तो भ॑वति॒ [भ॑वति, रुच॑मे॒वास्मि॑-न्दधाति] 14

रुच॑मे॒वास्मि॑-न्दधाति ब॒भ्रु-स्सौ॒म्यो भ॑वति ब्रह्मवर्च॒समे॒वास्मि॒-न्त्विषि॑-न्दधात्या-ग्ने॒य-ङ्कृ॒ष्णग्री॑व॒मा ल॑भेत सौ॒म्य-म्ब॒भ्रुमा᳚ग्ने॒य-ङ्कृ॒ष्णग्री॑व-म्पुरो॒धाया॒ग्॒ स्पर्ध॑मान आग्ने॒यो वै ब्रा᳚ह्म॒ण-स्सौ॒म्यो रा॑ज॒न्यो॑-ऽभितः॑ सौ॒म्यमा᳚ग्ने॒यौ भ॑वत॒-स्तेज॑सै॒व ब्रह्म॑णोभ॒यतो॑ रा॒ष्ट्र-म्परि॑ गृह्णात्येक॒धा स॒मा वृ॑ङ्क्ते पु॒र ए॑न-न्दधते ॥ 15 ॥

(ल॒भे॒त॒ वरु॑णं - ँव॒शै - तामविं॑-वँ॒शामा॑दि॒त्येभ्यः॒ कामा॑य - म॒ल्हा आ ल॑भेत॒ - तान्ये॒व - सैवास्मि॒न्थ् - सोमः॑ - स्वे॒तो भ॑वति॒ - त्रिच॑त्वारिग्ंशच्च ) (अ. 2)

दे॒वा॒सु॒रा ए॒षु लो॒केष्व॑स्पर्धन्त॒ स ए॒तं-विँष्णु॑-र्वाम॒नम॑पश्य॒-त्तग्ग् स्वायै॑ दे॒वता॑या॒ आ-ऽल॑भत॒ ततो॒ वै स इ॒मां-लोँ॒कान॒भ्य॑जयद्- वैष्ण॒वं-वाँ॑म॒नमा ल॑भेत॒ स्पर्ध॑मानो॒ विष्णु॑रे॒व भू॒त्वेमान् ँलो॒कान॒भि ज॑यति॒ विष॑म॒ आ ल॑भेत॒ विष॑मा इव॒ हीमे लो॒का-स्समृ॑द्ध्या॒ इन्द्रा॑य मन्यु॒मते॒ मन॑स्वते ल॒लाम॑-म्प्राशृ॒ङ्गमा ल॑भेत सङ्ग्रा॒मे [ ] 16

संयँ॑त्त इन्द्रि॒येण॒ वै म॒न्युना॒ मन॑सा सङ्ग्रा॒म-ञ्ज॑य॒तीन्द्र॑मे॒व म॑न्यु॒मन्त॒-म्मन॑स्वन्त॒ग्ग्॒ स्वेन॑ भाग॒धेये॒नोप॑ धावति॒ स ए॒वास्मि॑न्निन्द्रि॒य-म्म॒न्यु-म्मनो॑ दधाति॒ जय॑ति॒ तग्ं स॑ग्रा॒म्ममिन्द्रा॑य म॒रुत्व॑ते पृश्ञिस॒क्थमा ल॑भेत॒ ग्राम॑काम॒ इन्द्र॑मे॒व म॒रुत्व॑न्त॒ग्ग्॒ स्वेन॑ भाग॒धेये॒नोप॑ धावति॒ स ए॒वास्मै॑ स जा॒ता-न्प्रय॑च्छति ग्रा॒म्ये॑व भ॑वति॒ यदृ॑ष॒भस्तेनै॒- [यदृ॑ष॒भस्तेन॑, ऐ॒न्द्रो य-त्पृश्ञि॒स्तेन॑] 17

-न्द्रो य-त्पृश्ञि॒स्तेन॑ मारु॒त-स्समृ॑द्ध्यै प॒श्चा-त्पृ॑श्ञिस॒क्थो भ॑वति पश्चादन्व-वसा॒यिनी॑मे॒वास्मै॒ विश॑-ङ्करोति सौ॒म्य-म्ब॒भ्रुमा ल॑भे॒तान्न॑काम-स्सौ॒म्यं-वाँ अन्न॒ग्ं॒ सोम॑मे॒व स्वेन॑ भाग॒धेये॒नोप॑ धावति॒ स ए॒वास्मा॒ अन्न॒-म्प्रय॑॑च्छत्यन्ना॒द ए॒व भ॑वति ब॒भ्रुर्भ॑वत्ये॒तद्वा अन्न॑स्य रू॒पग्ं समृ॑द्ध्यै सौ॒म्य-म्ब॒भ्रुमा ल॑भेत॒ यमलग्ं॑ [यमल᳚म्, रा॒ज्याय॒] 18

रा॒ज्याय॒ सन्तग्ं॑ रा॒ज्य-न्नोप॒नमे᳚-थ्सौ॒म्यं-वैँ रा॒ज्यग्ं सोम॑मे॒व स्वेन॑ भाग॒धेये॒नोप॑ धावति॒ स ए॒वास्मै॑ रा॒ज्य-म्प्रय॑च्छ॒त्युपै॑नग्ं रा॒ज्य-न्न॑मति ब॒भ्रुर्भ॑वत्ये॒त-द्वै सोम॑स्य रू॒पग्ं समृ॑द्ध्या॒ इन्द्रा॑य वृत्र॒तुरे॑ ल॒लाम॑-म्प्राशृ॒ङ्गमा ल॑भेत ग॒तश्रीः᳚ प्रति॒ष्ठाका॑मः पा॒प्मान॑मे॒व वृ॒त्र-न्ती॒र्त्वा प्र॑ति॒ष्ठा-ङ्ग॑च्छ॒तीन्द्रा॑याभिमाति॒घ्ने ल॒लाम॑-म्प्राशृ॒ङ्गमा [ल॒लाम॑-म्प्राशृ॒ङ्गमा, ल॒भे॒त॒ यः पा॒प्मना॑] 19

ल॑भेत॒ यः पा॒प्मना॑ गृही॒त-स्स्या-त्पा॒प्मा वा अ॒भिमा॑ति॒रिन्द्र॑मे॒वा- भि॑माति॒हन॒ग्ग्॒ स्वेन॑ भाग॒धेये॒नोप॑ धावति॒ स ए॒वास्मा᳚-त्पा॒प्मान॑म॒भिमा॑ति॒-म्प्रणु॑दत॒ इन्द्रा॑य व॒ज्रिणे॑ ल॒लाम॑-म्प्राशृ॒ङ्गमा ल॑भेत॒ यमलग्ं॑ रा॒ज्याय॒ सन्तग्ं॑ रा॒ज्य-न्नोप॒नमे॒दिन्द्र॑मे॒व व॒ज्रिण॒ग्ग्॒ स्वेन॑ भाग॒धेये॒नोप॑ धावति॒ स ए॒वास्मै॒ वज्र॒-म्प्र य॑च्छति॒ स ए॑नं॒ ँवज्रो॒ भूत्या॑ इन्ध॒ उपै॑नग्ं रा॒ज्य-न्न॑मति ल॒लामः॑ प्राशृ॒ङ्गो भ॑वत्ये॒तद्वै वज्र॑स्य रू॒पग्ं समृ॑द्ध्यै ॥ 20

(स॒ग्रा॒म्मे - तेना - ल॑ - मभिमाति॒घ्ने ल॒लाम॑-म्प्राशृ॒ङ्गमै - नं॒ - पञ्च॑दश च ) (अ. 3)

अ॒सावा॑दि॒त्यो न व्य॑रोचत॒ तस्मै॑ दे॒वाः प्राय॑श्चित्तिमैच्छ॒-न्तस्मा॑ ए॒ता-न्दश॑र्षभा॒मा-ऽल॑भन्त॒ तयै॒वास्मि॒-न्रुच॑मदधु॒र्यो ब्र॑ह्मवर्च॒सका॑म॒-स्स्या-त्तस्मा॑ ए॒ता-न्दश॑र्षभा॒मा ल॑भेता॒-मुमे॒वा-ऽऽदि॒त्यग्ग् स्वेन॑ भाग॒धेये॒नोप॑ धावति॒ स ए॒वास्मि॑-न्ब्रह्मवर्च॒स-न्द॑धाति ब्रह्मवर्च॒स्ये॑व भ॑वति व॒सन्ता᳚ प्रा॒तस्त्रीन् ँल॒लामा॒ना ल॑भेत ग्री॒ष्मे म॒द्ध्यन्दि॑ने॒ - [म॒द्ध्यन्दि॑ने, त्रीञ्छि॑ति पृ॒ष्ठाञ्छ॒रद्य॑परा॒ह्णे] 21

त्रीञ्छि॑ति पृ॒ष्ठाञ्छ॒रद्य॑परा॒ह्णे त्रीञ्छि॑ति॒वारा॒-न्त्रीणि॒ वा आ॑दि॒त्यस्य॒ तेजाग्ं॑सि व॒सन्ता᳚ प्रा॒तर्ग्री॒ष्मे म॒द्ध्यन्दि॑ने श॒रद्य॑परा॒ह्णे याव॑न्त्ये॒व तेजाग्ं॑सि॒ तान्ये॒वाव॑ रुन्धे॒ त्रय॑स्त्रय॒ आ ल॑भ्यन्ते-ऽभि पू॒र्वमे॒वास्मि॒-न्तेजो॑ दधाति संवँथ्स॒र-म्प॒र्याल॑भ्यन्ते संवँथ्स॒रो वै ब्र॑ह्मवर्च॒सस्य॑ प्रदा॒ता सं॑वँथ्स॒र ए॒वास्मै᳚ ब्रह्मवर्च॒स-म्प्र य॑च्छति ब्रह्मवर्च॒स्ये॑व भ॑वति संवँथ्स॒रस्य॑ प॒रस्ता᳚-त्प्राजाप॒त्य-ङ्कद्रु॒- [ प्राजाप॒त्य-ङ्कद्रु᳚म्, आ ल॑भेत] 22

-मा ल॑भेत प्र॒जाप॑ति॒-स्सर्वा॑ दे॒वता॑ दे॒वता᳚स्वे॒व प्रति॑तिष्ठति॒ यदि॑ बिभी॒या-द्दु॒श्चर्मा॑ भविष्या॒मीति॑ सोमापौ॒ष्णग्ग् श्या॒ममा ल॑भेत सौ॒म्यो वै दे॒वत॑या॒ पुरु॑षः पौ॒ष्णाः प॒शव॒-स्स्वयै॒वास्मै॑ दे॒वत॑या प॒शुभि॒स्त्वच॑-ङ्करोति॒ न दु॒श्चर्मा॑ भवति दे॒वाश्च॒ वै य॒मश्चा॒स्मिन् ँलो॒के᳚-ऽस्पर्धन्त॒ स य॒मो दे॒वाना॑मिन्द्रि॒यं-वीँ॒र्य॑मयुवत॒ तद्य॒मस्य॑ [तद्य॒मस्य॑, य॒म॒त्व-न्ते] 23

यम॒त्व-न्ते दे॒वा अ॑मन्यन्त य॒मो वा इ॒दम॑भू॒-द्य-द्व॒यग्ग् स्म इति॒ ते प्र॒जाप॑ति॒मुपा॑धाव॒न्-थ्स ए॒तौ प्र॒जाप॑तिरा॒त्मन॑ उक्षव॒शौ निर॑मिमीत॒ ते दे॒वा वै᳚ष्णावरु॒णीं-वँ॒शामा-ऽल॑भन्तै॒न्द्रमु॒क्षाण॒न्तं-वँरु॑णेनै॒व ग्रा॑हयि॒त्वा विष्णु॑ना य॒ज्ञेन॒ प्राणु॑दन्तै॒न्द्रेणै॒-वास्ये᳚न्द्रि॒यम॑-वृञ्जत॒ यो भ्रातृ॑व्यवा॒न्-थ्स्या-थ्स स्पर्ध॑मानो वैष्णावरु॒णीं- [वैष्णावरु॒णीम्, व॒शामा] 24

-ँव॒शामा ल॑भेतै॒न्द्रमु॒क्षाणं॒-वँरु॑णेनै॒व भ्रातृ॑व्य-ङ्ग्राहयि॒त्वा विष्णु॑ना य॒ज्ञेन॒ प्रणु॑दत ऐ॒न्द्रेणै॒वास्ये᳚न्द्रि॒यं-वृँ॑ङ्क्ते॒ भव॑त्या॒त्मना॒ परा᳚स्य॒ भ्रातृ॑व्यो भव॒तीन्द्रो॑ वृ॒त्रम॑ह॒-न्तं-वृँ॒त्रो ह॒त-ष्षो॑ड॒शभि॑-र्भो॒गैर॑सिना॒-त्तस्य॑ वृ॒त्रस्य॑ शीर्ष॒तो गाव॒ उदा॑य॒-न्ता वै॑दे॒ह्यो॑-ऽभव॒-न्तासा॑मृष॒भो ज॒घने-ऽनूदै॒-त्तमिन्द्रो॑- [ज॒घने-ऽनूदै॒-त्तमिन्द्रः॑, अ॒चा॒य॒थ्सो॑-ऽमन्यत॒] 25

-ऽचाय॒थ्सो॑-ऽमन्यत॒ यो वा इ॒ममा॒लभे॑त॒ मुच्ये॑ता॒स्मा-त्पा॒प्मन॒ इति॒ स आ᳚ग्ने॒य-ङ्कृ॒ष्णग्री॑व॒मा ल॑भतै॒न्द्रमृ॑ष॒भ-न्तस्या॒ग्निरे॒व स्वेन॑ भाग॒धेये॒नोप॑ सृत-ष्षोडश॒धा वृ॒त्रस्य॑ भो॒गानप्य॑दहदै॒न्द्रेणे᳚न्द्रि॒य- मा॒त्मन्न॑धत्त॒ यः पा॒प्मना॑ गृही॒त-स्स्या-थ्स आ᳚ग्ने॒य-ङ्कृ॒ष्णग्री॑व॒मा ल॑भेतै॒न्द्रमृ॑ष॒भ-म॒ग्निरे॒वास्य॒ स्वेन॑ भाग॒धेये॒नोप॑सृतः [ ] 26

पा॒प्मान॒मपि॑ दहत्यै॒न्द्रेणे᳚न्द्रि॒यमा॒त्म-न्ध॑त्ते॒ मुच्य॑ते पा॒प्मनो॒ भव॑त्ये॒व द्या॑वापृथि॒व्या᳚-न्धे॒नुमा ल॑भेत॒ ज्योग॑परुद्धो॒ ऽनयो॒र्॒हि वा ए॒षो-ऽप्र॑तिष्ठि॒तो-ऽथै॒ष ज्योगप॑रुद्धो॒ द्यावा॑पृथि॒वी ए॒व स्वेन॑ भाग॒धेये॒नोप॑ धावति॒ ते ए॒वैन॑-म्प्रति॒ष्ठा-ङ्ग॑मयतः॒ प्रत्ये॒व ति॑ष्ठति पर्या॒रिणी॑ भवति पर्या॒रीव॒ ह्ये॑तस्य॑ रा॒ष्ट्रं-योँ ज्योग॑परुद्ध॒-स्समृ॑द्ध्यै वाय॒व्यं॑- [वाय॒व्य᳚म्, व॒थ्समा] 27

-ँव॒थ्समा ल॑भेत वा॒युर्वा अ॒नयो᳚र्व॒थ्स इ॒मे वा ए॒तस्मै॑ लो॒का अप॑शुष्का॒ विडप॑शु॒ष्का-ऽथै॒ष ज्योगप॑रुद्धो वा॒युमे॒व स्वेन॑ भाग॒धेये॒नोप॑ धावति॒ स ए॒वास्मा॑ इ॒मां-लोँ॒कान्. विश॒-म्प्रदा॑पयति॒ प्रास्मा॑ इ॒मे लो॒का-स्स्नु॑वन्तिभुञ्ज॒त्ये॑नं॒-विँडुप॑तिष्ठते ॥ 28 ॥

(म॒ध्यन्दि॑ने॒ - कद्रुं॑ - ँय॒मस्य॒ - स्पर्ध॑मानो वैष्णावरु॒णीं -तमिन्द्रो᳚ - ऽस्य॒ स्वेन॑ भाग॒धेये॒नोप॑सृतो - वाय॒व्यं॑ - द्विच॑त्वारिग्ंशच्च) (अ. 4)

इन्द्रो॑ व॒लस्य॒ बिल॒मपौ᳚र्णो॒-थ्स य उ॑त्त॒मः प॒शुरासी॒-त्त-म्पृ॒ष्ठ-म्प्रति॑ स॒गृंह्योद॑क्खिद॒-त्तग्ं स॒हस्र॑-म्प॒शवो-ऽनूदा॑य॒न्-थ्स उ॑न्न॒तो॑-ऽभव॒द्यः प॒शुका॑म॒-स्स्या-थ्स ए॒तमै॒न्द्रमु॑न्न॒तमा ल॑भे॒तेन्द्र॑मे॒व स्वेन॑ भाग॒धेये॒नोप॑ धावति॒ स ए॒वास्मै॑ प॒शू-न्प्रय॑च्छति पशु॒माने॒व भ॑वत्युन्न॒तो [भ॑वत्युन्न॒तः, भ॒व॒ति॒ सा॒ह॒स्री] 29

भ॑वति साह॒स्री वा ए॒षा ल॒क्ष्मी यदु॑न्न॒तो ल॒क्ष्मियै॒ व प॒शूनव॑ रुन्धे य॒दा स॒हस्र॑-म्प॒शू-न्प्रा᳚प्नु॒यादथ॑ वैष्ण॒वं-वाँ॑ म॒नमा ल॑भेतै॒तस्मि॒न्. वै त-थ्स॒हस्र॒मद्ध्य॑तिष्ठ॒-त्तस्मा॑दे॒ष वा॑म॒न-स्समी॑षितः प॒शुभ्य॑ ए॒व प्रजा॑तेभ्यः प्रति॒ष्ठा-न्द॑धाति॒ को॑-ऽर्हति स॒हस्र॑-म्प॒शू-न्प्राप्तु॒मित्या॑हु-रहोरा॒त्राण्ये॒व स॒हस्रग्ं॑ स॒म्पाद्या-ऽऽल॑भेत प॒शवो॒ [प॒शवः॑, वा अ॑होरा॒त्राणि॑] 30

वा अ॑होरा॒त्राणि॑ प॒शूने॒व प्रजा॑ता-न्प्रति॒ष्ठा-ङ्ग॑मय॒-त्योष॑धीभ्यो वे॒हत॒मा ल॑भेत प्र॒जाका॑म॒ ओष॑धयो॒ वा ए॒त-म्प्र॒जायै॒ परि॑बाधन्ते॒ यो-ऽल॑-म्प्र॒जायै॒ स-न्प्र॒जा-न्न वि॒न्दत॒ ओष॑धयः॒ खलु॒ वा ए॒तस्यै॒ सूतु॒मपि॑ घ्नन्ति॒ या वे॒ह-द्भव॒त्योष॑धीरे॒व स्वेन॑ भाग॒धेये॒नोप॑ धावति॒ ता ए॒वास्मै॒ स्वाद्योनेः᳚ प्र॒जा-म्प्र ज॑नयन्ति वि॒न्दते᳚ [ ] 31

प्र॒जामापो॒ वा ओष॑ध॒यो-ऽस॒-त्पुरु॑ष॒ आप॑ ए॒वास्मा॒ अस॑त॒-स्सद्द॑दति॒ तस्मा॑दाहु॒र्यश्चै॒वं-वेँद॒ यश्च॒ नाप॒स्त्वावास॑त॒-स्सद्द॑द॒ती-त्यै॒न्द्रीग्ं सू॒तव॑शा॒मा ल॑भेत॒ भूति॑का॒मो-ऽजा॑तो॒ वा ए॒ष यो-ऽल॒-म्भूत्यै॒ स-न्भूति॒-न्न प्रा॒प्नोतीन्द्र॒-ङ्खलु॒ वा ए॒षा सू॒त्वा व॒शा-ऽभ॑व॒- [व॒शा-ऽभ॑वत्, इन्द्र॑मे॒व] 32

-दिन्द्र॑मे॒व स्वेन॑ भाग॒धेये॒नोप॑ धावति॒ स ए॒वैन॒-म्भूति॑-ङ्गमयति॒ भव॑त्ये॒व यग्ं सू॒त्वा व॒शा स्या-त्तमै॒न्द्रमे॒वा-ऽऽ ल॑भेतै॒तद्वाव तदि॑न्द्रि॒यग्ं सा॒क्षादे॒वेन्द्रि॒यमव॑ रुन्ध ऐन्द्रा॒ग्न-म्पु॑नरु-थ्सृ॒ष्टमा ल॑भेत॒ य आ तृ॒तीया॒-त्पुरु॑षा॒-थ्सोम॒-न्न पिबे॒-द्विच्छि॑न्नो॒ वा ए॒तस्य॑ सोमपी॒थो यो ब्रा᳚ह्म॒ण-स्सन्ना [ ] 33

तृ॒तीया॒-त्पुरु॑षा॒-थ्सोम॒-न्न पिब॑तीन्द्रा॒ग्नी ए॒व स्वेन॑ भाग॒धेये॒नोप॑ धावति॒ तावे॒वास्मै॑ सोमपी॒थ-म्प्रय॑च्छत॒ उपै॑नग्ं सोमपी॒थो न॑मति॒ यदै॒न्द्रो भव॑तीन्द्रि॒यं-वैँ सो॑मपी॒थ इ॑न्द्रि॒यमे॒व सो॑मपी॒थमव॑ रुन्धे॒ यदा᳚ग्ने॒यो भव॑त्याग्ने॒यो वै ब्रा᳚ह्म॒ण-स्स्वामे॒व दे॒वता॒मनु॒ सन्त॑नोति पुनरुथ्सृ॒ष्टो भ॑वति पुनरुथ्सृ॒ष्ट इ॑व॒ ह्ये॑तस्य॑ [ह्ये॑तस्य॑, सो॒म॒पी॒थ-स्समृ॑द्ध्यै] 34

सोमपी॒थ-स्समृ॑द्ध्यै ब्राह्मणस्प॒त्य-न्तू॑प॒रमा ल॑भेता-भि॒चर॒-न्ब्रह्म॑ण॒स्पति॑मे॒व स्वेन॑ भाग॒धेये॒नोप॑ धावति॒ तस्मा॑ ए॒वैन॒मा वृ॑श्चति ता॒जगार्ति॒-मार्च्छ॑ति तूप॒रो भ॑वति क्षु॒रप॑वि॒र्वा ए॒षा ल॒क्ष्मी य-त्तू॑प॒र-स्समृ॑द्ध्यै॒ स्फ्यो यूपो॑ भवति॒ वज्रो॒ वै स्फ्यो वज्र॑मे॒वास्मै॒ प्रह॑रति शर॒मय॑-म्ब॒र्॒हि-श्शृ॒णात्ये॒वैनं॒-वैँभी॑दक इ॒द्ध्मो भि॒नत्त्ये॒वैन᳚म् ॥ 35 ॥

(भ॒व॒त्यु॒न्न॒तः - प॒शवो॑ - जनयन्ति वि॒न्दते॑ - ऽभव॒थ् - सन्नै - तस्ये॒ - ध्म - स्त्रीणि॑ च) (अ. 5)

बा॒र्॒ह॒स्प॒त्यग्ं शि॑तिपृ॒ष्ठमा ल॑भेत॒ ग्राम॑कामो॒ यः का॒मये॑त पृ॒ष्ठग्ं स॑मा॒नानाग्॑ स्या॒मिति॒ बृह॒स्पति॑मे॒व स्वेन॑ भाग॒धेये॒नोप॑ धावति॒ स ए॒वैन॑-म्पृ॒ष्ठग्ं स॑मा॒नाना᳚-ङ्करोति ग्रा॒म्ये॑व भ॑वति शितिपृ॒ष्ठो भ॑वति बार्हस्प॒त्यो ह्ये॑ष दे॒वत॑या॒ समृ॑द्ध्यै पौ॒ष्णग्ग् श्या॒ममा ल॑भे॒तान्न॑का॒मो-ऽन्नं॒-वैँ पू॒षा पू॒षण॑मे॒व स्वेन॑ भाग॒धेये॒नोप॑ धावति॒ स ए॒वास्मा॒ [ए॒वास्मै᳚, अन्न॒-म्प्र] 36

अन्न॒-म्प्र य॑च्छत्यन्ना॒द ए॒व भ॑वति श्या॒मो भ॑वत्ये॒तद्वा अन्न॑स्य रू॒पग्ं समृ॑द्ध्यै मारु॒त-म्पृश्ञि॒मा ल॑भे॒ता-ऽन्न॑-का॒मो-ऽन्नं॒-वैँ म॒रुतो॑म॒रुत॑ ए॒व स्वेन॑ भाग॒धेये॒नोप॑ धावति॒ त ए॒वास्मा॒ अन्न॒-म्प्रय॑च्छन्त्यन्ना॒दए॒व भ॑वति॒ पृश्ञि॑ र्भवत्ये॒तद्वा अन्न॑स्य रू॒पग्ं समृ॑द्ध्या ऐ॒न्द्रम॑रु॒णमा ल॑भेतेन्द्रि॒यका॑म॒ इन्द्र॑मे॒व [ ] 37

स्वेन॑ भाग॒धेये॒नोप॑ धावति॒ स ए॒वास्मि॑न्निन्द्रि॒य-न्द॑धातीन्द्रिया॒व्ये॑व भ॑वत्यरु॒णो भ्रूमा᳚-न्भवत्ये॒तद्वा इन्द्र॑स्य रू॒पग्ं समृ॑द्ध्यै सावि॒त्रमु॑पद्ध्व॒स्तमा ल॑भेत स॒निका॑म-स्सवि॒ता वै प्र॑स॒वाना॑मीशे सवि॒तार॑मे॒व स्वेन॑ भाग॒धेये॒नोप॑ धावति॒ स ए॒वास्मै॑ स॒नि-म्प्रसु॑वति॒ दान॑कामा अस्मै प्र॒जा भ॑वन्त्युपद्ध्व॒स्तो भ॑वति सावि॒त्रो ह्ये॑ष [सावि॒त्रो ह्ये॑षः, दे॒वत॑या॒ समृ॑द्ध्यै] 38

दे॒वत॑या॒ समृ॑द्ध्यै वैश्वदे॒व-म्ब॑हुरू॒पमा ल॑भे॒ता-ऽन्न॑कामोवैश्वदे॒वं-वाँ अन्नं॒-विँश्वा॑ने॒व दे॒वान्-थ्स्वेन॑ भाग॒धेये॒नोप॑ धावति॒त ए॒वास्मा॒ अन्न॒-म्प्रय॑च्छन्त्यन्ना॒द ए॒व भ॑वति बहुरू॒पो भ॑वतिबहुरू॒पग्ग् ह्यन्न॒ग्ं॒ समृ॑द्ध्यै वैश्वदे॒व-म्ब॑हुरू॒पमा ल॑भेत॒ ग्राम॑कामो वैश्वदे॒वा वै स॑जा॒ता विश्वा॑ने॒व दे॒वान्-थ्स्वेन॑ भाग॒धेये॒नोप॑ धावति॒ त ए॒वा-ऽस्मै॑ [ए॒वा-ऽस्मै᳚, स॒जा॒ता-न्प्र य॑च्छन्ति] 39

सजा॒ता-न्प्र य॑च्छन्ति ग्रा॒म्ये॑व भ॑वति बहुरू॒पो भ॑वति बहुदेव॒त्यो᳚(1॒) ह्ये॑ष समृ॑द्ध्यै प्राजाप॒त्य-न्तू॑प॒रमा ल॑भेत॒ यस्याना᳚ज्ञातमिव॒ ज्योगा॒मये᳚-त्प्राजाप॒त्यो वै पुरु॑षः प्र॒जाप॑तिः॒ खलु॒ वै तस्य॑ वेद॒ यस्याना᳚ज्ञातमिव॒ ज्योगा॒मय॑ति प्र॒जाप॑तिमे॒व स्वेन॑ भाग॒धेये॒नोप॑ धावति॒ स ए॒वैन॒-न्तस्मा॒-थ्स्रामा᳚-न्मुञ्चति तूप॒रो भ॑वति प्राजाप॒त्यो ह्ये॑ -ष दे॒वत॑या॒ समृ॑द्ध्यै ॥ 40 ॥

(अ॒स्मा॒ - इन्द्र॑मे॒वै - ष - स॑जा॒ता विश्वा॑ने॒व दे॒वान्-थ्स्वेन॑ भाग॒धेये॒नोप॑ धावति॒ त ए॒वास्मै᳚ - प्राजाप॒त्यो हि - त्रीणि॑ च) (अ. 11)

व॒ष॒ट्का॒रो वै गा॑यत्रि॒यै शिरो᳚-ऽच्छिन॒-त्तस्यै॒ रसः॒ परा॑पत॒-त्त-म्बृह॒स्पति॒ रुपा॑-ऽगृह्णा॒थ्सा शि॑तिपृ॒ष्ठा व॒शा-ऽभ॑व॒द्यो द्वि॒तीयः॑ प॒रा-ऽप॑त॒-त्त-म्मि॒त्रावरु॑णा॒-वुपा॑गृह्णीता॒ग्ं॒ सा द्वि॑रू॒पा व॒शा-ऽभ॑व॒-द्यस्तृ॒तीयः॑ प॒राप॑त॒-त्तं-विँश्वे॑ दे॒वा उपा॑गृह्ण॒न्-थ्सा ब॑हुरू॒पा व॒शा भ॑व॒द्य-श्च॑तु॒र्थः प॒राप॑त॒-थ्स पृ॑थि॒वी-म्प्रा-ऽवि॑श॒-त्त-म्बृह॒स्पति॑र॒- [बृह॒स्पति॑र॒भि, अ॒गृ॒ह्णा॒-दस्त्वे॒वा-ऽयं-] 41

-भ्य॑गृह्णा॒-दस्त्वे॒वा-ऽय-म्भोगा॒येति॒ स उ॑क्षव॒श-स्सम॑भव॒-द्यल्लोहि॑त-म्प॒राप॑त॒-त्त-द्रु॒द्र उपा॑-ऽगृह्णा॒-थ्सा रौ॒द्री रोहि॑णी व॒शा-ऽभ॑व-द्बार्हस्प॒त्याग्ं शि॑तिपृ॒ष्ठामा ल॑भेत ब्रह्मवर्च॒सका॑मो॒ बृह॒स्पति॑मे॒व स्वेन॑ भाग॒धेये॒नोप॑ धावति॒ स ए॒वास्मि॑-न्ब्रह्मवर्च॒स-न्द॑धाति ब्रह्मवर्च॒स्ये॑व भ॑वति॒ छन्द॑सां॒-वाँ ए॒ष रसो॒ यद्व॒शा रस॑ इव॒ खलु॒ [खलु॑, वै] 42

वै ब्र॑ह्मवर्च॒स-ञ्छन्द॑सामे॒व रसे॑न॒ रस॑-म्ब्रह्मवर्च॒समव॑ रुन्धे मैत्रावरु॒णी-न्द्वि॑रू॒पामा ल॑भेत॒ वृष्टि॑कामो मै॒त्रं-वाँ अह॑र्वारु॒णी रात्रि॑रहोरा॒त्राभ्या॒-ङ्खलु॒ वै प॒र्जन्यो॑ वर्षति मि॒त्रावरु॑णावे॒व स्वेन॑ भाग॒धेये॒नोप॑ धावति॒ तावे॒वास्मा॑ अहोरा॒त्राभ्या᳚-म्प॒र्जन्यं॑-वँर्षयत॒-श्छन्द॑सां॒-वाँ ए॒ष रसो॒ यद्व॒शा रस॑ इव॒ खलु॒ वै वृष्टि॒-श्छन्द॑सामे॒व रसे॑न॒ [रसे॑न, रसं॒-वृँष्टि॒मव॑ रुन्धे] 43

रसं॒-वृँष्टि॒मव॑ रुन्धे मैत्रावरु॒णी-न्द्वि॑रू॒पामा ल॑भेत प्र॒जाका॑मो मै॒त्रं-वाँ अह॑र्वारु॒णी रात्रि॑रहोरा॒त्राभ्या॒-ङ्खलु॒ वै प्र॒जाः प्रजा॑यन्ते मि॒त्रावरु॑णावे॒व स्वेन॑ भाग॒धेये॒नोप॑ धावति॒ तावे॒वास्मा॑ अहोरा॒त्राभ्या᳚-म्प्र॒जा-म्प्रज॑नयत॒-श्छन्द॑सां॒-वाँ ए॒ष रसो॒ यद्व॒शा रस॑ इव॒ खलु॒ वै प्र॒जा छन्द॑सामे॒व रसे॑न॒ रस॑-म्प्र॒जामव॑- [रस॑-म्प्र॒जामव॑, रु॒न्धे॒ वै॒श्व॒दे॒वीम्-] 44

-रुन्धे वैश्वदे॒वी-म्ब॑हुरू॒पामा ल॑भे॒तान्न॑कामो वैश्वदे॒वं-वाँ अन्नं॒-विँश्वा॑ने॒व दे॒वान्-थ्स्वेन॑ भाग॒धेये॒नोप॑ धावति॒ त ए॒वास्मा॒ अन्नं॒ प्रय॑च्छन्त्यन्ना॒द ए॒व भ॑वति॒ छन्द॑सां॒-वाँ ए॒ष रसो॒ यद्व॒शा रस॑ इव॒ खलु॒ वा अन्न॒-ञ्छन्द॑सामे॒व रसे॑न॒ रस॒मन्न॒मव॑ रुन्धे वैश्वदे॒वी-म्ब॑हुरू॒पामा ल॑भेत॒ ग्राम॑कामो वैश्वदे॒वा वै [वै, स॒जा॒ता विश्वा॑ने॒व] 45

स॑जा॒ता विश्वा॑ने॒व दे॒वान्-थ्स्वेन॑ भाग॒धेये॒नोप॑ धावति॒ त ए॒वास्मै॑ सजा॒ता-न्प्र य॑च्छन्ति ग्रा॒म्ये॑व भ॑वति॒ छन्द॑सां॒-वाँ ए॒ष रसो॒ यद्व॒शा रस॑ इव॒ खलु॒ वै स॑जा॒ता-श्छन्द॑सामे॒व रसे॑न॒ रसग्ं॑ सजा॒तानव॑ रुन्धे बार्हस्प॒त्य- मु॑क्षव॒शमा ल॑भेत ब्रह्मवर्च॒सका॑मो॒ बृह॒स्पति॑मे॒व स्वेन॑ भाग॒धेये॒नोप॑ धावति॒ स ए॒वा-ऽस्मि॑-न्ब्रह्मवर्च॒सं- [ए॒वा-ऽस्मि॑-न्ब्रह्मवर्च॒सम्, द॒धा॒ति॒ ब्र॒ह्म॒व॒र्च॒स्ये॑व] 46

-द॑धाति ब्रह्मवर्च॒स्ये॑व भ॑वति॒ वशं॒-वाँ ए॒ष च॑रति॒ यदु॒क्षावश॑ इव॒ खलु॒ वै ब्र॑ह्मवर्च॒सं-वँशे॑नै॒व वश॑-म्ब्रह्मवर्च॒समव॑ रुन्धेरौ॒द्रीग्ंरोहि॑णी॒मा ल॑भेताभि॒चर॑-न्रु॒द्रमे॒व स्वेन॑ भाग॒धेये॒नोप॑ धावति॒ तस्मा॑ ए॒वैन॒मा वृ॑श्चति ता॒जगार्ति॒मार्च्छ॑ति॒ रोहि॑णी भवति रौ॒द्री ह्ये॑षा दे॒वत॑या॒ समृ॑द्ध्यै॒ स्फ्यो यूपो॑ भवति॒ वज्रो॒ वै स्फ्यो वज्र॑मे॒वास्मै॒ प्र ह॑रति शर॒मय॑-म्ब॒र्॒हि-श्शृ॒णात्ये॒वैनं॒-वैँभी॑दक इ॒द्ध्मो भि॒नत्त्ये॒वैन᳚म् ॥ 47 ॥

(अ॒भि - खलु॒ - वृष्टि॒-श्छन्द॑सामे॒व रसे॑न - प्र॒जामव॑ - वैश्वदे॒वा वै - ब्र॑ह्मवर्च॒सं - ँयूप॒ - एका॒न्नविग्ं॑श॒तिश्च॑) (अ. 7)

अ॒सावा॑दि॒त्यो न व्य॑रोचत॒ तस्मै॑ दे॒वाः प्राय॑श्चित्तिमैच्छ॒-न्तस्मा॑ ए॒ताग्ं सौ॒रीग् श्वे॒तां-वँ॒शामा-ऽल॑भन्त॒ तयै॒वास्मि॒-न्रुच॑मदधु॒र्यो ब्र॑ह्मवर्च॒सका॑म॒-स्स्या-त्तस्मा॑ ए॒ताग्ं सौ॒रीग् श्वे॒तां-वँ॒शामा ल॑भेता॒मुमे॒वा ऽऽदि॒त्यग्ग् स्वेन॑ भाग॒धेये॒नोप॑ धावति॒ स ए॒वास्मि॑-न्ब्रह्मवर्च॒स-न्द॑धाति ब्रह्मवर्च॒स्ये॑व भ॑वति बै॒ल्॒वो यूपो॑ भवत्य॒सौ [ ] 48

वा आ॑दि॒त्यो यतो-ऽजा॑यत॒ ततो॑ बि॒ल्व॑ उद॑तिष्ठ॒-थ्सयो᳚न्ये॒व ब्र॑ह्मवर्च॒समव॑ रुन्धे ब्राह्मणस्प॒त्या-म्ब॑भ्रुक॒र्णीमा ल॑भेता-भि॒चर॑न्-वारु॒ण-न्दश॑कपाल-म्पु॒रस्ता॒-न्निर्व॑पे॒-द्वरु॑णेनै॒व भ्रातृ॑व्य-ङ्ग्राहयि॒त्वा ब्रह्म॑णा स्तृणुते बभ्रुक॒र्णी भ॑वत्ये॒तद्वै ब्रह्म॑णो रू॒पग्ं समृ॑द्ध्यै॒ स्फ्यो यूपो॑ भवति॒ वज्रो॒ वै स्फ्यो वज्र॑मे॒वास्मै॒ प्र ह॑रति शर॒मय॑-म्ब॒र्॒हि-श्शृ॒णा- [-ब॒र्॒हि-श्शृ॒णाति॑, ए॒वैनं॒-वैँभी॑दक] 49

-त्ये॒वैनं॒-वैँभी॑दक इ॒द्ध्मो भि॒नत्त्ये॒वैनं॑-वैँष्ण॒वं-वाँ॑म॒नमा ल॑भेत॒ यं-यँ॒ज्ञो नोप॒नमे॒-द्विष्णु॒र्वै य॒ज्ञो विष्णु॑मे॒व स्वेन॑ भाग॒धेये॒नोप॑ धावति॒ स ए॒वास्मै॑ य॒ज्ञ-म्प्र य॑च्छ॒त्युपै॑नं-यँ॒ज्ञो न॑मति वाम॒नो भ॑वति वैष्ण॒वो ह्ये॑ष दे॒वत॑या॒ समृ॑द्ध्यै त्वा॒ष्ट्रं-वँ॑ड॒ब मा ल॑भेत प॒शुका॑म॒स्त्वष्टा॒ वै प॑शू॒ना-म्मि॑थु॒नानां᳚- [वै प॑शू॒ना-म्मि॑थु॒नाना᳚म्, प्र॒ज॒न॒यि॒ता] 50

प्रजनयि॒ता त्वष्टा॑रमे॒व स्वेन॑ भाग॒धेये॒नोप॑ धावति॒ स ए॒वास्मै॑ प॒शू-न्मि॑थु॒ना-न्प्र ज॑नयति प्र॒जा हि वा ए॒तस्मि॑-न्प॒शवः॒ प्रवि॑ष्टा॒ अथै॒ष पुमा॒न्थ्सन् व॑ड॒ब-स्सा॒क्षादे॒व प्र॒जा-म्प॒शूनव॑ रुन्धे मै॒त्रग्ग् श्वे॒तमा ल॑भेत सङ्ग्रा॒मे संयँ॑त्ते सम॒यका॑मो मि॒त्रमे॒व स्वेन॑ भाग॒धेये॒नोप॑ धावति॒ स ए॒वैन॑-म्मि॒त्रेण॒ स-न्न॑यति - [अ-न्न॑यति, वि॒शा॒लो भ॑वति॒] 51

विशा॒लो भ॑वति॒ व्यव॑साययत्ये॒वैन॑-म्प्राजाप॒त्य-ङ्कृ॒ष्णमा ल॑भेत॒ वृष्टि॑कामः प्र॒जाप॑ति॒र्वै वृष्ट्या॑ ईशे प्र॒जाप॑तिमे॒व स्वेन॑ भाग॒धेये॒नोप॑ धावति॒ स ए॒वास्मै॑ प॒र्जन्यं॑-वँर्षयति कृ॒ष्णो भ॑वत्ये॒तद्वै वृष्ट्यै॑ रू॒पग्ं रू॒पेणै॒व वृष्टि॒मव॑ रुन्धे श॒बलो॑ भवति वि॒द्युत॑मे॒वास्मै॑ जनयि॒त्वा व॑र्षयत्यवाशृ॒ङ्गो भ॑वति॒ वृष्टि॑मे॒वास्मै॒ नि य॑च्छति ॥ 52 ॥

(अ॒सौ - शृ॒णाति॑ - मिथु॒नानां᳚ - नयति - यच्छति) (अ. 8)

वरु॑णग्ं सुषुवा॒णम॒न्नाद्य॒-न्नोपा॑नम॒-थ्स ए॒तां-वाँ॑रु॒णी-ङ्कृ॒ष्णां-वँ॒शाम॑पश्य॒-त्ताग् स्वायै॑ दे॒वता॑या॒ आल॑भत॒ ततो॒ वै तम॒न्ना-द्य॒मुपा॑-ऽनम॒-द्यमल॑-म॒न्नाद्या॑य॒ सन्त॑म॒न्नाद्य॒-न्नोप॒नमे॒-थ्स ए॒तां ँवा॑रु॒णी-ङ्कृ॒ष्णां-वँ॒शामा ल॑भेत॒ वरु॑णमे॒व स्वेन॑ भाग॒धेये॒नोप॑ धावति॒ स ए॒वास्मा॒ अन्न॒-म्प्र य॑च्छत्यन्ना॒द [अन्न॒-म्प्र य॑च्छत्यन्ना॒दः, ए॒व भ॑वति] 53

ए॒व भ॑वति कृ॒ष्णा भ॑वति वारु॒णी ह्ये॑षा दे॒वत॑या॒ समृ॑द्ध्यै मै॒त्रग्ग् श्वे॒तमा ल॑भेत वारु॒ण-ङ्कृ॒ष्णम॒पा-ञ्चौष॑धीना-ञ्च स॒धांवँन्न॑कामो मै॒त्रीर्वा ओष॑धयो वारु॒णीरापो॒-ऽपा-ञ्च॒ खलु॒ वा ओष॑धीना-ञ्च॒ रस॒मुप॑ जीवामो मि॒त्रावरु॑णावे॒व स्वेन॑ भाग॒धेये॒नोप॑ धावति॒ तावे॒वास्मा॒ अन्न॒-म्प्रय॑च्छतो-ऽन्ना॒द ए॒व भ॑व- [ए॒व भ॑वति, अ॒पा-ञ्चौष॑धीना-ञ्च] 54

(शिखण्डि प्रचतिः)

-त्य॒पा-ञ्चौष॑धीना-ञ्च स॒धांवाँ ल॑भत उ॒भय॒स्या-व॑रुद्ध्यै॒विशा॑खो॒ यूपो॑ भवति॒ द्वे ह्ये॑ते दे॒वते॒ समृ॑द्ध्यै मै॒त्रग्ग् श्वे॒तमा ल॑भेत वारु॒ण-ङ्कृ॒ष्ण-ञ्ज्योगा॑मयावी॒-य-न्मै॒त्रो भव॑ति मि॒त्रेणै॒वा-ऽस्मै॒ वरु॑णग्ं शमयति॒ य-द्वा॑रु॒ण-स्सा॒क्षादे॒वैनं॑-वँरुणपा॒शा-न्मु॑ञ्चत्यु॒त यदी॒तासु॒र्भव॑ति॒ जीव॑त्ये॒व दे॒वा वै पुष्टि॒-न्ना-ऽवि॑न्द॒न्- [ना-ऽवि॑न्दन्न्, ता-म्मि॑थु॒ने॑] 55

-ता-म्मि॑थु॒ने॑ ऽपश्य॒-न्तस्या॒-न्न सम॑राधय॒न्ता-व॒श्विना॑-वब्रूता-मा॒वयो॒र्वा ए॒षा मैतस्यां᳚ ँवदद्ध्व॒मिति॒ साश्विनो॑रे॒वाभ॑व॒द्यः पुष्टि॑काम॒-स्स्या-थ्स ए॒तामा᳚श्वि॒नीं-यँ॒मीं-वँ॒शामा ल॑भेता॒-ऽश्विना॑वे॒व स्वेन॑ भाग॒धेये॒नोप॑ धावति॒ तावे॒वास्मि॒-न्पुष्टि॑-न्धत्तः॒ पुष्य॑ति प्र॒जया॑ प॒शुभिः॑ ॥ 56 ॥

(अ॒न्ना॒दो᳚ - ऽन्ना॒द ए॒व भ॑वत्य - विन्द॒न् - पञ्च॑चत्वारिग्ंशच्च) (अ. 9)

आ॒श्वि॒न-न्धू॒म्रल॑लाम॒ मा ल॑भेत॒ यो दुर्ब्रा᳚ह्मण॒-स्सोम॒-म्पिपा॑से-द॒श्विनौ॒ वै दे॒वाना॒-मसो॑मपावास्ता॒-न्तौ प॒श्चा सो॑मपी॒थ-म्प्राप्नु॑ता-म॒श्विना॑-वे॒तस्य॑ दे॒वता॒ यो दुर्ब्रा᳚ह्मण॒-स्सोम॒-म्पिपा॑सत्य॒श्विना॑वे॒व स्वेन॑ भाग॒धेये॒नोप॑ धावति॒-ता-वे॒वा-ऽस्मै॑ सोमपी॒थ-म्प्र य॑च्छत॒ उपै॑नग्ं सोमपी॒थो न॑मति॒ य-द्धू॒म्रो भव॑ति धूम्रि॒माण॑-मे॒वा-ऽस्मा॒-दप॑ हन्ति ल॒लामो॑ [ल॒लामः॑, भ॒व॒ति मु॒ख॒त] 57

भवति मुख॒त ए॒वास्मि॒-न्तेजो॑ दधाति वाय॒व्य॑-ङ्गोमृ॒गमा ल॑भेत॒ यमज॑घ्निवाग्ं समभि॒शग्ं से॑यु॒रपू॑ता॒ वा ए॒तं-वाँगृ॑च्छति॒ यमज॑घ्निवाग्ं समभि॒शग्ं स॑न्ति॒ नैष ग्रा॒म्यः प॒शुर्नार॒ण्यो य-द्गो॑मृ॒गो नेवै॒ष ग्रामे॒ नार॑ण्ये॒ यमज॑घ्निवाग्ं समभि॒शग्ं स॑न्ति वा॒युर्वै दे॒वाना᳚-म्प॒वित्रं॑-वाँ॒युमे॒व स्वेन॑ भाग॒धेये॒नोप॑ धावति॒ स ए॒वै- [स ए॒व, ए॒न॒-म्प॒व॒य॒ति॒ परा॑ची॒] 58

-न॑-म्पवयति॒ परा॑ची॒ वा ए॒तस्मै᳚ व्यु॒च्छन्ती॒ व्यु॑च्छति॒ तमः॑ पा॒प्मान॒-म्प्रवि॑शति॒ यस्या᳚-ऽऽश्वि॒ने श॒स्यमा॑ने॒ सूर्यो॒ ना-ऽऽविर्भव॑ति सौ॒र्य-म्ब॑हुरू॒पमा ल॑भेता॒-ऽमु-मे॒वा-ऽऽदि॒त्यग्ग् स्वेन॑ भाग॒धेये॒नोप॑ धावति॒ स ए॒वास्मा॒-त्तमः॑ पा॒प्मान॒मप॑ हन्ति प्र॒तीच्य॑स्मै व्यु॒च्छन्ती॒ व्यु॑च्छ॒त्यप॒ तमः॑ पा॒प्मानग्ं॑ हते ॥ 59 ॥

(ल॒लामः॒ - स ए॒व - षट्च॑त्वारिग्ंशच्च) (अ. 10)

इन्द्रं॑-वोँ वि॒श्वत॒स्परी, न्द्र॒-न्नरो॒, मरु॑तो॒ यद्ध॑ वो दि॒वो, या व॒-श्शर्म॑ ॥ भरे॒ष्विन्द्रग्ं॑ सु॒हवग्ं॑ हवामहे ऽग्ंहो॒मुचग्ं॑ सु॒कृत॒-न्दैव्य॒-ञ्जन᳚म् । अ॒ग्नि-म्मि॒त्रं-वँरु॑णग्ं सा॒तये॒ भग॒-न्द्यावा॑पृथि॒वी म॒रुतः॑ स्व॒स्तये᳚ ॥ म॒मत्तु॑ नः॒ परि॑ज्मा वस॒र्॒हा म॒मत्तु॒ वातो॑ अ॒पां-वृँष॑ण्वान्न् । शि॒शी॒तमि॑न्द्रापर्वता यु॒व-न्न॒स्तन्नो॒ विश्वे॑ वरिवस्यन्तु दे॒वाः ॥ प्रि॒या वो॒ नाम॑ - [प्रि॒या वो॒ नाम॑, हु॒वे॒ तु॒राणा᳚म् ।] 60

हुवे तु॒राणा᳚म् । आ य-त्तृ॒पन्म॑रुतो वावशा॒नाः ॥ श्रि॒यसे॒ क-म्भा॒नुभि॒-स्स-म्मि॑मिक्षिरे॒ ते र॒श्मिभि॒स्त ऋक्व॑भि-स्सुखा॒दयः॑ । ते वाशी॑मन्त इ॒ष्मिणो॒ अभी॑रवो वि॒द्रे प्रि॒यस्य॒ मारु॑तस्य॒ धाम्नः॑ ॥ अ॒ग्निः प्र॑थ॒मो वसु॑भिर्नो अव्या॒-थ्सोमो॑ रु॒द्रेभि॑र॒भि र॑क्षत॒ त्मना᳚ । इन्द्रो॑ म॒रुद्भि॑र्-ऋतु॒धा कृ॑णोत्वादि॒त्यैर्नो॒ वरु॑ण॒-स्सग्ं शि॑शातु ॥ स-न्नो॑ दे॒वो वसु॑भिर॒ग्नि-स्सग्ं [वसु॑भिर॒ग्नि-स्सम्, सोम॑स्त॒नूभी॑ रु॒द्रिया॑भिः ।] 61

सोम॑स्त॒नूभी॑ रु॒द्रिया॑भिः । समिन्द्रो॑ म॒रुद्भि॑ र्य॒ज्ञियै॒-स्समा॑दि॒त्यैर्नो॒ वरु॑णो अजिज्ञिपत् ॥ यथा॑-ऽऽदि॒त्या वसु॑भि-स्सम्बभू॒वु-र्म॒रुद्भी॑ रु॒द्रा-स्स॒मजा॑नता॒भि । ए॒वा त्रि॑णाम॒न्न-हृ॑णीयमाना॒ विश्वे॑ दे॒वा-स्सम॑नसो भवन्तु ॥ कुत्रा॑ चि॒द्यस्य॒ समृ॑तौ र॒ण्वा नरो॑ नृ॒षद॑ने । अर्ह॑न्तश्चि॒-द्यमि॑न्ध॒ते स॑ञ्ज॒नय॑न्ति ज॒न्तवः॑ ॥ सं-यँदि॒षो वना॑महे॒ सग्ं ह॒व्या मानु॑षाणाम् । उ॒त द्यु॒म्नस्य॒ शव॑स [शव॑सः, ऋ॒तस्य॑ र॒श्मिमा द॑दे ।] 62

ऋ॒तस्य॑ र॒श्मिमा द॑दे ॥ य॒ज्ञो दे॒वाना॒-म्प्रत्ये॑ति सु॒म्नमादि॑त्यासो॒ भव॑ता मृड॒यन्तः॑ । आ वो॒-ऽर्वाची॑ सुम॒तिर्व॑वृत्याद॒ग्ं॒ होश्चि॒द्या व॑रिवो॒वित्त॒रा-ऽस॑त् ॥ शुचि॑र॒प-स्सू॒यव॑सा अद॑ब्ध॒ उप॑ क्षेति वृ॒द्धव॑या-स्सु॒वीरः॑ । नकि॒ष्टं(2) घ्न॒न्त्यन्ति॑तो॒ न दू॒राद्य आ॑दि॒त्याना॒-म्भव॑ति॒ प्रणी॑तौ ॥ धा॒रय॑न्त आदि॒त्यासो॒ जग॒थ्स्था दे॒वा विश्व॑स्य॒ भुव॑नस्य गो॒पाः । दी॒र्घाधि॑यो॒ रक्ष॑माणा [रक्ष॑माणाः, अ॒सु॒र्य॑मृ॒तावा॑न॒-] 63

असु॒र्य॑मृ॒तावा॑न॒-श्चय॑माना ऋ॒णानि॑ ॥ ति॒स्रो भूमी᳚र्धारय॒-न्त्रीग्ं रु॒त द्यू-न्त्रीणि॑ व्र॒ता वि॒दथे॑ अ॒न्तरे॑षाम् । ऋ॒तेना॑-ऽऽदित्या॒ महि॑ वो महि॒त्व-न्तद॑र्यमन् वरुण मित्र॒ चारु॑ ॥ त्यान्नु क्ष॒त्रिया॒ग्ं॒ अव॑ आदि॒त्यान्. या॑चिषामहे । सु॒मृ॒डी॒काग्ं अ॒भिष्ट॑ये ॥ न द॑क्षि॒णा विचि॑किते॒ न स॒व्या न प्रा॒चीन॑मादित्या॒ नोत प॒श्चा । पा॒क्या॑ चिद्वसवो धी॒र्या॑ चि- [धी॒र्या॑ चित्, यु॒ष्मानी॑तो॒] 64

-द्यु॒ष्मानी॑तो॒ अभ॑य॒-ञ्ज्योति॑रश्याम् ॥ आ॒दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शन्त॑मेन । अ॒ना॒गा॒स्त्वे अ॑दिति॒त्वे तु॒रास॑ इ॒मं-यँ॒ज्ञ-न्द॑धतु॒ श्रोष॑माणाः ॥ इ॒म-म्मे॑ वरुण श्रुधी॒ हव॑म॒द्या च॑ मृडय । त्वाम॑व॒स्युरा च॑के ॥ तत्त्वा॑ यामि॒ ब्रह्म॑णा॒ वन्द॑मान॒-स्तदा शा᳚स्ते॒ यज॑मानो ह॒विर्भिः॑ । अहे॑डमानो वरुणे॒ह बो॒द्ध्युरु॑शग्ंस॒ मा न॒ आयुः॒ प्रमो॑षीः ॥ 65 ॥

(नामा॒ - ऽग्नि-स्सग्ं - शव॑सो॒ - रक्ष॑माणा - धी॒र्या॑-ञ्चि॒दे - का॒न्न प॑ञ्चा॒शच्च॑) (अ. 11)

(वा॒य॒व्यं॑ - प्रा॒जप॑ति॒स्ता वरु॑णं - देवासु॒रा ए॒ष्व॑ - सावा॑दि॒त्यो दश॑र्षभा॒-मिन्द्रो॑ व॒लस्य॑ - बार्हस्प॒त्यं - ँव॑षट्का॒रो॑ - ऽसौसौ॒रीं॒ - ँव॑रुण -माश्वि॒न - मिन्द्रं॑-वोँ॒ नर॒ - एकाद॑श)

(वा॒य॒व्य॑ - माग्ने॒यी-ङ्कृ॑ष्णग्री॒वी - म॒सावा॑दि॒त्यो - वा अ॑होरा॒त्राणि॑ - वषट्का॒रः - प्र॑जनयि॒ता - हु॑वे तु॒राणां॒ - पञ्च॑षष्टिः )

(वा॒य॒व्य॑म्, प्रमो॑षीः)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-न्द्वितीयकाण्डे प्रथमः प्रश्न-स्समाप्तः ॥