1.3 - Devasya Tva Savituh Prasave - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌅𑌗𑍍𑌨𑌿𑌷𑍍𑌟𑍋𑌮𑍇 𑌪𑌶𑍁𑌃

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚-𑌽𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌾 𑌦॒𑌦𑍇-𑌽𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑𑌰𑌸𑌿॒ 𑌪𑌰𑌿॑𑌲𑌿𑌖𑌿𑌤॒𑌗𑍍𑌂॒ 𑌰𑌕𑍍𑌷𑌃॒ 𑌪𑌰𑌿॑𑌲𑌿𑌖𑌿𑌤𑌾॒ 𑌅𑌰𑌾॑𑌤𑌯 𑌇॒𑌦𑌮॒𑌹𑌗𑍍𑌂 𑌰𑌕𑍍𑌷॑𑌸𑍋 𑌗𑍍𑌰𑍀॒𑌵𑌾 𑌅𑌪𑌿॑ 𑌕𑍃𑌨𑍍𑌤𑌾𑌮𑌿॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮 𑌇॒𑌦𑌮॑𑌸𑍍𑌯 𑌗𑍍𑌰𑍀॒𑌵𑌾 𑌅𑌪𑌿॑ 𑌕𑍃𑌨𑍍𑌤𑌾𑌮𑌿 𑌦𑌿॒𑌵𑍇 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌪𑍃𑌥𑌿॒𑌵𑍍𑌯𑍈 𑌤𑍍𑌵𑌾॒ 𑌶𑍁𑌨𑍍𑌧॑𑌤𑌾𑌂-𑌲𑍋𑌁॒𑌕𑌃 𑌪𑌿॑𑌤𑍃॒𑌷𑌦॑𑌨𑍋॒ 𑌯𑌵𑍋॑-𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ [𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑌃॑, 𑌯॒𑌵𑌯𑌾𑌰𑌾॑𑌤𑍀𑌃] 1

𑌯॒𑌵𑌯𑌾𑌰𑌾॑𑌤𑍀𑌃 𑌪𑌿𑌤𑍃॒𑌣𑌾𑌗𑍍𑌂 𑌸𑌦॑𑌨𑌮॒𑌸𑍍𑌯𑍁𑌦𑍍𑌦𑌿𑌵𑌗𑍍𑌗𑍍॑ 𑌸𑍍𑌤𑌭𑌾॒𑌨𑌾-𑌽𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌣 𑌪𑍃𑌥𑌿॒𑌵𑍀-𑌨𑍍𑌦𑍃𑌗𑍍𑌂॑𑌹 𑌦𑍍𑌯𑍁𑌤𑌾॒𑌨𑌸𑍍𑌤𑍍𑌵𑌾॑ 𑌮𑌾𑌰𑍁॒𑌤𑍋 𑌮𑌿॑𑌨𑍋𑌤𑍁 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋-𑌰𑍍𑌧𑍍𑌰𑍁॒𑌵𑍇𑌣॒ 𑌧𑌰𑍍𑌮॑𑌣𑌾 𑌬𑍍𑌰𑌹𑍍𑌮॒𑌵𑌨𑌿॑-𑌨𑍍𑌤𑍍𑌵𑌾 𑌕𑍍𑌷𑌤𑍍𑌰॒𑌵𑌨𑌿𑌗𑍍𑌂॑ 𑌸𑍁𑌪𑍍𑌰𑌜𑌾॒𑌵𑌨𑌿𑌗𑍍𑌂॑ 𑌰𑌾𑌯𑌸𑍍𑌪𑍋𑌷॒𑌵𑌨𑌿॒-𑌮𑍍𑌪𑌰𑍍𑌯𑍂॑𑌹𑌾𑌮𑌿॒ 𑌬𑍍𑌰𑌹𑍍𑌮॑ 𑌦𑍃𑌗𑍍𑌂𑌹 𑌕𑍍𑌷॒𑌤𑍍𑌰-𑌨𑍍𑌦𑍃𑌗𑍍𑌂॑𑌹 𑌪𑍍𑌰॒𑌜𑌾-𑌨𑍍𑌦𑍃𑌗𑍍𑌂॑𑌹 𑌰𑌾॒𑌯𑌸𑍍𑌪𑍋𑌷॑-𑌨𑍍𑌦𑍃𑌗𑍍𑌂𑌹 𑌘𑍃॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌆 𑌪𑍃॑𑌣𑍇𑌥𑌾॒𑌮𑌿𑌨𑍍𑌦𑍍𑌰॑𑌸𑍍𑌯॒ 𑌸𑌦𑍋॑-𑌽𑌸𑌿 𑌵𑌿𑌶𑍍𑌵𑌜॒𑌨𑌸𑍍𑌯॑ 𑌛𑌾॒𑌯𑌾 𑌪𑌰𑌿॑ 𑌤𑍍𑌵𑌾 𑌗𑌿𑌰𑍍𑌵𑌣𑍋॒ 𑌗𑌿𑌰॑ 𑌇॒𑌮𑌾 𑌭॑𑌵𑌨𑍍𑌤𑍁 𑌵𑌿॒𑌶𑍍𑌵𑌤𑍋॑ 𑌵𑍃॒𑌦𑍍𑌧𑌾𑌯𑍁॒𑌮𑌨𑍁॒ 𑌵𑍃𑌦𑍍𑌧॑𑌯𑍋॒ 𑌜𑍁𑌷𑍍𑌟𑌾॑ 𑌭𑌵𑌨𑍍𑌤𑍁॒ 𑌜𑍁𑌷𑍍𑌟॑𑌯॒ 𑌇𑌨𑍍𑌦𑍍𑌰॑𑌸𑍍𑌯॒ 𑌸𑍍𑌯𑍂𑌰॒𑌸𑍀𑌨𑍍𑌦𑍍𑌰॑𑌸𑍍𑌯 𑌧𑍍𑌰𑍁॒𑌵𑌮॑𑌸𑍍𑌯𑍈॒𑌨𑍍𑌦𑍍𑌰𑌮॒𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 ॥ 2 ॥

(𑌦𑍍𑌵𑍇𑌷॑ - 𑌇॒𑌮𑌾 - 𑌅॒𑌷𑍍𑌟𑌾𑌦॑𑌶 𑌚 ) (𑌅. 1)

𑌰॒𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋॑ 𑌵𑍈𑌷𑍍𑌣॒𑌵𑌾-𑌨𑍍𑌖॑𑌨𑌾𑌮𑍀॒𑌦𑌮॒𑌹-𑌨𑍍𑌤𑌂-𑌵𑌁॑𑌲॒𑌗𑌮𑍁𑌦𑍍𑌵॑𑌪𑌾𑌮𑌿॒ 𑌯-𑌨𑍍𑌨𑌃॑ 𑌸𑌮𑌾॒𑌨𑍋 𑌯𑌮𑌸॑𑌮𑌾𑌨𑍋 𑌨𑌿𑌚॒𑌖𑌾𑌨𑍇॒𑌦𑌮𑍇॑𑌨॒𑌮𑌧॑𑌰-𑌙𑍍𑌕𑌰𑍋𑌮𑌿॒ 𑌯𑍋 𑌨𑌃॑ 𑌸𑌮𑌾॒𑌨𑍋 𑌯𑍋-𑌽𑌸॑𑌮𑌾𑌨𑍋-𑌽𑌰𑌾𑌤𑍀॒𑌯𑌤𑌿॑ 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॒𑌸𑌾-𑌽𑌵॑𑌬𑌾𑌢𑍋 𑌵𑌲॒𑌗𑌃 𑌕𑌿𑌮𑌤𑍍𑌰॑ 𑌭॒𑌦𑍍𑌰-𑌨𑍍𑌤𑌨𑍍𑌨𑍗॑ 𑌸॒𑌹 𑌵𑌿॒𑌰𑌾𑌡॑𑌸𑌿 𑌸𑌪𑌤𑍍𑌨॒𑌹𑌾 𑌸॒𑌮𑍍𑌰𑌾𑌡॑𑌸𑌿 𑌭𑍍𑌰𑌾𑌤𑍃𑌵𑍍𑌯॒𑌹𑌾 𑌸𑍍𑌵॒𑌰𑌾𑌡॑𑌸𑍍𑌯𑌭𑌿𑌮𑌾𑌤𑌿॒𑌹𑌾 𑌵𑌿॑𑌶𑍍𑌵𑌾॒𑌰𑌾𑌡॑𑌸𑌿॒ 𑌵𑌿𑌶𑍍𑌵𑌾॑𑌸𑌾-𑌨𑍍𑌨𑌾॒𑌷𑍍𑌟𑍍𑌰𑌾𑌣𑌾𑌗𑍍𑌂॑ 𑌹॒𑌨𑍍𑌤𑌾 [𑌹॒𑌨𑍍𑌤𑌾, 𑌰॒𑌕𑍍𑌷𑍋॒𑌹𑌣𑍋॑] 3

𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑌃॒ 𑌪𑍍𑌰𑍋𑌕𑍍𑌷𑌾॑𑌮𑌿 𑌵𑍈𑌷𑍍𑌣॒𑌵𑌾-𑌨𑍍𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋-𑌽𑌵॑ 𑌨𑌯𑌾𑌮𑌿 𑌵𑍈𑌷𑍍𑌣॒𑌵𑌾𑌨𑍍 𑌯𑌵𑍋॑-𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ 𑌯॒𑌵𑌯𑌾𑌰𑌾॑𑌤𑍀 𑌰𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋-𑌽𑌵॑ 𑌸𑍍𑌤𑍃𑌣𑌾𑌮𑌿 𑌵𑍈𑌷𑍍𑌣॒𑌵𑌾-𑌨𑍍𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋॒-𑌽𑌭𑌿 𑌜𑍁॑𑌹𑍋𑌮𑌿 𑌵𑍈𑌷𑍍𑌣॒𑌵𑌾-𑌨𑍍𑌰॑𑌕𑍍𑌷𑍋॒𑌹𑌣𑍗॑ 𑌵𑌲𑌗॒𑌹𑌨𑌾॒𑌵𑍁𑌪॑ 𑌦𑌧𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍗॑ 𑌵𑌲𑌗॒𑌹𑌨𑍗॒ 𑌪𑌰𑍍𑌯𑍂॑𑌹𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍗॑ 𑌵𑌲𑌗॒𑌹𑌨𑍗॒ 𑌪𑌰𑌿॑ 𑌸𑍍𑌤𑍃𑌣𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍗॑ 𑌵𑌲𑌗॒𑌹𑌨𑍗॑ 𑌵𑍈𑌷𑍍𑌣॒𑌵𑍀 𑌬𑍃॒𑌹𑌨𑍍𑌨॑𑌸𑌿 𑌬𑍃॒𑌹𑌦𑍍𑌗𑍍𑌰𑌾॑𑌵𑌾 𑌬𑍃𑌹॒𑌤𑍀𑌮𑌿𑌨𑍍𑌦𑍍𑌰𑌾॑𑌯॒ 𑌵𑌾𑌚𑌂॑-𑌵𑌁𑌦 ॥ 4 ॥

( 𑌹॒𑌨𑍍𑌤𑍇-𑌨𑍍𑌦𑍍𑌰𑌾॑𑌯॒ 𑌦𑍍𑌵𑍇 𑌚॑ ) (𑌅. 2)

𑌵𑌿॒𑌭𑍂𑌰॑𑌸𑌿 𑌪𑍍𑌰॒𑌵𑌾𑌹॑𑌣𑍋॒ 𑌵𑌹𑍍𑌨𑌿॑𑌰𑌸𑌿 𑌹𑌵𑍍𑌯॒𑌵𑌾𑌹॑𑌨-𑌶𑍍𑌶𑍍𑌵𑌾॒𑌤𑍍𑌰𑍋॑-𑌽𑌸𑌿॒ 𑌪𑍍𑌰𑌚𑍇॑𑌤𑌾𑌸𑍍𑌤𑍁॒𑌥𑍋॑-𑌽𑌸𑌿 𑌵𑌿॒𑌶𑍍𑌵𑌵𑍇॑𑌦𑌾 𑌉॒𑌶𑌿𑌗॑𑌸𑌿 𑌕॒𑌵𑌿𑌰𑌙𑍍𑌘𑌾॑𑌰𑌿𑌰𑌸𑌿॒ 𑌬𑌮𑍍𑌭𑌾॑𑌰𑌿𑌰𑌵॒𑌸𑍍𑌯𑍁𑌰॑𑌸𑌿॒ 𑌦𑍁𑌵॑𑌸𑍍𑌵𑌾𑌞𑍍𑌛𑍁॒𑌨𑍍𑌧𑍍𑌯𑍂𑌰॑𑌸𑌿 𑌮𑌾𑌰𑍍𑌜𑌾॒𑌲𑍀𑌯𑌃॑ 𑌸॒𑌮𑍍𑌰𑌾𑌡॑𑌸𑌿 𑌕𑍃॒𑌶𑌾𑌨𑍁𑌃॑ 𑌪𑌰𑌿॒𑌷𑌦𑍍𑌯𑍋॑-𑌽𑌸𑌿॒ 𑌪𑌵॑𑌮𑌾𑌨𑌃 𑌪𑍍𑌰॒𑌤𑌕𑍍𑌵𑌾॑-𑌽𑌸𑌿॒ 𑌨𑌭॑𑌸𑍍𑌵𑌾॒𑌨𑌸॑𑌮𑍍𑌮𑍃𑌷𑍍𑌟𑍋-𑌽𑌸𑌿 𑌹𑌵𑍍𑌯॒𑌸𑍂𑌦॑ 𑌋॒𑌤𑌧𑌾॑𑌮𑌾-𑌽𑌸𑌿॒ 𑌸𑍁𑌵𑌰𑍍𑌜𑍍𑌯𑍋𑌤𑌿॒-𑌰𑍍𑌬𑍍𑌰𑌹𑍍𑌮॑𑌜𑍍𑌯𑍋𑌤𑌿𑌰𑌸𑌿॒ 𑌸𑍁𑌵॑𑌰𑍍𑌧𑌾𑌮𑌾॒-𑌽𑌜𑍋᳚ 𑌽𑌸𑍍𑌯𑍇𑌕॑𑌪𑌾॒𑌦𑌹𑌿॑𑌰𑌸𑌿 𑌬𑍁॒𑌦𑍍𑌧𑍍𑌨𑌿𑌯𑍋॒ 𑌰𑍗𑌦𑍍𑌰𑍇॒𑌣𑌾𑌨𑍀॑𑌕𑍇𑌨 𑌪𑌾॒𑌹𑌿 𑌮𑌾᳚-𑌽𑌗𑍍𑌨𑍇 𑌪𑌿𑌪𑍃॒𑌹𑌿 𑌮𑌾॒ 𑌮𑌾 𑌮𑌾॑ 𑌹𑌿𑌗𑍍𑌂𑌸𑍀𑌃 ॥ 5 ॥

(𑌅𑌨𑍀॑𑌕𑍇𑌨𑌾॒-𑌷𑍍𑌟𑍗 𑌚॑) (𑌅. 3)

𑌤𑍍𑌵𑌗𑍍𑌂 𑌸𑍋॑𑌮 𑌤𑌨𑍂॒𑌕𑍃𑌦𑍍𑌭𑍍𑌯𑍋॒ 𑌦𑍍𑌵𑍇𑌷𑍋᳚𑌭𑍍𑌯𑍋॒-𑌽𑌨𑍍𑌯𑌕𑍃॑𑌤𑍇𑌭𑍍𑌯 𑌉॒𑌰𑍁 𑌯॒𑌨𑍍𑌤𑌾-𑌽𑌸𑌿॒ 𑌵𑌰𑍂॑𑌥॒𑌗𑍍𑌗𑍍॒ 𑌸𑍍𑌵𑌾𑌹𑌾॑ 𑌜𑍁𑌷𑌾॒𑌣𑍋 𑌅॒𑌪𑍍𑌤𑍁𑌰𑌾𑌜𑍍𑌯॑𑌸𑍍𑌯 𑌵𑍇𑌤𑍁॒ 𑌸𑍍𑌵𑌾𑌹𑌾॒-𑌽𑌯𑌨𑍍𑌨𑍋॑ 𑌅॒𑌗𑍍𑌨𑌿𑌰𑍍𑌵𑌰𑌿॑𑌵𑌃 𑌕𑍃𑌣𑍋𑌤𑍍𑌵॒𑌯-𑌮𑍍𑌮𑍃𑌧𑌃॑ 𑌪𑍁॒𑌰 𑌏॑𑌤𑍁 𑌪𑍍𑌰𑌭𑌿॒𑌨𑍍𑌦𑌨𑍍𑌨𑍍 । 𑌅॒𑌯𑌗𑍍𑌂 𑌶𑌤𑍍𑌰𑍂᳚𑌞𑍍𑌜𑌯𑌤𑍁॒ 𑌜𑌰𑍍𑌹𑍃॑𑌷𑌾𑌣𑍋॒-𑌽𑌯𑌂-𑌵𑌾𑌁𑌜॑-𑌞𑍍𑌜𑌯𑌤𑍁॒ 𑌵𑌾𑌜॑𑌸𑌾𑌤𑍗 । 𑌉॒𑌰𑍁 𑌵𑌿॑𑌷𑍍𑌣𑍋॒ 𑌵𑌿 𑌕𑍍𑌰॑𑌮𑌸𑍍𑌵𑍋॒𑌰𑍁 𑌕𑍍𑌷𑌯𑌾॑𑌯 𑌨𑌃 𑌕𑍃𑌧𑌿 । 𑌘𑍃॒𑌤-𑌙𑍍𑌘𑍃॑𑌤𑌯𑍋𑌨𑍇 𑌪𑌿𑌬॒ 𑌪𑍍𑌰𑌪𑍍𑌰॑ 𑌯॒𑌜𑍍𑌞𑌪॑𑌤𑌿-𑌨𑍍𑌤𑌿𑌰 । 𑌸𑍋𑌮𑍋॑ 𑌜𑌿𑌗𑌾𑌤𑌿 𑌗𑌾𑌤𑍁॒𑌵𑌿- [𑌗𑌾𑌤𑍁॒𑌵𑌿𑌤𑍍, 𑌦𑍇॒𑌵𑌾𑌨𑌾॑𑌮𑍇𑌤𑌿] 6

𑌦𑍍𑌦𑍇॒𑌵𑌾𑌨𑌾॑𑌮𑍇𑌤𑌿 𑌨𑌿𑌷𑍍𑌕𑍃॒𑌤𑌮𑍃॒𑌤𑌸𑍍𑌯॒ 𑌯𑍋𑌨𑌿॑𑌮𑌾॒𑌸𑌦॒𑌮𑌦𑌿॑𑌤𑍍𑌯𑌾॒-𑌸𑍍𑌸𑌦𑍋॒-𑌽𑌸𑍍𑌯𑌦𑌿॑𑌤𑍍𑌯𑌾॒-𑌸𑍍𑌸𑌦॒ 𑌆 𑌸𑍀॑𑌦𑍈॒𑌷 𑌵𑍋॑ 𑌦𑍇𑌵 𑌸𑌵𑌿𑌤॒-𑌸𑍍𑌸𑍋𑌮॒𑌸𑍍𑌤𑌗𑍍𑌂 𑌰॑𑌕𑍍𑌷𑌦𑍍𑌧𑍍𑌵॒-𑌮𑍍𑌮𑌾 𑌵𑍋॑ 𑌦𑌭𑌦𑍇॒𑌤𑌤𑍍𑌤𑍍𑌵𑌗𑍍𑌂 𑌸𑍋॑𑌮 𑌦𑍇॒𑌵𑍋 𑌦𑍇॒𑌵𑌾𑌨𑍁𑌪𑌾॑𑌗𑌾 𑌇॒𑌦𑌮॒𑌹-𑌮𑍍𑌮॑𑌨𑍁॒𑌷𑍍𑌯𑍋॑ 𑌮𑌨𑍁॒𑌷𑍍𑌯𑌾᳚𑌨𑍍-𑌥𑍍𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌨𑌮𑍋॑ 𑌦𑍇॒𑌵𑍇𑌭𑍍𑌯𑌃॑ 𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯॑ 𑌇॒𑌦𑌮॒𑌹-𑌨𑍍𑌨𑌿𑌰𑍍𑌵𑌰𑍁॑𑌣𑌸𑍍𑌯॒ 𑌪𑌾𑌶𑌾॒-𑌥𑍍𑌸𑍁𑌵॑𑌰॒𑌭𑌿 [ ] 7

𑌵𑌿 𑌖𑍍𑌯𑍇॑𑌷𑌂-𑌵𑍈𑌁𑌶𑍍𑌵𑌾𑌨॒𑌰-𑌞𑍍𑌜𑍍𑌯𑍋𑌤𑌿॒𑌰𑌗𑍍𑌨𑍇᳚ 𑌵𑍍𑌰𑌤𑌪𑌤𑍇॒ 𑌤𑍍𑌵𑌂-𑌵𑍍𑌰𑌁॒𑌤𑌾𑌨𑌾𑌂᳚-𑌵𑍍𑌰𑌁॒𑌤𑌪॑𑌤𑌿𑌰𑌸𑌿॒ 𑌯𑌾 𑌮𑌮॑ 𑌤॒𑌨𑍂𑌸𑍍𑌤𑍍𑌵𑌯𑍍𑌯𑌭𑍂॑𑌦𑌿॒𑌯𑌗𑍍𑌂 𑌸𑌾 𑌮𑌯𑌿॒ 𑌯𑌾 𑌤𑌵॑ 𑌤॒𑌨𑍂-𑌰𑍍𑌮𑌯𑍍𑌯𑌭𑍂॑𑌦𑍇॒𑌷𑌾 𑌸𑌾 𑌤𑍍𑌵𑌯𑌿॑ 𑌯𑌥𑌾𑌯॒𑌥-𑌨𑍍𑌨𑍗᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑌿𑌨𑍋᳚-𑌰𑍍𑌵𑍍𑌰॒𑌤𑌾𑌨𑌿॑ ॥ 8 ॥

(𑌗𑌾॒𑌤𑍁॒𑌵𑌿𑌦॒-𑌭𑍍𑌯𑍇-𑌕॑𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 4)

𑌅𑌤𑍍𑌯॒𑌨𑍍𑌯𑌾𑌨𑌗𑌾॒-𑌨𑍍𑌨𑌾𑌨𑍍𑌯𑌾𑌨𑍁𑌪𑌾॑𑌗𑌾𑌮॒𑌰𑍍𑌵𑌾𑌕𑍍𑌤𑍍𑌵𑌾॒ 𑌪𑌰𑍈॑𑌰𑌵𑌿𑌦-𑌮𑍍𑌪॒𑌰𑍋-𑌽𑌵॑𑌰𑍈॒𑌸𑍍𑌤-𑌨𑍍𑌤𑍍𑌵𑌾॑ 𑌜𑍁𑌷𑍇 𑌵𑍈𑌷𑍍𑌣॒𑌵-𑌨𑍍𑌦𑍇॑𑌵𑌯॒𑌜𑍍𑌯𑌾𑌯𑍈॑ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑-𑌽𑌨॒𑌕𑍍𑌤𑍍𑌵𑍋𑌷॑𑌧𑍇॒ 𑌤𑍍𑌰𑌾𑌯॑𑌸𑍍𑌵𑍈𑌨॒𑌗𑍍𑌗𑍍॒ 𑌸𑍍𑌵𑌧𑌿॑𑌤𑍇॒ 𑌮𑍈𑌨𑌗𑍍𑌂॑ 𑌹𑌿𑌗𑍍𑌂𑌸𑍀॒-𑌰𑍍𑌦𑌿𑌵॒𑌮𑌗𑍍𑌰𑍇॑𑌣॒ 𑌮𑌾 𑌲𑍇॑𑌖𑍀𑌰॒𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌦𑍍𑌧𑍍𑌯𑍇॑𑌨॒ 𑌮𑌾 𑌹𑌿𑌗𑍍𑌂॑𑌸𑍀𑌃 𑌪𑍃𑌥𑌿॒𑌵𑍍𑌯𑌾 𑌸-𑌮𑍍𑌭॑𑌵॒ 𑌵𑌨॑𑌸𑍍𑌪𑌤𑍇 𑌶॒𑌤𑌵॑𑌲𑍍𑌶𑍋॒ 𑌵𑌿 𑌰𑍋॑𑌹 𑌸॒𑌹𑌸𑍍𑌰॑𑌵𑌲𑍍𑌶𑌾॒ 𑌵𑌿 𑌵॒𑌯𑌗𑍍𑌂 𑌰𑍁॑𑌹𑍇𑌮॒ 𑌯-𑌨𑍍𑌤𑍍𑌵𑌾॒-𑌽𑌯𑌗𑍍𑌗𑍍 𑌸𑍍𑌵𑌧𑌿॑𑌤𑌿॒𑌸𑍍𑌤𑍇𑌤𑌿॑𑌜𑌾𑌨𑌃 𑌪𑍍𑌰𑌣𑌿॒𑌨𑌾𑌯॑ 𑌮𑌹॒𑌤𑍇 𑌸𑍗𑌭॑𑌗𑌾॒𑌯𑌾𑌚𑍍𑌛𑌿॑𑌨𑍍𑌨𑍋॒ 𑌰𑌾𑌯𑌃॑ 𑌸𑍁॒𑌵𑍀𑌰𑌃॑ ॥ 9 ॥

(𑌯𑌂-𑌦𑌶॑ 𑌚) (𑌅. 5)

𑌪𑍃॒𑌥𑌿॒𑌵𑍍𑌯𑍈 𑌤𑍍𑌵𑌾॒𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌦𑌿॒𑌵𑍇 𑌤𑍍𑌵𑌾॒ 𑌶𑍁𑌨𑍍𑌧॑𑌤𑌾𑌂-𑌲𑍋𑌁॒𑌕𑌃 𑌪𑌿॑𑌤𑍃॒𑌷𑌦॑𑌨𑍋॒ 𑌯𑌵𑍋॑-𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ 𑌯॒𑌵𑌯𑌾𑌰𑌾॑𑌤𑍀𑌃 𑌪𑌿𑌤𑍃॒𑌣𑌾𑌗𑍍𑌂 𑌸𑌦॑𑌨𑌮𑌸𑌿 𑌸𑍍𑌵𑌾𑌵𑍇॒𑌶𑍋᳚-𑌽𑌸𑍍𑌯𑌗𑍍𑌰𑍇॒𑌗𑌾 𑌨𑍇॑𑌤𑍃॒𑌣𑌾𑌂-𑌵𑌁𑌨॒𑌸𑍍𑌪𑌤𑌿॒𑌰𑌧𑌿॑ 𑌤𑍍𑌵𑌾 𑌸𑍍𑌥𑌾𑌸𑍍𑌯𑌤𑌿॒ 𑌤𑌸𑍍𑌯॑ 𑌵𑌿𑌤𑍍𑌤𑌾-𑌦𑍍𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑-𑌽𑌨𑌕𑍍𑌤𑍁 𑌸𑍁𑌪𑌿𑌪𑍍𑌪॒𑌲𑌾𑌭𑍍𑌯॒-𑌸𑍍𑌤𑍍𑌵𑍗𑌷॑𑌧𑍀𑌭𑍍𑌯॒ 𑌉𑌦𑍍𑌦𑌿𑌵𑌗𑍍𑌗𑍍॑ 𑌸𑍍𑌤𑌭𑌾॒𑌨𑌾-𑌽𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌣 𑌪𑍃𑌥𑌿॒𑌵𑍀𑌮𑍁𑌪॑𑌰𑍇𑌣 𑌦𑍃𑌗𑍍𑌂𑌹॒ 𑌤𑍇 𑌤𑍇॒ 𑌧𑌾𑌮𑌾᳚𑌨𑍍𑌯𑍁𑌶𑍍𑌮𑌸𑍀 [𑌧𑌾𑌮𑌾᳚𑌨𑍍𑌯𑍁𑌶𑍍𑌮𑌸𑌿, 𑌗॒𑌮𑌦𑍍𑌧𑍍𑌯𑍇॒ 𑌗𑌾𑌵𑍋॒] 10

𑌗॒𑌮𑌦𑍍𑌧𑍍𑌯𑍇॒ 𑌗𑌾𑌵𑍋॒ 𑌯𑌤𑍍𑌰॒ 𑌭𑍂𑌰𑌿॑𑌶𑍃𑌙𑍍𑌗𑌾 𑌅॒𑌯𑌾𑌸𑌃॑ । 𑌅𑌤𑍍𑌰𑌾𑌹॒ 𑌤𑌦𑍁॑𑌰𑍁𑌗𑌾॒𑌯𑌸𑍍𑌯॒ 𑌵𑌿𑌷𑍍𑌣𑍋𑌃᳚ 𑌪॒𑌰𑌮-𑌮𑍍𑌪॒𑌦𑌮𑌵॑ 𑌭𑌾𑌤𑌿॒ 𑌭𑍂𑌰𑍇𑌃᳚ ॥ 𑌵𑌿𑌷𑍍𑌣𑍋𑌃॒ 𑌕𑌰𑍍𑌮𑌾॑𑌣𑌿 𑌪𑌶𑍍𑌯𑌤॒ 𑌯𑌤𑍋᳚ 𑌵𑍍𑌰॒𑌤𑌾𑌨𑌿॑ 𑌪𑌸𑍍𑌪॒𑌶𑍇 । 𑌇𑌨𑍍𑌦𑍍𑌰॑𑌸𑍍𑌯॒ 𑌯𑍁𑌜𑍍𑌯॒-𑌸𑍍𑌸𑌖𑌾᳚ ॥ 𑌤-𑌦𑍍𑌵𑌿𑌷𑍍𑌣𑍋𑌃᳚ 𑌪𑌰॒𑌮-𑌮𑍍𑌪॒𑌦𑌗𑍍𑌂 𑌸𑌦𑌾॑ 𑌪𑌶𑍍𑌯𑌨𑍍𑌤𑌿 𑌸𑍂॒𑌰𑌯𑌃॑ । 𑌦𑌿॒𑌵𑍀𑌵॒ 𑌚𑌕𑍍𑌷𑍁॒𑌰𑌾𑌤॑𑌤𑌮𑍍 ॥ 𑌬𑍍𑌰॒𑌹𑍍𑌮॒𑌵𑌨𑌿॑-𑌨𑍍𑌤𑍍𑌵𑌾 𑌕𑍍𑌷𑌤𑍍𑌰॒𑌵𑌨𑌿𑌗𑍍𑌂॑ 𑌸𑍁𑌪𑍍𑌰𑌜𑌾॒𑌵𑌨𑌿𑌗𑍍𑌂॑ 𑌰𑌾𑌯𑌸𑍍𑌪𑍋𑌷॒𑌵𑌨𑌿॒-𑌮𑍍𑌪𑌰𑍍𑌯𑍂॑𑌹𑌾𑌮𑌿॒ 𑌬𑍍𑌰𑌹𑍍𑌮॑ 𑌦𑍃𑌗𑍍𑌂𑌹 𑌕𑍍𑌷॒𑌤𑍍𑌰-𑌨𑍍𑌦𑍃𑌗𑍍𑌂॑𑌹 𑌪𑍍𑌰॒𑌜𑌾-𑌨𑍍𑌦𑍃𑌗𑍍𑌂॑𑌹 𑌰𑌾॒𑌯𑌸𑍍𑌪𑍋𑌷॑-𑌨𑍍𑌦𑍃𑌗𑍍𑌂𑌹 𑌪𑌰𑌿॒𑌵𑍀𑌰॑𑌸𑌿॒ 𑌪𑌰𑌿॑ 𑌤𑍍𑌵𑌾॒ 𑌦𑍈𑌵𑍀॒𑌰𑍍𑌵𑌿𑌶𑍋᳚ 𑌵𑍍𑌯𑌯𑌨𑍍𑌤𑌾॒-𑌮𑍍𑌪𑌰𑍀॒𑌮𑌗𑍍𑌂 𑌰𑌾॒𑌯𑌸𑍍𑌪𑍋𑌷𑍋॒ 𑌯𑌜॑𑌮𑌾𑌨-𑌮𑍍𑌮𑌨𑍁॒𑌷𑍍𑌯𑌾॑ 𑌅॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌤𑍍𑌵𑌾॒ 𑌸𑌾𑌨𑌾॒𑌵𑌵॑ 𑌗𑍂𑌹𑌾𑌮𑌿 ॥ 11 ॥

(𑌉॒𑌶𑍍𑌮॒𑌸𑍀॒-𑌪𑍋𑌷॒𑌮𑍇-𑌕𑌾॒𑌨𑍍𑌨𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 6)

𑌇॒𑌷𑍇 𑌤𑍍𑌵𑍋॑𑌪॒𑌵𑍀𑌰॒𑌸𑍍𑌯𑍁𑌪𑍋॑ 𑌦𑍇॒𑌵𑌾-𑌨𑍍𑌦𑍈𑌵𑍀॒-𑌰𑍍𑌵𑌿𑌶𑌃॒ 𑌪𑍍𑌰𑌾𑌗𑍁॒-𑌰𑍍𑌵𑌹𑍍𑌨𑍀॑𑌰𑍁॒𑌶𑌿𑌜𑍋॒ 𑌬𑍃𑌹॑𑌸𑍍𑌪𑌤𑍇 𑌧𑌾॒𑌰𑌯𑌾॒ 𑌵𑌸𑍂॑𑌨𑌿 𑌹॒𑌵𑍍𑌯𑌾 𑌤𑍇᳚ 𑌸𑍍𑌵𑌦𑌨𑍍𑌤𑌾॒-𑌨𑍍𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌵𑌸𑍁॑ 𑌰𑌣𑍍𑌵॒ 𑌰𑍇𑌵॑𑌤𑍀॒ 𑌰𑌮॑𑌦𑍍𑌧𑍍𑌵-𑌮॒𑌗𑍍𑌨𑍇-𑌰𑍍𑌜॒𑌨𑌿𑌤𑍍𑌰॑𑌮𑌸𑌿॒ 𑌵𑍃𑌷॑𑌣𑍗 𑌸𑍍𑌥 𑌉॒𑌰𑍍𑌵𑌶𑍍𑌯॑𑌸𑍍𑌯𑌾॒𑌯𑍁𑌰॑𑌸𑌿 𑌪𑍁𑌰𑍂॒𑌰𑌵𑌾॑ 𑌘𑍃॒𑌤𑍇𑌨𑌾॒𑌕𑍍𑌤𑍇 𑌵𑍃𑌷॑𑌣-𑌨𑍍𑌦𑌧𑌾𑌥𑌾-𑌙𑍍𑌗𑌾𑌯॒𑌤𑍍𑌰-𑌞𑍍𑌛𑌨𑍍𑌦𑍋-𑌽𑌨𑍁॒ 𑌪𑍍𑌰 𑌜𑌾॑𑌯𑌸𑍍𑌵॒ 𑌤𑍍𑌰𑍈𑌷𑍍𑌟𑍁॑𑌭॒-𑌞𑍍𑌜𑌾𑌗॑𑌤॒-𑌞𑍍𑌛𑌨𑍍𑌦𑍋-𑌽𑌨𑍁॒ 𑌪𑍍𑌰 𑌜𑌾॑𑌯𑌸𑍍𑌵॒ 𑌭𑌵॑𑌤- [𑌭𑌵॑𑌤𑌮𑍍, 𑌨॒-𑌸𑍍𑌸𑌮॑𑌨𑌸𑍗॒] 12

𑌨𑍍𑌨॒-𑌸𑍍𑌸𑌮॑𑌨𑌸𑍗॒ 𑌸𑌮𑍋॑𑌕𑌸𑌾𑌵𑌰𑍇॒𑌪𑌸𑍗᳚ । 𑌮𑌾 𑌯॒𑌜𑍍𑌞𑌗𑍍𑌂 𑌹𑌿𑌗𑍍𑌂॑𑌸𑌿𑌷𑍍𑌟॒-𑌮𑍍𑌮𑌾 𑌯॒𑌜𑍍𑌞𑌪॑𑌤𑌿-𑌞𑍍𑌜𑌾𑌤𑌵𑍇𑌦𑌸𑍗 𑌶𑌿॒𑌵𑍗 𑌭॑𑌵𑌤𑌮॒𑌦𑍍𑌯 𑌨𑌃॑ ॥ 𑌅॒𑌗𑍍𑌨𑌾𑌵॒𑌗𑍍𑌨𑌿𑌶𑍍𑌚॑𑌰𑌤𑌿॒ 𑌪𑍍𑌰𑌵𑌿॑𑌷𑍍𑌟॒ 𑌋𑌷𑍀॑𑌣𑌾-𑌮𑍍𑌪𑍁॒𑌤𑍍𑌰𑍋 𑌅॑𑌧𑌿𑌰𑌾॒𑌜 𑌏॒𑌷𑌃 । 𑌸𑍍𑌵𑌾॒𑌹𑌾॒𑌕𑍃𑌤𑍍𑌯॒ 𑌬𑍍𑌰𑌹𑍍𑌮॑𑌣𑌾 𑌤𑍇 𑌜𑍁𑌹𑍋𑌮𑌿॒ 𑌮𑌾 𑌦𑍇॒𑌵𑌾𑌨𑌾᳚-𑌮𑍍𑌮𑌿𑌥𑍁॒𑌯𑌾 𑌕॑𑌰𑍍𑌭𑌾𑌗॒𑌧𑍇𑌯᳚𑌮𑍍 ॥ 13 ॥

(𑌭𑌵॑𑌤॒-𑌮𑍇𑌕॑𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 7)

𑌆 𑌦॑𑌦 𑌋॒𑌤𑌸𑍍𑌯॑ 𑌤𑍍𑌵𑌾 𑌦𑍇𑌵𑌹𑌵𑌿𑌃॒ 𑌪𑌾𑌶𑍇॒𑌨𑌾-𑌽𑌽𑌰॑𑌭𑍇॒ 𑌧𑌰𑍍𑌷𑌾॒ 𑌮𑌾𑌨𑍁॑𑌷𑌾𑌨॒𑌦𑍍𑌭𑍍𑌯𑌸𑍍𑌤𑍍𑌵𑍗𑌷॑𑌧𑍀𑌭𑍍𑌯𑌃॒ 𑌪𑍍𑌰𑍋𑌕𑍍𑌷𑌾᳚𑌮𑍍𑌯॒𑌪𑌾-𑌮𑍍𑌪𑍇॒𑌰𑍁𑌰॑𑌸𑌿 𑌸𑍍𑌵𑌾॒𑌤𑍍𑌤-𑌞𑍍𑌚𑌿॒-𑌥𑍍𑌸𑌦𑍇॑𑌵𑌗𑍍𑌂 𑌹॒𑌵𑍍𑌯𑌮𑌾𑌪𑍋॑ 𑌦𑍇𑌵𑍀॒-𑌸𑍍𑌸𑍍𑌵𑌦॑𑌤𑍈𑌨॒𑌗𑍍𑌂॒ 𑌸-𑌨𑍍𑌤𑍇᳚ 𑌪𑍍𑌰𑌾॒𑌣𑍋 𑌵𑌾॒𑌯𑍁𑌨𑌾॑ 𑌗𑌚𑍍𑌛𑌤𑌾॒𑌗𑍍𑌂॒ 𑌸𑌂-𑌯𑌁𑌜॑𑌤𑍍𑌰𑍈॒𑌰𑌙𑍍𑌗𑌾॑𑌨𑌿॒ 𑌸𑌂-𑌯𑌁॒𑌜𑍍𑌞𑌪॑𑌤𑌿𑌰𑌾॒𑌶𑌿𑌷𑌾॑ 𑌘𑍃॒𑌤𑍇𑌨𑌾॒𑌕𑍍𑌤𑍗 𑌪॒𑌶𑍁-𑌨𑍍𑌤𑍍𑌰𑌾॑𑌯𑍇𑌥𑌾॒𑌗𑍍𑌂॒ 𑌰𑍇𑌵॑𑌤𑍀-𑌰𑍍𑌯॒𑌜𑍍𑌞𑌪॑𑌤𑌿-𑌮𑍍𑌪𑍍𑌰𑌿𑌯॒𑌧𑌾-𑌽𑌽 𑌵𑌿॑𑌶॒𑌤𑍋𑌰𑍋॑ 𑌅𑌨𑍍𑌤𑌰𑌿𑌕𑍍𑌷 𑌸॒𑌜𑍂-𑌰𑍍𑌦𑍇॒𑌵𑍇𑌨॒ [𑌸॒𑌜𑍂-𑌰𑍍𑌦𑍇॒𑌵𑍇𑌨॑, 𑌵𑌾𑌤𑍇॑𑌨𑌾॒-𑌽𑌸𑍍𑌯] 14

𑌵𑌾𑌤𑍇॑𑌨𑌾॒-𑌽𑌸𑍍𑌯 𑌹॒𑌵𑌿𑌷॒𑌸𑍍𑌤𑍍𑌮𑌨𑌾॑ 𑌯𑌜॒ 𑌸𑌮॑𑌸𑍍𑌯 𑌤॒𑌨𑍁𑌵𑌾॑ 𑌭𑌵॒ 𑌵𑌰𑍍𑌷𑍀॑𑌯𑍋॒ 𑌵𑌰𑍍𑌷𑍀॑𑌯𑌸𑌿 𑌯॒𑌜𑍍𑌞𑍇 𑌯॒𑌜𑍍𑌞𑌪𑌤𑌿॑-𑌨𑍍𑌧𑌾𑌃 𑌪𑍃॑𑌥𑌿॒𑌵𑍍𑌯𑌾-𑌸𑍍𑌸॒𑌮𑍍𑌪𑍃𑌚𑌃॑ 𑌪𑌾𑌹𑌿॒ 𑌨𑌮॑𑌸𑍍𑌤 𑌆𑌤𑌾𑌨𑌾-𑌽𑌨॒𑌰𑍍𑌵𑌾 𑌪𑍍𑌰𑍇𑌹𑌿॑ 𑌘𑍃॒𑌤𑌸𑍍𑌯॑ 𑌕𑍁॒𑌲𑍍𑌯𑌾𑌮𑌨𑍁॑ 𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॒𑌣𑌾 𑌽𑌽𑌪𑍋॑ 𑌦𑍇𑌵𑍀-𑌶𑍍𑌶𑍁𑌦𑍍𑌧𑌾𑌯𑍁𑌵-𑌶𑍍𑌶𑍁॒𑌦𑍍𑌧𑌾 𑌯𑍂॒𑌯-𑌨𑍍𑌦𑍇॒𑌵𑌾𑌗𑍍𑌂 𑌊᳚𑌢𑍍𑌵𑌗𑍍𑌂 𑌶𑍁॒𑌦𑍍𑌧𑌾 𑌵॒𑌯-𑌮𑍍𑌪𑌰𑌿॑𑌵𑌿𑌷𑍍𑌟𑌾𑌃 𑌪𑌰𑌿𑌵𑍇॒𑌷𑍍𑌟𑌾𑌰𑍋॑ 𑌵𑍋 𑌭𑍂𑌯𑌾𑌸𑍍𑌮 ॥ 15 ॥

(𑌦𑍇॒𑌵𑌨॒-𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 8)

𑌵𑌾𑌕𑍍𑌤॒ 𑌆 𑌪𑍍𑌯𑌾॑𑌯𑌤𑌾-𑌮𑍍𑌪𑍍𑌰𑌾॒𑌣𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾॒-𑌞𑍍𑌚𑌕𑍍𑌷𑍁॑𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾॒𑌗𑍍॒ 𑌶𑍍𑌰𑍋𑌤𑍍𑌰॑-𑌨𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌂॒-𑌯𑌾𑌁 𑌤𑍇᳚ 𑌪𑍍𑌰𑌾॒𑌣𑌾𑌞𑍍𑌛𑍁𑌗𑍍𑌜॒𑌗𑌾𑌮॒ 𑌯𑌾 𑌚𑌕𑍍𑌷𑍁॒𑌰𑍍𑌯𑌾 𑌶𑍍𑌰𑍋𑌤𑍍𑌰𑌂॒-𑌯𑌁𑌤𑍍𑌤𑍇᳚ 𑌕𑍍𑌰𑍂॒𑌰𑌂-𑌯𑌁𑌦𑌾𑌸𑍍𑌥𑌿॑𑌤॒-𑌨𑍍𑌤𑌤𑍍𑌤॒ 𑌆 𑌪𑍍𑌯𑌾॑𑌯𑌤𑌾॒-𑌨𑍍𑌤𑌤𑍍𑌤॑ 𑌏॒𑌤𑍇𑌨॑ 𑌶𑍁𑌨𑍍𑌧𑌤𑌾॒-𑌨𑍍𑌨𑌾𑌭𑌿॑𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾-𑌮𑍍𑌪𑌾॒𑌯𑍁𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌗𑍍𑌂 𑌶𑍁॒𑌦𑍍𑌧𑌾𑌶𑍍𑌚॒𑌰𑌿𑌤𑍍𑌰𑌾॒-𑌶𑍍𑌶𑌮॒𑌦𑍍𑌭𑍍𑌯- [𑌮॒𑌧𑍍𑌭𑍍𑌯𑌃, 𑌶𑌮𑍋𑌷॑𑌧𑍀𑌭𑍍𑌯॒-𑌶𑍍𑌶𑌂] 16

𑌶𑍍𑌶𑌮𑍋𑌷॑𑌧𑍀𑌭𑍍𑌯॒-𑌶𑍍𑌶-𑌮𑍍𑌪𑍃॑𑌥𑌿॒𑌵𑍍𑌯𑍈 𑌶𑌮𑌹𑍋᳚𑌭𑍍𑌯𑌾॒-𑌮𑍋𑌷॑𑌧𑍇॒ 𑌤𑍍𑌰𑌾𑌯॑𑌸𑍍𑌵𑍈𑌨॒𑌗𑍍𑌗𑍍॒ 𑌸𑍍𑌵𑌧𑌿॑𑌤𑍇॒ 𑌮𑍈𑌨𑌗𑍍𑌂॑ 𑌹𑌿𑌗𑍍𑌂𑌸𑍀॒ 𑌰𑌕𑍍𑌷॑𑌸𑌾-𑌮𑍍𑌭𑌾॒𑌗𑍋॑-𑌽𑌸𑍀॒𑌦𑌮॒𑌹𑌗𑍍𑌂 𑌰𑌕𑍍𑌷𑍋॑-𑌽𑌧॒𑌮-𑌨𑍍𑌤𑌮𑍋॑ 𑌨𑌯𑌾𑌮𑌿॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮 𑌇॒𑌦𑌮𑍇॑𑌨𑌮𑌧॒𑌮-𑌨𑍍𑌤𑌮𑍋॑ 𑌨𑌯𑌾𑌮𑍀॒𑌷𑍇 𑌤𑍍𑌵𑌾॑ 𑌘𑍃॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌪𑍍𑌰𑍋𑌰𑍍𑌣𑍍𑌵𑌾॑𑌥𑌾॒-𑌮𑌚𑍍𑌛𑌿॑𑌨𑍍𑌨𑍋॒ 𑌰𑌾𑌯𑌃॑ 𑌸𑍁॒𑌵𑍀𑌰॑ 𑌉॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒𑌮𑌨𑍍𑌵𑌿॑𑌹𑌿॒ 𑌵𑌾𑌯𑍋॒ 𑌵𑍀𑌹𑌿॑ 𑌸𑍍𑌤𑍋॒𑌕𑌾𑌨𑌾॒𑌗𑍍॒ 𑌸𑍍𑌵𑌾𑌹𑍋॒𑌰𑍍𑌧𑍍𑌵𑌨॑𑌭𑌸-𑌮𑍍𑌮𑌾𑌰𑍁॒𑌤-𑌙𑍍𑌗॑𑌚𑍍𑌛𑌤𑌮𑍍 ॥ 17 ॥

(𑌅॒𑌦𑍍𑌭𑍍𑌯𑍋-𑌵𑍀𑌹𑌿॒-𑌪𑌞𑍍𑌚॑ 𑌚) (𑌅. 9)

𑌸-𑌨𑍍𑌤𑍇॒ 𑌮𑌨॑𑌸𑌾॒ 𑌮𑌨𑌃॒ 𑌸-𑌮𑍍𑌪𑍍𑌰𑌾॒𑌣𑍇𑌨॑ 𑌪𑍍𑌰𑌾॒𑌣𑍋 𑌜𑍁𑌷𑍍𑌟॑-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯-𑌙𑍍𑌘𑍃॒𑌤𑌵॒-𑌥𑍍𑌸𑍍𑌵𑌾𑌹𑍈॒𑌨𑍍𑌦𑍍𑌰𑌃 𑌪𑍍𑌰𑌾॒𑌣𑍋 𑌅𑌙𑍍𑌗𑍇॑𑌅𑌙𑍍𑌗𑍇॒ 𑌨𑌿 𑌦𑍇᳚𑌦𑍍𑌧𑍍𑌯𑌦𑍈॒𑌨𑍍𑌦𑍍𑌰𑍋॑ 𑌽𑌪𑌾॒𑌨𑍋 𑌅𑌙𑍍𑌗𑍇॑𑌅𑌙𑍍𑌗𑍇॒ 𑌵𑌿 𑌬𑍋॑𑌭𑍁𑌵॒𑌦𑍍𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌭𑍂𑌰𑌿॑ 𑌤𑍇॒ 𑌸𑌗𑍍𑌂𑌸॑𑌮𑍇𑌤𑍁॒ 𑌵𑌿𑌷𑍁॑𑌰𑍂𑌪𑌾॒ 𑌯-𑌥𑍍𑌸𑌲॑𑌕𑍍𑌷𑍍𑌮𑌾𑌣𑍋॒ 𑌭𑌵॑𑌥 𑌦𑍇𑌵॒𑌤𑍍𑌰𑌾 𑌯𑌨𑍍𑌤॒𑌮𑌵॑𑌸𑍇॒ 𑌸𑌖𑌾॒𑌯𑍋-𑌽𑌨𑍁॑ 𑌤𑍍𑌵𑌾 𑌮𑌾॒𑌤𑌾 𑌪𑌿॒𑌤𑌰𑍋॑ 𑌮𑌦𑌨𑍍𑌤𑍁॒ 𑌶𑍍𑌰𑍀𑌰॑𑌸𑍍𑌯॒𑌗𑍍𑌨𑌿𑌸𑍍𑌤𑍍𑌵𑌾᳚ 𑌶𑍍𑌰𑍀𑌣𑌾॒𑌤𑍍𑌵𑌾𑌪॒-𑌸𑍍𑌸𑌮॑𑌰𑌿𑌣॒𑌨𑍍 𑌵𑌾𑌤॑𑌸𑍍𑌯 [ ] 18

𑌤𑍍𑌵𑌾॒ 𑌧𑍍𑌰𑌜𑍍𑌯𑍈॑ 𑌪𑍂॒𑌷𑍍𑌣𑍋 𑌰𑌗𑍍𑌗𑍍𑌹𑍍𑌯𑌾॑ 𑌅॒𑌪𑌾𑌮𑍋𑌷॑𑌧𑍀𑌨𑌾॒𑌗𑍍𑌂॒ 𑌰𑍋𑌹𑌿॑𑌷𑍍𑌯𑍈 𑌘𑍃॒𑌤-𑌙𑍍𑌘𑍃॑𑌤𑌪𑌾𑌵𑌾𑌨𑌃 𑌪𑌿𑌬𑌤॒ 𑌵𑌸𑌾𑌂᳚-𑌵𑌁𑌸𑌾𑌪𑌾𑌵𑌾𑌨𑌃 𑌪𑌿𑌬𑌤𑌾॒-𑌽𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌹॒𑌵𑌿𑌰॑𑌸𑌿॒ 𑌸𑍍𑌵𑌾𑌹𑌾᳚ 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯॒ 𑌦𑌿𑌶𑌃॑ 𑌪𑍍𑌰॒𑌦𑌿𑌶॑ 𑌆॒𑌦𑌿𑌶𑍋॑ 𑌵𑌿॒𑌦𑌿𑌶॑ 𑌉॒𑌦𑍍𑌦𑌿𑌶॒-𑌸𑍍𑌸𑍍𑌵𑌾𑌹𑌾॑ 𑌦𑌿॒𑌗𑍍𑌭𑍍𑌯𑍋 𑌨𑌮𑍋॑ 𑌦𑌿॒𑌗𑍍𑌭𑍍𑌯𑌃 ॥ 19 ॥

(𑌵𑌾॑𑌤𑌸𑍍𑌯𑌾॒-𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 10)

𑌸॒𑌮𑍁॒𑌦𑍍𑌰-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑌾॒-𑌽𑌨𑍍𑌤𑌰𑌿॑𑌕𑍍𑌷-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑌾॑ 𑌦𑍇॒𑌵𑌗𑍍𑌂 𑌸॑𑌵𑌿॒𑌤𑌾𑌰॑-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑌾॑-𑌽𑌹𑍋𑌰𑌾॒𑌤𑍍𑌰𑍇 𑌗॑𑌚𑍍𑌛॒ 𑌸𑍍𑌵𑌾𑌹𑌾॑ 𑌮𑌿॒𑌤𑍍𑌰𑌾𑌵𑌰𑍁॑𑌣𑍗 𑌗𑌚𑍍𑌛॒ 𑌸𑍍𑌵𑌾𑌹𑌾॒ 𑌸𑍋𑌮॑-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑌾॑ 𑌯॒𑌜𑍍𑌞-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑌾॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌗𑌚𑍍𑌛॒ 𑌸𑍍𑌵𑌾𑌹𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌗॑𑌚𑍍𑌛॒ 𑌸𑍍𑌵𑌾𑌹𑌾॒ 𑌨𑌭𑍋॑ 𑌦𑌿॒𑌵𑍍𑌯-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑌾॒-𑌽𑌗𑍍𑌨𑌿𑌂-𑌵𑍈𑌁᳚𑌶𑍍𑌵𑌾𑌨॒𑌰-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑌾॒-𑌽𑌦𑍍𑌭𑍍𑌯𑌸𑍍𑌤𑍍𑌵𑍗𑌷॑𑌧𑍀𑌭𑍍𑌯𑍋॒ 𑌮𑌨𑍋॑ 𑌮𑍇॒ 𑌹𑌾𑌰𑍍𑌦𑌿॑ 𑌯𑌚𑍍𑌛 𑌤॒𑌨𑍂-𑌨𑍍𑌤𑍍𑌵𑌚॑-𑌮𑍍𑌪𑍁॒𑌤𑍍𑌰-𑌨𑍍𑌨𑌪𑍍𑌤𑌾॑𑌰𑌮𑌶𑍀𑌯॒ 𑌶𑍁𑌗॑𑌸𑌿॒ 𑌤𑌮॒𑌭𑌿 𑌶𑍋॑𑌚॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌧𑌾𑌮𑍍𑌨𑍋॑𑌧𑌾𑌮𑍍𑌨𑍋 𑌰𑌾𑌜𑌨𑍍𑌨𑌿॒𑌤𑍋 𑌵॑𑌰𑍁𑌣 𑌨𑍋 𑌮𑍁𑌞𑍍𑌚॒ 𑌯𑌦𑌾𑌪𑍋॒ 𑌅𑌘𑍍𑌨𑌿॑𑌯𑌾॒ 𑌵𑌰𑍁॒𑌣𑍇𑌤𑌿॒ 𑌶𑌪𑌾॑𑌮𑌹𑍇॒ 𑌤𑌤𑍋॑ 𑌵𑌰𑍁𑌣 𑌨𑍋 𑌮𑍁𑌞𑍍𑌚 ॥ 20

(𑌅॒𑌸𑌿॒-𑌷𑌡𑍍𑌵𑌿𑌗𑍍𑌂॑𑌶𑌤𑌿𑌶𑍍𑌚 ) (𑌅. 11)

𑌹॒𑌵𑌿𑌷𑍍𑌮॑𑌤𑍀𑌰𑌿॒𑌮𑌾 𑌆𑌪𑍋॑ 𑌹॒𑌵𑌿𑌷𑍍𑌮𑌾᳚-𑌨𑍍𑌦𑍇॒𑌵𑍋 𑌅॑𑌦𑍍𑌧𑍍𑌵॒𑌰𑍋 𑌹॒𑌵𑌿𑌷𑍍𑌮𑌾॒𑌗𑍍𑌂॒ 𑌆 𑌵𑌿॑𑌵𑌾𑌸𑌤𑌿 𑌹॒𑌵𑌿𑌷𑍍𑌮𑌾𑌗𑍍𑌂॑ 𑌅𑌸𑍍𑌤𑍁॒ 𑌸𑍂𑌰𑍍𑌯𑌃॑ ॥ 𑌅॒𑌗𑍍𑌨𑍇𑌰𑍍𑌵𑍋 𑌽𑌪॑𑌨𑍍𑌨𑌗𑍃𑌹𑌸𑍍𑌯॒ 𑌸𑌦॑𑌸𑌿 𑌸𑌾𑌦𑌯𑌾𑌮𑌿 𑌸𑍁॒𑌮𑍍𑌨𑌾𑌯॑ 𑌸𑍁𑌮𑍍𑌨𑌿𑌨𑍀-𑌸𑍍𑌸𑍁॒𑌮𑍍𑌨𑍇 𑌮𑌾॑ 𑌧𑌤𑍍𑌤𑍇𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋-𑌰𑍍𑌭𑌾॑𑌗॒𑌧𑍇𑌯𑍀᳚-𑌸𑍍𑌸𑍍𑌥 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋-𑌰𑍍𑌭𑌾𑌗॒𑌧𑍇𑌯𑍀᳚-𑌸𑍍𑌸𑍍𑌥॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌭𑌾𑌗॒𑌧𑍇𑌯𑍀᳚-𑌸𑍍𑌸𑍍𑌥 𑌯॒𑌜𑍍𑌞𑍇 𑌜𑌾॑𑌗𑍃𑌤 ॥ 21 ॥

(𑌹॒𑌵𑌿𑌷𑍍𑌮॑𑌤𑍀॒-𑌶𑍍𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶𑌤𑍍) (𑌅. 12)

𑌹𑍃॒𑌦𑍇 𑌤𑍍𑌵𑌾॒ 𑌮𑌨॑𑌸𑍇 𑌤𑍍𑌵𑌾 𑌦𑌿॒𑌵𑍇 𑌤𑍍𑌵𑌾॒ 𑌸𑍂𑌰𑍍𑌯𑌾॑𑌯 𑌤𑍍𑌵𑍋॒𑌰𑍍𑌧𑍍𑌵𑌮𑌿॒𑌮𑌮॑𑌦𑍍𑌧𑍍𑌵॒𑌰-𑌙𑍍𑌕𑍃॑𑌧𑌿 𑌦𑌿॒𑌵𑌿 𑌦𑍇॒𑌵𑍇𑌷𑍁॒ 𑌹𑍋𑌤𑍍𑌰𑌾॑ 𑌯𑌚𑍍𑌛॒ 𑌸𑍋𑌮॑ 𑌰𑌾𑌜॒𑌨𑍍𑌨𑍇𑌹𑍍𑌯𑌵॑ 𑌰𑍋𑌹॒ 𑌮𑌾 𑌭𑍇𑌰𑍍𑌮𑌾 𑌸𑌂-𑌵𑌿𑌁॑𑌕𑍍𑌥𑌾॒ 𑌮𑌾 𑌤𑍍𑌵𑌾॑ 𑌹𑌿𑌗𑍍𑌂𑌸𑌿𑌷-𑌮𑍍𑌪𑍍𑌰॒𑌜𑌾𑌸𑍍𑌤𑍍𑌵𑌮𑍁॒𑌪𑌾𑌵॑𑌰𑍋𑌹 𑌪𑍍𑌰॒𑌜𑌾𑌸𑍍𑌤𑍍𑌵𑌾𑌮𑍁॒𑌪𑌾𑌵॑𑌰𑍋𑌹𑌨𑍍𑌤𑍁 𑌶𑍃॒𑌣𑍋𑌤𑍍𑌵॒𑌗𑍍𑌨𑌿-𑌸𑍍𑌸॒𑌮𑌿𑌧𑌾॒ 𑌹𑌵॑-𑌮𑍍𑌮𑍇 𑌶𑍃॒𑌣𑍍𑌵𑌨𑍍𑌤𑍍𑌵𑌾𑌪𑍋॑ 𑌧𑌿॒𑌷𑌣𑌾᳚𑌶𑍍𑌚 𑌦𑍇॒𑌵𑍀𑌃 । 𑌶𑍃॒𑌣𑍋𑌤॑ 𑌗𑍍𑌰𑌾𑌵𑌾𑌣𑍋 𑌵𑌿॒𑌦𑍁𑌷𑍋॒ 𑌨𑍁 [ ] 22

𑌯॒𑌜𑍍𑌞𑌗𑍍𑌂 𑌶𑍃॒𑌣𑍋𑌤𑍁॑ 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌹𑌵॑-𑌮𑍍𑌮𑍇 । 𑌦𑍇𑌵𑍀॑𑌰𑌾𑌪𑍋 𑌅𑌪𑌾-𑌨𑍍𑌨𑌪𑌾॒𑌦𑍍𑌯 𑌊॒𑌰𑍍𑌮𑌿𑌰𑍍𑌹॑𑌵𑌿॒𑌷𑍍𑌯॑ 𑌇𑌨𑍍𑌦𑍍𑌰𑌿॒𑌯𑌾𑌵𑌾᳚-𑌨𑍍𑌮॒𑌦𑌿𑌨𑍍𑌤॑𑌮॒𑌸𑍍𑌤-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌦𑍇𑌵॒𑌤𑍍𑌰𑌾 𑌧॑𑌤𑍍𑌤 𑌶𑍁॒𑌕𑍍𑌰𑌗𑍍𑌂 𑌶𑍁॑𑌕𑍍𑌰॒𑌪𑍇𑌭𑍍𑌯𑍋॒ 𑌯𑍇𑌷𑌾᳚-𑌮𑍍𑌭𑌾॒𑌗-𑌸𑍍𑌸𑍍𑌥 𑌸𑍍𑌵𑌾𑌹𑌾॒ 𑌕𑌾𑌰𑍍𑌷𑌿॑𑌰॒𑌸𑍍𑌯𑌪𑌾॒-𑌽𑌪𑌾-𑌮𑍍𑌮𑍃॒𑌦𑍍𑌧𑍍𑌰𑌗𑍍𑌂 𑌸॑𑌮𑍁॒𑌦𑍍𑌰𑌸𑍍𑌯॒ 𑌵𑍋-𑌽𑌕𑍍𑌷𑌿॑𑌤𑍍𑌯𑌾॒ 𑌉𑌨𑍍𑌨॑𑌯𑍇 । 𑌯𑌮॑𑌗𑍍𑌨𑍇 𑌪𑍃॒𑌥𑍍𑌸𑍁 𑌮𑌰𑍍𑌤𑍍𑌯॒𑌮𑌾𑌵𑍋॒ 𑌵𑌾𑌜𑍇॑𑌷𑍁॒ 𑌯-𑌞𑍍𑌜𑍁॒𑌨𑌾𑌃 । 𑌸 𑌯𑌨𑍍𑌤𑌾॒ 𑌶𑌶𑍍𑌵॑𑌤𑍀॒𑌰𑌿𑌷𑌃॑ ॥ 23 ॥

( 𑌨𑍁-𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 13)

𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰𑍋 𑌅𑌸𑍁॑𑌰𑍋 𑌮॒𑌹𑍋 𑌦𑌿॒𑌵𑌸𑍍𑌤𑍍𑌵𑌗𑍍𑌂 𑌶𑌰𑍍𑌧𑍋॒ 𑌮𑌾𑌰𑍁॑𑌤-𑌮𑍍𑌪𑍃॒𑌕𑍍𑌷 𑌈॑𑌶𑌿𑌷𑍇 । 𑌤𑍍𑌵𑌂-𑌵𑌾𑌁𑌤𑍈॑𑌰𑌰𑍁॒𑌣𑍈𑌰𑍍𑌯𑌾॑𑌸𑌿 𑌶𑌙𑍍𑌗॒𑌯𑌸𑍍𑌤𑍍𑌵-𑌮𑍍𑌪𑍂॒𑌷𑌾 𑌵𑌿॑𑌧॒𑌤𑌃 𑌪𑌾॑𑌸𑌿॒ 𑌨𑍁𑌤𑍍𑌮𑌨𑌾᳚ ॥ 𑌆 𑌵𑍋॒ 𑌰𑌾𑌜𑌾॑𑌨𑌮𑌦𑍍𑌧𑍍𑌵॒𑌰𑌸𑍍𑌯॑ 𑌰𑍁॒𑌦𑍍𑌰𑌗𑍍𑌂 𑌹𑍋𑌤𑌾॑𑌰𑌗𑍍𑌂 𑌸𑌤𑍍𑌯॒𑌯𑌜॒𑌗𑍍𑌂॒ 𑌰𑍋𑌦॑𑌸𑍍𑌯𑍋𑌃 । 𑌅॒𑌗𑍍𑌨𑌿-𑌮𑍍𑌪𑍁॒𑌰𑌾 𑌤॑𑌨𑌯𑌿॒𑌤𑍍𑌨𑍋 𑌰॒𑌚𑌿𑌤𑍍𑌤𑌾॒𑌦𑍍𑌧𑌿𑌰॑𑌣𑍍𑌯𑌰𑍂𑌪॒𑌮𑌵॑𑌸𑍇 𑌕𑍃𑌣𑍁𑌦𑍍𑌧𑍍𑌵𑌮𑍍 ॥ 𑌅॒𑌗𑍍𑌨𑌿𑌰𑍍𑌹𑍋𑌤𑌾॒ 𑌨𑌿 𑌷॑𑌸𑌾𑌦𑌾॒ 𑌯𑌜𑍀॑𑌯𑌾𑌨𑍁॒𑌪𑌸𑍍𑌥𑍇॑ 𑌮𑌾॒𑌤𑍁-𑌸𑍍𑌸𑍁॑𑌰॒𑌭𑌾𑌵𑍁॑ 𑌲𑍋॒𑌕𑍇 । 𑌯𑍁𑌵𑌾॑ 𑌕॒𑌵𑌿𑌃 𑌪𑍁॑𑌰𑍁𑌨𑌿॒𑌷𑍍𑌠 [𑌪𑍁॑𑌰𑍁𑌨𑌿॒𑌷𑍍𑌠𑌃, 𑌋॒𑌤𑌾𑌵𑌾॑ 𑌧॒𑌰𑍍𑌤𑌾] 24

𑌋॒𑌤𑌾𑌵𑌾॑ 𑌧॒𑌰𑍍𑌤𑌾 𑌕𑍃॑𑌷𑍍𑌟𑍀॒𑌨𑌾𑌮𑍁॒𑌤 𑌮𑌦𑍍𑌧𑍍𑌯॑ 𑌇॒𑌦𑍍𑌧𑌃 ॥𑌸𑌾॒𑌦𑍍𑌧𑍍𑌵𑍀𑌮॑𑌕-𑌰𑍍𑌦𑍇॒𑌵𑌵𑍀॑𑌤𑌿-𑌨𑍍𑌨𑍋 𑌅॒𑌦𑍍𑌯 𑌯॒𑌜𑍍𑌞𑌸𑍍𑌯॑ 𑌜𑌿॒𑌹𑍍𑌵𑌾𑌮॑𑌵𑌿𑌦𑌾𑌮॒ 𑌗𑍁𑌹𑍍𑌯𑌾᳚𑌮𑍍 । 𑌸 𑌆𑌯𑍁॒𑌰𑌾-𑌽𑌗𑌾᳚-𑌥𑍍𑌸𑍁𑌰॒𑌭𑌿𑌰𑍍𑌵𑌸𑌾॑𑌨𑍋 𑌭॒𑌦𑍍𑌰𑌾𑌮॑𑌕-𑌰𑍍𑌦𑍇॒𑌵𑌹𑍂॑𑌤𑌿-𑌨𑍍𑌨𑍋 𑌅॒𑌦𑍍𑌯 ॥ 𑌅𑌕𑍍𑌰॑𑌨𑍍𑌦𑌦॒𑌗𑍍𑌨𑌿-𑌸𑍍𑌸𑍍𑌤॒𑌨𑌯॑𑌨𑍍𑌨𑌿𑌵॒ 𑌦𑍍𑌯𑍗𑌃, 𑌕𑍍𑌷𑌾𑌮𑌾॒ 𑌰𑍇𑌰𑌿॑𑌹𑌦𑍍𑌵𑍀॒𑌰𑍁𑌧𑌃॑ 𑌸𑌮॒𑌞𑍍𑌜𑌨𑍍𑌨𑍍 । 𑌸॒𑌦𑍍𑌯𑍋 𑌜॑𑌜𑍍𑌞𑌾॒𑌨𑍋 𑌵𑌿 𑌹𑍀𑌮𑌿॒𑌦𑍍𑌧𑍋 𑌅𑌖𑍍𑌯॒𑌦𑌾 𑌰𑍋𑌦॑𑌸𑍀 𑌭𑌾॒𑌨𑍁𑌨𑌾॑ 𑌭𑌾𑌤𑍍𑌯॒𑌨𑍍𑌤𑌃 ॥ 𑌤𑍍𑌵𑍇 𑌵𑌸𑍂॑𑌨𑌿 𑌪𑍁𑌰𑍍𑌵𑌣𑍀𑌕 [𑌪𑍁𑌰𑍍𑌵𑌣𑍀𑌕, 𑌹𑍋॒𑌤॒𑌰𑍍𑌦𑍋॒𑌷𑌾] 25

𑌹𑍋𑌤𑌰𑍍𑌦𑍋॒𑌷𑌾 𑌵𑌸𑍍𑌤𑍋॒𑌰𑍇𑌰𑌿॑𑌰𑍇 𑌯॒𑌜𑍍𑌞𑌿𑌯𑌾॑𑌸𑌃 । 𑌕𑍍𑌷𑌾𑌮𑍇॑𑌵॒ 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌯𑌸𑍍𑌮𑌿॒𑌨𑍍-𑌥𑍍𑌸𑌗𑍍𑌂 𑌸𑍗𑌭॑𑌗𑌾𑌨𑌿 𑌦𑌧𑌿॒𑌰𑍇 𑌪𑌾॑𑌵॒𑌕𑍇 ॥ 𑌤𑍁𑌭𑍍𑌯॒-𑌨𑍍𑌤𑌾 𑌅॑𑌙𑍍𑌗𑌿𑌰𑌸𑍍𑌤𑌮॒ 𑌵𑌿𑌶𑍍𑌵𑌾᳚-𑌸𑍍𑌸𑍁𑌕𑍍𑌷𑌿॒𑌤𑌯𑌃॒ 𑌪𑍃𑌥॑𑌕𑍍 । 𑌅𑌗𑍍𑌨𑍇॒ 𑌕𑌾𑌮𑌾॑𑌯 𑌯𑍇𑌮𑌿𑌰𑍇 ॥ 𑌅॒𑌶𑍍𑌯𑌾𑌮॒ 𑌤-𑌙𑍍𑌕𑌾𑌮॑𑌮𑌗𑍍𑌨𑍇॒ 𑌤𑌵𑍋॒𑌤𑍍𑌯॑𑌶𑍍𑌯𑌾𑌮॑ 𑌰॒𑌯𑌿𑌗𑍍𑌂 𑌰॑𑌯𑌿𑌵-𑌸𑍍𑌸𑍁॒𑌵𑍀𑌰᳚𑌮𑍍 । 𑌅॒𑌶𑍍𑌯𑌾𑌮॒ 𑌵𑌾𑌜॑𑌮॒𑌭𑌿 𑌵𑌾॒𑌜𑌯॑𑌨𑍍𑌤𑍋॒ 𑌽𑌶𑍍𑌯𑌾𑌮॑ 𑌦𑍍𑌯𑍁॒𑌮𑍍𑌨𑌮॑𑌜𑌰𑌾॒𑌜𑌰॑-𑌨𑍍𑌤𑍇 ॥𑌶𑍍𑌰𑍇𑌷𑍍𑌠𑌂॑-𑌯𑌁𑌵𑌿𑌷𑍍𑌠 𑌭𑌾𑌰॒𑌤𑌾𑌗𑍍𑌨𑍇᳚ 𑌦𑍍𑌯𑍁॒𑌮𑌨𑍍𑌤॒𑌮𑌾 𑌭॑𑌰 ॥ 26 ॥

𑌵𑌸𑍋॑ 𑌪𑍁𑌰𑍁॒𑌸𑍍𑌪𑍃𑌹𑌗𑍍𑌂॑ 𑌰॒𑌯𑌿𑌮𑍍 ॥ 𑌸 𑌶𑍍𑌵𑌿॑𑌤𑌾॒𑌨𑌸𑍍𑌤॑𑌨𑍍𑌯॒𑌤𑍂 𑌰𑍋॑𑌚𑌨॒𑌸𑍍𑌥𑌾 𑌅॒𑌜𑌰𑍇॑𑌭𑌿॒-𑌰𑍍𑌨𑌾𑌨॑𑌦𑌦𑍍𑌭𑌿॒𑌰𑍍𑌯𑌵𑌿॑𑌷𑍍𑌠𑌃 । 𑌯𑌃 𑌪𑌾॑𑌵॒𑌕𑌃 𑌪𑍁॑𑌰𑍁॒𑌤𑌮𑌃॑ 𑌪𑍁॒𑌰𑍂𑌣𑌿॑ 𑌪𑍃॒𑌥𑍂𑌨𑍍𑌯॒𑌗𑍍𑌨𑌿𑌰॑𑌨𑍁॒𑌯𑌾𑌤𑌿॒ 𑌭𑌰𑍍𑌵𑌨𑍍𑌨𑍍॑ ॥ 𑌆𑌯𑍁॑𑌷𑍍𑌟𑍇 𑌵𑌿॒𑌶𑍍𑌵𑌤𑍋॑ 𑌦𑌧𑌦॒𑌯𑌮॒𑌗𑍍𑌨𑌿-𑌰𑍍𑌵𑌰𑍇᳚𑌣𑍍𑌯𑌃 । 𑌪𑍁𑌨॑𑌸𑍍𑌤𑍇 𑌪𑍍𑌰𑌾॒𑌣 𑌆-𑌽𑌯॑𑌤𑌿॒ 𑌪𑌰𑌾॒ 𑌯𑌕𑍍𑌷𑍍𑌮𑌗𑍍𑌂॑ 𑌸𑍁𑌵𑌾𑌮𑌿 𑌤𑍇 ॥ 𑌆॒𑌯𑍁॒𑌰𑍍𑌦𑌾 𑌅॑𑌗𑍍𑌨𑍇 𑌹॒𑌵𑌿𑌷𑍋॑ 𑌜𑍁𑌷𑌾॒𑌣𑍋 𑌘𑍃॒𑌤𑌪𑍍𑌰॑𑌤𑍀𑌕𑍋 𑌘𑍃॒𑌤𑌯𑍋॑𑌨𑌿𑌰𑍇𑌧𑌿 । 𑌘𑍃॒𑌤-𑌮𑍍𑌪𑍀॒𑌤𑍍𑌵𑌾 𑌮𑌧𑍁॒ 𑌚𑌾𑌰𑍁॒ 𑌗𑌵𑍍𑌯॑-𑌮𑍍𑌪𑌿॒𑌤𑍇𑌵॑ 𑌪𑍁॒𑌤𑍍𑌰𑌮॒𑌭𑌿 [𑌪𑍁॒𑌤𑍍𑌰𑌮॒𑌭𑌿, 𑌰॒𑌕𑍍𑌷॒𑌤𑌾॒𑌦𑌿॒𑌮𑌮𑍍] 27

𑌰॑𑌕𑍍𑌷𑌤𑌾𑌦𑌿॒𑌮𑌮𑍍 । 𑌤𑌸𑍍𑌮𑍈॑ 𑌤𑍇 𑌪𑍍𑌰𑌤𑌿॒𑌹𑌰𑍍𑌯॑𑌤𑍇॒ 𑌜𑌾𑌤॑𑌵𑍇𑌦𑍋॒ 𑌵𑌿𑌚॑𑌰𑍍𑌷𑌣𑍇 । 𑌅𑌗𑍍𑌨𑍇॒ 𑌜𑌨𑌾॑𑌮𑌿 𑌸𑍁𑌷𑍍𑌟𑍁॒𑌤𑌿𑌮𑍍 ॥ 𑌦𑌿॒𑌵𑌸𑍍𑌪𑌰𑌿॑ 𑌪𑍍𑌰𑌥॒𑌮-𑌞𑍍𑌜॑𑌜𑍍𑌞𑍇 𑌅॒𑌗𑍍𑌨𑌿𑌰॒𑌸𑍍𑌮-𑌦𑍍𑌦𑍍𑌵𑌿॒𑌤𑍀𑌯॒-𑌮𑍍𑌪𑌰𑌿॑ 𑌜𑌾॒𑌤𑌵𑍇॑𑌦𑌾𑌃 । 𑌤𑍃॒𑌤𑍀𑌯॑𑌮॒𑌫𑍍𑌸𑍁 𑌨𑍃॒𑌮𑌣𑌾॒ 𑌅𑌜॑𑌸𑍍𑌰॒𑌮𑌿𑌨𑍍𑌧𑌾॑𑌨 𑌏𑌨-𑌞𑍍𑌜𑌰𑌤𑍇 𑌸𑍍𑌵𑌾॒𑌧𑍀𑌃 ॥ 𑌶𑍁𑌚𑌿𑌃॑ 𑌪𑌾𑌵𑌕॒ 𑌵𑌨𑍍𑌦𑍍𑌯𑍋-𑌽𑌗𑍍𑌨𑍇॑ 𑌬𑍃॒𑌹𑌦𑍍𑌵𑌿 𑌰𑍋॑𑌚𑌸𑍇 । 𑌤𑍍𑌵-𑌙𑍍𑌘𑍃॒𑌤𑍇𑌭𑌿॒𑌰𑌾𑌹𑍁॑𑌤𑌃 ॥ 𑌦𑍃॒𑌶𑌾॒𑌨𑍋 𑌰𑍁॒𑌕𑍍𑌮 𑌉॒𑌰𑍍𑌵𑍍𑌯𑌾 𑌵𑍍𑌯॑𑌦𑍍𑌯𑍗-𑌦𑍍𑌦𑍁॒𑌰𑍍𑌮𑌰𑍍𑌷॒𑌮𑌾𑌯𑍁𑌃॑ 𑌶𑍍𑌰𑌿॒𑌯𑍇 𑌰𑍁॑𑌚𑌾॒𑌨𑌃 । 𑌅॒𑌗𑍍𑌨𑌿𑌰॒𑌮𑍃𑌤𑍋॑ 𑌅𑌭𑌵॒𑌦𑍍𑌵𑌯𑍋॑𑌭𑌿॒- [𑌅𑌭𑌵॒𑌦𑍍𑌵𑌯𑍋॑𑌭𑌿𑌃, 𑌯𑌦𑍇॑𑌨𑌂॒] 28

-𑌰𑍍𑌯𑌦𑍇॑𑌨॒-𑌨𑍍𑌦𑍍𑌯𑍗𑌰𑌜॑𑌨𑌯-𑌥𑍍𑌸𑍁॒𑌰𑍇𑌤𑌾𑌃᳚ ॥ 𑌆 𑌯𑌦𑌿॒𑌷𑍇 𑌨𑍃॒𑌪𑌤𑌿॒-𑌨𑍍𑌤𑍇𑌜॒ 𑌆𑌨॒𑌟𑍍𑌛𑍁𑌚𑌿॒ 𑌰𑍇𑌤𑍋॒ 𑌨𑌿𑌷𑌿॑𑌕𑍍𑌤॒-𑌨𑍍𑌦𑍍𑌯𑍗𑌰॒𑌭𑍀𑌕𑍇᳚ । 𑌅॒𑌗𑍍𑌨𑌿-𑌶𑍍𑌶𑌰𑍍𑌧॑𑌮𑌨𑌵॒𑌦𑍍𑌯𑌂-𑌯𑍁𑌁𑌵𑌾॑𑌨𑌗𑍍𑌗𑍍 𑌸𑍍𑌵𑌾॒𑌧𑌿𑌯॑-𑌞𑍍𑌜𑌨𑌯-𑌥𑍍𑌸𑍂॒𑌦𑌯॑𑌚𑍍𑌚 ॥ 𑌸 𑌤𑍇𑌜𑍀॑𑌯𑌸𑌾॒ 𑌮𑌨॑𑌸𑌾॒ 𑌤𑍍𑌵𑍋𑌤॑ 𑌉॒𑌤 𑌶𑌿॑𑌕𑍍𑌷 𑌸𑍍𑌵𑌪॒𑌤𑍍𑌯𑌸𑍍𑌯॑ 𑌶𑌿॒𑌕𑍍𑌷𑍋𑌃 । 𑌅𑌗𑍍𑌨𑍇॑ 𑌰𑌾॒𑌯𑍋 𑌨𑍃𑌤॑𑌮𑌸𑍍𑌯॒ 𑌪𑍍𑌰𑌭𑍂॑𑌤𑍗 𑌭𑍂॒𑌯𑌾𑌮॑ 𑌤𑍇 𑌸𑍁𑌷𑍍𑌟𑍁॒𑌤𑌯॑𑌶𑍍𑌚॒ 𑌵𑌸𑍍𑌵𑌃॑ ॥ 𑌅𑌗𑍍𑌨𑍇॒ 𑌸𑌹॑𑌨𑍍𑌤॒𑌮𑌾 𑌭॑𑌰 𑌦𑍍𑌯𑍁॒𑌮𑍍𑌨𑌸𑍍𑌯॑ 𑌪𑍍𑌰𑌾॒𑌸𑌹𑌾॑ 𑌰॒𑌯𑌿𑌮𑍍 । 𑌵𑌿𑌶𑍍𑌵𑌾॒ 𑌯- [𑌵𑌿𑌶𑍍𑌵𑌾॒ 𑌯𑌃, 𑌚॒𑌰𑍍॒𑌷॒𑌣𑍀𑌰॒𑌭𑍍𑌯𑌾॑𑌸𑌾 𑌵𑌾𑌜𑍇॑𑌷𑍁] 29

𑌶𑍍𑌚॑𑌰𑍍॒𑌷॒𑌣𑍀𑌰॒𑌭𑍍𑌯𑌾॑𑌸𑌾 𑌵𑌾𑌜𑍇॑𑌷𑍁 𑌸𑌾॒𑌸𑌹॑𑌤𑍍 ॥ 𑌤𑌮॑𑌗𑍍𑌨𑍇 𑌪𑍃𑌤𑌨𑌾॒𑌸𑌹𑌗𑍍𑌂॑ 𑌰॒𑌯𑌿𑌗𑍍𑌂 𑌸॑𑌹𑌸𑍍𑌵॒ 𑌆 𑌭॑𑌰 । 𑌤𑍍𑌵𑌗𑍍𑌂 𑌹𑌿 𑌸॒𑌤𑍍𑌯𑍋 𑌅𑌦𑍍𑌭𑍁॑𑌤𑍋 𑌦𑌾॒𑌤𑌾 𑌵𑌾𑌜॑𑌸𑍍𑌯॒ 𑌗𑍋𑌮॑𑌤𑌃 ॥ 𑌉॒𑌕𑍍𑌷𑌾𑌨𑍍𑌨𑌾॑𑌯 𑌵॒𑌶𑌾𑌨𑍍𑌨𑌾॑𑌯॒ 𑌸𑍋𑌮॑𑌪𑍃𑌷𑍍𑌠𑌾𑌯 𑌵𑍇॒𑌧𑌸𑍇᳚ । 𑌸𑍍𑌤𑍋𑌮𑍈᳚-𑌰𑍍𑌵𑌿𑌧𑍇𑌮𑌾॒-𑌽𑌗𑍍𑌨𑌯𑍇᳚ ॥ 𑌵॒𑌦𑍍𑌮𑌾 𑌹𑌿 𑌸𑍂॑𑌨𑍋॒ 𑌅𑌸𑍍𑌯॑𑌦𑍍𑌮॒𑌸𑌦𑍍𑌵𑌾॑ 𑌚॒𑌕𑍍𑌰𑍇 𑌅॒𑌗𑍍𑌨𑌿-𑌰𑍍𑌜॒𑌨𑍁𑌷𑌾 𑌽𑌜𑍍𑌮𑌾-𑌽𑌨𑍍𑌨᳚𑌮𑍍 । 𑌸 𑌤𑍍𑌵-𑌨𑍍𑌨॑ 𑌊𑌰𑍍𑌜𑌸𑌨॒ 𑌊𑌰𑍍𑌜॑-𑌨𑍍𑌧𑌾॒ 𑌰𑌾𑌜𑍇॑𑌵 𑌜𑍇𑌰𑌵𑍃॒𑌕𑍇 𑌕𑍍𑌷𑍇᳚𑌷𑍍𑌯॒𑌨𑍍𑌤𑌃 ॥ 𑌅𑌗𑍍𑌨॒ 𑌆𑌯𑍂𑌗𑍍𑌂॑𑌷𑌿 [𑌅𑌗𑍍𑌨॒ 𑌆𑌯𑍂𑌗𑍍𑌂॑𑌷𑌿, 𑌪॒𑌵॒𑌸॒ 𑌆] 30

𑌪𑌵𑌸॒ 𑌆 𑌸𑍁॒𑌵𑍋𑌰𑍍𑌜॒𑌮𑌿𑌷॑-𑌞𑍍𑌚 𑌨𑌃 । 𑌆॒𑌰𑍇 𑌬𑌾॑𑌧𑌸𑍍𑌵 𑌦𑍁॒𑌚𑍍𑌛𑍁𑌨𑌾᳚𑌮𑍍 ॥ 𑌅𑌗𑍍𑌨𑍇॒ 𑌪𑌵॑𑌸𑍍𑌵॒ 𑌸𑍍𑌵𑌪𑌾॑ 𑌅॒𑌸𑍍𑌮𑍇 𑌵𑌰𑍍𑌚𑌃॑ 𑌸𑍁॒𑌵𑍀𑌰𑍍𑌯᳚𑌮𑍍 । 𑌦𑌧॒𑌤𑍍𑌪𑍋𑌷𑌗𑍍𑌂॑ 𑌰॒𑌯𑌿-𑌮𑍍𑌮𑌯𑌿॑ ॥ 𑌅𑌗𑍍𑌨𑍇॑ 𑌪𑌾𑌵𑌕 𑌰𑍋॒𑌚𑌿𑌷𑌾॑ 𑌮॒𑌨𑍍𑌦𑍍𑌰𑌯𑌾॑ 𑌦𑍇𑌵 𑌜𑌿॒𑌹𑍍𑌵𑌯𑌾᳚ । 𑌆 𑌦𑍇॒𑌵𑌾𑌨𑍍. 𑌵॑𑌕𑍍𑌷𑌿॒ 𑌯𑌕𑍍𑌷𑌿॑ 𑌚 ॥ 𑌸 𑌨𑌃॑ 𑌪𑌾𑌵𑌕 𑌦𑍀𑌦𑌿॒𑌵𑍋-𑌽𑌗𑍍𑌨𑍇॑ 𑌦𑍇॒𑌵𑌾𑌗𑍍𑌂 𑌇॒𑌹𑌾 𑌵॑𑌹 । 𑌉𑌪॑ 𑌯॒𑌜𑍍𑌞𑌗𑍍𑌂 𑌹॒𑌵𑌿𑌶𑍍𑌚॑ 𑌨𑌃 ॥ 𑌅॒𑌗𑍍𑌨𑌿-𑌶𑍍𑌶𑍁𑌚𑌿॑𑌵𑍍𑌰𑌤𑌤𑌮॒-𑌶𑍍𑌶𑍁𑌚𑌿॒-𑌰𑍍𑌵𑌿𑌪𑍍𑌰॒-𑌶𑍍𑌶𑍁𑌚𑌿𑌃॑ 𑌕॒𑌵𑌿𑌃 । 𑌶𑍁𑌚𑍀॑ 𑌰𑍋𑌚𑌤॒ 𑌆𑌹𑍁॑𑌤𑌃 ॥ 𑌉𑌦॑𑌗𑍍𑌨𑍇॒ 𑌶𑍁𑌚॑𑌯॒𑌸𑍍𑌤𑌵॑ 𑌶𑍁॒𑌕𑍍𑌰𑌾 𑌭𑍍𑌰𑌾𑌜॑𑌨𑍍𑌤 𑌈𑌰𑌤𑍇 । 𑌤𑌵॒ 𑌜𑍍𑌯𑍋𑌤𑍀𑌗𑍍॑𑌷𑍍𑌯॒𑌰𑍍𑌚𑌯𑌃॑ ॥ 31 ॥

(𑌪𑍁॒𑌰𑍁॒𑌨𑌿॒𑌷𑍍𑌠𑌃-𑌪𑍁॑𑌰𑍍𑌵𑌣𑍀𑌕-𑌭𑌰𑌾॒-𑌽𑌭𑌿-𑌵𑌯𑍋॑𑌭𑌿॒-𑌰𑍍𑌯-𑌆𑌯𑍂𑌗𑍍𑌂॑𑌷𑌿॒ -𑌵𑌿𑌪𑍍𑌰॒-𑌶𑍍𑌶𑍁𑌚𑌿॒-𑌶𑍍𑌚𑌤𑍁॑𑌰𑍍𑌦𑌶 𑌚) (𑌅. 14)

(𑌦𑍇॒𑌵𑌸𑍍𑌯॑ - 𑌰𑌕𑍍𑌷𑍋॒𑌹𑌣𑍋॑ - 𑌵𑌿॒𑌭𑍂-𑌸𑍍𑌤𑍍𑌵𑌗𑍍𑌂 𑌸𑍋॒𑌮𑌾 - 𑌽𑌤𑍍𑌯॒𑌨𑍍𑌯𑌾𑌨𑌗𑌾𑌂᳚ - 𑌪𑍃𑌥𑌿॒𑌵𑍍𑌯𑌾 - 𑌇॒𑌷𑍇 𑌤𑍍𑌵𑌾 - 𑌽𑌽𑌦॑𑌦𑍇॒ - 𑌵𑌾𑌕𑍍𑌤॒-𑌸𑌨𑍍𑌤𑍇॑ - 𑌸𑌮𑍁॒𑌦𑍍𑌰𑌗𑍍𑌂 - 𑌹॒𑌵𑌿𑌷𑍍𑌮॑𑌤𑍀𑌰𑍍-𑌹𑍃॒𑌦𑍇 - 𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰 - 𑌶𑍍𑌚𑌤𑍁॑𑌰𑍍𑌦𑌶)

(𑌦𑍇॒𑌵𑌸𑍍𑌯॑ - 𑌗॒𑌮𑌧𑍍𑌯𑍇॑ - 𑌹॒𑌵𑌿𑌷𑍍𑌮॑𑌤𑍀𑌃 - 𑌪𑌵𑌸॒ - 𑌏𑌕॑𑌤𑍍𑌰𑌿𑌗𑍍𑌂𑌶𑌤𑍍)

(𑌦𑍇॒𑌵𑌸𑍍𑌯𑌾॒, 𑌰𑍍𑌚𑌯𑌃॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-mprathamakāṇḍe tṛtīyaḥ praśnaḥ - agniṣṭome paśuḥ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

de॒vasya̭ tvā savi॒tuḥ pra̭sa॒ve᳚-'śvino᳚-rbā॒hubhyā᳚-mpū॒ṣṇo hastā᳚bhyā॒mā da॒de-'bhri̭rasi॒ nāri̭rasi॒ pari̭likhita॒gṃ॒ rakṣaḥ॒ pari̭likhitā॒ arā̭taya i॒dama॒hagṃ rakṣa̭so grī॒vā api̭ kṛntāmi॒ yo᳚-'smā-ndveṣṭi॒ ya-ñca̭ va॒ya-ndvi॒ṣma i॒dama̭sya grī॒vā api̭ kṛntāmi di॒ve tvā॒-'ntari̭kṣāya tvā pṛthi॒vyai tvā॒ śundha̭tāṃ-lo~॒kaḥ pi̭tṛ॒ṣada̭no॒ yavo̭-'si ya॒vayā॒sma-ddveṣo̭ [ya॒vayā॒sma-ddveṣaḥ̭, ya॒vayārā̭tīḥ] 1

ya॒vayārā̭tīḥ pitṛ॒ṇāgṃ sada̭nama॒syuddivagg̭ stabhā॒nā-'ntari̭kṣa-mpṛṇa pṛthi॒vī-ndṛgṃ̭ha dyutā॒nastvā̭ māru॒to mi̭notu mi॒trāvarṷṇayo-rdhru॒veṇa॒ dharma̭ṇā brahma॒vani̭-ntvā kṣatra॒vanigṃ̭ suprajā॒vanigṃ̭ rāyaspoṣa॒vani॒-mparyṷ̄hāmi॒ brahma̭ dṛgṃha kṣa॒tra-ndṛgṃ̭ha pra॒jā-ndṛgṃ̭ha rā॒yaspoṣa̭-ndṛgṃha ghṛ॒tena̭ dyāvāpṛthivī॒ ā pṛ̭ṇethā॒mindra̭sya॒ sado̭-'si viśvaja॒nasya̭ chā॒yā pari̭ tvā girvaṇo॒ gira̭ i॒mā bha̭vantu vi॒śvato̭ vṛ॒ddhāyu॒manu॒ vṛddha̭yo॒ juṣṭā̭ bhavantu॒ juṣṭa̭ya॒ indra̭sya॒ syūra॒sīndra̭sya dhru॒vama̭syai॒ndrama॒sīndrā̭ya tvā || 2 ||

(dveṣa̭ - i॒mā - a॒ṣṭāda̭śa ca ) (a. 1)

ra॒kṣo॒haṇo̭ valaga॒hano̭ vaiṣṇa॒vā-nkha̭nāmī॒dama॒ha-ntaṃ-va~̭la॒gamudva̭pāmi॒ ya-nnaḥ̭ samā॒no yamasa̭māno nica॒khāne॒damḙna॒madha̭ra-ṅkaromi॒ yo naḥ̭ samā॒no yo-'sa̭māno-'rātī॒yati̭ gāya॒treṇa॒ chanda॒sā-'va̭bāḍho vala॒gaḥ kimatra̭ bha॒dra-ntannaṷ sa॒ha vi॒rāḍa̭si sapatna॒hā sa॒mrāḍa̭si bhrātṛvya॒hā sva॒rāḍa̭syabhimāti॒hā vi̭śvā॒rāḍa̭si॒ viśvā̭sā-nnā॒ṣṭrāṇāgṃ̭ ha॒ntā [ha॒ntā, ra॒kṣo॒haṇo̭] 3

ra̭kṣo॒haṇo̭ valaga॒hanaḥ॒ prokṣā̭mi vaiṣṇa॒vā-nra̭kṣo॒haṇo̭ valaga॒hano-'va̭ nayāmi vaiṣṇa॒vān yavo̭-'si ya॒vayā॒sma-ddveṣo̭ ya॒vayārā̭tī rakṣo॒haṇo̭ valaga॒hano-'va̭ stṛṇāmi vaiṣṇa॒vā-nra̭kṣo॒haṇo̭ valaga॒hano॒-'bhi jṷhomi vaiṣṇa॒vā-nra̭kṣo॒haṇaṷ valaga॒hanā॒vupa̭ dadhāmi vaiṣṇa॒vī ra̭kṣo॒haṇaṷ valaga॒hanau॒ paryṷ̄hāmi vaiṣṇa॒vī ra̭kṣo॒haṇaṷ valaga॒hanau॒ pari̭ stṛṇāmi vaiṣṇa॒vī ra̭kṣo॒haṇaṷ valaga॒hanaṷ vaiṣṇa॒vī bṛ॒hanna̭si bṛ॒hadgrā̭vā bṛha॒tīmindrā̭ya॒ vācaṃ̭-va~da || 4 ||

( ha॒nte-ndrā̭ya॒ dve ca̭ ) (a. 2)

vi॒bhūra̭si pra॒vāha̭ṇo॒ vahni̭rasi havya॒vāha̭na-śśvā॒tro̭-'si॒ pracḙtāstu॒tho̭-'si vi॒śvavḙdā u॒śiga̭si ka॒viraṅghā̭rirasi॒ bambhā̭rirava॒syura̭si॒ duva̭svāñchu॒ndhyūra̭si mārjā॒līyaḥ̭ sa॒mrāḍa̭si kṛ॒śānuḥ̭ pari॒ṣadyo̭-'si॒ pava̭mānaḥ pra॒takvā̭-'si॒ nabha̭svā॒nasa̭mmṛṣṭo-'si havya॒sūda̭ ṛ॒tadhā̭mā-'si॒ suvarjyoti॒-rbrahma̭jyotirasi॒ suva̭rdhāmā॒-'jo᳚ 'syeka̭pā॒dahi̭rasi bu॒ddhniyo॒ raudre॒ṇānī̭kena pā॒hi mā᳚-'gne pipṛ॒hi mā॒ mā mā̭ higṃsīḥ || 5 ||

(anī̭kenā॒-ṣṭau ca̭) (a. 3)

tvagṃ so̭ma tanū॒kṛdbhyo॒ dveṣo᳚bhyo॒-'nyakṛ̭tebhya u॒ru ya॒ntā-'si॒ varṷ̄tha॒gg॒ svāhā̭ juṣā॒ṇo a॒pturājya̭sya vetu॒ svāhā॒-'yanno̭ a॒gnirvari̭vaḥ kṛṇotva॒ya-mmṛdhaḥ̭ pu॒ra ḙtu prabhi॒ndann | a॒yagṃ śatrū᳚ñjayatu॒ jarhṛ̭ṣāṇo॒-'yaṃ-vā~ja̭-ñjayatu॒ vāja̭sātau | u॒ru vi̭ṣṇo॒ vi kra̭masvo॒ru kṣayā̭ya naḥ kṛdhi | ghṛ॒ta-ṅghṛ̭tayone piba॒ prapra̭ ya॒jñapa̭ti-ntira | somo̭ jigāti gātu॒vi- [gātu॒vit, de॒vānā̭meti] 6

dde॒vānā̭meti niṣkṛ॒tamṛ॒tasya॒ yoni̭mā॒sada॒madi̭tyā॒-ssado॒-'syadi̭tyā॒-ssada॒ ā sī̭dai॒ṣa vo̭ deva savita॒-ssoma॒stagṃ ra̭kṣaddhva॒-mmā vo̭ dabhade॒tattvagṃ so̭ma de॒vo de॒vānupā̭gā i॒dama॒ha-mma̭nu॒ṣyo̭ manu॒ṣyā᳚n-thsa॒ha pra॒jayā̭ sa॒ha rā॒yaspoṣḙṇa॒ namo̭ de॒vebhyaḥ̭ sva॒dhā pi॒tṛbhya̭ i॒dama॒ha-nnirvarṷṇasya॒ pāśā॒-thsuva̭ra॒bhi [ ] 7

vi khyḙṣaṃ-vai~śvāna॒ra-ñjyoti॒ragne᳚ vratapate॒ tvaṃ-vra~॒tānāṃ᳚-vra~॒tapa̭tirasi॒ yā mama̭ ta॒nūstvayyabhṷ̄di॒yagṃ sā mayi॒ yā tava̭ ta॒nū-rmayyabhṷ̄de॒ṣā sā tvayi̭ yathāya॒tha-nnau᳚ vratapate vra॒tino᳚-rvra॒tāni̭ || 8 ||

(gā॒tu॒vida॒-bhye-ka̭trigṃśacca) (a. 4)

atya॒nyānagā॒-nnānyānupā̭gāma॒rvāktvā॒ parai̭ravida-mpa॒ro-'va̭rai॒sta-ntvā̭ juṣe vaiṣṇa॒va-ndḙvaya॒jyāyai̭ de॒vastvā̭ savi॒tā maddhvā̭-'na॒ktvoṣa̭dhe॒ trāya̭svaina॒gg॒ svadhi̭te॒ mainagṃ̭ higṃsī॒-rdiva॒magrḙṇa॒ mā lḙkhīra॒ntari̭kṣa॒-mmaddhyḙna॒ mā higṃ̭sīḥ pṛthi॒vyā sa-mbha̭va॒ vana̭spate śa॒tava̭lśo॒ vi ro̭ha sa॒hasra̭valśā॒ vi va॒yagṃ rṷhema॒ ya-ntvā॒-'yagg svadhi̭ti॒steti̭jānaḥ praṇi॒nāya̭ maha॒te saubha̭gā॒yācchi̭nno॒ rāyaḥ̭ su॒vīraḥ̭ || 9 ||

(yaṃ-daśa̭ ca) (a. 5)

pṛ॒thi॒vyai tvā॒ntari̭kṣāya tvā di॒ve tvā॒ śundha̭tāṃ-lo~॒kaḥ pi̭tṛ॒ṣada̭no॒ yavo̭-'si ya॒vayā॒sma-ddveṣo̭ ya॒vayārā̭tīḥ pitṛ॒ṇāgṃ sada̭namasi svāve॒śo᳚-'syagre॒gā nḙtṛ॒ṇāṃ-va~na॒spati॒radhi̭ tvā sthāsyati॒ tasya̭ vittā-dde॒vastvā̭ savi॒tā maddhvā̭-'naktu supippa॒lābhya॒-stvauṣa̭dhībhya॒ uddivagg̭ stabhā॒nā-'ntari̭kṣa-mpṛṇa pṛthi॒vīmupa̭reṇa dṛgṃha॒ te te॒ dhāmā᳚nyuśmasī [dhāmā᳚nyuśmasi, ga॒maddhye॒ gāvo॒] 10

ga॒maddhye॒ gāvo॒ yatra॒ bhūri̭śṛṅgā a॒yāsaḥ̭ | atrāha॒ tadṷrugā॒yasya॒ viṣṇoḥ᳚ pa॒rama-mpa॒damava̭ bhāti॒ bhūreḥ᳚ || viṣṇoḥ॒ karmā̭ṇi paśyata॒ yato᳚ vra॒tāni̭ paspa॒śe | indra̭sya॒ yujya॒-ssakhā᳚ || ta-dviṣṇoḥ᳚ para॒ma-mpa॒dagṃ sadā̭ paśyanti sū॒rayaḥ̭ | di॒vīva॒ cakṣu॒rāta̭tam || bra॒hma॒vani̭-ntvā kṣatra॒vanigṃ̭ suprajā॒vanigṃ̭ rāyaspoṣa॒vani॒-mparyṷ̄hāmi॒ brahma̭ dṛgṃha kṣa॒tra-ndṛgṃ̭ha pra॒jā-ndṛgṃ̭ha rā॒yaspoṣa̭-ndṛgṃha pari॒vīra̭si॒ pari̭ tvā॒ daivī॒rviśo᳚ vyayantā॒-mparī॒magṃ rā॒yaspoṣo॒ yaja̭māna-mmanu॒ṣyā̭ a॒ntari̭kṣasya tvā॒ sānā॒vava̭ gūhāmi || 11 ||

(u॒śma॒sī॒-poṣa॒me-kā॒nnavigṃ̭śa॒tiśca̭) (a. 6)

i॒ṣe tvo̭pa॒vīra॒syupo̭ de॒vā-ndaivī॒-rviśaḥ॒ prāgu॒-rvahnī̭ru॒śijo॒ bṛha̭spate dhā॒rayā॒ vasṷ̄ni ha॒vyā te᳚ svadantā॒-ndeva̭ tvaṣṭa॒rvasṷ raṇva॒ reva̭tī॒ rama̭ddhva-ma॒gne-rja॒nitra̭masi॒ vṛṣa̭ṇau stha u॒rvaśya̭syā॒yura̭si purū॒ravā̭ ghṛ॒tenā॒kte vṛṣa̭ṇa-ndadhāthā-ṅgāya॒tra-ñchando-'nu॒ pra jā̭yasva॒ traiṣṭṷbha॒-ñjāga̭ta॒-ñchando-'nu॒ pra jā̭yasva॒ bhava̭ta- [bhava̭tam, na॒-ssama̭nasau॒] 12

nna॒-ssama̭nasau॒ samo̭kasāvare॒pasau᳚ | mā ya॒jñagṃ higṃ̭siṣṭa॒-mmā ya॒jñapa̭ti-ñjātavedasau śi॒vau bha̭vatama॒dya naḥ̭ || a॒gnāva॒gniśca̭rati॒ pravi̭ṣṭa॒ ṛṣī̭ṇā-mpu॒tro a̭dhirā॒ja e॒ṣaḥ | svā॒hā॒kṛtya॒ brahma̭ṇā te juhomi॒ mā de॒vānā᳚-mmithu॒yā ka̭rbhāga॒dheya᳚m || 13 ||

(bhava̭ta॒-meka̭trigṃśacca) (a. 7)

ā da̭da ṛ॒tasya̭ tvā devahaviḥ॒ pāśe॒nā-''ra̭bhe॒ dharṣā॒ mānṷṣāna॒dbhyastvauṣa̭dhībhyaḥ॒ prokṣā᳚mya॒pā-mpe॒rura̭si svā॒tta-ñci॒-thsadḙvagṃ ha॒vyamāpo̭ devī॒-ssvada̭taina॒gṃ॒ sa-nte᳚ prā॒ṇo vā॒yunā̭ gacchatā॒gṃ॒ saṃ-ya~ja̭trai॒raṅgā̭ni॒ saṃ-ya~॒jñapa̭tirā॒śiṣā̭ ghṛ॒tenā॒ktau pa॒śu-ntrā̭yethā॒gṃ॒ reva̭tī-rya॒jñapa̭ti-mpriya॒dhā-'' vi̭śa॒toro̭ antarikṣa sa॒jū-rde॒vena॒ [sa॒jū-rde॒vena̭, vātḙnā॒-'sya] 14

vātḙnā॒-'sya ha॒viṣa॒stmanā̭ yaja॒ sama̭sya ta॒nuvā̭ bhava॒ varṣī̭yo॒ varṣī̭yasi ya॒jñe ya॒jñapati̭-ndhāḥ pṛ̭thi॒vyā-ssa॒mpṛcaḥ̭ pāhi॒ nama̭sta ātānā-'na॒rvā prehi̭ ghṛ॒tasya̭ ku॒lyāmanṷ sa॒ha pra॒jayā̭ sa॒ha rā॒yaspoṣe॒ṇā ''po̭ devī-śśuddhāyuva-śśu॒ddhā yū॒ya-nde॒vāgṃ ū᳚ḍhvagṃ śu॒ddhā va॒ya-mpari̭viṣṭāḥ parive॒ṣṭāro̭ vo bhūyāsma || 15 ||

(de॒vana॒-catṷścatvārigṃśacca) (a. 8)

vākta॒ ā pyā̭yatā-mprā॒ṇasta॒ ā pyā̭yatā॒-ñcakṣṷsta॒ ā pyā̭yatā॒g॒ śrotra̭-nta॒ ā pyā̭yatāṃ॒-yā~ te᳚ prā॒ṇāñchugja॒gāma॒ yā cakṣu॒ryā śrotraṃ॒-ya~tte᳚ krū॒raṃ-ya~dāsthi̭ta॒-ntatta॒ ā pyā̭yatā॒-ntatta̭ e॒tena̭ śundhatā॒-nnābhi̭sta॒ ā pyā̭yatā-mpā॒yusta॒ ā pyā̭yatāgṃ śu॒ddhāśca॒ritrā॒-śśama॒dbhya- [ma॒dhbhyaḥ, śamoṣa̭dhībhya॒-śśaṃ] 16

śśamoṣa̭dhībhya॒-śśa-mpṛ̭thi॒vyai śamaho᳚bhyā॒-moṣa̭dhe॒ trāya̭svaina॒gg॒ svadhi̭te॒ mainagṃ̭ higṃsī॒ rakṣa̭sā-mbhā॒go̭-'sī॒dama॒hagṃ rakṣo̭-'dha॒ma-ntamo̭ nayāmi॒ yo᳚-'smā-ndveṣṭi॒ ya-ñca̭ va॒ya-ndvi॒ṣma i॒damḙnamadha॒ma-ntamo̭ nayāmī॒ṣe tvā̭ ghṛ॒tena̭ dyāvāpṛthivī॒ prorṇvā̭thā॒-macchi̭nno॒ rāyaḥ̭ su॒vīra̭ u॒rva̭ntari̭kṣa॒manvi̭hi॒ vāyo॒ vīhi̭ sto॒kānā॒g॒ svāho॒rdhvana̭bhasa-mmāru॒ta-ṅga̭cchatam || 17 ||

(a॒dbhyo-vīhi॒-pañca̭ ca) (a. 9)

sa-nte॒ mana̭sā॒ manaḥ॒ sa-mprā॒ṇena̭ prā॒ṇo juṣṭa̭-nde॒vebhyo̭ ha॒vya-ṅghṛ॒tava॒-thsvāhai॒ndraḥ prā॒ṇo aṅgḙaṅge॒ ni de᳚ddhyadai॒ndro̭ 'pā॒no aṅgḙaṅge॒ vi bo̭bhuva॒ddeva̭ tvaṣṭa॒rbhūri̭ te॒ sagṃsa̭metu॒ viṣṷrūpā॒ ya-thsala̭kṣmāṇo॒ bhava̭tha deva॒trā yanta॒mava̭se॒ sakhā॒yo-'nṷ tvā mā॒tā pi॒taro̭ madantu॒ śrīra̭sya॒gnistvā᳚ śrīṇā॒tvāpa॒-ssama̭riṇa॒n vāta̭sya [ ] 18

tvā॒ dhrajyai̭ pū॒ṣṇo ragghyā̭ a॒pāmoṣa̭dhīnā॒gṃ॒ rohi̭ṣyai ghṛ॒ta-ṅghṛ̭tapāvānaḥ pibata॒ vasāṃ᳚-va~sāpāvānaḥ pibatā॒-'ntari̭kṣasya ha॒vira̭si॒ svāhā᳚ tvā॒-'ntari̭kṣāya॒ diśaḥ̭ pra॒diśa̭ ā॒diśo̭ vi॒diśa̭ u॒ddiśa॒-ssvāhā̭ di॒gbhyo namo̭ di॒gbhyaḥ || 19 ||

(vā̭tasyā॒-ṣṭāvigṃ̭śatiśca) (a. 10)

sa॒mu॒dra-ṅga̭ccha॒ svāhā॒-'ntari̭kṣa-ṅgaccha॒ svāhā̭ de॒vagṃ sa̭vi॒tāra̭-ṅgaccha॒ svāhā̭-'horā॒tre ga̭ccha॒ svāhā̭ mi॒trāvarṷṇau gaccha॒ svāhā॒ soma̭-ṅgaccha॒ svāhā̭ ya॒jña-ṅga̭ccha॒ svāhā॒ chandāgṃ̭si gaccha॒ svāhā॒ dyāvā̭pṛthi॒vī ga̭ccha॒ svāhā॒ nabho̭ di॒vya-ṅga̭ccha॒ svāhā॒-'gniṃ-vai~᳚śvāna॒ra-ṅga̭ccha॒ svāhā॒-'dbhyastvauṣa̭dhībhyo॒ mano̭ me॒ hārdi̭ yaccha ta॒nū-ntvaca̭-mpu॒tra-nnaptā̭ramaśīya॒ śuga̭si॒ tama॒bhi śo̭ca॒ yo᳚-'smā-ndveṣṭi॒ ya-ñca̭ va॒ya-ndvi॒ṣmo dhāmno̭dhāmno rājanni॒to va̭ruṇa no muñca॒ yadāpo॒ aghni̭yā॒ varu॒ṇeti॒ śapā̭mahe॒ tato̭ varuṇa no muñca || 20

(a॒si॒-ṣaḍvigṃ̭śatiśca ) (a. 11)

ha॒viṣma̭tīri॒mā āpo̭ ha॒viṣmā᳚-nde॒vo a̭ddhva॒ro ha॒viṣmā॒gṃ॒ ā vi̭vāsati ha॒viṣmāgṃ̭ astu॒ sūryaḥ̭ || a॒gnervo 'pa̭nnagṛhasya॒ sada̭si sādayāmi su॒mnāya̭ sumninī-ssu॒mne mā̭ dhattendrāgni॒yo-rbhā̭ga॒dheyī᳚-sstha mi॒trāvarṷṇayo-rbhāga॒dheyī᳚-sstha॒ viśvḙṣā-nde॒vānā᳚-mbhāga॒dheyī᳚-sstha ya॒jñe jā̭gṛta || 21 ||

(ha॒viṣma̭tī॒-ścatṷstrigṃśat) (a. 12)

hṛ॒de tvā॒ mana̭se tvā di॒ve tvā॒ sūryā̭ya tvo॒rdhvami॒mama̭ddhva॒ra-ṅkṛ̭dhi di॒vi de॒veṣu॒ hotrā̭ yaccha॒ soma̭ rāja॒nnehyava̭ roha॒ mā bhermā saṃ-vi~̭kthā॒ mā tvā̭ higṃsiṣa-mpra॒jāstvamu॒pāva̭roha pra॒jāstvāmu॒pāva̭rohantu śṛ॒ṇotva॒gni-ssa॒midhā॒ hava̭-mme śṛ॒ṇvantvāpo̭ dhi॒ṣaṇā᳚śca de॒vīḥ | śṛ॒ṇota̭ grāvāṇo vi॒duṣo॒ nu [ ] 22

ya॒jñagṃ śṛ॒ṇotṷ de॒va-ssa̭vi॒tā hava̭-mme | devī̭rāpo apā-nnapā॒dya ū॒rmirha̭vi॒ṣya̭ indri॒yāvā᳚-nma॒dinta̭ma॒sta-nde॒vebhyo̭ deva॒trā dha̭tta śu॒kragṃ śṷkra॒pebhyo॒ yeṣā᳚-mbhā॒ga-sstha svāhā॒ kārṣi̭ra॒syapā॒-'pā-mmṛ॒ddhragṃ sa̭mu॒drasya॒ vo-'kṣi̭tyā॒ unna̭ye | yama̭gne pṛ॒thsu martya॒māvo॒ vājḙṣu॒ ya-ñju॒nāḥ | sa yantā॒ śaśva̭tī॒riṣaḥ̭ || 23 ||

( nu-sa॒ptaca̭tvārigṃśacca) (a. 13)

tvama̭gne ru॒dro asṷro ma॒ho di॒vastvagṃ śardho॒ mārṷta-mpṛ॒kṣa ī̭śiṣe | tvaṃ-vā~tai̭raru॒ṇairyā̭si śaṅga॒yastva-mpū॒ṣā vi̭dha॒taḥ pā̭si॒ nutmanā᳚ || ā vo॒ rājā̭namaddhva॒rasya̭ ru॒dragṃ hotā̭ragṃ satya॒yaja॒gṃ॒ roda̭syoḥ | a॒gni-mpu॒rā ta̭nayi॒tno ra॒cittā॒ddhira̭ṇyarūpa॒mava̭se kṛṇuddhvam || a॒gnirhotā॒ ni ṣa̭sādā॒ yajī̭yānu॒pasthḙ mā॒tu-ssṷra॒bhāvṷ lo॒ke | yuvā̭ ka॒viḥ pṷruni॒ṣṭha [pṷruni॒ṣṭhaḥ, ṛ॒tāvā̭ dha॒rtā] 24

ṛ॒tāvā̭ dha॒rtā kṛ̭ṣṭī॒nāmu॒ta maddhya̭ i॒ddhaḥ ||sā॒ddhvīma̭ka-rde॒vavī̭ti-nno a॒dya ya॒jñasya̭ ji॒hvāma̭vidāma॒ guhyā᳚m | sa āyu॒rā-'gā᳚-thsura॒bhirvasā̭no bha॒drāma̭ka-rde॒vahṷ̄ti-nno a॒dya || akra̭ndada॒gni-ssta॒naya̭nniva॒ dyauḥ, kṣāmā॒ reri̭hadvī॒rudhaḥ̭ sama॒ñjann | sa॒dyo ja̭jñā॒no vi hīmi॒ddho akhya॒dā roda̭sī bhā॒nunā̭ bhātya॒ntaḥ || tve vasṷ̄ni purvaṇīka [purvaṇīka, ho॒ta॒rdo॒ṣā] 25

hotardo॒ṣā vasto॒reri̭re ya॒jñiyā̭saḥ | kṣāmḙva॒ viśvā॒ bhuva̭nāni॒ yasmi॒n-thsagṃ saubha̭gāni dadhi॒re pā̭va॒ke || tubhya॒-ntā a̭ṅgirastama॒ viśvā᳚-ssukṣi॒tayaḥ॒ pṛtha̭k | agne॒ kāmā̭ya yemire || a॒śyāma॒ ta-ṅkāma̭magne॒ tavo॒tya̭śyāma̭ ra॒yigṃ ra̭yiva-ssu॒vīra᳚m | a॒śyāma॒ vāja̭ma॒bhi vā॒jaya̭nto॒ 'śyāma̭ dyu॒mnama̭jarā॒jara̭-nte ||śreṣṭhaṃ̭-ya~viṣṭha bhāra॒tāgne᳚ dyu॒manta॒mā bha̭ra || 26 ||

vaso̭ puru॒spṛhagṃ̭ ra॒yim || sa śvi̭tā॒nasta̭nya॒tū ro̭cana॒sthā a॒jarḙbhi॒-rnāna̭dadbhi॒ryavi̭ṣṭhaḥ | yaḥ pā̭va॒kaḥ pṷru॒tamaḥ̭ pu॒rūṇi̭ pṛ॒thūnya॒gnira̭nu॒yāti॒ bharvanṋ || āyṷṣṭe vi॒śvato̭ dadhada॒yama॒gni-rvare᳚ṇyaḥ | puna̭ste prā॒ṇa ā-'ya̭ti॒ parā॒ yakṣmagṃ̭ suvāmi te || ā॒yu॒rdā a̭gne ha॒viṣo̭ juṣā॒ṇo ghṛ॒tapra̭tīko ghṛ॒tayo̭niredhi | ghṛ॒ta-mpī॒tvā madhu॒ cāru॒ gavya̭-mpi॒teva̭ pu॒trama॒bhi [pu॒trama॒bhi, ra॒kṣa॒tā॒di॒mam] 27

ra̭kṣatādi॒mam | tasmai̭ te prati॒harya̭te॒ jāta̭vedo॒ vica̭rṣaṇe | agne॒ janā̭mi suṣṭu॒tim || di॒vaspari̭ pratha॒ma-ñja̭jñe a॒gnira॒sma-ddvi॒tīya॒-mpari̭ jā॒tavḙdāḥ | tṛ॒tīya̭ma॒phsu nṛ॒maṇā॒ aja̭sra॒mindhā̭na ena-ñjarate svā॒dhīḥ || śuciḥ̭ pāvaka॒ vandyo-'gnḙ bṛ॒hadvi ro̭case | tva-ṅghṛ॒tebhi॒rāhṷtaḥ || dṛ॒śā॒no ru॒kma u॒rvyā vya̭dyau-ddu॒rmarṣa॒māyuḥ̭ śri॒ye rṷcā॒naḥ | a॒gnira॒mṛto̭ abhava॒dvayo̭bhi॒- [abhava॒dvayo̭bhiḥ, yadḙnaṃ॒] 28

-ryadḙna॒-ndyauraja̭naya-thsu॒retāḥ᳚ || ā yadi॒ṣe nṛ॒pati॒-nteja॒ āna॒ṭchuci॒ reto॒ niṣi̭kta॒-ndyaura॒bhīke᳚ | a॒gni-śśardha̭manava॒dyaṃ-yu~vā̭nagg svā॒dhiya̭-ñjanaya-thsū॒daya̭cca || sa tejī̭yasā॒ mana̭sā॒ tvota̭ u॒ta śi̭kṣa svapa॒tyasya̭ śi॒kṣoḥ | agnḙ rā॒yo nṛta̭masya॒ prabhṷ̄tau bhū॒yāma̭ te suṣṭu॒taya̭śca॒ vasvaḥ̭ || agne॒ saha̭nta॒mā bha̭ra dyu॒mnasya̭ prā॒sahā̭ ra॒yim | viśvā॒ ya- [viśvā॒ yaḥ, ca॒r॒ṣa॒ṇīra॒bhyā̭sā vājḙṣu] 29

śca̭r॒ṣa॒ṇīra॒bhyā̭sā vājḙṣu sā॒saha̭t || tama̭gne pṛtanā॒sahagṃ̭ ra॒yigṃ sa̭hasva॒ ā bha̭ra | tvagṃ hi sa॒tyo adbhṷto dā॒tā vāja̭sya॒ goma̭taḥ || u॒kṣānnā̭ya va॒śānnā̭ya॒ soma̭pṛṣṭhāya ve॒dhase᳚ | stomai᳚-rvidhemā॒-'gnaye᳚ || va॒dmā hi sṷ̄no॒ asya̭dma॒sadvā̭ ca॒kre a॒gni-rja॒nuṣā 'jmā-'nna᳚m | sa tva-nna̭ ūrjasana॒ ūrja̭-ndhā॒ rājḙva jeravṛ॒ke kṣe᳚ṣya॒ntaḥ || agna॒ āyūgṃ̭ṣi [agna॒ āyūgṃ̭ṣi, pa॒va॒sa॒ ā] 30

pavasa॒ ā su॒vorja॒miṣa̭-ñca naḥ | ā॒re bā̭dhasva du॒cchunā᳚m || agne॒ pava̭sva॒ svapā̭ a॒sme varcaḥ̭ su॒vīrya᳚m | dadha॒tpoṣagṃ̭ ra॒yi-mmayi̭ || agnḙ pāvaka ro॒ciṣā̭ ma॒ndrayā̭ deva ji॒hvayā᳚ | ā de॒vān. va̭kṣi॒ yakṣi̭ ca || sa naḥ̭ pāvaka dīdi॒vo-'gnḙ de॒vāgṃ i॒hā va̭ha | upa̭ ya॒jñagṃ ha॒viśca̭ naḥ || a॒gni-śśuci̭vratatama॒-śśuci॒-rvipra॒-śśuciḥ̭ ka॒viḥ | śucī̭ rocata॒ āhṷtaḥ || uda̭gne॒ śuca̭ya॒stava̭ śu॒krā bhrāja̭nta īrate | tava॒ jyotīg̭ṣya॒rcayaḥ̭ || 31 ||

(pu॒ru॒ni॒ṣṭhaḥ-pṷrvaṇīka-bharā॒-'bhi-vayo̭bhi॒-rya-āyūgṃ̭ṣi॒ -vipra॒-śśuci॒-ścatṷrdaśa ca) (a. 14)

(de॒vasya̭ - rakṣo॒haṇo̭ - vi॒bhū-stvagṃ so॒mā - 'tya॒nyānagāṃ᳚ - pṛthi॒vyā - i॒ṣe tvā - ''da̭de॒ - vākta॒-santḙ - samu॒dragṃ - ha॒viṣma̭tīr-hṛ॒de - tvama̭gne ru॒dra - ścatṷrdaśa)

(de॒vasya̭ - ga॒madhyḙ - ha॒viṣma̭tīḥ - pavasa॒ - eka̭trigṃśat)

(de॒vasyā॒, rcayaḥ̭)

|| hariḥ̭ om ||

|| kṛṣṇa yajurvedīya taittirīya saṃhitāyā-mprathamakāṇḍe tṛtīyaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-म्प्रथमकाण्डे तृतीयः प्रश्नः - अग्निष्टोमे पशुः

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

दे॒वस्य॑ त्वा सवि॒तुः प्र॑स॒वे᳚-ऽश्विनो᳚-र्बा॒हुभ्या᳚-म्पू॒ष्णो हस्ता᳚भ्या॒मा द॒दे-ऽभ्रि॑रसि॒ नारि॑रसि॒ परि॑लिखित॒ग्ं॒ रक्षः॒ परि॑लिखिता॒ अरा॑तय इ॒दम॒हग्ं रक्ष॑सो ग्री॒वा अपि॑ कृन्तामि॒ यो᳚-ऽस्मा-न्द्वेष्टि॒ य-ञ्च॑ व॒य-न्द्वि॒ष्म इ॒दम॑स्य ग्री॒वा अपि॑ कृन्तामि दि॒वे त्वा॒-ऽन्तरि॑क्षाय त्वा पृथि॒व्यै त्वा॒ शुन्ध॑तां-लोँ॒कः पि॑तृ॒षद॑नो॒ यवो॑-ऽसि य॒वया॒स्म-द्द्वेषो॑ [य॒वया॒स्म-द्द्वेषः॑, य॒वयारा॑तीः] 1

य॒वयारा॑तीः पितृ॒णाग्ं सद॑नम॒स्युद्दिवग्ग्॑ स्तभा॒ना-ऽन्तरि॑क्ष-म्पृण पृथि॒वी-न्दृग्ं॑ह द्युता॒नस्त्वा॑ मारु॒तो मि॑नोतु मि॒त्रावरु॑णयो-र्ध्रु॒वेण॒ धर्म॑णा ब्रह्म॒वनि॑-न्त्वा क्षत्र॒वनिग्ं॑ सुप्रजा॒वनिग्ं॑ रायस्पोष॒वनि॒-म्पर्यू॑हामि॒ ब्रह्म॑ दृग्ंह क्ष॒त्र-न्दृग्ं॑ह प्र॒जा-न्दृग्ं॑ह रा॒यस्पोष॑-न्दृग्ंह घृ॒तेन॑ द्यावापृथिवी॒ आ पृ॑णेथा॒मिन्द्र॑स्य॒ सदो॑-ऽसि विश्वज॒नस्य॑ छा॒या परि॑ त्वा गिर्वणो॒ गिर॑ इ॒मा भ॑वन्तु वि॒श्वतो॑ वृ॒द्धायु॒मनु॒ वृद्ध॑यो॒ जुष्टा॑ भवन्तु॒ जुष्ट॑य॒ इन्द्र॑स्य॒ स्यूर॒सीन्द्र॑स्य ध्रु॒वम॑स्यै॒न्द्रम॒सीन्द्रा॑य त्वा ॥ 2 ॥

(द्वेष॑ - इ॒मा - अ॒ष्टाद॑श च ) (अ. 1)

र॒क्षो॒हणो॑ वलग॒हनो॑ वैष्ण॒वा-न्ख॑नामी॒दम॒ह-न्तं-वँ॑ल॒गमुद्व॑पामि॒ य-न्नः॑ समा॒नो यमस॑मानो निच॒खाने॒दमे॑न॒मध॑र-ङ्करोमि॒ यो नः॑ समा॒नो यो-ऽस॑मानो-ऽराती॒यति॑ गाय॒त्रेण॒ छन्द॒सा-ऽव॑बाढो वल॒गः किमत्र॑ भ॒द्र-न्तन्नौ॑ स॒ह वि॒राड॑सि सपत्न॒हा स॒म्राड॑सि भ्रातृव्य॒हा स्व॒राड॑स्यभिमाति॒हा वि॑श्वा॒राड॑सि॒ विश्वा॑सा-न्ना॒ष्ट्राणाग्ं॑ ह॒न्ता [ह॒न्ता, र॒क्षो॒हणो॑] 3

र॑क्षो॒हणो॑ वलग॒हनः॒ प्रोक्षा॑मि वैष्ण॒वा-न्र॑क्षो॒हणो॑ वलग॒हनो-ऽव॑ नयामि वैष्ण॒वान् यवो॑-ऽसि य॒वया॒स्म-द्द्वेषो॑ य॒वयारा॑ती रक्षो॒हणो॑ वलग॒हनो-ऽव॑ स्तृणामि वैष्ण॒वा-न्र॑क्षो॒हणो॑ वलग॒हनो॒-ऽभि जु॑होमि वैष्ण॒वा-न्र॑क्षो॒हणौ॑ वलग॒हना॒वुप॑ दधामि वैष्ण॒वी र॑क्षो॒हणौ॑ वलग॒हनौ॒ पर्यू॑हामि वैष्ण॒वी र॑क्षो॒हणौ॑ वलग॒हनौ॒ परि॑ स्तृणामि वैष्ण॒वी र॑क्षो॒हणौ॑ वलग॒हनौ॑ वैष्ण॒वी बृ॒हन्न॑सि बृ॒हद्ग्रा॑वा बृह॒तीमिन्द्रा॑य॒ वाचं॑-वँद ॥ 4 ॥

( ह॒न्ते-न्द्रा॑य॒ द्वे च॑ ) (अ. 2)

वि॒भूर॑सि प्र॒वाह॑णो॒ वह्नि॑रसि हव्य॒वाह॑न-श्श्वा॒त्रो॑-ऽसि॒ प्रचे॑तास्तु॒थो॑-ऽसि वि॒श्ववे॑दा उ॒शिग॑सि क॒विरङ्घा॑रिरसि॒ बम्भा॑रिरव॒स्युर॑सि॒ दुव॑स्वाञ्छु॒न्ध्यूर॑सि मार्जा॒लीयः॑ स॒म्राड॑सि कृ॒शानुः॑ परि॒षद्यो॑-ऽसि॒ पव॑मानः प्र॒तक्वा॑-ऽसि॒ नभ॑स्वा॒नस॑म्मृष्टो-ऽसि हव्य॒सूद॑ ऋ॒तधा॑मा-ऽसि॒ सुवर्ज्योति॒-र्ब्रह्म॑ज्योतिरसि॒ सुव॑र्धामा॒-ऽजो᳚ ऽस्येक॑पा॒दहि॑रसि बु॒द्ध्नियो॒ रौद्रे॒णानी॑केन पा॒हि मा᳚-ऽग्ने पिपृ॒हि मा॒ मा मा॑ हिग्ंसीः ॥ 5 ॥

(अनी॑केना॒-ष्टौ च॑) (अ. 3)

त्वग्ं सो॑म तनू॒कृद्भ्यो॒ द्वेषो᳚भ्यो॒-ऽन्यकृ॑तेभ्य उ॒रु य॒न्ता-ऽसि॒ वरू॑थ॒ग्ग्॒ स्वाहा॑ जुषा॒णो अ॒प्तुराज्य॑स्य वेतु॒ स्वाहा॒-ऽयन्नो॑ अ॒ग्निर्वरि॑वः कृणोत्व॒य-म्मृधः॑ पु॒र ए॑तु प्रभि॒न्दन्न् । अ॒यग्ं शत्रू᳚ञ्जयतु॒ जर्हृ॑षाणो॒-ऽयं-वाँज॑-ञ्जयतु॒ वाज॑सातौ । उ॒रु वि॑ष्णो॒ वि क्र॑मस्वो॒रु क्षया॑य नः कृधि । घृ॒त-ङ्घृ॑तयोने पिब॒ प्रप्र॑ य॒ज्ञप॑ति-न्तिर । सोमो॑ जिगाति गातु॒वि- [गातु॒वित्, दे॒वाना॑मेति] 6

द्दे॒वाना॑मेति निष्कृ॒तमृ॒तस्य॒ योनि॑मा॒सद॒मदि॑त्या॒-स्सदो॒-ऽस्यदि॑त्या॒-स्सद॒ आ सी॑दै॒ष वो॑ देव सवित॒-स्सोम॒स्तग्ं र॑क्षद्ध्व॒-म्मा वो॑ दभदे॒तत्त्वग्ं सो॑म दे॒वो दे॒वानुपा॑गा इ॒दम॒ह-म्म॑नु॒ष्यो॑ मनु॒ष्या᳚न्-थ्स॒ह प्र॒जया॑ स॒ह रा॒यस्पोषे॑ण॒ नमो॑ दे॒वेभ्यः॑ स्व॒धा पि॒तृभ्य॑ इ॒दम॒ह-न्निर्वरु॑णस्य॒ पाशा॒-थ्सुव॑र॒भि [ ] 7

वि ख्ये॑षं-वैँश्वान॒र-ञ्ज्योति॒रग्ने᳚ व्रतपते॒ त्वं-व्रँ॒तानां᳚-व्रँ॒तप॑तिरसि॒ या मम॑ त॒नूस्त्वय्यभू॑दि॒यग्ं सा मयि॒ या तव॑ त॒नू-र्मय्यभू॑दे॒षा सा त्वयि॑ यथाय॒थ-न्नौ᳚ व्रतपते व्र॒तिनो᳚-र्व्र॒तानि॑ ॥ 8 ॥

(गा॒तु॒विद॒-भ्ये-क॑त्रिग्ंशच्च) (अ. 4)

अत्य॒न्यानगा॒-न्नान्यानुपा॑गाम॒र्वाक्त्वा॒ परै॑रविद-म्प॒रो-ऽव॑रै॒स्त-न्त्वा॑ जुषे वैष्ण॒व-न्दे॑वय॒ज्यायै॑ दे॒वस्त्वा॑ सवि॒ता मद्ध्वा॑-ऽन॒क्त्वोष॑धे॒ त्राय॑स्वैन॒ग्ग्॒ स्वधि॑ते॒ मैनग्ं॑ हिग्ंसी॒-र्दिव॒मग्रे॑ण॒ मा ले॑खीर॒न्तरि॑क्ष॒-म्मद्ध्ये॑न॒ मा हिग्ं॑सीः पृथि॒व्या स-म्भ॑व॒ वन॑स्पते श॒तव॑ल्शो॒ वि रो॑ह स॒हस्र॑वल्शा॒ वि व॒यग्ं रु॑हेम॒ य-न्त्वा॒-ऽयग्ग् स्वधि॑ति॒स्तेति॑जानः प्रणि॒नाय॑ मह॒ते सौभ॑गा॒याच्छि॑न्नो॒ रायः॑ सु॒वीरः॑ ॥ 9 ॥

(यं-दश॑ च) (अ. 5)

पृ॒थि॒व्यै त्वा॒न्तरि॑क्षाय त्वा दि॒वे त्वा॒ शुन्ध॑तां-लोँ॒कः पि॑तृ॒षद॑नो॒ यवो॑-ऽसि य॒वया॒स्म-द्द्वेषो॑ य॒वयारा॑तीः पितृ॒णाग्ं सद॑नमसि स्वावे॒शो᳚-ऽस्यग्रे॒गा ने॑तृ॒णां-वँन॒स्पति॒रधि॑ त्वा स्थास्यति॒ तस्य॑ वित्ता-द्दे॒वस्त्वा॑ सवि॒ता मद्ध्वा॑-ऽनक्तु सुपिप्प॒लाभ्य॒-स्त्वौष॑धीभ्य॒ उद्दिवग्ग्॑ स्तभा॒ना-ऽन्तरि॑क्ष-म्पृण पृथि॒वीमुप॑रेण दृग्ंह॒ ते ते॒ धामा᳚न्युश्मसी [धामा᳚न्युश्मसि, ग॒मद्ध्ये॒ गावो॒] 10

ग॒मद्ध्ये॒ गावो॒ यत्र॒ भूरि॑शृङ्गा अ॒यासः॑ । अत्राह॒ तदु॑रुगा॒यस्य॒ विष्णोः᳚ प॒रम-म्प॒दमव॑ भाति॒ भूरेः᳚ ॥ विष्णोः॒ कर्मा॑णि पश्यत॒ यतो᳚ व्र॒तानि॑ पस्प॒शे । इन्द्र॑स्य॒ युज्य॒-स्सखा᳚ ॥ त-द्विष्णोः᳚ पर॒म-म्प॒दग्ं सदा॑ पश्यन्ति सू॒रयः॑ । दि॒वीव॒ चक्षु॒रात॑तम् ॥ ब्र॒ह्म॒वनि॑-न्त्वा क्षत्र॒वनिग्ं॑ सुप्रजा॒वनिग्ं॑ रायस्पोष॒वनि॒-म्पर्यू॑हामि॒ ब्रह्म॑ दृग्ंह क्ष॒त्र-न्दृग्ं॑ह प्र॒जा-न्दृग्ं॑ह रा॒यस्पोष॑-न्दृग्ंह परि॒वीर॑सि॒ परि॑ त्वा॒ दैवी॒र्विशो᳚ व्ययन्ता॒-म्परी॒मग्ं रा॒यस्पोषो॒ यज॑मान-म्मनु॒ष्या॑ अ॒न्तरि॑क्षस्य त्वा॒ साना॒वव॑ गूहामि ॥ 11 ॥

(उ॒श्म॒सी॒-पोष॒मे-का॒न्नविग्ं॑श॒तिश्च॑) (अ. 6)

इ॒षे त्वो॑प॒वीर॒स्युपो॑ दे॒वा-न्दैवी॒-र्विशः॒ प्रागु॒-र्वह्नी॑रु॒शिजो॒ बृह॑स्पते धा॒रया॒ वसू॑नि ह॒व्या ते᳚ स्वदन्ता॒-न्देव॑ त्वष्ट॒र्वसु॑ रण्व॒ रेव॑ती॒ रम॑द्ध्व-म॒ग्ने-र्ज॒नित्र॑मसि॒ वृष॑णौ स्थ उ॒र्वश्य॑स्या॒युर॑सि पुरू॒रवा॑ घृ॒तेना॒क्ते वृष॑ण-न्दधाथा-ङ्गाय॒त्र-ञ्छन्दो-ऽनु॒ प्र जा॑यस्व॒ त्रैष्टु॑भ॒-ञ्जाग॑त॒-ञ्छन्दो-ऽनु॒ प्र जा॑यस्व॒ भव॑त- [भव॑तम्, न॒-स्सम॑नसौ॒] 12

न्न॒-स्सम॑नसौ॒ समो॑कसावरे॒पसौ᳚ । मा य॒ज्ञग्ं हिग्ं॑सिष्ट॒-म्मा य॒ज्ञप॑ति-ञ्जातवेदसौ शि॒वौ भ॑वतम॒द्य नः॑ ॥ अ॒ग्नाव॒ग्निश्च॑रति॒ प्रवि॑ष्ट॒ ऋषी॑णा-म्पु॒त्रो अ॑धिरा॒ज ए॒षः । स्वा॒हा॒कृत्य॒ ब्रह्म॑णा ते जुहोमि॒ मा दे॒वाना᳚-म्मिथु॒या क॑र्भाग॒धेय᳚म् ॥ 13 ॥

(भव॑त॒-मेक॑त्रिग्ंशच्च) (अ. 7)

आ द॑द ऋ॒तस्य॑ त्वा देवहविः॒ पाशे॒ना-ऽऽर॑भे॒ धर्षा॒ मानु॑षान॒द्भ्यस्त्वौष॑धीभ्यः॒ प्रोक्षा᳚म्य॒पा-म्पे॒रुर॑सि स्वा॒त्त-ञ्चि॒-थ्सदे॑वग्ं ह॒व्यमापो॑ देवी॒-स्स्वद॑तैन॒ग्ं॒ स-न्ते᳚ प्रा॒णो वा॒युना॑ गच्छता॒ग्ं॒ सं-यँज॑त्रै॒रङ्गा॑नि॒ सं-यँ॒ज्ञप॑तिरा॒शिषा॑ घृ॒तेना॒क्तौ प॒शु-न्त्रा॑येथा॒ग्ं॒ रेव॑ती-र्य॒ज्ञप॑ति-म्प्रिय॒धा-ऽऽ वि॑श॒तोरो॑ अन्तरिक्ष स॒जू-र्दे॒वेन॒ [स॒जू-र्दे॒वेन॑, वाते॑ना॒-ऽस्य] 14

वाते॑ना॒-ऽस्य ह॒विष॒स्त्मना॑ यज॒ सम॑स्य त॒नुवा॑ भव॒ वर्षी॑यो॒ वर्षी॑यसि य॒ज्ञे य॒ज्ञपति॑-न्धाः पृ॑थि॒व्या-स्स॒म्पृचः॑ पाहि॒ नम॑स्त आताना-ऽन॒र्वा प्रेहि॑ घृ॒तस्य॑ कु॒ल्यामनु॑ स॒ह प्र॒जया॑ स॒ह रा॒यस्पोषे॒णा ऽऽपो॑ देवी-श्शुद्धायुव-श्शु॒द्धा यू॒य-न्दे॒वाग्ं ऊ᳚ढ्वग्ं शु॒द्धा व॒य-म्परि॑विष्टाः परिवे॒ष्टारो॑ वो भूयास्म ॥ 15 ॥

(दे॒वन॒-चतु॑श्चत्वारिग्ंशच्च) (अ. 8)

वाक्त॒ आ प्या॑यता-म्प्रा॒णस्त॒ आ प्या॑यता॒-ञ्चक्षु॑स्त॒ आ प्या॑यता॒ग्॒ श्रोत्र॑-न्त॒ आ प्या॑यतां॒-याँ ते᳚ प्रा॒णाञ्छुग्ज॒गाम॒ या चक्षु॒र्या श्रोत्रं॒-यँत्ते᳚ क्रू॒रं-यँदास्थि॑त॒-न्तत्त॒ आ प्या॑यता॒-न्तत्त॑ ए॒तेन॑ शुन्धता॒-न्नाभि॑स्त॒ आ प्या॑यता-म्पा॒युस्त॒ आ प्या॑यताग्ं शु॒द्धाश्च॒रित्रा॒-श्शम॒द्भ्य- [म॒ध्भ्यः, शमोष॑धीभ्य॒-श्शं] 16

श्शमोष॑धीभ्य॒-श्श-म्पृ॑थि॒व्यै शमहो᳚भ्या॒-मोष॑धे॒ त्राय॑स्वैन॒ग्ग्॒ स्वधि॑ते॒ मैनग्ं॑ हिग्ंसी॒ रक्ष॑सा-म्भा॒गो॑-ऽसी॒दम॒हग्ं रक्षो॑-ऽध॒म-न्तमो॑ नयामि॒ यो᳚-ऽस्मा-न्द्वेष्टि॒ य-ञ्च॑ व॒य-न्द्वि॒ष्म इ॒दमे॑नमध॒म-न्तमो॑ नयामी॒षे त्वा॑ घृ॒तेन॑ द्यावापृथिवी॒ प्रोर्ण्वा॑था॒-मच्छि॑न्नो॒ रायः॑ सु॒वीर॑ उ॒र्व॑न्तरि॑क्ष॒मन्वि॑हि॒ वायो॒ वीहि॑ स्तो॒काना॒ग्॒ स्वाहो॒र्ध्वन॑भस-म्मारु॒त-ङ्ग॑च्छतम् ॥ 17 ॥

(अ॒द्भ्यो-वीहि॒-पञ्च॑ च) (अ. 9)

स-न्ते॒ मन॑सा॒ मनः॒ स-म्प्रा॒णेन॑ प्रा॒णो जुष्ट॑-न्दे॒वेभ्यो॑ ह॒व्य-ङ्घृ॒तव॒-थ्स्वाहै॒न्द्रः प्रा॒णो अङ्गे॑अङ्गे॒ नि दे᳚द्ध्यदै॒न्द्रो॑ ऽपा॒नो अङ्गे॑अङ्गे॒ वि बो॑भुव॒द्देव॑ त्वष्ट॒र्भूरि॑ ते॒ सग्ंस॑मेतु॒ विषु॑रूपा॒ य-थ्सल॑क्ष्माणो॒ भव॑थ देव॒त्रा यन्त॒मव॑से॒ सखा॒यो-ऽनु॑ त्वा मा॒ता पि॒तरो॑ मदन्तु॒ श्रीर॑स्य॒ग्निस्त्वा᳚ श्रीणा॒त्वाप॒-स्सम॑रिण॒न् वात॑स्य [ ] 18

त्वा॒ ध्रज्यै॑ पू॒ष्णो रग्ग्ह्या॑ अ॒पामोष॑धीना॒ग्ं॒ रोहि॑ष्यै घृ॒त-ङ्घृ॑तपावानः पिबत॒ वसां᳚-वँसापावानः पिबता॒-ऽन्तरि॑क्षस्य ह॒विर॑सि॒ स्वाहा᳚ त्वा॒-ऽन्तरि॑क्षाय॒ दिशः॑ प्र॒दिश॑ आ॒दिशो॑ वि॒दिश॑ उ॒द्दिश॒-स्स्वाहा॑ दि॒ग्भ्यो नमो॑ दि॒ग्भ्यः ॥ 19 ॥

(वा॑तस्या॒-ष्टाविग्ं॑शतिश्च) (अ. 10)

स॒मु॒द्र-ङ्ग॑च्छ॒ स्वाहा॒-ऽन्तरि॑क्ष-ङ्गच्छ॒ स्वाहा॑ दे॒वग्ं स॑वि॒तार॑-ङ्गच्छ॒ स्वाहा॑-ऽहोरा॒त्रे ग॑च्छ॒ स्वाहा॑ मि॒त्रावरु॑णौ गच्छ॒ स्वाहा॒ सोम॑-ङ्गच्छ॒ स्वाहा॑ य॒ज्ञ-ङ्ग॑च्छ॒ स्वाहा॒ छन्दाग्ं॑सि गच्छ॒ स्वाहा॒ द्यावा॑पृथि॒वी ग॑च्छ॒ स्वाहा॒ नभो॑ दि॒व्य-ङ्ग॑च्छ॒ स्वाहा॒-ऽग्निं-वैँ᳚श्वान॒र-ङ्ग॑च्छ॒ स्वाहा॒-ऽद्भ्यस्त्वौष॑धीभ्यो॒ मनो॑ मे॒ हार्दि॑ यच्छ त॒नू-न्त्वच॑-म्पु॒त्र-न्नप्ता॑रमशीय॒ शुग॑सि॒ तम॒भि शो॑च॒ यो᳚-ऽस्मा-न्द्वेष्टि॒ य-ञ्च॑ व॒य-न्द्वि॒ष्मो धाम्नो॑धाम्नो राजन्नि॒तो व॑रुण नो मुञ्च॒ यदापो॒ अघ्नि॑या॒ वरु॒णेति॒ शपा॑महे॒ ततो॑ वरुण नो मुञ्च ॥ 20

(अ॒सि॒-षड्विग्ं॑शतिश्च ) (अ. 11)

ह॒विष्म॑तीरि॒मा आपो॑ ह॒विष्मा᳚-न्दे॒वो अ॑द्ध्व॒रो ह॒विष्मा॒ग्ं॒ आ वि॑वासति ह॒विष्माग्ं॑ अस्तु॒ सूर्यः॑ ॥ अ॒ग्नेर्वो ऽप॑न्नगृहस्य॒ सद॑सि सादयामि सु॒म्नाय॑ सुम्निनी-स्सु॒म्ने मा॑ धत्तेन्द्राग्नि॒यो-र्भा॑ग॒धेयी᳚-स्स्थ मि॒त्रावरु॑णयो-र्भाग॒धेयी᳚-स्स्थ॒ विश्वे॑षा-न्दे॒वाना᳚-म्भाग॒धेयी᳚-स्स्थ य॒ज्ञे जा॑गृत ॥ 21 ॥

(ह॒विष्म॑ती॒-श्चतु॑स्त्रिग्ंशत्) (अ. 12)

हृ॒दे त्वा॒ मन॑से त्वा दि॒वे त्वा॒ सूर्या॑य त्वो॒र्ध्वमि॒मम॑द्ध्व॒र-ङ्कृ॑धि दि॒वि दे॒वेषु॒ होत्रा॑ यच्छ॒ सोम॑ राज॒न्नेह्यव॑ रोह॒ मा भेर्मा सं-विँ॑क्था॒ मा त्वा॑ हिग्ंसिष-म्प्र॒जास्त्वमु॒पाव॑रोह प्र॒जास्त्वामु॒पाव॑रोहन्तु शृ॒णोत्व॒ग्नि-स्स॒मिधा॒ हव॑-म्मे शृ॒ण्वन्त्वापो॑ धि॒षणा᳚श्च दे॒वीः । शृ॒णोत॑ ग्रावाणो वि॒दुषो॒ नु [ ] 22

य॒ज्ञग्ं शृ॒णोतु॑ दे॒व-स्स॑वि॒ता हव॑-म्मे । देवी॑रापो अपा-न्नपा॒द्य ऊ॒र्मिर्ह॑वि॒ष्य॑ इन्द्रि॒यावा᳚-न्म॒दिन्त॑म॒स्त-न्दे॒वेभ्यो॑ देव॒त्रा ध॑त्त शु॒क्रग्ं शु॑क्र॒पेभ्यो॒ येषा᳚-म्भा॒ग-स्स्थ स्वाहा॒ कार्षि॑र॒स्यपा॒-ऽपा-म्मृ॒द्ध्रग्ं स॑मु॒द्रस्य॒ वो-ऽक्षि॑त्या॒ उन्न॑ये । यम॑ग्ने पृ॒थ्सु मर्त्य॒मावो॒ वाजे॑षु॒ य-ञ्जु॒नाः । स यन्ता॒ शश्व॑ती॒रिषः॑ ॥ 23 ॥

( नु-स॒प्तच॑त्वारिग्ंशच्च) (अ. 13)

त्वम॑ग्ने रु॒द्रो असु॑रो म॒हो दि॒वस्त्वग्ं शर्धो॒ मारु॑त-म्पृ॒क्ष ई॑शिषे । त्वं-वाँतै॑ररु॒णैर्या॑सि शङ्ग॒यस्त्व-म्पू॒षा वि॑ध॒तः पा॑सि॒ नुत्मना᳚ ॥ आ वो॒ राजा॑नमद्ध्व॒रस्य॑ रु॒द्रग्ं होता॑रग्ं सत्य॒यज॒ग्ं॒ रोद॑स्योः । अ॒ग्नि-म्पु॒रा त॑नयि॒त्नो र॒चित्ता॒द्धिर॑ण्यरूप॒मव॑से कृणुद्ध्वम् ॥ अ॒ग्निर्होता॒ नि ष॑सादा॒ यजी॑यानु॒पस्थे॑ मा॒तु-स्सु॑र॒भावु॑ लो॒के । युवा॑ क॒विः पु॑रुनि॒ष्ठ [पु॑रुनि॒ष्ठः, ऋ॒तावा॑ ध॒र्ता] 24

ऋ॒तावा॑ ध॒र्ता कृ॑ष्टी॒नामु॒त मद्ध्य॑ इ॒द्धः ॥सा॒द्ध्वीम॑क-र्दे॒ववी॑ति-न्नो अ॒द्य य॒ज्ञस्य॑ जि॒ह्वाम॑विदाम॒ गुह्या᳚म् । स आयु॒रा-ऽगा᳚-थ्सुर॒भिर्वसा॑नो भ॒द्राम॑क-र्दे॒वहू॑ति-न्नो अ॒द्य ॥ अक्र॑न्दद॒ग्नि-स्स्त॒नय॑न्निव॒ द्यौः, क्षामा॒ रेरि॑हद्वी॒रुधः॑ सम॒ञ्जन्न् । स॒द्यो ज॑ज्ञा॒नो वि हीमि॒द्धो अख्य॒दा रोद॑सी भा॒नुना॑ भात्य॒न्तः ॥ त्वे वसू॑नि पुर्वणीक [पुर्वणीक, हो॒त॒र्दो॒षा] 25

होतर्दो॒षा वस्तो॒रेरि॑रे य॒ज्ञिया॑सः । क्षामे॑व॒ विश्वा॒ भुव॑नानि॒ यस्मि॒न्-थ्सग्ं सौभ॑गानि दधि॒रे पा॑व॒के ॥ तुभ्य॒-न्ता अ॑ङ्गिरस्तम॒ विश्वा᳚-स्सुक्षि॒तयः॒ पृथ॑क् । अग्ने॒ कामा॑य येमिरे ॥ अ॒श्याम॒ त-ङ्काम॑मग्ने॒ तवो॒त्य॑श्याम॑ र॒यिग्ं र॑यिव-स्सु॒वीर᳚म् । अ॒श्याम॒ वाज॑म॒भि वा॒जय॑न्तो॒ ऽश्याम॑ द्यु॒म्नम॑जरा॒जर॑-न्ते ॥श्रेष्ठं॑-यँविष्ठ भार॒ताग्ने᳚ द्यु॒मन्त॒मा भ॑र ॥ 26 ॥

वसो॑ पुरु॒स्पृहग्ं॑ र॒यिम् ॥ स श्वि॑ता॒नस्त॑न्य॒तू रो॑चन॒स्था अ॒जरे॑भि॒-र्नान॑दद्भि॒र्यवि॑ष्ठः । यः पा॑व॒कः पु॑रु॒तमः॑ पु॒रूणि॑ पृ॒थून्य॒ग्निर॑नु॒याति॒ भर्वन्न्॑ ॥ आयु॑ष्टे वि॒श्वतो॑ दधद॒यम॒ग्नि-र्वरे᳚ण्यः । पुन॑स्ते प्रा॒ण आ-ऽय॑ति॒ परा॒ यक्ष्मग्ं॑ सुवामि ते ॥ आ॒यु॒र्दा अ॑ग्ने ह॒विषो॑ जुषा॒णो घृ॒तप्र॑तीको घृ॒तयो॑निरेधि । घृ॒त-म्पी॒त्वा मधु॒ चारु॒ गव्य॑-म्पि॒तेव॑ पु॒त्रम॒भि [पु॒त्रम॒भि, र॒क्ष॒ता॒दि॒मम्] 27

र॑क्षतादि॒मम् । तस्मै॑ ते प्रति॒हर्य॑ते॒ जात॑वेदो॒ विच॑र्षणे । अग्ने॒ जना॑मि सुष्टु॒तिम् ॥ दि॒वस्परि॑ प्रथ॒म-ञ्ज॑ज्ञे अ॒ग्निर॒स्म-द्द्वि॒तीय॒-म्परि॑ जा॒तवे॑दाः । तृ॒तीय॑म॒फ्सु नृ॒मणा॒ अज॑स्र॒मिन्धा॑न एन-ञ्जरते स्वा॒धीः ॥ शुचिः॑ पावक॒ वन्द्यो-ऽग्ने॑ बृ॒हद्वि रो॑चसे । त्व-ङ्घृ॒तेभि॒राहु॑तः ॥ दृ॒शा॒नो रु॒क्म उ॒र्व्या व्य॑द्यौ-द्दु॒र्मर्ष॒मायुः॑ श्रि॒ये रु॑चा॒नः । अ॒ग्निर॒मृतो॑ अभव॒द्वयो॑भि॒- [अभव॒द्वयो॑भिः, यदे॑नं॒] 28

-र्यदे॑न॒-न्द्यौरज॑नय-थ्सु॒रेताः᳚ ॥ आ यदि॒षे नृ॒पति॒-न्तेज॒ आन॒ट्छुचि॒ रेतो॒ निषि॑क्त॒-न्द्यौर॒भीके᳚ । अ॒ग्नि-श्शर्ध॑मनव॒द्यं-युँवा॑नग्ग् स्वा॒धिय॑-ञ्जनय-थ्सू॒दय॑च्च ॥ स तेजी॑यसा॒ मन॑सा॒ त्वोत॑ उ॒त शि॑क्ष स्वप॒त्यस्य॑ शि॒क्षोः । अग्ने॑ रा॒यो नृत॑मस्य॒ प्रभू॑तौ भू॒याम॑ ते सुष्टु॒तय॑श्च॒ वस्वः॑ ॥ अग्ने॒ सह॑न्त॒मा भ॑र द्यु॒म्नस्य॑ प्रा॒सहा॑ र॒यिम् । विश्वा॒ य- [विश्वा॒ यः, च॒र्॒ष॒णीर॒भ्या॑सा वाजे॑षु] 29

श्च॑र्॒ष॒णीर॒भ्या॑सा वाजे॑षु सा॒सह॑त् ॥ तम॑ग्ने पृतना॒सहग्ं॑ र॒यिग्ं स॑हस्व॒ आ भ॑र । त्वग्ं हि स॒त्यो अद्भु॑तो दा॒ता वाज॑स्य॒ गोम॑तः ॥ उ॒क्षान्ना॑य व॒शान्ना॑य॒ सोम॑पृष्ठाय वे॒धसे᳚ । स्तोमै᳚-र्विधेमा॒-ऽग्नये᳚ ॥ व॒द्मा हि सू॑नो॒ अस्य॑द्म॒सद्वा॑ च॒क्रे अ॒ग्नि-र्ज॒नुषा ऽज्मा-ऽन्न᳚म् । स त्व-न्न॑ ऊर्जसन॒ ऊर्ज॑-न्धा॒ राजे॑व जेरवृ॒के क्षे᳚ष्य॒न्तः ॥ अग्न॒ आयूग्ं॑षि [अग्न॒ आयूग्ं॑षि, प॒व॒स॒ आ] 30

पवस॒ आ सु॒वोर्ज॒मिष॑-ञ्च नः । आ॒रे बा॑धस्व दु॒च्छुना᳚म् ॥ अग्ने॒ पव॑स्व॒ स्वपा॑ अ॒स्मे वर्चः॑ सु॒वीर्य᳚म् । दध॒त्पोषग्ं॑ र॒यि-म्मयि॑ ॥ अग्ने॑ पावक रो॒चिषा॑ म॒न्द्रया॑ देव जि॒ह्वया᳚ । आ दे॒वान्. व॑क्षि॒ यक्षि॑ च ॥ स नः॑ पावक दीदि॒वो-ऽग्ने॑ दे॒वाग्ं इ॒हा व॑ह । उप॑ य॒ज्ञग्ं ह॒विश्च॑ नः ॥ अ॒ग्नि-श्शुचि॑व्रततम॒-श्शुचि॒-र्विप्र॒-श्शुचिः॑ क॒विः । शुची॑ रोचत॒ आहु॑तः ॥ उद॑ग्ने॒ शुच॑य॒स्तव॑ शु॒क्रा भ्राज॑न्त ईरते । तव॒ ज्योतीग्॑ष्य॒र्चयः॑ ॥ 31 ॥

(पु॒रु॒नि॒ष्ठः-पु॑र्वणीक-भरा॒-ऽभि-वयो॑भि॒-र्य-आयूग्ं॑षि॒ -विप्र॒-श्शुचि॒-श्चतु॑र्दश च) (अ. 14)

(दे॒वस्य॑ - रक्षो॒हणो॑ - वि॒भू-स्त्वग्ं सो॒मा - ऽत्य॒न्यानगां᳚ - पृथि॒व्या - इ॒षे त्वा - ऽऽद॑दे॒ - वाक्त॒-सन्ते॑ - समु॒द्रग्ं - ह॒विष्म॑तीर्-हृ॒दे - त्वम॑ग्ने रु॒द्र - श्चतु॑र्दश)

(दे॒वस्य॑ - ग॒मध्ये॑ - ह॒विष्म॑तीः - पवस॒ - एक॑त्रिग्ंशत्)

(दे॒वस्या॒, र्चयः॑)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-म्प्रथमकाण्डे तृतीयः प्रश्न-स्समाप्तः ॥