dhyānam –
vāgīśā yasya vadane lakṣmīryasya ca vakṣasi |
yasyāste hṛdaye saṃvittaṃ nṛsiṃhamahaṃ bhaje ||
atha stotram –
devatākāryasiddhyarthaṃ sabhāstambhasamudbhavam |
Verse 1
śrīnṛsiṃhaṃ mahāvīraṃ namāmi ṛṇamuktaye || 1 ||
lakṣmyāliṅgita vāmāṅkaṃ bhaktānāṃ varadāyakam |
Verse 2
śrīnṛsiṃhaṃ mahāvīraṃ namāmi ṛṇamuktaye || 2 ||
āntramālādharaṃ śaṅkhacakrābjāyudhadhāriṇam |
Verse 3
śrīnṛsiṃhaṃ mahāvīraṃ namāmi ṛṇamuktaye || 3 ||
smaraṇāt sarvapāpaghnaṃ kadrūjaviṣanāśanam |
Verse 4
śrīnṛsiṃhaṃ mahāvīraṃ namāmi ṛṇamuktaye || 4 ||
siṃhanādena mahatā digvidigbhayanāśanam | [digdanti]
Verse 5
śrīnṛsiṃhaṃ mahāvīraṃ namāmi ṛṇamuktaye || 5 ||
prahlādavarada śrīśaṃ daityeśvaravidāraṇam |
Verse 6
śrīnṛsiṃhaṃ mahāvīraṃ namāmi ṛṇamuktaye || 6 ||
krūragrahaiḥ pīḍitānāṃ bhaktānāmabhayapradam |
Verse 7
śrīnṛsiṃhaṃ mahāvīraṃ namāmi ṛṇamuktaye || 7 ||
vedavedāntayajñeśaṃ brahmarudrādivanditam |
Verse 8
śrīnṛsiṃhaṃ mahāvīraṃ namāmi ṛṇamuktaye || 8 ||
itthaṃ yaḥ paṭhate nityaṃ ṛṇamocana siddhaye | [sañjñitam]
Verse 9
anṛṇo jāyate śīghraṃ dhanaṃ vipulamāpnuyāt || 9 ||
sarvasiddhipradaṃ nṛṇāṃ sarvaiśvaryapradāyakam |
Verse 10
tasmāt sarvaprayatnena paṭhet stotramidaṃ sadā || 10 ||
iti śrīnṛsiṃhapurāṇe ṛṇamocana śrī nṛsiṃha stotram |
Sanskrit — Devanagari (original)
ध्यानम् –
वागीशा यस्य वदने लक्ष्मीर्यस्य च वक्षसि ।
यस्यास्ते हृदये संवित्तं नृसिंहमहं भजे ॥
अथ स्तोत्रम् –
देवताकार्यसिद्ध्यर्थं सभास्तम्भसमुद्भवम् ।
श्रीनृसिंहं महावीरं नमामि ऋणमुक्तये ॥ 1 ॥
लक्ष्म्यालिङ्गित वामाङ्कं भक्तानां वरदायकम् ।
श्रीनृसिंहं महावीरं नमामि ऋणमुक्तये ॥ 2 ॥
आन्त्रमालाधरं शङ्खचक्राब्जायुधधारिणम् ।
श्रीनृसिंहं महावीरं नमामि ऋणमुक्तये ॥ 3 ॥
स्मरणात् सर्वपापघ्नं कद्रूजविषनाशनम् ।
श्रीनृसिंहं महावीरं नमामि ऋणमुक्तये ॥ 4 ॥
सिंहनादेन महता दिग्विदिग्भयनाशनम् । [दिग्दन्ति]
श्रीनृसिंहं महावीरं नमामि ऋणमुक्तये ॥ 5 ॥
प्रह्लादवरद श्रीशं दैत्येश्वरविदारणम् ।
श्रीनृसिंहं महावीरं नमामि ऋणमुक्तये ॥ 6 ॥
क्रूरग्रहैः पीडितानां भक्तानामभयप्रदम् ।
श्रीनृसिंहं महावीरं नमामि ऋणमुक्तये ॥ 7 ॥
वेदवेदान्तयज्ञेशं ब्रह्मरुद्रादिवन्दितम् ।
श्रीनृसिंहं महावीरं नमामि ऋणमुक्तये ॥ 8 ॥
इत्थं यः पठते नित्यं ऋणमोचन सिद्धये । [सञ्ज्ञितम्]
अनृणो जायते शीघ्रं धनं विपुलमाप्नुयात् ॥ 9 ॥
सर्वसिद्धिप्रदं नृणां सर्वैश्वर्यप्रदायकम् ।
तस्मात् सर्वप्रयत्नेन पठेत् स्तोत्रमिदं सदा ॥ 10 ॥
इति श्रीनृसिंहपुराणे ऋणमोचन श्री नृसिंह स्तोत्रम् ।