3.6 - Pashuhautram - Krishna Yajurveda Taittiriya Brahmana Pathah - Anjanti Tvamadhvare — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌷𑌷𑍍𑌠𑌃 𑌪𑍍𑌰𑌪𑌾𑌠𑌕𑌃 - 𑌪𑌶𑍁𑌹𑍗𑌤𑍍𑌰𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌯𑍂𑌪𑌸𑌂𑌸𑍍𑌕𑌾𑌰𑌾𑌃

𑌅॒𑌞𑍍𑌜𑌨𑍍𑌤𑌿॒ 𑌤𑍍𑌵𑌾𑌮॑𑌦𑍍𑌧𑍍𑌵॒𑌰𑍇 𑌦𑍇॑𑌵॒𑌯𑌨𑍍𑌤𑌃॑ । 𑌵𑌨॑𑌸𑍍𑌪𑌤𑍇॒ 𑌮𑌧𑍁॑𑌨𑌾॒ 𑌦𑍈𑌵𑍍𑌯𑍇॑𑌨 । 𑌯𑌦𑍂॒𑌰𑍍𑌧𑍍𑌵𑌸𑍍𑌤𑌿॑𑌷𑍍𑌠𑌾॒-𑌦𑍍𑌦𑍍𑌰𑌵𑌿॑𑌣𑍇॒𑌹 𑌧॑𑌤𑍍𑌤𑌾𑌤𑍍 । 𑌯𑌦𑍍𑌵𑌾॒ 𑌕𑍍𑌷𑌯𑍋॑ 𑌮𑌾॒𑌤𑍁𑌰॒𑌸𑍍𑌯𑌾 𑌉॒𑌪𑌸𑍍𑌥𑍇᳚ ॥ 𑌉𑌚𑍍𑌛𑍍𑌰॑𑌯𑌸𑍍𑌵 𑌵𑌨𑌸𑍍𑌪𑌤𑍇 । 𑌵𑌰𑍍𑌷𑍍𑌮॑-𑌨𑍍𑌪𑍃𑌥𑌿॒𑌵𑍍𑌯𑌾 𑌅𑌧𑌿॑ । 𑌸𑍁𑌮𑌿॑𑌤𑍀 𑌮𑍀॒𑌯𑌮𑌾॑𑌨𑌃 ।

𑌵𑌰𑍍𑌚𑍋॑𑌧𑌾 𑌯॒𑌜𑍍𑌞𑌵𑌾॑𑌹𑌸𑍇 ॥ 𑌸𑌮𑌿॑𑌦𑍍𑌧𑌸𑍍𑌯॒ 𑌶𑍍𑌰𑌯॑𑌮𑌾𑌣𑌃 𑌪𑍁॒𑌰𑌸𑍍𑌤𑌾᳚𑌤𑍍 । 𑌬𑍍𑌰𑌹𑍍𑌮॑ 𑌵𑌨𑍍𑌵𑌾॒𑌨𑍋 𑌅॒𑌜𑌰𑌗𑍍𑌂॑ 𑌸𑍁॒𑌵𑍀𑌰᳚𑌮𑍍 ॥ 1 ॥

𑌆॒𑌰𑍇 𑌅॒𑌸𑍍𑌮𑌦𑌮॑𑌤𑌿॒-𑌮𑍍𑌬𑌾𑌧॑𑌮𑌾𑌨𑌃 । 𑌉𑌚𑍍𑌛𑍍𑌰॑𑌯𑌸𑍍𑌵 𑌮𑌹॒𑌤𑍇 𑌸𑍗𑌭॑𑌗𑌾𑌯 ॥ 𑌊॒𑌰𑍍𑌧𑍍𑌵 𑌊॒𑌷𑍁𑌣॑ 𑌊॒𑌤𑌯𑍇᳚ । 𑌤𑌿𑌷𑍍𑌠𑌾॑ 𑌦𑍇॒𑌵𑍋 𑌨 𑌸॑𑌵𑌿॒𑌤𑌾 । 𑌊॒𑌰𑍍𑌧𑍍𑌵𑍋 𑌵𑌾𑌜॑𑌸𑍍𑌯॒ 𑌸𑌨𑌿॑𑌤𑌾॒ 𑌯𑌦॒𑌞𑍍𑌜𑌿𑌭𑌿𑌃॑ । 𑌵𑌾॒𑌘𑌦𑍍𑌭𑌿॑-𑌰𑍍𑌵𑌿॒𑌹𑍍𑌵𑌯𑌾॑𑌮𑌹𑍇 ॥

𑌊॒𑌰𑍍𑌧𑍍𑌵𑍋 𑌨𑌃॑ 𑌪𑌾॒𑌹𑍍𑌯𑌗𑍍𑌂𑌹॑𑌸𑍋॒ 𑌨𑌿 𑌕𑍇॒𑌤𑍁𑌨𑌾᳚ । 𑌵𑌿𑌶𑍍𑌵॒𑌗𑍍𑌂॒ 𑌸𑌮॒𑌤𑍍𑌰𑌿𑌣॑-𑌨𑍍𑌦𑌹 ।

𑌕𑍃॒𑌧𑍀 𑌨॑ 𑌊॒𑌰𑍍𑌧𑍍𑌵𑌾𑌞𑍍𑌚॒ 𑌰𑌥𑌾॑𑌯 𑌜𑍀॒𑌵𑌸𑍇᳚ ।

𑌵𑌿॒𑌦𑌾 𑌦𑍇॒𑌵𑍇𑌷𑍁॑ 𑌨𑍋॒ 𑌦𑍁𑌵𑌃॑ ॥ 2 ॥

𑌜𑌾॒𑌤𑍋 𑌜𑌾॑𑌯𑌤𑍇 𑌸𑍁𑌦𑌿𑌨॒𑌤𑍍𑌵𑍇 𑌅𑌹𑍍𑌨𑌾᳚𑌮𑍍 । 𑌸𑌮॒𑌰𑍍𑌯 𑌆 𑌵𑌿॒𑌦𑌥𑍇॒ 𑌵𑌰𑍍𑌧॑𑌮𑌾𑌨𑌃 । 𑌪𑍁॒𑌨𑌨𑍍𑌤𑌿॒ 𑌧𑍀𑌰𑌾॑ 𑌅॒𑌪𑌸𑍋॑ 𑌮𑌨𑍀॒𑌷𑌾 । 𑌦𑍇॒𑌵॒𑌯𑌾 𑌵𑌿𑌪𑍍𑌰॒ 𑌉𑌦𑌿॑𑌯𑌰𑍍𑌤𑌿॒ 𑌵𑌾𑌚᳚𑌮𑍍 ॥ 𑌯𑍁𑌵𑌾॑ 𑌸𑍁॒𑌵𑌾𑌸𑌾𑌃॒ 𑌪𑌰𑌿॑𑌵𑍀𑌤॒ 𑌆𑌗𑌾᳚𑌤𑍍 । 𑌸 𑌉॒ 𑌶𑍍𑌰𑍇𑌯𑌾᳚-𑌨𑍍𑌭𑌵𑌤𑌿॒ 𑌜𑌾𑌯॑𑌮𑌾𑌨𑌃 ।

𑌤-𑌨𑍍𑌧𑍀𑌰𑌾॑𑌸𑌃 𑌕॒𑌵𑌯॒ 𑌉𑌨𑍍𑌨॑𑌯𑌨𑍍𑌤𑌿 । 𑌸𑍍𑌵𑌾॒𑌧𑌿𑌯𑍋॒ 𑌮𑌨॑𑌸𑌾 𑌦𑍇𑌵॒𑌯𑌨𑍍𑌤𑌃॑ ॥ 𑌪𑍃॒𑌥𑍁॒𑌪𑌾𑌜𑌾॒ 𑌅𑌮॑𑌰𑍍𑌤𑍍𑌯𑌃 । 𑌘𑍃॒𑌤𑌨𑌿॑𑌰𑍍𑌣𑌿॒𑌖𑍍-𑌸𑍍𑌵𑌾॑𑌹𑍁𑌤𑌃 ॥ 3 ॥

𑌅॒𑌗𑍍𑌨𑌿-𑌰𑍍𑌯॒𑌜𑍍𑌞𑌸𑍍𑌯॑ 𑌹𑌵𑍍𑌯॒𑌵𑌾𑌟𑍍 ॥ 𑌤𑌗𑍍𑌂 𑌸॒𑌬𑌾𑌧𑍋॑ 𑌯॒𑌤𑌸𑍍𑌰𑍁॑𑌚𑌃 । 𑌇॒𑌤𑍍𑌥𑌾 𑌧𑌿॒𑌯𑌾 𑌯॒𑌜𑍍𑌞𑌵॑𑌨𑍍𑌤𑌃 । 𑌆𑌚॑𑌕𑍍𑌰𑍁𑌰॒𑌗𑍍𑌨𑌿-𑌮𑍂॒𑌤𑌯𑍇᳚ ॥ 𑌤𑍍𑌵𑌂-𑌵𑌁𑌰𑍁॑𑌣 𑌉॒𑌤 𑌮𑌿॒𑌤𑍍𑌰𑍋 𑌅॑𑌗𑍍𑌨𑍇 । 𑌤𑍍𑌵𑌾𑌂-𑌵𑌁॑𑌰𑍍𑌧𑌨𑍍𑌤𑌿 𑌮॒𑌤𑌿𑌭𑌿॒-𑌰𑍍𑌵𑌸𑌿॑𑌷𑍍𑌠𑌾𑌃 ।

𑌤𑍍𑌵𑍇 𑌵𑌸𑍁॑ 𑌸𑍁𑌷𑌣॒𑌨𑌾𑌨𑌿॑ 𑌸𑌨𑍍𑌤𑍁 ।

𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 4 ॥

(𑌸𑍁॒𑌵𑍀𑌰𑌂॒ - 𑌦𑍁𑌵𑌃॒ - 𑌸𑍍𑌵𑌾॑𑌹𑍁𑌤𑍋॒ - +-𑌽𑌷𑍍𑌟𑍗 𑌚॑) (𑌅. 1)

𑌅𑌨𑍁𑌵𑌾𑌕𑌂 2 - 𑌪𑍍𑌰𑌯𑌾𑌜𑌵𑌿𑌷𑌯𑌾 𑌮𑍈𑌤𑍍𑌰𑌾𑌵𑌰𑍁𑌣𑌪𑍍𑌰𑍈𑌷𑌾𑌃

𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌗𑍍𑌂 𑌸॒𑌮𑌿𑌧𑌾॑ 𑌸𑍁𑌷॒𑌮𑌿𑌧𑌾॒ 𑌸𑌮𑌿॑𑌦𑍍𑌧॒-𑌨𑍍𑌨𑌾𑌭𑌾॑ 𑌪𑍃𑌥𑌿॒𑌵𑍍𑌯𑌾-𑌸𑍍𑌸॑𑌗॒𑌨𑍍𑌥𑍇 𑌵𑌾॒𑌮𑌸𑍍𑌯॑ ।

𑌵𑌰𑍍𑌷𑍍𑌮॑𑌨𑍍𑌦𑌿॒𑌵 𑌇॒𑌡𑌸𑍍𑌪॒𑌦𑍇 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥

𑌹𑍋𑌤𑌾॑ 𑌯𑌕𑍍𑌷॒𑌤𑍍-𑌤𑌨𑍂॒𑌨𑌪𑌾॑𑌤॒-𑌮𑌦𑌿॑𑌤𑍇॒-𑌰𑍍𑌗𑌰𑍍𑌭॒-𑌮𑍍𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌮𑍍 । 𑌮𑌦𑍍𑌧𑍍𑌵𑌾॒-𑌽𑌦𑍍𑌯 𑌦𑍇॒𑌵𑍋 𑌦𑍇॒𑌵𑍇𑌭𑍍𑌯𑍋॑ 𑌦𑍇𑌵॒𑌯𑌾𑌨𑌾᳚𑌨𑍍𑌪॒𑌥𑍋 𑌅॑𑌨𑌕𑍍𑌤𑍁॒ 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥

𑌹𑍋𑌤𑌾॑ 𑌯𑌕𑍍𑌷॒-𑌨𑍍𑌨𑌰𑌾॒𑌶𑌗𑍍𑌂𑌸॑-𑌨𑍍𑌨𑍃𑌶॒𑌸𑍍𑌤𑍍𑌰-𑌨𑍍𑌨𑍄𑌗𑍍𑌂𑌃 𑌪𑍍𑌰॑𑌣𑍇𑌤𑍍𑌰𑌮𑍍 । 𑌗𑍋𑌭𑌿॑-𑌰𑍍𑌵॒𑌪𑌾𑌵𑌾॒𑌨𑍍-𑌥𑍍𑌸𑍍𑌯𑌾-𑌦𑍍𑌵𑍀॒𑌰𑍈-𑌶𑍍𑌶𑌕𑍍𑌤𑍀॑𑌵𑌾॒𑌨𑍍-𑌰𑌥𑍈𑌃᳚ 𑌪𑍍𑌰𑌥𑌮॒𑌯𑌾𑌵𑌾॒ 𑌹𑌿𑌰॑𑌣𑍍𑌯𑍈𑌶𑍍𑌚॒𑌨𑍍𑌦𑍍𑌰𑍀 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌮𑌿॒𑌡 𑌈॑𑌡𑌿॒𑌤𑍋 𑌦𑍇॒𑌵𑍋 𑌦𑍇॒𑌵𑌾𑌗𑍍𑌂 𑌆𑌵॑𑌕𑍍𑌷-𑌦𑍍𑌦𑍂॒𑌤𑍋 𑌹॑𑌵𑍍𑌯॒𑌵𑌾𑌡𑌮𑍂॑𑌰𑌃 ।

𑌉𑌪𑍇॒𑌮𑌂-𑌯𑌁॒𑌜𑍍𑌞𑌮𑍁𑌪𑍇॒𑌮𑌾-𑌨𑍍𑌦𑍇॒𑌵𑍋 𑌦𑍇॒𑌵𑌹𑍂॑𑌤𑌿𑌮𑌵𑌤𑍁॒ 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌦𑍍𑌬॒𑌰𑍍॒𑌹𑌿-𑌸𑍍𑌸𑍁॒𑌷𑍍𑌟𑌰𑍀॒𑌮𑍋𑌰𑍍𑌣॑𑌮𑍍𑌰𑌦𑌾 𑌅॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌵𑌿 𑌚॒ 𑌪𑍍𑌰 𑌚॑ 𑌪𑍍𑌰𑌥𑌤𑌾𑌗𑍍 𑌸𑍍𑌵𑌾𑌸॒𑌸𑍍𑌥-𑌨𑍍𑌦𑍇॒𑌵𑍇𑌭𑍍𑌯𑌃॑ ।

𑌏𑌮𑍇॑𑌨𑌦॒𑌦𑍍𑌯 𑌵𑌸॑𑌵𑍋 𑌰𑍁॒𑌦𑍍𑌰𑌾 𑌆॑𑌦𑌿𑌤𑍍𑌯𑌾-𑌸𑍍𑌸॑𑌦𑌨𑍍𑌤𑍁 𑌪𑍍𑌰𑌿॒𑌯𑌮𑌿𑌨𑍍𑌦𑍍𑌰॑𑌸𑍍𑌯𑌾𑌸𑍍𑌤𑍁॒ 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 5 ॥

𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌦𑍁𑌰॑ 𑌋॒𑌷𑍍𑌵𑌾𑌃 𑌕॑𑌵॒𑌷𑍍𑌯𑍋-𑌽𑌕𑍋॑𑌷𑌧𑌾𑌵𑌨𑍀॒-𑌰𑍁𑌦𑌾𑌤𑌾॑𑌭𑌿॒-𑌰𑍍𑌜𑌿𑌹॑𑌤𑌾𑌂॒-𑌵𑌿𑌁 𑌪𑌕𑍍𑌷𑍋॑𑌭𑌿-𑌶𑍍𑌶𑍍𑌰𑌯𑌨𑍍𑌤𑌾𑌮𑍍 । 𑌸𑍁॒𑌪𑍍𑌰𑌾॒𑌯॒𑌣𑌾 𑌅॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌵𑌿𑌶𑍍𑌰॑𑌯𑌨𑍍𑌤𑌾-𑌮𑍃𑌤𑌾॒𑌵𑍃𑌧𑍋॑ 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥

𑌹𑍋𑌤𑌾॑ 𑌯𑌕𑍍𑌷𑌦𑍁॒𑌷𑌾𑌸𑌾॒𑌨𑌕𑍍𑌤𑌾॑ 𑌬𑍃𑌹॒𑌤𑍀 𑌸𑍁॒𑌪𑍇𑌶॑𑌸𑌾॒ 𑌨𑍄𑌗𑍍𑌂𑌃 𑌪𑌤𑌿॑𑌭𑍍𑌯𑍋॒ 𑌯𑍋𑌨𑌿॑-𑌙𑍍𑌕𑍃𑌣𑍍𑌵𑌾॒𑌨𑍇 ।

𑌸॒𑌗𑍍𑌗𑍍॒𑌸𑍍𑌮𑌯॑𑌮𑌾𑌨𑍇॒ 𑌇𑌨𑍍𑌦𑍍𑌰𑍇॑𑌣 𑌦𑍇॒𑌵𑍈𑌰𑍇𑌦-𑌮𑍍𑌬॒𑌰𑍍॒𑌹𑌿-𑌸𑍍𑌸𑍀॑𑌦𑌤𑌾𑌂-𑌵𑍀𑌁॒𑌤𑌾𑌮𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥

𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 𑌮॒𑌨𑍍𑌦𑍍𑌰𑌾 𑌪𑍋𑌤𑌾॑𑌰𑌾 𑌕॒𑌵𑍀 𑌪𑍍𑌰𑌚𑍇॑𑌤𑌸𑌾 ।

𑌸𑍍𑌵𑌿॑𑌷𑍍𑌟𑌮॒𑌦𑍍𑌯𑌾𑌨𑍍𑌯𑌃 𑌕॑𑌰𑌦𑌿॒𑌷𑌾 𑌸𑍍𑌵॑𑌭𑌿𑌗𑍂𑌰𑍍𑌤𑌮॒𑌨𑍍𑌯 𑌊॒𑌰𑍍𑌜𑌾 𑌸𑌤॑𑌵𑌸𑍇॒𑌮𑌂-𑌯𑌁॒𑌜𑍍𑌞-𑌨𑍍𑌦𑌿॒𑌵𑌿 𑌦𑍇॒𑌵𑍇𑌷𑍁॑ 𑌧𑌤𑍍𑌤𑌾𑌂-𑌵𑍀𑌁॒𑌤𑌾𑌮𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥

𑌹𑍋𑌤𑌾॑ 𑌯𑌕𑍍𑌷𑌤𑍍-𑌤𑌿॒𑌸𑍍𑌰𑍋 𑌦𑍇॒𑌵𑍀𑌰॒𑌪𑌸𑌾॑𑌮॒𑌪𑌸𑍍𑌤॑𑌮𑌾॒ 𑌅𑌚𑍍𑌛𑌿॑𑌦𑍍𑌰-𑌮॒𑌦𑍍𑌯𑍇𑌦𑌮𑌪॑-𑌸𑍍𑌤𑌨𑍍𑌵𑌤𑌾𑌮𑍍 ।

𑌦𑍇॒𑌵𑍇𑌭𑍍𑌯𑍋॑ 𑌦𑍇॒𑌵𑍀-𑌰𑍍𑌦𑍇॒𑌵𑌮𑌪𑍋॑ 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥

𑌹𑍋𑌤𑌾॑ 𑌯𑌕𑍍𑌷॒𑌤𑍍-𑌤𑍍𑌵𑌷𑍍𑌟𑌾॑𑌰॒-𑌮𑌚𑌿॑𑌷𑍍𑌟𑍁॒𑌮𑌪𑌾॑𑌕𑌗𑍍𑌂 𑌰𑍇𑌤𑍋॒𑌧𑌾𑌂-𑌵𑌿𑌁𑌶𑍍𑌰॑𑌵𑌸𑌂-𑌯𑌁𑌶𑍋॒𑌧𑌾𑌮𑍍 ।

𑌪𑍁॒𑌰𑍁॒𑌰𑍂𑌪॒𑌮𑌕𑌾॑𑌮𑌕𑌰𑍍𑌶𑌨𑌗𑍍𑌂 𑌸𑍁॒𑌪𑍋𑌷𑌃॒ 𑌪𑍋𑌷𑍈॒-𑌸𑍍𑌸𑍍𑌯𑌾-𑌥𑍍𑌸𑍁॒𑌵𑍀𑌰𑍋॑ 𑌵𑍀॒𑌰𑍈-𑌰𑍍𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥

𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌵𑌨॒𑌸𑍍𑌪𑌤𑌿॑-𑌮𑍁॒𑌪𑌾𑌵॑𑌸𑍍𑌰𑌕𑍍𑌷𑌦𑍍𑌧𑌿॒𑌯𑍋 𑌜𑍋॒𑌷𑍍𑌟𑌾𑌰𑌗𑍍𑌂॑ 𑌶॒𑌶𑌮॒𑌨𑍍𑌨𑌰𑌃॑ ।

𑌸𑍍𑌵𑌦𑌾॒-𑌥𑍍𑌸𑍍𑌵𑌧𑌿॑𑌤𑌿𑌰𑍍-𑌋𑌤𑍁॒𑌥𑌾-𑌽𑌦𑍍𑌯 𑌦𑍇॒𑌵𑍋 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌾-𑌽𑌵𑌾॒𑌡𑍍-𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥

𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌗𑍍𑌗𑍍 𑌸𑍍𑌵𑌾𑌹𑌾-𑌽𑌽𑌜𑍍𑌯॑𑌸𑍍𑌯॒ 𑌸𑍍𑌵𑌾𑌹𑌾॒ 𑌮𑍇𑌦॑𑌸॒-𑌸𑍍𑌸𑍍𑌵𑌾𑌹𑌾᳚ 𑌸𑍍𑌤𑍋॒𑌕𑌾𑌨𑌾॒𑌗𑍍॒ 𑌸𑍍𑌵𑌾𑌹𑌾॒ 𑌸𑍍𑌵𑌾𑌹𑌾॑ 𑌕𑍃𑌤𑍀𑌨𑌾॒𑌗𑍍॒ 𑌸𑍍𑌵𑌾𑌹𑌾॑ 𑌹॒𑌵𑍍𑌯𑌸𑍂᳚𑌕𑍍𑌤𑍀𑌨𑌾𑌮𑍍 ।

𑌸𑍍𑌵𑌾𑌹𑌾॑ 𑌦𑍇॒𑌵𑌾𑌗𑍍𑌂 𑌆᳚𑌜𑍍𑌯॒𑌪𑌾𑌨𑍍-𑌥𑍍𑌸𑍍𑌵𑌾𑌹𑌾॒-𑌽𑌗𑍍𑌨𑌿𑌗𑍍𑌂 𑌹𑍋॒𑌤𑍍𑌰𑌾𑌜𑍍𑌜𑍁॑𑌷𑌾॒𑌣𑌾 𑌅𑌗𑍍𑌨॒ 𑌆𑌜𑍍𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌹𑍋𑌤॒𑌰𑍍𑌯𑌜॑ ॥ 6 ॥

(𑌪𑍍𑌰𑌿॒𑌯𑌮𑌿𑌨𑍍𑌦𑍍𑌰॑𑌸𑍍𑌯𑌾𑌸𑍍𑌤𑍁॒ 𑌵𑍇𑌤𑍍𑌵𑌾𑌜𑍍𑌯𑍍॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ - 𑌸𑍁॒𑌵𑍀𑌰𑍋॑ 𑌵𑍀॒𑌰𑍈-𑌰𑍍𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ 𑌚॒𑌤𑍍𑌵𑌾𑌰𑌿॑ 𑌚) (𑌅. 2)

(𑌅॒𑌗𑍍𑌨𑌿-𑌨𑍍𑌤𑌨𑍂॒𑌨𑌪𑌾॑𑌤॒-𑌨𑍍𑌨𑌰𑌾॒𑌶𑌗𑍍𑌂𑌸॑𑌮॒𑌗𑍍𑌨𑌿𑌮𑌿॒𑌡 𑌈॑𑌡𑌿॒𑌤𑍋 𑌬॒𑌰𑍍॒𑌹𑌿𑌰𑍍𑌦𑍁𑌰॑ 𑌉॒𑌷𑌾𑌸𑌾॒𑌨𑌕𑍍𑌤𑌾॒ 𑌦𑍈𑌵𑍍𑌯𑌾॑ 𑌤𑌿॒𑌸𑍍𑌰𑌸𑍍𑌤𑍍𑌵𑌷𑍍𑌟𑌾॑𑌰𑌂॒-𑌵𑌁𑌨॒𑌸𑍍𑌪𑌤𑌿॑𑌮॒𑌗𑍍𑌨𑌿𑌮𑍍 )

(𑌪𑌞𑍍𑌚॒ 𑌵𑍇𑌤𑍍𑌵𑍇𑌕𑍋॑ 𑌵𑌿॒𑌯𑌨𑍍𑌤𑍁॒ 𑌦𑍍𑌵𑌿𑌰𑍍𑌵𑍀॒𑌤𑌾𑌮𑍇𑌕𑍋॑ 𑌵𑌿॒𑌯𑌨𑍍𑌤𑍁॒ 𑌦𑍍𑌵𑌿𑌰𑍍𑌵𑍇𑌤𑍍𑌵𑍇𑌕𑍋॑ 𑌵𑌿𑌯𑌨𑍍𑌤𑍁॒ 𑌹𑍋𑌤॒𑌰𑍍𑌯𑌜॑)

𑌅𑌨𑍁𑌵𑌾𑌕𑌂 3 - 𑌆𑌪𑍍𑌰𑌿𑌯 𑌪𑍍𑌰𑌯𑌾𑌜𑌾𑌨𑌾𑌂-𑌯𑌾𑌁𑌜𑍍𑌯𑌾𑌃

𑌸𑌮𑌿॑𑌦𑍍𑌧𑍋 𑌅॒𑌦𑍍𑌯 𑌮𑌨𑍁॑𑌷𑍋 𑌦𑍁𑌰𑍋॒𑌣𑍇 । 𑌦𑍇॒𑌵𑍋 𑌦𑍇॒𑌵𑌾𑌨𑍍. 𑌯॑𑌜𑌸𑌿 𑌜𑌾𑌤𑌵𑍇𑌦𑌃 । 𑌆 𑌚॒ 𑌵𑌹॑ 𑌮𑌿𑌤𑍍𑌰𑌮𑌹-𑌶𑍍𑌚𑌿𑌕𑌿॒𑌤𑍍𑌵𑌾𑌨𑍍 । 𑌤𑍍𑌵-𑌨𑍍𑌦𑍂॒𑌤𑌃 𑌕॒𑌵𑌿𑌰॑𑌸𑌿॒ 𑌪𑍍𑌰𑌚𑍇॑𑌤𑌾𑌃 ॥ 𑌤𑌨𑍂॑𑌨𑌪𑌾𑌤𑍍𑌪॒𑌥 𑌋॒𑌤𑌸𑍍𑌯॒ 𑌯𑌾𑌨𑌾𑌨𑍍॑ । 𑌮𑌦𑍍𑌧𑍍𑌵𑌾॑ 𑌸𑌮॒𑌞𑍍𑌜𑌨𑍍-𑌥𑍍𑌸𑍍𑌵॑𑌦𑌯𑌾 𑌸𑍁𑌜𑌿𑌹𑍍𑌵 ।

𑌮𑌨𑍍𑌮𑌾॑𑌨𑌿 𑌧𑍀॒𑌭𑌿𑌰𑍁॒𑌤 𑌯॒𑌜𑍍𑌞𑌮𑍃॒𑌨𑍍𑌧𑌨𑍍𑌨𑍍 । 𑌦𑍇॒𑌵॒𑌤𑍍𑌰𑌾 𑌚॑ 𑌕𑍃𑌣𑍁𑌹𑍍𑌯𑌦𑍍𑌧𑍍𑌵॒𑌰-𑌨𑍍𑌨𑌃॑ ॥ 𑌨𑌰𑌾॒𑌶𑌗𑍍𑌂𑌸॑𑌸𑍍𑌯 𑌮𑌹𑌿॒𑌮𑌾𑌨॑𑌮𑍇𑌷𑌾𑌮𑍍 । 𑌉𑌪॑𑌸𑍍𑌤𑍋𑌷𑌾𑌮 𑌯𑌜॒𑌤𑌸𑍍𑌯॑ 𑌯॒𑌜𑍍𑌞𑍈𑌃 ॥ 7 ॥

𑌤𑍇 𑌸𑍁॒𑌕𑍍𑌰𑌤॑𑌵॒-𑌶𑍍𑌶𑍁𑌚॑𑌯𑍋 𑌧𑌿𑌯॒𑌧𑌾𑌂𑌃 । 𑌸𑍍𑌵𑌦॑𑌨𑍍𑌤𑍁 𑌦𑍇॒𑌵𑌾 𑌉॒𑌭𑌯𑌾॑𑌨𑌿 𑌹॒𑌵𑍍𑌯𑌾 ॥ 𑌆॒𑌜𑍁𑌹𑍍𑌵𑌾॑𑌨॒ 𑌈𑌡𑍍𑌯𑍋॒ 𑌵𑌨𑍍𑌦𑍍𑌯॑𑌶𑍍𑌚 । 𑌆𑌯𑌾᳚𑌹𑍍𑌯𑌗𑍍𑌨𑍇॒ 𑌵𑌸𑍁॑𑌭𑌿-𑌸𑍍𑌸॒𑌜𑍋𑌷𑌾𑌃᳚ ।

𑌤𑍍𑌵-𑌨𑍍𑌦𑍇॒𑌵𑌾𑌨𑌾॑𑌮𑌸𑌿 𑌯𑌹𑍍𑌵॒ 𑌹𑍋𑌤𑌾᳚ । 𑌸 𑌏॑𑌨𑌾𑌨𑍍. 𑌯𑌕𑍍𑌷𑍀𑌷𑌿॒𑌤𑍋 𑌯𑌜𑍀॑𑌯𑌾𑌨𑍍 ॥ 𑌪𑍍𑌰𑌾॒𑌚𑍀𑌨॑-𑌮𑍍𑌬॒𑌰𑍍॒𑌹𑌿𑌃 𑌪𑍍𑌰॒𑌦𑌿𑌶𑌾॑ 𑌪𑍃𑌥𑌿॒𑌵𑍍𑌯𑌾𑌃 । 𑌵𑌸𑍍𑌤𑍋॑𑌰॒𑌸𑍍𑌯𑌾 𑌵𑍃॑𑌜𑍍𑌯𑌤𑍇॒ 𑌅𑌗𑍍𑌰𑍇॒ 𑌅𑌹𑍍𑌨𑌾᳚𑌮𑍍 ।

𑌵𑍍𑌯𑍁॑ 𑌪𑍍𑌰𑌥𑌤𑍇 𑌵𑌿𑌤॒𑌰𑌂-𑌵𑌁𑌰𑍀॑𑌯𑌃 । 𑌦𑍇॒𑌵𑍇𑌭𑍍𑌯𑍋॒ 𑌅𑌦𑌿॑𑌤𑌯𑍇 𑌸𑍍𑌯𑍋॒𑌨𑌮𑍍 ॥ 8 ॥

𑌵𑍍𑌯𑌚॑𑌸𑍍𑌵𑌤𑍀𑌰𑍁𑌰𑍍𑌵𑌿॒𑌯𑌾 𑌵𑌿𑌶𑍍𑌰॑𑌯𑌨𑍍𑌤𑌾𑌮𑍍 । 𑌪𑌤𑌿॑𑌭𑍍𑌯𑍋॒ 𑌨𑌜𑌨॑𑌯॒-𑌶𑍍𑌶𑍁𑌮𑍍𑌭॑𑌮𑌾𑌨𑌾𑌃 । 𑌦𑍇𑌵𑍀᳚𑌰𑍍𑌦𑍍𑌵𑌾𑌰𑍋 𑌬𑍃𑌹𑌤𑍀-𑌰𑍍𑌵𑌿𑌶𑍍𑌵𑌮𑌿𑌨𑍍𑌵𑌾𑌃 । 𑌦𑍇॒𑌵𑍇𑌭𑍍𑌯𑍋॑ 𑌭𑌵𑌥 𑌸𑍁𑌪𑍍𑌰𑌾𑌯॒𑌣𑌾𑌃 ॥ 𑌆 𑌸𑍁॒𑌷𑍍𑌵𑌯॑𑌨𑍍𑌤𑍀 𑌯𑌜॒𑌤𑍇 𑌉𑌪𑌾॑𑌕𑍇 । 𑌉॒𑌷𑌾𑌸𑌾॒𑌨𑌕𑍍𑌤𑌾॑ 𑌸𑌦𑌤𑌾॒-𑌨𑍍𑌨𑌿 𑌯𑍋𑌨𑍗᳚ ।

𑌦𑌿॒𑌵𑍍𑌯𑍇 𑌯𑍋𑌷॑𑌣𑍇 𑌬𑍃𑌹॒𑌤𑍀 𑌸𑍁॑𑌰𑍁॒𑌕𑍍𑌮𑍇 । 𑌅𑌧𑌿॒ 𑌶𑍍𑌰𑌿𑌯𑌗𑍍𑌂॑ 𑌶𑍁𑌕𑍍𑌰॒𑌪𑌿𑌶॒-𑌨𑍍𑌦𑌧𑌾॑𑌨𑍇 ॥ 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 𑌪𑍍𑌰𑌥॒𑌮𑌾 𑌸𑍁॒𑌵𑌾𑌚𑌾᳚ । 𑌮𑌿𑌮𑌾॑𑌨𑌾 𑌯॒𑌜𑍍𑌞-𑌮𑍍𑌮𑌨𑍁॑𑌷𑍋॒ 𑌯𑌜॑𑌦𑍍𑌧𑍍𑌯𑍈 ॥ 9 ॥

𑌪𑍍𑌰॒𑌚𑍋॒𑌦𑌯॑𑌨𑍍𑌤𑌾 𑌵𑌿॒𑌦𑌥𑍇॑𑌷𑍁 𑌕𑌾॒𑌰𑍂 । 𑌪𑍍𑌰𑌾॒𑌚𑍀𑌨॒-𑌞𑍍𑌜𑍍𑌯𑍋𑌤𑌿𑌃॑ 𑌪𑍍𑌰॒𑌦𑌿𑌶𑌾॑ 𑌦𑌿॒𑌶𑌨𑍍𑌤𑌾᳚ ॥ 𑌆𑌨𑍋॑ 𑌯॒𑌜𑍍𑌞-𑌮𑍍𑌭𑌾𑌰॑𑌤𑍀॒ 𑌤𑍂𑌯॑𑌮𑍇𑌤𑍁 । 𑌇𑌡𑌾॑ 𑌮𑌨𑍁॒𑌷𑍍𑌵𑌦𑌿॒𑌹 𑌚𑍇॒𑌤𑌯॑𑌨𑍍𑌤𑍀 । 𑌤𑌿॒𑌸𑍍𑌰𑍋 𑌦𑍇॒𑌵𑍀-𑌰𑍍𑌬॒𑌰𑍍॒𑌹𑌿𑌰𑍇𑌦𑌗𑍍𑌗𑍍 𑌸𑍍𑌯𑍋॒𑌨𑌮𑍍 । 𑌸𑌰॑𑌸𑍍𑌵𑌤𑍀॒ 𑌸𑍍𑌵𑌪॑𑌸-𑌸𑍍𑌸𑌦𑌨𑍍𑌤𑍁 ॥

𑌯 𑌇॒𑌮𑍇 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌜𑌨𑌿॑𑌤𑍍𑌰𑍀 । 𑌰𑍂॒𑌪𑍈𑌰𑌪𑌿𑌗𑍍𑌂॑𑌶॒-𑌦𑍍𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌤𑌮॒𑌦𑍍𑌯 𑌹𑍋॑𑌤𑌰𑌿𑌷𑌿॒𑌤𑍋 𑌯𑌜𑍀॑𑌯𑌾𑌨𑍍 ।

𑌦𑍇॒𑌵-𑌨𑍍𑌤𑍍𑌵𑌷𑍍𑌟𑌾॑𑌰𑌮𑌿॒𑌹 𑌯॑𑌕𑍍𑌷𑌿 𑌵𑌿॒𑌦𑍍𑌵𑌾𑌨𑍍 ॥ 10 ॥

𑌉॒𑌪𑌾𑌵॑𑌸𑍃𑌜॒𑌤𑍍-𑌤𑍍𑌮𑌨𑍍𑌯𑌾॑ 𑌸𑌮॒𑌞𑍍𑌜𑌨𑍍𑌨𑍍 । 𑌦𑍇॒𑌵𑌾𑌨𑌾॒-𑌮𑍍𑌪𑌾𑌥॑ 𑌋𑌤𑍁॒𑌥𑌾 𑌹॒𑌵𑍀𑌗𑍍𑌂𑌷𑌿॑ । 𑌵𑌨॒𑌸𑍍𑌪𑌤𑌿𑌃॑ 𑌶𑌮𑌿॒𑌤𑌾 𑌦𑍇॒𑌵𑍋 𑌅॒𑌗𑍍𑌨𑌿𑌃 । 𑌸𑍍𑌵𑌦॑𑌨𑍍𑌤𑍁 𑌹॒𑌵𑍍𑌯-𑌮𑍍𑌮𑌧𑍁॑𑌨𑌾 𑌘𑍃॒𑌤𑍇𑌨॑ ॥

𑌸॒𑌦𑍍𑌯𑍋 𑌜𑌾॒𑌤𑍋 𑌵𑍍𑌯॑𑌮𑌿𑌮𑍀𑌤 𑌯॒𑌜𑍍𑌞𑌮𑍍 । 𑌅॒𑌗𑍍𑌨𑌿-𑌰𑍍𑌦𑍇॒𑌵𑌾𑌨𑌾॑-𑌮𑌭𑌵𑌤𑍍-𑌪𑍁𑌰𑍋॒𑌗𑌾𑌃 । 𑌅॒𑌸𑍍𑌯 𑌹𑍋𑌤𑍁𑌃॑ 𑌪𑍍𑌰॒𑌦𑌿𑌶𑍍𑌯𑍃॒𑌤𑌸𑍍𑌯॑ 𑌵𑌾॒𑌚𑌿 ।

𑌸𑍍𑌵𑌾𑌹𑌾॑𑌕𑍃𑌤𑌗𑍍𑌂 𑌹॒𑌵𑌿𑌰॑𑌦𑌨𑍍𑌤𑍁 𑌦𑍇॒𑌵𑌾𑌃 ॥ 11 ॥

(𑌯॒𑌜𑍍𑌞𑍈𑌃 - 𑌸𑍍𑌯𑍋॒𑌨𑌂 - 𑌁𑌯𑌜॑𑌦𑍍𑌧𑍍𑌯𑍈 - 𑌵𑌿॒𑌦𑍍𑌵𑌾𑌨॒ - +𑌷𑍍𑌟𑍗 𑌚॑) (𑌅. 3)

𑌅𑌨𑍁𑌵𑌾𑌕𑌂 4 - 𑌪𑌰𑍍𑌯𑌗𑍍𑌨𑌿𑌕𑌰𑌣𑍀𑌯𑌾 𑌋𑌚𑌃

𑌅॒𑌗𑍍𑌨𑌿𑌰𑍍-𑌹𑍋𑌤𑌾॑ 𑌨𑍋 𑌅𑌦𑍍𑌧𑍍𑌵॒𑌰𑍇 । 𑌵𑌾॒𑌜𑍀 𑌸𑌨𑍍-𑌪𑌰𑌿॑𑌣𑍀𑌯𑌤𑍇 ।

𑌦𑍇॒𑌵𑍋 𑌦𑍇॒𑌵𑍇𑌷𑍁॑ 𑌯॒𑌜𑍍𑌞𑌿𑌯𑌃॑ ॥ 𑌪𑌰𑌿॑ 𑌤𑍍𑌰𑌿𑌵𑌿॒𑌷𑍍𑌟𑍍𑌯॑𑌦𑍍𑌧𑍍𑌵॒𑌰𑌮𑍍 । 𑌯𑌾𑌤𑍍𑌯॒𑌗𑍍𑌨𑍀 𑌰॒𑌥𑍀𑌰𑌿॑𑌵 । 𑌆 𑌦𑍇॒𑌵𑍇𑌷𑍁॒ 𑌪𑍍𑌰𑌯𑍋॒ 𑌦𑌧॑𑌤𑍍 ॥ 𑌪𑌰𑌿॒ 𑌵𑌾𑌜॑𑌪𑌤𑌿𑌃 𑌕॒𑌵𑌿𑌃 । 𑌅॒𑌗𑍍𑌨𑌿𑌰𑍍-𑌹॒𑌵𑍍𑌯𑌾 𑌨𑍍𑌯॑𑌕𑍍𑌰𑌮𑍀𑌤𑍍 ।

𑌦𑌧॒-𑌦𑍍𑌰𑌤𑍍𑌨𑌾॑𑌨𑌿 𑌦𑌾॒𑌶𑍁𑌷𑍇᳚ ॥ 12 ॥

(𑌅॒𑌗𑍍𑌨𑌿𑌰𑍍-𑌹𑍋𑌤𑌾॑ 𑌨𑍋॒ 𑌨𑌵॑) (𑌅. 4)

𑌅𑌨𑍁𑌵𑌾𑌕𑌂 5 - 𑌮𑍈𑌤𑍍𑌰𑌾𑌵𑌰𑍁𑌣𑌪𑍍𑌰𑍈𑌷𑌃

𑌅𑌜𑍈॑𑌦॒𑌗𑍍𑌨𑌿𑌃 । 𑌅𑌸॑𑌨॒𑌦𑍍𑌵𑌾𑌜॒-𑌨𑍍𑌨𑌿 । 𑌦𑍇॒𑌵𑍋 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌾-𑌽𑌵𑌾᳚𑌟𑍍 । 𑌪𑍍𑌰𑌾𑌞𑍍𑌜𑍋॑𑌭𑌿𑌰𑍍-𑌹𑌿𑌨𑍍𑌵𑌾॒𑌨𑌃 ।

𑌧𑍇𑌨𑌾॑𑌭𑌿𑌃॒ 𑌕𑌲𑍍𑌪॑𑌮𑌾𑌨𑌃 । 𑌯॒𑌜𑍍𑌞𑌸𑍍𑌯𑌾𑌯𑍁𑌃॑ 𑌪𑍍𑌰𑌤𑌿॒𑌰𑌨𑍍𑌨𑍍 ।

𑌉𑌪॒ 𑌪𑍍𑌰𑍇𑌷𑍍𑌯॑ 𑌹𑍋𑌤𑌃 । 𑌹॒𑌵𑍍𑌯𑌾 𑌦𑍇॒𑌵𑍇𑌭𑍍𑌯𑌃॑ ॥ 13 ॥

(𑌅𑌜𑍈॑𑌦॒𑌷𑍍𑌟𑍗) (𑌅. 5)

𑌅𑌨𑍁𑌵𑌾𑌕𑌂 6 - 𑌹𑍋𑌤𑍁𑌰𑌧𑍍𑌰𑌿𑌗𑍁𑌪𑍍𑌰𑍈𑌷𑌃

𑌦𑍈𑌵𑍍𑌯𑌾᳚-𑌶𑍍𑌶𑌮𑌿𑌤𑌾𑌰 𑌉॒𑌤 𑌮॑𑌨𑍁𑌷𑍍𑌯𑌾॒ 𑌆𑌰॑𑌭𑌦𑍍𑌧𑍍𑌵𑌮𑍍 । 𑌉𑌪॑ 𑌨𑌯𑌤॒ 𑌮𑍇𑌦𑍍𑌧𑍍𑌯𑌾॒ 𑌦𑍁𑌰𑌃॑ । 𑌆॒𑌶𑌾𑌸𑌾॑𑌨𑌾॒ 𑌮𑍇𑌧॑𑌪𑌤𑌿𑌭𑍍𑌯𑌾॒-𑌮𑍍𑌮𑍇𑌧᳚𑌮𑍍 । 𑌪𑍍𑌰𑌾𑌸𑍍𑌮𑌾॑ 𑌅॒𑌗𑍍𑌨𑌿-𑌮𑍍𑌭॑𑌰𑌤 । 𑌸𑍍𑌤𑍃॒𑌣𑍀॒𑌤 𑌬॒𑌰𑍍॒𑌹𑌿𑌃 । 𑌅𑌨𑍍𑌵𑍇॑𑌨-𑌮𑍍𑌮𑌾॒𑌤𑌾 𑌮॑𑌨𑍍𑌯𑌤𑌾𑌮𑍍 । 𑌅𑌨𑍁॑ 𑌪𑌿॒𑌤𑌾 ।

𑌅𑌨𑍁॒ 𑌭𑍍𑌰𑌾𑌤𑌾॒ 𑌸𑌗॑𑌰𑍍𑌭𑍍𑌯𑌃 । 𑌅𑌨𑍁॒ 𑌸𑌖𑌾॒ 𑌸𑌯𑍂᳚𑌥𑍍𑌯𑌃 ॥

𑌉॒𑌦𑍀॒𑌚𑍀𑌨𑌾𑌗𑍍𑌂॑ 𑌅𑌸𑍍𑌯 𑌪॒𑌦𑍋 𑌨𑌿𑌧॑𑌤𑍍𑌤𑌾𑌤𑍍 ॥ 14 ॥

𑌸𑍂𑌰𑍍𑌯॒-𑌞𑍍𑌚𑌕𑍍𑌷𑍁॑𑌰𑍍𑌗𑌮𑌯𑌤𑌾𑌤𑍍 । 𑌵𑌾𑌤॑-𑌮𑍍𑌪𑍍𑌰𑌾॒𑌣𑌮॒𑌨𑍍𑌵-𑌵॑𑌸𑍃𑌜𑌤𑌾𑌤𑍍 । 𑌦𑌿𑌶॒-𑌶𑍍𑌶𑍍𑌰𑍋𑌤𑍍𑌰᳚𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷॒𑌮𑌸𑍁᳚𑌮𑍍 । 𑌪𑍃॒𑌥𑌿॒𑌵𑍀𑌗𑍍𑌂 𑌶𑌰𑍀॑𑌰𑌮𑍍 । 𑌏॒𑌕॒𑌧𑌾-𑌽𑌸𑍍𑌯॒ 𑌤𑍍𑌵𑌚॒𑌮𑌾𑌚𑍍𑌛𑍍𑌯॑𑌤𑌾𑌤𑍍 । 𑌪𑍁॒𑌰𑌾 𑌨𑌾𑌭𑍍𑌯𑌾॑ 𑌅𑌪𑌿॒𑌶𑌸𑍋॑ 𑌵॒𑌪𑌾𑌮𑍁𑌤𑍍𑌖𑌿॑𑌦𑌤𑌾𑌤𑍍 । 𑌅॒𑌨𑍍𑌤𑌰𑍇॒𑌵𑍋𑌷𑍍𑌮𑌾𑌣𑌂॑-𑌵𑌾𑌁𑌰𑌯𑌤𑌾𑌤𑍍 । 𑌶𑍍𑌯𑍇॒𑌨𑌮॑𑌸𑍍𑌯॒ 𑌵𑌕𑍍𑌷𑌃॑ 𑌕𑍃𑌣𑍁𑌤𑌾𑌤𑍍 । 𑌪𑍍𑌰॒𑌶𑌸𑌾॑ 𑌬𑌾॒𑌹𑍂 ॥ 15 ॥

𑌶॒𑌲𑌾 𑌦𑍋॒𑌷𑌣𑍀᳚ । 𑌕॒𑌶𑍍𑌯𑌪𑍇॒𑌵𑌾𑌗𑍍𑌂𑌸𑌾᳚ । 𑌅𑌚𑍍𑌛𑌿॑𑌦𑍍𑌰𑍇॒ 𑌶𑍍𑌰𑍋𑌣𑍀᳚ ।

𑌕॒𑌵𑌷𑍋॒𑌰𑍂 𑌸𑍍𑌰𑍇॒𑌕𑌪॑𑌰𑍍𑌣𑌾-𑌽𑌷𑍍𑌠𑍀॒𑌵𑌨𑍍𑌤𑌾᳚ । 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌰𑌸𑍍𑌯॒ 𑌵𑌙𑍍𑌕𑍍𑌰॑𑌯𑌃 ।

𑌤𑌾 𑌅॑𑌨𑍁॒𑌷𑍍𑌠𑍍𑌯𑍋𑌚𑍍𑌚𑍍𑌯𑌾॑𑌵𑌯𑌤𑌾𑌤𑍍 । 𑌗𑌾𑌤𑍍𑌰॑-𑌙𑍍𑌗𑌾𑌤𑍍𑌰𑌮॒𑌸𑍍𑌯𑌾𑌨𑍂॑𑌨-𑌙𑍍𑌕𑍃𑌣𑍁𑌤𑌾𑌤𑍍 । 𑌊॒𑌵॒𑌦𑍍𑌧𑍍𑌯॒𑌗𑍋॒𑌹-𑌮𑍍𑌪𑌾𑌰𑍍𑌥𑌿॑𑌵-𑌙𑍍𑌖𑌨𑌤𑌾𑌤𑍍 । 𑌅॒𑌸𑍍𑌨𑌾 𑌰𑌕𑍍𑌷॒-𑌸𑍍𑌸𑌗𑍍𑌂𑌸𑍃॑𑌜𑌤𑌾𑌤𑍍 ।

𑌵॒𑌨𑌿॒𑌷𑍍𑌠𑍁𑌮॑𑌸𑍍𑌯॒ 𑌮𑌾 𑌰𑌾॑𑌵𑌿𑌷𑍍𑌟 ॥ 16 ॥

𑌉𑌰𑍂॑𑌕॒-𑌮𑍍𑌮𑌨𑍍𑌯॑𑌮𑌾𑌨𑌾𑌃 ॥ 𑌨𑍇𑌦𑍍𑌵॑𑌸𑍍𑌤𑍋॒𑌕𑍇 𑌤𑌨॑𑌯𑍇 । 𑌰𑌵𑌿॑𑌤𑌾॒ 𑌰𑌵॑𑌚𑍍𑌛𑌮𑌿𑌤𑌾𑌰𑌃 । 𑌅𑌦𑍍𑌧𑍍𑌰𑌿॑𑌗𑍋 𑌶𑌮𑍀॒𑌦𑍍𑌧𑍍𑌵𑌮𑍍 । 𑌸𑍁॒𑌶𑌮𑌿॑ 𑌶𑌮𑍀𑌦𑍍𑌧𑍍𑌵𑌮𑍍 । 𑌶॒𑌮𑍀॒𑌦𑍍𑌧𑍍𑌵-𑌮॑𑌦𑍍𑌧𑍍𑌰𑌿𑌗𑍋 ॥

𑌅𑌦𑍍𑌧𑍍𑌰𑌿॑𑌗𑍁॒𑌶𑍍𑌚𑌾𑌪𑌾॑𑌪𑌶𑍍𑌚 । 𑌉॒𑌭𑍗 𑌦𑍇॒𑌵𑌾𑌨𑌾𑌗𑍍𑌂॑ 𑌶𑌮𑌿॒𑌤𑌾𑌰𑍗᳚ । 𑌤𑌾𑌵𑌿॒𑌮-𑌮𑍍𑌪॒𑌶𑍁𑌗𑍍𑌗𑍍 𑌶𑍍𑌰॑𑌪𑌯𑌤𑌾-𑌮𑍍𑌪𑍍𑌰𑌵𑌿॒𑌦𑍍𑌵𑌾𑌗𑍍𑌂𑌸𑍗᳚ ।

𑌯𑌥𑌾॑ 𑌯𑌥𑌾-𑌽𑌸𑍍𑌯॒ 𑌶𑍍𑌰𑌪॑𑌣॒-𑌨𑍍𑌤𑌥𑌾॑𑌤𑌥𑌾 ॥ 17 ॥

[𑌧॒𑌤𑍍𑌤𑌾॒-𑌦𑍍- 𑌬𑌾॒𑌹𑍂 - 𑌮𑌾 𑌰𑌾॑𑌵𑌿𑌷𑍍𑌟॒ - 𑌤𑌥𑌾॑𑌤𑌥𑌾 ] (𑌅. 6)

𑌅𑌨𑍁𑌵𑌾𑌕𑌂 7 - 𑌸𑍍𑌤𑍋𑌕𑌵𑌿𑌷𑌯-𑌮𑍍𑌮𑍈𑌤𑍍𑌰𑌾𑌵𑌰𑍁𑌣𑌾𑌨𑍁𑌵𑌚𑌨𑌮𑍍

𑌜𑍁॒𑌷𑌸𑍍𑌵॑ 𑌸॒𑌪𑍍𑌰𑌥॑𑌸𑍍𑌤𑌮𑌮𑍍 । 𑌵𑌚𑍋॑ 𑌦𑍇॒𑌵𑌫𑍍𑌸॑𑌰𑌸𑍍𑌤𑌮𑌮𑍍 ।

𑌹॒𑌵𑍍𑌯𑌾 𑌜𑍁𑌹𑍍𑌵𑌾॑𑌨 𑌆॒𑌸𑌨𑌿॑ ॥ 𑌇॒𑌮-𑌨𑍍𑌨𑍋॑ 𑌯॒𑌜𑍍𑌞𑌮॒𑌮𑍃𑌤𑍇॑𑌷𑍁 𑌧𑍇𑌹𑌿 । 𑌇॒𑌮𑌾 𑌹॒𑌵𑍍𑌯𑌾 𑌜𑌾॑𑌤𑌵𑍇𑌦𑍋 𑌜𑍁𑌷𑌸𑍍𑌵 । 𑌸𑍍𑌤𑍋॒𑌕𑌾𑌨𑌾॑𑌮𑌗𑍍𑌨𑍇॒ 𑌮𑍇𑌦॑𑌸𑍋 𑌘𑍃॒𑌤𑌸𑍍𑌯॑ । 𑌹𑍋𑌤𑌃॒ 𑌪𑍍𑌰𑌾𑌶𑌾॑𑌨 𑌪𑍍𑌰𑌥॒𑌮𑍋 𑌨𑌿॒𑌷𑌦𑍍𑌯॑ ॥ 𑌘𑍃॒𑌤𑌵॑𑌨𑍍𑌤𑌃 𑌪𑌾𑌵𑌕 𑌤𑍇 ।

𑌸𑍍𑌤𑍋॒𑌕𑌾𑌸𑍍𑌶𑍍𑌚𑍋॑𑌤𑌨𑍍𑌤𑌿॒ 𑌮𑍇𑌦॑𑌸𑌃 । 𑌸𑍍𑌵𑌧॑𑌰𑍍𑌮-𑌨𑍍𑌦𑍇॒𑌵𑌵𑍀॑𑌤𑌯𑍇 ॥ 18 ॥

𑌶𑍍𑌰𑍇𑌷𑍍𑌠॑-𑌨𑍍𑌨𑍋 𑌧𑍇𑌹𑌿॒ 𑌵𑌾𑌰𑍍𑌯᳚𑌮𑍍 ॥ 𑌤𑍁𑌭𑍍𑌯𑌗𑍍𑌗𑍍॑ 𑌸𑍍𑌤𑍋॒𑌕𑌾 𑌘𑍃॑𑌤॒𑌶𑍍𑌚𑍁𑌤𑌃॑ । 𑌅𑌗𑍍𑌨𑍇॒ 𑌵𑌿𑌪𑍍𑌰𑌾॑𑌯 𑌸𑌨𑍍𑌤𑍍𑌯 । 𑌋𑌷𑌿॒-𑌶𑍍𑌶𑍍𑌰𑍇𑌷𑍍𑌠॒-𑌸𑍍𑌸𑌮𑌿॑𑌦𑍍𑌧𑍍𑌯𑌸𑍇 । 𑌯॒𑌜𑍍𑌞𑌸𑍍𑌯॑ 𑌪𑍍𑌰𑌾𑌵𑌿॒𑌤𑌾 𑌭॑𑌵 ॥

𑌤𑍁𑌭𑍍𑌯𑌗𑍍𑌗𑍍॑ 𑌶𑍍𑌚𑍋𑌤𑌨𑍍𑌤𑍍𑌯𑌦𑍍𑌧𑍍𑌰𑌿𑌗𑍋 𑌶𑌚𑍀𑌵𑌃 । 𑌸𑍍𑌤𑍋॒𑌕𑌾𑌸𑍋॑ 𑌅𑌗𑍍𑌨𑍇॒ 𑌮𑍇𑌦॑𑌸𑍋 𑌘𑍃॒𑌤𑌸𑍍𑌯॑ । 𑌕॒𑌵𑌿॒𑌶॒𑌸𑍍𑌤𑍋 𑌬𑍃॑𑌹॒𑌤𑌾 𑌭𑌾॒𑌨𑍁𑌨𑌾-𑌽𑌽𑌗𑌾𑌃᳚ । 𑌹॒𑌵𑍍𑌯𑌾 𑌜𑍁॑𑌷𑌸𑍍𑌵 𑌮𑍇𑌧𑌿𑌰 ॥

𑌓𑌜𑌿॑𑌷𑍍𑌠-𑌨𑍍𑌤𑍇 𑌮𑌦𑍍𑌧𑍍𑌯॒𑌤𑍋 𑌮𑍇𑌦॒ 𑌉𑌦𑍍𑌭𑍃॑𑌤𑌮𑍍 । 𑌪𑍍𑌰𑌤𑍇॑ 𑌵॒𑌯-𑌨𑍍𑌦॑𑌦𑌾𑌮𑌹𑍇 । 𑌶𑍍𑌚𑍋𑌤॑𑌨𑍍𑌤𑌿 𑌤𑍇 𑌵𑌸𑍋 𑌸𑍍𑌤𑍋॒𑌕𑌾 𑌅𑌧𑌿॑ 𑌤𑍍𑌵॒𑌚𑌿 ।

𑌪𑍍𑌰𑌤𑌿॒ 𑌤𑌾𑌨𑍍𑌦𑍇॑𑌵॒𑌶𑍋 𑌵𑌿॑𑌹𑌿 ॥ 19 ॥

(𑌦𑍇॒𑌵𑌵𑍀॑𑌤𑌯॒-𑌉𑌦𑍍𑌭𑍃॑𑌤॒-𑌨𑍍𑌤𑍍𑌰𑍀𑌣𑌿॑ 𑌚) (𑌅. 7)

𑌅𑌨𑍁𑌵𑌾𑌕𑌂 8 - 𑌵𑌪𑌾 𑌪𑍁𑌰𑍋𑌡𑌾𑌶𑌸𑍍𑌵𑌿𑌷𑍍𑌟𑌕𑍃𑌤𑌾-𑌮𑍍𑌪𑍁𑌰𑍋𑌨𑍁𑌵𑌾𑌕𑍍𑌯𑌾𑌃 𑌪𑍍𑌰𑍈𑌷𑌾𑌶𑍍𑌚

𑌆 𑌵𑍃॑𑌤𑍍𑌰𑌹𑌣𑌾 𑌵𑍃𑌤𑍍𑌰॒𑌹𑌭𑌿॒-𑌶𑍍𑌶𑍁𑌷𑍍𑌮𑍈𑌃᳚ । 𑌇𑌨𑍍𑌦𑍍𑌰॑ 𑌯𑌾॒𑌤-𑌨𑍍𑌨𑌮𑍋॑𑌭𑌿𑌰𑌗𑍍𑌨𑍇 𑌅॒𑌰𑍍𑌵𑌾𑌕𑍍 । 𑌯𑍁॒𑌵𑌗𑍍𑌂 𑌰𑌾𑌧𑍋॑𑌭𑌿॒𑌰𑌕॑𑌵𑍇𑌭𑌿𑌰𑌿𑌨𑍍𑌦𑍍𑌰 । 𑌅𑌗𑍍𑌨𑍇॑ 𑌅॒𑌸𑍍𑌮𑍇 𑌭॑𑌵𑌤𑌮𑍁𑌤𑍍𑌤॒𑌮𑍇𑌭𑌿𑌃॑ ॥ 𑌹𑍋𑌤𑌾॑ 𑌯𑌕𑍍𑌷𑌦𑌿𑌨𑍍𑌦𑍍𑌰𑌾॒𑌗𑍍𑌨𑍀 । 𑌛𑌾𑌗॑𑌸𑍍𑌯 𑌵॒𑌪𑌾𑌯𑌾॒ 𑌮𑍇𑌦॑𑌸𑌃 । 𑌜𑍁॒𑌷𑍇𑌤𑌾𑌗𑍍𑌂॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥ 𑌵𑌿 𑌹𑍍𑌯𑌖𑍍𑌯॒-𑌨𑍍𑌮𑌨॑𑌸𑌾॒ 𑌵𑌸𑍍𑌯॑ 𑌇॒𑌚𑍍𑌛𑌨𑍍𑌨𑍍 । 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌜𑍍𑌞𑌾॒𑌸 𑌉॒𑌤 𑌵𑌾॑ 𑌸𑌜𑌾॒𑌤𑌾𑌨𑍍 ॥ 20 ॥

𑌨𑌾𑌨𑍍𑌯𑌾 𑌯𑍁॒𑌵𑌤𑍍𑌪𑍍𑌰𑌮॑𑌤𑌿𑌰𑌸𑍍𑌤𑌿॒ 𑌮𑌹𑍍𑌯᳚𑌮𑍍 । 𑌸 𑌵𑌾॒-𑌨𑍍𑌧𑌿𑌯𑌂॑-𑌵𑌾𑌁𑌜॒𑌯𑌨𑍍𑌤𑍀॑𑌮𑌤𑌕𑍍𑌷𑌮𑍍 ॥ 𑌹𑍋𑌤𑌾॑ 𑌯𑌕𑍍𑌷𑌦𑌿𑌨𑍍𑌦𑍍𑌰𑌾॒𑌗𑍍𑌨𑍀 । 𑌪𑍁॒𑌰𑍋॒𑌡𑌾𑌶॑𑌸𑍍𑌯 𑌜𑍁॒𑌷𑍇𑌤𑌾𑌗𑍍𑌂॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥

𑌤𑍍𑌵𑌾𑌮𑍀॑𑌡𑌤𑍇 𑌅𑌜𑌿॒𑌰-𑌨𑍍𑌦𑍂॒𑌤𑍍𑌯𑌾॑𑌯 । 𑌹॒𑌵𑌿𑌷𑍍𑌮॑𑌨𑍍𑌤॒-𑌸𑍍𑌸𑌦॒𑌮𑌿-𑌨𑍍𑌮𑌾𑌨𑍁॑𑌷𑌾𑌸𑌃 । 𑌯𑌸𑍍𑌯॑ 𑌦𑍇॒𑌵𑍈𑌰𑌾𑌸॑𑌦𑍋 𑌬॒𑌰𑍍॒𑌹𑌿𑌰॑𑌗𑍍𑌨𑍇 । 𑌅𑌹𑌾᳚𑌨𑍍𑌯𑌸𑍍𑌮𑍈 𑌸𑍁॒𑌦𑌿𑌨𑌾॑ 𑌭𑌵𑌨𑍍𑌤𑍁 ॥ 𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌮𑍍 । 𑌪𑍁॒𑌰𑍋॒𑌡𑌾𑌶॑𑌸𑍍𑌯 𑌜𑍁॒𑌷𑌤𑌾𑌗𑍍𑌂॑ 𑌹॒𑌵𑌿𑌃 ।

𑌹𑍋𑌤॒𑌰𑍍𑌯𑌜॑ ॥ 21 ॥

(𑌸॒𑌜𑌾॒𑌤𑌾 - 𑌨॒𑌗𑍍𑌨𑌿-𑌨𑍍𑌦𑍍𑌵𑍇 𑌚॑) (𑌅. 8)

𑌅𑌨𑍁𑌵𑌾𑌕𑌂 9 - 𑌤𑍇𑌷𑌾𑌮𑍇𑌵 𑌯𑌾𑌜𑍍𑌯𑌾𑌃

𑌗𑍀॒𑌰𑍍𑌭𑌿𑌰𑍍𑌵𑌿𑌪𑍍𑌰𑌃॒ 𑌪𑍍𑌰𑌮॑𑌤𑌿𑌮𑌿॒𑌚𑍍𑌛𑌮𑌾॑𑌨𑌃 । 𑌈॒॑ 𑌰॒𑌯𑌿𑌂-𑌯𑌁॒𑌶𑌸॑-𑌮𑍍𑌪𑍂𑌰𑍍𑌵॒𑌭𑌾𑌜᳚𑌮𑍍 । 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌵𑍃𑌤𑍍𑌰𑌹𑌣𑌾 𑌸𑍁𑌵𑌜𑍍𑌰𑌾 । 𑌪𑍍𑌰𑌣𑍋॒ 𑌨𑌵𑍍𑌯𑍇॑𑌭𑌿𑌸𑍍𑌤𑌿𑌰𑌤-𑌨𑍍𑌦𑍇॒𑌷𑍍𑌣𑍈𑌃 ॥ 𑌮𑌾𑌚𑍍𑌛𑍇᳚𑌦𑍍𑌮 𑌰॒𑌶𑍍𑌮𑍀𑌗𑍍𑌂𑌰𑌿𑌤𑌿॒ 𑌨𑌾𑌧॑𑌮𑌾𑌨𑌾𑌃 । 𑌪𑌿॒𑌤𑍃॒𑌣𑌾𑌗𑍍𑌂 𑌶𑌕𑍍𑌤𑍀॑𑌰𑌨𑍁॒ 𑌯𑌚𑍍𑌛॑𑌮𑌾𑌨𑌾𑌃 । 𑌇॒𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾॒-𑌙𑍍𑌕𑌂-𑌵𑍃𑌁𑌷॑𑌣𑍋 𑌮𑌦𑌨𑍍𑌤𑌿 । 𑌤𑌾 𑌹𑍍𑌯𑌦𑍍𑌰𑍀॑ 𑌧𑌿॒𑌷𑌣𑌾॑𑌯𑌾 𑌉॒𑌪𑌸𑍍𑌥𑍇᳚ ॥

𑌅॒𑌗𑍍𑌨𑌿𑌗𑍍𑌂 𑌸𑍁॑𑌦𑍀॒𑌤𑌿𑌗𑍍𑌂 𑌸𑍁॒𑌦𑍃𑌶॑-𑌙𑍍𑌗𑍃॒𑌣𑌨𑍍𑌤𑌃॑ ।

𑌨॒𑌮॒𑌸𑍍𑌯𑌾𑌮॒𑌸𑍍𑌤𑍍𑌵𑍇𑌡𑍍𑌯॑-𑌞𑍍𑌜𑌾𑌤𑌵𑍇𑌦𑌃 ।

𑌤𑍍𑌵𑌾-𑌨𑍍𑌦𑍂॒𑌤𑌮॑𑌰॒𑌤𑌿𑌗𑍍𑌂 𑌹॑𑌵𑍍𑌯॒𑌵𑌾𑌹᳚𑌮𑍍 ।

𑌦𑍇॒𑌵𑌾 𑌅॑𑌕𑍃𑌣𑍍𑌵-𑌨𑍍𑌨॒𑌮𑍃𑌤॑𑌸𑍍𑌯॒ 𑌨𑌾𑌭𑌿᳚𑌮𑍍 ॥ 22 ॥

(𑌜𑌾॒𑌤॒𑌵𑍇॒𑌦𑍋॒ 𑌦𑍍𑌵𑍇 𑌚॑) (𑌅. 9)

𑌅𑌨𑍁𑌵𑌾𑌕𑌂 10 - 𑌮𑌨𑍋𑌤𑌾𑌸𑍂𑌕𑍍𑌤𑌮𑍍

𑌤𑍍𑌵𑌗𑍍𑌗𑍍 𑌹𑍍𑌯॑𑌗𑍍𑌨𑍇 𑌪𑍍𑌰𑌥॒𑌮𑍋 𑌮॒𑌨𑍋𑌤𑌾᳚ । 𑌅॒𑌸𑍍𑌯𑌾 𑌧𑌿॒𑌯𑍋 𑌅𑌭॑𑌵𑍋 𑌦𑌸𑍍𑌮॒ 𑌹𑍋𑌤𑌾᳚ । 𑌤𑍍𑌵𑌗𑍍𑌂 𑌸𑍀𑌂᳚-𑌵𑍃𑌁𑌷-𑌨𑍍𑌨𑌕𑍃𑌣𑍋-𑌰𑍍𑌦𑍁॒𑌷𑍍𑌟𑌰𑍀॑𑌤𑍁 । 𑌸𑌹𑍋॒ 𑌵𑌿𑌶𑍍𑌵॑𑌸𑍍𑌮𑍈॒ 𑌸𑌹॑𑌸𑍇॒ 𑌸𑌹॑𑌦𑍍𑌧𑍍𑌯𑍈 ॥ 𑌅𑌧𑌾॒ 𑌹𑍋𑌤𑌾॒ 𑌨𑍍𑌯॑𑌸𑍀𑌦𑍋॒ 𑌯𑌜𑍀॑𑌯𑌾𑌨𑍍 । 𑌇॒𑌡𑌸𑍍𑌪॒𑌦 𑌇॒𑌷𑌯॒𑌨𑍍𑌨𑍀𑌡𑍍𑌯॒-𑌸𑍍𑌸𑌨𑍍𑌨𑍍 । 𑌤-𑌨𑍍𑌤𑍍𑌵𑌾॒ 𑌨𑌰𑌃॑ 𑌪𑍍𑌰𑌥॒𑌮-𑌨𑍍𑌦𑍇॑𑌵॒𑌯𑌨𑍍𑌤𑌃॑ । 𑌮॒𑌹𑍋 𑌰𑌾॒𑌯𑍇 𑌚𑌿॒𑌤𑌯॑𑌨𑍍𑌤𑍋॒ 𑌅𑌨𑍁॑ 𑌗𑍍𑌮𑌨𑍍𑌨𑍍 ॥ 𑌵𑍃॒𑌤𑍇𑌵॒ 𑌯𑌨𑍍𑌤॑-𑌮𑍍𑌬॒𑌹𑍁𑌭𑌿॑-𑌰𑍍𑌵𑌸॒𑌵𑍍𑌯𑍈𑌃᳚ ।

𑌤𑍍𑌵𑍇 𑌰॒𑌯𑌿-𑌞𑍍𑌜𑌾॑𑌗𑍃॒𑌵𑌾𑌗𑍍𑌂𑌸𑍋॒ 𑌅𑌨𑍁॑ 𑌗𑍍𑌮𑌨𑍍𑌨𑍍 ॥ 23 ॥

𑌰𑍁𑌶॑𑌨𑍍𑌤𑌮॒𑌗𑍍𑌨𑌿-𑌨𑍍𑌦॑𑌰𑍍𑌶॒𑌤-𑌮𑍍𑌬𑍃॒𑌹𑌨𑍍𑌤᳚𑌮𑍍 । 𑌵॒𑌪𑌾𑌵॑𑌨𑍍𑌤𑌂-𑌵𑌿𑌁॒𑌶𑍍𑌵𑌹𑌾॑ 𑌦𑍀𑌦𑌿॒𑌵𑌾𑌗𑍍𑌂𑌸᳚𑌮𑍍 ॥ 𑌪॒𑌦-𑌨𑍍𑌦𑍇॒𑌵𑌸𑍍𑌯॒ 𑌨𑌮॑𑌸𑌾 𑌵𑌿॒𑌯𑌨𑍍𑌤𑌃॑ । 𑌶𑍍𑌰॒𑌵॒𑌸𑍍𑌯𑌵॒-𑌶𑍍𑌶𑍍𑌰𑌵॑ 𑌆𑌪॒𑌨𑍍𑌨𑌮𑍃॑𑌕𑍍𑌤𑌮𑍍 ।

𑌨𑌾𑌮𑌾॑𑌨𑌿 𑌚𑌿-𑌦𑍍𑌦𑌧𑌿𑌰𑍇 𑌯॒𑌜𑍍𑌞𑌿𑌯𑌾॑𑌨𑌿 । 𑌭॒𑌦𑍍𑌰𑌾𑌯𑌾᳚-𑌨𑍍𑌤𑍇 𑌰𑌣𑌯𑌨𑍍𑌤॒ 𑌸𑌨𑍍𑌦𑍃॑𑌷𑍍𑌟𑍗 ॥ 𑌤𑍍𑌵𑌾𑌂-𑌵𑌁॑𑌰𑍍𑌧𑌨𑍍𑌤𑌿 𑌕𑍍𑌷𑌿॒𑌤𑌯𑌃॑ 𑌪𑍃𑌥𑌿॒𑌵𑍍𑌯𑌾𑌮𑍍 । 𑌤𑍍𑌵𑌗𑍍𑌂 𑌰𑌾𑌯॑ 𑌉॒𑌭𑌯𑌾॑𑌸𑍋॒ 𑌜𑌨𑌾॑𑌨𑌾𑌮𑍍 ।

𑌤𑍍𑌵-𑌨𑍍𑌤𑍍𑌰𑌾॒𑌤𑌾 𑌤॑𑌰𑌣𑍇॒ 𑌚𑍇𑌤𑍍𑌯𑍋॑ 𑌭𑍂𑌃 ।

𑌪𑌿॒𑌤𑌾 𑌮𑌾॒𑌤𑌾 𑌸𑌦॒𑌮𑌿-𑌨𑍍𑌮𑌾𑌨𑍁॑𑌷𑌾𑌣𑌾𑌮𑍍 ॥ 24 ॥

𑌸 𑌪॒𑌰𑍍𑌯𑍇𑌣𑍍𑌯॒-𑌸𑍍𑌸 𑌪𑍍𑌰𑌿॒𑌯𑍋 𑌵𑌿॒𑌕𑍍𑌷𑍍𑌵॑𑌗𑍍𑌨𑌿𑌃 । 𑌹𑍋𑌤𑌾॑ 𑌮॒𑌨𑍍𑌦𑍍𑌰𑍋 𑌨𑌿𑌷॑𑌸𑌾𑌦𑌾॒ 𑌯𑌜𑍀॑𑌯𑌾𑌨𑍍 । 𑌤-𑌨𑍍𑌤𑍍𑌵𑌾॑ 𑌵॒𑌯-𑌨𑍍𑌦𑌮॒ 𑌆 𑌦𑍀॑𑌦𑌿॒𑌵𑌾𑌗𑍍𑌂𑌸᳚𑌮𑍍 । 𑌉𑌪॑𑌜𑍍𑌞𑍁॒𑌬𑌾𑌧𑍋॒ 𑌨𑌮॑𑌸𑌾 𑌸𑌦𑍇𑌮 ॥

𑌤-𑌨𑍍𑌤𑍍𑌵𑌾॑ 𑌵॒𑌯𑌗𑍍𑌂 𑌸𑍁॒𑌧𑌿𑌯𑍋॒ 𑌨𑌵𑍍𑌯॑𑌮𑌗𑍍𑌨𑍇 । 𑌸𑍁॒𑌮𑍍𑌨𑌾॒𑌯𑌵॑ 𑌈𑌮𑌹𑍇 𑌦𑍇𑌵॒𑌯𑌨𑍍𑌤𑌃॑ । 𑌤𑍍𑌵𑌂-𑌵𑌿𑌁𑌶𑍋॑ 𑌅𑌨𑌯𑍋॒ 𑌦𑍀𑌦𑍍𑌯𑌾॑𑌨𑌃 । 𑌦𑌿॒𑌵𑍋 𑌅॑𑌗𑍍𑌨𑍇 𑌬𑍃𑌹॒𑌤𑌾 𑌰𑍋॑𑌚॒𑌨𑍇𑌨॑ ॥

𑌵𑌿॒𑌶𑌾-𑌙𑍍𑌕॒𑌵𑌿𑌂-𑌵𑌿𑌁॒𑌶𑍍𑌪𑌤𑌿॒𑌗𑍍𑌂॒ 𑌶𑌶𑍍𑌵॑𑌤𑍀𑌨𑌾𑌮𑍍 ।

𑌨𑌿॒𑌤𑍋𑌶॑𑌨𑌂-𑌵𑍃𑌁𑌷॒𑌭-𑌞𑍍𑌚॑𑌰𑍍𑌷𑌣𑍀॒𑌨𑌾𑌮𑍍 ॥ 25 ॥

𑌪𑍍𑌰𑍇𑌤𑍀॑𑌷𑌣𑌿𑌮𑌿॒𑌷𑌯॑𑌨𑍍𑌤-𑌮𑍍𑌪𑌾𑌵॒𑌕𑌮𑍍 । 𑌰𑌾𑌜॑𑌨𑍍𑌤𑌮॒𑌗𑍍𑌨𑌿𑌂-𑌯𑌁॑𑌜॒𑌤𑌗𑍍𑌂 𑌰॑𑌯𑍀॒𑌣𑌾𑌮𑍍 ॥ 𑌸𑍋 𑌅॑𑌗𑍍𑌨 𑌈𑌜𑍇 𑌶𑌶॒𑌮𑍇 𑌚॒ 𑌮𑌰𑍍𑌤𑌃॑ । 𑌯𑌸𑍍𑌤॒ 𑌆𑌨॑𑌟𑍍-𑌥𑍍𑌸॒𑌮𑌿𑌧𑌾॑ 𑌹॒𑌵𑍍𑌯𑌦𑌾॑𑌤𑌿𑌮𑍍 ।

𑌯 𑌆𑌹𑍁॑𑌤𑌿॒-𑌮𑍍𑌪𑌰𑌿॒ 𑌵𑍇𑌦𑌾॒ 𑌨𑌮𑍋॑𑌭𑌿𑌃 । 𑌵𑌿𑌶𑍍𑌵𑍇𑌥𑍍𑌸 𑌵𑌾॒𑌮𑌾 𑌦॑𑌧𑌤𑍇॒ 𑌤𑍍𑌵𑍋𑌤𑌃॑ ॥ 𑌅॒𑌸𑍍𑌮𑌾 𑌉॑ 𑌤𑍇॒ 𑌮𑌹𑌿॑ 𑌮॒𑌹𑍇 𑌵𑌿॑𑌧𑍇𑌮 । 𑌨𑌮𑍋॑𑌭𑌿𑌰𑌗𑍍𑌨𑍇 𑌸॒𑌮𑌿𑌧𑍋॒𑌤 𑌹॒𑌵𑍍𑌯𑍈𑌃 ।

𑌵𑍇𑌦𑍀॑ 𑌸𑍂𑌨𑍋 𑌸𑌹𑌸𑍋 𑌗𑍀॒𑌰𑍍𑌭𑌿𑌰𑍁॒𑌕𑍍𑌥𑍈𑌃 ।

𑌆 𑌤𑍇॑ 𑌭॒𑌦𑍍𑌰𑌾𑌯𑌾𑌗𑍍𑌂॑ 𑌸𑍁𑌮॒𑌤𑍗 𑌯॑𑌤𑍇𑌮 ॥ 26 ॥

𑌆 𑌯𑌸𑍍𑌤॒𑌤𑌨𑍍𑌥॒ 𑌰𑍋𑌦॑𑌸𑍀॒ 𑌵𑌿 𑌭𑌾॒𑌸𑌾 । 𑌶𑍍𑌰𑌵𑍋॑𑌭𑌿𑌶𑍍𑌚 𑌶𑍍𑌰𑌵॒𑌸𑍍𑌯॑𑌸𑍍𑌤𑌰𑍁॑𑌤𑍍𑌰𑌃 । 𑌬𑍃॒𑌹𑌦𑍍𑌭𑌿॒-𑌰𑍍𑌵𑌾𑌜𑍈॒-𑌸𑍍𑌸𑍍𑌥𑌵𑌿॑𑌰𑍇𑌭𑌿𑌰॒𑌸𑍍𑌮𑍇 । 𑌰𑍇॒𑌵𑌦𑍍𑌭𑌿॑𑌰𑌗𑍍𑌨𑍇 𑌵𑌿𑌤॒𑌰𑌂-𑌵𑌿𑌁𑌭𑌾॑𑌹𑌿 ॥

𑌨𑍃॒𑌵𑌦𑍍𑌵॑𑌸𑍋॒ 𑌸𑌦॒𑌮𑌿𑌦𑍍𑌧𑍇᳚𑌹𑍍𑌯॒𑌸𑍍𑌮𑍇 । 𑌭𑍂𑌰𑌿॑ 𑌤𑍋॒𑌕𑌾𑌯॒ 𑌤𑌨॑𑌯𑌾𑌯 𑌪॒𑌰𑍍𑌶𑍍𑌵𑌃 । 𑌪𑍂॒𑌰𑍍𑌵𑍀𑌰𑌿𑌷𑍋॑ 𑌬𑍃𑌹॒𑌤𑍀𑌰𑌾॒𑌰𑍇 𑌅॑𑌘𑌾𑌃 । 𑌅॒𑌸𑍍𑌮𑍇 𑌭॒𑌦𑍍𑌰𑌾 𑌸𑍗᳚𑌶𑍍𑌰𑌵॒𑌸𑌾𑌨𑌿॑ 𑌸𑌨𑍍𑌤𑍁 ॥

𑌪𑍁॒𑌰𑍂𑌣𑍍𑌯॑𑌗𑍍𑌨𑍇 𑌪𑍁𑌰𑍁॒𑌧𑌾 𑌤𑍍𑌵𑌾॒𑌯𑌾 । 𑌵𑌸𑍂॑𑌨𑌿 𑌰𑌾𑌜𑌨𑍍-𑌵॒𑌸𑍁𑌤𑌾॑𑌤𑍇 𑌅𑌶𑍍𑌯𑌾𑌮𑍍 । 𑌪𑍁॒𑌰𑍂𑌣𑌿॒ 𑌹𑌿 𑌤𑍍𑌵𑍇 𑌪𑍁॑𑌰𑍁𑌵𑌾𑌰॒ 𑌸𑌨𑍍𑌤𑌿॑ ।

𑌅𑌗𑍍𑌨𑍇॒ 𑌵𑌸𑍁॑ 𑌵𑌿𑌧॒𑌤𑍇 𑌰𑌾𑌜॑𑌨𑌿॒ 𑌤𑍍𑌵𑍇 ॥ 27 ॥

(𑌜𑌾॒𑌗𑍃॒𑌵𑌾𑌗𑍍𑌂𑌸𑍋॒ 𑌅𑌨𑍁॑ 𑌗𑍍𑌮॒𑌨𑍍 - 𑌮𑌾𑌨𑍁॑𑌷𑌾𑌣𑌾𑌂 - 𑌚𑌰𑍍𑌷𑌣𑍀॒𑌨𑌾𑌂 - 𑌁𑌯॑𑌤𑍇 - 𑌮𑌾𑌶𑍍𑌯𑌾॒-𑌨𑍍𑌦𑍍𑌵𑍇 𑌚॑) (𑌅. 10)

𑌅𑌨𑍁𑌵𑌾𑌕𑌂 11 - 𑌹𑌵𑌿𑌰𑍍𑌵𑌨𑌸𑍍𑌪𑌤𑌿𑌸𑍍𑌵𑌿𑌷𑍍𑌟𑌕𑍃𑌤𑌾-𑌮𑍍𑌪𑍁𑌰𑍋𑌨𑍁𑌵𑌾𑌕𑍍𑌯𑌾𑌃 𑌪𑍍𑌰𑍈𑌷𑌾𑌶𑍍𑌚

𑌆 𑌭॑𑌰𑌤𑌗𑍍𑌂 𑌶𑌿𑌕𑍍𑌷𑌤𑌂-𑌵𑌁𑌜𑍍𑌰𑌬𑌾𑌹𑍂 ।

𑌅॒𑌸𑍍𑌮𑌾𑌗𑍍𑌂 𑌇॑𑌨𑍍𑌦𑍍𑌰𑌾𑌗𑍍𑌨𑍀 𑌅𑌵𑌤॒𑌗𑍍𑌂॒ 𑌶𑌚𑍀॑𑌭𑌿𑌃 ।

𑌇॒𑌮𑍇 𑌨𑍁 𑌤𑍇 𑌰॒𑌶𑍍𑌮𑌯॒-𑌸𑍍𑌸𑍂𑌰𑍍𑌯॑𑌸𑍍𑌯 ।

𑌯𑍇𑌭𑌿𑌃॑ 𑌸𑌪𑌿॒𑌤𑍍𑌵-𑌮𑍍𑌪𑌿॒𑌤𑌰𑍋॑ 𑌨॒ 𑌆𑌯𑌨𑍍𑌨𑍍॑ ॥

𑌹𑍋𑌤𑌾॑ 𑌯𑌕𑍍𑌷𑌦𑌿𑌨𑍍𑌦𑍍𑌰𑌾॒𑌗𑍍𑌨𑍀 । 𑌛𑌾𑌗॑𑌸𑍍𑌯 𑌹॒𑌵𑌿𑌷॒ 𑌆𑌤𑍍𑌤𑌾॑𑌮॒𑌦𑍍𑌯 । 𑌮॒𑌦𑍍𑌧𑍍𑌯॒𑌤𑍋 𑌮𑍇𑌦॒ 𑌉𑌦𑍍𑌭𑍃॑𑌤𑌮𑍍 । 𑌪𑍁॒𑌰𑌾 𑌦𑍍𑌵𑍇𑌷𑍋᳚𑌭𑍍𑌯𑌃 । 𑌪𑍁॒𑌰𑌾 𑌪𑍗𑌰𑍁॑𑌷𑍇𑌯𑍍𑌯𑌾 𑌗𑍃॒𑌭𑌃 । 𑌘𑌸𑍍𑌤𑌾᳚𑌨𑍍𑌨𑍂॒𑌨𑌮𑍍 ॥ 28 ॥

𑌘𑌾॒𑌸𑍇 𑌅॑𑌜𑍍𑌰𑌾𑌣𑌾𑌂॒-𑌯𑌁𑌵॑𑌸𑌪𑍍𑌰𑌥𑌮𑌾𑌨𑌾𑌮𑍍 । 𑌸𑍁॒𑌮𑌤𑍍𑌕𑍍𑌷॑𑌰𑌾𑌣𑌾𑌗𑍍𑌂 𑌶॒𑌤𑌰𑍁॑𑌦𑍍𑌰𑌿𑌯𑌾𑌣𑌾𑌮𑍍 ।

𑌅॒𑌗𑍍𑌨𑌿॒𑌷𑍍𑌵𑌾॒𑌤𑍍𑌤𑌾𑌨𑌾॒-𑌮𑍍𑌪𑍀𑌵𑍋॑𑌪𑌵𑌸𑌨𑌾𑌨𑌾𑌮𑍍 ।

𑌪𑌾॒𑌰𑍍𑌶𑍍𑌵॒𑌤-𑌶𑍍𑌶𑍍𑌰𑍋॑𑌣𑌿॒𑌤-𑌶𑍍𑌶𑌿॑𑌤𑌾𑌮॒𑌤 𑌉॑𑌥𑍍𑌸𑌾𑌦॒𑌤𑌃 । 𑌅𑌙𑍍𑌗𑌾॑𑌦𑌙𑍍𑌗𑌾॒𑌦𑌵॑𑌤𑍍𑌤𑌾𑌨𑌾𑌮𑍍 । 𑌕𑌰॑𑌤 𑌏॒𑌵𑍇𑌨𑍍𑌦𑍍𑌰𑌾॒𑌗𑍍𑌨𑍀 । 𑌜𑍁॒𑌷𑍇𑌤𑌾𑌗𑍍𑌂॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥

𑌦𑍇॒𑌵𑍇𑌭𑍍𑌯𑍋॑ 𑌵𑌨𑌸𑍍𑌪𑌤𑍇 𑌹॒𑌵𑍀𑌗𑍍𑌂𑌷𑌿॑ ।

𑌹𑌿𑌰॑𑌣𑍍𑌯𑌪𑌰𑍍𑌣 𑌪𑍍𑌰॒𑌦𑌿𑌵॑𑌸𑍍𑌤𑍇॒ 𑌅𑌰𑍍𑌥᳚𑌮𑍍 ॥ 29 ॥

𑌪𑍍𑌰॒𑌦॒𑌕𑍍𑌷𑌿॒𑌣𑌿-𑌦𑍍𑌰॑𑌶॒𑌨𑌯𑌾॑ 𑌨𑌿॒𑌯𑍂𑌯॑ । 𑌋॒𑌤𑌸𑍍𑌯॑ 𑌵𑌕𑍍𑌷𑌿 𑌪॒𑌥𑌿𑌭𑍀॒ 𑌰𑌜𑌿॑𑌷𑍍𑌠𑍈𑌃 ॥ 𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌵𑌨॒𑌸𑍍𑌪𑌤𑌿॑𑌮॒𑌭𑌿 𑌹𑌿 । 𑌪𑌿॒𑌷𑍍𑌟𑌤॑𑌮𑌯𑌾॒ 𑌰𑌭𑌿॑𑌷𑍍𑌠𑌯𑌾 𑌰𑌶॒𑌨𑌯𑌾-𑌽𑌽𑌧𑌿॑𑌤 ।

𑌯𑌤𑍍𑌰𑍇᳚𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋-𑌶𑍍𑌛𑌾𑌗॑𑌸𑍍𑌯 𑌹॒𑌵𑌿𑌷𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ।

𑌯𑌤𑍍𑌰॒ 𑌵𑌨॒𑌸𑍍𑌪𑌤𑍇𑌃᳚ 𑌪𑍍𑌰𑌿॒𑌯𑌾 𑌪𑌾𑌥𑌾𑌗𑍍𑌂॑𑌸𑌿 ।

𑌯𑌤𑍍𑌰॑ 𑌦𑍇॒𑌵𑌾𑌨𑌾॑𑌮𑌾𑌜𑍍𑌯॒𑌪𑌾𑌨𑌾᳚-𑌮𑍍𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 । 𑌯𑌤𑍍𑌰𑌾॒𑌗𑍍𑌨𑍇𑌰𑍍-𑌹𑍋𑌤𑍁𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ।

𑌤𑌤𑍍𑌰𑍈॒𑌤-𑌮𑍍𑌪𑍍𑌰॒𑌸𑍍𑌤𑍁-𑌤𑍍𑌯𑍇॑𑌵𑍋-𑌪॒𑌸𑍍𑌤𑍁𑌤𑍍𑌯𑍇॑𑌵𑍋॒𑌪𑌾𑌵॑𑌸𑍍𑌰𑌕𑍍𑌷𑌤𑍍 ।

𑌰𑌭𑍀॑𑌯𑌾𑌗𑍍𑌂 𑌸𑌮𑌿𑌵 𑌕𑍃॒𑌤𑍍𑌵𑍀 ॥ 30 ॥

𑌕𑌰॑𑌦𑍇॒𑌵-𑌨𑍍𑌦𑍇॒𑌵𑍋 𑌵𑌨॒𑌸𑍍𑌪𑌤𑌿𑌃॑ । 𑌜𑍁॒𑌷𑌤𑌾𑌗𑍍𑌂॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥ 𑌪𑌿॒𑌪𑍍𑌰𑍀॒𑌹𑌿 𑌦𑍇॒𑌵𑌾𑌗𑍍𑌂 𑌉॑𑌶॒𑌤𑍋 𑌯॑𑌵𑌿𑌷𑍍𑌠 । 𑌵𑌿॒𑌦𑍍𑌵𑌾𑌂 𑌋॒𑌤𑍂𑌗𑍍𑌂𑌰𑍍-𑌋॑𑌤𑍁𑌪𑌤𑍇 𑌯𑌜𑍇॒𑌹 ।

𑌯𑍇 𑌦𑍈𑌵𑍍𑌯𑌾॑ 𑌋॒𑌤𑍍𑌵𑌿𑌜॒𑌸𑍍𑌤𑍇𑌭𑌿॑𑌰𑌗𑍍𑌨𑍇 ।

𑌤𑍍𑌵𑌗𑍍𑌂 𑌹𑍋𑌤𑍄॑𑌣𑌾𑌮॒𑌸𑍍𑌯𑌾𑌯॑𑌜𑌿𑌷𑍍𑌠𑌃 ॥

𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌗𑍍𑌗𑍍 𑌸𑍍𑌵𑌿॑𑌷𑍍𑌟॒𑌕𑍃𑌤᳚𑌮𑍍 ।

𑌅𑌯𑌾॑𑌡॒𑌗𑍍𑌨𑌿-𑌰𑌿॑𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋-𑌶𑍍𑌛𑌾𑌗॑𑌸𑍍𑌯 𑌹॒𑌵𑌿𑌷𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 । 𑌅𑌯𑌾॒𑌡𑍍𑌵𑌨॒𑌸𑍍𑌪𑌤𑍇𑌃᳚ 𑌪𑍍𑌰𑌿॒𑌯𑌾 𑌪𑌾𑌥𑌾𑌗𑍍𑌂॑𑌸𑌿 ।

𑌅𑌯𑌾᳚𑌡𑍍𑌦𑍇॒𑌵𑌾𑌨𑌾॑-𑌮𑌾𑌜𑍍𑌯॒𑌪𑌾𑌨𑌾᳚-𑌮𑍍𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ।

𑌯𑌕𑍍𑌷॑𑌦॒𑌗𑍍𑌨𑍇𑌰𑍍-𑌹𑍋𑌤𑍁𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 । 𑌯𑌕𑍍𑌷॒-𑌥𑍍𑌸𑍍𑌵-𑌮𑍍𑌮॑𑌹𑌿॒𑌮𑌾𑌨᳚𑌮𑍍 । 𑌆𑌯॑𑌜𑌤𑌾॒𑌮𑍇𑌜𑍍𑌯𑌾॒ 𑌇𑌷𑌃॑ । 𑌕𑍃॒𑌣𑍋𑌤𑍁॒ 𑌸𑍋 𑌅॑𑌦𑍍𑌧𑍍𑌵॒𑌰𑌾 𑌜𑌾॒𑌤𑌵𑍇॑𑌦𑌾𑌃 । 𑌜𑍁॒𑌷𑌤𑌾𑌗𑍍𑌂॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥ 31 ॥

(𑌨𑍂॒𑌨 - 𑌮𑌰𑍍𑌥𑌂॑ - 𑌕𑍃॒𑌤𑍍𑌵𑍀 - 𑌪𑌾𑌥𑌾𑌗𑍍𑌂॑𑌸𑌿 𑌸॒𑌪𑍍𑌤 𑌚॑) (𑌅. 11)

𑌅𑌨𑍁𑌵𑌾𑌕𑌂 12 - 𑌤𑍇𑌷𑌾𑌮𑍇𑌵 𑌯𑌾𑌜𑍍𑌯𑌾𑌃

𑌉𑌪𑍋॑𑌹॒ 𑌯𑌦𑍍𑌵𑌿॒𑌦𑌥𑌂॑-𑌵𑌾𑌁॒𑌜𑌿𑌨𑍋॒ 𑌗𑍂𑌃 । 𑌗𑍀॒𑌰𑍍𑌭𑌿-𑌰𑍍𑌵𑌿𑌪𑍍𑌰𑌾𑌃॒ 𑌪𑍍𑌰𑌮॑𑌤𑌿-𑌮𑌿॒𑌚𑍍𑌛𑌮𑌾॑𑌨𑌾𑌃 । 𑌅॒𑌰𑍍𑌵𑌨𑍍𑌤𑍋॒ 𑌨 𑌕𑌾𑌷𑍍𑌠𑌾॒-𑌨𑍍𑌨𑌕𑍍𑌷॑𑌮𑌾𑌣𑌾𑌃 । 𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌜𑍋𑌹𑍁॑𑌵𑌤𑍋॒ 𑌨𑌰॒𑌸𑍍𑌤𑍇 ॥

𑌵𑌨॑𑌸𑍍𑌪𑌤𑍇 𑌰𑌶॒𑌨𑌯𑌾॑-𑌽𑌭𑌿॒𑌧𑌾𑌯॑ । 𑌪𑌿॒𑌷𑍍𑌟𑌤॑𑌮𑌯𑌾 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌵𑌹॑ 𑌦𑍇𑌵॒𑌤𑍍𑌰𑌾 𑌦𑌿॑𑌧𑌿𑌷𑍋 𑌹॒𑌵𑍀𑌗𑍍𑌂𑌷𑌿॑ । 𑌪𑍍𑌰 𑌚॑ 𑌦𑌾॒𑌤𑌾𑌰॑𑌮॒𑌮𑍃𑌤𑍇॑𑌷𑍁 𑌵𑍋𑌚𑌃 ॥ 𑌅॒𑌗𑍍𑌨𑌿𑌗𑍍𑌗𑍍 𑌸𑍍𑌵𑌿॑𑌷𑍍𑌟॒𑌕𑍃𑌤᳚𑌮𑍍 । 𑌅𑌯𑌾॑𑌡॒𑌗𑍍𑌨𑌿-𑌰𑌿॑𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋-𑌶𑍍𑌛𑌾𑌗॑𑌸𑍍𑌯 𑌹॒𑌵𑌿𑌷𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ॥ 32 ॥

𑌅𑌯𑌾॒𑌡𑍍𑌵𑌨॒𑌸𑍍𑌪𑌤𑍇𑌃᳚ 𑌪𑍍𑌰𑌿॒𑌯𑌾 𑌪𑌾𑌥𑌾𑌗𑍍𑌂॑𑌸𑌿 ।

𑌅𑌯𑌾᳚𑌡𑍍𑌦𑍇॒𑌵𑌾𑌨𑌾॑-𑌮𑌾𑌜𑍍𑌯॒𑌪𑌾𑌨𑌾᳚-𑌮𑍍𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ।

𑌯𑌕𑍍𑌷॑𑌦॒𑌗𑍍𑌨𑍇𑌰𑍍-𑌹𑍋𑌤𑍁𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 । 𑌯𑌕𑍍𑌷॒-𑌥𑍍𑌸𑍍𑌵-𑌮𑍍𑌮॑𑌹𑌿॒𑌮𑌾𑌨᳚𑌮𑍍 । 𑌆𑌯॑𑌜𑌤𑌾॒𑌮𑍇𑌜𑍍𑌯𑌾॒ 𑌇𑌷𑌃॑ । 𑌕𑍃॒𑌣𑍋𑌤𑍁॒ 𑌸𑍋 𑌅॑𑌦𑍍𑌧𑍍𑌵॒𑌰𑌾 𑌜𑌾॒𑌤𑌵𑍇॑𑌦𑌾𑌃 । 𑌜𑍁॒𑌷𑌤𑌾𑌗𑍍𑌂॑ 𑌹॒𑌵𑌿𑌃 । 𑌅𑌗𑍍𑌨𑍇॒ 𑌯𑌦॒𑌦𑍍𑌯 𑌵𑌿॒𑌶𑍋 𑌅॑𑌦𑍍𑌧𑍍𑌵𑌰𑌸𑍍𑌯 𑌹𑍋𑌤𑌃 ।

𑌪𑌾𑌵॑𑌕 𑌶𑍋𑌚𑍇॒ 𑌵𑍇𑌷𑍍𑌟𑍍𑌵𑌗𑍍𑌂 𑌹𑌿 𑌯𑌜𑍍𑌵𑌾᳚ ।

𑌋॒𑌤𑌾 𑌯॑𑌜𑌾𑌸𑌿 𑌮𑌹𑌿॒𑌨𑌾 𑌵𑌿 𑌯-𑌦𑍍𑌭𑍂𑌃 ।

𑌹॒𑌵𑍍𑌯𑌾 𑌵॑𑌹 𑌯𑌵𑌿𑌷𑍍𑌠॒ 𑌯𑌾 𑌤𑍇॑ 𑌅॒𑌦𑍍𑌯 ॥ 33 ॥

(𑌧𑌾𑌮𑌾॑𑌨𑌿॒ - 𑌭𑍁𑌰𑍇𑌕॑-𑌞𑍍𑌚) (𑌅. 12)

𑌅𑌨𑍁𑌵𑌾𑌕𑌂 13 - 𑌅𑌨𑍂𑌯𑌾𑌜𑌪𑍍𑌰𑍈𑌷𑌾𑌃

𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌸𑍍𑌸𑍁॑𑌦𑍇॒𑌵-𑌨𑍍𑌦𑍇॒𑌵𑍈-𑌸𑍍𑌸𑍍𑌯𑌾-𑌥𑍍𑌸𑍁॒𑌵𑍀𑌰𑌂॑-𑌵𑍀𑌁॒𑌰𑍈𑌰𑍍𑌵𑌸𑍍𑌤𑍋᳚-𑌰𑍍𑌵𑍃॒𑌜𑍍𑌯𑍇𑌤𑌾॒𑌕𑍍𑌤𑍋𑌃 𑌪𑍍𑌰𑌭𑍍𑌰𑌿॑-𑌯𑍇॒𑌤𑌾𑌤𑍍𑌯॒𑌨𑍍𑌯𑌾𑌨𑍍-𑌰𑌾॒𑌯𑌾 𑌬॒𑌰𑍍॒𑌹𑌿𑌷𑍍𑌮॑𑌤𑍋 𑌮𑌦𑍇𑌮 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑌦𑍇॒𑌵𑍀-𑌰𑍍𑌦𑍍𑌵𑌾𑌰𑌃॑ 𑌸𑌙𑍍𑌘𑌾॒𑌤𑍇 𑌵𑌿॒𑌡𑍍𑌵𑍀𑌰𑍍𑌯𑌾𑌮॑𑌞𑍍𑌛𑌿𑌥𑌿॒𑌰𑌾 𑌧𑍍𑌰𑍁॒𑌵𑌾 𑌦𑍇॒𑌵𑌹𑍂॑𑌤𑍗 𑌵॒𑌥𑍍𑌸

𑌈॑𑌮𑍇𑌨𑌾॒𑌸𑍍𑌤𑌰𑍁॑𑌣॒ 𑌆𑌮𑌿॑𑌮𑍀𑌯𑌾𑌤𑍍-𑌕𑍁𑌮𑌾॒𑌰𑍋 𑌵𑌾॒ 𑌨𑌵॑𑌜𑌾𑌤𑍋॒ 𑌮𑍈𑌨𑌾॒ 𑌅𑌰𑍍𑌵𑌾॑ 𑌰𑍇॒𑌣𑍁𑌕॑𑌕𑌾𑌟𑌃॒ 𑌪𑍃𑌣॑𑌗𑍍𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵𑍀 𑌉॒𑌷𑌾𑌸𑌾॒ 𑌨𑌕𑍍𑌤𑌾-𑌽𑌦𑍍𑌯𑌾॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌪𑍍𑌰॑𑌯॒𑌤𑍍𑌯॑𑌹𑍍𑌵𑍇𑌤𑌾॒𑌮𑌪𑌿॑ 𑌨𑍂॒𑌨-𑌨𑍍𑌦𑍈𑌵𑍀॒𑌰𑍍𑌵𑌿𑌶𑌃॒ 𑌪𑍍𑌰𑌾𑌯𑌾॑𑌸𑌿𑌷𑍍𑌟𑌾॒𑌗𑍍𑌂॒ 𑌸𑍁𑌪𑍍𑌰𑍀॑𑌤𑍇॒ 𑌸𑍁𑌧𑌿॑𑌤𑍇 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥

𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀॒ 𑌵𑌸𑍁॑𑌧𑌿𑌤𑍀॒ 𑌯𑌯𑍋॑𑌰॒𑌨𑍍𑌯𑌾-𑌽𑌘𑌾 𑌦𑍍𑌵𑍇𑌷𑌾𑌗𑍍𑌂॑𑌸𑌿 𑌯𑍁॒𑌯𑌵॒𑌦𑌾-𑌽𑌨𑍍𑌯𑌾 𑌵॑𑌕𑍍𑌷॒-𑌦𑍍𑌵𑌸𑍁॒ 𑌵𑌾𑌰𑍍𑌯𑌾॑𑌣𑌿॒ 𑌯𑌜॑𑌮𑌾𑌨𑌾𑌯 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥

𑌦𑍇॒𑌵𑍀 𑌊॒𑌰𑍍𑌜𑌾𑌹𑍁॑𑌤𑍀॒ 𑌇𑌷॒𑌮𑍂𑌰𑍍𑌜॑𑌮॒𑌨𑍍𑌯𑌾 𑌵॑𑌕𑍍𑌷॒𑌥𑍍𑌸𑌗𑍍𑌧𑌿॒𑌗𑍍𑌂॒ 𑌸𑌪𑍀॑𑌤𑌿𑌮॒𑌨𑍍𑌯𑌾 𑌨𑌵𑍇॑𑌨॒ 𑌪𑍂𑌰𑍍𑌵॒-𑌨𑍍𑌦𑌯॑𑌮𑌾𑌨𑌾॒-𑌸𑍍𑌸𑍍𑌯𑌾𑌮॑ 𑌪𑍁𑌰𑌾॒𑌣𑍇𑌨॒ 𑌨𑌵॒-𑌨𑍍𑌤𑌾𑌮𑍂𑌰𑍍𑌜॑𑌮𑍂॒𑌰𑍍𑌜𑌾𑌹𑍁॑𑌤𑍀 𑌊॒𑌰𑍍𑌜𑌯॑𑌮𑌾𑌨𑍇 𑌅𑌧𑌾𑌤𑌾𑌂-𑌵𑌁𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥

𑌦𑍇॒𑌵𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾॒ 𑌨𑍇𑌷𑍍𑌟𑌾॑𑌰𑌾॒ 𑌪𑍋𑌤𑌾॑𑌰𑌾 𑌹॒𑌤𑌾𑌘॑𑌶𑌗𑍍𑌂𑌸𑌾-𑌵𑌾𑌭॒𑌰𑌦𑍍𑌵॑𑌸𑍂 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥

𑌦𑍇॒𑌵𑍀𑌸𑍍𑌤𑌿॒𑌸𑍍𑌰𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌰𑌿𑌡𑌾॒ 𑌸𑌰॑𑌸𑍍𑌵𑌤𑍀॒ 𑌭𑌾𑌰॑𑌤𑍀॒ 𑌦𑍍𑌯𑌾-𑌮𑍍𑌭𑌾𑌰॑𑌤𑍍𑌯𑌾𑌦𑌿॒𑌤𑍍𑌯𑍈-𑌰॑𑌸𑍍𑌪𑍃𑌕𑍍𑌷॒-𑌥𑍍𑌸𑌰॑𑌸𑍍𑌵𑌤𑍀॒𑌮𑌗𑍍𑌂 𑌰𑍁॒𑌦𑍍𑌰𑍈-𑌰𑍍𑌯॒𑌜𑍍𑌞𑌮𑌾॑𑌵𑍀-𑌦𑌿॒𑌹𑍈𑌵𑍇𑌡॑𑌯𑌾॒ 𑌵𑌸𑍁॑𑌮𑌤𑍍𑌯𑌾

𑌸𑌧॒𑌮𑌾𑌦॑-𑌮𑍍𑌮𑌦𑍇𑌮 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥

𑌦𑍇॒𑌵𑍋 𑌨𑌰𑌾॒𑌶𑌗𑍍𑌂𑌸॑-𑌸𑍍𑌤𑍍𑌰𑌿𑌶𑍀॒𑌰𑍍॒𑌷𑌾 𑌷॑𑌡॒𑌕𑍍𑌷-𑌶𑍍𑌶॒𑌤𑌮𑌿𑌦𑍇॑𑌨𑌗𑍍𑌂 𑌶𑌿𑌤𑌿𑌪𑍃॒𑌷𑍍𑌠𑌾 𑌆𑌦॑𑌧𑌤𑌿 𑌸॒𑌹𑌸𑍍𑌰॑𑌮𑍀॒-𑌮𑍍𑌪𑍍𑌰𑌵॑𑌹𑌨𑍍𑌤𑌿 𑌮𑌿॒𑌤𑍍𑌰𑌾𑌵𑌰𑍁॒𑌣𑍇𑌦॑𑌸𑍍𑌯 𑌹𑍋॒𑌤𑍍𑌰𑌮𑌰𑍍𑌹॑𑌤𑍋॒

𑌬𑍃𑌹॒𑌸𑍍𑌪𑌤𑌿𑌃॑ 𑌸𑍍𑌤𑍋॒𑌤𑍍𑌰𑌮॒𑌶𑍍𑌵𑌿𑌨𑌾 𑌽𑌽𑌦𑍍𑌧𑍍𑌵॑𑌰𑍍𑌯𑌵𑌂-𑌵𑌁𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥

𑌦𑍇॒𑌵𑍋 𑌵𑌨॒𑌸𑍍𑌪𑌤𑌿॑-𑌰𑍍𑌵॒𑌰𑍍॒𑌷𑌪𑍍𑌰𑌾॑𑌵𑌾 𑌘𑍃॒𑌤𑌨𑌿॑𑌰𑍍𑌣𑌿॒𑌗𑍍-𑌦𑍍𑌯𑌾-

𑌮𑌗𑍍𑌰𑍇॒𑌣𑌾𑌸𑍍𑌪𑍃॑𑌕𑍍𑌷॒𑌦𑌾-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌦𑍍𑌧𑍍𑌯𑍇॑𑌨𑌾𑌪𑍍𑌰𑌾𑌃 𑌪𑍃𑌥𑌿॒𑌵𑍀-𑌮𑍁𑌪॑𑌰𑍇𑌣𑌾𑌦𑍃𑌗𑍍𑌂𑌹𑍀-𑌦𑍍𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥

𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑍍𑌵𑌾𑌰𑌿॑𑌤𑍀𑌨𑌾-𑌨𑍍𑌨𑌿॒𑌧𑍇 𑌧𑌾॑𑌸𑌿॒ 𑌪𑍍𑌰𑌚𑍍𑌯𑍁॑𑌤𑍀𑌨𑌾॒𑌮-𑌪𑍍𑌰॑𑌚𑍍𑌯𑍁𑌤-𑌨𑍍𑌨𑌿𑌕𑌾𑌮॒𑌧𑌰॑𑌣-𑌮𑍍𑌪𑍁𑌰𑍁𑌸𑍍𑌪𑌾॒𑌰𑍍॒𑌹𑌂-𑌯𑌁𑌶॑𑌸𑍍𑌵𑌦𑍇॒𑌨𑌾 𑌬॒𑌰𑍍॒𑌹𑌿𑌷𑌾॒-𑌽𑌨𑍍𑌯𑌾 𑌬॒𑌰𑍍॒𑌹𑍀𑌗𑍍𑌷𑍍𑌯॒𑌭𑌿𑌷𑍍𑌯𑌾॑𑌮 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥

𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃-𑌥𑍍𑌸𑍁॒𑌦𑍍𑌰𑌵𑌿॑𑌣𑌾 𑌮॒𑌨𑍍𑌦𑍍𑌰𑌃 𑌕॒𑌵𑌿-𑌸𑍍𑌸॒𑌤𑍍𑌯𑌮॑𑌨𑍍𑌮𑌾-𑌽𑌽𑌯॒𑌜𑍀 𑌹𑍋𑌤𑌾॒ 𑌹𑍋𑌤𑍁॑𑌰𑍍-𑌹𑍋𑌤𑍁॒𑌰𑌾𑌯॑𑌜𑍀𑌯𑌾॒𑌨𑌗𑍍𑌨𑍇॒ 𑌯𑌾𑌨𑍍-𑌦𑍇॒𑌵𑌾𑌨𑌯𑌾॒𑌡𑍍𑌯𑌾𑌗𑍍𑌂 𑌅𑌪𑌿॑𑌪𑍍𑌰𑍇॒𑌰𑍍𑌯𑍇 𑌤𑍇॑ 𑌹𑍋॒𑌤𑍍𑌰𑍇 𑌅𑌮॑𑌥𑍍𑌸𑌤॒ 𑌤𑌾𑌗𑍍𑌂 𑌸॑𑌸॒𑌨𑍁𑌷𑍀॒𑌗𑍍𑌂॒ 𑌹𑍋𑌤𑍍𑌰𑌾᳚-𑌨𑍍𑌦𑍇𑌵-𑌙𑍍𑌗॒𑌮𑌾-𑌨𑍍𑌦𑌿॒𑌵𑌿 𑌦𑍇॒𑌵𑍇𑌷𑍁॑ 𑌯॒𑌜𑍍𑌞𑌮𑍇𑌰॑𑌯𑍇॒𑌮𑌗𑍍𑌗𑍍

𑌸𑍍𑌵𑌿॑𑌷𑍍𑌟॒𑌕𑍃𑌚𑍍𑌚𑌾𑌗𑍍𑌨𑍇॒ 𑌹𑍋𑌤𑌾-𑌽𑌭𑍂᳚𑌰𑍍𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌨𑌮𑍋𑌵𑌾॒𑌕𑍇 𑌵𑍀𑌹𑌿॒ 𑌯𑌜॑ ॥ 34 ॥

(𑌯𑌜𑍈𑌕॑-𑌞𑍍𑌚) (𑌅. 13)

𑌅𑌨𑍁𑌵𑌾𑌕𑌂 14 - 𑌅𑌨𑍂𑌯𑌾𑌜𑌯𑌾𑌜𑍍𑌯𑌾𑌃

𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌃 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁 ।

𑌦𑍇॒𑌵𑍀𑌰𑍍𑌦𑍍𑌵𑌾𑌰𑌃॑ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁 । 𑌦𑍇॒𑌵𑍀 𑌉॒𑌷𑌾𑌸𑌾॒ 𑌨𑌕𑍍𑌤𑌾᳚ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌮𑍍 । 𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀᳚ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌮𑍍 ।

𑌦𑍇॒𑌵𑍀 𑌊॒𑌰𑍍𑌜𑌾𑌹𑍁॑𑌤𑍀 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌮𑍍 ॥ 35 ॥

𑌦𑍇॒𑌵𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌮𑍍 । 𑌦𑍇॒𑌵𑍀𑌸𑍍𑌤𑌿॒𑌸𑍍𑌰-𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌃 ।

𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁 ।

𑌦𑍇॒𑌵𑍋 𑌨𑌰𑌾॒𑌶𑌗𑍍𑌂𑌸𑌃॑ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁 । 𑌦𑍇॒𑌵𑍋 𑌵𑌨॒𑌸𑍍𑌪𑌤𑌿𑌃॑ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁 । 𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑍍𑌵𑌾𑌰𑌿॑𑌤𑍀𑌨𑌾𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁 ॥ 36 ॥

𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍍 । 𑌸𑍁॒𑌦𑍍𑌰𑌵𑌿॑𑌣𑌾 𑌮॒𑌨𑍍𑌦𑍍𑌰𑌃 𑌕॒𑌵𑌿𑌃 । 𑌸॒𑌤𑍍𑌯𑌮॑𑌨𑍍𑌮𑌾-𑌽𑌽𑌯॒𑌜𑍀 𑌹𑍋𑌤𑌾᳚ । 𑌹𑍋𑌤𑍁॑𑌰𑍍-𑌹𑍋𑌤𑍁॒𑌰𑌾𑌯॑𑌜𑍀𑌯𑌾𑌨𑍍 ।

𑌅𑌗𑍍𑌨𑍇॒ 𑌯𑌾𑌨𑍍𑌦𑍇॒𑌵𑌾𑌨𑌯𑌾᳚𑌟𑍍 । 𑌯𑌾𑌗𑍍𑌂 𑌅𑌪𑌿॑𑌪𑍍𑌰𑍇𑌃 । 𑌯𑍇 𑌤𑍇॑ 𑌹𑍋॒𑌤𑍍𑌰𑍇 𑌅𑌮॑𑌥𑍍𑌸𑌤 । 𑌤𑌾𑌗𑍍𑌂 𑌸॑𑌸॒𑌨𑍁𑌷𑍀॒𑌗𑍍𑌂॒ 𑌹𑍋𑌤𑍍𑌰𑌾᳚-𑌨𑍍𑌦𑍇𑌵-𑌙𑍍𑌗॒𑌮𑌾𑌮𑍍 । 𑌦𑌿॒𑌵𑌿 𑌦𑍇॒𑌵𑍇𑌷𑍁॑ 𑌯॒𑌜𑍍𑌞𑌮𑍇𑌰॑𑌯𑍇॒𑌮𑌮𑍍 । 𑌸𑍍𑌵𑌿॒𑌷𑍍𑌟॒𑌕𑍃𑌚𑍍𑌚𑌾𑌗𑍍𑌨𑍇॒ 𑌹𑍋𑌤𑌾-𑌽𑌭𑍂𑌃᳚ ।

𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌨𑌮𑍋𑌵𑌾॒𑌕𑍇 𑌵𑍀𑌹𑌿॑ ॥ 37 ॥

(𑌵𑍀॒𑌤𑌾𑌂॒ - 𑌁𑌵𑍇॒𑌤𑍍𑌵 - 𑌭𑍂॒𑌰𑍇𑌕॑-𑌞𑍍𑌚) (𑌅. 14)

𑌅𑌨𑍁𑌵𑌾𑌕𑌂 15 - 𑌸𑍂𑌕𑍍𑌤𑌵𑌾𑌕𑌪𑍍𑌰𑍈𑌷𑌾𑌃

𑌅॒𑌗𑍍𑌨𑌿𑌮॒𑌦𑍍𑌯 𑌹𑍋𑌤𑌾॑𑌰𑌮𑌵𑍃𑌣𑍀𑌤𑌾॒𑌯𑌂-𑌯𑌁𑌜॑𑌮𑌾𑌨𑌃॒ 𑌪𑌚॑-𑌨𑍍𑌪॒𑌕𑍍𑌤𑍀𑌃 𑌪𑌚॑-𑌨𑍍𑌪𑍁𑌰𑍋॒𑌡𑌾𑌶𑌂॑

𑌬॒𑌦𑍍𑌧𑍍𑌨-𑌨𑍍𑌨𑌿॑𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾॒-𑌞𑍍𑌛𑌾𑌗𑌗𑍍𑌂॑ 𑌸𑍂𑌪॒𑌸𑍍𑌥𑌾 𑌅॒𑌦𑍍𑌯 𑌦𑍇॒𑌵𑍋 𑌵𑌨॒𑌸𑍍𑌪𑌤𑌿॑-𑌰𑌭𑌵-𑌦𑌿𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾॒-𑌞𑍍𑌛𑌾𑌗𑍇॒𑌨𑌾𑌘॑𑌸𑍍𑌤𑌾॒-𑌨𑍍𑌤-𑌮𑍍𑌮𑍇॑𑌦॒𑌸𑍍𑌤𑌃 𑌪𑍍𑌰𑌤𑌿॑ 𑌪𑌚॒𑌤𑌾-𑌽𑌗𑍍𑌰॑𑌭𑍀𑌷𑍍𑌟𑌾॒𑌮𑌵𑍀॑𑌵𑍃𑌧𑍇𑌤𑌾-𑌮𑍍𑌪𑍁𑌰𑍋॒𑌡𑌾𑌶𑍇॑𑌨॒ 𑌤𑍍𑌵𑌾𑌮॒𑌦𑍍𑌯𑌰𑍍𑌷॑ 𑌆𑌰𑍍𑌷𑍇𑌯𑌰𑍍𑌷𑍀𑌣𑌾-𑌨𑍍𑌨𑌪𑌾𑌦𑌵𑍃𑌣𑍀𑌤𑌾॒𑌯𑌂-𑌯𑌁𑌜॑𑌮𑌾𑌨𑍋 𑌬॒𑌹𑍁𑌭𑍍𑌯॒ 𑌆 𑌸𑌙𑍍𑌗॑𑌤𑍇𑌭𑍍𑌯 𑌏॒𑌷 𑌮𑍇॑ 𑌦𑍇॒𑌵𑍇𑌷𑍁॒ 𑌵𑌸𑍁॒ 𑌵𑌾𑌰𑍍𑌯𑌾 𑌯॑𑌕𑍍𑌷𑍍𑌯𑌤॒ 𑌇𑌤𑌿॒ 𑌤𑌾 𑌯𑌾

𑌦𑍇॒𑌵𑌾 𑌦𑍇॑𑌵॒-𑌦𑌾𑌨𑌾॒𑌨𑍍𑌯𑌦𑍁॒𑌸𑍍𑌤𑌾𑌨𑍍𑌯॑𑌸𑍍𑌮𑌾॒ 𑌆 𑌚॒ 𑌶𑌾𑌸𑍍𑌵𑌾 𑌚॑ 𑌗𑍁𑌰𑌸𑍍𑌵𑍇𑌷𑌿॒𑌤𑌶𑍍𑌚॑ 𑌹𑍋𑌤॒𑌰𑌸𑌿॑ 𑌭𑌦𑍍𑌰॒𑌵𑌾𑌚𑍍𑌯𑌾॑𑌯॒ 𑌪𑍍𑌰𑍇𑌷𑌿॑𑌤𑍋॒ 𑌮𑌾𑌨𑍁॑𑌷-𑌸𑍍𑌸𑍂𑌕𑍍𑌤𑌵𑌾॒𑌕𑌾𑌯॑ 𑌸𑍂॒𑌕𑍍𑌤𑌾 𑌬𑍍𑌰𑍂॑𑌹𑌿 ॥ 38 ॥

(𑌅॒𑌗𑍍𑌨𑌿𑌮॒𑌦𑍍𑌯𑍈𑌕᳚𑌮𑍍) (𑌅. 15)

(𑌅॒𑌞𑍍𑌜𑌨𑍍𑌤𑌿॒ - 𑌹𑍋𑌤𑌾॑ 𑌯𑌕𑍍𑌷॒𑌥𑍍 - 𑌸𑌮𑌿॑𑌦𑍍𑌵𑍋 𑌅॒𑌦𑍍𑌯𑌾 - 𑌗𑍍𑌨𑌿 - 𑌰𑌜𑍈॒-𑌦𑍍- 𑌦𑍈𑌵𑍍𑌯𑌾॑ - 𑌜𑍁॒𑌷𑌸𑍍 - 𑌵𑌾 𑌵𑍃॑𑌤𑍍𑌰𑌹𑌣𑌾 - 𑌗𑍀॒𑌰𑍍𑌭𑌿 - 𑌸𑍍𑌤𑍍𑌵𑌗𑍍𑌗𑍍 𑌹𑍍𑌯𑌾 - 𑌭॑𑌰𑌤॒ - 𑌮𑍁𑌪𑍋॑𑌹॒ 𑌯-𑌦𑍍- 𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌸𑍍𑌸𑍁॑𑌦𑍇॒𑌵𑌂 - 𑌦𑍇॒𑌵-𑌮𑍍𑌬॒𑌰𑍍॒𑌹𑌿 - 𑌰॒𑌗𑍍𑌨𑌿𑌮॒𑌦𑍍𑌯 𑌪𑌞𑍍𑌚॑𑌦𑌶)

(𑌅॒𑌞𑍍𑌜𑌨𑍍 - 𑌤𑍍𑌯𑍁॒𑌪𑌾𑌵॑𑌸𑍃𑌜॒𑌨𑍍 - 𑌨𑌾𑌨𑍍𑌯𑌾 𑌯𑍁॒𑌵𑌤𑍍 - 𑌕𑌰॑𑌦𑍇॒𑌵 𑌮॒𑌷𑍍𑌟𑌾𑌤𑍍𑌰𑌿𑌗𑍍𑌂॑𑌶𑌤𑍍)

(𑌅॒𑌞𑍍𑌜𑌨𑍍𑌤𑌿॑ - 𑌸𑍂॒𑌕𑍍𑌤𑌾 𑌬𑍍𑌰𑍂॑𑌹𑌿)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌷𑌷𑍍𑌠𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya brāhmaṇe tṛtīyāṣṭake ṣaṣṭhaḥ prapāṭhakaḥ - paśuhautram

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - yūpasaṃskārāḥ

a॒ñjanti॒ tvāma̭ddhva॒re dḙva॒yantaḥ̭ | vana̭spate॒ madhṷnā॒ daivyḙna | yadū॒rdhvasti̭ṣṭhā॒-ddravi̭ṇe॒ha dha̭ttāt | yadvā॒ kṣayo̭ mā॒tura॒syā u॒pasthe᳚ || ucchra̭yasva vanaspate | varṣma̭-npṛthi॒vyā adhi̭ | sumi̭tī mī॒yamā̭naḥ |

varco̭dhā ya॒jñavā̭hase || sami̭ddhasya॒ śraya̭māṇaḥ pu॒rastā᳚t | brahma̭ vanvā॒no a॒jaragṃ̭ su॒vīra᳚m || 1 ||

ā॒re a॒smadama̭ti॒-mbādha̭mānaḥ | ucchra̭yasva maha॒te saubha̭gāya || ū॒rdhva ū॒ṣuṇa̭ ū॒taye᳚ | tiṣṭhā̭ de॒vo na sa̭vi॒tā | ū॒rdhvo vāja̭sya॒ sani̭tā॒ yada॒ñjibhiḥ̭ | vā॒ghadbhi̭-rvi॒hvayā̭mahe ||

ū॒rdhvo naḥ̭ pā॒hyagṃha̭so॒ ni ke॒tunā᳚ | viśva॒gṃ॒ sama॒triṇa̭-ndaha |

kṛ॒dhī na̭ ū॒rdhvāñca॒ rathā̭ya jī॒vase᳚ |

vi॒dā de॒veṣṷ no॒ duvaḥ̭ || 2 ||

jā॒to jā̭yate sudina॒tve ahnā᳚m | sama॒rya ā vi॒dathe॒ vardha̭mānaḥ | pu॒nanti॒ dhīrā̭ a॒paso̭ manī॒ṣā | de॒va॒yā vipra॒ udi̭yarti॒ vāca᳚m || yuvā̭ su॒vāsāḥ॒ pari̭vīta॒ āgā᳚t | sa u॒ śreyā᳚-nbhavati॒ jāya̭mānaḥ |

ta-ndhīrā̭saḥ ka॒vaya॒ unna̭yanti | svā॒dhiyo॒ mana̭sā deva॒yantaḥ̭ || pṛ॒thu॒pājā॒ ama̭rtyaḥ | ghṛ॒tani̭rṇi॒kh-svā̭hutaḥ || 3 ||

a॒gni-rya॒jñasya̭ havya॒vāṭ || tagṃ sa॒bādho̭ ya॒tasrṷcaḥ | i॒tthā dhi॒yā ya॒jñava̭ntaḥ | āca̭krura॒gni-mū॒taye᳚ || tvaṃ-va~rṷṇa u॒ta mi॒tro a̭gne | tvāṃ-va~̭rdhanti ma॒tibhi॒-rvasi̭ṣṭhāḥ |

tve vasṷ suṣaṇa॒nāni̭ santu |

yū॒ya-mpā̭ta sva॒stibhi॒-ssadā̭ naḥ || 4 ||

(su॒vīraṃ॒ - duvaḥ॒ - svā̭huto॒ - +-'ṣṭau ca̭) (a. 1)

anuvākaṃ 2 - prayājaviṣayā maitrāvaruṇapraiṣāḥ

hotā̭ yakṣada॒gnigṃ sa॒midhā̭ suṣa॒midhā॒ sami̭ddha॒-nnābhā̭ pṛthi॒vyā-ssa̭ga॒nthe vā॒masya̭ |

varṣma̭ndi॒va i॒ḍaspa॒de vetvājya̭sya॒ hota॒ryaja̭ ||

hotā̭ yakṣa॒t-tanū॒napā̭ta॒-madi̭te॒-rgarbha॒-mbhuva̭nasya go॒pām | maddhvā॒-'dya de॒vo de॒vebhyo̭ deva॒yānā᳚npa॒tho a̭naktu॒ vetvājya̭sya॒ hota॒ryaja̭ ||

hotā̭ yakṣa॒-nnarā॒śagṃsa̭-nnṛśa॒stra-nnṝgṃḥ pra̭ṇetram | gobhi̭-rva॒pāvā॒n-thsyā-dvī॒rai-śśaktī̭vā॒n-rathaiḥ᳚ prathama॒yāvā॒ hira̭ṇyaiśca॒ndrī vetvājya̭sya॒ hota॒ryaja̭ || hotā̭ yakṣada॒gnimi॒ḍa ī̭ḍi॒to de॒vo de॒vāgṃ āva̭kṣa-ddū॒to ha̭vya॒vāḍamṷ̄raḥ |

upe॒maṃ-ya~॒jñamupe॒mā-nde॒vo de॒vahṷ̄timavatu॒ vetvājya̭sya॒ hota॒ryaja̭ || hotā̭ yakṣa-dba॒r॒hi-ssu॒ṣṭarī॒morṇa̭mradā a॒smin. ya॒jñe vi ca॒ pra ca̭ prathatāg svāsa॒stha-nde॒vebhyaḥ̭ |

emḙnada॒dya vasa̭vo ru॒drā ā̭dityā-ssa̭dantu pri॒yamindra̭syāstu॒ vetvājya̭sya॒ hota॒ryaja̭ || 5 ||

hotā̭ yakṣa॒-ddura̭ ṛ॒ṣvāḥ ka̭va॒ṣyo-'ko̭ṣadhāvanī॒-rudātā̭bhi॒-rjiha̭tāṃ॒-vi~ pakṣo̭bhi-śśrayantām | su॒prā॒ya॒ṇā a॒smin. ya॒jñe viśra̭yantā-mṛtā॒vṛdho̭ vi॒yantvājya̭sya॒ hota॒ryaja̭ ||

hotā̭ yakṣadu॒ṣāsā॒naktā̭ bṛha॒tī su॒peśa̭sā॒ nṝgṃḥ pati̭bhyo॒ yoni̭-ṅkṛṇvā॒ne |

sa॒gg॒smaya̭māne॒ indrḙṇa de॒vaireda-mba॒r॒hi-ssī̭datāṃ-vī~॒tāmājya̭sya॒ hota॒ryaja̭ ||

hotā̭ yakṣa॒-ddaivyā॒ hotā̭rā ma॒ndrā potā̭rā ka॒vī pracḙtasā |

svi̭ṣṭama॒dyānyaḥ ka̭radi॒ṣā sva̭bhigūrtama॒nya ū॒rjā sata̭vase॒maṃ-ya~॒jña-ndi॒vi de॒veṣṷ dhattāṃ-vī~॒tāmājya̭sya॒ hota॒ryaja̭ ||

hotā̭ yakṣat-ti॒sro de॒vīra॒pasā̭ma॒pasta̭mā॒ acchi̭dra-ma॒dyedamapa̭-stanvatām |

de॒vebhyo̭ de॒vī-rde॒vamapo̭ vi॒yantvājya̭sya॒ hota॒ryaja̭ ||

hotā̭ yakṣa॒t-tvaṣṭā̭ra॒-maci̭ṣṭu॒mapā̭kagṃ reto॒dhāṃ-vi~śra̭vasaṃ-ya~śo॒dhām |

pu॒ru॒rūpa॒makā̭makarśanagṃ su॒poṣaḥ॒ poṣai॒-ssyā-thsu॒vīro̭ vī॒rai-rvetvājya̭sya॒ hota॒ryaja̭ ||

hotā̭ yakṣa॒-dvana॒spati̭-mu॒pāva̭srakṣaddhi॒yo jo॒ṣṭāragṃ̭ śa॒śama॒nnaraḥ̭ |

svadā॒-thsvadhi̭tir-ṛtu॒thā-'dya de॒vo de॒vebhyo̭ ha॒vyā-'vā॒ḍ-vetvājya̭sya॒ hota॒ryaja̭ ||

hotā̭ yakṣada॒gnigg svāhā-''jya̭sya॒ svāhā॒ meda̭sa॒-ssvāhā᳚ sto॒kānā॒g॒ svāhā॒ svāhā̭ kṛtīnā॒g॒ svāhā̭ ha॒vyasū᳚ktīnām |

svāhā̭ de॒vāgṃ ā᳚jya॒pān-thsvāhā॒-'gnigṃ ho॒trājjṷṣā॒ṇā agna॒ ājya̭sya viyantu॒ hota॒ryaja̭ || 6 ||

(pri॒yamindra̭syāstu॒ vetvājy̭sya॒ hota॒ryaja̭ - su॒vīro̭ vī॒rai-rvetvājya̭sya॒ hota॒ryaja̭ ca॒tvāri̭ ca) (a. 2)

(a॒gni-ntanū॒napā̭ta॒-nnarā॒śagṃsa̭ma॒gnimi॒ḍa ī̭ḍi॒to ba॒r॒hirdura̭ u॒ṣāsā॒naktā॒ daivyā̭ ti॒srastvaṣṭā̭raṃ॒-va~na॒spati̭ma॒gnim )

(pañca॒ vetveko̭ vi॒yantu॒ dvirvī॒tāmeko̭ vi॒yantu॒ dvirvetveko̭ viyantu॒ hota॒ryaja̭)

anuvākaṃ 3 - āpriya prayājānāṃ-yā~jyāḥ

sami̭ddho a॒dya manṷṣo duro॒ṇe | de॒vo de॒vān. ya̭jasi jātavedaḥ | ā ca॒ vaha̭ mitramaha-ściki॒tvān | tva-ndū॒taḥ ka॒vira̭si॒ pracḙtāḥ || tanṷ̄napātpa॒tha ṛ॒tasya॒ yānāṋ | maddhvā̭ sama॒ñjan-thsva̭dayā sujihva |

manmā̭ni dhī॒bhiru॒ta ya॒jñamṛ॒ndhann | de॒va॒trā ca̭ kṛṇuhyaddhva॒ra-nnaḥ̭ || narā॒śagṃsa̭sya mahi॒māna̭meṣām | upa̭stoṣāma yaja॒tasya̭ ya॒jñaiḥ || 7 ||

te su॒krata̭va॒-śśuca̭yo dhiya॒dhāṃḥ | svada̭ntu de॒vā u॒bhayā̭ni ha॒vyā || ā॒juhvā̭na॒ īḍyo॒ vandya̭śca | āyā᳚hyagne॒ vasṷbhi-ssa॒joṣāḥ᳚ |

tva-nde॒vānā̭masi yahva॒ hotā᳚ | sa ḙnān. yakṣīṣi॒to yajī̭yān || prā॒cīna̭-mba॒r॒hiḥ pra॒diśā̭ pṛthi॒vyāḥ | vasto̭ra॒syā vṛ̭jyate॒ agre॒ ahnā᳚m |

vyṷ prathate vita॒raṃ-va~rī̭yaḥ | de॒vebhyo॒ adi̭taye syo॒nam || 8 ||

vyaca̭svatīrurvi॒yā viśra̭yantām | pati̭bhyo॒ najana̭ya॒-śśumbha̭mānāḥ | devī᳚rdvāro bṛhatī-rviśvaminvāḥ | de॒vebhyo̭ bhavatha suprāya॒ṇāḥ || ā su॒ṣvaya̭ntī yaja॒te upā̭ke | u॒ṣāsā॒naktā̭ sadatā॒-nni yonau᳚ |

di॒vye yoṣa̭ṇe bṛha॒tī sṷru॒kme | adhi॒ śriyagṃ̭ śukra॒piśa॒-ndadhā̭ne || daivyā॒ hotā̭rā pratha॒mā su॒vācā᳚ | mimā̭nā ya॒jña-mmanṷṣo॒ yaja̭ddhyai || 9 ||

pra॒co॒daya̭ntā vi॒dathḙṣu kā॒rū | prā॒cīna॒-ñjyotiḥ̭ pra॒diśā̭ di॒śantā᳚ || āno̭ ya॒jña-mbhāra̭tī॒ tūya̭metu | iḍā̭ manu॒ṣvadi॒ha ce॒taya̭ntī | ti॒sro de॒vī-rba॒r॒hiredagg syo॒nam | sara̭svatī॒ svapa̭sa-ssadantu ||

ya i॒me dyāvā̭pṛthi॒vī jani̭trī | rū॒pairapigṃ̭śa॒-dbhuva̭nāni॒ viśvā᳚ | tama॒dya ho̭tariṣi॒to yajī̭yān |

de॒va-ntvaṣṭā̭rami॒ha ya̭kṣi vi॒dvān || 10 ||

u॒pāva̭sṛja॒t-tmanyā̭ sama॒ñjann | de॒vānā॒-mpātha̭ ṛtu॒thā ha॒vīgṃṣi̭ | vana॒spatiḥ̭ śami॒tā de॒vo a॒gniḥ | svada̭ntu ha॒vya-mmadhṷnā ghṛ॒tena̭ ||

sa॒dyo jā॒to vya̭mimīta ya॒jñam | a॒gni-rde॒vānā̭-mabhavat-puro॒gāḥ | a॒sya hotuḥ̭ pra॒diśyṛ॒tasya̭ vā॒ci |

svāhā̭kṛtagṃ ha॒vira̭dantu de॒vāḥ || 11 ||

(ya॒jñaiḥ - syo॒naṃ - ~yaja̭ddhyai - vi॒dvāna॒ - +ṣṭau ca̭) (a. 3)

anuvākaṃ 4 - paryagnikaraṇīyā ṛcaḥ

a॒gnir-hotā̭ no addhva॒re | vā॒jī san-pari̭ṇīyate |

de॒vo de॒veṣṷ ya॒jñiyaḥ̭ || pari̭ trivi॒ṣṭya̭ddhva॒ram | yātya॒gnī ra॒thīri̭va | ā de॒veṣu॒ prayo॒ dadha̭t || pari॒ vāja̭patiḥ ka॒viḥ | a॒gnir-ha॒vyā nya̭kramīt |

dadha॒-dratnā̭ni dā॒śuṣe᳚ || 12 ||

(a॒gnir-hotā̭ no॒ nava̭) (a. 4)

anuvākaṃ 5 - maitrāvaruṇapraiṣaḥ

ajai̭da॒gniḥ | asa̭na॒dvāja॒-nni | de॒vo de॒vebhyo̭ ha॒vyā-'vā᳚ṭ | prāñjo̭bhir-hinvā॒naḥ |

dhenā̭bhiḥ॒ kalpa̭mānaḥ | ya॒jñasyāyuḥ̭ prati॒rann |

upa॒ preṣya̭ hotaḥ | ha॒vyā de॒vebhyaḥ̭ || 13 ||

(ajai̭da॒ṣṭau) (a. 5)

anuvākaṃ 6 - hoturadhrigupraiṣaḥ

anu॒ bhrātā॒ saga̭rbhyaḥ | anu॒ sakhā॒ sayū᳚thyaḥ ||

u॒dī॒cīnāgṃ̭ asya pa॒do nidha̭ttāt || 14 ||

sūrya॒-ñcakṣṷrgamayatāt | vāta̭-mprā॒ṇama॒nva-va̭sṛjatāt | diśa॒-śśrotra᳚m | a॒ntari̭kṣa॒masu᳚m | pṛ॒thi॒vīgṃ śarī̭ram | e॒ka॒dhā-'sya॒ tvaca॒mācchya̭tāt | pu॒rā nābhyā̭ api॒śaso̭ va॒pāmutkhi̭datāt | a॒ntare॒voṣmāṇaṃ̭-vā~rayatāt | śye॒nama̭sya॒ vakṣaḥ̭ kṛṇutāt | pra॒śasā̭ bā॒hū || 15 ||

śa॒lā do॒ṣaṇī᳚ | ka॒śyape॒vāgṃsā᳚ | acchi̭dre॒ śroṇī᳚ |

ka॒vaṣo॒rū sre॒kapa̭rṇā-'ṣṭhī॒vantā᳚ | ṣaḍvigṃ̭śatirasya॒ vaṅkra̭yaḥ |

tā a̭nu॒ṣṭhyoccyā̭vayatāt | gātra̭-ṅgātrama॒syānṷ̄na-ṅkṛṇutāt | ū॒va॒ddhya॒go॒ha-mpārthi̭va-ṅkhanatāt | a॒snā rakṣa॒-ssagṃsṛ̭jatāt |

va॒ni॒ṣṭhuma̭sya॒ mā rā̭viṣṭa || 16 ||

urṷ̄ka॒-mmanya̭mānāḥ || nedva̭sto॒ke tana̭ye | ravi̭tā॒ rava̭cchamitāraḥ | addhri̭go śamī॒ddhvam | su॒śami̭ śamīddhvam | śa॒mī॒ddhva-ma̭ddhrigo ||

addhri̭gu॒ścāpā̭paśca | u॒bhau de॒vānāgṃ̭ śami॒tārau᳚ | tāvi॒ma-mpa॒śugg śra̭payatā-mpravi॒dvāgṃsau᳚ |

yathā̭ yathā-'sya॒ śrapa̭ṇa॒-ntathā̭tathā || 17 ||

[dha॒ttā॒-d- bā॒hū - mā rā̭viṣṭa॒ - tathā̭tathā ] (a. 6)

anuvākaṃ 7 - stokaviṣaya-mmaitrāvaruṇānuvacanam

ju॒ṣasva̭ sa॒pratha̭stamam | vaco̭ de॒vaphsa̭rastamam |

ha॒vyā juhvā̭na ā॒sani̭ || i॒ma-nno̭ ya॒jñama॒mṛtḙṣu dhehi | i॒mā ha॒vyā jā̭tavedo juṣasva | sto॒kānā̭magne॒ meda̭so ghṛ॒tasya̭ | hotaḥ॒ prāśā̭na pratha॒mo ni॒ṣadya̭ || ghṛ॒tava̭ntaḥ pāvaka te |

sto॒kāsśco̭tanti॒ meda̭saḥ | svadha̭rma-nde॒vavī̭taye || 18 ||

śreṣṭha̭-nno dhehi॒ vārya᳚m || tubhyagg̭ sto॒kā ghṛ̭ta॒ścutaḥ̭ | agne॒ viprā̭ya santya | ṛṣi॒-śśreṣṭha॒-ssami̭ddhyase | ya॒jñasya̭ prāvi॒tā bha̭va ||

tubhyagg̭ ścotantyaddhrigo śacīvaḥ | sto॒kāso̭ agne॒ meda̭so ghṛ॒tasya̭ | ka॒vi॒śa॒sto bṛ̭ha॒tā bhā॒nunā-''gāḥ᳚ | ha॒vyā jṷṣasva medhira ||

oji̭ṣṭha-nte maddhya॒to meda॒ udbhṛ̭tam | pratḙ va॒ya-nda̭dāmahe | ścota̭nti te vaso sto॒kā adhi̭ tva॒ci |

prati॒ tāndḙva॒śo vi̭hi || 19 ||

(de॒vavī̭taya॒-udbhṛ̭ta॒-ntrīṇi̭ ca) (a. 7)

anuvākaṃ 8 - vapā puroḍāśasviṣṭakṛtā-mpuronuvākyāḥ praiṣāśca

ā vṛ̭trahaṇā vṛtra॒habhi॒-śśuṣmaiḥ᳚ | indra̭ yā॒ta-nnamo̭bhiragne a॒rvāk | yu॒vagṃ rādho̭bhi॒raka̭vebhirindra | agnḙ a॒sme bha̭vatamutta॒mebhiḥ̭ || hotā̭ yakṣadindrā॒gnī | chāga̭sya va॒pāyā॒ meda̭saḥ | ju॒ṣetāgṃ̭ ha॒viḥ | hota॒ryaja̭ || vi hyakhya॒-nmana̭sā॒ vasya̭ i॒cchann | indrā᳚gnī jñā॒sa u॒ta vā̭ sajā॒tān || 20 ||

nānyā yu॒vatprama̭tirasti॒ mahya᳚m | sa vā॒-ndhiyaṃ̭-vā~ja॒yantī̭matakṣam || hotā̭ yakṣadindrā॒gnī | pu॒ro॒ḍāśa̭sya ju॒ṣetāgṃ̭ ha॒viḥ | hota॒ryaja̭ ||

tvāmī̭ḍate aji॒ra-ndū॒tyā̭ya | ha॒viṣma̭nta॒-ssada॒mi-nmānṷṣāsaḥ | yasya̭ de॒vairāsa̭do ba॒r॒hira̭gne | ahā᳚nyasmai su॒dinā̭ bhavantu || hotā̭ yakṣada॒gnim | pu॒ro॒ḍāśa̭sya ju॒ṣatāgṃ̭ ha॒viḥ |

hota॒ryaja̭ || 21 ||

(sa॒jā॒tā - na॒gni-ndve ca̭) (a. 8)

anuvākaṃ 9 - teṣāmeva yājyāḥ

gī॒rbhirvipraḥ॒ prama̭timi॒cchamā̭naḥ | ī॒̭ ra॒yiṃ-ya~॒śasa̭-mpūrva॒bhāja᳚m | indrā᳚gnī vṛtrahaṇā suvajrā | praṇo॒ navyḙbhistirata-nde॒ṣṇaiḥ || mācche᳚dma ra॒śmīgṃriti॒ nādha̭mānāḥ | pi॒tṛ॒ṇāgṃ śaktī̭ranu॒ yaccha̭mānāḥ | i॒ndrā॒gnibhyā॒-ṅkaṃ-vṛ~ṣa̭ṇo madanti | tā hyadrī̭ dhi॒ṣaṇā̭yā u॒pasthe᳚ ||

a॒gnigṃ sṷdī॒tigṃ su॒dṛśa̭-ṅgṛ॒ṇantaḥ̭ |

na॒ma॒syāma॒stveḍya̭-ñjātavedaḥ |

tvā-ndū॒tama̭ra॒tigṃ ha̭vya॒vāha᳚m |

de॒vā a̭kṛṇva-nna॒mṛta̭sya॒ nābhi᳚m || 22 ||

(jā॒ta॒ve॒do॒ dve ca̭) (a. 9)

anuvākaṃ 10 - manotāsūktam

tvagg hya̭gne pratha॒mo ma॒notā᳚ | a॒syā dhi॒yo abha̭vo dasma॒ hotā᳚ | tvagṃ sīṃ᳚-vṛ~ṣa-nnakṛṇo-rdu॒ṣṭarī̭tu | saho॒ viśva̭smai॒ saha̭se॒ saha̭ddhyai || adhā॒ hotā॒ nya̭sīdo॒ yajī̭yān | i॒ḍaspa॒da i॒ṣaya॒nnīḍya॒-ssann | ta-ntvā॒ naraḥ̭ pratha॒ma-ndḙva॒yantaḥ̭ | ma॒ho rā॒ye ci॒taya̭nto॒ anṷ gmann || vṛ॒teva॒ yanta̭-mba॒hubhi̭-rvasa॒vyaiḥ᳚ |

tve ra॒yi-ñjā̭gṛ॒vāgṃso॒ anṷ gmann || 23 ||

ruśa̭ntama॒gni-nda̭rśa॒ta-mbṛ॒hanta᳚m | va॒pāva̭ntaṃ-vi~॒śvahā̭ dīdi॒vāgṃsa᳚m || pa॒da-nde॒vasya॒ nama̭sā vi॒yantaḥ̭ | śra॒va॒syava॒-śśrava̭ āpa॒nnamṛ̭ktam |

nāmā̭ni ci-ddadhire ya॒jñiyā̭ni | bha॒drāyā᳚-nte raṇayanta॒ sandṛ̭ṣṭau || tvāṃ-va~̭rdhanti kṣi॒tayaḥ̭ pṛthi॒vyām | tvagṃ rāya̭ u॒bhayā̭so॒ janā̭nām |

tva-ntrā॒tā ta̭raṇe॒ cetyo̭ bhūḥ |

pi॒tā mā॒tā sada॒mi-nmānṷṣāṇām || 24 ||

sa pa॒ryeṇya॒-ssa pri॒yo vi॒kṣva̭gniḥ | hotā̭ ma॒ndro niṣa̭sādā॒ yajī̭yān | ta-ntvā̭ va॒ya-ndama॒ ā dī̭di॒vāgṃsa᳚m | upa̭jñu॒bādho॒ nama̭sā sadema ||

ta-ntvā̭ va॒yagṃ su॒dhiyo॒ navya̭magne | su॒mnā॒yava̭ īmahe deva॒yantaḥ̭ | tvaṃ-vi~śo̭ anayo॒ dīdyā̭naḥ | di॒vo a̭gne bṛha॒tā ro̭ca॒nena̭ ||

vi॒śā-ṅka॒viṃ-vi~॒śpati॒gṃ॒ śaśva̭tīnām |

ni॒tośa̭naṃ-vṛ~ṣa॒bha-ñca̭rṣaṇī॒nām || 25 ||

pretī̭ṣaṇimi॒ṣaya̭nta-mpāva॒kam | rāja̭ntama॒gniṃ-ya~̭ja॒tagṃ ra̭yī॒ṇām || so a̭gna īje śaśa॒me ca॒ martaḥ̭ | yasta॒ āna̭ṭ-thsa॒midhā̭ ha॒vyadā̭tim |

ya āhṷti॒-mpari॒ vedā॒ namo̭bhiḥ | viśvethsa vā॒mā da̭dhate॒ tvotaḥ̭ || a॒smā ṷ te॒ mahi̭ ma॒he vi̭dhema | namo̭bhiragne sa॒midho॒ta ha॒vyaiḥ |

vedī̭ sūno sahaso gī॒rbhiru॒kthaiḥ |

ā tḙ bha॒drāyāgṃ̭ suma॒tau ya̭tema || 26 ||

ā yasta॒tantha॒ roda̭sī॒ vi bhā॒sā | śravo̭bhiśca śrava॒sya̭starṷtraḥ | bṛ॒hadbhi॒-rvājai॒-ssthavi̭rebhira॒sme | re॒vadbhi̭ragne vita॒raṃ-vi~bhā̭hi ||

nṛ॒vadva̭so॒ sada॒middhe᳚hya॒sme | bhūri̭ to॒kāya॒ tana̭yāya pa॒rśvaḥ | pū॒rvīriṣo̭ bṛha॒tīrā॒re a̭ghāḥ | a॒sme bha॒drā sau᳚śrava॒sāni̭ santu ||

pu॒rūṇya̭gne puru॒dhā tvā॒yā | vasṷ̄ni rājan-va॒sutā̭te aśyām | pu॒rūṇi॒ hi tve pṷruvāra॒ santi̭ |

agne॒ vasṷ vidha॒te rāja̭ni॒ tve || 27 ||

(jā॒gṛ॒vāgṃso॒ anṷ gma॒n - mānṷṣāṇāṃ - carṣaṇī॒nāṃ - ~ya̭te - māśyā॒-ndve ca̭) (a. 10)

anuvākaṃ 11 - havirvanaspatisviṣṭakṛtā-mpuronuvākyāḥ praiṣāśca

ā bha̭ratagṃ śikṣataṃ-va~jrabāhū |

a॒smāgṃ i̭ndrāgnī avata॒gṃ॒ śacī̭bhiḥ |

i॒me nu te ra॒śmaya॒-ssūrya̭sya |

yebhiḥ̭ sapi॒tva-mpi॒taro̭ na॒ āyanṋ ||

hotā̭ yakṣadindrā॒gnī | chāga̭sya ha॒viṣa॒ āttā̭ma॒dya | ma॒ddhya॒to meda॒ udbhṛ̭tam | pu॒rā dveṣo᳚bhyaḥ | pu॒rā paurṷṣeyyā gṛ॒bhaḥ | ghastā᳚nnū॒nam || 28 ||

ghā॒se a̭jrāṇāṃ॒-ya~va̭saprathamānām | su॒matkṣa̭rāṇāgṃ śa॒tarṷdriyāṇām |

a॒gni॒ṣvā॒ttānā॒-mpīvo̭pavasanānām |

pā॒rśva॒ta-śśro̭ṇi॒ta-śśi̭tāma॒ta ṷthsāda॒taḥ | aṅgā̭daṅgā॒dava̭ttānām | kara̭ta e॒vendrā॒gnī | ju॒ṣetāgṃ̭ ha॒viḥ | hota॒ryaja̭ ||

de॒vebhyo̭ vanaspate ha॒vīgṃṣi̭ |

hira̭ṇyaparṇa pra॒diva̭ste॒ artha᳚m || 29 ||

pra॒da॒kṣi॒ṇi-dra̭śa॒nayā̭ ni॒yūya̭ | ṛ॒tasya̭ vakṣi pa॒thibhī॒ raji̭ṣṭhaiḥ || hotā̭ yakṣa॒-dvana॒spati̭ma॒bhi hi | pi॒ṣṭata̭mayā॒ rabhi̭ṣṭhayā raśa॒nayā-''dhi̭ta |

yatre᳚ndrāgni॒yo-śchāga̭sya ha॒viṣaḥ̭ pri॒yā dhāmā̭ni |

yatra॒ vana॒spateḥ᳚ pri॒yā pāthāgṃ̭si |

yatra̭ de॒vānā̭mājya॒pānā᳚-mpri॒yā dhāmā̭ni | yatrā॒gner-hotuḥ̭ pri॒yā dhāmā̭ni |

tatrai॒ta-mpra॒stu-tyḙvo-pa॒stutyḙvo॒pāva̭srakṣat |

rabhī̭yāgṃ samiva kṛ॒tvī || 30 ||

kara̭de॒va-nde॒vo vana॒spatiḥ̭ | ju॒ṣatāgṃ̭ ha॒viḥ | hota॒ryaja̭ || pi॒prī॒hi de॒vāgṃ ṷśa॒to ya̭viṣṭha | vi॒dvāṃ ṛ॒tūgṃr-ṛ̭tupate yaje॒ha |

ye daivyā̭ ṛ॒tvija॒stebhi̭ragne |

tvagṃ hotṝ̭ṇāma॒syāya̭jiṣṭhaḥ ||

hotā̭ yakṣada॒gnigg svi̭ṣṭa॒kṛta᳚m |

ayā̭ḍa॒gni-ri̭ndrāgni॒yo-śchāga̭sya ha॒viṣaḥ̭ pri॒yā dhāmā̭ni | ayā॒ḍvana॒spateḥ᳚ pri॒yā pāthāgṃ̭si |

ayā᳚ḍde॒vānā̭-mājya॒pānā᳚-mpri॒yā dhāmā̭ni |

yakṣa̭da॒gner-hotuḥ̭ pri॒yā dhāmā̭ni | yakṣa॒-thsva-mma̭hi॒māna᳚m | āya̭jatā॒mejyā॒ iṣaḥ̭ | kṛ॒ṇotu॒ so a̭ddhva॒rā jā॒tavḙdāḥ | ju॒ṣatāgṃ̭ ha॒viḥ | hota॒ryaja̭ || 31 ||

(nū॒na - marthaṃ̭ - kṛ॒tvī - pāthāgṃ̭si sa॒pta ca̭) (a. 11)

anuvākaṃ 12 - teṣāmeva yājyāḥ

upo̭ha॒ yadvi॒dathaṃ̭-vā~॒jino॒ gūḥ | gī॒rbhi-rviprāḥ॒ prama̭ti-mi॒cchamā̭nāḥ | a॒rvanto॒ na kāṣṭhā॒-nnakṣa̭māṇāḥ | i॒ndrā॒gnī johṷvato॒ nara॒ste ||

vana̭spate raśa॒nayā̭-'bhi॒dhāya̭ | pi॒ṣṭata̭mayā va॒yunā̭ni vi॒dvān | vaha̭ deva॒trā di̭dhiṣo ha॒vīgṃṣi̭ | pra ca̭ dā॒tāra̭ma॒mṛtḙṣu vocaḥ || a॒gnigg svi̭ṣṭa॒kṛta᳚m | ayā̭ḍa॒gni-ri̭ndrāgni॒yo-śchāga̭sya ha॒viṣaḥ̭ pri॒yā dhāmā̭ni || 32 ||

ayā॒ḍvana॒spateḥ᳚ pri॒yā pāthāgṃ̭si |

ayā᳚ḍde॒vānā̭-mājya॒pānā᳚-mpri॒yā dhāmā̭ni |

pāva̭ka śoce॒ veṣṭvagṃ hi yajvā᳚ |

ṛ॒tā ya̭jāsi mahi॒nā vi ya-dbhūḥ |

ha॒vyā va̭ha yaviṣṭha॒ yā tḙ a॒dya || 33 ||

(dhāmā̭ni॒ - bhureka̭-ñca) (a. 12)

anuvākaṃ 13 - anūyājapraiṣāḥ

de॒va-mba॒r॒hi-ssṷde॒va-nde॒vai-ssyā-thsu॒vīraṃ̭-vī~॒rairvasto᳚-rvṛ॒jyetā॒ktoḥ prabhri̭-ye॒tātya॒nyān-rā॒yā ba॒r॒hiṣma̭to madema vasu॒vanḙ vasu॒dheya̭sya vetu॒ yaja̭ || de॒vī-rdvāraḥ̭ saṅghā॒te vi॒ḍvīryāma̭ñchithi॒rā dhru॒vā de॒vahṷ̄tau va॒thsa

ī̭menā॒starṷṇa॒ āmi̭mīyāt-kumā॒ro vā॒ nava̭jāto॒ mainā॒ arvā̭ re॒ṇuka̭kāṭaḥ॒ pṛṇa̭gvasu॒vanḙ vasu॒dheya̭sya viyantu॒ yaja̭ || de॒vī u॒ṣāsā॒ naktā-'dyā॒smin. ya॒jñe pra̭ya॒tya̭hvetā॒mapi̭ nū॒na-ndaivī॒rviśaḥ॒ prāyā̭siṣṭā॒gṃ॒ suprī̭te॒ sudhi̭te vasu॒vanḙ vasu॒dheya̭sya vītāṃ॒-ya~ja̭ ||

de॒vī joṣṭrī॒ vasṷdhitī॒ yayo̭ra॒nyā-'ghā dveṣāgṃ̭si yu॒yava॒dā-'nyā va̭kṣa॒-dvasu॒ vāryā̭ṇi॒ yaja̭mānāya vasu॒vanḙ vasu॒dheya̭sya vītāṃ॒-ya~ja̭ ||

de॒vī ū॒rjāhṷtī॒ iṣa॒mūrja̭ma॒nyā va̭kṣa॒thsagdhi॒gṃ॒ sapī̭tima॒nyā navḙna॒ pūrva॒-ndaya̭mānā॒-ssyāma̭ purā॒ṇena॒ nava॒-ntāmūrja̭mū॒rjāhṷtī ū॒rjaya̭māne adhātāṃ-va~su॒vanḙ vasu॒dheya̭sya vītāṃ॒-ya~ja̭ ||

de॒vā daivyā॒ hotā̭rā॒ neṣṭā̭rā॒ potā̭rā ha॒tāgha̭śagṃsā-vābha॒radva̭sū vasu॒vanḙ vasu॒dheya̭sya vītāṃ॒-ya~ja̭ ||

de॒vīsti॒srasti॒sro de॒vīriḍā॒ sara̭svatī॒ bhāra̭tī॒ dyā-mbhāra̭tyādi॒tyai-ra̭spṛkṣa॒-thsara̭svatī॒magṃ ru॒drai-rya॒jñamā̭vī-di॒haiveḍa̭yā॒ vasṷmatyā

sadha॒māda̭-mmadema vasu॒vanḙ vasu॒dheya̭sya viyantu॒ yaja̭ ||

de॒vo narā॒śagṃsa̭-striśī॒r॒ṣā ṣa̭ḍa॒kṣa-śśa॒tamidḙnagṃ śitipṛ॒ṣṭhā āda̭dhati sa॒hasra̭mī॒-mprava̭hanti mi॒trāvaru॒ṇeda̭sya ho॒tramarha̭to॒

bṛha॒spatiḥ̭ sto॒trama॒śvinā ''ddhva̭ryavaṃ-va~su॒vanḙ vasu॒dheya̭sya vetu॒ yaja̭ ||

de॒vo vana॒spati̭-rva॒r॒ṣaprā̭vā ghṛ॒tani̭rṇi॒g-dyā-

magre॒ṇāspṛ̭kṣa॒dā-'ntari̭kṣa॒-mmaddhyḙnāprāḥ pṛthi॒vī-mupa̭reṇādṛgṃhī-dvasu॒vanḙ vasu॒dheya̭sya vetu॒ yaja̭ ||

de॒va-mba॒r॒hirvāri̭tīnā-nni॒dhe dhā̭si॒ pracyṷtīnā॒ma-pra̭cyuta-nnikāma॒dhara̭ṇa-mpuruspā॒r॒haṃ-ya~śa̭svade॒nā ba॒r॒hiṣā॒-'nyā ba॒r॒hīgṣya॒bhiṣyā̭ma vasu॒vanḙ vasu॒dheya̭sya vetu॒ yaja̭ ||

de॒vo a॒gni-ssvi̭ṣṭa॒kṛ-thsu॒dravi̭ṇā ma॒ndraḥ ka॒vi-ssa॒tyama̭nmā-''ya॒jī hotā॒ hotṷr-hotu॒rāya̭jīyā॒nagne॒ yān-de॒vānayā॒ḍyāgṃ api̭pre॒rye tḙ ho॒tre ama̭thsata॒ tāgṃ sa̭sa॒nuṣī॒gṃ॒ hotrā᳚-ndeva-ṅga॒mā-ndi॒vi de॒veṣṷ ya॒jñamera̭ye॒magg

svi̭ṣṭa॒kṛccāgne॒ hotā-'bhū᳚rvasu॒vanḙ vasu॒dheya̭sya namovā॒ke vīhi॒ yaja̭ || 34 ||

(yajaika̭-ñca) (a. 13)

anuvākaṃ 14 - anūyājayājyāḥ

de॒va-mba॒r॒hiḥ | va॒su॒vanḙ vasu॒dheya̭sya vetu |

de॒vī ū॒rjāhṷtī | va॒su॒vanḙ vasu॒dheya̭sya vītām || 35 ||

de॒vā daivyā॒ hotā̭rā | va॒su॒vanḙ vasu॒dheya̭sya vītām | de॒vīsti॒sra-sti॒sro de॒vīḥ |

va॒su॒vanḙ vasu॒dheya̭sya viyantu |

de॒vo narā॒śagṃsaḥ̭ | va॒su॒vanḙ vasu॒dheya̭sya vetu | de॒vo vana॒spatiḥ̭ | va॒su॒vanḙ vasu॒dheya̭sya vetu | de॒va-mba॒r॒hirvāri̭tīnām | va॒su॒vanḙ vasu॒dheya̭sya vetu || 36 ||

de॒vo a॒gni-ssvi̭ṣṭa॒kṛt | su॒dravi̭ṇā ma॒ndraḥ ka॒viḥ | sa॒tyama̭nmā-''ya॒jī hotā᳚ | hotṷr-hotu॒rāya̭jīyān |

va॒su॒vanḙ vasu॒dheya̭sya namovā॒ke vīhi̭ || 37 ||

(vī॒tāṃ॒ - ~ve॒tva - bhū॒reka̭-ñca) (a. 14)

anuvākaṃ 15 - sūktavākapraiṣāḥ

a॒gnima॒dya hotā̭ramavṛṇītā॒yaṃ-ya~ja̭mānaḥ॒ paca̭-npa॒ktīḥ paca̭-npuro॒ḍāśaṃ̭

ba॒ddhna-nni̭ndrā॒gnibhyā॒-ñchāgagṃ̭ sūpa॒sthā a॒dya de॒vo vana॒spati̭-rabhava-dindrā॒gnibhyā॒-ñchāge॒nāgha̭stā॒-nta-mmḙda॒staḥ prati̭ paca॒tā-'gra̭bhīṣṭā॒mavī̭vṛdhetā-mpuro॒ḍāśḙna॒ tvāma॒dyarṣa̭ ārṣeyarṣīṇā-nnapādavṛṇītā॒yaṃ-ya~ja̭māno ba॒hubhya॒ ā saṅga̭tebhya e॒ṣa mḙ de॒veṣu॒ vasu॒ vāryā ya̭kṣyata॒ iti॒ tā yā

de॒vā dḙva॒-dānā॒nyadu॒stānya̭smā॒ ā ca॒ śāsvā ca̭ gurasveṣi॒taśca̭ hota॒rasi̭ bhadra॒vācyā̭ya॒ preṣi̭to॒ mānṷṣa-ssūktavā॒kāya̭ sū॒ktā brṷ̄hi || 38 ||

(a॒gnima॒dyaika᳚m) (a. 15)

(a॒ñjanti॒ - hotā̭ yakṣa॒th - sami̭dvo a॒dyā - gni - rajai॒-d- daivyā̭ - ju॒ṣas - vā vṛ̭trahaṇā - gī॒rbhi - stvagg hyā - bha̭rata॒ - mupo̭ha॒ ya-d- de॒va-mba॒r॒hi-ssṷde॒vaṃ - de॒va-mba॒r॒hi - ra॒gnima॒dya pañca̭daśa)

(a॒ñjan - tyu॒pāva̭sṛja॒n - nānyā yu॒vat - kara̭de॒va ma॒ṣṭātrigṃ̭śat)

(a॒ñjanti̭ - sū॒ktā brṷ̄hi)

|| hariḥ̭ om ||

|| kṛṣṇa yajurvedīya taittirīya brāhmaṇe tṛtīyāṣṭake ṣaṣṭhaḥ prapāṭhaka-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे तृतीयाष्टके षष्ठः प्रपाठकः - पशुहौत्रम्

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - यूपसंस्काराः

अ॒ञ्जन्ति॒ त्वाम॑द्ध्व॒रे दे॑व॒यन्तः॑ । वन॑स्पते॒ मधु॑ना॒ दैव्ये॑न । यदू॒र्ध्वस्ति॑ष्ठा॒-द्द्रवि॑णे॒ह ध॑त्तात् । यद्वा॒ क्षयो॑ मा॒तुर॒स्या उ॒पस्थे᳚ ॥ उच्छ्र॑यस्व वनस्पते । वर्ष्म॑-न्पृथि॒व्या अधि॑ । सुमि॑ती मी॒यमा॑नः ।

वर्चो॑धा य॒ज्ञवा॑हसे ॥ समि॑द्धस्य॒ श्रय॑माणः पु॒रस्ता᳚त् । ब्रह्म॑ वन्वा॒नो अ॒जरग्ं॑ सु॒वीर᳚म् ॥ 1 ॥

आ॒रे अ॒स्मदम॑ति॒-म्बाध॑मानः । उच्छ्र॑यस्व मह॒ते सौभ॑गाय ॥ ऊ॒र्ध्व ऊ॒षुण॑ ऊ॒तये᳚ । तिष्ठा॑ दे॒वो न स॑वि॒ता । ऊ॒र्ध्वो वाज॑स्य॒ सनि॑ता॒ यद॒ञ्जिभिः॑ । वा॒घद्भि॑-र्वि॒ह्वया॑महे ॥

ऊ॒र्ध्वो नः॑ पा॒ह्यग्ंह॑सो॒ नि के॒तुना᳚ । विश्व॒ग्ं॒ सम॒त्रिण॑-न्दह ।

कृ॒धी न॑ ऊ॒र्ध्वाञ्च॒ रथा॑य जी॒वसे᳚ ।

वि॒दा दे॒वेषु॑ नो॒ दुवः॑ ॥ 2 ॥

जा॒तो जा॑यते सुदिन॒त्वे अह्ना᳚म् । सम॒र्य आ वि॒दथे॒ वर्ध॑मानः । पु॒नन्ति॒ धीरा॑ अ॒पसो॑ मनी॒षा । दे॒व॒या विप्र॒ उदि॑यर्ति॒ वाच᳚म् ॥ युवा॑ सु॒वासाः॒ परि॑वीत॒ आगा᳚त् । स उ॒ श्रेया᳚-न्भवति॒ जाय॑मानः ।

त-न्धीरा॑सः क॒वय॒ उन्न॑यन्ति । स्वा॒धियो॒ मन॑सा देव॒यन्तः॑ ॥ पृ॒थु॒पाजा॒ अम॑र्त्यः । घृ॒तनि॑र्णि॒ख्-स्वा॑हुतः ॥ 3 ॥

अ॒ग्नि-र्य॒ज्ञस्य॑ हव्य॒वाट् ॥ तग्ं स॒बाधो॑ य॒तस्रु॑चः । इ॒त्था धि॒या य॒ज्ञव॑न्तः । आच॑क्रुर॒ग्नि-मू॒तये᳚ ॥ त्वं-वँरु॑ण उ॒त मि॒त्रो अ॑ग्ने । त्वां-वँ॑र्धन्ति म॒तिभि॒-र्वसि॑ष्ठाः ।

त्वे वसु॑ सुषण॒नानि॑ सन्तु ।

यू॒य-म्पा॑त स्व॒स्तिभि॒-स्सदा॑ नः ॥ 4 ॥

(सु॒वीरं॒ - दुवः॒ - स्वा॑हुतो॒ - +-ऽष्टौ च॑) (अ. 1)

अनुवाकं 2 - प्रयाजविषया मैत्रावरुणप्रैषाः

होता॑ यक्षद॒ग्निग्ं स॒मिधा॑ सुष॒मिधा॒ समि॑द्ध॒-न्नाभा॑ पृथि॒व्या-स्स॑ग॒न्थे वा॒मस्य॑ ।

वर्ष्म॑न्दि॒व इ॒डस्प॒दे वेत्वाज्य॑स्य॒ होत॒र्यज॑ ॥

होता॑ यक्ष॒त्-तनू॒नपा॑त॒-मदि॑ते॒-र्गर्भ॒-म्भुव॑नस्य गो॒पाम् । मद्ध्वा॒-ऽद्य दे॒वो दे॒वेभ्यो॑ देव॒याना᳚न्प॒थो अ॑नक्तु॒ वेत्वाज्य॑स्य॒ होत॒र्यज॑ ॥

होता॑ यक्ष॒-न्नरा॒शग्ंस॑-न्नृश॒स्त्र-न्नॄग्ंः प्र॑णेत्रम् । गोभि॑-र्व॒पावा॒न्-थ्स्या-द्वी॒रै-श्शक्ती॑वा॒न्-रथैः᳚ प्रथम॒यावा॒ हिर॑ण्यैश्च॒न्द्री वेत्वाज्य॑स्य॒ होत॒र्यज॑ ॥ होता॑ यक्षद॒ग्निमि॒ड ई॑डि॒तो दे॒वो दे॒वाग्ं आव॑क्ष-द्दू॒तो ह॑व्य॒वाडमू॑रः ।

उपे॒मं-यँ॒ज्ञमुपे॒मा-न्दे॒वो दे॒वहू॑तिमवतु॒ वेत्वाज्य॑स्य॒ होत॒र्यज॑ ॥ होता॑ यक्ष-द्ब॒र्॒हि-स्सु॒ष्टरी॒मोर्ण॑म्रदा अ॒स्मिन्. य॒ज्ञे वि च॒ प्र च॑ प्रथताग् स्वास॒स्थ-न्दे॒वेभ्यः॑ ।

एमे॑नद॒द्य वस॑वो रु॒द्रा आ॑दित्या-स्स॑दन्तु प्रि॒यमिन्द्र॑स्यास्तु॒ वेत्वाज्य॑स्य॒ होत॒र्यज॑ ॥ 5 ॥

होता॑ यक्ष॒-द्दुर॑ ऋ॒ष्वाः क॑व॒ष्यो-ऽको॑षधावनी॒-रुदाता॑भि॒-र्जिह॑तां॒-विँ पक्षो॑भि-श्श्रयन्ताम् । सु॒प्रा॒य॒णा अ॒स्मिन्. य॒ज्ञे विश्र॑यन्ता-मृता॒वृधो॑ वि॒यन्त्वाज्य॑स्य॒ होत॒र्यज॑ ॥

होता॑ यक्षदु॒षासा॒नक्ता॑ बृह॒ती सु॒पेश॑सा॒ नॄग्ंः पति॑भ्यो॒ योनि॑-ङ्कृण्वा॒ने ।

स॒ग्ग्॒स्मय॑माने॒ इन्द्रे॑ण दे॒वैरेद-म्ब॒र्॒हि-स्सी॑दतां-वीँ॒तामाज्य॑स्य॒ होत॒र्यज॑ ॥

होता॑ यक्ष॒-द्दैव्या॒ होता॑रा म॒न्द्रा पोता॑रा क॒वी प्रचे॑तसा ।

स्वि॑ष्टम॒द्यान्यः क॑रदि॒षा स्व॑भिगूर्तम॒न्य ऊ॒र्जा सत॑वसे॒मं-यँ॒ज्ञ-न्दि॒वि दे॒वेषु॑ धत्तां-वीँ॒तामाज्य॑स्य॒ होत॒र्यज॑ ॥

होता॑ यक्षत्-ति॒स्रो दे॒वीर॒पसा॑म॒पस्त॑मा॒ अच्छि॑द्र-म॒द्येदमप॑-स्तन्वताम् ।

दे॒वेभ्यो॑ दे॒वी-र्दे॒वमपो॑ वि॒यन्त्वाज्य॑स्य॒ होत॒र्यज॑ ॥

होता॑ यक्ष॒त्-त्वष्टा॑र॒-मचि॑ष्टु॒मपा॑कग्ं रेतो॒धां-विँश्र॑वसं-यँशो॒धाम् ।

पु॒रु॒रूप॒मका॑मकर्शनग्ं सु॒पोषः॒ पोषै॒-स्स्या-थ्सु॒वीरो॑ वी॒रै-र्वेत्वाज्य॑स्य॒ होत॒र्यज॑ ॥

होता॑ यक्ष॒-द्वन॒स्पति॑-मु॒पाव॑स्रक्षद्धि॒यो जो॒ष्टारग्ं॑ श॒शम॒न्नरः॑ ।

स्वदा॒-थ्स्वधि॑तिर्-ऋतु॒था-ऽद्य दे॒वो दे॒वेभ्यो॑ ह॒व्या-ऽवा॒ड्-वेत्वाज्य॑स्य॒ होत॒र्यज॑ ॥

होता॑ यक्षद॒ग्निग्ग् स्वाहा-ऽऽज्य॑स्य॒ स्वाहा॒ मेद॑स॒-स्स्वाहा᳚ स्तो॒काना॒ग्॒ स्वाहा॒ स्वाहा॑ कृतीना॒ग्॒ स्वाहा॑ ह॒व्यसू᳚क्तीनाम् ।

स्वाहा॑ दे॒वाग्ं आ᳚ज्य॒पान्-थ्स्वाहा॒-ऽग्निग्ं हो॒त्राज्जु॑षा॒णा अग्न॒ आज्य॑स्य वियन्तु॒ होत॒र्यज॑ ॥ 6 ॥

(प्रि॒यमिन्द्र॑स्यास्तु॒ वेत्वाज्य्॑स्य॒ होत॒र्यज॑ - सु॒वीरो॑ वी॒रै-र्वेत्वाज्य॑स्य॒ होत॒र्यज॑ च॒त्वारि॑ च) (अ. 2)

(अ॒ग्नि-न्तनू॒नपा॑त॒-न्नरा॒शग्ंस॑म॒ग्निमि॒ड ई॑डि॒तो ब॒र्॒हिर्दुर॑ उ॒षासा॒नक्ता॒ दैव्या॑ ति॒स्रस्त्वष्टा॑रं॒-वँन॒स्पति॑म॒ग्निम् )

(पञ्च॒ वेत्वेको॑ वि॒यन्तु॒ द्विर्वी॒तामेको॑ वि॒यन्तु॒ द्विर्वेत्वेको॑ वियन्तु॒ होत॒र्यज॑)

अनुवाकं 3 - आप्रिय प्रयाजानां-याँज्याः

समि॑द्धो अ॒द्य मनु॑षो दुरो॒णे । दे॒वो दे॒वान्. य॑जसि जातवेदः । आ च॒ वह॑ मित्रमह-श्चिकि॒त्वान् । त्व-न्दू॒तः क॒विर॑सि॒ प्रचे॑ताः ॥ तनू॑नपात्प॒थ ऋ॒तस्य॒ यानान्॑ । मद्ध्वा॑ सम॒ञ्जन्-थ्स्व॑दया सुजिह्व ।

मन्मा॑नि धी॒भिरु॒त य॒ज्ञमृ॒न्धन्न् । दे॒व॒त्रा च॑ कृणुह्यद्ध्व॒र-न्नः॑ ॥ नरा॒शग्ंस॑स्य महि॒मान॑मेषाम् । उप॑स्तोषाम यज॒तस्य॑ य॒ज्ञैः ॥ 7 ॥

ते सु॒क्रत॑व॒-श्शुच॑यो धिय॒धांः । स्वद॑न्तु दे॒वा उ॒भया॑नि ह॒व्या ॥ आ॒जुह्वा॑न॒ ईड्यो॒ वन्द्य॑श्च । आया᳚ह्यग्ने॒ वसु॑भि-स्स॒जोषाः᳚ ।

त्व-न्दे॒वाना॑मसि यह्व॒ होता᳚ । स ए॑नान्. यक्षीषि॒तो यजी॑यान् ॥ प्रा॒चीन॑-म्ब॒र्॒हिः प्र॒दिशा॑ पृथि॒व्याः । वस्तो॑र॒स्या वृ॑ज्यते॒ अग्रे॒ अह्ना᳚म् ।

व्यु॑ प्रथते वित॒रं-वँरी॑यः । दे॒वेभ्यो॒ अदि॑तये स्यो॒नम् ॥ 8 ॥

व्यच॑स्वतीरुर्वि॒या विश्र॑यन्ताम् । पति॑भ्यो॒ नजन॑य॒-श्शुम्भ॑मानाः । देवी᳚र्द्वारो बृहती-र्विश्वमिन्वाः । दे॒वेभ्यो॑ भवथ सुप्राय॒णाः ॥ आ सु॒ष्वय॑न्ती यज॒ते उपा॑के । उ॒षासा॒नक्ता॑ सदता॒-न्नि योनौ᳚ ।

दि॒व्ये योष॑णे बृह॒ती सु॑रु॒क्मे । अधि॒ श्रियग्ं॑ शुक्र॒पिश॒-न्दधा॑ने ॥ दैव्या॒ होता॑रा प्रथ॒मा सु॒वाचा᳚ । मिमा॑ना य॒ज्ञ-म्मनु॑षो॒ यज॑द्ध्यै ॥ 9 ॥

प्र॒चो॒दय॑न्ता वि॒दथे॑षु का॒रू । प्रा॒चीन॒-ञ्ज्योतिः॑ प्र॒दिशा॑ दि॒शन्ता᳚ ॥ आनो॑ य॒ज्ञ-म्भार॑ती॒ तूय॑मेतु । इडा॑ मनु॒ष्वदि॒ह चे॒तय॑न्ती । ति॒स्रो दे॒वी-र्ब॒र्॒हिरेदग्ग् स्यो॒नम् । सर॑स्वती॒ स्वप॑स-स्सदन्तु ॥

य इ॒मे द्यावा॑पृथि॒वी जनि॑त्री । रू॒पैरपिग्ं॑श॒-द्भुव॑नानि॒ विश्वा᳚ । तम॒द्य हो॑तरिषि॒तो यजी॑यान् ।

दे॒व-न्त्वष्टा॑रमि॒ह य॑क्षि वि॒द्वान् ॥ 10 ॥

उ॒पाव॑सृज॒त्-त्मन्या॑ सम॒ञ्जन्न् । दे॒वाना॒-म्पाथ॑ ऋतु॒था ह॒वीग्ंषि॑ । वन॒स्पतिः॑ शमि॒ता दे॒वो अ॒ग्निः । स्वद॑न्तु ह॒व्य-म्मधु॑ना घृ॒तेन॑ ॥

स॒द्यो जा॒तो व्य॑मिमीत य॒ज्ञम् । अ॒ग्नि-र्दे॒वाना॑-मभवत्-पुरो॒गाः । अ॒स्य होतुः॑ प्र॒दिश्यृ॒तस्य॑ वा॒चि ।

स्वाहा॑कृतग्ं ह॒विर॑दन्तु दे॒वाः ॥ 11 ॥

(य॒ज्ञैः - स्यो॒नं - ँयज॑द्ध्यै - वि॒द्वान॒ - +ष्टौ च॑) (अ. 3)

अनुवाकं 4 - पर्यग्निकरणीया ऋचः

अ॒ग्निर्-होता॑ नो अद्ध्व॒रे । वा॒जी सन्-परि॑णीयते ।

दे॒वो दे॒वेषु॑ य॒ज्ञियः॑ ॥ परि॑ त्रिवि॒ष्ट्य॑द्ध्व॒रम् । यात्य॒ग्नी र॒थीरि॑व । आ दे॒वेषु॒ प्रयो॒ दध॑त् ॥ परि॒ वाज॑पतिः क॒विः । अ॒ग्निर्-ह॒व्या न्य॑क्रमीत् ।

दध॒-द्रत्ना॑नि दा॒शुषे᳚ ॥ 12 ॥

(अ॒ग्निर्-होता॑ नो॒ नव॑) (अ. 4)

अनुवाकं 5 - मैत्रावरुणप्रैषः

अजै॑द॒ग्निः । अस॑न॒द्वाज॒-न्नि । दे॒वो दे॒वेभ्यो॑ ह॒व्या-ऽवा᳚ट् । प्राञ्जो॑भिर्-हिन्वा॒नः ।

धेना॑भिः॒ कल्प॑मानः । य॒ज्ञस्यायुः॑ प्रति॒रन्न् ।

उप॒ प्रेष्य॑ होतः । ह॒व्या दे॒वेभ्यः॑ ॥ 13 ॥

(अजै॑द॒ष्टौ) (अ. 5)

अनुवाकं 6 - होतुरध्रिगुप्रैषः

दैव्या᳚-श्शमितार उ॒त म॑नुष्या॒ आर॑भद्ध्वम् । उप॑ नयत॒ मेद्ध्या॒ दुरः॑ । आ॒शासा॑ना॒ मेध॑पतिभ्या॒-म्मेध᳚म् । प्रास्मा॑ अ॒ग्नि-म्भ॑रत । स्तृ॒णी॒त ब॒र्॒हिः । अन्वे॑न-म्मा॒ता म॑न्यताम् । अनु॑ पि॒ता ।

अनु॒ भ्राता॒ सग॑र्भ्यः । अनु॒ सखा॒ सयू᳚थ्यः ॥

उ॒दी॒चीनाग्ं॑ अस्य प॒दो निध॑त्तात् ॥ 14 ॥

सूर्य॒-ञ्चक्षु॑र्गमयतात् । वात॑-म्प्रा॒णम॒न्व-व॑सृजतात् । दिश॒-श्श्रोत्र᳚म् । अ॒न्तरि॑क्ष॒मसु᳚म् । पृ॒थि॒वीग्ं शरी॑रम् । ए॒क॒धा-ऽस्य॒ त्वच॒माच्छ्य॑तात् । पु॒रा नाभ्या॑ अपि॒शसो॑ व॒पामुत्खि॑दतात् । अ॒न्तरे॒वोष्माणं॑-वाँरयतात् । श्ये॒नम॑स्य॒ वक्षः॑ कृणुतात् । प्र॒शसा॑ बा॒हू ॥ 15 ॥

श॒ला दो॒षणी᳚ । क॒श्यपे॒वाग्ंसा᳚ । अच्छि॑द्रे॒ श्रोणी᳚ ।

क॒वषो॒रू स्रे॒कप॑र्णा-ऽष्ठी॒वन्ता᳚ । षड्विग्ं॑शतिरस्य॒ वङ्क्र॑यः ।

ता अ॑नु॒ष्ठ्योच्च्या॑वयतात् । गात्र॑-ङ्गात्रम॒स्यानू॑न-ङ्कृणुतात् । ऊ॒व॒द्ध्य॒गो॒ह-म्पार्थि॑व-ङ्खनतात् । अ॒स्ना रक्ष॒-स्सग्ंसृ॑जतात् ।

व॒नि॒ष्ठुम॑स्य॒ मा रा॑विष्ट ॥ 16 ॥

उरू॑क॒-म्मन्य॑मानाः ॥ नेद्व॑स्तो॒के तन॑ये । रवि॑ता॒ रव॑च्छमितारः । अद्ध्रि॑गो शमी॒द्ध्वम् । सु॒शमि॑ शमीद्ध्वम् । श॒मी॒द्ध्व-म॑द्ध्रिगो ॥

अद्ध्रि॑गु॒श्चापा॑पश्च । उ॒भौ दे॒वानाग्ं॑ शमि॒तारौ᳚ । तावि॒म-म्प॒शुग्ग् श्र॑पयता-म्प्रवि॒द्वाग्ंसौ᳚ ।

यथा॑ यथा-ऽस्य॒ श्रप॑ण॒-न्तथा॑तथा ॥ 17 ॥

[ध॒त्ता॒-द्- बा॒हू - मा रा॑विष्ट॒ - तथा॑तथा ] (अ. 6)

अनुवाकं 7 - स्तोकविषय-म्मैत्रावरुणानुवचनम्

जु॒षस्व॑ स॒प्रथ॑स्तमम् । वचो॑ दे॒वफ्स॑रस्तमम् ।

ह॒व्या जुह्वा॑न आ॒सनि॑ ॥ इ॒म-न्नो॑ य॒ज्ञम॒मृते॑षु धेहि । इ॒मा ह॒व्या जा॑तवेदो जुषस्व । स्तो॒काना॑मग्ने॒ मेद॑सो घृ॒तस्य॑ । होतः॒ प्राशा॑न प्रथ॒मो नि॒षद्य॑ ॥ घृ॒तव॑न्तः पावक ते ।

स्तो॒कास्श्चो॑तन्ति॒ मेद॑सः । स्वध॑र्म-न्दे॒ववी॑तये ॥ 18 ॥

श्रेष्ठ॑-न्नो धेहि॒ वार्य᳚म् ॥ तुभ्यग्ग्॑ स्तो॒का घृ॑त॒श्चुतः॑ । अग्ने॒ विप्रा॑य सन्त्य । ऋषि॒-श्श्रेष्ठ॒-स्समि॑द्ध्यसे । य॒ज्ञस्य॑ प्रावि॒ता भ॑व ॥

तुभ्यग्ग्॑ श्चोतन्त्यद्ध्रिगो शचीवः । स्तो॒कासो॑ अग्ने॒ मेद॑सो घृ॒तस्य॑ । क॒वि॒श॒स्तो बृ॑ह॒ता भा॒नुना-ऽऽगाः᳚ । ह॒व्या जु॑षस्व मेधिर ॥

ओजि॑ष्ठ-न्ते मद्ध्य॒तो मेद॒ उद्भृ॑तम् । प्रते॑ व॒य-न्द॑दामहे । श्चोत॑न्ति ते वसो स्तो॒का अधि॑ त्व॒चि ।

प्रति॒ तान्दे॑व॒शो वि॑हि ॥ 19 ॥

(दे॒ववी॑तय॒-उद्भृ॑त॒-न्त्रीणि॑ च) (अ. 7)

अनुवाकं 8 - वपा पुरोडाशस्विष्टकृता-म्पुरोनुवाक्याः प्रैषाश्च

आ वृ॑त्रहणा वृत्र॒हभि॒-श्शुष्मैः᳚ । इन्द्र॑ या॒त-न्नमो॑भिरग्ने अ॒र्वाक् । यु॒वग्ं राधो॑भि॒रक॑वेभिरिन्द्र । अग्ने॑ अ॒स्मे भ॑वतमुत्त॒मेभिः॑ ॥ होता॑ यक्षदिन्द्रा॒ग्नी । छाग॑स्य व॒पाया॒ मेद॑सः । जु॒षेताग्ं॑ ह॒विः । होत॒र्यज॑ ॥ वि ह्यख्य॒-न्मन॑सा॒ वस्य॑ इ॒च्छन्न् । इन्द्रा᳚ग्नी ज्ञा॒स उ॒त वा॑ सजा॒तान् ॥ 20 ॥

नान्या यु॒वत्प्रम॑तिरस्ति॒ मह्य᳚म् । स वा॒-न्धियं॑-वाँज॒यन्ती॑मतक्षम् ॥ होता॑ यक्षदिन्द्रा॒ग्नी । पु॒रो॒डाश॑स्य जु॒षेताग्ं॑ ह॒विः । होत॒र्यज॑ ॥

त्वामी॑डते अजि॒र-न्दू॒त्या॑य । ह॒विष्म॑न्त॒-स्सद॒मि-न्मानु॑षासः । यस्य॑ दे॒वैरास॑दो ब॒र्॒हिर॑ग्ने । अहा᳚न्यस्मै सु॒दिना॑ भवन्तु ॥ होता॑ यक्षद॒ग्निम् । पु॒रो॒डाश॑स्य जु॒षताग्ं॑ ह॒विः ।

होत॒र्यज॑ ॥ 21 ॥

(स॒जा॒ता - न॒ग्नि-न्द्वे च॑) (अ. 8)

अनुवाकं 9 - तेषामेव याज्याः

गी॒र्भिर्विप्रः॒ प्रम॑तिमि॒च्छमा॑नः । ई॒॑ र॒यिं-यँ॒शस॑-म्पूर्व॒भाज᳚म् । इन्द्रा᳚ग्नी वृत्रहणा सुवज्रा । प्रणो॒ नव्ये॑भिस्तिरत-न्दे॒ष्णैः ॥ माच्छे᳚द्म र॒श्मीग्ंरिति॒ नाध॑मानाः । पि॒तृ॒णाग्ं शक्ती॑रनु॒ यच्छ॑मानाः । इ॒न्द्रा॒ग्निभ्या॒-ङ्कं-वृँष॑णो मदन्ति । ता ह्यद्री॑ धि॒षणा॑या उ॒पस्थे᳚ ॥

अ॒ग्निग्ं सु॑दी॒तिग्ं सु॒दृश॑-ङ्गृ॒णन्तः॑ ।

न॒म॒स्याम॒स्त्वेड्य॑-ञ्जातवेदः ।

त्वा-न्दू॒तम॑र॒तिग्ं ह॑व्य॒वाह᳚म् ।

दे॒वा अ॑कृण्व-न्न॒मृत॑स्य॒ नाभि᳚म् ॥ 22 ॥

(जा॒त॒वे॒दो॒ द्वे च॑) (अ. 9)

अनुवाकं 10 - मनोतासूक्तम्

त्वग्ग् ह्य॑ग्ने प्रथ॒मो म॒नोता᳚ । अ॒स्या धि॒यो अभ॑वो दस्म॒ होता᳚ । त्वग्ं सीं᳚-वृँष-न्नकृणो-र्दु॒ष्टरी॑तु । सहो॒ विश्व॑स्मै॒ सह॑से॒ सह॑द्ध्यै ॥ अधा॒ होता॒ न्य॑सीदो॒ यजी॑यान् । इ॒डस्प॒द इ॒षय॒न्नीड्य॒-स्सन्न् । त-न्त्वा॒ नरः॑ प्रथ॒म-न्दे॑व॒यन्तः॑ । म॒हो रा॒ये चि॒तय॑न्तो॒ अनु॑ ग्मन्न् ॥ वृ॒तेव॒ यन्त॑-म्ब॒हुभि॑-र्वस॒व्यैः᳚ ।

त्वे र॒यि-ञ्जा॑गृ॒वाग्ंसो॒ अनु॑ ग्मन्न् ॥ 23 ॥

रुश॑न्तम॒ग्नि-न्द॑र्श॒त-म्बृ॒हन्त᳚म् । व॒पाव॑न्तं-विँ॒श्वहा॑ दीदि॒वाग्ंस᳚म् ॥ प॒द-न्दे॒वस्य॒ नम॑सा वि॒यन्तः॑ । श्र॒व॒स्यव॒-श्श्रव॑ आप॒न्नमृ॑क्तम् ।

नामा॑नि चि-द्दधिरे य॒ज्ञिया॑नि । भ॒द्राया᳚-न्ते रणयन्त॒ सन्दृ॑ष्टौ ॥ त्वां-वँ॑र्धन्ति क्षि॒तयः॑ पृथि॒व्याम् । त्वग्ं राय॑ उ॒भया॑सो॒ जना॑नाम् ।

त्व-न्त्रा॒ता त॑रणे॒ चेत्यो॑ भूः ।

पि॒ता मा॒ता सद॒मि-न्मानु॑षाणाम् ॥ 24 ॥

स प॒र्येण्य॒-स्स प्रि॒यो वि॒क्ष्व॑ग्निः । होता॑ म॒न्द्रो निष॑सादा॒ यजी॑यान् । त-न्त्वा॑ व॒य-न्दम॒ आ दी॑दि॒वाग्ंस᳚म् । उप॑ज्ञु॒बाधो॒ नम॑सा सदेम ॥

त-न्त्वा॑ व॒यग्ं सु॒धियो॒ नव्य॑मग्ने । सु॒म्ना॒यव॑ ईमहे देव॒यन्तः॑ । त्वं-विँशो॑ अनयो॒ दीद्या॑नः । दि॒वो अ॑ग्ने बृह॒ता रो॑च॒नेन॑ ॥

वि॒शा-ङ्क॒विं-विँ॒श्पति॒ग्ं॒ शश्व॑तीनाम् ।

नि॒तोश॑नं-वृँष॒भ-ञ्च॑र्षणी॒नाम् ॥ 25 ॥

प्रेती॑षणिमि॒षय॑न्त-म्पाव॒कम् । राज॑न्तम॒ग्निं-यँ॑ज॒तग्ं र॑यी॒णाम् ॥ सो अ॑ग्न ईजे शश॒मे च॒ मर्तः॑ । यस्त॒ आन॑ट्-थ्स॒मिधा॑ ह॒व्यदा॑तिम् ।

य आहु॑ति॒-म्परि॒ वेदा॒ नमो॑भिः । विश्वेथ्स वा॒मा द॑धते॒ त्वोतः॑ ॥ अ॒स्मा उ॑ ते॒ महि॑ म॒हे वि॑धेम । नमो॑भिरग्ने स॒मिधो॒त ह॒व्यैः ।

वेदी॑ सूनो सहसो गी॒र्भिरु॒क्थैः ।

आ ते॑ भ॒द्रायाग्ं॑ सुम॒तौ य॑तेम ॥ 26 ॥

आ यस्त॒तन्थ॒ रोद॑सी॒ वि भा॒सा । श्रवो॑भिश्च श्रव॒स्य॑स्तरु॑त्रः । बृ॒हद्भि॒-र्वाजै॒-स्स्थवि॑रेभिर॒स्मे । रे॒वद्भि॑रग्ने वित॒रं-विँभा॑हि ॥

नृ॒वद्व॑सो॒ सद॒मिद्धे᳚ह्य॒स्मे । भूरि॑ तो॒काय॒ तन॑याय प॒र्श्वः । पू॒र्वीरिषो॑ बृह॒तीरा॒रे अ॑घाः । अ॒स्मे भ॒द्रा सौ᳚श्रव॒सानि॑ सन्तु ॥

पु॒रूण्य॑ग्ने पुरु॒धा त्वा॒या । वसू॑नि राजन्-व॒सुता॑ते अश्याम् । पु॒रूणि॒ हि त्वे पु॑रुवार॒ सन्ति॑ ।

अग्ने॒ वसु॑ विध॒ते राज॑नि॒ त्वे ॥ 27 ॥

(जा॒गृ॒वाग्ंसो॒ अनु॑ ग्म॒न् - मानु॑षाणां - चर्षणी॒नां - ँय॑ते - माश्या॒-न्द्वे च॑) (अ. 10)

अनुवाकं 11 - हविर्वनस्पतिस्विष्टकृता-म्पुरोनुवाक्याः प्रैषाश्च

आ भ॑रतग्ं शिक्षतं-वँज्रबाहू ।

अ॒स्माग्ं इ॑न्द्राग्नी अवत॒ग्ं॒ शची॑भिः ।

इ॒मे नु ते र॒श्मय॒-स्सूर्य॑स्य ।

येभिः॑ सपि॒त्व-म्पि॒तरो॑ न॒ आयन्न्॑ ॥

होता॑ यक्षदिन्द्रा॒ग्नी । छाग॑स्य ह॒विष॒ आत्ता॑म॒द्य । म॒द्ध्य॒तो मेद॒ उद्भृ॑तम् । पु॒रा द्वेषो᳚भ्यः । पु॒रा पौरु॑षेय्या गृ॒भः । घस्ता᳚न्नू॒नम् ॥ 28 ॥

घा॒से अ॑ज्राणां॒-यँव॑सप्रथमानाम् । सु॒मत्क्ष॑राणाग्ं श॒तरु॑द्रियाणाम् ।

अ॒ग्नि॒ष्वा॒त्ताना॒-म्पीवो॑पवसनानाम् ।

पा॒र्श्व॒त-श्श्रो॑णि॒त-श्शि॑ताम॒त उ॑थ्साद॒तः । अङ्गा॑दङ्गा॒दव॑त्तानाम् । कर॑त ए॒वेन्द्रा॒ग्नी । जु॒षेताग्ं॑ ह॒विः । होत॒र्यज॑ ॥

दे॒वेभ्यो॑ वनस्पते ह॒वीग्ंषि॑ ।

हिर॑ण्यपर्ण प्र॒दिव॑स्ते॒ अर्थ᳚म् ॥ 29 ॥

प्र॒द॒क्षि॒णि-द्र॑श॒नया॑ नि॒यूय॑ । ऋ॒तस्य॑ वक्षि प॒थिभी॒ रजि॑ष्ठैः ॥ होता॑ यक्ष॒-द्वन॒स्पति॑म॒भि हि । पि॒ष्टत॑मया॒ रभि॑ष्ठया रश॒नया-ऽऽधि॑त ।

यत्रे᳚न्द्राग्नि॒यो-श्छाग॑स्य ह॒विषः॑ प्रि॒या धामा॑नि ।

यत्र॒ वन॒स्पतेः᳚ प्रि॒या पाथाग्ं॑सि ।

यत्र॑ दे॒वाना॑माज्य॒पाना᳚-म्प्रि॒या धामा॑नि । यत्रा॒ग्नेर्-होतुः॑ प्रि॒या धामा॑नि ।

तत्रै॒त-म्प्र॒स्तु-त्ये॑वो-प॒स्तुत्ये॑वो॒पाव॑स्रक्षत् ।

रभी॑याग्ं समिव कृ॒त्वी ॥ 30 ॥

कर॑दे॒व-न्दे॒वो वन॒स्पतिः॑ । जु॒षताग्ं॑ ह॒विः । होत॒र्यज॑ ॥ पि॒प्री॒हि दे॒वाग्ं उ॑श॒तो य॑विष्ठ । वि॒द्वां ऋ॒तूग्ंर्-ऋ॑तुपते यजे॒ह ।

ये दैव्या॑ ऋ॒त्विज॒स्तेभि॑रग्ने ।

त्वग्ं होतॄ॑णाम॒स्याय॑जिष्ठः ॥

होता॑ यक्षद॒ग्निग्ग् स्वि॑ष्ट॒कृत᳚म् ।

अया॑ड॒ग्नि-रि॑न्द्राग्नि॒यो-श्छाग॑स्य ह॒विषः॑ प्रि॒या धामा॑नि । अया॒ड्वन॒स्पतेः᳚ प्रि॒या पाथाग्ं॑सि ।

अया᳚ड्दे॒वाना॑-माज्य॒पाना᳚-म्प्रि॒या धामा॑नि ।

यक्ष॑द॒ग्नेर्-होतुः॑ प्रि॒या धामा॑नि । यक्ष॒-थ्स्व-म्म॑हि॒मान᳚म् । आय॑जता॒मेज्या॒ इषः॑ । कृ॒णोतु॒ सो अ॑द्ध्व॒रा जा॒तवे॑दाः । जु॒षताग्ं॑ ह॒विः । होत॒र्यज॑ ॥ 31 ॥

(नू॒न - मर्थं॑ - कृ॒त्वी - पाथाग्ं॑सि स॒प्त च॑) (अ. 11)

अनुवाकं 12 - तेषामेव याज्याः

उपो॑ह॒ यद्वि॒दथं॑-वाँ॒जिनो॒ गूः । गी॒र्भि-र्विप्राः॒ प्रम॑ति-मि॒च्छमा॑नाः । अ॒र्वन्तो॒ न काष्ठा॒-न्नक्ष॑माणाः । इ॒न्द्रा॒ग्नी जोहु॑वतो॒ नर॒स्ते ॥

वन॑स्पते रश॒नया॑-ऽभि॒धाय॑ । पि॒ष्टत॑मया व॒युना॑नि वि॒द्वान् । वह॑ देव॒त्रा दि॑धिषो ह॒वीग्ंषि॑ । प्र च॑ दा॒तार॑म॒मृते॑षु वोचः ॥ अ॒ग्निग्ग् स्वि॑ष्ट॒कृत᳚म् । अया॑ड॒ग्नि-रि॑न्द्राग्नि॒यो-श्छाग॑स्य ह॒विषः॑ प्रि॒या धामा॑नि ॥ 32 ॥

अया॒ड्वन॒स्पतेः᳚ प्रि॒या पाथाग्ं॑सि ।

अया᳚ड्दे॒वाना॑-माज्य॒पाना᳚-म्प्रि॒या धामा॑नि ।

यक्ष॑द॒ग्नेर्-होतुः॑ प्रि॒या धामा॑नि । यक्ष॒-थ्स्व-म्म॑हि॒मान᳚म् । आय॑जता॒मेज्या॒ इषः॑ । कृ॒णोतु॒ सो अ॑द्ध्व॒रा जा॒तवे॑दाः । जु॒षताग्ं॑ ह॒विः । अग्ने॒ यद॒द्य वि॒शो अ॑द्ध्वरस्य होतः ।

पाव॑क शोचे॒ वेष्ट्वग्ं हि यज्वा᳚ ।

ऋ॒ता य॑जासि महि॒ना वि य-द्भूः ।

ह॒व्या व॑ह यविष्ठ॒ या ते॑ अ॒द्य ॥ 33 ॥

(धामा॑नि॒ - भुरेक॑-ञ्च) (अ. 12)

अनुवाकं 13 - अनूयाजप्रैषाः

दे॒व-म्ब॒र्॒हि-स्सु॑दे॒व-न्दे॒वै-स्स्या-थ्सु॒वीरं॑-वीँ॒रैर्वस्तो᳚-र्वृ॒ज्येता॒क्तोः प्रभ्रि॑-ये॒तात्य॒न्यान्-रा॒या ब॒र्॒हिष्म॑तो मदेम वसु॒वने॑ वसु॒धेय॑स्य वेतु॒ यज॑ ॥ दे॒वी-र्द्वारः॑ सङ्घा॒ते वि॒ड्वीर्याम॑ञ्छिथि॒रा ध्रु॒वा दे॒वहू॑तौ व॒थ्स

ई॑मेना॒स्तरु॑ण॒ आमि॑मीयात्-कुमा॒रो वा॒ नव॑जातो॒ मैना॒ अर्वा॑ रे॒णुक॑काटः॒ पृण॑ग्वसु॒वने॑ वसु॒धेय॑स्य वियन्तु॒ यज॑ ॥ दे॒वी उ॒षासा॒ नक्ता-ऽद्या॒स्मिन्. य॒ज्ञे प्र॑य॒त्य॑ह्वेता॒मपि॑ नू॒न-न्दैवी॒र्विशः॒ प्राया॑सिष्टा॒ग्ं॒ सुप्री॑ते॒ सुधि॑ते वसु॒वने॑ वसु॒धेय॑स्य वीतां॒-यँज॑ ॥

दे॒वी जोष्ट्री॒ वसु॑धिती॒ ययो॑र॒न्या-ऽघा द्वेषाग्ं॑सि यु॒यव॒दा-ऽन्या व॑क्ष॒-द्वसु॒ वार्या॑णि॒ यज॑मानाय वसु॒वने॑ वसु॒धेय॑स्य वीतां॒-यँज॑ ॥

दे॒वी ऊ॒र्जाहु॑ती॒ इष॒मूर्ज॑म॒न्या व॑क्ष॒थ्सग्धि॒ग्ं॒ सपी॑तिम॒न्या नवे॑न॒ पूर्व॒-न्दय॑माना॒-स्स्याम॑ पुरा॒णेन॒ नव॒-न्तामूर्ज॑मू॒र्जाहु॑ती ऊ॒र्जय॑माने अधातां-वँसु॒वने॑ वसु॒धेय॑स्य वीतां॒-यँज॑ ॥

दे॒वा दैव्या॒ होता॑रा॒ नेष्टा॑रा॒ पोता॑रा ह॒ताघ॑शग्ंसा-वाभ॒रद्व॑सू वसु॒वने॑ वसु॒धेय॑स्य वीतां॒-यँज॑ ॥

दे॒वीस्ति॒स्रस्ति॒स्रो दे॒वीरिडा॒ सर॑स्वती॒ भार॑ती॒ द्या-म्भार॑त्यादि॒त्यै-र॑स्पृक्ष॒-थ्सर॑स्वती॒मग्ं रु॒द्रै-र्य॒ज्ञमा॑वी-दि॒हैवेड॑या॒ वसु॑मत्या

सध॒माद॑-म्मदेम वसु॒वने॑ वसु॒धेय॑स्य वियन्तु॒ यज॑ ॥

दे॒वो नरा॒शग्ंस॑-स्त्रिशी॒र्॒षा ष॑ड॒क्ष-श्श॒तमिदे॑नग्ं शितिपृ॒ष्ठा आद॑धति स॒हस्र॑मी॒-म्प्रव॑हन्ति मि॒त्रावरु॒णेद॑स्य हो॒त्रमर्ह॑तो॒

बृह॒स्पतिः॑ स्तो॒त्रम॒श्विना ऽऽद्ध्व॑र्यवं-वँसु॒वने॑ वसु॒धेय॑स्य वेतु॒ यज॑ ॥

दे॒वो वन॒स्पति॑-र्व॒र्॒षप्रा॑वा घृ॒तनि॑र्णि॒ग्-द्या-

मग्रे॒णास्पृ॑क्ष॒दा-ऽन्तरि॑क्ष॒-म्मद्ध्ये॑नाप्राः पृथि॒वी-मुप॑रेणादृग्ंही-द्वसु॒वने॑ वसु॒धेय॑स्य वेतु॒ यज॑ ॥

दे॒व-म्ब॒र्॒हिर्वारि॑तीना-न्नि॒धे धा॑सि॒ प्रच्यु॑तीना॒म-प्र॑च्युत-न्निकाम॒धर॑ण-म्पुरुस्पा॒र्॒हं-यँश॑स्वदे॒ना ब॒र्॒हिषा॒-ऽन्या ब॒र्॒हीग्ष्य॒भिष्या॑म वसु॒वने॑ वसु॒धेय॑स्य वेतु॒ यज॑ ॥

दे॒वो अ॒ग्नि-स्स्वि॑ष्ट॒कृ-थ्सु॒द्रवि॑णा म॒न्द्रः क॒वि-स्स॒त्यम॑न्मा-ऽऽय॒जी होता॒ होतु॑र्-होतु॒राय॑जीया॒नग्ने॒ यान्-दे॒वानया॒ड्याग्ं अपि॑प्रे॒र्ये ते॑ हो॒त्रे अम॑थ्सत॒ ताग्ं स॑स॒नुषी॒ग्ं॒ होत्रा᳚-न्देव-ङ्ग॒मा-न्दि॒वि दे॒वेषु॑ य॒ज्ञमेर॑ये॒मग्ग्

स्वि॑ष्ट॒कृच्चाग्ने॒ होता-ऽभू᳚र्वसु॒वने॑ वसु॒धेय॑स्य नमोवा॒के वीहि॒ यज॑ ॥ 34 ॥

(यजैक॑-ञ्च) (अ. 13)

अनुवाकं 14 - अनूयाजयाज्याः

दे॒व-म्ब॒र्॒हिः । व॒सु॒वने॑ वसु॒धेय॑स्य वेतु ।

दे॒वीर्द्वारः॑ । व॒सु॒वने॑ वसु॒धेय॑स्य वियन्तु । दे॒वी उ॒षासा॒ नक्ता᳚ । व॒सु॒वने॑ वसु॒धेय॑स्य वीताम् । दे॒वी जोष्ट्री᳚ । व॒सु॒वने॑ वसु॒धेय॑स्य वीताम् ।

दे॒वी ऊ॒र्जाहु॑ती । व॒सु॒वने॑ वसु॒धेय॑स्य वीताम् ॥ 35 ॥

दे॒वा दैव्या॒ होता॑रा । व॒सु॒वने॑ वसु॒धेय॑स्य वीताम् । दे॒वीस्ति॒स्र-स्ति॒स्रो दे॒वीः ।

व॒सु॒वने॑ वसु॒धेय॑स्य वियन्तु ।

दे॒वो नरा॒शग्ंसः॑ । व॒सु॒वने॑ वसु॒धेय॑स्य वेतु । दे॒वो वन॒स्पतिः॑ । व॒सु॒वने॑ वसु॒धेय॑स्य वेतु । दे॒व-म्ब॒र्॒हिर्वारि॑तीनाम् । व॒सु॒वने॑ वसु॒धेय॑स्य वेतु ॥ 36 ॥

दे॒वो अ॒ग्नि-स्स्वि॑ष्ट॒कृत् । सु॒द्रवि॑णा म॒न्द्रः क॒विः । स॒त्यम॑न्मा-ऽऽय॒जी होता᳚ । होतु॑र्-होतु॒राय॑जीयान् ।

अग्ने॒ यान्दे॒वानया᳚ट् । याग्ं अपि॑प्रेः । ये ते॑ हो॒त्रे अम॑थ्सत । ताग्ं स॑स॒नुषी॒ग्ं॒ होत्रा᳚-न्देव-ङ्ग॒माम् । दि॒वि दे॒वेषु॑ य॒ज्ञमेर॑ये॒मम् । स्वि॒ष्ट॒कृच्चाग्ने॒ होता-ऽभूः᳚ ।

व॒सु॒वने॑ वसु॒धेय॑स्य नमोवा॒के वीहि॑ ॥ 37 ॥

(वी॒तां॒ - ँवे॒त्व - भू॒रेक॑-ञ्च) (अ. 14)

अनुवाकं 15 - सूक्तवाकप्रैषाः

अ॒ग्निम॒द्य होता॑रमवृणीता॒यं-यँज॑मानः॒ पच॑-न्प॒क्तीः पच॑-न्पुरो॒डाशं॑

ब॒द्ध्न-न्नि॑न्द्रा॒ग्निभ्या॒-ञ्छागग्ं॑ सूप॒स्था अ॒द्य दे॒वो वन॒स्पति॑-रभव-दिन्द्रा॒ग्निभ्या॒-ञ्छागे॒नाघ॑स्ता॒-न्त-म्मे॑द॒स्तः प्रति॑ पच॒ता-ऽग्र॑भीष्टा॒मवी॑वृधेता-म्पुरो॒डाशे॑न॒ त्वाम॒द्यर्ष॑ आर्षेयर्षीणा-न्नपादवृणीता॒यं-यँज॑मानो ब॒हुभ्य॒ आ सङ्ग॑तेभ्य ए॒ष मे॑ दे॒वेषु॒ वसु॒ वार्या य॑क्ष्यत॒ इति॒ ता या

दे॒वा दे॑व॒-दाना॒न्यदु॒स्तान्य॑स्मा॒ आ च॒ शास्वा च॑ गुरस्वेषि॒तश्च॑ होत॒रसि॑ भद्र॒वाच्या॑य॒ प्रेषि॑तो॒ मानु॑ष-स्सूक्तवा॒काय॑ सू॒क्ता ब्रू॑हि ॥ 38 ॥

(अ॒ग्निम॒द्यैक᳚म्) (अ. 15)

(अ॒ञ्जन्ति॒ - होता॑ यक्ष॒थ् - समि॑द्वो अ॒द्या - ग्नि - रजै॒-द्- दैव्या॑ - जु॒षस् - वा वृ॑त्रहणा - गी॒र्भि - स्त्वग्ग् ह्या - भ॑रत॒ - मुपो॑ह॒ य-द्- दे॒व-म्ब॒र्॒हि-स्सु॑दे॒वं - दे॒व-म्ब॒र्॒हि - र॒ग्निम॒द्य पञ्च॑दश)

(अ॒ञ्जन् - त्यु॒पाव॑सृज॒न् - नान्या यु॒वत् - कर॑दे॒व म॒ष्टात्रिग्ं॑शत्)

(अ॒ञ्जन्ति॑ - सू॒क्ता ब्रू॑हि)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे तृतीयाष्टके षष्ठः प्रपाठक-स्समाप्तः ॥