মুনিরুবাচ
কথং নাম্নাং সহস্রং তং গণেশ উপদিষ্টবান্ ।
শিবদং তন্মমাচক্ষ্ব লোকানুগ্রহতত্পর ॥ 1 ॥
ব্রহ্মোবাচ
দেবঃ পূর্বং পুরারাতিঃ পুরত্রযজযোদ্যমে ।
অনর্চনাদ্গণেশস্য জাতো বিঘ্নাকুলঃ কিল ॥ 2 ॥
মনসা স বিনির্ধার্য দদৃশে বিঘ্নকারণম্ ।
মহাগণপতিং ভক্ত্যা সমভ্যর্চ্য যথাবিধি ॥ 3 ॥
বিঘ্নপ্রশমনোপাযমপৃচ্ছদপরিশ্রমম্ ।
সন্তুষ্টঃ পূজযা শম্ভোর্মহাগণপতিঃ স্বযম্ ॥ 4 ॥
সর্ববিঘ্নপ্রশমনং সর্বকামফলপ্রদম্ ।
ততস্তস্মৈ স্বযং নাম্নাং সহস্রমিদমব্রবীত্ ॥ 5 ॥
অস্য শ্রীমহাগণপতিসহস্রনামস্তোত্রমালামন্ত্রস্য ।
গণেশ ঋষিঃ, মহাগণপতির্দেবতা, নানাবিধানিচ্ছন্দাংসি ।
হুমিতি বীজম্, তুঙ্গমিতি শক্তিঃ, স্বাহাশক্তিরিতি কীলকম্ ।
সকলবিঘ্নবিনাশনদ্বারা শ্রীমহাগণপতিপ্রসাদসিদ্ধ্যর্থে জপে বিনিযোগঃ ।
অথ করন্যাসঃ
গণেশ্বরো গণক্রীড ইত্যঙ্গুষ্ঠাভ্যাং নমঃ ।
কুমারগুরুরীশান ইতি তর্জনীভ্যাং নমঃ ॥
ব্রহ্মাণ্ডকুম্ভশ্চিদ্ব্যোমেতি মধ্যমাভ্যাং নমঃ ।
রক্তো রক্তাম্বরধর ইত্যনামিকাভ্যাং নমঃ
সর্বসদ্গুরুসংসেব্য ইতি কনিষ্ঠিকাভ্যাং নমঃ ।
লুপ্তবিঘ্নঃ স্বভক্তানামিতি করতলকরপৃষ্ঠাভ্যাং নমঃ ॥
অথ অঙ্গন্যাসঃ
ছন্দশ্ছন্দোদ্ভব ইতি হৃদযায নমঃ ।
নিষ্কলো নির্মল ইতি শিরসে স্বাহা ।
সৃষ্টিস্থিতিলযক্রীড ইতি শিখাযৈ বষট্ ।
জ্ঞানং বিজ্ঞানমানন্দ ইতি কবচায হুম্ ।
অষ্টাঙ্গযোগফলভৃদিতি নেত্রত্রযায বৌষট্ ।
অনন্তশক্তিসহিত ইত্যস্ত্রায ফট্ ।
ভূর্ভুবঃ স্বরোং ইতি দিগ্বন্ধঃ ।
অথ ধ্যানম্
গজবদনমচিন্ত্যং তীক্ষ্ণদংষ্ট্রং ত্রিনেত্রং
বৃহদুদরমশেষং ভূতিরাজং পুরাণম্ ।
অমরবরসুপূজ্যং রক্তবর্ণং সুরেশং
পশুপতিসুতমীশং বিঘ্নরাজং নমামি ॥
শ্রীগণপতিরুবাচ
ওঁ গণেশ্বরো গণক্রীডো গণনাথো গণাধিপঃ ।
একদন্তো বক্রতুণ্ডো গজবক্ত্রো মহোদরঃ ॥ 1 ॥
লম্বোদরো ধূম্রবর্ণো বিকটো বিঘ্ননাশনঃ ।
সুমুখো দুর্মুখো বুদ্ধো বিঘ্নরাজো গজাননঃ ॥ 2 ॥
ভীমঃ প্রমোদ আমোদঃ সুরানন্দো মদোত্কটঃ ।
হেরম্বঃ শম্বরঃ শম্ভুর্লম্বকর্ণো মহাবলঃ ॥ 3 ॥
নন্দনো লম্পটো ভীমো মেঘনাদো গণঞ্জযঃ ।
বিনাযকো বিরূপাক্ষো বীরঃ শূরবরপ্রদঃ ॥ 4 ॥
মহাগণপতির্বুদ্ধিপ্রিযঃ ক্ষিপ্রপ্রসাদনঃ ।
রুদ্রপ্রিযো গণাধ্যক্ষ উমাপুত্রোঽঘনাশনঃ ॥ 5 ॥
কুমারগুরুরীশানপুত্রো মূষকবাহনঃ ।
সিদ্ধিপ্রিযঃ সিদ্ধিপতিঃ সিদ্ধঃ সিদ্ধিবিনাযকঃ ॥ 6 ॥
অবিঘ্নস্তুম্বুরুঃ সিংহবাহনো মোহিনীপ্রিযঃ ।
কটঙ্কটো রাজপুত্রঃ শাকলঃ সম্মিতোমিতঃ ॥ 7 ॥
কূষ্মাণ্ডসামসম্ভূতির্দুর্জযো ধূর্জযো জযঃ ।
ভূপতির্ভুবনপতির্ভূতানাং পতিরব্যযঃ ॥ 8 ॥
বিশ্বকর্তা বিশ্বমুখো বিশ্বরূপো নিধির্গুণঃ ।
কবিঃ কবীনামৃষভো ব্রহ্মণ্যো ব্রহ্মবিত্প্রিযঃ ॥ 9 ॥
জ্যেষ্ঠরাজো নিধিপতির্নিধিপ্রিযপতিপ্রিযঃ ।
হিরণ্মযপুরান্তঃস্থঃ সূর্যমণ্ডলমধ্যগঃ ॥ 10 ॥
করাহতিধ্বস্তসিন্ধুসলিলঃ পূষদন্তভিত্ ।
উমাঙ্ককেলিকুতুকী মুক্তিদঃ কুলপাবনঃ ॥ 11 ॥
কিরীটী কুণ্ডলী হারী বনমালী মনোমযঃ ।
বৈমুখ্যহতদৈত্যশ্রীঃ পাদাহতিজিতক্ষিতিঃ ॥ 12 ॥
সদ্যোজাতঃ স্বর্ণমুঞ্জমেখলী দুর্নিমিত্তহৃত্ ।
দুঃস্বপ্নহৃত্প্রসহনো গুণী নাদপ্রতিষ্ঠিতঃ ॥ 13 ॥
সুরূপঃ সর্বনেত্রাধিবাসো বীরাসনাশ্রযঃ ।
পীতাম্বরঃ খণ্ডরদঃ খণ্ডবৈশাখসংস্থিতঃ ॥ 14 ॥
চিত্রাঙ্গঃ শ্যামদশনো ভালচন্দ্রো হবির্ভুজঃ ।
যোগাধিপস্তারকস্থঃ পুরুষো গজকর্ণকঃ ॥ 15 ॥
গণাধিরাজো বিজযঃ স্থিরো গজপতিধ্বজী ।
দেবদেবঃ স্মরঃ প্রাণদীপকো বাযুকীলকঃ ॥ 16 ॥
বিপশ্চিদ্বরদো নাদো নাদভিন্নমহাচলঃ ।
বরাহরদনো মৃত্যুঞ্জযো ব্যাঘ্রাজিনাম্বরঃ ॥ 17 ॥
ইচ্ছাশক্তিভবো দেবত্রাতা দৈত্যবিমর্দনঃ ।
শম্ভুবক্ত্রোদ্ভবঃ শম্ভুকোপহা শম্ভুহাস্যভূঃ ॥ 18 ॥
শম্ভুতেজাঃ শিবাশোকহারী গৌরীসুখাবহঃ ।
উমাঙ্গমলজো গৌরীতেজোভূঃ স্বর্ধুনীভবঃ ॥ 19 ॥
যজ্ঞকাযো মহানাদো গিরিবর্ষ্মা শুভাননঃ ।
সর্বাত্মা সর্বদেবাত্মা ব্রহ্মমূর্ধা ককুপ্শ্রুতিঃ ॥ 20 ॥
ব্রহ্মাণ্ডকুম্ভশ্চিদ্ব্যোমভালঃসত্যশিরোরুহঃ ।
জগজ্জন্মলযোন্মেষনিমেষোঽগ্ন্যর্কসোমদৃক্ ॥ 21 ॥
গিরীন্দ্রৈকরদো ধর্মাধর্মোষ্ঠঃ সামবৃংহিতঃ ।
গ্রহর্ক্ষদশনো বাণীজিহ্বো বাসবনাসিকঃ ॥ 22 ॥
ভ্রূমধ্যসংস্থিতকরো ব্রহ্মবিদ্যামদোদকঃ ।
কুলাচলাংসঃ সোমার্কঘণ্টো রুদ্রশিরোধরঃ ॥ 23 ॥
নদীনদভুজঃ সর্পাঙ্গুলীকস্তারকানখঃ ।
ব্যোমনাভিঃ শ্রীহৃদযো মেরুপৃষ্ঠোঽর্ণবোদরঃ ॥ 24 ॥
কুক্ষিস্থযক্ষগন্ধর্বরক্ষঃকিন্নরমানুষঃ ।
পৃথ্বীকটিঃ সৃষ্টিলিঙ্গঃ শৈলোরুর্দস্রজানুকঃ ॥ 25 ॥
পাতালজঙ্ঘো মুনিপাত্কালাঙ্গুষ্ঠস্ত্রযীতনুঃ ।
জ্যোতির্মণ্ডললাঙ্গূলো হৃদযালাননিশ্চলঃ ॥ 26 ॥
হৃত্পদ্মকর্ণিকাশালী বিযত্কেলিসরোবরঃ ।
সদ্ভক্তধ্যাননিগডঃ পূজাবারিনিবারিতঃ ॥ 27 ॥
প্রতাপী কাশ্যপো মন্তা গণকো বিষ্টপী বলী ।
যশস্বী ধার্মিকো জেতা প্রথমঃ প্রমথেশ্বরঃ ॥ 28 ॥
চিন্তামণির্দ্বীপপতিঃ কল্পদ্রুমবনালযঃ ।
রত্নমণ্ডপমধ্যস্থো রত্নসিংহাসনাশ্রযঃ ॥ 29 ॥
তীব্রাশিরোদ্ধৃতপদো জ্বালিনীমৌলিলালিতঃ ।
নন্দানন্দিতপীঠশ্রীর্ভোগদো ভূষিতাসনঃ ॥ 30 ॥
সকামদাযিনীপীঠঃ স্ফুরদুগ্রাসনাশ্রযঃ ।
তেজোবতীশিরোরত্নং সত্যানিত্যাবতংসিতঃ ॥ 31 ॥
সবিঘ্ননাশিনীপীঠঃ সর্বশক্ত্যম্বুজালযঃ ।
লিপিপদ্মাসনাধারো বহ্নিধামত্রযালযঃ ॥ 32 ॥
উন্নতপ্রপদো গূঢগুল্ফঃ সংবৃতপার্ষ্ণিকঃ ।
পীনজঙ্ঘঃ শ্লিষ্টজানুঃ স্থূলোরুঃ প্রোন্নমত্কটিঃ ॥ 33 ॥
নিম্ননাভিঃ স্থূলকুক্ষিঃ পীনবক্ষা বৃহদ্ভুজঃ ।
পীনস্কন্ধঃ কম্বুকণ্ঠো লম্বোষ্ঠো লম্বনাসিকঃ ॥ 34 ॥
ভগ্নবামরদস্তুঙ্গসব্যদন্তো মহাহনুঃ ।
হ্রস্বনেত্রত্রযঃ শূর্পকর্ণো নিবিডমস্তকঃ ॥ 35 ॥
স্তবকাকারকুম্ভাগ্রো রত্নমৌলির্নিরঙ্কুশঃ ।
সর্পহারকটীসূত্রঃ সর্পযজ্ঞোপবীতবান্ ॥ 36 ॥
সর্পকোটীরকটকঃ সর্পগ্রৈবেযকাঙ্গদঃ ।
সর্পকক্ষোদরাবন্ধঃ সর্পরাজোত্তরচ্ছদঃ ॥ 37 ॥
রক্তো রক্তাম্বরধরো রক্তমালাবিভূষণঃ ।
রক্তেক্ষনো রক্তকরো রক্ততাল্বোষ্ঠপল্লবঃ ॥ 38 ॥
শ্বেতঃ শ্বেতাম্বরধরঃ শ্বেতমালাবিভূষণঃ ।
শ্বেতাতপত্ররুচিরঃ শ্বেতচামরবীজিতঃ ॥ 39 ॥
সর্বাবযবসম্পূর্ণঃ সর্বলক্ষণলক্ষিতঃ ।
সর্বাভরণশোভাঢ্যঃ সর্বশোভাসমন্বিতঃ ॥ 40 ॥
সর্বমঙ্গলমাঙ্গল্যঃ সর্বকারণকারণম্ ।
সর্বদেববরঃ শার্ঙ্গী বীজপূরী গদাধরঃ ॥ 41 ॥
শুভাঙ্গো লোকসারঙ্গঃ সুতন্তুস্তন্তুবর্ধনঃ ।
কিরীটী কুণ্ডলী হারী বনমালী শুভাঙ্গদঃ ॥ 42 ॥
ইক্ষুচাপধরঃ শূলী চক্রপাণিঃ সরোজভৃত্ ।
পাশী ধৃতোত্পলঃ শালিমঞ্জরীভৃত্স্বদন্তভৃত্ ॥ 43 ॥
কল্পবল্লীধরো বিশ্বাভযদৈককরো বশী ।
অক্ষমালাধরো জ্ঞানমুদ্রাবান্ মুদ্গরাযুধঃ ॥ 44 ॥
পূর্ণপাত্রী কম্বুধরো বিধৃতাঙ্কুশমূলকঃ ।
করস্থাম্রফলশ্চূতকলিকাভৃত্কুঠারবান্ ॥ 45 ॥
পুষ্করস্থস্বর্ণঘটীপূর্ণরত্নাভিবর্ষকঃ ।
ভারতীসুন্দরীনাথো বিনাযকরতিপ্রিযঃ ॥ 46 ॥
মহালক্ষ্মীপ্রিযতমঃ সিদ্ধলক্ষ্মীমনোরমঃ ।
রমারমেশপূর্বাঙ্গো দক্ষিণোমামহেশ্বরঃ ॥ 47 ॥
মহীবরাহবামাঙ্গো রতিকন্দর্পপশ্চিমঃ ।
আমোদমোদজননঃ সপ্রমোদপ্রমোদনঃ ॥ 48 ॥
সংবর্ধিতমহাবৃদ্ধিরৃদ্ধিসিদ্ধিপ্রবর্ধনঃ ।
দন্তসৌমুখ্যসুমুখঃ কান্তিকন্দলিতাশ্রযঃ ॥ 49 ॥
মদনাবত্যাশ্রিতাঙ্ঘ্রিঃ কৃতবৈমুখ্যদুর্মুখঃ ।
বিঘ্নসম্পল্লবঃ পদ্মঃ সর্বোন্নতমদদ্রবঃ ॥ 50 ॥
বিঘ্নকৃন্নিম্নচরণো দ্রাবিণীশক্তিসত্কৃতঃ ।
তীব্রাপ্রসন্ননযনো জ্বালিনীপালিতৈকদৃক্ ॥ 51 ॥
মোহিনীমোহনো ভোগদাযিনীকান্তিমণ্ডনঃ ।
কামিনীকান্তবক্ত্রশ্রীরধিষ্ঠিতবসুন্ধরঃ ॥ 52 ॥
বসুধারামদোন্নাদো মহাশঙ্খনিধিপ্রিযঃ ।
নমদ্বসুমতীমালী মহাপদ্মনিধিঃ প্রভুঃ ॥ 53 ॥
সর্বসদ্গুরুসংসেব্যঃ শোচিষ্কেশহৃদাশ্রযঃ ।
ঈশানমূর্ধা দেবেন্দ্রশিখঃ পবননন্দনঃ ॥ 54 ॥
প্রত্যুগ্রনযনো দিব্যো দিব্যাস্ত্রশতপর্বধৃক্ ।
ঐরাবতাদিসর্বাশাবারণো বারণপ্রিযঃ ॥ 55 ॥
বজ্রাদ্যস্ত্রপরীবারো গণচণ্ডসমাশ্রযঃ ।
জযাজযপরিকরো বিজযাবিজযাবহঃ ॥ 56 ॥
অজযার্চিতপাদাব্জো নিত্যানন্দবনস্থিতঃ ।
বিলাসিনীকৃতোল্লাসঃ শৌণ্ডী সৌন্দর্যমণ্ডিতঃ ॥ 57 ॥
অনন্তানন্তসুখদঃ সুমঙ্গলসুমঙ্গলঃ ।
জ্ঞানাশ্রযঃ ক্রিযাধার ইচ্ছাশক্তিনিষেবিতঃ ॥ 58 ॥
সুভগাসংশ্রিতপদো ললিতাললিতাশ্রযঃ ।
কামিনীপালনঃ কামকামিনীকেলিলালিতঃ ॥ 59 ॥
সরস্বত্যাশ্রযো গৌরীনন্দনঃ শ্রীনিকেতনঃ ।
গুরুগুপ্তপদো বাচাসিদ্ধো বাগীশ্বরীপতিঃ ॥ 60 ॥
নলিনীকামুকো বামারামো জ্যেষ্ঠামনোরমঃ ।
রৌদ্রীমুদ্রিতপাদাব্জো হুম্বীজস্তুঙ্গশক্তিকঃ ॥ 61 ॥
বিশ্বাদিজননত্রাণঃ স্বাহাশক্তিঃ সকীলকঃ ।
অমৃতাব্ধিকৃতাবাসো মদঘূর্ণিতলোচনঃ ॥ 62 ॥
উচ্ছিষ্টোচ্ছিষ্টগণকো গণেশো গণনাযকঃ ।
সার্বকালিকসংসিদ্ধির্নিত্যসেব্যো দিগম্বরঃ ॥ 63 ॥
অনপাযোঽনন্তদৃষ্টিরপ্রমেযোঽজরামরঃ ।
অনাবিলোঽপ্রতিহতিরচ্যুতোঽমৃতমক্ষরঃ ॥ 64 ॥
অপ্রতর্ক্যোঽক্ষযোঽজয্যোঽনাধারোঽনামযোমলঃ ।
অমেযসিদ্ধিরদ্বৈতমঘোরোঽগ্নিসমাননঃ ॥ 65 ॥
অনাকারোঽব্ধিভূম্যগ্নিবলঘ্নোঽব্যক্তলক্ষণঃ ।
আধারপীঠমাধার আধারাধেযবর্জিতঃ ॥ 66 ॥
আখুকেতন আশাপূরক আখুমহারথঃ ।
ইক্ষুসাগরমধ্যস্থ ইক্ষুভক্ষণলালসঃ ॥ 67 ॥
ইক্ষুচাপাতিরেকশ্রীরিক্ষুচাপনিষেবিতঃ ।
ইন্দ্রগোপসমানশ্রীরিন্দ্রনীলসমদ্যুতিঃ ॥ 68 ॥
ইন্দীবরদলশ্যাম ইন্দুমণ্ডলমণ্ডিতঃ ।
ইধ্মপ্রিয ইডাভাগ ইডাবানিন্দিরাপ্রিযঃ ॥ 69 ॥
ইক্ষ্বাকুবিঘ্নবিধ্বংসী ইতিকর্তব্যতেপ্সিতঃ ।
ঈশানমৌলিরীশান ঈশানপ্রিয ঈতিহা ॥ 70 ॥
ঈষণাত্রযকল্পান্ত ঈহামাত্রবিবর্জিতঃ ।
উপেন্দ্র উডুভৃন্মৌলিরুডুনাথকরপ্রিযঃ ॥ 71 ॥
উন্নতানন উত্তুঙ্গ উদারস্ত্রিদশাগ্রণীঃ ।
ঊর্জস্বানূষ্মলমদ ঊহাপোহদুরাসদঃ ॥ 72 ॥
ঋগ্যজুঃসামনযন ঋদ্ধিসিদ্ধিসমর্পকঃ ।
ঋজুচিত্তৈকসুলভো ঋণত্রযবিমোচনঃ ॥ 73 ॥
লুপ্তবিঘ্নঃ স্বভক্তানাং লুপ্তশক্তিঃ সুরদ্বিষাম্ ।
লুপ্তশ্রীর্বিমুখার্চানাং লূতাবিস্ফোটনাশনঃ ॥ 74 ॥
একারপীঠমধ্যস্থ একপাদকৃতাসনঃ ।
এজিতাখিলদৈত্যশ্রীরেধিতাখিলসংশ্রযঃ ॥ 75 ॥
ঐশ্বর্যনিধিরৈশ্বর্যমৈহিকামুষ্মিকপ্রদঃ ।
ঐরম্মদসমোন্মেষ ঐরাবতসমাননঃ ॥ 76 ॥
ওঙ্কারবাচ্য ওঙ্কার ওজস্বানোষধীপতিঃ ।
ঔদার্যনিধিরৌদ্ধত্যধৈর্য ঔন্নত্যনিঃসমঃ ॥ 77 ॥
অঙ্কুশঃ সুরনাগানামঙ্কুশাকারসংস্থিতঃ ।
অঃ সমস্তবিসর্গান্তপদেষু পরিকীর্তিতঃ ॥ 78 ॥
কমণ্ডলুধরঃ কল্পঃ কপর্দী কলভাননঃ ।
কর্মসাক্ষী কর্মকর্তা কর্মাকর্মফলপ্রদঃ ॥ 79 ॥
কদম্বগোলকাকারঃ কূষ্মাণ্ডগণনাযকঃ ।
কারুণ্যদেহঃ কপিলঃ কথকঃ কটিসূত্রভৃত্ ॥ 80 ॥
খর্বঃ খড্গপ্রিযঃ খড্গঃ খান্তান্তঃস্থঃ খনির্মলঃ ।
খল্বাটশৃঙ্গনিলযঃ খট্বাঙ্গী খদুরাসদঃ ॥ 81 ॥
গুণাঢ্যো গহনো গদ্যো গদ্যপদ্যসুধার্ণবঃ ।
গদ্যগানপ্রিযো গর্জো গীতগীর্বাণপূর্বজঃ ॥ 82 ॥
গুহ্যাচাররতো গুহ্যো গুহ্যাগমনিরূপিতঃ ।
গুহাশযো গুডাব্ধিস্থো গুরুগম্যো গুরুর্গুরুঃ ॥ 83 ॥
ঘণ্টাঘর্ঘরিকামালী ঘটকুম্ভো ঘটোদরঃ ।
ঙকারবাচ্যো ঙাকারো ঙকারাকারশুণ্ডভৃত্ ॥ 84 ॥
চণ্ডশ্চণ্ডেশ্বরশ্চণ্ডী চণ্ডেশশ্চণ্ডবিক্রমঃ ।
চরাচরপিতা চিন্তামণিশ্চর্বণলালসঃ ॥ 85 ॥
ছন্দশ্ছন্দোদ্ভবশ্ছন্দো দুর্লক্ষ্যশ্ছন্দবিগ্রহঃ ।
জগদ্যোনির্জগত্সাক্ষী জগদীশো জগন্মযঃ ॥ 86 ॥
জপ্যো জপপরো জাপ্যো জিহ্বাসিংহাসনপ্রভুঃ ।
স্রবদ্গণ্ডোল্লসদ্ধানঝঙ্কারিভ্রমরাকুলঃ ॥ 87 ॥
টঙ্কারস্ফারসংরাবষ্টঙ্কারমণিনূপুরঃ ।
ঠদ্বযীপল্লবান্তস্থসর্বমন্ত্রেষু সিদ্ধিদঃ ॥ 88 ॥
ডিণ্ডিমুণ্ডো ডাকিনীশো ডামরো ডিণ্ডিমপ্রিযঃ ।
ঢক্কানিনাদমুদিতো ঢৌঙ্কো ঢুণ্ঢিবিনাযকঃ ॥ 89 ॥
তত্ত্বানাং প্রকৃতিস্তত্ত্বং তত্ত্বম্পদনিরূপিতঃ ।
তারকান্তরসংস্থানস্তারকস্তারকান্তকঃ ॥ 90 ॥
স্থাণুঃ স্থাণুপ্রিযঃ স্থাতা স্থাবরং জঙ্গমং জগত্ ।
দক্ষযজ্ঞপ্রমথনো দাতা দানং দমো দযা ॥ 91 ॥
দযাবান্দিব্যবিভবো দণ্ডভৃদ্দণ্ডনাযকঃ ।
দন্তপ্রভিন্নাভ্রমালো দৈত্যবারণদারণঃ ॥ 92 ॥
দংষ্ট্রালগ্নদ্বীপঘটো দেবার্থনৃগজাকৃতিঃ ।
ধনং ধনপতের্বন্ধুর্ধনদো ধরণীধরঃ ॥ 93 ॥
ধ্যানৈকপ্রকটো ধ্যেযো ধ্যানং ধ্যানপরাযণঃ ।
ধ্বনিপ্রকৃতিচীত্কারো ব্রহ্মাণ্ডাবলিমেখলঃ ॥ 94 ॥
নন্দ্যো নন্দিপ্রিযো নাদো নাদমধ্যপ্রতিষ্ঠিতঃ ।
নিষ্কলো নির্মলো নিত্যো নিত্যানিত্যো নিরামযঃ ॥ 95 ॥
পরং ব্যোম পরং ধাম পরমাত্মা পরং পদম্ ॥ 96 ॥
পরাত্পরঃ পশুপতিঃ পশুপাশবিমোচনঃ ।
পূর্ণানন্দঃ পরানন্দঃ পুরাণপুরুষোত্তমঃ ॥ 97 ॥
পদ্মপ্রসন্নবদনঃ প্রণতাজ্ঞাননাশনঃ ।
প্রমাণপ্রত্যযাতীতঃ প্রণতার্তিনিবারণঃ ॥ 98 ॥
ফণিহস্তঃ ফণিপতিঃ ফূত্কারঃ ফণিতপ্রিযঃ ।
বাণার্চিতাঙ্ঘ্রিযুগলো বালকেলিকুতূহলী ।
ব্রহ্ম ব্রহ্মার্চিতপদো ব্রহ্মচারী বৃহস্পতিঃ ॥ 99 ॥
বৃহত্তমো ব্রহ্মপরো ব্রহ্মণ্যো ব্রহ্মবিত্প্রিযঃ ।
বৃহন্নাদাগ্র্যচীত্কারো ব্রহ্মাণ্ডাবলিমেখলঃ ॥ 100 ॥
ভ্রূক্ষেপদত্তলক্ষ্মীকো ভর্গো ভদ্রো ভযাপহঃ ।
ভগবান্ ভক্তিসুলভো ভূতিদো ভূতিভূষণঃ ॥ 101 ॥
ভব্যো ভূতালযো ভোগদাতা ভ্রূমধ্যগোচরঃ ।
মন্ত্রো মন্ত্রপতির্মন্ত্রী মদমত্তো মনো মযঃ ॥ 102 ॥
মেখলাহীশ্বরো মন্দগতির্মন্দনিভেক্ষণঃ ।
মহাবলো মহাবীর্যো মহাপ্রাণো মহামনাঃ ॥ 103 ॥
যজ্ঞো যজ্ঞপতির্যজ্ঞগোপ্তা যজ্ঞফলপ্রদঃ ।
যশস্করো যোগগম্যো যাজ্ঞিকো যাজকপ্রিযঃ ॥ 104 ॥
রসো রসপ্রিযো রস্যো রঞ্জকো রাবণার্চিতঃ ।
রাজ্যরক্ষাকরো রত্নগর্ভো রাজ্যসুখপ্রদঃ ॥ 105 ॥
লক্ষো লক্ষপতির্লক্ষ্যো লযস্থো লড্ডুকপ্রিযঃ ।
লাসপ্রিযো লাস্যপরো লাভকৃল্লোকবিশ্রুতঃ ॥ 106 ॥
বরেণ্যো বহ্নিবদনো বন্দ্যো বেদান্তগোচরঃ ।
বিকর্তা বিশ্বতশ্চক্ষুর্বিধাতা বিশ্বতোমুখঃ ॥ 107 ॥
বামদেবো বিশ্বনেতা বজ্রিবজ্রনিবারণঃ ।
বিবস্বদ্বন্ধনো বিশ্বাধারো বিশ্বেশ্বরো বিভুঃ ॥ 108 ॥
শব্দব্রহ্ম শমপ্রাপ্যঃ শম্ভুশক্তিগণেশ্বরঃ ।
শাস্তা শিখাগ্রনিলযঃ শরণ্যঃ শম্বরেশ্বরঃ ॥ 109 ॥
ষডৃতুকুসুমস্রগ্বী ষডাধারঃ ষডক্ষরঃ ।
সংসারবৈদ্যঃ সর্বজ্ঞঃ সর্বভেষজভেষজম্ ॥ 110 ॥
সৃষ্টিস্থিতিলযক্রীডঃ সুরকুঞ্জরভেদকঃ ।
সিন্দূরিতমহাকুম্ভঃ সদসদ্ভক্তিদাযকঃ ॥ 111 ॥
সাক্ষী সমুদ্রমথনঃ স্বযংবেদ্যঃ স্বদক্ষিণঃ ।
স্বতন্ত্রঃ সত্যসঙ্কল্পঃ সামগানরতঃ সুখী ॥ 112 ॥
হংসো হস্তিপিশাচীশো হবনং হব্যকব্যভুক্ ।
হব্যং হুতপ্রিযো হৃষ্টো হৃল্লেখামন্ত্রমধ্যগঃ ॥ 113 ॥
ক্ষেত্রাধিপঃ ক্ষমাভর্তা ক্ষমাক্ষমপরাযণঃ ।
ক্ষিপ্রক্ষেমকরঃ ক্ষেমানন্দঃ ক্ষোণীসুরদ্রুমঃ ॥ 114 ॥
ধর্মপ্রদোঽর্থদঃ কামদাতা সৌভাগ্যবর্ধনঃ ।
বিদ্যাপ্রদো বিভবদো ভুক্তিমুক্তিফলপ্রদঃ ॥ 115 ॥
আভিরূপ্যকরো বীরশ্রীপ্রদো বিজযপ্রদঃ ।
সর্ববশ্যকরো গর্ভদোষহা পুত্রপৌত্রদঃ ॥ 116 ॥
মেধাদঃ কীর্তিদঃ শোকহারী দৌর্ভাগ্যনাশনঃ ।
প্রতিবাদিমুখস্তম্ভো রুষ্টচিত্তপ্রসাদনঃ ॥ 117 ॥
পরাভিচারশমনো দুঃখহা বন্ধমোক্ষদঃ ।
লবস্ত্রুটিঃ কলা কাষ্ঠা নিমেষস্তত্পরক্ষণঃ ॥ 118 ॥
ঘটী মুহূর্তঃ প্রহরো দিবা নক্তমহর্নিশম্ ।
পক্ষো মাসর্ত্বযনাব্দযুগং কল্পো মহালযঃ ॥ 119 ॥
রাশিস্তারা তিথির্যোগো বারঃ করণমংশকম্ ।
লগ্নং হোরা কালচক্রং মেরুঃ সপ্তর্ষযো ধ্রুবঃ ॥ 120 ॥
রাহুর্মন্দঃ কবির্জীবো বুধো ভৌমঃ শশী রবিঃ ।
কালঃ সৃষ্টিঃ স্থিতির্বিশ্বং স্থাবরং জঙ্গমং জগত্ ॥ 121 ॥
ভূরাপোঽগ্নির্মরুদ্ব্যোমাহঙ্কৃতিঃ প্রকৃতিঃ পুমান্ ।
ব্রহ্মা বিষ্ণুঃ শিবো রুদ্র ঈশঃ শক্তিঃ সদাশিবঃ ॥ 122 ॥
ত্রিদশাঃ পিতরঃ সিদ্ধা যক্ষা রক্ষাংসি কিন্নরাঃ ।
সিদ্ধবিদ্যাধরা ভূতা মনুষ্যাঃ পশবঃ খগাঃ ॥ 123 ॥
সমুদ্রাঃ সরিতঃ শৈলা ভূতং ভব্যং ভবোদ্ভবঃ ।
সাঙ্খ্যং পাতঞ্জলং যোগং পুরাণানি শ্রুতিঃ স্মৃতিঃ ॥ 124 ॥
বেদাঙ্গানি সদাচারো মীমাংসা ন্যাযবিস্তরঃ ।
আযুর্বেদো ধনুর্বেদো গান্ধর্বং কাব্যনাটকম্ ॥ 125 ॥
বৈখানসং ভাগবতং মানুষং পাঞ্চরাত্রকম্ ।
শৈবং পাশুপতং কালামুখম্ভৈরবশাসনম্ ॥ 126 ॥
শাক্তং বৈনাযকং সৌরং জৈনমার্হতসংহিতা ।
সদসদ্ব্যক্তমব্যক্তং সচেতনমচেতনম্ ॥ 127 ॥
বন্ধো মোক্ষঃ সুখং ভোগো যোগঃ সত্যমণুর্মহান্ ।
স্বস্তি হুম্ফট্ স্বধা স্বাহা শ্রৌষট্ বৌষট্ বষণ্ নমঃ 128 ॥
জ্ঞানং বিজ্ঞানমানন্দো বোধঃ সংবিত্সমোঽসমঃ ।
এক একাক্ষরাধার একাক্ষরপরাযণঃ ॥ 129 ॥
একাগ্রধীরেকবীর একোঽনেকস্বরূপধৃক্ ।
দ্বিরূপো দ্বিভুজো দ্ব্যক্ষো দ্বিরদো দ্বীপরক্ষকঃ ॥ 130 ॥
দ্বৈমাতুরো দ্বিবদনো দ্বন্দ্বহীনো দ্বযাতিগঃ ।
ত্রিধামা ত্রিকরস্ত্রেতা ত্রিবর্গফলদাযকঃ ॥ 131 ॥
ত্রিগুণাত্মা ত্রিলোকাদিস্ত্রিশক্তীশস্ত্রিলোচনঃ ।
চতুর্বিধবচোবৃত্তিপরিবৃত্তিপ্রবর্তকঃ ॥ 132 ॥
চতুর্বাহুশ্চতুর্দন্তশ্চতুরাত্মা চতুর্ভুজঃ ।
চতুর্বিধোপাযমযশ্চতুর্বর্ণাশ্রমাশ্রযঃ 133 ॥
চতুর্থীপূজনপ্রীতশ্চতুর্থীতিথিসম্ভবঃ ॥
পঞ্চাক্ষরাত্মা পঞ্চাত্মা পঞ্চাস্যঃ পঞ্চকৃত্তমঃ ॥ 134 ॥
পঞ্চাধারঃ পঞ্চবর্ণঃ পঞ্চাক্ষরপরাযণঃ ।
পঞ্চতালঃ পঞ্চকরঃ পঞ্চপ্রণবমাতৃকঃ ॥ 135 ॥
পঞ্চব্রহ্মমযস্ফূর্তিঃ পঞ্চাবরণবারিতঃ ।
পঞ্চভক্ষপ্রিযঃ পঞ্চবাণঃ পঞ্চশিখাত্মকঃ ॥ 136 ॥
ষট্কোণপীঠঃ ষট্চক্রধামা ষড্গ্রন্থিভেদকঃ ।
ষডঙ্গধ্বান্তবিধ্বংসী ষডঙ্গুলমহাহ্রদঃ ॥ 137 ॥
ষণ্মুখঃ ষণ্মুখভ্রাতা ষট্শক্তিপরিবারিতঃ ।
ষড্বৈরিবর্গবিধ্বংসী ষডূর্মিভযভঞ্জনঃ ॥ 138 ॥
ষট্তর্কদূরঃ ষট্কর্মা ষড্গুণঃ ষড্রসাশ্রযঃ ।
সপ্তপাতালচরণঃ সপ্তদ্বীপোরুমণ্ডলঃ ॥ 139 ॥
সপ্তস্বর্লোকমুকুটঃ সপ্তসপ্তিবরপ্রদঃ ।
সপ্তাঙ্গরাজ্যসুখদঃ সপ্তর্ষিগণবন্দিতঃ ॥ 140 ॥
সপ্তচ্ছন্দোনিধিঃ সপ্তহোত্রঃ সপ্তস্বরাশ্রযঃ ।
সপ্তাব্ধিকেলিকাসারঃ সপ্তমাতৃনিষেবিতঃ ॥ 141 ॥
সপ্তচ্ছন্দো মোদমদঃ সপ্তচ্ছন্দো মখপ্রভুঃ ।
অষ্টমূর্তির্ধ্যেযমূর্তিরষ্টপ্রকৃতিকারণম্ ॥ 142 ॥
অষ্টাঙ্গযোগফলভৃদষ্টপত্রাম্বুজাসনঃ ।
অষ্টশক্তিসমানশ্রীরষ্টৈশ্বর্যপ্রবর্ধনঃ ॥ 143 ॥
অষ্টপীঠোপপীঠশ্রীরষ্টমাতৃসমাবৃতঃ ।
অষ্টভৈরবসেব্যোঽষ্টবসুবন্দ্যোঽষ্টমূর্তিভৃত্ ॥ 144 ॥
অষ্টচক্রস্ফুরন্মূর্তিরষ্টদ্রব্যহবিঃপ্রিযঃ ।
অষ্টশ্রীরষ্টসামশ্রীরষ্টৈশ্বর্যপ্রদাযকঃ ।
নবনাগাসনাধ্যাসী নবনিধ্যনুশাসিতঃ ॥ 145 ॥
নবদ্বারপুরাবৃত্তো নবদ্বারনিকেতনঃ ।
নবনাথমহানাথো নবনাগবিভূষিতঃ ॥ 146 ॥
নবনারাযণস্তুল্যো নবদুর্গানিষেবিতঃ ।
নবরত্নবিচিত্রাঙ্গো নবশক্তিশিরোদ্ধৃতঃ ॥ 147 ॥
দশাত্মকো দশভুজো দশদিক্পতিবন্দিতঃ ।
দশাধ্যাযো দশপ্রাণো দশেন্দ্রিযনিযামকঃ ॥ 148 ॥
দশাক্ষরমহামন্ত্রো দশাশাব্যাপিবিগ্রহঃ ।
একাদশমহারুদ্রৈঃস্তুতশ্চৈকাদশাক্ষরঃ ॥ 149 ॥
দ্বাদশদ্বিদশাষ্টাদিদোর্দণ্ডাস্ত্রনিকেতনঃ ।
ত্রযোদশভিদাভিন্নো বিশ্বেদেবাধিদৈবতম্ ॥ 150 ॥
চতুর্দশেন্দ্রবরদশ্চতুর্দশমনুপ্রভুঃ ।
চতুর্দশাদ্যবিদ্যাঢ্যশ্চতুর্দশজগত্পতিঃ ॥ 151 ॥
সামপঞ্চদশঃ পঞ্চদশীশীতাংশুনির্মলঃ ।
তিথিপঞ্চদশাকারস্তিথ্যা পঞ্চদশার্চিতঃ ॥ 152 ॥
ষোডশাধারনিলযঃ ষোডশস্বরমাতৃকঃ ।
ষোডশান্তপদাবাসঃ ষোডশেন্দুকলাত্মকঃ ॥ 153 ॥
কলাসপ্তদশী সপ্তদশসপ্তদশাক্ষরঃ ।
অষ্টাদশদ্বীপপতিরষ্টাদশপুরাণকৃত্ ॥ 154 ॥
অষ্টাদশৌষধীসৃষ্টিরষ্টাদশবিধিঃ স্মৃতঃ ।
অষ্টাদশলিপিব্যষ্টিসমষ্টিজ্ঞানকোবিদঃ ॥ 155 ॥
অষ্টাদশান্নসম্পত্তিরষ্টাদশবিজাতিকৃত্ ।
একবিংশঃ পুমানেকবিংশত্যঙ্গুলিপল্লবঃ ॥ 156 ॥
চতুর্বিংশতিতত্ত্বাত্মা পঞ্চবিংশাখ্যপূরুষঃ ।
সপ্তবিংশতিতারেশঃ সপ্তবিংশতিযোগকৃত্ ॥ 157 ॥
দ্বাত্রিংশদ্ভৈরবাধীশশ্চতুস্ত্রিংশন্মহাহ্রদঃ ।
ষট্ত্রিংশত্তত্ত্বসম্ভূতিরষ্টত্রিংশত্কলাত্মকঃ ॥ 158 ॥
পঞ্চাশদ্বিষ্ণুশক্তীশঃ পঞ্চাশন্মাতৃকালযঃ ।
দ্বিপঞ্চাশদ্বপুঃশ্রেণীত্রিষষ্ট্যক্ষরসংশ্রযঃ ।
পঞ্চাশদক্ষরশ্রেণীপঞ্চাশদ্রুদ্রবিগ্রহঃ ॥ 159 ॥
চতুঃষষ্টিমহাসিদ্ধিযোগিনীবৃন্দবন্দিতঃ ।
নমদেকোনপঞ্চাশন্মরুদ্বর্গনিরর্গলঃ ॥ 160 ॥
চতুঃষষ্ট্যর্থনির্ণেতা চতুঃষষ্টিকলানিধিঃ ।
অষ্টষষ্টিমহাতীর্থক্ষেত্রভৈরববন্দিতঃ ॥ 161 ॥
চতুর্নবতিমন্ত্রাত্মা ষণ্ণবত্যধিকপ্রভুঃ ।
শতানন্দঃ শতধৃতিঃ শতপত্রাযতেক্ষণঃ ॥ 162 ॥
শতানীকঃ শতমখঃ শতধারাবরাযুধঃ ।
সহস্রপত্রনিলযঃ সহস্রফণিভূষণঃ ॥ 163 ॥
সহস্রশীর্ষা পুরুষঃ সহস্রাক্ষঃ সহস্রপাত্ ।
সহস্রনামসংস্তুত্যঃ সহস্রাক্ষবলাপহঃ ॥ 164 ॥
দশসাহস্রফণিভৃত্ফণিরাজকৃতাসনঃ ।
অষ্টাশীতিসহস্রাদ্যমহর্ষিস্তোত্রপাঠিতঃ ॥ 165 ॥
লক্ষাধারঃ প্রিযাধারো লক্ষাধারমনোমযঃ ।
চতুর্লক্ষজপপ্রীতশ্চতুর্লক্ষপ্রকাশকঃ ॥ 166 ॥
চতুরশীতিলক্ষাণাং জীবানাং দেহসংস্থিতঃ ।
কোটিসূর্যপ্রতীকাশঃ কোটিচন্দ্রাংশুনির্মলঃ ॥ 167 ॥
শিবোদ্ভবাদ্যষ্টকোটিবৈনাযকধুরন্ধরঃ ।
সপ্তকোটিমহামন্ত্রমন্ত্রিতাবযবদ্যুতিঃ ॥ 168 ॥
ত্রযস্ত্রিংশত্কোটিসুরশ্রেণীপ্রণতপাদুকঃ ।
অনন্তদেবতাসেব্যো হ্যনন্তশুভদাযকঃ ॥ 169 ॥
অনন্তনামানন্তশ্রীরনন্তোঽনন্তসৌখ্যদঃ ।
অনন্তশক্তিসহিতো হ্যনন্তমুনিসংস্তুতঃ ॥ 170 ॥
ইতি বৈনাযকং নাম্নাং সহস্রমিদমীরিতম্ ।
ইদং ব্রাহ্মে মুহূর্তে যঃ পঠতি প্রত্যহং নরঃ ॥ 171 ॥
করস্থং তস্য সকলমৈহিকামুষ্মিকং সুখম্ ।
আযুরারোগ্যমৈশ্বর্যং ধৈর্যং শৌর্যং বলং যশঃ ॥ 172 ॥
মেধা প্রজ্ঞা ধৃতিঃ কান্তিঃ সৌভাগ্যমভিরূপতা ।
সত্যং দযা ক্ষমা শান্তির্দাক্ষিণ্যং ধর্মশীলতা ॥ 173 ॥
জগত্সংবননং বিশ্বসংবাদো বেদপাটবম্ ।
সভাপাণ্ডিত্যমৌদার্যং গাম্ভীর্যং ব্রহ্মবর্চসম্ ॥ 174 ॥
ওজস্তেজঃ কুলং শীলং প্রতাপো বীর্যমার্যতা ।
জ্ঞানং বিজ্ঞানমাস্তিক্যং স্থৈর্যং বিশ্বাসতা তথা ॥ 175 ॥
ধনধান্যাদিবৃদ্ধিশ্চ সকৃদস্য জপাদ্ভবেত্ ।
বশ্যং চতুর্বিধং বিশ্বং জপাদস্য প্রজাযতে ॥ 176 ॥
রাজ্ঞো রাজকলত্রস্য রাজপুত্রস্য মন্ত্রিণঃ ।
জপ্যতে যস্য বশ্যার্থে স দাসস্তস্য জাযতে ॥ 177 ॥
ধর্মার্থকামমোক্ষাণামনাযাসেন সাধনম্ ।
শাকিনীডাকিনীরক্ষোযক্ষগ্রহভযাপহম্ ॥ 178 ॥
সাম্রাজ্যসুখদং সর্বসপত্নমদমর্দনম্ ।
সমস্তকলহধ্বংসি দগ্ধবীজপ্ররোহণম্ ॥ 179 ॥
দুঃস্বপ্নশমনং ক্রুদ্ধস্বামিচিত্তপ্রসাদনম্ ।
ষড্বর্গাষ্টমহাসিদ্ধিত্রিকালজ্ঞানকারণম্ ॥ 180 ॥
পরকৃত্যপ্রশমনং পরচক্রপ্রমর্দনম্ ।
সঙ্গ্রামমার্গে সবেষামিদমেকং জযাবহম্ ॥ 181 ॥
সর্ববন্ধ্যত্বদোষঘ্নং গর্ভরক্ষৈককারণম্ ।
পঠ্যতে প্রত্যহং যত্র স্তোত্রং গণপতেরিদম্ ॥ 182 ॥
দেশে তত্র ন দুর্ভিক্ষমীতযো দুরিতানি চ ।
ন তদ্গেহং জহাতি শ্রীর্যত্রাযং জপ্যতে স্তবঃ ॥ 183 ॥
ক্ষযকুষ্ঠপ্রমেহার্শভগন্দরবিষূচিকাঃ ।
গুল্মং প্লীহানমশমানমতিসারং মহোদরম্ ॥ 184 ॥
কাসং শ্বাসমুদাবর্তং শূলং শোফামযোদরম্ ।
শিরোরোগং বমিং হিক্কাং গণ্ডমালামরোচকম্ ॥ 185 ॥
বাতপিত্তকফদ্বন্দ্বত্রিদোষজনিতজ্বরম্ ।
আগন্তুবিষমং শীতমুষ্ণং চৈকাহিকাদিকম্ ॥ 186 ॥
ইত্যাদ্যুক্তমনুক্তং বা রোগদোষাদিসম্ভবম্ ।
সর্বং প্রশমযত্যাশু স্তোত্রস্যাস্য সকৃজ্জপঃ ॥ 187 ॥
প্রাপ্যতেঽস্য জপাত্সিদ্ধিঃ স্ত্রীশূদ্রৈঃ পতিতৈরপি ।
সহস্রনামমন্ত্রোঽযং জপিতব্যঃ শুভাপ্তযে ॥ 188 ॥
মহাগণপতেঃ স্তোত্রং সকামঃ প্রজপন্নিদম্ ।
ইচ্ছযা সকলান্ ভোগানুপভুজ্যেহ পার্থিবান্ ॥ 189 ॥
মনোরথফলৈর্দিব্যৈর্ব্যোমযানৈর্মনোরমৈঃ ।
চন্দ্রেন্দ্রভাস্করোপেন্দ্রব্রহ্মশর্বাদিসদ্মসু ॥ 190 ॥
কামরূপঃ কামগতিঃ কামদঃ কামদেশ্বরঃ ।
ভুক্ত্বা যথেপ্সিতান্ভোগানভীষ্টৈঃ সহ বন্ধুভিঃ ॥ 191 ॥
গণেশানুচরো ভূত্বা গণো গণপতিপ্রিযঃ ।
নন্দীশ্বরাদিসানন্দৈর্নন্দিতঃ সকলৈর্গণৈঃ ॥ 192 ॥
শিবাভ্যাং কৃপযা পুত্রনির্বিশেষং চ লালিতঃ ।
শিবভক্তঃ পূর্ণকামো গণেশ্বরবরাত্পুনঃ ॥ 193 ॥
জাতিস্মরো ধর্মপরঃ সার্বভৌমোঽভিজাযতে ।
নিষ্কামস্তু জপন্নিত্যং ভক্ত্যা বিঘ্নেশতত্পরঃ ॥ 194 ॥
যোগসিদ্ধিং পরাং প্রাপ্য জ্ঞানবৈরাগ্যসংযুতঃ ।
নিরন্তরে নিরাবাধে পরমানন্দসঞ্জ্ঞিতে ॥ 195 ॥
বিশ্বোত্তীর্ণে পরে পূর্ণে পুনরাবৃত্তিবর্জিতে ।
লীনো বৈনাযকে ধাম্নি রমতে নিত্যনির্বৃতে ॥ 196 ॥
যো নামভির্হুতৈর্দত্তৈঃ পূজযেদর্চযেএন্নরঃ ।
রাজানো বশ্যতাং যান্তি রিপবো যান্তি দাসতাম্ ॥ 197 ॥
তস্য সিধ্যন্তি মন্ত্রাণাং দুর্লভাশ্চেষ্টসিদ্ধযঃ ।
মূলমন্ত্রাদপি স্তোত্রমিদং প্রিযতমং মম ॥ 198 ॥
নভস্যে মাসি শুক্লাযাং চতুর্থ্যাং মম জন্মনি ।
দূর্বাভির্নামভিঃ পূজাং তর্পণং বিধিবচ্চরেত্ ॥ 199 ॥
অষ্টদ্রব্যৈর্বিশেষেণ কুর্যাদ্ভক্তিসুসংযুতঃ ।
তস্যেপ্সিতং ধনং ধান্যমৈশ্বর্যং বিজযো যশঃ ॥ 200 ॥
ভবিষ্যতি ন সন্দেহঃ পুত্রপৌত্রাদিকং সুখম্ ।
ইদং প্রজপিতং স্তোত্রং পঠিতং শ্রাবিতং শ্রুতম্ ॥ 201 ॥
ব্যাকৃতং চর্চিতং ধ্যাতং বিমৃষ্টমভিবন্দিতম্ ।
ইহামুত্র চ বিশ্বেষাং বিশ্বৈশ্বর্যপ্রদাযকম্ ॥ 202 ॥
স্বচ্ছন্দচারিণাপ্যেষ যেন সন্ধার্যতে স্তবঃ ।
স রক্ষ্যতে শিবোদ্ভূতৈর্গণৈরধ্যষ্টকোটিভিঃ ॥ 203 ॥
লিখিতং পুস্তকস্তোত্রং মন্ত্রভূতং প্রপূজযেত্ ।
তত্র সর্বোত্তমা লক্ষ্মীঃ সন্নিধত্তে নিরন্তরম্ ॥ 204 ॥
দানৈরশেষৈরখিলৈর্ব্রতৈশ্চ তীর্থৈরশেষৈরখিলৈর্মখৈশ্চ ।
ন তত্ফলং বিন্দতি যদ্গণেশসহস্রনামস্মরণেন সদ্যঃ ॥ 205 ॥
এতন্নাম্নাং সহস্রং পঠতি দিনমণৌ প্রত্যহম্প্রোজ্জিহানে
সাযং মধ্যন্দিনে বা ত্রিষবণমথবা সন্ততং বা জনো যঃ ।
স স্যাদৈশ্বর্যধুর্যঃ প্রভবতি বচসাং কীর্তিমুচ্চৈস্তনোতি
দারিদ্র্যং হন্তি বিশ্বং বশযতি সুচিরং বর্ধতে পুত্রপৌত্রৈঃ ॥ 206 ॥
অকিঞ্চনোপ্যেকচিত্তো নিযতো নিযতাসনঃ ।
প্রজপংশ্চতুরো মাসান্ গণেশার্চনতত্পরঃ ॥ 207 ॥
দরিদ্রতাং সমুন্মূল্য সপ্তজন্মানুগামপি ।
লভতে মহতীং লক্ষ্মীমিত্যাজ্ঞা পারমেশ্বরী ॥ 208 ॥
আযুষ্যং বীতরোগং কুলমতিবিমলং সম্পদশ্চার্তিনাশঃ
কীর্তির্নিত্যাবদাতা ভবতি খলু নবা কান্তিরব্যাজভব্যা ।
পুত্রাঃ সন্তঃ কলত্রং গুণবদভিমতং যদ্যদন্যচ্চ তত্ত -
ন্নিত্যং যঃ স্তোত্রমেতত্ পঠতি গণপতেস্তস্য হস্তে সমস্তম্ ॥ 209 ॥
গণঞ্জযো গণপতির্হেরম্বো ধরণীধরঃ ।
মহাগণপতির্বুদ্ধিপ্রিযঃ ক্ষিপ্রপ্রসাদনঃ ॥ 210 ॥
অমোঘসিদ্ধিরমৃতমন্ত্রশ্চিন্তামণির্নিধিঃ ।
সুমঙ্গলো বীজমাশাপূরকো বরদঃ কলঃ ॥ 211 ॥
কাশ্যপো নন্দনো বাচাসিদ্ধো ঢুণ্ঢির্বিনাযকঃ ।
মোদকৈরেভিরত্রৈকবিংশত্যা নামভিঃ পুমান্ ॥ 212 ॥
উপাযনং দদেদ্ভক্ত্যা মত্প্রসাদং চিকীর্ষতি ।
বত্সরং বিঘ্নরাজোঽস্য তথ্যমিষ্টার্থসিদ্ধযে ॥ 213 ॥
যঃ স্তৌতি মদ্গতমনা মমারাধনতত্পরঃ ।
স্তুতো নাম্না সহস্রেণ তেনাহং নাত্র সংশযঃ ॥ 214 ॥
নমো নমঃ সুরবরপূজিতাঙ্ঘ্রযে
নমো নমো নিরুপমমঙ্গলাত্মনে ।
নমো নমো বিপুলদযৈকসিদ্ধযে
নমো নমঃ করিকলভাননায তে ॥ 215 ॥
কিঙ্কিণীগণরচিতচরণঃ
প্রকটিতগুরুমিতচারুকরণঃ ।
মদজললহরীকলিতকপোলঃ
শমযতু দুরিতং গণপতিনাম্না ॥ 216 ॥
॥ ইতি শ্রীগণেশপুরাণে উপাসনাখণ্ডে ঈশ্বরগণেশসংবাদে
গণেশসহস্রনামস্তোত্রং নাম ষট্চত্বারিংশোধ্যাযঃ ॥
Roman (IAST) Transliteration
muniruvāca
kathaṃ nāmnāṃ sahasraṃ taṃ gaṇeśa upadiṣṭavān |
śivadaṃ tanmamācakṣva lokānugrahatatpara || 1 ||
brahmovāca
devaḥ pūrvaṃ purārātiḥ puratrayajayodyame |
anarcanādgaṇeśasya jāto vighnākulaḥ kila || 2 ||
manasā sa vinirdhārya dadṛśe vighnakāraṇam |
mahāgaṇapatiṃ bhaktyā samabhyarcya yathāvidhi || 3 ||
vighnapraśamanopāyamapṛcchadapariśramam |
santuṣṭaḥ pūjayā śambhormahāgaṇapatiḥ svayam || 4 ||
sarvavighnapraśamanaṃ sarvakāmaphalapradam |
tatastasmai svayaṃ nāmnāṃ sahasramidamabravīt || 5 ||
asya śrīmahāgaṇapatisahasranāmastotramālāmantrasya |
gaṇeśa ṛṣiḥ, mahāgaṇapatirdevatā, nānāvidhānicchandāṃsi |
humiti bījam, tuṅgamiti śaktiḥ, svāhāśaktiriti kīlakam |
sakalavighnavināśanadvārā śrīmahāgaṇapatiprasādasiddhyarthe jape viniyogaḥ |
atha karanyāsaḥ
gaṇeśvaro gaṇakrīḍa ityaṅguṣṭhābhyāṃ namaḥ |
kumāragururīśāna iti tarjanībhyāṃ namaḥ ||
brahmāṇḍakumbhaścidvyometi madhyamābhyāṃ namaḥ |
rakto raktāmbaradhara ityanāmikābhyāṃ namaḥ
sarvasadgurusaṃsevya iti kaniṣṭhikābhyāṃ namaḥ |
luptavighnaḥ svabhaktānāmiti karatalakarapṛṣṭhābhyāṃ namaḥ ||
atha aṅganyāsaḥ
chandaśchandodbhava iti hṛdayāya namaḥ |
niṣkalo nirmala iti śirase svāhā |
sṛṣṭisthitilayakrīḍa iti śikhāyai vaṣaṭ |
jñānaṃ vijñānamānanda iti kavacāya hum |
aṣṭāṅgayogaphalabhṛditi netratrayāya vauṣaṭ |
anantaśaktisahita ityastrāya phaṭ |
bhūrbhuvaḥ svaroṃ iti digbandhaḥ |
atha dhyānam
gajavadanamacintyaṃ tīkṣṇadaṃṣṭraṃ trinetraṃ
bṛhadudaramaśeṣaṃ bhūtirājaṃ purāṇam |
amaravarasupūjyaṃ raktavarṇaṃ sureśaṃ
paśupatisutamīśaṃ vighnarājaṃ namāmi ||
śrīgaṇapatiruvāca
oṃ gaṇeśvaro gaṇakrīḍo gaṇanātho gaṇādhipaḥ |
ekadanto vakratuṇḍo gajavaktro mahodaraḥ || 1 ||
lambodaro dhūmravarṇo vikaṭo vighnanāśanaḥ |
sumukho durmukho buddho vighnarājo gajānanaḥ || 2 ||
bhīmaḥ pramoda āmodaḥ surānando madotkaṭaḥ |
herambaḥ śambaraḥ śambhurlambakarṇo mahābalaḥ || 3 ||
nandano lampaṭo bhīmo meghanādo gaṇañjayaḥ |
vināyako virūpākṣo vīraḥ śūravarapradaḥ || 4 ||
mahāgaṇapatirbuddhipriyaḥ kṣipraprasādanaḥ |
rudrapriyo gaṇādhyakṣa umāputro'ghanāśanaḥ || 5 ||
kumāragururīśānaputro mūṣakavāhanaḥ |
siddhipriyaḥ siddhipatiḥ siddhaḥ siddhivināyakaḥ || 6 ||
avighnastumburuḥ siṃhavāhano mohinīpriyaḥ |
kaṭaṅkaṭo rājaputraḥ śākalaḥ sammitomitaḥ || 7 ||
kūṣmāṇḍasāmasambhūtirdurjayo dhūrjayo jayaḥ |
bhūpatirbhuvanapatirbhūtānāṃ patiravyayaḥ || 8 ||
viśvakartā viśvamukho viśvarūpo nidhirguṇaḥ |
kaviḥ kavīnāmṛṣabho brahmaṇyo brahmavitpriyaḥ || 9 ||
jyeṣṭharājo nidhipatirnidhipriyapatipriyaḥ |
hiraṇmayapurāntaḥsthaḥ sūryamaṇḍalamadhyagaḥ || 10 ||
karāhatidhvastasindhusalilaḥ pūṣadantabhit |
umāṅkakelikutukī muktidaḥ kulapāvanaḥ || 11 ||
kirīṭī kuṇḍalī hārī vanamālī manomayaḥ |
vaimukhyahatadaityaśrīḥ pādāhatijitakṣitiḥ || 12 ||
sadyojātaḥ svarṇamuñjamekhalī durnimittahṛt |
duḥsvapnahṛtprasahano guṇī nādapratiṣṭhitaḥ || 13 ||
surūpaḥ sarvanetrādhivāso vīrāsanāśrayaḥ |
pītāmbaraḥ khaṇḍaradaḥ khaṇḍavaiśākhasaṃsthitaḥ || 14 ||
citrāṅgaḥ śyāmadaśano bhālacandro havirbhujaḥ |
yogādhipastārakasthaḥ puruṣo gajakarṇakaḥ || 15 ||
gaṇādhirājo vijayaḥ sthiro gajapatidhvajī |
devadevaḥ smaraḥ prāṇadīpako vāyukīlakaḥ || 16 ||
vipaścidvarado nādo nādabhinnamahācalaḥ |
varāharadano mṛtyuñjayo vyāghrājināmbaraḥ || 17 ||
icchāśaktibhavo devatrātā daityavimardanaḥ |
śambhuvaktrodbhavaḥ śambhukopahā śambhuhāsyabhūḥ || 18 ||
śambhutejāḥ śivāśokahārī gaurīsukhāvahaḥ |
umāṅgamalajo gaurītejobhūḥ svardhunībhavaḥ || 19 ||
yajñakāyo mahānādo girivarṣmā śubhānanaḥ |
sarvātmā sarvadevātmā brahmamūrdhā kakupśrutiḥ || 20 ||
brahmāṇḍakumbhaścidvyomabhālaḥsatyaśiroruhaḥ |
jagajjanmalayonmeṣanimeṣo'gnyarkasomadṛk || 21 ||
girīndraikarado dharmādharmoṣṭhaḥ sāmabṛṃhitaḥ |
graharkṣadaśano vāṇījihvo vāsavanāsikaḥ || 22 ||
bhrūmadhyasaṃsthitakaro brahmavidyāmadodakaḥ |
kulācalāṃsaḥ somārkaghaṇṭo rudraśirodharaḥ || 23 ||
nadīnadabhujaḥ sarpāṅgulīkastārakānakhaḥ |
vyomanābhiḥ śrīhṛdayo merupṛṣṭho'rṇavodaraḥ || 24 ||
kukṣisthayakṣagandharvarakṣaḥkinnaramānuṣaḥ |
pṛthvīkaṭiḥ sṛṣṭiliṅgaḥ śailorurdasrajānukaḥ || 25 ||
pātālajaṅgho munipātkālāṅguṣṭhastrayītanuḥ |
jyotirmaṇḍalalāṅgūlo hṛdayālānaniścalaḥ || 26 ||
hṛtpadmakarṇikāśālī viyatkelisarovaraḥ |
sadbhaktadhyānanigaḍaḥ pūjāvārinivāritaḥ || 27 ||
pratāpī kāśyapo mantā gaṇako viṣṭapī balī |
yaśasvī dhārmiko jetā prathamaḥ pramatheśvaraḥ || 28 ||
cintāmaṇirdvīpapatiḥ kalpadrumavanālayaḥ |
ratnamaṇḍapamadhyastho ratnasiṃhāsanāśrayaḥ || 29 ||
tīvrāśiroddhṛtapado jvālinīmaulilālitaḥ |
nandānanditapīṭhaśrīrbhogado bhūṣitāsanaḥ || 30 ||
sakāmadāyinīpīṭhaḥ sphuradugrāsanāśrayaḥ |
tejovatīśiroratnaṃ satyānityāvataṃsitaḥ || 31 ||
savighnanāśinīpīṭhaḥ sarvaśaktyambujālayaḥ |
lipipadmāsanādhāro vahnidhāmatrayālayaḥ || 32 ||
unnataprapado gūḍhagulphaḥ saṃvṛtapārṣṇikaḥ |
pīnajaṅghaḥ śliṣṭajānuḥ sthūloruḥ pronnamatkaṭiḥ || 33 ||
nimnanābhiḥ sthūlakukṣiḥ pīnavakṣā bṛhadbhujaḥ |
pīnaskandhaḥ kambukaṇṭho lamboṣṭho lambanāsikaḥ || 34 ||
bhagnavāmaradastuṅgasavyadanto mahāhanuḥ |
hrasvanetratrayaḥ śūrpakarṇo nibiḍamastakaḥ || 35 ||
stabakākārakumbhāgro ratnamaulirniraṅkuśaḥ |
sarpahārakaṭīsūtraḥ sarpayajñopavītavān || 36 ||
sarpakoṭīrakaṭakaḥ sarpagraiveyakāṅgadaḥ |
sarpakakṣodarābandhaḥ sarparājottaracchadaḥ || 37 ||
rakto raktāmbaradharo raktamālāvibhūṣaṇaḥ |
raktekṣano raktakaro raktatālvoṣṭhapallavaḥ || 38 ||
śvetaḥ śvetāmbaradharaḥ śvetamālāvibhūṣaṇaḥ |
śvetātapatraruciraḥ śvetacāmaravījitaḥ || 39 ||
sarvāvayavasampūrṇaḥ sarvalakṣaṇalakṣitaḥ |
sarvābharaṇaśobhāḍhyaḥ sarvaśobhāsamanvitaḥ || 40 ||
sarvamaṅgalamāṅgalyaḥ sarvakāraṇakāraṇam |
sarvadevavaraḥ śārṅgī bījapūrī gadādharaḥ || 41 ||
śubhāṅgo lokasāraṅgaḥ sutantustantuvardhanaḥ |
kirīṭī kuṇḍalī hārī vanamālī śubhāṅgadaḥ || 42 ||
ikṣucāpadharaḥ śūlī cakrapāṇiḥ sarojabhṛt |
pāśī dhṛtotpalaḥ śālimañjarībhṛtsvadantabhṛt || 43 ||
kalpavallīdharo viśvābhayadaikakaro vaśī |
akṣamālādharo jñānamudrāvān mudgarāyudhaḥ || 44 ||
pūrṇapātrī kambudharo vidhṛtāṅkuśamūlakaḥ |
karasthāmraphalaścūtakalikābhṛtkuṭhāravān || 45 ||
puṣkarasthasvarṇaghaṭīpūrṇaratnābhivarṣakaḥ |
bhāratīsundarīnātho vināyakaratipriyaḥ || 46 ||
mahālakṣmīpriyatamaḥ siddhalakṣmīmanoramaḥ |
ramārameśapūrvāṅgo dakṣiṇomāmaheśvaraḥ || 47 ||
mahīvarāhavāmāṅgo ratikandarpapaścimaḥ |
āmodamodajananaḥ sapramodapramodanaḥ || 48 ||
saṃvardhitamahāvṛddhirṛddhisiddhipravardhanaḥ |
dantasaumukhyasumukhaḥ kāntikandalitāśrayaḥ || 49 ||
madanāvatyāśritāṅghriḥ kṛtavaimukhyadurmukhaḥ |
vighnasampallavaḥ padmaḥ sarvonnatamadadravaḥ || 50 ||
vighnakṛnnimnacaraṇo drāviṇīśaktisatkṛtaḥ |
tīvrāprasannanayano jvālinīpālitaikadṛk || 51 ||
mohinīmohano bhogadāyinīkāntimaṇḍanaḥ |
kāminīkāntavaktraśrīradhiṣṭhitavasundharaḥ || 52 ||
vasudhārāmadonnādo mahāśaṅkhanidhipriyaḥ |
namadvasumatīmālī mahāpadmanidhiḥ prabhuḥ || 53 ||
sarvasadgurusaṃsevyaḥ śociṣkeśahṛdāśrayaḥ |
īśānamūrdhā devendraśikhaḥ pavananandanaḥ || 54 ||
pratyugranayano divyo divyāstraśataparvadhṛk |
airāvatādisarvāśāvāraṇo vāraṇapriyaḥ || 55 ||
vajrādyastraparīvāro gaṇacaṇḍasamāśrayaḥ |
jayājayaparikaro vijayāvijayāvahaḥ || 56 ||
ajayārcitapādābjo nityānandavanasthitaḥ |
vilāsinīkṛtollāsaḥ śauṇḍī saundaryamaṇḍitaḥ || 57 ||
anantānantasukhadaḥ sumaṅgalasumaṅgalaḥ |
jñānāśrayaḥ kriyādhāra icchāśaktiniṣevitaḥ || 58 ||
subhagāsaṃśritapado lalitālalitāśrayaḥ |
kāminīpālanaḥ kāmakāminīkelilālitaḥ || 59 ||
sarasvatyāśrayo gaurīnandanaḥ śrīniketanaḥ |
guruguptapado vācāsiddho vāgīśvarīpatiḥ || 60 ||
nalinīkāmuko vāmārāmo jyeṣṭhāmanoramaḥ |
raudrīmudritapādābjo humbījastuṅgaśaktikaḥ || 61 ||
viśvādijananatrāṇaḥ svāhāśaktiḥ sakīlakaḥ |
amṛtābdhikṛtāvāso madaghūrṇitalocanaḥ || 62 ||
ucchiṣṭocchiṣṭagaṇako gaṇeśo gaṇanāyakaḥ |
sārvakālikasaṃsiddhirnityasevyo digambaraḥ || 63 ||
anapāyo'nantadṛṣṭiraprameyo'jarāmaraḥ |
anāvilo'pratihatiracyuto'mṛtamakṣaraḥ || 64 ||
apratarkyo'kṣayo'jayyo'nādhāro'nāmayomalaḥ |
ameyasiddhiradvaitamaghoro'gnisamānanaḥ || 65 ||
anākāro'bdhibhūmyagnibalaghno'vyaktalakṣaṇaḥ |
ādhārapīṭhamādhāra ādhārādheyavarjitaḥ || 66 ||
ākhuketana āśāpūraka ākhumahārathaḥ |
ikṣusāgaramadhyastha ikṣubhakṣaṇalālasaḥ || 67 ||
ikṣucāpātirekaśrīrikṣucāpaniṣevitaḥ |
indragopasamānaśrīrindranīlasamadyutiḥ || 68 ||
indīvaradalaśyāma indumaṇḍalamaṇḍitaḥ |
idhmapriya iḍābhāga iḍāvānindirāpriyaḥ || 69 ||
ikṣvākuvighnavidhvaṃsī itikartavyatepsitaḥ |
īśānamaulirīśāna īśānapriya ītihā || 70 ||
īṣaṇātrayakalpānta īhāmātravivarjitaḥ |
upendra uḍubhṛnmauliruḍunāthakarapriyaḥ || 71 ||
unnatānana uttuṅga udārastridaśāgraṇīḥ |
ūrjasvānūṣmalamada ūhāpohadurāsadaḥ || 72 ||
ṛgyajuḥsāmanayana ṛddhisiddhisamarpakaḥ |
ṛjucittaikasulabho ṛṇatrayavimocanaḥ || 73 ||
luptavighnaḥ svabhaktānāṃ luptaśaktiḥ suradviṣām |
luptaśrīrvimukhārcānāṃ lūtāvisphoṭanāśanaḥ || 74 ||
ekārapīṭhamadhyastha ekapādakṛtāsanaḥ |
ejitākhiladaityaśrīredhitākhilasaṃśrayaḥ || 75 ||
aiśvaryanidhiraiśvaryamaihikāmuṣmikapradaḥ |
airammadasamonmeṣa airāvatasamānanaḥ || 76 ||
oṅkāravācya oṅkāra ojasvānoṣadhīpatiḥ |
audāryanidhirauddhatyadhairya aunnatyaniḥsamaḥ || 77 ||
aṅkuśaḥ suranāgānāmaṅkuśākārasaṃsthitaḥ |
aḥ samastavisargāntapadeṣu parikīrtitaḥ || 78 ||
kamaṇḍaludharaḥ kalpaḥ kapardī kalabhānanaḥ |
karmasākṣī karmakartā karmākarmaphalapradaḥ || 79 ||
kadambagolakākāraḥ kūṣmāṇḍagaṇanāyakaḥ |
kāruṇyadehaḥ kapilaḥ kathakaḥ kaṭisūtrabhṛt || 80 ||
kharvaḥ khaḍgapriyaḥ khaḍgaḥ khāntāntaḥsthaḥ khanirmalaḥ |
khalvāṭaśṛṅganilayaḥ khaṭvāṅgī khadurāsadaḥ || 81 ||
guṇāḍhyo gahano gadyo gadyapadyasudhārṇavaḥ |
gadyagānapriyo garjo gītagīrvāṇapūrvajaḥ || 82 ||
guhyācārarato guhyo guhyāgamanirūpitaḥ |
guhāśayo guḍābdhistho gurugamyo gururguruḥ || 83 ||
ghaṇṭāghargharikāmālī ghaṭakumbho ghaṭodaraḥ |
ṅakāravācyo ṅākāro ṅakārākāraśuṇḍabhṛt || 84 ||
caṇḍaścaṇḍeśvaraścaṇḍī caṇḍeśaścaṇḍavikramaḥ |
carācarapitā cintāmaṇiścarvaṇalālasaḥ || 85 ||
chandaśchandodbhavaśchando durlakṣyaśchandavigrahaḥ |
jagadyonirjagatsākṣī jagadīśo jaganmayaḥ || 86 ||
japyo japaparo jāpyo jihvāsiṃhāsanaprabhuḥ |
sravadgaṇḍollasaddhānajhaṅkāribhramarākulaḥ || 87 ||
ṭaṅkārasphārasaṃrāvaṣṭaṅkāramaṇinūpuraḥ |
ṭhadvayīpallavāntasthasarvamantreṣu siddhidaḥ || 88 ||
ḍiṇḍimuṇḍo ḍākinīśo ḍāmaro ḍiṇḍimapriyaḥ |
ḍhakkāninādamudito ḍhauṅko ḍhuṇḍhivināyakaḥ || 89 ||
tattvānāṃ prakṛtistattvaṃ tattvampadanirūpitaḥ |
tārakāntarasaṃsthānastārakastārakāntakaḥ || 90 ||
sthāṇuḥ sthāṇupriyaḥ sthātā sthāvaraṃ jaṅgamaṃ jagat |
dakṣayajñapramathano dātā dānaṃ damo dayā || 91 ||
dayāvāndivyavibhavo daṇḍabhṛddaṇḍanāyakaḥ |
dantaprabhinnābhramālo daityavāraṇadāraṇaḥ || 92 ||
daṃṣṭrālagnadvīpaghaṭo devārthanṛgajākṛtiḥ |
dhanaṃ dhanapaterbandhurdhanado dharaṇīdharaḥ || 93 ||
dhyānaikaprakaṭo dhyeyo dhyānaṃ dhyānaparāyaṇaḥ |
dhvaniprakṛticītkāro brahmāṇḍāvalimekhalaḥ || 94 ||
nandyo nandipriyo nādo nādamadhyapratiṣṭhitaḥ |
niṣkalo nirmalo nityo nityānityo nirāmayaḥ || 95 ||
paraṃ vyoma paraṃ dhāma paramātmā paraṃ padam || 96 ||
parātparaḥ paśupatiḥ paśupāśavimocanaḥ |
pūrṇānandaḥ parānandaḥ purāṇapuruṣottamaḥ || 97 ||
padmaprasannavadanaḥ praṇatājñānanāśanaḥ |
pramāṇapratyayātītaḥ praṇatārtinivāraṇaḥ || 98 ||
phaṇihastaḥ phaṇipatiḥ phūtkāraḥ phaṇitapriyaḥ |
bāṇārcitāṅghriyugalo bālakelikutūhalī |
brahma brahmārcitapado brahmacārī bṛhaspatiḥ || 99 ||
bṛhattamo brahmaparo brahmaṇyo brahmavitpriyaḥ |
bṛhannādāgryacītkāro brahmāṇḍāvalimekhalaḥ || 100 ||
bhrūkṣepadattalakṣmīko bhargo bhadro bhayāpahaḥ |
bhagavān bhaktisulabho bhūtido bhūtibhūṣaṇaḥ || 101 ||
bhavyo bhūtālayo bhogadātā bhrūmadhyagocaraḥ |
mantro mantrapatirmantrī madamatto mano mayaḥ || 102 ||
mekhalāhīśvaro mandagatirmandanibhekṣaṇaḥ |
mahābalo mahāvīryo mahāprāṇo mahāmanāḥ || 103 ||
yajño yajñapatiryajñagoptā yajñaphalapradaḥ |
yaśaskaro yogagamyo yājñiko yājakapriyaḥ || 104 ||
raso rasapriyo rasyo rañjako rāvaṇārcitaḥ |
rājyarakṣākaro ratnagarbho rājyasukhapradaḥ || 105 ||
lakṣo lakṣapatirlakṣyo layastho laḍḍukapriyaḥ |
lāsapriyo lāsyaparo lābhakṛllokaviśrutaḥ || 106 ||
vareṇyo vahnivadano vandyo vedāntagocaraḥ |
vikartā viśvataścakṣurvidhātā viśvatomukhaḥ || 107 ||
vāmadevo viśvanetā vajrivajranivāraṇaḥ |
vivasvadbandhano viśvādhāro viśveśvaro vibhuḥ || 108 ||
śabdabrahma śamaprāpyaḥ śambhuśaktigaṇeśvaraḥ |
śāstā śikhāgranilayaḥ śaraṇyaḥ śambareśvaraḥ || 109 ||
ṣaḍṛtukusumasragvī ṣaḍādhāraḥ ṣaḍakṣaraḥ |
saṃsāravaidyaḥ sarvajñaḥ sarvabheṣajabheṣajam || 110 ||
sṛṣṭisthitilayakrīḍaḥ surakuñjarabhedakaḥ |
sindūritamahākumbhaḥ sadasadbhaktidāyakaḥ || 111 ||
sākṣī samudramathanaḥ svayaṃvedyaḥ svadakṣiṇaḥ |
svatantraḥ satyasaṅkalpaḥ sāmagānarataḥ sukhī || 112 ||
haṃso hastipiśācīśo havanaṃ havyakavyabhuk |
havyaṃ hutapriyo hṛṣṭo hṛllekhāmantramadhyagaḥ || 113 ||
kṣetrādhipaḥ kṣamābhartā kṣamākṣamaparāyaṇaḥ |
kṣiprakṣemakaraḥ kṣemānandaḥ kṣoṇīsuradrumaḥ || 114 ||
dharmaprado'rthadaḥ kāmadātā saubhāgyavardhanaḥ |
vidyāprado vibhavado bhuktimuktiphalapradaḥ || 115 ||
ābhirūpyakaro vīraśrīprado vijayapradaḥ |
sarvavaśyakaro garbhadoṣahā putrapautradaḥ || 116 ||
medhādaḥ kīrtidaḥ śokahārī daurbhāgyanāśanaḥ |
prativādimukhastambho ruṣṭacittaprasādanaḥ || 117 ||
parābhicāraśamano duḥkhahā bandhamokṣadaḥ |
lavastruṭiḥ kalā kāṣṭhā nimeṣastatparakṣaṇaḥ || 118 ||
ghaṭī muhūrtaḥ praharo divā naktamaharniśam |
pakṣo māsartvayanābdayugaṃ kalpo mahālayaḥ || 119 ||
rāśistārā tithiryogo vāraḥ karaṇamaṃśakam |
lagnaṃ horā kālacakraṃ meruḥ saptarṣayo dhruvaḥ || 120 ||
rāhurmandaḥ kavirjīvo budho bhaumaḥ śaśī raviḥ |
kālaḥ sṛṣṭiḥ sthitirviśvaṃ sthāvaraṃ jaṅgamaṃ jagat || 121 ||
bhūrāpo'gnirmarudvyomāhaṅkṛtiḥ prakṛtiḥ pumān |
brahmā viṣṇuḥ śivo rudra īśaḥ śaktiḥ sadāśivaḥ || 122 ||
tridaśāḥ pitaraḥ siddhā yakṣā rakṣāṃsi kinnarāḥ |
siddhavidyādharā bhūtā manuṣyāḥ paśavaḥ khagāḥ || 123 ||
samudrāḥ saritaḥ śailā bhūtaṃ bhavyaṃ bhavodbhavaḥ |
sāṅkhyaṃ pātañjalaṃ yogaṃ purāṇāni śrutiḥ smṛtiḥ || 124 ||
vedāṅgāni sadācāro mīmāṃsā nyāyavistaraḥ |
āyurvedo dhanurvedo gāndharvaṃ kāvyanāṭakam || 125 ||
vaikhānasaṃ bhāgavataṃ mānuṣaṃ pāñcarātrakam |
śaivaṃ pāśupataṃ kālāmukhambhairavaśāsanam || 126 ||
śāktaṃ vaināyakaṃ sauraṃ jainamārhatasaṃhitā |
sadasadvyaktamavyaktaṃ sacetanamacetanam || 127 ||
bandho mokṣaḥ sukhaṃ bhogo yogaḥ satyamaṇurmahān |
svasti humphaṭ svadhā svāhā śrauṣaṭ vauṣaṭ vaṣaṇ namaḥ 128 ||
jñānaṃ vijñānamānando bodhaḥ saṃvitsamo'samaḥ |
eka ekākṣarādhāra ekākṣaraparāyaṇaḥ || 129 ||
ekāgradhīrekavīra eko'nekasvarūpadhṛk |
dvirūpo dvibhujo dvyakṣo dvirado dvīparakṣakaḥ || 130 ||
dvaimāturo dvivadano dvandvahīno dvayātigaḥ |
tridhāmā trikarastretā trivargaphaladāyakaḥ || 131 ||
triguṇātmā trilokādistriśaktīśastrilocanaḥ |
caturvidhavacovṛttiparivṛttipravartakaḥ || 132 ||
caturbāhuścaturdantaścaturātmā caturbhujaḥ |
caturvidhopāyamayaścaturvarṇāśramāśrayaḥ 133 ||
caturthīpūjanaprītaścaturthītithisambhavaḥ ||
pañcākṣarātmā pañcātmā pañcāsyaḥ pañcakṛttamaḥ || 134 ||
pañcādhāraḥ pañcavarṇaḥ pañcākṣaraparāyaṇaḥ |
pañcatālaḥ pañcakaraḥ pañcapraṇavamātṛkaḥ || 135 ||
pañcabrahmamayasphūrtiḥ pañcāvaraṇavāritaḥ |
pañcabhakṣapriyaḥ pañcabāṇaḥ pañcaśikhātmakaḥ || 136 ||
ṣaṭkoṇapīṭhaḥ ṣaṭcakradhāmā ṣaḍgranthibhedakaḥ |
ṣaḍaṅgadhvāntavidhvaṃsī ṣaḍaṅgulamahāhradaḥ || 137 ||
ṣaṇmukhaḥ ṣaṇmukhabhrātā ṣaṭśaktiparivāritaḥ |
ṣaḍvairivargavidhvaṃsī ṣaḍūrmibhayabhañjanaḥ || 138 ||
ṣaṭtarkadūraḥ ṣaṭkarmā ṣaḍguṇaḥ ṣaḍrasāśrayaḥ |
saptapātālacaraṇaḥ saptadvīporumaṇḍalaḥ || 139 ||
saptasvarlokamukuṭaḥ saptasaptivarapradaḥ |
saptāṅgarājyasukhadaḥ saptarṣigaṇavanditaḥ || 140 ||
saptacchandonidhiḥ saptahotraḥ saptasvarāśrayaḥ |
saptābdhikelikāsāraḥ saptamātṛniṣevitaḥ || 141 ||
saptacchando modamadaḥ saptacchando makhaprabhuḥ |
aṣṭamūrtirdhyeyamūrtiraṣṭaprakṛtikāraṇam || 142 ||
aṣṭāṅgayogaphalabhṛdaṣṭapatrāmbujāsanaḥ |
aṣṭaśaktisamānaśrīraṣṭaiśvaryapravardhanaḥ || 143 ||
aṣṭapīṭhopapīṭhaśrīraṣṭamātṛsamāvṛtaḥ |
aṣṭabhairavasevyo'ṣṭavasuvandyo'ṣṭamūrtibhṛt || 144 ||
aṣṭacakrasphuranmūrtiraṣṭadravyahaviḥpriyaḥ |
aṣṭaśrīraṣṭasāmaśrīraṣṭaiśvaryapradāyakaḥ |
navanāgāsanādhyāsī navanidhyanuśāsitaḥ || 145 ||
navadvārapurāvṛtto navadvāraniketanaḥ |
navanāthamahānātho navanāgavibhūṣitaḥ || 146 ||
navanārāyaṇastulyo navadurgāniṣevitaḥ |
navaratnavicitrāṅgo navaśaktiśiroddhṛtaḥ || 147 ||
daśātmako daśabhujo daśadikpativanditaḥ |
daśādhyāyo daśaprāṇo daśendriyaniyāmakaḥ || 148 ||
daśākṣaramahāmantro daśāśāvyāpivigrahaḥ |
ekādaśamahārudraiḥstutaścaikādaśākṣaraḥ || 149 ||
dvādaśadvidaśāṣṭādidordaṇḍāstraniketanaḥ |
trayodaśabhidābhinno viśvedevādhidaivatam || 150 ||
caturdaśendravaradaścaturdaśamanuprabhuḥ |
caturdaśādyavidyāḍhyaścaturdaśajagatpatiḥ || 151 ||
sāmapañcadaśaḥ pañcadaśīśītāṃśunirmalaḥ |
tithipañcadaśākārastithyā pañcadaśārcitaḥ || 152 ||
ṣoḍaśādhāranilayaḥ ṣoḍaśasvaramātṛkaḥ |
ṣoḍaśāntapadāvāsaḥ ṣoḍaśendukalātmakaḥ || 153 ||
kalāsaptadaśī saptadaśasaptadaśākṣaraḥ |
aṣṭādaśadvīpapatiraṣṭādaśapurāṇakṛt || 154 ||
aṣṭādaśauṣadhīsṛṣṭiraṣṭādaśavidhiḥ smṛtaḥ |
aṣṭādaśalipivyaṣṭisamaṣṭijñānakovidaḥ || 155 ||
aṣṭādaśānnasampattiraṣṭādaśavijātikṛt |
ekaviṃśaḥ pumānekaviṃśatyaṅgulipallavaḥ || 156 ||
caturviṃśatitattvātmā pañcaviṃśākhyapūruṣaḥ |
saptaviṃśatitāreśaḥ saptaviṃśatiyogakṛt || 157 ||
dvātriṃśadbhairavādhīśaścatustriṃśanmahāhradaḥ |
ṣaṭtriṃśattattvasambhūtiraṣṭatriṃśatkalātmakaḥ || 158 ||
pañcāśadviṣṇuśaktīśaḥ pañcāśanmātṛkālayaḥ |
dvipañcāśadvapuḥśreṇītriṣaṣṭyakṣarasaṃśrayaḥ |
pañcāśadakṣaraśreṇīpañcāśadrudravigrahaḥ || 159 ||
catuḥṣaṣṭimahāsiddhiyoginīvṛndavanditaḥ |
namadekonapañcāśanmarudvarganirargalaḥ || 160 ||
catuḥṣaṣṭyarthanirṇetā catuḥṣaṣṭikalānidhiḥ |
aṣṭaṣaṣṭimahātīrthakṣetrabhairavavanditaḥ || 161 ||
caturnavatimantrātmā ṣaṇṇavatyadhikaprabhuḥ |
śatānandaḥ śatadhṛtiḥ śatapatrāyatekṣaṇaḥ || 162 ||
śatānīkaḥ śatamakhaḥ śatadhārāvarāyudhaḥ |
sahasrapatranilayaḥ sahasraphaṇibhūṣaṇaḥ || 163 ||
sahasraśīrṣā puruṣaḥ sahasrākṣaḥ sahasrapāt |
sahasranāmasaṃstutyaḥ sahasrākṣabalāpahaḥ || 164 ||
daśasāhasraphaṇibhṛtphaṇirājakṛtāsanaḥ |
aṣṭāśītisahasrādyamaharṣistotrapāṭhitaḥ || 165 ||
lakṣādhāraḥ priyādhāro lakṣādhāramanomayaḥ |
caturlakṣajapaprītaścaturlakṣaprakāśakaḥ || 166 ||
caturaśītilakṣāṇāṃ jīvānāṃ dehasaṃsthitaḥ |
koṭisūryapratīkāśaḥ koṭicandrāṃśunirmalaḥ || 167 ||
śivodbhavādyaṣṭakoṭivaināyakadhurandharaḥ |
saptakoṭimahāmantramantritāvayavadyutiḥ || 168 ||
trayastriṃśatkoṭisuraśreṇīpraṇatapādukaḥ |
anantadevatāsevyo hyanantaśubhadāyakaḥ || 169 ||
anantanāmānantaśrīrananto'nantasaukhyadaḥ |
anantaśaktisahito hyanantamunisaṃstutaḥ || 170 ||
iti vaināyakaṃ nāmnāṃ sahasramidamīritam |
idaṃ brāhme muhūrte yaḥ paṭhati pratyahaṃ naraḥ || 171 ||
karasthaṃ tasya sakalamaihikāmuṣmikaṃ sukham |
āyurārogyamaiśvaryaṃ dhairyaṃ śauryaṃ balaṃ yaśaḥ || 172 ||
medhā prajñā dhṛtiḥ kāntiḥ saubhāgyamabhirūpatā |
satyaṃ dayā kṣamā śāntirdākṣiṇyaṃ dharmaśīlatā || 173 ||
jagatsaṃvananaṃ viśvasaṃvādo vedapāṭavam |
sabhāpāṇḍityamaudāryaṃ gāmbhīryaṃ brahmavarcasam || 174 ||
ojastejaḥ kulaṃ śīlaṃ pratāpo vīryamāryatā |
jñānaṃ vijñānamāstikyaṃ sthairyaṃ viśvāsatā tathā || 175 ||
dhanadhānyādivṛddhiśca sakṛdasya japādbhavet |
vaśyaṃ caturvidhaṃ viśvaṃ japādasya prajāyate || 176 ||
rājño rājakalatrasya rājaputrasya mantriṇaḥ |
japyate yasya vaśyārthe sa dāsastasya jāyate || 177 ||
dharmārthakāmamokṣāṇāmanāyāsena sādhanam |
śākinīḍākinīrakṣoyakṣagrahabhayāpaham || 178 ||
sāmrājyasukhadaṃ sarvasapatnamadamardanam |
samastakalahadhvaṃsi dagdhabījaprarohaṇam || 179 ||
duḥsvapnaśamanaṃ kruddhasvāmicittaprasādanam |
ṣaḍvargāṣṭamahāsiddhitrikālajñānakāraṇam || 180 ||
parakṛtyapraśamanaṃ paracakrapramardanam |
saṅgrāmamārge saveṣāmidamekaṃ jayāvaham || 181 ||
sarvavandhyatvadoṣaghnaṃ garbharakṣaikakāraṇam |
paṭhyate pratyahaṃ yatra stotraṃ gaṇapateridam || 182 ||
deśe tatra na durbhikṣamītayo duritāni ca |
na tadgehaṃ jahāti śrīryatrāyaṃ japyate stavaḥ || 183 ||
kṣayakuṣṭhapramehārśabhagandaraviṣūcikāḥ |
gulmaṃ plīhānamaśamānamatisāraṃ mahodaram || 184 ||
kāsaṃ śvāsamudāvartaṃ śūlaṃ śophāmayodaram |
śirorogaṃ vamiṃ hikkāṃ gaṇḍamālāmarocakam || 185 ||
vātapittakaphadvandvatridoṣajanitajvaram |
āgantuviṣamaṃ śītamuṣṇaṃ caikāhikādikam || 186 ||
ityādyuktamanuktaṃ vā rogadoṣādisambhavam |
sarvaṃ praśamayatyāśu stotrasyāsya sakṛjjapaḥ || 187 ||
prāpyate'sya japātsiddhiḥ strīśūdraiḥ patitairapi |
sahasranāmamantro'yaṃ japitavyaḥ śubhāptaye || 188 ||
mahāgaṇapateḥ stotraṃ sakāmaḥ prajapannidam |
icchayā sakalān bhogānupabhujyeha pārthivān || 189 ||
manorathaphalairdivyairvyomayānairmanoramaiḥ |
candrendrabhāskaropendrabrahmaśarvādisadmasu || 190 ||
kāmarūpaḥ kāmagatiḥ kāmadaḥ kāmadeśvaraḥ |
bhuktvā yathepsitānbhogānabhīṣṭaiḥ saha bandhubhiḥ || 191 ||
gaṇeśānucaro bhūtvā gaṇo gaṇapatipriyaḥ |
nandīśvarādisānandairnanditaḥ sakalairgaṇaiḥ || 192 ||
śivābhyāṃ kṛpayā putranirviśeṣaṃ ca lālitaḥ |
śivabhaktaḥ pūrṇakāmo gaṇeśvaravarātpunaḥ || 193 ||
jātismaro dharmaparaḥ sārvabhaumo'bhijāyate |
niṣkāmastu japannityaṃ bhaktyā vighneśatatparaḥ || 194 ||
yogasiddhiṃ parāṃ prāpya jñānavairāgyasaṃyutaḥ |
nirantare nirābādhe paramānandasañjñite || 195 ||
viśvottīrṇe pare pūrṇe punarāvṛttivarjite |
līno vaināyake dhāmni ramate nityanirvṛte || 196 ||
yo nāmabhirhutairdattaiḥ pūjayedarcayeennaraḥ |
rājāno vaśyatāṃ yānti ripavo yānti dāsatām || 197 ||
tasya sidhyanti mantrāṇāṃ durlabhāśceṣṭasiddhayaḥ |
mūlamantrādapi stotramidaṃ priyatamaṃ mama || 198 ||
nabhasye māsi śuklāyāṃ caturthyāṃ mama janmani |
dūrvābhirnāmabhiḥ pūjāṃ tarpaṇaṃ vidhivaccaret || 199 ||
aṣṭadravyairviśeṣeṇa kuryādbhaktisusaṃyutaḥ |
tasyepsitaṃ dhanaṃ dhānyamaiśvaryaṃ vijayo yaśaḥ || 200 ||
bhaviṣyati na sandehaḥ putrapautrādikaṃ sukham |
idaṃ prajapitaṃ stotraṃ paṭhitaṃ śrāvitaṃ śrutam || 201 ||
vyākṛtaṃ carcitaṃ dhyātaṃ vimṛṣṭamabhivanditam |
ihāmutra ca viśveṣāṃ viśvaiśvaryapradāyakam || 202 ||
svacchandacāriṇāpyeṣa yena sandhāryate stavaḥ |
sa rakṣyate śivodbhūtairgaṇairadhyaṣṭakoṭibhiḥ || 203 ||
likhitaṃ pustakastotraṃ mantrabhūtaṃ prapūjayet |
tatra sarvottamā lakṣmīḥ sannidhatte nirantaram || 204 ||
dānairaśeṣairakhilairvrataiśca tīrthairaśeṣairakhilairmakhaiśca |
na tatphalaṃ vindati yadgaṇeśasahasranāmasmaraṇena sadyaḥ || 205 ||
etannāmnāṃ sahasraṃ paṭhati dinamaṇau pratyahamprojjihāne
sāyaṃ madhyandine vā triṣavaṇamathavā santataṃ vā jano yaḥ |
sa syādaiśvaryadhuryaḥ prabhavati vacasāṃ kīrtimuccaistanoti
dāridryaṃ hanti viśvaṃ vaśayati suciraṃ vardhate putrapautraiḥ || 206 ||
akiñcanopyekacitto niyato niyatāsanaḥ |
prajapaṃścaturo māsān gaṇeśārcanatatparaḥ || 207 ||
daridratāṃ samunmūlya saptajanmānugāmapi |
labhate mahatīṃ lakṣmīmityājñā pārameśvarī || 208 ||
āyuṣyaṃ vītarogaṃ kulamativimalaṃ sampadaścārtināśaḥ
kīrtirnityāvadātā bhavati khalu navā kāntiravyājabhavyā |
putrāḥ santaḥ kalatraṃ guṇavadabhimataṃ yadyadanyacca tatta -
nnityaṃ yaḥ stotrametat paṭhati gaṇapatestasya haste samastam || 209 ||
gaṇañjayo gaṇapatirherambo dharaṇīdharaḥ |
mahāgaṇapatirbuddhipriyaḥ kṣipraprasādanaḥ || 210 ||
amoghasiddhiramṛtamantraścintāmaṇirnidhiḥ |
sumaṅgalo bījamāśāpūrako varadaḥ kalaḥ || 211 ||
kāśyapo nandano vācāsiddho ḍhuṇḍhirvināyakaḥ |
modakairebhiratraikaviṃśatyā nāmabhiḥ pumān || 212 ||
upāyanaṃ dadedbhaktyā matprasādaṃ cikīrṣati |
vatsaraṃ vighnarājo'sya tathyamiṣṭārthasiddhaye || 213 ||
yaḥ stauti madgatamanā mamārādhanatatparaḥ |
stuto nāmnā sahasreṇa tenāhaṃ nātra saṃśayaḥ || 214 ||
namo namaḥ suravarapūjitāṅghraye
namo namo nirupamamaṅgalātmane |
namo namo vipuladayaikasiddhaye
namo namaḥ karikalabhānanāya te || 215 ||
kiṅkiṇīgaṇaracitacaraṇaḥ
prakaṭitagurumitacārukaraṇaḥ |
madajalalaharīkalitakapolaḥ
śamayatu duritaṃ gaṇapatināmnā || 216 ||
|| iti śrīgaṇeśapurāṇe upāsanākhaṇḍe īśvaragaṇeśasaṃvāde
gaṇeśasahasranāmastotraṃ nāma ṣaṭcatvāriṃśodhyāyaḥ ||
Sanskrit — Devanagari (original)
मुनिरुवाच
कथं नाम्नां सहस्रं तं गणेश उपदिष्टवान् ।
शिवदं तन्ममाचक्ष्व लोकानुग्रहतत्पर ॥ 1 ॥
ब्रह्मोवाच
देवः पूर्वं पुरारातिः पुरत्रयजयोद्यमे ।
अनर्चनाद्गणेशस्य जातो विघ्नाकुलः किल ॥ 2 ॥
मनसा स विनिर्धार्य ददृशे विघ्नकारणम् ।
महागणपतिं भक्त्या समभ्यर्च्य यथाविधि ॥ 3 ॥
विघ्नप्रशमनोपायमपृच्छदपरिश्रमम् ।
सन्तुष्टः पूजया शम्भोर्महागणपतिः स्वयम् ॥ 4 ॥
सर्वविघ्नप्रशमनं सर्वकामफलप्रदम् ।
ततस्तस्मै स्वयं नाम्नां सहस्रमिदमब्रवीत् ॥ 5 ॥
अस्य श्रीमहागणपतिसहस्रनामस्तोत्रमालामन्त्रस्य ।
गणेश ऋषिः, महागणपतिर्देवता, नानाविधानिच्छन्दांसि ।
हुमिति बीजम्, तुङ्गमिति शक्तिः, स्वाहाशक्तिरिति कीलकम् ।
सकलविघ्नविनाशनद्वारा श्रीमहागणपतिप्रसादसिद्ध्यर्थे जपे विनियोगः ।
अथ करन्यासः
गणेश्वरो गणक्रीड इत्यङ्गुष्ठाभ्यां नमः ।
कुमारगुरुरीशान इति तर्जनीभ्यां नमः ॥
ब्रह्माण्डकुम्भश्चिद्व्योमेति मध्यमाभ्यां नमः ।
रक्तो रक्ताम्बरधर इत्यनामिकाभ्यां नमः
सर्वसद्गुरुसंसेव्य इति कनिष्ठिकाभ्यां नमः ।
लुप्तविघ्नः स्वभक्तानामिति करतलकरपृष्ठाभ्यां नमः ॥
अथ अङ्गन्यासः
छन्दश्छन्दोद्भव इति हृदयाय नमः ।
निष्कलो निर्मल इति शिरसे स्वाहा ।
सृष्टिस्थितिलयक्रीड इति शिखायै वषट् ।
ज्ञानं विज्ञानमानन्द इति कवचाय हुम् ।
अष्टाङ्गयोगफलभृदिति नेत्रत्रयाय वौषट् ।
अनन्तशक्तिसहित इत्यस्त्राय फट् ।
भूर्भुवः स्वरों इति दिग्बन्धः ।
अथ ध्यानम्
गजवदनमचिन्त्यं तीक्ष्णदंष्ट्रं त्रिनेत्रं
बृहदुदरमशेषं भूतिराजं पुराणम् ।
अमरवरसुपूज्यं रक्तवर्णं सुरेशं
पशुपतिसुतमीशं विघ्नराजं नमामि ॥
श्रीगणपतिरुवाच
ॐ गणेश्वरो गणक्रीडो गणनाथो गणाधिपः ।
एकदन्तो वक्रतुण्डो गजवक्त्रो महोदरः ॥ 1 ॥
लम्बोदरो धूम्रवर्णो विकटो विघ्ननाशनः ।
सुमुखो दुर्मुखो बुद्धो विघ्नराजो गजाननः ॥ 2 ॥
भीमः प्रमोद आमोदः सुरानन्दो मदोत्कटः ।
हेरम्बः शम्बरः शम्भुर्लम्बकर्णो महाबलः ॥ 3 ॥
नन्दनो लम्पटो भीमो मेघनादो गणञ्जयः ।
विनायको विरूपाक्षो वीरः शूरवरप्रदः ॥ 4 ॥
महागणपतिर्बुद्धिप्रियः क्षिप्रप्रसादनः ।
रुद्रप्रियो गणाध्यक्ष उमापुत्रोऽघनाशनः ॥ 5 ॥
कुमारगुरुरीशानपुत्रो मूषकवाहनः ।
सिद्धिप्रियः सिद्धिपतिः सिद्धः सिद्धिविनायकः ॥ 6 ॥
अविघ्नस्तुम्बुरुः सिंहवाहनो मोहिनीप्रियः ।
कटङ्कटो राजपुत्रः शाकलः सम्मितोमितः ॥ 7 ॥
कूष्माण्डसामसम्भूतिर्दुर्जयो धूर्जयो जयः ।
भूपतिर्भुवनपतिर्भूतानां पतिरव्ययः ॥ 8 ॥
विश्वकर्ता विश्वमुखो विश्वरूपो निधिर्गुणः ।
कविः कवीनामृषभो ब्रह्मण्यो ब्रह्मवित्प्रियः ॥ 9 ॥
ज्येष्ठराजो निधिपतिर्निधिप्रियपतिप्रियः ।
हिरण्मयपुरान्तःस्थः सूर्यमण्डलमध्यगः ॥ 10 ॥
कराहतिध्वस्तसिन्धुसलिलः पूषदन्तभित् ।
उमाङ्ककेलिकुतुकी मुक्तिदः कुलपावनः ॥ 11 ॥
किरीटी कुण्डली हारी वनमाली मनोमयः ।
वैमुख्यहतदैत्यश्रीः पादाहतिजितक्षितिः ॥ 12 ॥
सद्योजातः स्वर्णमुञ्जमेखली दुर्निमित्तहृत् ।
दुःस्वप्नहृत्प्रसहनो गुणी नादप्रतिष्ठितः ॥ 13 ॥
सुरूपः सर्वनेत्राधिवासो वीरासनाश्रयः ।
पीताम्बरः खण्डरदः खण्डवैशाखसंस्थितः ॥ 14 ॥
चित्राङ्गः श्यामदशनो भालचन्द्रो हविर्भुजः ।
योगाधिपस्तारकस्थः पुरुषो गजकर्णकः ॥ 15 ॥
गणाधिराजो विजयः स्थिरो गजपतिध्वजी ।
देवदेवः स्मरः प्राणदीपको वायुकीलकः ॥ 16 ॥
विपश्चिद्वरदो नादो नादभिन्नमहाचलः ।
वराहरदनो मृत्युञ्जयो व्याघ्राजिनाम्बरः ॥ 17 ॥
इच्छाशक्तिभवो देवत्राता दैत्यविमर्दनः ।
शम्भुवक्त्रोद्भवः शम्भुकोपहा शम्भुहास्यभूः ॥ 18 ॥
शम्भुतेजाः शिवाशोकहारी गौरीसुखावहः ।
उमाङ्गमलजो गौरीतेजोभूः स्वर्धुनीभवः ॥ 19 ॥
यज्ञकायो महानादो गिरिवर्ष्मा शुभाननः ।
सर्वात्मा सर्वदेवात्मा ब्रह्ममूर्धा ककुप्श्रुतिः ॥ 20 ॥
ब्रह्माण्डकुम्भश्चिद्व्योमभालःसत्यशिरोरुहः ।
जगज्जन्मलयोन्मेषनिमेषोऽग्न्यर्कसोमदृक् ॥ 21 ॥
गिरीन्द्रैकरदो धर्माधर्मोष्ठः सामबृंहितः ।
ग्रहर्क्षदशनो वाणीजिह्वो वासवनासिकः ॥ 22 ॥
भ्रूमध्यसंस्थितकरो ब्रह्मविद्यामदोदकः ।
कुलाचलांसः सोमार्कघण्टो रुद्रशिरोधरः ॥ 23 ॥
नदीनदभुजः सर्पाङ्गुलीकस्तारकानखः ।
व्योमनाभिः श्रीहृदयो मेरुपृष्ठोऽर्णवोदरः ॥ 24 ॥
कुक्षिस्थयक्षगन्धर्वरक्षःकिन्नरमानुषः ।
पृथ्वीकटिः सृष्टिलिङ्गः शैलोरुर्दस्रजानुकः ॥ 25 ॥
पातालजङ्घो मुनिपात्कालाङ्गुष्ठस्त्रयीतनुः ।
ज्योतिर्मण्डललाङ्गूलो हृदयालाननिश्चलः ॥ 26 ॥
हृत्पद्मकर्णिकाशाली वियत्केलिसरोवरः ।
सद्भक्तध्याननिगडः पूजावारिनिवारितः ॥ 27 ॥
प्रतापी काश्यपो मन्ता गणको विष्टपी बली ।
यशस्वी धार्मिको जेता प्रथमः प्रमथेश्वरः ॥ 28 ॥
चिन्तामणिर्द्वीपपतिः कल्पद्रुमवनालयः ।
रत्नमण्डपमध्यस्थो रत्नसिंहासनाश्रयः ॥ 29 ॥
तीव्राशिरोद्धृतपदो ज्वालिनीमौलिलालितः ।
नन्दानन्दितपीठश्रीर्भोगदो भूषितासनः ॥ 30 ॥
सकामदायिनीपीठः स्फुरदुग्रासनाश्रयः ।
तेजोवतीशिरोरत्नं सत्यानित्यावतंसितः ॥ 31 ॥
सविघ्ननाशिनीपीठः सर्वशक्त्यम्बुजालयः ।
लिपिपद्मासनाधारो वह्निधामत्रयालयः ॥ 32 ॥
उन्नतप्रपदो गूढगुल्फः संवृतपार्ष्णिकः ।
पीनजङ्घः श्लिष्टजानुः स्थूलोरुः प्रोन्नमत्कटिः ॥ 33 ॥
निम्ननाभिः स्थूलकुक्षिः पीनवक्षा बृहद्भुजः ।
पीनस्कन्धः कम्बुकण्ठो लम्बोष्ठो लम्बनासिकः ॥ 34 ॥
भग्नवामरदस्तुङ्गसव्यदन्तो महाहनुः ।
ह्रस्वनेत्रत्रयः शूर्पकर्णो निबिडमस्तकः ॥ 35 ॥
स्तबकाकारकुम्भाग्रो रत्नमौलिर्निरङ्कुशः ।
सर्पहारकटीसूत्रः सर्पयज्ञोपवीतवान् ॥ 36 ॥
सर्पकोटीरकटकः सर्पग्रैवेयकाङ्गदः ।
सर्पकक्षोदराबन्धः सर्पराजोत्तरच्छदः ॥ 37 ॥
रक्तो रक्ताम्बरधरो रक्तमालाविभूषणः ।
रक्तेक्षनो रक्तकरो रक्तताल्वोष्ठपल्लवः ॥ 38 ॥
श्वेतः श्वेताम्बरधरः श्वेतमालाविभूषणः ।
श्वेतातपत्ररुचिरः श्वेतचामरवीजितः ॥ 39 ॥
सर्वावयवसम्पूर्णः सर्वलक्षणलक्षितः ।
सर्वाभरणशोभाढ्यः सर्वशोभासमन्वितः ॥ 40 ॥
सर्वमङ्गलमाङ्गल्यः सर्वकारणकारणम् ।
सर्वदेववरः शार्ङ्गी बीजपूरी गदाधरः ॥ 41 ॥
शुभाङ्गो लोकसारङ्गः सुतन्तुस्तन्तुवर्धनः ।
किरीटी कुण्डली हारी वनमाली शुभाङ्गदः ॥ 42 ॥
इक्षुचापधरः शूली चक्रपाणिः सरोजभृत् ।
पाशी धृतोत्पलः शालिमञ्जरीभृत्स्वदन्तभृत् ॥ 43 ॥
कल्पवल्लीधरो विश्वाभयदैककरो वशी ।
अक्षमालाधरो ज्ञानमुद्रावान् मुद्गरायुधः ॥ 44 ॥
पूर्णपात्री कम्बुधरो विधृताङ्कुशमूलकः ।
करस्थाम्रफलश्चूतकलिकाभृत्कुठारवान् ॥ 45 ॥
पुष्करस्थस्वर्णघटीपूर्णरत्नाभिवर्षकः ।
भारतीसुन्दरीनाथो विनायकरतिप्रियः ॥ 46 ॥
महालक्ष्मीप्रियतमः सिद्धलक्ष्मीमनोरमः ।
रमारमेशपूर्वाङ्गो दक्षिणोमामहेश्वरः ॥ 47 ॥
महीवराहवामाङ्गो रतिकन्दर्पपश्चिमः ।
आमोदमोदजननः सप्रमोदप्रमोदनः ॥ 48 ॥
संवर्धितमहावृद्धिरृद्धिसिद्धिप्रवर्धनः ।
दन्तसौमुख्यसुमुखः कान्तिकन्दलिताश्रयः ॥ 49 ॥
मदनावत्याश्रिताङ्घ्रिः कृतवैमुख्यदुर्मुखः ।
विघ्नसम्पल्लवः पद्मः सर्वोन्नतमदद्रवः ॥ 50 ॥
विघ्नकृन्निम्नचरणो द्राविणीशक्तिसत्कृतः ।
तीव्राप्रसन्ननयनो ज्वालिनीपालितैकदृक् ॥ 51 ॥
मोहिनीमोहनो भोगदायिनीकान्तिमण्डनः ।
कामिनीकान्तवक्त्रश्रीरधिष्ठितवसुन्धरः ॥ 52 ॥
वसुधारामदोन्नादो महाशङ्खनिधिप्रियः ।
नमद्वसुमतीमाली महापद्मनिधिः प्रभुः ॥ 53 ॥
सर्वसद्गुरुसंसेव्यः शोचिष्केशहृदाश्रयः ।
ईशानमूर्धा देवेन्द्रशिखः पवननन्दनः ॥ 54 ॥
प्रत्युग्रनयनो दिव्यो दिव्यास्त्रशतपर्वधृक् ।
ऐरावतादिसर्वाशावारणो वारणप्रियः ॥ 55 ॥
वज्राद्यस्त्रपरीवारो गणचण्डसमाश्रयः ।
जयाजयपरिकरो विजयाविजयावहः ॥ 56 ॥
अजयार्चितपादाब्जो नित्यानन्दवनस्थितः ।
विलासिनीकृतोल्लासः शौण्डी सौन्दर्यमण्डितः ॥ 57 ॥
अनन्तानन्तसुखदः सुमङ्गलसुमङ्गलः ।
ज्ञानाश्रयः क्रियाधार इच्छाशक्तिनिषेवितः ॥ 58 ॥
सुभगासंश्रितपदो ललिताललिताश्रयः ।
कामिनीपालनः कामकामिनीकेलिलालितः ॥ 59 ॥
सरस्वत्याश्रयो गौरीनन्दनः श्रीनिकेतनः ।
गुरुगुप्तपदो वाचासिद्धो वागीश्वरीपतिः ॥ 60 ॥
नलिनीकामुको वामारामो ज्येष्ठामनोरमः ।
रौद्रीमुद्रितपादाब्जो हुम्बीजस्तुङ्गशक्तिकः ॥ 61 ॥
विश्वादिजननत्राणः स्वाहाशक्तिः सकीलकः ।
अमृताब्धिकृतावासो मदघूर्णितलोचनः ॥ 62 ॥
उच्छिष्टोच्छिष्टगणको गणेशो गणनायकः ।
सार्वकालिकसंसिद्धिर्नित्यसेव्यो दिगम्बरः ॥ 63 ॥
अनपायोऽनन्तदृष्टिरप्रमेयोऽजरामरः ।
अनाविलोऽप्रतिहतिरच्युतोऽमृतमक्षरः ॥ 64 ॥
अप्रतर्क्योऽक्षयोऽजय्योऽनाधारोऽनामयोमलः ।
अमेयसिद्धिरद्वैतमघोरोऽग्निसमाननः ॥ 65 ॥
अनाकारोऽब्धिभूम्यग्निबलघ्नोऽव्यक्तलक्षणः ।
आधारपीठमाधार आधाराधेयवर्जितः ॥ 66 ॥
आखुकेतन आशापूरक आखुमहारथः ।
इक्षुसागरमध्यस्थ इक्षुभक्षणलालसः ॥ 67 ॥
इक्षुचापातिरेकश्रीरिक्षुचापनिषेवितः ।
इन्द्रगोपसमानश्रीरिन्द्रनीलसमद्युतिः ॥ 68 ॥
इन्दीवरदलश्याम इन्दुमण्डलमण्डितः ।
इध्मप्रिय इडाभाग इडावानिन्दिराप्रियः ॥ 69 ॥
इक्ष्वाकुविघ्नविध्वंसी इतिकर्तव्यतेप्सितः ।
ईशानमौलिरीशान ईशानप्रिय ईतिहा ॥ 70 ॥
ईषणात्रयकल्पान्त ईहामात्रविवर्जितः ।
उपेन्द्र उडुभृन्मौलिरुडुनाथकरप्रियः ॥ 71 ॥
उन्नतानन उत्तुङ्ग उदारस्त्रिदशाग्रणीः ।
ऊर्जस्वानूष्मलमद ऊहापोहदुरासदः ॥ 72 ॥
ऋग्यजुःसामनयन ऋद्धिसिद्धिसमर्पकः ।
ऋजुचित्तैकसुलभो ऋणत्रयविमोचनः ॥ 73 ॥
लुप्तविघ्नः स्वभक्तानां लुप्तशक्तिः सुरद्विषाम् ।
लुप्तश्रीर्विमुखार्चानां लूताविस्फोटनाशनः ॥ 74 ॥
एकारपीठमध्यस्थ एकपादकृतासनः ।
एजिताखिलदैत्यश्रीरेधिताखिलसंश्रयः ॥ 75 ॥
ऐश्वर्यनिधिरैश्वर्यमैहिकामुष्मिकप्रदः ।
ऐरम्मदसमोन्मेष ऐरावतसमाननः ॥ 76 ॥
ओङ्कारवाच्य ओङ्कार ओजस्वानोषधीपतिः ।
औदार्यनिधिरौद्धत्यधैर्य औन्नत्यनिःसमः ॥ 77 ॥
अङ्कुशः सुरनागानामङ्कुशाकारसंस्थितः ।
अः समस्तविसर्गान्तपदेषु परिकीर्तितः ॥ 78 ॥
कमण्डलुधरः कल्पः कपर्दी कलभाननः ।
कर्मसाक्षी कर्मकर्ता कर्माकर्मफलप्रदः ॥ 79 ॥
कदम्बगोलकाकारः कूष्माण्डगणनायकः ।
कारुण्यदेहः कपिलः कथकः कटिसूत्रभृत् ॥ 80 ॥
खर्वः खड्गप्रियः खड्गः खान्तान्तःस्थः खनिर्मलः ।
खल्वाटशृङ्गनिलयः खट्वाङ्गी खदुरासदः ॥ 81 ॥
गुणाढ्यो गहनो गद्यो गद्यपद्यसुधार्णवः ।
गद्यगानप्रियो गर्जो गीतगीर्वाणपूर्वजः ॥ 82 ॥
गुह्याचाररतो गुह्यो गुह्यागमनिरूपितः ।
गुहाशयो गुडाब्धिस्थो गुरुगम्यो गुरुर्गुरुः ॥ 83 ॥
घण्टाघर्घरिकामाली घटकुम्भो घटोदरः ।
ङकारवाच्यो ङाकारो ङकाराकारशुण्डभृत् ॥ 84 ॥
चण्डश्चण्डेश्वरश्चण्डी चण्डेशश्चण्डविक्रमः ।
चराचरपिता चिन्तामणिश्चर्वणलालसः ॥ 85 ॥
छन्दश्छन्दोद्भवश्छन्दो दुर्लक्ष्यश्छन्दविग्रहः ।
जगद्योनिर्जगत्साक्षी जगदीशो जगन्मयः ॥ 86 ॥
जप्यो जपपरो जाप्यो जिह्वासिंहासनप्रभुः ।
स्रवद्गण्डोल्लसद्धानझङ्कारिभ्रमराकुलः ॥ 87 ॥
टङ्कारस्फारसंरावष्टङ्कारमणिनूपुरः ।
ठद्वयीपल्लवान्तस्थसर्वमन्त्रेषु सिद्धिदः ॥ 88 ॥
डिण्डिमुण्डो डाकिनीशो डामरो डिण्डिमप्रियः ।
ढक्कानिनादमुदितो ढौङ्को ढुण्ढिविनायकः ॥ 89 ॥
तत्त्वानां प्रकृतिस्तत्त्वं तत्त्वम्पदनिरूपितः ।
तारकान्तरसंस्थानस्तारकस्तारकान्तकः ॥ 90 ॥
स्थाणुः स्थाणुप्रियः स्थाता स्थावरं जङ्गमं जगत् ।
दक्षयज्ञप्रमथनो दाता दानं दमो दया ॥ 91 ॥
दयावान्दिव्यविभवो दण्डभृद्दण्डनायकः ।
दन्तप्रभिन्नाभ्रमालो दैत्यवारणदारणः ॥ 92 ॥
दंष्ट्रालग्नद्वीपघटो देवार्थनृगजाकृतिः ।
धनं धनपतेर्बन्धुर्धनदो धरणीधरः ॥ 93 ॥
ध्यानैकप्रकटो ध्येयो ध्यानं ध्यानपरायणः ।
ध्वनिप्रकृतिचीत्कारो ब्रह्माण्डावलिमेखलः ॥ 94 ॥
नन्द्यो नन्दिप्रियो नादो नादमध्यप्रतिष्ठितः ।
निष्कलो निर्मलो नित्यो नित्यानित्यो निरामयः ॥ 95 ॥
परं व्योम परं धाम परमात्मा परं पदम् ॥ 96 ॥
परात्परः पशुपतिः पशुपाशविमोचनः ।
पूर्णानन्दः परानन्दः पुराणपुरुषोत्तमः ॥ 97 ॥
पद्मप्रसन्नवदनः प्रणताज्ञाननाशनः ।
प्रमाणप्रत्ययातीतः प्रणतार्तिनिवारणः ॥ 98 ॥
फणिहस्तः फणिपतिः फूत्कारः फणितप्रियः ।
बाणार्चिताङ्घ्रियुगलो बालकेलिकुतूहली ।
ब्रह्म ब्रह्मार्चितपदो ब्रह्मचारी बृहस्पतिः ॥ 99 ॥
बृहत्तमो ब्रह्मपरो ब्रह्मण्यो ब्रह्मवित्प्रियः ।
बृहन्नादाग्र्यचीत्कारो ब्रह्माण्डावलिमेखलः ॥ 100 ॥
भ्रूक्षेपदत्तलक्ष्मीको भर्गो भद्रो भयापहः ।
भगवान् भक्तिसुलभो भूतिदो भूतिभूषणः ॥ 101 ॥
भव्यो भूतालयो भोगदाता भ्रूमध्यगोचरः ।
मन्त्रो मन्त्रपतिर्मन्त्री मदमत्तो मनो मयः ॥ 102 ॥
मेखलाहीश्वरो मन्दगतिर्मन्दनिभेक्षणः ।
महाबलो महावीर्यो महाप्राणो महामनाः ॥ 103 ॥
यज्ञो यज्ञपतिर्यज्ञगोप्ता यज्ञफलप्रदः ।
यशस्करो योगगम्यो याज्ञिको याजकप्रियः ॥ 104 ॥
रसो रसप्रियो रस्यो रञ्जको रावणार्चितः ।
राज्यरक्षाकरो रत्नगर्भो राज्यसुखप्रदः ॥ 105 ॥
लक्षो लक्षपतिर्लक्ष्यो लयस्थो लड्डुकप्रियः ।
लासप्रियो लास्यपरो लाभकृल्लोकविश्रुतः ॥ 106 ॥
वरेण्यो वह्निवदनो वन्द्यो वेदान्तगोचरः ।
विकर्ता विश्वतश्चक्षुर्विधाता विश्वतोमुखः ॥ 107 ॥
वामदेवो विश्वनेता वज्रिवज्रनिवारणः ।
विवस्वद्बन्धनो विश्वाधारो विश्वेश्वरो विभुः ॥ 108 ॥
शब्दब्रह्म शमप्राप्यः शम्भुशक्तिगणेश्वरः ।
शास्ता शिखाग्रनिलयः शरण्यः शम्बरेश्वरः ॥ 109 ॥
षडृतुकुसुमस्रग्वी षडाधारः षडक्षरः ।
संसारवैद्यः सर्वज्ञः सर्वभेषजभेषजम् ॥ 110 ॥
सृष्टिस्थितिलयक्रीडः सुरकुञ्जरभेदकः ।
सिन्दूरितमहाकुम्भः सदसद्भक्तिदायकः ॥ 111 ॥
साक्षी समुद्रमथनः स्वयंवेद्यः स्वदक्षिणः ।
स्वतन्त्रः सत्यसङ्कल्पः सामगानरतः सुखी ॥ 112 ॥
हंसो हस्तिपिशाचीशो हवनं हव्यकव्यभुक् ।
हव्यं हुतप्रियो हृष्टो हृल्लेखामन्त्रमध्यगः ॥ 113 ॥
क्षेत्राधिपः क्षमाभर्ता क्षमाक्षमपरायणः ।
क्षिप्रक्षेमकरः क्षेमानन्दः क्षोणीसुरद्रुमः ॥ 114 ॥
धर्मप्रदोऽर्थदः कामदाता सौभाग्यवर्धनः ।
विद्याप्रदो विभवदो भुक्तिमुक्तिफलप्रदः ॥ 115 ॥
आभिरूप्यकरो वीरश्रीप्रदो विजयप्रदः ।
सर्ववश्यकरो गर्भदोषहा पुत्रपौत्रदः ॥ 116 ॥
मेधादः कीर्तिदः शोकहारी दौर्भाग्यनाशनः ।
प्रतिवादिमुखस्तम्भो रुष्टचित्तप्रसादनः ॥ 117 ॥
पराभिचारशमनो दुःखहा बन्धमोक्षदः ।
लवस्त्रुटिः कला काष्ठा निमेषस्तत्परक्षणः ॥ 118 ॥
घटी मुहूर्तः प्रहरो दिवा नक्तमहर्निशम् ।
पक्षो मासर्त्वयनाब्दयुगं कल्पो महालयः ॥ 119 ॥
राशिस्तारा तिथिर्योगो वारः करणमंशकम् ।
लग्नं होरा कालचक्रं मेरुः सप्तर्षयो ध्रुवः ॥ 120 ॥
राहुर्मन्दः कविर्जीवो बुधो भौमः शशी रविः ।
कालः सृष्टिः स्थितिर्विश्वं स्थावरं जङ्गमं जगत् ॥ 121 ॥
भूरापोऽग्निर्मरुद्व्योमाहङ्कृतिः प्रकृतिः पुमान् ।
ब्रह्मा विष्णुः शिवो रुद्र ईशः शक्तिः सदाशिवः ॥ 122 ॥
त्रिदशाः पितरः सिद्धा यक्षा रक्षांसि किन्नराः ।
सिद्धविद्याधरा भूता मनुष्याः पशवः खगाः ॥ 123 ॥
समुद्राः सरितः शैला भूतं भव्यं भवोद्भवः ।
साङ्ख्यं पातञ्जलं योगं पुराणानि श्रुतिः स्मृतिः ॥ 124 ॥
वेदाङ्गानि सदाचारो मीमांसा न्यायविस्तरः ।
आयुर्वेदो धनुर्वेदो गान्धर्वं काव्यनाटकम् ॥ 125 ॥
वैखानसं भागवतं मानुषं पाञ्चरात्रकम् ।
शैवं पाशुपतं कालामुखम्भैरवशासनम् ॥ 126 ॥
शाक्तं वैनायकं सौरं जैनमार्हतसंहिता ।
सदसद्व्यक्तमव्यक्तं सचेतनमचेतनम् ॥ 127 ॥
बन्धो मोक्षः सुखं भोगो योगः सत्यमणुर्महान् ।
स्वस्ति हुम्फट् स्वधा स्वाहा श्रौषट् वौषट् वषण् नमः 128 ॥
ज्ञानं विज्ञानमानन्दो बोधः संवित्समोऽसमः ।
एक एकाक्षराधार एकाक्षरपरायणः ॥ 129 ॥
एकाग्रधीरेकवीर एकोऽनेकस्वरूपधृक् ।
द्विरूपो द्विभुजो द्व्यक्षो द्विरदो द्वीपरक्षकः ॥ 130 ॥
द्वैमातुरो द्विवदनो द्वन्द्वहीनो द्वयातिगः ।
त्रिधामा त्रिकरस्त्रेता त्रिवर्गफलदायकः ॥ 131 ॥
त्रिगुणात्मा त्रिलोकादिस्त्रिशक्तीशस्त्रिलोचनः ।
चतुर्विधवचोवृत्तिपरिवृत्तिप्रवर्तकः ॥ 132 ॥
चतुर्बाहुश्चतुर्दन्तश्चतुरात्मा चतुर्भुजः ।
चतुर्विधोपायमयश्चतुर्वर्णाश्रमाश्रयः 133 ॥
चतुर्थीपूजनप्रीतश्चतुर्थीतिथिसम्भवः ॥
पञ्चाक्षरात्मा पञ्चात्मा पञ्चास्यः पञ्चकृत्तमः ॥ 134 ॥
पञ्चाधारः पञ्चवर्णः पञ्चाक्षरपरायणः ।
पञ्चतालः पञ्चकरः पञ्चप्रणवमातृकः ॥ 135 ॥
पञ्चब्रह्ममयस्फूर्तिः पञ्चावरणवारितः ।
पञ्चभक्षप्रियः पञ्चबाणः पञ्चशिखात्मकः ॥ 136 ॥
षट्कोणपीठः षट्चक्रधामा षड्ग्रन्थिभेदकः ।
षडङ्गध्वान्तविध्वंसी षडङ्गुलमहाह्रदः ॥ 137 ॥
षण्मुखः षण्मुखभ्राता षट्शक्तिपरिवारितः ।
षड्वैरिवर्गविध्वंसी षडूर्मिभयभञ्जनः ॥ 138 ॥
षट्तर्कदूरः षट्कर्मा षड्गुणः षड्रसाश्रयः ।
सप्तपातालचरणः सप्तद्वीपोरुमण्डलः ॥ 139 ॥
सप्तस्वर्लोकमुकुटः सप्तसप्तिवरप्रदः ।
सप्ताङ्गराज्यसुखदः सप्तर्षिगणवन्दितः ॥ 140 ॥
सप्तच्छन्दोनिधिः सप्तहोत्रः सप्तस्वराश्रयः ।
सप्ताब्धिकेलिकासारः सप्तमातृनिषेवितः ॥ 141 ॥
सप्तच्छन्दो मोदमदः सप्तच्छन्दो मखप्रभुः ।
अष्टमूर्तिर्ध्येयमूर्तिरष्टप्रकृतिकारणम् ॥ 142 ॥
अष्टाङ्गयोगफलभृदष्टपत्राम्बुजासनः ।
अष्टशक्तिसमानश्रीरष्टैश्वर्यप्रवर्धनः ॥ 143 ॥
अष्टपीठोपपीठश्रीरष्टमातृसमावृतः ।
अष्टभैरवसेव्योऽष्टवसुवन्द्योऽष्टमूर्तिभृत् ॥ 144 ॥
अष्टचक्रस्फुरन्मूर्तिरष्टद्रव्यहविःप्रियः ।
अष्टश्रीरष्टसामश्रीरष्टैश्वर्यप्रदायकः ।
नवनागासनाध्यासी नवनिध्यनुशासितः ॥ 145 ॥
नवद्वारपुरावृत्तो नवद्वारनिकेतनः ।
नवनाथमहानाथो नवनागविभूषितः ॥ 146 ॥
नवनारायणस्तुल्यो नवदुर्गानिषेवितः ।
नवरत्नविचित्राङ्गो नवशक्तिशिरोद्धृतः ॥ 147 ॥
दशात्मको दशभुजो दशदिक्पतिवन्दितः ।
दशाध्यायो दशप्राणो दशेन्द्रियनियामकः ॥ 148 ॥
दशाक्षरमहामन्त्रो दशाशाव्यापिविग्रहः ।
एकादशमहारुद्रैःस्तुतश्चैकादशाक्षरः ॥ 149 ॥
द्वादशद्विदशाष्टादिदोर्दण्डास्त्रनिकेतनः ।
त्रयोदशभिदाभिन्नो विश्वेदेवाधिदैवतम् ॥ 150 ॥
चतुर्दशेन्द्रवरदश्चतुर्दशमनुप्रभुः ।
चतुर्दशाद्यविद्याढ्यश्चतुर्दशजगत्पतिः ॥ 151 ॥
सामपञ्चदशः पञ्चदशीशीतांशुनिर्मलः ।
तिथिपञ्चदशाकारस्तिथ्या पञ्चदशार्चितः ॥ 152 ॥
षोडशाधारनिलयः षोडशस्वरमातृकः ।
षोडशान्तपदावासः षोडशेन्दुकलात्मकः ॥ 153 ॥
कलासप्तदशी सप्तदशसप्तदशाक्षरः ।
अष्टादशद्वीपपतिरष्टादशपुराणकृत् ॥ 154 ॥
अष्टादशौषधीसृष्टिरष्टादशविधिः स्मृतः ।
अष्टादशलिपिव्यष्टिसमष्टिज्ञानकोविदः ॥ 155 ॥
अष्टादशान्नसम्पत्तिरष्टादशविजातिकृत् ।
एकविंशः पुमानेकविंशत्यङ्गुलिपल्लवः ॥ 156 ॥
चतुर्विंशतितत्त्वात्मा पञ्चविंशाख्यपूरुषः ।
सप्तविंशतितारेशः सप्तविंशतियोगकृत् ॥ 157 ॥
द्वात्रिंशद्भैरवाधीशश्चतुस्त्रिंशन्महाह्रदः ।
षट्त्रिंशत्तत्त्वसम्भूतिरष्टत्रिंशत्कलात्मकः ॥ 158 ॥
पञ्चाशद्विष्णुशक्तीशः पञ्चाशन्मातृकालयः ।
द्विपञ्चाशद्वपुःश्रेणीत्रिषष्ट्यक्षरसंश्रयः ।
पञ्चाशदक्षरश्रेणीपञ्चाशद्रुद्रविग्रहः ॥ 159 ॥
चतुःषष्टिमहासिद्धियोगिनीवृन्दवन्दितः ।
नमदेकोनपञ्चाशन्मरुद्वर्गनिरर्गलः ॥ 160 ॥
चतुःषष्ट्यर्थनिर्णेता चतुःषष्टिकलानिधिः ।
अष्टषष्टिमहातीर्थक्षेत्रभैरववन्दितः ॥ 161 ॥
चतुर्नवतिमन्त्रात्मा षण्णवत्यधिकप्रभुः ।
शतानन्दः शतधृतिः शतपत्रायतेक्षणः ॥ 162 ॥
शतानीकः शतमखः शतधारावरायुधः ।
सहस्रपत्रनिलयः सहस्रफणिभूषणः ॥ 163 ॥
सहस्रशीर्षा पुरुषः सहस्राक्षः सहस्रपात् ।
सहस्रनामसंस्तुत्यः सहस्राक्षबलापहः ॥ 164 ॥
दशसाहस्रफणिभृत्फणिराजकृतासनः ।
अष्टाशीतिसहस्राद्यमहर्षिस्तोत्रपाठितः ॥ 165 ॥
लक्षाधारः प्रियाधारो लक्षाधारमनोमयः ।
चतुर्लक्षजपप्रीतश्चतुर्लक्षप्रकाशकः ॥ 166 ॥
चतुरशीतिलक्षाणां जीवानां देहसंस्थितः ।
कोटिसूर्यप्रतीकाशः कोटिचन्द्रांशुनिर्मलः ॥ 167 ॥
शिवोद्भवाद्यष्टकोटिवैनायकधुरन्धरः ।
सप्तकोटिमहामन्त्रमन्त्रितावयवद्युतिः ॥ 168 ॥
त्रयस्त्रिंशत्कोटिसुरश्रेणीप्रणतपादुकः ।
अनन्तदेवतासेव्यो ह्यनन्तशुभदायकः ॥ 169 ॥
अनन्तनामानन्तश्रीरनन्तोऽनन्तसौख्यदः ।
अनन्तशक्तिसहितो ह्यनन्तमुनिसंस्तुतः ॥ 170 ॥
इति वैनायकं नाम्नां सहस्रमिदमीरितम् ।
इदं ब्राह्मे मुहूर्ते यः पठति प्रत्यहं नरः ॥ 171 ॥
करस्थं तस्य सकलमैहिकामुष्मिकं सुखम् ।
आयुरारोग्यमैश्वर्यं धैर्यं शौर्यं बलं यशः ॥ 172 ॥
मेधा प्रज्ञा धृतिः कान्तिः सौभाग्यमभिरूपता ।
सत्यं दया क्षमा शान्तिर्दाक्षिण्यं धर्मशीलता ॥ 173 ॥
जगत्संवननं विश्वसंवादो वेदपाटवम् ।
सभापाण्डित्यमौदार्यं गाम्भीर्यं ब्रह्मवर्चसम् ॥ 174 ॥
ओजस्तेजः कुलं शीलं प्रतापो वीर्यमार्यता ।
ज्ञानं विज्ञानमास्तिक्यं स्थैर्यं विश्वासता तथा ॥ 175 ॥
धनधान्यादिवृद्धिश्च सकृदस्य जपाद्भवेत् ।
वश्यं चतुर्विधं विश्वं जपादस्य प्रजायते ॥ 176 ॥
राज्ञो राजकलत्रस्य राजपुत्रस्य मन्त्रिणः ।
जप्यते यस्य वश्यार्थे स दासस्तस्य जायते ॥ 177 ॥
धर्मार्थकाममोक्षाणामनायासेन साधनम् ।
शाकिनीडाकिनीरक्षोयक्षग्रहभयापहम् ॥ 178 ॥
साम्राज्यसुखदं सर्वसपत्नमदमर्दनम् ।
समस्तकलहध्वंसि दग्धबीजप्ररोहणम् ॥ 179 ॥
दुःस्वप्नशमनं क्रुद्धस्वामिचित्तप्रसादनम् ।
षड्वर्गाष्टमहासिद्धित्रिकालज्ञानकारणम् ॥ 180 ॥
परकृत्यप्रशमनं परचक्रप्रमर्दनम् ।
सङ्ग्राममार्गे सवेषामिदमेकं जयावहम् ॥ 181 ॥
सर्ववन्ध्यत्वदोषघ्नं गर्भरक्षैककारणम् ।
पठ्यते प्रत्यहं यत्र स्तोत्रं गणपतेरिदम् ॥ 182 ॥
देशे तत्र न दुर्भिक्षमीतयो दुरितानि च ।
न तद्गेहं जहाति श्रीर्यत्रायं जप्यते स्तवः ॥ 183 ॥
क्षयकुष्ठप्रमेहार्शभगन्दरविषूचिकाः ।
गुल्मं प्लीहानमशमानमतिसारं महोदरम् ॥ 184 ॥
कासं श्वासमुदावर्तं शूलं शोफामयोदरम् ।
शिरोरोगं वमिं हिक्कां गण्डमालामरोचकम् ॥ 185 ॥
वातपित्तकफद्वन्द्वत्रिदोषजनितज्वरम् ।
आगन्तुविषमं शीतमुष्णं चैकाहिकादिकम् ॥ 186 ॥
इत्याद्युक्तमनुक्तं वा रोगदोषादिसम्भवम् ।
सर्वं प्रशमयत्याशु स्तोत्रस्यास्य सकृज्जपः ॥ 187 ॥
प्राप्यतेऽस्य जपात्सिद्धिः स्त्रीशूद्रैः पतितैरपि ।
सहस्रनाममन्त्रोऽयं जपितव्यः शुभाप्तये ॥ 188 ॥
महागणपतेः स्तोत्रं सकामः प्रजपन्निदम् ।
इच्छया सकलान् भोगानुपभुज्येह पार्थिवान् ॥ 189 ॥
मनोरथफलैर्दिव्यैर्व्योमयानैर्मनोरमैः ।
चन्द्रेन्द्रभास्करोपेन्द्रब्रह्मशर्वादिसद्मसु ॥ 190 ॥
कामरूपः कामगतिः कामदः कामदेश्वरः ।
भुक्त्वा यथेप्सितान्भोगानभीष्टैः सह बन्धुभिः ॥ 191 ॥
गणेशानुचरो भूत्वा गणो गणपतिप्रियः ।
नन्दीश्वरादिसानन्दैर्नन्दितः सकलैर्गणैः ॥ 192 ॥
शिवाभ्यां कृपया पुत्रनिर्विशेषं च लालितः ।
शिवभक्तः पूर्णकामो गणेश्वरवरात्पुनः ॥ 193 ॥
जातिस्मरो धर्मपरः सार्वभौमोऽभिजायते ।
निष्कामस्तु जपन्नित्यं भक्त्या विघ्नेशतत्परः ॥ 194 ॥
योगसिद्धिं परां प्राप्य ज्ञानवैराग्यसंयुतः ।
निरन्तरे निराबाधे परमानन्दसञ्ज्ञिते ॥ 195 ॥
विश्वोत्तीर्णे परे पूर्णे पुनरावृत्तिवर्जिते ।
लीनो वैनायके धाम्नि रमते नित्यनिर्वृते ॥ 196 ॥
यो नामभिर्हुतैर्दत्तैः पूजयेदर्चयेएन्नरः ।
राजानो वश्यतां यान्ति रिपवो यान्ति दासताम् ॥ 197 ॥
तस्य सिध्यन्ति मन्त्राणां दुर्लभाश्चेष्टसिद्धयः ।
मूलमन्त्रादपि स्तोत्रमिदं प्रियतमं मम ॥ 198 ॥
नभस्ये मासि शुक्लायां चतुर्थ्यां मम जन्मनि ।
दूर्वाभिर्नामभिः पूजां तर्पणं विधिवच्चरेत् ॥ 199 ॥
अष्टद्रव्यैर्विशेषेण कुर्याद्भक्तिसुसंयुतः ।
तस्येप्सितं धनं धान्यमैश्वर्यं विजयो यशः ॥ 200 ॥
भविष्यति न सन्देहः पुत्रपौत्रादिकं सुखम् ।
इदं प्रजपितं स्तोत्रं पठितं श्रावितं श्रुतम् ॥ 201 ॥
व्याकृतं चर्चितं ध्यातं विमृष्टमभिवन्दितम् ।
इहामुत्र च विश्वेषां विश्वैश्वर्यप्रदायकम् ॥ 202 ॥
स्वच्छन्दचारिणाप्येष येन सन्धार्यते स्तवः ।
स रक्ष्यते शिवोद्भूतैर्गणैरध्यष्टकोटिभिः ॥ 203 ॥
लिखितं पुस्तकस्तोत्रं मन्त्रभूतं प्रपूजयेत् ।
तत्र सर्वोत्तमा लक्ष्मीः सन्निधत्ते निरन्तरम् ॥ 204 ॥
दानैरशेषैरखिलैर्व्रतैश्च तीर्थैरशेषैरखिलैर्मखैश्च ।
न तत्फलं विन्दति यद्गणेशसहस्रनामस्मरणेन सद्यः ॥ 205 ॥
एतन्नाम्नां सहस्रं पठति दिनमणौ प्रत्यहम्प्रोज्जिहाने
सायं मध्यन्दिने वा त्रिषवणमथवा सन्ततं वा जनो यः ।
स स्यादैश्वर्यधुर्यः प्रभवति वचसां कीर्तिमुच्चैस्तनोति
दारिद्र्यं हन्ति विश्वं वशयति सुचिरं वर्धते पुत्रपौत्रैः ॥ 206 ॥
अकिञ्चनोप्येकचित्तो नियतो नियतासनः ।
प्रजपंश्चतुरो मासान् गणेशार्चनतत्परः ॥ 207 ॥
दरिद्रतां समुन्मूल्य सप्तजन्मानुगामपि ।
लभते महतीं लक्ष्मीमित्याज्ञा पारमेश्वरी ॥ 208 ॥
आयुष्यं वीतरोगं कुलमतिविमलं सम्पदश्चार्तिनाशः
कीर्तिर्नित्यावदाता भवति खलु नवा कान्तिरव्याजभव्या ।
पुत्राः सन्तः कलत्रं गुणवदभिमतं यद्यदन्यच्च तत्त -
न्नित्यं यः स्तोत्रमेतत् पठति गणपतेस्तस्य हस्ते समस्तम् ॥ 209 ॥
गणञ्जयो गणपतिर्हेरम्बो धरणीधरः ।
महागणपतिर्बुद्धिप्रियः क्षिप्रप्रसादनः ॥ 210 ॥
अमोघसिद्धिरमृतमन्त्रश्चिन्तामणिर्निधिः ।
सुमङ्गलो बीजमाशापूरको वरदः कलः ॥ 211 ॥
काश्यपो नन्दनो वाचासिद्धो ढुण्ढिर्विनायकः ।
मोदकैरेभिरत्रैकविंशत्या नामभिः पुमान् ॥ 212 ॥
उपायनं ददेद्भक्त्या मत्प्रसादं चिकीर्षति ।
वत्सरं विघ्नराजोऽस्य तथ्यमिष्टार्थसिद्धये ॥ 213 ॥
यः स्तौति मद्गतमना ममाराधनतत्परः ।
स्तुतो नाम्ना सहस्रेण तेनाहं नात्र संशयः ॥ 214 ॥
नमो नमः सुरवरपूजिताङ्घ्रये
नमो नमो निरुपममङ्गलात्मने ।
नमो नमो विपुलदयैकसिद्धये
नमो नमः करिकलभाननाय ते ॥ 215 ॥
किङ्किणीगणरचितचरणः
प्रकटितगुरुमितचारुकरणः ।
मदजललहरीकलितकपोलः
शमयतु दुरितं गणपतिनाम्ना ॥ 216 ॥
॥ इति श्रीगणेशपुराणे उपासनाखण्डे ईश्वरगणेशसंवादे
गणेशसहस्रनामस्तोत्रं नाम षट्चत्वारिंशोध्यायः ॥
muniruvāca
kathaṃ nāmnāṃ sahasraṃ taṃ gaṇeśa upadiṣṭavān |
śivadaṃ tanmamācakṣva lokānugrahatatpara || 1 ||
brahmovāca
devaḥ pūrvaṃ purārātiḥ puratrayajayodyame |
anarcanādgaṇeśasya jāto vighnākulaḥ kila || 2 ||
manasā sa vinirdhārya dadṛśe vighnakāraṇam |
mahāgaṇapatiṃ bhaktyā samabhyarcya yathāvidhi || 3 ||
vighnapraśamanopāyamapṛcchadapariśramam |
santuṣṭaḥ pūjayā śambhormahāgaṇapatiḥ svayam || 4 ||
sarvavighnapraśamanaṃ sarvakāmaphalapradam |
tatastasmai svayaṃ nāmnāṃ sahasramidamabravīt || 5 ||
asya śrīmahāgaṇapatisahasranāmastotramālāmantrasya |
gaṇeśa ṛṣiḥ, mahāgaṇapatirdevatā, nānāvidhānicchandāṃsi |
humiti bījam, tuṅgamiti śaktiḥ, svāhāśaktiriti kīlakam |
sakalavighnavināśanadvārā śrīmahāgaṇapatiprasādasiddhyarthe jape viniyogaḥ |
atha karanyāsaḥ
gaṇeśvaro gaṇakrīḍa ityaṅguṣṭhābhyāṃ namaḥ |
kumāragururīśāna iti tarjanībhyāṃ namaḥ ||
brahmāṇḍakumbhaścidvyometi madhyamābhyāṃ namaḥ |
rakto raktāmbaradhara ityanāmikābhyāṃ namaḥ
sarvasadgurusaṃsevya iti kaniṣṭhikābhyāṃ namaḥ |
luptavighnaḥ svabhaktānāmiti karatalakarapṛṣṭhābhyāṃ namaḥ ||
atha aṅganyāsaḥ
chandaśchandodbhava iti hṛdayāya namaḥ |
niṣkalo nirmala iti śirase svāhā |
sṛṣṭisthitilayakrīḍa iti śikhāyai vaṣaṭ |
jñānaṃ vijñānamānanda iti kavacāya hum |
aṣṭāṅgayogaphalabhṛditi netratrayāya vauṣaṭ |
anantaśaktisahita ityastrāya phaṭ |
bhūrbhuvaḥ svaroṃ iti digbandhaḥ |
atha dhyānam
gajavadanamacintyaṃ tīkṣṇadaṃṣṭraṃ trinetraṃ
bṛhadudaramaśeṣaṃ bhūtirājaṃ purāṇam |
amaravarasupūjyaṃ raktavarṇaṃ sureśaṃ
paśupatisutamīśaṃ vighnarājaṃ namāmi ||
śrīgaṇapatiruvāca
oṃ gaṇeśvaro gaṇakrīḍo gaṇanātho gaṇādhipaḥ |
ekadanto vakratuṇḍo gajavaktro mahodaraḥ || 1 ||
lambodaro dhūmravarṇo vikaṭo vighnanāśanaḥ |
sumukho durmukho buddho vighnarājo gajānanaḥ || 2 ||
bhīmaḥ pramoda āmodaḥ surānando madotkaṭaḥ |
herambaḥ śambaraḥ śambhurlambakarṇo mahābalaḥ || 3 ||
nandano lampaṭo bhīmo meghanādo gaṇañjayaḥ |
vināyako virūpākṣo vīraḥ śūravarapradaḥ || 4 ||
mahāgaṇapatirbuddhipriyaḥ kṣipraprasādanaḥ |
rudrapriyo gaṇādhyakṣa umāputro'ghanāśanaḥ || 5 ||
kumāragururīśānaputro mūṣakavāhanaḥ |
siddhipriyaḥ siddhipatiḥ siddhaḥ siddhivināyakaḥ || 6 ||
avighnastumburuḥ siṃhavāhano mohinīpriyaḥ |
kaṭaṅkaṭo rājaputraḥ śākalaḥ sammitomitaḥ || 7 ||
kūṣmāṇḍasāmasambhūtirdurjayo dhūrjayo jayaḥ |
bhūpatirbhuvanapatirbhūtānāṃ patiravyayaḥ || 8 ||
viśvakartā viśvamukho viśvarūpo nidhirguṇaḥ |
kaviḥ kavīnāmṛṣabho brahmaṇyo brahmavitpriyaḥ || 9 ||
jyeṣṭharājo nidhipatirnidhipriyapatipriyaḥ |
hiraṇmayapurāntaḥsthaḥ sūryamaṇḍalamadhyagaḥ || 10 ||
karāhatidhvastasindhusalilaḥ pūṣadantabhit |
umāṅkakelikutukī muktidaḥ kulapāvanaḥ || 11 ||
kirīṭī kuṇḍalī hārī vanamālī manomayaḥ |
vaimukhyahatadaityaśrīḥ pādāhatijitakṣitiḥ || 12 ||
sadyojātaḥ svarṇamuñjamekhalī durnimittahṛt |
duḥsvapnahṛtprasahano guṇī nādapratiṣṭhitaḥ || 13 ||
surūpaḥ sarvanetrādhivāso vīrāsanāśrayaḥ |
pītāmbaraḥ khaṇḍaradaḥ khaṇḍavaiśākhasaṃsthitaḥ || 14 ||
citrāṅgaḥ śyāmadaśano bhālacandro havirbhujaḥ |
yogādhipastārakasthaḥ puruṣo gajakarṇakaḥ || 15 ||
gaṇādhirājo vijayaḥ sthiro gajapatidhvajī |
devadevaḥ smaraḥ prāṇadīpako vāyukīlakaḥ || 16 ||
vipaścidvarado nādo nādabhinnamahācalaḥ |
varāharadano mṛtyuñjayo vyāghrājināmbaraḥ || 17 ||
icchāśaktibhavo devatrātā daityavimardanaḥ |
śambhuvaktrodbhavaḥ śambhukopahā śambhuhāsyabhūḥ || 18 ||
śambhutejāḥ śivāśokahārī gaurīsukhāvahaḥ |
umāṅgamalajo gaurītejobhūḥ svardhunībhavaḥ || 19 ||
yajñakāyo mahānādo girivarṣmā śubhānanaḥ |
sarvātmā sarvadevātmā brahmamūrdhā kakupśrutiḥ || 20 ||
brahmāṇḍakumbhaścidvyomabhālaḥsatyaśiroruhaḥ |
jagajjanmalayonmeṣanimeṣo'gnyarkasomadṛk || 21 ||
girīndraikarado dharmādharmoṣṭhaḥ sāmabṛṃhitaḥ |
graharkṣadaśano vāṇījihvo vāsavanāsikaḥ || 22 ||
bhrūmadhyasaṃsthitakaro brahmavidyāmadodakaḥ |
kulācalāṃsaḥ somārkaghaṇṭo rudraśirodharaḥ || 23 ||
nadīnadabhujaḥ sarpāṅgulīkastārakānakhaḥ |
vyomanābhiḥ śrīhṛdayo merupṛṣṭho'rṇavodaraḥ || 24 ||
kukṣisthayakṣagandharvarakṣaḥkinnaramānuṣaḥ |
pṛthvīkaṭiḥ sṛṣṭiliṅgaḥ śailorurdasrajānukaḥ || 25 ||
pātālajaṅgho munipātkālāṅguṣṭhastrayītanuḥ |
jyotirmaṇḍalalāṅgūlo hṛdayālānaniścalaḥ || 26 ||
hṛtpadmakarṇikāśālī viyatkelisarovaraḥ |
sadbhaktadhyānanigaḍaḥ pūjāvārinivāritaḥ || 27 ||
pratāpī kāśyapo mantā gaṇako viṣṭapī balī |
yaśasvī dhārmiko jetā prathamaḥ pramatheśvaraḥ || 28 ||
cintāmaṇirdvīpapatiḥ kalpadrumavanālayaḥ |
ratnamaṇḍapamadhyastho ratnasiṃhāsanāśrayaḥ || 29 ||
tīvrāśiroddhṛtapado jvālinīmaulilālitaḥ |
nandānanditapīṭhaśrīrbhogado bhūṣitāsanaḥ || 30 ||
sakāmadāyinīpīṭhaḥ sphuradugrāsanāśrayaḥ |
tejovatīśiroratnaṃ satyānityāvataṃsitaḥ || 31 ||
savighnanāśinīpīṭhaḥ sarvaśaktyambujālayaḥ |
lipipadmāsanādhāro vahnidhāmatrayālayaḥ || 32 ||
unnataprapado gūḍhagulphaḥ saṃvṛtapārṣṇikaḥ |
pīnajaṅghaḥ śliṣṭajānuḥ sthūloruḥ pronnamatkaṭiḥ || 33 ||
nimnanābhiḥ sthūlakukṣiḥ pīnavakṣā bṛhadbhujaḥ |
pīnaskandhaḥ kambukaṇṭho lamboṣṭho lambanāsikaḥ || 34 ||
bhagnavāmaradastuṅgasavyadanto mahāhanuḥ |
hrasvanetratrayaḥ śūrpakarṇo nibiḍamastakaḥ || 35 ||
stabakākārakumbhāgro ratnamaulirniraṅkuśaḥ |
sarpahārakaṭīsūtraḥ sarpayajñopavītavān || 36 ||
sarpakoṭīrakaṭakaḥ sarpagraiveyakāṅgadaḥ |
sarpakakṣodarābandhaḥ sarparājottaracchadaḥ || 37 ||
rakto raktāmbaradharo raktamālāvibhūṣaṇaḥ |
raktekṣano raktakaro raktatālvoṣṭhapallavaḥ || 38 ||
śvetaḥ śvetāmbaradharaḥ śvetamālāvibhūṣaṇaḥ |
śvetātapatraruciraḥ śvetacāmaravījitaḥ || 39 ||
sarvāvayavasampūrṇaḥ sarvalakṣaṇalakṣitaḥ |
sarvābharaṇaśobhāḍhyaḥ sarvaśobhāsamanvitaḥ || 40 ||
sarvamaṅgalamāṅgalyaḥ sarvakāraṇakāraṇam |
sarvadevavaraḥ śārṅgī bījapūrī gadādharaḥ || 41 ||
śubhāṅgo lokasāraṅgaḥ sutantustantuvardhanaḥ |
kirīṭī kuṇḍalī hārī vanamālī śubhāṅgadaḥ || 42 ||
ikṣucāpadharaḥ śūlī cakrapāṇiḥ sarojabhṛt |
pāśī dhṛtotpalaḥ śālimañjarībhṛtsvadantabhṛt || 43 ||
kalpavallīdharo viśvābhayadaikakaro vaśī |
akṣamālādharo jñānamudrāvān mudgarāyudhaḥ || 44 ||
pūrṇapātrī kambudharo vidhṛtāṅkuśamūlakaḥ |
karasthāmraphalaścūtakalikābhṛtkuṭhāravān || 45 ||
puṣkarasthasvarṇaghaṭīpūrṇaratnābhivarṣakaḥ |
bhāratīsundarīnātho vināyakaratipriyaḥ || 46 ||
mahālakṣmīpriyatamaḥ siddhalakṣmīmanoramaḥ |
ramārameśapūrvāṅgo dakṣiṇomāmaheśvaraḥ || 47 ||
mahīvarāhavāmāṅgo ratikandarpapaścimaḥ |
āmodamodajananaḥ sapramodapramodanaḥ || 48 ||
saṃvardhitamahāvṛddhirṛddhisiddhipravardhanaḥ |
dantasaumukhyasumukhaḥ kāntikandalitāśrayaḥ || 49 ||
madanāvatyāśritāṅghriḥ kṛtavaimukhyadurmukhaḥ |
vighnasampallavaḥ padmaḥ sarvonnatamadadravaḥ || 50 ||
vighnakṛnnimnacaraṇo drāviṇīśaktisatkṛtaḥ |
tīvrāprasannanayano jvālinīpālitaikadṛk || 51 ||
mohinīmohano bhogadāyinīkāntimaṇḍanaḥ |
kāminīkāntavaktraśrīradhiṣṭhitavasundharaḥ || 52 ||
vasudhārāmadonnādo mahāśaṅkhanidhipriyaḥ |
namadvasumatīmālī mahāpadmanidhiḥ prabhuḥ || 53 ||
sarvasadgurusaṃsevyaḥ śociṣkeśahṛdāśrayaḥ |
īśānamūrdhā devendraśikhaḥ pavananandanaḥ || 54 ||
pratyugranayano divyo divyāstraśataparvadhṛk |
airāvatādisarvāśāvāraṇo vāraṇapriyaḥ || 55 ||
vajrādyastraparīvāro gaṇacaṇḍasamāśrayaḥ |
jayājayaparikaro vijayāvijayāvahaḥ || 56 ||
ajayārcitapādābjo nityānandavanasthitaḥ |
vilāsinīkṛtollāsaḥ śauṇḍī saundaryamaṇḍitaḥ || 57 ||
anantānantasukhadaḥ sumaṅgalasumaṅgalaḥ |
jñānāśrayaḥ kriyādhāra icchāśaktiniṣevitaḥ || 58 ||
subhagāsaṃśritapado lalitālalitāśrayaḥ |
kāminīpālanaḥ kāmakāminīkelilālitaḥ || 59 ||
sarasvatyāśrayo gaurīnandanaḥ śrīniketanaḥ |
guruguptapado vācāsiddho vāgīśvarīpatiḥ || 60 ||
nalinīkāmuko vāmārāmo jyeṣṭhāmanoramaḥ |
raudrīmudritapādābjo humbījastuṅgaśaktikaḥ || 61 ||
viśvādijananatrāṇaḥ svāhāśaktiḥ sakīlakaḥ |
amṛtābdhikṛtāvāso madaghūrṇitalocanaḥ || 62 ||
ucchiṣṭocchiṣṭagaṇako gaṇeśo gaṇanāyakaḥ |
sārvakālikasaṃsiddhirnityasevyo digambaraḥ || 63 ||
anapāyo'nantadṛṣṭiraprameyo'jarāmaraḥ |
anāvilo'pratihatiracyuto'mṛtamakṣaraḥ || 64 ||
apratarkyo'kṣayo'jayyo'nādhāro'nāmayomalaḥ |
ameyasiddhiradvaitamaghoro'gnisamānanaḥ || 65 ||
anākāro'bdhibhūmyagnibalaghno'vyaktalakṣaṇaḥ |
ādhārapīṭhamādhāra ādhārādheyavarjitaḥ || 66 ||
ākhuketana āśāpūraka ākhumahārathaḥ |
ikṣusāgaramadhyastha ikṣubhakṣaṇalālasaḥ || 67 ||
ikṣucāpātirekaśrīrikṣucāpaniṣevitaḥ |
indragopasamānaśrīrindranīlasamadyutiḥ || 68 ||
indīvaradalaśyāma indumaṇḍalamaṇḍitaḥ |
idhmapriya iḍābhāga iḍāvānindirāpriyaḥ || 69 ||
ikṣvākuvighnavidhvaṃsī itikartavyatepsitaḥ |
īśānamaulirīśāna īśānapriya ītihā || 70 ||
īṣaṇātrayakalpānta īhāmātravivarjitaḥ |
upendra uḍubhṛnmauliruḍunāthakarapriyaḥ || 71 ||
unnatānana uttuṅga udārastridaśāgraṇīḥ |
ūrjasvānūṣmalamada ūhāpohadurāsadaḥ || 72 ||
ṛgyajuḥsāmanayana ṛddhisiddhisamarpakaḥ |
ṛjucittaikasulabho ṛṇatrayavimocanaḥ || 73 ||
luptavighnaḥ svabhaktānāṃ luptaśaktiḥ suradviṣām |
luptaśrīrvimukhārcānāṃ lūtāvisphoṭanāśanaḥ || 74 ||
ekārapīṭhamadhyastha ekapādakṛtāsanaḥ |
ejitākhiladaityaśrīredhitākhilasaṃśrayaḥ || 75 ||
aiśvaryanidhiraiśvaryamaihikāmuṣmikapradaḥ |
airammadasamonmeṣa airāvatasamānanaḥ || 76 ||
oṅkāravācya oṅkāra ojasvānoṣadhīpatiḥ |
audāryanidhirauddhatyadhairya aunnatyaniḥsamaḥ || 77 ||
aṅkuśaḥ suranāgānāmaṅkuśākārasaṃsthitaḥ |
aḥ samastavisargāntapadeṣu parikīrtitaḥ || 78 ||
kamaṇḍaludharaḥ kalpaḥ kapardī kalabhānanaḥ |
karmasākṣī karmakartā karmākarmaphalapradaḥ || 79 ||
kadambagolakākāraḥ kūṣmāṇḍagaṇanāyakaḥ |
kāruṇyadehaḥ kapilaḥ kathakaḥ kaṭisūtrabhṛt || 80 ||
kharvaḥ khaḍgapriyaḥ khaḍgaḥ khāntāntaḥsthaḥ khanirmalaḥ |
khalvāṭaśṛṅganilayaḥ khaṭvāṅgī khadurāsadaḥ || 81 ||
guṇāḍhyo gahano gadyo gadyapadyasudhārṇavaḥ |
gadyagānapriyo garjo gītagīrvāṇapūrvajaḥ || 82 ||
guhyācārarato guhyo guhyāgamanirūpitaḥ |
guhāśayo guḍābdhistho gurugamyo gururguruḥ || 83 ||
ghaṇṭāghargharikāmālī ghaṭakumbho ghaṭodaraḥ |
ṅakāravācyo ṅākāro ṅakārākāraśuṇḍabhṛt || 84 ||
caṇḍaścaṇḍeśvaraścaṇḍī caṇḍeśaścaṇḍavikramaḥ |
carācarapitā cintāmaṇiścarvaṇalālasaḥ || 85 ||
chandaśchandodbhavaśchando durlakṣyaśchandavigrahaḥ |
jagadyonirjagatsākṣī jagadīśo jaganmayaḥ || 86 ||
japyo japaparo jāpyo jihvāsiṃhāsanaprabhuḥ |
sravadgaṇḍollasaddhānajhaṅkāribhramarākulaḥ || 87 ||
ṭaṅkārasphārasaṃrāvaṣṭaṅkāramaṇinūpuraḥ |
ṭhadvayīpallavāntasthasarvamantreṣu siddhidaḥ || 88 ||
ḍiṇḍimuṇḍo ḍākinīśo ḍāmaro ḍiṇḍimapriyaḥ |
ḍhakkāninādamudito ḍhauṅko ḍhuṇḍhivināyakaḥ || 89 ||
tattvānāṃ prakṛtistattvaṃ tattvampadanirūpitaḥ |
tārakāntarasaṃsthānastārakastārakāntakaḥ || 90 ||
sthāṇuḥ sthāṇupriyaḥ sthātā sthāvaraṃ jaṅgamaṃ jagat |
dakṣayajñapramathano dātā dānaṃ damo dayā || 91 ||
dayāvāndivyavibhavo daṇḍabhṛddaṇḍanāyakaḥ |
dantaprabhinnābhramālo daityavāraṇadāraṇaḥ || 92 ||
daṃṣṭrālagnadvīpaghaṭo devārthanṛgajākṛtiḥ |
dhanaṃ dhanapaterbandhurdhanado dharaṇīdharaḥ || 93 ||
dhyānaikaprakaṭo dhyeyo dhyānaṃ dhyānaparāyaṇaḥ |
dhvaniprakṛticītkāro brahmāṇḍāvalimekhalaḥ || 94 ||
nandyo nandipriyo nādo nādamadhyapratiṣṭhitaḥ |
niṣkalo nirmalo nityo nityānityo nirāmayaḥ || 95 ||
paraṃ vyoma paraṃ dhāma paramātmā paraṃ padam || 96 ||
parātparaḥ paśupatiḥ paśupāśavimocanaḥ |
pūrṇānandaḥ parānandaḥ purāṇapuruṣottamaḥ || 97 ||
padmaprasannavadanaḥ praṇatājñānanāśanaḥ |
pramāṇapratyayātītaḥ praṇatārtinivāraṇaḥ || 98 ||
phaṇihastaḥ phaṇipatiḥ phūtkāraḥ phaṇitapriyaḥ |
bāṇārcitāṅghriyugalo bālakelikutūhalī |
brahma brahmārcitapado brahmacārī bṛhaspatiḥ || 99 ||
bṛhattamo brahmaparo brahmaṇyo brahmavitpriyaḥ |
bṛhannādāgryacītkāro brahmāṇḍāvalimekhalaḥ || 100 ||
bhrūkṣepadattalakṣmīko bhargo bhadro bhayāpahaḥ |
bhagavān bhaktisulabho bhūtido bhūtibhūṣaṇaḥ || 101 ||
bhavyo bhūtālayo bhogadātā bhrūmadhyagocaraḥ |
mantro mantrapatirmantrī madamatto mano mayaḥ || 102 ||
mekhalāhīśvaro mandagatirmandanibhekṣaṇaḥ |
mahābalo mahāvīryo mahāprāṇo mahāmanāḥ || 103 ||
yajño yajñapatiryajñagoptā yajñaphalapradaḥ |
yaśaskaro yogagamyo yājñiko yājakapriyaḥ || 104 ||
raso rasapriyo rasyo rañjako rāvaṇārcitaḥ |
rājyarakṣākaro ratnagarbho rājyasukhapradaḥ || 105 ||
lakṣo lakṣapatirlakṣyo layastho laḍḍukapriyaḥ |
lāsapriyo lāsyaparo lābhakṛllokaviśrutaḥ || 106 ||
vareṇyo vahnivadano vandyo vedāntagocaraḥ |
vikartā viśvataścakṣurvidhātā viśvatomukhaḥ || 107 ||
vāmadevo viśvanetā vajrivajranivāraṇaḥ |
vivasvadbandhano viśvādhāro viśveśvaro vibhuḥ || 108 ||
śabdabrahma śamaprāpyaḥ śambhuśaktigaṇeśvaraḥ |
śāstā śikhāgranilayaḥ śaraṇyaḥ śambareśvaraḥ || 109 ||
ṣaḍṛtukusumasragvī ṣaḍādhāraḥ ṣaḍakṣaraḥ |
saṃsāravaidyaḥ sarvajñaḥ sarvabheṣajabheṣajam || 110 ||
sṛṣṭisthitilayakrīḍaḥ surakuñjarabhedakaḥ |
sindūritamahākumbhaḥ sadasadbhaktidāyakaḥ || 111 ||
sākṣī samudramathanaḥ svayaṃvedyaḥ svadakṣiṇaḥ |
svatantraḥ satyasaṅkalpaḥ sāmagānarataḥ sukhī || 112 ||
haṃso hastipiśācīśo havanaṃ havyakavyabhuk |
havyaṃ hutapriyo hṛṣṭo hṛllekhāmantramadhyagaḥ || 113 ||
kṣetrādhipaḥ kṣamābhartā kṣamākṣamaparāyaṇaḥ |
kṣiprakṣemakaraḥ kṣemānandaḥ kṣoṇīsuradrumaḥ || 114 ||
dharmaprado'rthadaḥ kāmadātā saubhāgyavardhanaḥ |
vidyāprado vibhavado bhuktimuktiphalapradaḥ || 115 ||
ābhirūpyakaro vīraśrīprado vijayapradaḥ |
sarvavaśyakaro garbhadoṣahā putrapautradaḥ || 116 ||
medhādaḥ kīrtidaḥ śokahārī daurbhāgyanāśanaḥ |
prativādimukhastambho ruṣṭacittaprasādanaḥ || 117 ||
parābhicāraśamano duḥkhahā bandhamokṣadaḥ |
lavastruṭiḥ kalā kāṣṭhā nimeṣastatparakṣaṇaḥ || 118 ||
ghaṭī muhūrtaḥ praharo divā naktamaharniśam |
pakṣo māsartvayanābdayugaṃ kalpo mahālayaḥ || 119 ||
rāśistārā tithiryogo vāraḥ karaṇamaṃśakam |
lagnaṃ horā kālacakraṃ meruḥ saptarṣayo dhruvaḥ || 120 ||
rāhurmandaḥ kavirjīvo budho bhaumaḥ śaśī raviḥ |
kālaḥ sṛṣṭiḥ sthitirviśvaṃ sthāvaraṃ jaṅgamaṃ jagat || 121 ||
bhūrāpo'gnirmarudvyomāhaṅkṛtiḥ prakṛtiḥ pumān |
brahmā viṣṇuḥ śivo rudra īśaḥ śaktiḥ sadāśivaḥ || 122 ||
tridaśāḥ pitaraḥ siddhā yakṣā rakṣāṃsi kinnarāḥ |
siddhavidyādharā bhūtā manuṣyāḥ paśavaḥ khagāḥ || 123 ||
samudrāḥ saritaḥ śailā bhūtaṃ bhavyaṃ bhavodbhavaḥ |
sāṅkhyaṃ pātañjalaṃ yogaṃ purāṇāni śrutiḥ smṛtiḥ || 124 ||
vedāṅgāni sadācāro mīmāṃsā nyāyavistaraḥ |
āyurvedo dhanurvedo gāndharvaṃ kāvyanāṭakam || 125 ||
vaikhānasaṃ bhāgavataṃ mānuṣaṃ pāñcarātrakam |
śaivaṃ pāśupataṃ kālāmukhambhairavaśāsanam || 126 ||
śāktaṃ vaināyakaṃ sauraṃ jainamārhatasaṃhitā |
sadasadvyaktamavyaktaṃ sacetanamacetanam || 127 ||
bandho mokṣaḥ sukhaṃ bhogo yogaḥ satyamaṇurmahān |
svasti humphaṭ svadhā svāhā śrauṣaṭ vauṣaṭ vaṣaṇ namaḥ 128 ||
jñānaṃ vijñānamānando bodhaḥ saṃvitsamo'samaḥ |
eka ekākṣarādhāra ekākṣaraparāyaṇaḥ || 129 ||
ekāgradhīrekavīra eko'nekasvarūpadhṛk |
dvirūpo dvibhujo dvyakṣo dvirado dvīparakṣakaḥ || 130 ||
dvaimāturo dvivadano dvandvahīno dvayātigaḥ |
tridhāmā trikarastretā trivargaphaladāyakaḥ || 131 ||
triguṇātmā trilokādistriśaktīśastrilocanaḥ |
caturvidhavacovṛttiparivṛttipravartakaḥ || 132 ||
caturbāhuścaturdantaścaturātmā caturbhujaḥ |
caturvidhopāyamayaścaturvarṇāśramāśrayaḥ 133 ||
caturthīpūjanaprītaścaturthītithisambhavaḥ ||
pañcākṣarātmā pañcātmā pañcāsyaḥ pañcakṛttamaḥ || 134 ||
pañcādhāraḥ pañcavarṇaḥ pañcākṣaraparāyaṇaḥ |
pañcatālaḥ pañcakaraḥ pañcapraṇavamātṛkaḥ || 135 ||
pañcabrahmamayasphūrtiḥ pañcāvaraṇavāritaḥ |
pañcabhakṣapriyaḥ pañcabāṇaḥ pañcaśikhātmakaḥ || 136 ||
ṣaṭkoṇapīṭhaḥ ṣaṭcakradhāmā ṣaḍgranthibhedakaḥ |
ṣaḍaṅgadhvāntavidhvaṃsī ṣaḍaṅgulamahāhradaḥ || 137 ||
ṣaṇmukhaḥ ṣaṇmukhabhrātā ṣaṭśaktiparivāritaḥ |
ṣaḍvairivargavidhvaṃsī ṣaḍūrmibhayabhañjanaḥ || 138 ||
ṣaṭtarkadūraḥ ṣaṭkarmā ṣaḍguṇaḥ ṣaḍrasāśrayaḥ |
saptapātālacaraṇaḥ saptadvīporumaṇḍalaḥ || 139 ||
saptasvarlokamukuṭaḥ saptasaptivarapradaḥ |
saptāṅgarājyasukhadaḥ saptarṣigaṇavanditaḥ || 140 ||
saptacchandonidhiḥ saptahotraḥ saptasvarāśrayaḥ |
saptābdhikelikāsāraḥ saptamātṛniṣevitaḥ || 141 ||
saptacchando modamadaḥ saptacchando makhaprabhuḥ |
aṣṭamūrtirdhyeyamūrtiraṣṭaprakṛtikāraṇam || 142 ||
aṣṭāṅgayogaphalabhṛdaṣṭapatrāmbujāsanaḥ |
aṣṭaśaktisamānaśrīraṣṭaiśvaryapravardhanaḥ || 143 ||
aṣṭapīṭhopapīṭhaśrīraṣṭamātṛsamāvṛtaḥ |
aṣṭabhairavasevyo'ṣṭavasuvandyo'ṣṭamūrtibhṛt || 144 ||
aṣṭacakrasphuranmūrtiraṣṭadravyahaviḥpriyaḥ |
aṣṭaśrīraṣṭasāmaśrīraṣṭaiśvaryapradāyakaḥ |
navanāgāsanādhyāsī navanidhyanuśāsitaḥ || 145 ||
navadvārapurāvṛtto navadvāraniketanaḥ |
navanāthamahānātho navanāgavibhūṣitaḥ || 146 ||
navanārāyaṇastulyo navadurgāniṣevitaḥ |
navaratnavicitrāṅgo navaśaktiśiroddhṛtaḥ || 147 ||
daśātmako daśabhujo daśadikpativanditaḥ |
daśādhyāyo daśaprāṇo daśendriyaniyāmakaḥ || 148 ||
daśākṣaramahāmantro daśāśāvyāpivigrahaḥ |
ekādaśamahārudraiḥstutaścaikādaśākṣaraḥ || 149 ||
dvādaśadvidaśāṣṭādidordaṇḍāstraniketanaḥ |
trayodaśabhidābhinno viśvedevādhidaivatam || 150 ||
caturdaśendravaradaścaturdaśamanuprabhuḥ |
caturdaśādyavidyāḍhyaścaturdaśajagatpatiḥ || 151 ||
sāmapañcadaśaḥ pañcadaśīśītāṃśunirmalaḥ |
tithipañcadaśākārastithyā pañcadaśārcitaḥ || 152 ||
ṣoḍaśādhāranilayaḥ ṣoḍaśasvaramātṛkaḥ |
ṣoḍaśāntapadāvāsaḥ ṣoḍaśendukalātmakaḥ || 153 ||
kalāsaptadaśī saptadaśasaptadaśākṣaraḥ |
aṣṭādaśadvīpapatiraṣṭādaśapurāṇakṛt || 154 ||
aṣṭādaśauṣadhīsṛṣṭiraṣṭādaśavidhiḥ smṛtaḥ |
aṣṭādaśalipivyaṣṭisamaṣṭijñānakovidaḥ || 155 ||
aṣṭādaśānnasampattiraṣṭādaśavijātikṛt |
ekaviṃśaḥ pumānekaviṃśatyaṅgulipallavaḥ || 156 ||
caturviṃśatitattvātmā pañcaviṃśākhyapūruṣaḥ |
saptaviṃśatitāreśaḥ saptaviṃśatiyogakṛt || 157 ||
dvātriṃśadbhairavādhīśaścatustriṃśanmahāhradaḥ |
ṣaṭtriṃśattattvasambhūtiraṣṭatriṃśatkalātmakaḥ || 158 ||
pañcāśadviṣṇuśaktīśaḥ pañcāśanmātṛkālayaḥ |
dvipañcāśadvapuḥśreṇītriṣaṣṭyakṣarasaṃśrayaḥ |
pañcāśadakṣaraśreṇīpañcāśadrudravigrahaḥ || 159 ||
catuḥṣaṣṭimahāsiddhiyoginīvṛndavanditaḥ |
namadekonapañcāśanmarudvarganirargalaḥ || 160 ||
catuḥṣaṣṭyarthanirṇetā catuḥṣaṣṭikalānidhiḥ |
aṣṭaṣaṣṭimahātīrthakṣetrabhairavavanditaḥ || 161 ||
caturnavatimantrātmā ṣaṇṇavatyadhikaprabhuḥ |
śatānandaḥ śatadhṛtiḥ śatapatrāyatekṣaṇaḥ || 162 ||
śatānīkaḥ śatamakhaḥ śatadhārāvarāyudhaḥ |
sahasrapatranilayaḥ sahasraphaṇibhūṣaṇaḥ || 163 ||
sahasraśīrṣā puruṣaḥ sahasrākṣaḥ sahasrapāt |
sahasranāmasaṃstutyaḥ sahasrākṣabalāpahaḥ || 164 ||
daśasāhasraphaṇibhṛtphaṇirājakṛtāsanaḥ |
aṣṭāśītisahasrādyamaharṣistotrapāṭhitaḥ || 165 ||
lakṣādhāraḥ priyādhāro lakṣādhāramanomayaḥ |
caturlakṣajapaprītaścaturlakṣaprakāśakaḥ || 166 ||
caturaśītilakṣāṇāṃ jīvānāṃ dehasaṃsthitaḥ |
koṭisūryapratīkāśaḥ koṭicandrāṃśunirmalaḥ || 167 ||
śivodbhavādyaṣṭakoṭivaināyakadhurandharaḥ |
saptakoṭimahāmantramantritāvayavadyutiḥ || 168 ||
trayastriṃśatkoṭisuraśreṇīpraṇatapādukaḥ |
anantadevatāsevyo hyanantaśubhadāyakaḥ || 169 ||
anantanāmānantaśrīrananto'nantasaukhyadaḥ |
anantaśaktisahito hyanantamunisaṃstutaḥ || 170 ||
iti vaināyakaṃ nāmnāṃ sahasramidamīritam |
idaṃ brāhme muhūrte yaḥ paṭhati pratyahaṃ naraḥ || 171 ||
karasthaṃ tasya sakalamaihikāmuṣmikaṃ sukham |
āyurārogyamaiśvaryaṃ dhairyaṃ śauryaṃ balaṃ yaśaḥ || 172 ||
medhā prajñā dhṛtiḥ kāntiḥ saubhāgyamabhirūpatā |
satyaṃ dayā kṣamā śāntirdākṣiṇyaṃ dharmaśīlatā || 173 ||
jagatsaṃvananaṃ viśvasaṃvādo vedapāṭavam |
sabhāpāṇḍityamaudāryaṃ gāmbhīryaṃ brahmavarcasam || 174 ||
ojastejaḥ kulaṃ śīlaṃ pratāpo vīryamāryatā |
jñānaṃ vijñānamāstikyaṃ sthairyaṃ viśvāsatā tathā || 175 ||
dhanadhānyādivṛddhiśca sakṛdasya japādbhavet |
vaśyaṃ caturvidhaṃ viśvaṃ japādasya prajāyate || 176 ||
rājño rājakalatrasya rājaputrasya mantriṇaḥ |
japyate yasya vaśyārthe sa dāsastasya jāyate || 177 ||
dharmārthakāmamokṣāṇāmanāyāsena sādhanam |
śākinīḍākinīrakṣoyakṣagrahabhayāpaham || 178 ||
sāmrājyasukhadaṃ sarvasapatnamadamardanam |
samastakalahadhvaṃsi dagdhabījaprarohaṇam || 179 ||
duḥsvapnaśamanaṃ kruddhasvāmicittaprasādanam |
ṣaḍvargāṣṭamahāsiddhitrikālajñānakāraṇam || 180 ||
parakṛtyapraśamanaṃ paracakrapramardanam |
saṅgrāmamārge saveṣāmidamekaṃ jayāvaham || 181 ||
sarvavandhyatvadoṣaghnaṃ garbharakṣaikakāraṇam |
paṭhyate pratyahaṃ yatra stotraṃ gaṇapateridam || 182 ||
deśe tatra na durbhikṣamītayo duritāni ca |
na tadgehaṃ jahāti śrīryatrāyaṃ japyate stavaḥ || 183 ||
kṣayakuṣṭhapramehārśabhagandaraviṣūcikāḥ |
gulmaṃ plīhānamaśamānamatisāraṃ mahodaram || 184 ||
kāsaṃ śvāsamudāvartaṃ śūlaṃ śophāmayodaram |
śirorogaṃ vamiṃ hikkāṃ gaṇḍamālāmarocakam || 185 ||
vātapittakaphadvandvatridoṣajanitajvaram |
āgantuviṣamaṃ śītamuṣṇaṃ caikāhikādikam || 186 ||
ityādyuktamanuktaṃ vā rogadoṣādisambhavam |
sarvaṃ praśamayatyāśu stotrasyāsya sakṛjjapaḥ || 187 ||
prāpyate'sya japātsiddhiḥ strīśūdraiḥ patitairapi |
sahasranāmamantro'yaṃ japitavyaḥ śubhāptaye || 188 ||
mahāgaṇapateḥ stotraṃ sakāmaḥ prajapannidam |
icchayā sakalān bhogānupabhujyeha pārthivān || 189 ||
manorathaphalairdivyairvyomayānairmanoramaiḥ |
candrendrabhāskaropendrabrahmaśarvādisadmasu || 190 ||
kāmarūpaḥ kāmagatiḥ kāmadaḥ kāmadeśvaraḥ |
bhuktvā yathepsitānbhogānabhīṣṭaiḥ saha bandhubhiḥ || 191 ||
gaṇeśānucaro bhūtvā gaṇo gaṇapatipriyaḥ |
nandīśvarādisānandairnanditaḥ sakalairgaṇaiḥ || 192 ||
śivābhyāṃ kṛpayā putranirviśeṣaṃ ca lālitaḥ |
śivabhaktaḥ pūrṇakāmo gaṇeśvaravarātpunaḥ || 193 ||
jātismaro dharmaparaḥ sārvabhaumo'bhijāyate |
niṣkāmastu japannityaṃ bhaktyā vighneśatatparaḥ || 194 ||
yogasiddhiṃ parāṃ prāpya jñānavairāgyasaṃyutaḥ |
nirantare nirābādhe paramānandasañjñite || 195 ||
viśvottīrṇe pare pūrṇe punarāvṛttivarjite |
līno vaināyake dhāmni ramate nityanirvṛte || 196 ||
yo nāmabhirhutairdattaiḥ pūjayedarcayeennaraḥ |
rājāno vaśyatāṃ yānti ripavo yānti dāsatām || 197 ||
tasya sidhyanti mantrāṇāṃ durlabhāśceṣṭasiddhayaḥ |
mūlamantrādapi stotramidaṃ priyatamaṃ mama || 198 ||
nabhasye māsi śuklāyāṃ caturthyāṃ mama janmani |
dūrvābhirnāmabhiḥ pūjāṃ tarpaṇaṃ vidhivaccaret || 199 ||
aṣṭadravyairviśeṣeṇa kuryādbhaktisusaṃyutaḥ |
tasyepsitaṃ dhanaṃ dhānyamaiśvaryaṃ vijayo yaśaḥ || 200 ||
bhaviṣyati na sandehaḥ putrapautrādikaṃ sukham |
idaṃ prajapitaṃ stotraṃ paṭhitaṃ śrāvitaṃ śrutam || 201 ||
vyākṛtaṃ carcitaṃ dhyātaṃ vimṛṣṭamabhivanditam |
ihāmutra ca viśveṣāṃ viśvaiśvaryapradāyakam || 202 ||
svacchandacāriṇāpyeṣa yena sandhāryate stavaḥ |
sa rakṣyate śivodbhūtairgaṇairadhyaṣṭakoṭibhiḥ || 203 ||
likhitaṃ pustakastotraṃ mantrabhūtaṃ prapūjayet |
tatra sarvottamā lakṣmīḥ sannidhatte nirantaram || 204 ||
dānairaśeṣairakhilairvrataiśca tīrthairaśeṣairakhilairmakhaiśca |
na tatphalaṃ vindati yadgaṇeśasahasranāmasmaraṇena sadyaḥ || 205 ||
etannāmnāṃ sahasraṃ paṭhati dinamaṇau pratyahamprojjihāne
sāyaṃ madhyandine vā triṣavaṇamathavā santataṃ vā jano yaḥ |
sa syādaiśvaryadhuryaḥ prabhavati vacasāṃ kīrtimuccaistanoti
dāridryaṃ hanti viśvaṃ vaśayati suciraṃ vardhate putrapautraiḥ || 206 ||
akiñcanopyekacitto niyato niyatāsanaḥ |
prajapaṃścaturo māsān gaṇeśārcanatatparaḥ || 207 ||
daridratāṃ samunmūlya saptajanmānugāmapi |
labhate mahatīṃ lakṣmīmityājñā pārameśvarī || 208 ||
āyuṣyaṃ vītarogaṃ kulamativimalaṃ sampadaścārtināśaḥ
kīrtirnityāvadātā bhavati khalu navā kāntiravyājabhavyā |
putrāḥ santaḥ kalatraṃ guṇavadabhimataṃ yadyadanyacca tatta -
nnityaṃ yaḥ stotrametat paṭhati gaṇapatestasya haste samastam || 209 ||
gaṇañjayo gaṇapatirherambo dharaṇīdharaḥ |
mahāgaṇapatirbuddhipriyaḥ kṣipraprasādanaḥ || 210 ||
amoghasiddhiramṛtamantraścintāmaṇirnidhiḥ |
sumaṅgalo bījamāśāpūrako varadaḥ kalaḥ || 211 ||
kāśyapo nandano vācāsiddho ḍhuṇḍhirvināyakaḥ |
modakairebhiratraikaviṃśatyā nāmabhiḥ pumān || 212 ||
upāyanaṃ dadedbhaktyā matprasādaṃ cikīrṣati |
vatsaraṃ vighnarājo'sya tathyamiṣṭārthasiddhaye || 213 ||
yaḥ stauti madgatamanā mamārādhanatatparaḥ |
stuto nāmnā sahasreṇa tenāhaṃ nātra saṃśayaḥ || 214 ||
namo namaḥ suravarapūjitāṅghraye
namo namo nirupamamaṅgalātmane |
namo namo vipuladayaikasiddhaye
namo namaḥ karikalabhānanāya te || 215 ||
kiṅkiṇīgaṇaracitacaraṇaḥ
prakaṭitagurumitacārukaraṇaḥ |
madajalalaharīkalitakapolaḥ
śamayatu duritaṃ gaṇapatināmnā || 216 ||
|| iti śrīgaṇeśapurāṇe upāsanākhaṇḍe īśvaragaṇeśasaṃvāde
gaṇeśasahasranāmastotraṃ nāma ṣaṭcatvāriṃśodhyāyaḥ ||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.