brahmaloke ca ye sarpāḥ śeṣanāga purogamāḥ |
1
namo'stu tebhyaḥ suprītāḥ prasannāḥ santu me sadā || 1 ||
viṣṇuloke ca ye sarpāḥ vāsuki pramukhāśca ye |
2
namo'stu tebhyaḥ suprītāḥ prasannāḥ santu me sadā || 2 ||
rudraloke ca ye sarpāstakṣaka pramukhāstathā |
3
namo'stu tebhyaḥ suprītāḥ prasannāḥ santu me sadā || 3 ||
khāṇḍavasya tathā dāhe svargaṃ ye ca samāśritāḥ |
4
namo'stu tebhyaḥ suprītāḥ prasannāḥ santu me sadā || 4 ||
sarpasatre ca ye sarpāḥ āstīkena ca rakṣitāḥ |
5
namo'stu tebhyaḥ suprītāḥ prasannāḥ santu me sadā || 5 ||
malaye caiva ye sarpāḥ kārkoṭapramukhāśca ye | [pralaye]
6
namo'stu tebhyaḥ suprītāḥ prasannāḥ santu me sadā || 6 ||
dharmaloke ca ye sarpāḥ vaitaraṇyāṃ samāśritāḥ |
7
namo'stu tebhyaḥ suprītāḥ prasannāḥ santu me sadā || 7 ||
samudre caiva ye sarpāḥ pātāle caiva saṃsthitāḥ |
8
namo'stu tebhyaḥ suprītāḥ prasannāḥ santu me sadā || 8 ||
ye sarpāḥ parvatāgreṣu darīsandhiṣu saṃsthitāḥ |
9
namo'stu tebhyaḥ suprītāḥ prasannāḥ santu me sadā || 9 ||
grāme vā yadi vāraṇye ye sarpāḥ pracaranti hi |
10
namo'stu tebhyaḥ suprītāḥ prasannāḥ santu me sadā || 10 ||
pṛthivyāṃ caiva ye sarpāḥ ye sarpāḥ bilasaṃsthitāḥ |
11
namo'stu tebhyaḥ suprītāḥ prasannāḥ santu me sadā || 11 ||
rasātale ca ye sarpāḥ anantādyāḥ mahāviṣāḥ |
12
namo'stu tebhyaḥ suprītāḥ prasannāḥ santu me sadā || 12 ||
iti sarpa stotram |