നാമ്നാം സാഷ്ടസഹസ്രഞ്ച ബ്രൂഹി ഗാര്ഗ്യ മഹാമതേ ।
മഹാലക്ഷ്മ്യാ മഹാദേവ്യാ ഭുക്തിമുക്ത്യര്ഥസിദ്ധയേ ॥ 1 ॥
ഗാര്ഗ്യ ഉവാച
സനത്കുമാരമാസീനം ദ്വാദശാദിത്യസന്നിഭമ് ।
അപൃച്ഛന്യോഗിനോ ഭക്ത്യാ യോഗിനാമര്ഥസിദ്ധയേ ॥ 2 ॥
സര്വലൌകികകര്മഭ്യോ വിമുക്താനാം ഹിതായ വൈ ।
ഭുക്തിമുക്തിപ്രദം ജപ്യമനുബ്രൂഹി ദയാനിധേ ॥ 3 ॥
സനത്കുമാര ഭഗവന്സര്വജ്ഞോഽസി വിശേഷതഃ ।
ആസ്തിക്യസിദ്ധയേ നൄണാം ക്ഷിപ്രധര്മാര്ഥസാധനമ് ॥ 4 ॥
ഖിദ്യന്തി മാനവാസ്സര്വേ ധനാഭാവേന കേവലമ് ।
സിദ്ധ്യന്തി ധനിനോഽന്യസ്യ നൈവ ധര്മാര്ഥകാമനാഃ ॥ 5 ॥
ദാരിദ്ര്യധ്വംസിനീ നാമ കേന വിദ്യാ പ്രകീര്തിതാ ।
കേന വാ ബ്രഹ്മവിദ്യാഽപി കേന മൃത്യുവിനാശിനീ ॥ 6 ॥
സര്വാസാം സാരഭൂതൈകാ വിദ്യാനാം കേന കീര്തിതാ ।
പ്രത്യക്ഷസിദ്ധിദാ ബ്രഹ്മന് താമാചക്ഷ്വ ദയാനിധേ ॥ 7 ॥
സനത്കുമാര ഉവാച
സാധു പൃഷ്ടം മഹാഭാഗാസ്സര്വലോകഹിതൈഷിണഃ ।
മഹതാമേഷ ധര്മശ്ച നാന്യേഷാമിതി മേ മതിഃ ॥ 8 ॥
ബ്രഹ്മവിഷ്ണുമഹാദേവമഹേന്ദ്രാദിമഹാത്മഭിഃ ।
സമ്പ്രോക്തം കഥയാമ്യദ്യ ലക്ഷ്മീനാമസഹസ്രകമ് ॥ 9 ॥
യസ്യോച്ചാരണമാത്രേണ ദാരിദ്ര്യാന്മുച്യതേ നരഃ ।
കിം പുനസ്തജ്ജപാജ്ജാപീ സര്വേഷ്ടാര്ഥാനവാപ്നുയാത് ॥ 10 ॥
അസ്യ ശ്രീലക്ഷ്മീദിവ്യസഹസ്രനാമസ്തോത്രമഹാമന്ത്രസ്യ ആനന്ദകര്ദമചിക്ലീതേന്ദിരാസുതാദയോ മഹാത്മാനോ മഹര്ഷയഃ അനുഷ്ടുപ്ഛന്ദഃ വിഷ്ണുമായാ ശക്തിഃ മഹാലക്ഷ്മീഃ പരാദേവതാ ശ്രീമഹാലക്ഷ്മീപ്രസാദദ്വാരാ സര്വേഷ്ടാര്ഥസിദ്ധ്യര്ഥേ ജപേ വിനിയോഗഃ ।
ധ്യാനമ്
പദ്മനാഭപ്രിയാം ദേവീം പദ്മാക്ഷീം പദ്മവാസിനീമ് ।
പദ്മവക്ത്രാം പദ്മഹസ്താം വന്ദേ പദ്മാമഹര്നിശമ് ॥ 1 ॥
പൂര്ണേന്ദുവദനാം ദിവ്യരത്നാഭരണഭൂഷിതാമ് ।
വരദാഭയഹസ്താഢ്യാം ധ്യായേച്ചന്ദ്രസഹോദരീമ് ॥ 2 ॥
ഇച്ഛാരൂപാം ഭഗവതസ്സച്ചിദാനന്ദരൂപിണീമ് ।
സര്വജ്ഞാം സര്വജനനീം വിഷ്ണുവക്ഷസ്സ്ഥലാലയാമ് ।
ദയാലുമനിശം ധ്യായേത്സുഖസിദ്ധിസ്വരൂപിണീമ് ॥ 3 ॥
സ്തോത്രമ്
നിത്യാഗതാനന്തനിത്യാ നന്ദിനീ ജനരഞ്ജനീ ।
നിത്യപ്രകാശിനീ ചൈവ സ്വപ്രകാശസ്വരൂപിണീ ॥ 1 ॥
മഹാലക്ഷ്മീര്മഹാകാലീ മഹാകന്യാ സരസ്വതീ ।
ഭോഗവൈഭവസന്ധാത്രീ ഭക്താനുഗ്രഹകാരിണീ ॥ 2 ॥
ഈശാവാസ്യാ മഹാമായാ മഹാദേവീ മഹേശ്വരീ ।
ഹൃല്ലേഖാ പരമാ ശക്തിര്മാതൃകാബീജരൂപിണീ ॥ 3 ॥
നിത്യാനന്ദാ നിത്യബോധാ നാദിനീ ജനമോദിനീ ।
സത്യപ്രത്യയനീ ചൈവ സ്വപ്രകാശാത്മരൂപിണീ ॥ 4 ॥
ത്രിപുരാ ഭൈരവീ വിദ്യാ ഹംസാ വാഗീശ്വരീ ശിവാ ।
വാഗ്ദേവീ ച മഹാരാത്രിഃ കാലരാത്രിസ്ത്രിലോചനാ ॥ 5 ॥
ഭദ്രകാലീ കരാലീ ച മഹാകാലീ തിലോത്തമാ ।
കാലീ കരാലവക്ത്രാന്താ കാമാക്ഷീ കാമദാ ശുഭാ ॥ 6 ॥
ചണ്ഡികാ ചണ്ഡരൂപേശാ ചാമുണ്ഡാ ചക്രധാരിണീ ।
ത്രൈലോക്യജയിനീ ദേവീ ത്രൈലോക്യവിജയോത്തമാ ॥ 7 ॥
സിദ്ധലക്ഷ്മീഃ ക്രിയാലക്ഷ്മീര്മോക്ഷലക്ഷ്മീഃ പ്രസാദിനീ ।
ഉമാ ഭഗവതീ ദുര്ഗാ ചാന്ദ്രീ ദാക്ഷായണീ ശിവാ ॥ 8 ॥
പ്രത്യങ്ഗിരാ ധരാവേലാ ലോകമാതാ ഹരിപ്രിയാ ।
പാര്വതീ പരമാ ദേവീ ബ്രഹ്മവിദ്യാപ്രദായിനീ ॥ 9 ॥
അരൂപാ ബഹുരൂപാ ച വിരൂപാ വിശ്വരൂപിണീ ।
പഞ്ചഭൂതാത്മികാ വാണീ പഞ്ചഭൂതാത്മികാ പരാ ॥ 10 ॥
കാലീ മാ പഞ്ചികാ വാഗ്മീ ഹവിഃപ്രത്യധിദേവതാ ।
ദേവമാതാ സുരേശാനാ ദേവഗര്ഭാഽമ്ബികാ ധൃതിഃ ॥ 11 ॥
സങ്ഖ്യാ ജാതിഃ ക്രിയാശക്തിഃ പ്രകൃതിര്മോഹിനീ മഹീ ।
യജ്ഞവിദ്യാ മഹാവിദ്യാ ഗുഹ്യവിദ്യാ വിഭാവരീ ॥ 12 ॥
ജ്യോതിഷ്മതീ മഹാമാതാ സര്വമന്ത്രഫലപ്രദാ ।
ദാരിദ്ര്യധ്വംസിനീ ദേവീ ഹൃദയഗ്രന്ഥിഭേദിനീ ॥ 13 ॥
സഹസ്രാദിത്യസങ്കാശാ ചന്ദ്രികാ ചന്ദ്രരൂപിണീ ।
ഗായത്രീ സോമസമ്ഭൂതിസ്സാവിത്രീ പ്രണവാത്മികാ ॥ 14 ॥
ശാങ്കരീ വൈഷ്ണവീ ബ്രാഹ്മീ സര്വദേവനമസ്കൃതാ ।
സേവ്യദുര്ഗാ കുബേരാക്ഷീ കരവീരനിവാസിനീ ॥ 15 ॥
ജയാ ച വിജയാ ചൈവ ജയന്തീ ചാഽപരാജിതാ ।
കുബ്ജികാ കാലികാ ശാസ്ത്രീ വീണാപുസ്തകധാരിണീ ॥ 16 ॥
സര്വജ്ഞശക്തിശ്ശ്രീശക്തിര്ബ്രഹ്മവിഷ്ണുശിവാത്മികാ ।
ഇഡാപിങ്ഗലികാമധ്യമൃണാലീതന്തുരൂപിണീ ॥ 17 ॥
യജ്ഞേശാനീ പ്രഥാ ദീക്ഷാ ദക്ഷിണാ സര്വമോഹിനീ ।
അഷ്ടാങ്ഗയോഗിനീ ദേവീ നിര്ബീജധ്യാനഗോചരാ ॥ 18 ॥
സര്വതീര്ഥസ്ഥിതാ ശുദ്ധാ സര്വപര്വതവാസിനീ ।
വേദശാസ്ത്രപ്രഭാ ദേവീ ഷഡങ്ഗാദിപദക്രമാ ॥ 19 ॥
ശിവാ ധാത്രീ ശുഭാനന്ദാ യജ്ഞകര്മസ്വരൂപിണീ ।
വ്രതിനീ മേനകാ ദേവീ ബ്രഹ്മാണീ ബ്രഹ്മചാരിണീ ॥ 20 ॥
ഏകാക്ഷരപരാ താരാ ഭവബന്ധവിനാശിനീ ।
വിശ്വമ്ഭരാ ധരാധാരാ നിരാധാരാഽധികസ്വരാ ॥ 21 ॥
രാകാ കുഹൂരമാവാസ്യാ പൂര്ണിമാഽനുമതിര്ദ്യുതിഃ ।
സിനീവാലീ ശിവാഽവശ്യാ വൈശ്വദേവീ പിശങ്ഗിലാ ॥ 22 ॥
പിപ്പലാ ച വിശാലാക്ഷീ രക്ഷോഘ്നീ വൃഷ്ടികാരിണീ ।
ദുഷ്ടവിദ്രാവിണീ ദേവീ സര്വോപദ്രവനാശിനീ ॥ 23 ॥
ശാരദാ ശരസന്ധാനാ സര്വശസ്ത്രസ്വരൂപിണീ ।
യുദ്ധമധ്യസ്ഥിതാ ദേവീ സര്വഭൂതപ്രഭഞ്ജനീ ॥ 24 ॥
അയുദ്ധാ യുദ്ധരൂപാ ച ശാന്താ ശാന്തിസ്വരൂപിണീ ।
ഗങ്ഗാ സരസ്വതീവേണീയമുനാനര്മദാപഗാ ॥ 25 ॥
സമുദ്രവസനാവാസാ ബ്രഹ്മാണ്ഡശ്രോണിമേഖലാ ।
പഞ്ചവക്ത്രാ ദശഭുജാ ശുദ്ധസ്ഫടികസന്നിഭാ ॥ 26 ॥
രക്താ കൃഷ്ണാ സിതാ പീതാ സര്വവര്ണാ നിരീശ്വരീ ।
കാലികാ ചക്രികാ ദേവീ സത്യാ തു വടുകാസ്ഥിതാ ॥ 27 ॥
തരുണീ വാരുണീ നാരീ ജ്യേഷ്ഠാദേവീ സുരേശ്വരീ ।
വിശ്വമ്ഭരാധരാ കര്ത്രീ ഗലാര്ഗലവിഭഞ്ജനീ ॥ 28 ॥
സന്ധ്യാരാത്രിര്ദിവാജ്യോത്സ്നാ കലാകാഷ്ഠാ നിമേഷികാ ।
ഉര്വീ കാത്യായനീ ശുഭ്രാ സംസാരാര്ണവതാരിണീ ॥ 29 ॥
കപിലാ കീലികാഽശോകാ മല്ലികാനവമല്ലികാ । [ മല്ലികാനവമാലികാ ]
ദേവികാ നന്ദികാ ശാന്താ ഭഞ്ജികാ ഭയഭഞ്ജികാ ॥ 30 ॥
കൌശികീ വൈദികീ ദേവീ സൌരീ രൂപാധികാഽതിഭാ ।
ദിഗ്വസ്ത്രാ നവവസ്ത്രാ ച കന്യകാ കമലോദ്ഭവാ ॥ 31 ॥
ശ്രീസ്സൌമ്യലക്ഷണാഽതീതദുര്ഗാ സൂത്രപ്രബോധികാ ।
ശ്രദ്ധാ മേധാ കൃതിഃ പ്രജ്ഞാ ധാരണാ കാന്തിരേവ ച ॥ 32 ॥
ശ്രുതിഃ സ്മൃതിര്ധൃതിര്ധന്യാ ഭൂതിരിഷ്ടിര്മനീഷിണീ ।
വിരക്തിര്വ്യാപിനീ മായാ സര്വമായാപ്രഭഞ്ജനീ ॥ 33 ॥
മാഹേന്ദ്രീ മന്ത്രിണീ സിംഹീ ചേന്ദ്രജാലസ്വരൂപിണീ ।
അവസ്ഥാത്രയനിര്മുക്താ ഗുണത്രയവിവര്ജിതാ ॥ 34 ॥
ഈഷണാത്രയനിര്മുക്താ സര്വരോഗവിവര്ജിതാ ।
യോഗിധ്യാനാന്തഗമ്യാ ച യോഗധ്യാനപരായണാ ॥ 35 ॥
ത്രയീശിഖാ വിശേഷജ്ഞാ വേദാന്തജ്ഞാനരൂപിണീ ।
ഭാരതീ കമലാ ഭാഷാ പദ്മാ പദ്മവതീ കൃതിഃ ॥ 36 ॥
ഗൌതമീ ഗോമതീ ഗൌരീ ഈശാനാ ഹംസവാഹിനീ ।
നാരായണീ പ്രഭാധാരാ ജാഹ്നവീ ശങ്കരാത്മജാ ॥ 37 ॥
ചിത്രഘണ്ടാ സുനന്ദാ ശ്രീര്മാനവീ മനുസമ്ഭവാ ।
സ്തമ്ഭിനീ ക്ഷോഭിണീ മാരീ ഭ്രാമിണീ ശത്രുമാരിണീ ॥ 38 ॥
മോഹിനീ ദ്വേഷിണീ വീരാ അഘോരാ രുദ്രരൂപിണീ ।
രുദ്രൈകാദശിനീ പുണ്യാ കല്യാണീ ലാഭകാരിണീ ॥ 39 ॥
ദേവദുര്ഗാ മഹാദുര്ഗാ സ്വപ്നദുര്ഗാഽഷ്ടഭൈരവീ ।
സൂര്യചന്ദ്രാഗ്നിരൂപാ ച ഗ്രഹനക്ഷത്രരൂപിണീ ॥ 40 ॥
ബിന്ദുനാദകലാതീതാ ബിന്ദുനാദകലാത്മികാ ।
ദശവായുജയാകാരാ കലാഷോഡശസംയുതാ ॥ 41 ॥
കാശ്യപീ കമലാദേവീ നാദചക്രനിവാസിനീ ।
മൃഡാധാരാ സ്ഥിരാ ഗുഹ്യാ ദേവികാ ചക്രരൂപിണീ ॥ 42 ॥
അവിദ്യാ ശാര്വരീ ഭുഞ്ജാ ജമ്ഭാസുരനിബര്ഹിണീ ।
ശ്രീകായാ ശ്രീകലാ ശുഭ്രാ കര്മനിര്മൂലകാരിണീ ॥ 43 ॥
ആദിലക്ഷ്മീര്ഗുണാധാരാ പഞ്ചബ്രഹ്മാത്മികാ പരാ ।
ശ്രുതിര്ബ്രഹ്മമുഖാവാസാ സര്വസമ്പത്തിരൂപിണീ ॥ 44 ॥
മൃതസഞ്ജീവനീ മൈത്രീ കാമിനീ കാമവര്ജിതാ ।
നിര്വാണമാര്ഗദാ ദേവീ ഹംസിനീ കാശികാ ക്ഷമാ ॥ 45 ॥
സപര്യാ ഗുണിനീ ഭിന്നാ നിര്ഗുണാ ഖണ്ഡിതാശുഭാ ।
സ്വാമിനീ വേദിനീ ശക്യാ ശാമ്ബരീ ചക്രധാരിണീ ॥ 46 ॥
ദണ്ഡിനീ മുണ്ഡിനീ വ്യാഘ്രീ ശിഖിനീ സോമസംഹതിഃ ।
ചിന്താമണിശ്ചിദാനന്ദാ പഞ്ചബാണപ്രബോധിനീ ॥ 47 ॥
ബാണശ്രേണിസ്സഹസ്രാക്ഷീ സഹസ്രഭുജപാദുകാ ।
സന്ധ്യാവലിസ്ത്രിസന്ധ്യാഖ്യാ ബ്രഹ്മാണ്ഡമണിഭൂഷണാ ॥ 48 ॥
വാസവീ വാരുണീസേനാ കുലികാ മന്ത്രരഞ്ജനീ ।
ജിതപ്രാണസ്വരൂപാ ച കാന്താ കാമ്യവരപ്രദാ ॥ 49 ॥
മന്ത്രബ്രാഹ്മണവിദ്യാര്ഥാ നാദരൂപാ ഹവിഷ്മതീ ।
ആഥര്വണിഃ ശ്രുതിഃ ശൂന്യാ കല്പനാവര്ജിതാ സതീ ॥ 50 ॥
സത്താജാതിഃ പ്രമാഽമേയാഽപ്രമിതിഃ പ്രാണദാ ഗതിഃ ।
അവര്ണാ പഞ്ചവര്ണാ ച സര്വദാ ഭുവനേശ്വരീ ॥ 51 ॥
ത്രൈലോക്യമോഹിനീ വിദ്യാ സര്വഭര്ത്രീ ക്ഷരാഽക്ഷരാ ।
ഹിരണ്യവര്ണാ ഹരിണീ സര്വോപദ്രവനാശിനീ ॥ 52 ॥
കൈവല്യപദവീരേഖാ സൂര്യമണ്ഡലസംസ്ഥിതാ ।
സോമമണ്ഡലമധ്യസ്ഥാ വഹ്നിമണ്ഡലസംസ്ഥിതാ ॥ 53 ॥
വായുമണ്ഡലമധ്യസ്ഥാ വ്യോമമണ്ഡലസംസ്ഥിതാ ।
ചക്രികാ ചക്രമധ്യസ്ഥാ ചക്രമാര്ഗപ്രവര്തിനീ ॥ 54 ॥
കോകിലാകുലചക്രേശാ പക്ഷതിഃ പങ്ക്തിപാവനീ ।
സര്വസിദ്ധാന്തമാര്ഗസ്ഥാ ഷഡ്വര്ണാവരവര്ജിതാ ॥ 55 ॥
ശരരുദ്രഹരാ ഹന്ത്രീ സര്വസംഹാരകാരിണീ ।
പുരുഷാ പൌരുഷീ തുഷ്ടിസ്സര്വതന്ത്രപ്രസൂതികാ ॥ 56 ॥
അര്ധനാരീശ്വരീ ദേവീ സര്വവിദ്യാപ്രദായിനീ ।
ഭാര്ഗവീ യാജുഷീവിദ്യാ സര്വോപനിഷദാസ്ഥിതാ ॥ 57 ॥ [ ഭുജുഷീവിദ്യാ ]
വ്യോമകേശാഖിലപ്രാണാ പഞ്ചകോശവിലക്ഷണാ ।
പഞ്ചകോശാത്മികാ പ്രത്യക്പഞ്ചബ്രഹ്മാത്മികാ ശിവാ ॥ 58 ॥
ജഗജ്ജരാജനിത്രീ ച പഞ്ചകര്മപ്രസൂതികാ ।
വാഗ്ദേവ്യാഭരണാകാരാ സര്വകാമ്യസ്ഥിതാസ്ഥിതിഃ ॥ 59 ॥
അഷ്ടാദശചതുഷ്ഷഷ്ഠിപീഠികാ വിദ്യയാ യുതാ ।
കാലികാകര്ഷണശ്യാമാ യക്ഷിണീ കിന്നരേശ്വരീ ॥ 60 ॥
കേതകീ മല്ലികാഽശോകാ വാരാഹീ ധരണീ ധ്രുവാ ।
നാരസിംഹീ മഹോഗ്രാസ്യാ ഭക്താനാമാര്തിനാശിനീ ॥ 61 ॥
അന്തര്ബലാ സ്ഥിരാ ലക്ഷ്മീര്ജരാമരണനാശിനീ ।
ശ്രീരഞ്ജിതാ മഹാകായാ സോമസൂര്യാഗ്നിലോചനാ ॥ 62 ॥
അദിതിര്ദേവമാതാ ച അഷ്ടപുത്രാഽഷ്ടയോഗിനീ ।
അഷ്ടപ്രകൃതിരഷ്ടാഷ്ടവിഭ്രാജദ്വികൃതാകൃതിഃ ॥ 63 ॥
ദുര്ഭിക്ഷധ്വംസിനീ ദേവീ സീതാ സത്യാ ച രുക്മിണീ ।
ഖ്യാതിജാ ഭാര്ഗവീ ദേവീ ദേവയോനിസ്തപസ്വിനീ ॥ 64 ॥
ശാകമ്ഭരീ മഹാശോണാ ഗരുഡോപരിസംസ്ഥിതാ ।
സിംഹഗാ വ്യാഘ്രഗാ ദേവീ വായുഗാ ച മഹാദ്രിഗാ ॥ 65 ॥
അകാരാദിക്ഷകാരാന്താ സര്വവിദ്യാധിദേവതാ ।
മന്ത്രവ്യാഖ്യാനനിപുണാ ജ്യോതിശ്ശാസ്ത്രൈകലോചനാ ॥ 66 ॥
ഇഡാപിങ്ഗലികാമധ്യാസുഷുമ്നാ ഗ്രന്ഥിഭേദിനീ ।
കാലചക്രാശ്രയോപേതാ കാലചക്രസ്വരൂപിണീ ॥ 67 ॥
വൈശാരദീ മതിശ്ശ്രേഷ്ഠാ വരിഷ്ഠാ സര്വദീപികാ ।
വൈനായകീ വരാരോഹാ ശ്രോണിവേലാ ബഹിര്വലിഃ ॥ 68 ॥
ജമ്ഭിനീ ജൃമ്ഭിണീ ജമ്ഭകാരിണീ ഗണകാരികാ ।
ശരണീ ചക്രികാഽനന്താ സര്വവ്യാധിചികിത്സകീ ॥ 69 ॥
ദേവകീ ദേവസങ്കാശാ വാരിധിഃ കരുണാകരാ ।
ശര്വരീ സര്വസമ്പന്നാ സര്വപാപപ്രഭഞ്ജനീ ॥ 70 ॥
ഏകമാത്രാ ദ്വിമാത്രാ ച ത്രിമാത്രാ ച തഥാഽപരാ ।
അര്ധമാത്രാ പരാ സൂക്ഷ്മാ സൂക്ഷ്മാര്ഥാഽര്ഥപരാഽപരാ ॥ 71 ॥
ഏകവീരാ വിശേഷാഖ്യാ ഷഷ്ഠീദേവീ മനസ്വിനീ ।
നൈഷ്കര്മ്യാ നിഷ്കലാലോകാ ജ്ഞാനകര്മാധികാ ഗുണാ ॥ 72 ॥
സബന്ധ്വാനന്ദസന്ദോഹാ വ്യോമാകാരാഽനിരൂപിതാ ।
ഗദ്യപദ്യാത്മികാ വാണീ സര്വാലങ്കാരസംയുതാ ॥ 73 ॥
സാധുബന്ധപദന്യാസാ സര്വൌകോ ഘടികാവലിഃ ।
ഷട്കര്മാ കര്കശാകാരാ സര്വകര്മവിവര്ജിതാ ॥ 74 ॥
ആദിത്യവര്ണാ ചാപര്ണാ കാമിനീ വരരൂപിണീ ।
ബ്രഹ്മാണീ ബ്രഹ്മസന്താനാ വേദവാഗീശ്വരീ ശിവാ ॥ 75 ॥
പുരാണന്യായമീമാംസാധര്മശാസ്ത്രാഗമശ്രുതാ ।
സദ്യോവേദവതീ സര്വാ ഹംസീ വിദ്യാധിദേവതാ ॥ 76 ॥
വിശ്വേശ്വരീ ജഗദ്ധാത്രീ വിശ്വനിര്മാണകാരിണീ ।
വൈദികീ വേദരൂപാ ച കാലികാ കാലരൂപിണീ ॥ 77 ॥
നാരായണീ മഹാദേവീ സര്വതത്ത്വപ്രവര്തിനീ ।
ഹിരണ്യവര്ണരൂപാ ച ഹിരണ്യപദസമ്ഭവാ ॥ 78 ॥
കൈവല്യപദവീ പുണ്യാ കൈവല്യജ്ഞാനലക്ഷിതാ ।
ബ്രഹ്മസമ്പത്തിരൂപാ ച ബ്രഹ്മസമ്പത്തികാരിണീ ॥ 79 ॥
വാരുണീ വാരുണാരാധ്യാ സര്വകര്മപ്രവര്തിനീ ।
ഏകാക്ഷരപരാഽഽയുക്താ സര്വദാരിദ്ര്യഭഞ്ജിനീ ॥ 80 ॥
പാശാങ്കുശാന്വിതാ ദിവ്യാ വീണാവ്യാഖ്യാക്ഷസൂത്രഭൃത് ।
ഏകമൂര്തിസ്ത്രയീമൂര്തിര്മധുകൈടഭഭഞ്ജിനീ ॥ 81 ॥
സാങ്ഖ്യാ സാങ്ഖ്യവതീ ജ്വാലാ ജ്വലന്തീ കാമരൂപിണീ ।
ജാഗ്രതീ സര്വസമ്പത്തിസ്സുഷുപ്താ സ്വേഷ്ടദായിനീ ॥ 82 ॥
കപാലിനീ മഹാദംഷ്ട്രാ ഭ്രുകുടീ കുടിലാനനാ ।
സര്വാവാസാ സുവാസാ ച ബൃഹത്യഷ്ടിശ്ച ശക്വരീ ॥ 83 ॥
ഛന്ദോഗണപ്രതിഷ്ഠാ ച കല്മാഷീ കരുണാത്മികാ ।
ചക്ഷുഷ്മതീ മഹാഘോഷാ ഖഡ്ഗചര്മധരാഽശനിഃ ॥ 84 ॥
ശില്പവൈചിത്ര്യവിദ്യോതാ സര്വതോഭദ്രവാസിനീ ।
അചിന്ത്യലക്ഷണാകാരാ സൂത്രഭാഷ്യനിബന്ധനാ ॥ 85 ॥
സര്വവേദാര്ഥസമ്പത്തിസ്സര്വശാസ്ത്രാര്ഥമാതൃകാ ।
അകാരാദിക്ഷകാരാന്തസര്വവര്ണകൃതസ്ഥലാ ॥ 86 ॥
സര്വലക്ഷ്മീസ്സദാനന്ദാ സാരവിദ്യാ സദാശിവാ ।
സര്വജ്ഞാ സര്വശക്തിശ്ച ഖേചരീരൂപഗോച്ഛ്രിതാ ॥ 87 ॥
അണിമാദിഗുണോപേതാ പരാ കാഷ്ഠാ പരാ ഗതിഃ ।
ഹംസയുക്തവിമാനസ്ഥാ ഹംസാരൂഢാ ശശിപ്രഭാ ॥ 88 ॥
ഭവാനീ വാസനാശക്തിരാകൃതിസ്ഥാഖിലാഽഖിലാ ।
തന്ത്രഹേതുര്വിചിത്രാങ്ഗീ വ്യോമഗങ്ഗാവിനോദിനീ ॥ 89 ॥
വര്ഷാ ച വാര്ഷികാ ചൈവ ഋഗ്യജുസ്സാമരൂപിണീ ।
മഹാനദീനദീപുണ്യാഽഗണ്യപുണ്യഗുണക്രിയാ ॥ 90 ॥
സമാധിഗതലഭ്യാര്ഥാ ശ്രോതവ്യാ സ്വപ്രിയാ ഘൃണാ ।
നാമാക്ഷരപരാ ദേവീ ഉപസര്ഗനഖാഞ്ചിതാ ॥ 91 ॥
നിപാതോരുദ്വയീജങ്ഘാ മാതൃകാ മന്ത്രരൂപിണീ ।
ആസീനാ ച ശയാനാ ച തിഷ്ഠന്തീ ധാവനാധികാ ॥ 92 ॥
ലക്ഷ്യലക്ഷണയോഗാഢ്യാ താദ്രൂപ്യഗണനാകൃതിഃ ।
സൈകരൂപാ നൈകരൂപാ സേന്ദുരൂപാ തദാകൃതിഃ ॥ 93 ॥
സമാസതദ്ധിതാകാരാ വിഭക്തിവചനാത്മികാ ।
സ്വാഹാകാരാ സ്വധാകാരാ ശ്രീപത്യര്ധാങ്ഗനന്ദിനീ ॥ 94 ॥
ഗമ്ഭീരാ ഗഹനാ ഗുഹ്യാ യോനിലിങ്ഗാര്ധധാരിണീ ।
ശേഷവാസുകിസംസേവ്യാ ചപലാ വരവര്ണിനീ ॥ 95 ॥
കാരുണ്യാകാരസമ്പത്തിഃ കീലകൃന്മന്ത്രകീലികാ ।
ശക്തിബീജാത്മികാ സര്വമന്ത്രേഷ്ടാക്ഷയകാമനാ ॥ 96 ॥
ആഗ്നേയീ പാര്ഥിവാ ആപ്യാ വായവ്യാ വ്യോമകേതനാ ।
സത്യജ്ഞാനാത്മികാഽഽനന്ദാ ബ്രാഹ്മീ ബ്രഹ്മ സനാതനീ ॥ 97 ॥
അവിദ്യാവാസനാ മായാപ്രകൃതിസ്സര്വമോഹിനീ ।
ശക്തിര്ധാരണശക്തിശ്ച ചിദചിച്ഛക്തിയോഗിനീ ॥ 98 ॥
വക്ത്രാരുണാ മഹാമായാ മരീചിര്മദമര്ദിനീ ।
വിരാട് സ്വാഹാ സ്വധാ ശുദ്ധാ നീരൂപാസ്തിസ്സുഭക്തിഗാ ॥ 99 ॥
നിരൂപിതാദ്വയീവിദ്യാ നിത്യാനിത്യസ്വരൂപിണീ ।
വൈരാജമാര്ഗസഞ്ചാരാ സര്വസത്പഥദര്ശിനീ ॥ 100 ॥
ജാലന്ധരീ മൃഡാനീ ച ഭവാനീ ഭവഭഞ്ജനീ ।
ത്രൈകാലികജ്ഞാനതന്തുസ്ത്രികാലജ്ഞാനദായിനീ ॥ 101 ॥
നാദാതീതാ സ്മൃതിഃ പ്രജ്ഞാ ധാത്രീരൂപാ ത്രിപുഷ്കരാ ।
പരാജിതാവിധാനജ്ഞാ വിശേഷിതഗുണാത്മികാ ॥ 102 ॥
ഹിരണ്യകേശിനീ ഹേമബ്രഹ്മസൂത്രവിചക്ഷണാ ।
അസങ്ഖ്യേയപരാര്ധാന്തസ്വരവ്യഞ്ജനവൈഖരീ ॥ 103 ॥
മധുജിഹ്വാ മധുമതീ മധുമാസോദയാ മധുഃ ।
മാധവീ ച മഹാഭാഗാ മേഘഗമ്ഭീരനിസ്വനാ ॥ 104 ॥
ബ്രഹ്മവിഷ്ണുമഹേശാദിജ്ഞാതവ്യാര്ഥവിശേഷഗാ ।
നാഭൌ വഹ്നിശിഖാകാരാ ലലാടേ ചന്ദ്രസന്നിഭാ ॥ 105 ॥
ഭ്രൂമധ്യേ ഭാസ്കരാകാരാ സര്വതാരാകൃതിര്ഹൃദി ।
കൃത്തികാദിഭരണ്യന്തനക്ഷത്രേഷ്ട്യാര്ചിതോദയാ ॥ 106 ॥
ഗ്രഹവിദ്യാത്മികാ ജ്യോതിര്ജ്യോതിര്വിന്മതിജീവികാ ।
ബ്രഹ്മാണ്ഡഗര്ഭിണീ ബാലാ സപ്താവരണദേവതാ ॥ 107 ॥
വൈരാജോത്തമസാമ്രാജ്യാ കുമാരകുശലോദയാ ।
ബഗലാ ഭ്രമരാമ്ബാ ച ശിവദൂതീ ശിവാത്മികാ ॥ 108 ॥
മേരുവിന്ധ്യാദിസംസ്ഥാനാ കാശ്മീരപുരവാസിനീ ।
യോഗനിദ്രാ മഹാനിദ്രാ വിനിദ്രാ രാക്ഷസാശ്രിതാ ॥ 109 ॥
സുവര്ണദാ മഹാഗങ്ഗാ പഞ്ചാഖ്യാ പഞ്ചസംഹതിഃ ।
സുപ്രജാതാ സുവീരാ ച സുപോഷാ സുപതിശ്ശിവാ ॥ 110 ॥
സുഗൃഹാ രക്തബീജാന്താ ഹതകന്ദര്പജീവികാ ।
സമുദ്രവ്യോമമധ്യസ്ഥാ സമബിന്ദുസമാശ്രയാ ॥ 111 ॥
സൌഭാഗ്യരസജീവാതുസ്സാരാസാരവിവേകദൃക് ।
ത്രിവല്യാദിസുപുഷ്ടാങ്ഗാ ഭാരതീ ഭരതാശ്രിതാ ॥ 112 ॥
നാദബ്രഹ്മമയീവിദ്യാ ജ്ഞാനബ്രഹ്മമയീപരാ ।
ബ്രഹ്മനാഡീ നിരുക്തിശ്ച ബ്രഹ്മകൈവല്യസാധനമ് ॥ 113 ॥
കാലികേയമഹോദാരവീര്യവിക്രമരൂപിണീ ।
വഡവാഗ്നിശിഖാവക്ത്രാ മഹാകവലതര്പണാ ॥ 114 ॥
മഹാഭൂതാ മഹാദര്പാ മഹാസാരാ മഹാക്രതുഃ ।
പഞ്ജഭൂതമഹാഗ്രാസാ പഞ്ചഭൂതാധിദേവതാ ॥ 115 ॥
സര്വപ്രമാണാ സമ്പത്തിസ്സര്വരോഗപ്രതിക്രിയാ ।
ബ്രഹ്മാണ്ഡാന്തര്ബഹിര്വ്യാപ്താ വിഷ്ണുവക്ഷോവിഭൂഷിണീ ॥ 116 ॥
ശാങ്കരീ വിധിവക്ത്രസ്ഥാ പ്രവരാ വരഹേതുകീ ।
ഹേമമാലാ ശിഖാമാലാ ത്രിശിഖാ പഞ്ചലോചനാ ॥ 117 ॥ [ പഞ്ചമോചനാ ]
സര്വാഗമസദാചാരമര്യാദാ യാതുഭഞ്ജനീ ।
പുണ്യശ്ലോകപ്രബന്ധാഢ്യാ സര്വാന്തര്യാമിരൂപിണീ ॥ 118 ॥
സാമഗാനസമാരാധ്യാ ശ്രോത്രകര്ണരസായനമ് ।
ജീവലോകൈകജീവാതുര്ഭദ്രോദാരവിലോകനാ ॥ 119 ॥
തടിത്കോടിലസത്കാന്തിസ്തരുണീ ഹരിസുന്ദരീ ।
മീനനേത്രാ ച സേന്ദ്രാക്ഷീ വിശാലാക്ഷീ സുമങ്ഗലാ ॥ 120 ॥
സര്വമങ്ഗലസമ്പന്നാ സാക്ഷാന്മങ്ഗലദേവതാ ।
ദേഹഹൃദ്ദീപികാ ദീപ്തിര്ജിഹ്വപാപപ്രണാശിനീ ॥ 121 ॥
അര്ധചന്ദ്രോല്ലസദ്ദംഷ്ട്രാ യജ്ഞവാടീവിലാസിനീ ।
മഹാദുര്ഗാ മഹോത്സാഹാ മഹാദേവബലോദയാ ॥ 122 ॥
ഡാകിനീഡ്യാ ശാകിനീഡ്യാ സാകിനീഡ്യാ സമസ്തജുട് ।
നിരങ്കുശാ നാകിവന്ദ്യാ ഷഡാധാരാധിദേവതാ ॥ 123 ॥
ഭുവനജ്ഞാനിനിശ്ശ്രേണീ ഭുവനാകാരവല്ലരീ ।
ശാശ്വതീ ശാശ്വതാകാരാ ലോകാനുഗ്രഹകാരിണീ ॥ 124 ॥
സാരസീ മാനസീ ഹംസീ ഹംസലോകപ്രദായിനീ ।
ചിന്മുദ്രാലങ്കൃതകരാ കോടിസൂര്യസമപ്രഭാ ॥ 125 ॥
സുഖപ്രാണിശിരോരേഖാ സദദൃഷ്ടപ്രദായിനീ ।
സര്വസാങ്കര്യദോഷഘ്നീ ഗ്രഹോപദ്രവനാശിനീ ॥ 126 ॥
ക്ഷുദ്രജന്തുഭയഘ്നീ ച വിഷരോഗാദിഭഞ്ജനീ ।
സദാശാന്താ സദാശുദ്ധാ ഗൃഹച്ഛിദ്രനിവാരിണീ ॥ 127 ॥
കലിദോഷപ്രശമനീ കോലാഹലപുരസ്ഥിതാ ।
ഗൌരീ ലാക്ഷണികീ മുഖ്യാ ജഘന്യാകൃതിവര്ജിതാ ॥ 128 ॥
മായാ വിദ്യാ മൂലഭൂതാ വാസവീ വിഷ്ണുചേതനാ ।
വാദിനീ വസുരൂപാ ച വസുരത്നപരിച്ഛദാ ॥ 129 ॥
ഛാന്ദസീ ചന്ദ്രഹൃദയാ മന്ത്രസ്വച്ഛന്ദഭൈരവീ ।
വനമാലാ വൈജയന്തീ പഞ്ചദിവ്യായുധാത്മികാ ॥ 130 ॥
പീതാമ്ബരമയീ ചഞ്ചത്കൌസ്തുഭാ ഹരികാമിനീ ।
നിത്യാ തഥ്യാ രമാ രാമാ രമണീ മൃത്യുഭഞ്ജനീ ॥ 131 ॥
ജ്യേഷ്ഠാ കാഷ്ഠാ ധനിഷ്ഠാന്താ ശരാങ്ഗീ നിര്ഗുണപ്രിയാ ।
മൈത്രേയാ മിത്രവിന്ദാ ച ശേഷ്യശേഷകലാശയാ ॥ 132 ॥
വാരാണസീവാസലഭ്യാ ചാര്യാവര്തജനസ്തുതാ । [ വാരാണസീവാസരതാ ]
ജഗദുത്പത്തിസംസ്ഥാനസംഹാരത്രയകാരണമ് ॥ 133 ॥
ത്വമമ്ബ വിഷ്ണുസര്വസ്വം നമസ്തേഽസ്തു മഹേശ്വരി ।
നമസ്തേ സര്വലോകാനാം ജനന്യൈ പുണ്യമൂര്തയേ ॥ 134 ॥
സിദ്ധലക്ഷ്മീര്മഹാകാലി മഹലക്ഷ്മി നമോഽസ്തു തേ ।
സദ്യോജാതാദിപഞ്ചാഗ്നിരൂപാ പഞ്ചകപഞ്ചകമ് ॥ 135 ॥
യന്ത്രലക്ഷ്മീര്ഭവത്യാദിരാദ്യാദ്യേ തേ നമോ നമഃ ।
സൃഷ്ട്യാദികാരണാകാരവിതതേ ദോഷവര്ജിതേ ॥ 136 ॥
ജഗല്ലക്ഷ്മീര്ജഗന്മാതര്വിഷ്ണുപത്നി നമോഽസ്തു തേ ।
നവകോടിമഹാശക്തിസമുപാസ്യപദാമ്ബുജേ ॥ 137 ॥
കനത്സൌവര്ണരത്നാഢ്യ സര്വാഭരണഭൂഷിതേ ।
അനന്താനിത്യമഹിഷീപ്രപഞ്ചേശ്വരനായകി ॥ 138 ॥
അത്യുച്ഛ്രിതപദാന്തസ്ഥേ പരമവ്യോമനായകി ।
നാകപൃഷ്ഠഗതാരാധ്യേ വിഷ്ണുലോകവിലാസിനി ॥ 139 ॥
വൈകുണ്ഠരാജമഹിഷി ശ്രീരങ്ഗനഗരാശ്രിതേ ।
രങ്ഗനായകി ഭൂപുത്രി കൃഷ്ണേ വരദവല്ലഭേ ॥ 140 ॥
കോടിബ്രഹ്മാദിസംസേവ്യേ കോടിരുദ്രാദികീര്തിതേ ।
മാതുലുങ്ഗമയം ഖേടം സൌവര്ണചഷകം തഥാ ॥ 141 ॥
പദ്മദ്വയം പൂര്ണകുമ്ഭം കീരഞ്ച വരദാഭയേ ।
പാശമങ്കുശകം ശങ്ഖം ചക്രം ശൂലം കൃപാണികാമ് ॥ 142 ॥
ധനുര്ബാണൌ ചാക്ഷമാലാം ചിന്മുദ്രാമപി ബിഭ്രതീ ।
അഷ്ടാദശഭുജേ ലക്ഷ്മീര്മഹാഷ്ടാദശപീഠഗേ ॥ 143 ॥
ഭൂമിനീലാദിസംസേവ്യേ സ്വാമിചിത്താനുവര്തിനി ।
പദ്മേ പദ്മാലയേ പദ്മി പൂര്ണകുമ്ഭാഭിഷേചിതേ ॥ 144 ॥
ഇന്ദിരേന്ദിന്ദിരാഭാക്ഷി ക്ഷീരസാഗരകന്യകേ ।
ഭാര്ഗവി ത്വം സ്വതന്ത്രേച്ഛാ വശീകൃതജഗത്പതിഃ ॥ 145 ॥
മങ്ഗലം മങ്ഗലാനാം ത്വം ദേവതാനാം ച ദേവതാ ।
ത്വമുത്തമോത്തമാനാം ച ത്വം ശ്രേയഃ പരമാമൃതമ് ॥ 146 ॥
ധനധാന്യാഭിവൃദ്ധിശ്ച സാര്വഭൌമസുഖോച്ഛ്രയാ ।
ആന്ദോലികാദിസൌഭാഗ്യം മത്തേഭാദിമഹോദയഃ ॥ 147 ॥
പുത്രപൌത്രാഭിവൃദ്ധിശ്ച വിദ്യാഭോഗബലാദികമ് ।
ആയുരാരോഗ്യസമ്പത്തിരഷ്ടൈശ്വര്യം ത്വമേവ ഹി ॥ 148 ॥
പരമേശവിഭൂതിശ്ച സൂക്ഷ്മാത്സൂക്ഷ്മതരാഗതിഃ ।
സദയാപാങ്ഗസന്ദത്തബ്രഹ്മേന്ദ്രാദിപദസ്ഥിതിഃ ॥ 149 ॥
അവ്യാഹതമഹാഭാഗ്യം ത്വമേവാക്ഷോഭ്യവിക്രമഃ ।
സമന്വയശ്ച വേദാനാമവിരോധസ്ത്വമേവ ഹി ॥ 150 ॥
നിഃശ്രേയസപദപ്രാപ്തിസാധനം ഫലമേവ ച ।
ശ്രീമന്ത്രരാജരാജ്ഞീ ച ശ്രീവിദ്യാ ക്ഷേമകാരിണീ ॥ 151 ॥
ശ്രീമ്ബീജജപസന്തുഷ്ടാ ഐം ഹ്രീം ശ്രീം ബീജപാലികാ ।
പ്രപത്തിമാര്ഗസുലഭാ വിഷ്ണുപ്രഥമകിങ്കരീ ॥ 152 ॥
ക്ലീങ്കാരാര്ഥസവിത്രീ ച സൌമങ്ഗല്യാധിദേവതാ ।
ശ്രീഷോഡശാക്ഷരീവിദ്യാ ശ്രീയന്ത്രപുരവാസിനീ ॥ 153 ॥
സര്വമങ്ഗലമാങ്ഗല്യേ ശിവേ സര്വാര്ഥസാധികേ ।
ശരണ്യേ ത്ര്യമ്ബകേ ഗൌരീ നാരായണി നമോഽസ്തു തേ ॥ 154 ॥
പുനഃ പുനര്നമസ്തേഽസ്തു സാഷ്ടാങ്ഗമയുതം പുനഃ ।
സനത്കുമാര ഉവാച-
ഏവം സ്തുതാ മഹാലക്ഷ്മീര്ബ്രഹ്മരുദ്രാദിഭിസ്സുരൈഃ ।
നമദ്ഭിരാര്തൈര്ദീനൈശ്ച നിസ്സ്വത്വൈര്ഭോഗവര്ജിതൈഃ ॥ 1 ॥
ജ്യേഷ്ഠാ ജുഷ്ടൈശ്ച നിശ്ശ്രീകൈസ്സംസാരാത്സ്വപരായണൈഃ ।
വിഷ്ണുപത്നീ ദദൌ തേഷാം ദര്ശനം ദൃഷ്ടിതര്പണമ് ॥ 2 ॥
ശരത്പൂര്ണേന്ദുകോട്യാഭധവലാപാങ്ഗവീക്ഷണൈഃ ।
സര്വാന്സത്ത്വസമാവിഷ്ടാന് ചക്രേ ഹൃഷ്ടാ വരം ദദൌ ॥ 3 ॥
മഹാലക്ഷ്മീരുവാച-
നാമ്നാം സാഷ്ടസഹസ്രം മേ പ്രമാദാദ്വാപി യസ്സകൃത് ।
കീര്തയേത്തത്കുലേ സത്യം വസാമ്യാചന്ദ്രതാരകമ് ॥ 4 ॥
കിം പുനര്നിയമാജ്ജപ്തുര്മദേകശരണസ്യ ച ।
മാതൃവത്സാനുകമ്പാഹം പോഷകീ സ്യാമഹര്നിശമ് ॥ 5 ॥
മന്നാമ സ്തവതാം ലോകേ ദുര്ലഭം നാസ്തി ചിന്തിതമ് ।
മത്പ്രസാദേന സര്വേഽപി സ്വസ്വേഷ്ടാര്ഥമവാപ്സ്യഥ ॥ 6 ॥
ലുപ്തവൈഷ്ണവധര്മസ്യ മദ്വ്രതേഷ്വവകീര്ണിനഃ ।
ഭക്തിപ്രപത്തിഹീനസ്യ വന്ദ്യോ നാമ്നാം സ്തവോഽപി മേ ॥ 7 ॥
തസ്മാദവശ്യം തൈര്ദോഷൈര്വിഹീനഃ പാപവര്ജിതഃ ।
ജപേത്സാഷ്ടസഹസ്രം മേ നാമ്നാം പ്രത്യഹമാദരാത് ॥ 8 ॥
സാക്ഷാദലക്ഷ്മീപുത്രോഽപി ദുര്ഭാഗ്യോഽപ്യലസോഽപി വാ ।
അപ്രയത്നോഽപി മൂഢോഽപി വികലഃ പതിതോഽപി ച ॥ 9 ॥
അവശ്യം പ്രാപ്നുയാദ്ഭാഗ്യം മത്പ്രസാദേന കേവലമ് ।
സ്പൃഹേയമചിരാദ്ദേവാ വരദാനായ ജാപിനഃ ।
ദദാമി സര്വമിഷ്ടാര്ഥം ലക്ഷ്മീതി സ്മരതാം ധ്രുവമ് ॥ 10 ॥
സനത്കുമാര ഉവാച-
ഇത്യുക്ത്വാഽന്തര്ദധേ ലക്ഷ്മീര്വൈഷ്ണവീ ഭഗവത്കലാ ।
ഇഷ്ടാപൂര്തം ച സുകൃതം ഭാഗധേയം ച ചിന്തിതമ് ॥ 11 ॥
സ്വം സ്വം സ്ഥാനം ച ഭോഗം ച വിജയം ലേഭിരേ സുരാഃ ।
തദേതത് പ്രവദാമ്യദ്യ ലക്ഷ്മീനാമസഹസ്രകമ് ।
യോഗിനഃ പഠത ക്ഷിപ്രം ചിന്തിതാര്ഥാനവാപ്സ്യഥ ॥ 12 ॥
ഗാര്ഗ്യ ഉവാച-
സനത്കുമാരോയോഗീന്ദ്ര ഇത്യുക്ത്വാ സ ദയാനിധിഃ ।
അനുഗൃഹ്യ യയൌ ക്ഷിപ്രം താംശ്ച ദ്വാദശയോഗിനഃ ॥ 13 ॥
തസ്മാദേതദ്രഹസ്യം ച ഗോപ്യം ജപ്യം പ്രയത്നതഃ ।
അഷ്ടമ്യാം ച ചതുര്ദശ്യാം നവമ്യാം ഭൃഗുവാസരേ ॥ 14 ॥
പൌര്ണമാസ്യാമമായാം ച പര്വകാലേ വിശേഷതഃ ।
ജപേദ്വാ നിത്യകാര്യേഷു സര്വാന്കാമാനവാപ്നുയാത് ॥ 15 ॥
ഇതി ശ്രീസ്കന്ദപുരാണേ സനത്കുമാരസംഹിതായാം ലക്ഷ്മീസഹസ്രനാമസ്തോത്രം സമ്പൂര്ണമ് ॥
Roman (IAST) Transliteration
nāmnāṃ sāṣṭasahasrañca brūhi gārgya mahāmate |
mahālakṣmyā mahādevyā bhuktimuktyarthasiddhaye || 1 ||
gārgya uvāca
sanatkumāramāsīnaṃ dvādaśādityasannibham |
apṛcchanyogino bhaktyā yogināmarthasiddhaye || 2 ||
sarvalaukikakarmabhyo vimuktānāṃ hitāya vai |
bhuktimuktipradaṃ japyamanubrūhi dayānidhe || 3 ||
sanatkumāra bhagavansarvajño'si viśeṣataḥ |
āstikyasiddhaye nṝṇāṃ kṣipradharmārthasādhanam || 4 ||
khidyanti mānavāssarve dhanābhāvena kevalam |
siddhyanti dhanino'nyasya naiva dharmārthakāmanāḥ || 5 ||
dāridryadhvaṃsinī nāma kena vidyā prakīrtitā |
kena vā brahmavidyā'pi kena mṛtyuvināśinī || 6 ||
sarvāsāṃ sārabhūtaikā vidyānāṃ kena kīrtitā |
pratyakṣasiddhidā brahman tāmācakṣva dayānidhe || 7 ||
sanatkumāra uvāca
sādhu pṛṣṭaṃ mahābhāgāssarvalokahitaiṣiṇaḥ |
mahatāmeṣa dharmaśca nānyeṣāmiti me matiḥ || 8 ||
brahmaviṣṇumahādevamahendrādimahātmabhiḥ |
samproktaṃ kathayāmyadya lakṣmīnāmasahasrakam || 9 ||
yasyoccāraṇamātreṇa dāridryānmucyate naraḥ |
kiṃ punastajjapājjāpī sarveṣṭārthānavāpnuyāt || 10 ||
asya śrīlakṣmīdivyasahasranāmastotramahāmantrasya ānandakardamaciklītendirāsutādayo mahātmāno maharṣayaḥ anuṣṭupchandaḥ viṣṇumāyā śaktiḥ mahālakṣmīḥ parādevatā śrīmahālakṣmīprasādadvārā sarveṣṭārthasiddhyarthe jape viniyogaḥ |
dhyānam
padmanābhapriyāṃ devīṃ padmākṣīṃ padmavāsinīm |
padmavaktrāṃ padmahastāṃ vande padmāmaharniśam || 1 ||
pūrṇenduvadanāṃ divyaratnābharaṇabhūṣitām |
varadābhayahastāḍhyāṃ dhyāyeccandrasahodarīm || 2 ||
icchārūpāṃ bhagavatassaccidānandarūpiṇīm |
sarvajñāṃ sarvajananīṃ viṣṇuvakṣassthalālayām |
dayālumaniśaṃ dhyāyetsukhasiddhisvarūpiṇīm || 3 ||
stotram
nityāgatānantanityā nandinī janarañjanī |
nityaprakāśinī caiva svaprakāśasvarūpiṇī || 1 ||
mahālakṣmīrmahākālī mahākanyā sarasvatī |
bhogavaibhavasandhātrī bhaktānugrahakāriṇī || 2 ||
īśāvāsyā mahāmāyā mahādevī maheśvarī |
hṛllekhā paramā śaktirmātṛkābījarūpiṇī || 3 ||
nityānandā nityabodhā nādinī janamodinī |
satyapratyayanī caiva svaprakāśātmarūpiṇī || 4 ||
tripurā bhairavī vidyā haṃsā vāgīśvarī śivā |
vāgdevī ca mahārātriḥ kālarātristrilocanā || 5 ||
bhadrakālī karālī ca mahākālī tilottamā |
kālī karālavaktrāntā kāmākṣī kāmadā śubhā || 6 ||
caṇḍikā caṇḍarūpeśā cāmuṇḍā cakradhāriṇī |
trailokyajayinī devī trailokyavijayottamā || 7 ||
siddhalakṣmīḥ kriyālakṣmīrmokṣalakṣmīḥ prasādinī |
umā bhagavatī durgā cāndrī dākṣāyaṇī śivā || 8 ||
pratyaṅgirā dharāvelā lokamātā haripriyā |
pārvatī paramā devī brahmavidyāpradāyinī || 9 ||
arūpā bahurūpā ca virūpā viśvarūpiṇī |
pañcabhūtātmikā vāṇī pañcabhūtātmikā parā || 10 ||
kālī mā pañcikā vāgmī haviḥpratyadhidevatā |
devamātā sureśānā devagarbhā'mbikā dhṛtiḥ || 11 ||
saṅkhyā jātiḥ kriyāśaktiḥ prakṛtirmohinī mahī |
yajñavidyā mahāvidyā guhyavidyā vibhāvarī || 12 ||
jyotiṣmatī mahāmātā sarvamantraphalapradā |
dāridryadhvaṃsinī devī hṛdayagranthibhedinī || 13 ||
sahasrādityasaṅkāśā candrikā candrarūpiṇī |
gāyatrī somasambhūtissāvitrī praṇavātmikā || 14 ||
śāṅkarī vaiṣṇavī brāhmī sarvadevanamaskṛtā |
sevyadurgā kuberākṣī karavīranivāsinī || 15 ||
jayā ca vijayā caiva jayantī cā'parājitā |
kubjikā kālikā śāstrī vīṇāpustakadhāriṇī || 16 ||
sarvajñaśaktiśśrīśaktirbrahmaviṣṇuśivātmikā |
iḍāpiṅgalikāmadhyamṛṇālītanturūpiṇī || 17 ||
yajñeśānī prathā dīkṣā dakṣiṇā sarvamohinī |
aṣṭāṅgayoginī devī nirbījadhyānagocarā || 18 ||
sarvatīrthasthitā śuddhā sarvaparvatavāsinī |
vedaśāstraprabhā devī ṣaḍaṅgādipadakramā || 19 ||
śivā dhātrī śubhānandā yajñakarmasvarūpiṇī |
vratinī menakā devī brahmāṇī brahmacāriṇī || 20 ||
ekākṣaraparā tārā bhavabandhavināśinī |
viśvambharā dharādhārā nirādhārā'dhikasvarā || 21 ||
rākā kuhūramāvāsyā pūrṇimā'numatirdyutiḥ |
sinīvālī śivā'vaśyā vaiśvadevī piśaṅgilā || 22 ||
pippalā ca viśālākṣī rakṣoghnī vṛṣṭikāriṇī |
duṣṭavidrāviṇī devī sarvopadravanāśinī || 23 ||
śāradā śarasandhānā sarvaśastrasvarūpiṇī |
yuddhamadhyasthitā devī sarvabhūtaprabhañjanī || 24 ||
ayuddhā yuddharūpā ca śāntā śāntisvarūpiṇī |
gaṅgā sarasvatīveṇīyamunānarmadāpagā || 25 ||
samudravasanāvāsā brahmāṇḍaśroṇimekhalā |
pañcavaktrā daśabhujā śuddhasphaṭikasannibhā || 26 ||
raktā kṛṣṇā sitā pītā sarvavarṇā nirīśvarī |
kālikā cakrikā devī satyā tu vaṭukāsthitā || 27 ||
taruṇī vāruṇī nārī jyeṣṭhādevī sureśvarī |
viśvambharādharā kartrī galārgalavibhañjanī || 28 ||
sandhyārātrirdivājyotsnā kalākāṣṭhā nimeṣikā |
urvī kātyāyanī śubhrā saṃsārārṇavatāriṇī || 29 ||
kapilā kīlikā'śokā mallikānavamallikā | [ mallikānavamālikā ]
devikā nandikā śāntā bhañjikā bhayabhañjikā || 30 ||
kauśikī vaidikī devī saurī rūpādhikā'tibhā |
digvastrā navavastrā ca kanyakā kamalodbhavā || 31 ||
śrīssaumyalakṣaṇā'tītadurgā sūtraprabodhikā |
śraddhā medhā kṛtiḥ prajñā dhāraṇā kāntireva ca || 32 ||
śrutiḥ smṛtirdhṛtirdhanyā bhūtiriṣṭirmanīṣiṇī |
viraktirvyāpinī māyā sarvamāyāprabhañjanī || 33 ||
māhendrī mantriṇī siṃhī cendrajālasvarūpiṇī |
avasthātrayanirmuktā guṇatrayavivarjitā || 34 ||
īṣaṇātrayanirmuktā sarvarogavivarjitā |
yogidhyānāntagamyā ca yogadhyānaparāyaṇā || 35 ||
trayīśikhā viśeṣajñā vedāntajñānarūpiṇī |
bhāratī kamalā bhāṣā padmā padmavatī kṛtiḥ || 36 ||
gautamī gomatī gaurī īśānā haṃsavāhinī |
nārāyaṇī prabhādhārā jāhnavī śaṅkarātmajā || 37 ||
citraghaṇṭā sunandā śrīrmānavī manusambhavā |
stambhinī kṣobhiṇī mārī bhrāmiṇī śatrumāriṇī || 38 ||
mohinī dveṣiṇī vīrā aghorā rudrarūpiṇī |
rudraikādaśinī puṇyā kalyāṇī lābhakāriṇī || 39 ||
devadurgā mahādurgā svapnadurgā'ṣṭabhairavī |
sūryacandrāgnirūpā ca grahanakṣatrarūpiṇī || 40 ||
bindunādakalātītā bindunādakalātmikā |
daśavāyujayākārā kalāṣoḍaśasaṃyutā || 41 ||
kāśyapī kamalādevī nādacakranivāsinī |
mṛḍādhārā sthirā guhyā devikā cakrarūpiṇī || 42 ||
avidyā śārvarī bhuñjā jambhāsuranibarhiṇī |
śrīkāyā śrīkalā śubhrā karmanirmūlakāriṇī || 43 ||
ādilakṣmīrguṇādhārā pañcabrahmātmikā parā |
śrutirbrahmamukhāvāsā sarvasampattirūpiṇī || 44 ||
mṛtasañjīvanī maitrī kāminī kāmavarjitā |
nirvāṇamārgadā devī haṃsinī kāśikā kṣamā || 45 ||
saparyā guṇinī bhinnā nirguṇā khaṇḍitāśubhā |
svāminī vedinī śakyā śāmbarī cakradhāriṇī || 46 ||
daṇḍinī muṇḍinī vyāghrī śikhinī somasaṃhatiḥ |
cintāmaṇiścidānandā pañcabāṇaprabodhinī || 47 ||
bāṇaśreṇissahasrākṣī sahasrabhujapādukā |
sandhyāvalistrisandhyākhyā brahmāṇḍamaṇibhūṣaṇā || 48 ||
vāsavī vāruṇīsenā kulikā mantrarañjanī |
jitaprāṇasvarūpā ca kāntā kāmyavarapradā || 49 ||
mantrabrāhmaṇavidyārthā nādarūpā haviṣmatī |
ātharvaṇiḥ śrutiḥ śūnyā kalpanāvarjitā satī || 50 ||
sattājātiḥ pramā'meyā'pramitiḥ prāṇadā gatiḥ |
avarṇā pañcavarṇā ca sarvadā bhuvaneśvarī || 51 ||
trailokyamohinī vidyā sarvabhartrī kṣarā'kṣarā |
hiraṇyavarṇā hariṇī sarvopadravanāśinī || 52 ||
kaivalyapadavīrekhā sūryamaṇḍalasaṃsthitā |
somamaṇḍalamadhyasthā vahnimaṇḍalasaṃsthitā || 53 ||
vāyumaṇḍalamadhyasthā vyomamaṇḍalasaṃsthitā |
cakrikā cakramadhyasthā cakramārgapravartinī || 54 ||
kokilākulacakreśā pakṣatiḥ paṅktipāvanī |
sarvasiddhāntamārgasthā ṣaḍvarṇāvaravarjitā || 55 ||
śararudraharā hantrī sarvasaṃhārakāriṇī |
puruṣā pauruṣī tuṣṭissarvatantraprasūtikā || 56 ||
ardhanārīśvarī devī sarvavidyāpradāyinī |
bhārgavī yājuṣīvidyā sarvopaniṣadāsthitā || 57 || [ bhujuṣīvidyā ]
vyomakeśākhilaprāṇā pañcakośavilakṣaṇā |
pañcakośātmikā pratyakpañcabrahmātmikā śivā || 58 ||
jagajjarājanitrī ca pañcakarmaprasūtikā |
vāgdevyābharaṇākārā sarvakāmyasthitāsthitiḥ || 59 ||
aṣṭādaśacatuṣṣaṣṭhipīṭhikā vidyayā yutā |
kālikākarṣaṇaśyāmā yakṣiṇī kinnareśvarī || 60 ||
ketakī mallikā'śokā vārāhī dharaṇī dhruvā |
nārasiṃhī mahogrāsyā bhaktānāmārtināśinī || 61 ||
antarbalā sthirā lakṣmīrjarāmaraṇanāśinī |
śrīrañjitā mahākāyā somasūryāgnilocanā || 62 ||
aditirdevamātā ca aṣṭaputrā'ṣṭayoginī |
aṣṭaprakṛtiraṣṭāṣṭavibhrājadvikṛtākṛtiḥ || 63 ||
durbhikṣadhvaṃsinī devī sītā satyā ca rukmiṇī |
khyātijā bhārgavī devī devayonistapasvinī || 64 ||
śākambharī mahāśoṇā garuḍoparisaṃsthitā |
siṃhagā vyāghragā devī vāyugā ca mahādrigā || 65 ||
akārādikṣakārāntā sarvavidyādhidevatā |
mantravyākhyānanipuṇā jyotiśśāstraikalocanā || 66 ||
iḍāpiṅgalikāmadhyāsuṣumnā granthibhedinī |
kālacakrāśrayopetā kālacakrasvarūpiṇī || 67 ||
vaiśāradī matiśśreṣṭhā variṣṭhā sarvadīpikā |
vaināyakī varārohā śroṇivelā bahirvaliḥ || 68 ||
jambhinī jṛmbhiṇī jambhakāriṇī gaṇakārikā |
śaraṇī cakrikā'nantā sarvavyādhicikitsakī || 69 ||
devakī devasaṅkāśā vāridhiḥ karuṇākarā |
śarvarī sarvasampannā sarvapāpaprabhañjanī || 70 ||
ekamātrā dvimātrā ca trimātrā ca tathā'parā |
ardhamātrā parā sūkṣmā sūkṣmārthā'rthaparā'parā || 71 ||
ekavīrā viśeṣākhyā ṣaṣṭhīdevī manasvinī |
naiṣkarmyā niṣkalālokā jñānakarmādhikā guṇā || 72 ||
sabandhvānandasandohā vyomākārā'nirūpitā |
gadyapadyātmikā vāṇī sarvālaṅkārasaṃyutā || 73 ||
sādhubandhapadanyāsā sarvauko ghaṭikāvaliḥ |
ṣaṭkarmā karkaśākārā sarvakarmavivarjitā || 74 ||
ādityavarṇā cāparṇā kāminī vararūpiṇī |
brahmāṇī brahmasantānā vedavāgīśvarī śivā || 75 ||
purāṇanyāyamīmāṃsādharmaśāstrāgamaśrutā |
sadyovedavatī sarvā haṃsī vidyādhidevatā || 76 ||
viśveśvarī jagaddhātrī viśvanirmāṇakāriṇī |
vaidikī vedarūpā ca kālikā kālarūpiṇī || 77 ||
nārāyaṇī mahādevī sarvatattvapravartinī |
hiraṇyavarṇarūpā ca hiraṇyapadasambhavā || 78 ||
kaivalyapadavī puṇyā kaivalyajñānalakṣitā |
brahmasampattirūpā ca brahmasampattikāriṇī || 79 ||
vāruṇī vāruṇārādhyā sarvakarmapravartinī |
ekākṣaraparā''yuktā sarvadāridryabhañjinī || 80 ||
pāśāṅkuśānvitā divyā vīṇāvyākhyākṣasūtrabhṛt |
ekamūrtistrayīmūrtirmadhukaiṭabhabhañjinī || 81 ||
sāṅkhyā sāṅkhyavatī jvālā jvalantī kāmarūpiṇī |
jāgratī sarvasampattissuṣuptā sveṣṭadāyinī || 82 ||
kapālinī mahādaṃṣṭrā bhrukuṭī kuṭilānanā |
sarvāvāsā suvāsā ca bṛhatyaṣṭiśca śakvarī || 83 ||
chandogaṇapratiṣṭhā ca kalmāṣī karuṇātmikā |
cakṣuṣmatī mahāghoṣā khaḍgacarmadharā'śaniḥ || 84 ||
śilpavaicitryavidyotā sarvatobhadravāsinī |
acintyalakṣaṇākārā sūtrabhāṣyanibandhanā || 85 ||
sarvavedārthasampattissarvaśāstrārthamātṛkā |
akārādikṣakārāntasarvavarṇakṛtasthalā || 86 ||
sarvalakṣmīssadānandā sāravidyā sadāśivā |
sarvajñā sarvaśaktiśca khecarīrūpagocchritā || 87 ||
aṇimādiguṇopetā parā kāṣṭhā parā gatiḥ |
haṃsayuktavimānasthā haṃsārūḍhā śaśiprabhā || 88 ||
bhavānī vāsanāśaktirākṛtisthākhilā'khilā |
tantraheturvicitrāṅgī vyomagaṅgāvinodinī || 89 ||
varṣā ca vārṣikā caiva ṛgyajussāmarūpiṇī |
mahānadīnadīpuṇyā'gaṇyapuṇyaguṇakriyā || 90 ||
samādhigatalabhyārthā śrotavyā svapriyā ghṛṇā |
nāmākṣaraparā devī upasarganakhāñcitā || 91 ||
nipātorudvayījaṅghā mātṛkā mantrarūpiṇī |
āsīnā ca śayānā ca tiṣṭhantī dhāvanādhikā || 92 ||
lakṣyalakṣaṇayogāḍhyā tādrūpyagaṇanākṛtiḥ |
saikarūpā naikarūpā sendurūpā tadākṛtiḥ || 93 ||
samāsataddhitākārā vibhaktivacanātmikā |
svāhākārā svadhākārā śrīpatyardhāṅganandinī || 94 ||
gambhīrā gahanā guhyā yoniliṅgārdhadhāriṇī |
śeṣavāsukisaṃsevyā capalā varavarṇinī || 95 ||
kāruṇyākārasampattiḥ kīlakṛnmantrakīlikā |
śaktibījātmikā sarvamantreṣṭākṣayakāmanā || 96 ||
āgneyī pārthivā āpyā vāyavyā vyomaketanā |
satyajñānātmikā''nandā brāhmī brahma sanātanī || 97 ||
avidyāvāsanā māyāprakṛtissarvamohinī |
śaktirdhāraṇaśaktiśca cidacicchaktiyoginī || 98 ||
vaktrāruṇā mahāmāyā marīcirmadamardinī |
virāṭ svāhā svadhā śuddhā nīrūpāstissubhaktigā || 99 ||
nirūpitādvayīvidyā nityānityasvarūpiṇī |
vairājamārgasañcārā sarvasatpathadarśinī || 100 ||
jālandharī mṛḍānī ca bhavānī bhavabhañjanī |
traikālikajñānatantustrikālajñānadāyinī || 101 ||
nādātītā smṛtiḥ prajñā dhātrīrūpā tripuṣkarā |
parājitāvidhānajñā viśeṣitaguṇātmikā || 102 ||
hiraṇyakeśinī hemabrahmasūtravicakṣaṇā |
asaṅkhyeyaparārdhāntasvaravyañjanavaikharī || 103 ||
madhujihvā madhumatī madhumāsodayā madhuḥ |
mādhavī ca mahābhāgā meghagambhīranisvanā || 104 ||
brahmaviṣṇumaheśādijñātavyārthaviśeṣagā |
nābhau vahniśikhākārā lalāṭe candrasannibhā || 105 ||
bhrūmadhye bhāskarākārā sarvatārākṛtirhṛdi |
kṛttikādibharaṇyantanakṣatreṣṭyārcitodayā || 106 ||
grahavidyātmikā jyotirjyotirvinmatijīvikā |
brahmāṇḍagarbhiṇī bālā saptāvaraṇadevatā || 107 ||
vairājottamasāmrājyā kumārakuśalodayā |
bagalā bhramarāmbā ca śivadūtī śivātmikā || 108 ||
meruvindhyādisaṃsthānā kāśmīrapuravāsinī |
yoganidrā mahānidrā vinidrā rākṣasāśritā || 109 ||
suvarṇadā mahāgaṅgā pañcākhyā pañcasaṃhatiḥ |
suprajātā suvīrā ca supoṣā supatiśśivā || 110 ||
sugṛhā raktabījāntā hatakandarpajīvikā |
samudravyomamadhyasthā samabindusamāśrayā || 111 ||
saubhāgyarasajīvātussārāsāravivekadṛk |
trivalyādisupuṣṭāṅgā bhāratī bharatāśritā || 112 ||
nādabrahmamayīvidyā jñānabrahmamayīparā |
brahmanāḍī niruktiśca brahmakaivalyasādhanam || 113 ||
kālikeyamahodāravīryavikramarūpiṇī |
vaḍavāgniśikhāvaktrā mahākavalatarpaṇā || 114 ||
mahābhūtā mahādarpā mahāsārā mahākratuḥ |
pañjabhūtamahāgrāsā pañcabhūtādhidevatā || 115 ||
sarvapramāṇā sampattissarvarogapratikriyā |
brahmāṇḍāntarbahirvyāptā viṣṇuvakṣovibhūṣiṇī || 116 ||
śāṅkarī vidhivaktrasthā pravarā varahetukī |
hemamālā śikhāmālā triśikhā pañcalocanā || 117 || [ pañcamocanā ]
sarvāgamasadācāramaryādā yātubhañjanī |
puṇyaślokaprabandhāḍhyā sarvāntaryāmirūpiṇī || 118 ||
sāmagānasamārādhyā śrotrakarṇarasāyanam |
jīvalokaikajīvāturbhadrodāravilokanā || 119 ||
taṭitkoṭilasatkāntistaruṇī harisundarī |
mīnanetrā ca sendrākṣī viśālākṣī sumaṅgalā || 120 ||
sarvamaṅgalasampannā sākṣānmaṅgaladevatā |
dehahṛddīpikā dīptirjihvapāpapraṇāśinī || 121 ||
ardhacandrollasaddaṃṣṭrā yajñavāṭīvilāsinī |
mahādurgā mahotsāhā mahādevabalodayā || 122 ||
ḍākinīḍyā śākinīḍyā sākinīḍyā samastajuṭ |
niraṅkuśā nākivandyā ṣaḍādhārādhidevatā || 123 ||
bhuvanajñāniniśśreṇī bhuvanākāravallarī |
śāśvatī śāśvatākārā lokānugrahakāriṇī || 124 ||
sārasī mānasī haṃsī haṃsalokapradāyinī |
cinmudrālaṅkṛtakarā koṭisūryasamaprabhā || 125 ||
sukhaprāṇiśirorekhā sadadṛṣṭapradāyinī |
sarvasāṅkaryadoṣaghnī grahopadravanāśinī || 126 ||
kṣudrajantubhayaghnī ca viṣarogādibhañjanī |
sadāśāntā sadāśuddhā gṛhacchidranivāriṇī || 127 ||
kalidoṣapraśamanī kolāhalapurasthitā |
gaurī lākṣaṇikī mukhyā jaghanyākṛtivarjitā || 128 ||
māyā vidyā mūlabhūtā vāsavī viṣṇucetanā |
vādinī vasurūpā ca vasuratnaparicchadā || 129 ||
chāndasī candrahṛdayā mantrasvacchandabhairavī |
vanamālā vaijayantī pañcadivyāyudhātmikā || 130 ||
pītāmbaramayī cañcatkaustubhā harikāminī |
nityā tathyā ramā rāmā ramaṇī mṛtyubhañjanī || 131 ||
jyeṣṭhā kāṣṭhā dhaniṣṭhāntā śarāṅgī nirguṇapriyā |
maitreyā mitravindā ca śeṣyaśeṣakalāśayā || 132 ||
vārāṇasīvāsalabhyā cāryāvartajanastutā | [ vārāṇasīvāsaratā ]
jagadutpattisaṃsthānasaṃhāratrayakāraṇam || 133 ||
tvamamba viṣṇusarvasvaṃ namaste'stu maheśvari |
namaste sarvalokānāṃ jananyai puṇyamūrtaye || 134 ||
siddhalakṣmīrmahākāli mahalakṣmi namo'stu te |
sadyojātādipañcāgnirūpā pañcakapañcakam || 135 ||
yantralakṣmīrbhavatyādirādyādye te namo namaḥ |
sṛṣṭyādikāraṇākāravitate doṣavarjite || 136 ||
jagallakṣmīrjaganmātarviṣṇupatni namo'stu te |
navakoṭimahāśaktisamupāsyapadāmbuje || 137 ||
kanatsauvarṇaratnāḍhya sarvābharaṇabhūṣite |
anantānityamahiṣīprapañceśvaranāyaki || 138 ||
atyucchritapadāntasthe paramavyomanāyaki |
nākapṛṣṭhagatārādhye viṣṇulokavilāsini || 139 ||
vaikuṇṭharājamahiṣi śrīraṅganagarāśrite |
raṅganāyaki bhūputri kṛṣṇe varadavallabhe || 140 ||
koṭibrahmādisaṃsevye koṭirudrādikīrtite |
mātuluṅgamayaṃ kheṭaṃ sauvarṇacaṣakaṃ tathā || 141 ||
padmadvayaṃ pūrṇakumbhaṃ kīrañca varadābhaye |
pāśamaṅkuśakaṃ śaṅkhaṃ cakraṃ śūlaṃ kṛpāṇikām || 142 ||
dhanurbāṇau cākṣamālāṃ cinmudrāmapi bibhratī |
aṣṭādaśabhuje lakṣmīrmahāṣṭādaśapīṭhage || 143 ||
bhūminīlādisaṃsevye svāmicittānuvartini |
padme padmālaye padmi pūrṇakumbhābhiṣecite || 144 ||
indirendindirābhākṣi kṣīrasāgarakanyake |
bhārgavi tvaṃ svatantrecchā vaśīkṛtajagatpatiḥ || 145 ||
maṅgalaṃ maṅgalānāṃ tvaṃ devatānāṃ ca devatā |
tvamuttamottamānāṃ ca tvaṃ śreyaḥ paramāmṛtam || 146 ||
dhanadhānyābhivṛddhiśca sārvabhaumasukhocchrayā |
āndolikādisaubhāgyaṃ mattebhādimahodayaḥ || 147 ||
putrapautrābhivṛddhiśca vidyābhogabalādikam |
āyurārogyasampattiraṣṭaiśvaryaṃ tvameva hi || 148 ||
parameśavibhūtiśca sūkṣmātsūkṣmatarāgatiḥ |
sadayāpāṅgasandattabrahmendrādipadasthitiḥ || 149 ||
avyāhatamahābhāgyaṃ tvamevākṣobhyavikramaḥ |
samanvayaśca vedānāmavirodhastvameva hi || 150 ||
niḥśreyasapadaprāptisādhanaṃ phalameva ca |
śrīmantrarājarājñī ca śrīvidyā kṣemakāriṇī || 151 ||
śrīmbījajapasantuṣṭā aiṃ hrīṃ śrīṃ bījapālikā |
prapattimārgasulabhā viṣṇuprathamakiṅkarī || 152 ||
klīṅkārārthasavitrī ca saumaṅgalyādhidevatā |
śrīṣoḍaśākṣarīvidyā śrīyantrapuravāsinī || 153 ||
sarvamaṅgalamāṅgalye śive sarvārthasādhike |
śaraṇye tryambake gaurī nārāyaṇi namo'stu te || 154 ||
punaḥ punarnamaste'stu sāṣṭāṅgamayutaṃ punaḥ |
sanatkumāra uvāca-
evaṃ stutā mahālakṣmīrbrahmarudrādibhissuraiḥ |
namadbhirārtairdīnaiśca nissvatvairbhogavarjitaiḥ || 1 ||
jyeṣṭhā juṣṭaiśca niśśrīkaissaṃsārātsvaparāyaṇaiḥ |
viṣṇupatnī dadau teṣāṃ darśanaṃ dṛṣṭitarpaṇam || 2 ||
śaratpūrṇendukoṭyābhadhavalāpāṅgavīkṣaṇaiḥ |
sarvānsattvasamāviṣṭān cakre hṛṣṭā varaṃ dadau || 3 ||
mahālakṣmīruvāca-
nāmnāṃ sāṣṭasahasraṃ me pramādādvāpi yassakṛt |
kīrtayettatkule satyaṃ vasāmyācandratārakam || 4 ||
kiṃ punarniyamājjapturmadekaśaraṇasya ca |
mātṛvatsānukampāhaṃ poṣakī syāmaharniśam || 5 ||
mannāma stavatāṃ loke durlabhaṃ nāsti cintitam |
matprasādena sarve'pi svasveṣṭārthamavāpsyatha || 6 ||
luptavaiṣṇavadharmasya madvrateṣvavakīrṇinaḥ |
bhaktiprapattihīnasya vandyo nāmnāṃ stavo'pi me || 7 ||
tasmādavaśyaṃ tairdoṣairvihīnaḥ pāpavarjitaḥ |
japetsāṣṭasahasraṃ me nāmnāṃ pratyahamādarāt || 8 ||
sākṣādalakṣmīputro'pi durbhāgyo'pyalaso'pi vā |
aprayatno'pi mūḍho'pi vikalaḥ patito'pi ca || 9 ||
avaśyaṃ prāpnuyādbhāgyaṃ matprasādena kevalam |
spṛheyamacirāddevā varadānāya jāpinaḥ |
dadāmi sarvamiṣṭārthaṃ lakṣmīti smaratāṃ dhruvam || 10 ||
sanatkumāra uvāca-
ityuktvā'ntardadhe lakṣmīrvaiṣṇavī bhagavatkalā |
iṣṭāpūrtaṃ ca sukṛtaṃ bhāgadheyaṃ ca cintitam || 11 ||
svaṃ svaṃ sthānaṃ ca bhogaṃ ca vijayaṃ lebhire surāḥ |
tadetat pravadāmyadya lakṣmīnāmasahasrakam |
yoginaḥ paṭhata kṣipraṃ cintitārthānavāpsyatha || 12 ||
gārgya uvāca-
sanatkumāroyogīndra ityuktvā sa dayānidhiḥ |
anugṛhya yayau kṣipraṃ tāṃśca dvādaśayoginaḥ || 13 ||
tasmādetadrahasyaṃ ca gopyaṃ japyaṃ prayatnataḥ |
aṣṭamyāṃ ca caturdaśyāṃ navamyāṃ bhṛguvāsare || 14 ||
paurṇamāsyāmamāyāṃ ca parvakāle viśeṣataḥ |
japedvā nityakāryeṣu sarvānkāmānavāpnuyāt || 15 ||
iti śrīskandapurāṇe sanatkumārasaṃhitāyāṃ lakṣmīsahasranāmastotraṃ sampūrṇam ||
Sanskrit — Devanagari (original)
नाम्नां साष्टसहस्रञ्च ब्रूहि गार्ग्य महामते ।
महालक्ष्म्या महादेव्या भुक्तिमुक्त्यर्थसिद्धये ॥ 1 ॥
गार्ग्य उवाच
सनत्कुमारमासीनं द्वादशादित्यसन्निभम् ।
अपृच्छन्योगिनो भक्त्या योगिनामर्थसिद्धये ॥ 2 ॥
सर्वलौकिककर्मभ्यो विमुक्तानां हिताय वै ।
भुक्तिमुक्तिप्रदं जप्यमनुब्रूहि दयानिधे ॥ 3 ॥
सनत्कुमार भगवन्सर्वज्ञोऽसि विशेषतः ।
आस्तिक्यसिद्धये नॄणां क्षिप्रधर्मार्थसाधनम् ॥ 4 ॥
खिद्यन्ति मानवास्सर्वे धनाभावेन केवलम् ।
सिद्ध्यन्ति धनिनोऽन्यस्य नैव धर्मार्थकामनाः ॥ 5 ॥
दारिद्र्यध्वंसिनी नाम केन विद्या प्रकीर्तिता ।
केन वा ब्रह्मविद्याऽपि केन मृत्युविनाशिनी ॥ 6 ॥
सर्वासां सारभूतैका विद्यानां केन कीर्तिता ।
प्रत्यक्षसिद्धिदा ब्रह्मन् तामाचक्ष्व दयानिधे ॥ 7 ॥
सनत्कुमार उवाच
साधु पृष्टं महाभागास्सर्वलोकहितैषिणः ।
महतामेष धर्मश्च नान्येषामिति मे मतिः ॥ 8 ॥
ब्रह्मविष्णुमहादेवमहेन्द्रादिमहात्मभिः ।
सम्प्रोक्तं कथयाम्यद्य लक्ष्मीनामसहस्रकम् ॥ 9 ॥
यस्योच्चारणमात्रेण दारिद्र्यान्मुच्यते नरः ।
किं पुनस्तज्जपाज्जापी सर्वेष्टार्थानवाप्नुयात् ॥ 10 ॥
अस्य श्रीलक्ष्मीदिव्यसहस्रनामस्तोत्रमहामन्त्रस्य आनन्दकर्दमचिक्लीतेन्दिरासुतादयो महात्मानो महर्षयः अनुष्टुप्छन्दः विष्णुमाया शक्तिः महालक्ष्मीः परादेवता श्रीमहालक्ष्मीप्रसादद्वारा सर्वेष्टार्थसिद्ध्यर्थे जपे विनियोगः ।
ध्यानम्
पद्मनाभप्रियां देवीं पद्माक्षीं पद्मवासिनीम् ।
पद्मवक्त्रां पद्महस्तां वन्दे पद्मामहर्निशम् ॥ 1 ॥
पूर्णेन्दुवदनां दिव्यरत्नाभरणभूषिताम् ।
वरदाभयहस्ताढ्यां ध्यायेच्चन्द्रसहोदरीम् ॥ 2 ॥
इच्छारूपां भगवतस्सच्चिदानन्दरूपिणीम् ।
सर्वज्ञां सर्वजननीं विष्णुवक्षस्स्थलालयाम् ।
दयालुमनिशं ध्यायेत्सुखसिद्धिस्वरूपिणीम् ॥ 3 ॥
स्तोत्रम्
नित्यागतानन्तनित्या नन्दिनी जनरञ्जनी ।
नित्यप्रकाशिनी चैव स्वप्रकाशस्वरूपिणी ॥ 1 ॥
महालक्ष्मीर्महाकाली महाकन्या सरस्वती ।
भोगवैभवसन्धात्री भक्तानुग्रहकारिणी ॥ 2 ॥
ईशावास्या महामाया महादेवी महेश्वरी ।
हृल्लेखा परमा शक्तिर्मातृकाबीजरूपिणी ॥ 3 ॥
नित्यानन्दा नित्यबोधा नादिनी जनमोदिनी ।
सत्यप्रत्ययनी चैव स्वप्रकाशात्मरूपिणी ॥ 4 ॥
त्रिपुरा भैरवी विद्या हंसा वागीश्वरी शिवा ।
वाग्देवी च महारात्रिः कालरात्रिस्त्रिलोचना ॥ 5 ॥
भद्रकाली कराली च महाकाली तिलोत्तमा ।
काली करालवक्त्रान्ता कामाक्षी कामदा शुभा ॥ 6 ॥
चण्डिका चण्डरूपेशा चामुण्डा चक्रधारिणी ।
त्रैलोक्यजयिनी देवी त्रैलोक्यविजयोत्तमा ॥ 7 ॥
सिद्धलक्ष्मीः क्रियालक्ष्मीर्मोक्षलक्ष्मीः प्रसादिनी ।
उमा भगवती दुर्गा चान्द्री दाक्षायणी शिवा ॥ 8 ॥
प्रत्यङ्गिरा धरावेला लोकमाता हरिप्रिया ।
पार्वती परमा देवी ब्रह्मविद्याप्रदायिनी ॥ 9 ॥
अरूपा बहुरूपा च विरूपा विश्वरूपिणी ।
पञ्चभूतात्मिका वाणी पञ्चभूतात्मिका परा ॥ 10 ॥
काली मा पञ्चिका वाग्मी हविःप्रत्यधिदेवता ।
देवमाता सुरेशाना देवगर्भाऽम्बिका धृतिः ॥ 11 ॥
सङ्ख्या जातिः क्रियाशक्तिः प्रकृतिर्मोहिनी मही ।
यज्ञविद्या महाविद्या गुह्यविद्या विभावरी ॥ 12 ॥
ज्योतिष्मती महामाता सर्वमन्त्रफलप्रदा ।
दारिद्र्यध्वंसिनी देवी हृदयग्रन्थिभेदिनी ॥ 13 ॥
सहस्रादित्यसङ्काशा चन्द्रिका चन्द्ररूपिणी ।
गायत्री सोमसम्भूतिस्सावित्री प्रणवात्मिका ॥ 14 ॥
शाङ्करी वैष्णवी ब्राह्मी सर्वदेवनमस्कृता ।
सेव्यदुर्गा कुबेराक्षी करवीरनिवासिनी ॥ 15 ॥
जया च विजया चैव जयन्ती चाऽपराजिता ।
कुब्जिका कालिका शास्त्री वीणापुस्तकधारिणी ॥ 16 ॥
सर्वज्ञशक्तिश्श्रीशक्तिर्ब्रह्मविष्णुशिवात्मिका ।
इडापिङ्गलिकामध्यमृणालीतन्तुरूपिणी ॥ 17 ॥
यज्ञेशानी प्रथा दीक्षा दक्षिणा सर्वमोहिनी ।
अष्टाङ्गयोगिनी देवी निर्बीजध्यानगोचरा ॥ 18 ॥
सर्वतीर्थस्थिता शुद्धा सर्वपर्वतवासिनी ।
वेदशास्त्रप्रभा देवी षडङ्गादिपदक्रमा ॥ 19 ॥
शिवा धात्री शुभानन्दा यज्ञकर्मस्वरूपिणी ।
व्रतिनी मेनका देवी ब्रह्माणी ब्रह्मचारिणी ॥ 20 ॥
एकाक्षरपरा तारा भवबन्धविनाशिनी ।
विश्वम्भरा धराधारा निराधाराऽधिकस्वरा ॥ 21 ॥
राका कुहूरमावास्या पूर्णिमाऽनुमतिर्द्युतिः ।
सिनीवाली शिवाऽवश्या वैश्वदेवी पिशङ्गिला ॥ 22 ॥
पिप्पला च विशालाक्षी रक्षोघ्नी वृष्टिकारिणी ।
दुष्टविद्राविणी देवी सर्वोपद्रवनाशिनी ॥ 23 ॥
शारदा शरसन्धाना सर्वशस्त्रस्वरूपिणी ।
युद्धमध्यस्थिता देवी सर्वभूतप्रभञ्जनी ॥ 24 ॥
अयुद्धा युद्धरूपा च शान्ता शान्तिस्वरूपिणी ।
गङ्गा सरस्वतीवेणीयमुनानर्मदापगा ॥ 25 ॥
समुद्रवसनावासा ब्रह्माण्डश्रोणिमेखला ।
पञ्चवक्त्रा दशभुजा शुद्धस्फटिकसन्निभा ॥ 26 ॥
रक्ता कृष्णा सिता पीता सर्ववर्णा निरीश्वरी ।
कालिका चक्रिका देवी सत्या तु वटुकास्थिता ॥ 27 ॥
तरुणी वारुणी नारी ज्येष्ठादेवी सुरेश्वरी ।
विश्वम्भराधरा कर्त्री गलार्गलविभञ्जनी ॥ 28 ॥
सन्ध्यारात्रिर्दिवाज्योत्स्ना कलाकाष्ठा निमेषिका ।
उर्वी कात्यायनी शुभ्रा संसारार्णवतारिणी ॥ 29 ॥
कपिला कीलिकाऽशोका मल्लिकानवमल्लिका । [ मल्लिकानवमालिका ]
देविका नन्दिका शान्ता भञ्जिका भयभञ्जिका ॥ 30 ॥
कौशिकी वैदिकी देवी सौरी रूपाधिकाऽतिभा ।
दिग्वस्त्रा नववस्त्रा च कन्यका कमलोद्भवा ॥ 31 ॥
श्रीस्सौम्यलक्षणाऽतीतदुर्गा सूत्रप्रबोधिका ।
श्रद्धा मेधा कृतिः प्रज्ञा धारणा कान्तिरेव च ॥ 32 ॥
श्रुतिः स्मृतिर्धृतिर्धन्या भूतिरिष्टिर्मनीषिणी ।
विरक्तिर्व्यापिनी माया सर्वमायाप्रभञ्जनी ॥ 33 ॥
माहेन्द्री मन्त्रिणी सिंही चेन्द्रजालस्वरूपिणी ।
अवस्थात्रयनिर्मुक्ता गुणत्रयविवर्जिता ॥ 34 ॥
ईषणात्रयनिर्मुक्ता सर्वरोगविवर्जिता ।
योगिध्यानान्तगम्या च योगध्यानपरायणा ॥ 35 ॥
त्रयीशिखा विशेषज्ञा वेदान्तज्ञानरूपिणी ।
भारती कमला भाषा पद्मा पद्मवती कृतिः ॥ 36 ॥
गौतमी गोमती गौरी ईशाना हंसवाहिनी ।
नारायणी प्रभाधारा जाह्नवी शङ्करात्मजा ॥ 37 ॥
चित्रघण्टा सुनन्दा श्रीर्मानवी मनुसम्भवा ।
स्तम्भिनी क्षोभिणी मारी भ्रामिणी शत्रुमारिणी ॥ 38 ॥
मोहिनी द्वेषिणी वीरा अघोरा रुद्ररूपिणी ।
रुद्रैकादशिनी पुण्या कल्याणी लाभकारिणी ॥ 39 ॥
देवदुर्गा महादुर्गा स्वप्नदुर्गाऽष्टभैरवी ।
सूर्यचन्द्राग्निरूपा च ग्रहनक्षत्ररूपिणी ॥ 40 ॥
बिन्दुनादकलातीता बिन्दुनादकलात्मिका ।
दशवायुजयाकारा कलाषोडशसंयुता ॥ 41 ॥
काश्यपी कमलादेवी नादचक्रनिवासिनी ।
मृडाधारा स्थिरा गुह्या देविका चक्ररूपिणी ॥ 42 ॥
अविद्या शार्वरी भुञ्जा जम्भासुरनिबर्हिणी ।
श्रीकाया श्रीकला शुभ्रा कर्मनिर्मूलकारिणी ॥ 43 ॥
आदिलक्ष्मीर्गुणाधारा पञ्चब्रह्मात्मिका परा ।
श्रुतिर्ब्रह्ममुखावासा सर्वसम्पत्तिरूपिणी ॥ 44 ॥
मृतसञ्जीवनी मैत्री कामिनी कामवर्जिता ।
निर्वाणमार्गदा देवी हंसिनी काशिका क्षमा ॥ 45 ॥
सपर्या गुणिनी भिन्ना निर्गुणा खण्डिताशुभा ।
स्वामिनी वेदिनी शक्या शाम्बरी चक्रधारिणी ॥ 46 ॥
दण्डिनी मुण्डिनी व्याघ्री शिखिनी सोमसंहतिः ।
चिन्तामणिश्चिदानन्दा पञ्चबाणप्रबोधिनी ॥ 47 ॥
बाणश्रेणिस्सहस्राक्षी सहस्रभुजपादुका ।
सन्ध्यावलिस्त्रिसन्ध्याख्या ब्रह्माण्डमणिभूषणा ॥ 48 ॥
वासवी वारुणीसेना कुलिका मन्त्ररञ्जनी ।
जितप्राणस्वरूपा च कान्ता काम्यवरप्रदा ॥ 49 ॥
मन्त्रब्राह्मणविद्यार्था नादरूपा हविष्मती ।
आथर्वणिः श्रुतिः शून्या कल्पनावर्जिता सती ॥ 50 ॥
सत्ताजातिः प्रमाऽमेयाऽप्रमितिः प्राणदा गतिः ।
अवर्णा पञ्चवर्णा च सर्वदा भुवनेश्वरी ॥ 51 ॥
त्रैलोक्यमोहिनी विद्या सर्वभर्त्री क्षराऽक्षरा ।
हिरण्यवर्णा हरिणी सर्वोपद्रवनाशिनी ॥ 52 ॥
कैवल्यपदवीरेखा सूर्यमण्डलसंस्थिता ।
सोममण्डलमध्यस्था वह्निमण्डलसंस्थिता ॥ 53 ॥
वायुमण्डलमध्यस्था व्योममण्डलसंस्थिता ।
चक्रिका चक्रमध्यस्था चक्रमार्गप्रवर्तिनी ॥ 54 ॥
कोकिलाकुलचक्रेशा पक्षतिः पङ्क्तिपावनी ।
सर्वसिद्धान्तमार्गस्था षड्वर्णावरवर्जिता ॥ 55 ॥
शररुद्रहरा हन्त्री सर्वसंहारकारिणी ।
पुरुषा पौरुषी तुष्टिस्सर्वतन्त्रप्रसूतिका ॥ 56 ॥
अर्धनारीश्वरी देवी सर्वविद्याप्रदायिनी ।
भार्गवी याजुषीविद्या सर्वोपनिषदास्थिता ॥ 57 ॥ [ भुजुषीविद्या ]
व्योमकेशाखिलप्राणा पञ्चकोशविलक्षणा ।
पञ्चकोशात्मिका प्रत्यक्पञ्चब्रह्मात्मिका शिवा ॥ 58 ॥
जगज्जराजनित्री च पञ्चकर्मप्रसूतिका ।
वाग्देव्याभरणाकारा सर्वकाम्यस्थितास्थितिः ॥ 59 ॥
अष्टादशचतुष्षष्ठिपीठिका विद्यया युता ।
कालिकाकर्षणश्यामा यक्षिणी किन्नरेश्वरी ॥ 60 ॥
केतकी मल्लिकाऽशोका वाराही धरणी ध्रुवा ।
नारसिंही महोग्रास्या भक्तानामार्तिनाशिनी ॥ 61 ॥
अन्तर्बला स्थिरा लक्ष्मीर्जरामरणनाशिनी ।
श्रीरञ्जिता महाकाया सोमसूर्याग्निलोचना ॥ 62 ॥
अदितिर्देवमाता च अष्टपुत्राऽष्टयोगिनी ।
अष्टप्रकृतिरष्टाष्टविभ्राजद्विकृताकृतिः ॥ 63 ॥
दुर्भिक्षध्वंसिनी देवी सीता सत्या च रुक्मिणी ।
ख्यातिजा भार्गवी देवी देवयोनिस्तपस्विनी ॥ 64 ॥
शाकम्भरी महाशोणा गरुडोपरिसंस्थिता ।
सिंहगा व्याघ्रगा देवी वायुगा च महाद्रिगा ॥ 65 ॥
अकारादिक्षकारान्ता सर्वविद्याधिदेवता ।
मन्त्रव्याख्याननिपुणा ज्योतिश्शास्त्रैकलोचना ॥ 66 ॥
इडापिङ्गलिकामध्यासुषुम्ना ग्रन्थिभेदिनी ।
कालचक्राश्रयोपेता कालचक्रस्वरूपिणी ॥ 67 ॥
वैशारदी मतिश्श्रेष्ठा वरिष्ठा सर्वदीपिका ।
वैनायकी वरारोहा श्रोणिवेला बहिर्वलिः ॥ 68 ॥
जम्भिनी जृम्भिणी जम्भकारिणी गणकारिका ।
शरणी चक्रिकाऽनन्ता सर्वव्याधिचिकित्सकी ॥ 69 ॥
देवकी देवसङ्काशा वारिधिः करुणाकरा ।
शर्वरी सर्वसम्पन्ना सर्वपापप्रभञ्जनी ॥ 70 ॥
एकमात्रा द्विमात्रा च त्रिमात्रा च तथाऽपरा ।
अर्धमात्रा परा सूक्ष्मा सूक्ष्मार्थाऽर्थपराऽपरा ॥ 71 ॥
एकवीरा विशेषाख्या षष्ठीदेवी मनस्विनी ।
नैष्कर्म्या निष्कलालोका ज्ञानकर्माधिका गुणा ॥ 72 ॥
सबन्ध्वानन्दसन्दोहा व्योमाकाराऽनिरूपिता ।
गद्यपद्यात्मिका वाणी सर्वालङ्कारसंयुता ॥ 73 ॥
साधुबन्धपदन्यासा सर्वौको घटिकावलिः ।
षट्कर्मा कर्कशाकारा सर्वकर्मविवर्जिता ॥ 74 ॥
आदित्यवर्णा चापर्णा कामिनी वररूपिणी ।
ब्रह्माणी ब्रह्मसन्ताना वेदवागीश्वरी शिवा ॥ 75 ॥
पुराणन्यायमीमांसाधर्मशास्त्रागमश्रुता ।
सद्योवेदवती सर्वा हंसी विद्याधिदेवता ॥ 76 ॥
विश्वेश्वरी जगद्धात्री विश्वनिर्माणकारिणी ।
वैदिकी वेदरूपा च कालिका कालरूपिणी ॥ 77 ॥
नारायणी महादेवी सर्वतत्त्वप्रवर्तिनी ।
हिरण्यवर्णरूपा च हिरण्यपदसम्भवा ॥ 78 ॥
कैवल्यपदवी पुण्या कैवल्यज्ञानलक्षिता ।
ब्रह्मसम्पत्तिरूपा च ब्रह्मसम्पत्तिकारिणी ॥ 79 ॥
वारुणी वारुणाराध्या सर्वकर्मप्रवर्तिनी ।
एकाक्षरपराऽऽयुक्ता सर्वदारिद्र्यभञ्जिनी ॥ 80 ॥
पाशाङ्कुशान्विता दिव्या वीणाव्याख्याक्षसूत्रभृत् ।
एकमूर्तिस्त्रयीमूर्तिर्मधुकैटभभञ्जिनी ॥ 81 ॥
साङ्ख्या साङ्ख्यवती ज्वाला ज्वलन्ती कामरूपिणी ।
जाग्रती सर्वसम्पत्तिस्सुषुप्ता स्वेष्टदायिनी ॥ 82 ॥
कपालिनी महादंष्ट्रा भ्रुकुटी कुटिलानना ।
सर्वावासा सुवासा च बृहत्यष्टिश्च शक्वरी ॥ 83 ॥
छन्दोगणप्रतिष्ठा च कल्माषी करुणात्मिका ।
चक्षुष्मती महाघोषा खड्गचर्मधराऽशनिः ॥ 84 ॥
शिल्पवैचित्र्यविद्योता सर्वतोभद्रवासिनी ।
अचिन्त्यलक्षणाकारा सूत्रभाष्यनिबन्धना ॥ 85 ॥
सर्ववेदार्थसम्पत्तिस्सर्वशास्त्रार्थमातृका ।
अकारादिक्षकारान्तसर्ववर्णकृतस्थला ॥ 86 ॥
सर्वलक्ष्मीस्सदानन्दा सारविद्या सदाशिवा ।
सर्वज्ञा सर्वशक्तिश्च खेचरीरूपगोच्छ्रिता ॥ 87 ॥
अणिमादिगुणोपेता परा काष्ठा परा गतिः ।
हंसयुक्तविमानस्था हंसारूढा शशिप्रभा ॥ 88 ॥
भवानी वासनाशक्तिराकृतिस्थाखिलाऽखिला ।
तन्त्रहेतुर्विचित्राङ्गी व्योमगङ्गाविनोदिनी ॥ 89 ॥
वर्षा च वार्षिका चैव ऋग्यजुस्सामरूपिणी ।
महानदीनदीपुण्याऽगण्यपुण्यगुणक्रिया ॥ 90 ॥
समाधिगतलभ्यार्था श्रोतव्या स्वप्रिया घृणा ।
नामाक्षरपरा देवी उपसर्गनखाञ्चिता ॥ 91 ॥
निपातोरुद्वयीजङ्घा मातृका मन्त्ररूपिणी ।
आसीना च शयाना च तिष्ठन्ती धावनाधिका ॥ 92 ॥
लक्ष्यलक्षणयोगाढ्या ताद्रूप्यगणनाकृतिः ।
सैकरूपा नैकरूपा सेन्दुरूपा तदाकृतिः ॥ 93 ॥
समासतद्धिताकारा विभक्तिवचनात्मिका ।
स्वाहाकारा स्वधाकारा श्रीपत्यर्धाङ्गनन्दिनी ॥ 94 ॥
गम्भीरा गहना गुह्या योनिलिङ्गार्धधारिणी ।
शेषवासुकिसंसेव्या चपला वरवर्णिनी ॥ 95 ॥
कारुण्याकारसम्पत्तिः कीलकृन्मन्त्रकीलिका ।
शक्तिबीजात्मिका सर्वमन्त्रेष्टाक्षयकामना ॥ 96 ॥
आग्नेयी पार्थिवा आप्या वायव्या व्योमकेतना ।
सत्यज्ञानात्मिकाऽऽनन्दा ब्राह्मी ब्रह्म सनातनी ॥ 97 ॥
अविद्यावासना मायाप्रकृतिस्सर्वमोहिनी ।
शक्तिर्धारणशक्तिश्च चिदचिच्छक्तियोगिनी ॥ 98 ॥
वक्त्रारुणा महामाया मरीचिर्मदमर्दिनी ।
विराट् स्वाहा स्वधा शुद्धा नीरूपास्तिस्सुभक्तिगा ॥ 99 ॥
निरूपिताद्वयीविद्या नित्यानित्यस्वरूपिणी ।
वैराजमार्गसञ्चारा सर्वसत्पथदर्शिनी ॥ 100 ॥
जालन्धरी मृडानी च भवानी भवभञ्जनी ।
त्रैकालिकज्ञानतन्तुस्त्रिकालज्ञानदायिनी ॥ 101 ॥
नादातीता स्मृतिः प्रज्ञा धात्रीरूपा त्रिपुष्करा ।
पराजिताविधानज्ञा विशेषितगुणात्मिका ॥ 102 ॥
हिरण्यकेशिनी हेमब्रह्मसूत्रविचक्षणा ।
असङ्ख्येयपरार्धान्तस्वरव्यञ्जनवैखरी ॥ 103 ॥
मधुजिह्वा मधुमती मधुमासोदया मधुः ।
माधवी च महाभागा मेघगम्भीरनिस्वना ॥ 104 ॥
ब्रह्मविष्णुमहेशादिज्ञातव्यार्थविशेषगा ।
नाभौ वह्निशिखाकारा ललाटे चन्द्रसन्निभा ॥ 105 ॥
भ्रूमध्ये भास्कराकारा सर्वताराकृतिर्हृदि ।
कृत्तिकादिभरण्यन्तनक्षत्रेष्ट्यार्चितोदया ॥ 106 ॥
ग्रहविद्यात्मिका ज्योतिर्ज्योतिर्विन्मतिजीविका ।
ब्रह्माण्डगर्भिणी बाला सप्तावरणदेवता ॥ 107 ॥
वैराजोत्तमसाम्राज्या कुमारकुशलोदया ।
बगला भ्रमराम्बा च शिवदूती शिवात्मिका ॥ 108 ॥
मेरुविन्ध्यादिसंस्थाना काश्मीरपुरवासिनी ।
योगनिद्रा महानिद्रा विनिद्रा राक्षसाश्रिता ॥ 109 ॥
सुवर्णदा महागङ्गा पञ्चाख्या पञ्चसंहतिः ।
सुप्रजाता सुवीरा च सुपोषा सुपतिश्शिवा ॥ 110 ॥
सुगृहा रक्तबीजान्ता हतकन्दर्पजीविका ।
समुद्रव्योममध्यस्था समबिन्दुसमाश्रया ॥ 111 ॥
सौभाग्यरसजीवातुस्सारासारविवेकदृक् ।
त्रिवल्यादिसुपुष्टाङ्गा भारती भरताश्रिता ॥ 112 ॥
नादब्रह्ममयीविद्या ज्ञानब्रह्ममयीपरा ।
ब्रह्मनाडी निरुक्तिश्च ब्रह्मकैवल्यसाधनम् ॥ 113 ॥
कालिकेयमहोदारवीर्यविक्रमरूपिणी ।
वडवाग्निशिखावक्त्रा महाकवलतर्पणा ॥ 114 ॥
महाभूता महादर्पा महासारा महाक्रतुः ।
पञ्जभूतमहाग्रासा पञ्चभूताधिदेवता ॥ 115 ॥
सर्वप्रमाणा सम्पत्तिस्सर्वरोगप्रतिक्रिया ।
ब्रह्माण्डान्तर्बहिर्व्याप्ता विष्णुवक्षोविभूषिणी ॥ 116 ॥
शाङ्करी विधिवक्त्रस्था प्रवरा वरहेतुकी ।
हेममाला शिखामाला त्रिशिखा पञ्चलोचना ॥ 117 ॥ [ पञ्चमोचना ]
सर्वागमसदाचारमर्यादा यातुभञ्जनी ।
पुण्यश्लोकप्रबन्धाढ्या सर्वान्तर्यामिरूपिणी ॥ 118 ॥
सामगानसमाराध्या श्रोत्रकर्णरसायनम् ।
जीवलोकैकजीवातुर्भद्रोदारविलोकना ॥ 119 ॥
तटित्कोटिलसत्कान्तिस्तरुणी हरिसुन्दरी ।
मीननेत्रा च सेन्द्राक्षी विशालाक्षी सुमङ्गला ॥ 120 ॥
सर्वमङ्गलसम्पन्ना साक्षान्मङ्गलदेवता ।
देहहृद्दीपिका दीप्तिर्जिह्वपापप्रणाशिनी ॥ 121 ॥
अर्धचन्द्रोल्लसद्दंष्ट्रा यज्ञवाटीविलासिनी ।
महादुर्गा महोत्साहा महादेवबलोदया ॥ 122 ॥
डाकिनीड्या शाकिनीड्या साकिनीड्या समस्तजुट् ।
निरङ्कुशा नाकिवन्द्या षडाधाराधिदेवता ॥ 123 ॥
भुवनज्ञानिनिश्श्रेणी भुवनाकारवल्लरी ।
शाश्वती शाश्वताकारा लोकानुग्रहकारिणी ॥ 124 ॥
सारसी मानसी हंसी हंसलोकप्रदायिनी ।
चिन्मुद्रालङ्कृतकरा कोटिसूर्यसमप्रभा ॥ 125 ॥
सुखप्राणिशिरोरेखा सददृष्टप्रदायिनी ।
सर्वसाङ्कर्यदोषघ्नी ग्रहोपद्रवनाशिनी ॥ 126 ॥
क्षुद्रजन्तुभयघ्नी च विषरोगादिभञ्जनी ।
सदाशान्ता सदाशुद्धा गृहच्छिद्रनिवारिणी ॥ 127 ॥
कलिदोषप्रशमनी कोलाहलपुरस्थिता ।
गौरी लाक्षणिकी मुख्या जघन्याकृतिवर्जिता ॥ 128 ॥
माया विद्या मूलभूता वासवी विष्णुचेतना ।
वादिनी वसुरूपा च वसुरत्नपरिच्छदा ॥ 129 ॥
छान्दसी चन्द्रहृदया मन्त्रस्वच्छन्दभैरवी ।
वनमाला वैजयन्ती पञ्चदिव्यायुधात्मिका ॥ 130 ॥
पीताम्बरमयी चञ्चत्कौस्तुभा हरिकामिनी ।
नित्या तथ्या रमा रामा रमणी मृत्युभञ्जनी ॥ 131 ॥
ज्येष्ठा काष्ठा धनिष्ठान्ता शराङ्गी निर्गुणप्रिया ।
मैत्रेया मित्रविन्दा च शेष्यशेषकलाशया ॥ 132 ॥
वाराणसीवासलभ्या चार्यावर्तजनस्तुता । [ वाराणसीवासरता ]
जगदुत्पत्तिसंस्थानसंहारत्रयकारणम् ॥ 133 ॥
त्वमम्ब विष्णुसर्वस्वं नमस्तेऽस्तु महेश्वरि ।
नमस्ते सर्वलोकानां जनन्यै पुण्यमूर्तये ॥ 134 ॥
सिद्धलक्ष्मीर्महाकालि महलक्ष्मि नमोऽस्तु ते ।
सद्योजातादिपञ्चाग्निरूपा पञ्चकपञ्चकम् ॥ 135 ॥
यन्त्रलक्ष्मीर्भवत्यादिराद्याद्ये ते नमो नमः ।
सृष्ट्यादिकारणाकारवितते दोषवर्जिते ॥ 136 ॥
जगल्लक्ष्मीर्जगन्मातर्विष्णुपत्नि नमोऽस्तु ते ।
नवकोटिमहाशक्तिसमुपास्यपदाम्बुजे ॥ 137 ॥
कनत्सौवर्णरत्नाढ्य सर्वाभरणभूषिते ।
अनन्तानित्यमहिषीप्रपञ्चेश्वरनायकि ॥ 138 ॥
अत्युच्छ्रितपदान्तस्थे परमव्योमनायकि ।
नाकपृष्ठगताराध्ये विष्णुलोकविलासिनि ॥ 139 ॥
वैकुण्ठराजमहिषि श्रीरङ्गनगराश्रिते ।
रङ्गनायकि भूपुत्रि कृष्णे वरदवल्लभे ॥ 140 ॥
कोटिब्रह्मादिसंसेव्ये कोटिरुद्रादिकीर्तिते ।
मातुलुङ्गमयं खेटं सौवर्णचषकं तथा ॥ 141 ॥
पद्मद्वयं पूर्णकुम्भं कीरञ्च वरदाभये ।
पाशमङ्कुशकं शङ्खं चक्रं शूलं कृपाणिकाम् ॥ 142 ॥
धनुर्बाणौ चाक्षमालां चिन्मुद्रामपि बिभ्रती ।
अष्टादशभुजे लक्ष्मीर्महाष्टादशपीठगे ॥ 143 ॥
भूमिनीलादिसंसेव्ये स्वामिचित्तानुवर्तिनि ।
पद्मे पद्मालये पद्मि पूर्णकुम्भाभिषेचिते ॥ 144 ॥
इन्दिरेन्दिन्दिराभाक्षि क्षीरसागरकन्यके ।
भार्गवि त्वं स्वतन्त्रेच्छा वशीकृतजगत्पतिः ॥ 145 ॥
मङ्गलं मङ्गलानां त्वं देवतानां च देवता ।
त्वमुत्तमोत्तमानां च त्वं श्रेयः परमामृतम् ॥ 146 ॥
धनधान्याभिवृद्धिश्च सार्वभौमसुखोच्छ्रया ।
आन्दोलिकादिसौभाग्यं मत्तेभादिमहोदयः ॥ 147 ॥
पुत्रपौत्राभिवृद्धिश्च विद्याभोगबलादिकम् ।
आयुरारोग्यसम्पत्तिरष्टैश्वर्यं त्वमेव हि ॥ 148 ॥
परमेशविभूतिश्च सूक्ष्मात्सूक्ष्मतरागतिः ।
सदयापाङ्गसन्दत्तब्रह्मेन्द्रादिपदस्थितिः ॥ 149 ॥
अव्याहतमहाभाग्यं त्वमेवाक्षोभ्यविक्रमः ।
समन्वयश्च वेदानामविरोधस्त्वमेव हि ॥ 150 ॥
निःश्रेयसपदप्राप्तिसाधनं फलमेव च ।
श्रीमन्त्रराजराज्ञी च श्रीविद्या क्षेमकारिणी ॥ 151 ॥
श्रीम्बीजजपसन्तुष्टा ऐं ह्रीं श्रीं बीजपालिका ।
प्रपत्तिमार्गसुलभा विष्णुप्रथमकिङ्करी ॥ 152 ॥
क्लीङ्कारार्थसवित्री च सौमङ्गल्याधिदेवता ।
श्रीषोडशाक्षरीविद्या श्रीयन्त्रपुरवासिनी ॥ 153 ॥
सर्वमङ्गलमाङ्गल्ये शिवे सर्वार्थसाधिके ।
शरण्ये त्र्यम्बके गौरी नारायणि नमोऽस्तु ते ॥ 154 ॥
पुनः पुनर्नमस्तेऽस्तु साष्टाङ्गमयुतं पुनः ।
सनत्कुमार उवाच-
एवं स्तुता महालक्ष्मीर्ब्रह्मरुद्रादिभिस्सुरैः ।
नमद्भिरार्तैर्दीनैश्च निस्स्वत्वैर्भोगवर्जितैः ॥ 1 ॥
ज्येष्ठा जुष्टैश्च निश्श्रीकैस्संसारात्स्वपरायणैः ।
विष्णुपत्नी ददौ तेषां दर्शनं दृष्टितर्पणम् ॥ 2 ॥
शरत्पूर्णेन्दुकोट्याभधवलापाङ्गवीक्षणैः ।
सर्वान्सत्त्वसमाविष्टान् चक्रे हृष्टा वरं ददौ ॥ 3 ॥
महालक्ष्मीरुवाच-
नाम्नां साष्टसहस्रं मे प्रमादाद्वापि यस्सकृत् ।
कीर्तयेत्तत्कुले सत्यं वसाम्याचन्द्रतारकम् ॥ 4 ॥
किं पुनर्नियमाज्जप्तुर्मदेकशरणस्य च ।
मातृवत्सानुकम्पाहं पोषकी स्यामहर्निशम् ॥ 5 ॥
मन्नाम स्तवतां लोके दुर्लभं नास्ति चिन्तितम् ।
मत्प्रसादेन सर्वेऽपि स्वस्वेष्टार्थमवाप्स्यथ ॥ 6 ॥
लुप्तवैष्णवधर्मस्य मद्व्रतेष्ववकीर्णिनः ।
भक्तिप्रपत्तिहीनस्य वन्द्यो नाम्नां स्तवोऽपि मे ॥ 7 ॥
तस्मादवश्यं तैर्दोषैर्विहीनः पापवर्जितः ।
जपेत्साष्टसहस्रं मे नाम्नां प्रत्यहमादरात् ॥ 8 ॥
साक्षादलक्ष्मीपुत्रोऽपि दुर्भाग्योऽप्यलसोऽपि वा ।
अप्रयत्नोऽपि मूढोऽपि विकलः पतितोऽपि च ॥ 9 ॥
अवश्यं प्राप्नुयाद्भाग्यं मत्प्रसादेन केवलम् ।
स्पृहेयमचिराद्देवा वरदानाय जापिनः ।
ददामि सर्वमिष्टार्थं लक्ष्मीति स्मरतां ध्रुवम् ॥ 10 ॥
सनत्कुमार उवाच-
इत्युक्त्वाऽन्तर्दधे लक्ष्मीर्वैष्णवी भगवत्कला ।
इष्टापूर्तं च सुकृतं भागधेयं च चिन्तितम् ॥ 11 ॥
स्वं स्वं स्थानं च भोगं च विजयं लेभिरे सुराः ।
तदेतत् प्रवदाम्यद्य लक्ष्मीनामसहस्रकम् ।
योगिनः पठत क्षिप्रं चिन्तितार्थानवाप्स्यथ ॥ 12 ॥
गार्ग्य उवाच-
सनत्कुमारोयोगीन्द्र इत्युक्त्वा स दयानिधिः ।
अनुगृह्य ययौ क्षिप्रं तांश्च द्वादशयोगिनः ॥ 13 ॥
तस्मादेतद्रहस्यं च गोप्यं जप्यं प्रयत्नतः ।
अष्टम्यां च चतुर्दश्यां नवम्यां भृगुवासरे ॥ 14 ॥
पौर्णमास्याममायां च पर्वकाले विशेषतः ।
जपेद्वा नित्यकार्येषु सर्वान्कामानवाप्नुयात् ॥ 15 ॥
इति श्रीस्कन्दपुराणे सनत्कुमारसंहितायां लक्ष्मीसहस्रनामस्तोत्रं सम्पूर्णम् ॥
nāmnāṃ sāṣṭasahasrañca brūhi gārgya mahāmate |
mahālakṣmyā mahādevyā bhuktimuktyarthasiddhaye || 1 ||
gārgya uvāca
sanatkumāramāsīnaṃ dvādaśādityasannibham |
apṛcchanyogino bhaktyā yogināmarthasiddhaye || 2 ||
sarvalaukikakarmabhyo vimuktānāṃ hitāya vai |
bhuktimuktipradaṃ japyamanubrūhi dayānidhe || 3 ||
sanatkumāra bhagavansarvajño'si viśeṣataḥ |
āstikyasiddhaye nṝṇāṃ kṣipradharmārthasādhanam || 4 ||
khidyanti mānavāssarve dhanābhāvena kevalam |
siddhyanti dhanino'nyasya naiva dharmārthakāmanāḥ || 5 ||
dāridryadhvaṃsinī nāma kena vidyā prakīrtitā |
kena vā brahmavidyā'pi kena mṛtyuvināśinī || 6 ||
sarvāsāṃ sārabhūtaikā vidyānāṃ kena kīrtitā |
pratyakṣasiddhidā brahman tāmācakṣva dayānidhe || 7 ||
sanatkumāra uvāca
sādhu pṛṣṭaṃ mahābhāgāssarvalokahitaiṣiṇaḥ |
mahatāmeṣa dharmaśca nānyeṣāmiti me matiḥ || 8 ||
brahmaviṣṇumahādevamahendrādimahātmabhiḥ |
samproktaṃ kathayāmyadya lakṣmīnāmasahasrakam || 9 ||
yasyoccāraṇamātreṇa dāridryānmucyate naraḥ |
kiṃ punastajjapājjāpī sarveṣṭārthānavāpnuyāt || 10 ||
asya śrīlakṣmīdivyasahasranāmastotramahāmantrasya ānandakardamaciklītendirāsutādayo mahātmāno maharṣayaḥ anuṣṭupchandaḥ viṣṇumāyā śaktiḥ mahālakṣmīḥ parādevatā śrīmahālakṣmīprasādadvārā sarveṣṭārthasiddhyarthe jape viniyogaḥ |
dhyānam
padmanābhapriyāṃ devīṃ padmākṣīṃ padmavāsinīm |
padmavaktrāṃ padmahastāṃ vande padmāmaharniśam || 1 ||
pūrṇenduvadanāṃ divyaratnābharaṇabhūṣitām |
varadābhayahastāḍhyāṃ dhyāyeccandrasahodarīm || 2 ||
icchārūpāṃ bhagavatassaccidānandarūpiṇīm |
sarvajñāṃ sarvajananīṃ viṣṇuvakṣassthalālayām |
dayālumaniśaṃ dhyāyetsukhasiddhisvarūpiṇīm || 3 ||
stotram
nityāgatānantanityā nandinī janarañjanī |
nityaprakāśinī caiva svaprakāśasvarūpiṇī || 1 ||
mahālakṣmīrmahākālī mahākanyā sarasvatī |
bhogavaibhavasandhātrī bhaktānugrahakāriṇī || 2 ||
īśāvāsyā mahāmāyā mahādevī maheśvarī |
hṛllekhā paramā śaktirmātṛkābījarūpiṇī || 3 ||
nityānandā nityabodhā nādinī janamodinī |
satyapratyayanī caiva svaprakāśātmarūpiṇī || 4 ||
tripurā bhairavī vidyā haṃsā vāgīśvarī śivā |
vāgdevī ca mahārātriḥ kālarātristrilocanā || 5 ||
bhadrakālī karālī ca mahākālī tilottamā |
kālī karālavaktrāntā kāmākṣī kāmadā śubhā || 6 ||
caṇḍikā caṇḍarūpeśā cāmuṇḍā cakradhāriṇī |
trailokyajayinī devī trailokyavijayottamā || 7 ||
siddhalakṣmīḥ kriyālakṣmīrmokṣalakṣmīḥ prasādinī |
umā bhagavatī durgā cāndrī dākṣāyaṇī śivā || 8 ||
pratyaṅgirā dharāvelā lokamātā haripriyā |
pārvatī paramā devī brahmavidyāpradāyinī || 9 ||
arūpā bahurūpā ca virūpā viśvarūpiṇī |
pañcabhūtātmikā vāṇī pañcabhūtātmikā parā || 10 ||
kālī mā pañcikā vāgmī haviḥpratyadhidevatā |
devamātā sureśānā devagarbhā'mbikā dhṛtiḥ || 11 ||
saṅkhyā jātiḥ kriyāśaktiḥ prakṛtirmohinī mahī |
yajñavidyā mahāvidyā guhyavidyā vibhāvarī || 12 ||
jyotiṣmatī mahāmātā sarvamantraphalapradā |
dāridryadhvaṃsinī devī hṛdayagranthibhedinī || 13 ||
sahasrādityasaṅkāśā candrikā candrarūpiṇī |
gāyatrī somasambhūtissāvitrī praṇavātmikā || 14 ||
śāṅkarī vaiṣṇavī brāhmī sarvadevanamaskṛtā |
sevyadurgā kuberākṣī karavīranivāsinī || 15 ||
jayā ca vijayā caiva jayantī cā'parājitā |
kubjikā kālikā śāstrī vīṇāpustakadhāriṇī || 16 ||
sarvajñaśaktiśśrīśaktirbrahmaviṣṇuśivātmikā |
iḍāpiṅgalikāmadhyamṛṇālītanturūpiṇī || 17 ||
yajñeśānī prathā dīkṣā dakṣiṇā sarvamohinī |
aṣṭāṅgayoginī devī nirbījadhyānagocarā || 18 ||
sarvatīrthasthitā śuddhā sarvaparvatavāsinī |
vedaśāstraprabhā devī ṣaḍaṅgādipadakramā || 19 ||
śivā dhātrī śubhānandā yajñakarmasvarūpiṇī |
vratinī menakā devī brahmāṇī brahmacāriṇī || 20 ||
ekākṣaraparā tārā bhavabandhavināśinī |
viśvambharā dharādhārā nirādhārā'dhikasvarā || 21 ||
rākā kuhūramāvāsyā pūrṇimā'numatirdyutiḥ |
sinīvālī śivā'vaśyā vaiśvadevī piśaṅgilā || 22 ||
pippalā ca viśālākṣī rakṣoghnī vṛṣṭikāriṇī |
duṣṭavidrāviṇī devī sarvopadravanāśinī || 23 ||
śāradā śarasandhānā sarvaśastrasvarūpiṇī |
yuddhamadhyasthitā devī sarvabhūtaprabhañjanī || 24 ||
ayuddhā yuddharūpā ca śāntā śāntisvarūpiṇī |
gaṅgā sarasvatīveṇīyamunānarmadāpagā || 25 ||
samudravasanāvāsā brahmāṇḍaśroṇimekhalā |
pañcavaktrā daśabhujā śuddhasphaṭikasannibhā || 26 ||
raktā kṛṣṇā sitā pītā sarvavarṇā nirīśvarī |
kālikā cakrikā devī satyā tu vaṭukāsthitā || 27 ||
taruṇī vāruṇī nārī jyeṣṭhādevī sureśvarī |
viśvambharādharā kartrī galārgalavibhañjanī || 28 ||
sandhyārātrirdivājyotsnā kalākāṣṭhā nimeṣikā |
urvī kātyāyanī śubhrā saṃsārārṇavatāriṇī || 29 ||
kapilā kīlikā'śokā mallikānavamallikā | [ mallikānavamālikā ]
devikā nandikā śāntā bhañjikā bhayabhañjikā || 30 ||
kauśikī vaidikī devī saurī rūpādhikā'tibhā |
digvastrā navavastrā ca kanyakā kamalodbhavā || 31 ||
śrīssaumyalakṣaṇā'tītadurgā sūtraprabodhikā |
śraddhā medhā kṛtiḥ prajñā dhāraṇā kāntireva ca || 32 ||
śrutiḥ smṛtirdhṛtirdhanyā bhūtiriṣṭirmanīṣiṇī |
viraktirvyāpinī māyā sarvamāyāprabhañjanī || 33 ||
māhendrī mantriṇī siṃhī cendrajālasvarūpiṇī |
avasthātrayanirmuktā guṇatrayavivarjitā || 34 ||
īṣaṇātrayanirmuktā sarvarogavivarjitā |
yogidhyānāntagamyā ca yogadhyānaparāyaṇā || 35 ||
trayīśikhā viśeṣajñā vedāntajñānarūpiṇī |
bhāratī kamalā bhāṣā padmā padmavatī kṛtiḥ || 36 ||
gautamī gomatī gaurī īśānā haṃsavāhinī |
nārāyaṇī prabhādhārā jāhnavī śaṅkarātmajā || 37 ||
citraghaṇṭā sunandā śrīrmānavī manusambhavā |
stambhinī kṣobhiṇī mārī bhrāmiṇī śatrumāriṇī || 38 ||
mohinī dveṣiṇī vīrā aghorā rudrarūpiṇī |
rudraikādaśinī puṇyā kalyāṇī lābhakāriṇī || 39 ||
devadurgā mahādurgā svapnadurgā'ṣṭabhairavī |
sūryacandrāgnirūpā ca grahanakṣatrarūpiṇī || 40 ||
bindunādakalātītā bindunādakalātmikā |
daśavāyujayākārā kalāṣoḍaśasaṃyutā || 41 ||
kāśyapī kamalādevī nādacakranivāsinī |
mṛḍādhārā sthirā guhyā devikā cakrarūpiṇī || 42 ||
avidyā śārvarī bhuñjā jambhāsuranibarhiṇī |
śrīkāyā śrīkalā śubhrā karmanirmūlakāriṇī || 43 ||
ādilakṣmīrguṇādhārā pañcabrahmātmikā parā |
śrutirbrahmamukhāvāsā sarvasampattirūpiṇī || 44 ||
mṛtasañjīvanī maitrī kāminī kāmavarjitā |
nirvāṇamārgadā devī haṃsinī kāśikā kṣamā || 45 ||
saparyā guṇinī bhinnā nirguṇā khaṇḍitāśubhā |
svāminī vedinī śakyā śāmbarī cakradhāriṇī || 46 ||
daṇḍinī muṇḍinī vyāghrī śikhinī somasaṃhatiḥ |
cintāmaṇiścidānandā pañcabāṇaprabodhinī || 47 ||
bāṇaśreṇissahasrākṣī sahasrabhujapādukā |
sandhyāvalistrisandhyākhyā brahmāṇḍamaṇibhūṣaṇā || 48 ||
vāsavī vāruṇīsenā kulikā mantrarañjanī |
jitaprāṇasvarūpā ca kāntā kāmyavarapradā || 49 ||
mantrabrāhmaṇavidyārthā nādarūpā haviṣmatī |
ātharvaṇiḥ śrutiḥ śūnyā kalpanāvarjitā satī || 50 ||
sattājātiḥ pramā'meyā'pramitiḥ prāṇadā gatiḥ |
avarṇā pañcavarṇā ca sarvadā bhuvaneśvarī || 51 ||
trailokyamohinī vidyā sarvabhartrī kṣarā'kṣarā |
hiraṇyavarṇā hariṇī sarvopadravanāśinī || 52 ||
kaivalyapadavīrekhā sūryamaṇḍalasaṃsthitā |
somamaṇḍalamadhyasthā vahnimaṇḍalasaṃsthitā || 53 ||
vāyumaṇḍalamadhyasthā vyomamaṇḍalasaṃsthitā |
cakrikā cakramadhyasthā cakramārgapravartinī || 54 ||
kokilākulacakreśā pakṣatiḥ paṅktipāvanī |
sarvasiddhāntamārgasthā ṣaḍvarṇāvaravarjitā || 55 ||
śararudraharā hantrī sarvasaṃhārakāriṇī |
puruṣā pauruṣī tuṣṭissarvatantraprasūtikā || 56 ||
ardhanārīśvarī devī sarvavidyāpradāyinī |
bhārgavī yājuṣīvidyā sarvopaniṣadāsthitā || 57 || [ bhujuṣīvidyā ]
vyomakeśākhilaprāṇā pañcakośavilakṣaṇā |
pañcakośātmikā pratyakpañcabrahmātmikā śivā || 58 ||
jagajjarājanitrī ca pañcakarmaprasūtikā |
vāgdevyābharaṇākārā sarvakāmyasthitāsthitiḥ || 59 ||
aṣṭādaśacatuṣṣaṣṭhipīṭhikā vidyayā yutā |
kālikākarṣaṇaśyāmā yakṣiṇī kinnareśvarī || 60 ||
ketakī mallikā'śokā vārāhī dharaṇī dhruvā |
nārasiṃhī mahogrāsyā bhaktānāmārtināśinī || 61 ||
antarbalā sthirā lakṣmīrjarāmaraṇanāśinī |
śrīrañjitā mahākāyā somasūryāgnilocanā || 62 ||
aditirdevamātā ca aṣṭaputrā'ṣṭayoginī |
aṣṭaprakṛtiraṣṭāṣṭavibhrājadvikṛtākṛtiḥ || 63 ||
durbhikṣadhvaṃsinī devī sītā satyā ca rukmiṇī |
khyātijā bhārgavī devī devayonistapasvinī || 64 ||
śākambharī mahāśoṇā garuḍoparisaṃsthitā |
siṃhagā vyāghragā devī vāyugā ca mahādrigā || 65 ||
akārādikṣakārāntā sarvavidyādhidevatā |
mantravyākhyānanipuṇā jyotiśśāstraikalocanā || 66 ||
iḍāpiṅgalikāmadhyāsuṣumnā granthibhedinī |
kālacakrāśrayopetā kālacakrasvarūpiṇī || 67 ||
vaiśāradī matiśśreṣṭhā variṣṭhā sarvadīpikā |
vaināyakī varārohā śroṇivelā bahirvaliḥ || 68 ||
jambhinī jṛmbhiṇī jambhakāriṇī gaṇakārikā |
śaraṇī cakrikā'nantā sarvavyādhicikitsakī || 69 ||
devakī devasaṅkāśā vāridhiḥ karuṇākarā |
śarvarī sarvasampannā sarvapāpaprabhañjanī || 70 ||
ekamātrā dvimātrā ca trimātrā ca tathā'parā |
ardhamātrā parā sūkṣmā sūkṣmārthā'rthaparā'parā || 71 ||
ekavīrā viśeṣākhyā ṣaṣṭhīdevī manasvinī |
naiṣkarmyā niṣkalālokā jñānakarmādhikā guṇā || 72 ||
sabandhvānandasandohā vyomākārā'nirūpitā |
gadyapadyātmikā vāṇī sarvālaṅkārasaṃyutā || 73 ||
sādhubandhapadanyāsā sarvauko ghaṭikāvaliḥ |
ṣaṭkarmā karkaśākārā sarvakarmavivarjitā || 74 ||
ādityavarṇā cāparṇā kāminī vararūpiṇī |
brahmāṇī brahmasantānā vedavāgīśvarī śivā || 75 ||
purāṇanyāyamīmāṃsādharmaśāstrāgamaśrutā |
sadyovedavatī sarvā haṃsī vidyādhidevatā || 76 ||
viśveśvarī jagaddhātrī viśvanirmāṇakāriṇī |
vaidikī vedarūpā ca kālikā kālarūpiṇī || 77 ||
nārāyaṇī mahādevī sarvatattvapravartinī |
hiraṇyavarṇarūpā ca hiraṇyapadasambhavā || 78 ||
kaivalyapadavī puṇyā kaivalyajñānalakṣitā |
brahmasampattirūpā ca brahmasampattikāriṇī || 79 ||
vāruṇī vāruṇārādhyā sarvakarmapravartinī |
ekākṣaraparā''yuktā sarvadāridryabhañjinī || 80 ||
pāśāṅkuśānvitā divyā vīṇāvyākhyākṣasūtrabhṛt |
ekamūrtistrayīmūrtirmadhukaiṭabhabhañjinī || 81 ||
sāṅkhyā sāṅkhyavatī jvālā jvalantī kāmarūpiṇī |
jāgratī sarvasampattissuṣuptā sveṣṭadāyinī || 82 ||
kapālinī mahādaṃṣṭrā bhrukuṭī kuṭilānanā |
sarvāvāsā suvāsā ca bṛhatyaṣṭiśca śakvarī || 83 ||
chandogaṇapratiṣṭhā ca kalmāṣī karuṇātmikā |
cakṣuṣmatī mahāghoṣā khaḍgacarmadharā'śaniḥ || 84 ||
śilpavaicitryavidyotā sarvatobhadravāsinī |
acintyalakṣaṇākārā sūtrabhāṣyanibandhanā || 85 ||
sarvavedārthasampattissarvaśāstrārthamātṛkā |
akārādikṣakārāntasarvavarṇakṛtasthalā || 86 ||
sarvalakṣmīssadānandā sāravidyā sadāśivā |
sarvajñā sarvaśaktiśca khecarīrūpagocchritā || 87 ||
aṇimādiguṇopetā parā kāṣṭhā parā gatiḥ |
haṃsayuktavimānasthā haṃsārūḍhā śaśiprabhā || 88 ||
bhavānī vāsanāśaktirākṛtisthākhilā'khilā |
tantraheturvicitrāṅgī vyomagaṅgāvinodinī || 89 ||
varṣā ca vārṣikā caiva ṛgyajussāmarūpiṇī |
mahānadīnadīpuṇyā'gaṇyapuṇyaguṇakriyā || 90 ||
samādhigatalabhyārthā śrotavyā svapriyā ghṛṇā |
nāmākṣaraparā devī upasarganakhāñcitā || 91 ||
nipātorudvayījaṅghā mātṛkā mantrarūpiṇī |
āsīnā ca śayānā ca tiṣṭhantī dhāvanādhikā || 92 ||
lakṣyalakṣaṇayogāḍhyā tādrūpyagaṇanākṛtiḥ |
saikarūpā naikarūpā sendurūpā tadākṛtiḥ || 93 ||
samāsataddhitākārā vibhaktivacanātmikā |
svāhākārā svadhākārā śrīpatyardhāṅganandinī || 94 ||
gambhīrā gahanā guhyā yoniliṅgārdhadhāriṇī |
śeṣavāsukisaṃsevyā capalā varavarṇinī || 95 ||
kāruṇyākārasampattiḥ kīlakṛnmantrakīlikā |
śaktibījātmikā sarvamantreṣṭākṣayakāmanā || 96 ||
āgneyī pārthivā āpyā vāyavyā vyomaketanā |
satyajñānātmikā''nandā brāhmī brahma sanātanī || 97 ||
avidyāvāsanā māyāprakṛtissarvamohinī |
śaktirdhāraṇaśaktiśca cidacicchaktiyoginī || 98 ||
vaktrāruṇā mahāmāyā marīcirmadamardinī |
virāṭ svāhā svadhā śuddhā nīrūpāstissubhaktigā || 99 ||
nirūpitādvayīvidyā nityānityasvarūpiṇī |
vairājamārgasañcārā sarvasatpathadarśinī || 100 ||
jālandharī mṛḍānī ca bhavānī bhavabhañjanī |
traikālikajñānatantustrikālajñānadāyinī || 101 ||
nādātītā smṛtiḥ prajñā dhātrīrūpā tripuṣkarā |
parājitāvidhānajñā viśeṣitaguṇātmikā || 102 ||
hiraṇyakeśinī hemabrahmasūtravicakṣaṇā |
asaṅkhyeyaparārdhāntasvaravyañjanavaikharī || 103 ||
madhujihvā madhumatī madhumāsodayā madhuḥ |
mādhavī ca mahābhāgā meghagambhīranisvanā || 104 ||
brahmaviṣṇumaheśādijñātavyārthaviśeṣagā |
nābhau vahniśikhākārā lalāṭe candrasannibhā || 105 ||
bhrūmadhye bhāskarākārā sarvatārākṛtirhṛdi |
kṛttikādibharaṇyantanakṣatreṣṭyārcitodayā || 106 ||
grahavidyātmikā jyotirjyotirvinmatijīvikā |
brahmāṇḍagarbhiṇī bālā saptāvaraṇadevatā || 107 ||
vairājottamasāmrājyā kumārakuśalodayā |
bagalā bhramarāmbā ca śivadūtī śivātmikā || 108 ||
meruvindhyādisaṃsthānā kāśmīrapuravāsinī |
yoganidrā mahānidrā vinidrā rākṣasāśritā || 109 ||
suvarṇadā mahāgaṅgā pañcākhyā pañcasaṃhatiḥ |
suprajātā suvīrā ca supoṣā supatiśśivā || 110 ||
sugṛhā raktabījāntā hatakandarpajīvikā |
samudravyomamadhyasthā samabindusamāśrayā || 111 ||
saubhāgyarasajīvātussārāsāravivekadṛk |
trivalyādisupuṣṭāṅgā bhāratī bharatāśritā || 112 ||
nādabrahmamayīvidyā jñānabrahmamayīparā |
brahmanāḍī niruktiśca brahmakaivalyasādhanam || 113 ||
kālikeyamahodāravīryavikramarūpiṇī |
vaḍavāgniśikhāvaktrā mahākavalatarpaṇā || 114 ||
mahābhūtā mahādarpā mahāsārā mahākratuḥ |
pañjabhūtamahāgrāsā pañcabhūtādhidevatā || 115 ||
sarvapramāṇā sampattissarvarogapratikriyā |
brahmāṇḍāntarbahirvyāptā viṣṇuvakṣovibhūṣiṇī || 116 ||
śāṅkarī vidhivaktrasthā pravarā varahetukī |
hemamālā śikhāmālā triśikhā pañcalocanā || 117 || [ pañcamocanā ]
sarvāgamasadācāramaryādā yātubhañjanī |
puṇyaślokaprabandhāḍhyā sarvāntaryāmirūpiṇī || 118 ||
sāmagānasamārādhyā śrotrakarṇarasāyanam |
jīvalokaikajīvāturbhadrodāravilokanā || 119 ||
taṭitkoṭilasatkāntistaruṇī harisundarī |
mīnanetrā ca sendrākṣī viśālākṣī sumaṅgalā || 120 ||
sarvamaṅgalasampannā sākṣānmaṅgaladevatā |
dehahṛddīpikā dīptirjihvapāpapraṇāśinī || 121 ||
ardhacandrollasaddaṃṣṭrā yajñavāṭīvilāsinī |
mahādurgā mahotsāhā mahādevabalodayā || 122 ||
ḍākinīḍyā śākinīḍyā sākinīḍyā samastajuṭ |
niraṅkuśā nākivandyā ṣaḍādhārādhidevatā || 123 ||
bhuvanajñāniniśśreṇī bhuvanākāravallarī |
śāśvatī śāśvatākārā lokānugrahakāriṇī || 124 ||
sārasī mānasī haṃsī haṃsalokapradāyinī |
cinmudrālaṅkṛtakarā koṭisūryasamaprabhā || 125 ||
sukhaprāṇiśirorekhā sadadṛṣṭapradāyinī |
sarvasāṅkaryadoṣaghnī grahopadravanāśinī || 126 ||
kṣudrajantubhayaghnī ca viṣarogādibhañjanī |
sadāśāntā sadāśuddhā gṛhacchidranivāriṇī || 127 ||
kalidoṣapraśamanī kolāhalapurasthitā |
gaurī lākṣaṇikī mukhyā jaghanyākṛtivarjitā || 128 ||
māyā vidyā mūlabhūtā vāsavī viṣṇucetanā |
vādinī vasurūpā ca vasuratnaparicchadā || 129 ||
chāndasī candrahṛdayā mantrasvacchandabhairavī |
vanamālā vaijayantī pañcadivyāyudhātmikā || 130 ||
pītāmbaramayī cañcatkaustubhā harikāminī |
nityā tathyā ramā rāmā ramaṇī mṛtyubhañjanī || 131 ||
jyeṣṭhā kāṣṭhā dhaniṣṭhāntā śarāṅgī nirguṇapriyā |
maitreyā mitravindā ca śeṣyaśeṣakalāśayā || 132 ||
vārāṇasīvāsalabhyā cāryāvartajanastutā | [ vārāṇasīvāsaratā ]
jagadutpattisaṃsthānasaṃhāratrayakāraṇam || 133 ||
tvamamba viṣṇusarvasvaṃ namaste'stu maheśvari |
namaste sarvalokānāṃ jananyai puṇyamūrtaye || 134 ||
siddhalakṣmīrmahākāli mahalakṣmi namo'stu te |
sadyojātādipañcāgnirūpā pañcakapañcakam || 135 ||
yantralakṣmīrbhavatyādirādyādye te namo namaḥ |
sṛṣṭyādikāraṇākāravitate doṣavarjite || 136 ||
jagallakṣmīrjaganmātarviṣṇupatni namo'stu te |
navakoṭimahāśaktisamupāsyapadāmbuje || 137 ||
kanatsauvarṇaratnāḍhya sarvābharaṇabhūṣite |
anantānityamahiṣīprapañceśvaranāyaki || 138 ||
atyucchritapadāntasthe paramavyomanāyaki |
nākapṛṣṭhagatārādhye viṣṇulokavilāsini || 139 ||
vaikuṇṭharājamahiṣi śrīraṅganagarāśrite |
raṅganāyaki bhūputri kṛṣṇe varadavallabhe || 140 ||
koṭibrahmādisaṃsevye koṭirudrādikīrtite |
mātuluṅgamayaṃ kheṭaṃ sauvarṇacaṣakaṃ tathā || 141 ||
padmadvayaṃ pūrṇakumbhaṃ kīrañca varadābhaye |
pāśamaṅkuśakaṃ śaṅkhaṃ cakraṃ śūlaṃ kṛpāṇikām || 142 ||
dhanurbāṇau cākṣamālāṃ cinmudrāmapi bibhratī |
aṣṭādaśabhuje lakṣmīrmahāṣṭādaśapīṭhage || 143 ||
bhūminīlādisaṃsevye svāmicittānuvartini |
padme padmālaye padmi pūrṇakumbhābhiṣecite || 144 ||
indirendindirābhākṣi kṣīrasāgarakanyake |
bhārgavi tvaṃ svatantrecchā vaśīkṛtajagatpatiḥ || 145 ||
maṅgalaṃ maṅgalānāṃ tvaṃ devatānāṃ ca devatā |
tvamuttamottamānāṃ ca tvaṃ śreyaḥ paramāmṛtam || 146 ||
dhanadhānyābhivṛddhiśca sārvabhaumasukhocchrayā |
āndolikādisaubhāgyaṃ mattebhādimahodayaḥ || 147 ||
putrapautrābhivṛddhiśca vidyābhogabalādikam |
āyurārogyasampattiraṣṭaiśvaryaṃ tvameva hi || 148 ||
parameśavibhūtiśca sūkṣmātsūkṣmatarāgatiḥ |
sadayāpāṅgasandattabrahmendrādipadasthitiḥ || 149 ||
avyāhatamahābhāgyaṃ tvamevākṣobhyavikramaḥ |
samanvayaśca vedānāmavirodhastvameva hi || 150 ||
niḥśreyasapadaprāptisādhanaṃ phalameva ca |
śrīmantrarājarājñī ca śrīvidyā kṣemakāriṇī || 151 ||
śrīmbījajapasantuṣṭā aiṃ hrīṃ śrīṃ bījapālikā |
prapattimārgasulabhā viṣṇuprathamakiṅkarī || 152 ||
klīṅkārārthasavitrī ca saumaṅgalyādhidevatā |
śrīṣoḍaśākṣarīvidyā śrīyantrapuravāsinī || 153 ||
sarvamaṅgalamāṅgalye śive sarvārthasādhike |
śaraṇye tryambake gaurī nārāyaṇi namo'stu te || 154 ||
punaḥ punarnamaste'stu sāṣṭāṅgamayutaṃ punaḥ |
sanatkumāra uvāca-
evaṃ stutā mahālakṣmīrbrahmarudrādibhissuraiḥ |
namadbhirārtairdīnaiśca nissvatvairbhogavarjitaiḥ || 1 ||
jyeṣṭhā juṣṭaiśca niśśrīkaissaṃsārātsvaparāyaṇaiḥ |
viṣṇupatnī dadau teṣāṃ darśanaṃ dṛṣṭitarpaṇam || 2 ||
śaratpūrṇendukoṭyābhadhavalāpāṅgavīkṣaṇaiḥ |
sarvānsattvasamāviṣṭān cakre hṛṣṭā varaṃ dadau || 3 ||
mahālakṣmīruvāca-
nāmnāṃ sāṣṭasahasraṃ me pramādādvāpi yassakṛt |
kīrtayettatkule satyaṃ vasāmyācandratārakam || 4 ||
kiṃ punarniyamājjapturmadekaśaraṇasya ca |
mātṛvatsānukampāhaṃ poṣakī syāmaharniśam || 5 ||
mannāma stavatāṃ loke durlabhaṃ nāsti cintitam |
matprasādena sarve'pi svasveṣṭārthamavāpsyatha || 6 ||
luptavaiṣṇavadharmasya madvrateṣvavakīrṇinaḥ |
bhaktiprapattihīnasya vandyo nāmnāṃ stavo'pi me || 7 ||
tasmādavaśyaṃ tairdoṣairvihīnaḥ pāpavarjitaḥ |
japetsāṣṭasahasraṃ me nāmnāṃ pratyahamādarāt || 8 ||
sākṣādalakṣmīputro'pi durbhāgyo'pyalaso'pi vā |
aprayatno'pi mūḍho'pi vikalaḥ patito'pi ca || 9 ||
avaśyaṃ prāpnuyādbhāgyaṃ matprasādena kevalam |
spṛheyamacirāddevā varadānāya jāpinaḥ |
dadāmi sarvamiṣṭārthaṃ lakṣmīti smaratāṃ dhruvam || 10 ||
sanatkumāra uvāca-
ityuktvā'ntardadhe lakṣmīrvaiṣṇavī bhagavatkalā |
iṣṭāpūrtaṃ ca sukṛtaṃ bhāgadheyaṃ ca cintitam || 11 ||
svaṃ svaṃ sthānaṃ ca bhogaṃ ca vijayaṃ lebhire surāḥ |
tadetat pravadāmyadya lakṣmīnāmasahasrakam |
yoginaḥ paṭhata kṣipraṃ cintitārthānavāpsyatha || 12 ||
gārgya uvāca-
sanatkumāroyogīndra ityuktvā sa dayānidhiḥ |
anugṛhya yayau kṣipraṃ tāṃśca dvādaśayoginaḥ || 13 ||
tasmādetadrahasyaṃ ca gopyaṃ japyaṃ prayatnataḥ |
aṣṭamyāṃ ca caturdaśyāṃ navamyāṃ bhṛguvāsare || 14 ||
paurṇamāsyāmamāyāṃ ca parvakāle viśeṣataḥ |
japedvā nityakāryeṣu sarvānkāmānavāpnuyāt || 15 ||
iti śrīskandapurāṇe sanatkumārasaṃhitāyāṃ lakṣmīsahasranāmastotraṃ sampūrṇam ||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.