oṃ asya śrī āpaduddhāraka hanumat stotra mahāmantra kavacasya, vibhīṣaṇa ṛṣiḥ, hanumān devatā, sarvāpaduddhāraka śrīhanumatprasādena mama sarvāpannivṛttyarthe, sarvakāryānukūlya siddhyarthe jape viniyogaḥ |
dhyānam |
vāme kare vairibhidaṃ vahantaṃ
śailaṃ pare śṛṅkhalahāriṭaṅkam |
dadhānamacchacchaviyajñasūtraṃ
Verse 1
bhaje jvalatkuṇḍalamāñjaneyam || 1 ||
saṃvītakaupīna mudañcitāṅguliṃ
samujjvalanmauñjimathopavītinam |
sakuṇḍalaṃ lambiśikhāsamāvṛtaṃ
Verse 2
tamāñjaneyaṃ śaraṇaṃ prapadye || 2 ||
āpannākhilalokārtihāriṇe śrīhanūmate |
Verse 3
akasmādāgatotpāta nāśanāya namo namaḥ || 3 ||
sītāviyuktaśrīrāmaśokaduḥkhabhayāpaha |
Verse 4
tāpatritayasaṃhārin āñjaneya namo'stu te || 4 ||
ādhivyādhi mahāmārī grahapīḍāpahāriṇe |
Verse 5
prāṇāpahartredaityānāṃ rāmaprāṇātmane namaḥ || 5 ||
saṃsārasāgarāvarta kartavyabhrāntacetasām |
Verse 6
śaraṇāgatamartyānāṃ śaraṇyāya namo'stu te || 6 ||
vajradehāya kālāgnirudrāyā'mitatejase |
Verse 7
brahmāstrastambhanāyāsmai namaḥ śrīrudramūrtaye || 7 ||
rāmeṣṭaṃ karuṇāpūrṇaṃ hanūmantaṃ bhayāpaham |
Verse 8
śatrunāśakaraṃ bhīmaṃ sarvābhīṣṭapradāyakam || 8 ||
kārāgṛhe prayāṇe vā saṅgrāme śatrusaṅkaṭe |
Verse 9
jale sthale tathā''kāśe vāhaneṣu catuṣpathe || 9 ||
gajasiṃha mahāvyāghra cora bhīṣaṇa kānane |
Verse 10
ye smaranti hanūmantaṃ teṣāṃ nāsti vipat kvacit || 10 ||
sarvavānaramukhyānāṃ prāṇabhūtātmane namaḥ |
Verse 11
śaraṇyāya vareṇyāya vāyuputrāya te namaḥ || 11 ||
pradoṣe vā prabhāte vā ye smarantyañjanāsutam |
Verse 12
arthasiddhiṃ jayaṃ kīrtiṃ prāpnuvanti na saṃśayaḥ || 12 ||
japtvā stotramidaṃ mantraṃ prativāraṃ paṭhennaraḥ |
Verse 13
rājasthāne sabhāsthāne prāpte vāde labhejjayam || 13 ||
vibhīṣaṇakṛtaṃ stotraṃ yaḥ paṭhet prayato naraḥ |
Verse 14
sarvāpadbhyo vimucyeta nā'tra kāryā vicāraṇā || 14 ||
mantraḥ |
markaṭeśa mahotsāha sarvaśokanivāraka |
śatrūn saṃhara māṃ rakṣa śriyaṃ dāpaya bho hare || 15
iti vibhīṣaṇakṛtaṃ sarvāpaduddhāraka śrīhanumat stotram ||
Sanskrit — Devanagari (original)
ॐ अस्य श्री आपदुद्धारक हनुमत् स्तोत्र महामन्त्र कवचस्य, विभीषण ऋषिः, हनुमान् देवता, सर्वापदुद्धारक श्रीहनुमत्प्रसादेन मम सर्वापन्निवृत्त्यर्थे, सर्वकार्यानुकूल्य सिद्ध्यर्थे जपे विनियोगः ।
ध्यानम् ।
वामे करे वैरिभिदं वहन्तं
शैलं परे शृङ्खलहारिटङ्कम् ।
दधानमच्छच्छवियज्ञसूत्रं
भजे ज्वलत्कुण्डलमाञ्जनेयम् ॥ 1 ॥
संवीतकौपीन मुदञ्चिताङ्गुलिं
समुज्ज्वलन्मौञ्जिमथोपवीतिनम् ।
सकुण्डलं लम्बिशिखासमावृतं
तमाञ्जनेयं शरणं प्रपद्ये ॥ 2 ॥
आपन्नाखिललोकार्तिहारिणे श्रीहनूमते ।
अकस्मादागतोत्पात नाशनाय नमो नमः ॥ 3 ॥
सीतावियुक्तश्रीरामशोकदुःखभयापह ।
तापत्रितयसंहारिन् आञ्जनेय नमोऽस्तु ते ॥ 4 ॥
आधिव्याधि महामारी ग्रहपीडापहारिणे ।
प्राणापहर्त्रेदैत्यानां रामप्राणात्मने नमः ॥ 5 ॥
संसारसागरावर्त कर्तव्यभ्रान्तचेतसाम् ।
शरणागतमर्त्यानां शरण्याय नमोऽस्तु ते ॥ 6 ॥
वज्रदेहाय कालाग्निरुद्रायाऽमिततेजसे ।
ब्रह्मास्त्रस्तम्भनायास्मै नमः श्रीरुद्रमूर्तये ॥ 7 ॥
रामेष्टं करुणापूर्णं हनूमन्तं भयापहम् ।
शत्रुनाशकरं भीमं सर्वाभीष्टप्रदायकम् ॥ 8 ॥
कारागृहे प्रयाणे वा सङ्ग्रामे शत्रुसङ्कटे ।
जले स्थले तथाऽऽकाशे वाहनेषु चतुष्पथे ॥ 9 ॥
गजसिंह महाव्याघ्र चोर भीषण कानने ।
ये स्मरन्ति हनूमन्तं तेषां नास्ति विपत् क्वचित् ॥ 10 ॥
सर्ववानरमुख्यानां प्राणभूतात्मने नमः ।
शरण्याय वरेण्याय वायुपुत्राय ते नमः ॥ 11 ॥
प्रदोषे वा प्रभाते वा ये स्मरन्त्यञ्जनासुतम् ।
अर्थसिद्धिं जयं कीर्तिं प्राप्नुवन्ति न संशयः ॥ 12 ॥
जप्त्वा स्तोत्रमिदं मन्त्रं प्रतिवारं पठेन्नरः ।
राजस्थाने सभास्थाने प्राप्ते वादे लभेज्जयम् ॥ 13 ॥
विभीषणकृतं स्तोत्रं यः पठेत् प्रयतो नरः ।
सर्वापद्भ्यो विमुच्येत नाऽत्र कार्या विचारणा ॥ 14 ॥
मन्त्रः ।
मर्कटेश महोत्साह सर्वशोकनिवारक ।
शत्रून् संहर मां रक्ष श्रियं दापय भो हरे ॥ 15
इति विभीषणकृतं सर्वापदुद्धारक श्रीहनुमत् स्तोत्रम् ॥