அத ஷஷ்டஸ்தோத்ரம்
மத்ஸ்யகரூப லயோதவிஹாரிந் வேதவிநேத்ர சதுர்முகவந்த்ய ।
கூர்மஸ்வரூபக மந்தரதாரிந் லோகவிதாரக தேவவரேண்ய ॥ 1॥
ஸூகரரூபக தாநவஶத்ரோ பூமிவிதாரக யஜ்ஞாவராங்க ।
தேவ ந்ரு'ஸிம்ஹ ஹிரண்யகஶத்ரோ ஸர்வ பயாந்தக தைவதபந்தோ ॥ 2॥
வாமந வாமந மாணவவேஷ தைத்யவராந்தக காரணரூப ।
ராம ப்ரு'கூத்வஹ ஸூர்ஜிததீப்தே க்ஷத்ரகுலாந்தக ஶம்புவரேண்ய ॥ 3॥
ராகவ ராகவ ராக்ஷஸ ஶத்ரோ மாருதிவல்லப ஜாநகிகாந்த ।
தேவகிநந்தந நந்தகுமார வ்ரு'ந்தாவநாஞ்சந கோகுலசந்த்ர ॥ 4॥
கந்தபலாஶந ஸுந்தரரூப நந்திதகோகுலவந்திதபாத ।
இந்த்ரஸுதாவக நந்தகஹஸ்த சந்தநசர்சித ஸுந்தரிநாத ॥ 5॥
இந்தீவரோதர தலநயந மந்தரதாரிந் கோவிந்த வந்தே ।
சந்த்ரஶதாநந குந்தஸுஹாஸ நந்திததைவதாநந்தஸுபூர்ண ॥ 6॥
தேவகிநந்தந ஸுந்தரரூப ருக்மிணிவல்லப பாண்டவபந்தோ ।
தைத்யவிமோஹக நித்யஸுகாதே தேவவிபோதக புத்தஸ்வரூப ॥ 7॥
துஷ்டகுலாந்தக கல்கிஸ்வரூப தர்மவிவர்தந மூலயுகாதே ।
நாராயணாமலகாரணமூர்தே பூர்ணகுணார்ணவ நித்யஸுபோத ॥ 8॥
ஆநந்ததீர்தக்ரு'தா ஹரிகாதா பாபஹரா ஶுபநித்யஸுகார்தா ॥ 9॥
இதி ஶ்ரீமதாநந்ததீர்தபகவத்பாதாசார்ய விரசிதம்
த்வாதஶஸ்தோத்ரேஷு ஷஷ்டஸ்தோத்ரம் ஸம்பூர்ணம்
Roman (IAST) Transliteration
atha ṣaṣṭhastotram
matsyakarūpa layodavihārin vedavinetra caturmukhavandya |
kūrmasvarūpaka mandaradhārin lokavidhāraka devavareṇya || 1||
sūkararūpaka dānavaśatro bhūmividhāraka yajñāvarāṅga |
deva nṛsiṃha hiraṇyakaśatro sarva bhayāntaka daivatabandho || 2||
vāmana vāmana māṇavaveṣa daityavarāntaka kāraṇarūpa |
rāma bhṛgūdvaha sūrjitadīpte kṣatrakulāntaka śambhuvareṇya || 3||
rāghava rāghava rākṣasa śatro mārutivallabha jānakikānta |
devakinandana nandakumāra vṛndāvanāñcana gokulacandra || 4||
kandaphalāśana sundararūpa nanditagokulavanditapāda |
indrasutāvaka nandakahasta candanacarcita sundarinātha || 5||
indīvarodara dalanayana mandaradhārin govinda vande |
candraśatānana kundasuhāsa nanditadaivatānandasupūrṇa || 6||
devakinandana sundararūpa rukmiṇivallabha pāṇḍavabandho |
daityavimohaka nityasukhāde devavibodhaka buddhasvarūpa || 7||
duṣṭakulāntaka kalkisvarūpa dharmavivardhana mūlayugāde |
nārāyaṇāmalakāraṇamūrte pūrṇaguṇārṇava nityasubodha || 8||
ānandatīrthakṛtā harigāthā pāpaharā śubhanityasukhārthā || 9||
iti śrīmadānandatīrthabhagavatpādācārya viracitaṃ
dvādaśastotreṣu ṣaṣṭhastotraṃ sampūrṇam
Sanskrit — Devanagari (original)
अथ षष्ठस्तोत्रम्
मत्स्यकरूप लयोदविहारिन् वेदविनेत्र चतुर्मुखवन्द्य ।
कूर्मस्वरूपक मन्दरधारिन् लोकविधारक देववरेण्य ॥ 1॥
सूकररूपक दानवशत्रो भूमिविधारक यज्ञावराङ्ग ।
देव नृसिंह हिरण्यकशत्रो सर्व भयान्तक दैवतबन्धो ॥ 2॥
वामन वामन माणववेष दैत्यवरान्तक कारणरूप ।
राम भृगूद्वह सूर्जितदीप्ते क्षत्रकुलान्तक शम्भुवरेण्य ॥ 3॥
राघव राघव राक्षस शत्रो मारुतिवल्लभ जानकिकान्त ।
देवकिनन्दन नन्दकुमार वृन्दावनाञ्चन गोकुलचन्द्र ॥ 4॥
कन्दफलाशन सुन्दररूप नन्दितगोकुलवन्दितपाद ।
इन्द्रसुतावक नन्दकहस्त चन्दनचर्चित सुन्दरिनाथ ॥ 5॥
इन्दीवरोदर दलनयन मन्दरधारिन् गोविन्द वन्दे ।
चन्द्रशतानन कुन्दसुहास नन्दितदैवतानन्दसुपूर्ण ॥ 6॥
देवकिनन्दन सुन्दररूप रुक्मिणिवल्लभ पाण्डवबन्धो ।
दैत्यविमोहक नित्यसुखादे देवविबोधक बुद्धस्वरूप ॥ 7॥
दुष्टकुलान्तक कल्किस्वरूप धर्मविवर्धन मूलयुगादे ।
नारायणामलकारणमूर्ते पूर्णगुणार्णव नित्यसुबोध ॥ 8॥
आनन्दतीर्थकृता हरिगाथा पापहरा शुभनित्यसुखार्था ॥ 9॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु षष्ठस्तोत्रं सम्पूर्णम्
atha ṣaṣṭhastotram
matsyakarūpa layodavihārin vedavinetra caturmukhavandya |
kūrmasvarūpaka mandaradhārin lokavidhāraka devavareṇya || 1||
sūkararūpaka dānavaśatro bhūmividhāraka yajñāvarāṅga |
deva nṛsiṃha hiraṇyakaśatro sarva bhayāntaka daivatabandho || 2||
vāmana vāmana māṇavaveṣa daityavarāntaka kāraṇarūpa |
rāma bhṛgūdvaha sūrjitadīpte kṣatrakulāntaka śambhuvareṇya || 3||
rāghava rāghava rākṣasa śatro mārutivallabha jānakikānta |
devakinandana nandakumāra vṛndāvanāñcana gokulacandra || 4||
kandaphalāśana sundararūpa nanditagokulavanditapāda |
indrasutāvaka nandakahasta candanacarcita sundarinātha || 5||
indīvarodara dalanayana mandaradhārin govinda vande |
candraśatānana kundasuhāsa nanditadaivatānandasupūrṇa || 6||
devakinandana sundararūpa rukmiṇivallabha pāṇḍavabandho |
daityavimohaka nityasukhāde devavibodhaka buddhasvarūpa || 7||
duṣṭakulāntaka kalkisvarūpa dharmavivardhana mūlayugāde |
nārāyaṇāmalakāraṇamūrte pūrṇaguṇārṇava nityasubodha || 8||
ānandatīrthakṛtā harigāthā pāpaharā śubhanityasukhārthā || 9||
iti śrīmadānandatīrthabhagavatpādācārya viracitaṃ
dvādaśastotreṣu ṣaṣṭhastotraṃ sampūrṇam
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.