Shri Lakshmi Sahasranama Stotram — Latin Script

nāmnāṃ sāṣṭasahasrañca brūhi gārgya mahāmate |

Verse 1

mahālakṣmyā mahādevyā bhuktimuktyarthasiddhaye || 1 ||

gārgya uvāca

sanatkumāramāsīnaṃ dvādaśādityasannibham |

Verse 2

apṛcchanyogino bhaktyā yogināmarthasiddhaye || 2 ||

sarvalaukikakarmabhyo vimuktānāṃ hitāya vai |

Verse 3

bhuktimuktipradaṃ japyamanubrūhi dayānidhe || 3 ||

sanatkumāra bhagavansarvajño'si viśeṣataḥ |

Verse 4

āstikyasiddhaye nṝṇāṃ kṣipradharmārthasādhanam || 4 ||

khidyanti mānavāssarve dhanābhāvena kevalam |

Verse 5

siddhyanti dhanino'nyasya naiva dharmārthakāmanāḥ || 5 ||

dāridryadhvaṃsinī nāma kena vidyā prakīrtitā |

Verse 6

kena vā brahmavidyā'pi kena mṛtyuvināśinī || 6 ||

sarvāsāṃ sārabhūtaikā vidyānāṃ kena kīrtitā |

Verse 7

pratyakṣasiddhidā brahman tāmācakṣva dayānidhe || 7 ||

sanatkumāra uvāca

sādhu pṛṣṭaṃ mahābhāgāssarvalokahitaiṣiṇaḥ |

Verse 8

mahatāmeṣa dharmaśca nānyeṣāmiti me matiḥ || 8 ||

brahmaviṣṇumahādevamahendrādimahātmabhiḥ |

Verse 9

samproktaṃ kathayāmyadya lakṣmīnāmasahasrakam || 9 ||

yasyoccāraṇamātreṇa dāridryānmucyate naraḥ |

Verse 10

kiṃ punastajjapājjāpī sarveṣṭārthānavāpnuyāt || 10 ||

asya śrīlakṣmīdivyasahasranāmastotramahāmantrasya ānandakardamaciklītendirāsutādayo mahātmāno maharṣayaḥ anuṣṭupchandaḥ viṣṇumāyā śaktiḥ mahālakṣmīḥ parādevatā śrīmahālakṣmīprasādadvārā sarveṣṭārthasiddhyarthe jape viniyogaḥ |

dhyānam

padmanābhapriyāṃ devīṃ padmākṣīṃ padmavāsinīm |

Verse 1

padmavaktrāṃ padmahastāṃ vande padmāmaharniśam || 1 ||

pūrṇenduvadanāṃ divyaratnābharaṇabhūṣitām |

Verse 2

varadābhayahastāḍhyāṃ dhyāyeccandrasahodarīm || 2 ||

icchārūpāṃ bhagavatassaccidānandarūpiṇīm |

sarvajñāṃ sarvajananīṃ viṣṇuvakṣassthalālayām |

Verse 3

dayālumaniśaṃ dhyāyetsukhasiddhisvarūpiṇīm || 3 ||

stotram

nityāgatānantanityā nandinī janarañjanī |

Verse 1

nityaprakāśinī caiva svaprakāśasvarūpiṇī || 1 ||

mahālakṣmīrmahākālī mahākanyā sarasvatī |

Verse 2

bhogavaibhavasandhātrī bhaktānugrahakāriṇī || 2 ||

īśāvāsyā mahāmāyā mahādevī maheśvarī |

Verse 3

hṛllekhā paramā śaktirmātṛkābījarūpiṇī || 3 ||

nityānandā nityabodhā nādinī janamodinī |

Verse 4

satyapratyayanī caiva svaprakāśātmarūpiṇī || 4 ||

tripurā bhairavī vidyā haṃsā vāgīśvarī śivā |

Verse 5

vāgdevī ca mahārātriḥ kālarātristrilocanā || 5 ||

bhadrakālī karālī ca mahākālī tilottamā |

Verse 6

kālī karālavaktrāntā kāmākṣī kāmadā śubhā || 6 ||

caṇḍikā caṇḍarūpeśā cāmuṇḍā cakradhāriṇī |

Verse 7

trailokyajayinī devī trailokyavijayottamā || 7 ||

siddhalakṣmīḥ kriyālakṣmīrmokṣalakṣmīḥ prasādinī |

Verse 8

umā bhagavatī durgā cāndrī dākṣāyaṇī śivā || 8 ||

pratyaṅgirā dharāvelā lokamātā haripriyā |

Verse 9

pārvatī paramā devī brahmavidyāpradāyinī || 9 ||

arūpā bahurūpā ca virūpā viśvarūpiṇī |

Verse 10

pañcabhūtātmikā vāṇī pañcabhūtātmikā parā || 10 ||

kālī mā pañcikā vāgmī haviḥpratyadhidevatā |

Verse 11

devamātā sureśānā devagarbhā'mbikā dhṛtiḥ || 11 ||

saṅkhyā jātiḥ kriyāśaktiḥ prakṛtirmohinī mahī |

Verse 12

yajñavidyā mahāvidyā guhyavidyā vibhāvarī || 12 ||

jyotiṣmatī mahāmātā sarvamantraphalapradā |

Verse 13

dāridryadhvaṃsinī devī hṛdayagranthibhedinī || 13 ||

sahasrādityasaṅkāśā candrikā candrarūpiṇī |

Verse 14

gāyatrī somasambhūtissāvitrī praṇavātmikā || 14 ||

śāṅkarī vaiṣṇavī brāhmī sarvadevanamaskṛtā |

Verse 15

sevyadurgā kuberākṣī karavīranivāsinī || 15 ||

jayā ca vijayā caiva jayantī cā'parājitā |

Verse 16

kubjikā kālikā śāstrī vīṇāpustakadhāriṇī || 16 ||

sarvajñaśaktiśśrīśaktirbrahmaviṣṇuśivātmikā |

Verse 17

iḍāpiṅgalikāmadhyamṛṇālītanturūpiṇī || 17 ||

yajñeśānī prathā dīkṣā dakṣiṇā sarvamohinī |

Verse 18

aṣṭāṅgayoginī devī nirbījadhyānagocarā || 18 ||

sarvatīrthasthitā śuddhā sarvaparvatavāsinī |

Verse 19

vedaśāstraprabhā devī ṣaḍaṅgādipadakramā || 19 ||

śivā dhātrī śubhānandā yajñakarmasvarūpiṇī |

Verse 20

vratinī menakā devī brahmāṇī brahmacāriṇī || 20 ||

ekākṣaraparā tārā bhavabandhavināśinī |

Verse 21

viśvambharā dharādhārā nirādhārā'dhikasvarā || 21 ||

rākā kuhūramāvāsyā pūrṇimā'numatirdyutiḥ |

Verse 22

sinīvālī śivā'vaśyā vaiśvadevī piśaṅgilā || 22 ||

pippalā ca viśālākṣī rakṣoghnī vṛṣṭikāriṇī |

Verse 23

duṣṭavidrāviṇī devī sarvopadravanāśinī || 23 ||

śāradā śarasandhānā sarvaśastrasvarūpiṇī |

Verse 24

yuddhamadhyasthitā devī sarvabhūtaprabhañjanī || 24 ||

ayuddhā yuddharūpā ca śāntā śāntisvarūpiṇī |

Verse 25

gaṅgā sarasvatīveṇīyamunānarmadāpagā || 25 ||

samudravasanāvāsā brahmāṇḍaśroṇimekhalā |

Verse 26

pañcavaktrā daśabhujā śuddhasphaṭikasannibhā || 26 ||

raktā kṛṣṇā sitā pītā sarvavarṇā nirīśvarī |

Verse 27

kālikā cakrikā devī satyā tu vaṭukāsthitā || 27 ||

taruṇī vāruṇī nārī jyeṣṭhādevī sureśvarī |

Verse 28

viśvambharādharā kartrī galārgalavibhañjanī || 28 ||

sandhyārātrirdivājyotsnā kalākāṣṭhā nimeṣikā |

Verse 29

urvī kātyāyanī śubhrā saṃsārārṇavatāriṇī || 29 ||

kapilā kīlikā'śokā mallikānavamallikā | [ mallikānavamālikā ]

Verse 30

devikā nandikā śāntā bhañjikā bhayabhañjikā || 30 ||

kauśikī vaidikī devī saurī rūpādhikā'tibhā |

Verse 31

digvastrā navavastrā ca kanyakā kamalodbhavā || 31 ||

śrīssaumyalakṣaṇā'tītadurgā sūtraprabodhikā |

Verse 32

śraddhā medhā kṛtiḥ prajñā dhāraṇā kāntireva ca || 32 ||

śrutiḥ smṛtirdhṛtirdhanyā bhūtiriṣṭirmanīṣiṇī |

Verse 33

viraktirvyāpinī māyā sarvamāyāprabhañjanī || 33 ||

māhendrī mantriṇī siṃhī cendrajālasvarūpiṇī |

Verse 34

avasthātrayanirmuktā guṇatrayavivarjitā || 34 ||

īṣaṇātrayanirmuktā sarvarogavivarjitā |

Verse 35

yogidhyānāntagamyā ca yogadhyānaparāyaṇā || 35 ||

trayīśikhā viśeṣajñā vedāntajñānarūpiṇī |

Verse 36

bhāratī kamalā bhāṣā padmā padmavatī kṛtiḥ || 36 ||

gautamī gomatī gaurī īśānā haṃsavāhinī |

Verse 37

nārāyaṇī prabhādhārā jāhnavī śaṅkarātmajā || 37 ||

citraghaṇṭā sunandā śrīrmānavī manusambhavā |

Verse 38

stambhinī kṣobhiṇī mārī bhrāmiṇī śatrumāriṇī || 38 ||

mohinī dveṣiṇī vīrā aghorā rudrarūpiṇī |

Verse 39

rudraikādaśinī puṇyā kalyāṇī lābhakāriṇī || 39 ||

devadurgā mahādurgā svapnadurgā'ṣṭabhairavī |

Verse 40

sūryacandrāgnirūpā ca grahanakṣatrarūpiṇī || 40 ||

bindunādakalātītā bindunādakalātmikā |

Verse 41

daśavāyujayākārā kalāṣoḍaśasaṃyutā || 41 ||

kāśyapī kamalādevī nādacakranivāsinī |

Verse 42

mṛḍādhārā sthirā guhyā devikā cakrarūpiṇī || 42 ||

avidyā śārvarī bhuñjā jambhāsuranibarhiṇī |

Verse 43

śrīkāyā śrīkalā śubhrā karmanirmūlakāriṇī || 43 ||

ādilakṣmīrguṇādhārā pañcabrahmātmikā parā |

Verse 44

śrutirbrahmamukhāvāsā sarvasampattirūpiṇī || 44 ||

mṛtasañjīvanī maitrī kāminī kāmavarjitā |

Verse 45

nirvāṇamārgadā devī haṃsinī kāśikā kṣamā || 45 ||

saparyā guṇinī bhinnā nirguṇā khaṇḍitāśubhā |

Verse 46

svāminī vedinī śakyā śāmbarī cakradhāriṇī || 46 ||

daṇḍinī muṇḍinī vyāghrī śikhinī somasaṃhatiḥ |

Verse 47

cintāmaṇiścidānandā pañcabāṇaprabodhinī || 47 ||

bāṇaśreṇissahasrākṣī sahasrabhujapādukā |

Verse 48

sandhyāvalistrisandhyākhyā brahmāṇḍamaṇibhūṣaṇā || 48 ||

vāsavī vāruṇīsenā kulikā mantrarañjanī |

Verse 49

jitaprāṇasvarūpā ca kāntā kāmyavarapradā || 49 ||

mantrabrāhmaṇavidyārthā nādarūpā haviṣmatī |

Verse 50

ātharvaṇiḥ śrutiḥ śūnyā kalpanāvarjitā satī || 50 ||

sattājātiḥ pramā'meyā'pramitiḥ prāṇadā gatiḥ |

Verse 51

avarṇā pañcavarṇā ca sarvadā bhuvaneśvarī || 51 ||

trailokyamohinī vidyā sarvabhartrī kṣarā'kṣarā |

Verse 52

hiraṇyavarṇā hariṇī sarvopadravanāśinī || 52 ||

kaivalyapadavīrekhā sūryamaṇḍalasaṃsthitā |

Verse 53

somamaṇḍalamadhyasthā vahnimaṇḍalasaṃsthitā || 53 ||

vāyumaṇḍalamadhyasthā vyomamaṇḍalasaṃsthitā |

Verse 54

cakrikā cakramadhyasthā cakramārgapravartinī || 54 ||

kokilākulacakreśā pakṣatiḥ paṅktipāvanī |

Verse 55

sarvasiddhāntamārgasthā ṣaḍvarṇāvaravarjitā || 55 ||

śararudraharā hantrī sarvasaṃhārakāriṇī |

Verse 56

puruṣā pauruṣī tuṣṭissarvatantraprasūtikā || 56 ||

ardhanārīśvarī devī sarvavidyāpradāyinī |

Verse 57

bhārgavī yājuṣīvidyā sarvopaniṣadāsthitā || 57 || [ bhujuṣīvidyā ]

vyomakeśākhilaprāṇā pañcakośavilakṣaṇā |

Verse 58

pañcakośātmikā pratyakpañcabrahmātmikā śivā || 58 ||

jagajjarājanitrī ca pañcakarmaprasūtikā |

Verse 59

vāgdevyābharaṇākārā sarvakāmyasthitāsthitiḥ || 59 ||

aṣṭādaśacatuṣṣaṣṭhipīṭhikā vidyayā yutā |

Verse 60

kālikākarṣaṇaśyāmā yakṣiṇī kinnareśvarī || 60 ||

ketakī mallikā'śokā vārāhī dharaṇī dhruvā |

Verse 61

nārasiṃhī mahogrāsyā bhaktānāmārtināśinī || 61 ||

antarbalā sthirā lakṣmīrjarāmaraṇanāśinī |

Verse 62

śrīrañjitā mahākāyā somasūryāgnilocanā || 62 ||

aditirdevamātā ca aṣṭaputrā'ṣṭayoginī |

Verse 63

aṣṭaprakṛtiraṣṭāṣṭavibhrājadvikṛtākṛtiḥ || 63 ||

durbhikṣadhvaṃsinī devī sītā satyā ca rukmiṇī |

Verse 64

khyātijā bhārgavī devī devayonistapasvinī || 64 ||

śākambharī mahāśoṇā garuḍoparisaṃsthitā |

Verse 65

siṃhagā vyāghragā devī vāyugā ca mahādrigā || 65 ||

akārādikṣakārāntā sarvavidyādhidevatā |

Verse 66

mantravyākhyānanipuṇā jyotiśśāstraikalocanā || 66 ||

iḍāpiṅgalikāmadhyāsuṣumnā granthibhedinī |

Verse 67

kālacakrāśrayopetā kālacakrasvarūpiṇī || 67 ||

vaiśāradī matiśśreṣṭhā variṣṭhā sarvadīpikā |

Verse 68

vaināyakī varārohā śroṇivelā bahirvaliḥ || 68 ||

jambhinī jṛmbhiṇī jambhakāriṇī gaṇakārikā |

Verse 69

śaraṇī cakrikā'nantā sarvavyādhicikitsakī || 69 ||

devakī devasaṅkāśā vāridhiḥ karuṇākarā |

Verse 70

śarvarī sarvasampannā sarvapāpaprabhañjanī || 70 ||

ekamātrā dvimātrā ca trimātrā ca tathā'parā |

Verse 71

ardhamātrā parā sūkṣmā sūkṣmārthā'rthaparā'parā || 71 ||

ekavīrā viśeṣākhyā ṣaṣṭhīdevī manasvinī |

Verse 72

naiṣkarmyā niṣkalālokā jñānakarmādhikā guṇā || 72 ||

sabandhvānandasandohā vyomākārā'nirūpitā |

Verse 73

gadyapadyātmikā vāṇī sarvālaṅkārasaṃyutā || 73 ||

sādhubandhapadanyāsā sarvauko ghaṭikāvaliḥ |

Verse 74

ṣaṭkarmā karkaśākārā sarvakarmavivarjitā || 74 ||

ādityavarṇā cāparṇā kāminī vararūpiṇī |

Verse 75

brahmāṇī brahmasantānā vedavāgīśvarī śivā || 75 ||

purāṇanyāyamīmāṃsādharmaśāstrāgamaśrutā |

Verse 76

sadyovedavatī sarvā haṃsī vidyādhidevatā || 76 ||

viśveśvarī jagaddhātrī viśvanirmāṇakāriṇī |

Verse 77

vaidikī vedarūpā ca kālikā kālarūpiṇī || 77 ||

nārāyaṇī mahādevī sarvatattvapravartinī |

Verse 78

hiraṇyavarṇarūpā ca hiraṇyapadasambhavā || 78 ||

kaivalyapadavī puṇyā kaivalyajñānalakṣitā |

Verse 79

brahmasampattirūpā ca brahmasampattikāriṇī || 79 ||

vāruṇī vāruṇārādhyā sarvakarmapravartinī |

Verse 80

ekākṣaraparā''yuktā sarvadāridryabhañjinī || 80 ||

pāśāṅkuśānvitā divyā vīṇāvyākhyākṣasūtrabhṛt |

Verse 81

ekamūrtistrayīmūrtirmadhukaiṭabhabhañjinī || 81 ||

sāṅkhyā sāṅkhyavatī jvālā jvalantī kāmarūpiṇī |

Verse 82

jāgratī sarvasampattissuṣuptā sveṣṭadāyinī || 82 ||

kapālinī mahādaṃṣṭrā bhrukuṭī kuṭilānanā |

Verse 83

sarvāvāsā suvāsā ca bṛhatyaṣṭiśca śakvarī || 83 ||

chandogaṇapratiṣṭhā ca kalmāṣī karuṇātmikā |

Verse 84

cakṣuṣmatī mahāghoṣā khaḍgacarmadharā'śaniḥ || 84 ||

śilpavaicitryavidyotā sarvatobhadravāsinī |

Verse 85

acintyalakṣaṇākārā sūtrabhāṣyanibandhanā || 85 ||

sarvavedārthasampattissarvaśāstrārthamātṛkā |

Verse 86

akārādikṣakārāntasarvavarṇakṛtasthalā || 86 ||

sarvalakṣmīssadānandā sāravidyā sadāśivā |

Verse 87

sarvajñā sarvaśaktiśca khecarīrūpagocchritā || 87 ||

aṇimādiguṇopetā parā kāṣṭhā parā gatiḥ |

Verse 88

haṃsayuktavimānasthā haṃsārūḍhā śaśiprabhā || 88 ||

bhavānī vāsanāśaktirākṛtisthākhilā'khilā |

Verse 89

tantraheturvicitrāṅgī vyomagaṅgāvinodinī || 89 ||

varṣā ca vārṣikā caiva ṛgyajussāmarūpiṇī |

Verse 90

mahānadīnadīpuṇyā'gaṇyapuṇyaguṇakriyā || 90 ||

samādhigatalabhyārthā śrotavyā svapriyā ghṛṇā |

Verse 91

nāmākṣaraparā devī upasarganakhāñcitā || 91 ||

nipātorudvayījaṅghā mātṛkā mantrarūpiṇī |

Verse 92

āsīnā ca śayānā ca tiṣṭhantī dhāvanādhikā || 92 ||

lakṣyalakṣaṇayogāḍhyā tādrūpyagaṇanākṛtiḥ |

Verse 93

saikarūpā naikarūpā sendurūpā tadākṛtiḥ || 93 ||

samāsataddhitākārā vibhaktivacanātmikā |

Verse 94

svāhākārā svadhākārā śrīpatyardhāṅganandinī || 94 ||

gambhīrā gahanā guhyā yoniliṅgārdhadhāriṇī |

Verse 95

śeṣavāsukisaṃsevyā capalā varavarṇinī || 95 ||

kāruṇyākārasampattiḥ kīlakṛnmantrakīlikā |

Verse 96

śaktibījātmikā sarvamantreṣṭākṣayakāmanā || 96 ||

āgneyī pārthivā āpyā vāyavyā vyomaketanā |

Verse 97

satyajñānātmikā''nandā brāhmī brahma sanātanī || 97 ||

avidyāvāsanā māyāprakṛtissarvamohinī |

Verse 98

śaktirdhāraṇaśaktiśca cidacicchaktiyoginī || 98 ||

vaktrāruṇā mahāmāyā marīcirmadamardinī |

Verse 99

virāṭ svāhā svadhā śuddhā nīrūpāstissubhaktigā || 99 ||

nirūpitādvayīvidyā nityānityasvarūpiṇī |

Verse 100

vairājamārgasañcārā sarvasatpathadarśinī || 100 ||

jālandharī mṛḍānī ca bhavānī bhavabhañjanī |

Verse 101

traikālikajñānatantustrikālajñānadāyinī || 101 ||

nādātītā smṛtiḥ prajñā dhātrīrūpā tripuṣkarā |

Verse 102

parājitāvidhānajñā viśeṣitaguṇātmikā || 102 ||

hiraṇyakeśinī hemabrahmasūtravicakṣaṇā |

Verse 103

asaṅkhyeyaparārdhāntasvaravyañjanavaikharī || 103 ||

madhujihvā madhumatī madhumāsodayā madhuḥ |

Verse 104

mādhavī ca mahābhāgā meghagambhīranisvanā || 104 ||

brahmaviṣṇumaheśādijñātavyārthaviśeṣagā |

Verse 105

nābhau vahniśikhākārā lalāṭe candrasannibhā || 105 ||

bhrūmadhye bhāskarākārā sarvatārākṛtirhṛdi |

Verse 106

kṛttikādibharaṇyantanakṣatreṣṭyārcitodayā || 106 ||

grahavidyātmikā jyotirjyotirvinmatijīvikā |

Verse 107

brahmāṇḍagarbhiṇī bālā saptāvaraṇadevatā || 107 ||

vairājottamasāmrājyā kumārakuśalodayā |

Verse 108

bagalā bhramarāmbā ca śivadūtī śivātmikā || 108 ||

meruvindhyādisaṃsthānā kāśmīrapuravāsinī |

Verse 109

yoganidrā mahānidrā vinidrā rākṣasāśritā || 109 ||

suvarṇadā mahāgaṅgā pañcākhyā pañcasaṃhatiḥ |

Verse 110

suprajātā suvīrā ca supoṣā supatiśśivā || 110 ||

sugṛhā raktabījāntā hatakandarpajīvikā |

Verse 111

samudravyomamadhyasthā samabindusamāśrayā || 111 ||

saubhāgyarasajīvātussārāsāravivekadṛk |

Verse 112

trivalyādisupuṣṭāṅgā bhāratī bharatāśritā || 112 ||

nādabrahmamayīvidyā jñānabrahmamayīparā |

Verse 113

brahmanāḍī niruktiśca brahmakaivalyasādhanam || 113 ||

kālikeyamahodāravīryavikramarūpiṇī |

Verse 114

vaḍavāgniśikhāvaktrā mahākavalatarpaṇā || 114 ||

mahābhūtā mahādarpā mahāsārā mahākratuḥ |

Verse 115

pañjabhūtamahāgrāsā pañcabhūtādhidevatā || 115 ||

sarvapramāṇā sampattissarvarogapratikriyā |

Verse 116

brahmāṇḍāntarbahirvyāptā viṣṇuvakṣovibhūṣiṇī || 116 ||

śāṅkarī vidhivaktrasthā pravarā varahetukī |

Verse 117

hemamālā śikhāmālā triśikhā pañcalocanā || 117 || [ pañcamocanā ]

sarvāgamasadācāramaryādā yātubhañjanī |

Verse 118

puṇyaślokaprabandhāḍhyā sarvāntaryāmirūpiṇī || 118 ||

sāmagānasamārādhyā śrotrakarṇarasāyanam |

Verse 119

jīvalokaikajīvāturbhadrodāravilokanā || 119 ||

taṭitkoṭilasatkāntistaruṇī harisundarī |

Verse 120

mīnanetrā ca sendrākṣī viśālākṣī sumaṅgalā || 120 ||

sarvamaṅgalasampannā sākṣānmaṅgaladevatā |

Verse 121

dehahṛddīpikā dīptirjihvapāpapraṇāśinī || 121 ||

ardhacandrollasaddaṃṣṭrā yajñavāṭīvilāsinī |

Verse 122

mahādurgā mahotsāhā mahādevabalodayā || 122 ||

ḍākinīḍyā śākinīḍyā sākinīḍyā samastajuṭ |

Verse 123

niraṅkuśā nākivandyā ṣaḍādhārādhidevatā || 123 ||

bhuvanajñāniniśśreṇī bhuvanākāravallarī |

Verse 124

śāśvatī śāśvatākārā lokānugrahakāriṇī || 124 ||

sārasī mānasī haṃsī haṃsalokapradāyinī |

Verse 125

cinmudrālaṅkṛtakarā koṭisūryasamaprabhā || 125 ||

sukhaprāṇiśirorekhā sadadṛṣṭapradāyinī |

Verse 126

sarvasāṅkaryadoṣaghnī grahopadravanāśinī || 126 ||

kṣudrajantubhayaghnī ca viṣarogādibhañjanī |

Verse 127

sadāśāntā sadāśuddhā gṛhacchidranivāriṇī || 127 ||

kalidoṣapraśamanī kolāhalapurasthitā |

Verse 128

gaurī lākṣaṇikī mukhyā jaghanyākṛtivarjitā || 128 ||

māyā vidyā mūlabhūtā vāsavī viṣṇucetanā |

Verse 129

vādinī vasurūpā ca vasuratnaparicchadā || 129 ||

chāndasī candrahṛdayā mantrasvacchandabhairavī |

Verse 130

vanamālā vaijayantī pañcadivyāyudhātmikā || 130 ||

pītāmbaramayī cañcatkaustubhā harikāminī |

Verse 131

nityā tathyā ramā rāmā ramaṇī mṛtyubhañjanī || 131 ||

jyeṣṭhā kāṣṭhā dhaniṣṭhāntā śarāṅgī nirguṇapriyā |

Verse 132

maitreyā mitravindā ca śeṣyaśeṣakalāśayā || 132 ||

vārāṇasīvāsalabhyā cāryāvartajanastutā | [ vārāṇasīvāsaratā ]

Verse 133

jagadutpattisaṃsthānasaṃhāratrayakāraṇam || 133 ||

tvamamba viṣṇusarvasvaṃ namaste'stu maheśvari |

Verse 134

namaste sarvalokānāṃ jananyai puṇyamūrtaye || 134 ||

siddhalakṣmīrmahākāli mahalakṣmi namo'stu te |

Verse 135

sadyojātādipañcāgnirūpā pañcakapañcakam || 135 ||

yantralakṣmīrbhavatyādirādyādye te namo namaḥ |

Verse 136

sṛṣṭyādikāraṇākāravitate doṣavarjite || 136 ||

jagallakṣmīrjaganmātarviṣṇupatni namo'stu te |

Verse 137

navakoṭimahāśaktisamupāsyapadāmbuje || 137 ||

kanatsauvarṇaratnāḍhya sarvābharaṇabhūṣite |

Verse 138

anantānityamahiṣīprapañceśvaranāyaki || 138 ||

atyucchritapadāntasthe paramavyomanāyaki |

Verse 139

nākapṛṣṭhagatārādhye viṣṇulokavilāsini || 139 ||

vaikuṇṭharājamahiṣi śrīraṅganagarāśrite |

Verse 140

raṅganāyaki bhūputri kṛṣṇe varadavallabhe || 140 ||

koṭibrahmādisaṃsevye koṭirudrādikīrtite |

Verse 141

mātuluṅgamayaṃ kheṭaṃ sauvarṇacaṣakaṃ tathā || 141 ||

padmadvayaṃ pūrṇakumbhaṃ kīrañca varadābhaye |

Verse 142

pāśamaṅkuśakaṃ śaṅkhaṃ cakraṃ śūlaṃ kṛpāṇikām || 142 ||

dhanurbāṇau cākṣamālāṃ cinmudrāmapi bibhratī |

Verse 143

aṣṭādaśabhuje lakṣmīrmahāṣṭādaśapīṭhage || 143 ||

bhūminīlādisaṃsevye svāmicittānuvartini |

Verse 144

padme padmālaye padmi pūrṇakumbhābhiṣecite || 144 ||

indirendindirābhākṣi kṣīrasāgarakanyake |

Verse 145

bhārgavi tvaṃ svatantrecchā vaśīkṛtajagatpatiḥ || 145 ||

maṅgalaṃ maṅgalānāṃ tvaṃ devatānāṃ ca devatā |

Verse 146

tvamuttamottamānāṃ ca tvaṃ śreyaḥ paramāmṛtam || 146 ||

dhanadhānyābhivṛddhiśca sārvabhaumasukhocchrayā |

Verse 147

āndolikādisaubhāgyaṃ mattebhādimahodayaḥ || 147 ||

putrapautrābhivṛddhiśca vidyābhogabalādikam |

Verse 148

āyurārogyasampattiraṣṭaiśvaryaṃ tvameva hi || 148 ||

parameśavibhūtiśca sūkṣmātsūkṣmatarāgatiḥ |

Verse 149

sadayāpāṅgasandattabrahmendrādipadasthitiḥ || 149 ||

avyāhatamahābhāgyaṃ tvamevākṣobhyavikramaḥ |

Verse 150

samanvayaśca vedānāmavirodhastvameva hi || 150 ||

niḥśreyasapadaprāptisādhanaṃ phalameva ca |

Verse 151

śrīmantrarājarājñī ca śrīvidyā kṣemakāriṇī || 151 ||

śrīmbījajapasantuṣṭā aiṃ hrīṃ śrīṃ bījapālikā |

Verse 152

prapattimārgasulabhā viṣṇuprathamakiṅkarī || 152 ||

klīṅkārārthasavitrī ca saumaṅgalyādhidevatā |

Verse 153

śrīṣoḍaśākṣarīvidyā śrīyantrapuravāsinī || 153 ||

sarvamaṅgalamāṅgalye śive sarvārthasādhike |

Verse 154

śaraṇye tryambake gaurī nārāyaṇi namo'stu te || 154 ||

punaḥ punarnamaste'stu sāṣṭāṅgamayutaṃ punaḥ |

sanatkumāra uvāca-

evaṃ stutā mahālakṣmīrbrahmarudrādibhissuraiḥ |

Verse 1

namadbhirārtairdīnaiśca nissvatvairbhogavarjitaiḥ || 1 ||

jyeṣṭhā juṣṭaiśca niśśrīkaissaṃsārātsvaparāyaṇaiḥ |

Verse 2

viṣṇupatnī dadau teṣāṃ darśanaṃ dṛṣṭitarpaṇam || 2 ||

śaratpūrṇendukoṭyābhadhavalāpāṅgavīkṣaṇaiḥ |

Verse 3

sarvānsattvasamāviṣṭān cakre hṛṣṭā varaṃ dadau || 3 ||

mahālakṣmīruvāca-

nāmnāṃ sāṣṭasahasraṃ me pramādādvāpi yassakṛt |

Verse 4

kīrtayettatkule satyaṃ vasāmyācandratārakam || 4 ||

kiṃ punarniyamājjapturmadekaśaraṇasya ca |

Verse 5

mātṛvatsānukampāhaṃ poṣakī syāmaharniśam || 5 ||

mannāma stavatāṃ loke durlabhaṃ nāsti cintitam |

Verse 6

matprasādena sarve'pi svasveṣṭārthamavāpsyatha || 6 ||

luptavaiṣṇavadharmasya madvrateṣvavakīrṇinaḥ |

Verse 7

bhaktiprapattihīnasya vandyo nāmnāṃ stavo'pi me || 7 ||

tasmādavaśyaṃ tairdoṣairvihīnaḥ pāpavarjitaḥ |

Verse 8

japetsāṣṭasahasraṃ me nāmnāṃ pratyahamādarāt || 8 ||

sākṣādalakṣmīputro'pi durbhāgyo'pyalaso'pi vā |

Verse 9

aprayatno'pi mūḍho'pi vikalaḥ patito'pi ca || 9 ||

avaśyaṃ prāpnuyādbhāgyaṃ matprasādena kevalam |

spṛheyamacirāddevā varadānāya jāpinaḥ |

Verse 10

dadāmi sarvamiṣṭārthaṃ lakṣmīti smaratāṃ dhruvam || 10 ||

sanatkumāra uvāca-

ityuktvā'ntardadhe lakṣmīrvaiṣṇavī bhagavatkalā |

Verse 11

iṣṭāpūrtaṃ ca sukṛtaṃ bhāgadheyaṃ ca cintitam || 11 ||

svaṃ svaṃ sthānaṃ ca bhogaṃ ca vijayaṃ lebhire surāḥ |

tadetat pravadāmyadya lakṣmīnāmasahasrakam |

Verse 12

yoginaḥ paṭhata kṣipraṃ cintitārthānavāpsyatha || 12 ||

gārgya uvāca-

sanatkumāroyogīndra ityuktvā sa dayānidhiḥ |

Verse 13

anugṛhya yayau kṣipraṃ tāṃśca dvādaśayoginaḥ || 13 ||

tasmādetadrahasyaṃ ca gopyaṃ japyaṃ prayatnataḥ |

Verse 14

aṣṭamyāṃ ca caturdaśyāṃ navamyāṃ bhṛguvāsare || 14 ||

paurṇamāsyāmamāyāṃ ca parvakāle viśeṣataḥ |

Verse 15

japedvā nityakāryeṣu sarvānkāmānavāpnuyāt || 15 ||

iti śrīskandapurāṇe sanatkumārasaṃhitāyāṃ lakṣmīsahasranāmastotraṃ sampūrṇam ||

Sanskrit — Devanagari (original)

नाम्नां साष्टसहस्रञ्च ब्रूहि गार्ग्य महामते ।

महालक्ष्म्या महादेव्या भुक्तिमुक्त्यर्थसिद्धये ॥ 1 ॥

गार्ग्य उवाच

सनत्कुमारमासीनं द्वादशादित्यसन्निभम् ।

अपृच्छन्योगिनो भक्त्या योगिनामर्थसिद्धये ॥ 2 ॥

सर्वलौकिककर्मभ्यो विमुक्तानां हिताय वै ।

भुक्तिमुक्तिप्रदं जप्यमनुब्रूहि दयानिधे ॥ 3 ॥

सनत्कुमार भगवन्सर्वज्ञोऽसि विशेषतः ।

आस्तिक्यसिद्धये नॄणां क्षिप्रधर्मार्थसाधनम् ॥ 4 ॥

खिद्यन्ति मानवास्सर्वे धनाभावेन केवलम् ।

सिद्ध्यन्ति धनिनोऽन्यस्य नैव धर्मार्थकामनाः ॥ 5 ॥

दारिद्र्यध्वंसिनी नाम केन विद्या प्रकीर्तिता ।

केन वा ब्रह्मविद्याऽपि केन मृत्युविनाशिनी ॥ 6 ॥

सर्वासां सारभूतैका विद्यानां केन कीर्तिता ।

प्रत्यक्षसिद्धिदा ब्रह्मन् तामाचक्ष्व दयानिधे ॥ 7 ॥

सनत्कुमार उवाच

साधु पृष्टं महाभागास्सर्वलोकहितैषिणः ।

महतामेष धर्मश्च नान्येषामिति मे मतिः ॥ 8 ॥

ब्रह्मविष्णुमहादेवमहेन्द्रादिमहात्मभिः ।

सम्प्रोक्तं कथयाम्यद्य लक्ष्मीनामसहस्रकम् ॥ 9 ॥

यस्योच्चारणमात्रेण दारिद्र्यान्मुच्यते नरः ।

किं पुनस्तज्जपाज्जापी सर्वेष्टार्थानवाप्नुयात् ॥ 10 ॥

अस्य श्रीलक्ष्मीदिव्यसहस्रनामस्तोत्रमहामन्त्रस्य आनन्दकर्दमचिक्लीतेन्दिरासुतादयो महात्मानो महर्षयः अनुष्टुप्छन्दः विष्णुमाया शक्तिः महालक्ष्मीः परादेवता श्रीमहालक्ष्मीप्रसादद्वारा सर्वेष्टार्थसिद्ध्यर्थे जपे विनियोगः ।

ध्यानम्

पद्मनाभप्रियां देवीं पद्माक्षीं पद्मवासिनीम् ।

पद्मवक्त्रां पद्महस्तां वन्दे पद्मामहर्निशम् ॥ 1 ॥

पूर्णेन्दुवदनां दिव्यरत्नाभरणभूषिताम् ।

वरदाभयहस्ताढ्यां ध्यायेच्चन्द्रसहोदरीम् ॥ 2 ॥

इच्छारूपां भगवतस्सच्चिदानन्दरूपिणीम् ।

सर्वज्ञां सर्वजननीं विष्णुवक्षस्स्थलालयाम् ।

दयालुमनिशं ध्यायेत्सुखसिद्धिस्वरूपिणीम् ॥ 3 ॥

स्तोत्रम्

नित्यागतानन्तनित्या नन्दिनी जनरञ्जनी ।

नित्यप्रकाशिनी चैव स्वप्रकाशस्वरूपिणी ॥ 1 ॥

महालक्ष्मीर्महाकाली महाकन्या सरस्वती ।

भोगवैभवसन्धात्री भक्तानुग्रहकारिणी ॥ 2 ॥

ईशावास्या महामाया महादेवी महेश्वरी ।

हृल्लेखा परमा शक्तिर्मातृकाबीजरूपिणी ॥ 3 ॥

नित्यानन्दा नित्यबोधा नादिनी जनमोदिनी ।

सत्यप्रत्ययनी चैव स्वप्रकाशात्मरूपिणी ॥ 4 ॥

त्रिपुरा भैरवी विद्या हंसा वागीश्वरी शिवा ।

वाग्देवी च महारात्रिः कालरात्रिस्त्रिलोचना ॥ 5 ॥

भद्रकाली कराली च महाकाली तिलोत्तमा ।

काली करालवक्त्रान्ता कामाक्षी कामदा शुभा ॥ 6 ॥

चण्डिका चण्डरूपेशा चामुण्डा चक्रधारिणी ।

त्रैलोक्यजयिनी देवी त्रैलोक्यविजयोत्तमा ॥ 7 ॥

सिद्धलक्ष्मीः क्रियालक्ष्मीर्मोक्षलक्ष्मीः प्रसादिनी ।

उमा भगवती दुर्गा चान्द्री दाक्षायणी शिवा ॥ 8 ॥

प्रत्यङ्गिरा धरावेला लोकमाता हरिप्रिया ।

पार्वती परमा देवी ब्रह्मविद्याप्रदायिनी ॥ 9 ॥

अरूपा बहुरूपा च विरूपा विश्वरूपिणी ।

पञ्चभूतात्मिका वाणी पञ्चभूतात्मिका परा ॥ 10 ॥

काली मा पञ्चिका वाग्मी हविःप्रत्यधिदेवता ।

देवमाता सुरेशाना देवगर्भाऽम्बिका धृतिः ॥ 11 ॥

सङ्ख्या जातिः क्रियाशक्तिः प्रकृतिर्मोहिनी मही ।

यज्ञविद्या महाविद्या गुह्यविद्या विभावरी ॥ 12 ॥

ज्योतिष्मती महामाता सर्वमन्त्रफलप्रदा ।

दारिद्र्यध्वंसिनी देवी हृदयग्रन्थिभेदिनी ॥ 13 ॥

सहस्रादित्यसङ्काशा चन्द्रिका चन्द्ररूपिणी ।

गायत्री सोमसम्भूतिस्सावित्री प्रणवात्मिका ॥ 14 ॥

शाङ्करी वैष्णवी ब्राह्मी सर्वदेवनमस्कृता ।

सेव्यदुर्गा कुबेराक्षी करवीरनिवासिनी ॥ 15 ॥

जया च विजया चैव जयन्ती चाऽपराजिता ।

कुब्जिका कालिका शास्त्री वीणापुस्तकधारिणी ॥ 16 ॥

सर्वज्ञशक्तिश्श्रीशक्तिर्ब्रह्मविष्णुशिवात्मिका ।

इडापिङ्गलिकामध्यमृणालीतन्तुरूपिणी ॥ 17 ॥

यज्ञेशानी प्रथा दीक्षा दक्षिणा सर्वमोहिनी ।

अष्टाङ्गयोगिनी देवी निर्बीजध्यानगोचरा ॥ 18 ॥

सर्वतीर्थस्थिता शुद्धा सर्वपर्वतवासिनी ।

वेदशास्त्रप्रभा देवी षडङ्गादिपदक्रमा ॥ 19 ॥

शिवा धात्री शुभानन्दा यज्ञकर्मस्वरूपिणी ।

व्रतिनी मेनका देवी ब्रह्माणी ब्रह्मचारिणी ॥ 20 ॥

एकाक्षरपरा तारा भवबन्धविनाशिनी ।

विश्वम्भरा धराधारा निराधाराऽधिकस्वरा ॥ 21 ॥

राका कुहूरमावास्या पूर्णिमाऽनुमतिर्द्युतिः ।

सिनीवाली शिवाऽवश्या वैश्वदेवी पिशङ्गिला ॥ 22 ॥

पिप्पला च विशालाक्षी रक्षोघ्नी वृष्टिकारिणी ।

दुष्टविद्राविणी देवी सर्वोपद्रवनाशिनी ॥ 23 ॥

शारदा शरसन्धाना सर्वशस्त्रस्वरूपिणी ।

युद्धमध्यस्थिता देवी सर्वभूतप्रभञ्जनी ॥ 24 ॥

अयुद्धा युद्धरूपा च शान्ता शान्तिस्वरूपिणी ।

गङ्गा सरस्वतीवेणीयमुनानर्मदापगा ॥ 25 ॥

समुद्रवसनावासा ब्रह्माण्डश्रोणिमेखला ।

पञ्चवक्त्रा दशभुजा शुद्धस्फटिकसन्निभा ॥ 26 ॥

रक्ता कृष्णा सिता पीता सर्ववर्णा निरीश्वरी ।

कालिका चक्रिका देवी सत्या तु वटुकास्थिता ॥ 27 ॥

तरुणी वारुणी नारी ज्येष्ठादेवी सुरेश्वरी ।

विश्वम्भराधरा कर्त्री गलार्गलविभञ्जनी ॥ 28 ॥

सन्ध्यारात्रिर्दिवाज्योत्स्ना कलाकाष्ठा निमेषिका ।

उर्वी कात्यायनी शुभ्रा संसारार्णवतारिणी ॥ 29 ॥

कपिला कीलिकाऽशोका मल्लिकानवमल्लिका । [ मल्लिकानवमालिका ]

देविका नन्दिका शान्ता भञ्जिका भयभञ्जिका ॥ 30 ॥

कौशिकी वैदिकी देवी सौरी रूपाधिकाऽतिभा ।

दिग्वस्त्रा नववस्त्रा च कन्यका कमलोद्भवा ॥ 31 ॥

श्रीस्सौम्यलक्षणाऽतीतदुर्गा सूत्रप्रबोधिका ।

श्रद्धा मेधा कृतिः प्रज्ञा धारणा कान्तिरेव च ॥ 32 ॥

श्रुतिः स्मृतिर्धृतिर्धन्या भूतिरिष्टिर्मनीषिणी ।

विरक्तिर्व्यापिनी माया सर्वमायाप्रभञ्जनी ॥ 33 ॥

माहेन्द्री मन्त्रिणी सिंही चेन्द्रजालस्वरूपिणी ।

अवस्थात्रयनिर्मुक्ता गुणत्रयविवर्जिता ॥ 34 ॥

ईषणात्रयनिर्मुक्ता सर्वरोगविवर्जिता ।

योगिध्यानान्तगम्या च योगध्यानपरायणा ॥ 35 ॥

त्रयीशिखा विशेषज्ञा वेदान्तज्ञानरूपिणी ।

भारती कमला भाषा पद्मा पद्मवती कृतिः ॥ 36 ॥

गौतमी गोमती गौरी ईशाना हंसवाहिनी ।

नारायणी प्रभाधारा जाह्नवी शङ्करात्मजा ॥ 37 ॥

चित्रघण्टा सुनन्दा श्रीर्मानवी मनुसम्भवा ।

स्तम्भिनी क्षोभिणी मारी भ्रामिणी शत्रुमारिणी ॥ 38 ॥

मोहिनी द्वेषिणी वीरा अघोरा रुद्ररूपिणी ।

रुद्रैकादशिनी पुण्या कल्याणी लाभकारिणी ॥ 39 ॥

देवदुर्गा महादुर्गा स्वप्नदुर्गाऽष्टभैरवी ।

सूर्यचन्द्राग्निरूपा च ग्रहनक्षत्ररूपिणी ॥ 40 ॥

बिन्दुनादकलातीता बिन्दुनादकलात्मिका ।

दशवायुजयाकारा कलाषोडशसंयुता ॥ 41 ॥

काश्यपी कमलादेवी नादचक्रनिवासिनी ।

मृडाधारा स्थिरा गुह्या देविका चक्ररूपिणी ॥ 42 ॥

अविद्या शार्वरी भुञ्जा जम्भासुरनिबर्हिणी ।

श्रीकाया श्रीकला शुभ्रा कर्मनिर्मूलकारिणी ॥ 43 ॥

आदिलक्ष्मीर्गुणाधारा पञ्चब्रह्मात्मिका परा ।

श्रुतिर्ब्रह्ममुखावासा सर्वसम्पत्तिरूपिणी ॥ 44 ॥

मृतसञ्जीवनी मैत्री कामिनी कामवर्जिता ।

निर्वाणमार्गदा देवी हंसिनी काशिका क्षमा ॥ 45 ॥

सपर्या गुणिनी भिन्ना निर्गुणा खण्डिताशुभा ।

स्वामिनी वेदिनी शक्या शाम्बरी चक्रधारिणी ॥ 46 ॥

दण्डिनी मुण्डिनी व्याघ्री शिखिनी सोमसंहतिः ।

चिन्तामणिश्चिदानन्दा पञ्चबाणप्रबोधिनी ॥ 47 ॥

बाणश्रेणिस्सहस्राक्षी सहस्रभुजपादुका ।

सन्ध्यावलिस्त्रिसन्ध्याख्या ब्रह्माण्डमणिभूषणा ॥ 48 ॥

वासवी वारुणीसेना कुलिका मन्त्ररञ्जनी ।

जितप्राणस्वरूपा च कान्ता काम्यवरप्रदा ॥ 49 ॥

मन्त्रब्राह्मणविद्यार्था नादरूपा हविष्मती ।

आथर्वणिः श्रुतिः शून्या कल्पनावर्जिता सती ॥ 50 ॥

सत्ताजातिः प्रमाऽमेयाऽप्रमितिः प्राणदा गतिः ।

अवर्णा पञ्चवर्णा च सर्वदा भुवनेश्वरी ॥ 51 ॥

त्रैलोक्यमोहिनी विद्या सर्वभर्त्री क्षराऽक्षरा ।

हिरण्यवर्णा हरिणी सर्वोपद्रवनाशिनी ॥ 52 ॥

कैवल्यपदवीरेखा सूर्यमण्डलसंस्थिता ।

सोममण्डलमध्यस्था वह्निमण्डलसंस्थिता ॥ 53 ॥

वायुमण्डलमध्यस्था व्योममण्डलसंस्थिता ।

चक्रिका चक्रमध्यस्था चक्रमार्गप्रवर्तिनी ॥ 54 ॥

कोकिलाकुलचक्रेशा पक्षतिः पङ्क्तिपावनी ।

सर्वसिद्धान्तमार्गस्था षड्वर्णावरवर्जिता ॥ 55 ॥

शररुद्रहरा हन्त्री सर्वसंहारकारिणी ।

पुरुषा पौरुषी तुष्टिस्सर्वतन्त्रप्रसूतिका ॥ 56 ॥

अर्धनारीश्वरी देवी सर्वविद्याप्रदायिनी ।

भार्गवी याजुषीविद्या सर्वोपनिषदास्थिता ॥ 57 ॥ [ भुजुषीविद्या ]

व्योमकेशाखिलप्राणा पञ्चकोशविलक्षणा ।

पञ्चकोशात्मिका प्रत्यक्पञ्चब्रह्मात्मिका शिवा ॥ 58 ॥

जगज्जराजनित्री च पञ्चकर्मप्रसूतिका ।

वाग्देव्याभरणाकारा सर्वकाम्यस्थितास्थितिः ॥ 59 ॥

अष्टादशचतुष्षष्ठिपीठिका विद्यया युता ।

कालिकाकर्षणश्यामा यक्षिणी किन्नरेश्वरी ॥ 60 ॥

केतकी मल्लिकाऽशोका वाराही धरणी ध्रुवा ।

नारसिंही महोग्रास्या भक्तानामार्तिनाशिनी ॥ 61 ॥

अन्तर्बला स्थिरा लक्ष्मीर्जरामरणनाशिनी ।

श्रीरञ्जिता महाकाया सोमसूर्याग्निलोचना ॥ 62 ॥

अदितिर्देवमाता च अष्टपुत्राऽष्टयोगिनी ।

अष्टप्रकृतिरष्टाष्टविभ्राजद्विकृताकृतिः ॥ 63 ॥

दुर्भिक्षध्वंसिनी देवी सीता सत्या च रुक्मिणी ।

ख्यातिजा भार्गवी देवी देवयोनिस्तपस्विनी ॥ 64 ॥

शाकम्भरी महाशोणा गरुडोपरिसंस्थिता ।

सिंहगा व्याघ्रगा देवी वायुगा च महाद्रिगा ॥ 65 ॥

अकारादिक्षकारान्ता सर्वविद्याधिदेवता ।

मन्त्रव्याख्याननिपुणा ज्योतिश्शास्त्रैकलोचना ॥ 66 ॥

इडापिङ्गलिकामध्यासुषुम्ना ग्रन्थिभेदिनी ।

कालचक्राश्रयोपेता कालचक्रस्वरूपिणी ॥ 67 ॥

वैशारदी मतिश्श्रेष्ठा वरिष्ठा सर्वदीपिका ।

वैनायकी वरारोहा श्रोणिवेला बहिर्वलिः ॥ 68 ॥

जम्भिनी जृम्भिणी जम्भकारिणी गणकारिका ।

शरणी चक्रिकाऽनन्ता सर्वव्याधिचिकित्सकी ॥ 69 ॥

देवकी देवसङ्काशा वारिधिः करुणाकरा ।

शर्वरी सर्वसम्पन्ना सर्वपापप्रभञ्जनी ॥ 70 ॥

एकमात्रा द्विमात्रा च त्रिमात्रा च तथाऽपरा ।

अर्धमात्रा परा सूक्ष्मा सूक्ष्मार्थाऽर्थपराऽपरा ॥ 71 ॥

एकवीरा विशेषाख्या षष्ठीदेवी मनस्विनी ।

नैष्कर्म्या निष्कलालोका ज्ञानकर्माधिका गुणा ॥ 72 ॥

सबन्ध्वानन्दसन्दोहा व्योमाकाराऽनिरूपिता ।

गद्यपद्यात्मिका वाणी सर्वालङ्कारसंयुता ॥ 73 ॥

साधुबन्धपदन्यासा सर्वौको घटिकावलिः ।

षट्कर्मा कर्कशाकारा सर्वकर्मविवर्जिता ॥ 74 ॥

आदित्यवर्णा चापर्णा कामिनी वररूपिणी ।

ब्रह्माणी ब्रह्मसन्ताना वेदवागीश्वरी शिवा ॥ 75 ॥

पुराणन्यायमीमांसाधर्मशास्त्रागमश्रुता ।

सद्योवेदवती सर्वा हंसी विद्याधिदेवता ॥ 76 ॥

विश्वेश्वरी जगद्धात्री विश्वनिर्माणकारिणी ।

वैदिकी वेदरूपा च कालिका कालरूपिणी ॥ 77 ॥

नारायणी महादेवी सर्वतत्त्वप्रवर्तिनी ।

हिरण्यवर्णरूपा च हिरण्यपदसम्भवा ॥ 78 ॥

कैवल्यपदवी पुण्या कैवल्यज्ञानलक्षिता ।

ब्रह्मसम्पत्तिरूपा च ब्रह्मसम्पत्तिकारिणी ॥ 79 ॥

वारुणी वारुणाराध्या सर्वकर्मप्रवर्तिनी ।

एकाक्षरपराऽऽयुक्ता सर्वदारिद्र्यभञ्जिनी ॥ 80 ॥

पाशाङ्कुशान्विता दिव्या वीणाव्याख्याक्षसूत्रभृत् ।

एकमूर्तिस्त्रयीमूर्तिर्मधुकैटभभञ्जिनी ॥ 81 ॥

साङ्ख्या साङ्ख्यवती ज्वाला ज्वलन्ती कामरूपिणी ।

जाग्रती सर्वसम्पत्तिस्सुषुप्ता स्वेष्टदायिनी ॥ 82 ॥

कपालिनी महादंष्ट्रा भ्रुकुटी कुटिलानना ।

सर्वावासा सुवासा च बृहत्यष्टिश्च शक्वरी ॥ 83 ॥

छन्दोगणप्रतिष्ठा च कल्माषी करुणात्मिका ।

चक्षुष्मती महाघोषा खड्गचर्मधराऽशनिः ॥ 84 ॥

शिल्पवैचित्र्यविद्योता सर्वतोभद्रवासिनी ।

अचिन्त्यलक्षणाकारा सूत्रभाष्यनिबन्धना ॥ 85 ॥

सर्ववेदार्थसम्पत्तिस्सर्वशास्त्रार्थमातृका ।

अकारादिक्षकारान्तसर्ववर्णकृतस्थला ॥ 86 ॥

सर्वलक्ष्मीस्सदानन्दा सारविद्या सदाशिवा ।

सर्वज्ञा सर्वशक्तिश्च खेचरीरूपगोच्छ्रिता ॥ 87 ॥

अणिमादिगुणोपेता परा काष्ठा परा गतिः ।

हंसयुक्तविमानस्था हंसारूढा शशिप्रभा ॥ 88 ॥

भवानी वासनाशक्तिराकृतिस्थाखिलाऽखिला ।

तन्त्रहेतुर्विचित्राङ्गी व्योमगङ्गाविनोदिनी ॥ 89 ॥

वर्षा च वार्षिका चैव ऋग्यजुस्सामरूपिणी ।

महानदीनदीपुण्याऽगण्यपुण्यगुणक्रिया ॥ 90 ॥

समाधिगतलभ्यार्था श्रोतव्या स्वप्रिया घृणा ।

नामाक्षरपरा देवी उपसर्गनखाञ्चिता ॥ 91 ॥

निपातोरुद्वयीजङ्घा मातृका मन्त्ररूपिणी ।

आसीना च शयाना च तिष्ठन्ती धावनाधिका ॥ 92 ॥

लक्ष्यलक्षणयोगाढ्या ताद्रूप्यगणनाकृतिः ।

सैकरूपा नैकरूपा सेन्दुरूपा तदाकृतिः ॥ 93 ॥

समासतद्धिताकारा विभक्तिवचनात्मिका ।

स्वाहाकारा स्वधाकारा श्रीपत्यर्धाङ्गनन्दिनी ॥ 94 ॥

गम्भीरा गहना गुह्या योनिलिङ्गार्धधारिणी ।

शेषवासुकिसंसेव्या चपला वरवर्णिनी ॥ 95 ॥

कारुण्याकारसम्पत्तिः कीलकृन्मन्त्रकीलिका ।

शक्तिबीजात्मिका सर्वमन्त्रेष्टाक्षयकामना ॥ 96 ॥

आग्नेयी पार्थिवा आप्या वायव्या व्योमकेतना ।

सत्यज्ञानात्मिकाऽऽनन्दा ब्राह्मी ब्रह्म सनातनी ॥ 97 ॥

अविद्यावासना मायाप्रकृतिस्सर्वमोहिनी ।

शक्तिर्धारणशक्तिश्च चिदचिच्छक्तियोगिनी ॥ 98 ॥

वक्त्रारुणा महामाया मरीचिर्मदमर्दिनी ।

विराट् स्वाहा स्वधा शुद्धा नीरूपास्तिस्सुभक्तिगा ॥ 99 ॥

निरूपिताद्वयीविद्या नित्यानित्यस्वरूपिणी ।

वैराजमार्गसञ्चारा सर्वसत्पथदर्शिनी ॥ 100 ॥

जालन्धरी मृडानी च भवानी भवभञ्जनी ।

त्रैकालिकज्ञानतन्तुस्त्रिकालज्ञानदायिनी ॥ 101 ॥

नादातीता स्मृतिः प्रज्ञा धात्रीरूपा त्रिपुष्करा ।

पराजिताविधानज्ञा विशेषितगुणात्मिका ॥ 102 ॥

हिरण्यकेशिनी हेमब्रह्मसूत्रविचक्षणा ।

असङ्ख्येयपरार्धान्तस्वरव्यञ्जनवैखरी ॥ 103 ॥

मधुजिह्वा मधुमती मधुमासोदया मधुः ।

माधवी च महाभागा मेघगम्भीरनिस्वना ॥ 104 ॥

ब्रह्मविष्णुमहेशादिज्ञातव्यार्थविशेषगा ।

नाभौ वह्निशिखाकारा ललाटे चन्द्रसन्निभा ॥ 105 ॥

भ्रूमध्ये भास्कराकारा सर्वताराकृतिर्हृदि ।

कृत्तिकादिभरण्यन्तनक्षत्रेष्ट्यार्चितोदया ॥ 106 ॥

ग्रहविद्यात्मिका ज्योतिर्ज्योतिर्विन्मतिजीविका ।

ब्रह्माण्डगर्भिणी बाला सप्तावरणदेवता ॥ 107 ॥

वैराजोत्तमसाम्राज्या कुमारकुशलोदया ।

बगला भ्रमराम्बा च शिवदूती शिवात्मिका ॥ 108 ॥

मेरुविन्ध्यादिसंस्थाना काश्मीरपुरवासिनी ।

योगनिद्रा महानिद्रा विनिद्रा राक्षसाश्रिता ॥ 109 ॥

सुवर्णदा महागङ्गा पञ्चाख्या पञ्चसंहतिः ।

सुप्रजाता सुवीरा च सुपोषा सुपतिश्शिवा ॥ 110 ॥

सुगृहा रक्तबीजान्ता हतकन्दर्पजीविका ।

समुद्रव्योममध्यस्था समबिन्दुसमाश्रया ॥ 111 ॥

सौभाग्यरसजीवातुस्सारासारविवेकदृक् ।

त्रिवल्यादिसुपुष्टाङ्गा भारती भरताश्रिता ॥ 112 ॥

नादब्रह्ममयीविद्या ज्ञानब्रह्ममयीपरा ।

ब्रह्मनाडी निरुक्तिश्च ब्रह्मकैवल्यसाधनम् ॥ 113 ॥

कालिकेयमहोदारवीर्यविक्रमरूपिणी ।

वडवाग्निशिखावक्त्रा महाकवलतर्पणा ॥ 114 ॥

महाभूता महादर्पा महासारा महाक्रतुः ।

पञ्जभूतमहाग्रासा पञ्चभूताधिदेवता ॥ 115 ॥

सर्वप्रमाणा सम्पत्तिस्सर्वरोगप्रतिक्रिया ।

ब्रह्माण्डान्तर्बहिर्व्याप्ता विष्णुवक्षोविभूषिणी ॥ 116 ॥

शाङ्करी विधिवक्त्रस्था प्रवरा वरहेतुकी ।

हेममाला शिखामाला त्रिशिखा पञ्चलोचना ॥ 117 ॥ [ पञ्चमोचना ]

सर्वागमसदाचारमर्यादा यातुभञ्जनी ।

पुण्यश्लोकप्रबन्धाढ्या सर्वान्तर्यामिरूपिणी ॥ 118 ॥

सामगानसमाराध्या श्रोत्रकर्णरसायनम् ।

जीवलोकैकजीवातुर्भद्रोदारविलोकना ॥ 119 ॥

तटित्कोटिलसत्कान्तिस्तरुणी हरिसुन्दरी ।

मीननेत्रा च सेन्द्राक्षी विशालाक्षी सुमङ्गला ॥ 120 ॥

सर्वमङ्गलसम्पन्ना साक्षान्मङ्गलदेवता ।

देहहृद्दीपिका दीप्तिर्जिह्वपापप्रणाशिनी ॥ 121 ॥

अर्धचन्द्रोल्लसद्दंष्ट्रा यज्ञवाटीविलासिनी ।

महादुर्गा महोत्साहा महादेवबलोदया ॥ 122 ॥

डाकिनीड्या शाकिनीड्या साकिनीड्या समस्तजुट् ।

निरङ्कुशा नाकिवन्द्या षडाधाराधिदेवता ॥ 123 ॥

भुवनज्ञानिनिश्श्रेणी भुवनाकारवल्लरी ।

शाश्वती शाश्वताकारा लोकानुग्रहकारिणी ॥ 124 ॥

सारसी मानसी हंसी हंसलोकप्रदायिनी ।

चिन्मुद्रालङ्कृतकरा कोटिसूर्यसमप्रभा ॥ 125 ॥

सुखप्राणिशिरोरेखा सददृष्टप्रदायिनी ।

सर्वसाङ्कर्यदोषघ्नी ग्रहोपद्रवनाशिनी ॥ 126 ॥

क्षुद्रजन्तुभयघ्नी च विषरोगादिभञ्जनी ।

सदाशान्ता सदाशुद्धा गृहच्छिद्रनिवारिणी ॥ 127 ॥

कलिदोषप्रशमनी कोलाहलपुरस्थिता ।

गौरी लाक्षणिकी मुख्या जघन्याकृतिवर्जिता ॥ 128 ॥

माया विद्या मूलभूता वासवी विष्णुचेतना ।

वादिनी वसुरूपा च वसुरत्नपरिच्छदा ॥ 129 ॥

छान्दसी चन्द्रहृदया मन्त्रस्वच्छन्दभैरवी ।

वनमाला वैजयन्ती पञ्चदिव्यायुधात्मिका ॥ 130 ॥

पीताम्बरमयी चञ्चत्कौस्तुभा हरिकामिनी ।

नित्या तथ्या रमा रामा रमणी मृत्युभञ्जनी ॥ 131 ॥

ज्येष्ठा काष्ठा धनिष्ठान्ता शराङ्गी निर्गुणप्रिया ।

मैत्रेया मित्रविन्दा च शेष्यशेषकलाशया ॥ 132 ॥

वाराणसीवासलभ्या चार्यावर्तजनस्तुता । [ वाराणसीवासरता ]

जगदुत्पत्तिसंस्थानसंहारत्रयकारणम् ॥ 133 ॥

त्वमम्ब विष्णुसर्वस्वं नमस्तेऽस्तु महेश्वरि ।

नमस्ते सर्वलोकानां जनन्यै पुण्यमूर्तये ॥ 134 ॥

सिद्धलक्ष्मीर्महाकालि महलक्ष्मि नमोऽस्तु ते ।

सद्योजातादिपञ्चाग्निरूपा पञ्चकपञ्चकम् ॥ 135 ॥

यन्त्रलक्ष्मीर्भवत्यादिराद्याद्ये ते नमो नमः ।

सृष्ट्यादिकारणाकारवितते दोषवर्जिते ॥ 136 ॥

जगल्लक्ष्मीर्जगन्मातर्विष्णुपत्नि नमोऽस्तु ते ।

नवकोटिमहाशक्तिसमुपास्यपदाम्बुजे ॥ 137 ॥

कनत्सौवर्णरत्नाढ्य सर्वाभरणभूषिते ।

अनन्तानित्यमहिषीप्रपञ्चेश्वरनायकि ॥ 138 ॥

अत्युच्छ्रितपदान्तस्थे परमव्योमनायकि ।

नाकपृष्ठगताराध्ये विष्णुलोकविलासिनि ॥ 139 ॥

वैकुण्ठराजमहिषि श्रीरङ्गनगराश्रिते ।

रङ्गनायकि भूपुत्रि कृष्णे वरदवल्लभे ॥ 140 ॥

कोटिब्रह्मादिसंसेव्ये कोटिरुद्रादिकीर्तिते ।

मातुलुङ्गमयं खेटं सौवर्णचषकं तथा ॥ 141 ॥

पद्मद्वयं पूर्णकुम्भं कीरञ्च वरदाभये ।

पाशमङ्कुशकं शङ्खं चक्रं शूलं कृपाणिकाम् ॥ 142 ॥

धनुर्बाणौ चाक्षमालां चिन्मुद्रामपि बिभ्रती ।

अष्टादशभुजे लक्ष्मीर्महाष्टादशपीठगे ॥ 143 ॥

भूमिनीलादिसंसेव्ये स्वामिचित्तानुवर्तिनि ।

पद्मे पद्मालये पद्मि पूर्णकुम्भाभिषेचिते ॥ 144 ॥

इन्दिरेन्दिन्दिराभाक्षि क्षीरसागरकन्यके ।

भार्गवि त्वं स्वतन्त्रेच्छा वशीकृतजगत्पतिः ॥ 145 ॥

मङ्गलं मङ्गलानां त्वं देवतानां च देवता ।

त्वमुत्तमोत्तमानां च त्वं श्रेयः परमामृतम् ॥ 146 ॥

धनधान्याभिवृद्धिश्च सार्वभौमसुखोच्छ्रया ।

आन्दोलिकादिसौभाग्यं मत्तेभादिमहोदयः ॥ 147 ॥

पुत्रपौत्राभिवृद्धिश्च विद्याभोगबलादिकम् ।

आयुरारोग्यसम्पत्तिरष्टैश्वर्यं त्वमेव हि ॥ 148 ॥

परमेशविभूतिश्च सूक्ष्मात्सूक्ष्मतरागतिः ।

सदयापाङ्गसन्दत्तब्रह्मेन्द्रादिपदस्थितिः ॥ 149 ॥

अव्याहतमहाभाग्यं त्वमेवाक्षोभ्यविक्रमः ।

समन्वयश्च वेदानामविरोधस्त्वमेव हि ॥ 150 ॥

निःश्रेयसपदप्राप्तिसाधनं फलमेव च ।

श्रीमन्त्रराजराज्ञी च श्रीविद्या क्षेमकारिणी ॥ 151 ॥

श्रीम्बीजजपसन्तुष्टा ऐं ह्रीं श्रीं बीजपालिका ।

प्रपत्तिमार्गसुलभा विष्णुप्रथमकिङ्करी ॥ 152 ॥

क्लीङ्कारार्थसवित्री च सौमङ्गल्याधिदेवता ।

श्रीषोडशाक्षरीविद्या श्रीयन्त्रपुरवासिनी ॥ 153 ॥

सर्वमङ्गलमाङ्गल्ये शिवे सर्वार्थसाधिके ।

शरण्ये त्र्यम्बके गौरी नारायणि नमोऽस्तु ते ॥ 154 ॥

पुनः पुनर्नमस्तेऽस्तु साष्टाङ्गमयुतं पुनः ।

सनत्कुमार उवाच-

एवं स्तुता महालक्ष्मीर्ब्रह्मरुद्रादिभिस्सुरैः ।

नमद्भिरार्तैर्दीनैश्च निस्स्वत्वैर्भोगवर्जितैः ॥ 1 ॥

ज्येष्ठा जुष्टैश्च निश्श्रीकैस्संसारात्स्वपरायणैः ।

विष्णुपत्नी ददौ तेषां दर्शनं दृष्टितर्पणम् ॥ 2 ॥

शरत्पूर्णेन्दुकोट्याभधवलापाङ्गवीक्षणैः ।

सर्वान्सत्त्वसमाविष्टान् चक्रे हृष्टा वरं ददौ ॥ 3 ॥

महालक्ष्मीरुवाच-

नाम्नां साष्टसहस्रं मे प्रमादाद्वापि यस्सकृत् ।

कीर्तयेत्तत्कुले सत्यं वसाम्याचन्द्रतारकम् ॥ 4 ॥

किं पुनर्नियमाज्जप्तुर्मदेकशरणस्य च ।

मातृवत्सानुकम्पाहं पोषकी स्यामहर्निशम् ॥ 5 ॥

मन्नाम स्तवतां लोके दुर्लभं नास्ति चिन्तितम् ।

मत्प्रसादेन सर्वेऽपि स्वस्वेष्टार्थमवाप्स्यथ ॥ 6 ॥

लुप्तवैष्णवधर्मस्य मद्व्रतेष्ववकीर्णिनः ।

भक्तिप्रपत्तिहीनस्य वन्द्यो नाम्नां स्तवोऽपि मे ॥ 7 ॥

तस्मादवश्यं तैर्दोषैर्विहीनः पापवर्जितः ।

जपेत्साष्टसहस्रं मे नाम्नां प्रत्यहमादरात् ॥ 8 ॥

साक्षादलक्ष्मीपुत्रोऽपि दुर्भाग्योऽप्यलसोऽपि वा ।

अप्रयत्नोऽपि मूढोऽपि विकलः पतितोऽपि च ॥ 9 ॥

अवश्यं प्राप्नुयाद्भाग्यं मत्प्रसादेन केवलम् ।

स्पृहेयमचिराद्देवा वरदानाय जापिनः ।

ददामि सर्वमिष्टार्थं लक्ष्मीति स्मरतां ध्रुवम् ॥ 10 ॥

सनत्कुमार उवाच-

इत्युक्त्वाऽन्तर्दधे लक्ष्मीर्वैष्णवी भगवत्कला ।

इष्टापूर्तं च सुकृतं भागधेयं च चिन्तितम् ॥ 11 ॥

स्वं स्वं स्थानं च भोगं च विजयं लेभिरे सुराः ।

तदेतत् प्रवदाम्यद्य लक्ष्मीनामसहस्रकम् ।

योगिनः पठत क्षिप्रं चिन्तितार्थानवाप्स्यथ ॥ 12 ॥

गार्ग्य उवाच-

सनत्कुमारोयोगीन्द्र इत्युक्त्वा स दयानिधिः ।

अनुगृह्य ययौ क्षिप्रं तांश्च द्वादशयोगिनः ॥ 13 ॥

तस्मादेतद्रहस्यं च गोप्यं जप्यं प्रयत्नतः ।

अष्टम्यां च चतुर्दश्यां नवम्यां भृगुवासरे ॥ 14 ॥

पौर्णमास्याममायां च पर्वकाले विशेषतः ।

जपेद्वा नित्यकार्येषु सर्वान्कामानवाप्नुयात् ॥ 15 ॥

इति श्रीस्कन्दपुराणे सनत्कुमारसंहितायां लक्ष्मीसहस्रनामस्तोत्रं सम्पूर्णम् ॥

śrī lakṣmī sahasranāma stotraṃ