brahmaloke ca ye sarpāḥ śeṣanāga purogamāḥ |
Verse 1
namo'stu tebhyaḥ suprītāḥ prasannāḥ santu me sadā || 1 ||
viṣṇuloke ca ye sarpāḥ vāsuki pramukhāśca ye |
Verse 2
namo'stu tebhyaḥ suprītāḥ prasannāḥ santu me sadā || 2 ||
rudraloke ca ye sarpāstakṣaka pramukhāstathā |
Verse 3
namo'stu tebhyaḥ suprītāḥ prasannāḥ santu me sadā || 3 ||
khāṇḍavasya tathā dāhe svargaṃ ye ca samāśritāḥ |
Verse 4
namo'stu tebhyaḥ suprītāḥ prasannāḥ santu me sadā || 4 ||
sarpasatre ca ye sarpāḥ āstīkena ca rakṣitāḥ |
Verse 5
namo'stu tebhyaḥ suprītāḥ prasannāḥ santu me sadā || 5 ||
malaye caiva ye sarpāḥ kārkoṭapramukhāśca ye | [pralaye]
Verse 6
namo'stu tebhyaḥ suprītāḥ prasannāḥ santu me sadā || 6 ||
dharmaloke ca ye sarpāḥ vaitaraṇyāṃ samāśritāḥ |
Verse 7
namo'stu tebhyaḥ suprītāḥ prasannāḥ santu me sadā || 7 ||
samudre caiva ye sarpāḥ pātāle caiva saṃsthitāḥ |
Verse 8
namo'stu tebhyaḥ suprītāḥ prasannāḥ santu me sadā || 8 ||
ye sarpāḥ parvatāgreṣu darīsandhiṣu saṃsthitāḥ |
Verse 9
namo'stu tebhyaḥ suprītāḥ prasannāḥ santu me sadā || 9 ||
grāme vā yadi vāraṇye ye sarpāḥ pracaranti hi |
Verse 10
namo'stu tebhyaḥ suprītāḥ prasannāḥ santu me sadā || 10 ||
pṛthivyāṃ caiva ye sarpāḥ ye sarpāḥ bilasaṃsthitāḥ |
Verse 11
namo'stu tebhyaḥ suprītāḥ prasannāḥ santu me sadā || 11 ||
rasātale ca ye sarpāḥ anantādyāḥ mahāviṣāḥ |
Verse 12
namo'stu tebhyaḥ suprītāḥ prasannāḥ santu me sadā || 12 ||
iti sarpa stotram |
Sanskrit — Devanagari (original)
ब्रह्मलोके च ये सर्पाः शेषनाग पुरोगमाः ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 1 ॥
विष्णुलोके च ये सर्पाः वासुकि प्रमुखाश्च ये ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 2 ॥
रुद्रलोके च ये सर्पास्तक्षक प्रमुखास्तथा ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 3 ॥
खाण्डवस्य तथा दाहे स्वर्गं ये च समाश्रिताः ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 4 ॥
सर्पसत्रे च ये सर्पाः आस्तीकेन च रक्षिताः ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 5 ॥
मलये चैव ये सर्पाः कार्कोटप्रमुखाश्च ये । [प्रलये]
नमोऽस्तु तेभ्यः सुप्रीताः प्रसन्नाः सन्तु मे सदा ॥ 6 ॥
धर्मलोके च ये सर्पाः वैतरण्यां समाश्रिताः ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 7 ॥
समुद्रे चैव ये सर्पाः पाताले चैव संस्थिताः ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 8 ॥
ये सर्पाः पर्वताग्रेषु दरीसन्धिषु संस्थिताः ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 9 ॥
ग्रामे वा यदि वारण्ये ये सर्पाः प्रचरन्ति हि ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 10 ॥
पृथिव्यां चैव ये सर्पाः ये सर्पाः बिलसंस्थिताः ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 11 ॥
रसातले च ये सर्पाः अनन्ताद्याः महाविषाः ।
नमोऽस्तु तेभ्यः सुप्रीताः प्रसन्नाः सन्तु मे सदा ॥ 12 ॥
इति सर्प स्तोत्रम् ।