ಮುನಿರುವಾಚ
ಕಥಂ ನಾಮ್ನಾಂ ಸಹಸ್ರಂ ತಂ ಗಣೇಶ ಉಪದಿಷ್ಟವಾನ್ ।
ಶಿವದಂ ತನ್ಮಮಾಚಕ್ಷ್ವ ಲೋಕಾನುಗ್ರಹತತ್ಪರ ॥ 1 ॥
ಬ್ರಹ್ಮೋವಾಚ
ದೇವಃ ಪೂರ್ವಂ ಪುರಾರಾತಿಃ ಪುರತ್ರಯಜಯೋದ್ಯಮೇ ।
ಅನರ್ಚನಾದ್ಗಣೇಶಸ್ಯ ಜಾತೋ ವಿಘ್ನಾಕುಲಃ ಕಿಲ ॥ 2 ॥
ಮನಸಾ ಸ ವಿನಿರ್ಧಾರ್ಯ ದದೃಶೇ ವಿಘ್ನಕಾರಣಮ್ ।
ಮಹಾಗಣಪತಿಂ ಭಕ್ತ್ಯಾ ಸಮಭ್ಯರ್ಚ್ಯ ಯಥಾವಿಧಿ ॥ 3 ॥
ವಿಘ್ನಪ್ರಶಮನೋಪಾಯಮಪೃಚ್ಛದಪರಿಶ್ರಮಮ್ ।
ಸನ್ತುಷ್ಟಃ ಪೂಜಯಾ ಶಮ್ಭೋರ್ಮಹಾಗಣಪತಿಃ ಸ್ವಯಮ್ ॥ 4 ॥
ಸರ್ವವಿಘ್ನಪ್ರಶಮನಂ ಸರ್ವಕಾಮಫಲಪ್ರದಮ್ ।
ತತಸ್ತಸ್ಮೈ ಸ್ವಯಂ ನಾಮ್ನಾಂ ಸಹಸ್ರಮಿದಮಬ್ರವೀತ್ ॥ 5 ॥
ಅಸ್ಯ ಶ್ರೀಮಹಾಗಣಪತಿಸಹಸ್ರನಾಮಸ್ತೋತ್ರಮಾಲಾಮನ್ತ್ರಸ್ಯ ।
ಗಣೇಶ ಋಷಿಃ, ಮಹಾಗಣಪತಿರ್ದೇವತಾ, ನಾನಾವಿಧಾನಿಚ್ಛನ್ದಾಂಸಿ ।
ಹುಮಿತಿ ಬೀಜಮ್, ತುಙ್ಗಮಿತಿ ಶಕ್ತಿಃ, ಸ್ವಾಹಾಶಕ್ತಿರಿತಿ ಕೀಲಕಮ್ ।
ಸಕಲವಿಘ್ನವಿನಾಶನದ್ವಾರಾ ಶ್ರೀಮಹಾಗಣಪತಿಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಅಥ ಕರನ್ಯಾಸಃ
ಗಣೇಶ್ವರೋ ಗಣಕ್ರೀಡ ಇತ್ಯಙ್ಗುಷ್ಠಾಭ್ಯಾಂ ನಮಃ ।
ಕುಮಾರಗುರುರೀಶಾನ ಇತಿ ತರ್ಜನೀಭ್ಯಾಂ ನಮಃ ॥
ಬ್ರಹ್ಮಾಣ್ಡಕುಮ್ಭಶ್ಚಿದ್ವ್ಯೋಮೇತಿ ಮಧ್ಯಮಾಭ್ಯಾಂ ನಮಃ ।
ರಕ್ತೋ ರಕ್ತಾಮ್ಬರಧರ ಇತ್ಯನಾಮಿಕಾಭ್ಯಾಂ ನಮಃ
ಸರ್ವಸದ್ಗುರುಸಂಸೇವ್ಯ ಇತಿ ಕನಿಷ್ಠಿಕಾಭ್ಯಾಂ ನಮಃ ।
ಲುಪ್ತವಿಘ್ನಃ ಸ್ವಭಕ್ತಾನಾಮಿತಿ ಕರತಲಕರಪೃಷ್ಠಾಭ್ಯಾಂ ನಮಃ ॥
ಅಥ ಅಙ್ಗನ್ಯಾಸಃ
ಛನ್ದಶ್ಛನ್ದೋದ್ಭವ ಇತಿ ಹೃದಯಾಯ ನಮಃ ।
ನಿಷ್ಕಲೋ ನಿರ್ಮಲ ಇತಿ ಶಿರಸೇ ಸ್ವಾಹಾ ।
ಸೃಷ್ಟಿಸ್ಥಿತಿಲಯಕ್ರೀಡ ಇತಿ ಶಿಖಾಯೈ ವಷಟ್ ।
ಜ್ಞಾನಂ ವಿಜ್ಞಾನಮಾನನ್ದ ಇತಿ ಕವಚಾಯ ಹುಮ್ ।
ಅಷ್ಟಾಙ್ಗಯೋಗಫಲಭೃದಿತಿ ನೇತ್ರತ್ರಯಾಯ ವೌಷಟ್ ।
ಅನನ್ತಶಕ್ತಿಸಹಿತ ಇತ್ಯಸ್ತ್ರಾಯ ಫಟ್ ।
ಭೂರ್ಭುವಃ ಸ್ವರೋಂ ಇತಿ ದಿಗ್ಬನ್ಧಃ ।
ಅಥ ಧ್ಯಾನಮ್
ಗಜವದನಮಚಿನ್ತ್ಯಂ ತೀಕ್ಷ್ಣದಂಷ್ಟ್ರಂ ತ್ರಿನೇತ್ರಂ
ಬೃಹದುದರಮಶೇಷಂ ಭೂತಿರಾಜಂ ಪುರಾಣಮ್ ।
ಅಮರವರಸುಪೂಜ್ಯಂ ರಕ್ತವರ್ಣಂ ಸುರೇಶಂ
ಪಶುಪತಿಸುತಮೀಶಂ ವಿಘ್ನರಾಜಂ ನಮಾಮಿ ॥
ಶ್ರೀಗಣಪತಿರುವಾಚ
ಓಂ ಗಣೇಶ್ವರೋ ಗಣಕ್ರೀಡೋ ಗಣನಾಥೋ ಗಣಾಧಿಪಃ ।
ಏಕದನ್ತೋ ವಕ್ರತುಣ್ಡೋ ಗಜವಕ್ತ್ರೋ ಮಹೋದರಃ ॥ 1 ॥
ಲಮ್ಬೋದರೋ ಧೂಮ್ರವರ್ಣೋ ವಿಕಟೋ ವಿಘ್ನನಾಶನಃ ।
ಸುಮುಖೋ ದುರ್ಮುಖೋ ಬುದ್ಧೋ ವಿಘ್ನರಾಜೋ ಗಜಾನನಃ ॥ 2 ॥
ಭೀಮಃ ಪ್ರಮೋದ ಆಮೋದಃ ಸುರಾನನ್ದೋ ಮದೋತ್ಕಟಃ ।
ಹೇರಮ್ಬಃ ಶಮ್ಬರಃ ಶಮ್ಭುರ್ಲಮ್ಬಕರ್ಣೋ ಮಹಾಬಲಃ ॥ 3 ॥
ನನ್ದನೋ ಲಮ್ಪಟೋ ಭೀಮೋ ಮೇಘನಾದೋ ಗಣಞ್ಜಯಃ ।
ವಿನಾಯಕೋ ವಿರೂಪಾಕ್ಷೋ ವೀರಃ ಶೂರವರಪ್ರದಃ ॥ 4 ॥
ಮಹಾಗಣಪತಿರ್ಬುದ್ಧಿಪ್ರಿಯಃ ಕ್ಷಿಪ್ರಪ್ರಸಾದನಃ ।
ರುದ್ರಪ್ರಿಯೋ ಗಣಾಧ್ಯಕ್ಷ ಉಮಾಪುತ್ರೋಽಘನಾಶನಃ ॥ 5 ॥
ಕುಮಾರಗುರುರೀಶಾನಪುತ್ರೋ ಮೂಷಕವಾಹನಃ ।
ಸಿದ್ಧಿಪ್ರಿಯಃ ಸಿದ್ಧಿಪತಿಃ ಸಿದ್ಧಃ ಸಿದ್ಧಿವಿನಾಯಕಃ ॥ 6 ॥
ಅವಿಘ್ನಸ್ತುಮ್ಬುರುಃ ಸಿಂಹವಾಹನೋ ಮೋಹಿನೀಪ್ರಿಯಃ ।
ಕಟಙ್ಕಟೋ ರಾಜಪುತ್ರಃ ಶಾಕಲಃ ಸಮ್ಮಿತೋಮಿತಃ ॥ 7 ॥
ಕೂಷ್ಮಾಣ್ಡಸಾಮಸಮ್ಭೂತಿರ್ದುರ್ಜಯೋ ಧೂರ್ಜಯೋ ಜಯಃ ।
ಭೂಪತಿರ್ಭುವನಪತಿರ್ಭೂತಾನಾಂ ಪತಿರವ್ಯಯಃ ॥ 8 ॥
ವಿಶ್ವಕರ್ತಾ ವಿಶ್ವಮುಖೋ ವಿಶ್ವರೂಪೋ ನಿಧಿರ್ಗುಣಃ ।
ಕವಿಃ ಕವೀನಾಮೃಷಭೋ ಬ್ರಹ್ಮಣ್ಯೋ ಬ್ರಹ್ಮವಿತ್ಪ್ರಿಯಃ ॥ 9 ॥
ಜ್ಯೇಷ್ಠರಾಜೋ ನಿಧಿಪತಿರ್ನಿಧಿಪ್ರಿಯಪತಿಪ್ರಿಯಃ ।
ಹಿರಣ್ಮಯಪುರಾನ್ತಃಸ್ಥಃ ಸೂರ್ಯಮಣ್ಡಲಮಧ್ಯಗಃ ॥ 10 ॥
ಕರಾಹತಿಧ್ವಸ್ತಸಿನ್ಧುಸಲಿಲಃ ಪೂಷದನ್ತಭಿತ್ ।
ಉಮಾಙ್ಕಕೇಲಿಕುತುಕೀ ಮುಕ್ತಿದಃ ಕುಲಪಾವನಃ ॥ 11 ॥
ಕಿರೀಟೀ ಕುಣ್ಡಲೀ ಹಾರೀ ವನಮಾಲೀ ಮನೋಮಯಃ ।
ವೈಮುಖ್ಯಹತದೈತ್ಯಶ್ರೀಃ ಪಾದಾಹತಿಜಿತಕ್ಷಿತಿಃ ॥ 12 ॥
ಸದ್ಯೋಜಾತಃ ಸ್ವರ್ಣಮುಞ್ಜಮೇಖಲೀ ದುರ್ನಿಮಿತ್ತಹೃತ್ ।
ದುಃಸ್ವಪ್ನಹೃತ್ಪ್ರಸಹನೋ ಗುಣೀ ನಾದಪ್ರತಿಷ್ಠಿತಃ ॥ 13 ॥
ಸುರೂಪಃ ಸರ್ವನೇತ್ರಾಧಿವಾಸೋ ವೀರಾಸನಾಶ್ರಯಃ ।
ಪೀತಾಮ್ಬರಃ ಖಣ್ಡರದಃ ಖಣ್ಡವೈಶಾಖಸಂಸ್ಥಿತಃ ॥ 14 ॥
ಚಿತ್ರಾಙ್ಗಃ ಶ್ಯಾಮದಶನೋ ಭಾಲಚನ್ದ್ರೋ ಹವಿರ್ಭುಜಃ ।
ಯೋಗಾಧಿಪಸ್ತಾರಕಸ್ಥಃ ಪುರುಷೋ ಗಜಕರ್ಣಕಃ ॥ 15 ॥
ಗಣಾಧಿರಾಜೋ ವಿಜಯಃ ಸ್ಥಿರೋ ಗಜಪತಿಧ್ವಜೀ ।
ದೇವದೇವಃ ಸ್ಮರಃ ಪ್ರಾಣದೀಪಕೋ ವಾಯುಕೀಲಕಃ ॥ 16 ॥
ವಿಪಶ್ಚಿದ್ವರದೋ ನಾದೋ ನಾದಭಿನ್ನಮಹಾಚಲಃ ।
ವರಾಹರದನೋ ಮೃತ್ಯುಞ್ಜಯೋ ವ್ಯಾಘ್ರಾಜಿನಾಮ್ಬರಃ ॥ 17 ॥
ಇಚ್ಛಾಶಕ್ತಿಭವೋ ದೇವತ್ರಾತಾ ದೈತ್ಯವಿಮರ್ದನಃ ।
ಶಮ್ಭುವಕ್ತ್ರೋದ್ಭವಃ ಶಮ್ಭುಕೋಪಹಾ ಶಮ್ಭುಹಾಸ್ಯಭೂಃ ॥ 18 ॥
ಶಮ್ಭುತೇಜಾಃ ಶಿವಾಶೋಕಹಾರೀ ಗೌರೀಸುಖಾವಹಃ ।
ಉಮಾಙ್ಗಮಲಜೋ ಗೌರೀತೇಜೋಭೂಃ ಸ್ವರ್ಧುನೀಭವಃ ॥ 19 ॥
ಯಜ್ಞಕಾಯೋ ಮಹಾನಾದೋ ಗಿರಿವರ್ಷ್ಮಾ ಶುಭಾನನಃ ।
ಸರ್ವಾತ್ಮಾ ಸರ್ವದೇವಾತ್ಮಾ ಬ್ರಹ್ಮಮೂರ್ಧಾ ಕಕುಪ್ಶ್ರುತಿಃ ॥ 20 ॥
ಬ್ರಹ್ಮಾಣ್ಡಕುಮ್ಭಶ್ಚಿದ್ವ್ಯೋಮಭಾಲಃಸತ್ಯಶಿರೋರುಹಃ ।
ಜಗಜ್ಜನ್ಮಲಯೋನ್ಮೇಷನಿಮೇಷೋಽಗ್ನ್ಯರ್ಕಸೋಮದೃಕ್ ॥ 21 ॥
ಗಿರೀನ್ದ್ರೈಕರದೋ ಧರ್ಮಾಧರ್ಮೋಷ್ಠಃ ಸಾಮಬೃಂಹಿತಃ ।
ಗ್ರಹರ್ಕ್ಷದಶನೋ ವಾಣೀಜಿಹ್ವೋ ವಾಸವನಾಸಿಕಃ ॥ 22 ॥
ಭ್ರೂಮಧ್ಯಸಂಸ್ಥಿತಕರೋ ಬ್ರಹ್ಮವಿದ್ಯಾಮದೋದಕಃ ।
ಕುಲಾಚಲಾಂಸಃ ಸೋಮಾರ್ಕಘಣ್ಟೋ ರುದ್ರಶಿರೋಧರಃ ॥ 23 ॥
ನದೀನದಭುಜಃ ಸರ್ಪಾಙ್ಗುಲೀಕಸ್ತಾರಕಾನಖಃ ।
ವ್ಯೋಮನಾಭಿಃ ಶ್ರೀಹೃದಯೋ ಮೇರುಪೃಷ್ಠೋಽರ್ಣವೋದರಃ ॥ 24 ॥
ಕುಕ್ಷಿಸ್ಥಯಕ್ಷಗನ್ಧರ್ವರಕ್ಷಃಕಿನ್ನರಮಾನುಷಃ ।
ಪೃಥ್ವೀಕಟಿಃ ಸೃಷ್ಟಿಲಿಙ್ಗಃ ಶೈಲೋರುರ್ದಸ್ರಜಾನುಕಃ ॥ 25 ॥
ಪಾತಾಲಜಙ್ಘೋ ಮುನಿಪಾತ್ಕಾಲಾಙ್ಗುಷ್ಠಸ್ತ್ರಯೀತನುಃ ।
ಜ್ಯೋತಿರ್ಮಣ್ಡಲಲಾಙ್ಗೂಲೋ ಹೃದಯಾಲಾನನಿಶ್ಚಲಃ ॥ 26 ॥
ಹೃತ್ಪದ್ಮಕರ್ಣಿಕಾಶಾಲೀ ವಿಯತ್ಕೇಲಿಸರೋವರಃ ।
ಸದ್ಭಕ್ತಧ್ಯಾನನಿಗಡಃ ಪೂಜಾವಾರಿನಿವಾರಿತಃ ॥ 27 ॥
ಪ್ರತಾಪೀ ಕಾಶ್ಯಪೋ ಮನ್ತಾ ಗಣಕೋ ವಿಷ್ಟಪೀ ಬಲೀ ।
ಯಶಸ್ವೀ ಧಾರ್ಮಿಕೋ ಜೇತಾ ಪ್ರಥಮಃ ಪ್ರಮಥೇಶ್ವರಃ ॥ 28 ॥
ಚಿನ್ತಾಮಣಿರ್ದ್ವೀಪಪತಿಃ ಕಲ್ಪದ್ರುಮವನಾಲಯಃ ।
ರತ್ನಮಣ್ಡಪಮಧ್ಯಸ್ಥೋ ರತ್ನಸಿಂಹಾಸನಾಶ್ರಯಃ ॥ 29 ॥
ತೀವ್ರಾಶಿರೋದ್ಧೃತಪದೋ ಜ್ವಾಲಿನೀಮೌಲಿಲಾಲಿತಃ ।
ನನ್ದಾನನ್ದಿತಪೀಠಶ್ರೀರ್ಭೋಗದೋ ಭೂಷಿತಾಸನಃ ॥ 30 ॥
ಸಕಾಮದಾಯಿನೀಪೀಠಃ ಸ್ಫುರದುಗ್ರಾಸನಾಶ್ರಯಃ ।
ತೇಜೋವತೀಶಿರೋರತ್ನಂ ಸತ್ಯಾನಿತ್ಯಾವತಂಸಿತಃ ॥ 31 ॥
ಸವಿಘ್ನನಾಶಿನೀಪೀಠಃ ಸರ್ವಶಕ್ತ್ಯಮ್ಬುಜಾಲಯಃ ।
ಲಿಪಿಪದ್ಮಾಸನಾಧಾರೋ ವಹ್ನಿಧಾಮತ್ರಯಾಲಯಃ ॥ 32 ॥
ಉನ್ನತಪ್ರಪದೋ ಗೂಢಗುಲ್ಫಃ ಸಂವೃತಪಾರ್ಷ್ಣಿಕಃ ।
ಪೀನಜಙ್ಘಃ ಶ್ಲಿಷ್ಟಜಾನುಃ ಸ್ಥೂಲೋರುಃ ಪ್ರೋನ್ನಮತ್ಕಟಿಃ ॥ 33 ॥
ನಿಮ್ನನಾಭಿಃ ಸ್ಥೂಲಕುಕ್ಷಿಃ ಪೀನವಕ್ಷಾ ಬೃಹದ್ಭುಜಃ ।
ಪೀನಸ್ಕನ್ಧಃ ಕಮ್ಬುಕಣ್ಠೋ ಲಮ್ಬೋಷ್ಠೋ ಲಮ್ಬನಾಸಿಕಃ ॥ 34 ॥
ಭಗ್ನವಾಮರದಸ್ತುಙ್ಗಸವ್ಯದನ್ತೋ ಮಹಾಹನುಃ ।
ಹ್ರಸ್ವನೇತ್ರತ್ರಯಃ ಶೂರ್ಪಕರ್ಣೋ ನಿಬಿಡಮಸ್ತಕಃ ॥ 35 ॥
ಸ್ತಬಕಾಕಾರಕುಮ್ಭಾಗ್ರೋ ರತ್ನಮೌಲಿರ್ನಿರಙ್ಕುಶಃ ।
ಸರ್ಪಹಾರಕಟೀಸೂತ್ರಃ ಸರ್ಪಯಜ್ಞೋಪವೀತವಾನ್ ॥ 36 ॥
ಸರ್ಪಕೋಟೀರಕಟಕಃ ಸರ್ಪಗ್ರೈವೇಯಕಾಙ್ಗದಃ ।
ಸರ್ಪಕಕ್ಷೋದರಾಬನ್ಧಃ ಸರ್ಪರಾಜೋತ್ತರಚ್ಛದಃ ॥ 37 ॥
ರಕ್ತೋ ರಕ್ತಾಮ್ಬರಧರೋ ರಕ್ತಮಾಲಾವಿಭೂಷಣಃ ।
ರಕ್ತೇಕ್ಷನೋ ರಕ್ತಕರೋ ರಕ್ತತಾಲ್ವೋಷ್ಠಪಲ್ಲವಃ ॥ 38 ॥
ಶ್ವೇತಃ ಶ್ವೇತಾಮ್ಬರಧರಃ ಶ್ವೇತಮಾಲಾವಿಭೂಷಣಃ ।
ಶ್ವೇತಾತಪತ್ರರುಚಿರಃ ಶ್ವೇತಚಾಮರವೀಜಿತಃ ॥ 39 ॥
ಸರ್ವಾವಯವಸಮ್ಪೂರ್ಣಃ ಸರ್ವಲಕ್ಷಣಲಕ್ಷಿತಃ ।
ಸರ್ವಾಭರಣಶೋಭಾಢ್ಯಃ ಸರ್ವಶೋಭಾಸಮನ್ವಿತಃ ॥ 40 ॥
ಸರ್ವಮಙ್ಗಲಮಾಙ್ಗಲ್ಯಃ ಸರ್ವಕಾರಣಕಾರಣಮ್ ।
ಸರ್ವದೇವವರಃ ಶಾರ್ಙ್ಗೀ ಬೀಜಪೂರೀ ಗದಾಧರಃ ॥ 41 ॥
ಶುಭಾಙ್ಗೋ ಲೋಕಸಾರಙ್ಗಃ ಸುತನ್ತುಸ್ತನ್ತುವರ್ಧನಃ ।
ಕಿರೀಟೀ ಕುಣ್ಡಲೀ ಹಾರೀ ವನಮಾಲೀ ಶುಭಾಙ್ಗದಃ ॥ 42 ॥
ಇಕ್ಷುಚಾಪಧರಃ ಶೂಲೀ ಚಕ್ರಪಾಣಿಃ ಸರೋಜಭೃತ್ ।
ಪಾಶೀ ಧೃತೋತ್ಪಲಃ ಶಾಲಿಮಞ್ಜರೀಭೃತ್ಸ್ವದನ್ತಭೃತ್ ॥ 43 ॥
ಕಲ್ಪವಲ್ಲೀಧರೋ ವಿಶ್ವಾಭಯದೈಕಕರೋ ವಶೀ ।
ಅಕ್ಷಮಾಲಾಧರೋ ಜ್ಞಾನಮುದ್ರಾವಾನ್ ಮುದ್ಗರಾಯುಧಃ ॥ 44 ॥
ಪೂರ್ಣಪಾತ್ರೀ ಕಮ್ಬುಧರೋ ವಿಧೃತಾಙ್ಕುಶಮೂಲಕಃ ।
ಕರಸ್ಥಾಮ್ರಫಲಶ್ಚೂತಕಲಿಕಾಭೃತ್ಕುಠಾರವಾನ್ ॥ 45 ॥
ಪುಷ್ಕರಸ್ಥಸ್ವರ್ಣಘಟೀಪೂರ್ಣರತ್ನಾಭಿವರ್ಷಕಃ ।
ಭಾರತೀಸುನ್ದರೀನಾಥೋ ವಿನಾಯಕರತಿಪ್ರಿಯಃ ॥ 46 ॥
ಮಹಾಲಕ್ಷ್ಮೀಪ್ರಿಯತಮಃ ಸಿದ್ಧಲಕ್ಷ್ಮೀಮನೋರಮಃ ।
ರಮಾರಮೇಶಪೂರ್ವಾಙ್ಗೋ ದಕ್ಷಿಣೋಮಾಮಹೇಶ್ವರಃ ॥ 47 ॥
ಮಹೀವರಾಹವಾಮಾಙ್ಗೋ ರತಿಕನ್ದರ್ಪಪಶ್ಚಿಮಃ ।
ಆಮೋದಮೋದಜನನಃ ಸಪ್ರಮೋದಪ್ರಮೋದನಃ ॥ 48 ॥
ಸಂವರ್ಧಿತಮಹಾವೃದ್ಧಿರೃದ್ಧಿಸಿದ್ಧಿಪ್ರವರ್ಧನಃ ।
ದನ್ತಸೌಮುಖ್ಯಸುಮುಖಃ ಕಾನ್ತಿಕನ್ದಲಿತಾಶ್ರಯಃ ॥ 49 ॥
ಮದನಾವತ್ಯಾಶ್ರಿತಾಙ್ಘ್ರಿಃ ಕೃತವೈಮುಖ್ಯದುರ್ಮುಖಃ ।
ವಿಘ್ನಸಮ್ಪಲ್ಲವಃ ಪದ್ಮಃ ಸರ್ವೋನ್ನತಮದದ್ರವಃ ॥ 50 ॥
ವಿಘ್ನಕೃನ್ನಿಮ್ನಚರಣೋ ದ್ರಾವಿಣೀಶಕ್ತಿಸತ್ಕೃತಃ ।
ತೀವ್ರಾಪ್ರಸನ್ನನಯನೋ ಜ್ವಾಲಿನೀಪಾಲಿತೈಕದೃಕ್ ॥ 51 ॥
ಮೋಹಿನೀಮೋಹನೋ ಭೋಗದಾಯಿನೀಕಾನ್ತಿಮಣ್ಡನಃ ।
ಕಾಮಿನೀಕಾನ್ತವಕ್ತ್ರಶ್ರೀರಧಿಷ್ಠಿತವಸುನ್ಧರಃ ॥ 52 ॥
ವಸುಧಾರಾಮದೋನ್ನಾದೋ ಮಹಾಶಙ್ಖನಿಧಿಪ್ರಿಯಃ ।
ನಮದ್ವಸುಮತೀಮಾಲೀ ಮಹಾಪದ್ಮನಿಧಿಃ ಪ್ರಭುಃ ॥ 53 ॥
ಸರ್ವಸದ್ಗುರುಸಂಸೇವ್ಯಃ ಶೋಚಿಷ್ಕೇಶಹೃದಾಶ್ರಯಃ ।
ಈಶಾನಮೂರ್ಧಾ ದೇವೇನ್ದ್ರಶಿಖಃ ಪವನನನ್ದನಃ ॥ 54 ॥
ಪ್ರತ್ಯುಗ್ರನಯನೋ ದಿವ್ಯೋ ದಿವ್ಯಾಸ್ತ್ರಶತಪರ್ವಧೃಕ್ ।
ಐರಾವತಾದಿಸರ್ವಾಶಾವಾರಣೋ ವಾರಣಪ್ರಿಯಃ ॥ 55 ॥
ವಜ್ರಾದ್ಯಸ್ತ್ರಪರೀವಾರೋ ಗಣಚಣ್ಡಸಮಾಶ್ರಯಃ ।
ಜಯಾಜಯಪರಿಕರೋ ವಿಜಯಾವಿಜಯಾವಹಃ ॥ 56 ॥
ಅಜಯಾರ್ಚಿತಪಾದಾಬ್ಜೋ ನಿತ್ಯಾನನ್ದವನಸ್ಥಿತಃ ।
ವಿಲಾಸಿನೀಕೃತೋಲ್ಲಾಸಃ ಶೌಣ್ಡೀ ಸೌನ್ದರ್ಯಮಣ್ಡಿತಃ ॥ 57 ॥
ಅನನ್ತಾನನ್ತಸುಖದಃ ಸುಮಙ್ಗಲಸುಮಙ್ಗಲಃ ।
ಜ್ಞಾನಾಶ್ರಯಃ ಕ್ರಿಯಾಧಾರ ಇಚ್ಛಾಶಕ್ತಿನಿಷೇವಿತಃ ॥ 58 ॥
ಸುಭಗಾಸಂಶ್ರಿತಪದೋ ಲಲಿತಾಲಲಿತಾಶ್ರಯಃ ।
ಕಾಮಿನೀಪಾಲನಃ ಕಾಮಕಾಮಿನೀಕೇಲಿಲಾಲಿತಃ ॥ 59 ॥
ಸರಸ್ವತ್ಯಾಶ್ರಯೋ ಗೌರೀನನ್ದನಃ ಶ್ರೀನಿಕೇತನಃ ।
ಗುರುಗುಪ್ತಪದೋ ವಾಚಾಸಿದ್ಧೋ ವಾಗೀಶ್ವರೀಪತಿಃ ॥ 60 ॥
ನಲಿನೀಕಾಮುಕೋ ವಾಮಾರಾಮೋ ಜ್ಯೇಷ್ಠಾಮನೋರಮಃ ।
ರೌದ್ರೀಮುದ್ರಿತಪಾದಾಬ್ಜೋ ಹುಮ್ಬೀಜಸ್ತುಙ್ಗಶಕ್ತಿಕಃ ॥ 61 ॥
ವಿಶ್ವಾದಿಜನನತ್ರಾಣಃ ಸ್ವಾಹಾಶಕ್ತಿಃ ಸಕೀಲಕಃ ।
ಅಮೃತಾಬ್ಧಿಕೃತಾವಾಸೋ ಮದಘೂರ್ಣಿತಲೋಚನಃ ॥ 62 ॥
ಉಚ್ಛಿಷ್ಟೋಚ್ಛಿಷ್ಟಗಣಕೋ ಗಣೇಶೋ ಗಣನಾಯಕಃ ।
ಸಾರ್ವಕಾಲಿಕಸಂಸಿದ್ಧಿರ್ನಿತ್ಯಸೇವ್ಯೋ ದಿಗಮ್ಬರಃ ॥ 63 ॥
ಅನಪಾಯೋಽನನ್ತದೃಷ್ಟಿರಪ್ರಮೇಯೋಽಜರಾಮರಃ ।
ಅನಾವಿಲೋಽಪ್ರತಿಹತಿರಚ್ಯುತೋಽಮೃತಮಕ್ಷರಃ ॥ 64 ॥
ಅಪ್ರತರ್ಕ್ಯೋಽಕ್ಷಯೋಽಜಯ್ಯೋಽನಾಧಾರೋಽನಾಮಯೋಮಲಃ ।
ಅಮೇಯಸಿದ್ಧಿರದ್ವೈತಮಘೋರೋಽಗ್ನಿಸಮಾನನಃ ॥ 65 ॥
ಅನಾಕಾರೋಽಬ್ಧಿಭೂಮ್ಯಗ್ನಿಬಲಘ್ನೋಽವ್ಯಕ್ತಲಕ್ಷಣಃ ।
ಆಧಾರಪೀಠಮಾಧಾರ ಆಧಾರಾಧೇಯವರ್ಜಿತಃ ॥ 66 ॥
ಆಖುಕೇತನ ಆಶಾಪೂರಕ ಆಖುಮಹಾರಥಃ ।
ಇಕ್ಷುಸಾಗರಮಧ್ಯಸ್ಥ ಇಕ್ಷುಭಕ್ಷಣಲಾಲಸಃ ॥ 67 ॥
ಇಕ್ಷುಚಾಪಾತಿರೇಕಶ್ರೀರಿಕ್ಷುಚಾಪನಿಷೇವಿತಃ ।
ಇನ್ದ್ರಗೋಪಸಮಾನಶ್ರೀರಿನ್ದ್ರನೀಲಸಮದ್ಯುತಿಃ ॥ 68 ॥
ಇನ್ದೀವರದಲಶ್ಯಾಮ ಇನ್ದುಮಣ್ಡಲಮಣ್ಡಿತಃ ।
ಇಧ್ಮಪ್ರಿಯ ಇಡಾಭಾಗ ಇಡಾವಾನಿನ್ದಿರಾಪ್ರಿಯಃ ॥ 69 ॥
ಇಕ್ಷ್ವಾಕುವಿಘ್ನವಿಧ್ವಂಸೀ ಇತಿಕರ್ತವ್ಯತೇಪ್ಸಿತಃ ।
ಈಶಾನಮೌಲಿರೀಶಾನ ಈಶಾನಪ್ರಿಯ ಈತಿಹಾ ॥ 70 ॥
ಈಷಣಾತ್ರಯಕಲ್ಪಾನ್ತ ಈಹಾಮಾತ್ರವಿವರ್ಜಿತಃ ।
ಉಪೇನ್ದ್ರ ಉಡುಭೃನ್ಮೌಲಿರುಡುನಾಥಕರಪ್ರಿಯಃ ॥ 71 ॥
ಉನ್ನತಾನನ ಉತ್ತುಙ್ಗ ಉದಾರಸ್ತ್ರಿದಶಾಗ್ರಣೀಃ ।
ಊರ್ಜಸ್ವಾನೂಷ್ಮಲಮದ ಊಹಾಪೋಹದುರಾಸದಃ ॥ 72 ॥
ಋಗ್ಯಜುಃಸಾಮನಯನ ಋದ್ಧಿಸಿದ್ಧಿಸಮರ್ಪಕಃ ।
ಋಜುಚಿತ್ತೈಕಸುಲಭೋ ಋಣತ್ರಯವಿಮೋಚನಃ ॥ 73 ॥
ಲುಪ್ತವಿಘ್ನಃ ಸ್ವಭಕ್ತಾನಾಂ ಲುಪ್ತಶಕ್ತಿಃ ಸುರದ್ವಿಷಾಮ್ ।
ಲುಪ್ತಶ್ರೀರ್ವಿಮುಖಾರ್ಚಾನಾಂ ಲೂತಾವಿಸ್ಫೋಟನಾಶನಃ ॥ 74 ॥
ಏಕಾರಪೀಠಮಧ್ಯಸ್ಥ ಏಕಪಾದಕೃತಾಸನಃ ।
ಏಜಿತಾಖಿಲದೈತ್ಯಶ್ರೀರೇಧಿತಾಖಿಲಸಂಶ್ರಯಃ ॥ 75 ॥
ಐಶ್ವರ್ಯನಿಧಿರೈಶ್ವರ್ಯಮೈಹಿಕಾಮುಷ್ಮಿಕಪ್ರದಃ ।
ಐರಮ್ಮದಸಮೋನ್ಮೇಷ ಐರಾವತಸಮಾನನಃ ॥ 76 ॥
ಓಙ್ಕಾರವಾಚ್ಯ ಓಙ್ಕಾರ ಓಜಸ್ವಾನೋಷಧೀಪತಿಃ ।
ಔದಾರ್ಯನಿಧಿರೌದ್ಧತ್ಯಧೈರ್ಯ ಔನ್ನತ್ಯನಿಃಸಮಃ ॥ 77 ॥
ಅಙ್ಕುಶಃ ಸುರನಾಗಾನಾಮಙ್ಕುಶಾಕಾರಸಂಸ್ಥಿತಃ ।
ಅಃ ಸಮಸ್ತವಿಸರ್ಗಾನ್ತಪದೇಷು ಪರಿಕೀರ್ತಿತಃ ॥ 78 ॥
ಕಮಣ್ಡಲುಧರಃ ಕಲ್ಪಃ ಕಪರ್ದೀ ಕಲಭಾನನಃ ।
ಕರ್ಮಸಾಕ್ಷೀ ಕರ್ಮಕರ್ತಾ ಕರ್ಮಾಕರ್ಮಫಲಪ್ರದಃ ॥ 79 ॥
ಕದಮ್ಬಗೋಲಕಾಕಾರಃ ಕೂಷ್ಮಾಣ್ಡಗಣನಾಯಕಃ ।
ಕಾರುಣ್ಯದೇಹಃ ಕಪಿಲಃ ಕಥಕಃ ಕಟಿಸೂತ್ರಭೃತ್ ॥ 80 ॥
ಖರ್ವಃ ಖಡ್ಗಪ್ರಿಯಃ ಖಡ್ಗಃ ಖಾನ್ತಾನ್ತಃಸ್ಥಃ ಖನಿರ್ಮಲಃ ।
ಖಲ್ವಾಟಶೃಙ್ಗನಿಲಯಃ ಖಟ್ವಾಙ್ಗೀ ಖದುರಾಸದಃ ॥ 81 ॥
ಗುಣಾಢ್ಯೋ ಗಹನೋ ಗದ್ಯೋ ಗದ್ಯಪದ್ಯಸುಧಾರ್ಣವಃ ।
ಗದ್ಯಗಾನಪ್ರಿಯೋ ಗರ್ಜೋ ಗೀತಗೀರ್ವಾಣಪೂರ್ವಜಃ ॥ 82 ॥
ಗುಹ್ಯಾಚಾರರತೋ ಗುಹ್ಯೋ ಗುಹ್ಯಾಗಮನಿರೂಪಿತಃ ।
ಗುಹಾಶಯೋ ಗುಡಾಬ್ಧಿಸ್ಥೋ ಗುರುಗಮ್ಯೋ ಗುರುರ್ಗುರುಃ ॥ 83 ॥
ಘಣ್ಟಾಘರ್ಘರಿಕಾಮಾಲೀ ಘಟಕುಮ್ಭೋ ಘಟೋದರಃ ।
ಙಕಾರವಾಚ್ಯೋ ಙಾಕಾರೋ ಙಕಾರಾಕಾರಶುಣ್ಡಭೃತ್ ॥ 84 ॥
ಚಣ್ಡಶ್ಚಣ್ಡೇಶ್ವರಶ್ಚಣ್ಡೀ ಚಣ್ಡೇಶಶ್ಚಣ್ಡವಿಕ್ರಮಃ ।
ಚರಾಚರಪಿತಾ ಚಿನ್ತಾಮಣಿಶ್ಚರ್ವಣಲಾಲಸಃ ॥ 85 ॥
ಛನ್ದಶ್ಛನ್ದೋದ್ಭವಶ್ಛನ್ದೋ ದುರ್ಲಕ್ಷ್ಯಶ್ಛನ್ದವಿಗ್ರಹಃ ।
ಜಗದ್ಯೋನಿರ್ಜಗತ್ಸಾಕ್ಷೀ ಜಗದೀಶೋ ಜಗನ್ಮಯಃ ॥ 86 ॥
ಜಪ್ಯೋ ಜಪಪರೋ ಜಾಪ್ಯೋ ಜಿಹ್ವಾಸಿಂಹಾಸನಪ್ರಭುಃ ।
ಸ್ರವದ್ಗಣ್ಡೋಲ್ಲಸದ್ಧಾನಝಙ್ಕಾರಿಭ್ರಮರಾಕುಲಃ ॥ 87 ॥
ಟಙ್ಕಾರಸ್ಫಾರಸಂರಾವಷ್ಟಙ್ಕಾರಮಣಿನೂಪುರಃ ।
ಠದ್ವಯೀಪಲ್ಲವಾನ್ತಸ್ಥಸರ್ವಮನ್ತ್ರೇಷು ಸಿದ್ಧಿದಃ ॥ 88 ॥
ಡಿಣ್ಡಿಮುಣ್ಡೋ ಡಾಕಿನೀಶೋ ಡಾಮರೋ ಡಿಣ್ಡಿಮಪ್ರಿಯಃ ।
ಢಕ್ಕಾನಿನಾದಮುದಿತೋ ಢೌಙ್ಕೋ ಢುಣ್ಢಿವಿನಾಯಕಃ ॥ 89 ॥
ತತ್ತ್ವಾನಾಂ ಪ್ರಕೃತಿಸ್ತತ್ತ್ವಂ ತತ್ತ್ವಮ್ಪದನಿರೂಪಿತಃ ।
ತಾರಕಾನ್ತರಸಂಸ್ಥಾನಸ್ತಾರಕಸ್ತಾರಕಾನ್ತಕಃ ॥ 90 ॥
ಸ್ಥಾಣುಃ ಸ್ಥಾಣುಪ್ರಿಯಃ ಸ್ಥಾತಾ ಸ್ಥಾವರಂ ಜಙ್ಗಮಂ ಜಗತ್ ।
ದಕ್ಷಯಜ್ಞಪ್ರಮಥನೋ ದಾತಾ ದಾನಂ ದಮೋ ದಯಾ ॥ 91 ॥
ದಯಾವಾನ್ದಿವ್ಯವಿಭವೋ ದಣ್ಡಭೃದ್ದಣ್ಡನಾಯಕಃ ।
ದನ್ತಪ್ರಭಿನ್ನಾಭ್ರಮಾಲೋ ದೈತ್ಯವಾರಣದಾರಣಃ ॥ 92 ॥
ದಂಷ್ಟ್ರಾಲಗ್ನದ್ವೀಪಘಟೋ ದೇವಾರ್ಥನೃಗಜಾಕೃತಿಃ ।
ಧನಂ ಧನಪತೇರ್ಬನ್ಧುರ್ಧನದೋ ಧರಣೀಧರಃ ॥ 93 ॥
ಧ್ಯಾನೈಕಪ್ರಕಟೋ ಧ್ಯೇಯೋ ಧ್ಯಾನಂ ಧ್ಯಾನಪರಾಯಣಃ ।
ಧ್ವನಿಪ್ರಕೃತಿಚೀತ್ಕಾರೋ ಬ್ರಹ್ಮಾಣ್ಡಾವಲಿಮೇಖಲಃ ॥ 94 ॥
ನನ್ದ್ಯೋ ನನ್ದಿಪ್ರಿಯೋ ನಾದೋ ನಾದಮಧ್ಯಪ್ರತಿಷ್ಠಿತಃ ।
ನಿಷ್ಕಲೋ ನಿರ್ಮಲೋ ನಿತ್ಯೋ ನಿತ್ಯಾನಿತ್ಯೋ ನಿರಾಮಯಃ ॥ 95 ॥
ಪರಂ ವ್ಯೋಮ ಪರಂ ಧಾಮ ಪರಮಾತ್ಮಾ ಪರಂ ಪದಮ್ ॥ 96 ॥
ಪರಾತ್ಪರಃ ಪಶುಪತಿಃ ಪಶುಪಾಶವಿಮೋಚನಃ ।
ಪೂರ್ಣಾನನ್ದಃ ಪರಾನನ್ದಃ ಪುರಾಣಪುರುಷೋತ್ತಮಃ ॥ 97 ॥
ಪದ್ಮಪ್ರಸನ್ನವದನಃ ಪ್ರಣತಾಜ್ಞಾನನಾಶನಃ ।
ಪ್ರಮಾಣಪ್ರತ್ಯಯಾತೀತಃ ಪ್ರಣತಾರ್ತಿನಿವಾರಣಃ ॥ 98 ॥
ಫಣಿಹಸ್ತಃ ಫಣಿಪತಿಃ ಫೂತ್ಕಾರಃ ಫಣಿತಪ್ರಿಯಃ ।
ಬಾಣಾರ್ಚಿತಾಙ್ಘ್ರಿಯುಗಲೋ ಬಾಲಕೇಲಿಕುತೂಹಲೀ ।
ಬ್ರಹ್ಮ ಬ್ರಹ್ಮಾರ್ಚಿತಪದೋ ಬ್ರಹ್ಮಚಾರೀ ಬೃಹಸ್ಪತಿಃ ॥ 99 ॥
ಬೃಹತ್ತಮೋ ಬ್ರಹ್ಮಪರೋ ಬ್ರಹ್ಮಣ್ಯೋ ಬ್ರಹ್ಮವಿತ್ಪ್ರಿಯಃ ।
ಬೃಹನ್ನಾದಾಗ್ರ್ಯಚೀತ್ಕಾರೋ ಬ್ರಹ್ಮಾಣ್ಡಾವಲಿಮೇಖಲಃ ॥ 100 ॥
ಭ್ರೂಕ್ಷೇಪದತ್ತಲಕ್ಷ್ಮೀಕೋ ಭರ್ಗೋ ಭದ್ರೋ ಭಯಾಪಹಃ ।
ಭಗವಾನ್ ಭಕ್ತಿಸುಲಭೋ ಭೂತಿದೋ ಭೂತಿಭೂಷಣಃ ॥ 101 ॥
ಭವ್ಯೋ ಭೂತಾಲಯೋ ಭೋಗದಾತಾ ಭ್ರೂಮಧ್ಯಗೋಚರಃ ।
ಮನ್ತ್ರೋ ಮನ್ತ್ರಪತಿರ್ಮನ್ತ್ರೀ ಮದಮತ್ತೋ ಮನೋ ಮಯಃ ॥ 102 ॥
ಮೇಖಲಾಹೀಶ್ವರೋ ಮನ್ದಗತಿರ್ಮನ್ದನಿಭೇಕ್ಷಣಃ ।
ಮಹಾಬಲೋ ಮಹಾವೀರ್ಯೋ ಮಹಾಪ್ರಾಣೋ ಮಹಾಮನಾಃ ॥ 103 ॥
ಯಜ್ಞೋ ಯಜ್ಞಪತಿರ್ಯಜ್ಞಗೋಪ್ತಾ ಯಜ್ಞಫಲಪ್ರದಃ ।
ಯಶಸ್ಕರೋ ಯೋಗಗಮ್ಯೋ ಯಾಜ್ಞಿಕೋ ಯಾಜಕಪ್ರಿಯಃ ॥ 104 ॥
ರಸೋ ರಸಪ್ರಿಯೋ ರಸ್ಯೋ ರಞ್ಜಕೋ ರಾವಣಾರ್ಚಿತಃ ।
ರಾಜ್ಯರಕ್ಷಾಕರೋ ರತ್ನಗರ್ಭೋ ರಾಜ್ಯಸುಖಪ್ರದಃ ॥ 105 ॥
ಲಕ್ಷೋ ಲಕ್ಷಪತಿರ್ಲಕ್ಷ್ಯೋ ಲಯಸ್ಥೋ ಲಡ್ಡುಕಪ್ರಿಯಃ ।
ಲಾಸಪ್ರಿಯೋ ಲಾಸ್ಯಪರೋ ಲಾಭಕೃಲ್ಲೋಕವಿಶ್ರುತಃ ॥ 106 ॥
ವರೇಣ್ಯೋ ವಹ್ನಿವದನೋ ವನ್ದ್ಯೋ ವೇದಾನ್ತಗೋಚರಃ ।
ವಿಕರ್ತಾ ವಿಶ್ವತಶ್ಚಕ್ಷುರ್ವಿಧಾತಾ ವಿಶ್ವತೋಮುಖಃ ॥ 107 ॥
ವಾಮದೇವೋ ವಿಶ್ವನೇತಾ ವಜ್ರಿವಜ್ರನಿವಾರಣಃ ।
ವಿವಸ್ವದ್ಬನ್ಧನೋ ವಿಶ್ವಾಧಾರೋ ವಿಶ್ವೇಶ್ವರೋ ವಿಭುಃ ॥ 108 ॥
ಶಬ್ದಬ್ರಹ್ಮ ಶಮಪ್ರಾಪ್ಯಃ ಶಮ್ಭುಶಕ್ತಿಗಣೇಶ್ವರಃ ।
ಶಾಸ್ತಾ ಶಿಖಾಗ್ರನಿಲಯಃ ಶರಣ್ಯಃ ಶಮ್ಬರೇಶ್ವರಃ ॥ 109 ॥
ಷಡೃತುಕುಸುಮಸ್ರಗ್ವೀ ಷಡಾಧಾರಃ ಷಡಕ್ಷರಃ ।
ಸಂಸಾರವೈದ್ಯಃ ಸರ್ವಜ್ಞಃ ಸರ್ವಭೇಷಜಭೇಷಜಮ್ ॥ 110 ॥
ಸೃಷ್ಟಿಸ್ಥಿತಿಲಯಕ್ರೀಡಃ ಸುರಕುಞ್ಜರಭೇದಕಃ ।
ಸಿನ್ದೂರಿತಮಹಾಕುಮ್ಭಃ ಸದಸದ್ಭಕ್ತಿದಾಯಕಃ ॥ 111 ॥
ಸಾಕ್ಷೀ ಸಮುದ್ರಮಥನಃ ಸ್ವಯಂವೇದ್ಯಃ ಸ್ವದಕ್ಷಿಣಃ ।
ಸ್ವತನ್ತ್ರಃ ಸತ್ಯಸಙ್ಕಲ್ಪಃ ಸಾಮಗಾನರತಃ ಸುಖೀ ॥ 112 ॥
ಹಂಸೋ ಹಸ್ತಿಪಿಶಾಚೀಶೋ ಹವನಂ ಹವ್ಯಕವ್ಯಭುಕ್ ।
ಹವ್ಯಂ ಹುತಪ್ರಿಯೋ ಹೃಷ್ಟೋ ಹೃಲ್ಲೇಖಾಮನ್ತ್ರಮಧ್ಯಗಃ ॥ 113 ॥
ಕ್ಷೇತ್ರಾಧಿಪಃ ಕ್ಷಮಾಭರ್ತಾ ಕ್ಷಮಾಕ್ಷಮಪರಾಯಣಃ ।
ಕ್ಷಿಪ್ರಕ್ಷೇಮಕರಃ ಕ್ಷೇಮಾನನ್ದಃ ಕ್ಷೋಣೀಸುರದ್ರುಮಃ ॥ 114 ॥
ಧರ್ಮಪ್ರದೋಽರ್ಥದಃ ಕಾಮದಾತಾ ಸೌಭಾಗ್ಯವರ್ಧನಃ ।
ವಿದ್ಯಾಪ್ರದೋ ವಿಭವದೋ ಭುಕ್ತಿಮುಕ್ತಿಫಲಪ್ರದಃ ॥ 115 ॥
ಆಭಿರೂಪ್ಯಕರೋ ವೀರಶ್ರೀಪ್ರದೋ ವಿಜಯಪ್ರದಃ ।
ಸರ್ವವಶ್ಯಕರೋ ಗರ್ಭದೋಷಹಾ ಪುತ್ರಪೌತ್ರದಃ ॥ 116 ॥
ಮೇಧಾದಃ ಕೀರ್ತಿದಃ ಶೋಕಹಾರೀ ದೌರ್ಭಾಗ್ಯನಾಶನಃ ।
ಪ್ರತಿವಾದಿಮುಖಸ್ತಮ್ಭೋ ರುಷ್ಟಚಿತ್ತಪ್ರಸಾದನಃ ॥ 117 ॥
ಪರಾಭಿಚಾರಶಮನೋ ದುಃಖಹಾ ಬನ್ಧಮೋಕ್ಷದಃ ।
ಲವಸ್ತ್ರುಟಿಃ ಕಲಾ ಕಾಷ್ಠಾ ನಿಮೇಷಸ್ತತ್ಪರಕ್ಷಣಃ ॥ 118 ॥
ಘಟೀ ಮುಹೂರ್ತಃ ಪ್ರಹರೋ ದಿವಾ ನಕ್ತಮಹರ್ನಿಶಮ್ ।
ಪಕ್ಷೋ ಮಾಸರ್ತ್ವಯನಾಬ್ದಯುಗಂ ಕಲ್ಪೋ ಮಹಾಲಯಃ ॥ 119 ॥
ರಾಶಿಸ್ತಾರಾ ತಿಥಿರ್ಯೋಗೋ ವಾರಃ ಕರಣಮಂಶಕಮ್ ।
ಲಗ್ನಂ ಹೋರಾ ಕಾಲಚಕ್ರಂ ಮೇರುಃ ಸಪ್ತರ್ಷಯೋ ಧ್ರುವಃ ॥ 120 ॥
ರಾಹುರ್ಮನ್ದಃ ಕವಿರ್ಜೀವೋ ಬುಧೋ ಭೌಮಃ ಶಶೀ ರವಿಃ ।
ಕಾಲಃ ಸೃಷ್ಟಿಃ ಸ್ಥಿತಿರ್ವಿಶ್ವಂ ಸ್ಥಾವರಂ ಜಙ್ಗಮಂ ಜಗತ್ ॥ 121 ॥
ಭೂರಾಪೋಽಗ್ನಿರ್ಮರುದ್ವ್ಯೋಮಾಹಙ್ಕೃತಿಃ ಪ್ರಕೃತಿಃ ಪುಮಾನ್ ।
ಬ್ರಹ್ಮಾ ವಿಷ್ಣುಃ ಶಿವೋ ರುದ್ರ ಈಶಃ ಶಕ್ತಿಃ ಸದಾಶಿವಃ ॥ 122 ॥
ತ್ರಿದಶಾಃ ಪಿತರಃ ಸಿದ್ಧಾ ಯಕ್ಷಾ ರಕ್ಷಾಂಸಿ ಕಿನ್ನರಾಃ ।
ಸಿದ್ಧವಿದ್ಯಾಧರಾ ಭೂತಾ ಮನುಷ್ಯಾಃ ಪಶವಃ ಖಗಾಃ ॥ 123 ॥
ಸಮುದ್ರಾಃ ಸರಿತಃ ಶೈಲಾ ಭೂತಂ ಭವ್ಯಂ ಭವೋದ್ಭವಃ ।
ಸಾಙ್ಖ್ಯಂ ಪಾತಞ್ಜಲಂ ಯೋಗಂ ಪುರಾಣಾನಿ ಶ್ರುತಿಃ ಸ್ಮೃತಿಃ ॥ 124 ॥
ವೇದಾಙ್ಗಾನಿ ಸದಾಚಾರೋ ಮೀಮಾಂಸಾ ನ್ಯಾಯವಿಸ್ತರಃ ।
ಆಯುರ್ವೇದೋ ಧನುರ್ವೇದೋ ಗಾನ್ಧರ್ವಂ ಕಾವ್ಯನಾಟಕಮ್ ॥ 125 ॥
ವೈಖಾನಸಂ ಭಾಗವತಂ ಮಾನುಷಂ ಪಾಞ್ಚರಾತ್ರಕಮ್ ।
ಶೈವಂ ಪಾಶುಪತಂ ಕಾಲಾಮುಖಮ್ಭೈರವಶಾಸನಮ್ ॥ 126 ॥
ಶಾಕ್ತಂ ವೈನಾಯಕಂ ಸೌರಂ ಜೈನಮಾರ್ಹತಸಂಹಿತಾ ।
ಸದಸದ್ವ್ಯಕ್ತಮವ್ಯಕ್ತಂ ಸಚೇತನಮಚೇತನಮ್ ॥ 127 ॥
ಬನ್ಧೋ ಮೋಕ್ಷಃ ಸುಖಂ ಭೋಗೋ ಯೋಗಃ ಸತ್ಯಮಣುರ್ಮಹಾನ್ ।
ಸ್ವಸ್ತಿ ಹುಮ್ಫಟ್ ಸ್ವಧಾ ಸ್ವಾಹಾ ಶ್ರೌಷಟ್ ವೌಷಟ್ ವಷಣ್ ನಮಃ 128 ॥
ಜ್ಞಾನಂ ವಿಜ್ಞಾನಮಾನನ್ದೋ ಬೋಧಃ ಸಂವಿತ್ಸಮೋಽಸಮಃ ।
ಏಕ ಏಕಾಕ್ಷರಾಧಾರ ಏಕಾಕ್ಷರಪರಾಯಣಃ ॥ 129 ॥
ಏಕಾಗ್ರಧೀರೇಕವೀರ ಏಕೋಽನೇಕಸ್ವರೂಪಧೃಕ್ ।
ದ್ವಿರೂಪೋ ದ್ವಿಭುಜೋ ದ್ವ್ಯಕ್ಷೋ ದ್ವಿರದೋ ದ್ವೀಪರಕ್ಷಕಃ ॥ 130 ॥
ದ್ವೈಮಾತುರೋ ದ್ವಿವದನೋ ದ್ವನ್ದ್ವಹೀನೋ ದ್ವಯಾತಿಗಃ ।
ತ್ರಿಧಾಮಾ ತ್ರಿಕರಸ್ತ್ರೇತಾ ತ್ರಿವರ್ಗಫಲದಾಯಕಃ ॥ 131 ॥
ತ್ರಿಗುಣಾತ್ಮಾ ತ್ರಿಲೋಕಾದಿಸ್ತ್ರಿಶಕ್ತೀಶಸ್ತ್ರಿಲೋಚನಃ ।
ಚತುರ್ವಿಧವಚೋವೃತ್ತಿಪರಿವೃತ್ತಿಪ್ರವರ್ತಕಃ ॥ 132 ॥
ಚತುರ್ಬಾಹುಶ್ಚತುರ್ದನ್ತಶ್ಚತುರಾತ್ಮಾ ಚತುರ್ಭುಜಃ ।
ಚತುರ್ವಿಧೋಪಾಯಮಯಶ್ಚತುರ್ವರ್ಣಾಶ್ರಮಾಶ್ರಯಃ 133 ॥
ಚತುರ್ಥೀಪೂಜನಪ್ರೀತಶ್ಚತುರ್ಥೀತಿಥಿಸಮ್ಭವಃ ॥
ಪಞ್ಚಾಕ್ಷರಾತ್ಮಾ ಪಞ್ಚಾತ್ಮಾ ಪಞ್ಚಾಸ್ಯಃ ಪಞ್ಚಕೃತ್ತಮಃ ॥ 134 ॥
ಪಞ್ಚಾಧಾರಃ ಪಞ್ಚವರ್ಣಃ ಪಞ್ಚಾಕ್ಷರಪರಾಯಣಃ ।
ಪಞ್ಚತಾಲಃ ಪಞ್ಚಕರಃ ಪಞ್ಚಪ್ರಣವಮಾತೃಕಃ ॥ 135 ॥
ಪಞ್ಚಬ್ರಹ್ಮಮಯಸ್ಫೂರ್ತಿಃ ಪಞ್ಚಾವರಣವಾರಿತಃ ।
ಪಞ್ಚಭಕ್ಷಪ್ರಿಯಃ ಪಞ್ಚಬಾಣಃ ಪಞ್ಚಶಿಖಾತ್ಮಕಃ ॥ 136 ॥
ಷಟ್ಕೋಣಪೀಠಃ ಷಟ್ಚಕ್ರಧಾಮಾ ಷಡ್ಗ್ರನ್ಥಿಭೇದಕಃ ।
ಷಡಙ್ಗಧ್ವಾನ್ತವಿಧ್ವಂಸೀ ಷಡಙ್ಗುಲಮಹಾಹ್ರದಃ ॥ 137 ॥
ಷಣ್ಮುಖಃ ಷಣ್ಮುಖಭ್ರಾತಾ ಷಟ್ಶಕ್ತಿಪರಿವಾರಿತಃ ।
ಷಡ್ವೈರಿವರ್ಗವಿಧ್ವಂಸೀ ಷಡೂರ್ಮಿಭಯಭಞ್ಜನಃ ॥ 138 ॥
ಷಟ್ತರ್ಕದೂರಃ ಷಟ್ಕರ್ಮಾ ಷಡ್ಗುಣಃ ಷಡ್ರಸಾಶ್ರಯಃ ।
ಸಪ್ತಪಾತಾಲಚರಣಃ ಸಪ್ತದ್ವೀಪೋರುಮಣ್ಡಲಃ ॥ 139 ॥
ಸಪ್ತಸ್ವರ್ಲೋಕಮುಕುಟಃ ಸಪ್ತಸಪ್ತಿವರಪ್ರದಃ ।
ಸಪ್ತಾಙ್ಗರಾಜ್ಯಸುಖದಃ ಸಪ್ತರ್ಷಿಗಣವನ್ದಿತಃ ॥ 140 ॥
ಸಪ್ತಚ್ಛನ್ದೋನಿಧಿಃ ಸಪ್ತಹೋತ್ರಃ ಸಪ್ತಸ್ವರಾಶ್ರಯಃ ।
ಸಪ್ತಾಬ್ಧಿಕೇಲಿಕಾಸಾರಃ ಸಪ್ತಮಾತೃನಿಷೇವಿತಃ ॥ 141 ॥
ಸಪ್ತಚ್ಛನ್ದೋ ಮೋದಮದಃ ಸಪ್ತಚ್ಛನ್ದೋ ಮಖಪ್ರಭುಃ ।
ಅಷ್ಟಮೂರ್ತಿರ್ಧ್ಯೇಯಮೂರ್ತಿರಷ್ಟಪ್ರಕೃತಿಕಾರಣಮ್ ॥ 142 ॥
ಅಷ್ಟಾಙ್ಗಯೋಗಫಲಭೃದಷ್ಟಪತ್ರಾಮ್ಬುಜಾಸನಃ ।
ಅಷ್ಟಶಕ್ತಿಸಮಾನಶ್ರೀರಷ್ಟೈಶ್ವರ್ಯಪ್ರವರ್ಧನಃ ॥ 143 ॥
ಅಷ್ಟಪೀಠೋಪಪೀಠಶ್ರೀರಷ್ಟಮಾತೃಸಮಾವೃತಃ ।
ಅಷ್ಟಭೈರವಸೇವ್ಯೋಽಷ್ಟವಸುವನ್ದ್ಯೋಽಷ್ಟಮೂರ್ತಿಭೃತ್ ॥ 144 ॥
ಅಷ್ಟಚಕ್ರಸ್ಫುರನ್ಮೂರ್ತಿರಷ್ಟದ್ರವ್ಯಹವಿಃಪ್ರಿಯಃ ।
ಅಷ್ಟಶ್ರೀರಷ್ಟಸಾಮಶ್ರೀರಷ್ಟೈಶ್ವರ್ಯಪ್ರದಾಯಕಃ ।
ನವನಾಗಾಸನಾಧ್ಯಾಸೀ ನವನಿಧ್ಯನುಶಾಸಿತಃ ॥ 145 ॥
ನವದ್ವಾರಪುರಾವೃತ್ತೋ ನವದ್ವಾರನಿಕೇತನಃ ।
ನವನಾಥಮಹಾನಾಥೋ ನವನಾಗವಿಭೂಷಿತಃ ॥ 146 ॥
ನವನಾರಾಯಣಸ್ತುಲ್ಯೋ ನವದುರ್ಗಾನಿಷೇವಿತಃ ।
ನವರತ್ನವಿಚಿತ್ರಾಙ್ಗೋ ನವಶಕ್ತಿಶಿರೋದ್ಧೃತಃ ॥ 147 ॥
ದಶಾತ್ಮಕೋ ದಶಭುಜೋ ದಶದಿಕ್ಪತಿವನ್ದಿತಃ ।
ದಶಾಧ್ಯಾಯೋ ದಶಪ್ರಾಣೋ ದಶೇನ್ದ್ರಿಯನಿಯಾಮಕಃ ॥ 148 ॥
ದಶಾಕ್ಷರಮಹಾಮನ್ತ್ರೋ ದಶಾಶಾವ್ಯಾಪಿವಿಗ್ರಹಃ ।
ಏಕಾದಶಮಹಾರುದ್ರೈಃಸ್ತುತಶ್ಚೈಕಾದಶಾಕ್ಷರಃ ॥ 149 ॥
ದ್ವಾದಶದ್ವಿದಶಾಷ್ಟಾದಿದೋರ್ದಣ್ಡಾಸ್ತ್ರನಿಕೇತನಃ ।
ತ್ರಯೋದಶಭಿದಾಭಿನ್ನೋ ವಿಶ್ವೇದೇವಾಧಿದೈವತಮ್ ॥ 150 ॥
ಚತುರ್ದಶೇನ್ದ್ರವರದಶ್ಚತುರ್ದಶಮನುಪ್ರಭುಃ ।
ಚತುರ್ದಶಾದ್ಯವಿದ್ಯಾಢ್ಯಶ್ಚತುರ್ದಶಜಗತ್ಪತಿಃ ॥ 151 ॥
ಸಾಮಪಞ್ಚದಶಃ ಪಞ್ಚದಶೀಶೀತಾಂಶುನಿರ್ಮಲಃ ।
ತಿಥಿಪಞ್ಚದಶಾಕಾರಸ್ತಿಥ್ಯಾ ಪಞ್ಚದಶಾರ್ಚಿತಃ ॥ 152 ॥
ಷೋಡಶಾಧಾರನಿಲಯಃ ಷೋಡಶಸ್ವರಮಾತೃಕಃ ।
ಷೋಡಶಾನ್ತಪದಾವಾಸಃ ಷೋಡಶೇನ್ದುಕಲಾತ್ಮಕಃ ॥ 153 ॥
ಕಲಾಸಪ್ತದಶೀ ಸಪ್ತದಶಸಪ್ತದಶಾಕ್ಷರಃ ।
ಅಷ್ಟಾದಶದ್ವೀಪಪತಿರಷ್ಟಾದಶಪುರಾಣಕೃತ್ ॥ 154 ॥
ಅಷ್ಟಾದಶೌಷಧೀಸೃಷ್ಟಿರಷ್ಟಾದಶವಿಧಿಃ ಸ್ಮೃತಃ ।
ಅಷ್ಟಾದಶಲಿಪಿವ್ಯಷ್ಟಿಸಮಷ್ಟಿಜ್ಞಾನಕೋವಿದಃ ॥ 155 ॥
ಅಷ್ಟಾದಶಾನ್ನಸಮ್ಪತ್ತಿರಷ್ಟಾದಶವಿಜಾತಿಕೃತ್ ।
ಏಕವಿಂಶಃ ಪುಮಾನೇಕವಿಂಶತ್ಯಙ್ಗುಲಿಪಲ್ಲವಃ ॥ 156 ॥
ಚತುರ್ವಿಂಶತಿತತ್ತ್ವಾತ್ಮಾ ಪಞ್ಚವಿಂಶಾಖ್ಯಪೂರುಷಃ ।
ಸಪ್ತವಿಂಶತಿತಾರೇಶಃ ಸಪ್ತವಿಂಶತಿಯೋಗಕೃತ್ ॥ 157 ॥
ದ್ವಾತ್ರಿಂಶದ್ಭೈರವಾಧೀಶಶ್ಚತುಸ್ತ್ರಿಂಶನ್ಮಹಾಹ್ರದಃ ।
ಷಟ್ತ್ರಿಂಶತ್ತತ್ತ್ವಸಮ್ಭೂತಿರಷ್ಟತ್ರಿಂಶತ್ಕಲಾತ್ಮಕಃ ॥ 158 ॥
ಪಞ್ಚಾಶದ್ವಿಷ್ಣುಶಕ್ತೀಶಃ ಪಞ್ಚಾಶನ್ಮಾತೃಕಾಲಯಃ ।
ದ್ವಿಪಞ್ಚಾಶದ್ವಪುಃಶ್ರೇಣೀತ್ರಿಷಷ್ಟ್ಯಕ್ಷರಸಂಶ್ರಯಃ ।
ಪಞ್ಚಾಶದಕ್ಷರಶ್ರೇಣೀಪಞ್ಚಾಶದ್ರುದ್ರವಿಗ್ರಹಃ ॥ 159 ॥
ಚತುಃಷಷ್ಟಿಮಹಾಸಿದ್ಧಿಯೋಗಿನೀವೃನ್ದವನ್ದಿತಃ ।
ನಮದೇಕೋನಪಞ್ಚಾಶನ್ಮರುದ್ವರ್ಗನಿರರ್ಗಲಃ ॥ 160 ॥
ಚತುಃಷಷ್ಟ್ಯರ್ಥನಿರ್ಣೇತಾ ಚತುಃಷಷ್ಟಿಕಲಾನಿಧಿಃ ।
ಅಷ್ಟಷಷ್ಟಿಮಹಾತೀರ್ಥಕ್ಷೇತ್ರಭೈರವವನ್ದಿತಃ ॥ 161 ॥
ಚತುರ್ನವತಿಮನ್ತ್ರಾತ್ಮಾ ಷಣ್ಣವತ್ಯಧಿಕಪ್ರಭುಃ ।
ಶತಾನನ್ದಃ ಶತಧೃತಿಃ ಶತಪತ್ರಾಯತೇಕ್ಷಣಃ ॥ 162 ॥
ಶತಾನೀಕಃ ಶತಮಖಃ ಶತಧಾರಾವರಾಯುಧಃ ।
ಸಹಸ್ರಪತ್ರನಿಲಯಃ ಸಹಸ್ರಫಣಿಭೂಷಣಃ ॥ 163 ॥
ಸಹಸ್ರಶೀರ್ಷಾ ಪುರುಷಃ ಸಹಸ್ರಾಕ್ಷಃ ಸಹಸ್ರಪಾತ್ ।
ಸಹಸ್ರನಾಮಸಂಸ್ತುತ್ಯಃ ಸಹಸ್ರಾಕ್ಷಬಲಾಪಹಃ ॥ 164 ॥
ದಶಸಾಹಸ್ರಫಣಿಭೃತ್ಫಣಿರಾಜಕೃತಾಸನಃ ।
ಅಷ್ಟಾಶೀತಿಸಹಸ್ರಾದ್ಯಮಹರ್ಷಿಸ್ತೋತ್ರಪಾಠಿತಃ ॥ 165 ॥
ಲಕ್ಷಾಧಾರಃ ಪ್ರಿಯಾಧಾರೋ ಲಕ್ಷಾಧಾರಮನೋಮಯಃ ।
ಚತುರ್ಲಕ್ಷಜಪಪ್ರೀತಶ್ಚತುರ್ಲಕ್ಷಪ್ರಕಾಶಕಃ ॥ 166 ॥
ಚತುರಶೀತಿಲಕ್ಷಾಣಾಂ ಜೀವಾನಾಂ ದೇಹಸಂಸ್ಥಿತಃ ।
ಕೋಟಿಸೂರ್ಯಪ್ರತೀಕಾಶಃ ಕೋಟಿಚನ್ದ್ರಾಂಶುನಿರ್ಮಲಃ ॥ 167 ॥
ಶಿವೋದ್ಭವಾದ್ಯಷ್ಟಕೋಟಿವೈನಾಯಕಧುರನ್ಧರಃ ।
ಸಪ್ತಕೋಟಿಮಹಾಮನ್ತ್ರಮನ್ತ್ರಿತಾವಯವದ್ಯುತಿಃ ॥ 168 ॥
ತ್ರಯಸ್ತ್ರಿಂಶತ್ಕೋಟಿಸುರಶ್ರೇಣೀಪ್ರಣತಪಾದುಕಃ ।
ಅನನ್ತದೇವತಾಸೇವ್ಯೋ ಹ್ಯನನ್ತಶುಭದಾಯಕಃ ॥ 169 ॥
ಅನನ್ತನಾಮಾನನ್ತಶ್ರೀರನನ್ತೋಽನನ್ತಸೌಖ್ಯದಃ ।
ಅನನ್ತಶಕ್ತಿಸಹಿತೋ ಹ್ಯನನ್ತಮುನಿಸಂಸ್ತುತಃ ॥ 170 ॥
ಇತಿ ವೈನಾಯಕಂ ನಾಮ್ನಾಂ ಸಹಸ್ರಮಿದಮೀರಿತಮ್ ।
ಇದಂ ಬ್ರಾಹ್ಮೇ ಮುಹೂರ್ತೇ ಯಃ ಪಠತಿ ಪ್ರತ್ಯಹಂ ನರಃ ॥ 171 ॥
ಕರಸ್ಥಂ ತಸ್ಯ ಸಕಲಮೈಹಿಕಾಮುಷ್ಮಿಕಂ ಸುಖಮ್ ।
ಆಯುರಾರೋಗ್ಯಮೈಶ್ವರ್ಯಂ ಧೈರ್ಯಂ ಶೌರ್ಯಂ ಬಲಂ ಯಶಃ ॥ 172 ॥
ಮೇಧಾ ಪ್ರಜ್ಞಾ ಧೃತಿಃ ಕಾನ್ತಿಃ ಸೌಭಾಗ್ಯಮಭಿರೂಪತಾ ।
ಸತ್ಯಂ ದಯಾ ಕ್ಷಮಾ ಶಾನ್ತಿರ್ದಾಕ್ಷಿಣ್ಯಂ ಧರ್ಮಶೀಲತಾ ॥ 173 ॥
ಜಗತ್ಸಂವನನಂ ವಿಶ್ವಸಂವಾದೋ ವೇದಪಾಟವಮ್ ।
ಸಭಾಪಾಣ್ಡಿತ್ಯಮೌದಾರ್ಯಂ ಗಾಮ್ಭೀರ್ಯಂ ಬ್ರಹ್ಮವರ್ಚಸಮ್ ॥ 174 ॥
ಓಜಸ್ತೇಜಃ ಕುಲಂ ಶೀಲಂ ಪ್ರತಾಪೋ ವೀರ್ಯಮಾರ್ಯತಾ ।
ಜ್ಞಾನಂ ವಿಜ್ಞಾನಮಾಸ್ತಿಕ್ಯಂ ಸ್ಥೈರ್ಯಂ ವಿಶ್ವಾಸತಾ ತಥಾ ॥ 175 ॥
ಧನಧಾನ್ಯಾದಿವೃದ್ಧಿಶ್ಚ ಸಕೃದಸ್ಯ ಜಪಾದ್ಭವೇತ್ ।
ವಶ್ಯಂ ಚತುರ್ವಿಧಂ ವಿಶ್ವಂ ಜಪಾದಸ್ಯ ಪ್ರಜಾಯತೇ ॥ 176 ॥
ರಾಜ್ಞೋ ರಾಜಕಲತ್ರಸ್ಯ ರಾಜಪುತ್ರಸ್ಯ ಮನ್ತ್ರಿಣಃ ।
ಜಪ್ಯತೇ ಯಸ್ಯ ವಶ್ಯಾರ್ಥೇ ಸ ದಾಸಸ್ತಸ್ಯ ಜಾಯತೇ ॥ 177 ॥
ಧರ್ಮಾರ್ಥಕಾಮಮೋಕ್ಷಾಣಾಮನಾಯಾಸೇನ ಸಾಧನಮ್ ।
ಶಾಕಿನೀಡಾಕಿನೀರಕ್ಷೋಯಕ್ಷಗ್ರಹಭಯಾಪಹಮ್ ॥ 178 ॥
ಸಾಮ್ರಾಜ್ಯಸುಖದಂ ಸರ್ವಸಪತ್ನಮದಮರ್ದನಮ್ ।
ಸಮಸ್ತಕಲಹಧ್ವಂಸಿ ದಗ್ಧಬೀಜಪ್ರರೋಹಣಮ್ ॥ 179 ॥
ದುಃಸ್ವಪ್ನಶಮನಂ ಕ್ರುದ್ಧಸ್ವಾಮಿಚಿತ್ತಪ್ರಸಾದನಮ್ ।
ಷಡ್ವರ್ಗಾಷ್ಟಮಹಾಸಿದ್ಧಿತ್ರಿಕಾಲಜ್ಞಾನಕಾರಣಮ್ ॥ 180 ॥
ಪರಕೃತ್ಯಪ್ರಶಮನಂ ಪರಚಕ್ರಪ್ರಮರ್ದನಮ್ ।
ಸಙ್ಗ್ರಾಮಮಾರ್ಗೇ ಸವೇಷಾಮಿದಮೇಕಂ ಜಯಾವಹಮ್ ॥ 181 ॥
ಸರ್ವವನ್ಧ್ಯತ್ವದೋಷಘ್ನಂ ಗರ್ಭರಕ್ಷೈಕಕಾರಣಮ್ ।
ಪಠ್ಯತೇ ಪ್ರತ್ಯಹಂ ಯತ್ರ ಸ್ತೋತ್ರಂ ಗಣಪತೇರಿದಮ್ ॥ 182 ॥
ದೇಶೇ ತತ್ರ ನ ದುರ್ಭಿಕ್ಷಮೀತಯೋ ದುರಿತಾನಿ ಚ ।
ನ ತದ್ಗೇಹಂ ಜಹಾತಿ ಶ್ರೀರ್ಯತ್ರಾಯಂ ಜಪ್ಯತೇ ಸ್ತವಃ ॥ 183 ॥
ಕ್ಷಯಕುಷ್ಠಪ್ರಮೇಹಾರ್ಶಭಗನ್ದರವಿಷೂಚಿಕಾಃ ।
ಗುಲ್ಮಂ ಪ್ಲೀಹಾನಮಶಮಾನಮತಿಸಾರಂ ಮಹೋದರಮ್ ॥ 184 ॥
ಕಾಸಂ ಶ್ವಾಸಮುದಾವರ್ತಂ ಶೂಲಂ ಶೋಫಾಮಯೋದರಮ್ ।
ಶಿರೋರೋಗಂ ವಮಿಂ ಹಿಕ್ಕಾಂ ಗಣ್ಡಮಾಲಾಮರೋಚಕಮ್ ॥ 185 ॥
ವಾತಪಿತ್ತಕಫದ್ವನ್ದ್ವತ್ರಿದೋಷಜನಿತಜ್ವರಮ್ ।
ಆಗನ್ತುವಿಷಮಂ ಶೀತಮುಷ್ಣಂ ಚೈಕಾಹಿಕಾದಿಕಮ್ ॥ 186 ॥
ಇತ್ಯಾದ್ಯುಕ್ತಮನುಕ್ತಂ ವಾ ರೋಗದೋಷಾದಿಸಮ್ಭವಮ್ ।
ಸರ್ವಂ ಪ್ರಶಮಯತ್ಯಾಶು ಸ್ತೋತ್ರಸ್ಯಾಸ್ಯ ಸಕೃಜ್ಜಪಃ ॥ 187 ॥
ಪ್ರಾಪ್ಯತೇಽಸ್ಯ ಜಪಾತ್ಸಿದ್ಧಿಃ ಸ್ತ್ರೀಶೂದ್ರೈಃ ಪತಿತೈರಪಿ ।
ಸಹಸ್ರನಾಮಮನ್ತ್ರೋಽಯಂ ಜಪಿತವ್ಯಃ ಶುಭಾಪ್ತಯೇ ॥ 188 ॥
ಮಹಾಗಣಪತೇಃ ಸ್ತೋತ್ರಂ ಸಕಾಮಃ ಪ್ರಜಪನ್ನಿದಮ್ ।
ಇಚ್ಛಯಾ ಸಕಲಾನ್ ಭೋಗಾನುಪಭುಜ್ಯೇಹ ಪಾರ್ಥಿವಾನ್ ॥ 189 ॥
ಮನೋರಥಫಲೈರ್ದಿವ್ಯೈರ್ವ್ಯೋಮಯಾನೈರ್ಮನೋರಮೈಃ ।
ಚನ್ದ್ರೇನ್ದ್ರಭಾಸ್ಕರೋಪೇನ್ದ್ರಬ್ರಹ್ಮಶರ್ವಾದಿಸದ್ಮಸು ॥ 190 ॥
ಕಾಮರೂಪಃ ಕಾಮಗತಿಃ ಕಾಮದಃ ಕಾಮದೇಶ್ವರಃ ।
ಭುಕ್ತ್ವಾ ಯಥೇಪ್ಸಿತಾನ್ಭೋಗಾನಭೀಷ್ಟೈಃ ಸಹ ಬನ್ಧುಭಿಃ ॥ 191 ॥
ಗಣೇಶಾನುಚರೋ ಭೂತ್ವಾ ಗಣೋ ಗಣಪತಿಪ್ರಿಯಃ ।
ನನ್ದೀಶ್ವರಾದಿಸಾನನ್ದೈರ್ನನ್ದಿತಃ ಸಕಲೈರ್ಗಣೈಃ ॥ 192 ॥
ಶಿವಾಭ್ಯಾಂ ಕೃಪಯಾ ಪುತ್ರನಿರ್ವಿಶೇಷಂ ಚ ಲಾಲಿತಃ ।
ಶಿವಭಕ್ತಃ ಪೂರ್ಣಕಾಮೋ ಗಣೇಶ್ವರವರಾತ್ಪುನಃ ॥ 193 ॥
ಜಾತಿಸ್ಮರೋ ಧರ್ಮಪರಃ ಸಾರ್ವಭೌಮೋಽಭಿಜಾಯತೇ ।
ನಿಷ್ಕಾಮಸ್ತು ಜಪನ್ನಿತ್ಯಂ ಭಕ್ತ್ಯಾ ವಿಘ್ನೇಶತತ್ಪರಃ ॥ 194 ॥
ಯೋಗಸಿದ್ಧಿಂ ಪರಾಂ ಪ್ರಾಪ್ಯ ಜ್ಞಾನವೈರಾಗ್ಯಸಂಯುತಃ ।
ನಿರನ್ತರೇ ನಿರಾಬಾಧೇ ಪರಮಾನನ್ದಸಞ್ಜ್ಞಿತೇ ॥ 195 ॥
ವಿಶ್ವೋತ್ತೀರ್ಣೇ ಪರೇ ಪೂರ್ಣೇ ಪುನರಾವೃತ್ತಿವರ್ಜಿತೇ ।
ಲೀನೋ ವೈನಾಯಕೇ ಧಾಮ್ನಿ ರಮತೇ ನಿತ್ಯನಿರ್ವೃತೇ ॥ 196 ॥
ಯೋ ನಾಮಭಿರ್ಹುತೈರ್ದತ್ತೈಃ ಪೂಜಯೇದರ್ಚಯೇಏನ್ನರಃ ।
ರಾಜಾನೋ ವಶ್ಯತಾಂ ಯಾನ್ತಿ ರಿಪವೋ ಯಾನ್ತಿ ದಾಸತಾಮ್ ॥ 197 ॥
ತಸ್ಯ ಸಿಧ್ಯನ್ತಿ ಮನ್ತ್ರಾಣಾಂ ದುರ್ಲಭಾಶ್ಚೇಷ್ಟಸಿದ್ಧಯಃ ।
ಮೂಲಮನ್ತ್ರಾದಪಿ ಸ್ತೋತ್ರಮಿದಂ ಪ್ರಿಯತಮಂ ಮಮ ॥ 198 ॥
ನಭಸ್ಯೇ ಮಾಸಿ ಶುಕ್ಲಾಯಾಂ ಚತುರ್ಥ್ಯಾಂ ಮಮ ಜನ್ಮನಿ ।
ದೂರ್ವಾಭಿರ್ನಾಮಭಿಃ ಪೂಜಾಂ ತರ್ಪಣಂ ವಿಧಿವಚ್ಚರೇತ್ ॥ 199 ॥
ಅಷ್ಟದ್ರವ್ಯೈರ್ವಿಶೇಷೇಣ ಕುರ್ಯಾದ್ಭಕ್ತಿಸುಸಂಯುತಃ ।
ತಸ್ಯೇಪ್ಸಿತಂ ಧನಂ ಧಾನ್ಯಮೈಶ್ವರ್ಯಂ ವಿಜಯೋ ಯಶಃ ॥ 200 ॥
ಭವಿಷ್ಯತಿ ನ ಸನ್ದೇಹಃ ಪುತ್ರಪೌತ್ರಾದಿಕಂ ಸುಖಮ್ ।
ಇದಂ ಪ್ರಜಪಿತಂ ಸ್ತೋತ್ರಂ ಪಠಿತಂ ಶ್ರಾವಿತಂ ಶ್ರುತಮ್ ॥ 201 ॥
ವ್ಯಾಕೃತಂ ಚರ್ಚಿತಂ ಧ್ಯಾತಂ ವಿಮೃಷ್ಟಮಭಿವನ್ದಿತಮ್ ।
ಇಹಾಮುತ್ರ ಚ ವಿಶ್ವೇಷಾಂ ವಿಶ್ವೈಶ್ವರ್ಯಪ್ರದಾಯಕಮ್ ॥ 202 ॥
ಸ್ವಚ್ಛನ್ದಚಾರಿಣಾಪ್ಯೇಷ ಯೇನ ಸನ್ಧಾರ್ಯತೇ ಸ್ತವಃ ।
ಸ ರಕ್ಷ್ಯತೇ ಶಿವೋದ್ಭೂತೈರ್ಗಣೈರಧ್ಯಷ್ಟಕೋಟಿಭಿಃ ॥ 203 ॥
ಲಿಖಿತಂ ಪುಸ್ತಕಸ್ತೋತ್ರಂ ಮನ್ತ್ರಭೂತಂ ಪ್ರಪೂಜಯೇತ್ ।
ತತ್ರ ಸರ್ವೋತ್ತಮಾ ಲಕ್ಷ್ಮೀಃ ಸನ್ನಿಧತ್ತೇ ನಿರನ್ತರಮ್ ॥ 204 ॥
ದಾನೈರಶೇಷೈರಖಿಲೈರ್ವ್ರತೈಶ್ಚ ತೀರ್ಥೈರಶೇಷೈರಖಿಲೈರ್ಮಖೈಶ್ಚ ।
ನ ತತ್ಫಲಂ ವಿನ್ದತಿ ಯದ್ಗಣೇಶಸಹಸ್ರನಾಮಸ್ಮರಣೇನ ಸದ್ಯಃ ॥ 205 ॥
ಏತನ್ನಾಮ್ನಾಂ ಸಹಸ್ರಂ ಪಠತಿ ದಿನಮಣೌ ಪ್ರತ್ಯಹಮ್ಪ್ರೋಜ್ಜಿಹಾನೇ
ಸಾಯಂ ಮಧ್ಯನ್ದಿನೇ ವಾ ತ್ರಿಷವಣಮಥವಾ ಸನ್ತತಂ ವಾ ಜನೋ ಯಃ ।
ಸ ಸ್ಯಾದೈಶ್ವರ್ಯಧುರ್ಯಃ ಪ್ರಭವತಿ ವಚಸಾಂ ಕೀರ್ತಿಮುಚ್ಚೈಸ್ತನೋತಿ
ದಾರಿದ್ರ್ಯಂ ಹನ್ತಿ ವಿಶ್ವಂ ವಶಯತಿ ಸುಚಿರಂ ವರ್ಧತೇ ಪುತ್ರಪೌತ್ರೈಃ ॥ 206 ॥
ಅಕಿಞ್ಚನೋಪ್ಯೇಕಚಿತ್ತೋ ನಿಯತೋ ನಿಯತಾಸನಃ ।
ಪ್ರಜಪಂಶ್ಚತುರೋ ಮಾಸಾನ್ ಗಣೇಶಾರ್ಚನತತ್ಪರಃ ॥ 207 ॥
ದರಿದ್ರತಾಂ ಸಮುನ್ಮೂಲ್ಯ ಸಪ್ತಜನ್ಮಾನುಗಾಮಪಿ ।
ಲಭತೇ ಮಹತೀಂ ಲಕ್ಷ್ಮೀಮಿತ್ಯಾಜ್ಞಾ ಪಾರಮೇಶ್ವರೀ ॥ 208 ॥
ಆಯುಷ್ಯಂ ವೀತರೋಗಂ ಕುಲಮತಿವಿಮಲಂ ಸಮ್ಪದಶ್ಚಾರ್ತಿನಾಶಃ
ಕೀರ್ತಿರ್ನಿತ್ಯಾವದಾತಾ ಭವತಿ ಖಲು ನವಾ ಕಾನ್ತಿರವ್ಯಾಜಭವ್ಯಾ ।
ಪುತ್ರಾಃ ಸನ್ತಃ ಕಲತ್ರಂ ಗುಣವದಭಿಮತಂ ಯದ್ಯದನ್ಯಚ್ಚ ತತ್ತ -
ನ್ನಿತ್ಯಂ ಯಃ ಸ್ತೋತ್ರಮೇತತ್ ಪಠತಿ ಗಣಪತೇಸ್ತಸ್ಯ ಹಸ್ತೇ ಸಮಸ್ತಮ್ ॥ 209 ॥
ಗಣಞ್ಜಯೋ ಗಣಪತಿರ್ಹೇರಮ್ಬೋ ಧರಣೀಧರಃ ।
ಮಹಾಗಣಪತಿರ್ಬುದ್ಧಿಪ್ರಿಯಃ ಕ್ಷಿಪ್ರಪ್ರಸಾದನಃ ॥ 210 ॥
ಅಮೋಘಸಿದ್ಧಿರಮೃತಮನ್ತ್ರಶ್ಚಿನ್ತಾಮಣಿರ್ನಿಧಿಃ ।
ಸುಮಙ್ಗಲೋ ಬೀಜಮಾಶಾಪೂರಕೋ ವರದಃ ಕಲಃ ॥ 211 ॥
ಕಾಶ್ಯಪೋ ನನ್ದನೋ ವಾಚಾಸಿದ್ಧೋ ಢುಣ್ಢಿರ್ವಿನಾಯಕಃ ।
ಮೋದಕೈರೇಭಿರತ್ರೈಕವಿಂಶತ್ಯಾ ನಾಮಭಿಃ ಪುಮಾನ್ ॥ 212 ॥
ಉಪಾಯನಂ ದದೇದ್ಭಕ್ತ್ಯಾ ಮತ್ಪ್ರಸಾದಂ ಚಿಕೀರ್ಷತಿ ।
ವತ್ಸರಂ ವಿಘ್ನರಾಜೋಽಸ್ಯ ತಥ್ಯಮಿಷ್ಟಾರ್ಥಸಿದ್ಧಯೇ ॥ 213 ॥
ಯಃ ಸ್ತೌತಿ ಮದ್ಗತಮನಾ ಮಮಾರಾಧನತತ್ಪರಃ ।
ಸ್ತುತೋ ನಾಮ್ನಾ ಸಹಸ್ರೇಣ ತೇನಾಹಂ ನಾತ್ರ ಸಂಶಯಃ ॥ 214 ॥
ನಮೋ ನಮಃ ಸುರವರಪೂಜಿತಾಙ್ಘ್ರಯೇ
ನಮೋ ನಮೋ ನಿರುಪಮಮಙ್ಗಲಾತ್ಮನೇ ।
ನಮೋ ನಮೋ ವಿಪುಲದಯೈಕಸಿದ್ಧಯೇ
ನಮೋ ನಮಃ ಕರಿಕಲಭಾನನಾಯ ತೇ ॥ 215 ॥
ಕಿಙ್ಕಿಣೀಗಣರಚಿತಚರಣಃ
ಪ್ರಕಟಿತಗುರುಮಿತಚಾರುಕರಣಃ ।
ಮದಜಲಲಹರೀಕಲಿತಕಪೋಲಃ
ಶಮಯತು ದುರಿತಂ ಗಣಪತಿನಾಮ್ನಾ ॥ 216 ॥
॥ ಇತಿ ಶ್ರೀಗಣೇಶಪುರಾಣೇ ಉಪಾಸನಾಖಣ್ಡೇ ಈಶ್ವರಗಣೇಶಸಂವಾದೇ
ಗಣೇಶಸಹಸ್ರನಾಮಸ್ತೋತ್ರಂ ನಾಮ ಷಟ್ಚತ್ವಾರಿಂಶೋಧ್ಯಾಯಃ ॥
Roman (IAST) Transliteration
muniruvāca
kathaṃ nāmnāṃ sahasraṃ taṃ gaṇeśa upadiṣṭavān |
śivadaṃ tanmamācakṣva lokānugrahatatpara || 1 ||
brahmovāca
devaḥ pūrvaṃ purārātiḥ puratrayajayodyame |
anarcanādgaṇeśasya jāto vighnākulaḥ kila || 2 ||
manasā sa vinirdhārya dadṛśe vighnakāraṇam |
mahāgaṇapatiṃ bhaktyā samabhyarcya yathāvidhi || 3 ||
vighnapraśamanopāyamapṛcchadapariśramam |
santuṣṭaḥ pūjayā śambhormahāgaṇapatiḥ svayam || 4 ||
sarvavighnapraśamanaṃ sarvakāmaphalapradam |
tatastasmai svayaṃ nāmnāṃ sahasramidamabravīt || 5 ||
asya śrīmahāgaṇapatisahasranāmastotramālāmantrasya |
gaṇeśa ṛṣiḥ, mahāgaṇapatirdevatā, nānāvidhānicchandāṃsi |
humiti bījam, tuṅgamiti śaktiḥ, svāhāśaktiriti kīlakam |
sakalavighnavināśanadvārā śrīmahāgaṇapatiprasādasiddhyarthe jape viniyogaḥ |
atha karanyāsaḥ
gaṇeśvaro gaṇakrīḍa ityaṅguṣṭhābhyāṃ namaḥ |
kumāragururīśāna iti tarjanībhyāṃ namaḥ ||
brahmāṇḍakumbhaścidvyometi madhyamābhyāṃ namaḥ |
rakto raktāmbaradhara ityanāmikābhyāṃ namaḥ
sarvasadgurusaṃsevya iti kaniṣṭhikābhyāṃ namaḥ |
luptavighnaḥ svabhaktānāmiti karatalakarapṛṣṭhābhyāṃ namaḥ ||
atha aṅganyāsaḥ
chandaśchandodbhava iti hṛdayāya namaḥ |
niṣkalo nirmala iti śirase svāhā |
sṛṣṭisthitilayakrīḍa iti śikhāyai vaṣaṭ |
jñānaṃ vijñānamānanda iti kavacāya hum |
aṣṭāṅgayogaphalabhṛditi netratrayāya vauṣaṭ |
anantaśaktisahita ityastrāya phaṭ |
bhūrbhuvaḥ svaroṃ iti digbandhaḥ |
atha dhyānam
gajavadanamacintyaṃ tīkṣṇadaṃṣṭraṃ trinetraṃ
bṛhadudaramaśeṣaṃ bhūtirājaṃ purāṇam |
amaravarasupūjyaṃ raktavarṇaṃ sureśaṃ
paśupatisutamīśaṃ vighnarājaṃ namāmi ||
śrīgaṇapatiruvāca
oṃ gaṇeśvaro gaṇakrīḍo gaṇanātho gaṇādhipaḥ |
ekadanto vakratuṇḍo gajavaktro mahodaraḥ || 1 ||
lambodaro dhūmravarṇo vikaṭo vighnanāśanaḥ |
sumukho durmukho buddho vighnarājo gajānanaḥ || 2 ||
bhīmaḥ pramoda āmodaḥ surānando madotkaṭaḥ |
herambaḥ śambaraḥ śambhurlambakarṇo mahābalaḥ || 3 ||
nandano lampaṭo bhīmo meghanādo gaṇañjayaḥ |
vināyako virūpākṣo vīraḥ śūravarapradaḥ || 4 ||
mahāgaṇapatirbuddhipriyaḥ kṣipraprasādanaḥ |
rudrapriyo gaṇādhyakṣa umāputro'ghanāśanaḥ || 5 ||
kumāragururīśānaputro mūṣakavāhanaḥ |
siddhipriyaḥ siddhipatiḥ siddhaḥ siddhivināyakaḥ || 6 ||
avighnastumburuḥ siṃhavāhano mohinīpriyaḥ |
kaṭaṅkaṭo rājaputraḥ śākalaḥ sammitomitaḥ || 7 ||
kūṣmāṇḍasāmasambhūtirdurjayo dhūrjayo jayaḥ |
bhūpatirbhuvanapatirbhūtānāṃ patiravyayaḥ || 8 ||
viśvakartā viśvamukho viśvarūpo nidhirguṇaḥ |
kaviḥ kavīnāmṛṣabho brahmaṇyo brahmavitpriyaḥ || 9 ||
jyeṣṭharājo nidhipatirnidhipriyapatipriyaḥ |
hiraṇmayapurāntaḥsthaḥ sūryamaṇḍalamadhyagaḥ || 10 ||
karāhatidhvastasindhusalilaḥ pūṣadantabhit |
umāṅkakelikutukī muktidaḥ kulapāvanaḥ || 11 ||
kirīṭī kuṇḍalī hārī vanamālī manomayaḥ |
vaimukhyahatadaityaśrīḥ pādāhatijitakṣitiḥ || 12 ||
sadyojātaḥ svarṇamuñjamekhalī durnimittahṛt |
duḥsvapnahṛtprasahano guṇī nādapratiṣṭhitaḥ || 13 ||
surūpaḥ sarvanetrādhivāso vīrāsanāśrayaḥ |
pītāmbaraḥ khaṇḍaradaḥ khaṇḍavaiśākhasaṃsthitaḥ || 14 ||
citrāṅgaḥ śyāmadaśano bhālacandro havirbhujaḥ |
yogādhipastārakasthaḥ puruṣo gajakarṇakaḥ || 15 ||
gaṇādhirājo vijayaḥ sthiro gajapatidhvajī |
devadevaḥ smaraḥ prāṇadīpako vāyukīlakaḥ || 16 ||
vipaścidvarado nādo nādabhinnamahācalaḥ |
varāharadano mṛtyuñjayo vyāghrājināmbaraḥ || 17 ||
icchāśaktibhavo devatrātā daityavimardanaḥ |
śambhuvaktrodbhavaḥ śambhukopahā śambhuhāsyabhūḥ || 18 ||
śambhutejāḥ śivāśokahārī gaurīsukhāvahaḥ |
umāṅgamalajo gaurītejobhūḥ svardhunībhavaḥ || 19 ||
yajñakāyo mahānādo girivarṣmā śubhānanaḥ |
sarvātmā sarvadevātmā brahmamūrdhā kakupśrutiḥ || 20 ||
brahmāṇḍakumbhaścidvyomabhālaḥsatyaśiroruhaḥ |
jagajjanmalayonmeṣanimeṣo'gnyarkasomadṛk || 21 ||
girīndraikarado dharmādharmoṣṭhaḥ sāmabṛṃhitaḥ |
graharkṣadaśano vāṇījihvo vāsavanāsikaḥ || 22 ||
bhrūmadhyasaṃsthitakaro brahmavidyāmadodakaḥ |
kulācalāṃsaḥ somārkaghaṇṭo rudraśirodharaḥ || 23 ||
nadīnadabhujaḥ sarpāṅgulīkastārakānakhaḥ |
vyomanābhiḥ śrīhṛdayo merupṛṣṭho'rṇavodaraḥ || 24 ||
kukṣisthayakṣagandharvarakṣaḥkinnaramānuṣaḥ |
pṛthvīkaṭiḥ sṛṣṭiliṅgaḥ śailorurdasrajānukaḥ || 25 ||
pātālajaṅgho munipātkālāṅguṣṭhastrayītanuḥ |
jyotirmaṇḍalalāṅgūlo hṛdayālānaniścalaḥ || 26 ||
hṛtpadmakarṇikāśālī viyatkelisarovaraḥ |
sadbhaktadhyānanigaḍaḥ pūjāvārinivāritaḥ || 27 ||
pratāpī kāśyapo mantā gaṇako viṣṭapī balī |
yaśasvī dhārmiko jetā prathamaḥ pramatheśvaraḥ || 28 ||
cintāmaṇirdvīpapatiḥ kalpadrumavanālayaḥ |
ratnamaṇḍapamadhyastho ratnasiṃhāsanāśrayaḥ || 29 ||
tīvrāśiroddhṛtapado jvālinīmaulilālitaḥ |
nandānanditapīṭhaśrīrbhogado bhūṣitāsanaḥ || 30 ||
sakāmadāyinīpīṭhaḥ sphuradugrāsanāśrayaḥ |
tejovatīśiroratnaṃ satyānityāvataṃsitaḥ || 31 ||
savighnanāśinīpīṭhaḥ sarvaśaktyambujālayaḥ |
lipipadmāsanādhāro vahnidhāmatrayālayaḥ || 32 ||
unnataprapado gūḍhagulphaḥ saṃvṛtapārṣṇikaḥ |
pīnajaṅghaḥ śliṣṭajānuḥ sthūloruḥ pronnamatkaṭiḥ || 33 ||
nimnanābhiḥ sthūlakukṣiḥ pīnavakṣā bṛhadbhujaḥ |
pīnaskandhaḥ kambukaṇṭho lamboṣṭho lambanāsikaḥ || 34 ||
bhagnavāmaradastuṅgasavyadanto mahāhanuḥ |
hrasvanetratrayaḥ śūrpakarṇo nibiḍamastakaḥ || 35 ||
stabakākārakumbhāgro ratnamaulirniraṅkuśaḥ |
sarpahārakaṭīsūtraḥ sarpayajñopavītavān || 36 ||
sarpakoṭīrakaṭakaḥ sarpagraiveyakāṅgadaḥ |
sarpakakṣodarābandhaḥ sarparājottaracchadaḥ || 37 ||
rakto raktāmbaradharo raktamālāvibhūṣaṇaḥ |
raktekṣano raktakaro raktatālvoṣṭhapallavaḥ || 38 ||
śvetaḥ śvetāmbaradharaḥ śvetamālāvibhūṣaṇaḥ |
śvetātapatraruciraḥ śvetacāmaravījitaḥ || 39 ||
sarvāvayavasampūrṇaḥ sarvalakṣaṇalakṣitaḥ |
sarvābharaṇaśobhāḍhyaḥ sarvaśobhāsamanvitaḥ || 40 ||
sarvamaṅgalamāṅgalyaḥ sarvakāraṇakāraṇam |
sarvadevavaraḥ śārṅgī bījapūrī gadādharaḥ || 41 ||
śubhāṅgo lokasāraṅgaḥ sutantustantuvardhanaḥ |
kirīṭī kuṇḍalī hārī vanamālī śubhāṅgadaḥ || 42 ||
ikṣucāpadharaḥ śūlī cakrapāṇiḥ sarojabhṛt |
pāśī dhṛtotpalaḥ śālimañjarībhṛtsvadantabhṛt || 43 ||
kalpavallīdharo viśvābhayadaikakaro vaśī |
akṣamālādharo jñānamudrāvān mudgarāyudhaḥ || 44 ||
pūrṇapātrī kambudharo vidhṛtāṅkuśamūlakaḥ |
karasthāmraphalaścūtakalikābhṛtkuṭhāravān || 45 ||
puṣkarasthasvarṇaghaṭīpūrṇaratnābhivarṣakaḥ |
bhāratīsundarīnātho vināyakaratipriyaḥ || 46 ||
mahālakṣmīpriyatamaḥ siddhalakṣmīmanoramaḥ |
ramārameśapūrvāṅgo dakṣiṇomāmaheśvaraḥ || 47 ||
mahīvarāhavāmāṅgo ratikandarpapaścimaḥ |
āmodamodajananaḥ sapramodapramodanaḥ || 48 ||
saṃvardhitamahāvṛddhirṛddhisiddhipravardhanaḥ |
dantasaumukhyasumukhaḥ kāntikandalitāśrayaḥ || 49 ||
madanāvatyāśritāṅghriḥ kṛtavaimukhyadurmukhaḥ |
vighnasampallavaḥ padmaḥ sarvonnatamadadravaḥ || 50 ||
vighnakṛnnimnacaraṇo drāviṇīśaktisatkṛtaḥ |
tīvrāprasannanayano jvālinīpālitaikadṛk || 51 ||
mohinīmohano bhogadāyinīkāntimaṇḍanaḥ |
kāminīkāntavaktraśrīradhiṣṭhitavasundharaḥ || 52 ||
vasudhārāmadonnādo mahāśaṅkhanidhipriyaḥ |
namadvasumatīmālī mahāpadmanidhiḥ prabhuḥ || 53 ||
sarvasadgurusaṃsevyaḥ śociṣkeśahṛdāśrayaḥ |
īśānamūrdhā devendraśikhaḥ pavananandanaḥ || 54 ||
pratyugranayano divyo divyāstraśataparvadhṛk |
airāvatādisarvāśāvāraṇo vāraṇapriyaḥ || 55 ||
vajrādyastraparīvāro gaṇacaṇḍasamāśrayaḥ |
jayājayaparikaro vijayāvijayāvahaḥ || 56 ||
ajayārcitapādābjo nityānandavanasthitaḥ |
vilāsinīkṛtollāsaḥ śauṇḍī saundaryamaṇḍitaḥ || 57 ||
anantānantasukhadaḥ sumaṅgalasumaṅgalaḥ |
jñānāśrayaḥ kriyādhāra icchāśaktiniṣevitaḥ || 58 ||
subhagāsaṃśritapado lalitālalitāśrayaḥ |
kāminīpālanaḥ kāmakāminīkelilālitaḥ || 59 ||
sarasvatyāśrayo gaurīnandanaḥ śrīniketanaḥ |
guruguptapado vācāsiddho vāgīśvarīpatiḥ || 60 ||
nalinīkāmuko vāmārāmo jyeṣṭhāmanoramaḥ |
raudrīmudritapādābjo humbījastuṅgaśaktikaḥ || 61 ||
viśvādijananatrāṇaḥ svāhāśaktiḥ sakīlakaḥ |
amṛtābdhikṛtāvāso madaghūrṇitalocanaḥ || 62 ||
ucchiṣṭocchiṣṭagaṇako gaṇeśo gaṇanāyakaḥ |
sārvakālikasaṃsiddhirnityasevyo digambaraḥ || 63 ||
anapāyo'nantadṛṣṭiraprameyo'jarāmaraḥ |
anāvilo'pratihatiracyuto'mṛtamakṣaraḥ || 64 ||
apratarkyo'kṣayo'jayyo'nādhāro'nāmayomalaḥ |
ameyasiddhiradvaitamaghoro'gnisamānanaḥ || 65 ||
anākāro'bdhibhūmyagnibalaghno'vyaktalakṣaṇaḥ |
ādhārapīṭhamādhāra ādhārādheyavarjitaḥ || 66 ||
ākhuketana āśāpūraka ākhumahārathaḥ |
ikṣusāgaramadhyastha ikṣubhakṣaṇalālasaḥ || 67 ||
ikṣucāpātirekaśrīrikṣucāpaniṣevitaḥ |
indragopasamānaśrīrindranīlasamadyutiḥ || 68 ||
indīvaradalaśyāma indumaṇḍalamaṇḍitaḥ |
idhmapriya iḍābhāga iḍāvānindirāpriyaḥ || 69 ||
ikṣvākuvighnavidhvaṃsī itikartavyatepsitaḥ |
īśānamaulirīśāna īśānapriya ītihā || 70 ||
īṣaṇātrayakalpānta īhāmātravivarjitaḥ |
upendra uḍubhṛnmauliruḍunāthakarapriyaḥ || 71 ||
unnatānana uttuṅga udārastridaśāgraṇīḥ |
ūrjasvānūṣmalamada ūhāpohadurāsadaḥ || 72 ||
ṛgyajuḥsāmanayana ṛddhisiddhisamarpakaḥ |
ṛjucittaikasulabho ṛṇatrayavimocanaḥ || 73 ||
luptavighnaḥ svabhaktānāṃ luptaśaktiḥ suradviṣām |
luptaśrīrvimukhārcānāṃ lūtāvisphoṭanāśanaḥ || 74 ||
ekārapīṭhamadhyastha ekapādakṛtāsanaḥ |
ejitākhiladaityaśrīredhitākhilasaṃśrayaḥ || 75 ||
aiśvaryanidhiraiśvaryamaihikāmuṣmikapradaḥ |
airammadasamonmeṣa airāvatasamānanaḥ || 76 ||
oṅkāravācya oṅkāra ojasvānoṣadhīpatiḥ |
audāryanidhirauddhatyadhairya aunnatyaniḥsamaḥ || 77 ||
aṅkuśaḥ suranāgānāmaṅkuśākārasaṃsthitaḥ |
aḥ samastavisargāntapadeṣu parikīrtitaḥ || 78 ||
kamaṇḍaludharaḥ kalpaḥ kapardī kalabhānanaḥ |
karmasākṣī karmakartā karmākarmaphalapradaḥ || 79 ||
kadambagolakākāraḥ kūṣmāṇḍagaṇanāyakaḥ |
kāruṇyadehaḥ kapilaḥ kathakaḥ kaṭisūtrabhṛt || 80 ||
kharvaḥ khaḍgapriyaḥ khaḍgaḥ khāntāntaḥsthaḥ khanirmalaḥ |
khalvāṭaśṛṅganilayaḥ khaṭvāṅgī khadurāsadaḥ || 81 ||
guṇāḍhyo gahano gadyo gadyapadyasudhārṇavaḥ |
gadyagānapriyo garjo gītagīrvāṇapūrvajaḥ || 82 ||
guhyācārarato guhyo guhyāgamanirūpitaḥ |
guhāśayo guḍābdhistho gurugamyo gururguruḥ || 83 ||
ghaṇṭāghargharikāmālī ghaṭakumbho ghaṭodaraḥ |
ṅakāravācyo ṅākāro ṅakārākāraśuṇḍabhṛt || 84 ||
caṇḍaścaṇḍeśvaraścaṇḍī caṇḍeśaścaṇḍavikramaḥ |
carācarapitā cintāmaṇiścarvaṇalālasaḥ || 85 ||
chandaśchandodbhavaśchando durlakṣyaśchandavigrahaḥ |
jagadyonirjagatsākṣī jagadīśo jaganmayaḥ || 86 ||
japyo japaparo jāpyo jihvāsiṃhāsanaprabhuḥ |
sravadgaṇḍollasaddhānajhaṅkāribhramarākulaḥ || 87 ||
ṭaṅkārasphārasaṃrāvaṣṭaṅkāramaṇinūpuraḥ |
ṭhadvayīpallavāntasthasarvamantreṣu siddhidaḥ || 88 ||
ḍiṇḍimuṇḍo ḍākinīśo ḍāmaro ḍiṇḍimapriyaḥ |
ḍhakkāninādamudito ḍhauṅko ḍhuṇḍhivināyakaḥ || 89 ||
tattvānāṃ prakṛtistattvaṃ tattvampadanirūpitaḥ |
tārakāntarasaṃsthānastārakastārakāntakaḥ || 90 ||
sthāṇuḥ sthāṇupriyaḥ sthātā sthāvaraṃ jaṅgamaṃ jagat |
dakṣayajñapramathano dātā dānaṃ damo dayā || 91 ||
dayāvāndivyavibhavo daṇḍabhṛddaṇḍanāyakaḥ |
dantaprabhinnābhramālo daityavāraṇadāraṇaḥ || 92 ||
daṃṣṭrālagnadvīpaghaṭo devārthanṛgajākṛtiḥ |
dhanaṃ dhanapaterbandhurdhanado dharaṇīdharaḥ || 93 ||
dhyānaikaprakaṭo dhyeyo dhyānaṃ dhyānaparāyaṇaḥ |
dhvaniprakṛticītkāro brahmāṇḍāvalimekhalaḥ || 94 ||
nandyo nandipriyo nādo nādamadhyapratiṣṭhitaḥ |
niṣkalo nirmalo nityo nityānityo nirāmayaḥ || 95 ||
paraṃ vyoma paraṃ dhāma paramātmā paraṃ padam || 96 ||
parātparaḥ paśupatiḥ paśupāśavimocanaḥ |
pūrṇānandaḥ parānandaḥ purāṇapuruṣottamaḥ || 97 ||
padmaprasannavadanaḥ praṇatājñānanāśanaḥ |
pramāṇapratyayātītaḥ praṇatārtinivāraṇaḥ || 98 ||
phaṇihastaḥ phaṇipatiḥ phūtkāraḥ phaṇitapriyaḥ |
bāṇārcitāṅghriyugalo bālakelikutūhalī |
brahma brahmārcitapado brahmacārī bṛhaspatiḥ || 99 ||
bṛhattamo brahmaparo brahmaṇyo brahmavitpriyaḥ |
bṛhannādāgryacītkāro brahmāṇḍāvalimekhalaḥ || 100 ||
bhrūkṣepadattalakṣmīko bhargo bhadro bhayāpahaḥ |
bhagavān bhaktisulabho bhūtido bhūtibhūṣaṇaḥ || 101 ||
bhavyo bhūtālayo bhogadātā bhrūmadhyagocaraḥ |
mantro mantrapatirmantrī madamatto mano mayaḥ || 102 ||
mekhalāhīśvaro mandagatirmandanibhekṣaṇaḥ |
mahābalo mahāvīryo mahāprāṇo mahāmanāḥ || 103 ||
yajño yajñapatiryajñagoptā yajñaphalapradaḥ |
yaśaskaro yogagamyo yājñiko yājakapriyaḥ || 104 ||
raso rasapriyo rasyo rañjako rāvaṇārcitaḥ |
rājyarakṣākaro ratnagarbho rājyasukhapradaḥ || 105 ||
lakṣo lakṣapatirlakṣyo layastho laḍḍukapriyaḥ |
lāsapriyo lāsyaparo lābhakṛllokaviśrutaḥ || 106 ||
vareṇyo vahnivadano vandyo vedāntagocaraḥ |
vikartā viśvataścakṣurvidhātā viśvatomukhaḥ || 107 ||
vāmadevo viśvanetā vajrivajranivāraṇaḥ |
vivasvadbandhano viśvādhāro viśveśvaro vibhuḥ || 108 ||
śabdabrahma śamaprāpyaḥ śambhuśaktigaṇeśvaraḥ |
śāstā śikhāgranilayaḥ śaraṇyaḥ śambareśvaraḥ || 109 ||
ṣaḍṛtukusumasragvī ṣaḍādhāraḥ ṣaḍakṣaraḥ |
saṃsāravaidyaḥ sarvajñaḥ sarvabheṣajabheṣajam || 110 ||
sṛṣṭisthitilayakrīḍaḥ surakuñjarabhedakaḥ |
sindūritamahākumbhaḥ sadasadbhaktidāyakaḥ || 111 ||
sākṣī samudramathanaḥ svayaṃvedyaḥ svadakṣiṇaḥ |
svatantraḥ satyasaṅkalpaḥ sāmagānarataḥ sukhī || 112 ||
haṃso hastipiśācīśo havanaṃ havyakavyabhuk |
havyaṃ hutapriyo hṛṣṭo hṛllekhāmantramadhyagaḥ || 113 ||
kṣetrādhipaḥ kṣamābhartā kṣamākṣamaparāyaṇaḥ |
kṣiprakṣemakaraḥ kṣemānandaḥ kṣoṇīsuradrumaḥ || 114 ||
dharmaprado'rthadaḥ kāmadātā saubhāgyavardhanaḥ |
vidyāprado vibhavado bhuktimuktiphalapradaḥ || 115 ||
ābhirūpyakaro vīraśrīprado vijayapradaḥ |
sarvavaśyakaro garbhadoṣahā putrapautradaḥ || 116 ||
medhādaḥ kīrtidaḥ śokahārī daurbhāgyanāśanaḥ |
prativādimukhastambho ruṣṭacittaprasādanaḥ || 117 ||
parābhicāraśamano duḥkhahā bandhamokṣadaḥ |
lavastruṭiḥ kalā kāṣṭhā nimeṣastatparakṣaṇaḥ || 118 ||
ghaṭī muhūrtaḥ praharo divā naktamaharniśam |
pakṣo māsartvayanābdayugaṃ kalpo mahālayaḥ || 119 ||
rāśistārā tithiryogo vāraḥ karaṇamaṃśakam |
lagnaṃ horā kālacakraṃ meruḥ saptarṣayo dhruvaḥ || 120 ||
rāhurmandaḥ kavirjīvo budho bhaumaḥ śaśī raviḥ |
kālaḥ sṛṣṭiḥ sthitirviśvaṃ sthāvaraṃ jaṅgamaṃ jagat || 121 ||
bhūrāpo'gnirmarudvyomāhaṅkṛtiḥ prakṛtiḥ pumān |
brahmā viṣṇuḥ śivo rudra īśaḥ śaktiḥ sadāśivaḥ || 122 ||
tridaśāḥ pitaraḥ siddhā yakṣā rakṣāṃsi kinnarāḥ |
siddhavidyādharā bhūtā manuṣyāḥ paśavaḥ khagāḥ || 123 ||
samudrāḥ saritaḥ śailā bhūtaṃ bhavyaṃ bhavodbhavaḥ |
sāṅkhyaṃ pātañjalaṃ yogaṃ purāṇāni śrutiḥ smṛtiḥ || 124 ||
vedāṅgāni sadācāro mīmāṃsā nyāyavistaraḥ |
āyurvedo dhanurvedo gāndharvaṃ kāvyanāṭakam || 125 ||
vaikhānasaṃ bhāgavataṃ mānuṣaṃ pāñcarātrakam |
śaivaṃ pāśupataṃ kālāmukhambhairavaśāsanam || 126 ||
śāktaṃ vaināyakaṃ sauraṃ jainamārhatasaṃhitā |
sadasadvyaktamavyaktaṃ sacetanamacetanam || 127 ||
bandho mokṣaḥ sukhaṃ bhogo yogaḥ satyamaṇurmahān |
svasti humphaṭ svadhā svāhā śrauṣaṭ vauṣaṭ vaṣaṇ namaḥ 128 ||
jñānaṃ vijñānamānando bodhaḥ saṃvitsamo'samaḥ |
eka ekākṣarādhāra ekākṣaraparāyaṇaḥ || 129 ||
ekāgradhīrekavīra eko'nekasvarūpadhṛk |
dvirūpo dvibhujo dvyakṣo dvirado dvīparakṣakaḥ || 130 ||
dvaimāturo dvivadano dvandvahīno dvayātigaḥ |
tridhāmā trikarastretā trivargaphaladāyakaḥ || 131 ||
triguṇātmā trilokādistriśaktīśastrilocanaḥ |
caturvidhavacovṛttiparivṛttipravartakaḥ || 132 ||
caturbāhuścaturdantaścaturātmā caturbhujaḥ |
caturvidhopāyamayaścaturvarṇāśramāśrayaḥ 133 ||
caturthīpūjanaprītaścaturthītithisambhavaḥ ||
pañcākṣarātmā pañcātmā pañcāsyaḥ pañcakṛttamaḥ || 134 ||
pañcādhāraḥ pañcavarṇaḥ pañcākṣaraparāyaṇaḥ |
pañcatālaḥ pañcakaraḥ pañcapraṇavamātṛkaḥ || 135 ||
pañcabrahmamayasphūrtiḥ pañcāvaraṇavāritaḥ |
pañcabhakṣapriyaḥ pañcabāṇaḥ pañcaśikhātmakaḥ || 136 ||
ṣaṭkoṇapīṭhaḥ ṣaṭcakradhāmā ṣaḍgranthibhedakaḥ |
ṣaḍaṅgadhvāntavidhvaṃsī ṣaḍaṅgulamahāhradaḥ || 137 ||
ṣaṇmukhaḥ ṣaṇmukhabhrātā ṣaṭśaktiparivāritaḥ |
ṣaḍvairivargavidhvaṃsī ṣaḍūrmibhayabhañjanaḥ || 138 ||
ṣaṭtarkadūraḥ ṣaṭkarmā ṣaḍguṇaḥ ṣaḍrasāśrayaḥ |
saptapātālacaraṇaḥ saptadvīporumaṇḍalaḥ || 139 ||
saptasvarlokamukuṭaḥ saptasaptivarapradaḥ |
saptāṅgarājyasukhadaḥ saptarṣigaṇavanditaḥ || 140 ||
saptacchandonidhiḥ saptahotraḥ saptasvarāśrayaḥ |
saptābdhikelikāsāraḥ saptamātṛniṣevitaḥ || 141 ||
saptacchando modamadaḥ saptacchando makhaprabhuḥ |
aṣṭamūrtirdhyeyamūrtiraṣṭaprakṛtikāraṇam || 142 ||
aṣṭāṅgayogaphalabhṛdaṣṭapatrāmbujāsanaḥ |
aṣṭaśaktisamānaśrīraṣṭaiśvaryapravardhanaḥ || 143 ||
aṣṭapīṭhopapīṭhaśrīraṣṭamātṛsamāvṛtaḥ |
aṣṭabhairavasevyo'ṣṭavasuvandyo'ṣṭamūrtibhṛt || 144 ||
aṣṭacakrasphuranmūrtiraṣṭadravyahaviḥpriyaḥ |
aṣṭaśrīraṣṭasāmaśrīraṣṭaiśvaryapradāyakaḥ |
navanāgāsanādhyāsī navanidhyanuśāsitaḥ || 145 ||
navadvārapurāvṛtto navadvāraniketanaḥ |
navanāthamahānātho navanāgavibhūṣitaḥ || 146 ||
navanārāyaṇastulyo navadurgāniṣevitaḥ |
navaratnavicitrāṅgo navaśaktiśiroddhṛtaḥ || 147 ||
daśātmako daśabhujo daśadikpativanditaḥ |
daśādhyāyo daśaprāṇo daśendriyaniyāmakaḥ || 148 ||
daśākṣaramahāmantro daśāśāvyāpivigrahaḥ |
ekādaśamahārudraiḥstutaścaikādaśākṣaraḥ || 149 ||
dvādaśadvidaśāṣṭādidordaṇḍāstraniketanaḥ |
trayodaśabhidābhinno viśvedevādhidaivatam || 150 ||
caturdaśendravaradaścaturdaśamanuprabhuḥ |
caturdaśādyavidyāḍhyaścaturdaśajagatpatiḥ || 151 ||
sāmapañcadaśaḥ pañcadaśīśītāṃśunirmalaḥ |
tithipañcadaśākārastithyā pañcadaśārcitaḥ || 152 ||
ṣoḍaśādhāranilayaḥ ṣoḍaśasvaramātṛkaḥ |
ṣoḍaśāntapadāvāsaḥ ṣoḍaśendukalātmakaḥ || 153 ||
kalāsaptadaśī saptadaśasaptadaśākṣaraḥ |
aṣṭādaśadvīpapatiraṣṭādaśapurāṇakṛt || 154 ||
aṣṭādaśauṣadhīsṛṣṭiraṣṭādaśavidhiḥ smṛtaḥ |
aṣṭādaśalipivyaṣṭisamaṣṭijñānakovidaḥ || 155 ||
aṣṭādaśānnasampattiraṣṭādaśavijātikṛt |
ekaviṃśaḥ pumānekaviṃśatyaṅgulipallavaḥ || 156 ||
caturviṃśatitattvātmā pañcaviṃśākhyapūruṣaḥ |
saptaviṃśatitāreśaḥ saptaviṃśatiyogakṛt || 157 ||
dvātriṃśadbhairavādhīśaścatustriṃśanmahāhradaḥ |
ṣaṭtriṃśattattvasambhūtiraṣṭatriṃśatkalātmakaḥ || 158 ||
pañcāśadviṣṇuśaktīśaḥ pañcāśanmātṛkālayaḥ |
dvipañcāśadvapuḥśreṇītriṣaṣṭyakṣarasaṃśrayaḥ |
pañcāśadakṣaraśreṇīpañcāśadrudravigrahaḥ || 159 ||
catuḥṣaṣṭimahāsiddhiyoginīvṛndavanditaḥ |
namadekonapañcāśanmarudvarganirargalaḥ || 160 ||
catuḥṣaṣṭyarthanirṇetā catuḥṣaṣṭikalānidhiḥ |
aṣṭaṣaṣṭimahātīrthakṣetrabhairavavanditaḥ || 161 ||
caturnavatimantrātmā ṣaṇṇavatyadhikaprabhuḥ |
śatānandaḥ śatadhṛtiḥ śatapatrāyatekṣaṇaḥ || 162 ||
śatānīkaḥ śatamakhaḥ śatadhārāvarāyudhaḥ |
sahasrapatranilayaḥ sahasraphaṇibhūṣaṇaḥ || 163 ||
sahasraśīrṣā puruṣaḥ sahasrākṣaḥ sahasrapāt |
sahasranāmasaṃstutyaḥ sahasrākṣabalāpahaḥ || 164 ||
daśasāhasraphaṇibhṛtphaṇirājakṛtāsanaḥ |
aṣṭāśītisahasrādyamaharṣistotrapāṭhitaḥ || 165 ||
lakṣādhāraḥ priyādhāro lakṣādhāramanomayaḥ |
caturlakṣajapaprītaścaturlakṣaprakāśakaḥ || 166 ||
caturaśītilakṣāṇāṃ jīvānāṃ dehasaṃsthitaḥ |
koṭisūryapratīkāśaḥ koṭicandrāṃśunirmalaḥ || 167 ||
śivodbhavādyaṣṭakoṭivaināyakadhurandharaḥ |
saptakoṭimahāmantramantritāvayavadyutiḥ || 168 ||
trayastriṃśatkoṭisuraśreṇīpraṇatapādukaḥ |
anantadevatāsevyo hyanantaśubhadāyakaḥ || 169 ||
anantanāmānantaśrīrananto'nantasaukhyadaḥ |
anantaśaktisahito hyanantamunisaṃstutaḥ || 170 ||
iti vaināyakaṃ nāmnāṃ sahasramidamīritam |
idaṃ brāhme muhūrte yaḥ paṭhati pratyahaṃ naraḥ || 171 ||
karasthaṃ tasya sakalamaihikāmuṣmikaṃ sukham |
āyurārogyamaiśvaryaṃ dhairyaṃ śauryaṃ balaṃ yaśaḥ || 172 ||
medhā prajñā dhṛtiḥ kāntiḥ saubhāgyamabhirūpatā |
satyaṃ dayā kṣamā śāntirdākṣiṇyaṃ dharmaśīlatā || 173 ||
jagatsaṃvananaṃ viśvasaṃvādo vedapāṭavam |
sabhāpāṇḍityamaudāryaṃ gāmbhīryaṃ brahmavarcasam || 174 ||
ojastejaḥ kulaṃ śīlaṃ pratāpo vīryamāryatā |
jñānaṃ vijñānamāstikyaṃ sthairyaṃ viśvāsatā tathā || 175 ||
dhanadhānyādivṛddhiśca sakṛdasya japādbhavet |
vaśyaṃ caturvidhaṃ viśvaṃ japādasya prajāyate || 176 ||
rājño rājakalatrasya rājaputrasya mantriṇaḥ |
japyate yasya vaśyārthe sa dāsastasya jāyate || 177 ||
dharmārthakāmamokṣāṇāmanāyāsena sādhanam |
śākinīḍākinīrakṣoyakṣagrahabhayāpaham || 178 ||
sāmrājyasukhadaṃ sarvasapatnamadamardanam |
samastakalahadhvaṃsi dagdhabījaprarohaṇam || 179 ||
duḥsvapnaśamanaṃ kruddhasvāmicittaprasādanam |
ṣaḍvargāṣṭamahāsiddhitrikālajñānakāraṇam || 180 ||
parakṛtyapraśamanaṃ paracakrapramardanam |
saṅgrāmamārge saveṣāmidamekaṃ jayāvaham || 181 ||
sarvavandhyatvadoṣaghnaṃ garbharakṣaikakāraṇam |
paṭhyate pratyahaṃ yatra stotraṃ gaṇapateridam || 182 ||
deśe tatra na durbhikṣamītayo duritāni ca |
na tadgehaṃ jahāti śrīryatrāyaṃ japyate stavaḥ || 183 ||
kṣayakuṣṭhapramehārśabhagandaraviṣūcikāḥ |
gulmaṃ plīhānamaśamānamatisāraṃ mahodaram || 184 ||
kāsaṃ śvāsamudāvartaṃ śūlaṃ śophāmayodaram |
śirorogaṃ vamiṃ hikkāṃ gaṇḍamālāmarocakam || 185 ||
vātapittakaphadvandvatridoṣajanitajvaram |
āgantuviṣamaṃ śītamuṣṇaṃ caikāhikādikam || 186 ||
ityādyuktamanuktaṃ vā rogadoṣādisambhavam |
sarvaṃ praśamayatyāśu stotrasyāsya sakṛjjapaḥ || 187 ||
prāpyate'sya japātsiddhiḥ strīśūdraiḥ patitairapi |
sahasranāmamantro'yaṃ japitavyaḥ śubhāptaye || 188 ||
mahāgaṇapateḥ stotraṃ sakāmaḥ prajapannidam |
icchayā sakalān bhogānupabhujyeha pārthivān || 189 ||
manorathaphalairdivyairvyomayānairmanoramaiḥ |
candrendrabhāskaropendrabrahmaśarvādisadmasu || 190 ||
kāmarūpaḥ kāmagatiḥ kāmadaḥ kāmadeśvaraḥ |
bhuktvā yathepsitānbhogānabhīṣṭaiḥ saha bandhubhiḥ || 191 ||
gaṇeśānucaro bhūtvā gaṇo gaṇapatipriyaḥ |
nandīśvarādisānandairnanditaḥ sakalairgaṇaiḥ || 192 ||
śivābhyāṃ kṛpayā putranirviśeṣaṃ ca lālitaḥ |
śivabhaktaḥ pūrṇakāmo gaṇeśvaravarātpunaḥ || 193 ||
jātismaro dharmaparaḥ sārvabhaumo'bhijāyate |
niṣkāmastu japannityaṃ bhaktyā vighneśatatparaḥ || 194 ||
yogasiddhiṃ parāṃ prāpya jñānavairāgyasaṃyutaḥ |
nirantare nirābādhe paramānandasañjñite || 195 ||
viśvottīrṇe pare pūrṇe punarāvṛttivarjite |
līno vaināyake dhāmni ramate nityanirvṛte || 196 ||
yo nāmabhirhutairdattaiḥ pūjayedarcayeennaraḥ |
rājāno vaśyatāṃ yānti ripavo yānti dāsatām || 197 ||
tasya sidhyanti mantrāṇāṃ durlabhāśceṣṭasiddhayaḥ |
mūlamantrādapi stotramidaṃ priyatamaṃ mama || 198 ||
nabhasye māsi śuklāyāṃ caturthyāṃ mama janmani |
dūrvābhirnāmabhiḥ pūjāṃ tarpaṇaṃ vidhivaccaret || 199 ||
aṣṭadravyairviśeṣeṇa kuryādbhaktisusaṃyutaḥ |
tasyepsitaṃ dhanaṃ dhānyamaiśvaryaṃ vijayo yaśaḥ || 200 ||
bhaviṣyati na sandehaḥ putrapautrādikaṃ sukham |
idaṃ prajapitaṃ stotraṃ paṭhitaṃ śrāvitaṃ śrutam || 201 ||
vyākṛtaṃ carcitaṃ dhyātaṃ vimṛṣṭamabhivanditam |
ihāmutra ca viśveṣāṃ viśvaiśvaryapradāyakam || 202 ||
svacchandacāriṇāpyeṣa yena sandhāryate stavaḥ |
sa rakṣyate śivodbhūtairgaṇairadhyaṣṭakoṭibhiḥ || 203 ||
likhitaṃ pustakastotraṃ mantrabhūtaṃ prapūjayet |
tatra sarvottamā lakṣmīḥ sannidhatte nirantaram || 204 ||
dānairaśeṣairakhilairvrataiśca tīrthairaśeṣairakhilairmakhaiśca |
na tatphalaṃ vindati yadgaṇeśasahasranāmasmaraṇena sadyaḥ || 205 ||
etannāmnāṃ sahasraṃ paṭhati dinamaṇau pratyahamprojjihāne
sāyaṃ madhyandine vā triṣavaṇamathavā santataṃ vā jano yaḥ |
sa syādaiśvaryadhuryaḥ prabhavati vacasāṃ kīrtimuccaistanoti
dāridryaṃ hanti viśvaṃ vaśayati suciraṃ vardhate putrapautraiḥ || 206 ||
akiñcanopyekacitto niyato niyatāsanaḥ |
prajapaṃścaturo māsān gaṇeśārcanatatparaḥ || 207 ||
daridratāṃ samunmūlya saptajanmānugāmapi |
labhate mahatīṃ lakṣmīmityājñā pārameśvarī || 208 ||
āyuṣyaṃ vītarogaṃ kulamativimalaṃ sampadaścārtināśaḥ
kīrtirnityāvadātā bhavati khalu navā kāntiravyājabhavyā |
putrāḥ santaḥ kalatraṃ guṇavadabhimataṃ yadyadanyacca tatta -
nnityaṃ yaḥ stotrametat paṭhati gaṇapatestasya haste samastam || 209 ||
gaṇañjayo gaṇapatirherambo dharaṇīdharaḥ |
mahāgaṇapatirbuddhipriyaḥ kṣipraprasādanaḥ || 210 ||
amoghasiddhiramṛtamantraścintāmaṇirnidhiḥ |
sumaṅgalo bījamāśāpūrako varadaḥ kalaḥ || 211 ||
kāśyapo nandano vācāsiddho ḍhuṇḍhirvināyakaḥ |
modakairebhiratraikaviṃśatyā nāmabhiḥ pumān || 212 ||
upāyanaṃ dadedbhaktyā matprasādaṃ cikīrṣati |
vatsaraṃ vighnarājo'sya tathyamiṣṭārthasiddhaye || 213 ||
yaḥ stauti madgatamanā mamārādhanatatparaḥ |
stuto nāmnā sahasreṇa tenāhaṃ nātra saṃśayaḥ || 214 ||
namo namaḥ suravarapūjitāṅghraye
namo namo nirupamamaṅgalātmane |
namo namo vipuladayaikasiddhaye
namo namaḥ karikalabhānanāya te || 215 ||
kiṅkiṇīgaṇaracitacaraṇaḥ
prakaṭitagurumitacārukaraṇaḥ |
madajalalaharīkalitakapolaḥ
śamayatu duritaṃ gaṇapatināmnā || 216 ||
|| iti śrīgaṇeśapurāṇe upāsanākhaṇḍe īśvaragaṇeśasaṃvāde
gaṇeśasahasranāmastotraṃ nāma ṣaṭcatvāriṃśodhyāyaḥ ||
Sanskrit — Devanagari (original)
मुनिरुवाच
कथं नाम्नां सहस्रं तं गणेश उपदिष्टवान् ।
शिवदं तन्ममाचक्ष्व लोकानुग्रहतत्पर ॥ 1 ॥
ब्रह्मोवाच
देवः पूर्वं पुरारातिः पुरत्रयजयोद्यमे ।
अनर्चनाद्गणेशस्य जातो विघ्नाकुलः किल ॥ 2 ॥
मनसा स विनिर्धार्य ददृशे विघ्नकारणम् ।
महागणपतिं भक्त्या समभ्यर्च्य यथाविधि ॥ 3 ॥
विघ्नप्रशमनोपायमपृच्छदपरिश्रमम् ।
सन्तुष्टः पूजया शम्भोर्महागणपतिः स्वयम् ॥ 4 ॥
सर्वविघ्नप्रशमनं सर्वकामफलप्रदम् ।
ततस्तस्मै स्वयं नाम्नां सहस्रमिदमब्रवीत् ॥ 5 ॥
अस्य श्रीमहागणपतिसहस्रनामस्तोत्रमालामन्त्रस्य ।
गणेश ऋषिः, महागणपतिर्देवता, नानाविधानिच्छन्दांसि ।
हुमिति बीजम्, तुङ्गमिति शक्तिः, स्वाहाशक्तिरिति कीलकम् ।
सकलविघ्नविनाशनद्वारा श्रीमहागणपतिप्रसादसिद्ध्यर्थे जपे विनियोगः ।
अथ करन्यासः
गणेश्वरो गणक्रीड इत्यङ्गुष्ठाभ्यां नमः ।
कुमारगुरुरीशान इति तर्जनीभ्यां नमः ॥
ब्रह्माण्डकुम्भश्चिद्व्योमेति मध्यमाभ्यां नमः ।
रक्तो रक्ताम्बरधर इत्यनामिकाभ्यां नमः
सर्वसद्गुरुसंसेव्य इति कनिष्ठिकाभ्यां नमः ।
लुप्तविघ्नः स्वभक्तानामिति करतलकरपृष्ठाभ्यां नमः ॥
अथ अङ्गन्यासः
छन्दश्छन्दोद्भव इति हृदयाय नमः ।
निष्कलो निर्मल इति शिरसे स्वाहा ।
सृष्टिस्थितिलयक्रीड इति शिखायै वषट् ।
ज्ञानं विज्ञानमानन्द इति कवचाय हुम् ।
अष्टाङ्गयोगफलभृदिति नेत्रत्रयाय वौषट् ।
अनन्तशक्तिसहित इत्यस्त्राय फट् ।
भूर्भुवः स्वरों इति दिग्बन्धः ।
अथ ध्यानम्
गजवदनमचिन्त्यं तीक्ष्णदंष्ट्रं त्रिनेत्रं
बृहदुदरमशेषं भूतिराजं पुराणम् ।
अमरवरसुपूज्यं रक्तवर्णं सुरेशं
पशुपतिसुतमीशं विघ्नराजं नमामि ॥
श्रीगणपतिरुवाच
ॐ गणेश्वरो गणक्रीडो गणनाथो गणाधिपः ।
एकदन्तो वक्रतुण्डो गजवक्त्रो महोदरः ॥ 1 ॥
लम्बोदरो धूम्रवर्णो विकटो विघ्ननाशनः ।
सुमुखो दुर्मुखो बुद्धो विघ्नराजो गजाननः ॥ 2 ॥
भीमः प्रमोद आमोदः सुरानन्दो मदोत्कटः ।
हेरम्बः शम्बरः शम्भुर्लम्बकर्णो महाबलः ॥ 3 ॥
नन्दनो लम्पटो भीमो मेघनादो गणञ्जयः ।
विनायको विरूपाक्षो वीरः शूरवरप्रदः ॥ 4 ॥
महागणपतिर्बुद्धिप्रियः क्षिप्रप्रसादनः ।
रुद्रप्रियो गणाध्यक्ष उमापुत्रोऽघनाशनः ॥ 5 ॥
कुमारगुरुरीशानपुत्रो मूषकवाहनः ।
सिद्धिप्रियः सिद्धिपतिः सिद्धः सिद्धिविनायकः ॥ 6 ॥
अविघ्नस्तुम्बुरुः सिंहवाहनो मोहिनीप्रियः ।
कटङ्कटो राजपुत्रः शाकलः सम्मितोमितः ॥ 7 ॥
कूष्माण्डसामसम्भूतिर्दुर्जयो धूर्जयो जयः ।
भूपतिर्भुवनपतिर्भूतानां पतिरव्ययः ॥ 8 ॥
विश्वकर्ता विश्वमुखो विश्वरूपो निधिर्गुणः ।
कविः कवीनामृषभो ब्रह्मण्यो ब्रह्मवित्प्रियः ॥ 9 ॥
ज्येष्ठराजो निधिपतिर्निधिप्रियपतिप्रियः ।
हिरण्मयपुरान्तःस्थः सूर्यमण्डलमध्यगः ॥ 10 ॥
कराहतिध्वस्तसिन्धुसलिलः पूषदन्तभित् ।
उमाङ्ककेलिकुतुकी मुक्तिदः कुलपावनः ॥ 11 ॥
किरीटी कुण्डली हारी वनमाली मनोमयः ।
वैमुख्यहतदैत्यश्रीः पादाहतिजितक्षितिः ॥ 12 ॥
सद्योजातः स्वर्णमुञ्जमेखली दुर्निमित्तहृत् ।
दुःस्वप्नहृत्प्रसहनो गुणी नादप्रतिष्ठितः ॥ 13 ॥
सुरूपः सर्वनेत्राधिवासो वीरासनाश्रयः ।
पीताम्बरः खण्डरदः खण्डवैशाखसंस्थितः ॥ 14 ॥
चित्राङ्गः श्यामदशनो भालचन्द्रो हविर्भुजः ।
योगाधिपस्तारकस्थः पुरुषो गजकर्णकः ॥ 15 ॥
गणाधिराजो विजयः स्थिरो गजपतिध्वजी ।
देवदेवः स्मरः प्राणदीपको वायुकीलकः ॥ 16 ॥
विपश्चिद्वरदो नादो नादभिन्नमहाचलः ।
वराहरदनो मृत्युञ्जयो व्याघ्राजिनाम्बरः ॥ 17 ॥
इच्छाशक्तिभवो देवत्राता दैत्यविमर्दनः ।
शम्भुवक्त्रोद्भवः शम्भुकोपहा शम्भुहास्यभूः ॥ 18 ॥
शम्भुतेजाः शिवाशोकहारी गौरीसुखावहः ।
उमाङ्गमलजो गौरीतेजोभूः स्वर्धुनीभवः ॥ 19 ॥
यज्ञकायो महानादो गिरिवर्ष्मा शुभाननः ।
सर्वात्मा सर्वदेवात्मा ब्रह्ममूर्धा ककुप्श्रुतिः ॥ 20 ॥
ब्रह्माण्डकुम्भश्चिद्व्योमभालःसत्यशिरोरुहः ।
जगज्जन्मलयोन्मेषनिमेषोऽग्न्यर्कसोमदृक् ॥ 21 ॥
गिरीन्द्रैकरदो धर्माधर्मोष्ठः सामबृंहितः ।
ग्रहर्क्षदशनो वाणीजिह्वो वासवनासिकः ॥ 22 ॥
भ्रूमध्यसंस्थितकरो ब्रह्मविद्यामदोदकः ।
कुलाचलांसः सोमार्कघण्टो रुद्रशिरोधरः ॥ 23 ॥
नदीनदभुजः सर्पाङ्गुलीकस्तारकानखः ।
व्योमनाभिः श्रीहृदयो मेरुपृष्ठोऽर्णवोदरः ॥ 24 ॥
कुक्षिस्थयक्षगन्धर्वरक्षःकिन्नरमानुषः ।
पृथ्वीकटिः सृष्टिलिङ्गः शैलोरुर्दस्रजानुकः ॥ 25 ॥
पातालजङ्घो मुनिपात्कालाङ्गुष्ठस्त्रयीतनुः ।
ज्योतिर्मण्डललाङ्गूलो हृदयालाननिश्चलः ॥ 26 ॥
हृत्पद्मकर्णिकाशाली वियत्केलिसरोवरः ।
सद्भक्तध्याननिगडः पूजावारिनिवारितः ॥ 27 ॥
प्रतापी काश्यपो मन्ता गणको विष्टपी बली ।
यशस्वी धार्मिको जेता प्रथमः प्रमथेश्वरः ॥ 28 ॥
चिन्तामणिर्द्वीपपतिः कल्पद्रुमवनालयः ।
रत्नमण्डपमध्यस्थो रत्नसिंहासनाश्रयः ॥ 29 ॥
तीव्राशिरोद्धृतपदो ज्वालिनीमौलिलालितः ।
नन्दानन्दितपीठश्रीर्भोगदो भूषितासनः ॥ 30 ॥
सकामदायिनीपीठः स्फुरदुग्रासनाश्रयः ।
तेजोवतीशिरोरत्नं सत्यानित्यावतंसितः ॥ 31 ॥
सविघ्ननाशिनीपीठः सर्वशक्त्यम्बुजालयः ।
लिपिपद्मासनाधारो वह्निधामत्रयालयः ॥ 32 ॥
उन्नतप्रपदो गूढगुल्फः संवृतपार्ष्णिकः ।
पीनजङ्घः श्लिष्टजानुः स्थूलोरुः प्रोन्नमत्कटिः ॥ 33 ॥
निम्ननाभिः स्थूलकुक्षिः पीनवक्षा बृहद्भुजः ।
पीनस्कन्धः कम्बुकण्ठो लम्बोष्ठो लम्बनासिकः ॥ 34 ॥
भग्नवामरदस्तुङ्गसव्यदन्तो महाहनुः ।
ह्रस्वनेत्रत्रयः शूर्पकर्णो निबिडमस्तकः ॥ 35 ॥
स्तबकाकारकुम्भाग्रो रत्नमौलिर्निरङ्कुशः ।
सर्पहारकटीसूत्रः सर्पयज्ञोपवीतवान् ॥ 36 ॥
सर्पकोटीरकटकः सर्पग्रैवेयकाङ्गदः ।
सर्पकक्षोदराबन्धः सर्पराजोत्तरच्छदः ॥ 37 ॥
रक्तो रक्ताम्बरधरो रक्तमालाविभूषणः ।
रक्तेक्षनो रक्तकरो रक्तताल्वोष्ठपल्लवः ॥ 38 ॥
श्वेतः श्वेताम्बरधरः श्वेतमालाविभूषणः ।
श्वेतातपत्ररुचिरः श्वेतचामरवीजितः ॥ 39 ॥
सर्वावयवसम्पूर्णः सर्वलक्षणलक्षितः ।
सर्वाभरणशोभाढ्यः सर्वशोभासमन्वितः ॥ 40 ॥
सर्वमङ्गलमाङ्गल्यः सर्वकारणकारणम् ।
सर्वदेववरः शार्ङ्गी बीजपूरी गदाधरः ॥ 41 ॥
शुभाङ्गो लोकसारङ्गः सुतन्तुस्तन्तुवर्धनः ।
किरीटी कुण्डली हारी वनमाली शुभाङ्गदः ॥ 42 ॥
इक्षुचापधरः शूली चक्रपाणिः सरोजभृत् ।
पाशी धृतोत्पलः शालिमञ्जरीभृत्स्वदन्तभृत् ॥ 43 ॥
कल्पवल्लीधरो विश्वाभयदैककरो वशी ।
अक्षमालाधरो ज्ञानमुद्रावान् मुद्गरायुधः ॥ 44 ॥
पूर्णपात्री कम्बुधरो विधृताङ्कुशमूलकः ।
करस्थाम्रफलश्चूतकलिकाभृत्कुठारवान् ॥ 45 ॥
पुष्करस्थस्वर्णघटीपूर्णरत्नाभिवर्षकः ।
भारतीसुन्दरीनाथो विनायकरतिप्रियः ॥ 46 ॥
महालक्ष्मीप्रियतमः सिद्धलक्ष्मीमनोरमः ।
रमारमेशपूर्वाङ्गो दक्षिणोमामहेश्वरः ॥ 47 ॥
महीवराहवामाङ्गो रतिकन्दर्पपश्चिमः ।
आमोदमोदजननः सप्रमोदप्रमोदनः ॥ 48 ॥
संवर्धितमहावृद्धिरृद्धिसिद्धिप्रवर्धनः ।
दन्तसौमुख्यसुमुखः कान्तिकन्दलिताश्रयः ॥ 49 ॥
मदनावत्याश्रिताङ्घ्रिः कृतवैमुख्यदुर्मुखः ।
विघ्नसम्पल्लवः पद्मः सर्वोन्नतमदद्रवः ॥ 50 ॥
विघ्नकृन्निम्नचरणो द्राविणीशक्तिसत्कृतः ।
तीव्राप्रसन्ननयनो ज्वालिनीपालितैकदृक् ॥ 51 ॥
मोहिनीमोहनो भोगदायिनीकान्तिमण्डनः ।
कामिनीकान्तवक्त्रश्रीरधिष्ठितवसुन्धरः ॥ 52 ॥
वसुधारामदोन्नादो महाशङ्खनिधिप्रियः ।
नमद्वसुमतीमाली महापद्मनिधिः प्रभुः ॥ 53 ॥
सर्वसद्गुरुसंसेव्यः शोचिष्केशहृदाश्रयः ।
ईशानमूर्धा देवेन्द्रशिखः पवननन्दनः ॥ 54 ॥
प्रत्युग्रनयनो दिव्यो दिव्यास्त्रशतपर्वधृक् ।
ऐरावतादिसर्वाशावारणो वारणप्रियः ॥ 55 ॥
वज्राद्यस्त्रपरीवारो गणचण्डसमाश्रयः ।
जयाजयपरिकरो विजयाविजयावहः ॥ 56 ॥
अजयार्चितपादाब्जो नित्यानन्दवनस्थितः ।
विलासिनीकृतोल्लासः शौण्डी सौन्दर्यमण्डितः ॥ 57 ॥
अनन्तानन्तसुखदः सुमङ्गलसुमङ्गलः ।
ज्ञानाश्रयः क्रियाधार इच्छाशक्तिनिषेवितः ॥ 58 ॥
सुभगासंश्रितपदो ललिताललिताश्रयः ।
कामिनीपालनः कामकामिनीकेलिलालितः ॥ 59 ॥
सरस्वत्याश्रयो गौरीनन्दनः श्रीनिकेतनः ।
गुरुगुप्तपदो वाचासिद्धो वागीश्वरीपतिः ॥ 60 ॥
नलिनीकामुको वामारामो ज्येष्ठामनोरमः ।
रौद्रीमुद्रितपादाब्जो हुम्बीजस्तुङ्गशक्तिकः ॥ 61 ॥
विश्वादिजननत्राणः स्वाहाशक्तिः सकीलकः ।
अमृताब्धिकृतावासो मदघूर्णितलोचनः ॥ 62 ॥
उच्छिष्टोच्छिष्टगणको गणेशो गणनायकः ।
सार्वकालिकसंसिद्धिर्नित्यसेव्यो दिगम्बरः ॥ 63 ॥
अनपायोऽनन्तदृष्टिरप्रमेयोऽजरामरः ।
अनाविलोऽप्रतिहतिरच्युतोऽमृतमक्षरः ॥ 64 ॥
अप्रतर्क्योऽक्षयोऽजय्योऽनाधारोऽनामयोमलः ।
अमेयसिद्धिरद्वैतमघोरोऽग्निसमाननः ॥ 65 ॥
अनाकारोऽब्धिभूम्यग्निबलघ्नोऽव्यक्तलक्षणः ।
आधारपीठमाधार आधाराधेयवर्जितः ॥ 66 ॥
आखुकेतन आशापूरक आखुमहारथः ।
इक्षुसागरमध्यस्थ इक्षुभक्षणलालसः ॥ 67 ॥
इक्षुचापातिरेकश्रीरिक्षुचापनिषेवितः ।
इन्द्रगोपसमानश्रीरिन्द्रनीलसमद्युतिः ॥ 68 ॥
इन्दीवरदलश्याम इन्दुमण्डलमण्डितः ।
इध्मप्रिय इडाभाग इडावानिन्दिराप्रियः ॥ 69 ॥
इक्ष्वाकुविघ्नविध्वंसी इतिकर्तव्यतेप्सितः ।
ईशानमौलिरीशान ईशानप्रिय ईतिहा ॥ 70 ॥
ईषणात्रयकल्पान्त ईहामात्रविवर्जितः ।
उपेन्द्र उडुभृन्मौलिरुडुनाथकरप्रियः ॥ 71 ॥
उन्नतानन उत्तुङ्ग उदारस्त्रिदशाग्रणीः ।
ऊर्जस्वानूष्मलमद ऊहापोहदुरासदः ॥ 72 ॥
ऋग्यजुःसामनयन ऋद्धिसिद्धिसमर्पकः ।
ऋजुचित्तैकसुलभो ऋणत्रयविमोचनः ॥ 73 ॥
लुप्तविघ्नः स्वभक्तानां लुप्तशक्तिः सुरद्विषाम् ।
लुप्तश्रीर्विमुखार्चानां लूताविस्फोटनाशनः ॥ 74 ॥
एकारपीठमध्यस्थ एकपादकृतासनः ।
एजिताखिलदैत्यश्रीरेधिताखिलसंश्रयः ॥ 75 ॥
ऐश्वर्यनिधिरैश्वर्यमैहिकामुष्मिकप्रदः ।
ऐरम्मदसमोन्मेष ऐरावतसमाननः ॥ 76 ॥
ओङ्कारवाच्य ओङ्कार ओजस्वानोषधीपतिः ।
औदार्यनिधिरौद्धत्यधैर्य औन्नत्यनिःसमः ॥ 77 ॥
अङ्कुशः सुरनागानामङ्कुशाकारसंस्थितः ।
अः समस्तविसर्गान्तपदेषु परिकीर्तितः ॥ 78 ॥
कमण्डलुधरः कल्पः कपर्दी कलभाननः ।
कर्मसाक्षी कर्मकर्ता कर्माकर्मफलप्रदः ॥ 79 ॥
कदम्बगोलकाकारः कूष्माण्डगणनायकः ।
कारुण्यदेहः कपिलः कथकः कटिसूत्रभृत् ॥ 80 ॥
खर्वः खड्गप्रियः खड्गः खान्तान्तःस्थः खनिर्मलः ।
खल्वाटशृङ्गनिलयः खट्वाङ्गी खदुरासदः ॥ 81 ॥
गुणाढ्यो गहनो गद्यो गद्यपद्यसुधार्णवः ।
गद्यगानप्रियो गर्जो गीतगीर्वाणपूर्वजः ॥ 82 ॥
गुह्याचाररतो गुह्यो गुह्यागमनिरूपितः ।
गुहाशयो गुडाब्धिस्थो गुरुगम्यो गुरुर्गुरुः ॥ 83 ॥
घण्टाघर्घरिकामाली घटकुम्भो घटोदरः ।
ङकारवाच्यो ङाकारो ङकाराकारशुण्डभृत् ॥ 84 ॥
चण्डश्चण्डेश्वरश्चण्डी चण्डेशश्चण्डविक्रमः ।
चराचरपिता चिन्तामणिश्चर्वणलालसः ॥ 85 ॥
छन्दश्छन्दोद्भवश्छन्दो दुर्लक्ष्यश्छन्दविग्रहः ।
जगद्योनिर्जगत्साक्षी जगदीशो जगन्मयः ॥ 86 ॥
जप्यो जपपरो जाप्यो जिह्वासिंहासनप्रभुः ।
स्रवद्गण्डोल्लसद्धानझङ्कारिभ्रमराकुलः ॥ 87 ॥
टङ्कारस्फारसंरावष्टङ्कारमणिनूपुरः ।
ठद्वयीपल्लवान्तस्थसर्वमन्त्रेषु सिद्धिदः ॥ 88 ॥
डिण्डिमुण्डो डाकिनीशो डामरो डिण्डिमप्रियः ।
ढक्कानिनादमुदितो ढौङ्को ढुण्ढिविनायकः ॥ 89 ॥
तत्त्वानां प्रकृतिस्तत्त्वं तत्त्वम्पदनिरूपितः ।
तारकान्तरसंस्थानस्तारकस्तारकान्तकः ॥ 90 ॥
स्थाणुः स्थाणुप्रियः स्थाता स्थावरं जङ्गमं जगत् ।
दक्षयज्ञप्रमथनो दाता दानं दमो दया ॥ 91 ॥
दयावान्दिव्यविभवो दण्डभृद्दण्डनायकः ।
दन्तप्रभिन्नाभ्रमालो दैत्यवारणदारणः ॥ 92 ॥
दंष्ट्रालग्नद्वीपघटो देवार्थनृगजाकृतिः ।
धनं धनपतेर्बन्धुर्धनदो धरणीधरः ॥ 93 ॥
ध्यानैकप्रकटो ध्येयो ध्यानं ध्यानपरायणः ।
ध्वनिप्रकृतिचीत्कारो ब्रह्माण्डावलिमेखलः ॥ 94 ॥
नन्द्यो नन्दिप्रियो नादो नादमध्यप्रतिष्ठितः ।
निष्कलो निर्मलो नित्यो नित्यानित्यो निरामयः ॥ 95 ॥
परं व्योम परं धाम परमात्मा परं पदम् ॥ 96 ॥
परात्परः पशुपतिः पशुपाशविमोचनः ।
पूर्णानन्दः परानन्दः पुराणपुरुषोत्तमः ॥ 97 ॥
पद्मप्रसन्नवदनः प्रणताज्ञाननाशनः ।
प्रमाणप्रत्ययातीतः प्रणतार्तिनिवारणः ॥ 98 ॥
फणिहस्तः फणिपतिः फूत्कारः फणितप्रियः ।
बाणार्चिताङ्घ्रियुगलो बालकेलिकुतूहली ।
ब्रह्म ब्रह्मार्चितपदो ब्रह्मचारी बृहस्पतिः ॥ 99 ॥
बृहत्तमो ब्रह्मपरो ब्रह्मण्यो ब्रह्मवित्प्रियः ।
बृहन्नादाग्र्यचीत्कारो ब्रह्माण्डावलिमेखलः ॥ 100 ॥
भ्रूक्षेपदत्तलक्ष्मीको भर्गो भद्रो भयापहः ।
भगवान् भक्तिसुलभो भूतिदो भूतिभूषणः ॥ 101 ॥
भव्यो भूतालयो भोगदाता भ्रूमध्यगोचरः ।
मन्त्रो मन्त्रपतिर्मन्त्री मदमत्तो मनो मयः ॥ 102 ॥
मेखलाहीश्वरो मन्दगतिर्मन्दनिभेक्षणः ।
महाबलो महावीर्यो महाप्राणो महामनाः ॥ 103 ॥
यज्ञो यज्ञपतिर्यज्ञगोप्ता यज्ञफलप्रदः ।
यशस्करो योगगम्यो याज्ञिको याजकप्रियः ॥ 104 ॥
रसो रसप्रियो रस्यो रञ्जको रावणार्चितः ।
राज्यरक्षाकरो रत्नगर्भो राज्यसुखप्रदः ॥ 105 ॥
लक्षो लक्षपतिर्लक्ष्यो लयस्थो लड्डुकप्रियः ।
लासप्रियो लास्यपरो लाभकृल्लोकविश्रुतः ॥ 106 ॥
वरेण्यो वह्निवदनो वन्द्यो वेदान्तगोचरः ।
विकर्ता विश्वतश्चक्षुर्विधाता विश्वतोमुखः ॥ 107 ॥
वामदेवो विश्वनेता वज्रिवज्रनिवारणः ।
विवस्वद्बन्धनो विश्वाधारो विश्वेश्वरो विभुः ॥ 108 ॥
शब्दब्रह्म शमप्राप्यः शम्भुशक्तिगणेश्वरः ।
शास्ता शिखाग्रनिलयः शरण्यः शम्बरेश्वरः ॥ 109 ॥
षडृतुकुसुमस्रग्वी षडाधारः षडक्षरः ।
संसारवैद्यः सर्वज्ञः सर्वभेषजभेषजम् ॥ 110 ॥
सृष्टिस्थितिलयक्रीडः सुरकुञ्जरभेदकः ।
सिन्दूरितमहाकुम्भः सदसद्भक्तिदायकः ॥ 111 ॥
साक्षी समुद्रमथनः स्वयंवेद्यः स्वदक्षिणः ।
स्वतन्त्रः सत्यसङ्कल्पः सामगानरतः सुखी ॥ 112 ॥
हंसो हस्तिपिशाचीशो हवनं हव्यकव्यभुक् ।
हव्यं हुतप्रियो हृष्टो हृल्लेखामन्त्रमध्यगः ॥ 113 ॥
क्षेत्राधिपः क्षमाभर्ता क्षमाक्षमपरायणः ।
क्षिप्रक्षेमकरः क्षेमानन्दः क्षोणीसुरद्रुमः ॥ 114 ॥
धर्मप्रदोऽर्थदः कामदाता सौभाग्यवर्धनः ।
विद्याप्रदो विभवदो भुक्तिमुक्तिफलप्रदः ॥ 115 ॥
आभिरूप्यकरो वीरश्रीप्रदो विजयप्रदः ।
सर्ववश्यकरो गर्भदोषहा पुत्रपौत्रदः ॥ 116 ॥
मेधादः कीर्तिदः शोकहारी दौर्भाग्यनाशनः ।
प्रतिवादिमुखस्तम्भो रुष्टचित्तप्रसादनः ॥ 117 ॥
पराभिचारशमनो दुःखहा बन्धमोक्षदः ।
लवस्त्रुटिः कला काष्ठा निमेषस्तत्परक्षणः ॥ 118 ॥
घटी मुहूर्तः प्रहरो दिवा नक्तमहर्निशम् ।
पक्षो मासर्त्वयनाब्दयुगं कल्पो महालयः ॥ 119 ॥
राशिस्तारा तिथिर्योगो वारः करणमंशकम् ।
लग्नं होरा कालचक्रं मेरुः सप्तर्षयो ध्रुवः ॥ 120 ॥
राहुर्मन्दः कविर्जीवो बुधो भौमः शशी रविः ।
कालः सृष्टिः स्थितिर्विश्वं स्थावरं जङ्गमं जगत् ॥ 121 ॥
भूरापोऽग्निर्मरुद्व्योमाहङ्कृतिः प्रकृतिः पुमान् ।
ब्रह्मा विष्णुः शिवो रुद्र ईशः शक्तिः सदाशिवः ॥ 122 ॥
त्रिदशाः पितरः सिद्धा यक्षा रक्षांसि किन्नराः ।
सिद्धविद्याधरा भूता मनुष्याः पशवः खगाः ॥ 123 ॥
समुद्राः सरितः शैला भूतं भव्यं भवोद्भवः ।
साङ्ख्यं पातञ्जलं योगं पुराणानि श्रुतिः स्मृतिः ॥ 124 ॥
वेदाङ्गानि सदाचारो मीमांसा न्यायविस्तरः ।
आयुर्वेदो धनुर्वेदो गान्धर्वं काव्यनाटकम् ॥ 125 ॥
वैखानसं भागवतं मानुषं पाञ्चरात्रकम् ।
शैवं पाशुपतं कालामुखम्भैरवशासनम् ॥ 126 ॥
शाक्तं वैनायकं सौरं जैनमार्हतसंहिता ।
सदसद्व्यक्तमव्यक्तं सचेतनमचेतनम् ॥ 127 ॥
बन्धो मोक्षः सुखं भोगो योगः सत्यमणुर्महान् ।
स्वस्ति हुम्फट् स्वधा स्वाहा श्रौषट् वौषट् वषण् नमः 128 ॥
ज्ञानं विज्ञानमानन्दो बोधः संवित्समोऽसमः ।
एक एकाक्षराधार एकाक्षरपरायणः ॥ 129 ॥
एकाग्रधीरेकवीर एकोऽनेकस्वरूपधृक् ।
द्विरूपो द्विभुजो द्व्यक्षो द्विरदो द्वीपरक्षकः ॥ 130 ॥
द्वैमातुरो द्विवदनो द्वन्द्वहीनो द्वयातिगः ।
त्रिधामा त्रिकरस्त्रेता त्रिवर्गफलदायकः ॥ 131 ॥
त्रिगुणात्मा त्रिलोकादिस्त्रिशक्तीशस्त्रिलोचनः ।
चतुर्विधवचोवृत्तिपरिवृत्तिप्रवर्तकः ॥ 132 ॥
चतुर्बाहुश्चतुर्दन्तश्चतुरात्मा चतुर्भुजः ।
चतुर्विधोपायमयश्चतुर्वर्णाश्रमाश्रयः 133 ॥
चतुर्थीपूजनप्रीतश्चतुर्थीतिथिसम्भवः ॥
पञ्चाक्षरात्मा पञ्चात्मा पञ्चास्यः पञ्चकृत्तमः ॥ 134 ॥
पञ्चाधारः पञ्चवर्णः पञ्चाक्षरपरायणः ।
पञ्चतालः पञ्चकरः पञ्चप्रणवमातृकः ॥ 135 ॥
पञ्चब्रह्ममयस्फूर्तिः पञ्चावरणवारितः ।
पञ्चभक्षप्रियः पञ्चबाणः पञ्चशिखात्मकः ॥ 136 ॥
षट्कोणपीठः षट्चक्रधामा षड्ग्रन्थिभेदकः ।
षडङ्गध्वान्तविध्वंसी षडङ्गुलमहाह्रदः ॥ 137 ॥
षण्मुखः षण्मुखभ्राता षट्शक्तिपरिवारितः ।
षड्वैरिवर्गविध्वंसी षडूर्मिभयभञ्जनः ॥ 138 ॥
षट्तर्कदूरः षट्कर्मा षड्गुणः षड्रसाश्रयः ।
सप्तपातालचरणः सप्तद्वीपोरुमण्डलः ॥ 139 ॥
सप्तस्वर्लोकमुकुटः सप्तसप्तिवरप्रदः ।
सप्ताङ्गराज्यसुखदः सप्तर्षिगणवन्दितः ॥ 140 ॥
सप्तच्छन्दोनिधिः सप्तहोत्रः सप्तस्वराश्रयः ।
सप्ताब्धिकेलिकासारः सप्तमातृनिषेवितः ॥ 141 ॥
सप्तच्छन्दो मोदमदः सप्तच्छन्दो मखप्रभुः ।
अष्टमूर्तिर्ध्येयमूर्तिरष्टप्रकृतिकारणम् ॥ 142 ॥
अष्टाङ्गयोगफलभृदष्टपत्राम्बुजासनः ।
अष्टशक्तिसमानश्रीरष्टैश्वर्यप्रवर्धनः ॥ 143 ॥
अष्टपीठोपपीठश्रीरष्टमातृसमावृतः ।
अष्टभैरवसेव्योऽष्टवसुवन्द्योऽष्टमूर्तिभृत् ॥ 144 ॥
अष्टचक्रस्फुरन्मूर्तिरष्टद्रव्यहविःप्रियः ।
अष्टश्रीरष्टसामश्रीरष्टैश्वर्यप्रदायकः ।
नवनागासनाध्यासी नवनिध्यनुशासितः ॥ 145 ॥
नवद्वारपुरावृत्तो नवद्वारनिकेतनः ।
नवनाथमहानाथो नवनागविभूषितः ॥ 146 ॥
नवनारायणस्तुल्यो नवदुर्गानिषेवितः ।
नवरत्नविचित्राङ्गो नवशक्तिशिरोद्धृतः ॥ 147 ॥
दशात्मको दशभुजो दशदिक्पतिवन्दितः ।
दशाध्यायो दशप्राणो दशेन्द्रियनियामकः ॥ 148 ॥
दशाक्षरमहामन्त्रो दशाशाव्यापिविग्रहः ।
एकादशमहारुद्रैःस्तुतश्चैकादशाक्षरः ॥ 149 ॥
द्वादशद्विदशाष्टादिदोर्दण्डास्त्रनिकेतनः ।
त्रयोदशभिदाभिन्नो विश्वेदेवाधिदैवतम् ॥ 150 ॥
चतुर्दशेन्द्रवरदश्चतुर्दशमनुप्रभुः ।
चतुर्दशाद्यविद्याढ्यश्चतुर्दशजगत्पतिः ॥ 151 ॥
सामपञ्चदशः पञ्चदशीशीतांशुनिर्मलः ।
तिथिपञ्चदशाकारस्तिथ्या पञ्चदशार्चितः ॥ 152 ॥
षोडशाधारनिलयः षोडशस्वरमातृकः ।
षोडशान्तपदावासः षोडशेन्दुकलात्मकः ॥ 153 ॥
कलासप्तदशी सप्तदशसप्तदशाक्षरः ।
अष्टादशद्वीपपतिरष्टादशपुराणकृत् ॥ 154 ॥
अष्टादशौषधीसृष्टिरष्टादशविधिः स्मृतः ।
अष्टादशलिपिव्यष्टिसमष्टिज्ञानकोविदः ॥ 155 ॥
अष्टादशान्नसम्पत्तिरष्टादशविजातिकृत् ।
एकविंशः पुमानेकविंशत्यङ्गुलिपल्लवः ॥ 156 ॥
चतुर्विंशतितत्त्वात्मा पञ्चविंशाख्यपूरुषः ।
सप्तविंशतितारेशः सप्तविंशतियोगकृत् ॥ 157 ॥
द्वात्रिंशद्भैरवाधीशश्चतुस्त्रिंशन्महाह्रदः ।
षट्त्रिंशत्तत्त्वसम्भूतिरष्टत्रिंशत्कलात्मकः ॥ 158 ॥
पञ्चाशद्विष्णुशक्तीशः पञ्चाशन्मातृकालयः ।
द्विपञ्चाशद्वपुःश्रेणीत्रिषष्ट्यक्षरसंश्रयः ।
पञ्चाशदक्षरश्रेणीपञ्चाशद्रुद्रविग्रहः ॥ 159 ॥
चतुःषष्टिमहासिद्धियोगिनीवृन्दवन्दितः ।
नमदेकोनपञ्चाशन्मरुद्वर्गनिरर्गलः ॥ 160 ॥
चतुःषष्ट्यर्थनिर्णेता चतुःषष्टिकलानिधिः ।
अष्टषष्टिमहातीर्थक्षेत्रभैरववन्दितः ॥ 161 ॥
चतुर्नवतिमन्त्रात्मा षण्णवत्यधिकप्रभुः ।
शतानन्दः शतधृतिः शतपत्रायतेक्षणः ॥ 162 ॥
शतानीकः शतमखः शतधारावरायुधः ।
सहस्रपत्रनिलयः सहस्रफणिभूषणः ॥ 163 ॥
सहस्रशीर्षा पुरुषः सहस्राक्षः सहस्रपात् ।
सहस्रनामसंस्तुत्यः सहस्राक्षबलापहः ॥ 164 ॥
दशसाहस्रफणिभृत्फणिराजकृतासनः ।
अष्टाशीतिसहस्राद्यमहर्षिस्तोत्रपाठितः ॥ 165 ॥
लक्षाधारः प्रियाधारो लक्षाधारमनोमयः ।
चतुर्लक्षजपप्रीतश्चतुर्लक्षप्रकाशकः ॥ 166 ॥
चतुरशीतिलक्षाणां जीवानां देहसंस्थितः ।
कोटिसूर्यप्रतीकाशः कोटिचन्द्रांशुनिर्मलः ॥ 167 ॥
शिवोद्भवाद्यष्टकोटिवैनायकधुरन्धरः ।
सप्तकोटिमहामन्त्रमन्त्रितावयवद्युतिः ॥ 168 ॥
त्रयस्त्रिंशत्कोटिसुरश्रेणीप्रणतपादुकः ।
अनन्तदेवतासेव्यो ह्यनन्तशुभदायकः ॥ 169 ॥
अनन्तनामानन्तश्रीरनन्तोऽनन्तसौख्यदः ।
अनन्तशक्तिसहितो ह्यनन्तमुनिसंस्तुतः ॥ 170 ॥
इति वैनायकं नाम्नां सहस्रमिदमीरितम् ।
इदं ब्राह्मे मुहूर्ते यः पठति प्रत्यहं नरः ॥ 171 ॥
करस्थं तस्य सकलमैहिकामुष्मिकं सुखम् ।
आयुरारोग्यमैश्वर्यं धैर्यं शौर्यं बलं यशः ॥ 172 ॥
मेधा प्रज्ञा धृतिः कान्तिः सौभाग्यमभिरूपता ।
सत्यं दया क्षमा शान्तिर्दाक्षिण्यं धर्मशीलता ॥ 173 ॥
जगत्संवननं विश्वसंवादो वेदपाटवम् ।
सभापाण्डित्यमौदार्यं गाम्भीर्यं ब्रह्मवर्चसम् ॥ 174 ॥
ओजस्तेजः कुलं शीलं प्रतापो वीर्यमार्यता ।
ज्ञानं विज्ञानमास्तिक्यं स्थैर्यं विश्वासता तथा ॥ 175 ॥
धनधान्यादिवृद्धिश्च सकृदस्य जपाद्भवेत् ।
वश्यं चतुर्विधं विश्वं जपादस्य प्रजायते ॥ 176 ॥
राज्ञो राजकलत्रस्य राजपुत्रस्य मन्त्रिणः ।
जप्यते यस्य वश्यार्थे स दासस्तस्य जायते ॥ 177 ॥
धर्मार्थकाममोक्षाणामनायासेन साधनम् ।
शाकिनीडाकिनीरक्षोयक्षग्रहभयापहम् ॥ 178 ॥
साम्राज्यसुखदं सर्वसपत्नमदमर्दनम् ।
समस्तकलहध्वंसि दग्धबीजप्ररोहणम् ॥ 179 ॥
दुःस्वप्नशमनं क्रुद्धस्वामिचित्तप्रसादनम् ।
षड्वर्गाष्टमहासिद्धित्रिकालज्ञानकारणम् ॥ 180 ॥
परकृत्यप्रशमनं परचक्रप्रमर्दनम् ।
सङ्ग्राममार्गे सवेषामिदमेकं जयावहम् ॥ 181 ॥
सर्ववन्ध्यत्वदोषघ्नं गर्भरक्षैककारणम् ।
पठ्यते प्रत्यहं यत्र स्तोत्रं गणपतेरिदम् ॥ 182 ॥
देशे तत्र न दुर्भिक्षमीतयो दुरितानि च ।
न तद्गेहं जहाति श्रीर्यत्रायं जप्यते स्तवः ॥ 183 ॥
क्षयकुष्ठप्रमेहार्शभगन्दरविषूचिकाः ।
गुल्मं प्लीहानमशमानमतिसारं महोदरम् ॥ 184 ॥
कासं श्वासमुदावर्तं शूलं शोफामयोदरम् ।
शिरोरोगं वमिं हिक्कां गण्डमालामरोचकम् ॥ 185 ॥
वातपित्तकफद्वन्द्वत्रिदोषजनितज्वरम् ।
आगन्तुविषमं शीतमुष्णं चैकाहिकादिकम् ॥ 186 ॥
इत्याद्युक्तमनुक्तं वा रोगदोषादिसम्भवम् ।
सर्वं प्रशमयत्याशु स्तोत्रस्यास्य सकृज्जपः ॥ 187 ॥
प्राप्यतेऽस्य जपात्सिद्धिः स्त्रीशूद्रैः पतितैरपि ।
सहस्रनाममन्त्रोऽयं जपितव्यः शुभाप्तये ॥ 188 ॥
महागणपतेः स्तोत्रं सकामः प्रजपन्निदम् ।
इच्छया सकलान् भोगानुपभुज्येह पार्थिवान् ॥ 189 ॥
मनोरथफलैर्दिव्यैर्व्योमयानैर्मनोरमैः ।
चन्द्रेन्द्रभास्करोपेन्द्रब्रह्मशर्वादिसद्मसु ॥ 190 ॥
कामरूपः कामगतिः कामदः कामदेश्वरः ।
भुक्त्वा यथेप्सितान्भोगानभीष्टैः सह बन्धुभिः ॥ 191 ॥
गणेशानुचरो भूत्वा गणो गणपतिप्रियः ।
नन्दीश्वरादिसानन्दैर्नन्दितः सकलैर्गणैः ॥ 192 ॥
शिवाभ्यां कृपया पुत्रनिर्विशेषं च लालितः ।
शिवभक्तः पूर्णकामो गणेश्वरवरात्पुनः ॥ 193 ॥
जातिस्मरो धर्मपरः सार्वभौमोऽभिजायते ।
निष्कामस्तु जपन्नित्यं भक्त्या विघ्नेशतत्परः ॥ 194 ॥
योगसिद्धिं परां प्राप्य ज्ञानवैराग्यसंयुतः ।
निरन्तरे निराबाधे परमानन्दसञ्ज्ञिते ॥ 195 ॥
विश्वोत्तीर्णे परे पूर्णे पुनरावृत्तिवर्जिते ।
लीनो वैनायके धाम्नि रमते नित्यनिर्वृते ॥ 196 ॥
यो नामभिर्हुतैर्दत्तैः पूजयेदर्चयेएन्नरः ।
राजानो वश्यतां यान्ति रिपवो यान्ति दासताम् ॥ 197 ॥
तस्य सिध्यन्ति मन्त्राणां दुर्लभाश्चेष्टसिद्धयः ।
मूलमन्त्रादपि स्तोत्रमिदं प्रियतमं मम ॥ 198 ॥
नभस्ये मासि शुक्लायां चतुर्थ्यां मम जन्मनि ।
दूर्वाभिर्नामभिः पूजां तर्पणं विधिवच्चरेत् ॥ 199 ॥
अष्टद्रव्यैर्विशेषेण कुर्याद्भक्तिसुसंयुतः ।
तस्येप्सितं धनं धान्यमैश्वर्यं विजयो यशः ॥ 200 ॥
भविष्यति न सन्देहः पुत्रपौत्रादिकं सुखम् ।
इदं प्रजपितं स्तोत्रं पठितं श्रावितं श्रुतम् ॥ 201 ॥
व्याकृतं चर्चितं ध्यातं विमृष्टमभिवन्दितम् ।
इहामुत्र च विश्वेषां विश्वैश्वर्यप्रदायकम् ॥ 202 ॥
स्वच्छन्दचारिणाप्येष येन सन्धार्यते स्तवः ।
स रक्ष्यते शिवोद्भूतैर्गणैरध्यष्टकोटिभिः ॥ 203 ॥
लिखितं पुस्तकस्तोत्रं मन्त्रभूतं प्रपूजयेत् ।
तत्र सर्वोत्तमा लक्ष्मीः सन्निधत्ते निरन्तरम् ॥ 204 ॥
दानैरशेषैरखिलैर्व्रतैश्च तीर्थैरशेषैरखिलैर्मखैश्च ।
न तत्फलं विन्दति यद्गणेशसहस्रनामस्मरणेन सद्यः ॥ 205 ॥
एतन्नाम्नां सहस्रं पठति दिनमणौ प्रत्यहम्प्रोज्जिहाने
सायं मध्यन्दिने वा त्रिषवणमथवा सन्ततं वा जनो यः ।
स स्यादैश्वर्यधुर्यः प्रभवति वचसां कीर्तिमुच्चैस्तनोति
दारिद्र्यं हन्ति विश्वं वशयति सुचिरं वर्धते पुत्रपौत्रैः ॥ 206 ॥
अकिञ्चनोप्येकचित्तो नियतो नियतासनः ।
प्रजपंश्चतुरो मासान् गणेशार्चनतत्परः ॥ 207 ॥
दरिद्रतां समुन्मूल्य सप्तजन्मानुगामपि ।
लभते महतीं लक्ष्मीमित्याज्ञा पारमेश्वरी ॥ 208 ॥
आयुष्यं वीतरोगं कुलमतिविमलं सम्पदश्चार्तिनाशः
कीर्तिर्नित्यावदाता भवति खलु नवा कान्तिरव्याजभव्या ।
पुत्राः सन्तः कलत्रं गुणवदभिमतं यद्यदन्यच्च तत्त -
न्नित्यं यः स्तोत्रमेतत् पठति गणपतेस्तस्य हस्ते समस्तम् ॥ 209 ॥
गणञ्जयो गणपतिर्हेरम्बो धरणीधरः ।
महागणपतिर्बुद्धिप्रियः क्षिप्रप्रसादनः ॥ 210 ॥
अमोघसिद्धिरमृतमन्त्रश्चिन्तामणिर्निधिः ।
सुमङ्गलो बीजमाशापूरको वरदः कलः ॥ 211 ॥
काश्यपो नन्दनो वाचासिद्धो ढुण्ढिर्विनायकः ।
मोदकैरेभिरत्रैकविंशत्या नामभिः पुमान् ॥ 212 ॥
उपायनं ददेद्भक्त्या मत्प्रसादं चिकीर्षति ।
वत्सरं विघ्नराजोऽस्य तथ्यमिष्टार्थसिद्धये ॥ 213 ॥
यः स्तौति मद्गतमना ममाराधनतत्परः ।
स्तुतो नाम्ना सहस्रेण तेनाहं नात्र संशयः ॥ 214 ॥
नमो नमः सुरवरपूजिताङ्घ्रये
नमो नमो निरुपममङ्गलात्मने ।
नमो नमो विपुलदयैकसिद्धये
नमो नमः करिकलभाननाय ते ॥ 215 ॥
किङ्किणीगणरचितचरणः
प्रकटितगुरुमितचारुकरणः ।
मदजललहरीकलितकपोलः
शमयतु दुरितं गणपतिनाम्ना ॥ 216 ॥
॥ इति श्रीगणेशपुराणे उपासनाखण्डे ईश्वरगणेशसंवादे
गणेशसहस्रनामस्तोत्रं नाम षट्चत्वारिंशोध्यायः ॥
muniruvāca
kathaṃ nāmnāṃ sahasraṃ taṃ gaṇeśa upadiṣṭavān |
śivadaṃ tanmamācakṣva lokānugrahatatpara || 1 ||
brahmovāca
devaḥ pūrvaṃ purārātiḥ puratrayajayodyame |
anarcanādgaṇeśasya jāto vighnākulaḥ kila || 2 ||
manasā sa vinirdhārya dadṛśe vighnakāraṇam |
mahāgaṇapatiṃ bhaktyā samabhyarcya yathāvidhi || 3 ||
vighnapraśamanopāyamapṛcchadapariśramam |
santuṣṭaḥ pūjayā śambhormahāgaṇapatiḥ svayam || 4 ||
sarvavighnapraśamanaṃ sarvakāmaphalapradam |
tatastasmai svayaṃ nāmnāṃ sahasramidamabravīt || 5 ||
asya śrīmahāgaṇapatisahasranāmastotramālāmantrasya |
gaṇeśa ṛṣiḥ, mahāgaṇapatirdevatā, nānāvidhānicchandāṃsi |
humiti bījam, tuṅgamiti śaktiḥ, svāhāśaktiriti kīlakam |
sakalavighnavināśanadvārā śrīmahāgaṇapatiprasādasiddhyarthe jape viniyogaḥ |
atha karanyāsaḥ
gaṇeśvaro gaṇakrīḍa ityaṅguṣṭhābhyāṃ namaḥ |
kumāragururīśāna iti tarjanībhyāṃ namaḥ ||
brahmāṇḍakumbhaścidvyometi madhyamābhyāṃ namaḥ |
rakto raktāmbaradhara ityanāmikābhyāṃ namaḥ
sarvasadgurusaṃsevya iti kaniṣṭhikābhyāṃ namaḥ |
luptavighnaḥ svabhaktānāmiti karatalakarapṛṣṭhābhyāṃ namaḥ ||
atha aṅganyāsaḥ
chandaśchandodbhava iti hṛdayāya namaḥ |
niṣkalo nirmala iti śirase svāhā |
sṛṣṭisthitilayakrīḍa iti śikhāyai vaṣaṭ |
jñānaṃ vijñānamānanda iti kavacāya hum |
aṣṭāṅgayogaphalabhṛditi netratrayāya vauṣaṭ |
anantaśaktisahita ityastrāya phaṭ |
bhūrbhuvaḥ svaroṃ iti digbandhaḥ |
atha dhyānam
gajavadanamacintyaṃ tīkṣṇadaṃṣṭraṃ trinetraṃ
bṛhadudaramaśeṣaṃ bhūtirājaṃ purāṇam |
amaravarasupūjyaṃ raktavarṇaṃ sureśaṃ
paśupatisutamīśaṃ vighnarājaṃ namāmi ||
śrīgaṇapatiruvāca
oṃ gaṇeśvaro gaṇakrīḍo gaṇanātho gaṇādhipaḥ |
ekadanto vakratuṇḍo gajavaktro mahodaraḥ || 1 ||
lambodaro dhūmravarṇo vikaṭo vighnanāśanaḥ |
sumukho durmukho buddho vighnarājo gajānanaḥ || 2 ||
bhīmaḥ pramoda āmodaḥ surānando madotkaṭaḥ |
herambaḥ śambaraḥ śambhurlambakarṇo mahābalaḥ || 3 ||
nandano lampaṭo bhīmo meghanādo gaṇañjayaḥ |
vināyako virūpākṣo vīraḥ śūravarapradaḥ || 4 ||
mahāgaṇapatirbuddhipriyaḥ kṣipraprasādanaḥ |
rudrapriyo gaṇādhyakṣa umāputro'ghanāśanaḥ || 5 ||
kumāragururīśānaputro mūṣakavāhanaḥ |
siddhipriyaḥ siddhipatiḥ siddhaḥ siddhivināyakaḥ || 6 ||
avighnastumburuḥ siṃhavāhano mohinīpriyaḥ |
kaṭaṅkaṭo rājaputraḥ śākalaḥ sammitomitaḥ || 7 ||
kūṣmāṇḍasāmasambhūtirdurjayo dhūrjayo jayaḥ |
bhūpatirbhuvanapatirbhūtānāṃ patiravyayaḥ || 8 ||
viśvakartā viśvamukho viśvarūpo nidhirguṇaḥ |
kaviḥ kavīnāmṛṣabho brahmaṇyo brahmavitpriyaḥ || 9 ||
jyeṣṭharājo nidhipatirnidhipriyapatipriyaḥ |
hiraṇmayapurāntaḥsthaḥ sūryamaṇḍalamadhyagaḥ || 10 ||
karāhatidhvastasindhusalilaḥ pūṣadantabhit |
umāṅkakelikutukī muktidaḥ kulapāvanaḥ || 11 ||
kirīṭī kuṇḍalī hārī vanamālī manomayaḥ |
vaimukhyahatadaityaśrīḥ pādāhatijitakṣitiḥ || 12 ||
sadyojātaḥ svarṇamuñjamekhalī durnimittahṛt |
duḥsvapnahṛtprasahano guṇī nādapratiṣṭhitaḥ || 13 ||
surūpaḥ sarvanetrādhivāso vīrāsanāśrayaḥ |
pītāmbaraḥ khaṇḍaradaḥ khaṇḍavaiśākhasaṃsthitaḥ || 14 ||
citrāṅgaḥ śyāmadaśano bhālacandro havirbhujaḥ |
yogādhipastārakasthaḥ puruṣo gajakarṇakaḥ || 15 ||
gaṇādhirājo vijayaḥ sthiro gajapatidhvajī |
devadevaḥ smaraḥ prāṇadīpako vāyukīlakaḥ || 16 ||
vipaścidvarado nādo nādabhinnamahācalaḥ |
varāharadano mṛtyuñjayo vyāghrājināmbaraḥ || 17 ||
icchāśaktibhavo devatrātā daityavimardanaḥ |
śambhuvaktrodbhavaḥ śambhukopahā śambhuhāsyabhūḥ || 18 ||
śambhutejāḥ śivāśokahārī gaurīsukhāvahaḥ |
umāṅgamalajo gaurītejobhūḥ svardhunībhavaḥ || 19 ||
yajñakāyo mahānādo girivarṣmā śubhānanaḥ |
sarvātmā sarvadevātmā brahmamūrdhā kakupśrutiḥ || 20 ||
brahmāṇḍakumbhaścidvyomabhālaḥsatyaśiroruhaḥ |
jagajjanmalayonmeṣanimeṣo'gnyarkasomadṛk || 21 ||
girīndraikarado dharmādharmoṣṭhaḥ sāmabṛṃhitaḥ |
graharkṣadaśano vāṇījihvo vāsavanāsikaḥ || 22 ||
bhrūmadhyasaṃsthitakaro brahmavidyāmadodakaḥ |
kulācalāṃsaḥ somārkaghaṇṭo rudraśirodharaḥ || 23 ||
nadīnadabhujaḥ sarpāṅgulīkastārakānakhaḥ |
vyomanābhiḥ śrīhṛdayo merupṛṣṭho'rṇavodaraḥ || 24 ||
kukṣisthayakṣagandharvarakṣaḥkinnaramānuṣaḥ |
pṛthvīkaṭiḥ sṛṣṭiliṅgaḥ śailorurdasrajānukaḥ || 25 ||
pātālajaṅgho munipātkālāṅguṣṭhastrayītanuḥ |
jyotirmaṇḍalalāṅgūlo hṛdayālānaniścalaḥ || 26 ||
hṛtpadmakarṇikāśālī viyatkelisarovaraḥ |
sadbhaktadhyānanigaḍaḥ pūjāvārinivāritaḥ || 27 ||
pratāpī kāśyapo mantā gaṇako viṣṭapī balī |
yaśasvī dhārmiko jetā prathamaḥ pramatheśvaraḥ || 28 ||
cintāmaṇirdvīpapatiḥ kalpadrumavanālayaḥ |
ratnamaṇḍapamadhyastho ratnasiṃhāsanāśrayaḥ || 29 ||
tīvrāśiroddhṛtapado jvālinīmaulilālitaḥ |
nandānanditapīṭhaśrīrbhogado bhūṣitāsanaḥ || 30 ||
sakāmadāyinīpīṭhaḥ sphuradugrāsanāśrayaḥ |
tejovatīśiroratnaṃ satyānityāvataṃsitaḥ || 31 ||
savighnanāśinīpīṭhaḥ sarvaśaktyambujālayaḥ |
lipipadmāsanādhāro vahnidhāmatrayālayaḥ || 32 ||
unnataprapado gūḍhagulphaḥ saṃvṛtapārṣṇikaḥ |
pīnajaṅghaḥ śliṣṭajānuḥ sthūloruḥ pronnamatkaṭiḥ || 33 ||
nimnanābhiḥ sthūlakukṣiḥ pīnavakṣā bṛhadbhujaḥ |
pīnaskandhaḥ kambukaṇṭho lamboṣṭho lambanāsikaḥ || 34 ||
bhagnavāmaradastuṅgasavyadanto mahāhanuḥ |
hrasvanetratrayaḥ śūrpakarṇo nibiḍamastakaḥ || 35 ||
stabakākārakumbhāgro ratnamaulirniraṅkuśaḥ |
sarpahārakaṭīsūtraḥ sarpayajñopavītavān || 36 ||
sarpakoṭīrakaṭakaḥ sarpagraiveyakāṅgadaḥ |
sarpakakṣodarābandhaḥ sarparājottaracchadaḥ || 37 ||
rakto raktāmbaradharo raktamālāvibhūṣaṇaḥ |
raktekṣano raktakaro raktatālvoṣṭhapallavaḥ || 38 ||
śvetaḥ śvetāmbaradharaḥ śvetamālāvibhūṣaṇaḥ |
śvetātapatraruciraḥ śvetacāmaravījitaḥ || 39 ||
sarvāvayavasampūrṇaḥ sarvalakṣaṇalakṣitaḥ |
sarvābharaṇaśobhāḍhyaḥ sarvaśobhāsamanvitaḥ || 40 ||
sarvamaṅgalamāṅgalyaḥ sarvakāraṇakāraṇam |
sarvadevavaraḥ śārṅgī bījapūrī gadādharaḥ || 41 ||
śubhāṅgo lokasāraṅgaḥ sutantustantuvardhanaḥ |
kirīṭī kuṇḍalī hārī vanamālī śubhāṅgadaḥ || 42 ||
ikṣucāpadharaḥ śūlī cakrapāṇiḥ sarojabhṛt |
pāśī dhṛtotpalaḥ śālimañjarībhṛtsvadantabhṛt || 43 ||
kalpavallīdharo viśvābhayadaikakaro vaśī |
akṣamālādharo jñānamudrāvān mudgarāyudhaḥ || 44 ||
pūrṇapātrī kambudharo vidhṛtāṅkuśamūlakaḥ |
karasthāmraphalaścūtakalikābhṛtkuṭhāravān || 45 ||
puṣkarasthasvarṇaghaṭīpūrṇaratnābhivarṣakaḥ |
bhāratīsundarīnātho vināyakaratipriyaḥ || 46 ||
mahālakṣmīpriyatamaḥ siddhalakṣmīmanoramaḥ |
ramārameśapūrvāṅgo dakṣiṇomāmaheśvaraḥ || 47 ||
mahīvarāhavāmāṅgo ratikandarpapaścimaḥ |
āmodamodajananaḥ sapramodapramodanaḥ || 48 ||
saṃvardhitamahāvṛddhirṛddhisiddhipravardhanaḥ |
dantasaumukhyasumukhaḥ kāntikandalitāśrayaḥ || 49 ||
madanāvatyāśritāṅghriḥ kṛtavaimukhyadurmukhaḥ |
vighnasampallavaḥ padmaḥ sarvonnatamadadravaḥ || 50 ||
vighnakṛnnimnacaraṇo drāviṇīśaktisatkṛtaḥ |
tīvrāprasannanayano jvālinīpālitaikadṛk || 51 ||
mohinīmohano bhogadāyinīkāntimaṇḍanaḥ |
kāminīkāntavaktraśrīradhiṣṭhitavasundharaḥ || 52 ||
vasudhārāmadonnādo mahāśaṅkhanidhipriyaḥ |
namadvasumatīmālī mahāpadmanidhiḥ prabhuḥ || 53 ||
sarvasadgurusaṃsevyaḥ śociṣkeśahṛdāśrayaḥ |
īśānamūrdhā devendraśikhaḥ pavananandanaḥ || 54 ||
pratyugranayano divyo divyāstraśataparvadhṛk |
airāvatādisarvāśāvāraṇo vāraṇapriyaḥ || 55 ||
vajrādyastraparīvāro gaṇacaṇḍasamāśrayaḥ |
jayājayaparikaro vijayāvijayāvahaḥ || 56 ||
ajayārcitapādābjo nityānandavanasthitaḥ |
vilāsinīkṛtollāsaḥ śauṇḍī saundaryamaṇḍitaḥ || 57 ||
anantānantasukhadaḥ sumaṅgalasumaṅgalaḥ |
jñānāśrayaḥ kriyādhāra icchāśaktiniṣevitaḥ || 58 ||
subhagāsaṃśritapado lalitālalitāśrayaḥ |
kāminīpālanaḥ kāmakāminīkelilālitaḥ || 59 ||
sarasvatyāśrayo gaurīnandanaḥ śrīniketanaḥ |
guruguptapado vācāsiddho vāgīśvarīpatiḥ || 60 ||
nalinīkāmuko vāmārāmo jyeṣṭhāmanoramaḥ |
raudrīmudritapādābjo humbījastuṅgaśaktikaḥ || 61 ||
viśvādijananatrāṇaḥ svāhāśaktiḥ sakīlakaḥ |
amṛtābdhikṛtāvāso madaghūrṇitalocanaḥ || 62 ||
ucchiṣṭocchiṣṭagaṇako gaṇeśo gaṇanāyakaḥ |
sārvakālikasaṃsiddhirnityasevyo digambaraḥ || 63 ||
anapāyo'nantadṛṣṭiraprameyo'jarāmaraḥ |
anāvilo'pratihatiracyuto'mṛtamakṣaraḥ || 64 ||
apratarkyo'kṣayo'jayyo'nādhāro'nāmayomalaḥ |
ameyasiddhiradvaitamaghoro'gnisamānanaḥ || 65 ||
anākāro'bdhibhūmyagnibalaghno'vyaktalakṣaṇaḥ |
ādhārapīṭhamādhāra ādhārādheyavarjitaḥ || 66 ||
ākhuketana āśāpūraka ākhumahārathaḥ |
ikṣusāgaramadhyastha ikṣubhakṣaṇalālasaḥ || 67 ||
ikṣucāpātirekaśrīrikṣucāpaniṣevitaḥ |
indragopasamānaśrīrindranīlasamadyutiḥ || 68 ||
indīvaradalaśyāma indumaṇḍalamaṇḍitaḥ |
idhmapriya iḍābhāga iḍāvānindirāpriyaḥ || 69 ||
ikṣvākuvighnavidhvaṃsī itikartavyatepsitaḥ |
īśānamaulirīśāna īśānapriya ītihā || 70 ||
īṣaṇātrayakalpānta īhāmātravivarjitaḥ |
upendra uḍubhṛnmauliruḍunāthakarapriyaḥ || 71 ||
unnatānana uttuṅga udārastridaśāgraṇīḥ |
ūrjasvānūṣmalamada ūhāpohadurāsadaḥ || 72 ||
ṛgyajuḥsāmanayana ṛddhisiddhisamarpakaḥ |
ṛjucittaikasulabho ṛṇatrayavimocanaḥ || 73 ||
luptavighnaḥ svabhaktānāṃ luptaśaktiḥ suradviṣām |
luptaśrīrvimukhārcānāṃ lūtāvisphoṭanāśanaḥ || 74 ||
ekārapīṭhamadhyastha ekapādakṛtāsanaḥ |
ejitākhiladaityaśrīredhitākhilasaṃśrayaḥ || 75 ||
aiśvaryanidhiraiśvaryamaihikāmuṣmikapradaḥ |
airammadasamonmeṣa airāvatasamānanaḥ || 76 ||
oṅkāravācya oṅkāra ojasvānoṣadhīpatiḥ |
audāryanidhirauddhatyadhairya aunnatyaniḥsamaḥ || 77 ||
aṅkuśaḥ suranāgānāmaṅkuśākārasaṃsthitaḥ |
aḥ samastavisargāntapadeṣu parikīrtitaḥ || 78 ||
kamaṇḍaludharaḥ kalpaḥ kapardī kalabhānanaḥ |
karmasākṣī karmakartā karmākarmaphalapradaḥ || 79 ||
kadambagolakākāraḥ kūṣmāṇḍagaṇanāyakaḥ |
kāruṇyadehaḥ kapilaḥ kathakaḥ kaṭisūtrabhṛt || 80 ||
kharvaḥ khaḍgapriyaḥ khaḍgaḥ khāntāntaḥsthaḥ khanirmalaḥ |
khalvāṭaśṛṅganilayaḥ khaṭvāṅgī khadurāsadaḥ || 81 ||
guṇāḍhyo gahano gadyo gadyapadyasudhārṇavaḥ |
gadyagānapriyo garjo gītagīrvāṇapūrvajaḥ || 82 ||
guhyācārarato guhyo guhyāgamanirūpitaḥ |
guhāśayo guḍābdhistho gurugamyo gururguruḥ || 83 ||
ghaṇṭāghargharikāmālī ghaṭakumbho ghaṭodaraḥ |
ṅakāravācyo ṅākāro ṅakārākāraśuṇḍabhṛt || 84 ||
caṇḍaścaṇḍeśvaraścaṇḍī caṇḍeśaścaṇḍavikramaḥ |
carācarapitā cintāmaṇiścarvaṇalālasaḥ || 85 ||
chandaśchandodbhavaśchando durlakṣyaśchandavigrahaḥ |
jagadyonirjagatsākṣī jagadīśo jaganmayaḥ || 86 ||
japyo japaparo jāpyo jihvāsiṃhāsanaprabhuḥ |
sravadgaṇḍollasaddhānajhaṅkāribhramarākulaḥ || 87 ||
ṭaṅkārasphārasaṃrāvaṣṭaṅkāramaṇinūpuraḥ |
ṭhadvayīpallavāntasthasarvamantreṣu siddhidaḥ || 88 ||
ḍiṇḍimuṇḍo ḍākinīśo ḍāmaro ḍiṇḍimapriyaḥ |
ḍhakkāninādamudito ḍhauṅko ḍhuṇḍhivināyakaḥ || 89 ||
tattvānāṃ prakṛtistattvaṃ tattvampadanirūpitaḥ |
tārakāntarasaṃsthānastārakastārakāntakaḥ || 90 ||
sthāṇuḥ sthāṇupriyaḥ sthātā sthāvaraṃ jaṅgamaṃ jagat |
dakṣayajñapramathano dātā dānaṃ damo dayā || 91 ||
dayāvāndivyavibhavo daṇḍabhṛddaṇḍanāyakaḥ |
dantaprabhinnābhramālo daityavāraṇadāraṇaḥ || 92 ||
daṃṣṭrālagnadvīpaghaṭo devārthanṛgajākṛtiḥ |
dhanaṃ dhanapaterbandhurdhanado dharaṇīdharaḥ || 93 ||
dhyānaikaprakaṭo dhyeyo dhyānaṃ dhyānaparāyaṇaḥ |
dhvaniprakṛticītkāro brahmāṇḍāvalimekhalaḥ || 94 ||
nandyo nandipriyo nādo nādamadhyapratiṣṭhitaḥ |
niṣkalo nirmalo nityo nityānityo nirāmayaḥ || 95 ||
paraṃ vyoma paraṃ dhāma paramātmā paraṃ padam || 96 ||
parātparaḥ paśupatiḥ paśupāśavimocanaḥ |
pūrṇānandaḥ parānandaḥ purāṇapuruṣottamaḥ || 97 ||
padmaprasannavadanaḥ praṇatājñānanāśanaḥ |
pramāṇapratyayātītaḥ praṇatārtinivāraṇaḥ || 98 ||
phaṇihastaḥ phaṇipatiḥ phūtkāraḥ phaṇitapriyaḥ |
bāṇārcitāṅghriyugalo bālakelikutūhalī |
brahma brahmārcitapado brahmacārī bṛhaspatiḥ || 99 ||
bṛhattamo brahmaparo brahmaṇyo brahmavitpriyaḥ |
bṛhannādāgryacītkāro brahmāṇḍāvalimekhalaḥ || 100 ||
bhrūkṣepadattalakṣmīko bhargo bhadro bhayāpahaḥ |
bhagavān bhaktisulabho bhūtido bhūtibhūṣaṇaḥ || 101 ||
bhavyo bhūtālayo bhogadātā bhrūmadhyagocaraḥ |
mantro mantrapatirmantrī madamatto mano mayaḥ || 102 ||
mekhalāhīśvaro mandagatirmandanibhekṣaṇaḥ |
mahābalo mahāvīryo mahāprāṇo mahāmanāḥ || 103 ||
yajño yajñapatiryajñagoptā yajñaphalapradaḥ |
yaśaskaro yogagamyo yājñiko yājakapriyaḥ || 104 ||
raso rasapriyo rasyo rañjako rāvaṇārcitaḥ |
rājyarakṣākaro ratnagarbho rājyasukhapradaḥ || 105 ||
lakṣo lakṣapatirlakṣyo layastho laḍḍukapriyaḥ |
lāsapriyo lāsyaparo lābhakṛllokaviśrutaḥ || 106 ||
vareṇyo vahnivadano vandyo vedāntagocaraḥ |
vikartā viśvataścakṣurvidhātā viśvatomukhaḥ || 107 ||
vāmadevo viśvanetā vajrivajranivāraṇaḥ |
vivasvadbandhano viśvādhāro viśveśvaro vibhuḥ || 108 ||
śabdabrahma śamaprāpyaḥ śambhuśaktigaṇeśvaraḥ |
śāstā śikhāgranilayaḥ śaraṇyaḥ śambareśvaraḥ || 109 ||
ṣaḍṛtukusumasragvī ṣaḍādhāraḥ ṣaḍakṣaraḥ |
saṃsāravaidyaḥ sarvajñaḥ sarvabheṣajabheṣajam || 110 ||
sṛṣṭisthitilayakrīḍaḥ surakuñjarabhedakaḥ |
sindūritamahākumbhaḥ sadasadbhaktidāyakaḥ || 111 ||
sākṣī samudramathanaḥ svayaṃvedyaḥ svadakṣiṇaḥ |
svatantraḥ satyasaṅkalpaḥ sāmagānarataḥ sukhī || 112 ||
haṃso hastipiśācīśo havanaṃ havyakavyabhuk |
havyaṃ hutapriyo hṛṣṭo hṛllekhāmantramadhyagaḥ || 113 ||
kṣetrādhipaḥ kṣamābhartā kṣamākṣamaparāyaṇaḥ |
kṣiprakṣemakaraḥ kṣemānandaḥ kṣoṇīsuradrumaḥ || 114 ||
dharmaprado'rthadaḥ kāmadātā saubhāgyavardhanaḥ |
vidyāprado vibhavado bhuktimuktiphalapradaḥ || 115 ||
ābhirūpyakaro vīraśrīprado vijayapradaḥ |
sarvavaśyakaro garbhadoṣahā putrapautradaḥ || 116 ||
medhādaḥ kīrtidaḥ śokahārī daurbhāgyanāśanaḥ |
prativādimukhastambho ruṣṭacittaprasādanaḥ || 117 ||
parābhicāraśamano duḥkhahā bandhamokṣadaḥ |
lavastruṭiḥ kalā kāṣṭhā nimeṣastatparakṣaṇaḥ || 118 ||
ghaṭī muhūrtaḥ praharo divā naktamaharniśam |
pakṣo māsartvayanābdayugaṃ kalpo mahālayaḥ || 119 ||
rāśistārā tithiryogo vāraḥ karaṇamaṃśakam |
lagnaṃ horā kālacakraṃ meruḥ saptarṣayo dhruvaḥ || 120 ||
rāhurmandaḥ kavirjīvo budho bhaumaḥ śaśī raviḥ |
kālaḥ sṛṣṭiḥ sthitirviśvaṃ sthāvaraṃ jaṅgamaṃ jagat || 121 ||
bhūrāpo'gnirmarudvyomāhaṅkṛtiḥ prakṛtiḥ pumān |
brahmā viṣṇuḥ śivo rudra īśaḥ śaktiḥ sadāśivaḥ || 122 ||
tridaśāḥ pitaraḥ siddhā yakṣā rakṣāṃsi kinnarāḥ |
siddhavidyādharā bhūtā manuṣyāḥ paśavaḥ khagāḥ || 123 ||
samudrāḥ saritaḥ śailā bhūtaṃ bhavyaṃ bhavodbhavaḥ |
sāṅkhyaṃ pātañjalaṃ yogaṃ purāṇāni śrutiḥ smṛtiḥ || 124 ||
vedāṅgāni sadācāro mīmāṃsā nyāyavistaraḥ |
āyurvedo dhanurvedo gāndharvaṃ kāvyanāṭakam || 125 ||
vaikhānasaṃ bhāgavataṃ mānuṣaṃ pāñcarātrakam |
śaivaṃ pāśupataṃ kālāmukhambhairavaśāsanam || 126 ||
śāktaṃ vaināyakaṃ sauraṃ jainamārhatasaṃhitā |
sadasadvyaktamavyaktaṃ sacetanamacetanam || 127 ||
bandho mokṣaḥ sukhaṃ bhogo yogaḥ satyamaṇurmahān |
svasti humphaṭ svadhā svāhā śrauṣaṭ vauṣaṭ vaṣaṇ namaḥ 128 ||
jñānaṃ vijñānamānando bodhaḥ saṃvitsamo'samaḥ |
eka ekākṣarādhāra ekākṣaraparāyaṇaḥ || 129 ||
ekāgradhīrekavīra eko'nekasvarūpadhṛk |
dvirūpo dvibhujo dvyakṣo dvirado dvīparakṣakaḥ || 130 ||
dvaimāturo dvivadano dvandvahīno dvayātigaḥ |
tridhāmā trikarastretā trivargaphaladāyakaḥ || 131 ||
triguṇātmā trilokādistriśaktīśastrilocanaḥ |
caturvidhavacovṛttiparivṛttipravartakaḥ || 132 ||
caturbāhuścaturdantaścaturātmā caturbhujaḥ |
caturvidhopāyamayaścaturvarṇāśramāśrayaḥ 133 ||
caturthīpūjanaprītaścaturthītithisambhavaḥ ||
pañcākṣarātmā pañcātmā pañcāsyaḥ pañcakṛttamaḥ || 134 ||
pañcādhāraḥ pañcavarṇaḥ pañcākṣaraparāyaṇaḥ |
pañcatālaḥ pañcakaraḥ pañcapraṇavamātṛkaḥ || 135 ||
pañcabrahmamayasphūrtiḥ pañcāvaraṇavāritaḥ |
pañcabhakṣapriyaḥ pañcabāṇaḥ pañcaśikhātmakaḥ || 136 ||
ṣaṭkoṇapīṭhaḥ ṣaṭcakradhāmā ṣaḍgranthibhedakaḥ |
ṣaḍaṅgadhvāntavidhvaṃsī ṣaḍaṅgulamahāhradaḥ || 137 ||
ṣaṇmukhaḥ ṣaṇmukhabhrātā ṣaṭśaktiparivāritaḥ |
ṣaḍvairivargavidhvaṃsī ṣaḍūrmibhayabhañjanaḥ || 138 ||
ṣaṭtarkadūraḥ ṣaṭkarmā ṣaḍguṇaḥ ṣaḍrasāśrayaḥ |
saptapātālacaraṇaḥ saptadvīporumaṇḍalaḥ || 139 ||
saptasvarlokamukuṭaḥ saptasaptivarapradaḥ |
saptāṅgarājyasukhadaḥ saptarṣigaṇavanditaḥ || 140 ||
saptacchandonidhiḥ saptahotraḥ saptasvarāśrayaḥ |
saptābdhikelikāsāraḥ saptamātṛniṣevitaḥ || 141 ||
saptacchando modamadaḥ saptacchando makhaprabhuḥ |
aṣṭamūrtirdhyeyamūrtiraṣṭaprakṛtikāraṇam || 142 ||
aṣṭāṅgayogaphalabhṛdaṣṭapatrāmbujāsanaḥ |
aṣṭaśaktisamānaśrīraṣṭaiśvaryapravardhanaḥ || 143 ||
aṣṭapīṭhopapīṭhaśrīraṣṭamātṛsamāvṛtaḥ |
aṣṭabhairavasevyo'ṣṭavasuvandyo'ṣṭamūrtibhṛt || 144 ||
aṣṭacakrasphuranmūrtiraṣṭadravyahaviḥpriyaḥ |
aṣṭaśrīraṣṭasāmaśrīraṣṭaiśvaryapradāyakaḥ |
navanāgāsanādhyāsī navanidhyanuśāsitaḥ || 145 ||
navadvārapurāvṛtto navadvāraniketanaḥ |
navanāthamahānātho navanāgavibhūṣitaḥ || 146 ||
navanārāyaṇastulyo navadurgāniṣevitaḥ |
navaratnavicitrāṅgo navaśaktiśiroddhṛtaḥ || 147 ||
daśātmako daśabhujo daśadikpativanditaḥ |
daśādhyāyo daśaprāṇo daśendriyaniyāmakaḥ || 148 ||
daśākṣaramahāmantro daśāśāvyāpivigrahaḥ |
ekādaśamahārudraiḥstutaścaikādaśākṣaraḥ || 149 ||
dvādaśadvidaśāṣṭādidordaṇḍāstraniketanaḥ |
trayodaśabhidābhinno viśvedevādhidaivatam || 150 ||
caturdaśendravaradaścaturdaśamanuprabhuḥ |
caturdaśādyavidyāḍhyaścaturdaśajagatpatiḥ || 151 ||
sāmapañcadaśaḥ pañcadaśīśītāṃśunirmalaḥ |
tithipañcadaśākārastithyā pañcadaśārcitaḥ || 152 ||
ṣoḍaśādhāranilayaḥ ṣoḍaśasvaramātṛkaḥ |
ṣoḍaśāntapadāvāsaḥ ṣoḍaśendukalātmakaḥ || 153 ||
kalāsaptadaśī saptadaśasaptadaśākṣaraḥ |
aṣṭādaśadvīpapatiraṣṭādaśapurāṇakṛt || 154 ||
aṣṭādaśauṣadhīsṛṣṭiraṣṭādaśavidhiḥ smṛtaḥ |
aṣṭādaśalipivyaṣṭisamaṣṭijñānakovidaḥ || 155 ||
aṣṭādaśānnasampattiraṣṭādaśavijātikṛt |
ekaviṃśaḥ pumānekaviṃśatyaṅgulipallavaḥ || 156 ||
caturviṃśatitattvātmā pañcaviṃśākhyapūruṣaḥ |
saptaviṃśatitāreśaḥ saptaviṃśatiyogakṛt || 157 ||
dvātriṃśadbhairavādhīśaścatustriṃśanmahāhradaḥ |
ṣaṭtriṃśattattvasambhūtiraṣṭatriṃśatkalātmakaḥ || 158 ||
pañcāśadviṣṇuśaktīśaḥ pañcāśanmātṛkālayaḥ |
dvipañcāśadvapuḥśreṇītriṣaṣṭyakṣarasaṃśrayaḥ |
pañcāśadakṣaraśreṇīpañcāśadrudravigrahaḥ || 159 ||
catuḥṣaṣṭimahāsiddhiyoginīvṛndavanditaḥ |
namadekonapañcāśanmarudvarganirargalaḥ || 160 ||
catuḥṣaṣṭyarthanirṇetā catuḥṣaṣṭikalānidhiḥ |
aṣṭaṣaṣṭimahātīrthakṣetrabhairavavanditaḥ || 161 ||
caturnavatimantrātmā ṣaṇṇavatyadhikaprabhuḥ |
śatānandaḥ śatadhṛtiḥ śatapatrāyatekṣaṇaḥ || 162 ||
śatānīkaḥ śatamakhaḥ śatadhārāvarāyudhaḥ |
sahasrapatranilayaḥ sahasraphaṇibhūṣaṇaḥ || 163 ||
sahasraśīrṣā puruṣaḥ sahasrākṣaḥ sahasrapāt |
sahasranāmasaṃstutyaḥ sahasrākṣabalāpahaḥ || 164 ||
daśasāhasraphaṇibhṛtphaṇirājakṛtāsanaḥ |
aṣṭāśītisahasrādyamaharṣistotrapāṭhitaḥ || 165 ||
lakṣādhāraḥ priyādhāro lakṣādhāramanomayaḥ |
caturlakṣajapaprītaścaturlakṣaprakāśakaḥ || 166 ||
caturaśītilakṣāṇāṃ jīvānāṃ dehasaṃsthitaḥ |
koṭisūryapratīkāśaḥ koṭicandrāṃśunirmalaḥ || 167 ||
śivodbhavādyaṣṭakoṭivaināyakadhurandharaḥ |
saptakoṭimahāmantramantritāvayavadyutiḥ || 168 ||
trayastriṃśatkoṭisuraśreṇīpraṇatapādukaḥ |
anantadevatāsevyo hyanantaśubhadāyakaḥ || 169 ||
anantanāmānantaśrīrananto'nantasaukhyadaḥ |
anantaśaktisahito hyanantamunisaṃstutaḥ || 170 ||
iti vaināyakaṃ nāmnāṃ sahasramidamīritam |
idaṃ brāhme muhūrte yaḥ paṭhati pratyahaṃ naraḥ || 171 ||
karasthaṃ tasya sakalamaihikāmuṣmikaṃ sukham |
āyurārogyamaiśvaryaṃ dhairyaṃ śauryaṃ balaṃ yaśaḥ || 172 ||
medhā prajñā dhṛtiḥ kāntiḥ saubhāgyamabhirūpatā |
satyaṃ dayā kṣamā śāntirdākṣiṇyaṃ dharmaśīlatā || 173 ||
jagatsaṃvananaṃ viśvasaṃvādo vedapāṭavam |
sabhāpāṇḍityamaudāryaṃ gāmbhīryaṃ brahmavarcasam || 174 ||
ojastejaḥ kulaṃ śīlaṃ pratāpo vīryamāryatā |
jñānaṃ vijñānamāstikyaṃ sthairyaṃ viśvāsatā tathā || 175 ||
dhanadhānyādivṛddhiśca sakṛdasya japādbhavet |
vaśyaṃ caturvidhaṃ viśvaṃ japādasya prajāyate || 176 ||
rājño rājakalatrasya rājaputrasya mantriṇaḥ |
japyate yasya vaśyārthe sa dāsastasya jāyate || 177 ||
dharmārthakāmamokṣāṇāmanāyāsena sādhanam |
śākinīḍākinīrakṣoyakṣagrahabhayāpaham || 178 ||
sāmrājyasukhadaṃ sarvasapatnamadamardanam |
samastakalahadhvaṃsi dagdhabījaprarohaṇam || 179 ||
duḥsvapnaśamanaṃ kruddhasvāmicittaprasādanam |
ṣaḍvargāṣṭamahāsiddhitrikālajñānakāraṇam || 180 ||
parakṛtyapraśamanaṃ paracakrapramardanam |
saṅgrāmamārge saveṣāmidamekaṃ jayāvaham || 181 ||
sarvavandhyatvadoṣaghnaṃ garbharakṣaikakāraṇam |
paṭhyate pratyahaṃ yatra stotraṃ gaṇapateridam || 182 ||
deśe tatra na durbhikṣamītayo duritāni ca |
na tadgehaṃ jahāti śrīryatrāyaṃ japyate stavaḥ || 183 ||
kṣayakuṣṭhapramehārśabhagandaraviṣūcikāḥ |
gulmaṃ plīhānamaśamānamatisāraṃ mahodaram || 184 ||
kāsaṃ śvāsamudāvartaṃ śūlaṃ śophāmayodaram |
śirorogaṃ vamiṃ hikkāṃ gaṇḍamālāmarocakam || 185 ||
vātapittakaphadvandvatridoṣajanitajvaram |
āgantuviṣamaṃ śītamuṣṇaṃ caikāhikādikam || 186 ||
ityādyuktamanuktaṃ vā rogadoṣādisambhavam |
sarvaṃ praśamayatyāśu stotrasyāsya sakṛjjapaḥ || 187 ||
prāpyate'sya japātsiddhiḥ strīśūdraiḥ patitairapi |
sahasranāmamantro'yaṃ japitavyaḥ śubhāptaye || 188 ||
mahāgaṇapateḥ stotraṃ sakāmaḥ prajapannidam |
icchayā sakalān bhogānupabhujyeha pārthivān || 189 ||
manorathaphalairdivyairvyomayānairmanoramaiḥ |
candrendrabhāskaropendrabrahmaśarvādisadmasu || 190 ||
kāmarūpaḥ kāmagatiḥ kāmadaḥ kāmadeśvaraḥ |
bhuktvā yathepsitānbhogānabhīṣṭaiḥ saha bandhubhiḥ || 191 ||
gaṇeśānucaro bhūtvā gaṇo gaṇapatipriyaḥ |
nandīśvarādisānandairnanditaḥ sakalairgaṇaiḥ || 192 ||
śivābhyāṃ kṛpayā putranirviśeṣaṃ ca lālitaḥ |
śivabhaktaḥ pūrṇakāmo gaṇeśvaravarātpunaḥ || 193 ||
jātismaro dharmaparaḥ sārvabhaumo'bhijāyate |
niṣkāmastu japannityaṃ bhaktyā vighneśatatparaḥ || 194 ||
yogasiddhiṃ parāṃ prāpya jñānavairāgyasaṃyutaḥ |
nirantare nirābādhe paramānandasañjñite || 195 ||
viśvottīrṇe pare pūrṇe punarāvṛttivarjite |
līno vaināyake dhāmni ramate nityanirvṛte || 196 ||
yo nāmabhirhutairdattaiḥ pūjayedarcayeennaraḥ |
rājāno vaśyatāṃ yānti ripavo yānti dāsatām || 197 ||
tasya sidhyanti mantrāṇāṃ durlabhāśceṣṭasiddhayaḥ |
mūlamantrādapi stotramidaṃ priyatamaṃ mama || 198 ||
nabhasye māsi śuklāyāṃ caturthyāṃ mama janmani |
dūrvābhirnāmabhiḥ pūjāṃ tarpaṇaṃ vidhivaccaret || 199 ||
aṣṭadravyairviśeṣeṇa kuryādbhaktisusaṃyutaḥ |
tasyepsitaṃ dhanaṃ dhānyamaiśvaryaṃ vijayo yaśaḥ || 200 ||
bhaviṣyati na sandehaḥ putrapautrādikaṃ sukham |
idaṃ prajapitaṃ stotraṃ paṭhitaṃ śrāvitaṃ śrutam || 201 ||
vyākṛtaṃ carcitaṃ dhyātaṃ vimṛṣṭamabhivanditam |
ihāmutra ca viśveṣāṃ viśvaiśvaryapradāyakam || 202 ||
svacchandacāriṇāpyeṣa yena sandhāryate stavaḥ |
sa rakṣyate śivodbhūtairgaṇairadhyaṣṭakoṭibhiḥ || 203 ||
likhitaṃ pustakastotraṃ mantrabhūtaṃ prapūjayet |
tatra sarvottamā lakṣmīḥ sannidhatte nirantaram || 204 ||
dānairaśeṣairakhilairvrataiśca tīrthairaśeṣairakhilairmakhaiśca |
na tatphalaṃ vindati yadgaṇeśasahasranāmasmaraṇena sadyaḥ || 205 ||
etannāmnāṃ sahasraṃ paṭhati dinamaṇau pratyahamprojjihāne
sāyaṃ madhyandine vā triṣavaṇamathavā santataṃ vā jano yaḥ |
sa syādaiśvaryadhuryaḥ prabhavati vacasāṃ kīrtimuccaistanoti
dāridryaṃ hanti viśvaṃ vaśayati suciraṃ vardhate putrapautraiḥ || 206 ||
akiñcanopyekacitto niyato niyatāsanaḥ |
prajapaṃścaturo māsān gaṇeśārcanatatparaḥ || 207 ||
daridratāṃ samunmūlya saptajanmānugāmapi |
labhate mahatīṃ lakṣmīmityājñā pārameśvarī || 208 ||
āyuṣyaṃ vītarogaṃ kulamativimalaṃ sampadaścārtināśaḥ
kīrtirnityāvadātā bhavati khalu navā kāntiravyājabhavyā |
putrāḥ santaḥ kalatraṃ guṇavadabhimataṃ yadyadanyacca tatta -
nnityaṃ yaḥ stotrametat paṭhati gaṇapatestasya haste samastam || 209 ||
gaṇañjayo gaṇapatirherambo dharaṇīdharaḥ |
mahāgaṇapatirbuddhipriyaḥ kṣipraprasādanaḥ || 210 ||
amoghasiddhiramṛtamantraścintāmaṇirnidhiḥ |
sumaṅgalo bījamāśāpūrako varadaḥ kalaḥ || 211 ||
kāśyapo nandano vācāsiddho ḍhuṇḍhirvināyakaḥ |
modakairebhiratraikaviṃśatyā nāmabhiḥ pumān || 212 ||
upāyanaṃ dadedbhaktyā matprasādaṃ cikīrṣati |
vatsaraṃ vighnarājo'sya tathyamiṣṭārthasiddhaye || 213 ||
yaḥ stauti madgatamanā mamārādhanatatparaḥ |
stuto nāmnā sahasreṇa tenāhaṃ nātra saṃśayaḥ || 214 ||
namo namaḥ suravarapūjitāṅghraye
namo namo nirupamamaṅgalātmane |
namo namo vipuladayaikasiddhaye
namo namaḥ karikalabhānanāya te || 215 ||
kiṅkiṇīgaṇaracitacaraṇaḥ
prakaṭitagurumitacārukaraṇaḥ |
madajalalaharīkalitakapolaḥ
śamayatu duritaṃ gaṇapatināmnā || 216 ||
|| iti śrīgaṇeśapurāṇe upāsanākhaṇḍe īśvaragaṇeśasaṃvāde
gaṇeśasahasranāmastotraṃ nāma ṣaṭcatvāriṃśodhyāyaḥ ||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.