vītākhilaviṣayecchaṃ jātānandāśrupulakamatyaccham
Verse 1
sītāpati dūtādyaṃ vātātmajamadya bhāvaye hṛdyam || 1 ||
taruṇāruṇamukhakamalaṃ karuṇārasapūrapūritāpāṅgam
Verse 2
sañjīvanamāśāse mañjulamahimānamañjanābhāgyam || 2 ||
śambaravairiśarātigamambujadala vipulalocanodāram
Verse 3
kambugalamaniladiṣṭaṃ bimbajvalitoṣṭhamekamavalambe || 3 ||
dūrīkṛtasītārtiḥ prakaṭīkṛtarāmavaibhavasphūrtiḥ
Verse 4
dāritadaśamukhakīrtiḥ purato mama bhātu hanumato mūrtiḥ || 4 ||
vānaranikarādhyakṣaṃ dānavakulakumudaravikarasadṛśam
Verse 5
dīnajanāvanadīkṣaṃ pavanatapaḥ pākapuñjamadrākṣam || 5 ||
etatpavanasutasya stotraṃ yaḥ paṭhati pañcaratnākhyam
Verse 6
ciramiha nikhilānbhogānbhuṅktvā śrīrāmabhaktibhāgbhavati || 6 ||
Sanskrit — Devanagari (original)
वीताखिलविषयेच्छं जातानन्दाश्रुपुलकमत्यच्छम्
सीतापति दूताद्यं वातात्मजमद्य भावये हृद्यम् ॥ 1 ॥
तरुणारुणमुखकमलं करुणारसपूरपूरितापाङ्गम्
सञ्जीवनमाशासे मञ्जुलमहिमानमञ्जनाभाग्यम् ॥ 2 ॥
शम्बरवैरिशरातिगमम्बुजदल विपुललोचनोदारम्
कम्बुगलमनिलदिष्टं बिम्बज्वलितोष्ठमेकमवलम्बे ॥ 3 ॥
दूरीकृतसीतार्तिः प्रकटीकृतरामवैभवस्फूर्तिः
दारितदशमुखकीर्तिः पुरतो मम भातु हनुमतो मूर्तिः ॥ 4 ॥
वानरनिकराध्यक्षं दानवकुलकुमुदरविकरसदृशम्
दीनजनावनदीक्षं पवनतपः पाकपुञ्जमद्राक्षम् ॥ 5 ॥
एतत्पवनसुतस्य स्तोत्रं यः पठति पञ्चरत्नाख्यम्
चिरमिह निखिलान्भोगान्भुङ्क्त्वा श्रीरामभक्तिभाग्भवति ॥ 6 ॥