ওম্ ॥
অস্য শ্রী ললিতা দিব্য সহস্রনাম স্তোত্র মহামন্ত্রস্য, বশিন্যাদি বাগ্দেবতা ঋষযঃ, অনুষ্টুপ্ ছন্দঃ, শ্রী ললিতা পরাভট্টারিকা মহা ত্রিপুর সুন্দরী দেবতা, ঐং বীজং, ক্লীং শক্তিঃ, সৌঃ কীলকং, মম ধর্মার্থ কাম মোক্ষ চতুর্বিধ ফলপুরুষার্থ সিদ্ধ্যর্থে ললিতা ত্রিপুরসুন্দরী পরাভট্টারিকা সহস্র নাম জপে বিনিযোগঃ
করন্যাসঃ
ঐং অঙ্গুষ্টাভ্যাং নমঃ, ক্লীং তর্জনীভ্যাং নমঃ, সৌঃ মধ্যমাভ্যাং নমঃ, সৌঃ অনামিকাভ্যাং নমঃ, ক্লীং কনিষ্ঠিকাভ্যাং নমঃ, ঐং করতল করপৃষ্ঠাভ্যাং নমঃ
অঙ্গন্যাসঃ
ঐং হৃদযায নমঃ, ক্লীং শিরসে স্বাহা, সৌঃ শিখাযৈ বষট্, সৌঃ কবচায হুং, ক্লীং নেত্রত্রযায বৌষট্, ঐং অস্ত্রাযফট্, ভূর্ভুবস্সুবরোমিতি দিগ্বন্ধঃ
ধ্যানং
অরুণাং করুণা তরঙ্গিতাক্ষীং ধৃতপাশাঙ্কুশ পুষ্পবাণচাপাম্ ।
অণিমাদিভি রাবৃতাং মযূখৈঃ অহমিত্যেব বিভাবযে ভবানীম্ ॥ 1 ॥
ধ্যাযেত্ পদ্মাসনস্থাং বিকসিতবদনাং পদ্ম পত্রাযতাক্ষীং
হেমাভাং পীতবস্ত্রাং করকলিত লসদ্ধেমপদ্মাং বরাঙ্গীম্ ।
সর্বালঙ্কারযুক্তাং সকলমভযদাং ভক্তনম্রাং ভবানীং
শ্রী বিদ্যাং শান্তমূর্তিং সকল সুরনুতাং সর্বসম্পত্-প্রদাত্রীম্ ॥ 2 ॥
সকুঙ্কুম বিলেপনা মলিকচুম্বি কস্তূরিকাং
সমন্দ হসিতেক্ষণাং সশরচাপ পাশাঙ্কুশাম্ ।
অশেষ জনমোহিনী মরুণমাল্য ভূষোজ্জ্বলাং
জপাকুসুম ভাসুরাং জপবিধৌ স্মরে দম্বিকাম্ ॥ 3 ॥
সিন্ধূরারুণ বিগ্রহাং ত্রিণযনাং মাণিক্য মৌলিস্ফুর-
ত্তারানাযক শেখরাং স্মিতমুখী মাপীন বক্ষোরুহাম্ ।
পাণিভ্যা মলিপূর্ণ রত্ন চষকং রক্তোত্পলং বিভ্রতীং
সৌম্যাং রত্নঘটস্থ রক্ত চরণাং ধ্যাযেত্পরামম্বিকাম্ ॥ 4 ॥
লমিত্যাদি পঞ্চপূজাং বিভাবযেত্
লং পৃথিবী তত্ত্বাত্মিকাযৈ শ্রী ললিতাদেব্যৈ গন্ধং পরিকল্পযামি
হং আকাশ তত্ত্বাত্মিকাযৈ শ্রী ললিতাদেব্যৈ পুষ্পং পরিকল্পযামি
যং বাযু তত্ত্বাত্মিকাযৈ শ্রী ললিতাদেব্যৈ ধূপং পরিকল্পযামি
রং বহ্নি তত্ত্বাত্মিকাযৈ শ্রী ললিতাদেব্যৈ দীপং পরিকল্পযামি
বং অমৃত তত্ত্বাত্মিকাযৈ শ্রী ললিতাদেব্যৈ অমৃত নৈবেদ্যং পরিকল্পযামি
সং সর্ব তত্ত্বাত্মিকাযৈ শ্রী ললিতাদেব্যৈ তাম্বূলাদি সর্বোপচারান্ পরিকল্পযামি
গুরুর্ব্রহ্ম গুরুর্বিষ্ণুঃ গুরুর্দেবো মহেশ্বরঃ ।
গুরুস্সাক্ষাত্ পরব্রহ্ম তস্মৈ শ্রী গুরবে নমঃ ॥
হরিঃ ওঁ
শ্রীমাতা, শ্রীমহারাজ্ঞী, শ্রীমত্-সিংহাসনেশ্বরী ।
চিদগ্নি-কুণ্ড-সম্ভূতা, দেবকার্য-সমুদ্যতা ॥ 1 ॥
উদ্যদ্ভানু-সহস্রাভা, চতুর্বাহু-সমন্বিতা ।
রাগস্বরূপ-পাশাঢ্যা, ক্রোধাকারাঙ্কুশোজ্জ্বলা ॥ 2 ॥
মনোরূপেক্ষু-কোদণ্ডা, পঞ্চতন্মাত্র-সাযকা ।
নিজারুণ প্রভাপূর মজ্জদ্-ব্রহ্মাণ্ডমণ্ডলা ॥ 3 ॥
চম্পকাশোক পুন্নাগ সৌগন্ধিক লসত্কচা
কুরুবিন্দ মণিশ্রেণী কনত্কোটীর মণ্ডিতা ॥ 4 ॥
অষ্টমী চন্দ্র বিভ্রাজ দলিকস্থল শোভিতা ।
মুখচন্দ্র কলঙ্কাভ মৃগনাভি বিশেষকা ॥ 5 ॥
বদনস্মর মাঙ্গল্য গৃহতোরণ চিল্লিকা ।
বক্ত্রলক্ষ্মী পরীবাহ চলন্মীনাভ লোচনা ॥ 6 ॥
নবচম্পক পুষ্পাভ নাসাদণ্ড বিরাজিতা ।
তারাকান্তি তিরস্কারি নাসাভরণ ভাসুরা ॥ 7 ॥
কদম্ব মঞ্জরীকৢপ্ত কর্ণপূর মনোহরা ।
তাটঙ্ক যুগলীভূত তপনোডুপ মণ্ডলা ॥ 8 ॥
পদ্মরাগ শিলাদর্শ পরিভাবি কপোলভূঃ ।
নববিদ্রুম বিম্বশ্রীঃ ন্যক্কারি রদনচ্ছদা ॥ 9 ॥
শুদ্ধ বিদ্যাঙ্কুরাকার দ্বিজপঙ্ক্তি দ্বযোজ্জ্বলা ।
কর্পূরবীটি কামোদ সমাকর্ষদ্দিগন্তরা ॥ 10 ॥
নিজসল্লাপ মাধুর্য বিনির্ভত্সিত কচ্ছপী ।
মন্দস্মিত প্রভাপূর মজ্জত্-কামেশ মানসা ॥ 11 ॥
অনাকলিত সাদৃশ্য চুবুক শ্রী বিরাজিতা ।
কামেশবদ্ধ মাঙ্গল্য সূত্রশোভিত কন্থরা ॥ 12 ॥
কনকাঙ্গদ কেযূর কমনীয ভুজান্বিতা ।
রত্নগ্রৈবেয চিন্তাক লোলমুক্তা ফলান্বিতা ॥ 13 ॥
কামেশ্বর প্রেমরত্ন মণি প্রতিপণস্তনী।
নাভ্যালবাল রোমালি লতাফল কুচদ্বযী ॥ 14 ॥
লক্ষ্যরোমলতা ধারতা সমুন্নেয মধ্যমা ।
স্তনভার দলন্-মধ্য পট্টবন্ধ বলিত্রযা ॥ 15 ॥
অরুণারুণ কৌসুম্ভ বস্ত্র ভাস্বত্-কটীতটী ।
রত্নকিঙ্কিণি কারম্য রশনাদাম ভূষিতা ॥ 16 ॥
কামেশ জ্ঞাত সৌভাগ্য মার্দবোরু দ্বযান্বিতা ।
মাণিক্য মকুটাকার জানুদ্বয বিরাজিতা ॥ 17 ॥
ইন্দ্রগোপ পরিক্ষিপ্ত স্মর তূণাভ জঙ্ঘিকা ।
গূঢগুল্ভা কূর্মপৃষ্ঠ জযিষ্ণু প্রপদান্বিতা ॥ 18 ॥
নখদীধিতি সঞ্ছন্ন নমজ্জন তমোগুণা ।
পদদ্বয প্রভাজাল পরাকৃত সরোরুহা ॥ 19 ॥
শিঞ্জান মণিমঞ্জীর মণ্ডিত শ্রী পদাম্বুজা ।
মরালী মন্দগমনা, মহালাবণ্য শেবধিঃ ॥ 20 ॥
সর্বারুণাঽনবদ্যাঙ্গী সর্বাভরণ ভূষিতা ।
শিবকামেশ্বরাঙ্কস্থা, শিবা, স্বাধীন বল্লভা ॥ 21 ॥
সুমেরু মধ্যশৃঙ্গস্থা, শ্রীমন্নগর নাযিকা ।
চিন্তামণি গৃহান্তস্থা, পঞ্চব্রহ্মাসনস্থিতা ॥ 22 ॥
মহাপদ্মাটবী সংস্থা, কদম্ব বনবাসিনী ।
সুধাসাগর মধ্যস্থা, কামাক্ষী কামদাযিনী ॥ 23 ॥
দেবর্ষি গণসঙ্ঘাত স্তূযমানাত্ম বৈভবা ।
ভণ্ডাসুর বধোদ্যুক্ত শক্তিসেনা সমন্বিতা ॥ 24 ॥
সম্পত্করী সমারূঢ সিন্ধুর ব্রজসেবিতা ।
অশ্বারূঢাধিষ্ঠিতাশ্ব কোটিকোটি ভিরাবৃতা ॥ 25 ॥
চক্ররাজ রথারূঢ সর্বাযুধ পরিষ্কৃতা ।
গেযচক্র রথারূঢ মন্ত্রিণী পরিসেবিতা ॥ 26 ॥
কিরিচক্র রথারূঢ দণ্ডনাথা পুরস্কৃতা ।
জ্বালামালিনি কাক্ষিপ্ত বহ্নিপ্রাকার মধ্যগা ॥ 27 ॥
ভণ্ডসৈন্য বধোদ্যুক্ত শক্তি বিক্রমহর্ষিতা ।
নিত্যা পরাক্রমাটোপ নিরীক্ষণ সমুত্সুকা ॥ 28 ॥
ভণ্ডপুত্র বধোদ্যুক্ত বালাবিক্রম নন্দিতা ।
মন্ত্রিণ্যম্বা বিরচিত বিষঙ্গ বধতোষিতা ॥ 29 ॥ [বিশুক্র]
বিশুক্র প্রাণহরণ বারাহী বীর্যনন্দিতা । [বিষঙ্গ]
কামেশ্বর মুখালোক কল্পিত শ্রী গণেশ্বরা ॥ 30 ॥
মহাগণেশ নির্ভিন্ন বিঘ্নযন্ত্র প্রহর্ষিতা ।
ভণ্ডাসুরেন্দ্র নির্মুক্ত শস্ত্র প্রত্যস্ত্র বর্ষিণী ॥ 31 ॥
করাঙ্গুলি নখোত্পন্ন নারাযণ দশাকৃতিঃ ।
মহাপাশুপতাস্ত্রাগ্নি নির্দগ্ধাসুর সৈনিকা ॥ 32 ॥
কামেশ্বরাস্ত্র নির্দগ্ধ সভণ্ডাসুর শূন্যকা ।
ব্রহ্মোপেন্দ্র মহেন্দ্রাদি দেবসংস্তুত বৈভবা ॥ 33 ॥
হরনেত্রাগ্নি সন্দগ্ধ কাম সঞ্জীবনৌষধিঃ ।
শ্রীমদ্বাগ্ভব কূটৈক স্বরূপ মুখপঙ্কজা ॥ 34 ॥
কণ্ঠাধঃ কটিপর্যন্ত মধ্যকূট স্বরূপিণী ।
শক্তিকূটৈক তাপন্ন কট্যথোভাগ ধারিণী ॥ 35 ॥
মূলমন্ত্রাত্মিকা, মূলকূট ত্রয কলেবরা ।
কুলামৃতৈক রসিকা, কুলসঙ্কেত পালিনী ॥ 36 ॥
কুলাঙ্গনা, কুলান্তঃস্থা, কৌলিনী, কুলযোগিনী ।
অকুলা, সমযান্তঃস্থা, সমযাচার তত্পরা ॥ 37 ॥
মূলাধারৈক নিলযা, ব্রহ্মগ্রন্থি বিভেদিনী ।
মণিপূরান্ত রুদিতা, বিষ্ণুগ্রন্থি বিভেদিনী ॥ 38 ॥
আজ্ঞা চক্রান্তরালস্থা, রুদ্রগ্রন্থি বিভেদিনী ।
সহস্রারাম্বুজা রূঢা, সুধাসারাভি বর্ষিণী ॥ 39 ॥
তটিল্লতা সমরুচিঃ, ষট্-চক্রোপরি সংস্থিতা ।
মহাশক্তিঃ, কুণ্ডলিনী, বিসতন্তু তনীযসী ॥ 40 ॥
ভবানী, ভাবনাগম্যা, ভবারণ্য কুঠারিকা ।
ভদ্রপ্রিযা, ভদ্রমূর্তি, র্ভক্তসৌভাগ্য দাযিনী ॥ 41 ॥
ভক্তিপ্রিযা, ভক্তিগম্যা, ভক্তিবশ্যা, ভযাপহা ।
শাম্ভবী, শারদারাধ্যা, শর্বাণী, শর্মদাযিনী ॥ 42 ॥
শাঙ্করী, শ্রীকরী, সাধ্বী, শরচ্চন্দ্রনিভাননা ।
শাতোদরী, শান্তিমতী, নিরাধারা, নিরঞ্জনা ॥ 43 ॥
নির্লেপা, নির্মলা, নিত্যা, নিরাকারা, নিরাকুলা ।
নির্গুণা, নিষ্কলা, শান্তা, নিষ্কামা, নিরুপপ্লবা ॥ 44 ॥
নিত্যমুক্তা, নির্বিকারা, নিষ্প্রপঞ্চা, নিরাশ্রযা ।
নিত্যশুদ্ধা, নিত্যবুদ্ধা, নিরবদ্যা, নিরন্তরা ॥ 45 ॥
নিষ্কারণা, নিষ্কলঙ্কা, নিরুপাধি, র্নিরীশ্বরা ।
নীরাগা, রাগমথনী, নির্মদা, মদনাশিনী ॥ 46 ॥
নিশ্চিন্তা, নিরহঙ্কারা, নির্মোহা, মোহনাশিনী ।
নির্মমা, মমতাহন্ত্রী, নিষ্পাপা, পাপনাশিনী ॥ 47 ॥
নিষ্ক্রোধা, ক্রোধশমনী, নির্লোভা, লোভনাশিনী ।
নিঃসংশযা, সংশযঘ্নী, নির্ভবা, ভবনাশিনী ॥ 48 ॥
নির্বিকল্পা, নিরাবাধা, নির্ভেদা, ভেদনাশিনী ।
নির্নাশা, মৃত্যুমথনী, নিষ্ক্রিযা, নিষ্পরিগ্রহা ॥ 49 ॥
নিস্তুলা, নীলচিকুরা, নিরপাযা, নিরত্যযা ।
দুর্লভা, দুর্গমা, দুর্গা, দুঃখহন্ত্রী, সুখপ্রদা ॥ 50 ॥
দুষ্টদূরা, দুরাচার শমনী, দোষবর্জিতা ।
সর্বজ্ঞা, সান্দ্রকরুণা, সমানাধিকবর্জিতা ॥ 51 ॥
সর্বশক্তিমযী, সর্বমঙ্গলা, সদ্গতিপ্রদা ।
সর্বেশ্বরী, সর্বমযী, সর্বমন্ত্র স্বরূপিণী ॥ 52 ॥
সর্বযন্ত্রাত্মিকা, সর্বতন্ত্ররূপা, মনোন্মনী ।
মাহেশ্বরী, মহাদেবী, মহালক্ষ্মী, র্মৃডপ্রিযা ॥ 53 ॥
মহারূপা, মহাপূজ্যা, মহাপাতক নাশিনী ।
মহামাযা, মহাসত্ত্বা, মহাশক্তি র্মহারতিঃ ॥ 54 ॥
মহাভোগা, মহৈশ্বর্যা, মহাবীর্যা, মহাবলা ।
মহাবুদ্ধি, র্মহাসিদ্ধি, র্মহাযোগেশ্বরেশ্বরী ॥ 55 ॥
মহাতন্ত্রা, মহামন্ত্রা, মহাযন্ত্রা, মহাসনা ।
মহাযাগ ক্রমারাধ্যা, মহাভৈরব পূজিতা ॥ 56 ॥
মহেশ্বর মহাকল্প মহাতাণ্ডব সাক্ষিণী ।
মহাকামেশ মহিষী, মহাত্রিপুর সুন্দরী ॥ 57 ॥
চতুঃষষ্ট্যুপচারাঢ্যা, চতুষ্ষষ্টি কলামযী ।
মহা চতুষ্ষষ্টি কোটি যোগিনী গণসেবিতা ॥ 58 ॥
মনুবিদ্যা, চন্দ্রবিদ্যা, চন্দ্রমণ্ডলমধ্যগা ।
চারুরূপা, চারুহাসা, চারুচন্দ্র কলাধরা ॥ 59 ॥
চরাচর জগন্নাথা, চক্ররাজ নিকেতনা ।
পার্বতী, পদ্মনযনা, পদ্মরাগ সমপ্রভা ॥ 60 ॥
পঞ্চপ্রেতাসনাসীনা, পঞ্চব্রহ্ম স্বরূপিণী ।
চিন্মযী, পরমানন্দা, বিজ্ঞান ঘনরূপিণী ॥ 61 ॥
ধ্যানধ্যাতৃ ধ্যেযরূপা, ধর্মাধর্ম বিবর্জিতা ।
বিশ্বরূপা, জাগরিণী, স্বপন্তী, তৈজসাত্মিকা ॥ 62 ॥
সুপ্তা, প্রাজ্ঞাত্মিকা, তুর্যা, সর্বাবস্থা বিবর্জিতা ।
সৃষ্টিকর্ত্রী, ব্রহ্মরূপা, গোপ্ত্রী, গোবিন্দরূপিণী ॥ 63 ॥
সংহারিণী, রুদ্ররূপা, তিরোধানকরীশ্বরী ।
সদাশিবানুগ্রহদা, পঞ্চকৃত্য পরাযণা ॥ 64 ॥
ভানুমণ্ডল মধ্যস্থা, ভৈরবী, ভগমালিনী ।
পদ্মাসনা, ভগবতী, পদ্মনাভ সহোদরী ॥ 65 ॥
উন্মেষ নিমিষোত্পন্ন বিপন্ন ভুবনাবলিঃ ।
সহস্রশীর্ষবদনা, সহস্রাক্ষী, সহস্রপাত্ ॥ 66 ॥
আব্রহ্ম কীটজননী, বর্ণাশ্রম বিধাযিনী ।
নিজাজ্ঞারূপনিগমা, পুণ্যাপুণ্য ফলপ্রদা ॥ 67 ॥
শ্রুতি সীমন্ত সিন্ধূরীকৃত পাদাব্জধূলিকা ।
সকলাগম সন্দোহ শুক্তিসম্পুট মৌক্তিকা ॥ 68 ॥
পুরুষার্থপ্রদা, পূর্ণা, ভোগিনী, ভুবনেশ্বরী ।
অম্বিকা,ঽনাদি নিধনা, হরিব্রহ্মেন্দ্র সেবিতা ॥ 69 ॥
নারাযণী, নাদরূপা, নামরূপ বিবর্জিতা ।
হ্রীঙ্কারী, হ্রীমতী, হৃদ্যা, হেযোপাদেয বর্জিতা ॥ 70 ॥
রাজরাজার্চিতা, রাজ্ঞী, রম্যা, রাজীবলোচনা ।
রঞ্জনী, রমণী, রস্যা, রণত্কিঙ্কিণি মেখলা ॥ 71 ॥
রমা, রাকেন্দুবদনা, রতিরূপা, রতিপ্রিযা ।
রক্ষাকরী, রাক্ষসঘ্নী, রামা, রমণলম্পটা ॥ 72 ॥
কাম্যা, কামকলারূপা, কদম্ব কুসুমপ্রিযা ।
কল্যাণী, জগতীকন্দা, করুণারস সাগরা ॥ 73 ॥
কলাবতী, কলালাপা, কান্তা, কাদম্বরীপ্রিযা ।
বরদা, বামনযনা, বারুণীমদবিহ্বলা ॥ 74 ॥
বিশ্বাধিকা, বেদবেদ্যা, বিন্ধ্যাচল নিবাসিনী ।
বিধাত্রী, বেদজননী, বিষ্ণুমাযা, বিলাসিনী ॥ 75 ॥
ক্ষেত্রস্বরূপা, ক্ষেত্রেশী, ক্ষেত্র ক্ষেত্রজ্ঞ পালিনী ।
ক্ষযবৃদ্ধি বিনির্মুক্তা, ক্ষেত্রপাল সমর্চিতা ॥ 76 ॥
বিজযা, বিমলা, বন্দ্যা, বন্দারু জনবত্সলা ।
বাগ্বাদিনী, বামকেশী, বহ্নিমণ্ডল বাসিনী ॥ 77 ॥
ভক্তিমত্-কল্পলতিকা, পশুপাশ বিমোচনী ।
সংহৃতাশেষ পাষণ্ডা, সদাচার প্রবর্তিকা ॥ 78 ॥
তাপত্রযাগ্নি সন্তপ্ত সমাহ্লাদন চন্দ্রিকা ।
তরুণী, তাপসারাধ্যা, তনুমধ্যা, তমোঽপহা ॥ 79 ॥
চিতি, স্তত্পদলক্ষ্যার্থা, চিদেক রসরূপিণী ।
স্বাত্মানন্দলবীভূত ব্রহ্মাদ্যানন্দ সন্ততিঃ ॥ 80 ॥
পরা, প্রত্যক্চিতী রূপা, পশ্যন্তী, পরদেবতা ।
মধ্যমা, বৈখরীরূপা, ভক্তমানস হংসিকা ॥ 81 ॥
কামেশ্বর প্রাণনাডী, কৃতজ্ঞা, কামপূজিতা ।
শৃঙ্গার রসসম্পূর্ণা, জযা, জালন্ধরস্থিতা ॥ 82 ॥
ওড্যাণ পীঠনিলযা, বিন্দুমণ্ডল বাসিনী ।
রহোযাগ ক্রমারাধ্যা, রহস্তর্পণ তর্পিতা ॥ 83 ॥
সদ্যঃ প্রসাদিনী, বিশ্বসাক্ষিণী, সাক্ষিবর্জিতা ।
ষডঙ্গদেবতা যুক্তা, ষাড্গুণ্য পরিপূরিতা ॥ 84 ॥
নিত্যক্লিন্না, নিরুপমা, নির্বাণ সুখদাযিনী ।
নিত্যা, ষোডশিকারূপা, শ্রীকণ্ঠার্ধ শরীরিণী ॥ 85 ॥
প্রভাবতী, প্রভারূপা, প্রসিদ্ধা, পরমেশ্বরী ।
মূলপ্রকৃতি রব্যক্তা, ব্যক্তাঽব্যক্ত স্বরূপিণী ॥ 86 ॥
ব্যাপিনী, বিবিধাকারা, বিদ্যাঽবিদ্যা স্বরূপিণী ।
মহাকামেশ নযনা কুমুদাহ্লাদ কৌমুদী ॥ 87 ॥
ভক্তহার্দ তমোভেদ ভানুমদ্-ভানুসন্ততিঃ ।
শিবদূতী, শিবারাধ্যা, শিবমূর্তি, শ্শিবঙ্করী ॥ 88 ॥
শিবপ্রিযা, শিবপরা, শিষ্টেষ্টা, শিষ্টপূজিতা ।
অপ্রমেযা, স্বপ্রকাশা, মনোবাচাম গোচরা ॥ 89 ॥
চিচ্ছক্তি, শ্চেতনারূপা, জডশক্তি, র্জডাত্মিকা ।
গাযত্রী, ব্যাহৃতি, স্সন্ধ্যা, দ্বিজবৃন্দ নিষেবিতা ॥ 90 ॥
তত্ত্বাসনা, তত্ত্বমযী, পঞ্চকোশান্তরস্থিতা ।
নিস্সীমমহিমা, নিত্যযৌবনা, মদশালিনী ॥ 91 ॥
মদঘূর্ণিত রক্তাক্ষী, মদপাটল গণ্ডভূঃ ।
চন্দন দ্রবদিগ্ধাঙ্গী, চাম্পেয কুসুম প্রিযা ॥ 92 ॥
কুশলা, কোমলাকারা, কুরুকুল্লা, কুলেশ্বরী ।
কুলকুণ্ডালযা, কৌল মার্গতত্পর সেবিতা ॥ 93 ॥
কুমার গণনাথাম্বা, তুষ্টিঃ, পুষ্টি, র্মতি, র্ধৃতিঃ ।
শান্তিঃ, স্বস্তিমতী, কান্তি, র্নন্দিনী, বিঘ্ননাশিনী ॥ 94 ॥
তেজোবতী, ত্রিনযনা, লোলাক্ষী কামরূপিণী ।
মালিনী, হংসিনী, মাতা, মলযাচল বাসিনী ॥ 95 ॥
সুমুখী, নলিনী, সুভ্রূঃ, শোভনা, সুরনাযিকা ।
কালকণ্ঠী, কান্তিমতী, ক্ষোভিণী, সূক্ষ্মরূপিণী ॥ 96 ॥
বজ্রেশ্বরী, বামদেবী, বযোঽবস্থা বিবর্জিতা ।
সিদ্ধেশ্বরী, সিদ্ধবিদ্যা, সিদ্ধমাতা, যশস্বিনী ॥ 97 ॥
বিশুদ্ধি চক্রনিলযা,ঽঽরক্তবর্ণা, ত্রিলোচনা ।
খট্বাঙ্গাদি প্রহরণা, বদনৈক সমন্বিতা ॥ 98 ॥
পাযসান্নপ্রিযা, ত্বক্স্থা, পশুলোক ভযঙ্করী ।
অমৃতাদি মহাশক্তি সংবৃতা, ডাকিনীশ্বরী ॥ 99 ॥
অনাহতাব্জ নিলযা, শ্যামাভা, বদনদ্বযা ।
দংষ্ট্রোজ্জ্বলা,ঽক্ষমালাধিধরা, রুধির সংস্থিতা ॥ 100 ॥
কালরাত্র্যাদি শক্ত্যোঘবৃতা, স্নিগ্ধৌদনপ্রিযা ।
মহাবীরেন্দ্র বরদা, রাকিণ্যম্বা স্বরূপিণী ॥ 101 ॥
মণিপূরাব্জ নিলযা, বদনত্রয সংযুতা ।
বজ্রাধিকাযুধোপেতা, ডামর্যাদিভি রাবৃতা ॥ 102 ॥
রক্তবর্ণা, মাংসনিষ্ঠা, গুডান্ন প্রীতমানসা ।
সমস্ত ভক্তসুখদা, লাকিন্যম্বা স্বরূপিণী ॥ 103 ॥
স্বাধিষ্ঠানাম্বু জগতা, চতুর্বক্ত্র মনোহরা ।
শূলাদ্যাযুধ সম্পন্না, পীতবর্ণা,ঽতিগর্বিতা ॥ 104 ॥
মেদোনিষ্ঠা, মধুপ্রীতা, বন্দিন্যাদি সমন্বিতা ।
দধ্যন্নাসক্ত হৃদযা, কাকিনী-রূপধারিণী ॥ 105 ॥
মূলা ধারাম্বুজারূঢা, পঞ্চবক্ত্রা,ঽস্থিসংস্থিতা ।
অঙ্কুশাদি প্রহরণা, বরদাদি নিষেবিতা ॥ 106 ॥
মুদ্গৌদনাসক্ত চিত্তা, সাকিন্যম্বাস্বরূপিণী ।
আজ্ঞা চক্রাব্জনিলযা, শুক্লবর্ণা, ষডাননা ॥ 107 ॥
মজ্জাসংস্থা, হংসবতী-মুখ্যশক্তি-সমন্বিতা ।
হরিদ্রান্নৈক রসিকা, হাকিনী-রূপধারিণী ॥ 108 ॥
সহস্রদল পদ্মস্থা, সর্ববর্ণোপ শোভিতা ।
সর্বাযুধধরা, শুক্ল সংস্থিতা, সর্বতোমুখী ॥ 109 ॥
সর্বৌদন প্রীতচিত্তা, যাকিন্যম্বা স্বরূপিণী ।
স্বাহা, স্বধা,ঽমতি, র্মেধা, শ্রুতিঃ, স্মৃতি, রনুত্তমা ॥ 110 ॥
পুণ্যকীর্তিঃ, পুণ্যলভ্যা, পুণ্যশ্রবণ কীর্তনা ।
পুলোমজার্চিতা, বন্ধমোচনী, বন্ধুরালকা ॥ 111 ॥
বিমর্শরূপিণী, বিদ্যা, বিযদাদি জগত্প্রসূঃ ।
সর্বব্যাধি প্রশমনী, সর্বমৃত্যু নিবারিণী ॥ 112 ॥
অগ্রগণ্যা,ঽচিন্ত্যরূপা, কলিকল্মষ নাশিনী ।
কাত্যাযিনী, কালহন্ত্রী, কমলাক্ষ নিষেবিতা ॥ 113 ॥
তাম্বূল পূরিত মুখী, দাডিমী কুসুমপ্রভা ।
মৃগাক্ষী, মোহিনী, মুখ্যা, মৃডানী, মিত্ররূপিণী ॥ 114 ॥
নিত্যতৃপ্তা, ভক্তনিধি, র্নিযন্ত্রী, নিখিলেশ্বরী ।
মৈত্র্যাদি বাসনালভ্যা, মহাপ্রলয সাক্ষিণী ॥ 115 ॥
পরাশক্তিঃ, পরানিষ্ঠা, প্রজ্ঞান ঘনরূপিণী ।
মাধ্বীপানালসা, মত্তা, মাতৃকা বর্ণ রূপিণী ॥ 116 ॥
মহাকৈলাস নিলযা, মৃণাল মৃদুদোর্লতা ।
মহনীযা, দযামূর্তী, র্মহাসাম্রাজ্যশালিনী ॥ 117 ॥
আত্মবিদ্যা, মহাবিদ্যা, শ্রীবিদ্যা, কামসেবিতা ।
শ্রীষোডশাক্ষরী বিদ্যা, ত্রিকূটা, কামকোটিকা ॥ 118 ॥
কটাক্ষকিঙ্করী ভূত কমলা কোটিসেবিতা ।
শিরঃস্থিতা, চন্দ্রনিভা, ফালস্থেন্দ্র ধনুঃপ্রভা ॥ 119 ॥
হৃদযস্থা, রবিপ্রখ্যা, ত্রিকোণান্তর দীপিকা ।
দাক্ষাযণী, দৈত্যহন্ত্রী, দক্ষযজ্ঞ বিনাশিনী ॥ 120 ॥
দরান্দোলিত দীর্ঘাক্ষী, দরহাসোজ্জ্বলন্মুখী ।
গুরুমূর্তি, র্গুণনিধি, র্গোমাতা, গুহজন্মভূঃ ॥ 121 ॥
দেবেশী, দণ্ডনীতিস্থা, দহরাকাশ রূপিণী ।
প্রতিপন্মুখ্য রাকান্ত তিথিমণ্ডল পূজিতা ॥ 122 ॥
কলাত্মিকা, কলানাথা, কাব্যালাপ বিনোদিনী ।
সচামর রমাবাণী সব্যদক্ষিণ সেবিতা ॥ 123 ॥
আদিশক্তি, রমেযা,ঽঽত্মা, পরমা, পাবনাকৃতিঃ ।
অনেককোটি ব্রহ্মাণ্ড জননী, দিব্যবিগ্রহা ॥ 124 ॥
ক্লীঙ্কারী, কেবলা, গুহ্যা, কৈবল্য পদদাযিনী ।
ত্রিপুরা, ত্রিজগদ্বন্দ্যা, ত্রিমূর্তি, স্ত্রিদশেশ্বরী ॥ 125 ॥
ত্র্যক্ষরী, দিব্যগন্ধাঢ্যা, সিন্ধূর তিলকাঞ্চিতা ।
উমা, শৈলেন্দ্রতনযা, গৌরী, গন্ধর্ব সেবিতা ॥ 126 ॥
বিশ্বগর্ভা, স্বর্ণগর্ভা,ঽবরদা বাগধীশ্বরী ।
ধ্যানগম্যা,ঽপরিচ্ছেদ্যা, জ্ঞানদা, জ্ঞানবিগ্রহা ॥ 127 ॥
সর্ববেদান্ত সংবেদ্যা, সত্যানন্দ স্বরূপিণী ।
লোপামুদ্রার্চিতা, লীলাকৢপ্ত ব্রহ্মাণ্ডমণ্ডলা ॥ 128 ॥
অদৃশ্যা, দৃশ্যরহিতা, বিজ্ঞাত্রী, বেদ্যবর্জিতা ।
যোগিনী, যোগদা, যোগ্যা, যোগানন্দা, যুগন্ধরা ॥ 129 ॥
ইচ্ছাশক্তি জ্ঞানশক্তি ক্রিযাশক্তি স্বরূপিণী ।
সর্বাধারা, সুপ্রতিষ্ঠা, সদসদ্-রূপধারিণী ॥ 130 ॥
অষ্টমূর্তি, রজাজৈত্রী, লোকযাত্রা বিধাযিনী ।
একাকিনী, ভূমরূপা, নির্দ্বৈতা, দ্বৈতবর্জিতা ॥ 131 ॥
অন্নদা, বসুদা, বৃদ্ধা, ব্রহ্মাত্মৈক্য স্বরূপিণী ।
বৃহতী, ব্রাহ্মণী, ব্রাহ্মী, ব্রহ্মানন্দা, বলিপ্রিযা ॥ 132 ॥
ভাষারূপা, বৃহত্সেনা, ভাবাভাব বিবর্জিতা ।
সুখারাধ্যা, শুভকরী, শোভনা সুলভাগতিঃ ॥ 133 ॥
রাজরাজেশ্বরী, রাজ্যদাযিনী, রাজ্যবল্লভা ।
রাজত্-কৃপা, রাজপীঠ নিবেশিত নিজাশ্রিতাঃ ॥ 134 ॥
রাজ্যলক্ষ্মীঃ, কোশনাথা, চতুরঙ্গ বলেশ্বরী ।
সাম্রাজ্যদাযিনী, সত্যসন্ধা, সাগরমেখলা ॥ 135 ॥
দীক্ষিতা, দৈত্যশমনী, সর্বলোক বশঙ্করী ।
সর্বার্থদাত্রী, সাবিত্রী, সচ্চিদানন্দ রূপিণী ॥ 136 ॥
দেশকালাঽপরিচ্ছিন্না, সর্বগা, সর্বমোহিনী ।
সরস্বতী, শাস্ত্রমযী, গুহাম্বা, গুহ্যরূপিণী ॥ 137 ॥
সর্বোপাধি বিনির্মুক্তা, সদাশিব পতিব্রতা ।
সম্প্রদাযেশ্বরী, সাধ্বী, গুরুমণ্ডল রূপিণী ॥ 138 ॥
কুলোত্তীর্ণা, ভগারাধ্যা, মাযা, মধুমতী, মহী ।
গণাম্বা, গুহ্যকারাধ্যা, কোমলাঙ্গী, গুরুপ্রিযা ॥ 139 ॥
স্বতন্ত্রা, সর্বতন্ত্রেশী, দক্ষিণামূর্তি রূপিণী ।
সনকাদি সমারাধ্যা, শিবজ্ঞান প্রদাযিনী ॥ 140 ॥
চিত্কলা,ঽনন্দকলিকা, প্রেমরূপা, প্রিযঙ্করী ।
নামপারাযণ প্রীতা, নন্দিবিদ্যা, নটেশ্বরী ॥ 141 ॥
মিথ্যা জগদধিষ্ঠানা মুক্তিদা, মুক্তিরূপিণী ।
লাস্যপ্রিযা, লযকরী, লজ্জা, রম্ভাদি বন্দিতা ॥ 142 ॥
ভবদাব সুধাবৃষ্টিঃ, পাপারণ্য দবানলা ।
দৌর্ভাগ্যতূল বাতূলা, জরাধ্বান্ত রবিপ্রভা ॥ 143 ॥
ভাগ্যাব্ধিচন্দ্রিকা, ভক্তচিত্তকেকি ঘনাঘনা ।
রোগপর্বত দম্ভোলি, র্মৃত্যুদারু কুঠারিকা ॥ 144 ॥
মহেশ্বরী, মহাকালী, মহাগ্রাসা, মহাঽশনা ।
অপর্ণা, চণ্ডিকা, চণ্ডমুণ্ডাঽসুর নিষূদিনী ॥ 145 ॥
ক্ষরাক্ষরাত্মিকা, সর্বলোকেশী, বিশ্বধারিণী ।
ত্রিবর্গদাত্রী, সুভগা, ত্র্যম্বকা, ত্রিগুণাত্মিকা ॥ 146 ॥
স্বর্গাপবর্গদা, শুদ্ধা, জপাপুষ্প নিভাকৃতিঃ ।
ওজোবতী, দ্যুতিধরা, যজ্ঞরূপা, প্রিযব্রতা ॥ 147 ॥
দুরারাধ্যা, দুরাদর্ষা, পাটলী কুসুমপ্রিযা ।
মহতী, মেরুনিলযা, মন্দার কুসুমপ্রিযা ॥ 148 ॥
বীরারাধ্যা, বিরাড্রূপা, বিরজা, বিশ্বতোমুখী ।
প্রত্যগ্রূপা, পরাকাশা, প্রাণদা, প্রাণরূপিণী ॥ 149 ॥
মার্তাণ্ড ভৈরবারাধ্যা, মন্ত্রিণী ন্যস্তরাজ্যধূঃ ।
ত্রিপুরেশী, জযত্সেনা, নিস্ত্রৈগুণ্যা, পরাপরা ॥ 150 ॥
সত্যজ্ঞানাঽনন্দরূপা, সামরস্য পরাযণা ।
কপর্দিনী, কলামালা, কামধুক্,কামরূপিণী ॥ 151 ॥
কলানিধিঃ, কাব্যকলা, রসজ্ঞা, রসশেবধিঃ ।
পুষ্টা, পুরাতনা, পূজ্যা, পুষ্করা, পুষ্করেক্ষণা ॥ 152 ॥
পরঞ্জ্যোতিঃ, পরন্ধাম, পরমাণুঃ, পরাত্পরা ।
পাশহস্তা, পাশহন্ত্রী, পরমন্ত্র বিভেদিনী ॥ 153 ॥
মূর্তা,ঽমূর্তা,ঽনিত্যতৃপ্তা, মুনি মানস হংসিকা ।
সত্যব্রতা, সত্যরূপা, সর্বান্তর্যামিনী, সতী ॥ 154 ॥
ব্রহ্মাণী, ব্রহ্মজননী, বহুরূপা, বুধার্চিতা ।
প্রসবিত্রী, প্রচণ্ডাঽজ্ঞা, প্রতিষ্ঠা, প্রকটাকৃতিঃ ॥ 155 ॥
প্রাণেশ্বরী, প্রাণদাত্রী, পঞ্চাশত্-পীঠরূপিণী ।
বিশৃঙ্খলা, বিবিক্তস্থা, বীরমাতা, বিযত্প্রসূঃ ॥ 156 ॥
মুকুন্দা, মুক্তি নিলযা, মূলবিগ্রহ রূপিণী ।
ভাবজ্ঞা, ভবরোগঘ্নী ভবচক্র প্রবর্তিনী ॥ 157 ॥
ছন্দস্সারা, শাস্ত্রসারা, মন্ত্রসারা, তলোদরী ।
উদারকীর্তি, রুদ্দামবৈভবা, বর্ণরূপিণী ॥ 158 ॥
জন্মমৃত্যু জরাতপ্ত জন বিশ্রান্তি দাযিনী ।
সর্বোপনিষ দুদ্ঘুষ্টা, শান্ত্যতীত কলাত্মিকা ॥ 159 ॥
গম্ভীরা, গগনান্তঃস্থা, গর্বিতা, গানলোলুপা ।
কল্পনারহিতা, কাষ্ঠা, কান্তা, কান্তার্ধ বিগ্রহা ॥ 160 ॥
কার্যকারণ নির্মুক্তা, কামকেলি তরঙ্গিতা ।
কনত্-কনকতাটঙ্কা, লীলাবিগ্রহ ধারিণী ॥ 161 ॥
অজাক্ষয বিনির্মুক্তা, মুগ্ধা ক্ষিপ্রপ্রসাদিনী ।
অন্তর্মুখ সমারাধ্যা, বহির্মুখ সুদুর্লভা ॥ 162 ॥
ত্রযী, ত্রিবর্গ নিলযা, ত্রিস্থা, ত্রিপুরমালিনী ।
নিরামযা, নিরালম্বা, স্বাত্মারামা, সুধাসৃতিঃ ॥ 163 ॥
সংসারপঙ্ক নির্মগ্ন সমুদ্ধরণ পণ্ডিতা ।
যজ্ঞপ্রিযা, যজ্ঞকর্ত্রী, যজমান স্বরূপিণী ॥ 164 ॥
ধর্মাধারা, ধনাধ্যক্ষা, ধনধান্য বিবর্ধিনী ।
বিপ্রপ্রিযা, বিপ্ররূপা, বিশ্বভ্রমণ কারিণী ॥ 165 ॥
বিশ্বগ্রাসা, বিদ্রুমাভা, বৈষ্ণবী, বিষ্ণুরূপিণী ।
অযোনি, র্যোনিনিলযা, কূটস্থা, কুলরূপিণী ॥ 166 ॥
বীরগোষ্ঠীপ্রিযা, বীরা, নৈষ্কর্ম্যা, নাদরূপিণী ।
বিজ্ঞান কলনা, কল্যা বিদগ্ধা, বৈন্দবাসনা ॥ 167 ॥
তত্ত্বাধিকা, তত্ত্বমযী, তত্ত্বমর্থ স্বরূপিণী ।
সামগানপ্রিযা, সৌম্যা, সদাশিব কুটুম্বিনী ॥ 168 ॥
সব্যাপসব্য মার্গস্থা, সর্বাপদ্বি নিবারিণী ।
স্বস্থা, স্বভাবমধুরা, ধীরা, ধীর সমর্চিতা ॥ 169 ॥
চৈতন্যার্ঘ্য সমারাধ্যা, চৈতন্য কুসুমপ্রিযা ।
সদোদিতা, সদাতুষ্টা, তরুণাদিত্য পাটলা ॥ 170 ॥
দক্ষিণা, দক্ষিণারাধ্যা, দরস্মের মুখাম্বুজা ।
কৌলিনী কেবলা,ঽনর্ঘ্যা কৈবল্য পদদাযিনী ॥ 171 ॥
স্তোত্রপ্রিযা, স্তুতিমতী, শ্রুতিসংস্তুত বৈভবা ।
মনস্বিনী, মানবতী, মহেশী, মঙ্গলাকৃতিঃ ॥ 172 ॥
বিশ্বমাতা, জগদ্ধাত্রী, বিশালাক্ষী, বিরাগিণী।
প্রগল্ভা, পরমোদারা, পরামোদা, মনোমযী ॥ 173 ॥
ব্যোমকেশী, বিমানস্থা, বজ্রিণী, বামকেশ্বরী ।
পঞ্চযজ্ঞপ্রিযা, পঞ্চপ্রেত মঞ্চাধিশাযিনী ॥ 174 ॥
পঞ্চমী, পঞ্চভূতেশী, পঞ্চ সঙ্খ্যোপচারিণী ।
শাশ্বতী, শাশ্বতৈশ্বর্যা, শর্মদা, শম্ভুমোহিনী ॥ 175 ॥
ধরা, ধরসুতা, ধন্যা, ধর্মিণী, ধর্মবর্ধিনী ।
লোকাতীতা, গুণাতীতা, সর্বাতীতা, শমাত্মিকা ॥ 176 ॥
বন্ধূক কুসুম প্রখ্যা, বালা, লীলাবিনোদিনী ।
সুমঙ্গলী, সুখকরী, সুবেষাড্যা, সুবাসিনী ॥ 177 ॥
সুবাসিন্যর্চনপ্রীতা, শোভনা, শুদ্ধ মানসা ।
বিন্দু তর্পণ সন্তুষ্টা, পূর্বজা, ত্রিপুরাম্বিকা ॥ 178 ॥
দশমুদ্রা সমারাধ্যা, ত্রিপুরা শ্রীবশঙ্করী ।
জ্ঞানমুদ্রা, জ্ঞানগম্যা, জ্ঞানজ্ঞেয স্বরূপিণী ॥ 179 ॥
যোনিমুদ্রা, ত্রিখণ্ডেশী, ত্রিগুণাম্বা, ত্রিকোণগা ।
অনঘাদ্ভুত চারিত্রা, বাঞ্ছিতার্থ প্রদাযিনী ॥ 180 ॥
অভ্যাসাতি শযজ্ঞাতা, ষডধ্বাতীত রূপিণী ।
অব্যাজ করুণামূর্তি, রজ্ঞানধ্বান্ত দীপিকা ॥ 181 ॥
আবালগোপ বিদিতা, সর্বানুল্লঙ্ঘ্য শাসনা ।
শ্রী চক্ররাজনিলযা, শ্রীমত্ত্রিপুর সুন্দরী ॥ 182 ॥
শ্রী শিবা, শিবশক্ত্যৈক্য রূপিণী, ললিতাম্বিকা ।
এবং শ্রীললিতাদেব্যা নাম্নাং সাহস্রকং জগুঃ ॥ 183 ॥
॥ ইতি শ্রী ব্রহ্মাণ্ডপুরাণে, উত্তরখণ্ডে, শ্রী হযগ্রীবাগস্ত্য সংবাদে, শ্রী ললিতা রহস্যনাম সাহস্রস্তোত্র কথনং নাম দ্বিতীযোঽধ্যাযঃ ॥
Roman (IAST) Transliteration
om ||
asya śrī lalitā divya sahasranāma stotra mahāmantrasya, vaśinyādi vāgdevatā ṛṣayaḥ, anuṣṭup chandaḥ, śrī lalitā parābhaṭṭārikā mahā tripura sundarī devatā, aiṃ bījaṃ, klīṃ śaktiḥ, sauḥ kīlakaṃ, mama dharmārtha kāma mokṣa caturvidha phalapuruṣārtha siddhyarthe lalitā tripurasundarī parābhaṭṭārikā sahasra nāma jape viniyogaḥ
karanyāsaḥ
aiṃ aṅguṣṭābhyāṃ namaḥ, klīṃ tarjanībhyāṃ namaḥ, sauḥ madhyamābhyāṃ namaḥ, sauḥ anāmikābhyāṃ namaḥ, klīṃ kaniṣṭhikābhyāṃ namaḥ, aiṃ karatala karapṛṣṭhābhyāṃ namaḥ
aṅganyāsaḥ
aiṃ hṛdayāya namaḥ, klīṃ śirase svāhā, sauḥ śikhāyai vaṣaṭ, sauḥ kavacāya huṃ, klīṃ netratrayāya vauṣaṭ, aiṃ astrāyaphaṭ, bhūrbhuvassuvaromiti digbandhaḥ
dhyānaṃ
aruṇāṃ karuṇā taraṅgitākṣīṃ dhṛtapāśāṅkuśa puṣpabāṇacāpām |
aṇimādibhi rāvṛtāṃ mayūkhaiḥ ahamityeva vibhāvaye bhavānīm || 1 ||
dhyāyet padmāsanasthāṃ vikasitavadanāṃ padma patrāyatākṣīṃ
hemābhāṃ pītavastrāṃ karakalita lasaddhemapadmāṃ varāṅgīm |
sarvālaṅkārayuktāṃ sakalamabhayadāṃ bhaktanamrāṃ bhavānīṃ
śrī vidyāṃ śāntamūrtiṃ sakala suranutāṃ sarvasampat-pradātrīm || 2 ||
sakuṅkuma vilepanā malikacumbi kastūrikāṃ
samanda hasitekṣaṇāṃ saśaracāpa pāśāṅkuśām |
aśeṣa janamohinī maruṇamālya bhūṣojjvalāṃ
japākusuma bhāsurāṃ japavidhau smare dambikām || 3 ||
sindhūrāruṇa vigrahāṃ triṇayanāṃ māṇikya maulisphura-
ttārānāyaka śekharāṃ smitamukhī māpīna vakṣoruhām |
pāṇibhyā malipūrṇa ratna caṣakaṃ raktotpalaṃ bibhratīṃ
saumyāṃ ratnaghaṭastha rakta caraṇāṃ dhyāyetparāmambikām || 4 ||
lamityādi pañcapūjāṃ vibhāvayet
laṃ pṛthivī tattvātmikāyai śrī lalitādevyai gandhaṃ parikalpayāmi
haṃ ākāśa tattvātmikāyai śrī lalitādevyai puṣpaṃ parikalpayāmi
yaṃ vāyu tattvātmikāyai śrī lalitādevyai dhūpaṃ parikalpayāmi
raṃ vahni tattvātmikāyai śrī lalitādevyai dīpaṃ parikalpayāmi
vaṃ amṛta tattvātmikāyai śrī lalitādevyai amṛta naivedyaṃ parikalpayāmi
saṃ sarva tattvātmikāyai śrī lalitādevyai tāmbūlādi sarvopacārān parikalpayāmi
gururbrahma gururviṣṇuḥ gururdevo maheśvaraḥ |
gurussākṣāt parabrahma tasmai śrī gurave namaḥ ||
hariḥ oṃ
śrīmātā, śrīmahārājñī, śrīmat-siṃhāsaneśvarī |
cidagni-kuṇḍa-sambhūtā, devakārya-samudyatā || 1 ||
udyadbhānu-sahasrābhā, caturbāhu-samanvitā |
rāgasvarūpa-pāśāḍhyā, krodhākārāṅkuśojjvalā || 2 ||
manorūpekṣu-kodaṇḍā, pañcatanmātra-sāyakā |
nijāruṇa prabhāpūra majjad-brahmāṇḍamaṇḍalā || 3 ||
campakāśoka punnāga saugandhika lasatkacā
kuruvinda maṇiśreṇī kanatkoṭīra maṇḍitā || 4 ||
aṣṭamī candra vibhrāja dalikasthala śobhitā |
mukhacandra kalaṅkābha mṛganābhi viśeṣakā || 5 ||
vadanasmara māṅgalya gṛhatoraṇa cillikā |
vaktralakṣmī parīvāha calanmīnābha locanā || 6 ||
navacampaka puṣpābha nāsādaṇḍa virājitā |
tārākānti tiraskāri nāsābharaṇa bhāsurā || 7 ||
kadamba mañjarīkḷpta karṇapūra manoharā |
tāṭaṅka yugalībhūta tapanoḍupa maṇḍalā || 8 ||
padmarāga śilādarśa paribhāvi kapolabhūḥ |
navavidruma bimbaśrīḥ nyakkāri radanacchadā || 9 ||
śuddha vidyāṅkurākāra dvijapaṅkti dvayojjvalā |
karpūravīṭi kāmoda samākarṣaddigantarā || 10 ||
nijasallāpa mādhurya vinirbhatsita kacchapī |
mandasmita prabhāpūra majjat-kāmeśa mānasā || 11 ||
anākalita sādṛśya cubuka śrī virājitā |
kāmeśabaddha māṅgalya sūtraśobhita kantharā || 12 ||
kanakāṅgada keyūra kamanīya bhujānvitā |
ratnagraiveya cintāka lolamuktā phalānvitā || 13 ||
kāmeśvara premaratna maṇi pratipaṇastanī|
nābhyālavāla romāli latāphala kucadvayī || 14 ||
lakṣyaromalatā dhāratā samunneya madhyamā |
stanabhāra dalan-madhya paṭṭabandha valitrayā || 15 ||
aruṇāruṇa kausumbha vastra bhāsvat-kaṭītaṭī |
ratnakiṅkiṇi kāramya raśanādāma bhūṣitā || 16 ||
kāmeśa jñāta saubhāgya mārdavoru dvayānvitā |
māṇikya makuṭākāra jānudvaya virājitā || 17 ||
indragopa parikṣipta smara tūṇābha jaṅghikā |
gūḍhagulbhā kūrmapṛṣṭha jayiṣṇu prapadānvitā || 18 ||
nakhadīdhiti sañchanna namajjana tamoguṇā |
padadvaya prabhājāla parākṛta saroruhā || 19 ||
śiñjāna maṇimañjīra maṇḍita śrī padāmbujā |
marālī mandagamanā, mahālāvaṇya śevadhiḥ || 20 ||
sarvāruṇā'navadyāṅgī sarvābharaṇa bhūṣitā |
śivakāmeśvarāṅkasthā, śivā, svādhīna vallabhā || 21 ||
sumeru madhyaśṛṅgasthā, śrīmannagara nāyikā |
cintāmaṇi gṛhāntasthā, pañcabrahmāsanasthitā || 22 ||
mahāpadmāṭavī saṃsthā, kadamba vanavāsinī |
sudhāsāgara madhyasthā, kāmākṣī kāmadāyinī || 23 ||
devarṣi gaṇasaṅghāta stūyamānātma vaibhavā |
bhaṇḍāsura vadhodyukta śaktisenā samanvitā || 24 ||
sampatkarī samārūḍha sindhura vrajasevitā |
aśvārūḍhādhiṣṭhitāśva koṭikoṭi bhirāvṛtā || 25 ||
cakrarāja rathārūḍha sarvāyudha pariṣkṛtā |
geyacakra rathārūḍha mantriṇī parisevitā || 26 ||
kiricakra rathārūḍha daṇḍanāthā puraskṛtā |
jvālāmālini kākṣipta vahniprākāra madhyagā || 27 ||
bhaṇḍasainya vadhodyukta śakti vikramaharṣitā |
nityā parākramāṭopa nirīkṣaṇa samutsukā || 28 ||
bhaṇḍaputra vadhodyukta bālāvikrama nanditā |
mantriṇyambā viracita viṣaṅga vadhatoṣitā || 29 || [viśukra]
viśukra prāṇaharaṇa vārāhī vīryananditā | [viṣaṅga]
kāmeśvara mukhāloka kalpita śrī gaṇeśvarā || 30 ||
mahāgaṇeśa nirbhinna vighnayantra praharṣitā |
bhaṇḍāsurendra nirmukta śastra pratyastra varṣiṇī || 31 ||
karāṅguli nakhotpanna nārāyaṇa daśākṛtiḥ |
mahāpāśupatāstrāgni nirdagdhāsura sainikā || 32 ||
kāmeśvarāstra nirdagdha sabhaṇḍāsura śūnyakā |
brahmopendra mahendrādi devasaṃstuta vaibhavā || 33 ||
haranetrāgni sandagdha kāma sañjīvanauṣadhiḥ |
śrīmadvāgbhava kūṭaika svarūpa mukhapaṅkajā || 34 ||
kaṇṭhādhaḥ kaṭiparyanta madhyakūṭa svarūpiṇī |
śaktikūṭaika tāpanna kaṭyathobhāga dhāriṇī || 35 ||
mūlamantrātmikā, mūlakūṭa traya kalebarā |
kulāmṛtaika rasikā, kulasaṅketa pālinī || 36 ||
kulāṅganā, kulāntaḥsthā, kaulinī, kulayoginī |
akulā, samayāntaḥsthā, samayācāra tatparā || 37 ||
mūlādhāraika nilayā, brahmagranthi vibhedinī |
maṇipūrānta ruditā, viṣṇugranthi vibhedinī || 38 ||
ājñā cakrāntarālasthā, rudragranthi vibhedinī |
sahasrārāmbujā rūḍhā, sudhāsārābhi varṣiṇī || 39 ||
taṭillatā samaruciḥ, ṣaṭ-cakropari saṃsthitā |
mahāśaktiḥ, kuṇḍalinī, bisatantu tanīyasī || 40 ||
bhavānī, bhāvanāgamyā, bhavāraṇya kuṭhārikā |
bhadrapriyā, bhadramūrti, rbhaktasaubhāgya dāyinī || 41 ||
bhaktipriyā, bhaktigamyā, bhaktivaśyā, bhayāpahā |
śāmbhavī, śāradārādhyā, śarvāṇī, śarmadāyinī || 42 ||
śāṅkarī, śrīkarī, sādhvī, śaraccandranibhānanā |
śātodarī, śāntimatī, nirādhārā, nirañjanā || 43 ||
nirlepā, nirmalā, nityā, nirākārā, nirākulā |
nirguṇā, niṣkalā, śāntā, niṣkāmā, nirupaplavā || 44 ||
nityamuktā, nirvikārā, niṣprapañcā, nirāśrayā |
nityaśuddhā, nityabuddhā, niravadyā, nirantarā || 45 ||
niṣkāraṇā, niṣkalaṅkā, nirupādhi, rnirīśvarā |
nīrāgā, rāgamathanī, nirmadā, madanāśinī || 46 ||
niścintā, nirahaṅkārā, nirmohā, mohanāśinī |
nirmamā, mamatāhantrī, niṣpāpā, pāpanāśinī || 47 ||
niṣkrodhā, krodhaśamanī, nirlobhā, lobhanāśinī |
niḥsaṃśayā, saṃśayaghnī, nirbhavā, bhavanāśinī || 48 ||
nirvikalpā, nirābādhā, nirbhedā, bhedanāśinī |
nirnāśā, mṛtyumathanī, niṣkriyā, niṣparigrahā || 49 ||
nistulā, nīlacikurā, nirapāyā, niratyayā |
durlabhā, durgamā, durgā, duḥkhahantrī, sukhapradā || 50 ||
duṣṭadūrā, durācāra śamanī, doṣavarjitā |
sarvajñā, sāndrakaruṇā, samānādhikavarjitā || 51 ||
sarvaśaktimayī, sarvamaṅgalā, sadgatipradā |
sarveśvarī, sarvamayī, sarvamantra svarūpiṇī || 52 ||
sarvayantrātmikā, sarvatantrarūpā, manonmanī |
māheśvarī, mahādevī, mahālakṣmī, rmṛḍapriyā || 53 ||
mahārūpā, mahāpūjyā, mahāpātaka nāśinī |
mahāmāyā, mahāsattvā, mahāśakti rmahāratiḥ || 54 ||
mahābhogā, mahaiśvaryā, mahāvīryā, mahābalā |
mahābuddhi, rmahāsiddhi, rmahāyogeśvareśvarī || 55 ||
mahātantrā, mahāmantrā, mahāyantrā, mahāsanā |
mahāyāga kramārādhyā, mahābhairava pūjitā || 56 ||
maheśvara mahākalpa mahātāṇḍava sākṣiṇī |
mahākāmeśa mahiṣī, mahātripura sundarī || 57 ||
catuḥṣaṣṭyupacārāḍhyā, catuṣṣaṣṭi kalāmayī |
mahā catuṣṣaṣṭi koṭi yoginī gaṇasevitā || 58 ||
manuvidyā, candravidyā, candramaṇḍalamadhyagā |
cārurūpā, cāruhāsā, cārucandra kalādharā || 59 ||
carācara jagannāthā, cakrarāja niketanā |
pārvatī, padmanayanā, padmarāga samaprabhā || 60 ||
pañcapretāsanāsīnā, pañcabrahma svarūpiṇī |
cinmayī, paramānandā, vijñāna ghanarūpiṇī || 61 ||
dhyānadhyātṛ dhyeyarūpā, dharmādharma vivarjitā |
viśvarūpā, jāgariṇī, svapantī, taijasātmikā || 62 ||
suptā, prājñātmikā, turyā, sarvāvasthā vivarjitā |
sṛṣṭikartrī, brahmarūpā, goptrī, govindarūpiṇī || 63 ||
saṃhāriṇī, rudrarūpā, tirodhānakarīśvarī |
sadāśivānugrahadā, pañcakṛtya parāyaṇā || 64 ||
bhānumaṇḍala madhyasthā, bhairavī, bhagamālinī |
padmāsanā, bhagavatī, padmanābha sahodarī || 65 ||
unmeṣa nimiṣotpanna vipanna bhuvanāvaliḥ |
sahasraśīrṣavadanā, sahasrākṣī, sahasrapāt || 66 ||
ābrahma kīṭajananī, varṇāśrama vidhāyinī |
nijājñārūpanigamā, puṇyāpuṇya phalapradā || 67 ||
śruti sīmanta sindhūrīkṛta pādābjadhūlikā |
sakalāgama sandoha śuktisampuṭa mauktikā || 68 ||
puruṣārthapradā, pūrṇā, bhoginī, bhuvaneśvarī |
ambikā,'nādi nidhanā, haribrahmendra sevitā || 69 ||
nārāyaṇī, nādarūpā, nāmarūpa vivarjitā |
hrīṅkārī, hrīmatī, hṛdyā, heyopādeya varjitā || 70 ||
rājarājārcitā, rājñī, ramyā, rājīvalocanā |
rañjanī, ramaṇī, rasyā, raṇatkiṅkiṇi mekhalā || 71 ||
ramā, rākenduvadanā, ratirūpā, ratipriyā |
rakṣākarī, rākṣasaghnī, rāmā, ramaṇalampaṭā || 72 ||
kāmyā, kāmakalārūpā, kadamba kusumapriyā |
kalyāṇī, jagatīkandā, karuṇārasa sāgarā || 73 ||
kalāvatī, kalālāpā, kāntā, kādambarīpriyā |
varadā, vāmanayanā, vāruṇīmadavihvalā || 74 ||
viśvādhikā, vedavedyā, vindhyācala nivāsinī |
vidhātrī, vedajananī, viṣṇumāyā, vilāsinī || 75 ||
kṣetrasvarūpā, kṣetreśī, kṣetra kṣetrajña pālinī |
kṣayavṛddhi vinirmuktā, kṣetrapāla samarcitā || 76 ||
vijayā, vimalā, vandyā, vandāru janavatsalā |
vāgvādinī, vāmakeśī, vahnimaṇḍala vāsinī || 77 ||
bhaktimat-kalpalatikā, paśupāśa vimocanī |
saṃhṛtāśeṣa pāṣaṇḍā, sadācāra pravartikā || 78 ||
tāpatrayāgni santapta samāhlādana candrikā |
taruṇī, tāpasārādhyā, tanumadhyā, tamo'pahā || 79 ||
citi, statpadalakṣyārthā, cideka rasarūpiṇī |
svātmānandalavībhūta brahmādyānanda santatiḥ || 80 ||
parā, pratyakcitī rūpā, paśyantī, paradevatā |
madhyamā, vaikharīrūpā, bhaktamānasa haṃsikā || 81 ||
kāmeśvara prāṇanāḍī, kṛtajñā, kāmapūjitā |
śṛṅgāra rasasampūrṇā, jayā, jālandharasthitā || 82 ||
oḍyāṇa pīṭhanilayā, bindumaṇḍala vāsinī |
rahoyāga kramārādhyā, rahastarpaṇa tarpitā || 83 ||
sadyaḥ prasādinī, viśvasākṣiṇī, sākṣivarjitā |
ṣaḍaṅgadevatā yuktā, ṣāḍguṇya paripūritā || 84 ||
nityaklinnā, nirupamā, nirvāṇa sukhadāyinī |
nityā, ṣoḍaśikārūpā, śrīkaṇṭhārdha śarīriṇī || 85 ||
prabhāvatī, prabhārūpā, prasiddhā, parameśvarī |
mūlaprakṛti ravyaktā, vyaktā'vyakta svarūpiṇī || 86 ||
vyāpinī, vividhākārā, vidyā'vidyā svarūpiṇī |
mahākāmeśa nayanā kumudāhlāda kaumudī || 87 ||
bhaktahārda tamobheda bhānumad-bhānusantatiḥ |
śivadūtī, śivārādhyā, śivamūrti, śśivaṅkarī || 88 ||
śivapriyā, śivaparā, śiṣṭeṣṭā, śiṣṭapūjitā |
aprameyā, svaprakāśā, manovācāma gocarā || 89 ||
cicchakti, ścetanārūpā, jaḍaśakti, rjaḍātmikā |
gāyatrī, vyāhṛti, ssandhyā, dvijabṛnda niṣevitā || 90 ||
tattvāsanā, tattvamayī, pañcakośāntarasthitā |
nissīmamahimā, nityayauvanā, madaśālinī || 91 ||
madaghūrṇita raktākṣī, madapāṭala gaṇḍabhūḥ |
candana dravadigdhāṅgī, cāmpeya kusuma priyā || 92 ||
kuśalā, komalākārā, kurukullā, kuleśvarī |
kulakuṇḍālayā, kaula mārgatatpara sevitā || 93 ||
kumāra gaṇanāthāmbā, tuṣṭiḥ, puṣṭi, rmati, rdhṛtiḥ |
śāntiḥ, svastimatī, kānti, rnandinī, vighnanāśinī || 94 ||
tejovatī, trinayanā, lolākṣī kāmarūpiṇī |
mālinī, haṃsinī, mātā, malayācala vāsinī || 95 ||
sumukhī, nalinī, subhrūḥ, śobhanā, suranāyikā |
kālakaṇṭhī, kāntimatī, kṣobhiṇī, sūkṣmarūpiṇī || 96 ||
vajreśvarī, vāmadevī, vayo'vasthā vivarjitā |
siddheśvarī, siddhavidyā, siddhamātā, yaśasvinī || 97 ||
viśuddhi cakranilayā,''raktavarṇā, trilocanā |
khaṭvāṅgādi praharaṇā, vadanaika samanvitā || 98 ||
pāyasānnapriyā, tvaksthā, paśuloka bhayaṅkarī |
amṛtādi mahāśakti saṃvṛtā, ḍākinīśvarī || 99 ||
anāhatābja nilayā, śyāmābhā, vadanadvayā |
daṃṣṭrojjvalā,'kṣamālādhidharā, rudhira saṃsthitā || 100 ||
kālarātryādi śaktyoghavṛtā, snigdhaudanapriyā |
mahāvīrendra varadā, rākiṇyambā svarūpiṇī || 101 ||
maṇipūrābja nilayā, vadanatraya saṃyutā |
vajrādhikāyudhopetā, ḍāmaryādibhi rāvṛtā || 102 ||
raktavarṇā, māṃsaniṣṭhā, guḍānna prītamānasā |
samasta bhaktasukhadā, lākinyambā svarūpiṇī || 103 ||
svādhiṣṭhānāmbu jagatā, caturvaktra manoharā |
śūlādyāyudha sampannā, pītavarṇā,'tigarvitā || 104 ||
medoniṣṭhā, madhuprītā, bandinyādi samanvitā |
dadhyannāsakta hṛdayā, kākinī-rūpadhāriṇī || 105 ||
mūlā dhārāmbujārūḍhā, pañcavaktrā,'sthisaṃsthitā |
aṅkuśādi praharaṇā, varadādi niṣevitā || 106 ||
mudgaudanāsakta cittā, sākinyambāsvarūpiṇī |
ājñā cakrābjanilayā, śuklavarṇā, ṣaḍānanā || 107 ||
majjāsaṃsthā, haṃsavatī-mukhyaśakti-samanvitā |
haridrānnaika rasikā, hākinī-rūpadhāriṇī || 108 ||
sahasradala padmasthā, sarvavarṇopa śobhitā |
sarvāyudhadharā, śukla saṃsthitā, sarvatomukhī || 109 ||
sarvaudana prītacittā, yākinyambā svarūpiṇī |
svāhā, svadhā,'mati, rmedhā, śrutiḥ, smṛti, ranuttamā || 110 ||
puṇyakīrtiḥ, puṇyalabhyā, puṇyaśravaṇa kīrtanā |
pulomajārcitā, bandhamocanī, bandhurālakā || 111 ||
vimarśarūpiṇī, vidyā, viyadādi jagatprasūḥ |
sarvavyādhi praśamanī, sarvamṛtyu nivāriṇī || 112 ||
agragaṇyā,'cintyarūpā, kalikalmaṣa nāśinī |
kātyāyinī, kālahantrī, kamalākṣa niṣevitā || 113 ||
tāmbūla pūrita mukhī, dāḍimī kusumaprabhā |
mṛgākṣī, mohinī, mukhyā, mṛḍānī, mitrarūpiṇī || 114 ||
nityatṛptā, bhaktanidhi, rniyantrī, nikhileśvarī |
maitryādi vāsanālabhyā, mahāpralaya sākṣiṇī || 115 ||
parāśaktiḥ, parāniṣṭhā, prajñāna ghanarūpiṇī |
mādhvīpānālasā, mattā, mātṛkā varṇa rūpiṇī || 116 ||
mahākailāsa nilayā, mṛṇāla mṛdudorlatā |
mahanīyā, dayāmūrtī, rmahāsāmrājyaśālinī || 117 ||
ātmavidyā, mahāvidyā, śrīvidyā, kāmasevitā |
śrīṣoḍaśākṣarī vidyā, trikūṭā, kāmakoṭikā || 118 ||
kaṭākṣakiṅkarī bhūta kamalā koṭisevitā |
śiraḥsthitā, candranibhā, phālasthendra dhanuḥprabhā || 119 ||
hṛdayasthā, raviprakhyā, trikoṇāntara dīpikā |
dākṣāyaṇī, daityahantrī, dakṣayajña vināśinī || 120 ||
darāndolita dīrghākṣī, darahāsojjvalanmukhī |
gurumūrti, rguṇanidhi, rgomātā, guhajanmabhūḥ || 121 ||
deveśī, daṇḍanītisthā, daharākāśa rūpiṇī |
pratipanmukhya rākānta tithimaṇḍala pūjitā || 122 ||
kalātmikā, kalānāthā, kāvyālāpa vinodinī |
sacāmara ramāvāṇī savyadakṣiṇa sevitā || 123 ||
ādiśakti, rameyā,''tmā, paramā, pāvanākṛtiḥ |
anekakoṭi brahmāṇḍa jananī, divyavigrahā || 124 ||
klīṅkārī, kevalā, guhyā, kaivalya padadāyinī |
tripurā, trijagadvandyā, trimūrti, stridaśeśvarī || 125 ||
tryakṣarī, divyagandhāḍhyā, sindhūra tilakāñcitā |
umā, śailendratanayā, gaurī, gandharva sevitā || 126 ||
viśvagarbhā, svarṇagarbhā,'varadā vāgadhīśvarī |
dhyānagamyā,'paricchedyā, jñānadā, jñānavigrahā || 127 ||
sarvavedānta saṃvedyā, satyānanda svarūpiṇī |
lopāmudrārcitā, līlākḷpta brahmāṇḍamaṇḍalā || 128 ||
adṛśyā, dṛśyarahitā, vijñātrī, vedyavarjitā |
yoginī, yogadā, yogyā, yogānandā, yugandharā || 129 ||
icchāśakti jñānaśakti kriyāśakti svarūpiṇī |
sarvādhārā, supratiṣṭhā, sadasad-rūpadhāriṇī || 130 ||
aṣṭamūrti, rajājaitrī, lokayātrā vidhāyinī |
ekākinī, bhūmarūpā, nirdvaitā, dvaitavarjitā || 131 ||
annadā, vasudā, vṛddhā, brahmātmaikya svarūpiṇī |
bṛhatī, brāhmaṇī, brāhmī, brahmānandā, balipriyā || 132 ||
bhāṣārūpā, bṛhatsenā, bhāvābhāva vivarjitā |
sukhārādhyā, śubhakarī, śobhanā sulabhāgatiḥ || 133 ||
rājarājeśvarī, rājyadāyinī, rājyavallabhā |
rājat-kṛpā, rājapīṭha niveśita nijāśritāḥ || 134 ||
rājyalakṣmīḥ, kośanāthā, caturaṅga baleśvarī |
sāmrājyadāyinī, satyasandhā, sāgaramekhalā || 135 ||
dīkṣitā, daityaśamanī, sarvaloka vaśaṅkarī |
sarvārthadātrī, sāvitrī, saccidānanda rūpiṇī || 136 ||
deśakālā'paricchinnā, sarvagā, sarvamohinī |
sarasvatī, śāstramayī, guhāmbā, guhyarūpiṇī || 137 ||
sarvopādhi vinirmuktā, sadāśiva pativratā |
sampradāyeśvarī, sādhvī, gurumaṇḍala rūpiṇī || 138 ||
kulottīrṇā, bhagārādhyā, māyā, madhumatī, mahī |
gaṇāmbā, guhyakārādhyā, komalāṅgī, gurupriyā || 139 ||
svatantrā, sarvatantreśī, dakṣiṇāmūrti rūpiṇī |
sanakādi samārādhyā, śivajñāna pradāyinī || 140 ||
citkalā,'nandakalikā, premarūpā, priyaṅkarī |
nāmapārāyaṇa prītā, nandividyā, naṭeśvarī || 141 ||
mithyā jagadadhiṣṭhānā muktidā, muktirūpiṇī |
lāsyapriyā, layakarī, lajjā, rambhādi vanditā || 142 ||
bhavadāva sudhāvṛṣṭiḥ, pāpāraṇya davānalā |
daurbhāgyatūla vātūlā, jarādhvānta raviprabhā || 143 ||
bhāgyābdhicandrikā, bhaktacittakeki ghanāghanā |
rogaparvata dambholi, rmṛtyudāru kuṭhārikā || 144 ||
maheśvarī, mahākālī, mahāgrāsā, mahā'śanā |
aparṇā, caṇḍikā, caṇḍamuṇḍā'sura niṣūdinī || 145 ||
kṣarākṣarātmikā, sarvalokeśī, viśvadhāriṇī |
trivargadātrī, subhagā, tryambakā, triguṇātmikā || 146 ||
svargāpavargadā, śuddhā, japāpuṣpa nibhākṛtiḥ |
ojovatī, dyutidharā, yajñarūpā, priyavratā || 147 ||
durārādhyā, durādarṣā, pāṭalī kusumapriyā |
mahatī, merunilayā, mandāra kusumapriyā || 148 ||
vīrārādhyā, virāḍrūpā, virajā, viśvatomukhī |
pratyagrūpā, parākāśā, prāṇadā, prāṇarūpiṇī || 149 ||
mārtāṇḍa bhairavārādhyā, mantriṇī nyastarājyadhūḥ |
tripureśī, jayatsenā, nistraiguṇyā, parāparā || 150 ||
satyajñānā'nandarūpā, sāmarasya parāyaṇā |
kapardinī, kalāmālā, kāmadhuk,kāmarūpiṇī || 151 ||
kalānidhiḥ, kāvyakalā, rasajñā, rasaśevadhiḥ |
puṣṭā, purātanā, pūjyā, puṣkarā, puṣkarekṣaṇā || 152 ||
parañjyotiḥ, parandhāma, paramāṇuḥ, parātparā |
pāśahastā, pāśahantrī, paramantra vibhedinī || 153 ||
mūrtā,'mūrtā,'nityatṛptā, muni mānasa haṃsikā |
satyavratā, satyarūpā, sarvāntaryāminī, satī || 154 ||
brahmāṇī, brahmajananī, bahurūpā, budhārcitā |
prasavitrī, pracaṇḍā'jñā, pratiṣṭhā, prakaṭākṛtiḥ || 155 ||
prāṇeśvarī, prāṇadātrī, pañcāśat-pīṭharūpiṇī |
viśṛṅkhalā, viviktasthā, vīramātā, viyatprasūḥ || 156 ||
mukundā, mukti nilayā, mūlavigraha rūpiṇī |
bhāvajñā, bhavarogaghnī bhavacakra pravartinī || 157 ||
chandassārā, śāstrasārā, mantrasārā, talodarī |
udārakīrti, ruddāmavaibhavā, varṇarūpiṇī || 158 ||
janmamṛtyu jarātapta jana viśrānti dāyinī |
sarvopaniṣa dudghuṣṭā, śāntyatīta kalātmikā || 159 ||
gambhīrā, gaganāntaḥsthā, garvitā, gānalolupā |
kalpanārahitā, kāṣṭhā, kāntā, kāntārdha vigrahā || 160 ||
kāryakāraṇa nirmuktā, kāmakeli taraṅgitā |
kanat-kanakatāṭaṅkā, līlāvigraha dhāriṇī || 161 ||
ajākṣaya vinirmuktā, mugdhā kṣipraprasādinī |
antarmukha samārādhyā, bahirmukha sudurlabhā || 162 ||
trayī, trivarga nilayā, tristhā, tripuramālinī |
nirāmayā, nirālambā, svātmārāmā, sudhāsṛtiḥ || 163 ||
saṃsārapaṅka nirmagna samuddharaṇa paṇḍitā |
yajñapriyā, yajñakartrī, yajamāna svarūpiṇī || 164 ||
dharmādhārā, dhanādhyakṣā, dhanadhānya vivardhinī |
viprapriyā, viprarūpā, viśvabhramaṇa kāriṇī || 165 ||
viśvagrāsā, vidrumābhā, vaiṣṇavī, viṣṇurūpiṇī |
ayoni, ryoninilayā, kūṭasthā, kularūpiṇī || 166 ||
vīragoṣṭhīpriyā, vīrā, naiṣkarmyā, nādarūpiṇī |
vijñāna kalanā, kalyā vidagdhā, baindavāsanā || 167 ||
tattvādhikā, tattvamayī, tattvamartha svarūpiṇī |
sāmagānapriyā, saumyā, sadāśiva kuṭumbinī || 168 ||
savyāpasavya mārgasthā, sarvāpadvi nivāriṇī |
svasthā, svabhāvamadhurā, dhīrā, dhīra samarcitā || 169 ||
caitanyārghya samārādhyā, caitanya kusumapriyā |
sadoditā, sadātuṣṭā, taruṇāditya pāṭalā || 170 ||
dakṣiṇā, dakṣiṇārādhyā, darasmera mukhāmbujā |
kaulinī kevalā,'narghyā kaivalya padadāyinī || 171 ||
stotrapriyā, stutimatī, śrutisaṃstuta vaibhavā |
manasvinī, mānavatī, maheśī, maṅgalākṛtiḥ || 172 ||
viśvamātā, jagaddhātrī, viśālākṣī, virāgiṇī|
pragalbhā, paramodārā, parāmodā, manomayī || 173 ||
vyomakeśī, vimānasthā, vajriṇī, vāmakeśvarī |
pañcayajñapriyā, pañcapreta mañcādhiśāyinī || 174 ||
pañcamī, pañcabhūteśī, pañca saṅkhyopacāriṇī |
śāśvatī, śāśvataiśvaryā, śarmadā, śambhumohinī || 175 ||
dharā, dharasutā, dhanyā, dharmiṇī, dharmavardhinī |
lokātītā, guṇātītā, sarvātītā, śamātmikā || 176 ||
bandhūka kusuma prakhyā, bālā, līlāvinodinī |
sumaṅgalī, sukhakarī, suveṣāḍyā, suvāsinī || 177 ||
suvāsinyarcanaprītā, śobhanā, śuddha mānasā |
bindu tarpaṇa santuṣṭā, pūrvajā, tripurāmbikā || 178 ||
daśamudrā samārādhyā, tripurā śrīvaśaṅkarī |
jñānamudrā, jñānagamyā, jñānajñeya svarūpiṇī || 179 ||
yonimudrā, trikhaṇḍeśī, triguṇāmbā, trikoṇagā |
anaghādbhuta cāritrā, vāñchitārtha pradāyinī || 180 ||
abhyāsāti śayajñātā, ṣaḍadhvātīta rūpiṇī |
avyāja karuṇāmūrti, rajñānadhvānta dīpikā || 181 ||
ābālagopa viditā, sarvānullaṅghya śāsanā |
śrī cakrarājanilayā, śrīmattripura sundarī || 182 ||
śrī śivā, śivaśaktyaikya rūpiṇī, lalitāmbikā |
evaṃ śrīlalitādevyā nāmnāṃ sāhasrakaṃ jaguḥ || 183 ||
|| iti śrī brahmāṇḍapurāṇe, uttarakhaṇḍe, śrī hayagrīvāgastya saṃvāde, śrī lalitā rahasyanāma sāhasrastotra kathanaṃ nāma dvitīyo'dhyāyaḥ ||
Sanskrit — Devanagari (original)
ओम् ॥
अस्य श्री ललिता दिव्य सहस्रनाम स्तोत्र महामन्त्रस्य, वशिन्यादि वाग्देवता ऋषयः, अनुष्टुप् छन्दः, श्री ललिता पराभट्टारिका महा त्रिपुर सुन्दरी देवता, ऐं बीजं, क्लीं शक्तिः, सौः कीलकं, मम धर्मार्थ काम मोक्ष चतुर्विध फलपुरुषार्थ सिद्ध्यर्थे ललिता त्रिपुरसुन्दरी पराभट्टारिका सहस्र नाम जपे विनियोगः
करन्यासः
ऐं अङ्गुष्टाभ्यां नमः, क्लीं तर्जनीभ्यां नमः, सौः मध्यमाभ्यां नमः, सौः अनामिकाभ्यां नमः, क्लीं कनिष्ठिकाभ्यां नमः, ऐं करतल करपृष्ठाभ्यां नमः
अङ्गन्यासः
ऐं हृदयाय नमः, क्लीं शिरसे स्वाहा, सौः शिखायै वषट्, सौः कवचाय हुं, क्लीं नेत्रत्रयाय वौषट्, ऐं अस्त्रायफट्, भूर्भुवस्सुवरोमिति दिग्बन्धः
ध्यानं
अरुणां करुणा तरङ्गिताक्षीं धृतपाशाङ्कुश पुष्पबाणचापाम् ।
अणिमादिभि रावृतां मयूखैः अहमित्येव विभावये भवानीम् ॥ 1 ॥
ध्यायेत् पद्मासनस्थां विकसितवदनां पद्म पत्रायताक्षीं
हेमाभां पीतवस्त्रां करकलित लसद्धेमपद्मां वराङ्गीम् ।
सर्वालङ्कारयुक्तां सकलमभयदां भक्तनम्रां भवानीं
श्री विद्यां शान्तमूर्तिं सकल सुरनुतां सर्वसम्पत्-प्रदात्रीम् ॥ 2 ॥
सकुङ्कुम विलेपना मलिकचुम्बि कस्तूरिकां
समन्द हसितेक्षणां सशरचाप पाशाङ्कुशाम् ।
अशेष जनमोहिनी मरुणमाल्य भूषोज्ज्वलां
जपाकुसुम भासुरां जपविधौ स्मरे दम्बिकाम् ॥ 3 ॥
सिन्धूरारुण विग्रहां त्रिणयनां माणिक्य मौलिस्फुर-
त्तारानायक शेखरां स्मितमुखी मापीन वक्षोरुहाम् ।
पाणिभ्या मलिपूर्ण रत्न चषकं रक्तोत्पलं बिभ्रतीं
सौम्यां रत्नघटस्थ रक्त चरणां ध्यायेत्परामम्बिकाम् ॥ 4 ॥
लमित्यादि पञ्चपूजां विभावयेत्
लं पृथिवी तत्त्वात्मिकायै श्री ललितादेव्यै गन्धं परिकल्पयामि
हं आकाश तत्त्वात्मिकायै श्री ललितादेव्यै पुष्पं परिकल्पयामि
यं वायु तत्त्वात्मिकायै श्री ललितादेव्यै धूपं परिकल्पयामि
रं वह्नि तत्त्वात्मिकायै श्री ललितादेव्यै दीपं परिकल्पयामि
वं अमृत तत्त्वात्मिकायै श्री ललितादेव्यै अमृत नैवेद्यं परिकल्पयामि
सं सर्व तत्त्वात्मिकायै श्री ललितादेव्यै ताम्बूलादि सर्वोपचारान् परिकल्पयामि
गुरुर्ब्रह्म गुरुर्विष्णुः गुरुर्देवो महेश्वरः ।
गुरुस्साक्षात् परब्रह्म तस्मै श्री गुरवे नमः ॥
हरिः ॐ
श्रीमाता, श्रीमहाराज्ञी, श्रीमत्-सिंहासनेश्वरी ।
चिदग्नि-कुण्ड-सम्भूता, देवकार्य-समुद्यता ॥ 1 ॥
उद्यद्भानु-सहस्राभा, चतुर्बाहु-समन्विता ।
रागस्वरूप-पाशाढ्या, क्रोधाकाराङ्कुशोज्ज्वला ॥ 2 ॥
मनोरूपेक्षु-कोदण्डा, पञ्चतन्मात्र-सायका ।
निजारुण प्रभापूर मज्जद्-ब्रह्माण्डमण्डला ॥ 3 ॥
चम्पकाशोक पुन्नाग सौगन्धिक लसत्कचा
कुरुविन्द मणिश्रेणी कनत्कोटीर मण्डिता ॥ 4 ॥
अष्टमी चन्द्र विभ्राज दलिकस्थल शोभिता ।
मुखचन्द्र कलङ्काभ मृगनाभि विशेषका ॥ 5 ॥
वदनस्मर माङ्गल्य गृहतोरण चिल्लिका ।
वक्त्रलक्ष्मी परीवाह चलन्मीनाभ लोचना ॥ 6 ॥
नवचम्पक पुष्पाभ नासादण्ड विराजिता ।
ताराकान्ति तिरस्कारि नासाभरण भासुरा ॥ 7 ॥
कदम्ब मञ्जरीकॢप्त कर्णपूर मनोहरा ।
ताटङ्क युगलीभूत तपनोडुप मण्डला ॥ 8 ॥
पद्मराग शिलादर्श परिभावि कपोलभूः ।
नवविद्रुम बिम्बश्रीः न्यक्कारि रदनच्छदा ॥ 9 ॥
शुद्ध विद्याङ्कुराकार द्विजपङ्क्ति द्वयोज्ज्वला ।
कर्पूरवीटि कामोद समाकर्षद्दिगन्तरा ॥ 10 ॥
निजसल्लाप माधुर्य विनिर्भत्सित कच्छपी ।
मन्दस्मित प्रभापूर मज्जत्-कामेश मानसा ॥ 11 ॥
अनाकलित सादृश्य चुबुक श्री विराजिता ।
कामेशबद्ध माङ्गल्य सूत्रशोभित कन्थरा ॥ 12 ॥
कनकाङ्गद केयूर कमनीय भुजान्विता ।
रत्नग्रैवेय चिन्ताक लोलमुक्ता फलान्विता ॥ 13 ॥
कामेश्वर प्रेमरत्न मणि प्रतिपणस्तनी।
नाभ्यालवाल रोमालि लताफल कुचद्वयी ॥ 14 ॥
लक्ष्यरोमलता धारता समुन्नेय मध्यमा ।
स्तनभार दलन्-मध्य पट्टबन्ध वलित्रया ॥ 15 ॥
अरुणारुण कौसुम्भ वस्त्र भास्वत्-कटीतटी ।
रत्नकिङ्किणि कारम्य रशनादाम भूषिता ॥ 16 ॥
कामेश ज्ञात सौभाग्य मार्दवोरु द्वयान्विता ।
माणिक्य मकुटाकार जानुद्वय विराजिता ॥ 17 ॥
इन्द्रगोप परिक्षिप्त स्मर तूणाभ जङ्घिका ।
गूढगुल्भा कूर्मपृष्ठ जयिष्णु प्रपदान्विता ॥ 18 ॥
नखदीधिति सञ्छन्न नमज्जन तमोगुणा ।
पदद्वय प्रभाजाल पराकृत सरोरुहा ॥ 19 ॥
शिञ्जान मणिमञ्जीर मण्डित श्री पदाम्बुजा ।
मराली मन्दगमना, महालावण्य शेवधिः ॥ 20 ॥
सर्वारुणाऽनवद्याङ्गी सर्वाभरण भूषिता ।
शिवकामेश्वराङ्कस्था, शिवा, स्वाधीन वल्लभा ॥ 21 ॥
सुमेरु मध्यशृङ्गस्था, श्रीमन्नगर नायिका ।
चिन्तामणि गृहान्तस्था, पञ्चब्रह्मासनस्थिता ॥ 22 ॥
महापद्माटवी संस्था, कदम्ब वनवासिनी ।
सुधासागर मध्यस्था, कामाक्षी कामदायिनी ॥ 23 ॥
देवर्षि गणसङ्घात स्तूयमानात्म वैभवा ।
भण्डासुर वधोद्युक्त शक्तिसेना समन्विता ॥ 24 ॥
सम्पत्करी समारूढ सिन्धुर व्रजसेविता ।
अश्वारूढाधिष्ठिताश्व कोटिकोटि भिरावृता ॥ 25 ॥
चक्रराज रथारूढ सर्वायुध परिष्कृता ।
गेयचक्र रथारूढ मन्त्रिणी परिसेविता ॥ 26 ॥
किरिचक्र रथारूढ दण्डनाथा पुरस्कृता ।
ज्वालामालिनि काक्षिप्त वह्निप्राकार मध्यगा ॥ 27 ॥
भण्डसैन्य वधोद्युक्त शक्ति विक्रमहर्षिता ।
नित्या पराक्रमाटोप निरीक्षण समुत्सुका ॥ 28 ॥
भण्डपुत्र वधोद्युक्त बालाविक्रम नन्दिता ।
मन्त्रिण्यम्बा विरचित विषङ्ग वधतोषिता ॥ 29 ॥ [विशुक्र]
विशुक्र प्राणहरण वाराही वीर्यनन्दिता । [विषङ्ग]
कामेश्वर मुखालोक कल्पित श्री गणेश्वरा ॥ 30 ॥
महागणेश निर्भिन्न विघ्नयन्त्र प्रहर्षिता ।
भण्डासुरेन्द्र निर्मुक्त शस्त्र प्रत्यस्त्र वर्षिणी ॥ 31 ॥
कराङ्गुलि नखोत्पन्न नारायण दशाकृतिः ।
महापाशुपतास्त्राग्नि निर्दग्धासुर सैनिका ॥ 32 ॥
कामेश्वरास्त्र निर्दग्ध सभण्डासुर शून्यका ।
ब्रह्मोपेन्द्र महेन्द्रादि देवसंस्तुत वैभवा ॥ 33 ॥
हरनेत्राग्नि सन्दग्ध काम सञ्जीवनौषधिः ।
श्रीमद्वाग्भव कूटैक स्वरूप मुखपङ्कजा ॥ 34 ॥
कण्ठाधः कटिपर्यन्त मध्यकूट स्वरूपिणी ।
शक्तिकूटैक तापन्न कट्यथोभाग धारिणी ॥ 35 ॥
मूलमन्त्रात्मिका, मूलकूट त्रय कलेबरा ।
कुलामृतैक रसिका, कुलसङ्केत पालिनी ॥ 36 ॥
कुलाङ्गना, कुलान्तःस्था, कौलिनी, कुलयोगिनी ।
अकुला, समयान्तःस्था, समयाचार तत्परा ॥ 37 ॥
मूलाधारैक निलया, ब्रह्मग्रन्थि विभेदिनी ।
मणिपूरान्त रुदिता, विष्णुग्रन्थि विभेदिनी ॥ 38 ॥
आज्ञा चक्रान्तरालस्था, रुद्रग्रन्थि विभेदिनी ।
सहस्राराम्बुजा रूढा, सुधासाराभि वर्षिणी ॥ 39 ॥
तटिल्लता समरुचिः, षट्-चक्रोपरि संस्थिता ।
महाशक्तिः, कुण्डलिनी, बिसतन्तु तनीयसी ॥ 40 ॥
भवानी, भावनागम्या, भवारण्य कुठारिका ।
भद्रप्रिया, भद्रमूर्ति, र्भक्तसौभाग्य दायिनी ॥ 41 ॥
भक्तिप्रिया, भक्तिगम्या, भक्तिवश्या, भयापहा ।
शाम्भवी, शारदाराध्या, शर्वाणी, शर्मदायिनी ॥ 42 ॥
शाङ्करी, श्रीकरी, साध्वी, शरच्चन्द्रनिभानना ।
शातोदरी, शान्तिमती, निराधारा, निरञ्जना ॥ 43 ॥
निर्लेपा, निर्मला, नित्या, निराकारा, निराकुला ।
निर्गुणा, निष्कला, शान्ता, निष्कामा, निरुपप्लवा ॥ 44 ॥
नित्यमुक्ता, निर्विकारा, निष्प्रपञ्चा, निराश्रया ।
नित्यशुद्धा, नित्यबुद्धा, निरवद्या, निरन्तरा ॥ 45 ॥
निष्कारणा, निष्कलङ्का, निरुपाधि, र्निरीश्वरा ।
नीरागा, रागमथनी, निर्मदा, मदनाशिनी ॥ 46 ॥
निश्चिन्ता, निरहङ्कारा, निर्मोहा, मोहनाशिनी ।
निर्ममा, ममताहन्त्री, निष्पापा, पापनाशिनी ॥ 47 ॥
निष्क्रोधा, क्रोधशमनी, निर्लोभा, लोभनाशिनी ।
निःसंशया, संशयघ्नी, निर्भवा, भवनाशिनी ॥ 48 ॥
निर्विकल्पा, निराबाधा, निर्भेदा, भेदनाशिनी ।
निर्नाशा, मृत्युमथनी, निष्क्रिया, निष्परिग्रहा ॥ 49 ॥
निस्तुला, नीलचिकुरा, निरपाया, निरत्यया ।
दुर्लभा, दुर्गमा, दुर्गा, दुःखहन्त्री, सुखप्रदा ॥ 50 ॥
दुष्टदूरा, दुराचार शमनी, दोषवर्जिता ।
सर्वज्ञा, सान्द्रकरुणा, समानाधिकवर्जिता ॥ 51 ॥
सर्वशक्तिमयी, सर्वमङ्गला, सद्गतिप्रदा ।
सर्वेश्वरी, सर्वमयी, सर्वमन्त्र स्वरूपिणी ॥ 52 ॥
सर्वयन्त्रात्मिका, सर्वतन्त्ररूपा, मनोन्मनी ।
माहेश्वरी, महादेवी, महालक्ष्मी, र्मृडप्रिया ॥ 53 ॥
महारूपा, महापूज्या, महापातक नाशिनी ।
महामाया, महासत्त्वा, महाशक्ति र्महारतिः ॥ 54 ॥
महाभोगा, महैश्वर्या, महावीर्या, महाबला ।
महाबुद्धि, र्महासिद्धि, र्महायोगेश्वरेश्वरी ॥ 55 ॥
महातन्त्रा, महामन्त्रा, महायन्त्रा, महासना ।
महायाग क्रमाराध्या, महाभैरव पूजिता ॥ 56 ॥
महेश्वर महाकल्प महाताण्डव साक्षिणी ।
महाकामेश महिषी, महात्रिपुर सुन्दरी ॥ 57 ॥
चतुःषष्ट्युपचाराढ्या, चतुष्षष्टि कलामयी ।
महा चतुष्षष्टि कोटि योगिनी गणसेविता ॥ 58 ॥
मनुविद्या, चन्द्रविद्या, चन्द्रमण्डलमध्यगा ।
चारुरूपा, चारुहासा, चारुचन्द्र कलाधरा ॥ 59 ॥
चराचर जगन्नाथा, चक्रराज निकेतना ।
पार्वती, पद्मनयना, पद्मराग समप्रभा ॥ 60 ॥
पञ्चप्रेतासनासीना, पञ्चब्रह्म स्वरूपिणी ।
चिन्मयी, परमानन्दा, विज्ञान घनरूपिणी ॥ 61 ॥
ध्यानध्यातृ ध्येयरूपा, धर्माधर्म विवर्जिता ।
विश्वरूपा, जागरिणी, स्वपन्ती, तैजसात्मिका ॥ 62 ॥
सुप्ता, प्राज्ञात्मिका, तुर्या, सर्वावस्था विवर्जिता ।
सृष्टिकर्त्री, ब्रह्मरूपा, गोप्त्री, गोविन्दरूपिणी ॥ 63 ॥
संहारिणी, रुद्ररूपा, तिरोधानकरीश्वरी ।
सदाशिवानुग्रहदा, पञ्चकृत्य परायणा ॥ 64 ॥
भानुमण्डल मध्यस्था, भैरवी, भगमालिनी ।
पद्मासना, भगवती, पद्मनाभ सहोदरी ॥ 65 ॥
उन्मेष निमिषोत्पन्न विपन्न भुवनावलिः ।
सहस्रशीर्षवदना, सहस्राक्षी, सहस्रपात् ॥ 66 ॥
आब्रह्म कीटजननी, वर्णाश्रम विधायिनी ।
निजाज्ञारूपनिगमा, पुण्यापुण्य फलप्रदा ॥ 67 ॥
श्रुति सीमन्त सिन्धूरीकृत पादाब्जधूलिका ।
सकलागम सन्दोह शुक्तिसम्पुट मौक्तिका ॥ 68 ॥
पुरुषार्थप्रदा, पूर्णा, भोगिनी, भुवनेश्वरी ।
अम्बिका,ऽनादि निधना, हरिब्रह्मेन्द्र सेविता ॥ 69 ॥
नारायणी, नादरूपा, नामरूप विवर्जिता ।
ह्रीङ्कारी, ह्रीमती, हृद्या, हेयोपादेय वर्जिता ॥ 70 ॥
राजराजार्चिता, राज्ञी, रम्या, राजीवलोचना ।
रञ्जनी, रमणी, रस्या, रणत्किङ्किणि मेखला ॥ 71 ॥
रमा, राकेन्दुवदना, रतिरूपा, रतिप्रिया ।
रक्षाकरी, राक्षसघ्नी, रामा, रमणलम्पटा ॥ 72 ॥
काम्या, कामकलारूपा, कदम्ब कुसुमप्रिया ।
कल्याणी, जगतीकन्दा, करुणारस सागरा ॥ 73 ॥
कलावती, कलालापा, कान्ता, कादम्बरीप्रिया ।
वरदा, वामनयना, वारुणीमदविह्वला ॥ 74 ॥
विश्वाधिका, वेदवेद्या, विन्ध्याचल निवासिनी ।
विधात्री, वेदजननी, विष्णुमाया, विलासिनी ॥ 75 ॥
क्षेत्रस्वरूपा, क्षेत्रेशी, क्षेत्र क्षेत्रज्ञ पालिनी ।
क्षयवृद्धि विनिर्मुक्ता, क्षेत्रपाल समर्चिता ॥ 76 ॥
विजया, विमला, वन्द्या, वन्दारु जनवत्सला ।
वाग्वादिनी, वामकेशी, वह्निमण्डल वासिनी ॥ 77 ॥
भक्तिमत्-कल्पलतिका, पशुपाश विमोचनी ।
संहृताशेष पाषण्डा, सदाचार प्रवर्तिका ॥ 78 ॥
तापत्रयाग्नि सन्तप्त समाह्लादन चन्द्रिका ।
तरुणी, तापसाराध्या, तनुमध्या, तमोऽपहा ॥ 79 ॥
चिति, स्तत्पदलक्ष्यार्था, चिदेक रसरूपिणी ।
स्वात्मानन्दलवीभूत ब्रह्माद्यानन्द सन्ततिः ॥ 80 ॥
परा, प्रत्यक्चिती रूपा, पश्यन्ती, परदेवता ।
मध्यमा, वैखरीरूपा, भक्तमानस हंसिका ॥ 81 ॥
कामेश्वर प्राणनाडी, कृतज्ञा, कामपूजिता ।
शृङ्गार रससम्पूर्णा, जया, जालन्धरस्थिता ॥ 82 ॥
ओड्याण पीठनिलया, बिन्दुमण्डल वासिनी ।
रहोयाग क्रमाराध्या, रहस्तर्पण तर्पिता ॥ 83 ॥
सद्यः प्रसादिनी, विश्वसाक्षिणी, साक्षिवर्जिता ।
षडङ्गदेवता युक्ता, षाड्गुण्य परिपूरिता ॥ 84 ॥
नित्यक्लिन्ना, निरुपमा, निर्वाण सुखदायिनी ।
नित्या, षोडशिकारूपा, श्रीकण्ठार्ध शरीरिणी ॥ 85 ॥
प्रभावती, प्रभारूपा, प्रसिद्धा, परमेश्वरी ।
मूलप्रकृति रव्यक्ता, व्यक्ताऽव्यक्त स्वरूपिणी ॥ 86 ॥
व्यापिनी, विविधाकारा, विद्याऽविद्या स्वरूपिणी ।
महाकामेश नयना कुमुदाह्लाद कौमुदी ॥ 87 ॥
भक्तहार्द तमोभेद भानुमद्-भानुसन्ततिः ।
शिवदूती, शिवाराध्या, शिवमूर्ति, श्शिवङ्करी ॥ 88 ॥
शिवप्रिया, शिवपरा, शिष्टेष्टा, शिष्टपूजिता ।
अप्रमेया, स्वप्रकाशा, मनोवाचाम गोचरा ॥ 89 ॥
चिच्छक्ति, श्चेतनारूपा, जडशक्ति, र्जडात्मिका ।
गायत्री, व्याहृति, स्सन्ध्या, द्विजबृन्द निषेविता ॥ 90 ॥
तत्त्वासना, तत्त्वमयी, पञ्चकोशान्तरस्थिता ।
निस्सीममहिमा, नित्ययौवना, मदशालिनी ॥ 91 ॥
मदघूर्णित रक्ताक्षी, मदपाटल गण्डभूः ।
चन्दन द्रवदिग्धाङ्गी, चाम्पेय कुसुम प्रिया ॥ 92 ॥
कुशला, कोमलाकारा, कुरुकुल्ला, कुलेश्वरी ।
कुलकुण्डालया, कौल मार्गतत्पर सेविता ॥ 93 ॥
कुमार गणनाथाम्बा, तुष्टिः, पुष्टि, र्मति, र्धृतिः ।
शान्तिः, स्वस्तिमती, कान्ति, र्नन्दिनी, विघ्ननाशिनी ॥ 94 ॥
तेजोवती, त्रिनयना, लोलाक्षी कामरूपिणी ।
मालिनी, हंसिनी, माता, मलयाचल वासिनी ॥ 95 ॥
सुमुखी, नलिनी, सुभ्रूः, शोभना, सुरनायिका ।
कालकण्ठी, कान्तिमती, क्षोभिणी, सूक्ष्मरूपिणी ॥ 96 ॥
वज्रेश्वरी, वामदेवी, वयोऽवस्था विवर्जिता ।
सिद्धेश्वरी, सिद्धविद्या, सिद्धमाता, यशस्विनी ॥ 97 ॥
विशुद्धि चक्रनिलया,ऽऽरक्तवर्णा, त्रिलोचना ।
खट्वाङ्गादि प्रहरणा, वदनैक समन्विता ॥ 98 ॥
पायसान्नप्रिया, त्वक्स्था, पशुलोक भयङ्करी ।
अमृतादि महाशक्ति संवृता, डाकिनीश्वरी ॥ 99 ॥
अनाहताब्ज निलया, श्यामाभा, वदनद्वया ।
दंष्ट्रोज्ज्वला,ऽक्षमालाधिधरा, रुधिर संस्थिता ॥ 100 ॥
कालरात्र्यादि शक्त्योघवृता, स्निग्धौदनप्रिया ।
महावीरेन्द्र वरदा, राकिण्यम्बा स्वरूपिणी ॥ 101 ॥
मणिपूराब्ज निलया, वदनत्रय संयुता ।
वज्राधिकायुधोपेता, डामर्यादिभि रावृता ॥ 102 ॥
रक्तवर्णा, मांसनिष्ठा, गुडान्न प्रीतमानसा ।
समस्त भक्तसुखदा, लाकिन्यम्बा स्वरूपिणी ॥ 103 ॥
स्वाधिष्ठानाम्बु जगता, चतुर्वक्त्र मनोहरा ।
शूलाद्यायुध सम्पन्ना, पीतवर्णा,ऽतिगर्विता ॥ 104 ॥
मेदोनिष्ठा, मधुप्रीता, बन्दिन्यादि समन्विता ।
दध्यन्नासक्त हृदया, काकिनी-रूपधारिणी ॥ 105 ॥
मूला धाराम्बुजारूढा, पञ्चवक्त्रा,ऽस्थिसंस्थिता ।
अङ्कुशादि प्रहरणा, वरदादि निषेविता ॥ 106 ॥
मुद्गौदनासक्त चित्ता, साकिन्यम्बास्वरूपिणी ।
आज्ञा चक्राब्जनिलया, शुक्लवर्णा, षडानना ॥ 107 ॥
मज्जासंस्था, हंसवती-मुख्यशक्ति-समन्विता ।
हरिद्रान्नैक रसिका, हाकिनी-रूपधारिणी ॥ 108 ॥
सहस्रदल पद्मस्था, सर्ववर्णोप शोभिता ।
सर्वायुधधरा, शुक्ल संस्थिता, सर्वतोमुखी ॥ 109 ॥
सर्वौदन प्रीतचित्ता, याकिन्यम्बा स्वरूपिणी ।
स्वाहा, स्वधा,ऽमति, र्मेधा, श्रुतिः, स्मृति, रनुत्तमा ॥ 110 ॥
पुण्यकीर्तिः, पुण्यलभ्या, पुण्यश्रवण कीर्तना ।
पुलोमजार्चिता, बन्धमोचनी, बन्धुरालका ॥ 111 ॥
विमर्शरूपिणी, विद्या, वियदादि जगत्प्रसूः ।
सर्वव्याधि प्रशमनी, सर्वमृत्यु निवारिणी ॥ 112 ॥
अग्रगण्या,ऽचिन्त्यरूपा, कलिकल्मष नाशिनी ।
कात्यायिनी, कालहन्त्री, कमलाक्ष निषेविता ॥ 113 ॥
ताम्बूल पूरित मुखी, दाडिमी कुसुमप्रभा ।
मृगाक्षी, मोहिनी, मुख्या, मृडानी, मित्ररूपिणी ॥ 114 ॥
नित्यतृप्ता, भक्तनिधि, र्नियन्त्री, निखिलेश्वरी ।
मैत्र्यादि वासनालभ्या, महाप्रलय साक्षिणी ॥ 115 ॥
पराशक्तिः, परानिष्ठा, प्रज्ञान घनरूपिणी ।
माध्वीपानालसा, मत्ता, मातृका वर्ण रूपिणी ॥ 116 ॥
महाकैलास निलया, मृणाल मृदुदोर्लता ।
महनीया, दयामूर्ती, र्महासाम्राज्यशालिनी ॥ 117 ॥
आत्मविद्या, महाविद्या, श्रीविद्या, कामसेविता ।
श्रीषोडशाक्षरी विद्या, त्रिकूटा, कामकोटिका ॥ 118 ॥
कटाक्षकिङ्करी भूत कमला कोटिसेविता ।
शिरःस्थिता, चन्द्रनिभा, फालस्थेन्द्र धनुःप्रभा ॥ 119 ॥
हृदयस्था, रविप्रख्या, त्रिकोणान्तर दीपिका ।
दाक्षायणी, दैत्यहन्त्री, दक्षयज्ञ विनाशिनी ॥ 120 ॥
दरान्दोलित दीर्घाक्षी, दरहासोज्ज्वलन्मुखी ।
गुरुमूर्ति, र्गुणनिधि, र्गोमाता, गुहजन्मभूः ॥ 121 ॥
देवेशी, दण्डनीतिस्था, दहराकाश रूपिणी ।
प्रतिपन्मुख्य राकान्त तिथिमण्डल पूजिता ॥ 122 ॥
कलात्मिका, कलानाथा, काव्यालाप विनोदिनी ।
सचामर रमावाणी सव्यदक्षिण सेविता ॥ 123 ॥
आदिशक्ति, रमेया,ऽऽत्मा, परमा, पावनाकृतिः ।
अनेककोटि ब्रह्माण्ड जननी, दिव्यविग्रहा ॥ 124 ॥
क्लीङ्कारी, केवला, गुह्या, कैवल्य पददायिनी ।
त्रिपुरा, त्रिजगद्वन्द्या, त्रिमूर्ति, स्त्रिदशेश्वरी ॥ 125 ॥
त्र्यक्षरी, दिव्यगन्धाढ्या, सिन्धूर तिलकाञ्चिता ।
उमा, शैलेन्द्रतनया, गौरी, गन्धर्व सेविता ॥ 126 ॥
विश्वगर्भा, स्वर्णगर्भा,ऽवरदा वागधीश्वरी ।
ध्यानगम्या,ऽपरिच्छेद्या, ज्ञानदा, ज्ञानविग्रहा ॥ 127 ॥
सर्ववेदान्त संवेद्या, सत्यानन्द स्वरूपिणी ।
लोपामुद्रार्चिता, लीलाकॢप्त ब्रह्माण्डमण्डला ॥ 128 ॥
अदृश्या, दृश्यरहिता, विज्ञात्री, वेद्यवर्जिता ।
योगिनी, योगदा, योग्या, योगानन्दा, युगन्धरा ॥ 129 ॥
इच्छाशक्ति ज्ञानशक्ति क्रियाशक्ति स्वरूपिणी ।
सर्वाधारा, सुप्रतिष्ठा, सदसद्-रूपधारिणी ॥ 130 ॥
अष्टमूर्ति, रजाजैत्री, लोकयात्रा विधायिनी ।
एकाकिनी, भूमरूपा, निर्द्वैता, द्वैतवर्जिता ॥ 131 ॥
अन्नदा, वसुदा, वृद्धा, ब्रह्मात्मैक्य स्वरूपिणी ।
बृहती, ब्राह्मणी, ब्राह्मी, ब्रह्मानन्दा, बलिप्रिया ॥ 132 ॥
भाषारूपा, बृहत्सेना, भावाभाव विवर्जिता ।
सुखाराध्या, शुभकरी, शोभना सुलभागतिः ॥ 133 ॥
राजराजेश्वरी, राज्यदायिनी, राज्यवल्लभा ।
राजत्-कृपा, राजपीठ निवेशित निजाश्रिताः ॥ 134 ॥
राज्यलक्ष्मीः, कोशनाथा, चतुरङ्ग बलेश्वरी ।
साम्राज्यदायिनी, सत्यसन्धा, सागरमेखला ॥ 135 ॥
दीक्षिता, दैत्यशमनी, सर्वलोक वशङ्करी ।
सर्वार्थदात्री, सावित्री, सच्चिदानन्द रूपिणी ॥ 136 ॥
देशकालाऽपरिच्छिन्ना, सर्वगा, सर्वमोहिनी ।
सरस्वती, शास्त्रमयी, गुहाम्बा, गुह्यरूपिणी ॥ 137 ॥
सर्वोपाधि विनिर्मुक्ता, सदाशिव पतिव्रता ।
सम्प्रदायेश्वरी, साध्वी, गुरुमण्डल रूपिणी ॥ 138 ॥
कुलोत्तीर्णा, भगाराध्या, माया, मधुमती, मही ।
गणाम्बा, गुह्यकाराध्या, कोमलाङ्गी, गुरुप्रिया ॥ 139 ॥
स्वतन्त्रा, सर्वतन्त्रेशी, दक्षिणामूर्ति रूपिणी ।
सनकादि समाराध्या, शिवज्ञान प्रदायिनी ॥ 140 ॥
चित्कला,ऽनन्दकलिका, प्रेमरूपा, प्रियङ्करी ।
नामपारायण प्रीता, नन्दिविद्या, नटेश्वरी ॥ 141 ॥
मिथ्या जगदधिष्ठाना मुक्तिदा, मुक्तिरूपिणी ।
लास्यप्रिया, लयकरी, लज्जा, रम्भादि वन्दिता ॥ 142 ॥
भवदाव सुधावृष्टिः, पापारण्य दवानला ।
दौर्भाग्यतूल वातूला, जराध्वान्त रविप्रभा ॥ 143 ॥
भाग्याब्धिचन्द्रिका, भक्तचित्तकेकि घनाघना ।
रोगपर्वत दम्भोलि, र्मृत्युदारु कुठारिका ॥ 144 ॥
महेश्वरी, महाकाली, महाग्रासा, महाऽशना ।
अपर्णा, चण्डिका, चण्डमुण्डाऽसुर निषूदिनी ॥ 145 ॥
क्षराक्षरात्मिका, सर्वलोकेशी, विश्वधारिणी ।
त्रिवर्गदात्री, सुभगा, त्र्यम्बका, त्रिगुणात्मिका ॥ 146 ॥
स्वर्गापवर्गदा, शुद्धा, जपापुष्प निभाकृतिः ।
ओजोवती, द्युतिधरा, यज्ञरूपा, प्रियव्रता ॥ 147 ॥
दुराराध्या, दुरादर्षा, पाटली कुसुमप्रिया ।
महती, मेरुनिलया, मन्दार कुसुमप्रिया ॥ 148 ॥
वीराराध्या, विराड्रूपा, विरजा, विश्वतोमुखी ।
प्रत्यग्रूपा, पराकाशा, प्राणदा, प्राणरूपिणी ॥ 149 ॥
मार्ताण्ड भैरवाराध्या, मन्त्रिणी न्यस्तराज्यधूः ।
त्रिपुरेशी, जयत्सेना, निस्त्रैगुण्या, परापरा ॥ 150 ॥
सत्यज्ञानाऽनन्दरूपा, सामरस्य परायणा ।
कपर्दिनी, कलामाला, कामधुक्,कामरूपिणी ॥ 151 ॥
कलानिधिः, काव्यकला, रसज्ञा, रसशेवधिः ।
पुष्टा, पुरातना, पूज्या, पुष्करा, पुष्करेक्षणा ॥ 152 ॥
परञ्ज्योतिः, परन्धाम, परमाणुः, परात्परा ।
पाशहस्ता, पाशहन्त्री, परमन्त्र विभेदिनी ॥ 153 ॥
मूर्ता,ऽमूर्ता,ऽनित्यतृप्ता, मुनि मानस हंसिका ।
सत्यव्रता, सत्यरूपा, सर्वान्तर्यामिनी, सती ॥ 154 ॥
ब्रह्माणी, ब्रह्मजननी, बहुरूपा, बुधार्चिता ।
प्रसवित्री, प्रचण्डाऽज्ञा, प्रतिष्ठा, प्रकटाकृतिः ॥ 155 ॥
प्राणेश्वरी, प्राणदात्री, पञ्चाशत्-पीठरूपिणी ।
विशृङ्खला, विविक्तस्था, वीरमाता, वियत्प्रसूः ॥ 156 ॥
मुकुन्दा, मुक्ति निलया, मूलविग्रह रूपिणी ।
भावज्ञा, भवरोगघ्नी भवचक्र प्रवर्तिनी ॥ 157 ॥
छन्दस्सारा, शास्त्रसारा, मन्त्रसारा, तलोदरी ।
उदारकीर्ति, रुद्दामवैभवा, वर्णरूपिणी ॥ 158 ॥
जन्ममृत्यु जरातप्त जन विश्रान्ति दायिनी ।
सर्वोपनिष दुद्घुष्टा, शान्त्यतीत कलात्मिका ॥ 159 ॥
गम्भीरा, गगनान्तःस्था, गर्विता, गानलोलुपा ।
कल्पनारहिता, काष्ठा, कान्ता, कान्तार्ध विग्रहा ॥ 160 ॥
कार्यकारण निर्मुक्ता, कामकेलि तरङ्गिता ।
कनत्-कनकताटङ्का, लीलाविग्रह धारिणी ॥ 161 ॥
अजाक्षय विनिर्मुक्ता, मुग्धा क्षिप्रप्रसादिनी ।
अन्तर्मुख समाराध्या, बहिर्मुख सुदुर्लभा ॥ 162 ॥
त्रयी, त्रिवर्ग निलया, त्रिस्था, त्रिपुरमालिनी ।
निरामया, निरालम्बा, स्वात्मारामा, सुधासृतिः ॥ 163 ॥
संसारपङ्क निर्मग्न समुद्धरण पण्डिता ।
यज्ञप्रिया, यज्ञकर्त्री, यजमान स्वरूपिणी ॥ 164 ॥
धर्माधारा, धनाध्यक्षा, धनधान्य विवर्धिनी ।
विप्रप्रिया, विप्ररूपा, विश्वभ्रमण कारिणी ॥ 165 ॥
विश्वग्रासा, विद्रुमाभा, वैष्णवी, विष्णुरूपिणी ।
अयोनि, र्योनिनिलया, कूटस्था, कुलरूपिणी ॥ 166 ॥
वीरगोष्ठीप्रिया, वीरा, नैष्कर्म्या, नादरूपिणी ।
विज्ञान कलना, कल्या विदग्धा, बैन्दवासना ॥ 167 ॥
तत्त्वाधिका, तत्त्वमयी, तत्त्वमर्थ स्वरूपिणी ।
सामगानप्रिया, सौम्या, सदाशिव कुटुम्बिनी ॥ 168 ॥
सव्यापसव्य मार्गस्था, सर्वापद्वि निवारिणी ।
स्वस्था, स्वभावमधुरा, धीरा, धीर समर्चिता ॥ 169 ॥
चैतन्यार्घ्य समाराध्या, चैतन्य कुसुमप्रिया ।
सदोदिता, सदातुष्टा, तरुणादित्य पाटला ॥ 170 ॥
दक्षिणा, दक्षिणाराध्या, दरस्मेर मुखाम्बुजा ।
कौलिनी केवला,ऽनर्घ्या कैवल्य पददायिनी ॥ 171 ॥
स्तोत्रप्रिया, स्तुतिमती, श्रुतिसंस्तुत वैभवा ।
मनस्विनी, मानवती, महेशी, मङ्गलाकृतिः ॥ 172 ॥
विश्वमाता, जगद्धात्री, विशालाक्षी, विरागिणी।
प्रगल्भा, परमोदारा, परामोदा, मनोमयी ॥ 173 ॥
व्योमकेशी, विमानस्था, वज्रिणी, वामकेश्वरी ।
पञ्चयज्ञप्रिया, पञ्चप्रेत मञ्चाधिशायिनी ॥ 174 ॥
पञ्चमी, पञ्चभूतेशी, पञ्च सङ्ख्योपचारिणी ।
शाश्वती, शाश्वतैश्वर्या, शर्मदा, शम्भुमोहिनी ॥ 175 ॥
धरा, धरसुता, धन्या, धर्मिणी, धर्मवर्धिनी ।
लोकातीता, गुणातीता, सर्वातीता, शमात्मिका ॥ 176 ॥
बन्धूक कुसुम प्रख्या, बाला, लीलाविनोदिनी ।
सुमङ्गली, सुखकरी, सुवेषाड्या, सुवासिनी ॥ 177 ॥
सुवासिन्यर्चनप्रीता, शोभना, शुद्ध मानसा ।
बिन्दु तर्पण सन्तुष्टा, पूर्वजा, त्रिपुराम्बिका ॥ 178 ॥
दशमुद्रा समाराध्या, त्रिपुरा श्रीवशङ्करी ।
ज्ञानमुद्रा, ज्ञानगम्या, ज्ञानज्ञेय स्वरूपिणी ॥ 179 ॥
योनिमुद्रा, त्रिखण्डेशी, त्रिगुणाम्बा, त्रिकोणगा ।
अनघाद्भुत चारित्रा, वाञ्छितार्थ प्रदायिनी ॥ 180 ॥
अभ्यासाति शयज्ञाता, षडध्वातीत रूपिणी ।
अव्याज करुणामूर्ति, रज्ञानध्वान्त दीपिका ॥ 181 ॥
आबालगोप विदिता, सर्वानुल्लङ्घ्य शासना ।
श्री चक्रराजनिलया, श्रीमत्त्रिपुर सुन्दरी ॥ 182 ॥
श्री शिवा, शिवशक्त्यैक्य रूपिणी, ललिताम्बिका ।
एवं श्रीललितादेव्या नाम्नां साहस्रकं जगुः ॥ 183 ॥
॥ इति श्री ब्रह्माण्डपुराणे, उत्तरखण्डे, श्री हयग्रीवागस्त्य संवादे, श्री ललिता रहस्यनाम साहस्रस्तोत्र कथनं नाम द्वितीयोऽध्यायः ॥
om ||
asya śrī lalitā divya sahasranāma stotra mahāmantrasya, vaśinyādi vāgdevatā ṛṣayaḥ, anuṣṭup chandaḥ, śrī lalitā parābhaṭṭārikā mahā tripura sundarī devatā, aiṃ bījaṃ, klīṃ śaktiḥ, sauḥ kīlakaṃ, mama dharmārtha kāma mokṣa caturvidha phalapuruṣārtha siddhyarthe lalitā tripurasundarī parābhaṭṭārikā sahasra nāma jape viniyogaḥ
karanyāsaḥ
aiṃ aṅguṣṭābhyāṃ namaḥ, klīṃ tarjanībhyāṃ namaḥ, sauḥ madhyamābhyāṃ namaḥ, sauḥ anāmikābhyāṃ namaḥ, klīṃ kaniṣṭhikābhyāṃ namaḥ, aiṃ karatala karapṛṣṭhābhyāṃ namaḥ
aṅganyāsaḥ
aiṃ hṛdayāya namaḥ, klīṃ śirase svāhā, sauḥ śikhāyai vaṣaṭ, sauḥ kavacāya huṃ, klīṃ netratrayāya vauṣaṭ, aiṃ astrāyaphaṭ, bhūrbhuvassuvaromiti digbandhaḥ
dhyānaṃ
aruṇāṃ karuṇā taraṅgitākṣīṃ dhṛtapāśāṅkuśa puṣpabāṇacāpām |
aṇimādibhi rāvṛtāṃ mayūkhaiḥ ahamityeva vibhāvaye bhavānīm || 1 ||
dhyāyet padmāsanasthāṃ vikasitavadanāṃ padma patrāyatākṣīṃ
hemābhāṃ pītavastrāṃ karakalita lasaddhemapadmāṃ varāṅgīm |
sarvālaṅkārayuktāṃ sakalamabhayadāṃ bhaktanamrāṃ bhavānīṃ
śrī vidyāṃ śāntamūrtiṃ sakala suranutāṃ sarvasampat-pradātrīm || 2 ||
sakuṅkuma vilepanā malikacumbi kastūrikāṃ
samanda hasitekṣaṇāṃ saśaracāpa pāśāṅkuśām |
aśeṣa janamohinī maruṇamālya bhūṣojjvalāṃ
japākusuma bhāsurāṃ japavidhau smare dambikām || 3 ||
sindhūrāruṇa vigrahāṃ triṇayanāṃ māṇikya maulisphura-
ttārānāyaka śekharāṃ smitamukhī māpīna vakṣoruhām |
pāṇibhyā malipūrṇa ratna caṣakaṃ raktotpalaṃ bibhratīṃ
saumyāṃ ratnaghaṭastha rakta caraṇāṃ dhyāyetparāmambikām || 4 ||
lamityādi pañcapūjāṃ vibhāvayet
laṃ pṛthivī tattvātmikāyai śrī lalitādevyai gandhaṃ parikalpayāmi
haṃ ākāśa tattvātmikāyai śrī lalitādevyai puṣpaṃ parikalpayāmi
yaṃ vāyu tattvātmikāyai śrī lalitādevyai dhūpaṃ parikalpayāmi
raṃ vahni tattvātmikāyai śrī lalitādevyai dīpaṃ parikalpayāmi
vaṃ amṛta tattvātmikāyai śrī lalitādevyai amṛta naivedyaṃ parikalpayāmi
saṃ sarva tattvātmikāyai śrī lalitādevyai tāmbūlādi sarvopacārān parikalpayāmi
gururbrahma gururviṣṇuḥ gururdevo maheśvaraḥ |
gurussākṣāt parabrahma tasmai śrī gurave namaḥ ||
hariḥ oṃ
śrīmātā, śrīmahārājñī, śrīmat-siṃhāsaneśvarī |
cidagni-kuṇḍa-sambhūtā, devakārya-samudyatā || 1 ||
udyadbhānu-sahasrābhā, caturbāhu-samanvitā |
rāgasvarūpa-pāśāḍhyā, krodhākārāṅkuśojjvalā || 2 ||
manorūpekṣu-kodaṇḍā, pañcatanmātra-sāyakā |
nijāruṇa prabhāpūra majjad-brahmāṇḍamaṇḍalā || 3 ||
campakāśoka punnāga saugandhika lasatkacā
kuruvinda maṇiśreṇī kanatkoṭīra maṇḍitā || 4 ||
aṣṭamī candra vibhrāja dalikasthala śobhitā |
mukhacandra kalaṅkābha mṛganābhi viśeṣakā || 5 ||
vadanasmara māṅgalya gṛhatoraṇa cillikā |
vaktralakṣmī parīvāha calanmīnābha locanā || 6 ||
navacampaka puṣpābha nāsādaṇḍa virājitā |
tārākānti tiraskāri nāsābharaṇa bhāsurā || 7 ||
kadamba mañjarīkḷpta karṇapūra manoharā |
tāṭaṅka yugalībhūta tapanoḍupa maṇḍalā || 8 ||
padmarāga śilādarśa paribhāvi kapolabhūḥ |
navavidruma bimbaśrīḥ nyakkāri radanacchadā || 9 ||
śuddha vidyāṅkurākāra dvijapaṅkti dvayojjvalā |
karpūravīṭi kāmoda samākarṣaddigantarā || 10 ||
nijasallāpa mādhurya vinirbhatsita kacchapī |
mandasmita prabhāpūra majjat-kāmeśa mānasā || 11 ||
anākalita sādṛśya cubuka śrī virājitā |
kāmeśabaddha māṅgalya sūtraśobhita kantharā || 12 ||
kanakāṅgada keyūra kamanīya bhujānvitā |
ratnagraiveya cintāka lolamuktā phalānvitā || 13 ||
kāmeśvara premaratna maṇi pratipaṇastanī|
nābhyālavāla romāli latāphala kucadvayī || 14 ||
lakṣyaromalatā dhāratā samunneya madhyamā |
stanabhāra dalan-madhya paṭṭabandha valitrayā || 15 ||
aruṇāruṇa kausumbha vastra bhāsvat-kaṭītaṭī |
ratnakiṅkiṇi kāramya raśanādāma bhūṣitā || 16 ||
kāmeśa jñāta saubhāgya mārdavoru dvayānvitā |
māṇikya makuṭākāra jānudvaya virājitā || 17 ||
indragopa parikṣipta smara tūṇābha jaṅghikā |
gūḍhagulbhā kūrmapṛṣṭha jayiṣṇu prapadānvitā || 18 ||
nakhadīdhiti sañchanna namajjana tamoguṇā |
padadvaya prabhājāla parākṛta saroruhā || 19 ||
śiñjāna maṇimañjīra maṇḍita śrī padāmbujā |
marālī mandagamanā, mahālāvaṇya śevadhiḥ || 20 ||
sarvāruṇā'navadyāṅgī sarvābharaṇa bhūṣitā |
śivakāmeśvarāṅkasthā, śivā, svādhīna vallabhā || 21 ||
sumeru madhyaśṛṅgasthā, śrīmannagara nāyikā |
cintāmaṇi gṛhāntasthā, pañcabrahmāsanasthitā || 22 ||
mahāpadmāṭavī saṃsthā, kadamba vanavāsinī |
sudhāsāgara madhyasthā, kāmākṣī kāmadāyinī || 23 ||
devarṣi gaṇasaṅghāta stūyamānātma vaibhavā |
bhaṇḍāsura vadhodyukta śaktisenā samanvitā || 24 ||
sampatkarī samārūḍha sindhura vrajasevitā |
aśvārūḍhādhiṣṭhitāśva koṭikoṭi bhirāvṛtā || 25 ||
cakrarāja rathārūḍha sarvāyudha pariṣkṛtā |
geyacakra rathārūḍha mantriṇī parisevitā || 26 ||
kiricakra rathārūḍha daṇḍanāthā puraskṛtā |
jvālāmālini kākṣipta vahniprākāra madhyagā || 27 ||
bhaṇḍasainya vadhodyukta śakti vikramaharṣitā |
nityā parākramāṭopa nirīkṣaṇa samutsukā || 28 ||
bhaṇḍaputra vadhodyukta bālāvikrama nanditā |
mantriṇyambā viracita viṣaṅga vadhatoṣitā || 29 || [viśukra]
viśukra prāṇaharaṇa vārāhī vīryananditā | [viṣaṅga]
kāmeśvara mukhāloka kalpita śrī gaṇeśvarā || 30 ||
mahāgaṇeśa nirbhinna vighnayantra praharṣitā |
bhaṇḍāsurendra nirmukta śastra pratyastra varṣiṇī || 31 ||
karāṅguli nakhotpanna nārāyaṇa daśākṛtiḥ |
mahāpāśupatāstrāgni nirdagdhāsura sainikā || 32 ||
kāmeśvarāstra nirdagdha sabhaṇḍāsura śūnyakā |
brahmopendra mahendrādi devasaṃstuta vaibhavā || 33 ||
haranetrāgni sandagdha kāma sañjīvanauṣadhiḥ |
śrīmadvāgbhava kūṭaika svarūpa mukhapaṅkajā || 34 ||
kaṇṭhādhaḥ kaṭiparyanta madhyakūṭa svarūpiṇī |
śaktikūṭaika tāpanna kaṭyathobhāga dhāriṇī || 35 ||
mūlamantrātmikā, mūlakūṭa traya kalebarā |
kulāmṛtaika rasikā, kulasaṅketa pālinī || 36 ||
kulāṅganā, kulāntaḥsthā, kaulinī, kulayoginī |
akulā, samayāntaḥsthā, samayācāra tatparā || 37 ||
mūlādhāraika nilayā, brahmagranthi vibhedinī |
maṇipūrānta ruditā, viṣṇugranthi vibhedinī || 38 ||
ājñā cakrāntarālasthā, rudragranthi vibhedinī |
sahasrārāmbujā rūḍhā, sudhāsārābhi varṣiṇī || 39 ||
taṭillatā samaruciḥ, ṣaṭ-cakropari saṃsthitā |
mahāśaktiḥ, kuṇḍalinī, bisatantu tanīyasī || 40 ||
bhavānī, bhāvanāgamyā, bhavāraṇya kuṭhārikā |
bhadrapriyā, bhadramūrti, rbhaktasaubhāgya dāyinī || 41 ||
bhaktipriyā, bhaktigamyā, bhaktivaśyā, bhayāpahā |
śāmbhavī, śāradārādhyā, śarvāṇī, śarmadāyinī || 42 ||
śāṅkarī, śrīkarī, sādhvī, śaraccandranibhānanā |
śātodarī, śāntimatī, nirādhārā, nirañjanā || 43 ||
nirlepā, nirmalā, nityā, nirākārā, nirākulā |
nirguṇā, niṣkalā, śāntā, niṣkāmā, nirupaplavā || 44 ||
nityamuktā, nirvikārā, niṣprapañcā, nirāśrayā |
nityaśuddhā, nityabuddhā, niravadyā, nirantarā || 45 ||
niṣkāraṇā, niṣkalaṅkā, nirupādhi, rnirīśvarā |
nīrāgā, rāgamathanī, nirmadā, madanāśinī || 46 ||
niścintā, nirahaṅkārā, nirmohā, mohanāśinī |
nirmamā, mamatāhantrī, niṣpāpā, pāpanāśinī || 47 ||
niṣkrodhā, krodhaśamanī, nirlobhā, lobhanāśinī |
niḥsaṃśayā, saṃśayaghnī, nirbhavā, bhavanāśinī || 48 ||
nirvikalpā, nirābādhā, nirbhedā, bhedanāśinī |
nirnāśā, mṛtyumathanī, niṣkriyā, niṣparigrahā || 49 ||
nistulā, nīlacikurā, nirapāyā, niratyayā |
durlabhā, durgamā, durgā, duḥkhahantrī, sukhapradā || 50 ||
duṣṭadūrā, durācāra śamanī, doṣavarjitā |
sarvajñā, sāndrakaruṇā, samānādhikavarjitā || 51 ||
sarvaśaktimayī, sarvamaṅgalā, sadgatipradā |
sarveśvarī, sarvamayī, sarvamantra svarūpiṇī || 52 ||
sarvayantrātmikā, sarvatantrarūpā, manonmanī |
māheśvarī, mahādevī, mahālakṣmī, rmṛḍapriyā || 53 ||
mahārūpā, mahāpūjyā, mahāpātaka nāśinī |
mahāmāyā, mahāsattvā, mahāśakti rmahāratiḥ || 54 ||
mahābhogā, mahaiśvaryā, mahāvīryā, mahābalā |
mahābuddhi, rmahāsiddhi, rmahāyogeśvareśvarī || 55 ||
mahātantrā, mahāmantrā, mahāyantrā, mahāsanā |
mahāyāga kramārādhyā, mahābhairava pūjitā || 56 ||
maheśvara mahākalpa mahātāṇḍava sākṣiṇī |
mahākāmeśa mahiṣī, mahātripura sundarī || 57 ||
catuḥṣaṣṭyupacārāḍhyā, catuṣṣaṣṭi kalāmayī |
mahā catuṣṣaṣṭi koṭi yoginī gaṇasevitā || 58 ||
manuvidyā, candravidyā, candramaṇḍalamadhyagā |
cārurūpā, cāruhāsā, cārucandra kalādharā || 59 ||
carācara jagannāthā, cakrarāja niketanā |
pārvatī, padmanayanā, padmarāga samaprabhā || 60 ||
pañcapretāsanāsīnā, pañcabrahma svarūpiṇī |
cinmayī, paramānandā, vijñāna ghanarūpiṇī || 61 ||
dhyānadhyātṛ dhyeyarūpā, dharmādharma vivarjitā |
viśvarūpā, jāgariṇī, svapantī, taijasātmikā || 62 ||
suptā, prājñātmikā, turyā, sarvāvasthā vivarjitā |
sṛṣṭikartrī, brahmarūpā, goptrī, govindarūpiṇī || 63 ||
saṃhāriṇī, rudrarūpā, tirodhānakarīśvarī |
sadāśivānugrahadā, pañcakṛtya parāyaṇā || 64 ||
bhānumaṇḍala madhyasthā, bhairavī, bhagamālinī |
padmāsanā, bhagavatī, padmanābha sahodarī || 65 ||
unmeṣa nimiṣotpanna vipanna bhuvanāvaliḥ |
sahasraśīrṣavadanā, sahasrākṣī, sahasrapāt || 66 ||
ābrahma kīṭajananī, varṇāśrama vidhāyinī |
nijājñārūpanigamā, puṇyāpuṇya phalapradā || 67 ||
śruti sīmanta sindhūrīkṛta pādābjadhūlikā |
sakalāgama sandoha śuktisampuṭa mauktikā || 68 ||
puruṣārthapradā, pūrṇā, bhoginī, bhuvaneśvarī |
ambikā,'nādi nidhanā, haribrahmendra sevitā || 69 ||
nārāyaṇī, nādarūpā, nāmarūpa vivarjitā |
hrīṅkārī, hrīmatī, hṛdyā, heyopādeya varjitā || 70 ||
rājarājārcitā, rājñī, ramyā, rājīvalocanā |
rañjanī, ramaṇī, rasyā, raṇatkiṅkiṇi mekhalā || 71 ||
ramā, rākenduvadanā, ratirūpā, ratipriyā |
rakṣākarī, rākṣasaghnī, rāmā, ramaṇalampaṭā || 72 ||
kāmyā, kāmakalārūpā, kadamba kusumapriyā |
kalyāṇī, jagatīkandā, karuṇārasa sāgarā || 73 ||
kalāvatī, kalālāpā, kāntā, kādambarīpriyā |
varadā, vāmanayanā, vāruṇīmadavihvalā || 74 ||
viśvādhikā, vedavedyā, vindhyācala nivāsinī |
vidhātrī, vedajananī, viṣṇumāyā, vilāsinī || 75 ||
kṣetrasvarūpā, kṣetreśī, kṣetra kṣetrajña pālinī |
kṣayavṛddhi vinirmuktā, kṣetrapāla samarcitā || 76 ||
vijayā, vimalā, vandyā, vandāru janavatsalā |
vāgvādinī, vāmakeśī, vahnimaṇḍala vāsinī || 77 ||
bhaktimat-kalpalatikā, paśupāśa vimocanī |
saṃhṛtāśeṣa pāṣaṇḍā, sadācāra pravartikā || 78 ||
tāpatrayāgni santapta samāhlādana candrikā |
taruṇī, tāpasārādhyā, tanumadhyā, tamo'pahā || 79 ||
citi, statpadalakṣyārthā, cideka rasarūpiṇī |
svātmānandalavībhūta brahmādyānanda santatiḥ || 80 ||
parā, pratyakcitī rūpā, paśyantī, paradevatā |
madhyamā, vaikharīrūpā, bhaktamānasa haṃsikā || 81 ||
kāmeśvara prāṇanāḍī, kṛtajñā, kāmapūjitā |
śṛṅgāra rasasampūrṇā, jayā, jālandharasthitā || 82 ||
oḍyāṇa pīṭhanilayā, bindumaṇḍala vāsinī |
rahoyāga kramārādhyā, rahastarpaṇa tarpitā || 83 ||
sadyaḥ prasādinī, viśvasākṣiṇī, sākṣivarjitā |
ṣaḍaṅgadevatā yuktā, ṣāḍguṇya paripūritā || 84 ||
nityaklinnā, nirupamā, nirvāṇa sukhadāyinī |
nityā, ṣoḍaśikārūpā, śrīkaṇṭhārdha śarīriṇī || 85 ||
prabhāvatī, prabhārūpā, prasiddhā, parameśvarī |
mūlaprakṛti ravyaktā, vyaktā'vyakta svarūpiṇī || 86 ||
vyāpinī, vividhākārā, vidyā'vidyā svarūpiṇī |
mahākāmeśa nayanā kumudāhlāda kaumudī || 87 ||
bhaktahārda tamobheda bhānumad-bhānusantatiḥ |
śivadūtī, śivārādhyā, śivamūrti, śśivaṅkarī || 88 ||
śivapriyā, śivaparā, śiṣṭeṣṭā, śiṣṭapūjitā |
aprameyā, svaprakāśā, manovācāma gocarā || 89 ||
cicchakti, ścetanārūpā, jaḍaśakti, rjaḍātmikā |
gāyatrī, vyāhṛti, ssandhyā, dvijabṛnda niṣevitā || 90 ||
tattvāsanā, tattvamayī, pañcakośāntarasthitā |
nissīmamahimā, nityayauvanā, madaśālinī || 91 ||
madaghūrṇita raktākṣī, madapāṭala gaṇḍabhūḥ |
candana dravadigdhāṅgī, cāmpeya kusuma priyā || 92 ||
kuśalā, komalākārā, kurukullā, kuleśvarī |
kulakuṇḍālayā, kaula mārgatatpara sevitā || 93 ||
kumāra gaṇanāthāmbā, tuṣṭiḥ, puṣṭi, rmati, rdhṛtiḥ |
śāntiḥ, svastimatī, kānti, rnandinī, vighnanāśinī || 94 ||
tejovatī, trinayanā, lolākṣī kāmarūpiṇī |
mālinī, haṃsinī, mātā, malayācala vāsinī || 95 ||
sumukhī, nalinī, subhrūḥ, śobhanā, suranāyikā |
kālakaṇṭhī, kāntimatī, kṣobhiṇī, sūkṣmarūpiṇī || 96 ||
vajreśvarī, vāmadevī, vayo'vasthā vivarjitā |
siddheśvarī, siddhavidyā, siddhamātā, yaśasvinī || 97 ||
viśuddhi cakranilayā,''raktavarṇā, trilocanā |
khaṭvāṅgādi praharaṇā, vadanaika samanvitā || 98 ||
pāyasānnapriyā, tvaksthā, paśuloka bhayaṅkarī |
amṛtādi mahāśakti saṃvṛtā, ḍākinīśvarī || 99 ||
anāhatābja nilayā, śyāmābhā, vadanadvayā |
daṃṣṭrojjvalā,'kṣamālādhidharā, rudhira saṃsthitā || 100 ||
kālarātryādi śaktyoghavṛtā, snigdhaudanapriyā |
mahāvīrendra varadā, rākiṇyambā svarūpiṇī || 101 ||
maṇipūrābja nilayā, vadanatraya saṃyutā |
vajrādhikāyudhopetā, ḍāmaryādibhi rāvṛtā || 102 ||
raktavarṇā, māṃsaniṣṭhā, guḍānna prītamānasā |
samasta bhaktasukhadā, lākinyambā svarūpiṇī || 103 ||
svādhiṣṭhānāmbu jagatā, caturvaktra manoharā |
śūlādyāyudha sampannā, pītavarṇā,'tigarvitā || 104 ||
medoniṣṭhā, madhuprītā, bandinyādi samanvitā |
dadhyannāsakta hṛdayā, kākinī-rūpadhāriṇī || 105 ||
mūlā dhārāmbujārūḍhā, pañcavaktrā,'sthisaṃsthitā |
aṅkuśādi praharaṇā, varadādi niṣevitā || 106 ||
mudgaudanāsakta cittā, sākinyambāsvarūpiṇī |
ājñā cakrābjanilayā, śuklavarṇā, ṣaḍānanā || 107 ||
majjāsaṃsthā, haṃsavatī-mukhyaśakti-samanvitā |
haridrānnaika rasikā, hākinī-rūpadhāriṇī || 108 ||
sahasradala padmasthā, sarvavarṇopa śobhitā |
sarvāyudhadharā, śukla saṃsthitā, sarvatomukhī || 109 ||
sarvaudana prītacittā, yākinyambā svarūpiṇī |
svāhā, svadhā,'mati, rmedhā, śrutiḥ, smṛti, ranuttamā || 110 ||
puṇyakīrtiḥ, puṇyalabhyā, puṇyaśravaṇa kīrtanā |
pulomajārcitā, bandhamocanī, bandhurālakā || 111 ||
vimarśarūpiṇī, vidyā, viyadādi jagatprasūḥ |
sarvavyādhi praśamanī, sarvamṛtyu nivāriṇī || 112 ||
agragaṇyā,'cintyarūpā, kalikalmaṣa nāśinī |
kātyāyinī, kālahantrī, kamalākṣa niṣevitā || 113 ||
tāmbūla pūrita mukhī, dāḍimī kusumaprabhā |
mṛgākṣī, mohinī, mukhyā, mṛḍānī, mitrarūpiṇī || 114 ||
nityatṛptā, bhaktanidhi, rniyantrī, nikhileśvarī |
maitryādi vāsanālabhyā, mahāpralaya sākṣiṇī || 115 ||
parāśaktiḥ, parāniṣṭhā, prajñāna ghanarūpiṇī |
mādhvīpānālasā, mattā, mātṛkā varṇa rūpiṇī || 116 ||
mahākailāsa nilayā, mṛṇāla mṛdudorlatā |
mahanīyā, dayāmūrtī, rmahāsāmrājyaśālinī || 117 ||
ātmavidyā, mahāvidyā, śrīvidyā, kāmasevitā |
śrīṣoḍaśākṣarī vidyā, trikūṭā, kāmakoṭikā || 118 ||
kaṭākṣakiṅkarī bhūta kamalā koṭisevitā |
śiraḥsthitā, candranibhā, phālasthendra dhanuḥprabhā || 119 ||
hṛdayasthā, raviprakhyā, trikoṇāntara dīpikā |
dākṣāyaṇī, daityahantrī, dakṣayajña vināśinī || 120 ||
darāndolita dīrghākṣī, darahāsojjvalanmukhī |
gurumūrti, rguṇanidhi, rgomātā, guhajanmabhūḥ || 121 ||
deveśī, daṇḍanītisthā, daharākāśa rūpiṇī |
pratipanmukhya rākānta tithimaṇḍala pūjitā || 122 ||
kalātmikā, kalānāthā, kāvyālāpa vinodinī |
sacāmara ramāvāṇī savyadakṣiṇa sevitā || 123 ||
ādiśakti, rameyā,''tmā, paramā, pāvanākṛtiḥ |
anekakoṭi brahmāṇḍa jananī, divyavigrahā || 124 ||
klīṅkārī, kevalā, guhyā, kaivalya padadāyinī |
tripurā, trijagadvandyā, trimūrti, stridaśeśvarī || 125 ||
tryakṣarī, divyagandhāḍhyā, sindhūra tilakāñcitā |
umā, śailendratanayā, gaurī, gandharva sevitā || 126 ||
viśvagarbhā, svarṇagarbhā,'varadā vāgadhīśvarī |
dhyānagamyā,'paricchedyā, jñānadā, jñānavigrahā || 127 ||
sarvavedānta saṃvedyā, satyānanda svarūpiṇī |
lopāmudrārcitā, līlākḷpta brahmāṇḍamaṇḍalā || 128 ||
adṛśyā, dṛśyarahitā, vijñātrī, vedyavarjitā |
yoginī, yogadā, yogyā, yogānandā, yugandharā || 129 ||
icchāśakti jñānaśakti kriyāśakti svarūpiṇī |
sarvādhārā, supratiṣṭhā, sadasad-rūpadhāriṇī || 130 ||
aṣṭamūrti, rajājaitrī, lokayātrā vidhāyinī |
ekākinī, bhūmarūpā, nirdvaitā, dvaitavarjitā || 131 ||
annadā, vasudā, vṛddhā, brahmātmaikya svarūpiṇī |
bṛhatī, brāhmaṇī, brāhmī, brahmānandā, balipriyā || 132 ||
bhāṣārūpā, bṛhatsenā, bhāvābhāva vivarjitā |
sukhārādhyā, śubhakarī, śobhanā sulabhāgatiḥ || 133 ||
rājarājeśvarī, rājyadāyinī, rājyavallabhā |
rājat-kṛpā, rājapīṭha niveśita nijāśritāḥ || 134 ||
rājyalakṣmīḥ, kośanāthā, caturaṅga baleśvarī |
sāmrājyadāyinī, satyasandhā, sāgaramekhalā || 135 ||
dīkṣitā, daityaśamanī, sarvaloka vaśaṅkarī |
sarvārthadātrī, sāvitrī, saccidānanda rūpiṇī || 136 ||
deśakālā'paricchinnā, sarvagā, sarvamohinī |
sarasvatī, śāstramayī, guhāmbā, guhyarūpiṇī || 137 ||
sarvopādhi vinirmuktā, sadāśiva pativratā |
sampradāyeśvarī, sādhvī, gurumaṇḍala rūpiṇī || 138 ||
kulottīrṇā, bhagārādhyā, māyā, madhumatī, mahī |
gaṇāmbā, guhyakārādhyā, komalāṅgī, gurupriyā || 139 ||
svatantrā, sarvatantreśī, dakṣiṇāmūrti rūpiṇī |
sanakādi samārādhyā, śivajñāna pradāyinī || 140 ||
citkalā,'nandakalikā, premarūpā, priyaṅkarī |
nāmapārāyaṇa prītā, nandividyā, naṭeśvarī || 141 ||
mithyā jagadadhiṣṭhānā muktidā, muktirūpiṇī |
lāsyapriyā, layakarī, lajjā, rambhādi vanditā || 142 ||
bhavadāva sudhāvṛṣṭiḥ, pāpāraṇya davānalā |
daurbhāgyatūla vātūlā, jarādhvānta raviprabhā || 143 ||
bhāgyābdhicandrikā, bhaktacittakeki ghanāghanā |
rogaparvata dambholi, rmṛtyudāru kuṭhārikā || 144 ||
maheśvarī, mahākālī, mahāgrāsā, mahā'śanā |
aparṇā, caṇḍikā, caṇḍamuṇḍā'sura niṣūdinī || 145 ||
kṣarākṣarātmikā, sarvalokeśī, viśvadhāriṇī |
trivargadātrī, subhagā, tryambakā, triguṇātmikā || 146 ||
svargāpavargadā, śuddhā, japāpuṣpa nibhākṛtiḥ |
ojovatī, dyutidharā, yajñarūpā, priyavratā || 147 ||
durārādhyā, durādarṣā, pāṭalī kusumapriyā |
mahatī, merunilayā, mandāra kusumapriyā || 148 ||
vīrārādhyā, virāḍrūpā, virajā, viśvatomukhī |
pratyagrūpā, parākāśā, prāṇadā, prāṇarūpiṇī || 149 ||
mārtāṇḍa bhairavārādhyā, mantriṇī nyastarājyadhūḥ |
tripureśī, jayatsenā, nistraiguṇyā, parāparā || 150 ||
satyajñānā'nandarūpā, sāmarasya parāyaṇā |
kapardinī, kalāmālā, kāmadhuk,kāmarūpiṇī || 151 ||
kalānidhiḥ, kāvyakalā, rasajñā, rasaśevadhiḥ |
puṣṭā, purātanā, pūjyā, puṣkarā, puṣkarekṣaṇā || 152 ||
parañjyotiḥ, parandhāma, paramāṇuḥ, parātparā |
pāśahastā, pāśahantrī, paramantra vibhedinī || 153 ||
mūrtā,'mūrtā,'nityatṛptā, muni mānasa haṃsikā |
satyavratā, satyarūpā, sarvāntaryāminī, satī || 154 ||
brahmāṇī, brahmajananī, bahurūpā, budhārcitā |
prasavitrī, pracaṇḍā'jñā, pratiṣṭhā, prakaṭākṛtiḥ || 155 ||
prāṇeśvarī, prāṇadātrī, pañcāśat-pīṭharūpiṇī |
viśṛṅkhalā, viviktasthā, vīramātā, viyatprasūḥ || 156 ||
mukundā, mukti nilayā, mūlavigraha rūpiṇī |
bhāvajñā, bhavarogaghnī bhavacakra pravartinī || 157 ||
chandassārā, śāstrasārā, mantrasārā, talodarī |
udārakīrti, ruddāmavaibhavā, varṇarūpiṇī || 158 ||
janmamṛtyu jarātapta jana viśrānti dāyinī |
sarvopaniṣa dudghuṣṭā, śāntyatīta kalātmikā || 159 ||
gambhīrā, gaganāntaḥsthā, garvitā, gānalolupā |
kalpanārahitā, kāṣṭhā, kāntā, kāntārdha vigrahā || 160 ||
kāryakāraṇa nirmuktā, kāmakeli taraṅgitā |
kanat-kanakatāṭaṅkā, līlāvigraha dhāriṇī || 161 ||
ajākṣaya vinirmuktā, mugdhā kṣipraprasādinī |
antarmukha samārādhyā, bahirmukha sudurlabhā || 162 ||
trayī, trivarga nilayā, tristhā, tripuramālinī |
nirāmayā, nirālambā, svātmārāmā, sudhāsṛtiḥ || 163 ||
saṃsārapaṅka nirmagna samuddharaṇa paṇḍitā |
yajñapriyā, yajñakartrī, yajamāna svarūpiṇī || 164 ||
dharmādhārā, dhanādhyakṣā, dhanadhānya vivardhinī |
viprapriyā, viprarūpā, viśvabhramaṇa kāriṇī || 165 ||
viśvagrāsā, vidrumābhā, vaiṣṇavī, viṣṇurūpiṇī |
ayoni, ryoninilayā, kūṭasthā, kularūpiṇī || 166 ||
vīragoṣṭhīpriyā, vīrā, naiṣkarmyā, nādarūpiṇī |
vijñāna kalanā, kalyā vidagdhā, baindavāsanā || 167 ||
tattvādhikā, tattvamayī, tattvamartha svarūpiṇī |
sāmagānapriyā, saumyā, sadāśiva kuṭumbinī || 168 ||
savyāpasavya mārgasthā, sarvāpadvi nivāriṇī |
svasthā, svabhāvamadhurā, dhīrā, dhīra samarcitā || 169 ||
caitanyārghya samārādhyā, caitanya kusumapriyā |
sadoditā, sadātuṣṭā, taruṇāditya pāṭalā || 170 ||
dakṣiṇā, dakṣiṇārādhyā, darasmera mukhāmbujā |
kaulinī kevalā,'narghyā kaivalya padadāyinī || 171 ||
stotrapriyā, stutimatī, śrutisaṃstuta vaibhavā |
manasvinī, mānavatī, maheśī, maṅgalākṛtiḥ || 172 ||
viśvamātā, jagaddhātrī, viśālākṣī, virāgiṇī|
pragalbhā, paramodārā, parāmodā, manomayī || 173 ||
vyomakeśī, vimānasthā, vajriṇī, vāmakeśvarī |
pañcayajñapriyā, pañcapreta mañcādhiśāyinī || 174 ||
pañcamī, pañcabhūteśī, pañca saṅkhyopacāriṇī |
śāśvatī, śāśvataiśvaryā, śarmadā, śambhumohinī || 175 ||
dharā, dharasutā, dhanyā, dharmiṇī, dharmavardhinī |
lokātītā, guṇātītā, sarvātītā, śamātmikā || 176 ||
bandhūka kusuma prakhyā, bālā, līlāvinodinī |
sumaṅgalī, sukhakarī, suveṣāḍyā, suvāsinī || 177 ||
suvāsinyarcanaprītā, śobhanā, śuddha mānasā |
bindu tarpaṇa santuṣṭā, pūrvajā, tripurāmbikā || 178 ||
daśamudrā samārādhyā, tripurā śrīvaśaṅkarī |
jñānamudrā, jñānagamyā, jñānajñeya svarūpiṇī || 179 ||
yonimudrā, trikhaṇḍeśī, triguṇāmbā, trikoṇagā |
anaghādbhuta cāritrā, vāñchitārtha pradāyinī || 180 ||
abhyāsāti śayajñātā, ṣaḍadhvātīta rūpiṇī |
avyāja karuṇāmūrti, rajñānadhvānta dīpikā || 181 ||
ābālagopa viditā, sarvānullaṅghya śāsanā |
śrī cakrarājanilayā, śrīmattripura sundarī || 182 ||
śrī śivā, śivaśaktyaikya rūpiṇī, lalitāmbikā |
evaṃ śrīlalitādevyā nāmnāṃ sāhasrakaṃ jaguḥ || 183 ||
|| iti śrī brahmāṇḍapurāṇe, uttarakhaṇḍe, śrī hayagrīvāgastya saṃvāde, śrī lalitā rahasyanāma sāhasrastotra kathanaṃ nāma dvitīyo'dhyāyaḥ ||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.