ଅଥ ଚତୁର୍ଥସ୍ତୋତ୍ରମ୍
ନିଜପୂର୍ଣସୁଖାମିତବୋଧତନୁଃ ପରଶକ୍ତିରନନ୍ତଗୁଣଃ ପରମଃ ।
ଅଜରାମରଣଃ ସକଲାର୍ତିହରଃ କମଲାପତିରୀଡ୍ଯତମୋଽଵତୁ ନଃ ॥ 1॥
ଯଦସୁପ୍ତିଗତୋଽପି ହରିଃ ସୁଖଵାନ୍ ସୁଖରୂପିଣମାହୁରତୋ ନିଗମାଃ ।
ସ୍ଵମତିପ୍ରଭଵଂ ଜଗଦସ୍ଯ ଯତଃ ପରବୋଧତନୁଂ ଚ ତତଃ ଖପତିମ୍ ॥ 2॥ (ସୁମତିପ୍ରଭଵମ୍)
ବହୁଚିତ୍ରଜଗତ୍ ବହୁଧାକରଣାତ୍ପରଶକ୍ତିରନନ୍ତଗୁଣଃ ପରମଃ ।
ସୁଖରୂପମମୁଷ୍ଯପଦଂ ପରମଂ ସ୍ମରତସ୍ତୁ ଭଵିଷ୍ଯତି ତତ୍ସତତମ୍ ॥ 3॥
ସ୍ମରଣେ ହି ପରେଶିତୁରସ୍ଯ ଵିଭୋର୍ମଲିନାନି ମନାଂସି କୁତଃ କରଣମ୍ ।
ଵିମଲଂ ହି ପଦଂ ପରମଂ ସ୍ଵରତଂ ତରୁଣାର୍କସଵର୍ଣମଜସ୍ଯ ହରେଃ ॥ 4॥
ଵିମଲୈଃ ଶ୍ରୁତିଶାଣନିଶାତତମୈଃ ସୁମନୋଽସିଭିରାଶୁ ନିହତ୍ଯ ଦୃଢମ୍ ।
ବଲିନଂ ନିଜଵୈରିଣମାତ୍ମତମୋଭିଦମୀଶମନନ୍ତମୁପାସ୍ଵ ହରିମ୍ ॥ 5॥
ନ ହି ଵିଶ୍ଵସୃଜୋ ଵିଭୁଶମ୍ଭୁପୁରନ୍ଦର ସୂର୍ଯମୁଖାନପରାନପରାନ୍ ।
ସୃଜତୀଡ୍ଯତମୋଽଵତି ହନ୍ତି ନିଜଂ ପଦମାପଯତି ପ୍ରଣତାଂ ସ୍ଵଧିଯା ॥ 6॥
ପରମୋଽପି ରମେଶିତୁରସ୍ଯ ସମୋ ନ ହି କଶ୍ଚିଦଭୂନ୍ନ ଭଵିଷ୍ଯତି ଚ ।
କ୍ଵଚିଦଦ୍ଯତନୋଽପି ନ ପୂର୍ଣସଦାଗଣିତେଡ୍ଯଗୁଣାନୁଭଵୈକତନୋଃ ॥ 7॥
ଇତି ଦେଵଵରସ୍ଯ ହରେଃ ସ୍ତଵନଂ କୃତଵାନ୍ ମୁନିରୁତ୍ତମମାଦରତଃ ।
ସୁଖତୀର୍ଥପଦାଭିହିତଃ ପଠତସ୍ତଦିଦଂ ଭଵତି ଧ୍ରୁଵମୁଚ୍ଚସୁଖମ୍ ॥ 8॥
ଇତି ଶ୍ରୀମଦାନନ୍ଦତୀର୍ଥଭଗଵତ୍ପାଦାଚାର୍ଯ ଵିରଚିତଂ
ଦ୍ଵାଦଶସ୍ତୋତ୍ରେଷୁ ଚତୁର୍ଥସ୍ତୋତ୍ରଂ ସମ୍ପୂର୍ଣମ୍
Roman (IAST) Transliteration
atha caturthastotram
nijapūrṇasukhāmitabodhatanuḥ paraśaktiranantaguṇaḥ paramaḥ |
ajarāmaraṇaḥ sakalārtiharaḥ kamalāpatirīḍyatamo'vatu naḥ || 1||
yadasuptigato'pi hariḥ sukhavān sukharūpiṇamāhurato nigamāḥ |
svamatiprabhavaṃ jagadasya yataḥ parabodhatanuṃ ca tataḥ khapatim || 2|| (sumatiprabhavam)
bahucitrajagat bahudhākaraṇātparaśaktiranantaguṇaḥ paramaḥ |
sukharūpamamuṣyapadaṃ paramaṃ smaratastu bhaviṣyati tatsatatam || 3||
smaraṇe hi pareśiturasya vibhormalināni manāṃsi kutaḥ karaṇam |
vimalaṃ hi padaṃ paramaṃ svarataṃ taruṇārkasavarṇamajasya hareḥ || 4||
vimalaiḥ śrutiśāṇaniśātatamaiḥ sumano'sibhirāśu nihatya dṛḍham |
balinaṃ nijavairiṇamātmatamobhidamīśamanantamupāsva harim || 5||
na hi viśvasṛjo vibhuśambhupurandara sūryamukhānaparānaparān |
sṛjatīḍyatamo'vati hanti nijaṃ padamāpayati praṇatāṃ svadhiyā || 6||
paramo'pi rameśiturasya samo na hi kaścidabhūnna bhaviṣyati ca |
kvacidadyatano'pi na pūrṇasadāgaṇiteḍyaguṇānubhavaikatanoḥ || 7||
iti devavarasya hareḥ stavanaṃ kṛtavān muniruttamamādarataḥ |
sukhatīrthapadābhihitaḥ paṭhatastadidaṃ bhavati dhruvamuccasukham || 8||
iti śrīmadānandatīrthabhagavatpādācārya viracitaṃ
dvādaśastotreṣu caturthastotraṃ sampūrṇam
Sanskrit — Devanagari (original)
अथ चतुर्थस्तोत्रम्
निजपूर्णसुखामितबोधतनुः परशक्तिरनन्तगुणः परमः ।
अजरामरणः सकलार्तिहरः कमलापतिरीड्यतमोऽवतु नः ॥ 1॥
यदसुप्तिगतोऽपि हरिः सुखवान् सुखरूपिणमाहुरतो निगमाः ।
स्वमतिप्रभवं जगदस्य यतः परबोधतनुं च ततः खपतिम् ॥ 2॥ (सुमतिप्रभवम्)
बहुचित्रजगत् बहुधाकरणात्परशक्तिरनन्तगुणः परमः ।
सुखरूपममुष्यपदं परमं स्मरतस्तु भविष्यति तत्सततम् ॥ 3॥
स्मरणे हि परेशितुरस्य विभोर्मलिनानि मनांसि कुतः करणम् ।
विमलं हि पदं परमं स्वरतं तरुणार्कसवर्णमजस्य हरेः ॥ 4॥
विमलैः श्रुतिशाणनिशाततमैः सुमनोऽसिभिराशु निहत्य दृढम् ।
बलिनं निजवैरिणमात्मतमोभिदमीशमनन्तमुपास्व हरिम् ॥ 5॥
न हि विश्वसृजो विभुशम्भुपुरन्दर सूर्यमुखानपरानपरान् ।
सृजतीड्यतमोऽवति हन्ति निजं पदमापयति प्रणतां स्वधिया ॥ 6॥
परमोऽपि रमेशितुरस्य समो न हि कश्चिदभून्न भविष्यति च ।
क्वचिदद्यतनोऽपि न पूर्णसदागणितेड्यगुणानुभवैकतनोः ॥ 7॥
इति देववरस्य हरेः स्तवनं कृतवान् मुनिरुत्तममादरतः ।
सुखतीर्थपदाभिहितः पठतस्तदिदं भवति ध्रुवमुच्चसुखम् ॥ 8॥
इति श्रीमदानन्दतीर्थभगवत्पादाचार्य विरचितं
द्वादशस्तोत्रेषु चतुर्थस्तोत्रं सम्पूर्णम्
atha caturthastotram
nijapūrṇasukhāmitabodhatanuḥ paraśaktiranantaguṇaḥ paramaḥ |
ajarāmaraṇaḥ sakalārtiharaḥ kamalāpatirīḍyatamo'vatu naḥ || 1||
yadasuptigato'pi hariḥ sukhavān sukharūpiṇamāhurato nigamāḥ |
svamatiprabhavaṃ jagadasya yataḥ parabodhatanuṃ ca tataḥ khapatim || 2|| (sumatiprabhavam)
bahucitrajagat bahudhākaraṇātparaśaktiranantaguṇaḥ paramaḥ |
sukharūpamamuṣyapadaṃ paramaṃ smaratastu bhaviṣyati tatsatatam || 3||
smaraṇe hi pareśiturasya vibhormalināni manāṃsi kutaḥ karaṇam |
vimalaṃ hi padaṃ paramaṃ svarataṃ taruṇārkasavarṇamajasya hareḥ || 4||
vimalaiḥ śrutiśāṇaniśātatamaiḥ sumano'sibhirāśu nihatya dṛḍham |
balinaṃ nijavairiṇamātmatamobhidamīśamanantamupāsva harim || 5||
na hi viśvasṛjo vibhuśambhupurandara sūryamukhānaparānaparān |
sṛjatīḍyatamo'vati hanti nijaṃ padamāpayati praṇatāṃ svadhiyā || 6||
paramo'pi rameśiturasya samo na hi kaścidabhūnna bhaviṣyati ca |
kvacidadyatano'pi na pūrṇasadāgaṇiteḍyaguṇānubhavaikatanoḥ || 7||
iti devavarasya hareḥ stavanaṃ kṛtavān muniruttamamādarataḥ |
sukhatīrthapadābhihitaḥ paṭhatastadidaṃ bhavati dhruvamuccasukham || 8||
iti śrīmadānandatīrthabhagavatpādācārya viracitaṃ
dvādaśastotreṣu caturthastotraṃ sampūrṇam
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.