அத சதுர்தஸ்தோத்ரம்
நிஜபூர்ணஸுகாமிதபோததநுஃ பரஶக்திரநந்தகுணஃ பரமஃ ।
அஜராமரணஃ ஸகலார்திஹரஃ கமலாபதிரீட்யதமோऽவது நஃ ॥ 1॥
யதஸுப்திகதோऽபி ஹரிஃ ஸுகவாந் ஸுகரூபிணமாஹுரதோ நிகமாஃ ।
ஸ்வமதிப்ரபவம் ஜகதஸ்ய யதஃ பரபோததநும் ச ததஃ கபதிம் ॥ 2॥ (ஸுமதிப்ரபவம்)
பஹுசித்ரஜகத் பஹுதாகரணாத்பரஶக்திரநந்தகுணஃ பரமஃ ।
ஸுகரூபமமுஷ்யபதம் பரமம் ஸ்மரதஸ்து பவிஷ்யதி தத்ஸததம் ॥ 3॥
ஸ்மரணே ஹி பரேஶிதுரஸ்ய விபோர்மலிநாநி மநாம்ஸி குதஃ கரணம் ।
விமலம் ஹி பதம் பரமம் ஸ்வரதம் தருணார்கஸவர்ணமஜஸ்ய ஹரேஃ ॥ 4॥
விமலைஃ ஶ்ருதிஶாணநிஶாததமைஃ ஸுமநோऽஸிபிராஶு நிஹத்ய த்ரு'டம் ।
பலிநம் நிஜவைரிணமாத்மதமோபிதமீஶமநந்தமுபாஸ்வ ஹரிம் ॥ 5॥
ந ஹி விஶ்வஸ்ரு'ஜோ விபுஶம்புபுரந்தர ஸூர்யமுகாநபராநபராந் ।
ஸ்ரு'ஜதீட்யதமோऽவதி ஹந்தி நிஜம் பதமாபயதி ப்ரணதாம் ஸ்வதியா ॥ 6॥
பரமோऽபி ரமேஶிதுரஸ்ய ஸமோ ந ஹி கஶ்சிதபூந்ந பவிஷ்யதி ச ।
க்வசிதத்யதநோऽபி ந பூர்ணஸதாகணிதேட்யகுணாநுபவைகதநோஃ ॥ 7॥
இதி தேவவரஸ்ய ஹரேஃ ஸ்தவநம் க்ரு'தவாந் முநிருத்தமமாதரதஃ ।
ஸுகதீர்தபதாபிஹிதஃ படதஸ்ததிதம் பவதி த்ருவமுச்சஸுகம் ॥ 8॥
இதி ஶ்ரீமதாநந்ததீர்தபகவத்பாதாசார்ய விரசிதம்
த்வாதஶஸ்தோத்ரேஷு சதுர்தஸ்தோத்ரம் ஸம்பூர்ணம்
Roman (IAST) Transliteration
atha caturthastotram
nijapūrṇasukhāmitabodhatanuḥ paraśaktiranantaguṇaḥ paramaḥ |
ajarāmaraṇaḥ sakalārtiharaḥ kamalāpatirīḍyatamo'vatu naḥ || 1||
yadasuptigato'pi hariḥ sukhavān sukharūpiṇamāhurato nigamāḥ |
svamatiprabhavaṃ jagadasya yataḥ parabodhatanuṃ ca tataḥ khapatim || 2|| (sumatiprabhavam)
bahucitrajagat bahudhākaraṇātparaśaktiranantaguṇaḥ paramaḥ |
sukharūpamamuṣyapadaṃ paramaṃ smaratastu bhaviṣyati tatsatatam || 3||
smaraṇe hi pareśiturasya vibhormalināni manāṃsi kutaḥ karaṇam |
vimalaṃ hi padaṃ paramaṃ svarataṃ taruṇārkasavarṇamajasya hareḥ || 4||
vimalaiḥ śrutiśāṇaniśātatamaiḥ sumano'sibhirāśu nihatya dṛḍham |
balinaṃ nijavairiṇamātmatamobhidamīśamanantamupāsva harim || 5||
na hi viśvasṛjo vibhuśambhupurandara sūryamukhānaparānaparān |
sṛjatīḍyatamo'vati hanti nijaṃ padamāpayati praṇatāṃ svadhiyā || 6||
paramo'pi rameśiturasya samo na hi kaścidabhūnna bhaviṣyati ca |
kvacidadyatano'pi na pūrṇasadāgaṇiteḍyaguṇānubhavaikatanoḥ || 7||
iti devavarasya hareḥ stavanaṃ kṛtavān muniruttamamādarataḥ |
sukhatīrthapadābhihitaḥ paṭhatastadidaṃ bhavati dhruvamuccasukham || 8||
iti śrīmadānandatīrthabhagavatpādācārya viracitaṃ
dvādaśastotreṣu caturthastotraṃ sampūrṇam
Sanskrit — Devanagari (original)
अथ चतुर्थस्तोत्रम्
निजपूर्णसुखामितबोधतनुः परशक्तिरनन्तगुणः परमः ।
अजरामरणः सकलार्तिहरः कमलापतिरीड्यतमोऽवतु नः ॥ 1॥
यदसुप्तिगतोऽपि हरिः सुखवान् सुखरूपिणमाहुरतो निगमाः ।
स्वमतिप्रभवं जगदस्य यतः परबोधतनुं च ततः खपतिम् ॥ 2॥ (सुमतिप्रभवम्)
बहुचित्रजगत् बहुधाकरणात्परशक्तिरनन्तगुणः परमः ।
सुखरूपममुष्यपदं परमं स्मरतस्तु भविष्यति तत्सततम् ॥ 3॥
स्मरणे हि परेशितुरस्य विभोर्मलिनानि मनांसि कुतः करणम् ।
विमलं हि पदं परमं स्वरतं तरुणार्कसवर्णमजस्य हरेः ॥ 4॥
विमलैः श्रुतिशाणनिशाततमैः सुमनोऽसिभिराशु निहत्य दृढम् ।
बलिनं निजवैरिणमात्मतमोभिदमीशमनन्तमुपास्व हरिम् ॥ 5॥
न हि विश्वसृजो विभुशम्भुपुरन्दर सूर्यमुखानपरानपरान् ।
सृजतीड्यतमोऽवति हन्ति निजं पदमापयति प्रणतां स्वधिया ॥ 6॥
परमोऽपि रमेशितुरस्य समो न हि कश्चिदभून्न भविष्यति च ।
क्वचिदद्यतनोऽपि न पूर्णसदागणितेड्यगुणानुभवैकतनोः ॥ 7॥
इति देववरस्य हरेः स्तवनं कृतवान् मुनिरुत्तममादरतः ।
सुखतीर्थपदाभिहितः पठतस्तदिदं भवति ध्रुवमुच्चसुखम् ॥ 8॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु चतुर्थस्तोत्रं सम्पूर्णम्
atha caturthastotram
nijapūrṇasukhāmitabodhatanuḥ paraśaktiranantaguṇaḥ paramaḥ |
ajarāmaraṇaḥ sakalārtiharaḥ kamalāpatirīḍyatamo'vatu naḥ || 1||
yadasuptigato'pi hariḥ sukhavān sukharūpiṇamāhurato nigamāḥ |
svamatiprabhavaṃ jagadasya yataḥ parabodhatanuṃ ca tataḥ khapatim || 2|| (sumatiprabhavam)
bahucitrajagat bahudhākaraṇātparaśaktiranantaguṇaḥ paramaḥ |
sukharūpamamuṣyapadaṃ paramaṃ smaratastu bhaviṣyati tatsatatam || 3||
smaraṇe hi pareśiturasya vibhormalināni manāṃsi kutaḥ karaṇam |
vimalaṃ hi padaṃ paramaṃ svarataṃ taruṇārkasavarṇamajasya hareḥ || 4||
vimalaiḥ śrutiśāṇaniśātatamaiḥ sumano'sibhirāśu nihatya dṛḍham |
balinaṃ nijavairiṇamātmatamobhidamīśamanantamupāsva harim || 5||
na hi viśvasṛjo vibhuśambhupurandara sūryamukhānaparānaparān |
sṛjatīḍyatamo'vati hanti nijaṃ padamāpayati praṇatāṃ svadhiyā || 6||
paramo'pi rameśiturasya samo na hi kaścidabhūnna bhaviṣyati ca |
kvacidadyatano'pi na pūrṇasadāgaṇiteḍyaguṇānubhavaikatanoḥ || 7||
iti devavarasya hareḥ stavanaṃ kṛtavān muniruttamamādarataḥ |
sukhatīrthapadābhihitaḥ paṭhatastadidaṃ bhavati dhruvamuccasukham || 8||
iti śrīmadānandatīrthabhagavatpādācārya viracitaṃ
dvādaśastotreṣu caturthastotraṃ sampūrṇam
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.