asya śrīsiddhalakṣmīstotramantrasya hiraṇyagarbha ṛṣiḥ anuṣṭup chandaḥ, śrīmahākālīmahālakṣmīmahāsarasvatyo devatāḥ śrīṃ bījaṃ hrīṃ śaktiḥ klīṃ kīlakaṃ mama sarvakleśapīḍāparihārārthaṃ sarvaduḥkhadāridryanāśanārthaṃ sarvakāryasiddhyarthaṃ śrīsiddhilakṣmīstotra pāṭhe viniyogaḥ ||
ṛṣyādinyāsaḥ
oṃ hiraṇyagarbha ṛṣaye namaḥ śirasi |
anuṣṭupchandase namo mukhe |
śrīmahākālīmahālakṣmīmahāsarasvatīdevatābhyo namo hṛdiḥ |
śrīṃ bījāya namo guhye |
hrīṃ śaktaye namaḥ pādayoḥ |
klīṃ kīlakāya namo nābhau |
viniyogāya namaḥ sarvāṅgeṣu ||
karanyāsaḥ
oṃ śrīṃ siddhalakṣmyai aṅguṣṭhābhyāṃ namaḥ |
oṃ hrīṃ viṣṇutejase tarjanībhyāṃ namaḥ |
oṃ klīṃ amṛtānandāyai madhyamābhyāṃ namaḥ |
oṃ śrīṃ daityamālinyai anāmikābhyāṃ namaḥ |
oṃ hrīṃ tejaḥ prakāśinyai kaniṣṭhikābhyāṃ namaḥ |
oṃ klīṃ brāhmyai vaiṣṇavyai rudrāṇyai karatala karapṛṣṭhābhyāṃ namaḥ ||
aṅganyāsaḥ
oṃ śrīṃ siddhalakṣmyai hṛdayāya namaḥ |
oṃ hrīṃ viṣṇutejase śirase svāhā |
oṃ klīṃ amṛtānandāyai śikhāyai vaṣaṭ |
oṃ śrīṃ daityamālinyai kavacāya hum |
oṃ hrīṃ tejaḥ prakāśinyai netratrayāya vauṣaṭ |
oṃ klīṃ brāhmyai vaiṣṇavyai rudrāṇyai astrāya phaṭ ||
oṃ śrīṃ hrīṃ klīṃ śrīṃ siddhalakṣmyai namaḥ iti digbandhaḥ ||
atha dhyānam
brāhmīṃ ca vaiṣṇavīṃ bhadrāṃ ṣaḍbhujāṃ ca caturmukhīm |
Verse 1
trinetrāṃ khaḍgatriśūlapadmacakragadādharām || 1 ||
pītāmbaradharāṃ devīṃ nānālaṅkārabhūṣitām |
Verse 2
tejaḥpuñjadharīṃ śreṣṭhāṃ dhyāyedbālakumārikām || 2 ||
atha stotram
oṅkāraṃ lakṣmīrūpaṃ tu viṣṇuṃ vāgbhavamavyayam |
Verse 3
viṣṇumānandamavyaktaṃ hrīṅkāraṃ bījarūpiṇīm || 3 ||
klīṃ amṛtānandinīṃ bhadrāṃ satyānandadāyinīm |
Verse 4
śrīṃ daityaśamanīṃ śaktiṃ mālinīṃ śatrumardinīm || 4 ||
tejaḥ prakāśinīṃ devīṃ varadāṃ śubhakāriṇīm |
Verse 5
brāhmīṃ ca vaiṣṇavīṃ raudrīṃ kālikārūpaśobhinīm || 5 ||
akāre lakṣmīrūpaṃ tu ukāre viṣṇumavyayam |
Verse 6
makāraḥ puruṣo'vyakto devī praṇava ucyate || 6 ||
sūryakoṭipratīkāśaṃ candrakoṭisamaprabham |
Verse 7
tanmadhye nikaraṃ sūkṣmaṃ brahmarupaṃ vyavasthitam || 7 ||
oṅkāraṃ paramānandaṃ sadaiva surasundarīm |
Verse 8
siddhalakṣmī mokṣalakṣmī ādyalakṣmī namo'stu te || 8 ||
śrīṅkāraṃ paramaṃ siddhaṃ sarvabuddhipradāyakam |
Verse 9
saubhāgyā'mṛtā kamalā satyalakṣmī namo'stu te || 9 ||
hrīṅkāraṃ paramaṃ śuddhaṃ paramaiśvaryadāyakam |
Verse 10
kamalā dhanadā lakṣmī bhogalakṣmī namo'stu te || 10 ||
klīṅkāraṃ kāmarūpiṇyaṃ kāmanāparipūrtidam |
Verse 11
capalā cañcalā lakṣmī kātyāyanī namo'stu te || 11 ||
śrīṅkāraṃ siddhirūpiṇyaṃ sarvasiddhipradāyakam |
Verse 12
padmānanāṃ jaganmātre aṣṭalakṣmīṃ namo'stu te || 12 ||
sarvamaṅgalamāṅgalye śive sarvārthasādhike |
Verse 13
śaraṇye tryambake gauri nārāyaṇī namo'stu te || 13 ||
prathamaṃ tryambakā gaurī dvitīyaṃ vaiṣṇavī tathā |
Verse 14
tṛtīyaṃ kamalā proktā caturthaṃ sundarī tathā || 14 ||
pañcamaṃ viṣṇuśaktiśca ṣaṣṭhaṃ kātyāyanī tathā |
Verse 15
vārāhī saptamaṃ caiva hyaṣṭamaṃ harivallabhā || 15 ||
navamaṃ khaḍginī proktā daśamaṃ caiva devikā |
Verse 16
ekādaśaṃ siddhalakṣmīrdvādaśaṃ haṃsavāhinī || 16 ||
uttaranyāsaḥ
oṃ śrīṃ siddhalakṣmyai hṛdayāya namaḥ |
oṃ hrīṃ viṣṇutejase śirase svāhā |
oṃ klīṃ amṛtānandāyai śikhāyai vaṣaṭ |
oṃ śrīṃ daityamālinyai kavacāya hum |
oṃ hrīṃ tejaḥ prakāśinyai netratrayāya vauṣaṭ |
oṃ klīṃ brāhmyai vaiṣṇavyai rudrāṇyai astrāya phaṭ ||
oṃ śrīṃ hrīṃ klīṃ śrīṃ siddhalakṣmyai namaḥ iti digvimokaḥ ||
atha phalaśṛtiḥ
etat stotravaraṃ devyā ye paṭhanti sadā narāḥ |
Verse 17
sarvāpadbhyo vimucyante nātra kāryā vicāraṇā || 17 ||
ekamāsaṃ dvimāsaṃ ca trimāsaṃ ca catusthathā |
Verse 18
pañcamāsaṃ ca ṣaṇmāsaṃ trikālaṃ yaḥ sadā paṭhet || 18 ||
brāhmaṇaḥ kleśito duḥkhī dāridryabhayapīḍitaḥ |
Verse 19
janmāntara sahasrotthairmucyate sarvakilbaṣaiḥ || 19 ||
daridro labhate lakṣmīmaputraḥ putravān bhavet |
Verse 20
dhanyo yaśasvī śatrughno vahnicaurabhayeṣu ca || 20 ||
śākinī bhūta vetāla sarpa vyāghra nipātane |
Verse 21
rājadvāre sabhāsthāne kārāgṛhanibandhane || 21 ||
īśvareṇa kṛtaṃ stotraṃ prāṇināṃ hitakārakam |
Verse 22
stuvantu brāhmaṇāḥ nityaṃ dāridryaṃ na ca bādhate || 22 ||
sarvapāpaharā lakṣmīḥ sarvasiddhipradāyinīm |
Verse 23
sādhakāḥ labhate sarvaṃ paṭhet stotraṃ nirantaram || 23 ||
prārthanā
yā śrīḥ padmavane kadambaśikhare rājagṛhe kuñjare
śvete cāśvayute vṛṣe ca yugale yajñe ca yūpasthite |
śaṅkhe daivakule narendrabhavane gaṅgātaṭe gokule
sā śrīstiṣṭhatu sarvadā mama gṛhe bhūyāt sadā niścalā ||
yā sā padmāsanasthā vipulakaṭitaṭī padmapatrāyatākṣī
gambhīrāvartanābhiḥ stanabharanamitā śuddhavastrottarīyā |
lakṣmīrdivyairgajendrairmaṇigaṇakhacitaiḥ snāpitā hemakumbhaiḥ
nityaṃ sā padmahastā mama vasatu gṛhe sarvamāṅgalyayuktā ||
iti śrībrahmapurāṇe īśvaraviṣṇusaṃvāde śrī siddhalakṣmī stotram ||
Sanskrit — Devanagari (original)
अस्य श्रीसिद्धलक्ष्मीस्तोत्रमन्त्रस्य हिरण्यगर्भ ऋषिः अनुष्टुप् छन्दः, श्रीमहाकालीमहालक्ष्मीमहासरस्वत्यो देवताः श्रीं बीजं ह्रीं शक्तिः क्लीं कीलकं मम सर्वक्लेशपीडापरिहारार्थं सर्वदुःखदारिद्र्यनाशनार्थं सर्वकार्यसिद्ध्यर्थं श्रीसिद्धिलक्ष्मीस्तोत्र पाठे विनियोगः ॥
ऋष्यादिन्यासः
ॐ हिरण्यगर्भ ऋषये नमः शिरसि ।
अनुष्टुप्छन्दसे नमो मुखे ।
श्रीमहाकालीमहालक्ष्मीमहासरस्वतीदेवताभ्यो नमो हृदिः ।
श्रीं बीजाय नमो गुह्ये ।
ह्रीं शक्तये नमः पादयोः ।
क्लीं कीलकाय नमो नाभौ ।
विनियोगाय नमः सर्वाङ्गेषु ॥
करन्यासः
ॐ श्रीं सिद्धलक्ष्म्यै अङ्गुष्ठाभ्यां नमः ।
ॐ ह्रीं विष्णुतेजसे तर्जनीभ्यां नमः ।
ॐ क्लीं अमृतानन्दायै मध्यमाभ्यां नमः ।
ॐ श्रीं दैत्यमालिन्यै अनामिकाभ्यां नमः ।
ॐ ह्रीं तेजः प्रकाशिन्यै कनिष्ठिकाभ्यां नमः ।
ॐ क्लीं ब्राह्म्यै वैष्णव्यै रुद्राण्यै करतल करपृष्ठाभ्यां नमः ॥
अङ्गन्यासः
ॐ श्रीं सिद्धलक्ष्म्यै हृदयाय नमः ।
ॐ ह्रीं विष्णुतेजसे शिरसे स्वाहा ।
ॐ क्लीं अमृतानन्दायै शिखायै वषट् ।
ॐ श्रीं दैत्यमालिन्यै कवचाय हुम् ।
ॐ ह्रीं तेजः प्रकाशिन्यै नेत्रत्रयाय वौषट् ।
ॐ क्लीं ब्राह्म्यै वैष्णव्यै रुद्राण्यै अस्त्राय फट् ॥
ॐ श्रीं ह्रीं क्लीं श्रीं सिद्धलक्ष्म्यै नमः इति दिग्बन्धः ॥
अथ ध्यानम्
ब्राह्मीं च वैष्णवीं भद्रां षड्भुजां च चतुर्मुखीम् ।
त्रिनेत्रां खड्गत्रिशूलपद्मचक्रगदाधराम् ॥ 1 ॥
पीताम्बरधरां देवीं नानालङ्कारभूषिताम् ।
तेजःपुञ्जधरीं श्रेष्ठां ध्यायेद्बालकुमारिकाम् ॥ 2 ॥
अथ स्तोत्रम्
ओङ्कारं लक्ष्मीरूपं तु विष्णुं वाग्भवमव्ययम् ।
विष्णुमानन्दमव्यक्तं ह्रीङ्कारं बीजरूपिणीम् ॥ 3 ॥
क्लीं अमृतानन्दिनीं भद्रां सत्यानन्ददायिनीम् ।
श्रीं दैत्यशमनीं शक्तिं मालिनीं शत्रुमर्दिनीम् ॥ 4 ॥
तेजः प्रकाशिनीं देवीं वरदां शुभकारिणीम् ।
ब्राह्मीं च वैष्णवीं रौद्रीं कालिकारूपशोभिनीम् ॥ 5 ॥
अकारे लक्ष्मीरूपं तु उकारे विष्णुमव्ययम् ।
मकारः पुरुषोऽव्यक्तो देवी प्रणव उच्यते ॥ 6 ॥
सूर्यकोटिप्रतीकाशं चन्द्रकोटिसमप्रभम् ।
तन्मध्ये निकरं सूक्ष्मं ब्रह्मरुपं व्यवस्थितम् ॥ 7 ॥
ओङ्कारं परमानन्दं सदैव सुरसुन्दरीम् ।
सिद्धलक्ष्मी मोक्षलक्ष्मी आद्यलक्ष्मी नमोऽस्तु ते ॥ 8 ॥
श्रीङ्कारं परमं सिद्धं सर्वबुद्धिप्रदायकम् ।
सौभाग्याऽमृता कमला सत्यलक्ष्मी नमोऽस्तु ते ॥ 9 ॥
ह्रीङ्कारं परमं शुद्धं परमैश्वर्यदायकम् ।
कमला धनदा लक्ष्मी भोगलक्ष्मी नमोऽस्तु ते ॥ 10 ॥
क्लीङ्कारं कामरूपिण्यं कामनापरिपूर्तिदम् ।
चपला चञ्चला लक्ष्मी कात्यायनी नमोऽस्तु ते ॥ 11 ॥
श्रीङ्कारं सिद्धिरूपिण्यं सर्वसिद्धिप्रदायकम् ।
पद्माननां जगन्मात्रे अष्टलक्ष्मीं नमोऽस्तु ते ॥ 12 ॥
सर्वमङ्गलमाङ्गल्ये शिवे सर्वार्थसाधिके ।
शरण्ये त्र्यम्बके गौरि नारायणी नमोऽस्तु ते ॥ 13 ॥
प्रथमं त्र्यम्बका गौरी द्वितीयं वैष्णवी तथा ।
तृतीयं कमला प्रोक्ता चतुर्थं सुन्दरी तथा ॥ 14 ॥
पञ्चमं विष्णुशक्तिश्च षष्ठं कात्यायनी तथा ।
वाराही सप्तमं चैव ह्यष्टमं हरिवल्लभा ॥ 15 ॥
नवमं खड्गिनी प्रोक्ता दशमं चैव देविका ।
एकादशं सिद्धलक्ष्मीर्द्वादशं हंसवाहिनी ॥ 16 ॥
उत्तरन्यासः
ॐ श्रीं सिद्धलक्ष्म्यै हृदयाय नमः ।
ॐ ह्रीं विष्णुतेजसे शिरसे स्वाहा ।
ॐ क्लीं अमृतानन्दायै शिखायै वषट् ।
ॐ श्रीं दैत्यमालिन्यै कवचाय हुम् ।
ॐ ह्रीं तेजः प्रकाशिन्यै नेत्रत्रयाय वौषट् ।
ॐ क्लीं ब्राह्म्यै वैष्णव्यै रुद्राण्यै अस्त्राय फट् ॥
ॐ श्रीं ह्रीं क्लीं श्रीं सिद्धलक्ष्म्यै नमः इति दिग्विमोकः ॥
अथ फलशृतिः
एतत् स्तोत्रवरं देव्या ये पठन्ति सदा नराः ।
सर्वापद्भ्यो विमुच्यन्ते नात्र कार्या विचारणा ॥ 17 ॥
एकमासं द्विमासं च त्रिमासं च चतुस्थथा ।
पञ्चमासं च षण्मासं त्रिकालं यः सदा पठेत् ॥ 18 ॥
ब्राह्मणः क्लेशितो दुःखी दारिद्र्यभयपीडितः ।
जन्मान्तर सहस्रोत्थैर्मुच्यते सर्वकिल्बषैः ॥ 19 ॥
दरिद्रो लभते लक्ष्मीमपुत्रः पुत्रवान् भवेत् ।
धन्यो यशस्वी शत्रुघ्नो वह्निचौरभयेषु च ॥ 20 ॥
शाकिनी भूत वेताल सर्प व्याघ्र निपातने ।
राजद्वारे सभास्थाने कारागृहनिबन्धने ॥ 21 ॥
ईश्वरेण कृतं स्तोत्रं प्राणिनां हितकारकम् ।
स्तुवन्तु ब्राह्मणाः नित्यं दारिद्र्यं न च बाधते ॥ 22 ॥
सर्वपापहरा लक्ष्मीः सर्वसिद्धिप्रदायिनीम् ।
साधकाः लभते सर्वं पठेत् स्तोत्रं निरन्तरम् ॥ 23 ॥
प्रार्थना
या श्रीः पद्मवने कदम्बशिखरे राजगृहे कुञ्जरे
श्वेते चाश्वयुते वृषे च युगले यज्ञे च यूपस्थिते ।
शङ्खे दैवकुले नरेन्द्रभवने गङ्गातटे गोकुले
सा श्रीस्तिष्ठतु सर्वदा मम गृहे भूयात् सदा निश्चला ॥
या सा पद्मासनस्था विपुलकटितटी पद्मपत्रायताक्षी
गम्भीरावर्तनाभिः स्तनभरनमिता शुद्धवस्त्रोत्तरीया ।
लक्ष्मीर्दिव्यैर्गजेन्द्रैर्मणिगणखचितैः स्नापिता हेमकुम्भैः
नित्यं सा पद्महस्ता मम वसतु गृहे सर्वमाङ्गल्ययुक्ता ॥
इति श्रीब्रह्मपुराणे ईश्वरविष्णुसंवादे श्री सिद्धलक्ष्मी स्तोत्रम् ॥