śrīmadvālmīkīya rāmāyaṇe yuddhakāṇḍam |
atha saptādhikaśatatamassargaḥ |
tatoyuddhapariśrāntaṃsamarecintayāsthitam |
Verse 1
rāvaṇañcāgratodṛṣṭavāyuddhāyasamupasthitam || 1 ||
daivataiścasamāgamyadraṣṭumabhyāgatoraṇam |
Verse 2
upāgamyābravīdrāmamagastyobhagavān ṛṣiḥ || 2 ||
rāma rāma mahābāho śṛṇuguhyaṃsanātanam |
Verse 3
yenasarvānarīsvatsasamarevijayiṣyase || 3 ||
ādityahṛdayampuṇyaṃsarvaśatruvināśanam |
Verse 4
jayāvahañjapennityamakṣayyamparamaṃśivam || 4 ||
sarvamaṅgalamaṅgalyaṃsarvapāpapraṇāśanam |
Verse 5
cintāśokapraśamanamāyurvardhanamuttamam || 5 ||
rasmīmantaṃsamudyantandevāsuranamaskṛtam |
Verse 6
pūjayasvavivastvantambhāskarambhuvaneśvaram || 6 ||
sarvadevātmakohyeṣatejasvīrasmībhāvanaḥ |
Verse 7
eṣadevāsuragaṇānlokānpātigabhastibhiḥ || 7 ||
eṣabrahmā ca viṣṇuścaśivaḥskandhaḥprajāpatiḥ |
Verse 8
mahendrodhanadaḥkāloyamaḥsomohyapāmpatiḥ || 8 ||
pitarovasavassādhyāaśvinaumarutomanuḥ |
Verse 9
vāyurvahniḥprajāḥprāṇaṛtukartāprabhākaraḥ || 9 ||
ādityaḥsavitāsūryaḥkhagaḥpūṣāgabhastimān |
Verse 10
suvarṇasadṛśobhānurhiraṇyaretādivākaraḥ || 10 ||
haridaśvassahasrārcissaptasaptirmarīcimān |
Verse 11
timironmathanaśśambhustvaṣṭāmārtaṇḍako'ṃśumān || 11 ||
hiraṇyagarbhaśśiśirastapanobhāskaroraviḥ |
Verse 12
agnigarbho'diteḥputraḥśaṅghaśśiśiranāśanaḥ || 12 ||
vyomanāthastamobhedīṛgyajussāmapāragaḥ |
Verse 13
ghanavṛṣṭirapāmmitrovindhyavīthīplavaṅgamaḥ || 13 ||
ātapīmaṇḍalemṛtyuḥpiṅgalassarvatāpanaḥ |
Verse 14
kavirviśvomahātejāraktassarvabhavodbhavaḥ || 14 ||
nakṣatragrahatārāṇāmadhipoviśvabhāvanaḥ |
Verse 15
tejasāmapitejasvīdvādaśātmannamo'stute || 15 ||
namaḥpūrvāyagirayepaścimāyādrayenamaḥ |
Verse 16
jyotirgaṇānāmpatayedinādhipatayenamaḥ || 16 ||
jayāyajayabhadrāyaharyaśvāyanamonamaḥ |
Verse 17
namonamassahasrāṃśoādityāyanamonamaḥ || 17 ||
giriśṛṅgāṇi vṛkṣāṃśca tathā śūlaparaśvadhān |
Verse 18
māyā vihitametattu śastravarṣamapātayat || 18 ||
brahmeśānācyuteśāyasūryāyādityavarcase |
Verse 19
bhāsvatesarvabhakṣāyaraudrāyavapuṣenamaḥ || 19 ||
tamoghnāyahimaghnāyaśatrughnāyāmitātmane |
Verse 20
kṛtaghnaghnāyadevāyajyotiṣāmpatayenamaḥ || 20 ||
eṣasupteṣujāgartibhūteṣupariniṣṭhitaḥ |
Verse 21
eṣacaivāgnihotraṃ ca phalañcaivāgnihotriṇām || 21 ||
vedaścakratavaścaivakratūnāmphalameva ca |
Verse 22
yānikṛtyānilokeṣusarveṣuparamaprabhuḥ || 22 ||
enamāpatsukṛcchreṣukāntāreṣubhayeṣu ca |
Verse 23
kīrtayanpuruṣaḥkaścināvasīdatirāghava || 23 ||
pūjayasvainamekāgrodevadevañjagatpatim |
Verse 24
etattriguṇitañjaptvāyuddheṣuvijayiṣyasi || 24 ||
asmin kṣaṇemahābāhorāvaṇantvaṃvadhiṣyasi |
Verse 25
evamuktvātato'gastyojagāma sa yathāgatam || 25 ||
etacchrutvāmahātejānaṣṭaśoko'bhavattadā |
Verse 26
dhārayāmāsasuprītorāghavaḥprayatātmavān || 26 ||
ādityamprekṣyajaptvātuparaṃharṣamavāptavān |
Verse 27
trirācamyaśucirbhūtvādhanurādāyavīryavān || 27 ||
rāvaṇamprekṣyahṛṣṭātmāyuddhārthaṃsamupāgamat |
Verse 28
sarvayatnenamahatāvadhetasyadhṛto'bhavat || 28 ||
atharaviravadannirīkṣyarāmammuditamanāḥparamamprahṛṣyamāṇaḥ |
Verse 29
niśicarapatisaṅkṣyaṃviditvāsuragaṇamadhyagatovacastvareti || 29 ||
ityārṣe śrīmadrāmāyaṇe vālmīkīya ādikāvye yuddhakāṇḍe saptādhikaśatatamassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ सप्ताधिकशततमस्सर्गः ।
ततोयुद्धपरिश्रान्तंसमरेचिन्तयास्थितम् ।
रावणञ्चाग्रतोदृष्टवायुद्धायसमुपस्थितम् ॥ 1 ॥
दैवतैश्चसमागम्यद्रष्टुमभ्यागतोरणम् ।
उपागम्याब्रवीद्राममगस्त्योभगवान् ऋषिः ॥ 2 ॥
राम राम महाबाहो शृणुगुह्यंसनातनम् ।
येनसर्वानरीस्वत्ससमरेविजयिष्यसे ॥ 3 ॥
आदित्यहृदयम्पुण्यंसर्वशत्रुविनाशनम् ।
जयावहञ्जपेन्नित्यमक्षय्यम्परमंशिवम् ॥ 4 ॥
सर्वमङ्गलमङ्गल्यंसर्वपापप्रणाशनम् ।
चिन्ताशोकप्रशमनमायुर्वर्धनमुत्तमम् ॥ 5 ॥
रस्मीमन्तंसमुद्यन्तन्देवासुरनमस्कृतम् ।
पूजयस्वविवस्त्वन्तम्भास्करम्भुवनेश्वरम् ॥ 6 ॥
सर्वदेवात्मकोह्येषतेजस्वीरस्मीभावनः ।
एषदेवासुरगणान्लोकान्पातिगभस्तिभिः ॥ 7 ॥
एषब्रह्मा च विष्णुश्चशिवःस्कन्धःप्रजापतिः ।
महेन्द्रोधनदःकालोयमःसोमोह्यपाम्पतिः ॥ 8 ॥
पितरोवसवस्साध्याअश्विनौमरुतोमनुः ।
वायुर्वह्निःप्रजाःप्राणऋतुकर्ताप्रभाकरः ॥ 9 ॥
आदित्यःसवितासूर्यःखगःपूषागभस्तिमान् ।
सुवर्णसदृशोभानुर्हिरण्यरेतादिवाकरः ॥ 10 ॥
हरिदश्वस्सहस्रार्चिस्सप्तसप्तिर्मरीचिमान् ।
तिमिरोन्मथनश्शम्भुस्त्वष्टामार्तण्डकोऽंशुमान् ॥ 11 ॥
हिरण्यगर्भश्शिशिरस्तपनोभास्करोरविः ।
अग्निगर्भोऽदितेःपुत्रःशङ्घश्शिशिरनाशनः ॥ 12 ॥
व्योमनाथस्तमोभेदीऋग्यजुस्सामपारगः ।
घनवृष्टिरपाम्मित्रोविन्ध्यवीथीप्लवङ्गमः ॥ 13 ॥
आतपीमण्डलेमृत्युःपिङ्गलस्सर्वतापनः ।
कविर्विश्वोमहातेजारक्तस्सर्वभवोद्भवः ॥ 14 ॥
नक्षत्रग्रहताराणामधिपोविश्वभावनः ।
तेजसामपितेजस्वीद्वादशात्मन्नमोऽस्तुते ॥ 15 ॥
नमःपूर्वायगिरयेपश्चिमायाद्रयेनमः ।
ज्योतिर्गणानाम्पतयेदिनाधिपतयेनमः ॥ 16 ॥
जयायजयभद्रायहर्यश्वायनमोनमः ।
नमोनमस्सहस्रांशोआदित्यायनमोनमः ॥ 17 ॥
गिरिशृङ्गाणि वृक्षांश्च तथा शूलपरश्वधान् ।
माया विहितमेतत्तु शस्त्रवर्षमपातयत् ॥ 18 ॥
ब्रह्मेशानाच्युतेशायसूर्यायादित्यवर्चसे ।
भास्वतेसर्वभक्षायरौद्रायवपुषेनमः ॥ 19 ॥
तमोघ्नायहिमघ्नायशत्रुघ्नायामितात्मने ।
कृतघ्नघ्नायदेवायज्योतिषाम्पतयेनमः ॥ 20 ॥
एषसुप्तेषुजागर्तिभूतेषुपरिनिष्ठितः ।
एषचैवाग्निहोत्रं च फलञ्चैवाग्निहोत्रिणाम् ॥ 21 ॥
वेदश्चक्रतवश्चैवक्रतूनाम्फलमेव च ।
यानिकृत्यानिलोकेषुसर्वेषुपरमप्रभुः ॥ 22 ॥
एनमापत्सुकृच्छ्रेषुकान्तारेषुभयेषु च ।
कीर्तयन्पुरुषःकश्चिनावसीदतिराघव ॥ 23 ॥
पूजयस्वैनमेकाग्रोदेवदेवञ्जगत्पतिम् ।
एतत्त्रिगुणितञ्जप्त्वायुद्धेषुविजयिष्यसि ॥ 24 ॥
अस्मिन् क्षणेमहाबाहोरावणन्त्वंवधिष्यसि ।
एवमुक्त्वाततोऽगस्त्योजगाम स यथागतम् ॥ 25 ॥
एतच्छ्रुत्वामहातेजानष्टशोकोऽभवत्तदा ।
धारयामाससुप्रीतोराघवःप्रयतात्मवान् ॥ 26 ॥
आदित्यम्प्रेक्ष्यजप्त्वातुपरंहर्षमवाप्तवान् ।
त्रिराचम्यशुचिर्भूत्वाधनुरादायवीर्यवान् ॥ 27 ॥
रावणम्प्रेक्ष्यहृष्टात्मायुद्धार्थंसमुपागमत् ।
सर्वयत्नेनमहतावधेतस्यधृतोऽभवत् ॥ 28 ॥
अथरविरवदन्निरीक्ष्यरामम्मुदितमनाःपरमम्प्रहृष्यमाणः ।
निशिचरपतिसङ्क्ष्यंविदित्वासुरगणमध्यगतोवचस्त्वरेति ॥ 29 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे सप्ताधिकशततमस्सर्गः ॥