ஶ்ரீமத்வால்மீகீய ராமாயணே யுத்தகாண்டம் ।
அத ஏகாதஶஸ்ஸர்கஃ ।
ஸபபூவக்ரு'ஶோராஜாமைதிலீகாமமோஹிதஃ ।
அஸந்மாநாச்சஸுஹ்ரு'தாம்பாபம்பாபேநகர்மணா ॥ 1 ॥
அதீதஸமயேகாலேதஸ்மிந்வையுதிராவணஃ ।
அமாத்யைஶ்சஸுஹ்ரு'த்பிஶ்சப்ராப்தகாலமமந்யத ॥ 2 ॥
ஸஹேமஜாலவிததம்மணிவித்ருமபூஷிதம் ।
உபகம்யவிநீதாஶ்வமாருரோஹமஹாரதம் ॥ 3 ॥
தமாஸ்தாயரதஶ்ரேஷ்டம்மஹாமேகஸமஸ்வநம் ।
ப்ரயயௌரக்ஷஸாம்ஶ்ரேஷ்டோதஶக்ரீவஸ்ஸபாம்ப்ரதி ॥ 4 ॥
அஸிசர்மதராயோதாஸ்ஸர்வாயுததராஸ்ததஃ ।
ராக்ஷஸாராக்ஷஸேந்த்ரஸ்யபுரஸ்தாத்ஸம்ப்ரதஸ்திரே ॥ 5 ॥
நாநாவிக்ரு'தவேஷாஶ்சநாநாபூஷணபூஷிதாஃ ।
பார்ஶ்வதஸ்ப்ரு'ஷ்டதஶ்சைநம்பரிவார்யயயுஸ்ததஃ ॥ 6 ॥
ரதைஶ்சாதிரதாஶ்ஶீக்ரம்மத்தைஶ்சவரவாரணைஃ ।
அநூத்பேதுர்தஶக்ரீவமாக்ரீடத்பிஶ்சவாஜிபிஃ ॥ 7 ॥
கதாபரிகஹஸ்தாஶ்சஶக்திதோமரபாணயஃ ।
பரஶ்வததராஶ்சாந்யேததாऽந்யேஶூலபாணயஃ ॥ 8 ॥
ததஸ்தூர்யஸஹஸ்ராணாம்ஸஞ்ஜஜ்ஞேநிஸ்ஸ்வநோமஹாந் ।
துமுலஶ்ஶங்கஶப்தஶ்சஸபாங்கச்சதிராவணே ॥ 9 ॥
ஸநேமிகோஷேணமஹாந்ஸஹஸாऽபிநிநாதயந் ।
ராஜமார்கம்ஶ்ரியாஜுஷ்டம்ப்ரதிபேதேமஹாரதஃ ॥ 10 ॥
விமலஞ்சாதபத்ராணாம்ப்ரக்ரு'ஹீதமஶோபத ।
பாண்டுரம்ராக்ஷஸேந்த்ரஸ்யபூர்ணஸ்தாராதிபோயதா ॥ 11 ॥
ஹேமமஞ்ஜரிகர்பேசஶுத்தஸ்படிகவிக்ரஹே ।
சாமரவ்யஜநேதஸ்யரேஜதுஸ்ஸவ்யதக்ஷிணே ॥ 12 ॥
தேக்ரு'தாஞ்ஜலயஸ்ஸர்வேரதஸ்தம்ப்ரு'திவீஸ்திதாஃ ।
ராக்ஷஸாராக்ஷஸஶ்ரேஷ்டம்ஶிரோபிஸ்தம்வவந்திரே ॥ 13 ॥
ராக்ஷஸைஸ்த்ஸூயமாநஸ்ஸஞ்ஜயாஶீர்பிரரிந்தமஃ ।
ஆஸஸாதமஹாதேஜாஸ்ஸபாம்விரசிதாந்ததா ॥ 14 ॥
ஸுவர்ணரஜதாஸ்தீர்ணாம்விஶுத்தஸ்படிகாந்தராம் ।
விராஜமாநோவபுஷாருக்மபட்டோத்தரச்சதாம் ॥ 15 ॥
தாம்பிஶாசஶதைஃ ஷங்பிரபிகுப்தாம்ஸதாப்ரபாம் ।
ப்ரவிவேஶமஹாதேஜாஸ்ஸுக்ரு'தாம்விஶ்வகர்மணா ॥ 16 ॥
தஸ்யாம்ஸவைடூர்யமயம்ப்ரியகாஜிநஸம்வ்ரு'தம் ।
மஹத்ஸோபாஶ்ரயம்பேஜேராவணஃபரமாஸநம் ॥ 17 ॥
ததஃ ஶஶாஸேஶ்வரவத்தூதாந்லகுபராக்ரமாந் ।
ஸமாநயதமேக்ஷிப்ரமிஹைதாந்ராக்ஷஸாநிதி ।
க்ரு'த்யமஸ்திமஹஜ்ஜாநேகர்தவ்யமிதிஶத்ருபிஃ ॥ 18 ॥
ராக்ஷஸாஸ்தத்வசஶ்ஶ்ருத்வாலங்காயாம்பரிசக்ரமுஃ ॥ 19 ॥
அநுகேஹமவஸ்தாயவிஹாரஶயநேஷுச ।
உத்யாநேஷுசரக்ஷாம்ஸிசோதயந்தோஹ்யபீதவத் ॥ 20 ॥
தேரதாந் ருசிராநேகேத்ரு'ப்தாநேகேப்ரு'தக்கயாந் ।
நாகாநேகேऽதிருருஹுர்ஜக்முஶ்சைகேபதாதயஃ ॥ 21 ॥
ஸாபுரீபரமாகீர்ணாரதகுஞ்ஜரவாஜிபிஃ ।
ஸம்பதத்பிர்விருருசேகருத்மத்பிரிவாம்பரம் ॥ 22 ॥
தேவாஹநாவ்யவஸ்தாப்யயாநாநிவிவிதாநிச ।
ஸபாம்பத்பிஃப்ரவிவிஶுஸ்ஸிம்ஹாகிரிகுஹாமிவ ॥ 23 ॥
ராஜ்ஞஃபாதௌக்ரு'ஹீத்வாதுராஜ்ஞாதேப்ரதிபூஜிதாஃ ।
பீடேஷ்வந்யேப்ரு'ஸீஷ்வந்யேபூமௌகேசிதுபாவிஶந் ॥ 24 ॥
தேஸமேத்யஸபாயாம்வைராக்ஷஸாராஜஶாஸநாத் ।
யதார்ஹமுபதஸ்துஸ்தேராவணம்ராக்ஷஸாதிபம் ॥ 25 ॥
மந்த்ரிணஶ்சயதாமுக்யாநிஶ்சயார்தேஷுபண்டிதாஃ ।
அமாத்யாஶ்சகுணோபேதாஸ்ஸர்வஜ்ஞாபுத்திதர்ஶநாஃ ॥ 26 ॥
ஸமீயுஸ்தத்ரஶதஶஶூராஶ்சபஹவஸ்ததா ।
ஸபாயாம்ஹேமவர்ணாயாம்ஸர்வார்தஸ்யஸுகாயவை ॥ 27 ॥
ததோமஹாத்மாவிபுலம்ஸுயுக்யம்ரதம்வரம்ஹேமவிசித்ரிதாங்கம் ।
ஶுபம்ஸமாஸ்தாயயயௌயஶஸ்வீவிபீஷணஸ்ஸம்ஸதமக்ரஜஸ்ய ॥ 28 ॥
ஸபூர்வஜாயாவரஜஶ்ஶஶம்ஸநாமாதபஶ்சாஶ்சரணௌவவந்தே ।
ஶுகஃப்ரஹஸ்தஶ்சததைவதேப்யோததௌயதார்ஹம்ப்ரு'தகாஸநாநி ॥ 29 ॥
ஸுவர்ணநாநாமணிபூஷணாநாம்ஸுவாஸஸாம்ஸம்ஸதிராக்ஷஸாநாம் ।
தேஷாம்பரார்க்யாகுருசந்தநாநாம்ஸ்ரஜாஶ்சகந்தாஃப்ரவவுஸ்ஸமந்தாத் ॥ 30 ॥
நசுக்ருஶுர்நாந்ரு'தமாஹகஶ்சித்ஸபாபதோநாபிஜஜல்புருச்சைஃ ।
ஸம்ஸித்தார்தாஸ்ஸர்வஏவோக்ரவீர்யாபர்துஸ்ஸர்வேதத்ரு'ஶுஶ்சாநநந்தே ॥ 31 ॥
ஸராவணஶ்ஶஸ்த்ரப்ரு'தாம்மநஸ்விநாம்மஹாபலாநாம்ஸமிதௌமநஸ்வீ ।
தஸ்யாம்ஸபாயாம்ப்ரபயாசகாஶேமத்யேவஸூநாமிவவஜ்ரஹஸ்தேஃ ॥ 32 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே ஏகாதஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha ekādaśassargaḥ |
sababhūvakṛśorājāmaithilīkāmamohitaḥ |
asanmānāccasuhṛdāmpāpampāpenakarmaṇā || 1 ||
atītasamayekāletasminvaiyudhirāvaṇaḥ |
amātyaiścasuhṛdbhiścaprāptakālamamanyata || 2 ||
sahemajālavitatammaṇividrumabhūṣitam |
upagamyavinītāśvamārurohamahāratham || 3 ||
tamāsthāyarathaśreṣṭhammahāmeghasamasvanam |
prayayaurakṣasāṃśreṣṭhodaśagrīvassabhāmprati || 4 ||
asicarmadharāyodhāssarvāyudhadharāstataḥ |
rākṣasārākṣasendrasyapurastātsampratasthire || 5 ||
nānāvikṛtaveṣāścanānābhūṣaṇabhūṣitāḥ |
pārśvataspṛṣṭhataścainamparivāryayayustataḥ || 6 ||
rathaiścātirathāśśīghrammattaiścavaravāraṇaiḥ |
anūtpeturdaśagrīvamākrīḍadbhiścavājibhiḥ || 7 ||
gadāparighahastāścaśaktitomarapāṇayaḥ |
paraśvathadharāścānyetathā'nyeśūlapāṇayaḥ || 8 ||
tatastūryasahasrāṇāṃsañjajñenissvanomahān |
tumulaśśaṅkhaśabdaścasabhāṅgacchatirāvaṇe || 9 ||
sanemighoṣeṇamahānsahasā'bhininādayan |
rājamārgaṃśriyājuṣṭampratipedemahārathaḥ || 10 ||
vimalañcātapatrāṇāmpragṛhītamaśobhata |
pāṇḍuraṃrākṣasendrasyapūrṇastārādhipoyathā || 11 ||
hemamañjarigarbhecaśuddhasphaṭikavigrahe |
cāmaravyajanetasyarejatussavyadakṣiṇe || 12 ||
tekṛtāñjalayassarverathasthampṛthivīsthitāḥ |
rākṣasārākṣasaśreṣṭhaṃśirobhistaṃvavandire || 13 ||
rākṣasaistsūyamānassañjayāśīrbhirarindamaḥ |
āsasādamahātejāssabhāṃviracitāntadā || 14 ||
suvarṇarajatāstīrṇāṃviśuddhasphaṭikāntarām |
virājamānovapuṣārukmapaṭṭottaracchadām || 15 ||
tāmpiśācaśataiḥ ṣaṅbhirabhiguptāṃsadāprabhām |
praviveśamahātejāssukṛtāṃviśvakarmaṇā || 16 ||
tasyāṃsavaiḍūryamayampriyakājinasamvṛtam |
mahatsopāśrayambhejerāvaṇaḥparamāsanam || 17 ||
tataḥ śaśāseśvaravaddūtānlaghuparākramān |
samānayatamekṣipramihaitānrākṣasāniti |
kṛtyamastimahajjānekartavyamitiśatrubhiḥ || 18 ||
rākṣasāstadvacaśśrutvālaṅkāyāmparicakramuḥ || 19 ||
anugehamavasthāyavihāraśayaneṣuca |
udyāneṣucarakṣāṃsicodayantohyabhītavat || 20 ||
terathān rucirānekedṛptānekepṛthagghayān |
nāgāneke'dhiruruhurjagmuścaikepadātayaḥ || 21 ||
sāpurīparamākīrṇārathakuñjaravājibhiḥ |
sampatadbhirvirurucegarutmadbhirivāmbaram || 22 ||
tevāhanāvyavasthāpyayānānivividhānica |
sabhāmpadbhiḥpraviviśussiṃhāgiriguhāmiva || 23 ||
rājñaḥpādaugṛhītvāturājñātepratipūjitāḥ |
pīṭheṣvanyebṛsīṣvanyebhūmaukecidupāviśan || 24 ||
tesametyasabhāyāṃvairākṣasārājaśāsanāt |
yathārhamupatasthusterāvaṇaṃrākṣasādhipam || 25 ||
mantriṇaścayathāmukhyāniścayārtheṣupaṇḍitāḥ |
amātyāścaguṇopetāssarvajñābuddhidarśanāḥ || 26 ||
samīyustatraśataśaśūrāścabahavastadā |
sabhāyāṃhemavarṇāyāṃsarvārthasyasukhāyavai || 27 ||
tatomahātmāvipulaṃsuyugyaṃrathamvaraṃhemavicitritāṅgam |
śubhaṃsamāsthāyayayauyaśasvīvibhīṣaṇassaṃsadamagrajasya || 28 ||
sapūrvajāyāvarajaśśaśaṃsanāmāthapaścāścaraṇauvavande |
śukaḥprahastaścatathaivatebhyodadauyathārhampṛthagāsanāni || 29 ||
suvarṇanānāmaṇibhūṣaṇānāṃsuvāsasāṃsaṃsadirākṣasānām |
teṣāmparārghyāgurucandanānāṃsrajāścagandhāḥpravavussamantāt || 30 ||
nacukruśurnānṛtamāhakaścitsabhāpadonāpijajalpuruccaiḥ |
saṃsiddhārthāssarvaevogravīryābhartussarvedadṛśuścānanante || 31 ||
sarāvaṇaśśastrabhṛtāmmanasvināmmahābalānāṃsamitaumanasvī |
tasyāṃsabhāyāmprabhayācakāśemadhyevasūnāmivavajrahasteḥ || 32 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekādaśassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ एकादशस्सर्गः ।
सबभूवकृशोराजामैथिलीकाममोहितः ।
असन्मानाच्चसुहृदाम्पापम्पापेनकर्मणा ॥ 1 ॥
अतीतसमयेकालेतस्मिन्वैयुधिरावणः ।
अमात्यैश्चसुहृद्भिश्चप्राप्तकालममन्यत ॥ 2 ॥
सहेमजालविततम्मणिविद्रुमभूषितम् ।
उपगम्यविनीताश्वमारुरोहमहारथम् ॥ 3 ॥
तमास्थायरथश्रेष्ठम्महामेघसमस्वनम् ।
प्रययौरक्षसांश्रेष्ठोदशग्रीवस्सभाम्प्रति ॥ 4 ॥
असिचर्मधरायोधास्सर्वायुधधरास्ततः ।
राक्षसाराक्षसेन्द्रस्यपुरस्तात्सम्प्रतस्थिरे ॥ 5 ॥
नानाविकृतवेषाश्चनानाभूषणभूषिताः ।
पार्श्वतस्पृष्ठतश्चैनम्परिवार्यययुस्ततः ॥ 6 ॥
रथैश्चातिरथाश्शीघ्रम्मत्तैश्चवरवारणैः ।
अनूत्पेतुर्दशग्रीवमाक्रीडद्भिश्चवाजिभिः ॥ 7 ॥
गदापरिघहस्ताश्चशक्तितोमरपाणयः ।
परश्वथधराश्चान्येतथाऽन्येशूलपाणयः ॥ 8 ॥
ततस्तूर्यसहस्राणांसञ्जज्ञेनिस्स्वनोमहान् ।
तुमुलश्शङ्खशब्दश्चसभाङ्गच्छतिरावणे ॥ 9 ॥
सनेमिघोषेणमहान्सहसाऽभिनिनादयन् ।
राजमार्गंश्रियाजुष्टम्प्रतिपेदेमहारथः ॥ 10 ॥
विमलञ्चातपत्राणाम्प्रगृहीतमशोभत ।
पाण्डुरंराक्षसेन्द्रस्यपूर्णस्ताराधिपोयथा ॥ 11 ॥
हेममञ्जरिगर्भेचशुद्धस्फटिकविग्रहे ।
चामरव्यजनेतस्यरेजतुस्सव्यदक्षिणे ॥ 12 ॥
तेकृताञ्जलयस्सर्वेरथस्थम्पृथिवीस्थिताः ।
राक्षसाराक्षसश्रेष्ठंशिरोभिस्तंववन्दिरे ॥ 13 ॥
राक्षसैस्त्सूयमानस्सञ्जयाशीर्भिररिन्दमः ।
आससादमहातेजास्सभांविरचितान्तदा ॥ 14 ॥
सुवर्णरजतास्तीर्णांविशुद्धस्फटिकान्तराम् ।
विराजमानोवपुषारुक्मपट्टोत्तरच्छदाम् ॥ 15 ॥
ताम्पिशाचशतैः षङ्भिरभिगुप्तांसदाप्रभाम् ।
प्रविवेशमहातेजास्सुकृतांविश्वकर्मणा ॥ 16 ॥
तस्यांसवैडूर्यमयम्प्रियकाजिनसम्वृतम् ।
महत्सोपाश्रयम्भेजेरावणःपरमासनम् ॥ 17 ॥
ततः शशासेश्वरवद्दूतान्लघुपराक्रमान् ।
समानयतमेक्षिप्रमिहैतान्राक्षसानिति ।
कृत्यमस्तिमहज्जानेकर्तव्यमितिशत्रुभिः ॥ 18 ॥
राक्षसास्तद्वचश्श्रुत्वालङ्कायाम्परिचक्रमुः ॥ 19 ॥
अनुगेहमवस्थायविहारशयनेषुच ।
उद्यानेषुचरक्षांसिचोदयन्तोह्यभीतवत् ॥ 20 ॥
तेरथान् रुचिरानेकेदृप्तानेकेपृथग्घयान् ।
नागानेकेऽधिरुरुहुर्जग्मुश्चैकेपदातयः ॥ 21 ॥
सापुरीपरमाकीर्णारथकुञ्जरवाजिभिः ।
सम्पतद्भिर्विरुरुचेगरुत्मद्भिरिवाम्बरम् ॥ 22 ॥
तेवाहनाव्यवस्थाप्ययानानिविविधानिच ।
सभाम्पद्भिःप्रविविशुस्सिंहागिरिगुहामिव ॥ 23 ॥
राज्ञःपादौगृहीत्वातुराज्ञातेप्रतिपूजिताः ।
पीठेष्वन्येबृसीष्वन्येभूमौकेचिदुपाविशन् ॥ 24 ॥
तेसमेत्यसभायांवैराक्षसाराजशासनात् ।
यथार्हमुपतस्थुस्तेरावणंराक्षसाधिपम् ॥ 25 ॥
मन्त्रिणश्चयथामुख्यानिश्चयार्थेषुपण्डिताः ।
अमात्याश्चगुणोपेतास्सर्वज्ञाबुद्धिदर्शनाः ॥ 26 ॥
समीयुस्तत्रशतशशूराश्चबहवस्तदा ।
सभायांहेमवर्णायांसर्वार्थस्यसुखायवै ॥ 27 ॥
ततोमहात्माविपुलंसुयुग्यंरथम्वरंहेमविचित्रिताङ्गम् ।
शुभंसमास्थायययौयशस्वीविभीषणस्संसदमग्रजस्य ॥ 28 ॥
सपूर्वजायावरजश्शशंसनामाथपश्चाश्चरणौववन्दे ।
शुकःप्रहस्तश्चतथैवतेभ्योददौयथार्हम्पृथगासनानि ॥ 29 ॥
सुवर्णनानामणिभूषणानांसुवाससांसंसदिराक्षसानाम् ।
तेषाम्परार्घ्यागुरुचन्दनानांस्रजाश्चगन्धाःप्रववुस्समन्तात् ॥ 30 ॥
नचुक्रुशुर्नानृतमाहकश्चित्सभापदोनापिजजल्पुरुच्चैः ।
संसिद्धार्थास्सर्वएवोग्रवीर्याभर्तुस्सर्वेददृशुश्चाननन्ते ॥ 31 ॥
सरावणश्शस्त्रभृताम्मनस्विनाम्महाबलानांसमितौमनस्वी ।
तस्यांसभायाम्प्रभयाचकाशेमध्येवसूनामिववज्रहस्तेः ॥ 32 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे एकादशस्सर्गः ॥
śrīmadvālmīkīya rāmāyaṇe yuddhakāṇḍam |
atha ekādaśassargaḥ |
sababhūvakṛśorājāmaithilīkāmamohitaḥ |
asanmānāccasuhṛdāmpāpampāpenakarmaṇā || 1 ||
atītasamayekāletasminvaiyudhirāvaṇaḥ |
amātyaiścasuhṛdbhiścaprāptakālamamanyata || 2 ||
sahemajālavitatammaṇividrumabhūṣitam |
upagamyavinītāśvamārurohamahāratham || 3 ||
tamāsthāyarathaśreṣṭhammahāmeghasamasvanam |
prayayaurakṣasāṃśreṣṭhodaśagrīvassabhāmprati || 4 ||
asicarmadharāyodhāssarvāyudhadharāstataḥ |
rākṣasārākṣasendrasyapurastātsampratasthire || 5 ||
nānāvikṛtaveṣāścanānābhūṣaṇabhūṣitāḥ |
pārśvataspṛṣṭhataścainamparivāryayayustataḥ || 6 ||
rathaiścātirathāśśīghrammattaiścavaravāraṇaiḥ |
anūtpeturdaśagrīvamākrīḍadbhiścavājibhiḥ || 7 ||
gadāparighahastāścaśaktitomarapāṇayaḥ |
paraśvathadharāścānyetathā'nyeśūlapāṇayaḥ || 8 ||
tatastūryasahasrāṇāṃsañjajñenissvanomahān |
tumulaśśaṅkhaśabdaścasabhāṅgacchatirāvaṇe || 9 ||
sanemighoṣeṇamahānsahasā'bhininādayan |
rājamārgaṃśriyājuṣṭampratipedemahārathaḥ || 10 ||
vimalañcātapatrāṇāmpragṛhītamaśobhata |
pāṇḍuraṃrākṣasendrasyapūrṇastārādhipoyathā || 11 ||
hemamañjarigarbhecaśuddhasphaṭikavigrahe |
cāmaravyajanetasyarejatussavyadakṣiṇe || 12 ||
tekṛtāñjalayassarverathasthampṛthivīsthitāḥ |
rākṣasārākṣasaśreṣṭhaṃśirobhistaṃvavandire || 13 ||
rākṣasaistsūyamānassañjayāśīrbhirarindamaḥ |
āsasādamahātejāssabhāṃviracitāntadā || 14 ||
suvarṇarajatāstīrṇāṃviśuddhasphaṭikāntarām |
virājamānovapuṣārukmapaṭṭottaracchadām || 15 ||
tāmpiśācaśataiḥ ṣaṅbhirabhiguptāṃsadāprabhām |
praviveśamahātejāssukṛtāṃviśvakarmaṇā || 16 ||
tasyāṃsavaiḍūryamayampriyakājinasamvṛtam |
mahatsopāśrayambhejerāvaṇaḥparamāsanam || 17 ||
tataḥ śaśāseśvaravaddūtānlaghuparākramān |
samānayatamekṣipramihaitānrākṣasāniti |
kṛtyamastimahajjānekartavyamitiśatrubhiḥ || 18 ||
rākṣasāstadvacaśśrutvālaṅkāyāmparicakramuḥ || 19 ||
anugehamavasthāyavihāraśayaneṣuca |
udyāneṣucarakṣāṃsicodayantohyabhītavat || 20 ||
terathān rucirānekedṛptānekepṛthagghayān |
nāgāneke'dhiruruhurjagmuścaikepadātayaḥ || 21 ||
sāpurīparamākīrṇārathakuñjaravājibhiḥ |
sampatadbhirvirurucegarutmadbhirivāmbaram || 22 ||
tevāhanāvyavasthāpyayānānivividhānica |
sabhāmpadbhiḥpraviviśussiṃhāgiriguhāmiva || 23 ||
rājñaḥpādaugṛhītvāturājñātepratipūjitāḥ |
pīṭheṣvanyebṛsīṣvanyebhūmaukecidupāviśan || 24 ||
tesametyasabhāyāṃvairākṣasārājaśāsanāt |
yathārhamupatasthusterāvaṇaṃrākṣasādhipam || 25 ||
mantriṇaścayathāmukhyāniścayārtheṣupaṇḍitāḥ |
amātyāścaguṇopetāssarvajñābuddhidarśanāḥ || 26 ||
samīyustatraśataśaśūrāścabahavastadā |
sabhāyāṃhemavarṇāyāṃsarvārthasyasukhāyavai || 27 ||
tatomahātmāvipulaṃsuyugyaṃrathamvaraṃhemavicitritāṅgam |
śubhaṃsamāsthāyayayauyaśasvīvibhīṣaṇassaṃsadamagrajasya || 28 ||
sapūrvajāyāvarajaśśaśaṃsanāmāthapaścāścaraṇauvavande |
śukaḥprahastaścatathaivatebhyodadauyathārhampṛthagāsanāni || 29 ||
suvarṇanānāmaṇibhūṣaṇānāṃsuvāsasāṃsaṃsadirākṣasānām |
teṣāmparārghyāgurucandanānāṃsrajāścagandhāḥpravavussamantāt || 30 ||
nacukruśurnānṛtamāhakaścitsabhāpadonāpijajalpuruccaiḥ |
saṃsiddhārthāssarvaevogravīryābhartussarvedadṛśuścānanante || 31 ||
sarāvaṇaśśastrabhṛtāmmanasvināmmahābalānāṃsamitaumanasvī |
tasyāṃsabhāyāmprabhayācakāśemadhyevasūnāmivavajrahasteḥ || 32 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekādaśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.